*, ,BSHAD RGYUD RDO RJE PHRENG BA'I ZIN BRIS RJE NYID KYIS GNANG BA BZHUGS SO, ,
, ,DPAL GSANG BA 'DUS PA'I BSHAD RGYUD RDO RJE PHRENG BA BSHAD PA LA BZHI, MTSAN GYI DON, 'GYUR GYI PHYAG ,GZHUNG GI DON, JI LTAR 'GYUR BA'I TSUL LO, ,DANG PO NI ZHI BA 'OD KYI 'GYUR LA RGYA SKAD KYI MTSAN DON LA N'A MA AI TI ZHES PA 'BYUNG LA, RVA DANG DAR MA BRTZON 'GRUS KYI 'GYUR LA N'A MA MED DE, GANG RUNG GCIG GIS CHOG PAR SNANG NGO, ,AA BHI SA MA YA BSGYUR BA LA 'GYUR GSUM GA LA MNGON PAR BRJOD PA ZHES 'BYUNG LA, 'OG NAS MNGON PAR RTOGS PA ZHES KYANG MANG DU 'BYUNG NGO, ,GZHUNG GI DON LA DANG POR GLENG GZHI'I LE'US GLENG GZHI DNGOS DANG, STON PAS 'KHOR SNOD RUNG DU MDZAD PA DANG, 'KHOR GYIS BSTOD CING GSOL BA BTAB NAS DRIS PA STON NO, ,DE NAS LE'U GNYIS PAS DRIS PA'I DON RNAMS NYAN PA LA SNGON DU DBANG BSKUR DGOS PAR BSTAN NO, ,DE NAS DRI BA DANG PO'I LAN STON PA'I LE'U GSUM PA NAS LE'U RE BRGYAD PA'I GLENG GZHI'I LE'U'I, SNGON BZHIN RDO RJE BZLAS PA SOGS, ,RIM GYIS DE YI DBYE BAR 'GYUR, ,ZHES PA'I BAR GYIS DRI BA RNAMS KYI LAN RGYAS PAR BSHAD PA'O, ,DE'I
, ,'OG TU, DE NAS SEMS DPA' CHEN PO KUN, ,ZHES PA NAS, MKHA' DANG MNYAM PA'I THUGS MNGA' BA, ,DMIGS MED KHYOD LA PHYAG 'TSAL LO, ,ZHES PA'I BAR GYIS RGYUD RDZOGS PA LA NGO MTSAR NAS BSTOD PAS BSTOD DO, ,DE'I 'OG TU, DE NAS BCOM LDAN 'DAS KYI SKU, ,ZHES PA NAS, NYIN DANG MTSAN DU BZHUGS PAR 'GYUR, ,ZHES PA'I BAR GYIS KHRO BO BCU BKUG NAS RDO RJE PHRENG BA RING DU GNAS PA'I THABS GSUNGS SO, ,DE LA GLENG GZHI DNGOS LA GNYIS LAS, STON PA DANG GNAS DANG DUS PHUN SUM TSOGS PA STON PA NI, 'DI SKAD NAS BZHUGS TE ZHES PA'I BAR RO, ,'DI LA SLOB DPON AA Lm KA KA LA SHA'I 'GREL PAR RNAM PA GSUM GYIS STON TE, DGOS PA'I DON NI NYAN PA PO'I DBUGS DBYUNG BA DANG, SANGS RGYAS KYI BKA' BSKYANG BA DANG, YID CHES PA'I GDAMS NGAG THOB PAS RANG NYID NYAN PA PO KHYAD DU 'PHAGS PAR BSTAN PA GSUM MO, ,BSDUS PA'I DON NI, 'DI SKAD KYIS CHOS BSTAN PA'I BYA BA DANG, BDAG GIS THOS ZHES PAS 'KHOR DANG, DUS GCIG NA ZHES PAS DUS DANG, BCOM LDAN 'DAS ZHES
PAS STON PA DANG, DE BZHIN GSHEGS PA ZHES SOGS LHAG MAS GNAS PHUN SUM TSOGS PA BSTAN ZHING, SDUD PA PO NI GSANG BDAG GAM 'JAM DBYANGS YIN ZHES ZER RO, ,YAN LAG GI DON LA 'DUS PA'I DBANG DU BYAS NAS BSHAD NA SGRON GSAL LAS JI LTAR BSHAD PA BZHIN DU YIG DON DANG SPYI DON DANG, SBAS PA DANG MTHAR THUG DANG BZHIS 'CHAD LA, RGYUD 'DI RGYUD GNYIS KYI THUN MONG GI BSHAD RGYUD YIN PAS PHA RGYUD DANG MA RGYUD GNYIS KA'I DBANG DU BYAS NAS 'CHAD NA, PHYI DANG NANG GI BSHAD PA GNYIS SU 'CHAD DE DRANG NGES KYI BSHAD PA'O, ,DANG PO NI, 'DI SKAD NI BSDU BAR BYA BA'I RGYUD MA LUS PA STON PA'I TSIG GI PHRAD DO, ,BDAG GIS NI SDUD PA PO PHYAG RDOR BDAG NYID KYIS STON PA LA MNGON SUM DU THOS KYI GZHAN LAS GCIG NAS GCIG TU BRGYUD PA MIN PA DANG, THOS PAS NI RTOGS PA MIN PAR BSTAN TO, ,DUS GCIG GI TSE NA, 'DI THOS ZHES SBYAR NA GZHAN DU NI MA THOS PA DANG, YANG NA DUS GZHAN GYI TSE GZHAN THOS PA DANG, YANG NA DUS SKAD CIG MA GCIG LA THOS ZHES PAS, RIM PA BZHIN RANG NYID THOS PA MANG BA DANG, RGYUD RNYED PAR DKA' BA DANG, SHES RAB PHUL DU BYUNG BAR BSTAN TO, ,DE LTAR THOS NA GANG LAS GANG DU DANG LHAN CIG TU THOS ZHES GLENG GZHI BSTAN PA'I PHYIR, BCOM LDAN 'DAS KYIS STON PA PHUN SUM TSOGS PA BSTAN TE, DBANG PHYUG LA SOGS PA'I SKAL PA PHUN SUM TSOGS PA DANG LDAN PA DANG, BDUD BZHI LA SOGS PA'I MI MTHUN PHYOGS MA LUS PAR BCOM PA DANG LDAN PA'O, ,DE BZHIN SOGS KYIS GANG DU THOS PA'I GNAS STON TE, DE BZHIN NYID DU GSHEGS PAS NA DE BZHIN GSHEGS PA'O, ,DE DANG THAMS
, ,CAD NI GZHI MTHUN PA STE, STON PA DE NI DE BZHIN GSHEGS PA THAMS CAD KYI BDAG NYID YIN PA'I PHYIR RO, ,DES NA DE BZHIN GSHEGS PA THAMS CAD DANG SKU GSUNG THUGS KYI SNYING PO GZHI MTHUN PA STE RDO RJE 'CHANG CHEN PO'I, ,DE'I RDO RJE BTZUN MO NI DE KHO NA NYID RTOGS PA'I SHES RAB STE, DE NI NYON MONGS PA RNAMS 'JOMS PAS NA BHA GA'O, ,DE MTSON PA'I CHOS 'BYUNG BHA GA LA BZHUGS PA NI DE'I NANG GI GZHAL YAS KHANG NA GNAS PA STE, DPER NA GRONG GI DBUS KYI KHANG BZANG NA BZHUGS PA LA GRONG NA BZHUGS ZER BA BZHIN NO, ,'DI'I DPE KHA CIG LA RTZA RGYUD BZHIN SNYING PO RDO RJE ZHES DANG, KHA CIG LA RDO RJE SNYING PO YOD KYANG SNGA MA DAG STE, SGRON GSAL DANG DE'I 'GREL PA LAS KYANG SNGA MA BZHIN BSHAD DO, ,'GREL PA LAS RDO RJE BTZUN MO SPYAN MA SOGS DANG, DE'I BHA GA CHOS 'BYUNG LA BSHAD CING, BZHUGS SO ZHES 'DON LA, 'GYUR RNAMS LAS BZHUGS TE ZHES SO, ,GNYIS PA NANG NGES DON GYI BSHAD PA NI, 'DI SKAD KYI SKAD DOD AE Wm GYI AE'I DON NI SHES RAB DANG, DE'I MTSAN MA DANG, DE'I RTZA DANG, DE'I RIG PA'O, ,WA NI THABS DANG DE'I RGYAL MTSAN DANG, DE'I RTZA DANG, DE'I RIG PA'O, ,WA'I THIG LE NI DE GNYIS SBYAR BAS THIG LE'I NGO BO BDE CHEN NYAMS SU MYONG BA SNGON DU 'GRO BAS CHOS SKU MTSON PA'O, , BDAG GI SKAD DOD AA Hm GIS RGYUD RIM DANG YE SHES KYI RIM PA'I NGO BO'I THIG LE BZHIS 'KHOR LO BZHI LA RDZOGS PAR LONGS SPYOD PA'I SKU MTSON PA'O, ,SHU TUS ? NI 'DZAG PA'I DON GYI SPRUL SKU MTSON PA'O, ,DUS GCIG NI BZANG NGAN BSAM MI
KHYAB KYI DUS GSUM LAS BSAM MI KHYAB KYI DUS 'BYUNG RDUB KYI SROG RTZOL 'GAGS PA'I DUS SO, ,BCOM LDAN 'DAS NI DGA' BA GSUM 'JOMS PA'I LHAN SKYES SO, ,DE BZHIN GSHEGS PA THAMS CAD NI RTZA BDUN KHRI NYIS STONG SDUD PA'I 'KHOR LO BZHI'AM DRUG STE, DE NI DE BZHIN GSHEGS PA THAMS CAD KYI RANG BZHIN YIN PA'I PHYIR RO, ,DE RNAMS KYI SKU GSUNG THUGS GSUM NI RTZA'I GTZO MO GSUM MO, ,DE NYID NI SNYING PO STE DE'I DBANG GIS RTZA GZHAN RNAMS BSKYED PA'O, ,DE'I NGO BO'I RDO RJE BTZUN MO NI LAS DANG DAM TSIG DANG YE SHES KYI PHYAG RGYA'O, ,DE RNAMS KYI BHA GA RNAMS NI CHOS 'BYUNG GI LTE BA LA 'GREL PAS BSHAD DO, ,RTZA RGYUD LA MTHA' DRUG DANG TSUL BZHIS 'CHAD PA LTAR DE'I BSHAD RGYUD LA BSHAD MI DGOS NA RGYUD 'DI'I GLENG GZHI LA SNGAR LTAR 'CHAD PA MI RIGS LA, DGOS NA RTZA RGYUD DU SBAS PA BSHAD RGYUD DU GSAL BAR STON PA DANG 'GAL LO SNYAM NA, 'DI LA 'DUS PA PHYI MA'I 'GREL PAR N'A RO PAS TSUL BZHI DANG DRANG NGES KYI BSHAD PA MANG DU MDZAD LA, MAN NGAG SNYE MA SOGS SU YANG BSHAD RGYUD LA DRANG NGES KYI BSHAD PA YOD PAS, BSHAD RGYUD LA MA SBAS PAR GSAL POR BSHAD PA SHIN TU MANG MOD KYANG, GZHUNG KHA CIG LA RTZA RGYUD BZHIN DU BSHAD DGOS PA YANG YOD DO, ,DE LTA NA'ANG 'GAL BA NI MED DE, DGONGS PA LUNG STON LAS RTZA RGYUD KYI LE'U BCU GNYIS KYI GZHUNG RNAMS TSANG BAR SOR GZHAG MDZAD LA, DE LA MTHA' DRUG DANG TSUL BZHIS BSHAD DGOS PA MANG DU YOD PA BZHIN DU, BSHAD RGYUD GZHAN LA YANG MA SBAS PAR GSAL POR BSHAD PA SHIN TU MANG
, ,YANG, RTZA RGYUD LTAR SBAS PA 'GA' ZHIG BKOD PA YANG YOD PAS SO, ,DES NA RGYUD 'DI RTZA RGYUD KYI GLENG GZHI'I YI GE BZHI BCU TSIGS BCAD BZHI BCUS BSHAD PA LTAR RGYUD 'DI'I GLENG GZHI YANG DE LTAR BSHAD PA MI 'GAL LO, ,GLENG GZHI LA DRANG NGES GNYIS SU BSHAD PA'I NGES DON GYI BSHAD PA RDZOGS PAR BYAS NA SBAS PA DANG, MTHAR THUG GNYIS KYANG RGYAS PAR BSHAD DU YOD PAS, DRANG NGES GNYIS KYI BSHAD PA DANG MTHAR THUG GI BSHAD PA NI MI 'GAL LO, ,DRANG DON 'CHAD NA DE LA SNGON BYUNG DANG RJES 'JUG GI DBANG DU BYAS PA GNYIS SU BSHAD LA, NGES DON 'CHAD PA LA RGYUD GANG GI RJES SU 'BRANGS TE 'CHAD PA'I TSUL NI, GTZO BOR PHA RGYUD KYI DBANG DU BYAS NAS 'CHAD NA RGYUD 'DI DANG DGONGS PA LUNG STON BZHIN BSHAD, PHA RGYUD MA RGYUD GNYIS KA'I DBANG DU BYAS NA Sm BHU tA LTAR BSHAD DO, ,GRUB CHEN GYI GZHUNG GANG GI RJES SU 'BRANGS NAS 'CHAD NA, 'DUS PA'I GLENG GZHI GSANG BA GRUB PA LTAR BSHAD PA DANG, 'DUS PAS THOG DRANGS PA'I PHA RGYUD KYI GLENG GZHI DE KHO NA NYID GSAL BA'I SGRON ME LTAR BSHAD DGOS TE, 'DI Sm BHU tA DANG MTHUN SHAS CHE'O, ,LE'U BCU GSUM PA LA GSUM LAS MNYAN PAR BSKUL BA NI DE NAS ZHES PA GNYIS TE DUS DANG BSHAD BYA DANG, STON PAR BSKUL BA DNGOS SO, ,LE'U'I DON BSHAD PA LA GNYIS LAS, MDOR BSTAN NI BDE CHEN CI ZHES DRIS PA'I LAN DU, RDOR SEMS ZHES SOGS RKANG PA BCUS BDE CHEN MDOR BSTAN TE, RDO RJE DANG, SEMS DPA' DANG, RANG RIG PA DANG, MCHOG GI MCHOG DANG, KUN RTOG GIS STONG PA DANG, LHAN SKYES KYI BDE CHEN GYI
DUS SU GZUNG 'DZIN DANG BRAL BA DANG, BDE SDUG DANG BRAL BA DANG, ZHI BA DANG GNYIS MED DANG BRAL BA DANG, DNGOS PA KUN GYI RANG BZHIN DU GYUR PA LA BDE BA CHEN PO ZHES RGYUD 'DIR BRJOD DO, ,RGYAS BSHAD LA DANG PO RDO RJE'I DON BSHAD PA NI, RDO RJE YE SHES NAS RDO RJE ZHES NI BRJOD KYI BAR RO, ,RDO RJE GO 'PHANG GSAL ZHES 'GREL BAR 'DON TE, RDO RJE'I DON NI YE SHES LNGA'I DNGOS TE NGO BO DANG, SANGS RGYAS LNGA'I RANG BZHIN CAN NAM, RDO RJE'I GO 'PHANG STE GNAS GSAL BA'O, ,RTZA LNGA LAS 'BAB PA'I RGYUN ZHES PAS NI RTAGS KYI RDO RJE RTZE LNGA PA'I RNAM PA GSANG GNAS KYI RDO RJE LA RTZA LNGA GNAS PA BSTAN NO, ,RDO RJE'I DON SNGA MA NI STONG NYID RTOGS PA'O, ,RANG BZHIN ZHES PA NAS THAMS CAD GSOL ZHES PA'I BAR GYIS STONG NYID RTOGS PA'I RDO RJE'I RNAM PA STON TE, 'GREL PAR THAMS CAD GSAL ZHES 'BYUNG NGO, ,NYON MONGS ZHES PAS KUN RTOG GCOD PA DANG, BDE BA ZHES PAS RLUNG BKAG PA'I DBANG GIS BDE BA RDZOGS PAR BSKYED PA BSTAN NO, ,STONG PA DE LA BZHIR PHYE NAS STON PA NI STONG PA ZHES PA GSUM MO, ,NAM MKHA' ZHES PA NI NAM MKHA' LNGA NI PHUNG SOGS 'OD GSAL DU ZHUGS PA'I CHA NAS SO, ,MI CHOD CES PA GNYIS KYIS RDO RJE'I SGRA'I DON BSHAD DO, ,YE SHES ZHES PA GNYIS DON BSDUS SO, ,SNYING RJE ZHES PA NAS RNAM PAR 'PHEL GYI BAR GYIS SNYING RJE'I DON BSHAD NAS, RDO RJE'I RTZE MOR ZHES PA BZHIS SEMS DPA'I DON BSHAD PAR 'GREL PA LAS 'CHAD KYANG, RDO RJE'I STONG NYID RTOGS PA DANG, SEMS DPA'I DON SNYING RJER 'CHAD PA LEGS SO, ,'DI NI RDO RJE SEMS DPAR BRJOD CES PA NI RDO RJE DANG SEMS DPA' GNYIS KA'I DON BSDUR BYA STE, RDO RJE'I RTZE MO LNGA
, ,DANG 'DRA BA'I GSANG GNAS KYI RDO RJE'I RTZA'I KHONG STONG GI NAM MKHA' LNGA'I LAM BYANG SEMS KYIS GANG BA RDO RJE DANG AOm YIG GIS PHYIR MI 'PHO BAR 'DZIN PA SEMS DPA'I DON TO, ,RDO RJE RGYAS BA'I RTZE MOR 'DZIN PA LA SEMS DPA'O, ,SEMS DPA'I DON KYANG DE DANG LHAN SKYES GNYIS SU BSHAD DO, ,BDE CHEN 'CHAD PA NI DE NYID CES PA DRUG GO ,DANG POS GANG BDE CHEN DU 'JOG PA DANG, GNYIS PA DANG GSUM PAS DER 'JOG PA'I RGYU MTSAN BSTAN TE, LHAN SKYES KYI BDE BAS KUN LA KHYAB PA MTSON PA DANG, DE'I RTEN KUN TA LTA BUS RTZA KUN LA KHYAB PA MTSON PA'O, ,DE GANG GIS SKYED PA NI DPA' BO ZHES GCIG GO ,MI PHYED CES PA GNYIS KYIS MI PHYED GO 'PHANG ZHES PA 'CHAD DO, ,RANG RIG 'CHAD PA NI RANG RIG CES PA DRUG GO ,DE'I DANG PO GNYIS KYIS RANG RIG GI DON DANG, DPE BRAL GYIS RNAL 'BYOR MA SBYOR LAS GZHAN PA'I DPE MED PA DANG, MTSON PAR DKAS NI BLA MA'I MAN NGAG DANG MI LDAN NA MTSON MI NUS PAR BSTAN NO, ,RANG GI ZHES PA GCIG GIS RANG LA GNAS PA DANG, GZHON NU MA ZHES PA GCIG GIS NYAMS SU MYONG BA LAS GZHAN GYIS DE MI SHES BA DANG, JI LTA BA BZHIN SMRAR MED PA STON LA, RANG RIG PA ZHES PA NI MTHAR SBYAR RO, ,MCHOG TU ZHES PA GCIG NI 'GREL PAS PHYIR LA SBYOR YANG SNGA MA LA SBYAR NA LEGS SO, , MCHOG 'CHAD PA NI DE NYID CES PA LNGA'O KUN RTOG GIS STONG PA 'CHAD BA NI DNGOS DANG ZHES PA BCU'O, ,GZUNG 'DZIN SPANGS PA 'CHAD PA NI GZUNG DANG ZHES PA BRGYAD DO, ,BDE SDUG LAS GROL BA 'CHAD PA NI BDE BA ZHES PA BRGYAD DO, ,ZHI BA DANG GNYIS
MED DANG BRAL BA 'CHAD PA NI NYAN THOS ZHES PA BCU'O, ,DNGOS PO KUN GYI RANG BZHIN 'CHAD PA NI DNGOS PO ZHES PA DRUG GO ,DON BSDU BA NI RNAL 'BYOR ZHES PA BCU'O, ,'GREL PAS MDOR BSTAN DANG RGYAS BSHAD KYI SKABS GNYIS KA, RGYUD GNYIS SO SO BA DANG THUN MONG GI YUL GNYIS SU 'CHAD DO, ,STONG NYID KYI RDO RJE LA BAD BAS SEMS PA DANG, GSANG GNAS KYI RDO RJE'I RTZER GANG BA LA SEMS PA'I RDO RJE SEMS DPA' GNYIS BSHAD PA'I DANG POS BDE STONG SBYOR BA RTOGS PA DANG, GNYIS PAS BDE BA'I RTEN NOR BU'I RTZE'I BAR DU BAB NAS MI 'PHO BAR GZUNG BA DANG, DE YANG RIG MA DANG SBYOR BA'I SKABS DANG, THABS KYANG YI GE NI AOm YIG DANG DE'I MTSON DON RLUNG NANG DU 'JUG PA YIN LA, DE YANG SKABS KYIS THUR SEL LTE BAR NANG DU 'JUG PA'I GNAD KYIS BYA DGOS PAR BSTAN NO, ,DE'I KHYAD PAR NI BDE CHEN SOGS KYIS STON PA LA BDE CHEN GYIS DGA' BA BZHI KA LA KHYAB DGOS PAR BSTAN PAS NI MAS BRTAN STON LA, RTZA KUN LA KHYAB PA NI DE'I MTHUS BDE BA BRTAN PA'O, ,RANG RIG GIS NI NYAMS SU MYONG BA 'DRA BA GZHAN GYIS BSTAN DU MED PAS NYAMS SU MYONG DGOS PA DANG, DE'I THABS GZHAN GYIS MI NUS PA DANG THABS DE YANG BLA MA'I MAN NGAG NYID LA RAG LAS PAR BSTAN NO, ,MCHOG GIS NI KUN RTOG GCOD PA LA PHUL DU BYUNG BA STE RTZOD DUS SU DE LA BSNGAGS SO, ,GZUNG 'DZIN SPANGS PAS NI DE KHO NA NYID MNGON DU BYAS PA'I NGOR GNYIS SNANG LDOG PAS, SGRUB PA DANG MA YIN DGAG GI RNAM PAR MTHONG BA DE NYID MTHONG BA MIN PAR STON NO, ,BDE SDUG BRAL GYIS NI SRID ZHI'I MTHA' GNYIS
, ,GNON PA'I TSUL THUN MONG MA YIN PAR STON NO, ,ZHI BA DANG GNYIS MED SPANGS KYIS NI THEG CHEN GYI YE SHES DGOS PA DANG, DE'ANG THEG PA 'DI'I LAM DGOS PAR STON NO, ,KUN GYI RANG BZHIN NI GO SLA'O, ,RNAL 'BYOR ZHES PA PHYED DANG GNYIS KYIS LHAN SKYES GCIG PUS 'GRUB PA DANG, DE LAS GZHAN PA'I BCOS MA'I RNAL 'BYOR MI DGOS PAR STON ZHING, CUNG ZAD CES SOGS KYIS DBANG GIS MTSON NAS BSGOM DGOS PA RNAL 'BYOR MA'I RGYUD DAM DE'I DRIN GYIS RTOGS PAR BYA BAR BSTAN NO, ,'DI NI RJE THAMS CAD MKHYEN PA RANG NYID KYIS MDZAD PA'I ZIN BRIS SO, ,'DIS KYANG SANGS RGYAS KYI BSTAN PA RIN PO CHE SGO THAMS CAD NAS PHYOGS THAMS CAD DU DAR ZHING RGYAS LA YUN RING DU GNAS PAR GYUR CIG ,MANGGA Lm,, ,,