Notes on the Step of the Practice of the Diamond Recitation

*, ,RDO RJE BZLAS PA'I RIM PA'I ZIN BRIS BZHUGS SO, ,

, ,RJE BTZUN DAM PA DMIGS PA MED PA'I THUGS RJE CHEN PO DANG LDAN PA RNAMS KYI ZHABS LA DUS THAMS CAD DU GUS PAS PHYAG 'TSAL LO, ,RGYAL BA THAMS CAD KYI MKHYEN PA'I YE SHES THAMS CAD GCIG TU BSDUS PA'I NGO BO BCOM LDAN 'DAS 'JAM PA'I DBYANGS DANG, DBANG PHYUG BRGYAD DANG LDAN PA'I RDO RJE 'CHANG CHEN PO MGON PO KLU SGRUB YAB SRAS KYI ZHABS LA GUS PA CHEN POS SKYABS SU MCHI'O, ,GDAMS PA'I MTHAR THUG RDO RJE BZLAS PA'I RIM PA'I MAN NGAG LA GSUM, MTSAN GYI DON, GZHUNG GI DON, MJUG GI DON NO, ,DANG PO NI, BDZRA DZA PA KRA MA ZHES PA STE, BDZRA NI RDO RJE DANG, DZA PA NI BZLAS PA DANG, KRA MA NI RIM PA STE MTSAN BSGYUR BA'O, ,RJE BTZUN 'JAM DPAL LA PHYAG 'TSAL BA NI SKYES MCHOG RIN CHEN BZANG POS RANG GI LHAG PA'I LHA LA BAR CHAD ZHI BA'I DON DU PHYAG MDZAD PA'O, ,GNYIS PA LA BZHI, RTZOM PA LA 'JUG PA'I YAN LAG ,YAN LAG CAN GYI GDAMS PA DNGOS, GDAMS PA BSHAD PA'I SNOD KYI KHYAD PAR, GDAMS PA RNYED PA'I PHAN YON NO, ,DANG PO LA GNYIS, MCHOD PAR BRJOD PA DANG, BRTZAM PAR DAM

, ,BCA' BA'O, ,DANG PO NI, BTUD CES DRANG STE PHYAG 'TSAL BA'I DON NO, ,GANG LA NA, TSOGS GNYIS YONGS SU RDZOGS PA'I DPAL DANG LDAN ZHING, BDAG MED PA'I DE KHO NA NYID MTHAR THUG PA LA MAR LA MAR BZHAG PA BZHIN DU RJES SU ZHUGS PA'I LHAN CIG SKYES PA'I BDE BA, 'KHOR BA JI SRID BAR RANG GIS NGANG GIS 'JUG PAS DUS NAM YANG CHOS KYI SKU LA GA-YO BA MED PAS CHEN PO STE MCHOG TU GYUR PA DE LA'O, ,DE'ANG RNAM SNANG LA SOGS PA'I SANGS RGYAS KUN GYI BDAG NYID KHYAB BDAG TU GYUR PA'I MGON PO DRUG PA RDO RJE 'CHANG NGO, ,GANG GIS NA 'PHAGS PAS SO, ,CI'I DON DU NA, RANG NYID DAM PAR BSTAN PA DANG, GZHAN DAG DANG BA SKYES NAS BSTAN BCOS LA 'JUG PA'I DON DU'O, ,GNYIS PA NI, TE ZHES PA SMRA SGO LAS, TE NI LHAG MA CAN YIN TE, ,MTSAMS SBYAR BA DANG DAM BCA' DANG, ,GZHAN 'DREN PA DANG GSUM DU 'DOD, ,CES BSHAD PA LTAR GSUM YOD KYANG 'DIR NI BTUD NAS BSHAD PAR BYA'O ZHES LHAG MA 'DREN PA'O, ,GANG NA, RDO RJE BZLAS PA'I RIM PA STE DE'I DON NI 'CHAD PAR 'GYUR

RO, ,RGYUD GANG LA BRTEN NAS SHE NA, RNAL 'BYOR CHEN PO'I RGYUD CES BAR GYI TSIG MI MNGON PAR BYAS PA STE RTZA RGYUD GSANG BA 'DUS PA DANG DE'I BSHAD RGYUD RNAMS KYI RJES SU 'BRANGS NAS SO, ,DE LA RNAL 'BYOR NI 'DUS PA PHYI MA LAS, RNAL 'BYOR GYI RGYUD CES GSUNGS PA'I RNAL 'BYOR GYI DON DRIS PA'I LAN DU, THABS DANG SHES RAB SNYOMS 'JUG PA, ,RNAL 'BYOR ZHES NI BSHAD PA YIN, ,GANG ZHIG DNGOS MED SHES RAB STE, ,THABS NI DNGOS PO'I MTSAN NYID DO, ,ZHES GSUNGS TE, RNAL 'BYOR GYI SKAD DOD YO GA ZHES PA RNAL 'BYOR DANG SBYOR BA GNYIS KA LA 'GRO BAS SBYOR BA'I DON NO, ,SU ZHIG SBYOR NA THABS SHES GNYIS SBYOR LA, ,THABS SHES NI DNGOS PO DANG DNGOS MED DO ZHES PA TZAM LAS MA GSUNGS PA'I THABS SHES SBYOR BA 'DI LA CHUL? BZHI'I DBANG DU BYAS PA'I SBYOR TSUL BZHI YOD MED KYANG GTZO BO'I DON NI MTHAR THUG GI THABS SHES SBYOR BA'O, ,DE LA'ANG 'OD GSAL GYI MTHAR THUG DANG ZUNG 'JUG GI MTHAR THUG GNYIS YOD KYANG ZUNG 'JUG GI MTHAR THUG LA BLTOS TE 'OD GSAL YAN GAR BA'I THABS SHAS SBYOR BA NI PHYOGS GCIG PA YIN PAS 'DIR NI ZUNG 'JUG GI THABS SHES LA BYA LA, DE'ANG RGYUD PHYI MAR TING NGE 'DZIN GYI YAN LAG THABS SHES SNYOMS PAR 'JUG PA'I YE SHES KYI SKUR BSHAD PA'I DON SGRON GSAL LAS, THABS KUN RDZOB BDEN PA DANG SHES RAB DON DAM GNYIS SBYOR BA LA BSHAD PAS KUN RDZOB SGYU MA'I SKU DANG DON DAM 'OD GSAL GNYIS SKU DANG THUGS SU DBYER MI PHYED PAR SBYOR BA'I TSUL BLA NA MED PA LA BYA STE 'DI GSAL BAR RIM PA PHYI MA GSUM GYI SKABS SU BSHAD PAR BYA'O, ,

, ,DE 'DRA BA'I ZUNG 'JUG GI THABS SHES SBYOR BA GTZO BOR STON PA NI 'DUS PA RTZA BSHAD RNAMS YIN TE, DES NI DE NYID BSDUS PA LA SOGS PA'I RNAL 'BYOR GYI RGYUD RNAMS DANG MI 'DRA BA'I KHYAD PAR CHES SHIN TU CHE BAR BSTAN TO, ,DPAL KLU'I BYANG CHUB KYIS DE NYID BSDUS PA LA SOGS PA NAS, DKYIL 'KHOR PA'I LHA RNAMS PHAL CHER ZHAL GCIG PAR GSUNGS LA, 'DUS PAR DKYIL 'KHOR BA'I LHA THAMS CAD ZHAL GSUM PAR GSUNGS PA'I RGYU MTSAN DRIS PA'I LAN DU, DGONGS PA LUNG STON GYI RDO RJE THAL MO NGES DON DU BSHAD PA'I SKABS RNAMS DRANGS NAS, GA-YAS ZHAL THABS YIN PAS KUN RDZOB SGYU MA DANG, GA-YON ZHAL SHES RAB YIN PAS DON DAM 'OD GSAL MTSON LA, DE GNYIS GANG LA SBYOR BA'I RTZA ZHAL NI BDEN GNYIS DBYER MED DU SBYOR BA'I ZUNG 'JUG MTSON BYED YIN PAS THAMS CAD ZHAL GSUM PAR BSHAD DO ZHES GSUNGS PAS, 'DUS PA LAS ZUNG 'JUG GI SKU DANG DE'I THABS RDZOGS PAR STON PAS DKYIL 'KHOR PA'I LHA THAMS CAD ZHAL GSUM PAR GSUNGS PAR BZHED DO, ,'DI NI RNAL 'BYOR GYI DON THABS SHES DBYAR MED DU SBYOR BA'I GNAD RDZOGS PAR STON PA DANG DON GCIG GO ,DES NA YUL STONG NYID DANG YUL CAN YE SHES GNYIS RO MNYAM DU SBYAR BA TZAM NI RNAL 'BYOR RGYUD MAN CHAD LA'ANG YOD LA, YUL STONG NYID DANG YUL CAN LHAN CIG SKYES PA'I BDE BA GNYIS DBYER MED DU BYED PA TZAM NI 'DI'I LUGS KYI 'OD GSAL MAN CHAD KYI THABS SHES DBYER MED DU SBYOR LUGS YIN GYI ZUNG 'JUG GI SBYOR LUGS MIN NO, ,RGYUD NI 'DUS PA'I PHYI MA LAS, RGYUD NI

RGYUN ZHES BYA BAR GRAGS, ,RGYUD DE RNAM PA GSUM DU 'GYUR, ,ZHES GSUNGS PA LTAR RGYUN CHAGS PA STE, DE LA RGYU RGYUD THABS RGYUD 'BRAS RGYUD GSUM DU BSHAD PA NI BRJOD BYA DON GYI RGYUD KYI DBANG DU MDZAD LA, 'DIR NI RJOD BYED GZHUNG GI TSIG RGYUN CHAGS PA LA BYA'O, , GANG ZAG GANG GIS BSHAD NA 'PHAGS PAS SO, ,DE LTAR BSHAD PA 'AM BRTZAM PAR DAM BCAS PA'I DGOS PA NI DAM PA RNAMS KHAS BLANGS PA'I KHUR MI 'DOR BAS RTZOM PA MTHAR DBYUNG BA'I DON DU'O, ,GNYIS PA LA GNYIS, LAM GYI RIM PA SPYI'I RNAM PAR BZHAG PA DANG, RDOR BZLAS KYI RIM PA BYE BRAG TU BSHAD PA'O, ,DANG PO LA BZHI, RIM GNYIS SPYI'I GO RIM DANG, RDZOGS RIM LNGA'I GO RIM DANG, DE RNAMS RGYUD GANG LA GNAS PA DANG, JI LTAR BYA BA BZHIN RTOGS PA'I THABS BSTAN PA'O, ,DANG PO NI, RIM LNGA LA TSIG 'GREL MANG DU YOD KYANG DON GYI 'GREL PA TSAD MAR GYUR PA NI SPYOD BSDUS TE, 'DIS RIM PA LNGAR BSHAD PA RNAMS KYI MA TSANG BA KHA SKONG, RTOGS DKA' BA'I GNAS GSAL BAR STON, MDOR BSDUS PA RNAMS RGYAS PAR 'CHAD PAS, RIM LNGA'I GZHUNG BSHAD PA'I SKABS SU GANG SKABS LA BAB PA RNAMS BLANG BAR BYA'O, ,GSUNGS SO ZHES DRANG PO, ,GANG GIS NA YANG DAG PAR RDZOGS PA'I SANGS RGYAS RNAMS KYIS SO, ,GANG NA RDO RJE 'CHANG GI GO 'PHANG BDE BLAG TU BSGRUB PA'I THABS BSKYED RDZOGS GNYIS KYI RIM PA 'DI'O, ,GDUL BYA GANG LA NA, RDZOGS PA'I RIM PA LA 'JUG PAR 'DOD PA RNAMS LA'O, ,JI LTAR DU NA, DPER NA SKAS KYI GDANG BU GONG MAR 'DZEG PA LA DE'I SNGON DU GDANG BU 'OG MAR 'DZEG PA'I RIM PA LTA BUR RO, ,DE'ANG DANG POR SKAS KYI RIM PA 'OG MA LTA BU'I BSKYED PA'I RIM PA LA

, ,LEGS PAR GNAS SHING STE GNAS NAS DE'I 'OG TU RDZOGS RIM DON DU GNYER BA LA SKAS KYI RIM PA GONG MA LTA BU'I RDZOGS RIM STON NO, ,LAM GYI RIM PA 'DI LTAR MDZAD PA'I 'JUG RIM NI GTZO BOR RIN PO CHE LTA BU'I GANG ZAG TSE GCIG LA 'TSANG RGYA BA'I DBANG DU MDZAD PA YIN TE, RIM PA 'DIS SGYU LUS THOB NA TSE 'DI LA 'TSANG RGYA BAR GSUNGS PA'I PHYIR DANG, DE'I LAM GYI RIM PA GZHAN CIG YOD NA DE GTZO BO'I DON YIN PAS LOGS SU STON DGOS PA LAS MA BSTAN PA'I PHYIR DANG, SPYOD BSDUS SU RDZOGS RIM LA BSLAB PA NI BLA MA'I MAN NGAG TZAM GYIS CIG CAR DU BSLAB BAM RIM GYIS BSLAB CES DRIS PA'I LAN DU, RIM GYIS BSLAB DGOS PAR SHES BYED DU MAS BSGRUBS SHING, DE'I MTHAR, SEMS CAN DANG PO'I LAS CAN RNAMS, ,DAM PA'I DON LA 'JUG PA LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ,ZHES GSUNGS PA'I PHYIR RO, ,RIN PO CHE LTA BU'I GANG ZAG LA'ANG LAS DANG PO PA'I SKABS SHIG MED PA NI MI SRID LA, YOD NA NI DE'I 'JUG RIM LA BSKYED RIM MI DGOS PAR 'DOD PA NI RGYUD DANG BSTAN BCOS DU MA DANG YANG 'GAL BAS BSKYED RIM NAS SLOB DGOS SO, ,DE'ANG SPYOD BSDUS LAS DANG POR SANGS RGYAS KYI THEG PA'I BSAM PA LA BSLAB PAR GSUNGS PA NI SMON 'JUG GNYIS PHAR PHYIN BZHIN DU BSKYED PA'O, ,DE NAS SGRON GSAL LAS GSUNGS PA BZHIN DU DBANG BSKUR BA BLANGS NAS RGYUD NYAN TE RIM GNYIS SHES PAR BYA'O, ,DE NAS DRAN PA GCIG PA'I TING NGE 'DZIN RGYAS BSDUS GNYIS GANG RUNG LA BSLAB BO, ,DE NAS RTOG PA'I RNAL

'BYOR STENG 'OG GI SGO'I PHRA MO GNYIS LA BSLAB BO, ,DE LA LOBS PA NA LAS DANG PO PA'I TING NGE 'DZIN LA GNAS PAR 'GYUR TE BSKYED RIM MTHAR PHYIN PA'O, ,DE NAS DBEN GSUM DANG BDEN GNYIS DANG ZUNG 'JUG LA RIM CAN DU BSLAB PAR GSUNGS TE, BSKYED RIM GYI SNGA PHYI DANG RDZOGS RIM GYI SNGA PHYI LA RIM CAN DU BSLAB PA'ANG SKAS KYI RIM PA LTA BUR GSUNGS, ZHAS PA'I DON DU SBYAR TE, RDO RJE BZLAS LA LEGS GNAS SHING, ,SEMS DBEN RIM PA 'DOD RNAMS LA, ,ZHES PA LTA BUR SBYAR RO, ,DE LTA NA'ANG 'OG MA DANG MI ZLOS TE, SKABS 'DIR RIM GNYIS KYI SNGA PHYI RNAMS SKAS KYI RIM PA LTA BUR GSUNGS ZHES SPYIR BSTAN PA TZAM YIN LA, 'OG NAS SO SO'I MING SMOS NAS SNGA PHYI'I RIM PA BSTAN PA'I PHYIR RO, ,'O NA RIM PA DE LTAR BYA DGOS PAR RGYUD GANG DU GSUNGS SHE NA, BSHAD PA'I RGYUD RDOR PHRENG LAS GSAL BAR GSUNGS TE, JI SKAD DU, RNAM RTOG RLUNG NI RNAM GCOD PA, ,NYIN DANG MTSAN DU NGES PAR NI, ,BRGYA DANG BRGYAD KYIS LHAG PAR RGYU, ,RLUNG RNAMS DE RNAMS RNAM RTOG NI, ,GANG PHYIR RNAM PAR GCOD PA SKYE, ,RNAL 'BYOR DE NI MCHOG TU ZHI, ,THAMS CAD STONG PA'I NGO BOR BYED, ,THOG MAR RNAL 'BYOR SBYOR BA DRUG ,RNAL 'BYOR RIG PAS MCHOG TU BSGRUB, ,DE NAS DBYANGS MED YI GE HA, ,SHIN TU RGYA CHER BZLA BAR BYA, ,GANG PHYIR MDUD PA 'JOMS BYED NA, ,SHES NA BDE BA STER BAR BYED, ,DE YIS RNAM RTOG THAMS CAD NI, , SKAD CIG GIS NI GCOD PAR BYED, ,RNAL 'BYOR RJES SU RNAL 'BYOR DANG, ,SHIN TU RNAL 'BYOR RNAL 'BYOR CHE, ,DE NYID DBYE BA BCO LNGA YIN, ,DANG PO SBYOR BA BSGOM PAR BYA, ,DE NAS DKYIL 'KHOR RGYAL MCHOG NI, ,RNAL 'BYOR MCHOG LA DBYE BA LNGA, ,DE LAS KYANG NI

, ,LAS RGYAL MCHOG ,RNAL 'BYOR DBYE BA BCU GNYIS SO, ,DE NYID DBYE BA SUM CU BRGYAD, ,BSKYED PA'I RIM PA BSDUS PA YI, ,MNGON SUM BYED PA'I RNAL 'BYOR PA, ,DE NAS RDO RJE BZLAS RIM MCHOG ,CES GSUNGS SO, ,DE'I DON NI, GANG GI PHYIR TE RNAL 'BYOR GANG LAS RNAM RTOG DANG RLUNG BRGYA RTZA BRGYAD PA GNYIS RNAM PAR GCOD PA SKYE BA'I RIM GNYIS KYI RNAL 'BYOR DE NI BSGOMS PA'I STOBS KYIS THAMS CAD STONG PA 'OD GSAL GYI NGO BOR BYED DO, ,DE'ANG SO SKYE'I RNAM RTOG ZHI BAS MCHOG STE 'JIG RTEN LAS 'DAS PA'O; ;THOG MAR NI DBANG THOB NAS RGYUD THOS BSAM GYIS NGES PA'I RJES LA'O, ,RNAL 'BYOR RIG PA NI BSKYED RIM SHES PA'O, ,MCHOG NI LUS DBEN GYI RGYUR GYUR PA'O, ,BSKYED RIM BSGOMS PA'I RJES DE NAS DBYANGS MED PA'I YI GE HA NI GZHOM DU MED PA LA BSHAD DE MI SHIGS PA'I RLUNG NGO, ,BZLA BA NI 'JUG PA SOGS GSUM YI GE GSUM GYI NGO BOR ZLO BA'O, ,SKAD CIG NI MDUD PA 'JOMS PA'I SKAD CIG LA'O ZHES 'GREL PAS BSHAD DO, ,'GREL PA'I 'GYUR LA, BCU BDUN RJES SU RNAL 'BYOR SOGS, ZHES DANG, DE NYID DBYE BA BZHI BCU DGU , ,BSKYED PA'I RIM PA BSDUS PA'O, ,ZHES 'BYUNG NGO, ,KHA CHE LAKshMI'I RIM LNGA'I 'GREL PAR DE NYID SO BRGYAD DU BSHAD PAS RGYA DPE LA MI MTHUN PA GNYIS YOD PAR GSAL TE, DE'I DBANG GIS RGYUD LA'ANG DE NYID SO BRGYAD DANG ZHE DGUR BSHAD PA'I 'GYUR GNYIS 'BYUNG NGO, ,YANG RGYUD DE NYID LAS, THOG MAR RNAL 'BYOR PA CHEN PO, ,BLO BZANG GIS NI ZHI GNAS BSGOM, ,BSKYED PA'I RIM PA'I SBYOR BA YIS, ,KHRO BO'I PHYAG RGYA BYAS NAS KYANG, ,DBANG PO YI NI SGO DGU

LA; ;THAMS CAD DU NI KUN SDOM PA, ,H'Um BZLAS PA NI MTSUNGS MED BYA, ,ZHES GSUNGS SO, ,DE LA PHYAG RGYA BYAS PA NI LHA'I RNAM PAR BSKYED PA'O, ,KHRO BO ZHES PA LA 'GREL PA'I 'GYUR LAS, 'BAR BA'I ZHES 'BYUNG ZHING, DE NI ME LTAR RNAM RTOG BSREG PA LA BSHAD DE, BSKYED RIM GYI ZHI GNAS KYIS THA MAL PA'I RNAM RTOG BSREG PA'O, ,H'Um BZLAS ZHES PA'I DON 'JUG LDANG GNAS GSUM GSUM GA LA H'Um BZLAS ZHES 'GREL PAS BSHAD DO, ,'ON KYANG SNGAR H'Um HO: GNYIS DANG YI GE GSUM LA BSHAD PA'I PHYOGS GCIG MTSON PAR BYAS NA BDE'O, ,RDZOGS RIM SNGA PHYI'I RIM PA SKAS KYI RIM PA LTAR GSUNGS PA'ANG RGYUD DE NYID LAS, RDO RJE BZLAS PAR RAB SBYOR BAS, ,RLUNG GI MTSAN NYID SHES NAS NI, ,RNAM RTOG RLUNG RNAMS RNAM PAR GCOD, ,SEMS LA DMIGS PA THOB PAR 'GYUR, ,BDAG LA BYIN RLABS RIM PAS KYANG, ,DNGOS GRUB BRGYAD NI 'GRUB PAR 'GYUR, ,SNANG BA LA SOGS DBYE BA SHES, ,MNGON PAR BYANG CHUB PA NI THOB, ,ZUNG 'JUG RIM PA LA GNAS PA, ,DNGOS GRUB THAMS CAD BSDUS PA NI, ,TSE 'DI NYID LA 'GRUB 'GYUR PAR, ,RNAL 'BYOR PA YIS THE TSOM MED, ,PHYAG RGYA CHEN PO'I DNGOS GRUB CHE, ,ZUNG DU 'JUG PA'I TING 'DZIN GYIS, ,RNAM RTOG MED PAR ZHUGS NAS NI, ,THOB PA 'DI LA THE TSOM MED, CES SHIN TU GSAL BAR GSUNGS SO, ,DE LTAR DRANGS PA'I LE'U DE NAS RIM LNGA DANG MTHUN PA'I TSIG MANG DU BYUNG BA LA, KHA CIG NA RE, DE DAG NI RIM LNGA'I TSIG GZHAN GYIS BCUG PA'O ZHES ZER BA NI MA BRTAGS PAR SMRA BA YIN TE, SNGAR DRI BA'I SKABS SU, RNAL 'BYOR RNAMS KYIS DE NYID MTHONG, ,SKAD CIG

, ,GCIG LA MNGON BYANG CHUB, ,CES SKAD CIG GCIG LA MNGON BYANG CHUB PA'I DE KHO NA NYID JI LTAR MTHONG ZHES DRIS PA'I LAN LE'U 'DIS STON PA NA, BZHI PA YIS NI DBANG BSKUR BAS, ,BLO LDAN DE NYID MTHONG BAR 'GYUR, ZHES DBANG BZHI PA'I SGO NAS SKAD CIG GCIG LA BYANG CHUB PA MTHONG BAR BSHAD DO, ,DE NAS SKAD CIG MA GCIG LA BYANG CHUB PA BSTAN PA'I PHYIR DU SNANG BA MTSAN MO'I CHA RU 'GYUR ZHES TSIGS BCAD PHYED DANG DRUG GSUNGS PAS DRI BA'I LAN DU SHIN TU 'BREL BA YIN NO, , YANG DRI BA'I SKABS SU, RDO RJE'I PHYAG RGYA DNGOS GRUB CHE, ,'GRO BA'I BLA MA JI LTAR 'THOB, CES DRIS PA'I LAN LE'U 'DIS STON PA NA, RDO RJE'I PHYAG RGYA DNGOS GRUB CHE, ,ZUNG DU 'JUG PA THOB PAR 'GYUR, ZHES GSUNGS LA, THOB BYED KYI ZUNG 'JUG NI, BSKYED RDZOGS GNYIS DANG 'KHOR 'DAS GNYIS DANG KUN RDZOB DANG DON DAM GNYIS KYI RTOG PA GNYIS SPANGS NAS 'DRES PA LA BSHAD CING, DE NAS, RDO RJE BZLAS PAR RAB SBYOR BAS ZHES SOGS KYIS RIM PA LNGA GO RIM BZHIN BSKYED NAS ZUNG 'JUG GIS PHYAG RGYA CHEN PO 'DI'I DNGOS GRUB BSGRUB PA SHIN TU GSAL BAR BSHAD PAS SNGAR GYI DRI BA'I LAN DU SHIN TU 'ANG GSAL LO, ,DES NA RIM LNGAR 'DI BTUS PA YIN GYI 'DI RIM LNGA NAS BTUS PA MA YIN NO, ,GZHAN YANG RIM GNYIS SPYI DANG SO SO'I GO RIM SKAS KYI RIM PA LTAR GSUNGS PAR BSHAD PA DE, 'DUS PA'I RGYUD DU NI RGYAS BTAB PAR GSUNGS PAS MI GSAL LA, RDO RJE 'PHRENG BA'I SKABS 'DIR MA GSUNGS NA RGYUD GANG DU GSUNGS SOMS SHIG ,GNYIS PA LA GNYIS, GANG LA GNAD DU BSNUN PA RDO RJE LUS KYI

MTSAN NYID BSHAD PA DANG, DER GNAD DU BSNUN PA'I RDZOGS RIM RNAMS KYI RIM PA BSHAD PA'O, ,DANG PO NI, THABS DANG SHES RAB KYI RGYUD GNYIS DANG DE'I DGONGS PA 'GREL PA'I TSAD LDAN GYI GZHUNG KUN MTHUN PAR, THOG MAR LUS LA GNAD DU BSTUN PA'I SGO NAS RDZOGS RIM GYI RTOGS PA BSKYED PA YIN NO, ,DE LA RDO RJE LUS KYI MTSAN NYID MI SHES NA LUS KYI GNAD 'DIR DMIGS PA GTAD NAS BSGOMS PAS 'DI LTA BU'I RTOGS PA SKYE BA'I RGYU MTSAN LEGS PAR MI SHES PAS LUS KYI RTZA DANG RLUNG LA SOGS PA'I MTSAN NYID LA MKHAS PAR BYED PA NI GNAD DU CHE STE, RGYUD RDOR PHRENG LAS, RLUNG GI MTSAN NYID MI SHES PAS, ,'JIG RTEN GSUM NI RNAM PAR 'KHOR, ZHES DANG, RTZA YI RIM MED NGES PAR NI, ,PHUNG PO LA SOGS MI 'BYUNG ZHING, ,PHUNG PO MED NA YE SHES CHE, ,RNAL 'BYOR PA YIS THOB MI 'GYUR, ,PHUNG PO LNGA NI BDAG NYID LUS, ,MKHA' 'GRO LNGAR NI RAB TU GRAGS, ,DE NYID 'BYUNG BA LNGA YIS NI, ,YE SHES LNGAR NI RNAM PAR GNAS, ,DE PHYIR 'BAD PA THAMS CAD KYIS, ,RTZA YI 'KHOR LO SHES PAR BYA, ,ZHES GSUNGS TE, RTZA LA GNAS PA'I KHAMS GNYIS KYANG DE GNYIS DANG 'DRA'O, ,DES NA SKABS 'DIR SEMS CAN KUN GYI ZHES PAS RLUNG GI RNAM GZHAG MDOR BSDUS SHIG LAS MA GSUNGS KYANG, RDO RJE LUS KYI MTSAN NYID BSTAN PAR BYA'O, ,'DI LA GSUM, DANG POR SKYE GNAS SU NYING MTSAMS SBYOR TSUL, DE NAS LUS CHAGS PA DANG 'JIG PA'I RIM PA, DE LA BRTEN NAS LUS LA GNAD DU BSNUN LUGS SO, ,DANG PO NI, SPYIR SKYE GNAS BZHIR NYING MTSAMS SBYOR BA YOD MOD KYANG SNGAGS KYI GZHUNG RNAMS NAS, PHAL CHER

, ,MI MNGAL SKYES SHIG GI DBANG DU MDZAD NAS GSUNGS TE, LAM THOG MAR BSGOMS PA'I RTEN GYI GTZO BO LA DGONGS SO, ,DE LA MNGAL DU SKYE BA LEN PA RNAM GZHAG RIM PAR MDO SDE RNAMS LAS GSUNGS PA BZHIN DU RGYU RKYEN GSUM BSHAD DE MA NAD MAD CING ZLA MTSAN DANG LDAN PA DANG, PHA MA CHAGS PAR GYUR CING PHRAD PA DANG, DRI ZA'ANG NYE BAR GNAS PA'O, ,DE'ANG RGYUD RDOR PHRENG LAS, SNGON LAS RLUNG GI RNAM SHES NI, ,BRGYA LAM GANG TSE 'KHOR GYUR NA, ,PHA YI KHA LA MTSUNGS PAR GNAS, ,DE TSE CHAGS PA'I DBANG DU 'GYUR, ,GSANG GNAS ZLA MTSAN LDAN PA'I TSE, ,ME DANG NYI MA 'CHAR BA NA, ,DE TSE LHAG PAR CHAGS PAS NON, ,CHAGS PA MCHOG TU 'DOD PAR 'GYUR, ,RDO RJE PADMA 'DRES PA'I GDONG, ,'JUG PA PHA YI KHA YI RLUNG, ,DE TSE SA BON DU NI 'GYUR, , SA BON LAS NI SEMS CAN 'BYUNG, ,ZHES GSUNGS PA 'DIS BAR DO'I 'JUG TSUL STON NO, ,DE DAG GI DON NI SNGON GYI LAS KYI DBANG GIS TE RLUNG DANG BCAS PA'I BAR DO'I RNAM SHES BRGYA LAM STE RGYU RKYEN GZHAN MED PAR 'KHOR ZHING 'GRO BA'I TSE, PHA MA 'DUS PA MTHONG STE PHA ROL BAR BYED PA MA BZLOG NA MA LA ROL BAR BYED MI NUS SO SNYAM NAS, PHA ROL PAR BYED PA BZLOG PA'I BLOS PHA'I KHA LA MNGON PAR PHYOGS TE GNAS LA, DE'I TSE BAR DO DE MA LA 'KHRIG PAR 'DOD PA'I 'DOD CHAGS KYI DBANG DU 'GYUR RO ZHES 'GREL PA LAS 'CHAD DO, ,SDOM 'BYUNG LAS, KHA YI LAM LA RAB TU 'JUG ,CES BAR DO KHA'I LAM NAS 'JUG PAR BSHAD PA DANG 'DI GNYIS 'DRA BAS PHA'I KHA NAS 'JUG PA YIN LA, CHAGS PA'I DBANG DU 'GYUR BA 'ANG PHOR SKYE NA MA LA

'KHRAG BSAM GYIS CHAGS MOD KYANG MOR SKYE NA PHA LA 'KHRIG BSAM GYIS CHAGS PAR GSUNGS PAS DE GNYIS KA DANG SBYAR RO, ,GSANG GNAS KYI ZLA MTSAN 'BAB PA'I RTZA LAS MI 'CHAR BA NI DBUS MA LAS 'BAB PA'O, ,NYI MA 'CHAR BA NI KHRAG 'BAB PA STE MA YI'O, ,DUS DE'I TSE MA DE LHAG PAR CHAGS PA'I DBANG DU 'GYUR LA, GCIG TU CHAGS PA NI SA BON GTONG 'DOD PA DANG MCHOG TU NI SEMS CAN SKYE BA'I RGYU LA 'GREL PAS 'CHAD KYANG SHIN TU 'DOD CHAGS PA'I CHAGS PA DRAG POR GYUR PA'I SKABS SU MJUG TU KHU BA BSKA BA 'BYUNG LA, DE'I RJES SU GNYIS KA LAS KHU KHRAG GI THIG LE GNYIS NGES PAR 'BYUNG LA, MA'I SKYE GNAS SU 'DRES PAS 'O MA BSKOL BA'I SPRIS MA CHAGS PA LTAR 'DUG PA'I DBUS SU RNAM SHES 'JUG PAR SA YI DNGOS GZHI LAS GSUNGS PA LTAR RO, ,PHA'I KHA LA MNGON PAR PHYOGS PA'I LAS KYI RLUNG GIS BSKUL BA'I BAR DO SKYE GNAS SU RAB TU 'JUG CING, DE'I DUS SU PHA'I KHU KHRAG GI THIGS PA LA BAR DO ZHUGS PA SA BON DU 'GYUR RO, ,ZHES 'GREL PAS 'CHAD KYANG, PHA'I KHA NAS 'JUG PA'I RLUNG STE BAR DO SKYE 'GYUR GYI SEMS CAN DE'I SA BON DU 'GYUR BAS SA BON DE LAS SKYE SRID KYI SEMS CAN 'BYUNG BA STE SKYE ZHES PA'O, ,KLU BYANG GIS YE SHES SEMS DPA' LTAR RNAM SNANG GI SGO NAS 'JUG PAR GSUNGS PAS NI RNAM SNANG SKU RDO RJE 'GOD PA'I GNAS SPYI BO NAS 'JUG PA YIN LA, MDZOD KYI RANG 'GREL NAS MNGAL GYI SGO NAS 'JUG PAR YANG BSHAD PAS MTHAR MNGAL DU 'JUG PAR 'DRA 'ANG THOG MAR 'JUG PA'I SGO GSUM GSUNGS SO, ,DE YANG KHA LA 'O BYA BA'I BSAM PAS KHA NAS 'JUG PA DANG

, ,SKRA LA REG PA'I BSAM PAS SPYI BO NAS 'JUG PAR MAN SNYE LAS BSHAD PAS MTHA' GCIG TU MA NGES SO, ,BAR SRID GANG DU 'JUG PA'I MNGAL GYI GNAS NI RGYUD RDOR PHRENG LAS, MI DBANG DKYIL 'KHOR DBUS SU YANG, ,GANG GIS SRID BU'I RNAM PAR GNAS, ,RGYU GCIG TU YANG SHES NAS NI, ,DE NYID 'BRAS BU RNAM PA GNYIS, ,ZHES BSHAD DE, 'GREL PA'I 'GYUR LAS, SKYE GNAS 'KHOR LO'I DBUS SU YANG, ,RTZA GNYIS SRID BU'I RNAM PAR GNAS, ,ZHES BSGYUR BA LEGS SO, ,DE LA SKYE GNAS KYI 'KHOR LO NI MA'I PADMA'I DBUS LA 'GREL PAS BSHAD PA NI MI 'THAD DE, DE KHO NA NYID GRUB PA LAS, SKYE 'GRO'I GTZO BO GANG YIN PA DE RLUNG DANG BCAS PA'I KHU BA'I THIGS PA RNAMS DANG LHAN CIG BTZUN MO'I TSIGS LA BAB PA RNYED PA NA, LTE BA'I 'OG TU KHA THUR DU BSTAN PA'I PADMA DMAR PO 'DAB MA BRGYAD PA'I NANG DU KHRAG 'DZAG PA'I LHAG MA KUN TU BZUNG STE, DE'I RJES LA PADMA'I KHA ZUM PAR 'GYUR RO, ,DER YANG KHRAG DANG KHU BA GNYIS KA'ANG CHU DANG 'O MA 'DRES PA BZHIN DU GYUR NAS GONG BU GCIG TU GYUR TE RANG GI RANG BZHIN RTZOM PAR BYED DO, ,DE NAS RJES SU 'GRO BA'I RIM GYIS NUR NUR PO LA SOGS PAR YONGS SU GYUR PA'I RIM GYIS SKYE STE, ZHES LTE BA'I 'OG TZAM NA SKYE GNAS KYI 'KHOR LO GNAS PA DER BAR DO 'JUG PAR GSUNGS PA'I PHYIR RO, ,DGA' BO MNGAL 'JUG LAS KYANG PHO BA'I 'OG LONG GA'I GONG GI BAR NA MNGAL GYI GNAS YOD PAR GSUNGS PA'I PHYIR RO, ,RGYUD RDOR PHRENG LAS KYANG, BSHAD SGO GSANG BA'I DBUS SU GNAS, ,MING NI MA SKYES CHA CHEN PO, ,DE YANG RNAM

SHES DANG BRAL BA, ,YE SHES LUS NI BDAG MED PA, ,DER NI SKYE BA SROG GI MCHOG ,SROG CHAGS RNAMS KYI MCHOG TU BRJOD, ,RNAM PAR SHES PA'I NGO BO RTEN, ,THOG MAR 'BYUNG BA BZHI PO LA, ,DROD SKYED PA YI NGO BOR BYED, ,DE TSE RANG GI GNAS SU THIM, ZHES BSHAD SGO GSANG BA'I DBUS NA MA SKYES PA'I CHA CHEN PO ZHES PA'I RTZA GNAS PA'I GNAS DER BAR SRID THIM PA STE BRGYAL BAR GSUNGS PA'I PHYIR RO, ,'DIR YANG 'GREL PAS BSHAD SGO GSANG BA'I DBUS MA'I CHOS 'BYUNG GI DBUS LA BSHAD PA MI 'THAD PAS GSANG BA'I DBUS 'DI SNGAR BSHAD PA'I GSANG GNAS KYI 'KHOR LO'I DBUS SO, ,BSHAD SGO ZHES PA NI MA SKYES PA'I CHA ZHES PA'I RTZA DE GSANG GNAS KYI 'KHOR LO'I DBUS NAS BSHAD PA'I SGO'I BAR DU GNAS PA'I DON YIN GYI, SEMS CAN SKYE BA'I GNAS DER STON PA 'AM, DE DANG GSANG GNAS GNYIS KYI BAR NA SEMS CAN SKYE BA'I GNAS YOD PAR STON PA MIN TE, DE NI GSANG GNAS KYI DBUS SO, ,DE'ANG ZHES PAS NI RTZA DE BEMS POR STON PA'O, ,DER NI ZHES PA GSANG GNAS KYI DBUS SO, , SKYE ZHES PA NI SEMS CAN NYID MTSAMS SBYOR BA'O, ,SU ZHIG CE NA, YE SHES SU SA NI ZHES PA YE SHES KYI LUS CAN BAR DO LA BSHAD PA LEGS SO, ,BDAG MED CES PA NI LEN PA PO LA SOGS PA'I BDAG MED PA'O, ,SROG GI MCHOG NI RLUNG RNAMS KYI MCHOG SROG GI RLUNG STE DE'I BZHON PA CAN GYI RNAM SHES NI BAR DO'I RNAM SHES KYI NGO BO LA BRTEN NAS RANG GI SKYE GNAS SU DANG POR MER MER POS BSDUS PA'I 'BYUNG BA BZHI LA THIM MO, ,DROD BSKYED PA YI NGO BOR BYED, ,CES PA LA 'GREL PAR, BSKYED

, ,PA YI NI NGO BOR BYED, CES 'BYUNG STE, RANG GI NGO BO SNGON LAS KYIS BSKYED NAS ZHES PA'O, ,SEMS CAN RNAMS ZHES PA NI SROG RLUNG DE SEMS CAN RNAMS KYI RLUNG GI MCHOG GO ,DE LTAR MNGAL DU 'JUG PA'I RNAM SHES TSOGS BRGYAD LAS GANG YIN SNYAM NA, RGYUD RDOR PHRENG LAS, BAG CHAGS NYON MONGS CAN GYI YID, ,RLUNG GI NGO BOS GZUGS GZHAN BYED, ,DON NI NGES PAR MI SHES SHING, ,RLUNG TZAM LA YIN PAS RMONGS YIN, ,KUN GZHI RNAM SHES BKUG NAS NI, ,BAG CHAGS NANG DU RNAM PAR SPYOD, ,BAG CHAGS DANG NI RNAM SHES ZUNG, ,BAG CHAGS DANG 'DRES RIM PA LAS, ,RANG GI BAG CHAGS BSGOS PA YIS, ,DE RNAMS ZLA MTSAN DUS SU NI, ,MNGAL GYI RTZA LA 'JUG PAS NA, ,DE RJES KHU KHRAG ZHU THIG LE, ,'DRES PA RU NI GYUR PA DANG, ,JI LTAR CHANG ROS MYOS PA BZHIN, ,KUN GZHI RNAM SHES BAG CHAGS LAS, ,RNAM PAR SHES PA SKYE BAR 'GYUR, ,NYON MONGS CAN YID SROG RLUNG NYID, ,RTAG TU YANG DAG 'GRO BAR 'GYUR, ,ZHES GSUNGS SO, ,DE DAG GI DON NI BAG CHAGS KYI SGRAS KUN GZHI DANG NYON YID GNYIS KA BSTAN LA, DE GNYIS SROG THUR GYI RLUNG DANG BCAS PAS BAR DO'I GZUGS GZHAN BYED DE DBANG PO KUN TSANG BA'I PHYIR RO, ,SNGON PO LA SOGS PA'I DON NI YOD PAR NGES MI SHES TE MYA NGAN LA SOGS PAS BSGRIBS PA'I PHYIR DANG, GRIB MA LTA BU'I LUS CAN NYID KYIS GZUGS MTSAN NYID PA DANG BRAL BA'I PHYIR RO, ,SNGON LAS KYI DBANG GIS KUN GZHI BKUG NAS BAG CHAGS SNA TSOGS PA'I NANG DU RGYU ZHING SROG RLUNG DANG KUN GZHI GNYIS DUS MNYAM DU SNGON GYI BAG CHAGS DANG 'DRES

PA STE DE'I DBANG GIS 'CHI SRID 'GAG PA'I RIM PA LAS SKYES TE, DE GNYIS MNGAL GYI RTZA MA SKYES PA'I CHAL ZHUGS PA NI CHANG RAS MYOS PA BZHIN DU BRGYAL LO, ,DE LAS RNAM SHES SKYE BA NI NYON YID DE RNAM SHES KYIS NI BAG CHAGS 'DZIN NO, ,ZHES 'GREL PAS 'CHAD DO, ,RGYUD KYI DGONGS PA NI NYON YID NYON MONGS KYI BAG CHAGS LA BYED DE SKABS 'DIR DE LTAR BSTAN ZHING, SKABS GZHAN DU TSOGS BRGYAD BYANG SEMS BRGYAD DANG SBYAR BA'I TSE BYAMS PA DANG BAG CHAGS SBYAR BAS KYANG SHES SO, ,DE GANG GI BAG CHAGS YIN PA'I PHYIR NI KUN GZHIR 'CHAD DE, GTZO BOR NI YID KYI RNAM SHES SO, ,BYANG SEMS BRGYAD DANG RNAM SHES TSOGS BRGYAD SBYAR BAS TSOGS DRUG TU MI 'DU BA'I KUN GZHI DANG NYON YID 'DOD MI DGOS TE, GZUGS PHUNG RNAM SNANG DANG SBYAR ZHING, MIG SOGS LNGA SA SNYING SOGS DANG 'BYUNG BA BZHI SPYAN MA SOGS BZHI DANG SBYAR BAS GZUGS PHUNG DU MI 'DU BA'I 'BYUNG BZHI DANG MIG SOGS LNGA 'DOD MI DGOS PA BZHIN NO, ,LUGS 'DI GZHI DUS KYI 'CHI BA'I 'OD GSAL NYAMS SU MYONG BA'I SHES PA DE NYID KYI RIGS KYIS LAM DUS SU 'OD GSAL MNGON DU BYED LA, DE NI YID KYI SHES PA YIN PA'I PHYIR, 'CHI SEMS NI KUN GZHI MA YIN NO, ,DES NA KUN GZHI DANG NYON YID NI MING TZAM GZHAN DANG 'DRA'ANG DON NI GTAN MI 'DRA'O, ,RNAM GZHAG RIM PA LAS BAR DO MNGAL DU ZHUGS PA'I DUS SU YE SHES KYI SA THOB PAR BSHAD PAS BAR DOS 'CHI BA'I 'OD GSAL NYAMS SU MYONG BA NI BAR DO SHI BA YIN LA, DE'I RIGS 'DRA GNYIS PA RNAMS SKYES PA NI NYING MTSAMS SBYAR BA YIN NO, ,DE RNAMS KYI DON

, ,BSDU NA GANG DU SKYE BA'I SKYE GNAS KYI 'KHOR LO NGOS BZUNG BA DANG, DER BAR DO 'JUG PA'I TSUL DANG, ZHUGS NAS NYING MTSAMS SBYAR BA'I SHES PA GANG YIN NGOS BZUNG BA DANG GSUM DU 'GYUR RO, ,DANG POR NYING MTSAMS SBYOR BA'I TSUL BSHAD ZIN TO, ,GNYIS PA LA GNYIS, LUS 'CHAGS PA'I RIM PA DANG, LUS 'JIG PA'I RIM PA BSHAD PA'O, ,DANG PO LA GNYIS, LUS 'CHAGS PA'I RIM PA DNGOS DANG, CHAGS PA'I 'OG TU GNAS PA'I TSUL LO, ,DANG PO LA GNYIS, CHAGS PA'I RIM PA SPYIR BSTAN PA DANG, CHAGS PA'I RIM PA SO SOR BSTAN PA'O, ,DANG PO NI, RGYUD RDOR PHRENG LAS, DE TSE RANG GI GNAS SU THIM, ZHES PA'I RJES SU, RNAM SHES LAS NI SKYES PA'I RLUNG, ,DE LA ME NI SKYE BAR 'GYUR, ,ME LAS CHU NI 'BYUNG BAR 'GYUR, ,DE LAS SA NI YANG DAG SKYE, ,DE DAG RNAMS LAS PHUNG PO 'BYUNG, ,DE PHYIR SKYE MCHED RNAMS DANG NI, ,DE LAS RNAM SHES RANG BZHIN BYED, ,BRGYA DANG BRGYAD KYIS LHAG PA'I RIM, ,ZHES GSUNGS LA, YE SHES RDO RJE KUN LAS BTUS LAS KYANG, GANG 'OD GSAL BA LAS BYUNG BA'I RNAM PAR SHES PA DE NYID SEMS DANG YID CES BYA STE, DE NI KUN NAS NYON MONGS PA DANG RNAM PAR BYANG BA'I BDAG NYID CAN GYI CHOS THAMS CAD KYI RTZA BA YIN NO, ,DE LAS BDAG DANG GZHAN DU RTOG PA RNAM PA GNYIS 'BYUNG BAR 'GYUR RO, , RNAM PAR SHES PA DE RLUNG LA ZHON TE, RLUNG LAS ME'O, ,ME LAS CHU'O, ,CHU LAS SA'O, ,DE RNAMS PHUNG PO LNGA DANG, SKYE MCHED DRUG DANG, YUL LNGA RNAMS TE DE DAG THAMS CAD NI RLUNG DANG RNAM PAR SHES PA YANG DAG PAR 'DRES PA'O, ,DE NAS RNAM PAR SHES

PA GSUM GYI RANG BZHIN DANG SNANG BA RAB TU SPYOD PA GSAL BAR NYAMS SU MYONG BAR 'GYUR ZHING, SNANG BA'I RGYUS RANG BZHIN RNAMS 'BYUNG BAR 'GYUR RO, ,ZHES GSUNGS SO, ,DE LA 'OD GSAL LAS RNAM SHES 'BYUNG BAR GSUNGS PA 'DI BAR SRID KYI SNGA ROL GYI SHI BA'I 'OD GSAL LAS BAR DO'I RNAM SHES 'BYUNG BA DANG, BAR DO SHI BA'I 'OD GSAL LAS TSE 'DI'I RNAM SHES 'BYUNG BA GANG YIN SNYAM NA, 'DI LA RGYA GAR BA KHA CIG SNGA MAR BZHED KYANG PHYI MAR BYA DGOS TE, BSHAD RGYUD LAS, DE TSE RANG GI GNAS SU THIM, ZHES PA NI SNGAR BSHAD PA LTAR BAR DO THIM PA YIN LA, DE LAS RNAM SHES SOGS SKYE BAR GSUNGS PA'I PHYIR RO, ,BAR DO SHI BA'I 'OD GSAL LAS RNAM SHES SKYE ZHES RAGS PAR GSUNGS KYANG ZHIB TU BYAS NA, DE LAS NYER THOB, DE LAS SNANG MCHED, DE LAS SNANG BA'I RNAM SHES GSUM RIM GYIS SKYE BAR BYA DGOS TE, DANG POR SKYE BA'I RIM PA DE LTAR THIM PAR GSUNGS LA, THIM RIM GYI SKABS SU RLUNG SEMS DANG, DE SEMS BYUNG DANG, DE MA RIG PA LA THIM PAR GSUNGS PA'I PHYIR RO, ,DES NA SEMS DANG YID DANG RNAM PAR SHES PA GSUM GSUNGS SO, ,SNANG MCHED THOB GSUM NI KUN BYANG GI CHOS THAMS CAD KYI RTZA BAR GYUR PA'I SEMS YID RNAM SHES GSUM DU GSUNGS LA, DE'ANG YID SHES YIN PAS KUN GZHI MI BZHED PAR GSAL LO, ,RNAM SHES LAS RLUNG 'BYUNG BA'I DON NI RNAM SHES DE RLUNG LA ZHON TE ZHES GSUNGS PA YIN LA, SNANG BA GSUM NAM YOD DUS SU DE DANG 'DRES PA'I RLUNG RE'ANG NGES PAR YOD PAS DE LAS GZHAN PA'I RLUNG ZHIG GO

, ,DE'ANG AA Lm KAS RTZA BA'I RLUNG LNGA LA BSHAD KYANG ,'PHO BA DANG PO LA SROG 'DZIN GYI RLUNG MIN PA GZHAN MA SKYES PAR GSUNGS PAS MI 'THAD DO, ,'O NA GANG SNYAM NA, RANG BZHIN GA-YO NUS PA'I RNAM SHES KYI BZHON PA ZHIG GO ,DE LAS ME ZHES SOGS KYIS 'BYUNG BA GSUM RTING NAS SKYE BAR BSTAN PA MI 'THAD DE, DANG PO MER MER PO'I DUS SU'ANG SRA BA DANG DRO BA DANG GSHER BA DANG GA-YO BA'I CHA BZHI BAR SRID ZHUGS DUS NAS YOD PAS SO SNYAM NA, BDEN MOD 'ON KYANG RNAM SHES KYI RTEN BYED PA'I NUS PA KHYAD PAR CAN GYI RLUNG ME CHU SA'I SKYE RIM YIN GYI 'BYUNG BZHI TZAM MIN PAS SKYON MED DO, ,THIM RIM GYI SKABS SU SA CHU LA THIM PA SOGS BSHAD PA'I GNAD KYIS SHES LA LUNG GZHAN LAS KYANG RNAM PAR SHES PA'I RKYEN GYIS MING DANG GZUGS BSKYED PAR BSHAD LA MING GZUGS NI MDUNG KHYIM LTAR PHAN TSUN GCIG GCIG GI RTEN DU GSUNGS PAS SO, ,RGYUD RDOR PHRENG LAS KYANG, SRA BA'I KHAMS DANG CHU NYID DANG, ,DE BZHIN ME DANG RLUNG DAG NI, ,RNAM PAR SHES PAS BLANGS NAS NI, ,SRID GSUM GNAS SU SKYE BAR 'GYUR, ,ZHES GSUNGS TE RNAM SHES KYIS BLANGS PA'I DON NI DE'I RTEN DU BLANGS PA'O, ,DE LTAR NA RLUNG GI SEMS RTEN BYED PA'I NUS PA KHYAD PAR BA THOB PA LAS CHUS SEMS RTEN BYED PA'I NUS PA KHYAD PAR BA 'BYUNG BA SOGS SU SBYAR RO, ,DE LTAR 'BYUNG BA BZHI'I SEMS RTEN BYED PA'I NUS PA KHYAD PAR CAN DU SKYES PA DE LAS PHAN TSUN RTEN DANG BRTEN PAR GYUR PA'I PHUNG PO LNGA'I GNAS SKABS SU GYUR PA NI, DE RNAMS ZHES MANG TSIG TU BSTAN PA LAS PHUNG PO LNGA 'BYUNG BA'O, ,DE

PHYIR ZHES PA 'GREL PAS DE LAS KYI DON DU BSHAD LA, PHYAG CHEN THIG LE LAS KYANG YE SHES RDO RJE LTAR DE LAS ZHES 'BYUNG NGO, ,DE LAS NANG GI SKYE MCHED DRUG 'BYUNG BA NI MING GZUGS KYI RKYEN GYIS SKYE MCHED DRUG 'BYUNG BAR GSUNGS PA DANG 'DRA'O, , YUL LNGA 'BYUNG BAR GSUNGS PA NI SEMS CAN DE'I RGYUD KYIS BSDUS PA LA BYA'O, ,DE THAMS CAD RLUNG SEMS 'DRES PAR GSUNGS PA NI, SHES RGYUD KYIS BSDUS PA'I PHUNG SOGS RNAMS KHA CIG RLUNG SEMS 'DRES PA DANG KHA CIG RLUNG SEMS 'DRES PA'I RNAM 'GYUR YIN PA LA DGONGS SO, ,SNANG BA RLUNG GI BZHON PAS GA-YOS PA LA BRTEN NAS RANG BZHIN GYI RTOG PA RNAMS 'BYUNG LA, BRGYA RTZA BRGYAD DU RGYUD 'DI DANG PHYAG CHEN THIG LE GNYIS KAR BSHAD LA, DE'ANG RDOR PHRENG GI LE'U GSUM PAR BSHAD PA RNAMS YIN PAS, MAN NGAG SNYE MAR, DRUG CU LHAG PA'I BRGYA RIM PAS ZHES BSGYUR BA NI RGYA DPE MA DAG PA'I SKYON NO RIM PAS ZHES PA MTSON PA TZAM STE, 'GA' ZHIG GI TSE CIG CAR DU'ANG 'BYUNG ZHES 'GREL BAS SO, ,NANG GI SKYE MCHED DRUG GRUB PA LAS RANG BZHIN BRGYA RTZA BRGYAD KYI RTOG PA SKYE TSUL NI, RGYUD RDOR PHRENG LAS, YUL DANG DBANG PO YANG DAG SBYOR, ,RTZA RNAMS KYANG NI 'CHAR BAR 'GYUR, ,SHAR NAS SNGON BZHIN SONG NAS NI, ,SKYE BA'I RIM PA BLA NA MED, ,KUN RTOG SKYE BA DE YI PHYIR, ,BRGYA DANG BRGYAD KYIS LHAG PA'I RIM, ,DE LAS SKYE DANG RGA DANG NA, ,'CHI ZHING SLAR YANG LDOG PAR 'GYUR, ZHES BDAG RKYEN DANG DMIGS RKYEN DANG 'BREL ZHING YID BYED DANG RLUNG DANG SBYOR BA LAS RTZA RNAMS SAD DE KUN RTOG SKYE ZHING ,

, ,DE LAS BYUNG BA'I LAS KYIS 'KHOR BAR SKYE RGA SOGS BYED CING SLAR YANG LDOG PA STE SKYE BA GZHAN DU SRID PA 'DZIN PAR GSUNGS SO, ,RIM LNGAR YANG, SEMS NI RNAM PA GSUM ZHES BSHAD, ,DE YI SGRUB PA BSHAD PAR BYA, ,RLUNG RNAMS PHRA BA'I GZUGS KYIS NI, ,SHES DANG YANG DAG 'DRES GYUR NAS, ,DBANG PO'I LAM NAS BYUNG NAS NI, ,YUL RNAMS LA NI DMIGS PAR 'GYUR, ,GANG TSE SNANG BA DANG LDAN PA'I, ,RLUNG GI BZHON PA NYID GYUR PA, ,DE TSE RANG BZHIN DE THAMS CAD, ,MA LUS LUS PA MED PAR 'BYUNG, ,GANG DANG GANG DU RLUNG GNAS PA, ,DE DER RANG BZHIN GSAL BAR RGYU, ,ZHES GSUNGS SO, ,SEMS GSUM PA DE'I SGO NAS RANG BZHIN SGRUB PA STE BSKYED PA BSHAD PAR BYA STE, RLUNG RNAMS ZHES SOGS KYIS NI RLUNG DANG SEMS GNYIS 'DRES PA DE MIG LA SOGS PA'I DBANG PO'I SGOR BYUNG NAS, GZUGS SGRA LA SOGS PA'I YUL RNAMS LA DMIGS PAR BYED DO, ,DE NYID SNANG BA RLUNG GI BZHON PAS BSKYOD PA'I RANG BZHIN 'BYUNG BA'I DON YIN PAS GA-YO BYED GYI RLUNG GANG NA YOD PA DE'I RJES SU RANG BZHIN RGYU'O, ,DES NA DBANG SHES DANG RANG BZHAN GYI RTOG PA GNYIS 'GAL BAR 'DOD PA MI RIGS SO, ,DE KHO NA NYID GRUB PA LAS KYANG, 'DI LTAR NYIN GCIG GA-YO BA DANG LDAN PA LAS, DBANG POR MNGON PAR 'GRO BAS DBANG PO DANG DON PHRAD PAR 'GYUR LA, DBANG PO DANG DON PHRAD PAS DNGOS POR DMIGS PAS, 'DOD PA DANG MI 'DOD PA LA SOGS PA MNGON PAR ZHEN PA SHIN TU MANG BA'I GDON GYIS ZIN PAS, SHIN TU BRGAL DKA' BA'I 'KHOR BAR 'KHOR RO, ,ZHES GA-YO BYED KYI RLUNG DBANG PO'I SGO RNAMS SU PHYIN PA NA DBANG PO YUL LA PHYOGS PAR 'GYUR

BAS DBANG PO DANG YUL PHRAD PAR 'GYUR LA, DE NAS RLUNG DANG 'DRES PA'I SHES PAS YUL RNAMS LA ZHUGS PA LAS RNAM RTOG RNAMS SKYE BAR GSUNGS SO, ,DBANG SHES YUL LA ZHUGS PA LAS RANG BZHIN GYI RTOGS PA SKYE BAR GSUNGS PA NI RANG BZHIN GYI RTOG PA SHIN TU RAGS PA'I DBANG DU BYAS KYI, RANG BZHIN GYI RTOG PA TZAM MA YIN NO, ,SPYOD BSDUS LAS, SHES RAB KYI YE SHES NI ZLA BA'I SNANG BA LTA BU STONG PA TZAM MO, ,THABS KYI YE SHES KYANG NYI MA'I SNANG BA LTA BU SHIN TU STONG PA TZAM MO, ,DE BZHIN DU SNANG BA NYE BAR THOB PA'I YE SHES NI MTSAMS KYI MUN PA LTA BU STE STONG PA CHEN PO'I MTSAN NYID DO, ,RNAM PAR SHES PA GSUM PO DE DAG NAM MKHA'I MTSAN NYID CAN RNAM PA MED PA'I NGO BO KHYAB PA, 'GRO BA DANG 'ONG BA DANG BRAL BA'O ZHES BCOM LDAN 'DAS KYIS GSUNGS NA, JI LTAR NA NYIN DANG MTSAN DU RANG GI LUS LA SPRO ZHING SDUD PAR BYED, GANG ZHIG 'DIR MAL TSE BYED, GANG SEMS MED PAR BYED, 'DOD CHAGS DANG 'DOD CHAGS DANG BRAL BA DANG 'DOD CHAGS PAR MA LA SOGS PA RANG BZHIN BRGYA DRUG CU GANG LAS BYUNG NAS NYAMS SU MYONG BAR 'GYUR BA'I RGYU 'DIR BCOM LDAN 'DAS RDO RJE BLA MA STON PAS BSHAD DU GSOL, RDO RJE BLA MAS SMRAS PA, RNAM PAR SHES PA GSUM PO 'DI NI RTZA BA MED PA GNAS PA MED PA GZHI MED PA RTAGS MED PA KHA DOG MED PA DBYIBS MED PA, DBANG PO LAS 'DAS PA YIN PAR NI BDEN TE, DE LTA MOD KYI SNANG BA DANG BCAS PA YIN LA, DES NA RLUNG GI KHAMS DANG LHAN CIG MAL CHE BYED DE, GANG GI PHYIR RLUNG GI KHAMS NI GZUGS MED KYANG GA-YO ZHING BSKYOD PA LA SOGS PA'I BYA BA STON PAS RJES SU DPAG PA LAS SHES PAR BYA'O, ,DE

, ,BZHIN DU RNAM PAR SHES PA SNANG BA YANG GZUGS MED LA 'DOD CHAGS DANG 'DOD CHAGS DANG BRAL BA DANG 'DOD CHAGS BAR MA LA SOGS PA'I RANG BZHIN RNAMS KYIS RJES SU DPAG PAR BYA BA YIN PA'I PHYIR, RJES SU DPAG PAS RTOGS PAR BYA'O, ,ZHES GSUNGS PA 'DIS RANG BZHIN DANG SNANG BA GSUM GYI MTSAN NYID SHES PAR BYA'O, ,DE LA SNANG BA DANG PO GNYIS LA TZAM SBYAR BA NI DE'I DUS NA RANG BZHIN YOD PA GCOD PA STE GSUM PA LA'ANG DE BZHIN DU ZHES GSUNGS PAS SNGA MA DANG 'DRA'O, ,NAM MKHA'I MTSAN NYID CAN NI NAM MKHA' LA ZLA BA DANG NYI MA'I 'OD DANG MTSAMS KYI SMAG GIS KHYAB PA LTA BUR SNANG BA'O, ,RNAM PA MED PA NI DE DAG LAS GZHAN PA'I YUL GYI RNAM PA MI SNANG BA'O, ,KHYAB PA NI PHYOGS KUN TU KHYAB PAR SNANG BA'O, ,'GRO 'ONG DANG BRAL BA NI RNAM RTOG RAGS PA'I RGYU 'GRUL MED PA'O, ,DE LTAR STON PAS GSUNGS PA NI GZHI DUS KYI SNANG BA LA'ANG BYA'I YE SHES ZHES GSUNGS PAS MNGON PAR RTOGS PA'I SNANG BA GSUM KHO NA LA MI BZUNG STE, GZHI'I SKABS SU'ANG DE LTAR MANG DU GSUNGS PA'I PHYIR TE 'OD GSAL BZHIN NO, ,DE LTA NA SNANG BA GSUM GYI RANG BZHIN GYI RTOG PA RNAMS YUL LA PHAR SPRO BA DANG TSUR LA SDUD PA MI 'THAD PAS SEMS GZHI GCIG TU MI GNAS PAR SPRO BA DANG SDUD PA'I MEL TSE GANG GIS BYED CES PA NI BYED PA PO LA DRIS PA'O, ,GANG SEMS PA MED PAR BYED CES PA NI LAS SU BYA BA LA DRIS PA STE GANG ZHIG SEMS PA MED PAR BYED PA'I BYA RGYU DE'ANG MED DE RANG BZHIN RNAMS KYIS NI DE BYED MI NUS LA SNANG BA GSUM GYI SKABS SU BYA BYED MED PA'I PHYIR RO SNYAM PA'O, ,

DE LTAR RANG BZHIN GYI RTOG PA RNAMS KYI SPRO BSDU BYED PA PO MED NA RTOG PA DE RNAMS GANG LAS BYUNG NAS NYAMS SU MYONG BA'I RGYU MED PAR 'GYUR SNYAM PA NI DRI BA PO'I BSAM PA'O, ,DRI BA DANG PO GNYIS KYI LAN DU RTZA BA MED PAS GSUNGS PA NI SNGAR GYI DRI BA'I DON DU BYA STE DE LTA MIN PAR BYAS NA SNANG BA GSUM DU MA ZAD RANG BZHIN GYI RTOG PA RNAMS LA'ANG DOGS PA DE LTAR SKYE BAR 'GYUR TE, KHA DOG DANG DBYIBS MED PA DANG DBANG PO GZUGS CAN PA'I YUL LAS 'DAS PA SOGS DE'ANG YOD PA'I PHYIR RO, ,DES NA DE LTA MOD KYI ZHES PA NI STON PAS GSUNGS NA ZHES PA DE LTAR YIN NA'ANG SEMS GSUM GNYIS SNANG GI SNANG BA DANG BCAS PA YIN PAS RLUNG GI KHAMS YOD LA, DE'I DBANG GIS RNAM RTOG SPRO BSDU'I MEL TSE BYED PA MI 'GAL LO, ,'O NA NYER THOB DANG MCHED PAS RANG RANG GI 'OG MA'I SNANG BA MA BSKYED PAR RNAM RTOG BDUN DANG BZHI BCU BSKYED DAM YE SHES 'OG MA BSKYED NAS BSKYED ,DANG PO LTAR NA YE SHES GSUM GYI GO RIM MA NGES PAS 'OD GSAL LAS SNANG BA GZHAN GNYIS KYANG THOG MAR SKYE BA DANG, DANG PO NYER THOB BSKYED PA'I 'OG TU SNANG BA SOGS SKYE BAR YANG 'GYUR RO, ,GNYIS PA LTAR NA SNANG BA GSUM LA 'BRAS BU RTOG PA BDUN DANG, BZHI BCU DANG, SO GSUM SO SOR BZHAG PA MI 'THAD DE, SNANG BA THA MA GNYIS KYI DNGOS KYI 'BRAS BU LA RTOG PA DE DAG GANG YANG MED LA BRGYUD PA'I 'BRAS BUR DE THAMS CAD 'ONG BA'I PHYIR RO, ,GZHAN YANG RTOG PA TSAN PA GSUM PO DE DAG SNANG BA GSUM GYI RANG BZHIN DU GSUNGS PAS 'BRAS BUR YANG 'GAL LO, ,YE SHES GSUM RE RE SKYES PA'I MTHAR RTOG PA TSAN PA RE RE 'GAG PA'ANG MI 'THAD DO SNYAM NA, YE SHES GSUM LA NGO

, ,BO NYID GSUM DANG SEMS YID RNAM SHES GSUM LA SOGS PA'I MING GIS BTAGS PA NI, SGRA DE DAG 'JUG TU RUNG BA'I RGYU MTSAN RE YOD PA LA DGONGS KYI DE THAMS CAD YE SHES GSUM DU STON PA NI MIN NO, ,DES NA YE SHES GSUM DANG SNANG MCHED THOB GSUM ZHES PA NI SNGAR BSTAN PA LTAR GYI MTSAN NYID DANG LDAN PAR GZHI DUS SU'ANG 'BYUNG BAS, DE DAG GI RANG DUS NA RANG BZHIN BRGYAD CU'I RTOG PA MED CING, GO RIM KYANG BSHAD PA'I RIM PA BZHIN DU SKYE BAS BAR BAR DU RTOG PA BDUN LA SOGS PA MI SKYE'O, ,DE LTA NA'ANG RTOG PA TSAN PA GSUM DU BYAS NAS SNANG BA GSUM SO SO'I 'BRAS BUR BSHAD PA MI 'GAL TE, RTOG PA TSAN PA GSUM DU BCAD PA NI YUL DANG 'DZIN STANGS MI 'DRA BA'I SGO NAS MIN GYI, RLUNG GI MTHUS KUN RTOG YUL LA GA-YO BA'I BYA BA SHAS CHE CHUNG 'BRING GSUM GYI SGO NAS YIN LA, DE'ANG SNANG BA GSUM GYI DBANG GIS 'BYUNG BA'I PHYIR RO, ,'DI LTAR 'OD GSAL GYI THOG MAR RLUNG GIS MI BSKYOD PA YIN NO, ,DE'I MTHAR RLUNG GIS CUNG ZAD GA-YOS PAS NYER THOB BYUNG LA, DE RLUNG GIS CHER GA-YOS PAS MCHED PA DANG, DE CHES CHER GA-YOS PAS SNANG BA 'BYUNG ZHING, DE'I MTHAR RANG BZHIN GYI RTOG PA SKYE BA NA SO GSUM PO GANG RUNG ZHIG BYUNG NA SNANG BA'I LAG RJES DANG, BZHI BCU GANG RUNG ZHIG BYUNG NA MCHED PA'I LAG RJES DANG, BDUN PO GANG RUNG ZHIG BYUNG NA NYER THOB KYI LAG RJES YIN NO, ,RANG BZHIN GYI RTOG PA RNAMS SNANG BA RNAMS KYI 'BRAS BUR GSUNGS SHING, SPYOD BSDUS SU SNANG BA GSUM GYI MTSAN NYID LA RANG BZHIN DU BSHAD DE, DE'I DON NI SNANG BA GSUM MTSON PAR BYED PA LA BYA'O, ,MTSON TSUL NI

RANG BZHIN GYI SGO NAS SNANG BA GSUM RJES SU DANG GA PAR BYA BAR GSUNGS PA YIN LA, DPOG LUGS NI RANG BZHIN RTOG PA LA YUL LA GA-YO BA CHUNG 'BRING CHE GSUM 'DUG PA'I RTAGS KYIS DE'I RGYU SNANG BA LA'ANG RLUNG GIS GA-YO BA CHUNG 'BRING CHE GSUM YOD PAR DPOG PA'O, ,SNANG BA'AM STONG PA GSUM NI GNYID DANG BRGYAL BA DANG 'KHRIG DUS DANG 'CHI BA'I DUS DANG TING NGE 'DZIN MTHU LDAN GYIS SPROS PA THIM PAR BYAS PA'I SKABS MA GTOGS PA RNAMS SU MNGON DU MI 'GYUR LA, SNGA MA BZHI'I SKABS SU'ANG SKAD CIG TZAM DE MYONG BAR GSUNGS PAS PHAL MO CHES NGES PAR MI NUS SO, ,DE'I PHYIR RJES SU DPAG PAR BYA BAR GSUNGS PAS DE LTAR GYI SHES PA THAMS CAD LA SNANG MCHED THOB GSUM BRTZI BA NI MI RIGS SO, ,RANG BZHIN GYI RTOG PA LA DGE MI DGE LUNG MA BSTAN GSUM GA-YO LA SGRA RTOG MIN PA'ANG MANG BA DANG, RANG BZHIN GYI RTOG PA RLUNG GIS GA-YOS NAS TSUR LA MA THIM PA'I BAR DU RLUNG GIS YUL LA HA CANG GA-YO BA'I BLO THAMS CAD RANG BZHIN GYI RTOG PA YIN PAS, DA LTA'I DBANG SHES RNAMS KYANG RANG BZHIN GYI RTOG PAR BYA'O, ,MDOR NA RLUNG GIS RANG BZHIN GYI RTOG PA DNGOS SU GA-YOS PA GA-YOS GNYIS SU NGES LA, MA GA-YOS TSUN CHAD NI STONG PA BZHI'I SKABS YIN LA, GA-YOS NAS NI RANG BZHIN GYI SKABS SO, ,DE LTAR NA RANG BZHIN GYI RTOG PA RNAMS SEMS GSUM DANG RO GCIG TU SKYE BAR 'DOD PA DANG, SEMS GSUM GYI 'KHOR DU SKYE BAR 'DOD PA NI 'THAD PA MA YIN NO, ,GANG SEMS PA MED PAR BYED CES PA'I DRA BA GNYIS PA'I LAN DU, MA RIG PA'O ZHES GSUNGS TE, MA RIG PA NI DRAN PA BRJED PA'I NGO BOR GSUNGS PAS SEMS PA MED PAR BYED PA

, ,STE BYAS PA NI DE'O, ,DE'ANG RANG BZHIN SNANG BA LA THIM PA'I DBANG GIS 'BYUNG NGO, ,DE LTAR NA SNGA MA RNAMS KYIS SPRO BAR BYED TSUL DANG 'DIS SDUD PAR BYED PA'I TSE SEMS PA MED PAR SONG BA DE GANG YIN PA BSTAN NO, ,DON BSDU NA, RANG BZHIN RNAMS GANG LAS BYUNG BA DANG GANG DU THIM PA GNYIS KA SNANG BA RNAMS YIN PAR BSTAN NO, ,LUS 'CHAGS PA'I RIM PA SPYIR BSTAN PA BSHAD ZIN TO, ,GNYIS PA LA GSUM, GTZO BOR RLUNG GIS RIM GYIS BSKYED TSUL DANG, RTZA CHAGS PA'I RIM PA DANG, BYANG CHUB KYI SEMS 'CHAGS PA'I RIM PA'O, ,DANG PO NI, DE LTAR MNGAL DU NYID MTSAMS SBYAR NAS 'PHO BA'I ZLA BA DANG PO LA KHU KHRAG GI 'BYUNG BA BZHI RIM GYIS SMIN PAS DBYIBS NYA'I RNAM PA LTA BUR 'GYUR LA, DE'I TSE SROG 'DZIN GYI RLUNG CHAGS PA YIN TE, RGYUD RDOR PHRENG LAS, NYON MONGS CAN YID SROG RLUNG NYID, ,RTAG TU YANG DAG 'GRO BAR 'GYUR, ,THOG MAR 'PHO BA'I DUS SU NI, ,NYA YI RNAM PA LTA BUR 'GYUR, ZHES SO, ,YANG RGYUD DE NYID LAS, SROG GI RLUNG NI SNYING GAR GNAS, ZHES GSUNGS PAS SROG 'DZIN DANG PO CHAGS PA'I GNAS NI SNYING GA YIN LA, RTZA DANG PO CHAGS PA'I GNAS KYANG SNYING GA YIN PAR 'CHAD PAR 'GYUR RO, ,DE LTA NA SA'I DNGOS GZHIR DANG PO KHU KHRAG GI DBUS SU RNAM SHES ZHUGS PA DE SNYING GA DANG DE NAS LUS YAS MAS SU 'CHAGS PAR GSUNGS PAS RTZA RLUNG THIG LE GSUM GA THOG MAR SNYING GA NAS 'CHAGS PA YIN NO, ,DE NAS 'PHO BA GNYIS KA LA SNYING GA'I STENG DANG 'OG GI DBYE BAS SROG RLUNG DE GNYIS SU GYUR NAS GCIG STENG DU 'GRO GNYIS PA LAS THUR SEL SKYES TE 'OG TU 'GRO LA, NYA'I

RNAM PA DE SLAR YANG MA'I RANG BYUNG GI KHRAG DANG THUR SEL DANG 'DRES TE SMIN PA LAS RUS SBAL GYI RNAM PAR 'GYUR TE, DE NYID LAS, 'PHO BA GNYIS PA'I DUS SU NI, ,SLAR YANG KHRAG DANG 'DRES NAS NI, ,STENG DANG 'OG GI DBYE BA YI, ,RLUNG GIS SROG RLUNG GNYIS SU 'GRO, ,THUR SEL RLUNG DANG 'DRES PA YIS, ,RUS SBAL RNAM PA 'DZIN PAR 'GYUR, ,ZHES SO, ,DE'I GNAS KYANG DE NYID LAS, 'DOMS NA GNAS PA'I THUR SEL NI, ,ZHES GSUNGS LA, 'ON KYANG STENG 'OG GI GSANG GNAS NAS BZUNG STE BSHAD SGO BAR DU GNAS PAR DE NYID LAS BSHAD DO, ,DE LTAR KHU KHRAG GI GZUGS CAN DE RIM GYIS 'PHEL BAS 'PHO BA GSUM PA LA THUR SEL GYI RUS SBAL GYI SKABS DA BSKAMS PAR BYAS NAS, MNYAM GNAS KYI RLUNG BSKYED DE STENG DU KHA BLTAS PAS PHAG RGOD KYI LUS 'DRA BAR 'GYUR TE, DE NYID LAS, DE NAS 'PHO BA GSUM PA LA, ,KHRAG DANG KHU BA'I GZUGS SU NI, ,THUR SEL BA YI RLUNG GI TSOGS, ,BSKAMS NAS MNYAM PA'I RLUNG NI 'BYUNG, ,STENG DU KHA BLTAS NAS NI GNAS, ,PHAG RGOD 'DRA BA'I LUS 'CHANG 'GYUR, ,ZHES SO, ,DE'I GNAS KYANG DE NYID LAS, MNYAM GNAS LTE BA'I PADMAR GNAS, ,ZHES SO, ,DE NAS KHU KHRAG GIS BSGOS PA'I PHUNG PO MNYAM GNAS KYI RLUNG GIS BKUG PA STE SMIN PAR BYAS NAS, 'PHO BA BZHI PA LA, GDONG STENG DU BLTAS PA DOR NAS 'OG TU KHA BLTAS NAS MA'I SENG GE'I RNAM PA CAN DU 'GYUR RO, , MNYAM GNAS KYIS SMIN PAR BYAS PA LAS NI GYEN RGYU'I RLUNG BSKYED DE, SLAR YANG 'PHO BA BZHI PA LA, ,KHRAG DANG KHU BA BSGOS PA NI, ,MNYAM RGYU BA YI RLUNG BKUG NAS, ,'OG TU KHA BLTAS NAS NI 'GRO ,SENG GE'I RNAM PA YIS KYANG NI, ,GYEN RGYU'I RLUNG NI SPRO BAR BYED,

, ,CES GSUNGS LA, DE'I GNAS KYANG, STOD DU RGYU BA LKOG MAR GNAS, ZHES SO, ,DE NAS KHU KHRAG GI 'BYUNG BA RNAMS 'PHEL ZHING GYEN RGYU'I RLUNG GIS DBANG DU BYAS PAS 'PHO BA LNGA PA LA, MING GZUGS CAN MA YIN PA'I PHUNG PO BZHI DANG GZUGS KYI PHUNG PO'I NGO BO NYID RIM GYIS RGYAS TE 'GRO BA 'AM, YANG NA MI'U THUNG GI RNAM PA CAN DU 'GYUR BA DANG, GYEN RGYAS KHYAB BYED KYI RLUNG BSKYED DO, ,DE'I LAS NI, LUS 'GUL BA DANG GA-YO BAR BYED DO, DE NAS 'PHO BA LNGA PA LA, ,KHRAG DANG KHU BA 'PHEL NAS NI, ,GYEN RGYU'I RLUNG GIS BKUG NAS NI, ,MING NI GZUGS DER RIM BZHIN 'GRO, GYEN RGYU'I RLUNG GIS KHYAB BYED SPRO, ,GANG GIS 'GUL DANG GA-YO BAR BYED, CES GSUNGS LA, MI'U THUNG GI RNAM PAS 'GRO, ZHES KYANG 'BYUNG ZHES 'GREL PAS SO, ,THUR SEL LA NI RGYAGS PA BSKYED PA'I RLUNG CHEN PO ZHES PA DANG RGYAGS PA MYOS PA'I RLUNG ZHES KYANG GSUNGS TE, SHA DANG KHRAG 'PHEL BAR BYED DO, ,MNYAM GNAS LA NI RKYAGS PA'I CHU'I RLUNG DANG, MYOS PA'I CHU'I RLUNG ZHES KYANG ZER TE KHU BA DANG TSIL 'PHEL BAR BYED DO, , GYEN RGYU LA NI STOD DU RGYU BA DANG RGYAGS PA'I CHA DANG MYOS PA'I DUS ZHES KYANG ZER TE, ME DANG RLUNG 'PHEL BAR BYED DO, ,SROG 'DZIN LA NI BTANG BZUNG ZHES KYANG GSUNGS SO, ,JI SKAD DU, NYA DANG RUS SBAL PHAG PA DANG, ,MI YI SENG GE MI'U THUNG DANG, ,R'A MA GNYIS DANG NAG PA DANG, ,SANGS RGYAS KAL KI ZHES PA BCU, ZHES KHYAB 'JUG GI 'JUG PA BCU GZHAN DAG 'DOD PA DE DANG MTHUN PAR MNGAL GYI GNAS SKABS LNGA LA SBYAR NAS LHAG MA MA SBYAR RO, ,DUS 'KHOR LAS NI 'JUG PA BCU KA DANG SBYAR RO, ,DE LTAR PHUNG PO

LNGA'I RLUNG CHAGS PA'I 'OG TU 'PHO BA DRUG PA NAS BCU PA'I BAR RE RE LA SA LA SOGS PA'I KHAMS LNGA PO RE RE DANG, MIG NAS LUS DBANG GI BAR LNGA PO RE RE DANG, KHYAB BYED NAS BRTZAMS TE GZHU LAS RGYAL GYI RLUNG SNGA MA LAS PHYI MA SKYE TSUL YANG RGYUD DE NYID LAS, PHUNG PO LNGA NI RDZOGS PA NA, ,DE LTAR GSUNGS PA DE LAS SLAR, ,'PHO BA DRUG PO'I DUS TSOD LA, ,SA YI KHAMS DANG MIG GNYIS DANG, ,KHYAB BYED RLUNG GIS KLU RLUNG SPRO, ,RLUNG GIS DNGOS PO 'PHEL BAR BYA, ,DE NAS 'PHO BA BDUN PA LA, ,CHU YI KHAMS DANG SNA BUG DOD, , KLU YI RLUNG GIS RUS SBAL RLUNG, ,SPROS NAS GNYIS SU MED PAR SPYOD, ,DE NAS 'PHO BA BRGYAD PA LA, ,ME DANG SNA YI BU GA 'BYED, ,RUS SBAL RLUNG GIS RTZANGS RLUNG SPRO, ,RANG GI RANG BZHIN SHES PAR BYED, ,DE NAS 'PHO BA DGU PA LA, ,RLUNG GI KHAMS DANG RO NI TSOR, ,KO KE LA ZHES BYA'I RLUNG CHEN POS, ,LHA SBYIN RLUNG NI SPRO BAR BYED, ,DE RJES 'PHO BA BCU PA LA, ,LHA SBYIN RLUNG GIS GZHU RGYAL SPRO, ,RLUNG KUN SDUD PA'I MTSAN NYID CAN, ,DGU YI DBUS NAS KHYAB PA'I KHAMS, ,PHRA ZHING THOGS MED MTSAN NYID CAN, ,RTZA DANG RGYU MA RGYUS PA'I SBUBS, ,SGO NI DGU PO RGYAS PAR BYED, ,LUS KYI MCHOG TU TSOR BA DANG, ,GCIG PU REG BYA'I MTSAN NYID 'DZIN, ,RAB SANG MCHOG GI NAM MKHA' LA, ,'OD GSAL BZANG PO YANG DAG GNAS, ,ZHES GSUNGS SO, ,SA'I KHAMS ZHES PA NI DES MIG GNYIS BSKYED CING DES KYANG GZUGS MTHONG BA YIN TE, RLUNG GI KHAMS KYI BAR LA'ANG DE BZHIN DU SBYAR RO, ,DNGOS PO NI GZUGS LA SOGS PA'O, ,'PHEL BAR BYED PA NI YUL LA DMIGS PA'I SHES PA RGYAS PAR BYED PA'O, ,KLU'I RLUNG LA GYEN RGYU'I RLUNG ZHES 'GREL PAS 'CHAD DE THA SNYAD

, ,MI LEGS SO, ,GNYIS SU MED PAR BSKYED PA NI RLUNG DANG SHES PA GNYIS 'DRES NAS BSKYED PA'O, ,RANG GIS NI RTZANGS RLUNG NGO, ,RANG BZHIN NI DRI'O, ,RLUNG DE LAS MNYAM GNAS ZHES ZER BA'ANG MI LEGS SO, ,KO KEL NI RTZANGS PA'I RLUNG NGO, ,GZHU RGYAL LA NI NOR LAS RGYAL ZHES KYANG GSUNGS SO, ,DGU NI RTZA BA'I RLUNG LNGA DANG YAN LAG GI RLUNG BZHI'O, ,DE RNAMS KYI DBUS SU SON PAS DBUS NA GNAS PA'O, ,PHRA BA NI SO SKYE'I YUL MIN PA LA 'GREL PAS 'CHAD DO, ,RTZA DANG ZHES PA GNYIS KYIS NI DES BU GA NAM MKHA'I KHAMS SGRUB PAR BYED PAR BSTAN NO, ,LUS KYI SGO NI TSOR BA ZHES PA NI LUS DBANG SAD PAR BYED PA'O, ,GCIG TU REG BYA'I MTSAN NYID 'DZIN, ZHES 'GREL PA LAS 'BYUNG NGO, ,RAB SAD NI RLUNG LNGA PO RNAMS DBANG PO'I LAM NAS 'BYUNG BA'O, ,'OD GSAL BZANG PO NI 'OD ZER SHIN TU GSAL BA'I RLUNG NGO, ,MCHOG GI NAM MKHA' LA GNAS PA NI DON DAM PA'I STONG PA NYID KYIS GNAS PA LA 'CHAD KYANG RTZA'I KHONG STONG GI NAM MKHA' LA GNAS PA'O, ,KLU DANG ZHES PA LNGA NI RGYU BA NAS NGES PAR RGYU BA'I BAR LNGA'I MING NGO, ,GZHUNG GZHAN NAS LUS DBANG CHAGS PA'I 'OG TU MIG SOGS BZHI CHAGS PAR BSHAD LA, RGYUD 'DIR DE LAS LDOG STE GSUNGS PA NI LUS DBANG GI PHYOGS RE DANG CHA KUN SKYE BA'I DBANG DU MDZAD PA'O, ,GNYIS PA NI, DGA' BO MNGAL 'JUG GI MDO LAS MNGAL DU ZHUGS NAS ZHAG BDUN PHRAGS LNGA PA LA RTZA 'CHAGS PAR BSHAD, DUS 'KHOR NAS ZLA BA GCIG SONG BA'AM ZLA BA GNYIS PA LA RTZA 'CHAGS PAR BSHAD DO, ,DE LA KHA CIG DANG POR LTE BA'I RTZA 'DAB BRGYAD 'CHAGS, DA NAS SNYING GA'I BRGYAD, DE NAS MGRIN PA'I BRGYAD,

DE NAS SPYI BO'I BRGYAD CHAGS LA, DE DAG KYANG MI PHYED MA LA SOGS PA'I RTZA SO GNYIS SO, ,LTE BA LA RTZA 'DAB RE BZHI DANG, MGRIN PA LA BCU DRUG DANG, SPYI BO LA SO GNYIS BSHAD PA NI LTE BA'I RTZA 'DAB RE RE LA KYOG BRGYAD BRGYAD DANG, MGRIN PA'I RE RE LA KYOG GNYIS GNYIS DANG, SPYI BO'I RE RE LA KYOG BZHI BZHI YOD PA LA DGONGS SO ZHES SMRA'O, ,DE NI MI RIGS TE RTZA SO GNYIS KYI GRANGS LA RO RKYANG AA BA DH'U T'I YANG GTOGS PAS DE GSUM 'KHOR LO RNAMS KYI GZHUNG SHING GI TSUL DU GNAS KYI 'DAB MA MIN PA'I PHYIR DANG, MI PHYED MA LA SOGS PA BRGYAD SPYI BO SPYI GTZUG RNA BA GA-YAS GA-YON LTAG PA SMIN MTSAMS MIG PHRAG PA GNYIS KYI RTZAR GSUNGS PAS LTE BA'I RTZA 'DAB BRGYAD MIN NO, ,DES BRGYAD TSAN GZHAN RNAMS 'KHOR LO LHAG MA GSUM GYI RTZA 'DAB TU 'DOD PA MI 'THAD PA'ANG SHES PAR BYA'O, ,NGES NA DANG POR SNYING GA'I RTZA BRGYAD CHAGS PA YIN NO, ,RGYUD RDOR PHRENG LAS, LA LA NA DANG RA SA NA, ,AA BA DH'U T'I ZHES BYA'I MING, ,DE RNAMS SPRO BA'I SBYOR BA YIS, ,RIM GYIS THUN NI BRGYAD DU 'GYUR, ,GSUM PO NYI SHU RTZA BZHIR 'GRO, THIM DANG LONGS SPYOD BDAG PO'I PHYIR, ,RIM GYIS GRANGS NI BDUN BCU GNYIS, ,SLAR YANG DE SPRO SBYOR BA YIS, ,RE RE STONG STONG DBYE BA YIS, ,RTAG TU GRANGS NYID 'GYUR BA NI, ,STONG PHRAG BDUN BCU RTZA GNYIS SO, ,ZHES RTZA BDUN KHRI NYIS STONG GYES PA'I DANG PO'I GZHI NI RTZA GSUM DANG, DE GSUM LAS THUN TSED BRGYAD KYI RTZA GYES PAR BSHAD LA, DE NI SNYING GA'I RTZA 'DAB YIN PA'I PHYIR DANG, DE BRGYAD GANG LAS GYES NAS 'DAB MAR SONG BA'I DBUS KYI RTZA NI SNYING GA'I RTZA GSUM YIN PA'I PHYIR RO, ,DE BRGYAD LAS NYI SHU RTZA BZHIR GYES TSUL NI SKU

, ,GSUNG THUGS KYI 'KHOR LO GSUM GYI RTZA GSUM PO'I SGO NAS PHYE BAS YIN TE, GSUM PO ZHES PA 'GREL PA LAS KYANG BRGYAD LA GSUM GYIS BSGYUR BAS NYER BZHIR 'GRO BAR BSHAD DO, ,RGYUD DE NYID LAS, DE LAS 'KHOR LO GSUM PHYE BAS, , RTZA NI BRGYAD KYI DBYE BA LAS, ,SKU GSUNG THUGS KYI SNGAGS KYIS NI, ,GSUM PHYE BDUN CU RTZA GNYIS GSAL, ZHES BRGYA RTZA BRGYAD PO DE LA SKU GSUNG THUGS KYI RTZA GSUM GSUM DU 'BYED PAR GSUNGS SO, ,DE SA LA ZHES PA NI DE'I GONG DU AA KA TZA tA TA PA YA SHA'I SDE TSAN BRGYAD BSHAD PA DE RNAMS RNAM PAR DAG PA'I RTZA BRGYAD DU DBYE BA'I DON NO, ,'KHOR LO GSUM GYI DBYE BA NI SKU GSUNG THUGS KYI SNGAGS KYIS NI ZHES PAS BSHAD PA LTAR YIN GYI, 'GREL PAS SPYI BO'I 'KHOR LO DOR BA'I 'KHOR LO LHAG MA GSUM LA 'CHAD PA MIN NO, ,SNGAGS ZHES PA NI LHA DANG SNGAGS DBYER MED PAS RNAL 'BYOR MA NYER BZHI LA BYA BA'AM, YANG NA PU DZA LA SOGS PA'I YI GE NYER BZHIS SKU GSUNG THUGS KYI 'KHOR LO GSUM GYI LHA'I GNAS NYER BZHI BSTAN PA LA BYA STE, RGYUD DE NYID LAS, ,LUS KYI GNAS KYI DBYE BA YIS, ,DE NYID NYI SHU RTZA BZHIR BRJOD, ,THIM DANG LONGS SPYOD BDAG PO NYID, ,GRANGS NI BDUN CU RTZA GNYIS BRJOD, ,RE RE'ANG 'KHOR NI STONG STONG NGO, ,THIM PA LONGS SPYOD BDAG PO 'DOD, ,GTZO BO YANG NI BSDUS PA LAS, , GNAS RNAMS KYI NI GRANGS SU 'GYUR, ,ZHES GSUNGS PA'I PHYIR RO, ,BDUN CU RTZA GNYIS SU 'BYED PA'I GZHI NI NYER BZHI YIN LA, 'BYED PA'I RGYU MTSAN NI THIM PA DANG LONGS SPYOD PA DANG BDAG PO GSUM DU PHYE BAS 'BYED PAR GSUNGS PAS, SKU GSUNG

THUGS KYI SNGAGS KYIS NI, ,GSUM PHYE ZHES PA BRGYAD LA NYER BZHIR 'BYED PA'I RGYU MTSAN YIN GYI NYER BZHI LA DON GNYIS SU 'BYED PA'I RGYU MTSAN MIN NO, ,GTZO BO DON GNYIS PO RE RE LA 'KHOR STONG PHRAG RE RER GYES PA RNAMS STONG PHRAG NYER BZHI PA TSAN PA GSUM DU 'DU LA, DE'ANG KHRAG 'BAB PA NYER BZHI RLUNG 'BAB PA NYER BZHIR GSUNGS TE, DE NYID LAS, STONG PHRAG NYI SHU RTZA BZHI NI, ,RTZA NI RTAG TU RMAD BYUNG BA, ,BYANG CHUB SEMS NI 'BAB PAR SHES, ,BDE BA THAMS CAD RAB TU 'PHEL, ,RTAG TU RMAD DU BYUNG BA'I RTZA, ,STONG PHRAG NYI SHU RTZA BZHI NI, ,KHRAG 'BAB PAR NI SHES PAR BYA, ,NYI MA 'PHRO BA'I BDAG NYID CAN, ,RTAG TU RMAD DU BYUNG BA'I RTZA, ,STONG PHRAG NYI SHU RTZA BZHI NI, ,RLUNG RGYU BAR NI SHES PAR BYA, ,ZHES GSUNGS SHING, RLUNG DANG MKHRIS PA BAD KAN 'BAB PA'I DBYE BAS KYANG DE LTAR GSUNGS SO, ,Sm BHU tA LAS, SNYING STOBS SKU DE RDUL BCAS NGAG ,MUN PA SEMS KYI RANG BZHIN LAS, ,SNYING STOBS KHU BA RIN CHEN RDUL, ,MUN PA SKYED PAR BYED PA NYID, ,CES RTZA GSUM NAS 'BAB PA'I KHU BA SKU DANG RDUL GSUNGS DANG MUN PA SEMS SU GSUNG SHING 'DIR RLUNG 'BAB PAR GSUNGS PA'ANG GTZO BO SEMS BSKYED PA YIN PAS, RTZA BRGYAD PO RE RE LA LUS NGAG YID GSUM GYIS 'BYED PA'I RGYU MTSAN NI DE LTAR RO, ,THIM PA NI BYANG CHUB KYI SEMS SAM RLUNG GNYIS DER DA GZOD 'JUG PAR 'GYUR BA'O, ,LONGS SPYOD PA NI DE GNYIS RTZA DER DA LTA SPYOD BZHIN PA'O, ,BDAG PO 'AM DBANG BYED PA NI RTZA DER DE GNYIS LA SNGAR DBANG BYAS ZIN PA'O, ,RGYUD DE LAS, ,LUS KYI SNYING GI NANG DU NI, ,RTZA RNAMS LNGA NI RNAM PAR GNAS, ,SKU GSUNG THUGS KYI

, ,DBYE BA YIS, ,NYI SHU RTZA BZHIR NYE BAR BRJOD, ,CES GSUNG SHING, DE'I 'GREL PA MAN SNYE LAS, AA BA DH'U T'I DANG LHAN CIG RTZA LNGA RNAMS DANG PO STE, DE'I RJES SU GSUM DANG, DE NAS NYI SHU RTZA BZHI ZHES PA'O ZHES DANG, MNGAL GYI GNAS SKABS SU DANG POR SNYING GI RTZA LNGA RNAMS SKYE'O, ,DE'I RJES SU SKYES PA GSUM RNAMS SO ZHES PA BRGYAD RNAMS SO ZHES MNGAL DU DANG POR SNYING GA'I RTZA LNGA DUS GCIG TU SKYE ZHING, DE NAS GSUM SKYES BAS RTZA BRGYAD 'CHAGS LA, DE NAS RTZA NYER BZHI 'CHAGS PAR BSHAD DO, ,DE'I DON LA MKHAS PA KHA CIG DANG POR MNGAL DU RTZA DBU MA DANG SUM SKOR MA LA SOGS PA LNGA STE DRUG DUS MNYAM DU 'CHAGS PAR 'DOD PA NI MI 'THAD DE, AA BA DH'U T'I DANG LHAN CIG RTZA LNGA DANG POR SKYE BAR BSHAD PA NI RTZA DBU MA DANG BCAS PA'I LNGAR BSHAD KYI DE DANG BCAS PA'I DRUG TU MA BSHAD PA'I PHYIR DANG, DANG POR SNYING GA'I RTZA LNGA SKYE'O ZHES BSHAD PA'I PHYIR RO, ,GZHAN YANG DE'I RJES SU GSUM BYUG BAS BRGYAD DU 'JOG PAR YANG MI RIGS TE, RTZA BRGYAD LA DRUG 'CHAGS PA'I RJES SU GNYIS LAS MED PA'I PHYIR DANG, RO RKYANG DBU MA RTZA GZHAN THAMS CAD KYI RTEN DU SDOM 'BYUNG LAS GSUNGS PAS RO RKYANG RJES SU SKYE BAR MI 'THAD DO, ,RGYUD RDOR PHRENG LAS KYANG, DE GSUM SPRO BA'I SBYOR BA YIS, ,RIM GYIS THUN NI BRGYAD DU 'GYUR, ZHES SNYING GA'I RTZA 'DAB BRGYAD KA RTZA GSUM LAS GYES PAR GSUNGS PAS KYANG SUM SKOR MA DANG 'DOD MA DANG KHYIM MA DANG GTUM MO DANG BDUD BRAL MA LNGA CHAGS PA'I RJES SU RO RKYANG CHAGS PAR SMRA BA MI RIGS SO, ,DES NA RO RKYANG DBU MA GSUM DANG SUM SKOR MA DANG 'DOD MA LNGA DUS

MNYAM DU CHAGS PA'I RJES SU KHYIM MA LA SOGS PA GSUM CHAGS PA NI MAN SNYE'I LUGS SO, ,DE LTAR SNYING GA'I PHYOGS KYI RTZA SUM SKOR MA LA SOGS PA BZHI CHAGS PA'I RJES SU DE RNAMS RE RE LA MTSAMS KYI RTZA 'DAB RE GYES PAS THUN TSOD BRGYAD KYI RTZIR 'GYUR TE, RIM GYIS THUN NI BRGYAD DU 'GYUR, ZHES GSUNGS PA LTAR RO, ,SUM SKOR MA DANG 'DOD MA GNYIS RTZA GSUM DANG MNYAM DU CHAGS KYANG DE GSUM LAS GYES PA MI 'GAL LO, ,BDUD BRAL MA NI LTE BA NAS LANGS TE LCE'I RTZE MO'I BAR DU GNAS LA, DE LA'ANG AA BA DH'U T'I LA BRTEN NAS GNAS PAR MAN SNYE DANG SDOM 'BYUNG 'GREL PAR BSHAD DE, MGRIN PA NAS DBU MA DANG BRAL BAR GSAL LO, ,SNYING NAS RTZA BRGYAD CHAGS PAR BSHAD PA NI RO RKYANG DBU MA GSUM 'DAB MA'I SUM SKOR MA LA SOGS PA BZHI BDUNG BRAL MA DANG BRGYAD BRGYAD YIN LA, SNYING GAR THUN BRGYAD KYI RTZA BSHAD PA NI SNYING GA'I PHYOGS MTSAMS KYI 'DAB MA'I RTZA BRGYAD YIN PAS MI GCIG GO ,RTZA'I GTZO MO GSUM NI LUS KYI DBUS NAS STENG DANG 'OG TU KHYAB CING, RO RKYANG GI RTZA GNYIS KYIS DBU MA LA 'KHOR LO SO SO'I LTE BAR LU GU RGYUD KYI TSUL DU DKRIS NAS GNAS TE, RGYUD RDOR PHRENG LAS, LA LA NA DANG RA SA NA, ,AA BA DH'U T'I ZHES BYA'I MING, ,SKU GSUNG THUGS KYI RANG BZHIN DANG, ,DE NYID DU NI YONGS SU GRAGS, ,STENG DANG 'OG TU KHYAB PA NYID, ,SO SOR LU GU RGYUD TSUL DU, ,RTZA RNAMS KUN LA KHYAB NAS NI, ,YANG DAG MAN NGAG RIM PAR GNAS, ,ZHES SO, ,'KHOR LO NI DRUG STE, LTE BA SPRUL PA'I 'KHOR LO NI RTZA 'DAB RE BZHI DANG, SNYING GA CHOS KYI 'KHOR LO NI RTZA 'DAB BRGYAD DANG, DE'I GONG MGRIN PA'I 'OG TU ME'I 'KHOR LO NI RTZA 'DAB GSUM DANG, MGRIN PA

, ,LONGS SPYOD KYI 'KHOR LO NI RTZA 'DAB BCU DRUG DANG, SMIN MA'I DBUS RLUNG GI 'KHOR LO NI RTZA 'DAB DRUG DANG, SPYI BO BDE CHEN GYI 'KHOR LO NI RTZA 'DAB SO GNYIS PO STE BSDOMS NA BRGYA DANG NYER DGU'O, ,DE'ANG RGYUD RDOR PHRENG LAS, RLUNG GI 'KHOR LOR GNAS PA'I RTZA, ,'DAB DRUG RLUNG GI MKHA' LA SPYOD, ,'DAB GSUM ME YI 'KHOR LOR BSHAD, ,RTZA GSUM GNAS NI RIM BZHIN 'CHAR, ,DE BZHIN LONGS SPYOD 'KHOR LO YANG, ,RTZA NI BCU DRUG TU NI BRJOD, ,CHOS KYI 'KHOR LO GNAS PA'I RTZA, ,BRGYAD NI KUN LA KHYAB PA PO, ,DE BZHIN SPRUL PA'I 'KHOR LO YANG, ,DRUG CU RTZA BZHIR 'CHAR BAR BSHAD, ,BDE BA CHEN PO'I 'KHOR LO CHER, ,RTZA NI SUM CU GNYIS SU BSHAD, ,DE LTAR MDOR BSDUS RIM PA YANG, ,BRGYA DANG NYI SHU RTZA DGU'O, ,ZHES DANG, SMIN MA'I DBUS GNAS RLUNG 'KHOR LO, ,ZHES DANG, RTZA GSUM GRU GSUM ME DKYIL 'KHOR, ,MGRIN PA'I 'OG TU BSHAD PA YIN, ,ZHES SO, ,RTZA DBU MA NI GTZUG TOR NAS NOR BU'I MTHA' DANG RKANG PA'I MTHA'I BAR DU GNAS PAR MAN SNYE LAS BSHAD DE, BUD MED RNAMS LA RDOR DBYINGS DBANG PHYUG MA'I RTZA PADMA'I DBUS SU GNAS PAR BSHAD LA, DE NYID DBU MA DANG RNAM GRANGS SU GSUNGS PAS, SKYES PA LA'ANG NOR BU'I BAR DU GNAS PA 'THAD DO, ,GTZUG TOR NAS ZHES BSHAD KYANG BHA BA BHA DRAS SMIN DBUS BAR DU BSHAD PA LTAR LEGS SO, ,RO RKYANG GNYIS KYANG YA MTHA' DE DANG 'DRA LA, MA MTHA' 'ANG DBU MA DANG 'DRA'O, ,RKYANG MA LTE BAR NGAL BSO BA DANG, RO MA MGRIN PAR NGAL BSO BAR GSUNGS PA NI, DE GNYIS NAS KHU KHRAG 'PHEN 'DZIN BYED PAS DE STON GYI DE PHAN CHAD DU MI 'GRO BA MIN PAR BSHAD DO, ,MAN

SNYE LAS GTZUG TOR DU RTZA 'KHOR 'DAB MA BZHI PA DANG, GSANG GNAS SU 'DAB MA SO GNYIS DANG, NOR BUR 'DAB MA BRGYAD PA GSUM DANG GZHAN BZHI STE 'KHOR LO BDUN BSHAD LA, PHYAG CHEN THIG LER MDUD PA SO GNYIS PAR YANG GSUNGS TE GA-YAS GA-YON LA DGONGS PAS BSDOMS NA BCU DRUG GO ,DE LTAR DBU MA'I RTZA MDUD RNAMS KYI NANG NAS SHIN TU 'BYED DKA' BA NI SNYING GA'I RTZA MDUD YIN TE, RGYUD RDOR PHRENG LAS, SNYING GA'I PADMA'I SBUBS MKHA' LA, ,YE SHES RDO RJE RTAG TU BZHUGS, ,STENG 'OG YANG DAG BRTAN NAS NI, ,SROG DANG THUR SEL RGYU BAR BYED, ,DE LA'ANG DBYE BAR DKA' BA YI, ,DBUS SU MDUD PA GSUM GYIS DKRIS, ,DE YIS THUR SEL BCOM BYAS PAS, ,STENG DU 'GRO BA THOB MI SRID, CES DANG, STENG MA RNAMS KYANG THUR DU 'GRO ,SROG GIS RAB TU BCOM NA YANG, , DE DAG RNAMS KYANG SROG RTZA'I NANG, ,ZHUGS NAS THUR DU KHA BLTAS PA, ,DE DAG THUR DU MI 'GRO STE, ,MA RIG MDUD PAS BCINGS PA NA, ZHES GSUNGS SO, ,DE LA RKANG PA DANG PO GNYIS KYI DON NI 'CHAD PAR 'GYUR LA, STENG 'OG GI NI SNYING GA'I 'KHOR LO'I STENG LA BRTEN NAS SROG 'DZIN DANG, 'OG GI RTZA LA BRTEN NAS THUR SEL RGYU'O, ,SNYING GA'I PADMA DE LA'ANG 'KHOR LO DE'I DBUS SU RTZA DBU MA LA RO RKYANG GNYIS KYIS GA-YAS GA-YON NAS MDUD PA GSUM GYIS DKRIS NAS GNAS SO, ,MDUD PA DE NI SHIN TU DBYE BAR DKA'O, ,MDUD PA DAM PO DE YIS 'OG NAS THUR SEL SNYING GA'I DBU MA'I NANG NAS STENG DU 'GRO BA'I BYA BA BCOM PAS TE BKAG PAS, RLUNG DE LA LAM DE NAS STENG DU 'GRO MI NUS SO, ,DE BZHIN DU SROG 'DZIN LA SOGS PA'I STENG GI RLUNG RNAMS KYANG SROG RTZA'I

, ,NANG DU ZHUGS TE KHA THUR DU BLTAS TE 'GRO MOD KYANG, SNGAR BSHAD PA'I LAM DE NAS ZHUGS NAS THUR DU 'GRO MI NUS TE, DE NAS SROG GIS TE SROG RLUNG 'OG TU 'GRO BA'I BYA BA BCOM PA'I PHYIR TE, RO RKYANG GI MDUD PAS DAM PAR BCINGS PA'I PHYIR RO, ,SPYOD BSDUS LAS, DKYIL 'KHOR BZHI'I RLUNG RNAMS 'OG GI RDO RJE DANG PADMA'I SNA RTZE NAS STENG GI SNA'I SGOR RGYU BAR BSHAD LA, KHYAD PAR DU THUR SEL SNA GA-YON LA RGYU BAR BSHAD PAS, SPYIR 'OG NA GNAS PA'I RLUNG RNAMS STENG GI SNA SGOR MI 'GRO BA DANG, STENG NA GNAS PA'I RLUNG RNAMS 'OG GI SGOR MI 'GRO BA MIN GYI, SNYING GA'I DBU MA NAS YAR MAR DU 'GRO MI NUS PA'I DON NO, ,DES NA RGYUD DE NYID LAS, BDAG CES BYA BA'I SGRA YI RTEN, ,GANG GIS YANG DAG SHES PA YIS, ,SRID PAR 'CHING BA'I MTSAN NYID NI, AA HAm 'KHOR BA'I 'CHING BA YI, ,DE NI YONGS ZAD GROL BA'O, ZHES AA HAm ZHES PA NGA'AM BDAG GO ZHES PA'I SGRA'I DON YONGS SU SHES NA 'KHOR BA'I 'CHING BA GCOD PAR BSHAD LA, YANG DE NYID LAS, AA HAm DANG BRAL SKYES BU NI, ,RTZA BA CHAD PA'I SHING BZHIN NO, ZHES DE'I DON SHES PA DANG BRAL BA'I SKYES BU NI RTZA BA RUL BA'I SHING LTAR GSUNGS NAS, AA NI SROG GI RLUNG DU BSHAD, ,DE BZHIN THUR SEL HAm DU BRJOD, ,DE GNYIS GCIG TU GYUR PA NA, ,DE NI AA HAm ZHES BYAR GRAGS, ,ZHES SROG THUR GNYIS GCIG TU BSRE BAR GYUR PA NI 'DI'I LUGS KYIS SNYING GA'I RTZA MDUD GROL BA'I GNAS DER BSRE BA YIN PAS SNYING GA'I MDUD PA DBYE DKA' BAS SROG THUR 'DRER MA BCUG PA DANG, 'DRES NA 'DRES LUGS JI LTAR 'ONG DANG, MDUD PA DE 'BYED PA'I GDAMS PA'I GNAD RNAMS SHES

PA NI SHIN TU GAL CHE'O, ,DE LA LTE BA DANG MGRIN PA'I 'KHOR LO NI AE YIG 'BRU GSUM GYI DBYIBS SHES RAB DANG, SNYING GA DANG SPYI BO'I 'KHOR LO NI WAm YIG ZLUM PO'I DBYIBS THABS YIN LA, SNGA MA GNYIS KHA GYEN DU BLTA ZHING PHYI MA GNYIS THUR DU BLTA STE, SAm BHU tA LAS, SPYI BO LTER SON 'KHOR LO NI, ,AE YI DBYIBS SU YANG DAG GNAS, ,SNYING DANG MGRIN PAR YANG DAG GNAS, ,WAm GI RNAM PA LTA BUR BRJOD, ,CES DANG, THABS DANG SHES RAB RANG BZHIN GYIS, ,STENG DANG 'OG TU SNYOMS PAR 'JUG ,AA YIG DANG NI WE YIG NI, ,GNYIS GNYIS SU NI BRJOD PA NYID, CES GSUNGS TE, RKANG PA BZHI PO DE'I DON MAN SNYE LAS SNGAR LTAR BSHAD DO, ,GSUM PA NI, RLUNG DANG BYANG CHUB KYI SEMS DKAR DMAR NI RTZA'I SNGON NAS KYANG CHAGS LA, DE'ANG PHA MA LAS BYUNG BA'I BYANG CHUB KYI SEMS DKAR DMAR GYI DBUS SU BAR DO'I RNAM SHES ZHUGS PA NI SNYING GA DANG, DE NAS LUS YAN MAN DU 'CHAGS PA SA'I DNGOS GZHIR GSUNGS PAS, THIG LE DKAR DMAR GYI DANG PO'I GNAS NI SNYING GA YIN NO, ,PHYIS RTZA RNAMS CHAGS PA'I RJES SU NI SPYI BO'I 'KHOR LOR BYANG SEMS DKAR PO DANG, LTE BAR DMAR PO GNAS TE, MAN NGAG SNYE MA LAS, THUGS RDO RJE NI DRI ZA'I SEMS CAN GYI GNAS SKABS DOR NAS PHA MA'I KHU BA DANG RDUL DANG LHAN CIG TU GYUR PA PHAN TSUN PHAN GDAGS BYA DANG PHAN 'DOGS PA PO NYID KYIS, DE LTA DE LTAR GNAS SKABS YONGS SU 'GYUR BA BRGYUD PA'I NGO BO'I PHUNG PO LNGA RNAMS NYE BAR BSKYED DE, SKYE BA LA SOGS PA'I GNAS SKABS RNAMS SU'O, ,'ON KYANG GNAS SKABS SU MGO BO'I MTSO SKYES SU KHU BA SHAS CHE RDUL SHAS CHUNG BA STE,

, ,GSANG BA'I CHU SKYES SU LDOG PA'O, ,ZHES GSUNGS SO, ,GSANG BA'I CHU SKYES KYI SGRAS NI LTE BA'ANG GZUNG LA, SPYI BOR NI DKAR PO SHAS CHE BA DANG DUS RTAG TU GNAS PAS DE'I GNAS SU BSHAD KYI, DER DMAR PO MED PA DANG GNAS GZHAN DU DKAR PO MI GNAS PA MIN NO, ,DE BZHIN DU LTE BAR YANG DKAR PO YOD MOD KYANG SHAS DMAR PO CHE ZHING, GTAN DU BA'I GNAS YIN PAS DMAR PO'I GNAS SU BZHAG GO ,'O NA SAm BHU tA LAS, DE NANG HAm GI RNAM PA NI, ,THIG LE'I GZUGS CAN MI SHIGS PA, ,'JIG RTEN KUN GYI RTZA BA DE, ,BRTAN PA'I BDAG NYID GA-YO BA'I BDAG ,GSAL DANG MI GSAL GZUGS LAS NI, ,SA BON GZUGS KYIS YANG DAG GNAS, ,LUS CAN RNAMS NI KUN GYI GZUGS, ,DE PHYIR GDOD NAS RDZOGS PA NYID, CES KLAD PA'I NANG GI BYANG SEMS DKAR PO LUS KUN GYI RTZA BAR BSHAD PA CI YIN SNYAM NA, 'JIG RTEN KUN NI PHUNG PO LNGA'I 'JIG RTEN DANG BRTEN PA NI MIG SOGS DANG GA-YO BA NI SEMS SEMS BYUNG YIN LA DE DAG GI RTZA BAR GSUNGS PA NI, MAN SNYE LAS BAR SKABS SU ZHES BSHAD PA LTAR SPYI BO'I 'KHOR LOR BYANG SEMS DKAR PO CHAGS RJES SU DES LUS KYI 'JIG RTEN RGYAS PAR BYAD PA LA DGONGS SO, ,RKANG PA THA MA LA DPYID THIG TU DE LAS DANG PO NAS BSKYED PA'O ZHES BSGYUR BA'ANG DE DANG 'DRA STE, DE LTA MA YIN NA SPYI BO'I 'KHOR LOR GNAS PAS DE LTAR BSKYED PAR BSHAD PA DANG 'GAL TE, RTZA MA CHAGS PA'I GONG DU SPYI BO'I 'KHOR LO MED PA'I PHYIR RO, ,DES NA SEMS RTEN GYI THIG LE NI RNAM SHES ZHUGS PA'I KHU KHRAG DANG DE'I RGYUN YIN LA, DE'ANG SNYING GA'I GNAS NA GNAS PAS, THUGS KYI SA BON SNYING GA RU 'GOD

PAR LAN DU MA ZHIG TU GSUNGS SO, ,LUS LA GNAS PA'I KHAMS BCU DRUG GI GTZO BO KHU KHRAG GNYIS YIN PAR GSUNGS LA, DE GNYIS KYIS SEMS RTEN BYED PA'I GNAS NI SNYING GA DANG, 'BAR BA DANG 'DZAG PA'I KHU KHRAG GI GNAS NI SPYI BO DANG LTE BA'O, ,GZHAN YANG RGYAS PAR BYED NA SNGAR BSHAD PA LTAR RTZA BDUN KHRI NYIS STONG LA TSAN PA GSUM DU BYAS NAS GCIG NAS KHU BA DANG GCIG NAS KHRAG DANG GCIG NAS RLUNG 'BAB PAR GSUNGS TE SHAS CHE BA'O, ,DE LAS BSDUS NA, KHU KHRAG RLUNG GSUM 'BAB PA'I RTZA DON GNYIS DE LAS BSDUS NA DE GSUM 'BAB PA'I RTZA NYER BZHI, DE LAS BSDUS NA DE GSUM 'BAB PA'I SNYING GA'I RTZA BRGYAD, DE LAS BSDUS NA RO MA LAS KHRAG DANG, RKYANG MA LAS KHU BA DANG DBU MA LAS RLUNG 'BAB PAR GSUNGS TE, RGYUD RDOR PHRENG LAS, GA-YON PA ZLA BA BYANG CHUB 'BAB, ,GA-YAS PA KHRAG DANG NYI MA 'BAB, ,SHES BYA DBUS SU RLUNG RGYU BA, ,ME SAD BYED PAR SHES PAR BYA, ZHES GSUNGS LA, GZHAN RNAMS KYI KHUNGS NI BSHAD ZIN TO, ,RGYUD 'DIR DBU MA LA ME RGYU BA'I RTZAR YANG BSHAD LA, DE'I DON DUS ME RGYU BA LA 'GREL PAS 'CHAD DO, ,'ON KYANG DBU MA NAS RGYU BA'I RLUNG DE GTUM MO'I MES SAD BYED DU GSUNGS TE 'DI NI 'CHAD PAR 'GYUR RO, ,GNYIS PA NI, DE LTAR PHUNG PO DANG KHAMS DANG SKYE MCHED KYI LUS SPYI DANG, BYE BRAG TU RLUNG DANG RTZA DANG BYANG CHUB KYI SEMS RIM GYIS CHAGS TE MNGAL DU SKYE BA RDZOGS NAS, BCAS PA'I 'OG TU JI LTAR GNAS SNYAM NA, MNGAL DU SNA BUG NAS RLUNG 'BYUNG 'JUG GANG YANG MI BYED PAR GNAS NA'ANG, MNGAL SGOR BTZAS MA THAG NAS RLUNG GNYIS KYANG 'BYUNG 'JUG BYED LA, BZA' BTUNG

, ,LONGS SPYOD PA RNAMS KYANG LTE BAR GNAS PA'I GTUM MO'I MES BZHUS NAS TSIGS MA RGYU MTHUN DU 'GYUR ZHING, DVANGS MA LUS KYI RTZA GNAS RNAMS SU RO RKYANG GNYIS KYIS 'BEBS PAS LUS 'PHEL BA DANG GNAS PA'I RGYUR 'GYUR RO, ,ZHAG RE LA RLUNG NYI KHRI TSIG STONG DRUG RGYA RGYU ZHING, 'OG GI SGOR SKYES PA DANG BUD MED LA KHU KHRAG 'BYUNG BA NI LO BCU GNYIS DANG BCU DRUG GI MTSAMS NAS YIN PAR BSHAD DO, ,DMAR CHA'I MES DKAR CHA BZHUS NAS 'OG SGOR 'BEBS PA'I DMAR CHA NI, SPYIR KHRAG ME'I KHAMS KYI NGO BO YIN PAS LUS KYI RTZA NANG NAS RGYU BA'I KHRAG GI KHAMS THAMS CAD DANG, BYE BRAG TU RO MA NAS RGYU BA'I KHRAG GI KHAMS DROD KYI NGO BOR 'BAR BA YOD KYANG, GTUM MO'I GTZO BO NI DBU MA NA GNAS PA'I KHRAG YIN TE, GTUM MO'I ME SAD PAR BYED PA'I RLUNG DBU MA NAS RGYU BA LA BSHAD LA, DE'I GNAD KYIS DES SBAR BAR BYA BA'I ME'ANG RTZA GZHAN GYI NANG GI ME MIN NO, ,DE'ANG GTZO BOR LTE BA DANG DE'I 'OG SUM MDOR GNAS PA'I KHRAG NI KHAMS YIN TE, LTE BAR GNAS PA NI MANG DU BSHAD LA, SAm BHU tA LAS, TSANGS PA'I ME NI SUM MDOR GNAS, ,ZHES KYANG GSUNGS TE, SNGA MA NI AA YIG TU BSHAD LA PHYI MA NI KshA YIG TU GSUNGS SO, ,LTA BA'I AA THUNG DE'I 'KHOR LO'I DBUS SU GNAS BAR LAN MANG DU GSUNGS SHING, 'GREL PA RNAMS LAS KYANG AA BA DH'U T'I'I NANG DU 'GOD PAR GSUNGS PAS DBU MA'I NANG GI RDUL GYI NGO BO YIN NO, ,DE'I PHYIR ME DES BZHU BAR BYA BA'I SPYI BO'I HAm YIG KYANG SPYI BO'I 'KHOR LO'I DBUS AA BA DH'U T'I'I NANG NA GNAS PA'O, ,LTE BAR GTUM MO'I ME 'BAR BA DE'I DBU MA'I NANG DU ZHUGS PA 'KHOR LO SO SO'I 'DAB MAR ZHUGS NAS 'GRO BAS

LUS KUN LA GTUM MO 'BAR BA'ANG 'ONG LA, DES RTZA GNAS DE THAMS CAD NAS BYANG SEMS RE ZHU BAR YANG BYED DO, ,RO MAR RLUNG DANG KHU BA'ANG KYANG KHRAG SHAS CHE BAS RTZA DER KHRAG 'BAB PAR GSUNGS LA, DE BZHIN DU RKYANG MAR YANG DE GSUM GA 'BAB KYANG RO MA LA BLTOS TE KHU BA SHAS CHE BAS DE 'BAB PA'I RTZAR GSUNGS SO, ,DBU MAR YANG DE GSUM GA 'BAB KYANG SEMS KYI BZHON PA'I RLUNG ME SAD BYED DER 'BAB PA SHAS CHE BAS RLUNG 'BAB PA DANG SEMS 'BAB PA ZHES GSUNGS LA, RO RKYANG GNYIS LA BLTOS TE KHU BA'ANG DER 'BAB PA SHAS CHE BAS SHES RAB ZLA BA 'BAB PAR BSHAD PA, DE NI KUN 'DAR MAR RAB GRAGS, ZHES GSUNGS SO, ,DE LTAR NA GANG ZHU BAR BYA BA NI KHU BA DANG, DE ZHU BAR BYED PA NI KHRAG DANG, KHRAG 'BAR BYED NI RLUNG YIN LA, DE GSUM GA'I GTZO BO YANG AA BA DH'U T'I NA GNAS PA YIN NO, ,RGYUD RDO RJE PHRENG BAR SNYING GA DANG LTE BA'I 'KHOR LO'I DBUS NA MI SHIGS PA RE GNAS PAR BSHAD PA NI N'A DA LA BSHAD DE, BSGYUR NA SGRA 'AM SGRA TZAM ZHES PA'O, ,SPYI BO'I HAm YIG LA MI SHIGS PAR SAm BHU tA LAS BSHAD PAS MGRIN PA'I DBUS SU'ANG MI SHIGS PA'I N'A DA SHES PAR BYA'O, ,DE'ANG RGYUD RDOR PHRENG LAS, MI SHIGS N'A DA'I GO 'PHANG CAN, ,RNAM RTOG THAMS CAD RNAM PAR SPANGS, ,SPRUL GYI LCE LTAR GA-YO BA DANG, ,TSANGS LA SOGS PA'I PHA MA DANG, ,ZAD PA MA YIN GA-YO BA YIN, ,'BYUNG BA'I TSOGS NI RNAM PAR SPANGS, ,GRANGS BRAL ZAD MED SKYE BA MED, ,LTE BA SPRUL PA'I 'KHOR LOR GNAS, ZHES GSUNGS PA NI AA THUNG ZHES GRAGS PA'I GTUM MO YIN TE, RGYUD DE NYID LAS, GANG PHYIR MKHA' 'GRO RNAMS SDUD PA, ,DE PHYIR BSDUS PA'I MKHA' 'GROR BRJOD, ,LTE BA'I DBUS NA

, ,RTAG BZHUGS PA, ,NYI MA STONG DANG MTSUNGS PA'I 'OD, CES GSUNGS PA'I PHYIR RO, ,'DI NYID SAm BHU tAR BDAG MED MA DANG, DPYID THIG TU RDO RJE PHAG MOR YANG BSHAD PAS MKHA' 'GRO MA RNAMS BSDUS PA'I NGO BO'O, ,YANG DE NYID LAS, CHOS KYI 'KHOR LO'I PAD DBUS NA, ,SGRA TZAM YANG DAG GNAS PA NI, ,RTOG MED SNANG BA MED PA DANG, ,GNYIS SU MED CING DRI MA MED, ,DPE BRAL BYA BA MED PA DANG, ,GZHI MED BLA GAB MED PA DANG, ,YE SHES DBANG PHYUG MCHOG TU'O, ,'BYUNG DANG RDUB PA RNAM PAR SPANGS, ,ZHES GSUNGS SO, , SNYING GA'I MI SHIGS PA 'DIS MTSON PA'I DON NI DU MA ZHIG YOD KYANG KUN RDZOB TU GNAS TSUL NI, YID KYI SHES PA'I SEMS DANG, SEMS DE'I RTEN THIG LE DKAR DMAR GNYIS DANG, RLUNG 'OD ZER LNGA PA 'OD GSAL GYI RLUNG ZHES 'GREL PA LAS BSHAD, LHAN CIG SKYES PA'I RLUNG NI ZHES DE KHO NA NYID GRUB PA LAS 'BYUNG BA'O, ,DE LA SNYING GI PADMA'I SBUBS KYI MKHA' LA BZHUGS PA'I YE SHES RDO RJE ZHES KYANG ZER RO, ,RGYUD DE NYID LAS, GTZO BO CHEN PO MI BSKYOD PA'I, ,'JIG RTEN KHAMS NI DE NYID DO, ,DER NI RTAG TU BZHUGS PA'I SA, ,SROG GI YE SHES MING CAN TE, ,ZHES SROG 'DZIN GYI RLUNG LA GSUNGS LA, 'DI SNA SGOR 'BYUNG 'JUG MI BYED PAR GSUNGS PAS SNA BUG GNYIS KA NAS RGYU BA'I CHU RLUNG LA SROG 'DZIN DU BSHAD PA DE MIN GYI, SROG 'DZIN SHIN TU PHRA BA SA CHU LA THIM PA LA SOGS PA'I MTHAR RLUNG RAGS PA RANG BZHIN LA THIM NAS PHYI'I SNA BUG GI RGYU BA CHAD NAS STONG PA GSUM GYI DUS DANG SHI BA'I 'OD GSAL GYI DUS SU'ANG GNAS PA'I RLUNG DE YIN NO, ,'DI NYID YI GE RU BKOD PA NA RGYUD 'DI LAS H'Um YIG DANG AA YIG TU BSHAD PA GNYIS BYUNG, SAm BHU tA LA SOGS PA NAS H'Um YIG

TU BSHAD PA SHIN TU MANG, SPYOD BSDUS SU RGYUD KYI LUNG DRANGS NAS AA YIG TU BSHAD DO, ,'KHOR LO BZHI'I LTE BAR BKOD PA'I YI GE 'DI RNAMS LA RGYA GAR BA DANG BOD MANG POS GNAS DE NA RTZA YI GE'I RNAM PA CAN RE YOD PA YIN ZHES 'DOD DE, DE LTA NA YI GE MI MTHUN PA MANG PO BSHAD PA DANG 'GAL BAS MI 'THAD DO, ,DES NA MAN NGAG SNYE MA LAS NGO BO NI SNGAR BSHAD PA'I GTUM MO'I RDUL LA SOGS PA YIN LA, DE AA THUNG DANG H'Um RING PO DANG AOm SHIN TU RING POR BSHAD PA NI GNAS DE DAG NA RLUNG DANG RTZA PHRAD PAS DE DAG GI GDANGS KYI RNAM PA CAN 'BYUNG BA YIN LA, DBYIBS AA LA SOGS PA BSHAD PA NI BLOS BTAGS BSGOM PA LA BSHAD DE LEGS PA YIN NO, ,SPYOD BSDUS SU MI SHIGS PA LAS RLUNG 'JUG GNAS LDANG GSUM GYI NGO BOR GYUR PA'I YI GE GSUM GYI GDANGS 'BYUNG BAR GSUNGS PA NI SNYING GA'I MI SHIGS PA DE RNAMS KYI RTEN YIN PA LA DGONGS KYI DA LTA DE NAS LDANG 'JUG BYED PAR STON PA MIN NO, ,SNYING GA'I RTZA MDUD GROL BA'I GNAS DER RLUNG SEMS THIM PA NI RNAM RTOG BRGYA RTZA DANG BRGYAD CU 'GOG PA'I GNAS DAM PA YIN PAS, RNAM RTOG GIS MI BSKYOD PAS MI BSKYOD PA'I ZHING DU BSHAD DE MI BSKYOD PA THUGS KAR 'GOD PA'I DGOS PA'I DGOS PA'ANG DES SHES PAR BYA'O, ,GNAD DE BDE BA CAN GYI ZHING DU'ANG BRJOD DE BDE BA CHEN PO SKYE BA'I GNAS KYI MCHOG DANG, BYANG CHUB KYI SEMS NI 'CHI BA 'GOG PAS TSE DPAG MED YIN LA, DE LAS BYUNG BA'I SHES RAB KYI 'OD MTHA' YAS PA'I PHYIR RO, ,'OD DPAG MED KYI ZHING DU'ANG GSUNGS SO, ,MGRIN PA'I N'A DA NI AOm YIG GIS MTSON PA'I KHRAG DANG BYE BRAG TU NI RLUNG NGO, ,N'A DA DE DAG GIS MTSON PA'I DON NI STONG PA DANG BDE STONG DBYER MED PA LA SOGS PA

, ,MANG NGO, ,LUS CHAGS NAS GNAS PA'I TSUL BSHAD ZIN TO, ,GNYIS PA NI, DE LTAR LUS CHAGS NAS GNAS PA DE MTHAR 'CHI BA'I TSE SDUD PA DANG NUB PA DANG THIM PA'I RIM PA LA RTZA SDUD PA'I RIM PA NI, RGYUD RDOR PHRENG LAS, GRANGS NI BDUN CU RTZA GNYIS BRJOD, ,RE RE'ANG 'KHOR NI STONG STONG NGO, ,THIM PA LONGS SPYOD BDAG POR 'DOD, ,GTZO BO YANG NI BSDUS PA LAS, ,GNAS RNAMS KYI NI GRANGS SU 'GYUR, ,SLAR YANG BSDUS NAS 'GRO BA NI, ,GSUM DANG RNAM BRGYAD DBYE BA YIS, ,NYIN DANG MTSAN MO'I DBYE BA YIS, THUN TSOD SKAD CIG SBYOR BA YIS, ,RTZA RNAMS GONG NAS GONG DU NI, ,NANG DU 'GRO BAR SHES PAR BYA, ZHES GSUNGS SO, ,DON GNYIS RE RE LA STONG STONG DU 'BYED TSUL NI, GNAS NAS NYE BA'I DUR KHROD KYI BAR BCU LA RIGS BRGYA'I DBYE BAS 'BYED PA DANG, SLAR YANG BSDUS NAS 'GRO BA NI DON GNYIS PO NYER BZHI'I KHONGS SU 'GRO BA STE GTZO BO YANG ZHES PA DANG 'BREL LO, ,GSUM DANG RNAM BRGYAD DBYE BA NI BRGYAD LA GSUM GYIS BSGYUR NI NYER BZHIR 'GRO BA'O, ,NYIN MTSAN GYI DBYE BA NI CHU TSOD SA GNYIS TE DER NYER BZHI SDUD DO, ,THUN TSOD NI RTZA BA BRGYAD DE SO GNYIS KYANG DER SDUD DO, ,BRGYAD NI SKAD CIG MA GCIG LA SDUD PAR 'GREL PAS BSHAD DO, ,GTZO BO YANG NI BSDUS ZHES SNGAR BSHAD PAS SLAR YANG BSDUS ZHES PA NI NYER BZHI'I NYIN MTSAN LA THUN BRGYAD DU PHYE BA'I RTZA BRGYAD LA SDUD CING, BRGYAD PO'ANG RTZA GSUM LA SDUD DO, ,SKAD CIG GI DBYE BA NI SNGA MA LAS PHYI MAR SDUD PA MYUR DU SDUD PA'I DON DU BYAS NA 'THAD PAR SEMS SO, ,YANG DE NYID LAS, GTZO BO GSUM PO SLAR YANG NI, ,SBYOR BAS GCIG PA NYID DU 'GRO, ZHES PAS NI RO RKYANG GNYIS KYANG DBU MA GCIG PUR 'GRO BA'O,,

DE LTAR SDUD PA NI RTZA NANG NAS RLUNG SDUD TSUL LA 'GREL PAS 'CHAD DO, ,DANG PO LAS KYI RNAL 'BYOR PAS, ,PHRA BA DE NI SHES PAR DKA', ,BSAM GYIS MI KHYAB MCHOG TU PHRA, ,THIG LE N'A DA RNAM PAR SPANGS, ,BDE BA KUN GYI GZHI GSANG BA, ,SROG GI RTEN GYI MTSAN NYID DANG; ;RDO RJE DBYINGS KYI DBANG PHYUG DANG, ,DUS KYI RTZAR NI RNAM PAR BSHAD, ,RO GCIG GO 'PHANG BDAG NYID CAN, ,RNAL 'BYOR MA YI RGYUD LAS SHES, ,ZHES RTZA RNAMS KYIS RNAM RTOG BSKYED PA'I NUS PA RIM GYIS BSDUS NAS DBU MAR THIM PA DE RIM PA DANG PO'I RNAL 'BYOR PAS RTOGS DKA' BAR GSUNGS PAS RDZOGS RIM GYI RNAL 'BYOR BA'I YUL DU BSTAN NO, ,DE'I PHYIR SDUD RIM 'DI RDZOGS RIM BSGOMS PA'I STOBS KYIS BSDUS PA YIN MOD KYANG 'CHI BA'I DUS LA SBYOR BA MI 'GAL TE LAM GYIS KYANG 'CHI RIM BZHIN DU SDUD PA'I PHYIR RO, ,SROG GI RTEN GYI MTSAN NYID CES PAS NI DBU MA GZHAN GYI NANG MIN GYI SROG RLUNG GI RTEN SNYING GA'I RTZA MDUD KYI NANG DU BSTAN NO, ,'GREL PAR, RNAL 'BYOR MA YI ZHAL LAS SHES, ,ZHES BTON NAS YE SHES KYI MKHA' 'GRO MA'I GDAMS NGAG LAS RTOGS PAR BYA BAR 'TSANG DO, ,RLUNG SDUD PA'I RIM PA NI, RGYUD DE NYID LAS, JI LTAR ZLA BA GZAS BZUNG LTAR, ,RLUNG RNAMS RIM GYIS NYAMS 'GYUR BA, ,SNGA MA BZHIN DU GONG NAS GONG, ,RANG GI BDAG NYID THIM PAR 'GYUR, ,BTANG BZUNG SLAR LA 'GRO BAR BYED, ,JI LTAR MES BSREGS DNGOS PO MED, ,RGYU MED PAR NI THIM NAS 'GRO, ZHES GSUNGS TE, BTANG BZUNG NI SROG 'DZIN GYI RLUNG STE MTHAR DE LA THIM NAS 'GRO BA NI ME SHI BA BZHIN NO, ,DE LTAR NA RTZA DANG RLUNG SDUD PA'I RIM PA GNYIS KYIS SNYING GAR SDUD PAR BSHAD LA, DE'I

, ,RGYU MTSAN GYIS BYANG CHUB KYI SEMS DKAR DMAR SDUD DGOS PA RNAMS KYANG SNYING GA'I SEMS RTEN GYI THIG LE GNYIS AA LA SDUD CING, DE NAS DE GNYIS BRAL NAS 'CHI'O, ,SNGAR 'OD GSAL LAS RNAM SHES DANG DE LAS RLUNG SKYE BA SOGS BSHAD PA'I 'OG TU, JI LTAR SKYE BA DE LTA'I GNAS, ,THIM NAS 'GRO BA'I RANG BZHIN NYID, CES SNGAR JI LTAR SKYES PA'I RIM PA BZHIN DU SDUD PAR GSUNGS LA, DANG POR SNYING GA NAS CHAGS PA BZHIN DU MTHAR YANG DER SDUD PA YIN NO, ,'O NA DBANG PO LNGA DANG DE LA BRTEN PA'I YAN LAG GI RLUNG LNGA'I SDUD RIM DANG, RNAM GZHAG RIM PAR MIG NAS LUS DBANG GI BAR SNGA PHYIR THIM PAR BSHAD PA DANG 'GAL ZHING, RTZA BA'I RLUNG LNGA'I THOG MAR KHYAB BYED KYI RLUNG THIM DGOS NA DE'ANG MI 'THAD DE, RGYUD 'DI NYID LAS, 'CHI BA'I MTHAR NI 'BYUNG BAR 'GYUR, ,ZHES GSUNGS PAS SO SNYAM NA, DE LA KHAMS BZHI CHAGS PA DANG PHUNG PO RNAMS DANG DE LAS SKYE MCHED CHAGS PAR BSHAD PA'I THIM RIM NI YAN LAG GI RLUNG LNGA THIM PA DANG DBANG PO LNGA THIM PA NI GNAS GCIG LA, DE NYID SKYE MCHED THIM PA'ANG YIN NO, ,DE'I RJES SU RTZA BA'I RLUNG LNGA RIM GYIS SDUD PA NI PHUNG PO THIM PA'I DON NO, ,DE LTAR NA DANG POR YAN LAG GI RLUNG THIM PA'I RIM PA BYUNG NA, CHAGS PA'I DUS KYI RIM PA CI 'DRA BA RANG MA BYUNG YANG SKYON MED DO, ,DE LTA MA YIN NA CHAGS PA'I TSE MTHAR RANG BZHIN GYI RTOG PA RNAMS 'BYUNG BAR BSHAD LA, THIM PA'I TSE SA NAS RIM GYIS THIM PA'I 'OG TU RANG BZHIN THIM PAR GSUNGS PA DANG 'GAL BAR 'GYUR RO, ,KHYAB BYED 'CHI BA'I DUS MIN PA SNA BUG NAS MI RGYU BAR GSUNGS PAS, DKYIL 'KHOR

GZHAN BZHI SNA BUG NAS RGYU BA CHAD PA'I 'OG TU KHYAB BYED RGYU BAR MNGON NO, ,DE'I RGYU BA LOG PA'I TSE RLUNG RANG BZHIN LA THIM ZHES PA'I SKABS SO, ,DE NAS SNANG BA GNYIS RIM GYIS THIM PA'I MTHAR 'CHI BA'I 'OD GSAL 'CHAR LA, DE DUS SU SROG RLUNG PHRA MO YOD LA DE'I DUS GNYIS PA NAS RNAM SHES 'PHO BA'I TSE SNYING GA'I SEMS RTEN GYI RLUNG DANG THIG LE'ANG GNAS NAS 'PHO'O, ,DE MA THAG SROG RLUNG SHAR TE BAR DO GRUB NAS 'KHOR LO BSKOR BA BZHIN DU 'KHOR TE, RGYUD RDOR PHRENG LAS, SLAR YANG SROG GI RLUNG SHAR NA, ,LAS KYI RLUNG NI SNA TSOGS PA, ,DES NI LHAN CIG RNAM SHES DANG, ,SLAR YANG 'JIG RTEN GSUM DU GNAS, ,DE LAS LAS DANG DE LAS SKYE, ,DE LAS CHAGS SOGS BAG CHAGS DANG, ,DE LAS SLAR YANG 'CHI DANG SKYE, ,DE LTAR 'KHOR LO BSKOR BA 'DRA, ,ZHES GSUNGS SO, ,'CHI BA'I DUS SU'ANG RTZA DANG RLUNG LA SOGS PA MTHAR SNYING GA'I RTZA MDUD GROL BA'I GNAS SU SDUD PA'I DBANG GIS SDUD RIM DE LTAR 'ONG NGO, ,RDOR PHRENG GI LE'U GSUM PA LAS, 'KHOR LO GSUM LA KHYAB PA'I RLUNG, ,CHOS KYI 'KHOR LOR RTAG TU GNAS, ,SROG CES BYA BAS 'GRO LA KHYAB, ,RNAM RTOG MED PA MTSAN PHYED NA, ,NAM MKHA' MCHOG LAS SHAR NAS NI, ,RLUNG GI RANG BZHIN 'BYED PAR BYED, ,RLUNG DE DGU YI RNAM PAS BRGYUD, ,CHOS KYI 'KHOR LO'I RNAM THAR GNAS, ,MTSAN PHYED DUS NAS BRTZAMS NAS NI, ,'KHOR LO DRUG LA DGU BDAG NYID, ,NYI MA PHYED KYI MTHA' RU NI, ,RLUNG RNAMS KYANG NI LDANG BAR BYED, ,NYI MA PHYED NAS BRTZAMS NAS NI, ,'KHOR LO DRUG LA DGU BDAG NYID, ,MTSAN PHYED KYI NI DUS KYI MTHAR, ,RLUNG RNAMS GSAL BAR RGYU BA NA, ,DE GNYIS GNAS KYI

, ,DBYE BA YIS, ,SNA TSOGS PA YI RTAG PAR 'GRO, ZHES RLUNG BRGYA RTZA BRGYAD RGYU TSUL GSUNGS SO, ,DE'ANG KHYAB BYED DA LTA SNA BUG NAS RGYU BA'I BYA BA MI BYED PAS DE DOR BA'I LHAG MA DGU 'KHOR LO DRUG LA RGYU BA'I DBYE BAS BRGYA RTZA BRGYAD DU BYED PA RNAL 'BYOR RGYUD KYI LUGS DANG, SPRUL PA'I 'KHOR LO LA SOGS PA'I 'KHOR LO BZHI LA DGU BZHI SO DRUG RGYU BA LA 'JUG GNAS LDANG GSUM GYIS BSGYUR BAS BRGYA RTZA BRGYAD DU BYED PA RNAMS MA'I RGYUD KYI LUGS SU 'GREL PAS 'CHAD DO, ,'GREL PA'I GZHUNG LA NYI MA PHYED CES PA NAS, RLUNG RNAMS GSAL BAR RGYU BA NA, ZHES PA'I BAR MED LA, THUN PHYED DUS NAS BRTZAMS NAS NI, ,'KHOR LO DRUG LA DGU BDAG NYID, ,THUN PHYED KYI NI MTHA' NYID DU, ,ZHES BTON NAS, THUN PHYED NI BSTAN BCOS LAS CHU TSOD BZHIR GRAGS LA 'JIG RTEN PA LA DBYU GU BRGYAD DU GRAGS PAR 'CHAD DO, ,LE'U BCU DRUG PA NAS NYIN ZHAG GCIG LA CHU TSOD DRUG CUR GSUNGS LA, DBYU GU YANG DE BZHIN DU GSUNGS PA NI 'OD GSAL GYI CHU TSOD BZHI PHRI BA YIN ZHES 'CHAD DO, ,DE LTA NA NYIN ZHAG GCIG LA THUN PHYED PA BRGYAD DU BYED NA CHU TSOD SO GNYIS LAS MED PAS NYUNGS LA, THUN PHYED NYER BZHIR BYED NA NI MANGS SHING, THUN PHYED BCU DRUG TU BYED NA'ANG CHU TSOD RE BZHIR 'GYUR BA DANG, 'KHOR LO RE RE DANG RLUNG RE RE THUN PHYED DU BYED NA'ANG MI 'GRIG GO ,DES NA MTSAN PHYED DANG NYIN PHYED CES PA'I 'GYUR LEGS PAS, MTSAN PHYED NAS NYIN PHYED KYI BAR LA CHU TSOD SUM CU YOD PA DE LA DRUG GIS BGOS PAS CHU TSOD LNGA LNGA THOB PAS DE'I RING LA 'KHOR LO RE NAS RLUNG DGU DGU RGYU'O, ,

DE'I MGO NI LTE BA NAS 'JUGS PAR BSHAD CING NAM MKHA' MCHOG KYANG LTE BA'I DBUS LA 'CHAD MOD KYANG CHOS KYI 'KHOR LOR GNAS PA'I SROG GI RLUNG NAM MKHA' LA SHAR NAS RGYU BAR GSUNGS PAS SNYING GNAS MGO 'JUGS PAR GSAL LO, ,RNAM RTOG MED PA NI SROG RLUNG BAMS PO LA BYED PA DANG, 'BYED PAR BYED PA LA 'JOMS PAR BYED CES 'CHAD DO, ,'ON KYANG SHAR NAS NI 'BYED CES BSHAD DGOS PAS RGYU BA LA BYA'O, ,'GREL PAR, CHOS KYI 'KHOR LO'I RTZA DBYE BA, ZHES BSGYUR BA LTAR LEGS PAS, RLUNG DE DGU'I GRANGS KYIS RGYU BA'I RGYU MTSAN CHOS 'KHOR LA RTZA 'DAB BRGYAD LTE BA DANG DGU'I DBYE BAS YIN PAR 'CHAD DE LEGS SO, ,DE'ANG 'KHOR LO DRUG GI DBUS NAS SROG RLUNG DANG, MA RLUNG GI 'KHOR LO GNYIS MA GTOGS PA BZHI LA RTZA BA'I RLUNG LHAG MA GSUM DANG, YAN LAG GI RLUNG LNGA RANG RANG GI RTZA 'DAB BRGYAD BRGYAD LA RGYU BA DANG, ME'I 'KHOR LO'I 'DAB MA GSUM LA RTZA DBU MA LA BRTEN PA'I MDUD PA GSUM DANG 'DAB MA GSUM STE DRUG DBUS DANG BDUN NU MA GA-YAS GA-YON GNYIS KYI RTZA GNYIS TA DGU DANG, RLUNG GI 'KHOR LO LA 'DAB MA DRUG DANG DBUS TE BDUN, SMIN MA GA-YAS GA-YON GYI MTSAMS KYI RTZA GNYIS TE DGU LA BRTEN NAS RLUNG DGU DGU RGYU'O, ,DKYIL 'KHOR BZHI'I RLUNG RGYU TSUL GZHAN DANG 'DRA LA, YAN LAG GI RLUNG LNGA NI SROG RLUNG GI NGO BOR GSUNGS PAS SNA GNYIS KA NAS RGYU BA'AM, YANG NA CHA MNYAM DU BYA'O, ,RIM PA NI 'GREL PA LTAR NA LTE BA'I RJES SU SNYING GI DE NAS ME 'KHOR DE NAS LONGS SPYOD KYI 'KHOR LO, DE NAS RLUNG 'KHOR DE NAS BDE CHEN GYI 'KHOR LO DE NAS YANG LTE BA NAS RGYU'O, ,YANG NA SNYING GA'I RJES LA ME 'KHOR NAS RIM PA

, ,BZHIN LTE BA'I BAR DU BYA'O, ,RLUNG DE RNAMS GNAS RNAMS SU RGYA BA NA DUG GSUM LA SOGS PA'I RNAM RTOG BRGYA RTZA BRGYAD BSKYED PAR GSUNGS SO, ,DE LTAR NA NYIN ZHAG GCIG GI RLUNG YANG DANG PO SNYING GA NAS SHAR NAS MTHAR DE RU SDUD PA YIN NO, ,DE NI DE RNAMS 'PHAGS PA YAB SRAS KYI GZHUNG DANG SBYAR BAR BYA STE, SEMS CAN KUN GYI SROG TU GYUR PA'I RLUNG 'DI NI RNAM SHES KYI BZHON PA STE DE NI RLUNG GI NGO BO'O, ,DE LA DBYE NA SROG 'DZIN LA SOGS PA'I RLUNG LNGA'I BDAG NYID DE LNGAR YOD LA, DE TZAM DU MA ZAD RGYU BA LA SOGS PA YAN LAG GI RLUNG LNGAR YANG DBYER YOD PAS BCU'ANG YIN NO, ,BYED LAS NI LAS KUN BYED PA ZHIG STE GZHUNG 'DI NI DGONGS PA LUNG STON DANG SDOM 'BYUNG LAS CI RIGS SU 'BYUNG NGO, ,DE LA THA MAL PA DANG RNAL 'BYOR PA'I RGYUD LA RLUNG DANG YI GE GSUM GYIS LAS JI LTAR BYED PA NI, SPYOD BSDUS SU RGYAS PAR GSUNGS TE RIM LNGAR MI GSAL BA GSAL BAR BYED PA'O, ,SPYOD BSDUS SU RLUNG BCUS THA MAL PA DANG RNAL 'BYOR PA'I RGYUD LA LUS GNAS PA'I TSE BYA BA BYED TSUL MANG DU GSUNGS NAS, MTHAR MI SHIGS PA THOB NAS DNGOS PO MED PAR 'GYUR RO, ,ZHES GSUNGS PA'I MI SHIGS PA NI SNGAR BSHAD PA LTAR YIN LA, DE THOB PA NI SDUD PA'I RIM GYIS DER THIM PA'O, ,YI GE GSUM GYI BYA BA STON PA'I SKABS SU'ANG DE LTAR LUS LA GNAS PA'I SKABS SU THAMS CAD BYAS TE MTHAR MI SHIGS PAR ZHUGS NAS YANG THA MAL PA'I LUS LA BRTEN TE DE BZHIN DU THAMS CAD BYED DO, ,ZHES GSUNGS PA'ANG DE NYID DO, ,RIM LNGAR YANG, SO SOR BRJOD PA'I SNGAGS 'DI DAG ,DNGOS MED NGO BO LAS BYUNG BA'O,

ZHES PAS 'OD GSAL GYI RLUNG SEMS LAS LDANG 'JUG GNAS GSUM 'BYUNG BAR BSTAN ZHING, RANG SNGAGS SNYING GAR BSAMS NAS NI, ,SROG NI THIG LER GYUR PAR BZHAG ,CES PAS RLUNG RNAMS MTHAR SNYING GA'I MI SHIGS PA'I THIG LE LA SDUD PAR BSHAD DO, ,DANG PO GCIG NI DGU DGUS NA, ZHES PA'I TSIGS BCAD GNYIS DANG, THUNG NGU MA LUS DAG TU 'GYUR, ZHES PAS KYANG DON DE NYID STON TE, DE'ANG RTOGS DKA' BAS SPYOD BSDUS SU GSAL BAR MDZAD DE, AA THUNG NGAG TSIG THAMS CAD KYI SROG TU ZHUGS NAS 'JIG RTEN DANG 'JIG RTEN LAS 'DAS PA'I BSTAN BCOS KYI BAR GYI DAG THAMS CAD 'GRUB PA'I SGO NAS THUNG NGU NI NGAG MA LUS PAR 'GYUR, ZHES PA SKRA PAS SHES KYANG DE'I DE KHO NA NYID MI SHES PA DANG, DE'ANG AA NI YIG 'BRU KUN GYI MCHOG ,CES SOGS DANG, BSAM GTAN THAMS CAD KYI SGOR GSUNGS PAS SKYE BA MED PA'I DON NI DE'I DE KHO NA DANG, KHYAD PAR DU SNYING GI DBUS NA GNAS PA'I LHAN CIG SKYES PA'I AA YIG TU GSUNGS TE, DE DAG GI DON NI SNGAR BSHAD DO, ,DES NA DGONGS PA LUNG STON GYIS AA THUNG DAG KUN GYI RGYU DANG KHYAB BYED DU GSUNGS PA NI NGAG TSIG GI SROG TU ZHUGS PA TZAM MIN GYI, DES MTSON PA'I DON LHAN SKYES KYI RLUNG SEMS SNYING GA NA GNAS PA DE NYID 'KHOR 'DAS KUN GYI RTZA BA DANG, DER RLUNG SEMS 'DU BA SHES PA'I DON YIN TE, RGYUD DE LAS SNGAGS GSUM BTUS PA NI PHYI'I SNGAGS LA MI BYED PAR NANG GI SNGAGS RLUNG 'JUG GNAS LA GSUNGS PA'I PHYIR RO, ,DE'I PHYIR DE'I RTZA BAR BSHAD PA'I AA THUNG NI MI SHIGS PA'I THIG LE YIN PAR SHES SO, ,SPYOD BSDUS SU RIM LNGAR MA DRANGS PA'I DGONGS PA LUNG STON GYI GZHUNG, JI SRID 'JIG

, ,RTEN BRTAGS PA DANG, ZHES PA NAS, SA BON LTA BUR BSHAD PA YIN, ZHES PA'I BAR GYIS RLUNG GIS THAMS CAD BSKYED PAR BSTAN NO, ,GSUM PA NI, DE LTAR SKYE SHI'I RIM PA BSHAD PA DE RTOGS PA LA BRTEN NAS LUS LA GNAD DU BSNUN PA'I LAM BSKYED LUGS JI LTAR SHES SHE NA, RIM LNGAR, JI LTAR CHU 'DZIN DU MA NI DBYIBS DANG MDOG NI SNA TSOGS RNAMS, ,NAM MKHA'I DBYINGS SU BYUNG NAS NI, ,DE NYID DU NI THIM PAR 'GYUR, ,DE BZHIN RANG BZHIN THAMS CAD NI, ,SNANG BA GSUM GYI RGYU CAN TE, , MA LUS YUL LA ZHUGS NAS NI, ,'OD GSAL BAR NI 'JUG PAR 'GYUR, ,DE 'DRA'I RANG BZHIN YE SHES PAS, ,MI SHES MUN PAS KHEBS PA RNAMS, ,DGE DANG MI DGE'I LAS BYAS NAS, ,'GRO BA LNGAR NI 'KHOR BAR 'GYUR, ,ZHES SNGAR BSHAD PA LTAR GYI 'KHOR BA'I RIM PA MI SHES PAS 'KHOR BAR 'BYUNG BA DANG, YANG DE NYID LAS, RANG BZHIN SNANG BA'I SBYOR BA NI, ,GANG GIS SKYE BO NYON MONGS PAS, ,DE NYID SHES NAS YE SHES CAN, ,SRID PA'I GZEB LAS GROL BAR 'GYUR, ZHES RANG BZHIN DANG SNANG BA GNYIS RGYU 'BRAS BU SBYOR BA GANG GIS SEMS CAN NYON MONGS PAR BYAS PA DE SHES PA'I YE SHES CAN NI GROL BAR GSUNGS LA, SPYOD BSDUS LAS KYANG, DE LTAR BSHAD PA'I RGYUD LA BRTEN NAS RANG BZHIN SNANG BA'I RJES SU 'BRANGS NAS, RANG GI SEMS YANG DAG PA JI LTA BA BZHIN DU MA RTOGS PAR LAS SU SMRA BA'I SEMS CAN RNAMS 'KHOR BA THOG MA MED PA'I RANG GI RNAM PAR RTOG PA LAS BYUNG BA'I NYON MONGS PA DANG LAS KYI 'CHING BAS DAR GYI SRIN BU BZHIN DU RANG BZHIN DU RANG NYID KYIS SDUG BSNGAL GYI PHUNG PO MNGON

PAR 'DU BYAS NAS, SKYE BA GCIG NAS GCIG TU NYE BAR BSAGS PA'I DGE BA DANG MI DGE BA'I LAS RNAMS KYI 'BRAS BU RNAM PAR SMIN PA MYONG NAS YANG DON DAM PA'I DKYIL 'KHOR LA 'JUG PA'I RIM PAS PHUNG PO YONGS SU SPANGS TE, RLUNG GI KHAMS KYIS BLANGS NAS TSOR BA DANG LDAN ZHING SRID PAS RJES SU BCINGS LA CHOS KYI DBYINGS KYI RGYU MTHUN PA LAS BYUNG BA'I DRAN PAS YONGS SU BZUNG BA, DGE BA DANG MI DGE BA'I RNAM PA'I YID DANG LDAN PA, BYIS PA LO LNGA PA DANG DRUG PA LTA BU THAMS CAD MTHONG BA, DBANG PO THAMS CAD TSANG BA, DRI'I ZAS LA SPYOD PA, RDO RJE LA SOGS PAS KYANG MI ZLOG PA, MTSAN NYID THAMS CAD DANG LDAN PA, LAS KYI RDZU 'PHRUL GYI SHUGS DANG LDAN PA, ZHAG BDUN NI 'GRO BA'I BAR DU GNAS NAS RANG GI RNAM PAR RTOG PA LAS BYUNG BA'I LAS DGE BA DANG MI DGE BAS BSKUL BAR GYUR PAS RGYU DANG RKYEN THOB NAS, 'GRO BA LNGA RNAMS SU ZO CHUN 'KHRUL 'KHOR GYI TSUL GYIS YANG DANG YANG DU NYING MTSAMS SBYOR BA LEN PAR BYED CING 'KHOR BA'I SDUG BSNGAL RJES SU MYONG BAR 'GYUR RO, ZHES GSUNGS SO, ,DON DAM PA'I DKYIL 'KHOR LA 'JUG PA'I RIM PA NI PHUNG SOGS RIM GYIS THIM NAS, SA CHU LA THIM, CHU ME LA THIM, ME RLUNG LA THIM, RLUNG RAGS PA RANG BZHIN LA THIM, RANG BZHIN SNANG BA LA THIM, SNANG BA'ANG MCHED PA LA THIM, MCHED PA NYER THOB LA THIM, NYER THOB 'OD GSAL LA THIM PA YIN TE, DE'ANG SNGAR BSHAD PA LTAR RTZA DANG RLUNG DANG KHAMS SDUD DGOS PA RNAMS RIM GYIS DBU MAR ZHUGS TE, SNYING GA'I DBU MA'I RTZA MDUD GROL BA'I GNAS SU MI SHIGS PA LA THIM PA'O, ,CHOS KYI DBYINGS KYI RGYU MTHUN LAS BYUNG BA NI BAR DO DE SHI BA'I 'OD

, ,GSAL LAS BYUNG BA'O, ,DE LTAR NA SNGAGS DANG MTSAN NYID GNYIS KA'I LUGS KYIS 'KHOR BAR 'JUG RIM THUN MONG BA, SEMS KYI DE KHO NA NYID BDAG MED PA'I DON MA RTOGS PAR BDAG TU BZUNG BA'I DBANG GIS NYON MONGS GZHAN RNAMS BSKYED CING, DES LAS BSAGS TE 'KHOR BA DANG, BLA MED KYI GZHUNG NAS BSHAD PA'I THUN MONG MA YIN PA'I 'KHOR TSUL SNYING GA'I MI SHIGS PA'I THIG LE LAS BYUNG BA'I RLUNG GIS RNAM RTOG BSKYED NAS LAS BSAGS TE, SKYE BA LEN PA DANG MTHAR YANG DE NYID DU RIM GYIS THIM PA'I TSUL MA SHES NA 'KHOR BAR 'CHING LA, DE GNYIS LEGS PAR SHES NAS 'KHOR BA LAS GROL BAR GSUNGS SO, ,DE LA THUN MONG BA'I SKYE 'CHI'I RIM PA SHES NA DE LDOG PA LA BDAG MED PA'I LTA BA DBU MA NAS BSHAD PA BZHIN DU 'TSOL DGOS PAR SHES NAS BDAG MED PA'I LTA BA PHU THAG CHOD PAR BYED DO, ,THUN MONG MA YIN PA'I SKYE 'CHI'I RIM PA SHES PA LA BRTEN NAS NI, SKYE 'CHI ZLOG PA LA RNAM RTOG BSKYED PA'I LAS KYI RLUNG BZLOG PA'I THABS KHYAD PAR CAN ZHIG SHES DGOS PAR MTHONG NGO, ,DE'ANG 'KHOR BA LAS GROL BA TZAM LA DE DGOS PA MA YIN TE, NYAN THOS DANG RANG RGYAL BAS KYANG SNGAGS KYI THABS KHYAD PAR CAN LA MA BRTEN KYANG 'KHOR BA LAS GROL BA THOB PA'I PHYIR RO, ,DES NA 'KHOR BAR 'KHOR BA'I RGYU NYON MONGS ZAD PA TZAM DU MA ZAD DE'I BAG CHAGS THAMS CAD KYANG SBYONG BAR 'DOD PA YIN LA, DE'ANG PHA ROL TU PHYIN PA LTAR BSKAL PA MANG POS BSGRUB PA MA YIN BYI MYUR DU 'TSANG RGYA BAR 'DOD PA'O, ,'DOD CHAGS DANG ZHE SDANG LA SOGS PA'I RNAM RTOG 'KHOR BAR 'CHING BYED RNAMS, BDAG 'DZIN LAS SKYE BAR PHAR PHYIN GYI THEG PAR GSUNGS PA DE BKAG NAS, DE RNAMS

LAS KYI RLUNG LAS SKYE BAR STON PA MA YIN GYI BDAG TU 'DZIN PAS NYER LEN GYI RGYU BYAS NAS DE DAG BSKYED PA'I TSE, LAS KYI RLUNG GIS DE'I LHAN CIG BYED RKYEN BYED PAS DE'I NUS PA 'GOG PA YIN NO, ,DES NA BDAG TU 'DZIN PAS 'KHOR BA BSKYED PA'I NYER LEN GYI PHUNG PO 'GOG PA'I THABS DAM PA BDAG MED RTOGS PA'I SHES RAB DANG BRAL NA, LAS RLUNG GIS LHAN CIG BYED RKYEN BYED PA'I NUS PA RAGS PA RE ZHIG LOG KYANG, SRID PA LAS GROL MI NUS PAS GNYIS KA DGOS SO, ,DE LTA BU'I LAM SNGA MA LA NI RTZAD NAS 'BYIN PA'I NUS PA YOD LA, DE LAM PHYI MA DANG BSDOMS PA NA MYUR DU RTZAD NAS 'BYIN NUS PAS LAM MYUR BA YIN NO, ,DE LA BLA MED KYI RGYUD GNYIS DANG DE'I DGONGS 'GREL KHUNGS THUB KYI GZHUNG NAS DNGOS SU BSHAD PA GSAL MA GSAL CI YOD KYANG, RDZOGS RIM GYI DUS SU LAS KYI RLUNG RTZA GA-YAS GA-YON LA RGYU BA BKAG NAS DBU MAR BCUG STE ZHI BAR BYED PA LA KHYAD PAR MED PAR MTHUN NO, ,RNAL 'BYOR MA'I RGYUD RNAMS LAS NI DE MANG DU GSAL BAR GSUNGS LA, RNAL 'BYOR GYI RGYUD GSANG BA 'DUS PA LAS DNGOS SU MI GSAL YANG, BSHAD PA'I RGYUD RDO RJE PHRENG BAS YANG DANG YANG DU GSAL BAR 'CHAD PA'I PHYIR RO, ,DES NA RDZOGS RIM GYIS 'OD GSAL STONG PA NYID LA 'JUG PA'I RIM PA NI 'CHI RIM BZHIN DU 'ONG STE, SNGAR BSHAD PA LTAR 'CHI BA'I DUS SU'ANG RLUNG LA SOGS PA DBU MAR SDUD PA'I RGYU MTSAN GYIS THIM RIM DE LTAR 'BYUNG BA'I PHYIR RO, ,DNGOS PO LA DE LTAR GNAS KYANG RGYUD DANG DE'I DGONGS 'GREL GYI BSHAD TSUL LA NI GSANG 'DUS KYI SKOR MA GTOGS PA GZHAN DU GZHI DUS SU THIM RIM DANG, LAM DUS KYI THIM RIM GYIS STONG PA BZHI SKYE BA MI RGYAS SO, ,SPYOD BSDUS LAS, NGAG DBEN GYI SKABS SU RLUNG RNAMS MTHAR MI SHIGS PAR ZHUGS NAS 'OD GSAL

, ,DNGOS PO MED PAR 'JUG PA DANG, SEMS DBEN GYI SKABS SU SNGAR DRANGS PA LTAR YE SHES RDO RJE KUN LAS BTUS PA'I LUNG DRANGS NAS, SHI BA'I 'OD GSAL LAS SKYE BA'I RIM PA DANG, DE DAG LAS DON DAM PA'I DKYIL 'KHOR 'OD GSAL DU 'JUG PAR BSTAN PAS GZHI DUS KYI THIM RIM DANG, MNGON PAR BYANG CHUB PA'I SKABS SU NANG GI MNGON BYANG 'CHAD PA'I SKABS DANG, SHIN TU SPROS MED KYI SPYOD PA'I SKABS SU LAM DUS KYI THIM RIM GYI SGO NAS 'OD GSAL DU 'JUG TSUL BSTAN NO, ,DPAL KLU'I BYANG CHUB KYIS LAS MTHA' RNAM 'BYED DU SA CHU LA THIM PA SOGS GSAL BAR BSTAN ZHING, RNAM GZHAG RIM PA'I DON DAM PA'I DKYIL 'KHOR GYI SKABS SU, GZHI DUS KYI DON DAM PA'I DKYIL 'KHOR LA 'JUG TSUL DANG, DER BSHED PA'I RDO RJE PHRENG BA'I DON DAM PA'I DKYIL 'KHOR LA 'JUG TSUL BSHAD PA NI, MDOR BYAS SU LHAG MOS 'OD GSAL DU SDUD PA LA GSUNGS PAS BSKYED RIM GYI THIM RIM DANG, YANG BSAM GTAN GNYIS KYIS 'OD GSAL DU 'JUG TSUL LA'ANG BSHAD PAS RDZOGS RIM GYI THIM RIM DANG GSUM LA BSHAD DO, ,SGRON GSAL DU YAN LAG DRUG GE BSHAD PA'I SKABS SU SA CHU LA THIM PA SOGS KYI SGO NAS RDZOGS RIM GYI THIM RIM 'CHI RIM BZHIN DU GSUNGS SO, ,'DI LA BRTZON 'GRUS CAN TSE 'DI LA 'TSANG RGYA BAS KYANG, LAS RLUNG RIM GYIS DBU MAR BSDUS TE SPROS PA BCAD PA'I THIM RIM GYI SGO NAS 'OD GSAL DU 'JUG PA MA GO BAS, 'CHI RIM BZHIN DU BSHAD PA'I LAM RNAMS LE LO CAN BAR DOR 'TSANG RGYA BA'I LAM KHO NA LA SNGON GYI 'DUS PA BA KHA CIG GIS SBYOR TE, RDZOGS RIM GYI GNAD MA RTOGS PA'O, ,DE LTAR 'OD GSAL DU 'JUG PA'I 'CHI RIM GYI THIM RIM BZHIN DU BYED PA LA NI, 'CHI BA CHOS

SKUR BYED PA'I LAM ZHES ZER LA, DE LTA NA DA'I MTHAR 'OD GSAL GYI NGANG NAS CHU LAS NYA 'PHAR BA'I TSUL DU, RLUNG SEMS KYI SKUR BZHENGS PA LA BAR DO LONGS SKUR 'KHYER BA DANG, DES GDUL BYA'I DON DU SPRUL PA'I SKU BZUNG BA LA SKYE BA SPRUL SKUR 'KHYER BA ZHES PA'ANG GDON MI ZA BAR BYA DGOS MED KYANG, TSUL DE'ANG RGYUD DANG DGONGS 'GREL GZHAN NAS GSANG 'DUS KYI SKOR LTAR CUNG MI GSAL LO, ,SKYE SHI BAR DO GSUM JI 'DRA BA DE 'DRA BA'I RIM PA GNYIS KYI LAM RGYUD LA BSKYED PA LA, SKYE SHI BAR DO GSUM SKU GSUM DU 'KHYER BA'I LAM ZHES THA SNYAD BYED PAS BSKYED RIM GYIS 'CHI BA CHOS SKUR 'KHYER BA NI LHAG MOS 'OD GSAL DU SDUD PA'I RIM PA RNAMS SO, ,BAR DO LONGS SKUR 'KHYER BA NI MNGON BYANG LNGA LAS DANG PO'I MGON PO BSKYED PA'I RIM PA RNAMS SO, ,SKYE BA SPRUL SKUR 'KHYER BA NI DANG PO'I MGON PO SPRUL SKUR BSGYUR BA NAS SEMS DPA' SUM BRTZEGS KYI BAR YIN LA, DE MAN CHAD NI SANGS RGYAS NAS KYI MDZAD PA DANG SBYOR BA YIN TE, RIM PA DANG PO DANG GZHI DUS KYI SKYE 'CHI BAR DO RNAMS CHOS MTHUN SBYAR NAS SBYANG GZHI SBYONG BYED NGO 'PHROD PAR BYED 'DOD NA LUGS 'DI LA BRTEN NAS GZHAN DAG KYANG SHES PAR BYA'O, ,'DI RNAMS RGYAS PAR RNAM GZHAG RIM PA'I 'GREL PAR BSHAD ZIN PAS 'DIR MA SPROS SO, ,DE LA RLUNG GNAS GZHAN DU RGYU BA DBU MAR 'JUG PA'I SGO NI RTZA'I 'KHOR LO GAR YOD PA DE NA RE RE YOD DE, DBU MA LAS GYES PA'I RTZA 'DAB RNAMS NI DE DANG KHAG 'BREL DU YOD PAS DBU MA NAS 'DAB MAR RLUNG DANG THIG LE 'PHO BA DANG, 'DAB MA NAS DBU MAR DE GNYIS TSUR LA 'DU BA'I PHYIR RO, ,'KHOR LO BZHI LA DGA' BA RE RE 'JIG PA'ANG DE DAG TU RTZA 'DAB NAS BYANG CHUB KYI SEMS 'DU THABS RE YOD PA'I PHYIR TE, DPER NA DANG PO SPYI BOR 'DUS

, ,NAS DE NAS RTZA 'DAB SO SO LA BAB PA RNAMS SLAR YANG MGRIN PAR GNAS GCIG TU 'DU BA LTA BU'O, ,DES NA KHUNGS THUB KYIS RLUNG SEMS DBU MAR 'DZUD PA'I SGO THA DAD DU GSUNGS TE, 'DI LTAR DUS 'KHOR GYI SKOR RNAMS SU THOG MAR LTE BA'I GNAS SU BUM PA CAN GYI RLUNG SBYOR GYIS SROG DBU MAR 'JUG PAR GSUNGS LA, BDE MCHOG RIM LNGAR THOG MAR SNYING GAR THIG LE LAS SEMS BZUNG NAS DBANG PO'I SHES PA RLUNG DANG BCAS PA SDUD PAR BSHAD, 'JAM DPAL ZHAL LUNG LAS THOG MAR SNYING GA'I THIG LE LA SEMS 'DZIN ZHING DE NAS NOR BUR THIG LE LA SEMS 'DZIN PAR GSUNGS PA DANG, NAG PO SPYOD PA DANG dOm BI PAS THOG MAR LTE BAR GTUM MO LA SEMS GTAD NAS RLUNG SEMS SDUD PAR BSHAD PA LTA BU RNAMS YIN NO, ,'PHAGS PA YAB SRAS KYI BZHED PAS BSKYED RIM GYI PHRA THIG BRTAN PA'I 'OG TU LUS DBEN GYI NGO BO SOR SDUD BSAM GTAN SNGON DU BTANG NAS THOG MAR SROG RTZOL RDO RJE'I BZLAS PA'I SGO NAS RLUNG SEMS DBU MAR 'JUG PA YIN NO, ,DON DE LTAR GNAS KYANG DE LTAR YIN PAR 'PHAGS PA DANG SH'AKYA BSHES GNYEN DANG KLU BYANG DANG ZLA BA GRAGS PA'I GZHUNG RNAMS SU GSAL POR MA BSHAD CING, 'DUS PA'I RTZA RGYUD DANG DE'I RGYUD PHYI MA DANG YE SHES RDO RJE KUN LAS BTUS PA'I RGYUD CHUNG BA DANG, LHA MO BZHIS ZHUS PA'I RGYUD RNAMS SU'ANG GSAL BAR MA BYUNG NGO, ,'ON KYANG BSHAD RGYUD RDO RJE PHRENG BAS SHIN TU GSAL BAR BSHAD LA, 'PHAGS PA LHAS SPYOD BSDUS SU DGONGS PA LUNG STON DRANGS PA'I SKABS SHIG LAS KYANG CUNG ZAD BSHAD PA ZHIG YOD DO, ,RIM LNGAR, RDO RJE BZLAS GNAS RNAL 'BYOR PA, ,SEMS LA DMIGS PA THOB PAR 'GYUR, ZHES RDOR BZLAS KYIS SEMS DBEN GYI YE SHES

GSUM BSKYED PAR GSUNGS LA, YANG RIM LNGAR, SNANG BA RLUNG GI BZHON PAS CHES CHER GA-YOS NA DE MA THAG RANG BZHIN GYI RTOG PA RNAMS SKYE BAR GSUNGS PAS, SNANG BA RTOG MED BSKYED PA LA RANG BZHIN GYI RTOG PA RNAMS BCAD DGOS PA DANG, DE GCOD PA LA RANG BZHIN GA-YO BYED KYI RLUNG BCAD DGOS PAR SHES SO, ,DE SHES NA YE SHES KYI SKYED BYED RDOR BZLAS KYIS LAS RLUNG DANG RNAM RTOG 'GOG DGOS PAR SHES TE, RGYUS 'BRAS U BSKYED PA LA 'BRAS BU DE MNGON DU 'GYUR BA'I GEGS BSAL DGOS PA NI SPYI'I LUGS YIN PA'I PHYIR RO, ,DON 'DI DPAL RDO RJE PHRENG BAR GSAL BAR GSUNGS TE, RNAM RTOG RLUNG NI RNAM GCOD PA, ,ZHES PA NAS, DE NAS RDO RJE 'DAS RIM MCHOG ,CES PA'I BAR SNGAR DRANGS PA DANG, DE'I 'PHRO NAS, RDZOGS RIM RNAL 'BYOR YAN LAG NI, ,RNAM PAR RTOG PA 'JOMS BYED PA, ,PHRA BA'I DE NYID BLA NA MED, ,CHO GA BZHIN BSGOMS RNAL 'BYOR PA, ,BLO DANG LDAN PAS SNGON BZHIN BSGOM, ,SRID PA'I 'CHING BA GCOD PAR BYED, ,RNAL 'BYOR CHEN PO YE SHES CHE, ,DE NYID CHEN PO RMAD BYUNG CHE, ,NGES PAR BSGOMS PAS YANG DAG NI, ,RNAM RTOG RLUNG NI GCOD PAR BYED, ,CES SO, ,DE'ANG RNAM RTAG SKYED PA'I RLUNG GI GTZO BO SROG THUR GNYIS YIN ZHING DE GNYIS SKU'I RTZA RKYANG MA DANG GSUNG GI RTZA RO MA GNYIS NAS RGYU LA, DBU MAR RLUNG RGYU BA RNAM RTOG MED PA'I RLUNG YIN PAS, RTZA DBU MA DE GNYIS LAS MCHOG YIN PA DANG, RNAL 'BYOR PAS RNAL 'BYOR GYI STOBS KYIS DBU MAR RLUNG BCUG PA GANG THOB PA DE NI SEMS CAN GYI DON BYED NUS PA DANG, DER RLUNG BCUG PA DER GNAS PA NI RLUNG BRGYA RTZA BRGYAD LAS RGYAL BA YIN TE, BYIS PA'I RNAL 'BYOR PA BSKYED RIM PAS DE MI SHES PA DANG, SKAD CIG GIS MNGON PAR BYANG CHUB PA'I 'OD GSAL NI RLUNG DBU MAR

, ,BCUG PA DE YIS THOB PAR RGYUD 'DIR GSUNGS SO ZHES GSUNGS TE, STENG 'OG YANG DAG BRTEN NAS NI, ,SROG DANG THUR SEL RGYU BAR BYED, ,DE GNYIS KHO NA RTOGS BCAS NAS, ,RLUNG GNYIS SU NI GSAL BAR GSUNGS, ,SKU DANG GSUNG GI SNYING PO GNYIS, ,LA LA NA DANG RA SA NA, ,AA BA DH'U T'I MCHOG GI RTZA, ,DE GNYIS DBUS MA MCHOG GI MCHOG ,RNAM RTOG MED PA'I RLUNG GANG YIN, ,RTAG TU RGYU ZHING KUN LA KHYAB, ,RNAL 'BYOR GANG THOB RTAG TU NI, ,SEMS CAN DON BYED NUS PAR 'GYUR, ,RLUNG GI RANG BZHIN BYE BRAG NI, ,BRGYA DANG BRGYAD LAS GANG RGYAL BA,, DUS KUN TU NI RGYAL NAS GNAS, ,RNAL 'BYOR BYIS PAS MI SHES PAS, ,SKAD CIG GCIG MNGON RDZOGS BYANG CHUB, ,DE YIS THOB PAR RGYUD 'DIR GSUNGS, ,DE NI GANG TSE SKAD CIG THOB, ,DE NI SKAD CIG MCHOG TU GSUNGS, ,ZHES GSUNGS SHING, RLUNG DBU MAR BCUG PA DE LA JI LTAR THOB PA'I RIGS PA STE SBYOR BA NI DANG POR BSKYED RIM MTHAR PHYUNG NAS, DE NAS RDOR BZLAS ZLA BA DRUG TU BYED PA'O, ,ZHES GSUNGS TE, DE YANG JI LTAR THOB PAR BYED, ,DE LA RIGS PA RU NI BRJOD, ,THOG MA RNAL 'BYOR PA CHEN PO, ,ZHES PA NAS, H'Um BZLAS PA NI MTSUNGS MED BYA, ,ZHES PA'I BAR SNGAR DRANGS PA LTAR 'BYUNG ZHING, DE'I 'PHRO NAS, MCHOG TU RGYUN MI 'CHAD PAR NI, ,ZLA BA DRUG TU BYAS NAS KYANG, ,DE RJES SKAD CIG DE LA 'THOB, CES GSUNGS TE, SKABS GZHAN MANG POR YANG RDOR BZLAS ZLA BA DRUG TU BYAS PAS 'GRUB PAR GSUNGS SO, ,DGONGS PA LUNG STON PA LAS KYANG, NYI ZLA RAB TU SBYOR BA LAS, ,DBUGS NI 'GRO BA LA KHYAB PA, ,BYANG CHUB SEMS NI RANG GCIG PU, ,DGE DANG MI DGE'I 'BRAS SPANGS NAS, ,NAM MKHA' 'DRA BAR 'GYUR BA YIN, ZHES GSUNGS TE, ZLA NYI NI RO RKYANG NGO, ,DE GNYIS RAB TU SBYOR BA NI DBU MAR DE GNYIS KYI

RLUNG GCIG TU BYAS PA STE, 'DIR MI GSAL YANG 'DUS PA'I BSHAD RGYUD RDOR PHRENG LAS, ZLA BA DANG NYI MA RGYU BA'I RTZA RO RKYANG GNYIS LA BSHAD PAS SO, ,'GRO BA LA KHYAB PA'I DBUGS BYANG CHUB KYI SEMS RLUNG ZHES GRAGS PA GCIG PU LA RDOR BZLAS BYAS PAS, LAS GNYIS KYI DBANG GIS 'BRAS BU 'KHOR BAR 'KHYAMS PA SPANGS NAS NAM MKHA' STE 'OD GSAL JI 'DRA BA DE 'DRA BAR 'GYUR BA STE DER 'JUG PA'O, ,'GYUR RNYING LAS, DNGOS PO MED PAS 'GRO KHYAB PA, ZHES KYANG 'BYUNG NGO, ,RDO RJE BZLAS PAS SROG DBU MAR 'JUG PA NI BDE MCHOG RIM LNGAR YANG GSUNGS TE, NYI MA DANG ZLA BA'I BDAG NYID CAN GYI LAM STONG PA NYID KYI RANG BZHIN NAM MKHA' STONG PA NYID KYI NGO BO, GANG NAS BAR CHAD MED PAR RLUNG 'JUG PA DANG 'BYUNG BAR 'GYUR BA'I RLUNG MA DANG RLUNG LHAN CIG SBYAR TE, GCIG TU BYAS PA'I SEMS GZUNG BAR BYA'O, ,SEMS KYI BZHON PAR GYUR PA'I RLUNG NGES KYANG BLO'I GZHI RANG KHYIM DU 'KHYER RO, ,SHES RAB BLO THABS SEMS DANG GCIG TU 'GYUR TE GNYIS SU MED PA'I RANG BZHIN DU SON PA NI SANGS RGYAS THAMS CAD SKYED BYED KYI RANG BZHIN RDO RJE 'CHANG NYID SGRUB PAR BYED PA YIN NO, ZHES GSUNGS SO, ,DE LA ZLA NYI NI RO RKYANG NGO, ,DE'I BDAG NYID CAN NI GANG LA DE GNYIS 'DUS PA DBU MA'O, ,DE'I LAM NI RTZA DE'I KHONG STONG STE DE NYID NAS NGO BO'O, ,RTZA'I LAM GANG NAS TE DE NAS RGYUN LDAN DU RLUNG 'BYUNG 'JUG BYED PA'I LAM DE DANG RLUNG GNYIS GCIG TU SBYOR BA NI DBU MA NAS RGYUN DU 'JUG PAR BYED PA'O, ,DE NAS RGYU BA LA SEMS GTOD PA NI SEMS 'DZIN PA'O, ,DE LTAR BYAS PA'I 'BRAS BU NI RLUNG DBU MA NAS RGYU BA DES KYANG RANG GI KHYIM SNYING GA'I DBUS SU 'KHYER RO, ,RANG GI KHYIM JI 'DRA SNYAM NA BLO STE RNAM PAR RTOG PA DANG RLUNG SEMS KYI DANG PO'I GZHI'O, ,YANG NA BLO NI SEMS SO, ,DE'I GZHI NI DE'I BZHON

, ,PA'I RLUNG STE DE RNAMS RANG GI KHYIM DU 'KHYER BA'O, ,'DIS DBU MA NYID NAS BZLA DGOS PAR BSTAN NO, ,RDO RJE'I BZLAS PA NYID KYIS LHAN CIG SKYES PA'I RLUNG RANG GNAS SU GNAS PAR BYAS NAS, LAS RLUNG DANG RNAM RTOG THAMS CAD 'GOG PAR DE KHO NA NYID GRUB PA LAS KYANG GSUNGS TE, JI SKAD DU, DE YONGS SU MNYES PA LAS DE'I BKA' LUNG GIS DE LTA BU'I RLUNG DBANG PO RNAMS LAS BKUG STE, RGYUN DU 'JUG PA DANG 'BYUNG BA'I BYA BA BYED PA'I LAM RNAL MA NYID DU GNAS PAR BYED DO, ,DES NI YANG DAG PA MA YIN PA'I RTOG PA'I TSOGS MTHA' DAG 'OBS KYIS BSKOR BA'I NANG DU DRI MA DANG BCAS PA'I SRED PA'I CHU'I TSOGS KYIS BKANG STE, SRID PA'I SHING SBANGS TE CHUS GTOR BAS BSKYED DE, SHIN TU RING BA SKYES PAS 'DOD PA'I 'BRAS BU MIG DGA' BA SKYED PA DANG, RNA BA BDE BAR BYED PA DANG, DRI ZHIM PA DANG, RO ZHIM PA DANG, MKHRANG ZHING SBOM LA SNA TSOGS PA MANG PO NYAMS SU MYONG BAR BYED PA'I RGYU GSAR DU SKYE BA'I SRID PA LOG PAR 'GYUR RO, ,DE'ANG LHAN CIG SKYES PA'I RJES SU TSOL TE, DER GNAS NAS PHYI ROL GYI BYA BA THAMS CAD SPONG MED KYI DER YANG LHAN CIG SKYES PA'I BYA BA BYED DO, ,DE NYID KYIS 'BREL ZHING NYAMS SU MYONG BA GA-YO BA'I BDAG NYID DU RNAM PAR GNAS SO, ,DER YANG KHYAD PAR MA DMIGS PAS NYAMS SU MYONG BA'I DNGOS PO LA SLAR YANG NYAMS SU MYONG BA'I RJES SU CHAGS PA'I 'JUG PA LDOG PAR BYED DO, ,MANG POS CI ZHIG BYA STE, GANG GI TSE PHYI ROL TU GYUR PA'I BRTAGS PA'I RANG BZHIN RNAM PAR BCAD PA DE'I TSE 'DI RANG GI NGO BO LA GNAS PAR 'GYUR RO, ,DER YANG GNYUG MA'I YUL PHRA MO LA 'JUG PA LAS RJES SU CHAGS PA ZAD PAS 'BAD PA BCOM

NAS, BDAG NYID KYI GNAS LA MNGON PAR PHYOGS PAR 'GYUR RO, ,DES NI YON TAN MTHA' DAG DANG LDAN PAR 'GYUR BAS BRTAN PA'I YON TAN DANG LDAN PAR 'GYUR TE, BRTAN PAS NA GZHAN GYI DON GYI YON TAN DANG LDAN PAR 'GYUR RO, ,DPER NA NAM MKHA'I NGOS SU KHYAB PA'I CHU 'DZIN GYI TSOGS STUG PO DENGS PAR GYUR PA NA, GANG DU SONG BA MI SHES PA DE BZHIN DU RLUNG 'DI'ANG SNGAR RGYUN MI 'CHAD PAR 'GYUR BA LA, DE LTAR THIM PAR GYUR PA NA MCHOG TU LDOG CING TSIM PA THOB PAS GANG DU'ANG 'GRO BAR MI 'GYUR RO, ,LHAN CIG SKYES PA'I RLUNG RANG GI GNAS SU GNAS PAS RTOGS PAR 'GYUR RO, ,LHAN CIG SKYES PA'I RLUNG RANG GI GNAS SU GNAS PAS RTOG PA'I TSOGS LAS GROL ZHING STONG PA NYID KYI RANG BZHIN GYIS THUGS TSIM PAR BYED PA CI ZHIG LTAR SKYE STE, 'DI LAS 'KHOR BA 'DIR THABS THUGS RJE CHEN PO MANG DU RGYUN MI 'CHAD PAR GOMS PAR BYAS PAS, MTHA' YAS PA'I SEMS CAN RNAMS KYI DON MDZAD PA'I RGYU THOB PA YIN NO, ,ZHES SO, ,RLUNG DBANG PO'I SGOR RGYU BA BKUG NAS 'BYUNG 'JUG GI LAM NYID DU GNAS PAR RAM 'JOG PAR BYED DO, ,LAM JI 'DRA SNYAM NA RNAL MA STE AA BA DH'U T'I'I LAM DU'O, ,JI LTAR 'JOG NA RGYUN DU'O, ,DE LTAR BZHAG PA'I RLUNG GI RNAL 'BYOR DES NI SRID PA LOG PAR 'GYUR RO ZHES SBYAR RO, ,LDOG LUGS DE YANG RDOR BZLAS BYAS PAS RLUNG DANG SEMS RNAMS LHAN CIG SKYES PA'I RLUNG MI SHIGS PA'I THIG LE'I RJES SU TSOL BA STE DER 'GRO ZHING RJES SU 'JUG GO ,RLUNG SEMS RNAMS LHAN SKYES KYI RLUNG GI GNAS DER GNAS PA STE THIM NAS PHYI ROL GYI YUL LA 'JUG PA'I BYA BA THAMS CAD SPONG NGO, ,DE LTA NA'ANG RLUNG GI BYA BA THAMS CAD MED PA NI MA YIN TE, RLUNG THIM PA'I GNAS DER YANG LHAN SKYES KYI RLUNG GI BYA BA NI YOD DO,,

, ,MDOR NA RDOR BZLAS KYIS RLUNG SEMS DBU MAR BSDUS NAS PHYI ROL GYI YUL LA MNGON PAR ZHEN PA BCAD PA DE'I TSE LHAN SKYES KYI 'DI LAS RLUNG GI GZHI MI BYED PAR RANG GI NGO BO LA GNAS PAR 'GYUR LA, DE'I TSE MA BCOS GNYUG MA'I DON SHIN TU PHRA BA'I DE KHO NA NYID LA ZHUGS PA'I DBANG LAS, RANG GI GNAS LA MNGON DU PHYOGS TE 'JUG PAS YON TAN THAMS CAD BSKYED DO, ,LHAN SKYES KYI RLUNG RANG GI GNAS LA GNAS ZHES PA'I RANG GNAS NI BDE MCHOG RIM LNGA DANG 'DRA STE, SNYING GA'I DBUS KYI MI SHIGS PA'I THIG LE'I GNAS SO,, 'DIS NI NAM MKHAR NAM MKHAR SBYOR BA BZHIN DU SEMS DANG 'OD GSAL GNYIS 'KHYUD PA'I PHYAG RGYA CHEN PO NI, RDOR BZLAS KYI RLUNG SNYING GA RU THIM PAR BYAS PA'I MTHU LAS 'BYUNG BAR BSHAD DE, BDE MCHOG RIM LNGA'I DON KYANG DE YIN LA, 'PHAGS PA YAB SRAS KYI BZHED PA'I GNAD KYANG DE YIN NO, ,TSUL 'DI'ANG RNAL 'BYOR MA'I ZHAL GYI GDAMS PA LAS SHES PAR BYA BAR BSHAD RGYUD RDO RJE PHRENG BA LAS GSUNGS LA, BDE MCHOG RIM LNGA'I RNAL 'BYOR MA YIS SBAS PA RNYED PA'I GDAMS NGAG TU GSUNGS SHING, LHAN CIG SKYES PA'I RNAL 'BYOR MA RNAMS DBU RGYAN DU 'DUS PA'I ZHAL LAS BYUNG BA'I GDAMS NGAG NI DE KHO NA NYID GRUB PA YIN LA, DE GNYIS NAS 'OD GSAL PHYAG RGYA CHEN PO'I GO 'PHANG RDOR BZLAS KYIS 'GRUB PA'I RDOR BZLAS NI DBU MA NYID NAS BYA BAR GSUNGS PA 'DI 'PHAGS PA YAB SRAS KYI RDOR BZLAS KYI MAN NGAG TU SHES PAR GYIS SHIG ,DE LTAR BYAS NA DBANG PO'I SGO NAS YAN LAG GI RLUNG LA RDOR BZLAS BYED PA DANG, DBU MA LA DMIGS PAR RANG GA BA'I RDOR BZLAS BYED PA DANG, RDOR BZLAS RLUNG DBU MAR 'JUG PA'I RTZA LAM SBYONG BA TZAM DU 'DOD PA RNAMS NI RDOR BZLAS KYI GNAD MA

RTOGS PAR SMRA BA'O, ,BDE MCHOG RIM LNGA LAS, MGAL ME BSKYOD PA'I RNAM PA CAN, ,SEMS NI YUL LA RAB TU 'JUG ,DE NI DE LAS RNAM BZLOG NAS, MTSON DU MED PA MTSON PAR BYA, ZHES MGAL ME'I 'KHOR LO LTAR SHIN TU GA-YO ZHING GZUNG DKA' BA'I SEMS YUL LA BRGYUG PA RAB TU BZLOG NAS, THABS GZHAN GYIS MTSON MI NUS PA'I LHAN SKYES PHYAG RGYA CHEN PO MTSON PAR BYA'O ZHES GSUNGS NAS, DE THABS GANG GIS MTSON NA DE NYID LAS, SGRA DANG THIG LE LDAN PA'I SEMS, ,SNYING GAR GZHAG BYA DE NAS 'DI'I, ,RMONGS PA'I RAB RIB 'JOMS MDZAD NI,, MNGA' BDAG BCOM LDAN 'BYUNG 'GYUR TE, ZHES GSUNGS TE, SNYING GAR YID KYI NGO BO THIG LE SGRA STE N'A DA DANG LDAN PA ZHIG BZHAG NAS, DE LA SEMS GA-YO MED DU BZHAG PAS LHAN SKYES 'CHAR BAR GSUNGS SO, ,'DI 'DRA BA'I GNAD RNAMS NI SNGAR BSHAD PA LTAR SNYING GA'I GNAD SHES PA LA RAG LAS SO, ,DE'ANG GZHUNG DER KUN GZHI'I NGO BO SNYING GA'I THIG LE LA DBANG PO'I SHES PA LNGA BZHAG NAS SEMS MI GA-YO BAR BYED PAR GSUNGS TE, DBANG PO'I SHES PA LNGA NI SNGAR DBANG PO LAS RLUNG BKUG PA'O, ,RNAM SHES DRUG PA MA SMOS PAS KUN GZHI NI DRUG PA'I YID YIN GYI GZHAN DAG 'DOD PA LTAR MIN NO, ,BDE MCHOG RIM LNGA'I RIM PA THA MA LAS KYANG, GZUGS SOGS YUL RNAMS KYIS DRANGS NAS NGO BO NYID KYIS GA-YO BA'I SEMS SNYING GAR BRTAN PAR BYAS NA NAM MKHA' DANG 'DRA BAR 'GYUR BAR GSUNGS TE, SEMS MI GA-YO BAR GNAS PA'I SEMS 'DZIN TZAM MIN GYI SNYING GAR RLUNG SDUD PA'I THIM RIM SHES PA YIN PAS SNYING GA'I GNAD SHIN TU GAL CHE LA RTOGS DKA' BA YIN NO, ,DE LA RNAM SHES DRUG YUL DRUG LA GA-YO BA NI RLUNG GI BYED PA YIN LA, DE'ANG SNYING GA NA

, ,YUL CAN DRUG YUL DRUG GA-YO BYED KYI RLUNG DRUG YOD PA DE, DBANG PO DRUG LA BRTEN NAS 'JUG LA, SNYING GA NA YUL DRUG GSAL BAR BYED PA'I RLUNG DRUG YOD PA DES KYANG GZUGS SGRA SOGS GSAL BAR BYED DO, ,DA 'CHAR BA NA RANG BZHIN GYI RTOG PA RNAMS 'CHAR LA, DE RNAMS RANG GNAS SU NUB PA NA RTOG PA DE RNAMS NUB PA YIN TE, RGYUD RDOR PHRENG LAS, SNYING GI DBUS GNAS BDE BA'I DNGOS, ,SANGS RGYAS NYI MA GSAL BA'I 'OD, ,GZUNG DANG 'DZIN PA'I GZUGS KYIS KYANG, ,DE NI 'OD ZER BCU GNYIS SO, ,'OD 'PHEL 'OD ZER GZI BRJID MA, ,GSAL BA 'BAR MA 'OD DMAR MA, ,MIG LA SOGS PA LA BRTEN NAS, ,PHYI ROL GZUGS SOGS 'DZIN PA PO, ,'OD ZER 'OD MA SNANG BA MA, ,GSAL MDZES GSAL 'OD NYI MA GSAL, ,PHYI ROL GZUGS SOGS RNAM PA'O, ,DRUG PO 'DI DAG 'OD DU 'DOD, ,LHA MO RNAMS NI GANG SHAR BA, ,YE SHES NYI MA 'CHAR BA YIN, ,DE DAG YANG DAG NUB PA NI, ,DE'I YANG MCHOG TU NUB PA'O, ,'CHAR BA NUB PA RNAM CHAD PA, ,GO 'PHANG MCHOG TU SHES PAR BYA, ,RNAL 'BYOR CHEN PO LEGS PAR SAD, ,SANGS RGYAS NYI MA'I SDOM PA'O, ZHES SO, ,SNYING GI DBUS GNAS MI SHIGS PA'O, ,BDE BA'I DNGOS NI BDE BA'I RANG BZHIN NO, ,SANGS RGYAS NI RANG BZHIN RNAM DAG GI'O, ,NYI MA GSAL BA'I 'OD NI 'OD GSAL GYI RLUNG NGO, ,'OD DU 'DOD CES PA NI DRUG TSAN SNGA MA YANG NGO, ,LHA MO NI RLUNG DE DAG GO ,YE SHES NI SANGS RGYAS NYI MA'O, ,RLUNG BCU GNYIS PO DE DAG PHYIN CI MA LOG PAR NUB PA NI SANGS RGYAS NYI MA DE'I 'ANG NUB PA STE GO 'PHANG MCHOG GI RGYU'O, ,'CHAR NUB ZAD NAS GNAS PA NI BYANG CHUB KYI GO 'PHANG NGO, ,SANGS RGYAS NYI MA'I SDOM PA NI RLUNG BCU GNYIS SNYING GAR NUB PA'O, ,RLUNG 'DI RNAMS PHAL CHER SROG

GI RNAM 'GYUR YIN LA, DE'ANG SNYING GA'I RTZA 'DAB RNAMS YUL LNGA 'BAB PA'I RTZAR BSHAD PAS DE DAG NAS RGYU BA'I RLUNG DBANG PO'I SGOR PHYIN PA LAS GZUNG 'DZIN DU 'GYUR BA'O, ,RDOR PHRENG GI SKABS GZHAN DU'ANG DBANG SHES RLUNG DANG 'DRES PA BAG CHAGS KYIS BSLAD PAS 'KHOR BAR 'KHYAMS PAS DE BZLOG PA'I DON DU RDOR BZLAS BYA BAR GSUNGS PAS, RDOR BZLAS KYIS DE RNAMS SNYING GA'I DBU MA'I NANG DU SDUD PA'O, ,DE BZHIN DU, MI PHYED RDO RJE ZHES NI BRJOD, ,DE NI RLUNG DU YONGS SU GRAGS, ,YI GE AA NI PHYE BA YIS, ,RNAL 'BYOR MCHOG GIS RTAG TU RTOGS, ,DE'I RTEN SNYING GA'I PADMA YIS, ,'DAB MA BRGYAD KYIS RNAM PAR BRGYAN, ,CHOS KYI 'KHOR LO SKAL BA BZANG, ,THAMS CAD BDAG NYID RTAG TU BZHUGS, ,DE YI 'DAB MA LAS SKYES PA, ,RNAM SHES BRGYAD NI KUN RDZOB BO, ,MIG LA SOGS PA YANG DAG BRTEN, ,'GRO BA GSUM DU RNAM PAR SPYOD, ,DE DAG 'JOMS PA RLUNG RDO RJE, ,BGEGS MTHAR BYED PA ZHES NI BRJOD, ,CES SNYING GA'I AA YIG SROG RLUNG RDO RJE DANG DE'I RTEN GYI PAD 'DAB LA GNAS PA'I RNAM SHES BRGYAD PADMA YIN LA, DE GNYIS AA YIG GIS MDUD PA PHYE BA'I GNAS SU SBYOR BA NI RDO RJE PADMA GNYIS MNYAM PAR SBYOR BAR BSHAD DO, ,DE LTAR NA DPAL 'DUS PA RTZA BSHAD KYI LUGS KYIS RNAM SHES DANG RLUNG GNYIS MAR LA MAR BZHAG PA BZHIN DU 'DRES NAS 'KHOR BAR 'KHOR BA'I BYA BA BYED DO, ,DE 'GOG PA LA LAS 'GOG DGOS DE 'GOG PA LA NYON MONGS PA 'GOG DGOS, DE 'GOG PA LA RANG BZHIN GYI RTOG PA RNAMS DGAG DGOS, DE 'GOG PA LA RANG BZHIN GA-YO BYED KYI RLUNG DGAG DGOS, DE 'GOG PA LA RDOR BZLAS KYIS RLUNG RNAMS DBU MAR BSDUS NAS SA CHU LA THIM PA LA SOGS PA'I RIM GYIS THIM RIM RNAMS BSKYED DGOS, DE'ANG RLUNG RANG BZHIN LA THIM PA NI SNA BUG DANG PO'I SGOR RGYU BA'I RLUNG

, ,RAGS PA THIM PA YIN LA DE NAS RANG BZHIN SNANG BA LA THIM PA'I DUS SU RANG BZHIN GA-YO BA'I RLUNG YAR THIM PA YIN TE RANG BZHIN GA-YO BA'I RLUNG PHRA BA'O, ,DE NAS STONG PA BZHI'I SNGA MA RNAMS PHYI MA LA THIM NAS 'OD GSAL MNGON DU BYED DO, ,'O NA RNAL 'BYOR MA'I RGYUD NAS PHYI'I RKYEN LAS RGYA DANG NANG GI RKYEN RLUNG DANG GTUM MO LA SOGS PA LA BRTEN NAS, DGA' BA BZHI BSKYED PA'I MTHAR SKYES PA'I LHAN SKYES NYID PHYAG RGYA CHEN PO BSGOM PAR BYAS NAS BDE BAS LAM BGROD PA GTZO BOR 'CHAD KYI, SA CHU LA THIM PA SOGS KYI RIM PAS 'OD GSAL PHYAG RGYA CHEN PO BSGOM PA GTZO BOR MI 'CHAD PA DANG, RNAL 'BYOR GYI RGYUD KYI SKOR NAS SA CHU LA THIM PA SOGS KYI THIM RIM GYI SGO NAS 'OD GSAL LHAN CIG SKYES PA'I YE SHES BSGOM PA GTZO BOR 'CHAD KYI, LTE BA'I GTUM MO'I ME 'BAR BAS SPYI BO'I BYANG SEMS BZHUS PA'I 'BAR 'DZAG GIS BSKYED PA'I BDE BAS LAM BGROD PA GTZO BOR MI 'CHAD PA CI YIN SNYAM NA, 'DI LA KHA CIG PHA RGYUD PA GTZO BOR SPROS PA THIM PA'I STONG PA LAM DU BYED LA, MA RGYUD PA GTZO BOR BDE BA LAM DU BYED PAS, RGYUD DE GNYIS SU STONG PA BZHI DANG DGA' BA BZHI'I SGO NAS SO SOR 'CHAD PAS BDE BA CHEN PO'I LAM NI MA RGYUD KYI KHYAD CHOS YIN PAS PHA RGYUD RNAMS RNAL 'BYOR BLA MA'I RGYUD YIN KYANG BLA MED MIN LA, MA RGYUD RNAMS RNAL 'BYOR BLA MED KYI RGYUD DU 'DOD DO, ,GZHAN DAG NI PHYAG CHEN THIG LE LAS SNANG MCHED THOB GSUM DANG 'OD GSAL BZHI DGA' BA BZHIR BSHAD PAS, DGAG PHYOGS RANG BZHIN BRGYAD CU'I SPROS PAS STONG PA'I SGO NAS STONG PA BZHI DANG, SGRUB PHYOGS BDE BA BZHI SKYE BA'I NGOS NAS DGA' BA BZHI BSHAD PAR 'DOD DO, ,LA LA NI MA RGYUD LA SEMS

DBEN MAN CHAD KYI LAM LAS MED PAS DBANG PO BRTUL PO BDE BA'I SGO NAS ZHI GNAS DON DU GNYER BA LA GSUNGS LA, PHA RGYUD NI LHAG MTHONG DON DU GNYER BA LA GSUNGS TE, PHYI GZUNG BA DANG NANG 'DZIN PA LA ZHEN PA DANG BDEN GNYIS THA DAD DU 'DZIN PA NI, SGYU MA DANG 'OD GSAL DANG ZUNG 'JUG GIS 'GOG LA DE PHA RGYUD NAS GSUNGS PA'I PHYIR RO ZHES ZER RO, ,PHAL MO CHES PHA RGYUD DANG MA RGYUD DANG GNYIS MED KYI RGYUD GSUM DU BYAS NAS, RANG GANG LA ZHEN CHE BA'I RGYUD GNYIS MED KYI RGYUD DU NAN GYIS BSGRUB LA, DE DAG GI DON SHES RAB KYI CHA GTZO BOR BSTAN PA DANG THABS KYI CHA GTZO BOR STON PA NI MA DANG PHA'I RGYUD YIN PAS RGYUD DMAN PAR 'DOD LA, THABS SHES GNYIS KA CHA MNYAM DU STON PA NI GNYIS MED KYI DON YIN PAS BZANG BAR 'DOD DO, ,DE LA BDE STONG LA THABS SHES SU BYAS PA'I THABS SHES LA NI RGYUD GNYIS KA 'DRA BAR NAG PO SPYOD PAS BSHAD DE DUS 'KHOR GYI LUGS KYANG YIN NO, ,DE'I PHYIR DE GNYIS LA BLTOS NAS THABS SHES KYI RGYUD SO SOR 'JOG PA MIN PAS LUGS DANG PO DANG GSUM PA RNAMS MI 'THAD DO, ,BZHI PA LA'ANG BRJOD PAR BYA STE, BDE STONG LA THABS SHES SU BYAS PA'I THABS SHES RE RE GTZO BOR STON PA LA BYED NA NI, GTZO BO'I DON GSAL BA DANG RGYAS PA LA BYED NA BZLOG NAS SMRAS NA LAN CI YOD, GTZO 'O'I DON LAM GYI SROG YIN PA LA BYED NA, GNYIS KAS KYANG BDE STONG DBYER MED LAM GYI RKANG DU 'DOD PAS MI RIGS SO, ,DGUG GZHUG LA SOGS PA'I BYA BA LA LHA PHO 'GRO BA DANG MO 'GRO BA'I THABS SHES LA BYED NA NI, LHA PHO MO GNYIS KAS DGUG GZHUG LA SOGS PA'I BYA BA BYED PA BSTAN PAS, RGYUD MCHOG TU GYUR PA LA KHYAD CHOS CI ZHIG YOD, KHAMS DAG PA'I LHA MO DANG PHUNG PO DAG PA'I LHA

, ,PHO GNYIS DKYIL 'KHOR LA GTZO BOR BYED MI BYED KYI THABS SHES LA BYED NA'ANG, DKYIL 'KHOR LA RIGS LNGA 'GOD PA'I GNAS SU LHA MO RNAMS 'GOD PA LTA BU LA BYA DGOS PAS DE LTA NA'ANG SNGA MA LTAR DE KHYAD CHOS SU CIS 'GYUR, GZHAN YANG BDE BA CHEN PO'I LAM GTZO BOR STON PA NA RNAL 'BYOR GYI RGYUD GSANG BA 'DUS PA'I DON YIN PAR GSANG BA GRUB PA LAS RGYAS PAR BSHAD PA DANG YANG 'GAL LO, ,'O NA GANG YIN SNYAM NA, SANGS RGYAS SGRUB BYED KYI LAM GYI GTZO BO NI RDZOGS RIM YIN LA, DE LA'ANG THABS DANG THABS BYUNG GNYIS KYI PHYI MA GTZO BO YIN NO, ,DE NI CHOS GZUGS KYI SKU GNYIS KYI RGYU THABS SHES GNYIS BDE STONG DBYER MED KYI STENG NAS STON PA LA 'DRA MOD KYANG, GZHAN LUS SHES RAB MA'I MTSAN NYID DANG DBYE BA DANG BRTAGS PA'I THABS DANG BSTEN PA'I TSUL DANG, DE LA BRTEN NAS BYUNG BA'I DGA' BA BZHIS LAM BGROD LUGS GTZO BOR STON PA NI SHES RAB KYI RGYUD DANG, RANG LUS THABS LDAN GYI DBANG DU BYAS NAS, DANG POR SHI BA'I 'OD GSAL LAS SKYES PA'I RIM PA DANG, DE NAS SDUD PA'I 'CHI RIM BSTAN NAS DE JI BZHIN DU STONG PA BZHIS LAM BGROD TSUL GTZO BOR STON PA NI THABS KYI RGYUD DO, ,CHAGS LAM GYIS CHAGS PA LAM DU BYA BA'I PHYIR DU GSUNGS PA'I LAM NI, GNYIS KA LA 'DRA MOD KYANG CHAGS PA LAM DU BYAS PA LA BRTEN NAS BDE BA CHEN PO SKYE LUGS DANG, DE NYID KYIS MCHOG 'GRUB LUGS GTZO BOR BSHAD PA NA, TSUL DE THOG PA GZHAN DANG RGYUD SDE 'OG MA LA MED PA'I KHYAD CHOS SU MTHONG ZHING, DE'ANG LAM SHIN TU 'JUG PA BDE LA MYUR BAR MTHONG NAS LAM 'DI LA MCHOG TU GUS PA SKYE ZHING BRTZON 'GRUS KYANG 'BAR BAR 'GYUR RO, ,DE NAS LAM DES 'BRAS BU 'GRUB PA MYUR BA DANG BDE BA TZAM DU MA

ZAD 'GRUB PA'I RIM PA LA'ANG THUN MONG MA YIN PA'I KHYAD PAR 'DI LTAR YOD CES STON PA NA THABS RGYUD LTAR BSTAN DGOS SO, ,'DI LTAR BSTAN PA NA DANG PO'I THABS LA BRTEN PA'I LAM BDE BA DANG MYUR BAR MA ZAD SA LA SOGS PA RIM GYIS THIM PA'I YANG NYE RGYU RU MTHONG NGO, ,DE'I TSE DE THOG MAR BSKYED DE DES RGYUD SMIN PAR BYAS PA NI SPROS PA SDUD PA'I RDZOGS RIM GYI RGYU'I GTZO BO YIN PAS, BSKYED RIM GYIS RGYUD SMIN PAR BYED PA DE LA RAG LAS PA'I PHYIR RO, ,GSANG BA GRUB PA LAS 'DUS PA'I GLENG GZHI'I DON RNAL 'BYOR MA'I RGYUD DANG KHYAD PAR MED PAR BSTAN ZHING, DE GOMS PAS SGYU MA'I SKU 'GRUB PAR GSUNGS PAS LAM LOGS PA'ANG MIN NO, ,DE LTAR NA RGYUD GNYIS LA 'JUG PA'I RIM PA NI DANG POR MA'I RGYUD DANG DE RJES RNAL 'BYOR GYI RGYUD LA 'JUG PAR BYA'O, ,RDOR BZLAS GOMS PAS TZAndA LI 'BAR NAS DGA' BA BZHI BSKYED PAR GSUNGS PA'I PHYIR, RDOR BZLAS KYI DUS SU'ANG DGA' BZHI BSGOM PA NI YOD DO, ,GNYIS PA LA GNYIS, DNGOS KYI DON DANG, RIM PA LNGA PA'I MTSAN NYID DO, ,DANG PO NI, RLUNG GI DE NYID NI SPYOD BSDUS LAS, SROG DANG RTZOL BA'I BRTAG PA'O, ,ZHES GSUNGS TE, SROG RTZOL NI RLUNG TZAM MO, ,BRTAG PA NI GTAN LA 'BEBS PA STE, NGO BO DANG DBYE BA DANG RGYU TSUL LA SOGS PA SHES PAR BYED PA'O, ,DE'I GTZO BO NI SNGAR BSHAD PA'I MI SHIGS PA LAS SPRO BSDU BYED TSUL LO, ,RIM GYIS NI ZHES PA DE RTZOL NI BTANG NAS ZHES PA'I DON TO, ,SNGAGS KYI DE NYID NI BRDA LA SOGS PA 'OG NAS 'CHAD PA RNAMS SO, ,SPYOD BSDUS LAS, SNGAGS KYI DBYANGS GSAL GYI RGYU LAS BYUNG BA'I SPRUL LA SOGS PA DANG, DE'I DE NYID MI SHIGS PA LAS BYUNG BA'I YI GE GSUM LA 'CHAD DE, MI SHIGS PA LAS BYUNG BA DANG DER SDUD PA GTZO BO'I DON NO, ,YANG MGO MJUG NI SNGA MA SHES

, ,PA'I RJES SU PHYI MA SHES PAR BYED PA'O, ,SNGAGS KYI BSKYED PA NI SNGAGS THAMS CAD SKYES PA DANG BUD MED DANG MA NING GI NGO BO NYID YI GE GSUM LA 'JUG PA'O ZHES GSUNGS PA LTAR RO, ,DE RTOGS NAS RLUNG SNGAGS DBYER MI PHYED PAR ZLO BA'I RDO RJE'I BZLAS PA LA NI SLOB PO, ,'OG NAS 'CHAD PA LTAR RDO RJE BZLAS PA MTHAR PHYIN PA LA GNAS PA'I RNAL 'BYOR PA NI, SEMS LA DMIGS PA'I STONG PA GSUM GYIS YE SHES THOB PAR 'GYUR TE 'CHAD PAR 'GYUR RO, ,SEMS DMIGS LA CHOS CAN GYI SEMS LA DMIGS PA DANG SEMS KYI CHOS NYID LA DMIGS PA GNYIS BYAS NAS SEMS DBEN GYI YE SHES NI SNGA MA YIN GYI PHYI MA MIN TE, YIN NA 'OD GSAL DANG KHYAD PAR MED PAR 'GYUR RO ZHES GSUNG MOD KYANG MI 'THAD DE, 'OD GSAL GYI SKABS SU NI MNGON SUM DU RTOGS PA YIN PAS SKYON MED PA'I PHYIR RO, , SKABS 'DIR, SEMS LA DMIGS PA'I RNAL 'BYOR PAS, ,SGYU MA'I LUS NI THOB PAR 'GYUR, ZHES SNGA MA'I 'GROS KYIS KHA BSKANG NGO, ,THOB LUGS NI 'CHAD PAR 'GYUR RO, ,DE NAS SGYU MA LTA BU'I TING NGE 'DZIN DE YANG DAG PA'I MTHA' 'OD GSAL GYIS NI RNAM PAR SBYANG BAR BYA STE, SGYU MA 'OD GSAL DU BCUG PA'I SGO NAS SGYU LUS KYI 'OD GSAL THOB PAR BYA BA'O, ,DE SKAD DU'ANG, RANG BYIN BRLAB PA'I RIM PA YIS, ,GANG PHYIR 'OD GSAL THOB 'GYUR BA, ,ZHES 'CHAD PAR 'GYUR RO, ,'OD GSAL BA YANG DAG MTHA' LAS LUGS BZLOG TU LANGS NAS NI, GNYIS SU MED PA'I YE SHES ZUNG 'JUG GI GO 'PHANG THOB PAR 'GYUR RO, ,SPYOD BSDUS SU LUS DBEN LA BSLABS NAS RDO RJE BZLAS PA LA SLOB PA'I RIM PA'ANG GSUNGS PA'I LUS DBEN NI, LUS DANG NGAG DANG YID RNAM PAR DBEN PA'I THOS PA 'DZIN PA ZHES 'OG NAS

GSUNGS PAS, 'PHAGS PAS KYANG MING TZAM GSUNGS SO, ,RIM LNGAR 'DI'I MI GSAL BA GSAL BAR SPYOD BSDUS SU GSUNGS SO, ,RGYA GAR BA MANG POS LUS DBEN BSKYED RIM DU BSDUS, ,KHA CIG GI RIGS BRGYA NAS RIGS GSUM GYI BAR RNAMS BSKYED RIM DANG, RIM GCIG PA RDZOGS RIM DU SDUD DE, SPYOD BSDUS LAS, PHUNG PO DANG KHAMS DANG SKYE MCHED LA SOGS PA BSHAD MA THAG PA NI LUS RNAM PAR DBEN PA STE, DE LA LHA RNAM PAR DGOD PA NI THAMS CAD KYI THUN MONG STE, RAGS PA'I RNAL 'BYOR YIN PA'I PHYIR RO, ZHES GSUNGS SO, ,THAMS CAD KYI ZHES PA NI RIM PA GNYIS KA LA BYA DGOS TE DE'I 'OG TU NGAG DBEN SHIN TU PHRA BAS BSKYED RIM PA'I YUL MIN PAR BSTAN PAS SHES SO, ,DES NA LUS DBEN NI BSKYED RDZOGS GNYIS KA'I YIN NO ZHES ZER RO, ,DES NA LUS DE LA LHA DGOD PA RIM PA GNYIS KA'I THUN MONG YIN PAR STON GYI LUS DBEN THUN MONG BAR BZHED PA MIN TE, LAS DANG PO BA'I TING NGE 'DZIN LA GNAS PA'I 'OG TU LUS DBEN LA 'JUG PAR GSUNGS PA'I PHYIR DANG, BDAG BYIN BRLABS KYI SKABS NAS, BSKYED PA'I RIM PA NAS BRTZAMS TE LUS RNAM PAR DBEN PA'I MTHAR THUG PA'I BAR DU ZHES TE GNYIS SO SOR BSHAD PA'I PHYIR RO, ,DES? NA LUS DBEN NI LHAN CIG SKYES PA'I YE SHES GCIG NYID RIGS BRGYA DANG RIGS LNGA DANG RIGS GSUM DANG RIGS GCIG TU BLTA BA YIN TE, MNYAM SBYOR DANG NAM MKHA' DANG MNYAM PA'I LUNG DRANGS PAS SHES SO, ,DES NA PHUNG PO LNGA KHAMS LNGA DBANG PO LNGA YUL LNGA NI DBEN GZHI'I LUS YIN LA, DE NYID LHAN CIG SKYES PA'I RNAM 'PHRUL DU LTA ZHING, DE'ANG RIGS LNGA'I NGO BOR BLTA BA NI LUS DBEN SKU RDO RJE'I TING NGE 'DZIN TO, ,'DI'ANG PHRA MO'I RNAL 'BYOR MTHAR PHYIN NAS BSGOM LA, DE'I TSE 'OG SGO'I

, ,PHRA MO LA BRTEN NAS DGA' BA BZHI BSKYED NUS PAS, DER SKYES PA'I LHAN SKYES KYI NGO BOR BLTA BA'I CHA NAS RDZOGS RIM DANG, SPYIR PHUNG PO SOGS LHAR LTA BA'I CHA NAS BSKYED RIM DU BYED DO, ,PHYI MA 'DI'ANG LUS DBEN DU BYAS NAS BSKYED RIM DU SDUD NA'ANG SKYON CHUNG BAR SNANG NGO, ,DE 'DRA BA'I RDZOGS RIM GYI LUS DBEN DE LA SOR SDUD DANG BSAM GTAN GNYIS SU BYED PAS, SROG RTZOL GYI SNGON DU SOR BSAM 'GRO BAR GSUNGS PA DANG, SROG RTZOL GYI SNGON DU LUS DBEN 'GRO BAR GSUNGS PA GNYIS DON GCIG GO ,GNYIS PA NI, ZUNG 'JUG GI TING NGE 'DZIN LA GNAS PA NI SLAR ZHING STE SLAR YANG LAM GANG LA'ANG MI SLOB BO, ,'O NA 'DI'I ZUNG 'JUG RDZOGS PA'I SANGS RGYAS KYI ZUNG 'JUG YIN NAM SNYAM NA, 'OD GSAL THOG MAR THOB PA'I RJES KYI ZUNG 'JUG NI SLOB PA'I ZUNG 'JUG YIN PAS 'DI'ANG SLOB PA'I ZUNG 'JUG GO ,SLOB MI SLOB KYI ZUNG 'JUG GNYIS YOD PAR NI 'OG NAS GSUNGS LA, RDO RJE PHRENG BA LAS KYANG PHYAG RGYA CHEN PO'I DNGOS GRUB JI LTAR THOB CES ZHUS PA'I LAN DU ZUNG 'JUG GIS THOB PAR GSUNGS PAS ZUNG 'JUG LA GNYIS YOD DO, ,YANG DAG MTHA' LAS LANGS NAS ZUNG 'JUG THOB PAR GSUNGS PA YANG SLOB PA'I ZUNG 'JUG GI SKABS YIN LA, MI SLOB PA'I SKABS SU NI YANG DAG MTHA' LA MNYAM PAR BZHAG BZHIN DU ZUNG 'JUG GI SKU 'GRUB BO, ,DES NA GANG LA'ANG MI SLOB PA NI ZUNG 'JUG MAN CHAD KYI LAM LA LEGS PAR BSLABS ZIN PA'I PHYIR DANG, ZUNG 'JUG NYID GOMS PAR BYAS PAS SANGS RGYAS 'GRUB PA'I PHYIR GSAR DU MI SLOB BO, ,GZHUNG 'DI RNAMS KYIS SLOB MI SLOB KYI ZUNG 'JUG 'DRES MAR 'CHAD PAS GNYIS KA DANG SBYAR RO, ,ZUNG 'JUG GI GO 'PHANG THOB PA 'DI NI

YONGS SU RDZOGS PA'I RNAL 'BYOR PA YIN LA, RDO RJE 'DZIN PA CHEN PO'ANG DE YIN NO, ,LAKshM'IS ZUNG 'JUG RDZOGS RIM DNGOS YIN LA GZHAN RNAMS RGYU LA 'BRAS BU'I MING GIS BTAGS PA'I RDZOGS RIM ZHES 'CHAD DO, ,RNAM PA KUN GYI ZHES PA GNYIS SLOB PA'I ZUNG 'JUG LA SBYAR NA, MTSAN DPES SPRAS PA'I ZUNG 'JUG GI SKU 'OD GSAL THOB PA'I DE MA THAG NAS 'BYUNG ZHES SBYAR LA, MI SLOB PA'I ZUNG 'JUG LA SBYAR NA, 'OD GSAL MTHAR THUG PA THOB PA DE NAS MTSAN DPE MTHAR THUG PA'I RNAM PA THAMS CAD KYI MCHOG DANG LDAN PA'I THAMS CAD MKHYEN PAR 'GYUR RO, ,'DAS DANG ZHES PA BZHI'ANG 'OD GSAL THOB PA LA BLTOS TE RIM GYIS DANG CIG CAR DU DUS GSUM MTHONG BA SLOB MI SLOB GNYIS LA JI RIGS PAR SBYAR RO, ,GSUM PA NI, 'O NA RLUNG GI DE NYID LA SOGS PA 'DI DAG RGYUD GANG NA YOD PA YIN ZHE NA, PHUN SUM TSOGS PA'I DPAL DANG LDAN ZHING SKU GSUNG THUGS KYI GSANG BA GSUM 'DUS PA'I RTZA BA'I RGYUD DU NI RLUNG GI DE NYID LA SOGS PA 'DI DAG GNAS PAS 'DUS PA LAS SHES PAR BYA'O, ,RGYUD DE NAS GSAL POR BSHAD YOD DAM SNYAM NA, RGYAS BTAB PA STE SBAS PA'I TSUL GYIS GNAS PAS GSAL POR MED DO, ,'DIS NI MTHAR THUG PA'I GDAMS NGAG RIM PA LNGA 'AM YAN LAG DRUG GI RNAL 'BYOR GYI YOD PA NI 'DUS PA'I RTZA RGYUD YIN PAR BSTAN TO, ,BZHI PA NI, 'O NA 'DUS PA'I RTZA RGYUD NA YOD DU CHUG KYANG, RGYAS BTAB NAS SHIN TU MI GSAL NA, DE THABS GANG LAS RTOGS PAR BYA ZHE NA, BLA MA MTSAN NYID DANG LDAN PA'I ZHAL LAS SHES PAR BYA'O, ,ZHAL LAS SHES LUGS NI, RDO RJE PHRENG BA LA SOGS PA BSHAD PA'I RGYUD BZHI'I RJES SU 'BRANGS NAS, BLA MA

(a) *, ,BSTAN PA LAS SHES PAR BYED PA'O, ,'DIS NI MAN NGAG MTHAR THUG PA RNAMS RGYUD NA MA BRIS PAR BLA MA'I ZHAL SHES SU BZHAG CES STON PA MIN TE, DE RNAMS RTZA RGYUD NA MI GSAL BAR BZHUGS PA DE BSHAD RGYUD KYIS GSAL BAR STAN PAR GSUNGS PAS, YOD PA NI RGYUD SDE GNYIS PO DE NYID YIN PAR BSTAN CING, DE LTAR YOD KYANG RTZA BSHAD KYI RGYUD SBYAR NAS PHYIN CI MA LOG PAR 'CHAD SHES PA'I BLA MA MED NA RTOGS MI NUS PAS BLA MAS BSHAD DGOS ZHES PA'I DON NO, ,DES NA RGYUD YONGS SU RDZOGS PAR BSHAD PAR YANG BYED LA, DE TZAM GYIS DA DUNG MAN NGAG GI GNAD MTHAR THUG PA MI SHES PAR ZUR DU BTZAL DGOS ZHES SMRA BA NI PHAN TSUN 'GAL BA'I KHUR YIN PAS RGYUD KYI GZHUNG BSHAD RDZOGS PAR SHES KYANG MAN NGAG MTHAR THUG ZUR NAS BTZAL DGOS NA, MAN NGAG DE YOD PA RGYUD DE MIN PAR SONG LA, DE MI 'DOD NA NI RGYUD KYI GZHUNG BSHAD DA DUNG MA RDZOGS ZHES SMRA BAR MI RIGS SO, ,DE'I PHYIR GDAMS NGAG GI GNAD MTHAR THUG PA RNAMS KYANG GDAMS NGAG GI LUS RNAMS RGYUD SDE LA SOGS PA'I GZHUNG CHE BA NA YOD PA'I ZUR SGRON DGOS PA RNAMS BLA MA'I MAN NGAG GIS SGRON NA LEGS PA YIN NO, ,BSHAD RGYUD RDO RJE PHRENG BAR PHYAG NA RDO RJES RDO RJE 'CHANG LA DRI BA BRGYAD CU GYA GNYIS DRIS PA RNAMS KYANG GTZO BOR GSANG 'DUS SU BRDA TZAM GYIS MI GSAL BAR GSUNG BA LA THE TSOM GCOD PA YIN TE, DE NYID LAS, RDO RJE PHRENG BA MNGON RTOGS PA, ,DE NYID CUNG ZAD 'DRI 'TSAL GYIS, ,RDZOGS PA'I RIM PA'I RNAL 'BYOR GYIS, ,KHYOD KYIS BDAG LA BSTAN DU GSOL, ,DPAL LDAN 'DUS PAR BRDA TZAM GYIS, ,RNAL 'BYOR BLA NA MED RGYUD DU, ,

THUB PA CHEN POS CHOS PHUNG PO, ,BRGYAD KHRI DANG NI BZHI STONG NGO, ,DE SKAD SMRAS NAS MDUN 'DUG STE, ,ZHES SO, ,'GREL PAS CHOS PHUNG BRGYAD KHRI BZHI STONG BSDUS PA'I NGO BO RNAL 'BYOR BLA NA MED PA'I DPAL GSANG BA 'DUS PA LA RDO RJE PHRENG BA 'DRI BAR 'TSAL ZHES 'CHAD DO, ,BSHAD RGYUD SHIN TU GSAL BAS 'DI RNAMS NI BCOM LDAN 'DAS NYID KYIS RTZA RGYUD KYI RANG 'GREL MDZAD PA YIN PAS 'GREL PA'I MCHOG TU SHES PAR GYIS SHIG ,SGRON GSAL LAS KYANG, DPAL LDAN RGYUD RGYAL RNAL 'BYOR RGYUD KYIS SHIN TU GSAL BAR RNAM PHYE LEGS BSHAD PA, ,MTHA' DRUG GI NI 'CHING BAS BCINGS PAS RGYAL SRAS YUM GYUR RGYAL BA'I 'DUS GANG YIN, ,SANGS RGYAS KUN GYIS RIM GNYIS GNAS KYIS RGYAS BTAB DA NI KLU SGRUB LAS RNYED PA, ZHES GSUNGS TE, RGYAL BAS BSHAD RGYUD KYIS GSAL BAR PHYE BAR MA ZAD, MGON PO KLU SGRUB LTA BUS RTZA BSHAD GNYIS SHAN SBYAR NAS KYANG LEGS PAR BSHAD PA'I GDAMS NGAG RIM LNGA LTA BU NAS MA ZIN PA'I GDAMS NGAG MTHAR THUG PA LEGS SU RTZAD GCOD PA NI RANG NYID BLO GROS CHUNG BAR STON PA TZAM DU ZAD PAS, BLA MA DAM PA LA BRTEN NAS YUN RING DU GZHUNG DE DAG GI DON RTOGS NA CI MA RUNG SNYAM DU BSAMS NAS, BSAG SBYANG GI SGO RGYA CHEN PO'I LHAN CIG BYED RKYEN CAN GYI THOS PA DANG BSAM PA DANG SGOM PA LA 'BAD NAS RGYUD SHING RTA CHEN PO'I DGONGS 'GREL GYI GZHUNG RNAMS GDAMS NGAG GI MCHOG TU 'CHAR BA'I NGAS PA CI SKYE BYA'O, ,GNYIS PA LA GNYIS, RLUNG GI DE KHO NA NYID DANG, SNGAGS KYI DE KHO NA NYID DO, ,DANG PO LA GNYIS, RTZA RGYUD LAS GSUNGS TSUL DANG, DE BSHAD RGYUD KYIS BSTAN TSUL LO, ,DANG PO NI, RIM PA LNGA BSTAN PAR BYA BA DE LA STE DE'I NANG

(b) *, ,NAS RIM LNGA'I DANG PO KHO NAR DE NYID DU RLUNG GI DE KHO NA NYID MDOR BSDUS NAS MI GSAL BA'I TSUL GYIS STON PA'I TSIG RTZA BA'I RGYUD LA 'JUG PAR BYA STE, ZHES GSUNGS SO, ,YANG NA RLUNG GI DE NYID STON PA'I KHUNGS GNYIS LAS DANG PO NYID DU RTZA RGYUD LA 'JUG PAR BYA STE, DE NI MDOR BSTAN PA YIN LA, BSHAD RGYUD NI DE 'CHAD BYED 'GREL PA LTA BU YIN PA'I PHYIR RO, ,KHUNGS DGOD PA NI, SNA YI RTZE MOR YUNGS KAR BSAM, ZHES PA'I RKANG BA BZHI NI RTZA RGYUD KYI LE'U DRUG PA DANG, RIN CHEN CHEN PO KHA DOG LNGA ZHES PA BZHI NI LE'U GSUM PA LAS GSUNGS SO, ,'DI NI DGONGS PAS BSHAD PA'O, ZHES TSIGS BCAD 'DI GNYIS MTHA' DRUG GI NANG NAS DGONGS BSHAD DU GSUNGS LA, SPYOD BSDUS SU TSIGS BCAD PHYI MA 'DI LA MTHA' DRUG GI NANG NAS DRANG DON DANG NGES DON GYI BSHAD PA MDZAD CING, SGRON GSAL LAS, DANG PO LA DRANG NGES DANG GNYIS PA LA TSUL BZHI'I BSHAD PA MDZAD DO, ,DE LTA NA'ANG 'GAL BA MED DO, ,'DI LTAR 'JIG RTEN GYI THA SNYAD LA RLUNG LA YUNGS KAR GYI SGRA 'GAL BA'I CHA NAS DGONGS BSHAD DU GSUNGS SHING, YANG DAG PA'I DON RDZOGS RIM PA'I PHRA MO'I RNAL 'BYOR MI MNGON PAR KHONG DU SBAS NAS, DNGOS SU BSKYED RIM PA'I PHRA MO'I RNAL 'BYOR BSTAN PAS DRANG NGES SU BSHAD PAS KYANG CHOG GO ,NGAG DON ZHIB TU PHYE NA TSUL BZHI'I BSHAD PA 'JUG KYANG BSDU NA BSKYED RDZOGS GNYIS SU 'DU BAS DRANG NGES SU BSHAD PAS CHOG PA'I PHYIR RO, ,DE LTAR 'PHAGS PAS RTZA RGYUD KYI SKABS GNYIS DRANGS LA, 'PHAGS PA LHAS LE'U GSUM PA'I GZHUNG TZAM LAS MA DRANGS KYANG RTZA RGYUD NA RLUNG GI DE NYID STON PA'I TSIG GZHAN MED PA NI MA YIN TE, LE'U DANG POR GZUNGS DKYIL GYI LHA MO DGU SPRUL PA DGONGS

PA LUNG STON DU, DE NAS DE BZHIN GSHEGS KUN DANG, ,DE BZHIN BYANG CHUB SEMS DPA' RNAMS, ,DE BZHIN GSHEGS PA BDAG PO DANG, ,MNYES PA'I PHYIR NI ZHUGS PAR GYUR, ,SROG DANG THUR SEL GYEN RGYU DANG, ,KHYAB DANG MNYAM GNAS DE BSHAD DANG, ,KLU DANG RUS SBAL RTZANGS PA DANG LHAS BYIN DANG NI GZHU LAS RGYAL, ,DE DAG BDAG GZUGS BUD MED DU, ,SLAR YANG SPRUL PAR MDZAD PA YIN, ZHES GSUNGS PA'I PHYIR RO, ,'O NA LHA MO DGU LAS MED PA DANG RLUNG BCU GNYIS GRANGS MA MTHUN NO SNYAM NA, RGYUD PHYI MA LAS, LHA MO DGU DANG NAM MKHA'I KHAMS, ,MA TOG CES NI BSHAD PA YIN, ,SKU GSUNG THUGS KYI DBYE BA YIS, ,RIGS KYI RIM GYIS DGOD PAR BYA, ZHES GSUNGS PA'I LHA MO DGU NI, KHYAB BYED MA GTOGS PA'I RLUNG DGU DANG NAM MKHA'I KHAMS NI KHYAB BYED KYI RLUNG DU 'GREL PAS BSHAD NAS BCUR BYAS PA LTAR, KHYAB BYED NAM MKHA'I KHAMS KYI KHAMS BZHI CHAR LA KHYAB PA BGRANGS PAS BCUR 'GYUR RO, ,SKU GSUNG THUGS NI LDANG 'JUG GNAS GSUM DANG, RIGS KYI RIM PA NI YI GE GSUM DU SHES PAR BYA BAR 'GREL PAS BSHAD DO, DE LTAR NA RLUNG BCU YANG RTZA RGYUD KYIS GSUNGS SO, ,SNGON BYUNG LA RNAM SNANG LA SOGS PA RNAMS RDO RJE 'CHANG GI SKUL ZHUGS PA'I 'OG TU BUD MED DU SPRUL PA RDO RJE 'CHANG LA DGYES PA BSKYED PA'I PHYIR YIN PAR GSUNGS LA, DE NYID MA 'ONGS PA'I SGRUB PA POS CHAGS PA LAM DU BYAS NA BYANG CHUB SGRUB PA'I DON DU MDO BSRE LAS GSUNGS TE, DGA' BA BZHI'I SGO NAS DGYES PA BSKYED PA'O, ,DE DAG BSKYED PA'I DUS KYI 'DOD CHAGS CHEN PO'I TSUL DRANG NGES KYI BSHAD PA GNYIS BYAS PA'I NGES DON GYI SKABS SU STONG PA GSUM BSKYED PAR SGRON GSAL LAS GSUNGS SO, ,DE LTAR NA PHYI'I RIG MA LA BRTEN NAS YE SHES

, ,GSUM BSKYED PA LTAR NANG GI RDOR BZLAS KYI RLUNG GIS KYANG BSKYED PAS BUD MED DANG RLUNG GNYIS KA LA BSHAD DO, ,GNYIS PA LA GSUM, LHA MO BZHIS ZHUS KYIS NGES PAR BSTAN PA, RGYUD PHYI MAS GSAL BAR GSUNGS PA, RDO RJE PHRENG BAS SO SOR NGES PAR BSTAN PA'O, ,DANG PO NI, SNGAR DRANGS PA'I RTZA RGYUD KYI LUNG RDO RJE LTAR DBYE DKA' BA'I RDO RJE'I TSIG 'DI'I NGES PAR BSTAN PA NI, LHA MO BZHIS ZHUS PA ZHES PA 'DUS PA'I BSHAD PA'I RGYUD DU GSUNGS SO, ,'DI LA LAKshM'IS, GANG DE STE GANG GI PHYIR LHA MO KHYOD KYIS BDAG LA RLUNG GI DE KHO NA NYID DRIS PA DE'I PHYIR KHYOD LA GSANG BA DE BDAG GIS BSHAD PAR BYA'O, ,DE JI LTA BU SNYAM NA, SNYING PO NI BSKYED RIM MO, ,DE LAS KYANG SNYING PO NI RDZOGS RIM MO, ,MCHOG NI RLUNG GI DE KHO NA NYID DE, KHYAD PAR DANG LDAN PA'I PHYIR DANG, DE MED NA DE LA 'JUG PAR MI 'GYUR BA'I PHYIR DANG, PHRA MO YIN PA'I PHYIR RO, ,RTOG PA'I RNAL 'BYOR PA LA SBAS PAS GSANG BA'O, ,SANGS RGYAS TE PHUNG PO LNGA PO KUN GYI BDAG NYID LA KHYAB BYED DU GNAS PA'O ZHES 'CHAD DO, ,SANGS RGYAS KUN GYI SNOD MIN LA GSANG BA'I LAM DE NI NGAS RAB TU BSHAD PAR BYA'O, ,LHA MO ZHES PA NI 'BOD PA'O; ;DE JI 'DRA BA ZHIG SNYAM NA, SNYING PO NI LHAN CIG SKYES PA 'OD GSAL DU 'JUG PA'I THABS RNAMS SO, ,DE LAS KYANG SNYING POR GYUR PA MCHOG NI RLUNG 'GRO 'ONG GI BZLAS PA'O, ,DE 'DRA BA'I BZLAS PA GANG YIN PA DE NI, LUS CAN THAMS CAD LA BDAG NYID DE RANG BZHIN GYIS GNAS PA STE, RDOR PHRENG LAS, GANG YANG KHAMS GSUM SEMS CAN RNAMS, ,SROG DANG RTZOL BA LA BRTEN PA, ,GSANG SNGAGS RGYAL PO ZLOS BZHIN DU, ,MI SHES BSAM GTAN KLOG PA SPANG, ZHES PA LTAR RO, ,YUNGS KAR GYI NI 'BRU TSOD TZAM, ZHES PA NI

RTZA RGYUD DU YUNGS KAR GYI SGRAS BSTAN PA DE 'CHAD PAR BZHAD NAS BSHAD BYAR BKOD PA'O, ,'BRU TSOD TZAM DE NYID NI YE SHES LNGA'I DNGOS PO STE NGO BO'O ZHES BSHAD DO, ,'O NA YUNGS KAR GYI DON YE SHAS LNGA'I NGO BOR GSUNGS PAS RLUNG LA JI STAR DU GO SNYAM NA, RIN PO CHE KHA DOG SNA LNGA PA BSGOM PAR GSUNGS PA DE SNYING PO LAS KYANG SNYING PO MCHOG TU GSUNGS PAS RDZOGS RIM YIN PAR SHES LA, RIN CHEN KHA DOG SNA LNGA PA ZHES PA YE SHES LNGA'I NGO BOR GO ZHING, DE'ANG RANG BZHIN GYIS KUN LA GNAS PA DANG, GNAS DE SNA'I RTZE MER BSGOM PAR GSUNGS PAS RLUNG 'OD ZER LNGA'I 'BYUNG 'JUG BSGOM PA YUNGS KAR GYI DON DU SHES SO, ,RLUNG 'OD ZER LNGA PO YE SHES LNGAR BSHAD PA NI RIGS LNGAR GO LA, RIGS LNGA PO DE'I DBUS NA GNAS PA'I LHA NI SNYING GA'I MI BSKYOD PAR GO BAS DE'I NGO BO'I SROG RLUNG NGO, ,DE GSAL BA NI RIGS PA'I SROG RLUNG KUN LA DBANG BYED PA'O, ,MI GSAL BA NI PHRA BA'I SROG RLUNG MI SHIGS PA'I THIG LE'O, ,RGYUD DES NI RLUNG 'GRO 'ONG GI BZLAS PA DE 'OD GSAL LHAN CIG SKYES PA'I YE SHES BSKYED PA'I THABS RNAMS KYI MCHOG DANG, RLUNG GI GTZO BO SROG RLUNG NI MI SHIGS PA'I THIG LE YIN PAR GSUNGS PAS, LUS LA GNAD DU BSNUN PA'I RTZA RLUNG THIG LE'I GDAMS PA RNAMS KYI SNYING PO LAS KYANG YANG SNYING MCHOG NI RDOR BZLAS YIN PA LA NGES PA DRANG DGOS SHING, DE'I GNAD MTHAR THUG PA YANG SNYING GA NA YOD PAR SHES PAR GYIS SHIG ,GNYIS PA NI, 'DUS PA'I RGYUD PHYI MA LE'U BCO BRGYAD PAR YANG RTZA RGYUD KYIS RIN CHEN KHA DOG SNA LNGA PA YUNGS KAR GYI TSAD TZAM SGOM PAR GSUNGS PA'I DON RLUNG 'GRO 'ONG GI RDOR BZLAS YIN PA'I DON 'DI NYID GSAL BAR GSUNGS TE ZHES MTSAMS SBYOR BA'O, ,YANG GI SGRAS NI SNGA MAS RTZA RGYUD

, ,KYI DON GTAN LA PHAB PAR MA ZAD PA'O, ,RIN CHEN KHA DOG SNA LNGA PA, ZHES PA NI RTZA RGYUD DU GSUNGS PA BSHAD BYAR BKOD PA YIN PAS, DE'I DON NI SROG DANG RTZOL BA ZHES BYA BA YIN PAR RGYUD PHYI MA 'DIR BSHAD DO, ,'DIS NI STENG GI SNA SGOR GYEN DU 'GRO BA'I KHA DOG SNA LNGA PA BSTAN TE DE BZHIN GSHEGS PA LNGA'I BDAG NYID DO, ,DE NYID ME LONG LTA BU LA SOGS PA YE SHES LNGA'I RANG BZHIN GYI DBUGS TE SNA SGO GA-YAS PAR ME DANG GA-YON PAR RLUNG DANG GNYIS KA NAS SA DANG CHU'I RLUNG DANG, KHYAB BYED NAM MKHA'I RLUNG DU 'GYUR BAS 'BYUNG BA LNGA'I NGO BO NYID DO, ,DE NYID RANG GI RDO RJE'I BU GA LAS PHYUNG NAS RIG MA'I PADMA'I SNA RTZER GONG BU STE THIG LE'I GZUGS KYIS BRTAG PA STE BSGOM PAR BYA'O, ,RANG GI SNYING GA'I PADMA LA AA THUNG BSAMS NAS NI MI SHIGS PA'I THIG LE DER SROG STE RLUNG RNAMS PHYIR ME RGYU BAR GYUR PAR BZHAG GO ,RANG SNGAGS NI 'JUG LDANG GNAS GSUM GYI NGO BOR ZLOS PA'O, ,RGYUD 'DIS RTZA RGYUD KYI SNA RTZE ZHES PA DE LA GDONG GI SNA RTZE DANG GSANG BA'I SNA RTZE DANG SNYING GA'I SNA RTZE GSUM DU BYAS NAS, STENG GI SGOR RDO RJE'I BZLAS PA DANG, 'OG GI SGOR THIG LE'I RNAL 'BYOR DANG, SNYING GAR MI SHIGS PA'I THIG LE LA RLUNG SDUD PA'I TSUL GYIS SROG RTZOL GSUM BSHAD DE SNA RTZE GSUM DANG YUNGS KAR GYI 'BRU TSOD TZAM GYI THIG LE GSUM DU 'GYUR RO, ,RGYUD RDO RJE PHRENG BAR, CHAGS CAN GYIS GSANG BA'I SNA RTZER RDZAS KYI THIG LE DANG ZHE SDANG CAN GYIS SNYING GAR SNGAGS KYI THIG LE DANG, GTI MUG CAN GYIS STENG SGOR 'OD KYI THIG LE BSGOM PAR GSUNGS TE, GANG ZAG GSUM SO SO BA'I LAM DU BSHAD DO, ,'JAM DPAL ZHAL LUNG GI DGONGS PA NI, DANG POR SNYING GAR SNGAGS KYI THIG LE BSGOM STE RANG SNGAGS ZHES PA GNYIS

KYI DON DANG, DE NAS NOR BU'I SNA RTZER GSANG BA'I THIG LE BSGOM, DE NAS STENG SGOR SPRUL PA'I THIG LE ZHES PA RLUNG LA RDOR BZLAS BYED PAR BSHAD PAS GANG ZAG GCIG GIS RIM CAN DU GSUM GA BSGOM PA'O, ,SGRON GSAL DANG DE'I RJES 'BRANG N'A RO PAS SNGAR BSHAD PA BZHIN DU BSHAD LA, SPYOD BSDUS LAS, DKYIL 'KHOR BZHI'I RLUNG LDANG 'JUG GNAS GSUM YI GE GSUM DANG SBYAR NAS ZLO BA'I DON 'DI NYID, RANG SNGAGS ZHES PA'I RKANG PA GNYIS MA GTOGS PA RKANG PA DRUG GI DON DU BSHAD DO, ,DE'I PHYIR YE SHES LNGA ZHES PA'I TSIGS BCAD KYI DON NI STENG SGOR RDOR BZLAS BYED PA LA'ANG SBYAR DGOS PAS GNYIS SU DRANG NGO, ,RANG LHA YAB YUM DU BSGOMS PA'I RIG MA'I PADMAR RDZAS KYI THIG LE BSGOM PA 'DI, RIM PA DANG PO'I SKABS SU 'OG SGOR THIG LE PHRA MO'I RNAL 'BYOR BSGOM PAR BSHAD PA DANG MI GCIG STE DE NI THIG LE'I NANG DU RTEN DANG BRTEN PA'I DKYIL 'KHOR BSGOM PA YIN LA, 'DIR NI THIG LE TZAM ZHIG BSGOM PA YIN NO, ,DE BSGOMS PAS SA CHU LA THIM PA LA SOGS PA'I RTAGS RNAMS 'CHAR BAR ZHAL LUNG LAS GSUNGS TE 'DIS KYANG SROG DBU MAR SDUD PA YIN NO, , LAKshM'IS RNAL 'BYOR PA PO MO GNYIS KYIS RANG RANG GI GSANG BA'I SNA RTZER THIG LE SO SOR BSGOM PA YE SHES LNGA ZHES PA'I RKANG PA BZHI'I DON DU BYAS TE CHAGS CAN GYI PHRA MO'I RNAL 'BYOR DANG, RIN CHEN ZHES PA RKANG PA BZHIS SNYING GAR H'Um YIG BSGOM PA ZHE SDANG CAN GYI DBANG DU BYAS PAR BSHAD NAS RGYUD PHYI MA'I LUNG DE DAG STENG GI SNA SGOR RLUNG BSGOM PA LA MA SBYAR BA NI, SPYOD BSDUS DANG SGRON GSAL DANG 'GAL BAR SNANG NGO, ,'O NA RDO RJE PHRENG BAR SNA RTZE GSUM DU THIG LE GSUM BSGOM PA DE GANG ZAG SO SO'I LAM DU BSHAD PA JI LTAR

, ,YIN ZHE NA, SNA RTZE GSUM DU THIG LE GSUM BSGOM PAR GSUNGS PA DE DUG GSUM SHAS CHE BA'I GANG ZAG GIS GTZO BOR BSGOMS NA YON TAN SKYE MYUR BAS GTZO BOR GANG BSGOMS PA LA DGONGS SO, ,'CHAD PAR 'GYUR BA LTAR RDOR BZLAS KYI SROG DBU MAR BCUG PA'I RJES SU SNYING GAR BSAMS NAS NI, SROG NI THIG LER GYUR PAR BZHAG ,CES GSUNGS PA BZHIN DU MI SHIGS PA'I THIG LE AA THUNG LA SDUD PA'I GDAMS NGAG SHES DGOS SO, ,RDO RJE PHRENG BA'I 'GREL PA LAS KYANG, 'DIR YANG GDAMS NGAG STE, DANG PO NYID NA RIM PA LNGA LA BRTEN NAS GRANGS LA SOGS PA'I RIM PA RLUNG GI DE KHO NA NYID DANG, SNGAGS KYI DE KHO NA NYID DAG NI THUN PHYED PHYED KYI BAR DU RNAL 'BYOR RNAM PA GSUM LA BLTOS NAS THIG LE GSUM PO RIM PA BZHIN DU NYE BAR MTSON PAR BYAS NAS, PHYI NAS 'JUG PA DANG LDANG BA DAG LA RIM PA DE NYID KYI AA YIG GI RNAM PAS GNAS PA'I RLUNG LA NGES PAR SBYAR NAS DE NYID DU THIG LE'I NGO BO BSGOMS PAS, RLUNG PHRA MOS NYE BAR MTSON NAS DE NYID DU BSKAL PA 'AM BSKAL PA STONG GI BAR DU GNAS PAR BYA ZHES BSHAD DO, ,SBYOR BA YAN LAG DRUG GI SROG RTZOL RGYUD PHYI MAR GSUNGS PA'I RLUNG GI RNAL 'BYOR GYIS SROG DBU MAR 'JUG LUGS NI, 'PHAGS PA YAB SRAS RNAMS RDOR BZLAS NYID LA MDZAD PAS, RGYUD PHYI MAS KYANG RTZA BA'I RGYUD KYI DON DE LTAR DU BKRAL TE 'DIS RLUNG RNAMS MI SHIGS PA'I THIG LE LA SDUD PAR BSHAD PA 'DI NI RLUNG GI DE KHO NA NYID MTHAR THUG PAR SHES PAR BYA'O, ,GSUM PA NI, RLUNG 'GRO 'ONG GI BZLAS PA 'DI NYID DKYIL 'KHOR RNAMS KYI SO SOR NGES PAR BSTAN PA NI, RDO RJE PHRENG BA ZHES BYA BA BSHAD PA'I RGYUD DU GSUNGS SO ZHES SBYAR RO, ,YANG NI SNGA MA GNYIS

KYIS STENG SGO'I RLUNG SPYI LA BSHAD PA TZAM DU MA ZAD PA'O, ,'DI LA BZHI, MDOR BSTAN PA, RGYAS PAR BSHAD PA, DON BSDU BA, DE RTOGS DKA' BAR BSTAN PA'O, ,DANG PO NI, RTZA BA'I RGYUD LAS, SNA YI RTZE MOR YUNGS KAR BSAM, ZHES BYA BA 'DI NI SROG STE DBUGS RTZOL BA STE RING DU SPRO BA'I BRTAG PA STE MTSON BYED YIN NO, ,SROG GI RTZOL BA'AM SROG DANG RTZOL BA DE NYID LA SANGS RGYAS LNGA'I RANG BZHIN 'OD ZER LNGA RNAM PAR GNAS SO, ,'OD LNGA SANGS RGYAS NGO BOR BSGOM, ZHES 'DON PA LTAR NA RLUNG 'OD ZER LNGA SANGS RGYAS LNGAR SHES PAR BYA BA'I DON NO, , RDO RJE PHRENG BA LAS, SNA YI RTZE MO DE NYID MCHOG ,RLUNG LNGA YI NI RANG NGO BO, ,RLUNG GI THIG LE ZHES NI BSHAD, ,YANG DAG DE NYID GSAL BA YANG, ,SNA RTZER YUNGS KAR DE YANG NI, ,RGYUD GZHAN RNAMS SU GSUNGS PA NI, ,SNA RTZER YUNGS KAR ZHES PA NI, ,SROG DANG RTZOL BA'I BRTAG PA STE, ZHES DANG PO BZHIS 'OD KYI THIG LE BSGOM PA'I GNAS DANG, DE NAS BZHIS 'DUS PA LA SOGS PA'I RGYUD GZHAN DU GSUNGS PA'I DGONGS PA BSHAD DO, ,SNA RTZER ZHES PA DE SNA RTZE GSUM LAS GANG YIN SNYAM NA, STENG GI SNA LAS NGES PAR 'BYUNG BA YIN LA, 'BYUNG TSUL NI RNAM PA BZHIR 'GYUR RO ZHES SBYAR RO, ,JI LTAR ZHE NA, SNA BUG GA-YON PA DANG GA-YAS PA RE RE BA GNYIS DANG SNA BUG GNYIS KA NAS DUS MNYAM DU RGYU BA DANG DAL BAR RGYU BA BZHI'O, ,'DI RGYU BA'I LAM LA BYED NA GSUM LAS MED LA, RGYU TSUL GYIS BYED NA SNGA MA GSUM LA RGYU TSUL MA BSHAD PAS BZHIR BYED PA JI LTAR YIN SNYAM NA, GA-YAS GA-YON RES 'JOG TU RGYU BA GNYIS DANG GNYIS KA NAS DUS MNYAM DU RGYU BA GNYIS SU PHYE NAS BZHIR BYED LA, GNYIS KA NAS RGYU BA LA NI DRAG ZHEN DU RGYU BA GNYIS YOD PAS, DAL BA ZHES

, ,GSUNGS PAS SNGA MA DE LAS DRAG PAR RGYU BA GO BAR NUS SO, ,DES NA GNYIS KA DANG ZHES PA SO SOR GCOD PA MIN GYI DE NAS RGYU BA LA DRAG ZHAN GNYIS SU 'BYED PA'O, ,RGYU TSUL BZHI PO DE NANG GI DUS NI YIN PAR RGYUD 'DIR BSHAD CES GSUNGS PA NI, NYIN ZHAG GCIG GI DUS NGOS 'DZIN PA LA PHYI'I CHU TSOD LA SOGS PAS 'DZIN PA'I DOD NANG DU DBUGS RGYU BA'I GRANGS KYIS 'DZIN PAR NUS PA'O, ,'O NA SNA BUG NAS 'GRO 'ONG BYED PA'I RLUNG BZHI PO DE GNAS JI 'DRA ZHIG NAS 'GRO 'ONG BYED PA YIN ZHE NA, SNA BUG GA-YAS NAS RGYU BA NI LKOG MA STE MGRIN PA'I PADMA NAS 'GRO 'ONG STON PA STE BYED LA, DE BZHIN DU SNA BUG GNYIS KA NAS DE LA BAR RGYU BA NI SNYING GA'I PADMA DANG, SNA BUG GA-YON NAS RGYU BA NI LTE BA'I PADMA DANG SNA BUG GNYIS KA NAS DRAG PAR RGYU BA NI GSANG BA'I PADMA NAS 'GRO 'ONG BYED DO ZHES GSUNGS PAS RLUNG DE BZHI'I GNAS KYANG DE DAG TU BSTAN NO, ,'DIS NI SNA SGOR RGYU BA'I RLUNG BZHI PO DE NANG NAS 'ONG BA'I TSE GNAS DE DAG NAS 'ONG BA DANG NANG DU LDOG PA'I TSE GNAS DE DAG TU ZHUGS NAS, GNAS DE DAG MAN CHAD NAS 'ONG BA DANG MAN CHAD DU 'GRO BA 'GOG PA MIN TE, SPYOD BSDUS LAS, STENG DU 'GRO BA'I RLUNG DE RNAMS 'OG GI SNA SGO GNYIS NAS BYUNG NAS 'GRO BAR GSUNGS PA'I PHYIR RO, ,DES NA GNAS DE RNAMS RLUNG DE DAG GI SDOD PA'I GNAS SU STON PA TZAM STE, DPER NA ME RLUNG SNA BUG GA-YAS NAS MI RGYU BA'I DUS SU MGRIN PAR GNAS PA BZHIN NO, ,RLUNG BZHI RGYU BA'I GO RIM 'OG NAS 'CHAD PA'I RIM PA JI BZHIN DU RGYU BA'I TSE RLUNG BZHI PO RE RE YUN JI TZAM ZHIG DU GNAS SNYAM NA, THUN PHYED PHYED KYI DUS SU GNAS NAS RGYU'O, ,'DI LA 'GYUR NI, THUN PHYED KYI NI DUS DAG TU, ,GO RIM JI BZHIN GNAS

PAR BSTAN, ZHES RGYUD LAS GSUNGS LA, MAN SNYER, THUN PHYED DUS SU RIM 'ONGS PAS, ,GO RIM JI BZHIN GNAS PAR BYED, CES BSGYUR BA LEGS SO, ,LAKshM'I DANG AA LAM KA KA LA SHAS NI, NYIN MO'I THUN BZHI'I DANG PO ME DANG GNYIS PA LA RLUNG DANG NYIN GUNG NAS BRTZAMS PA'I GSUM PA LAS DANG BZHI PA LA CHU STE BZHI DANG, MTSAN MO LA'ANG DE LTAR BZHI STE BRGYAD DO, ,DE'ANG THUN RE LA CHU TSOD BRGYAD BRGYAD YOD PA'I THUN TSOD RE RE LA LDANG 'JUG GNAS GSUM DANG BRAL BA'I 'OD GSAL GYI CHU TSOD PHYED PHYED 'CHAR BAS CHU TSOD PHYED DANG BRGYAD DU 'GYUR LA, THUN PHYED NI RAGS PAR NA BRGYAD DANG ZHIB TU NA DE'I PHYED DU 'CHAD DE, RGYUD 'DIR ZHAG GCIG LA CHU TSOD DANG DBYU GU DRUG CU LAS MA BSHAD PAS DE'I DBANG DU BYAS NAS RE BZHIR BSHAD PA DANG 'GAL BA SPANGS PA'O, ,RGYUD 'DI DANG GDAN BZHI DANG RDO RJE MKHA' 'GROR NYIN ZHAG GCIG LA CHU TSOD DRUG CUR BSHAD DE DBYU GU YANG DE DANG 'DRA BAR 'DIR BSHAD DO, ,KYE RDO RJE DANG SDOM 'BYUNG LAS, ZHAG GCIG LA CHU TSOD SO GNYIS DANG DBYU GU RE BZHI DANG 'PHO BA BCU DRUG TU BSHAD DO, ,'DI DANG GNYIS MED RNAM RGYAL DU DKYIL 'KHOR RE RGYU BA'I THUN PHYED DU BSHAD LA, DGONGS PA LUNG STON DU DKYIL 'KHOR BZHI PO RE RE RGYU BA'I YUN TSAD RLUNG 'BYUNG 'JUG DGU BRGYAR BYAS NAS ZHAG GCIG LA DGU BRGYA PO TSAN PA NYER BZHIR BSHAD LA, DE RNAMS PHYOGS GCIG TU RIM LNGAR DRANGS PA RNAMS BSTAN DGOS PAS, DKYIL 'KHOR RE RE THUN PHYED PHYED DU GNAS PAR GSUNGS PA'I THUN PHYED NI RLUNG DGU BRGYA PA RE RE ? LA BYA'O, ,'O NA RDOR PHRENG LAS NYIN ZHAG GCIG LA THUN BRGYAD DU BSHAD PA 'GAL LO ZHE NA, DE NI PHYI'I THUN TSOD BRGYAD DANG NANG GI SNYING GA'I RTZA BRGYAD SBYAR BA'I DBANG DU BYAS LA, THUN PHYED NYER BZHIR BYED PA NI NANG GI DKYIL

, ,'KHOR RE RE'I RLUNG RGYU BA'I YUN TSAD KYI DBANG DU BYAS PA'O, ,DES NA NYIN MO'I THUN BZHI LA DKYIL 'KHOR CHE BA BCU GNYIS YOD PAS DKYIL 'KHOR BZHIS NYIN MO'I THUN RDZOGS PA MI 'THAD DE MTSAN MO LA'ANG NGO, ,'O NA RLUNG DGU BRGYA PA PHRAG RIS THUN PHYED DU GNAS PAR GSUNGS PA DE 'PHO BA'I TSAD DU NI BYA DGOS LA, DE LTA NA SNA BUG GCIG NAS GCIG TU 'PHO BA LA BYED NA, ZHAG GCIG LA SNA BUG GI 'PHO BA NYER BZHI YOD PAR 'GYUR LA, DKYIL 'KHOR GCIG NAS GCIG TU 'PHO BA LA BYED NA'ANG MI 'THAD DE, GYEN RGYU DANG MNYAM GNAS KYI RLUNG LA NI SNA BUG MA 'PHOS NA DKYIL 'KHOR 'PHO BA MED LA 'PHO BA 'DI'ANG RLUNG SPYI'I DBANG DU MDZAD PA'I PHYIR RO ZHE NA, 'DI LA MAN SNYER THUN TSED PHYED LA SA CHU ME RLUNG GI DKYIL 'KHOR BZHI PO RE RE LA NYIS BRGYA NYI SHU RTZA LNGA'I BDAG NYID CAN RNAMS 'BAB CING SLAR YANG THUN TSOD PHYED LA BZHI PO SNGAR LTAR SNA BUG GCIG TU BABS NAS DE'I RJES SU BU GA GZHAN DU 'BAB BE ZHES BSHAD DO, ,DE'I LTAR NA SNA BUG GA-YAS SU ME RLUNG DGU BRGYA PO PHRAG GCIG BRGYUS PA'I RJES SU DKYIL 'KHOR GZHAN GYI DGU BRGYA PA PHRAG GCIG RGYU NA GZHUNG DANG 'GAL LA, DE NYID BSGYUR NAS RGYU NA DGU BRGYA PA PHRAG GNYIS SU GCOD PA'I RGYU MTSAN GANG YIN, ME'I ME GOS DKAR ME RGYU BA NAS ME'I CHU M'A M'A K'I RGYU BA'I BAR GYI DKYIL 'KHOR CHUNG BA BZHI BRGYUS ZIN PA'I 'OG TU SLAR YANG ME'I ME GOS DKAR MO RGYU BA SOGS RTOGS PA'I PHYIR YIN NO ZHE NA, DKYIL 'KHOR CHE BA RE RE RGYU BA'I YUN TSAD MA BSTAN PAR 'GYUR BAS MI 'THAD DO, ,GZHAN YANG RLUNG STONG PHRAG BRGYAD BRGYA RES SNA BUG GA-YAS GA-YON DU 'PHO BA'I 'PHO BA BCU GNYIS BYED NA, RLUNG BZHI PO RE RE LA 'PHO CHEN GSUM GSUM BYED

DGOS LA, DE'I TSE SROG THUR GYI STONG BRGYAD BRGYA PA TSAN PA DRUG PO DE MNYAM RGYU BYA RU DGOS PAS, ZHAG GCIG SNA BUG GI 'PHO BA DRUG TU 'GYUR RO, ,DES NA SPYIR RLUNG GI 'PHO BA 'DI LA RTZA 'DAB GCIG NAS GCIG TU 'PHO BA DANG, RLUNG GCIG NAS GCIG TU 'PHO BA DANG, SNA BUG GCIG NAS GCIG TU 'PHO BA STE GSUM SNANG NGO, ,DANG PO NI ZHAG GCIG LA RLUNG NYI KHRI CHIG STONG DRUG BRGYA RGYU BA LA, LTE BA'I RTZA 'DAB RE BZHI NAS CI TZAM RE RGYU BA'I DBANG DU BYAS NA DBUGS SUM BRGYA DANG SUM CU SO PHYED DANG BRGYAD RTZA 'DAB GCIG LA BRGYUS ZIN PA'I 'OG TU GNYIS PA SOGS SU 'PHOS NAS DE BZHIN DU RGYU'O, ,DE'I TSE LTE BA'I RTZA 'DAB GCIG LA RGYU BA DE NYIS 'GYUR ZHIG SPYI BO'I RTZA 'DAB GCIG LA RGYU, DE GCIG LA RGYU BA'I NYIS 'GYUR MGRIN PA'I RTZA 'DAB GCIG LA RGYU, DE GCIG LA RGYU BA'I NYIS 'GYUR SNYING GA'I RTZA 'DAB GCIG LA RGYU BAR BSHAD DO, , DE LTA BU'I RTZA 'DAB GCIG NAS GCIG TU 'PHOS KYANG RLUNG GI DKYIL 'KHOR CHE CHUNG BZHI DANG SNA BUG GA-YAS GA-YON GCIG NAS GCIG TU 'PHOS PA'I NGES PA MED DO, ,LTE BA'I 'KHOR LO RIM PA GSUM PA LA RTZA 'DAB BCU GNYIS YOD PA'I RE RE NAS 'PHOS NA SNA SGO GA-YAS GA-YON DU 'PHO BA DUS 'KHOR LAS GSUNGS SO, ,GNYIS PA NI DPER NA SNA BUG GA-YAS NAS ME RLUNG RGYU BA'I TSE THOG MAR NYIS BRGYA NYER LNGA RGYU BA NI ME'I ME YIN LA, DE RDZOGS PA NA ME'I RLUNG DU 'PHO STE GRANGS SNGAR BZHIN NO, ,DE BZHIN DU ME'I SA DANG, DE NAS ME'I CHU LA'ANG GRANGS DE TZAM RE RGYU BA NI, 'BYUNG BA CHUNG BA'I DKYIL 'KHOR GCIG NAS GCIG TU 'PHOS PA YIN LA, ME RLUNG DGU BRGYA PA PHRAG GCIG RDZOGS PA NA SNA BUG GA-YON PA'I RLUNG GI DKYIL 'KHOR RGYU BA NI, 'BYUNG BA CHE BA'I DKYIL 'KHOR GCIG NAS GCIG TU 'PHOS PA STE, 'DI LA DKYIL

, ,'KHOR DANG SNA SGO 'PHOS PA DUS MNYAM DU 'BYUNG NGO, ,'DI'I 'BYUNG BA CHUNG BA 'PHO MTSAMS NI RLUNG ZHES SOGS SU SBYAR TE SNGAR DANG 'DRA'O, ,DE NAS SNA BUG GNYIS KA NAS THAD SOR DRAG TU RGYU BA'I RLUNG DGU BRGYA PA PHRAG GCIG RGYU BA'I DUS SU SA'I SA SPYAN MA'I RLUNG NYIS BRGYA NYER LNGA THOG MAR RGYU BA SOGS KYI SGO NAS 'BYUNG CHUNG GI DKYIL 'KHOR 'PHO MTSAMS SNGAR DANG 'DRA LA, DKYIL 'KHOR CHE BA DE RDZOGS MA THAG SNA GNYIS KA NAS CHU RLUNG DGU BRGYA PA PHRAG GCIG RGYU STE DKYIL 'KHOR CHE BA GCIG NAS GCIG TU 'PHO BA'O, ,'DI LA SNA BUG 'PHO BA MED DE SNGA MA BZHIN SNA BUG GNYIS KA NAS RGYU BA'I PHYIR RO, ,'DUS PA'I BSHAD RGYUD RNAMS KYIS DKYIL 'KHOR BZHI PO 'DI RGYUN GCIG LA RGYU BA'I YUN TSAD THUN PHYED PAR 'DRA BA DANG, DE YANG RLUNG 'BYUNG 'JUG BRGYA PA RER 'DRA BA DANG, DE 'DRA BA TSAN PA NYER BZHIR GSUNGS PAS, RLUNG BZHI PO RE RE LA DKYIL 'KHOR CHE BA DRUG DRUG CHUNG BA NYER BZHI RE YOD DO, ,DE LA NI SNA BUG GA-YAS GA-YON RES 'JOG TU 'PHO BA BCU GNYIS, GNYIS KA NAS MNYAM DU RGYU BA BCU GNYIS SU 'GYUR RO, ,'DI LA 'PHO BA NYER BZHI ZHES PA'I THA SNYAD BYED NA'ANG SNA BUG GA-YAS GA-YON DANG DKYIL 'KHOR GYI 'PHO BA GNYIS KA'I DBANG DU BYAS PA'O, ,GSUM PA NI, RGYUD RDOR PHRENG DANG DGONGS PA LUNG STON DANG GNYIS MED RNAM RGYAL GYI LUGS KYIS, RLUNG SNA BUG GA-YAS GA-YON DU 'PHO BA BCU GNYIS YIN TE GYEN RGYU DANG MNYAM GNAS KHO NA'I DBANG DU BYAS NAS RLUNG DGU BRGYA RE BYED DO, ,DUS 'KHOR LAS, LTE BA'I KHYIM BCU GNYIS KYI GA-YAS KYI RTZA 'DAB DRUG LA SA CHU ME RLUNG NAM MKHA' YE SHES KYI KHAMS DRUG SDUD RIM GYI SGO NAS 'PHO CHEN DRUG ,GA-YON GYI RTZA 'DAB DRUG LA NAM MKHA' RLUNG ME CHU SA YE SHES KYI KHAMS DRUG

BSKYED RIM GYI SGO NAS 'PHO CHEN DRUG STE SNA SGO GA-YAS GA-YON DU 'PHO BA BCU GNYIS SO, ,DE RNAMS RE RE LA'ANG 'BYUNG BA CHUNG BA'I DBANG DU BYAS PA'I 'PHO CHUNG RNAMS KYANG YOD DE RLUNG GCIG NAS GCIG TU 'PHO BA TZAM MO, ,DE'I 'PHO MTSAMS SU BCU GCIG BZHI CHA RE YOD PA BSDOMS PAS 'PHO CHEN GYI MTSAMS SU NGA DRUG DANG BZHI CHA RE YOD LA, DE BSDOMS PAS NYIN ZHAG GCIG LA DRUG BRGYA DANG DON LNGA DBU MA NAS RGYU STE MNYAM RGYU'O, ,'DI LA MAN SNYER, RDOR PHRENG DANG DGONGS PA LUNG STON DANG GNYIS MED RNAM RGYAL RNAMS KYIS KHAMS KYI DKYIL 'KHOR SO SOR RGYU BA LA SA CHU ME RLUNG GI DKYIL 'KHOR MA GTOGS PA NAM MKHA'I RLUNG LOGS SU RGYU BAR MA BSHAD CING, NAM MKHA'I RLUNG KHYAB BYED DE BZHI LA KHYAB PA'I TSUL GYIS RGYU BA TZAM YIN PAS, NAM MKHA'I RLUNG LOGS SU RGYU BAR GSUNGS PA NI NYI MA'I SHING RTA LA SOGS PA'I MU STEGS NGES DON LA GZHUG PA'I THABS SU LDEM PO'I NGAG GIS GSUNG BAR 'CHAD CING, DBU MA NAS RGYU BA'I RLUNG YANG DKYIL 'KHOR BZHI LAS LOGS PA MED PAR 'CHAD DO, ,'DUS PA'I BSHAD RGYUD GNYIS SU GSUNGS PA NI SGRA JI BZHIN PA'I DON DU 'PHAGS PA YAB SRAS KYIS BSHAD CING, DE'I SGRA JI BZHIN PA DANG DUS 'KHOR NAS BSHAD PA GNYIS KHUNGS CUNG MI MTHUN PAR NI SNANG NGO, ,DER MA ZAD DE GNYIS KA KYE RDOR DANG SDOM 'BYUNG LAS 'PHO BA BCU DRUG TU BSHAD PA'ANG MI MTHUN PAR SNANG STE, DE'I DON NI RTZA 'DAB DANG RLUNG GI 'PHO BA'ANG MIN PAS SNA SGO'I 'PHO BA LA BYA DGOS PAR 'DRA'O, ,GNYIS PA NI, SNA GA-YAS PA NAS RGYU BA'I RLUNG GI KHAMS NI PADMA'I RIGS KYI GTZO BOR GYUR PA'I MGON PO 'OD DPAG MED DE ME'I DKYIL 'KHOR KHA DOG DMAR ZHING GSAL BA'I NGO BO NYID DO, RLUNG GI RLUNG DON GRUB KYI NGO BO NAS SNGON LA

, ,BSHAD PAR BYA BA YIN KYANG 'OD DPAG MED GSUNG RDO RJE YIN LA RLUNG YANG NGAG YIN PAS DE NAS THOG MAR BSHAD DE DE'ANG DANG POR SGOM PA'I DUS SU DE NAS BSGOM PAR BYA BA SHES PA'I PHYIR YIN PAR RATNA RAKshI TAS SO, ,'ON KYANG RDO RJE PHRENG BA'I SKABS GNYIS SU GA-YON PA DANG POR BSHAD LA, DE 'CHAD PA'I SKABS GNYIS SU GA-YAS PA SNGON LA BSHAD CING, SPYOD BSDUS LAS GA-YON PA THOG MAR BSHAD PAS MA NGES SO, ,'ON KYANG DGONGS PA LUNG STON DU'ANG ME RLUNG SNGON LA BSHAD NAS DE 'DRA BA NYER BZHI RIM GYIS BYUNG BAS NYI KHRI CHIG STONG DRUG BRGYA RGYU BAR BSHAD PAS NYIN ZHAG GCIG GI THOG MA ME RLUNG NAS RGYU ZHING, THA MA CHU RLUNG GIS SDUD PA YIN NO, ,SNA GA-YON PA NAS 'BYUNG BA'I RLUNG GI KHAMS NI LAS KYI RIGS KYI MGON PO STE GTZO BO DON YOD GRUB PA'I RGYU BA YIN TE, MING RLUNG GI DKYIL 'KHOR ZHES BYA BA MDOG LJANG SER DU SNANG BA'I NGO BO NYID 'OD ZER NAG PO CAN NO, ,RDO RJE PHRENG BA'I 'GREL PAR KHAMS ZHES PA RNAMS LA 'OD CES 'BYUNG LA, SNGA MA MNYAM GNAS DANG GNYIS PA GYEN RGYUR 'CHAD PA NI, RGYUD DE NYID LAS, STOD DU RGYU BA LKOG MAR GNAS, ,'OD DPAG MED KYI RANG BZHIN NO, ,MNYAM GNAS LTE BA'I PADMAR GNAS, ,DON YOD GRUB PA'I RANG BZHIN NO, ZHES GSUNGS PA DANG, SPYOD BSDUS LAS KYANG DE BZHIN DU BSHAD PA DANG 'GAL LO, ,SNA'I BU GA GNYIS KA NAS 'BYUNG BA'I RLUNG GI KHAMS NI RIN CHEN GYI RIGS KYI MGON PO RIN CHEN 'BYUNG LDAN GYI RGYU BA YIN TE, DBANG CHEN GYI STE SA'I DKYIL 'KHOR GSER GYI MDOG TU SNANG BA'I 'OD ZER SER PO'I NGO BO NYID DO, ,DAL ZHING RGYU BA MED PA STE RGYU BA BUL BA'I RLUNG GI KHAMS NI RDO RJE'I RIGS KYI MGON PO MI BSKYOD PA'I RGYU BA STE GSAL BA'I RANG BZHIN CHU'I DKYIL

'KHOR DAG PA'I SHEL LTAR SNANG BA'I 'OD ZER DKAR PO'I NGO BO NYID DO, ,SPYOD BSDUS LAS, SKAD CIG CHU BO'I DKYIL 'KHOR TE, ZHES BSGYUR BA NI DE'I BSHAD PA LTAR NA GSAL BA ZHES PAR 'ONG RGYU YIN GYI SKAD CIG GI DON MED DO, ,MAN SNYER BSGYUR BA LA DANG PO GSUM GYI KHAMS ZHES PA LA 'OD CES 'BYUNG LA, BZHI PA LA, DAL ZHING DMAN PAR RAB RGYU BA, ZHES BSGYUR TE LEGS SO, ,RIM LNGA DANG SPYOD BSDUS LAS, DAL ZHING RGYU BA MED PA'I KHAMS, ZHES DANG, RGYUD NYID LAS, DAL ZHING RGYU BA CHU YI KHAMS, ZHES BSGYUR BA DANG, CHAG GI SA, DRANG ZHING DAL BAR RGYU BA'I KHAMS, ZHES BSGYUR BA RNAMS MI LEGS SO, ,MAN SNYER GNYIS PA LA, LJANG SNGON DU NI RAB SNANG BA, ZHES BSGYUR BA YANG LEGS SO, ,LA KshMIS SROG RLUNG NAG POR BSHAD PA NI RGYUD 'DI DANG MI MTHUN NO, ,LUS KUN LA GNAS PA'I DON LAKshM'ASI LUS KYI RTZA'I TSOGS PHRA MO KUN LA GNAS PA LA BSHAD, RDOR PHRENG 'GREL PAR LUS KYI PHRA BA'I RGYUS PA'I TSEGS LA GNAS PA LA BSHAD KYANG, SPYOD BSDUS SU LUS KYI TSIGS KUN LA GNAS PA LA BSHAD PA NYID RGYUD DE LAS KYANG GSUNGS SO, ,RLUNG DE NI KHYAB BYED YIN LA BYA BA KUN LA 'JUG PA SEGS NI LAKshM'ASI RLUNG GZHAN THAMS CAD KYI 'JUG LDANG GNAS PA LA SOGS PA'I 'JUG PA LA GZHIR GYUR PA, BCUD KYI SPYOD LAM BZHI LA SNOD KYI 'JIG RTEN LTA BU'O, ,DE'I PHYIR SA'I KHAMS GZUGS PHUNG GI RNAM PAR DAG PA RNAM SNANG GI NGO BOR GSUNGS TE, GZUGS PHUNG GI TSOR BA LA SOGS PA'I GZHIR GYUR BA'I PHYIR RO, ,RLUNG DE LA RTAG TU BYA BA MED PAS 'CHI BA'I LUS LAS 'BYUNG BA KHO NA LAS YIN NO ZHES 'CHAD DO, ,BYA BA KUN LA 'JUG PA NI SNGAR LTAR RIM YANG NA SPYOD LAM GNAS PA SOGS LA 'JUG PA MA GTOGS RDOR PHRENG 'GREL PA YANG SNGAR

, ,DANG 'DRA'O, ,'ON KYANG RGYUD NYID LAS, KHYAB DANG 'DZIN PA NYID DANG NI, ,'GRO DANG DE BZHIN LDOG LA SOGS, ,TSIGS RNAMS KUN TU KHYAB PA'I PHYIR, ,KHYAB BYED CES NI BYA BAR BSHAD, CES GSUNGS PA LTAR NI BYA BA KUN LA 'JUG PA'O, ,RLUNG 'DI SNGAR BSHAD PA'I KHAMS KYI DKYIL 'KHOR BZHI CHAR LA KHYAB PA'I RLUNG STE, MI 'BYUNG ZHING KHYAB PA'I 'OD ZER CAN NI RNAM SNANG STE, NAM MKHA' DANG MNYAM PA'I NGO BO NYID DO ZHES SPYOD BSDUS LAS GSUNGS SO, ,SPYOD BSDUS LAS, KHAMS KUN YANG DAG 'BYUNG BA NI, ZHES PA LA RGYUD LAS, KHAMS KUN LAS NI YANG DAG 'BYUNG, ZHES BSGYUR BA LTAR 'GREL PAS KYANG ME LA SOGS PA'I KHAMS BZHI LA BRTEN NAS 'BYUNG BA LA BSHAD DO, ,RTEN DANG BRTEN PAR BZUNG BA NI ZHES PA LA RTEN DANG BRTEN PA'I 'DZIN PA STE, ZHES BTON NAS RTEN LA BRTEN PA'I RLUNG BZHI PO 'DZIN PA'I KHYAB BYED LA BSHAD DO, ,'CHI BA ZHES PA'I DON RTAG TU DE'I LAS MED PAS 'CHI BA'I DUS SU PHYIR 'BYUNG BA NYID DE'I BYA BA'O ZHES 'CHAD DO, ,DE LTAR NA 'CHI BA'I DUS SU PHYIR MI 'BYUNG BA NI MI 'BYUNG ZHING ZHES PA'I DON DU SNANG BAS KHAMS BZHI LA KHYAB PA NI DE RNAMS SNA SGOR RGYU BA'I TSE KHYAB PA'I TSUL GYIS RGYU BA MIN GYI NANG NA GNAS PA'I KHAMS BZHI LA KHYAB PA'O, ,SPYOD BSDUS LAS, RLUNG BCU PO 'BYUNG BA DANG BRDUBS PAR 'GYUR BA DANG MI 'GAL TE, 'CHI BA'I DUS SU 'BYUNG RDUB TU 'GYUR BA LA DGONGS PA'I PHYIR RO, ,DES NA MAN SNYER RLUNG NYES BRGYA NYI SHU RTZA LNGA LA RTZA SO GNYIS KYIS BGOS PA'I TSE, BDUD BRAL MA'I THOB SKAL LA RLUNG BDUN BYUNG ZHING LHAG MA RLUNG GCIG YOD PA DE'I PHYED KYANG DER RGYU LA, ZHAG GCIG LA DE 'DRA GO DRUG YOD PA BSDOMS PAS RLUNG BDUN BRGYA DANG NYI SHU BDUD BRAL MA NAS RGYU BA NI 'CHI RLUNG KHYAB BYED KYI RLUNG DU

BSHAD PA NI 'THAD PAR MA MTHONG NGO, ,RTZA GSUM PO GANG NAS DKYIL 'KHOR BZHI'I RLUNG RGYU BA BSHAD RGYUD RNAMS NAS GSAL BAR MED KYANG SROG THUR GNYIS RE RKYANG GNYIS LA RGYU NGAR MNGON TE, RGYUD RDOR PHRENG LAS, STENG 'OG YANG DAG BRTEN NAS NI, ,SROG DANG THUR SEL RGYU BAR BYED, ,DE GNYIS KHO NA RTOG BCAS PA'I, ,RLUNG GNYIS SU NI GSAL BAR GSUNGS, ,SKU DANG GSUNG GI SNYING PO GNYIS, ,LA LAN DANG RA SA NA, ZHES DANG, RNAM PAR RTOG PA'I RLUNG GNYIS NI, ,DE NAS RNAM PAR BCAD NAS 'GRO, RNAM RTOG MED PA'I RLUNG CHEN PO, ,SKU GSUNG RDO RJE BCAD NAS NI, ,RNAM RTOG MED PA BDE BA STER, ZHES SROG THUR STENG 'OG GI RTZA LA BRTEN NAS RGYU BA NI RTOG PA'I RLUNG DANG SKU DANG GSUNG GI RLUNG BCAD PA NA RNAM RTOG GI RLUNG GCOD PA DANG, DE GNYIS KYANG RO RKYANG GI RLUNG LA GSUNGS PAS SROG THUR GNYIS DE GNYIS NAS RGYU BAR SHES SO, ,'GREL PAS KYANG RTZA GNYIS KYI RGYU BA SROG DANG THUR SEL GYI BDAG NYID CAN ZHES BSHAD DO, ,RGYU TSUL NI DE GNYIS RE RE RGYU BA'I TSE YANG RO RKYANG GNYIS KA NAS RGYU BAR MNGON TE, SNA BUG GNYIS KA NAS RGYU BAR BSHAD PA'I PHYIR RO, ,AA BA DH'U T'I'I RTZA MDUD SNYING GA NA GNAS PA BCAD PA'I RJES SU RTZA DE'I NANG KHO NAR GNAS PAR BSHAD CING LE'U DRUG BAR SNYING GA'I RTZA MDUD KYIS BSDAMS PAS DE'I THAD DU SROG RLUNG 'OG DANG THUR SEL STENG DU 'GRO MI NUS PAR GSUNGS PAS, SNYING GA'I 'KHOR LO'I DBUS KYI DBU MA NAS DE GNYIS 'GRO 'ONG BYED PA NI 'CHI BA'I SKABS DANG RDOR BZLAS KYIS RTZA MDUD DE BKROL BA MA GTOGS PAR BYA MI NUS SO, ,GYEN RGYU DANG MNYAM GNAS NI RO RKYANG RE RE PA LA RIM PA BZHIN DU RGYU BAR MNGON NO, ,SROG 'DZIN PHRA BA SNYING GA'I RTZA MDUD KYI NANG NA GNAS KYANG SROG 'DZIN DA LTA 'GRO 'OD BYED PA NI SNYING GA'I RTZA MDUD KYI GONG NA GNAS SHING THUR SEL SNYING GA'I RTZA MDUD MAN CHAD KYI RTZA

, ,LA GNAS PA LA DGONGS NAS, STENG 'OG BRTEN NAS RGYU ZHES GSUNGS KYI SROG STENG DU BRGYUS NAS 'OG TU MI RGYU BA DANG THUR SEL THUR DU BRGYUS NAS STENG DU MI RGYU BA MIN NO, ,SNA RTZE GSUM GTAN LA DBAB PA'I LE'U'I 'GREL PA LAS, SNA'I SGO LAS BYUNG BA ZHES PA GNYIS YOD PA'I DANG PO STENG GI SNA SGO LA 'CHAD PA NI SPYOD BSDUS MA NGES PAR SNANG LA, GA-YAS PA NAS 'BYUNG BA'I KHAMS ZHES SEMS KYI KHAMS RNAMS RLUNG LA 'CHAD PA DANG, SNA GA-YAS PA NAS BYUNG BA GYEN RGYU DANG GA-YON PA NAS 'BYUNG BA MNYAM GNAS LA 'CHAD PA NI SPYIR LEGS KYANG LE'U BCU GNYIS PA'I RANG GI BSHAD PA DANG MI MTHUN NO, ,DAL ZHING RGYU BA MED PA'I DON STENG DU RGYU BA MED PA LA 'CHAD PA YANG SPYOD BSDUS MA NGES PA'O, ,SPYOD BSDUS LAS KHAMS KYI DKYIL 'KHOR RE RE YANG 'OD ZER LNGA PA CAN DU GSUNGS LA DKYIL 'KHOR GCIG KYANG KHAMS BZHI LA KHYAB PAR GSUNGS LA, BOD KHA CIG GA-YAS PA NAS 'BYUNG ZHES SOGS SNA BUG GCIG GI GA-YAS GA-YON SOGS YIN ZHES PA SPYOD BSDUS DANG 'GAL BAS MI 'THAD KYANG, LAKshM'I DANG AA LAM KA KA LA SHAS SNA BUG RE RE'I 'BYUNG BA BZHI'I RLUNG YANG DE'I GA-YAS DANG GA-YON DANG DBUS NAS RGYU BAR BSHAD PA LEGS SO, ,'DUS PA'I BSHAD RGYUD RNAMS NAS STENG 'OG LA SOGS PA'I RGYU TSUL MI GSAL BA DANG, SAm BHU tA LAS ME GYIN DANG RLUNG GSEGS DANG SA DRANG POR DANG CHU 'OG TU RGYU BAR BSHAD DO, ,DE LTA NA 'PHAGS PAS NI RDOR PHRENG GI LE'U BCU GNYIS PA NAS DRANGS LA, 'PHAGS PA LHAS NI SNA RTZE GSUM GTAN LA DBAB PA'I LE'U NAS DRANGS TE DON 'DRA'O, ,GSUM PA NI

SNGAR BSHAD PA LTAR RLUNG GI DE KHO NA NYID GSAL BAR BSHAD PA 'DI NI YE SHES LNGA'I NGO BO NYID YIN TE, RLUNG LNGA DE BZHIN GSHEGS PA LNGA DANG SBYAR BA LAS DPAGS TE SHES PAR BYA'O, ,BZHI PA NI, DE 'DRA BA'I RLUNG GI RNAL 'BYOR 'DI NI RTZA RLUNG GI DE KHO NA NYID STON PA'I LUNG DANG DRAL BA'I RTOG GI PA YIS MI SHES SO, ,DER MA ZAD RNAL 'BYOR PA BYIS PA STE LAS DANG PO PA BSKYED RIM PA'I YANG SPYOD YUL MIN NO, ,'DIS BSKYED RIM PAS THOS BSAM GYI SGO NAS MI SHES PAR STON PA MA YIN GYI JI SRID DU BSKYED PA'I RIM PA MTHAR PHYIN NAS RDZOGS PA'I RIM PA LA ZHUGS PA DE SRID DU RNAL 'BYOR 'DI MTSAN NYID TSANG BAR RGYUD LA MI SKYE BA'I DON TO, ,DE LTAR RGYUD 'DIS RTZA RGYUD KYI DON GSAL BAR 'CHAD PAR MA ZAD LHA MO BZHIS ZHUS LAS YE SHES LNGA'I NGO BO NYID DU BSHAD PA DANG, RGYUD PHYI MA LAS YE SHES LNGA DANG 'BYUNG BA LNGA'I NGO BO NYID CES SO SOR MA PHYE BAR SPYIR GSUNGS PA RNAMS SO SOR LEGS PAR PHYE NAS 'CHAD PAS GDONG GI SNA RTZER 'OD KYI THIG LE RLUNG 'OD ZER LNGA BSGOM TSUL GSAL BAR STON NO, ,GZHAN YANG RGYUD PHYI MA LAS GSANG BA'I SNA RTZER RDZAS KYI THIG LE BSGOM PA MDO TZAM DU BSHAD PA YANG RGYUD 'DI'I THIG LE GSUM DANG SNA RTZE GSUM GYI LE'U NAS GSAL BAR STON LA, KHYAD PAR SNYING GA'I MI SHIGS PA'I THIG LER RLUNG RNAMS SDUD LUGS NI RGYUD 'DI NYID KYI SKABS DU MA ZHIG NAS RTZAL DU BTON NAS 'CHAD PAS RDO RJE BZLAS PA'I GNAD MTHA' DAG PAR SHES 'DOD NA BSHAD PA'I RGYUD 'DI'I RJES SU 'BRANGS NAS BLA MA'I ZHAL LAS SHES PAR GYIS SHIG ,RLUNG GI DE KHO NA NYID BSHAD ZIN TO

, ,GNYIS PA LA GNYIS, MDOR BSTAN PA, RGYAS PAR BSHAD PA'O, ,DANG PO NI, RLUNG GI DE NYID BSHAD ZIN NAS SNGAGS KYI DE NYID 'CHAD PA SKABS SU BABS PAS, DA NI SNGAGS KYI DE KHO NA NYID MDOR BSTAN PA STE MI GSAL BA'I TSIG 'DUS PA'I RTZA BA'I RGYUD LA 'JUG PAR BYA STE, DE YANG LE'U BCU PA LAS GSUNGS SO ZHES SBYAR RO, ,GANG NA SNGAGS BSDUS PA AOm A'A H'Um ZHES PA 'DI GSUNGS SO, ,'DI GSUM SNGAGS KUN 'DUS PAR 'GRO TSUL NI, SPYOD BSDUS LAS, DE LA SBRUL LA SOGS PA'I SNGAGS RNAMS NI A'A LI K'A LI LAS YANG DAG PAR BYUNG BA RNAMS SO, ,DE RNAMS KYI DE KHO NA NYID NI MI SHIGS PA LAS BYUNG BA'I YI GE GSUM STE, GANG GI PHYIR SNGAGS THAMS CAD NI BUD MED DANG, SKYES PA DANG, MA NING GI NGO BO NYID MAN NGAG JI LTAR THOB PAS YI GE GSUM LA RAB TU 'JUG GO ,DES NA YI GE GSUM NI SNGAGS THAMS CAD KYI BDAG PO'O, ,ZHES SBRUL LA SOGS PA'I SNGAGS THAMS CAD NI, BUD MED DANG SKYES PA DANG MA NING GI NGO BO NYID KYIS YI GE GSUM LA 'JUG PA NI SNGAGS RNAMS BSDUS PA'I DON TO, ,MAN NGAG JI LTAR THOB PAS ZHES PA NI SNGAGS RNAMS DE GSUM LA 'JUG PA'I TSUL GYI MAN NGAG JI LTA BA BZHIN DU THOB PA STE SHES PAS DER SDUD CES PA'O, ,DE'ANG SPYOD BSDUS LAS, A'A LI K'A LI RNAMS KYIS BUD MED DANG SKYES PA DANG MA NING GI TSUL GYIS YI GE GSUM BSKYED LA, ZHES 'BYUNG BA TZAM MA GTOGS PA 'PHAGS PA DANG 'PHAGS PA LHA DANG KLU BYANG DANG SH'AKYA BSHES GNYEN DANG ZLA BA GRAGS PA LNGA PO GANG GI GZHUNG DU'ANG DBYANGS GSAL GYI SNGAGS KYIS BUD MED

LA SOGS PA'I TSUL GYIS YI GE GSUM BSKYED LUGS GSAL BAR MA BYUNG NGO, ,'DI LA KHA CHE'I MKHAS PA LAKshM'IS BUD MED LA SOGS PA'I RTAGS SGRA PA LA SOGS PAS BYAS PA NI RTAGS 'KHRUL PA CAN SLU BA YIN PAS DE 'DIR MI 'DZIN PAS, 'DIR NI KHYAB PAR BYA BA LA THABS DANG KHYAB PAR BYED PA LA SHES RAB TU 'JOG PA LAS GZHAN PA'I SKYES PA DANG BUD MED KYI RTAGS MED DO, ,DE'I PHYIR CHOS NYID NI KHYAB PAR BYED PAS SHES RAB DANG, CHOS CAN NI KHYAB PAR BYA BAS THABS YIN GYI, THABS KYIS SHES RAB LA KHYAB PAR BYED PA MA YIN TE, THABS DE NI SHES RAB DES BTZAL BAR BYA BA YIN PA'I PHYIR RO, ,DE LTAR NA A'A LI NI K'A LI LA KHYAB PAR BYED PAS SHES RAB KYI NGO BO YIN PAS BUD MED CES BYA LA, K'A LI NI KHYAB PAR BYA BAS THABS KYI NGO BO YIN PAS SKYES PA ZHES BYA ZHING, YA RA LA WA BZHI NI SNOD KYI RANG BZHIN TE, DE'I PHYIR BUD MED DANG SKYES PA GNYIS GANG YANG MIN PAS MA NING ZHES BYA'O, ,DE LA DA NAS BRTZAMS TE TSEG DRAG GI BAR DU BSDUS NA GNAS PA'I DBYANGS KUN BSDUS PA YIN PAS AA NI BUD MED DO, ,KA NAS BRTZAMS NAS HA'I BAR DU GO LDOG PA'I RIM PAS BSDUS NA H'Um NI SKYES PA'O, ,YA RA LA WA'I THA MA YI GE AA DANG MTSAMS SBYAR ZHING DE RNAMS KYANG SNA LAS 'BYUNG BA'I PHYIR, RJES SU 'BYUNG BA'I DBYANGS LA AOm ZHES PA NI MA NING NGO, ,ZHES DBYANGS GSAL GYI SNGAGS RNAMS KYIS SKYES PA BUD MED MA NING GI TSUL GYIS YI GE GSUM BSKYED TSUL DE LTAR 'CHAD DO, ,YI GE GSUM PO DE NI DUS GSUM GYI DE BZHIN GSHEGS PA THAMS CAD KYI SKU RNAM SNANG GSUNG 'OD DPAG MED THUGS MI BSKYOD PA GSUM GYI GSANG BA STE SNYING

, ,PO YIN LA, DES SNGAGS TE LHA THAMS CAD KYI SNYING PO STE THUGS KUN TU BSKUL BA STE SAD PAR BYED CING DGONGS PAR BYED DO, ,MCHOG TU GSANG BA NI SNOD MIN LA'O, ,GANG GIS GSUNGS NA, RDO RJE 'CHANG NYID KYI TSIG GI LAM STE ZHAL NAS NGES PAR BRJOD PA STE GSUNGS SO, ,NYID KYI SKU GSUNG THUGS KYI RDO RJE LAS ZHES PA NI SKU DANG THUGS LAS KYANG GSANG BA'I GSUNG GIS SO ZHES LAKshM'IS 'CHAD DO, ,'ON KYANG ZHAL NAS GSUNGS PA DE NYID SKU GSUNG THUGS RDO RJE LAS BYUNG BA YIN PAS MI 'GAL TE, SPYOD BSDUS LAS, DE LA SKU RDO RJER GYUR NAS RKAN DANG MCHU SBYAR BA DANG LCE'I TSOGS PAR GYUR PA LAS GSUNG RDO RJE LA 'JUG PAR 'GYUR RO, ,THUGS RDO RJE NI DE LA SKUL BAR BYED PA YIN TE, ZHES GSUNGS PA BZHIN NO, ,RDO RJE'I TSIG 'DIS RIM PA GNYIS KYI RNAL 'BYOR PAS SKU GSUNG THUGS KYI SNYING PO GSUM GYIS RGYAL BA RNAMS KYI THUGS SKUL BAR BYED PA GNYIS GSUNGS PA'I PHYI MA 'DIR 'CHAD PA'O, ,LE'U BCU GSUM PA LAS GSUNGS PA'I SNGAGS KYI DE NYID NI DON ZHES PA RKANG PA BZHI'O, ,DE LA DON NI RLUNG GSUM MO, ,RTOGS PA NI DE YI GE GSUM DU RTOGS PA'O, ,BZLAS PA NI DE GNYIS DBYER MED DU BGRANG BA STE DE NI RDO RJE'I BZLAS PAR BSHAD DO, ,DE YANG DUS YI GE GSUM DANG SANGS RGYAS LNGA'I NGO BOR BSHAD PA'I RLUNG LNGA DBYER MI PHYED PAR BRTAGS PA DANG RLUNG SNGAGS THAMS CAD NGO BO NYID MED PAR RTOGS PA BZANG PO YIS BZLAS PA'O, ,SANGS RGYAS KYIS ZHES PA'I DON NI SANGS RGYAS SU ZHES PA'O, ,LAKshM'IS RLUNG GSUM GYI DON RTOGS NAS SNGAGS DANG RLUNG DANG LHA LA SOGS PA GNYIS SU MED PAR BYED

PA'I RANG BZHIN DU DUS GSUM GYI SANGS RGYAS KYIS BRTAGS PA STE YONGS SU SHES PA'I BZLAS PA NI RDO RJE'I BZLAS PAR BSHAD LA, RTEN 'BYUNG YIN PAS GANG ZAG DANG CHOS KYI BDAG GI NGO BO NYID MED PA'I RANG BZHIN YIN PAS DE'I SGO NAS BZLAS PA ZHI BA SOGS KYI LAS BSGRUBS PAS BZANG PO'I ZHES 'CHAD DO, ,RTZA RGYUD KYI LE'U BDUN PA LAS KYANG GSUNGS PA NI, SLONG MO ZHES PA BZHI'O, ,BIKshU ZHES PA SLONG MO YIN LA DE LA BI NA NI THA DAD DANG, AA KshA RA ZHES PA YI GE STE, YI GE DANG RLUNG THA DAD DU ZLO BA NI SLONG MO ZA BA'O, ,DE LTA BU DE MI BYED PA NI SLONG MO ZA ZHING MI ZLA ZHES PA GNYIS KYI DON NO, ,DE NAS GNYIS KYIU DON NO THA MA DAD DU ZLO BA'I TSE'ANG 'DOD YON GYI RANG BZHIN SHES PAS LONGS SPYAD CING, SNGAGS RDO RJE BZLAS PA'I YAN LAG LHA'I RNAL 'BYOR MA NYAMS PAR BYAS LA BZLA ZHE PA'O, ,DE LTAR LHA THAMS CAD KYI THUGS BSKUL BA'I YI GE GSUM GYI BZLAS PA DANG, NGO BO NYID MED BZANG PO YIS DUS GSUM SANGS RGYAS KYIS BRTAGS PA'I DON RTOGS PA'I BZLAS PA NI RDO RJE'I BZLAS PAR BSHAD PA DANG, BSLANG BA LA CHAGS PA DANG SLONG MO'I ZAS ZA ZHING ZLO BA MI BYA ZHES GSUNGS PA RNAMS KYI NGES DON GYI SNGAGS KYI DE NYID RTOGS PAR BYA BA'I PHYIR BSHAD BYAR BKOD PA'O, ,GNYIS PA LA BZHI, DGONGS PA LUNG STON GYIS NGES PAR BSTAN ZHING SO SOR NGES PAR BSTAN PA, RGYUD PHYI MAS NANG GI DUS GSAL BAR BYED PA, SLAR YANG DGONGS PA LUNG STON GYIS PHRA MO'I RNAL 'BYOR GSAL BAR BYAS PA, GNYIS MED RNAM RGYAL GYIS KYANG SNGAGS KYI DE NYID BSHAD PA'I TSUL LO, ,GNYIS PA NI, DE BA ZHES PA NAS MA NYAMS BZLAS ZHES BYA

, ,BA'I MDOR BSTAN PA'I TSIG BZHI'I DON BSHAD RGYUD RNAMS KYIS RIM PA BZHIN 'CHAD PA LA, THOG MAR RTZA RGYUD KYI DON MDO TZAM DU BSTAN PA'I NGES PAR BSTAN PA DANG, DE NAS DE RNAMS ZHIB TU PHYE NAS BSTAN PA'I SO SOR NGES PAR BSTAN PA NI, 'DUS PA'I BSHAD RGYUD RTZA RGYUD KYI DGONGS PA GSAL BAR 'CHAD PAS DE'I DON LUNG STON PA ZHES BYA BA DER GSUNGS PA DE LA 'JUG PAR BYA STE ZHES MTSAMS SBYAR RO, ,'DI LA GNYIS, SDUD PA POS ZHUS PA DANG, STON PA POS DE'I LAN BSTAN PA'O, ,DANG PO LA GNYIS, ZHU BA DNGOS DANG, ZHU DGOS PA'I RGYU MTSAN NO, ,DANG PO NI, DES NA SLAR YANG GSAL LO ZHES SBYAR RO, ,GANG LA NA DPAL LDAN RNAM PAR SNANG MDZAD CHEN PO KHYAB BDAG RDO RJE 'CHANG LA NI'O, ,GANG GIS NA PHYAG NA RDO RJES SO, ,CI ZHIG GSOL NA, SEMS CAN THAMS CAD BSKYED PA POR GYUR PA'I SNA TSOGS PA'I GZUGS CAN TE RNAM PA CAN GYI SEMS 'DI NI BSTAN DU GSOL ZHES SBYAR BA'O, ,SEMS JI 'DRA ZHE NA, RANG BZHIN GYIS GRUB PA MED KYANG DE LA BRTEN PA LAS SRID PA ZHES BYA BA'I 'KHOR BA SKYE BA'O, ,'GYUR RNYING LAS, DE BAS DNGOS PO MED KYANG GYUR, ,DNGOS PO DAG TU RAB TU GRAGS, ,ZHES 'BYUNG LA, DE DAG GI DON NI LAKshM'IS, RKANG PA SNGA MA GNYIS KYIS SEMS SNA TSOGS PA'I GZUGS SU 'BYUNG BAR BSTAN PAS RNAM PA DANG BCAS PA'I SEMS TZAM PA'I LUGS BSTAN NAS RKANG PA GSUM PAS SEMS LA RNAM PAR SHES PA'I DNGOS PO STE RANG BZHIN MED DE PHYI ROL GYI DON MED PAS RNAM PA RNAMS BRDZUN PAR GRUB LA DE

DANG THA MI DAD PA DE BAS NA'O, ,ZHES LUGS SNGA MA SEL BAR BYED DO, ,RIG PAR BYED PA NA SEMS SO ZHES GSUNGS PA'ANG KUN RDZOB PA'I DNGOS PO DAG TU GRAGS PA YIN GYI DON DAM PAR MIN NO, ,DES NI RANG BZHIN MED PA KHO NA'I GRUB MTHA' BZHAG NAS, DON DAM PA'I BYANG CHUB KYI SEMS NAM MKHA' DANG MNYAM PA 'OD GSAL BA'I RANG BZHIN LEGS PAR BSTAN DU GSOL, JI MDZAD NAS SHE NA RJES SU MYONG MDZAD PA STE STON PA NYID KYIS MNGON SUM MDZAD NAS BSTAN DU GSOL LO, ,CI'I DON DU NA, 'GRO BA'I DON NI MDZAD PA STE MA 'ONGS PA'I SEMS CAN GYI DON DU'O ZHES 'CHAD DO, ,SEMS 'DI NI BSTAN DU GSOL ZHES ZHU BA'I DON NI NAM MKHA' DANG MNYAM PA STE 'DRA BA'I 'OD GSAL GYI BYANG CHUB KYI SEMS LEGS PAR PHYIN CI MA LOG PAR RJES SU MYONG BAR MDZAD PA'I THABS GANG YIN PA DE STON CIG CES PA'I DON TO, ,GANG GIS NA 'GRO BA'I DON NI MDZAD PA POS SO, ,GANG LA SKYE BO MCHOG LA STE RIN PO CHE LTA BU'I GANG ZAG LA'O, ,RANG BZHIN MED KYANG DE LAS SRID PA SKYE ZHES PA NI DE MI 'GAL BA'I TSUL 'DRI BA YIN GYI RANG BZHIN MED KYANG BYA BYED MI 'GAL BA'I SEMS KYI DE KHO NA NYID RTOGS PA'I THABS 'DRI BAR 'DOD NAS DE SKAD SMRAS PA'O, ,GNYIS PA NI, DE 'DRA BA DE DRI DGOS PA'I RGYU MTSAN NI MA 'ONGS PA NA RIM PA DANG PO'I SGRUB THABS KYI CHO GA TZAM ZHIG NI SHES NAS RGYUD KYI NGES PA'I DON LA RGYAB KYIS PHYOGS PA RNAMS, 'DI LTAR BDAG NI RDO RJE SLOB DPON NO, ,BDAG GIS JI SKAD BSTAN PA'I CHOS 'DI NYID YIN GYI 'DI LAS GZHAN NI MIN NO ZHES SLOB MA LA SMRAS NAS DE KHO NA NYID RTOGS SU MI 'JUG PAS BYIS PA RNAMS

, ,'JIG PA STE NYAMS PAR BYED DO, ,DES NI DGONGS PAS BSHAD PA'I BYANG CHUB KYI SEMS 'OD GSAL MNGON DU 'GYUR BA'I THABS NI DON JI LTA BA BZHIN DU MI RTOGS PA'I TSUL NI, SPYOD BSDUS LAS, SNGAGS KYI DE KHO NA NYID CES BYA BA GANG DE KHO NA NYID BSDUS PA LA SOGS PA'I RTZA BA'I RGYUD DANG, RGYUD PHYI MA LAS SNGAGS TZAM DU GSUNGS KYI SNGAGS BTU BA NI MA BSTAN NO, ,BSHAD PA'I RGYUD LAS NI, SNGAGS BTU BA DANG, SNGAGS KYI BRDA DANG, SNGAGS KYI DON DANG, SNGAGS KYI DE KHO NA NYID BCOM LDAN 'DAS KYIS BDEN PA KHO NAR GSUNGS SO, ,DES NA BSHAD PA'I RGYUD MA RTOGS SHING PHYI ROL GYI GSANG SNGAGS LA MNGON PAR ZHEN PA RNAMS KYIS SHES PAR MI 'GYUR TE, ZHES DGONGS PA LUNG STON GYIS BSHAD PA LTAR MA RTOGS NA, BZLAS PAR BYA BA'I SNGAGS THAMS CAD NGAG DANG YID KYIS ZLO BA'I PHYI ROL GYI SNGAGS SU 'DZIN PA LA GSUNGS SO, ,DE LTAR NA SEMS CAN BSKYED PA'I RGYU SEMS BSTAN DU GSOL ZHES PA DE, 'JIG RTEN THAMS CAD GANG GI RNAM 'PHRUL DU SONG BA'I RLUNG DANG SEMS GNYIS DBYER MI PHYED PA'I BYANG CHUB KYI SEMS RDOR BZLAS SU 'GRO BA'I TSUL BSHAD DU GSOL ZHES PAR 'GYUR TE, ZA HOR GYI MKHAS PA BTZUN MO CAN DANG MTHUN NO, ,DE LTAR SBYOR NA BYANG CHUB SEMS NI NAM MKHA' MNYAM PA, ZHES PA GNYIS STON PA'I BSTOD PAR SBYAR RO, ,GNYIS PA LA GSUM, LAN MDOR BSTAN PA DANG, RGYAS PAR BSHAD PA DANG, DON BSDUS TE RDOR BZLAS SU 'GRO TSUL BSTAN PA'O, ,DANG PO NI, GSANG BDAG GIS ZHUS PA'I RJES DE NAS, BDAG

PO BCOM LDAN 'DAS RNAM PAR SNANG MDZAD THUB PA CHEN POS ZHUS PA LEGS SO, ,ZHES LAN GSUM DU GSUNG BAR MDZAD NAS PHYAG NA RDO RJE LA 'CHAD PA 'DI GSUNGS SO, ,RNAM PAR MI RTOG PA'I DON NI RLUNG SEMS DBYER MED KYI BYANG CHUB KYI SEMS SO, , DE NYID NI RAB TU PHYE NAS BSHAD PAR BYA'O, ,DE'ANG GANG NA SO SOR BRJOD PA DANG, DMIGS PA ZHES PA DANG, BRDA DANG DON DAM PA'O, ,DE LA SO SOR BRJOD PA MI THAMS CAD KYI DAG LA THUN MONG DU YOD PA'I A'A LI K'A LI SNGAGS BTU BA'I GZHIR GYUR PA'O, , SPYOD BSDUS LAS, SNGAGS BTU BA DANG ZHES GSUNGS PA DE 'DI LA BYA DGOS PAS LAKshM'IS DED LTAR BSHAD PA LEGS SO, ,'DI LA 'GYUR KHA CIG LAS, TSIG GIS BRJOD PA ZHES 'BYUNG NGO, ,DMIGS PAR BSHAD PA RNAM SNANG LA SOGS PA'I SANGS RGYAS TE RJOD BYED KYI SGO NAS BRJOD BYA'I DON GANG DMIGS PAR 'GYUR BA DE DMIGS PA YIN LA, YI GE GSUM LA SOGS PAS RDO RJE GSUM LA SOGS PA'I LHA RTOGS PAR BYED PAS DE NI SNGAGS KYI DON DU LAKshM'IS 'CHAD DE, SPYOD BSDUS LAS, SNGAGS KYI DON ZHES GSUNGS PA DE 'DI LA BYA DGOS SHING DE DANG MTHUN PAS LEGS SO, ,BRDA NI SNGAGS KYI BRDA'AM MING DE NYID DU BSHAD CES SNGAGS KYI MING SBRUL LA SOGS PA'O, ,SNGAGS KYI DON DAM PA STE DE KHO NA NYID NI DE BZHIN NYID DO, ,GNYIS PA NYIS, SNGAGS KYI RTZA BA AA THUNG GI CHE BA DANG, SNGAGS BZHI BSHAD PA'O, ,DANG PO NI, DBYANGS GSAL THAMS CAD BSKYED PA 'AM YANG NA DE LAS SNGA PA'I DANG PO MED PAS DANG PO'ANG YIN LA, YI GE THAMS CAD AA LA ZHUGS PAS GCIG

, ,KYANG YIN PAS NA, DANG PO GCIG STE AA THUNG NGO, ,DGU NI DBYANGS LA RING THUNG GI YI GE BRGYAD TSAN GNYIS SU PHYE BA DANG, GSAL BYED LA KA TZA tA TA PA'I SDE TSAN LNGA DANG, MTHAR NGAS KYI SDE TSAN YA SDE DANG, DROD KYI YI GE SHA'I SDE TSAN NO, DE'I DBUS NA GNAS PA NI AA THUNG STE DE MED NA DE RNAMS LA SROG MED PAS BRJOD MI NUS PA'I PHYIR RO, ,GANG ZHIG SDE TSAN DGU DANG AA YIG STE BCU YIS MA BCINGS PA'I AA YIG GIS MTSON PA'I 'OD GSAL DE NI 'KHOR BA'I BAG CHAGS KYIS BCINGS PA MED PA ZHES BYA STE, DE SHES PA'I RNAL 'BYOR PA DE YIS NI MCHOG GI GNAS DBYANGS DANG PO'I RANG BZHIN GYIS BTU BA'I NGAG GIS SPROS PA SHES PA DANG, YANG MCHOG GI GNAS MI 'JIG PA DANG MI 'GYUR BA SHES SO, ,DE NYID RGYAS PAR 'CHAD PA NI DBYANGS ZHES SOGS TE DBYANGS NI BCU DRUG DANG, GSAL BYA'AM GSAL BYED NI KA NAS HA'I BAR YANG YI GE NI YA RA LA WA STE MA NING GI YI GE BZHI'O, ,GRANGS DGU'I RJES SU 'JUG PA NI SNGAR BSHAD PA LTAR RO, ,DE RNAMS PHAN TSUN DU SBYOR BA RNAMS AAS BCINGS PA'I RANG BZHIN DU GANG GIS SHES PA DE NI 'GRO BA'I BLA MA STE SLOB DPON DU 'GYUR RO, ,ZHES LAKshM'IS BSHAD DO, ,BDAG GIS NI 'DI LTAR MTHONG STE DBYANGS BCU DRUG GI DANG PO'ANG YIN LA YI GE GCIG KYANG YIN PAS NA DANG PO GCIG NI AA THUNG NGO, ,DE NI DGU'I DBUS NA GNAS PA DANG BCU YIS MA BCINGS PA NI SNGAR BZHIN TE, YI GE DES YI GE GZHAN THAMS CAD 'CHING ZHING KHO NYID RANG GZHAN GANG GIS KYANG MA BCINGS ZHES PA'O, ,AA THUNG DGU'I DBUS NA

GNAS ZHES PA'I DGU 'CHAD PA NI, DBYANGS DANG ZHES PA NAS GRANGS DGU ZHES PA'O, ,DGU'I DBUS NA GNAS PA 'CHAD PA NI RJES SU 'JUG PA ZHES PA'O, ,DBYANGS GSAL DANG YI GE SO SOR BYED MI DGOS SO, ,YI GE DANG YI GE RANG GZHAN GANG GIS KYANG MA BCINGS PA NI SNGAR BSHAD LA, DES GZHAN RNAMS 'CHING BA NI AAS BCINGS PHAN TSUN YANG DAG SBYOR ZHES PAS 'CHAD DE, DBYANGS GSAL RNAMS PHAN TSUN SBYAR TE TSOGS NAS BSTAN BCOS CHEN PO'I BAR DU GRUB PA THAMS CAD AA YIS BCINGS ZHES PA'I DON YIN PAS KHA CIG GIS PHAN TSUN SBYOR BAS MA BCINGS PA ZHES BSGYUR BA NI AA THUNG DGAG TSIG TU BYAS PA'I 'KHRUL BA YIN NO, ,DE SHES PA NI MCHOG GI GNAS, ZHES PA NI, GANG GIS SHES TE 'GRO BA'I BLA MA, ZHES PAS 'CHAD DE DE 'DRA'I AA THUNG GANG GIS SHES PA DE NI MCHOG GI GNAS ZHES PA 'AM BLA MA STE GONG MA'I GNAS ZHES PA'I DON NO, ,GAL TE 'DIR AA THUNG NGAG TSIG THAMS CAD KYI SROG TU ZHUGS NAS GZHAN 'CHING ZHING KHO'I SROG TU YI GE GZHAN 'JUG MI DGOS LA SHES PA LA DE 'DRA BA'I BSNGAGS PA BYED PA MI RIGS TE, DE TZAM NI BY'A KA RA nA PA RNAMS KYIS KYANG SHES PAS PHYI ROL PA DANG THUN MONG BA'I SHES BYA DMAN PA YIN PA'I PHYIR RO, ,GZHAN YANG 'DIR SNGAGS BTU BA SOGS THAMS CAD NANG LA SBYAR NAS SNGAGS KYI DE KHO NA NYID 'CHAD PA'I SKABS SU PHYI ROL GYI RNAM BZHAG 'DI 'DRA 'CHAD PAR MI RIGS TE, BZLAS BYA'I SNGAGS RNAMS PHYI ROL GYI SNGAGS TZAM DU 'DZIN PA LDOG PA'I SKABS YIN PA'I PHYIR RO ZHE NA, RTOG PA DANG LDAN PA LA 'DI 'DRA'I

, ,DOGS PA SKYE BA LEGS PAS DE'I LAN BSHAD PAR BYA'O, ,'DIR BSHAD RGYUD LAS AA THUNG SNGAGS KUN GYI RTZA BAR BSHAD PA TZAM ZHIG 'PHAGS PAS DRANGS KYI DE'I BSHAD PA MA MDZAD DO, ,'PHAGS PA LHAS DANG PO GCIG NI ZHES SOGS DRANGS PA LA GZHAN LA TSIG 'GREL MA MDZAD PAR, THUNG DU MA LUS NGAG TU 'GYUR, ZHES PA'I DON DRIS LAN GYIS RGYA CHER GTAN LA PHAB STE, DE NI AA THUNG GI GNAD MTHAR THUG PA STON PAS DE SHES DGOS SO, ,DE YANG SPYOD BSDUS LAS, 'DI NA GSUNG RAB 'CHAD PA DAG NI BY'A KA RA nA'I TSIG SNGON DU BYAS NAS SGRA'I DON TZAM 'BA' ZHIG GI RJES SU 'BRANGS KYI, YANG YI GES BRJOD PA GANG DU GANG GI PHYIR JI LTAR RAB TU 'JUG PA SHES PA NI MA YIN NO, ,YI GE'I DE KHO NA NYID JI LTA BA NYID NI MI SHES TE, SANGS RGYAS RNAMS KYI SPYOD YUL YIN PA'I PHYIR RO, ,BSTAN PA'I RIM GYIS DE KHYOD KYIS KHONG DU CHUD PAR BYA YIS, NYON CIG CES THUNG DU MA LUS PA'I NGAG TU 'GYUR BA'I 'GYUR TSUL DRIS PA'I LAN DU GSUNGS SO, ,DE LA GSUNG RAB 'CHAD PA NI, BSHAD RGYUD KYIS BSHAD PA LTAR DU AA THUNG GI DE KHO NA NYID KHONG DU MA CHUD PA'I RANG SDE THAMS CAD YIN TE, RNAL 'BYOR BLA MED LA ZHUGS KYANG BSHAD RGYUD KYI DGONGS PA'I DON MI SHES PA RNAMS KYIS KYANG 'DI'I DON MI SHES PAR GSUNGS NA DE LAS 'OG MA'I GSUNG RAB 'CHAD PA RNAMS KYIS LTA CI SMOS PA'I PHYIR RO, ,DE DAG GIS JI TZAM ZHIG SHES LA JI ZHIG MI SHES SNYAM NA, SGRA'I GZHUNG LA BRTEN NAS DBYANGS GSAL DANG AA THUNG GI SGRA'I

DON TZAM 'GA' ZHIG SHES KYI, YI GE AA THUNG GI DE KHO NA NYID JI BZHIN DU MI SHES SO, ,DE YANG AA THUNG GI YI GE BRJOD PA'I DON YI GE GANG DU 'JUG PA SOGS MI SHES PA'O, ,MI SHES PA'I RGYU MTSAN NI SANGS RGYAS KYI SPYOD YUL 'OG MA PA RNAMS LA SBAS PA'I DON YIN PA'I PHYIR RO, ,DE LTAR GZHAN GYIS MI SHES PA SHES PAR BYA BA'I PHYIR 'OG NAS 'CHAD PA'I RIM GYIS YI GE'I DE KHO NA NYID DE KHONG DU CHUD PAR BYA'O ZHES GSUNGS SO, ,'OG NAS BSHAD PA'I RIM PA NI, MA LUS NGAG CES PA'I NGAG GAM SGRA NI DBYANGS GSAL GYI YI GE ZHE DGU'O, ,DE MA LUS PA NI DBYANGS GSAL THAMS CAD BSDUS PA DANG SO SO BA MTHA' DAG DANG DE GNYIS SO SO'I YI GE DANG THIG LA DANG TSEG DRAG DANG, KUN PHAN DANG SKAD KYI DBYINGS DANG RNAM DBYE DANG RKYEN LA SOGS PA NAS BSHAD PA'I MTHAR THUG PA'O, ,DE DAG NI BYA KA RA nA ZHES PA'I MING GI BRDAS BSHAD PAS SHES SO, ,DE BAS NA TSIG DANG NGAG NAS BSTAN BCOS CHEN PO'I BAR DU GRUB NAS 'JIG RTEN DANG 'JIG RTEN LAS 'DAS PA'I DNGOS GRUB RDZOGS PAR BYED DO, ,LANG KAR GSHEGS PA LAS, MAR ME LA BRTEN NAS MUN KHUNG DU NOR BLTA BA BZHIN DU TSIG GI RNAM PAR RTOG PA'I MAR MAS KYANG RNAM RTOG DANG BRAL BA'I SO SO RANG GIS RIG PA'I YUL LA 'JUG PAR GSUNGS SO, ,DE LTA BU'I NGAG TSIG TU GTOGS PA'I YI GE RNAMS KYI DON SO SOR RNAM PAR SHES PA NI AA THUNG GI YI GE'I MTHU YIN TE, DE DANG MI LDAN NA KA LA SOGS PA RNAMS TSIG TU MI 'GYUR BA'I PHYIR TE, MTHA' CAN YIN PA'I PHYIR RO, ,'DI LA CHAG GIS, HA MTHA' YIN PA'I PHYIR RO, ,

, ,ZHES BSGYUR RO, ,DE DAG GIS NI AA THUNG NGAG MA LUS PA'I KHONG NA GNAS PA BSHAD PA DANG PO GCIG NI DGU DBUS NA ZHES SOGS RKANG PA BRGYAD KYI DNGOS ZIN GYI DON BSHAD LA DE'ANG SGRA PA THUN MONG BA'I SHES BYAR BSTAN NO, ,DE NAS AA THUNG GI DE KHO NA NYID 'CHAD PA LA, MTSAN BRJOD LAS, AA NI YIG 'BRU KUN GYI MCHOG CES GSUNGS PA'I RKANG PA DRUG DANG, BSAM GTAN MA LUS PA'I SGO'I SA BON GYI TSIG ,YI GE AA NI GDOD MA NAS MA SKYES PA'I PHYIR CHOS THAMS CAD KYI SGO'O ZHES PA DANG, AA DE LHAN CIG SKYES PA'I YI GE YIN PAR YANG GSUNGS TE ZHES PA'I SHES BYED DU, RDO RJE DKYIL 'KHOR RGYAN ZHES BYA BA'I RGYUD LAS, SNYING GI DBUS NA MI SHIGS PA, ,'BAR ZHING MAR ME NGAG DANG MTSUNGS, ,MI 'GYUR MCHOG TU PHRA BA STE, ,AA NI GTZO BO DAM PA'O, ,ZHES PAS AA GSAL BAR STON PAR GSUNGS SHING, DE NAS LANG GSHEGS LAS, BYANG CHUB SEMS DPA' DON LA RTON DGOS KYI TSIG LA RTON PAR MI BYA'O, ,TSIG LA RTON NA NI RANG GZHAN GNYIS KA DON DAM LAS NYAMS PAR BYED DO, ,LA LAS SOR MO'I RTZE MOS GZHAN LA DON GCIG STON PA NA DES MTSON PAR BYA BA'I DON LA MI LTA BAR MTSON BYED SOR MO'I RTZE MO KHO NA LA BLTA BA BZHIN DU SGRA JI BZHIN PAR ZHEN PA'ANG DE DANG 'DRA BAS DON 'DOD PAS DE SPANG BAR BYA'O, ,ZHES PA DRANGS SO, ,LUNG DE 'DIR SBYOR TSUL NI AA THUNG NGAG MA LUS PA'I KHONG DU ZHUGS PA TZAM SHES PAR BYED KYI AA'I DE KHO NA NYID MI 'TSOL BA NI SNGAR GYI DPE DE DANG 'DRA BAS YI GE DE'I DE NYID BTZAL BAR BYA'O, ,DE'I DON

GANG YIN NA, 'DIR SNGAGS KYI RTZA BAR GSUNGS PA'I AA THUNG NI SNYING GA'I 'KHOR LO'I DBUS AA BA DH'U T'I'I NANG GI MI SHIGS PA'I THIG LE'O, ,DE'ANG MI 'GYUR BA DANG MCHOG DANG PHRA BAS AA NI GTZO BO DAM PA'O, ,AA NI DBYANGS GSAL GYI YIG 'BRU KUN GYI MCHOG DANG DON CHEN PO CAN DU GSUNGS PA'ANG DE LA ZER LA, YI GE DAM PA YIN ZHES PA'ANG MI 'GYUR BA DANG MCHOG GI DON YIN TE, YI GE'I SKAD DOD AA KshARA NI 'GYUR MED DANG, DAM PA'I SKAD DOD PA RA MA NI DAM PA DANG MCHOG GNYIS KA LA 'JUG PA'I PHYIR RO, ,KHONG NAS 'BYUNG BA SKYE BA MED, ,CES PA LA CHAG GIS SROG CHEN PO NI YI GE MED, CES BSGYUR BAS MI SHIGS PA'I THIG LE'I RLUNG NI SROG GI RLUNG MCHOG YIN PA DANG YI GE MED PA NI YIG 'BRU'I RNAM PAR MED PA'O, , TSIG TU BRJOD PA SPANGS PA'ANG NGAG GANG GI RNAM PAR RTOG PA'I YUL MIN PA'O, ,BRJOD PA KUN GYI RGYU DANG TSIG KUN GSAL BAR BYED PA NI DE RLUNG RNAMS KYI RTZA BA'I RGYU YIN PAS DE LA BRTEN NAS 'BYUNG BA'I RLUNG GIS NGAG TSIG BSKYED PA'I PHYIR RO, ,AA NI MA SKYES ZHES PA'I DON NI 'OD GSAL GYI DON AA'I DON DU STON PA YIN LA DE YANG SNYING GA'I MI SHIGS PA'I AA YIG GI DON MNGON DU GYUR NA DE KHO NA NYID KYI DON RTOGS PA LA BSHAD KYI, SPYIR SKYE MED STONG NYID TZAM ZHIG STON PA MIN TE, DE TZAM NI PHA ROL TU PHYIN PA'I THEG PA DANG THUN MONG BA YIN PAS, DE SHES PA BSHAD RGYUD LA RAG LAS PA MI 'THAD PA'I PHYIR RO, ,DES NA AA ZHES BYA BA NI ZHES DRANGS PA'ANG RGYUD RNAMS NAS 'BYUNG BA DRANGS PA YIN GYI MDO NAS 'BYUNG BA MIN NO, ,

, ,DE'I PHYIR AA YIG GI DE KHO NA NYID KYI DON RNAL 'BYOR BLA MED LA ZHUGS PA MA GTOGS PAS MI SHES PAR BSHAD PA DANG MI 'GAL LO, ,DE LTAR SNGAGS KYI RTZA BA AA THUNG MI SHIGS PA'I THIG LE LA BSHAD PA'I GNAD KYIS DBYANGS GSAL GYI YI GE'I SNGAGS RNAMS KYANG PHYI'I YI GE MIN GYI RLUNG LA BYA'O, ,DE LTAR NA NGAG GI SPROS PA SKYED PA'I RLUNG RNAMS GANG DU 'JUG PA'I GNAS NI MI SHIGS PA'I THIG LE YIN PAR SHES TE, SPYOD BSDUS LAS, RLUNG GI DE NYID STON PA'I SKABS SU RLUNG BCU PO MI SHIGS PA THOB NAS DNGOS PO MED PAR 'GYUR GSUNGS PA'I PHYIR DANG, YI GE GSUM GYI BYA BA STON PA'I SKABS SU'ANG DE LTAR LUS LA GNAS PA'I GNAS SKABS SU THAMS CAD BYAS TE MTHAR MI SHIGS PAR ZHUGS NAS ZHES GSUNGS PA'I PHYIR RO, ,DE SHES NA GANG GI PHYIR 'JUG PA'ANG SHES TE MI SHIGS PAR ZHUGS NAS DNGOS PO MED PAR 'GYUR BAR GSUNGS PA'I DNGOS PO MED PA NI 'OD GSAL YIN PAS, 'OD GSAL MNGON DU BYA BA'I PHYIR DU 'JUG GO ,DE SHES NA JI LTAR 'JUG PA'I 'JUG RIM YANG SHES TE, SA CHU LA THIM PA SOGS KYI THIM RIM GYIS 'OD GSAL DU 'JUG PAR GSUNGS PA'I PHYIR RO, ,RIM PA DES RLUNG DANG KUN RTOG RNAMS MI SHIGS PA'I THIG LER SDUD PA'I SDUD BYED NI RDO RJE'I BZLAS PA YIN PAS AA THUNG SNGAGS KYI RTZA BAR GSUNGS PA'I GNAD SHES PA DE, 'GRO BA KUN GYIS BKUR BA'I GNAS MCHOG TU GSUNGS PA NI DE LTAR YIN PAR SHES PAR GYIS SHIG ,THUNG DU MA LUS NGAG

TU 'GYUR BA DRIS PA'I LAN GYI DON NI RLUNG GI DE NYID LDANG 'JUG GNAS GSUM DANG SNGAGS KYI DE NYID YI GE GSUM DANG SBYOR BA'I TSE, SGRA'I DE NYID NAM MKHA' DANG 'DRA BA'I STONG PAR SHES NAS ZLO BA LA 'CHAD BA RNAMS KYIS NI, SNGAGS KYI DE NYID KYI MTHAR THUG PA AA THUNG SNGAGS KYI RTZA BAR GSUNGS PA'I DON MA RTOGS PA YIN NO, ,RGYUD PHYI MA LAS, SNYING GAR BSAMS NAS NI, SROG NI THIG LER GYUR PAR BZHAG ,CES PA'I DON SGRON GSAL LAS, SNYING GA'I PADMAR AA THUNG BSAMS LA MI SHIGS PA'I THIG LER GTOGS PAR DGOD, CES GSUNGS PA DANG, RDOR PHRENG LAS, RDZAS KYI THIG LE KHONG CHUD PA, ,THIG LE GNYIS TE SNGAGS DANG RLUNG, ,SNGAGS KYI THIG LE DE NYID MCHOG ,THIG LE GNYIS NI 'OD DANG RDZAS, ,ZHES RDZAS KYI THIG LE GANG GI KHONGS SU 'DU BA'I RLUNG SNGAGS KYI THIG LE GNYIS KYI NANG NAS, SNGAGS KYI THIG LE MCHOG TU GSUNGS PA RNAMS KYANG DGONGS PA LUNG STON DANG DGONGS PA GCIG GO ,'O NA DANG PO GCIG NA ZHES SOGS LA MTSON BYED DPE'I AA THUNG GI BSHAD PA SNGAR LTAR YIN NA, MTSON BYA DON GYI AA THUNG LA BSHAD NA JI LTAR SNYAM NA, DANG PO NI LUS CHAGS PA'I DANG POR BYUNG BA'O, ,GCIG NI SROG 'DZIN PHRA BA LHAN SKYES KYI RLUNG SEMS SO, ,DGU NI RTZA BA'I RLUNG LHAG MA BZHI DANG YAN LAG GI RLUNG LNGA'O, ,DE'I DBUS NA ZHES PA NI DE KUN GYI RTZA BAR GNAS PA'O, ,BCU YIS MA BCINGS PA NI SROG 'DZIN RAGS PA DANG BCU YIS DE LA DBANG MA BYAS PA'O, ,DBYANGS GSAL GYI YI GE RNAMS NI RLUNG DANG RANG BZHIN RNAMS SO, ,DE'I RJES

, ,SU 'GRO BA DANG DE RNAMS AAS BCINGS PA NI DE RNAMS KYI RTZA BAR GNAS PA STE, DGONGS PA LUNG STON LAS, JI SRID 'JIG RTEN BTAGS PA DANG, ,DE BZHIN BTAGS PA SNA TSOGS RNAMS, ,RNAM RTOG BYANG CHUB SEMS ZHES PA'I RLUNG LAS RTAG TU 'BYUNG BA YIN, ,BDE SDUG LA SOGS CHOS RNAMS KYI, ,SA BON LTA BUR BSHAD PA YIN, ,ZHES SO, ,GNYIS PA LA BZHI, SNGAGS BTU BA, SNGAGS KYI DON, SNGAGS KYI BRDA, SNGAGS KYI DE KHO NA NYID DO, ,DANG PO NI, 'BYUNG BA'I MTHA' NI YI GE HA STE, 'BYUNG BA DANG DRO BA'I SDE TSAN GNYIS KA'I MTHA' LA 'BYUNG BA'I MTHA' ZHES BAR GYI MI MNGON PA'O, ,CHA LA SOGS PA NI AA'O, ,'DI LA CHAG GIS CHA'I DANG PO ZHES BSGYUR BA LEGS TE SOGS KYI SKAD DOD DANG PO LA'ANG 'GRO ZHING DBYANGS KYI DANG PO 'DI 'THU BA YIN PA'I PHYIR RO, ,DES NA CHA NI DBYANGS YIN LA DE'I DANG PO ZHES PAR 'GYUR BAS LAKshM'IS CHA LA SOGS PA AA LA BSHAD DO, ,BCU DRUG PA DBYANGS THA MA AA TSEG DRAG CAN NO, ,DE GNYIS MTSAMS SBYAR NA AA TSEG DRAG CAN RING PO'O, ,LNGA PA LNGA NI KA NAS MA'I BAR NYER LNGA YIN LA DE'I THA MA NI MA YIN NO, ,MA YIG DE RJES SU NGA ROR BYAS NAS HA YIG DANG SBYAR RO, ,BZHI NI GSUM DU ZHES PA NI BZHI GSUM BCU GNYIS YIN LA NGES PAR SBYAR ZHES PA'I SBYAR BA'I DON NI LHAN CIG PA YIN PAS BCU GNYIS PO DE GANG DANG LHAN CIG PA NI BCU GSUM PA'I DBYANGS YIG AO'O, ,DE'ANG YI GE AAm BCAS ZHES PA'I DON THIG LE DANG LDAN PAR BYA'O, ,'DI LA CHAG GIS RJES SU DBYANGS BCAS

ZHES BSGYUR BA LEGS PAS AO YIG RJES SU NGA RO DANG BCAS PAS AOm MO, ,RING PO NI AU YIG RING PO YIN LA DE HA YIG DANG BCAS PAS H'Um MO, ,DE LTAR BTUS NAS NYE BAR BSDU BA BSHAD PA NI YON TAN ZHES SOGS TE, SNYING STOBS DANG RDUL DANG MUN PA'I YON TAN GSUM NI YI GE GSUM STE SNYING STOBS LUS TE RDUL NI NGAG ,MUN PA SEMS ZHES GSUNGS PA LTAR RO, ,SBYOR BA NI DE GSUM 'BREL BA'O, ,PHYIS NAS MTSUNGS PA NI DE GSUM PHYIS PA BZHIN DU BYA BA'O, ,DE'I RIM PA NI 'DI YIN TE YI GE GSUM PO RE RE LA'ANG YI GE GSUM GSUM DU YOD LA, KUN LA KHYAB BYED DU GNAS PA NI YI GE AA'O, ,DE LA PHYAG 'TSAL BA'I YI GE GSUM NI AA DANG AO DANG MA'O, ,'DI 'THU BA'I DUS SU AA ZUR DU MA BTUS KYANG AO'I KHONG NA YOD PA LA BSAMS SO, ,NGAG GI DBANG PHYUG GI GSUM NI AA DANG AA DANG TSEG DRAG GO ,SPRIN SGRA'I GSUM NI MGO BO DANG SROG MED PA'I HA DANG ZHABS SKYED DO, ,DE LA AO DANG RJES SU NGA RO MA YIG GNYIS GSUNG GI SA BON LA THIM PA DANG, NGAG GI DBANG PHYUG GI THIG LE GNYIS THUGS KYI THIG LE LA THIM MO, ,ZHABS SKYED NI HA LA DANG HA'ANG THIG LE LA DANG THIG LE'ANG MGO BO LA THIM STE, MGO BO NI AA YIG GO ,'DI NI HA'I SROG YIG LA BSAMS SO, ,DE LTAR AA BZHI LUS PA'I SKU'I AA NI GSUNG GI AA DANG, DE RANG GI TSIG DRAG GI AA DANG DE THUGS KYI AA LA THIM NAS AA THUNG GCIG PU LUS SO, ,AA THUNG DU DE NI YI GE DANG NGAG TSIG LA SOGS PA'I NGAG GI SPROS PA MA LUS PA'I GZUGS SU 'GYUR RO, ,YANG NA PHYIS PA NI MI MNGON PA TZAM STE, SKU'I SA BON GSUNG

, ,LA DANG DE THUGS KYI SA BON LA THIM, DE'I ZHABS SKYED NI HA LA THIM, HA'I SROG GI AA BTON NAS SROG MED NI MGO BO LA DANG DE THIG LE LA DANG THIG LE AA LA THIM PAR BYA'O, ,AA THUNG DE THAMS CAD BSDUS PAS DU MA MIN PA NGAG THAMS CAD 'BYUNG BAS GCIG MA YIN NO ZHES LAKshM'IS BSHAD DO, ,SPYOD BSDUS SU YI GE GSUM PO RE RE'ANG YI GE GSUM GSUM LAS BYUNG BAR GSUNGS PA MA GTOGS YI GE GANG YIN MI GSAL LA, RDO RJE PHRENG BA'I SNGAGS KYI DE KHO NA NYID GSUNGS PA'I LE'U LAS, DBYANGS DANG PO'I YI GE AA DANG DBYANGS DRUG PA AU DANG, KA TZA tA TA PA'I SDE TSAN THA MA'I THAM MA YIG DANG LDAN PAR BYAS PAS AOm DANG, DBYANGS THOG MA'I YI GE AA NYIS 'GYUR DU BYAS PA DANG, AUshMA NA'I CHA DANG LDAN PA STE YI GE GSUM LAS AA RING POR GSUNGS SO, ,AUshMA NA'I CHA NI 'GREL PAS HA SROG MED LA BYAS NAS TSEG DRAG GI GNAS SU DE BZHAG PAR BSHAD DO, ,AUshMA NA'I MTHA'I CHA DANG, DBYANGS DRUG PA AU RING PO DANG MA YIG GSUM LAS H'Um BTUS SO, ,'GREL PAS AUshMA NA'I MTHA' HA YIG DANG CHA NI STENG GI ZLA TSES LA BYAS SO, ,SKU GSUNG THUGS KYI SNYING PO BSHAD PA'I LE'U LAS, AA DANG AO DANG MA GSUM LAS AOm BTUS PA LA 'GREL PAS AO YIG BTUS SO, ,AA LA AA GNYIS DANG HA GSAL BAR BTUS LA H'Um YIG NI SNGA MA DANG 'DRA'O, ,DE LTAR DBYANGS GSAL LAS YI GE GSUM BTUS PAS DE NYID BSHAD PA NI YI GE ZHES SOGS TE, DBYANGS GSAL GYI YI GE GANG ZHIG SNGAR BSHAD PA DANG, YI GE GANG ZHIG ZHI BA LA SOGS LA MNGON PAR PHYOGS

PA STE GTZO BOR GYUR PA YA RA LA WA DE RNAMS THAMS CAD BUD MED DANG SKYES PA DANG MA NING GI NGO BOR SHES PAR BYA'O, ,DER SHES PAR BYA BAR MA ZAD SKAD KYI KHAMS TE BYINGS DANG SOGS KYIS BSDUS PA DANG BYED TSIG DANG BYED PA PO LA SOGS PA NAS BRGYAD KHRI BZHI STONG GI BAR DU, SNA TSOGS PA'I SKAD LA SOGS PA'I GZUGS SU RAB TU BRTAGS PA YIN NO, ,YANG NA KHAMS GSUM DANG SOGS PAS SKU GSUM RTZA GSUM LA SOGS PA'I RANG BZHIN DU BRTAGS PA YIN NO, ,DE GSUM GYI LAS STON PA NI 'OG DANG ZHES SOGS TE, AOm NI NANG DU 'JUG PAS 'OG TU 'GRO LA, H'Um NI PHYIR LDANG BAS STENG DU 'GRO'O, ,BCAS PA NI MNYAM PAR GNAS PA STE AA YIG GO ,'O NA RANG BZHIN GYI GNAS PA'I RLUNG LA 'OG DANG STENG LA SOGS PA'I DBYE BA CI DGOS SHE NA, 'JUG PA SOGS RANG BZHIN GYIS GRUB KYANG BYAS PA MI SHES PAS, YAN LAG MA NYAMS PA NYID DU SHES NAS BLO YIS NI RLUNG SNGAGS DBYER MED PAR NGES PAR SBYAR NA RNAL 'BYOR BA LA RANG BZHIN GSAL BAR BYED DO, ,DES NA MA THOB PA THOB PA MIN GYI MI SHES PA SHES PAS RDZOGS RIM MO ZHES LAKshM'IS BSHAD DO, ,BRJOD PA'I SNGAGS TE SNGAR LTAR SNGAGS BTUS PA 'DI NI DNGOS PO STE RANG BZHIN MED PA'I NGO BO 'OD GSAL LAS BYUNG BA'O, ,'DIS NI YI GE GSUM GYI SNGAGS BTUS PA DE SNGAGS BTU GZHAN DANG MI 'DRA BAR STON TE, 'DI LTAR SNGAGS BTU GZHAN LTAR NA DBYANGS GSAL LAS BTUS PA'I SNGAGS DE DAG GAM YID KYIS ZLO BA'I SNGAGS YIN LA, 'DIR NI 'OD GSAL MI SHIGS PA'I THIG LE LAS BYUNG BA'I RLUNG GI LDANG 'JUG GNAS PA GSUM GYI GDANGS YI GE GSUM GYI GDANGS SU SHAR BA'O, ,'O NA

, ,DE TZAM ZHIG BSHAD PAS CHOG MOD YI GE GSUM GYI SNGAGS BTU BA CI ZHIG DGOS SHE NA, BZLAS BYA'I SNGAGS THAMS CAD YI GE GSUM DU 'DUS TSUL BSTAN PA'I SGO NAS 'THU BA YIN LA, DES NI BZLAS PAS SNGAGS JI SNYED PA ZHIG GSUNGS PA THAMS CAD KYIS GANG BSGRUB PAR BYA BA'I DNGOS GRUB THAMS CAD 'GRUB PAR STON PA YIN PAS SNGAGS BTU BA DGOS SO, ,DE LA 'GYUR KHA CIG LAS, GANG GI PHYIR BUD MED DANG SKYES PA DANG MA NING GI NGO BO NYID KYI SNGAGS THAMS CAD MAN NGAG JI LTAR THOB PAS YI GE GSUM LA RAB TU 'JUG GO ,ZHES 'BYUNG BA LTAR NA, K'A LI RNAMS SKYES PA DANG, Ri R'i Li L'i BZHI MA NING DANG, DE DOR BA'I DBYANGS LHAG MA BUD MED DO, ,DE 'DRA BA'I NGO BOR GYUR BA'I SBRUL LA SOGS PA'I SNGAGS THAMS CAD YI GE GSUM LA SDUD PA'I MAN NGAG NI, SNGAGS RNAMS GANG GI SNGAGS SU GYUR PA'I LHA NI MTHA' YAS KYANG BSDU NA RDO RJE GSUM DU 'DU BAS DE DAG GI SNGAGS KYANG RDO RJE GSUM GYI SNYING PO GSUM DU 'DU STE, RTZA RGYUD LAS, DE BZHIN GSHEGS PA THAMS CAD KYI SKU DANG GSUNG DANG THUGS KYI SNYING PO GSANG BA, SNGAGS THAMS CAD SKUL BAR BYED PA, ZHES GSUNGS PA BZHIN NO, ,YANG NA SNGAGS RNAMS NI LHA SPYAN 'DREN PA STE BOD PA DANG, BZHUGS SU GSOL BA STE BOS NAS BYIN GYIS RLOB PA DANG, GSHEGS SU GSOL BA STE RANG RANG GI LAS LA BSKUL BA'I SNGAGS GSUM DU 'DU ZHING, DNGOS GRUB STER BA'I LHA'ANG RIGS LNGA RU 'DU BAS, 'DIR YANG RLUNG 'OD ZER LNGA DBANG DU 'DUS NA MCHOG STER ZHING, DE'I THABS KYANG LDANG 'JUG

GNAS GSUM GYI SNGAGS BGRANG BA NYID YIN PA'I PHYIR, SNGAGS THAMS CAD YI GE GSUM DU 'DU ZHING DE GSUM SNGAGS KUN GYI BDAG POR BSHAD DO, ,GNYIS PA NI, SNGAR SNGAGS BTU BA BSHAD ZIN NAS, SNGAGS KYI DON NI DE LAS ZHES SOGS KYIS STON TE, YI GE GSUM PO DE LAS SAM DE NI YONGS SU GYUR PAS LHA'I GZUGS SU NYE BAR DMIGS PA GANG YIN PA DE NI SNGAGS KYI DON TO, ,YONGS SU GYUR LUGS NI, AOm YIG YONGS SU GYUR PA LAS RNAM SNANG BSKYED PA SOGS LA LAKshM'IS 'CHAD DO, ,DE NI BSKYED RIM PA'I SNGAGS DON YIN KYANG 'DIR RDZOGS RIM PA'I SNGAGS DON GTZO BO YIN PAS DE TZAM GYIS MI CHOG GO ,DES NA YI GE GSUM GYI SNGAGS NI RLUNG LDANG 'JUG GNAS GSUM YIN LA, DE YONGS SU GYUR PA NI LDANG 'JUG DANG BRAL NAS YE SHES GSUM DANG DBYER MI PHYED PAR GYUR PA'I RLUNG NGO, ,DE LAS LHA'I GZUGS SU DMIGS PA NI RLUNG SEMS GNYIS PO DE LAS SGYU MA'I SKUR LANGS TE, BDAG BYIN BRLABS KYI RIM PA LAS, RLUNG DANG YANG DAG LDAN PA YI, ,RNAM SHES GSUM PO DE NYID SLAR, ,RNAL 'BYOR PA YI LUS SU 'BYUNG, ,SGYU MA'I LUS ZHES DE LA 'CHAD, CES GSUNGS PA LTAR RO, ,DE LTAR SNGAGS KYI YI GE RNAMS KYIS LHA'I SKU BSKYED PA'I SGO BSAM GYIS MI KHYAB PA ZHIG GSUNGS PA'I YI GE THAMS CAD YI GE GSUM DU 'DU ZHING, DE GSUM YANG RLUNG GSUM YIN LA DE YONGS SU GYUR PA LAS LHA'I SKU BSKYED LUGS NI SGYU MA'I SKU 'GRUB TSUL 'DI NYID DE, DE LTAR BSHAD PA RNAMS KYI SNYING POR SHES DGOS SO, ,GSUM PA NI, SNGAGS KYI BRDA NI MING YIN LA DE'ANG JI LTA BU YIN SNYAM NA,

, ,DE NYID GSUM GSUM GNAS PA STE DE KHO NA NYID GSUM GYI BRDAR BYAS PA STE SKU GSUNG THUGS KYI DE NYID DO, ,RANG BZHIN NI SNGAGS RNAMS KYI RIGS TE, DE BZLAS PA NI YI GE GSUM SBYAR BA DANG MA SBYAR BA'I MTSAN NYID DE DE'ANG BRDA YIN NO, ,SBRUL LA SOGS PA'I BRDA RNAMS NI YI GE GSUM LA RAG LAS PAS SNGAGS KYI BRDA BSTAN TO, ,ZHES LAKshM'IS BSHAD DO, ,'DI LTAR YIN TE SBRUL LA SOGS PA'I SNGAGS KYI BRDA RNAMS NI BSKYED RIM PA'I BRDA YIN LA, 'DIR NI SNGAGS KYI BRDA YIS TE BRDAS NI RLUNG GI DE KHO NA NYID LDANG 'JUG GNAS GSUM DU GDOD MA NAS GNAS PA DE RANG BZHIN GYIS BZLAS PA'I MTSAN NYID CAN DU SHES PAR BYA'O, ,BZHI PA NI, SNGAR BSHAD PA LTAR AA THUNG GI YI GES BSHAD PA STE MTSON PA'I YE SHES NI SANGS RGYAS MI BSKYOD PA'I SNYING POR GYUR PA SNGAGS KYI THIG LE YIN LA, DE NI SNGAGS KYI DE KHO NA NYID YIN NO, ,MI SHIGS PA'I THIG LE LA YE SHES ZHES PA NI, RGYUD RDOR PHRENG LAS, SNYING GI PADMA'I SBUBS MKHA' LA, ,YE SHES RDO RJE RTAG TU BZHUGS, ,ZHES DANG, SROG GI RLUNG NI MCHOG YIN NO, ,STONG NYID YE SHES MING CAN TE, ZHES DANG, SNYING GI DBUS GNAS BDE BA'I DNGOS, ,SANGS RGYAS NYI MA GSAL BA'I 'OD, CES KYANG GSUNGS SO, ,SPYOD BSDUS LAS, RANG BZHIN BZLAS PA'I MTSAN NYID DO, ,ZHES PA'I MJUG TU, MING MED BRJOD DU MED PA STE, ,BYANG CHUB SEMS MCHOG 'DI YIN NO, ,GSUM PO DE NYID GCIG GYUR PA, ,'GRO BA MED CING 'ONG BA MED, ,'GAG MED RAB TU ZHI BA STE, ,RTAG DANG CHAD PA RNAM SPANGS PA, ,DUS

GSUM MKHYEN PAS MA BYAS PA'I, ,RTOG PA NAM MKHA' DBYER MED MTSAN, ,'DI NYID KHO NA DON DAM STE, ,SO SO RANG RIG MTSAN NYID DO, ,RNAL 'BYOR RIG PAS NYAL SOGS DANG, ,BYA BA THAMS CAD NYID DU YANG, ,MING MED BRJOD DU MED PA DANG, ,DUS GSUM BZLAS PA RTAG TU BZLA, ,GOS DKAR LA SOGS BZLAS BSHAD PA, ,ZHES DRANGS NAS AA YIG CES PA NAS MA NYAMS BZLAS PA'I BAR MA DRANGS SO, ,DE LA MING GIS BRJOD PA STE BZLAS PAR BYAR MED PA'I RDOR BZLAS KYI RLUNG GI 'GRO 'ONG 'DI NI BYANG CHUB KYI SEMS KYI MCHOG YIN NO, ,ZHES PAS SNGAR BYANG CHUB KYI SEMS DRIS PA'I LAN BSTAN NO, ,LDANG 'JUG GNAS GSUM PO SNGAR BSHAD PA DE NYID MI SHIGS PA'I THIG LER THIM NAS GCIG TU GYUR PA NA, 'GRO 'ONG LA SOGS PA'I SPROS PA'I MTHA' DRUG SPANGS PA'I NAM MKHA' STE STONG PA NYID DUS GSUM MKHYEN PA'I RGYAL BA RNAMS KYIS KYANG MA BYAS PA DE DANG RTOG PA STE BLO GNYIS DBYER MED PAR RJES SU ZHUGS PA 'DI KHO NA DON DAM PA SNGAGS KYI DE KHO NA NYID DO, ,DES NA RDO RJE BZLAS PA'I RNAL 'BYOR SHES PAS 'GRO NYAL LA SOGS PA'I SPYOD LAM THAMS CAD DU NGAG GIS BRJOD DU MED CING LDANG 'JUG GNAS PA'I DUS GSUM DANG YI GE GSUM SO SOR 'DZIN PA LAS 'DAS PA'I RDO RJE'I BZLAS PA RTAG TU BZLA STE, DE NI SNGAGS KYI DE KHO NA NYID MNGON DU 'GYUR BA'I THABS YIN PAS SO, ,SNGAGS KYI DE KHO NA NYID GZHUNG 'DI DAG GIS GSAL BAR BSTAN PA DRANGS PA'O, ,GSUM PA LA GNYIS, RGYUD KYI TSIG DON TZAM BSHAD PA DANG, DE'I MTHA' BCAD PA'O, ,DANG PO NI, H'Um YIG GIS SEMS CAN TE 'OD ZER PHYIR YANG DAG PAR

, ,SPRO BAR BYED DE, DES SEMS CAN RNAMS SANGS RGYAS KYI GZUGS SU BYAS PAR RAB TU BRTAGS PA STE BSGOM MO, ,AOm YIG GIS NI SEMS CAN SANGS RGYAS KYI GZUGS SU BYAS PA RNAMS RANG LA NANG DU YANG DAG PAR SDUD PA DANG, YI GE A'A: NI GNAS SU GNAS PAR BYED PA NI BSKYED RIM PAS SGOM LA, 'DIR NI AOm GYIS RLUNG NANG DU 'JUG PA NYID DANG, A'A: SA RLUNG NANG DU GNAS PA DANG, H'Um YIG GIS PHYIR LDANG BA'I RIM PAS KYANG SNGAGS TE RDOR BZLAS KYI YAN LAG MA NYAMS PAR BYAS PA'I NGANG NAS BZLA BAR BYA'O, ,DE'ANG SHES RAB LHA MO BZHI'I RLUNG DANG, THABS MGON PO BZHI'I RLUNG GI GZHIR GNAS PA STE RLUNG DE GNYIS GZHIR BYAS LA BYA'O, ,YANG NA YI GE GSUM GYIS SPRO BSDU DANG GNAS PAR BYED PA'I SEMS CAN NI RLUNG LA BYA LA, SPRO BSDU DANG GNAS PAR BYED TSUL NI 'JUG PA SOGS DANG SBYAR RO, ,LAKshM'IS BSKYED RIM PA LA SPRO BSDU DANG GNAS PAS SANGS RGYAS KYI GZUGS RDZOGS PAR BYED LA, RDZOGS RIM PA LA NI DE RNAMS RANG BZHIN GYIS GRUB PAS SNGA MA DON MED PAR STON PA NI H'Um YIG CES PA BZHI'O, ,'JUG PA ZHES SOGS KYIS RDOR BZLAS KYI BYA BA'I SGO NAS RANG BZHIN STON LA, SHES RAB NI AA DANG THABS NI H'Um DANG GZHI NI AOm LA 'CHAD DO, ,GOS DKAR ZHES PA GNYIS KYIS NI SHES RAB LHA MO RE RE'I RLUNG GI GRANGS NYIS BRGYA NYER LNGA LTA BU STON LA, BZHI POS ZHES PA GNYIS KYIS NI DE BZHI DRIL BAS THABS MGON PO RE'I RLUNG GI GRANGS STON PA'O, ,DGU BRGYA DAG TU ZHES PA NAS NYI SHU RTZA BZHI ZHES PAS NI ZHAG GCIG LA THUN PHYED PA NYER BZHIR

STON NO, ,RIM GYIS NI ZHES SOGS KYI DON NI ZHAG GCIG GI BZLAS PA'I GRANGS STON PA'O, ,'DI'I RJES SU, RNAL 'BYOR BSGOM PA'I BAR CHAD CAN, ,ZHES SOGS DGONGS PA LUNG STON GYI LUNG 'OG TU DRANGS PA DE RNAMS 'ONG RGYUR SNANG BA LA, BAR DU BCAD NAS DRANGS PA NI RGYA GAR GYI DPE CUNG MA DAG PA LAS BSGYUR BAR MNGON NO, ,GNYIS PA LA GNYIS, RDOR BZLAS BYED PA'I RIM PA, RDOR BZLAS BYAS PAS GANG BSGRUB PA'O, ,DANG PO LA GSUM, RDOR BZLAS BYED PA'I GNAS, RDOR BZLAS BYED PA'I SPYOD LAM, RDOR BZLAS JI LTAR BYA BA'I TSUL LO, ,DANG PO NI, RDO RJE PHRENG BA LAS, SKYE BOS DBEN PA LHA YI GNAS, ,SGRA YI TSER MA RNAMS DANG BRAL, ,SKYE BO'I TSOGS NI MED PA DANG, ,GEGS MED SKAL BZANG NYAMS DGA' BA, ,SKYED MOS TSAL GZHI BDE BA CHE, ,'DOD PA LNGA LA LONGS SPYOD PAS, , SNGAGS KYI GTZO BO 'GRUB PAR 'GYUR, ZHES GSUNGS SO, ,LHA'I GNAS NI LHA'I KHANG PA LA SOGS PA'O, ,CA CO'I SGRA DANG SBRUL DANG STAG LA SOGS PA'I TSER MA DANG BRAL BA DANG, GDUG PA CAN GYI 'BYUNG PO DANG GDON GYI BGEGS MED PA'O, ,GNYIS PA NI, DE NYID LAS, 'DIR NI GZHAN YANG BSHAD KYIS NYON, ,SPYOD LAM BDE BA CHEN PO'I GNAS, ,GANG GIS DNGOS GRUB MCHOG TU 'GYUR, ,SGRUB PO BDE BA'I STAN 'DUG NAS, ,MIG GNYIS SNA RTZAR GTAD BYAS NAS, ,PHRAG GONG MNYAM LA LCE RKAN SBYAR, , SO DANG MCHU NI BDE BAR BZHAG ,DBUGS KYI 'BYUNG RNGUB GLONG NAS NI, ,CUNG ZAD CUNG ZAD RTZOL BRAL BAS, ,JI LTA BA BZHIN 'BYUNG RNGUB NI, ,SEMS DPA'I SKYIL KRUNG LEGS GNAS PA, ,ZHES GSUNGS SO, ,SNA NI LTE BA'I TSAD DU GNAS ZHES 'DON PA LTAR NA

, ,SNA'I RTZE NAS LTE BA MTHONG BA'I TSAD TZAM LA 'CHAD DO, ,GSUM PA LA GNYIS, ,DNGOS KYI DON DANG, DE YI GE DANG SBYOR TSUL LO, ,DANG PO LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, RDO RJE PHRENG BA LAS, BGRANG BYA DBUGS KYI DBYE BA YIS, ,DE BZHIN RLUNG NI DPYAD PAR BYA, ,GNAS KYI DBYE BAS RTZA RNAMS NI, ,DUS KYI DBYE BA'I RTOG PA DANG, ,RLUNG RNAMS KYI NI LDOG PA DANG, ,RTOG PA DANG BCAS SPANGS PA STE, ,DE LTAR MDOR BSDUS RNAM DRUG GIS, ,'BYUNG DANG 'JUG PA RJES SU DRAN, ZHES RLUNG LDANG 'JUG DRAN PA NI RNAM PA DRUG GIS BYA BAR GSUNGS SO, ,DRUG NI RKANG PA DANG PO'I MTHAR RLUNG NI DPYAD PAR BYA ZHES SBYAR TE LHAG CHAD DANG 'DRES PA'I SKYON SPANGS NAS, BGRANG BYA'I DBUGS KYIS GRANGS NYI KHRI CHIG STONG DRUG BRGYAR BYAS PA'I DBYE BA YIS RLUNG LA DPYOD PAR BYED PA NI DANG PO BGRANG BA'O, ,BGRANG LUGS SKYON GSUM DANG BRAL BA DE BZHIN DU THUN SO SO LA RLUNG RNAM PAR DPYOD PA NI GNYIS PA RJES SU 'GRO BA'O, ,RLUNG SKYE BA'I GNAS RTZA'I DBYE BAS RTZA'I 'KHOR LO RNAMS NI RTOG PA DANG ZHES SPREL TE GSUM PA GNAS LA RTOG PA'O, ,RTZA LA BRTEN NAS RLUNG BRGYA RTZA BRGYAD RGYU BA'I MTSAN NYID DUS SO SO'I DBYE BAS RTOG PAR BYED PA NI BZHI PA MTSAN NYID LA RTOG PA'O, ,LAS DANG PO PA'I RNAL 'BYOR GYI NGO BOS RNAM RTOG BSKYED PA'I RLUNG LDOG PAR RTZAM PA RIM GYIS LDOG PA NI LNGA PA LDOG PA'O, ,RTOG BCAS KYI RLUNG LDOG NAS GNAS PA NI DRUG PA YONGS DAG GO ,GNYIS PA LA DRUG LAS DANG PO BGRANG BA NI, DE NYID LAS, THOG MAR 'BYUNG DANG RNGUB PA RNAMS, ,NYI KHRI DANG NI CHIG STONG DANG, ,DE BZHIN GRANGS NI BRGYA

PHRAG DRUG ,NYIN DANG MTSAN MO NGES PA NI, ,JI SRID GRANGS NI THOB PA'I GNAS, ,NYIN ZHAG NYI SHU RTZA BDUN DU, ,GRANGS NA RJES SU SBYOR BA YIS, ,GRANGS NI RAB TU BSTAN PA YIN, ZHES GSUNGS SO, ,'DIR 'GREL PAS MOS PA LAS BYUNG BA'I SGYU MA'I LUS SU DMIGS NAS RDOR BZLAS BYED PA, SGYU MA LTA BU'I TING NGE 'DZIN GYIS, ZHES 'OG NAS GSUNG BA'I DON DU MI BZHED KYANG, LUS DBEN GYI GSANG CHEN RIGS GCIG GI TING NGE 'DZIN LA BRTEN NAS BYED PA LEGS SO, ,DE LTAR NYIN MO KHRI DANG BRGYAD BRGYA DANG MTSAN MO YANG DE BZHIN DU RLUNG 'BYUNG 'JUG GI GRANGS RAB TU BRTAGS PAS JI SRID GRANGS DE LA NGES PA THOB PA'I BAR DE SRID DU BZLA STE, DE'ANG ZHAG NYER BDUN NO, ,'DI NI GNYID DANG BZA' BTUNG BCAG NAS NYIN MTSAN BAR MA CHAD DU RTOG DGOS NA SGRUB MI NUS SHING, DE LTAR MA BYAS NA NYI KHRI CHIG STONG DRUG BRGYA'I GRANGS THAMS CAD BRTAG MI NUS SO, ,DE'I PHYIR SKABS DE RNAMS MA GTOGS PA'I NYIN DANG MTSAN GYI CHA SO SOR PHYE NAS GRANGS BRTAGS PAS RAGS RTZIS LA NGES PA RNYED RNYED DU SBYONG BA'O, ,GNYIS PA RJES SU 'GRO BA NI, DE NYID LAS, THUN MTSAMS KYI NI RAB DBYE BAS, ,DE NAS RJES 'GRO'I BZLAS PA NI, ,THUN TSOD SO SOR SROG RNAMS DANG, ,SROG DANG RTZOL BA BRTAG PA STE, ,NYIS STONG BDUN BRGYA'I GRANGS KYIS NI, ,YANG DAG PAR NI NGES GZUNG BYED, ,YONGS SU DPYOD PA'I RNAM PA YIS, ,NYIN ZHAG NYI SHU RTZA BDUN LA, ,'KHOR LO BZHI YI DBYE BA YIS, ,NYIN DANG MTSAN DU NGES PAR NI, ,ZHES DE LTAR NYIN MTSAN GNYIS SU PHYE BA'I RAGS PA'I GRANGS NGES RNYED NAS, THUN TSOD RE RE LA RLUNG NYIS STONG BDUN BRGYA RE RGYU BA'I GRANGS

, ,PHYIN CI MA LOG PAR NGES PAR 'DZIN PAR BYED DE, ZHAG NYER BDUN GYI BAR DU MED LA SOGS PA'I DKYIL 'KHOR BZHI'I DBYE BAS NYIN MTSAN GNYIS KYI THUN TSOD SO SO'I RLUNG YONGS SU DPYOD PA'I RNAM PA YIS BGRANG BAR BYA'O, ,'GREL PA'I 'GYUR LAS, THUN TSOD RE RER SROG DANG NI, ,RTZOL BA LA NI BRTAG PA STE, ,ZHES 'BYUNG NGO, ,'GREL PAS THUN TSOD RE RE'I CHAD 'JIG RTEN PA LA GRAGS PA LTAR NYIN MTSAN GYI DBYE BAS BRGYAD DAM, PHAL CHER CHU TSOD BRGYAD BRGYAD LA BYAS NAS, RLUNG DGU BRGYA PA GCIG LA 'JUG LDANG GNAS GSUM GYIS BSGYUR BAS BRGYA PHRAG NYER BDUN DU BYED PA NYIS STONG BDUN BRGYA'I DON DU BSHAD DO, ,'DI NI MI 'THAD DE, CHU TSOD BRGYAD CHEN RE'I YUN RLUNG DGU BRGYA RES MI RDZOGS PAR SNGAR BSHAD PA'I PHYIR DANG, RLUNG DGU BRGYA RE'I DUS TSAD NI DGONGS PA LUNG STON LAS THUN PHYED RER GSUNGS PAS, THUN TSOD KYI TSAD MIN PA'I PHYIR DANG, RLUNG DGU BRGYA PO RE RE LA 'BYUNG 'JUG GNYIS GNYIS LAS MED PAS 'JUG LDANG GNAS PAS SUM GSUM GYIS BSGYUR BA MI 'THAD PA'I PHYIR DANG, 'DIR RLUNG GI GRANGS RNAMS NI 'BYUNG 'JUG GNYIS GNYIS LA RE RE BRTZI BA'I SKABS SU SNANG BA'I PHYIR TE, NYI KHRI CHIG STONG DRUG BRGYA BZHIN NO, ,DES NA THUN TSOD NI SKABS 'DIR NYIN ZHAG GCIG GI BRGYAD CHA YIN LA, DE'I YUN LA RLUNG NYIS STONG BDUN BRGYA RE RGYU BA GRANGS BGRANG BA'O, ,GSUM PA GNAS KYI DBYE BA NI, DE NYID LAS, DE NAS GNAS PA 'BAD PA YIS, ,THA DAD DU NI RAB TU BRTAG ,RTZA YI 'KHOR LO RGYU BA YIS, ,'BYUNG DANG RNGUB PA NGES PAR NI, ,NGES PAR BZUNG BA'I

SBYOR BA LAS, ,RTZA YI 'KHOR LO DPYAD PAR BYA, ,DE NI 'KHOR LO RTZA DBYE BAS, ,NYIN ZHAG NYI SHU RTZA BDUN LA, ,ZHES SO, ,'GREL PAS 'DI SNGAR BSHAD PA BZHIN DU RTZA 'KHOR DRUG PO RE RE LA RLUNG DGU DGU RGYU BA NGES PAR BYED PA LA BSHAD NAS BZHI PA RLUNG BRGYA RTZA BRGYAD KYIS BSKYED PA'I RNAM RTOG GI RGYU BA NGES PAR BYED PA LA BSHAD DO, ,THUN TSOD RE RE LA RLUNG JI TZAM RGYU BA NGES PA'I RJES DE NAS, RLUNG SKYE BA'I GNAS RTZA'I 'KHOR LO LA RLUNG RGYU BA'I TSUL 'BYUNG RNGUB BGRANGS NAS NGES PAR BYED DE, DE'ANG RTZA 'DAB 'DI LAS RLUNG 'DI RGYU'O ZHES NGES PAR BZUNG BA LAS, SNGAR BSHAD PA LTAR LTE BA'I RTZA 'DAB BZHI LA RLUNG RGYU BA NA SPYI BO'I GNYIS LA RGYU BA SOGS NGES PAR BYED PA YIN PAR MTHONG NGO, ,SNGA MA GNYIS PHYI'I DUS TSOD LA RLUNG GI GRANGS NGES PAR BYED PAS RAGS PA'I PHYIR, RLUNG DANG RTZA'I KHA DOG GSAL BAR MA MTHONG YANG NGES NUS LA, 'DI NI RLUNG DANG RTZA'I KHA DOG MTHONG NAS RTZA SO SO'I RGYU BA SO SOR NGES PAR BYED PA'O, ,'DI LA'ANG ZHAG NYER BDUN RE LA ZHES PA DANG YONGS SU DPYOD CES PA GNYIS SBREL LO, , 'DI LA GNAS KYI DBYE BAS RTOG PA ZHES THA SNYAD BYAS NA LEGS SO, ,BZHI PA MTSAN NYID LA RTOG PA'AM DUS KYI DBYE BA'I RTOG PA NI, DE NYID LAS, DA NAS MTSAN NYID YANG DAG NI, ,GNAS KYI DBEN BAS BRTAG PAR BYA, ,GNAS NI SO SOR RNAM BRTAGS RNAMS, , BRGYA DANG BRGYAD NI LHAG PAR RGYU, ,RNAS RTOG MED PA SBYOR BA MCHOG ,RTOG PA SPANGS PA'I BDAG NYID CAN, ,DNGOS PO KUN GYI RANG BZHIN BDAG ,BRGYA DANG BRGYAD NI LHAG PAR RGYU, ,'DI NI YANG DAG RNAL 'BYOR MCHOG ,NYIN ZHAG NYI SHU RTZA BDUN GYIS, ,MTSA

, ,NYID SGOM PA'I RNAL 'BYOR PA, ,JI LTAR GNAS PA RAB BSGOMS PAS, ZHES SO, ,RLUNG GI GNAS RTZA'I 'KHOR LO DRUG NI SO SOR BRTAGS NAS DE RE RE LA SNGAR BSHAD PA LTAR DGU DGU RGYU BA'I SGO NAS ZHAG GCIG LA BRGYAD KYIS LHAG PA'I BRGYA RGYU BA NGES PAR BYA STE, 'DI'ANG RTZA DANG RLUNG KHA DOG RGYU BA GSAL BAR MTHONG NAS MIN NO, ,RNAM RTOG MED PAR BYED PA'I RLUNG GI SBYOR BA STE RNAL 'BYOR DE DAG GI MCHOG STE DNGOS PO KUN GYI RANG BZHIN 'OD GSAL RNAM RTOG SPANGS PA'I BDAG NYID CAN DU 'JUG PA'I THABS SO, ,BRGYAD KYIS LHAG PA'I RLUNG BRGYA RGYU BA NGES PAR BYED PA'I YANG DAG PA'I RNAL 'BYOR 'DI NI MCHOG GO ,BSGOMS PAS RLUNG NGES PAR BYED CES SBYAR RO, ,'GREL PAS, RNAM RTOG BRGYA RTZA BRGYAD NGES PA LA SBYOR BA LTAR NA RNAM RTOG MED PA NI DON DAM PAR NYON MONGS KYIS STONG PA'O, ,MCHOG NI NAM MKHA' DANG MNYAM PA'O, ,SBYOR BA NI DON DAM PAR NYE BAR ZHI BA'O, ,DE'I PHYIR RNAM RTOG SPANGS PA'O, ,DNGOS PO KUN GYI RANG BZHIN SHES PA NYID DE DANG DER SNANG BA DANG, BRGYA DANG BRGYAD NI RTOG PA RNAMS YUL LA RGYAB KYIS PHYOGS PA LA BSHAD DO, ,LNGA PA RLUNG LDOG PA NI, DE NYID LAS, RTOG DANG BCAS PA'I RNAL 'BYOR PAS, ,DE LAS RNAL 'BYOR LOG NAS NI, ,MI RTOG PA YI RLUNG CHEN PO, ,RTZA YI 'KHOR LOR RNAM PAR RGYU, ,DE NAS NYON MONGS KUN SBYOR LAS, ,NGES PA LAS NI DON DAM PA, ,NYIN ZHAG NYI SHU RTZA BDUN LA, ,LAS DANG PO YI SBYOR BA YIS, ,LOG PAR BLO DANG LDAN PAS BSGOM, ZHES SO, ,RNAL 'BYOR PA RTOG PA BRGYA RTZA BRGYAD DANG BCAS PA

DE LAS LOG NAS RNAM PAR MI RTOG PA'I RLUNG CHEN PO RTZA'I 'KHOR LO RGYA BA DE NAS, NYAN MONGS TE RNAM RTOG YUL DANG KUN TU SBYOR BA LAS ZLOG PA'I DON DAM PA NGES PA LAS NI RNAM RTOG BSKYED PA'I RLUNG LDOG PAR 'GYUR RO, ,DE'I PHYIR RDOR BZLAS MTHAR PHYIN PA LA MOS PA'I LAS DANG PO PA'I SBYOR BA STE RNAL 'BYOR GYIS ZHAG NYER BDUN LA RNAM RTOG BSKYED PA'I RLUNG LOG PAR BLO DANG LDAN PAS BSGOM PAR BYA'O, ,'DI NI RLUNG NGAM RNAM RTOG BRGYA RTZA BRGYAD NGES PA'I RJES DE NAS SNGAR BZHIN RDO RJE'I BZLAS PA ZHAG NYER BDUN DU BYAS PAS, RNAM RTOG BSKYED BA'I SROG THUR GYI RLUNG RNAMS RIM GYIS DBU MAR 'JUG PA'O, ,DRUG PA YONGS DAG NI, DE NYID LAS, DE NAS RNAM DAG DE DAG KYANG, ,YANG DAG RNAL 'BYOR STOBS KYIS NI, ,SROG DANG RTZOL BA'I RNAL 'BYOR RNAMS, ,KUN NAS RAB TU SPANGS NAS NI, ,RLUNG GI DE NYID KHO NA'I RGYU, ,RNAL 'BYOR MCHOG NI BSGOM PAR BYA, ,GNYIS MED MCHOG GI RNAL 'BYOR GYIS, ,NYIN ZHAG NYI SHU RTZA BDUN LA, ,RLUNG GI DE KHO NA NYID RTEN, ,GA-YENG BA'I SEMS NI DAG PAR 'GYUR, ZHES SO, ,RLUNG LDOG PA'I RJES DE NAS RNAM DAG BSGOM PAR BYA'O, ,JI STAR ZHE NA, SROG DANG RTZOL BA STE RLUNG 'BYUNG 'JUG BGRANG BA'I RNAL 'BYOR RNAMS RAB TU SPANGS NAS YANG DAG PA'I RNAL 'BYOR GYI STOBS KYIS RNAL 'BYOR DRUG GI NANG NAS MCHOG TU GYUR PA YONGS DAG GI RNAL 'BYOR BSGOM PAR BYA'O, ,DE NI RLUNG GI DE KHO NA NYID MTHAR THUG PA 'OD GSAL GYI RLUNG LA RLUNG GZHAN DANG RNAM RTOG RNAMS SDUD PA'I RGYU STE GNYIS SU MED PA'I RNAL 'BYOR MCHOG YONGS DAG GI RNAL 'BYOR

, ,GYIS ZHAG NYER BDUN GYI BAR LA BSGOM MO, ,DES NI PHYI ROL TU GA-YENG BA'I RLUNG DANG KUN RTOG RNAMS DAG PAR 'GYUR RO, ,'DI NI SNGA MA LNGAS RLUNG THAMS CAD DBU MAR TSUD PA'I RJES SU 'BYUNG 'JUG MI BGRANG BAR SNYING GA'I MI SHIGS PA'I THIG LE AA YIG LA, RLUNG RNAMS BSDUS NAS DER SEMS GTAD DE BSGOMS PAS RLUNG KUN RTOG RNAMS ZHI BAR BYED PAS, YONGS DAG CES BYA'O, ,MDOR NA RDOR BZLAS 'DI LA THOG MAR RLUNG DBU MAR 'JUG PA ZHIG DANG, TSUD PA'I RJES SU SNYING GA'I MI SHIGS PA LA DE RNAMS SDUD PA ZHIG DANG GNYIS SHES DGOS TE, BTZUD PA'I DGONGS PA NI DE YIN PA'I PHYIR RO, ,'GREL PAS DE DAG CAS PA RLUNG DE RNAMS ZHES DANG, RNAL 'BYOR GYI STOBS DANG DNGOS PO MED PA BSGOM PA'AM YI GE GSUM BSGOM PA DANG, SROG DANG RTZOL BA'I RNAM RTOG RNAMS ZHES BTON NAS ZAG BCAS LA PHYOGS PA LAS LOG NAS ZAG MED KYI DGE BA BSGOMS PAS SLAR MI SKYE BAR BKAG PA NI KUN NAS SPANGS PA'I DON DU 'CHAD MOD KYANG, RDOR BZLAS BSGOM PA'I TSUL BSHAD RGYUD KYIS RGYAS PAR BKRAL BA LA DRUG LAS MA BYUNG LA, 'DI DRUG GI NANG DU RLUNG DBU MAR BTZUD PA'I RJES SU MI SHIGS PA LA SDUD PA'I RNAL 'BYOR GCIG MED NA GZHAN NAS KYANG MI RNYED LA, RNAM RTOG GI RLUNG LOG NAS MI RTOG PA'I RTZA'I 'KHOR LOR RGYU BA'I RJES LA 'DI LTAR BSGOM DGOS ZHES PA'I SGOM TSUL YANG 'CHAD PAR 'GYUR BAS MI 'THAD DO, ,SGRON GSAL LAS, SROG RTZOL GYI SKABS SU SNYING GAR AA THUNG BSAMS NAS SROG NI THIG LER

GYUR PAR BZHAG CES PA'I DON MI SHIGS PA'I THIG LER SROG STE RLUNG RNAMS SDUD PAR BSHAD PA'I DON YANG 'DI YIN NO, ,DES NA 'GYUR YANG SROG DANG RTZOL BA'I RNAL 'BYOR RNAMS, KUN NAS RAB TU SPANGS NAS, ZHES BSGYUR BA NYID LEGS SO, ,RDO RJE PHRENG BA'I SKABS MANG POR SNGAGS KYI DE NYID DAM RDO RJE BZLAS PA ZLA BA DRUG BYA BAR GSUNGS PA'I ZLA BA RE RE LA JI LTAR BYA BA'I TSUL DANG RLUNG GI NYAMS MYONG JI LTAR SKYE BA'I RIM PA NI SNGAR BSHAD PA DE BZHIN DU RIG PAR BYA YI, BSHAD PA'I RGYUD KYIS LEGS PAR GTAN LA PHAB PA 'DI 'DRA BA'I RNAM BZHAG MA NGES PAR RDOR BZLAS KYI SGOM TSUL MA BSHAD PA GZHAN LA MAN NGAG TU BYED PAS NI, BLO GROS CHEN PO BSHAD PA'I RGYUD LA DRIS PA RNAMS MGU BAR MI NUS TE, BSHAD PA'I RGYUD KYI RJES 'BRANGS NAS, ,BLA MA'I ZHAL LAS RTOGS PAR BYA, ZHES GSUNGS PA'I DON MA RNYED PA'I PHYIR RO, ,GNYIS PA NI, RDO RJE BZLAS PA'I RIM PA LAS, RTZA RGYUD KYIS SNGAGS THAMS CAD BSDUS PA YI GE GSUM DU GSUNGS PA DE SNGAGS KYI DE KHO NA NYID YIN PA DANG, DE'ANG DGONGS PA LUNG STON GYIS BSHAD PAR GSUNGS LA, DGONGS PA LUNG STON GYIS RLUNG LDANG 'JUG GNAS GSUM YI GE GSUM GYI NGO BOR ZLO BAR GSUNGS SO, ,RDO RJE PHRENG BA LAS, DNGOS ZIN LA RLUNG LA LDANG 'JUG GNYIS MA GTOGS PA GNAS PA ZUR DU MA BSHAD CING, DE GNYIS KYANG LE'U DRUG PA LAS, H'Um HO: GNYIS DANG SBYAR NAS ZLO BA DANG, DE LA SNGAGS KYI DE NYID DU GSUNGS SO, ,LE'U BCO LNGA PA LAS NI, SNGAR BSHAD PA LTAR YI GE GSUM GYI SNGAGS BTUS SHING, DE'ANG YI GE GSUM TZAM 'DON PA'I CHED MIN GYI RLUNG GI DE NYID LA

, ,MKHAS PAR BYA BA DANG, DE'ANG ZLA BA DRUG TU BZLAS PAS 'GRUB PAR GSUNGS TE, SNGAGS KYI DE KHO NA NYID GSUNGS PA'I LE'U DE NYID LAS, SKU GSUNG THUGS KYI RDO RJE RNAMS, ,SNGAGS NI GSUM GYIS BZLAS BRJOD BYA, ,DE YIS MYUR DU DNGOS GRUB 'GYUR, ,RLUNG GI DE NYID PHA ROL PHYIN, ,ZHES DANG, DE NYID KUN GYI DON BSDUS PA, ,SNYING GA'I PADMA MCHOG TU GSAL, ,ZLA DRUG BZLAS PAS 'GRUB PAR NI, ,'GYUR TE GZHAN DU MA YIN NO, ,ZHES GSUNGS SO, ,DE NA LDANG 'JUG GNAS PA GSUM RE RE DANG YI GE GSUM RE RE NAS SBYOR BA MI GSAL YANG, DGONGS PA NI DE LTAR YIN TE, 'PHAGS PA LHAS, DKYIL 'KHOR BZHI PO 'DI DAG NI, ,MNYAM PAR BZHAG PAS RTAG TU ZLOS, ,ZHES RDOR PHRENG LAS GSUNGS PA'I DON BKRAL BA NA, RLUNG LDANG 'JUG GNAS GSUM YI GE GSUM DANG SBYAR NAS ZLO BA'I DON DU BSHAD PA'I PHYIR RO, ,LAKIshM'A DANG AA LAM KA KA LA SHAS GSANG BA'I PADMAR 'GRO 'ONG STON, ZHES PA'I SKABS SU 'GRO BA DANG MI 'GRO BA DANG 'ONG BA ZHES BYA RGYU LA 'GRO 'ONG ZHES BAR GYI TSIG MI MNGON PAR BYAS PA'O ZHES 'CHAD DO, ,GZHAN YANG RDOR PHRENG LAS, RDOR BZLAS KYI SKABS SU YI GE HA ZLO BA DANG, H'Um YIG ZLO BAR GSUNGS PA'I SNGA MA NI RLUNG NYID LA BYED PAR SNGAR BSHAD ZIN LA, PHYI MA YANG SNGAGS KYI DE NYID KYI PHYOGS GCIG GI MTSON BYED YIN PAR BSHAD ZIN TO, ,'O NA RNAL 'BYOR PAS ZHAG GCIG LA NYI KHRI CHIG STONG DRUG BRGYA BZLA BAR NI BSHAD LA, DE NI RLUNG 'BYUNG 'JUG GNYIS GNYIS LA RE RER BYAS PA'I GRANGS YIN LA, DE GNYIS LAS MA GTOGS PA'I

GNAS PA'I DUS MED PA'I PHYIR AA DANG GNAS BA SBYAR NAS JI LTAR BZLA SNYAM NA, BOD KYI BLA MA SNGON DUS PA RNAMS, LDANG 'JUG GNYIS KYI BAR DU CUNG ZAD GNAS PA RE BYAS LA AA DANG SBYAR GSUNG NGO, ,DE LA PHYIS KYI BLA MA KHA CIG NA RE, DE LTA NA RANG GA BA'I BZLAS PA BSHAD PA DANG 'GAL ZHING ZHAG GCIG LA NYI KHRI CHIG STONG DRUG BRGYAR BSHAD PA MA TSANG BA'I SKYON DU 'GYUR BAS, CHED DU 'DZIN PA MI BYA BAR BZLA ZHES 'DOD DO, ,'DI LA'ANG BRGAL BA DE NYID DU DA DUNG 'JUG PAS DE'I LAN DA DUNG SMRA DGOS SHING, DE LTA NA RANG GAR RGYU BA LA LDANG 'JUG GNYIS MA GTOGS PA'I GNAS PA MED PAS AA YIG GNAS PA DANG SBYOR BA'I RLUNG GI GNAS PA DE SMRA DGOS SO, ,GAL TE RLUNG RDUB PA RDZOGS NAS SNA BUG TU PHYIR MA BYUNG BA'I BAR SKABS YOD PAS DE'O SNYAM NA, NANG DU 'JUG PA RDZOGS MA THOG PHYIR RGYU BA'I MGO ZUG PAS DE GNYIS LA NI BAR SKABS MED LA, NANG NAS SNA BUG TU MA SLEB PA'I BAR LA GNAS PAR BYED NA, SNA BUG NAS NANG DU ZHUGS MA THAG NAS RANG GNAS SU MI SLEB BAR YANG GNAS PAR BYA DGOS PAS 'GRO 'ONG LA GNAS PA'I MING BTAGS PA TZAM MO, ,DES NA ZHAG GCIG LA NYI KHRI CHIG STONG DRUG BRGYAR BSHAD PA NI, RLUNG 'GRO 'ONG GNYIS MA GTOGS PA GNAS PA ZUR DU MA BYAS PA'I LUGS YIN LA, RANG GA BAR 'JUG PA'I BZLAS PA'ANG DE NYID YIN NO, ,YI GE GSUM DANG SBYOR BA'I TSE NI AOm DANG H'Um LAS LOGS SU AA YIG YOD PA BZHIN DU 'JUG LDANG GNYIS LAS LOGS SU GNAS PA BYA DGOS PAS NANG DU RNGUBS ZIN PA'I DE MA THAG TU NANG DU GNAS PA RE CHED DU BYAS NAS PHYIR LDANG BA H'Um DANG SBYAR RO, ,DE TZAM GYIS RANG GA BA'I

, ,BZLAS PAR BSHAD PA DANG 'GAL NA, YI GE GSUM DANG SBYOR BA'ANG RANG BZHIN PA'I RLUNG LA MED PAS DE'ANG DE DANG 'GAL BAS RDOR BZLAS MA YIN PAR 'GYUR RO, ,GNYIS PA LA GSUM, SNYING GA'I RTZA MDUD RDOR BZLAS KYIS 'GROL BAR BSTAN PA, DE NYID RTZA MDUD GROL BA GZHAN LAS MCHOG YIN TSUL, RDO RJE BZLAS PA GCIG TU GSUNGS PA'I RGYU MTSAN NO, ,DANG PO NI, RGYUD RDOR PHRENG GI LE'U DRUG PA LAS, SNGAGS KYI DE NYID KYIS DE 'BYED, ,RNAL 'BYOR MDUD PA BKROL NAS NI, ,RLUNG GI DE NYID RIG PA DE, ,KHYAD PAR DBYE BA'I SBYOR BA YIS, ,SBYOR BA DE YANG MI RIG GO ,ZHES SNGAGS KYI DE NYID RDOR BZLAS KYIS RTZA MDUD 'BYED CING DE'ANG GZHAN GYIS MI RIG PAS RTOGS DKA' BA DANG DON DE RNAL 'BYOR MA'I DRIN GYIS ZHAL NAS ZHAL DU BRGYUD PAR GSUNGS SO, ,DE NAS GSANG BDAG GIS, THIG LE'U DBYE BA RIGS BCAS PAS, ,GANG SHES MYUR DU RNAL 'BYOR MCHOG ,SBYOR BAS MDUD PA 'BYED PAR BYED, ,KHAMS GSUM PA YI 'GRO BA 'DI, ,MYUR DU DNGOS GRUB MCHOG TU 'GRO, ZHES THIG LE'I DBYE BA RIGS PA DANG BCAS PA GANG GIS SHES PAS RTZA MDUD PHYE NAS DNGOS GRUB MCHOG TU MYUR DU 'GRO BA BSTAN DU GSOL ZHES ZHUS PA'I LAN DU, SNYING GI PADMA'I SBUBS MKHA' LA, ,ZHES SOGS SNGAR DRANGS PA LTAR GSUNGS TE SNYING GA'I DBUS KYI RTZA MDUD KYI DBU MA'I SBUBS NA MI SHIGS PA'I THIG LE YOD PA DANG, RTZA DE'ANG 'BYED DKA' BA'I MDUD PA GSUM GYIS DKRIS NAS YOD PA DANG, MDUD PA DES SROG THUR GNYIS DE NAS 'GRO BA'I GO SKABS BKAG PAS YAN MAN DU

RGYU MI NUS PAR GSUNGS SHING, YANG RNAM SHES KYI SHING RTA'I RLUNG BAG CHAGS KYIS BSLAD PAS 'KHOR BAR 'KHYAMS PAS DE BZLOG PA'I PHYIR THIG LE'I DBYE BA STE SNGAGS KYI DE NYID BSGOM PA LA 'BAD PAR GYIS SHIG CES GSUNGS NAS, MA RIG GZHAN GYIS MI SHES PA, ,DBUS KYI MDUD PA DE YANG NI, ,DE PHYE NA NI DNGOS GRUB 'GYUR, ,ZHES GSUNGS SHING, DE NAS MAR 'DOD PAS CHU SRUB PA DANG, RGYA MTSO'I PHA MTHA'I SA LA 'GRO BAR 'DOD PAS LAM RGYUS MI 'DRI BAR 'GRO BA NI DKA' BA SPYOD PA TZAM DU ZAD KYIS 'DOD PA'I 'BRAS BU MED PA BZHIN DU, MAN NGAG DANG BRAL BA'I SGRUB PA POS 'BAD KYANG, 'DOD PA'I 'BRAS BU MED PAS DKA' BA CHER BYED PA TZAM DU ZAD DO, ,DES NA RNAL 'BYOR MA'I ZHAL DANG BLA MA'I ZHAL NAS BRGYUD PA'I MAN NGAG BSLAB BO ZHES GSUNGS PA NA, GSANG BDAG GIS GDAMS NGAG DE GSUNG BAR ZHUS SO, ,DE'I LAN DU SKAL MED KYI BSAM PA'I DBANG GIS RGYUD KUN TU SPAS NAS GANG DU'ANG GSAL BAR MA BYAS PA BSHAD PAR BYA'O ZHES GSUNGS NAS H'Um DANG HO: YI RDOR BZLAS BSHAD DE, , 'DI NI MTSON PA TZAM STE YI GE GSUM GYI RDOR BZLAS KYANG DE DANG 'DRA'O, ,DE GNYIS KYI MING LA SGRA DANG THIG LE ZHES GSUNGS PA'I DON 'GREL PAS SNYING GA'I MDUD PA'I STENG DU SGRA STE H'Um DANG SMIN MTSAMS KYI DBUS SU THIG LE STE HO: BSGOM PA DANG DANG POR LDANG 'JUG GI RLUNG GNYIS LA H'Um DANG AOm GYI SGO NAS SEMS BZUNG, DE NAS DBU MA NAS RGYU BA'I RLUNG NGA DRUG RKANG BCAS LA SEMS BZHAG PA'I RJES LA AA YIG LA BZHAG GO ,DE'ANG TSEG DRAG GNYIS LA MOS PAS SO, ,DE GNYIS KYANG H'Um HO: GNYIS

, ,LA MOS PAR BYA'O, ,YI GE GSUM PO DE NYID LA ZHUGS TE H'Um YIG KYANG CHA SHAS SU BRTAGS PAS THIG LE SMIN MA'I DBUS SU GNAS PA LA RLUNG GI NGO BOS BSDU BAR BYA'O ZHES PA MAN NGAG TU 'CHAD DO, ,DE LTAR NA RLUNG DBU MAR ZHUGS PA'I SPYI TZAM MIN GYI DBU MA'I BYE BRAG KHYAD PAR CAN DGROL DKA' BA'I SNYING GA'I RTZA MDUD BKROL NAS DE'I GNAS SU RLUNG RNAMS 'JUG DGOS SHING, DE NAS RDOR BZLAS SNGAGS KYI DE NYID GCIG PUS BYED PAR GSUNGS SO, ,GNYIS PA LA GNYIS, RDO RJE GSUM GYI YI GE'I DON BSHAD PA'I SGO NAS RLUNG DBU MAR 'JUG PA BSTAN PA DANG, DE GSUM GYI NANG NAS GTZO BO GANG YIN NGOS BZUNG BA'O, ,DANG PO NI, RGYUD RDOR PHRENG GI SKU GSUNG THUGS KYI SNYING PO BSHAD PA'I LE'U LAS, DANG POR AOm YIG GI DON BSHAD PA'I SKABS SU, AOm NI SKU YI RDO RJE YI, ,SNYING PO RU NI YANG DAG BSHAD, ,YI GE AA NI YI GE AO, ,YI GE MA ZHES BYA BA GSUM, ,ZHES AOm GYI YI GE GSUM NGOS BZUNG STE 'GREL PAR AO YIG MED PA'I AU YIG YOD PA NI LE'U BCO LNGA PA DANG MTHUN NO, ,DE LA AA YIG GI DON NI DE NYID LAS, AA NI CHOS 'KHOR PADMAR GNAS, ,RLUNG GI 'KHOR LO LA NI KHYAB, ,'DI NYID KHO NA RLUNG CHEN PO, ,SROG CES BYA BA THAMS CAD GSUNGS, ,ZHES PA'I DON NI SNYING GNAS SMIN DBUS KYI RLUNG GI 'KHOR LO'I BAR LA KHYAB PA'I SROG 'DZIN GYI RLUNG STE, DES RLUNG THAMS CAD BSDUS ZHES 'GREL PAR 'BYUNG NGO, ,AU YIG GI DON NI DE NYID LAS, AO NI LONGS SPYOD 'KHOR LOR GNAS, ,ME DANG NYI MA 'DRA BA YI, ,MGRIN PA'I MTHAR GNAS SPYI GTZUG MTHAR, ,

KHYAB PA GZI BRJID KYI NI LUS, ,ZHES GSUNGS SO, ,'GREL PAR AU NI ZHES 'BYUNG BAS AU YIG GI DON NI MGRIN PA LONGS SPYOD KYI 'KHOR LO LAS SPYI GTZUG BDE CHEN GYI 'KHOR LO'I BAR DU KHYAB PAR GNAS PA, ME DANG NYI MA'I 'OD DANG MTSUNGS PA'O, ,GZI BRJID KYI LUS NI 'BAR BA'I NGO BO'O, ,'DIS MGRIN PA'I 'OD ZER DMAR PO'I NGO BO NYID KYI GYEN RGYU'I RLUNG AU YIG GI DON DU BSTAN NO, ,MA YIG GI DON NI, BDE CHAN 'KHOR LO ZHES BYAR GNAS, ,YI GE MA NI THIG LE TZAM, ,MTHO BA'I TSAD NI SOR BCU GNYIS, RGYAL PO GTZUG TOR GNAS NA GNAS, ZHES SO, ,DE LA SMIN MTSAMS NAS YAR LA SOR BCU GNYIS SU MTHO BA'I TSAD GTZUG TOR GYI GNAS NA GNAS PA'I THIG LE MA YIG GI DON NO, ,RKANG PA THA MA LA 'GREL PAS BRGAL BAR BYAS NAS STENG DU GNAS ZHES 'BYUNG NGO, ,H'Um YIG GI SKABS SU, DE DAG GCIG GYUR SNYING GA LA, ,THUGS KYI SA BON DU NI BRJOD, ,CES GSUNGS NAS GZHAN GNYIS LA DE'I DOD RA MA GSUNGS KYANG, DE LA DPAGS NAS GO NUS PAS, 'DIR YANG, DE DAG GCIG GYUR SPYI BO LA, ,SKU YI SA BON DU NI BRJOD, ,CES SBYAR RO, ,DE LTAR BYAS NA SPYI BO BDE CHEN GYI 'KHOR LO'I LTE BAR RANG GNAS KYI THIG LE DANG SROG 'DZIN DANG GYEN RGYU DANG GSUM GCIG TU BSDUS PA NI SKU RDO RJE'I YI GE AOm GYI DON NO, ,A'A: YIG LA AA GNYIS DANG HA DANG GSUM YOD PA'I AA YIG SNGA MA'I DON SNGAR DANG 'DRA STE, YI GE AA NI SNGAR BSHAD ZIN, ,SROG GI RLUNG NI MCHOG YIN NO, ,ZHES GSUNGS SO, ,AA NI CHOS 'KHOR PADMA LAS, ,MGRIN PAR YI GE AA NYIS 'GYUR, ,ZHES PA NI SROG RLUNG SNYING GA'I PADMA LAS BYUNG NAS MGRIN

, ,PA DANG GNYIS KA LA KHYAB PAR BYED PAS, AA YIG NYIS 'GYUR GYI A'A RING PO STE AA YIG GNYIS KA'I DON GCIG TU BYAS PAS A'A RANG POR SONG BA'O, ,SROG NYID DANG NI THUR SEL BA, ,YI GE HA YIS KUN NAS NI, ,MGRIN PA'I DBUS NA GNAS PA BCINGS, ZHES PA NI, GSUNG GI RDO RJE'I YI GE GSUM PA HA YIG GIS KUN NAS BSTAN PA'I DON THUR SEL GYI RLUNG NGO, ,YI GE GSUM GYI DON GCIG TU GYUR PA NI MGRIN PA LONGS SPYOD KYI 'KHOR LO'I LTE BAR A'A: YIG YIN PAS, MGRIN PA'I 'KHOR LO'I DBUS NA GNAS PA GYEN RGYU DANG SROG THUR GNYIS DANG GSUM PO GNAS DER BCINGS PA STE GCIG TU BYAS PA NI GSUNG RDO RJE'I YI GE A'A: YIG GI DON DU SHES PAR BYA'O, ,H'Um YIG LA HA DANG AU DANG MA GSUM YOD PA'I HA NI, ,HA NI THUR SEL MING CAN RLUNG, ,BSHANG SGO GSANG BA'I DBUS NA GNAS, ,ZHES GSUNGS TE BSHAD SGO NAS GSANG GNAS KYI PADMA'I DBUS BAR DU GNAS PA'I THUR SEL NI HA YIG GI DON NO, ,YI GE AU NI STENG 'GRO'I RLUNG, ,MGRIN PA'I PADMA'I DBUS NA GNAS, ,ZHES PA NI, MGRIN PA'I PADMA'I DBUS NA GNAS PA'I STENG 'GRO STE GYEN RGYU'I RLUNG NI AU YIG GI DON NO, ,YI GE MA NI SROG RLUNG YIN, ,DPRAL BAR RLUNG GI 'KHOR LO LA, ,ZHES PA NI SMIN MTSAMS RLUNG GI 'KHOR LO'I BAR DU KHYAB PA'I SROG 'DZIN GYI RLUNG NI MA YIG GI DON NO, ,DES NA DE DAG GCIG GYUR ZHES SOGS GSUNGS TE, SROG THUR GNYIS DANG GYEN RGYU GSUM SNYING GA'I PADMA'I LTE BAR GCIG TU GYUR PA NI THUGS RDO RJE'I YI GE H'Um YIG GI DON NO, ,DE DAG GIS NI YI GE GSUM 'DUS PA LAS AOm YIG SOGS GSUM DU GYUR NAS GNAS GSUM NA

GNAS PA'I NGES DON GYI BSHAD PA BYAS PAS 'KHOR LO GSUM GYI LTE BA'I DBU MA'I NANG DU SROG THUR DANG GYEN RGYU'I RLUNG RNAMS TSUD PA RDO RJE GSUM GYI YIG DON DU BSHAD DE, 'KHOR LO GSUM GYI DBUS KYI RTZA MDUD GSUM GROL BA'I GNAS SU RLUNG RNAMS TSUD PA YI GE GSUM GYI DON DU BSTAN PA'O, ,GNYIS PA LA GNYIS, SNYING GA'I DBUS NA RLUNG GSUM SBYOR BA GTZO BO YIN PA'I TSUL DNGOS DANG, RLUNG 'GOG PA'I THABS BSHAD PA'O, ,DANG PO NI, DE NAS GSANG BDAG GIS, RDO RJE GSUM GYI YIG DON DANG, ,GNAS KYI DBYE BA RTOGS LAGS NA, ,'DI RNAMS DBUS NA BDAG PO GANG, ,JI LTA BU ZHIG GTZO BOR GSUNGS, ZHES RDO RJE GSUM GYI YI GE'I DON RLUNG RNAMS GCIG TU SBYOR BA GSUM DANG GANG DU SBYOR BA'I GNAS SPYI BO LA SOGS PA GSUM RTOGS LAGS NA, GSUM PO 'DI RNAMS KYI DBUS NA STE NANG NAS BDAG PO GANG YIN, JI 'DRA ZHIG GTZO BOR BZHED CES DRIS SO, ,DE'I LAN DU, GSANG BA MCHOG TU GSANG BA YI, ,SBAS PA'I DON NI KHYOD 'DRI BA, ,RGYUD RNAMS KUN TU MA GSUNGS PA, ,RAB TU BSHAD KYIS MNYAN PAR GYIS, ZHES GSUNGS TE, SNYING MGRIN SPYI BO'I 'KHOR LO GSUM GYI DBUS KYI RTZA MDUNG GROL BA'I GNAS SU SROG THUR LA SOGS PA'I RLUNG RNAMS BSRES PA 'DI GSUM GYI NANG NAS GNAD 'DI TSE ZHES PA NI GSANG BA LAS KYANG CHES GSANG BA RGYUD GZHAN DU SBAS PA YIN PAS DE BSHAD DO, ,ZHES GSUNGS TE, 'DI'I DON LA NGES PA RNYED DGOS SO, ,DE NAS THUGS KYI SA BON BDAG PO STE, ,KUN GYI NANG NAS RNAM RTOG MED, ,GANG PHYIR GTZO BO GZHAN RNAMS NI, ,'GRIB DANG DE BZHIN 'PHROG PAR BYED, CES GSUNGS TE, GSUM PO KUN GYI

, ,NANG NAS THUGS KYI SA BON GYI DON SNYING GA'I RTZA MDUD GROL BA'I NANG DU RLUNG GSUM GCIG TU BYED PA NA BDAG PO STE, ZHES PA NI DRI BA SNGA MA'I LAN NO, ,DE NYID GTZO BO YIN NO ZHES PA NI PHYI MA'I LAN NO, ,DE'I RGYU MTSAN GANG GI PHYIR NA, GNAS SNYING GA'I MDUD PA GROL BA'I GNAS SU RLUNG GCIG TU BYED PA DE RNAM PAR RTOG PA DANG RNAM RTOG BSKYED PA'I RLUNG THAMS CAD MED PA STE GCOD PAR BYED PA'I PHYIR TE, RNAM RTOG MED PA LAS GZHAN RNAM RTOG DANG DE'I RLUNG RNAMS NI DES 'GRIB PAR BYED PA DANG 'PHROG PAR BYED PA'I PHYIR RO, ,DE NI DRI BA'I SKABS SU BDAG PO GANG YIN GTZO BOR JI 'DRA ZHIG GSUNGS ZHES GNYIS DRIS PA'I LAN DANG SBYAR BA YIN NO, ,YANG NA GTZO BO GZHAN NI THUGS RDO RJE LAS GZHAN PA SKU RDO RJE DANG GSUNG RDO RJE STE, DE GNYIS KYI GNAS SU GYUR PA'I SPYI BO DANG MGRIN PA'I RTZA MDUD RNAMS THUGS RDO RJE'I RTZA MDUD GROL BA DES 'JIG PAR BYED PA NI RIM PA BZHIN DU 'GRIB PA DANG 'PHROG PAR BYED PA'I DON DU SBYAR RO, ,'GREL PAS, YI GE GSUM GYI NANG NAS H'Um YIG GTZO BO YIN TE, CHOS THAMS CAD NI SEMS LA RAG LAS PA'I PHYIR RO, ,KUN GYI NANG NAS ZHES PA'I DON KUN BYANG GI GNAS SKABS GNYIS PO THAMS CAD LA RNAM RTOG GIS SEMS KYI RANG BZHIN LA GOS PA MED PA DANG, GANG GI PHYIR TE LUS NGAG DANG SEMS KYI SA BON GANG LAS BYUNG BA'I RNAM RTOG BRGYA RTZA BRGYAD 'GRIB PA DANG RLUNG RNAMS 'PHROG PAR BYED PA NI, RANG BZHIN YONGS SU SHES NAS SPANG BAR 'CHAD DE, YI GE GSUM GYI DON SNGAR BSHAD PA GSAL POR MA MKHYEN ZHING, SNYING GA'I DBU MA'I GNAD GTAN

MA RTOGS PAR SNANG NGO, ,DE LTAR RGYU MTSAN DES NI SPYI BO DANG MGRIN PA'I DBUS KYI AA BA DH'U T'I'I NANG DU RLUNG 'JUG NUS KYANG SNYING GA'I RTZA MDUD 'JIG MI NUS PAS RNAM RTOG KUN GCOD MI NUS PAR BSTAN TO, ,DE NAS, RNAM PAR RTOG PA'I RLUNG GNYIS NI, ,LUS KUN LA NI KHYAB PAR BYED, ,SNA YI BU GA LAS NI RGYU, ,LUS LA RTAG TU 'BYUNG BAR BYED, ,'GRO BA DRUG GI 'KHOR LO'I LAM, ,GANG GI STOBS KYIS KHYAB PAR BYED, ,CES GSUNGS PA NI, GCOD BYA RNAM RTOG GI RLUNG BSTAN PAR BZHED NAS BSHAD PA YIN TE RLUNG GNYIS NI SROG DANG THUR SEL LO, ,LHAG MA NI GO SLA'O, ,DE NAS, GSUM PA RNAL 'BYOR PA YIS RTOGS, ,RNAM RTOG MED PA RMAD BYUNG CHE, ,RLUNG RNAMS THAMS CAD 'GOG PAS NA, ,SKYE BA DE NYID RTOGS PA'O, ZHES GSUNGS TE, GSUM PA NI THUGS RDO RJE'I YIG DON SNYING GA'I RTZA MDUD GROL BA'I GNAS SU RLUNG BCUG PA'O, ,RTOGS PA NI RNAL 'BYOR PA LA DE MNGON DU GYUR PA'O, ,DE'I TSE RNAM RTOG MED PA RMAD DU BYUNG BA STE NGO MTSAR BA'I LHAN CIG SKYES PA'I YE SHES SKYE ZHES SBYAR RO, ,DE NYID RTOGS PA NI SMAD BYUNG GI DON NO, ,RGYU MTSAN NI RLUNG DANG RNAM RTOG THAMS CAD 'GOG PA STE MI SHIGS PA LA SDUD NUS PA'I PHYIR RO, ,'DI NI SNGAR THUGS KYI SA BON BDAG POR BSHAD PA'I RGYU MTSAN GSAL DU BTANG BA YIN NO, ,GNYIS PA LA GSUM, THABS DNGOS DANG, THABS LAS BYUNG BA'I 'BRAS BU DANG, DE'I RTAGS BSHAD PA'O, ,DANG PO NI, DE NAS, RLUNG NI THAMS CAD 'GOG PAS NI, ,YANG DAG RIGS PA BDAG GIS BSHAD, CES 'BYUNG STE 'GREL BA LAS, RLUNG NI THAMS CAD 'GOG PA YANG,

, ,ZHES 'BYUNG BA LEGS SO, ,DON NI RLUNG THAMS CAD 'GOG PA'I RIGS PA STE THABS KYANG BDAG GIS BSHAD DO ZHES PA STE, SNYING GA'I RTZA MDUD BGROL NAS DBU MAR RLUNG 'GOG PA'I THABS 'CHAD PA'O, DE NAS SPRUL PA CHOS KYI 'KHOR LO'I DBUS, ,'DIR NI PADMA GNYIS SU GSUNGS, ,DRUG CU RTZA BZHI BRGYAD 'DAB GNYIS, ,STENG DANG 'OG TU KHA BLTAS BZHIN, ZHES GSUNGS TE RE BZHI'I 'DAB MA NI SPRUL PA'I 'KHOR LO LA YIN LA, BRGYAD KYI 'DAB MA NI CHOS KYI 'KHOR LO LA STE DE LTAR GNYIS SO, ,RKANG PA BZHI PA LA 'GREL PAS DE DAG ZA MA TOG BZHIN GNAS ZHES 'BYUNG BA LEGS LA, DE'I DON NI SNYING GA'I PADMA KHA THUR BA LTA DANG, LTE BA'I PADMA KHA STENG DU BLTA BAR SAm BHUtA LAS BSHAD PA LTAR GNAS PAS ZAM TOG KHA SBYOR DANG 'DRA BAR GNAS PA'O, ,STENG 'OG YANG DAG BRTEN NAS NI, ,SROG DANG THUR SEL RGYU BAR BYED, ,DE GNYIS KHO NA RTOG BCAS PA'I, ,RLUNG GNYIS SU NI GSAL BAR GSUNGS, ,SKU DANG GSUNG GI SNYING PO GNYIS, ,LA LA NA DANG RA SA NA, ,AA WA DH'U TI MCHOG GI RTZA, ,ZHES GSUNGS TE, GZHAN SLA LA 'GREL BAS SROG THUR GNYIS SKU DANG GSUNG GI SNYING POR BSHAD PA NI, 'DI NYID LAS, LA LA NA DANG RA SA NA, ,AA BA DH'A T'I ZHES BYA'I MING, ,SKU GSUNG THUGS KYI RANG BZHIN DANG, ZHES LA LA NI SKU DANG RA SA NA GSUNG DU BSHAD PA DANG MI MTHUN PAS, RTZA GNYIS DANG SKU GSUNG GNYIS SBYOR BA YIN GYI RLUNG GNYIS DANG SBYOR BA MIN NO, ,DE NAS, DE GNYIS DBU MA MCHOG GI MCHOG ,RNAM RTOG MED PA'I RLUNG GANG YIN, ,RTAG TU RGYU ZHING KUN LA KHAB, ,RNAL 'BYOR GANG THOB

RTAG TU NI, ,SEMS CAN DON BYED NUS PAR 'GYUR, ,RLUNG GI RANG BZHIN BYE BRAG NI, ,BRGYA DANG BRGYAD LAS GANG RGYAL BA, ,DUS KUN TU NI RGYAL NAS GNAS, ,RNAL 'BYOR BYIS PAS MI SHES PA, ,SKAD GCIG MNGON RDZOGS BYANG CHUB, ,DE YIS THOB PAR RGYUD 'DIR GSUNGS, ,DE NI GANG TSE SKAD CIG 'THOB, ,DE NI SKAD CIG MCHOG TU GSUNGS, ,DE YANG JI LTAR THOB PAR BYED, ,DE LA RIGS PA RU NI BRJOD, THOG MA RNAL 'BYOR PA CHEN PO, ,BLO BZANG GIS NI ZHI GNAS BSGOM, ,BSKYED PA'I RIM PA'I SBYOR BA YIS, , KHRO BO'I PHYAG RGYA BYAS NAS KYANG, ,DBANG PO YI NI SGO DGU LA, ,THAMS CAD DU NI KUN SDOM PA, ,H'Um BZLAS PA NI MTSUNGS MED BYA, ,MCHOG TU RGYUN MI 'CHAD PAR NI, ,ZLA BA DRUG TU BYAS NAS KYANG, ,DE RJES SKAD CIG DE LA THOB, ,CES GSUNGS TE 'OD GSAL MNGON PAR BYANG CHUB PA DE RTZA DBU MAR RLUD CHUD PAS 'THOB PA DANG, DE LA THOG MAR BSKYED RIM MTHAR BYUNG NAS DE NAS RDO RJE BZLAS PA ZLA BA DRUG BYAS PAS 'THOB PAR BSTAN TE, SNGAR RLUNG 'GOG PA'I THABS BSHAD CES PA'I THABS NI 'DI'O, ,DE DAG GI DON SNGAR YANG BSHAD ZIN TO, ,DE NAS, GANG PHYIR DE NI BZLAS BYAS NA, ,SNYING GA'I PADMA'ANG STENG BLTAS 'JIG ,DE NAS GSANG BA'I PADMA YI, ,KHA SBYOR BA NI BYE NAS KYANG, ,RNAM PAR RTOG PA'I RLUNG GNYIS NI, ,DE NAS RNAM PAR BSHAD NAS 'GRO ,ZHES GSUNGS TE, ZLA BA DRUG TU RDOR BZLAS RGYUN MI 'CHAD DU BYAS PA'I RJES LA MNGON PAR BYANG CHUB PA 'OD GSAL PA 'THOB PA'I TSUL, ,GANG PHYIR TE 'DI LTAR RDOR BZLAS DE BZLAS PAR BYAS NA, DE'I MTHAR SNYING GA'I PADMA'I RTZA MDUD 'JIG

, ,GO; DER MA ZAD KHA STENG DU BLAS PA'I SPRUL PA'I 'KHOR LO'I RTZA MDUD KYANG 'JIG GO ,DE NAS GSANG GNAS KYI PADMA'I RTZA MDUD KYI KHA SBYOR BA'ANG BYE NAS 'GRO'O, ,DE'I TSE RNAM PAR RTOG PA'I RLUNG SROG THUR GNYIS RTZA GNAN LA RGYU BA RNAM PAR BCAD NAS DBU MAR 'GRO'O, ,'GREL PAR SNYING GA'I PADMA'I STENG BLTAS 'GRO, ZHES BTON NAS ZA MA TOG LTA BU DE'I KHA BYE BAS STENG PHYOGS SU 'GRO BAS TE KHA GAB BYE BAR 'GYUR RO, ,DE NAS GSANG BA'I PADMA SPRUL PA'I 'KHOR LO BYE BA STE ZA MA TOG BCINGS PA LTA BU DE BZLOG PA LA 'CHAD DE, KHA SBYOR BYE BA'I DON SNGAR BSHAD PA'I ZA MA TOG LTAR GNAS PA'I KHA SBYOR DE BYE BA LA 'DOD DO, ,DE NI STENG 'OG TU BLTA BA TZAM YIN GYI RTZA 'KHOR GNYIS KHA SBYOR DU YOD PA MIN PAS 'DIR NI MDUD PA 'JIG PA YIN TE, RGYUD KYI SKABS MANG POR RDOR BZLAS KYIS MDUD PA 'BYED PA DANG MDUD PA 'JIG PA DANG MDUD PA 'JOMS PAR GSUNGS PA'I PHYIR RO, ,RGYUD 'DIR RTZA 'KHOR DRUG BSHAD PA'I NANG DU GSANG GNAS KYI RTZA 'KHOR MA BSHAD KYANG, LKOG MA SNYING GA LTE BA DANG, ,GSANG BA'I PADMAR 'GRO 'ONG STON, ,ZHES PA'I SKABS SU LTE PA LAS LOGS SU GSANG GNAS KYI PADMA'AM 'KHOR LO BSHAD PAS SNYING GA'I PADMA'ANG STENG BLTAS 'JIG ,CES 'DON PA LTAR LEGS SO, ,DES NA SNYING GA'I PADMA DANG STENG LTAS SO SOR BYAS LA 'GRO ZHES MI BYA BAR 'JIG PA'I DON DU BSHAD DO, ,SNYING GA'I RTZA MUD ZHIG PAS LTE BA DANG GSANG BA'I RTZA MDUD 'JIG PAR 'DIR BSTAN LA, LONGS SPYOD DANG BDE CHEN GYI 'KHOR LO'I RTZA MDUD 'JIG PAR SNGAR BSHAD CING SMIN MTSAMS KYI RTZA

MDUD 'JIG PAR 'CHAD PAR 'GYUR BAS, SNYING GA'I RTZA MDUD GROL BA'I MTHUS RTZA MDUD GZHAN THAMS CAD 'GROL BAR BSTAN NO, ,RGYUD 'DIR SNYING GA LA RTZA MDUD BSHAD PA MA GTOGS PA GZHAN RNAMS DE BZHIN DU MI GSAL YANG, DE DAG LA RTZA MDUD MI BZHED PA MIN TE, GSANG BA'I PADMA YI, KHA SBYAR BA NI BYE NAS KYANG, ,ZHES GSUNGS PA'I KHA SBYOR NI RTZA MDUD YIN LA, KYANG GI DON NI DE'ANG BYE ZHES PA'I DON YIN PAS, STENG BLTAS 'JIG ,CES PAR KHA SBYOR ZHIG PA YIN PAS, LTE BA DANG GSANG GNAS LA'ANG RTZA MDUD YOD PAR BSTAN NO, ,DES NA 'KHOR LO GZHAN LA'ANG RTZA MDUD YOD PAR DPAG NUS SO, ,STENG DANG 'OG TU KHYAB PA NYID, ,SO SOR LU GU RGYUD TSUL DANG, ,RTZA RNAMS KUN LA KHYAB NAS NI, ,ZHES SNGAR DRANGS PA 'DIS KYANG RTZA GSUM LU GU RGYUD KYI TSUL DU STENG 'OG TU KHYAB PAR GSUNGS TE, LU GU RGYUD NI LCAGS SGROGS GI RNAM GRANGS YIN PAS RO RKYANG GNYIS KYIS AA BA DH'U T'I LA 'KHYUD PA'I RTZA MDUD STON PA'O, ,GNYIS PA NI, DE NAS, RNAM RTOG MED PA'I RLUNG CHEN PO, ,SKU GSUNG RDO RJE BCAD NAS NI, ,RNAM RTOG MED PA BDE BA STER, ,SNGAGS KYI DE NYID KYIS NI 'THOB, ,AA BA DH'U TI'I RGYUN LA GNAS, SMIN DBUS RLUNG GIS PHYE BYAS NAS, ,DE THOB THOB BYAS DGA' BA NI, ,RGYUN DU 'CHAR ZHING MI ZAD PA, ,CHAGS SOGS BRAL ZHING ZHI BA DANG, ,RANG RIG BDE BA CHEN PO YI, ,ZHES SKU DANG GSUNG GI RDO RJE'I RTZA GNYIS LA RGYU BA'I RNAM RTOG GI RLUNG GNYIS BCAD NAS, MI RTOG PA'I RLUNG CHEN PO DBU MAR ZHUGS PAS RNAM RTOG MED PA'I BDE BA CHEN PO STER BA NI, SNGAGS KYI DE KHO NA NYID RDOR BZLAS KYIS THOB PAR BYED PAR GSUNGS SO, ,SMIN MA'I DBUS KYI RLUNG GI 'KHOR LO'I RTZA MDUD DBU MAR

, ,ZHUGS PA'I RLUNG GIS PHYE NAS AA BA DH'U T'I GCIG PU'I RGYUN TE LAM LA RLUNG GNAS PAR 'GYUR RO, ,DE THOB PA NA THOB PA DES BYAS PA STE DES BSKYED PA'I DGA' BA 'AM BDE BA CHEN PO NI RGYUN DU 'CHAR ZHING MI ZAD PA 'BYUNG ZHES PAS BDE BA SKYES PA DE BRTAN PAR GSUNGS SO, ,CHAGS SOGS NI RGYUD 'DI'I LE'U GSUM PAR BSHAD PA'I DUG GSUM LA SOGS PA'I RTOG PA BRGYA RTZA BRGYAD DE, DE RNAMS ZHI BA DANG RNAL 'BYOR PA RANG GIS RIG GI GZHAN GYIS MI RIG PA'I BDE BA CHEN PO LHAN CIG SKYES PA'I DGA' BA 'CHAR RO, ,RDOR BZLAS KYIS RLUNG DBU MAR BCUG PAS BDE BA CHEN PO SKYE BA'I BDE BA NI, SPYI BO'I BYANG CHUB KYI SEMS ZHU BA'I BDE BA YIN LA, DE 'JU BA LA LTE BA'I GTUM MO'I MI 'BAR DGOS PAS RLUNG DBU MAR ZHUGS PAS ME SBOR LUGS JI LTAR YIN SNYAM NA, 'DI NI GNAD SHIN TU CHE STE, 'DI MA SHES NA RDOR BZLAS KYIS DGA' BA BZHI ZHES PA 'AM STONG PA BZHI'I YE SHES BSKYED TSUL MI SHES PAS, RDOR BZLAS KYIS SEMS DBEN GYI YE SHES BSKYED PA'I GO RIM LA NGES PA MI RNYED DO, ,DE'I PHYIR THOG MAR RDOR BZLAS KYIS GTUM MO SBOR BA DANG DES KUN RTOG THAMS CAD 'JOMS PAR BSHAD PA NI, RDOR PHRENG LAS, GANG PHYIR MKHA' 'GRO RNAMS SDUD PA, ,DE PHYIR BSDUS PA'I MKHA' 'GROR BRJOD, ,LTE BA'I DBUS NA RTAG BZHUGS PA, ,NYI MA STONG DANG MTSUNGS PA'O, ,YE SHES CHEN PO'I ME 'BYUNG BAS, ,KUN RTOG THAMS CAD 'JOMS PAR BYED, ,'CHAR BAS PHUNG PO'I RNAM RTOG NI, ,BSREG BYAS BAR CHAD MED PA'I LUS, ,DE RJES KHAMS KYI RNAM RTOG NI, ,BSDUS NAS SLAR YANG RANG

BZHIN GYIS, ,GZUNG DANG 'DZIN PA'I RNAM RTOG NI, ,DE RJES DE NA SLAR YANG SDUD, ,DE LTAR GANG LA PHYE LEB BZHIN, ,'CHING BA THAMS CAD SREG PAR BYED, ,RLUNG GI DE NYID MNGON SBYOR BAS, ,SNGAGS KYI DE NYID RIG PA YIS, ,RNAM PAR RTOG PA TZAM YANG NI, ,BSREG PA TZAM DU THE TSOM MED, ,CES GSUNGS PA LTAR RO, ,DE LA RKANG PA DANG PO BZHIS LTE BA NA GNAS PA'I GTUM MO'I NGO BO BSTAN TO, ,DE NAS GNYIS KYIS DE 'BAR BAS RNAM RTOG 'JOMS PA SBYOR BSTAN LA, DE NAS GNYIS DANG BYED DANG GNYIS DANG PHYED GSUM GYIS RIM PA BZHIN DU PHUNG PO DANG KHAMS DANG GZUNG 'DZIN GYI RNAM RTOG SDUD PAR GSUNGS SO, ,BAR CHAD MED PA NI YANG DANG YANG DU'AM RGYUN DU'I DON YIN LA LUS NI LUS LA BSREGS ZHES PA'O, ,'GREL PAS PHUNG PO NI SANGS RGYAS LNGA'I SA BON DANG, KHAMS NI YUM BZHI'I SA BON DANG, GZUNG 'DZIN NI SPRUL PA DANG LONGS SPYOD KYI 'KHOR LOR GNAS PA'I RNAM RTOG GAM, YANG NA RTZA GA-YON PA DANG GA-YAS PA LA BKOD PA'I YI GE'O, ,ZHES 'CHAD DO, ,DE LTAR ZHES PA GNYIS NI RNAM RTOG BSREG PA'I DPE DON SBYOR BA'O, , DE NAS GNYIS KYIS NI GTUM MO SPAR NAS RNAM RTOG BSREG PA RLUNG GI DE NYID LDANG 'JUG GNAS PA DANG, SNGAGS KYI DE NYID YI GE GSUM SBYOR BA RIG PA YIS BYED PAR BSHAD DE, DES NI RNAM RTOG PHRA BA YANG SREG PAR THE TSOM MED PAR GSUNGS SO, ,'GREL BAR SNGAGS KYI GZUGS KYI RIM PA YIS, ZHES BTON NAS BSKYED RIM SGOM PA SNGON DU 'GRO BA LA BSHAD DE, RGYA GAR GYI DPE LA MI 'DRA BA MANG PO YOD PAR MNGON YANG, 'GYUR SNGA MA LTAR LEGS SO, ,YANG DE NYID LAS, RLUNG GI DE NYID YANG DAG BRTEN,

, ,YI GE H'Um GIS BSKUL NAS NI, ,ME YI 'KHOR LOR RAB SAD BYED, CES RLUNG GI DE KHO NA NYID LA BRTEN PA'I SNGAGS KYI DE KHO NA NYID KYIS BSKUL NAS ME'I 'KHOR LO STE GTUM MO RAB TU SAD PAR BYED PAR GSUNGS TE, H'Um YIG NI MTSON PA TZAM MO, ,SPYIR LTE BA'I GTUM MO SBAR NAS BYANG SEMS BZHUS PA'I MTHUS RNAM RTOG SPONG BAR BYED PA LA, LUS LA GNAD DU BSNUN PA'I RDZOGS RIM KHUNGS THUB THAMS CAD MTHUN YANG, GTUM MO SBOR LUGS LA MI 'DRA BA MANG PO GSUNGS TE, KHA CIG LAS 'BAR 'DZAG GI DMIGS PA BSGOMS NAS BYED, KHA CIG LAS BUM PA CAN BSGOMS NAS BYED, KHA CIG LAS LUS KYI GNAD RNAMS SU YI GE DANG THIG LE BSGOMS NAS BYED PA SOGS BSHAD PA'I GNAD KYIS, RGYUD SO SO DANG DE'I DGONGS 'GREL SO SOS GANG RTZAL DU BTON NAS 'CHAD PA MI 'DRA BA MANG PO YOD PA LAS, MGON PO KLU SGRUB KYIS GZHAN RNAMS MA BSHAD PAR RLUNG GI RNAL 'BYOR RDO RJE'I BZLAS PA NYID LA RTZAL DU BTON NAS 'CHAD PAS 'DI NYID KYIS GTUM MO SBAR NAS BYANG SEMS BZHUS TE DGA' BA BZHI DANG STONG PA BZHI ZHES BSHAD PA'I YE SHES RNAMS BSKYED NAS 'OD GSAL DU 'JUG TSUL STON PA YIN NO, ,DES NA GDAMS NGAG DER DNGOS SU 'BAR 'DZAG GI DMIGS PA MA BSHAD KYANG MTHAR GTUM MO 'BAR NAS BYANG SEMS BZHU BA LA 'JUG PA YIN PAS, 'BAR 'DZAG GI DMIGS PA YOD PA RNAMS KYI LTAR NA GTUM MO LAM DU BYED LA, MA BSHAD PA RNAMS KYI LTAR NA GTUM MO LAM DU BYED PA MIN NO SNYAM DU MI BZUNG STE, BDE BA CHEN PO'I YE SHES BSKYED

NAS BDE STONG DBYER MED DU SBYAR TE LAM BGROD DGOS PAR MTHUN ZHING, DE'I BDE BA NI BYANG SEMS ZHU BA'I BDE BA YIN LA, DE ZHU BA NI GTUM MO 'BAR BA KHO NAS SGRUB PA'I PHYIR RO, ,DA NI GTUM MO'I ME GANG GIS SBOR BAR BSHAD PAR BYA STE, SAm BHU tA DANG RDO RJE MKHA' 'GRO LAS, LAS KYI RLUNG GIS BSKUL BA YIS, ,LTE BA'I DKYIL 'KHOR DU NI 'BAR, ,ZHES RLUNG GIS GTUM MO SBOR BAR GSUNGS SO, ,DE YANG ZHAL LUNG LAS, GSANG GNAS KYI RLUNG GA-YOS PAS ME SBOR BAR GSUNGS SO, ,GTUM MO THOG MAR 'BAR BA'I GNAS NI LTE BAR AA THUNG DANG, SUM MDOR GNAS PA'I KshA YIG TSANGS PA'I MER GSUNGS PAS DE NAS 'BAR BA YIN GYI GNAS GZHAN NAS MIN PAS GSANG GNAS KYI RLUNG GIS SBOR BAR BSHAD DO, ,DE YANG DBU MA NAS RGYU BA GCIG YIN TE, RDOR PHRENG LAS, DBUS SU RLUNG RGYU BA, ME SAD BYED PAR SHES PAR BYA, ZHES DBU MA NAS RGYU BA'I RLUNG GIS GTUM MO'I ME SAD PAR BYED PAR GSUNGS SO, ,LAS KYI RLUNG GIS BSKUL BA YIS, ,ZHES PA'I DON MAN SNYER LAS KYIS BSKUL BA'I RLUNG GIS ZHES PAR BKRAL ZHING, BSKUL BA'I LAS KYANG DBANG PO GNYIS SBYOR BA'I BYA BA'I LAS DANG, BSGOM PA'I BYA BA'I LAS GNYIS LA BSHAD PA LTAR LEGS SO, ,DE LA DBANG PO GNYIS SBYOR GYI LAS KYIS ME SAD BYED KYI RLUNG BSKUL LUGS DANG, DES SBAR BA'I MES RTZA GNAS NAS KHAMS BZHU TSUL DANG, DE LA BRTEN NAS BDE BA SKYE LUGS NI RDOR PHRENG LAS 'DUS PA ZHES PA'I TSIG GI DON GSUNGS PA'I GNAS NAS, DPA' BO RNAL 'BYOR MA SBYOR BA, ,GANG TSE GSANG BA'I RTZE GNYIS NI, ,YANG

, ,DAG SBYAR BAS REG GYUR PA, ,DE TSE NAM MKHAR RNAM RGYAS NYID, ,NAM MKHA' LAS NI SKYES PA'I RLUNG, ,DE YIS ME NI RAB TU 'BAR, ,RTZA NI STONG PHRAG BDUN CU GNYIS, ,RTZA RNAMS RAB SAD ME DE YIS, ,BDE BA KUN GYI GO 'PHANG MCHOG ,BDE BA CHEN PO BYANG CHUB SEMS, ,RNAM PAR ZHU NAS RTZAR GNAS PA, ,RDOR GSUM RANG BZHIN GCIG GYUR PHYIR, ,KHAMS RNAMS RO GCIG GYUR BA DANG, ,PHUNG PO RNAMS NI YONGS ZAD DANG, ,NGAL BSO BA LAS RLUNG RNAMS NI, ,DGA' BA RNAMS NI YANG DAG SKYE, ,ZHES GSUNGS SO, ,DE LA YAB KYI GSANG GNAS KYI RTZA AA BA DH'U T'I'I MAR SNA DANG, YUM GYI GSANG GNAS KYI RTZA MKHA' 'GRO GDONG GI MAR SNA GNYIS PHRAD PA'I TSE, RTZA DE GNYIS KYI KHONG STONG GI NAM MKHA' RGYAS PAR 'GYUR RO, ,RTZA SBUBS KYI NAM MKHA' RGYAS PA DE LAS NI DE'I NANG DU RLUNG GSAR DU SKYE BAR 'GYUR TE, DE NI ME SAD BYED KYI RLUNG DBANG PO GNYIS SBYOR GYI BYA BAS BSKUL BA STE LHAG MA NI GO SLA'O, ,'GREL PAS, RNAL 'BYOR MA'I LTE BA'I DBUS KYI AA YIG GI DBYUG PA BCAG PAS DE'I NAM MKHA' RGYAS PA LA 'CHAD DO, DON DU MA MTHONG NGO, ,'O NA LAS DANG POS BSKUL TSUL DE LTA YIN NA, BSGOMS PA'I LAS KYIS BSKUL TSUL JI LTAR ZHE NA, RDOR BZLAS LA SOGS PA'I RLUNG BSGOM PA LA SOGS PA'I BYA BAS KYANG AA BA DH'U T'I'I NANG DU RLUNG ZHUGS PAR BYAS PAS RTZA DE'I NAM MKHA' RGYAS PAR 'GYUR LA, DE LAS ME SAD BYED KYI RLUNG SKYE ZHING DES NI ME SBOR LA DES KYANG KHAMS ZHU BAR BYED DO, ,'DI LA GZHUNG GZHAN LAS ME GTUM MO 'BAR BAS KHAMS ZHU BA LA BRTEN NAS DGA' BA BZHI SKYE BA'I RIM PA'I SGO NAS LHAN SKYES LEGS PAR NGOS

ZIN PAR BYAS NAS, DE NYID KYI RGYUN SKYONG BA NYID KYIS LAM BGROD PA TZAM ZHIG 'CHAD LA, 'PHAGS PA YAB SRAS KYI GZHUNG LAS NI GTUM MO 'BAR BA LA BRTEN NAS BYANG SEMS BZHUS PA'I MTHUS SA CHU LA THIM PA LA SOGS PA'I THIM RIM GYI SGO NAS STONG PA GSUM GYI YE SHES BSKYED NAS 'OD GSAL DU 'JUG TSUL GTZO BO 'CHAD PAS, STON TSUL CUNG MI 'DRA STE, 'DI'I RGYU MTSAN GNAD CHE BAS LEGS PAR SHES PAR BYA'O, ,GSUM PA NI, RGYUD RDOR PHRENG LAS, 'DIR NI RGYU MTSAN BSHAD PAR BYA,, SNGAGS GRAB PA YI RNAL 'BYOR PAS, ,'DAR DANG RDUL DANG BA SPU LANGS, ,RTAG TU DGA' BA'I BSAM PA DANG, ,GDONG NI ZANGS MDOG YID DU 'ONG, ,KUN GYIS MTHONG NA DGA' BA DANG, ,GRANG LHAG TSAD PA LA SOGS DANG, ,'JIG RTEN CHOS DANG DE BZHIN GZHAN, ,RNAL 'BYOR SNGAGS KYI DE NYID NI, ,GNOD PA NYID DU MI 'GYUR RO, ZHES SO, ,SNGAR RANG RIG BDE BA CHEN PO YI, ZHES BSHAD PA DE'I RGYU MTSAN TE RTAGS 'DIR NI BSHAD PAR BYA ZHES BYA'O, ,SNGAGS GRUB PA NI RDOR BZLAS MTHAR PHYIN PA'O, ,GDOR NI BYAD BZHIN NO, ,ZANGS MDOG NI ZANGS DANG 'DRA BAR 'BAR BA'O, ,GRANG BA DANG LHAG PAR TSA BA LA SOGS PA DANG, 'JIG RTEN CHOS BRGYAD DANG, DE LAS GZHAN PA'I RJES SU CHAGS PA DANG KHONG KHRO BA'I RGYU RNAMS KYIS KYANG SNGAGS KYI DE NYID BSGOM PA LA GNOD PAR MI 'GYUR RO, ,'DI NI SPYOD BSDUS LAS KYANG RGYAS PAR GSUNGS SO, ,GNYIS PA NI, RLUNG DGU BRGYA RE LA LHA MO BZHI'I RLUNG GI SBYOR BA BZHIR BYED PA'I NANG GI BDAG NYID KYI DUS 'DI NYID GSAL BAR BYED PA NI 'DUS PA'I RGYUD PHYI MAR GSUNGS

, ,SO ZHES BYA'O, ,JI LTAR ZHE NA, RIG PA RIG MA GNYIS RNAM GRANGS PAR MANG DU BSHAD PAS RIG PA STE SHES RAB LHA MO'I CHO GA STE RLUNG GI SBYOR BA 'DI YIS NI THUN TE ME LA SOGS PA'I DKYIL 'KHOR BZHIR RAB TU SBYOR BA LAS, SNGAGS TE RDOR BZLAS KYI YAN LAG MA NYAMS PA'I NGANG NAS SNGAGS TE BZLAS PAR BYA'O, ,BZLAS TSUL NI YI GE GSUM GYI GRANGS KYI RLUNG GSUM MTSON PAR BYA BA STE DE'I NGO BOR SHES PAR BYAS LA BZLA'O, ,LAKshM'IS, STONG PA BZHI GANG GIS RIG PAR 'GYUR BA NI RIG PA STE GOS DKAR MO LA SOGS PA'O, ,DE RNAMS GANG DU SBYOR BA NI DE'I CHO GA STE DKYIL 'KHOR BZHI'O, ,DE RNAMS KYI 'JUG PA LA SOGS PA'I RIM PAS SNGAGS YI GE GSUM BZLA BAR BYA'O, ,DE BZHIN DU THUN MTSAMS BZHI NA DKYIL 'KHOR BZHI KHO NA STE, DE RNAMS KYI SBYOR BA NI SNA GA-YAS PA LA SOGS PA'I DBYE BAS 'OD ZER 'BYUNG BA'I RIM PA STE DE LA'O, ,YANG NA THUN MTSAMS BZHI NI NYIN MTSAN GYI NANG GI DUS KYI RIM PA LA'O, ,JI LTAR BZLAS NA MTSON BYA MTSON BYED GRANGS RNAMS GYIS, ,ZHES TE MTSON PAR BYA BA NI KHA DOG DMAR PO LA SOGS PA'I 'OD ZER RO, ,MTSON PAR BYED PA NI 'JUG PA LA SOGS PA'O, ,GRANGS NI NYIS BRGYA NYER LNGA SOGS SO, ,ZHES 'CHAD DO, ,TSIGS BCAD 'DI DA LTA 'GYUR BA'I RGYUD PHYI MA LA MI SNANG ZHING, N'A RO PAS KYANG DE'I 'GREL PAR MA BSHAD KYANG, RGYUD LA CHAD PAR GSAL LO, ,GSUM PA NI, RDOR BZLAS BSGOM PA'I RNAL 'BYOR PAS RDO RJE BZLAS PA BAR CHAD CAN TE BAR CHAD DU GYUR PA'I PHYI ROL NGAG DANG YID KYI BZLAS PAR SPANG BAR BYA'O,,

SNGAGS DON ZHES PA LAKshM'IS, SNGAGS KYI BZLAS PA NI RDO RJE CAN MNGON DU BYA BA'I PHYIR YIN LA, GAL TE RNAL 'BYOR PA DE NYID RDO RJE CAN GYI BDAG NYID DU GYUR NA RDO RJE'I BZLAS PA'I RANG BZHIN GYI RNAL 'BYOR PA DES JI LTAR ZLOS PA STE BZLA BAR BYA BA MA YIN NO, ,BSKYED RIM PAS SPANGS NA NI DAM TSIG NYAMS PAR 'GYUR RO, ,DE'I DPE BSTAN PA NI, GLANG PO CHE STOR BA 'TSOL BA POS GLANG PO DE RNYED NA DE'I RJES MI 'TSOL LO, ,DE BZHIN DU SNGAGS KYI LUS RDO RJE 'CHANG CHEN POR GYUR PA DE YIS, GZHAN DAG GI BZLAS PA SOGS 'TSOL BAR BYED PA MA YIN NO ZHES 'CHAD DO, ,'DI LTAR RTOGS TE SNGAGS DON NI SNGAGS KYI DE KHO NA NYID DE, DE YANG BCOM LDAN 'DAS RDO RJE CAN TE RDO RJE 'CHANG GI SKU GSUNG THUGS RDO RJE'I BDAG NYID YI GE GSUM RLUNG GSUM GYI NGO BOR ZLOS PA'O, ,DE RNYED NAS PHYI ROL GYI SNGAGS JI LTAR ZLO BA RIGS TE MI RIGS SO, ,DE'I DPE NI, GLANG PO ZHES PA GNYIS SO, ,DE DANG DON SBYOR BA NI SNGAR BSHAD PA'I SNGAGS KYI LUS RANG NYID LA MNGON DU GYUR NAS YOD PA DE BZHAG NAS GZHAN DAG GI BZLAS PA SOGS TSOL BAR BYED DAM STE MI BYED DO, ,GZHAN YANG RDO RJE 'DZIN PA GANG ZHIG RLUNG GI SBYOR BA STE RNAL 'BYOR GSUM SHES PA DANG LDAN PA'I MIS NI, LHA SPYAN DRANG BA STE BOD PA DANG, LAS SGRUB PA LA GSHEGS SU GSOL BA STE BSKUL BA DANG, DE BZHIN DU RANG GNAS SU BZHUGS SU GSOL BA BYED PA YANG BZLAS PA 'DIS 'GRUB STE, RLUNG NANG DU 'JUG PA YIS NI SPYAN DRANG BA DANG, MYUR BA STE PHYIR LDANG BA YIS NI GSHEGS SU GSOL BA DANG, LDANG 'JUG GNYIS KA MIN PA NANG DU GNAS PA

, ,YIS BZHUGS SU GSOL BAR BYED PA'I PHYIR RO, ,DBUGS MED DNGOS GRUB BLA MED PA'O, ,ZHES PA 'DON PA LTAR NA LAKshM'IS 'BYUNG 'JUG GI DBUGS LA SOGS PA DANG BRAL BA'I MA NING GIS BZLAS PAS DNGOS GRUB MCHOG 'GRUB PAR BSHAD LA, SNA TSOGS GNAS PAS DNGOS GRUB MCHOG ,CES PA LTAR NA 'BYUNG 'JUG SNA TSOGS PA DE NYE BAR GNAS NANG DU GNAS NA DNGOS GRUB MCHOG 'GRUB BO ZHES BYA'O, ,'BYUNG BA NI RLUNG PHYIR LDANG BA'O, ,RNAM SDUD NI NANG DU RDUB PA'O, ,GNYIS KA MIN PA NI GNAS PA'O, ,SNGAGS SBYOR BA NI RLUNG YI GE GSUM GYI NGO BOR ZLA BA'O, ,RNAM PAR BRJOD CES PA LA RLUNG ZHES KHYAD PAR SPROS PA NI GSANG BAR BYA BA'I DON NO, ,RLUNG SNGAGS SBYOR TSUL JI LTAR ZHE NA, DES NA RNAL 'BYOR GYI DBANG PHYUG RDZOGS RIM PA'I GSANG BA STE NANG GI YI GE GSUM RLUNG DANG SBYOR BA BSHAD PAR BYA'O ZHES SBYAR RO, ,DE'ANG RDO RJE 'CHANG SGRUB PA'I THABS KYI DAM PA STE MCHOG RNAL 'BYOR TING NGE 'DZIN GYI 'BRAS BU DNGOS GRUB STER BA'O, ,DE NYID BSHAD PA NI SNGAGS GANG ZHIG YID LA BSAMS PA TZAM GYIS NI SNGAGS ZLO BA'I RNAL 'BYOR CAN DE RNAL 'BYOR PA LA MCHOG STER BAR 'GYUR BA'O, ,TZAM GYI SGRAS PHYI'I YI GE LA BLTOS PA GCOD DO, ,SNGAGS PHAL CHE BA'I DANG POR SBYOR BAS NA DANG PO'I YI GE NI AOm MO, ,DE'I SBYOR BA NI RNAL 'BYOR GYIS RTAG TU DBUGS NI RNGUB PAR BYA ZHES GSUNGS TE, DBUGS RNGUB PA NA AOm YIG GI GDANGS KYIS RDUB PA'O, ,K'A LI'I SDE TSAN BRGYAD PA NI SHA shA SA HA'O, ,DE'I MTHA' NI HA'O, ,YI GE AU NI THIG LER BCAS PA SA HA DE DANG LDAN PAR BYAS PAS H'Um NGO, ,

DES NI RNAL 'BYOR PAS DBUGS GTONG BAR BYED DO, ,DE LTA BU 'DI NI CI DGA' BA'I BZLAS PA STE LHUN GYIS GRUB PA'I BZLAS PAR BSHAD DE DE GNYIS KYIS RLUNG GNAS PA A'I RANG BZHIN DU BYED PA'ANG MTSON NO, ,'DI LA LAKshM'IS, GSANG BA'I YI GE GANG ZHIG MGRIN PA DANG, SNYING GA DANG LTE BA DANG GSANG GNAS SU BSAMS PA STE DRAN PA TZAM GYIS RNAL 'BYOR PA RNAMS KYIS, SEMS CAN LA MCHOG STE 'DOD PA'I DON STER BAR 'GYUR RO, ,DE BSHAD PA NI LTE BAR RTZIBS BRGYAD PA'I CHOS KYI 'KHOR LO'I DBUS SU MAR ME LTAR 'BAR BA'I YI GE DBYANGS KYI DANG PO A'I SBYOR BA STE, DE LA RTZE GCIG PA'I TING NGE 'DZIN GYIS DBUGS TE DBYANGS GSAL GYI RANG BZHIN GYI SANGS RGYAS RNAMS SDUD PA'I YI GE GSUM RTAG TU SPRO BAR BYA'O, ,RTAG TU DBUGS NI SPROS PA YIS, ,ZHES 'DON NO, ,SNGAGS RNAMS KYI RANG BZHIN NI 'OD GSAL GYI AA YIG DE LAS 'BYUNG ZHING DER THIM PA STE NAM MKHA' LA SPRIN BZHIN NO, ,DE LAS ME STAG GI TSUL DU YI GE GSUM BYUNG STE SKU DANG GSUNG GNYIS THUGS LA BSDUS NAS GSANG BA'I YI GE DKYIL 'KHOR BZHI LA MOS PAR BYA'O, ,DE LA HA MGO MED NI SNYING GA DANG, MGO BO NI MGRIN PA DANG, SGRA NI AU STE LTE BA DANG, SGRA'I MTHA' NI THIG LE GSANG BA'I PADMA GNAS SO, ,DE'I DANG PO NI RLUNG LDANG BA DANG, GNYIS PA NI RLUNG GNAS PA DANG,, GSUM PA NI RLUNG NANG DU 'JUG PA DANG, BZHI PA NI DE THAMS CAD BSDUS PA DBUGS DANG BRAL BA BSTAN TE, GSANG BA'I YI GE GCIG PUS LDANG BA SOGS DANG, 'OD GSAL GYI BAR GYI TING NGE 'DZIN BSTAN TO, ,LHA MO BZHIS ZHUS LAS, MGO MED

, ,SNYING GA'I PADMAR GNAS, ,KHA YI PADMAR MGO BO GNAS, ,LTE BA'I PADMAR SGRA GNAS TE, ,SGRA MTHA' GSANG BA'I PADMA LA'O, ,'GRO DANG 'ONG BAR BYED PA 'DI, ,THIG LE'I RNAL 'BYOR RAB TU 'JUG ,CES GSUNGS PA'I PHYIR RO, ,DE NYID BTU BA NI, BRGYAD PA'I MTHA' ZHES PA GNYIS TE, YI GE 'DI NYID KYIS 'JUG LDANG GNAS PA GSUM RNAL 'BYOR PAS BYED PA NI, CI DGA' BA STE MOS PA'I DBANG GIS BZLAS PAR BSHAD DE, DE LTA NA LDANG BA'I RLUNG KHO NAS BZLAS KYI GZHAN GNYIS MA YIN NO ZHE NA, NYIN MTSAN GYI RLUNG RNAMS RLUNG GSUM LAS MI 'DA' LA, DE LA RNAL 'BYOR PA'I MOS PA'I DBANG GIS YI GE GCIG LA DMIGS NAS BYED NA YI GE GZHAN MI DGOS TE DE'I PHYIR CI DGA' BA'I BZLAS PAR BSHAD DO, ,YANG NA H'Um YIG GCIG PU LA'ANG CHA PHYE BA LA DMIGS NAS 'JUG PA SOGS BYED PAS GRANGS LA 'GAL PA MED DO ZHES 'CHAD DO, ,'DI LA RGYA DPE LA RTAG TU DBUGS NI RNGUB PAR BYED, CES PA DANG, RTAG TU DBUGS NI SPRO BAR BYED, CES PA GNYIS KA YOD PAR SNANG NA'ANG, GNYIS KA MIN DANG SNGAGS SBYOR BA, ZHES GSUNGS PA'I DON 'CHAD PAR SNANG LA, DE NI RDO RJE GSUM GYI SNGAGS DANG SBYOR BAR RNAM GZHAG RIM PA LAS GSAL BAS, DANG PO'I YI GE AOm NI KYEE RDOR LAS SNGAGS THAMS CAD KYI DANG PO DANG ZHES GSUNGS PA LTAR BYAS NAS, RTAG TU DBUGS NI RNGUB PAR BYED, ZHES GSUNGS PA BZHIN DU BYAS NA LEGS PA 'DRA'O, ,NYIN ZHAG GCIG GI BZLAS PA'I GRANGS NI KHRI PHRAG GNYIS DANG ZHES PA BZHI'O, ,LAKshM'IS GSANG BA'I DGONGS PA STE DGONGS

PA LUNG STON PA'I RGYUD DE RU PHRA MO'I RNAL 'BYOR TE RLUNG SNGAGS KYI DE KHO NA NYID KYI BDAG NYID GSANG BA'I YI GE STON PAS BSHAD DO, ,DE LA SNGAGS KYI SKU LA SEMS PA SOGS KYI BSAM GTAN DANG KHA TON TE NGAG GI BZLAS PA MED MOD KYANG, PHRA MO'I RNAL 'BYOR RANG BZHIN GYIS GRUB PA'I PHYIR BZLAS PAR BSHAD PA YIN NO, ,ZHES BSHAD DO, ,YANG NA GSANG BA'I YI GE'I BZLAS PA DE 'DUS PA 'DIR GSUNGS PA'I PHRA MO'I RNAL 'BYOR GYI DON YIN PAR GSANG BA'I YI GE'I DGONGS PA LUNG STON PA'I BSHAD RGYUD KYIS BSHAD PA YIN NO, ,KLOG DANG KHA TON MED MOD KYI, ZHES KYANG 'BYUNG BA LTAR GO SLA LA, KLOG DANG BSAM GTAN ZHES 'DON PA LTAR NA KLOG PA NI NGAG TU BTON PA'I BZLAS PA'O, ,BSAM GTAN NI YID LA SNGAGS BZLAS PA'O, ,RDOR BZLAS NI RLUNG GI GDANGS LA DMIGS NAS YI GE GSUM GYI GDANGS SU ZLO BA YIN PAS YI GE GSUM TZAM LA DMIGS NAS YID BZLAS BYED PA DANG MI 'DRA'O, ,'DUS PA'I BSHAD RGYUD DGONGS PA LUNG STON GYIS RLUNG GSUM SNGAGS GSUM DANG DBYER MI PHYED PAR BZLA BAR GSUNGS PA 'DI NYID KYIS, RTZA RGYUD KYIS LHA THAMS CAD KYI THUGS RGYUD BSKUL NAS ZLOS PA PO LA DGONGS PAR BYED PA'I SNYING PO GSUM GYI SNGAGS BSDUS PAR GSUNGS PA DE 'CHAD PAR GSUNGS PAS, BZLAS BYA'I SNGAGS THAMS CAD YI GE GSUM DU 'DU BA DANG, DE ZLO BA'I BZLAS PA'I MTHAR THUG RDOR BZLAS YIN PA DANG, DE'I RGYU MTSAN GYIS LHA THAMS CAD KYI THUGS BSKUL BA'I MCHOG KYANG DE NYID DU SHES SO, ,LHA THAMS CAD KYI SNGAGS KYI BZLAS PA'I GRANGS RDZOGS PAR BYED

, ,PA NI 'DI MIN PA LA MED PAS SNGAGS RNAMS KYIS LAS 'DI DANG 'DI 'GRUB PAR GSUNGS PA THAMS CAD KYANG 'DI NYID KYIS 'GRUB PA LA NGES PA RNYED PA DGOS SO, ,'DI NYID RDO RJE'I BZLAS PAR GSUNGS PAS DON RTOGS PA'I ZHES PA BZHI'I DON KYANG 'DIR GO NUS LA, RGYUD 'DIR RLUNG SNGAGS THA DAD DU BZUNG NAS ZLO BA SLONG MO ZA ZHING ZLOS PAR BSHAD PA YIN PAS DE MI BYA ZHES GSANGS PAS SLONG MO ZHES PA BZHI'ANG GO BAR NUS SO, ,BSKYED RIM LAS 'DAS PA DANG, LUS DBEN YE SHES KYI RANG BZHIN YIN PAS GZUGS MED PA'I PHYIR BZLAS PA 'DI'I RTEN NI SGYU MA LTA BU'I TING NGE 'DZIN GYIS RANG BZHIN GYI SKU DANG, RDO RJE BZLAS PAS, GNYIS MED RNAM RGYAL NAS 'CHAD PA BZHIN GYI CHO GAS, YANG DANG YANG DU BRTEN CING GOMS PAR BYAS PAS ZHI SOGS KYI LAS THAMS CAD BSGRUB PAR BYA'O ZHES LAKshM'IS BSHAD DO, ,CHO GA JI BZHIN BRTEN BYA ZHING, ZHES 'DON TO, ,RDOR BZLAS KYI RTEN NI LUS DBEN RIGS GCIG PA'I TING NGE 'DZIN DU BYA DGOS LA, DE LA BRTEN NAS RDO RJE BZLAS PA 'DI YIS NI BSNYEN PA STE RDO RJE BZLAS PA STAR BSHAD PA'I CHO GA BZHIN DU BYAS TE CHOS THAMS CAD SGYU MA LTA BUR SHES PA'I TING NGE 'DZIN DANG LDAN PAS ZHI SOGS KYI LAS THAMS CAD BSGRUB PAR BYA'O ZHES BSHAD DE, DGONGS PA LUNG STON LAS, MKHAS BAS SGYU MA MIG 'PHRUL BZHIN, ,'GRO BA KHAMS GSUM PO LA BYA, ZHES RDOR BZLAS KYI SKABS SU GSUNGS PA'I PHYIR RO, ,BZHI PA NI, RTZA RGYUD DU GSUNGS PA'I SNGAGS KYI DE NYID RDOR BZLAS KYIS MCHOG SGRUB PAR GSUNGS PA 'DI'ANG GNYIS MED RNAM RGYAL

ZHES PA'I RNAL 'BYOR CHEN PO'I RGYUD DU GSUNGS SO, ,ZHES RDOR BZLAS KYI SKABS SU GSUNGS SO, ,YE SHES GSUM BSKYED PA'I THABS GZHAN GANG DANG YANG MNYAM PA STE MTSUNGS PA MED PA'I SNGAGS RDOR BZLAS NI BZLAS NAS YE SHES GSUM GYI SGRUB PA'I BDAG NYID CAN GYI RNAL 'BYOR PAS DNGOS GRUB MCHOG BSGRUB PAR BYA STE, DE YIS ZLA BA GCIG GIS NI 'JIG RTEN GSUM GYI BDAG NYID RDO RJE 'CHANG 'GRUB PAR GDON MI ZA'O, ,LAKshM'IS YI GE GSUM BZLAS NAS 'KHOR LO BZHIN DU NYIN DANG MTSAN DU RGYU BAR SHES NAS SGRUB PA'I BDAG NYID NI RNAL 'BYOR PAS 'OD GSAL BA'I BDAG NYID MA NING GI BZLAS PAS BSGRUB PAR BYA'O, ,ZHES SNGAR CHO GA ZHES PA'I DON BSTAN NO, ,DE'I PHAN YON NI ZLA BA GCIG GIS KHAMS GSUM PA'I SEMS CAN YUL DU BYAS PA'I LAS CHOGS RNAMS 'BAD PA MED PAS 'GRUB CES 'CHAD DO, ,SGRON GSAL LAS ZLA BA GCIG GIS 'GRUB PAR GSUNGS PA RNAMS LA, PAKshA ZHES PA ZLA BA GCIG GAM PHYOGS GNYIS DANG LDAN PA LA ZER BAS KUN RDZOB DANG DON DAM PA'I PHYOGS GNYIS GCIG TU GYUR PA'I ZUNG GIS MCHOG 'GRUB PA LA 'CHAD PA LTAR 'DIR YANG SBYOR RO, ,RLUNG GI BZHON PA CAN GYI RNAM SHES LAS BYUNG BA'I SNGAGS 'BUM PHRAG DRUG LDAN BZLAS NA ZLA BA NYA LA 'GRUB PA STE RDO RJE BZLAS PA MTHAR THUG PAR 'GYUR RO, ,GANG GI TSE NA, DRUG PA RDO RJE SEMS DPAR PHYAG BYAS PA STE DE YID LA DMIGS NAS BZLAS PA'I TSE'O, ,DE'ANG ZHAG LNGA LNGA LA NYI KHRI CHIG STONG DRUG BRGYA RE BYAS PAS BSDOMS NA STONG PHRAG BRGYAD DANG 'BUM PHRAG GCIG YIN MOD KYANG GRANGS MANG NYUNG DU 'GYUR BA BKAG NAS 'BUM

, ,PHRAG GCIG TU BYAS PAS ZLA BA GCIG LA DRUG 'BUM MO, ,'BUM PHRAG DANG PO NAS DRUG PA'I BAR RE RE LA RNAM SNANG LA SOGS PA'I 'KHOR LO SGYUR BA DRUG GI BZLAS PA BYAS PAS THA MAR RIGS DRUG PA RDO RJE SEMS DPA'I BZLAS PA'O ZHES ZLA BA GCIG GIS 'GRUB PA'I BZLAS PA'I GRANGS BSHAD DO ZHES LAKshM'IS BSHAD DO, ,KHA CIG GIS RNAM SHES TE 'OD GSAL BYUNG BA'I SNGAGS NI RLUNG NGO, ,'BUM PHRAG DRUG NI GRANGS TE RLUNG LNGA DANG 'OD GSAL LO, ,DE DRUG DANG LDAN PA'I RDOR BZLAS BYAS KYANG, RDO RJE SEMS DPAR RANG GIS RANG GI YE SHES MTHONG BA'I PHYAG BYAS NA ZLA BA NYA BA DANG 'DRA BA'I RTOGS PA RDZOGS PAR 'GYUR RO, ,ZHES 'CHAD MOD KYANG 'GRIG PAR MI SNANG NGO, ,'DI RDOR PHRENG DANG BSTUN NA, ZLA BA DRUG GI THA MA'I RDOR BZLAS RAGS PA'I RTZIS DRUG 'BUM BYAS, DER MA ZAD DE BYAS NAS KYANG STE BYAS PA'I 'OG TU RDO RJE STONG PA GSUM SEMS DPA' DE GSUM MNYAM PAR SBYOR BA'I NYER THOB KYI SGO NAS YUL YUL CAN THA MI DAD KYI PHYAG BYAS NA RDO RJE SEMS DPA' SGYU MA'I SKU DE 'GRUB PAR 'GYUR RO,, YUL CAN NI ZLA BA PHYED KYIS ZHES PA 'AM, CHU NANG DU SHAR BA'I ZLA BA NYA GANG BA LTA BU'I YAN LAG DANG NYING LAG THAMS CAD RDZOGS PA'I SKU 'GRUB BO, ,RDOR BZLAS BSGOM PA DE LA BRTUL ZHUGS TE SBYANGS PA'I YI DAM BSHAD PA MED DE, 'DOD YON LAM DU BYED PA DANG DE 'GAL BA'I PHYIR RO, ,BZLAS PA'I GRANGS KYI RTEN PHRENG BA'I DBYE BA RNAMS MI DGOS TE, RTAG TU RGYU BA'I SROG RTZOL NYID DE'I PHRENG BA YIN PAS SO, ,PHYI'I SNGAGS BZLAS PA'ANG MI DGOS PA NI DE DANG 'DRA'O, ,SNA RTZER BLTA BA'I SGO NAS RTOG PA DGAG

PA DANG SKYIL KRUNG BCING BA SOGS MI DGOS TE, DKYIL 'KHOR BZHI SHAR BA'I DUS KYI 'OD KYI THIG LE LA SEMS GTAD PAS CHOG PA'I PHYIR RO, ,BRIS SKU DANG ZLA BA SOGS LA SEMS BZUNG MI DGOS TE, DE KHO NA NYID LA RTAG TU GNAS PA'I PHYIR RO, ,SBYIN SREG GI LAS MI DGOS TE NGAG GI RNAM RTOG GI BUD SHING RDOR BZLAS KYI MES BSREG PA'O, ,DE BZHIN DU MCHOD GTOR DANG RAB GNAS SOGS GZHAN RNAMS MI DGOS TE, NANG GI SGO NAS DE THAMS CAD 'GRUB PA'I PHYIR RO ZHES LAKshM'IS 'CHAD DO, ,GCIG NAS GCIG TU LDOG PAR 'GYUR, ZHES 'DON PA LTAR NA SNGA MA ZHIG MI DGOS PAS PHYI MA 'DI MI DGOS ZHES RIM PA STON PA'O, ,NANG GI SGO NAS 'GRUB TSUL NI, RDOR BZLAS 'BYONGS PA'I RNAL 'BYOR PA ZHI SOGS KYI DNGOS GRUB 'DOD PAS NI, RANG NGAM GZHAN GYI DON GYI GANG CI'ANG RUNG BA BYA BA STE BYED PA NI, YA'I DON RLUNG GI RLUNG DANG, RA'I DON ME'I RLUNG DANG SOGS KYIS BSDUS PA YA'I DON SA'I RLUNG DANG, WA'I DON CHU'I RLUNG GI BZLAS PA YIS 'GRO BA'I DON ZHI SOGS KYI DNGOS GRUB BSGRUB PA LA 'JUG PAR BYA'O, ,DE NYID 'CHAD PA NI, ME DANG RLUNG DANG DBANG CHEN SA DANG CHU'I RLUNG STE RLUNG BZHI PO SO SO'I DKYIL 'KHOR DU THUN NI PHYED PHYED DE RLUNG DGU BRGYA PA PHRAG RE RGYU BA'I DUS SU NI, RIM PA BZHIN GTZO BO'I LAS RE DANG GTZO BO MA YIN PA'I LAS GCIG STE GNYIS GNYIS GNAS PAR 'GYUR RO, ,DPER NA ME RLUNG GI DBUS SU DBANG GI LAS GTZO BO DANG GZHAN GSUM PHAL PAR 'GRUB PA BZHIN NO, ,LAKshM'IS LAS GNYIS GNYIS TE BZHI ZHES 'CHAD MOD KYANG, DE NI GNYIS KA BSDUS PA'I ZLOS SGRA YIN PAS YI GE'I DON NI

, ,GTZO PHAL GNYIS GNYIS SU AA BHA Y'A KA RAS 'CHAD PA BZHIN YIN NO, ,'DIS LAS BSGRUB TSUL ZHIB DU MA BSHAD KYANG CUNG ZAD BSHAD NA, LAS BZHI PO GANG LA YANG SNGAGS MI 'DRA BA MANG PO MI DGOS TE YI GE GSUM 'BA' ZHIG DANG, LHA'I KHA DOG KYANG MANG PO MI DGOS TE LUS DBEN GYI RIGS GCIG GI RNAL 'BYOR KHO NA DANG, PHYI'I DUS DANG KHA LTA PHYOGS DANG 'DUG STANGS DANG, SBYIN SREG DANG 'PHRUL 'KHOR SOGS LA MI BLTOS PAR NANG KHO NAS 'GRUB PA'O, ,MCHOD PA DANG BZLAS PA GNYIS NI PHYI'I 'O, ,BSAM GTAN LA BRTZON PA NI RDOR BZLAS KYI RNAL 'BYOR LA 'GRUS PA'O, ,GZHAN GSUM 'DIR BSHAD PA NI SNGAR DE RNAMS MI DGOS ZHES BSTAN PA LA, DGONGS PA GTAN MED DAM SNYAM PA ZLOG PA'I PHYIR YIN NO, ,SNGAGS PAS ZHES PA BZHI NI SNGAR BSHAD PA LTAR SHES NAS RDOR BZLAS LA GNAS PAS NI 'GRO BA'I NANG NA BYIS PA BZHIN DU STOD SMAD KYIS MI 'GYUR BAR SPYOD CES PA'O, ,'GRO NANG ZHES PA LA LAKshM'IS BSHAD PAS 'GRO NA DANG 'GRO BA ZHES PA MI BDE'O, ,DE NAS ZHES PA GNYIS NI DE LTAR RNAM PAR MI RTOG PA'I CHOS CAN GYIS SNGAGS RNAMS 'GRUB CES PA STE, MI RTOG CHOS CAN GYI GSANG SNGAGS RNAMS NI 'GRUB PAR 'GYUR, ZHES PA'I DON DU LAKshM'IS BKRAL LO, ,SNGAGS KYI DE NYID CES PA BZHI NI SNGAGS KYI DE NYID NI RLUNG SNGAGS GNYIS KA'I 'O, ,GSAL BA NI DE DANG RDOR BZLAS GNYIS RTZA RGYUD DANG RGYUD PHYI MA DANG BSHAD RGYUD KYI RJES SU 'BRANGS NAS PHYE BA LA LAKshM'IS 'CHAD PA NI GZHUNG 'DI GNYIS MED RNAM RGYAL NAS DRANGS PA'I LUGS SU SNANG BAS MI BDE'O, ,

DES NI 'DI NYID NAS SNGAR BSHAD PA LTAR PHYE BA'O, ,GSUNG GI RDO RJE RAB TU BSGRUB PA NI MI PHYED PA'I NGAG DBEN BSGRUB PA'O, ,YE SHES GSUM GYI DBYE BAS NGAG DBEN 'DI NYID SEMS TZAM LA SBYAR BYA STE, RLUNG SNGAGS KYI DE NYID NI RLUNG GI BZHON PA CAN GYI RNAM SHES YIN LA, RIM PA 'DIS NGAG SBYONG LA RIM PA GNYIS PAS SNANG BA RGYUR GYUR PA'I RANG BZHIN PHRA MO SBYONG BA NI 'DI GNYIS KYI KHYAD PAR RO ZHES LAKshM'IS BSHAD DO, ,'ON KYANG SEMS TZAM NI SEMS DBEN NO, ,DE LA NGES PAR SBYOR BA NI RDOR BZLAS KYI RIM PA 'DIS SO; ;JI LTAR SBYOR NA YE SHES GSUM GYI DBYE BAS TE DE GSUM RIM CAN DU BSKYED PA'I SGO NAS SO, ,BSKYED TSUL NI SNGAR BSHAD ZIN TO, ,ZHES GSUNGS SO ZHES PA NI DE RNAMS THAMS CAD RGYUD DE NAS DRANGS PAR STON PA'O, ,GSUM PA GDAMS PA BSHAD PA'I SNOD KYI KHYAD PAR NI, BLA MA LA BRNYAS ZHES PA BZHIS RDOR BZLAS KYI RIM PA SBYIN DU MI RUNG BA'I GANG ZAG STON TE, BLA MA LA BRNYAS PA DANG SGYU CAN NI BSAM PA DRANG POR MI STON PA DANG, DAD PA MED PA NI BLA MA LA SEMS DANG BA MED PA'O, ,LAKshM'IS BLA MA LA ZHE SDANG BA LA BSHAD DO, ,SNGAGS KYIS RLOM PA NI SNGAGS TZAM SHES NAS RLOM PA'I NGA RGYAL CAN LA BSHAD DE PHYI'I SNGAGS DANG DE LAS SGRUB LUGS TZAM SHES NAS RLOM PA CHE BA'O, ,GLEGS BAM MTHONG BAS KHENGS PA NI RANG GIS GLEGS BAM BKLAGS NAS BDAG LA THOS PA SOGS MI DGOS ZHES KHENGS PA LA 'CHAD KYANG, BLA MA'I MAN NGAG MED PAR GLEGS BAM LA BLTAS NAS GE BA BYUNG NAS SEMS KHENGS PA'O, ,DAD PA MED PA NI CHOS LA MI DGA' BA LA BSHAD DE YID CHES PA'I DAD PA

, ,MED PA'O, ,DBANG BSKUR DMAN PA NI RIG PA'I DBANG TZAM THOB PA'O ZHES ZER RO, ,GTAM GYI RIM PA NI RDO RJE BZLAS PA'I RIM PA'I GTAM TZAM YANG DE LA MI BYA BA'I DON TO, ,GANG ZHIG CES PA BZHIS MAN NGAG 'DI SBYIN PA'I SNOD STON TE, BLA MA LA GUS PA NI BRNYAS PA'I GNYEN PA'O, ,DAD PA NI DE LA SEMS SHIN TU DAD PA STE DAD PA MED PA'I GNYEN PO'O, ,MOS PA'I DBANG GIS BLA MA'I BSNYEN BKUR LA NI RTAG TU STE RGYUN DU BRTZON PA'AM, CHAG 'GYUR LAS, LEGS NYAN ZHES PA LTAR NA BKA' MI GCOG PA'O, ,GDAMS NGAG THOS PA MI BRJED PAR 'DZIN PA LA BLA MAS BKA' DRIN SBYIN PAR BYA BA LA BRTAG MI DGOS KYI RIM PA'I DON MYUR DU BSTAN PAR BYA'O ZHES LAKshM'IS BSHAD DO, ,CHAG 'GYUR LAS, THOS PA 'DZIN LA BLA MA DAM PA YIS, ,DE LA BLA MA'I DRIN SBYIN 'DI MI BRTAG ,CES 'BYUNG NGO, ,THOS PA 'DZIN PA NI MANG DU THOS PA DANG LDAN PA LA BYAS NA LEGS SO, ,BZHI PA GDAMS BA RNYED PA'I PHAN YON NI, RI DBANG ZHES PA BZHIS STON TE, SPYOD BSDUS LAS LUNG 'DI BAR DOR 'TSANG RGYA BA LA DRANGS TE, 'ON KYANG RDOR BZLAS KYI RIM PA LTA BU'I PHAN PA'I LUNG THOB PA STE GDAMS NGAG RNYED NAS, DE DANG RJES SU MTHUN PA'I PHAN YON 'BYUNG NGO, ,GSUM PA MJUG GI DON NI, RDO RJE BZLAS PA'I RIM PA ZHES SOGS SO, ,'DI LA GZHUNG GI TSAD RGYA GAR GYI SHLO KA BRGYA YOD DO, ,MDOR BYAS LAS, RDO RJE PHRENG BA DPAL MCHOG SRUB SHING GIS, ,GSANG 'DUS SPAS CHU'I RGYA MTSO BSRUBS PA LAS, ,SGRUB PA'I YAN LAG BDUD RTZI GANG THOB DES, ,'JIG RTEN MTHA' DAG 'CHI MED NYER THOB SHOG ,CES GSUNGS PA DE NI RDO RJE BZLAS PA'I RIM PA'I RNAM BSHAD 'DIR YANG SBYAR BAR BYA'O, ,