Notes on the Stage of Creation in the Teaching of the Secret Collection (Guhyasamaja)

*, ,GSANG 'DUS BSKYED RIM GYI ZIN BRIS BZHUGS SO, ,

, ,BLA MA DANG DPAL RDO RJE SEMS DPA' LA PHYAG 'TSAL LO, ,'DUS PA'I SGRUB THABS RNAL 'BYOR DAG PA'I RIM PA LA MCHOD PAR BRJOD CING RTZOM PAR DAM BCA' BA, GZHUNG GI DON DNGOS GTAN LA DBAB PA, YONGS SU RDZOGS PA MJUG GI DON DANG GSUM, GNYIS PA LA GANG GIS SGRUB PA RTEN GYI GANG ZAG ,GANG DU BSGRUB PA GNAS KYI DE NYID, JI LTAR SGRUB PA LAM GYI RIM PA'O, ,DANG PO NI LAM 'DIR 'JUG PA'I GANG ZAG NI, DANG POR SANGS RGYAS KYI THEG PA STE THUN MONG BA PHAR PHYIN GYI THEG PA LA BSLABS PA DGOS SHING, MTSAN NYID KYI THEG PA LA SANGS RGYAS KYI THEG PA ZHES PA DANG, SNGAGS KYI THEG PA LA THEG PA GSAR PA ZHES PA'I BRDA' 'DOGS PA NI 'PHAGS PA YAB SRAS KYI LUGS YIN NO, ,MTSAN

, ,NYID KYI THEG PA LAS GSUNGS PA'I LAM SMON 'JUG GI SEMS GNYIS LA DGE BA'I BSHES GNYEN GYIS LEGS PAR KHRID NAS MYONG BA CUNG ZAD RNYED PA NI NGES PAR DGOS TE, LAG NA RDO RJE DBANG BSKUR BA'I RGYUD LAS, LAG NA RDO RJES SMRAS PA, 'JAM DPAL GANG DAG BYANG CHUB KYI SEMS BSGOM PA LA ZHUGS PA DANG, GANG GI TSE DE DAG GIS BYANG CHUB KYI SEMS GRUB PAR GYUR PA DE'I TSE, 'JAM DPAL BYANG CHUB SEMS DPA'I SPYAD PA GSANG SNGAGS KYI SGO NAS SPYOD PA'I BYANG CHUB SEMS DPA' DE DAG YE SHES CHEN POR DBANG BSKUR BA'I GZUNGS SNGAGS KYI DKYIL 'KHOR DU GZHUG PAR BYA'I, GANG DAG GIS BYANG CHUB KYI SEMS RDZOGS PAR MA GYUR PA DE DAG NI GZHUG PAR MI BYA STE, DE DAG NI DKYIL 'KHOR YANG BLTAR MI GZHUG GO ,DE DAG LA NI PHYAG RGYA DANG GSANG SNGAGS

KYANG BSTAN PAR MI BYA'O, ,ZHES DBANG BSKUR BA'I SNGA ROL TU BYANG CHUB KYI SEMS RDZOGS PAR BYA BAR GSUNGS PA'I PHYIR RO, ,'O NA DE TZAM GYIS CHOG GAM ZHE NA DES MI CHOG STE, GNYIS SU MED PA'I YE SHES NI DPAL TE DE NYID RANG GI NGO BOR LDAN PA, SANGS RGYAS THAMS CAD KYI SKU GSUNG THUGS KYI GSANG BA 'DUS PA MI BSKYOD PA LHA SO GNYIS KYI DKYIL 'KHOR DU DBANG BSKUR BA SKU GSUM GYI SA BON 'JOG NUS PA TSIG RJES SU 'BRANG BA TZAM MA YIN PAR DMIGS LEGS PAR PHYED PA THOB PA DGOS TE, LAM GYI CHA MA LUS PA'I SA BON THEBS NAS RGYUD SNOD RUNG DU GYUR PA DGOS PA'I PHYIR RO, ,DE LTAR SNOD RUNG DU GYUR NAS KYANG DBANG BSKUR BA DE'I DUS SU BLA MA RGYAL BA SRAS BCAS DPANG DU BZHAG NAS KHAS BLANGS PA'I DAM TSIG DANG SDOM PA BSRUNG BA LA BRTZON PA DGOS TE, SDOM PA 'BYUNG BA LAS, CI STE DNGOS GRUB MCHOG 'DOD NA, ,SROG NI YONGS SU GTONG YANG BLA, ,'CHI BA'I DUS LA BAB KYANG BLA, ,RTAG TU DAM TSIG BSRUNG BAR BYA, ZHES SROG DANG BSDOS NAS BSRUNG DGOS PAR GSUNGS PA'I PHYIR, GAL TE MA BSRUNG NA DNGOS GRUB MI 'THOB CING NGAN 'GROR LTUNG BA'I PHYIR RO, ,DE 'ANG RTZE MO LAS, BSKAL PA BRGYA PHRAG DAG TU NI, ,CI STE MNGON PAR BRTZON BYAS KYANG, ,GANG ZAG BZHI NI 'JIG RTEN DU, ,BSGRUBS KYANG 'GRUB PA NYID MI 'GYUR, ,BYANG CHUB SEMS NI MA SKYES DANG, ,THE TSOM LDAN PA NYID DANG NI, ,BKA' BZHIN DU NI MI SPYOD PA, ,DAD PA MED NYID 'GRUB MI 'GYUR, ZHES DANG, MNYAM SBYOR LAS, DKYIL 'KHOR DAG TU MA ZHUGS

, ,DANG, ,DAM TSIG RNAMS NI SPANGS PA DANG, ,GSANG BA'I DE NYID MI SHES PAS, ,BSGRUBS KYANG CI YANG 'GRUB MI 'GYUR, ZHES SO, ,DE BZHIN DU RTZA BA'I LTUNG BA BYUNG NA, MKHA' 'GRO DANG 'BYUNG POS SROG 'PHROG CING DMYAL BAR 'GRO BA DANG, SBOM PO'I NYES DMIGS KYANG DE DANG 'DRA BAR 'BYUNG BA DANG, DAM TSIG NYAMS PA'I PHYAG DANG MCHOD PA SOGS KYANG SANGS RGYAS KYIS MI BZHES PA DANG, DE SHA ZA SOGS KYIS ZOS KYANG STON PAS BSKYAB PAR MI MDZAD PAR RGYUD LAS GSUNGS PA RTZA LTUNG GI RNAM BSHAD DU DRANGS PA RNAMS SHES PAR BYA ZHING, LTUNG BA DE YIS NGAN 'GROR 'KHRID PA'I CHA'AM NUS PA DE STOBS BZHI'I SGO NAS 'DAG PAR NUS KYANG, YON TAN GONG NAS GONG DU 'GRO BA'I NUS PA BKAG NAS RGYUD CHUD ZOS PAR BYED PA NI 'DAG PAR MI NUS PAR GSUNGS PAS, DANG PO NAS LTUNG BAS MA GOS PA NYID LA 'BAD PAR BYA'O, ,DAM TSIG BSRUNGS NA LAM BSGOM PA CHER MA BYUNG YANG SKYE BA BDUN LA SOGS PA TSUN CHAD KYIS MCHOG 'GRUB PA DANG, DAM TSIG YAL BAR DOR NAS MNGON RTOGS SOGS LA 'BAD PA LTAR BYAS KYANG DNGOS GRUB LTA ZHOG BDE 'GRO'ANG RNYED DKA' STE, GSANG BA'I MDZOD LAS, DBANG BSKUR YANG DAG SBYIN LDAN NA, ,SKYE DANG SKYE BAR DBANG BSKUR 'GYUR, ,DE YIS SKYE BA BDUN LA NI, ,MA BSGOMS PAR YANG DNGOS GRUB 'THOB, ,GANG LA SDOM PA DANG LDAN ZHING, ,GAL TE DAM TSIG SDOM LA GNAS, ,SKYE 'DIR LAS DBANG GIS MA GRUB, ,SKYE BA GZHAN DU DNGOS GRUB 'THOB, ,RE ZHIG DAM TSIG NYAMS PA LA, ,DNGOS GRUB

'THOB PA LTA ZHOG GI ,MI YI SKYE BA RNYED PAR DKA', ZHES DANG, DAM TSIG LNGA PA LAS KYANG, GAL TE LTUNG BA MED GYUR NA, ,SKYE BA BCU DRUG DAG NA 'GRUB, CES SOGS GSUNGS SO, ,DE LTAR NA BYANG CHUB KYI SEMS SBYANG BA, DBANG RNAM DAG LEN PA, DAM TSIG DANG SDOM PA TSUL BZHIN SRUNG BA DANG GSUM PO 'DI MED MI RUNG GI SNGON 'GRO'I MCHOG YIN PAS, GDAMS NGAG DAM PA RGYUD SDE'I SNYING PO PHYUNG BA YIN PAS GAL CHUNG DU MI BZHAG PAR THOG MA NYID DU DE GSUM TSAGS SU CHUD PA ZHIG BYA DGOS SO, , 'DI DAG GTZIGS MED DU DOR NAS BLA MA MDUN DU BSGOMS NAS 'OD ZER SPRO BSDU BYED PA'I DMIGS PA THAN THUN DANG, YIG BRGYA MAndAL LA SNGON 'GRO'I MCHOG TU BYED PA NI, GSUNG RAB GDAMS PAR SHAR BA'I BSHES GNYEN GYIS MA ZIN ZHING, MDO SNGAGS KYI GZHUNG LA MA SBYONGS PAS LAM GYI 'GRO TSUL LA GO BA MA CHAGS PAS LAN PA YIN TE, DAM TSIG DANG SDOM PA'I SKOR RNAMS LEGS PAR SHES NA LAM GYI RTZA BA BSHES GNYEN BSTEN PA'I GDAMS PA SHIN TU RGYAS PA DE NAS 'ONG BA YIN PAS, BLA MA'I RNAL 'BYOR ZHES PA DE DMIGS PA THUN RE TZAM KHO NA LA ZER BA MIN NO, ,DE LTAR CHOS GSUM DANG LDAN PA'I SGRUB PA PO DES, BLA MA LAS LHA'I RNAL 'BYOR BSGOM PA'I GNANG BA THOB PA STE, GNANG BA ZHU BA 'DI MA RGYUD PA RNAMS KYI LUGS LA SNANG ZHING, 'PHAGS SKOR GYI MDOR BYAS KYI 'GREL PA KHA CIG LAS KYANG 'BYUNG NGO, ,GNYIS PA NI, RTZA RGYUD LAS, DGON PA CHEN PO'I SA PHYOGS NI, ,ME TOG 'BRAS BU SOGS PAS BRGYAN, ,RI BO DBEN PA'I SA PHYOGS SU, ,DNGOS GRUB THAMS CAD BSDUS PAS

, ,'GRUB, ,CES PA'I DON 'DIR BKOD PA YIN LA, 'DI LA SGRON GSAL DU BSHAD PA'I TSUL MANG DU YOD KYANG 'DIR NI SGRAS ZIN TSOD KYI DEN NYID GZUNG BAR BYA BA YIN NO, ,GNAS DER PHYAG BDAR DANG CHAG CHAG GDAB PA DANG ME TOG BKRAM, ,RDOR DRIL LA SOGS PA'I CHAS RNAMS DANG LDAN PAR BYA'O, ,SKABS 'DI NAS BSAM GTAN GYI KHANG PA BSGRUB DGOS PA YIN LA DE'I TSUL NI 'OG TU BSHAD PAR BYA'O, ,GNAS DER 'JAM PA'I STAN LA KHA SHAR DU PHYOGS NAS BSGRUB PAR BSHAD CING, 'PHRIN LAS BSGRUB PA'I DUS SU PHYOGS KYI NGES PA SHIN TU DGOS SHING, BSNYEN PA'I SKABS SU MA GRUB NA PHYOGS BTAGS PA TZAM YIN PA'I BSAM PAS GANG YANG RUNG BA'I PHYOGS SU BSTAN PAS CHOG GO ,SEMS DPA'I SKYIL KRUNG NI RDO RJE SKYIL KRUNG LAS RKANG PA GA-YON GDAN LA PHAB NAS GA-YAS BRLA STENG DU BZHAG PA STE, MGON PO KLU SGRUB KYIS, 'JAM PA'I STAN LA 'DUG NAS NI, ,SEMS DPA'I SKYIL KRUNG LEGS GNAS TE, ZHES MDOR BYAS SU GSUNGS SO, ,GSUM PA LA BSKYED RIM SPYI'I RNAM GZHAG DANG, MNGON PAR RTOGS PA'I RIM PA BSHAD PA'O, ,DANG PO NI, BSHAD RGYUD RDO RJE PHRENG BA LAS, RNAL 'BYOR RJES SU RNAL 'BYOR DANG, ,SHIN TU RNAL 'BYOR RNAL 'BYOR CHE, ,DANG PO'I SBYOR BA MDOR BSDUS PA, ,DE BZHIN DKYIL 'KHOR RGYAL PO MCHOG ,LAS KYI RGYAL MCHOG RNAL 'BYOR MCHOG ,CES GSUNGS TE, RANG DON SKU GSUM GYI GO 'PHANG BSGRUB PA LA DANG PO SBYOR BA, GZHAN DON 'PHRIN LAS PHUN TSOGS BSGRUB PA LA DKYIL 'KHOR RGYAL MCHOG DANG LAS RGYAL MCHOG GNYIS

YIN ZHING, TING NGE 'DZIN RGYAL MCHOG LA'ANG THA MAL GYI SKYE 'CHI BAR DO GSUM SBYANGS NAS DE'I DOD LA SKU GSUM 'ONG BA'I THABS RNAL 'BYOR RNAM PA BZHIR NGES PAR GSUNGS SO, ,DE DAG KYANG ZHIB TU PHYE NA DE NYID BZHI BCU ZHE DGUR 'GYUR RO, ,DE BZHIN DU BSNYEN SGRUB BZHI DANG RNAL 'BYOR DRUG TU RIM PA DANG PO 'DU BA'I TSUL YANG MANG DU GSUNGS TE, SPYI'I CHINGS DE RNAMS LA LEGS PAR SBYANGS NAS RIM PA DANG PO'I LAS YONGS SU RDZOGS PA'I GNAD LA GO BA CHAGS PA DANG, DE'I LAM TSANG BA DANG MA TSANG BA'I MTSAMS RNAMS SHES PAR BYAS LA, RIM PA DANG PO'I GNAD LA GO BA MA LON PAR BYAS PA'I MNGON RTOGS LHA DAM TSIG PA BSKYED YE SHES PA BCUG DBANG BSKUR NAS MCHOD PA TZAM RE BYAS PA'I YIG CHA RNAMS KYIS MGO MI 'KHOR BAR, RDZOGS RIM GYI LAM THAMS CAD SMIN BYED DU 'GRO BA'I GDAMS PA YONGS SU RDZOGS PA LA BSLAB PAR BYA'O, ,GNYIS PA LA THUN GYI NGO BO'I RNAL 'BYOR DANG, THUN MTSAMS KYI RNAL 'BYOR RO, ,DANG PO LA GSUM, RNAL 'BYOR DNGOS KYI SNGON 'GRO DANG, RNAL 'BYOR DNGOS GZHI YAN LAG DANG BCAS PA DANG, MJUG GI BYA BA'O, ,DANG PO LA GNYIS, MTHUN RKYEN BSGRUB PA TSOGS BSAG PA DANG, 'GAL RKYEN SEL BA SRUNG BA'I 'KHOR LO'O, ,DANG PO NI SNGON 'GRO GTOR MA SBYIN PAR MTSO SKYES DANG NAG PO SPYOD PAS GSUNGS PAS PHYOGS SKYONG LA GTOR MA PHUL NAS SGRUB PA'I BAR CHAD ZHI BA'I 'PHRIN LAS BCOL, RGYA GZHUNG THAMS CAD NAS THUN MTSAMS SU YIG BRGYA ZLO BA MA GTOGS SNGON 'GRO LA MDZAD PA'I BSHAD PA MED KYANG, DAM TSIG NYAMS CHAGS SKONG BA'I

, ,PHYIR SNGON DU BZLA BAR BOD KYI BLA MA RNAMS BZHED LA, DE LTAR BYAS KYANG 'GAL BA MED DO, ,DE'I TSUL NI, SANGS RGYAS KUN GYI SKU GCIG PU, ,PAD DKAR ZLA BA'I DBUS GNAS PA, ZHES SOGS RDOR SEMS BSGOMS NAS YIG BRGYA BZLA BAR GSUNGS LA, RANG NYID DER BSGOM PA DANG RANG GI SPYI BOR BSGOM PA GANG YIN MI GSAL LA, BOD KYI BLA MA RNAMS KYIS SPYI BOR BSGOM PAR BZHAD DO, ,SA SKYA PAS YUM RDO RJE SNYAMS MA GRI GUG DANG THOD PA 'DZIN PAS YAB RDOR SEMS DKAR PO RDOR DRIL 'DZIN PA LA 'KHYUD PAR BSHAD CING, RUS RGYAN YANG BYED LA, RIN PO CHE PAS YUM RDOR DRIL 'DZIN PA DANG RIN PO CHE'I RGYAN CAN DU BYAS NAS RUS RGYAN DU MI MDZAD DO, ,YUM GRI THOD 'DZIN PA RGYA GZHUNG DU MI GSAL LA, 'DUS PA'I SKABS SU YAB KYI PHYAG MTSAN YUM LA'ANG 'ONG BAR SNANG ZHING, RIN PO CHE'I RGYAN TSANG BAR YOD PA LA RUS RGYAN BSHAD PA MED LA, RUS RGYAN YOD PA RNAMS LA'ANG RIN PO CHE'I RGYAN BSHAD PA MED PAS, RIN PO CHE PA'I LUGS LTAR BYA'O, ,DE LA YE SHES PA GZHUG DBANG BSKUR RGYAS BTAB MCHOD NAS, BDAG NI MI SHES RMONGS PA YIS, ZHES SOGS KYIS GSOL BA BTAB NAS 'OD ZER SPRO BSDU LAN GNYIS BYED PA SA SKYA PA LA MED KYANG RIN PO CHE PA BZHED PA LTAR BYAS PAS CHOG LA, RJES SU GSOL GDAB BYED PAS SKYA PA LA YOD KYANG GONG DU 'DUN PA DRAG POS GSOL BA BTAB NA DES KHYAB PAS RIN PO CHE PA'I LUGS LTAR BYAS PAS CHOG GO ,YIG BRGYA NYER GCIG RE BZLAS NA LTUNG BA MI 'PHEL BA DANG 'BUM DU BZLAS NA NYES PA KUN 'DAG PAR GSUNGS SO, ,BLA MA'I RNAL

'BYOR NI, MDUN DU BLA MA RDO RJE 'CHANG DU BSGOMS NAS MCHOD PA SOGS TE, DANG POR BSTEN PA'I PHAN YON MA BSTEN PA'I NYES DMIGS BSAMS NAS YID 'KHUL BA RE BYA, DE NAS BLA MA'I SKYON BRJOD NA SANGS RGYAS DNGOS SU BZHUGS PA LA SMAD PA DANG NYES PA MNYAM PA DANG, BLA MA'I GRIB MA YAN CHAD LA 'GOMS NA MCHOD RTEN BSHIG PA'I NYES PA DANG MNYAM PA DANG, MTSAMS MED PA LNGA BYAS PAS KYANG DNGOS GRUB THOB PA SRID LA BLA MA LA SMAD PAS DNGOS GRUB 'THOB MI SRID PAR GSUNGS PA RNAMS BSAMS LA BLA MA'I SKYON RTOG PA MA SHOR BAR BYED PA'I SDOM SEMS MANG DU BTANG, DE NAS BLA MA'I YON TAN DRAN PAR BYAS LA DAD PA BSGOM STE, RDO RJE SLOB DPON DE DKYIL 'KHOR GYI GTZO BO DANG YON DBUL BA DNGOS GRUB ZHU BA GNYIS KYI YUL DU MNYAM PA DANG, BLA MA'I PHUNG PO LNGA RIGS LNGA SOGS SU BZHUGS PA DANG, BLA MA'I SKU LUS LA SANGS RGYAS BZHUGS NAS MCHOD PA LEN PA DANG, BLA MA YON TAN CHA CHUNG GANG YIN KYANG BLA'I SNGAGS KYIS 'BREL PHYIN CHAD RDO RJE SLOB DPON DE DANG, YI DAM GYI LHA GNYIS RANG LA DNGOS GRUB STER BA'I YUL LA KHYAD PAR MED PA'I TSUL RNAMS SHES PAR BYAS NAS DAD GUS DRAG PO MA SKYES KYI BAR DU BSGOM, DE NAS MCHOD BSTOD BYA ZHING TING NGE 'DZIN GYI DBANG BLANG BAR BYAS LA BLA MA RANG LA BSTIM MO, ,TING NGE 'DZIN GYI DBANG GIS DBANG BZHI THOB PA'I GO MI CHOD KYANG DBANG GSUM GYIS SGO GSUM GYI SGRIB PA SBYONG BA DANG SGO BSTUN NAS DBANG DE DAG THOB PAR MOS PA YIN NO, ,RGYA GZHUNG RNAMS LAS TSOGS ZHING GI SKABS SU SKYABS 'GRO SEMS

, ,BSKYED BYED PA MA GTOGS THOG MAR MDZAD PA MI SNANG YANG BOD KYI PHYAG BZHES LA THOG MAR MDZAD PA YOD PAS DE LTAR BYA'O, ,BOD KYI PHYAG LEN KHUNGS THUB KYI GZHUNG DANG MI 'GAL BA DE LTAR BYAS KYANG SKYON MED PA RNAMS MI 'CHOS PA DANG KHUNGS THUB KYI GZHUNG DANG 'GAL BA RNAMS 'CHOS PAR BZHED PAS DE LTAR BYA'O, ,SGRUB THABS KUN BZANG LAS, SNYING RJES 'JIG RTEN 'DI NI MA LUS PA, ,LTA BA'I DRA BAS BCINGS LA DMIGS NAS NI, ,YANG DAG BYANG CHUB SEMS NI MNYAM MED PA, ,SNGAGS PAS CHO GA 'DI LTAR BSGOM PAR BYA, ZHES PA'I DON 'DIR BKOD PA NI, DE NAS BDAG GNYIS SU 'DZIN PA'I BAG CHAGS ZHES SOGS YIN NO, ,'PHAGS LUGS LA TSOGS ZHING DANG BDUN RNAM DAG GI GSAL KHA CHER MI SNANG YANG, YE SHES ZHABS SOGS LUGS GZHAN LA YOD PAS 'DRA BAR DGONGS NAS RIN PO CHE PAS 'DIR DE DAG BSNAN PAR SNANG LA, 'DI SNYING RJE CHEN PO LA DMIGS PA'I DE NYID KYI MTSON DON YIN LA, LVA BA PAS AARGHm PHUL LA ZHES PA TZAM GSUNGS SHING TSOGS RDZOGS PA DANG SGRIB PA SBYONG BA'I YAN LAG YIN PAS DE DAG SHIN TU LEGS SO, ,DE DAG GI DON LA GSUM STE, GANG GI MDUN DU TSOGS GSOG PA'I YUL TSOGS ZHING SPYAN 'DREN PA, DE'I SPYAN SNGAR TSOGS JI LTAR GSOG PA'I TSUL, MTHAR TSOGS ZHING RANG GNAS SU GSHEGS PA'O, ,DANG PO NI SNGAGS PAS BYA BA THAMS CAD LHA'I RNAL 'BYOR GYIS BYA DGOS PAS RANG LHAG PA'I LHA MI BSKYOD PAR GSAL GDAB, 'DIR RGYU RDO RJE 'DZIN PA'I NGA RGYAL

GYIS TSOGS ZHING SPYAN 'DREN PA'I LUGS 'JIGS BYED KYI SGRUB THABS SOGS SU YOD KYANG 'DIR 'BRAS BU RDO RJE 'DZIN PA YIN NO, ,THUGS KAR PHYAG MTSAN BSAM PA DPAL 'BRAS RDO RJES BSHAD CING, SA BON RKYANG PA BYED PA'ANG MANG PAS BSHAD PAS GANG RUNG GIS CHOG LA, 'DIR SLA BA'I PHYIR PAD NYI DANG SA BON TZAM MDZAD PA'O, ,DES NA RANG NYID DKYIL 'KHOR GYI GTZO BO MI BSKYOD PA ZHE SDANG RDO RJER GSAL BA'I THUGS KAR TE, NU MA'I BAR GYI DBUS DRANG POR SNA TSOGS PADMA NI PHYOGS BZHI DMAR ME RLUNG SER DBANG LDAN NAG BDEN BRAL LJANG NAG LTE BA LJANG GE SAR SER BA STE SPYIR SNA TSOGS PADMA LA RIGS MANG YANG 'DIR DE GZUNG BAR BYA'O, ,H'Um SNGON POR BYED PA NI LHA'I KHA DOG DANG BSTUN PA'O, ,DE'I 'OD ZER GYIS TSOGS ZHING GSAL BAR BYAS PA DANG 'OD ZER GYI SNE MOR TSOGS ZHING SPRUL PA DANG 'OD ZER GYIS MDUN GYI NAM MKHA' LA SPYAN 'DREN PA DANG GSUM YOD PA LAS 'DIR THA MA LTAR RO, ,SPYAN 'DREN PA LA 'OG MIN NAS MAR ME GCIG LAS GNYIS CHAD KYI TSUL BYAS NAS BKUG ZIN PA DANG 'OD ZER RANG GI SNYING GAR SDUD PA NI AA BHA YA'I LUGS SO, ,TSOGS ZHING SANGS RGYAS DANG BYANG SEMS SPYI'I RNAM PA CAN DU BYED PA YE SHES ZHABS LUGS SOGS SO, ,SGOM RGYU'I DKYIL 'KHOR GYI RNAM PAR BYED PA LVA BA PA DANG MAN NGAG SNYE MAR BSHAD DO, ,RDO RJE GUR LAS, BLA MA RDO RJE CAN MCHOD CING, ,BDUN PO RNAM PAR DAG PA BYA, ZHES BLA MA LA TSOGS GSOG PAR GSUNGS LA, BLA MA DANG GTZO BO THA MI DAD DU BYED PAR GUR 'GREL LAS BSHAD, LVA

, ,BA PAS DKYIL 'KHOR GYI SHAR DUR KHROD KYI NANG DU RDO RJE SEMS DPA' LTAR RGYAN THAMS CAD KYIS BRGYAN NAS BZHUGS PAR BSHAD PA LAS, RIN PO CHE PAS, BLA MA'I BZHUGS GNAS DAMS PA YIN PAS DE MI 'THAD LA DES NA 'DI LVA BA PAS MDZAD PA MIN GSUNG YANG, GNAS KYI SGO NAS DGAG PA MI 'THAD DE, BCOM LDAN 'DAS GNOD MDZES RKANG MTHIL DU DGOD PAR GSUNGS PA'I PHYIR RO, ,LVA BA PAS MDZAD PA YIN PAR SNANG BAS RGYU MTSAN DES MA MDZAD PAR BSGRUB PA MI 'THAD DO, ,GNYIS PA LA BDUN RNAM DAG BYA BA DANG, SDOM PA BZUNG BA GNYIS LAS, DANG PO LA CHO GA'I RIM PA RGYAS PAR BSHAD PA, MDOR BSDUS TE RKANG GRANGS BSTAN PA'O, ,DANG PO LA BDUN LAS, MCHOD PA 'BUL BA NI, TSOGS KYI ZHING 'DUS PA'I DKYIL 'KHOR YANG NAM MKHA'I RGYA DANG MNYAM PAR BZHUGS PA LA MCHOD PA'I LHA MO'ANG DE TZAM DU SPRUL NAS MCHOD PAR BYA ZHING, SNGAGS RDO RJE GSUM GYI YI GE'I BAR DU BCUG NAS PHUL BAS YI GE GSUM GYI BYIN GYIS RLAB PA YIN LA, AOm NI SNGAGS KYI MGO 'DREN PA DANG, SARBA TA TH'A GA TA NI DE BZHIN GSHEGS PA THAMS CAD, AARGHm MCHOD YON, P'U DZA ME GHA MCHOD SPRIN, SA MU DRA RGYA MTSO STE MCHOD SNGAGS 'DI RNAMS BSGYUR BAS MCHOD PA'I TSIG TU 'ONG BAR SNANG LA, GSHIN RJE GSHED SKOR DU HR'I: sht'I: HA: ZHES SOGS RNAMS KYIS MCHOD PA MI STON YANG MCHOD SNGAGS SU 'GRO BAR SNANG NGO, ,'DOD YON LNGA 'BUL BAR MDOR BYAS KYI 'GREL PA ZLA 'OD LAS 'BYUNG LA, 'BUL BA'I SNGAGS LA GONG MA RNAMS

YI GE GSUM GYI BAR DU BCUG NAS P'U DZA ME GHA SOGS KYIS 'BUL BAR MDZAD NAS, 'DOD YON LNGA SNGAGS GZHAN LTAR 'BUL BA'I TSUL ZHIG RIN PO CHE PAS MDZAD SNANG NA'ANG NYER SPYOD RNAMS 'BUL BA LTAR 'DOD YON LNGA'ANG RUNG BAS SNGAGS GONG MA DE NYID KYIS RIGS BSGRES NAS PHUL BAS CHOG GO ,GNYIS PA LA PHYAG 'TSAL BA'I YAN LAG NI, SGRUB THABS 'GA' ZHIG TU MDOR BYAS KYI MCHOD BRJOD KYIS MDZAD LA, DER GTZO BO LA PHYAG 'TSAL BA BYUNG YANG LHA SO GNYIS PO KUN LA PHYAG 'TSAL BAR MI 'GRO ZHING TSIGS BCAD 'DI RNAMS RGYUD PHYI MAR BZHUGS PA YIN LA, 'DI DAG LHA SO GNYIS LA PHYAG 'TSAL BA YIN PA N'A RO PAS BSHAD DO, ,'DI LA GSHESS PA GSHEGS MA SEMS DPA' SEMS MA KHRO BO LA PHYAG 'TSAL BA RNAMS LAS, DANG PO NI PHYAG 'TSAL LO, ,GANG LA NA, GANG ZHIG GZUGS PHUNG RNAM PAR DAG PA'I RNAM SNANG DKYIL 'KHOR GYI GTZO BO BYANG SEMS RDO RJE DANG 'DRA BA STE SPANGS RTOGS MNYAM PA DE LA PHYAG 'TSAL LO, ,DE BZHIN DU TSOR BA RIN 'BYUNG, 'DU SHES 'OD DPAG MED, 'DU BYED DON YOD GRUB PA, RNAM PAR SHES PA MI BSKYOD PA, GZUGS NAS REG BYA'I BAR SKYE MCHED LNGA NI GZUGS RDO RJE MA SOGS LNGA DANG, MIG GI DBANG PO SOGS LNGA NI SA'I SNYING PO SOGS YIN LA, SA CHU ME RLUNG BZHI NI GSHEGS MA BZHI'O, ,SGRUB THABS SU BYAMS PA RTZA RGYUS DANG KUN BZANG TSIGS LA BSHAD CING DE LTAR NA DE GNYIS LUS DBANG GI BYE BRAG TU 'GRO BAR SNANG NA'ANG RGYUD KYI GLING GZHIR CHOS DBYINGS RDO RJE ZHES PA DANG NAM MKHA' RDO RJE ZHES PA

, ,GNYIS 'GREL PAR BYANG SEMS KUN TU BZANG PO DANG 'JAM DBYANGS LA BSHAD PAS 'DIR YANG DE LTAR BYA'O, ,DES NA YANG DBANG BYAMS PAR BYED PA LAS 'OS MED DO, ,LHA RNAMS GTZO 'KHOR GYI RNAM PAR YOD PAS SPANGS RTOGS LA'ANG KHYAD PAR YOD DAM SNYAM NA BYANG CHUB SEMS 'DRA ZHES PAS RDO RJE 'CHANG DANG SPANGS RTOGS MTHO DMAN MED PA'O, ,RGYA CHE BA NI LHA'I SKU YIN LA DE DAG RNAMS LA PHYAG 'TSAL BA'O, ,KHRO BO LA PHYAG 'TSAL BA NI GTI MUG RNAM PAR DAG PA RNAM SNANG GI RIGS CAN GSHIN RJE GSHED DANG, DE BZHIN DU NYES PA NI NGA RGYAL TE SPYI MING BYE BRAG LA ZHUGS PA NGA RGYAL LA NYES PA DANG SGRIB PA'I MING GIS BTAGS PA MANG DU 'BYUNG NGO, ,NGA RGYAL RIN 'BYUNG DE'I RIGS CAN SHES RAB MTHAR BYED DANG 'DOD CHAGS CHOS NI 'OD DPAG MED DE'I RIGS CAN RTA MGRIN, RDO RJE NI DON GRUB STE, SGRON MA LA BADZRA RA TI ZHES SOGS YUM BZHI RANG GI YAB LA DGA' BA ZHES 'BYUNG ZHING, DON GRUB DANG DE LA DGA' BAS RDO RJE DGA' MAR BSHAD PA LTAR RO, ,DE'I RIGS CAN BGEGS MTHAR BYED DE, ,BCAS PA NI GONG DU SMOS PA'I LHA'I TSOGS DE DAG DANG BCAS PA ZHES PA'I DON NO, ,RIGS PA NI LHA MO STE RANG RANG GI YUM MO, ,DE DAG DANG SBYAR BA LAS BYUNG BA'I RNAM PA SNA TSOGS DGA' BA CHEN POS DUS RTAG TU MYOS PA STE BDE BA DANG STONG PA DBYER MED PA LA RTAG TU MNYAM PAR BZHAG PA, BYANG CHUB SEMS 'DRA NI SNGAR LTAR RO, ,SDUD PA STE 'GUGS PA'I LAS MDZAD PAS 'DOD RGYAL,

DGA' DANG ZHES PA DBYUG SNGON CAN TE DGA' BA'I SKAD DOD 'JOMS PA LA 'JUG CING DBYUG SNGON CAN NI GTZO BOR 'JOMS PA'I LAS BYED PA'O, ,RNAM PA NI STOBS PO CHE, MI 'GYUR NI MI GA-YO BA RGYU'I RANG BZHIN H'Um MDZAD, 'BRAS BU'I RANG BZHIN GTZUG TOR 'KHOR LOS SGYUR BA, ,SEMS NI MI BSKYOD PA DE'I RJES SU THOGS PA STE MI BSKYOD PA'I RJES SU 'BRANG BA STENG 'OG GI KHRO BO GNYIS DE'I RIGS CAN NO, ,MTSAMS KYI KHRO BO'I RIGS BDAG 'CHAD PA NI RMONGS DANG ZHES SOGS TE RDO RJE ZHES PA KUN GYI MJUG TU SBYAR LA, RMONGS PA NI GTI MUG STE RNAM SNANG, DE'I RIGS CAN MI GA-YO BA, SGRIB PA NI NGA RGYAL TE RIN 'BYUNG GI RIGS CAN 'DOD RGYAL ZHES SOGS SO, , GSUM PA SDIG PA BSHAGS PA NI, BSHAGS PAR BGYI'O, ,GANG GI MDUN DU NA, THUGS RJE CHEN PO DANG LDAN PA DKYIL 'KHOR BA'I SPYAN SNGAR RO, ,TSUL JI LTAR NA CHO GA BZHIN DU STE SDIG PA'I 'KHOR GSUM MI DMIGS PAR RTOGS PA'I TSUL GYIS SO, ,GANG NA GANG ZHIG RTOG PA STE SGRIB PA DE DAG RNAMS NI'O, ,SGRIB PA DE RGYU GANG LA BRTEN NAS BSAGS NA, BDAG GNYIS SU 'DZIN PA'I KUN RTOG MA LUS PA LA BRTEN NAS BSAGS PA'O, ,DUS JI TZAM NAS BSAGS NA CHU KLUNG CHEN PO'I RGYUN DANG 'DRA BA'I SRID PA THOG MA MED PA NAS BSAGS PA'O, ,BZHI PA RJES SU YI RANG BA NI, RDZOGS PA'I SANGS RGYAS BYANG CHUB SEMS DPA' THEG DMAN SLOB MA SLOB GNYIS DE LAS GZHAN SO SKYE STE GANG ZAG LNGA PA DE DAG GIS MDZAD PA'I

, ,DGE BA KUN LA YANG DAG PAR YI RANG BA STE DGA' BA CHEN PO BSKYED PAR BYA ZHING YI RANG BA'I DGE BA DE'ANG BYANG CHUB CHEN PO'I RGYUR BSNGO BAR BGYI'O, ,LNGA BA SKYABS SU 'GRO BA NI, YID KYI ROL PA STE CHOS THAMS CAD RANG BZHIN MED PAR RTOGS PA'I YID SHES SGRIB PA'I DRI MA MED PA RNAM PAR DKAR BA'I CHOS YIN PAS ZLA BA LTA BU DE LAS BSGRUBS PA STE DE MTHAR PHYIN PA'I SHES RAB DANG, SEMS CAN MA LUS PA SDUG BSNGAL MTHA' DAG LAS SGROL BAR BZHED PA'I SNYING RJE DAM PA MTHA' YAS PA'I THABS DANG GNYIS PO DE SANGS RGYAS RANG GI YID LA GNAS PAR GYUR PA'I BDE GSHEGS RNAMS LA SKYABS SU MCHI'O, ,CHOS DANG GANG ZAG GI GZUNG 'DZIN GYI RTOG PA MA LUS PA LAS GROL ZHING DE LA DMIGS PAS SEMS DPA' DAM PA RNAMS KYIS PHUN TSOGS THAMS CAD 'THOB PA'I GZHIR GYUR PA DNGOS PO THAMS CAD DE'I NGO BOR RO GCIG PA DON DAM PA 'GOG PA'I BDEN PA CHOS DKON MCHOG DE LA SKYABS SU MCHI'O, ,NYON MONGS KYI 'CHING BA LAS GROL ZHING SNYING RJE CHEN PO'I MA MA LAS BSKRUN PA, SA LA GNAS PA'I BYANG CHUB SEMS DPA' DE DAG DKA' THUB BAM BRTUL ZHUGS 'DZIN PA'I DBANG PO STE MCHOG YIN PAS DE DAG LA SKYABS SU MCHI'O, ,DRUG PA BYANG CHUB TU SEMS BSKYED PA NI, SEMS NI BYANG CHUB DAM PAR BSKYED PAR BGYI'O, ,JI LTA BU ZHIG NA, BSAM PA RNAM PAR DAG PA SMON PA BYANG CHUB KYI SEMS DANG, DE'I RNAM SMIN DAG PA STE DES DRANGS PA'I 'JUG PA BYANG CHUB KYI SEMS GNYIS SO, ,RGYU GANG LAS NA, SEMS CAN THAMS CAD SDUG BSNGAL

LAS GROL BAR LHAG PAR MOS PA STE, DE'I KHUR 'KHYER BA'I LHAG BSAM GYIS BRGYAN PA STE DE DANG LDAN PAS BSKYED PA'O, ,BDUN PA LAM LA BRTEN PA NI, THEG PA CHEN PO'I TSUL RNAM DKAR GYI YON TAN SBYIN SOGS PAR PHYIN BCU NI SANGS RGYAS SU 'GRO BA'I BGROD PA GCIG PA'I LAM YIN PAS DE LA YANG DAG NYID DU DA NI GNAS PAR BGYI'O, ,RDZOGS SANGS RGYAS NI RDO RJE 'CHANG CHEN PO DE'I BDAG NYID LHA SO GNYIS MA LUS PA'I NGO BO YIN PA'I BLO BSKYED PA'I RIM PA DANG DES MTSON NAS RDZOGS PA'I RIM PA GNYIS LA DUS DA NAS BZUNG STE JI SRID SANGS MA RGYAS KYI BAR DU MI 'BRAL BAR DAM BCA' BA SNYING THAG PA NAS LAN MANG DU BYA'O, ,GNYIS PA NI, ZHES 'KHOR GSUM ZHES SOGS SO, ,GNYIS PA NI, SDOM PA RGYUD LA SKYE BAR BYED PA LA DBANG DANG 'BREL BA DGOS KYANG 'DIR NI DBANG GI DUS SU KHAS BLANGS PA'I SDOM PA BRTAN PAR BYA BA'I CHED DU 'DZIN PA YIN NO, ,'DI LA 'GYUR MI 'DRA BA SHIN TU MANG YANG SGRA GCAN BZANG POS MDZAD PA'I DKYIL CHOG SA PAn GYIS BSGYUR BA SHIN TU BDE BA YIN PAS, 'DIR YANG 'GYUR DE LTAR BYAS PA YIN LA, DKYIL CHOG KUN LA 'DIS BYAS PAS CHOG GO ,KHA CIG THOG MA'I SHLO KA GNYIS NI BYANG SEMS KYI SDOM PA 'DZIN PA YIN ZHES PA NI LAM THUN MONG LA GA BA MA CHAGS PA YIN TE, DE LTAR NA BYANG SEMS KYI SDOM PA BZUNG ZIN SNGAGS SDOM 'DZIN PA DES 'DI BRJOD MI DGOS PAR 'GYUR RO, ,DES NA BYANG CHUB SEMS DPA'I TSUL KHRIMS GSUM NI RIGS LNGA'I DAM TSIG NYID YIN PAS RIGS LNGA'I DAM TSIG BSRUNG BA NA BYANG CHUB SEMS DPA'I TSUL KHRIMS GSUM LHAG MA MA LUS

, ,PAR DE'I NANG DU 'ONG BA YIN NO, ,'DI DAG RGYAS PAR NI RTZA LTUNG GI RNAM BSHAD DU SHES PAR BYA ZHING MDOR BSDU NA SKYABS SU 'GRO BA DANG TSAD MED PA BZHI BSGOMS NAS RANG GI BDE DGE GZHAN LA SBYIN PA'I BSAM PA MANG DU BTANG STE RANG YI DAM DU LHAG PAR MOS PAS SO, ,RDO RJE SLOB DPON LA, DNGOS GRUB THAMS CAD RAG LAS PAR BLTA BA'I TSUL GYIS BLA MA'I RNAL 'BYOR BSGOM ZHING, DNGOS SAM YID KYIS MCHOD NAS BDAG MED PA'I DON LA MNYAM PAR 'JOG PA NI RIGS LNGA'I DAM TSIG YIN PAS THUN DRUG TU MA CHAGS PAR BYA'O, ,DE LA SKYABS 'GRO SEMS BSKYED NI RNAM SNANG GI DAM TSIG ,TSAD MED BZHI DANG RANG GI BDE DGE SEMS CAN LA BSNGO BA NI RIN 'BYUNG GI DAM TSIG ,LHA DANG BLA MA DANG STONG NYID BSGOM PA NI MI BSKYOD PA'I DAM TSIG , DE LA MCHOD PA NI DON GRUB KYI DAM TSIG GO ,DE'I TSE DAM PA'I CHOS MA LUS PAR 'DZIN PA'I SMON PA YANG BYA STE DE NI 'OD DPAG MED PA'I DAM TSIG GO ,BLANGS PA'I SDOM PA BRTAN PAR BYA BA'I THABS SU TSOGS ZHING GI SKABS 'DIR SDOM PA BZUNG BAR SANGS RGYAS GSANG BA LA SOGS KYIS BSHAD LA MTHAR DE RNAMS KYIS BYIN GYIS RLOB PAR BSAMS NAS YI GE BRGYA PA 'DON PAR LVA BA PAS BSHAD DO, ,DE NAS DPAL 'DZIN SOGS KYIS TSOGS ZHING GSHEGS SU GSOL BA DANG, LVA BA PAS MI DMIGS PAR SEMS PAR BSHAD LA GZHAN PHAL MO CHES JI LTAR BYED MI GSAL LO, ,MAN SNYE LAS DE DAG GI DON MNGON DU BYED CING BKLAG PAR FBYA'O, ,ZHES BSHAD PAS BYING RGOD KYI DBANG DU YE MA SONG ZHING SKABS DE NYID KYI RTOGS PA RNAMS MA GTOGS

PA RNAM RTAG GZHAN GYIS BAR MA CHAD PAR RGYUN LDAN DU 'JUG THUB PA DANG, DE DAG GI DON RNAMS YID LA LEGS PAR SHAR BA'I RNAM PA CAN GYI TSIG SPYI TZAM DU MA SONG BAR BYA'O, ,DE LTAR 'ONG BA LA DANG PO SGOM RGYU'I GRANGS DANG GO RIM NGES PA CAN DU BYAS LA DE LAS GZHAN DU MI BTANG DO SNYAM PA'I 'PHEN PA DRAG PO BTANG NAS BYED PA DGOS KYI GANG ZIN ZIN NAS BSKYANGS NA MI RUNG LA YUN THUNG DE BA SA BCAD CING DE NAS YANG LHAG MA DE BZHIN DU BSKYANG BAR BYA BA NI THAMS CAD LA SHES PAR BYA'O, ,DE NAS YE SHES KYI TSOGS BSOG PA NI BDAG MED PA'I LTA BA PHU THAG TSAD PAR BCAL NAS DE LA BLO BZHAG STE BRTAN BYED KYI SNGAGS BRJOD PA'O, ,'PHAGS SKOR GZHUNG PHAL CHE BA RNAMS SU SH'U N+YA T'A BRJOD PA MANG YANG BHA BYA K'I RTI'I 'GREL CHUNG NGU SVA BH'A WA ZHES PA'I SNGAGS 'DI GSUNGS SO, ,SKABS 'DIR STONG NYID BSGOMS PAS 'OG NAS 'BYUNG BA'I MNGON RTOGS KYI RIM PA THAMS CAD SGYU MA BZHIN DU 'CHAR BA DANG THA MAL KYI SNANG ZHEN RNAMS BSAL NAS MCHOG GI SNANG ZHEN 'CHAR SLA BA DANG, CHOS KYI SKU LA NGA RGYAL 'DZIN PA DANG SRUNG 'KHOR GYI MCHOG TU 'GYUR BA YIN PAS YUN RING DU NGES PA THON PAR BYA'O, ,KUN �BZANG LAS, NGO BO NYID DANG BREL PHYIR STONG PA STE, ,DE BZHIN RGYU DANG BRAL BAS MTSAN MA MED, ,RTOG PA RNAMS DANG BRAL PHYIR DNGOS PO NI, ,MA LUS SMON PA LAS NI NGES PAR GROL, ZHES PA LTAR CHOS RNAMS KYI NGO BO RGYU 'BRAS GSUM RANG GI MTSAN NYID KYIS GRUB PAS STONG PA'I DON BSGOM PA NYID RNAM THAR SGO GSUM BSGOM PA YIN NO, ,SNGAGS KYI DON CHOS THAMS CAD RANG BZHIN GYIS RNAM PAR DAG PA'I STONG PA NYID DE NGA'O ZHES PA'I DON TE,

, ,SNGAGS KYI 'BRU BSHAD PA NA AA HAm ZHES PHRAL NAS BYED KYANG 'DON PA'I TSE SO SOR BYED PA MIN NO, ,GNYIS PA LA SNGAR YOD KYI BGEGS TSAR BCAD PA'I PHYIR PHUR BUS GDAB PA SOGS DANG, SNGAR MED KYI BGEGS PHYIS MI 'JUG PA'I CHED DU RA BA LA SOGS PAS BSRUNG BA'I DE NYID DO, ,DANG PO LA GANG GIS 'DUL BAR BYED PA'I KHRO BO BSKYED PA DANG, DES BGEGS LA PHUR BU GDAB PA'I DE NYID GNYIS, DANG PO LA BKA'I 'KHOR LO'I GTZO BO BSKYED PA'I DE NYID DANG 'KHOR KHRO BO BSKYED PA'I DE NYID GNYIS LAS, DANG PO NI MDOR BYAS SU, KHRO BO BCU NI SPRO BAR BYA, ,PHYOGS BCU'I DKYIL 'KHOR CHA RU NI, ,RIM PA BZHIN DU BSAM PAR BYA, ZHES PA TZAM LAS 'KHOR LO RTZIBS BCU PA BSGOM PA'I GSAL KHA CHER MI SNANG LA, DE LA BRTEN NAS 'PHAGS LUGS LA 'KHOR LO RTZIBS BCU PA MI BSGOM ZER YANG, AA BHA Y'A KA RA DANG RDO RJE SEMS DPA'I SGRUB THABS KYI 'GREL PAR BSGOM PAR BSHAD CING, RGYUD PHYI MA LAS, LONGS SPYOD BZHI DANG YANG DAG LDAN, ,RIG PA'I SKYES BU RDO RJE CAN, ,SKU GSUNG THUGS KYI DBYE BA YIS, ,GRU GSUM DU NI RNAM PAR BSGOM, ,KUN NAS SER BA'I 'KHOR LO NI, ,RTZIBS BCU DE DBUS RNAM PAR BSGOM, ,RTZIBS BCU LA NI KHRO BO BCU, ,YE SHES BDAG NYID BCU LAS PHYUNG, ,'GOG PA'I RDO RJE BSGOM BYA ZHING, ,MCHOG TU MDZES PA BSGRUB PAR BYA, ,RDO RJE 'BAR BA'I SPRIN SPROS PAS, ,MI GA-YO BA DANG MTSUNGS PAR 'KHOR, ZHES RTZIBS BCU BA'I 'KHOR LO BSGOM PAR BSHAD CING, DE 'ANG SRUNG 'KHOR GYI SKABS 'DIR BSGOM PA YIN PAR N'A RO PAS GSUNGS PA YIN PAS DE LTAR BYA ZHING,

'DI RNAMS KYI DON 'GREL PA LAS SHES PAR BYA STE 'DIR TSIG MANGS KYI DOGS PAS MA BRIS SO, ,GZHUNG 'DI DAG GIS NI RTZIBS BCU PA'I 'KHOR LO DANG DE'I DBUS SU RDO RJE 'CHANG DANG DE SEMS DPA' SUM RTZEGS SU BYED PA RNAMS BSTAN PA YIN LA, MDOR BYAS SU, ZHE SDANG RDO RJE'I TING 'DZIN GNAS, ,GNAS BSRUNG BA NI BRTZAM PAR BYA, ZHES PA TZAM LAS DANG POR RDO RJE 'CHANG BSKYED PA MI GSAL YANG, MDO BSRE LAS, DE LA DANG PO KHO NAR BYANG CHUB KYI SEMS RDO RJE'I GZUGS CAN ZHES BYA BA BSKYED PAR BYA STE, RDO RJE 'CHANG CHEN PO SKU MDOG DKAR POR BDAG NYID JI LTA BA BZHIN DU MOS PAR BYA'O ZHES GSUNGS SHING, DE DAG GI KHUNGS SU LE'U GSUM PA DANG BCO LNGA PA'I RGYUD TSAN GNYIS DRANGS LA DE NAS ZHE SDANG RDO RJER BSGYUR BA'ANG YE SHES SGRON MA RDO RJE'I TING NGE 'DZIN GYI TSUL DU BYED PAR GSUNGS SHING, DE NI SNYOMS PAR ZHUGS PAS MI BSKYOD PA MNGAL 'BYIN MDZAD PA YIN LA DES MDZAD PA SOGS SGO DU MAS BSKYAD PA NI PHYUNG BA'I DKYIL 'KHOR DANG 'DRA BAS DE LTAR MDZAD CING, MI BSKYOD PA ZHUGS NAS ZHE SDANG RDO RJER BSGYUR BA'ANG MDO BSRE DE NYID DU BSHAD LA, MDOR BYAS SU, KHRO BO BCU NI SPRO BAR BYA, ZHES DANG, MDO BSRE LAS KYANG, KHRO BO'I RGYAL PO BCU PHYUNG LA, ZHES 'BYUNG LA, PHYUNG BA'ANG RANG GI SKU LAS YIN PAS PHYI ROL TU BSKYED PA MIN NO, ,MDOR BYAS MDO BSRE GNYIS SU ZHE SDANG RDO RJER BSGYUR NAS KHRO BCU BSKYED CING PHYUNG BA 'DRA BA ZHIG SNANG NA'ANG, KHRO BO RNAMS MI BSKYOD PA DANG LHAN CIG TU BSKYED PA LA 'GAL BA MED CING ZHE SDANG RDO RJER GYUR ZIN NAS 'BYIN PAS GZHUNG DANG MI 'GAL LO, ,

, ,DE DAG NI KHUNGS DGOD PA STE GZHUNG GI DON LA DANG POR BKA'I 'KHOR LO'I GTZO BO BSKYED PA'I DE NYID NI STONG PA'I NGANG LAS ZHES SOGS TE, 'KHOR LO'I LTE BA KHONG STONG DANG DE'I STENG 'OG GI CHA GNYIS RTZIBS GNYIS SU BYAS NAS DE'I NANG DU KHRO BO BKOD PA DANG RTZIBS BRGYAD LTE BA LA ZUG PA'I RTZIBS STENG DU MA REG PAR KHRO BO BKOD PA'I TSUL 'DI NI AA BHA YA'I LUGS YIN PAS 'DI RNAMS ZHIB PAR NGAG LAS SHES PAR BYA'O, ,'KHOR LO SER PO GA-YAS SKOR DU MGYOGS PAR 'KHOR ZHING ME 'BAR BA'I 'OD 'PHRA BAR AA BHA Y'A KA RA BZHED LA, SRUNG 'KHOR GYI TSE GTZO BO H'Um MDZAD DANG PHYIR ZLOG GI DUS SU GTZUG TOR 'KHOR LOS SGYUR BAS BYED PA DANG DE'I TSE 'KHOR LO GA-YON SKOR DU BYED PA'ANG KHUNGS THUB KYIS BSHAD PAS RUNG LA, BSRUNG BYA SNYING GAR SBED PA SOGS LA KHUNGS MI SNANG ZHING MDUN DU SRUNG 'KHOR KHRO BO DANG BCAS PA BSKYED NAS GTZO BO'I MNGAL DU BSRUNG BYA BSGOM PAR AA BHA YAS BSHAD DO, ,SNGON BYUNG LA DANG POR ZHI BA'I SKUR BZHUGS PA DE KHRO BOR BSGYUR NAS BGEGS GZHOM PAR MDZAD PA BZHIN DU 'DIR YANG RDO RJE 'CHANG ZHI BA DE ZHE SDANG RDO RJER BSGYUR BA YIN LA, GZHAN DU NI H'Um MDZAD DU BSGYUR BA'ANG MANG NGO, ,RDO RJE 'CHANG LA LONGS SPRUL GNYIS YOD CING YUM YANG RDO RJE DBYINGS KYI DBANG PHYUG MA DANG REG BYA RDO RJE MA GNYIS YOD LA LONGS SKU DKAR PO LA YUM RDO RJE DBYINGS KYI DBANG PHYUG MA DANG SPRUL SKU SNGON PO LA YUM REG BYA RDO RJE MAR MDZAD DO, ,ZHAL GYI RIM PA NI GA-YAS SKOR YIN PAS DANG PO RTZA ZHAL GNYIS PA

GA-YAS GSUM PA GA-YON ZHAL GYI KHA DOG YIN NO, ,PHYAG MTSAN DANG RGYAN LA SOGS PA 'OG TU BSHAD PAR BYA'O, ,RDO RJE 'CHANG ZHI BA LA ZLA GDAN DANG ZHE SDANG RDO RJE LA NYI GDAN 'BYUNG BAS 'DIR GDAN BSGYUR ZHING, RDO RJE NI RVA GYES PA KHA DOG NAG PO GNAM LCAGS 'BAR BA LAS GRUB PA STE KHRO BO'I RDO RJE YIN PA'I PHYIR RO, ,GNYIS PA 'KHOR KHRO BO BSKYED PA'I DE NYID NI, GSHIN RJE ZHES SOGS TE 'OG TU BSHAD PAR BYA'O, ,'DI DAG LA BKA' 'KHOR ZHES PA NI GTZO BO'I BKA' BSGO BA SGRUB PA'I 'KHOR YIN PAS SGRUB PA PO'I PHYI NANG GI BGEGS GZHOM PA'I BKA' BSGO BA YID KYIS BYA'O, ,GNYIS PA LA, BGEGS DGUG PA DANG, DE LA PHUR BU GDAB PA GNYIS, DANG PO NI, DE NAS SRUNG 'KHOR GYI GTZO BOS GNOD MDZES LA GZIGS PA NI 'PHAGS SKOR BA RNAMS BZHED LA; DE'I BKA' NYAN PA'I TSUL DU BYED PA NI SGRON GSAL LE'U BCU BZHI PAR BSHAD CING, MDOR BYAS SU, BGEGS KUN RNAM PAR GZHIG PA'I PHYIR, ,GNOD MDZES BKA' STZAL PHUR BUS GDAB, ,AOm SUm BHA NI SUm BHA ZHES PHUR BU 'DEBS SNGAGS SU GSUNGS PA 'DRA BA ZHIG YOD KYANG, 'OG TU KHRO BO'I GZUGS CAN 'DI YIS NI, ,BGEGS KYI DBANG PO NYID BKUG NAS, ZHES DANG POR H'Um BZHI PA'I SNGAGS KYIS BKA' BSGOS NAS BGEGS BKUG PA'I RJES SU PHUR BU 'DEBS PAR GSUNGS LA, MDO BSRE LAS KYANG DE LTAR GSUNGS SO, ,SNGAGS KYI MGOR AOm DANG MTHAR SV'A H'A YOD PA NI SBRUL DANG, GANG YANG MED PA NI BTUS PA DANG, MGO DANG MJUG GANG RUNG ZHIG MED PA NI RIM BZHIN MGO MED DANG MTHA' MED CES PA STE SNGAGS KYI BRDA' RNAM PA BZHI LAS

, ,'DIR NI MTHA' MED DE, 'DI LA H'Um BZHI PA DANG ZHAL BZHI PA'I SNGAGS ZHES KYANG BYA STE GNOD MDZES KYI PHRENG SNGAGS SO, ,DE LA AOm NI SNGAGS KYI MGO 'DREN PA, SUm BHA 'DUL BA NI SUm BHA NGES PAR 'DUL BA, H'Um NI GSAL BAR BYED PA, GRiHnA GRiHnA NI ZUNG ZUNG, GRiHn'A P'A YA GRiHn'A P'A YA NI 'DZIN DU CHUG 'DZIN DU CHUG ,A'A NA YA KHUG CIG ,HI BHA GA W'A NA, KYE BCOM LDAN 'DAS, BI D+Y'A R'A DZA RIG PA'I RGYAL PO ZHES GNOD MDZES LA BOS NAS, KYE BCOM LDAN 'DAS RIGS PA'I RGYAL PO ZHES BSTOD PA MDZAD CING, BGEGS RNAMS BZUNG LA KHUG ,'KHOR RNAMS KYANG BGEGS 'DZIN DU CHUG CES BSKUL BA'O, ,DE NAS GNOD MDZES KYIS BGEGS BKUG NAS KHRON PAR 'JUG PAR NAG PO DAM TSIG RDO RJES BSHAD LA, DE H'Um LAS SKYES PAR BDE MCHOG SOGS LAS 'BYUNG NGO, ,GNYIS PA NI, BSAM GTAN GYI PHUR BU BSGRUB PAR RTZA RGYUD DU GSUNGS LA SKABS 'DIR BYED PAR MDO BSRER BSHAD CING, DE NAS GTZO BOS BYANG GI KHRO BO LA GZIGS PAS DE LAS KHRO BO RDO RJE PHUR BU STOD BDUD RTZI 'KHYIL PA DANG SMAD MDUNG RTZE GCIG PA'I RNAM PA CAN DU BYED PAR MDOR BYAS LAS GSUNGS, RDO RJE PHUR BU NYID BSKUL BAS DE RNAMS BYON NAS BGEGS KYI MGOR ZUG PA YIN PAR SNGAGS DON LAS GSAL BAS GNOD MDZES KYIS PHUR BU KHYER NAS 'DEBS PA MIN NO, ,GHA GHA GSOD BYED GH'A TA YA GH'A TA YA GTOGS SHIG GTOGS SHIG ,SARBA DU shtAN GDUG PA CAN THAMS CAD PHAt PHAt KHOS KHOS, K'I LA YA K'I LA YA PHUR BUS THOB PHUR BUS THOB, SARBA PA

PAm SDIG PA THAMS CAD DE SDIG PA'I SEMS DANG LDAN PA ZHES PA'I DON YIN NO, ,BADZRA K'I LA YA NI RDO RJE PHUR BU BADZRA DHA RA AADZNY'A PA YA NI RDO RJE 'CHANG GI BKA' NYON CIG CES PA STE, RDO RJE PHUR BU GSOD BYED CES BOS NAS RDO RJE 'CHANG GI BKA' NYON CIG CES BSKUL ZHING NYAN NAS CI BYED CE NA SDIG PA'I SEMS DANG LDAN PA'I BGEGS THAMS CAD GTOGS SHIG LUS NGAG YID GSUM LA PHUR BU THOB CIG KHOS SHIG CES BSKUL BA'O, ,'DIR GSHIN RJE GSHED LA THOB GA-YAR ZHES PA MA DAG STE, DE'I PHYAG NA THOB MI SNANG LA PHYAG MTSAN DANG PO THO BAR BSGYUR BAS CHOG PA'I PHYIR RO, ,BGEGS LHAG MA BSREGS SHING SHUL ME RIS 'KHOR BAR BSAM MO, ,GNYIS PA NI, MDOR BYAS SU, PHYOGS BCUR PHUR BUS BTAB NAS NI, ,STENG DANG 'OG KYANG BYIN GYIS BRLAB, CES DANG, MDO BSRER, 'DOD PA'I RGYAL PO'I SNGAGS KYIS RDO RJE'I RA BA BSAM PA DANG H'Um MDZAD KYIS RDO RJE'I DRA BA YI GE H'Um GIS SA'I CHA RDO RJE'I RANG BZHIN DU BSAM ZHING, YI GE GSUM GYI CHO GA LA SOGS PA BYA'O, ZHES GSUNGS PA LAS, H'Um KA RA H'Um ZHES 'DON PA YOD KYANG, t'IKKA H'Um DZA: ZHES PAS BYA BA LEGS SO, ,RIM PA GNYIS RGYUD LA SKYE BA'I GEGS NI GNYIS TE, BSOD NAMS MIN PA'I LAS DANG BDUD LA SOGS PAS BAR DU GCOD PA'O, , DE DAG ZHI BAR BYED PA'I THABS RMAD DU BYUNG BA NI SNGON 'GRO'I CHOS GNYIS YIN PAR MANG DU GSUNGS PA LA NGES PA RNYED PAR BYAS LA, YID DANG 'DRES NGES PA RE BYA ZHING, YID KYIS MI BSGOM PAR NGAG 'DON BSGRIGS PA'I BSHAR SBYANG LA MNGON

, ,RTOGS BSGOM PAR MA 'KHRUL BAR BYA'O, ,GNYIS PA LA GANG DU 'TSANG RGYA BA'I GNAS, DER 'TSANG RGYA BA'I TSUL, SANGS RGYAS NAS GZHAN DON MDZAD PA'I TSUL DANG GSUM, DANG PO LA SNOD 'JIG PA DANG MTHUN PA YE SHES KYI SA'I DE NYID, CHAGS PA DANG MTHUN PA RDO RJE'I SA'I CHA BSKYED PA'I DE NYID, DER GZHAL YAS KHANG BSGOM PA RTEN GYI DKYIL 'KHOR BSKYED PA'I DE NYID DO, ,DANG PO NI, LAM 'DI LA 'BRAS BU'I THEG PA ZHES ZER LA 'BRAS BU NI SANGS RGYAS KYI GNAS LUS LONGS SPYOD MDZAD PA YONGS SU DAG PA BZHI STE, SANGS RGYAS KYI PHO BRANG DANG SKU DANG 'BYOR PA DANG 'PHRIN LAS LAS SO, ,TSUL DE DANG RJES SU MTHUN PAR DA LTA NAS GZHAL YAS KHANG DANG LHA'I 'KHOR LO DANG MCHOD PA'I YO BYAD DANG SNOD BCUD SBYONG BA SOGS KYI MDZAD PA CAN DU BSGOMS PAS NA 'BRAS BU'I THEG PA STE, 'BRAS BU'I RNAM PA DANG MTHUN PAR BSGOMS NAS BGROD PA'I PHYIR TE MOS PA LAM DU BYED PA'I DON YANG DE YIN NO, ,DE LTA NA LAM 'DI LA NI SBYANG GZHI'I DUS KYI 'KHOR BAR 'JUG PA'I RIM PA DANG BSTUN NAS SBYANG 'BRAS KYI RNAM PA CI LTA BA BZHIN DU BSGOM PA YIN TE, THA MAL GYI SNOD BCUD DANG 'KHOR BAR 'JUG PA SBYANGS NAS DE'I DOD LA MCHOG GI SNANG BA DANG SKU GSUM SGRUB PA YIN PA'I PHYIR RO, ,DES NA RNAL 'BYOR CHEN PO'I RGYUD KYI BSKYED RIM BSGOM PA NI SRID PAR SKYE BA'I RIM PA LTAR BSGOM PA YIN, DE'ANG THOG MAR SNOD KYI SRID PA STONGS PA DANG MTHUN PAR BSGOM DGOS PAS SNOD LA SOGS PA STONG PA NYID

DU BSGOM PA NI MDOR BYAS SU, DNGOS PO MED PAS SGOM PA MED, ,CES SOGS KYI MJUG TU, TSIGS BCAD 'DI YIS RGYU MI RGYU'I, ,BDAG NYID CAN RNAMS STONG PAR BSGOM, ,CHO GA'I SBYOR BA 'DI YIS NI, ,YE SHES SA GZHIR BYIN GYIS BRLAB, , CES GSUNGS PAS, SKABS GZHAN DU SVA BH'A WA DANG SH'U N+YA T'A LA SOGS PA'I SNGAGS NGAG TU BRJOD NAS SNGAGS DON YID LA SEMS PA DANG 'DRA BAR, 'DIR YANG TSIGS BCAD 'DON PA DANG MNYAM DU DE'I DON BSGOM PA YIN PAS BRJOD PA DANG BSGOM PA GNYIS KA BYA'O, ,TSIGS BCAD 'DI RTZA RGYUD LE'U GNYIS PAR RDO RJE 'CHANG GIS GSUNGS SHING SGRON GSAL DU TSUL BZHIR BSHAD PA'I YIG DON DANG SPYI DON GNYIS 'DIR SKABS SU BAB CING, SPYI DON LA SNGAGS MTSAN NYID GNYIS KYI SPYIR 'GRO BA DANG BSKYED RDZOGS GNYIS KYI THUN MONG DU 'GRO BA'I TSUL GNYIS YOD DO, ,'DI'I SPYI'I DON NI SGOM PA PO DANG BSGOM PAR BYA BA DANG SGOM PA LA RANG BZHIN MED PA'I 'KHOR GSUM MI DMIGS PA DANG STONG PA NYID DANG MTSAN MA MED PA DANG SMON PA MED PA LA GSUNGS SO, ,RIN PO CHE PAS SKABS 'DIR SA CHU LA THIM PA SOGS KYI RIM PAS BSGOM GSUNG ZHING MA RGYUD SOGS LUGS GZHAN DU 'DI'I SKABS KYI STONG PA BSGOM PA 'CHI BA DANG CHOS MTHUN PAR BSHAD PA SNANG MOD KYANG DE DAG DANG 'DI RNAMS MI GCIG LA 'DIR STONG NYID BSGOM PA'I CHOS MTHUN SBYOR BA NI SNOD ZHIG PA LA BYA YIS BCUD ZHIG PA LA MI BZUNG STE SEMS CAN SHI BA DANG CHOS MTHUN PAR BSGOM

, ,PA NI LHAG MOS 'OD GSAL DU SDUD PA'I SKABS YIN NO, ,DES NA SKABS KYI DON SNOD ZHIG PA LA SHAS PAR BYAS NAS DE DANG CHOS MTHUN PAR STONG NYID SGOM PA YIN PA LA, ZHAR LA BCUD KYANG STONG PAR SGOM PA NI SNOD MED PAR BCUD MI GNAS PA'I PHYIR RO, ,'O NA SNOD BCUD ZHIG PA'I NAM MKHA' DANG CHOS MTHUN PAR SGOM PA 'DI STONG NYID KYI LTA BA MA RNYED KYANG SNOD BCUD KYI SNANG BA RNAMS NYE BAR BTUS PA TZAM YID LA BYAS PAS CHOG GAM LTA BA RNYED PA'I DON SKABS DER DRAN PA DGOS SHE NA, 'DIR NI PHYI MA DGOS PAR RGYUD SDE DANG MKHAS GRUB DU MAS GSUNGS SHING, CHOS THAMS CAD DON DAM PAR CIR YANG MA GRUB PAR SHES PA'I RIG DON ? SNANG BA THAMS CAD LDOG PAS SNANG BA ZHI BA'ANG SGOM PAR 'GROL, GAL TE LTA BA DRAN NAS KYANG THA MAL GYI SNANG BA BLO NGO DER MI LDOG PAR SNANG NA, SNANG BA THAMS CAD 'JA' YAL BA BZHIN DU BTANG BA'I NAM MKHA' LTA BU'ANG SGOM DGOS TE, MTSAN NYID KYI THEG PAR STONG NYID SGOMS NAS SNANG BA NGES PAR SDUD PA'I BSHAD PA MED KYANG SNGAGS KYI THEG PA 'DIR NI DE NGES PAR DGOS TE, MCHOG GI SNANG ZHEN SKYE BA LA THA MAL GYI SNANG ZHEN SDUD PA NGES PAR DGOS PA'I PHYIR TE, YID SHES GCIG GI DON DE GNYIS 'DU BAR MI RUNG BA'I PHYIR RO, ,DES NA SAm PU tA LAS, DANG POR STONG NYID RNAM BSAMS PAS, ,LUS CAN RNAMS KYI DRI MA BKRU, ZHES PA LTAR, NANG GI DRI MA BDAG GNYIS SU 'DZIN PA DAG PAR BYED PA LA MDOR BYAS NAS GSUNGS PA LTAR, RGYU BA BCUD SEMS CAN DANG MI RGYU BA SNOD 'JIG RTEN GYI SNANG BA THAMS CAD

STONG NYID KYIS SBYANGS NAS MA BSLAD PA'I CHOS CAN DANG CHOS NYID SHES PA DANG LUS KYI RNAM GZHAG LA NGES PA RNYED PAR BYA'O, ,CHOS RNAMS RANG BZHIN MED PAR PHU THAG CHOD PA'I LTA BA SKABS 'DIR DRAN PAR BYA BA'I YUL NI SH'U N+YA T'A YIN LA, YUL CAN NI DZNY'A NA'O, , DE GNYIS CHU LA CHU BZHAG PA BZHIN DBYER MI PHYED PAR SONG BA NI BADZRA'I DON YIN PAS DE LTAR SONG BAR MOS NAS RING DU MNYAM PAR BZHAG PA DGOS KYI, LTA BA LA GO YUL CUNG ZAD KYANG MED PA DANG, YOD DU CHUG KYANG YID GZHAN DU GA-YENG NAS CHOS THAMS CAD STONG PA NYID DU GYUR ZHES BRJOD PAS CI'ANG MI PHAN NO, ,DE LTAR BDAG MED PA'I DON LA MNYAM PAR BZHAG PA'I YE SHES NI YON TAN THAMS CAD KYI RTEN YIN PA'I PHYIR YE SHES KYIS ZHES BYA'O, ,SRUNG 'KHOR 'OD GSAL DU SDUD PA AA BHA YAS BSHAD DO, , GNYIS PA NI, MDOR BYAS LAS, NAM MKHA'I DBYINGS KYI DBUS GNAS PAR, ,H'Um GNYIS SA BON YAm LAS BYUNG, ,RLUNG GI DKYIL 'KHOR BSGOM PAR BYA, ZHES GSUNGS PA'I NAM MKHA'I DBYINGS NI CHOS 'BYUNG DANG, DBUS ZHES PAS PADMA BSTAN PAR AA BHA YA BZHED DO, ,THUN MONG MA YIN PA'I SRUNG 'KHOR 'OD GSAL DU BSDUS KYANG, RDO RJE'I RA BA ME RI RNAMS 'DIR 'DOD DGOS TE, GZHAL YAS KHANG 'DRI BA'I TSE ME RI DANG RDOR RA'I NANG DU CHUD PA DGOS PA KLU BYANG GIS GSUNGS SHING, 'DI NI SGOM PA LA'ANG MTSUNGS PA'I PHYIR RO, ,DE'I NANG DU CHOS 'BYUNG SGOM MI SGOM GNYIS YOD KYANG, ,SGRON GSAL DU GLENG GZHI BSHAD PAR CHOS 'BYUNG SGOM PA THON PAS DE LTAR BYA ZHING, CHOS 'BYUNG 'DOD PA LA'ANG DBYIBS YOD MED GNYIS LAS 'DIR NI RGYUD

, ,PHYI MA LAS, SKU GSUNG THUGS KYI DBYE BA YIS, ,GRU GSUM DU NI RNAM PAR BSGOM, ZHES PA LTAR ZUR GSUM DU BYED LA, SA BON GYI YI GE LAS BSKYED MI BSKYED GNYIS YOD KYANG 'DIR NI PHYI MA LTAR BZHED CING, KHA DOG NI DMAR SKYA STE, BRI BYA LA SNA TSOGS PADMA'I 'DAB MA DMAR SKYA BYED PA'ANG CHOS 'BYUNG GI KHA DOG YIN NO, ,CHOS 'BYUNG GI ZUR GNYIS NI STENG DANG GCIG 'OG TU BSTAN PA NGOS GNYIS NI THAL MAR GNAS PA STE, CHOS 'BYUNG ZHENG DANG DKYUS MI MNYAM PAR LHAG PA LTA BU MIN PAS RGYA CHEN PO BYA DGOS SO, ,ZUR 'OG GI PHRAD MTSAMS NAS PADMA'I YUB BYUNG NAS CHOS 'BYUNG GI DBUS SU PADMA KHA BYE BA 'DAB MA SNA TSOGS PA SHIN TU RGYA CHE BAR GNAS PA'O, ,DE'I STENG DU H'Um GNYIS SA BON Ym LAS BYUNG, ZHES PA'I DON NI, H'Um GNYIS KYI BAR DU RLUNG GI SA BON BCUG PA YIN LA, Ym LAS RLUNG DANG H'Um GNYIS LAS RDO RJE GNYIS SU 'GYUR BA YIN ZHING RDO RJE KHA DOG KYANG 'BYUNG BA DANG 'DRA BAR BZHED DO, ,LUGS GZHAN LA BA DAN GYIS MTSAN PA SOGS YOD KYANG 'DIR MDOR BYAS SU DKYIL 'KHOR BZHI CHAR LA RDO RJES MTSAN PAR GSUNGS SO, ,MANG RAB NI, RLUNG GIS ME SBAR DES SA BSREGS DES CHU BSKOL NAS DKYIL 'KHOR BZHI ZHU BAS GCIG TU 'DRES PA LAS ZHO CHAGS PA BZHIN DU SNA TSOGS RDO RJER GYUR PAR BZHED KYANG, 'PHAGS SKOR GYI GZHUNG GANG DU'ANG GSAL KHA MI SNANG BAS, SKAD CIG GIS 'DRES PAR BSGOM PAS CHOG GO ,DE LTA BU SNA TSOGS RDO RJE DE NI MTHA' NAS MTHA'I BAR DU CHA CHEN BCU GNYIS PA GRU BZHI MNYAM PA YIN LA, KHA DOG NI SNA TSOGS MDOG STE DE LA'ANG

LJANG GU 'BA' ZHIG DANG MDOG MI 'DRA BA DU MA DANG LDAN PA GNYIS LAS 'DIR PHYI MA YIN NO, ,DE LA'ANG SHAR DKAR LHO SER NUB DMAR BYANG LJANG DBUS SNGO BA'O, ,DE'I PHYOGS BZHI'I NGOS LA RDO RJE'I RVA LNGA RE LNGA RE'I NYI SHU DANG GSUM GSUM BCU GNYIS GANG RUNG STE, KHA DOG NI RVA BCU GNYIS PA LA SNA TSOGS RDO RJE NYID BZHIN DU PHYOGS MDOG STE SHAR GYI RVA GSUM DKAR BA SOGS DANG, YANG DBUS RVA DKAR BA GA-YAS GA-YON GYI RVA LHO BYANG GI MDOG LTAR BYED PA STE PHYOGS GZHAN YANG DE BZHIN NO, ,DE LTAR TSUL GNYIS DANG GZHAN YANG ZUG MTSAMS RING THUNG ZHENG TSAD BYA TSUL LA SOGS PA THIG GI SGO NAS ZHIB TU SHES DGOS TE, 'DI LA NI PHYAG LEN NOR BA BRGYUD PA MANG BAR SNANG NGO, ,DE LTA BU'I SNA TSOGS RDO RJE DE NYID DKYIL 'KHOR CHEN PO'I RTEN YIN PA'I PHYIR SA'I CHA ZHES BYA'O, ,DE DAG RTZA RGYUD LE'U BCU GCIG PA LAS, DKYIL 'KHOR RDO RJE KUN LAS SKYES, ,NAM MKHA'I RDO RJE'I DBUS SU BSAM, ZHES DANG, BSDU BA DAG KYANG RAB TU BYA, ZHES PA'I DON YIN PAR KLU SGRUB KYIS GSUNGS SHING, MDOR BYAS SU, DKYIL 'KHOR CHEN PO YANG DAG BSDUS, ,RDO RJE SA GZHI'I DKYIL 'KHOR LA, ,ZHES GSUNGS PA'I DON TE, DE RNAMS SNOD 'JIG CHAGS DANG SBYAR BA YIN PAR KLU BYANG GIS GSUNGS SO, ,GSUM PA NI, LE'U BCU GCIG PAR YI GE BHR'Um GYI GNAS SGOM STE, ZHES DANG, LE'U BRGYAD PAR, DPAG CHAD BYE BA'I KHYEN TZAM DU, ,GRU BZHI SHIN TU MDZES PA YI, ,MCHOG RTEN RIN CHEN SNA BZHI PA, ,GSAL ZHING RANG BZHIN DRI MA MED, CES PA'I DON MDOR BYAS SU, DER NI BHR'Um LAS BYUNG BA YI, ,GZHAL YAS KHANG PA RNAM PAR BSGOM, ,ZUR BZHI DANG NI SGO BZHI

, ,DANG, ZHES BHR'Um LAS BSKYED PAR GSUNGS SHING, DKAR POR BYED PA PA ndI TA THUB PA DPAL BZANG POS BSHAD LA, SANGS RGYAS RNAM SNANG GI SPRIN 'PHRO BAR, SGRON GSAL DU 'BYUNG NGO, ,SKABS 'DIR BHR'Um GCIG PU LAS GZHAL YAS KHANG YONGS SU RDZOGS PAR CIG CAR DU GRUB PAR MOS PA YIN LA, 'OG LUS DKYIL GYI SKABS SU NI CHA SO SO LA RGYU YANG THA DAD DU 'BYUNG NGO, ,RTZIG PA RIM PA LNGA NI, PHYI MA SHAR GYI DE BZHIN GSHEGS PA'I KHA DOG DE NAS LHO STE GA-YAS SKOR DU BYAS NAS, RTZIG PA NANG MA DBUS KYI DE BZHIN GSHEGS PA'I KHA DOG STE DE'ANG RIGS BDAG DBANG BTZAN PAS DE'I KHA DOG STE, DPER NA, BCOM LDAN 'DAS ZHE SDANG GSHIN RJE GSHED DMAR POR YOD KYANG RIGS BDAG MI BSKYOD PA YIN PAS RTZIG PA NANG MA SNGON POS 'ONG BA LTA BU'O, ,RTZIG PA NI LNGA SBRAGS TE RE RE'I KHA DOG KYANG PHYOGS BZHI CHAR 'KHOR BA YIN LA NANG NAS PHYIR RTZI NA NI SNGO LJANG DMAR SER DKAR ZHES PA STE 'DI NI AA BHA YA'I LUGS YIN LA DKYIL 'KHOR PHAL CHE BA LA 'DIS KHYAB PAR SNANG NGO, ,DE'I STENG DU PHA GU NI 'DI LTA BUR AA BHA YAS BSHAD PAS SER PO KHO NAR MA NGES SO, ,PHA GU'I STENG BRE PHUL BYAS NAS GSER GYI GDUNG BZHI PHYI NANG DU BSGRIGS PA'I PHYI MA'I NGOS LA CHU SRIN GYI KHA NAS DO SHAL DANG DO SHAL PHYED PA 'PHYANG BA STE, DE LA BYA 'DAB GUD PA BTAGS NAS LCAM SNER SHAR BU RUS RGYAN SNYING PA'I ZAR TSAGS SAM RIL BA THUR DU LDOG PA LTA BU YIN LA, DE DAG GANG DU YOD PA'I STENG DU MDA' YAB BYED PAR AA BHA YAS BSHAD DO, ,'DI LA RGYA SKAD DU KRA MA SHARshI ZHES PA LA DE NI RDO RJE LTA BU'I

ZHES ZER BA RGYA SKAD MA SHES PA'I BLUN GTAM YIN LA, DE DAG BSGYUR NA MGO BO'I RIM PA ZHES PA STE, GZHAL YAS KHANG GI YA MTHA' YIN PAR STON ZHES RIN PO CHE BA GSUNG NGO, ,MDA' YAB 'BUR GSUM GYI DBUS MA MTHO BA LA GSER GYI BUM PA GNAS PA STE DE LAS THON PA'I RGYAL MTSAN DANG BA DAN NI DAR LCE GSUM PA LA RI DVAGS DANG NYA SPU RGYAS PA LA SOGS PA'I SEMS CAN GYI GZUGS YOD MED KYI KHYAD PAR TE, BOD KYI RGYAL MTSAN LTA BU MIN NO, ,DE'ANG PHYOGS RER BZHI BZHI DANG GNYIS GNYIS BYED PA'I LUGS GNYIS SO, ,RTZIG PA'I RTZA BA NAS 'DOD SNAM LA LHA MO SNA TSOGS SHIN TU MANG BAR GNAS PAS BCU DRUG GI NGES PA MED CING, 'DI LA 'DOD YON GYI MCHOD PA GNAS PAS 'DOD SNAM DANG, GZUNGS MA RNAMS GNAS PAS GZUNGS SNAM DANG, GAR GYI LHA MO BZHUGS PAS GAR GYI SNAM BU ZHES KYANG BYA'O, ,ZLA PHYED RDO RJE NI SA GZHI'I STENG DU'O, ,RTA BABS KYI KA BA LA 'PHAGS LAM YAN LAG BRGYAD KYI DAG PA SBYAR BAS PHYOGS RER GNYIS GNYIS YIN GSUNG BA MA NGES TE, SGO KHYUD BRGYAD LA RDZU 'PHRUL RKANG PA BZHI'I DAG PA SBYAR BA'I PHYIR RO, ,LAM 'DIS BGROD PA'I RNAL 'BYOR BA YIN NA RTEN DANG BRTEN PA'I DKYIL 'KHOR LA GSAL SNANG YONGS SU RDZOGS PAR BYA DGOS LA, DE LA NI DE DAG GI DON SPYI GSAL POR CHAGS PA DGOS PAS GZHAL YAS KHANG GI RNAM GZHAG THIG GI SGO NAS SHIN TU ZHIB PAR SHES PAR BYA'I 'DIR CUNG ZAD BRJOD PA TZAM GYIS NI GO BAR MI NUS PAS MA SPROS PA YIN NO, ,LHA RNAMS LA PHYOGS KYI DE BZHIN GSHEGS PA'I PHYAG MTSAN GDAN DU 'ONG BA LTAR NA,

, ,SHAR PHYOGS PA RNAMS LA 'KHOR LO 'ONG DGOS PA SNANG NA'ANG, LE'U DANG PO LAS, GSAL BA LA SOGS DKYIL 'KHOR LDAN, ,DE BZHIN GSHEGS PA KUN GYI GNAS, ZHES GSUNGS PA'I DON, SNA TSOGS PADMA'I STENG DU ZLA BA'I GDAN BSKYED PA YIN PAR MDO BSRE LAS GSUNGS SO, ,M'A MA K'I RIGS GNYIS 'DZIN PAS RDO RJE'I GDAN NO, ,SPYIR NI RGYA GZHUNG RNAMS SU, GZHAL YAS KHANG BSKYED PA LA 'BYUNG BA RIM RTZEGS MI BSKYED PA DANG BSKYED PA GNYIS TE, DANG PO NI YE SHES ZHABS DANG DPAL 'DZIN SOGS YIN LA, GNYIS PA NI 'PHAGS LUGS SOGS YIN NO, ,'BYUNG BA RIM RTZEGS BSKYED PA LA'ANG RTZIBS BCU PA'I LTE BA'I NANG DU BSKYED MI BSKYED GNYIS TE, MI BSKYED PA'I PHYOGS LA 'BYUNG BA ZHU MI ZHU GNYIS DANG, ZHU BA LAS SNA TSOGS RDO RJER BSKYED PA DANG GZHAL YAS KHANG BSKYED PA'I LUGS GNYIS SO, ,DE BZHIN DU RTEN DANG BRTEN PA CIG CAR DU BSKYED PA LU A'I PA DANG, RTEN PHYI NAS BSKYED CING BRTEN PA DANG POR BSKYED PA RDO RJE DBYINGS DANG, BRTEN PA RJES SU BSKYED PA DKYIL 'KHOR PHAL MO CHE'I LUGS SO, ,'DIR NI RTZA RGYUD LAS, GNAS BSKYED PA NI SNGON 'GRO BAS, ,RDO RJE GSUM BSKYED BSGOM PAR BYA, ,ZHES PA LTAR MDZAD PA'O, ,GNYIS PA LA LHAG MOS MDZAD PA DANG BCAS PA BSGOM PA NI, 'DIR LHA SO GNYIS PO KUN GRUB PAR LHAG PAR MOS PA TZAM LAS BSKYED PAS RGYU YI GE SOGS MI BSGOM STE, BSKAL PA DANG PO'I MI BRDZUS TE SKYE BA DANG BSTUN PA'I PHYIR RO, ,DES NA 'DI LA LHAG MOS KYI DKYIL 'KHOR ZHES

BYA'O, ,'DI LA BOD KYI BLA MA KHA CIG RIGS SU'I ZLOS PA PO YIN KYANG LHAG MOS KYI GTZO BO RDO RJE 'CHANG GIS BYED PA LA 'PHAGS PA YAB SRAS GZHAN RNAMS MTHUN PA LA RNAM GZHAG RIM PAR MI BSKYOD PA LA SOGS ZHES GSUNGS PA NI DE'I RIGS KYI ZLOS PA PO LA DGOD PA YIN ZHES GSUNG BA MI 'THAD DE, 'DIR MI BSKYOD PA DKYIL 'KHOR LA DGOD BYAR GSUNGS KYI 'GOD PA POR MA BSHAD PAS YI GE'I DON DU MI SNANG BA'I PHYIR RO, ,BLA MA GZHAN GYIS NI SGRON MA RAB GSAL DANG 'GREL PA RIN CHEN PHRENG BAR MI BSKYOD PA ZHE SDANG RDO RJE LHAG MOS KYI GTZO BOR BSHAD PA, MDOR BYAS DANG MDO BSRE DANG ZLA BA GRAGS PAS RDO RJE 'CHANG DU GSUNGS PA'I LUNG GIS BKAG NAS MI BSKYOD PA GTZO BO MA YIN PA 'CHAD DO, ,MDOR BYAS SU, REG BYA RDO RJE NYID KYANG NI, , RDO RJE SEMS DPA' DANG LDAN GNAS, ZHES GSUNGS SHING RDO RJE SEMS DPA' NI RDO RJE 'CHANG NGO, ,GAL TE LHAG MOS KYI GTZO BO RDO RJE 'CHANG YIN NA RNAM GZHAG RIM PAR MI BSKYOD PA GSUNGS PA CI LTAR YIN ZHE NA, MDO BSRE LAS, GNAS BSKYED PA MNGON DU 'GRO BAS RDO RJE GSUM BSKYED PA BSGOM PAR BYA'O, ,ZHES GSUNGS PAS LHAG PAR MOS PA CAN GYI BDAG NYID RDO RJE 'CHANG CHEN PO NYID DU GYUR NAS, ZHES GSUNGS PA DANG, RNAM GZHAG RIM PAR, DE NAS RNAM PAR SHES PA'I BDAG PO RDO RJE 'CHANG CHEN PO SEMS CAN THAMS CAD BSKYED PAR MDZAD PA POS SNOD KYI 'JIG RTEN BSKYED PA'I 'OG TU SEMS CAN GYI KHAMS NGES PAR SPRUL BAR MDZAD DE, GNAS NI SGRUB PA SNGON 'GRO BAS, ,RDO RJE GSUM BSKYED BSGOM PAR BYA, ZHES

, ,GSUNGS PA GNYIS DON GCIG TU SNANG BA, SLOB DPON KLU BYANG GIS KYANG RDO RJE 'CHANG DU BZHED MOD KYANG MI BSKYOD PAR GSUNGS PA NI, LE'U BCU GCIG PA'I SGRON GSAL LAS, BCOM LDAN 'DAS RDO RJE MI BSKYOD PA RDO RJE 'CHANG CHEN POS DE SKAD CES BKA' STZAL TO, ,ZHES GSUNGS SHING RDO RJE 'CHANG LA DE BZHIN GSHEGS PA GZHAN GYI MING GIS BTAGS PA'ANG YOD PAS MI 'GAL LO, ,DBUS KYI GDAN LA RDO RJE 'CHANG CHEN PO SKU MDOG SNGON PO AINDRA N'I LA LTA BUR GSUNGS LA, 'DI DANG ZHE SDANG RDO RJE DANG MI BSKYOD PA ZHI BA GSUM SPYIR SNGON POR 'DRA'ANG ZHE SDANG RDO RJE MTHING NAG ,MI BSKYOD PA NI SNGO ZHING GNAG PA STE 'DI NI SNGO SKYA'I RNAM PAR BYA'O, ,ZHAL GYI RNAM GZHAG ZHIB PAR SHES DGOS TE 'DIR MA GSUNGS PAS MA BRIS SO, ,DBU SKRA LA THOR TSUGS DANG PHYED BCINGS DANG GYEN BRDZES GSUM DANG, PHYED BCINGS LA ZUR PHUD GSUM PA DANG LNGA PA'I TSUL GNYIS LAS 'DIR GSHEGS PA RNAMS DANG SEMS DPA' BRGYAD NI DBU SKRA RAL PA THOR TSUGS SU BCINGS PA STE, DE NI LHAG MED PAR SPYI BOR BCINGS PA YIN LA, LHA MO RNAMS NI DBU SKRA'I PHYENG SPYI BOR BCINGS SHING PHYED THUR DU 'PHYANG BA'O, ,RIN PO CHE'I RGYAN BRGYAD NI, DBU RGYAN, SNYAN RGYAN GNYIS, MGUL RGYAN, SE MO DO, DO SHAL GSUM STE, LNGA, PHYAG GDUB, ZHABS GDUB GNYIS DANG BDUN, 'OG PAG DANG BRGYAD YIN LA, DBU RGYAN NI RIN PO CHE'I RTZE PHRAN LNGA RIN PO CHE'I THAG PAS SBREL BA DBU LA BCINGS

PA YIN ZHING, SNYAN RGYAN NI, SNYAN LA 'PHYANG BA'I RIN PO CHE'I GANG DU BU LTA BU DANG, MGUL RGYAN NI MGUL 'KHOR BA TZAM DANG, SE MO DO NI NU MA'I BAR DU SLEB PA, DO SHAL NI BRLA PHRA SBOM MTSAMS SU SLEB PA STE DE GSUM NI MGUL BAR GYEN PA'I RGYA NO, , PHYAG GDUB LA PHYAG GI MKHRIG MA LA GYON PA DANG DPUNG BA LA BCINGS PA'I RGYAN GNYIS SO, ,ZHABS GDUB NI ZHABS KYI MKHRIG MA LA GYON PA'I RGYAN NO, ,'OG PAG NI SKA RAGS KHYAD PAR CAN TE, RIN PO CHE'I TSAR RDZAR DU MAS BRGYAN PA YIN NO, ,LHA RDZAS KYI GOS KYI GA SHAL NI PHYOGS GNYIS KAS SE RAL KHA BYAS PA'O, ,GTZO BO YAB YUM NI SHAM THABS 'PHYAR BA STE DE NI RGYAB TU BSHUGS PA YIN LA, KHA CIG SHAM THABS GROL PA ZHES 'BYUNG LA DE NI BRLA'I STENG DU PHYIR SNYIGS PA YIN NO, ,DE LTAR LHA SO GNYIS YONGS SU RDZOGS PAR BSKYED NAS, MDOR BYAS LAS, SLAR YANG KHA SBYOR SBYOR BA YIS, ,RANG GI LUS LA DE RNAMS GZUNG, ,LUS KYI DKYIL 'KHOR GTOGS SANGS RGYAS, ,RIM PA CI BZHIN YANG DAG BSAM, ZHES GSUNGS SHING, LHAG MOS KYI MDZAD PA MI GSAL YANG, SGRON GSAL LE'U DANG POR RDO RJE 'CHANG CHEN PO'I DKYIL 'KHOR DU GYUR PA DES CI ZHIG MDZAD CE NA, SEMS CAN THAMS CAD DPAL RDO RJE SEMS DPA'I 'JUG PAS ZHUGS NAS RDO RJE SEMS DPA' DANG NYID THOB PA'O, ,DE NAS BDE BA DANG YID BDE BA THOB PAR GYUR TO, ,ZHES GSUNGS LA, RDO RJE SEMS DPA'I 'JUG PA NI DKYIL 'KHOR GYI PHYOGS THAMS CAD NAS THOGS PA MED PAR 'JUG PA STE, SPYIR 'JUG PA BZHI GSUNGS PA LAS SLOB

, ,MA'I 'JUG PA NI DKYIL 'KHOR GYI SGO NAS 'JUG PA DANG, RDO RJE SHUGS KYI 'JUG PA NI STENG DU BTEG NAS DE'I 'OG TU 'JUG PA DANG, YE SHES SEMS DPA'I 'JUG PA NI DKYIL 'KHOR GYI STENG NAS PHYIR THOGS MED DU 'JUG PA'O, ,LHAG MOS LUS LA SDUD PA'I SKABS SU KHA SBYOR ZHES GSUNGS PA'I DON GNYIS SU MED PAR SBYOR BA STE DBYER MED DU BYED PA'I DON YIN LA, DBYER MED RGYUN NI RANG GI PHUNG KHAMS SKYE MCHED DANG LHA RNAMS SO, ,DE LTAR NA RANG GI GZUGS PHUNG DANG RNAM SNANG GNYIS KHA SBYOR BA STE NGO BO DBYER MED DU MOS PA DANG LHAG MA RNAMS KYANG DE BZHIN DU SHES PAR BYA STE, MDO BSRE LAS KYANG, DKYIL 'KHOR GYI 'KHOR LOR BKOD PA'I DE BZHIN GSHEGS PA RNAMS PHUNG PO LA SOGS PA'I NGO, POR BSDUS TE, ZHES GSUNGS PA'I DON TO, ,DE NI MNGON PAR BYANG CHUB PA LNGA BSHAD PAR BYA STE, 'DI LA MI 'DRA BA MANG DU YOD KYANG 'PHAGS PA YAB SRAS KYI BZHED PA NI DE BZHIN NYID LAS BYANG CHUB PA, ZLA BA LAS BYANG CHUB PA, SA BON LAS BYANG CHUB PA, PHYAG MTSAN LAS BYANG CHUB PA, SKU RDZOGS PA LAS BYANG CHUB PA DANG LNGA YIN LA, BYANG CHUB PA DANG PO BZHI NI RGYU YIN ZHING LNGA PA NI 'BRAS BU YIN NO, ,BYANG CHUB DANG PO LHAG MOS 'OD GSAL DU SDUD PA 'DI YIN LA, JI SKAD DU RTZA RGYUD LE'U BDUN PA LAS, DAM TSIG KHU PHYUNG CHO GA BZHIN, ,'BRAS BU 'DOD PAS BTUNG BAR BYA, ,DE BZHIN GSHEGS PA'I TSOGS BSAD NA, ,DNGOS GRUB RAB MCHOG 'THOB PAR 'GYUR, ZHES GSUNGS PA'I GZHUNG DE SKABS 'DI'I

DON DU MDO BSRE LAS GSUNGS SHING 'DI LA SGRON GSAL DU DGONGS PAS BSHAD PA MDZAD DO, ,DE LA DAM TSIG NI THABS SHES SBYOR BA STE DES KHU BA STE SA BON PHYUNG BA STE BTON NAS MER MER PO LA SOGS PA'I RIM GYIS MNGON PAR 'PHEL BA DE NYID SA BON LAS MYU GU 'PHEL BA DANG 'DRA PAR YONGS SU RDZOGS PA'I LUS KYI LHA RNAMS SO, ,DE RNAMS DON DAM PA'I DKYIL 'KHOR DU 'JUG PA'I CHO GA BZHIN DU BTUNG BA STE 'OD GSAL DU GZHUG PAR BYA'O, ,CHO GA BZHIN BTUNG BA'ANG PHUNG PO KHAMS DBANG PO YUL YE SHES RNAMS 'OD GSAL DU RIM GYIS GZHUG PA LA BYA'O, ,CI'I PHYIR 'BYUNG NA 'BRAS BU 'OD GSAL BAS DAG PA RDO RJE SEMS DPA'I SKU 'DOD CING DON DU GNYER BAS DE'I PHYIR RO, ,RANG GI PHUNG PO DANG DBYER MED PA'I DE BZHIN GSHEGS PA'I TSOGS SAD NA STE 'OD GSAL DU BCUG NA, DE'I PHAN YON DNGOS GRUB RAB MCHOG 'THOB PAR 'GYUR BA'O, ,'O NA 'OD GSAL DU GZHUG RGYU DE GANG YIN ZHE NA, LNGA STE DE BZHIN GSHEGS PA DANG RIN PO CHE DANG PADMA DANG LAS KYI RIGS DANG RDO RJE'I RIGS SO, ,DANG PO NI, RDO RJE PHRENG BA LAS, GZUGS PHUNG GTOGS DANG ME LONG DANG, ,SA KHAMS MIG GI DBANG PO DANG, ,GZUGS DANG RNAM LNGAR GYUR PA STE, ,KHRO BO GNYIS DANG YANG DAG LDAN, ZHES TE, GZUGS PHUNG RNAM SNANG DER GTOGS PA STE DE'I RIGS CAN RNAM PA BDUN TE, SBYANG GZHI LA GZUGS PHUNG SA KHAMS MIG GZUGS RTZA RGYUS DPUNG PA GA-YAS GA-YON BDUN NI MNGAL SKYES 'CHI

, ,BA'I TSE DE RNAMS KYI RNAM SHES BRTEN PA'I NUS PA BSDUS NAS 'GRO BA YIN LA DE DANG MTHUN PAR SBYONG BYED KYI LHA BDUN PO'ANG 'OD GSAL DU 'JUG PA STE, 'DIR RNAL 'BYOR PA'I YID DON SBYANG GZHI BDUN DANG SBYONG BYED BDUN DANG BCU BZHI 'OD GSAL DU GZHUG PA'O, ,GNYIS PA RIN PO CHE'I RIGS NI, TSOR BA'I PHUNG PO MNYAM NYID DANG, ,CHU KHAMS RNA BA'I DBANG PO DANG, ,SGRA YANG LNGA PAR GYUR PA STE, ,KHRO BO GNYIS DANG YANG DAG LDAN, ,ZHES PA STE, TSOR BA'I PHUNG PO STE RIN 'BYUNG GI RIGS CAN MNYAM NYID DE RIN 'BYUNG, CHU KHAMS M'A MA K'I, RNA BA'I DBANG PO PHYAG NA RDO RJE, SGRA RDO RJE MA, LNGA PA ZHES PA NI PHUNG PO KHAMS DBANG PO YUL YE SHES LNGA'I LNGA PA YIN PAS SO, ,KHRO BO GZHAN GYIS MI THUB PA DANG 'DOD PA'I RGYAL PO GNYIS TE SBYANG GZHI DRUG DANG, DE DANG DBYER MED PA'I SBYONG BYED LHA DRUG 'OD GSAL DU GZHUG PAR BYA'O, ,DE BZHIN DU LHAG MA RNAMS KYANG SHES PAR BYA STE, M'A MA K'I DANG REG BYA RDO RJE MA NI RIGS GNYIS 'DZIN LA, 'JAM DPAL NI DE BZHIN GSHEGS PA THAMS CAD KYI THUGS SU BSHAD PAS 'DIR MI BSKYOD PA'I RIGS CAN DU GSUNGS SO, ,'DIR LHAG MOS KYI LHA LUS LA 'GOD PA'I TSA'ANG LHA DE DAG RANG GI PHUNG KHAMS DE DANG DE'I NGO BO YIN SNYAM PA'I NGES PA DANG, 'OD GSAL DU GZHUG PA'I TSE'ANG LHA DE DAG GNAS DER 'JA' YAL BA BZHIN DU STONG PAR MOS PA DANG DE'I TSE RANG GI PHUNG SOGS DA DANG DE YANG 'OD GSAL DU ZHUGS PAR MOS PA DANG BDAG MED PA'I DON DRAN PA GSUM SHIN TU

GAL CHE BAS DAL BUS MA CHAD PAR BYAS LA DE'I TSE MNGON RTOGS KYI TSIG RNAMS KYANG DAL BUS GDON PAR BYA ZHING YID KYIS DMIGS PA BSGOM PA DANG NGAG TUD RJOD PA GSUM MNYAM DU 'ONG BAR BYA ZHING YID DMIGS PA LA GOMS PAS MGYOGS PAR 'CHAR BA NA TSIG KYANG MGYOGS PAR GDON PAR BYA'O, ,DE NAS, MGON PO KLU SGRUB KYIS, MGO BO NAS NI RKANG BA'I BAR, ,JI SRID SNYING GAR PHYIN GYI BAR, ,RNAL 'BYOR YANG DAG MTHA' LA 'JUG ,CES PA LTAR GTZO BO'ANG 'OD GSAL DU BCUG NAS GNAS LUGS NAM MKHA' LTA BU'I NGANG LA MNYAM PAR BZHAG NAS BRTAN BYED KYI SNGAGS BRJOD PAR BYA STE, RIM PA DANG PO'I SKABS SU, 'DI RNAMS MOS PA TZAM YIN LA, RIM PA GNYIS PA'I SKABS SU JI LTA BA BZHIN MNGON DU 'GYUR BA YIN NO, ,DE LA AOm NI SNGAGS KYI MGO 'DREN PA, SH'U N+YA T'A NI STONG PA NYID YUL CHOS KYI DBYINGS DANG, DZNY'A NA NI SHES PA STE DE KHO NA NYID RTOGS PA'I YE SHES YIN TE RGYA SKAD LA SHES PA DANG YE SHES LA SKAD LOGS SOR MED KYANG SKABS KYI BRJOD BYA LA BTAGS NAS LO TZ'A BA RNAMS KYIS YE BLA THABS SU BSNAN PA YIN NO, ,YUL STONG PA NYID DANG YUL CAN YE SHES GNYIS DBYER MED PA'I DE KHO NA NYID NI BADZRA STE MI MTHUN PHYOGS KYIS MI PHYED PA'I PHYIR RO, ,SVA BH'A WA NI RANG BZHIN TE RANG BZHIN GYIS RNAM PAR DAG PA NYID GLO BUR GYI DRI MA DANG BRAL BA'I RANG BZHIN DU GNAS PA A'ATMAKA: NI BDAG NYID AA HAm NGA'O, ZHES PA STE RANG BZHIN GYIS DAG PA'I BDAG NYID NI NGA'O ZHES PA'O, ,SNGAGS DON RIGS LNGAR BSHAD PA NI AOm RNAM SNANG SH'U N+YA T'A GNYIS PA DZNY'A NA GSUM

, ,PA BADZRA BZHI PA SVA BH'A WA A'ATMAKA: LNGA PA AA HAm DRUG PA YIN LA, 'DI NI RIGS DRUG 'OD GSAL DU ZHUGS PA'I CHA NAS BRTZIBS LDOG PAS PHYE BA YIN GYI NGO BO'I SGO NAS DBYE BA MIN NO, ,DE LTAR NA AOm ZHES PA NI RNAM SNANG GI RIGS BDUN TSAN GNYIS 'OD GSAL DU ZHUGS PA'I DE KHO NA NYID DRAN PAR BYED PA SOGS TE DE LTA BU'I CHOS KYI SKU DE MNGON DU GYUR BA'I NGA RGYAL 'JOG PA YIN NO, ,DE DAG NI THOG MTHA' GNYIS SU DON DAM PA'I BDEN PA BSNYEN PA GTZO BOR GYUR PAS BSNYEN PA'I YAN LAG STE DE KHO NA NYID BSGOM PA GNYIS NI BSNYEN PA'I DNGOS GZHI YIN LA LHA BSGOM PA SOGS DE'I YAN LAG YIN NO, ,'DI DAG NI 'CHI BA CHOS SKUR BSGYUR BA'I RIM PA DANG PO'I MAN NGAG MCHOG YIN PAS SHIN TU 'DRIS PAR BYA ZHING, RIM PA DANG PO'I RNAL 'BYOR PA 'CHI BA'I TSE PHUNG KHAMS THIM PA NA'ANG DE DANG DE'I NGO BOR GYUR PA'I LHA RNAMS 'OD GSAL DU BCUG NAS, GTZO BO 'OD GSAL DU BCUG PA DANG 'CHI BA'I 'OD GSAL SHAR BAR BYAS NAS BDAG MED PA'I DON LA GZHAG PAR BYA STE GNYID KYI TSE'ANG NGO, ,DMIGS PA 'DI RNAMS YID KYIS MI SGOM PAR TSIG BSHAR BA TZAM RE BYAS NAS SNGAGS 'DREN PA TZAM LA NUS PA SPRUG PA NI RIM PA GNYIS LA GO BA MA CHAGS PA'I RTAGS YANG DAG TU SHES PAR BYA'O, ,BSKYED RIM LA SBYANG GZHI DANG SBYONG BYED NGO ? 'PHROD DGOS PA LA 'PHROD LUGS KYANG SKYE 'CHI BAR DO GSUM JI LTA BA DE BZHIN DU BSGOM PA YIN PAS DE'I TSUL BRJOD NA, SBYIR 'PHAGS PA YAB SRAS KYI BZHED PAS SNGAGS KYI LAM GYIS SNYIGS DUS KYI MI'I TSE GCIG LA BSGRUB PAR BYA BA'I 'BRAS BU

THUN MONG MA YIN PA NI GZHI LA CHOS GSUM GNAS PA JI 'DRA BA DE 'DRA BA'I SKU GSUM GYI GO 'PHANG ZHIG YIN NO, ,SKU GSUM GYI GO 'PHANG MTHAR PHYIN PA MI SLOB PA'I ZUNG 'JUG GI SKABS LA BZHAG DGOS MOD KYANG LAM LA'ANG BSHAD PA NI YAB SRAS KYI GZHUNG NAS MANG DU 'BYUNG BAS 'DIR NI RAGS PA'I DBANG DU BYAS KYI ZHIB TU NI RDZOGS RIM GYI SKABS SU SHES PAR BYA'O, ,'DI LTAR 'CHI BA NI PHUNG SOGS THIM NAS SPROS PA RAGS PA THAMS CAD ZHI BAR GYUR NAS CHOS KYI SKU DANG RJES SU MTHUN ZHING BAR DO NI RLUNG SEMS TZAM LAS GRUB CING 'JA' LUS LTAR SHIN TU PHRA BA'I LUS CAN YIN PAS LONGS SKU DANG RJES SU MTHUN LA, DES SHA'I MIG GI YUL DU GYUR NAS DE DAG GI BYA BA BSGRUB NUS PA'I SKYE BA LEN PA NI, LONGS SKU SKYE BA LEN PA'I SPRUL PA THA MAL PA'I MTHONG BA'I LAM DU BSTAN NAS DE DAG GI DON BSGRUB PA DANG 'DRA'O, ,DES NA DE GSUM DANG RIGS 'DRA BA'I LAM GSUM BSGOMS PAS MTHAR THA MAL BA LA 'CHI BA 'ONG BA'I DOD LA RNAL 'BYOR PA LA DON DAM PA'I BDEN PA MNGON DU BYAS PA'I 'CHI BA CHOS SKUR 'ONG SHING, THA MAL PA LA BAR DO 'ONG BA'I DOD LA 'OD GSAL LAS LUGS LDOG TU SHAR BA'I RLUNG SEMS TZAM LAS GRUB PA'I LONGS SKU 'ONG LA THA MAL PA LA 'KHOR BA'I SKYE BA 'ONG BA'I DOD LA RNAL 'BYOR PA LA 'GRO BA'I DON DU DGA' MGUR SKYE BA LEN PA'I SPRUL SKU 'ONG BA YIN NO, ,'DI NI GZHUNG GZHAN NAS BSHAD PA'I SKU GSUM DANG MI 'DRA'I 'DI NYID KYI KHYAD CHOS MCHOG TU GYUR PA'O, ,DE LTAR NA THABS MKHAS DANG BRAL BA'I 'KHOR BA'I RGYUR 'GYUR BA'I SKYE 'CHI BAR DO GSUM 'ONG RGYU DE THABS MKHAS KYI MTHUS DE GSUM

, ,CI 'DRA BA DE 'DRA BA'I SKU GSUM DU BSGYUR BA 'DI 'PHAGS PA YAB SRAS KYIS GSAL BAR GSUNGS SO, ,DES NA GZHI'I SKYE 'CHI BAR DO GSUM DANG RIGS MTHUN PA'I SKU GSUM BSGRUB BYAR BYED PA'I GNAD KYIS LAM DU'ANG DE GSUM DANG RJES SU MTHUN PA'I SGOM PA'I RIM PA STON PAS SNOD BCUD KYI SRID PA'I RIM PA RE DANG BSTUN NAS, DE'I DOD LA LAM 'DI 'DRA ZHIG BSGOM ZHES GSUNGS TE DPER NA RAS BRIS LA DON MED PA'I GZUGS BRNYAN MANG PO 'DRI BA ZHIG LA GZHAN ZHIG GIS DE'I DOD LA SANGS RGYAS KYI SKU 'DI BRIS SHIG CES SMRA BA BZHIN DU, 'KHOR BA PA LA SNOD BCUD 'DI LTAR 'BYUNG BA BZHIN DU DE'I DOD LA GZHAL YAS KHANG DANG SKU GSUM 'DI 'DRA BA ZHIG 'ONG BA GYIS ZHES GSUNGS PA YIN TE, DE DAG BSGOM PA NI JI LTAR BSGOM PA DE DANG DER GRUB PA'I RNAM PAR BSGOM PA'O, ,DE LTAR NA RNAM GZHAG RIM PAR CHOS MTHUN BSGOM PA PO 'DZAM BU GLING PA'I MI YIN PAR BSGRUB PA BZHIN DU BYA DGOS LA DE'I PHYIR GANG DANG MTHUN PAR BSGOM PA'I SKU SKYE 'CHI BAR DE ? GSUM YANG DE DANG MTHUN PAR BSGOM DGOS SO, ,BSKAL PA DANG PO'I SNOD BCUD KYI SRID PA'I RIM PA RNAMS CHOS MTHUN GYI YUL YIN YANG SBYANG GZHI MIN TE, DA LTA LAM BSGOM PA'I BYED PAS DE MI SBYONG BA'I PHYIR RO, ,RIM PA GNYIS KAS SKYE 'CHI BAR DO GSUM SBYONG BA YIN LA DE'ANG GANG RUNG GIS MI NUS PAS GNYIS CHAR BSGOM PA DGOS SO, ,SPYIR BLA MED KYI RIM PA GNYIS PA'I GNAD GO BA RIM PA DANG PO LA RAG LAS PA MANG ZHING KHYAD PAR DU 'PHAGS LUGS LA LAM GYI GNAD LA, GA BA

CHAGS PA NI RIM PA DANG PO SHIN TU ZHIB PAR SHES PA LA RAG LAS PAS, LAM 'DI'I GNAD SHIN TU ZHIB PAR GTAN LA PHEBS PA RNAM GZHAG RIM PA'I RNAM BSHAD LA 'DRIS PAR BYA ZHING THO RE LONG DU MA SONG BAR YID BRTAN POS DAL BUS BTZAL BAR BYA'O, , DA NI DKYUS MA NYID BSHAD PAR BYA STE, 'CHI BA SBYONG ZHING BDE BA CHEN PO SKYE BA'I RGYUD SMIN BYED DON DAM PA'I DKYIL 'KHOR LA 'JUG PA'I DE NYID LA MNYAM PAR BZHAG NAS DE LAS LDANG BA'I TSE BAR DO SBYANG BA'I PHYIR THA MAL PA SHI NAS RLUNG SEMS TZAM LAS BAR DO'I LUS CAN DU 'BYUNG BA BZHIN DU 'DIR YANG RLUNG SEMS TZAM LAS DANG PO'I MGON PO'I SKUR LDANG BA YIN LA DE'I TSUL NI 'CHI BA 'OD GSAL LAS NYER THOB DANG DE LAS MCHED PA DE LAS SNANG BA 'BYUNG BA'I RIM PA BZHIN DU DE GSUM SBYONG BA'I PHYIR NYI ZLA PADMA GSUM BSGOM PA YIN LA, SNANG BA GSUM GYI BZHON PA'I RLUNG NI YI GE GSUM MO, ,SNGAGS DANG PADMA NYI MA DAG ,ZLA BA'I DKYIL 'KHOR LA ZHUGS PAS, ZHES MDOR BYAS SU GSUNGS PA LA BRTEN NAS, YI GE GSUM DANG PADMA ZLA BA LA YAS THIM PA DANG NYI MA MAS THIM PA BYAS NAS ZLA BA MI BSGYUR BA'I LUGS YOD KYANG MDO BSRE LAS DE THAMS CAD BSDUS TE ZHES DANG, 'PHAGS SKOR GZHAN DU'ANG GSAL BAS THAMS CAD 'DRES SHING GYUR PA LAS ZLA BA BSGOM PA YIN NO, ,SNOD BCUD THAMS CAD ZLA BA LAS GZHAN NA MED CING ZLA BA DE NYID RLUNG SEMS TZAM ZHIG YIN LA DE NYID NGA'O SNYAM DU NGA RGYAL BZUNG NAS SNGAGS BRJOD PA STE, DHARMA NI CHOS, DH'A TU NI SA BON NAM KHAMS SVA BH'A WA NI RANG BZHIN A'ATMAKA: BDAG NYID AA HA NI

, ,NGA'O ZHES PA STE, SNOD BCUD KYI RTZA BA RLUNG SEMS ZLA BAR SNANG BA DE NYID NGA'O ZHES PA STE RGYU GANG LAS BAR DO 'GRUB PA'I GZHI RLUNG SEMS TZAM DE NYID DE, CHOS THAMS CAD KYI RTZA BA SEMS SU BSHAD PA MTSID KYI THEG PAR GSUNGS PA YOD KYANG DE'I BZHON PA'I RLUNG NI SNOD BCUD THAMS CAD KYI RTZA BAR STON PA THEG PA 'DI'I LUGS TE 'DI LA LAM GYI GNAD SHIN TU CHE BAS MTHA' DAG PAR KHONGS SU CHUD PAR BYA'O, ,RLUNG SEMS TZAM LAS GRUB PA'I BAR DO'I NGAG GSUNG CHOS KYI PHYAG RGYA LAS MI 'DA' BA'I TSUL GYIS RGYAS BTAB NAS THA MAL GYI NGAG SBYONG BA NI YI GE GSUM BSGOM PA STE, DE'ANG STENG DU AOm, DE'I 'OG TU A'A: DE'I 'OG TU H'Um BSAM PA YIN NO, ,RLUNG SEMS TZAM LAS GRUB PA'I BAR DO'I YID THUGS DAM TSIG GI PHYAG RGYA LAS MI 'DA' BA'I TSUL GYIS RGYAS BTAB NAS THA MAL GYI YID SBYONG BA NI PHYAG MTSAN LAS BYANG CHUB PA STE, RDO RJE NI DMAR PO DANG DKAR POR BSHAD PA GNYIS KA YOD DO, ,BYANG CHUB PA DANG PO GNYIS NI RNAL 'BYOR DANG, PHYI MA GSUM NI RJES SU RNAL 'BYOR DANG, LUS DKYIL NI SHIN TU RNAL 'BYOR DANG, SKU GSUNG THUGS BYIN GYIS BRLAB PA SOGS NI RNAL 'BYOR CHEN PO STE, RNAL 'BYOR GYI SKAD DOD NI YO GZHES PA STE DE NI SBYOR BA LA'ANG 'JUG PAS LO CHEN GYI 'GYUR KHA CIG LAS SBYOR BA DANG RJES SU SBYOR BA ZHES KYANG 'BYUNG NGO, ,RNAL 'BYOR GYI DNGOS GZHI YIN PAS RNAL 'BYOR DANG, DE'I RJES SU BYED PAS RJES SU RNAL 'BYOR TE, KHA CIG TU RJES SU'I DON 'DRA BA LA BSGYUR BA'ANG YOD PAS DE LTAR DU BYA DGOS SO, ,LHA YONGS SU

RDZOGS PAR BSGYUR BAS SHIN TU RNAL 'BYOR DANG, YE SHES PA'I SKU GSUNG THUGS RDO RJE DANG DBYER MED DU BSGRUB PA'I RNAL 'BYOR CHEN PO'O, ,RLUNG SEMS TZAM LAS GRUB PA'I BAR DO'I LUS SKU PHYAG RGYA CHEN PO LAS MI 'DA' BA'I TSUL GYIS THA MAL PA'I LUS SBYONG BA NI SKU RDZOGS PA LAS BYANG CHUB PA STE, 'DI LA RIM LNGAR, ZLA BA RDO RJE SOGS MNYAM SBYOR, ZHES ZLA BA DANG RDO RJE GNYIS KA GYUR PA LAS LHA'I SKU BSKYED PA 'DRA BA ZHIG GSUNGS KYANG, YAB SRAS KYI GZHUNG GZHAN RNAMS LAS ZLA BA GDAN GYI DON DU GSUNGS PA MANG BAS MI BSGYUR LA, 'ON KYANG ZLA BA LAS MA BSKYED PA'I SKYON MED DO, YI GE GSUM PO ZLA BAS BSKYED CING DE LAS RDO RJE DANG DE LHA'I SKUR GYUR PA'I PHYIR RO, ,DES NA BYANG CHUB PA BZHI LAS MA BSGRUBS PA'I SKYON MED DO, ,'DI DAG NI BAR DO SBYONG ZHING RDZOGS RIM GYIS SGYU LUS LA SOGS PA SKYE PA'I SMIN BYED KYI RGYU THUN MONG MA YIN PA STE, KHRID KYI DMIGS PA MANG PO MA BYUNG NA BLO MI KHENGS PA RNAMS RGYUD DANG 'PHAGS PA YAB SRAS KYIS GSUNGS PA'I DMIGS PA RNAM DAG 'DI RNAMS LA RING DU 'DRIS PAR BYA'O, ,DA NI GZHI'I DUS NA BAR DOS MNGAL DU SKYE BA 'DZIN PA DANG 'BRAS BU'I DUS SU LONGS SKUS SPRUL SKUR BSGYUR BA'I PHYIR MNGAL DU SKYE BA 'DZIN PA DANG MTSUNGS PAR RNAL 'BYOR PAS KYANG SKYE BA SPRUL SKUR BSGYUR BA'I PHYIR DANG PO'I MGON POR SKYE BA 'DZIN PA STE, DE LA SKYE BA LEN PA PO NI LAM BSGOMS PA'I SNGAGS PAS SO, ,DES LUS JI 'DRA BA ZHIG GI SKYE BA LEN PA NI 'BRAS BU RDO RJE 'DZIN PA SPRUL SKU RDO RJE 'CHANG CHEN PO'O, ,GNAS GANG DU SKYE BA 'DZIN PA NI RDOR NAS GZHAL YAS

, ,KHANG GDAN BCAS KYI BAR TE DNGOS SU GZHAL YAS KHANG GI GDAN DBUS MA'I STENG DER RO, ,LAS JI 'DRA BA ZHIG BYAS PAS SKYE BA LEN PA NI ZHING KHYAD PAR CAN LA DMIGS NAS PHYAG DANG MCHOD PA DANG SEMS BSKYED CING SDOM PA BZUNG BA SOGS KYIS SO, ,DE LTAR LHA'I LUS KHYAD PAR BA LEN PA LA THA MAL BA'I PHUNG PO MA DOR BAR LEN DU MI RUNG BAS, STONG NYID KYIS THA MAL GYI SNANG ZHEN ZHI BAR BYAS NAS LEN NO, ,SNGA MA'I THA MAL PA'I PHUNG PO DOR NAS PHYI MA'I LHA'I SKU KHYAD PAR CAN MA THOB KYI BAR, BAR MA DOR LUS MED PAR LHA'I SKUR MI SKYE BAS PHUNG SOGS 'OD GSAL DU BCUG NAS 'BRAS BU RDO RJE 'DZIN PAR MA GYUR GYI BAR DU DANG PO'I MGON POR GYUR PA YIN NO, ,'DI LA MDOR BYAS SU, MI BSKYOD PA NI RJES ZHUGS PAS, ZHES PA'I DON RANG NYID KYI THUGS KAR MI BSKYOD PA BSKYED NAS SPROS TE DE NYID TSUR LA ZHUGS PAS SPRUL SKUR BSGYUR BAR 'DOD KYANG 'DIR NI SBYANG GZHI BAR DO 'JUG PA DANG BSTUN NAS BSGOM DGOS SHING RNAM GZHAG RIM PAR MER MER PO LA MI BSKYOD PAR GSUNGS PAS 'DI'I MI BSKYOD PA NI BAR DE'I RNAM SHES GANG DU 'JUG PA'I MER MER PO MTSON PA YIN LA DE LTAR NA BAR DO'I RNAM SHES MER MER PO LA PHAR 'JUG PA YIN GYI MER MER PO TSUR 'JUG PA MIN PAS SBYANG GZHI DANG CHOS MI MTHUN ZHING, RNAM GZHAG RIM PAR ZIL GNON RDO RJE'I SKABS DANG BSTUN PAR GSUNGS LA DE'I TSUL NI MNGON RTOGS KYI GZHUNG NAS 'BYUNG BA BZHIN DU YIN NO, ,DE BZHIN GSHEGS

PA YAB YUM SNYOMS PAR ZHUGS PA NI PHA MA GNYIS SBYOR BA DANG, MI BSKYOD PAS NAM MKHA' GANG BA NI RTZA BDUN KHRI NYIS STONG DU THIG LE 'BAB PA DANG, SEMS CAN THAMS CAD NI PHUNG SOGS YIN LA BYIN GYIS BRLAB PA NI THABS KYI YE SHES SHAR BA, BDE BA DANG YID BDE BA THOB PA NI DBANG PO GNYIS SBYOR GYI BDE BA MYONG BA RNAMS MTSON ZHING DE DAG SBYONG BA YIN NO, ,DES NA DE BZHIN NYID LAS BYANG CHUB PA LHAG MOS 'OD GSAL DU SDUD PA NI BSKAL BA DANG PO'I MI RIM GYIS THA MAL PAR GYUR NAS 'CHI BA'I 'OD GSAL NYAMS SU MYONG BA DANG 'DRA STE, MDOR BYAS LAS CHOS SKUR GSUNGS PAS 'CHI BA SBYONG BYED CHOS SKU BSGOM PA YIN LA, 'DI'I DUS SU PHUNG KHAMS SKYE MCHED KYI SNANG BA RNAMS 'OD GSAL DU THIM PA NI BLOS MOS PA TZAM YIN KYANG RING DU 'DRIS PAR BYAS PAS RIM PA GNYIS PA'I SKABS SU RLUNG DANG GTUM MO SOGS KYI NUS PAS SNANG BA THAMS CAD THIM PA'I YE SHES DNGOS SU NYAMS SU MYONG BA YIN LA, DE DAG GOMS PA'I MTHAR SNANG MCHED THOB GSUM 'OD GSAL DU ZHUGS PA'I STONG PA CHEN PO DNGOS SU 'BYUNG ZHING, DE KHO NA NYID MNGON SUM DU RTOGS PA YIN LA, DE DAG GOMS PAR BYAS PAS MTHAR BDE STONG DBYER MED LA RTAG TU MNYAM PAR BZHAG PA'I 'OD GSAL CHEN POR 'GYUR BA YIN NO, ,DES NA BYANG CHUB PA LHAG MA BZHIS DANG PO'I MGON PO BSKYED PA NI SHI LBA'I 'OD GSAL LAS LANGS PA'I MTHAR BAR DO 'GRUB PA DANG 'DRA STE, RDO RJE SEMS DPA'I SGRUB THABS LAS, DE LTAR RNAL 'BYOR DANG RJES SU RNAL 'BYOR GYI RIM PAS BDAG NYID

, ,LONGS SPYOD RDZOGS PA'I SKUR BSKYED NAS, ZHES GSUNGS PAS BAR DO SBYONG BYED LONGS SKUR BSGOM PA'O, ,'DIR NI PHUNG SOGS 'OD GSAL DU BCUG PA'I RJES SU STONG PA'I NGANG LAS NYI MA LA SOGS PA RIM GYIS LONGS SKU DANG PO'I MGON POR BZHENGS PA NI BLOS MOS PA TZAM YIN LA, 'DI LA RING DU 'DRIS PAR BYAS NA RIM PA GNYIS PA'I SKABS SU SEMS DBEN NYAMS SU MYONG BA'I TSE PHUNG SOGS RIM GYIS THIM NAS BDE STONG NAM MKHA' LTA BUR SHAR BA'I MTHAR NYI MA DANG ZLA BA DANG PADMA DANG YI GE GSUM GYI MTSON DON RLUNG SEMS TZAM LAS LHA'I SKU SGYU MA LTA BUR DNGOS SU LDANG NUS PA YIN LA, DE DAG GOMS PAS 'OD GSAL CHEN PO'I MTHAR YANG SLOB PA'I ZUNG 'JUG GI SKUR LDANG BA YIN NO, ,DE DAG NI RIM GYIS GOMS PAS LONGS SPYOD RDZOGS PA'I SKUR 'GYUR BA STE RIM PA DANG PO'I SKABS 'DIR NI STONG PA'I NGANG NAS NYI MA LA SOGS PA RIM GYIS LDANG BA NI RIM PA GNYIS PA'I SKABS SU STONG PA'I NGANG LAS RLUNG SEMS TZAM LAS LHA'I SKUR LDANG BA'I DOD YIN LA, DE NAS BSKYED RIM PAS LONGS SKU DANG PO'I MGON PO SPRUL SKUR BSGYUR BA NI BAR DOS MNGAL DU SKYE BA BLANGS PA DANG 'DRA STE SKYE BA SBYONG BYED SPRUL SKU BSGOM PA YIN LA, 'DI'ANG DA LTA MOS PA YID BYED KYIS GOMS PAR BYAS PAS RIM PA GNYIS PA'I SKABS SU NI DNGOS SU DE LTAR 'GYUR BA YIN NO, ,DE LTA NA SRID PA SKYE BA DANG CHOS MTHUN SBYOR BA RNAMS KYI SNYING PO NI SKYE SHI BAR DO GSUM DANG MTHUN PAR LAM GYI

SKU GSUM BSGOMS PAS 'BRAS BU'I SKU GSUM DANG YANG MTHUN PAR 'BRAS BU'I RNAM PA LAM DU BYED PA 'DI YIN LA, RIM PA GNYIS KA LA GZHI 'BRAS KYI CHOS SKU GSUM DANG MTHUN PAR SKU GSUM BSGOM PA NI 'DRA BA YIN NO, ,DE'I PHYIR RIM PA DANG PO'I SKABS SU SKYE SHI BAR DO GSUM GYI SO SO'I CHOS MTHUN NGES MA ZIN PAR 'PHYUGS NA RGYUD 'GREL DU SEMS DBEN DANG 'OD GSAL GYI MTHAR SGYU MA DANG ZUNG 'JUG GI SKUR BZHENGS PA LONGS SKU DANG, DE SPRUL SKUR BSGYUR BA'I RNAM BZHAG YANG YANG GSUNGS PA RNAMS KYI GNAD ZIN PA'ANG NGES PAR 'PHYUGS PA YIN PAS 'DI GAL CHE'O, ,GAL TE RIM PA DANG PO'I SBYANG GZHI LA SKYE 'CHI BAR DO GSUM GA 'JOG NA RDZOGS RIM GYI SBYANG GZHI MED PAR 'GYUR LA, GNYIS KA'I SBYANG GZHIR 'JOG NA SBYANG BYA GCIG LA SBYONG BYED GNYIS DON MED DO ZHE NA, SKYON MED DE 'DIR THA MAL PA 'CHI BA'I 'BYUNG BA THIM PA'I RIM PA CAN GYI NYAMS JI LTAR SKYE BA DE 'DRA BA'I RDZOGS RIM BSKYED PAR GSUNGS PA LTAR GZHI'I SKYE SHI BAR DO GSUM DANG 'DRA BA'I LAM BSGOMS PAS DE GSUM DAG PAR BYED PA GNAD KYI DON YIN LA, TSUL DES LAM SGOM PA PO RANG GI SKYE 'CHI BAR DO GSUM SBYONG BA LA 'OD GSAL DU SDUD PA DANG SEMS DBEN DANG 'OD GSAL NI 'CHI BA DANG RNAM PA RJES SU MTHUN PAR SGOM PA 'CHI BA SBYONG BYED YIN LA, DANG PO'I MGON PO DANG SGYU LUS DANG ZUNG 'JUG NI BAR DO DANG RNAM PA RJES SU MTHUN PAR BSGOM PA BAR DO SBYONG BYED DANG, DE GSUM RANG RANG GI SKABS KYI SPRUL SKUR

, ,BSGYUR BA NI SKYE BA LEN PA DANG RNAM PA RJES SU MTHUN PAR SGOM PA SKYE BA SBYONG BYED YIN TE, SBYANG GZHI GCIG SBYONG BA LA RAB 'BRING THA GSUM GYI RTOGS PA THOG MTHA' BAR GSUM DU SKYE BA SKAS KYI GDANG BU'I RIM PA DANG 'DRA'O, ,SBYANG GZHI GSUM PO SBYONG BA NA DE DANG RIGS MTHUN PA'I RTOGS PA BSKYED NAS SBYONG DGOS PA LA MTSAN NYID JI LTA BA BZHIN MTHUN PA'I RTOGS PA RDZOGS RIM GYI SKABS MIN PAR MI SKYE ZHING, DE SKYE BA LA'ANG DANG PO PHYOGS MTHUN TZAM GYI LAM RIM PA DANG POS RGYUD SMIN PAR BYA DGOS TE, DES SMIN PAR MA BYAS NA DGE RTZA MA SMIN PAR RDZOGS PA MI SRID PAS RIM PA GNYIS PA MI SKYE BA'I PHYIR RO, ,DES NA RIM PA DANG POS DGE RTZA SMIN PAR BYAS PAS SBYANG GZHI GSUM JI TZAM ZHIG SBYONG BA DANG, DES SBYONG MA NUS PA'I LHAG MA RIM PA GNYIS PAS JI TZAM RE SBYONG BA RNAMS KYI KHYAD PAR LEGS PAR PHYED NA RIM GNYIS GO RIM NGES PA CAN DU GSUNGS PA LA NGES PA BRTAN PO RNYED NAS NYAMS LEN MI 'PHYUG LA, DE LTA MIN NA 'PHAGS PAS GDAMS PA MDOR BYAS NAS 'BYUNG BA'I TING NGE 'DZIN GSUM LA SOGS PA GTZIGS MED DU BZHAG NAS RGYUD KYI DON YAB SRAS KYIS GTAN LA PHAB PA'I GZHUNG 'DIS BSTAN ZER RGYU MED PA'I MAN NGAG PHRA MO 'GA' ZHIG GIS DUS 'DAS NAS LAM GYI LUS MI RNYED PAS BSKYED RDZOGS GNYIS KA'I CHOS SKAD RNAMS SBYANG GZHI'I GNAD CIG LA BSKOR NAS LAM

LTAR SNANG BAS BKRI BAR MI NUS PA'I NGES PA BRTAN PO BLA MA LAS BTZAL BAR BYA ZHING 'DI RNAMS KYI MTHA' GCOD DANG LUNG KHUNGS DANG SGRUB BYED RGYAS PAR NI GSANG CHEN LAM GYI RIM PA DANG RNAM GZHAG RIM PA'I RNAM BSHAD DPAL GSANG BA 'DUS PA'I GNAD KYI DON GSAL BA ZHES BYA BA 'JIG RTEN GSUM GYI RIN PO CHE DE DAG LAS SHES PAR BYA'O, ,RNAL 'BYOR CHEN PO'I RGYUD SDE DAG NAS RTEN BRTEN PA'I RNAL 'BYOR RNAMS SRID PA SKYE BA'I RIM PA DANG MTHUN PAR SGOM PA RNAMS LA, 'PHAGS PA YAB SRAS KYI DGONGS PA 'DI 'DRA BA'I 'GREL LUGS SHIG MED NA, GANG MTHUN MTHUN BSGRIG PA'I STONG NYID SGOM PA 'CHI BA DANG 'DRA ZHES SOGS 'DRA BSGRIG PA TZAM RE'I BSHAD PA LAS NUS PA MI THON PAS BLO GROS CHEN PO DAG TSIM PAR GA LA 'GYUR, DE'I PHYIR LAM GYI GNAD 'PHAGS PA YAB SRAS KYI DGONGS PA RGYUD SDE THAMS CAD KYI SNYING PO RNAL 'BYOR CHEN PO'I RGYUD DON 'GREL PA LA, GANGS CAN GYI KHROD 'DIR SHING RTA CHEN PO'I SROL 'BYED DAM PAR GYUR PA DPAL LDAN BLA MA'I GZHUNG LUGS RNAMS LA RNAM DPYOD KYI BLO ZHIB MOS RING DU 'DRIS PAR BYA'O, ,LUS DKYIL LA LUS RTEN GYI DKYIL 'KHOR DU SGOM PA DANG, BRTEN PA'I DKYIL 'KHOR DU BSGOM PA GNYIS KYI DANG PO NI LUS KYI MDUN RGYAB CES SOGS TE MDOR BYAS DANG MDO BSRER MI GSAL YANG 'DUS PA'I BSHAD RGYUD RDO RJE PHRENG BA DANG SGRON GSAL DANG RNAM GZHAG RIM PAR GSUNGS PAS NGES PAR DGOS LA, KHA CIG LUS KYI CHA RNAMS GZHAL YAS KHANG GI CHA DE'I DOD THUB LTA BUR BYAS NAS RNAM PA MI BSGYUR BA YOD KYANG, RDO

, ,RJE PHRENG BAR, LUS NI GZHAL YAS KHANG DU BSGYUR, ,ZHES PA DANG, DON BSDUR YANG, LUS NI GZHAL YAS KHANG DU BSGOM, ,ZHES SOGS DANG, RNAM GZHAG RIM PAR YANG GRU BZHI SOGS KYI RNAM PAR BSGOM PAR BSHAD PAS GZHAL YAS KHANG DU GYUR PA'I MOS PA DGOS SO, ,RGYUD GZHAN DAG LAS 'BYUNG BZHI RI RAB SRUNG 'KHOR DANG BCAS PA BSGOM PA YOD KYANG LUGS 'DI LA RDO RJE PHRENG BAR GZHAL YAS KHANG RTA BABS TSUN CHAD BSGOM PA LAS MA GSUNGS PAS DE DANG BSTUN PA'O, ,DE LA LUS KYI MDUN NI GZHAL YAS KHANG GI SHAR NGOS DANG GA-YAS LHO RGYAB NUB GA-YON BYANG STE ZUNG BZHI ZHES PA THIG PHRAD MTSAMS KYI ZUR KHO NAR MI BZUNG NGO, ,SGO BZHI NI GANG DANG GANG SBYOR BA MI GSAL YANG GANG 'OS SU SBYAR BAS CHOG LA, GZHUNG KHA CIG TU KHA ZLA PHYED CES 'BYUNG BA BOD KHA CIG KHA ZLA PHYED KYI RNAM PAR YOD PAS ZHES ZER BA NI YIG NOR BA MA PHYED PA STE, CHA ZLA PHYED CES PA YIN LA CHA NI BYANG SEMS DKAR PO STE, DE LA YAR NGO MAR NGO'I CHA SHAS BCU DRUG YOD PAS DE SKAD DU GSUNGS SO, ,'DI DAG NI RDO RJE PHRENG BA'I GZHUNG DON BKOD PA YIN LA, ME LONG DANG DRIL BU DANG ME TOG GI PHRENG BA DANG DAR 'PHAN LA SOGS PA RNAMS GZHAL YAS KHANG GI GANG NA YONG MI GSAL YANG DRA PHYED KYI RGYAN LA SOGS PA SKABS DANG SBYAR BA NI DON 'THOB YIN LA ME LONG LA SOGS PA KUN MIG DBANG SOGS BSKYED PAS CHOG GO ,DE BZHIN DU DBUS KYI PADMA ZHES PA'ANG GZHAL YAS KHANG GI NANG LA DBUS ZHES BSHAD PA MANG BAS PADMA SO GCIG PO KUN BSKYED PAS RUNG NGO, ,

DE LTAR NA LUS NYID GZHAL YAS KHANG DU GYUR PAR BSGOM PA STE, LUS BRTEN PA'I DKYIL 'KHOR DU BSGOM PAR GSUNGS PA LA LUS LHAR GYUR NAS ZHAL PHYAG GI RNAM PA CAN DU SONG BAR BSGOMS NA DE NI RTEN GYI DKYIL 'KHOR LA'ANG SHIN TU MTSUNGS PA YIN NO, ,LUS BRTEN PA'I DKYIL 'KHOR DU BSGOM PA NI MDOR BYAS SU SPYI BO SOGS SU RNAM SNANG SOGS BSGOM ZHES GSUNGS NAS DE'I RJES SU SA BON GYI YI GE RNAMS GSUNGS SHING LHA'I SKU MDOG SOGS MI GSAL LA, DE LA BRTEN NAS SA BON GYI YI GE BSGOMS NAS DE LHA'I NGO BOR MOS PA TZAM BYED PA'I LUGS YOD LA, RGYUD GZHAN DAG GI SKABS SU LUS LA LHA'I SA BON BSGOMS PAS LUS DKYIL DU 'GRO BA'I SKABS YOD KYANG 'DIR NI DES MI CHOG STE, SGRON GSAL DU LUS DKYIL GYI SKABS NA LHA'I SA BON RNAMS LHA DE DANG DE'I RGYUR BYAS NAS SA BON LAS LHA BSKYED PAR SHIN TU GSAL BAR GSUNGS SHING, RNAM GZHAG RIM PAR YUM GYI LUS DKYIL BSGOM PA NA'ANG SA SNYING SOGS YUM DANG SNYOMS PAR 'JUG PA BSGOM PAR BSHAD LA YAB YUM GYI LUS DKYIL LA KHYAD PAR MED CING YI GE LA SNYOMS PAR 'JUG PA MI RUNG BA'I PHYIR RO, ,'DIR KHA CIG YAB KYI LUS LA LHA TSANG BAR MI BSGOM PAR YAB YUM GNYIS KA'I LUS DKYIL TSOGS PA LAS LHA SO GNYIS BYED PA YOD KYANG MI 'THAD DE, RDO RJE PHRENG BAR SLOB DPON GYI LUS LA LHA SO GNYIS TSANG BAR GSUNGS SHING LUS DKYIL LA LHA SO GNYIS YOD PA SGRUB BYED DU BKOD NAS PHYUNG BA'I DKYIL 'KHOR LA LHA SO GNYIS YOD PAR BSGRUB CING RDO RJE MA LNGA LA SOGS PA'ANG SA SNYING SOGS DANG SNYOMS PAR 'JUG PA BSGOM

, ,PAR RNAM GZHAG RIM PAR GSUNGS PA'I PHYIR RO, ,GAL TE LUS LA LHA BKOD NAS BSGOM PA LUS DKYIL DU 'JOG NA SKYE MCHED DANG SKU GSUNG THUGS BYIN GYIS BRLAB PA'I TSE LHA SGOM PA YOD PAS LUS DKYIL BSGOM PAR 'GYUR ZHING DE LTAR YANG MI 'DOD PAS LUS KYI DKYIL 'KHOR DU 'JOG BYED THUN MONG MA YIN PA BRJOD PAR BYA DGOS SO ZHE NA, RTOGS PA DANG LDAN PA KHYOD LEGS PAR NYON CIG DANG BSHAD PAR BYA'O, ,DE LA 'DIR LUS KYI DKYIL 'KHOR ZHES PA NI LUS NYID THUN MONG MA YIN PA'I RGYUR GYUR PA'I TSUL GYIS LUS LAS BSKYED PA'I DKYIL 'KHOR YIN PA'I PHYIR LUS DKYIL ZHES BYA STE, DPER NA MIG GI DBANG POS THUN MONG MA YIN PA'I RGYU BYAS NAS, BSKYED PA'I SHES PA LA MIG GI SHES PA ZHES BRJOD PA LTA BU STE, THUN MONG MA YIN RGYU YI PHYIR, ,DE YI THA SNYAD DBANG POS BYAS, ,ZHES GSUNGS PA LTAR RO, ,'O NA LUS KYI CHA DE DANG DE LAS BSKYED PAS SA BON GYI YI GE LAS BSKYED PA DON MED DO ZHE NA, SKYON MED DE BDE MCHOG LUS DKYIL GYI SKABS SU SGO MTSAMS MA BRGYAD SA BON LAS KYANG BSKYED PAR GSUNGS PA LTAR LUS DANG YI GE GNYIS CHAR LAS BSKYED PA'I TSUL DU MA YOD PAS SO, ,DES NA RANG GI GZUGS KYI PHUNG PO DE NYID YI GE AOm GYI RNAM PAR GYUR NAS DE ZHU BA LAS RNAM SNANG DU BSKYED BA DANG DE'I TSE'ANG RANG GI GZUGS PHUNG DANG DBYER MED PAR GZUGS PHUNG GI NGO BO NYID DU MOS PA'I NGA RGYAL RE RE BYED PA STE, DE LTAR NA GZUGS PHUNG DU GYUR PA'I LHA YIN PA DANG LHA DE'I NGA RGYAL DANG RNAM PA DRAN PA DANG GZUGS PHUNG GI NGO BO NYID DU MOS PA GSUM CHAR DANG LDAN

PA DGOS SO, ,GONG DU LUS BRTEN PA'I DKYIL 'KHOR DU BSGYAR ZIN PAS PHYIS YANG LUS LHAR BSGOM PA MI 'THAD DE GANG ZAG GCIG LA LUS GNYIS MED PA'I PHYIR RO ZHE NA, 'O NA MIG DBANG SOGS SEMS DPAR BSGOM PA DANG, SA KHAMS SPYAN MA SOGS YUM BZHIR BSGOM PA SOGS KYANG MI 'THAD PA DANG, GZUGS GZUGS RDO RJE MAR BSGOM PA SOGS KYANG MI 'THAD PAR THAL TE, GZUGS PHUNG RNAM SNANG DU BSGOMS ZIN PA'I PHYIR RO, ,DES NA 'DI NI DNGOS PO'I GNAS TSOD DANG BLOS BSGOM PA GNYIS MA PHYED PA YIN TE SNGAGS KYI SKABS 'DIR RANG NYID SANGS RGYAS YIN PAR BSGOMS NAS YANG SGRIB GNYIS PHYIS DAG PA BSGOM PA SOGS MANG NGO, ,DE LTAR LUS DKYIL LA LUS NYID DKYIL 'KHOR GYI RGYUR 'GRO BA BZHIN DU RDUL TSON GYI DKYIL 'KHOR LA'ANG SHES PAR BYA ZHING, TING NGE 'DZIN GYIS YUM BSKYED NAS DE'I LUS LA LHA 'GOD PA NI LUS DKYIL DU MI 'GYUR TE LUS MED PA'I PHYIR RO, ,DES NA YUM GYI LUS DKYIL NI LAS RGYA'I DBANG DU BYAS PA YIN NO, ,RNAM SNANG GI SKYIL KRUNG RANG GI SMIN MTSAMS DANG, GTZUG TOR RANG GI SPYI GTZUG TU SLEBS PA DANG, DE BZHIN DU 'OD DPAG MED KYI GTZUG TOR RANG GI SKRA MTSAMS 'OG TZAM DANG, SKYIL KRUNG MGRIN PAR SLEBS PA SOGS SO, ,DON GRUB 'GOD PA'I GNAS NI MDOR BYAS KYI 'GYUR KHA CIG TU RKANG MTHIL BAR ZHES DANG KHA CIG TU RKANG PA'I BAR ZHES 'BYUNG LA, RTZA RGYUD DU LTE BA RKED PA GSANG BAR RGYAL BA'I ZHES 'BYUNG LA SGRON GSAL DU RGYUD TSIG DES GNAS GZHI'I SGRA MI MNGON PAR BYAS PA YIN PAR BSHAD PAS 'GYUR KHA CIG TU LTE BA RKED PA GSANG BA ZHES 'BYUNG

, ,BA MA DAG STE, DE LTA NA GNAS GZHI'I SGRA SHIN TU GSAL PAR BRJOD PAS 'GREL PA DANG 'GAL BA'I PHYIR RO, ,'DI NI RIN 'BYUNG 'GOD PA'I GNAS MDUN GYI LTE BA DANG RGYAB KYI RKED PA'I THAD LUS KYI NANG DU 'GOD PA YIN PAR SNGA MA RNAMS GSUNG NGO, ,DON GRUB BRLA'I RTZA BAR 'GOD PAR BSHAD CING DE'I YAN LAG GANG DU 'OD MI GSAL BAR SNANG BAS MDOR BYAS SOGS KYI DGONGS PA LEGS PAR BRTAG PAR BYA'O, ,YUM BZHI NI 'BYUNG BA BZHI'I NGO BO YIN LA SGROL MA NI THUR SEL RLUNG GI NGO BO YIN PAS GSANG GNAS SU 'GOD PA YIN ZHES ZER BA YOD KYANG SPYI BOR 'GOD PA RGYUD DE LAS GSUNGS PAS DE LTAR BYA'O, ,SA'I KHAMS SPYAN MAR BSGOM PA'I SA KHAMS NI PHYI ROL GYIS MIN TE, 'DI LUS DKYIL YIN PAS RANG GI PHUNG POS BSDUS PA DGOS PA'I PHYIR RO, ,DES NA THOG MAR RANG GI LUS KYI SRA BA'I CHA THAMS CAD BLOS GCIG TU BSDOMS NAS DE LAm YIG GI NGO BOR MOS PA DANG DE LAS SPYAN MA BSKYED CING BDAG GI LUS KYI SRA BA'I CHA THAMS CAD BCOM LDAN 'DAS MA SANGS RGYAS SPYAN YIN NO SNYAM PA'I NGA RGYAL BRTAN PO BYA STE 'OG MA RNAMS LA'ANG DE BZHIN DU SHES PAR BYA'O, ,GAL TE MIG GNYIS LAS SNYING GNYIS BKOD NA LHA SO GNYIS LAS MANG BAR 'GYUR LA, MIG YA GCIG LA MI 'GOD NA DE SBYANG BA DANG BYIN GYIS BRLAB PA MED PAR 'GYUR RO, ,ZHE NA, GZHUNG RNAMS SU DE'I MIG GI DBANG PO GNYIS LA ZHES SOGS 'BYUNG BAS MIG GNYIS KAR LA SGOM DGOS SHING DE'ANG SA SNYING GCIG GI SKUS GNYIS KAR KHYAB PA'ANG MI BDE

BAS GNYIS SGOM LA, LHA MANGS PO'AM LHAG PAR MI 'GYUR TE GNYIS KA'ANG SA SNYING GCIG NYID YIN PA'I PHYIR RO, ,GZUGS RDO RJE MA LA SOGS PA LNGA NI RGYU BA LA SOGS PA'I RLUNG LNGA LAS BSKYED PA YOD KYANG, RLUNG DE DAG GZUGS SGRA DRI RO GSAL BYED DU GSUNGS KYI SGRA LA SOGS PAR MI RUNG LA, RDO RJE MA LNGA SKYE MCHED LNGA LAS BSKYED DGOS PAS RANG GI GZUGS SGRA SOGS LAS BSKYED PAR BYA'O, ,KHRO BO RNAMS NI SHIN TU GA SLA LA, DE LTAR LUS LHA'I NGO BOR BSGOMS PAS RIM PA GNYIS PA'I SKABS SU PHUNG SOGS 'OD GSAL DU SDUD NUS PAR MDOR BYAS LAS GSUNGS SHING LUS BYIN GYIS BRLAB PA DANG, LUS KHRO BOR BSGOMS PAS LUS KYI CHA DE RNAMS KYI BGEGS LA SOGS PA 'BAD PA MED PAR ZLOG PAR YANG GSUNGS SO, ,DES NA SKU GSUNG THUGS BYIN GYIS BRLAB PA NI, GZHAN RNAMS SLA LA, DPAL NI SANGS RGYAS SPYAN MA STE DE DANG MNYAM PAR SBYOR BAS LDAN PA STE DPAL LDAN GYI DON YIN LA, SANGS RGYAS THAMS CAD KYI SKU'I NGO BOR BZHUGS PAS SKU 'CHANG BA ZHES PA'O, ,RDO RJE GSUM DBYER MI PHYED PA RDO RJE 'CHANG DU BSGOM PA'I SGRUB PA PO BDAG NGED STE DA LTA NYID DU BYIN GYIS RLOBS SHIG ,TSUL JI LTAR NA, RDO RJE'I SKU RNAM SNANG GIS BDAG GI LUS DE DANG NGO BO DBYER MED PAR MDZAD DU GSOL, ZHES PA'O, ,'KHOR GYI DE BZHIN GSHEGS PA RNAMS LA GSOL BA 'DEBS PA'ANG DE DANG 'DRA ZHING, 'DI DAG GI GTZO 'KHOR NI DBUS NA BZHUGS PA DANG SKU CHE BA'I KHYAD PAR LAS SO, ,DE LTAR GSOL BA BTAB PAS LHA ZHU BA BYANG SEMS KYI RNAM PAR BYED PA NI RDO RJE SEMS

, ,DPA'I SGRUB THABS SU BSHAD LA, YE SHES KYI SA THOB PA NI CHOS THAMS CAD 'OD GSAL BAR ZHUGS PA LA BYA ZHING, MDOR BYAS SU SMON LAM BTAB NAS RANG RNAM SNANG DU BSGYUR BA 'DRA BA ZHIG YOD KYANG DE'I DON YE SHES KYI SA THOB PA'I SKAD CIG LA RANG NYID SANGS RGYAS THAMS CAD KYI SKU'I NGO BO RNAM SNANG DU GYUR NAS DE NAS SANGS RGYAS KUN GYI SKU GANG YIN ZHES SOGS KYI SMON LAM 'DEBS PA YIN NO, ,DE BZHIN DU LHAG MA RNAMS LA'ANG SHES PAR BYA ZHING, GSUNG BYIN RLABS KYI SKABS SU CHOS KYI GSUNG LAM DPAL LDAN PA ZHES PA NI, CHOS NI 'OD DPAG MED DE DAG GI DBANG PHYUG TU GYUR PA DE BZHIN GSHEGS PA THAMS CAD KYI GSUNG GI NGO BO DPAL TE LHA MO GOS DKAR MO DANG LDAN PAS NA DE SKAD CES BYA'O, ,RDO RJE CHOS KYI GSUNG NGES PA'I TSIG SO SO YANG DAG PAR RIG PA STE BDAG GI NGAG KYANG DE DANG 'DRA BAR SHOG ,CES PA'O, ,GZHAN RNAMS SLA LA, SNGAGS KYI DON NI DE BZHIN GSHEGS PA THAMS CAD KYI SKU RDO RJE'I BDAG NYID NI NGA'O ZHES PA SOGS TE NGA RGYAL 'DZIN PA'I DON YIN LA YE SHES SEMS DPA'I SKU MDOG DMAR POR BYED PA DANG YUM BSGOM PA SOGS NI ZLA BA GRAGS PA'I BZHED PA YIN LA SEMS DPA' SUM RTZEGS SU BYED PA'I RGYU MTSAN NI RDZOGS RIM GYI SKABS SU 'BYUNG BAR 'GYUR RO,, 'BRAS BU'I DUS SU LONGS SKUS SKYE BA BZUNG NAS YUM GYI MNGAL LAS PHYIR 'THON PA'I CHA THA MAL PA RNAMS KYI MIG GIS MTHONG BAR NUS PA BZHIN DU SKABS 'DI NAS SKYE BA SPRUL SKUR 'KHYER BA'I RNAL 'BYOR YONGS SU RDZOGS PA YIN NO, ,RDZOGS

RIM GYI MAN NGAG TU 'CHI BA CHAS SKU DANG BSRE BA, BAR DO LONGS SKU DANG BSRE BA SKYE BA SPRUL SKU DANG BSRE BA STE GTZO BO GSUM DANG, GNYID RMI LAM SAD PA'I SKABS SU BSRE BA'I GDAMS PA NI RJE MAR PA LAS BYUNG ZHING GDAMS NGAG 'DI'I KHUNGS DANG GTUGS SA MTHAR THUG PA RNAMS GSANG BA 'DUS PA LAS SHES DGOS LA, SPYIR BLA MED KYI LAM RIM PA DANG PO'I SGRUBS THABS KHUNGS THUB KYIS MDZAD PA YIN NA DE LA RIM PA GNYIS PA'I GZHI LEGS PAR THINGS PA ZHIG 'ONG LA KHYAD PAR GSANG 'DUS LA NI SHIN TU ZHIB PAR RIM PA DANG PO'I SKABS 'DIR RIM PA GNYIS PA'I GZHI 'DING BAR MDZAD PA NI 'PHAGS PA YAB SRAS KYI DGONGS PA YIN PAS, DE'I PHYIR SKYE 'CHI BAR DO GSUM LAM DU 'KHYER BA'I TSUL RNAMS RIM PA DANG PO'I SKABS SU GO BA CHAGS PA DGOS LA, MAR PA'I BSTAN CHOS 'DI RNAMS ZHIB TU GTAN LA 'BEBS PA NI MI SNANG LA, RJES SU 'BRANG BA'I BSTAN CHOS CI RIGS SNANG NA'ANG GDAMS PA'I GNAD LON PA DANG RGYUD SDE'I DGONGS PAR 'GRO BA'ANG CI RIGS SU SNANG ZHING, 'DOD CHAGS DBANG DANG BSRE BA, GTI MUG 'OD GSAL DANG BSRE BA, ZHE SDANG SGYU LUS DANG BSRE BA'I BSHAD PA SNANG NA'ANG, SKABS 'DI'I GDAMS PA'I 'GROS DANG SHIN TU 'GRIG DKA' LA GAL TE DUG GSUM DANG BSRE BA YOD NA'ANG THOG MAR SKYE 'CHI BAR DO'I BSRE BA 'DI RNAMS SNGON DU 'GRO DGOS PAR SNANG LA, MAR LUGS KYI BLA MA BRGYUD PA'I GDAMS PA MA LUS PAR GSAN CING THUGS SU CHUD NAS, RGYA BOD KYI 'GREL PA MDZAD PA RNAMS KYI DGONGS PA LEGS PAR RTOGS SHING DE DAG

, ,RGYUD SDE ZAB MO LA GTUGS NAS SHIN TU DAG PAR RMAD DU BYUNG BA'I RIGS PAS GTAN LA PHAB PA'I GDAMS PA 'DI LTA BU DAG NI DUS 'DIR SHIN TU NGO MTSAR BA DAG BYUNG BA NI 'DI LTA STE, LONG BA DAG GIS PHYAG DAR GYI KHROD NAS YID BZHIN GYI NOR BU RIN PO CHE DAG RNYED PA LTA BU YIN PAS LAM YONGS SU RDZOGS PA LA THA NA SMON LAM GYIS KYANG 'DRIS PAR BYAS LA BAG CHAGS BRTAN PO DANG LDAN PAR BYA'O, ,DE LTAR BSKYED RIM GYI SKABS SU GZHI'I CHOS GSUM 'BRAS BU'I CHOS GSUM DU BSGYUR BA'I GDAMS PA 'DI DAG LA NGES PA RNYED NAS RIM PA GNYIS PA'I SKABS SU'ANG DE NYID BSTAN BYA'I GTZO BOR 'GRO BA'I TSUL LA SHIN TU MKHAS PAR BYA'O, ,BDAG CAG GI STON PA 'JIG RTEN THAMS CAD KYI GTZUG RGYAN DU GYUR PA DES GDUL BYA RIGS GSUM LA DGONGS NAS SPYOD PA GSUM BSTAN TE, 'DI LTAR DMAN PA LA MOS PA LA CHAGS BRAL GYI SPYOD PA, RGYA CHEN PO LA MOS PA LAS DANG PHA ROL TU PHYIN PA'I SPYOD PA, ZAB MO LA LHAG PAR MOS PA RNAMS LA 'DOD CHAGS CHOS KYI SPYOD PA DANG GSUM LAS, 'DIR NI RTZA RGYUD DU, 'DOD CHAGS CHOS KYIS SEMS CAN RNAMS GDUL BA'I THABS STON PA'I PHYIR DU LHA MO DGU SPRUL PAR GSUNGS PAS, SNGAR BSHAD PA'I SKU GSUM GYI GO 'PHANG DE SGRUB PAR BYED PA'I LAm NI, PHYAG RGYA MA'I BDE BA LAM DU BYAS NAS BSGRUB PA STE, RIG MA'I 'DOD YON GYI SGO NAS SANGS RGYAS PA'I LAM STON PAS 'DIR YANG PHYAG RGYA 'DU BYA BA STON LA, DE'I TSUL NI, RANG RIGS KYI BU MO SNYING

GA NAS PHYUNG STE MDUN DU DGOD PA YIN LA, DANG PO SNYING GA NAS PHYUNG BA'I TSE REG BYA RDO RJE MA'I RNAM PAR BYED PA MIN TE, PHYUNG ZIN NAS STONG PAR SBYANG STE RIM GYIS REG BYA RDO RJE MAR BSKYED PA'I PHYIR RO, ,KHRO MO 'DI RNAMS RANG GI YAB DANG 'DRA BAR AA BHA YAS BSHAD DO, ,MDOR BYAS SU LAS RGYA'I DBANG DU MDZAD LA DE LTAR NA LUS DKYIL DU BYA DGOS KYANG 'DIR NI LUS DKYIL MA YIN TE YUM GYI LUS MED PA'I PHYIR TE YID KYIS SPRUL PA TZAM YIN PA'I PHYIR RO, ,RDO RJE MA LNGA NI GNAS KYI DNGOS GZHI BZUNG NAS SA SNYING SOGS KYIS PHAR LA 'KHYUD PA YIN LA YAB KYI LUS DKYIL LA NI LDOG PAS SO, ,PHAt KYI YI GES BYANG SEMS 'GOG PA NI GZUGS CAN YIN LA 'BYIN PA NI NGAG GI GDANGS YIN NO, ,MCHOD PA'I DUS SU NI BDAG NYID DE BZHIN GSHEGS PA THAMS CAD KYI NGO BO YIN LA, DE LA MCHOD PAS SANGS RGYAS THAMS CAD BDE BAS TSIM PAR MOS PA YIN NO, ,SNGAGS KYI DON NI DE BZHIN GSHEGS PA THAMS CAD KYI MCHOD PA'I RDO RJE'I BDAG NYID NI NGA'O SNYAM DU NGA RGYAL 'DZIN PA'O, ,'DI RNAMS SNGAR BH'Um LAS BSKYED PA'I GZHAL YAS KHANG DE NYID KYI DBUS SU BYA BAR GSUNGS PAS LUS DKYIL GYI GZHAL YAS KHANG NYIS RIM GYI RNAM PAR BYED PA MIN NO, ,MDOR BYAS SU GTZO BO ZHE SDANG RDO RJER GYUR PA YAN CHAD DANG PO SBYOR BAR GSUNGS PA NI GTZO BO'I DBANG DU BYAS PA STE, 'KHOR RNAMS DANG RTEN GYI DBANG DU BYAS NAS 'DIR NI YUM GYI PADMAR RTEN BSKYED PA PHYIN CHAD DKYIL 'KHOR RGYAL MCHOG TU MDZAD PA'O, ,RGYUD SDE GZHAN RNAMS SU MNGON RTOGS

, ,BSDUS PA BSGOM PA'I TSUL MANG DU YOD KYANG 'DIR NI BSDUS PA BYED NA DANG PO'I SBYOR BA YAN CHAD BSGOM PA YIN NO, ,JI LTAR DGRA BO'I GZUGS BRNYAN BRIS NAS DE LA RNAM SHES BKUG CING DE MTSON GYIS GTUBS PA LAS DGRA DE 'CHI BA BZHIN DU, RANG GI LUS DE BZHIN GSHEGS PA'I NGO BOR MOS NAS YE SHES PA YANG YANG SPYAN DRANGS BSTIM PAS SANGS RGYAS RNAMS KYIS BYIN GYIS BRLAB PA YIN LA DE NI SNGAGS KYI CHE BA YIN PAS NGES PA RNYED PAR BYA'O, ,DANG PO SBYOR BA NI RANG GI DON SKU GSUM GYI GO 'PHANG SGRUB PAR BYED PA STE BSNYEN SGRUB YAN LAG BZHI'I BDAG NYID CAN YIN LA, LHA RE RE LA'ANG BSNYEN SGRUB BZHI BZHI SBYOR BA'I TSUL YOD KYANG, 'DIR BSKYED RIM GYI LAM RDZOGS PA LA BSNYEN SGRUB BZHIR BSDUS TE, 'DI DAG RGYUD PHYI MA'I BSNYEN SGRUB BZHI GSUNGS PA'I NANG NAS BSNYEN PA'I YAN LAG YIN NO, ,BSOD NAMS KYI TSOGS DPAG TU MED PA SDUD PA'I THABS LA MKHAS PA NI DKYIL 'KHOR RGYAL PO MCHOG YIN LA, 'DI DAG RTEN BRTEN PA THIG LE LAS BSKYED PA 'PHAGS SKOR DU GSAL ZHING, SA BON GYI YI GE RNAMS AOm A'A: H'Um DANG SBYAR NAS DE LAS BSKYED PA LHA MO BZHIS ZHUS LAS 'BYUNG ZHING, DKYIL 'KHOR RGYAL MCHOG GI LHA SO GNYIS PO KUN LA BDAG NYID LHA DE DANG DE YIN SNYAM PA'I NGA RGYAL DGOS PAR ZLA BA GRAGS PAS BSHAD LA, RIN PO CHE PAS, 'BYIN PA'I CHA DE LTAR MDZAD PA MI 'THAD DE, ZHE SDANG RDO RJE'I TING NGE 'DZIN LA GNAS NAS LHA LHAG MA SO GCIG PO KUN 'BYIN PAR GSUNGS

BA'I PHYIR RO, ,DES NA BSKYED PA'I LHA RANG RANG GI NGA RGYAL BYA'O, ,MI BSKYOD PA PHYUNG NAS MDZAD PA MDZAD DE RANG LA ZHUGS NAS ZHE SDANG RDO RJER GYUR PA NI DANG PO SBYOR BA'I CHA YIN NO, ,MDOR BYAS SU REG BYA RDO RJE MA RO RDO RJE MA LA SOGS PA'I SKABS SU 'BYIN PA'I BSHAD PA YOD KYANG SKABS 'DIR MDZAD PA LTAR YIN PAS DE LTAR BYA ZHING, MI BSKYOD PA GTZO BO LA BSTIM PA'I PHYIR REG BYA RDO RJE MA'ANG YUM LA BSTIM PA SHIN TU RIGS SO, ,THUGS KAR DRANGS ZHES PA'I DON GSANG 'DUS YE SHES ZHABS LUGS PA RNAMS YUM GYI PADMA LA THUGS KAR MDZAD PA YOD KYANG 'DIR NI DE DANG MI 'DRA ZHING, KHA CIG LAS YAB KYI BA SPU'I BU GA NAS SPRO BA'ANG SNANG NGO, ,JI NA DZIKA CES SOGS LHA LA 'BOD PA LTA BU YIN LA, DZI NA DZIKA NI RGYAL BA RGYAL TE RTZIBS BCU PA'I 'KHOR LOS BDUD BZHI LAS RGYAL BA'O, ,RATNAi DHRiKA NI RIN CHEN 'CHANG STE SEMS CAN THAMS CAD KYI BSAM PA THAMS CAD RDZOGS PAR MDZAD PA'I PHYIR RIN PO CHE CHA DGU PA BSNAMS PA'O, ,A'A RO LIKA NI 'KHOR BA MA LUS PA LAS 'DAS PA STE, 'KHOR BA NA GNAS KYANG DES MA GAS PA'I BRDAR PADMA 'DZIN PA'O, ,PRADZNYA DHRi KA NI SHES RAB 'CHANG STE DON YOD GRUB PA'O, ,MO HA RA TI NI GTI MUG DGA' MA STE, GTI MUG NI RNAM SNANG YIN LA DE LA DGA' BA'O, ,DE BZHIN DU DVE shA RA TI NI ZHE SDANG DGA' MA, R'A GA RA TI NI 'DOD CHAGS DGA' MA, BADZRA RA TI NI RDO RJE DGA' MA STE YUM BZHI RANG RANG GI YAB LA DGA' BA'O, ,R'U PA DANG SHAPTA DANG GANDHE DANG RA SA DANG SPARSHA RNAMS LA BADZRA ZHES SBYOR BA NI RDO RJE MA LNGA'I 'BYIN SNGAGS TE, R'U PA

, ,SOGS LNGA NI BLTA BAR BYA BAS NA GZUGS ZHES SOGS YUL LNGA YIN LA, RDO RJE'I SGRAS NI YUL DE DAG GI LHA MO'I RANG BZHIN GYIS GZUGS SOGS DAG PAR BYED PA STON NO, ,KshI TI GARBHA NI SA'I SNYING PO ZHES PA STE SA LTAR MI GA-YO BA'I TING NGE 'DZIN SNYING PO STE DE DANG LDAN PAS DE SKAD CES BYA'O, ,MEE TRI NI BYAMS PA STE BYAMS PA CHEN PO GTZO BOR GYUR PA'I YON TAN MNGA' BAS SO, ,BADZRA P'A nI NI PHYAG NA RDO RJE STE YE SHES LNGA'I RANG BZHIN GYI RDO RJE 'CHANG BAS SO, ,KHA GARBHA NI NAM MKHA'I SNYING PO STE NAM MKHA' NI SGRIB PA DANG BRAL BA'I YE SHES TE DE NYID SNYING PO YIN CING DE DANG LDAN PAS DE SKAD CES BYA'O, ,LO KE SHVA RA ZHES PA 'JIG RTEN DBANG PHYUG STE, AI MTSAMS SBYAR BAS LO KE SHVA RA ZHES PA YIN LA, TING NGE 'DZIN GYI STOBS KYIS 'JIG RTEN DBANG DU MDZAD PAS DE SKAD CES BYA'O, ,MANYDZU SHR'I NI 'JAM DPAL TE SKU'I 'OD GSAL ZHING 'JAM PA DANG TING NGE 'DZIN GYIS BSKUL BA'I DPAL DANG LDAN PAS SO, ,SARBA NI WA RA nA PI SKAm BI NI ZHES PA NI, SGRIB PA THAMS CAD RNAM PAR SEL BA STE, SGYU MA LTA BU'I TING NGE 'DZIN GYIS NYON MONGS PA THAMS CAD MNAN PAS SO, ,SA MANTA BHA DRA NI KUN NAS MDZES PA'AM KUN TU BZANG PO STE DE RNAMS NI NYE BA'I SRAS BRGYAD 'BYIN PA'O, ,YA MA NI GSHIN RJE 'AM DMYAL BA, AANTA ZHES PA MTHA', KRiTA NI BYED PA STE 'DEN PA'I CHE AA NA ZHES PA MTSAMS SBYAR DU BTANG NAS YA M'ANTA KRiTA CES PA KHRO BO CHEN PO 'DI'I TING NGE 'DZIN GYIS DMYAL BA'I SDUG BSNGAL 'JOMS PAR BYED PA'O, ,PRA DZNY'A NTA KRi TA CES PA NI SHES RAB MTHAR BYED DE, SHES RAB

KYIS NYON MONGS 'JOMS PAR BYED PA'O, ,PADM'A NTA KRAmTA NI PADMA MTHAR BYED DE, PADMA DE CHUS MA GOS PA BZHIN DU CHAGS SOGS NYON MONGS KYIS MA GOS SHING NYON MONGS 'JOMS PAR BYED PA'O, ,BHI GHN'A NTA KRi TA NI BGEGS MTHAR BYED DE KHRO BO CHEN PO 'DI'I TING NGE 'DZIN GYIS BGEGS TE BDUD BZHI 'JOMS PAR BYED PA'O, ,TZAL GA-YO BA DANG AA NI DE 'GOG PAS GA-YO BA MED PA'AM MI GA-YO BA STE 'JIG RTEN CHOS BRGYAD KYIS RTAG TU SEMS BSKYOD PA RNAMS RDO RJE LTA BU'I TING NGE 'DZIN GYIS MNAN CING BCOMS PAS DE SKAD CES BYA'O, ,t'AKKI R'A DZA NI 'DOD PA'I RGYAL PO STE 'DOD PA'I 'DOD CHAGS GSAL ZHING DAG PAR BYED PAS SO, ,N'I LA DAndA NI DBYUG PA SNGON PO STE SNGON PO NI 'DIR NAG PO DANG SKAD DOD GCIG PAS NAG PO'I LAS SDIG PA STE, DBYUG PA NI DE TSAR GCOD PAR MDZAD PAS SO, ,MAH'A B'A LA NI STOBS PO CHE STE DON DAM PA'I BDEN PA'I STOBS KYIS SEMS CAN GYI NYON MONGS 'JOMS PAS SO, ,AUshn'I shA TZA KRA WA RTI NI GTZUG TOR 'KHOR LOS SGYUR BA STE SEMS CAN RNAMS LA KHAMS GSUM LAS GROL BA'I YE SHES STZOL BAS GTZUG TOR TE 'KHOR LOS SGYUR BA'I SGRA BSHAD MI SNANG NGO, ,SUm BHA R'A DZA NI GNOD MDZES TE SUm BHA ZHES 'DUL BA'AM GNOD PA DANG R'A DZA RGYAL PO DANG MDZES PA SOGS LA 'JUG PA YIN LA, PHYOGS BCU'I BGEGS BKUG NAS PHUR BUS 'DEBS PAR BYED PA'I DON GYIS SO, ,DE LTAR LHA SO GNYIS SGO BDUN GYIS RDZOGS PAR BYAS LA, TSOGS BRTEN NAS 'DI'I BAR YID KYIS RIM PAS DPYAD SGOM BYA STE, DE NAS LHA LA DMIGS PA'I TING NGE 'DZIN BRTAN PO BSKYED PA'I PHYIR

, ,DMIGS RTEN GSAL BTAB NAS JI TZAM GNAS KYI BAR DU 'JOG PA YIN NO, ,'DI LA BLA MA 'GOS KYI GDAMS PA NI RNAM PA LA BSLAB PA DANG, GO RIM LA BSLAB PA DANG, THUN LA BSLAB PA GSUM YIN LA, DE'ANG THOG MAR MNGON RTOGS RIM GYIS BSGOM PA'I TSE, GANG SGOM RGYU DE'I RNAM PA MA SHAR GYI BAR DU PHYI MA GSAL MI 'DEBS PA DANG, PHYI MA GSAL 'DEBS PA'I TSE'ANG SNGA MA'I DON SPYI RGYANG SGYUR MI BYED PAR YID YUL DU BYED PA DANG, RNAM PA SHAR BA'I TSE DE DANG DE'I NGA RGYAL RE'ANG 'JOG PA STE, DE LTAR BYAS NA MNGON RTOGS TSAR RE BSGOM ZHING RGYUN DU DE LTAR GOMS PAR BYAS PAS NGAG TU 'DON PA DANG YID LA 'CHAR BA GNYIS KYANG BYANG MOR SONG NAS TSIG MGYOGS PAR THON PA BZHIN DU YID LA'ANG MGYOGS PAR 'CHAR ZHING, DE LTAR MIN NA NGAG LA SHIN TU MGYOGS PAR THON KYANG YID LA DON SPYI CUNG ZAD RE'ANG MI 'CHAR BAR 'GYUR BA YIN LA, DE LTA NA DE MNGON RTOGS BSGOM PAR MI 'GYUR GYI BSHAR SBYANG TZAM YIN TE, GAL TE DES MNGON RTOGS BSGOMS PA YIN NA RIM LNGA'I GZHUNG TSAR GCIG BSHAR BA'I TSE 'ANG RDO RJE BZLAS PA DANG SEMS DBEN SGYU LUS 'OD GSAL ZUNG 'JUG RNAMS BSGOMS PA YIN PAR 'GYUR RO, ,DES NA MNGON RTOGS KYI RIM PA YID YUL DU BSGOMS PA 'DI MED NA SKYE 'CHI BAR DO GSUM SBYONG BA DANG RDZOGS RIM RGYUD LA SKYE BA RNAMS 'BYUNG MI SRID PAS RAB THUN BZHIR MNGON RTOGS KYI RIM PA LA BSLABS NAS YID LA LEGS PAR 'CHAR THUB PA BYA DGOS SO, ,DE LTAR DKYIL 'KHOR RGYAL MCHOG GI BAR DU GSAL BTAB NAS, DE'I 'OG TU GTZO BO LTA

BU LA DMIGS RTEN BYAS NAS SEMS RTZE GCIG TU 'JOG PA YIN NO, ,DE'ANG LHA'I SKU MDOG PHYAG MTSAN SOGS KYI DON SPYI YID NGO NA SHAR BA'I RNAM PA GSAL BA, LHA DE DANG DE YIN PA'I NGA RGYAL BRTAN PA GNYIS DGOS SHING, GAL TE RNAM PA SHIN TU 'CHAR YANG NGA RGYAL BRTAN PO MED PA TZA KA LI'AM THANG SKU MTHONG BA LTA BUR MA SONG BA DGOS TE, RNAM PA DANG NGA RGYAL GNYIS KYANG NGA RGYAL GTZO BO YIN PAS SHIN TU GAL CHE ZHING DE DANG MA BRAL BA'I NGANG NAS RNAM PA GSAL 'DEBS TE, DE'ANG RANG BZHIN GYI GNAS NA BZHUGS PA'I BCOM LDAN 'DAS GSANG BA 'DUS PA'I DKYIL 'KHOR DE NYID DNGOS YIN PA'I BLO SHIN TU BRTAN PA DGOS SHING, DE BRTAN PA'I PHYIR SKU MDOG ZHAL PHYAG SOGS GSAL 'DEBS PA ZHIG DGOS PAS RNAM PA DANG NGA RGYAL GNYIS THAGS MKHAN GYI RKANG PA BZHIN MA SONG BA SHIN TU GAL CHE'O, ,DE LA DANG PO LHA'I SKU RAGS PA SPYI TZAM ZHIG GSAL BTAB NAS BSGOM PA YIN LA, BLO'I RIGS KYIS 'GA' ZHIG LA THOG MAR SHIN TU GSAL BA 'CHAR LA GOMS PAR BYAS PAS BRTAN MI BRTAN CI RIGS SU 'GYUR ZHING, PHAL CHER NI THOG MA'I GSAL SNANG DE NYAMS YIN PAS YAL NAS 'GRO BA MANG NGO, ,GANG LTAR YANG THOG MAR DMIGS RTEN GSAL BTAB NAS DE LA CI GNAS KYI BAR DU 'JOG DE YAL BA'AM SHES PA BYING RGOD DU SONG NA SHES BZHIN GYIS RIG PAR BYAS LA DMIGS RTEN GSAL BTAB LA DE'I RNAM PA MA BRJED PAR BSKYANG, GSAL BTAB PA'I DMIGS PA DE LAS CHE BA DANG CHUNG BA DANG DE DANG KHA DOG MI MTHUN PA DANG DBYIBS MI MTHUN PA SHAR NAS BYUNG NA DE'I RJES SU MI 'BRANG BAR SNGAR

, ,GYI DMIGS PA NYID DRAN PAS BZUNG LA DE'I STENG DU CI GNAS BYA, GAL TE MI BSKYOD PA LTA BU BSGOM PA'I TSE RNAM SNANG LTA BU SHIN TU GSAL BAR 'CHAR ZHING 'DI LA DMIGS RTEN BYAS NA MYUR DU SKYE BA 'DRA SNYAM PA BYUNG YANG, SNGA MA'I DMIGS PA NYID BSKYANG BAR BYA STE, GAL TE PHYI MA LA 'JUS NAS CUNG ZAD BSGOMS NA YANG DE YAL NAS GZHAN RE 'CHAR ZHING 'ONG BA YIN NO, ,LHA'I RNAM PA GSAL PO MI 'CHAR BAR SNANG NA, SGOM KHANG ZHAL ZHAL LEGS PA TSON GSAL PO YOD PA LA, SHAR DANG LHO'I THAD DU SKAR KHUNG RGYA CHE BA RE BYA ZHING KHANG PA'I DBUS SKAR KHUNG GI 'OD 'PHOG PA'I THAD KAR SNOD CHEN PO CHUS BKANG BA BZHAG STE DE'I STENG GI NAM MKHAR ME LONG DAM RAL GRI LA SOGS PA BYAS LA, BYANG NGAM NUB KYI LOGS LA YI DAM GYI SKU LEGS PAR BRIS PA'I THANG SKU BKRAM NAS DE LA DMIGS RTEN BYA ZHING SKYONG BA YIN NO, ,GAL TE DE RNAMS MA 'DZOM KYANG DMIGS RTEN GYI SKU LUGS MA'AM MED NA'ANG RAS BRIS LEGS PA RE TSAGS BYAS NAS DE'I RNAM PA LA LTA ZHING YID YUL DU DON SPYI 'CHAR DU GZHUG PAR BYA ZHING NYI MA DANG 'OD KYI RNAM PA YID LA 'DRIS SU BCUG LA LHA'I SKU 'OD DANG LDAN PA 'CHAR BAR BYA'O, ,THANG SKU LA NYI MA'I 'OD PHOG PA'I GZUGS BRNYAN ME LONG DU 'CHAR BAR BYAS LA DE'I DON SPYI GOMS SU GZHUG CING, THOG MAR DON SPYI RAGS PA LUS KYI DBYIBS GRUB TZAM SHAR NA DE LA MI DPYAD PAR RE ZHIG DMIGS PA DE TZAM GYIS CHOG SHES PAR BYAS LA BSKYANG, DE NAS RIM GYIS GSAL DU BTANG, ZHAL GYI RNAM 'GYUR LA SOGS PA SKU'I DBYIBS BYE BRAG GSAL NA DE LA SEMS BZUNG

DE MI GSAL BAR SONG NA'ANG SPYI TZAM GSAL BTAB BO, MDOR NA RNAM PA GSAL ZHING NGA RGYAL BRTAN PA GNYIS BLOS NAM GYI TSE GSAL BTAB KYANG 'CHAR BA DANG, GSAL 'DEBS MI 'DOD PA'I TSE MI 'CHAR BA DANG, SKU'I TSAD RNAM PA DBYIBS LA SOGS PA RANG GIS TSAD LA PHAB NAS BSGOMS PAS JI LTAR 'DOD PA BZHIN 'CHAR BA DANG DE LA RING DU GNAS PA DGOS LA, LAS DANG PO PA LA BYING RGOD KYI SKYON RIG MI RIG GI MTSAMS DANG, GRIMS LHOD KYI SKYON DANG YON TAN GRIMS LHOD RAN PA'I MTSAMS, DMIGS RTEN RNYED PA DANG MA RNYED PA'I KHYAD PAR, NGA RGYAL 'PHO THUB MI THUB KYI TSAD, BYING RGOD PHRA RAGS NGOS ZIN MI ZIN LA SOGS PA RNAMS BLA MAS LEGS PAR BSTAN PAR BYA ZHING SLOB MAS KYANG DMIGS RNAM BSKYANGS PA'I SGO NAS DE RNAMS RIG PAR BYA'O, ,DANG POR GTZO BO ZHAL GCIG PHYAG GNYIS PA RGYAN DANG NA BZA' GANG YANG MED PA LA GOMS SU BCUG ,DE SHAR NA ZHAL PHYAG LHAG MA RNAMS DANG, NA BZA' RGYAN LA SOGS PA RIM GYIS GSAL BTAB LA GOMS SU BZHUG ,GTZO BO YONGS RDZOGS SHAR NAS 'KHOR GYI LHA GCIG GNYIS BSNAN NAS BSGOM, DE NAS RIM GYIS RTEN DANG BRTEN PA'I DKYIL 'KHOR THAMS CAD LA GSAL SNANG BSKYED PAR BYA ZHING DE'ANG SNGA MA GSAL BA'I STENG DU PHYI MA SNON PA YIN GYI SNGA MA DOR NAS PHYI MA BSGOM PA MIN TE THAMS CAD LA CIG CAR DU GSAL SNANG THON PA DGOS PA'I PHYIR RO, ,DE LTAR MNGON RTOGS KYI DBU NAS ZHABS KYI BAR RIM GYIS GSAL 'DEBS PA'I DPYAD SGOM DANG, DE NAS GTZO BO YAB

, ,YUM LA SEMS 'DZIN PA'I 'JOG SGOM GNYIS KA BYA ZHING RTEN BRTEN PA YONGS RDZOGS KYI DON SPYI YANG DANG YANG DU GSAL BTAB NAS BSGOMS PAS DANG POR NGA RGYAL TZAM MIN PA GSAL BAR MI 'CHAR ZHING, DE NAS MUN SROS PA NA MI MTHONG BA LTAR LHA RNAMS BZHUGS PA'I GNAS DE RNAMS SU MTHO YOR LTA BUR NAG YOM ME BA TZAM 'CHAR ZHING DE NAS THANG SKU LA SOGS PA DMIGS RTEN DU BZHAG NAS DE'I RNAM PA DRAN PAR BYAS LA RING DU BSGOMS PAS LHA THAMS CAD SKU MDOG DANG ZHAL PHYAG GI DBYIBS LA SOGS PA RAGS PA'I RNAM PA LAM ME BA 'CHAR ZHING, DE NAS ME DANG NYI MA'I 'OD LA SOGS PA'I DON SPYI BZUNG NAS LHA'I SKU DE RNAMS 'OD ZER 'BAR BA'I RNAM PA CAN DU BSGOMS NAS, RGYAN DANG PHYAG MTSAN LA SOGS PA ZHIB TU NGES PAR BYA STE DE'ANG RNAM SNANG SPYAN MA GSHIN RJE GSHED GSUM LTA BU RANG RANG GI BZHUGS STABS SKU'I DBYIBS RAGS PA GSAL POR 'CHAR BA BYUNG NA, GZHAN LA DE GSUM GYI RNAM PA DES MA KHYAB PA MI 'ONG BAS DE LTAR BYA ZHING GOMS PA'I STOBS KYIS LHA SO GNYIS KYI RTEN DANG BRTEN PA SHIN TU GSAL ZHING NAM 'DOD DU 'CHAR BA YIN KYANG YUD TZAM GYIS GSAL BAR MI NUS NA LAS DANG PO BA YIN LA, DE NAS RAGS PA'I DKYIL 'KHOR YUD TZAM GYIS GSAL BAR NUS KYANG SKYE MCHED KYI LHA DE LTAR MI NUS NA YE SHES CUNG ZAD BABS PA DANG, SKYE MCHED KYI LHA TSUN CHAD KYANG YUD TZAM GYIS GSAL BAR 'CHAR ZHING NAM 'DOD DU 'ONG BA NI YE SHES LA CUNG ZAD DBANG BA YIN NO, ,DE LTAR LHA GSAL BAR 'CHAR BA'I TSE'ANG SEMS SHIN

TU BRTAN PAR BYA BA'I PHYIR PHRA MO BSGOM STE, GNAS SKABS DANG PO GNYIS SU STENG 'OG GI SNA RTZER PHYAG MTSAN DANG, THIG LE PHRA MO BSGOMS PAS GNAS PA SHIN TU BRTAN PAR 'GYUR LA, DES NA GRANGS KYI BSNYEN PA YONGS SU RDZOGS PAR BYAS NAS RDZAS DANG SNGAGS LA BRTEN PA'I DNGOS GRUB RNAMS RGYUD NAS BSHAD PA'I CHO GA BZHIN BSGRUBS PAS CI LTAR 'DOD PA BZHIN 'GRUB PA YIN LA, GNAS SKABS GSUM PA'I TSE NI PHRA MO'I NANG DU RTEN BRTEN PA YONGS RDZOGS BSGOMS NAS SPRO BSDU MANG DU BYAS PAS DPYAD SGOM GYI TING NGE 'DZIN STOBS CAN 'DREN PAS ZHI LHAG ZUNG 'BREL DU'ANG 'GYUR TE 'DI'I SKABS SU RNAL 'BYOR PAS BLA GAB MED PA'I GNAS SU GZHAL YAS KHANG BSGOMS PAS CHU THUB PA DANG, CHU BO CHEN PO RDO RJE'I RDUL PHRA RAB TU BSGOMS NAS DE STENG DU MI BYING BAR 'GRO BA DANG, NAM MKHA' LA RIN PO CHE'I SKAS BSAMS PAS DE LA 'DZEGS TE 'GRO BAS CHOG PA LA SOGS PA 'BYUNG ZHING DE LTA BU'I RNAL 'BYOR PA DES DNGOS GRUB THAMS CAD RDZAS SNGAGS LA MI BLTOS PAR RING NGE 'DZIN GYIS BSGRUB PAR GSUNGS SO, ,GAL TE THUN MONG GI DNGOS GRUB DON DU MI GNYER BAS MCHOG SGRUB NA GRANGS KYI BSNYEN PA DANG SPYOD PA LA SOGS PA MI BYED PAR RDZOGS RIM GYI DMIGS PA BSGOM PA YIN LA, DE NI NANG LA MCHOG TU GZHOL BA'I RNAL 'BYOR PA ZHES BYA'O, ,GAL TE THUN MONG GI DNGOS GRUB CHEN PO BRGYAD LA SOGS PA BSGRUB NA BSKYED RIM BRTEN NAS GRANGS KYI BSNYEN PA DANG SPYOD PA BYAS TE DE DAG GI CHO GAS BSGRUB PA

, ,YIN TE DE NI SNGAGS LA GZHOL BA'I RNAL 'BYOR PA ZHES BYA'O, ,DNGOS GRUB PHRA MO 'GA' ZHIG SPYOD PA BYAS NAS SGRUB PA MI DGOS KYANG GRUB PA CHEN PO BRGYAD LA SOGS PA NI BSKYED RIM BRTAN KYANG SPYOD PA MA BYAS NA MI 'GRUB PA YIN NO, ,'DIR BSGRUB PAR BYA BA NI LHA'I NGA RGYAL DANG RNAM PA SHIN TU GSAL BA DANG DE LA BYING RGOD DANG BRAL NAS RTZE GCIG TU GNAS PA GNYIS KA DGOS PAS PHYI MA BSGRUB PA'I CHED DU PHRA MO BSGOM PA YIN LA, BSGOM PA'I GNAS DANG DMIGS RTEN GYI GNAD KYIS RIM GYIS RLUNG NANG DU GNAS PA'I RKYEN BYED PAS DPYAD SGOM GYI DMIGS PA MANG PO DANG BSRES KYANG RLUNG RIM GYIS DUL BA'I MTHUS SGOM PA SNGA MA'I RGOD PA SOGS MYUR DU DGAG NUS PAS GZHUNG GZHAN NAS BSHAD PA'I TING NGE 'DZIN SGRUB LUGS DANG MI 'DRA'O, ,DE LA STENG 'OG GI PHRA MO GNYIS GDAM NGA CAN DU GSUNGS PAS GANG RUNG GIS CHOG LA, GAL TE BYING SHAS CHE NA STENG SGO'I PHRA MO DANG RGOD SHAS CHE NA 'OG SGO'I PHRA MO LA DE DAG MA ZHI'I BAR DU BSGOM PAR GSUNGS SO, , DE'ANG REG MTHONG GI MTSAN MA MA RNYED KYI BAR DU BSGOM STE DANG PO GSAL BA DANG DE NAS LAG PAS 'DZIN THUB PA SNYAM BYED PA DANG MTHAR NI LUS KYIS REG PAR BYAR RUNG BAR 'GYUR RO, ,DE NAS SGOM PAS SKYO NA BZLAS PA BYA BA NI YID BZLAS BYED TSUL TE SNGAGS DE DAG YID KYIS 'DON PA YIN NO, ,DE LA PHRENG BA'I RGYU NI, KHA SBYOR LAS, SA DANG NYA PHYIS MU TIG DANG, ,KHAM NI DKAR PO LA SOGS GZHAN, ,ZHI BA'I LAS LA KHYAD PAR DU, ,'PHRENG BA YI NI MTSAN NYID DO, ,GSER DANG DNGUL

DANG ZANGS DAG DANG, ,PADMA'I SA BON KHYAD PAR DU, ,RGYAS PA LA NI 'PHRENG BA NYID, ,RNAM PAR MKHAS PAS BGRANG BAR BYA, ,GUR KUM LA SOGS DRI SOGS KYI, ,DRI NI THAMS CAD KHYAD PAR DU, ,BSGRUBS SHING RIL BU BYAS NAS NI, ,DBANG LA YONGS SU RAB TU GRAGS, ,RU RAG SHA DANG LUNG THANG DANG, ,DE BZHIN SKYES PA'I RUS PA NYID, ,DRAG PO'I LAS LA SBYAR BAR BYA, ZHES DANG, ZHI RGYAS DBANG DANG MNGON SPYOD LA, ,BO DE RTZE NI LAS KUN BYED, ,CES SO, ,'PHRENG RDOG GI GRANGS KYANG DE NYID LAS, SNGAGS KYIS BSGRUB PA LNGA BCU STE, ,DBANG LA DE YI PHYED NYID DO, ,BRGYA PHRAG GCIG NI ZHI BA LA, ,DE BZHIN RGYAS LA LHAG PAR BRGYAD, ,MNGON SPYOD LA NI DRUG CU NYID, CES GSUNGS SO, ,BZLAS PA'I DMIGS PA MNGON RTOGS SU GSAL LA ZHIB PAR SNGAGS RIM LAS SHES DGOS SHING BZLAS BYA'I SNGAGS NI RTZA RGYUD DANG LHA MO BZHIS ZHUS LAS 'BYUNG BA LTAR YIN NO, ,ZHU BA GLUS BSKUL DANG BSTOD PA'I TSIGS SU BCAD PA 'DI RNAMS RTZA RGYUD KYI GZHUNG TSIG YIN LA DE DAG GI BSHAD PA NI TSIG DON LEGS PAR PHYE NAS SGRON GSAL DU BSHAD PAS DER SHES PAR BYA ZHING, GTOR MA'I CHO GA SOGS NI GSANG CHEN LAM RIM DU BLTA BAR BYA STE, 'DIR NI RIM PA DANG PO'I MAN NGAG GI GNAD RNAMS DANG BLA MA'I GSUNG BGROS GZHAN DU MI GSAL BA RNAMS BRJED THO TZAM DU BRIS PA'I PHYIR RO,, ,,DPAL GSANG BA 'DUS PA'I BLA MA BRGYUD PA NI, SANGS RGYAS RDO RJE 'CHANG, GSANG BDAG PHYAG NA RDO RJE, RGYAL PO AINDRA BO DHI, KLU'I RNAL 'BYOR MA, RGYAL PO RI SU KALPA, BRAM ZE SA RA HA, MGON PO

, ,KLU SGRUB, A'ARYA DE BA, KLU'I BYANG CHUB, SH'AKYA BSHES GNYEN, ZLA BA GRAGS PA, SLOB PA'I RDO RJE, NAG PO SPYOD PA, SA 'DRES PA, SGRA BSGYUR 'GOS, RDOG YE SHES RGYAL MTSAN, YE SHES SENG GE, GLAN TZTSA NYI MA LCAM, BLA MA GZHON NU 'OD, KUN MKHYEN CHOS SKU 'OD ZER, 'PHAGS 'OD YON TAN RGYA MTSO, BU STON THAMS CAD MKHYEN PA, RIN PO CHE KHYUNG PO, RJE BTZUN DAM PA BLO BZANG GRAGS PA'I DPAL, YANG BU STON RIN CHEN, LO TZ'A BA BYANG RTZE, RJE BTZUN RED MDA' PA, THAMS CAD MKHYEN PA BLO BZANG GRAGS PA'I DPAL, YANG BU SNYON, BLA MA CHOS KYI DPAL, MKHYEN RAB KYI DBANG PHYUG BLO BZANG GRAGS PA'I DPAL LO,, ,,'DI 'BA' SER DKA' BCU PA ZHES PAS RIM PA DANG PO'I MAN NGAG GI GNAD RNAMS DANG RJE'I GSUNG BGROS GZHAN DU MI GSAL BA RNAMS BRJED THO TZAM DU BKOD PA YIN NO,,\\RGYA\\ *, ,GSANG 'DUS DKA' GNAD ZIN BRIS BZHUGS SO, ,