The 'Clarification of the Meaning of Crucial Points in the Teachings of the Secret Collection (Guhyasamaja),' being an Explanation of the Proper Steps of the Presentation

\*, SHEL CHOS,\ *, ,RNAM GZHAG RIM PA'I RNAM BSHAD DPAL GSANG BA 'DUS PA'I GNAD KYI DON GSAL BA ZHES BYA BA CHOS KYI RGYAL PO TZONG KHA PAS MDZAD PA BZHUGS SO, ,

, ,RNAM GZHAG RIM PA'I RNAM BSHAD DPAL GSANG BA 'DUS PA'I GNAD KYI DON GSAL BA ZHES BYA BA, RJE BTZUN DAM PA THUGS RJE CAN RNAMS KYI ZHABS LA GUS PAS PHYAG 'TSAL LO, ,GANG GI DRIN GYIS RDO RJE THEG PA'I GNAD, ,JI BZHIN RTOGS PAS DRANGS PA'I DGA' BA DE'I ROS, ,YID KYI SKYES BU KUN NAS TSIM MDZAD PA, ,'JAM DBYANGS BLA MA'I ZHABS LA GUS PHYAG 'TSAL, ,'OD GSAL LHA YI LAM LAS 'KHRUNGS, ,ZUNG 'JUG DBANG PO'I GZHU LTA BU, ,DPAL LDAN DANG PO'I MGON DE YI, ,MDZAD PAS KHYED RNAMS SKYONG GYUR CIG ,GAR MKHAN MCHOG DES 'GRO BA 'DUL BA'I PHYIR, ,SNA TSOGS ROL PA'I NYAMS KYIS GAR MDZAD PAS, ,NYID SKU'I CHA SHAS GNYIS LHAG SUM CU YI, ,'KHOR LO MCHOG TU SPRUL LA BDAG PHYAG 'TSAL, ,GANG ZHIG RTOGS NA SKYE SHI BAR DO GSUM, ,SKU GSUM NYID DU BSGYUR BA'I THABS MKHAS MCHOG ,DPAL LDAN 'DUS PA'I RGYUD DU RGYAS BTAB PA, ,RAB GSAL BSHAD PA'I RGYUD KYI RJES 'BRANGS NAS, ,JI

, ,BZHIN BKROL BAS SKAL BZANG RNAMS LA NI, ,DNGOS GRUB MCHOG GI DGA' STON STZOL BA YI, ,RGYUD RGYAL 'DUS PA'I GNAD DON GSAL MDZAD PA, ,'PHAGS PA YAB SRAS ZHABS LA GUS BTUD NAS, ,KLU SGRUB SRAS MCHOG KLU YI BYANG CHUB KYIS, ,'PHAGS PA'I DGONGS PA GSAL PHYIR MDZAD PA YI, ,RNAM GZHAG RIM PA'I RNAM BSHAD SNGON MED PA, ,'DUS PA'I DON GSAL BDAG GIS BSHAD KYIS NYON, ,'DIR BDAG CAG GI STON PA 'JIG RTEN THAMS CAD KYI MIG GCIG PUR GYUR PA DPE ZLA MED PA'I MKHYEN PA DANG BRTZE BA DANG DE DAG GI MTHU PHUL DU BYUNG BA MNGA' BA DES, 'DOD CHAGS DANG BRAL BA'I SKUR SPRUL NAS DMAN PA LA MOS PA RNAMS LA 'DOD CHAGS DANG BRAL BA'I SPYOD PA DANG, RGYA CHEN PO LA MOS PA RNAMS LA SA DANG PHA ROL TU PHYIN PA'I SPYOD PA DANG, 'KHOR LOS SGYUR BA'I GZUGS SU SPRUL NAS ZAB MO LA LHAG PAR MOS PA RNAMS LA 'DOD CHAGS KYI SPYOD PA STE, SPYOD PA GSUM STON PA'I THEG PA DMAN PA DANG, PHA ROL TU PHYIN PA'I THEG PA CHEN PO DANG, RDO RJE THEG PA'I

GSUNG RAB MTHA' YAS PA ZHIG GSUNGS PA RNAMS LAS, GONG NAS GONG DU JE MTHO JE MTHOR SONG BA'I MTHAR THUG PA'I RTZE MO NI DPAL GSANG BA 'DUS PA YIN PAR GSUNGS TE, DGRA NAG GI RGYUD LAS, RGYUD KYI MTHAR THUG 'DUS PA STE, ,MA BYUNG 'BYUNG BAR MI 'GYUR RO, ,ZHES DANG, 'JAM DPAL GYI ZHAL GYI LUNG LAS KYANG, SANGS RGYAS KUN GYI 'DUS PA'I RGYUD, ,GSANG CHEN GSANG BA CHES GSANG BA, ,GONG NA MED PA'I LUNG CHEN PO, ,ZHES GSUNGS SHING, SGRON GSAL LAS KYANG, GSAL BYED KYI YI GE'I MTHA' CAN GYI RGYUD SDE JI SNYED GSUNGS PA THAMS CAD KYI RTZA BA YANG SA MA DZA'I YI GES BSTAN PA'I 'DUS PA YIN LA MDO SDE THAMS CAD KYI'ANG SNOD DU GYUR PAS NA GSUNG RAB KUN GYI RTZE MOR GSUNGS TE JI SKAD DU, JI SRID YA RA LA HA'I BAR, ,KA KHA GHA MTHA' nA DZA'I MTHA', ,DA DHA'I MTHA' DANG MA MTHAR BCAS, ,DE DE'I RTZA BA YI GE GSUM, ,THUB PA CHEN POS CHOS PHUNG PO, ,BRGYAD KHRI BZHI STONG GSUNGS PA YI, ,DPAL LDAN 'DUS 'DI SNOD YIN TE, ,DE BAS DE NI RGYUD KYI RTZE, ,ZHES SO, ,DE'I PHYIR TSUL BZHIN DU DPYOD PA'I SHES RAB DANG, BZLOG TU MED PA'I DAD PA DANG, RGYUN CHAD PA MED PA'I BRTZON 'GRUS LA SOGS PA'I 'PHAGS PA'I NOR GYI 'BYOR PA DANG LDAN PA'I SKAL BA DANG LDAN PA DAG GIS NI, RNAL 'BYOR GYI DBANG PHYUG AINDRA BO DHI DANG MGON PO KLU SGRUB LA SOGS PA BGRANG LAS 'DAS PA'I DPA' BO DANG RNAL 'BYOR MA YON TAN GYI PHUNG PO CHEN PO RNAMS KYIS GSHEGS SHING SLAR YANG GSHEGS PAR 'GYUR BA'I BGROD PA GCIG PA'I LAM DPAL GSANG BA 'DUS PA NAS GSUNGS PA'I RDO RJE 'CHANG CHEN PO'I LAM GYI RIM PA LA

, ,'BAD PA DRAG POS 'JUG PAR RIGS SHING, DE 'DRA BA'I YON TAN MED PAS KYANG THA NA SMON LAM GYI YUL DU BYAS NAS KYANG BSGRUB PAR BYA STE, ZHAL LUNG LAS, DE BAS RAB TU 'BAD PA YIS, ,MCHOG GI DE NYID RAB GSANG GSANG SMON LAM GYIS KYANG THA NA BSGRUB, ,BSGRUB PA LA NI SHIN TU 'BAD, ,CES GSUNGS SO, ,DE LA 'JUG PA'I RIM PA YANG PHYI'I RKYEN BSHES GNYEN DAM PA CHOS RNYED DKA' BA DANG NANG GI RKYEN DAL 'BYOR BZANG PO RNYED DKA' ZHING RNYED PA YANG RLUNG NANG GI MAR ME LTAR SKAD CIG KYANG MI SDOD PAR SHIN TU GA-YO BA'I TSUL RNAMS LEGS PAR BSAM PA DANG, BYAMS PA DANG SNYING RJE'I RTZA BA CAN GYI BYANG CHUB KYI SEMS BRTAN PAR BSKYED CING SBYIN PA LA SOGS PA'I BYANG SEMS KYI SPYOD PA LA BSLABS TE ZAB MO RDO RJE THEG PA LA MOS PA BRTAN PA NA, GSANG BA 'DUS PA LA SOGS PA'I DKYIL 'KHOR DU DBANG BSKUR NAS DAM TSIG DANG SDOM PA LEGS PAR MNOS PA DE TSUL BZHIN DU BSRUNG BA CIG GZHIR BYAS NAS SNGAGS KYI LAM SGOM PA NI SNGAGS LA MKHAS PA'I SHING RTA CHEN PO RNAMS KYI LUGS YIN TE SGRUB THABS KUN BZANG LAS, DAL 'BYOR 'DI NI SHIN TU GA-YO BA DANG, ,'JIG RTEN SKYE BO DAM PA PHRAD RNYED DKA', ,DE BAS SHES RAB THABS LA GZHOL BA YI, ,YID LA BYED PA'I MCHOG DE BSGRUB PAR BYA, ,DE LA SNGAGS PAS SNYING RJE'I STOBS KYIS NI, ,BYANG CHUB MCHOG TU SEMS NI BSKYED PA DANG, ,GTONG BA LA SOGS YON TAN RNAMS KYIS BRGYAN, ,ZAB MO'I TSUL DAG LA NI LHAG PAR MOS, ,DPAL LDAN 'DUS PA'I DKYIL 'KHOR CHO GA YIS, ,RANG GIS DBANG BSKUR PHUN SUM TSOGS

LDAN ZHING, ,CHO GA BZHIN DU RJES GNANG THOB PA YIS, ,BLO DANG LDAN PAS RANG SNGAGS MNYES PAR BYA, ,ZHES DANG, ZHAL LUNG LAS KYANG, DE BAS CHU 'KHOR DRAG PO'I KHAR LHUNG LTAR, ,LUS DANG NGAG DANG SEMS KYIS BRTZON 'GRUS BSKYED, ,RIM PAR SNGON BZHIN RAB TU BSGRUB PAR BYA, ,DAL 'BYOR 'DI NI SHIN TU GA-YO SLA BAS, ,JI LTAR RLUNG GIS MAR ME GSOD PA LTAR, ,SKAD CIG TZAM DU MI SDOD DUS 'DA' BYED, ,DE BAS 'DI NI CHUD GSAN MI BYA STE, ,DNGOS KUN DE NYID MCHOG CHEN RAB BRTZON BYA, ,ZHES GSUNGS PA LTAR RO, ,LAM GYI RIM PA DE DAG NI GSUNG RAB SPYI LA NGAS PA STER BA'I GAL PO CHE YIN PAS SNGAR YANG BYANG CHUB LAM GYI RIM PAR RGYAS PAR BSHAD CING SLAR YANG SNGAGS DANG BSTUN NAS GZHUNG GZHAN GYI 'GREL PAR 'CHAD PAR 'DOD PAS 'DIR DE TZAM LAS MI BSHAD DO, ,'O NA SNGAR BSHAD PA'I RTEN DES SNGAGS KYI LAM JI 'DRA BA ZHIG BSGOM PAR BYA SNYAM NA, 'DUS PA'I RGYUD PHYI MA LAS, SANGS RGYAS RNAMS KYIS CHOS BSTAN PA, ,RIM PA GNYIS LA YANG DAG GNAS, ,BSKYED PA YI NI RIM PA DANG, ,RDZOGS PA YI NI RIM NYID DO, ,ZHES GSUNGS PA 'DI RTZA RGYUD LE'U BCU BDUN PO THAMS CAD KYI DON RIM PA GNYIS SU 'DU BA'I KHUNGS SU SGRON GSAL LAS DRANGS PAS NA, BSGOM PAR BYA BA'I LAM NI RIM PA GNYIS YIN NO, ,'DIR MA ZAD RNAL 'BYOR CHEN PO'I RGYUD THAMS CAD KYI LAM YANG RIM PA GNYIS SU 'DU BAS NA SNGAGS PAS GANG ZHIG RTOGS NA SNGAGS KYI LAM THAMS CAD KYI GNAD KHROL BA LAM RIM PA GNYIS LA MKHAS PAR BYA'O, ,DES NA RGYUD SDE RIN PO CHE'I DON RNAMS

, ,SHING RTA CHEN PO DAG GIS LEGS PAR BKRAL BA'I RIM PA GNYIS KYI RNAM GZHAG BYAS PA DANG MI MTHUN PA'I ZAB PAR 'DOD PA'I GDAMS PA LA RING DU 'BAD KYANG SA BCAD PA CI YANG MI 'BYUNG BAS, SHES RAB CAN RNAMS KYIS RGYUD SDE DANG DE'I DGONGS 'GREL GYI GZHUNG CHEN MO RNAMS GDAMS NGAG TU 'CHAR BA'I THABS LA 'BAD PAR RIGS SO, ,RIM PA GNYIS LA SLOB PA YANG THOG MAR SKAS KYI GDANG BU 'OG MA DANG 'DRA BA'I BSKYED RIM LA SLOB PA YIN TE RIM LNGA LAS, BSKYED PA'I RIM LA LEGS GNAS SHING, ,RDZOGS PA'I RIM PA 'DOD RNAMS LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ,ZHES SO, ,'DI LA 'DUS PA'I SGRUB THABS RIM PA DANG PO DNGOS NI MDOR BYAS NAS GSUNGS PA'I TING NGE 'DZIN GSUM YAN LAG DANG BCAS PA YIN LA, MNGON RTOGS DE RTZA RGYUD KYI GZHUNG GANG GIS BSTAN PA'I TSUL GYIS LUNG GIS SGRUB PA NI MDO DANG BSRES PA'O, ,MNGON RTOGS KYI LAM DE DAG DE LTAR SGOM PA'I RGYU MTSAN GYI GNAD LA NGES PA STER ZHING MNGON RTOGS LA THE TSOM GYI GNAS GZHAN YANG MANG DU BCAD NAS BSKYED RIM GTZO BOR STON ZHING RDZOGS RIM GYI GNAD 'GA' ZHIG KYANG STON PA NI RNAM GZHAG RIM PA STE DE NI 'DIR GANG BSHAD PAR BYA BA'O, ,'DI LA GSUM BSHAD PA LA 'JUG PA'I BYA BA, BSHAD PA NYID NYE BAR DGOD PA, BSHAD PA MTHAR PHYIN PA'I BYA BA'O, ,DANG PO LA GNYIS LAS MCHOD PAR BRJOD PA NI, PHYAG NI 'DUD PA STE DE BYAS ZHES DRANG NGO, ,YUL GANG LA NA RDO RJE

'CHANG LA'O, ,DE NI SKU DANG GSUNG DANG THUGS RDO RJE GSUM GANG LA DBYER MI PHYED PAR LDAN PA'I SKU'O, ,GANG GIS NA SLOB DPON KLU'I BLOS SO, ,DUS NAM GYI CHE NA RNAM GZHAG RIM PA RTZOM PA'I DANG POR RO, ,DGOS PA NI RANG DAM PAR RTOGS PA DANG GZHAN DANG BA BSKYED PA DANG RTZOM PA'I BAR CHAD ZLOG PA'I DON DU'O, ,TE ZHES PA KHRUS BYAS TE ZAS ZA ZHES PA LTAR BYA BA LA 'JUG PA'I RIM PA STON PAS PHYAG BYAS NAS BSTAN BCOS RTZOM ZHES STON PA'O, ,BRTZAM PAR DAM BCA' BA NI, BSHAD PAR BYA ZHES DRANG NGO, ,GANG NA, 'DUS PA NI SANGS RGYAS THAMS CAD KYI SKU GSUNG THUGS KYI GSANG BA GSUM TSOGS PA'AM DBYER MI PHYED PA RDO RJE 'CHANG STE RGYUD PHYI MA LAS, SKU GSUNG THUGS NI RNAM PA GSUM, ,GSANG BA ZHES NI BSTAN PA YIN, ,SANGS RGYAS THAMS CAD CES BYA BA, ,TSOGS PA 'DUS PA YIN PAR BSHAD, ,CES SO, ,DE SGRUB PA'I THABS NI MDOR BYAS NAS 'BYUNG BA'I TING NGE 'DZIN GSUM 'KHOR DANG BCAS PA'O, ,DE'I YAN LAG NI 'DI SGRUB THABS DE'I CHA SHAS SU GYUR PA YIN GYI RANG DBANG DU MI GNAS PA'O, ,RNAM PAR BZHAG PA'I RIM PA NI RNAM PAR DGOD PA LA SOGS PA BZHI STE DE BSHAD BYAR BKOD PA'O, ,DE'I DGOS PA NI SHES RAB SDONG BU LAS, DAM PA MANG PO KHAS 'CHE MI BYED LA, ,GAL TE DKA' BAS KHAS NI BLANGS GYUR NA, , RDO LA RI MO BRIS PA LTA BUR NA, ,SHI YANG GZHAN DU BYED PA MI 'GYUR RO, ,ZHES GSUNGS PA LTAR RTZOM PA MTHAR PHYIN PA'I CHED DU'O, ,GNYIS PA LA GNYIS, RNAM GZHAG MDOR BSTAN PA, RGYAS PAR BSHAD PA'O, ,DANG PO NI, 'DUS PA'I SGRUB THABS

, ,KYI RNAM GZHAG RIM PA RTZOM PAR DAM BCAS PA DE LA THOG MAR GANG GI RNAM GZHAG 'CHAD PA'I SGRUB THABS MDO TZAM DU BSTAN NA RTEN DANG BRTEN PA BSKYED PA GNYIS KYI RTEN BSKYED PA'I DANG POR DNGOS PO MED PA ZHES BYA BA LA SOGS PA'I TSIGS SU BCAD PA BRJOD LA SNOD DANG SOGS PA'I SGRAS BSDUS PA BCUD KYI DNGOS PO RNAMS STONG PA NYID DU GZHUG PA STE BSGOM PAR BYA'O, ,RE ZHIG NI SNGON LA 'DI BYA LA, DE NAS 'DI BYA'O ZHES RIM PA STON PA'O, ,DE'I RJES NAS NAM MKHA'I DBYINGS ZHES BYA BA LA SOGS PAS SA'I CHA BSKYED PA'I STENG DU BHRUm LAS GZHAL YAS KHANG BSKYED PA DER MI BSKYOD PA LA SOGS PA'I LHA SO GNYIS KYI 'KHOR LO THAMS CAD LHAG PAR MOS PA TZAM GYIS RANG RANG GI GDAN LA DGOD PAR BYA'O, ,'DI LA BOD KYI BLA MA KHA CIG RIGS SU'I ZLOS PA PO YIN YANG LHAG MOS KYI GTZO BO RDO RJE 'CHANG GIS BYED PA LA 'DIR MI BSKYOD PA SMOS PA NI DE'I RIGS KYI ZLOS PA PO LA DGONGS PA YIN GSUNGS PA NI MI 'THAD DE, 'DIR MI BSKYOD PA DKYIL 'KHOR LA DGOD BYAR GSUNGS KYI DGOD PA POR MA BSHAD PAS YI GE'I DON DU MI SNANG BA'I PHYIR RO, ,BLA MA GZHAN GYIS NI SGRON MA RAB GSAL DANG 'GREL PA RIN CHEN PHRENG BAR MI BSKYOD PA ZHE SDANG RDO RJE LHAG MOS KYI GTZO BOR BSHAD PA, ,MDOR BYAS DANG MDO BSRE DANG ZLA BA GRAGS PAS RDO RJE 'CHANG DU GSUNGS PA'I LUNG GIS BKAG NAS MI BSKYOD PA GTZO BO MA YIN PAR 'CHAD DO, ,GAL TE SLOB DPON GYIS LHAG MOS KYI GTZO BO RDO RJE 'CHANG DU GSUNGS NA 'DIR MI BSKYOD PAR BSHAD PA JI LTAR YIN SNYAM NA, 'PHAGS PA'I GZHUNG

GNYIS DANG SGRON GSAL LA SOGS PA'I ZLA GRAGS KYI GZHUNG RNAMS SU YANG RDO RJE 'CHANG DU GSAL BAR GSUNGS SHING KHYAD PAR DU MDO BSRE LAS, GNAS BSKYED PA SNGON DU 'GRO BAS RDO RJE GSUM BSKYED PA BSGOM PAR BYA'O ZHES GSUNGS PAS LHAG PAR MOS PA CAN GYI SEMS KYIS BDAG NYID RDO RJE 'CHANG CHEN PO NYID DU GYUR NAS, ZHES GSUNGS PA DANG, 'DIR YANG, DE NAS RNAM PAR SHES PA'I BDAG PO RDO RJE 'CHANG CHEN PO SEMS CAN BSKYED PAR MDZAD PA POS SNOD KYI 'JIG RTEN BSKYED PA'I 'OG TU SEMS CAN GYI KHAMS NGES PAR SPRUL BAR MDZAD DE, GNAS NI SGRUB PA SNGON 'GRO BAS, ,RDO RJE GSUM BSKYED BSGOM PAR BYA, ,ZHES GSUNGS PA'I PHYIR RO, ,ZHES GSUNGS PA GNYIS DON GCIG TU SNANG BAS SLOB DPON 'DIS KYANG RDO RJE 'CHANG DU BZHED MOD KYANG MI BSKYED PAR GSUNGS PA NI, LE'U BCU GCIG PA'I SGRON GSAL LAS, BCOM LDAN 'DAS RDO RJE MI BSKYOD PA STE RDO RJE 'CHANG CHEN POS DE SKAD CES BKA' STZAL TO, ,ZHES GSUNGS SHING RDO RJE 'CHANG LA DE BZHIN GSHEGS PA GZHAN GYI MING GIS BTAGS PA'I BSHAD PA YANG MANG BAS MI 'GAL LO, ,LHAG MOS BSGOMS PA DE'I 'OG TU RNAL 'BYOR DANG RJES SU RNAL 'BYOR GYI RIM PAS LONGS SKU RDO RJE 'CHANG DANG, SHIN TU RNAL 'BYOR DANG RNAL 'BYOR CHEN PO'I RIM PAS SPRUL SKU RDO RJE 'CHANG CHEN PO'I BDAG NYID DU BSKYED DE, DE NAS PHYAG RGYA 'DU BYA BA SNGON DU 'GRO BAS YAB YUM GYI DBANG PO GNYIS MNYAM PAR SBYAR BA LAS LHA SO GNYIS KYI DKYIL 'KHOR GYI LHA RNAMS PHYUNG STE, DKYIL 'KHOR RGYAL MCHOG

, ,BYA'O, ,DE NAS LHA DE RNAMS DANG PHRA MO'I RNAL 'BYOR BSGOM PA DANG LHA RNAMS KYI THUGS BSKUL BA'I BZLAS PA BYAS NAS GTZO BO ZHU BA DANG DE LA GLUS BSKUL BA DANG DE'I NGOR BZHENGS PA LA BSTOD CING MCHOD PA BYAS PA'I MTHAR GSHEGS SU GSOL BA STE 'KHOR GYI LHA RNAMS GTZO BO LA BSDU BA DANG, DES MTSON NAS SEMS CAN RNAMS LHAR BYAS PA YANG RANG LA SDUD PA 'DI NI MNGON RTOGS SGOM PA'I RIM PA MDOR BSDUS TE BSTAN PA'O, ,GNYIS PA LA BZHI, RNAM PAR DGOD PA'I RNAM GZHAG RIM PA, SKU'I DKYIL 'KHOR GYI RNAM GZHAG RIM PA, PHYUNG BA'I DKYIL 'KHOR GYI RNAM GZHAG RIM PA, DON DAM PA'I DKYIL 'KHOR GYI RNAM GZHAG RIM PA'O, ,DANG PO NI, DA NI RNAM PAR BZHAG PA BZHI'I DANG PO SNGAR NYE BAR BSDUS NAS MDOR BSTAN PA RGYAS PAR BRJOD PAR BYA STE DE NI SNOD BCUD KYI SRID PA'I RIM PA DANG RTEN DANG BRTEN PA'I RNAL 'BYOR GNYIS DPE DON DU RNAM PAR BKOD NAS BSGOM PA'I TSUL STON PAS RNAM PAR DGOD PA'I RIM PA'O, ,'DI LA GSUM, SNOD KYI SRID PA'I RIM PA DANG MTHUN PAR BSGOM PA, BCUD KYI SRID PA'I RIM PA DANG MTHUN PAR BSGOM PA, DE DAG DANG BSTUN NAS BSGOM PAR GSUNGS PA'I DGONGS PA GTAN LA DBAB PA'O, ,DANG PO LA GNYIS, SNOD ZHIG CING STONGS PA DANG MTHUN PAR BSGOM PA, SNOD CHAGS PA'I RIM PA DANG MTHUN PAR BSGOM PA'O, ,DANG PO NI, MDOR BYAS LAS, DAM PA'I DON DU DNGOS PO RNAMS, ,ZHES PA NAS YE SHES SA GZHI BYIN GYIS BRLAB, CES PA'I BAR GYI GZHUNG GIS RTEN BSKYED PA'I THOG MAR SNOD BCUD

RNAMS STONG PA NYID DU SGOM PAR GSUNGS NA DE LTAR SGOM PA'I RGYU MTSAN CI YIN SNYAM NA, LE'U DRUG PA'I SGRON GSAL LAS, 'DI NI SRID PA SKYE BA'I RIM PA LTAR SGOM PA RNAMS LA DE BZHIN GSHEGS PA RNAMS KYIS YUNGS KAR GYI SGRAS MTSON PAR MDZAD DE, ZHES GSUNGS PA LTAR RNAL 'BYOR CHEN PO'I RGYUD KYI RTEN DANG BRTEN PA'I BSKYED RIM BSGOM PA NI SRID PA SKYE BA'I RIM PA LTAR SGOM PA YIN LA, DE LA YANG THOG MAR SNOD KYI SRID PA STONGS PA DANG MTHUN PAR SGOM DGOS PAS SNOD LA SOGS PA STONG PA NYID DU SGOM PA GSUNGS SO, ,'DI LA GNYIS, MTHUN YUL SNOD 'JIG PA'I RIM PA, DE DANG RJES SU MTHUN PAR BSGOM PA'O, ,DANG PO LA GNYIS, SNOD 'JIG PA'I SNGON DU BCUD 'JIG TSUL, DE'I 'OG TU SNOD 'JIG TSUL DNGOS SO, ,DANG PO NI, GANG GI TSE STONG GSUM 'DIR 'JIG RTEN DU 'JIG PA THOB PA NI 'JIG RTEN CHAGS NAS BAR BSKAL NYI SHUR GNAS PA DE LAS NI BYUNG LA BAR BSKAL NYI SHUR 'JIG RTEN 'JIG PAR 'GYUR PA DE LA ZHUGS SHING DE'I 'GO BRTZAMS PA STE DE NAS BZUNG STE SA 'OG SA STENG SA BLA'I KHAMS GSUM PA'I SEMS CAN GCIG KYANG MA LUS PAR GYUR PA NA BCUD ZHIG PA YIN NO, ,SA BLA'I YA MTHA' NI MIS 'JIG GI DBANG DU BYAS NA BSAM GTAN DANG PO MAN CHAD DO, ,DE YANG THOG MAR DMYAL BA NAS 'JIG PAS STONG GSUM 'DI'I DMYAL BAR SEMS CAN GSAR DU MI SKYE ZHING SNGAR SKYES PA RNAMS KYANG SHI 'PHOS NAS DMYAL BA STONGS PAR 'GYUR RO, ,DE NAS DUD 'GRO DANG DE NAS YI DVAGS KYI GNAS STONGS PAR 'GYUR TE, DE YANG NGAN 'GRO DE DAG DA DUNG MYONG NGES KYI LAS YOD

, ,PA RNAMS 'JIG RTEN GZHAN GYI DMYAL BA LA SOGS PAR SKYE'O, ,DUD 'GRO NI RGYA MTSO CHEN PO NA GNAS PA RNAMS SNGAR 'JIG LA MI DANG LHAN CIG 'KHOD PA RNAMS DE DAG DANG LHAN CIG TU 'JIG PAR MDZOD 'GREL LAS BSHAD DE 'DOD LHA'I GNAS KYI DUD 'GRO LA YANG 'DRA BAR MNGON NO, ,DE NAS 'DZAM BU GLING PA'I MI GCIG GIS SLOB DPON MED PAR CHOS NYID KYIS THOB PA'I BSAM GTAN DANG PO LA SNYOMS PAR 'JUG LA DES DE LAS LANGS NAS KYE MA DBEN PA LAS SKYES PA'I DGA' BDE NI BDE BA DANG ZHI BA YIN NO ZHES SMRA'O, ,SGRA DE THOS NAS MI GZHAN DAG KYANG SNYOMS PAR 'JUG CING DE DAG SHI NAS TSANGS PA'I 'JIG RTEN DU SKYE STE 'DZAM BU GLING PA RNAMS STONGS PAR 'GYUR RO, ,DE NAS SHAR LUS 'PHAGS PO DANG DE NAS NUB BA GLANG SPYOD PA'I MI RNAMS SHI NAS TSANGS PA'I 'JIG RTEN DU SKYE LA DE DAG STONGS PAR 'GYUR BA NI 'DZAM BU GLING PA BZHIN NO, ,DE NAS BYANG SGRA MI SNYAN PA RNAMS 'JIG STE DE NI RTEN DE LA 'DOD PA LA CHAGS PA DANG 'BRAL BA MED PAS SNGA MA GSUM BZHIN DU BSAM GTAN DANG POR MI SKYE BAR SHI NAS 'DOD LHA'I NANG DU SKYE'O, ,DE NAS 'DOD LHA DRUG RIM GYIS 'JIG STE BSAM GTAN DANG PO THOB PA'I 'OG TU SHI NAS TSANGS PA'I 'JIG RTEN DU SKYE'O, ,DE NAS BSAM GTAN DANG PO'I LHA GCIG GIS CHOS NYID KYIS THOB PA'I BSAM GTAN GNYIS PA LA SNYOMS PAR ZHUGS TE DE LAS LANGS NAS, KYE MA TING NGE 'DZIN LAS SKYES PA'I DGA' BDE NI BDE BA DANG ZHI BA YIN NO ZHES SMRA'O, ,SGRA DE THOS NAS LHA GZHAN DAG KYANG DE LA SNYOMS PAR

'JUG CING DE DAG SHI 'PHOS NAS 'OD GSAL GYI LHA'I NANG DU SKYES PAS BSAM GTAN DANG PO STONGS SO, ,DE LTAR DMYAL BA NAS BSAM GTAN DANG PO'I BAR GYI SEMS CAN GCIG KYANG MA LUS PA NA BCUD ZHIG PA YIN TE DE LA NI BAR BSKAL BCU DGU'I YUN YOD DE, ,GNYIS PA NI, GANG GI TSE BCUD ZHIG NAS SNOD KYI 'JIG RTEN 'BA' ZHIG LUS PA DE'I TSE KHAMS GSUM PA STE SA GSUM PO'I SNOD THAMS CAD BSREGS TE NAM MKHA' STONG PA'I RANG BZHIN DU BYED DO, ,JI LTAR DU SREG CA NA, NYI MA BDUN GYI 'OD ZER RNAMS KLAGS PA STE 'PHEL BAS SREG GO ,'PHEL TSUN NI NYI MA SNGA MA SNGA MA LAS PHYI MA PHYI MA RIM GYIS RIM GYIS KLAGS PAS SO, ,'DI MDZOD 'GREL DANG RGYAL PO SRAS KYIS ZHIB PAR MA BSHAD LA SA YI DNGOS GZHI LAS, SEMS CAN MED PAS YO BYAD MI 'BYUNG LA DE MED PAS CHAR MI 'BAB BO, ,DE MA BAB PAS RTZVA DANG SMAN DANG SHING THAMS CAD SKAMS SO, ,THAN PA BYUNG BAS NYI MA 'DI NYID KYIS SHAS CHER SREG GO ,DE NAS SEMS CAN RNAMS KYI 'JIG PAR 'GYUR PA'I LAS KYI DBANG GIS NYI MA GZHAN DRUG 'BYUNG STE NYI MA 'DI LAS BZHI 'GYUR BZHI 'GYUR GYI MTHUS SREG PA'O, ,NYI MA GNYIS PAS LTENG KA CHE CHUNG DANG GSUM PAS CHU KLUNG CHE CHUNG DANG BZHI PAS MTSO MA DROS PA DANG, LNGA PA DANG DRUG PA'I PHYOGS GCIG GIS RGYA MTSO CHEN PO SKAMS PAR BYED DO, ,DRUG PA'I PHYOGS GCIG NI SHAR MA THAG PA LA KHA CIG 'DOD DO, ,DE NAS DRUG PA DANG BDUN PAS RI RAB DANG SA CHEN PO BSREGS PA'I ME LCE DE RLUNG GIS KHYER BAS TSANGS PA'I GZHAL MED KHANG MAN

, ,CHAD SREG PAR GSUNGS SO, ,SNOD 'JIG PA DE LA BAR BSKAL GCIG DGOS PAS DE LTAR DMYAL BAR SEMS CAN GSAR DU MI SKYE ZHING 'CHI 'PHO BA NAS SNOD ZHIG PA'I BAR DE NI 'JIG PA'I BSKAL PA STE MDZOD LAS, 'JIG PA'I BSKAL PA DMYAL BA YI, ,SRID PA MED NAS SNOD ZAD PA, ,ZHES SO, ,GNYIS PA NI, BSGOM PAR BYA'O, ,ZHES DRANG NGO, ,GANG GIS NA BSKYED PA'I RIM PA SGOM PA POS SO, ,GANG BSGOM NA, DNGOS PO MED PA ZHES BYA BA LA SOGS PA'I TSIGS SU BCAD PA'I DON TE DE YANG TSIG DE DAG TU BRJOD CING STE BRJOD LA DE'I DON YID LA DRAN PAR BYA'O, ,TSUL JI LTAR SGOM NA, SNOD ZHIG NAS NAM MKHA'I RANG BZHIN DU GNAS PA'I DON DE LTAR RAM DE BZHIN DU'O, ,DES NA SKABS KYI DON SNOD ZHI PA SHES PAR BYAS NAS DE DANG CHOS MTHUN PAR STONG NYID SGOM PA YIN PA LA BCUD 'JIG PA'I RIM PA BSTAN PA NI, SNOD 'JIG PA'I RIM PA STON PA'I YAN LAG TU BSHAD PA TZAM YIN TE SEMS CAN SHI BA DANG CHOS MTHUN PAR SGOM PA NI LHAG MOS 'OD GSAL DU SDUD PA'I SKABS YIN PAS 'DI DANG SKABS MI GCIG PA'I PHYIR RO, ,SGOM PA'I DUS SU MDOR BYAS LAS, TSIGS BCAD 'DI YIS RGYU MI RGYU'I, ,BDAG NYID CAN RNAMS STONG PAR SGOM, ,ZHES GSUNGS PA LTAR SNOD BCUD THAMS CAD MI DMIGS PAR SGOM DGOS KYANG DE GANG DANG CHOS MTHUN PAR SGOM PA'I MTHUN YUL NI SNOD ZHIG PA LA BYA'I BCUD ZHIG PA LA MI GZUNG NGO, ,LUGS GZHAN LA 'DI'I SKABS KYI STONG PA SGOM PA 'CHI BA DANG CHOS MTHUN PAR BSHAD

PA YANG SNANG MOD KYANG DE DAG DANG 'DI RNAM GZHAG MI GCIG GO ,SKABS GZHAN DU SVA BH'A BA DANG SH'U N+YA T'A LA SOGS PA'I SNGAGS NGAG TU BRJOD NAS SNGAGS DON YID LA SEMS PA DANG 'DRA BAR 'DIR YANG TSIGS BCAD DE DAG TU BRJOD NAS DE'I DON SGOM PA YIN PAS BRJOD PA DANG SGOM PA GNYIS KA BYA'O, ,'O NA SNOD ZHIG PA'I NAM MKHA' DANG CHOS MTHUN PAR SGOM PA'I STONG PA 'DI STONG NYID KYI LTA BA MA RNYED KYANG SNOD BCUD KYI SNANG BA RNAMS NYE BAR BSDUS PA TZAM YID LA BYED PAS CHOG GAM LTA BA RNYED PA'I DON SKABS DER DRAN PA DGOS SHE NA, 'DI LA NI PHYI MA NGES PAR DGOS TE MDO BSRE LAS, DNGOS PO MED PAR SGOM PA'I DNGOS, ,ZHES BYA BA LA SOGS PA GSUNGS PA'I TSIGS SU BCAD PA'I DON GYIS STONG PA NYID KYI RANG BZHIN DU SGOM MO, ,ZHES GSUNGS LA TSIGS BCAD DE'I DON NI SGRON GSAL LAS TSUL BZHIR BSHAD PA'I YIG DON DANG SPYI DON GNYIS 'DIR SKABS SU BAB CING DE GNYIS KYANG SGOM PA PO DANG BSGOM PAR BYA BA DANG SGOM PA LA RANG BZHIN MED PA'I 'KHOR GSUM MI DMIGS PA DANG STONG PA NYID DANG MTSAN MA MED PA DANG SMON PA MED PA'I SGO GSUM LA GSUNGS PA'I PHYIR RO, ,'DI YANG 'KHOR GSUM DANG NGO BO RGYU 'BRAS GSUM LA RANG GI MTSAN NYID KYIS GRUB PA'I RANG BZHIN MED PA LA NGES PA RNYED PA DGOS KYI GSUM TSAN DE DAG GI SNANG BA ZHI BA TZAM YIS LA BYAS PAS 'KHOR GSUM MI DMIGS PA DANG RNAM THAR SGO GSUM GYI TING NGE 'DZIN DU 'GYUR NA HA CANG THAL LO, ,DES NA SRID GSUM SOGS LA DON DAM PAR RAM BDEN PAR YOD PAR 'DZIN PA 'KHOR BA'I RTZA BA YIN PAS DE'I

, ,GNYEN POR DON DAM PAR MA GRUB PAR GSUNGS TE MDOR BYAS LAS, DAM PA'I DON DU DNGOS PO RNAMS, ,SRID GSUM DNGOS PO MED PAR BSGOM, ,ZHES SKABS 'DIR GSUNGS PAS NA STONG PA NYID KYI LTA BA NGES PAR DGOS SO, , DE LTAR CHOS RNAMS DON DAM PAR CIR YANG MA GRUB PAR NGES PA'I RIGS PA'I SHES PA'I DON GANG DU MA GRUB PA'I YIN LUGS LA DER SNANG BA TZAM YANG LDOG PAS NA SNOD LA SOGS PA'I SNANG BA THAMS CAD NYE BAR ZHI BA YANG MI SGOM PA MIN NO, , GZHUNG GZHAN GYI SKABS SU YANG SVA BH'A BA LA SOGS PA'I SNGAGS DON SGOM PA LA LTA BA RNYED DGOS PA NI 'DI DANG 'DRA BA YIN TE DPAL SAMBU tA'I RAB BYED DANG PO LAS, DANG PO STONG NYID RNAMS BSAM PAS, ,LUS CAN RNAMS KYI DRI MA BKRU, ,GZUGS KHAMS ZHES BYA STONG PA STE, ,DE BZHIN DU NI SGRA YANG BYA, ,ZHES SOGS KYIS KHAMS BCO BRGYAD STONG PAR GTAN LA PHAB NAS BSGOM PAR GSUNGS SHING, RDO RJE GDAN BZHI'I LE'U GSUM PAR YANG DE BZHIN DU GSUNGS LA, SAMBU tA'I BRTAG PA GSUM PA'I RAB BYED BZHI PA LAS KYANG, DE NAS BSAM GTAN GYI KHYAD PAR GNAS NAS CHOS THAMS CAD BDAG MED PA NYID DU BLTA BAR BYA STE PHYI DANG NANG GI DNGOS PO 'DI DAG SEMS NYID KYIS BZHAG PA STE SEMS MA GTOGS PA GZHAN NA MED PAS CHOS THAMS CAD GDOD MA NAS SKYE BA MED PA'I PHYIR RANG BZHIN GYIS RNAM PAR DAG PA'O ZHES YID LA BRJOD LA, ZHES GSAL BAR GSUNGS SO, ,BCUD RNAMS DMYAL BA NAS RIM PA BZHIN DU 'JIG PA DANG SNOD RNAMS NYI MA BDUN GYIS 'JIG

PA'I RIM PA LA NI CHOS MTHUN SBYOR MI DGOS PAS MA GSUNGS SO, ,GNYIS PA LA GNYIS, 'OG GZHI'I SNOD 'CHAGS PA'I RIM PA DANG MTHUN PAR BSGOM PA, STENG GI RI GLING SOGS KYI SNOD 'CHAGS PA'I RIM PA DANG MTHUN PAR BSGOM PA'O, ,DANG PO NI, MDOR BYAS NAS NAM MKHA'I DBYINGS KYI DBUS GNAS PAR ZHES SOGS KYIS DKYIL 'KHOR BZHI SKYED PAR GSUNGS PA NI SNOD 'CHAGS PA'I DUS KYI RLUNG LA SOGS PA DANG MTHUN PAR BSGOM PA YIN PAS 'DI LA GNYIS, MTHUN YUL BSHAD PA, DE DANG MTHUN PAR SGOM TSUL LO, ,DANG PO NI, 'JIG RTEN ZHIG NAS BAR BSKAL NYI SHUR STONGS TE GNAS PA DE NAS YANG 'CHAGS PA'I 'GO RTZOM MO, ,'DIR SA DANG MA 'BREL BA'I SNOD RNAMS YAS RIM NAS 'CHAGS SHING SA DANG 'BREL BA RNAMS MAS RIM NAS 'CHAGS LA, DE YANG SNGON DU TSANGS PA'I GZHAL MED KHANG DANG DE NAS GZHAN 'PHRUL DBANG BYED DANG DE NAS 'PHRUL DGA' DANG DE NAS DGA' LDAN DANG DE NAS 'THAB BRAL BA'I GZHAL MED KHANG RNAMS 'CHAGS SO, ,DE NAS THOG MAR RTEN CING 'BREL PAR 'BYUNG BA STE SEMS CAN GYI LAS KYI STOBS LAS NAM MKHA' LA SNOD KYI SNGA LTAS SU GYUR PA'I RLUNG 'JAM PO DAG KHAD KYI KHAD KYIS GA-YO BA'AM LDANG STE, DE NAS RLUNG DE RNAMS 'PHEL BAR GYUR PA NI RLUNG GI DKYIL 'KHOR DU GYUR TE NAM MKHA'I STENG DU 'CHAGS PAR 'GYUR RO, ,RLUNG DE'I MTHO DMAN GYI RNGAMS KYI TSAD NI DPAG TSAD 'BUM PHRAG BCU DRUG DANG, RGYAR NI DPAG TSAD GRANGS MED PA GCIG STE TSAN PO CHE CHEN PO'I RDO RJES KYANG GZHIG MI NUS PAR SRA BA YIN NO, ,RLUNG 'DI YI

, ,DANG PO'I RGYU NI GZUGS KHAMS KYI RLUNG YIN NO, ,DE'I STENG DU CHU'I DKYIL 'KHOR 'CHAGS TE, RLUNG GI DKYIL 'KHOR DE LAS SPRIN GSER GYI SNYING PO CAN BYUNG BAS SHING RTA'I 'PHANG LO TZAM GYI CHAR GYI RGYUN BAB PAR GYUR TE DE LAS CHU'I DKYIL 'KHOR DU GYUR TO, ,CHU DE THAD KAR MI 'BO BA NI LAS KYI DBANG GIS YIN PA DANG RLUNG GIS BANG BA BZHIN DU CHU 'DZIN PA'I LUGS GNYIS MDZOD 'GREL LAS GSUNGS PA'I PHYI MA NI SA YI DNGOS GZHI DANG MTHUN NO, ,CHU DE YI RNGAMS KYI TSAD NI DPAG TSAD 'BUM PHRAG BCU GCIG DANG STONG PHRAG NYI SHU'O, ,SLAR YANG SEMS CAN RNAMS KYI MTHU LAS BYUNG BA'I RLUNG GIS CHU DE KUN TU BSRUBS PA LAS 'O MA BSKOL BA'I SPRIS MA CHAGS PA'I TSUL DU CHU DE'I STENG RNAMS GSER GYI RANG BZHIN GYI SA BZHIR GYUR TE CHU'I STENG DU 'CHAGS SO, ,DE CHAGS PA DANG CHU DE'I RNGAMS KYI TSAD 'BUM PHRAG BRGYAD YIN TE CHU'I STENG RIM SUM 'BUM NYI KHRI GSER DU SONG BA'I PHYIR TE MDZOD LAS, PHYIS NI RNGAMS SU 'BUM PHRAG BRGYAD, ,LHAG MA DAG NI GSER DU 'GYUR, ,ZHES SO, ,CHU GSER GNYIS KYI RGYA DANG KHOR YUG GI CHAD KYANG DE NYID LAS, CHU DANG GSER GYI DKYIL 'KHOR GYI, ,THAD KAR 'BUM PHRAG BCU GNYIS DANG, ,STONG PHRAG GSUM DANG BRGYA PHRAG NI, ,PHYED DANG LNGA RNAMS KHO NA'O, ,KHOR YUG TU NI SUM 'GYUR RO, ,ZHES SO, , DE LTAR 'OG GZHI LA DKYIL 'KHOR GSUM LAS MED NA ME'I DKYIL 'KHOR SGOM PA'I CHOS MTHUN MED PAR MI 'GYUR RAM SNYAM NA, ME'I DKYIL 'KHOR YANG SNGA MA GSUM BZHIN DU LOGS PA MED KYANG RLUNG LA SOGS PA, DE RNAMS KYI NANG NYID DU

GNAS PAS NA CHOS MTHUN SGOM DU RUNG STE MDZOD LAS, 'DOD NA DBANG PO MED PA DANG, ,SGRA MED PHRA RAB RDUL RDZAS BRGYAD, ,CES 'DOD KHAMS NA DBANG PO DANG SGRA MED PA'I GONG BU RNAMS LA ME LA SOGS PA'I RDZAS BRGYAD YOD PAR GSUNGS PA'I PHYIR RO, ,DE LTAR NA CHAGS PA'I BSKAL PA NI MDZOD LAS, CHAGS PA DANG PO'I RLUNG NAS NI, ,DMYAL BA'I SRID PA'I BAR DU'O, ,ZHES GSUNGS PA LTAR YIN LA SNOD CHAGS PA LA BAR BSKAL GCIG DANG BCUD BSAM GTAN DANG PO NAS RIM PA BZHIN DU 'CHAGS NAS DMYAL BAR SEMS CAN GCIG SKYES PA'I BAR LA BAR BSKAL BCU DGU YOD DO, ,GNYIS PA NI, BSKYED PAR BYA'O ZHES DRANG NGO, ,GANG GIS BSKYED NA RTEN DANG BRTEN PA'I RNAM PA KHYAD PAR CAN YANG DAG PAR SGRUB CING BSKYED PA'I RNAL 'BYOR PAS SO, ,GANG BSKYED PAR BYA NA MDOR BYAS LAS, DKYIL 'KHOR BZHI PO YANG DAG BSDUS, ,RDO RJE'I SA GZHI DKYIL 'KHOR LA, ,ZHES GSUNGS PA LTAR DKYIL 'KHOR BZHI GCIG TU BSDUS PA'I RDO RJE'I SA'I CHA'O, ,DE YANG RLUNG LA SOGS PA'I DKYIL 'KHOR BZHI SNGA MA SNGA MA BSKYED PA'I STENG DU PHYI MA PHYI MA BSKYED PA'I RIM PAS MTHAR DE DAG GCIG TU BYA'O, ,GZHUNG GANG GIS BSTAN PA BZHIN DU BYA NA MDOR BYAS LAS, NAM MKHA'I DBYINGS KYI DBUS GNAS PAR, ,H'Um GNYIS SA DON YA LAS BYUNG, ,RDO RJE GNYIS DANG YANG DAG LDAN, , RLUNG GI DKYIL 'KHOR BSGOM PAR BYA, ,ZHES BYA BA NAS SOGS KYI SGRAS BSDUS PA, ,SA YI DKYIL 'KHOR NYID KYANG NI, ,DE YI STENG DU RNAM PAR BSAM, ZHES PA'I BAR GYI GZHUNG GIS BSTAN PA LTAR RO, ,DPE JI DANG 'DRA BAR BSGOM NA 'OG GZHI'I SNOD 'CHAGS

, ,PA'I RIM PA DE LTAR RIM DE BZHIN DU'O, ,'DIR RLUNG LA SOGS PA BZHI LA CHOS MTHUN GSUNGS KYI GCIG TU 'DRES PA'I SA YI CHA LA MA GSUNGS SO, ,GNYIS PA NI, MDOR BYAS LAS, DER NI BHRUm LAS BYUNG BA YI, ,GZHAL YAS KHANG PA RNAM PAR BSGOM, ,ZHES PA LA SOGS PAS GZHAL YAS KHANG BSKYED PAR GSUNGS PA NI SNOD 'CHAGS PA'I DUS KYI STENG GI RI GLING SOGS DANG MTHUN PAR SGOM PA YIN PAS 'DI LA GNYIS, MTHUN YUL BSHAD PA DANG, DE DANG MTHUN PAR SGOM TSUL LO, ,DANG PO NI, SNGAR GSER 'CHAGS PA'I DUS SU BSHAD PA DE LTAR SEMS CAN RNAMS KYI LAS KYI DBANG GIS KHAMS SNA TSOGS KYI SNYING PO'I SPRIN BYUNG STE DE LAS BAB PA'I CHAR GYI CHU RNAMS GSER GYI SA GZHI'I STENG DU GNAS SO, ,DE SEMS CAN RNAMS KYI LAS KYI DBANG GIS BYUNG BA'I RLUNG GIS BSGRUBS SHING 'THAS PAR BYAS PAS RI RAB LA SOGS PA'I RI BRGYAD DANG, SUM CU RTZA GSUM PA MAN CHAD KYI LHA'I GZHAL MED KHANG DANG GLING BZHI GLING PHRAN BRGYAD DANG MTHA' LCAGS RIS BSKOR BA'I KHOR YUG GI RI TSUN CHAD DU SHING DANG LJON SHING DANG LCUG MA LA SOGS PA BYUNG BAR GYUR TO, ,RI RAB LA SOGS PA DE DAG KYANG RLUNG GIS CHAR GYI CHU BSRUBS PA NA GSER LA SOGS PA'I TSOGS BYUNG BA RNAMS LAS KYI MTHUS BSKYED PA'I RLUNG GIS BSDUS NAS, PHUNG PAR BYAS PA RNAMS RI DANG GLING DU 'GYUR BAR MDZOD 'GREL LAS GSUNGS LA, KHAMS DE DAG MCHOG LAS RI RAB DANG 'BRING LAS GSER GYI RI BDUN DANG THA MA LAS GLING BZHI GLING PHRAN BRGYAD KHOR YUG GI RI RNAMS BYUNG BAR SA YI DNGOS GZHI LAS BSHAD DO, ,

GNYIS PA NI, BSKYED RIM SGOM PAR BYED PA RNAMS KYIS DER NI BHRUm LAS BYUNG BA YI, ZHES BYA BA LA SOGS PA'I GZHUNG GIS GZHAL YAS KHANG BSKYED PAR BYA'O ZHES BSTAN PAR 'GYUR RO, ,GZHAL YAS KHANG BSKYED PA'I SNGON DU JI LTAR BYA BA SNGAR BSHAD PA SLAR 'DIR DRAN PAR BYED PA NI, NAM MKHA'I DBYINGS KYI DBUS GNAS PAR, ,ZHES PA LA SOGS PA'I GZHUNG SNGAR BSHAD PA 'DIS STONG PA NYID LA DMIGS PA YE SHES KYI SA BSKYED PA SNGON DU SONG BAS, RLUNG LA SOGS PA'I DKYIL 'KHOR BZHI'I RIM PAS RDO RJE'I SA BSKYED LA DE'I STENG DU BSKYED DO ZHES BSTAN PA'O, ,DPE CI DANG 'DRA BAR BSKYED PAR BSTAN NA, STENG GI SNOD KYI SRID PA SKYE BA STE 'CHAGS PA'I RIM PA BSTAN PA DE LTAR DU BSGOM PA'AM BSKYED PAR BYA'O ZHES BSTAN PAR 'GYUR RO, ,GZHUNG GZHAN LAS 'OG TU RI RAB BSKYED NAS DE'I STENG DU GZHAL YAS KHANG SGOM PAR GSUNGS MOD KYANG 'DIR NI GZHAL YAS KHANG BSKYED PA DANG RI RAB GNYIS CHOS MTHUN DU MDZAD KYI DE'I 'OG GZHI DANG CHOS MTHUN PAR MA MDZAD DO, ,DES NA RI RAB DANG SNA TSOGS RDO RJE DAD PADMA DANG GZHAL YAS KHANG RNAMS RIM PA BZHIN DU STENG NAS STENG DU BSGOM PAR MDOR BYAS KYI 'GREL PA RIN CHEN PHRENG BAR BSHAD PA DANG, RI RAB ZHU BA LAS GZHAL YAS KHANG BSKYED PAR RAB TU SGRON GSAL LAS GSUNGS PA RNAMS 'THAD PA MA YIN NO, ,DE LTAR STENG GI RI GLING SOGS KYI SNOD 'CHAGS PA SPYI TZAM DANG MTHUN PAR GZHAL YAS KHANG BSKYED PA GSUNGS KYI RI GLING SOGS KYI KHYAD PAR DANG 'DRA CHOS SBYOR BA DANG, GZHAL YAS KHANG GI'ANG GRU BZHI DANG SGO BZHI DANG RTZIG PA RIM PA LNGA LA SOGS PA'I SGO NAS

, ,CHOS MTHUN SBYOR BA 'DIR MI DGOS PAS MA GSUNG SO, ,GNYIS PA LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, MTHUN YUL LA SNOD CHAGS PA DANG BSKYED RIM LA GZHAL YAS KHANG CHAGS PA DE NAS MTHUN YUL LA MA DAG PA'I SEMS CAN GYI KHAMS DANG BSKYED RIM LA DAG PA'I SEMS CAN GYI KHAMS LHA'I TSOGS NGES PAR SPRUL PA STE BSKYED PAR MDZAD PA YIN TE, GNAS GZHAL YAS KHANG NI SGRUB PA SNGON DU 'GRO BAS RDO RJE GSUM BSKYED PA BSGOM PAR BYA'O ZHES GSUNGS PA'I PHYIR DANG RIM PA DE SNOD BCUD KYI 'TSAGS TSUL DANG MTHUN PAR BSGOM PA YIN PA'I PHYIR RO, ,LUNG 'DI LE'U BCU GCIG PA LAS, YI GE BHRUm GYI GNAS BSGOMS TE, ,RDO RJE GSUM 'BYUNG BSGOM PAR BYA, ,ZHES GSUNGS PA DE YIN LA SGRON GSAL LAS SNGON DU GZHAL YAS KHANG BSGOMS NAS DE'I 'OG TU ZLA BA LAS BYANG CHUB PA'I SKABS KYI NYI MA SOGS KYI MTSAN MA GSUM BSGOM DGOS PA'I DON DU BSHAD DO, ,'DI DANG MDO BSRE GNYIS KYIS GZHAL YAS KHANG BSKYED PA'I 'OG TU LHA BSKYED PA'I KHUNGS SU MDZAD LA KHYAD PAR DU RDO RJE GSUM BSKYED PA'I RDO RJE GSUM SGOM PA NI RDO RJE 'CHANG BSKYED PA LA BZHED DE, RGYUD KYI RDO RJE'I TSIG RE RE LA DON MI 'DRA BA MANG PO BSHAD PA YAB SRAS KYI GZHUNG NA SNANG BAS 'GAL BAR MI BSAM MO, ,SEMS CAN GYI KHAMS SPRUL BA PO NI RNAM PAR SHES PA YANG YIN LA BDAG PO YANG YIN PA NI SEMS CAN RNAMS KYI SEMS TE MA DAG PA'I SEMS CAN SKYED PAR BYED PA PO'O, ,'DIS THUN MONG GI LAS BSAGS NAS SNOD DANG THUN MONG MA YIN PA'I LAS

BSAGS NAS BCUD KYI 'JIG RTEN BSKYED PA LA DBANG BYED PAS NA BDAG PO'AM BYED PA PO'O, ,DE LTAR YANG DBU MA LA 'JUG PA LAS, JI BZHIN RANG GI BSTAN BCOS DE DE LAS, ,MU STEGS RNAMS KYIS GANG ZAG SOGS DE DAG ,SMRAS PA DE DAG BYED POR MA GZIGS NAS, RGYAL BAS SEMS TZAM 'JIG RTEN BYED POR GSUNGS, ,ZHES DANG, SEMS NYID KYIS NI SEMS CAN 'JIG RTEN DANG, ,SNOD KYI 'JIG RTEN SHIN TU SNA TSOGS 'GOD, ,'GRO BA MA LUS LAS LAS SKYES PAR GSUNGS, ,SEMS SPANGS NAS NI LAS KYANG YOD MA YIN, ,ZHES SO, ,RDO RJE 'CHANG CHEN PO NI DAG PA'I SEMS CAN LHA'I 'KHOR LO BSKYED PAR MDZAD PA PO YIN TE, RTEN DANG BRTEN PA'I 'KHOR LO THAMS CAD DE NYID KYI SKU'I CHA SHAS RNAMS DER SPRUL PAR GSUNGS PA'I PHYIR RO, ,'OG NAS BAR DA'I SEMS LA YANG RNAM PAR SHES PA'I BDAG PO THUGS RDO RJE ZHES GSUNGS PAS RNAM SHES KYI BDAG PO DANG RDO RJE 'CHANG GNYIS GCIG TU 'CHAD PA MI 'THAD LA RDO RJE 'CHANG GIS 'KHOR BA'I SEMS CAN BSKYED PAR 'CHAD PA YANG DON MIN NO, ,RDO RJE 'CHANG NI 'DIR LHAG MOS KYI GTZO BO LA GZUNG NGO, ,SEMS CAN GYI KHAMS GNYIS SPRUL PA'I DUS NI DAG MA DAG GI SNOD KYI 'JIG RTEN GNYIS BSKYED PA'I 'OG TU'O, ,GNYIS PA LA GSUM, BCUD KYI SRID PA SKYE PA'I RIM PA SPYIR BSTAN PA, MI YI SRID PA SKYE PA'I RIM PA NYID DANG MTHUN PAR BSGOM PA'I RGYU MTSAN, DE DANG MTHUN PAR SGOM PA'I RIM PA NYID BSHAD PA'O, ,DANG PO NI, BCUD KYI SEMS CAN THAMS CAD SKYE GNAS BZHIR NGES LA BZHI PO NI 'DI LTA STE SGONG SKYES NI MA

, ,LAS SGO NGA SKYE ZHING DE BRTOL NAS SKYE BA DANG MNGAL NI MA'I LTOR SHA MAS DKRIS NAS 'DUG PA YIN LA DE BRTOL NAS SKYE BA DANG SA LA SOGS PA 'BYUNG BA'I DROD DANG GSHER LAS SKYES PA DANG KHU KHRAG SOGS RGYUR MA BYAS PAR YAN LAG DANG DBANG PO SOGS CIG CAR DU SKYE BA'I BRDZUS TE SKYES PA'O, ,SKYE GNAS NI 'DIR SEMS CAN RNAMS SKYE BA THUN MONG BAR 'GYUR BA'O, ,GZHAN RNAMS GO SLA LA DBANG PO MA TSANG BA MED PA NI MIG LA SOGS PA TSANG BA'O, ,MA RDZOGS PA MED PA NI MDZOD 'GREL LAS DMAN PA MA YIN PA ZHES 'BYUNG LA DE'I DON NI ZHAR BA DANG LONG BA SOGS MED PA LA RGYAL PO SRAS KYIS BSHAD DO, ,YAN LAG NI LAG PA DANG RKANG PA SOGS SO, ,NYING LAG NI SOR MO SOGS SO, ,DE DAG NI MDZOD 'GREL DANG SDOM 'BYUNG GI LE'U GNYIS PA NAS GSUNGS PA RNAMS DANG RE RE TZAM MA GTAGS 'DRA BAR SNANG NGO, ,BCUD KYI SEMS CAN 'GRO BA LNGA'I SGO NAS MA GSUNGS PAR SKYE GNAS BZHI'I SGO NAS GSUNGS PA NI, SKYE GNAS BZHIR SEMS CAN THAMS CAD 'DU YI 'GRO BA LNGAR MI 'DU BA LA DGONGS PA STE, MDZOD LAS, SEMS CAN ZHES BYA BAR SRID MIN, ,ZHES PA'I RANG 'GREL LAS, SEMS CAN ZHES BYA BA KHO NA YIN YANG SRID PA BAR MA'I RANG BZHIN DAG NI MA YIN NO, ,GDAGS PA DAG LAS KYANG SKYE GNAS BZHIS NI 'GRO BA LNGA BSDUS KYI 'GRO BA LNGAS NI SKYE GNAS BZHI MA BSDUS TE GANG ZHIG MA BSDUS SHE NA SRID PA BAR MA'O ZHES GSUNGS SO, ,ZHES BAR DO SEMS CAN YIN KYANG 'GRO BA MIN PAR GSUNGS SO, ,

GNYIS PA NI, MTHUN YUL LA SNOD CHAGS PA'I 'OG TU BCUD 'CHAGS PA LTAR BSKYED RIM LA GZHAL YAS KHANG BSKYED PA'I 'OG TU BRTEN PA LHA BSKYED PA NI, BCUD KYI SEMS CAN DANG CHOS MTHUN PAR SGOM PA YIN PA LA 'DIR SKYE GNAS GZHAN DANG 'GRO BA GZHAN DANG CHOS MTHUN PAR MI BYED PAR BSKAL PA DANG PO'I 'DZAM BU GLING PA'I MI RIM GYIS THA MAL PAR SONG BA ZHIG SHI BA DANG, DE NAS BAR DO 'GRUB PA DANG DES 'DZAM BU GLING PA'I MI MO ZHIG GI MNGAL DU SKYE BA LEN PA'I TSUL NYID DANG CHOS MTHUN PAR 'OG TU 'CHAD DO, ,DE LA SNGON DU 'DZAM BU GLING PA'I MI'I SRID PA 'GRUB PA'I RIM PA NYID DANG BSTUN NAS SGOM PA'I RGYU MTSAN BSTAN PA'I PHYIR DU, DGA' LDAN GYI BYANG SEMS SKYE BA GCIG GIS THOGS PA GLING GZHAN DU MI 'JUG PAR 'DZAM BU GLING PA'I MIR SKYE BA LA SOGS PA'I RNAM GZHAG 'CHAD PA YIN TE, GZHUNG DE DAG GIS BSGRUBS PA'I 'BRAS BU STON PA NA, RGYU DES NA MI'I SRID PA SKYE BA'I RIM PA BSTAN TO ZHES GSUNGS PA'I PHYIR DANG, DE LTAR MA BYAS NA BCUD 'CHAGS PA DANG CHOS MTHUN PAR SGOM PA STON PA'I SKABS SU DGA' LDAN GYI BYANG SEMS 'DZAM BU GLING PA'I RTEN LA 'TSANG RGYA BAR BSGRUBS PA MA 'BREL BAR 'GYUR BA'I PHYIR RO, ,DES NA SNGAR BSHAD PA'I SKYE GNAS BZHI'I NANG NAS LHAG MOS DANG RNAL 'BYOR BZHIS LHA BSKYED PA 'DZAM BU GLING PA'I MI'I SRID PA 'GRUB PA'I RIM PA DANG BSTUN NAS 'CHAD PA MA GO BAR SKYE GNAS BZHI BSHAD PAS DE DAG DANG 'DRA BA'I BSKYED CHOG MI 'DRA BA BZHI'I LHA'I RNAL 'BYOR GYIS SKYE GNAS BZHI SBYONG BAR BZUNG NA SKABS KYI DON LAS NYAMS PAR 'GYUR RO, ,

, ,'DI LA BZHI, SLOB MA'I DRI BA DGOD PA, SLOB DPON GYIS LAN GDAB PA, DE LA SHES BYED DGOD PA, DE DAG GIS GRUB PA'I DON NO, ,DANG PO NI, BCUD 'CHAGS PA DANG MTHUN PAR LHA SGOM PA 'CHAD PA'I SKABS 'DIR RDO RJE SLOB MAS GSOL PA, 'DZAM BU GLING NA MI YOD PAR MA ZAD LUS 'PHAGS PO LA SOGS PA'I GLING GSUM PA'I MI RNAMS KYANG GLING SO SOR GNAS PA MA LAGS SAM STE GNAS LAGS NA, CI'I SLAD DU 'TSANG RGYA BA LA SKYE BA GCIG GIS THOGS PA'I BYANG SEMS CHEN PO DGA' LDAN GYI GNAS MCHOG NAS GLING GSUM PO DER 'JUG PAR MI MDZAD PA'I RGYU MTSAN BSHAD DU GSOL, BYANG SEMS DA 'TSANG RGYA BA'I SKABS 'DIR NGES PA KHO NAR 'DZAM BU GLING DU 'JUG PA STE DE'I MIR SKU 'KHRUNGS NAS MI RNAMS LA CHOS STON PA'I RGYU MTSAN NYID BCOM LDAN 'DAS RDO RJE SLOB DPON STON PAS BSHAD DU GSOL ZHES ZHUS PA STE, MDAR NA MI'I RTEN LA 'TSANG RGYA BA'I BYANG SEMS DE MIR KHYAD PAR MED PA LA 'DZAM BU GLING PA'I MI KHO NAR 'KHRUNGS NAS 'TSANG RGYA BA'I RGYU MTSAN GANG YIN ZHES PA'O, ,GNYIS PA NI, RDO RJE SLOB DPON GYIS LAN SMRAS PA SHAR GYI LUS 'PHAGS LA SOGS PA'I GLING GSUM GYI MI RNAMS LONGS SPYOD KYI 'BYOR BA CHEN PO DANG LDAN PAS LONGS SPYOD KYI SA PA YIN TE LONGS SPYOD CHE BA DE LTA MOD KYI STE DE LTA NA'ANG DBANG PO BLUN PAS SO SOR RTOG PA'I SHES RAB CHEN POS MI DPYOD CING RMONGS PAS ZHIB PA'I SHES RAB KYIS MI 'BYED PA STE DPYOD MI NUS SO, ,DES NA RTEN DE LA 'TSANG RGYA BAR MI 'GYUR RO, ,SDOM 'BYUNG

GI LE'U GNYIS PA LAS KYANG, SHAR GYI LUS 'PHAGS BA LANG SPYAD, ,DE BZHIN BYANG GI SGRA MI SNYAN, ,GLING GSUM PO YI MI RNAMS NI, ,LONGS SPYOD CHEN POS YANG DAG 'TSO, ,RNAM RTOG MED CING RNAM DPYOD MED, ,BLUN RMONGS BYE BRAG MI PHYED PA'O, ,ZHES GSUNGS SO, ,BLUN PA NI RANG NYID KYIS 'DOD DON SGRUB PA DANG MI 'DOD PA SEL BA LA RMONGS PA DANG, RMONGS PA NI GZHAN GYIS BSTAN PA'I DON 'DZIN MI NUS PA DANG DE NYID NI BYE BRAG MI PHYED PA'O, ,ZHES 'GREL PAR BSHAD DO, ,'DZAM BU GLING PA 'DI NI LAS KYIS PA YIN TE DES NA LAS KYI 'BRAS BU RNAM PAR SMIN PA 'DIR SNANG BAR 'GYUR RO, ,SMIN TSUL NI MCHOG DANG 'BRING DANG THA MA'I SEMS CAN RNAMS SU RNAM PAR SMIN PA TSE RING THUNG DANG 'BYOR DBUL LA SOGS PA'I MCHOG DMAN GYI KHYAD PAR CHEN PO CAN NO, , DE YANG TSE RABS SNGA MAR LEGS PAR SPYAD PA DGE BA DANG NYES PAR SPYOD PA MI DGE BA BSAGS PA'I MTHUS SO, ,DES NA GLING GZHAN GYI MI RNAMS NI SNGON GYI LAS KYI MTHUS 'DI 'DRA BA'I MCHOG DMAN GYI KHYAD PAR CHEN PO CAN MA YIN PAS GLING 'DI LA LAS KYI SA PAR GSUNGS SA, ,BHO BA BHA DRAS NI, 'DI LTAR 'DZAM BU GLING NYID KYI YUL DANG GNAS DE DAG NA RNAL 'BYOR MA RNAMS BZHUGS TE, GLING 'DI NYID LAS KYI SA PA YIN PAS LAS RNAMS 'GRUB PAR 'GYUR GYI GLING GZHAN RNAMS NA NI DE NYID KYI LAS KYIS DAR 'BRAS BU SMIN PAR MI 'GYUR TE, GZHAN GYI 'BRAS BU YIN PA'I PHYIR DE DAG TU LAS MI 'GRUB PAS RNAL 'BYOR MA RNAMS GLING GZHAN DU MI GSHEGS SO, ,ZHAS TSE DE LA BSAGS PA'I LAS KYIS TSE DE NYID LA 'BRAS BU

, ,'GRUB MI 'GRUB LA LAS KYI SA PA YIN MIN DU 'JOG CING GLING GZHAN PA RNAMS LAS KYI SA PA MIN PAS YUL NYER BZHI'I RNAL 'BYOR MA RNAMS GLING GZHAN DU MI GSHEGS PAR RDO RJE MKHA' 'GRO'I LE'U BCU BZHI PA'I 'GREL PAR GSUNGS SO, ,NYES SPYOD DE'I 'BRAS BU SMIN TSUL GZHAN YANG 'DI LTA STE 'DZAM BU GLING GI MI RNAMS RNYED BKUR LA CHAGS PA'I DBANG GIS BYUNG ZHING 'DOD CHAGS DANG GTI MUG GANG RUNG GI CHAR GTOGS PA YON TAN MED BZHIN DU YOD PA LTAR STON PA'I GA-YO DANG, ,NGO BO DE DANG 'DRI BA LA RANG GI SKYON THABS KYIS MI MNGON PAR BYED PA'I SGYU DANG, RIGS LA SOGS PA'I RANG GI CHOS LA CHAGS PA'I DBANG GIS SEMS YONGS SU GTUGS PA'I DREGS PA'AM RGYAGS PA DANG ZHE SDANG GI CHAR GTOGS SHING GZHAN GYI PHUN TSOGS LA SEMS KHONG NAS 'KHRUG PA'I PHRAG DOG DANG, GZHAN LA GNOD PA BYA BAR SEMS PA'I GDUG PA'I BSAM PA LA SOGS PA'I NYON MONGS MANG PO DANG LDAN PAS RIMS NAD LA SOGS PA'I NAD MANG PO DANG RGA BA LA SOGS PA'I SDUG BSNGAL DRAG PO MANG POS YONGS SU GZIR BAR 'GYUR RO, ,SDOM 'BYUNG LAS KYANG, 'DZAM BU GLING RNAMS LEGS SKYES PA'I, ,LAS KYI SA PAR RAB TU GRAGS, ,LEGS BYAS DANG NI NYES BYAS LAS, ,MCHOG DANG 'BRING DANG THA MA YI, , SKYE BA SNGA MA'I RNAM SMIN 'DIR, ,SKYE BO KUN LA MTHONG BAR 'GYUR, ,RGYAGS PA SER SNA GDUG SEMS DANG, ,GA-YO SGYU MNGON PA'I NGA RGYAL DANG, ,CHAGS SDANG GTI MUG SOGS RNAMS DANG, ,RGA DANG NAD KYIS RAB TU GZIR, ,ZHES SO, ,DE LTAR SKYON

MANG PO CAN YIN NA DE'I RTEN LA 'TSANG RGYA BAR 'GAL LAM SNYAM NA SKYON DE DAG YOD PA 'ON KYANG TSIG GI MGO SMOS PAS DON RDZOGS PAR GO BA DANG DAD PA LA SOGS PA'I DBANG PO RNAMS SHIN TU RNO BA DANG SGRIN ZHING RTUL PHOD PA STE, DES NA BYANG SEMS SKYE BA GCIG GIS THOGS PA DGA' LDAN NA BZHUGS PA RNAMS 'DZAM BU GLING GI SKYE BO'I GNAS RNAMS KYI DBUS SU SKU 'KHRUNGS SHING RTEN DE LA SANGS RGYAS NAS MI RNAMS LA CHOS STON PAR 'GYUR RO, ,NAD LA SOGS PA'I SDUG BSNGAL YOD PA RNAMS SANGS RGYAS 'DZAM BU GLING DU 'BYON PA'I RGYU MTSAN DU 'CHAD PA NI 'ON KYANG ZHES PA DANG 'GAL BAS MI 'THAD DO, ,SDOM 'BYUNG LAS KYANG, 'DZAM BU GLING PA'I MCHOG GTZO BO, ,DBUS KYI YUL DU SKYES PA DE, ,DBANG PO RTUL 'BRING RNON PO RNAMS, ,SKYE BA SNGA MA'I DGE BA LTOS, ,ZHES GSUNGS TE DBANG PO GSUM YOD PA NI SNGON GYI DGE BA'I LAS LA LTOS PAR 'GREL PAS BSHAD DO, ,LAN GYI GZHUNG DE DAG GIS NI MIR MTSUNGS KYANG DBANG PO SHIN TU RNO BA YIN MIN GYI KHYAD PAR GYIS GLING GZHAN DU SANGS RGYAS 'TSANG MI RGYA LA 'DZAM BU GLING DU 'TSANG RGYA BA DANG DE YANG 'DZAM BU GLING PA'I MCHOG YUL DBUS SU 'BYON PAR GSUNGS SO, ,GSUM PA NI, 'DZAM BU GLING PA'I RTEN LA BYANG SEMS 'TSANG RGYA BA DE'I PHYIR RGYUD DU YANG SNGAR BSHAD PA DANG MTHUN PAR GSUNGS PA, 'TSANG RGYA BA'I TSUL BZHI LAS 'DZAM BU'I GLING DU MI KHOM PA BRGYAD LAS GROL BA'I MI RU 'KHRUNGS PA NI NGES TSUL DANG PO'O, ,KHYIM NAS NGES PAR BYUNG NAS RAB TU BYUNG BA NI TSUL GNYIS PA YIN NO, ,RAB TU BYUNG NAS

, ,'DUL BA NAS BSTAN PA'I BSLAB PA BSRUNG BA NI TSUL CHEN GSUM PA'O, ,DE LTAR TSUL KHRIMS LA BRTEN NAS TING NGE 'DZIN BRNYES PA NI TSUL RNAMS KYI MCHOG TU GYUR PA BZHI PA YIN NO ZHES THUN MONG MA YIN PA'I GSANG BA ZHES BYA BA RNAL 'BYOR CHEN PO'I RGYUD LAS GSUNGS SO, ,SDOM 'BYUNG LAS KYANG, MI RU SKYES PA 'BRAS BU'I DAM PA DANG PO STE, ,RANG GI KHYIM NAS NGES 'BYUNG RNYED PA GNYIS PA YIN, ,RAB TU BYUNG NAS DGE BA SGRUB PA GSUM PA STE, ,RTZE GCIG YID NI RNYED PA BZHI PA DAG TU GSUNGS, ,ZHES GSUNGS SO, ,SDOM 'BYUNG 'GREL PAR KHYIM NAS BYUNG BA GNYIS PA DANG RAB TU BYUNG BA GSUM PAR MDZAD MOD KYANG RAB TU BYUNG NAS DGE BA SGRUB PA ZHES PA'I DGE BA SGRUB PA GSUM BAR BYA STE THUN MONG MA YIN PA'I GSANG BA DANG SGRON GSAL GNYIS KYI DGONGS PA DANG MTHUN PA'I PHYIR RO, ,'DI NI SANGS RGYAS 'TSANG RGYA BA LA CHAGS BRAL DANG CHAGS CAN GYI CHOS KYIS 'TSANG RGYA TSUL BZHI YOD PA'I DANG PO YIN TE SGRON GSAL LAS, MI YI SKYE BAR 'KHRUNGS PA NI, ,RGYUD CES BYA BA YIN PAR BSHAD, ,BTZUN MO'I 'KHOR GYI NANG NAS NI, ,NGES PAR 'BYUNG BA GLENG GZHI YIN, ,'DUL LAS SDOM PA BSTAN PA NI, ,NGES PA'I TSIG NI YIN ZHES BSHAD, ,'BRAS BU 'DOD PAS CHOS SPYOD PA, ,DE NI RGYU ZHES BRJOD BYA STE, ,'DI NI 'DOD CHAGS BRAL CHOS KYI, ,RIGS PA RNAM PA BZHIR 'DOD DO, ,ZHES SO, ,BZHI PA NI, SNGAR BSHAD PA DE LTAR GSUNGS PAS NA 'DAS PA DANG MA 'ONGS PA DANG DA LTAR BYUNG BA'I SANGS RGYAS THAMS CAD MI YI BDAG NYID KYI SRID PAR ZHUGS PA STE SKU 'KHRUNGS TE THAMS

CAD MKHYEN PA'I DNGOS GRUB KYI GO 'PHANG BRNYES PA DANG LDAN PAR 'GYUR RO, ,RGYU MTSAN DES NA 'DZAM BU GLING PA'I MI'I SRID PA SKYE BA'I RIM PA DANG MTHUN PAR BRTEN PA LHA BSKYED PA'I RIM PA 'DIR BSTAN TO, ,GAL TE 'OG MIN GYI RTEN LA'ANG SANGS RGYAS 'TSANG RGYA BA YIN PA'I PHYIR DUS GSUM GYI SANGS RGYAS THAMS CAD MI'I RTEN LA 'TSANG RGYA BA'I GTAN TSIGS 'DI MA GRUB LA GRUB TU CHUG KYANG SGRUB BYED DU MI RUNG STE, 'DI LTAR DAM PA TOG DKAR PO LTA BU'I BYANG SEMS DE 'DZAM BU GLING PA'I RTEN LA 'TSANG RGYA BA'I RGYU MTSAN GYIS LHAG MOS DANG RNAL 'BYOR BZHI'I TING NGE 'DZIN GYIS BRTEN PA LHA BSKYED PA NA 'DZAM BU GLING PA'I MI'I SRID PA SKYE BA'I RIM PA DANG MTHUN PAR SGOM DGOS PA LA CI YANG MI PHAN PA'I PHYIR RO ZHE NA, DE'I SKYON MED DE DUS GSUM GYI SANGS RGYAS RNAMS MI'I RTEN LA 'TSANG RGYA BAR GSUNGS PA NI SANGS RGYAS SPYI'I DBANG DU MDZAD PA MIN GYI 'DOD PA'I KHAMS SU 'TSANG RGYA BA RNAMS KYI DBANG DU MDZAD PA YIN PA'I PHYIR DANG, BRTEN PA LHA BSKYED PA YANG 'DIR SNGAGS KYI LAM SGOM PA SPYI'I DBANG DU MA BYAS KYI RNAL 'BYOR CHEN PO'I RGYUD KYI GDUL BYA'I GTZO BO RIN PO CHE LTA BU'I GANG ZAG TSE DE LA LAM RIM PA GNYIS BSGOMS NAS SNGAGS NAS 'BYUNG BA BZHIN 'TSANG RGYA BA'I DBANG DU MDZAD PA YIN PA'I PHYIR DANG, RTEN DE YANG 'DOD PA'I RTEN CAN PAR NGES PA'I PHYIR RO, ,'DOD PA'I RTEN CAN PA YIN PAR CIS SHES SNYAM NA, RDO RJE SNYING PO RGYAN GYI RGYUD LAS RNAL 'BYOR CHEN PO'I RGYUD KYI GRANGS MANG DU GSUNGS PA'I MTHAR, 'DI NI GNYIS PO 'KHYUD PA YIS, ,RGYUD KYI DBYE BA BSTAN PA'O, ,DE BZHIN DU NI LAG BCANGS DANG, ,RGOD DANG BLTAS PAS SHES PAR

, ,BYA, ,ZHES DANG, DPAL SAm BHU tA'I BRTAG PA DRUG PA LAS, RGOD DANG BLTAS DANG LAG BCANGS DANG, ,GNYIS GNYIS 'KHYUD DANG RNAM PA BZHI, ,SRIN BU'I TSUL GYIS RGYUD BZHIR GNAS, ,ZHES RGOD PA LA SOGS PA'I 'DOD CHAGS RIGS BZHI LAM DU BYED PA LA RGYUD SDE BZHIR GSUNGS SHING 'DOD CHAGS DE DAG KYANG MDZOD LAS, GNYIS GNYIS 'KHYUD DANG LAG BCANGS DANG, ,RGOD DANG BLTAS PAS 'KHRIG PA YIN, ,ZHES 'KHRIG PA'I 'DOD CHAGS SU GSUNGS PAS RGYUD SDE BZHI GANG GI YANG GDUL BYA'I GTZO BO 'DOD KHAMS PAR KHA CIG 'CHAD KYANG, 'DIR NI GZHAN GSUM RE SHIG BZHAG LA RNAL 'BYOR CHEN PO'I RGYUD KYI GDUL BYA BSHAD DE, DE YANG LAM DE LA MOS PA DANG NYAMS SU LEN PA TZAM LA NGES PA MED KYI GANG GI DBANG DU MDZAD NAS RGYUD DE GSUNGS PA'I GDUL BYA'I GTZO BO'O, ,DE NI DBANG PO GNYIS SBYOR GYI CHAGS PA'I SGO NAS 'DOD YON LAM DU BYED NUS PA'I 'DOD KHAMS PA YIN TE DPAL YE SHES RDO RJE KUN LAS BTUS PA'I RGYUD LAS, SNGAGS DANG PHYAG RGYAS SNGON DU MNGON PAR 'DUS BYAS PA'I RDO RJE DANG PADMA MNYAM PAR SBYOR BA MED PAR RNAM PAR SHES PA GSUM NYE BAR MTSON PAR MI NUS SO, ,BHA GA DANG LING GA YANG DAG PAR SBYOR MI NUS PA DES NI BDE BA CHEN PO'I TING NGE 'DZIN MI RNYED DO, , ZHES DANG, GANG RDO RJE DANG PADMA MNYAM PAR SBYOR BA'I BDE BAS RANG BZHIN SNANG BA YANG DAG PAR NYE BAR MTSON PAR BYED PA DE NI BDE BA CHEN PO'I GO 'PHANG LA GNAS PAR 'GYUR RO, ,ZHES DANG, 'DUS PA'I RTZA RGYUD STON PA'I TSE STON PAS 'DOD

CHAGS CHEN PO'I TSUL ZHES BYA BA'I TING NGE 'DZIN LA SNYOMS PAR ZHUGS NAS BSTAN PA'I DON LA MDO BSRE LAS, JI LTAR BCOM LDAN 'DAS KYIS BYANG CHUB KYI GO 'PHANG NI 'DOD CHAGS LAS SKYE BAR 'GYUR BAR RAB TU BSTAN PAR BYA BA'I PHYIR LE'U DANG POR 'DOD CHAGS CHEN PO'I TSUL GYIS ZHES BYA BA'I TING NGE 'DZIN LA SNYOMS PAR 'JUG PAR MDZAD PA DE BZHIN DU, SKYE BZHIN PA LA GNAS PAS DANG PO SBYOR BA BYA STE 'DOD CHAGS LA SPYOD PA'I SEMS CAN RNAMS KYI 'DOD PAS THAR PA RAB TU BSTAN PAR BYA BA'I PHYIR, ZHES DANG, SGRON GSAL LAS KYANG, DA NI 'DOD PA'I KHAMS NA GNAS PA'I YUL LA CHAGS PA'I SEMS CAN RNAMS KYI 'DOD PA'I YON TAN LNGA'I SGO NAS GROL BA RAB TU BSTAN PA'I PHYIR, ZHES DANG, GANG GI DON DU 'DI NYID MDZAD CES PA'I LAN DU, SKYE BO 'DOD CHAGS CAN DON DU, ,ZHES GSUNGS PA'I PHYIR RO, ,DBANG PO GNYIS SBYOR YANG NGAN 'GRO GNYIS DANG 'DOD LHA 'OG MA GNYIS DANG MI RNAMS LA YOD KYI DE DAG LAS GZHAN NA MED LA NGAN 'GRO NI SNGAGS KYI LAM GYI RTEN RNAM DAG TU MI RUNG ZHING 'DOD LHA LA YANG BDE BA CHEN PO'I RTEN BYANG SEMS KUN DA LTA BU MED PAS DE LA BRTEN NAS DGA' BZHI LA SOGS PA'I TING NGE 'DZIN MTSON DU MED PAS BLA MED KYI GDUL BYA'I GTZO BOR MI RUNG NGO, ,DBANG PO GNYIS SBYOR GANG NA YOD PA DANG BYANG SEMS KUN DA LTA BU YOD MED KYI TSUL NI SA YI DNGOS GZHI LAS, DUD 'GRO RNAMS DANG YI DVAGS RNAMS DANG MI RNAMS LA NI LUS KYI BDE BA DANG SDUG BSNGAL 'DRES PAR YOD PAS 'KHRIG PA'I SBYOR BA YOD DE, SKYES PA DANG BUD MED DE RNAMS PHAN TSUN GNYIS KYIS GNYIS SPROD PA BYED DE KHU BA

, ,YANG 'BYUNG NGO, ,'DOD PA NA SPYOD PA'I LHA RNAMS LA YANG 'KHRIG PA'I SBYOR BA NI YOD LA KHU BA 'BYUNG BA NI MED DE DE DAG GI NI 'BYUNG BA'I TSE MTSON GYI SGO NAS RLUNG NYI TSE 'BYUNG NGO, ,ZHES GSUNGS SHING SLOB DPON DBYIG GNYEN GYIS KYANG DE BZHIN DU GSUNGS SO, ,YANG DE NYID LAS, DE DAG NI LUS KYI PHYI NANG GTZANG ZHING DRI NGA BA MED DO, ,DE DAG LA NI 'DI LTA STE MI GTZANG BA'I RDZAS 'DI LTA STE RDUL DANG DRI MA DANG RUS PA DANG RGYUS PA DANG RTZA DANG MKHAL MA DANG SNYING LA SOGS PA GANG YIN PA DE DAG MED DO, ,ZHES RTZA DANG NANG KHROL RNAMS MED PAR GSUNGS PAS 'DOD LHA RNAMS LA KUN DA LTA BU'I RTEN RTZA'I 'KHOR LO RNAMS KYANG MED DO, ,DE DAG GIS BDUD RTZI LA SOGS PA'I KHAM ZAS ZOS PA RNAMS KYANG DE MA THAG TU LUS KYI CHA THAMS CAD DU SONG NAS ZHU STE BSHANG GCIR 'GYUR BA MED PAR SA YI DNGOS GZHI LAS GSUNGS SO, ,MI'I GLING GZHAN RNAMS KYANG SNGAR BSHAD PA LTAR DBANG PO SHIN TU RNO BA MA YIN LA SNGAGS NAS BSHAD PA'I TSE GCIG GIS SANGS RGYAS 'GRUB PA LA NI DBANG PO MCHOG TU RNO BA ZHIG DGOS PAS 'DZAM BU GLING PA DGOS SO, ,'DI YANG SGRON GSAL LAS, AUTPAL DE BZHIN PAD DKAR DANG, ,PADMA TZANDAN NYID DAG STE, ,GANG ZAG BZHI PO 'DI DAG NI, ,TSOGS PA LA BSHAD GANG ZAG GO ,RDZOGS PA'I RIM GYI SKAL LDAN ZHING, , RTAG TU SPYOD PAS RNAM BRGYAN PA, ,'DI NI RIN CHEN GANG ZAG STE, ,SLOB MA LA BSHAD SNOD YIN NO, ,ZHES GSUNGS PA LTAR TSOGS BSHAD KYI SNOD KYI GANG ZAG BZHI DANG SLOB BSHAD KYI SNOD GCIG STE LNGA YOD KYANG GDUL BYA'I GTZO BO NI RIN PO CHE LTA BU'O, ,

DE LA YANG RGYUD KYI SGRUB THABS KYI RGYA GZHUNG PHAL MO CHER SKYES PA'I DBANG DU BYAS NAS BSTAN PA MANG BAR SNANG NA YANG BUD MED RTEN DU MI RUNG BA NI MA YIN TE RGYUD KYI LE'U BCU GSUM PA LAS, RIG PA CHEN MO SPYAN LA SOGS, ,RTAG TU 'DOD PA'I DON BRTZON PA, , 'DOD PA'I LONGS SPYOD DAG GIS NI, ,JI LTAR 'DOD PA BSTEN NA 'GRUB, ,CES GSUNGS SHING DE'I 'GREL PA SGRON GSAL LAS KYANG, 'DOD CHAGS LAS SKYES PA'I BYANG CHUB NI SKYES PA 'BA' ZHIG GIS BSGRUB PAR MA ZAD KYI BUD MED KYIS KYANG SGRUB PAR BYED DO ZHES BSTAN PAR BYA BA'I PHYIR RIG PA CHEN MO ZHES BYA BA LA SOGS PA GSUNGS TE ZHES GSUNGS PAS SO, ,DE LA RIG PA CHEN MO NI LEGS PAR BSLABS PA'I PHYAG RGYA'O, ,SPYAN LA SOGS PA NI PADMA CAN LA SOGS PA'I BUD MED BZHI'O, ,'DOD PA NI YUL LNGA DANG DE'I DON NI DE RNAM PAR DAG PA STE DE LA RTAG TU SGOM PA LHUR LEN PA LA BRTZON PAS JI LTAR BDE BAR 'DOD PA'I YUL LA BSLABS NA RDO RJE 'CHANG GI GO 'PHANG 'GRUB PAR 'GREL PAR BSHAD PAS THOB BYA 'DRA LA, RTEN NI SDOM 'BYUNG DANG GDAN BZHI DANG ZHAL LUNG LA SOGS PAR GSUNGS PA'I MTSAN NYID DE RNAMS TSANG BA'I BUD MED DGOS PAR GSAL LO, ,'DI YI GROL LUGS KYI KHYAD PAR NI RDO RJE MKHA' 'GRO'I LE'U DANG PO'I 'GREL PAR YANG BSHAD DO, ,DE LTAR NA 'DOD PA'I RTEN LA 'TSANG RGYA BA THAMS CAD 'DZAM BU GLING PA'I RTEN CAN DU BSGRUBS PAS NI SNGAGS KYI LAM GYIS TSE DE LA 'TSANG RGYA BA RNAMS KYANG 'DOD PA'I RTEN LA 'TSANG RGYA BA YIN PAS 'DZAM BU GLING PA'I RTEN CAN DU 'GRUB LA, DE'I RGYU MTSAN GYIS RTEN DES BCUD CHAGS PA DANG CHOS MTHUN PAR BSGOM PAR BYA

, ,PA'I MTHUN YUL YANG 'DZAM BU GLING PA'I MI'I SRID PA 'GRUB PA'I RIM PA DANG MTHUN PAR SGOM PA 'GRUB PA YIN NO, ,SDOM 'BYUNG GI LE'U GNYIS PA BSKYED RIM STON PA'I LE'U LAS SNGAR BSHAD PA BZHIN SKYE GNAS BZHI BSHAD PA'I 'OG TU GLING BZHI LA LONGS SPYOD DANG LAS KYI SA GNYIS DANG 'TSANG RGYA BA'I TSUL BZHI GSUNGS PA'I DON RNAMS NI 'GREL PAS 'DI DANG MI MTHUN PAR BKRAL MOD KYANG SLOB DPON 'DIS BKROL BA'I DON JI LTA BA BZHIN DU SNANG BAS RGYUD DE'I DON YANG 'DI DANG MTHUN PAR BYA'O, ,'DIR CHOS MTHUN SGOM PA PO DE 'DZAM BU GLING PA'I MI YIN DU CHUG KYANG CHOS MTHUN PA'I MTHUN YUL LA 'DZAM BU GLING PA'I MI'I SKYE SHI BAR DO GSUM DGOS PA'I RGYU MTSAN CI YIN SNYAM NA, SPYIR CHOS MTHUN SGOM PA DANG KHYAD PAR DU 'DZAM BU GLING PA'I MI DANG MTHUN PAR SGOM PA RNAMS KYI GNAD KYI DON DANG RIM PA GNYIS KYI SBYANG BAR BYA BA'I GZHIR GANG 'GYUR BA RNAMS NI 'CHAD PAR 'GYUR RO, ,SNGAGS KYI LAM GYIS TSE GCIG LA BSGRUB PAR BYA BA'I SANGS RGYAS DE MI'I RTEN LA SGRUB NA 'OG MIN GYI RTEN CAN GYIS RTEN DE LA THOB PA'I SANGS RGYAS SNGAGS KYI LUGS KYIS 'DOD MI 'DOD DANG 'OG MIN GYI LHA DANG 'DOD PA'I MI'I RTEN LA GSAR DU 'TSANG RGYA BA'I CHOS DANG GZUGS KYI SKU 'GRUB PA'I KHYAD PAR DANG, MI'I RTEN LA 'TSANG RGYA BAR BSHAD PA DANG, RDZOGS RIM THOB NAS SPYOD PA BYED PA MA BYUNG BAR TSE'I DUS BYAS PA DE 'GRO BA GZHAN DU SKYE BA MA BLANGS PAR 'TSANG RGYA BAR SPYOD BSDUS LAS GSUNGS PA GNYIS MI 'GAL BA'I TSUL DANG, TSE GCIG LA 'TSANG RGYA BA'I RTEN DES KYANG LUS BRJES NAS 'TSANG RGYA BAR SPYOD BSDUS

DANG SGRON GSAL LAS GSUNGS PAS DE LTA YIN NA DANG POR MI'I RTEN LA LAM SGRUB PA YIN KYANG MTHAR 'BRAS BU 'THOB PA NA LUS RTEN DE BRJE TSUL JI LTAR BYED PA SOGS NI, RDZOGS RIM GYI GZHUNG 'CHAD PA'I SKABS SU BAB PAR SNANG BAS DER BSHAD PAR BYA'O, , GSUM PA LA GSUM, BSKAL PA DANG PO'I MI DANG MTHUN PAR BSGOM PA, DE 'CHI 'PHO ZHING BAR SRID GRUB PA DANG MTHUN PAR BSGOM PA, DES SKYE SRID GRUB PA DANG MTHUN PAR BSGOM PA'O, ,DANG PO NI, GZHAL YAS KHANG BSKYED NAS LHA BSKYED PA'I THOG MAR LHAG MOS KYI DKYIL 'KHOR BSKYED PAR MDOR BYAS SU GSUNGS PA NI BSKAL PA DANG PO'I MI DANG CHOS MTHUN PAR BSGOM PA YIN NO, ,'DI LA GNYIS, DNGOS SU BSTAN PA'I MTHUN YUL, SHUGS KYIS THOB PA'I LHAG MOS BSGOM PA'O, ,DANG PO NI, SPYIR BCUD 'CHAGS PA'I RIM PA NI 'OD GSAL NAS LHA GCIG TSE 'PHOS NAS TSANGS PA CHEN POR SKYE LA DE NAS TSANGS PA'I MDUN NA 'DON DANG DE NAS TSANGS RIS DANG DE NAS 'DOD LHA DRUG YAS RIM NAS DANG DE NAS SGRA MI SNYAN DANG BA GLANG SPYOD DANG LUS 'PHAGS PO DANG 'DZAM BU GLING PA'I MI RNAMS RIM BZHIN DU 'CHAGS SO, ,DE NAS YI DVAGS DANG DUD 'GRO DANG DMYAL BAR SKYE STE GANG MJUG TU 'JIG PA DE DANG POR 'CHAGS PA CHOS NYID DO, ,DE LTAR YOD KYANG 'DIR NI LHA DANG MI'I GLING GZHAN GSUM DANG NGAN 'GRO'I BCUD 'CHAGS PA DANG MI BSTUN GYI 'DZAM BU GLING PA'I MI DANG BSTUN NAS 'CHAD DO, ,DE YANG 'OD GSAL GYI LHA'I RIS NAS SEMS CAN RNAMS SHI 'PHOS NAS 'DZAM BU GLING PA'I MIR SKYE STE BSKAL PA DANG PO'I MI RNAMS NI, MTSAN DPE'I YON TAN

, ,RDZAS MTHUN PA YOD PAS SANGS RGYAS KYI YON TAN THAMS CAD KYIS BRGYAN CING, YID KYI RANG BZHIN GYI GZUGS CAN NI MDZOD 'GREL DU MDO GRANGS PA DANG LUNG RNAM 'BYED GNYIS KAR GZUGS CAN DANG YID LAS BYUNG BA GNYIS SO SOR GSUNGS LA DE'I DON NI RGYAL PO SRAS KYIS GZUGS LTAR RUNG BA DANG BRDZUS TE SKYES PA LA BSHAD DO, ,LAG PA DANG RKANG PA LA SOGS PA'I YAN LAG DANG SOR MO LA SOGS PA'I NYING LAG THAMS CAD KYIS MTSAN PA STE DE DAG DANG LDAN PA, DBANG PO TSOGS PAS MA TSANG BA MED PA, MA RDZOGS PA MED PA LA MDZOD 'GREL DU MDO DRANGS PA LAS NGAN PA MA YIN PA ZHES 'BYUNG BA'I DON ZHAR BA DANG LONG BA MED PA LA RGYAL PO SRAS KYIS BSHAD DE RNAM 'BYED LAS DBANG PO MA NYAMS PA ZHES PA DANG MTHUN NO, , KHA DOG GSAL BA'I LUS CAN LA MDZOD 'GREL LAS, MDZES PA KHA DOG LA GNAS PA RANG GI 'OD CAN ZHES DRANGS PA DANG, RNAM 'BYED GNYIS DON 'DRA BAR YOD LA DE'I DON NI DBYIBS DANG KHA DOG BLTA NA SDUG PA DANG NYI MA LA SOGS PA'I 'OD LA MI LTOS PA LA RGYAL PO SRAS KYIS BSHAD DO, ,RANG GI LAS KYI RDZU 'PHRUL GYI MTHUS NAM MKHA' LA 'GRO BA LO GRANGS KYIS DPAG TU MED PA'I CHE THUB PAS RING ZHING KHAM ZAS LA MI LTOS PAS DGA' BA LA SPYOD PA STE DGA' BA'I ZAS CAN NO, ,SANGS RGYAS KYI YON TAN GYIS BRGYAN PA ZHES PA MNGON PA DANG RNAM 'BYED LAS MA BYUNG NGO, ,DE LTAR YE SHES KYI LUS CAN TE 'BYUNG BA'I LUS RAGS PA DANG BRAL BA'I GZUGS KHAMS PA'I LHA'I LUS DANG 'DRA BA'I LUS KHYAD PAR CAN THOB PA YIN YANG RANG GI SEMS

LAS BYUNG BA'I LAS DANG NYON MONGS PA THAMS CAD KYIS MNGON PAR ZIL GYIS GNON PA STE DE GNYIS KYI DBANG DU 'GYUR RO, ,RGYU GANG GI DBANG GIS DE LTAR 'GYUR BA NI, THOG MA MED PA'I DUS NAS BYUNG BA'I DE KHO NA NYID KYI DON LA RMONGS PA'I MI SHES PA GCIG NAS GCIG TU BRGYUD PA'I BAG CHAGS KYI STOBS LAS LAS NYEN GYI DBANG DU 'GYUR RO, ,'DI LA SGYU LUS DANG CHA 'DRA BA'I LUS YOD KYANG SGYU MA LTA BU'I TING NGE 'DZIN THOS BSAM GYIS MI SHES SHING BSGOMS PAS KHONG DU MA CHUD DE DES NA SRID PAR 'KHYAM PA YIN TE SDOM 'BYUNG LAS, SGYU MA LTA BU'I TING NGE 'DZIN, ,RAB TU MI SHES MI RNAMS NI, ,THOG MED DUS CAN NYON MONGS KYI, ,BAG CHAGS RAB TU BSAGS BYAS LA, ,DE NAS SNGON BYAS LAS KYIS NI, ,SKYE DANG 'CHI BA YANG DAG 'BYUNG ZHES SO, ,DE 'DRA BA'I LUS GRUB PA DE NAS DE DAG GIS RIM GYIS BRGYUD NAS 'CHAD PAR 'GYUR BA LTAR RANG GI 'OD NUB PA LA SOGS PA'I SGO NAS YID KYI RANG BZHIN GYI LUS SNGAR BSHAD PA'I YON TAN CAN DE SPANGS TE NYON MONGS PA'I RGYUD KYIS RIM GYIS THA MAL PA'I MI'I BDAG NYID KYI DNGOS PO PHO MO'I MTSAN MA CAN RAGS PA'I LUS YONGS SU 'DZIN TO, ,GNYIS PA NI, DE LTAR BSKAL PA DANG PO'I MI THA MAL PA'I LUS CAN DU GYUR NAS PHO MO'I SGO NAS THABS SHES KYI RNAM PA GRUB PA'I BCUD KYI SRID PA'I RIM PA GRUB PA DE DANG MTHUN PAR LHAG MOS KYI LHA PHA MO'I RNAM PA CAN DU SGOM PA YIN NO, ,'DIR LHAG MOS KYI LHA RNAMS BSKAL PA DANG PO'I MI DANG CHOS MTHUN PAR MDZAD PA'I RGYU MTSAN NI, SRID PA SKYE BA LA SNOD 'CHAGS PA'I 'OG TU BCUD 'CHAGS PA DANG 'DRA BAR, BSKYED RIM LA RTEN

, ,GZHAL YAS KHANG GI SNOD CHAGS PA'I 'OG TU BCUD THOG MAR CHAGS PA LHAG MOS KYI LHA YIN PA'I PHYIR DANG, 'DZAM BU GLING PA'I MI 'CHAGS PA'I BCUD NYID DANG CHOS MTHUN PAR SGOM DGOS PA'I PHYIR RO, ,'O NA SKABS 'DIR LHAG MOS BSGOM PA DANG CHOS MTHUN SBYOR BA MA MDZAD PA CI YIN ZHE NA, RTEN BSKYED PA'I 'OG TU BRTEN PA THOG MAR BSKYED PA NA, DER MI BSKYOD PA LA SOGS PA'I LHA'I 'KHOR LO THAMS CAD LHAG PAR MOS PAS DGOD PAR BYA'O, ,ZHES PA DANG, GNAS NI SGRUB PA SNGON 'GRO BAS, ,RDO RJE GSUM BSKYED BSGOM PAR BYA, ,ZHES GSUNGS ZIN LA BRTEN PA LHA BSKYED PA'I MTHUN YUL YANG SNGAR BSHAD ZIN PAS DE DANG LHAG MOS GNYIS SBYOR BA GO SLA BA LA DGONGS NAS MA GSUNGS SO, ,DE'I PHYIR MAN NGAG SNYE MA'I SNYE MA BCU GNYIS PAR LHAG MOS DANG BAR SRID GNYIS CHOS MTHUN PAR SBYOR BA NI MI 'THAD CING, BAR SRID DANG DANG PO'I MGON PO GNYIS CHOS MTHUN PAR SBYOR BA 'OG NAS STON PA DANG 'GAL BA'I PHYIR RO, ,DES NA LHAG MOS KYI LHA RNAMS DKRONGS SKYED BYED PA YANG BSKAL PA DANG PO'I MI BRDZUS SKYES DANG BSTUN PA YIN GYI BAR SRID KYI SKYE TSUL DANG BSTUN PA MIN NO, ,'DIR LHAG MOS KYI MDZAD PA DANG LHAG MOS LUS LA BSDU BA SOGS LA CHOS MTHUN SBYOR BA'I PHRA MO'I CHOS MTHUN MI DGOS KYI RAGS PA'I CHOS MTHUN GYIS CHOG STE SKABS GZHAN DU BSHAD PA BZHIN NO, ,GNYIS PA LA GNYIS, MTHUN YUL BSHAD PA, DE DANG MTHUN PAR SGOM TSUL LO, ,DANG PO LA GNYIS, 'CHI 'PHO BA DANG, SHI NAS BAR DO 'GRUB PA'I TSUL LO, ,DANG PO NI,

SNGAR BSTAN PA DE LTA BU'I BSKAL PA DANG PO'I MI'I SEMS THUGS RDO RJE ZHES THA SNYAD BYA BA'I GZHI DES SEMS RANG NYID KYI RANG BZHIN GYI SNANG BA RLUNG GI BZHON PA'I RANG BZHIN CAN YONGS SU MA SHES PAS SEMS CAN GYI RIS NAS 'JIG RTEN GZHAN DU 'CHI 'PHO'O, ,SEMS KYI RANG BZHIN MI SHES PA'I RGYU NI LAM PHYIN CI MA LOG PA STON PA'I DGE BA'I BSHES GNYEN DANG BRAL BAS YIN NO, ,SPYOD BSDUS LAS KYANG, DE LTAR 'DI DAG NI LUS DANG NGAG DANG YID KYI NYES PAR SPYOD PA'O ZHES MI SHES SHING RANG NYID KYI RANG BZHIN GYI SNANG BA RLUNG GI BZHON PA'I RANG BZHIN CAN MA SHES NAS NGA'I LUS DANG NGA'I NGAG DANG NGA'I SEMS YIN NO ZHES RLOM PA DANG NGAR SEMS PAS LAS DGE BA DANG MI DGE BA RNAMS BYAS NAS BDE 'GRO DANG NGAN 'GROR MCHOG TU GZHOL BAR 'GYUR RO, ,ZHES SEMS KYI BDAG MED PA'I DE KHO NA NYID MA SHES PAR BDAG DANG BDAG GI BAR BZUNG BA'I NYON MONGS KYI DBANG GIS LAS BSAGS NAS 'KHOR BAR 'KHYAM PAR GSUNGS PA 'DI SNGAGS DANG MTSAN NYID GNYIS KA'I LUGS KYIS 'KHOR BA'I 'JUG RIM YIN NO, ,DES NA SRID PAR 'KHYAM PA'I RTZA BA BDAG 'DZIN GCOD BYED KYI BDAG MED PA'I LTA BA NI LAM GNYIS KA LA 'DRA BAS SNGAGS KYI LAM LA YANG BSTAN PA'I SNYING PO BDAG MED PA'I DE KHO NA NYID GTAN LA PHEBS PA'I SHES RAB DANG MA BRAL BA SNYING PO'I DON DU GZUNG BAR BYA'O, , GNYIS PA LA GNYIS, BAR DOR GNAS PA'I DUS, BAR DO'I MTSAN NYID BSTAN PA'O, ,DANG PO NI, SHI 'PHOS PA DE BAR DOR YUN JI TZAM ZHIG GNAS SNYAM NA, JI SRID DU SKYE GNAS PHYI MAR SKYE BA'I RGYU RKYEN GYI TSOGS PA MA RNYED PA DE SRID DU SRID PA BAR MA DO NA GNAS SO

, ,ZHES GSUNGS PA NI NGES PAR BSHAD PA YIN PAS DE NI BAR DO THAMS CAD LA 'DRA BA YIN NO, ,DUS DE YANG JI TZAM SNYAM NA ZHAG BDUN DU ZHES PA NI BAR DO'I TSE GCIG GI DBANG DU MDZAD KYI SPYIR NI GANG DU SKYE BA'I RGYU RKYEN MA TSOGS NA BAR DO DE SHI NAS BAR DOR ZHAG BDUN PHRAG BDUN GNAS LA DE TSUN CHAD KYIS SKYE BA'I RKYEN TSOGS PA RNYED PAR 'GYUR RO, ,SDOM 'BYUNG LAS KYANG, TSOGS PA MA RNYED DE SRID DU, ,ZHAG BDUN BAR DO'I SRID PAR GNAS, ,SRID PA BAR DO'I SEMS CAN NI, ,'GRON PO RNAMS KYI BGROD PA BZHIN, ,'DI LTAR LAS KYI SRAD BU YIS, ,'GRO BA DRUG TU RAB TU RGYU, ,ZHES GSUNGS SO, ,BAR DO'I GNAS TSAD NI SA YI DNGOS GZHI LAS, BAR MA DO'I SRID PA DE YANG SKYE BA'I RKYEN MA RNYED KYI BAR DU RE LTAR THOGS NA ZHAG BDUN GNAS PAR ZAD DO, ,RKYEN RNYED NA NI NGES PA MED DO, ,YANG MA RNYED NA NI LUS BRJES NAS YANG ZHAG BDUN DU GNAS SO, ,RKYEN MA RNYED NA ZHAG BDUN PHRAG BDUN GYI BAR DU YANG GNAS SO, ,DE LAS 'DAS PHAN CHAD NI GDON MI ZA BAR SKYE BA'I RKYEN RNYED PAR 'GYUR RO, ,ZHES GSAL BAR GSUNGS TE, RE LTAR THOGS NA ZHES DANG NGES PA MED DO ZHES GSUNGS PAS ZHAG BDUN NI TSE GCIG GI RING MTHA'O, ,GNYIS PA LA GNYIS, DRI BA DANG, LAN NO, ,DANG PO NI, SRID PA BAR MA DO'I SGRA DON DANG LUS KYI RANG BZHIN JI LTAR LAGS ZHES ZHUS PA'O, ,GNYIS PA LA GSUM, BAR DO'I RANG BZHIN SPYIR BSTAN PA, BYANG SEMS KYI BAR DO BYE BRAG TU BSHAD PA, SPYI'I MTSAN NYID GZHAN BSTAN PA'O, ,DANG PO NI, DRI BA'I LAN SMRAS PA, TSE SNGA MA'I 'CHI SRID DANG TSE PHYI MA'I SKYE BA'I SRID PA'I BAR NA BDAG GI NGO BO MNGON PAR GRUB CING DA

GZOD YUL GZHAN DU SKYE BA 'GRUB PA DE LA SRID PA BAR MA ZHES GSUNG RAB LAS BSHAD DE SKYE 'CHI GNYIS KYI BAR NA GNAS PA'I SRID PA YIN PA'I PHYIR RO, ,DE'I MING GI RNAM GRANGS GZHAN NI DRI'I PHYIR 'GRO ZHING DRIS BRTAS PAR 'GYUR BAS DRI ZA DANG DE LA BRTEN NAS YID SKYE GNAS SU 'GRO BA'AM KHU KHRAG SOGS KYI RGYU LA MA LTOS PAR YID LAS SKYES PAS YID LAS BYUNG BA DANG SKYE BA 'GRUB PA LA PHYOGS PAS NA MNGON PAR 'GRUB PA DANG SRID PA TSOL BA'I NGANG TSUL CAN YIN PAS NA SRID PA TSOL BA ZHES GSUNGS SO, ,BAR DO DE YANG NA TSOD GZHON ZHING DBANG PO RNO BAR 'GYUR TE, MDZOD 'GREL LAS, BONGS TSOD NI BYIS PA LO LNGA'AM LO DRUG LON PA LTA BU STE DE YANG DBANG PO GSAL BA YIN NO, ,ZHES GSUNGS PA BZHIN NO, ,GNYIS PA NI, JI LTAR TE DPER NA DGA' LDAN GYI SKYE BA GCIG GIS THOGS PA'I BYANG CHUB SEMS DPA' MTSAN DANG DPE BYAD THAMS CAD DANG LANG TSO YONGS SU RDZOGS PA YANG YIN PA DE BZHIN DU MA'I RUM DU STE YUM GYI LHUMS SU RAB TU 'JUG PA'I BYANG CHUB SEMS DPA' SRID PA BAR MA DO NA GNAS PA YANG MTSAN DANG DPE BYAD DANG LDAN ZHING LANG TSO YONGS SU RDZOGS PA YIN NO, ,DE'I PHYIR GLING BZHI PA BYE BA PHRAG BRGYAR YANG BYANG SEMS BAR DO NA GNAS PA 'DI'I 'OD KYI SNANG BAS GSAL BAR BYED DO, ,BAR DO MNGAL DU 'JUG TSUL 'OG TU STON ZHING 'DIR BAR DO'I MTSAN NYID STON PAS NA 'DI BYANG SEMS KYI BAR DO STON PA YIN GYI BAR DOS SKYE BA LEN TSUL STON PA MIN NO, ,MDZOD 'GREL LAS KYANG, BYANG CHUB SEMS DPA' NI DPER NA GZHON NU THOR BU LTA BU MTSAN DANG DPE BYAD DANG BCAS PA YIN NO, ,DE NYID KYI PHYIR SRID PA BAR MA LA GNAS PA

, ,YUM GYI LHUMS SU 'JUG PAS GLING BZHI BYE BA PHRAG BRGYA SNANG BAR MDZAD DO, ,ZHES BYANG SEMS DGA' LDAN NAS 'PHO BA'I BAR DO NGOS BZUNG BA DANG 'DI GNYIS DON GCIG YIN PAS SNGAR BSHAD PA BZHIN DU SHES PAR BYA'O, , 'DIR MDZED 'GREL LAS YUM GYI RMI LAM NA GLANG PO CHE'I PHRUG GU DKAR PO ZHUGS PAR GZIGS PA DANG CHOS LDAN RAB 'BYOR GYIS GLANG CHEN DKAR PO MCHE BA DRUG DANG LDAN PA ZHIG YUM GYI LHUMS SU ZHUGS PAR BSHAD PA DANG SNGAR GYI BYANG SEMS KYI BAR SRID KYI RNAM PA MI 'DRA BA'I RTZOD SPONG LA, DUD 'GRO'I SKYE GNAS BZLOG NAS YUN RING DU LON PA'I PHYIR MTSAN MA TZAM DU ZAD DE DPER NA RGYAL PO KRI KRI'I RMI LTAS BZHIN NO, ,ZHES SNGA MA'I LAN DU GSUNGS LA, CHOS LDAN RAB 'BYOR GYI TSIG NI SDE SNOD GSUM GANG YANG MIN PAS NGES PAR DRANG MI DGOS LA GAL TE 'DREN NA'ANG YUM GYI RMI LAM DANG MTHUN PAR TSIGS BCAD BYAS SO ZHES DRANG BAR BYA BAR GSUNGS SHING, LHA'I SRID PA BAR MA BONGS TSOD RDZOGS PAR GSUNGS PAS BYIS PA LO LNGA'AM DRUG LON PA LTA BU NI MI LA SOGS PA'I BAR SRID LA DGONGS SO, ,GSUM PA LA GNYIS, MDO NAS BSHAD PA'I MTSAN NYID DANG, MNGON PA'I BSTAN BCOS NAS BSHAD PA'I MTSAN NYID DO, ,DANG PO NI, BAR DO'I MTSAN NYID GZHAN NI BZANG SKYOD GIS ZHUS PA'I MDO LAS JI SKAD DU GSUNGS PA BZHIN TE BAR DO DE YANG RAGS PA'I 'BYUNG BA CHEN PO RNAMS RAB TU SPANGS PA'I PHRA BA'I LUS CAN TE RNAM 'GREL LAS, LUS CAN YIN YANG PHRA BA'I PHYIR, ,'GA' ZHIG LA LAR THOGS MED DE, ,CHU BZHIN GSER LA DNGUL

CHU BZHIN, ,ZHES GSUNGS PA LTAR RO, ,LHA'I DRAN PA RAB TU GSAL BA THOB PA NI SA YI DNGOS GZHI LAS, SKYE BA'I GNAS MA BLANGS KYI BAR DU DE'I MIG LHA'I MIG LTA BUR THOGS PA MED DO, ,ZHES GSUNGS PA LTAR LHA'I DRAN PA STE LHA'I MIG GI SHES PA DANG 'DRA BA'I MIG RAB TU GSAL BA THOB PA'O, ,MIG DES 'DOD PA DRUG LA SPYOD PA'I LHA DANG DMYAL BA BCU DRUG MTHONG BA NI 'DOD PA'I BAR DO'I DBANG DU MDZAD LA DE YANG 'DOD PA'I 'GRO BA RNAMS KYI YA MTHA' DANG MA MTHA' BZUNG BAS BAR GYI MI DANG NGAN 'GRO GZHAN GNYIS MTHONG BA YANG MTSON NO, ,MTHONG TSUL NI SA YI DNGOS GZHIR BAR DO DES RANG DANG RIGS MTHUN PA'I BAR DO DANG RANG DANG DE DAG GANG DU SKYE BA'I SKYE GNAS MTHONG BAR GSUNGS PAS LHA LA SOGS PA RNAMS MTHONG NGO, ,BAR DO DE YANG LAG PA SOGS YAN LAG DANG NYING LAG THAMS CAD MA TSANG BA MED PA'I RANG GI NGO BO STE LUS SNANG BA STE SKYE BAR 'GYUR RO, ,DES NA PHYIS SKYE GNAS SU SKYE BA BLANGS PA'I 'OG TU MIG LA SOGS PA MA TSANG BA 'BYUNG GI BAR DOR MI 'BYUNG BAR GSUNGS SO, ,'DI LTAR BDAG GI SNGON GYI LUS DE DANG DE NI 'DI DANG 'DI YIN NO ZHES RAB TU SHES SO, ,'ON KYANG RNAM SHES MI GNAS PAS SNGON GYI LUS LA 'DOD PA MI 'BYUNG GI YUL LA 'DOD PA 'BYUNG BAR SA YI DNGOS GZHI LAS GSUNGS SO, ,GNYIS PA NI, BAR DO DE'I MTSAN NYID GZHAN YANG MNGON PA MDZOD KYI TSIG LE'UR BYAS PA LAS JI SKAD GSUNGS PA LTAR YIN TE, BAR DO NI, DA GZOD SKYE BA BLANGS PA'I SKAD CIG DANG PO DOR BA'I SKAD CIG GNYIS PA NAS 'CHI BA'I SKAD CIG THA MA DOR BA'I GONG YAN CHAD NI SNGON DUS KYI

, ,SRID PA YIN LA DE'I SHA TSUGS CAN NI DE'I LUS DBYIBS KYI RNAM PA CAN TE MDZOD LAS, DE NI 'CHI BA'I SNGON ROL TE, ,SKYE BA'I SKAD CIG PHAN CHAD DO, ,ZHES GSUNGS PAS SNGON DUS KYI SRID PA NI TSE PHYI MA'I 'CHI SRID LA LTOS PA'I SNGON YIN GYI BAR DO LA LTOS NAS SNGON DU 'JOG PA MIN NO, ,DES NA MNGON PA GONG MAR GANG DU SKYE 'GYUR GYI DBYIBS CAN DU GSUNGS PA DANG SNGON DUS KYI SRID PA'I DBYIBS CAN GNYIS DON 'DRA BA YIN NO, ,GANG DANG GANG GI BAR SRID GRUB NA 'GRO BA DE DANG DER SKYE BA MI ZLOG PAR MNGON PA 'OG MAR BSHAD LA NGES PA MED PAR 'PHAGS PA THOGS MED KYIS BSHAD DO, ,GNYIS KA'I LUGS LA'ANG BAR DOR 'DA' BA 'DOD PAS BAR DO THAMS CAD KYIS SKYE SRID LEN PA'I NGES PA MED DO, , NGAN 'GRO'I BAR SRID NI PHYAR BA NAG PO'AM MTSAN MO MUN NAG GI SNANG BA LTA BU DANG BDE 'GRO'I BAR SRID NI SNAM BU DKAR PO'AM MTSAN MO'I SNANG BA ZLA 'OD DANG BCAS PA LTA BUR 'PHAGS PA THOGS MED KYIS GSUNGS LA, DMYAL BA DANG DUD 'GRO DANG YI DVAGS DANG 'DOD PA'I LHA MI GNYIS DANG GZUGS KYI BAR SRID RNAMS NI RIM PA BZHIN DU SDONG PO TSIG PA DANG DU BA DANG CHU DANG GSER LTA BU DANG DKAR POR MNGAL 'JUG LAS BSHAD DO, ,'GRE TSUL NI LHA DANG MI DANG NGAN 'GRO'I BAR SRID RNAMS NI RIM PA BZHIN GYEN DU DANG THAD KAR DANG SPYI'U TSUGS SU 'GRO BAR SA YI DNGOS GZHI LAS BSHAD DO, ,MIG LA SOGS PA'I DBANG PO KUN TSANG ZHING RDO RJE LA SOGS PAS KYANG MI BZLOG PAS THOGS RDUGS MED PA STE LCAGS KYI THU LUM

'BAR BA GSHAGS PA'I NANG NAS SRIN BU BYUNG NGO ZHES GRAG GO ,LAS KYI RDZU 'PHRUL GYI SHUGS TE MGYOGS PA DANG LDAN PAS SANGS RGYAS KYIS KYANG DGAG PAR MI NUS TE LAS STOBS DANG LDAN PA'I PHYIR RO, ,BAR DO RIGS MTHUN RNAMS DANG LHA'I MIG GI MNGON SHES KYIS MTHONG GI SKYES THOB KYI LHA'I MIG GIS MI MTHONG NGO, ,LHA LA SOGS PA'I BAR SRID GONG MA GONG MAS 'OG MA 'OG MA THAMS CAD MTHONG BA'I LUGS KYANG MDZOD 'GREL LAS BSHAD DO, ,ZHES GSUNGS SO, ,ZHES SNGA MA DANG SBYAR LA GSUNGS PAS SO ZHES PA NI PHYI MA'I RGYU MTSAN DU SBYAR RO, ,GNYIS PA NI, SRID PA SKYE BA'I RIM PA LA DE LTAR GSUNGS PAS DE DANG MTHUN PAR LHA'I RNAL 'BYOR SGOM DGOS PAS BSTAN TO ZHES DRANG NGO, ,GANG GIS NA MDOR BYAS LAS, DE LTAR SBYOR BA DMIGS NAS NI, , RJES SU SBYOR BA BRTZAM PAR BYA, ,ZHES SOGS RNAL 'BYOR DANG RJES SU RNAL 'BYOR STON PA'I GZHUNG 'DIS SO, ,'DI MDOR BYAS KYI RNAM GZHAG YIN PAS 'DI ZHES NYE BA'I TSIG GIS BSTAN PA YIN TE, DPER NA MNGON RTOGS RGYAN LAS, STON PAS 'DI LAS BSHAD PA GANG, ,ZHES YUM GYI MDO'I DON 'GREL PAS YUM GYI MDO LA NYE BA'I TSIG GIS SMOS PA BZHIN NO, ,GANG BSTAN NA LHA'I SKU DANG PO'I MGON PO BSKYED PA'O, ,GANG GIS BSKYED NA BSKYED PA'I RIM PA SGOM PAR BYED PA PO RNAMS KYIS SO, ,RIM PA CI 'DRA BAS BSKYED NA SNGON DU RNAL 'BYOR DANG DE'I 'OG TU RJES SU RNAL 'BYOR BSGOM PA'I RIM PAS SO, ,GANG DANG 'DRA BAR BSKYED NA, KYANG ZHES PA SRID PA SKYE BA'I RIM PA LA DE LTAR SKYE BAR MA ZAD RNAL 'BYOR PAS KYANG DE LTAR BSKYED DO ZHES

, ,PA'I DON YIN LA DE YANG SKABS 'DIR NI SNGAR BSHAD PA'I BSKAL PA DANG PO'I MI SHI BA DANG DE NAS BAR DO GRUB PA GNYIS DANG MTHUN PAR RO, ,'DIR BLA MA KHA CIG GIS GZHUNG 'DIS BAR SRID DANG MTHUN PAR LHA BSKYED LA STON PA BLO LA MA BDE BAS 'OG GI RKANG LAG 'GYU STE GNAS SKABS LNGA GSAL BAR 'GYUR RO ZHES PA'I 'OG TU DRANGS NAS DANG PO'I MGON PO BSKYED PA MNGAL GYI GNAS SKABS DANG SBYAR NAS 'CHAD PA NI, MKHAS PA'I GZHUNG RNAM PA GZHAN DU SKYOGS TE 'CHAD PA'I BSHAD PA TSAR MI 'TSAM PA'O, ,SLOB DPON 'DIS GZHUNG 'DI'I 'OG TU BAR DOS MNGAL DU SKYE BA LEN TSUL DE NAS MNGAL DU 'PHEL NAS BTZAS PA'I BAR GYI CHOS MTHUN PA'I YUL BSHAD NAS DE DANG MTHUN PAR BSGOM TSUL GSUNGS LA, SKABS 'DIR NI BSKAL PA DANG PO'I MI SHI BA DANG DE NAS BAR SRID GRUB PA DANG MTHUN PAR RNAL 'BYOR GNYIS KYIS LHA'I SKU BSKYED PA GSAL BAR BSTAN PAS NA DE DAG GI SKABS RNAMS NI SO SOR BSHAD DGOS SO, ,DES NA RNAL 'BYOR LA BYANG CHUB PA GNYIS YOD PA'I DE BZHIN NYID LAS BYANG CHUB PA LHAG MOS 'OD GSAL DU SDUD PA NI BSKAL PA DANG PO'I MIS 'CHI BA'I 'OD GSAL NYAMS SU MYONG BA DANG 'DRA STE MDOR BYAS LAS CHOS SKUR GSUNGS PAS 'CHI BA SBYONG BYED CHOS SKU BSGOM PA'O, ,DE NAS BYANG CHUB PA LHAG MA BZHIS DANG PO'I MGON PO BSKYED PA NI SHI BA'I 'OD GSAL LAS LANGS PA'I MTHAR BAR DO 'GRUB PA DANG 'DRA STE RDO RJE SEMS DPA'I SGRUB THABS LAS, DE LTAR RNAL 'BYOR DANG RJES SU RNAL 'BYOR GYI RIM PAS BDAG NYID LONGS SPYOD RDZOGS PA'I SKUR

BSKYED NAS, ZHES GSUNGS PAS BAR DO SBYONG BYED LONGS SKU BSGOM PA'O, ,DE NAS LONGS SKU SPRUL SKUR BSGYUR BA SOGS RNAL 'BYOR LHAG MA GNYIS BSGOM PA NI BAR DOS MNGAL DU SKYE BA BLANGS PA DANG 'DRA STE 'DI SPRUL SKUR BSGYUR BA YIN PAS SKYE BA SBYONG BYED SPRUL SKU BSGOM PA'O, ,'OG TU LONGS SKUS MI RNAMS KYI DON MDZAD PAR MI NUS PAS SPRUL PA'I SKU GZUNG BA'I DON DU MA'I MNGAL DU 'JUG PA'I SPRUL PA BSTAN PA DANG 'DRA BAR BAR DO THA MAL PA'I MIG GI YUL DU MI RUNG BA DES MNGAL DU SKYE BA BLANGS PA RDZOGS PA NAS THA MAL PAS MTHONG DU RUNG BA DANG 'DRA BAR RNAL 'BYOR LHAG MA RNAMS BSGOM PAR GSUNGS PAS KYANG DANG PO'I MGON PO BSKYED PA 'BRAS BU'I SKABS KYI LONGS SKU DANG GZHI'I SKABS KYI BAR DO DANG 'DRA BA DANG, DE SPRUL SKUR BSGYUR BA 'BRAS BU'I SKABS KYI SPRUL SKU DANG GZHI'I SKABS KYI MNGAL DU SKYE BA BZUNG BA DANG 'DRA BA SHIN TU GSAL BA YIN NO, ,MDO BSRE LAS KYANG, RDO RJE 'CHANG CHEN PO'I BDAG NYID JI LTA BA BZHIN DU BSGOM PA NI RJES SU RNAL 'BYOR RO, ,DE NAS LE'U DANG PO LAS GSUNGS PA'I RIG PA'I SKYES BU'I GZUGS CAN DU BSTAN PA'I YE SHES KYI RANG BZHIN GYI LUS KYIS SEMS CAN GYI DON BYA BAR MI NUS PAS NA, ZHES DANG PO'I MGON PO SPRUL SKUR BSGYUR BA'I SKABS SU DE'I RGYU MTSAN DU GSUNGS PA 'DI DANG GZHUNG 'DI GNYIS KYANG DON 'DRA BAR SNANG NGO, ,LE'U DANG PO'I SGRON GSAL LAS KYANG, DE NAS DE BZHIN GSHEGS PA MI BSKYOD PA DANG ZHES BYA BA LA SOGS PAS NI SEMS CAN GYI DON BYA BA'I PHYIR PHUNG PO LA SOGS PAR RJES SU ZHUGS PAS SPRUL PA'I SKU 'DZIN PAR MDZAD PA BSTAN PA YIN TE, ZHES SKYE BA

, ,BZUNG BA'I DOD DANG SPRUL SKU GNYIS GCIG TU GSUNGS PAS DANG PO'I MGON PO SPRUL SKUR BSGYUR DGOS PA YANG 'DOD LA MNGAL DU SKYE BA BZUNG BA'I DOD DU YANG 'DOD PA NI 'GAL BA'O, ,RIM LNGA LAS KYANG, KUN RDZOB BDEN PA SGYU MA NYID, ,LONGS SPYOD RDZOGS PA'I SKU YANG DE, ,DE NYID DRI ZA'I SEMS CAN YIN, ZHES LONGS SKU BAR DO'I DOD DU GSUNGS PAS DANG PO'I MGON PO BSKYED PA NI BAR DO DANG CHOS MTHUN PAR GDON MI ZA BAR BYA DGOS SO, ,DE LTAR NA SRID PA SKYE BA DANG CHOS MTHUN SBYOR BA RNAMS KYI SNYING PO NI SKYE SHI BAR DO GSUM DANG MTHUN PAR LAM GYI SKU GSUM BSGOMS PAS 'BRAS BU'I SKU GSUM DANG YANG MTHUN PAR 'BRAS BU'I RNAM PA LAM DU BYED PA 'DI YIN LA, RIM PA GNYIS KA LA SBYONG BYED SKU GSUM BSGOM LUGS KYI KHYAD PAR 'GA' ZHIG MA GTOGS PA SPYIR GZHI 'BRAS KYI CHOS GSUM DANG MTHUN PAR SKU GSUM BSGOM PA TZAM NI 'DRA BA YIN NO, ,DE'I PHYIR RIM PA DANG PO'I SKABS SU SKYE SHI BAR DO GSUM GYI SO SO'I CHOS MTHUN NGOS MA ZIN PAR 'PHYUGS NA RGYUD 'GREL DU SEMS DBEN DANG 'OD GSAL GYI MTHAR SGYU MA DANG ZUNG 'JUG GI SKUR BZHENGS PA LONGS SKU DANG DE SPRUL SKUR BSGYUR BA'I RNAM GZHAG YANG YANG GSUNGS PA RNAMS KYI GNAD ZIN PA YANG NGES PAR 'PHYUG PA YIN PAS 'DI GAL CHE'O, ,DES NA SNGON DUS KYI BSHES GNYEN KHA CIG NYI MA DANG PADMA DANG DE'I STENG GI YI GE GSUM DANG 'DRES NAS ZLA BA GCIG TU SONG BA'I SBYANG GZHI NI RIM PA LTAR PHA DANG MA DANG BAR DO DANG PHA

MA BAR DO DANG BCAS PA GSUM BDE BAS BRGYAL BA YIN LA, RANG BZHIN GYI RIGS YOD PAS MER MER PO LA AOm LTAR LTAR PO LA A'A: GOR GOR PO LA H'Um GI DBYIBS RANG CHAS SU YOD PA DANG 'KHRANG 'GYUR DANG RKANG LAG 'GYUS PA'I SKABS LNGA NI SA BON DANG PHYAG MTSAN DANG SKU RDZOGS PA'I SBYANG GZHIR BZHED PA DANG, SNGON GYI KHA CIG NI PHA'I RDO RJE RGYAS PA NYI MA PHA MA GNYIS PHAN TSUN CHAGS PA ZLA BA MA YI PADMA RGYAS PA PADMA DE'I STENG GI YI GE GSUM BAR SRID KYI LUS NGAG YID GSUM, 'DRES PA NI BAR DO DANG KHU KHRAG GSUM 'DRES NAS YE SHES KYI SA THOB PA DANG CHOS MTHUN LA GNAS SKABS DANG PO GNYIS KYI TSE 'BRU GSUM GYI DBYIBS DANG BAR PA GNYIS KYI TSE SANGS RGYAS KYI SNYING PO CAN YIN PAS PHYAG MTSAN GYI DBYIBS SU YOD LA LNGA GA NI SNGAR DANG 'DRA BAR 'CHAD PA YANG RNAR MI 'ONG STE, DPAL KLU'I BYANG CHUB LA SOGS PA'I CHEN PO DAG GIS BAR DO DANG LONGS SKU CHOS MTHUN SBYAR BA'I CHOS MTHUN KHYAD PAR CAN DOR NAS SNANG RUNG MA DMIGS PAS KHEGS PA'I AOm LA SOGS PA'I DBYIBS SGRUB BYED LTAR SNANG LA BRTEN NAS NAN TAN GYIS BSGRUB PA'I PHYIR RO, ,DE BZHIN DU MAN NGAG SNYE MA'I SNYE MA BCU GNYIS PAR YANG MNGON BYANG LNGAS DANG PO'I MGON PO BSKYED PA MNGAL DU SKYE BA BLANGS PA DANG CHOS MTHUN SBYAR BA YANG CHEN PO DAG GI GZHUNG DANG 'GAL BAS YID BRTAN PA'I GNAS SU MI RUNG NGO, , PHYIS KYI BLA MA KHA CIG GIS NI LUGS DE RNAMS BKAG NAS RANG GI LUGS 'DI LTAR 'JOG STE, ZLA NYI PADMA GSUM NI LUGS BZLOG GI SNANG BA GSUM DE DAG BSKYED PA'I YI GE GSUM NI SEMS KYI BZHON PA'I RLUNG, PADMA'I STENG GI YI GE GSUM NI BAR

, ,DO'I LUS NGAG YID GSUM 'DRES PA NI, BAR DOR SKYE BA BLANGS PA SPRO BSDUS ZLA BA RDZOGS PA NI RNAM SHES RLUNG GI BZHON PA CAN LA BRTEN NAS BAR DO'I PHUNG PO RDZOGS PA DANG CHOS MTHUN NO, ,LUGS BZLOG GI SNANG BA LAS BAR DO 'GRUB LUGS LA, SNYE MA NYER GCIG PAR THAMS CAD STONG PA SHI BA'I 'OD GSAL LAS BYUNG BA'I SNANG BA NYER THOB KYI TSE BAR SRID GRUB LA SNANG BA MCHED PA NI BAR DOS 'DOD PA LEN PA'I SEMS DANG SNANG BA NI SKYE BA GZUNG BA'I SEMS SU BSHAD PA SUN 'BYIN TE, NYER THOB KYI TSE BAR SRID GRUB PA MI 'THAD DE BAR DO 'GRUB PA LA SNANG BA GSUM GA DGOS PA'I PHYIR TE, RGYUD RDO RJE 'PHRENG BA LAS, SNANG BA GSUM GYI MTSAN NYID CAN, ,GANG 'DI RNAM SHES GSUM THOB PA, ,SEMS CAN KHAMS NI MA LUS PA'I, ,RANG BZHIN RTZA BA 'DI YIN NO, ,ZHES SO, ,DES NA 'OD GSAL LAS LDANG BA DANG BAR DOR SKYE BA SRANG MDA'I MTHO DMAN LTAR 'BYUNG BAS 'OD GSAL LAS LDANG BAR RTZOM 'DOD PA'I LDANG SEMS LA GNYIS LAS MI GSAL BA NI NYER THOB YIN LA GSAL BA NI SNANG BA MCHED PA'O, ,'OD GSAL LAS LANGS PA DANG DUS MNYAM PA'I BAR DO'I SEMS GSAL BA NI SNANG BA'O, ,SKYE BA GZUNG BA'I SEMS SNANG BAR BYED PA YANG MI 'THAD DE BAR DO SHI NAS SKYE BA LEN PA LA LUGS MTHUN GYI SNANG BA GSUM RIM GYIS BYUNG NAS MTHAR 'CHI BA'I 'OD GSAL DU 'GRO DGOS PAS SNANG BA TZAM NAS 'OD GSAL DU MI 'GRO BA'I PHYIR RO, ,DES NA LUGS BZLOG GI THA MAR 'BYUNG BA'I SNANG BA LAS SNANG BA MCHED PAR 'GRO BA NI SKYE BA LEN PA'I DON DU 'GRO BA SOGS KYI SKABS SO, ,DE NYER THOB TU

THIM PA NI SKYE SRID LA GZHOL BA'I BAR DO 'GAG PA LA PHYOGS PA'I SEMS TE DE 'OD GSAL DU THIM NAS SKYE BA LEN NO, ,SNANG BA DE GSUM SBYONG BA LA ZLA BA LAS BYANG CHUB PA DANG, SA BON DANG PHYAG MTSAN LAS BYANG CHUB PA DANG, SKU RDZOGS PA LAS BYANG CHUB PA GSUM YIN TE, RIM LNGA LAS, ,SHES RAB NGO BO NYID 'DI NI, ,ZLA BA'I DKYIL 'KHOR DAG TU BRTAG ,SEMS NYID RANG GIS MTHONG 'GYUR TE, ,RANG NYID ZLA BA'I GZUGS BZHIN NO, ,DE NAS ZLA BA LA DMIGS PA, ,RDO RJE MTSAN MAR RAB TU BRTAG ,'DI NI RDO RJE LAS BYUNG BA'I, ,RNAL 'BYOR PA YI THABS SU BSHAD, ,ZLA BA RDO RJE SOGS MNYAM SBYOR, ,SEMS DANG SEMS BYUNG 'DUS PA STE, ,SHES RAB THABS SU 'DUS PA LAS, ,LHA YI GZUGS NI 'BYUNG BAR 'GYUR, ,PHYAG RGYA BZHIS NI RGYAS BTAB CING, ,LHA YI NGA RGYAL 'CHANG BYED DE, ,BSKYED PA'I RIM DANG LDAN PAR NI, ,SNGAGS PAS RTAG TU SPYOD PAR 'GYUR, ,ZHES PA DRANGS NAS DE LTAR 'CHAD DO, ,'DI LA CUNG ZAD DPYAD NA SA YI DNGOS GZHI LAS, BAR MA DO'I SRID PA PHYOGS DE NAS BAR CHAD MED PAR DUS GCIG TU 'GAG PA DANG SKYE BA'I TSUL GYIS SRANG GI THOR TO MTHO DMAN DU 'GYUR BA BZHIN DU 'BYUNG BAR 'GYUR RO, ,ZHES 'CHI SRID 'GAGS PA DANG BAR SRID GRUB PA GNYIS BAR DU GZHAN GYIS MCHOD PAR DUS MNYAM PAR GSUNGS LA DE LTAR DU RANG YANG BZHED CING BAR SRID RDZUS TE SKYE BA'I YAN LAG DANG NYING LAG LA SOGS PA RNAMS DUS GCIG TU 'GRUB PAR GSUNGS PA'I PHYIR, SHI BA'I 'OD GSAL LAS LUGS BZLOG TU SHAR BA'I NYER THOB KYI TSE BAR DOR SKYES PA DGOS PAS DE 'GOG PA MI 'THAD DO, ,LDANG SEMS GNYIS PO 'CHI SRID KYI SKABS LA 'JOG

, ,NA THAMS CAD STONG PA YIN GYI NYER THOB DANG MCHED PAR MI RUNG LA DE GNYIS BAR DO GRUB PA'I SKABS LA 'JOG NA RANG GI KHAS BLANGS PA DANG YANG 'GAL ZHING SKABS DE GNYIS SU MI 'JOG NA SRID PA GNYIS KYI BAR DU BZHAG DGOS PAS LUNG DANG KHAS BLANGS PA GNYIS CHAR DANG 'GAL BAR SNANG NGO, ,SEMS CAN KHAMS NI MA LUS PA'I, ,RANG BZHIN RTZA BA 'DI YIN NO, ,ZHES PA'I LUNG GIS NI SEMS CAN THAMS CAD KYI RANG BZHIN BRGYAD CU'I RTOG PA'I RTZA BAR SNANG BA GSUM DGOS PAR BSTAN GYI SEMS CAN DU GANG SKYE BA THAMS CAD LA SNGAR GYI SHI BA'I 'OG TU SNANG BA GSUM STON PAR MI SNANG NGO, ,RIM PA GNYIS PA'I LUNG DON YANG GZHI'I SNANG BA GSUM LAS BAR DO 'GRUB PA DANG CHOS MTHUN PAR ZLA BA RDO RJE SOGS LAS LHA BSKYED PA'I RIM PA STON PA MIN GYI, RDZOGS RIM PAS YE SHES GSUM LAS LHA BSKYED PA'I DOD BSKYED RIM PAS ZLA BA DANG RDO RJE SOGS LAS LHA'I SKU BSKYED DO ZHES STON PA'I DON YIN TE SNGAR DRANGS PA LTAR BSKYED RIM PA'I SNGAGS PAS DE LTAR SPYOD PAR GSUNGS PA'I 'OG TU, DA NI YONGS RDZOGS RNAL 'BYOR GYI, ,MTSAN PAR BYED PA DAG NI BYA, ,ZHES SOGS KYIS 'OD GSAL LAS LANGS PA'I YE SHES GSUM LAS MTSAN DPES SPRAS PA'I SKU 'BYUNG BAR GSUNGS PA'I PHYIR RO, ,BSKYED RIM LA LUGS 'BYUNG GI SNANG BA GSUM GYI RIM PA BSHAD LA RDZOGS RIM LA LUGS BZLOG GI SNANG BA'I RIM PA BSHAD KYANG DE GNYIS KYI GO RIM RIM GNYIS LA 'DRA BA MI DGOS KYI SPYIR SNANG BA GSUM LAS LHA'I SKU 'BYUNG BA TZAM DU 'DRA BAS CHOG GO ,GZHAN YANG LUNG DES ZLA BA DANG RDO RJE

SOGS 'DRES PA LAS LHA BSKYED PAR BSTAN LA 'DIR NI ZLA BA GDAN DU BYAS PA'I STENG DU BSKYED DE STON PA DANG GNAS PHUN TSOGS YIG DON DU BSHAD PA'I SKABS BZHIN NO, ,LUGS BZLOG GI SNANG BA GSUM PA SKYE BA GZUNG SEMS SU BSHAD PA LA YANG SKYON MED DE BAR DO SRID PA TSOL BA'I NGANG TSUL CAN YIN PAS THOG MA NAS SKYE BA 'TSOL BA'I SEMS 'BYUNG GI BAR DO 'GAG KHA MA'I TSE KHO NA MI DGOS PAS SO, ,DES NA BAR DO NI SHI BA'I 'OD GSAL LAS LUGS BZLOG TU LANGS PA'I RLUNG SEMS TZAM LAS GRUB PA 'BYUNG BA'I LUS RAGS PA SPANGS PA'I SHIN TU PHRA BA'I LUS CAN YIN PAS YID LUS DANG YE SHES KYI LUS CAN ZHES GSUNGS SO, ,DE DANG MTHUN PAR LHA BSKYED PA LA SHI BA'I 'OD GSAL DANG 'DRA BA NI DE BZHIN NYID LAS BYANG CHUB PA'O, ,DE'I NGANG NAS LANGS PA LA LHA BSKYED PA'I RGYUR SNGON DU ZLA BA LAS BYANG CHUB PA STON PA NI RLUNG GI BZHON PA CAN GYI RNAM SHES RNAM PA ZLA BA YONGS SU RDZOGS PAR SNANG BA TZAM LAS BSKYED PA'I LHA'I SKU NI YE SHES KYI LUS CAN DU BSTAN PA'I PHYIR RO, ,DE LA STONG NYID KYI NGANG NAS LDANG BA'I ZLA NYI PAD GSUM NI GZHI'I LUGS BZLOG GI SNANG BA GSUM DANG 'DRA, YI GE GSUM SNGA RTING RNAMS NI GZHI'I RNAM SHES KYI BZHON PA'I RLUNG DANG 'DRA, DE RNAMS 'DRES PAS NI GZHI'I SKABS KYI RLUNG SEMS DBYER MI PHYED PA MTSON, SPRO BSDUS ZLA BA RDZOGS PA NI RGYUD RDOR 'PHRENG LAS, SKYE DANG GNAS DANG 'JIG PA DANG, ,SRID PA BAR MAR GNAS PA STE, ,JI SNYED 'JIG RTEN GYIS BRTAGS PA, ,SEMS KYI RLUNG GI RNAM 'PHRUL LO, ,ZHES GSUNGS PA LTAR RLUNG GI BZHON PA CAN GYI RNAM PAR SHES PA NI SNOD

, ,BCUD KYI RTZA BA CAN DU MTSON PAR BYED PA'O, ,DE NAS NGO BO RNAM PAR SHES PA TZAM ZHIG RNAM PA ZLA BA'I RNAM PAR SNANG BA LAS CHU LAS CHU BUR SKYE BA BZHIN DU SA BON SKYES NAS DES PHYAG MTSAN DANG DES LHA'I SKU RDZOGS PAR BSKYED PA NI RLUNG SEMS TZAM LAS GRUB PA'I BAR DO'I LUS NGAG YID GSUM BYA BA DANG BCAS PA BZHI DANG 'DRA BAR, GSUNG CHOS KYI PHYAG RGYA DANG THUGS DAM TSIG GI PHYAG RGYA DANG SKU PHYAG RGYA CHEN PO DANG 'PHRIN LAS LAS KYI PHYAG RGYA BZHI LAS MI 'DA' BA'I TSUL GYIS RGYAS BTAB NAS LHA'I SKU BSGOMS PAS THA MAL PA'I SGO GSUM BYA BA DANG BCAS PA SBYONG BA'O, ,'PHRIN LAS NI SA BON SOGS LAS SPRO BSDU BYED PA LA BYA'O, ,'DI DAG KYANG SPYIR CHOS MTHUN SBYOR BA YIN GYI SNGA RTING GI RIM PA LA SOGS PA'I PHRA MO 'GA' ZHIG JI LTA BA BZHIN SBYAR RGYU MA BYUNG YANG SKYON MED DE SKABS GZHAN DU BSTAN PA DANG 'DRA'O, ,GSUM PA NI, MDOR BYAS LAS, DANG PO MGON PO BSAMS NAS KYANG, ,SHIN TU SBYOR BA YANG DAG BRTZAM, ,ZHES PA NAS, TING 'DZIN SEMS DPA' ZHES BYA BA,, YI GE H'Um NI DE RU DGOD, ,CES PA'I BAR GYIS LONGS SKU SPRUL SKUR BSGYUR BA NAS SEMS DPA' GSUM RTZEG TU BYA BA'I BAR NI BAR DO MNGAL DU SKYE BA BLANGS PA DANG MTHUN PAR BSGOM PA YIN PAS 'DI LA GNYIS, MTHUN YUL BSHAD PA, DE DANG RJES SU MTHUN PAR SGOM TSUL LO, ,DANG PO LA GNYIS, SKYE BA LEN TSUL MDOR BSTAN PA, RGYAS PAR BSHAD PA'O, ,DANG PO NI, JI LTAR TE DPER NA MA'I MNGAL DU 'JUG PA NYE BAR BSTAN TE ZHES DRANG NGO, ,GANG NA SKYE BA GCIG GIS THOGS PA'I BYANG SEMS CHEN PO DGA'

LDAN NA BZHUGS PAS SO, ,GANG GI DON DU NA MCHOG GI SPRUL PA'I SKUR SKYE BA 'DZIN PA'I DON DU'O, ,DER SKYE BA GZUNG DGOS PA'I RGYU MTSAN NI BYANG SEMS DES MI LA SOGS PA'I GDUL BYA THA MAL PA'I YANG DON MDZAD DGOS LA, SNGAR LONGS SKUR SANGS RGYAS PA'I SKU DE DE RNAMS KYI SA MTHONG DU MI RUNG BAS DE'I SGO NAS MI DANG DES MTSON PA'I GDUL BYA THA MAL PA RNAMS KYI DON MDZAD PAR MI SPYOD PAS SO, ,'DIS NI LONGS SKUS MI LA SOGS PA'I DON MDZAD PA'I PHYIR DU SKYE BA GCIG GIS THOGS PA'I BYANG SEMS SU SPRUL NAS 'DZAM BU GLING DU SPRUL SKUR SANGS RGYA BAR BSTAN PAS BDAG CAG GI STON PA LTA BU NI SNGON SANGS RGYAS ZIN NAS 'DOD KHAMS SU MDZAD PA BSTAN PAR BZHED DO, ,SKYE BA 'DZIN TSUL NI SNGAR BSHAD PA LTAR GYI BYANG SEMS KYI BAR DO DE YUM GYI LHUMS SU MI YI PHUNG PO DANG KHAMS DANG SKYE MCHED KYI RJES SU ZHUGS PA'I SGO NAS SO, ,DPE DE BZHIN DU SKYE BA LEN TO ZHES DRANG NGO, ,GANG GIS NA BYANG SEMS DER MA ZAD SNGAR BSHAD PA'I BSKAL PA DANG PO'I MI SHI BA'I 'OG TU SRID PA BAR MA NA GNAS PA'I BAR DO DE YANG NGO, ,SKYE BA LEN PA'I DUS NI NYIN ZHAG BDUN PA SNGAR BSHAD PA LTAR DOR TE'O, ,GANG GI MTHUS SKYE NA 'KHOR BA THOG MA MED PA'I RANG GI BDAG GNYIS SU RNAM PAR RTOG PA'I BAG CHAGS LAS BYUNG BA'I LAS KYIS YANG DAG PAR BSKUL TE'O, ,BAR SRID SKYE SRID DU 'JUG PA'I TSUL NI 'OG NAS 'CHAD PA'I RIM PA 'DIS SO, ,GAL TE SKABS 'DI RNAMS GZHI'I SRID PA SKYE BA'I RIM PA DANG BSKYED RIM SGOM PA CHOS MTHUN PAR STON PA'I SKABS MA YIN NAM, CI'I PHYIR SKABS

, ,'DIR 'BRAS BU'I SPRUL SKU 'GRUB PA DANG GZHI'I BAR DOS SKYE BA LEN TSUL CHOS MTHUN PAR STON SNYAM NA, DE LA SNGON GYI BLA MA KHA CIG LHA BSKYED PA LA TSUL GNYIS LAS SANGS RGYAS 'TSANG RGYA BA'I RIM PA DANG MTHUN PAR BSKYED PA NI DE NYID BSDUS PA SOGS NAS BSTAN PA RNAMS YIN LA, SEMS CAN SRID PAR SKYE BA DANG MTHUN PAR BSKYED PA NI RNAL 'BYOR CHEN PO NAS BSTAN PA 'DI'O ZHES DE GNYIS MI MTHUN PAR 'CHAD MOD KYANG, GZHI'I SKYE SHI BAR DO GSUM DANG MTHUN PAR SGOM PA NA CHOS LONGS SPRUL GSUM DANG MTHUN PAR SGOM DGOS PAS GZHI DANG MTHUN PAR SGOM PA DANG 'BRAS BU DANG MTHUN PAR SGOM PA LA 'GAL BA MA MTHONG NGO, ,DES NA 'CHI BA CHOS SKU DANG 'DRA BA NI RNAM GZHAG BZHI PA NAS 'CHAD PAR 'GYUR LA BAR DE DANG SKYE BA GNYIS LONGS SPRUL DANG 'DRA BAR 'DIR BSTAN PA NA CHOS MTHUN SBYOR BA'I GTZO BO'I DON MI 'PHYUG LA, DE LA BRTEN NAS 'CHAD PAR 'GYUR BA LTAR SKU GSUM PO GANG BSGOMS PAS SBYANG GZHI GANG SBYONG BA'I TSUL MI 'CHUG PA DANG MNGON RTOGS KYI 'DI'I RJES SU 'DI SGOM DANG 'DI LTAR SGOM PA'I RGYU MTSAN RNAMS KYANG BDE BLAG TU NGES PAR 'GYUR BAS DE'I PHYIR GZHI DANG 'BRAS BU'I CHOS MTHUN GSUNGS SO, ,DE NI DPER NA 'BRAS BU'I SKABS SU LONGS SKUS SPRUL PA'I SKYE BA 'DZIN PA'I RGYU MTSAN 'DIR GSUNGS PAS DANG PO'I MGON PO SPRUL SKUR SGYUR DGOS PA'I RGYU MTSAN SHES PA LTA BU'O, ,GZHAN YANG LONGS SKUS 'GRO BA GANG GI PHUNG PO SOGS LA LHUMS SU ZHUGS PAS DE'I RTEN LA 'TSANG RGYA BA'I SPRUL PA STON PA'I RTEN DE NI SPYIR MI'I 'GRO BA DANG

DE'I NANG NAS KYANG 'DZAM BU GLING PA'I RTEN KHYAD PAR CAN YIN PA DE BZHIN DU, SNGAGS PAS GANG DANG MTHUN PAR BSGOMS PAS DE'I DOD LA SPRUL PA'I SKU 'GRUB PA'I SKYE BA DANG DE 'DZIN PA'I BAR DO RNAMS KYANG 'DZAM BU GLING PA'I DBANG DU BYAS PA DGOS PAR BSTAN PA'I PHYIR DU, BYANG SEMS YUM GYI LHUMS SU 'JUG PA DANG 'DRA BA'I MA'I MNGAL DU SKYE BA'I BAR DO BSTAN GYI BAR DO MNGAL DU SKYE BA 'DZIN PA THAMS CAD KYI DBANG DU MA BYAS TE 'OG NAS 'CHAD PA BZHIN NO, ,GNYIS PA LA GSUM, BAR DO MA YI MNGAL DU 'JUG PA'I RIM PA, ZHUGS NAS MNGAL DU 'PHEL BA'I RIM PA, MNGAL NAS PHYIR 'THEN PA'I RIM PA'O, ,DANG PO LA GNYIS, MNGAL 'DZIN PA'I MA LA SOGS PA RNAMS JI LTAR BYUNG BA, DE NAS BAR DO JI LTAR ZHUGS PA'O, ,DANG PO LA GNYIS, BSKAL PA DANG PO'I MI RNAMS THA MAL PA'I MIR GYUR PA'I RIM PA, PHO MO BYUNG NAS GRONG PA'I CHOS BSTEN TSUL LO, ,DANG PO NI, BAR DOS SKYE BA LEN PA DE LA LEN PA'I RIM PA NI 'OG NAS 'BYUNG BA 'DI YIN TE, BSKAL PA DANG PO'I MI RNAMS SNGAR THA MAL PA'I MING RIM GYIS 'GYUR BAR BSTAN PA'I 'GYUR TSUL NI BDUD RTZI STE SA'I BCUD ZA BA NAS BZUNG STE JI SRID DU 'BRAS CHAN ZA BA YAN CHAD KYIS THA MAL PA'I LUS SU 'GYUR RO, ,'JIG RTEN 'CHAGS PA'I DUS NA SA CHEN PO 'DI RGYA MTSO 'BA' ZHIG TU GYUR PA'I STENG NA 'O MA BSKOL BA GRANGS PA'I SPRIS MA CHAGS PA BZHIN DU CHAGS PA'I SA YI BCUD KHA DOG DRI RO PHUN SUM TSOGS PA'I KHA DOG NI MAR GSAR LTA BU RO NI SBRANG RTZI MA BSKOL BA LTA BU YOD PA DE, SNGAR BSHAD PA'I BSKAL PA DANG PO'I MI BRKAM CHAGS CAN

, ,ZHIG GIS SOR MO'I RTZE MOS BLANGS TE MYANG BAR BYED CING DE LA 'DOD PAR BYED DO, ,DE BZHIN DU SEMS CAN GZHAN GYIS KYANG BYED DE KHAM ZAS ZOS PA DES DE DAG GI LUS LA SRA BA DANG LCI BA NYID KYIS NON TE LUS KYI KHA DOG GSAL BA'I 'OD MI SNANG BAR GYUR TO, ,DE'I 'OG TU MUN PA SKYES PAS NYI MA DANG ZLA BA DAG 'JIG RTEN DU BYUNG LA RGYU SKAR DANG NYIN MTSAN DANG ZLA BA DANG ZLA BA PHYED DANG, DUS TSIGS DANG LO DAG KYANG BYUNG NGO, ,SA YI BCUD ZOS PA'I DBANG GIS 'OD NUB NAS NYI ZLA BYUNG BAR LUNG RNAM 'BYED LAS GSUNGS PA LTAR MDZOD 'GREL LAS KYANG 'BYUNG BAS 'BRAS CHAN ZOS PA'I 'OG TU NYI ZLA BYUNG BA MIN NO, ,ZAS DE NYUNG DU ZOS PA RNAMS KHA DOG BZANG LA MANG DU ZOS PA RNAMS KHA DOG NGAN PAR GYUR PA NA NGA NI KHA DOG BZANG LA KHYOD NI NGAN NO ZHES KHYAD DU BSAD PA'I DBANG GIS SA YI BCUD DE MED PAR GYUR TO, ,DE DAG 'DUS NAS DE LA MYA NGAN BYED PA NAS ZHAG KHA DOG DONG KA'I ME TOG LTA BU RO SNGAR DANG 'DRA BA ZHIG BYUNG BA NAS KHYAD DU BSAD PA'I BAR SNGAR BZHIN BYAS PAS DE YANG MED PAR GYUR TO, , DE NAS YANG SNGAR BZHIN MYA NGAN BYED PA NA MYU GU'I TSAL PHUN SUM TSOGS PA KHA DOG NI KA TAM PU KA'I ME TOG LTA BU RO SNGAR DANG 'DRA BA ZHIG BYUNG BA NAS NUB PA'I BAR YANG SNGAR BZHIN NO, ,DE NAS YANG MA RMOS MA BTAB PA'I 'BRAS SA LU SHUN PA DANG PHUB MA MED PA RTZA BA SOR BZHI PA NANG BRNGAS ? NA NUB SKYE ZHING NUB BRNGAS NA NANG SKYE BA BRNGAS PAR MI MNGON PA ZHIG BYUNG BA ZA BAR BYED DO, ,GNYIS PA NI, 'BRAS DE ZOS PA DANG ZAS DE CHES RAGS PAS DE NAS THABS DANG SHES RAB KYI RNAM PAR DBYE BA BSTAN PA'I CHED DU

BSHANG GCI 'BYUNG BA'I LAM PHO MO'I DBANG PO DANG BCAS PA DOD CING PHO MO'I DBYIBS KYANG THA DAD PAR GYUR TE, ,DE NAS SNGON THOG MA MED PA NAS TSUL MIN YID BYED LA GOMS PA'I DBANG GIS PHO MO GCIG LA GCIG LTA ZHING PHAN TSUN CHAGS PA'I SEMS SKYE'O, , GANG GI PHYIR TE GANG TSUN CHAD PHAN TSUN LOG PAR ZHUGS PA DE NAS BRTZAMS TE PHO DANG MO ZHES PA'I MING 'JIG RTEN DU GRAGS SO, ,DE YANG LOG PAR ZHUGS PA MTHONG NAS SA LA SOGS PA 'THOR BA SOGS BYED CING SEMS CAN NGAN PA ZHES SMRAS PA NA BYA BA MA YIN PA BYED PA'I DON DU KHYIM BRTZIGS TE 'DOD PA BSTEN PA DANG KHYIM GYI DANG PO'O, ,DE NAS 'BRAS SA LU DE NANG ZA BA NA NANG LEN NUB ZA BA NUB LEN PA LA SEMS CAN LE LO CAN ZHIG GIS NANG DGONG GNYIS KA'I SA LU DUS GCIG TU BLANGS SO, ,DE NAS SEMS CAN GZHAN ZHIG GIS KYANG NYI MA GNYIS DANG GSUM DANG BDUN GYI BAR GYI SA LU DUS GCIG TU BLANGS SO, ,DE MTHONG NAS GZHAN DAG GIS KYANG ZLA BA PHYED DANG ZLA BA GCIG GI SA LU DUS GCIG TU BLANGS PAS BRNGAS PA RNAMS SLAR MI SKYE ZHING SO BA DANG SHUN PA DANG LDAN PAR GYUR TO, ,LUNG RNAM 'BYED LAS SNGAR BSHAD PA'I LUS KHYAD PAR CAN THOB PA DE RNAMS NYID 'DI'I BAR DU GYUR PAR GSUNGS PAS LHAG MOS DANG CHOS MTHUN SBYAR BA'I MI NI BSKAL PA DANG PO'I RDZUS SKYES YIN LA MTSAMS 'DI NAS RGYAL PO MANG POS BKUR BA BSKOS PAR GSUNGS SHING DE'I GDUNG RABS LAS SH'AKYA RNAMS BYUNG BA YIN PAS DE DAG NI GLING 'DI'I DBANG DU BYAS PA'O, ,LHAG MA RNAMS NI TSIG MANGS SU DOGS NAS MA BRIS TE RGYAS PAR SHES PAR 'DOD NA 'DUL BA LUNG BLTA BAR

, ,BYA'O, ,GNYIS PA LA GSUM, MNGAL DU SKYE BA 'DZIN PA'I RGYU BSTAN PA, DE LA BRTEN NAS SKYE GNAS SU 'JUG TSUL, DE'I RIM PA RTZA RGYUD DANG MA RGYUD NAS JI LTAR BSTAN PA'O, ,DANG PO NI, SNGAR BSHAD PA'I BSKAL PA DANG PO'I MI THA MAL BAR GYUR PA SHI BA'I RJES SU BAR SRID GRUB PA DANG BSKAL PA DANG PO'I MI PHO MO LOG PAR 'JUG PA'I SKABS DE NAS GNAS SKABS GSUM NYE BA STE TSOGS PAR GYUR PAS MA'I RUM DU BAR DO DE MNGAL DU 'JUG PAR 'GYUR TE, MA NAD MED PAR NYAMS BDE ZHING ZLA MTSAN GYI KHRAG DANG LDAN PA'I SKABS DANG PHA DANG MA PHAN TSUN RJES SU CHAGS PAR GYUR CING PHRAD PA DANG DRI ZA'I SEMS CAN NYE BAR 'KHOR BA STE DER NYE BAR GNAS SHING 'JUG 'DOD PA'O, ,MNGAL DU 'JUG PA LAS PHA MA CHAGS PAR GYUR CING PHRAD PA DANG MA YANG RUNG BAR GYUR CING ZLA MTSAN DANG LDAN PA DANG DRI ZA YANG NYE BAR GNAS PAR GYUR CING 'JUG PAR 'DOD NA STE DGA' PO DRI ZA ZHES BYA BA NI SRID PA BAR MA'I SEMS CAN GYI TSIG BLA DGAS YIN NO, ,ZHES GSUNGS PA LTAR BSHAD DGOS PAS GZHUNG 'DIR NAD MED PA DANG KHRAG DANG LDAN PA SO SOR PHRAL ZHING DRI ZA NYE BA GNAS SKABS GSUM GYI SKABS SU MA BYUNG BA NI 'GYUR GYIS MA THON PA'O, ,DE YANG RLUNG MKHRIS BAD KAN GYIS BSGAGS PA DANG DBUS NAS 'DRA BA DANG GROG MA'I RKED PA 'DRA BA LA SOGS PA'I MNGAL GYI NYES PA DANG PHA MA GNYIS KA LAS MA BYUNG BA DANG BYUNG YANG GANG RUNG GCIG RUL BA SA BON GYI NYES PA DANG, PHA MAS BU RNYED PA DANG BUS KYANG PHA MAR 'GYUR BA'I LAS MA BSAGS PA LAS KYI NYES PA GSUM GANG RUNG DANG

LDAN NA MNGAL DU BU MI 'CHAGS PAR MNGAL 'JUG LAS GSUNGS PAS DE DAG DANG YANG BRAL BA DGOS SO, ,GNYIS PA NI, DE DAG TSOGS PA DE NAS PHO MO DE DAG PHAN TSUN RJES SU CHAGS PAS RDO RJE DANG PADMA BYIN GYIS BRLABS PA STE RGYAS PAR BYAS PAS 'KHYUD PA DANG 'O BYA BA LA SOGS PA'I 'KHRIG PA'I BYA BAS PHO MO'I DBANG PO GNYIS MNYAM PAR SBYOR BA BAR DO DES MTHONG NGO, ,DE NI SA YI DNGOS GZHI LAS PHA MA LAS BYUNG BA'I KHU KHRAG LA PHA MA NYAL PO BYED PA MED BZHIN DU MTHONG BA'I PHYIN CI LOG GI BLO YIN PAR GSUNGS SO, ,DE MTHONG BAS 'DOD PA'I YUL NYE BAR LEN PA'I PHYIR DU SRID PA BAR MA SPONG STE SKYE BA LEN NO, ,DE YANG MI RTA LA ZHON PA BZHIN DU RNAM PAR SHES PA'I BDAG PO THUGS RDO RJE BAR DE'I SEMS SHIN TU PHRA BA'I LUS DANG BCAS PA DE RLUNG GI BZHON PA LA YANG DAG PAR ZHEN NAS SHIN TU MYUR BAR 'ONG ZHING SKAD CIG THANG CIG GAM YUD TZAM GYIS PHYOGS DER PHYIN NAS RNAM PAR SNANG MDZAD KYI SGO NAS 'JUG GO ,'DI LA SNGON GYI BLA MA DAG BSHANG BA LA RNAM SNANG DU GSUNGS PA LA BRTEN NAS BSHANG LAM RNAM SNANG GI SGOR 'CHAD PA MI 'THAD DE YE SHES SEMS DPA' LTAR ZHES DAM TSIG PA LA YE SHES PA 'JUG PA'I SGOR GSUNGS PAS SO, ,DES NA YE SHES SEMS DPA' SPYI BO NAS 'JUG PA LTAR RNAM SNANG SKU RDO RJE GANG DU 'GOD PA'I SGO SPYI BO NAS 'JUG GO ,SDOM 'BYUNG LAS NI, DANG PO PHA MA'I KUN SBYOR LAS, ,SRID PA'I SKYE BO CAN DU MTHONG, ,SHIN TU NGES PAR KUN DGA'I STOBS, ,KHA YI LAM LA RAB TU 'JUG ,CES KHA NAS 'JUG PAR YANG BSHAD LA DE YANG PHA'I KHA YIN PAR RGYUD RDOR 'PHRENG LAS, SNGON

, ,LAS RLUNG GI RNAM SHES NI, ,BRGYA LA GANG CHE 'GRO 'GYUR NA, ,PHA YI KHA LA MTSUNGS PAR LDAN, ,DE TSE CHAGS PA'I DBANG DU 'GYUR, ,GSANG GNAS ZLA MTSAN LDAN PA'I RTZA, ,ME DANG NYI MA 'CHAR BA NA, ,DE TSE LHAG PAR CHAGS PAS NON, , CHAGS PA MCHOG TU 'DOD PAR 'GYUR, ,RDO RJE PADMA 'DRES PA'I GDONG, ,'JUG PA RTZA YI KHA YI RLUNG, ,DE TSE SA BON DU NI 'GYUR, ,SA BON LAS NI SEMS CAN 'BYUNG, ,ZHES LE'U BCU BDUN PA LAS GSUNGS SO, ,MDZOD 'GREL LAS, SRID PA BAR MA NI LTO BRTOL TE 'JUG PA MA YIN GYI SKYE GNAS KYI SGO NAS 'JUG STE DE NYID KYI PHYIR MTSE MA LAS GANG PHYIS BYUNG BA DE NI PHU BO ZHES BYA'O, ,GANG SNGAR BYUNG BA DE NI NU BO ZHES BYA'O, ,ZHES KYANG BSHAD PAS MTHA' GCIG TU MA NGES SO, ,DANG PO GANG NAS 'JUG KYANG MTHAR MNGAL GYI SKYE GNAS SU 'JUG PAR NI THAMS CAD 'DRA'O, ,BAR SRID THOGS MED YIN PAS 'JUG PA'I SGO LA BU GA NAM MKHA'I SGO MI DGOS TE LCAGS KYI THU LUM GSHEGS PA'I NANG NAS SRIN BU BYUNG BAR GRAG GO ,ZHES MDZOD 'GREL LAS BSHAD PA LTAR RO, ,YE SHES KYI SA DNGOS NI SPROS PA'I MTSAN MA MI DMIGS PA'I STONG PA NYID KYI SHES PA YIN MOD KYANG BAR DO SHI BA LA DER BTAGS PA NI RNAM RTOG RAGS PA 'GAGS PA'I CHA NAS YIN LA DE THOB PA NI SHI BA'I 'OD GSAL MYONG BA'O, ,'DIR SA YI DNGOS GZHI LAS NYAL PO BYED PA DE MTHONG BA NA GCIG LA CHAGS SHING GCIG SHOS LA 'BRAL 'DOD SKYE STE, PHOR SKYE NA BUD MED LA CHAGS SHING SKYES PA LA 'BRAL BAR 'DOD LA MOR SKYE NA DE LAS BZLOG STE 'BYUNG BA DANG, DE NAS SKYES PA'AM BUD

MED GANG RUNG GCIG KHO NA MTHONG LA JI LTAR PHYOGS DER NYE BAR SBYOR BA DE LTAR YAN LAG GZHAN MI SNANG BAR PHO MO'I MTSAN MA TZAM ZHIG MTHONG BA NA KHONG KHRO SKYES NAS 'CHI BAR BSHAD DO, ,BAR DO SHI NAS NYING MTSAMS SBYOR BA NI SRANG MDA'I MTHO DMAN LTAR 'BYUNG BAS DE'I TSUL NI THABS KYI YE SHES THIG LE DANG GNYIS SU MED PAR GYUR TE GANG LA BRTEN NAS SHIN TU DGA' BA SKYE BA'I GNAS KHU KHRAG GI DBUS DER BAR DO SHI BA'I SEMS CHUD PA YANG YIN LA DE DAG GI SNYING POR GYUR PA YANG YIN PAS CHUD PA'I SNYING PO YIN NO, ,'DIR PHA MA GNYIS CHAGS PA DRAG PO'I SKABS SU BAB PA NA MJUG TU KHU BA BSKA BA 'BYUNG LA DE'I RJES SU DE GNYIS KA LAS KHU KHRAG GI THIGS PA GNYIS NGES PAR BYUNG BA DE MA'I SKYE GNAS SU 'DRES NAS 'O MA BSKOL BA'I SPRIS MA CHAGS PA LTAR 'DUG PA'I DBUS SU KUN GZHI RNAM SHES 'JUG PAR SA YI DNGOS GZHI LAS GSUNGS SO, ,KUN GZHI KHAS MI LEN PA RNAMS NI DE YID KYI SHES PAR 'DOD DO, ,GSUM PA NI, DE LTAR BAR DOS GANG DU SKYE BA LEN PA'I PHA MA'I THIG LE JI LTAR 'BYUNG BA'I TSUL 'DUS PA'I RTZA BA'I RGYUD LAS DE BZHIN GSHEGS PA THAMS CAD ZIL GYIS GNON PA'I TING NGE 'DZIN GSUNGS PA'I RIM PA DANG SBYAR NA LE'U DANG PO LAS, DE NAS NAM MKHA'I DBYINGS 'DI THAMS CAD DE BZHIN GSHEGS PA THAMS CAD KYI RDO RJE'I NGO BOR GNAS PAR GYUR TO, ,DE NAS NAM MKHA'I DBYINGS THAMS CAD NA GNAS PA'I SEMS CAN JI SNYED PA DE DAG THAMS CAD RDO RJE SEMS DPA'I BYIN GYIS BRLABS KYIS DE BZHIN GSHEGS PA THAMS CAD KYI BDE BA DANG YID BDE BA THOB PAR GYUR TO, ,

, ,ZHES RDO RJE 'CHANG ZIL GNON RDO RJE'I TING NGE 'DZIN LA ZHUGS MA THAG TU DE LTAR GYUR PAR GSUNGS LA, DE'I 'GREL PA SGRON GSAL DU NAM MKHA'I DBYINGS NI RTZA BDUN KHRI NYIS STONG GI KHONG STONG DANG RDO RJE NI THABS KYI YE SHES DANG GNAS PA NI BYUNG BAR GYUR PA DANG SEMS CAN THAMS CAD NI PHUNG PO LA SOGS PA DANG RDOR SEMS KYI BYIN RLABS NI THABS KYI YE SHES SHAR BA DANG, BDE BA DANG YID BDE BA THOB PA NI DBANG PO GNYIS SBYAR BA LAS CHAGS PA CHEN PO'I MES ZHU NAS MCHOG TU DGA' BA MYONG BA LA BSHAD DO, ,DE LTAR NA PHA MA GNYIS SNYOMS PAR ZHUGS PA NA CHAGS PA'I MES RTZA GNAS THAMS CAD NAS BYANG CHUB KYI SEMS ZHU NAS 'BAB PAR GSUNGS PA'I THIG LE'I DBUS SU BAR DO'I SHES PA 'JUG PA'O, ,SGRON GSAL LAS 'DI 'DOD CHAGS CHOS KYI SBAS DEN DU BSHAD PAS LAM SGOM PA'I RNAL 'BYOR PHO MO SNYOMS PAR ZHUGS PA'I SKABS YIN MOD KYANG MTSAN NYID LA DPYAD NA GZHI'I SKABS DANG 'DRA BAS 'DIR YANG SBYAR DU RUNG NGO, ,RNAL 'BYOR RGYUD LAS DE LTAR GSUNGS PAR MA ZAD KYI SHES RAB KYI MDO STE RNAL 'BYOR MA'I RGYUD SDOM 'BYUNG LAS KYANG GSUNGS TE RTZA STONG PHRAG BDUN CU RTZA GNYIS YANG DAG PAR BSKUL BA STE DE DAG NAS KHAMS BZHUS TE PHO MO GNYIS KA YANG KHAMS ZHU BA LAS BYUNG BA'I MCHOG TU DGA' BA'I BDE BAS TSIM PAR BYA'O STE BYED DO, ,RTZA GNAS NAS KHAMS 'JU BA'I RKYEN NI SHES RAB STE BUD MED DANG YE SHES TE SKYES PA GNYIS KYI GTUM MO'I ME'I 'OD ZER SHAR BA STE 'BAR BAS RE RER MA ZAD PHO MO GNYIS KA'I THIG LE YANG ZHU BAR

GYUR TO, ,KHU KHRAG YANG DAG PAR 'DRES NAS BUD MED KYI SKYE GNAS KYI DBUS SU THIG LE'I GZUGS SU BABS NAS GNAS SO, ,ME DE GANG GIS SPOR BA DANG SBAR BA'I MES RTZA SAD PAR BYED TSUL NI RGYUD RDO RJE PHRENG BA'I LE'U BZHI PA LAS, DPA' BO RNAL 'BYOR MA SBYOR BA, ,GANG TSE GSANG BA'I RTZA GNYIS NI, ,YANG DAG SBYOR BAS REG GYUR PA, ,DE TSE NAM MKHAR RNAM RGYAS NYID, ,NAM MKHA' LAS NI SKYES PA'I RLUNG, ,DE YIS ME NI RAB TU 'BAR, ,RTZA NI STONG PHRAG BDUN CU GNYIS, ,RTZA RNAMS RAB SAD ME DE YIS, , BDE BA KUN GYI GO 'PHANG MCHOG , BDE BA CHEN PO BYANG CHUB SEMS, ,RNAM PAR ZHU NAS RTZAR GNAS PA, ,ZHES GSUNGS SO, ,DE LTAR KHU KHRAG GNYIS RTZA GNAS RNAMS NAS SKYE GNAS SU 'ONG BA'I TSUL NI A'A LI STE, KHU BA RTZA'I GNAS SO SO NAS ZHU BA RNAMS MTHAR RTZA'I LAM GCIG TU 'DRES PA DANG DE BZHIN DU K'A LI STE KHRAG RNAMS KYANG GCIG TU 'DRES PAR GYUR TE KHAMS PHRA BA RLUNG LA ZHUGS PAS RLUNG GIS BSKYOD NAS THUR DU DRANGS PAS SKYE GNAS SU 'DRES PA YIN TE SPYOD BSDUS LAS, DE NYID A'A LI K'A LI RNAMS DANG LHAN CIG DBANG PO GNYIS MNYAM PAR SBYOR BA'I DUS SU KHA THUR DU BLTAS PAR 'GYUR BAS GSANG BA'I SNA'I BU GA NAS SA BON GYI GZUGS KYIS PHUNG NAS SEMS CAN GYI KHAMS RNAMS SKYED PAR BYED DO, ,ZHES GSUNGS TE DE NYID NI 'BRU GSUM YIN LA DE YANG RLUNG 'JUG GNAS LDANG GSUM GYI RANG BZHIN LA MDZAD DO, ,DPAL SDOM PA 'BYUNG BA LAS, RTA ZHON PA YI RNAM SHES NI, ,RLUNG GI BZHON BA ZHON PA BZHIN, ,SHIN TU MYUR BAR 'ONGS GYUR TE, ,SKAD CIG THANG CIG

, ,TZAM LA NI, ,GNYIS DANG STONG PHRAG BDUN CU'I RTZA, ,RAB BSKUL DE YI SKAD CIG LA, ,MCHOG TU DGA' BA YANG DAG THOB, ,A'A LI K'A LI ZHU BYAS PA'I, ,KHU KHRAG DE DAG GI DBUS SU, ,THIG LE'I GZUGS KYIS GNAS PAR 'GYUR, , ZHES GSUNGS SO, ,KHU KHRAG 'DRES PA'I THIG LE SKYE GNAS KYI DBUS SU GNAS PA 'DI'I DON GSAL BAR GSUNGS PA NI 'DUS PA'I RTZA BA'I RGYUD LAS, DE BZHIN GSHEGS PA THAMS CAD KYI SKU DANG GSUNG DANG THUGS RDO RJE BTZUN MO'I BHA GA LA BZHUGS SO, ,ZHES GSUNGS SO, ,'DIS BSTAN TSUL NI BSHAD RGYUD SGRON GSAL DU DRANGS PA LAS, 'DI NA PHUNG PO LNGA RGYAL BA, ,DE BZHIN GSHEGS PA THAMS CAD YIN, ,DE YI BDAG NYID SKU GSUNG THUGS, ,RDO RJE THUGS 'DIR BDE CHEN PO, ,BTZUN MO LEGS SBYANGS PHYAG RGYA YIN, ,LEGS SBYANGS PADMA BHA GA YIN, ,BZHUGS PA RDO RJE 'DZIN PA DER, ,THIG LE'I GZUGS KYIS GNAS PA'O, ,ZHES GSUNGS PA LTAR RO, ,BAR DO'I SHES PA KHU KHRAG 'DRES PA'I DBUS SU ZHUGS PA SKYE GNAS SU GNAS PAR GSUNGS PA'I SKYE GNAS NI MA'I PHO BA'I 'OG LONG GA'I STENG GI BAR YIN PAR MNGAL 'JUG NAS GSUNGS PAS 'DIR PADMA LA GNAS PAR GSUNGS PA DANG PO DER THIG LE ZHUGS PA LA BYA'I MER MER PO GNAS PA'I SKYE GNAS NI MIN NO, ,SGRON GSAL LAS THIG LE'I GZUGS KYIS GNAS PA LHA MO BZHIS ZHUS KYI LUNG DRANGS NAS LHA'I RNAM PA CAN GYI SKABS SU BSHAD MOD KYANG GZHI'I SKABS KYI THIG LE DNGOS LA YANG BSHAD DU RUNG BAS SLOB DPON 'DIS SNGAR LTAR BSHAD DO, ,GNYIS PA LA GSUM, 'PHEL RIM

DNGOS, GNAS SKABS LNGA RIGS LNGA DANG SBYAR BA, KHU RDUL GYI RTEN RTZA'I GTZO BO BSTAN PA'O, ,DANG PO NI, MNGAL DU SKYE BA BLANGS PA DE'I 'OG TU LUS RIM GYIS 'PHEL TE DANG PO NI MER MER PO STE PHYI SPRIS MA LTA BUS GA-YOGS LA NANG SHIN TU SLA BAR 'DUG PA'O, , 'DIR DANG PO PHYOGS GANG DU RNAM SHES ZHUGS PA'I PHYOGS DE NI SNYING GA STE THA MA GANG NAS RNAM SHES 'PHO BA'I PHYOGS DER DANG POR 'JUG PAR SA YI DNGOS GZHI LAS GSUNGS SO, ,'DI LA MDZOD 'GREL DANG LUNG GI MNGAL 'JUG LAS, NUR NUR PO DANG GNAS SKABS GNYIS PA LA MER MER PO ZHES GSUNGS LA SA YI DNGOS GZHI LAS BZLOG STE GSUNGS KYANG DON GYI RIM PA 'DRA'O, ,MER MER PO SMIN PA LAS LTAR LTAR PO STE PHYI NANG GNYIS KA SPRIS MA LTAR GYUR TE ZHO LTAR 'DUG LA SHAR NI MA GYUR PA'O, ,LTAR LTAR PO SMIN PA LAS GOR GOR POR 'GYUR TE SHAR NI GYUR LA MNAN MI BZOD PA'I SLA BA'O, ,'DI LA SA YI DNGOS GZHI LAS LTAR LTAR PO DANG, MNGAL 'JUG LAS ZANGS KYI THUR MA DANG 'DRA BAS NAR NAR PO ZHES GSUNGS SO, ,GOR GOR PO SMIN PA LAS 'KHRANG 'GYUR TE BSKA ZHING MNAN BZOD PA'O, ,MNGAL 'JUG LAS GDAR DANG 'DRA BAS GOR GOR PO ZHES GSUNGS SO, ,'KHRANG 'GYUR RLUNG GIS BSKUL TE SMIN PAR BYAS PA LAS RKANG LAG 'GYU BA STE DPUNG PA GNYIS DANG MGO BO'I MTSAN MA LNGA 'BYUNG NGO, , YANG ZHES PA NI GNAS SKABS SNGA MA RNAMS SU YANG RLUNG GIS BSKUL BAR MA ZAD PA'O, ,DE LTAR NA MER MER PO LA SOGS PA'I MNGAL GYI GNAS SKABS LNGA GSAL BAR 'GYUR RO, ,DE'I 'OG TU SKRA DANG SEN MO DANG BA SPU LA SOGS PA DANG MIG LA SOGS PA'I

, ,DBANG PO GZUGS CAN RNAMS ZHES SBYAR TE MDZOD 'GREL DU MDO DRANGS PA LAS, SKRA SPU SEN MO LA SOGS DANG, ,DBANG PO GZUGS CAN RNAMS DANG NI, ,MTSAN RNAMS RIM GYIS SKYE BAR 'GYUR, ,ZHES GSUNGS SO, ,MTSAN MA NI PHO MO'I RTAGS TE DE RNAMS RIM GYIS SKYE'O, ,RGYAL PO SRAS KYIS MIG LA SOGS PA'I DBANG RTEN LA MTSAN MAR 'CHAD DO, ,SDOM 'BYUNG LAS KYANG, DANG POR NUR NUR PO'I RNAM PA, ,MER MER PO NI GNYIS PA YIN, ,LTAR LTAR PO SKYES GSUM PA STE, ,BZHI PA GOR GOR PO NYID DO, ,RLUNG RNAMS KYIS NI BSKUL BAS NA, ,NYA YI RNAM PA LTA BUR 'GYUR, ,ZLA BA LNGAR GYUR SA BON LAS, ,YAN LAG LNGA NI RAB TU SKYE, ,SKRA SPU SEN MO RNAMS DANG RTAGS, ,ZLA BA BDUN GYIS SKYE BAR 'GYUR, ,DBANG PO RNAMS DANG GZUGS RNAMS NI, , ZLA BA BRGYAD LA SKYE BAR 'GYUR, ,ZLA BA DGU YIS YANG DAG RDZOGS, ,ZLA BA BCU LA SEMS DANG LDAN, ,ZHES ZLA BA DGUS LUS RDZOGS NAS ZLA BA BCU PA LA PHYIR 'BYUNG BA'I SEMS DANG LDAN PAR GSUNGS SO, ,MNGAL 'JUG LAS ZHAG BDUN PHRAG SO BRGYAD RDZOGS NAS BCA' BAR GSUNGS LA SA YI DNGOS GZHI LAS DE NAS ZHAG BZHI LON NAS BTZA' BAR GSUNGS PAS RIL PO DGU DANG NGO BCUR BYAS NA 'DI DANG MTHUN PAR SNANG NGO, ,MNGAL NA GNAS PA ZHAG BDUN PHRAG RE RE LA RLUNG GIS SMIN PAR BYED TSUL RGYAS PAR LUNG GI MNGAL 'JUG LAS SHES PAR BYA STE 'DIR TSIG MNGAS SU DOGS NAS MA BRIS SO, ,GNYIS PA NI, MNGAL GYI GNAS SKABS DE LA YANG SA BON GYI STE KHU BA'I GNAS SKABS DE NI GNAS SKABS LNGAR NGES PAR SKYE BA DE BZHIN GSHEGS PA LNGAS BYIN GYIS

BRLABS PA STE DER NGA RGYAL BYA BA LAS, DE LA MER MER PO'I NI MI BSKYOD PAS BYIN GYIS BRLABS PA STE DE BZHIN DU LHAG MA BZHI LA YANG SBYAR RO, ,KHU BAR MA ZAD KHRAG GI YANG GNAS SKABS LNGA BSTAN PAR BYA'O, ,LNGA PO DE LA KHRAG GI ZHU BA'I GNAS SKABS NI MI BSKYOD PA'I 'O, ,DE'I DMAR PO NI 'OD DPAG MED KYI'O, ,GONG BU STE GOR GOR PO'I SKABS NI RIN CHEN 'BYUNG LDAN GYI'O, ,DE'I 'KHRANG 'GYUR GYI SKABS NI DON YOD GRUB PA'I 'O, ,GNAS SKABS DE BZHI SNGA MA SNGA MA LAS PHYI MA PHYI MAR SMIN NAS GNAS SKABS LNGA PAR SON PA NI YANG DAG PAR 'DRES PA STE RKANG LAG 'GYU BA'I SKABS SO, ,DE NI RNAM SNANG GIS BYIN GYIS BRLABS PA'O, ,MDOR NA MNGAL GYI GNAS SKABS LNGA PO DE'I DANG PO MER MER PO NI KHU KHRAG GNYIS 'DRES PA'I SKABS TZAM YIN LA DE RIM GYIS 'PHEL NAS GNAS SKABS PHYI MA BZHIR 'GYUR BAS NA DE DAG LA KHU BA DANG KHRAG GI GNAS SKABS LNGA LNGAR BYAS NAS DE DAG RIGS LNGA DANG SBYAR BA'O, ,SDOM 'BYUNG LAS CUNG MI 'DRA TZAM DU GSUNGS TE, MI BSKYOD GZUGS KYI NUR NUR PO, ,MER MER PO NI RIN CHEN 'BYUNG, , DPAG MED MGON YANG LTAR LTAR PO, ,DON YOD GRUB PA GAR GOR BA, ,'PHRANG 'GYUR RNAM PAR SNANG MDZAD DE, ,RNAM PA LNGAR NI BSTAN PA YIN, ,DRI CHU KHRAG NI MI BSKYOD PA, ,KHU BA'I GZUGS CAN 'OD DPAG MED, ,GONG BU TZAM NI RIN CHEN 'BYUNG, ,'DRES PA RNAM PAR SNANG MDZAD NAS, ,ZHES TE PHYI MA LA MI BSKYOD PA LA GNYIS SBYAR NAS DON GRUB DANG MA SBYAR RO, ,'GREL PAS GONG BU RO LA SOGS PA 'DUS PA DANG 'DRES PA DRI CHEN LA 'CHAD DO, ,GAL TE SKABS 'DIR MTHUN YUL GYI SRID PA 'CHAD NA RIGS LNGA

, ,DANG SBYOR MI DGOS LA DE DANG CHOS MTHUN GYI LAM 'CHAD NA LUS DKYIL SGOM PA'I RIGS LNGA DANG SBYAR DGOS PA LA DE DANG MI MTHUN ZHING SKABS KYANG MIN NO ZHE NA, SKYON MED DE MNGAL DU SKYE BA BZUNG BA'I LUS KYI GNAS SKABS BSKYED PA LA PHA MA LAS THOB PA'I DKAR DMAR GYI CHA GNYIS KYI GNAS SKABS SMIN PA LAS MI 'DA' LA DE DAG KYANG RIGS LNGA LAS MI 'DA' BAR BSTAN PAS, BAR SRID DANG 'DRA BA'I DANG PO'I MGON POS SKYE SRID DANG 'DRA BA'I SPRUL SKU'I LUS BLANGS PA LA DGOD PAR BYA BA'I LUS DKYIL GYI LHA RNAMS KYANG RIGS LNGA DANG DE'I RIGS CAN LAS MI 'DA' BAR BSTAN PA'I PHYIR DANG, BAR SRID GANG DU SKYE BA LEN PA'I GNAS MER MER PO MI BSKYOD PAR GSUNGS PAS DANG PO'I MGON PO MI BSKYOD PA LA RJES SU ZHUGS PAS SPRUL SKUR 'GYUR BA'I RGYU MTSAN SHES PAR BYA BA'I PHYIR RO, ,GSUM PA NI, SNGAR BSHAD PA'I PHA MA LAS THOB PA'I THIG LE DKAR DMAR LUS BSKYED PA LA RGYUR GYUR PA DE'I RTEN BSTAN PAR BYA BA'I PHYIR SKYE GNAS SOGS GSUNGS PAS, SKYE GNAS NI 'DIR MNGAL NA GNAS PA'I LTE BA LA BYA YI MA YI SKYE GNAS MIN TE BRTAG PA PHYI MA'I LE'U BZHI PA LAS, SKYE GNAS 'KHOR LO'I RNAM PA AA, ,BDE CHEN GYI'ANG RNAM PA HAm, ,ZHES SKYE GNAS KYI 'KHOR LO LTE BA'I 'KHOR LO LA BSHAD PA BZHIN NO, , LTE BA'I 'KHOR LO'I DBUS SU RTZA GNYIS NI GA-YAS SU RO MA DANG DE BZHIN DU GA-YON DU RKYANG MA GNAS SO, ,GA-YON GYI RTZA DE NA NI KHU BA GNAS PAR SHES PAR BYA LA GA-YAS PA'I RTZA NA NI KHRAG RGYU BA NYID DO, ,RTZA DE DAG GNYIS GCIG TU 'DRES PA STE GANG LA

'DUS SHING 'KHYUD PA NYID NI CHOS KYI DBYINGS TE RTZA AA BA DH'U T'IR BSDUS PA STE DER 'KHYUD PA'O, ,ZHES GSUNGS SO, ,DE LTAR NA GA-YON NAS SNYING STOBS KHU BA 'BAB PA NI SKU DANG GA-YAS NAS RDUL KHRAG 'BAB PA NI GSUNG DANG DBUS NAS MUN PA SEMS GNAS PA NI THUGS TE SAm BHU tA'I BRTAG PA DRUG PA'I RAB BYED DANG PO LAS, SKYE GNAS DBUS NA RTZA GNYIS TE, ,GA-YON DANG DE BZHIN GA-YAS NA'O, ,GA-YON NA KHU BA ZHES BYA STE, ,GA-YAS NA DE BZHIN KHRAG NYID DO, ,DE DAG PHAN TSUN 'DUS PA NI, ,CHOS KYI DBYINGS SU 'DUS PA YIN, ,SNYING STOBS LUS TE RDUL NI NGAG ,MUN PA SEMS KYI RANG BZHIN TE, ,SNYING STOBS KHU BA RDUL KHRAG STE, ,DE LAS SKYES PA MUN PA YIN, ,ZHES SO, ,TSIGS BCAD SNGA MA 'DI LHA MO BZHIS ZHUS DANG SDOM 'BYUNG LAS KYANG 'BYUNG ZHING, SDOM 'BYUNG 'GREL PAS KYANG SKYE GNAS LTE 'OG DANG CHOS KYI DBYINGS KYI RANG BZHIN RTZA AA BA DH'U T'I LA BSHAD DO, ,RTZA BDUN KHRI NYIS STONG GI GTZO BO BRGYA NYI SHU DE'I GTZO BO SO GNYIS DE'I GTZO BO GSUM DU SNGAGS NAS BSHAD LA, DGA' BO MNGAL 'JUG LAS ZHAG BDUN PHRAG BCO LNGA PA LA LUS KYI MDUN RGYAB DANG GA-YAS GA-YON BZHIR RTZA LNGA LNGA STE NYI SHU SKYE LA DE RE RE LA RTZA'I 'KHOR BZHI BCU RE YOD PAS BRGYAD BRGYA STE SNGAR GYI GNAS BZHIR NYIS BRGYA RE'O, ,DE RE RE LA YANG RTZA'I 'KHOR BRGYA BRGYA YOD PAS BRGYAD KHRI STE MDUN LA SOGS PA BZHIR NYI KHRI RE 'CHAGS SHING KHA DOG NI SNGON PO LA SOGS PA SNA TSOGS DANG MING YANG SNA TSOGS YOD CING KHA CIG LA BU GU GCIG PA DANG KHA CIG LA GNYIS PA NAS BDUN PA'I BAR YOD GSUNGS SO, ,GSUM PA LA GSUM,

, ,MNGAL DU SMIN PA'I MTHAR CHOS 'BYUNG GI SGOR PHYOGS PAR BYED TSUL, DE'I SNGON DU MNGAL NA JI LTAR GNAS PA, ZLA BA BCU'I MTHAR MNGAL SGOR 'THON PA'I TSUL LO, ,DANG PO NI, SNGAR BSHAD PA'I RIM PA DE LTAR MER MER PO LA SOGS PA'I RIM PAS SA BON LAS MYU GU DANG DE LAS SDONG BU LA SOGS PA'I RIM GYIS 'PHEL BA DE BZHIN DU RIM GYIS MNGAL YONGS SU SMIN PA THOB STE MNGAL GYI SNOD SKYE GNAS KYI NANG DU ZHAG BDUN PHRAG SO BRGYAD PA LA SNGON GYI LAS KYI RNAM PAR SMIN PA LAS SKYES PA'I RLUNG YAN LAG CES BYA BA LANGS NAS RGYU BA GANG DAG GIS MNGAL GYI SNOD DU GNAS PA'I SEMS CAN DE YONGS SU BSGYUR NAS LAG PA GNYIS BCUM STE MA'I RUM NAS CHOS KYI 'BYUNG GNAS KYI SGOR MNGON PAR PHYOGS BAR BYED CING GNAS PAR 'GYUR RO, ,DE NAS SNGON GYI LAS KYIS RLUNG KHA THUR DU LTA BA ZHES PA LANGS NAS DE'I RKANG PA GYEN DU DANG MGO THUR DU BSTAN NAS MA'I GCI BA'I LAM DU 'PHUL BAR MNGAL 'JUG LAS GSUNGS SHING ZHAG BDUN PHRAG SO DRUG PA LA MNGAL NA GNAS PAR MI DGA' ZHING 'BYUNG 'DOD LA, SO BDUN PA LA MI GTZANG BA DANG DRI NGA BA'I 'DU SHES SKYE BAR BSHAD DO, ,GNYIS PA NI, 'O NA DE MNGAL NA GNAS PA'I TSE KHA GANG DU PHYOGS TE GNAS SNYAM NA, DE YANG PHO ZHIG YIN NA MA'I RUM GYI GZHOGS GA-YAS SU BRTEN CING KHA RGYAB TU MNGON PAR PHYOGS TE TZOG TZOG PUR GNAS SO, ,GAL TE MO ZHIG YIN NA MA DE'I MNGAL GYI GZHOGS GA-YON DU BRTEN TE KHA LTO BAR MNGON PAR BLTAS TE GNAS SO, ,MA NING YIN NA NI PHO MO'I CHAGS PA GNYIS GANG DANG LDAN PA DE BZHIN DU

GNAS PAR MDZOD 'GREL LAS GSUNGS LA KHA'I LTA PHYOGS DE LTAR 'ONG BA NI RANG NYID 'KHRIG PA BYED PA'I MNGON PA'I NGA RGYAL DANG LDAN PA YIN PAR RGYAL PO SRAS KYIS BSHAD DE BAR SRID KYI SKABS KYI BSAM PA'I DBANG GIS DE LTAR YIN PAR SDOM 'BYUNG 'GREL PAR GSUNGS SO, ,RLUNG GIS CHOS 'BYUNG GI SGOR PHYOGS PAR BYED PA DANG MA'I LTO NA JI LTAR GNAS PA 'DIR BSHAD PA BZHIN SDOM 'BYUNG LAS KYANG GSUNGS SHING, KHYAD PAR DU PHA'I SA BON LHUNG BA'I DUS SU RLUNG GANG NAS RGYU BA'I RTAGS LAS SKYES PA SOGS SU 'GYUR BA NI, SA BON LHUNG DUS YUD TZAM LA, ,RIM PA MTSON BYA LEGS PA'I GLO, GA-YAS PAR RGYU BA'I RLUNG DAG LA, ,THAMS CAD TSE NI SKYES PAR 'GYUR, ,GAL TE GA-YON LA RLUNG RGYU NA, ,NGES PAR BUD MED DAG TU 'GYUR, ,GNYIS KA'I DBUS RGYU'I RLUNG DAG LA, ,RTAG TU MA NING DAG TU 'GYUR, , ZHES SO, ,GSUM PA NI, SNGAR BSHAD PA LTAR RLUNG GIS MNGAL GYI SGOR PHUL BA DE'I 'OG TU MA'I MNGAL GYI SGO NAS PHYIR 'THON PAR 'GYUR RO, ,DES CI TZAM ZHIG SONG BA'I TSE SNYAM NA, ZLA BA RIL PO DGU DANG NGO BCU MTHONG BA'I MTHAR TE MTSAMS DE NAS 'THON NO, ,'THON PA'I TSUL NI RTZA BA'I RGYUD KYI LE'U DANG PO LAS GSUNGS PA'I RIM PAS TE DE YANG DER DAM TSIG 'BYUNG BA RDO RJE'I TING NGE 'DZIN YANG DAG PAR BSTAN PA'I RIM PA LTAR RO, ,MNGAL NAS PHYI ROL DU BTZAS PA DE'I PHYIR DRI ZA NYE BAR 'KHOR BA'I SEMS CAN BAR DO DE SNGAR BAR DO'I DUS NAS SHA'I MIG GI YUL DU MI RUNG YANG DE NAS SHA'I MIG GI YUL DU GYUR TE, ,GNYIS PA LA GNYIS, RTZA RGYUD DANG BSHAD RGYUD KYIS JI LTAR BSHAD PA DANG, MDOR BYAS KYI GZHUNG GIS JI LTAR BSTAN PA'I TSUL LO, ,DANG PO NI, 'DUS PA'I RTZA BA'I RGYUD LAS GSUNGS

, ,TE ZHES DRANG NGO, ,TSIG CI 'DRA ZHIG GSUNGS NA, DE NAS BCOM LDAN 'DAS DE BZHIN GSHEGS PA BYANG CHUB KYI SEMS RDO RJE DE BZHIN GSHEGS PA THAMS CAD KYI SKU DANG GSUNG DANG THUGS RDO RJE'I DAM TSIG 'BYUNG BA'I RDO RJE ZHES BYA BA'I TING NGE 'DZIN LA SNYOMS PAR ZHUGS NAS, RIG PA CHEN PO'I SKYES BU'I GZUGS 'DI DE BZHIN GSHEGS PA THAMS CAD KYI SNGAGS KYI BYIN GYIS BRLABS KYIS BYIN GYIS BRLABS SO, ,BYIN GYIS BRLABS MA THAG TU BCOM LDAN 'DAS BYANG CHUB KYI SEMS RDO RJE DE BZHIN GSHEGS PA DE NYID ZHAL GSUM PA LTA BUR DE BZHIN GSHEGS PA THAMS CAD KYIS GZIGS PAR GYUR TO, ,ZHES GSUNGS SO, ,JI LTAR DU GSUNGS NA, BAR DOS MNGAL DU SKYE BA BLANGS PA DANG DE NAS RIM GYIS LUS RDZOGS NAS BTZAS PA DE LTAR TE DE DANG MTHUN PAR LHA BSKYED PA'I RIM PA GSUNGS SO, ,CHOS MTHUN SBYOR TSUL NI, SLOB DPON 'DIS GZHUNG DES SRID PA SKYE BA'I RIM PA DANG DE LTAR DU LHA'I SKU BSKYED PA GNYIS KA BSTAN PAR BZHED LA SGRON GSAL DU LHA'I SKU BSKYED TSUL DRANG NGES GNYIS SU BKRAL BA'I DANG PO 'DIR SKABS SU BAB PAS DE DAG BSGRIGS NAS BSHAD DGOS SO, ,DE LA DE BZHIN GSHEGS PA'I SKU GSUNG THUGS RDO RJE GSUM NI YI GE GSUM MO, ,DE NYID LHA SGOM PA'I RNAL 'BYOR PAS 'DA' BAR MI BYA BAS NA DAM TSIG YIN LA DE LAS BYUNG BA NI SKYES PA STE PHYAG MTSAN DANG SKU RDZOGS PA LAS BYANG CHUB PA LA BYA DGOS SO, ,DE NI GZHAN GYIS MI PHYED PAS NA RDO RJE STE DE BSKYED PA'I TING NGE 'DZIN LA RDO RJE 'CHANG SNYOMS PAR ZHUGS PA'O, ,RIG PA CHEN PO NI SNGAGS KYI YI GE GSUM STE

DES BSKYED PA'I SKYES BU'I GZUGS NI SKYE BA LEN PA'I BAR DO LTA BU DANG PO'I MGON PO YIN LA DE NYID NI 'DIR BYANG CHUB KYI SEMS RDO RJE STE LONGS SKU RDO RJE 'CHANG NGO, ,DRI BA'I SEMS CAN SKYE BA BLANGS NAS BTZAS PA'I TSE SHA'I MIG GIS MTHONG BA DANG 'DRA BAR LONGS SKU DE YANG SKABS GZHAN DU GYUR PA NA DE BZHIN GSHEGS PA STE GDUL BYA RNAMS KYIS ZHAL GSUM PAR GZIGS PAR GYUR TE, ,DUS NAM GYI TSE NA GZIGS SNYAM NA BYIN GYIS BRLABS MA THAG TU'O, ,DE YANG RNAM SNANG GI SA BON AOm LA SOGS PA LUS LA DGOD RGYU'I SNGAGS SUM CU SO GNYIS KYIS BYIN GYIS BRLABS PA STE DE RNAMS LUS LA BKOD PA'I MJUG THOGS SU'O, ,SNGAGS 'GOD PA'I LUS NI BAR DOS MNGAL DU SKYE BA BLANGS PA'I RTEN DE LA PHUNG PO DANG KHAMS DANG SKYE MCHED DANG YAN LAG RNAMS YONGS SU RDZOGS PAR 'GYUR BA DE BZHIN DU DANG PO'I MGON PO SPRUL SKUR BSGYUR BA LONGS SKUS SPRUL SKU'I SKYE BA BZUNG BA'I LUS DA YIN NO, ,RIG PA CHEN PO'I SKYES BU'I GZUGS 'DI ZHES SKU DE LUS DKYIL DGOD PA'I RTEN LTA BUR GSUNGS KYANG DA SPRUL SKUR BSGYUR BA LA BYA STE SNGAR MDO BSRE DRANGS PA LTAR SKU DE DANG PO'I MGON PO'I SKUR GSUNGS LA SGRON GSAL LAS KYANG SKU DE YI GE GSUM GYIS BSKYED PA'I SKUR GSUNGS PAS SO, ,DANG PO'I MGON PO SPRUL SKUR BSGYUR LUGS LA MDO BSREN MI GSAL ZHING MDOR BYAS LAS MI BSKYOD PA RJES SU ZHUGS PAS BSGYUR BA TZAM LAS MA GSUNGS LA, RAB TU SGRON GSAL DANG 'GREL PA RIN 'PHRENG DANG DAM TSIG RDO RJES RANG GI THUGS KA NAS MI BSKYOD PA SPROS NAS SEMS

, ,CAN GYI DON BYAS TSUR 'DUS NAS RANG LA THIM PAS SPRUL SKUR BSGYUR BAR 'DOD DO, ,PHYIS KYI MKHAS PA DAG LUGS DE DAG BKAG NAS SLOB DPON 'DIS ZIL GNON RDO RJE'I TING NGE 'DZIN LTAR BSKYED PAR GSUNGS PAS RANG BZHIN GYI GNAS NAS DE BZHIN GSHEGS PA'I SPRUL SKUS SEMS CAN 'DUL BA'I TING NGE 'DZIN LA ZHUGS PA NI PHA MA SNYOMS PAR ZHUGS PA DANG 'DRA, DES MI BSKYOD PA SPRUL TE NAM MKHA' KHYAB PAR BYAS PA'I NAM MKHA' NI RTZA BDUN KHRI NYIS STONG DANG 'DRA MI BSKYOD PA NI BYANG CHUB KYI SEMS THABS KYI YE SHES SHAR BA DANG 'DRA, SEMS CAN THAMS CAD LA DES BYIN GYIS BRLABS PAS ZAG MED KYI DGA' BDE THOB PA NI DBANG PO SBYAR BA'I BDE BA MYONG BA DANG 'DRA RANG NYID DE LA ZHUGS PA NI SKYE BA BZUNG BA DANG 'DRA BAR 'CHAD DO, ,SLOB DPON 'DIS ZIL GNON RDO RJE SRID PA SKYE BA'I RIM PA LA SBYAR BA MA GTOGS PA DE DANG MTHUN PAR LHA BSKYED PA LA SBYOR BA'I GSAL KHA MED KYANG DAM TSIG 'BYUNG BA RDO RJE'I TING NGE 'DZIN SRID PA SKYE BA DANG LHA BSKYED PA GNYIS KA LA BSHAD PA LTAR DE LA'ANG SHIN TU RUNG ZHING, DE LTAR BSHAD PA DE'I YI GE DON DU'ANG SNANG LA DE DANG SBAS BSHAD KYI SKABS GNYIS KYI CHOS MTHUN YANG SHIN TU LEGS PAS LEGS PAR BSHAD PA YIN NO, , 'O NA SPRUL SKUR BSGYUR BA NAS SEMS DPA' GSUM BRTZEG GI BAR RNAMS MNGAL DANG BTZAS PA'I SKABS GNYIS LA SBYOR TSUL JI LTAR YIN SNYAM NA, 'DI LA SNGON GYI MKHAS PA DAG GNAS GSUM BYIN GYIS BRLAB PA TSUN CHAD MNGAL NA GNAS PA DANG SBYOR LA

SEMS DPA' GSUM BRTZEG NI MNGAL NAS 'THON PA'I LUS DANG, DE LA GNAS PA'I RLUNG DANG AA THUNG DANG SBYAR RO, ,PHYIS KYI BLA MA DAG LUS DKYIL DGOD PA MNGAL DANG SBYOR LA GNAS GSUM BYIN GYIS BRLAB PA SEMS DPA' GSUM BRTZEG BTZAS PA'I SKABS DANG SBYOR BAR BYED DO, ,SLOB DPON 'DIS BCOS MA THAG PA DANG ZHAL GSUM PA LTA BUR MTHONG BA GNYIS SBYAR LA, RGYUD LAS DE'I GONG DU SNGAGS KYIS BYIN GYIS BRLAB PAR GSUNGS PA'I DON SGRON GSAL LAS, 'DI SKAD STON PAR 'GYUR TE BSGRUB PA'I THABS KYI TSUL DU RNAL 'BYOR BZHI'I RIM GYIS SEMS DPA' GSUM GYI MTHAR THUG PA'I BAR GYIS, JI SRID SNGAGS THAMS CAD KYI GZUGS KYI SKU RDO RJE 'CHANG CHEN PA'I BDAG NYID DU BYIN GYIS BRLABS PAR GYUR PA'O, ,ZHES SEMS DPA' GSUM BRTZEG YAN CHAD KYIS SNGAGS THAMS CAD KYIS BYIN GYIS BRLABS PA'I SKU BSKYED PA GSAL BAR GSUNGS PAS SEMS DPA' GSUM BRTZEG YAN CHAD THAMS CAD MNGAL GYI SGOR PHYOGS PA YAN CHAD DANG SBYAR BAR BYA'O, ,MNGAL DU NGAG SMRA BA MED KYANG NGAG GI GNAS LCE YOD PAS NGAG BYIN GYIS RLOB PA DANG CHOS MTHUN PA SBYOR BA MI 'GAL LO, ,DE LTAR NA MNGAL DU PHUNG PO KHAMS SKYE MCHED PHYI NANG YAN LAG DANG NYID LAG RNAMS YONGS SU RDZOGS PA NA DE MA THAG BTZAS NAS SKYE BA YONGS SU RDZOGS PA DE BZHIN DU LSSPRUL SKUR BSGYUR BA'I SKU'I DKYIL 'KHOR RDZOGS PA NA'ANG SPRUL PA'I SKU YONGS SU RDZOGS PA YIN TE GNAS GSUM BYIN BRLABS DANG SEMS DPA' GSUM BRTZEGS KYANG DE'I SKABS KYI LUS NGAG YID GSUM LA 'JOG PA'I PHYIR RO, ,LUS LHA'I DKYIL 'KHOR PAR BSGOM PA BSHAD PA'I RGYUD LAS KYANG GSUNGS PA NI, CHU'I KHAMS TE KHU

, ,BA NI, PHA LAS SKYES PA YIN TE ME'I KHAMS TE KHRAG NI MA LAS SKYES ZHES BYA'O, ,LHA MO BZHIS ZHUS KYI RGYUD DANG SDOM 'BYUNG DU KHAMS DE GNYIS PHA MA LAS SKYES PAR BSGYUR BA'I 'GYUR LEGS SO, ,PHAGS PA SOGS GSUM NI MA LAS SKYES SU STE SKYES ZHES BSTAN PA YIN LA RUS PA SOGS GSUM NI PHA LAS SKYES SU BSTAN PA'O, ,SDOM 'BYUNG LAS RGYUS PA RKANG DANG KHU BA YANG, ZHES 'BYUNG LA DA LTA'I LHA MO BZHIS ZHUS LAS, TSIL DANG RKANG DANG KHU BA YANG, ,ZHES 'BYUNG ZHING SAM BHU tA'I BRTAG PA DRUG PA'I RAB BYED DANG PO NAS 'BYUNG BA DANG GZHUNG 'DI MTHUN NO, ,LUS KYI GONG BU NI MDOR BSDUS NA DRUG PO DE TZAM ZHIG TU BSTAN PA'O, ,'DI LA KHA CIG GTZO BO'I GA-YAS ZHAL GYIS PHA LAS THOB PA'I DKAR CHA DANG GA-YON ZHAL GYIS MA LAS THOB PA'I DMAR CHA DANG RTZA ZHAL SNGON POS RNAM SHES MTSON LA YANG PHA LAS SKYES PA GSUM GYIS GA-YAS KYI PHYAG GSUM DANG MA LAS SKYES PA GSUM GYIS GA-YON GYI PHYAG GSUM MAM PHYAG MTSAN BSTAN PAR 'CHAD DO, ,'DIR NI LUS LA PHA MA LAS THOB PA'I CHA GNYIS SU BSTAN PAS LUS DKYIL DGOD PA'I LHA RNAMS LA PHO MO GNYIS SU 'ONG BA'I KHUNGS SU BYA DGOS PA 'DRA'O, ,GZUGS LA SOGS PA LNGA SANGS RGYAS LNGA'I RANG BZHIN DU BSTAN PAS NI DE DAG GI RIGS CAN GYI LHA GZHAN YANG MTSON PAS LUS DKYIL DGOD PA'I KHUNGS SO, ,SDOM 'BYUNG DANG DA LTA'I LHA MO BZHIS ZHUS LA SOGS KYI SGRA MA BYUNG LA PHUNG PO LA SOGS ZHES 'DIR BYUNG BA LTAR NA LHAG MA KHAMS BZHI LA SOGS PA RNAMS BSDU'O, ,ZHES BCOM LDAN 'DAS KYIS LHA MO BZHIS ZHUS PA ZHES BYA BA

RNAL 'BYOR CHEN PO'I RGYUD KYI LE'U GSUM PA GOS DKAR MOS ZHUS PA LAS GSUNGS SO, ,GNYIS PA NI, DE LTAR RTZA RGYUD DANG BSHAD RGYUD NAS JI LTAR BSTAN PA GSUNGS NAS SKABS KYI GZHUNG MDOR BYAS KYIS JI LTAR BSTAN PA NI BSTAN TO ZHES DRANG NGO, ,GANG GIS NA SNGAR DRANGS PA'I THOG MTHA' SMOS PA'I MDOR BYAS KYI GZHUNG 'DIS SO, ,CI BSTAN NA NGA RGYAL BSKYED PAR BYA'O ZHES BSTAN NO, ,SUS BSKYED NA BSKYED PA'I RIM PA SGOM PA'I SNGAGS PAS SO, ,JI LTAR BSKYED NA DE NI BDAG YIN NO ZHES SEMS PA'O, ,SU ZHIG CE NA RNAL 'BYOR BZHI LAS BSGRUBS PA'I RDO RJE 'CHANG DE NI'O, ,BSKYED RIM SGOM PA LA LHA'I SKU MDOG SOGS KYI SNANG BA GSAL ZHING BRTAN PA SGRUB PA DANG RANG NYID LHA DE YIN NO SNYAM PA'I NGA RGYAL BRTAN PAR BSGRUB PA GNYIS YOD MOD KYANG GTZO BO NI RANG LHA DE'O SNYAM DU BSAMS PA NA BCOS NAS BYAS PA MIN PAR 'DZIN STANGS BCOS MA MIN PAR 'GYUR THUB PA'I NGA RGYAL BSKYED PA 'DI YIN PAS 'DIR YANG NGA RGYAL BSKYED PA NYID GSUNGS SO, ,DE LTAR SGOM PA DE SRID PA SKYE BA'I RIM PA GANG DANG BSTUN NAS SGOM PA GZHUNG 'OG MA 'DIS MA GSUNGS PA NI SNGAR DAM TSIG 'BYUNG BA RDO RJE'I TING NGE 'DZIN GYI RIM PA DANG BSTUN NAS GSUNGS ZIN PAS 'DIR RNAL 'BYOR BZHIS BSGRUBS ZIN PA'I MTHAR RDO RJE 'CHANG LA NGA RGYAL 'JOG TSUL TZAM ZHIG GSUNGS PA'O, ,'O NA BAR DOS MNGAL DU SKYE BA BLANGS BA MAN CHAD SHIN TU RNAL 'BYOR DANG RNAL 'BYOR CHEN PO GNYIS DANG MTHUN PAR SGOM PA MA YIN NAM RNAL 'BYOR BZHI ZHES GSUNGS PA JI LTAR YIN SNYAM NA, SKYE BA BZUNG PHYIN CHAD DANG MTHUN PAR SGOM PA'I SKABS SU RNAL 'BYOR DANG PO GNYIS MI SGOM

, ,YANG RNAL 'BYOR BZHI LAS BSGRUBS PA'I RDO RJE 'CHANG LA NGA RGYAL 'JOG PA LA 'GAL BA CUNG ZAD KYANG MED DE DPER NA MNGON BYANG THA MA'I SKABS SU MNGON BYANG DANG PO RNAMS MI SGOM YANG DE DAG GIS BSKYED PA'I LHA SKU SGOM PA MI 'GAL BA BZHIN NO, ,DES NA GZHUNG LAS RNAL 'BYOR BZHI LAS BSGRUBS PA NI ZHES GSUNGS KYI RNAL 'BYOR BZHI SGOM PAR MA GSUNGS SO, ,GSUM PA LA GNYIS, SRID PA'I RIM PA DANG BSTUN NAS GSUNGS PA RNAMS KYI DON BSTAN PA DANG, MNGON RTOGS LHAG MA RNAMS LA DE LTAR MA GSUNGS PA'I RGYU MTSAN BSTAN PA'O, ,DANG PO LA GNYIS, RTOGS LDAN LA SKYE BA'I DOGS PA'I GNAS DGOD PA DANG, DOGS PA DE GCOD PA'I LAN NO, ,DANG PO NI, GAL TE SNGAR BSHAD PA LTAR SNOD BCUD KYI SRID PA DANG RTEN DANG BRTEN PA'I LHA SGOM PA'I RIM PA GNYIS LA DNGOS PO LA 'DRA BA YONG DU CHUG KYANG DE RTOGS PAS CI ZHIG BYA STE, 'DRA BAR MA SHES KYANG MNGON RTOGS BSGOMS PAS 'DOD PA'I DON 'GRUB PA LA CUNG ZAD KYANG MI SGRIB PA'I PHYIR TE, SGRIB NA NI THAMS CAD 'DRA BA NI GANG NA'ANG MED LA PHYOGS RE TZAM MI 'DRA BA YANG MED PAS SNGAR GYI DE MIN PA'I 'DRA YUL RNAMS DANG YANG 'DRA BAR RTOGS DGOS PAS HA CANG THAL BAR 'GYUR RO, ,CI STE THAMS CAD DANG 'DRA BA SHES MI DGOS KYI SNGAR BSHAD PA'I CHOS MTHUN SHES NAS DE DAG DANG CHOS MTHUN PAR BSGOMS PAS THA MAL PA'I LUS DANG GNAS SU SNANG BA LOG NAS SNANG BA DE GNYIS KHYAD PAR CAN BSKYED PA'I PHYIR DU SGOM PA LA DE SHES DGOS SO SNYAM NA, DE LTA NA DGOS PA DE 'GRUB PA LA 'DRA BAR SHES MI DGOS TE RANG NYID

LHA DANG DE'I GNAS GZHAL YAS KHANG DU BSKOM PA GOMS PA TZAM GYIS RANG DANG GNAS LA KHYAD PAR CAN GYI SNANG BA SKYE BA MYONG BAS GRUB PA'I PHYIR RO, ,'ON TE CHOS MTHUN SBYOR BA NI SRID PA'I SNOD BCUD 'DI DANG 'DI RTEN DANG BRTEN PA'I RNAL 'BYOR 'DI DANG 'DIS SBYONG BA YIN NO ZHES SBYANG GZHI DANG SBYONG BYED SO SOR NGO 'PHROD PA'I DON DU YIN NO SNYAM NA, BSKAL PA DANG POR BYUNG ZIN PA'I SNOD DANG BCUD KYI SKYE SHI BAR DO RNAMS DA LTA LAM SGOM PA'I BYED PAS SBYONG BAR 'DOD PA NI NA NING BUD SHING ZHIG PA DA LO'I MES SREG PAR 'DOD PA DANG 'DRA BAS SNYING PO MED PA'I GTAM MO, ,DES NA SRID PA SKYE BA LTAR SGOM PA'I CHOS MTHUN SBYOR BA LA DGOS PA MED DO SNYAM NA, GNYIS PA LA GNYIS, CHOS MTHUN SBYAR BA'I RGYU MTSAN BSTAN PA DANG, ,RIM PA GNYIS KYI SBYANG GZHI NGOS GZUNG BA'O, ,DANG PO NI, SNOD BCUD KYI 'JIG CHAGS DANG SNGAGS KYI LAM SGOM PA GNYIS LA CHOS MTHUN PA'I 'DRA CHOS GCIG DNGOS PO LA YOD PA DE NGOS ZIN PA TZAM GYI PHYIR DU 'DRA CHOS SGRIG PA TZAM BYED PA MIN PAS HA CANG THAL BA'I NYES PA MED LA, RANG GI LUS DANG GNAS LA KHYAD PAR CAN GYI SNANG BA BSKYED PA LA SNGON DU SRID PA'I RIM PA DANG 'DRA BAR SHES DGOS PA YANG MIN PAS SKYON GNYIS PA YANG MED DO, ,BSKAL PA DANG PO'I DUS KYI SNOD BCUD KYI RIM PA RNAMS DA LTA LAM SGOM PA'I SBYANG GZHIR BOD KYI 'DUS PA LA SBYANGS PA RNAMS 'CHAD MOD KYANG KHO BO NI CHOS MTHUN KYI YUL DANG SBYANG GZHI GNYIS MA PHYED PA'I GTAM DE MI SMRA STE RIGS PA'I RGYAL POS, SKYE 'DOD NYES PA BCOM PA'I PHYIR, ,KANG YANG SKYON RNAMS 'GOG BYED PA, ,DE BSKYED LAS LA NUS 'GYUR GYI, ,JI LTAR BYAS PA NYAMS

, ,PAR 'GYUR, ,ZHES GSUNGS PA LTAR 'BYUNG 'GYUR NI RGYU'I NUS PA BKAG PA'I SGO NAS DGAG NUS LA 'BRAS BU PHYUNG ZIN ZHIG PA LA 'GOG PA'I BYED PA MI 'JUG PA'I PHYIR RO, ,'O NA GANG ZHIG YIN ZHE NA, BSHAD PAR BYA STE SPYIR 'PHAGS PA YAB SRAS KYI BZHED PAS SNGAGS KYI LAM GYIS SNYIGS DUS KYI MI'I TSE GCIG LA BSGRUB BAR BYA BA'I 'BRAS BU THUN MONG MA YIN PA NI GZHI LA CHOS GSUM GNAS PA JI 'DRA BA DE 'DRA BA'I SKU GSUM GYI GO 'PHANG ZHIG YIN NO, ,SKU GSUM GYI GO 'PHANG MTHAR PHYIN PA MI SLOB PA'I ZUNG 'JUG GI SKABS LA BZHAG DGOS MOD KYANG LAM LA'ANG BSHAD PA NI YAB SRAS KYI GZHUNG NAS MANG DU 'BYUNG BAS 'DIR NI RIGS PA'I DBANG DU BYAS KYI, ZHIB TU NI RDZOGS RIM GYI SKABS SU BSHAD PAR BYA'O, ,'DI LTAR 'CHI BA NI PHUNG SOGS THIM NAS SPRO SA PA RAGS PA THAMS CAD ZHI BAR 'GYUR BAS CHOS KYI SKU DANG RJES SU MTHUN ZHING BAR DO NI RLUNG SEMS TZAM LAS GRUB CING 'JA' LUS LTAR SHIN TU PHRA BA'I LUS CAN YIN PAS LONGS SKU DANG RJES SU MTHUN LA, DES SHA'I MIG GI YUL DU GYUR NAS DE DAG GI BYA BA SGRUB NUS PA'I SKYE BA LEN PA NI LONGS SKUS SKYE BA LEN PA'I SPRUL PA THA MAL PA'I MTHONG BA'I LAM DU BSTAN NAS DE DAG GI DON SGRUB PA DANG 'DRA'O, ,DES NA DE GSUM DANG RIGS 'DRA BA'I LAM GSUM BSGOMS PA'I MTHAR THA MAL PA LA 'CHI BA 'ONG BA'I DOD LA RNAL 'BYOR PA LA DON DAM PA'I BDEN PA MNGON DU BYAS BA'I CHOS SKU 'ONG ZHING, THA MAL PA LA BAR DO 'ONG BA'I DOD LA 'OD GSAL LAS LUGS BZLOG TU SHAR BA'I

RLUNG SEMS TZAM LAS GRUB PA'I LONGS SKU 'ONG LA THA MAL PA LA 'KHOR BA'I SKYE BA 'ONG BA'I DOD LA RNAL 'BYOR PA LA 'GRO BA'I DON DU DGA' MGUR SKYE BA LEN PA'I SPRUL SKU 'ONG BA YIN NO, ,'DI NI GZHUNG GZHAN NAS BSHAD PA'I SKU GSUM DANG MI 'DRA YI 'DI NYID KYI KHYAD CHOS MCHOG TU GYUR PA'O, ,DE LTAR NA THABS MKHAS DANG BRAL NA 'KHOR BA'I RGYUR GYUR PA'I SKYE 'CHI BAR DO GSUM DU 'ONG RGYU DE THABS MKHAS KYI MTHUS DE GSUM JI 'DRA BA DE 'DRA BA'I SKU GSUM DU BSGYUR BA YIN TE SPYOD BSDUS LAS, DE LTAR BYIS PA SO SO'I SKYE BO SRID PA BAR MA ZHES BYA BA NI 'KHOR BA'I RGYUR 'GYUR RO, ,DE NYID BLA MA BRGYUD PA'I RIM GYIS DE BZHIN GSHEGS PA THAMS CAD KYI MAN NGAG THOB PA RNAMS NI BDAG LA BYIN GYIS BRLABS PA ZHES BYA BA 'DI LTAR RTZIG PA'AM RAS RIS ME LONG GI NANG DU NYE BAR SNANG BA DE BZHIN DU RDO RJE'I SKU'I NGO BO NYID KYIS BDAG NYID SPRUL TE RNAM PA THAMS CAD KYI MCHOG DANG LDAN PA SKU LTA BAS CHOG MI SHES PA SKYES BU CHEN PO'I MTSAN SUM CU RTZA GNYIS LA SOGS PAS LUS LA BRGYAN PA STE MDOR NA SANGS RGYAS KYI YON TAN THAMS CAD KYIS BRGYAN PA ZHES BYA BA'I BAR DU'O, ,JI SKAD DU BCOM LDAN 'DAS KYIS RNAM PAR SNANG MDZAD MNGON PAR BYANG CHUB PA'I RGYUD LAS, 'JA' TSON LTA BU'I LUS DAG NI, ,DE NYID BSGOMS PAS THOB PAR 'GYUR, ,ZHES GSUNGS SO, ,ZHES BYIS PA LA 'KHOR BA'I RGYUR 'GYUR PA'I BAR DO DE MAN NGAG DANG LDAN PA LA 'JA' LUS RDO RJE SEMS DPAR 'GYUR BAR GSUNGS TE BAR DO 'ONG BA'I DOD LA LENGS SKU BYUNG BA'O, ,DE BZHIN DU 'CHI BA'I DOD LA DON DAM CHOS SKU DANG SKYE BA'I DOD LA KUN RDZOB GZUGS KYI SKU 'ONG BAR YANG DE NYID LAS, DE BAS NA DE

, ,KHO NA NYID SHES PA NI RKYEN MA TSANG BAS JI SKAD DU BSHAD PA'I SPYOD PA GAL TE MA SPYAD DU ZIN KYANG, LTA BA THAMS CAD RNAM PAR SPANGS NAS 'CHI BAR 'GYUR BA NI, DON DAM PA'I BDEN PA YIN LA SKYE BA NI KUN RDZOB KYI BDEN PA'O ZHES YANG DAG PAR MNGON PAR RTOGS NAS BRGYAL MAN ? 'OD GSAL BAR ZHUGS NAS THA MAL PA'I PHUNG PO BOR NAS BDAG LA BYIN GYIS BRLABS PA'I RIM GYIS LDANG BAR BYA'O ZHES BRTAN PA'I SEMS BSKYED DE, DE YID LA BYED PAS GNAS PAR BYED NA DE SKYE BA GZHAN DU YID LA BYED PA DE 'DOR BAR MI 'GYUR TE DE BAS NA THAMS CAD MKHYEN PAR 'GYUR RO, ,ZHES GSUNGS SO, ,'DI RIM PA DANG PO MTHAR PHYIN NAS RDZOGS RIM THOB PA GCIG SPYOD PA BYED PA MA BYUNG BAR 'CHI BA'I DBANG DU BYAS NAS GSUNGS PA YIN KYANG SPYIR 'CHI BA CHOS SKU DANG SKYE BA GZUGS SKUR 'CHAR BA ZHES PA'I DON LA NI 'DRA BA YIN NO, ,RIM LNGA LAS KYANG, KUN RDZOB BDEN PA SGYU MA NYID, ,LONGS SPYOD RDZOGS PA'I SKU YANG DE, ,DE NYID DRI ZA'I SEMS CAN YIN, ,RDO RJE'I SKU YANG DE NYID GANG, ,RDO RJE SEMS DPA' RANG NYID DE, ,DE BAS RANG NYID MCHOD LA 'JUG ,CES GSUNGS TE SNGAR YANG MANG DU BSHAD DO, ,DES NA GZHI'I SKYE 'CHI BAR DO GSUM DANG RIGS MTHUN PA'I SKU GSUM BSGRUB BYAR BYED PA'I GNAD KYIS LAM DU YANG DE GSUM DANG RJES SU MTHUN PA'I SGOM PA'I RIM PA STON PAS, SNOD BCUD KYI SRID PA'I RIM PA RE DANG BSTUN NAS DE'I DOD LA LAM 'DI 'DRA ZHIG SGOM ZHES GSUNGS TE DPER NA RAS RIS LA DON MED PA'I GZUGS BRNYAN MANG PO 'DRI BA ZHIG LA GZHAN ZHIG GIS DE'I DOD LA SANGS

RGYAS KYI SKU 'DI BRIS SHIG CAS SMRA BA BZHIN DU 'KHOR BA PA LA SNOD BCUD 'DI LTAR 'BYUNG BA'I DOD DE LA GZHAL YAS KHANG DANG SKU GSUM 'DI 'DRA BA ZHIG 'ONG BA GYIS ZHES GSUNGS PA YIN TE, DE DAG SGOM PA NA JI LTAR SGOM PA DE DANG DER GRUB PA'I RNAM PAR SKOM PAS SO, ,DE LTAR NA SNGAR BSHAD PA LTAR CHOS MTHUN SGOM PA PO 'DZAM BU GLING PA'I MI YIN PAR GRUB PA NA DES GANG DANG MTHUN PAR SGOM PA'I SKYE SHI BAR DO'I RIM PA YANG 'DZAM BU GLING PA'I MI'I DBANG DU BYAS PA ZHIG DGOS PA YIN TE, SKYE SHI BAR DO GSUM LAM SGOM PA'I MTHUN YUL DU BKOD PA NI 'DRA SGRIG PA TZAM MA YIN GYI DE DANG RIGS GCIG PA'I SKYE SHI BAR DO GSUM DU 'ONG RGYU DE SKU GSUM DU BSGYUR BA'I CHED YIN PA'I PHYIR DANG, DE YANG 'DZAM BU GLING PA'I CHOS DE GSUM KHO NA LA YOD PAS DE DANG RIGS GCIG BA'I MTHUN YUL YANG 'DZAM BU GLING PA'I DBANG DU BYAS PA YIN NO, ,DE LTAR NA 'CHI BA LA 'DZAM BU GLING PA'I DBANG DU BYAS PA DGOS SU CHUG KYANG SKYE BA LA 'DZAM BU GLING GI MI DANG DER SKYE BA'I BAR DO MI DGOS KYI 'DZAM BU GLING PA'I MI SHI BA'I 'OG GI BAR DO DANG SKYE BA TZAM DANG CHOS MTHUN SBYAR BAS CHOG GO SNYAM NA, SKYON MED DE 'DZAM BU GLING PA'I MI'I SKYE BA DANG DER SKYE BA'I BAR DE'I DOD LA LONGS SPRUL GYI SKU SGRUB NUS NA RANG NYID LAS KYI DBANG GIS 'JUG PA'I BAR DO DANG SKYE BA LEN PA THAMS CAD SPYONG NUS PA'I PHYIR DANG, 'DZAM BU GLING PA'I MI'I SKYE BA DANG DER SKYE BA'I BAR DO DANG SBYOR BA LA KHYAD PAR CAN GYI CHOS MTHUN YOD PA'I PHYIR RO, ,DE JI LTAR YIN ZHE NA SRID PA SKYE BA'I RIM PA DANG CHOS MTHUN SPYOR BA RNAMS LA MAR LA GZHI'I SKABS DANG YAR LA

, ,'BRAS BU'I SKABS GNYIS KA DANG RNAM PA RJES SU MTHUN PA'I CHOS MTHUN KHYAD PAR CAN YOD PAS DE DAG LA 'BRAS BU LAM DU BYED PA YOD PA YIN NO, ,DES NA YUM GYI LHUMS SU SKYE BA BZUNG NAS MCHOG GI SPRUL SKUR 'TSANG RGYA BA'I RTEN DE 'DZAM BU GLING PA'I MI'I SKYE BA YIN PAS 'BRAS BU'I RNAM PA DE LAM DU BYED PA'I SPRUL PA'I SKU SGOM PA'I CHOS MTHUN GYI YUL YANG 'DZAM BU GLING PA'I MI LA MDZAD DO, ,DE'I PHYIR BAR DO YANG SKYE BA DE LEN PA'I BAR DO BYE BRAG PA LA MDZAD DE MCHOG GI SPRUL SKU'I SKYE BA 'DZIN PA'I LONGS SKU'I DOD YIN PA'I PHYIR TE SNGAR BSHAD PA LTAR RO, ,'O NA LAM SGOM PA PO DE'I 'BYUNG 'GYUR GYI SKYE 'CHI BAR DO GSUM MTHUN YUL DU BYA BAR RIGS PAS BSKAL PA DANG PO'I SKABS DANG BSTUN PAR MI RIGS SO ZHE NA, SKYON MED DE GZHI'I CHOS GSUM DANG 'DRA BA'I SKU GSUM SGOM PA LA SNGON DU RTEN BSKYED DGOS SHING DE NI SNOD CHAGS PA DANG CHOS MTHUN PAR BYA DGOS LA DE LTA NA DER BCUD KYI LHA CHAGS PA DANG DE 'OD GSAL DU SDUD PA SOGS KYANG BSKAL PA DANG PO'I BCUD KYI SEMS CAN CHAGS PA DANG DE SHI BA SOGS DANG CHOS MTHUN PAR SBYAR DGOS PA'I PHYIR RO, ,BSKAL PA DANG PO'I DUS KYI SNOD BCUD KYI SRID PA'I RIM PA RNAMS CHOS MTHUN GYI YUL YIN YANG DA LTA LAM SGOM PA'I BYED PAS DE MI SBYONG BAS LAM BSGOMS PAS NI 'BYUNG 'GYUR GYI SRID PA'I RIM PA SBYOR BA YIN NO, ,GNYIS PA NI, GAL TE RIM PA DANG PO'I SBYANG GZHI LA SKYE 'CHI BAR DO GSUM GA 'JOG NA RDZOGS RIM GYI SBYANG GZHI MED PAR 'GYUR LA DE GSUM LAM

GNYIS KA'I SBYANG GZHIR 'JOG NA SBYANG BYA GCIG LA SBYONG BYED GNYIS DON MED DO, ,DPYOD BSDUS LAS KYANG, SKYE BA KUN RDZOB BDEN PA ZHES BYA STE, ,'CHI BA MING YANG DON DAM BDEN PA YIN, ,RIM GNYIS DE DAG BLA MA'I DRIN GYIS NI, ,RNYED PA 'DI NI MA 'ONGS SANGS RGYAS YIN, ,ZHES SKYE 'CHI SBYONG BYED KYI BDAN PA GNYIS LA RIM PA GNYIS SU GSUNGS PA DANG 'GAL LO ZHES ZER NA, 'DI LA SNGON GYI BLA MA DAG RIM GNYIS KYI SBYANG GZHI 'GAL BAR BZUNG NAS SKYE BA BSKYED RIM GYI SBYANG GZHIR 'DOD CING, 'CHI BA LA BSKAL PA DANG PO'I MI 'CHI BA NI LHAG MOS 'OD GSAL DU SDUD PA DANG MNGAL KHA BRGYUD BA'I MI 'CHI BA'I PHUNG SOGS RAGS PA 'GAGS PA NI LUS DBEN DANG RLUNG RNAMS 'GAGS PA NGAG DBEN DANG SEMS GSUM 'GAGS PA SEMS DBEN GYI SBYANG GZHIR 'DOD DO, ,SGYU MA'I SBYANG GZHI LA RGYAL PO SPRIN SHUGS CAN BAR DO LA 'DOD PA DANG BTZUN MO CAN RMI LAM LA 'DOD PA DANG MNGON SHES CAN BAR DOS LUS LEN KHA'I SGRO 'DOGS SHES PA LA 'DOD PA DANG KHA CIG BAR DO'I SEMS ZUNG 'JUG GI SBYANG GZHI YIN PAS LUS YIN ZHES 'DOD PA RNAMS BKAG NAS, SGYU MA DANG ZUNG 'JUG GNYIS SBYANG GZHI LA KHYAD MED KYANG DANG PO GNYIS PA'I NYER LEN GYI RGYU LA DGOS PAS DE GNYIS KA'I SBYANG GZHI BAR DO LA BYED PA NAG PO PA'I LUGS LEGS PAR SMRA ZHING 'CHI BA'I SHER PHYIN 'OD GSAL GYI SBYANG GZHIR BYED LA, SBYANG GZHI SBYONG BA DANG SPANG BYA SPONG BA'I KHYAD PAR NI GNAS LUS LONGS SPYOD LA THA MAL PAR ZHEN PA NI MI SPONG BAR GZHAL YAS KHANG DANG LHA SO GNYIS SU BSGOMS TE SNANG BA

, ,BSGYUR BA TZAM YIN LA RANG GI SEMS RGYUN LA ZHEN PA'I SA BON GCOD PA NI SPONG BA YIN ZHES 'CHAD DO, ,BLA MA RDOG PA NI BSKYED RIM GYI SBYANG GZHI PHUNG KHAMS SKYE MCHED YUL YE SHES RNAMS LA SPYOD BSDUS NAS GSUNGS PA LTAR BRGYAR PHYE BA DANG LUS KYI KHONG STONG LAS RLUNG NYI KHRI GCIG STONG DRUG BRGYA YI GE GSUM GYI SGRAR GRAG CING RGYU BA DANG, SEMS GSUM RANG BZHIN DANG BCAS PA DANG, DBANG PO GNYIS SBYOR GYI TSE RANG RIG BDE BA NYAMS SU MYONG BA DANG, RMI LAM GYI DUS SU RLUNG SEMS TZAM LAS YID LUS MNGON ZHEN DANG BCAS PA BYUNG NAS PHYOGS BCUR 'DOD PA LA SPYOD PAR SNANG BA DANG, 'CHI BA'I 'OD GSAL DANG, DE LAS GRUB PA'I BAR DO RNAMS LUS DBEN NAS ZUNG 'JUG GI BAR GYI SBYANG GZHIR 'DOD CING 'CHI BA DANG BAR DO RIM PA GNYIS KA'I SBYANG GZHIR BSHAD PA NI 'CHI BA'I STONG NYID JI LTA BA BZHIN MA RTOGS PA DANG RTOGS PA DANG MNGAL DU 'JUG PA'I DUS KYI BAR DO DANG BAR DO'I DUS KYI MTSAN NYID JI LTA BA BZHIN GYI KHYAD PAR RAM YANG NA LUS 'DI'I SNGON ROL DANG LUS 'DI MTHAR 'GAG PA'I 'CHI BA DANG BAR DO'I KHYAD PAR DU 'CHAD DO, ,DE LA 'PHAGS PA YAB SRAS KYIS NI 'DI DAG LA SBYANG GZHI DANG SBYANG BYED KYI THA SNYAD GSAL BAR MA MDZAD LA SPYI TZAM NAS, SGYU MA LTA BU'I TING NGE 'DZIN, ,YANG DAG MTHAS NI RNAM PAR SBYANG, ,ZHES RI LNGA LAS GSUNGS PA LTAR GNYEN PO YANG SBYANG BYAR GSUNGS PA YOD MOD KYANG 'DIR NI MDOR BYAS LAS, RNAM RTOG BAG CHAGS NYES PA YIS, ,'GRO BA GSUM PO RNAM RMONGS LA, ,BLO DANG LDAN PAS LEGS BLTAS TE, ,RNAL 'BYOR RGYUD KYIS SBYANG

BAR BYA, ,ZHES GSUNGS PA LTAR DRI MA SEL BA LA SBYOR BAR BYA'O, ,'DI LA GUR GYI LE'U DANG PO LAS, THUGS KYI RDO RJE LAS BYUNG BA'I, ,SEMS CAN SNA TSOGS RANG BZHIN CAN, ,SEMS NI RANG GI RNAM RTOG GI ,DRI MAS SKYE BO SBAGS PAR BYAS, ,DE PHYIR KUN TU RAB 'BAD PAS, ,THUGS KYI RDO RJE RNAM PAR SBYANG, ,SEMS DAG PAS NI BDE BA YIN, ,NYON MONGS DUG NI THAMS CAD 'JOMS, ,ZHES GSUNGS PA LTAR DRI MAS BSLAD PA'I SEMS SBYONG BA NI SEMS KYI RIGS 'DRA RGYUN GCOD PA SBYONG BA'I DON MA YIN GYI SEMS KYI RIGS 'DRA PHYI MA DRI MA DANG BRAL BAR BSKYED PA SBYONG BA'I DON YIN LA, BDAG TU 'DZIN PA SBYONG BAR GSUNGS PA LTA BU NI RIGS 'DRA GCOD PA SBYONG BA'I DON DANG DE BZHIN DU SEMS KYI CHOS NYID MNGON DU 'GYUR BA LA SGRIB PA'I DRI MA SEL BA LA CHOS NYID DE SBYONG BAR GSUNGS PA YANG YOD PAS SBYONG TSUL GSUM SNGAGS DANG MTSAN NYID KYI THEG PA GNYIS KA NAS GSUNGS SO, ,'DIR NI SBYANG GZHI KHYAD PAR BA ZHIG STON PA YIN TE DE LA YANG SNOD BCUD GNYIS SU DBYER YOD MOD KYANG GTZO BO'I DON NGOS BZUR NA GZHI'I SKYE 'CHI BAR DO GSUM YIN LA, DE SBYONG TSUL NI DE GSUM GYI RIGS 'DRA PHYI MA GSUM DRI BRAL DU BSKYED PA MA YIN TE DE LA DRI MA ZAD PA MED PA'I PHYIR RO, ,DE GSUM MNGON DU GYUR PA LA SGRIB PA'I GRIB MA SEL BA YANG MA YIN TE SEMS CAN RNAMS LA DE DAG MNGON DU GYUR ZIN PAS DE'I DON DU 'BAD MI DGOS PA'I PHYIR RO, ,BDAG MED PA RTOGS PA'I SHES RAB KYIS BDAG 'DZIN 'GOG PA LTA BU YANG MIN TE DE LA DAG BYA DANG RJES SU MTHUN PA'I LAM SGOM MI DGOS LA 'DI LA

, ,DE DGOS PA'I PHYIR RO, ,DES NA 'DIR NI THA MAL PA 'CHI BA'I TSE 'BYUNG BA THIM PA'I RIM PA CAN GYI NYAMS JI LTAR SKYE BA DE 'DRA BA'I RDZOGS RIM SKYED PAR GSUNGS PA LTAR GZHI'I CHOS GSUM JI 'DRA BA DE 'DRA BA'I LAM BSGOMS NAS THA MAL BA'I SKYE SHI BAR DO GSUM DAG PAR BYED PA SBYONG BA'I GNAD KYI DON DU MTHONG NGO, ,TSUL DES LAM SGOM PA PO RANG GI SKYE 'CHI BAR DO GSUM SBYONG BA LA LAM RIM PA GNYIS GSUNGS SHING, DE YANG DPER NA NYON MONGS BDAG 'DZIN LTA BU CIG SBYONG BA LA SLOB PA'I LAM BZHI SGOM PA MI 'GAL BA LTAR SBYANG GZHI'I CHOS GSUM GCIG YIN YANG DE SBYONG BA'I LAM RIM PA GNYIS RIM GYIS SKYE BA CI ZHIG 'GAL, RIM PA RE RES RDZOGS PAR SBYONG NUS NA SBYANG GZHI GCIG LA SBYONG BYED GNYIS MI DGOS KYANG DE KHAS MI LEN PAS RTZOD PA'I GNAS MED DO, ,DE LTA MA YIN PAR SBYANG GZHI SO SO BAR NGES NA NI RIM PA RE RES KYANG SKYE BA SBYANGS PA'I SPRUL SKU DANG 'CHI BA DANG BAR DO SBYANGS PA'I CHOS SKU DANG LONGS SKU THOB PAR NUS PA YANG 'DOD PAR GYIS SHIG ,GAL TE SO SO'I SBYANG GZHI RDZOGS PAR SBYONG NUS PA'I DBANG DU MI BYED KYI SBYANG GZHI DANG RNAM PA RJES SU MTHUN PAR SGOM PA GANG LA YOD PA'I DBANG DU BYAS NAS SBYANG GZHI SO SOR BYED DO SNYAM NA, DE LTA NA RIM PA DANG PO LA YANG GZHI'I CHOS GSUM DANG MTHUN PAR SGOM PA GSUM GSUNGS PAS SKYE BA GCIG PU SBYONG BYED DU 'GAL LA GSUM GA SBYONG NA NI SBYANG GZHI GCIG TU 'GYUR TE, BSKAL PA DANG PO'I MI RDZUS SKYES DANG MNGAL SKYES SAM LAM SGOM PA PO'I TSE SNGA PHYI'I CHOS GSUM SO SOR PHYE NAS RIM PA GNYIS

KYI SBYANG GZHI SO SOR 'DOD PA BKAG ZIN PA'I PHYIR RO, ,DE BZHIN DU RDZOGS RIM LA YANG 'CHI BA DANG RJES SU MTHUN PA'I STONG NYID SGOM PA DANG BAR DO DANG RJES SU MTHUN PA'I SGYU LUS DANG SKYE BA LEN PA DANG RJES SU MTHUN PA'I SPRUL SKUR BSGYUR BA SOGS YOD PAS 'CHI BA DANG BAR DO KHO NA SBYONG BYED DU 'GAL LO, ,SPYOD BSDUS LAS SKYE 'CHI GNYIS BDEN PA GNYIS SU GSUNGS PA NI SNGAR DRANGS PA'I RDZOGS RIM THOB LA SPYOD PA BYED RGYU MA BYUNG BA DE'I SKYE 'CHI GNYIS LA GSUNGS PA DE NI SHIN TU GSAL BAS DES 'CHI BA'I DUS SU DON DAM MNGON DU BYAS NAS SKYE BA'I DUS SU SGYU MA'I SKU 'GRUB PA'I DON YIN GYI GZHI'I SKABS KYI SKYE 'CHI GNYIS RIM GNYIS KYI SBYANG GZHIR STON PA GTAN MIN NO, ,'O NA RIM GNYIS DE DAG CES GSUNGS PA'I DON GANG YIN SNYAM NA, 'CHI BA'I TSE 'OD GSAL MNGON DU BYED PAR GSUNGS PA'I LUNG SNGAR DRANGS PA DE'I MJUG TU DE'I DON BSDUS PA NA, 'DIR BSHAD PA GANG ZHIG SKYE BA ZHES SOGS GSUNGS SHING SNGAR RDZOGS RIM LA GNAS PAR BSHAD PAS RIM PA GNYIS THOB PAR BSTAN PA DE LA SNYEG PA'I TSIG YIN GYI SKYE BA KUN RDZOB DANG 'CHI BA DON DAM LA SNYEG PA MIN TE DE GNYIS NI GANG ZAG DE'I PHYIS KYI THOB BYA YIN PAS DA DUNG MA RNYED PA'I PHYIR RO, ,DE LTAR BYAS NA LHAG MOS 'OD GSAL DU SDUD PA DANG SEMS DBEN DANG, 'OD GSAL NI 'CHI BA DANG RNAM PA RJES SU MTHUN PAR SGOM PA 'CHI BA SBYONG BYED YIN LA, DANG PO'I MGON PO DANG SGYU LUS DANG ZUNG 'JUG NI BAR DO DANG RNAM PA RJES SU MTHUN PAR SGOM PA BAR DO SBYONG BYED DANG DE GSUM RANG RANG GI SKABS KYI SPRUL SKUR SGYUR BA NI SKYE BA LEN PA DANG RNAM PA RJES SU MTHUN PAR SGOM PA SKYE BA SBYONG BYED

, ,YIN TE DE YANG SBYANG GZHI GCIG SBYONG BA LA RAB 'BRING THA GSUM GYI RTOGS PA THOG MTHA' BAR GSUM DU SKYE BA SKAS KYI GDANG BU'I RIM PA DANG 'DRA BA'O, ,DES NA RIM PA DANG POR DE BZHIN NYID LAS BYANG CHUB PA MNGON DU BYED PA'I RTEN LA LHAG MOS GSUNGS PA DANG 'DRA BAR LUS DBEN NI SEMS DBEN GYI STONG PA GSUM MNGON DU BYED PA'I RTEN YIN LA NGAG DBEN NI SEMS KYI BZHON PA'I RLUNG DBANG DU BYED PAS SEMS DBEN GYI LHAN CIG BYED RKYEN YIN PAS DE GNYIS LA SRID PA SKYE RIM GYI DBANG DU BYAS PA'I SBYANG GZHI ZUR PA MI DGOS TE, RIM PA DANG PO'I SKABS SU SPYIR LAM DES SBYONG BA LA DU MA ZHIG YOD KYANG DE DAG THAMS CAD SBYANG GZHIR MI 'CHAD PAR SKYE 'CHI BAR DO GSUM BSTAN PA DANG 'DRA BAR RIM PA GNYIS PA'I SKABS SU YANG SBYANG GZHI'I GNAD BSDUS PA NI GSUM PO DE TZAM LA BYA'O, ,KHYAD PAR DU SPYOD BSDUS LAS BDAG BYIN GYIS BRLAB PA NGES PA'I YAN LAG TU RMI LAM LA DRIS LAN MDZAD PA'I SKABS KYI TSIG TZAM LA 'KHRUL NAS RMI LAM SGYU LUS KYI SBYANG GZHIR 'CHAD PA NI, 'DRA CHOS SKRIG PA TZAM LA SBYANG GZHI DANG SBYONG BYED GO BAR 'DOD PA'I LUGS SU SNANG BAS SBYANG GZHI'I GNAD MA ZIN PA'O, ,SBYANG GZHI GSUM PO SBYONG BA NA DE DANG RIGS MTHUN GYI RTOGS PA BSKYED NAS SBYONG DGOS PA LA MTSAN NYID JI LTA BA BZHIN MTHUN PA'I RTOGS PA RDZOGS RIM GYI SKABS MIN PAR MI SKYE ZHING, DE SKYE BA LA YANG DANG PO PHYOGS MTHUN TZAM GYI LAM RIM PA DANG POS RGYUD SMIN PAR BYA DGOS TE DES SMIN PAR MA BYAS NA DGE RTZA MI SMIN PAS RDZOGS PA'I RIM PA MI SKYE BA'I PHYIR TE LE'U BCU

GCIG PA'I SGRON GSAL LAS, DE LTAR BRTAGS PA'I YID KYIS THUN BZHIR BSLAB PAR BYAS NA DE DGE BA'I RTZA BA YONGS SU SMIN PAS RDO RJE LTA BU'I TING NGE 'DZIN MNGON PAR RTOGS NAS TSE 'DI NYID LA PHYAG RGYA CHEN PO'I DNGOS GRUB THOB PAR 'GYUR RO, ,ZHES GSUNGS SHING RIM LNGA DANG SPYOD BSDUS LAS KYANG SKAS KYI RIM PA DANG 'DRA BAR GSUNGS PA'I PHYIR RO, ,DE LA RIM PA DANG POS DGE RTZA SMIN PAR BYAS PAS SBYANG GZHI GSUM CI TZAM ZHIG SBYONG BA DANG DES SBYONG MA NUS PA'I LHAG MA GNYIS PAR CI TZAM RE SBYONG BA RNAMS KYI KHYAD PAR LEGS PAR PHYED NA SPYOD BSDUS NAS GSUNGS PA LTAR GYI GO RIMS RNAMS LA NGES PA BRTAN PO RNYED NAS NYAMS LEN MI 'PHYUG LA, DA LTA MA YIN NA 'PHAGS PA'I GDAMS PA DAM PA MDOR BYAS NAS 'BYUNG BA'I TING NGE 'DZIN GSUM LA SOGS PA GTZIS MED DU BZHAG NAS RGYUD KYI DON YAB SRAS KYIS GTAN LA PHAB PA'I DON GZHUNG 'DIS BSTAN ZER RGYU MED PA'I MAN NGAG PHRA MO 'GA' ZHIG GIS DUS 'DAS NAS LAM GYI LUS MI RNYED PAS BSKYED RDZOGS GNYIS KA'I CHOS SKAD RNAMS SBYANG GZHI'I GNAD GCIG LA BSKOR NAS LAM LTAR SNANG BAS BKRI BAR MI NUS PA'I NGES PA BRTAN PO BLA MA LAS BTZAL BAR BYA STE 'DI DAG KYANG GZHAN DU BSHAD PAR BYA'O, ,RNAL 'BYOR CHEN PO'I RGYUD SDE DAG NAS RTEN DANG BRTEN PA'I RNAL 'BYOR RNAMS SRID PA SKYE BA'I RIM PA DANG MTHUN PAR SGOM PAR GSUNGS PA RNAMS LA, 'PHAGS PA YAB SRAS KYI DGONGS PA 'DI 'DRA BA'I 'GREL LUGS SHIG MED NA GANG MTHUN MTHUN BSGRIGS PA'I 'DRA SGRIG PA TZAM RE'I BSHAD PA LAS NUS PA GZHAN MI THON PAS BLO GROS CHEN PO DAG TSIM PAR GA LA 'GYUR, DE'I PHYIR RNAL

, ,'BYOR CHEN PO'I LAM RIM PA GNYIS BSGOMS NAS TSE DE LA 'TSANG RGYA BAR SNGAGS NAS GSUNGS PA'I RIN PO CHE LTA BU'I RTEN GYI GANG ZAG DE 'DZAM BU GLING PA'I RTEN CAN DU BYAS NAS, DES 'DZAM BU GLING BA'I MI'I SKYE SHI BAR DO GSUM DANG MTHUN PAR SNGAGS KYI LAM SGOM PA'I TSUL 'PHAGS SKOR GZHAN DU MI GSAL BA SLOB DPON 'DIS GSAL BAR MDZAD PA 'DI NI, BLA MED SPYI DANG KHYAD PAR DU DPAL GSANG BA 'DUS PA'I DON 'PHAGS PA YAB SRAS KYIS BKRAL BA LA MED DU MI RUNG BA'I GNAD CHEN POR MTHONG BAS SHES RAB CAN RNAMS KYIS 'DI'I DON LEGS PAR KHONG DU TSUD PAR BYED PA 'GAG GI DON DU BZUNG ZHIG ,GNYIS PA NI, 'O NA BSRUNG 'KHOR DANG RIG MA 'DU BYA BA PHYIN CHAD LA CHOS MTHUN MA SBYAR BA CI YIN SNYAM NA, 'DI LA BLA MA BTZUN MO CAN PHYI'I LCAGS RI DANG BSRUNG 'KHOR GNYIS CHOS MTHUN SBYOR BA NI 'THAD PA MA YIN TE, GANG DANG CHOS MTHUN SBYOR BA'I YUL SRID PA LA SNOD BCUD GNYIS LAS MED LA DE'I THOG MA YANG SNOD NAS SBYOR BA YIN NA SNOD ZHIG PA DANG DE NAS CHAGS PA MAN CHAD YE SHES KYI SA SGOM PA MAN LA SBYAR BA'I PHYIR DANG, LCAGS RI NI GZHAL YAS KHANG DANG CHOS MTHUN PAR DNGOS SU SBYAR BA'I PHYIR RO, ,PHYIS KYI BLA MA KHA CIG LHAG MOS BSKAL PA DANG PO'I MI DANG CHOS MTHUN SBYAR BA LA BSAMS NAS BSRUNG 'KHOR YAN CHAD DU BSKAL PA DANG PO'I MIR SKYE BA'I RGYU SOG PA DANG 'DRA BAR LHAG MOS KYIS LHAR SKYED PA'I RGYU SOG PA LA SBYOR TE, SBYOR BA TSOGS SOG NI BSKAL PA DANG PO'I MIR SKYE BAR LAN GRANGS GZHAN LA MYONG 'GYUR GYI LAS

DANG 'DRA, DE NAS STONG NYID SGOM PA NI RTEN DE NAS SHI BA DANG 'DRA, DE LAS DANG PO'I MGON POR SKYED PA NI BAR DO DANG 'DRA, DE ZHE SDANG RDO RJER BSGYUR BA NI SKYE BA BLANGS PA DANG 'DRA, RA BA DANG DRA BA DANG PHUR BU NI GDAN BZHIR SBYIN PA TSUL KHRIMS BZOD PA GSUM LA GSUNGS PAS DE GSUM GYIS BSDUS PA'I DGE BA BSAGS PA NI BSKAL PA DANG PO'I MIR SKYE BA'I SKYES NAS MYONG 'GYUR GYI LAS DANG 'DRA, DE NAS YE SHES KYI SA SGOM PA NI SHI BA DANG 'DRA LA LHAG MOS SGOM PA NI BSKAL PA DANG PO'I MIR SKYES PA LTA BU'I GSUNG YANG MI 'THAD DE, KHAS BLANGS DANG 'GAL, GZHUNG DANG GAL, THUG PA MED PA'I SKYON, SKABS KYI DON MA RTOGS PA'I SKYON BZHI SNANG BA'I PHYIR RO, ,DANG PO NI, DAM TSIG RDO RJE SOGS KYIS DANG PO'I MGON POS RANG GIS THUGS KA NAS MI BSKYOD PA SPROS TE RANG LA THIM PAS SPRUL SKUR BSGYUR BA 'GOG PA NA BAR DO RANG GI KHU BAS RANG GI LUS SKYED PA MED PAS SBYANG GZHI DANG MI MTHUN NO ZHES SMRAS NAS BSRUNG 'KHOR GYI SKABS SU DANG PO'I MGON PO YAB YUM MNYAM PAR SBYAR BA'I KHU BA LAS MI BSKYOD PA BSKYED NAS RANG LA BCUG PAS ZHE SDANG RDO RJER BSGYUR BAR 'DOD PA NI RANG GI TSIG LA CO 'DRI BA'O, ,GNYIS PA NI, BSRUNG 'KHOR BSGOMS PA'I 'OG TU SNOD BCUD 'OD GSAL DU SDUD PA NI SNOD ZHIG PA DANG SBYOR BA GSAL BAR GSUNGS PAS BSKAL PA DANG PO'I MIR SKYE RGYU SHI BA DANG SBYOR BA NI 'BREL MED DO, ,GSUM PA NI, DE LTA YIN NA BSKAL PA DANG PO'I MIR SKYE RGYU'I SEMS CAN DER SKYE BA'I RGYU LA SOGS PA DANG YANG SBYAR DGOS PAR 'GYUR BAS THUG PA MED LA YE SHES KYIS BSGOMS PA DANG LHAG MOS KYI BAR DU YANG BAR SRID

, ,DANG SBYOR DGOS PAR 'GYUR RO, ,BZHI PA NI, CHOS MTHUN SBYOR BA'I YUL SRID PA 'JIG CHAGS NI SNOD BCUD 'JIG CHAGS GNYIS SU NGES SHING, DE'I THOG MA SNOD 'JIG PA NAS YE SHES KYI SA SGOM PA MAN CHAD LA SBYAR BAS NA DE'I GONG DU SBYOR MI DGOS PAR SHIN TU GSAL BAR RTOGS NA BSRUNG 'KHOR DANG SRID PA CHOS MTHUN SBYOR BA'I TSOGS KYIS CI ZHIG BYA, DES NA SGRON GSAL LAS, BSAM GTAN ZHES BYA BA LA SOGS PAS NI LAS DANG PO PA'I DGE BA'I BYA BA'I YAN LAG TU GYUR PA'I BSRUNG BA'I CHO GA GSUNGS PA YIN TE, ZHES GSUNGS PA LTAR BSRUNG 'KHOR NI SRID PA SKYE BA'I RIM PA LTAR BSGOM PA'I BSKYED RIM DNGOS GZHI'I YAN LAG GAM SNGON 'GRO TZAM YIN PAS DE DAG LA SRID PA'I RIM PA DANG CHOS MTHUN SBYAR MI DGOS SO, ,YANG BOD KYI BLA MA DAG PHYAG RGYA SGRUB PA DANG, RDO RJE DANG PADMA BYIN GYIS BRLABS TE RJES SU CHAGS PA DANG, LAS LA GNAS TE MCHOD PA BYED PA DANG, DKYIL 'KHOR RGYAL MCHOG SKYED PA DANG, MCHOD PA LA SOGS PA'I RIM GYIS DKYIL 'KHOR RGYAL MCHOG SGOM PA DANG, SEMS SBYANG BA'I PHYIR PHRA MO BSGOMS PAS DNGOS GRUB 'BYUNG BA RNAMS NI, RIM PA BZHIN RIGS GZHAN GYI BUD MED LEN PA DANG, PHO MO'I DBANG PO SAD NAS RJES SU CHAGS PA DANG, LAS LA GNAS TE SGO GSUM TSIM PA DANG, BU DANG BU MO SKYED PA DANG, BU TSA GSO BA DANG SRUNG BA'I RIM GYIS LUS YONGS SU RDZOGS PA DANG, BU DANG TSA BO DE DAG RANG GI SEMS SBYANG ZHING SHES RAB SKYED PA'I PHYIR RIG PA'I GNAS LA BSLABS NAS RANG GZHAN GYI DON GRUB PA DANG CHOS MTHUN

LA, YANG 'GA' ZHIG GIS RGYAL PO LA SOGS PA MNYES PAR BYAS PAS 'DOD PA'I DON STER BA NI, SNGAGS LA GZHOL BAS SNGAGS 'BUM PHRAG DANG SBYIN SREG GIS LHA MNYES PAR BYAS PAS DNGOS GRUB 'BYUNG BA DANG CHOS MTHUN PAR 'CHAD DO, ,SPYIR MNGON RTOGS DNGOS GZHI'I DON NI 'DI YIN TE GANG DU 'TSANG RGYA BA'I GNAS DANG DER 'TSANG RGYA BA'I RTEN DANG GANG GI NGO BOR 'TSANG RGYA BA'I RIM PA DANG SANGS RGYAS NAS MDZAD PA CI MDZAD PA STE BZHI'O, ,DE LA DANG PO NI YE SHES KYI SA DANG RDO RJE'I SA SNGON DU 'GRO BA'I GZHAL YAS KHANG NGO, , GNYIS PA NI LHAG MOS KYI LHA'O, ,GSUM PA NI, LHAG MOS 'OD GSAL DU SDUD PA'I CHOS SKU DANG DANG PO'I MGON POR SKYED PA'I LONGS SKU DANG DE RDOR SEMS SNGON POR BSGYUR BA'I SPRUL SKU STE SKU GSUM GYI NGO BOR 'TSANG RGYA BA YIN NO, ,DE YANG BSKYED RIM GYI SKABS SU DNGOS PO LA DE LTAR MI GNAS KYANG DE DANG DE'I NGA RGYAL BYED PAS NA 'DI YAN CHAD KYIS ZHING DAG CING SKYE 'CHI BAR DO GSUM SBYANGS PA'I SKU GSUM THOB PA'I LUGS SU BYED PAS SNOD DANG BCUD KYI SKYE 'CHI BAR DO GSUM DU MA 'DUS PA'I SBYANG RGYU ZUR PA MED PAS RIG MA 'DU BYA BA MAN CHAD LA CHOS MTHUN SBYOR BA MA MDZAD DO, ,LE'U BRGYAD PA'I SGRON GSAL LAS PHYAG RGYA 'DU BYAS PA DANG SNYOMS PAR ZHUGS NAS LHA BSKYED PA SRID PA SKYED PA'I RIM PAR GSUNGS PA NI PHA MAS BU BSKYED PA DANG 'DRA BA TZAM YIN GYI SBYANG GZHI DANG 'DRA BA GNYIS KA TSOGS PA'I MTHUN YUL STON PA MIN NO, ,DE'I PHYIR RIG MA 'DU BYA BA MAN CHAD RNAMS NI SANGS RGYAS PA'I SKABS KYI MDZAD PA DANG SBYAR GYI SRID PA'I RIM PA DANG MI SBYAR TE, SNGAR DRANGS PA'I MDO BSRE NAS STON PAS 'DOD CHAGS CHEN PO'I TSUL

, ,LA SNYOMS PAR ZHUGS PA DE BZHIN DU SKYE BZHIN PA LA GNAS PAS DANG PO'I SBYOR BA BYA ZHES 'BRAS BU'I SKABS KYI MDZAD PA DANG CHOS MTHUN SBYAR LA DE DANG MTHUN PAR RDO RJE SEMS DPA'I SGRUB THABS LAS KYANG 'BRAS BU'I SKABS DANG SBYAR GYI SRID PA'I RIM PA DANG MA SBYAR BA LTAR RO, ,DE YANG SGRUB THABS DE DANG SPYOD BSDUS NAS GSUNGS PA LTAR STON PAS DGA' LDAN NAS BABS TE, SPRUL SKU'I SGO NAS CHAGS BRAL GYI SPYOD PA DANG PHAR PHYIN GYI SPYOD PA DANG 'DOD CHAGS KYI SPYOD PA GSUM BSTAN PA'I SPYOD PA PHYI MAS 'DUL BA'I GDUL BYA'I PHYIR DU GZUNGS DKYIL SPRUL ZHING DE RNAMS LA DBANG BSKUR BA'I PHYIR DU LHA BCU GSUM SPRUL BA DE BZHIN DU, RNAL 'BYOR PAS KYANG SPRUL SKUR BSGYUR BA'I DGOS PA SGRUB PA NA MDZAD PA GSUM PAS BYED LA DE YANG RIG MA 'DU BYA BA SOGS SNGON DU BTANG STE LAS LA GNAS PAR BYAS NAS BYANG CHUB KYI SEMS LAS LHA RNAMS BSKYED NAS SEMS CAN GYI DON BYED DE LHA'I SKU SPROS NAS DON MDZAD PA SKU'I MDZAD PA DANG 'DRA'O, ,SEMS BRTAN PAR BYA BA'I PHYIR PHRA MO GNYIS SGOM PA DANG LHA RNAMS KYI THUGS SKUL BA'I PHYIR DU SNGAGS BZLAS PA NI THUGS KYI MDZAD PA NANG DU YANG DAG PAR 'JOG PA DANG GSUNG GI MDZAD PA CHOS STON PA DANG 'DRA'O, ,DNGOS KYI MDZAD PAS 'DUL BA MED PA NA MYA NGAN LAS 'DA' TSUL STON ZHING YOD PA NA TSAD MED BZHIS BSKUL NAS DE RNAMS LA GZUGS KYI SKUR SNANG NAS DE DAG GI YON GNAS MDZAD PA BZHIN DU DKYIL 'KHOR RGYAL MCHOG GI GTZO BO YAB YUM YANG BSGOM BZLAS SOGS KYI BYA BA MDZAD PA'I MTHAR ZHU BA DANG DE LA TSAD MED BZHI'I LHA MO'I GLUS

BSKUL BA DANG DE'I NGOR BZHENGS NAS MCHOD BSTOD BDAG GIR MDZAD DO, ,'DI KHA CIG GIS 'BRAS BU DANG GZHI'I SKABS GNYIS LA SBYAR BA'I SNGA MA LEGS MOD NA'ANG SNGAR BSHAD PA LTAR BU TSA BO LA SOGS PA BSKYED CING RANG GZHAN GYI BYA BA BYAS PA'I MTHAR DUS BYAS NAS GNYEN 'BREL RNAMS DU BA DANG DE DAG LA CHAGS PA DANG LAS KYI DBANG GIS SKYES NAS 'DOD YON LONGS SPYOD PA DANG SBYOR BA NI MI 'THAD DE, SNGAR BSHAD PA'I SKYE 'CHI BAR DO GSUM DANG SBYAR NAS BSGOMS PAS SBYANG GZHI SBYONG BA'I RIGS DER DE'I SBYANG GZHI THAMS CAD 'DU BAS DE TZAM GYIS CHOG PA'I PHYIR TE GZHAN DU NA SBYANG GZHI DANG SBYOR TSUL THUG PA MED PA BYA DGOS PAR 'GYUR RO, ,SPRUL PA SLAR RANG LA SDUD PA NI 'BRAS BU'I SKABS SU MYA NGAN LAS 'DAS PA'I SNGON DU 'ONG YANG 'DIR RJES 'JUG GI DBANG DU BYAS PA'O, ,RNAM PAR DGOD PA'I RNAM PAR BZHAG PA RIM PAR PHYE BA STE LE'U DANG PO'I RNAM PAR BSHAD PA'O,, ,,GNYIS PA SKU'I DKYIL 'KHOR GYI RNAM GZHAG RIM PA LA GNYIS, LUS RTEN GYI DKYIL 'KHOR DU BSGOM PA DANG, BRTEN PA'I DKYIL 'KHOR DU SGOM PA'I RGYU 'BRAS BSTAN PA'O, ,DANG PO NI, DE NI RNAM GZHAG RIM PA GNYIS PA RGYAS PAR NYE BAR BSTAN PAR BYA BA'I PHYIR SKU'I DKYIL 'KHOR RNAM PAR GZHAG PAR BYA STE DE LA YANG GNYIS YOD PA'I DANG PO KHO NAR RTEN GYI SKU DKYIL BSHAD PAR BYA'O, ,DE LA PHYI'I DKYIL 'KHOR NI SHAR NUB TU 'DEBS PA'I TSANGS PA'I THIG DANG PO NAS BRTZAMS PA STE DE NAS BZUNG STE GRU BZHI PA DANG SGO BZHI PA RU DKYIL 'KHOR GYI CHA RNAMS RNAM PAR DBYE BA STE SO SOR BGOS PA'I GZHAL YAS KHANG NGO, ,RNAL

, ,'BYOR BA'I LUS DE LTA BUR SNANG BA'I SKU'I DKYIL 'KHOR RO, ,DE LA KHUNGS DGOD PA NA DE SKAD DU ZHES SOGS TE RGYUD PHYI MA LAS DKYIL 'KHOR GSUM GSUNGS PA'I GSUM PA'O, ,DE GSUM NI SGRON GSAL LAS, DON DAM PA'I DKYIL 'KHOR DANG SKU'I DKYIL 'KHOR DANG PHYUNG BA'I DKYIL 'KHOR GYI NGO BO NYID YIN PAS NA DKYIL 'KHOR GSUM STE, ZHES GSUNGS PA LTAR RAM YANG NA BHA GA NYID DE'I DKYIL 'KHOR DANG BYANG CHUB KYI SEMS KYI DKYIL 'KHOR LA KUN RDZOB DANG DON DAM PA GNYIS SU BYA'O, ,RGYAL BAS BYIN GYIS BHA GA PADMA YIN LA DE YANG SO SOR RTOG PA'I YE SHES LONGS SKU DANG BYANG CHUB KYI BDAG NYID CAN GYI SEMS CHOS SKU DANG 'GRO BA'I DON SGRUB PA'I SPRUL SKU GSUM GYI SNYING PO LEN CING 'DZIN PA LA DKYIL 'KHOR GSUM DU BSHAD LA, THA GA NAS CHOS 'BYUNG GI DANG PADMA LA GNAS PA'I BYANG CHUB KYI SEMS YONGS SU GYUR PA'I DANG LUS LA PHYAG RGYA BZHI'I DKYIL 'KHOR ZHES 'CHAD DO, ,LUS RTEN GYI DKYIL 'KHOR DU SGOM PA MDOR BYAS SU MA GSUNGS PAS 'DI NI DE'I DGONGS PA KHA SKONG BA'O, ,DE YANG RDO RJE 'PHRENG BA'I LE'U RE BDUN PA LAS, ZUR BZHI PA NI MDUN RGYAB DANG, ,GA-YAS DANG GA-YON GYI DBYE BAS SO, ,ZHES SOGS KYIS LUS KYI CHA GANG GZHAL YAS KHANG GI CHA GANG DU SGOM PA RNAMS RGYAS PAR GSUNGS PA LTAR BYA'O, ,GNYIS PA LA LNGA, PHUNG PO LA RIGS LNGA DGOD PA'I RGYU 'BRAS BSTAN PA, KHAMS LA YUM BZHI DGOD PA'I RGYU 'BRAS BSTAN PA, DBANG PO DANG TSIGS DANG RGYUS PA LA SEMS DPA' BRGYAD DGOD PA'I RGYU 'BRAS BSTAN PA, YUL LA SEMS MA LNGA DGOD PA'I RGYU 'BRAS BSTAN PA, YAN

LAG RNAMS LA KHRO BO BCU DGOD PA'I RGYU 'BRAS BSTAN PA'O, ,DANG PO NI, DGOD PA'I GZHI SNGAR BSHAD PA DE LTAR GYUR PA'I RANG GI LUS KYI DKYIL 'KHOR LA DGOD TSUL PHUNG KHAMS SKYE MCHED KYI RANG BZHIN GYI DGOD BYA RNAMS DGOD PA'I RGYU DANG 'BRAS BU GSUNGS PA DE LA ZHES SOGS SO, ,RGYU NI SKU'I DKYIL 'KHOR SGOM PA YIN LA DE'I 'BRAS BU NI SKABS SO SO NAS 'BYUNG BA RNAMS SO, ,DE LA GZUGS PHUNG NI RNAM SNANG NGO ZHES PA NAS, SANGS RGYAS LNGAR NI RAB TU BSGRAGS, ,ZHES PA'I BAR GYIS NA PHUNG PO LNGA LA RIGS LNGA DGOD PA'I RGYU DANG, DE LTAR ZHES PA NAS, 'DOD DANG THAR PA RAB SGRUB BYED, ,CES PA'I BAR GYIS NA PHUNG SOGS KYI MTSAN NYID SHES NAS LHA DGOD PA'I 'BRAS BU BSTAN NO, ,GTI MUG NAS DAM TSIG GI BAR NI RIM PA BZHIN RNAM SNANG MI BSKYOD PA 'OD DPAG MED RIN 'BYUNG DON GRUB STE PHUNG PO LNGA'I NGO BOR GYUR PA'I RIGS LNGA YIN LA DE DAG BSGOMS PAS GDUL BYA RNAMS KYI THAR PA'I MNGON PAR 'DOD PA DANG ZAG MED KYI BDE BA'I THAR PA RAB TU SGRUB PAR BYED DO, ,'DI YANG BSGOMS PA'I LAM GYI 'BRAS BUR MA ZAD KYI SGOM PA PO'I PHUNG PO DANG KHAMS RNAMS KYANG BYANG CHUB KYI RGYUR 'GYUR BAR GSUNGS PA LTAR GZHAN LA YANG SHES PAR BYA STE SKU DKYIL BSGOMS PA PHYIN CHAD NAS DE'I MTHUS DE LTAR 'GYUR BA'O, ,GNYIS PA NI, LHA MO RNAMS ZHES SOGS KYIS MTSAMS SBYAR NAS GTI MUG DGA' MA ZHES PA NAS RLUNG NI SGROL MAR RAB TU GRAGS, ,ZHES PA'I BAR GYIS RGYU DANG, DE LTAR ZHES PA NAS RTZOL BAR 'GYUR RO ZHES PA'I BAR GYIS 'BRAS BU BSTAN NO, ,GSUM PA NI, MIG CES PA NAS GSUNGS PA ZHES PA'I BAR GYIS MTSAMS SBYAR NAS, BCOM LDAN 'DAS ZHES

, ,PA NAS BKOD CES PA'I BAR GYIS RGYU DANG GZUGS ZHES PA NAS RTZAL BAR 'GYUR RO ZHES PA'I BAR GYIS 'BRAS BU BSTAN NO, ,THUGS RDO RJE NI 'DIR RDO RJE 'CHANG STE SA SNYING LA SOGS PA RNAMS DE NYID KYI RNAM 'PHRUL YIN PAS DE NYID MIG LA BKOD PA STE SDOM 'BYUNG GI LE'U BZHI PA LAS, MIG SOGS RNAMS LA BSGOM BYA STE, MIG GI DBANG PO'I RNAM SHES NI, ,THUGS KYI RDO RJE'I RNAM 'PHRUL YIN, ,GSUM GYI RANG BZHIN RNAM DAG DON, ,'OD GSAL GYI NI GO 'PHANG 'GYUR, ,ZHES SO, , GZUGS GSUM NI RAB 'BRING THA MA STE DE DAG LA CHAGS THOGS MED PAR 'JUG PA'I RDO RJE'I MIG STER BA NI RNAL 'BYOR PA'I MIG 'OD GSAL BAS SBYANGS PA LAS YIN LA MIG LAS SNYING BSGOMS PAS NI MIG 'OD GSAL DU 'JUG PAR 'GYUR RO, ,DBANG PO LHAG MA RNAMS LA YANG DE BZHIN DU SBYAR RO, ,DE BZHIN DU ZHES PA SNGA MA NI THUGS RDO RJE NYID MIG LA BKOD PA LTAR RNA BA LA YANG 'GOD PA'I DON YIN LA DE BZHIN DU ZHES PA GNYIS PA NI 'OD GSAL GYIS SBYANGS PA GO BAR BYED PA'O, ,'JUG SHES DRUG NI RNAM SHES TSOGS DRUG GO ,YE SHES GSUM NI SEMS CAN RNAMS KYI SNANG MCHED THOB GSUM GYI SHES PA'O, ,NANG GI KHAMS RNAMS NI ZIN PA'I SA CHU ME RLUNG RNAM SHES KYI KHAMS LNGA YIN LA GCIG LA GCIG BSDUS PA NI SNGA MA RNAMS PHYI MA LA THIM PA'I MTHAR 'OD GSAL DU ZHUGS TE DE LAS LANGS PA'I MTHAR LUGS BZLOG GI SNANG BA GSUM RLUNG DANG BCAS PA SKYE BA LA RAB TU 'JUG PA STE ZHUGS NAS RDO RJE'I SKU SGRUB PAR 'GYUR RO, ,SGRIB PA MED PA NI THAGS THOGS MED PAR KHAMS RNAMS 'OD GSAL

DU 'JUG PA'O, ,'OD GSAL DU THAMS CAD BRTAN PAR BYA BA NI TSIGS THAMS CAD DER 'JUG PA'I RNAM GRANGS SO, ,BZHI PA NI, BCOM LDAN 'DAS RDO RJE 'CHANG DE NYID GZUGS GSUM GYI RNAM PAS PHYI ROL GYI YUL LTA BUR SNANG BAS MIG GI DBANG PO SA SNYING LA BAD PA STZOL BA'I LHA MO GZUGS RDO RJE'O, ,DE LTAR DU SGRA RDO RJE SOGS KYANG KHONG DU CHUD PAR BYA STE DE NYID SGRA GSUM GYI RNAM PAS PHYI ROL LTA BUR SNANG BAS RNA BA'I DBANG PO LA BDE BA STZOL BA'I SGRA RDO RJE'O ZHES SOGS SU SBYAR RO, ,DBANG PO LA BKOD PA'I SA SNYING SOGS DANG LUS LA BKOD PA'I LHA MO RNAMS THUGS RDO RJE NYID KYI RNAM 'PHRUL YIN PAR SGRUB PA'I SHES BYED NI JI SKAD DU ZHES SOGS TE, LONGS SPYOD PA PO'I SEMS CAN LHAR BSKYED PAR BYA BA'I LHA'I RNAL 'BYOR THAMS CAD DE BZHIN GSHEGS PA DRUG PA RDO RJE SEMS DPA'I RNAL 'BYOR LAS GZHAN NA MED PAS NA KHAMS GSUM PA'I LONGS SPYOD LHA'I LONGS SPYOD DU BSKYED PAR BYA BA MA LUS PA KUN KYANG RDO RJE SEMS DPA' DE'I LONGS SPYOD LAS GZHAN DU MED DO ZHES SANGS RGYAS THAMS CAD DANG MNYAM PAR SBYOR BA MKHA' 'GRO MA SGYU MA BDE MCHOG LAS GSUNGS SO, ,DES NA LHA GZHAN LA YANG DE LTAR SHES PAR BYA'O, ,YUL LNGA LA RDO RJE MA LNGA DGOD PA'I TSUL 'DIS LHA MO RNAMS DGOD PA'I RANG BZHIN SHES PAS DE LTAR SGOM PA NI RGYU YIN LA DE LA BRTEN NAS YUL RNAM PAR DAG PAR BSGRUBS PAR 'GYUR BA NI YUL RNAMS 'OD GSAL DU 'JUG PAR 'GYUR BA STE 'BRAS BU'O, ,DBANG PO LA SEMS DPA' DANG YUL LA SEMS MA DGOD PA'I DON DE NYID RTZA RGYUD DANG SBYOR BA NI TSIG RKANG GNYIS GNYIS SO, ,SNGA MA

, ,RNAMS MDOR BYAS DANG RDO RJE 'PHRENG BA'I SKU DKYIL GYI SKABS SU RDO RJE MA LNGA DNGOS SU MA BSTAN PA LA BRTEN NAS YAB KYI SKU DKYIL LA DE RNAMS MI 'GOD PA PHYIS KYI MKHAS PA DAG GIS GZHUNG 'DI DANG SGRON GSAL GYI LUNG GIS 'GOG PA NI SHIN TU LEGS SO, ,DES NA 'DIR RDO RJE MA LNGA 'GOD PAR GSUNGS PA NI MDOR BYAS KYI MA TSANG BA KHA SKONG BA'I RNAM GZHAG GO ,MDOR NA ZHES SOGS KYI RTZA RGYUD KYI LUNG DE RNAMS SPYOD BSDUS SU LUS DBEN GYI SKABS SU SBYAR TE LE'U BCU BDUN PA'I SGRON GSAL LAS KYANG RDO RJE MA LNGA MA GTOGS PA DE DANG 'DRA BAR BSHAD DO, ,LE'U DANG PO'I SGRON GSAL LAS MDOR NA ZHES PA'I RKANG PA GNYIS DANG RDO RJE'I SKYE MCHED CES PA'I RKANG PA GNYIS NI GLENG GZHI'I SKABS KYI 'KHOR DANG ZHING RNAMS RDO RJE 'CHANG GI SKU'I CHA SHAS YIN PA'I KHUNGS SU MDZAD LA SLOB DPON 'DIS LUS DKYIL SGOM PA'I KHUNGS SU MDZAD DE DE RNAMS KYI SO SOR SBYOR TSUL DANG, KHYAD PAR DU LUS RTEN DANG BRTEN PA'I DKYIL 'KHOR DU SGOM PA'I BLO RTZE GTOD LUGS RNAMS LEGS PAR GTAN LA DBAB DGOS PAR SNANG NA'ANG MNGON RTOGS SGOM PA'I SGOM RIM NYID BSHAD PA'I SKABS SU BAB PAR SNANG BAS DER BSHAD PAR BYA'O, ,LNGA PA NI, YAN LAG CES PA NAS GSUNGS PA ZHES PA'I BAR GYIS MTSAMS SBYAR NAS LAG PA GA-YAS LA GSHIN RJE GSHED, CES PA NAS GNOD MDZES RGYAL PO RNAM PAR BSAM, ZHES PA'I BAR GYI MDOR BYAS KYI GZHUNG DRANGS PAS NI RGYU BSTAN LA, SGRUB PA PO ZHES PA NAS BSDIGS PAR MDZAD DO, ,ZHES PA'I BAR GYIS NI 'BRAS BU

BSTAN TE, DON NI YAN LAG GI GNAS BCUR KHRO BO BCU BKOD NAS BSGOMS PAS 'BAD PA STE THOGS PA MED PAR RANG GI LUS LAS DE 'DRA BA'I KHRO BO BYUNG NAS RANG LA GNOD PA'I BGEGS PHYOGS BCUR GNAS PA RNAMS 'JOMS PA'O, ,SNGAR BSHAD PA 'DIS BSTAN PA NI RTZA RGYUD LAS GSUNGS TE KHRO BO NI GSHIN RJE GSHED LA SOGS PA'O, ,ZHE SDANG NI MI BSKYOD PA YIN LA GNAS NI DE SKYED PA'I RGYU YI GE H'Um STE DE LAS KHRO BO RNAMS SKYES PA'O, ,GSOD LA BRTZON PA NI GDUG PA 'DUL BA'I LAS CAN NO, ,SGRUB PA MCHOG GI CHOS CAN NI SHIN TU RTUL ZHUGS CAN GYI SGRUB PA PO'O, ,GSOD PA'I DON NI DRAG LAS TE DES 'DOD PA'I DON SGRUB PAR BYED PA'O, ,SKU DKYIL GYI LHA RNAMS LUS KYI CHA GANG LA DGOD PA NI RNAM GZHAG DANG PO'I SHIN TU RNAL 'BYOR GYI SKABS SU BAB PA YIN MOD KYANG DE LTAR BKOD PA'I 'BRAS BU SKABS 'DIR STON PA NA DE'I YAN LAG TU BSTAN PA TZAM MO, ,SKYE MCHED LA SA SNYING SOGS BKOD PA LA BRTEN NAS DE DAG MTHAR 'OD GSAL DU 'JUG PA'I 'BRAS BU GSUNGS PA NI PHUNG PO LA SOGS PA GZHAN LA YANG 'DRA BAS LUS DKYIL GYI LHA RNAMS KYIS PHUNG SOGS SBYONG BAR GSUNGS PA'I DON YANG DE BZHIN DU SHES PAR BYA'O, ,DE'I PHYIR DE BZHIN NYID LAS BYANG CHUB PA BSGOM PA NA SNGON DU LHA RNAMS LUS LA BKOD NAS DE NAS RTEN DE 'OD GSAL DU 'JUG PAR GSUNGS TE GZHI'I SKABS SU PHUNG SOGS MTHAR 'CHI BA'I 'OD GSAL DU 'JUG PA LAM DU SLONG BA'O, ,GZHI'I SKABS SU PHUNG SOGS THIM PA'I RIM PA JI BZHIN PA'I LAM NI RIM PA GNYIS PA'I SKABS MIN PAR MI SKYE YANG DE SKYE BA NI SNGON DU RIM PA DANG POS 'DI LTAR SBYANGS

, ,PA LA LTOS PAS NA LAS DANG PO PA LA RIM PA DANG PO GAL CHE'O, ,MDOR BYAS LAS SKU'I DKYIL 'KHOR GSUNGS PA SRID PA SKYE RIM DANG SBYOR BA'I RNAM GZHAG NI RNAM GZHAG DANG POR BSTAN ZIN PAS LE'U 'DI NI DE'I SKABS KYI DKYUS KYI RNAL 'BYOR 'GA' ZHIG KHA SKONG BA DANG DE LTAR SGOM PA'I DGOS PA MTHA' GCOD PA'I RNAM GZHAG GO ,SKU'I DKYIL 'KHOR GYI RNAM GZHAG RIM PAR PHYE BA STE LE'U GNYIS PA'I RNAM BSHAD DO,, ,,GSUM PA PHYUNG BA'I DKYIL 'KHOR GYI RNAM GZHAG RIM PA LA GSUM, PHYUNG BA'I DKYIL 'KHOR DNGOS, PHYUNG BA'I RTEN GYI DKYIL 'KHOR LUNG GIS BSGRUB PA, DRIS LAN GYIS DOGS PA BCAD PA'O, ,DANG PO LA BZHI, SKU'I DKYIL 'KHOR LAS PHYUNG BA'I DKYIL 'KHOR BSKYED TSUL, 'BYIN PA'I SNGAGS KYI DON BSHAD PA, PHYUNG BA'I LHAS 'PHRIN LAS MDZAD NAS RANG GNAS SU 'KHOD PA, DE DAG GI PHYAG MTSAN DANG SKU MDOG LA SOGS PA BSTAN PA'O, ,DANG PO NI, DE LTAR SKU'I DKYIL 'KHOR LA LHA RNAMS DGOD PA'I RGYU DANG 'BRAS BU SHES PA'I SNGAGS PAS SPRUL BAR BYA STE ZHES SBYAR RO, ,GANG NA PHYUNG BA'I RTEN DANG BRTEN PA'I DKYIL 'KHOR RO, ,GANG LAS PHYUNG NA PADMAR BSKYED PA RNAMS THUGS KAR DRANGS TE DE NAS PHYIR 'BYIN PA DANG LUS LA BKOD PA'I LHA RNAMS THIG LER ZHU BA RDO RJE'I LAM NAS PADMAR PHYUNG NAS BSKYED PA GNYIS KA SKU'I DKYIL 'KHOR LAS PHYUNG BA'O, ,TSUL JI LTAR SPRUL NA 'OG NAS 'CHAD PA'I RIM PA 'DIS SO, ,CI ZHIG GI CHED DU SPRUL NA SNGAR BSHAD PA LTAR RANG DON SKU GSUM THOB PA DES GZHAN SEMS CAN GYI DON BSGRUB PA'I PHYIR DU'O, ,SGRON

GSAL LAS KYANG, LHAG MA DKYIL 'KHOR GYI MCHOG DANG LAS KYI MCHOG GI MTHAR THUG PA NI GZHAN GYI DON CHEN PO SGRUB PAS NA SGRUB PA CHEN PO STE, ZHES GSUNGS SO, ,'O NA MDO BSRE LAS MCHOD PA YAN CHAD RANG DON PHUN TSOGS LA SBYAR ZHING MI BSKYOD PA 'BYIN PA MAN CHAD GZHAN DON PHUN TSOGS LA SBYAR BA CI YIN SNYAM NA MDO BSRE LAS 'DOD CHAGS LA SPYOD PA'I SEMS CAN RNAMS KYI 'DOD PAS THAR PA RAB TU BSTAN PAR BYA BA'I PHYIR ZHES SOGS SNGAR DRANGS PA LTAR, SNGON BYUNG LA STON PA 'DOD CHAGS CHEN PO'I TSUL GYI TING NGE 'DZIN LA ZHUGS PA BZHIN DU RJES 'JUG GIS RIG MA LA SNYOMS PAR ZHUGS PA LA BRTEN NAS CHAGS PA LAM DU BYAS TE RANG GI DON SGRUB PA LA DGONGS NAS RANG DON DU GSUNGS LA, SNYOMS PAR ZHUGS PA DE NYID DKYIL 'KHOR RGYAL MCHOG SPRUL PA'I YAN LAG TU 'GYUR BA LA DGONGS NAS GZHAN DON SGRUB BYED DU GSUNGS PAS MI 'GAL LO, ,DE LTAR NA GZUNGS DKYIL SPRUL PA SNGA MA RNAMS KYIS SPYOD PA'I SKABS LA SBYAR BA YANG RUNG MOD KYANG MDO BSRE DANG RDO RJE SEMS DPA'I SGRUB THABS GNYIS KA NAS DNGOS SU SKABS 'DIR SBYAR BA LTAR SBYAR DGOS SHING, TING NGE 'DZIN DE LA DRANG NGES GNYIS KYI BSHAD PA SGRON GSAL LAS MDZAD PA'I DRANG DON GYI TSUL 'DIR SBYAR NAS DE YI LAS TING NGE 'DZIN CI SKYED PA SOGS SHES PAR BYA'O, , DKYIL 'KHOR SPRUL PA DE LA RIM PA NI 'DI YIN TE MI BSKYOD PA'I SPRUL PA PO YIN NA SME SHA CAN GYI BU MO RIG MAR BYA DGOS PA LTA BU SGRUB PA PO RANG RANG GI RIGS KYI BU MO SEMS LAS SPRO BA STE YID KYIS SPRUL PA'AM YANG NA RIGS DE DANG DE'I PHYI ROL GYI

, ,BU MO BLANGS LA SPRUL PAR BYA'O, ,MDOR BYAS LAS PHYI ROL GYI BU MO TZAM LAS MA GSUNGS KYANG MDO BSRE DANG GZHUNG 'DIR YE SHES KYI PHYAG RGYA DANG GDAM NGA CAN DU GSUNGS SHING RANG GI RIGS KYI BU MO 'BYIN PAR GSUNGS PAS THOG MAR RIG MA RAB DGA' BA'I RNAM PA CAN CIG PHYUNG NAS DE NAS REG RDO RJE MA SOGS KYI LHA MIR BSKYED DGOS TE 'BYIN PA'I GNAS NI SNYING GA NAS BYA BAR MDO BSRE LAS GSUNGS SO, ,DE NAS SGRUB THABS MDOR BYAS LAS GSUNGS PA'I RIG MA 'DU BYA BA DANG RDO RJE DANG PADMA 'DU BYA BA'I RIM PAS YAB YUM GYI DBANG PO GNYIS MNYAM PAR SBYOR BAR BYA STE LHA SO GNYIS PO THAMS CAD KYI 'KHOR LO BSKYED NAS SPRO BAR BYA'O, ,DE LA SNGON DU GZHAL YAS KHANG BSGRUBS LA DE NAS LHA BSKYED DE SGRUB PA'I TSUL NI MDOR BYAS LAS GSUNGS PA'I RIM PAS BYA'O, ,DE YANG SA'I CHA GNYIS BSKYED MI DGOS KYI THIG LE LAS BH'Um YIG DANG DE LAS GZHAL YAS KHANG GI MTSAN NYID RDZOGS PAR BSKYED PA'O, ,MDO BSRE LAS, 'BYIN PA'I SKABS SU PHAt CES BRJOD LA BYANG CHUB KYI SEMS KYI RDUL PHRA RAB DE BZHIN GSHEGS PA THAMS CAD LA SOGS PA'I 'BYUNG GNAS SU BSGOMS LA SNGAR BSHAD PA'I GZHAL YAS KHANG GI DBUS NA GNAS PAR BYA'O ZHES GSUNGS PA NI, THIG LE RDO RJE NAS PHYIR 'BYIN BA'I DUS SU DE LTAR BYAS NAS DE NAS DON GRUB KYI NGA RGYAL GYIS SNGAGS BRJOD PAR GSUNGS PAS DKYIL 'KHOR RGYAL MCHOG GI LHA RNAMS GZHAL YAS KHANG DU GNAS TSUL STON PA MIN PAS LUNG DES GZHAL YAS KHANG SKABS 'DIR BSKYED MI DGOS

PAR STON PA MIN NO, ,DES NA MDOR BYAS DANG MDO BSRE LAS GSAR DU GZHAL YAS KHANG BSKYED PA MA GSUNGS KYANG GZHUNG 'DIR GSAL BAR GSUNGS PAS DGOS SO, ,LHA BSKYED TSUL NI THIG LE RDO RJE'I LAM NAS YUM GYI PADMAR ZHUGS PA'I BYANG CHUB KYI SEMS DANG 'OG NAS 'BYUNG BA LTAR SNGAGS KYI YIG 'BRU'I GZUGS LAS BSKYED CING ZHES PA'O, ,DE NAS SPRUL TSUL NI YUM GYI MKHA' NAS YAB KYI THUGS KAR DRANGS LA BADZRA DHRI KA LA SOGS PA SO SO'I 'BYIN SNGAGS BRJOD DE THUGS KA NAS PHYIR SPRO BAR BYA'O, ,GNYIS PA NI, PHYUNG BA'I DKYIL 'KHOR BA'I LHA RNAMS KYI 'BYIN SNGAGS KYI DON BSTAN PAR BYA STE, DE BZHIN NYID LAS BYANG CHUB PA LA SOGS PA MNGON BYANG LNGA STON PA STE MTSON PAR BYED PA'I RDO RJE GA-YAS KYI PHYAG DANG PO NA BSNAMS PAS NA BADZRA DHRI KA STE RDO RJE 'CHANG NGO, ,RDO RJE 'CHANG 'DIS SEMS CAN RNAMS KYI NYON MONGS PA ZHE SDANG RNAM PAR SBYANGS NAS SLAR BYON TE SNGAR GYI RDO RJE 'CHANG CHEN PO DANG LHAN CIG GNYIS SU MED PAR 'DRES PAR GYUR TE MI BSKYOD PA DRAG PO ZHE SDANG RDO RJE'I GZUGS KYIS DKYIL 'KHOR GYI DBUS NA BZHUGS SO, ,KHA SBYAR SBYOR BA NI PHYUNG BA'I MI BSKYOD PA RDO RJE 'CHANG DANG DBYER MED DU 'DRES PA BSHAD ZIN PAS REG RDO RJE MA DANG ZHAL SBYAR BA'I SBYOR BAS BZHUGS PA LA BYA'O, ,BADZRA DHRI KA GI SNGAGS KYIS PHYUNG BA NI MI BSKYOD PA YIN NA DE RDO RJE 'CHANG DU JI LTAR RIGS SNYAM NA, SKYON MED DE BADZRA NI RDO RJE YIN LA DHRI KA NI 'DZIN PA'AM 'CHANG BA YIN PAS SNGAGS DE'I SGRA BSHAD PA'I RGYU MTSAN YOD PA'I DBANG DU BYAS NAS RDO RJE 'CHANG DU GSUNGS PA YIN GYI RIGS DRUG PA RDO RJE 'CHANG NI MA YIN NO, ,DES NA GZHUNG LAS RDO RJE 'CHANG CHEN PO ZHES GSUNGS PA NI DRUG PA YIN

, ,LA SGRA BSHAD PA'I RGYU MTSAN YOD PA NI MI BSKYOD PA STE DPER NA MTSO'I NANG GI SBAL PA LA MTSO SKYES KYI SGRA BSHAD PA'I RGYU MTSAN YOD KYANG MTSO SKYES MIN PA BZHIN NO, ,DE BZHIN DU ZHES PA NI SEMS CAN GYI NYON MONGS SBYANGS NAS SLAR BYON TE RANG GI GNAS SU BZHUGS PA SNGAR LTAR SBYOR BA'I DON NO, ,RTZIBS BCU GNYIS PA'I CHOS KYI 'KHOR LOS LHA'I BU DANG PHUNG PO DANG NYON MONGS PA DANG 'CHI BDAG GI BDUD LAS RGYAL BAS NA DZI NA DZI KA STE RGYAL BA RGYAL LO, ,RAD NA NI SEMS CAN GYI BSAM PA THAMS CAD RDZOGS PAR BYED PA'I RIN PO CHE CHA DGU PA'O, ,DHRI KA NI DE 'DZIN PAS NA RIN CHEN 'CHANG NGO, ,A'A NI MA LUS PA DANG RO NI 'KHOR BA DANG LIKA NI DE LAS 'DAS SHING 'GRO BAS NA 'KHOR BA 'DAS SO, ,CHOS RAB TU RNAM PAR 'BYED PA'I MTSAN NYID NI PRA DZNY'A ZHES PA SHES RAB STE DHRI KA NI, DE 'DZIN PAS NA SHES RAB 'CHANG NGO, ,MO HA RA TI DANG DVE shA RA TI DANG R'A GA RA TI DANG BADZRA RA TI BZHI NI GTI MUG DGA' MA NAS RDO RJE DGA' MA ZHES PA YIN LA GTI MUG LA SOGS BZHI NI RNAM SNANG NAS DON GRUB KYI BAR YIN ZHING DE DAG LA DGA' BAS NA DE SKAD DU BTAGS SO, ,KshI TI NI SA STE SA LTAR MI GA-YO BA'I TING NGE 'DZIN DE NYID GARBHA NI SNYING PO STE NANG GI BDAG NYID GANG LA YOD PA DE NI SA SNYING NGO, ,BADZRA NI ME LONG LTA BU LA SOGS PA'I YE SHES LNGA'I RANG BZHIN GYI RDO RJE STE DE PHYAG NA 'CHANG BAR MDZAD PAS NA BADZRA P'A NI STE PHYAG RDOR RO, ,NAM MKHA' NI SGRIB PA DANG BRAL BA'I YE SHES TE DE NYID SNYING PO YIN PAS NA KHA GARBHA STE NAM SNYING NGO, ,LO KI SHVA RA DANG MANYDZU SHR'I DANG SARBA NI WAR NA BISKm BI NI DANG SA MANTA BHA DRA DANG MEE TRI NI 'JIG RTEN DBANG PHYUG NAS BYAMS

PA'I BAR GYI 'BYIN SNGAGS YIN LA SNGAGS DE DAG GI DON GZHAN NI GO SLA ZHING SKU'I 'OD GSAL ZHING YID DU 'ONG BA NI 'JAM PA'I DON, BSKUL BA NI GZHAN GYI YID DO, ,R'U PA DANG SHAPTA DANG GANDHE DANG RA SA DANG SPAR SHA RNAMS LA BADZRA ZHES SBYAR BA NI RDO RJE MA LNGA'I 'BYIN SNGAGS SO, ,R'U PA SOGS LNGA NI BLTA BAR BYA BAS NA GZUGS ZHES SOGS YUL LNGA YIN LA RDO RJE'I SGRAS NI YUL DE DAG GI LHA MO'I RANG BZHIN GYIS GZUGS SOGS DAG PAR BYED PA BSTAN NO, ,YA M'AN Ti KRiD DANG PRA DZNY'A NA TA KRiD DANG PADM'ANTA KRiD DANG BIGHAN Ti KRAD NI SHAR LA SOGS PA BZHI'I KHRO BO RNAMS KYI 'BYIN SNGAGS SO, ,YA MA NI GSHIN RJE STE DMYAL BA'O, ,KHRO BE'I TING NGE 'DZIN NI GSHIN RJE GSHED KYI'O, ,Ti KRAD NI MTHAR BYED PA STE 'JIG CING 'JOMS PAR MDZAD PA'O, ,'CHING BA NI NYON MONGS 'I ? PA'O, ,PADMA LTAR NI DE CHUS MA GOS PA BZHIN DU CHAGS SOGS KYIS MA GOS PA'O, ,AA CE LA DANG tAKKI R'A DZ'A DANG N'I LA DANdA DANG MAH'A B'A LA NI MTSAMS KYI KHRO BO BZHI'I 'BYIN SNGAGS SO, ,'JIG RTEN GYI CHOS BRGYAD NI RNYED PA DANG LKOG TU SNYAN PAR SMRA BA DANG BDE BA DANG DNGOS SU BSTOD PA BZHI LA DMIGS NAS YID BDE BA DANG, DE LAS BZLOG PA BZHI LA DMIGS NAS YID MI BDE BA SKYE BA YIN GYI RNYED PA LA SOGS PA NI MA YIN NO, ,DE DAG GIS SEMS BSKYOD PA NI TZA LA STE GA-YO BA YIN LA DE RNAMS BCOM PAS NA AA TZA LA STE MI GA-YO BA'O, ,tAKKI NI 'DOD PA STE 'DIR 'DOD PA LA CHAGS PA'O, ,DE BSAL ZHING DAG PAR BYED PAS NA R'A DZ'A STE RGYAL PO'O, ,N'I LA NI SNGON PO STE SDIG PA'I LAS SO, ,DANdA NI DBYIG PA STE DE CHAD PAS TSAR

, ,GCOD PA'O, ,DON DAM PA'I STOBS KYIS SEMS CAN GYI NYON MONGS PA 'JOMS PAS NA B'A LA NI STOBS DANG MA H'A NI CHEN PO STE STOBS PO CHE'O, ,AUshn'I shA TZA KRA WARTI DANG SUm BHA R'A DZ'A NI STENG 'OG GI KHRO BO GNYIS KYI 'BYIN SNGAGS SO, , SEMS CAN RNAMS LA KHAMS GSUM LAS GROL BA'I YE SHES STZOL BAS NA AUshn'I shA STE GTZUG TOR DANG TZA KRA WA RTI NI 'KHOR LOS SGYUR BA'O, ,PHYOGS BCU'I BGEGS BKUG NAS PHUR BUS 'DEBS PAS NA SUm BHA R'A DZ'A STE GNOD MDZES RGYAL PO'O, ,GSUM PA NI, LHA ZHES PA NAS GYUR TO, ,ZHES PA'I BAR GYIS NI 'BYIN SNGAGS DE DAG GIS PHYUNG BA'I LHA DANG DE'I MDZAD PA SOGS STON TE, LHA GRANGS NI SO GNYIS, NGO BO NI SPRUL PA'I SKU ZHAL PHYAG NI GSUM DANG DRUG PA MTSAN MA'I PHYAG RGYA STE RDO RJE SOGS KYI PHYAG MTSAN PHYAG NA BSNAMS PA SPRUL LO ZHES SBYAR RO, ,GANG LAS SPRUL PA NI BYANG CHUB NAS GZUGS KYIS ZHES PA'I BAR RO, ,SKU DKYIL LAS BYUNG BA NI THUGS KA NAS PHYIR 'THON PA'O, ,'BAD PA MED PA NI THOGS PA MED PA'O, ,LHA DE DANG DE'I TING NGE 'DZIN GYIS SEMS CAN GYI NYON MONGS SBYONG BA LA DUG GSUM SMOS PA NI GTZO BO BRJOD PA'O, ,DE LTAR MDZAD PA'I DGOS PA NI RANG GI BSOD NAMS KYI TSOGS 'PHEL BA'I DON DU STE SEMS CAN GYI KHAMS MTHA' MED PA LA DMIGS NAS LHA'I SKU DE SNYED SPROS TE SBYANGS PAS BSOD NAMS KYANG DE SNYED 'THOB PA'O, ,'DIR MDO BSRE LAS, DE BZHIN DU RNAM PAR SNANG MDZAD LA SOGS PA'I DKYIL 'KHOR GYI LHA RNAMS PHYUNG NAS DE RNAMS KYIS GTI MUG LA SOGS PA LA RJES SU DGA' BA'I SEMS CAN RNAMS YANG DAG PAR SBYANGS

NAS BSDUS TE YE SHES KYI 'KHOR LOR BCUG LA SLAR BKUG STE, GNAS JI LTA BA BZHIN DU GNAS PAR BYAS LA PHYAG RGYA BZHIS RGYAS BTAB PA 'DI NI DKYIL 'KHOR RGYAL PO MCHOG CES BYA BA'I TING NGE 'DZIN TE GNYIS PA'O, ,ZHES LHA RNAMS LA PHYAG RGYA BZHIS RGYAS GDAB PAR GSUNGS SO, ,BZHI PA NI, RDO RJE NAS DRIL BU'I BAR DRUG NI GRANGS BZHIN DU MI BSKYOD PA RNAM SNANG RIN 'BYUNG 'OD DPAG MED DON YOD GRUB PA RDO RJE 'CHANG STE DE BZHIN GSHEGS PA DRUG GI MTSAN MAR GSUNGS TE DE NYID MTSON CHA LTA BUR PHYAG NA BSNAMS SO, ,RDO RJE NI THUGS MTSON PA'I MTSAN MA YIN PAS MI BSKYOD PA'I MTSAN MA YIN LA DRIL BU NI CHOS PHUNG BRGYAD KHRI BZHI STONG GI SGRA 'BYUNG BA MTSON PAS STON PA'I GTZO BO RDO RJE 'CHANG GI MTSAN MA'O, ,LHA RNAMS KYI SKU MDOG NI DANG PO LHA'I RNAL 'BYOR LA SLOB PA'I DUS SU MDOR BYAS NAS GSUNGS PA LTAR SNGO SER LA SOGS PA SNA TSOGS YIN LA, PHYIS NUS PA RNYED NAS LAS SGRUB PA'I SKABS SU NI ZHI BA LA THAMS CAD DKAR PO DANG RGYAS PA LA SER PO DANG SOGS KYIS BSDUS PA DBANG LA DMAR PO DANG DRAG PO LA NAG PO STE LAS KYI DBYE BA YIS KHA DOG SO SOR DBYE BAR BYA'O, ,MDOG AINDRA N'I LA LTA BU'O ZHES PA NI GTZO BO'I KHA DOG LA DOGS PA GCOD PA STE DE YANG MDOR BYAS LAS, ZHE SDANG RDO RJE'I GNAS LA BZHUGS, ,AINDRA N'I LA'I 'OD 'BAR BA, ,ZHES MTHING NAG GI 'OD 'BAR BAR GSUNGS PA NI SKU LAS 'PHROS PA'I 'OD KYI KHA DOG STON PA YIN NAM SNYAM NA, SKU MDOG MTHING GAR STON PA YAN GYI 'PHROS PA'I 'OD KYI KHA DOG MIN TE SKU LA RIN PO CHE KHA DOG THAMS CAD KYI RGYAN DANG LDAN PA'I PHYIR SNGO SER LA SOGS PA'I 'OD SNA TSOGS 'PHRO BAS SO, ,GNYIS PA NI, PHYUNG BA'I

, ,DKYIL 'KHOR 'DI NYID BSHAD PA'I PHYIR DU 'DUS PA'I RTZA BA'I RGYUD LAS DE NAS ZHES PA NAS GSUNGS SO ZHES PA'I BAR RO, ,SNGON BYUNG LA MI BSKYOD PAS BHA GA LA DKYIL 'KHOR SPRUL PA YIN LA DE RJES 'JUG GI NYAMS LEN LA SBYAR NA MI BSKYOD PA NI RNAL 'BYOR BZHIS BSGRUBS PA'I RDO RJE 'CHANG GI NGA RGYAL 'DZIN PA'I SGRUB PA PO'O, ,BTZUN MO NI 'DU BYAS PA'I RIG MA YIN LA BHA GA NI DE'I PADMA STE, BTZUN MO LEGS SBYANGS PHYAG RGYA STE, ,LEGS SBYANGS PADMA BHA GA YIN, ,ZHES STON PA DANG GNAS PHUN TSOGS SPYI DON DU BSHAD PA'I SKABS SU SGRON GSAL DU DRANGS PA DANG 'DRA'O, ,DKYIL 'KHOR RDUL DANG BRAL BA BYIN GYIS BRLABS PA NI YUM GYI PADMA'I NANG DU DRI MA MED PA'I DKYIL 'KHOR GRU BZHI SGO BZHI LA SOGS PA SPRUL PA'O, ,DE SU'I DKYIL 'KHOR YIN NA DAM TSIG CHEN PO'I YIN LA, DE YANG SGRON GSAL LAS RDO RJE 'CHANG CHEN PO LA BSHAD PA NI LHAG MOS KYI DKYIL 'KHOR LA DGONGS LA 'DIR NI GTZO BO 'PHO BA'I DBANG GIS MA NGES PAS MI BSKYOD PA LA SOGS PA GANG BAB PA'I GTZO BO LA BYA'O, ,DE'I MTSAN NYID NI SHEL GYI NANG GI GZUGS BZHIN DU GSAL BA STE PHYI NAS KYANG LHA RNAMS MTHONG BA'O, ,AINDRA N'I LA LA SOGS PA KHA DOG SNA TSOGS PA'I GZUGS KYIS KUN TU RGYAS PA STE KHYAD PAR DANG LDAN PA DANG SANGS RGYAS SPRIN GYIS KHYAB PA NI PHYUNG BA'I DKYIL 'KHOR GYI LHA RNAMS KYIS KHYAB PA LA SGRON GSAL LAS GSUNGS SHING SPROS PA'I DKYIL 'KHOR GYI LHA ZHES TA TH'A GA TA RA KshI TAS BSHAD DO, ,SGRON GSAL DU LHAG MOS KYI DKYIL 'KHOR LA GSUNGS PA DANG, GZHUNG 'DIR PAD MAR DKYIL 'KHOR SKYED PA'I KHUNGS

SU MDZAD PA GNYIS KA DON GYI PHYOGS RE LA DGONGS PAR BYAS NA DGONGS PA MTHUN NO, ,GZHAL YAS KHANG GI PHYOGS BCUR GNAS PA'I KHRO BO'I 'OD ZER GYI TSOGS MANG PO 'PHRO ZHING 'KHRUGS PA DANG GSAL BA'I DKYIL 'KHOR TE ZLA BA'I GDAN LA SOGS PA RNAMS DANG LDAN PA NI DE BZHIN GSHEGS PA KUN GYI GNAS DKYIL 'KHOR RO, ,TSIGS BCAD DE DAG NI SGRON GSAL NAS BKRAL BA LTAR 'DIR YANG BSHAD PAS CHOG PAR SNANG BAS BSHAD PA YIN NO, ,MDOR BYAS DANG MDO BSRE LAS YUM GYI PADMAR RTEN GYI DKYIL 'KHOR SKYED PA MA BSHAD PAS SLOB DPON 'DIS BSHAD PA LA KHUNGS CI ZHIG YOD SNYAM PA'I DOGS PA BSAL BA'I PHYIR DU, BTZUN MO'I BHA GA LA RTEN GYI DKYIL 'KHOR SKYED PA RTZA RGYUD LAS GSAL BAR GSUNGS PA DRANGS PA YIN PAS PHYUNG BA'I RTEN GYI DKYIL 'KHOR GYI KHUNGS SU SHES PAR BYA'O, ,PHYUNG BA'I BRTEN PA'I DKYIL 'KHOR GYI LHA GRANGS SO GNYIS YIN PAR SGRUB PA NI 'OG NAS STON LA 'BYIN SNGAGS KYIS PHYUNG NAS MDZAD PA MDZAD DE SLAR GNAS SU 'KHOD PA LA KHUNGS 'GOD NA NI LE'U DANG PO'I LHA BCU GSUM GYI DKYIL 'KHOR GSAL BAR GSUNGS PAS SGRUB PAR RIGS KYI BRTEN PA'I LHA'I RNAM GZHAG SHIN TU MI GSAL BA'I BSDUS PA'I DKYIL 'KHOR GYI GZHUNG GIS SGRUB PAR MI RIGS SO, ,DES NA BLA MA KHA CIG GIS RTEN DANG BRTEN PA'I DKYIL 'KHOR GNYIS BYAS NAS LUNG SGRUB PA MI RIGS SHING KHYAD PAR DU RTEN GYI DKYIL 'KHOR LHAG MOS KYI SNGON DU SKYED PA LA BYED PA NI DON MIN TE DE LUNG GIS BSGRUBS PAS PHYUNG BA'I DKYIL 'KHOR SKYED PA LA CI YANG MI PHAN PA'I PHYIR RO, ,'DI YAN CHAD RIG MA 'DU BYA BA MAN CHAD NI

, ,MDOR BYAS LAS, CHO GA'I SBYOR BA 'DI YIS NI, ,PHYAG RGYA BSGRUB PA BRTZAM PAR BYA, ,ZHES PA NAS SA YI 'OG TU DE BZHUGS SO, ,ZHES PA'I BAR GYI RNAM GZHAG GO ,GSUM PA LA BZHI, PHYAG RGYA BZHIS LHA'I SKU RGYAS GDAB BA LA DRIS LAN GYIS DOGS PA BCAD PA, 'DUS PA'I LHA RNAMS ZHAL GSUM PAR BSHAD PA LA DRIS LAN GYIS DOGS PA BCAD PA, DKYIL 'KHOR GYI LHA GRANGS MI MTHUN PA LA DRIS LAN GYIS DOGS PA BCAD PA, SGRUB PA PO'I LUS LA LHA BKOD PA LA DRIS LAN GYIS DOGS PA BCAD PA'O, ,DANG PO LA GNYIS, DRI BA DANG, LAN NO, ,DANG PO NI, SLOB MAS GSOL PA, GAL TE 'DUS PA'I RGYUD 'DI LA LAG PA'I PHYAG RGYA 'CHING BA MED NA JI LTAR NA PHYAG RGYA BZHES RGYAS BTAB PA'I LHA'I SKU SKYED PAR 'GYUR TE MI 'GYUR RO, ,ZHES DRIS PA STE, DKYIL 'KHOR RGYAL MCHOG GI LHA RNAMS BSKYED PA NA PHYAG RGYA BZHIS RGYAS 'DEBS PAR BSHAD PA DANG LAG PA'I PHYAG RGYA MED PA GNYIS 'GAL TE, DAM RGYA DANG LAS RGYA DANG PHYAG CHEN LA LAG PA'I PHYAG RGYA 'CHING DGOS PAS SO SNYAM DU BSAMS PA'O, ,GNYIS PA NI, DE'I LAN SLOB DPON GYIS BKA' STZAL PA, MTSAN LA SOGS PA'I SANGS RGYAS KYI YON TAN MA LUS PAS BRGYAN PA'I GZHIR GYUR PA'I LHA'I SKU NI PHYAG RGYA CHEN PO'O, ,BTZUN MO NI DAM TSIG GI PHYAG RGYA'O, ,H'Um LA SOGS PA'I SNGAGS KYI YI GE RNAMS NI CHOS KYI PHYAG RGYA'O, ,LHA RNAMS KYI GZUGS SNA TSOGS KYIS SEMS CAN THAMS CAD KYI DON BYED CING SGRUB PA'I 'PHRIN LAS NI LAS KYI PHYAG RGYA'O, ,GAL TE BTZUN MO DAM TSIG GI PHYAG RGYA YIN NA RIGS LNGA DANG SA SNYING SOGS LNGA LA PHYAG RGYA BZHIS RGYAS GDAB PA YOD DU

CHUG KYANG LHA PHO GZHAN RNAMS DANG LHA MO DGU LA PHYAG RGYA BZHIS RGYAS GDAB PA MED PAR 'GYUR BAS LHA SO GNYIS PO THAMS CAD LA PHYAG RGYA BZHIS RGYAS 'DEBS PA MI 'THAD LA GZHAN YANG PHYAG RGYA BZHIS RGYAS 'DEBS PA NI LHA SKYED PA'I RIM PA DE BZHI LAS MI 'DA' BA'I TSUL GYIS SKYED PA YIN NA LHA MO RNAMS LHA DE DANG DE SKYED PA'I THABS SU JI LTAR 'GYUR ZHE NA, DE LTAR YIN NA BDEN MOD KYANG SKYON MED DE BTZUN MO NI LHA MO LA MI BYED KYI MTSAN MA'I PHYAG RGYA PHYAG MTSAN LA BYED PA'I PHYIR RO, ,DE LTAR YANG DE NAS LAS KYI CHO GA NI, , MTHONG BAS PHYAG RGYA DGOD PAR BYA, ,ZHES PA'I LE'U BZHI PA'I SGRON GSAL LAS, PHYAG RGYA NI CHOS KYI PHYAG RGYA DANG MTSAN MA'I PHYAG RGYA DANG PHYAG RGYA CHEN PO DANG GSUM STE YI GE H'Um LA SOGS PA NI CHOS KYI PHYAG RGYA'O, ,RDO RJE LA SOGS PA NI MTSAN MA'I PHYAG RGYA'O, , MI BSKYOD PA LA SOGS PA'I LHA'I 'KHOR LO NI PHYAG RGYA CHEN PO'O, ,ZHES GSUNGS PA BZHIN NO, ,SKU DANG GSUNG DANG 'PHRIN LAS GSUM PHYAG RGYA GZHAN GSUM DU BSHAD PA'I ZLA'I SHUGS KYIS KYANG THUGS MTSON PA'I PHYAG MTSAN DAM RGYAR NGES PAR BYA DGOS SO, ,'O NA PHYAG MTSAN MI SMOS PAR BTZUN MO'I MING GIS STON PA CI YIN SNYAM NA, SGRON GSAL LAS, RDO RJE BTZUN MO NI SHES RAB STE, ZHES STONG PA NYID DANG DBYER MED PA'I SHES RAB LA BTZUN MOR GSUNGS SHING DAM RGYA NI THUGS KYI GSANG BA YIN BAS NGE MTSON BYED PHYAG MTSAN LA YANG BTZUN MO'I SGRAS BSTAN NO, ,MKHAS PA KHA CIG RGYUD GZHAN LAS BTZUN MO PHYAG MTSAN GYI TSUL DU SNGAS PAR GSUNGS PA LTAR PHYAG MTSAN DAM RGYAR 'CHAD DO, ,DE LTAR NA LHA SO GNYIS RE RE YANG YIG 'BRU

, ,LAS PHYAG MTSAN DANG DE LAS SKU RDZOGS TE 'GRO BA'I DON MDZAD PA'I 'PHRIN LAS DANG BZHI'I RIM PA LAS MA 'DAS PAR SKYED CING DE NYID KYANG PHYAG RGYA BZHIS RGYAS 'DEBS PA'I DON YIN PAS NA PHYAG RGYA BZHIS RGYAS BTAB NAS LHA'I SKU SKYED PA DANG, LAG PA'I PHYAG RGYA 'CHING BA MED PA GNYIS LA 'GAL BA GA LA YOD, DE LTA BU'I PHYAG RGYA BZHI'I RGYAS 'DEBS NI PHYAG RGYA BZHI'I RGYAS BTAB PA'I LHA'I SKU JI LTAR SKYED CES LHA SKYED PA'I RIM PA LA PHYAG RGYA BZHI 'ONG TSUL DRIS PA'I LAN YIN LA, SPYIR NI LHA SKYED PA GANG LA SKU DANG PHYAG MTSAN DANG SKU LA 'GOD PA'I YIG 'BRU DANG DE RNAMS KYI MDZAD PA BZHI SNANG BA THAMS CAD LA PHYAG RGYA BZHIS RGYAS BTAB PA'I DON TSANG BAR BYA DGOS PA 'DRA'O, ,'DI NI GTZO CHER DKYIL 'KHOR RGYAL MCHOG LA RTZOD PA SPONG BA YIN LA MNGON RTOGS KYI SKABS GZHAN 'GA' ZHIG GI'ANG RTZOD SPONG DU 'GRO'O, ,GNYIS PA LA GNYIS, DRI BA DANG, LAN NO, ,DANG PO NI, SLOB MAS GSOL PA, RTZA BA'I RGYUD DE KHO NA NYID BSDUS PA DANG SOGS KYI SGRAS BSDUS PA BSHAD PA'I RGYUD RDO RJE RTZE MO DANG DPAL MCHOG LA SOGS PA'I RNAL 'BYOR GYI RGYUD DANG GNYIS KA'I RGYUD RNAM SNANG MNGON BYANG SOGS LAS NI LHA RNAMS ZHAL GCIG PAR RAB TU GRAGS PA STE BSHAD NA, GSANG BA 'DUS PA 'DIR CI'I PHYIR LHA THAMS CAD ZHAL GSUM PA LTA BUR SNANG BAR 'GYUR ZHES PA STE RGYUD GZHAN GNYIS LAS DKYIL 'KHOR BA'I LHA RNAMS ZHAL GCIG PA DANG RGYUD 'DI LAS DKYIL 'KHOR BA'I LHA THAMS CAD ZHAL GSUM PAR BSHAD PA'I ZHAL GYI GRANGS MI 'DRA BA'I RGYU CI YIN ZHES 'DRI BA'O, ,ZHAL GCIG PA NI PHAL CHE BA'I DBANG DU BYAS KYI MA NGES TE DUM BU DANG

POR GTZO BO ZHAL BZHI PAR GSUNGS PA LTA BU'O, ,GNYIS PA NI, SLOB DPON GYIS LAN BKA' STZAL PA, 'DUS PA'I LHA ZHAL GSUM PAR BSHAD PA 'DI'I DON 'DUS PA'I BSHAD RGYUD DGONGS PA LUNG STON ZHES BYA BA'I RGYUD KYI LE'U BCU GNYIS PA LAS RDO RJE THAL MO'I NGES DON BSHAD PA'I SKABS LAS GSUNGS SO ZHES SBYAR RO, ,JI LTAR GSUNGS SNYAM NA, GANG ZHIG CES SOGS TE, DA LTA 'GYUR BA'I RGYUD NA LAG PA GA-YON PA ZHES SOGS RKANG PA BRGYAD CHAD NAS MI SNANG LA RKANG PA DANG PO BZHI YANG GSAL BAR MI SNANG NGO, ,LHAG MA RNAMS NI RIM PA 'DI JI LTA BA BZHIN MI SNANG YANG STOD SMAD KUN BSGRIGS NA TSANG TZAM SNANG NGO, ,DE LA LHA DE RNAMS LA MCHOG DMAN MED KYANG RGYUD DE DAG TU THABS DANG SHES RAB DANG DE GNYIS DBYER MED PA SGRUB PA'I LAM YONGS SU RDZOGS PA STON MI STON GYI SGO NAS DKYIL 'KHOR PA'I LHA RNAMS ZHAL GSUM RDZOGS MA RDZOGS SU BSHAD DO, ,DE 'CHAD PA NA MDOR BSTAN PA NI, GANG ZHIG PHYI'I BDAG NYID KYI RTOG PA DANG NANG GI BDAG NYID KYI RTOG PA DANG PHYI NANG DE NYID GNYIS KA'I RTOG PA RNAMS 'OD GSAL DU DAG NAS RO GCIG TU SONG BA NI GZUNG 'DZIN GNYIS SU MED PAR BSHAD PA STE DE NI GSUM PO DE'I DE NYID CHEN PO YIN NO, ,DE RGYAS PAR 'CHAD PA NA PHYI'I DE NYID STON PA NI, LAG PA GA-YON PA'I MTHE'U CHUNG DANG THA MA DE'I LTAG STE GONG MA SRIN LAG NAS MTHE BONG GI BAR NI RIM PA BZHIN DU GZUGS NAS REG BYA'I BAR YIN PAR GZUNG NGO, ,YUL DE RNAMS DNGOS PO MED PA 'OD GSAL DU SBYOR BAS DE KHO NA'I DON RNAM PAR 'BYED PA'I MTSAN NYID CAN GYI SHES RAB NI CHOS KYI SKU DANG DE BZHIN NYID DANG GNYIS SU MED PA ZHES PA'I MING GIS BSHAD DO, ,NANG GI DE NYID STON PA NI MI BSKYOD

, ,PA NAS RNAM SNANG GI BAR GYI SGRAS MTSON PA'I MIG LA SOGS PA'I DBANG PO LNGA NI RIM PA BZHIN DU LAG PA GA-YAS PA'I MTHE'U CHUNG NAS MTHE BONG GI BAR YIN PAR GZUNG NGO, ,DE RNAMS DNGOS PO MED SBYOR ZHES SOGS NI 'DIR YANG SBYAR TE 'DRA BA'I PHYIR RO, ,'O NA YUL DANG DBANG PO'I SGRAS THAD KAR BSHAD PAS CHOG MOD LAG PA GA-YAS GA-YON GYI SOR MO DANG RIGS LNGA'I SGRAS BSTAN NAS CI BYA SNYAM NA, DGONGS PA LUNG STON LAS, RDO RJE THAL MO'I DE NYID 'DI, ,LUNG BSTAN BYA YIS DE NYON CIG ,CES GSUNGS PA'I RDO RJE THAL MO'I NGES DON GZHUNG 'DI RNAMS KYIS 'CHAD PA YIN LA DE LTA NA GA-YON PA SHES RAB KYI PHYOGS YIN PAS RDO RJE MA LNGA'I NGO BO'I GZUGS SOGS DANG GA-YAS PA THABS KYI PHYOGS YIN PAS RIGS LNGA'I NGO BO'I DBANG PO LA BSHAD DO, ,GNYIS KA'I DE NYID STON PA NI, GNYIS KA ZHES PA NI LAG PA'I DBANG DU BYAS NA GA-YAS GA-YON GYI SOR MO GNYIS KA YIN LA DE'I MTSON DON GYI DBANG DU BYAS NA YUL DANG DBANG PO GNYIS KA LA BRTEN NAS 'BYUNG BA'I RNAM PAR SHES PA'O, ,GCIG TU SBYAR BA YANG LAG PA'I DBANG DU BYAS NA GA-YAS GA-YON GYI SER MO PHAN TSUN BSNOL BA RGYUD GZHAN LAS RDO RJE THAL MOR GSUNGS PA DE YIN LA DE'I MTSON DON GYI DBANG DU BYAS NA YUL DBANG RNAM SHES GSUM 'OD GSAL DU RO GCIG PAR SBYAR BA'O, ,DE LTAR BYAS NA LAG PA'I SOR MO GA-YAS GA-YON RE RE BA DANG GNYIS KAS NI 'OD GSAL DU GZHUG RGYU GSUM MTSON LA, SOR MO RNAMS GSHIBS TE PHAN TSUN BSNOL BAS NI DE GSUM 'OD GSAL DU BCUG PA MTSON TE NGES DON GYI RDO RJE THAL MO'O, ,DE LTA BU'I THAL MO 'DI NI YUL YUL

CAN RO GCIG TU 'DRES PA GCIG YIN KYANG DE NYID GSUM DANG SKABS GSUM DU BRTAGS PA STE DE DAG TU RNAM GZHAG BYAS PA YIN NO, ,'DI NI 'OD GSAL GYI DBANG DU BYAS PA'I RDO RJE THAL MO'O, ,DA NI ZUNG 'JUG GI RDO RJE THAL MO BSHAD PAR BYA STE, YANG RDO RJE THAL MO NI RDO RJE SEMS DPA' RIGS DRUG PA'I GO 'PHANG MCHOG YIN NO, ,JI LTAR ZHE NA SHES RAB DON DAM 'OD GSAL DANG THABS KUN RDZOB SGYU MA'I SKU GNYIS PHAN TSUN DU DBYER MI PHYED PAR SBYOR BAS NA BDEN GNYIS ZUNG 'JUG STE SGRON GSAL LAS YAN LAG DRUG PA TING NGE 'DZIN GYI YAN LAG ZUNG 'JUG LA BSHAD PA'I SKABS SU THABS SHES SBYOR BA BDEN GNYIS SBYOR BA'I ZUNG 'JUG LA BSHAD PA LTAR RO, ,DE 'DRA BA'I BDEN GNYIS ZUNG 'JUG GI THAL MO SBYAR BA TZAM GYIS NI SANGS RGYAS THAMS CAD DE DE BZHIN GSHEGS PA KUN GYI BDAG NYID RDO RJE 'CHANG YANG DAG PAR 'GUGS PA STE THOB PAR BYED DO, ,DGONGS PA LUNG STON LAS, THAL MO BCINGS PA TZAM GYIS KYANG, ,SANGS RGYAS THAMS CAD NYID THOB 'GYUR, ,ZHES SO, ,DE LTAR NA LAG PA GA-YAS PA'I SOR MO NI KUN RDZOB BDEN PA THABS, GA-YON PA'I SOR MO NI DON DAM BDEN PA SHES RAB, DE GNYIS GSHEBS TE PHAN TSUN BSNOL BA NI BDEN GNYIS ZUNG DU 'JUG PA YIN PAS RDO RJE THAL MO'I NGES DON SNGA MA NI LAM GYI SKABS YIN LA 'DI 'BRAS BU'I SKABS YIN PAS THAL MO MTHAR THUG GO ,SNGA MA'I SKABS SU SOR MO GA-YAS GA-YON RE RE BA DANG GNYIS KA NI GNYEN POS DAG PAR BYA BA'I SPANG BYA YIN LA 'DIR NI DE RNAMS THOB BYA'I DON LA BYA DGOS PAS KHYAD PAR SHIN TU CHE'O, ,THAL MO DE LA GSUM TSAN RNAMS GNAS PAR STON PA NI, SKYABS GSUM NAS SANGS

, ,RGYAS MNYES PA'I BAR TE DE NYID 'DIR NI THAL MOR GNAS, ZHES PA NI RE RE'I MTHAR SBYAR RO, ,SKYABS GSUM NI, RGYUD RDOR PHRENG LAS, SANGS RGYAS LONGS SPYOD RDZOGS PA'I SKU, ,DAM PA'I CHOS NI CHOS KYI SKU, ,DGE 'DUN SPRUL PA'I SKUR NI 'GYUR, ,DE NI SKU GSUM BDAG NYID CAN, ,ZHES GSUNGS PA LTAR RO, ,DE NYID GSUM NI SNGAR BSHAD PA LTAR RAM THABS DANG SHES RAB DANG GNYIS KA'I DE NYID DO, ,SDOM 'BYUNG 'GREL PAR SKU GSUNG THUGS KYI DE NYID GSUM LA BSHAD DO, ,SKU GSUM NI DGONGS PA LUNG STON LAS, DNGOS PO MED PA'I DE NYID 'DI, ,RTEN 'BYUNG CHOS ZHES BYA BA YIN, ,LONGS SPYOD RDZOGS PA BSDUS TE GYUR, ,SPRUL PA BSAM MI KHYAB CHOS CAN, ,ZHES GSUNGS PAS DON DAM CHOS SKU KUN RDZOB SPRUL SKU DBYER MED LONGS SKU'O, , RNAM THAR GSUM NI STONG PA NYID MTSAN MA MED PA SMON PA MED PA'I SGO GSUM MO, ,ZHAL GSUM NI 'DIR SKABS KYI DON YIN TE DE YANG GA-YAS ZHAL THABS YIN PAS KUN RDZOB, GA-YON ZHAL SHES RAB YIN PAS DON DAM DE GNYIS GANG LA SBYAR BA'I RTZA ZHAL NI BDEN GNYIS DBYER MI PHYED PA'O, ,DES NA 'DUS PA LAS ZUNG 'JUG GI SKU SGRUB PA'I LAM RIM PA DANG PO DANG RIM PA GNYIS PA'I DBEN GSUM DANG SGYU MA DANG 'OD GSAL RNAMS YONGS SU RDZOGS PAR STON PAS DE'I LHA RNAMS ZHAL GSUM PAR BSHAD DO, ,ZHAL GSUM DU 'ONG BA'I RGYU MTSAN 'DI NI 'DUS PA LA NGES PA STER BA'I GNAD CHEN POR SNANG NGO, ,MDOG GSUM NI NAG DKAR DMAR BA DANG SER NAG DKAR BA DANG LJANG NAG DKAR BA'I LHA'I SKU MDOG THAMS CAD LA BYA'O, ,SBYOR BA GSUM NI DANG PO

SBYOR BA SOGS GSUM DANG DAM TSIG GSUM NI LHA DANG SNGAGS DANG PHYAG RGYA'AM RDO RJE DANG DRIL BU DANG LHA'AM SDOM PA'I TSUL KHRIMS LA SOGS PA GSUM LA SDOM 'BYUNG 'GREL PAR BSHAD DE RDO RJE THUGS KYI DANG DRIL BU GSUNG GI DANG LUS LHAR GNAS LA PHYAG RGYA'I DAM TSIG GSUM LA BSHAD PA 'THAD DAM SNYAM MO, ,'DIR BOD KYI BLA MA RNAMS SBYOR BA GSUM NI RING RGYU DBEN PA GSUM, DAM TSIG NI 'OD GSAL DANG GSUM NI NYE RGYU LUGS BZLOG GI SNANG BA GSUM LA BYAS NAS KHA DOG GSUM DU 'ONG BA'I RGYU MTSAN DU SBYOR NGA NI DON MIN TE GSUM TSAN 'DI RNAMS THAMS CAD ZUNG 'JUG GI THAL MO LA TSANG BAR STON PA'I SKABS YIN PAS SO, ,SNANG MCHED THOB GSUM GYI TSE ZLA NYI MUN PA GSUM GYI 'OD DANG KHA DOG 'DRA BA 'BYUNG BAR GSUNGS PA LA YANG 'KHRUL BAR MI BYA STE DE LTAR NA NAG DKAR DMAR BA'I KHA DOG GSUM LA RGYU MTSAN BSTAN PAR 'GRO'I 'DUS PA'I LHA'I KHA DOG THAMS CAD LA RGYU MTSAN MA BSTAN PAR 'GYUR BA'I PHYIR RO, ,DES NA THAR GSUM GYIS ZHES PA DANG GSUM SBYOR BAS ZHES BYED TSIG GSUNGS PA NI DE NYID 'DIR NI THAL MOR GNAS ZHES PA'I RGYU MTSAN DU BYA'O, ,KHAMS GSUM NI SPYOD BSDUS SU ZUNG 'JUG GI MING GI RNAM GRANGS SU 'JIG RTEN GSUM GYI BDAG NYID CAN ZHES GSUNGS PA LTAR RO, ,LHA GSUM NI SDOM 'BYUNG 'GREL PAR SKU RDO RJE SOGS GSUM LA BSHAD KYANG DGONGS PA LUNG STON LAS, LAG PA GA-YON NI DRAG POR 'GYUR, ,GA-YAS PA DE BZHIN KHYAB 'JUG STE, ,GNYIS PO SBYOR BA TSANGS PA YIN, ,ZHES GSUNGS PA LTAR DBANG PHYUG SHES RAB KHYAB 'JUG THABS TSANGS PA BDEN GNYIS DBYER MI PHYED PA LA BYA'O, ,DKYIL 'KHOR GSUM NI SPYOD BSDUS LAS

, ,KYANG ZUNG 'JUG GI MING GI RNAM GRANGS SU GSUNGS LA DE'I DON NI DON DAM PA'I DANG SKU'I DANG PHYUNG BA'I DKYIL 'KHOR LA SGRON GSAL DU GSUNGS PA LA BYA'O, ,DUS GSUM NI SDOM 'BYUNG LAS DGE BA GSUM GSUNGS PA'I DON 'GREL PAS THOG MTHA' BAR GSUM THAMS CAD DU DGE BA LA BSHAD PA LTAR RAM YANG NA DUS GSUM GRAGS PA LA BYA'O, ,LAM GSUM NI SPYOD BSDUS LAS, THEG PA GSUM GYI BDAG NYID CAN ZHES GSUNGS PA LTAR RO, ,MCHOG GSUM NI DGONGS PA LUNG STON LAS, DUS GSUM DAM TSIG MCHOG GSUM DANG ZHES DAM TSIG GSUM LA BSHAD PA LTAR RAM YANG NA RDO RJE GSUM LA BYA'O, ,RTOG PAS BSKUL BA NI DGONGS PA LUNG STON LAS, JI SRID RTOG PAS BRJOD PA RNAMS, ,DE NI THAL MOR SBYOR 'DI YIN, ,ZHES BSGYUR BA LTAR BDE BAS SNGAR BSHAD PA DE LTA BU'I GSUM TSAN SGRA DANG RTOG PAS BRJOD PA RNAMS THAL MO'I DON LA GNAS ZHES PA'O, ,GSOL PA ZHES SOGS LA DGONGS PA LUNG STON LAS, GSOL BA 'DEBS DANG PHYAG 'TSAL DANG, ,'JIG RTEN RNAMS LA GSOL BYA BA, , RDZOGS SANGS RGYAS RNAMS MNYES BYED DE, ,KHYED KYI THAL MOR GNAS PA YIN, ,ZHES 'BYUNG BA LTAR GSOL BA 'DEBS PA DANG PHYAG 'TSAL BA DANG, SEMS CAN GYI DON BYA BA DANG SANGS RGYAS MNYES PAR BYED PA THAMS CAD KYANG THAL MO LA TSANG BA'I DON NO, ,SANGS RGYAS NI SNGAR BSHAD PA'I ZUNG 'JUG GI THAL MO'O, ,DE LA THAMS CAD RNAM PAR BZHUGS PA'I DON TSANG BA'I TSUL GYIS GNAS PA'O, ,GANG NA SEMS CAN GANG YIN PA DANG SANGS RGYAS SU GYUR PA GANG YIN PA DANG DE'I CHOS DE BZHIN NYID DANG GNYIS SU MED PA LA SOGS

PA RNAMS SO, ,GNAS TSUL NI GNAS PA MED PA'I TSUL GYIS GNAS PA'I SBYOR BA'AM RNAL 'BYOR GYIS TE DE THAMS CAD KYI DE KHO NA NYID RNAMS DER MTHAR THUG PA'O, ,DE LTAR NA GSUM TSAN RNAMS NI KUN RDZOB DON DAM GNYIS DANG DE GNYIS DBYER MI PHYED PA GSUM GYI MTSON BYED YIN PAS MTHAR GTUGS PA NA ZUNG DU 'JUG RGYU GNYIS DANG DE GNYIS MI 'BRAL BAR 'JUG PA STE GSUM TSOGS PA'I ZUNG 'JUG GI GO 'PHANG DU 'GYUR ZHING, DE'I GNAD KYIS ZHAL GSUM DU BSHAD LA RGYUD GANG LAS LAM RIM PA GNYIS KYI SKABS KYI DKYIL 'KHOR PA'I LHA THAMS CAD ZHAL GSUM PAR BSTAN PA DE LAS NI RGYUD DES ZUNG 'JUG GI GO 'PHANG BSGRUB PA'I LAM YONGS SU RDZOGS PA BSTAN PA YIN PAR DPOG PAR NUS PA 'DI BSTAN PA YIN NO, ,DE'I PHYIR GANG DAG RKANG PA DANG PO BZHIS ZHAL GSUM DU 'ONG BA'I RGYU MTSAN 'DUS PAS NI DE KHO NA NYID GSUM MA LUS PA STON LA DE NYID BSDUS PA SOGS NI DE KHO NA NYID KYI LAM SBYONG BA TZAM YIN PA'I PHYIR ZHES SMRA ZHING, RGYUD 'DI LA LAG PA'I PHYAG RGYA MED PAS SANGS RGYAS RNAMS SPYAN 'DREN PA'I RDO RJE BSDU BA'I PHYAG RGYA YANG MED PA'I PHYIR SANGS RGYAS RNAMS SPYAN 'DREN PA MI RUNG NGO ZHES PA'I LAN DU LAG PA GA-YON PA ZHES PA NAS SANGS RGYAS THAMS CAD YANG DAG 'GUGS, ZHES PA'I BAR GYIS YUL DBANG RNAMS SHES GSUM STONG NYID DU RTOGS PA NI RDO RJE BSDU BA'I PHYAG RGYA YIN LA DES SANGS RGYAS RNAMS 'GUGS PAS SKYON MED CES 'CHAD PA DANG, ZHAL GSUM LA MDOG GSUM 'ONG PA'I RGYU MTSAN DRIS PA'I LAN DU RKANG PA GCIG GTONG BA DANG LHA DE RNAMS LA DGOS PA CI ZHIG YOD CES PA'I LAN DU KHAMS GSUM DU NI ZHES SOGS 'CHAD PA NI SKABS KYI DON MA RNYED PA'I BSHAD PAR RIG PAR

, ,BYA'O, ,ZHAL GYI GRANGS LA DRIS LAN MDZAD PA 'DI NI RIM PA GNYIS KA'I SKABS KYI LHA'I ZHAL GYI GRANGS KYI RNAM GZHAG GO ,GSUM PA LA GNYIS, DRI BA DANG, LAN NO, ,DANG PO NI, SLOB MAS GSOL PA, PHYUNG BA'I DKYIL 'KHOR GYI SKABS 'DIR GSANG BA 'DUS PA'I DKYIL 'KHOR LA LHA RNAMS DGOD PA LA 'DUS PA'I DON SMRA BA'I SLOB DPON RNAMS KYI SNA TSOGS PA'I GZHUNG 'JIG RTEN DU RAB TU 'JUG PAR 'GYUR BA STE LUGS MI MTHUN PA DU MA SNANG NA, SGRUB PA PO RNAMS LHA GRANGS LA GRANGS 'DI TZAM ZHIG YIN NO ZHES NGES PA THOB NAS SOM NYI STE THE TSOM MA MCHIS PAR JI LTAR 'GYUR TE MI 'GYUR RO SNYAM PA'O, ,LUGS MI MTHUN PA NI RDO RJE SEMS DPA'I SGRUB THABS LAS BCU GSUM DANG BCU DGU DANG NYER LNGAR 'DOD PA YOD PAR GSUNGS PA'I DON LA DANG PO NI SNYING PO'I DKYIL 'KHOR GYI RIGS LNGA DANG YUM BZHI'I STENG DU GSHIN RJE MTHAR BYED LA SOGS PA'I SGO BZHI'I KHRO BO BZHI BSNAN PA'O, ,GNYIS PA NI, DPAL SGYU 'PHRUL DRA BA LAS 'BYUNG BA LA SOGS PA'I RIM PAS SO, ,GSUM PA NI, SNGAR BSHAD PA LTAR SNYING PO'I DKYIL 'KHOR GYI LHA DGU DANG DE'I PHYI ROL TU GZUGS RDO RJE MA NAS CHOS DBYINGS RDO RJE MA'I BAR RNAL 'BYOR MA DRUG DANG DE'I PHYI ROL TU KHRO BO BCU'O ZHES TA TH'A GA TA RAKshI TAS BSHAD CING SLOB DPON 'DIS 'DOD PA'I GSAL KHA MI SNANG NGO, ,BLA MA SNGA MA RNAMS AINDRA BO DHI PHYI MA DANG YE SHES ZHABS DANG MGRIN PA GSUM PA'I 'DOD PAR 'CHAD DE YE SHES ZHABS SLOB DPON 'DI DANG ZLA BA GRAGS PA LAS 'PHYI YANG KHONG GI SNGON NAS RIGS LNGA DANG YUM BZHI DANG RDO RJE MA DRUG DANG SGO BZHI'I KHRO BO STE LHA BCU DGU 'DOD PA BYUNG NA DON

'DRA'O, ,GNYIS PA NI, SLOB DPON GYIS LAN BKA' STZAL PA, SEMS DPA' CHEN PO ZHES SLOB MA LA BOS NAS LEGS SO GNYIS GSUNGS PA NI NGO MTSAR BA LA TSIG GCIG LAN GNYIS BRJOD PAR GSUNGS PA LTAR RO, ,DRI BA DE'I LAN NI LUNG DANG RIGS PAS SO SOR TE RE RE NAS BSHAD PAR BYA'O ZHES GSUNGS TE 'DI NI CHES CHE BA'I MKHAS PA DAG GI MI MTHUN PA'I GNAS YIN PAS SHIN TU DKA' LA DES NA DRI BA'I SKABS SU BYUNG BA LTAR THE TSOM CHOD PA'I SGRUB BYED KYANG SHIN TU DKA' BAS 'PHAGS PA YAB SRAS KYI BZHED PA 'DI LEGS PAR GTAN LA DBAB DGOS SO, ,'DIR SGRUB BYED GNYIS GSUNGS PA'I RIGS PAS BSGRUB PA NI MNGON SUM GYIS MI 'GRUB PAS RJES DPAG GIS BSGRUB DGOS LA DE LA NI RTAGS SKYON MED KYI SBYOR BA DGOD DGOS PAS CHOS CAN LA SOGS PA NGOS GZUNG BAR BYA'O, ,DE LA CHOS CAN NI PHYUNG BA'I DKYIL 'KHOR ZHES PA STE 'DUS PA'I LHA DGOD PA'I GNAS PHYUNG BA'I RTEN GYI DKYIL 'KHOR RO, ,DAM BCA' NI LHA RNAMS DGOD PAR 'GYUR RO ZHES PA STE LHA SO GNYIS DGOD PAR BYA BA YIN TE ZHES PA'I DON NO, ,RTAGS NI SHUGS KYIS SHES TE 'DUS PA'I DKYIL 'KHOR LA DGOD DGOS PA'I LHA'I 'KHOR LO RNAMS RDZOGS PAR DGOD PA'I GZHI YIN PA'I PHYIR ZHES PA'O, ,DPE NI JI LTAR NAS DE BZHIN ZHES PA'I BAR TE SKU'I DKYIL 'KHOR BZHIN ZHES PA'I DON NO, ,SGRON GSAL LAS KYANG, JI LTAR SKU'I DKYIL 'KHOR LA LHA SUM CU RTZA GNYIS DGOD PAR BYUNG BA JI LTA BA DE BZHIN DU PHYUNG BA'I DKYIL 'KHOR LA YANG SKU'I DKYIL 'KHOR DANG 'DRA STE 'DI LTAR RE SHIG LHA SUM CU RTZA GNYIS DGOD PAR SHES PAR BYA'O, ,ZHES GSAL BAR GSUNGS PAS SLOB DPON GNYIS KA'I BZHED PAS SBYOR BA'I

, ,'GOD TSUL NI GDON MI ZA BAR DE LTAR BYA'I SKU DKYIL LA LHA SA GNYIS YOD PA RTAGS SU BKOD NAS PHYUNG BA'I DKYIL 'KHOR LA LHA SO GNYIS YOD PAR BSGRUB PA RGYU TSOGS PA'I RTAGS KYIS 'BRAS BU 'BYUNG RUNG BSGRUB PA'I RANG BZHIN GYI RTAGS SU SNGA MA RNAMS 'CHAD PA NI GZHUNG GI DON GTAN MA YIN NO, ,SBYOR BA DE LA RTAGS MA GRUB PA'I NYES PA MED PA NI SHIN TU SLA LA 'GAL BA'I SKYON YANG MED DE RTAGS MTHUN PHYOGS LA YOD PA'I PHYIR TE 'DI LUNG GIS BSGRUB PAR 'GYUR RO, ,GAL TE 'DUS PA'I LHA'I 'KHOR LO RDZOGS PAR DGOD PA'I GZHI YANG YIN LA LHA SO GNYIS MI DGOD PA YANG YIN NA GNOD PA CI YOD SNYAM NA, LUS KYI DKYIL 'KHOR LA LHA SO GNYIS DGOD PAR BYA BA NI BSHAD RGYUD KYIS BSGRUB PAR 'GYUR BAS LUNG GIS 'GRUB LA DE LTA NA SPYIR DKYIL 'KHOR LA DGOD PAR BYA BA'I LHA GRANGS SO GNYIS SU GRUB PA YIN TE SKU'I DKYIL 'KHOR LA DGOD PAR BYA BA'I LHA LA SO GNYIS YOD PA'I PHYIR RO, ,DES NA DGOD BYA'I LHA RDZOGS PAR DGOD PA'I GZHI DANG LHA SO GNYIS MI 'GOD PA GNYIS 'GAL BA YIN NO, ,TSUL GSUM PA'I RTAGS DE LAS NI GZHAL YAS KHANG LA LHA SO GNYIS 'GOD PA 'GRUB PAS DPAL GSANG BA 'DUS PA'I RTEN GYI DKYIL 'KHOR LA 'GOD PA'I LHA'I GRANGS LA SGRUB PA PO RNAMS KYI THE TSOM NI DE LTAR GCOD PA YIN NO, ,'O NA RTZA RGYUD KYI LE'U DANG PO'I DKYIL 'KHOR RGYAL MCHOG GI SKABS DANG LE'U BZHI PA'I MTSAN MA 'GOD PA'I SKABS SU SNGAR BSHAD PA'I LHA BCU GSUM DANG DE'I MTSAN MA BCU GSUM TZAM ZHIG GZHAL YAS KHANG LA BKOD NAS LHAG MA MA BKOD PA CI YIN SNYAM NA, LHA SO GNYIS DGOD PAR BYA BA DE LTA MOD KYI STE DE LTA NA'ANG RTZA RGYUD LAS LHA

RNAMS DGOD PA RDZOGS PAR MA BSTAN PA'I RGYU MTSAN NI, 'DI LTAR SLOB DPON MED PAR TE DE LA RAG MA LAS PAR RGYUD LA 'JUG PAR MA GYUR CIG SNYAM DU STON PAS DGONGS SO ZHES TE SLOB DPON LA LTOS PAR BYA BA'I PHYIR DU RDZOGS PAR MA GSUNGS PA'O, ,GAL TE RTZA RGYUD LAS LHA GRANGS BCU GSUM DU GSUNGS PA DE LHAG MA DANG BCAS PA YIN NA DE LTAR RDZOGS PAR MA MDZAD PA'I RGYU MTSAN BTZAL BAR RIGS NA MA RDZOGS PA NYID DU CIS 'GRUB SNYAM NA, DKYIL 'KHOR GYI LHA DGOD PA YANG RGYUN GCIG TU GRANGS YONGS SU RDZOGS PAR BCOM LDAN 'DAS KYIS 'DUS PA'I BSHAD RGYUD DPAL RDO RJE PHRENG BA'I LE'U RE GSUM PA LAS SKU GSUNG THUGS KYI DKYIL 'KHOR GSUM GSUNGS PA'I SKU DKYIL GYI SKABS DE LAS SHES TE RGYU DE LA 'JUG PAR BYA'O, ,SEMS KYIS ZHES PA'I RKANG PA GNYIS NI NYAN PAR BSKUL BA'O, ,DE NAS RKANG PA GNYIS NI MDOR BSTAN PA'O, ,RDO RJE SLOB DPON NI SHIN TU RNAL 'BYOR GYI SKABS KYI SGRUB PA PO RDO RJE 'CHANG DU BSKYED PA STE GANG DU BSKYED PA'I RDO RJE 'CHANG DE RGYUD KYI STON PA PO YIN PAS RDO RJE SLOB DPON DU GSUNGS SO, ,DE'I LUS NI LHA DGOD PA'I GZHI'O, ,DANG PO ZHES PA NAS GNOD MDZES TE ZHES PA'I BAR GYIS NI SKU DKYIL RGYAS PAR BSHAD DE SLA'O, ,SKU RDO RJE NAS THUGS RDO RJE'I BAR LNGA NI RIGS LNGA'O, ,DE'I GNYIS PA DANG BZHI PA LA DA LTA 'GYUR BA'I PHRENG BA LAS NAM MKHA' RDO RJE DANG LAS KYI RDO RJE ZHES 'BYUNG NGO, ,LUS NI 'DI NYID KUN LA 'DIR, ,DE BZHIN GSHEGS PA THAMS CAD BZHUGS, ,SKU YI DKYIL 'KHOR ZHES BRJOD PA, ,RDO RJE SLOB DPON NYID KYI LUS, ,ZHES SOGS RKANG PA DRUG NI DON BSDU BA'O, ,DE NAS RKANG PA BZHIS PHAN YON STON TE RKANG PA DANG PO LA DA LTA 'GYUR BA'I PHRENG BA LAS, SKYE BA

, ,'DI LA RNAL 'BYOR PA, ,ZHES 'BYUNG NGO, ,RDO RJE LEGS BYAS BSTAN PA NI, ,ZHES PA LTAR NA RDO RJE 'CHANG GI SKUR LEGS PAR BYAS NAS BSTAN PA'I LUS DKYIL SGOM PA'O, ,MYANG 'DAS NI MI GNAS PA'I MYANG 'DAS ZUNG 'JUG GO ,MYANG 'DAS DE MYUR DU STE TSE 'DI LA 'THOB PA'I RGYU KHYED KYI DGE BA YONGS SU SMIN ZHES PA NI RIM PA DANG PO BSGOMS PAS DE LTAR 'GYUR BA'O, ,DE NI ZHES PA SGRON GSAL DANG RGYUD GNYIS KAR DES NA ZHES BSGYUR PA BDE BAS SKU DKYIL BSGOMS PAS RGYUD SMIN PAR BYED PA DE BAS NA NYON CIG MTHONG NA DON YOD PA KYE ZHES BOS NAS PHYI MA'I DUS NA SEMS DPA' LAS DANG PO PA RNAMS KYIS RAB TU 'BAD DE BLA MA STEN CIG ,BLA MA JI LTA BU ZHE NA, RDO RJE SLOB DPON TE RDO RJE 'CHANG DU BSGOMS PA'I LUS LA RGYAL BA SE GNYIS THAMS CAD BZHUGS PA'I LAM STON PA PO'O, ,DE TSE ZHES PA'I RKANG PA BZHI NI GO SLA'O, ,GAL TE LUNG DE DAG GIS DKYIL 'KHOR RDZOGS PAR BSTAN ZHES PA MI 'THAD DE GZUGS RDO RJE MA LA SOGS PA LNGA MA BSTAN PA'I PHYIR RO ZHE NA, SKYON MED DE MIG LA SOGS PA'I DBANG PO GRUB NA DE DAG GI LONGS SPYOD BYA'I YUL LNGA DE'I DBANG GIS 'GRUB PA LTAR MIG SOGS LNGA'I RANG BZHIN SA SNYING SOGS YAB LNGAR DNGOS SU BSTAN PA'I SHUGS KYIS LONGS SPYAD BYA'I YUM LNGA GO BAR NUS PA'I PHYIR RO, ,GZHUNG 'DI DANG SGRON GSAL GNYIS KAR RDO RJE PHRENG BA'I LUNG DE DAG LHA SO GNYIS PHYOGS GCIG TU RDZOGS PAR STON PA'I KHUNGS SU DRANGS PAS NA DE DAG GIS RDO RJE MA LNGA MA BSTAN PAR 'DOD PA NI GZHUNG GNYIS DANG 'GAL BA SMRA BA'O, ,'DIR SNGA PHYIR BYON PA'I BOD KYI 'DUS PA SMRA BA RNAMS NI, PHYUNG BA'I DKYIL 'KHOR ZHES PA'I PHYUNG BA'I

TSIG TZAM LA 'CHEL NAS SKU'I DKYIL 'KHOR LA SO GNYIS YOD NA PHYUNG BA'I DKYIL 'KHOR LA YANG SO GNYIS YOD DE DE DAG NI DE LAS PHYUNG BA'I PHYIR RO SNYAM DU SEMS SO, ,DE LAS KYANG SNGAR BYON PA RNAMS NI 'DI SKAD SMRA STE RGYU TZAM RTAGS SU BKOD NAS 'BRAS BU DPOG NA MA NGES PAS RGYU NUS PA THOGS PA MED PA LAS 'BRAS BU DPOG PA'I RANG BZHIN GYI RTAGS TE DPAL LDAN CHOS GRAGS KYIS, RGYU TSOGS PA LAS 'BRAS SKYE BAR, ,RJES SU DPOG PA GANG YIN PA, ,DON GZHAN LA NI MI LTOS PHYIR, ,DE NI RANG BZHIN YIN PAR BRJOD, ,CES GSUNGS PAS SO, ,GAL TE YAB KYI SKU DKYIL LA YOD PA 'GOD NA RDO RJE MA LNGA MED PAS NYER BDUN LAS MED PA'I PHYIR MNGAS SO, ,YUM GYI SKU DKYIL LA YOD PA 'GOD NA 'ANG RIGS LNGA DANG YUM BZHI DANG RDO RJE MA LNGA DANG KHRO MO BCU STE NYER BZHI LAS MED PAS MNGAS LA, GNYIS KA'I SKU DKYIL LA YOD PA 'GOD NA NGA GCIG YOD PAS NYUNGS SO, ,DES NA RTAGS MA GRUB BO ZHE NA, DPER NA BU BSKYED PA LA PHA MA GNYIS CHAR DGOS PA LTAR 'DIR LHA MNGAL BSKYED YIN PAS DANG PO GNYIS MI 'DOD KYI GSUM PA LTAR 'DOD LA MNGAS PA'I SKYON MED DE YAB YUM GYI RIGS LNGA TSAN PA GNYIS DANG YUM BZHI TSAN PA GNYIS NI RNAM DAG GCIG YIN LA, YAB KYI KHRO BO BCU DANG YUM GYI KHRO MO BCU YANG RNAM DAG GCIG PAS SO SOR BGRANG DU MED PAS BCU DGU YIN PA'I PHYIR DANG, YAB KYI SEMS DPA' BRGYAD DANG YUM GYI SEMS MA LNGA SO SOR BGRANGS PAS BCU GSUM YOD PA'I PHYIR RO, ,YAB YUM GYI KHRO BO YAB YUM RNAMS BCUR BGRANG NA YAB YUM GYI SEMS DPA' YAB YUM BCU YANG LNGAR BGRANG DGOS PA MI MTSUNGS TE KHRO BO PHO MO GNYIS KA LA YAN LAG GI RNAM DAG GCIG LAS

, ,MED LA SEMS DPA' PHO MO LA DBANG PO DANG YUL GYI RNAM DAG SO SOR YOD PA'I PHYIR RO, ,DES NA SO GNYIS LAS MED LA SO GNYIS YOD PA'I RTAGS NI LUNG GIS GRUB CING KHYAB PA NI DNGOS STOBS KYI TSAD MAS GRUB BO ZHES 'CHAD PA NI, RIGS PA'I BSTAN BCOS LAS RGYU TSOGS GRANGS TSANG GIS 'BRAS BU 'BYUNG NGES DPOG MI NUS PAS 'BYUNG RUNG TZAM DPOG PAR BSHAD PA DANG MI MTHUN ZHING DNGOS DANG BRGYUD PA GANG GI SKABS SU YANG RGYU'I GRANGS KYIS 'BRAS BU'I GRANGS DPOG PA 'KHRUL PAS KHYAB PA MI 'GRUB LA, SKU DKYIL BSGOMS PA'I DE MA THAG TU PHYUNG BA'I DKYIL 'KHOR MI SGOM PA SRID PA LA GNOD PA CAN GYI TSAD MA CI YANG MED PAS NUS PA THOGS MED KYI GTAN TSIGS KYANG MI 'GRUB BO, ,RGYU NUS PA THOGS MED TZAM BKOD NA NI MA NGES LA PHYUNG PA'I LHA SO GNYIS KYI RGYU 'GOD NA NI RTAGS DANG BSGRUB BYA GNYIS NGES DKA' SLA MED PAR 'GYUR RO, ,DKYIL 'KHOR GYI LHA GANGS LA DRIS LAN MDZAD PA 'DI NI RIM PA GNYIS KA'I SKU DKYIL DANG GZHAL YAS KHANG LA LHA 'GOD PA'I RNAM GZHAG GO ,BZHI PA LA GNYIS DRI BA DANG, LAN NO, ,DANG PO NI, SLOB MAS GSOL PA, LAS DANG PO PAS LHA SGOM PA'I SKABS 'DIR THA MAL PA'I LUS LA RNAM SNANG LA SOGS PA'I SANGS RGYAS DANG SA SNYING LA SOGS PA'I BYANG SEMS RNAMS 'GOD PA MI 'GAL LAGS SAM ZHES 'DRI'O, , SANGS RGYAS BYANG SEMS RNAMS CI 'DRA ZHE NA SPANG BYA NYON MONGS THAMS CAD SPANGS LA THOB BYA STOBS DANG MI 'JIGS PA LA SOGS PA'I SANGS RGYAS KYI YON TAN BRNYES PA RNAMS SO, ,DON NI LHA SGOM PA PO DE SNGAR BSHAD PA'I SPANG BYA MA SPANGS SHING

THOB BYA MA THOB PA'I THA MAL PA YIN PAS NA NGES SANGS RGYAS BYANG SEMS DE DAG TU SGOM PA 'GAL TE SOL BA LA DUNG DU SGOM PA BZHIN SNYAM PA'O, ,LUS LA LHA DGOD PA ZHES PA'I LUS NI LHA SGOM PA PO DANG LHA DGOD PA NI LHA DER SGOM PA LA BSAMS NAS RTZOD PA YIN GYI RANG LHAR SGOM PA LA MI RTZOD PAR LUS LA LHA BKOD PA TZAM LA RTZOD PA MIN NO, ,'GAL ZHES PA'I DON NI RANG NYID LHA MIN PA DANG DER SGOM PA GNYIS LA GZHI MTHUN MI SRID SNYAM DU RTZOD PA MIN TE SGOM PA PO DE LHA DE DAG MIN BZHIN DU DE DAG TU SGOM PA MTHONG NAS RTZOD PAS SO, DES NA RANG THA MAL PA YIN NA LHAR SGOM DU MI RIGS SO SNYAM DU RTZOD PA'O, ,GNYIS PA NI, DRI BA DE'I LAN SLOB DPON GYIS BKA' STZAL PA, RANG NYID SANGS RGYAS MA YIN KYANG SANGS RGYAS YIN PAR SGOM PA LA MI RIGS PA MED DE DE LTAR BSGOMS PAS DE'I PHUNG SOGS SANGS RGYAS KYI RGYUR 'GYUR PA'I DGOS PA YOD PA'I PHYIR RO, ,GAL TE THA MAL PA'I LUS DE SNGAR BYANG CHUB KYI RGYUR MA GYUR PA PHYIS LHAR BSGOMS PA NA BYANG CHUB KYI RGYUR BSGYUR BA 'GAL TE THA MAL PA'I GNAS SKABS SU MTSUNGS PA'I PHYIR RO SNYAM NA, GNAS SKABS CAN GCIG LA GNAS SKABS MI 'DRA BA GNYIS MI 'GAL BA DPE BKOD NAS BSGRUB STE DPER NA ZANGS LTA BU GCIG MGAR BAS BKRU BSHAL GYI SNOD DU BYAS PA DE JI SRID DU DE'I GNAS SKABS YIN PA DE SRID DU NI MCHIL MA 'DOR GYI 'OG MA GNYIS MI BYED LA YANG GZHONG PAR BYAS PA NA DE'I GNAS SKABS SU NI 'JIG RTEN PA RNAMS ZAS ZA'I SNGA PHYI GNYIS MI BYED DO, ,YANG DE NYID GZUGS BRNYAN TE SANGS RGYAS KYI SKU 'DRA RU BYAS PA NA DE'I GNAS SKABS SU NI PHYAG DANG MCHOD PA'I GNAS SU BYED DE SNGA MA GNYIS MI BYED PA DE BZHIN DU, SGRUB PA

, ,PO'I THA MAL PA'I LUS KYANG SNGON GYI GNAS SKABS SU 'KHOR BA'I RGYU YIN LA STE YIN PA DANG, PHYIS KYI SKABS SU THAMS CAD MKHYEN PA 'GRUB PA'I RGYUR 'GYUR BA LA 'GAL BA'I SKYON MED DO, ,SNGON GYI SKABS JI LTA BU ZHIG SNYAM NA, LHAR SGOM PA SOGS KYI THABS DANG MI LDAN ZHING LUS LA 'DOD CHAGS SOGS KYIS BRLAN PA STE SBAGS PA'I RANG DGA' BA'I DUS SO, ,PHYIS KYI SKABS NI, PHUNG PO'I RANG BZHIN STONG PA NYID DU YONGS SU SHES SHING LHAR BSGOMS PAS YONGS SU DAG PAR BYAS PA'I SKABS SO, ,RGYUD GZHAN GYI LAM GYIS GZHAN GROL BAR MI 'GYUR GYI RANG GI RGYUD GROL BAR 'GYUR BAS SNOD BCUD THAMS CAD 'OD GSAL DU BSDUS NAS DE RNAMS LHA DANG GZHAL YAS KHANG DU BSGOMS PA LA THAL CHES PAR MI 'GYUR RO, ,'DIR THA MAL BAS LHAR BSGOM PA 'GAL MI 'GAL DRIS PA'I LAN DU MI 'GAL BAR GSUNGS PA YIN PAS LHAR BSGOM PA'I DUS SU SGOM MKHAN THA MAL PA YIN MOD KYANG, LHAR SGOM PA'I TING NGE 'DZIN DE'I DON THA MAL PAR SNANG BA LDOG DGOS PAR BDAG BSGRUB PA'I THABS LAS GSUNGS PA LTAR SHES DGOS SO, ,THABS KYIS ZIN PA'I THA MAL PA'I PHUNG PO BYANG CHUB KYI RGYUR 'GYUR BA DE YANG GSUNGS PA, SHIN TU ZHES SOGS TE 'DI SPYOD 'JUG LAS, GSER 'GYUR RTZI YI RNAM PA MCHOG LTA BU, ,MI GTZANG LUS 'DI BLANGS NAS RGYAL BA'I SKU, ,RIN CHEN RIN THANG MED PAR BSGYUR BAS NA, ,BYANG CHUB SEMS ZHES BYA BA RAB BRTAN GZUNG, ,ZHES PA DANG 'GYUR KHYAD TZAM MA GTOGS PA 'DRA BAR SNANG NGO, ,LUNG DES BSTAN PA DE BZHIN DU YANG DKON BRTZEGS KYI 'OD SRUNGS LE'U LAS, 'OD SRUNGS ZHES

SOGS TE THABS KYIS ZIN PA'I BYANG SEMS KYI NYON MONGS KYANG BYANG CHUB KYI RGYUR 'GYUR BA'O, ,DGONGS PA LUNG STON ZHES BYA BA'I BSHAD RGYUD KYI LE'U GSUM PA LAS GSUNGS PA'I SHES BYED DGOD PA NI, PHYAG NA RDO RJES PHRA MO'I RNAL 'BYOR GYI DON ZHUS PA'I LAN DU, PHYAG NA RDO RJE GRAGS PA CHEN PO DANG LDAN PA ZHES BOS NAS DGONGS PAS GSUNGS SO ZHES DRANG NGO, ,GANG NA PHRA MO'I RNAL 'BYOR GYI DE NYID DO, ,DE'I DON DE JI 'DRA BA BZHIG TU GSUNGS NA PHRA MOR SBYOR BA'I DON NI DE BZHIN NYID JI LTA BA DE BZHIN DU GSHEGS PA STE DE DANG GNYIS SU MED PAR 'GYUR BA'O, ,GANG DANG GNYIS SU MED PA NI, 'GRO BA SEMS CAN RNAMS DE BZHIN NYID DANG GNYIS SU MED PAR SBYOR BA YIS PHRA MO'I RNAL 'BYOR TE PHRA MO NI 'DIR DE BZHIN NYID DANG RNAL 'BYOR NI DE DANG 'GRO BA DBYER MED DU SBYOR BA'O, ,DE LTAR SBYAR BA'I DE BZHIN NYID LAS BYANG CHUB PA LA SOGS PA MNGON BYANG LNGA'I SGO NAS LHAR BSKYED PA 'DI NI MA 'ONGS PA'I SKYE BO SANGS RGYAS KYI RGYUR BYED PA CAN YIN NO, ,GANG GI CHOS RNAMS YANG DAG PAR BRJOD PA'I SANGS RGYAS KYI SKU GDUL BYA'I BSAM PA JI LTA JI LTAR YIN PA DE LTA DE LTAR STON PAR GSUNGS PA'I SANGS RGYAS LNGA NI PHUNG PO 'DI DAG STE DER BSGOMS PAS PHUNG PO RDZOGS PA'I BYANG CHUB KYI RTEN DU 'GYUR RO, ,PHUNG PO DE DAG DE BZHIN NYID DANG GNYIS SU MED PAR 'JUG PA STE SBYAR NAS LHAR BSKYED PAS DE YANG DE BZHIN GSHEGS ZHES GSUNGS SO, ,DE LTAR NA LUNG 'DIS RANG BZHIN SHES PA'I SGO NAS LHAR BYAS PAS PHUNG PO BYANG CHUB KYI RGYUR 'GYUR BAR BSTAN LA, LUNG SNGA MA GNYIS KYIS NI THABS KYIS ZIN NA NYON MONGS DANG MI GTZANG BA'I LUS KYANG BYANG CHUB KYI RGYUR 'GYUR BAR BSTAN NO, ,SGRUB PA

, ,POS SANGS RGYAS SU SGOM DU RIGS MI RIGS LA DRIS LAN MDZAD PA 'DI NI RIM PA DANG PO'I SKABS GTZO CHE MOD KYANG RIM PA GNYIS PA'I SKABS KYI LHA SGOM PA'I YANG RNAM GZHAG TU 'GRO'O, ,PHYUNG BA'I DKYIL 'KHOR GYI RNAM PAR BZHAG PA'I RIM PAR PHYE BA STE LE'U GSUM PA'I RNAM BSHAD DO,, ,,BZHI PA DON DAM PA'I DKYIL 'KHOR GYI RNAM GZHAG RIM PA LA GSUM, PHUNG SOGS 'OD GSAL DU GZHUG PA, PHUNG SOGS DANG PO BZHI 'OD GSAL DU ZHUGS PA'I RTAGS, LHAG MA 'OD GSAL DU 'JUG PA'I RIM PA'O, ,DANG PO LA GNYIS, RTZA RGYUD KYIS MDOR BSTAN PA, BSHAD RGYUD KYIS RGYAS PAR BSHAD PA'O, ,DANG PO NI, DA NI DON DAM PA'I DKYIL 'KHOR GYI RNAM GZHAG RIM PA BSTAN PA'I PHYIR DU THOG MAR MDOR BSTAN PA'I TSIG RTZA BA'I RGYUD LAS GSUNGS PA LA 'JUG PAR BYA STE ZHES MTSAMS SBYAR BA'O, ,DON DAM PA'I DKYIL 'KHOR 'DI SKABS GANG DU 'BREL SNYAM NA, MDOR BYAS DANG MDO BSRER LHAG MOS 'OD GSAL DU SDUD PA'I SKABS SU LE'U BDUN PA DANG RDO RJE PHRENG BA'I LUNG 'DI RNAMS DRANGS NAS DON DAM PA'I DKYIL 'KHOR BSHAD PA 'DIR 'CHAD PAS NA RIM PA DANG PO'I SKABS SU 'BREL LA 'CHAD PAR 'GYUR BA LTAR RDZOGS RIM GYI SKABS KYANG STON PAS, GTZO BOR NI RIM PA GNYIS KYI LAM GYI SKABS KYI DON DAM PA'I DKYIL 'KHOR STON MOD KYANG ZHOR LA CHOS MTHUN SBYOR BA'I YUL GZHI'I SKABS KYI 'CHI BA'I 'OD GSAL GYI DON DAM PA'I DKYIL 'KHOR YANG STON NO, ,DE LA DAM TSIG NI THABS SHES SBYOR PA STE DES KHU BA STE SA BON PHYUNG BA STE BTON NAS MER MER PO LA SOGS PA'I RIM

GYIS MNGON PAR 'PHEL BA DE NYID SA BON LAS MYU GU 'PHEL BA DANG 'DRA BAR BYIS PA DANG GZHON NU DANG DAR MA'I GNAS SKABS GSUM RIM GYIS THOB PAS MA TSANG BA MED PAR GNAS NAS 'DOD YON LNGA RJES SU MYONG BAR 'GYUR RO, ,MA TSANG BA MED PA NI RNAM SNANG LA SOGS PA'I SKU'I DKYIL 'KHOR TE PHUNG PO KHAMS SKYE MCHED YUL YAN LAG RNAMS YONGS SU RDZOGS PA'O, ,DE NAS CI ZHIG BYA ZHE NA, RDOR PHRENG GIS 'CHAD PAR 'GYUR BA LTAR DON DAM PA'I DKYIL 'KHOR LA 'JUG PA'I CHO GA BZHIN DU PHUNG PO LA SOGS PA BTUNG BA STE DON DAM BDEN PAR GZHUG PAR BYA'O, ,CHO GA BZHIN DU 'THUNG BA YANG RANG BZHIN LNGA RIM GYIS 'OD GSAL DU ZHUGS PA LA BYA'O, ,RANG BZHIN LNGA NI PHUNG PO KHAMS DBANG PO YUL YE SHES RNAMS SO, ,CI'I PHYIR 'THUNG NA 'BRAS BU STE 'OD GSAL BAS DAG PA'I RDO RJE SEMS DPA' SKU 'DOD CING DON DU GNYER BAS DE'I PHYIR DU'O, ,DON DAM PAR SONG BA BZHIN DU SLAR YANG 'ONG BAS NA DE BZHIN GSHEGS PA STE RNAM SNANG LA SOGS PAR BRTAGS PA'I GZUGS PHUNG SOGS KYI TSOGS SO, ,DE BSAD PA NI SROG RTZOL LA GNAS PA BCAD NAS DON DAM BDEN PA LA 'JUG PA'O, ,DES CIR 'GYUR NA RAB TU STE SHIN TU MCHOG TU GYUR PA'I PHYAG CHEN GYI DNGOS GRUB THOB PAR 'GYUR RO, ,ZHES SGRON GSAL LAS BSHAD DO, ,'DIR SNGA PHYI'I BOD KYI BLA MA DAG SGRON GSAL LAS LUNG 'DIS RDZOGS RIM THOB LA, SPYOD PA BYED RGYU MA BYUNG BA DUS BYAS NAS SGYU MA LTA BU'I TING NGE 'DZIN MNGON DU BYED PA STON PAR GSUNGS PA LA BRTEN NAS, DAM TSIG KHU PHYUNG GI DON NI GANG ZAG DE MNGAL NAS RIM GYIS SKYES PA KHO NA LA 'CHAD CING DE BZHIN GSHEGS TSOGS BSAD PA YANG GANG ZAG DES PHUNG SOGS 'OD GSAL DU BCUG PA KHO NA LA 'CHAD PAR BYED DO,

, ,DE NI 'THAD PAR MA MTHONG STE SGRON GSAL LAS, DA NI RNAL 'BYOR PA THAMS CAD KYI THUN MONG GI DON DAM PA'I DKYIL 'KHOR GYI RIM GYIS YANG DAG PA'I MTHA' LA 'JUG PA BSTAN PA'I PHYIR, ZHES GZHUNG DE'I MTSAMS SBYOR DU GSUNGS PAS RIM PA GNYIS KA'I SKABS LA SBYAR DGOS PA'I PHYIR DANG, MDO BSRE LAS KYANG KHU BA PHYUNG STE CHO GA BZHIN, ,'BRAS BU 'DOD PAS BTUNG BAR BYA, ,ZHES PA'I LUNG LHAG MOS 'OD GSAL DU SDUD PA'I SKABS SU DRANGS PA'I PHYIR DANG, 'PHAGS PA YAB SRAS GSUM GYIS RTZA RGYUD KYI DON DE NYID RDOR PHRENG GI LUNG GIS 'CHAD PAR BSHAD PAS RDOR PHRENG GI LUNG DON YANG LE LO CAN 'TSANG RGYA BA KHO NA LA BSHAD DGOS PAR 'GYUR BA'I PHYIR RO, ,'PHAGS PA LHAS KYANG SLOB DPON 'DIS GSUNGS PA LTAR DE BZHIN GSHEGS PA'I TSOGS BSAD NA, DNGOS GRUB MCHOG THOB PAR 'GYUR BA'I RGYUD KYI DON DGONGS PA LUNG STON GYIS BSHAD PA RNAMS SHIN TU SPROS MED KYI SPYOD PA'I SKABS SU GSUNGS PA DANG YANG 'GAL BAR SNANG NGO, ,DES NA LE LO CAN 'TSANG RGYA BA BSTAN PAR GSUNGS PA NI DON GYI PHYOGS GCIG TU RIG PAR BYA'O, ,'O NA DAM TSIG KHU PHYUNG GI DON BSKYED RIM DANG RDZOGS RIM GZHAN GYI SKABS SU JI LTAR BSHAD SNYAM NA, 'DIR 'THUNG RGYU NI KHU BA ZHES PA'I TSIG GIS STON PAS SNGON DU DE PHYUNG NAS DE NAS BTUNG BAR BYA'O ZHES BYED PA'I RIM PA STON PA YIN TE, SGRON GSAL LAS, DE NAS CI ZHIG BYA ZHE NA, CHO GA BZHIN 'BRAS BU 'DOD PAS BTUNG BAR BYA, ZHES GSUNGS TE 'ON KYANG 'BYIN PA DANG 'THUNG BA PO GNYIS NI MI GCIG GO ,DE'I BSHAD RGYUD LE'U BDUN PA LAS KYANG, DAM TSIG RJES DRAN RNAMS KYIS NI, ,DE BAS TSANGS BA SHIN TU DBYUNG

DNGOS MED GCIG TU SBYOR BA YIS, ,MKHAS PAS CHO GA BZHIN DU BTUNG, ,ZHES 'THUNG BA'I SNGON DU DBYUNG BAR GSUNGS TE TSANGS PA NI KHU BA'O, ,BTUNG RGYU LA KHU BA ZHES 'BYUNG YANG 'GREL PAR PHUNG PO LA SOGS PA BTUNG BA STE ZHES GSUNGS PAS 'BRAS BU ZUNG 'JUG 'DOD PA'I SGRUB PA PO'I PHUNG SOGS NI 'OD GSAL DU GZHUG RGYU'I BTUNG BA YIN LA DE DANG DE BZHIN GSHEGS PA'I TSIGS BSAD NA, ZHES GSUNGS PA'I BSAD RGYU'I DE BZHIN GSHEGS PA GNYIS DON GCIG GO ,'O NA SGRUB PA PO'I PHUNG SOGS LA KHU BA'I SGRAS STON PA CI YIN SNYAM NA DAM TSIG GI DON PHA MA GNYIS THABS SHES SU SBYAR BA LAS BYUNG BA'I KHU BA LAS RIM GYIS RDZOGS PA NI SGRUB PA PO'I PHUNG SOGS YIN PAS KHU BA LAS BSKYED PA 'THUNG BA LA KHU BA 'THUNG BA'I SGRAS BTAGS PA'O, ,DES NA GZUGS SOGS NANG GI CHOS DANG MI BSKYOD LA SOGS SU BTAGS PA ZHES DGONGS PA LUNG STON LAS GSUNGS PA DANG, GZUGS PHUNG ZHES SOGS RDOR PHRENG ? NAS GSUNGS PA DANG KHU BA LAS BSKYED PA'I PHUNG PO SOGS DON GCIG YIN PAS RTZA RGYUD DANG BSHAD RGYUD DE GNYIS MDOR BSTAN DANG RGYAS BSHAD DU GSUNGS SO, ,DE'I PHYIR LHAG MOS 'OD GSAL DU SDUD PA DANG CHE 'DI LA 'TSANG RGYA BA'I RDZOGS RIM GYI SKABS SU YANG DAM TSIG KHU PHYUNG 'THUNG BA DANG DE BZHIN GSHEGS PA'I TSOGS BSAD PA ZHES PA'I LUNG DON MI 'GAL BA YIN NO, ,GNYIS PA LA GNYIS, DGONGS PA LUNG STON DANG, RDO RJE PHRENG BAS BSHAD PA'O, ,DANG PO NI, LE'U BDUN PA'I RTZA RGYUD 'DI YI DON BSHAD PA NI DGONGS PA LUNG STON ZHES BYA BA'I BSHAD RGYUD KYI LE'U GSUM PA LAS GSUNGS TE ZHES MTSAMS SBYOR BA'O, ,LHAG MTHONG ZHES BYA BAR BSHAD DE ZHES DRANG NGO, ,GANG NA SGRUB PA PO'I

, ,SEMS RGYUD KYIS ZIN PA'I NANG GI CHOS GZUGS LA SOGS PA MTHONG BA NI'O, ,MTHONG TSUL NI RIM PA DANG PO'I LHAG MOS LUS LA BSDUS PA'I SKABS SU PHUNG SOGS KYI NGO BOR LHA RNAMS MTHONG BA YIN LA RIM PA GNYIS PA'I SKABS SU RLUNG SEMS TZAM LAS LHA'I SKUR BSKYED PA'O, ,ZHI GNAS SU BYA BA STE ZHI BAR BYA'O ZHES DRANG NGO, ,GANG NA RNAM SHES LA SOGS PA MI BSKYOD PA LA SOGS PAR GRANGS BZHIN DU BRTAGS PA STE BSKYED PA DAG NI'O, ,DE DAG ZHI GNAS SU BYED TSUL NI MI BSKYOD PA LA SOGS PAR BRTAGS PA 'DI DAG DNGOS PO MED PAR GYUR PA'I DE BZHIN NYID DU ZHUGS PA NI ZHI GNAS ZHES PA'I MING CAN TE MING DE'I DON NO, ,DA LTA 'GYUR BA'I RGYUD LA 'DI GNYIS DNGOS PO MED PA'I BDAG ,DE BZHIN NYID NI ZHI ZHES BYA, ,ZHES BSGYUR MOD KYANG MI BSKYOD PA LA SOGS PA ZHI GNAS SU BYED TSUL STON PAS GZHUNG 'DI DANG SPYOD BSDUS SU BSGYUR BA LTAR LEGS SO, ,'DI YANG RIM PA DANG PO'I SKABS SU NI MTSAN NYID LA LHAG PAR MOS PA TZAM YIN LA RIM PA GNYIS PAR NI SPROS PA'I SNANG BA RNAMS SNANG MED DU SDUD NUS PA YANG YIN NO, ,'DI NI GZHUNG GZHAN NAS BSHAD PA'I ZHI LHAG GNYIS DANG MI 'DRA'O, ,DE BZHIN NYID 'OD GSAL GYI DKYIL 'KHOR DU SANGS RGYAS TE PHUNG PO RNAMS RNAL 'BYOR PA YIS GZHUG GO ,'BRAS BU 'DOD PAS ZHES DANG RNAL 'BYOR PA YIS ZHES DANG DNGOS GRUB RAB MCHOG THOB PAR 'GYUR ZHES GSUNGS PAS GZHUNG DE DAG GIS NI LAM GYI SKABS KYI 'OD GSAL DU 'JUG TSUL STAN GYI GZHI'I SKABS MIN NO, ,SGRON GSAL DU DGONGS PA LUNG STON GYI LE'U BDUN PA'I BSHAD RGYUD DRANGS LA 'DIR MA DRANGS KYANG

DON 'DRA'O, ,GNYIS PA NI RTZA RGYUD KYI DON 'DI SLAR YANG ZHIB TU BSHAD PA RDO RJE PHRENG BA ZHES BYA BA'I RNAL 'BYOR CHEN PO'I RGYUD LAS GSUNGS TE DE LA 'JUG PAR BYA'O ZHES MTSAMS SBYOR BA'O, ,GZUGS PHUNG GTOGS PA NI RNAM PAR SNANG MDZAD KYI RIGS CAN RNAMS ZHES 'BYUNG BA LTAR 'DI RNAMS RNAM SNANG GI RIGS CAN YIN PA'I DON TE GZHAN LA YANG TSOR PHUNG GTOGS ZHES SOGS KYI DON SBYAR RO, ,ME LONG YE SHES NI ME LONG LA GZUGS BRNYAN SNANG BA BZHIN DU YUL RNAMS CIG CAR SNANG BA LA SPYOD BSDUS LAS GSUNGS SO, , GZUGS NI KHA DOG DANG DBYIBS KYI GZUGS SO, ,RNAM PA LNGA NI PHUNG PO DANG KHAMS DANG DBANG PO DANG YUL DANG YE SHES RE RE BGRANGS PA STE THAMS CAD LA DE BZHIN DU SBYAR RO, ,DE TZAM DU ZAD DAM SNYAM NA LAG PA DANG DPUNG BA GA-YAS PA LA BKOD PA'I KHRO BO GNYIS DANG YANG DAG PAR LDAN PA STE DE DAG DANG BCAS PA NI RNAM SNANG GI RIGS CAN NO, ,DE BZHIN DU 'OG TU YANG SHES PAR BYA'O, ,MDOR BYAS LAS, KHRO BO BYAMS PAR YANG DAG LDAN, ,ZHES 'BYUNG NGO, ,MNYAM PA NYID KYI YE SHES NI RKANG MED RKANG GNYIS LA SOGS PA'I SEMS CAN RNAMS SEMS TZAM MO ZHES RNAM PA GCIG TU RTOGS PA LA SPYOD BSDUS LAS GSUNGS SO, ,KHRO BO GNYIS NI GA-YON PA'I LAG PA DANG DPUNG BA LA BKOD PA'I KHRO BO'O, ,DE GNYIS DANG LDAN PA'I BSHAD PA NI SNGAR BZHIN THAMS CAD LA SHES PAR BYA'O, ,SO SOR RTOG PA NI CHOS RNAMS KYI CHA SHAS NI 'DI DAG GO ZHES SO SOR RTOG PA LA SPYOD BSDUS LAS GSUNGS SO, ,BYIN ZA NI ME'I MING GI RNAM GRANGS SO, ,KHRO BO GNYIS NI KHA DANG PUS MO GA-YAS LA BKOD PA GNYIS SO, ,BYA BA BSGRUB PA NI RANG GZHAN

, ,GYI SGO GSUM GYI BYA BA RDZOGS PAR SGRUB PA LA SPYOD BSDUS LAS GSUNGS SO, ,KHRO BO GNYIS NI GSANG GNAS DANG PUS MO GA-YON LA BKOD PA GNYIS SO, ,STENG 'OG GI KHRO BO NI SPYI GTZUG DANG RKANG MTHIL LA BKOD PA GNYIS TE SHIN TU DANG BCAS PA GNYIS NI SKABS GZHAN DU YANG DAG PA DANG LDAN PAR GSUNGS PA DANG DON 'DRA BA YIN GYI BCAS PA'I SGRAS REG RDO RJE MA STON PA MIN NO, ,RANG BZHIN GYI NI SNANG BA NYID CES PA NI RTOG PA RANG BZHIN BRGYAD CU DANG RTOG MED KUN TU SNANG BA GSUM MO, , RNAM SHES PHUNG POR ZHUGS PA NI RANG BZHIN SNANG BA LA THIM ZHING SNANG BA GSUM YANG RIM PA BZHIN SNGA MA PHYI MA LA THIM PA'O, ,DER MA ZAD RNAM SHES NYER THOB KYANG 'OD GSAL BAR 'JUG GO , DE'I MING GI RNAM GRANGS STON PA NI MYA NGAN LAS 'DAS PA DANG KUN TE THAMS CAD STONG PA DANG CHOS KYI SKUR YANG RGYUD LAS BSHAD PA YIN NO, ,BCAS PA'I SGRAS NI THAMS CAD STONG PA TZAM GYI SGRA 'JUG PA MA YIN PAR STON PA'O, ,'O NA RNAM SHES KYI SKABS SU SKABS GZHAN BZHIN DU PHUNG PO LA SOGS PA LNGA MI STON PA CI ZHE NA, NAM MKHA' LA GNYIS LAS BU GA NAM MKHA' NI GZUGS KYI SKYE MCHED YIN PAS LNGA TSAN DANG PO'I SKABS YIN LA 'DUS MA BYAS KYI NAM MKHA' NI THIM NAS 'GRO RGYU'I KHONGS SU MI GTOGS PAS 'DIR MA BSHAD DO, ,CHOS KYI SKYE MCHED KYI PHUNG PO BAR PA GSUM NI SKABS GONG MAR BSHAD ZIN LA NAM MKHA' LA SOGS PA'I 'DUS MA BYAS NI SNGAR BSHAD PA LTAR YIN PAS CHOS KYI KHAMS NI 'OD GSAL DU THIM PAR 'GYUR BA'I KHONGS SU MA BGRANGS SO, ,CHOS KYI DBYINGS KYI YE SHES NI SGO GSUM GYI SGRIB

PA DAG CING LAS NYON LAS GROL TE DGE MI DGE'I RNAM RTOG GI BAG CHAGS SBYANGS PA LA SPYOD BSDUS SU GSUNGS PA TSANG BA SKABS 'DIR MED KYANG LAS DANG NYON MONGS YONGS SU SBYONG BA'I RNAM SHES YOD PAS TSANG LA YID KYI DBANG PO NI SNANG BA GSUM PO YIN TE SPYOD BSDUS LAS, 'JAM DPAL GYI TING NGE 'DZIN GYI DBANG DU BYAS TE BSHAD PA LUS KYI NANG NA SNANG BA'I RNAM PAR SHES PA GSUM PO DE NI YID KYI DBANG PO STE, ZHES GSUNGS PAS SO, ,DE LTAR NA STENG 'OG GI KHRO BO GNYIS DANG 'JAM DPAL DANG MI BSKYOD PA RNAMS NI RNAM SHES KYI PHUNG PO'I SKABS KYI 'OD GSAL DU 'JUG RGYU'O, ,'O NA 'DIR MIG LA SOGS PA'I SBYANG GZHI NYID 'OD GSAL DU 'JUG RGYUR BSHAD PA DANG KHRO BO RNAMS BSHAD PA LTAR LHA 'OD GSAL DU 'JUG RGYUR BSHAD PA GNYIS KA SNANG NA DE DAG JI LTAR YIN SNYAM NA, DE LA THA MAL PA'I PHUNG SOGS 'CHI BA'I 'OD GSAL DU 'JUG PA NI THABS LA MKHAS PA DANG BRAL BA'I 'JUG TSUL YIN PAS RNAM SNANG LA SOGS PA'I LHA 'OD GSAL DU 'JUG RGYU MED DO, ,DE'I PHYIR 'KHOR BA PA RANG DGA' BA'I SKYE 'CHI BRGYUD MA'O, ,'DIR NI GTZO BOR RNAL 'BYOR PA'I PHUNG SOGS 'OD GSAL DU 'JUG TSUL STON LA DE YANG SBYANG GZHI SO GNYIS KYI RANG BZHIN LHA SO GNYIS SU BSGOMS PA'I MTHUS 'OD GSAL DU 'JUG PAS NA PHUNG SOGS DANG LHA GNYIS KA 'OD GSAL DU 'JUG RGYUR GZUNG NGO, ,RGYAS PAR PHYE NA DE LTAR YIN YANG BSDU NA SPYOD BSDUS LAS RNAM SNANG DANG RIN 'BYUNG DANG 'OD DPAG MED DANG DON YOD GRUB PA DANG MI BSKYOD PA'I RIGS SU GTOGS PA'I BSGOM RGYU RNAMS RIM PA BZHIN DU SA DANG CHU DANG ME DANG RLUNG DANG RNAM SHES KYI KHAMS LNGAR 'DUS PAR GSUNGS PAS PHUNG SOGS LHA

, ,SO GNYIS SU BSGOMS PAS NI KHAMS LNGA SBYANGS NAS DE DAG 'OD GSAL DU RIM GYIS 'JUG PAR BYED PA YIN PAR SHES PAR GYIS SHIG ,DE LTAR 'OD GSAL DU 'JUG PA DE BRTEN PAR BYA BA'I DON DU GSANG SNGAGS 'DI NI BRJOD PAR BYA'O, ,SNGAGS NI AOm ZHES SOGS SO, ,'DI RIM PA DANG PO'I SKABS SU DAG TU BRJOD NAS DE'I DON LA MOS PA TZAM BYA DGOS LA RIM PA GNYIS PA'I SKABS SU NI MNGON SUM DU 'GYUR RO, ,GNYIS PA NI, NYE BAR BSHAD PAR BYA STE ZHES MTSAMS SBYOR RO, ,GANG NA RDZOGS PA LA GNAS PA NI RDZOGS PA'I RIM PA STE DE'O, ,DE NI RNAM GZHAG BZHI PA 'DI LA BSKYED RDZOGS GNYIS KA'I CHA YOD PA'I NANG NAS 'DI NYID KYI RDZOGS RIM GYI CHA'O, ,DE LA SPYIR 'KHOR BA THOG MA MED PA NAS ZHES GSUNGS PA LTAR THIM PA'I RIM PA 'DI SEMS CAN THA MAL PA 'CHI BA LA YANG YOD MOD KYANG RNAL 'BYOR PA LA RNAL 'BYOR GYI STOBS KYIS DE LTA BU'I THIM RIM 'BYUNG BA NI RDZOGS RIM PA MIN PA LA MED DO, ,DE LA NAS SHES PAR BYA STE ZHES PA'I BAR NI MTSAMS SBYOR BA STE GZUGS KYI PHUNG PO ZHES 'BYUNG YANG RNAM SNANG GI RIGS RNAMS 'OD GSAL DU ZHUGS PA'I MTSAN MA LA BYA DGOS TE 'OG MA GSUM GYI 'GROS KYIS SHES SO, ,GZUGS PHUNG THIM PA'I MTSAN MA NI, YAN LAG THAMS CAD SNGAR LAS PHRA RU SONG BA DANG LUS NYAMS CHUNG BA DANG NUS PA MED PAR 'GYUR RO, ,MTSAN MA NI ZHES KUN LA SBYAR RO, ,ME LONG LTA BU'I YE SHES THIM PA NA MI GSAL BAR RAB RIB TU 'GYUR RO, ,SA KHAMS 'GAGS PA NA LUS THAMS CAD BSKAMS PAR 'GYUR RO, ,SA CHU LA THIM PA NA SMIG RGYU LTA BU 'BYUNG BAR GSUNGS PA SOGS NI YID NGO'I NYAMS 'CHAR TSUL YIN LA

'DIR NI 'BYUNG BA BZHI THIM PA NA LUS LA JI LTAR 'GYUR BA SOGS STON PAS MI 'DRA'O, ,MIG MI 'GYUR BA NI 'BYED 'DZUMS MI SHES PA'O, ,YUL GZUGS NI RGYUD KYIS MA ZIN PA'I PHYI ROL GYI GZUGS MIN GYI RANG GI LUS KYI GZUGS YIN PAS DE THIM PA NA LUS KYI MDANGS YAL BA DANG NYAMS STOBS ZAD PAR 'GYUR RO DE LTAR ZHES SOGS NI DON SDUD PA STE 'JUG GO ZHES DRANG NGO, ,GANG NA 'KHOR BA NAS SEMS CAN RNAMS ZHES PA'I BAR TE MTSAN MA STON PA'I GZHUNG 'DI DAG GIS SEMS CAN RANG DGA' BA DANG RNAL 'BYOR PA LA 'BYUNG TSUL THUN MONG DU STON NO, ,GANG DU NA DON DAM PA'I DKYIL 'KHOR DU'O, ,SEMS CAN DE'I CHOS GANG DER 'JUG NA, RNAM SNANG GI RIGS CAN TE DE'I RIGS SU BSGOM RGYU'I SKU'I DKYIL 'KHOR LA GNAS PA RNAMS SO, ,RIM PA NI SKAD CIG PA STE MYUR BA'I RIM GYIS SO, ,DE DAG GI MTSAN MA NI SNGAR BSHAD PA DA LTAR RO, ,'O NA RDOR PHRENG DU RNAM SNANG LA SOGS PA'I RIGS CAN 'GA' ZHIG GI SKABS SU DE'I RIGS RNAMS TSANG BAR MA BSTAN PA DE DAG DON DAM DU MI 'JUG GAM SNYAM NA, BYAMS PA LA SOGS PA GANG DAG RNAM SNANG LA SOGS PA'I RIGS KYI CHA SHAS LA GNAS PA DE DAG GI 'OD GSAL DU 'JUG PA NI RDO RJE PHRENG BA 'DIR RNAM PAR BZHAG PA MED MOD KYI STE MED NA'ANG 'ON KYANG RNAM SNANG LA SOGS PA'I RIGS RNAMS BSTAN PA'I ZLA STOBS KYIS DE DAG KYANG DON DAM BDEN PAR RAB TU 'JUG PAR SHES PAR BYA'O, ,YANG NA RNAM GZHAG TU LNGA TSAN DE LAS MA GTOGS PA GZHAN 'OD GSAL DU 'JUG PAR MA BSHAD PA'I DOGS GCOD DU SBYAR TE DE LTA NA YANG LHAG MA MA BSTAN PA RNAMS GO DGOS PA LA 'DRA BA YIN NO, ,MDOR BYAS KYI 'GYUR LTAR YIN NA NI BYAMS PA SGRAS ZIN PAS RNAM SNANG GI RIGS RNAMS TSANG BAR SNANG NGO, ,GNYIS PA NAS

, ,SHES PAR BYA STE ZHES PA NI MTSAMS SBYOR BA'O, ,LHA RNAMS ZHES PA NI LHA DANG DER SGOM RGYU GNYIS CHAR LA BYA STE GZHAN DU YANG SHES PAR BYA'O, ,DE BZHIN DU ZHES PA NI DNGOS SU MA BSHAD PA RNAMS BSHAD PA'I ZLA STOBS KYIS GO BAR BYA DGOS PA GZHAN LA YANG 'DRA BAR STON PA'O, ,LUS CAN RNAMS KYI TSOR BA NI DBANG SHES KYI TSOR BA'O, ,YID CAN GYI TSOR BA NI YID SHES KYI TSOR BA'O, ,RANG GI LUS KYI SGRA NI RNA BA'I NANG GI 'UR SGRA YIN NAM BRTAG GO ,GSUM PA NAS SHES PAR BYA STE ZHES PA'I BAR NI MTSAMS SBYOR RO, ,RKANG GNYIS LA SOGS PA'I SEMS CAN GYI DON RNAMS SO SOR GCOD PA LA SPYOD BSDUS LAS 'DU SHES SU GSUNGS PAS DE THIM PA NA SEMS CAN DE RNAMS DRAN PAR MI 'GYUR RO, ,SOR RTOG KYANG MING LA SO SOR RTOG PA SOGS LA BYED PAS DE THIM PA NA MING MI DRAN NO, ,LUS KYI ME THIM PA NA BZA' BTUNG 'JU BA'I NUS PA NYAMS SO, ,STENG GI RLUNG NI SNA SGO'I YIN LA RTZEG CING RTZEG CING 'GRO BA NI NANG DU SDUD PA ZHAN CING PHYIR DRAG LA RING BAR 'GRO BA'O, ,DRI THIM PA NA RANG GI LUS LA DRI MI BRO BA NI MI TSOR BA'O, ,'DIR 'OD DPAG MED KYI RIGS KYI SPYAN RAS GZIGS DANG 'JAM DBYANGS GNYIS CHAD LA SNA NAM SNYING RIN 'BYUNG GI RIGS LHAG GO SNYAM NA, GZUGS NAS RNAM SHES KYI PHUNG PO'I BAR NI GTZO BO YIN LA DE DAG KYANG SNGA MA SNGA MA RAGS SHING PHYI MA PHYI MA PHRA BAS RAGS RIM NAS 'GAG GO ,DES NA PHUNG PO RE RE THIM PA NA KHAMS DANG DBANG PO DANG YUL GANG THIM PAR 'GYUR BA RNAMS PHYOGS GCIG TU MDZAD PAS NA TSER BA THIM PA NA SNA DBANG MI THIM ZHING 'DU SHES THIM PA NA DE THIM PAR 'GYUR BAS NAM SNYING RIN 'BYUNG GI RIGS YIN

YANG THIM RIM GYI DBANG DU MDZAD NAS PADMA'I RIGS SU GSUNGS TE GZHAN RNAMS LA YANG DE LTAR RO, ,BZHI PA NAS SHES PAR BYA STE ZHES MTSAMS SBYAR NAS LUS KYI BYA BA NI BSGUL BSKYOD DO, ,RLUNG BCU NI SROG 'DZIN DANG THUR SEL DANG ME MNYAM DANG GYEN RGYU DANG KHYAB BYED NI RTZA BA'I RLUNG LNGA STE SNYING GA GSANG GNAS LTE BA MGRIN PA TSIGS RNAMS LA GNAS SO, ,RGYU BA DANG RNAM PAR RGYU BA DANG YANG DAG PAR RGYU BA DANG RAB TU RGYU BA DANG NGES PAR RGYU BA NI YAN LAG GI RLUNG LNGA STE MIG LA SOGS PA'I DBANG PO LA GNAS SO, ,'DIR LUS DBANG THIM DGOS SHING REG BYA'I BYA BA BYED PA'I NGES PAR RGYU BA'I RLUNG THIM PAR GSUNGS PAS MIG LA SOGS PA BZHI THIM PA'I DUS DER YUL BZHI THIM PAR GSUNGS PA LTAR REG BYA YANG THIM DGOS SO, ,DE YAN CHAD KYIS NI PHUNG PO BZHI DANG KHAMS BZHI THIM PA BSTAN LA RNAM SHES THIM PA NI 'DI MAN CHAD KYIS STON TE DE LA RTAGS DNGOS SU MA GSUNGS SO, ,SPYOD BSDUS LAS KYANG RIM PA 'DIS DON DAM PA'I BDEN PA LA DMIGS PAR BYA'O, ,DE'I RIM PA NI 'DI YIN TE PHUNG PO LA SOGS PA NI KHAMS PHRA BA LA GZHUG GO ,KHAMS PHRA BA NI SEMS LA GZHUG GO ,SEMS NI YANG SEMS PA LA GZHUG GO ,SEMS PA NI YANG MA RIG PA LA GZHUG STE DE LTAR SBYAR NAS GNYID LOG PAR BYED DO, ,ZHES GSUNGS PA'I MTHAR RIM PA 'DIS LUS KYI DKYIL 'KHOR LA GNAS PA'I DE BZHIN GSHEGS PA'I TSOGS BSAD NA DNGOS GRUB THOB PA'I SHES BYED DU SNGAR GYI DGONGS PA LUNG STON GYI LUNG DRANGS NAS 'OD GSAL MNGON SUM DU BYED TSUL PHUNG SOGS THIM PA'I RIM PA CAN GYI SGO NAS GSUNGS SO, ,RGYUD PHYI MAR RANG DBANG RIN CHEN DGAG PA YI, ,GZUNG BA 'DZIN PA YIN PAR BSHAD, ,

, ,CES 'DZIN PA'I YAN LAG 'OD GSAL LA BSHAD PA'I DON LA RANG NI GZUGS LA SOGS PA DANG DBANG PO NI MIG SOGS DANG RIN CHEN NI SEMS DANG RLUNG STE DE DAG THIM NAS 'OD GSAL DU 'JUG PA DANG SMIG RGYU LA SOGS PA'I MTSAN MA LNGA YANG SA CHU LA THIM PA SOGS KYI TSE 'BYUNG BAR SGRON GSAL LAS GSUNGS SO, ,DES NA RDZOGS RIM GYI SKABS SU 'OD GSAL MNGON DU BYED TSUL NI GZHUNG GZHAN NAS BSHAD PA DANG MI 'DRA YI SEMS CAN THA MAL PAS 'CHI BA'I 'OD GSAL MNGON DU BYED PA'I SKABS KYI 'CHI RIM JI 'DRA DE 'DRA BA GCIG RNAL 'BYOR GYI STOBS KYIS MNGON DU BYAS PA'I SKABS SU 'OD GSAL MNGON DU BYED PA 'DI 'PHAGS PA YAB SRAS KYI CHOS SKAD THUN MONG MA YIN PAR SNANG NGO, ,DE'I GNAD KYIS ZUNG 'JUG GI GO 'PHANG YANG SGRUB TSUL THUN MONG MA YIN PA GCIG SNANG STE RDZOGS RIM GYI SKABS SU BSHAD PAR BYA'O, ,'DI'I GNAD MA ZIN PA'I RGYU MTSAN GYIS KHA CIG GIS 'DIR BSHAD PA'I 'OD GSAL DU 'JUG PA'I RTAGS RNAMS GZHI'I SKABS KHO NA LA SBYOR BA DANG, GZHAN DAG GIS 'DI DANG SGRON GSAL LAS GSUNGS PA'I 'OD GSAL MNGON DU BYED PAR 'GYUR BA'I MTSAN MA RNAMS LE LO CAN 'TSANG RGYA BA'I 'OD GSAL MNGON DU BYED TSUL KHO NA LA SBYOR BA SNANG STE DE LTAR BYAS NA 'PHAGS PA YAB SRAS KYI CHOS SKAD KYI RKANG STOR NAS 'GRO BAR SEMS SO, ,SNGAR BSHAD PA'I BSKAL PA DANG PO'I MI SHI BA NI RDZUS SKYES DBANG SOGS CIG CAR DU 'GAGS NAS 'CHI BA YIN PAS 'DIR BSHAD PA LTAR DBANG SOGS RIM GYIS THIM PA MED KYANG SHI BA'I 'OD GSAL NYAMS SU MYONG BA TZAM YOD PAS DE CHOS MTHUN GYI YUL YIN NO, ,GSUM PA LA GNYIS,

RANG BZHIN SNANG BA LA THIM PA RGYU DANG BCAS PA DANG, BSAM GTAN GNYIS KYIS SNGAGS DON MNGON DU BYED TSUL LO, ,DANG PO NI, SHES PAR BYA STE ZHES DRANG NGO, ,GANG NA LHAG MA NI PHUNG PO BZHI'I LHAG MA YIN LA DES NA RIGS BZHI'I LHAG MA RDO RJE'I RIGS SU DON GYI GO'O, ,DE NI RANG BZHIN GYI RTOG PA BRGYAD CU SNANG BA GSUM DU THIM PA'I 'JAM DPAL GYI YE SHES SO, ,'JAM DPAL NI YID SBYONG BA YIN PAS MI BSKYOD PA DANG SBYANG GZHI GCIG GO, MDOR BYAS NAS GSUNGS PA LTAR RDO RJE PHRENG BA'I LUNG 'DI RNAMS LHAG MOS 'OD GSAL DU SDUD PA'I SKABS SU YANG BSHAD DGOS NA LHAG MOS KYI SKABS SU NI MI BSKYOD PA GTZO 'KHOR GANG DU YANG MED PAS RDO RJE'I RIGS JI LTAR BYA SNYAM NA, LHA DE MED KYANG DE'I SBYANG GZHI YOD PAS MI 'GAL TE DPER NA 'KHOR BA THOG MA MED PA NAS SEMS CAN GYI GZUGS PHUNG GI SKOR 'OD GSAL DU 'JUG PA LA RNAM SNANG GI RIGS KYI LHA RNAMS MED KYANG DE'I RIGS CAN DU SNGAR GSUNGS PA BZHIN NO, ,YE SHES DE NI RDOR BZLAS LA RIM PA DANG POR BYAS PA'I RIM PA GNYIS PA SEMS DBEN TE DE YANG BSAM GTAN GNYIS KYIS RNAM SHES 'OD GSAL DU 'JUG PA'I SNGA ROL DU RANG BZHIN SO GSUM DANG BZHI BCU DANG BDUN 'GAGS PA'I YE SHES SO, ,'O NA RANG BZHIN THIM PA'I SEMS DMIGS KYI RIM PA SHES PAR BYED PA DE GANG LA BRTAN NAS YIN SNYAM NA, SEMS DMIGS KYI RIM PA DE YANG RDO RJE BZLAS PA'I RIM PAS SAM RIM PA LA GNAS TE BSGRUB DGOS TE RIM LNGA LAS, RDO RJE BZLAS GNAS RNAL 'BYOR PAS, ,SEMS LA DMIGS PA THOB PAR 'GYUR, ,ZHES GSUNGS PAS SO, ,YI GE GSUM TZAM ZLOS PA'I RDOR BZLAS YIN NAM SNYAM NA, SROG NI 'TSO BA'O, ,RTZOL BA NI RING DU SPRO BA'O, ,DE DANG BCAS PAR TE

, ,RLUNG SNGAGS GNYIS SBYAR NAS ZLOS PA'O, ,'DI SKABS 'DIR BSHAD PA'I RGYU MTSAN NI STON PAR 'GYUR RO, ,GNYIS PA LA GNYIS, DNGOS KYI DON DANG, SNGAGS DON LUNG GIS BSHAD PA'O, ,DANG PO NI MNGON SUM DU BYAS ZHES DRANG NGO, ,GANG NA SNYING GI DBUS NA MI SHIGS PA, ,GSAL ZHING MAR ME DAG DANG MTSUNGS, ,MI 'GYUR MCHOG TU PHRA BA STE, ,AA NI GTZO BO DAM PA'O, ,ZHES RDO RJE DKYIL 'KHOR RGYAN GYI RGYUD SPYOD BSDUS SU DRANGS NAS BSHAD PA MDZAD PA LA RANG BZHIN GYIS GRUB PA'I AA THUNG DANG DES MTSON PA'I SKYE MED KYI DON GNYIS YOD PA'I PHYI MA NI 'DIR MI SHIGS PA STE 'OD GSAL LO, ,THABS GANG GIS NA CIG CAR DU 'OD GSAL DU SDUD PA'I RIL POR 'DZIN PA DANG RIM GYIS SDUD PA'I RJES SU GZHIG PA'I RIM PA STE BSAM GTAN GNYIS KYIS TE, RIM LNGA LAS, MGO BO NAS NI RKANG PA'I BAR, ,JI SRID SNYING GAR PHYIN GYI BAR, ,RNAL 'BYOR YANG DAG MTHA' LA 'JUG ,RIL POR 'DZIN PA ZHES BSHAD DO, ,RGYU BA DANG NI MI RGYU NYID, ,DANG PO 'OD GSAL BAR BYAS TE, ,PHYI NAS DE BZHIN BDAG NYID BYED, ,RJES SU GZHIG PA'I RIM PA YIN, ,ZHES SO, ,DE LTAR BYAS TE SNGAGS KYI DON MNGON SUM DU BYED PAR 'GYUR RO, ,GANG GI TSE SNYAM NA MI SHIGS PA MNGON SUM DU BYAS PA DE'I TSE STE DUS DER RO, ,DES NA RLUNG THIM PA'I TSE MI SHIGS PA MNGON DU BYAS LA NYER THOB THIM PA'I DUS SU 'OD GSAL MNGON DU BYAS PAR 'CHAD PA DON MIN NO, ,SNGAGS NI AOm NAS AA HAm ZHES BYA BA'I BAR RO, ,'OD GSAL MNGON DU BYAS TSUL NI 'DZIN PA STE RNAM SHES NYE BAR BSDUS NAS BYED DE YUL DON DAM DANG YUL CAN RIG PA GNYIS KYI GNYIS SNANG PHRA MO YANG DAG NAS CHU LA CHU BZHAG PA

LTAR DBYER MI PHYED PAR ZHUGS PA'O, ,SNGAGS DON YANG DE YIN TE SH'U NYA T'A NI STONG NYID DANG DZNY'A NA NI YE SHES DANG BADZRA NI RDO RJE DANG SVA BH'A BA NI RANG BZHIN DANG, A'ATA MA KO NI BDAG NYID DANG AA HAm NI NGA'O ZHES PA'I DON YIN PAS STONG PA NYID KYI YE SHES KYI RDO RJE'I RANG BZHIN GYI BDAG NYID NI DA'O ZHES PA STE RNAL 'BYOR PA DE'I BDAG TU THA SNYAD GDAGS PA'I GZHI'I GTZO BO SEMS DE BZHIN NYID DANG DBYER MED PAR SONG BA'I PHYIR RO, ,'DI NI DBU MA'I GZHUNG NAS BSHAD PA LTAR GYI RANG BZHIN MED PA'I DON LA PHU THAG CHOD PA'I GO BA RNYED NAS DE NAS RIM PA DANG PO NAS BSGOMS PA'I MTHAR RDZOGS RIM GYI SKABS SU DE LTAR BYUNG BA YIN GYI, NGES DON GYI LTA BA THOS BSAM GYIS GTAN LA PHAB NAS LEGS PAR MA RNYED PA'AM RNYED KYANG SNGAGS KYI LAM GYI SKABS SU DE LA DMIGS NAS MA BSGOMS PAR LHA SKU DANG RLUNG NGAM ? THIG LE SOGS KYI LAM BSGOMS PAS GNYIS SNANG RAGS PA LOG PA'I TING NGE 'DZIN SKYES PA DANG MI GCIG GO, DBU MA NAS BSHAD PA'I STONG NYID SGOM PAR 'DRA YANG SA LA SOGS PA THIM PA'I RIM PA CAN GYI RTOGS PA BSKYED NAS 'OD GSAL MNGON DU BYED PA NI 'DI DAG GI KHYAD CHOS SO, ,RIM PA DANG PO'I DE BZHIN NYID LAS BYANG CHUB PA'I SKABS SU MOS PA TZAM GYIS SGOM PA'I SNGAGS DE'I DON RDZOGS RIM GYI SKABS SU 'CHI BA'I RIM PA BZHIN DU PHUNG SOGS THIM PA'I MTHAR, CHOS KYI SKUR YANG BSHAD PA YIN, ZHES GSUNGS PA LTAR CHOS SKU 'OD GSAL MNGON DU BYED PAR GSUNGS PA 'DIS RIM PA DANG POR DANG PO'I MGON PO BSKYED PA DANG DE SPRUL SKUR BSGYUR BA SOGS GSUNGS PA YANG RDZOGS RIM GYI SKABS SU JI LTAR 'GYUR BA SHES PAR BYA DGOS SO, ,DE LTAR 'OD GSAL

, ,DU 'JUG RGYU TSAN PA LNGAR BCAD NAS DANG PO BZHI ZHUGS PA'I RTAGS DANG THA MA ZHUGS PA'I TSE SH'U NYA T'I SNGAGS DON MNGON DU BYAS PAR BSHAD PA 'DIS NI RDOR PHRENG GI DGONGS PA LEGS PAR BSHAD DO, ,GNYIS PA LA GNYIS, DRI BA DANG, LAN NO, ,DANG PO NI, SLOB MAS GSOL PA, AOm SH'U NYA T'A LA SOGS PA'I SNGAGS 'DI'I DON BCOM LDAN 'DAS RDO RJE SLOB DPON STON PAS BSHAD DU GSOL ZHES 'DRI BA STE BSHAD ZIN PA DE NYID LUNG GZHAN GYIS KYANG BSHAD PA DANG SNGAGS DON GZHAN YANG BSTAN PAR BZHED PA'O, ,GNYIS PA NI, SLOB DPON GYIS LAN GSUNGS PA, SNGAGS KYI DON NI BCOM LDAN 'DAS KYIS BSHAD PA'I RGYUD DGONGS PA LUNG STON LAS GSUNGS TE DE 'DIR DRANGS TE BSHAD PAR BYA'O, ,PHYAG RDOR LA LE'U GSUM PA NYAN PAR BSKUL BA'I RJES DE NAS DE BZHIN GSHEGS PA KUN PHRA MO'I SBYOR BA STE RNAL 'BYOR LA RNAM PAR BZHUGS SO, ,PHRA MO NI 'DIR RLUNG DANG 'OD GSAL BA GNYIS CHAR LA BYA'O, ,AOm ZHES PA NI GCIG DANG LDAN, ,ZHES PA NAS DRUG PA AA HAm ZHES SU BRJOD, CES PA'I BAR RKANG PA DRUG GIS NI SNGAGS DE TSAN PA DRUG TU BCAD LA DE LTAR DE BZHIN GSHEGS PA DRUG, SKYE BO MCHOG LA BSTAN PA YIN, ,ZHES PAS NI DRUG PO DE RIGS DRUG YIN PAR BSTAN ZHING DE YANG GDUL BYA MCHOG TU GYUR PA RIN PO CHE LTA BU LA BSTAN PAR GSUNGS SO, ,DE LA DE BZHIN GSHEGS PA DRUG LA SBYOR LUGS DU MA ZHIG YOD KYANG THOG MAR SNGAR BSHAD PA'I SNGAGS DON MNGON SUM DU BYAS PA DE'I DON BSTAN DGOS PAS SNGAGS DON DE NI RNAM SNANG DANG RIN 'BYUNG DANG 'OD DPAG MED DANG DON GRUB DANG MI BSKYOD PA'I RIGS LNGA 'OD GSAL DU ZHUGS PA YIN LA, DE LNGA 'OD

GSAL DU ZHUGS PA'I DBYER MI PHYED PA NI SNGAR BSHAD PA LTAR NGA'O ZHES PA'I DON YIN PAS RDO RJE 'CHANG NGO, ,DE LTAR NA RNAM SNANG GI RIGS 'OD GSAL DU ZHUGS PA NI, AOm GYI DON YIN TE GZHAN BZHI LA YANG DE LTAR SBYAR RO, ,SNGAGS DON GYI DE BZHIN GSHEGS PA DRUG NI NGES DON GYI RIGS DRUG STE NGO BO GCIG LA LDOG PAS PHYE BA'O, ,AOm SH'U NYA T'A ZUNG DANG PO, ZHES PA NAS SVA BH'A BA A'ATA MA KO ? HAm GSUM PA YIN, ZHES PA'I BAR GYIS SNGAGS DE TSAN PA GSUM DU BCAD LA DE NYID GSUM DU 'DI RU BSTAN, DE NYID GSUM NI GCIG TU 'GYUR,, GSAL DANG MI GSAL MING CAN TE, ,ZHES PAS TSAN PA GSUM DU BYAS PA'I SNGAGS DON NI DE NYID GSUM YIN PAR BSTAN ZHING DE YANG DE NYID GCIG TU GYUR PA NI GSAL DANG MI GSAL GYI MING GIS BSTAN PA'I MING CAN GYI DON DU GSUNGS SO, ,'DI RTZA RGYUD KYI LE'U GSUM PA'I SNGAGS DON BSHAD RGYUD KYI'ANG LE'U GSUM PAR GSUNGS PA YIN LA 'OG MA RNAMS LE'U BCU GCIG PA NAS GSUNGS PA 'DIR SBYAR BA'O, 'DI LA KHA CIG SNGAR BSHAD PA'I SNGAGS DON DANG PO GNYIS SBYAR BA NI SKU RDO RJE BAR PA GNYIS SBYAR BA GSUNG RDO RJE THA MA GNYIS SBYAR BA THUGS RDO RJER BYAS NAS DE NYID GSUM DU 'CHAD MOD KYANG 'THAD PAR MA MTHONG STE, DE LTAR NA DE NYID GSUM NI 'OD GSAL DU ZHUGS PA'I DON TZAM DU 'GYUR BAS 'OG NAS 'CHAD PA'I RLUNG LDANG 'JUG GNAS GSUM LA BSHAD DU MI RUNG BAR 'GYUR RO, ,DE 'DOD NA LUNG 'OG MAS SH'U NYA T'A'I SNGAGS DON MA BSHAD PAR 'GYUR BAS DE 'DIR DRANGS PA MA 'BREL BAR 'GYUR RO, ,DES NA DUM BU GSUM DU BCAD PA NI SH'U NYA T'I SNGAGS DON YIN MOD KYANG SNGAR 'OD GSAL DU ZHUGS PA LA BSHAD PA'I SNGAGS DON DANG MI GCIG GO, PHYAG NA RDO RJES

, ,SNGAGS DANG PHYAG RGYA SBAR BA GCIG PUS MI 'GYUR CES KHYED KYIS BSTAN PA LA 'DUS PA 'DIS SNGAGS KYI SBYOR BA MA GTOGS PA PHYAG RGYA MA BSTAN NA DE GCIG PUS JI LTAR 'GRUB CES PA DANG SPYAN DRANGS PA DANG GSHEGS SU GSOL, 'DIR NI LEGS PAR JI LTAR BRJOD, ,CES ZHUS PA'I LAN DU 'OG MA 'DI RNAMS GSUNGS SO, ,GZHAN YANG ZHES PA NI SNGAR DRUG TU BSHAD PA LAS GZHAN GSUM DU BSTAN PA 'CHAD PA LA BYA'O, ,DE LTAR 'GYUR BA'I RGYUD LA 'ON TE RDO RJE 'DZIN GANG ZHIG, CES 'BYUNG LA DE'I RJES SU 'BYUNG BA'I LUNG RNAMS RDZOGS PA'I 'OG TU TSIGS BCAD 'DI 'BYUNG NGO, ,RDO RJE 'DZIN PA STE SNGAGS KYI SGRUB PA PO GANG ZHIG SPYAN DRANGS PA SOGS GSUM GYI BRDA DANG LDAN PA STE DE GSUM GYI DON SHES PAS SPYAN DRANGS PA SOGS BYA'O, ,DE LTA 'GYUR BA'I RGYUD DANG RIM LNGAR SBYOR BA GSUM DANG LDAN PA'I MI, ZHES YOD LA DE'I DON RIM LNGA'I 'GREL PA KHA CIG LAS 'JUG LDANG SOGS LA BSHAD DO, ,JI LTAR BYED NA, RLUNG NANG DU 'JUG PA YIS NI SPYAN DRANGS TE MYUR BA PHYIR RGYU BA YIS NI GSHEGS SU GSOL BA DANG DAL BA STE RLUNG NANG DU GNAS PA YIS NI SANGS RGYAS SPYAN DRANGS PA DE BZHUGS PAR 'GYUR RO, ,DE LTAR GSUM PO DE DAG PA STE SBYANGS PA LAS NI DNGOS GRUB MCHOG 'GRUB BO, ,RGYUD NA YID RTON DNGOS GRUB DAM PA YIN, ,ZHES YOD DE YID DE LA LHUR LEN PA'O, ,SKYES BU ZHES PA'I RKANG PA GNYIS NI RGYUD LAS, DE NI SKYES BU'I SBYOR BA YIS, ,PHYAG RGYA CHE DANG GCIG BSGRUB LAS, ,ZHES PA'I 'GYUR BDE BAS DNGOS GRUB MCHOG DE NI LAM SGOM PA'I SKYES BU'I SBYOR BAS PHYAG RGYA DANG SNGAGS GCIG TU SBYAR BA LAS 'GYUR BO, ,PHYAG RGYA GANG YIN SNYAM NA RGYUD LAS,

MYUR BA LA SOGS GSUM LDAN PA, ,DE NI PHYAG RGYA YIN PAR BSHAD, ,CES BSGYUR BA BDE BAS RLUNG LDANG 'JUG GNAS GSUM BGRANG BA DANG LDAN PA DE NI 'DIR PHYAG RGYA'O, ,PHYAG RGYA DANG SNGAGS GNYIS GCIG TU SBYOR TSUL NI RNAM SDUD NI RLUNG NANG DU 'JUG PA STE DE GSUM SNGAGS SU STE YI GE GSUM DU DBYER MED PAR NGES PAR SBYOR BA NI SLOB DPON GYIS BRJOD CES SBYAR RE, ,GANG LA NA RNA DRUNG DU STE GSANGS NAS SLOB MA LA GO BAR BYA BA'I DON NO, ,DE YANG SLOB DPON GYIS SNOD DANG LDAN PA'I SLOB MA LA 'BAD PA YIS BYA'O, ,RIM LNGA'I 'GREL PA KHA CIG LAS SLOB MAS GSOL BA BTAB PA LA 'CHAD DO, ,SGRON GSAL DU SNGAGS TSAN DRUG DANG GSUM DU BCAD PA RNAMS RLUNG STON PA'I BSHAD PAR DRANGS MOD KYANG SNGAR BSHAD PA LTAR 'OD GSAL DU ZHUGS PA STON PA YANG MI BZHED PA MIN NO, ,DE LTAR NA DE NYID GSUM NI RLUNG LDANG 'JUG GNAS GSUM LA BYA LA DE GSUM GCIG TU GYUR PA NI SNGAGS DANG DE GSUM DBYER MED DU SBYOR BA'O, ,GSAL DANG MI GSAL NI DE DAG GI RGYU TSUL DANG NANG TSAN GYI KHYAD PAR RNAMS SHIN TU PHRA BAS RNAL 'BYOR PA LA GSAL ZHING DE LAS GZHAN PA LA MI GSAL BA LA BYA STE DGONGS PA LUNG STON GYI LE'U GNYIS PA LA, RLUNG ZHES BYA BA BYANG CHUB SEMS, ,DBANG PO KUN GYI GTZO 'DI YIN, ,'DIR LTAR MI MNGON PHRA BA LAS, ,RTAG TU GSAL BAR BRJOD PA YIN, ,ZHES SO, ,DE LTAR SH'U NYA T'I SNGAGS TSAN PA GSUM GYI DON STON PA NA RLUNG GSUM SNGAGS DANG DBYER MED PAR STON PAS RDO RJE BZLAS PA'I RIM PA SKABS 'DIR BSTAN TE SH'U NYA T'I SNGAGS DON LA 'OD GSAL DU ZHUGS PA DANG RLUNG LA BSHAD PA GNYIS YOD LA GNYIS KA SNGAGS DE'I DON 'CHAD PA'I SKABS 'DIR

, ,DRANGS PA'O, ,DES NA SKABS 'DIR RDOR BZLAS GSUNGS PA RDZOGS RIM THOB NAS SPYOD PA BYED PA MA BYUNG BAR 'CHI BA DES 'CHI BA'I DUS NA KHYAB BYED KYI RLUNG RGYU BA'I TSE RDOR BZLAS BYED PA LA SBYOR BA NI YAB SRAS KYI BZHED PAR MI SNANG NGO, ,DPAL GSANG BA 'DUS PA'I DON 'PHAGS PA YAB SRAS KYIS BKRAL BA 'DI LA RDZOGS RIM GYI GNAD RNAMS GO BA BSKYED RIM LEGS PAR GO BA LA LTOS LA, BSKYED RIM GYI DPYAD GZHI SHIN TU CHE BA'I GNAS RNAMS MDOR BYAS DANG GZHUNG GZHAN NA MI GSAL ZHING GZHUNG 'DI GSAL BAR MTHONG NAS RNAM GZHAG BZHI RGYAS PAR GTAN LA PHAB PA YIN NO, ,DES NA 'DI DANG MDOR BYAS KYI MNGON RTOGS KYI RIM PA RNAMS KYI BSKYED TSUL LEGS PAR SHES NA RIM PA DANG PO PHYIN CI MA LOG PAR SHES NAS RGYUD SMIN PAR BYED NUS PA YIN NO, , DPAL GSANG BA 'DUS PA ZHES BYA BA'I RNAL 'BYOR CHEN PO'I RGYUD KYI SGRUB THABS RNAM PAR BZHAG PA'I RIM PA LAS DON DAM PA'I DKYIL 'KHOR GYI RNAM PAR BZHAG PA'I LE'U STE RNAM GZHAG BZHI'I RNAM BSHAD DO,, GSUM PA NI, RDO RJE SLOB DPON MKHAS LA GRUB PA BRNYES PA DPAL KLU'I BYANG CHUB KYI ZHAL SNGA NAS KYIS MDZAD PA'I RNAM PAR BZHAG PA'I RIM PA RDZOGS SO ZHES BYA BA NI YANG DAG PAR GRUB PA'O, ,RGYA GAR GYI MKHAN PO DHA RMA DRA STE CHOS DPAL BZANG PO DANG, BOD KYI ZHU CHEN GYI LO TZTSA BA CHEN PO SKYES MCHOG DGE SLONG RIN CHEN BZANG POS RGYA SKAD LAS BOD SKAD DU BSGYUR CING TSIG DON LA ZHU CHEN BYAS TE 'CHAD NYAN GYIS GTAN LA PHAB PA'O, ,ZHING 'DIR LHAR BCAS 'GRO BA'I MIG GCIG PU, ,THUB DBANG CHOS KYI DBYINGS SU ZHUGS RJES

SU, ,DE YI ZAB DGONGS PA'I GSANG 'BYED PA, ,LUNG BSTAN BRNYES PA DPAL LDAN KLU SGRUB ZHABS, ,MGON DE'I THUGS LAS SKYES PA'I GRUB PA MCHOG, DA DUNG YID 'DZIN DPAL GYI RIR BZHUGS NAS, ,RDO RJE THEG PA'I DGA' STON 'GYED MDZAD PA, ,RNAL 'BYOR DBANG PHYUG KLU YI BYANG CHUB KYI, ,GZHUNG MCHOG SGRUB THABS RNAM GZHAG RIM PA'I DON, ,YONGS RDZOGS BDAG 'DRA'I BLO YI YUL MIN YANG, ,'DUS PA'I LAM BZANG 'DI LA CHER MOS PAS, ,RNAM BSHAD 'DI LA BDAG GIS 'BAD PA BYAS, ,DE NI RANG BLO GOMS PA BSKYAD PHYIR DANG, ,GSANG SNGAGS LAM GYI MTHAR THUG 'PHAGS PA'I LUGS, ,CHES CHER NYAMS PAR GYUR PA MA BZOD NAS ,BSTAN PA'I MTHAR THUG RGYAS PA'I DON DU'O, ,DENG DUS GZHUNG LUGS GDAMS PA'I MCHOG YIN PAR, ,NGES PA RNYED NAS SGRUB PA SHIN TU NYUNG, ,DES NA PHRAN TSEGS LAM GYIS MA TSIM PAR, ,'DI 'DRA'I GZHUNG LA RTON PA'ANG SKAL BZANG, ,KHYAB BDAG RDO RJE 'DZIN PAS GSUNGS PA'I RGYUD, ,LUNG BSTAN BRNYES PAS LEGS PAR BKRAL BA'I LAM, ,DRI MED RIGS PA'I LAM NAS DRANGS NAS NI, ,DBEN PAR SGRUB PA DE LA GLO BA DGA', ,RGYUD DANG BSTUN TSE DE DANG MI MTHUN ZHING, ,DPANG GYUR SKYE BOS LEGS PAR MA BKRAL DANG, ,DRI MED RIGS PA'I DPYAD LA 'DOR DGOS PA'I, ,LAM DES BLO GROS CHE NA TSIM MI 'GYUR, ,'DI NI GANG NONGS BDAG GI NYES PA STE, ,LEGS PAR GANG BSHAD RJE BTZUN BLA MA'I DRA NI, ,NONGS PA'I RTZA BA MA RIG DANG BCAS PA, ,BRTZE LDAN RNAMS KYIS MYUR DU BZLOG TU GSOL, ,BSTAN PA'I MTHAR THUG RGYAS PAS BYA SLAD DU, ,BDAG GIS 'BAD LAS BSOD NAMS GANG

, ,BSAGS PA, ,DES NA 'GRO KUN THEG PA MCHOG GI GRUS, ,RGAL DKA' 'KHOR BA'I MTSO LAS SGROL BAR SHOG, 'GRO BA'I PHAN BDE RAB 'BYAMS MA LUS PA, ,RGYAL BA'I BSTAN LAS 'BYUNG BAR YID CHES NA, ,TSE RABS KUN TU RGYAL BA'I CHOS TSUL KUN, ,'DZIN PAR BYED LAS LDOG PAR MA GYUR CIG, DE TSE DAM CHOS 'DZIN PA'I MTHUN RKYEN KUN, ,BSAMS PA TZAM GYIS BDE BLAG NYID 'GRUB CING, ,DE YI BAR CHOD 'GAL BA'I RKYEN RNAMS KYI, ,MTSAN MA TZAM YANG 'BYUNG BAR MA GYUR CIG, RNAM BSHAD 'DIS KYANG 'GRO BLO'I MUN BSAL TE, ,DPAL LDAN 'DUS PA'I GNAD DON GSAL BYAS NAS, ,THEG MCHOG LAM GYIS 'GRO BA RNAMS NI, ,DNGOS GRUB GNYIS KYI DGA' STON RGYAS BYED SHOG, CES RNAM GZHAG RIM PA'I RNAM BSHAD DPAL GSANG BA 'DUS PA'I GNAD YI DON GSAL BA ZHES BYA BA 'DI NI, DPAL GSANG BA 'DUS PA'I RNAL 'BYOR PA SH'KYA'I DGE SLONG SHAR TZONG KHA PA BLO BZANG GRAGS PA'I DPAL GYIS GANGS RI'I DBANG PO 'O DE GUNG RGYAL GYI LHA ZHOL BYAMS PA GLING MING GZHAN GSANGS SNGAGS NANG ZHES BYA BA'I RI KHROD DU SBYAR BA'I YI GE PA NI DKA' BZHI 'DZIN PA GA-YAG SDE PA BSOD NAMS DPAL BZANG NGO, ,'DI LA BRTEN NAS KYANG BSTAN PA PRIN PO CHE PHYOGS KUN TU RGYAR PAR GYUR CIG, MANGGA LAm, ,