The 'Total Illumination of the Very Nature of the Empowerment,' being a Ritual for the Secret World of the Unshakeable Diamond (Akshobhyavajra), the Secret Collection (Guhyasamaja)

*, ,DPAL GSANG BA 'DUS PA MI BSKYOD RDO RJE'I DKYIL 'KHOR GYI CHO GA DBANG GI DON GYI DE NYID RAB TU GSAL BA ZHES BYA BA BZHUGS SO, ,

, ,DPAL GSANG BA 'DUS PA MI BSKYOD RDO RJE'I DKYIL 'KHOR GYI CHO GA DBANG GI DON GYI DE NYID RAB TU GSAL BA ZHES BYA BA, RJE BTZUN 'JAM PA'I DBYANGS KYI ZHABS LA GUS PAS PHYAG 'TSAL LO, ,RNAM DAG DBANG BZHI TSUL BZHIN BSKUR BA YIS, ,ZAB MO RDO RJE THEG PA'I DGA' STON GYI, ,LONGS SPYOD MCHOG LA SBYOR MDZAD RDO RJE 'CHANG, ,'JAM DBYANGS BLA MA'I ZHABS LA GUS BTUD NAS, ,THABS LA MKHAS PA'I RTEN 'BREL DU MA ZHIG ,LEGS PAR BSGRIGS PAS SKAL LDAN ZAB MO'I LAM, ,TSUL BZHIN SGRUB PA'I SNOD DU SGRUB BYED PA'I, ,DKYIL 'KHOR CHO GA RGYUD BZHIN BDAG GIS BSHAD, ,DPAL LDAN RDO RJE GSUM MCHOG DKYIL 'KHOR BA'I, ,SUM CU RTZA GNYIS LHA YI 'KHOR LO YIS, ,DKYIL 'KHOR CHEN POR DGA' BZHIN ROL PA 'DIR, ,DNGOS GRUB RGYA MTSO GEGS MED 'DU BAR MDZOD, ,JI SKAD DU BSHAD PA'I RGYUD RDO RJE PHRENG BA LAS, THOG MAR SLOB MA GANG GI TSE, ,BLO LDAN YANG DAG DBANG BSKUR NA, ,RDZOGS PA'I RIM PA'I RNAL 'BYOR LA, ,DE YI TSE NA SNOD DU 'GYUR, ,YANG DAG DBANG BSKUR GYIS DBEN NA, ,SGRUB POS RGYUD KYI DON SHES KYANG, ,SLOB DPON SLOB MA MTSUNGS PAR NI, ,MI BZAD DMYAL BA CHEN POR 'GRO ,ZHES YANG DAG PA'I DBANG BSKUR BA THOB NA, RDZOGS RIM DANG DES MTSON PA'I BSKYED RIM SGOM PA SOGS KYI SNOD DU 'GYUR LA, DBANG RNAM DAG MA THOB NA, RGYUD KYI DON SHES NAS BSGRUBS PAS DNGOS GRUB PHRA MO THOB KYANG

, ,DPON SLOB GNYIS KA DMYAL BAR 'GRO BAR GSUNGS SHING, RGYUD GZHAN MANG PO LAS KYANG YANG DAG PA'I DBANG BSKUR MA THOB PAR DNGOS GRUB 'DOD NAS SGRUB PA NI, MKHA' LA KHU TSUR RDEG PA DANG, ,SMIG RGYU'I CHU LA 'THUNG BA DANG, ,'BRAS 'DOD PHUB MA RDUNG BA DANG 'DRA BAR GSUNGS PAS, LAM 'DIR 'JUG PA LA THOG MAR RNAM PAR DAG PA'I DBANG THOB PA SHIN TU GAL CHE'O, ,DE RNAMS KYANG GO RIM NGES PA CAN DU RDO RJE GUR LA SOGS PA LAS GSUNGS PAS THOG MAR BSKYED RIM GYI SNOD RUNG DU SGRUB PA'I DBANG MA THOB BAR, RDZOGS RIM GYI SNOD RUNG DU SGRUB PA'I DBANG GONG MA BYAR GTAN MI RUNG LA, RIM PA DANG PO'I SNOD RUNG DU SGRUB PA'I DBANG YANG SNGON DU DKYIL 'KHOR DU BCUG PA CIG NGES PAR DGOS TE, DKYIL 'KHOR DU MA ZHUGS PAS BSGRUBS KYANG CI YANG MI 'GRUB PAR MNYAM SBYOR LAS GSUNGS PA'I PHYIR DANG, DRIL BU PAS, DBANG BSKUR DKYIL 'KHOR SNGON 'GRO BAR, ,RDO RJE 'CHANG GIS GSUNGS PA STE, ZHES GSUNGS PA'I PHYIR RO, ,DKYIL 'KHOR DU GZHUG SA'I DKYIL 'KHOR NI PHYI DANG NANG LUS KYI DKYIL 'KHOR GNYIS SU NGES LA, PHYI LA YANG RDUL TSON DANG RAS BRIS DANG BSAM GTAN GYI DKYIL 'KHOR GSUM GSUNGS PAS BZHIR NGES SO, ,BHA GA DANG BYANG CHUB SEMS LA DON DAM DANG KUN RDZOB GNYIS SU BYAS PA'I DKYIL 'KHOR GSUM NI RDZOGS RIM GYI DBANG GSUM GANG DU THOB PA'I DKYIL 'KHOR YIN PAS SPYIR DBANG GI DKYIL 'KHOR

BDUN NO, ,DE LA PHYI DKYIL GYI DBANG SNGON DU MA THOB PAR, LUS DKYIL GYI DBANG BSKUR DU MI RUNG BAR BLA MA SNGA MA RNAMS BZHED PA NI RGYUD KYI DGONGS PA YIN TE, RDO RJE MKHA' 'GRO LAS, DKYIL 'KHOR LA SOGS LAS GANG NI, ,BCOS MA'I SEMS KYIS GANG BYED PA; ;PHYI ROL LAS RNAMS GSAL BYED PAS, ,DANG PO'I LAS CAN RNAMS LA BSNGAGS, ZHES THOG MAR LAS DANG PO PA LA BCOS MA'I DKYIL 'KHOR GYI LAS DGOS PAR GSUNGS SHING, DRIL BU PAS RDUL TSON DANG RAS RIS GNYIS BCOS MA'I DKYIL 'KHOR DU GSUNGS PA'I PHYIR DANG, RGYUD DE NYID LAS, RNAL MA'I SBYOR BA RTOGS BYA'I PHYIR, ,BCOS MA YI NI BSGOM PA DANG, ,BCOS MA YI NI BZLAS PA BYA, ,ZHES GSUNGS PA DANG RIG PA MTSUNGS PA'I PHYIR RO, ,BSAM GTAN GYI DKYIL 'KHOR GYI CHO GA NI, SLOB DPON LHA'I RNAL 'BYOR SHIN TU BRTAN PA DANG, SLOB MA RDUL TSON GYIS BRI BA'I YO BYAD MI RNYED PA LA SOGS PA LA DMIGS BSAL DU GSUNGS KYI, SPYI'I DBANG DU BYAS PA MIN NO, ,DRIL BU ZHABS DANG SGRA CAN 'DZIN DPAL BSHES GNYEN DANG, AA BHYA K'A RA LA SOGS PAS RAS BRIS KYI DKYIL 'KHOR GYI CHO GA YANG BSHAD PAS, THOG MA'I DBANG LA DE YANG RUNG MOD KYANG SLOB DPON GYI MTSAN NYID DU DKYIL 'KHOR BRI BA'I LAS LA MKHAS PA MANG DU GSUNGS SHING, SLOB MA'I NGOS NAS DKYIL 'KHOR GYI PHYOGS SU ZANG ZING GTONG BA'I SGO MANG LA, DES KYANG RGYUD SNOD RUNG DU SGRUB PA LA KHYAD PAR SHIN TU CHE BAS, RGYUD DANG GRUB CHEN GYI GZHUNG RNAMS NAS RDUL TSON GYI CHO GA BSNGAGS PAS 'DI NI GTZO BO'O, ,DE LA 'DUS PA'I RTZA RGYUD KYI LE'U DANG PO DANG BZHI PA DANG BRGYAD PA

, ,DANG, BCU DRUG PA LAS DKYIL 'KHOR GYI CHO GA MDOR BSDUS TE GSUNGS PA LA, RGYUD PHYI MAS GSANG BA DANG SHES RAB YE SHES KYI DBANG GNYIS KHA BSKANGS SHING, RDO RJE 'PHRENG BA LAS, SNGON DU BSNYEN PAS SBYANG DANG, ZHES PA NAS, DBANG BSKUR BA DANG GSHEGS SU GSOL, ,DE LTAR CHO GA NYI SHU LAS, ZHES DKYIL 'KHOR GYI CHO GA NI CHO GA NYI SHUR BSDUS SHING, DES KYANG BSNYEN PA DANG SA CHOG LA SOGS PA RGYAS PAR BSHAD LA, DBANG BZHI PA NI DE'I LE'U GNYIS PA LAS GSUNGS SO; ;SGRON GSAL LAS MTSAN MA LHAG MA DGOD PA SOGS DKYIL 'KHOR GYI CHO GA LA KHA 'PHANGS SHING CHO GA YANG SA SBYANG BA LA SOGS NYI SHUR BSHAD PA'I DKYIL CHOG NI, THUGS RJE DPAL ZHABS KYIS KLU'I BLO'I DKYIL CHOG LA BSHAD CING, SGRA CAN 'DZIN DPAL BSHES GNYEN DANG, AA BHYA K'A RA LA SOGS PAS KYANG, KLU BYANG GIS MDZAD PA'I CHO GA NYI SHU PA 'DI NYID KHUNGS SU BYED PAR SNANG LA, 'PHAGS PAS MDZAD PAR GRAGS PA'I CHO GA NYI SHU PA NI, MTSAN MA 'GOD PA'I SKABS NA RTZA RGYUD DANG MI MTHUN PA MANG DU SNANG ZHING, RDO RJE SLOB DPON GYI DBANG GI DNGOS GZHI DANG, DBANG BZHI PA'I CHO GA BSHAD PA LA THE TSOM GYI GZHI CHEN PO SNANG BA DANG, KLU BYANG GI CHO GA DANG MI MTHUN PA MANG PO SNANG BAS BTANG SNYOMS SU BYAS LA, 'DIR NI KLU BYANG GI CHO GA DANG 'THUN PAR BSHAD PAR BYA'O, ,'O NA KLU BYANG GIS MDZAD PAR 'DOD PA LA YANG CHO GA NYI SHU'I GRANGS BSHAD RGYUD DANG MI MTHUN LA, DE'I CHO GA NYI SHU RDZOGS PA LA DBANG GONG MA GSUM MED PA YANG MI MTHUN ZHING, GZHAN YANG MI

MTHUN PA MANG DU SNANG BAS KLU BYANG GIS MDZAD PAR MA GRUB BO ZHE NA, SKYON MED DE CHO GA NYI SHU'I NANG DU DBANG GONG MA RNAMS MA MDZAD PA NI, RIM LNGAR DBANG GONG MA'I CHO GA BSDUS PA MDZAD PA LA DGONGS LA, KHRUS STEGS KYI CHO GA LA SOGS PA BSHAD RGYUD NA DNGOS SU MED PA 'GA' ZHIG KHA BSKANGS PA NI DON GYIS 'THOB CING, YOD PA RNAMS KYI GRANGS 'DREN LUGS NI DBYE BSDU TZAM YIN PAS DON LA SKYON MED PA'I PHYIR DANG, KHA CIG MI 'DRA BA NI RGYUD GZHAN NAS BSHAD PA DANG GNYIS GANG BYAS KYANG 'DRA BA YIN LA, 'GA' ZHIG MA BKOD PA NI 'DIR KHA BSKANGS PAS CHOG PA'I PHYIR RO, ,DE LTAR GANG DU SLOB MA 'JUG PA'I RDUL TSON GYI DKYIL 'KHOR LA NI, RDUL TSON GYI LHA'I GNAS GANG DU 'ONG SAR LHA STA GON GYI DRI'I DKYIL 'KHOR BYED DGOS PA DANG, TSON 'GYED PA'I GNAS NGES PA'I PHYIR DU SNGON DU THIG GDAB DGOS LA, DE LA YANG LAS THIG GIS CHA BGO BA DANG, DE YI THIG GIS BYIN GYIS RLOB PA GNYIS DGOS SO, ,THIG THEBS NAS SA'I LHA MO STA GON BYED PA NI, GZHI DER CHO GA BYED PA'I GNANG BA GSOL BA YIN LA, LHA STA GON BYAS NAS GSOL BA 'DEBS PA NI 'DRI BAR 'GYUR BA'I DKYIL 'KHOR BYIN GYIS RLOB PA'I DON DU SNYAN GSAN 'BEBS PA'O, ,LAS BUM STA GON NI SLOB MA DANG MCHOD RDZAS SOGS LA MA DAG PA DANG BGEGS BSAL BA'I DON DU YIN LA, BUM PA LHAG MA STA GON BYED PA NI CHU DBANG BSKUR BA'I DON NO, ,SLOB MA STA GON NI DKYIL 'KHOR DU GZHUG CING DBANG BSKUR BA'I SNGON DU RGYUD SBYONG BA'O, ,DE LTAR THIG 'DEBS PA'I GZHI DE YANG SA'I CHO GA BYAS PA CIG DGOS LA, DE LA NI PHYOGS DER DKYIL 'KHOR BYAR RUNG MI

, ,RUNG RTOG PA'I SA BRTAGS PA DANG RUNG BAR SHES NA BDAG PO LA SA BSLANGS TE GNANG BA THOB PA DGOS PAS SA BSLANG BA DANG, GNANG BA THOB NAS SA DE SBYANG DGOS PAS SA SBYONG BA DANG, SBYANGS PAS DAG PA NA DKYIL 'KHOR BYA BA'I GZHIR YONGS SU BZUNG DGOS PAS SA GZUNG BA DANG, BZUNG BA'I SA LA NI BYIN GYIS BRLAB PA DANG BSRUNG BA DGOS PAS BGEGS ZHI BA'I CHO GA STE LNGA DGOS SO, ,DE LTA BU SGRUB PA'I RDO RJE SLOB DPON NI, DBANG YONGS SU RDZOGS PAR THOB CING, DE NYID BCU LA MKHAS PA, RNAL 'BYOR MA'I SNYING PO DAM TSIG DANG SDOM PA TSUL BZHIN DU SKYONG BAS RTZA LTUNG DANG MI LDAN PA, PHYI RU SO SOR THAR PA SPYOD CING, NANG DU 'DUS PA'I LAM LA DGA' BA, LHA'I RNAL 'BYOR LA THUN BZHING GOMS PAS SEMS BRTAN PA'I MTSAN MA RNYED PA, GTZO BO LA 'BUM DANG 'KHOR RNAMS LA KHRI PHRAG RE DANG, BGEGS MTHAR BYED KYI PHRENG SNGAGS KHRI DANG, YE SHES 'BEBS PA'I SNGAGS 'BUM GYI BZLAS PA SONG ZHING, PHYI MA'I BCU CHA'I SBYIN BSREG BYAS PA'O, ,SLOB MA NI BLA MA LA GUS PA, SGYU MED CING LUNG MANG DU THOS PA, BYANG CHUB KYI SEMS GNYIS LA SBYANGS PAS SEMS CAN 'DON PA'I BLO DANG LDAN PA, RDO RJE SEMS DPA'I SDOM PA LA DON GNYER CHE ZHING RDO RJE THEG PA LA MOS PA BRTAN PA'O, ,DE 'DRA BA DES BLA MA LA MAndAL PHUL PHYAG BYAS PUS MO BTZUGS SHING , THAL MO SBYAR NAS DBANG GI DON DU GSOL BA LAN GSUM GDAB BO, ,DE YI TSE SLOB MA'I SEMS BRTAN PA DANG GA-YO BA DANG 'DRES MA GANG 'DUG DRIS LA, BRTAN NA DGE GA-YO NA MI DGE 'DRES MA LAS 'DRAS MAR SHES PAR BYA'O, ,YO BYAD MA TSOGS PAR

'DUG NA SLOB MA BSRUNG BA LAM GYI RIM PAR BSHAD PA BZHIN NAM, BSDUS PA BYED NA RANG GI SNYING KHA'I SA BON GYI 'OD ZER GYIS SLOB MA'I BGEGS BSAL LA, BDUD RTZI 'KHYIL PA'I PHRENG SNGAGS SAM, MTSAN SNGAGS LAN BDUN BZLAS PAS BSRUNG ZHING, RGYUN DU ZLOS SU YANG GZHUG GO ,DE NAS TSES GRANGS BZANG PO LA SA PHYOGS GTZANG MAR KHRUS BYAS GOS GSAR PA GON NAS, SPYAN RAS GZIGS KYI SPYAN SNGAR MAndAL DANG MCHOD PA PHUL TE, AOm MU TZI LI SV'AH'A, AOm MO HA NI SV'AH'A, AOm D'Am TI LI SV'AH'A, ZHES PA KHRI 'AM LAG PA GA-YON PAS KHAR LAN NYER GCIG TU BSNGAGS LA, MGO LHO KHA SHAR DU PHYOGS PAS 'PHAGS PA'I SPYAN SNGAR NYAL LA RMI LAM BRTAG ,RMI LAM NGAN NA BDUD RTZI 'KHYIL PA'I SNGAGS ZLOS PA'AM, STONG PA NYID SGOM PAS SAM, SLAR YANG RMI LAM BRTAGS LA, LHAS GNANG BA 'AM MA BKAG NA, STON ZLA 'BRING PO'I NYA NAS DPYID ZLA THA CHUNG NYA'I BAR ZLA BA BDUN DANG, NGO GNYIS LAS YAR NGO DANG, YAR NGO'I TSES GCIG DANG GSUM DANG LNGA DANG BDUN DANG BRGYAD DANG, BCU DANG BCU GCIG DANG BCU GSUM DANG BCU BZHI DANG BCO LNGA STE BCU DANG, GZA' PHUR BU DANG ZLA BA DANG PA SANGS DANG NYI MA STE BZHI DANG, SKAR MA RGYAL DANG SKAG DANG SA GA DANG ME BZHI DANG THA SKAR DANG SNON TE DRUG DANG, GZA' SKAR BZANG NA MAR NGO LA YANG BYA BAR SPYI RGYUD LAS GSUNGS PAS, DUS DE RNAMS LA SBYOR BA DANG BYED PA NGAN PA YANG SPANGS NAS CHO GA BRTZAM PAR BYA'O, ,CHO GA LA GSUM, SA'I CHO GA ,STA GON GYI CHO GA ,DNGOS GZHI'I CHO GA'O, ,DANG PO LA LNGA, SA BRTAG PA, SA BSLANG BA, SA SBYANG BA, SA GZUNG BA, BSRUNG ZHING BYIN GYIS BRLAB PA'O, ,DANG PO NI, GRONG LA SOGS

, ,PA'I PHYI ROL DU BYED NA PHYOGS GZHAN BDUN SPANGS LA DBANG LDAN DU BYA, DE DAG GI NANG DU BYED NA YID GAR DGA' BAR BYA, DE YANG LHA'I KHYIM DANG GTZUG LAG KHANG GI GNAS KHANG DANG, KHANG BZANG GI STENG DANG DUR KHROD DANG, TSAL DANG RI RTZE DANG RDO LEB KYI GNAS RNAMS BSNGAGS PAR GSUNGS TE, PHYOGS DANG MTSAN NYID KYI SGO NAS BRTAG PA'O, ,GNAS DE DAG TU DKYIL 'KHOR GYI KHANG PA BYED PA DANG, SA BRKOS NAS DKYIL 'KHOR GYI STEGS BU BYED NA NI SA DANG CHU LA SOGS PAS RTOG PA YIN TE, PHAL CHER DE MI BYED PA MANG BAR SNANG BAS 'DIR DE'I LUGS BZHIN BYA LA, BYED NA NI PHRENG BA LAS SHES PAR BYA'O, ,GNYIS PA NI, SNGAR BSHAD PA LTA BU YIN NA RGYAL PO LA SOGS PA LA BSLANG DGOS NA DE DAG LA SLONG BA NI MNGON PA LA SLONG BA YIN LA, MI MNGON PA LA SLONG BA NI, RANG NYID BDAG PO'I RNAL 'BYOR DANG LDAN PAS, DER GNAS PA'I ZHING SKYONG LA SOGS PA THUGS KHA'I SA BON GYI 'OD ZER GYIS BKUG LA, AA KA RO'I SNGAGS KYIS GTOR MA DBUL ZHING NYER SPYOD KYIS MCHOD NAS, GANG DAG 'DIR GNAS LHA DANG KLU, ,GNOD SBYIN SRIN PO'AM GZHAN DAG LA, ,SA 'DI BDAG GIS BSLANG BAR BGYI, ,DKYIL 'KHOR DON DU KHYED KYIS STZOL, ,ZHES LAN GSUM GSOL BA GDAB LA, RMI LAM BRTAGS PAS DE RNAMS KYIS BYIN PA 'AM MA BKAG PA LA BYA'I BKAG PA LA MI BYA'O, ,GSUM PA NI, SA'I ZUG RNGU DBYUNG BA'I DON DU RKO BA NI DKYIL 'KHOR GYI KHANG PA BYED PA DANG, BRKOS NAS STEGS BU BYA DGOS PA'I SAR YIN LA, LTO 'PHYE BRTAGS NAS RKO BA YANG DE DANG 'DRA'O, ,KHANG BZANG BRAG STENG BA LANG LHAS, ,GTZUG LAG KHANG SOGS CHU 'GRAM

'AM, SNGON 'DUS BYAS PA'I GNAS DAG TU, ,MA BRKOS NA YANG DAG PA YIN, ZHES GSUNGS PAS, GNAS DE DAG TU SA BRKOS NAS SBYONG BA MI DGOS LA, 'ON KYANG NYI MA BZANG PO'I SNGA DRO'I DUS SU RGYAL BA SRAS BCAS LA GSOL BA BTAB LA GNANG BA ZHUS TE, NYI GUNG LA BSRUNG 'KHOR DANG PHUR BUS BTAB PA BSGOMS PAS SAM, DRAG PO'I SBYIN BSREG GIS BGEGS BSKRAD, GTZO BO'I RNAL 'BYOR DANG LDAN PAS DKYIL 'KHOR GYI SA LA NYUNGS DKAR DANG CHU DANG THAL BA LA LAS THAMS CAD BZLAS PAS GTOR LA, DE BZLAS PA'I BA BYUNG LNGAS SHAR NAS BRTZAMS TE BYUG CING, DRI'I CHUS KYANG BSANG GTOR BYA'O, ,DE NAS RDO RJE SKYIL KRUNG DANG SA GNON GYI PHYAG RGYA DANG LDAN PAS AOm BAH'U KHAm ZHES PAS SA GZHI STONG NYID DANG, H'Um LAm H'Um ZHES PAS RDO RJE'I RDUL PHRA RAB KYI RANG BZHIN DANG, AOm ME DI NI BADZRAm BHA BA BADZRA BAN DHA H'Um ZHES PAS RDO RJE'I RANG BZHIN DU BCINGS TE BRTAN PAR BYAS PA DANG, AOm HA NA HA NA BADZRA KRO DHA H'Um PHAt CES PAS RDO RJE KHRO BOS BGEGS RNAMS BCOM PA DANG, AOm A'A: H'Um SHO DHA YA SHO DHA YA RAKshA RAKshA H'Um H'Um PHAt, CES PAS RDO RJE GSUM GYIS NYES SKYON THAMS CAD SBYANGS PAR BSAM ZHING LAG PAS REG CING BYIN GYIS BRLAB BO, ,DE NAS BADZRA SATVA ZLOS SHING PHYOGS THAMS CAD DU RDO RJE'I LTA BAS BLTA LA, SNA TSOGS PA'I CHOS THAMS CAD STONG PA NYID DU RO GCIG PAR MOS PA'I BLA NA MED PA'I SBYANG BA BYA'O, ,SA SBYANG BA'I CHO GA STE DANG PO'O, ,BZHI PA NI, DKYIL 'KHOR GYI KHANG PA BYAS NAS DE BRGYAN PA'I NANG DU PHYIN NAS SA GZUNG BAR GSUNGS TE DKYIL 'KHOR GYI KHANG PA BYED PA'I LUGS SO, ,DE BYED DAM MI BYED NA'ANG DKYIL 'KHOR GYI GNAS SU PHYIN NAS RANG CHAS GOS DKAR

, ,PO GYON, GTZUG TOR DANG RGYAN THAMS CAD KYIS BRGYAN ZHING, DRI BZANG BYUGS PA'I ME TOG BCAL DU BKRAM PAR, NYI MA GSUM DU THUN GSUM LA DKYIL 'KHOR PA LA GTOR MA DBUL ,DE NAS BGEGS ZHI BA'I DON DU PHYOGS SKYONG BCU LA GTOR MA BTANG, ZHI BA'I SBYIN SREG BYAS NAS DBANG BSKUR GEGS MED PAR 'GRUB PA'I DON DU SLOB MA LA YANG DGANG BLUG 'BUL DU GZHUG GO ,SA GZUNG BA'I CHO GA STE GNYIS PA'O,, ,,LNGA PA LA GNYIS, SNGAR YOD KYI BGEGS GZHOM PA, GSAR DU 'JUG PA'I BGEGS BZLOG PA'O, ,DANG PO LA LNGA, LHA'I RNAL 'BYOR DANG SPRO BA BSKYED DE SNYAN MNAN PA, GSOL BA BTAB NAS DKYIL 'KHOR GDEG PA, LANGS TE NGA RGYAL BZUNG NAS BSKOR BA BYA BA, BGEGS LA BKA' BSGO ZHING STANG STABS BYA BA, BKA' BSGO MI NYAN PA LA PHUR BUS GDAB PA'O, ,DANG PO NI, DE NAS DKYIL 'KHOR GYI SA LA ME TOG GCAL DU BKRAM PA'I DBUS SU, SNGA MA BZHIN DU CHAS SU ZHUGS NAS KHA SHAR DU PHYOGS PAS 'DUG STE, BSNYEN BSGRUB YAN LAG BZHI'I RNAL 'BYOR RDZOGS PAR BSGOMS LA, NAM MKHA' LA DKYIL 'KHOR PA DANG BCAS PA'I SANGS RGYAS DANG BYANG CHUB SEMS DPA' RNAMS BZHUGS PAR BLTAS NAS, SNYEMS PA DANG BCAS PAS RDO RJE GSOR ZHING DRIL BU DKROL TE, DENG DU BDAG TSE 'BRAS BU YOD, ,BDAG GI GSON PA'ANG 'BRAS BUR BCAS, ,BDAG NI DAM TSIG LHA RNAMS DANG, ,MNYAM PAR 'GYUR BA THE TSOM MED, ,BYANG CHUB SEMS DANG SEMS GCIG PAS, ,BDAG NI PHYIR MI LDOG PAR 'GYUR, ,BDAG DENG DE BZHIN GSHEGS PA YI, ,RIGS

SU SKYES PAR GDON MI ZA, ,DENG BDAG NYI MA DAM PA STE, ,BDAG GI MCHOD SBYIN BLA NA MED, ,SANGS RGYAS THAMS CAD SPYAN DRANGS PAS, ,DANG BDAG 'DUS PA MCHOG YIN NO, ,ZHES RANG NYID SPRO BA BSKYED NAS, LHA RNAMS LA MCHOD YON SNGON DU 'GRO BA'I PHYI NANG GI MCHOD PAS MCHOD NAS, SPOS PHOR GZUNG LCE H'Um LAS BYUNG BA'I RDO RJER BYAS NAS, MA LUS PHYOGS NA BZHUGS PA YI, ,SANGS RGYAS RNAMS NI BDAG LA DGONGS, ,BDAG MING CHE GE ZHES BYA BDAG ,RDO RJE CAN GYI DKYIL 'KHOR BRI, ,SANGS RGYAS KUN DENG GSHEGS SU GSOL, ,DNGOS GRUB 'DI NI BSTZAL DU GSOL, ,DKYIL 'KHOR CHEN PO'I LAS RNAMS NI, ,CI NUS BZHIN DU RAB TU BGYI, ,ZHES SANGS RGYAS LA SOGS PA RNAMS LA SNYAN MNAN CING MCHOD DO, ,GNYIS PA NI, DE NAS PHYOGS BZHI NA GNAS PA'I SLOB MA RDOR DRIL 'DZIN ZHING, RNAM SNANG LA SOGS PA RIGS BZHI SO SO'I NGA RGYAL 'DZIN PA BZHIS, BLA MA LA DKYIL 'KHOR GYI GTZO BO DANG DBYER MED PAR MOS NAS, MCHOD BSTOD DANG MAndAL SNGON DU 'GRO BAS, NAM MKHAR GNAS PA'I RNAM SNANG LA SOGS PA DANG LHAN CIG TU GSOL BA BTAB PAR BSAMS LA, SHAR NAS, DE BZHIN GSHEGS PA KUN ZHI BA, ,DE BZHIN GSHEGS PA KUN GYI GNAS, ,CHOS KUN BDAG MED PA YI MCHOG ,DKYIL 'KHOR DAM PA BSHAD DU GSOL, ,LHO NAS, MTSAN RNAMS THAMS CAD YONGS SU RDZOGS, ,MTSAN MIN THAMS CAD YANG DAG SPANGS, ,KUN TU BZANG PO SKU YI MCHOG ,DKYIL 'KHOR DAM PA BSHAD DU GSOL, ,NUB NAS ,ZHI BA'I CHOS NI MCHOG LAS BYUNG, ,YE SHES SPYOD PA RNAM SBYONG MDZAD, ,KUN TU BZANG PO GSUNG GI

, ,MCHOG ,DKYIL 'KHOR DAM PA BSHAD DU GSOL, ,BYANG NAS, SEMS CAN KUN GYI SEMS CHEN PO, ,RANG BZHIN DAG CING DRI MA MED, ,KUN BZANG THUGS MCHOG KHA LO SGYUR, ,DKYIL 'KHOR DAM PA BSHAD DU GSOL, THAMS CAD KYIS THUN MONG DU, KHYOD ZHABS PADMO MA GTOGS PAR, ,GTZO BO GZHAN NA SKYABS MA MCHIS, ,THUB PA 'DAG NI 'KHOR BA LAS, ,BSGRAL BA'I DON DU DKYIL 'KHOR BRI, ,ZHES DON DRAN BZHIN PAS GSOL BA GDAB, BZHI MED NA GCIG GIS KYANG PHYOGS DE DAG TU SONG NAS BYA, GCIG KYANG MED NA BSGOMS LA DE LTAR BYA BA NI MAN NGAG GO ,SLOB DPON GYIS KYANG RANG GTZO BOR GNAS PA LA PHYOGS BZHI'I DE BZHIN GSHEGS PA BZHIS GSOL BA BTAB PAR BSAM MO, ,SLOB DPON GYIS RDO RJE KHU TSUR GNYIS KYI 'JUG MO BRKYANG LA, RTZE MO SBYOR BA 'OG TU PHYOGS PA SPYI BOR BZUNG ZHING, H'Um BADZRA AU TIshthA, ZHES BRJOD PAS BSGOMS PA'I DKYIL 'KHOR NAM MKHA' LA GDEG GO ,GSUM PA NI, DE NAS SKYIL KRUNG BSHIG LA LANGS TE SHAR DU PHYOGS PAS MNYAM PA'I RKANG STABS BYAS LA, MGO BOR THAL MO SBYAR NAS, AOm PRA NA MA MI SARBA TA TH'A GTAN ZHES PAS DE BZHIN GSHEGS PA RNAMS LA PHYAG BYA'O, ,DE NAS SEMS CAN MA RIG PA'I MUN PAS BSGRIBS SHING BDUD KYI DBANG DU SONG BA RNAMS LA BLTAS LA BDUD GSAL BA'I PHYIR DU, RANG NYID GTZO BO LAS BYE BA'I ZHE SDANG RDO RJE GNYIS PA 'KHOR KHRO BO'I TSEGS DPAG TU MED PAS BSKOR BAR DMIGS PA, MIG GA-YAS PA MA LAS NYI MA DANG, GA-YON PA tA LAS ZLA BA DANG, MIG 'BRAS H'Um LAS DUS MTHA'I ME LTAR

'BAR BAR BSKYED DE, KHRO BO'I RDO RJE'I LTA BAS PHYOGS THAMS CAD DU BLTA ZHING, AOm KRO DHA DRIshtI H'I, ZHES BRJOD DE KHRO BO'I RDO RJE SPROS PAS BGEGS THAMS CAD BCOM PAR BSAMS LA, RDO RJE GSOR DRIL BU DKROL ZHING 'DI SKAD BRJOD DE, BDAG NI RANG NYID RDO RJE CAN, ,RDO RJE SEMS DPA' BDAG RANG NYID, ,BDAG NI SANGS RGYAS RGYAL PO CHE, ,RDO RJE CAN BDAG STOBS PO CHE, ,BDAG NI RNAL 'BYOR DBANG PHYUG RGYAL, ,BDAG NI PHYAG NA RDO RJE BRTAN, ,BDAG NI BDAG PO RDO RJE CHE, ,DENG BDAG RDO RJE SEMS DPAR GRUB, ,ZHES LHA'I NGA RGYAL BRTAN PAR GZUNG NGO, ,DE NAS RKANG PA'I MTHIL GNYIS H'Um LAS BYUNG BA'I RDO RJE 'BAR BAR BSGOMS LA RKANG PA BYIN GYIS BRLAB, RKANG MTHIL DES RDO RJE SA LA BRI LA, 'GYING BA DANG BCAS PAS PAD SKOR BYED CING, RDO RJE GSOR DRIL BU DKROL, H'Um GI SGRA DRAG PO BRJOD LA, RDO RJE'I RKANG STABS KYIS DBANG LDAN DU 'GRO'O, ,BZHI PA LA GNYIS, BGEGS LA BKA' BSGOS NAS BSKRAD PA DANG, STANG STABS BYAS NAS MTSAMS RNGAM BYA BA'O, ,DANG PO NI, DE NAS BRTZAMS TA SLOB MA DANG LHAN CIG GA-YAS SKOR DU RDO RJE'I RKANG STABS KYIS GAR BYED CING BSKOR LA, DBANG LDAN NAS BKA' BSGO BAR BYA STE, LHA DANG LHA MIN GNOD SBYIN DANG, ,SRIN PO YI DVAGS SHA ZA DANG, ,BRJED BYED 'BYUNG PO MKHA' 'GRO DANG, ,MKHA' 'GRO MA DANG GNON PO DANG, ,RGAN PO DANG NI RGAN MO DANG, ,RJES SU 'BRANG BA'I 'KHOR DANG NI; ;NAM MKHA' LDING DANG MI 'AM CI, ,GSANG SNGAGS GRUB PA GANG SU'ANG RUNG, ,KHYED CAG RNAMS NI PHYIR DENGS SHIG ,SA GZHI YI NI PHYOGS 'DI RU, ,SLOB DPON CHE GE MO BDAG GIS, ,SBYIN PA'I BDAG PO CHE GE MO, ,MNGON PAR RDZOGS PAR BYANG CHUB

, ,PAR, ,YONGS SU RDZOGS PAR BYA DON DANG, ,SEMS CAN THAMS CAD BLA MED KYI, ,YE SHES THOB PAR BYA BA'I PHYIR, ,DPAL LDAN GSANG BA 'DUS PA YI, ,DKYIL 'KHOR BDAG GIS BRI BAR BYA, ,RDO RJE 'CHANG CHEN BKA' 'DI DA, ,THOS NAS MYUR DU BYER BAR GYIS, ,GANG ZHIG MI 'GRO BA DE NI, ,BDAG GI RAB 'BAR H'Um YI GE, ,'BAR ZHING RAB TU 'BAR GYUR PA, ,YE SHES CHEN PO'I RDO RJE 'DIS, ,MGO BO TSAL PA BRGYAR 'GAS SO, ,ZHES PA'AM, YANG NA, LUS NGAG SEMS LA GNAS PA YI, ,BGEGS KYI TSOGS KUN YANG DAG NYON, ,NGA NI DPAL LDAN RDO RJE 'CHANG, ,BKA' YI 'KHOR LO SBYOR BA PO, ,RDO RJE 'BAR BA'I GZUGS KYIS NI, ,LUS GSUM LAS BYUNG DGAS BYA STE, ,GAL TE KHA CIG BDAG LAS 'DAS, ,'DIR NI 'JIG 'GYUR GZHAN DU MIN, ,ZHES LAN GSUM BRJOD CING KHRO BO DPAG TU MED PA SPROS PAS BGEGS THAMS CAD BSKRAD PAR BYA ZHING, DKYIL 'KHOR GYI SA GZHI YANG DBANG CHEN GSER GYI SA GZHI LA THUG GI BAR DU, H'Um LAS BYUNG BA'I RDO RJE'I RANG BZHIN DU BYIN GYIS BRLAB PO, ,BKA' BSGO THUNG BA 'DI 'DUS PA DANG RKANG PA DANG PO GNYIS MI 'DRA ZHING YUL YANG MI 'DRA YANG BGEGS LA 'DON PA BSGYUR DU RUNG BAS SKYON MED DO, ,GNYIS PA NI, DE NAS KHRO BO'I NYAMS DANG LDAN PAS H'Um YIG BRJOD CING LAG PA GAR BSKOR BA'I PHYAG RGYA DANG BCAS PAS SHAR DU PHYIN NAS GA-YAS BRKYANG DANG, LHOR GA-YON BRKYANG DANG, NUB TU SA GA DANG, BYANG DU ZLUM PO DANG, DBUS SU MNYAM PA LA SOGS PA'I STANG STABS RNAMS BYAS LA, DBANG PO LA SOGS PA'I BGEGS RNAMS BSDIGS PAR BYA'O, ,DE LA GA-YAS BRKYANG

NI RKANG PA GA-YON PA'I BYIN PA BSKUMS NAS MTHO LNGA'I BAR DU GA-YAS PA 'GYING BA DANG BCAS PAS DRANG POR BRKYANG BA'O, ,GA-YON BRKYANG NI DE LAS BZLOG PA'O, ,SA GA NI SOR NYI SHU RTZA DRUG GI RGYAR RKANG BA'I SOR MO LOGS SU BSTAN ZHING, PUS MO GNYIS DRANG POR BYAS PA'I, ,ZLUM PO NI SA GA'I RKANG STABS NYID BAR DU KHRU DO PA NGANG PA'I GSHOG PA LTAR BYAS PA'O, ,MNYAM PA NI RKANG PA GNYIS KYI SOR MO PHAN TSUN SBYAR BA STE, RKANG PA'I 'THE BONG DANG RTING PA'I LOGS GNYIS BCER BA'O, ,'DI RNAMS DANG RDO RJE'I RKANG STABS LA H'Um YIG BRJOD PAR KLU BYANG BZHED LA, STANG STABS KUN LA JI LTAR RIGS PAR RDO RJE'I MIG GIS MDUN DU LTA BA'I MNGON DU PHYOGS PA DANG RGYAB TU LTA BA'I PHYIR PHYOGS PA STE LTA BA GNYIS DGOS PAR PHRENG BA LAS BSHAD DO, ,SKOR BA'I DUS SU SGE SO SOR RANG GI GA-YON DU GNAS PA'I SLOB MA'I DRIL BU'I NANG DU RANG GI RDO RJE DANG DE'I RDO RJE YANG RANG GI DRIL NGUR GZHUG ,DE LTAR MDUN DANG GA-YAS DANG RGYAB TU YANG BYA BA'I KHA SBYOR BCU DRUG BYA'O, ,DE'I SNGAGS NI AOm KHA BADZRA DHI KA BADZRA H'Um K'A RA BADZRA H'Um PHAt CES PA'O, ,DANG POR RTZE GCIG PAS BSKOR, DE NAS RTZE GSUM PA DANG, DE NAS RTZE LNGA PA DANG, DE NAS SNA TSOGS RDO RJE'I RKANG STABS KYIS BSKOR, GA-YAS BRKYANG SOGS BYED PA NA, SKOR BA RE RE DANG GSUM GSUM BYAS NAS BYED PA DANG NGES PA MED PA'I LUGS GSUM BSHAD DO, ,SHES SHING NUS LA SPRO NA DKYIL CHOG NAS 'BYUNG BA'I STANG STABS RGYAS PAR BYA, MI SHES PAS SAM MI NUS PAS SAM BSDUS PA LA DGA' BAS SAM, MI 'DOD PAS KYANG RUNG STE, RDO RJE'I RKANG STABS LA SOGS PA THAMS CAD DAM NYUNG ZAD MA BSGRUBS KYANG SKABS DON MI

, ,NYAMS TE, BGEGS BSAL BA NI BSKOR BA LA SOGS PAS KYANG 'GRUB PA'I PHYIR RO, ,ZHES MAN NGAG RIG PA RNAMS GSUNG NGO ZHES PHRENG BA LAS GSUNGS PA LTAR YIN PAS, STANG STABS RNAMS MI BYED NA RKANG MTHIL H'Um LAS RDO RJER BSKYED NAS BSKOR BA DANG DMIGS PA BYAS PAS KYANG 'GRUB BO, ,LNGA PA NI, DE NAS BKA' BSGO MI NYAN PA'I BGEGS RNAMS LA PHUR BUS GDAB PAR BYA STE, DE YANG BSGRUB THABS BZHIN RANG ZHE SDANG RDO RJER BSKYED LA KHRO BO BCU SPROS TE PHYOGS BCUR DGOD, SENG LDENG GI PHUR PA SRID DU SOR BCU GNYIS PA 'AM BRGYAD PA, SPOMS SU DE'I SUM CHA DANG LDAN PA, STOD KHRO BO BDUD RTZI 'KHYIL PA'I RNAM PA CAN LA, LTE BA MAN CHAD MDUNG RTZE GCIG PA'I RNAM PA CAN DU BYAS PA BCU LA, NYUNGS DKAR DANG TZAN DAN DMAR POS BYUG ,TSON SNA LNGA'I SKUD PAS RIM PA BZHIN DU DKRI, ME TOG PHRENG BA DMAR PO RE GDAGS LA SNOD GSAR PAR BZHAG ,LAS THAMS CAD PA BZLAS PA'I CHUS BSANG, STONG PAR SBYANGS LA, STONG PA'I NGANG LAS STOD BDUD RTZI 'KHYIL PA ZHAL GSUM PHYAG DRUG PA, SMAD SNGAR BSHAD PA BZHIN GYI KHRO BO RDO RJE PHUR PAR LHAG PAR MOS PA'AM CHO GA GSUM GYIS BSKYED, YE SHES PA GZHUG ,RIGS BDAG DON GRUB YAB YUM GYIS BYANG CHUB KYI SEMS KYIS DBANG BSKUR, NYER SPYOD KYIS MCHOD LA LAG PAS REG STE YI GE GSUM DANG YI GE BRGYA PA BZLAS LA BYIN GYIS BRLAB BO, ,RDO RJE THO BA ME TOG DMAR PO'I PHRENG BA BCINGS PA YANG BSANG SBYANGS NAS GNOD MDZES KYI GA-YAS KYI PHYAG MTSAN DANG PO YONGS SU GYUR PA LAS THO BAR BSKYED DO, ,DE NAS PHUR BU'I SKOR MA GTOGS PA GNOD

MDZES LA BKA' BSGO BA NAS PHUR BUS GDABS PA'I BAR BSGRUB THABS BZHIN BYA STE, 'OD ZER GYI PHRENG BA'I PHYI'AM DKYIL 'KHOR GYI KHANG PA'I PHYI ROL DU, DBANG LDAN NAS BRTZAMS TE GA-YAS BSKOR GYIS PHUR BUS GDAB STENG GI NI SHAR GYI SHAR DANG 'OG GI NI NUB KYI NUB TU'O, ,DE LTAR BYAS PAS BGEGS LHAG MA RNAMS KYANG RANG DU 'BROS PA DANG, STENG 'OG DANG KHOR YUG CHEN PO'I BAR DU 'GRO BA RNAMS BGEGS DANG BRAL BAR MOS PA BRTAN PO BYA, PHUR BU RNAMS SA'I GONG PO BCU'I SBUBS SU GZHUG ,NYI MA RE RE ZHING THUN SO SO LA PHUR BU'I KHRO BO RNAMS LA GTOR MA DANG MCHOD PA DBUL, PHUR BU THEBS NAS KHRO BO BCU GSHEGS SU GSOL LO, ,PHUR BU DNGOS SU MED NA BSGRUB THABS BZHIN BSAM GTAN GYI PHUR BUS KYANG BYA BA RUNG NGO, ,BSHAD RGYUD RDO RJE PHRENG BA LAS SUM BHA NI LA SOGS PA'I SNGAGS BZHI LA MGO BOR AOm DANG MTHAR H'Um H'Um PHAt SBYAR BA RIM PA BZHIN SHAR LA SOGS PA'I PHYOGS BZHIR SONG NAS BZLAS TE BKA' BSGO BA DANG, PHUR BU RDUNG BA'I TSE AOm BADZRA MUD GA RA BADZRA K'I LA YA, AA KO tA YA H'Um H'Um PHAt CES BRJOD NAS RDUNG BAR BSHAD DO, ,GNYIS PA NI, DE NAS GSAR DU BGEGS 'JUG PA LAS BSRUNG BA'I DON DU, tAKKI H'Um DZAS LCAGS KYI RDO RJE'I RA BA DANG, DE'I STENG DU H'Um YIG LAS RDO RJE'I GUR DANG, GUR GYI 'OG RA BA'I STENG DU RDO RJE'I BLA RE DANG, 'OG GI ZHI H'Um LAS SNA TSOGS RDO RJE'I SA GZHI DANG, PHYI'I PHYOGS MTSAMS KUN TU MDA'I DRA BA DANG, STENG 'OG GNYIS GTZUG TOR DANG GNOD MDZES KYI SNGAGS KYIS BYIN GYIS BRLAB BO, ,DE NAS BGEGS KYANG RANG GI SEMS KYIS BTAGS PA TZAM LAS GZHAN NA MED

, ,LA ,SEMS KYANG RANG BZHIN MED PA'O SNYAM DU BSAMS NAS GZHAN LA BDE BA SGRUB PA LHUR LEN PA'I BSAM PAS BYANG CHUB MCHOG BSGRUB PAR BYA'O SNYAM PA'I BLO BRTAN PAR BYA'O, ,BGEGS NYE BAR ZHI BA'I CHO GA STE GSUM PA'O, , DKYIL 'KHOR GYI DBUS SU 'DUG NAS BSGRUB THABS BSGOM PA LA SOGS PA 'DI RNAMS BSAM GTAN GYI CHO GA LA YANG BYA BAR PHRENG BA LAS BSHAD PAS, RAS BRIS KYI CHO GA LA YANG 'DI RNAMS BYA'O, ,BRTAG BSLANG GNANG GSOL DRAG PO DANG, ,RDZAS SNGAGS LTA BA STONG PAS SBYANG, ,GTOR MA SBYIN BSREG SGRUB THABS BSGOM, ,SPRO DANG SNYAN MNAN GSOL GDAB GDEG ,PHYAG 'TSAL GSAL GDAB MIG BSKYONG BLTA, ,NGA RGYAL RKANG PA BYIN RLABS 'GRO, BSKOR NAS BKA' BSGO STANG STABS BYA, ,KHA SBYOR BDAG BSKYED PHUR BU BSGRUB, ,PHUR GDAB RA BA SOGS KYIS BSRUNG, ,SA CHOG SDOM DU BSDUS PA'O,, ,,GNYIS PA STA GON GYI CHO GA LA BZHI, LAS KYI THIG GDAB PA, LHAG GNAS GSUM BYA BA, LHA LA GSOL BA GDAB PA, SLOB MA LHAG PAR GNAS PA'O, ,DANG PO LA BZHI, THIG SPYI'I RNAM GZHAG ,THIG SKUD 'DU BYA BA, BYAS NAS THIG GDAB PA, THEBS NAS GSHEGS SU GSOL BA'O, ,DANG PO NI, LAS THIG SNGON DU BTAB NAS YE THIG RJES SU 'DEBS PAR SA RA HA DANG NAG PO SPYOD PA DANG AA BHYA DANG BI BHU TIS BSHAD PA LTAR BYA DGOS TE, YE THIG NI LAS THIG BYIN GYIS RLOB BYED YIN PA'I PHYIR RO, ,LAS THIG 'DEBS PA'I DUS NI RDO RJE MKHA' 'GRO LA SOGS PA'I RGYUD DANG DKYIL CHOG PHAL MO CHER STA GON GYI 'OG DNGOS GZHI'I SKABS SU 'DEBS PAR

GSUNGS PA NI, NAM MKHA' LA 'DEBS BA LA SOGS PA'I KHYAD PAR 'GA' ZHIG MA GTOGS PA SA LA 'DEBS PA LA SOGS PA'I CHO GA RNAMS THUN MONG BA LA DGONGS NAS, YE THIG GI SKABS SU DE LTAR GSUNGS SO, ,BSHAD RGYUD RDO RJE PHRENG BA LAS LHA STA GON GYI SNGON DU LAS THIG GDAB PAR GSUNGS PA'I RJES SU 'BRANGS NAS KLU'I BLOS SA CHOG ZIN PA'I 'OG TU LAS THIG GDAB PA MDZAD DO, ,DE LTAR TSUL GNYIS BSHAD KYANG LAG LEN LA PHYI MA LTAR BYA DGOS TE, LVA BA PA DANG NAG PO SPYOD PA SOGS KYIS LHA STA GON GYI DRI'I BYUG PA RNAMS LHA RNAMS KYI GNAS SU BYA BAR GSUNGS SHING, MI THUB ZLA BAS KYANG, DKYIL 'KHOR GANG DU NGES PA YI, ,DKYIL 'KHOR DER NI DRI LNGA 'AM, ,YANG NA GZHAN GYIS BYUG PAR BYA, ,ZHES TSON GYIS 'DRI BA'I DKYIL 'KHOR GANG DU LHA 'ONG BA'I GNAS NGES PA DER, LHA STA GON GYI DRI'I DKYIL 'KHOR BYA BAR GSUNGS LA, THIG MA BTAB NA DE 'DRA BA'I LHA'I GNAS NGES PA MI RTOGS PA'I PHYIR RO, ,BSHAD RGYUD RDO RJE PHRENG BA LAS ,LAS KYI THIG SKUD YI GE GSUM GYIS RNAM PAR SPYOD PA DANG, DE LA BSANG GTOR DANG ME TOG GIS MCHOD PA DANG SNGAGS BZLAS NAS LHAG GNAS BYA BAR GSUNGS LA, BHA BA BHA TRAS LAS THAMS CAD PA'I THIG SKUD DU BSHAD CING ,DON YOD ZHABS KYIS, DE NAS KHA DOG GCIG PA'I SKUD PA LAS THAMS CAD PAR BYIN GYIS BRLABS PAS SA'I THIG GDAB LA, ZHES BSHAD PAS GSHER THIG GI THIG SKUD NI LAS THAMS CAD PA GANG YIN DU BSKYED DGOS TE LAS BUM BZHIN NO KLU'I BLOS LAS THIG 'DEBS MKHAN SLOB DPON DANG SGRUB GROGS KYIS BYA BA DANG ,DPON SLOB

, ,GNYIS KYI SDOD SA DANG KHA LTA PHYOGS NGES PA CAN GSUNGS SHING, PHRENG BA LAS DANG POR ZLUM SKOR GYI NYA'I MTSAN MA BYAS PA'I STENG DU THIG 'DEBS PA LA, DPON SLOB GNYIS KYI RKANG STABS DANG SLOB MAS RGYAB MI STON PAR 'GRO BA DANG RDO RJE KHU TSUR GYIS THIG SKUD BZUNG BA SOGS BSHAD PAS, YE THIG GI SKABS SU BSHAD PA'I CHO GA THUN MONG BA RNAMS 'DIR YANG BLANG DGOS SO, ,GNYIS PA NI, THIG SKUD KYI RGYU NI GTZANG ZHING MA NYAMS LA 'JAM PA'I RAS BAL LAM, BTZO MA STE SGRA MA 'DRES PA'O, ,PHRENG BAR YE THIG GI RGYU'I THIG SKUD DKAR PO LA DPA' BO'I RIN GYIS NYOS PA'I RAS BAL DANG, GZHON NU MA MA NYAS PAS BKAL BA BDAM NGA CAN DANG, KHA BSGYUR BA'I YE THIG SLOB DPON DANG SGRUB GROGS KYIS 'KHEL BA'I TSUL SO SOR BSHAD PAS, LAS THIG GI THIG SKUD NI SNGA MA LTAR BYA STE, DAM TSIG CAN GYIS BKAL BAS KYANG CHOG GO ,DE YANG KHA DOG DKAR PO GSUM BSGRIL 'JUR 'DUD MED CING BKAL LEGS PA, DPON SLOB GNYIS KYI 'DZUB MO NAS SOR MO BZHI'I DBUS SU BCUG CING DRANGS NAS, RDO RJE KHU TSUR DU BYAS PAS 'DZUB MO'I RGYAB SA LA SBYAR BA MA GTOGS PA, RING BA DKYIL 'KHOR GYI NYIS 'GYUR SBOMS SU SGO'I NYI SHU CHA, DKYIL 'KHOR GZHAN DU LONGS MA SPYAD PA, DRI ZHIM PO'I CHU DANG BDUD RTZI LNGA DANG BA'I RNAM LNGAS BYUGS TE, THIG SKUD KYI MTHA' GNYIS DANG DBUS SU AOm A'A: H'Um BKOD LA, DRIS BYUGS PA'I GSER LA SOGS PA'I SNOD GTZANG MAR BZHAG ,RANG GTZO BO'I RNAL 'BYOR DANG LDAN PAS BSANG

SBYANG SNGON DU BTANG STE, BGEGS MTHAR BYED DU BSKYED YE SHES PA GZHUG PA SOGS BYAS LA MCHOD DE, LAG PAS REG CING LAS THAMS CAD PA BZLAS LA BSRUNG, DE NAS MIG GA-YAS GA-YON MA DANG tA LAS NYI ZLA SER PO DANG, BADZRA DRIshtI MA tA ZHES PAS BRTAN PAR BYAS LA, LAS THAMS CAD PA BZLAS PA'I BDUD RTZI LNGA'I CHU DANG YUNGS DKAR DANG DRI'I CHUS GTOR LA, RDO RJE DANG BCAS PA'I LAG PA GA-YAS PAS REG STE, AOm BADZRA SA MA YA S'U TRA MA TI KRA MA H'Um ZHES BZLAS NAS AOm A'A: H'Um PHAt SV'A H'A ZHES BRGYA RTZA BRGYAD BZLAS NAS LHA GNAS BYA'O, ,DE NAS AOm AA MO GHA PADMA BA SUN DHA RI DHA RI DHA RI NI MAndA LI H'Um ZHES PA DANG YI GE BRGYA PA LAN BDUN BZLAS LA, THIG SKUD LA ME TOG GTOR ZHING ZHABS BSIL GYI CHUS BSANG NGO, ,GSUM PA LA GNYIS, THIG CHEN BRGYAD GDAB PA, THIG LHAG MA RNAMS GDAB PA'O, ,DANG PO NI, DE NAS DKYIL 'KHOR GYI SA LA AOm SARBA SAm SHO DHA NI H'Um PHAt, CES PAS DRI'I CHUS BSANG GTOR BYAS TE GTZANG MAR BYA, DRIS BYUGS NAS PHYI ROL DU ME TOG GCAL DU BKRAM, NAM MKHA' LA BRI BYA'I DKYIL 'KHOR BZHUGS PAR DMIGS TE MCHOD YON SNGON DU 'GRO BAS MCHOD CING BSTOD NAS, RANG MI BSKYOD PA'I RNAL 'BYOR DANG LDAN PAS RNAM SNANG NGAM BGEGS MTHAR BYED DU BSKYED PA'I SLOB MA SLOB DPON LA RGYAB MI STON PAR 'GRO BA DANG LHAN CIG YI GE GSUM ZLOS SHING THIG GDAB STE, DE YANG THOG MAR DKYIL 'KHOR GYI DBUS BTZAL LA JI LTAR RIGS PA'I ZLUM PO GCIG BSKOR, DE'I PHYOGS BZHIR THIG LE RE BYAS PA'I STENG DU

, ,ZLUM PO BZHI BSKOR, SLOB DPON NUB DANG SLOB MA SHAR NAS PHAN TSUN DU MNGON PAR PHYOGS TE, PHYOGS THAMS CAD RANG BZHIN MED PAR MNYAM PA NYID DO SNYAM DU MOS NAS, RANG DANG SLOB MA'I MIG GNYIS DZA LAS SKYES PA'I NYI MA DANG ZLA BA 'OD ZER SER PO CAN DU BSGOMS TE, SLOB DPON GYIS GA-YON PA'I RDO RJE KHU TSUR GYIS LTE BAR THIG SKUD BZUNG LA, DZDZA: DZDZA: DZDZA: ZHES PA DANG DZA GSUM GYIS BTANG ZHING, SLOB MAS KYANG DE DAG BRJOD NAS DRANGS TE GA-YON PA'I RDO RJE KHU TSUR GYIS LTE BAR BZUNG LA, RANG RKANG PA GA-YON PA SKYIL KRUNG PHYED PA DANG, GA-YAS PA SA LA BTZUGS TE BSDAD, SLOB MAS DE LAS BZLOG STE BSDAD NAS SHAR NUB KYI TSANGS THIG GDAB, SNGAR BSHAD PA BZHAN GNYIS KAS RKANG PA BYIN GYIS BRLABS TE RDO RJE'I RKANG STABS KYIS GA-YAS SKOR DU SONG STE SLOB DPON LHO DANG SLOB MA BYANG DU GNAS PAS LHO BYANG GI TSANGS THIG GDAB, SLOB DPON ME DANG SLOB MA DBANG LDAN DU GNAS PAS SHAR GYI RTZA THIG DANG, SLOB DPON DE NYID DANG SLOB MA BDEN BRAL DU GNAS PAS LHO DANG, SLOB MA DE NYID DANG SLOB DPON RLUNG DU GNAS PAS NUB DANG, SLOB DPON DE NYID DANG SLOB MA DBANG LDAN DU GNAS PAS BYANG GI RTZA THIG KHRU GSUM 'AM, YANG NA SLOB MA'I 'BYOR PA DANG BSTUN KHRU GANG LA SOGS PA JI LTAR RIGS PAR GDAB SLOB DPON ME DANG SLOB MA RLUNG DU GNAS PAS ZUR THIG DANG PO DANG, SLOB DPON BDEN BRAL DANG SLOB MA DBANG LDAN DU GNAS PAS ZUR THIG GNYIS PA GDAB BO, ,PA TSAB KYI 'GYUR LA SLOB DPON DBANG LDAN DANG

SLOB MA BDEN BRAL DU GNAS PA BYUNG YANG, DPYAL GYIS SNGA MA BZHIN BSGYUR BA GZHAN RNAMS DANG MTHUN NO, ,SKOR PHYOGS DANG RKANG STABS DANG SDOD SA DANG KHA LTA PHYOGS NI THIG LHAG MA 'DEBS PA RNAMS LA'ANG BYA, RDO RJE KHU TSUR GYIS THIG SKUD 'DZIN PA RGYUN DU MA NUS NA DANG PO LA BYA ZHING, LHAG MA CI BDE BAR BYA'O, ,THIG SKUD CHAD NA BLA MA 'CHI ZHING, SNGAR BSHAD PA'I TSAD LAS RING THUNG DU GYUR NA BLA MA NAD KYIS 'DEBS PA DANG, SDOD SA'I PHYOGS 'CHUGS NA SLOB MA LA SDUG BSNGAL SKYED PAR BSHAD PAS BAG DANG LDAN PAS THIG SKUD BSGRUB CING THIG GDAB, MTSAN MA NGAN NA BZLOG PA'I THABS BYA'O, ,MTSAN MA RTOG PA NI TSANGS THIG GNYIS 'DEBS PA'I DUS SU YIN PAR SH'ANTI PA DANG AA BHYA BZHED, DE GNYIS DANG THIG CHAN BRGYAD DANG THIG THAMS CAD LA RTOG PA'I LUGS GSUM YANG BSHAD DO, ,DE NAS RANG GTZO BOR GSAL BA'I MIG GA-YAS GA-YON GNYIS HR'I: LAS NYI MA DANG ZLA BAR BSKYED LA, KHRO BO'I LTA BAS PHYOGS THAMS CAD DU BLTA ZHING, HI: HI: ZHES BRJOD DE LHA'I LUS SGYU MA LTA BUR DRAN BZHIN DU, THAR PA'I SGO'I GEGS SU GYUR PA'I SGRIB PA RNAMS DBYI BAR BYA'O SNYAM DU MOS LA, DRI BZANG PO'I CHUS SGO'I TSANGS THIG DANG RTZE THIG GNYIS PHRAD PA'I GA-YAS GA-YON CHA CHUNG GNYIS GNYIS TSANGS THIG DANG BCAS PA PHYIS LA SGO DBYE'O, ,GNYIS PA NI, DE NAS THIG LHAG MA RNAMS NI, KHRU LA SOGS PA RTZA THIG GI ,DBUS SU BRGYAD CHA PHYIS PA DE, ,SGO DE'I BZHI CHA CHA CHUNG STE, RTZA BA'I PHYI ROL GCIG DANG GNYIS, ,GCIG GNYIS GCIG DANG GCIG GI

, ,MTHAR, ,THIG DRUG ZUR NAS NGOS SU STE, ,TSANGS LAS RIM GYIS RING BAR NI, ,CHA CHUNG GSUM DU DANG PO'I THIG ,GNYIS THIG CHA CHUNG GNYIS RTZER REG ,CHA CHUNG BRGYAD DU GSUM STEGS BU'I, ,THIG LAS DRANG PO'I THIG GNYIS TE,, DE NI CHA CHUNG RE YI BAR, ,DPANGS SU LNGA STE DANG PO NI, ,NGOS THIG RTZE MOR YANG DAG REG ,RTZA BA'I RTZE NAS BYUNG BA'I THIG ,CHA CHUNG BZHI STE NGOS SU'ANG BZHI, ,STENG DU'ANG BZHI STE GSUM 'KHYOG PA'O, ,KA BA'I RTZE NAS PHYI NGOS SU, ,CHA CHUNG RE RE DOR BAR THIG ,BCU GCIG 'DI LA LNGA PA DANG, ,BDUN PA CHA CHUNG PHYED DANG GNYIS, ,YANG NA GSUM PA BDUN PA DANG, ,DGU PA CHA CHUNG RE RE'O, ,BZHI PA DRUG PA BCU PA RNAMS, ,SO SOR CHA CHUNG PHYED PHYED DO, ,LNGA NI CHA CHUNG PHYED DANG GNYIS, ,DE LA PHYOGS GNYIS SU NI BRGYAR,, TSANGS PA'I GA-YAS DANG GA-YON DU NI, ,CHA CHUNG PHYED BCAS MDA' YI MTHAR, ,SNAM BU CHA CHUNG PHYED DANG GSUM, ,THIG NI CHA CHUNG PHYED DANG BZHI, ,CHA CHUNG DRUG MTHAR GNYIS PA DANG, ,GSUM PA CHA CHUNG GSUM PA'O, ,CHA CHUNG BZHI MTHAR BZHI PA NI, ,CHA CHUNG LNGA STE MDA' PHYED BCAS, ,GSUM DOR NAS NI PHYED DANG LNGA, ,GSUM NAS DRUG PA CHA CHUNG LNGA, ,BZHI NI CHA CHUNG BDUN RNAMS TE, ,THIG BCU GCIG PA CHA CHUNG LNGA, ,SNAM BU LNGA PA'I STENG GI NI, ,NGOS SU CHA CHUNG PHYED DANG BZHI, ,BDUN PA'I 'OG LA CHA CHUNG GSUM, STENG NI CHA CHUNG DRUG STENG DU, ,SNAM BU RNAMS MTHAR SON PA'I THIG ,GZHAN GYI MTHA' DANG LHAN CIG STE, ,KYOG PO GCIG GO 'DI NANG DU'ANG, ,CHA CHUNG PHYED NAS DE BZHIN GZHAN, ,DE'I PHYIR CHA CHUNG RIG BYED MTHAR, ,THIG ZLUM DE NAS GNYIS YIN TE, ,

CHA CHUNG GNYIS GNYIS DOR BAR RO, ,BZHI DOR BAR NI ZLUM PO GZHAN, ,CHANGS LAS CHA CHUNG BRGYAD MTHAR DANG, ,BDUN PA'I MTHA' RU ZLUM PO'I THIG ,DE NAS YANG DAG DRANGS NAS NI, ,PHYOGS GZHAN THIG GI MTSAMS SONG BA'I, ,THIG GNYIS RIM BZHIN TSANGS PA'I PHYIR, ,CHA CHUNG GNYIS GSUM DOR BAR RO, ,PHYI ZLUM THIG LAS PHYI NGOS SU, ,CHA CHUNG DOR BAR ZLUM PO'I THIG ,DE NAS CHA CHUNG GSUM DOR NAS, ,ZUR THIG BAR DU GNAS PA'I THIG ,KUN DU SON PA'I TSANGS THIG DANG, ,RE'U MIG SNAM BU'I RE KHA DBYI, ,ZHES 'BYUNG BA BZHIN GDAB BO, ,DE LA MDA' PHYED BCAS, GSUM DOR NAS NI PHYED DANG LNGA, ZHES SNAM BU LNGA PA'I SKABS SU MTHA' NAS MTHAR CHA CHUNG BCU DRUG DANG, SNAM BU LNGA PA'I STENG GI NI, ,NGOS SU CHA CHUNG PHYED DANG BZHI, ,ZHES MTHA' NAS MTHAR CHA CHUNG BCU BZHI DANG, YANG RGYAL PO NYES PA GSUM NYI MA, ZHES SNAM BU LNGA PA'I SKABS SU MTHA' NAS MTHAR CHA CHUNG BCU GNYIS SU BSHAD PA RNAMS MI MTHUN PAS 'GAL LO SNYAM NA, SKYON MED DE DANG PO NI SNAM BU LNGA PA'I STENG GI THIG GI MTHA' NAS MTHA'I BAR YIN LA, GNYIS PA NI SNAM BU LNGA PA'I KA BA NAS KA BA'I BAR YIN ZHING, GSUM PA NI KA BAS CHA PHRAN RE KHYER BA'I BAR GYI MUN SNAM RANG GI DBANG DU BYAS PA'O, ,RIGS PA 'DIS, BZHI NI CHA CHUNG BDUN RNAMS TE, ZHES SNAM BU BDUN PA'I SKABS SU MTHA' NAS MTHAR CHA CHUNG BCU BZHI DANG, STENG NI CHA CHUNG DRUG ,CES PA'I SKABS SU CHA CHUNG BCU GNYIS DANG, YANG RGYAL PO PHYOGS DANG MI RNAM GSUM, ZHES SNAM BU BDUN PA'I SKABS SU MTHA' NAS MTHAR CHA CHUNG BCU BSHAD PA RNAMS MI 'GAL BA YANG

, ,SHES PAR BYA'O, ,KYOG PO NANG MA'I THIG GI MAR SNA NI, PHRENG BA LAS THIG BCU GCIG GI DANG PO'I CHA CHUNG PHYED DOR BA'I SA NAS GYEN DU 'GRENG BAR GSUNGS PAS MDA' YAB LA GTUG PA MIN NO, ,SNA TSOGS RDO RJE'I RVA GA-YAS GA-YON GYI PHYI THIG GI RTZA BA NI, RTA BABS SGO TSAD BZHI MA'I CHANGS THIG NAS SGO TSAD GNYIS GNYIS SONG BA LAS PHAN CHAD DU 'DAR MI RUNG STE, DE NI RGYAS PAR LAM GYI RIM PAR BSHAD ZIN TO, ,DE LTAR NA 'DIR DE'I SKOR LUGS NI, TSANGS DANG MDA' YAB PHRAD PA NAS; ;CHA CHUNG BZHI DANG BZHI GSUM NI, ,SONG BAR CHA CHUNG DGU DANG NI, ,BZHI CHAS GA-YAS GA-YON PHYI RVA BSKOR, ,MDA' YAB TSANGS LAS CHA CHUNG NI, ,PHYED BCAS GSUM NAS THAD KAR GA-YAS, ,DRUG NAS PHYED BCAS BCU GNYIS KYIS, ,GA-YON BSKOR GA-YAS PA DE LAS BZLOG ,PHRENG BA'I NANG THIG GI TSIGS BCAD DANG LHUG PA GNYIS MI MTHUN PA'I DGONGS PA NI LAM GYI RIM PAR BSHAD ZIN LA, THIG GI GZHUNG LHAG MA NI GO SLA'O, ,ZLUM THIG BYED PA'I TSE SENG LDENG GI PHUR BU STENG RDO RJE RTZE LNGA PA 'OG RDO RJE RTZE GCIG PA'I RNAM PA CAN, H'Um LAS SKYES PAR BSAMS NAS, AOm BADZRA K'I LI K'I LA YA SARBA BIGH'AN H'Um ZHES PA 'AM, GHA GHA LA SOGS PA BRGYA RTZA BRGYAD BZLAS NAS, DKYIL 'KHOR GYI DBUS SU GDAB LA RDUNG BA'I SNGAGS KYIS BRDUNG NGO, ,DE LA THIG SKUD CHE CHUNG GO DRUG PA NYIS LTAB TU BTAGS TE DBANG LDAN NAS GA-YAS SKOR DU BSKOR RO, ,PHUR BU MED NA BSAM GTAN GYIS KYANG RUNG LA BSKOR ZIN NAS, PHUR BU DBYUNG BA'I SNGAGS DANG PHYAG RGYAS DBYUNG LA, RANG GI LAG GI RDO RJE LA THIM

PAR BSAM MO, ,BZHI PA NI, DE LTAR THIG THAMS CAD THEBS PA'I MTHAR, THIG SKUD KYI LHA LA MCHOD GTOR PHUL BA'I 'OG TU AOm A'A: H'Um BADZRA MU: ZHES PAS YE SHES PA GSHEGS LA THIG SKUD RANG GNAS SU BZHAG GO ,THOD LE KOR GYIS THIG GDAB PA'I CHO GA STE BZHI PA'O,, ,,GO RIM DUS RGYU 'KHEL TSUL TSAD, ,BYUG BKOD BZHAG BSKYED MCHOD BSRUNG MIG ,GTOR BZLAS GTOR BSANG SA MDZES BYA, ,MCHOD BSKYED PHYOGS MIG BZUNG GTANG RKANG, ,GA-YAS SKOR SLOB DPON NUB DANG LHOR,, GNAS NAS TSANGS GNYIS MER GNAS TE, ,SHAR DANG LHO DANG RLUNG GNAS NAS, ,NUB DANG BYANG GI RTZA THIG BZHI, ,ME DANG SRIN GNAS ZUR THIG GNYIS, ,ZLOS GDAB SGO DBYE LHAG MA LA'ANG, ,PHUR GDAB BSKOR PHYUNG GSHEGS PA NI, ,THIG CHOG SDOM DU BSDUS PA'O, ,GNYIS PA LHAG GNAS GSUM BYA BA LA GSUM, SA'I LHA MO LHAG GNAS, DKYIL 'KHOR GYI LHA LHAG GNAS, BUM PA LHAG GNAS SO, ,DANG PO NI, RANG ZHE SDANG RDO RJE'I NGA RGYAL GYIS GNOD MDZES MDUN DU BKUG STE BKA' NOD PA LA, BKA' BSGO BA SOGS BSGRUB THABS BZHIN BYAS TE, PHYOGS SKYONG BCU BKUG NAS PHYOGS RNAMS KYI KHRON PAR GZHUG ,BGEGS MTHAR BYED BSKYED LA PHUR BU BCUR BSGOMS TE PHUR BUS GDAB PA SOGS SNGAR BZHIN BYA, DE NAS RVA BA SOGS SNGAR BZHIN BYA LA RDO RJE'I RANG BZHIN GYI SAR BSKYED LA LHAG GNAS BYA'O, ,DKYIL 'KHOR GYI DBUS SU DRI'I DKYIL 'KHOR BYAS LA DER BAm LAS BYUNG BA'I SA'I LHA MO SER MO DGA' BA DANG LDAN PA'I THUGS CAN ZHI BA, NA BZA' DKAR PO MNAB SA PA, RGYAN BZANG PO SNA TSOGS PAS

, ,PA, ZHAL GCIG PHYAG GNYIS KYI GA-YAS PAS SKYABS SBYIN GYI PHYAG RGYA DANG, GA-YON PAS GSER GYI BUM PA BSNAMS PA BSKYED LA, LAG PA GA-YAS PAR ZLA BA'I STENG DU H'Um GSUM BSAMS TE, RDO RJE DANG BCAS PA'I SOR MO'I RTZE MOS SA LA LAN GSUM BSNUN PA DANG, DE'I SGRA DANG H'Um GI 'OD ZER GYIS BSKUL BAS SA GA-YOS PA'I GSEB NAS, SA YI LHA MO YE SHES PA 'THON PA DANG 'DRES NAS, BDAG GIS CI BGYI BA BKA' STZOL CIG CES BRJOD PAR BSAM MO, ,DE NAS MCHOD PA BSANG SBYANG SNGON DU 'GRO BAS SO SO'I SNGAGS DANG PHYAG RGYA BYAS TE, AOm PRI THI W'I DE WI SA P'A RI W'A RA PRA W'A RA SATA KA RAm AARGHAm PRA T'I TZTSA H'Um SV'A H'A, ZHES PAS MCHOD YON DANG, DE BZHIN DU P'A TYAm GIS ZHABS BSIL DANG, A'ANYTZA MA NAm GIS ZHAL BSIL DANG, PROKshA nAm GSI BSANG GTOR PHUL NAS, AOm PRI THI W'I DE W'I SA P'A RI W'A RA PUshPE P'U DZA ME GHA SA MU TRA SPHA RA nA SA MA YA SHR'I YE A'A: H'Um GIS ME TOG DANG, DE BZHIN DU DH'U PES BDUG SPOS, A'A LO KES MAR ME, GANDHES DRI, NEE WI TYAS ZHAL ZAS, SHAPTAS ROL MO RNAMS PHUL LA, RDO RJE DRIL BU 'DZIN PAS, SKYOB PA SANGS RGYAS THAMS CAD KYI, ,SPYOD PA'I TSUL GYI KHYAD PAR DANG, ,SA DANG PHA ROL PHYIN RNAMS LA, ,LHA MO KHYOD NI DBANG DU GYUR, ,SKYOB PA SH'AKYA SENG GE YIS, ,JI LTAR BDUD KYI DPUNG BCOM LTAR, ,DE BZHIN BDAG GIS BDUD KYI DPUNG, ,PHAM PAR BYAS TE DKYIL 'KHOR BRI, ZHES LAN GSUM BRJOD DE GSOL BA BTAB PAS DE LTAR GYIS SHIG CES GSUNGS NAS DE NYID DU THIM STE SA YI NGO BOR GNAS PAR BSAM LA, LAG PA RDO RJE NANG BSDAMS BYAS NAS SA

DE MNAN LA, AOm BADZRI BHA BA H'Um ZHES LAN GSUM BRJOD PAS, RDO RJE BSDAMS PA LAS BYUNG BA'I H'Um YIG 'OD ZER 'BAR BA 'PHROS PAS, DBANG CHEN GYI BAR RDO RJER BYAS PAR BSAMS NAS, AOm BADZRA dI dHA TIshthA ZHES LAN GSUM BRJOD PAS BYIN GYIS BRLAB BO, , DGUG GDAB RA BA RDO RJE'I SA, ,BSKYED BSKUL SRES MCHOD GSOL BA GDAB, ,GNAD BSDAMS BYIN GYIS BRLABS PA NI, ,SA YI LHA MO'I LHAG GNAS SDOM, ,GNYIS PA NI, DE NAS DKYIL 'KHOR GYI SA LA DRI ZHIM PO'I BDUD RTZI LNGA DANG BCAS PA LA YI GE GSUM GYIS BSNGAGS PAS BYUG CING, ME TOG GCAL DU DGRAM, RANG PHYI DRO KHRUS BYAS SHING LUS LA DRI BZANG POS BYUGS, CHAS GOS DMAR PO ME TOG GI PHRENG BA CAN GYON, GDONG DRI ZHIM POS BSGOS LA RIN PO CHE'I RGYAN RNAMS KYIS BRGYAN, AOm H'Um SV'A H'A DANG, AOm BADZRA AUshnI shA H'Um PHAt CES PAS GO RIM BZHIN DU LAN BDUN BSNGAGS PA'I RAS DMAR PO'I THOD DANG COD PAN GYIS BRGYAN PA, DKYIL 'KHOR GYI SHAR NAS NUB TU PHYOGS PAS 'DUG STE LHA'I RNAL 'BYOR BSGOM, TZANDAN DANG GUR GUM LA SOGS PA'I DRI BZANG PO BDUD RTZI LNGA DANG BSRES PAS, GTZO BO LNGA'I GNAS SU DRI'I MAndAL GRU BZHI PA RE DANG, LHA GZHAN RNAMS KYI GNAS SU ZLUM PO RE RE RANG RANG GI SNGAGS BRJOD LA BYUG CING ME TOG GI TSOM BU RE DGOD, DE NAS GZHAL YAS KHANG GDAN DANG BCAS PA BSGRUB THABS BZHIN BSKYED, DER LHA SO GNYIS RANG RANG GI SA BON LAS SAM CHO GA GSUM GYIS BSKYED, RANG GI SNYING KHA'I SA BON GYI 'OD ZER GYIS SNGAR NAM MKHAR BTEG PA'I RTEN DANG BRTEN PA'I DKYIL 'KHOR SPYAN DRANGS LA, DAM TSIG PA LA

, ,GZHUG LA DBANG BSKUR, LHA RE RE LA NYER SPYOD TSANG BA RE'AM MA 'BYOR NA BCU LAS MI NYUNG BA'I MCHOD PA CHU BZHI DANG BCAS PA BSHAM, BSANG SBYANG SNGON DU 'GRO BAS CHU BZHI NYER SPYOD DANG BCAS PA DANG 'DOD YON LNGA DANG BCAS PA NANG GI MCHOD PAS MCHOD DE BSTOD PAS BSTOD DO, ,BYUG DGRAM CHAS GZHUG RNAL 'BYOR BSGOM, ,THIG LE SNGAGS RTEN RTEN PA BSKYED, ,GZHUG DBANG MCHOD CING BSTOD PA NI, ,STA GON LHA YI CHO GA'I SDOM, ,GSUM PA LA GNYIS, BUM PA BSHAM PA DANG, BUM PA BSGRUB PA'O, ,DANG PO NI, BUM PA'I RGYU NI GSER DNGUL LAM ZANGS SAM SA LAS BYAS PA 'AM, DE LAS GZHAN JI LTAR RNYED PA YANG RUNG NGO, ,BUM PA'I CHAD NI RNAM RGYAL LA LTO BA'I THAD KA'I RGYAR SOR NYI SHU MTHA' BSKOR DU MTHO LNGA, MGRIN PA'I DPANGS SOR BRGYAD, MCHU'I 'PHYANG LA SOR GNYIS PA'I TSAD LDAN MED NA SBYIN BDAG LA MI SHIS PAS TSAD DANG LDAN PAR BYA, GZHAN RNAMS MA NGES PAR BSHAD DE KUN KYANG NAG PO MED PA RTZA BA DOR ZHING MA 'BYOR BA BUG PA DANG GAS PA MED PA, MCHU 'PHYANG ZHING MGRIN PA RING LA GSUS PA CHE BA RNAMS 'BRAS BTAGS PA 'AM, THOD LE KOR RAM TZANDAN GYI 'DE GU'AM RDO RGYUS DANG SA DKAR GYIS BYUG ,BUM PA'I GRANGS NI RGYAS PA LHA'I GRANGS DANG MNYAM PA DANG, DE MED NA PHYOGS DANG MTSAMS KYI LA BZHI BZHI DANG DBUS KYI STE DGU ,DE YANG MA 'BYOR NA PHYOGS KYI DBYE BAS SAM, YANG NA GSHEGS PA DANG GSHEGS MA DANG SEMS DPA' DANG SEMS MA DANG KHRO BO'I BUM PA STE LNGA'O, ,DE YANG MED NA RNAM RGYAL GYI

GCIG STE DE RNAMS THAMS CAD LA LAS BUM LHAG PAR BYA'O, ,MTSAN MA BRI BA NI GUR GUM LA SOGS PAS BUM PA'I LOG LA LHA RANG RANG GI GDAN GYI STENG DU, RANG RANG GI SA BON NAM PHYAG MTSAN RDUL TSON GYI SKABS BZHIN DU BRI, RNAM RGYAL GCIG LAS MED NA DE'I GDONG LA NYI MA'I STENG DU MI BSKYOD PA'I RDO RJE, 'OG TU ZLA BA LA RNAM SNANG GI 'KHOR LO, LHOR RIN PO CHE'I STENG DU RIN PO CHE DANG, NUB TU PADMA'I STENG DU PADMA, BYANG DU SNA TSOGS RDO RJE'I STENG DU RAL GRI DANG, DE'I GA-YON DU NYI MA'I STENG DU LAS THAMS CAD PA'I SNA TSOGS RDO RJE BRI STE, LAS BUM LOGS SU YOD NA DE'I GDONG LA DE LTAR BRI'O, ,GOS DKAR PO LA SOGS PA SNA LNGA GANG RUNG ZUNG GIS MGUL PA THOR COG GSUM PA'I TSUL GYIS BCING, H'Um LAN BDUN BZLAS PA'I SRAD BU DKAR PO BDUN GYIS AOm BADZRA SHE KHA RA RU tA MA tA DE SHAm BANDHA H'Um ZHES PAS MGUL CHINGS DKRI, DE NAS BUM PA LA GU GUL GYIS BDUG ,LAS THAMS CAD PA'I SNGAGS BZLAS PA'I YUNGS KAR GYIS BRDEG LA BGEGS BSKRAD CING, RTA GLANG DANG BONG BU SOGS KYIS MA BGROD PA'I CHU GTZANG MA SROG CHAGS MED PA SNOD GZHAN LA MA REG PA BLANGS LA, DRI BZANG DANG BSRES PAS RAN PAR DGANG, DE DAG GI NANG DU GSER DNGUL MU TIG BYU RU PADMA R'A GA 'AM, PADMA R'A GA MED NA ZANGS SAM DUNG DANG DNGUL GYI DOD LA MU MEN GYIS KYANG RUNG STE RIN PO CHE LNGA DANG, GRO NAS TIL MON SRAN GRE'U DANG MON SRAN RDE'U STE 'BRU LNGA DANG, GA BUR GUR GUM TZANDAN DKAR DMAR BLA RTZI STE DRI LNGA DANG, BRI H'A T'I K'AndA K'A RI HA SA DE BA AA PA R'A DZI TA, DAndA AUTPA LA'I RTZA BA STE SMAN LNGA RNAMS GZHUG ,'BYOR PA CHUNG NA RNAM RGYAL

, ,DANG LAS BUM GNYIS RIN PO CHE'I SNYING PO CAN DU BYA'I BUM PA BZHI NI MA YIN NO, ,DE YANG RNAM RGYAL NGES PAR RIN PO CHE'I SNYING PO CAN DU BYA BAR BSHAD PAS, BUM PA DANG MGUL CHINGS DANG NANG RDZAS LA SOGS PA RNAMS SLOB MAS SGRUB PA YIN NO, ,YAL GA DANG LO MA DANG LDAN PA'I SHING GIS KHA BRGYAN, GTZO BO YIN PA DANG BYA BA MANG BA'I PHYIR RNAM RGYAL GYI STENG DU H'Um GIS BSNGAGS PA'I DUNG CHOS SAM THOD PA 'AM RDZA PHOR BDUD RTZI LNGA DANG BCAS PA'I DRI BZANG GI CHUS BKANG BA'I STENG DU, ME TOG GI PHRENG BA DBUS SU BCINGS PA'I RDO RJE BZHAG ,STA GON GYI DKYIL 'KHOR GYI PHYI ROL RDO RJE'I RVA BA'I NANG DU SHAR LA SOGS PA'I PHYOGS MTSAMS SU KU SHA'I GDAN LA DGOD GTZO BO'I BUM PA NI DBUS SU'O, ,GNYIS PA NI, DE NAS BUM PA RNAMS AOm A'A: BIGHN'AN TA KRiTA H'Um ZHES PAS BSANG, SH'U N+YA T'AS STONG PAR SBYANGS, STONG PA'I NGANG LAS BAm LAS BYUNG BA'I RIN PO CHE'I BUM PA MTSAN NYID DANG LDAN PAR BSKYED, AOm TAPTE TAPTE MAH'A TAPTE SV'A H'A, ZHES BZLAS PAS DRANGS PA'I LHA'I CHU BO GANGGA DANG BUM PA'I CHU GNYIS DBYER MED PAR MOS LA, BUM PA RGYAS PAR YOD NA BUM PA SO SOR RANG RANG GI GDAN DANG, BCU DANG DRUG YOD NA'ANG JI LTAR BSDUS PA'I LHA RNAMS KYI GDAN DANG, RNAM RGYAL GCIG LAS MED NA DER LHA YONGS RDZOGS KYI GDAN BSAMS LA LHA SO GNYIS DANG, LAS BUM LA BGEGS MTHAR BYED LHAG PAR MOS PA'AM SO SO'I SA BON NAM CHO GA GSUM GYIS BSKYED, BUM PA'I MTSAN MA RNAMS KYANG RANG RANG GI LHAR BSKYED, RANG GI THUGS KHA'I H'Um YIG GI 'OD ZER GYIS

YE SHES PA'I DKYIL 'KHOR SPYAN DRANGS PA LA, MCHOD YON LA SOGS PA PHUL LA, DZA: H'Um BAm HO: SA DGUG GZHUG BCING MNYAS BYA, RANG RANG GI RIGS BDAG YAB YUM GYIS BYANG CHUB KYI SEMS KYIS DBANG BSKUR, SNGAR LTAR MCHOD BSTED BDUD RTZI MYANG BA BYA STE, BUM PA'I LHA LA YANG LHA GRANGS DANG MNYAM PA'I NYER SPYOD DBUL BAR BSHAD DO, ,DUNG CHOS SU LHA TSANG BA SKYED PA LA KHUNGS THUB KYI GZHUNG GZHAN MI SNANG LA, MTSO SKYES KYIS, SNGAR GSUNGS PA YI BUM PA LAS, ,THAMS CAD CHU LAS KHAM PHOR DU, ,NYUNG ZAD BLUGS TE RNAM RGYAL GYIS, ,BUM PA BAm LAS BSKYED PA YI, ,RIN CHEN BUM PA'I STENG BZHAG BYA, ,DER NI DKYIL 'KHOR BSKYED BYA STE, ,ZHES GSUNGS PA YANG GZHUNG DER RNAM RGYAL DU LHA SKYED PA ZUR DU BSHAD PA CIG YOD NA, DER NI ZHES PA'I DON RNAM RGYAL GYI STENG GI KHAM PHER DER SKYED PA LA BSHAD DU RUNG YANG, DE MI 'DUG PAS RNAM RGYAL DU DKYIL 'KHOR SKYED PA'I KHUNGS SU SNANG NGO, ,SLOB DPON LA BA PAS, DE'I STENG DU MCHOD YON GYI SNOD DRI ZHIM PO'I CHU ME TOG DKAR PO DANG BCAS PA BZHAG STE, DE'I STENG DU ME TOG GI PHRENG BA BCINGS PA'I RDO RJE BZHAG LA, ZHES DANG, ME TOG DKAR PO DANG BCAS PA'I MCHOD YON BUM PAR PHUL BAS, ZHES DUNG CHOS NI BZLAS PA ZIN PA'I 'OG TU BUM PA'I LHA LA MCHOD YON 'BUL BA'I SNOD DU GSUNGS PAS, 'DIR DER LHA SKYED PAR MA BYAS SO, ,DES NA DE'I CHU'I SGRUB LUGS NI, AOm BADZRA AA MRI TA AUDAKA H'Um ZHES PA DANG, YI GE GSUM LAN BDUN BZLAS TE BSNGAGS PAS YE SHES KYI BDUD RTZIR BYAS PA'I RDO RJE'I

, ,RDUL PHRA RAB KYI RANG BZHIN DU SEMS PAR PHRENG BA LAS GSUNGS PA DE NYID YIN PAS DE BZHIN DU BYA'O, ,DE NAS H'Um ZHES BZLAS SHING RDO RJE LA BTAGS PA'I ME TOG GI PHRENG BA'I MTHAR LAG PA GA-YON PA'I KHU TSUR GYIS BZUNG LA GTZO BO'I SNGAGS BRGYA RTZA BRGYAD DANG, CHU LA AU DA KA BRGYA RTZA BRGYAD BZLA, DE NAS BUM PA SO SO'I STENG DU RDO RJE ME TOG GI PHRENG BA DANG BCAS PA SPROS LA SNGA MA BZHIN DU BZUNG NAS SO SO'I SNYING PO 'AM PHRENG SNGAGS BRGYA RTZA BRGYAD DAM NYER GCIG RE BZLA, LAS THAMS CAD PA LA MTSAN SNGAGS BRGYA RTZA BRGYAD DANG PHRENG SNGAGS LAN BDUN BZLA, BZLAS PA'I DMIGS PA NI BSGRUB THABS KYI SKABS BZHIN BYA'O, ,THAMS CAD LA THUN MONG DU DMIGS NAS YI GE GSUM BRGYA RTZA BRGYAD DANG YI GE BRGYA PA LAN BDUN BRJOD PAS, LHA RNAMS CHAGS PA CHEN PO'I MES ZHU NAS BYANG CHUB KYI SEMS KYI NGO BOR BUM PA'I CHU DANG RO GCIG TU GYUR PAR BSAMS LA, GTZO BO'I SNGAGS DANG H'Um LAN BDUN BZLAS NAS DUNG CHOS KYI CHUS BUM PA RNAMS SU MCHOD YON DBUL, LAS THAMS CAD PA BZLAS PA'I ME TOG DKAR PO GSUM GSUM YANG GZHUG GO ,DE NAS ME TOG LA SOGS PAS MCHOD DE LAS BUM GYI CHUS DE'I KHA RGYAN GYI YAL 'DAB NYID KYIS BSANGS TE, DKYIL 'KHOR GYI BYA BA RNAMS RDZOGS PA DE SRID DU BGEGS RNAMS ZLOG PAR MDZOD CIG CES BRJOD LA, GTOR MA PHUL TE REG LA BSTOD PA SNGON DU 'GRO BAS DRIL BU DKROL BAR BYA'O, ,DE NAS BUM PA RNAMS LA GA BUR DANG AA GA RUS BDUGS PA'I RAS KYIS DGAB LA GNAS DBEN

PAR SBA, RANG DANG SLOB MA LA BSANG GTOR BYA BA'I DON DU LAS BUM KU SHA'I CHUN PO DANG BCAS PA SHAR SGO'I BYANG DU BZHAG GO ,BUM BZLAS DANG MCHOD PA NI NYI MA RE RE LA THUN GSUM GSUM MAM GCIG TU BYA'O, ,SA YI LHA MO LA SOGS PA LHAG PAR GNAS PA'I CHO GA STE LNGA PA'O, ,RGYU TSAD GRANGS MTSAN MGUL CHINGS SKUD, ,BDUG BSKRAD DGANG GZHUG DUNG RDO RJE, ,DGOD BSKYED GZHUG DBANG MCHOD BSTOD MYANG, ,BZLAS BZHU MCHOD YON ME TOG DBUL, ,MCHOD BSANG GSOL GDAB GTOR MA BSTOD, ,SBA BZHAG BZLAS MCHOD BUM CHOG SDOM, ,THIG GDAB PA MA GTOGS PA'I LHAG GNAS RNAMS NI RAS RIS KYI CHO GA LA YANG BYA'O, ,GSUM PA NI, DE NAS SNGAR BSHAD PA BZHIN SPRO BA SKYED PA DANG SNYAN MNAN PA DANG NGA RGYAL 'DZIN PA RNAMS BYAS LA, MDUN GYI DKYIL 'KHOR GYI 'KHOR LO DANG, BAR SNANG LA RIGS LNGA'I TSOGS DPAG TU MED PA BSAMS LA, LAG PA GA-YAS PAS SPOS PHOR THOGS GA-YON PAS DRIL BU DKROL ZHING, LCE H'Um LAS SKYES PA'I RDO RJER BYAS, ,PUS MO SA LA BTZUGS TE, THUGS RJE YI NI BDAG CAN BDAG ,SLOB MA RNAMS LA RJES BRTZE DANG, ,KHYED RNAMS LA YANG MCHOD SLAD DU, ,SANG NI DKYIL 'KHOR 'DRI BAR 'TSAL, ,BCOM LDAN GUS PAS BDAG LA NI, ,DE PHYIR BKA' DRIN MDZAD PAR 'OS, ,RDO RJE CAN BDAG CHE GE MO, ,GSANG 'DUS DKYIL 'KHOR MDZES PAR NI, ,CHO GA CI NUS YO BYAD KYIS, ,SANG NI YANG DAG 'DRI BAR 'GYUR, ,DE PHYIR SLOB MAR BCAS BDAG LA, ,RJES SU BRTZE BAR NYER BZUNG NAS, ,'KHOR BCAS KUN GYIS DKYIL 'KHOR LA, ,

, ,BYIN GYIS BRLAB PAR MDZAD PAR 'OS, ,ZHES PA'I DON YID LA BRNAGS PAS LAN GSUM DU BRJOD DE, GSOL BA BTAB PAS DGYES BZHIN DU GNANG BA BYIN PAR BSAM MO, ,GSOL BA GDAB PA'I CHO GA STE DRUG PA'O, ,BZHI PA SLOB MA LHAG GNAS LA GSUM, DANG POR BYA BA'I CHO GA ,BAR DU BYA BA'I CHO GA ,THA MAR BYA BA'I CHO GA'O, ,DANG PO NI, SNGAR BSHAD PA'I MTSAN NYID DANG LDAN PA'I SLOB MA RNAMS KHRUS BYAS GOS GTZANG MA BGOS TE SHAR SGOR BZHAG ,LAG TU ME TOG GI PHRENG BA BZUNG STE THAL MO SNYING KHAR SBYAR, PUS MO SA LA BTZUGS PA LA, AOm A'A: BADZRA DHRI KA H'Um ZHES BZLAS PA'I SNGAGS CHUS LAN BDUN GDONG LA GTOR LA LAS KYI SGRIB PA SBYANG, DE NAS BLA MA DANG DKYIL 'KHOR GYI GTZO BO LA MAndAL GYIS MCHOD NAS, SLOB DPON KHYOD NI DGONGS SU GSOL, ,DGA' CHEN KHYOD BDAG STON PA STE, ,BYANG CHUB CHEN PO'I TSUL BRTAN PA, ,MGON PO CHEN PO BDAG 'TSAL LO, ,DAM TSIG DE NYID BDAG LA STZOL, ,BYANG CHUB SEMS KYANG BDAG LA STZOL, ,SANGS RGYAS CHOS DANG DGE 'DUN TE, ,SKYABS GSUM BDAG LA STZAL DU GSOL, ,THAR PA CHEN PO'I GRONG MCHOG TU, ,MGON POS BDAG NI GZHUG TU GSOL, ,ZHES DON DRAN BZHIN PAS 'DUN PA DRAG POS GSOL BA LAN GSUM GDAB BO, ,GNYIS PA LA LNGA, KUN SLONG BCOS SHING NANG DBANG BSKUR BA, SNGAGS LA MOS PA BRTAN PO 'DZIN DU GZHUG PA, SDOM PA GZUNG ZHING BYIN GYIS BRLAB PA, SO SHING DOR TE KHYOR CHU SOGS SBYIN PA, CHOS BSHAD DA SPRO BA BSKYED PA'O, ,DANG PO NI, BLA MAS, LA LA GSANG SNGAGS

SGRUB DON GNYER, ,'DI NI DKYIL 'KHOR 'JUG PAR BYED, ,BSOD NAMS 'DOD PAS DE LAS GZHAN, ,GZHAN DAG 'JIG RTEN GZHAN DON GNYER, ,'JIG RTEN PHA ROL DON GNYER BA'I, ,DAD PA MANG DU BYED PA YIS, ,BLO LDAN DKYIL 'KHOR 'JUG BYA YI, ,TSE 'DI'I 'BRAS BU 'DOD MI BYA, ,TSE 'DI 'DOD PAR GYUR PA LA, ,'JIG RTEN PHA ROL DON MI 'GYUR, ,'JIG RTEN PHA ROL DON GNYER SKYES, ,'JIG RTEN 'DI YI 'BRAS BU RGYAS, ,ZHES BRJOD LA, TSE 'DI'I MNGON MTHO TZAM 'DOD NAS SNGAGS SGRUB PA'I PHYIR DU 'JUG PA DANG, TSE PHYI MA'I MNGON MTHO TZAM 'DOD NAS BSOD NAMS 'DOD PAS 'JUG PA DANG, 'JIG RTEN 'DI PHYI'I MNGON MTHO TZAM LAS GZHAN SKU GSUM GYI GO 'PHANG DON DU GNYER NAS DKYIL 'KHOR DU 'JUG PA GSUM LAS, SNGA MA GNYIS LTAR MI BYA BAR PHYI MA LTAR GYI BSAM PA SKYED DGOS PA RGYU MTSAN DANG BCAS PA BSHAD LA KUN SLONG BCOS SO, ,RANG GTZO BOR GSAL BA'I THUGS KHA'I SA BON GYI 'OD ZER GYIS, ,SLOB MA RE RE NAS RANG GI KHA NAS BCUG PA RDO RJE'I LAM NAS 'THON NAS YUM GYI PADMAR MI BSKYOD PA ZHAL GCIG PHYAG GNYIS PA'I RNAM PAR GNAS PA LA, SNYING KHA'I SA BON GYI 'OD ZER GYIS RIGS LNGA YAB YUM BKUG STE, KHA NAS ZHUGS SHING ZHU BA SNGAR BZHIN 'THON PA, SLOB MA LA RE NAS DBANG BSKUR BAR BSGOMS NAS PADMA LAS PHYUNG STE DKYIL 'KHOR GYI SHAR SGOR BZHAG GO ,GNYIS PA NI, DE NAS SLOB MA GCIG GTZO BOR BYAS TE DE'I SGO NAS THAMS CAD LA 'DI SKAD CES, BU TSUR SHOG CIG THEG CHEN PO, ,GSANG SNGAGS SPYOD TSUL CHO GA NI, ,KHYOD LA YANG DAG BSTAN PAR

, ,BYA, ,KHYOD NI TSUL CHEN SNOD YIN GYIS, ,SKU GSUNG THUGS KYI RDO RJE CAN, ,DUS GSUM 'BYUNG BA'I SANGS RGYAS RNAMS, ,RDO RJE SNGAGS KYI MTHU YIS NI, ,YE SHES MNYAM MED YANG DAG BRNYES, ,GSANG SNGAGS SBYOR BA MNYAM MED PA, ,GANG GIS SH'AKYA SENG GE SOGS, ,MCHOG RNAMS KYIS NI BDUD KYI SDE, ,MI BZAD CHEN PO STOBS CHEN BCOM, ,'JIG RTEN RJES 'JUG RTOGS NAS NI, ,'KHOR LO BSKOR NAS MYA NGAN 'DAS, ,DE BAS KUN MKHYEN THOB BYA'I PHYIR, ,BU YIS BLO GROS 'DI GYIS SHIG , CES BYA BA'I DON BSHAD LA MOS PA BRTAN PAR BYA'O, ,GSUM PA NI, DE NAS SLOB MA LA SKYABS SU 'GRO BA DANG SDIG PA BSHAGS PA DANG DGE BA LA YID RANG BA SNGON DU 'GRO BA CAN GYI SANGS RGYAS KYI BYANG CHUB TU SEMS BSKYED PA'I 'JUG PA'I SDOM PA GZUNG BAR BYA'O SNYAM PA'I 'DUN PA DRAG PO BSKYED LA, BLA MAS, DKON MCHOG GSUM LA SKYABS SU MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,ZHES BZLAS PA'I RJES SU RJES ZLOS LAN GSUM GYIS THUN MONG GI SDOM PA 'DZIN DU BCUG NAS ,RIGS LNGA SPYI DANG SO SO'I DAM TSIG THAMS CAD DUS 'DI NAS BYANG CHUB MA THOB KYI BAR DU, SEMS CAN THAMS CAD KYI DON DU BSRUNG SNYAM PA'I 'DUN PA DRAG PO SLOB MA LA BSKYED LA, BLA MAS, SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL ,BDAG CHE GE MO ZHES BGYI BAS DUS 'DI NAS BZUNG STE, BYANG CHUB SNYING PO LA MCHIS KYI BAR DU, JI LTAR DUS GSUM MGON PO RNAMS, ,ZHES PA NAS,

SEMS CAN MYA NGAN 'DAS LA DGOD, CES BZLAS PA'I RJES SU RJES BZLOS LAN GSUM BYED DU BCUG LA, THUN MONG MA YIN PA RDO RJE SEMS DPA'I SDOM PA 'DZIN DU GZHUG GO ,SDOM PA 'DI GNYIS GANG YANG BSRUNG MI NUS NA CHU DBANG YAN CHAD GANG YANG MI BSKUR BA DANG, THUN MONG GI SDOM PA SRUNG LA GNYIS PA SRUNG MI NUS NA, BUM DBANG GI GTZO BO YAN CHAD MI BSKUR BAR GSUNGS PAS, LEN PA'I TSE CHO GA MA CHAD CING BRDA 'BYOR LA, LEN 'DOD DANG BSRUNG 'DOD DRAG PO DANG, 'BOGS PA PO YANG SNGAGS KYI RTZA LTUNG DANG MI LDAN PA'I SDOM LDAN GYIS CHO GA BYA BA NI SHIN TU GAL CHE'O, ,DE NAS SLOB MA LA BGEGS MTHAR BYED BZLAS PA'I DRI'I CHUS GTOR NAS BSRUNGS LA SLOB MA RNAMS KYI SNYING KHAR RDO RJE NAG PO RTZA LNGA'I LTE BA LA H'Um, MGRIN PAR PADMA DMAR PO 'DAB MA BRGYAD PA'I LTE BA LA A'A: SPYI BOR 'KHOR LO DKAR PO RTZIBS BRGYAD PA'I LTE BA LA AOm BSAM ZHING, SLOB DPON GYIS DRI'I CHU DANG BCAS PA'I RDO RJES REG CING AOm A'A: H'Um ZHES BRJOD PAS YI GE GSUM GYI 'OD ZER GYIS DRI MA MED PAR BLTAS LA, DE'I SPYI BOR ME TOG DANG MDUN DU BDUG SPOS DANG MAR ME DANG, SNYING KHAR DRI'I BYUG PA DBUL LO, ,BZHI PA NI, 'O MA CAN GYI SHING HA CANG SBOM PA DANG PHRA BA MIN PA, DRANG ZHING TSIGS MED PA MA GAS PA RMA MED PA, MGO MJUG MNYAM PA, DRI'I CHUS BKRUS SHING BDUG PAS BDUGS PA SOR BCU GNYIS PA RTZE MOR ME TOG BCINGS PA, SLOB DPON BYANG DU PHYOGS TE YI GE GSUM BZLAS NAS SLOB MA LA BYIN LA, SA LA BGEGS MTHAR BYED KYI SNGAGS KYIS BSNGAGS NAS, DRI BZANG DANG BA BYUNG GIS BA'I KO BA'I SRAB 'THUG TZAM DU KHRU BZHI PA GRU BZHI RU

, ,BYUGS NAS, SLOB MA KHA SHAR RAM BYANG DU PHYOGS PAS, AOm BADZRA H'A SA H'A: ZHES PAS RTZE MO NAS 'CHOS TE, AOm PRA TI BADZRI SA MA YA AI SHVA RI A'A: H'Um SV'A H'A, ZHES BZLAS NAS MIG STENG DU BLTA ZHING LTOS PA MED PAR MAndAL GYI STENG DU DOR RO, ,RTZE MO STENG DU BLTAS NA RIG 'DZIN, BLA MA LA PHYOGS NA MCHOG ,THUR DU BLTAS NA SA 'OG ,SHAR BYANG NUB LHOR BLTAS NA ZHI RGYAS DBANG DRAG 'GRUB LA, PHYI ROL TU LHUNG NA DNGOS GRUB MED DO, ,DE NAS PAm LAS BYUNG BA'I DRI BZANG GI CHU, AOm A'A: H'Um BZLAS TE AOm HR'I: SU BI SHUDDHA DHARMA SARBA P'A P'Am NI TZ'A AA S+YA BI SHO DHA YA SARBA BI KALP'AN AA PA NA YA H'Um, ZHES BZLAS TE KHYOR BA GSUM 'THUNG DU BCUG PAS SGO GSUM GYI SDIG PA THAMS CAD SBYANGS SHING RNAM PAR RTOG PA RNAMS BSAL BAR BSAM MO; ;DE NAS KU SHA RTZA BA DANG RTZE MO MA NYAMS PA MANG BA H'Um LAS BYUNG ZHING DE'AM LAS THAMS CAD PA BZLAS PA STAN GYI DON DANG, KU SHA NYUNG BA DH'I: LAS BYUNG ZHING DE DANG LAS THAMS CAD PA BZLAS PA SNGAS KYI DON DU, AOm BADZRA TIKshA BAm ZHES PAS LAG PA GA-YON PA'AM THAL MO GNYIS KYI BAR DU SBYIN PA NI BKRA SHIS PA'I RMI LAM MI 'KHRUL BA'I DON DU'O, ,DE NAS GZHON NU MAS BKAL BA'I SKUD PA DMAR PO H'Um LAS BYUNG BA GSUM SGRIL KHRU GANG SOR BZHI PA, YI GE BRGYA PA LAN GSUM BZLAS LA ZHABS BSIL GYI CHUS BSANG, RDO RJE GSUM GYI MDUD PA GSUM DANG LDAN PA DPUNG BA GA-YAS PA'AM GA-YON PA LA, AOm BUDDHA MEm TRI RAKshA RAKshA SARBAN SV'A T'A, ZHES ZLOS SHING LAN GSUM DU BCINGS LA, AOm LO TZA NI YA TH'A TAD TVA SAm PRA TAm MI BHA SHUTI

TAD TVAm, RATNA TRA YAS TI NA NA DIR SHA YA SV'A H'A, ZHES PA LAN GSUM BZLAS LA SLOB MA LA ME TOG GTOR RO, ,DE NAS SLAR YANG SKU GSUNG THUGS BYIN RLABS DANG KHYOR CHU SBYIN PA GNYIS BYA, RGYUD RDOR PHRENG LAS SKYE MCHED BYIN GYIS BRLAB PAR GSUNGS TE RGYAS BSDUS SU MNGON, LNGA PA NI, DE NAS BLA MAS, 'JIG RTEN DU NI KUN MKHYEN DAG ,AU DUM WA RA'I ME TOG LTAR, ,BRGYA LAM NA NI RES 'GA' ZHIG ,'BYUNG 'GYUR YANG NI MI 'BYUNG NGO, ,GSANG SNGAGS SPYOD PA'I TSUL 'BYUNG BA, ,DE BAS KYANG NI DKON PA STE, ,GANG GIS MNYAM MED SEMS CAN DON, ,MYA NGAN MI 'DA' BYED PAR NUS, ,SANGS RGYAS RNAMS KYIS CHOS BSTAN PA, ,BDEN PA GNYIS LA YANG DAG BRTEN, ,'JIG RTEN KUN RDZOB BDEN PA DANG, ,DAM PA'I DON GYI BDEN PA'O, ,ZAB CING RGYA CHE ZHES BSHAD PA, ,RNAM PAR RTOG MED ZAB PA STE, ,RGYA CHE SANGS RGYAS RNAMS KYI SKU, ,'DI NI BDEN PA GNYIS SU BSHAD, ,KUN RDZOB DANG NI DAM PA'I DON, ,PHYE STE SO SOR SHES NAS SU, ,DE NAS GCIG TU 'DRES BYAS PA'I, ,ZAD MED GO 'PHANG BSGOM PAR BYA, ,DE YIS KUN TU KUN LAS KUN, ,RNAM KUN KUN TSE RANG NYID NI, ,SANGS RGYAS THAMS CAD RANG BZHIN DU, ,GRUB PAR RANG NYID KYIS MTHONG 'GYUR, ,BYANG CHUB SUS KYANG BYIN MA YIN, ,SU YIS KYANG NI GZUNG MA YIN, ,RANG CHOS YONGS SU SHES PA LAS, ,DE LA SANGS RGYAS SANGS RGYAS BRJOD, ,SEMS CAN BAG LA NYAL DBYE BA, ,YANG DAG MGON POS DE NYID NI, ,'BAD PAS SBAS NAS PHUNG PO YI, ,RIN CEN ZA MA TOG TU BZHAG ,DE PHYIR BLA MA'I ZHABS KYI NI, ,DRIN GYIS 'BAD PAS

, ,RTOGS BYA STE, ,DE NYID KYIS YID GSAL GYUR PAS, ,DE NAS SPYOD PA RAB TU BYA, ,'DI LA GTZANG SGRA NGES SDOM MED, ,DKA' THUB MED CING DKA' SPYAD MED, ,DKA' SPYAD MED CING NGES MED LA, ,BDE BA BSTEN PAS 'GRUB PAR 'GYUR, ,BSKAL PA BYE BA DU MA RU, ,SNGON DU SDIG PA BYAS PA GANG, ,DKYIL 'KHOR 'DI 'DRA MTHONG MA THAG ,DE DAG THAMS CAD ZAD PAR 'GYUR, ,GANG GIS SPYOD PA'I MCHOG 'DI LA, ,BLO GROS SHIN TU DRI MED NA, ,SDUG BSNGAL THAMS CAD 'BYUNG BA YI, ,NGAN 'GRO DE YIS GCOD PA 'GYUR, ,BDAG NYID CHEN PO KHYED RNAMS KYIS, ,RNYED PA BLA MED DE RING RNYAD, ,GANG PHYIR RGYAL BA SRAS BCAS PAS, ,BSTAN PA 'DI LA KHYED RNAMS KUN, ,YONGS SU GZUNG STE SKYE BZHIN PAR, ,BDAG NYID CHEN PO KHYED GNAS TE, ,GANG GIS KHYED RNAMS THEG CHEN DU, ,SANG NI RAB TU SKYE 'GYUR BA, ,THEG PA CHEN PO CHAR 'BYUNG BA'I, ,LAM MCHOG 'DI NI DPAL DANG LDAN, ,KHYED RNAMS DER NI DANG BAS NA, ,RANG 'BYUNG BSKAL PA CHEN PO PA, ,'JIG RTEN THAMS CAD MKHYEN PA YI, ,DE BZHIN GSHEGS PA RNAMS SU 'GYUR,, ZHES PA'I DON BSHAD DE SPRO BA BSKYED DO, ,GSUM PA NI, DE NAS SLOB MA RNAMS LA LAS THAMS CAD PA'I SNGAGS KYIS BZUNG ZHING BZLAS PA'I DON DU SNGAGS BYIN LA, NAM GYI CHA BZHI'I THA MA LA RMI LAM BRTAGS LA NANG PAR NGA LA SMROS SHIG CAS BRJOD NAS DKYIL 'KHOR GYI KHANG PA 'AM, GZHAN DU KU SHA CHE BA STAN DANG CHUNG BA SNGAS SU CHUG LA SENG GE'I NYAL STABS KYIS SHAR PHYOGS SAM, SO SHING DOR BA MGO GANG DU BLTAS PA DER MAG STON LA NYOL CIG CES BYA'O, ,RANG NYID DKYIL 'KHOR GYI KHANG PAR

ZHUGS NAS LAS THAMS CAD PA BZLAS SHING, SO SHING DOR BA MGO GANG DU BLTAS PA DER MGO BSTAN TE NYAL LA, NANG PAR SNGA BAR LANGS NAS GTOR MA BTANG STE, SLOB MA RNAMS LA RMI LAM DRIS LA, DKON MCHOG GSUM DANG MDZA' BSHES MTHONG BA SOGS BZANG NA SPRO BA BSKYED, RI LAS LHUNG BA SOGS NGAN NA LAS THAMS CAD PA'I SNGAGS KYIS BSRUNG BA DANG, BDAG MED PA'I DON BSHAD PA DANG, ZHI BA LAS THAMS CAD PA'AM SO SO'I SBYIN SREG BYA ZHING GTOR MA BTANG NGO, ,DE NAS SLOB DPON GTZO BO'I RNAL 'BYOR DANG LDAN PAS STA GON GYI DKYIL 'KHOR LA MCHOD NAS SNGAR GYI SNGAGS RGYAS NAM MKHA' LA BTEG STE BZHAG GO ,SLOB MA LHAG PAR GNAS PA'I CHO GA NI RAS RIS KYI CHO GA LA YANG 'DRA STE, THIG MA GTOGS PA PHRENG BAR BSHAD PA'I SA GZUNG BA MAN CHAD BSAM GTAN GYI CHO GA LA YANG BYA BAR BSHAD DO, ,SLOB MA LHAG PAR GNAS PA'I CHO GA STE BDUN PA'O,, ,,GSOL GDAB KUN SLONG NANG DBANG DANG, ,'DZIN GZHUG SDOM BZUNG BYIN BRLAB MCHOD, ,SO SHING KHYOR CHU KU SHA SRUNG, ,BYIN BRLAB KHYOR CHU CHOS BSHAD BSRUNG, ,NYAL GTOR DRI MCHOD GDEG PA NI, ,SLOB MA LHAG PAR GNAS PA'I SDOM, ,GSUM PA DNGOS GZHI'I CHO GA LA GSUM, YE THIG GDAB CING TSON DGYE BA, ,BUM PA DGOD CING DKYIL 'KHOR BRGYAN PA; BSGRUBS SHING MCHOD NAS DBANG BSKUR BA'O, ,DANG PO LA GSUM, YE THIG GDAB PA DANG, TSON DGYE BA DANG, BGEGS BZLOG THABS SO, ,DANG PO LA GNYIS, YE THIG 'DU BYA BA DANG, 'DEBS PA'I RIM PA GSHEGS GSOL DANG BCAS PA'O, ,DANG

, ,PO NI, SNGAR BSHAD PA LTAR GYI THIG SKUD DKAR PO LNGA TSAN LNGA SNOD LNGAR BZHAG LA YUNGS KAR GYI PHYE MA DANG BDUD RTZI LNGA DANG DRI ZHIM PO BSRES PA'I TSON SNA LNGAS SKUD PA RNAMS SO SOR KHA BSGYUR, THIG SKUD NAG PO H'Um LAS MI BSKYOD PA, DKAR PO AOm LAS RNAM SNANG, SER PO SVA LAS RIN 'BYUNG, DMAR PO A'A: LAS 'OD DPAG MED, LJANG KHU H'A LAS DON GRUB KYI NGO BOR BSGOMS LA, SA BON DE RNAMS BZLAS TE SNOD GTZANG MAR BZHAG ,DPON SLOB GNYIS SNGAR LTAR BSKYED PA'I SLOB MA LA, H'Um AOm SV'A A'A: H'A ZHES BRJOD DE BYIN LA SLOB MAS KYANG DE NYID BRJOD CING BLANGS TE, LAG PA GA-YON PA'I SOR MO'I RTZE MO NAS MTHE BO'I RTZA BA'I BAR DU, NAG DKAR DMAR SER LJANG BA'I RIM PAS BKOD NAS BRKYANG LA, SNGAR NAM MKHAR BZHUGS SU GSOL BA'I DE BZHIN GSHEGS PA LNGA'I THUGS KAR, H'Um LA SOGS PA LAS GRUB PA'I YE SHES KYI THIG SKUD 'OD ZER LNGA'I RANG BZHIN CAN RNAMS BLTAS LA, AOm A'A: KAshO BH+YA BADZRA S'U TRAm ME PRA YATZTSA MAH'A MAndA LA S'U TRA NA YA H'Um, ZHES PAS MI BSKYOD PA LA GSOL BA GDAB, AA KshO BH+YA YI GNAS SU, SH'A SHVA TAS RNAM SNANG DANG, RATNA SAMBHA BAS RIN 'BYUNG DANG, AA MI T'A BHA BAS 'OD DPAG MED DANG, AA MO GHA SID DHA ZHES BCUG LA DON YOD GRUB PA LA GSOL BA GDAB BO, ,DE NAS RANG GI MIG GNYIS SU YI GE DZA: LAS NYI MA DANG ZLA BA SER PO BSKYED, AOm D'I PTA DRIshAt AAm KU SHA DZA: ZHES BRJOD CING MYUR DU MIG GI RDZI MA 'DEGS SHING RDEBS PA'I 'BAR BA'I LTA STANGS LCAGS KYU LTA BUS BKUG PA'I YE SHES KYI THIG RANG RANG GI MDOG CAN GYI SA BON GYI YI GE'I GZUGS RId

LNGA'I THUGS KA NAS BTANG BA LAG PA'I THIG SKUD SO SO LA THIM PAR BSGOMS LA, AOm A'A: AA N+YO N+YA AA NU GA T'A: SARBA DHARM'A: SPHA RA SPHA RA AA NU PRA BIshAt'A: SARBA DHARM'A: AA T+YAN TA AA NU PRI BIshA't: SARBA DHARMM'A: AOm A'A: H'Um ZHES ZLOS SHING DANG PO LNGA LNGAR BSGRIL, DE NAS LNGA PO GCIG TU BSGRIL TE TSAD NI SNGAR DANG 'DRA'O, ,DE NAS BGEGS MTHAR BYED DU BSKYED PA'I SKOR RNAMS MA GTOGS PA DRI ZHIM PO'I CHU DANG BDUD RTZI LNGA ZHES PA NAS LHAG GNAS BYA'O ZHES PA'I BAR SNGAR BSHAD PA BZHIN BYA, GNYIS PA NI, DKYIL 'KHOR GYI SA LA SNGAR GYI SNGAGS DANG BUM PA THAMS CAD KYI CHUS BSANGS TE GTZANG MAR BYA BA NAS MCHOD BSTOD KYI BAR DANG, SLOB DPON NUB DANG ZHES PA NAS LTE BAR GZUNG LA ZHES PA'I BAR RNAMS SNGAR BSHAD PA BZHIN BYA, GNYIS KA'I LTE BA'I THAD KA'I BAR SNANG LA THIG SKUD BRKYANG NAS, RDO RJE DANG BCAS PA'I LAG PA GA-YAS PA'I MTHE BONG DANG MDZUB MOS THIG SKUD BZUNG NAS, AOm BDZRAS MA YA SU TRA MA TI KRA MA H'Um H'Um AOm SV'A A'A: H'A, ZHES BRJOD CING NAM MKHA' LA GDAB LA SA GOL GYI SGRA BYA'O, ,THIG GI SGRAS, SEMS CAN DON DU KHYED RNAMS KYI, ,DUS YIN DE PHYIR 'DIR SPYON CIG ,CES BRJOD PAS NAM MKHA' KHYAB PA'I SANGS RGYAS RNAMS BSKUL NAS BYON TE THIG SKUD LA THIM PAR BSAM MO, ,DE NAS DE MA THAG DPON SLOB GNYIS KA'I LAG PA MNYAM PAR SMAD NAS SDOD PA'I RKANG STABS SNGAR BZHIN BYAS TE, 'OD ZER PHRENG BA'I MTHA' NAS MTHA'I BAR DU TSANGS THIG DANG PO GDAB STE, DE'I TSE YANG THIG GI SGRAS SANGS RGYAS RNAMS BSKUL TE BYON NAS THIG SKUD LA THIM ZHING, NGO BO YE SHES LA RNAM PA SRAD BU KHA DOG

, ,LNGAR SNANG BA'I THIG SKUD RE CHAD NAS LAS THIG LA THIM PAR BSAM MO, ,DE NAS SNGAR BSHAD PA BZHIN RKANG PA BYIN GYIS BRLABS TE SONG NAS LHO BYANG GI NAM MKHA' LA GDAB PA DANG SA LA TSANGS THIG GNYIS PA GDAB PA DANG PO BZHIN BYA, DE NAS NAM MKHA' LA 'DEBS PA MA GTOGS PA SKOR PHYOGS LA SOGS SNGAR BZHIN BYA ZHING, THIG LHAG MA RNAMS KYANG LAS THIG BZHIN GDAB LA BYIN GYIS RLOB PA'I DMIGS PA DANG PO BZHIN BYA'O, ,THIG SKUD 'DZIN PA'I DMIGS BSAL DANG THIG SKUD KYI LTAS RTOG PA NI SNGAR DANG 'DRA'O, ,THIG THEBS PA NA THIG SKUD LA MCHOD GTOR DBUL BA SNGON DU 'GRO BAS, AOm A'A: H'Um BADZRA MU: ZHES PAS YE SHES KYI THIG SKUD NAM MKHAR BZHUGS PA'I RGYAL BA RNAMS KYI THUGS KAR GSHEGS LA, TSON SNA LNGA'I SKUD PA GNAS JI LTA BAR BZHAG GO ,YE THIG THEBS NAS THIG SKUD LA 'GOM DGOS PA DANG, TSON BYIN RLABS CAN LA 'GOM DGOS PA BYUNG NA, AOm BADZRA BI GA AA KRA MA H'Um ZHES DAG TU BRJOD LA YID KYIS YE SHES KYI THIG TSON NAM MKHA' LA BTEG NAS BYA ZHING RJES SU PHAB LA BSTIM MO, ,'DI'I SDOM NI THIG CHOG SNGA MA'I SDOM GYIS SHES PAR NUS SO, ,NAM MKHA' LA THIG GDAB PA'I CHO GA STE BRGYAD PA'O,, ,,GNYIS PA LA GSUM, TSON RTZI BYIN GYIS BRLAB PA, TSON GYIS RTEN GYI DKYIL 'KHOR BRI BA, DE LA PHYAG RGYA DGOD PA'O, ,DANG PO NI, 'BYOR BA CHE NA RIN PO CHE'I RDUL TSON NAM CHUNG NAS TSON LA SOGS PA YANG RUNG STE, SNOD SAR PA RNAMS SU SO SOR BKOD LA, BSANG SBYANG SNGON DU 'GRO BAS H'Um AOm LA SOGS PA'I SA BON LAS RE RE

YANG RIGS LNGA'I NGO BOR BSGOM, NAM MKHAR BKOD PA'I RIGS LNGA'I THUGS KAR RIGS LNGA SO SO'I SA BON LAS GRUB PA'I YE SHES KYI TSON RNAMS SNGAR BSHAD PA BZHIN 'BAR BA'I LTA STANGS KYIS BKUG STE BCUG PAS YE SHES KYI RDUL TSON DANG RO GCIG TU GYUR PAR BSAMS LA, SA BON LNGA DANG AOm BADZRA CI TRE SA MA YA H'Um ZHES BRGYA RTZA BRGYAD KYIS BSNGAG GO ,RANG GI MIG GNYIS SNGAR BZHIN BSKYED DE SNGAR BZHIN 'BAR BA'I LTA BAS GZI BRJID BSKYED CING BLTA LA, RDUL TSON RNAMS LA HI: YIG BKOD NAS BDEN PA GANG GIS SEMS CAN RNAMS RDUL TSON MANG ZHING SANGS RGYAS BCOM LDAN 'DAS RNAMS NI SEMS CAN LA CHAGS PA DANG RJES SU CHAGS PAR 'GYUR BA'I BDEN PA DES, RDUL TSON RNAMS 'BAR BAR GYUR CIG ,CES BDEN PA'I BYIN RLABS KYIS SBAR LA, DRI DANG ME TOG LA SOGS PAS MCHOD DO, ,TSON SNA LNGA'I CHO GA STE DGU PA'O,, ,,GNYIS PA NI, DKYIL 'KHOR GYI DBUS SU PHUR BU DNGOS SU BTAB PA YIN NA DE BTON PA'I SHUL TSON SNA LNGAS DGANG LA MNYAM PAR BYA, BSAM GTAN GYIS BTAB NAS PHYUNG BAR MOS PA YIN NA BKANG BAR MOS PAS CHOG ,DE NAS DRIL BU GSIL ZHING, 'DI NI CHOS DBYINGS DAG PA STE, ,SEMS CAN KHAMS NI RAB GROL MDZAD, ,RANG NYID RGYAL PO RDO RJE 'CHANG, ,DE BZHIN GSHEGS PA KUN GYI GNAS, ,NYES PA KUN LAS RNAM PAR GROL, ,'KHOR LO'I NANG DU YANG DAG GNAS, ,ZHES PA'I RDO RJE'I GLUS CHOS DBYINGS RNAM PAR DAG PAR MOS NAS TSON 'GYED PA'I MTSAN MA NGAN PA'I SKYON RNAMS BSAL BAR BYAS LA, DKYIL 'KHOR GYI NANG DU 'DUG STE LAG PA GA-YAS BAS

, ,RDO RJE GZUNG ZHING, GA-YON PA'I RDO RJE KHU TSUR GYIS DBANG LDAN NAS BRTZAMS TE, RTZIG PA LNGA PHYI NAS RIM PA BZHIN DKAR SER DMAR LJANG SNGO BA, ZHENG CHAD SGO'I NYI SHU CHAD PANGS MTHE'U CHUNG GI TSAD DANG, SRID DU SOR BCU GNYIS KYI TSAD GA-YAS BSKOR GYIS PHYI NAS RIM PA BZHIN AOm A'A: H'Um AOm BADZRA CI TRA SA MA YA H'Um ZHES BRJOD CING DRANG POR BRIS LA, RIN PO CHE DKAR PO LA SOGS PA LAS BYAS PA'I THUR MA LA SOGS PA'I NGO BOR MOS PA BYA'O, ,SNGAR BSHAD PA LAS RE KHA SBOM PAR BRIS NA NAD SKYAD, PHRAS NA NOR NYAMS, DMA' NA DNGOS GRUB MI 'GRUB, YO NA GDUNG BA SKYED, CHAD NA BLA MA DANG SLOB MA 'CHI, GA-YAS SKOR MIN PAR BKYE NA DNGOS GRUB MI 'GRUB, RDUL TSON 'DRES NA RIGS BRGYUD 'CHAD PAR GSUNGS PAS SKYON DE DAG DANG BRAL BAR BRI'O, ,SLOB DPON GYIS RDZOGS PAR BRI MI NUS NA SNGAR GYI CHAD TZAM ZHIG BRI LA, PHYI NAS RI MO MKHAN LA SOGS PAS CI BDER BRI, RDO RJE KHU TSUR GYIS BRI MA NUS NA THIG SKUNG RDO RJE KHU TSUR GYIS GZUNG BA LA DMIGS BSAL GSUNGS PA'I RIGS PA SBYAR DU RUNG BA 'DRA'O, ,RGYUD DANG RGYA GZHUNG KHUNGS THUB RNAMS LAS TSON SBOM PO SOGS SU BGYE NA NAD LA SOGS PA SKYED PAR GSUNGS PAS BRI NYES PA'I SKYON YIN PAS, PRADZNY'A SHRIS GSER GZHONG LA SOGS PAS BKAB NAS TSON BKRA BZANG NGAN RTOG PA LA NI KHUNG THUB KYI GZHUNG MI SNANG ZHING MI 'THAD DO, ,DAM TSIG RDO RJE KHAM PHOR LA SOGS PAS 'GEBS PA DANG, BID+YA PA TAS ME TOG DANG LDAN PA'I SNOD KYIS BKAB NAS PHYI NAS CI BDER 'DRI BAR BSHAD KYANG TSON BKRA RTOG PA MA BSHAD LA, DE NI

KYE RDOR LAS RIM GYI CHO GA LAS RTZIG PA LA ME TOG SIL MA GTOR ZHING MCHOD PA 'BUL BAR BSHAD PA LTAR, DE BZHIN GSHEGS PA LNGA'I NGO BO'I RTZIG PA LNGA THOG MAR BRIS PA LA ME TOG LA SOGS PA GTOR BA NA RDUL TSON LA GNOD PA SPANG BA'I PHYIR SNOD KYIS BKAB PA YIN GYI TSON BKRA RTOG PA'I DON DU MIN MOD KYANG NGES PAR DGOS PA'I CHO GAR MA MTHONG NGO, ,TSON SBOM PHRA SOGS KYIS NYES PA SKYED PA YANG DE KHO NA NYID KYI BSAM SBYOR MI BRTAN PA LA YIN GYI, BRTAN PA LA NI NAM YANG BAR CHAD BYA BAR MI NUS SO, , TSON SA NI, DBUS KYI RE'U MIG SNGON PO, DE'I MTHA' SKOR GYI SNAM BU NI SNGON PO LA RDO RJE'I PHRENG BA CAN, KA BA RNAMS PHYOGS MDOG ,ZUR THIG GIS BCAD PA'I PHYI NANG GI BAR RNAMS SHAR DKAR LHO SER NUB DMAR BYANG LJANG BA, RDOR PHRENG GI ZLUM PO NI NAG PA LA RDO RJE RTZE GSUM PA NI PHYI'I RDO RJE'I KHA DOG LTAR RO, ,DE'I PHYI'I 'OD PHRENG NI KHA DOG LNGA PA STE DER TSON GYI RE KHA MI BYA'O, ,DE'I PHYIR TSANG THIG GI GLO SO SOR CHA CHUNG BZHI BZHI DOR NAS BUM PA SER PO CHA CHUNG BZHI PA GNYIS GNYIS SO, ,'DOD SNYAM DMAR PO LA MCHOD PA'I LHA MO DU MA DANG LDAN PA, PHA GU'I GZHI DMAR PO LA RIN PO CHE ZUR GSUM DANG GRU BZHI SOGS KYIS SPRAS PA, DRA BA DRA PHYED KYI GZHI NAG PO LA CHU SRIN GYI KHA NAS 'PHYANG BA'I MU TIG GI DO SHAL SKUD PA DMAR PO LA BRGYUS PA, GLO GNYIS DANG STENG 'OG TU GSER GYIS BCINGS PA'I NOR BU DBUS NA YOD PA, DE'I NANG DU KHA CIG LA NI PADMA DANG ZLA TSES DANG RDO RJE PHYED PAS BRGYAN PA'I NYI MA, KHA CIG LA NI RIN PO CHE KHA CIG LA NI PADMA LA GNAS PA'I RDO RJE, DO SHAL GYI GLO GNYIS SU DE LAS CUNG ZAD THUNG BAR 'PHYANG BA'I RIN PO

, ,CHE'I PHRENG BA'I DO SHAL PHYED PA DRANG ZHING RTZE MO LA GSER GYIS BSDAMS PA'I NOR BU SBOM PO DANG LDAN PAS MDZES PA DANG, KHA CIG TU RIN PO CHE'I YUB CAN GYI RNGA YAB DANG, DRIL BU'I MTHAR NANG DU RNGA YAB 'PHYANG BA'O, ,SHAR BU DANG MDA' YAB KYI GZHI NAG PO LA SHANG BU DKAR PO MNGA' YAB PADMA 'DAB MA PHYED PA'I DBYIBS CAN DKAR PO, RTA BABS KYI KA BA DANG GLANG RGYAB KYI NANG RNAMS PHYOGS MDOG ,GLANG RGYAB KYI CHA CHUNG PHYED PA LA RIN PO CHE LA SOGS PA BRI ZHING RNAM PAR BKRA BA'I BLA BRE DANG DO SHAL DANG PO SHAL PHYED PA 'PHYANG BA, SNAM BU BCU GCIG GI GSER SNAM SER PO, ,RIN PO CHE NI PHA GU BZHIN, ,RMIG PA DANG BA RAdAN MDZES MTSON, MUN PA GNYIS NAG PO, SHAR BU DANG MDA' YAB SNGAR BZHIN, DE'I SNAM BU'I DBUS SU PADMA ZLA'I GDAN LA 'KHOR LO SER PO RTZIBS BRGYAD PA, DE'I GA-YAS GA-YON CHA CHUNG PHYED DU RI DVAGS PHO MO SER PO CHA CHUNG GCIG TU MGRIN PA DANG BCAS PA'I GDONG 'GRENG ZHING MIG 'KHOR LO'I RTZI MO LA LTA BA, DE GNYIS KYI PHYI NGOS SU MNGA' YAB GNYIS GNYIS, SNA TSOGS RDO RJE'I RVA DBUS MA RNAMS PHYOGS MDOG ,GA-YAS GA-YON GYI RVA GNYIS NI DE'I GLO'I DE BZHIN GSHEGS PA'I MDOG STE JI LTAR RIGS PAR RO, ,RVA LNGA PA LA NI RVA GZHAN GNYIS DE LAS GZHAN PA DANG DBUS KYI RGYAL BA'I MDOG STE JI LTAR RIGS PAR RO, ,YANG NA PHYOGS RA'I SNA TSOGS RDO RJE'I RVA THAMS CAD RANG PHYOGS KYI RGYAL BA'I MDOG TU BYA'O, ,PADMA'I LTE BA LJANG GI SAR SER 'DAB MA SNA TSOGS, DE'I GZHI DMAR SKYA PHYI'I RA KHA DKAR PO, ,RDO RJE RTZE GSUM MAM LNGA 'AM SNA TSOGS RDO RJE STE KHA DOG NI NAG SER

DKAR PO GANG RUNG DANG, SNAM BU NI KHA DOG SNA TSOGS PA JI LTAR MDZES PA'O, ,DE'I PHYIR RE KHA DMAR PO 'AM SER PO, 'OD ZER GYI PHRANG BA NI KHA DOG SNA LNGA PA STE DE'I MTHAR TSON GYI RE KHA MI BYA'O, ,TSON DGYE BA'I CHO GA STE BCU PA'O,, ,,GSUM PA NI, DE LTAR TSON GYIS RTEN GYI DKYIL 'KHOR BRI BA RDZOGS PA DANG PHYAG RGYA DGOD PAR BYA'O, ,BOD KYI MKHAS PA KHA CIG RTZIG PA YAN CHAD GRUB PA DANG LHAG MA BLOS SPRUL NAS 'GOD PAR BZHAD DO, ,LHA RNAMS KYI GNAS SU THUN MONG GI GDAN PHYOGS BZHI DMAR ME RLUNG SER BDEN BRAL LJANG DBANG LDAN NAG LTE BA LJANG BA'I SNA TSOGS PADMA RE DGOD, DE'I STENG DU THUN MONG MA YIN PA'I GDAN SGRUB THABS BZHIN DGOD LA DE'I STENG DU PHYAG RGYA GSUM LAS CHOS KYI PHYAG RGYA 'GOD NA LHA SO SO'I SA BON H'Um LA SOGS PA'O, ,MTSAN MA'I PHYAG RGYA 'GOD NA DBUS SU RDO RJE SNGON PO RTZE LNGA PA DANG GOS KHA DOG SNA TSOGS PA, SHAR DU 'KHOR LO DKAR PO RTZIBS BRGYAD PA'AM BCU GNYIS PA, LHOR RIN PO CHE CHA DGU PA SER PO, ,NUB TU PADMA DMAR PO, BYANG DU RAL GRI LJANG KHU, SHAR LHOR DBUS GNAG LA MTHA' DKAR BA'I 'OD DANG LDAN PA'I SPYAN, LHO NUB TU RDO RJE SNGON PO, NUB BYANG DU PADMA DMAR PO KHA BYE BA RTZA BA DANG SDOD BU DANG LDAN PA, BYANG SHAR DU AUTPAL SNGON PO MDZES PA, RIM PA GNYIS PA'I ME'I ZUR DU ME LONG DMAR PO, BDEN BRAL DU PI WANG SNGON PO'I, RLUNG DU DRI'I DUNG CHOS SER PO, DBANG LDAN DU ZHAL ZAS KYI SNOD DMAR PO, ,RIM PA GSUM PA'I SNAM BU LA SHAR DU SDOD BU DANG BCAS PA'I KLU SHING GI ME TOG DKAR PO 'KHOR LOS MTSAN PA DANG 'KHOR LO DKAR PO, ,LHOR RIN PO CHE SER PO GNYIS, NUB TU PADMA DMAR PO

, ,GNYIS, BYANG DU RAL GRI LJANG KHU GNYIS, SHAR SGOR THO BA SNGON PO, LHO SGOR RDO RJES MTSAN PA'I DBYUG PA DKAR PO, NUB SGOR PADMA DMAR PO, BYANG SGOR SNA TSOGS RDO RJE, MER RAL GRI, BDEN BRAL DU ZHAGS PA, RLUNG DANG DBANG LDAN GNYIS KAR RAL GRI BRI, RGYUD PHYI MAR MI GA-YO BA LA SOGS PA BZHI LA RAL GRI LCAGS KYU DBYUG PA RTZA GSUM DGOD PAR GSUNGS SO, ,SHAR SGO'I MTSAN MA'I SHAR DU GTZUG TOR GYI MTSAN MA, NUB SGO'I MTSAN MA'I NUB TU ZHAGS PA BRI STE DE RNAMS NAG PO'O, , MTSAN MA THAMS CAD 'OD ZER KHA DOG LNGAS BSKOR BA RANG RANG GI PHYOGS SU MGO BSTAN PA STE, GTZO BO'I MTSAN MA NI NUB TU MGO BSTAN PA'O, ,PHYAG RGYA CHEN PO 'GOD PA NI LHA'I SKU LUGS MA LA SOGS PA 'JOG PA'O, ,DE LTAR PHYAG RGYA GSUM GANG RUNG BKOD NAS BRTAGS PAS CHAD LHAG MED PAR SHES PA DANG, TSOR 'THOR BA RNAMS RAS LA SOGS PAS PHYI, H'Um DANG LAS THAMS CAD PA BZLAS PA'I BDUD RTZI DANG DRI BZANG PO'I CHUS DKYIL 'KHOR GYI PHYI RNAMS BYUG ,DE BZLAS PA'I CHUS DKYIL 'KHOR BSANGS LA TSON LHAG MA RNAMS BSDUS NAS MCHOD GTOR PHUL TE, AOm A'A: H'Um BADZRA MU: ZHES PAS TSON GYI YI SHES PA GSHEGS NAS LHAG MA RNAMS DBEN PAR BZHAG GO ,SA TSON GYIS DKYIL 'KHOR BRIS PA LA TSON GYI RDUL PHRA RAB DANG MNYAM PA'I RGYAL BA KUN MCHOD PAR 'GYUR BA DANG, DE'I MTHUS LAS KYI SGRIB PA 'DAG PAR BSHAD RGYUD LAS GSUNGS PAS, TSON RTZI LA SOGS PA YANG DBANG ZHU BA'I SLOB MAS BSGRUB PAR BYA'O, ,DKYIL 'KHOR TSON GYIS BRI BA NAS BZUNG STE DBANG

THOB PA CIG MED PAR STONG PAR MI BZHAG GO ,TSON BSKYED DGUG BZLA BLTA SBAR MCHOD, ,DGANG BSIL DANG POR RTZIG PA BRI, ,LHAG MA BRI ZHING PHYAG RGYA DGOD, ,BYUG GSANG GSHEGS GSOL TSON CHOG SDOM, GSUM PA BGEGS BZLOG THABS NI, DKYIL 'KHOR 'BRI BA'I DUS SU RLUNG DANG CHAR LA SOGS PA'I GNOD PA BYED PA'I BGEGS ZHI BAR BYA BA NI, RANG GSHIN RJE GSHED ZHAL GSUM PHYAG DRUG PA SKU'I RNAM 'PHRUL GA-YAS BRKYANG LA SOGS PA'I STANG STABS KYIS BGEGS RNAMS PHYE MAR RLOG PA, GSUNG GI RNAM 'PHRUL 'JIG PA'I DUS KYI 'BRUG SGRA SGROGS PA LTA BUR SNGAGS 'DREN PA, THUGS KYI RNAM 'PHRUL BGEGS THAMS CAD STONG PA NYID DU DMIGS PA DANG LDAN PAR BYAS TE, DE'I PHRENG SNGAGS NGA RO DRAG POS GDON LA BGEGS TSAR BCAD DO, ,GNYIS PA BUM PA DGOD CING DKYIL 'KHOR BRGYAN PA LA GNYIS, BUM PA DGOD PA DANG, DKYIL 'KHOR BRGYAN PA'O, ,DANG PO NI, SNGAR LHAG GNAS BYAS PA'I BUM PA RNAMS SPOS KYIS SNA DRANGS TE, GDUGS DANG RGYAL MTSAN DANG ROL MO'I CHA BYANG SNA TSOGS PAS DKYIL 'KHOR LA GA-YAS BSKOR DU LAN GSUM BSKOR NAS DGOD PAR BYA STE, PHYI'I RDO RJE'I RVA BA'I NANG DU KHA NANG LTA'I DBANG DU BYAS NAS, SHAR SGO'I THAD KA'I GNAS LAS CUNG ZAD KYI GA-YAS SU GTZO BO'I BUM PA DANG, DE'I GA-YAS SU BYAMS PA DANG GZUGS RDO RJE MA DANG GSHIN RJE GSHED DANG GTZUG TOR 'KHOR LOS BSGYUR BA'I BUM PA BZHAG ,SHAR SGO'I GA-YON DU RNAM SNANG DANG SPYAN MA DANG SA YI SNYING PO DANG LAS THAMS CAD PA'I 'O, ,LHO SGO'I GA-YAS SU PHYAG RDOR DANG SGRA RDO RJE MA DANG SHES RAB MTHAR BYED KYI'O, ,

, ,GA-YON DU RIN 'BYUNG DANG M'A MA K'I DANG NAM SNYING GI'O, ,NUB SGO'I GA-YAS SU 'JIG RTEN DBANG PHYUG DANG DRI RDO RJE MA DANG PADMA MTHAR BYED DANG GNOD MDZES KYI'O, ,GA-YON DU SNANG BA MTHA' YAS DANG GOS DKAR MO DANG 'JAM DPAL GYI'O, ,BYANG SGO'I GA-YAS SU SGRIB SEL DANG RO RDO RJE MA DANG BGEGS MTHAR BYED KYI'O, ,GA-YON DU DON GRUB DANG SGROL MA DANG KUN BZANG GI'O, ,SHAR LHO LA SOGS PA'I MTSAMS BZHIR MI GA-YO BA LA SOGS BZHI'I 'O, ,GNYIS PA NI, MCHOD PA'I YO BYAD GDUGS DANG RGYAL MTSAN DANG BA DAN DANG DRIL BU DANG BCAS PA'I RNGA YAB DANG BUM PA GANG BA DANG, LHA RE RE LA NYER SPYOD CHANG BA RE, DE MA 'BYOR NA MCHOD PA RE RE ZHING BCU LAS MI NYUNG BA RNAMS LA, H'Um DANG GTZO BO'I SNGAGS BZLAS LA, AOm BADZRA SPHA RA nA KHAm ZHES PAS DBUL BA'I DON DU PHYOGS MTSAMS SU BSHAMS, NANG GI MCHOD PA DANG NANG DU 'BRUL RGYU'I GTOR MA GNYIS DANG, PHYI ROL PA'I GTOR MA LA SOGS PA YANG BSHAM MO, ,GSUM PA BSGRUB CING MCHOD NAS DBANG BSKUR BA LA GSUM, DKYIL 'KHOR BSGRUB PA, DKYIL 'KHOR MCHOD PA, DBANG BSKUR BA'O, ,DANG PO LA GNYIS, DKYIL 'KHOR SGRUB PA'I BSHAD PA DANG, DKYIL 'KHOR SGRUB PA'I CHO GA'O, ,DANG PO NI, 'PHAGS LUGS KYI DKYIL CHOG ZUNG 'JUG GSAL BA LAS, DKYIL 'KHOR SGRUB TSUL MA BSHAD LA, KLU BYANG DANG NAG PO PAS MDZAD PA LAS SNGON DU BDAG SKYED 'DI TZAM ZHIG SGOM PA DANG, DAM TSIG PA'I 'KHOR LO SKYED TSUL MI GSAL LO, ,'PHAGS PAS MDZAD ZER BA DANG 'GREL BA RIN CHEN PHRENG BA LAS BSHAD PA NI KLU BYANG DANG MI

MTHUN NO, ,DE LTA NA DKYIL 'KHOR SGRUB PA'I SNGON DU BDAG BSKYED JI TZAM ZHIG BYA SNYAM NA, LE'U BRGYAD PA'I 'GREL PA SGRON GSAL LAS, GSANG DBANG BSKUR BA LA BSAM GTAN NAM BRIS PA'I DKYIL 'KHOR GNYIS SGRUB PA'I SNGON DU RNAL 'BYOR DANG PO GSUM DANG PHYAG RGYA 'DU BYAS NAS SNYOMS PAR ZHUGS TE DKYIL 'KHOR RGYAL MCHOG SKYED PA MCHOD PA DANG BCAS PA BYA BAR GSUNGS LA, DE NI RIM LNGA LAS BUM DBANG DGU DANG BCAS PA'I GSANG DBANG SKUR BAR GSUNGS PA LTAR GYIS GSANG DBANG SKUR BA'I DBANG DU MDZAD KYI GSANG DBANG RKYANG PA MIN TE, GZHAN DU NA RDUL TSON GYIS BRIS PA'I DKYIL 'KHOR SGRUB PA'I DON MED DO, ,DES NA SGRUB THABS CI TZAM ZHIG SGOM PA DE LAS SHES PAR BYA DGOS TE 'CHAD PAR 'GYUR RO, ,DE'I DUS SU NI LUGS 'DIS BDAG MDUN BSRE BA MIN LA, LUGS GZHAN LAS NI DE'I DUS SU SRE BA YANG YOD DO, ,DE NAS DKYIL 'KHOR SGRUB LUGS NI, BSHAD RGYUD DANG KLU BYANG DANG ZLA GRAGS KYIS SPYAN DRANGS PA'I YE SHES PA DKYIL 'KHOR NA BZHUGS PA'I LHA RNAMS LA BSTIM PAR GSUNGS PAS DAM TSIG PA'I 'KHOR LO SKYED DGOS LA, BSHAD RGYUD RDOR PHRENG LAS DAM TSIG PA'I LHA RNAMS A'A LI K'A LI LAS SKYED PAR GSUNGS PA NI RGYUD GZHAN NAS BSHAD PA LTAR 'DIR MI BYED PAS, DBYANGS GSAL GYI SNGAGS THAMS CAD BSDUS PA YI GE GSUM SA BON DANG BCAS PA LAS SKYED PA'I DON NO, ,KLU BYANG GIS DAM TSIG PA'I LHA RNAMS SEMS DPA' GSUM RTZEG TU BYAS PA'I RANG NYID SEMS DPA' SUM RTZEG TU BYAS PA LAS BYUNG BA'I 'OD KYIS YE SHES PA SPYAN 'DREN PAR BSHAD CING, RTZA RGYUD LAS, DE'I

, ,DBUS SU 'DOD PA BYA, ZHES GSUNGS PA'I DON RANG NYID YUM DANG BCAS PA BRIS PA'I DKYIL 'KHOR GYI DBUS SU GNAS NAS SNYOMS 'JUG BYED PAR BZHED LA, DKYIL 'KHOR DE'I DBUS SU NI SGOM DON LA BYED PA MIN PA DNGOS SU BYED PA MIN PAS, BRIS PA'I DKYIL 'KHOR GYI GTZO BO DANG RANG NYID THA MI DAD DU SKYED DGOS SO, ,DE YANG MI SKYOD PA ZHI BA YIN NO, ,RIG MA M'A MA KIR SKYED PAR RGYUD LAS GSUNGS PA NI, SGRON GSAL LAS GSUNGS PA LTAR DKYIL 'KHOR MCHOD PA'I SKABS LA DGONGS TE, REG BYA RDO RJE MA DANG GDAM NGA'O, ,DKYIL 'KHOR SGRUB PA'I DUS SU NI REG BYA RDO RJE MA NYID YUM DU BYA STE, RTZA RGYUD LAS M'A MI KA'I MTSAN MA LHO NUB TU DGOD PAR GSUNGS PA LTAR KLU BYANG GIS KYANG GSUNGS LA, BSHAD RGYUD LAS KYANG RDO RJE DGA' MA SOGS BZHI NANG GI GRVA BZHIR DGOD PAR GSUNGS PA'I PHYIR RO, ,LE'U DANG PO LAS DBANG GI DKYIL 'KHOR GYI SKABS SU LHA BCU GSUM PHYUNG BA RNAMS DKYIL 'KHOR LA 'GOD PAR GSUNGS PA'I TSUL NI SGRUB THABS LTAR MI BYA'I, KLU BYANG GI DKYIL CHOG LTAR BYA'O, , GNYIS PA NI, DE NAS RANG KHRUS BYAS SHING DRI ZHIM POS LUS LA BYUGS, STOD GA-YOGS DANG GTZUG TOR DANG RGYAN DANG LDAN PAR BYA, LAS THAMS CAD PA BZLAS PA'I CHUS DKYIL 'KHOR BSANG ZHING, DE DANG YI GE GSUM BZLAS PAS DKYIL 'KHOR BSRUNGS NAS RDOR DRIL BZUNG LA, SHAR SGO DANG NYE BAR NUB TU KHA BLTAS TE 'DUG LA, DKYIL 'KHOR RGYAL MCHOG YAN CHAD MCHOD BSTOD DANG BCAS PA BYAS TE RTEN DANG BRTEN PA'I DKYIL 'KHOR LUS LA BSDUS LA, SH'U N+YA T'AS STONG PAR SBYANGS, STONG

PA'I NGANG LAS BSRUNG BA'I 'KHOR LO 'AM YE SHES KYI SA SKYED PA NAS BZUNG STE GZHAL YAS KHANG GDAN BCAS KYI BAR SGRUB THABS BZHIN BSGOM, GDAN DBUS MA'I STENG DU AOm A'A: H'Um H'Um DANG, AOm A'A: KHAm H'Um, SHAR DU AOm A'A: AOm H'Um NAS, 'OG TU AOm A'A: H'Um H'Um GI BAR SO GNYIS DGOD, DE RNAMS YONGS SU GYUR PA LAS RANG RANG GI MTSAN MA BKOD PA SO GNYIS SU GYUR, DE YONGS SU GYUR PA LAS RANG MI BSKYOD PAR BSKYED PA NAS GNOD MDZES KYI BAR SGRUB THABS BZHIN BSKYED, YUM BSKYED PA'I TSE DNGOS KYI RIG MA 'AM SNYING KHA NAS RANG RIGS KYI RIG MA PHYUNG LA REG BYA RDO RJE MAR SKYED PA DANG, DE'I LUS LA RIGS LNGA DGOD PA DANG, RDO RJE DANG PADMA 'DU BYA BA DANG, LAS LA GNAS PA DANG, BYANG CHUB KYI SEMS ZHU BA YUM GYI PADMAR PHAB PA LAS BRTEN PA'I DKYIL 'KHOR SKYED PA DANG, MTSAN SNGAGS KYIS PHYUNG NAS RANG RANG GI MDZAD PA MDZAD PA DANG, SPRUL PA GCIG TU 'DUS PA'I BAR SGRUB THABS BZHIN BYA, DE NAS DE RNAMS RANG RANG GI SANGS RGYAS KYI ZHING DU GSHEGS TE, RANG RANG GI YE SHES PA DANG GCIG TU GYUR NAS MCHOG TU DGA' BA'I SKU DANG LDAN PAS, SLAR 'BYON PAR BZHED PA'I SGO NAS BZHUGS PAR BSAM MO, ,DE NAS SLOB DPON GYIS SLOB MA DBANG BSKUR BA'I DON DU DE RNAMS SPYAN DRANGS PA'I PHYIR BSKUL BAR BYA STE, DE YANG DAM TSIG PA'I LHA THAMS CAD KYI THUGS KAR ZLA GDAN GYI STENG NA, GTZO BO LA SGRUB THABS LTAR GYI YE SHES SEMS DPA' LHA GZHAN RNAMS LA RANG 'DRA'I YE SHES SEMS DPA' ZHAL GCIG PHYAG GNYIS PA RE, YE SHES SEMS DPA' RNAMS KYI THUGS KAR ZLA GDAN LA GNAS PA'I RANG RANG GI

, ,PHYAG MTSAN GYI BUM PA LA TING NGE 'DZIN SEMS DPA' GTZO BO LA H'Um, YUM LA KHAm, RNAM SNANG LA AOm LA SOGS PA SO SO'I SA BON 'OD ZER GYI PHUNG PO CHEN PO DANG BCAS PA RE BSGOM, YE SHES SEMS DPA' RNAMS KYANG SEMS DPA' SUM RTZEG TU BYA'O, ,DE NAS RANG DANG DAM TSIG SEMS DPA' RNAMS KYI TING NGE 'DZIN SEMS DPA'I 'OD ZER LCAGS KYU LTA BU 'PHROS PA RNAMS GCIG TU GYUR PAS, YE SHES PA SEMS DPA' SUM RTZEG CAN GYI THUGS KAR BRDABS PAS BSKUL BA'I 'OG TU, GNOD MDZES BKUG NAS MDUN DU BKA' NOD PA LA, RGYAL BA RNAMS SLOB MA RNAMS LA DBANG BSKUR BA'I DON DU 'BYON PAR SKUL CIG CES BKA' BSGOS PAS, DES RANG 'DRA'I YE SHES PA RNAMS SPYAN DRANGS SHING DE RNAMS KYANG RANG DANG 'DRA BA'I DAM TSIG PA SO SO LA THIM ZHING RANG NYID MI BSKYOD PA ZHI BA DE YONGS SU GYUR NAS ZHE SDANG RDO RJER GYUR PAR BSAM MO, ,SLAR YANG AE HYA HI BHA GA WA NA SA MA YA MA NU SMA RA TIshTHA TIshTHA MA NU SMA RA SMA RA AOm A'A: H'Um SV'A H'A, ZHES LAN GSUM BRJOD CING THUGS KA'I SA BON GYI 'OD ZER LCAGS KYU LTA BU SA 'OG MIN NAS RGYAL BA THAMS CAD SPYAN DRANGS TE, NAM MKHA' LA BZHUGS PAR BSAMS TE 'DOD YON LNGAS MCHOD LA, MA LUS 'GRO BA'I RANG BZHIN MNGON DU MDZAD, ,MI BZANG BDUD KYI DPUNG GIS PHYAG BYAS PA, ,RANG BYUNG MTHA' YAS 'GRO BA'I RANG BZHIN TE, ,SEMS CAN SNYING PA GCIG GYUR 'DIR GSHEGS SHIG ,CES GSOL BA GDAB CING RDO RJE BSDU BA'I PHYAG RGYAS SE GOL TOG CING, AOm BADZRA SA M'A DZA: DZA: DZA: DZA: ZHES PA'I SNGAGS

KYIS BSKUL BAS THAMS CAD BYON NAS SLOB MA DBANG BSKUR BA'I PHYIR DU DKYIL 'KHOR PA RNAMS LA ZHUGS PAR GYUR PA MTHONG NAS, RAB TU DGA' BAS DAM TSIG PA DANG DE RNAMS DBYER MI PHYED PA'I RGYAS GDAB CING, STA GON GYI DKYIL 'KHOR LA MCHOD NAS, DZA: H'Um BAm HO: SA DGUG GZHUG BA CING DBANG DU BYAS LA, LHA SO SO'I RIGS BDAG ZHAL GCIG PHYAG GNYIS PA YAB YUM GYIS BYANG CHUB KYI SEMS KYI CHU RGYUN GYIS DBANG BSKUR BAR BSAM MO, ,BUM PA DGOD PA DANG, SGRUB THABS KYI RNAL 'BYOR GANG DANG LDAN PAS DKYIL 'KHOR SGRUB PA'I TSUL DE NA RAS RIS KYI CHO GA LA YANG BYA STE, BSAM GTAN GYI CHO GA LA YANG CI RIGS PAR SHES PAR BYA'O, ,GNYIS PA LA GNYIS, MCHOD PA DNGOS DANG, BSKOR NAS SGO DBYE BA'O, ,DANG PO LA GNYIS, NANG DU DKYIL 'KHOR GYI LHA MCHOD PA DANG, PHYI ROL TU MCHOD GTOR PHUL NAS SBYIN SREG BYA BA'O, ,DANG PO NI, PHYI'I MCHOD PA RNAMS LAS THAMS CAD PAS BSANG, SH'U N+YA T'AS SBYANG ZHING SKYED DE BYIN GYIS BRLAB LA, SGRUB THABS BZHIN CHU BZHI'I MCHOD PA DANG, LHA YI ME TOG DAM PA 'DIS, ,DKYIL 'KHOR MCHOD PA BGYID PAR 'TSAL, ,THUGS NI BRTZE BAS NYER DGONGS TE, ,MGON POS MCHOD PA 'DI BZHES SHIG ,CES ME TOG GI GNAS SU NYER SPYOD LHAG MA DANG ROL MO'I MING GZHUG LA NYER SPYOD DANG, PHYAG RGYA'I RNAM PA SNGON PO SOGS, ,DE BZHIN GZUGS LA DBYE BA GSUM, ,GZUGS KYI RDO RJE MAR BKUG NAS, ,LHA RNAMS SPYAN LA DBUL BAR BYA, ,YANG DAG GLU DANG BRJOD BRAL DBYANGS, ,DE BZHIN SGRA LA DBYE BA GSUM, ,SGRA YI RDO RJE MA BKUG

, ,NAS, ,LHA RNAMS SNYAN LA DBUL BAR BYA, ,GA BUR AA GAR DZ'A TI SOGS, ,DE BZHIN DRI LA DBYE BA GSUM, ,DRI YI RDO RJE MA BKUG NAS, ,LHA RNAMS SHANGS LA DBUL BAR BYA, ,'OG BYED PA DANG 'JIB PA DANG, ,RO DRUG DE BZHIN DBYE BA GSUM, ,RO YI RDO RJE MA BKUG NAS, ,LHA RNAMS LJAGS LA DBUL BAR BYA, ,RDO RJE PADMA YANG DAG SBYOR, ,'O DANG 'KHYUD LA DBYE BA GSUM, ,REG BYA'I RDO RJE MA BKUG NAS, ,LHA RNAMS LUS LA DBUL BAR BYA, ,ZHES 'DOD YON LNGAS SGRUB THABS BZHIN MCHOD, ,DE NAS NANG GI MCHOD PA NI CHANG GIS MCHOD PA SGRUB THABS BZHIN DANG, BDUD RTZI LNGA THOD PAR BLUGS LA DKYIL 'KHOR PA LA BSTAB PAR BYA ZHING, BDUD RTZI LNGA YI BZA' BA NI, ,DNGOS GRUB KUN BYED DE NYID MCHOG ,DKYIL 'KHOR MCHOD PA BGYID PAR 'TSAL, ,ZHES SOGS KYIS DBUL ZHING RANG YANG TSIM PAR BYA'O, ,GSANG BA SNYOMS 'JUG GI MCHOD PA NI SGRUB THABS BZHIN BYA STE, DE'I TSE DKYIL 'KHOR GYI DBUS SU 'DUG PAR MOS NAS, RIG MA M'A MA KI 'AM REG RDO RJE MAR BSKYED DE SNYOMS PAR ZHUGS PA'I BDE BAS MCHOD CING, BYANG CHUB KYI SEMS KYI RDUL PHRA RAB LAS BSGRUBS PA'I RGYAL BAS NAM MKHA' KHYAB PAR SPROS LA MCHOD DO, ,DE NAS, BDAG MING 'DI ZHES BYA BAS 'DIR, ,CHOS KYI DBYINGS KYI RANG BZHIN GRONG, ,YO BYAD CI 'BYOR PA YIS NI, ,DKYIL 'KHOR MCHOD PA ZHES SOGS KYI MTHAR, AOm SARBA TA TH'A GA TA P'U DZA AU PA STHA NA YA, A'A TA M'A N'm NI RYA TA YA MI, AOm A'A: H'Um ZHES BRJOD DE, RGYAL BA THAMS CAD LA MCHOD CING BSNYEN BKUR BA'I PHYIR BDAG NYID 'BUL BA BYAS NAS, DE'I RJES SU SNGAGS

KYIS MCHOD PA'I NGA RGYAL BZUNG LA, DRIL BU DKROL ZHING MI BSKYOD RDO RJE ZHES SOGS SAM, GANG ZHIG GZUGS DANG TSOR BA ZHES SOGS KYIS BSTOD DO, ,DE NAS GTZO BO'I SNGAGS BRGYA RTZA BRGYAD DANG 'KHOR RNAMS LA NYER GCIG RE, BRTAN BYED DU YI GE BRGYA PA BZLAS LA NANG DU 'JIG RTEN PA DANG 'JIG RTEN LAS 'DAS PA'I GTOR MA BTANG, NANG GI SBYIN SREG TSOGS KYI MCHOD PA BYA'O, ,GNYIS PA NI, SGRUB PA'I GROGS DKYIL 'KHOR SRUNG DU GZHUG LA PHYI ROL DU PHYIN NAS, MCHOD GTOR BSHAMS LA BYIN GYIS BRLAB, KHRO BO BCU DANG PHYOGS SKYONG 'KHOR BCAS SPYAN DRANGS TE, KHRO BO RNAMS KYI PHYI NGOS SU PHYOGS SKYONG 'KHOR BCAS SGRUB THABS BZHIN DGOD LA GSAL GDAB PA SOGS BYA, CHU BZHIS MCHOD DE KHRO BO BCU'I SNGAGS KYI MTHAR, SARBA DUshtA SOGS SBYAR NAS GTOR MA DBUL, PHYOGS SKYONG LA, AOm DASHA DI KA BYI BA STHI TE BHYA, AI HA AA BASTHI TE BHYA: TZA DE BA N'A GA YAKshA GANDHARBA AA SU RA GA RU dA KINNA RA MA HO RA GA BHU TA PRE TA PI SH'A TZE, AUNM'A DA AA PASM'A RA AO ST'A RA GA A'A DI BHYO BA LIm T'A PA Y'A MI GRI H'I TVA, SU KH'A SO'U MA NA SYE LA, BHI NO BHA WANTU STHA NI TZA NI RU BA TRA Bm KURBBAN TU SARBA BUD DHA AA DHI shthA NE NA AOm A'A: H'Um AI Dm AA MRi TA PIndm BHU KA TVA MA MA SA P'A RI W'A RA SYE SH'ANTI KURBBANTU SVA TI SV'A H'A, ZHES LAN GSUM GYI RJES LA, AOm, PHYOGS BCUR RNAM PAR GNAS RNAMS DANG, , 'DIR NI KUN TU GNAS PA DANG, ,LHA DANG KLU DANG GNOD SBYIN DANG, ,DRI ZA LHA MIN NAM MKHA' LDING, ,MI 'AM CI DANG LTO 'PHYE CHE, ,'BYUNG PO YI DVAGS SHA ZA DANG, ,SMYO BYED DANG NI RDED BYED DANG, ,GNON PO LA SOGS PA RNAMS LA, ,GTOR MA 'BUL BGYI BSNAMS

, ,NAS KYANG, ,BDE DANG YID BDE THOB GYUR CIG ,GNAS 'DIR NYER 'TSE MED PAR MDZOD, ,SANGS RGYAS KUN GYIS BYIN RLABS KYIS, ,AOm A'A: H'Um GI BDUD RTZI YI, ,BZA' BA LA NI LONGS SPYAD NAS, ,BDAG CAG 'KHOR DANG BCAS PA YI, ,ZHI DANG BKRA SHIS MDZAD DU GSOL, ,SV'A H'A, ZHES BSNGOS PAS LJAGS RDO RJE'I SBU GU CAN GYIS GSEL BAS TSIM STE, MNYES PAR BSAM ZHING, PHYI NANG GI MCHOD PAS MCHOD, KHRO BO DANG PHYOGS SKYONG GNYIS DKYIL 'KHOR GYI KHANG PA'I PHYI NGOS SU PHYI NANG DU BKOD LA DKYIL 'KHOR GYI LAS MA ZIN GYI BAR DU BZHUGS NAS BAR CHAD SRUNG BA'I 'PHRIN LAS BCOL, DE NAS NYE REG BYA STE DE'I TSUL NI LAG PA DANG RKANG PA BKRU, TZOG TZOG BUR 'DUG CING SMRA BA BCAD LAG PA GNYIS BUS MO'I NANG DU 'ONG BA BYA'O, ,GA-YAS PA GAN RGYAL DU GNAS PA'I GUNG MO DANG SRIN LAG CUNG ZAD BKUG STE KHA LA PHYOGS PAR BZUNG, GA-YON PA'I MTHIL DU CHU GTZANG BLUGS PA GA-YAS PA'I SOR MOS BLANGS TE, KHA LA LAN MANG DU BYAB CING, LAN GNYIS GSUM DU SNA BUG GNYIS DANG MIG DAG DANG SNA DANG KHA DANG LAG PA DAG DANG LTE BA DANG MGO LA REG PA'I RJES SU, HUB GSUM 'THUNGS NAS MCHU LA LAN GNYIS PHYI BAR BYA'O, ,DE'I PHYI NYIN NAS BRTZAMS TE SHAR LA SOGS PA'I PHYOGS SU KHRO BO BCU'I SA'I GONG BU BCU'I MDUN DANG, PHYOGS SKYONG BCO LNGA'I SA'I GONG BU YOD DAM MED NA MAndAL GYI STENG DU PHYOGS MTSAMS BRGYAD DU NYI MA SO SO 'AM THUN SO SO LA MCHOD GTOR DBUL, PHYOGS SKYONG GI SA'I GONG BU'I PHYI NGOS SU SA'I GONG BU BRGYAD DAM, BA LCI'I MAndAL BYAS PA RNAMS SU

KLU RNAMS LA KHAM PHOR DU 'O MA LA SOGS PA KLU GTOR GYI SNGAGS KYIS SBYIN, PHYI ROL DU GTOR MA ZAN LA SOGS PA DANG MAR DANG SBRANG RTZI DANG CHU DANG 'O MA DANG CHANG GI RGYUN LNGA GA-YAS SKOR DU GTOR ZHING, GRUB NA CHAD LHAG GI NYES PA ZHI BA'I PHYIR DU ZHI BA DANG, DKYIL 'KHOR TSIM PA'I PHYIR DU RGYAS PA'I SBYIN SREG ,TSOGS 'KHOR GYI LHAG MA'I KHA ZAS KYIS BRGYA RTZA BRGYAD BYA'O, ,LHA SPYAN DRANG BA'I CHO GA STE BCU GCIG PA'O,, ,,GNYIS PA NI, DE NAS H'Um MDZAD KYI NGA RGYAL GYIS H'Um BZHI PA'I SNGAGS ZLAS SHING ME TOG GI PHRENG BA BLANGS TE, RDO RJE SHUGS KYI 'JUG PAS DKYIL 'KHOR DU ZHUGS PAR MOS LA, RDO RJE GSOR ZHING DRIL BU BSIL NAS, RDO RJE'I RKANG PAS SKOR BA GSUM BYAS PA'I MTHAR 'KHOR LO LA BLTAS TE, ME TOG GI PHRENG BA GTZO BO LA DBUL LA LHAG CHAD KYI NYES PA DAG PAR BYA, KHRO BO'I LTA BAS BLTA ZHING DKYIL 'KHOR LA GA-YAS SKOR BYAS NAS NUB TU SONG STE, RKANG PA GA-YON BRKYANG DANG LAG PA GNYIS H'Um MDZAD KYI PHYAG RGYA BYAS LA, AOm BADZROD GHA tA SA MA YA PRA BE SHA YA H'Um, ZHES BRJOD CING PHYAG RGYA DE BKROL NAS SHAR SGO NANG NAS PHYE BAR BSAM, DE BZHIN DU BYANG PHYOGS SU GNAS NAS, LHO SGO DANG, SHAR PHYOGS SU GNAS NAS NUB SGO DANG, LHO PHYOGS SU GNAS NAS BYANG SGO PHYE BAR BSAMS LA, AOm SA MA YA PRA BE SH'A YA MI ZHES BRJOD NAS ME TOG GI PHRENG BA PHUL BA SLAR GAR BYED CING BLANGS LA, RANG GI MGO LA BCINGS TE DKYIL 'KHOR LA PHYAG BYAS NAS SEMS CAN THAMS CAD LA DNGOS GRUB THAMS CAD KYI BKA' DRIN STZOL CIG ,CES GSOL BA BTAB NAS BSGOM BZLAS

, ,BYA'O; ;MCHOD PA NAS 'DI'I BAR NI RAS RIS KYI CHO GA LA YANG 'DRA STE, BSAM GTAN GYI CHO GA LA YANG CI RIGS PAR SBYAR RO, ,CHAS 'JUG BSANG BSRUNG BDAG BSKYED SBYANG, ,GNYIS BSKYED GSUM BRTZEG BSKUL BSGO BSTIM, ,SPYAN DRANG MCHOD GSOL BSKAL BSTIM DGUG ,DBANG BSKUR PHYI NANG GSANG BA DBUL, ,NGA RGYAL BSTOD DANG BZLAS PA DANG, ,GTOR TSEGS GTOR MA NYE REG DANG, ,SBYIN SREG BSKOR DBUL SGO DBYE BLANG, ,PHYAG DANG GSOL GDAB SGRUB MCHOD SDOM, ,GSUM PA LA GNYIS, RANG NYID ZHUGS NAS GSOL BA GDAB PA DANG, SLOB MA GZHUG CING DBANG BSKUR BA'O, ,DANG PO NI, RANG GI DAM TSIG NYAMS PA RNAMS GSO BA'I DON DU SNGON DU RANG NYID 'JUG PA NI, RANG GTZO BO LAS BYE STE SHAR SGO NAS 'THON PAR MOS LA, DKYIL 'KHOR LA MCHOD DE BLA MA DANG GTZO BO THA MI DAD DU BYA LA, BLA MA'I BYA BA RNAMS GTZO BOS MDZAD PAR BSGOM, SLOB MA'I BYA BA RNAMS RANG GIS BYA LA, 'CHAD PAR 'GYUR BA BZHIN DU DKYIL 'KHOR DU ZHUGS NAS DBANG THAMS CAD RDZOGS PAR BLANG LA, SLOB MA GZHUG PA'I DON DU THAL MO SBYAR TE, 'OD GSAL BA LAS YANG DAG BYUNG, ,RDO RJE SEMS DPA' BDE CHEN PO, ,GZUGS BRNYAN GYI NI DPE YANG STE, ,DKYIL 'KHOR YANG NI DE DANG MTSUNGS, ,BDEN PA 'DI YIS SLOB MA RNAMS, ,THUGS KYI DKYIL 'KHOR DAG TU GZHUG ,'KHOR LO RDZU 'PHRUL MA LUS PA, ,MTHONG NA SDIG PA MTHA' DAG SPONG, ,DE BZHIN GSHEGS PA KUN GYI GNAS, ,RDO RJE YE SHES SGRUB BYED PA, ,SNYING PO'I DKYIL 'KHOR 'DI RU NI, ,BDAG GIS SLOB MA GZHUG PAR BGYI, ,CHOS KYI DBYINGS KYI BYIN RLABS DANG, ,DAM TSIG

DRAN PAR BYAS PA LAS, ,ZHUGS PAS DE BZHIN GSHEGS PA KUN, ,PHUN SUM TSOGS PA THAMS CAD STZOL, ,ZHES BDEN STOBS BRJOD LA, DKYIL 'KHOR LA GSOL BA GDAB BO, ,GNYIS PA LA GSUM, DKYIL 'KHOR DU GZHUG PA, ZHUGS PA LA DBANG BSKUR BA, DKYIL 'KHOR GYI MJUG GI CHO GA'O, ,DANG PO LA GNYIS, GDONG GA-YOG DANG BCAS TE GZHUG PA DANG, DKYIL 'KHOR MTHONG BA'I BDAG NYID CAN DU 'JUG PA'O, ,DANG PO LA GNYIS, YOL BA'I PHYI ROL TU GZHUG PA DANG, NANG DU GZHUG PA'O, ,DANG PO NI, DE NAS LHAG GNAS BYAS PA'I SLOB MA KHRUS BYAS SHING DRI ZHIM POS BYUGS PA RNAMS, SHAR SGOR YOL BA'I PHYIR BKUG NAS MAndAL DANG YON PHUL TE, 'DI NA 'KHOR BA'I RGYA MTSO LAS, ,NYON MONGS CHU SRIN NA KRAS KHYAB, ,LAS KYI RLUNG GI RBA GLONG 'KHRUGS,, BDAG BYING THUGS RJE'I RGYA MTSO KYE, ,MI SHES LING TOG GIS BSGRIBS MIG ,NYON MONGS DBANG DU MDZAD NAS NI, ,BDE DANG SDUG BSNGAL 'JIGS LAS SKYOB, ,THUGS RJE'I RGYA MTSO BDAG SKYOBS SHIG ,CES BLA MA LA GSOL BA GDAB, LAS BUM GYI CHUS BSANG, LAS THAMS CAD PA BZLAS PA'I DAR DMAR PO 'AM SER POS, AOm TZAKshUR BAN DHA BA RA MAN YA H'Um, AOm PRA BI SHA BHA GA W'A NA MAH'A SU KHA MOKshA SU RAm SARBA SID DHI SU KHA PRA DAm PA RA MA SU KHA AUD TA MA SID DHI DZA: H'Um BAm HO: PRA SID DHYA SVA, ZHES BRJOD DE RE SHIG DKYIL 'KHOR MI MTHONG BA'I DON DU GDONG GA-YOGS BCING, AOm SARBA TA TH'A GA TA AA NUD TA RA BO DHI AA LAm K'A RA WA STRA P'U DZA ME GHA SA MU DRA SPHA RA nA SA MA YA H'Um, ZHES PAS SMAD GA-YOGS DANG, AOm BADZRA RAKshA HAm, ZHES PAS STOD GA-YOGS CAN DU

, ,BYA, AOm BADZRA AU shn'I shA H'Um PHAt, CES PAS GTZUG TOR BCING, A'A: KHAm BA'I RA H'Um, ZHES PAS ME TOG GI PHRENG BA GTAD, RNAM SNANG DU BSKYED PA'I GNAS GSUM DU RDO RJE PADMA 'KHOR LO LA GNAS PA'I NYI MA DANG NYI MA DANG ZLA BA LA BKOD PA'I YI GE GSUM NAG DMAR DKAR PO'I 'OD ZER GYIS, LUS 'OD GSAL BAR BYAS NAS DKYIL 'KHOR DU GZHUG PA'I PHYIR, KYE KHYOD SU YIN CI LA DGA' ZHES DRI ZHING, DES KYANG SKAL BZANG BDAG BDE BA CHEN PO LA'O ZHES LAN BTAB PAS RIGS DANG MOS PA SHES PAR BYA, LAG PA THAL MO SBYAR RKANG PA MNYAM PAR 'DUG PA LA, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,ZHES LAN GSUM RJES ZLOS BYED DU GZHUG LA SNGAR BZHIN SEMS BSKYED SBYIN, DE NAS SEMS CAN THAMS CAD KYI DON DU SANGS RGYAS THOB PAR BYA'O SNYAM PA'I SMON PA'I SEMS KUN RDZOB PA DRAN PAR BYAS LA, DE NYID SNYING KHAR ZLA BA'I DKYIL 'KHOR YONGS SU RDZOGS PA'I RNAM PAR BSGOM, CHOS THAMS CAD RANG BZHIN MED PA'I STONG PA NYID DANG RANG GI SEMS RO GCIG TU GYUR PAR MOS PA'I DON DAM PA'I BYANG CHUB KYI SEMS ZLA BA'I STENG DU RDO RJE DKAR PO RTZE LNGA PA'I RNAM PAR BSKYED DE, AOm SARBA YO GA TZI TA TAm AU PA TA Y'A MI ZHES BRJOD DU GZHUG LA THAMS CAD RNAL 'BYOR GYI SEMS BSKYED, DES NI LAM GZHAN DU MI LDOG PAR RIGS NGES PAR BYED DO, ,DE NAS RDO RJE ME TOG DANG BCAS PA SNYING GAR BZUNG STE, AOm SU RA TE SA MA YA STVAm HO: SID DHYA BADZRA YA TH'A SU KHAm,

DENG KHYOD LA DE BZHIN GSHEGS PA THAMS CAD KYIS BYIN GYIS RLOB PAR 'GYUR GYIS, KHYOD KYIS KYANG DE BZHIN GSHEGS PA THAMS CAD KYI MCHOG TU GSANG BA'I DKYIL 'KHOR 'DI, DKYIL 'KHOR DU MA ZHUGS PA RNAMS LA SMRA BAR MI BYA ZHING, MA DANG PA RNAMS LA'ANG MA YIN NO, ,ZHES BRJOD DO, ,GNYIS PA LA GSUM, NANG DU GZHUG CING BSKOR NAS PHYAG BYA BA, DAM LA GZHAG PA, YE SHES PHAB NAS BDEN PA BRJOD PA'O, ,DANG PO NI, AOm A'A: YA M'ANTA KRI TA H'Um ZHES BRJOD CING KHRID DE, A'A: KHAm B'I RA H'Um GIS SGOM DON LA DKYIL 'KHOR GYI NANG DU ZHUGS PAR BSAM ZHING DNGOS SU YOL PA'I NANG DU GZHUG LA, MAH'A RA TA SU DRI dHA SU TO shO, SU SU KHO, BADZRA SATVA A'A: DHYA SID DHYA MAm, ZHES BRJOD DE BSKOR BA BYA'O, ,DE NAS SHAR SGOR SLOB MA MI BSKYOD PAR BSKYED, DE BZHIN GSHEGS PA THAMS CAD LA MCHOD PA DANG BSNYEN BKUR BA'I PHYIR DU BDAG 'BUL BAS, DE BZHIN GSHEGS PA THAMS CAD KYI NGO BO RDO RJE SEMS DPAS BDAG LA BYIN GYIS RLOBS SHIG ,MNYAM DU BSAMS LA, AOm SARBA TA TH'A GA TA P'U DZA AU PASTHA N'A YA A'A TM'A NA NI R+Y'A TA Y'A MI SARBA TA TH'A GA TA BADZRA SATVA AA DHI TI shthA SVA MAm, ZHES BRJOD DE GTZO BO LA RDO RJE THAL MO BRKYANG NAS LUS THAMS CAD SA LA PHAB PA'I PHYAG BYA, YANG SHAR SGOR RNAM SNANG DU BSKYED, RNAM SNANG LA DMIGS PA SNGAR BZHIN BYAS, AOm SARBA BUD DHAm P'U DZA AU PAm STH'A N'A YA AATM'A N'Am NI R+Y'A TA Y'A MI SARBA TA TH'A GA TA BADZRA BEE RO TZA NA AA DHI TI shthA MAm, ZHES BRJOD DE RNAM SNANG LA SNGAR BZHIN PHYAG BYA, DE NAS SONG NAS LHO SGOR RIN 'BYUNG DU BSKYED, DE BZHIN GSHEGS PA THAMS CAD LA MCHOD PA DANG DBANG BSKUR BA'I PHYIR BDAG 'BUL BAS,

, ,DE BZHIN GSHEGS PA THAMS CAD KYIS BDAG LA RDO RJE RIN CHEN GYIS DBANG BSKUR DU GSOL SNYAM DU BSAMS LA, AOm SARBA TA TH'A GA TA P'U DZA AA BHI shE K'A YA A'ATM'A N'Am NI R+Y'A TA Y'A MI SARBA TA TH'A GA TA BADZRA RATNA AA BHI shINYTZA M'Am, ZHES BRJOD DE RIN 'BYUNG LA RDO RJE THAL MO SNYING KHAR BZHAG STE, DPRAL BA SA LA REG PA'I PHYAG BYA, DE NAS NUB SGOR 'OD DPAG MED DU BSKYED, DE BZHIN GSHEGS PA THAMS CAD LA MCHOD PA RAB TU BSKOR BA'I PHYIR BDAG 'BUL BAS, DE BZHIN GSHEGS PA THAMS CAD KYIS BDAG LA RDO RJE'I CHOS RAB TU BSKOR DU GSOL SNYAM DU BSAMS LA, AOm SARBA TA TH'A GA TA P'U DZA PRA BRTA N'A YA AATM'A N'Am N'I R+Y'A TA Y'A MI SARBA TA TH'A GA TA BADZRA DHARMA PRA BRTA YA MI, ZHES BRJOD DE 'OD DPAG MED LA THAL MO DPRAL BAR SBYAR BAS KHA SA LA REG PA'I PHYAG BYA, DE NAS BYANG SGOR DON GRUB TU BSKYED, DE BZHIN GSHEGS PA THAMS CAD LA MCHOD PA'I LAS KYI PHYIR BDAG 'BUL BAS, DE BZHIN GSHEGS PA THAMS CAD KYIS BDAG LA RDO RJE'I LAS MDZAD DU GSOL SNYAM DU BSAMS LA, AOm SARBA TA TH'A GA TA P'U DZA KARM'A nA A'ATM'A N'Am N'I R+Y'A TA Y'A MI SARBA TA TH'A GA TA BADZRA KARM'A KU RU MAm, ZHES BRJOD DE DON GRUB LA RDO RJE THAL MO SNYING KHAR SBYAR NAS SPYI BO SA LA REG PA'I PHYAG BYAS PAS, RIGS SO SOS RIM PA BZHIN DU RGYAL BA THAMS CAD LA MCHOD CING BSNYEN BKUR BA DANG MCHOD CING DBANG BSKUR PA DANG, MCHOD CING CHOS 'KHOR BSKOR BA DANG, 'PHRIN LAS PHUN TSOGS KYI NUS PA CAN DU BYIN GYIS BRLABS PAR BSGOM MO, ,GNYIS PA NI, DE NAS SLOB MAS SA MA YA STVAm ZHES PAS RDO RJE BSDAMS PA LAS GUNG MO GNYIS GSHIBS TE BSGRENG BA

SEMS MA RDO RJE MA'I PHYAG RGYA BCAS TE, DE'I RTZE MOS ME TOG GI PHRENG BA 'DZIN DU GZHUG LA, SLOB DPON GYIS KYANG SNGAGS DES PHYAG RGYA DE BCINGS TE SLOB MA'I SPYI BOR BZHAG LA, AOm SATVA BADZRI AA DHI TIshthA SVA M'Am H'Um, DENG KHYOD DE BZHIN GSHEGS PA THAMS CAD KYI RIGS SU ZHUGS KYIS, DES NA NGAS KHYOD LA RDO RJE YE SHES BSKYED PAR BYA STE, YE SHES GANG GIS KHYOD DE BZHIN GSHEGS PA THAMS CAD KYI DNGOS GRUB RNAMS KYANG THOB PAR 'GYUR NA, DNGOS GRUB GZHAN RNAMS LTA SMOS KYANG CI DGOS, KHYOD KYIS KYANG 'DI DKYIL 'KHOR MA MTHONG BA RNAMS KYI MDUN DU SMRA BAR MI BYA STE, KHYOD DAM TSIG NYAMS PAR GYUR TA RE ZHES BRJOD DE PHAN YON GYI SGO NAS DAM LA BZHAG ,YANG PHYAG RGYA DES SLOB MA'I SPYI BOR GTUGS TE, 'DI NI KHYOD KYI DAM TSIG GI RDO RJE STE, GAL TE TSUL 'DI SU YANG RUNG PA LA SMRAS NA, 'DIS KHYOD KYI MGO 'GEMS PAR 'GYUR RO, ,ZHES BRJOD LA RDO RJE'I MNA' BRTAN PAR BYA, YANG PHYAG RGYA DE SNYING KHAR BZHAG LA, AOm DE RING RDO RJE SEMS DPA' RANG, ,KHYOD KYI SNYING LA YANG DAG ZHUGS, ,GAL TE TSUL 'DI SMRAS NA NI, ,DE MA THAG TU DRAL TE GSHEGS, ,ZHES PAS SLAR YANG RDO RJE'I MNA' DANG SNGAGS KYIS BSKUL TE, DE GNYIS NI NYES DMIGS KYI SGO NAS DAM LA BZHAG PA'O, ,DE GSUM NI RTZA LTUNG BDUN PA LA KHYAD PAR DU DAM BZHAG MDZAD PA'O, ,DE NAS RNAM RGYAL GYI STENG GI DUNG CHOS KYI CHU YI GE GSUM GYIS BSNGAGS PA MTHEB SRIN GYIS BZUNG BA'I SNOD KYIS SLOB MA'I KHAR BLUG CING, 'DI NI KHYOD KYI DMYAL BA'I CHU, ,DAM TSIG 'DAS NA SREG PAR BYED, ,DAM TSIG BSRUNG NA DNGOS GRUB STER, ,RDO RJE BDUD

, ,RTZI'I CHU 'THUNGS SHIG ,AOm BADZRA AU DA KA thA: ZHES BRJOD DE DAM TSIG RNAMS SPYIR BSRUNGS MA BSRUNG GYI PHAN YON DANG NYES DMIGS GNYIS KA'I SGO NAS DAM LA BZHAG PA'O, ,DE NAS SLOB MA'I LAG PA NAS BZUNG STE, DENG PHYIN CHAD KHYOD KYI PHYAG NA RDO RJE NGA YIN GYI NGAS 'DI BYOS SHIG CES BYA BA DE KHYOD KYIS BYA DGOS SO, ,KHYOD KYIS NGA LA BRNYAS PAR MA BYED CIG BYAS NA KHYOD YA NGA BA MA SPANGS PAR 'CHI BA'I DUS BYAS NAS DMYAL BAR LTUNG BAR GYUR TA RE, ZHES BRJOD PAS RDO RJE SLOB DPON GYI BKA' NYAN PA'I SGO NAS DAM LA GZHAG PA STE RTZA LTUNG DANG PO LA KHYAD PAR DU DAM GZHAG MDZAD PA'O, ,GSUM PA NI, DE NAS SLOB MAS SLOB DPON GYI RJES SU BZLAS PAS, DE BZHIN GSHEGS PA THAMS CAD KYIS BYIN GYIS RLOBS SHIG , RDO RJE SEMS DPA' BDAG LA DBAB PAR MDZAD DU GSOL, ZHES YE SHES DBAB PA'I DON DU LAN GSUM GSOL BA GDAB, SLOB DPON MI BSKYOD PA'I RNAL 'BYOR DANG LDAN PAS, SLOB MA 'OD DPAG MED DU MNGON PAR BYANG CHUB PA LNGAS BSKYED, DE'I SPYI BOR HA: LKOG MAR A'A: SNYING KHAR H'Um BKOD, DE DAG LAS 'OD ZER 'PHROS, RNAM SNANG DANG 'OD DPAG MED DANG MI BSKYOD PA STE RDO RJE GSUM NANG DU BSTIMS PAS, DE'I SPYI BO NAS RKANG PA'I MTHIL GYI BAR KHONG STONG DU BSAMS NAS, RKANG PA'I 'OG TU YAm LAS RLUNG GI DKYIL 'KHOR SNGON PO GZHU'I DBYIBS CAN, DE'I STENG DU RAm LAS ME'I DKYIL 'KHOR DMAR PO GRU GSUM ME RAB TU 'BAR BA'I STENG NA, RKANG MTHIL GNYIS SU DZHEE: DMAR PO LAS BYUNG BA'I ME'I 'OD ZER RKANG MTHIL NAS ZHUGS NAS SPYI GTZUG

GI BAR DU PHYIN PAS LUS THAMS CAD SBYANGS NAS, YE SHES SEMS DPA' 'OD GSAL DU GZHUG GO ,DE LAS LANGS TE SNYING KHAR H'Um LAS RDO RJE SEMS DPA' DANG, MGRIN PAR A'A: LAS 'OD DPAG MED, MGO BOR HA LAS RNAM SNANG GSUM YUM DANG BCAS PA BSKYED, DZHEE: 'I 'OD ZER GYIS BSKUL BAS YAB YUM SNYOMS PAR ZHUGS PA'I SBYOR MTSAMS NAS BYANG CHUB KYI SEMS KYI RGYUN BABS PAS LUS GANG BAR BSAMS LA, SLOB DPON GYIS DE BZHIN GSHEGS PA RNAMS DBAB PA'I DON DU SEMS MA RDO RJE MA'I PHYAG RGYA BCINGS NAS SLOB MA'I SNYING KHAR BZHAG LA, 'DI KHYOD DAM TSIG RDO RJE STE, ,RDO RJE SEMS DPA' ZHES BYA GANG, ,RDO RJE YE SHES BLA NA MED, ,DE NYID KHYOD LA 'BEBS PAR MDZAD, ,AOm BADZRA A'A BE SHA AA: AA: AA: ZHES MANG DU BRJOD LA DBAB, DES MA PHEBS NA MNGON BYANG LNGA'I SGO NAS YI GE GSUM LAS BYUNG BA'I RDO RJE 'CHANG CHEN POR BSKYED DE YONGS SU GYUR PA LAS BYUNG BA'I ZHE SDANG RDO RJER SLOB MA BSKYED LA, DE'I YAN LAG THAMS CAD LA A'A: DMAR PO 'OD ZER DANG BCAS PA BSAMS LA, DE'I 'OD ZER GYIS ZHE SDANG RDO RJE'I RDO RJE GSUM GYI YE SHES CHEN PO BSKUL BAS, RDO RJE GSUM SNYOMS PAR ZHUGS PA'I THABS KYI YE SHES KYIS LUS GANG, DE BZHIN GSHEGS PA THAMS CAD KYI YE SHES A'A: DMAR PO 'OD ZER CHAR LTAR BABS PAR BSAMS LA, BSKUL BAR BYA BA'I PHYIR DRIL BU 'KHROL BA LA BRTZON PAS, AA BE SHA YA STVAm BHA YA RA RA RA RA TZ'A LA YA TZ'A LA YA H'Um HA: AA: DZHEE: ZHES DRAG TU BRJOD LA DBAB, SNYING 'DAR BA SOGS KYI PHEBS RTAGS BRTAN PO BYUNG BAR RTOGS NAS, GSUNG RDO RJE'I 'OD ZER GYIS THUGS

, ,RDO RJE BSKUL BAS, SNYING KHA'I THUGS RDO RJE'I 'OD KYIS MGRIN PA'I GSUNG RDO RJE STENG DU BSKUL NAS, A'A:'I RNAM PAR LCE LA BKOD LA BRU HI BADZRA ZHES BRJOD LA DGE BA DANG MI DGE BA DRIS PAS BDEN PAR STON PAR 'GYUR RO, ,DE NAS YI GE BRGYA PAS BRTAN PAR BYA, GAL TE RNAM 'GYUR MA ZHI NA H'Um HA: A'A: MU: ZHES BRJOD PAS GSHEGS SU GSOL TE, YI GE GSUM DANG LAS THAMS CAD PA'I SNGAGS KYIS BSRUNGS, DE NAS SLOB MA DKYIL 'KHOR LA MNGON DU PHYOGS PA LA KHYOD KYI MIG LA JI LTAR SNANG ZHES DRIS LA DKAR PO SOGS SU SNANG ZER NA ZHI SOGS KYI DNGOS GRUB LA SKAL BA DANG LDAN PAR GO BAR BYA LA, SLOB MA'I MTHE BONG GNYIS RDO RJE DANG BCAS PA'I LAG PA GA-YAS KYIS BZUNG STE, RDO RJE'I RKANG STABS KYIS GAR GYI TSUL GYIS LAS THAMS CAD PA BRJOD CING BSKER BA GSUM BYED DU BCUG LA BDEN PA'I BYIN RLABS 'DI BYA'O, ,YANG DAG PA YI DKYIL 'KHOR 'DIR, ,BDAG GIS SLOB MA BCUG PA 'DI'I, ,LHA RNAMS RIGS KYI RIM PA NI, ,BSOD NAMS JI LTA DE LTAR SHOG ,'DI YI DNGOS GRUB JI LTAR 'GYUR, ,RIGS NI GANG GI SNOD DU 'GYUR, ,BSOD NAMS MTHU YANG JI 'DRA BA, ,DE 'DRA DKYIL 'KHOR DU GYUR CIG ,CES BRJOD DO, ,GNYIS PA NI, DE NAS SNGAR BZUNG PA'I ME TOG GI PHRENG BA TRAm GYIS BSNGAGS PA LAS YANG ZHING MA RNYINGS PA'I ME TOG GCIG BTON TE, RIN PO CHE'I PHRENG BAR MOS PA SLOB MA THAL MO SBYAR BA'I BAR DU BYIN LA, SLOB MA SEMS MA GA-YENGS PAR RTZE GCIG PA'I BLO BRTAN PA CAN DU BYAS TE, RNAM SNANG DU GYUR PAR BSAMS PA'I 'OG TU SNYING KHA'I PADMA

LA H'Um LAS MI BSKYOD PA SGOM PA SOGS SA BON SO GNYIS LAS LHA SO GNYIS KYI LUS DKYIL BSKYED PA SGRUB THABS BZHIN BYAS TE BYIN GYIS BRLABS LA GUS PA SNGON DU 'GRO BAS, GTZO BO 'KHOR BCAS KYI MDUN NA GNAS PA BZHIN DU DMIGS LA, NANG DU ZHUGS PAR MOS TE GTZO BO 'AM RANG GI LHA GANG YIN GYI DBU LA 'BAB PAR SHOG CIG SNYAM DU BSAMS NAS, TIshthA BADZRA DRI dHO ME BHA BA HRI DA YAm ME AA DHI TIshTHA SARBA SIDDHI ME PRA YATZTSA H'Um ,HA HA HA HA HO: AOm A'A: KHAm B'I RA H'Um PRA T'ITZTSA KU SU MA AANYDZA LEm N'A THA HO: ZHES BRJOD DE ME TOG DOR BAS, LHA GANG GI RIGS YIN PA SHES PAR BYA'O, ,DE YANG GTZO BO LA PHOG NA MYUR DU 'GRUB CING LHA'I SKU BKOD PA'I MDZOD SPU LA SOGS PA LA PHOG NA PHYAG CHEN LA SOGS PA'I DNGOS GRUB 'GRUB, SKU LAS HA CANG RING NA RING POS 'GRUB LA NYE NA MYUR RO, ,GNYIS KYI BAR DU LHUNG NA GANG LA NYE BA DE'I RIGS DANG, MNYAM NA GNYIS KA'I DNGOS GRUB 'GRUB CING GANG LA DAD PA DE'I RIGS SO, ,RTZIG PA'I PHYIR LHUNG NA LAN GSUM BSKYAR YANG PHYIR LHUNG NA DNGOS GRUB PHRA MO 'GRUB, 'DI LVA WA PAS MI GZUNG BAR BSHAD DO, ,RDOR RA'I NANG DU LHUNG NA TSOGS CHEN POS 'GRUB LA, DE'I PHYIR LHUNG NA DNGOS GRUB MED CING, DKYIL 'KHOR YANG MI BSTAN TE SNGAGS BZLAS PA LA SOGS PAS SKAL BA DANG LDAN PAR BSGRUBS NAS PHYIS GZHUG GO ,SPYI RGYUD NAS DE DANG RTZIG PA LA ME TOG LHUNG BA LA YANG ZHI BA'I SBYIN SREG BYAS NAS GZHUG PAR BSHAD DO, ,DE NAS ME TOG DE SNGAR GYI ME TOG PHRENG BA DANG LHAN CIG BCINGS NAS PHRENG BA DE AOm PRA TI GRIHNA STVAm AI MAm SATVA MA H'A B'A L'A ZHES BRJOD DE MGO LA BCING, DE NI

, ,SEMS DPA' STOBS PO CHE ZHES ME TOG PHOG PA'I LHA LA BOS NAS SLOB MA 'DI BYANG CHUB MA THOB KYI BAR DU RJES SU ZUNGS SHIG CES LHA LA SLOB MA GTAD PAS DE'I BAR DU LHA DES RJES SU 'DZIN PA'I THABS ZAB MO'O, ,'DI NI DBANG DANG PO ME TOG PHRENG BA'I DBANG NGO,, ,,DE NAS SLOB MA'I SNYING KAR ZLA BA LA H'Um, DPRAL BAR RAm, MIG GNYIS LA AOm 'OD ZER 'BAR BA BSAMS LA, AOm RDO RJE SEMS DPA' DENG KHYOD KYI, ,MIG 'BYED PA NI BRTZON PAR MDZAD, ,PHYE BAS THAMS CAD MTHONG 'GYUR BA,, RDO RJE'I MIG NI BLA NA MED, ,CES PAS SPYAN DAR PHYE LA, DA NI DAD PA'I SHUGS KYIS SU, ,DKYIL 'KHOR 'DI DE NYID LA LTOS, ,KHYOD NI SANGS RGYAS RIGS SU SKYES, ,PHYAG RGYA SNGAGS KYIS BYIN GYIS BRLABS, ,DNGOS GRUB KUN NI PHUN SUM TSOGS, ,DAM TSIG MCHOG TU KHYOD 'GYUR GYIS, ,RDO RJE PADMA RTZE ROL BAS, ,GSANG SNGAGS RNAMS LA SGRUB PA GYIS, ,HE BADZRA PA SHYA, ZHES BRJOD LA DKYIL 'KHOR BSTAN NO, ,DE LA RTEN GYI DKYIL 'KHOR GYI DE NYID NI, YANG DAG PA'I YE SHES KYI SNANG BA 'BAR BA'I ME RI, BGEGS RNAMS KYIS MI PHYED PA'I RDO RJE'I 'KHOR YUG ,SKU GSUNG THUGS DAG PA'I ZUR GSUM PA'I CHOS 'BYUNG GI DBUS SU, SKYON GYIS MA GOS PA'I PADMA'I LTE BAR YE SHES LNGA DAG PA'I SNA TSOGS RDO RJE, RTEN 'BREL BCU GNYIS SAM 'JIG LTA NYI SHU DAG PA'I RDO RJE'I RVA BCU GNYIS SAM NYI SHU PA, BSAM GTAN BZHI DAG PA'I RTA BABS BZHI, RDO RJE'I LTE BAR RNAM SNANG DAG PA'I GZHAL YAS KHANG PA, 'PHAGS PA'I BDEN BZHI NGOS BZHIR 'GYUR, ,TSANGS PA'I GNAS NI GRVA YIN NO, ,BSDU BA'I DNGOS PO ZHES BYA SGO, ,BZHI YI

MING CAN RE RE STE, ,DAD PA'I DBANG PO LA SOGS SEMS, ,RNAM PA LNGA PO YANG DAG 'BYUNG, ,RDZU 'PHRUL RKANG BZHI SGO KHYUD NI, ,BZHI STE DE LA RNAM PA BZHI, ,ZHES GSUNGS PA LTAR TE RNAM PA LNGA PO NI RTZIG PA'O, ,TING NGE 'DZIN BZHI DAG PA'I 'DOD SNAM BZHI DANG, GZUNGS BZHI DAG PA'I MCHOD PA'I LHA MO, 'GRO BA'I RE BA SNA TSOGS PA SKONG BA'I RIN PO CHE SNA TSOGS PAS SPRAS PA'I PHA GU ,SGOM SPANG GI SA BON DANG MNGON GYUR SPANGS PA'I DRA BA DANG DRA PHYED, GDUL BYA RNAMS LA GANG 'TSAMS GYI CHOS STON PAS RTZE MO DUD PA'I BA GU LI, 'JIG RTEN LAS 'DAS PA'I CHOS DKAR BA 'DZUGS PA'I MDA' YAB DANG LDAN PA'I NANG DU ,DE'I DBUS KYI 'KHOR LO GANG, DKYIL 'KHOR BRGYAD KYI GZHAL BA NI, ,RNAM PAR THAR PA BRGYAD YIN TE, ,DNGOS GRUB THAMS CAD SGRUB BYED PA'I, ,'PHAGS LAM YAN LAG BRGYAD PA NI, ,KA BA BRGYAD CES BYA BAR BSHAD, ,SANGS RGYAS KUN GYI KHANG CHEN DU, ,THAMS CAD TSE NA KA BAR 'GYUR, ,CHOS KYI DE NYID DON GYI BRDA, ,'KHOR LO'I NANG GI DKYIL 'KHOR RO, ,THUGS KYI DKYIL 'KHOR 'DI DE NI, ,THAR PA CHEN PO'I GRONG KHYER MCHOG ,CES GSUNGS PA LTAR GNAS SO, ,BRTEN PA'I DKYIL 'KHOR GYI DE NYID NI, DE NAS 'KHOR LO'I BDAG PO NAS, ,BRTZAMS TE GNOD MDZES MTHAR THUG LHA, ,DE BZHIN DE NYID DU GNAS RNAMS, ,RDO RJE CAN GYIS SLOB MA BSHAD, ,PHUNG PO LNGA YI RANG BZHIN DU, ,SANGS RGYAS LNGA RNAMS RAB BSTAN BYA, ,SPYAN MA LA SOGS LHA MO BZHI, ,SA LA SOGS PA'I RANG BZHIN NO, ,DE BZHIN 'DOD YON LNGA YI NGOR, ,GZUGS RDO RJE LA SOGS PA'O, ,MIG LA SOGS PA'I RANG BZHIN DU, ,SA YI SNYING PO LA SOGS SO, ,LAG SOGS NGO BOR KHRO DBANG PO, ,GSHIN

, ,RJE DGRA SOGS BSTAN PAR BYA, ,ZHES RDUL TSON GYI DKYIL 'KHOR LA JI LTAR BZHUGS PA LTAR STON PA NI PHYI'I YIN LA, DE NAS LUS 'KHOR LA GNAS PA'I, ,SANGS RGYAS MI BSKYOD SOGS RIM BZHIN, ,ZHES GSUNGS PA LTAR SNGAR LUS DKYIL LA BKOD PA'I LHA RNAMS STON PA NI RTEN PA'I NANG GI DKYIL 'KHOR RO, ,SKABS 'DIR RTEN DANG BRTEN PA'I 'KHOR LO PHYI NANG GNYIS STON PA NI BSHAD RGYUD RDO RJE PHRENG BA'I RJES SU 'BRANGS PA YIN LA, DBANG DANG PO PHRENG BA'I DBANG THOB PA LA STON PAS, DBANG MA THOB PA LA DE NYID MI BSTAN PAR GSUNGS PA DANG MI 'GAL LO, ,YANG NA SLOB MA STA GON DANG DKYIL 'KHOR DU GZHUG PA RNAMS DBANG MA THOB PA LA BYED KYANG GSANG SGROG TU MI 'GYUR BA DANG 'DRA STE, SLOB MA BYE BRAG PA LA GNANG BA'I LAS SO, ,SLOB MA DKYIL 'KHOR DU GZHUG PA'I CHO GA STE BCU GNYIS PA'O,, ,,GSOL GDAB BSANG ZHING CHAS SU GZHUG ,BYIN RLABS DRIS LAN SEMS BSKYED GSANG, ,NANG GZHUG BSKOR BA PHYAG LNGA DANG, ,DAM BZHAG LNGA DANG GSOL GDAB BSKYED, , DGOD BSTIM SBYANG BSKYED BSKUL ZHING DBAB, ,DRI BSKOR BDEN BRJOD SBYIN BKOD DOR, ,BCING DBYE LTA BSKUL DKYIL 'KHOR BSTAN, ,MJUG CHOG SDOM DU BSDUS PA'O, ,GNYIS PA ZHUGS PA LA DBANG BSKUR BA LA BZHI, BUM PA, GSANG BA, SHES RAB YE SHES, BZHI PA BSKUR BA'O, ,DANG PO LA GNYIS, THUN MONG BA RDO RJE SLOB MA'I DBANG DANG, THUN MONG MA YIN PA RDO RJE SLOB DPON GYI DBANG NGO, ,DANG PO LA GSUM, KHRUS STEGS KYI DKYIL 'KHOR BYA BA, GSOL BA GDAB CING MI SHIS PA SBYANG BA ,DE

LA DBANG RIM GYIS BSKUR BA'O, ,DANG PO NI, CHU DBANG BSKUR BA'I PHYIR DKYIL 'KHOR GYI SHAR RAM BYANG SHAR DU KHRUS KYI DKYIL 'KHOR KHRU DO GRU BZHI SGO BZHI PA, PHYI NAS RIM PA BZHIN DKAR DMAR NAG PA'I RTZIG PA RIM PA GSUM DANG LDAN PA 'PHAR MA GNYIS DANG LDAN PA'I DBUS SU, SNA TSOGS PADMA 'DAB MA BRGYAD PA'I DBUS SU RDO RJE NAG PO SHAR DU 'KHOR LO DKAR PO LHOR RIN PO CHE SER PO NUB TU PADMA DMAR PO BYANG DU RAL GRI LJANG KHU BRIS LA DER BUM PA RNAMS DGOD, KHRUS KYI DKYIL 'KHOR GYI CHO GA STE BCU GSUM PA'O, ,,GNYIS PA NI, SLOB MAS YON DANG MAndAL PHUL TE PHYAG BYAS LA, PUS MO GA-YAS PA'I LHA NGA SA LA BTZUGS ME TOG GI SNYIM PAS THAL MO SBYAR LA, BYANG CHUB RDO RJES SANGS RGYAS LA, ,MCHOD CHEN JI LTAR STZAL BA LTAR, ,BDAG KYANG RAB TU BSGRAL BA'I PHYIR, ,NAM MKHA'I RDO RJE DENG BDAG STZOL, ,ZHES BLA MA LA DBANG GI DON DU GSOL BA GDAB, BLA MAS LAS THAMS CAD PA DANG H'Um LAN BDUN BZLAS PA'I YUNGS KAR LAG PA GNYIS KYI KHU TSUR GYIS BZUNG NAS RE RE NAS GA-YON BSKOR DU LAN GNYIS AOm SARBA P'A PAm DA HA NA BADZRA YA BADZRA SATVA SYA SARBA P'A PAm DA HA SV'A H'A, ZHES BRJOD CING BYABS LA YUNGS KAR MER DOR RO, ,DE BZHIN DU GA-YAS SU BSKOR BA GNYIS KYANG BYA'O, ,KHU TSUR GYIS CHU BZUNG NAS KYANG DE BZHIN DU'O, ,DE NAS KHAM PHOR DKAR PO BZHI DANG, RTZVA DUR BA'I MYU GU DANG BCAS PA'I BA LCI'I 'CHANG BU BZHI DANG, ZAN 'CHANG BZHI DANG, SENG RAS KYI TSAL PA BZHIS KYANG GA-YON DANG GA-YAS SU SKOR BA SNGAR BZHIN BYA STE, 'ON KYANG KHAM PHOR MAN CHAD RNAMS MER MI DOR RO, ,DE NAS NYE REG

, ,BYA LA GTZO BO'I SNGAGS BRJOD CING THUGS KAR DRI DANG, DBU LA ME TOG GI PHRENG BA BCINGS PA DANG, MDUN DU MCHOD YON DBUL BA BYAS NAS MAR MES YONGS SU BSKOR TE LAS THAMS CAD PA DANG, H'Um LAN BDUN BZLAS PA'I MAR DANG BCAS PA'I SPOS DKAR GYIS BDUG PAR BYA'O, ,GSUM PA LA DRUG ,CHU'I DBANG COD PAN GYI DBANG, RDO RJE'I DBANG, DRIL BU'I DBANG, ME LONG GI DBANG, MING GI DBANG NGO, ,DANG PO LA GNYIS, NANG DBANG BSKUR TE KHRUS STEGS LA DGOD PA DANG, DE LA SHIS BRJOD SNGON DU 'GRO BA'I CHU DBANG BSKUR BA'O, ,DANG PO NI, SLOB MA LAS BUM GYI CHUS BSANGS LA, RANG GI SNYING KHA'I SA BON GYI 'OD ZER GYIS BKUG PAR RANG GI KHA NAS ZHUGS, SKU'I DBYIBS BRGYUD NAS YUM GYI PADMAR 'THON PA SKAD CIG GIS STONG PAR SBYANGS PA'I 'OG TU CHO GA GSUM GYIS MI BSKYOD PA YAB YUM DU BSKYED DE YE SHES PA DANG DBYER MED DU BYA, RANG GI SNYING KHA'I SA BON GYI 'OD ZER GYIS PHYOGS BCU NA BZHUGS PA'I RGYAL BA YAB YUM MDUN GYI NAM MKHAR SPYAN DRANGS PA LA MCHOD DE ,SLOB MA LA DBANG BSKUR BA'I DON DU, RDO RJE CAN GYIS SANGS RGYAS LA, ,'GRO BA SKYOB PA'I CHED DU DBANG, ,YON TAN 'BYUNG GNAS JI LTAR BSTZAL, ,DE LTAR 'DI LA BSTZAL DU GSOL, ,ZHES PAS DE RNAMS DANG BSGRUBS PA'I DKYIL 'KHOR PA LA GSOL BA BTAB PAS, NAM MKHA'I RGYAL BA YAB YUM RNAMS SNYOMS PAR ZHUGS PA 'DOD CHAGS CHEN PO'I MES ZHU BAR GYUR NAS, RNAM SNANG GI SGO NAS ZHUGS RDO RJE'I LAM NAS BYUNG BA'I BYANG CHUB KYI SEMS KYIS SLOB MA MI BSKYOD PAR BYAS PA LA DBANG BSKUR TE, YUM

GYI PADMA NAS PHYUNG NAS KHRUS STEGS LA DGOD, DE YANG PADMA 'DAB BRGYAD BRIS PA'I SHING STAN NAM, YANG NA ZLA BA'I DKYIL 'KHOR BRIS PA'I SENG GE'I GDAN, KHRUS STEGS KYI DBUS KYI PADMA LA GZHAG PAR MOS NAS DE LA MA REG PAR DE'I STENG DU GZHAG PA LA DGOD DO, ,KHRUS STEGS MA GRUB NA DE BSGOMS PA'I STENG DU SHING STAN LA SOGS PA LA 'JOG PAR YANG BSHAD DO, ,GNYIS PA NI, DE NAS LAS BUM MA GTOGS PA'I BUM CHU RNAMS BSANGS SBYANGS TE, H'Um DANG RDO RJE LAS MI BSKYOD PA YUM DANG BCAS PAR BSKYED, BYANG CHUB KYI SEMS KYI 'OD ZER GYIS BKUG PA'I YE SHES PA GZHUG ,RANG GI RIGS BDAG GIS DBANG BSKUR BA LA MCHOD DE ZHU BA LAS BYUNG BA'I CHUR BSGOM, RANG GTZO BO YAB YUM SNYOMS PAR ZHUGS PA'I BYANG CHUB KYI SEMS KYI 'OD ZER GYIS RGYAL BA 'KHOR BCAS THAMS CAD SLOB MA LA DBANG BSKUR BA'I PHYIR DU BSKUL TE SPYAN DRANGS PA RNAMS BYON NAS NAM MKHA' LA BZHUGS PAR BSAM ,DE NAS RDUL TSON GYI DKYIL 'KHOR GYI LHA RNAMS KYIS DBANG BSKUR BA'I DGONGS PA MDZAD, SPYAN MA LA SOGS PA'I RIG MA DANG BCAS PA NAM MKHAR BZHUGS PA RNAMS KYIS GDUGS DANG RGYAL MTSAN LA SOGS PA RNAMS SLOB MA'I STENG PHYOGS SU 'DZIN, GLU GAR MDZAD CING ROL MO BRDUNG, ME TOG DANG GUR GUM LA SOGS PA'I CHAR 'BEBS, PHYAG GIS CUNG ZAD YO BAR BZUNG BA'I BUM PA DKAR PO BYANG CHUB KYI SEMS KYI BDUD RTZIS GANG BA RNAMS KYIS DBANG BSKUR ,GZUGS RDO RJE MA LA SOGS PA RNAMS KYIS BKRA SHIS KYI GLU DBYANGS KYIS SHIS PA BRJOD, KHRO BO RNAMS PHYOGS MTSAMS SU 'KHOD NAS

, ,BGEGS BSKRAD PAR BSAMS LA, RANG DANG SLOB MAS BUM PA BTEG NAS, BKRA SHIS GANG ZHIG SEMS CAN KUN GYI SNYING LA GNAS, ,KUN GYI BDAG NYID DAM PA'I RIGS RNAMS KYI NI RJE, ,MA LUS SEMS CAN SKYED BYED BDE BA CHEN PO STE, ,BKRA SHIS DES NI DE RING KHYOD LA DBANG RAB BSKUR, ,BKRA SHIS GANG ZHIG MA LUS RDO RJE'I RIGS DANG LDAN, ,SDANG BAS ZIL MNAN SKYE BO RNAM PAR SBYONG MDZAD PA, ,MI BSKYOD MGON PO ZHES BYA BAR MTSAN GSOL DE YIS NI, ,BKRA SHIS DES NI DE RING KHYOD LA DBANG RAB BSKUR, ,BKRA SHIS GANG ZHIG MTHA' DAG 'KHOR LO'I RIGS DANG LDAN, ,RNAM PAR SNANG MDZAD 'KHOR BA'I SDUG BSNGAL RTAG 'PHROG CING, ,RMONGS PAS ZIL MNAN SKYE BO YONGS SU SBYONG MDZAD PA, ,BKRA SHIS DES NI DE RING KHYOD LA DBANG RAB BSKUR, ,BKRA SHIS GANG ZHIG MA LUS RIN CHEN RIGS DANG LDAN, ,PHONGS PA'I SDUG BSNGAL GROL BAR YONGS SU RAB BRTZON ZHING, ,KHENGS PAS ZIL MNAN 'GRO BA YONGS SU SBYONG MDZAD PA, ,BKRA SHIS DES NI DE RING KHYOD LA DBANG RAB BSKUR, ,BKRA SHIS GANG ZHIG MA LUS PADMA'I RIGS DANG LDAN, ,'JIG RTEN DBANG PHYUG SRID PA'I DRA BA 'JOMS PA PO, ,CHAGS PAS ZIL MNAN 'GRO BA YONGS SU SBYONG MDZAD PA, ,BKRA SHIS DES NI DE RING KHYOD LA DBANG RAB BSKUR, ,BKRA SHIS GANG ZHIG MA LUS LAS KYI RIGS DANG LDAN, ,BRTZE BA'I BDAG NYID LOG PAR LTA BA NGES PAR SPONG, ,DE SBYONG THABS STON DE NI KUN NAS SEL MDZAD PA, ,BKRA SHIS DES NI DE RING KHYOD LA DBANG RAB BSKUR, ,ZHES SLOB MA LA SHIS BRJOD GLUR BLANG NGO, ,

DE NAS ,TIL GYI GANG BU LTAR GANG BA'I, ,RGYAL BA BUM PA 'DZIN PA YIS, ,DE RING KHYOD LA DBANG BSKUR TE, ,DE LTAR SHES NAS YID BDER GYIS, ,ZHES BRJOD LA, SNGAR LTAR DMIGS PA GSAL BTAB NAS DE BZHIN DU KHYOD DBANG BSKUR BA YIN NO ZHES YID LA SPRO BA BSKYED DE, RDO RJE DANG BCAS PA'I BUM PA'I KHA BRGYAN LAG PA GA-YAS PA'I RDO RJE KHU TSUR GYIS BZUNG LA ,DES RNAM RGYAL GYI BUM PA NAS CHU BLANGS LA RDO RJE'I RTZE MOS SPYI BOR CHU BLUG CING ,DBANG BSKUR RDO RJE CHEN PO STE, ,KHAMS GSUM PA YIS PHYAG BYAS PA, ,SANGS RGYAS KUN GYI GSANG GSUM PA'I, ,GNAS LAS BYUNG BA SBYIN PAR BYA, ,AOm MA H'A SU KHA BADZRA SATVA AA BHI shI NYTZA MI SARBA TA TH'A GA TA AA DHI PA TI TVE NO PA TIshTHA DRI dHO ME BHA BA, SANGS RGYAS RDO RJE'I DBANG BSKUR BAS, ,DE RING KHYOD LA DBANG BSKUR RO, ,AOm A'A: BADZRA AU DA KA AA BIHA shI NYTZA H'Um SU RA TA STVAm AA HAm, ZHES BRJOD CING DBANG BSKUR RO, ,DE YANG BUM PA THAMS CAD KYI CHU DUNG CHOS SA MA THOD PAR BSDUS NAS SA ,YANG NA DANG POR RNAM RGYAL DANG DE NAS RGYAL BA BZHI DANG ,DE NAS YUM BZHI DANG DE NAS RDO RJE MA BZHI DANG, DE NAS RGYAL SRAS BRGYAD DANG DE NAS KHRO BO BCU'I BUM PAS SNGAR BZHIN BLUG LA DBANG BSKUR, DBANG BUM GCIG LAS MED NA RNAM RGYAL GYIS BSKUR LA, BSDUS PA LA MOS NA SNGAGS PHYI MA NYID KYIS BYA'O, ,'DIR KLU BYANG GIS DBANG LNGA LA LHA GANG SKYED GSAL BAR MA BSHAD LA, ZUNG 'JUG GSAL BAS SLOB MA RNAM SNANG DU BSKYED PA LA CHU DBANG BSKUR BAR BSHAD PA LTAR, YAN LAG MED PA'I RDO RJES KYANG BSHAD PAS SPYIR DE LTAR RUNG MOD KYANG, BSHAD RGYUD RDOR

, ,PHRENG LAS CHU DANG SLOB MA MI BSKYOD PAR BSKYED NAS CHU DBANG BSKUR BAR GSUNGS PAS, N'A RO PA DANG DAM TSIG RDO RJES LUGS 'DI LA BSHAD RGYUD BZHIN MDZAD PA NYID 'DIR SKABS SU BAB BO, ,DE LTAR BDUD RTZI'I CHUS DBANG BSKUR BAS LUS THAMS CAD GANG NAS BDE BA CHEN PO MYONG, DRI MA THAMS CAD DAG, CHU'I LHAG MA SPYI GTZUG TU 'KHYIL BA LAS MI BSKYOD PAS DBU BRGYAN BAR BSAMS LA, RANG GI THUGS KA'I SA BON GYI 'OD ZER GYIS DBANG GI LHA RNAMS BKUG NAS SLOB MA'I BA SPU'I SGO NAS BSTIMS PA LA MCHOD PAS MCHOD DO, ,DA LTAR BUM DBANG DGU LAS MI BSKYOD PA CHU'I DBANG THOB, ZHE SDANG GI DRI MA SBYANGS, RNAM SHES KYI PHUNG PO GNAS BSGYUR, CHOS KYI DBYINGS KYI YE SHES MNGON DU BYAS, MI BSKYOD PA DANG DE'I RIGS KYI DNGOS GRUB SGRUB PA LA DBANG BAR BYAS SO, ,ZHES GO BA BSKYED LA DAG PA SBYIN NO, ,GNYIS PA NI, DE NAS KHRUS KYI DKYIL 'KHOR LAS BABS TE GOS DMAR PO SO MA GYON, RGYAL PO'I CHAS RIN PO CHE'I RGYAN RNAMS KYIS BRGYAN TE GDUGS DKAR PO BZUNG LA, BDE BA CHEN PO 'DOD CHAGS CHE, ,RNAL 'BYOR CHEN PO NOR CHE BA, ,SHES RAB CHEN PO YE SHES CHE, ,RDO RJE SEMS DPA' DENG BDAG BSGRUBS, ,SANGS RGYAS KUN GYI RDO RJE CHE, ,DNGOS GRUB KUN GYI BDE STER BA, ,KUN GYI DBANG BSKUR BSKUR DON DU, , RDO RJE DBANG BSKUR BLA NA MED, ,AE MA'O DANG PO'I SANGS RGYAS DON DAM RGYAL, ,THAR PA NOR CHOS 'DOD PA STER MDZAD RGYAL, ,YE SHES LNGA DANG DGA' LDAN RANG BZHIN RGYAL, ,MGON PO BDE CHEN PHYAG NA RDO RJE RGYAL, ,ZHES GLUR BLANGS TE RANG DGA' BA BSKYED

PA'I 'OG TU BLA MAS SNA DRANGS TE SLOB MAS DKYIL 'KHOR LA BSKOR BA LAN GSUM BYAS TE SHAR SGOR 'JAM PA'I STAN LA 'DUG TU GZHUG GO, SLOB MAS BYANG CHUB RDO RJE ZHES PAS GSOL BA GDAB PA DANG, DE LA BUM CHUS BSANG BA NAS PADMA NAS PHYUNG STE RANG GNAS SU GZHAG PA'I BAR DANG, DE NAS MING DBANG MA GTOGS PA LA DBANG RDZAS RNAMS SO SO'I LHAR BSKYED, RANG GI THUGS KA'I SA BON GYI 'OD ZER GYIS BKUG PA'I YE SHES PA GZHUG PA NAS ZHU BA'I BAR DANG, THUGS KA'I SA BON GYI 'OD ZER GYIS DBANG LHA SPYAN DRANGS PA NAS SPRO BA BSKYED PA'I BAR RNAMS COD PAN GYI DBANG LA SOGS PA LA'ANG SNGAR BZHIN BYA'O, ,GSER DANG RAS LA SOGS PA LAS BYAS PA'I DBU RGYAN SLOB MA'I RIGS BDAG DBUS NA YOD PA BSANG SBYANGS TE, SVA 'AM TRAm DANG RIN PO CHE LAS RIN 'BYUNG YUM DANG BCAS PAR SKYED PA SOGS BYAS NAS, SLOB DPON GYIS LAG PA GNYIS RDO RJE THAL MO SBYAR, MTHE BO GNYIS SKYIL SKRUNG DU BSKUMS, GUNG MO GNYIS GSHIBS TE RTZE SPRAD LA, MDZUB MO GNYIS GUNG MO'I TSIG BAR PAR BTZUGS PA RDO RJE DBYINGS KYI DBANG MO'I PHYAG RGYA SPYI GTZUG TU GZHAG LA, AOm BADZRA DH'A T'I SHVA RI AA BH'I shINYTZA H'Um, SNGAR GYI SEMS MA RDO RJE MA'I PHYAG RGYA DPRAL BAR GZHAG LA, AOm SATVA BADZRI AA BH'I shINYTZA BRUm, SEMS MA RDO RJE MA'I PHYAG RGYA LAS GUNG MO'I TSIGS DBUS MA BCAG NAS RIN PO CHE 'DRA BAR BYAS PA RIN CHEN RDO RJE MA'I PHYAG RGYA RNA LTAG GA-YAS PAR GZHAG LA, AOm RATNA BADZR'I AA BH'I shINYTZA AA, DE NYID LAS GUNG MO PADMA 'DRA BAR BYAS PA RDO RJE CHOS MA'I PHYAG RGYA LTAG PAR GZHAG LA, AOm DHARM'A BADZR'I A'A

, ,BH'I shINYTZA HRI: DE NYID LA DBUS MA'I RTZE MO BCAG PA LAS KYI RDO RJE MA'I PHYAG RGYA RNA LTAG GA-YON PAR BZHAG LA, AOm KARM'A BADZR'I AA BH'I shINYTZA T'Am, ZHES BRJOD CING DBU RGYAN MGO LA BSKON, DBANG BSKUR RDO RJE ZHES PA'I TSIGS BCAD DANG, AOm SARBA TA TH'A GA TA RATNA MU KU tA P'U JE YA AA DHI SHA MA MI A'A: H'Um, ZHES BRJOD DO, ,SNGAGS DE LNGA NI KLU BYANG GI DKYIL CHOG LAS 'BYUNG BA BZHIN PHRENG BAR YANG BYUNG LA, ZUNG 'JUG GSAL BAR DANG PO'I MTHAR A'A: GNYIS PA LA H'Um GSUM PA LA TRAm, BZHI PA LA 'DRA, LNGA PA LA T'Am ZHES 'BYUNG NGO, ,YO GA DANG BSTUN NA SNGA MA BZHI DE DANG 'DRA ZHING PHYI MA LA AA ZHES 'THOB BO, ,DKYIL CHOG GI DPE KHA CIG LAS NI LNGA PA LA TRAm ZHES KYANG 'BYUNG NGO, ,SLOB MA'I RIGS BDAG DBUS SU YOD PA DANG BSTUN NA MI BSKYOD PA MI 'ONG BA'I TSE SNGA MA'I GNAS SU MI BSKYOD PA 'GRO'O, ,DE NAS DBU RGYAN LA BTAGS PA'I DAR DPYANGS RNA LTAG GA-YAS GA-YON DU DPYANGS NAS MNYAM PA'I THAL MO DANG, AOm BADZRA TU shYA HO ZHES BRJOD PAS MNYES PAR BYA'O, ,DBANG BSKUR RDO RJE ZHES PA'I TSIGS BCAD DANG, ,AOm A'A: SARBA TA TH'A GA TA AA BHI shE KA SA MA YA SHR'I YE H'Um SV'A H'A, ZHES BRJOD LA BRTAN BYED KYI CHU DBANG BSKUR BAS, DRI MA SBYANGS RIN 'BYUNG GIS DBU BRGYAN PA LA MCHOD DE DBANG LHA BSTIM PA SNGAR BZHIN BYA, LHAG MA RNAMS LA YANG BRTAN BYED KYI CHU DBANG BSKUR BA MAN CHAD 'DRA STE RIGS BDAG NI RIGS SO SO'I 'O, ,YANG NA RIGS LNGA KA LA MI BSKYOD PAS RGYAS GDAB PO SGRUB THABS BZHIN BYA'O, ,DE DAG GIS RIN 'BYUNG COD PAN NAM RDZOGS PA'I SANGS RGYAS KYI DBANG

THOB, NGA RGYAL DANG SER SNA SBYANGS, TSOR BA'I PHUNG PO GNAS BSGYUR, MNYAM PA NYID KYI YE SHES MNGON DU BYAS, RIN CHEN 'BYUNG LDAN DANG DE'I RIGS KYI DNGOS GRUB BSGRUB PA LA DBANG BAR BYAS SO, ,ZHES GO BA BSKYED LA DAG PA SBYIN NO, ,GSUM PA NI, DE NAS SLOB MA DANG RDO RJE A'A:'AM HRI: DANG PADMA LAS 'OD DPAG MED YUM DANG BCAS PAR BSKYED PA SOGS BYAS LA, DBANG BSKUR RDO RJE ZHES PA'I TSIGS BCAD DANG, SANGS RGYAS KUN GYI RDO RJE'I DBANG, ,DE RING KHYOD LA BSKUR BAR BYA, ,'DI DE SANGS RGYAS THAMS CAD NYID, ,LEGS PAR GRUB PHYIR RDO RJE ZUNGS, ,'DI DE SANGS RGYAS THAMS CAD NYID, ,DNGOS GRUB MCHOG PHYIR RDO RJE LONG, ,SANGS RGYAS KUN GYIS KHYED LA STZOL, ,RDO RJE BRTUL ZHUGS 'GRUB PAR 'GYUR, ,AOm BADZRA AA DHA PI TI TVAm AA BHI shINYTZA MI TIshthA BADZRA SA MA YA STVAm, ZHES BRJOD LA, SLOB MA'I SNYING KHA DANG MGRIN PA DANG GTZUG TOR DU REG LA LAG PA GA-YAS SU GTAD, DES KYANG LHA'I NGA RGYAL BRTAN PAS SNYEMS PA'I TSUL GYIS GZUNG LA RDO RJE GSOR, RDO RJE'I DBANG NI 'OD DPAG MED DU BSKYED PA'I RDO RJE RGYAL BA'I THUGS GNYIS SU MED PA'I YE SHES KYI RDO RJE 'GRUB PA'I NUS PA KHYAD PAR CAN DGOD PA'I DON DU 'DZIN DU 'JUG PA YIN LA, RDO RJE'I BRTUL ZHUGS NI YE SHES LNGA DANG MI 'BRAL BAR BYA BA'I DON DU RDO RJE STER BA'O, ,DE RE RE LA GNYIS KA'I GTZO BO'I DON CHANG BA BYAR YOD PA LA DGONGS NAS BSHAD RGYUD LAS RDO RJE'I BRTUL ZHUGS NYID RDO RJE'I DBANG DU MDZAD NAS GSUNGS PA BZHIN, KLU BYANG GIS KYANG RDO RJE'I DBANG DANG RDO RJE'I BRTUL ZHUGS GNYIS PHYOGS GCIG TU BSKUR BAR MDZAD PA BZHIN BYAS

, ,PAS CHOG MOD KYANG, SLOB DPON GYI DBANG GI MJUG TU YANG MI 'GAL BAS DER RDO RJE'I BRTUL ZHUGS SBYIN PAR ZUNG 'JUG GSAL BA LAS BSHAD PA LTAR BYAS NA DE GNYIS KYI KHYAD PAR NGES SLA'O, ,AOm BADZRA AA DHI PA TI ZHES SOGS NI RGYUD DAG LAS DRIL BU'I DBANG STER BA LA BSHAD KYANG, RDOR DRIL GNYIS KA'I DBANG LA DRANG DU RUNG BAS CHEN PO MANG POS SNGAR LTAR MDZAD DO, ,DE DAG GIS 'OD DPAG MED RDO RJE'I DBANG THOB, 'DOD CHAGS KYI DRI MA SBYANGS, 'DU SHES KYI PHUNG PO GNAS BSGYUR, SO SOR RTOG PA'I YE SHES MNGON DU BYAS, 'OD DPAG MED DANG DE'I RIGS KYI DNGOS GRUB BSGRUB PA LA DBANG BAR BYAS SO, ,ZHES GA BA BSKYED LA DAG PA SBYIN NO, ,BZHI PA NI, DE NAS A'A LAS BYUNG BA'I DRIL BU DANG SLOB MA GNYIS KHAm MAM HA DANG RAL GRI LAS DON GRUB YUM DANG BCAS PAR SKYED PA SOGS BYAS LA, SLOB DPON GYIS DRANG POR DKROL ZHING, DBANG BSKUR RDO RJE ZHES PA'I TSIGS BCAD DANG, ZLA BA'I 'OD CAN YE SHES SKU MNGA' RGYAL BA'I COD PAN 'DZIN PA PAD ZLA'I GDAN LA BZHUGS, , GDUG PA RNAMS NI 'DUL BA'I DON DU SRID GSUM 'DUL MDZAD BSDIGS PA'I DE NYID RDO RJE CAN, ,SANGS RGYAS RNAMS NI BSKUL PHYIR DE KHO NA NYID SO SOR SGROG PA'I CHOS NYID DRIL BU 'KHROL, ,DNGOS PO KUN GYI NGO BO MA LUS STONG PA'I BCOM LDAN GANG YIN DE NI RGYAL GYUR CIG, ME LONG GI NI GZUGS BRNYAN DANG, ,RMI LAM SGYU MA CHU BUR DANG, ,MIG 'PHRUL 'DRA BA SUS MTHONG BA, ,DE NI MNGA' BDAG TU BSHAD DO, ,ZHES BRJOD DE LAG PA GA-YON DU GTAD PAS, DES KYANG DKROL TE DKU GA-YON

PA'I PHYOGS SU BKAN TE BZUNG, GA-YAS PAS RDO RJE BSNYEMS PA'I TSUL GYIS BZUNG LA, AOm BADZRA SATVA SA MA YA, MA NU P'A LA YA, BADZRA SATVA TVE NO PA TIshthA, DRi dHO ME BHA WA, SU TA shYO MA BHA BA, AA NU RAKTO ME BHA BA, SU PA shYO ME BHA BA, SARBA SIDDHI MME PRA YA TZTSA, SARBA KARMA SU TZA ME, TZITTAm shR'I YAm KUN RU H'Um, ,HA HA HA HA HA: BHA GA W'A NA SARBA TA TH'A GA TA BADZRA MME MUNYTZA BADZRI BHA BA MAH'A SA MA YA SATVA A'A: AOm BADZRA GHAndA AA: AA: BDAG GIS BCOM LDAN GZUNG LAGS KYIS, ,BCOM LDAN BDAG LA NYE BAR MDZOD, , CES BRJED, SLOB DPON GYIS, AOm BADZRA AA DHI PA TI TVAm AA BHI shINYTZA BADZRA H'I, SA MA YA STVAm, ZHES BRJOD DO, ,DE DAG GIS DON YOD GRUB PA DRIL BU'I DBANG THOB PHRAG DOG GI DRI MA SBYANGS, 'DU BYED KYI PHUNG PO GNAS BSGYUR, BYA BA SGRUB PA'I YE SHES MNGON DU BYAS, DON GRUB DANG DE'I RIGS KYI DNGOS GRUB SGRUB PA LA DBANG BAR BYAS SO, ,ZHES GO BA BSKYED LA DAG PA SBYIN NO, ,LNGA PA NI, RIM LNGAR SKABS 'DIR ME LONG GI DBANG GSUNGS PAS KLU BYANG GIS KYANG MDZAD LA, DE LA MIG 'BYED PA SNGON DU 'GRO BAS GNYIS KA RIM CAN DU GSUNGS PAS, GSER RAM DNGUL GYI SNOD DU BZHAG PA'I MAR DANG SBRANG RTZI'I MIG SMAN GSER LAS BYAS PA'I THUR MAS SLOB MA'I MIG LA YI GE PRAm BSAMS PAS, AOm BADZRA NE TRA AA BA HAR PA tA LAm HR'I: ZHES 'DON ZHING BSKUS PAS MIG 'BYED PA'I TSUL DU BYA ZHING, JI LTAR MIG MKHAN RGYAL PO YIS, ,'JIG RTEN LING TOG BSAL BA LTAR, ,BU KHYOD KYIS NI MI SHES PA'I, ,RAB RIB RGYAL BA RNAMS KYIS BSAL, ,ZHES BRJOD PAS MA RIG PA'I LING TOG DANG BRAL NAS YE SHES KYI SPYAN BYE BAR

, ,BSAM MO, ,DE LTAR SPYAN DBYE BA DES CHOS THAMS CAD GZUGS BRNYAN BZHIN DU BLTA BAR BYA'O, ,ZHES BSGRUB PA'I CHED DU, A'A: YIS BSNGAGS PA'I ME LONG BSTAN ZHING, CHOS RNAMS GZUGS BRNYAN LTA BU STE, ,GSAL ZHING DAG LA RNYOG PA MED, ,GZUNG DU MED CING BRJOD DU MED, ,RGYU DANG LAS LAS YANG DAG 'BYUNG, ,RDO RJE SEMS DPA' ME LONG BZHIN, ,DER NI GSAL DAG RNYOG PA MED, ,SANGS RGYAS KUN BDAG RANG NYID NI, ,BU KHYOD KYI NI SNYING LA ZHUGS, ,RANG BZHIN MED CING GNAS MED PAR, ,CHOS RNAMS DE LTAR SHES NAS KHYOD, ,SEMS CAN DON NI MNYAM MED BYOS, ,SKYOB PA RNAMS KYI SRAS SU SKYE, ,ZHES BRJOD LA SPYIR CHOS THAMS CAD GZUGS BRNYAN LTA BU DANG, KHYAD PAR RANG GI SNYING LA ZHUGS PA'I RDO RJE SEMS DPA' NI ME LONG GI GZUGS BRNYAN LTAR SHES PAR GYIS SHIG CES BSGO'O, ,DRUG PA NI, DE NAS SLOB MA AOm DANG 'KHOR LO LAS RNAM SNANG YUM DANG BCAS PAR BSKYED PA SOGS BYAS LA, SLOB MA'I MGOR RDOR DRIL MNYAM POR BZUNG ZHING, DBANG BSKUR RDO RJE ZHES PA'I TSIGS BCAD DANG, AOm BADZRA SATVA STVAm AA BHI shINYTZA MI BADZRA N'A MA AA BHI shE KA TA, ZHES BRJOD CING, KYE ZHES POS TE DPAL CHE GE MO RDO RJE ZHES BYA BA'I DE BZHIN GSHEGS PA SIDDHI SA MA YA STVAm BHUR BHU WA SVA: AA: ZHES BRJOD PA LAS ME TOG PHOG PA'I LHA'I RIGS LA BRTAGS TE MING GDAGS SO, ,DE NI MI BSKYOD PA'I RIGS YIN NA BZHED PA DANG, SGEG PA DANG, GNYIS MED DANG, MI PHYED DANG, DGA' RAB DANG, ROL BA DANG, RNAM SNANG GI RIGS LA GI MUG DANG, AOm MDZAD DANG, RTAG PA'I DANG, SGYU 'PHRUL DANG, RIN 'BYUNG GI LA YID BZHIN

NOR BU DANG, MKHA' 'GRO DANG, GZI BRJID DANG, 'OD DPAG MED KYI LA 'DOD CHAGS DANG, SPYAN RAS GZIGS DANG, CHOS DANG, PADMA DANG, DON GRUB KYI LA RTA MCHOG DANG, DAM TSIG DANG, LAS RNAMS LA MGOR DPAL DANG, MJUG TU RDO RJE BTAGS PA'O, ,LHA MO LA MI BSKYOD PA'I RIGS LA BDAG MED MA DANG, LAG PA MA DANG, PHRENG BA MA DANG, 'BYUNG GNAS MA DANG, RNAM SNANG GI LA MKHA' 'GRO MA DANG, SGEG MO SOGS DANG, RIN 'BYUNG GI LA DO SHAL MA DANG, DBUGS DBYUNG MA DANG, 'BAR MA DANG, PHRENG BA MA DANG, PADMA'I LA CHAGS PA MA DANG, DBYANGS MA DANG, BLO GROS MA DANG, GOS DKAR MA LA SOGS DANG, DON GRUB KYI LA SNYEMS MA DANG, SGYU 'PHRUL MA DANG, DGOD MA DANG, SGROL MA SOGS LA MGOR RDO RJE SBYAR BA'O, ,KLU BYANG GIS LUNG BSTAN DANG DBUGS DBYUNG GI 'OG TU MING DBANG BSKUR BA MDZAD PA LA ZUNG 'JUG GSAL BA LAS, DE GNYIS SLOB DPON GYI DBANG GI SNGON NAM MJUG GDAM NGA CAN DU BSHAD DO, ,DE DAG GIS RNAM SNANG MING GI DBANG THOB, GTI MUG GI DRI MA SBYANGS, GZUGS KYI PHUNG PO GNAS BSGYUR, ME LONG LTA BU'I YE SHES MNGON DU BYAS, RNAM SNANG DANG DE'I RIGS KYI DNGOS GRUB BSGRUB PA LA DBANG BAR BYAS SO, ,ZHES GO BA BSKYED LA DAG PA SBYIN NO, ,DE LA PHRENG BA NAS MING DBANG GI BAR GYIS SLOB MA LA RTEN 'BREL KHYAD PAR CAN JI LTA BU ZHIG BSGRIGS PA NGO 'PHROD PA NI SHIN TU GAL CHE BAS TSUL DE CUNG ZAD BSHAD NA, PHRENG BA'I DBANG GIS SLOB MA DE RGYAL BA 'DI'I RIGS YIN NO ZHES NGO SHES PAR BYED LA, CHU DBANG GIS GANG GI RIGS CAN DU SONG BA'I RIGS DE LA SGRIB PA'I MA RIG PA'I DRI MA 'KHRUD PA'I NUS PA KHYAD PAR CAN 'JOG ,COD PAN GYI

, ,DBANG GIS MA 'ONGS PA NA RIGS BDAG GANG GIS BYED PA DANG GTZUG TOR SKYED PA'I NUS PA DANG, RDO RJE'I DBANG GIS THOB BYA'I SANGS RGYAS KYI THUGS GNYIS SU MED PA'I YE SHES SKYED PA DANG, DRIL BU'I DBANG GIS THOB BYA'I SANGS RGYAS DES CHOS PHUNG BRGYAD KHRI BZHI STONG 'DOMS PA'I GSUNG GI NUS PA KHYAD PAR BA 'JOG GO ,MIG SMAN GYI CHO GAS BLO YI MIG MA RIG PA'I LING TOG GIS BSGRIB PA BSAL NAS LHA'I MIG GI MNGON SHES SKYED PA DANG, ME LONG GI DBANG GIS MA RIG PA'I LING TOG DANG BRAL BA'I MIG GIS CHOS THAMS CAD GZUGS BRNYAN LTAR MTHONG ZHING, ME LONG LA SHAR BA'I SKU DANG 'DRA BA'I RDO RJE SEMS DPA' RANG GI SNYING LA DNGOS SU 'JUG PA'I NUS PA KHYAD PAR CAN DANG, MING DBANG GIS ME TOG PHOG PA'I LHA'I RIGS DANG RJES SU MTHUN PA'I RGYAL BA'I GO 'PHANG 'THOB PA'I SANGS RGYAS DE'I MTSAN GYI NUS PA KHYAD PAR CAN 'JOG PAR BSHAD DE, AA BHYA KA RA LA SOGS PA'I MAN NGAG GO ,RDZOGS PA'I SANGS RGYAS KYI DBANG BSKUR BA'I CHO GA STE BCU BZHI PA'O,, ,,YON DBUL GSOL GDAB SBYANG BA BYA, ,NANG BSKYED SPYAN DRANGS GSOL GDAB BSKUR, ,DGOD BSKYED SPYAN DRANG DMIGS PA BYA, ,SHIS BRJOD CHU DBANG LHA BSTIM, ,MCHOD NAS DBANG DON BSHAD PA NI, ,CHU DBANG SDOM DU BSDUS PA'O, ,BRGYAN ZHING GLU BLANG BSKOR BA BYA, ,GSAL GDAB NANG BSKYED SPYAN DRANG GSOL, ,NANG DBANG DGONG BSKYED SPYAN DRANG BSKUR, ,CHU DBANG LHA BSTIM MCHOD CING BZHAG, SLAR BSKYED MA GTOGS DBANG BZHI'I SDOM, ,GNYIS PA THUN MONG MA YIN PA RDO RJE SLOB DPON GYI DBANG

LA GNYIS, SLOB DPON GYI DBANG DNGOS BSKUR BA, SLOB DPON GYI DBANG DNGOS KYI MTHA' RTEN NO, ,DANG PO NI, RIM LNGA LAS MING DBANG GI RJES SU SLOB DPON DANG DE'I 'OG TU RJES GNANG GSUNGS LA, KLU BYANG GIS PHYAG MTSAN GYI DBANG DANG RJES GNANG GNYIS MDZAD CING, SLOB DPON GYI DBANG GI DNGOS GZHI GSAL BAR MA BSHAD PA ZUNG 'JUG GSAL BAS BSHAD PAS, DE DANG BSHAD RGYUD NAS KHA BSKANG BAR BYA'O, ,SLOB MAS SLOB DPON GYI DBANG GI DON DU YON PHUL ZHING THAL MO SBYAR TE, PHYIR MI LDOG PA'I DBANG BSKUR CHE, ,RDO RJE SEMS DPA' BDAG LA STZOL, ,ZHES GSOL BA LAN GSUM GDAB, DE LA PHYAG MTSAN GYI DBANG BSKUR BA'I PHYIR SLOB MA RNAM SNANG DU BSKYED, 'KHOR LO RNAM SNANG DU BSKYED PA ZHU BA LAS BYUNG BA'I 'KHOR LO BYIN TE, SEMS CAN KUN LA PHAN PA'I PHYIR, 'JIG RTEN KUN LA THAMS CAD DU, ,JI LTAR SNA TSOGS 'DUL 'GYUR BA'I, ,CHOS KYI 'KHOR LO RAB TU BSKOR, ,DZA YA DZA YA SARBA THA TH'A GA TA AA DIHA PA TI PRA BRTA YA DHARM'A TZA KRA, SLOB MA RIN 'BYUNG DU BSKYED, RIN 'BYUNG ZHU BA LAS BYUNG BA'I RIN PO CHE LAG TU BYIN LA, SEMS KUN LA PHAN PA'I PHYIR, ,'JIG RTEN KUN LA THAMS CAD DU, ,JI LTAR SNA TSOGS 'DUL 'GYUR BA'I, ,SANGS RGYAS RIN CHEN RAB TU STON, ,AOm BADZRA RATNA SARBA DHA RMA BI SHUD DHA DZNYA NA AA BIHA shE KA PRAPTA AOm AOm AOm, SLOB MA 'OD DPAG MED DU BSKYED, 'OD DPAG MED ZHU BA LAS BYUNG BA'I PADMA LAG TU BYIN LA, SEMS CAN KUN LA PHAN PA'I PHYIR, ,'JIG RTEN KUN LA THAMS CAD DU, ,JI LTAR SNA TSOGS 'DUL BA YI, ,'DOD CHAGS DAG PA RAB TU STON, ,AOm BADZRA DHARMA SARBA DHARMA BI SHUDDHA DZNY'A NA R'A GA PADMA DA LA

, ,SV'A BH'A BA HRI AA: SLOB MA DON GRUB TU BSKYED, DON GRUB ZHU BA LAS BYUNG BA'I SNA TSOGS RDO RJE LAG TU BYIN LA, SEMS CAN KUN LA PHAN PA'I PHYIR, ,'JIG RTEN KUN LA THAMS CAD DU, ,JI LTAR SNA TSOGS 'DUL 'GYUR BA'I, ,RDO RJE MCHOD PA RAB TU BSKOR, ,AOm BADZRA KARMA SARBA DHARMA BI SHUDDHA DZNY'A NA SARBA P'U DZA SVA BH'A WA AA, ZHES BRJOD DE DBANG BSKUR BAS RIGS BZHI'I 'KHOR LO SKOR BAR 'KHOR LOS BSGYUR BAR DBANG BSKUR BAR BSAM MO, ,DE NAS RIGS THAMS CAD KYI BDAG POR DBANG BSKUR BA'I PHYIR, SHAR SGO'I THAD KYI KHRUS STEGS KYI STENG DU SENG GE'I KHRI LA SLOB MA RGYAN THAMS CAD KYIS KLUBS TE BZHAG ,GDUGS DANG RGYAL MTSAN DANG BA DAN BSGRENG BAS BRGYAN, KHRUS STEGS DNGOS SU MA GRUB NA BSGOMS LA BYA, SLOB MA KHA NAS BCUG PA YUM GYI PADMAR 'THON PA STONG PAR SBYANGS TE, H'Um DANG RDO RJE LAS RDO RJE 'CHANG DKAR PO RDO RJE DBYINGS KYI DBANG PHYUG MA LA 'KHYUD PA BSKYED, YE SHES PA DANG DBYER MED DU BSRES LA SNGAR LTAR NANG DBANG BSKUR, PADMA NAS PHYUNG STE SENG GE'I KHRI'I STENG DU SNA TSOGS PADMA DANG ZLA BA'I GDAN LA DGOD, CHU DBANG LA SOGS PA LA NANG DBANG BSKUR BA NA AA BHYA RJES 'BRANG DANG BCAS PA'I GZHUNG NAS GSAL BAR BSHAD LA, AA BHYAS RDO RJE SLOB DPON GYI DBANG LA NANG DBANG BSKUR BA SAMBHU tA'I DON DU BSHAD DO, , RDO RJE'I DAM TSIG SBYIN PA NI, RDO RJE BSANG SBYANGS NAS H'Um LAS BYUNG BA'I RDO RJER BSKYED LA, THOG MTHA' MED PA'I SEMS DPA' NI, ,RDO RJE SEMS DPA' DGA' BA CHE, ,KUN TU BZANG PO KUN BDAG NYID, ,RDO RJE SNYEMS MA'I BDAG PO'I BDAG ,BCOM LDAN

'DAS MCHOG GI DANG PO'I SKYES BU'O, ,AOm MAH'A BADZRA H'Um, ZHES BRJOD CING, STONG PA NYID DANG DBYER MED PA'I YE SHES RGYAL BA'I THUGS KYI NGO BO NI GSANG BA'I RDO RJE YIN LA, DE DRAN PA'I DON DU RDO RJE 'DZIN PAR BYED PA'I DE KHO NA NYID KYIS RDO RJE 'DZIN DU GZHUG , DES KYANG DE LTAR DRAN PAR BYAS LA RDO RJE SEMS DPA'I NGA RGYAL GYIS RDO RJE GSOR NAS THUGS KAR BZUNG NGO, ,DRIL BU'I DAM TSIG SBYIN PA NI, DRIL BU BSANGS SBYANGS NAS, A'A: LAS SKYES PA'I DRIL BUR BSKYED LA, 'DI DE SANGS RGYAS THAMS CAD KYI, ,SHES RAB DBYANGS KYI RJES 'GROR BSHAD, ,KHYED KYIS KYANG NI RTAG TU ZUNGS, ,BYANG CHUB MCHOG TU RGYAL BA BZHED, ,CES BRJOD CING CHOS THAMS CAD RANG BZHIN MED PA'I SGRA DRIL BUS SGROGS PAR SEMS PA'I DE KHO NA NYID KYIS DRIL BU 'DZIN DU GZHUG ,DES KYANG DE LTAR DRAN PAR BYAS LA, SRID PA NGO BO NYID KYIS DAG ,NGO BO NYID KYIS SRING BRAL BYAS, ,RANG BZHIN DAG PA'I SEMS LDAN PA'I, ,SRID PA DAM PA BYED PAR 'GYUR, ,ZHES BRJOD DE DKROL LO, ,DE NAS PHYAG RGYA'I DAM TSIG SBYIN PA NI, YID KYI LUS NI BRTAN PA NYID, , PHYAG RGYA'I DAM TSIG RAB TU BRJOD, ,GANG GIS LUS NI THAMS CAD BRTAN, ,DES NA PHYAG RGYAR RAB TU BSGRAGS, ,ZHES BYA BAS YE SHES KYI PHYAG RGYA 'DU BYAS NAS 'DOD YON LA LONGS SPYOD PA'I TSUL GYIS DNGOS GRUB THAMS CAD BSGRUB PAR BYA'O, ,ZHES GO BAR BYA'O, ,DE LTAR DAM TSIG GSUM SBYIN PA SNGON DU 'GRO BA CAN GYI DAM TSIG GSUM BZUNG BA'I SGO NAS SLOB DPON GYI DBANG DNGOS GZHI BSKUR BA NI, LAG PA RDOR DRIL BZUNG NAS 'KHYUD PA'I TSUL BYED DU GZHUG ,YID KYIS YE SHES KYI PHYAG RGYA RDO RJE

, ,DBYINGS KYI DBANG PHYUG MA LA 'KHYUD PAR BSAMS LA, 'KHYUD PA LAS BYUNG BA'I BDE BA BSKYED DE DE NYID LA SLOB DPON GYI DBANG DU NGO 'PHROD PA DGOS TE, KYEE RDO RJE LAS, SHES RAB BCU DRUG LON PA LA, ,LAG PA DAG GIS YANG DAG 'KHYUD, ,RDO RJE DRIL BU MNYAM SBYOR BA, ,SLOB DPON DBANG DU YANG DAG 'DOD, ,CES GSUNGS PA'I PHYIR RO, ,DE NAS RANG GI YE SHES SEMS DPA'I THUGS KA'I TING NGE 'DZIN SEMS DPA'I 'OD ZER GYIS LHA SO GNYIS KYI DKYIL 'KHOR SPYAN DRANGS LA DMIGS PA SNGAR BZHIN BYAS TE, DBANG BSKUR RDO RJE ZHES PA'I TSIGS BCAD DANG, AOm A'A: SARBA TA TH'A GA TA AA BHI shE KA SA MA YA SHR'I YE H'Um SV'A H'A, ZHES BRJOD DE BUM CHUS SNGAR BZHIN BLUGS LA DBANG BSKUR, DBANG GI CHUS LUS THAMS CAD GANG NAS BDE BA CHEN PO MYONG, DRI MA THAMS CAD DAG ,CHU'I LHAG MA SPYI GTZUG TU 'KHYIL BA LAS GRUB PA'I MI BSKYOD PAS DBU BRGYAN PAR BSAMS LA, RANG GI THUGS KA'I TING NGE 'DZIN SEMS PA'I 'OD ZER GYIS DBANG GI LHA RNAMS SPYAN DRANGS TE, LUS DKYIL BZHIN RANG RANG GI GNAS SU DGOD, AOm SU PRA TIshthA BADZRE SV'A H'A, ZHES BRJOD NAS SLOB MA LA ME TOG GTOR TE MCHOD PAS MCHOD DO, ,GNYIS PA LA GSUM, DAM TSIG BSGRAG CING SNGAGS GTAD PA, LHA DANG BLA MA LA YON DBUL BA, RJES GNANG SOGS BYA BA'O, ,DANG PO NI, DE NAS, KHYOD KYIS SROG CHAGS GSAD PAR BYA, ,RDZUN GYI TSIG KYANG SMRA BAR BYA, ,MA BYIN PAR YANG KHYOD KYIS BLANG, ,GZHAN GYI CHUNG MA BSTEN PAR BYA, ,RDO RJE DRIL BU PHYAG RGYA NI, ,NAM YANG DOR BAR MI

BYA'O, ,SLOB DPON BRNYAS PAR MI BYA STE, ,'DI NI SANGS RGYAS KUN DANG MNYAM, ,BLA MA SANGS RGYAS KUN MNYAM PAS, ,SLOB DPON LA NI GANG BRNYAS PA, ,DE NI SANGS RGYAS KUN BRNYAS PAS, ,RTAG TU SDUG BSNGAL THOB PAR 'GYUR, ,DE PHYIR SANGS RGYAS 'BRAS 'DOD CING, ,GUS DANG LDAN PA'I SEMS CAN GYIS, ,BSAM YAS 'BRAS BU STZOL BA PO, ,'DI LA 'BANG PA KUN GYIS MCHOD, ,BYANG CHUB GO 'PHANG SLA'AM CI, ,SRID PA SEL BAR SU YIS NUS, ,GANG LA SKYES SHING 'CHI BA MED, ,GANG ZHIG LAS GNYIS LA NUS LDAN, ,RDO RJE SLOB DPON MED PAR NI, ,NYON MONGS THAMS CAD SPONG BA DANG, ,MYA NGAN 'DAS ZHI GO 'PHANG DANG, ,PHYIR MI LDOG PA THOB MI 'GYUR, ,RANG GI DAM TSIG RTAG TU BSGRUB, ,RTAG TU DE BZHIN GSHEGS PA MCHOD, ,RTAG TU BLA MA LA DBUL BYA, ,'DI NI SANGS RGYAS KUN DANG MNYAM, ,THABS DANG SHES RAB LDAN SEMS KYIS, ,MI BYA BA NI CI YANG MED, ,RTAG TU RNAM RTOG MED GYUR NAS, ,KHYED KYIS 'DOD PA LNGA RNAMS SPYOD, ,SANGS RGYAS KUN GYIS MTHUN GSUNGS SHING, ,BKA' LUNG DAM PA RTAG PA YI, ,DAM TSIG DANG NI SDOM PA 'DI, ,KHYOD KYIS RTAG TU BSRUNG BAR BYA, ,ZHES BRJOD DE DON BSHAD LA, DAM TSIG DE DAG LAS 'DA' BAR MI BYA'O ZHES BSGO'O, ,DE LTAR DAM TSIG DANG SDOM PA 'DZIN PA'I SLOB MA LA KHYOD DNGOS GRUB GANG 'DOD CES DRI'O, ,BDAG 'DI 'TSAL LO ZHES ZER NA GANG 'DOD PA DE'I LHA DANG SNGAGS SBYIN, THUN MONG DU, SNGAGS KYI DBANG BSKUR YE SHES MCHOG ,DNGOS GRUB STER BA BDAG LA STZOL, ,ZHES GSOL BA GDAB, GTZO BO SEMS DPA' SUM RTZEG TU BSKYED, BLA MA'ANG SEMS DPA' GSUM

, ,RTZEG TU GSAL BA'I THUGS KAR, AOm A'A: H'Um AOm SVA A'A: HA H'Um H'Um PHAt SV'A H'A, ZHES PA RIGS DRUG GI SA BON GYI SNGAGS DE NYID GSUM DANG SPEL BA MTHA' RTEN DANG BCAS PA DGOD BLA MAS BRGYA RTZA BRGYAD DAM GSUM BZLAS LA, BCOM LDAN BDAG GIS SBYIN LAGS KYIS, ,'DI LA NYE BAR MDZAD DU GSOL, ,ZHES 'KHOR LO'I GTZO BO LA GSOL BA GDAB, 'DI NI SANGS RGYAS THAMS CAD KYI, ,SNYING PO YI NI YE SHES MCHOG ,SANGS RGYAS THAMS CAD BSDUS PA NI, ,KHYED KYIS KYANG NI RTAG TU BCANG, ,ZHES BRJOD LA SLOB MAS, BCOM LDAN BDAG GIS GZUNG LAGS KYIS, ,BDAG LA NYE BAR MDZAD DU GSOL, ,ZHES GSOL BA BTAB NAS LAN GSUM RJES ZLOS BYAS PAS, BLA MA'I THUGS KA NAS BRGYUD DE ZHAL NAS BYUNG BA SLOB MA'I RNA BA GA-YAS PA NAS BZHUGS TE, SNYING GAR TING NGE 'DZIN SEMS DPA'I MTHA' BSKOR NAS GNAS PAR BSAM MO, ,SNGAGS KYI DBANG 'DI MING DBANG GI RJES SU SBYIN KYANG RUNG NGO, ,PHYAG MTSAN GYI DBANG BSKUR BA'I CHO GA STE BCO LNGA PA'O,, ,,GNYIS PA NI, DE NAS SLOB MAS 'BYOR PA JI LTA BA BZHIN DU DKYIL 'KHOR BA'I LHA RE RE LA YON RAB NA BZA' DANG RIN PO CHE'I RGYAN, 'BRING RE RE LA GOS ZUNG RE, THA MA SPYIR ZUNG CIG DANG DAD BA CHEN PO SNGON DU 'GRO BA'I YID KYIS KYANG RGYA CHER SPRUL TE, GLU DANG GAR DANG ROL MO DANG BCAS PAS, AOm AA NUD TA RA SARBA P'U DZA ME GHA SA MUtGA TE SPHA RA nA HI MIG GA NA KHm H'Um PHAt SV'A H'A, ZHES BRJOD LA PHYI'I MCHOD PA DBUL ZHING, GSANG BA'I MCHOD PA DANG, GLU DANG GAR DANG ROL MO DANG BCAS PA'I BZA' BTUNG SNA TSOGS PA'I TSOGS 'KHOR GYIS MCHOD PA BYA'O, ,

LHA LA YAN DBUL BA'I CHOG STE BCU DRUG PA'O,, ,,DE NAS RANG LA BYANG CHUB STER BA'I BLA MA LA YON DBUL BA DANG, DE LTAR BYA DGOS PA'I RGYU MTSAN DANG BLA MA LA JI LTAR BLTA BA NI, YUL DANG YID 'ONG CHUNG MA DANG, ,RIN PO CHE DANG GSER 'BAR DANG, ,NOR BU MU TIG BYU RU DANG, ,LUS PO YANG NI DBUL BAS SO, ,DE NYID MI ZAD PA 'DOD PAS, ,GANG YANG CI'ANG CHES YID DU, ,'ONG DANG CHES KHYAD 'PHAGS PA NYID, ,DE DE BLA MA LA DBUL BYA, ,SLOB DPON LHA NI DAM PA STE, ,'BAD BA'I SGO NAS MCHOD PAR 'OS, ,'JIG RTEN RJES GZUNG RGYU NYID KYIS, ,DE NYID DE LTA'I GZUGS CAN NO, ,GANG GIS BLA MA RDO RJE 'DZIN, ,THA DAD NYID DU MTHONG GYUR PA, ,DE YIS DE NYID DNGOS GRUB NI, ,TSOGS PA'I MTSAN NYID CAN MI 'THOB, ,MCHOD PA THAMS CAD YONGS SPANGS NAS, ,BLA MA MCHOD PA YANG DAG BRTZAM, ,DE MNYES PAS NI KUN MKHYEN PA'I, ,YE SHES MCHOG DE THOB PAR 'GYUR, ,GANG ZHIG BSKAL PA BYE BAR NI, ,BRGYA PHRAG TU YANG RNYED DKA' BA, ,DE NYID SANGS RGYAS BRTZON LDAN LA, ,SKYE BA 'DI LA STZOL BAR MDZAD, ,CES GSUNGS PA LTAR BYA STE BLA MA'I DAM TSIG LAS MI 'DA' BA LA KHYAD PAR DU NGES PA BSKYED DO, ,LHA DANG BLA MA MNYES PAR BYAS PAS BLA MA DGYES BZHIN DU SLOB MA LA RJES GNANG BYA BA LA DGONGS NAS, YON DBUL BA GNYIS SKABS 'DIR GSUNGS KYANG, DE DANG DON MI 'GAL BAS LAG LEN LA DBANG RDZOGS PA'I MJUG TU BYA'O, ,BLA MA LA YON DBUL BA'I CHO GA STA BCU BDUN PA'O,, ,,GSUM PA NI, DE NAS BLA MAS, BHRUm LAS BYUNG BA'I 'KHOR LO, ,AOm BADZRA HE TU Mm, ZHES PAS MDUN NAM STAN DU SBYIN, DBYANGS THA MA AA: LAS BYUNG BA'I DUNG, AOm BADZRE BHA

, ,shA Rm, ZHES PAS LAG PA GA-YAS SU GTAD LA 'BUD DU GZHUG ,DBYANGS DANG PO AA LAS BYUNG BA'I GSANG 'DUS KYI PU TI LAG PA GA-YON DU GTAD LA, DENG NAS BRTZAMS TE SEMS BSKYED PA, ,TZAM GYIS CHOS DUNG BLA MED PA, ,KUN NAS YONGS SU BKANGS NAS NI, ,CHOS KYI 'KHOR LO BSKOR BAR GYIS, ,ZHES BRJOD DO, ,DBYANGS THA MA AA: LAS BYUNG BA'I DRIL BU LAG PA GA-YON DU GTAD DE DKROL DU BCUG LA, THAMS CAD NAM MKHA'I MTSAN NYID DE, ,NAM MKHA' LA YANG MTSAN NYID MED, ,NAM MKHA' MNYAM PA NYID SBYOR BA, ,THAMS CAD MCHOG NI MNYAM NYID GSAL, ,ZHES BRJOD, HO LAS SKYES PA'I MDA' GZHU HO ZHES BRJOD NAS BYIN LA, AOm SARBA TA TH'A GA TA AA NU R'A GA Y'A SV'A ZHES BRJOD, DES KYANG AOm SARBA TA TH'A GA TA AA NU R'A GA YA MI, ZHES BRJOD CING BGEGS LA 'BIGS PA'I BSAM PAS PHYOGS BZHI STENG 'OG GNYIS TE DRUG TU MNGA' 'PHANG ZHING, DE'I TSE SLOB DPON GYIS SNGAGS SNGA MA BRJOD DE, DE NAS KHm LAS BYUNG BA'I RAL GRI BYIN LA, RAL GRI CHEN PO KHAMS GSUM PA'I, ,SANGS RGYAS KUN GYIS PHYAG BYAS PA, ,LAS KYI RAL GRI DAM PA 'DI, ,BZUNG NA BDUD LAS RGYAL BAR 'GYUR, ,ZHES BRJOD NAS DON BSHAD DO, ,DE LTAR 'KHOR LO LA SOGS PAS BSAM PA SNA TSOGS PA'I SEMS CAN GYI SPYOD PA RNAM PAR DAG PAR BYED PA'I SPYOD PA'I BRTUL ZHUGS BYIN PA DE NYID BRTAN PAR BYA BA'I PHYIR, 'DI NI KUN BZANG SPYOD BRTUL ZHUGS, ,BSAM PA SNA TSOGS RNAM DAG BYED, ,KHYOD KYIS KYANG NI RTAG TU BCANG, ,SEMS CAN KUN GYI DON NI BYOS, ,AOm SARBA TA TH'A GA TA HRI DA RA TVm DA RA YA MI A'A H'Um, ZHES BRJOD DO, ,DE NAS SLOB MA RNAM SNANG DU BSKYED

LA; BLA MAS PHRENG BA LA SOGS DBANG RNAMS KYIS, ,DBANG BSKUR NGA YI BYIN PA YIS, ,SDIG PA THAMS CAD RNAM SPANGS TE, ,SANGS RGYAS KUN GYI MDUN NA GNAS, ,DA NI DKYIL 'KHOR SLOB DPON TE, ,SNGAGS DANG RGYUD RNAMS 'DZIN PAR 'GYUR, ,SANGS RGYAS BYANG CHUB SEMS DPA' DANG, ,LHA RNAMS KYIS KYANG MTHUN PAR BSAMS, ,KHYOD NI BDUD RNAMS LAS RGYAL TE, ,SANGS RGYAS THAMS CAD THOB PAR 'GYUR, ,SENG GES SPYOD PA LEGS SPYAD PAS, ,KHYOD KYIS SEMS CAN DON RNAMS BYOS, ,CHOS RNAMS KUN LA SER SNA DANG, ,SEMS CAN RNAMS LA MA PHAN GANG, ,NYAM NGA SHIN TU CHE NA YANG, ,BU KHYOD KYIS NI DE MI BYA, ,'DI LA THE TSOM MI BYA STE, ,GSANG SNGAGS SPYOD PA'I TSUL GYI MCHOG ,MNYAM MED KHYOD KYIS BSGRAG PAR BYA, ,DKYIL 'KHOR LEGS PAR BRI BYA STE, ,SLOB MA YONGS SU BSDU BAR GYIS, ,DOGS PA MED PA'I SEMS KYIS SU, ,SLOB MA RNAMS LA DBANG BSKUR YANG, ,BRTUL ZHUGS BRTAN PAS 'JIG RTEN DANG, ,'JIG RTEN 'DAS PA'I DNGOS GRUB BSGRUBS, ,DE NYID RIG PA'I SEMS KYIS NI, , DNGOS GRUB DE RNAMS THAMS CAD 'BYUNG, ,CHOS KYI DBYINGS KYI BYIN RLABS DANG, ,DAM TSIG RNAMS KYANG BSKYANGS PA DANG, ,KHYOD RTAG BLA MA LA GUS PAS, ,LAS RNAMS THAMS CAD 'GRUB PAR 'GYUR, ,ZHES BRJOD LA, DBANG DANG CHOS BSHAD PAS SLOB MA BSDU BA SOGS KYI RJES SU GNANG BA SBYIN, SLOB MAS KYANG BLA MA LA PHYAG BYAS NAS THAL MO SNYING GAR SBYAR TE, GTZO BOS JI LTAR BKA' STZAL PA, ,DE DAG THAMS CAD BDAG GIS BGYI, ,ZHES BRJOD LA KHAS BLANGS, DE NAS SLOB MA MI BSKYOD PAR BSKYED PA LA, H'Um LAS

, ,BYUNG BA'I RDO RJE, 'DI DE SANGS RGYAS THAMS CAD NYID, ,RDO RJE SEMS DPA' PHYAG NA GNAS, ,KHYOD KYIS KYANG NI RTAG TU BCANG, ,PHYAG NA RDO RJE'I BRTUL ZHUGS BRTAN, ,ZHES YE SHES LNGA'I RANG BZHIN GYI RDO RJE'I BRTUL ZHUGS DANG RTAG TU MI 'BRAL BAR GYIS SHIG CES BRJOD LA, SLOB MA'I LAG PA GA-YAS SU SBYIN, SLOB MAS KYANG AOm SARBA TA TH'A GA TA SIDDHI BADZRA SA MA YA TIshthA AE sh'A TVm DHA RA Y'A MI BADZRA SATVA H'I: HI HI HI HI H'Um, ZHES BRJOD LA BZUNG NGO, ,DE NAS SLOB MAS YID DANG BAS BLA MA LA, DA LTAR SANGS RGYAS RIGS SU 'JUG ,KHYED KYIS BDAG LA LUNG BSTAN GSOL, ,BLA MA'I ZHAL MNGA' LAS NI SKYE, ,MGON POS YANG DAG BDAG DBUGS DBYUNG, ,BYANG CHUB SPYOD PA'I BRTUL ZHUGS BRTAN, ,ZHES PAS BSTAN DANG DBUGS DBYUNG GI DON DU GSOL BA GDAB, SLOB MA ME TOG PHOG PA'I LHAR BSKYED PA LA, BLA MA RGYAL BA SH'AKYA THUB PA'I CHA LUGS CAN DU BYAS TE PHYAG GA-YON PAS CHOS GOS KYI GRVA SNYING KHAR BZUNG, GA-YAS PA MCHOG SBYIN GYI PHYAG RGYA BYA, RGYAL BA THAMS CAD DANG MGRIN GCIG TU LUNG STON PAR BSAMS LA, 'DIR NI KHYED RNAMS NGAS LUNG BSTAN, ,RDO RJE SEMS DPA' DE BZHIN GSHEGS, ,SRID PA SHIN TU DAG PAS NA, ,SRID PA'I NGAN 'GRO RNAMS LAS BTON, ,KYE DPAL CHE GE MO ZHES BYA BA'I DE BZHIN GSHEGS PA SIDDHI SA MA YA STVm BHUR BHU WA SV'A: A'A, GANG LA PHYAG RGYA 'DIS LUNG BSTAN PA DE LA, DE BZHIN GSHEGS PA THAMS CAD DANG BYANG CHUB SEMS DPA' 'KHOR DANG BCAS PA'I DKYIL 'KHOR PA THAMS CAD KYIS MGRIN CIG TU BLA NA MED PA YANG DAG PAR

RDZOGS PA'I BYANG CHUB TU LUNG BSTAN PAR MDZAD DE, PHYAG RGYA 'DI NYID KYI MTHU DANG SNGAGS 'DI'I STOBS YIN NO, ,ZHES BRJOD DE LUNG BSTAN NO, ,GA-YAS PA MI 'JIGS PA'I PHYAG RGYAR BSGYUR LA, MAH'A SA MA YA HA NA H'Um PHAt, ZHES BRJOD DE, MCHOG TU GSANG BA'I DKYIL 'KHOR 'DIR, ,ZHUGS PA DANG NI MTHONG BA YIS, ,SDIG PA KUN LAS RNAM GROL TE, ,DE RING KHYED RNAMS BDE BAR GNAS, ,BDE CHEN THEG PA 'DI LA NI, ,PHYE NAS 'CHI BA YOD MA YIN, ,SRID PA SHIN TU DAG PAS NA, ,SRID PA'I SDUG BSNGAL RNAMS LAS GROL, BYANG CHUB SEMS NI NAM MI SPANG, ,RDO RJE ZHES BYA'I PHYAG RGYA NI, ,GANG ZHIG BSKYED PA NYID TZAM GYIS, ,SANGS RGYAS NYID DU THE TSOM MED, ,DAM PA'I CHOS LA SMAD MI BYA, ,NAM YANG DOR BAR MI BYA STE, ,MI SHES PA'AM GTI MUG GIS, ,RNAM PAR BSTAN PAR BYA MA YIN, RDO RJE DANG NI DRIL BU DANG, ,PHYAG RGYA 'ANG NAM YANG SMAD MI BYA, ,SLOB DPON SMAD PAR MI BYA STE, ,'DI NI SANGS RGYAS KUN DANG MNYAM, ,RANG GI BDAG NYID YONGS BTANG STE, ,DKA' THUB KYIS KYANG GDUNG MI BYA, ,JI LTAR BDE BAS BDE GZUNG NA, ,'DI NI MA 'ONGS RDZOGS SANGS RGYAS, ,DE RING BDUD RNAMS PHAM BYAS NAS, ,GRONG KHYER DAM PAR RAB TU GZHUG ,DENG DUS KHYED KYIS SANGS RGYAS NYID, ,THOB 'GYUR 'DI LA THE TSOM MED, ,CES BRJOD DE DBUGS DBYUNG NGO, ,RJES SU GNANG BA'I CHO GA STE BCO BRGYAD PA'O,, ,,YON DBUL GSOL GDAB PHYAG MTSAN BZHI, ,KHRIR BZHAG NANG DGOD DAM TSIG SBYIN, ,DBANG DNGOS CHU DBANG DGOD CING MCHOD, ,DAM BSGRAGS LSNGAGS DBANG YON DBUL GNYIS, ,'KHOR LO DUNG GLEGS DRIL BU MDA', ,RAL GRI BRTAN BYED PHRENG SOGS BLANG, ,BRTUL ZHUGS LUNG

, ,BSTAN DBUGS DBYUNG NI, ,SLOB DPON DBANG GI SDOM YIN NO, ,DE LTAR PHYI NANG GI DKYIL 'KHOR GNYIS LAS PHYI RDUL TSON GYI DKYIL 'KHOR DU SA BCU PA LA PHYIR MI LDOG PA'I SEMS DPA' CHEN PO RNAMS LA PHYOGS BCU'I RGYAL BA RNAMS KYIS 'OD ZER CHEN PO'I DBANG BSKUR BA BZHIN DU, RGYAL BA BLA MA DANG BCAS PAS SEMS CAN DPAG TU MED PA LA GZHAL DU MED PA'I CHOS STON PA LA SOGS PAS SLOB DPON DU BYA BA'I CHED DU CHOS KYI RGYAL SRID DU DBANG BSKUR BAS NA SLOB DPON GYI DBANG DANG PHYIR MI LDOG PA RNAMS KYI DBANG DANG 'DRA ZHING, PHYIR MI LDOG PA'I SA BON KHYAD PAR CAN SKRUN PAR BYED PA'I PHYIR NA PHYIR MI LDOG PA'I DBANG ZHES PA DANG, DBANG DRUG KA LA BUM PA'I CHU'I BYA BA RJES SU 'GRO BAS BUM PA'I DBANG ZHES BYA BA THOB, GTZO BOR LUS KYI DRI MA GSUM SNGAR BSAGS SBYONG ZHING PHYI MA SDOM PA DANG, LUS THA MAL DU 'DZIN PA'I SNANG ZHEN GYI DRI MA 'KHRUD PAS NA SKU RDO RJE SBYONG, LAM BSKYED RIM YAN LAG DANG BCAS PA BSGOM PA LA DBANG, 'BRAS BU SPRUL PA'I SKU'I NUS PA KHYAD PAR CAN 'JOG GO ,ZHES DBANG DON BSHAD DO, , BSKYED RIM GYI LHA'I SKU BSGOM PAR BYA BA LA NANG TSAN GYI DBYE BA DU MA ZHIG YOD KYANG GTZO BO RIGS DRUG TU BSDUS NAS DBANG DRUG BSKUR TE, RIGS DRUG DANG 'BREL BA'I BSKYED RIM THAMS CAD SGOM PA LA DBANG BAR BYED PA YIN NO, ,GNYIS PA GSANG BA'I DBANG BSKUR BA LA GSUM, YON PHUL TE BSTOD CING GSOL BA GDAB PA, DAM TSIG BSTAN NAS DBANG DNGOS BSKUR BA, DBANG GI DAG PA SBYIN PA'O, ,DANG PO NI, GSANG DBANG 'DOD PAS DBANG GI CHO GA'I THOG MA NAS DBANG MA RDZOGS KYI BAR DU LHA DANG BLA MA LA 'DOD YON DANG NYER

SPYOD LNGAS NYIN RE ZHING MCHOD, KHYAD PAR DU BLA MA LA TSOGS KYI MCHOD PA BYAS TE, GZUGS DANG LANG TSO LA SOGS PA BUD MED KYI YON TAN THAMS CAD DANG LDAN PA'I PADMA CAN GYI RIGS, DBANG THOB CING DAM TSIG DANG SDOM PAR LDAN LA, SNGAGS KYI THEG PA LA LHAG PAR MOS PA, GOS DANG RGYAN DANG DRI DANG BYUG PA LA SOGS PA PHUL DU BYUNG BAS BRGYAN PA DBUL, KHYAD PAR CAN GYI RDZAS NOR BU RIN PO CHE SNA BDUN NAM YANG NA RGYAL SRID SNA BDUN DNGOS SAM, BLOS SPRUL PAS BKANG BA'I ZHING 'DI NYIN RE BZHIN DU DBUL, PHYAG BYAS PUS MO GA-YAS PA'I LHA NGA SA LA BTZUGS MGO DUD PA'I THAL MO SBYAR NAS BLA MA LA, KUN MKHYEN SA KUN DBANG PHYUG LA, ,KUN GYI DBANG PHYUG 'GRO BA'I BDAG ,THUGS KYI BDAG PO DPA' BO CHE, ,DPA' BO'I GTZO LA PHYAG 'TSAL BSTOD, ,SANGS RGYAS KUN BDAG BDAG NYID GNAS, ,RDO RJE YE SHES GSUM 'BYUNG BA, ,RDO RJE H'Um MDZAD H'Um SGROGS PA, ,NYON MONGS MTHAR MDZAD PHYAG 'TSAL BSTOD, ,SANGS RGYAS KUN MCHOG PHYAG 'TSAL 'DUD, ,RDO RJE GSUM DBYER MED PA'I SKU, ,CHOS BDAG MED PA LAS BYUNG BA, ,YE SHES BDUD RTZI PHYAG 'TSAL 'DUD, ,KUN MKHYEN YE SHES PHUNG PO CAN, ,SRID PA'I 'KHOR LO RNAM SBYONG BA, ,DPAL CHEN YE SHES CHEN PO PA, ,GZI BRJID CHEN PO PHYAG 'TSAL BSTOD, ,PHYAG RGYA DPA' BO CHEN PO STE, ,STOBS CHEN MCHOD PA CHEN PO PA, ,BDUD MTHAR BYED PA DPA' CHEN PO, , DPA' BO DBANG PHYUG PHYAG 'TSAL BSTOD, ,SKYE DANG GNAS DANG BSDUD PA YI, ,BYED PA POR GYUR 'GRO BA'I GTZO, ,DNGOS DANG DNGOS MED RANG BZHIN NYID, ,NGO MTSAR MCHOG GYUR PHYAG 'TSAL BSTOD, ,YE SHES RNAM SHES SHES BYA YI, ,LAM DU 'JUG 'GYUR PHYAG 'TSAL

, ,BSTOD, ,'GRO BA'I MGON LA PHYAG 'TSAL BSTOD, ,PADMA LAS BYUNG PHYAG 'TSAL 'DUD, ,CES PAS BSTOD, KHYOD KYI ZHABS KYI BKA' DRIN GYIS, ,YE SHES BLA MED BYA BA SHES, ,DE LTAR DBANG BSKUR RIN CHEN GYIS, ,MGON POS BDAG NI DBANG BSKUR MDZOD, , DPAL LDAN BDE CHEN MGON PO YIS, ,DPAL LDAN CHOS KYI RDO RJE LA, ,GSANG BA'I DE NYID BSTAN PA LTAR, ,MGON POS DE BZHIN BKA' DRIN STZOL, ,SDUG BSNGAL KUN GYI GNAS GYUR PA, ,DMYAL BA NAS NI GTZO BOS DRONGS, ,SDUG BSNGAL THAMS CAD MTHAR MDZAD PA; ;MGON MED BDAG LA THUGS RJE MDZOD, ,KHYOD ZHABS PADMO SPANGS NAS SU, ,GTZO BO GZHAN NA SKYABS MA MCHIS, ,'GRO BA'I DPA' BO THUB CHEN GYIS, ,DE PHYIR SANGS RGYAS MCHOG GNAS MDZOD, ,CES GSOL BA GDAB PO, ,GNYIS PA NI, DE NAS SLOB DPON GYIS SLOB MA LA SNYING RJE BSKYED, BZHIN RAB TU DANG BAS 'DI SKAD CES, BU YIS SROG CHAGS GSAD PAR BYA, ,BRDZUN GYI TSIG KYANG SMRA BAR BYA, ,MA BYIN PAR YANG BLANG BAR BYA, ,GZHAN GYI CHUNG MA BSTEN PAR BYA, ,'DI NI CHO GA MDOR BSDUS PA'O, ,PHYAG RGYA CHEN PO DE BSTEN PAS; ;'DI NI RTAG TU BSTEN PA YIN, ,DAM TSIG BZHI PO 'DI NYID NI, ,BZANG PO KHYOD KYIS RTAG TU BSTEN, ,ZHES DAM TSIG THOB PAR BYAS LA, SLOB MAS MTHONG NA MA DAD KYIS DOGS PAS GDONG GA-YOGS BCINGS LA RNAM SNANG DU BSKYED, RANG NYID GTZO BO SEMS DPA' GSUM RTZEG TU BYA ZHING, SLOB MAS DNGOS SAM BLOS SPRUL TE PHUL BA'I RIG MA RAG RDO RJE MAR BSKYED LA GNAS LNGAR SA BON LNGA LAS RIGS LNGA BSKYED DE BYIN GYIS BRLAB, ,RDO RJE DANG PADMA 'DU BYA BA DANG, RIN 'BYUNG GI NGA RGYAL GYIS RJES CHAGS DANG, LAS LA GNAS

PA BSGRUB THABS BZHIN BYA, SBYOR MTSAMS NAS SPROS PA'I 'OD ZER GYIS PHYOGS BCU'I SANGS RGYAS THAMS CAD 'DUS PA'I BDAG NYID LHA SUM CU SO GNYIS SPYAN DRANGS TE, RANG GI SKU YI DKYIL 'KHOR LA GNAS PA RNAMS RANG GI SNYING KHAR BSDUS PA CHAGS PA CHEN POS ZHU STE, STONG PA GSUM RIMS GYI THIM PA'I THAMS CAD STONG PA 'OD GSAL LHAN CIG SKYES PA'I DGA' BA NYAMS SU MYONG NAS, NYON MONGS PA RNAM PAR DAG PA'I GNAS MNGON DU BYAS LA, LHA RNAMS ZHU BA'I THIG LE RDO RJE'I LAM NAS GA-YON PA'I MTHEB SRIN GYIS PHYUNG STE, 'DI DE SANGS RGYAS THAMS CAD KYI, ,DAM TSIG CHEN PO RMAD BYUNG BA, ,KHAMS LNGA LAS BYUNG BCUD KYIS LEN, ,BDE BA CHEN PO MYONG BAR GYIS, ,ZHES PA'I DON GO BAR BYAS LA, 'DAS PA'I RDO RJE 'CHANG SOGS KYIS, ,JI LTAR SANGS RGYAS SRAS DBANG BSKUR, ,BYANG CHUB SEMS NI BZANG PO YIS, ,DE LTAR BU KHYOD DBANG BSKUR RO, ,AOm A'A: BADZRA DHRi KA H'Um, ZHES BRJOD DE SLOB MA'I MIG DANG LAG PA'I YUL MIN PAR LCE THOG TU BZHAG GO ,DE LTAR SANGS RGYAS THAMS CAD ZHU BA 'DUS PA'I NGO BOR MOS SHING RANG GI LUS LA GNAS PA'I RGYAL BA THAMS CAD TSIM PAR BYA BA DANG, BYANG CHUB LAS MI GA-YO BA'I BSAM PAS, AA HO MAH'A SU KHA, ZHES BRJOD CING BTUNG BAR BYA'O, ,DE NAS RIG MA YANG LANGS LA GOS MED PAR BYAS NAS, RANG GI PADMA LA GNAS PA'I THIG LE SNGAR BSHAD PA LTAR SBYIN ZHING, SNGAR BZHIN GYI BSAM PAS BZA' BAR BYA'O, ,DE LTAR MYANGS PA LAS GZHON NU MA'I BDE BA 'DRA BA'I BDE BA SKYE BAR GSUNGS PAS, BYANG CHUB KYI SEMS TSIG GIS STER BA LA YANG DE 'DRA BA'I BDE BA BYUNG BAR BSGOMS

, ,LA, DE NYID GSANG DBANG DNGOS GZHIR NGO 'PHROD PAR BYA'O, ,BLA MAS YAB YUM GNYIS KYI BYANG CHUB KYI SEMS DKAR DMAR BTON TE, DUNG CHOS SAM BUM PA 'AM THOD PAR BLUG ,BDUD RTZI LHAG MA RNAMS BSRES PA DRI ZHIM PO'I CHU DANG SBYAR BA YI GE GSUM GYIS BSNGAGS NAS SBYANG SBAR SOGS SGRUB THABS BZHIN BYA, SNGAR BSHAD PA'I BKRA SHIS KYI TSIGS BCAD DANG, 'DI DE ZHES PA'I TSIG BCAD GNYIS BRJOD PA SNGON DU 'GRO BAS, BDUD RTZI LNGA SPYI BOR GTOR ZHING 'THUNG DU GZHUG LA DBANG BSKUR RO; ;'DI GSANG DBANG TZAM DANG SNGA MA MCHOG GI GSANG DBANG DU N'A RO TA PA BZHED DO, ,PHYI MA SGRON GSAL LAS BSHAD DE ZLA GSANG THIG LE DANG GSANG BA GRUB PA DANG RIM LNGA DANG SPYOD BSDUS KYI DGONGS PA'O, ,GSANG DBANG SNGA MA SKAL BZANG DANG PHYI MA SKAL DMAN GYI DBANG DU BYAS PA MIN TE, GSANG DBANG SNGA MA BSKUR BA DE NYID LA PHYI MA 'DI BYED PAR GSANG BA GRUB PA DANG SGRON GSAL LAS GSUNGS PA'I PHYIR RO, ,DBANG GZHAN RNAMS BSKUR BA NA RANG RANG GI SKABS KYI LAM BSGOM PAR BYA BA MTSON PA LTA, GSANG DBANG BSKUR BAS MTSON TSUL NI, 'DIS THOG MAR RANG GI RTZA DANG RLUNG DANG THIG LE DANG YI GE SOGS LA DMIGS NAS, LUS LA GNAD DU BSNUN PAR BYED PA'I LAM RNAMS SGOM PA LA DBANG BAR BYED LA, DE YANG BLA MA YAB YUM GYI BYANG SEMS DKAR DMAR LCES MYANGS PA RTZA'I SPUBS RNAMS SU PHYIN PA NA, BYIN RLABS CAN GYIS RDZAS DE RANG GI SEMS BYANG SEMS RLUNG DANG BCAS PA DANG 'DRES NAS DES BYIN GYIS BRLABS PAS, DA GZOD RTZA RLUNG SOGS LA GNAD DU BSNUN PA'I LAM SGOM PA NA DE DAG LAS RUNG DU 'GYUR BA'I RTEN

'BREL KHYAD PAR CAN SGRIG PA YIN ZHING, KHYAD PAR DU DBANG 'DIS SGYU LUS MTSON TSUL NI, ZHAL LUNG LAS GSANG DBANG BSKUR BA'I SKABS SU, DE YIS ZHING NI DAG BYAS TE, ,CHOS KUN SGYU MA LA SOGS PA'I, ,BCU GNYIS DON DU RTOGS PAR 'GYUR, ,ZHES GSANG DBANG GIS CHOS KUN SGYU MA LA SOGS DANG 'DRA BAR RTOGS PAR GSUNGS SHING, DGRA NAG LAS, BTUNG BA RIN CHEN 'DI YIS NI, ,RDO RJE'I LUS NI RAB TU BSGRUB, ,CES GSANG RDZAS STER BA'I SKABS SU, GSANG RDZAS BYANG CHUB KYI SEMS KYIS RDO RJE'I SKU SGRUB PAR BRJOD NAS STER BAR GSUNGS LA, RIM LNGAR RDO RJE'I SKU DANG SGYU MA'I SKU RNAM GRANGS SU GSUNGS PAS, GSANG RDZAS MYANGS PAS RDO RJE'I SKU 'AM SGYU MA'I SKU MTSON TSUL BRTEN DGOS SO, ,DE'I TSUL NI, GZUNG MI NUS PAR PHYIR 'TSOR BA'I BYANG SEMS NI CHANG GI KHU BA ZAGS PA'I SBANG MA DANG 'DRA ZHING, PHYIR MA SHOR BAR 'DZIN NUS PA'I BYANG SEMS NI CHANG GI KHU BA MA ZAGS PA'I SBANG MA LTAR NUS PA CHE LA, DBANG 'DI BSKUR BA'I SLOB DPON MTSAN NYID DANG LDAN PAS KYANG, 'GOG PA'I THABS KYIS BKAG PAS BYANG SEMS PHYIR MA SHOR BAR BSKUL NAS LHAN SKYES KYI DGA' BA BRTAN PAR BYED NUS PAR GSUNGS PAS SHIN TU NUS PA CHE BA DANG, BLA MA YAB YUM LA LHAN SKYES KYI DGA' BA BSKYED PA'I RDZAS KHYAD PAR BA YIN PA DANG, SANGS RGYAS BYANG SEMS DPAG MED DMIGS PA BRTAN POS BKUG NAS BZHUS PA DANG DBYER MED PAR BYAS PA YIN PAS, PHYAG CHEN THIG LE LAS RDZAS 'DI MYANGS PAS GZHON NU MA'I BDE BA 'DRA BA SKYE BAR GSUNGS SO, ,DES NA DE 'DRA BA'I BDE BA SKYES PA'I TSE, YID KYI BDE BA DES BDAG MED PA'I DON NGES PA'I BDE STONG DBYER MED DU NGO SPRAD PA NA,

, ,SPYIR CHOS KUN SGYU MA LTA BUR 'CHAR ZHING, KHYAD PAR DU RANG LHAR BSGOMS PA'I LHA SKU SGYU MA DANG 'JA' TSON LTA BU NGES SU GZHUG PA, KHYED KYIS LUS LA GNAD DU BSNUN PA'I GDAMS NGAG GIS RLUNG SHIN TU DUL BAR SBYANGS PA NA, DE'I MTHUS DGA' BA GSUM MAM STONG PA GSUM GYI YE SHES BSKYED PA'I MTHAR, LUGS LDOG TU ZHUGS PA'I YE SHES GSUM RLUNG DANG BCAS PA LAS, DA LTA LHA'I SKU 'JA' TSON DANG SGYU MA BZHIN DU SNANG BA 'DI DANG 'DRA BA'I SGYU MA'I SKU 'GRUB PAR 'GYUR RO ZHES BRJOD DO, , GSUM PA NI, DE NAS GDONG GA-YOGS BSAL ZHING KHYOD KYIS DKYIL 'KHOR BZHI LAS KUN RDZOB BYANG CHUB SEMS KYI DKYIL 'KHOR DU, RDZAS GSANG BA LAS BYUNG BA'I DBANG LA GSANG BA'I DBANG BSKUR BA ZHES BSHAD PA DE THOB, THUN MONG BA'I NGAG GI DRI MA RDZUN DU SMRA BA SOGS SNGAR BSAGS 'DAG CING PHYI MA SDOM PA DANG, THUN MONG MA YIN PA RLUNG LA NGAG TU GSUNGS PA'I DRI MA RLUNG SNGAGS SO SOR SNANG ZHING ZHEN PA'I DRI MA 'KHRUD PAS GSUNG RDO RJE SBYONG, KUN RDZOB SGYU MA'I RDZOGS RIM DANG DE GANG LAS SGRUB PA'I GZHI STONG PA GSUM GYI YE SHES SEMS DBEN DANG, DE 'DREN BYED LUS DBEN DANG, RDO RJE BZLAS PA BSGOM PA SOGS LA DBANG BAR BYAS, 'BRAS BU LONGS SPYOD RDZOGS PA'I SKU 'GRUB PA'I NUS PA KHYAD PAR CAN BZHAG ,SNGAR BSHAD PA'I DAM TSIG BZHI DANG LHA RNAMS LA SHA LNGA SBYIN SREG DANG GTOR MA RE DBUL ZHING ,RANG GIS KYANG SHA DANG BDUD RTZI LNGA SBYANG BA SOGS BYAS NAS BZA' BA DANG, TSOGS KYI 'KHOR LO NYIN RE'AM ZLA BA RE 'AM LO RE RE LA BYA ZHING, GLU GAR LA SOGS PAS SDUG PA THAMS CAD 'DU BAR BYAS TE,

DBANG PO GNYIS MNYAM PAR SBYAR BA'I GSANG MCHOD BYA BA'I DAM TSIG RNAMS BSRUNG BAR BYA'O ZHES BSHAD DO, ,GSANG DBANG THOB PAS GSUNG RDO RJE NGAG DBEN DANG THUGS RDO RJE SEMS DBEN GNYIS SBYONG LA, BDAG BYIN RLABS NI DBANG GSUM PA THOB PAS MTSON PAR BYED CES SGRA GCAN 'DZIN DPAL BSHES GNYEN 'CHAD MOD KYANG, N'A RO TA PAS GSANG DBANG THOB PA LA SGYU LUS BSHAD PA DANG, DBANG GSUM PA THOB PAS 'OD GSAL BSHAD PAR GSUNGS PA NYID RIM LNGA DANG 'JAM DPAL ZHAL LUNG GI DGONGS PA YIN NO, ,RIM LNGAR BSKYED RIM GYI RJES SU 'BRANGS NAS DBANG BSKUR BA THOB CING, DBEN PA GSUM GYI THOS PA 'DZIN PAS PHRENG BA LA SOGS PA'I DBANG DGU DANG BCAS PA'I GSANG DBANG THOB NAS, SGYU LUS KYI GDAMS NGAG GI DON DU GSOL BA GDAB PAR GSUNGS PA LA BRTEN NAS, BUM DBANG RDZOGS PAR THOB PA NA NGAG DBEN DANG SEMS DBEN SGOM PA LA DBANG NGO ZHES SMRA BA NI DON MIN NO, ,'O NA JI LTAR YIN SNYAM NA, DE NI SGYU LUS KYI GDAMS NGAG NYAN PA LA DBEN GSUM GYI GDAMS NGAG THOB PA DANG, DBANG DGU GSANG DBANG DANG BCAS PA THOB PA ZHIG DGOS ZHES PA'I DON YIN GYIS, DBEN GSUM GYI GDAMS NGAG SNGON DU THOB NAS PHYIS GSANG DBANG ZHU BA'I DON MIN TE, DE LTA MA YIN NA BUM DBANG DGU YANG DBEN GSUM GYI GDAMS NGAG SNGON DU THOB PA LA BSKUR DGOS PAR 'GYUR RO, ,DES NA RDZOGS RIM LA BDEN PA GNYIS SO SO'I DBANG DU BYAS PA KUN RDZOB SGYU MA DANG, DON DAM 'OD GSAL GYI RDZOGS RIM GNYIS DANG, BDEN GNYIS DBYER MED ZUNG 'JUG GI RDZOGS RIM GSUM YOD LA, DE RNAMS KYI SNOD DU SGRUB PA LA DBANG GONG MA GSUM DGOS PA YIN TE,

, ,LUS NGAG GI DBEN PA DANG SEMS DBEN NI KUN RDZOB SGYU MA'I CHA LAG YIN PAS DE'I KHONGS SU BSDUS PA'O, ,YON DBUL BSTOD GSOL DAM TSIG SBYIN, ,GNYIS BSKYED 'DU BYA SPYAN DRANG MYANG, ,RDZAS SBYIN BTUNG SPRANG SHIS BRJOD BSKUR, ,DAG PA SBYIN PA GSAD DBANG SDOM,, ,,GSUM PA SHES RAB YE SHES KYI DBANG BSKUR BA LA BZHI, YON DBUL ZHING GSOL BA GDAB PA, DBANG DNGOS BSKUR BA'I CHO GA ,DBANG GI YE SHES NGO SPRAD PA, DBANG GI DAG PA SBYIN PA'O, ,DANG PO NI, 'BYOR PA CI YOD PAS TSOGS 'KHOR BYAS LA NAM PHYED NA, SHES RAB DANG DAD PA CHE BA RNAL 'BYOR LA GOMS PA SGRUB PA PO LA MOS PA, DAM TSIG DANG SDOM PA 'DZIN PA'I RIG MA LO BCU GNYIS SAM BCU DRUG GAM NYI SHU MA, LUS DRI ZHIM POS BYUGS SHING RGYAN THAMS CAD KYIS BRGYAN PA BLA MA LA PHUL TE, GSANG BA DANG DE LAS GZHAN PA'I MCHOD PAS MCHOD LA, BLA MA'I MDUN DU PUS MO GA-YAS PA'I LHA NGA SA LA BTZUGS TE THAL MO SBYAR LA, 'KHOR BA LAS SKYOB PA'I YID KYIS SLOB DPON LA SANGS RGYAS MNGON SUM PA BZHIN DU BLTAS NAS; MCHOG SBYIN RDO RJE MCHOG KHYOD 'DUD, ,YANG DAG MTHAR GYUR KHYOD LA 'DUD, ,STONG NYID LAS BYUNG KHYOD LA 'DUD, ,SANGS RGYAS BYANG CHUB PHYAG 'TSAL 'DUD, ,SANGS RGYAS KUN GYIS YE SHES CHE; ;THAMS CAD STONG PA BLA NA MED, ,MNGON PAR BYANG CHUB MTHONG BA NI; ;SLOB DPON CHEN PO BDAG LA STZOL, ,LAS DANG SKYE LAS RNAM GROL BA'I, ,TSE 'DIR BYANG CHUB NYID 'THOB PA, ,RANG MYONG MTSAN NYID CIG PA NYID, ,SEMS DPA' CHEN PO STZAL DU GSOL, ,KHYOD ZHABS PADMO SPANGS NAS NI, ,GTZO BO GZHAN DU SKYABS MA

MCHIS, ,'GRO BA'I DPA' BO THUB CHEN POS, ,DE BAS SANGS RGYAS MCHOG BRNYES MDZOD, ,CES PA 'AM BSDUS NA, DNGOS GRUB THAMS CAD BSDUS NAS NI, ,BDAG LA KHYOD KYIS DBANG BSKUR GSOL, ,ZHES MNGON PAR BYANG CHUB PA'I GDAMS NGAG GI SNOD DU BSGRUB PA'I DBANG GI DON DU GSOL BA GDAB BO, ,GNYIS PA NI, DE NAS PHAN TSUN NGO TSES BCINGS NA BDE BA CHEN PO NGOS MI ZIN PA SPANG BA'I PHYIR GNYIS KA LA GDONG GA-YOG BCING, BLA MAS RIG MA BSANG SBYANGS TE SPYAN MA'AM REG RDO RJE MAR BSKYED, DE'I LUS LA SA BON LNGA LAS RIGS LNGA BKOD DE BYIN GYIS BRLABS PA'I LAG PA SLOB MA'I LAG PAR GTAD LA RANG GI LAG PA GA-YON BAS BZUNG, LAG PA GA-YAS PA RDO RJE DANG BCAS PA SLOB MA'I SPYI BOR BZHAG STE, 'DIR NI KHYED RNAMS DBANG PO YIN, ,BDAG GIS 'DI LA 'DI GTAD DO, ,ZHES RGYAL BA RNAMS DPANG DU BTZUGS TE, LHA MO PHYAG RGYA CHEN PO 'DI, ,DPAG MED BDE BA RAB STER BA, ,BU YIS KUN NAS BLANGS NAS NI, ,BLA NA MED PA'I MCHOD BA GYIS, ,THABS GZHAN GYIS NI 'TSANG MI RGYA, ,DE BAS RIG PA 'DI MCHOG YIN, ,CHOS KUN GNYIS SU MED PA LA, ,DNGOS PO GNYIS SU BTAGS PA YIN, ,DE BAS 'KHOR BA RNAM BRAL PAR, ,RTAG TU KHYOD KYIS MI BYA'O, ,'DI NI SANGS RGYAS THAMS CAD KYI, ,RIG PA'I BRTUL ZHUGS BLA MED PA'O, ,RMONGS PA GANG ZHIG 'DAS GYUR NA, ,DNGOS GRUB MCHOG KYANG 'GRUB MI 'GYUR, ,ZHES BRJOD DE RIG MA'I BRTUL ZHUGS SBYIN, SLOB MA RDO RJE 'DZIN PA GNYIS PA DANG RIG MA LA, GDUGS DANG RGYAL MTSAN DANG RNGA YAB DANG PHRENG BA DANG TZAN DAN LA SOGS PAS MCHOD CING, ROL MO'I SGRA SKAD SNA TSOGS PA DANG BKRA SHIS KYI DBYANGS KYIS

, ,SHIS PA BRJOD, DE NAS RIG PA NGES, DPA' BO BU NI BLA NA MED, ,DPA' BO KHYOD NI SPRO 'AM CI, ,BSHAD DANG GCI BA BZA' BA DANG, ,SHA DANG KHU KHRAG DE BZHIN TE, ,BU KHYOD CI DGAR SPRO GYUR TE, ,BUD MED RTAG TU GUS PA DANG, ,BDAG GI PADMAR 'O BYED PA, , BU KHYOD CI BZHES BDEN PAR SMROS, ,ZHES 'DRI BA LA SLOB MAS, KHU KHRAG LA SOGS BZA' BA DANG, ,BUD MED RNAMS LA RTAG GUS DANG, ,BHA GA'I PADMAR 'O BYED PA, ,LHA MO CI PHYIR BDAG MI SPRO, ,ZHES BRJOD PA DANG, RIG MA DE DGYES NAS SKRA BKROL, GOS DANG BRAL BAR BYAS NAS RANG GI CHU SKYES PHYE NAS GSAL BAR STON CING, AE MA BDAG GI PADMA NI, ,BDE BA THAMS CAD YANG DAG LDAN, ,GANG ZHIG CHO GAS BSTEN BYED PA, ,DE YI MDUN DU BDAG GNAS SO, ,SANGS RGYAS BSTEN PA LA SOGS PA, ,PADMAR BYA BA JI BZHIN GYIS, ,BDE TSAN RGYAL PO RANG NYID NI, ,'DI NYID DU NI RTAG TU ZHUGS, ,BLUN PO GANG ZHIG 'DI SPONG BA, ,DE LA MCHOG GI DNGOS GRUB MED, ,BHANYDZA MOKshA HO: ZHES BRJOD PA DANG SLOB MA RNAM SNANG DAM MI BSKYOD PAR BSKYED, YE SHES PA GZHUG DBANG BSKUR, RIG MA SPYAN MA'AM RIG RDO RJE MAR GSAL GDAB PA SOGS BYAS LA, RDO RJE DANG PADMA 'DU BYAS TE, MDZUB MO'I RTZE DANG LCE RTZE LA HRI YIG BKOD CING SHIM PA BRJOD PA SNGON DU 'GRO BAS, RIM PA BZHIN DU BHA GA'I DBUS KYI BDE BA RGYU BA'I RDO RJE DBYINGS KYI DBANG PHYUG MA'I RTZA BTZAL LA, RNYED PA'I RTAGS BYUNG BA DANG, RIN 'BYUNG GI NGA RGYAL GYIS PHAN TSUN 'KHYUD PA DANG TZUM PA NAL SOGS PA KA RA NA'I SBYOR BAS RJES SU CHAGS PAR BYAS LA, AOm SARBA TA TH'A GA TA AA NU R'A GA nA BADZRA SV'A BH'A BA A'ATMA KONYHAm, ZHES BRJOD LA DE BZHIN GSHEGS PA THAMS CAD KYI RJES SU CHAGS PA'I

RDO RJE'I BDAG NYID DE NGA'O SNYAM DU NGA RGYAL BYA, DE NAS MI BSKYOD PA'I NGA RGYAL DU 'PHOS LA, H'Um GLUR BLANG BA SOGS SGRUB THABS BZHIN BYAS TE, RANG GI THUGS KA'I SA BON GYI 'OD ZER GYIS SPYAN DRANGS PA'I RGYAL BA YAB YUM LUS LA GZHUG ,BLA MAS KYANG DE LTAR SPYAN DRANGS TE BCUG PA DANG RO GCIG TU GYUR PA, SNGON DU BLA MA'I MAN NGAG GIS DGA' BA DANG STONG PA BZHI SKYE BA'I GNAS DANG DUS DANG NGO BO'I DBYE BA SHES PAS DGA' BA BRTZAM PAR BYA'O, ,GSUM PA NI, DE YANG ZHAL LUNG LAS, SDOM BRTZON GZHU DBYIBS GA-YO BA YI,, ,SUM MDOR YE SHES ME SBAR BAS, ,KHAMS BZHUS NAS NI BCU DRUG CHAR, ,GYUR PA ME TOG KUN DE 'DRA, ,RLUNG GI SBYOR BAS 'PHUL BAR BYA, ,RANG BZHIN GYIS NI RAB ZHI BA, ,CHOS SKU ZHI BA DE KHO NA, ,BDE BA DE NYID NOR BUR 'DUG ,SKAD CIG DRAN MED GA-YO BAR BYED, ,SGRUB PA CHEN PO DE NYID DO, ,ZHES GSUNGS PA LTAR SNYOMS PAR ZHUGS PA'I RKYEN GYIS GSANG GNAS KYI RLUNG GA-YOS PAS, LTE 'OG GI SUM MDO'I TSANGS PA'I ME 'BAR BA LTE BA'I GTUM MO DANG GCIG TU GYUR TE CHER 'BAR NAS, RIM GYIS GYEN DU SONG BAS SPYI BO'I KHAMS BZHUS NAS LUS KYI THIG LE'I GNAS BCU DRUG NAS BYANG SEMS DKAR PO'I CHA KUN DA LTA BU ZHU BA RNAMS DRANGS TE, RLUNG GIS THUR DU PHUL BA RIM GYIS BRGYUD NAS RDO RJE NOR BUR GNAS PA PHYIR MA 'BOS PA LAS BYUNG BA'I DPE'I 'OD GSAL DANG, LHAN CIG SKYES PA'I YE SHES NGOS ZIN PAR BYAS LA, DE NYID SHES RAB YE SHES KYI DBANG DU NGO 'PHROD PAR BYA'O, ,'DI YANG ZHAL LUNG LAS, DE NAS DE LA RANG BYUNG GI ,CHOS SKU RAB DGA' MKHA' MNYAM PA, ,LHAG PA'I LHA ZHES BYA BA NI, ,RTOGS BYA'I CHED DU BU MO SBYIN, ,ZHES GSUNGS SHING,

, ,RANG BZHIN GYIS NI ZHES PA'I RKANG PA GNYIS DANG, SHES RAB SBYOR BAS DPAL LDAN NI, ,DE NYID YANG DAG MTSON PAR BYA, ,ZHES GSUNGS SHING, DE KHO NA NYID KYI DON KHONG DU CHUD PA'I LTA BA DANG BRAL BA LA DNGOS KYI RIG MA LA BRTEN PA'I 'DOD YON LAM BYED MA GNANG BAS, BDAG MED PA'I GO BA PHU THAG CHOD PA'I LTA BA DANG LDAN PAS SNGAR BSHAD PA LTAR GYI BDE BA SKYES PA NA, DE NAS BDAG MED PA'I LTA BA DRAN PAR BYAS NAS, BDE BAS BDAG MED KYI STONG PA NGES PAR BYAS PA NYID BDE STONG DBYER MED KYI LHAN SKYES KYI DGA' BA YIN GYI, BDE BA CHEN PO BYUNG BA'I DBANG GIS SEMS KYI RTOG PA RE ZHIG LOG PA TZAM BDE STONG DBYER MED KYI DON MIN NO, ,DE NI DBANG GSUM PA KHYAD PAR CAN GYI THOB LUGS YIN LA, STONG PA'I GO BA DE 'DRA MED PAS DBANG SUM PA KHYAD PAR CAN DE 'DRA MI 'THOB LA, DBANG BSKUR MKHAN DANG ZHU MKHAN GYI GANG ZAG MCHOG DMAN GYI DBANG GIS DBANG GSUM PAR RIGS GCIG KYANG THOB LUGS MANG DU 'ONG STE DBANG GZHAN LA'ANG DE DANG 'DRA'O, ,DBANG 'DI YE SHES KYI PHYAG RGYA LA RTEN NAS SKUR BA LA YANG SNGAR BSHAD PA'I DMIGS PA RNAMS DAL BUS GSAL BTAB STE NGES PA RNYED PAR BYAS LA, YAB YUM SNYOMS PAR ZHUGS PA LAS BYUNG BA'I BYANG CHUB KYI SEMS NOR BU'I NANG DU GNAS PA LAS BYUNG BA'I BDE STONG DBYER MED KYI DMIGS PA LEGS POR NGES PAR BYAS LA NGO SPRAD, LTA BA'I GO BA MED PA LA YANG BDE BA'I PHYOGS KYI DMIGS PA NGO 'PHROD NGES SU BYA'O, ,DGA' BA GSUM PA NYER THOB DBANG GSUM PA DANG, BZHI PA LHAN SKYES THAMS CAD STONG PA DBANG BZHI PAR BYED CING, DBANG GSUM PA DE NYID BZHI PAR 'GYUR RO, ZHES ZUNG 'JUG GSAL

BAR BSHAD MOD KYANG, 'DI NI KYE RDOR RTZA BSHAD KYI RGYUD LAS DGA' BA BZHI DANG DBANG BZHI GRANGS BZHIN DU SBYAR BA MAN SNYE LAS DBANG PO RAB KYI DBANG DU BYAS PAR BSHAD PA'I DBANG BZHI SKUR LUGS SU YANG MI SNANG LA, PHYAG CHEN THIG LE LAS, SHES RAB KHU BA DANG YE SHES BDE BA DANG DBANG BSKUR BA NI ZHU BA LHUNG BA'I BDE BA DANG, DE 'GOG PA'I LHAN SKYES LA DBANG BZHI PAR BSHAD PA'I SKUR LUGS KYANG MI ZHING, BSHAD RGYUD RDOR PHRENG LAS DBANG GSUM PA'I SKABS SU LHAN SKYES SKYE BAR BSHAD LA, GZHAN YANG KHUNGS THUB KYI GZHUNG MANG BAS MI 'THAD DE, RGYAS PAR LAM GYI RIM PAR BSHAD ZIN CING MANGS PAS 'JIGS NAS MA BRIS SO, ,SLOB MAS NUS PA CI YOD PAS BYANG CHUB KYI SEMS MI 'PHO BAR GZUNG, RING DU 'DZIN MA NUS NA DAL BUS BTANG STE, CHU SKYES NAS LCE NYID KYIS BLANGS NAS DE KHO NA NYID KYI LTA BAS DAM TSIG GI NGO BO BYANG CHUB KYI SEMS BTUNG NGO, ,DE NAS LHA MO DE DGYES NAS BHA DZA BHA KshA, ZHES GSUNGS PA DE'I RKANG PA GA-YON PA SLOB MA'I MGO LA BZHAG NAS, DE RING PHAN CHAD BU KHYOD KYIS, ,JI SRID BYANG CHUB SNYING PO'I PAR, ,RMI LAM BZHIN DU SEMS CAN GYI, ,BLA NA MED PA'I DON BYOS SHIG ,BSKYED PA'I RIM PA SGOM PA YI, ,'DI NI MAN NGAG LAS NI SHES, ,RIG PA 'DI NI DOR BYAS NA, ,THABS GZHAN GYIS NI SANGS MI RGYA, ,BRTUL ZHUGS RNAMS KYI MCHOG GI MCHOG ,RIG MA'I BRTUL ZHUGS BU YIS SPYOD, ,CES BRJOD DO, ,SPYOD BSDUS SU GSUNGS PA'I GSANG DBANG DANG DBANG GSUM PA BSKUR BA'I TSIG RNAMS NI GSANG BA GRUB PA LAS BKOD PA MANG BAR SNANG BAS, DE DANG BSTUN NAS SHES DGOS TE RIM LNGA'I DGONGS PA YANG DE LTAR

, ,BYA DGOS SO, ,BZHI PA NI, DE NAS GDONG GA-YOGS GSAL ZHING KHYOD KYIS BHA GA'I DKYIL 'KHOR DU SHES RAB MA LA BRTEN NAS THOB PA'I DBANG LA SHES RAB YE SHES KYI DBANG ZHES BSHAD PA DE THOB, THUN MONG BA YID KYI DRI MA BRNAB SEMS LA SOGS PA SNGAR BSAGS 'DAG CING PHYI MA SDOM, THUN MONG MA YIN PA GANG SNANG KUN BDE STONG DBYER MED DU 'CHAR BA LA SGRIB PA'I DRI MA 'KHRUD PAS YID DAG PAR BYED, DON DAM 'OD GSAL GYI RDZOGS RIM YAN LAG DANG BCAS PA BSGOM PA LA DBANG PAR BYAS, 'BRAS BU CHOS KYI SKU MNGON DU 'GYUR BA'I NUS PA KHYAD PAR CAN 'JOG GO ZHES BSHAD DO, ,BHA GA'I DKYIL 'KHOR NI PHYI'I DKYIL 'KHOR LA BSHAD PA YANG YOD MOD KYANG, RDZOGS RIM GYI DBANG GANG DU THOB PA'I BHA GA NI GSANG GNAS KYI BHA GA'O,, ,,YON DBUL GSOL GDAB BYIN BRLABS GTAD, ,SHIS BRJOD DRIS LAN SLOB MA BSKYED, ,GSAL GDAB 'DU BYA SPYAN DRANG BSTIM, ,DGA' TZAM NGO SPROD BTUNG DGYES BRJOD, ,DBANG GI DAG PA SBYIN PA NI, ,SHES RAB DBANG GI SDOM YIN NO,, ,,BZHI PA DBANG BZHI PA BSKUR BA LA GSUM, MAndAL PHUL TE GSOL BA GDAB PA, DBANG BZHI PA BSKUR BA, DAG PA SBYIN ZHING YON DBUL BA'O, ,DANG PO NI, SLOB MA RDO RJE 'CHANG GI NGA RGYAL 'DZIN PA'I SKAL BA BZANG PO 'OD GSAL BA'I GDAMS NGAG THOB CING THAL MO SBYAR TE ME TOG GI PHRENG BA 'DZIN PAS, SLAR YANG BLA MA LAS DON DAM PA'I BYANG CHUB KYI SEMS ZUNG 'JUG GI GDAMS NGAG GI SNOD DU SGRUB PA'I DBANG GI DON DU MAndAL PHUL TE, KHYOD ZHABS PADMO'I BKA' DRIN GYIS, ,GTZO BO DBANG BSKUR RNAM GSUM THOB, ,DE RING RIN CHEN BZHI

PA YANG, ,BKA' DRIN GYIS NI BSKYAB TU GSOL, ,ZHES GUS PA CHEN POS LAN GSUM GSOL BA GDAB BO, ,GNYIS PA LA GNYIS, DBANG BZHI PA'I RNAM GZHAG DANG, DBANG DE BSKUR BA'I CHO GA DNGOS SO, ,DANG PO LA GSUM, DBANG ZHI PA BSKUR BA GZHUNG NAS JI LTAR BSHAD PA DANG, BZHI PA'I DON GTAN LA DBAB PA DANG, DBANG GNYIS DPE DON DU SBYAR NAS BSTAN PA'O, ,DANG PO NI, GSANG BA GRUB PA LAS, PHYAG RGYA'I DBANG BSKUR RIN CHEN GYI, ,DAM TSIG LA GNAS BSTAN PAR BYA, ,KHAMS GSUM PA YI DBANG BSKUR NAS, , ZHES GSUNGS PA'I PHYAG RGYA'I DBANG BSKUR BA NI DBANG GSUM PA YIN LA, RIN CHEN GYI DBANG BSKUR BA NI DBANG BZHI PA YIN TE, SAm BHU tA LAS, ZAB CING RGYA CHE LA MOS NA, ,TSIG GI RIN CHEN DBANG BSKUR BYA, ,ZHES GSUNGS PA LTAR RO, ,SPYOD BSDUS SU, KHAMS GSUM PA YI DBANG BSKUR BAS, ,ZHES GSUNGS PA NI SNGA MA DANG BSTUN DGOS SO, ,RIM LNGA LAS, BYANG CHUB SEMS NI DON DAM ZHES BYA BA, ,SKAL BZANG SLOB MA BZANG PO MAN NGAG 'THOB, ,THAL MO SBYAR NAS ME TOG 'DZIN PA YIS, ,BLA MA LAS NI SLAR YANG BLANG BAR BYA, ,DNGOS PO KUN DANG RNAM BRAL ZHING, ,ZHES PA'I TSIGS BCAD PHYED DANG GNYIS GSUNGS SHING, BLA MA LAS SLAR YANG DON DAM GYI BYANG CHUB KYI SEMS BLANG BAR GSUNGS BA NI DBANG BZHI PA YIN TE, 'DI'I SNGON DU NAM PHYED NA BLA MA LA PHYAG RGYA PHUL TE, DBANG THOB LA 'OD GSAL GYI GDAMS NGAG BSTAN PA'I PHYIR DANG, DBANG GSUM PA BDE STONG DBYER MED KYI BYANG CHUB KYI SEMS YIN PAS DE SNGAR BSKUR BA LA LTOS NAS SLAR YANG ZHES GSUNGS PA'I PHYIR RO, ,SPYOD BSDUS SU SLOB DPON GYIS SLOB

, ,MA SLOB DPON GNYIS PA LTAR BLTAS NA TSIGS BCAD PHYI MA PHYED DANG GNYIS PO RE BRJOD NAS GNYIS SU MED PAR DMIGS TE, SHES RAB DANG YE SHES KYI DBANG BSKUR BA SBYIN PAR BYA, ZHES GSUNGS SO, ,DE'I DON NI DBANG GSUM PA BSKUR BA LA 'OD GSAL GYI GDAMS NGAG THAMS CAD BSTAN NAS, DE LA CHE BRJOD BYAS PA'I 'OG TU DE LTAR BYA BAR GSUNGS PAS, SHES RAB KYI DBANG GSUM PA BSKUR BA BYIN ZIN PAS, 'DIR BSKYAR NAS SKUR MI DGOS SO, ,DES NA YE SHES KYI DBANG BSKUR BA BZHI PA BSKUR BA YIN NO, ,RIM LNGA DANG SPYOD BSDUS SU 'OD GSAL BSHAD ZIN PA'I MJUG TU DBANG DE BSKUR BAR GSUNGS PA NI, ZUNG 'JUG GI GDAMS NGAG 'CHAD PA'I SNOD RUNG DU BSGRUB PA LA DGONGS SO, ,'O NA RIM LNGA LAS 'OD GSAL BSHAD ZIN NAS DBANG BZHI PA MA BSKUR BA'I GONG DU, CHU LAS NYA LDANG BA LTAR 'OD GSAL LAS ZUNG 'JUG GI SKUR LDANG BA BSHAD PA MI 'THAD DO SNYAM NA, DE NI GNYIS SNANG THAMS CAD DAG PA'I 'OD GSAL DU ZHUGS PA LA GZHAN GYI DON MI 'GRUB PA'I SKYON YOD DAM SNYAM PA SPANG BA'I PHYIR YI GER BKOD PA'I DOGS GCOD YIN GYI, DBANG GI DUS SU SLOB MA LA DE LTAR STON PA'I DBANG DU BYAS PA MIN TE, 'OG NAS ZUNG 'JUG GI GDAMS NGAG LOGS SU STON PA'I PHYIR RO, ,DE LTA MA YIN NA RIM LNGA DANG SPYOD BSDUS SU RIM PA BZHI PA'I SNGON DU 'OD GSAL DANG ZUNG 'JUG BSHAD PA RNAMS KYANG MI 'THAD PAR 'GYUR RO, ,GNYIS PA NI, 'O NA DON GYI DBANG BZHI PA DANG TSIG GIS SKUR BA'I DBANG BZHI PA LUGS 'DIS JI LTAR BZHED SNYAM NA BSHAD

PAR BYA STE, RANG DANG RIG MA 'DOD LHA YAB YUM DU SNANG BA MNYAM PAR SBYAR BA LAS, GTUM MO'I ME 'BAR TE BYANG SEMS ZHU BA NOR BUR SLEB NAS, PHYIR MA 'PHOS PA LAS BYUNG BA'I LHAN CIG SKYES PA'I DGA' BA, DPE'I 'OD GSAL BDE STONG RGYUD LA BSKYED NAS DBANG GSUM PA NGO SPRAD PAS NI, GTUM MO 'BAR BA'I MTHUS BYANG SEMS BZHUS PA LAS BYUNG BA'I LHAN CIG SKYES DGA' THAMS CAD MTSON PAR NUS TE, DKAR ZAL BA LANG DU NGES PA NI DE'I RIGS THAMS CAD BA LANG DU NGES NUS PA BZHIN NO, ,DES NA DBANG GSUM PA BSKUR BAS MTSON PAR MI NUS PA DBANG BZHI PA BSKUR NAS MTSON DGOS PA CIG GI STENG NAS DBANG BZHI PA SHES DGOS SO, ,'DI LA 'PHAGS PA YAB SRAS KYI BZHED PAS, DBANG BZHI PA TSIG GI SKUR BA NA, ZUNG 'JUG GI GDAMS NGAG GI SNOD RUNG DU SGRUB PA YIN ZHING ZUNG 'JUG GI DON LA NGO SPRAD DGOS SO, ,ZUNG 'JUG NI RIM LNGA LAS, DE NYID SHES PAS RIM PA BZHIN, ,RANG BYIN BRLAB DANG 'OD GSAL SHES, ,DE DAG KHO NA 'DUS PA GANG, ,'DI NI ZUNG 'JUG RIM PA'O, , ZHES GSUNGS PA LTAR, RANG BYIN BRLAB KUN RDZOB SGYU MA'I SKU DANG DON DAM 'OD GSAL GNYIS NI ZUNG YIN LA, DE GANG LA DBYER MED PAR 'DUS PA'I GO 'PHANG NI ZUNG 'JUG GO ,DE LTAR ZUNG DU 'JUG RGYU'I YA GNYIS MI SHES NA ZUNG 'JUG MI SHES PAS DE GNYIS BSHAD NA RANG BYIN BRLAB NI, RIM LNGA LAS, RLUNG DANG YANG DAG LDAN PA YI, ,RNAM SHES GSUM PO DE NYID SLAR, ,RNAL 'BYOR PA YI LUS SU 'BYUNG, ,SGYU MA'I LUS SU DE LA BSHAD, ,CES GSUNGS PA LTAR, NYER THOB KYI MTHAR LUGS BZLOG TU

, ,ZHUGS PA'I YE SHES GSUM DANG, SHIN TU PHRA BA'I RLUNG 'OD ZER LNGA TZAM LAS GRUB PA'I 'JA' LUS RDO RJE SEMS DPA'I SKU STE, KUN RDZOB BDEN PA SGYU MA NYID, ,LONGS SPYOD RDZOGS PA'I SKU YANG DE, ,DE NYID DRI ZA'I SEMS CAN YIN, ,RDO RJE'I SKU YANG DE NYID GANG, ,RDO RJE SEMS DPA' RANG NYID DE, ,ZHES RNAM GRANGS MANG POS GSUNGS TE BAR DO LONGS SKU ZHES KYANG BYA'O, ,DE NI SGYU MA'I SKU 'GRUB LUGS THUN MONG MA YIN PA'O, ,'OD GSAL NI, SGYU MA'I SKU DE SNGON DU BTANG NAS SNANG BA GSUM RNAM PAR DAG PA'I DE KHO NA NYID DANG, LHAN CIG SKYES PA'I DGA' BA GNYIS CHU LA CHU BZHAG PA BZHIN DU RO GCIG TU ZHUGS PA'I THAMS CAD STONG PA'I YE SHES SO, ,DES NA BDE BA DANG DE KHO NA NYID KYI STONG PA GNYIS RO GCIG TU GYUR PA'I DON GYI LHAN SKYES NI 'DI'I LUGS KYIS BDE STONG DBYER MED YIN KYANG, ZUNG 'JUG GI YA GCIG YIN GYI ZUNG 'JUG MIN NO, ,YA DE GNYIS ZUNG DU 'JUG LUGS NI 'OD GSAL GYI RIM PA MAN CHAD DU, RLUNG SEMS TZAM LAS GRUB PA'I SGYU MA'I LUS YOD DUS NA, SEMS DE KHO NA NYID DANG RO GCIG TU ZHUGS PA'I 'OD GSAL GYI YE SHES MED CING, PHYI MA YONG DUS SNGA MA MED PAS RES 'JOG TU GYUR PA'I PHYIR ZUNG 'JUG MED DO, ,GANG GI TSE LHAN CIG SKYES PA'I BDE BA DANG BDAG MED PA'I DE KHO NA NYID KYI STONG PA GNYIS RO GCIG TU ZHUGS PA'I 'OD GSAL THOB PA LAS, LUGS BZLOG TU ZHUGS PA'I TSE SNANG BA GSUM GYI YE SHES DANG, DE'I BZHON PA'I RLUNG 'OD ZER LNGA TZAM LAS 'JA' LUS RDO RJE'I SKU 'GRUB PA DE'I TSE, LUS DE NYID DU GNAS BZHIN PA'I NGANG NAS SEMS 'OD GSAL

LA ZHUGS PA GNYIS DUS MNYAM DU 'BYUNG ZHING, DE GNYIS KYANG NGO BO DBYER MED PA'I GNYIS SU MED PA'I YE SHES KYI BDAG NYID DU GYUR PAS ZUNG 'JUG GI GO 'PHANG ZHES BYA STE, DE LA YANG SLOB PA DANG MI SLOB PA'I ZUNG 'JUG GNYIS YOD DO, ,BSHAD RGYUD RDOR PHRENG LAS, BCU BZHI PA NI DON DAM STE, ZHES DBANG BZHI PA DON DAM BYANG CHUB KYIS SEMS SU BSHAD PA DANG, RIM LNGAR DBANG 'DI LEN PA LA DON DAM BYANG CHUB KYI SEMS BLANG BAR GSUNGS PA NI, BDE STONG DBYER MED TZAM LA MI BYA STE, LE'U GNYIS PAR RDO RJE GSUM MI PHYED PA'I BYANG CHUB KYI SEMS SKYED PAR GSUNGS PA LA DRANG NGES KYI BSHAD PA GNYIS MDZAD PA'I NGES DON GYI BYANG CHUB KYI SEMS SKYED PA ZUNG 'JUG GI SKU SKYED PA LA GSUNGS PA'I PHYIR DANG, BYANG CHUB KYI SEMS RDO RJE DANG RDO RJE 'CHANG GNYIS MTSAN GYI RNAM GRANGS YIN LA, ZUNG 'JUG RDO RJE 'CHANG NI NGES DON GYI RDO RJE 'CHANG YIN PA'I PHYIR RO, ,DES NA RGYUD GZHAN LAS BDE STONG DBYER MED KYI LHAN SKYES LA DBANG BZHI BAR BSHAD PA'I DGONGS PA YANG ZUNG 'JUG LUGS 'DIS BSHAD PA LTAR SHES NAS BSHAD DGOS TE, GZHAN DU NA YE SHES KYI SKU MED PAS YA GYAL TZAM LAS MED PA'I PHYIR RO, ,SNGAR BSHAD PA LTA BU'I ZUNG 'JUG GI DON BLA MAS SLOB MA LA NGES PAR BYAS PA NYID KYIS BZHI PA'I DBANG BSKUR RIN CHEN TSIG GIS BYIN PAR 'GRO BAS BRDA DON LEGS POR 'BYOR DGOS SO, ,GSUM PA NI, DE LTA BU'I ZUNG 'JUG DANG DBANG GSUM PA'I SKABS GNYIS DPE DON DU SBYAR NAS DBANG BZHI PA BSKUR DGOS TE, 'DUS PA'I RGYUD PHYI MA LAS, DE DYANG DE BZHIN BZHI PA YANG, ZHES

, ,GSUNGS SHING RGYUD GZHAN LAS KYANG, BZHI PA DE YANG DE BZHIN NO, ,ZHES GSUNGS PA'I PHYIR RO, ,DE'I DON JI LTAR DBANG GSUM PA'I SKABS SU RANG 'DOD PA'I LHA'I RNAM PA CAN DANG, DE YANG LHA MOR SNANG BA'I RIG MA DANG KHA SBYOR BA'I RNAM PAR SNANG BA'I LUS DANG, SEMS LHAN CIG SKYES PA'I DGA' BA BDAG MED PA'I DON LA BZHUGS PA GNYIS DUS GCIG TU YOD PA DE BZHIN DU, DON GYI DBANG BZHI PA LA YANG LUS SGYU MA'I LONGS SKUR GNAS PA'I DUS NA, SEMS 'OD GSAL LA ZHUGS PA GNYIS MNYAM DU GNAS SO, ,ZHES PA NI DE BZHIN GYI DON NO, ,YANG GI SGRAS NI SNGA MA LA LHAN SKYES KYI BDE BA YOD PAR MA ZAD, BZHI PA YANG YOD PAR BSTAN TE BDE BA CHEN PO'I YAN LAG GO ,DE LTAR DU DPE DON SBYAR BAS NI DON GYI DBANG BZHI PA DE, YAN LAG BDUN GYI GTZO BO LONGS SPYOD RDZOGS PA DANG KHA SBYOR DANG BDE BA CHEN PO'I YAN LAG GSUM DANG LDAN PAR BSTAN TE, YAN LAG LHAG MA BZHI YANG DON GYIS TSANG NGO, ,'DI NI YAN LAG BDUN LDAN RTZA 'GREL DANG, SBYOR BA BDUN PA'I LEGS PAR BSHAD PA YIN TE, RGYAS PAR LAM GYI RIM PAR BSHAD ZIN ZHING MNGAS PAS 'JIGS NAS KHUNGS RNAMS MA BRIS SO, ,YAN LAG BDUN LDAN LAS, DE LTAR DE BZHIN BZHI PA YANG, ZHES BTON NAS DE LTAR GYI SGRAS NGO BO'I DPE DON DANG, DE BZHIN GYI SGRAS SKYES PA'I RGYU'I DPE DON SBYAR LA, DE BZHIN GYI SGRA GCIG PU LAS MED NA SNGAR LTAR BYAS KYANG CHOG GO ,GNYIS PA NI, SNGAR BSHAD PA LTAR GSOL BA 'DEBS PA'I SLOB MA LA GDONG GA-YOGS MA BCINGS KYANG CHOG PAS, BLA MAS 'DI LTAR BRJOD PAR BYA STE

'DIR DBANG BZHI PA BSKUR BA NI ZUNG 'JUG GI GDAMS NGAG GI SNOD RUNG DU SGRUB PA'I CHED YIN LA DE YANG DON GYI DBANG BZHI PA ZUNG 'JUG TU NGO SPRAD PA'I TSIG GIS SKUR BA YIN PAS, ZUNG 'JUG GI GO BA SKYED DGOS DE'I GO BA SKYED TSUL NI, BZHI PA DE YANG DE BZHIN NO ZHES DBANG GSUM PA'I SKABS DANG BZHI PA GNYIS DANG DPE DON DU SBYAR NAS STON PAR GSUNGS PAS, DE'I TSUL CUNG ZAD BSHAD NA KHYOD KYIS DBANG GSUM PA THOB PA'I SKABS SU RANG DANG RIG MA GNYIS KYI LUS 'DOD LHA YAB YUM DU SNANG BZHIN PA'I DUS NA, SEMS LHAN CIG SKYES PA'I DGA' BAS DE KHO NA NYID KYI DON NGES PA GNYIS MNYAM DU YOD PA DE BZHIN DU, DON 'DI GOMS PAR BYAS PA LAS, MTHAR RLUNG SEMS TZAM LAS GRUB PA'I LONGS SPYOD RDZOGS PA'I YE SHES KYI SKU RANG SNANG GI RIG MA DANG KHA SBYOR BA'I LUS CAN DANG, DA'I DUS NYID NA THUGS LHAN CIG SKYES PA'I DGA' BA DANG, STONG PA NYID GNYIS RO GCIG TU ZHUGS PA'I 'OD GSAL THAMS CAD STONG PA GNYIS NGO BO DBYER MED PA'I GNYIS SU MED PA'I YE SHES ZUNG 'JUG GI GO 'PHANG MNGON DU BYED DE, DE NI THOB BYA DON GYI DBANG BZHI PA YIN NO ZHES, DA LTA LUS 'JA' LUS KYI SKU DANG SEMS 'OD GSAL DANG RO GCIG PA MA THOB KYANG, DE GNYIS DANG RNAM PA RJES SU MTHUN PA'I MOS PA YID BYED DBANG GSUM PA'I DUS NA NYAMS SU MYONG BA 'DI'I RGYUN GOMS PAR BYAS PA LAS ZUNG 'JUG 'GRUB TSUL GYI NGES PA BSKYED DO, ,DE 'DRA BA'I DON DE RTZA RGYUD LAS RNAM SNANG GIS GSUNGS PA'I BYANG CHUB KYI SEMS BSKYED PA'I TSIGS SU BCAD PAS SLOB MA LA STON PA'I TSUL NI, RDO RJE SLOB DPON GYIS SLOB MA RDO RJE 'DZIN PA

, ,GNYIS PA LTA BUR BLTAS LA, DNGOS PO THAMS CAD DANG BRAL BA, ,PHUNG PO KHAMS DANG SKYE MCHED DANG, ,GZUNG DANG 'DZIN PA RNAM SPANGS BA, ,CHOS LA BDAG MED MNYAM NYID PAS, ,RANG SEMS GZOD NAS MA SKYES PA, ,STONG PA NYID KYI RANG BZHIN NO, ,ZHES BRJOD CING DE'I DON 'OD GSAL DANG DAG PA'I SGYU MA'I SKU GNYIS SU MED PA ZUNG 'JUG YIN PA LA DMIGS PA STE BSAMS NAS DON DE BSHAD LA YE SHES KYI DBANG BZHI PA BSKUR RO, ,DE LA DNGOS PO THAMS CAD NI SNOD KYI 'JIG RTEN TE DE DANG BRAL BA DANG, BCUD KYI PHUNG KHAMS SKYE MCHED KYI BDAG NYID CAN GYI GZUNG 'DZIN SPANGS PA'I DON NI, SNOD BCUD KYI GNYIS SNANG THAMS CAD DAG PA CHOS BDAG MED PA 'OD GSAL LO, ,DE DANG MNYAM PA STE RO GCIG TU ZHUGS PAS RANG GI SEMS GZOD MA NAS RANG BZHIN GYIS MA SKYES PA DANG, ZUNG DU 'JUG PA'I RDO RJE GSUM MI PHYED PA'I 'JA' TSON LTA BU'I LUS 'OD GSAL STONG PA'I YE SHES KYI NGO BO STE, SA CHEN PO LA BZHUGS PA'I RGYAL SRAS RNAMS KYI MIG GI SPYOD YUL TZAM YIN PA'I PHYIR RO, ,ZHES 'OD GSAL DANG DAG PA'I SGYU MA'I SKU GNYIS NGOS GZUNG NAS DE GNYIS ZUNG DU 'JUG LUGS BSTAN NO, ,GSUM PA NI, DE DAG GIS DON DAM PA BYANG CHUB SEMS KYI DKYIL 'KHOR DU, DBANG BZHI PA TSIG DBANG RIN PO CHE THOB, LUS NGAG YID GSUM GYI SGRIB PA'I BAG CHAGS 'KHRUD PA'I NUS PA BZHAG ,BDEN GNYIS DBYER MED ZUNG 'JUG GI RDZOGS RIM SGOM PA SOGS LA DBANG BAR BYAS, 'BRAS BU ZUNG 'JUG RDO RJE 'CHANG GI SKU MNGON DU 'GYUR BA'I SKAL BA CAN DU BYAS

SO ZHES BSHAD DO, ,GSANG BA GRUB PA LAS, DBANG BZHI PA BSKUR BA'I RJES SU CHOS BSHAD PA'I RJES GNANG BYA BAR GSUNGS PA BZHIN 'PHAGS PA LHAS KYANG BZHED PAS, CHOS 'KHOR BSKOR BA'I RJES GNANG SOGS DBANG BZHI PA'I RJES SU BYAS KYANG MI 'GAL MOD, NGES GZUNG DU MI DGOS PAS SNGAR BZHIN BSHAD DO, ,DE NAS MAndAL DBUL ZHING YON GZHAN GNYIS DBUL BA NI SNGAR BSHAD PA LTAR RO, ,GSUM PA DKYIL 'KHOR GYI MJUG GI CHO GA LA GNYIS, NYE BAR BSDU BA'I CHOG DANG, TSON DANG PHUR BU SOGS SDUD PA'I CHO GA'O, ,DANG PO NI, CHO GA'I CHAD LHAG GI NYES PA ZHI BA'I PHYIR DU ZHI BA DANG, LHA TSIM PA'I PHYIR DU RGYAS PA'I SBYIN SREG BYA, RDZAS KYI SBYIN SREG MA GRUB NA BSAM GTAN GYIS KYANG RUNG NGO, ,RANG GIS DKYIL 'KHOR MCHOD CING THAMS CAD KYIS NUS PA CI YOD PAS MCHOD CIG CES BSGO LA, SLOB MA LA SOGS PA YANG MCHOD DU GZHUG ,DER ZHUGS PA RNAMS KYANG BZA' BCA' DANG BLDAG PA DANG CHANG LA SOGS PA DKYIL 'KHOR LA PHUL BAS TSIM PAR BYA ZHING, DE DAG DANG LHAN CIG TU MTSAN MO MI NYAL BAR GLU GAR LA SOGS PA DANG, BYANG CHUB KYI SEMS RTOGS PAS MCHOD NAS, KHYED RNAMS KYIS 'JUG PA 'DI SU LA YANG MA SMRA ZHIG CES BSGO'O, ,DE NAS SLOB MA RNAMS NANG DU GZHAG LA, RANG GIS PHYI ROL DU PHYOGS KYI MCHOD GTOR BYAS TE, NANG DU ZHUGS NAS DKYIL 'KHOR LA PHYAG 'TSAL TE, GTZO BO LA MCHOD YON LA SOGS PA PHUL NAS DGE BA BSNGO ZHING, DKYIL 'KHOR LAN GSUM SKOR TE SHAR SGOR GTZO BO LA PHYOGS PAS 'DUG NAS CHAD

, ,LHAG GI NYES BA ZHI BA'I DON DU YI GE BRGYA PA LAN GSUM BRJOD DO, ,DE NAS ME TOG DANG BCAS PA'I THAL MO SNYING GAR SBYAR LA MA TSANG BA LA SOGS PA'I NYES PA ZHI BAR BYA BA'I PHYIR BZOD PAR GSOL TE, GANG YANG BDAG BLO RMONGS PA YIS, ,NYES BYAS CUNG ZAD GANG BGYIS PA, ,GANG PHYIR LUS CAN SKYABS YIN PHYIR, ,MGON KHYOD DE KUN BZOD PAR MDZOD, ,MA RNYED YONGS SU MA SHES DANG, ,GANG YANG NUS PA MA MCHIS PAS, ,'DIR NI BYA BA GANG BGYIS PA, ,DE KUN GTZO BOS BZOD MDZAD RIGS, ,ZHES BRJOD CING MNGON PAR 'DOD PA'I DON 'GRUB PAR GSOL BA GDAB LA, BDAG LA DNGOS GRUB MCHOG STZOL LAGS, ,TING 'DZIN KUN GYI 'BRAS BU STZOL, ,SEMS CAN KUN LA CI 'DOD PAR, ,DNGOS GRUB BLA NA MED PA STZAL, ,SLAR YANG GSHEGS PA MDZAD PA'I PHYIR, ,RANG GI GNAS GSHEGS BADZRA MU: ZHES BRJOD LA YE SHES PA GSHEGS, RANG GIS SPRUL PA'I DAM TSIG PA RNAMS RANG GI PHUNG PO DANG KHAMS DANG MIG LA SOGS PA DANG, LAG PA LA SOGS PA'I RANG BZHIN DU GZHUG ,RANG YAB YUM SNYOMS PAR ZHUGS PA'I BYANG CHUB KYI SEMS KYI 'OD ZER GYIS, SEMS CAN THAMS CAD LA DBANG BSKUR ZHING REG PAS THAMS CAD DRI MA DANG BRAL NAS H'Um DU GYUR PA LAS SKYES PA'I RDO RJE 'CHANG DANG, SNOD GZHAL YAS KHANG GI RANG BZHIN DU BLTA'O, ,NYE BAR BSDU BA'I CHO GA STE BCU DGU PA'O,, ,,GNYIS PA NI, MTSAN MO SNGAR LTAR NYER BSDU BYAS PA'I NANG BAR SNGA BA'I DUS SU, AOm AA K'A RO MU KHAm SARBA DHARM'A n'Am AADY'A NUDPANNA

TVATA, AOm A'A: H'Um PHAt SV'A H'A, ZHES 'DON ZHING CHOS THAMS CAD RANG BZHIN GYIS SKYE BA MED PAR MOS PAS, DRIL BU 'KHROL ZHING RDO RJE DANG BCAS PA'I LAG PAS, THOG MAR MTSAN MA RNAMS MTHA' NAS RIM GYIS BSDU, DE NAS RDO RJES SHAR SGO NAS BRTZAMS TE TSANGS THIG GI LAM NAS GTZO BO'I GNAS KYI BAR DBYI ZHING, RANG GI MGOR RDUL TSON CUNG ZAD TZAM BLUG NAS PADMA LA SOGS PA DBYI'O, ,DE NAS LAG PAR GNAS PA'I RDO RJE'I RTZE MOS SGO RNAMS DANG ZUR RNAMS GZHIG ,RDUL TSON LHAG MA RNAMS LEGS PAR PHYAGS TE ZHI BA LA SOGS PA DON DU GNYER BA LA CUNG ZAD BYIN NAS, GZHAN THAMS CAD RNAM RGYAL LAM BUM PA GZHAN GOS KYIS BRGYAN PAR BLUGS TE, BKRA SHIS KYI GLU DANG ROL MO'I SGRA DANG GDUGS LA SOGS PA DANG MCHOD PA DANG LDAN PAS KHYER TE, 'BAB CHU CHEN PO 'AM MTSO PHRAN CHU ZAB MO'I 'GRAM DU KLU'I DKYIL 'KHOR BYAS LA MCHOD GTOR PHUL TE, DE RNAMS LA RDUL TSON GTAD NAS CHU LA BSKUR ZHING, DE RNAMS KYIS KYANG BKUR STI CHEN POS SA 'OG GI GZHIR KHYER BAR BSAM MO, ,RDUL TSON KHYER BA'I BUM PA CHUS BKANG NAS KHYER 'ONGS TE, ZHI BA'I DON DU DKYIL 'KHOR GYI KHANG PA LA SOGS PAR GTOR BAR BYA'O, ,DE NAS RANG KHAMS GSUM RNAM RGYAL GYI NGA RGYAL 'CHANG BAS GA-YON BRKYANG GIS GNAS SHING, RDOR DRIL BZUNG BA'I LAG PA RDO RJE KHU TSUR GNYIS KYI MDZUB MO LCAGS KYU BZHIN BYAS TE, PHAN TSUN 'KHYUD PA SKAM PA'I PHYAG RGYAS, AOm BADZRA K'Am LA AU TA K'I LA YA SARBA BIGHN'AN BADZRA DHA RA YA AAJNY'A PA YA H'Um H'Um PHAt PHAt HO: ZHES BZLAS TE PHUR BU RNAMS

, ,DBYUNG LA, AOm RU RU SPHU RU DZVA LA TIshthA SIDDHI LO TZA NI SARBA AARTHA S'A DHA NI SV'A H'A, ZHES 'O MA LA BRGYA RTZA BRGYAD BZLAS TE PHUR BU RNAMS BKRUS PAS, BGEGS RNAMS SOS TE SANGS RGYAS PAR BSAMS LA KHUNG BU BKANG, DE NAS PHUR BU'I LHA RNAMS GSHEGS SU GSOL ZHING, PHUR BU'I SKUD PA RNAMS DKROL TE SNOD GTZANG MAR BZHAG LA TZANDAN GYI CHUS BSANG GTOR BYA ZHING, AOm A'A: H'Um SATVA AARTHA: KU RU SVA STI SV'A H'A, ZHES BZLAS TE SO SO'I GNAS SU BZHAG GO ,DE NAS SNGAR PHYOGS SO SOR BKOD PA'I KHRO BO'I RGYAL PO RNAMS DANG, PHYOGS SKYONG RNAMS LA PHYI NANG GI MCHOD PAS MCHOD, GLU GAR ROL MO DANG BCAS PAS GTOR MA BTANG LA, KHRO BO RNAMS RANG LA BSDU BA 'AM GSHEGS SU GSOL, PHYOGS SKYONG 'KHOR BCAS RANG GNAS SU GSHAGS PAR BSAM MO, ,PHUR BU DANG SKUD PA BSDU BA STE CHO GA NYI SHU PA'O,, ,,DKYIL 'KHOR LA PHUL BA'I YO BYAD JI LTAR SPYOD PA NI, DE NAS SLOB DPON GYIS NI NOR, ,MKHO BA'I YO BYAD KUN BSDUS NAS, ,RANG NYID KYIS NI SPYAD PAR BYA, ,SLOB MA SOGS KYIS CUNG ZAD MIN, ,RMANG 'DZUGS PA DANG RAB GNAS DANG, ,SBYIN SREG 'KHOR LO'I NOR GANG YIN, ,DE KUN SLOB DPON KHO NA'I ZHES, ,RDO RJE 'DZIN PA MCHOG NYID GSUNG, ,ZHES GSUNGS PA LTAR BYA, SPYI RGYUD LAS KYANG DKYIL 'KHOR GYI YO BYAD THAMS CAD SLOB DPON NYID DBANG LA, SLOB MA LA BGO BSHA' BYAS NA DAM TSIG NYAMS PA DANG, SLOB DPON MI 'DOD NA GDUGS DANG RNGA YAB DANG DRIL BU SOGS SANGS RGYAS DANG, BA DAN DANG BDUG SPOS DANG DRI LA SOGS PA CHOS DANG, GOS DANG SNOD SPYAD SOGS DGE 'DUN LA

DBUL, DGE 'DUN MED NA DGE SLONG NGAM DGE SLONG MA 'AM DGE BSNYAN LA SBYIN PAR BSHAD CING, BZA' BA DANG NI BCA' BA RNAMS, ,CI DGAR PHONGS PA RNAMS LA SBYIN, ,KHYI DANG BYA ROG LA SOGS LA, ,CUNG ZAD TZAM YANG MI SBYIN NO, ,ZHES GSUNGS SO, ,DGE 'DUN GYI STON MO BYA ZHING, TSOGS KYI 'KHOR LOS BLA MA DANG SGO'I SLOB DPON DANG LAS KYI RDO RJE LA SOGS PA RNAMS MNYES PAR BYA'O, ,DMANGS RIGS STONG PHRAG GNYIS, BRAM ZE GTZANG MA GCIG DANG, BRAM ZE STONG PHRAG GNYIS DGE SLONG GCIG DANG, DGE SLONG STONG PHRAG GNYIS RDUL MED PA GCIG DANG, RDUL MED STONG PHRAG GNYIS YE SHES LDAN PA GCIG DANG, YE SHES LDAN PA STONG PHRAG GNYIS RDO RJE SLOB DPON GCIG DANG MNYAM PAR GSUNGS PAS, BLA MA NI SBYIN PA'I ZHING BLA NA MED PAR SHES PAR BYAS NAS MNYES PAR BYAS NA, MKHA' 'GRO MA RNAMS SPRIN BZHIN DU 'DU ZHING DNGOS GRUB GNYIS BDE BLAG TU 'GRUB PAR GSUNGS SO, ,RDO RJE THEG PA'I LAM GYI RMANG 'DZUGS DBANG GI CHO GAS GDUL BYA'I RGYUD LA 'BRAS BU SKU BZHI'I SA BON KHYAD PAR CAN THEBS PA DANG, DNGOS GRUB 'GRUB PA'I GEGS SGO GSUM GYI DRI MA RNAMS 'KHRUD NUS PA DANG, GDAMS PA'I MCHOG RGYUD DANG DGONGS 'GREL ZAB MO RNAMS NYAN PA SOGS KYI SNOD RUNG DU SGRUB PA NI RNAM PAR DAG PA'I DBANG RDZOGS PAR THOB CING, DE'I DUS SU KHAS BLANGS PA'I THUN MONG DANG THUN MONG MA YIN PA'I SDOM PA DANG DAM TSIG RNAMS LEGS PAR SHES NAS TSUL BZHIN DU BSRUNG ZHING, THUN BZHI'I RNAL 'BYOR LA BRTZON PAS LHA'I GSAL SNANG BRTAN PAR BSGRUBS PA DANG, DE'I THUGS SKUL BA'I BZLAS PAS RDO RJE

, ,SEMS DPA' MNYES PAR BYAS PA CIG GIS, SNOD LDAN GYI SLOB MA LA RGYUD SDE DANG DE'I DGONGS 'GREL KHUNGS THUB KYI GZHUNG NAS 'BYUNG BA LA GZHI BYAS, DAM PA SNGA MA'I PHYAG LEN RNAM PAR DAG PA MTHONG BA BRGYUD PA'I MAN NGAG GIS BRGYAN ZHING CHO GA'I YAN LAG PHRA RAGS THAMS CAD DMIGS PHYED PAR BYAS TE DBANG BSKUR BA CIG LA RAG LAS PAS, BLO GROS DANG LDAN PA RNAMS KYIS DE 'DRA BA'I RJES SU SLOB PA LA BRTZON PAR BYA'O, ,'DIR MA BSHAD PA'I CHO GA PHRA RAGS THAMS CAD KYI YID CHES PA'I KHUNGS DANG, DE DAG GI DON DMIGS PHYED PA'I BSHAD PA DANG, KHYAD PAR DU DBANG GI DON THAMS CAD LAM GYI RIM PAR BSGRIGS NAS, RNAM PAR DAG PA'I DBANG LA NGES PA THUN MONG MA YIN PA BSKYED PA'I TSUL NI, RDO RJE 'CHANG CHEN PO'I LAM GYI RIM PAR BSHAD ZIN PA LAS SHES PAR BYAS TE, SNGAR BSHAD PA BZHIN SNOD LDAN LA DBANG BSKUR NA RDO RJE THEG PA'I BSTAN PA THAMS CAD RANG GZHAN GYI RGYUD LA RGYAS PAR BYED NUS PA YIN NO, ,RNAM DAG DBANG THOB DAM TSIG SRUNG LA BRTZON, ,THUN BZHI'I SBYOR BAS THA MAL SNANG ZHEN BZLOG ,MCHOD DANG BZLAS PAS LHAG PA'I LHA MNYES BYAS, ,CHO GA THAMS CAD RGYUD BZHIN SHES PA DES, ,SNYING NAS THAR PA DON GNYER SNOD LDAN LA, ,RANG RANG SKABS KYI CHO GA MA 'DRES PAR, , LEGS PAR PHYE NAS THABS MKHAS RTEN 'BREL NI, ,TSUL BZHIN SGRIG PA DE LA GLO BA DGA', ,RNAM DAG DBANG GIS DMAN ZHING BSRUNG SDOM LHOD, ,THUN BZHI'I RNAL 'BYOR MA GOMS BZLAS MI BRTZON, ,TSIG TZAM BYANG DANG DE YANG MED PA YIS, ,

GZHAN DAG SNOD RUNG 'DOD NA DA DUNG SBYONGS, ,KHYAB BDAG DPAL LDAN RDO RJE SEMS DPA' YI, ,ZHAL GYI PADMO LAS 'ONGS RGYUD SDE'I GZHUNG, ,STONG PHRAG SUM CU GSUM GYI RTZA BA MCHOG ,DPAL LDAN 'DUS PA THUGS KYI RDO RJE YI, ,DKYIL 'KHOR CHEN POR DBANG BSKUR CHO GA 'DI, ,LAM 'DIR SGRUB PA SNYING POR BYED PA YI, ,SDOM BRTZON MANG POS RING NAS BSKUL BA'I DOR, ,GRUB PA MCHOG BRNYES KLU BYANG GZHUNG BZHIN SBYAR, ,RTZA RGYUD BSHAD RGYUD GNYIS LAS GSUNGS PA'I DBANG, ,GSANG BA GRUB PAR RDZOGS RIM DBANG TZAM BSHAD, ,RIM LNGA SPYOD PA BSDUS PAS BSKYED RIM GYI, ,DBANG DGU RDZOGS RIM DBANG RNAMS MDOR BSDUS GSUNGS, ,DER GSUNGS DBANG DGU KLU YI BYANG CHUB KYIS, ,RGYAS PAR BSHAD PA'I GZHUNG RNAMS GUNG BSGRIGS SHING, DE YI KHA SKONG ZLA BA GRAGS PA DANG, ,DGRA CAN 'DZIN DPAL BSHES GNYEN N'A RO PA, ,'JIGS MED 'BYUNG GNAS DAM TSIG RDO RJE YI, ,GZHUNG GIS MED MI RUNG RNAMS KHA BSKANGS PA, ,'DI NI DKYIL CHOG 'DI YI KHYAD PAR TE, ,DE PHYIR 'DIR 'BAD NGO MTSAR MED PA MIN, ,TSUL 'DIR RING DU 'BAD NAS RAB SBYAR MOD, ,'ON KYANG BDAG CAG TSU ROL MTHONG BA'I BLO, ,NYAM CHUNG RGYUD SDE'I DGONGS PA DPAG PAR DKA', ,DE PHYIR GANG NONGS GNONG ZHING 'GYOD PAS BSHAGS, ,BLA MA'I DRIN GYIS LEGS PAR BSHAD PA'I CHA, ,JI SNYED MCHIS PAS BSKRUN PA'I DGE BA YIS, ,'GRO KUN LAM BZANG 'DI DANG MI 'BRAL ZHING, ,RGYAL BA'I BSTAN PA PHYOGS BCUR RGYAS PAR SHOG ,CES DPAL GSANG BA 'DUS PA MI BSKYOD RDO RJE'I DKYIL 'KHOR GYI CHO GA DBANG GI DON GYI DE

, ,NYID RAB TU GSAL BA ZHES BYA BA 'DI NI 'DUS PA'I LAM LA SGRUB PA SNYING POR BYED PA'I SDOM BRTZON MANG POS BSKUL BA'I DON DU, DPAL GSANG BA 'DUS PA'I RNAL 'BYOR PA BLO BZANG GRAGS PA'I DPAL GYIS 'OL KHA'I DBEN GNAS BSAM GTAN GLING DU SBYAR BA'O, ,SARBA MANGGA LAm,, ,,