Notes on Difficult Points in the Teaching of the Secret Collection (Guhyasamaja)

\\RGYA\\ *, ,GSANG 'DUS DKA' GNAD ZIN BRIS BZHUGS SO, ,

, ,BLA MA RJE BTZUN RNAMS LA PHYAG 'TSAL LO, ,DE LA GSANG SNGAGS BLA NA MED PA'I LAM GYI MYUR KHYAD NI, BSKYED RIM LA'ANG RGYUD SDE 'OG MA RNAMS LAS CHOS PHUL DU BYUNG BA'I KHYAD PAR MTHA' YAS PA YOD MOD KYANG, THUN MONG MA YIN PA'I GTZO BO NI, RDZOGS RIM GYI SKABS LAS SHES DGOS PAS, DE LA LAM GYI GTZO BO NGOS BZUNG BA DANG, DE JI LTAR BSKYED PA'I TSUL DANG, SBYOR BA YAN LAG DRUG TU BSDUS NAS NYAMS SU LEN PA'I TSUL LO, ,DANG PO NI, RGYUD SDE RNAMS LAS 'BYUNG BA'I STONG PA DANG SNYING RJE DBYER MED PA ZHES SAM BDE STONG DBYER MED PA ZHES PA'I LHAN CIG SKYES PA'I BDE BA GANG YIN PA'O, ,DE LA BDE BA DANG STONG PA NGOS BZUNG BA DANG, DE GNYIS DBYER MED PA'I TSUL LO, ,DANG PO NI, BSAM GTAN GYI NYER SDOGS KYIS BSDUS PA'I LUS SEMS SHIN TU SBYANGS PA'I BDE BA TZAM YANG MA YIN TE, DE NI PHYI ROL

, ,PA RNAMS LA'ANG YOD PA'I PHYIR DANG, PHAR PHYIN THEG PA BA RNAMS DANG YANG THUN MONG BA YIN PA'I PHYIR RO, ,DE BSAM GTAN GYI SA'I DNGOS GZHIS BSDUS PA RNAMS KYANG MA YIN NO, ,BYA SPYOD KYI LAM BSGOM PA'I SKABS SU SROG RTZOL BSDAMS PA LAS SKYES PA'I BDE BA DANG, RNAL 'BYOR RGYUD KYI DON PHRA MO BSGOMS PA SOGS LAS SKYES PA'I BDE BA'ANG MA YIN TE, 'DI NI BLA MED KYI THUN MONG MA YIN PA'I LAM GYIS BSDUS PA'I BDE BA YIN PA'O, ,STONG PA'ANG YUL GYI SNANG BA BSDUS PA TZAM GYIS MI CHOG GI BDEN PA'I SPROS PAS DBEN PA'I RANG BZHIN MED PA'I CHOS NYID DO, ,GNYIS PA NI, BDE BA DANG POR BSKYED NAS DE LAS STONG NYID RTOGS PA'I SHES RAB KYIS RGYAS 'DEBS PA DANG, YANG SHES RAB DE NYID LA BDE BAS RGYAS 'DEBS PA DANG, DE GNYIS KA GTZO BO YID KYI SHES PA GCIG GI 'KHOR DU MTSUNGS LDAN DU SKYED PA LTA BU

MA YIN GYI, LTE BA'I AA THUNG 'BAR NAS SPYI BO'I HAm YIG ZHU BA'I 'DU 'PHROD LA BRTEN NAS BYUNG BA'I BDE BAS STONG PA YUL DU BYAS NAS 'DZIN PA NI BDE STONG DBYER MED PA'I DON NO, ,DE NAS PHAR PHYIN THEG PA LA STONG NYID GTAN LA PHEBS NAS DE RTOGS KYI BLO ZUR DU BSKYED MI DGOS LA, 'DI NI BDE BA ZUR DU BSKYED NAS DES STONG PA NYID YUL DU BYED PA YIN NO, ,GNYIS PA NI, LAM GYI MYUR KHYAD LUS LA GNAD DU BSNUN PA LAS YIN LA, DE LA'ANG THOG MAR LUS KYI 'CHAGS TSUL SHES DGOS PAS DE'ANG, GNAS PA RTZA, GA-YO BA RLUNG, BKOD PA BYANG CHUB KYI SEMS GSUM MAM, YANG NA RTEN DANG BRTEN PA GNYIS KYIS SHES PAR BYA'O, ,DE LA RTEN RTZA YIN LA, BRTEN PA RLUNG DANG KHAMS DKAR DMAR RO, ,RTZA LA'ANG RGYAS PAR PHYE NA BDUN KHRI NYIS STONG DANG, 'KHOR LO BZHI'I DBYE BAS GTZO BO BRGYA NYI SHU DANG, DE'I NANG NAS GTZO BO NYER BZHI, DE LAS KYANG GTZO BO RO RKYANG DBU MA GSUM PO RNAMS KYI GRANGS DANG, SKYE TSUL GYI GO RIM NGES PA DANG, GNAS TSUL DANG, DE DAG LA DOGS GCOD KYI YAN LAG DANG, DE DAG GI NANG DU RTZA BA'I RLUNG LNGA DANG YAN LAG GI RLUNG LNGA JI LTAR RGYU TSUL DANG, DE LA BRTEN NAS KHAMS DKAR DMAR 'DU 'PHROD BYED TSUL RNAMS NI GZHAN DU 'BYUNG BAR 'GYUR RO, ,DE LA GNAD DU BSNUN PA'I TING NGE 'DZIN BSGOM PA LA'ANG GTUM MO BSGOM PA DANG, THIG LE DANG YI GE LA DMIGS PA DANG, RLUNG BUM PA CAN 'DZIN PA DANG, RDOR BZLAS BYED PA SOGS DU MA ZHIG RGYUD SDE RNAMS LAS BYUNG BA DE DAG GI DON RAGS PA RNAMS 'OG NAS 'BYUNG BAR 'GYUR RO, ,GSUM PA LA, GRANGS KYI DBYE BA MDOR BSTAN PA DANG, SO SO'I DON RGYAS PAR BSHAD PA'O, ,DANG PO NI, GSANG BA 'DUS

, ,PA'I RGYUD PHYI MA LAS, SO SOR SDUD DANG BSAM GTAN DANG, ,SROG RTZOL DE BZHIN 'DZIN PA DANG, ,RJES SU DRAN DANG TING 'DZIN RNAMS, ,SBYOR BA'I YAN LAG DRUG CES BYA, ZHES GSUNGS SO, ,RNAL 'BYOR DRUG PO 'DI, LUS DBEN NAS ZUNG 'JUG GI BAR RNAMS DANG DON GCIG TU 'GYUR BA YIN NO, ,GNYIS PA LA SOR SDUD DANG BSAM GTAN GNYIS BSHAD PA DANG, SROG RTZOL BSHAD PA DANG, LHAG MA RNAMS BSHAD PA'O, ,DANG PO LA, SOR SDUD NI RGYUD PHYI MA LAS, DBANG PO BCU PO RNAMS KYI YANG, ,RANG GI 'JUG GNAS THAMS CAD DU, ,'DOD PA SO SOR SDUD PAS NA, ,SO SOR SDUD PA ZHES BSHAD DO, ,ZHES GSUNGS TE, DBANG PO BCU NI MIG LA SOGS PA'I DBANG PO LNGA DANG, GZUGS LA SOGS PA'I YUL LNGA RNAMS SO, ,DBANG POS YUL 'DZIN PA NI RANG GI 'JUG PA YIN LA YUL 'DZIN PA DER GNAS PAS RANG GI 'JUG GNAS SO, ,DE'ANG YUL DMAN PA DANG, BAR MA DANG, MCHOG GI BYE BRAG THAMS CAD DU 'JUG PAS SO, ,'DOD PA NI 'DIS 'DOD PA DON GNYER GYI 'DUN PA DANG, 'DI 'DOD PA YUL GZUGS SOGS GNYIS LAS PHYI MA STE, DE YANG DANG YANG DU SDUD CING LEN PAS SO SOR SDUD PA ZHES BYA'O, ,DON NI 'DI LTAR SHES PAR BYA STE, RANG NYID RDO RJE 'CHANG YAB YUM ZHAL GSUM PHYAG DRUG PAR BSGOMS NAS YAB YUM GYI MKHA' GSANG BYIN GYIS BRLABS TE SNYOMS 'JUG BYAS NAS ZHU BA LAS BYUNG BA'I THIG LE KHA DOG SNGON PO YUNGS 'BRU TZAM RDO RJE NOR BU'I BU GA PHAt SER POS BKAG PA'I NANG TZAM DU GNAS PA LA DMIGS PA BZUNG NAS RTZE GCIG TU BSGOMS PA LAS BDE BA SKYE LA, BDE BA DES STONG PA YUL DU BYAS NAS BZUNG

BA'I BDE STONG DBYER MED DE NYID MIG LA SOGS PA'I DBANG PO DANG, GZUGS SGRA LA SOGS PA'I YUL GYI RNAM PA SHAR NAS DBANG POS YUL LA LONGS SPYOD PAR RTZE GCIG TU SEMS PAR BYED PA YIN NO, ,BSAM GTAN LA, MDOR BSTAN PA DANG, RGYAS PAR BSHAD PA DANG, SOD SDUD DANG BSAM GTAN GYI KHYAD PAR BSHAD PA DANG, DE GNYIS JI LTAR NYAMS SU LEN PA'I TSUL LO, ,DANG PO NI, ,RGYUD PHYI MA LAS, 'DOD PA LNGA NI MDOR BSDU NA, ,SANGS RGYAS LNGA RU SBYOR BA YIS, ,BRTAG PA BSAM GTAN ZHES BSHAD DE, ,BSAM GTAN DE NI RNAM LNGAR 'GYUR, ,ZHES DANG PO GSUM GYIS MTSAN NYID DANG, BZHI PAS GRANGS MDOR BSTAN PA YIN NO, ,'DIR KHA CIG 'DI'I THAD KYI MTSAMS SBYOR LA, SGRON GSAL LAS, SO SOR SDUD PA RNAM PAR SBYAR BAR BYA BA'I DON DU YAN LAG GNYIS PA BSTAN PA'I PHYIR ZHES GSUNGS PA'I TSIG LA BSAMS NAS SOR SDUD NI THA MA'I DBANG PO YUL LA LONGS SPYOD PA TZAM YIN PAS SPANG BYA'I PHYOGS KYIS BSDUS PA SBYANG GZHI DANG, BSAM GTAN NI DE SBYONG BYED GNYEN PO YAN LAG YIN NO, ,ZHES ZER BA MI RIGS TE, DE LTAR NA SOR SDUD LAM MA YIN PAS RGYUD PHYI MA LAS, THUN MONG MCHOG GI DBYE BA YIS, ,BSNYEN PA RNAM PA GNYIS SU'O, ,THA MAL PA NI RDO RJE BZHI, ,MCHOG NI YAN LAG DRUG GIS SO, ,ZHES MCHOG SGRUB PA'I LAM RNAL 'BYOR YAN LAG DRUG TU BSHAD PA DANG 'GAL LO, ,YANG SOR SDUD SOR SPONG GI DON DU 'CHAD PA NI, RGYUD GZHAN GYI LUGS YIN PAS LUGS 'DI DANG GCIG TU MI BSRE'O, ,DE LA 'DOD PAR BYA BA YUL LNGA DANG SANGS RGYAS TE DBANG PO LNGA DE BZHIN GSHEGS PA LNGAR SBYAR NAS BRTAG CING SEMS PAR BYED PA'I TING NGE 'DZIN LA BSAM GTAN

, ,ZHES BSHAD DE, CHOS MNGON PA LAS, BSAM GTAN GYI SKAD KYI BYINGS SEMS PAR BYED PA LA BSHAD PA LTAR RO, ,MDOR BSDU BA NI, YUL DANG DBANG PO DE BZHIN GSHEGS PA GCIG TU BYAS PA'I DON NO, ,SANGS RGYAS LNGA SBYAR SA LTA BUR BSHAD KYANG SBYAR BAR BYA BA'I CHOS YIN PAS, SANGS RGYAS LNGA YI SBYOR BA LAS, ZHES PA'I DON DU SHES PAR BYA'O, ,YUL DANG DBANG PO DE BZHIN GSHEGS PA LNGA'I RNAM PAR SEMS PA BSAM GTAN GYI SPYI'I MTSAN NYID DU MI 'THAD DE, BSAM GTAN GYI YAN LAG RTOG DPYOD GNYIS LA MTSAN NYID DE ZHUGS KYANG BDE STONG DBYER MED KYI TING NGE 'DZIN MTSAN NYID DU BSTAN PAS DGA' BDE DANG SEMS RTZE GCIG PA LA MA KHYAB PAR 'GYUR TE, SGRON GSAL LAS, DGA' BA LA DE KHO NA NYID LA MNGON PAR 'JUG PA LA PHYOGS PAS ZHES DANG, BDE BA LA DE KHO NA NYID LA MNGON PAR ZHUGS PAS ZHES DANG, SEMS RTZE GCIG PA LA SEMS KYI GZUNG BA DANG 'DZIN PA STONG PA NYID CES GSUNGS PA'I PHYIR RO ZHE NA SKYON MED DE, BDE STONG DBYER MED NYID LHA'I RNAM PAR SHAR NAS DBANG PO YUL LA LONGS SPYOD PAR SEMS PA BSAM GTAN GYI SPYI'I MTSAN NYID DU 'DOD PA YIN NO, ,GNYIS PA LA GRANGS KYI DBYE BA DANG, SO SO'I DON RGYAS PAR BSHAD PA'O, ,DANG PO NI, RGYUD DE LAS, RTOG DANG DPYOD DANG DGA' BA DANG, ,DE BZHIN BDE BA NYID DANG YANG, ,SEMS KYI RTZE GCIG NYID DAG STE, , LNGA PO DER NI BSAM GTAN BSDU, ,ZHES SO, ,GNYIS PA NI, RGYUD DE LAS, GSANG BA'I RGYUD NI THAMS CAD DU, ,RNAM PA DU MAR YONGS BSHAD PA, ,GSANG BA GSUM 'BYUNG RTOG PA STE, ,DE NYID RTOGS PA DPYOD PA'O, ,DGA' DANG 'DRA BA GSUM PA STE, ,BDE BAS BSDUS

PA BZHI PA'O, ,SHES DANG SHES BYA BYUNG ZAD PA'I, ,RANG SEMS LNGA PAR SHES PAR BYA, ,SANGS RGYAS KUN DNGOS ZHI BA NI, ,'DOD PA KUN LA RAB TU GNAS, ZHES GSUNGS TE, GSANG BA'I RGYUD NI RNAL 'BYOR BLA NA MED PA'I RGYUD DO, ,GSANG BA GSUM NI, DBANG PO DANG, YUL DANG, DBANG PO'I RNAM PAR SHES PA GSUM STE, RGYAS PAR PHYE NA LNGA GSUM BCO LNGA'O, ,SO SOR MA PHYE BAR YUL DBANG RNAM SHES GSUM SPYIR GYI DE BZHIN GSHEGS PA'I RNAM PAR SEMS PAR BYED PA RTOG PA DANG, DE NYID ZHIB TU PHYE NAS YUL LA'ANG THABS KYI RNAM DAG DANG, SHES RAB KYI RNAM DAG GNYIS KYI DANG PO, GZUGS RNAM SNANG DANG, SGRA MI BSKYOD PA DANG, DRI RIN 'BYUNG DANG, RO 'OD DPAG MED DANG, REG BYA DON YOD GRUB PAR SEMS PA DANG, GNYIS PA GZUGS GZUGS RDO RJE MA NAS, REG BYA REG BYA RDO RJE MAR SEMS PA DANG, MIG SOGS DBANG PO RNAMS KYANG SA SNYING LA SOGS PA'I BYANG CHUB SEMS DPAR SEMS PA NI DPYOD PA'O, ,RTOG DPYOD KYIS DE LTAR BSGOMS PA'I TING NGE 'DZIN GYI STOBS KYIS YID SHES 'KHOR DU TSOR BA SIM PA SKYES PA NI DGA' BA DANG, DBANG SHES 'KHOR DU TSOR BA SIM PA SKYE BA NI BDE BA'O, ,DE LTAR SBYANGS PA'I STOBS KYIS SHES PA MIG LA SOGS PA'I RNAM PAR SHES PA DRUG DANG, SHES BYA GZUGS NAS CHOS KYI BAR DU BYUNG BA NI SHES DANG SHES BYA BYUNG BA'O, ,DE ZAD PA NI STONG NYID RTOGS PA'I SHES RAB DE NYID GNYIS SNANG RAGS PA LOG NAS RTZE GCIG TU GNAS PA NI SEMS RTZE GCIG PA'O, ,DE NYID BSHAD PA NI, RKANG PA THA MA GNYIS TE, DE'ANG SANGS RGYAS KUN RANG BZHIN ZHI PA, ZHES PA DANG, PA TSAB KYI 'GYUR DU, RKANG PA THA MA, NAM MKHA' KUN LA RAB TU GNAS, ZHES 'BYUNG BA LTAR BSHAD DO, ,SANGS RGYAS KUN GYI RANG BZHIN

, ,NI STONG PA NYID YIN LA, DE BSGOMS PA'I STOBS KYIS RANG BZHIN BRGYAD CU'I RNAM RTOG RAGS PA LAG PA NI ZHI BA'O, ,NAM MKHA'I NI STONG PA YIN LA KUN NI THAMS CAD YIN PAS STONG PA BZHI PA BSTAN PA YIN NO, ,DE LTAR YANG SGRON GSAL DU, SNANG BA TZAM DANG ZHES PAS RKANG PA SNGA MA'I DON SNANG MCHED THOB GSUM BSTAN LA, THAMS CAD STONG PA ZHES PAS THA MA'I DON STONG PA BZHI PA BSTAN TO, ,STONG PA BZHI'I DBYE BA BYUNG YANG SEMS DBEN GYIS BSDUS PA MA YIN NO, ,DE DANG RIGS MTHUN PA'I LUS DBEN GYI SKABS KYI STONG PA'O, ,DES NA KHA CIG RKANG PA THA MA GNYIS SGYU LUS DANG, DE'I SNGA MA GNYIS SEMS DBEN LA SBYOR BA MI RIGS PAR SHES PAR BYA'O, ,GSUM PA NI, BDE STONG DBYER MED NYID THA MAL PA'I DBANG YUL GYI RNAM PAR SHAR NAS DBANG POS YUL LA LONGS SPYOD PAR SEMS PA SOR SDUD YIN LA, DBANG YUL SOGS LHA'I RNAM PAR BSGYUR BA BSAM GTAN YIN NO, ,DES NA THA MAL PA'I SNANG BA KHYAD PAR CAN GYI SNANG BAR BSGYUR BA SBYONG BA'I DON YIN GYI SPANG GNYEN MA YIN TE, GNYIS KA LAM GYIS BSDUS PA'I THABS DANG THABS BYUNG YIN PA'I PHYIR, DE RNAM PAR SBYONG BA ZHES PA'I TSIG TZAM GYIS SPANG BYAR 'GYUR NA SGYU LUS KYANG 'OD GSAL GYI SPANG BYAR 'GYUR TE, RIM LNGA LAS, SGYU MA LTA BU'I TING NGE 'DZIN, ,YANG DAG MTHAS NI RNAM PAR SBYANG, ZHES GSUNGS PA'I PHYIR RO, ,SOR SDUD KYANG SNGAR BSHAD PA LTAR SEMS PAR BYED PA'I YID KYIS BSDUS PA'I TING NGE 'DZIN GYI NGO BO YIN GYI THA MAL PA'I DBANG YUL NI SOR BSAM GANG DU'ANG MI 'GYUR RO, ,BZHI PA NI

LUS RNAM PAR DBEN PA'I SKABS SU RIGS BRGYA DANG LNGA DANG GSUM GSANG CHEN RDO RJE 'CHANG GI RIGS GCIG TU BSDUS NAS NYAMS SU LEN PAR BSHAD PA NI, YAN LAG DRUG GI SOR BSAM GNYIS DANG SBYAR BAR BYA BA YIN NO, ,BSAM GTAN GYI YAN LAG LNGA YOD PA'I RTOG DPYAD DANG, SEMS RTZE GCIG PA'I PHYOGS TZAM NI 'PHRAL DU LAG TU LEN PA'I TSUL STON PA YIN LA, DGA' BDE DANG 'DIR BSHAD KYI SEMS RTZE GCIG PA RDZOGS PA NI PHAN YON GYI YAN LAG YIN NO, ,DE LTAR SNGAR BSHAD PA'I BDE BA BSKYED NAS DES STONG PA YUL DU BYAS SHING DE'ANG CHU LA CHU BZHAG GI TSUL DU GNYIS SU MED PA'I YE SHES CHOS KYI SKU'I BDAG NYID DU MOS PAR BYAS NAS DBANG YUL MTHA' DAG DE'I RNAM 'GYUR DU MOS SHING LHA'I RNAM PAR MA BSGYUR BAR DBANG PO YUL LA LONGS SPYOD PAR SEMS PA NI SOR SDUD YIN LA, LHA'I RNAM PAR BSGYUR BA TZAM NI BSAM GTAN NO, ,DE LA'ANG RDO RJE 'CHANG GI RNAM PA TZAM DU MOS PA RTOG PA DANG, YUL DBANG SO SOR LHA SO SO DANG SBYAR NAS ZHIB TU SEMS PAR BYED PA NI DPYOD PA YIN LA, DE GNYIS KA'I MTHAR YANG DON DE NYID LA SEMS RTZE GCIG TU GNAS PA RE 'ANG BYA'O, ,GNYIS PA SROG RTZOL BSHAD PA NI, RGYUD PHYI MA LAS, YE SHES LNGA YI RANG BZHIN DBUGS, ,'BYUNG BA LNGA YI NGO BO NYID, ,GONG BU'I GZUGS SU PHYUNG NAS NI, ,SNA YI RTZE MOR RAB TU BRTAG ,RIN CHEN KHA DOG SNA LNGA PA, ,SROG DANG RTZOL BA ZHES BYAR BSHAD, ,RANG SNGAGS SNYING GAR BSAMS NAS NI, ,SROG NI THIG LER GYUR PAR BZHAG ,CES GSUNGS TE, DE LA PHA RGYUD DANG MA RGYUD KYI KHYAD PAR DANG, DE DAG LAS JI LTAR BSTAN PA'I TSUL DANG, RGYUD PHYI MA'I TSIG DE'I

, ,DON BSHAD PA'O, ,DANG PO NI, RLUNG DANG GTUM MO BSGOM PA SOGS KYI THABS LAS LHAN CIG SKYES PA'I BDE BA SHES RAB KYI CHA GTZO BOR GTAN LA 'BEBS PA DE LA MA'I RGYUD DANG, SHES RAB DE NYID LHA'I RNAM PAR BZHENGS PA'I THABS KYI CHA GTZO BOR STON PA LA PHA'I RGYUD CES BYA'O, ,GNYIS PA NI, PHA RGYUD MA RGYUD GANG YIN YANG RUNG KHAMS 'BAR 'DZAG LAS BYUNG BA'I LHAN SKYES KYI ZHU BDE LAS SGRUB PA LA KUN MTHUN TE, DE NYID PHAR PHYIN THEG PA SOGS LAS MYUR BAR SGRUB BYED KYI GTZO BO YIN PA'I PHYIR RO, , MTSAN NYID THEG PA'I SA BRGYAD PA THOB NAS KYANG STONG NYID RTOGS PA'I SHES RAB 'BA' ZHIG LA MNYAM PAR BZHAG NA GZUGS SKU SGRUB PA'I RGYU MA TSANG BAS RGYAL BA RNAMS KYIS DE LAS BSKUL BAR MDZAD PA YIN LA, 'DIR NI STONG NYID RTOGS PA'I LHAN SKYES KYI BDE BA 'BA' ZHIG LA GOMS PAR BYAS PAS CHOG PAR GSUNGS PA'ANG LAM GCIG PO 'DI NYID LA GZUGS SKU'I RGYU MA TSANG BA MED PAR YOD PA YIN LA, DE'ANG SEMS DBEN THOB RJES NAS YIN GYI DE MAN CHAD DU NI LHAN SKYES KYI BDE BA 'BA' ZHIG LA GOMS SU MI RUNG STE, DBANG BZHI RGYUN GCIG LA BSKUR BA'I TSE DBANG GSUM PA MTSAN NYID YONGS SU RDZOGS PAR THOB PA NA LHAN SKYES KYI BDE BA SKYE BAS BSKYED RIM YANG SGOM MI DGOS PAR 'GYUR RO, ,RGYUD GZHAN LAS BDE BA DE BSKYED PA'I THABS SU RLUNG BUM PA CAN 'DZIN PA DANG, YI GE DANG THIG LE SOGS LA DMIGS PA DANG, GTUM MO SGOM PA SOGS MANG DU BSHAD KYANG, GSANG 'DUS RTZA RGYUD DANG, RGYUD PHYI MA DANG, YE SHES RDO RJE KUN LAS BTUS PA DANG, DGONGS PA LUNG STEN DANG, DE DAG GI DGONGS

'GREL SLOB DPON YAB SRAS RNAM PA LNGA'I GZHUNG RNAMS SU RDOR BZLAS TZAM GSUNGS KYI GZHAN MA GSUNGS LA, DE'I RGYU MTSAN YANG GTUM MO SOGS KYI DGOS PA RDOR BZLAS 'BA' ZHIG GIS 'GRUB PAR DGONGS SHING RDOR BZLAS NYID MCHOG TU GYUR PAR GZIGS NAS MA GSUNGS PA YIN TE RGYU MTSAN 'CHAD PAR 'GYUR RO, ,DE'ANG LUS DBEN NAS NGAG DBEN DANG DE LAS SEMS DBEN DU 'PHO TSUL SOGS KYI GO RIM PHYIN CI MA LOG PAR NGES PA LA RTOG DGOS SHING, LUS DBEN NAS NGAG DBEN DANG, BSAM GTAN NAS SROG RTZOL DU 'PHO BA DON GCIG GO ,DE LA KHA CIG GIS PI WANG GI KHOG PA LEGS PAR MA SBYANGS PAR SKAD KHYAD PAR CAN MI 'BYUNG BA BZHIN DU, LUS DBEN DANG NGAG DBEN YANG YIN NO ZHES PA'ANG TSIG TZAM GYIS MI 'GRUB STE, BSKYED RIM GYIS MA SBYANGS PA'I LUS DBEN LA KHYAD PAR YOD PA 'CHAD DGOS SO, ,YANG ZLOS PA KHYAD PAR CAN DU 'GRUB PA LA ZLOS PA PO KHYAD PAR CAN DU 'GRUB DGOS PAS, LUS DBEN DGOS ZHES BYED PA PO DANG BYED PA'I SGO NAS GO RIM NGES PAR SGRUB PA'ANG PHYOGS TZAM STE DE TZAM GYIS MI CHOG GO ,GSUM PA NI, YE SHES LNGA'I RANG BZHIN GYIS DBUGS NI RLUNG YIN LA, YE SHES LNGA NI ME LONG LTA BU SOGS SAM SANGS RGYAS LNGA'I RANG BZHIN GYI RLUNG KHA DOG LNGA'O, ,'BYUNG BA LNGA NI SA LA SOGS PA SPYOD BSDUS NAS BSHAD PA LTAR RO, ,DE NYID GONG BYA'I GZUGS SU PHYUNG ZHES PA, RLUNG DE NYID THEG LER 'GYUR PAR STON PA MIN GYI RLUNG GIS BSKYOD PA'I THIG LE NYID RDO RJE'I BU GA NAS BYUNG NAS YUM GYI PADMA'I SNA'I RTZER MOR THIG LE'I GZUGS SU BSGOM PAR BYA'O, ,DE NYID GYEN DU 'GRO BA'I RLUNG

, ,KHA DOG SNA LNGA PA NI RIN CHEN KHA DOG SNA LNGA PA'O, ,SROG NI DBUGS YIN LA DE NYID RTZOL ZHING RING DU SPROS PA NI SROG DANG RTZOL BA ZHES BYA BAR BSHAD DO, ,RANG SNGAGS SNYING GAR TE SNYING GI SNA RTZER SNGAGS BSAM PAR BYA'O, ,DE NI MI SHIGS PA'I THIG LER BYAS NAS 'GOD PA'I DON NO, ,BSHAD RGYUD RDO RJE PHRENG BAR, SNA RTZE GSUM DANG THIG LE GSUM GTAN LA 'BEBS PA'I LE'U SO SOR BSHAD LA, SNA RTZE GSUM NI, GSANG BA'I SNA RTZE DANG, GDONG GI SNA RTZE DANG, SNYING GI SNA RTZE'O, ,THIG LE GSUM NI, RDZAS KYI THIG LE DANG, 'OD KYI THIG LE DANG, SNGAGS KYI THIG LE'O, ,DE GSUM GANG DU SGOM PA NI, SNGAR BSHAD PA'I SNA RTZE GSUM DU'O, ,DE LA RKANG PA DANG PO BZHIS GSANG BA'I SNA RTZE DER BSGOM PA'I THIG LE DANG BCAS PA BSTAN LA, DE NAS RKANG PA GNYIS KYIS GDONG GI SNA RTZE THIG LE DANG BCAS PA BSTAN TE, RTZA RGYUD LAS, RIN CHEN KHA DOG SNA LNGA PA, ,YUNGS KAR GYI NI 'BRU TSAD TZAM, ,SNA YI RTZE MOR NAN TAN DU, ,RNAL 'BYOR RIGS PAS RTAG TU BSGOM ZHES PA LA DRANG NGES KYI BSHAD PA GNYIS BYAS PA'I DRANG DON GYI BSHAD PA LAS SHES SO, ,RKANG PA THA MA GNYIS KYIS SNYING GI SNA RTZE THIG LE DANG BCAS PA BSTAN NO, ,DON DE DAG GANG ZAG GCIG GIS SAM SO SO BAS BSGOM PAR BYA BA DANG, GANG GTZO BO YIN ZHUS PA'I LAN SOGS KYANG RGYUD RDOR PHRENG DU RGYAS PAR GSUNGS SO, ,JI LTAR ZHE NA, 'DOD CHAGS CAN GYIS GSANG BA'I SNA RTZER RDZAS KYI THIG LE DANG, ZHE SDANG CAN GYIS SNYING GI SNA RTZER SNGAGS KYI THIG LE DANG, GTI MUG CAN GYIS GDONG GI SNA RTZER 'OD KYI THIG LE BSGOM PAR BSHAD CING, DE

RNAMS LAS BAR PA GTZO BOR BSTAN CING JI LTAR GTZO BO YIN NI 'CHAD PAR 'GYUR RO, ,KHA CIG GIS RDO RJE'I BZLAS PA BYED TSUL LA, BEM PO'I RLUNG RAGS PA LA BSLAB PA DANG, PHRA BA DANG, GSAL BA'I RLUNG SHES PA DANG 'DRA BA LA BSLAB PA'O, ,DANG PO LA BSLABS PAS NI KHAMS SNYOMS PA DANG, JI LTAR RGYU BA MTHONG BA'I RGYU BA GSAL BAR 'GYUR RO, ,GNYIS PA LA BSLABS PAS NI, 'DOD PA TZAM GYIS RLUNG GA-YAS GA-YON SPO NUS PA DANG, TSA GRANG GI REG PAS MI GNOD PA'I REG PA BDE THAR 'GYUR RO, ,GSUM PA LA BSLABS PAS NI JI TZAM DU 'DOD PAR BUM PA CAN GYI RLUNG BSNGAM NUS PA DANG, NANG RLUNG PHYIR BUS NAS JI TZAM 'DOD PAR PHYI RU 'DZIN NUS PA DANG, NANG DU RDUBS NAS NANG DU 'DOD 'DOD DU 'DZIN NUS PA'I PHYI NANG BSRE THUB PA 'BYUNG LA, DE NAS GTUM MO 'BAR NAS LHAN CIG SKYES PA'I BDE BA SKYE'O ZHES, BUM PA CAN GYIS 'BAR 'DZAG BSGRUB CING, BUM PA CAN RDOR BZLAS KYI 'BRAS BUR 'DOD PA'ANG MI 'THAD CING, YANG SEMS GNAS RNYED PA TZAM RDOR BZLAS KYI DGOS PAR 'CHAD PA'ANG SHIN TU MI 'THAD DO, ,YANG SEMS DBEN GYI SKABS SU PHYI NANG GI PHYAG RGYA LA BRTEN NAS DGA' BZHI'I RTOGS PA BSKYED PA NA KHAMS DBAB PA DANG, BZUNG BA DANG, LDOG PA DANG, DGRAM PA DANG, BSDU BA LNGAR 'GYUR TE, DANG PO LAS KYIS BSKUL BA'I RLUNG GIS GTUM MO 'BAR NAS KHAMS ZHU BA NOR BU'I NANG DU BZUNG NAS BDE STONG BSGOM PA DANG, DE'ANG PHYIR MI 'PHO BA'I THABS SHIN TU MANG YANG DER 'DZIN PA'I THABS THUN MONG MA YIN PA SHES DGOS SO, ,DE LTAR YANG THABS KYI DGA' BZHI SKYES

, ,PA DANG, MAS BRTAN GYI DGA' BZHI BSKYED PA NA KHAMS GYEN DU LDOG NAS SPRUL PA'I 'KHOR LO'I LTE BAR BSLEBS PA'I TSE, RTZA 'DAB RNAMS LA DGRAM PA DANG SLAR YANG LTE BAR SDUD PA DANG DE LTAR 'KHOR LO GONG MA RNAMS SU'ANG BYED PA'I THABS NI RTZA LAM RNAMS RLUNG GIS LEGS PAR SBYANGS NAS RLUNG JI LTAR 'DOD PA'I RJES SU BYED NUS SHING DE'I RJES SU THIG LE DKAR DMAR JI LTAR 'DOD PA KHRID NUS LA, RLUNG LAS RUNG DU NGAG DBEN GYIS BYED PAS NGAG DBEN GYI DGOS PA DE NYID YIN CING SEMS DBEN DANG GO RIM NGES TSUL YANG DE LTAR YIN SNYAM PA'I DOGS PA SKYE SA YOD DE DES MI CHOG GSUNG NGO, ,'O NA GANG YIN ZHE NA, DE LA RGYUD RDOR PHRENG DU RDO RJE'I BZLAS PA MI SHES PA'I NYES DMIGS DANG, SHES PA'I PHAN YON DANG, JI LTAR BYED TSUL SOGS KYIS STON TE, LE'U DRUG PAR, THIG LE'I DBYE BA BLA NA MED, ,'JIG RTEN THIG LE'I DBYES DBEN NA, ,'KHOR BAR YANG DANG YANG DU 'KHOR, ,ZHES RDOR BZLAS BYED PA'I GZHI SNGAR BSHAD PA'I THIG LE GSUM GYI DBYE BA SOGS MA SHES PA LAS SO, ,SHES PA'I PHAN YON NI, ,THIG LE'I DBYE BA RIGS BCAS PA, ,GANG SHES MYUR DU RNAL 'BYOR MCHOG ,SBYOR BAS MDUD PA 'BYED PAR BYED, ,KHAMS GSUM PA MI 'GRO BA 'DI, , MYUR DU DNGOS GRUB MCHOG TU 'GRO ,ZHES THIG LE'I DBYE BA RIGS PA THABS DANG BCAS PA GOMS PAS MDUD PA 'GROL BAR BYED CING DE LAS THAR PA THOB PAR GSUNGS SO, ,MDUD PA DE GANG GIS 'GROL ZHE NA, SNGAGS KYI DE NYID KYIS

DE 'BYED, CES SNGAR BSHAD PA'I MI SHIGS PA'I THIG LE DANG SNGAGS SNYING GAR BSAM PA NYID KYIS 'BYED PA YIN NO, ,'O NA DBYE BAR BYA BA'I MDUD PA GANG NA GNAS SHING DE THABS GANG GIS DBYE BAR BYA ZHE NA, SNYING GI PADMA'I SBUBS MKHA' LA, , YE SHES RDO RJE RTAG TU BZHUGS, ,STENG 'OG YANG DAG BRTEN NAS NI, ,SROG DANG THUR SEL RLUNG CHEN GNAS, ,DE LA'ANG DBYE BAR DKA' BA YI, ,DBUS SU MDUD PA GSUM GYIS DKRIS, ,DE YIS THUR SEL BCOM BYAS PAS, ,STENG DU 'GRO BA THOB MI BYED, CES GSUNGS TE, SPYIR 'KHOR LO BZHI DANG DRUG DANG BDUN LA SOGS PA BSHAD PA RNAMS KYI 'KHOR LO'I LTE BA NA RTZA MDUD YOD LA DE DAG GI NANG NAS GTZO BO SNYING GA CHOS KYI 'KHOR LO'I MDUD PA NYID GTZO BO YIN LA, DE GROL NA MDUD PA GZHAN THAMS CAD KYANG RANG GROL BAR 'GYUR RO, ,DE'ANG SNYING GA'I DBUS SU RTZA DBU MA LA MDUD PA GSUM GYIS DKRIS SHING MDUD PA DE'I DBUS DBU MA'I NANG GI SBUBS KYI NAM MKHA' LA MI SHIGS PA'I THIG LE GNAS SO, ,MDUD PA DE'I DBANG GIS 'DOMS NA GNAS PA'I THUR SEL GYI RLUNG STENG DU 'GRO BA DANG RLUNG THUR DU 'GRO BA BCOMS NAS 'GROR MI STER BAR YIN NO, ,'O NA THUR SEL SOGS SNA BUG NAS RGYU BAR BSHAD PA DANG 'GAL LO, ZHE NA, DBU MA'I LAM NAS RGYU BA MDUD PAS BKAG PA YIN GYI DER MI RGYU 'ANG LAM GZHAN NAS RGYU BA LA 'GAL BA CI'ANG MED DO, ,SROG THUR DBU MA'I NANG NAS RGYU BA SGRUB PAR 'DOD KYI LAM GZHAN NAS RGYU BA LA SHES 'DOD MED DO, ,MDUD PA DE'I NANG KHA SBYOR LAS, CHU SHING GI ME

, ,TOG LTAR CUNG ZAD KHA BYE BAR GSUNG PAS, SROG THUR RGYU BA BKAG KYANG BAR STONGS CUNG ZAD YOD PAS SBUBS MKHA' ZHES GSUNGS SO, ,MDUD PA DE LA MA RIG SGO NGA'I SBUBS ZHES KYANG GSUNGS SO, ,DE JI LTAR 'BYED PA NI LE'U NYER GCIG PA SKU GSUNG THUGS KYI SNYING PO BSHAD PA LAS SKU RDO RJE'I SNYING PO AOm LA BTU BAR BYA BA'I YI GE GSUM YOD DE AA DANG AO DANG MA'O, ,DANG PO NI, SNYING GA'I MI SHIGS PA'I THIG LE STE SROG RLUNG YIN LA, GNYIS PA NI, MGRIN PAR GNAS PA'I GYEN RGYU'I RLUNG NGO, ,GSUM PA NI, SPYI BO NA GNAS SO, ,RLUNG DE DAG SPYI BOR BSRE NUS PA NA, SPYI BO'I RTZA MDUD 'BYED LA, GSUNG RDO RJE'I SNYING PO AA LA YI GE GSUM, AA THUNG NGU DANG RING PO DANG HA'O, ,DANG PO NI SNYING GAR GNAS PA'I SROG RLUNG NGO, ,GNYIS PA NI MGRIN PAR GNAS PA'I GYEN RGYU'O, , GSUM PA NI 'DOMS NA GNAS PA'I THUR SEL GYI RLUNG NGO, ,RDOR BZLAS KYIS DE DAG MGRIN PAR BSRE THUB PA NA DE'I 'KHOR LO'I LTE BA'I MDUD PA 'BYED PAR BYED DO, ,THUGS RDO RJE'I SNYING PO LA YI GE GSUM YOD DE HA DANG AU DANG MA'O, ,DANG PO NI THUR SEL GYI RLUNG NGO, ,GNYIS PA NI GYEN RGYU'O, ,GSUM PA NI SROG RLUNG STE SMIN MTSAMS KYI RLUNG GI 'KHOR LO'I LTE BAR GNAS SO, ,DE DAG RDOR BZLAS KYIS SNYING GAR BSRE NUS PA NA SNYING GA'I DBU MA'I MDUD PA 'BYED CING, DE'I STOBS KYIS MDUD PA GZHAN YANG 'BYED DO, , SKU GSUNG THUGS KYI SNGAGS BTUS PA'I DGOS PA'ANG DE NYID DO, ,DE RNAMS KYI NANG NAS GTZO BO GANG YIN ZHE NA, THUGS KYI SA BON BDAG PO STE, ,KUN GYI NANG NAS RNAM RTOG MED, ,GANG PHYIR GTZO BO GZHAN RNAMS NI, ,'GRIB DANG DE BZHIN 'PHROG PAR

BYED, ,RNAM PAR RTOG PA'I RLUNG GNYIS NI, ,LUS KUN LA NI KHYAB PAR BYED, CES THUGS KYI SA BON GTZO BOR GSUNGS LA, RNAM RTOG GI RLUNG GNYIS NI, SROG DANG THUR SEL GYI RLUNG GNYIS TE, RTZA MDUD KYIS DE GNYIS DBU MA'I NANG NAS RGYU BA BKAG PA'I STOBS KYIS RANG BZHIN BRGYAD CU'I RNAM PAR RTOG PA BSKYED CING MDUD PA PHYED NAS DE GNYIS DBU MAR RGYUS PA NA RO RKYANG GI NANG DU RLUNG RGYU BA RANG 'GAGS DANG LTE BA'I ME RANG 'BAR DU 'GYUR BAS BDE BA RANG STOBS KYIS SKYE ZHING SEMS GA-YO BA'I RTOG PA RANG 'GAGS SU 'GYUR BA YIN NO, , DE LTAR YANG, 'DIR NI PADMA GNYIS SU GSUNGS, ,DRUG CU RTZA BZHI BRGYAD 'DAB GNYIS, ,STENG DANG 'OG TU KHA BLTAS SHING, ,STENG 'OG YAN LAG BRTEN NAS NI, ,SROG DANG THUR SEL RGYU BAR BYED, ,DE KHO NA NYID RTOG BCAS PA, ,RLUNG GNYIS SU NI GSAL BAR GSUNGS, ,SKU DANG GSUNG GI SNYING PO GNYIS, ZHES DANG, GANG PHYIR DE NI BZLAS BYAS NAS, ,SNYING GA'I PADMA'ANG STENG BLTAS 'JIGS, ,DE NAS GSANG BA'I PADMA YIS, ,KHA SBYOR BA NI PHYE NAS KYANG, ,RNAM PAR RTOG PA'I RLUNG GNYIS NI, ,DE NAS RNAM PAR BCAD NAS 'GRO, ZHES GSUNGS TE, 'DAB MA GNYIS NI LTE BA'I DANG SNYING GA'O, ,DE'ANG SNYING GA'I 'KHOR LO KHA THUR LTA DANG, LTE BA'I 'KHOR LO GYEN LTA'O, ,DES NA GTUM MO BSGOM PA SOGS RGYUD GZHAN NAS GSUNGS PA'I 'BAR 'DZAG GIS BDE BA SGRUB PA'I BYED LAS MTHA' DAG RDO RJE'I BZLAS PAS 'GRUB PA'I TSUL DE LTAR SHES PA NA DE LAS SEMS DBEN GYI SKABS SU DGA' BZHI'I RTOGS PA BSKYED PA'I DBEN PA GNYIS KYI GO RIM YANG BDE BLAG TU RNYED PAR 'GYUR RO, ,LUS DBEN GYIS NI GA-YAS GA-YON GYI RGYU BA 'GAGS NAS DBU MAR RGYU BA'I 'GO RTZOM PAR BYED PAS DBU MA'I

, ,LAM SBYONG BYED YIN LA, DE NAS RDOR BZLAS BYED PAS DBEN PA DANG PO GNYIS KYI GO RIM YANG DE LTAR RO, ,SPYOD BSDUS LAS KYANG, DGONGS PA LUNG STON GYI, THUNG NGU MA LUS NGAG TU 'GYUR, ZHES PA'I TSIG LA SGOS SU DRIS LAN MDZAD NAS, YI GE AA GANG DU DANG, CI'I PHYIR DANG, JI LTAR 'JUG PA SOGS KYI DON YONGS SU RDZOGS PA RNAL 'BYOR BLA NA MED PA'I RGYUD LAS MA GTOGS GZHAN GYIS MI SHES SO ZHES RGYAS PAR GSUNGS SHING, RDO RJE DKYIL 'KHOR RGYAN CES BYA BA'I RGYUD LAS AA GSAL BAR BSTAN PA'I PHYIR, SNYING GI DBUS NA MI SHIGS PA, ,GSAL ZHING MAR ME DAG DANG MTSUNGS, ,MI 'GYUR MCHOG TU PHRA BA STE, ,AA NI GTZO BO DAM PA'O, ,ZHES SOGS DRANGS NAS SNGAR BSTAN PA'I DON DE NYID RGYAS PAR GSUNGS SO, ,MDOR BSDU NA DANG POR RNAM PAR SHES PA LHAN CIG SKYES PA'I RLUNG DANG LHAN CIG TU KHU KHRAG GI DBUS SU GANG ZHUGS PA DE NYID SNYING GA YIN LA, 'CHI BA'I TSE'ANG 'BYUNG BA RIM GYIS BSDUS NAS SNYING GA NAS 'CHI 'PHO BA YIN NO, ,RTZA BDUN KHRI NYIS STONG GI RLUNG RGYU BA STONG PHRAG NYER BZHI DANG, KHAMS DKAR PO DANG DMAR PO RGYU BA STONG PHRAG NYER BZHI PA RE RE YOD PA'I DANG PO'I CHAGS SA NI SNYING GA YIN LA, RTZA CHAGS PA'I GONG DU RNAM SHES DER ZHUGS KYANG PHYI NAS SNYING GA'I RTZA MDUD KYI DBUS SU RAM SHES GNAS PA YIN NO, ,SNYING GA'ANG 'JIG RTEN NA GRAGS PA'I SNYING DANG BYANG KHOG GI DBUS LA MI BYED KYI CHIGS PA'I NANG NGOS NA SROG RTZA DANG LHAN CIG TU RTZA DBU MA GNAS PA'I CHOS 'KHOR GYI MDUNG PA'I DBUS SO, ,BSKYED RIM SGOM PA'I DUS SU SBYANG GZHI'I 'BYUNG BA THIM PA'I RIM PA DANG MTHUN PAR DAM TSIG SEMS DPA' YE SHES SEMS DPA'

LA THIM, DE TING NGE 'DZIN SEMS DPA' LA THIM PA NAS N'A DA 'OD GSAL LA ZHUGS PA'I BAR YANG GNAS DER DMIGS PA GTOD CING RDZOGS RIM GYI SKABS SU 'BYUNG BA THIM PA'I RIM PA DANG MTHUN PAR TING NGE 'DZIN BSGOM PA'ANG NGO, ,MTHAR SNYING GA'I RNAM SHES 'OD GSAL DU ZHUGS PA'I BAR DU BYED CING DE LAS KYANG LUGS LDOG TU LHA'I RNAM PAR 'CHAR BA SOGS BYED PA YIN NO, ,DE LA RDO RJE'I BZLAS PA NI, MDOR BSDU NA DON GSUM GYIS SHAS PAR BYA ZHING, MTSON BYED KYI YI GE DANG, DES MTSON PAR BYA BA'I SNGAGS KYI DE KHO NA NYID DANG, DE LA RDOR BZLAS BYED TSUL LO, ,DANG PO NI SNGAR BSHAD PA LTAR SGRA PA DANG GSUNG RAB 'CHAD PA GZHAN RNAMS KYIS MTSON BYED KYI YI GE'I 'JUG TSUL TZAM SHES KYANG DES MTSON PAR BYA BA'I DON MI SHES TE, 'JIG RTEN LAS 'DAS PA'I DGOS PA KHYAD PAR CAN THAR PA DANG THAMS CAD MKHYEN PA DANG, 'JIG RTEN PA'I DGOS PA KHYAD PAR CAN THUN MONG GI DNGOS GRUB SGRUB PA SOGS DE DAG PHYIN CI MA LOG PAR STON PA'I GNAS MCHOG LA RAG LAS SHING DE'ANG DBYANGS GSAL GYI YI GE DANG, DE'ANG AA THUNG SROG TU ZHUGS NAS DON STON PA MA GTOGS BRJOD BYA BRJOD PA'I NUS PA MED PA DE TZAM SHES KYANG DE NI MTSON BYED KYI YI GE YIN GYI MTSON PA'I DON MIN NO, ,DE BZHIN DU NGAG TU BRJOD PA'I YI GE 'BRU GSUM YANG MTSON BYED TZAM MO, ,GNYIS PA NI, RLUNG 'JUG GNAS LDANG GSUM GYI SGRA DE LCE RKAN SOGS KYI RTZOL BA LA BLTOS PA MED PAR RIM PA BZHIN DU AOm A'A: H'Um GSUM GYI GDANGS SU RANG CHAS SU YOD LA DE'ANG, RDO RJE DKYIL 'KHOR RGYAN GYI RGYUD SNGAR DRANGS PA LTAR, MI SHIGS PA'I THIG LE'I MING GIS BSTAN PA'I LHAN CIG SKYES PA'I YI GE AA THUNG SROG RLUNG GI NGO BOR

, ,GNAS PA DE LAS 'BYUNG BA YIN NO, ,'DI DANG 'BRU GSUM GYI AA DON SO SO BA YIN TE, SPYOD BSDUS LAS, DE'ANG RE RE BZHIN MI SHIGS PA DANG LHAN CIG GI YI GE GSUM GSUM LAS BYUNG BA YIN NO, ,ZHES GSUNGS SO, ,DBYANGS GSAL GYI YI GE ZHE DGU PO RNAMS BUD MED DANG, SKYES PA DANG MA NING GI YI GE GSUM DU 'DUS TSUL DANG, DE NYID 'BRU GSUM DU 'DUS PA DANG, DE'ANG SNGAGS KYI DE KHO NA NYID BSHAD MA THAG PA GSUM PO LAS BYUNG BA DANG, DE'ANG MI SHIGS PA'I THIG LE LAS BYUNG TSUL SOGS LA MKHAS PAR BYA'O, ,SNGAR BSHAD PA'I MDUD PA 'BYED PAR BYED PA'I SNGAGS KYI DE KHO NA NYID H'Um DANG HO GNYIS SU BSDUS NAS BZLAS PA BYA BA'ANG RGYUD RDOR PHRENG DU GSUNGS SO, ,GSUM PA LA, LUS KYI SPYOD LAM JI LTAR BYA BA DANG, BYAS NAS BZLAS PA BYED TSUL DANG, BZLAS PA BYAS PA'I DGOS PA'O, ,DANG PO NI, YID DANG RJES SU MTHUN PA'I GNAS SU BDE BA'I STAN LA 'DUG CING, SEMS DPA'I SKYIL KRUNG BCAS MIG GNYIS SNA RTZER GTAD NAS PHRAG GONG MNYAM PA DANG, LCE RKAN LA SBYAR, SO DANG MCHU RANG SOR BZHAG ,DBUGS 'BYUNG RNGUB GLOD NAS CUNG ZAD RTZOL BA DANG BRAL BAR BYA'O, ,GNYIS PA LA, SGOM PA'I RTEN RTZA GSAL GDAB PA DANG, DER BSGOM PA'I SNGAGS DANG, JI LTAR SGOM TSUL LO, ,DANG PO NI, RO RKYANG DBU MA GSUM LUS KYI PHYOGS GANG DU GNAS PA DANG, KHA DOG DANG DBYIBS JI LTAR YOD PA GNYIS KYIS SHES PAR BYA'O, ,GANG DU GNAS PA NI TSIGS PA'I LOGS LA SROG RTZA YOD PA DANG LHAN CIG TU GNAS PA'O, ,KHA DOG DANG DBYIBS NI RO MA DMAR PO DANG RKYANG MA DKAR PO DANG, DBU MA'I KHA DOG TIL MAR GYI MAR ME LTAR DMAR SER DU GSUNGS PA NI, GTUM

MO 'BAR BA'I DUS KYI, KHA DOG YIN MOD KYANG DANG POR RDOR BZLAS BYED PA'I TSE'ANG DE LTAR BSAMS PAS RUNG GSUNG NGO, ,RING THUNG GI DBYIBS NI SPYI GTZUG NAS RKANG MTHIL GYI BAR DU GNAS KYANG SMIN DBUS NAS NOR BU'I RTZE MO'I BAR DU DBU MA'I NANG NYID DU DMIGS NAS BZLAS PA BYA'O, ,SBOM PHRA'I TSAD NI GRO SOG GI SBUBS TZAM MO, ,GONG GI SRAD BU'I RNAM PAR GNAS, ZHES PA NI, SBOM PHRA'I TSAD STON PA YIN NO, ,GNYIS PA DER SGOM PA'I SNGAGS NI YI GE 'BRU GSUM YIN NO, ,GSUM PA NI, MI ZHIG TSUR 'ONGS NAS PHAR 'GRO BA BZHIN DU NANG DU 'JUG PA'I RLUNG DE NYID GNAS PA DANG 'BYUNG BAR BSAM ZHING, DE'ANG DANG POR NANG DU 'JUG PA'I TSE SMIN DBUS NAS NOR BU'I RTZE MO'I BAR GYI DBU MA'I NANG DU RIM GYIS AOm ZHES PA'I SKAD RANG SGRAGS SU SGROG PAR BSAM ZHING, NOR BU'I RTZE MOR SLEB MA THAG GI MTSAMS NAS MI 'BYUNG BA'I BAR DU A'A ZHES PA'I SGRA SGROG PA DANG, PHYIR 'BYUNG BA'I TSE H'Um GI SGRA SGROG PAR BSAM MO, ,DE LTAR GA-YAS RGYU DANG GA-YON RGYU DANG MNYAM RGYU'I RLUNG GANG LA RDOR BZLAS BYED KYANG DE LTAR BYA'O, ,SMIN MA'I DBUS NA GNAS PA'I RLUNG GI 'KHOR LO 'DAB MA DRUG PA DANG, MGRIN PA'I 'OG NA GNAS PA'I ME'I 'KHOR LO 'DAB MA GSUM PA DANG BCAS PA'I 'KHOR LO DRUG DANG, GSANG GNAS KYI 'KHOR LO DANG BDUN PO GANG YIN LA SEMS KYANG 'KHOR LO'I LTA BA'I RTZA MDUD RNAMS CUNG ZAD CUNG ZAD YONGS SU SONG BAR BSAM ZHING, GTZO BO SNYING GA CHOS 'KHOR GYI LTE BA'I RTZA MDUD CUNG ZAD GROL BAR BSAM GYI GZHAN RNAMS MA BSAMS KYANG RUNG NGO, ,DANG POR RLUNG GANG LA RDOR BZLAS BYED PA NI, GA-YAS NAS RGYU BA KHA DOG DMAR PO PADMA MGON PO'I RLUNG LA BYA'O, ,DE'ANG GA-YAS

, ,RGYU 'GO RTZOM PA'I DUS SHES PAR BYAS NAS DE NAS BZUNG STE BYA'I PHYIS NI GANG LTAR YANG RUNG NGO, ,RLUNG SGROL MA'I BDAG NYID YIN PAS DE'I YAB DON GRUB YIN KYANG RDOR BZLAS GSUNG RDO RJE'I BZLAS PA YIN PAS 'OD DPAG MED KYI RLUNG NAS 'GO RTZOM PA YIN NO, ,'O NA RDOR BZLAS KYI SKABS SU THIG LE GSUM BSAM PA MI DGOS PAR 'GYUR RAM SNYAM NA'ANG 'OD KYI THIG LE NI GA-YAS GA-YON GYI RLUNG LA RDOR BZLAS BYED PA'I TSE RANG BSAMS SU 'BYUNG LA, SNGAGS KYI THIG LE NI BZLAS BYA'I SNGAGS KYI 'BYUNG GNAS SU BSAMS LA, RDZAS KYI THIG LE NI RLUNG LA GOMS PA NA 'JUG PA'I TSE GTUM MO 'BAR NAS 'BYUNG BA'I CHE KHAMS ZHU BA NOR BU'I RTZER 'BYUNG BAS, GONG BU'I GZUGS SU PHYUNG NAS NI, ,SNA YI RTZE MOR RAB TU BRTAG ,CES PA'I RKANG PA GNYIS ZHAR BYUNG DU MI BSAM MO, ,SLOB DPON AA BHA YAS, PHRA MO'I RNAL 'BYOR GYIS SEMS BRTAN PAR BYAS PA'I DBANG DANG, RDAR BZLAS BYAS PA DANG, 'BYUNG BA'I TSE 'BAR BA DANG, 'JUG PA'I TSE 'DZAG PAR BSAM PA DANG, 'BAR 'DZAG NYID LA DMIGS NAS MOS PAR BYED PA'I TSUL BZHI GANG ZAG GI DBANG GIS GSUNGS SO, ,GSUM PA DGOS PA NI, DE LTAR RDOR BZLAS BYAS PA'I STOBS KYIS SNYING GA'I MDUD PA BSHIG NAS THUR SEL GYI RLUNG DBU MA'I NANG NAS SROG RLUNG JI SNYED YOD PA'I GNAS SU RGYU ZHING SROG RLUNG YANG THUR SEL GYI GNAS SU DE LTAR RGYU BA NA SROG THUR 'DRES PA ZHES BYA LA, DE'I TSE RLUNG RGYU BA'I RTZA DANG KHAMS DKAR DMAR RGYU BA'I RTZA STONG PHRAG NYER BZHI RE YOD PA'I NANG GI RLUNG DANG THIG LE DBU MA'I NANG NAS RANG STOBS KYIS 'JUG LDOG BYED

CING GTUM MA RANG STOBS KYIS 'BAR NAS LHAN SKYES KYI BDE BA SKYE ZHING DES STONG PA YUL DU BYAS NAS BSGOMS PAS YAS BABS KYI DGA' BZHI DANG, MAS BRTAN GYI DGA' BZHI DANG, BDE STONG GI NYAMS KHYAD PAR CAN SKYE BA YIN NO, ,BSHAD RGYUD RDO RJE PHRENG BAR, BSKYED RIM DANG LUS DBEN MTHAR PHYIN PA'I GANG ZAG GIS RDOR BZLAS ZLA BA DRUG BYAS PAS NGAG DBEN MTHAR PHYIN PAR GSUNGS TE, DE'ANG MTSAN PHYED KYI DUS NAS SNYING GA'I 'KHOR LOR RLUNG DGU RGYU ZHING NYI MA PHYED PA NA 'KHOR LO DRUG TU RLUNG DGU DGU RGYU BAS DGU DRUG LNGA BCU RTZA BZHI DANG, DE LTAR NYIN PHYED NAS MTSAN PHYED KYI BAR DU'ANG RGYU BAS ZHAG GCIG LA RLUNG BRGYA DANG BRGYAD RGYU BA LA ZLA BA DRUG RDOR BZLAS BYED PA'I TSE ZHAG NYER BDUN RE NA NYAMS MI 'DRA BA RE SKYE TSUL RNAMS GSUNGS SO, ,RNAM PAR RTOG PA BRGYA RTZA BRGYAD KYI GRANGS GSUNGS PA'ANG RDOR PHRENG LAS BSHAD PA'I RLUNG RANG MING GIS BSTAN PA'I BRGYA RTZA BRGYAD KYIS BSKYED PA'I DBANG GIS BZHAG PA YIN NO, ,DE LA NYAMS SKYE TSUL NI, BSKYED RIM DANG LUS DBEN MTHAR PHYIN PA'I GANG ZAG GIS RDO RJE'I BZLAS PA ZLA BA DRUG BYA BAR GSUNGS LA DE'ANG ZHAG NYER BDUN RE LA RE RE SKYE BAR BSHAD DE, DE LA BGRANG BA'I BZLAS PA DANG, RJES 'GRO'I BZLAS PA DANG, GNAS KYI DBYE BA DANG, DUS KYI DBYE BA DANG, RLUNG LDOG PA'I DUS DANG, RNAM RTOG SPANGS PA'AM YONGS SU DAG PA'I BZLAS PA'O, ,DANG PO NI, NYIN ZHAG PHRUGS GCIG LA 'JUG GNAS LDANG GSUM GRANGS GCIG TU BYAS PA'I RLUNG NYI KHRI CHIG STONG DRUG BRGYA RGYU BA'I CHAGS TSUL GO YUL TZAM MA YIN PAR MYONG BA'I RNAM PAS RTOGS PA'O, ,GNYIS PA NI, NYIN ZHAG GCIG LA

, ,THUN TSOD BRGYAD YOD CING THUN TSOD RE'I DUS SU RLUNG NYIS STONG BDUN BRGYA RE RGYU LA SNYING GA'I RTZA 'DAB BRGYAD LA'ANG THUN TSOD KYI RTZA ZHES BYA'O, ,DES NA PHYI ROL GYI NYI MA'I TSOD LA SOGS PA'I THUN TSOD LA BLTOS PA MED PAR NANG PAR SNGA DRO'I DUS KYI THUN DANG PO NAS RDOR BZLAS BYAS PA NA, SNYING GA'I RTZA 'DAB RE NAS THUN TSOD KYI RLUNG RGYU BA RDZOGS MA RDZOGS JI LTAR GNAS PA LTAR MYONG BA'I RNAM PAS RTOGS PA'O, ,GSUM PA NI, DE LTAR LTE BA NA GNAS PA'I DBYUG GU DRUG CU RTZA BZHI'I RTZA 'DAB DANG, SPYI BO NA GNAS PA'I CHU TSOD SUM CU RTZA GNYIS KYI RTZA 'DAB DANG, MGRIN PA NA 'PHO BA BCU DRUG GI RTZA 'DAB RNAMS NAS RLUNG RGYU TSUL JI LTA BA BZHIN DU RTOGS PA'O, ,BZHI PA NI, SNGAR BSHAD PA LTAR MTSAN PHYED KYI DUS NAS BZUNG STE SNYING GA'I RTZA 'DAB NAS 'GO BRTZAMS NAS 'KHOR LO DRUG TU RLUNG DGU DGU RGYU BA NYIN PHYED KYI DUS SU RDZOGS PA DANG, DE LTAR MTSAN PHYED TSUN CHAD DU'ANG RLUNG RGYU BAS BRGYA RTZA BRGYAD KYI RGYU TSUL JI LTA BA BZHIN RTOGS PA'O, ,LNGA PA NI, DE LTAR BSGOMS PAS GA-YAS GA-YON GYI RGYU BA 'GAGS NAS RLUNG AA BA DH'U T'IR TSUD PA'I 'GO BRTZAM PA RTOGS PA'O, ,DRUG PA NI, DBU MA'I NANG GI'ANG SNYING GA'I RTZA 'DAB KYI LTE BAR RLUNG JI LTAR 'DOD PAR GNAS NAS RNAL 'BYOR BSGOM PA'O, ,DE LTAR RTZA 'KHOR DANG MA SBYAR BAR RLUNG RKYANG PA LA DMIGS PA DANG, RTZA GNAS SU JI LTAR RGYU RTOGS PA'I RTZA 'KHOR DANG SBYAR TE DMIGS PA DANG, DBU MA RKYANG PA DANG SBYAR NAS DMIGS PA GNYIS GNYIS TE DRUG GO ,BEM PO'I RLUNG PHRA RAGS LA SLOB PA'I PHRA RAGS KYI TSUL NI, 'DI LTAR GO BAR BYA STE, DE

LA MGON PO BZHI'I RLUNG DGU BRGYA PA PHRAG RE RE RGYU BA'I TSE, LHA MO BZHI'I RLUNG NYIS BRGYA NYER LNGA PA RE RGYU LA, DE LTAR RLUNG GI RNAL 'BYOR BYAS PA NA GA-YAS NAS PADMA MGON PO'I RGYU BA KHA DOG DMAR PO RGYU BA MTHONG ZHING, DE DANG LHAN CIG LHA MO BZHI'I RLUNG KHA DOG BZHI YOD PA RNAMS MI MTHONG BA'I TSE RAGS PA LA BSLAB PA ZHES BYA LA, DE DAG KYANG GSAL BAR MTHONG BA'I TSE PHRA BA LA BSLABS PA ZHES BYA'O, ,SNGAR BSHAD PA'I GRANGS DANG THA SNYAD KYANG PHAL CHER CHOS MNGON PA LAS, BGRANG DANG RJES 'GRO 'JOG PA DANG, ,BSGYUR BA DANG NI RTOGS PA DANG, ,YONGS DAG RNAM PA DRUG TU 'DOD, ,CES BSHAD PA DANG MTHUN PAR SNANG NGO, ,DA NI SEMS RNAM PAR DBEN PA BSHAD PAR BYA STE, DE LA RGYUD PHYI MA NAS BSTAN TSUL DANG, RANG GI NGO BO RGYAS PAR BSHAD PA'O, ,DANG PO NI, BLA MA SNGA MA DAG ,RGYUD PHYI MA'I TSIG NGES RDZOGS RIM MTHA' DAG BSTAN PAR BSAMS NAS SOR SDUD SPYOD PA LA SBYOR ZHING, SHES DANG SHES BYA BYUNG ZAD PA'I, ,ZHES PA'I RKANG PA GNYIS KYIS SEMS DBEN DANG, DE NAS RKANG PA GNYIS KYIS SGYU LUS BSTAN PAR BZHED PA NI MI 'THAD PA SNGAR BSTAN ZIN CING STON PA'I GO RIM YANG MI 'THAD DO, ,'O NA JI LTAR BSTAN ZHE NA, YAN LAG BZHI PA 'DZIN PAS SEMS DBEN 'PHANGS SHING, YAN LAG DRUG PA TING NGE 'DZIN LA BRTEN NAS SGYU LUS RTOGS NUS PAS MA BSTAN PA YIN NO, ,RTOGS TSUL YANG 'OD GSAL DU 'JUG PA'I STONG PA GSUM DANG SEMS DBEN MTSAN NYID MTSUNGS PAS RTOGS NUS LA, TING NGE 'DZIN GYI YAN LAG ZUNG 'JUG DANG, SGYU LUS GNYIS RLUNG SEMS LAS GRUB PA'I LHA SKUR

, ,MTSUNGS SHING STONG PA GSUM GYI MTHAR SGYU LUS GRUB CING, BZHI GA'I MTHAR ZUNG 'JUG GRUB PA TZAM MA GTOGS MTSAN NYID MTSUNGS PAS SO, ,GNYIS PA LA, GZHAN GYI BZHED PA DGOD PA DANG, RANG GI LUGS SO, ,DANG PO NI, RIM LNGA'I 'GREL PA LAG MIS MDZAD PA DANG NOR BU'I PHRENG BA DANG, SGRON GSAL GYI 'GREL BSHAD SKAL LDAN GRAGS PAS MDZAD PA RNAMS SU, SPYI BO DANG MGRIN PA DANG SNYING GA RNAMS SU 'KHOR LO RTZIBS BRGYAD PA KHA DOG DKAR PO DANG DMAR PO DANG SNGON PO RNAMS LA LTE BAR YI GE DANG BCAS PA BKOD NAS DE LA DMIGS PA BZUNG STE SREG PA'I RNAM PA SOGS KYIS SEMS DBEN BSKYED PA DANG, YANG SNYING GA'I AA THUNG SPUS BRIS PA LTA BU LA DMIGS PA 'DZIN PA SOGS DU MA BSHAD KYANG, RGYUD DANG YAB SRAS RNAM PA LNGA'I GZHUNG GANG NA'ANG MI GSAL BAS YID BRTAN MI RUNG NGO, ,YANG RJE 'GOS KYI BZHED PAS, SEMS DBEN NI, 'OD GSAL LA SEMS GSAL TZAM KUN RDZOB GSAL BA'I 'OD GSAL DANG, DNGOS PO RNAMS KYI DE KHO NA NYID DON DAM STONG PA'I 'OD GSAL GNYIS YOD PA'I SEMS KYI GSAL RIG TZAM LA DMIGS PA YIN GYI, STONG PA NYID LA DMIGS PA MA YIN TE DE LTA NA 'OD GSAL DANG KHYAD MED DU 'GYUR BAS SO, ,'DI NI ZHI LHAG GNYIS KYI NANG NAS SNGA MA YIN LA, MA RGYUD RNAMS NAS KYANG LAM GYI RTOGS PA 'DI LAS LHAG PA MA BSTAN PAS DE DAG NI DBANG PO BRTUL PO GZHUG PA'I PHYIR DU GSUNGS PA YIN LA, GSANG BA 'DUS PA 'DIR NI, LAM RDZOGS PAR BSTAN ZHING, DE'ANG SPANG BYA SHES SGRIB LA GZUNG BA LA MNGON PAR ZHEN PA DANG, 'DZIN PA LA ZHEN PA DANG,

GZUNG 'DZIN THA DAD LA ZHEN PA GSUM GYI GNYEN POR RIM PA BZHIN SGYU LUS DANG 'OD GSAL DANG ZUNG 'JUG RNAMS BSTAN PA YIN NO, ,BSHAD ZIN PA'I SEMS DBEN DE NYID BEM PO'I RLUNG PHRA RAGS LA BSLAB PA'I RDOR BZLAS DANG, PHYI ROL GYI PHYAG RGYA LA BRTEN NAS SNGAR BSHAD PA'I KHAMS DBAB LDOG DANG DGRAM PA DANG BSDU BA SOGS KYI SGO NAS BSKYED PA YIN NO ZHES GSUNGS SO, ,PHYI ROL GYI PHYAG RGYA LA BRTEN NAS GSAL BAR GSUNGS KYANG, NGO BO NGOS 'DZIN DE NI MI 'THAD DE, DE KHO NA NYID BSDUS PA'I LUNG SPYOD BSDUS SU DRANGS PA LAS, RIGS KYI BU MNYAM PAR BZHAG PAS RANG GI SEMS LA SO SOR RTOGS SHIG CES, DE BZHIN GSHEGS PA RNAMS KYI SE GOL GYI SGRAS SEMS KYI DE KHO NA NYID KYI RTOGS PA BSKYED PA LA BSKUL BAR GSUNGS PAS, SHES PA GSAL RIG LA DMIGS PA'I TING NGE 'DZIN BSKYED PA TZAM LA DE TZAM BSKUL MI RIGS PA'I PHYIR DANG, RNAM SNANG MNGON BYANG LAS KYANG, BYANG CHUB NI RANG GI SEMS YANG DAG PA JI LTA BA BZHIN DU YONGS SU SHES PA'O, ,ZHES SEMS DBEN GYI STONG NYID RTOGS PAR GSUNGS PA DANG, SRID PA'I 'CHING BA GCOD PA'I DON DAM BYANG CHUB KYI SEMS SU SPYOD BSDUS SU GSUNGS PAS STONG NYID RTOGS PAR GSUNGS PA SHIN TU MANG NGO, ,'OD GSAL DANG KHYAD MED DU'ANG MI 'GYUR TE, ,DE NI STONG NYID MNGON SUM DU RTOGS PA YIN LA 'DIS NI DON SPYI TZAM RTOGS PA YIN PAS SO, ,GNYIS PA LA, MING GI RNAM GRANGS DANG, RGYU GANG LA BRTEN NAS SKYE BA DANG, NGO BO NGOS BZUNG BA DANG, SEMS GSUM RGYUN GCIG LA SKYE MI SKYE DPYAD PA'O, ,DANG PO NI, THEG PA THUN MONG PA LA GRAGS PA'I SEMS DANG YID DANG RNAM PAR SHES PA DANG KUN BRTAGS GZHAN DBANG YONGS GRUB DANG DUG GSUM DANG NGO BO NYID MED PA GSUM LA

, ,SOGS PA'O, ,THUN MONG MA YIN PA LA GRAGS PA'I MING NI, SNANG MCHED THOB GSUM DANG, STONG PA SHIN TU STONG PA STONG PA CHEN PO DANG, SEMS SEMS BYUNG MA RIG PA DANG, CHAGS BRAL DANG 'DOD CHAGS DANG, 'DOD CHAGS BAR MA ZHES BYA'O, ,GNYIS KA LA GRAGS PA 'JAM RTZUB BAR MA DANG, SKYES PA BUD MED MA NING DANG, ZLA NYI DANG MTSAMS KYI MUN PA SOGS SO, ,GNYIS PA NI, NANG GI RKYEN DANG, PHYI'I RKYEN NO, ,DANG PO NI, SNGAR RDOR BZLAS KYI RTOGS PA DRUG BSHAD PA'I LNGA PA'I YON TAN SKYES PA'O, ,DE'ANG RLUNG DBU MAR CHUD PA TZAM GYIS MI CHOG GI RDOR BZLAS BYAS PA'I STOBS KYIS SNYING GA'I RTZA MDUD BSHIG NAS DE'I DBUS SU LHAN CIG SKYES PA'I RLUNG DANG THIG LE DANG SEMS RNAMS 'DU 'PHROD BYAS NAS MI SHIGS PA'I AA THUNG DANG BCAS PA 'DU 'PHROD BYAS PA'I STOBS KYIS BDE BA KHYAD PAR CAN SKYES PA'O, ,DE'ANG DBU MA'I NANG GI ME DE'I NANG GI RLUNG GIS BSKUL BA LAS YIN NO, ,GNYIS PA PHYI'I RKYEN NI RIM LNGA LAS, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA NI, ,GSAL BAR DE LAS MTSON PAR 'GYUR, ,ZHES GSUNGS PAS, PHYI ROL GYI PHYAG RGYA LA BRTEN PA'O, ,GSUM PA LA GSUM GYI DANG PO SNANG BA NI, SPYOD BSDUS LAS, DE LA SNANG BA'I MTSAN NYID GANG ZHE NA, RNAM PA MED PA'I RANG BZHIN LUS DANG NGAG MED PA STE, JI LTAR STON GYI DUS SU NAM MKHA' DRI MA MED PA LA ZLA BA'I DKYIL 'KHOR GYI 'OD ZER SNANG BAR BYED PAS KHYAB PAR BYED PA BZHIN DU, RANG BZHIN GYIS GSAL BA'I RNAM PAR DNGOS PO MA LUS PA THAMS CAD

LA DMIGS PAS NA SNANG BA STE, 'DI NI DON DAM PA'I BYANG CHUB KYI SEMS SHES RAB KYI SNANG BA STONG PA DANG PO STE, AOm ZHES PA NGAG GI SGO LA BRTEN PA'I SA BON BRTAN PAR BYED PA'I RGYU ZHES GSUNGS SO, ,GNYIS PA SNANG BA MCHED PA NI, SNANG BA MCHED PA'I MTSAN NYID GANG ZHE NA, DE'ANG GZUNG BA DANG 'DZIN PA BRAL BA'I GZUGS CAN LUS DANG NGAG MED PA STE, JI LTAR STON KA'I DUS SU NYI MA'I 'OD ZER GYIS KHYAB PA BZHIN DU SHIN TU GSAL ZHING DRI MA MED PA'I NGO BO NYID DU DNGOS PO MA LUS PA DMIGS PA BYANG CHUB KYI SEMS KUN TU BZANG PO GNYIS PA STE, RIM PA GNYIS PA SHIN TU STONG PA'I MTSAN NYID CAN A'A: ZHES BYA BA NGAG GI SGO LA BRTEN PA'I SA BON BRTAN PAR BYED PA'I RGYU STE ZHES GSUNGS SO, ,GSUM PA SNANG BA THOB PA NI, SNANG BA THOB PA GANG ZHE NA, DE BZHIN DU NAM MKHA'I MTSAN NYID DNGOS PO MED PA'I GZUGS CAN LUS DANG NGAG MED PA STE, JI LTAR MTSAMS KYI MUN PA LA BAB PA'I NGO BOR KHYAB PA PHRA ZHING BDAG MED PA SROG DANG RTZOL BA MI RGYU BAS RGYU BA MED PA STE SEMS MED PA DANG MI GA-YO BA, NGAG GI SA BON LA BRTEN PA'I SGO NAS YONGS SU GRUB PA ZHES BYA BA 'DI NI SNANG BA THOB PA MA RIG PA'I MTSAN NYID CAN STONG PA CHEN PO STE, ZHES GSUNGS TE, DE DAG GI DON NI YE SHES RDO RJE KUN LAS BTUS LAS, RNAM PAR SHES PA RLUNG LA ZHON TE, RANG BZHIN BRGYAD CU'I RNAM PAR RTOG PA GA-YO BA'I BAR DU GSUNGS PA DANG, RGYUD PHYI MA LAS 'BYUNG BA THIM PA'I RTAGS BSHAD PA RNAMS SEMS DBEN GYI SKABS SU'ANG RNAM PA CI 'DRA BA 'OD GSAL DU 'JUG PA DANG RIGS MTSUNGS

, ,PA 'BYUNG STE, DE'ANG SNGAR GYI PHYI NANG GI RKYEN LA BRTEN TE STONG PA NYID BSGOMS PAS SA CHU LA THIM DE ME DANG DE RLUNG DANG, RLUNG RNAM SHES LA THIM NAS SEMS DBEN GYI RTOG PA SKYE BA YIN TE, ZHE SDANG LAS GYUR PA'I RTOG PA SUM CU RTZA GSUM GA-YO BYED KYI RLUNG 'GAGS PA'I STOBS KYIS RTOG PA DE DAG 'GAGS NAS SNANG BA'I YE SHES SKYE LA DE LA STON DUS KYI MTSAN MO NAM MKHA' DRI MA MED PA LA ZLA BA'I 'OD ZER SNANG BA DANG 'DRA BAR STONG NYID RTOGS PA STE, DE'I DUS SU RNAL 'BYOR PA'I LUS SGUL BSKYOD DANG NGAG SMRA BRJOD MED PAS LUS NGAG MED PA ZHES BYA'I, SPYIR LUS NGAG TZAM DANG SHES NGO DER MED PA TZAM LA MI ZER RO, ,DE DUS GA-YAS GA-YON GYI RLUNG RGYU BA MA 'GAGS PAS AOm ZHES PA NGAG GI SGO LA BRTEN PA ZHES SO, , SGO NI YI GE DANG SA BON RLUNG NGO, ,DNGOS PO MA LUS PA THAMS CAD LA DMIGS PA ZHES PA NI, DE MTHA' DAG GI CHOS NYID RIS TSAD MED PAR RTOGS PA YIN GYI, CHOS CAN LA DMIGS PA NI MA YIN NO, ,MCHED PA'I SKABS KYI LUNG TSIG GI DON YANG DE LA BRTEN NAS SHES PAR BYA'O, ,'DOD CHAGS LAS GYUR PA'I RTOG PA BZHI BCU GA-YO BA'I RGYU 'GAGS PA'I STOBS KYIS RTOG PA DE DAG 'GAGS PA NA SNANG BA MCHED PA'I YE SHES SKYE BA YIN NO, ,DE'ANG SNGA MA LTAR STONG NYID RTOGS PAR 'DRA BA LA, NYIN PAR GYI NAM MKHA' DVANGS PA LA NYI MA'I 'OD ZER GYI SNANG BAS KHYAB PA DANG 'DRA BAR GSAL BA'O, ,GTI MUG LAS GYUR PA'I RTOG PA BDUN GA-YO BA'I RLUNG 'GAGS PA'I STOBS KYIS RTOG PA DE DAG 'GAGS PA NA, NYER THOB

KYI YE SHES SKYE LA DE'ANG NYI MA DANG ZLA BA'I 'OD ZER GYI SNANG BA MED PA'I MTSAMS KYI MUN PA DANG 'DRA BAR RTOGS PA'O, ,DE LA MNYAM PAR BZHAG PA'I DUS SU GA-YAS GA-YON GYI RLUNG RGYU BA 'GAGS PAS SROG DANG RTZOL BA MED PA ZHES BYA LA, YI GE MA GSUNGS PA'I DON YANG DE NYID DO, ,RLUNG RNAM SHES LA THIM PA'I DON DE LTAR YIN GYI LHAN SKYES KYI RLUNG THIM PA NI MA YIN NO, ,DES NA SEMS DBEN GYI STONG PA SKYE TSUL NI PHYI NANG GI RKYEN LA BRTEN NAS RTOG PA RIM GYIS 'GAGS NAS SKYES PA'I RTOG PA YIN GYI, RGYUD GZHAN NAS BSHAD PA'I DON SNGAR BSHAD PA LTAR 'KHOR LO BZHI LA SOGS PA'I LUS KYI GNAS DE DANG DER THIG LE'I 'DU 'PHROD BYAS PA'I STOBS KYIS SKYES PA'I DGA' BZHI'I RTOGS PA SKYE BA'I RIM PA RNAMS DANG DON MI GCIG GO ,SLOB DPON YAB SRAS RNAM PA LNGAS KYANG SEMS DBEN GYI SKABS SU DGA' BZHI SKYE BA'I TSUL DE LTA BU MA GSUNGS SO, ,DES NA DGA' BZHI'I RTOG PA SKYE TSUL GYI RIM PA THAMS CAD SEMS DBEN GYI NYAMS LEN LA SBYOR BA NI MI 'THAD DE, GANG ZAG GI KHYAD PAR 'GA' ZHIG LA DBANG DANG BSKYED RIM GYI SKABS GNYIS KA RU PHYI ROL GYI PHYAG RGYA LA BRTEN NAS SKYE BA'I DGA' BZHI'I RTOG PA GSUNGS PA DANG, DE BZHIN DU PHRA MO SGOM PA DANG, LUS DBEN GYI RANG BZHIN GYI SOR BSAMS DANG, NGAG DBEN LA BRTEN NAS SKYE BA SOGS DANG, DGA' BZHI'I MING 'DRA'ANG DON MI 'DRA BAS DE DAG LEGS PAR DMIGS PHYED PAR BYA'O, ,SKABS 'DI NAS RDZOGS RIM PA'I SPYOD PA BYED PA YIN TE, RANG BZHIN SNANG BA'I DBYE SHES NAS, ,DE NAS SPYOD PA RAB TU BYA,

, ,ZHES GSUNGS SO, ,BZHI PA SNGAR BSHAD PA LTAR GYI RGYU RKYEN DE DAG YANG DANG YANG DU GOMS PAR BYAS PAS SNANG BA'I YE SHES SKYE LA, YANG RGYU TSOGS DE DAG LAN MANG PO'I BAR DU GOMS PAR BYAS PAS MCHED PA'I YE SHES SOGS SKYE BA YIN GYI, SNGA MA SKYES PA'I RGYUN GCIG LA SKYE BA NI MA YIN NO, ,THAMS CAD STONG PA 'OD GSAL NI, NYI 'OD KYI SNANG BA MED PA'I THO RANGS KYI NAM MKHA'I RANG MDOG GI DPES GSUNGS SO, ,DE'ANG SPYIR BSKYED RIM LA SOGS PA RNAMS LA'ANG THUN MONG MA YIN PA'I KHYAD PAR MTHA' YAS KYANG GTZO BO NI RDZOGS RIM LAS YIN LA, DE'I NANG NAS KYANG SLOB DPON KLU SGRUB MDO'I DGONGS PA PHYIN CI MA LOG PAR 'GREL BAR LUNG BSTAN PA'I DGONGS PA'I GTZO BO GNYIS TE, PHA ROL TU PHYIN PA'I THEG PA LAS RTAG CHAD KYI MTHA' DANG BRAL BA'I RTEN 'BREL LA BYA BYED 'THAD PA DANG SNGAGS KYI THEG PA LA SGYU LUS SO, ,'DI MI SHES NA ZUNG 'JUG KYANG MI RTOGS LA, 'DI SHES NA RIM PA LNGA DANG SBYOR BA DRUG GI LAM GYI GTZO BO RTOGS PAR 'GYUR BAS SO, ,'DI'ANG SPYOD BSDUS NA CUNG ZAD RGYAS PAR YOD PAS DE'I DON CUNG ZAD BSHAD NA, DRI BA DANG, LAN DANG, LAN LA DOGS PA ZHUS PA DANG, DE LA LAN BSTAN PA'O, ,DANG PO LA DRI BA DNGOS DANG, DOGS PA DE SKYE BA'I RGYU MTSAN NO, ,DANG PO NI, RDO RJE SLOB MAS GSOL PA, RDO RJE SLOB DPON GYI ZHAL SNGA NAS KYI BKA' DRIN GYIS BSHAD MA THAG PA'I GSUNG RAB KYI RJES SU 'BRANGS NAS, DBEN PA GSUM GYI MTSAN NYID RTOGS LAGS NA, DA DUNG LHA SKU MTSAN NYID PA'I SGYU MA LTA BU'I LUS MA SHES PAS ZHU BAR 'CHAL TE, BSKYED

RIM NAS BRTZAMS TE LUS DBEN GYI BAR GYI SKU RDO RJE LA SOGS PA'I RDO RJE GSUM DANG, SOGS PAS RIGS BRGYA DANG LNGA DANG GSANG CHEN RIGS GCIG PA RNAMS LA'ANG LHAG PAR MOS PA TZAM MA GTOGS LHA MTSAN NYID PA MED, DE'ANG LUS DBEN LA MED DE, LHAR MOS PA'I GZHI RDUL PHRAN BSAGS PA TZAM YIN PA'I PHYIR, NGAG DBEN LA MED DE, DE GOMS PA'I LAG RJES LA LHA'I RNAM PA MI 'BYUNG BA'I PHYIR, SEMS DBEN LA MED DE, STONG NYID RTOGS PA'I SEMS KYI SNANG BA TZAM YIN PA'I PHYIR, DES NA KUN RDZOB LHA SKU LA GNAS PA MA RNYED PAS BSHAD DU GSOL, ZHES PA'O, ,GNYIS PA NI, SKABS 'DIR DRI BA GLO BUR BA LTA BUR SNANG YANG, RTOGS LDAN LA SKYE BA'I DOGS PA'I GZHI DANG PO NAS YOD DE, RGYUD SDE 'OG MA RNAMS DANG, BSKYED RIM GYI SKABS SU'ANG SHI NAS SKYE BA BLANGS PA DANG RNAM PA MTSUNGS PAR SVA BH'A WAS STONG PAR SBYANGS NAS SNANG BA TSUN CHOD BSDUS TE, DE NYID LHAR SHAR BA'I RNAM PA CAN YANG DANG YANG DU MTHONG BAS LUGS 'DI LA DA LTA LHAR BLOS BTAGS NAS BSGOM PA TZAM YIN YANG, LAM GONG MA GCIG GI SKABS SU LHAG PAR MOS PA TZAM MIN PA'I LHA SKU GDON MI ZA BAR 'BYUNG BAR GSAL BAS DE SNGAR MA BYUNG ZHING GANG DU 'BYUNG BA BSHAD DU GSOL ZHES PA'O, ,GNYIS PA NI, LHA'I DE KHO NA NYID BLA MA BRGYUD PA'I RIM PA LAS 'ONGS PA SA BCU'I DBANG PHYUG GIS KYANG BSGOMS PAS KHONG DU MA CHUD PA DE NGAS KHYOD LA BSHAD PAR BYA'O, ,DE GANG ZHE NA, RANG GI SEMS KYI GNAS LUGS JI LTA BA BZHIN DU SHES PA YE SHES GSUM GYIS SNANG BA TZAM MTSAN DPE THAMS CAD DANG LDAN PA'I LHA SKU YE SHES RDO RJE KUN LAS BTUS PA LAS, SGYU MA

, ,LA SOGS PA'I DPE BCU GNYIS KYIS MTSON PA'I BDE BA CHEN PO'I SKU DE NYID YIN NO, ,SA BCU PA NI SEMS DBEN NO, ,GSUM PA NI, LUNG LAS LUS DANG SEMS YA BRAL DU MI 'BYUNG BAR GSUNGS PAS SEMS TZAM LA ZHAL PHYAG SOGS DANG LDAN PA'I LHA'I SKU RDZOGS PAR JI LTAR 'GYUR, DMIGS PA'I LTA BA CAN RNAMS LUNG RIGS MED PAR YID MI CHES PAS LHA'I DE KHO NA NYID BDE BLAG TU KHONG DU CHUD PA'I THABS BSHAD DU GSOL, ,ZHES SO, ,YE SHES TZAM YIN NA ZHAL PHYAG DANG LDAN PA'ANG 'GAL SNYAM DU BSAM PA'O, ,BZHI PA NI, SGYU LUS NI, PHAR PHYIN GYI THEG PA LA GNAS PA RNAMS KYIS KYANG MI SHES LA, BSKYED RIM LA GNAS PA RNAMS KYIS KYANG SGYU MA LTA BU SOGS DPER BRJOD CING LHAG PAR MOS KYANG DPE DES BDAG LA BYIN GYIS BRLAB PA'I LHA SKU MI SHES SO, ,'DIS NI LHA SKU SNANG LA RANG BZHIN MED PA SGYU LUS SU 'DOD PA SOGS KYANG GSAL BA YIN TE, DE DAG GI SNANG LA RANG BZHIN MED PA'I SGYU MA LTA BU SHES KYANG SGYU LUS MI SHES PAR GSUNGS PA'I PHYIR RO, ,DE BAS NA NGAS RNAL 'BYOR RGYUD KYI RJES SU 'BRANGS NAS RDO RJE SEMS DPA'I SKU RDZOGS PAR 'GYUR BA'I RGYU RKYEN BSHAD PAR BYA'O, ,SEMS NI YANG DAG PAR NA DBYIBS DANG KHA DOG DANG BRAL BA YIN KYANG YE SHES TZAM ZHES PA'I TZAM GYI SGRAS BEM PO'I KHAMS RAGS PA GCOD PA YIN GYI, SHES PA MA YIN PA MTHA' DAG GCOD PA MA YIN TE, SEMS GSUM RLUNG 'OD ZER LNGA DANG BCAS PA LAS ZHAL PHYAG GI RNAM PA CAN GYI LHA SKU 'BYUNG BA MI 'GAL BA YIN NO, ,DE LA RLUNG 'OD ZER LNGA DANG BCAS PA NI SGYU LUS KYI NYE BAR LEN PA'I RGYU YIN LA, STONG NYID RTOGS PA'I SEMS DBEN

GYI YE SHES NI LHAN CIG BYED PA'I RKYEN YIN NO, ,DE LTAR DRI BA DANG, YE SHES TZAM GYI YID KYI RANG BZHIN GYI SKU DPE BCU GNYIS KYIS MTSON PA DE SGYU LUS SU BSHAD PA'I LAN DANG, DE LTA NA ZHAL PHYAG GI RNAM PA CAN DU MI 'THAD PA'I DOGS PA ZHUS PA DANG, DE LA LAN BSTAN PA SOGS BSHAD NAS, DA NI SGYU LUS RGYAS PAR BSHAD PA LA DRI BA DANG, LAN DANG, SHES BYED, DGOS PA'O, ,DANG PO NI YUN RING POR GNYID LOG NAS LUS KYI KHOG PA 'DI BOR TE SUM CU RTZA GSUM LA SOGS PA'I YUL GZHAN DU SONG NAS 'DOD PA'I YON TAN LNGA MYONG STE, YANG LUS 'DI LA 'JUG PA'I RGYU CI YIN ZHES PA DANG, RMI LAM DGE MI DGE'I 'BRAS BU THOB PA'I RGYU CI YIN ZHES PA DANG, GNYID LOG PA DANG MI LOG PA'I DUS KYI SKABS DAG THA DAD PAR MCHIS SAM MA MCHIS ZHES PA'O, ,GNYIS PA NI THOG MA MED PA'I LUS LA DNGOS POR 'DZIN PA RNAMS KYI THE TSOM BSAL BA'I PHYIR DANG, BDAG LA BYIN GYIS BRLAB PA'I RIM PA GSAL BAR BYA BA'I PHYIR RMI LAM GYI MTSAN NYID 'DRI BA BYED PA LEGS SO, ,RGYUD DANG MDO SDE RNAMS KYI RJES SU 'BRANGS NAS BSHAD PAR BYA'O, ,DE GANG ZHE NA, PHUNG PO KHAMS DANG SKYE MCHED DBANG SOGS PA, ,SHES PA GNYIS PA DA 'DIR RAB 'DUS NAS, ,STONG CHEN GYUR PAS GANG ZHIG GNYID LOG PA, ,RLUNG GI SHUGS KYIS RMI LAM MTHONG BAR 'GYUR, ,RMI LAM SAD LA BYE BRAG GZHAN MED PAR, ,KUN TU RTOG PAS RMI LAM 'BRAS 'DOD PA, ,'GRO BA NYIN MTSAN NYE BAR GNYID LOG CING, ,SA MTHUG GYUR PAS RAB TU RING GNYID LOG ,CES SO, ,DE DAG GI DON NI, 'OG NAS SPYOD PA'I SKABS SU BSHAD PA LTAR, PHUNG PO LNGA DANG KHAMS BZHI DANG, PHYI'I SKYE MCHED DANG, NANG GI SKYE MCHED SOGS RAGS PA RNAMS LA THIM, SA CHU LA,

, ,DE ME LA, DE RLUNG LA, DE SEMS LA, DE SEMS BYUNG LA, DE NYER THOB LA THIM PAS SHES PA GNYIS PO STONG CHEN DU GYUR PA'O, ,SHES PA GNYIS NI, SNANG BA DANG, MCHED PA DANG, SHIN TU STONG PA'I MING GIS BSTAN PA SEMS SEMS BYUNG NGO, , NYER THOB NI, GNYID LOG PA'I TSE GNYID MTHUG YIN GYI 'OD GSAL MIN LA, DE LAS GROL NAS RMI LAM YANG MA DMIGS PA'I BAR GYI NAM MKHA' DVANGS PA LTA BU'I RNAM PA CAN GYI SHES PA NI GNYID KYI 'OD GSAL LO, ,DE NAS RLUNG GI SHUGS KYIS RTOG PA GA-YOS NAS RMI LAM MTHONG BA YIN NO, ,RKANG PA THA MA GNYIS NI, DE NYID RGYAS PAR BSHAD PA'O, ,DRI BA GNYIS PA'I LAN NI, 'BRAS BU MA SMIN BYAS PA'I LAS RNAMS KYIS, ,SKYE 'DIR SLAR YANG RLUNG NI 'JUG PAR 'GYUR, ,'BRAS BU SMIN PAR GYUR NA RLUNG 'DI NYID, ,'JIG RTEN 'CHI BA GZHAN DU MYUR 'GRO 'GYUR, ZHES PA'O, ,RMI LAM GYI LUS DE SLAR YANG LUS 'DI LA 'JUG PA'I RGYU NI, DE NI RTEN BYED PA'I NUS PA MA RDZOGS PA YIN LA, NUS PA RDZOGS NAS 'CHI 'PHO BAR 'GYUR RO, ,DPES MTSON PA'I DON GYI PHYOGS GCIG NI JI LTAR ZHES PA'I RKANG PA BZHIS BSTAN NO, ,LONGS SKU LA RKANG RUS SOGS MED KYANG SEMS CAN 'DUL BA'I PHYIR DU SPRUL PA'I SKUS BYA BA MDZAD PA DANG YANG CHOS MTSUNGS SO, ,DPE DON SBYAR BA DNGOS NI RIM PA DE BZHIN ZHES PA RKANG PA BZHI'O, ,DON NI 'DI LTAR SHES PAR BYA STE, GNYID LOG PA'I CHA 'CHI BA DANG RJES SU MTHUN PAR 'BYUNG BA THIM PA'I RNAM PA CAN DANG, SEMS SEMS BYUNG LA, DE NYER THOB LA, DE GNYID KYI 'OD GSAL LA, DE LAS RMI LAM GYI LUS SU SHAR NAS DE LAS NGA'O SNYAM PA'I NGAR

'DZIN 'PHO BAR 'GYUR GYI, THA MAL GYI LUS LA NGA'O SNYAM PA MI 'BYUNG BA'I SKABS LTAR SNGAR BSHAD PA'I RDO RJE'I BZLAS PAS SNYING GA'I RTZA MDUD BSHIG STE LHAN CIG SKYES PA'I RLUNG SEMS SOGS GNAS DER 'DUS NAS 'BYUNG BA RNAMS RIM PAS THIM NAS, DE'I RJES SU STONG NYID LA MNYAM PAR BZHAG PAS SEMS GSUM GYI RTOGS PA'I MTHAR SGYU MA LTA BU'I LHA'I SKU GRUB NAS DE LA NGA RGYAL 'PHO BAR 'GYUR BA YIN NO, ,DES NA LUS DBEN MAN CHAD DU RDUL PHRA RAB BSAGS PA'I LUS LA 'DOD PA TZAM GYI LHAR DMIGS NAS DE LA NGA RGYAL 'JOG PA YIN PAS LUS DBEN LA LHA'I SKU MED DE LUS NI RDUL PHRA RAB BSAGS PA TZAM YIN PA'I PHYIR ZHES PA'O, ,DE LA RMI LAM YANG BYE BRAG PA DE NYID DPER 'DZIN LA SAD PA'ANG BYE BRAG PA SGYU MA LTA BU'I LUS DON DU BYAS NAS DRI BA'I LAN BTAB PA YIN NO, ,GSUM PA NI, DE NYID YE SHES RDO RJE KUN LAS BTUS LAS, SGYU MA LA SOGS PA'I DPE BCU GNYIS KYIS MTSON TE BSTAN PA DANG, BZANG SKYONG GIS ZHUS PA'I MDO LAS BSTAN PA DANG, RNAM SNANG MNGON BYANG LAS, 'JA' TSON LTA BU'I LUS DAG NI, ,DE NYID BSGOMS PAS THOB PAR 'GYUR, , ZHES SOGS KYI DON YANG DE BZHIN DU SHES PAR BYA'O, ,RIM LNGA LAS, RNAM SHES GSUM PO SLAR YANG NI, ,RNAL 'BYOR PA YI LUS SU 'GYUR, ZHES SOGS GSUNGS SO, ,BLA MA SNGA MA DAG DPE BCU GNYIS LA MTSON DON MI 'DRA BA RE DANG, DPE'I GTZO BO'ANG YAN LAG RDZOGS PAR CIG CAR DU 'CHAR BAS ME LONG NANG GI GZUGS BRNYAN DANG, KHA DOG GI DBYE BA MA 'DRES PAR SNANG BA 'JA' TSON DANG, DU MA LA CIG CAR KHYAB PA CHU ZLA RNAMS LA 'CHAD DO, ,MA RGYUD RNAMS NAS 'BYUNG BA THIM PA'I RIM PAS 'OD GSAL

, ,DU ZHUGS PA'I STONG NYID RTOGS PA'I SHES RAB KYI CHA SHAS RGYAS PAR GSUNGS KYANG, SHES RAB DE NYID LHA'I SKUR 'CHAR BA'I THABS KYI CHA RNAMS RDZOGS PAR MA GSUNGS SHING, DE NYID DPAL GSANG BA 'DUS PA SOGS PHA RGYUD RNAMS LAS GSUNGS PA YIN NO, ,PHA RGYUD DANG MA RGYUD KYI DBYE BA'ANG, JI SKAD BSHAD PA'I THABS DANG, SHES RAB GNYIS BRJOD BYA'I GTZO BOR STON MI STON GYI SGO NAS DBYE YI, GNYIS KAS KYANG GNYIS KA MA BSTAN PA NI MA YIN NO, ,MDOR NA THA MAL PA SHI BA'I TSE BAR DO GRUB NAS 'KHOR BA'I RGYUR 'GYUR BA DE NYID RNAL 'BYOR PAS TING NGE 'DZIN GYI STOBS KYIS SGYU MA LTA BU'I LHA'I SKUR 'CHAR NUS PA YIN NO, ,DE RNAMS KYI DON MDOR BSDU NA, DPE'I GTZO BO NGOS BZUNG BA DANG, DPE DON CHOS MTHUN SBYAR BA DANG, DPES MTSON PA'I DON LA DBYIBS DANG KHA DOG GI RNAM PA JI LTAR 'BYUNG BA DANG, SGYU LUS 'GRUB BYED KYI RGYU NGOS BZUNG BA'O, ,DANG PO NI, SGYU MA LTA BU DANG, SGYU LUS DPE DON TZAM DU SBYAR DU RUNG YANG, DON MI GCIG CING CHOS MTSUNGS RGYAS PAR SBYAR SA MED PAS SNGA MA RNAMS KYIS SGYU MA DANG, SGYU LUS KYI KHYAD PAR LEGS PAR MA PHYED CING ME LONG NANG GI GZUGS BRNYAN SOGS KYANG DPE'I GTZO BOR MI RUNG NGO, ,DES NA DPE'I GTZO BO NI, BAR SRID KYI LUS DANG RMI LAM GYI LUS GNYIS YIN LA, DE LAS SNGA MA GTZO BO YIN NA'ANG, DA LTA MYONG BAS GRUB PA'I RNAM PA SBYAR DU MED PAS RMI LAM NYID LAS MTSON PAR BYA'O, ,GNYIS PA NI, CHOS MTHUN LNGAS SHES PAR BYA STE, RMI LAM LA SHI BA DANG RNAM PA RJES SU MTHUN PAR 'BYUNG BA BZHI DANG, SEMS DANG SEMS BYUNG DANG, NYER THOB RNAMS

RIM PA BZHIN DU GNYID KYI 'OD GSAL LA THIM NAS DE NAS RMI LAM GYI LUS SU LDANG BA DANG, RLUNG SEMS TZAM LAS GRUB PA'I YID LUS YIN PA DANG, LUS RANG DGA' BA DE LAS LOGS SU BYE BA LTA BUR SNANG BA DANG, NGA'O SNYAM PA'I BLO GO SA 'PHOS NAS RMI LAM GYI LUS LA 'DZIN PA DANG, RMI LAM GYI LUS DE NYID SLAR YANG LUS THA MAL PA DE LA 'JUG PA, DPE DE BZHIN DU SGYU LUS KYANG 'BYUNG BA BZHI DANG, SNANG MCHED THOB GSUM LUGS 'BYUNG DU TZAM NAS SLAR YANG LUGS LDOG TU SHAR BA'I SNANG BA GSUM GYI MTHAR SGYU LUS KYI LHA SKUR LDANG BA DANG, RLUNG SEMS TZAM LAS GRUB PA'I LHA SKU DANG, RNAM SMIN GYI LUS LAS LOGS SU BYE BA LTA BUR SNANG BA DANG, DE NYID LA NGA RGYAL 'PHOS PA DANG, SLAR YANG LUS SNGA MA LA 'JUG PA'O, ,RMI LAM DANG SGYU LUS GNYIS KA DNGOS PO LA THA MAL PA'I LUS DANG, RTEN DANG BRTEN PA'I 'BREL PA ZHIG NAS LOGS SU CHAD PA NI MA YIN GYI, BSAM DON DE LTAR SNANG BA YIN LA 'ON KYANG SGYU LUS DE NYID RLUNG SEMS LAS GRUB PA'I LHA SKU MTSAN NYID PA YIN PAS YE SHES KYI SKU ZHES BYA'I RDO RJE 'CHANG MTSAN NYID PA NI MA YIN NO, ,BSKYED RIM SOGS KYI SKABS SU RTOG PAS LHAR MOS PA TZAM MA GTOGS LHA SKU MTSAN NYID PA MED DO, ,'O NA SLOB PA'I ZUNG 'JUG DANG KHYAD MED PAR 'GYUR RO ZHE NA, SKYON MED DE, SGYU LUS RNAM SMIN GYI LUS DANG LAS DBANG GIS BZHAG PA'I RTEN BRTEN PA'I 'BREL PA MA ZHIG LA, ZUNG 'JUG GI TSE ZHIG PAS SO, ,DE LTAR NA'ANG SHI BA BZHIN DU MI 'GYUR TE, TING NGE 'DZIN GYI STOBS KYIS RTEN DANG BRTEN PAR 'GYUR BAS SO, ,RMI LAM GYI LUS SLAR YANG 'JUG PA NI,

, ,'BRAS BU MA SMIN BYAS PA'I LAS RNAMS KYIS, ,SKYE 'DIR SLAR YANG RLUNG NI 'JUG PAR 'GYUR, ZHES PAS BSTAN NO, ,GSUM PA NI, BSKYED RIM GYI SKABS SU DANG PO'I MGON PO SKU MDOG DKAR PO ZHAL GSUM PHYAG DRUG PA YUM DANG BCAS PA BSKYED NAS DE NYID SPRUL SKUR BSGYUR BA LTAR, SGYU LUS 'DI'ANG DBYIBS DANG KHA DOG DE LTAR 'BYUNG ZHING 'JIG RTEN GYI KHAMS THAMS CAD LA 'OD KYIS KHYAB PA LTA BU DANG MTSAN DANG DPE BYAD KYIS BRGYAN PA'I SKUR 'BYUNG BA YIN NO, ,LONGS SKU DANG 'DRA BAR SA MA THOB PA RNAMS KYI SPYOD YUL DU MI 'GYUR BAS DE NAS SPRUL SKUR BSGYUR BA YIN NO, ,BSKYED RIM SKABS KYI LONGS SPRUL GYI DON YANG DE LTAR SHES PAR BYA'O, ,BZHI PA NI, SNGAR BSHAD PA LTAR, RTZA BDUN KHRI NYIS STONG GI DBYE BSDU DANG, DE'I NANG DU RLUNG NYI KHRI CHIG STONG DANG KHAMS DKAR DMAR RGYU CHUL DANG MTHAR 'DU 'PHROD GANG DU BYED PA'I GNAS LNGAR BSHAD PA LTAR NGAG DBEN GYIS SNYING GA'I RTZA MDUD BSHIG NAS DER THAMS CAD 'DUS TE, LHAN SKYES KYI BDE BA BSGOMS NAS RANG BZHIN BRGYAD CU'I RNAM RTOG RIM GYIS 'GAGS NAS SEMS GSUM GYI RTOGS PA RIM GYIS SKYE ZHING DE NYID LUGS LDOG T SHAR NAS SNANG BA'I YE SHES SKYES BA'I CHA SGYU MA'I SKUR LDANG BA YIN NO, ,'O NA RGYUD DE TZAM GYIS CHOG GAM SNYAM NA, LE LO CAN BAR DOR 'TSANG RGYA BA'I SKABS SU BSHAD PA LTAR, SEMS GSUM GYI MTHAR LHA'I SKUR LDANG BAR BYA'O SNYAM PA'I 'PHEN PA SNGON DU BTANG BA LA NGES PAR BLTOS PA YIN NO, ,DPER NA DUS 'DI TZAM LAS DA BAR BYA'O SNYAM PA'I 'PHEN PA BTANG NAS GNYID LOG NAS

DE'I DUS SU LDANG BAR 'GYUR BA BZHIN NO, ,BAR DOR 'CHANG BRGYA ZHES PA'I DON YANG DBEN PA GSUM THOB NAS SPYOD PA MA SPYAD PA'I RNAL 'BYOR PA ZHIG 'CHI BA LA BAB PA'I TSE BAR DO RANG GA BAR MA SHOR BAR LHA'I SKUR LDANG BAR BYA'O SNYAM PA'I 'PHEN PA BTANG BA NA GZHAN LA BAR DE GRUB PA'I DOD LA SGYU LUS GRUB NAS DE NAS LAM LHAG MA SBYANGS TE, RDO RJE 'CHANG GI SKUR 'GYUR BA YIN GYI, BAR DO RANG GA BA GRUB NAS RTEN DE LA 'TSANG RGYA BA NI, SPYOD BSDUS SOGS KYI DGONGS PA YE NAS MA YIN NO, ,'ON KYANG SNGA MA KHA CIG BZHED PA LTAR GYI BAR DO'I GDAMS NGAG RNAMS KHYAD PAR NI SHIN TU CHE'O, ,THIG LE'I RNAL 'BYOR GOMS PAR BYAS BAS 'KHOR LO BZHI'I LTE BAR DGA' BZHI'I RTOGS PA BSKYED PA DANG, RLUNG GI RNAL 'BYOR LA GOMS PAR BYAS PAS 'BYUNG BA BZHI'I RLUNG 'BYONGS NAS RIM PA BZHIN DU SUS KYANG BSGUL MI NUS PA DANG, MES MI 'TSIG PA DANG, 'KHYAGS SBUBS SU BCUG KYANG DROD 'BAR BA DANG, NAM MKHA' LA 'GRO BA SOGS BYUNG YANG SGYU LUS KYI DON MA SHES NA TSE GCIG LA 'TSANG RGYA BA'I LAM GYI GNAD MI ZIN PAS SNGAR BSHAD PA LTAR RLUNG SEMS LAS SGYU MA'I SKU 'GRUB LUGS LA MKHAS PAR BYA'O, ,DE LTAR SEMS DBEN DANG SGYU LUS NI, RGYUD PHYI MA'I TSIG DES DNGOS SU MA BSTAN YANG ZHAR LA RTOGS NUS PAS BSHAD PA YIN LA, DA NI RNAL 'BYOR YAN LAG BZHI PA 'DZIN PA'I YAN LAG DANG RIM PA LNGA'I 'OD GSAL DON GCIG PAS DE BSHAD PA NI, RGYUD PHYI MA LAS, RANG DBANG RIN CHEN DGAG PA YIS, ,GZUNG BA 'DZIN PA YIN PAR BSHAD, CES SO, ,RANG NI GZUGS SGRA LA SOGS PA'I YUL DANG

, ,DBANG PO MIG LA SOGS PA DANG, RIN PO CHE NI YUL DBANG GI RTEN RLUNG SEMS TE, DE DAG DON DAM PA'I BDEN PA DANG CHU LA CHU BZHAG GI TSUL DU THIM PA NI 'GAGS PA'O, ,YUL DBANG MED PAR SONG BA MA YIN GYIS RNAM SHES KYI DMIGS PA DANG RTEN BYED PA'I NUS PA LOG PA YIN NO, ,RGYUD KHA CIG NAS, RLUNG DBU MA'I NANG DU 'DZIN PA LA 'DZIN PA'I YAN LAG TU BSHAD DO, ,'O NA 'OD GSAL MNGON DU 'GYUR BA LA RTAGS JI LTAR 'BYUNG ZHE NA, DE NYID LAS, SEMS NI 'GOG PA'I RDO RJER 'GYUR, ,MTSAN MA NYER 'DZIN 'BYUNG BAR 'GYUR, ,MTSAN MA'I KHAMS NI RNAM PA LNGAR, ,BYANG CHUB RDO RJES GSUNGS PA YIN, ZHES TE, 'GOG PA'I RDO RJE NI YANG DAG PA'I MTHA' 'OD GSAL LO, ,BYANG CHUB RDO RJE NI RDO RJE 'CHANG NGO, ,MTSAN MA LNGA PO GANG ZHE NA, SMIG RGYU 'DRA BA DANG PO STE, ,DU BA LTA BU GNYIS PA YIN, ,MKHA' SNANG 'DRA BA GSUM PA STE, ,MAR ME LTAR 'BAR BZHI PA'O, ,SPRIN MED NAM MKHA' LTA BU NI, ,RTAG TU SNANG BA LNGA PA'O, ZHES GSUNGS TE, DANG PO NI SA CHU LA THIM PA'I RTAGS YIN LA, GNYIS PA NI CHU ME LA THIM PA DANG, GSUM PA NI ME RLUNG LA THIM PA'I RTAGS TE, NYID DU GYUR PA NI RNAM PAR BSGOM PA'O, ,RIM PA DE NYI BZHI PA NI RLUNG SNANG BA GSUM LA THIM PA'I RTAGS TE, DE'ANG SNGAR BSHAD PA LTAR RLUNG RAGS PA LA SOGS PA YIN GYIS LHAN SKYES KYI RLUNG NI 'OD GSAL GYI TSE'ANG YOD DO, ,LNGA PA NI RANG BZHIN SNANG BA LA THIM ZHING SNANG BA GSUM YANG RIM GYIS THIM PA'I RTAGS TE, RTAG TU SNANG BA 'OD GSAL DU GYUR PA ZHES BSHAD KYANG 'OD GSAL 'CHAR BA'I RTAGS YIN GYIS DNGOS MIN NO, ,SNGA MA DAG RTAGS CAN GYI SHES PA BRTAN GA-YO'I TSAD YIN, 'OD GSAL MNGON

DU 'GYUR BA LA RNAM PA DE LTAR SNANG BA MA YIN NO, ,ZHES GSUNGS KYANG RNAM PA'ANG DE KHO NA LTAR 'BYUNG BA YIN TE, BRTAN 'GYUR RDO RJE'I LAM NAS NI, ,NAM MKHA' KHYAB PAR SPRO BAR BYA, ZHES GSUNGS TE, BRTAN PA NI 'OD GSAL DU RNAM PA DAG PAR GYUR PA YIN LA, , RDO RJE NI JI SKAD BSHAD PA'I RTAGS LNGA'I GO RIM DANG RNAM PA DE KHO NA LAS 'DA' BAR MI BYA'O, ,NAM MKHA' KHYAB PA NI DNGOS PO MTHA' DAG GI CHOS NYID LA CHU LA CHU BZHAG GI TSUL DU RIS SU MA CHAD PAR BYA BA'O, ,MTHA' DRUG GI SKABS SU 'OD GSAL DANG ZUNG 'JUG MTHAR THUG GI DON DU BSHAD PA LA, KHA CIG 'OD GSAL DNGOS PO'I MTHAR THUG DANG ZUNG 'JUG LAM GYI MTHAR THUG TU 'CHAD PA DANG, YANG KHA CIG SNGA MA LAM DANG, PHYI MA 'BRAS BU'I MTHAR THUG DANG, KHA CIG 'OD GSAL LA MTSAN NYID THEG PA'I MTHAR THUG DANG, ZUNG 'JUG SNGAGS KYI THEG PA'I MTHAR THUG TU 'CHAD PA RNAMS RGYUD KYI DGONGS PA MA YIN GYI, SNGAR BSHAD PA'I DBEN GSUM DANG SGYU LUS KYI RGYU'I KHYAD PAR LAS RNAL 'BYOR PA'I SEMS DE KHO NA NYID KYI RNAM PA CAN DU MTHAR THUG PA DANG, DE'I RTEN LUS OG 'BRAS BZAN I RNAM PA CAN GYI LHA SKUR MTHAR THUG PA YIN NO, ,YAN LAG LNGA PA RJES DRAN NI, ,RJES DRAN GANG ZHIG RNAM BSGOMS PA, DE DANG 'DRA BAR SPRO BAR BYA, ,RJES SU DRAN PA ZHES BSHAD DE, ,SO SOR SNANG BA DE LAS SKYE, ,ZHES SO, ,'OD GSAL LAS LANGS NAS SEMS GSUM LUGS LDOG TU SHAR BA NI 'OD GSAL YIN LA, SO SOR SNANG BA ZHES PA KHA CIG GIS KUN RDZOB BDEN PA LA BSHAD KYANG, 'OD GSAL LA BSHAD PA LTAR 'THAD PAS DE LAS RJES DRAN SKYE BAS BSKYED BYAR BYA'O, ,YAN LAG DRUG PA'I TING NGE 'DZIN NI, THABS

, ,DANG SHES RAB SNYOMS 'JUG PAS, ,DNGOS PO THAMS CAD MDOR BSDUS PA, ,GONG BU'I TSUL GYIS BSDUS NAS NI, ,DBUS SU GZUGS NI RNAM PAR BSGOM, ,YUD KYIS YE SHES RDZOGS BYED PAS, ,TING NGE 'DZIN CES BTAGS PA YIN, ZHES SO, ,THABS KUN RDZOB BDEN PA SGYU LUS DANG SHES RAB 'OD GSAL GNYIS DUS GCIG TU 'DUS NAS DBYER MED RO GCIG TU GYUR PA NI SNYOMS PAR 'JUG PA STE ZUNG 'JUG GO ,DNGOS PO THAMS CAD NI RGYU BA DANG MI RGYU BA'O, ,GONG BU NI, RDO RJE 'CHANG GI GZUGS TE, BRTAN GA-YO'I DBUS SU BDAG NYID RDO RJE 'CHANG GI SKU ZUNG 'JUG GI BDAG NYID DU GYUR PA NI RNAM PAR BSGOM PA'O, ,RIM PA DE NYID KYIS SKAD CIG TZAM GYIS YE SHES KYI SKU RDZOGS PA NI TING NGE 'DZIN YIN NO, ,SLOB PA'I ZUNG 'JUG THOB PA NAS BZUNG STE, DUS NAM YANG RDO RJE'I SKU RGYUN CHAD PA MI SRID CING, SGYU LUS NI 'OD GSAL MNGON DU GYUR PA'I TSE 'GAG GO ,DE'I RGYU MTSAN YANG SGYU LUS KYI GZHIR CHOS NYID DON SPYI'I TSUL GYIS RTOGS PA'I SEMS GSUM GYI SNANG BA DGOS LA CHOS NYID MNGON SUM DU RTOGS PA'I TSE DE MI SRID PAS SO, ,SLOB PA'I ZUNG 'JUG THOB PA NAS RNAM SMIN GYI LUS DANG LAS DBANG RTEN BRTEN PA'I 'BREL PA ZHIG PAS TING NGE 'DZIN GYI MTHUS BZUNG BA TZAM MO, ,'OD GSAL LAS LANGS NAS SEMS LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD TZAM NAS ZUNG 'JUG TU MI 'JOG LA, DE NAS LUS DE LTAR GNAS BZHIN PA LA 'OD GSAL LA BZHAG NAS DUS GCIG TU 'DUS PA DE PHYIN NAS BZUNG NGO, ,NYE RGYU SPYOD PA BYED PA'I DUS NI, SEMS DBEN THOB PA NAS BZUNG STE, 'OD GSAL MNGON DU MA GYUR PA'I

BAR YIN GYI, DE PHYIN CHAD 'OD GSAL LA GOMS NAS SGRIB PA SPONG BAR BYED PA TZAM MO, ,DE LTAR SEMS DBEN DANG SGYU LUS RGYUD PHYI MA'I TSIG GIS DNGOS SU MA BSTAN KYANG, ZUNG 'JUG BSTAN PA NA YA SO SOR DE'I GONG DU BSGRUB DGOS SHING, DE'ANG YAN LAG GSUM PA SROG RTZOL GYI LAG RJES LA JI LTAR 'BYUNG DANG 'OD GSAL MNGON DU 'GYUR BA'I RTAGS SOGS LA DPAGS NAS SHES SO, ,'DI PHAG LO STON DBUS KYI LHA SA SER CHOS SDINGS SU, BLA MA RIN PO CHE BLO BZANG GRAGS PA'I ZHAL SNGA NAS, DRUNG 'KHOR NYI SHU RTZA LNGA LA GSANG 'DUS RIM LNGA'I 'KHRID GNANG DUS, SLOB DPON DKA' BCU PA DAR MA RIN CHEN GYIS ZIN NBRIS SU MDZAD CING BKA'I RGYU SHIN TU DAM PAR MDZAD DO,, ,,AOm SVA STI, ,PHAN BDE'I 'BYUNG GNAS RGYAL BSTAN YONGS 'DU'I LJON, ,RAB RGYAS 'GRO KUN THAR MCHOG 'BRAS BZANG LA, ,SPYOD PHYIR DGA' LDAN RNAM RGYAL CHOS GRVA CHER, ,CHOS SBYIN 'DZAD MED DAL 'GRO'I RGYUN 'DI SPEL, ,SARBA MANGGA Lm, ,