Commentary on the Explanatory Secret Teaching of the Glorious Secret Collection (Guhyasamaja) entitled 'The Complete Compendium of the Diamond of Wisdom'

*, ,DPAL GSANG BA 'DUS PA'I BSHAD PA'I RGYUD YE SHES RDO RJE KUN LAS BTUS PA'I t'IKKA BZHUGS SO, ,

, ,DPAL GSANG BA 'DUS PA'I BSHAD PA'I RGYUD YE SHES RDO RJE KUN LAS BTUS PA'I RGYA CHER BSHAD PA, RGYUD BSHAD THABS KYI MAN NGAG GSAL BAR BSTAN PA ZHES BYA BA, GANG GI THUGS RJE'I 'OD ZER RMAD BYUNG PA, ,BDAG GI SNYING LA ZHUGS PAS GSUNG RAB GNAD, ,JI BZHIN 'BYED PAR NUS PA'I BLO GROS MCHOG ,STZOL MDZAD 'JAM DBYANGS BLA MA DE LA 'DUD, ,SHIN TU PHRA BA GNYIS SU MED PA'I RGYUD, ,KUN GYI DGONGS PA 'GREL BA'I BSHAD THABS KYI, ,MAN NGAG ZLA MED RGYAN BDUN RAB GSAL BAR, ,STON MDZAD YE SHES RDO RJE KUN LAS BTUS, ,RDO RJE 'CHANG CHEN GNYIS PA KLU SGRUB KYI, ,MAN NGAG LAS NI DPAL LDAN ZLA BA YIS, ,JI BZHIN GSAL BAR BSHAD PA'I RJES ZHUGS NAS, ,JI LTAR NUS BZHIN BDAG GIS 'DIR BSHAD BYA, ,RDO RJE 'CHANG GIS RANG

, ,GI DGONGS ZAB RNAMS, ,'DI LTAR GYIS LA SHOD CIG CES GSUNGS PA'I, ,BSHAD THABS MAN NGAG BYIN PA JI BZHIN DU, ,RGYUD SDE BSHAD PAR 'DOD RNAMS GUS PAS NYON,, ,,'DIR DPAL GSANG BA 'DUS PA'I BSHAD PA'I RGYUD YE SHES RDO RJE KUN LAS BTUS 'CHAD PA LA BZHI, MTSAN GYI RNAM GRANGS, 'GYUR MDZAD PA'I PHYAG ,GZHUNG DNGOS KYI DON, MJUG GI DON NO, ,DANG PO NI, RGYUD 'DI'I MTSAN LA RGYA GAR GYI SKAD DU SHR'I DZNY'A NA BADZRA SA MU TZTSA YA N'A MA MAH'A YO GA TANTRA ZHES PA, BOD KYI SKAD DU BSGYUR NA SHR'I NI DPAL DANG, DZNY'A NA BADZRA NI YE SHES RDO RJE DANG, SAMUTZTSA YA NI KUN LAS BTUS PA DANG, N'A MA NI ZHES BYA BA DANG, MAH'A YO GA NI RNAL 'BYOR CHEN PO DANG, TANTRA NI RGYUD CES BYA BA'O, ,DE LA DPAL NI PHUN SUM TSOGS PA'I DON YIN LA, DE YANG

GNYIS SU MED PA'I YE SHES DANG TSOGS GNYIS RDZOGS PA SOGS LA BSHAD PAS, GZHUNG LA NI BRJOD BYA'I SGO NAS BTAGS PA'O, ,YE SHES NI SNANG MCHED THOB GSUM GYI YE SHES DANG, RDO RJE NI DE DAG GI 'BYUNG GNAS 'OD GSAL YIN TE, 'DI NYID LAS, YE SHES GSUM RDO RJE LAS YANG DAG PAR BYUNG BA'I YE SHES GSUM RDO RJE'I RANG BZHIN NO, ,ZHES DANG, GSUM PO DE DANG DE 'OD GSAL BA LAS BYUNG BAS RDO RJE'I NGO BO'O, ,ZHES GSUNGS PA BZHIN NO, ,GZHUNG LA DE LTAR BTAGS PA YANG BRJOD BYA'I SGO NAS SO, ,KUN LAS BTUS PA 'DI RNAL 'BYOR BLA MED KYI RGYUD KUN LAS RGYUD BSHAD THABS KYI GNAD RNAMS BSDUS NAS STON PA'O, ,RNAL 'BYOR GYI DON NI RGYUD PHYI MA LAS, THABS DANG SHES RAB SNYOMS 'JUG PA, ,RNAL 'BYOR ZHES NI BSHAD PA YIN, ,GANG ZHIG DNGOS MED SHES RAB STE, ,THABS NI DNGOS PO'I MTSAN NYID DO, ,ZHES THABS SHES GNYIS MNYAM PAR SBYOR BA'I DON RNAL 'BYOR GYI DON DU GSUNGS PA'O, ,DE LA SNANG BA'I YE SHES STONG PA NI SHES RAB DANG, SNANG BA MCHED PA'I YE SHES SHIN TU STONG PA NI THABS YIN LA, DE GNYIS MNYAM PAR SBYOR BA'I SNYOMS PAR 'JUG PA NI SNANG BA NYER THOB STONG PA CHEN PO STE, DE NI SBAS DON GYI RNAL 'BYOR RO, ,LAM GYI SNANG BA DANG MCHED PA'I YE SHES GNYIS KA DON DAM PA LA DMIGS SHING SNANG BA DANG BCAS PAR 'DRA BA LA, SNANG BA'I YE SHES LA DNGOS PO MED PA ZHES GSUNGS PA'I DNGOS PO MED PA NI, RANG BZHIN MED PA'I STONG PA RTOGS PA YIN LA, 'DIR STONG PA SHES RAB SHAS CHE ZHING BDE BA SHAS CHUNG BAS DNGOS PO MED PA ZHES

, ,GSUNGS SO, ,MCHED PA'I YE SHES LA DNGOS PO ZHES GSUNGS PA'I DNGOS PO NI BDE BA YIN LA, 'DIR BDE BA SHAS CHE ZHING STENG PA SHAS CHUNG BAS DNGOS PO ZHES GSUNGS SO, ,NYER THOB NI BDE STONG CHA MNYAM POR 'JUG PAS THABS SHES GNYIS SNYOMS PAR 'JUG PA'I RNAL 'BYOR RO, ,YANG MCHOG TU BDE BA'I YE SHES DANG DON DAM BDEN PA 'OD GSAL GNYIS RO GCIG TU ZHUGS PA'I DON DAM NI THAMS CAD DNGOS PO MED PA'AM THAMS CAD STONG PA'I SHES RAB DANG, YONGS SU DAG PA'I SGYU MA'I SKU KUN RDZOB NI DNGOS PO'I MTSAN NYID KYI THABS YIN LA, DE GNYIS NGO BO GCIG TU SBYOR BA'I GNYIS SU MED PA'I YE SHES ZUNG 'JUG NI BDEN GNYIS KYI THABS SHES GNYIS SNYOMS PAR 'JUG PA'I MTHAR THUG GI RNAL 'BYOR RO, ,CHEN PO ZHES PA NI, RNAL 'BYOR BLA NA MED PA LA RNAL 'BYOR CHEN POR BYAS PA'I CHEN PO YIN GYI, RNAL 'BYOR CHEN PO'I RGYUD YIN PA TZAM GYIS RNAL 'BYOR BLA MED KYI RGYUD DU MI 'GYUR TE, RDO RJE RTZE MO LAS RTZE MO LA RNAL 'BYOR CHEN PO'I RGYUD DU GSUNGS PA DANG, SPYOD BSDUS LAS DPAL MCHOG DANG PO LA RNAL 'BYOR CHEN PO'I RGYUD DU GSUNGS PAS SO, ,RGYUD KYI DON NI RGYUD PHYI MA LAS, RGYUD NI RGYUN ZHES BYA BAR GRAGS, ,RGYUN DE RNAM PA GSUM 'GYUR TE, ,GZHI DANG DE BZHIN RANG BZHIN DANG, ,MI 'PHROGS PA YIS RAB PHYE BA, ,GZHI DANG RANG BZHIN RGYU YIN TE, ,DE BZHIN MI 'PHROGS 'BRAS BU'O, ,GZHI NI THABS ZHES BYA BA STE, ,GSUM GYIS RGYUD KYI DON BSDUS PA'O, ,ZHES GSUNGS PA LTAR RO, ,RKANG PA LNGA

PA NI MAN NGAG SNYE MAR DRANGS PA LAS, RANG BZHIN RNAM PA RGYU YIN TE, ZHES BSGYUR BA LTAR LEGS SO, ,RGYU'I RGYUD DANG THABS KYI RGYUD DANG 'BRAS BU'I RGYUD GSUM 'BREL CHAGS PAR 'BYUNG BA NI RGYUD KYI DON RGYUN CHAGS PA YIN LA, DE YANG TSIG GI SGO NAS GONG 'OG 'KHRUGS PA YOD KYANG, DON GYI SGO NAS 'BREL CHAGS PAR STON PA LA N'A RO TA PAS BSHAD PA NYID LEGS PAR MTHONG NGO, ,RGYU'I RGYUD NI SGRUB PA PO RIN PO CHE LTA BU'I GANG ZAG DANG, THABS KYI RGYUD NI RIM GYIS KYI BSNYEN BSGRUB YAN LAG BZHI DANG, 'BRAS BU'I RGYUD NI GZHAN GYIS 'PHROG PAR MI NUS PA'I MI SLOB PA'I ZUNG 'JUG LA N'A RO TA PAS BSHAD PA, SH'ANTI PA DANG AA BHA YAS RGYU RGYUD SEMS KYI RANG BZHIN STONG NYID DANG, RGYAL BAS BYIN GYIS SEMS NYID LA BSHAD DO, ,GNYIS PA NI, SANGS RGYAS DANG ZHES SOGS TE GO BAR ZAD DO, ,GSUM PA LA GNYIS, SPYI'I DON, YAN LAG GI DON NO, ,DANG PO LA GSUM, GLENG GZHI MA GSUNGS PA'I RGYU MTSAN, GZHAN 'JUG PA'I YAN LAG DGOS 'BREL, 'DUS PA'I BSHAD RGYUD DU 'GRO TSUL LO, ,DANG PO NI, RGYUD 'DI LA 'DI SKAD BDAG GIS THOS ZHES SOGS KYI GLENG GZHI MA GSUNGS PA'I RGYU MTSAN GANG YIN SNYAM NA, RGYUD 'DI NYID LAS 'DI YE SHES RDO RJE KUN LAS BTUS KYI BDE BA CHEN PO'I LE'U ZHES PA RIM PA GNYIS PAR GSUNGS PAS, YE SHES RDO RJE KUN LAS BTUS KYI DUM BU PHYI MA GCIG TU SNANG BAS 'DIR GLENG GZHI MA GSUNGS SO, ,RDO RJE SNYING PO RGYAN GYI RGYUD LAS 'DOD CHAGS CHEN PO'I THABS RGYUD KYI DBYE BA GSUNGS PA'I SKABS SU, KUN LAS BTUS PA 'BUM PHRAG GCIG ,CES GSUNGS

, ,PAS YE SHES RDO RJE KUN LAS BTUS LA RGYUD SHIN TU RGYAS PA CIG YOD PAR GSAL LA, SLOB DPON AA LAm KA KA LA SHAS KYANG YE SHES RDO RJE KUN LAS BTUS PA RGYUD RGYAS BSDUS GNYIS YOD PAR BSHAD PA'I 'DI RGYUD BSDUS PA YIN LA, 'ON KYANG BSDUS PA TSANG BA DE YANG MA 'GYUR SNANG NGO, ,GNYIS PA NI, DGOS PA LA SOGS PA MA MTHONG BA'I GZHUNG LA NI DAD PA'I RJES SU 'BRANG BA RNAMS KYANG 'JUG PAR MI 'GYUR NA, CHOS KYI RJES SU 'BRANG BA RNAMS LTA SMOS KYANG CI DGOS, DE'I PHYIR RGYUD 'DI LA THOG MAR DGOS PA LA SOGS PA BZHI BRJOD PAR BYA DGOS NA, BRJOD PAR BYA BA NI GANG ZHIG ,DGOS PA NI JI LTA BU, DGOS PA'I DGOS PA NI CI ZHIG ,'BREL PA NI GANG SNYAM NA, BRJOD PAR BYA BA NI RGYUD BSHAD THABS KYI MAN NGAG RGYAN BDUN YAN LAG DANG BCAS PA'O, ,DGOS PA NI RGYUD 'DI LA BRTEN NAS DON DE RNAMS LEGS PAR RTOGS PA'O, ,DGOS PA'I DGOS PA NI DE KHONG DU CHUD NAS RGYUD DON NYAMS SU BLANGS PAS, MCHOG SANGS RGYAS DANG, 'BRING GRUB PA BRGYAD DANG, THA MA ZHI SOGS KYI DNGOS GRUB THOB PA'O, ,'BREL PA NI NYID DGOS DGOS PA DANG, BRJOD BYA'I DON RTOGS PA RJOD BYED GZHUNG LA RAG LAS PA'O, ,GSUM PA LA GNYIS, DNGOS KYI DON, DON DE RGYUD 'DI'I GZHUNG GIS BSTAN TSUL LO, ,DANG PO NI, RGYUD 'DI SPYIR THABS RGYUD YIN PAR NI RDO RJE SNYING PO RGYAN LAS GSUNGS LA, BYE BRAG TU BSHAD PA'I RGYUD YIN PAR NI SPYOD BSDUS DANG SGON GSAL LAS GSUNGS SHING, DE YANG SKABS STOBS KYIS 'DUS PA'I BSHAD RGYUD DU BZHED PA YIN NO, ,DE NI GTZO BO'I DBANG

DU BYAS NAS YIN GYI, GZHAN RNAL 'BYOR BLA NA MED PA'I RGYUD MTHA' DRUG DANG TSUL BZHI'I 'CHING BAS BCINGS PA THAMS CAD KYI 'CHAD TSUL STON PAS, GSANG 'DUS KHO NA'I 'CHAD BYED DU MI GZUNG NGO, ,'O NA RGYUD 'DIS DPAL 'DUS PA 'CHAD PA'I BSHAD THABS KYI MAN NGAG JI 'DRA ZHIG BSTAN PAS 'DUS PA'I BSHAD RGYUD DU 'GRO SNYAM NA, BSHAD THABS KYI MAN NGAG NI, GLENG BSLANG BA RNAM PA LNGA'I RGYAN DANG, MTHA' DRUG GI RGYAN DANG, BSHAD PA'I TSUL BZHI'I RGYAN DANG, 'TSANG RGYA BA'I TSUL BZHI'I RGYAN DANG, BSHAD PA'I DBYE BA RNAM PA GNYIS KYI RGYAN DANG, NYAN PA'I GANG ZAG RNAM PA LNGA'I RGYAN DANG, DGOS PA BDEN PA GNYIS NGES PA'I RGYAN TE, RGYAN BDUN YIN NO, ,DE LA RGYAN DANG POS NI GANG BSHAD PAR BYA BA'I BSHAD GZHI KHYAD PAR LNGA DANG LDAN PA CIG STON TE, DE NI 'DUS PA'I RTZA BA'I RGYUD LTA BU'O, ,KHYAD PAR LNGA LDAN GYI RTZA RGYUD DE'I DGONGS PA 'GREL PA'I TSUL NI MTHA' DRUG DANG TSUL BZHIR NGES LA, DE NI RGYAN GNYIS PA DANG GSUM PAS STON NO, ,DES DGONGS PA BKRAL BA'I LAM RNAMS TSE GCIG LA 'TSANG RGYA BA'I LAM GYI RIM PAR BSDU NA BZHIR 'DU LA, DE NI RGYAN BZHI PAS STON NO, ,DE LTA BU'I LAM DE BSTAN PAR BYA BA'I YUL NI RIN PO CHE LTA BU LA SOGS PA'I GANG ZAG LNGAR NGES LA DE NI RGYAN DRUG PAS STON NO, ,DE RNAMS LA LAM DE 'CHAD PA'I TSUL NI BSHAD PA'I DBYE BA GNYIS SU NGES LA DE NI RGYAN LNGA PAS STON NO, ,DE LTAR BSHAD PAS RGYUD DON LA GO BA JI 'DRA BA ZHIG SKYE NA, KUN RDZOB SGYU MA DANG DON DAM 'OD GSAL GNYIS KYI DON LA NGES PA RNYED PA CIG DGOS TE, DE NI RGYAN BDUN PAS STON NO, ,DON DE DAG MDOR BSDU

, ,NA BSHAD GZHI'I RGYUD 'DI 'DRA BA ZHIG ,DGONGS PA 'GREL TSUL 'DI 'DRA ZHIG GIS BKRAL BA'I DON RNAMS, LAM BGROD PA'I RIM PA 'DI 'DRA ZHIG TU BSDUS NAS, NYAN PA PO 'DI LTA BU ZHIG LA, BSHAD LUGS GNYIS PO 'DI 'DRA ZHIG BYAS NAS, GO BA'I GTZO BO 'DI 'DRA ZHIG GI DON NGES PA CIG BYUNG NA, RTZA BA'I RGYUD KYI DON PHYIN CI MA LOG PAR SHOD PA YIN NO ZHES STON PA YIN NO, ,GNYIS PA NI, SNGAR BSHAD PA'I DON DE RNAMS RGYUD 'DIS JI LTAR BSTAN PA NI, BYAMS PA LA SOGS PA ZHES PA NAS, 'DI NI MTHAR THUG PA'I DBANG DU BYAS PA'O, ,ZHES PA'I BAR GYIS BSHAD PA'I TSUL BZHI'I RGYAN GYI YIG DON MA GTOGS PA SPYI DANG SBAS PA DANG MTHAR THUG PA'I TSUL GSUM BSTAN TO, ,BYAMS PAS GSOL PA ZHES PA NAS, SGRA JI BZHIN MA YIN PAS BSHAD PA'O, ,ZHES PA'I BAR GYIS MTHA' DRUG GI RGYAN GYI DBYE BA DANG RE RE'I DON RNAMS DANG, YI GE'I DON BSTAN TO, ,MTHA' DRUG DANG TSUL BZHI TSANG BA'I BSHAD PA RNAL 'BYOR BLA MED KYI RGYUD MA GTOGS PA LA MI RUNG YANG, YI GE'I DON DANG SGRA JI BZHIN PA LA SOGS PA'I BSHAD PA 'GA' ZHIG RGYUD SDE 'OG MA LA YANG RUNG BAS, MTHA' DRUG DANG TSUL BZHI'I BSHAD PA PHYOGS RE BA YAN CHAD 'JUG PA'I RGYUD KUN GYI RNAM GZHAG STON PA NI, BYANG CHUB SEMS DPA' CHEN POS GSOL PA ZHES PA NAS, RTOG PA LA GNAS SO, ,ZHES PA'I BAR RO, ,RGYUD KYI DGONGS PA 'GREL BA'I THABS KYI GTZO BO MTHA' DRUG DANG TSUL BZHI'I RGYAN GYI BSHAD PA BSTAN ZIN MOD KYANG, RGYUD BSHAD THABS KYI MAN NGAG RGYAN BDUN KA TSANG BAR STON PA NI,

BYANG CHUB SEMS DPA' CHEN PO RNAMS KYIS GSOL PA ZHES PA NAS, DE'I MTHA' NI GNAS SO, ,ZHES PA'I BAR RO, ,'DI NI RAGS PA STE, RGYAS PAR NI TSIG DON GYI SKABS SU 'CHAD PAR 'GYUR RO, ,GNYIS PA LA GSUM, RGYUD STON PA'I MTSAMS SBYOR, MTSAMS SBYAR NAS RGYUD BSHAD PA'I RIM PA, DE LTAR BSHAD PAS 'KHOR RNAMS TSIM PA'I TSUL LO, ,DANG PO NI, GAL TE RGYUD NYUNG NGU 'DIS 'DUS PA LA SOGS PA'I RGYUD BSHAD THABS KYI MAN NGAG RNAMS STON NA, 'DI RNAMS RGYAS PAR RGYUD GANG LAS GSUNGS SNYAM NA, BCOM LDAN 'DAS KYIS YE SHES RDO RJE KUN LAS BTUS PA'I RGYUD RGYAS PA LAS JI SKAD DU GSUNGS PA JI LTA BA DE BZHIN DU 'DIR BSDUS NAS GSUNGS PA'O, ,KHU DANG NAG TSOS BSGYUR BA LA JI SKAD DU ZHES PA YOD LA, MAR PA LHO BRAG PAS BSGYUR BA LA MED DO, ,GNYIS PA LA GSUM, RGYUD KYI DGONGS PA 'GREL PA'I SGO, BSHAD PAR BYA BA'I RGYUD KYI RNAM GZHAG, RGYUD BSHAD THABS KYI MAN NGAG TSANG BAR BSTAN PA'O, ,DANG PO LA GNYIS, TSUL BZHI'I BSHAD PA, MTHA' DRUG GI BSHAD PA'O, ,DANG PO LA GNYIS, TSUL GSUM GYI DON BSHAD PA, YIG DON SKABS 'DIR MA BSHAD PA'I RGYU MTSAN NO, ,DANG PO LA GSUM, SBAS PA'I DON BSHAD PA, SPYI'I DON BSHAD PA, MTHAR THUG PA'I DON BSHAD PA'O, ,DANG PO LA GNYIS, DON DNGOS, DE SBAS DON DU BSTAN PA'O, ,DANG PO LA BZHI, SNANG BA SEMS KYI SBAS DON, 'DOD CHAGS CHOS KYI SBAS DON, KUN RDZOB SGYU MA'I SBAS DON, 'DOD CHAGS CHOS SBAS KYI BSNGAGS BA'O, ,DANG PO LA GNYIS, SNANG BA SEMS KYI

, ,RIM PA DANG RNAM GRANGS MDOR BSTAN PA, SNANG BA SEMS KYI RIM PA DANG RNAM GRANGS RGYAS PAR BSHAD PA'O, ,DANG PO LA GSUM, SNANG BA GSUM LA ZHU BA MDZAD PA, RDO RJE NGO BOR BSHAD PA'I LAN, DE NYID ZHUS LAN GYIS BSHAD PA'O, ,DANG PO NI, ZHUS PA ZHES KHYAD PAR GYI GZHIR DRANG NGO, ,GANG GIS NA, BYAMS PA LA SOGS PA BLA NA MED PA'I BYANG CHUB THOB PAR 'DOD CING, SEMS CAN THAMS CAD MYA NGAN LAS 'DA' BAR 'DOD PA'I SEMS PA DRUG STONG GIS SO, , GANG LA NA, BCOM LDAN 'DAS LA'O, ,DE'I DON SGRON GSAL LAS, SKAL BA PHUN SUM TSOGS PA NYID KYI PHYIR DANG MI MTHUN PA'I PHYOGS MA LUS PAR BCOM PAS BCOM LDAN 'DAS SO, ,ZHES GSUNGS TE, BHA GA WA NA ZHES PA'I BHA GA NI SKAL BA LA 'JUG LA, DE NI SAm BHU tA LAS, DBANG PHYUG DANG NI GZUGS BZANG DANG, ,DPAL DANG GRAGS DANG YE SHES DANG, ,BRTZON 'GRUS PHUN SUM TSOGS PA STE, ,DRUG PO RNAMS LA SKAL ZHES BYA, ,ZHES GSUNGS PA LTAR DBANG PHYUG LA SOGS PA'I SKAL BA DRUG DANG LDAN PAS SKAL LDAN NAM BCOM LDAN NO, ,GZHAN YANG BHA GA LA NGES TSIG GI TSUL GYIS BHA GA WA NA BCOM PA STE, MI MTHUN PA'I PHYOGS NYON MONGS GSUM MAM SGRIB PA GNYIS SAM BDUD BZHI MA LUS PAR BCOM PAS NA BCOM, DE 'DI LA LDAN PAS NA BCOM LDAN TE, RDO RJE RTZE MO LAS, NYON MONGS LAS DANG DE BZHIN SKYE, ,NYON MONGS SHES BYA'I SGRIB DE RNAMS, ,GANG YANG MI MTHUN PHYOGS CHOS BCOM, ,DE 'DIR BCOM LDAN 'DAS SU BSHAD, ,

CES SO, ,'JIG RTEN PA'I LHA CHEN PO RNAMS LA'ANG BCOM LDAN DANG LEGS LDAN GYI SGRA 'JUG PAS, DE LAS KHYAD PAR DU BYA BA'I PHYIR DU 'DAS ZHES PA BKAS BCAD KYIS BSNAN GYI SKAD DOD LA MED DO, ,CI ZHIG ZHUS NA, BCOM LDAN 'DAS ZHES BOS NAS, RGYUD RNAMS LAS MA RIG PA DANG SEMS LAS BYUNG BA DANG SEMS ZHES BGYI BA STE THA SNYAD BTAGS PA RNAMS KYI RIM PA CI LTAR LAGS ZHES ZHUS SO, ,'OG TU RNAL 'BYOR GYI RGYUD DU MTHA' DRUG GI BSHAD PA JI LTAR LAGS ZHES DRIS PA'I LAN DU, MTHA' DRUG GI DBYE BA DANG, DE RNAMS RE RE'I DON BSHAD PA ZHUS PA'I LAN DU, DE RNAMS KYI BSHAD PA GSUNGS PA BZHIN DU, TSUL BZHI LA YANG TSUL BZHIR BSHAD PA JI LTAR LAGS ZHES ZHUS PA DANG, DE'I LAN BSHAD PA DON GYIS 'THOB PAS SNGON DU DRIS LAN DE LTAR BYA LA, DE NAS TSUL BZHI'I SBAS DON GSUM GYI NANG NAS SEMS KYIS SBAS PA'I DON ZHUS PA DANG DE'I LAN SBYAR BAR BYA'O, ,GNYIS PA NI, BCOM LDAN 'DAS 'OD GSAL GYI DE BZHIN NYID DU GSHEGS PA THAMS CAD KYI SKU RDO RJE RNAM SNANG DANG, GSUNG RDO RJE 'OD DPAG MED DANG, THUGS RDO RJE MI BSKYOD PA GSUM DBYER MI PHYED PA'I RDO RJE 'CHANG GIS DRIS PA'I LAN BKA' STZAL PA NI, ZHU BA PO RNAMS LA RDO RJE LA SOGS PA'I RIGS LAS SKYES PAS NA RIGS KYI BU ZHES BAS NAS, LEGS PAR NYON CIG DANG BSHAD PAR BYA'O ZHES NYAN PAR BSKUL LO, ,YE SHES GSUM NI MA RIG PA LA SOGS PA SNGAR BSTAN PA GSUM MO, ,RDO RJE NI 'OD GSAL LO, ,DE LAS YANG DAG PAR BYUNG BA'I YE SHES GSUM RDO RJE'I

, ,RANG BZHIN NO, ,KHU'I 'GYUR NAG TSOS BCOS PA LAS, RDO RJE LAS YANG DAG PAR BYUNG BA'I, ,ZHES 'BYUNG LA, MAR 'GYUR LAS, RDO RJE LAS YANG DAG PAR BYUNG BA DE'I PHYIR ZHES 'BYUNG NGO, ,GAL TE MA RIG PA LA SOGS PA GSUM GYI DON DRES PA'I LAN DU, DE GSUM GYI NGOS 'DZIN MA BSHAD PAR DE GSUM RDO RJE LAS BYUNG BAS SAM BYUNG BA'I RDO RJE'I RANG BZHIN DU BSHAD PA MA 'BREL LA, LUGS MTHUN DU 'JUG PA'I MA RIG PA LA SOGS PA GSUM NI 'OD GSAL GYI RGYU YIN PAS, DE GSUM 'OD GSAL LAS 'BYUNG BAR BSHAD PA YANG MI 'THAD DO SNYAM NA, YE SHES GSUM LA LUGS MTHUN DU 'OD GSAL DU 'JUG PA DANG, LUGS LDOG TU 'OD GSAL LAS 'BYUNG BA GNYIS YOD KYANG, DRI BA'I SKABS SU MA RIG PA DANG ZHES LUGS LDOG NAS 'BYUNG BA'I RIM PA DRIS PAS, YE SHES GSUM 'OD GSAL LAS 'BYUNG BAR BSHAD PA MI 'THAD PA MIN LA, MA RIG PA LA SOGS PA GSUM JI LTAR LAGS ZHES DRIS PA NI, SKABS 'DIR DE GSUM GANG LAS 'BYUNG BA'I RIM PA DANG, DE GSUM NYID KYI'ANG RIM PA DRIS PA YIN PAS LAN MA 'BREL BA MED DO, ,DES NA MAR 'GYUR LTAR RGYU MTSAN DU BYAS NA LEGS PAS, BYUNG BA'I ZHES 'DON NA'ANG DON NI DE LTAR BYA'O, ,'O NA DE LAS BYUNG BA'I RGYU MTSAN GYIS DE'I RANG BZHIN NO ZHES PA MA 'BREL LO SNYAM NA, RANG BZHIN GYI SKAD DOD SVA BH'A BA NI RANG BZHIN DANG DNGOS PO DANG 'BYUNG BA DANG GSUM GA LA DRANG DU RUNG BAS, RGYA GAR PA'I MKHAS PA RNAMS KYIS DE LTAR BSHAD PA MANG NGO, ,GSUM PA LA GNYIS, ,

ZHU BA, LAN NO, ,DANG PO NI, BYAMS PAS GSOL PA, BCOM LDAN 'DAS ZHES BOS NAS, YE SHES GSUM RDO RJE LAS BYUNG BAS RDO RJE'I NGO BO'O, ,ZHES GSUNGS PA'I RDO RJE GANG YIN, DE LAS BYUNG BA'I RIM PA JI LTAR LAGS ZHES ZHUS SO, ,GNYIS PA LA BZHI, MA RIG PA'I 'BYUNG RIM DANG RNAM GRANGS, SNANG BA MCHED PA'I 'BYUNG RIM DANG RNAM GRANGS, SNANG BA'I 'BYUNG RIM DANG RNAM GRANGS, DE RNAMS KYI DON BSDU BA'O, ,DANG PO NI, YE SHES GSUM GYI 'BYUNG GNAS SU BSHAD PA'I RDO RJE NI, BCOM LDAN 'DAS KYIS LAN BKA' STZAL PA, CHAGS PA 'DOD CHAGS MCHED PA DANG, DES MTSON NAS CHAGS BRAL SNANG BA DANG, CHAGS PA BAR MA NYER THOB GSUM MED PA'I YANG DAG PA'I MTHA' 'OD GSAL LO, ,DE NI SHIN TU RTOGS PAR DKA' BA NYID DANG, RANG BZHIN GYIS 'GAG PA MED PA DANG, RANG BZHIN GYIS SKYE BA MED PA'O, ,KHYAD PAR DE GSUM NI YUL GYI 'OD GSAL DANG YUL CAN GYI 'OD GSAL GNYIS KA LA YOD CING, GZHI DUS DANG LAM DUS KYI 'OD GSAL GNYIS KA LA YANG YOD DO, ,'ON KYANG 'DIR YE SHES GSUM GANG LAS SKYE BA'I 'OD GSAL NI DUS GNYIS KAR YUL CAN GYI 'OD GSAL LA BYA'O, ,'CHI BA'I 'OD GSAL SEMS CAN RNAMS KYIS NYAMS SU MYONG MOD KYANG NGES PAR DKA' STE, SNGON PO MTHONG YANG SKAD CIG MA MI NGES PA BZHIN NO, ,'OD GSAL DE'I RKYEN GYIS MA RIG PA SNANG BA NYER THOB KYI YE SHES SKYE STE, MA RIG PA ZHES BYA BA DANG, SNANG BA NYE BAR THOB PA DANG, STONG PA CHEN PO ZHES 'BYUNG BA RNAMS NI MING GI RNAM GRANGS SO, ,STONG PA CHEN PO DE YANG RTOGS PA STE NGES PAR DKA' BA'O, ,NGES DKA' BA

, ,'ON KYANG GNYIS SNANG DAG PA'I NGES DKA' BA MIN GYI GNYIS SU SNANG BA DANG BCAS PAR BRJOD PAR BYA'O, ,'OG NAS RNAM PAR SHES PA GSUM GA RTOGS DKA' BAR GSUNGS PAS, TSIG THA MA GNYIS PO 'DI 'OG MA GNYIS LA SBYAR BA YANG DON GYIS 'THOB BO, ,GNYIS PA NI, 'OD GSAL LAS DNGOS SU BYUNG BA'I MA RIG PA'I RKYEN GYIS SEMS LAS BYUNG BA SNANG BA MCHED PA'I YE SHES SKYE STE, DE'I MING GI RNAM GRANGS LA NI, SNANG BA MCHED PA DANG, SHIN TU STONG PA ZHES GSUNGS SO, ,'DIR SNGA MA'I RIGS 'GROS KYIS SEMS LAS BYUNG BA ZHES KYANG 'BYUNG BAR RIGS PAS, 'OG GI SEMS LAS BYUNG BA ZHES PA 'DIR SBYAR RO, ,GSUM PA NI, SEMS LAS BYUNG BA'I RKYEN GYIS SEMS SNANG BA'I YE SHES SKYE STE, DE'I MING GI RNAM GRANGS LA NI, SNANG BA DANG, STONG PA ZHES KYANG BYA'O, ,'DIR YANG SEMS ZHES PA'I RNAM GRANGS KYANG BSNAN NO, ,SNANG MCHOD GNYIS NI 'OD GSAL LAS BRGYUD NAS BYUNG BA YIN NO, ,KHU'I 'GYUR NAG TSOS BCOS PA LAS SEMS DANG SEMS LAS BYUNG BA'O, ,BDAG DANG MA RIG PA DANG BDAG MED PA DANG GSUM PO ZHES 'BYUNG LA, MAR 'GYUR LAS, SEMS DANG SEMS LAS BYUNG BA DANG MA RIG PA'I BDAG NYID BDAG MED PA'O ZHES 'BYUNG YANG 'GYUR SNGA MA LTAR BDE BA 'DRA'O, ,BZHI PA NI, BDAG TU 'DOGS PA'I GZHIR GYUR PAS NA BDAG STE SEMS DANG, MA RIG PA DANG, 'DI'I DUS NA BDAG GI SGRAS BSTAN PA'I SEMS DE MED PAS NA BDAG MED PA STE SEMS LAS BYUNG BA DANG, GSUM PO BDAG DE DANG MA RIG PA DANG SEMS BYUNG DE RDO RJE 'OD GSAL BA LAS BYUNG BAS NA GSUM PO DE LA

RDO RJE'I NGO BO'I ZHES GSUNGS SO, ,LAN GSUNGS PA DE NAS BYAMS PA LA SOGS PA DE DAG DUS DE'I TSE LAN DE LA NGO MTSAR BA THOB PAR GYUR TE, RE ZHIG CANG MI SMRA BAR GYUR TO, ,GNYIS PA LA GSUM, 'KHOR LA DRI BA'I PHYIR DU BSKUL BA, BSKUL NAS ZHUS PA, ZHUS PA'I LAN BSHAD PA'O, ,DANG PO NI, YE SHES GSUM RDO RJE'I NGO BO YIN TSUL ZHUS PA'I LAN BSHAD ZIN PA DE NAS SNGAR BKA' STZAL PA LA LTOS NAS YANG BKA' STZAL PA NI, RIGS KYI BU DAG CI'I PHYIR CANG MI SMRA BAR GYUR PAS 'DUG CES 'KHOR LA DRI BA'I PHYIR BSKUL LO, ,GANG GIS NA, BCOM LDAN 'DAS ZHES SOGS TE BSHAD ZIN TO, ,GNYIS PA NI, BSKUL BA'I RJES DE NAS BYANG CHUB SEMS DPA' CHEN PO DE RNAMS KYIS, BCOM LDAN 'DAS KYI ZHABS GNYIS LA PHYAG 'TSAL TE ZHABS LA MGOS GTUGS NAS, SNGA MA LA LTOS NAS, GZHAN YANG ZHUS PA NI, NGO MTSAR BA'I TSIG GIS AE MA'O STON PA ZHES POS NAS, RNAM PAR SHES PA GSUM GYI DBYE BA STE SO SO'I NGOS 'DZIN LUGS LDOG TU 'BYUNG BA'I RIM PA 'PHROS DANG BCAS PA BSHAD DU GSOL ZHES PA'O, ,BCOM LDAN 'DAS DANG BDE BAR GSHEGS PA GNYIS SMOS PA NI NAN TAN DU ZHUS PA'I DON TO, ,RTOGS PAR DKA' BA NI THOS BSAM GYI SGO NAS DANG, MCHOG TU ZAB PA STE RTOGS PAR DKA' BA NI SGOM BYUNG GI SGO NAS SO, ,SPYOD BSDUS SU DRANGS PA LA, SLAR YANG ZHUS PA, ZHES DANG, MCHOG TU RTOGS PAR DKA' BA ZHES 'BYUNG NGO, ,GSUM PA LA GNYIS, 'OD GSAL LAS LUGS LDOG TU SKYE PA'I RIM PA, RIM PA DE NYID GSAL BAR BSHAD PA'O, ,DANG PO

, ,LA GNYIS, SPYI'I DON, YAN LAG GI DON NO, ,DANG PO LA GSUM, LUGS LDOG GI RIM PA 'DI BAR SRID DANG SKYE SRID GNYIS GANG GI DBANG DU MDZAD PA, 'KHOR BA LDOG 'JUG GTAN LA PHAB PA LA BRTEN NAS LAM GYI GNAD NGOS BZUNG BA, PHUNG PO DANG SKYE MCHED SOGS THAMS CAD RLUNG SEMS 'DRES PA TZAM DU GSUNGS PA'I DGONGS PA BSTAN PA'O, ,DANG PO NI, 'DIR 'OD GSAL LAS SEMS YID RNAMS SHES GSUM 'BYUNG BA DANG, RLUNG LAS ME LA SOGS PA RIM PAR SKYE BAR GSUNGS PA 'DI, TSE 'DI YI MTHA' YI 'CHI BA'I 'OD GSAL LAS BAR SRID 'GRUB PA'I TSUL YIN NAM, 'ON TE BAR SRID 'CHI BA'I 'OD GSAL LAS SKYE SRID 'GRUB PA'I TSUL YIN ZHE NA, 'OD GSAL LAS SEMS YID RNAM SHES GSUM RIM GYIS 'BYUNG BA YAN CHAD GZHI DUS KYI 'CHI SRID GNYIS LAS BAR DO DANG SKYE SRID 'GRUB PA'I RIM PA DANG, SNGAR BSHAD PA LTAR RDZOGS RIM GYI SKABS SU YANG SBYAR DU RUNG MOD KYANG, 'BYUNG BA SKYE RIM SOGS TSANG BAR NI GZHI'I BAR DO'I 'CHI BA'I 'OD GSAL LAS SKYE SRID 'GRUB PA'I RIM PA LA SBYAR DGOS KYI, RGYUD KYI GZHUNG 'DI RNAMS SPYOD BSDUS SU DRANGS PA'I BSHAD PA BYED PA RNAMS KYIS, 'CHI SRID LAS BAR SRID 'GRUB PA'I RIM PA LA 'DI THAMS CAD 'CHAD PA NI MI 'THAD DE, RDO RJE PHRENG BA DANG 'GAL BA'I PHYIR TE, DE NYID LAS, BSHANG SGO GSANG BA'I DBUS NA GNAS, ,MING NI MA SKYES RTZA CHEN NO, ,DE YANG RNAM SHES DANG BRAL BA, ,YE SHES LUS NI BDAG MED PA, ,DER NI SKYE BA SROG GI MCHOG ,SROG CHAGS RNAMS KYI MCHOG TU BRJOD, ,RNAM PAR

SHES PA'I NGO BO BRTEN, ,THOG MAR 'BYUNG BA BZHI PO LA, ,SKYED PA YI NI NGO BOR BYED, ,DE TSE RANG GI GNAS SU THIM, ,RNAM SHES LAS NI SKYES PA'I RLUNG, ,DE LAS ME NI SKYE BAR 'GYUR, ,ME LAS CHU NI 'BYUNG BAR 'GYUR, ,DE LAS SA NI YANG DAG SKYE, ,DE DAG RNAMS LAS PHUNG PO 'BYUNG, ,ZHES GSANG GNAS DER SROG RLUNG GI BZHON PA CAN GYI RNAM SHES THIM PA'I 'OD GSAL LAS RNAM SHES DANG RLUNG ME SOGS RIM GYIS SKYE BAR BSHAD PA DANG, RGYUD 'DIR BSHAD PA GNYIS DON GCIG PA'I PHYIR RO, ,LUNG DE DAG GI DON ZHIB TU BSHAD NA, BAR SRID GANG DU SKYE BA'I GNAS JI LTA BU SNYAM NA, DER NI SKYE BA LEN ZHES BYA STE, MA SKYES PA'I RTZA CHEN PO ZHES PA'I RTZA GSANG GNAS KYI THOG MA NAS THA MA BSHAD SGO'I BAR DU GSANG GNAS KYI DBUS SU GNAS PA'I MA'I MNGAL GYI GNAS GSANG GNAS DER NI SKYE BA LEN NO, ,RTZA DE BEM PO YIN PAS RNAM SHES DANG BRAL BA'O, ,SKYE BA LEN PA'I MNGAL GYI GNAS DE NI, DE KHO NA NYID GRUB PA LAS, SKYE 'GRO'I GTZO BO GANG YIN PA DE, RLUNG DANG BCAS PA'I KHU BA'I THIGS PA RNAMS DANG, LHAN CIG BTZUN MO'I TSIGS LA BAB PA RNYED PA NA, LTE BA'I 'OG TU KHA THUR DU BLTAS PA'I PADMA DMAR PO 'DAB MA BRGYAD PA'I NANG DU, KHRAG 'DZAG PA'I LHAG MA KUN TU BZUNG STE, DE'I RJES LA PADMA'I KHA ZUM PAR 'GYUR RO, ,DER YANG KHRAG DANG KHU BA GNYIS KA YANG CHU DANG 'O MA 'DRES PA BZHIN DU GYUR NAS GONG BU GCIG TU GYUR TE, RANG GI RANG BZHIN RTZOM PAR BYED DO, ,DE NAS RJES SU 'GRO BA'I RIM GYIS NUR NUR BO LA SOGS PAR YONGS SU GYUR BAS RIM GYIS SKYE STE, ZHES GSUNGS PA LTAR LTE BA'I 'OG NA GNAS PA'I GSANG

, ,GNAS KYI 'KHOR LO'O, ,DGA' BO MNGAL 'JUG LAS KYANG PHO BA'I 'OG LONG KHA'I GONG GI BAR NA GNAS PAR BSHAD PA DANG MTHUN NO, ,GZHUNG KHA CIG LAS, MA SKYES PA'I CHA ZHES DANG, KHA CIG LAS, MA SKYES PA'I RTZA ZHES 'BYUNG NGO, ,SU ZHIG SKYE ZHE NA, YE SHES LUS NI ZHES PA YE SHES KYI LUS CAN BAR DO LA RDO RJE PHRENG BA'I 'GREL PAS BSHAD PA LTAR BAR DO'O, ,BDAG MED PA NI DE LEN PA PO'I BDAG GI RDZAS SU MED PA'O, ,BSKAL PA DANG PO'I MI 'BYUNG BA RAGS PA'I LUS SPANGS PA LA YE SHES KYI LUS CAN DANG YID KYI RANG BZHIN GYI LUS ZHES RNAM GZHAG TU GSUNGS PAS, BAR DO'I LUS KYANG DE DANG 'DRA BAS YE SHES KYI LUS ZHES GSUNGS SO, ,SROG CHAGS RNAMS KYI SROG STE RLUNG GI MCHOG NI SROG 'DZIN GYI RLUNG NGO, ,DE'I BZHON PA CAN GYI BAR DO'I RNAM SHES KYI NGO BO LA BRTEN NAS, BAR DO SRID PA CHOL BA DE'I TSE RANG GI SKYE GNAS SU KHU KHRAG GIS BSDUS PA'I 'BYUNG BA BZHI LA THIM NAS, RANG GI NGO BO SNGON LAS KYIS SKYED PAR BYED DO, ,ZHI BA 'OD KYI 'GYUR DAR MA BRTZON 'GRUS KYIS BCOS PA LAS, DROD SKYED PA YI NGO BOR BYED, ,CES 'BYUNG YANG, 'GYUR MA BCOS PA LAS, SKYED PA YI NI NGO BOR BYED, ,CES 'BYUNG BA 'GREL BA'I BSHAD PA DANG MTHUN NO, ,GNYIS PA LA BZHI, SKYE BA LUGS LDOG BSHAD PA, THIM PA LUGS 'BYUNG BSHAD PA, DE GNYIS KYI DON BSDUS TE BSTAN PA, DE LA BRTEN NAS LAM GYI GNAD BSTAN PA'O, ,DANG PO LA GSUM, 'CHI BA'I 'OD GSAL LAS SNANG BA GSUM 'BYUNG BA'I RNAM GZHAG ,SKYE 'CHI'I SEMS LAS 'PHROS PA'I DON, SNANG BA

LAS RLUNG ME SOGS SKYE BA'I DON BSHAD PA'O, ,DANG PO NI, DE LA TSE 'DI'I 'CHI SRID KYI 'OD GSAL DANG, BAR DO'I 'CHI SRID KYI 'OD GSAL RNAMS DON DAM BDEN PAR BSHAD PA NI, DE'I TSE SPROS PA THAMS CAD ZHI NAS SPRIN MED PA'I NAM MKHA' BZHIN DU NYAMS SU MYONG BA DANG, DON DAM BDEN PA MNGON SUM DU RTOGS PA GNYIS RNAM PA 'DRA BAS NYE BAR BTAGS PA YIN GYI, DON DAM BDEN PA DNGOS DNGON SUM DU BYAS PA MIN TE, LUS CAN THAMS CAD 'BAD PA MED PAR GROL BA'I SKYON DU 'GYUR BA'I PHYIR DANG, DE KHO NA NYID KYI DON THOS BSAM GYIS LEGS PAR GTAN LA MA PHEBS PA LA YANG 'OD GSAL DE NYAMS SU MYONG BA 'BYUNG BA'I PHYIR RO, ,BTAGS PA'I 'OD GSAL NYAMS SU MYONG YANG MA NGES PA SRID LA MTSAN NYID PA DON GYI 'OD GSAL MNGON SUM DU BYAS KYANG MA NGES SO ZHES SMRA BAR MI NUS TE, 'PHAGS PA MA YIN PA THAMS CAD LA DE LKOG TU GYUR PA'I PHYIR RO, ,DE'I PHYIR MA SHI BA'I SNGON DU BDAG MED PA'I DON GTAN LA PHEBS PA'I BU'I 'OD GSAL SKYONG RGYU MED NA, THABS GZHAN GYIS 'CHI BA'I DUS KYI MA'I 'OD GSAL DANG BSRE NUS KYANG, DE'I TSE DE KHO NA NYID KYI DON RTOGS PA MIN NO, ,TSE 'DI'I 'CHI SRID KYI 'OD GSAL LAS BAR DO 'GRUB PA NI 'OD GSAL LAS RNAM SHES NYER THOB SKYES PA NA BAR DO GRUB PA YIN TE, 'CHI SRID 'GAGS PA DANG BAR SRID 'GRUB PA SRANG MDA'I MTHO DMAN BZHIN DU MNYAM PAR GSUNGS PA'I PHYIR DANG, BAR DO RDZUS SKYES KYI YAN LAG DANG NYID LAG DUS CIG CAR DU 'GRUB PA'I PHYIR RO, ,'ON KYANG NYER THOB LAS MCHED PA DANG DE LAS SNANG BA GRUB PA'I MTHAR RANG BZHIN RNAMS SKYE'O, ,MKHAS

, ,PA KHA CIG RDO RJE PHRENG BA LAS, SNANG BA GSUM GYI MTSAN NYID CAN, ,GANG 'DIR RNAM SHES GSUM THOB PA, ,SEMS CAN KHAMS NI MA LUS PA'I, ,RANG BZHIN RTZA BA 'DI YIN NO, ,ZHES GSUNGS PAS BAR DO'I SEMS CAN 'GRUB PA LA SNANG BA GSUM GA RGYUR DGOS ZHES GSUNGS MOD KYANG, LUNG DE NI SNANG BA GSUM SEMS CAN THAMS CAD KYI LUS 'GRUB PA'I RGYUR MI STON GYI, SEMS CAN THAMS CAD KYI RANG BZHIN BRGYAD CU'I RTZA BAR STON PA YIN NO, ,BAR DO SHI BA'I 'OD GSAL LAS BYUNG BA'I RNAM SHES NYER THOB NI, SKYE BA'I SRID PA ZHES BYA BA SKYE GNAS SU DANG POR NYING MTSAMS SBYOR BA'I SEMS SO, ,NYER THOB DE LAS SKYES PA'I YID NI SNANG BA MCHED PA DANG, DE LAS SKYES PA'I SEMS NI SNANG BA'O, ,GNYIS PA NI, 'DUN PA'I SKOR RNAMS NAS THA MA'I 'CHI SEMS KYI 'OD GSAL NAM MKHA' SPRIN MED PA'I RNAM PA CAN DU SNANG BA DANG, DE NYID THABS MKHAS PA'I MAN NGAG GIS ZIN PAS, DON DAM PA'I BDEN PA LA DMIGS PA'I LAM GYI 'OD GSAL DANG BSRE NUS PA DANG, DANG PO'I SKYE BA LEN PA'I SEMS NAM MKHA' GA-YA' DAG PA LTA BU'I SNANG BA DE BSDUS NAS, NYER THOB MUN PA'I RNAM PA LTA BU'I NGO BOR BSHAD PAS, TSOGS DRUG LAS RDZAS THA DAD PA'I KUN GZHI'I RNAM SHES NYID 'CHI SEMS DANG SKYE SEMS SU MI BZHED PAR GSAL TE, DE MA YIN NA, KUN GZHI'I RNAM SHES DMIGS RNAM BRTAN CHAGS PAR 'DOD PAS, SKAD CIG SNGA PHYI LA NAM MKHA' GA-YA' DAG DANG, MUN PA'I RNAM PA CAN DU DMIGS RNAM 'GYUR BA MI 'THAD DE, DE LA DON LNGA DANG, SEMS CAN TE DBANG PO LNGAR RGYANGS

CHAD DU SNANG BA BRTAN PAR GNAS PA DANG, GNYIS SNANG RAGS PA THAMS CAD LOG PA 'GAL BA'I PHYIR DANG, KUN GZHI'I RNAM SHES LAM DUS SU RTAG TU LUNG MA BSTAN DU GNAS PA DANG, LAM DUS SU BDAG MED PA'I DON 'DZIN BYED DU SKYED NUS PA 'GAL BA'I PHYIR RO, ,GZHAN YANG THAMS CAD STONG PA'I NGO BOR GYUR PA'I 'CHI BA'I 'OD GSAL GYI SHES PA DANG, STONG CHEN GYI NGO BOR GYUR PA'I NYER THOB KYI SEMS GNYIS KUN GZHI'I RNAM SHES KYI RIGS 'DU SNGA PHYIR 'DOD NA, SHIN TU STONG PA DANG STONG PA'I NGO BOR GYUR PA'I SNANG MCHED GNYIS KYANG KUN GZHI'I RIGS 'DRA SNGA PHYI LA BZHAG DGOS LA, DE LTA NA GZHI DUS KYI STONG PA BZHI'I SEMS DE NYID DANG RIGS MTSUNGS PA'I SHES PA LAM DUS KYI STONG PA BZHI'I NGO BOR SKYED PAS, DE DAG KYANG YID SHES LA MI BYED PAR KUN GZHI LA BYED DGOS PAR HA CANG THAL BAR 'GYUR ZHING, PHYAG RGYA CHEN PO THIG LE LAS DGA' BA BZHI SNANG MCHED THOB GSUM 'OD GSAL DU BSHAD PAS, DGA' BA BZHI YANG KUN GZHI'I RIGS 'DRA SNGA PHYI LA GZHAG DGOS PAR 'GYUR RO, ,DE'I PHYIR SNANG MCHED THOB GSUM NI YID KYI SHES PA YIN LA, YID KYI SHES PA NYID KUN NAS NYON MONGS DANG RNAM BYANG GI CHOS THAMS CAD KYI RTZA BA DANG, DE NYID LA SEMS DANG YID DANG RNAM SHES GSUM DU YANG RGYUD 'DIR GSUNGS PAS, TSOGS DRUG LAS RDZAS THA DAD PA'I KUN GZHI 'DOD PA RNAMS, YID KYI SHES PA LAS RDZAS THA DAD PA'I SEMS SHIG KUN BYANG GI RTZA BAR 'DOD PA DANG, SEMS KUN GZHI DANG, YID NYON YID DANG, DE MA THAG YID GNYIS DANG, RNAM SHES TSOGS DRUG LA 'DOD PA RNAMS DANG MI MTHUN NO, ,

, ,DON GYI DBANG 'DI GZIGS NAS DPAL LDAN ZLA BA GRAGS PAS KUN GZHI'I RNAM SHES DRANG DON DU BSHAD DE, DE LTAR 'CHAD PA'I MDO'I SHES BYED DANG, KUN GZHI KHAS MI LEN PA LA GNOD PA BSTAN PA'I SPANG DKA' BA RNAMS KYI SKYON SPONG ZLA BA'I LUGS KYIS MDZAD TSUL NI GZHAN DU BSHAD ZIN TO, ,MDO SDE LAS KUN GZHI'I RNAM SHES BZHAG MA BZHAG GI TSUL GNYIS BKA' STZAL PA BZHIN DU, RJE BTZUN BYAMS PAS KYANG DE DAG GI DON RNAM PAR 'GREL BA NA, DBUS MTHA' DANG MDO SDE RGYAN DANG CHOS NYID RNAM 'BYED DU KUN GZHI RNAM PAR BZHAG PA DANG, PHYI ROL MED PA'I PHYOGS BSHAD LA, MNGON RTOGS RGYAN DANG RGYUD BLA MA LAS KUN GZHI'I RNAM SHES RNAM PAR MA BZHAG PA DANG, PHYI ROL MA BKAG PA'I PHYOGS BSHAD DO, , DE BZHIN RGYUD DE RNAMS LAS KYANG KUN GZHI'I RNAM SHES RNAM PAR BZHAG PA DANG RNAM PAR MA BZHAG PA'I PHYOGS GNYIS YOD LA, 'DUS PA RTZA BSHAD DANG, DE'I DGONGS PA 'GREL BA 'PHAGS PA YAB SRAS KYI GZHUNG RNAMS SU YANG PHYOGS PHYI MA'I LUGS BZHED PA YIN NO, ,GAL TE 'DUS PA'I LUGS KYIS TSOGS DRUG LAS NGO BO THA DAD PA'I KUN GZHI DANG NYON YID MI BZHED NA RDO RJE PHRENG BA LAS, RNAM SHES TSOGS BRGYAD BYANG CHUB SEMS DPA' BRGYAD DANG SBYAR BA DANG, KUN GZHI'I RNAM SHES BKUG NAS NI, ,BAG CHAGS NANG DU SPYOD PAR BYED, ,BAG CHAGS KYIS NI RNAM SHES BZUNG, ,BAG CHAGS DANG 'DRES RIM PA LAS, ,RANG GI BAG CHAGS BSGOS PA YIS, ,DE RNAMS ZLA MTSAN DUS SU NI, ,MNGAL GYI RTZA LA 'JUG PA NI, ,DE RJES KHU

KHRAG ZHU THIG LE, ,'DRES PA RU NI GYUR PA DANG, ,JI LTAR CHANG ROS MYOS PA BZHIN, ,KUN GZHI'I RNAM SHES BAG CHAGS LAS, ,RNAM PAR SHES PA SKYE BAR 'GYUR, ,ZHES KHU KHRAG 'DRES PA'I THIG LE'I NANG DU KUN GZHI'I RNAM SHES ZHUGS PA LAS RNAM SHES SKYE BAR GSUNGS PA MI 'THAD DO SNYAM NA, RGYUD 'DIR KUN GZHI DANG NYON YID CES GSUNGS PA NI GZHUNG GZHAN NAS BSHAD PA DANG MING 'DRA YANG DON MI 'DRA STE, LUNG DE'I GONG NYID DU, BAG CHAGS NYON MONGS CAN GYI YID, ,CES DANG, NYON YID BYAMS PA DANG SBYOR BA'I SKABS SU YANG, BAG CHAGS YUL GYI BDAG NYID CAN, ,BYAMS PA RU NI RNAM PAR SHES, ,ZHES GSUNGS PAS NYON MONGS PA'I BAG CHAGS LA NYON YID DU BSHAD LA, KUN GZHI BKUG NAS BAG CHAGS KYI NANG DU SPYOD PA'I DON NI, NYON MONGS PA'I BAG CHAGS KYIS RNAM SHES BZUNG BA STE BSLAD PA'I DON NO, ,NYON YID CES PA'I BAG CHAGS DANG 'DRES PA'I RNAM SHES MNGAL DU 'JUG PAR BSHAD PA'I KUN GZHI ZHES PA NI KUN BYANG GI CHOS KUN GYI RTZA BAR GSUNGS PA'I YID KYI SHES PA YIN GYI, GZHUNG GZHAN NAS BSHAD PA'I KUN GZHI MIN TE, NYON YID BZHIN NO, ,DE LAS RNAM SHES SKYE BA NI 'CHI BA'I 'OD GSAL LAS RNAM SHES SKYE BAR SNGAR BSHAD PA DE NYID DO, ,'O NA RNAM SHES TSOGS DRUG TU MA 'DUS PA'I RNAM SHES GNYIS MED PAS BYAMS PA NYON YID DANG, KUN BZANG KUN GZHI DANG SBYAR BA MI 'THAD DO SNYAM NA, DE LTA NA GZUGS PHUNG DU MA 'DUS PA'I 'BYUNG BA BZHI DANG MIG SOGS LNGA MED PAS, GZUGS PHUNG RNAM SNANG DANG SBYAR BA'I 'OG TU

, ,'BYUNG BZHI LHA MO BZHI DANG MIG SOGS SA SNYING DANG SBYOR BA YANG MI 'THAD PAR 'GYUR RO, ,DES NA DAG PA SO SOR SBYOR BA LA LDOG PA THA DAD PAS KYANG CHOG STE, DPER NA YID KYI SKYE MCHED BYANG CHUB SEMS DPA'I RNAM DAG DANG RNAM SHES KYI PHUNG PO DE BZHIN GSHEGS PA'I RNAM DAG TU BSHAD PA BZHIN NO, ,'O NA 'DUS PA'I LE'U GNYIS PAR RNAM SNANG GIS GSUNGS PA'I BYANG CHUB SEMS KYI RNAM 'GREL DU, JI LTAR KHAB LONG DANG NYE BAS, ,LCAGS NI MYUR DU YONGS SU 'KHOR DE LA SEMS NI YOD MIN TE, ,SEMS DANG LDAN BZHIN SNANG BAR 'GYUR, ,DE BZHIN KUN GZHI'I RNAM SHES NI, ,BDEN MIN BDEN PA BZHIN DU NI, ,GANG TSE 'GRO 'ONG GA-YO BAR 'GYUR, ,DE TSE SRID PA 'DZIN PAR BYED, ,JI LTAR RGYA MTSO LA NI SHING, ,SEMS NI MED KYANG GA-YO BAR 'GYUR, ,DE BZHIN KUN GZHI'I RNAM SHES NI, ,LUS LA BRTEN NAS GA-YO BA YIN, ,ZHES KUN GZHI'I RNAM SHES KYIS SRID PA 'DZIN PAR GSUNGS PA JI LTAR DRANG ZHE NA, DE NI SEMS LAS DON GZHAN PA'I PHYI ROL BKAG NAS, SEMS TZAM ZHIG RANG BZHIN GYIS GRUB PA MA BKAG PA'I SEMS TZAM GSUNGS PA NI, BYIS PA THAMS CAD STONG PAR BSTAN PA LA SKRAG PA SPANG BA'I PHYIR YIN GYI, NGES DON GYI DE NYID MIN PA DANG, RNAL 'BYOR SPYOD PA BA RNAMS KYIS GNAS GYUR PA'I SEMS KYI DAG PA RANG BZHIN GYIS GRUB PA CIG SO SO RANG RIG PA'I SPYOD YUL DU GRUB PA KHAS BLANGS PA BKAG PA'I TSE, SEMS BDEN PA MED NA 'JIG RTEN SNGA MA NAS 'DIR 'ONG BA DANG, 'DI NAS PHYI MAR 'GRO BA'I GA-YO BA'I BYA BA MI

'THAD DO SNYAM PA'I RTZOD PA KHONG NA GNAS PA'I LAN DU, LCAGS DANG SHING LA SEMS MED KYANG YOD PA LTAR GA-YO BA BZHIN DU, KUN GZHI BDEN PAR MED KYANG BDEN PAR YOD PA LTAR 'GRO 'ONG GI GA-YO BA DANG BCAS PAR SNANG NGO ZHES STON PA YIN PAS, GZHUNG GZHAN NAS BSHAD PA LTAR GYI KUN GZHI'I RNAM SHES RANG GI MTSAN NYID KYIS GRUB PA KHAS LEN PA NI MIN NO, ,GAL TE KUN GZHI RANG GI MTSAN NYID KYIS GRUB PA KHAS MI LEN KYANG, TSOGS DRUG LAS NGO BO THA DAD PA'I SGYU MA LTA BU KUN BYANG GI CHOS KUN GYI SA BON THAMS CAD PA KHAS LEN NO SNYAM NA, DE 'DRA'I KUN GZHI KHAS LEN NA KUN GZHI'I BAG CHAGS SMIN PA LAS GZUGS SGRA SOGS SU SNANG BA TZAM DU ZAD KYI PHYI ROL GYI DON MED PAR KHAS BLANG DGOS NA, GZHUNG DE NYID LAS, SHES PAS SHES BYA RTOGS PA STE, ,SHES BYA MED PAR SHES PA MED, ,DE LTA NA NI RIG BYA DANG, ,RIG BYED MED CES CIS MI 'DOD, ,CES PHYI'I SHES BYA DANG NANG GI SHES PA GNYIS YOD MED MTSUNGS PAS GCIG MED NA CIG SHOS MED PAR GSUNGS LA, 'DI NI 'JUG PAR DON SHES GNYIS DON DAM DU MED MNYAM DANG THA SNYAD DU YOD MNYAM YIN PAS BDEN GNYIS GANG DU YANG DE GNYIS LA YOD MED KYI KHYAD PAR 'BYED PA MI 'THAD PAR GSUNGS PA DANG KHYAD MED PAS NA, PHYI ROL MED PA'I SHES PA YOD PA SLOB DPON GYI BZHED PA MIN NO, ,DE'I PHYIR YID KYI SHES PA LAS NGO BO THA DAD PA'I KUN GZHI MI BZHED PAS, KUN GZHI ZHES GSUNGS PA NI, SPYIR SEMS RIG CING GSAL TZAM LA KUN GZHIR BZHAG PA DANG, KHYAD PAR DU YID KYI SHES PA LA YIN TE, SEMS SPYI TZAM RANG

, ,BZHIN GYIS GRUB PA BKAG PA'I LAN DU, SEMS BDEN PAR MED PA LA BYA BYED RUNG BA'I TSUL YIN PA'I PHYIR DANG, SRID PAR SKYE BA 'DZIN PA'I SEMS YID SHES YIN PAR SNGAR BSGRUBS PA'I PHYIR RO, ,GSUM PA NI, RGYUD 'DIR RNAM PAR SHES PA DE'I BZHON PA RLUNG NGO, ,ZHES PA'I DON NI, RDO RJE PHRENG BA LAS, RNAM SHES LAS NI SKYES PA'I RLUNG, ,ZHES GSUNGS PA LTAR SNANG BA LAS RLUNG SKYE BA'I DON DU GZUNG GI , SNANG BA'I RANG DUS KYI BZHED PA'I RLUNG STON PA MIN NO, ,RLUNG DE LAS ME DANG DE LAS CHU DANG DE LAS SA SKYE BAR GSUNGS PA NI, KHU KHRAG GI DBUS SU RNAM SHES ZHUGS NAS NYING MTSAMS SBYAR BA'I TSE 'BYUNG BA BZHI KA YOD PAS 'BYUNG BA SNGAR MED GSAR DU SKYE BA MIN NO, ,'O NA CI ZHE NA, RDO RJE PHRENG BA LAS, SRA PA'I KHAMS DANG CHU NYID DANG, ,DE BZHIN ME DANG RLUNG DAG NI, ,RNAM PAR SHES PAS BLANGS NAS NI, ,SRID GSUM GNAS SU SKYE BAR 'GYUR, ,ZHES GSUNGS PAS, SNANG BA LAS SHES PA'I RTEN BYED PA'I NUS PA KHYAD PAR BA THOB PA'I RLUNG SKYE LA, DE LAS KYANG SHES PA'I RTEN BYED PA'I NUS PA KHYAD PAR BA THOB PA'I ME'I KHAMS SKYE STE GZHAN GNYIS KYANG DE BZHIN NO, ,'DI BZHI'I SKYE TSUL NI THIM PA LUGS 'BYUNG GI SA CHU LA THIM PA SOGS KYI SKABS DANG SBYAR NAS GO DGOS SO, ,'BYUNG BA DE RNAMS LAS PHUNG PO LA SOGS PA 'BYUNG BAR GSUNGS PA NI, DE RNAMS SNGAR MED GSAR DU BYUNG BA MIN GYI SNGAR THOB ZIN PA RNAMS MNGAL DU YONGS SU RDZOGS PAR GYUR PA'O, ,SNANG BA LAS RANG BZHIN 'BYUNG BA'I TSUL NI 'CHAD PAR 'GYUR RO, ,

GNYIS PA NI, DE LTAR SNGAR BSHAD PA'I SKYE BA'I RIM PA CAN DE RNAMS MTHAR 'CHI BA'I TSE THIM PA'AM 'GAG PA'I RIM PA JI LTAR YIN SNYAM NA, DANG PO YAS MAR SKYE BA'I RIM PA LTAR 'CHI BA NA MAS YAR THIM PAR 'GYUR TE, RDO RJE PHRENG BA LAS, JI LTAR SKYE BA DE LTA'I GNAS, ,THIM PAR 'GYUR RO RANG BZHIN LAS, ,ZHES DANG, RLUNG RNAMS MCHOG TU NUB PA NI, ,GANG GIS YANG DAG SHES PA NI, ,'CHI BA'I SKAD CIG MTSAN NYID SHES, ,PHAN TSUN DU NI YANG DAG SDUD, ,SKYE BA'I RIM LTAR THIM PAR 'GYUR, ,ZHES SO, ,DE'I RIM PA NI 'PHAGS PA LHA'I BDAG BYIN BRLABS LAS, SA YI KHAMS NI CHU LA THIM, ,CHU NI ME LA THIM PAR 'GYUR, ,ME NI PHRA BA'I KHAMS LA'O, ,RLUNG NI SEMS LA THIM PAR 'GYUR, ,SEMS NI SEMS LAS BYUNG LA THIM, ,SEMS LAS BYUNG BA MA RIG PAR, ,DE YANG 'OD GSAL BAR 'GRO'O, ,SRID PA GSUM PO 'DI LTAR 'GAG ,CES GSUNGS SHING, LAS MTHA' RNAM 'BYED KYI DON SGRON GSAL LAS KYANG DE DANG MTHUN PAR BSHAD PA LTAR, 'OD GSAL LAS NYER THOB 'BYUNG BA NAS CHU LAS SA SKYE BA'I RIM PA LTAR THIM RIM NGES PA YIN GYI, SKYE RIM GZHAN GSUNGS PA RNAMS LA DE LTAR DU THIM PA'I NGES PA MED DO, ,SA LA SOGS PA THIM PA'I DON NI MAN NGAG SNYE MA LAS, THIM PA NI SA LA SOGS PA'I RIM PA STE, LHOD PA NYID DANG, RO BRO BA MED PA NYID DANG, ME DROD ZHAN PA NYID DANG, LUS LA SOGS PA'I GA-YO BA ZHAN PA NI, SNANG BA LA SOGS PA RLUNG DU SON PA NA, RIM PAS RANG NYID JI LTA BAR RANG BZHIN RNAMS ZHAN PAR GYUR NAS 'GAG GO ,ZHES BSHAD PA LTAR LUS LHOD PA SOGS SU GYUR TE, 'BYUNG BA RAGS PAS SHES

, ,PA'I RTEN BYED PA'I NUS PA RNAMS RIM GYIS BRI NAS RANG BZHIN BRGYAD CU'I RTOG PA RNAMS 'GAG PA'O, ,'O NA SA CHU LA THIM PA ZHES SOGS SNGA MA PHYI MA LA THIM PA'I DON GANG YIN ZHE NA, SNGA MA RNAMS KYI NUS PA BSDUS NAS PHYI MA'I NUS PA GSAL DU SONG BA NA, SNGA MA'I NUS PA PHYI MA LA 'PHOS PA 'DRA BA CIG BYUNG BA LA DER BTAGS PA'O, ,SA CHU LA THIM PA LAS SMIG RGYU LTAR SNANG BA DANG, CHU ME LA THIM PA LAS DU BA LTAR SNANG BA DANG, ME RLUNG LA THIM PA LAS MKHA' SNANG LTAR SNANG BA DANG, KHAMS PHRA BA SNANG BA GSUM DU SONG BA LAS MAR ME LTAR SNANG BA DANG, RANG BZHIN KUN TU SNANG BA THIM PA LAS SPRIN MED PA'I NAM MKHA' DANG 'DRA ZHING, RTAG TU SNANG BA 'OD GSAL BA TZAM DU GYUR PAR SGRON GSAL LAS GSUNGS TE, RGYUD PHYI MAR BSHAD PA'I MTSAN MA LNGA THIM RIM LNGA LAS 'BYUNG BAR BSHAD PA'O, ,DE LA KHAMS PHRA BA NI RLUNG STE, DE YANG RANG BZHIN GYI RTOG PA RNAMS GA-YO BAR BYED PA'I RLUNG YIN GYI, RLUNG THAMS CAD DER THIM PA MIN TE, SNANG BA GSUM DANG 'OD GSAL GYI DUS NA'ANG RLUNG SEMS GNYIS MNYAM DU 'JUG PAS SO, ,RLUNG DE SNANG BA GSUM DU SONG, ZHES GSUNGS PA NI, RLUNG RNAM SHES LA THIM ZHES SNANG BA GSUM SO SOR MA PHYE BAR SPYIR BSDOMS PA LA RLUNG THIM PAR BSHAD PA DANG 'DRA BAS RAGS PA YIN LA, ZHIB TU BYED NA SPYOD BSDUS DANG BDAG BYIN BRLABS LAS RLUNG SNANG BA LA THIM PAR GSUNGS PAS RLUNG SNANG BA DANG PO LA THIM PA'I DON NO, ,RANG BZHIN KUN TU SNANG BA THIM PAR GYUR PA LAS, ZHES LO CHEN DANG 'GOS KYIS BSGYUR BA LA, PA TSAB KYIS, RANG BZHIN KUN TU

SNANG BA LA THIM, ZHES BSGYUR YANG, SNANG BA GSUM GYI SNGA MA GNYIS PHYI MA GNYIS LA DANG, PHYI MA 'OD GSAL DU THIM PA'I RIM PA SO SOR MA PHYE BAR SPYIR BSDOMS NAS, RNAM SHES 'OD GSAL DU THIM PAR GSUNGS PA DANG 'DRA BAS SNANG BA GSUM 'OD GSAL DU THIM PA LA BYA'O, ,DER RANG BZHIN ZHES GSUNGS PA NI SNANG BA GSUM LA RANG BZHIN GYI SNANG BA ZHES ZER BAS, SNANG BA'I MING YIN GYI DE'I DUS SU RANG BZHIN THIM PAR STON PA MIN TE, RLUNG THIM PA NI RANG BZHIN GA-YO BA'I RLUNG THIM PA YIN PA'I PHYIR RO, ,DES NA SNANG BA'I RANG BZHIN ZHES PA RANG BZHIN GYI MING YIN LA, RANG BZHIN GYI SNANG BA ZHES PA SNANG BA'I MING NGO, ,SNANG BA GSUM GYI DUS SU NYAMS JI LTA BU 'CHANG BA'I TSUL NI SPYOD BSDUS LAS, STON GYI NAM MKHA' SPRIN MED PA LA ZLA 'OD DANG NYI 'OD DANG MTSAMS KYI SMAG GIS KHYAB PA BZHIN DU 'BYUNG BAR BSHAD PA LTAR SHES PAR BYA'O, ,SPYOD BSDUS LAS SNANG BA GSUM DANG 'OD GSAL BZHI SNGA MA PHYI MA LA THIM PA DANG, SNANG BA GSUM GYI MTSAN NYID SO SOR PHYE NAS BSHAD KYANG, DANG POR SMIG RGYU LTA BU LA 'OD ZER LNGA DANG LDAN PAR MTHONG BA'I GNYIS PA NI SNANG BA STE ZLA BA'I 'OD ZER LTA BU'O, ,ZHES MTSAN MA BZHI BSDUS NAS GSUNGS LA, SGRON GSAL LAS MTSAN MA BZHI RGYAS PAR BSHAD KYANG SNANG BA GSUM 'OD GSAL DU 'JUG RIM DANG, SNANG BA GSUM GYI MTSAN NYID RNAMS SO SOR MA PHYE BAR BSDUS NAS GSUNGS PA NI, GCIG NA BSDUS PA CIG SHOS NA RGYAS PAS PHAN TSUN SBYAR BAR BYA'O, ,'O NA KHAMS PHRA BA SNANG BA LA THIM PA NA MAR ME LTAR

, ,SNANG BA DANG, SNANG BA DANG PO'I DUS SU NAM MKHA' LA ZLA 'OD SHAR BA BZHIN 'BYUNG BAR BSHAD PA 'GAL SNYAM NA, KUN RTOG GA-YO BA'I RLUNG THIM PA'I DUS DANG, DE'I RJES SU SNANG BA DANG PO SKYES PA'I DUS KYI KHYAD PAR YIN PAS MI 'GAL LO, ,DE LTAR MTSAN MA LNGA DANG ZLA 'OD LTAR SNANG BA LA SOGS PA RNAMS SGRON GSAL DANG SPYOD BSDUS LAS RDZOGS RIM GYI LAM GYI 'OD GSAL DU 'JUG PA'I RIM PA LA BSHAD KYANG 'CHI BA'I RIM PA LA YANG DE BZHIN DU 'CHAR BAS GZHI LAM GNYIS KA'I SKABS LA SBYAR BAR BYA STE, DE GNYIS MTSAN NYID MTSUNGS PA'I PHYIR RO, ,DE'I PHYIR RDO RJE PHRENG BA'I 'OD GSAL DU 'JUG PA'I THIM RIM RNAMS MDOR BYAS LAS LHAG MOS 'OD GSAL DU SDUD PA LA SBYAR, SGRON GSAL LAS BAR DOR 'TSANG RGYA BA'I 'CHI BA'I 'OD GSAL DU 'JUG PA'I RIM PA DANG, TSE 'DIR 'TSANG RGYA BA'I RDZOGS RIM GYI SKABS GNYIS LA SBYAR, RNAM GZHAG LAS THA MAL PA'I 'CHI BA'I RIM PA DANG, RDZOGS RIM GYI SKABS GNYIS LA SBYAR TE, RDO RJE'I TSIG GCIG YIN KYANG DE RNAMS KUN LA SBYAR DU RUNG BA YIN NO, ,DES NI SKYE BA BRGYUD NAS 'TSANG RGYA BAS SAD DUS KYI 'OD GSAL DANG GNYID DUS KYI 'OD GSAL SBYANGS PAS, 'CHI BA'I 'OD GSAL DANG BSRE NUS PA'I GDAMS NGAG LA NGES PA STER LA, DE'I GNAD KYIS GANG ZAG DES SAD DUS KYI SGYU LUS RJES MTHUN PA DANG, GNYID KYI STONG PA RNAMS KYI MTHAR RMI LAM GYI SGYU LUS SBYANGS PA LA BRTAN PA RNYED NA, BAR DO DANG BSRE NUS PA'I GDAMS

NGAG LA NGES PA RNYED PAR 'GYUR RO, ,'CHI DUS DANG LAM GYI THIM RIM 'DI DAG DANG POR SKYE BA RNAMS PHYIS THIM PA DANG, PHYIS SKYE BA RNAMS SNGON LA THIM PA'I CHA NAS, LUGS LDOG GI RIM PA 'DRA BA CIG YOD KYANG, STONG PA BZHI'I RIM PA'I DBANG DU BYAS NAS THIM RIM LUGS 'BYUNG DANG, SKYE RIM RNAMS LUGS LDOG TU BYAS SO, ,GSUM PA NI, SPYOD BSDUS LAS BDAG DANG BDAG GIR BZUNG BA LA BRTEN NAS LAS DGE MI DGE BYAS TE, BDE 'GRO DANG NGAN 'GROR 'KHOR BA'I 'KHOR BAR 'JUG PA'I RIM PA BRGYAD STONG PA LA SOGS PA'I MDO GSUM GYIS BSGRUBS SHING, DE RNAMS KYI DON GSAL BAR KLU SGRUB KYI ZHAL SNGA NAS, GAL TE 'DI KUN STONG PA DANG, ,SKYE MED NGO BO NYID YIN NA, ,BDE DANG SDUG BSNGAL SOGS 'JUG 'DIR, ,JI LTAR LAS KYIS 'KHOR BAR 'GYUR,, BDAG TU RLOM PAR GYUR MA THAG ,'DOD CHAGS LA SOGS DRI MA YIS, ,BRTAGS PAS GZHAN GYI DBANG GYUR PAS, ,BYIS PA SDUG BSNGAL GYIS NYON MONGS, ,'DI DAG THAMS CAD SEMS TZAM STE, ,SGYU MA'I RNAM PAR YANG DAG 'BYUNG, ,DE NAS DGE DANG MI DGE'I LAS, ,DES NI BDE 'GRO NGAN 'GROR SKYE, ,ZHES PAS BSTAN PAR GSUNGS TE, 'DI NI MDO SDE DANG RGYUD SDE GNYIS KA'I LUGS THUN MONG BA'O, ,DE DAG GIS NI BDAG DANG BDAG GIR 'DZIN PA'I YUL SUN PHYUNG STE BDAG MED PA'I LTA BA RNYED NAS, DE'I DON BSGOMS PAS 'KHOR BA LDOG PAR BSTAN NO, ,SNGAR BSHAD PA LTAR GYI LUGS 'BYUNG DANG LUGS LDOG GI SKYE 'CHI BRGYUD PA'I RIM PA NI 'KHOR BAR 'JUG RIM BLA MED NAS BSHAD PA THEG PA GZHAN DANG RGYUD SDE 'OG MA NAS MA BSTAN PA'O, ,DE YANG SPYOD BSDUS LAS

, ,BSHAD PA'I RGYUD LA BRTEN NAS RLUNG GI BZHON PA CAN GYI SNANG BA GSUM JI LTA BA BZHIN MI SHES PAS, LAS GNYIS KYI 'BRAS BU MYONG BA'I MTHAR DON DAM PA'I BDEN PA'I DKYIL 'KHOR 'CHI BA'I 'OD GSAL DU 'JUG PA'I RIM GYIS ZHUGS NAS, CHOS KYI DBYINGS 'CHI BA'I 'OD GSAL GYI RGYU MTHUN PA'I 'BRAS BU BAR DO GRUB STE, LAS GNYIS KYIS BSKUL BAS 'GRO BA LNGA'I 'KHOR BAR 'KHOR BAR GSUNGS PA'O, ,'CHI BA'I DUS SU RLUNG THIM PA'I RIM PA LAS STONG PA BZHI 'CHAR BA'I RLUNG SDUD PA'I GNAS MTHAR THUG PA NI SNYING KHA YIN TE, RDO RJE PHRENG BA LAS, NYON MONGS CAN YID SROG RLUNG NYID, ,THOG MAR 'PHO BA'I DUS SU NI, ,NYA YI RNAM PA LTA BUR 'GYUR, ,ZHES 'PHO BA DANG PO'I DUS SU SROG 'DZIN GYI RLUNG CHAGS PAR BSHAD CING, DE'I GNAS KYANG DE NYID LAS, SROG GI RLUNG NI SNYING KHAR GNAS, ,ZHES GSUNGS PAS 'CHAGS PA'I TSE DANG PO SNYING KHAR SROG RLUNG 'CHAGS LA, DANG PO GANG NAS SKYE BA'I RIM PA DES SLAR SDUD PAR GSUNGS PA'I PHYIR RO, ,SPYOD BSDUS LAS KYANG, YANG DE RNAMS MI SHIGS PA THOB NAS DNGOS PO MED PAR 'GYUR RO, ,ZHES DANG, DE LTAR LUS LA GNAS PA'I SKABS SU THAMS CAD BYAS TE, MTHAR MI SHIGS PAR ZHUGS NAS YANG THA MAL PA'I LUS LA BRTEN TE DE BZHIN DU THAMS CAD BYED DO, ,ZHES RLUNG GI BYED LAS KYI SKABS SU GSUNGS LA, MI SHIGS PA NI SPYOD BSDUS SU, ,SNYING GI DBUS NA MI SHIGS PA, ,GSAL ZHING MAR ME DAG DANG MTSUNGS, ,MI 'GYUR MCHOG TU PHRA BA STE, ,AA NI GTZO BO DAM PA'O, ,ZHES DRANGS PA LAS SNYING KHA NA GNAS PAR GSUNGS

PA'I PHYIR RO, ,RDO RJE PHRENG BA LAS SNYING KHA'I RTZA BRGYAD LAS GYES NAS RTZA STONG PHRAG DON GNYIS SU 'GYUR BAR GSUNGS PAS, RTZA 'CHAGS PA YANG THOG MAR SNYING KHA NAS 'CHAGS SO, ,DES NA SA'I DNGOS GZHIR BAR DO GANG DU ZHUGS PA'I KHU KHRAG 'DRES PA'I GNAS DE LUS KYI SNYING KHA YIN LA, DE NAS YAN MAN DU LUS 'CHAGS PA DANG, MTHAR 'CHI BA NA SNYING KHA NAS RNAM SHES KYIS LUS 'DOR BAR BSHAD PA DANG 'DUS PA'I BSHAD RGYUD RNAMS MTHUN NO, ,BZHI PA NI, DE LTAR THEG PA GNYIS THUN MONG BA'I 'KHOR BA LDOG 'JUG SHES PAS NI, BDAG 'DZIN 'KHOR BA'I RTZA BAR MTHONG NAS DE LDOG PA LA THEG PA GNYIS KA'I LUGS KYIS BDAG MED PA'I LTA BA PHU THAG CHOD PAR GO DGOS PAR MTHONG NAS DE NGES PAR 'TSOL BAR BYED LA, THUN MONG MA YIN PA'I SKYE 'CHI'I RIM PA SHES NA NI, THABS MKHAS PA DANG BRAL BA RNAMS LA STONG PA BZHI'I MTHAR RLUNG SEMS TZAM LAS BAR DO GRUB NAS SRID PA'I 'KHOR LO BSKOR BA DE NYID, THABS MKHAS KYI MAN NGAG DANG LDAN PAS STONG PA RNAMS KYI MTHAR RLUNG SEMS TZAM LAS GRUB PA'I SGYU MA'I SKUR BSKYED PA'I BAR DO LONGS SKUR 'KHYER SHES PA YIN TE, SPYOD BSDUS LAS, DE LTAR BYIS PA SO SO'I SKYE BO SRID PA BAR MA ZHES BYA BA NI 'KHOR BA'I RGYUR 'GYUR RO, ,DE NYID BLA MA BRGYUD PA'I RIM GYIS DE BZHIN GSHEGS PA THAMS CAD KYI MAN NGAG THOB PA RNAMS NI, BDAG LA BYIN GYIS BRLABS PA ZHES BYA BA 'DI LTAR RTZIG PA'AM RAS RIS ME LONG GI NANG DU NYE BAR SNANG BA BZHIN DU, RDO RJE'I SKU'I NGO BO NYID KYIS BDAG NYID SPRUL TE, ZHES GSUNGS PA'I

, ,PHYIR RO, ,BAR DO LONGS SKU'I LAM 'KHYER SHES NA 'CHI RIM JI LTA BA BZHIN STONG PA BZHI BSKYED NAS 'CHI BA CHOS SKUR 'KHYER SHES PAR 'GYUR LA, DE GNYIS SHES NA SKYE BA SPRUL SKUR 'KHYER BA YANG SHES PAR 'GYUR RO, ,'CHI BA'I TSE RLUNG SNYING KHAR BSDUS PA LAS STONG PA BZHI'I RIM GYIS 'OD GSAL DU 'JUG PA BZHIN DU, LAM DUS SU DE LTAR BYED PA 'DI MGON PO KLU SGRUB KYI LUGS DAM PA YIN TE RIM LNGA LAS, MGO BO NAS NI RKANG PA'I BAR, ,JI SRID SNYING KHAR PHYIN PA'I BAR,, RNAL 'BYOR YANG DAG MTHA' LA 'JUG ,RIL POR 'DZIN PA ZHES BSHAD DO, ,ZHES SPYI BO NAS MAR SDUD PA'I MTHA' DANG, RKANG PA NAS YAR SDUD PA'I MTHA' GNYIS KA SNYING KHAR BSTAN PA'I SGO NAS 'OD GSAL DU 'JUG PAR GSUNGS LA, YANG DE NYID LAS, DBUGS KYI RLUNG NI ME LONG LA, ,JI LTAR KUN NAS THIM GYUR PA, ,DE BZHIN RNAL 'BYOR YANG DAG MTHAR, ,YANG DANG YANG DU 'JUG PAR BYED, ,CES ME LONG LA HAS BTAB PA'I RLANGS PA RNAMS PHYOGS KUN NAS DBUS SU 'DU BA LTAR, LUS KYI STENG 'OG LA SOGS PA'I RLUNG RNAMS KYANG DBUS SNYING KHAR 'DUS NAS 'OD GSAL MNGON DU BYED PAR GSUNGS SO, ,DON 'DI LHA MO BZHIS ZHUS PA LAS KYANG GSUNGS TE DE'I RNAM BSHAD DU BSHAD ZIN TO, ,DES NA SEMS DBEN GYI STONG PA'I YE SHES RNAMS 'DREN PAR BYED PA'I RDOR BZLAS KYIS KYANG RLUNG RNAMS SNYING KHA'I RTZA 'KHOR GYI DBUS SU SDUD DGOS PA'I GNAD RNAMS NI RDO RJE PHRENG BA'I LE'U DRUG PA DANG, SKU GSUNG THUGS KYI SNYING PO'I LE'U DANG, LHA MO BZHIS ZHUS PA LAS SHES DGOS PAR YOD LA, 'DIR

NI MANG BAS 'JIGS NAS MA BRIS SO, ,RLUNG RNAMS PHYOGS MTSAMS GZHAN NAS SNYING KHAR BSDUS TE RIM GYIS THIM PA LAS STONG PA BZHI 'CHAR BA'I RIM PA THUN MONG MA YIN PA 'DI MA SHES NA, BYANG CHUB KYI SEMS SPYI BO NAS GSANG GNAS KYI RTZE'I BAR DU BAB PA'I RIM PA LAS DGA' BA BZHI SKYE BA DANG STONG PA BZHI KHYAD MED PAR BZUNG BAS, 'PHAGS SKOR GYI LUGS THUN MONG MA YIN PA RNAMS MI THON NO, ,DE YANG DE 'DRA BA'I DGA' BZHI LA STONG PA BZHIR BYAS PA CIG KYANG YOD PAR 'DOD MOD KYANG, DE TZAM GYIS 'DI'I STONG PA BZHI'I YE SHES RDZOGS PAR NGOS MI ZIN NO, ,GSUM PA NI, RGYUD 'DIR PHUNG PO LNGA DANG SKYE MCHED DRUG LA SOGS PA THAMS CAD RLUNG SEMS 'DRES PAR BSHAD PA'I DON GANG YIN ZHE NA, 'DI LA BOD KYI SNGON GYI 'DUS PA BA MANG POS GZHUNG DE DANG RDO RJE PHRENG BA LAS, SNYING POR GYUR PA RANG SROG LAS, ,KHAMS GSUM NA NI GZHAN MED DE, ,SGYU MA RLUNG GI KHAMS GSUM PA, ,RMI LAM RMI BA BZHIN DU MTHONG, ,ZHES SEMS CAN RANG RANG GI SROG STE RLUNG LAS GZHAN PA KHAMS GSUM NA MED PAR GSUNGS PA DANG, YANG DE NYID LAS, SKYE DANG GNAS DANG 'JIG PA DANG, ,SRID PA BAR MAR GNAS PA STE, ,JI SRID 'JIG RTEN GYIS BRTAGS PA, ,SEMS KYI RLUNG GI RNAM 'PHRUL LO, ,ZHES GSUNGS PA DANG, DGONGS PA LUNG STON LAS KYANG, BYANG CHUB SEMS LAS RLUNG 'BYUNG ZHING, ,NAM MKHA' LA NI RNAM GNAS PA, ,SEMS CAN KUN GYI SROG GYUR ZHING, ,LNGA YI BDAG NYID BCU MING CAN, ,RTEN 'BREL BCU GNYIS ZHES GRAGS PA, ,NGO BO NYID RNAM GSUM DU 'GYUR, ,ZHES BSHAD PA RNAMS KYIS NI KUN

, ,RDZOB KYI BDEN PA NI RLUNG SEMS TZAM ZHIG TU ZAD PAR STON NO, ,DE YANG PHYI ROL MED PAS SEMS TZAM ZHIG TU ZAD LA, SEMS KYI 'GRO 'ONG GI BYA BA LA RLUNG DU BTAGS PA YIN GYI DE MA GTOGS PA'I RLUNG MED DO, ,DON DE NI RJE BTZUN KLU SGRUB KYANG BZHED DE RIGS PA DRUG CU PA LAS, 'BYUNG BA CHE LA SOGS BSHAD PA, ,RNAM PAR SHES SU YANG DAG 'DU, ,ZHES SOGS GSUNGS PA'I PHYIR RO, ,SGRON GSAL LAS, DE LTAR PHYI ROL GYI RNAM PA'I SMON PA'I 'BRAS BUS DE YANG MED DE, SMON LAM LA SOGS PA'I NYE BAR DMIGS PA MED PA'I PHYIR RO, ,DE BAS NA PHYI ROL GYI DNGOS PO LTA BUR BSGOM PA DMIGS SU MED CING YOD PA MA YIN TE, SEMS KYI RANG BZHIN YIN PA'I PHYIR RO, ,ZHES DANG, SEMS RNAM PAR SHES PA GSUM LA SBYAR BAR BYA'O, ,ZHES PA STE, GZUGS LA SOGS PA NI SEMS 'DI NYID DO ZHES SHES PAR BYA'O, ,ZHES GSUNGS PAS ZLA BA GRAGS PA YANG THA SNYAD DU PHYI ROL MED PA'I SEMS TZAM ZHIG BZHED PA YIN NO ZHES 'CHAD DO, ,'DI NI 'THAD PAR MA MTHONG STE, ZLA BA GRAGS PAS PHYI ROL DANG SHES PA GNYIS LA BDEN GNYIS GANG DU YANG YOD MED KYI KHYAD PAR 'BYED PAR MI NUS PAS BDEN PAR MED MNYAM DANG THA SNYAD DU YOD MNYAM DU GSUNGS PAS, SLOB DPON DE'I BZHED PA MIN LA, THA SNYAD DU PHYI ROL 'GOG NA DE 'DRA'I GNOD PA CIG SEMS THA SNYAD DU YOD PA LA YANG NGES PAR 'JUG LA, THA SNYAD DU SEMS YOD PA'I SGRUB BYED CIG 'DOD NA DE 'DRA'I SGRUB BYED CIG PHYI ROL LA YANG NGES PAR RNYED PAS 'PHAGS PA'I BZHED PA YANG MIN TE, 'DI

RNAMS RGYAS PAR GZHAN DU BSHAD PAS 'DIR MA SPROS SO, ,SGRON GSAL GYI LUNG SNGA MA'I DON NI, RNAM THAR SGO GSUM GYI 'BRAS BU LA SMON PA MED PA STON PA'I SKABS YIN LA, 'BRAS BU LA SMON PA 'GOG PA'I GTZO BO YANG PHYI ROL BEM PO LA MIN GYI THAR PA LA YIN LA, DE LA BDEN ZHEN GYI DMIGS PA'I YUL MED PA RGYU MTSAN DU BYAS NAS 'GOG PA'I SKABS SU PHYI ROL ZHES GSUNGS PA NI SEMS KYIS BTAGS PA TZAM LAS PHYI ROL TE DON GZHAN DU GYUR PA 'GOG PA YIN LA, DE'I RGYU MTSAN DU SEMS KYI RANG BZHIN YIN ZHES PA NI SEMS KYIS BTAGS PA TZAM GYI RANG BZHIN YIN PAR STON PAS PHYI ROL THA SNYAD DU 'GOG PA MIN NO, ,LUNG GNYIS PA'I DON NI SEMS DBEN THOB PA'I RNAL 'BYOR PAS GZUGS SGRA SOGS CIR SNANG THAMS CAD SEMS GSUM GYI NGO BOR SGOM PA'I TSUL STON PA YIN GYI PHYI ROL MED PA'I KHUNGS MIN NO, ,DE LTA MA YIN NA GZUGS SGRA SOGS RTAG TU LHAR SGOM PAR BSHAD PAS LHA MIN PA'I GZUGS SGRA SOGS MED PAR 'GYUR RO, ,DE BZHIN DU 'DUS PA'I SKOR RNAMS NAS SEMS DBEN GYI SKABS SU SEMS TZAM DU BSHAD PA'I TZAM GYI SGRAS KYANG PHYI DON MI 'GOG GI ,YE SHES DE'I DUS NA RANG BZHIN GYI RTOG PA YOD PA GCOD PA'I DON NO, ,GAL TE PHYI DON YOD NA RLUNG SEMS TZAM LAS DON GZHAN MED PAR GSUNGS PA'I DON GANG YIN SNYAM NA, MI SLOB PA'I ZUNG 'JUG 'JA' LUS RDO RJE SEMS DPA'I SKU TSE 'DI NYID LA 'GRUB PAR GSUNGS PA'I NYER RGYU NI SLOB PA'I ZUNG 'JUG GI SKU YIN LA, DE'I NYER RGYU NI SGYU LUS

, ,KYI SKU'O, ,DE NI RLUNG SEMS TZAM ZHIG LAS BSGRUBS PA'I RDO RJE SEMS DPA'I SKU YIN LA, DES NA DE GANG LAS SGRUB PA'I GZHI GTAN LA DBAB PAR BZHED NAS, RLUNG SEMS TZAM GYI LUS GSUNGS PA YIN NO, ,DE LTAR NA RLUNG SEMS TZAM GYI LUS SU GSUNGS PA 'DI NI NGA'O SNYAM PA'I SEMS CAN GYI THA SNYAD 'DOGS PA'I GZHIR GYUR PA'I GNYUG MA'I LUS NI RLUNG SEMS TZAM GYI LUS SU ZAD PAS, DE LAS NGO BO THA DAD PA'I GNYUG MA'I LUS MED PAR STON PA YIN GYI, PHYI ROL MED PA DANG, RNAM SMIN GYI LUS RAGS PA RNAMS SEMS CAN GYI LUS MIN ZHES STON PA MIN NO, ,'DI LTAR SEMS CAN GYI LUS NI GNYIS TE, GNAS SKABS PA DANG, GNYUG MA BA'I LUS SO, ,DE'I DANG PO NI RLUNG SEMS TZAM GYI LUS LAS GZHAN PA'I RNAM SMIN GYI 'BYUNG LUS RAGS PA LA SOGS PA'I LUS SO, ,GNYIS PA NI RLUNG SEMS TZAM LAS GRUB PA'I LUS SO, ,LUS RAGS PA NI DANG PO MNGAL DU NYID MTSAMS SBYAR BA LA SOGS PA'I SKABS SU MA SKYES KYANG SEMS CAN GYI LUS MED PA MIN LA, DE BZHIN DU SHI BA'I TSE 'BYUNG LUS RAGS PA DOR YANG SEMS CAN GYI LUS MI LDOG PAS, GNYUG MA'I LUS MIN TE, CHU LA TSA BA BZHIN NO, ,RLUNG SEMS TZAM GYI LUS NI GNAS SKABS DE RNAMS THAMS CAD DU YANG MI LDOG PAS GNYUG MA'I LUS TE, CHU LA GSHER BA BZHIN NO, ,DA LTA GZUGS LUS RAGS PA'I SKABS SU YANG GNYUG MA'I LUS NI RLUNG SEMS TZAM ZHIG GI LUS YIN PAS, LUS RAGS PA NI DE'I GNAS KHANG DANG 'DRA'O, ,GNYUG MA'I LUS RLUNG SEMS TZAM DU BSHAD PA'I SEMS NI DBANG SHES MIN GYI YID

KYI SHES PA DANG, RLUNG YANG SROG 'DZIN LAS GZHAN PA'I RLUNG MIN GYI SROG 'DZIN DANG, DE YANG PHRA RAGS GNYIS LAS PHRA BA'I RLUNG YID DANG MI 'BRAL BA'I SEMS KYI RTEN NO, ,'CHI BA'I MTHAR LUS RAGS PA 'DI LAS LOGS SU BYE BA'I BAR DO'I LUS 'GRUB PA DANG, GRONG 'JUG NUS PAS LUS RAGS PA 'DI LAS RLUNG SEMS TZAM ZHIG LOGS SU 'BYE BAR NUS PA BZHIN DU, MCHOG TU GYUR PA'I MAN NGAG DANG LDAN PAS KYANG LUS RAGS PA LAS MA BSGRUBS KYANG RLUNG SEMS TZAM LAS SGYU LUS RDO RJE 'CHANG GI SKUR LDANG NUS PA YIN NO, DON GYI DBANG 'DI GZIGS NAS RIM LNGA LAS, DE NYID RLUNG DANG YANG DAG LDAN, ,RNAM SHES GSUM PO SLAR YANG NI, ,RNAL 'BYOR PA YI LUS SU 'BYUNG, ,SGYU MA'I LUS ZHES DE LA BSHAD, ,CES RLUNG SEMS TZAM LAS SGYU MA'I SKU SGRUB PAR BSHAD PA BZHIN DU, SPYOD BSDUS DANG SGRON GSAL LAS KYANG RLUNG SEMS TZAM LAS SGYU MA'I SKU SGRUB PAR BSHAD DO, ,TSE 'DI LA 'TSANG RGYA BA'I RNAM SMIN GYI LUS PHRA RAGS GNYIS KA'I NYER LEN LAS SGYU MA'I SKU SGRUB NA, DE'I NANG NAS RLUNG SEMS GNYIS TZAM LAS SGRUB PAR BSHAD PA MI 'THAD DE, DPER NA SNAL MA KUN LAS SNAM BU SGRUB PA LA, DE'I NANG NAS SNAL MA NYAG MA GNYIS TZAM ZHIG LAS SNAM BU SGRUB CES 'DOD DU MI RUNG BA BZHIN NO, ,DE LTAR NA KUN RDZOB KYI BDEN PA ZHES KYANG BYA, BDAG LA BYIN GYIS BRLAB PA ZHES KYANG BYA, SGYU MA'I LUS ZHES KYANG BYA BA, 'PHAGS PA YAB SRAS KYIS RGYUD SDE MTHAR THUG PA'I DON BKRAL BA RNAMS KYI SNYING PO 'DI JI LTA BA BZHIN MA SHES NA, MCHOG GI DNGOS GRUB 'DOD KYANG MI 'GRUB PAS NGAL BA TZAM DU ZAD PAR GSUNGS TE RIM LNGA LAS, BDAG LA BYIN

, ,GYIS BRLAB PA'I RIM, ,GANG GIS RNYED PAR MA GYUR PA, ,MDO SDE RGYUD DANG RTOG PA LA, ,DE YI NGAL BA DON MED 'GYUR, ,ZHES GSUNGS SO, ,DES NA SHIN TU NGO MTSAR LA RMAD DU BYUNG BA'I GTAM DE LUGS GZHAN NAS MI GSAL ZHING, LUGS 'DI LA RING DU 'DRIS PAR BYAS PAS KYANG DON RAGS PA YANG SHIN TU RNYED DKA' BAR SNANG BAS, RGYAS PAR GTAN LA DBAB DGOS MOD KYANG, GZHAN DU BSHAD PAR 'DOD PAS 'DIR PHYOGS TZAM ZHIG LAS MA BSTAN TO, ,GNYIS PA YAN LAG GI DON NI, BCOM LDAN 'DAS KYIS ZHUS PA'I LAN BKA' STZAL PA NI, GANG ZHIG BAR SRID 'CHI BA'I 'OD GSAL LAS BYUNG BA'I RNAM PAR SHES PA DE NYID SEMS SNANG BA DANG YID MCHED PA DANG RNAM PAR SHES PA NYER THOB CES BYA BA STE RTZA BA'O ZHES TSIG RNAM PAR SBYAR RO, ,RNAM PAR SHES PA ZHES PA DANG PO NI SNANG BA GSUM SO SOR MA PHYE BA'I SPYI YIN LA, RNAM SHES ZHES PA GNYIS PA NI DE LAS PHYE BA'O, ,DE NI 'OD GSAL LAS DNGOS SU DANG GZHAN GNYIS BRGYUD NAS 'BYUNG NGO, ,SU ZHIG GI RTZA BA YIN SNYAM NA, CHAGS SOGS KUN NAS NYON MONGS PA DANG, DAD SOGS RNAM PAR BYAD PA'I BDAG NYID CAN GYI CHOS THAMS CAD KYI RTZA BA'O, ,SPYOD BSDUS LAS, RNAM PAR SHES PA NI 'OD GSAL BA LAS BYUNG BA'O, ,DE NYID NI SEMS DANG YID CES BYA STE, KUN NAS NYON MONGS PA DANG RNAM PAR BYANG BA'I BDAG NYID CAN GYI CHOS THAMS CAD NI DE'I RTZA BA CAN YIN NO, ,ZHES 'BYUNG NGO, ,SNANG BA DE LAS RNAM PAR RTOG PA GNYIS SKYE BAR 'GYUR TE, BDAG TU RTOG PA DANG GZHAN DU RTOG PA'O, ,RNAM PAR SHES PA RTOG PA DE'I BZHON PA NI KUN

RTOG GA-YO BA'I RLUNG NGO, ,RLUNG DE LAS NI ME SKYE'O, ,ME DE LAS NI CHU SKYE'O, ,CHU DE LAS NI SA SKYE'O, ,RLUNG DANG KUN RTOG DANG 'BYUNG BA DE RNAMS LAS NI GZUGS DANG TSOR BA LA SOGS PA'I PHUNG PO LNGA DANG, MIG LA SOGS PA'I SKYE MCHED DRUG DANG, YUL GZUGS LA SOGS PA'I YUL LNGA RNAMS 'BYUNG STE, PHUNG PO LA SOGS PA DE DAG THAMS CAD KYI GZHI NI RNAM PAR SHES PA DANG, RLUNG GNYIS MAR GYI NANG DU MAR BCUG PA BZHIN DU 'DRES PAR GYUR PA'O, ,SPYOD BSDUS LAS, SKYE MCHED DRUG DANG DBANG PO LNGA RNAMS TE, , ZHES BSGYUR MOD KYANG, RDO RJE PHRENG BA LAS SKYE MCHED DRUG MIG LA SOGS PA LA BSHAD DO, ,SNANG BA GSUM LUGS LDOG TU SKYES PA DE NAS RNAM PAR SHES PA GSUM GYI RANG BZHIN GYI RTOG PA YUL DU SNANG BA LA RAB TU SPYOD PA RNAMS GSAL BAR NYAMS SU MYONG BAR 'GYUR TE, SNANG BA'I RGYU LA BRTEN NAS RANG BZHIN BRGYAD CU'I RTOG PA RNAMS 'BYUNG BAR 'GYUR RO, ,RGYUD KYI 'GYUR LAS, RNAM PAR SHES PA GSUM GYI RANG BZHIN GYI SNANG BA RAB TU 'BYUNG BA RAB TU GSAL BAR SPYOD PA ZHES BSGYUR YANG, SPYOD BSDUS SU 'DI DRANGS PA LAS, RNAM PAR SHES PA GSUM GYI RANG BZHIN SNANG BA LA RAB TU SPYOD PA, ZHES BSGYUR BA LEGS SO, ,'DIR KHA CIG SPYOD BSDUS LAS, DE LA YE SHES RE RE 'BYUNG BA LA RANG BZHIN 'BYUNG BA RNAM PAR BZHAG PAR BYA STE, ZHES YE SHES GSUM SO SO'I RANG BZHIN GYI RTOG PA RNAMS GSUNGS PAS, SKYE BA'I TSE NYER THOB DANG POR SKYE DE LAS RANG BZHIN BDUN DANG, DE NAS MCHED PA SKYE DE LAS RANG BZHIN BZHI BCU DANG, DE NAS SNANG BA SKYE DE LAS RANG BZHIN SO GSUM SKYE LA, 'GAG PA'I TSE RANG BZHIN SO GSUM 'GAG PA'I

, ,RJES SU SNANG BA 'GAG CING GZHAN RNAMS KYANG DE BZHIN 'GAG PAR 'DOD DO, ,DE NI MI 'THAD DE RGYUD 'DI LAS SKYE BA'I TSE SNANG BA GSUM RDZOGS PA'I 'OG TU RANG BZHIN GYI RTOG PA RNAMS SKYE BAR GSUNGS PA'I PHYIR DANG, 'PHAGS PA LHAS RLUNG THIM PA'I 'OG TU SNANG BA THIM PAR GSUNGS LA, DE NI KUN RTOG GI BZHON PA'I RLUNG YIN PA'I PHYIR RO, ,GZHAN YANG RTZA BSHAD KYI RGYUD DANG 'PHAGS PA YAB SRAS LNGA PO GANG GI GZHUNG NAS KYANG YE SHES GSUM DANG RANG BZHIN GYI RTOG PA SPEL NAS SKYE BA MA GSUNGS PA'I PHYIR RO, ,RTOG PA TSAN GSUM YE SHES GSUM DANG SPEL NAS MA SKYES KYANG, YE SHES GSUM SO SO'I RANG BZHIN DU 'JOG PA MI 'GAL TE, 'DI LTAR RTOG PA TSAN GSUM YE SHES GSUM GYI RANG BZHIN DU BSHAD PA NI DE GSUM GYI MTSAN NYID DU SPYOD BSDUS LAS GSUNGS LA, MTSAN NYID NI 'DIR MTSON PAR BYED PA'O, ,DE YANG SPYOD BSDUS LAS, DE BZHIN DU RNAM PAR SHES PA SNANG BA YANG GZUGS MED PA LA 'DOD CHAGS DANG 'DOD CHAGS DANG BRAL BA DANG, 'DOD CHAGS BAR MA LA SOGS PA'I RANG BZHIN RNAMS LAS RJES SU DPAG PAR BYA'O ZHES RANG BZHIN GYI SNANG BA RJES SU DPOG PAR GSUNGS PAS DE DE'I MTSON BYED DO, ,DPOG LUGS NI RANG BZHIN GYI RTOG PA LA SHAS CHE CHUNG BAR MA GSUM SNANG BAS, DE RNAMS SKYED PA'I SNANG BA RLUNG GI BZHON PA CAN LA GA-YO BA SHAS CHE CHUNG BAR MA GSUM YOD PAR DPOG GO ,DE LTAR NA RNAM RTOG GA-YO BA SHAS CHUNG BA BDUN GANG RUNG GI RTOG PA NI, SNANG BA RLUNG GI BZHON PA CAN GYI GA-YO BA SHAS CHUNG BA'I LAG RJES YIN PAS NYER THOB KYI 'BRAS BUR BZHAG STE, GZHAN GNYIS LA'ANG DE'I RIGS PA

SBYAR RO, ,LAM SGOMS STOBS KYIS YE SHES GSUM 'DREN NUS PA'I RNAL 'BYOR PAS NI DE GSUM MNGON GYUR DU NGES NUS PAS, RTAGS LAS RJES SU DPOG PA MIN NO, ,DE'I PHYIR RANG BZHIN GYI SNANG BA RJES SU DPAG DGOS PA NI DE 'DRA MIN PA'I GANG ZAG LA YIN PAS, DBANG SHES THAMS CAD SNANG BA GSUM GANG RUNG DU 'DOD PA MI 'THAD DE, DBANG SHES NI RTAGS LAS DPAG MI DGOS PAR MNGON SUM DU NGES PA'I PHYIR RO, ,GANG ZAG THA MAL PAS NI SKYE 'CHI LA SOGS PA'I DUS SU SNANG BA GSUM 'OD GSAL DANG BCAS PA NYAMS SU MYONG YANG, DE LA MNGON SUM GYI STOBS KYIS NGES PA 'DREN MI NUS SO, ,GNYIS PA LA GSUM, 'OD GSAL LAS MA RIG PA SKYE TSUL RNAM GRANGS DANG BCAS PA, MA RIG PA LAS MCHED PA SKYE BA RNAM GRANGS DANG BCAS PA, MCHED PA LAS SNANG BA SKYE BA RNAM GRANGS DANG BCAS PA'O, ,DANG PO NI, SNANG BA GSUM 'OD GSAL LAS 'BYUNG BA MDOR BSTAN PA DE LA, 'OD GSAL BA NI SNGAR RANG BZHIN GYIS MA SKYES PA RANG BZHIN GYIS GNAS PA MED PA, RANG BZHIN GYIS 'GAG PA MED PA, DA GZOD RANG BZHIN GYIS SKYE BA MED PA, DON DAM PA'I BDEN PA CHAGS PA MED PA'I MTHA' 'O, ,KHYAD PAR GYI CHOS DE RNAMS NI YUL DANG YUL CAN GYI 'OD GSAL DANG, GZHI DANG LAM GYI DUS KYI 'OD GSAL LA JI LTAR RIGS PAR SBYAR RO, ,'OD GSAL BA DE LAS LUGS LDOG TU DNGOS SU BYUNG BA NI MA RIG PA'O, ,DE NI STON GYI NAM MKHA' SPRIN MED PA LA MTSAMS KYI SMAG GI MUN PA'I SNANG BAS KHYAB PA BZHIN DU SNANG BA, GZUNG 'DZIN RAGS PA'I RNAM PA DANG BRAL BA, DE'I DON LUS DANG NGAG GI SNANG BA MED PA, PHRA ZHING BDAG

, ,MED PA, SROG DANG RTZOL BA MI RGYU BAS RGYU BA MED PA'O, ,NYER THOB MA RIG PA DE'I RANG BZHIN TE MTSON PAR BYED PA'I MTSAN NYID NI, CHAGS PA BAR MA SOGS BDUN NO, ,NAG TSO'I 'GYUR PHAL CHE BA LAS, DE'I RANG BZHIN NYID DANG, ZHES 'BYUNG LA, MAR 'GYUR KHA CIG LAS, DE'I RANG BZHIN LTA BA DANG, ZHES DANG, KHA CIG LAS, DE'I RANG BZHIN CHAGS PA BAR MA, ZHES 'BYUNG BA NI PHYI MA DAG STE, SPYOD BSDUS DANG MTHUN PA'I PHYIR RO, ,'DIR CHAGS PA BAR MA RANG BZHIN DU BSHAD PA 'DOD CHAGS KYI RTOG PA GSUM GYI BAR MA'O, ,'KHRUL PA NI SMIG RGYU LA CHUR 'DZIN PA SOGS SO, ,RNAM PAR GA-YENG BA NI DMIGS PA LA RTZE GNYIS SU 'JUG PA'I THE TSOM MO, ,DRAN PA MED PA NI BRJED NGAS PA'O, ,LE LO NI DGE BA LA MI SPRO BA'O, ,MI SMRA BA NI SMRA SNYING MI 'DOD PA'O, ,MI GSAL BA NI YID SUN PA'I SKYO BA'O, ,GNYIS PA NI MA RIG PA LAS LUGS LDOG TU DNGOS SU BYUNG BA NI SEMS LAS BYUNG BA SNANG BA MCHED PA STE, DE NI STON GYI NAM MKHA' SPRIN MED PA LA NYI MA'I SNANG BAS KHYAB PA LTA BUR SHIN TU GSAL BAR SNANG BA, GZUNG 'DZIN RAGS PA'I SNANG BA DANG BRAL BA, DE'I NGO NA LUS DANG NGAG GI SNANG BA MED PA'O, ,SMIG RGYU LTA BU, ZHES PA NI GSAL BAR SNANG BA'I DPE GNYIS PA YIN GYI SNANG NGO NI ? SMIG RGYU LTA BU 'CHAR BA MIN NO, ,MCHED PA DE'I RANG BZHIN NI 'DOD CHAGS KYI RTOG PA DANG, DGA' BA CHUNG NGU DANG, MCHOG TU DGA' BA CHEN PO DANG, DRAG PO LA SOGS PA'I RTOG PA BZHI BCU'O, ,MCHED PA'I YE SHES LA KUN RDZOB TU NI MNGON SUM GYI SKYES PA'I GZUGS DANG, LHA PHO'I TSOGS DANG, MTSAN MA STE LING KA DANG,

RDO RJE BRDAS BSTAN NO, ,GSUM PA NI, SEMS LAS BYUNG BA MCHED PA LAS LUGS LDOG TU DNGOS SU BYUNG BA NI SEMS SNANG BA STE, DE NI STON GYI NAM MKHA' SPRIN MED PA LA ZLA BA'I SNANG BAS KHYAB BA BZHIN DU SNANG ZHING, GZUNG 'DZIN LA SOGS PA MED PA SHIN TU GSAL BA CHU'I NANG GI ZLA BA LTA BU'O, ,DE'I RANG BZHIN NI 'DOD CHAGS DANG BRAL BA LA SOGS PA'I RTOG PA SO GSUM MO, ,SNANG BA LA KUN RDZOB TU NI MNGON SUM GYI BUD MED DANG BHA GA DANG, PAD MA DANG, LHA MO'I TSOGS KYI BRDAS BSTAN NO, ,KUN RDZOB TU ZHES PA NI SNGAR BSHAD PA'I SPRIN MED KYI NAM MKHA' BZHIN DU SNANG BA DON DAM PA'I MTSAN NYID DU BSHAD PA LA LTOS NAS SAM, YANG NA BCOS MA'I MTSAN NYID DO, ,PHYI MA GNYIS KYI SHUGS KYIS MA RIG PA LA MA NING DANG RTAGS GNYIS SBYOR BA'I BRDAS BSTAN PA NI KUN RDZOB TU'O, ,DE LTAR NA KUN RTOG GA-YO BA'I RLUNG THIM MA THIM GNYIS LAS, MA THIM PA'I TSE RANG BZHIN BRGYAD CU'I RTOG PA 'JUG GO ,KUN RTOG GI RLUNG THIM PA LA SNANG BA GSUM GYI BZHON PA'I RLUNG THIM MA THIM GNYIS LAS, MA THIM PA NI SNANG BA GSUM SKYE BA'I DUS YIN LA, THIM PA NI 'OD GSAL 'CHAR BA'I DUS SO, ,RLUNG THIM PA'I RIM PA YANG THIM PA SHAS CHE CHUNG GI DBANG GIS STONG PA BZHI LA YANG RIM PA SHIN TU MANG BA CIG 'ONG NGO, ,SNANG BA SEMS SBAS KYI SKABS 'DIR 'OD GSAL BSHAD PA NI SEMS GSUM 'BYUNG BA'I GNAS BSTAN PA'I PHYIR DU YIN NO, ,GNYIS PA LA GNYIS, GZHI'I SKABS DANG, LAM GYI SKABS SO, ,DANG PO NI, SNGAR BSHAD PA'I BAR DO GANG DU ZHUGS NAS 'CHI BA'I 'OD GSAL NYAMS SU MYONG BA'I GNAS DANG, DE LAS SKYE BA'I RIM

, ,PA STON PA NI, PHA'I RDO RJE DANG MA'I PAD MA YANG DAG PAR SBYOR BAR BYED PA NA, SHES RAB KYI YE SHES 'DOD CHAGS DANG BRAL BA'I SNANG BA 'BYUNG BAR BYED PA LA, PHA RANG GI RDO RJE PAD MAR SRUB PA'I 'BAD PA LAS ME STE DROD SKYE'O, ,'DOD CHAGS DANG BRAL BA'I SNANG BA ZHES PA 'OG TU BYUNG YANG 'DIR 'BREL TE, DE NI SNANG BA DANG PO'I MING GI RNAM GRANGS YIN PA'I PHYIR RO, ,ME DE LAS PHA'I KHAMS DKAR PO DANG MA'I KHAMS DMAR PO'I THIGS PA GNYIS KYI CHU BYUNG BA MA'I SKYE GNAS SU 'DRES PA NI BAR DO 'JUG PA'I GNAS TE, DE NI NUR NUR PO'I RNAM PA DANG, DE NAS DE SMIN PA LAS MER MER PO'I RNAM PA'O, ,'DIR BSHAD PA'I RIM PA BZHIN DU MDZOD 'GREL DANG LUNG GI MNGAL 'JUG LAS BSHAD LA, RNAM GZHAG DANG SA'I DNGOS GZHIR DANG POR MER MER PO GSUNGS KYANG DON 'DRA'O, ,DE NAS DE SMIN PA LAS NAR NAR PO'I RNAM PA DANG, DE NAS DE SMIN PA LAS GOR GOR PO DAG GO ,DE NAS DE SMIN PA LAS KHU BA DANG KHRAG GI GONG BU 'KHRANG 'GYUR RNAMS SO, ,NUR NUR PO LA SOGS PA DE RNAMS NI KHU BA DANG KHRAG GIS BSKYED PA'O, ,MNGAL DU SKYE BA BZUNG BA'I PHYI ROL TU BTZAS PA'I RJES DE NAS PHO MO'I DBANG PO GNYIS MNYAM PAR SBYOR BA LAS, 'DOD CHAGS SEMS LAS BYUNG BA DANG, 'DOD CHAGS DANG BRAL BA SEMS DANG, BAR MA'I 'DOD CHAGS RNAM PAR SHES PA RAB TU SKYE BA SHES PAR BYA'O, ,NAG TSO'I 'GYUR LAS, BAR MA'I 'DOD CHAGS RAB TU SKYE BAS DES NA SHES PA ZHES BYA STE, DES NA RNAM PAR SHES PA GSUM ZHES BRJOD DO, ,ZHES 'BYUNG LA, MAR PA'I 'GYUR LAS, BAR MA'I 'DOD CHAGS SHES

PAR BYA STE, ZHES 'BYUNG NGO, ,RANG BZHIN GYI RTOG PA LA CHAGS SOGS GSUM DANG, SNANG MCHED THOB GSUM LA DE GSUM DU BSHAD PA GNYIS LAS, 'DIR PHYI MA YIN NO, ,DE LA SNANG BA LA CHAGS BRAL ZHES PA NI BDE BA SHAS CHUNG BAS YIN LA, MCHED PA LA CHAGS PAR BYAS PA NI BDE BA SHAS CHE BA'O, ,NYER THOB LA CHAGS PA BAR MAR BYAS PA NI CHAGS PA DANG CHAGS BRAL GNYIS MNYAM POR SBYOR BA'I DON NO, ,TSUL 'DI NI GZHI DUS DANG LAM DUS KYI 'DOD CHAGS CHOS SBAS GNYIS KA LA BSHAD DU RUNG BAS GZHI LA SBYOR NA DGA' BA GSUM LA BYA LA, LAM LA SBYOR NA SPYI BO NAS GSANG GNAS SU BYANG SEMS BABS PA'I RIM PA LAS BYUNG BA'I DGA' BA GSUM DANG, SNYING KHAR RLUNG SEMS BSDUS PA'I RIM PA LAS BYUNG BA'I SNANG MCHED THOB GSUM STE GNYIS LA BYA'O, ,DE'I SNGA MA THA MAL PAS NGES KYANG PHYI MA MNGON SUM GYI STOBS KYIS NGES PAR DKA' BA NI BSHAD ZIN TO, ,GNYIS PA NI, GZHI DANG LAM GYI DUS SU DBANG PO GNYIS MNYAM PAR SBYOR BA LAS DGA' BA GSUM SKYE BA DE'I PHYIR DE MNGON DU BYED PA'I THABS NI PHYAG RGYA GSUM GYI SGO NAS YIN TE, 'DI LTAR LUS KYI PHYAG RGYA'I THABS SU GYUR PA NI YAB YUM GNYIS KYI SKYIL KRUNG BCING BA LA SOGS PA DANG, GSUNG GI PHYAG RGYA'I THABS SU GYUR PA NI YAB YUM GNYIS KYI NGAG A'A LI K'A LI LAS YANG DAG PAR GYUR PA'I SNGAGS SU BYA BA DANG, SEMS KYI PHYAG RGYA'I THABS SU GYUR PA NI GNYIS KA LHAG PAR DMIGS PA'I TING NGE 'DZIN BRTAN PA'O, ,DE NAS PHYAG RGYA'I GZUGS LA SOGS PA'I YUL LNGA LA LONGS SPYOD PA NI YAB YUM GNYIS KYI DBANG PO

, ,GNYIS MNYAM PAR SBYOR BA'I THABS SU GYUR PA STE, DE'I SNGON DU BYA BA'I RIM PA'O, ,DE NI DE KHO NA NYID GRUB PA LAS DANG POR GZUGS LA LTA BA DANG, DE NAS 'JAM ZHING DES PA'I GSUNG GIS THUGS 'DZIN PAR MDZAD PA DANG, DE'I 'OG TU DRI ZHIM POS 'THUG POR BYUGS PA'I DRI BSUNG CHAGS PA SNOM PA DANG, DE NAS 'KHYUD PAR GSUNGS TE, MA MCHU'I SBRANG RTZI 'JIB PA NI RO LA SPYOD PA'O, ,GSUM PA LA GNYIS, SGYU MA'I SKU GANG LAS SGRUB PA'I GZHI SEMS GSUM GYI RIM PA, RIM PA DE LAS BDE CHEN SGYU MA'I SKU SGRUB PA DPE'I SGO NAS BSTAN PA'O, ,DANG PO LA GNYIS, SPYI'I DON, YAN LAG GI DON NO, ,DANG PO NI, RGYUD 'DIR RDO RJE DANG PAD MA SBYOR BA SEMS DANG SEMS BYUNG SBYOR BA'I THABS SU GSUNGS PA'I DON NI RIM LNGA LAS, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA NI, ,GSAL BAR 'DI LAS MTSON PAR 'GYUR, ,'DOD CHAGS NYID DANG CHAGS BRAL DANG, ,DE YI BAR DE GSUM PO NI, DBANG PO GNYIS NI MNYAM SBYOR BA'I, ,RDO RJE PADMA 'DUS LAS SO, ,ZHES DBANG PO GNYIS SBYAR BA LAS SNANG MCHED THOB GSUM GYI YE SHES SKYE BAR GSUNGS PAS BSHAD DO, ,DE LA SPYIR YE SHES GSUM SKYED PA'I THABS NI, NANG GI RKYEN SROG RTZOL SGOM PA DANG, PHYI'I RKYEN PHYAG RGYA LA BRTEN PA GNYIS GSUNGS PA'I DANG PO NI, STENG GI SNA RTZER 'OD KYI THIG LE SGOM PA DANG, GSANG BA'I SNA RTZER RDZAS KYI THIG LE SGOM PA DANG, SNYING KHA'I SNA RTZER SNGAGS KYI THIG LE SGOM PA'I SROG RTZOL GSUM YOD LA, DE

GSUM NI RGYUD PHYI MA DANG, RDO RJE PHRENG BA DANG, LHA MO BZHIS ZHUS PA'I BSHAD RGYUD KYIS RTZA BA'I RGYUD KYI DON GSAL BAR MDZAD PA LAS 'BYUNG NGO, ,GNYIS PA NI RGYUD GZHAN LAS KYANG 'BYUNG MOD KYANG GSAL BAR NI BSHAD RGYUD 'DIR GSUNGS SO, ,'O NA STONG PA BZHI DANG DGA' BA BZHI DON GCIG GAM DON THA DAD PA YIN SNYAM NA, 'DI LA PHYAG CHEN THIG LER, GANG 'DIR DGA' BA DE SNANG BA, ,SNANG BA MCHED PA MCHOG TU BSHAD, ,KHYAD DGA' NYE BAR THOB PAR SHES, ,LHAN CIG SKYES DE 'OD GSAL BA'O, ,ZHES DGA' BA BZHI SNANG MCHED THOB GSUM 'OD GSAL DU BSHAD DO, ,SPYI BO NAS NOR BU'I BAR DU BYANG CHUB KYI SEMS BAB PA LAS DGA' BA BZHI 'BYUNG BA'I GNAS NI RDO RJE PHRENG BA LAS, BDE CHEN 'KHOR LO SPYI BO LA, ,DE NI DGA' BAR BSHAD PA YIN, ,LONGS SPYOD 'KHOR LO MCHOG DGA' DANG, ,BRAL DGA' CHOS KYI 'KHOR LO GNAS, ,SPRUL PA'I 'KHOR LO LHAN CIG SKYES, ,DGA' BA NYAMS SU MYONG BAR BYED, ,CES SPYI BO NAS BZUNG STE MGRIN PAR MA SLEB BAR DANG, MGRIN PA NAS BZUNG STE SNYING KHAR MA SLEB BAR DANG, SNYING KHA NAS LTE BAR MA SLEB BAR DANG, LTE BA NAS RDO RJE NOR BU'I BAR RNAMS RIM PA BZHIN YAS BABS KYI DGA' BA BZHI'I GNAS DANG, BYANG SEMS PHYIR LOG PA NA LTE BA NAS SPYI BO'I BAR BZHI NI MAS BRTAN GYI DGA' BA BZHI'I GNAS SU GSUNGS SO, ,RIM LNGA'I 'GREL PA LA KshM'IS MDZAD PA SOGS LAS SPYI GTZUG NAS BYANG SEMS 'DZAG PA'I TSE SNANG BA DANG, YAN LAG THAMS CAD KYI TSIGS LA KHYAB PA'I DUS SU SNANG BA MCHED PA DANG, RDO RJE'I RTZE MO LAS THIG LE GCIG SPROS PA'I TSE NYER THOB DANG, RTZE MO DE NYID DU BSTAN PA NA 'OD GSAL SKYE BA DANG, YANG DANG PO GNYIS

, ,'DRA LA, RDO RJE'I RTZA BA'AM DBUS SU PHYIN PA NA NYER THOB DANG, NOR BU'I NANG NA GNAS PA NA 'OD GSAL SKYE BA DANG, DE RNAMS DGA' BA BZHIR YANG BSHAD DO, ,RIM LNGA'I 'GREL PA THUB PA DPAL GYIS MDZAD PA LAS BYANG CHUB KYI SEMS RDO RJE'I RTZA BAR SLEB PA NA SNANG BA DANG, NOR BU'I DBUS SU SLEB PA NA NYER THOB DANG, NOR BU'I RTZE MOR 'OD GSAL SKYE BAR BSHAD PA'I SHUGS KYIS, RDO RJE'I RTZA BA NAS NOR BU'I MGRIN PA'I BAR DU SLEB PA NA MCHED PA SKYE BAR 'DOD DGOS SO, ,DE RNAMS NI 'DUS PA'I SKOR NAS BYUNG BA BRJOD PA YIN GYI, GZHAN DGA' BA BZHI'I SKYE TSUL MI 'DRA BA MANG DU BSHAD DO, ,DE LA 'DUS PA'I RTZA BSHAD DANG, 'PHAGS SKOR LNGA'I GZHUNG NAS DGA' BA BZHI STONG PA BZHIR BSHAD PA MA BYUNG NGO, ,SPYOD BSDUS LAS, RDO RJE DANG PADMA SNYOMS PAR ZHUGS PA LAS, SPYI BO NAS BRTZAMS TE RTZA BDUN KHRI NYIS STONG LAS BYANG SEMS 'JU BAS CHAGS PA DANG CHAGS BRAL DANG BAR ME'I RIM GYIS 'BAB BO, ,ZHES GSUNGS SHING, DE DANG 'DRA BA RE SGRON GSAL LAS 'BYUNG BA MA GTOGS PA YAB SRAS LNGA'I GZHUNG NAS, BYANG SEMS ZHU BA GNAS 'DIR SLEB PA NA DGA' BA'AM STONG PA 'DI SKYE GSAL BAR GSUNGS PA MED PAR, SNGAR THIM RIM GYI SKABS SU BSHAD PA LTAR RLUNG THIM PAS SNANG BA DANG SEMS THIM PAS MCHED PA SOGS SKYE BAR BSHAD PA TZAM MO, ,'PHAGS SKOR GYI RJES 'BRANG GZHAN PHAL MO CHES NI SPYI BO NAS GSANG GNAS RDO RJE'I BAR DU BYANG SEMS BABS PA'I RIM PA LAS SKYE BA'I STONG PA BZHI MA GTOGS PA, SNANG MCHED THOB GSUM 'OD GSAL DANG BCAS PA'I YE SHES

LAM GYIS BSDUS PA GZHAN MA BSHAD CING MI 'DOD DO, ,RANG GI LUGS NI, BYANG SEMS SPYI BO NAS GSANG GNAS KYI BAR DU BABS PA LAS BYUNG BA'I DGA' BZHI LA SNANG MCHED THOB GSUM 'OD GSAL DANG BZHIR 'JOG PA CIG KYANG 'DOD MOD KYANG, PHYI MA BZHI GTZO BO NI SNGAR BSHAD PA LTAR SNYING KHAR RLUNG SEMS 'DUS PA'I RIM PA NYID LAS 'BYUNG BA YIN PAS, DE 'DRA BA'I SNANG MCHED THOB GSUM 'OD GSAL DANG BZHI NI, BYANG SEMS SPYI BO NAS GSANG GNAS KYI BAR DU RIM GYIS BABS PA LAS BYUNG BA'I DGA' BZHI DANG DON MI GCIG GO ,DES NA SNYING KHAR SNGAGS KYI THIG LE MI SHIGS PA SGOM PA DANG, DE LA DMIGS NAS RDO RJE'I BZLAS PA BYAS PAS DRANGS PA'I STONG PA BZHI NI SNYING KHAR RLUNG SEMS 'DUS PA'I RIM PA NYID LAS 'BYUNG BA YIN PAS, DE LA BYANG SEMS SPYI BO NAS 'BAB PA YOD KYANG, SNYING KHA BAR DU 'DU ZHING, LUS KYI SMAD NAS KYANG YAR LA SNYING KHA BAR DU 'DU BAR SNGAR RIM LNGA'I LUNG DRANGS NAS BSHAD DO, ,DE'I PHYIR DE LA NI LUS KYI STOD SMAD NAS BYANG CHUB KYI SEMS SDUD PA NI SNYING KHAR 'DU BA YIN GYI GSANG GNAS SU 'GRO BA MIN NO, ,PHYAG RGYA LA BRTEN NAS STONG PA BZHI SKYED PA LA YANG SPYI BO NAS GSANG GNAS KYI BAR DU BYANG CHUB KYI SEMS BABS PA LAS BYUNG BA'I DGA' BZHI'I NGO BOR GYUR PA'I STONG PA BZHI YANG YOD MOD KYANG, GTZO BOR GYUR PA'I STONG PA BZHI NI SNYING KHAR RLUNG SEMS 'DUS PA LAS BYUNG BA YIN PAS, RGYUD 'DIR SGYU MA'I SKU GANG LAS SGRUB PA'I GZHI SEMS SEMS BYUNG NYER THOB GSUM BSHAD PA YANG SNYING KHAR RLUNG SEMS 'DUS PA LAS BYUNG BA YIN TE, SGYU MA'I SKU SGRUB PA NI 'CHI BA'I STONG

, ,PA LAS BAR DO 'GRUB PA'I RIM PA BZHIN DU SGRUB PA YIN LA, 'CHI RIM JI LTA BA BZHIN DU STONG PA RNAMS SKYED PA LA NI RLUNG SEMS RNAMS SNYING KHAR 'DU DGOS PA'I PHYIR RO, ,DON DE LA DGONGS NAS SPYOD BSDUS LAS KYANG, RANG GI PHYAG RGYA DANG LHAN CIG ,RIL POR 'DZIN PA'AM, GZHIG PA'I RIM GYIS DON DAM PA'I BDEN PA LA 'JUG GO ,ZHES GSUNGS TE, RIL 'DZIN GYIS SNYING KHAR SDUD PA'I KHUNGS DRANGS ZIN LA, GZHAN RJES GZHIG GIS SDUD PA'I GNAS KYANG DE DANG 'DRA BA'I PHYIR RO, , DE YANG RDO RJE BZLAS PA MTHAR PHYIN PAS, SNYING KHAR RLUNG SEMS SDUD PA LA GOMS PA BRTAN PA'I MTHUS, PHYAG RGYA DANG MNYAM PAR SBYAR BA NA BSAM GTAN GNYIS GANG RUNG GI RNAL 'BYOR DRAN PA'I SGO NAS BSDUS PA NA, PHYAG RGYA DANG SNYOMS PAR ZHUGS PA'I RKYEN GYIS KYANG, BYANG SEMS SPYI BO NAS BRTZAMS TE ZHU BA RNAMS LUS KYI STOD SMAD KUN NAS SNYING KHAR 'DU BA YIN NO, ,'DI NI RDO RJE BZLAS PA MTHAR MA PHYIN PA'I DUS SU YANG, RDOR BZLAS KYIS STONG PA BZHI 'DREN NUS PA'I MTSAMS NAS KYANG SHES PAR NUS TE, DE'I MAN NGAG NI GZHAN DU BSTAN PAR BYA'O, ,NANG GI RKYEN SROG RTZOL GNYIS DANG PHYI'I RKYEN PHYAG RGYA LA BRTEN NAS SNYING KHAR RLUNG SEMS 'DUS PA'I RIM PA LAS STONG PA BZHI'I YE SHES SKYED PA 'DI NI GSANG 'DUS 'PHAGS LUGS KYI KHYAD PAR GYI CHOS BLA NA MED PA CIG TU 'DUG KYANG, GSAL BAR MA THON SNANG BAS LEGS PAR RTZAD GCAD PAR BYA'O, ,'O NA BYANG SEMS SPYI BO NAS GSANG GNAS KYI BAR DU BABS PA'I RIM PA LAS DGA' BZHI SKYES PA'I STONG PA BZHI PO 'DI, SNGAR BSHAD PA'I

SO SO BA DE DAG GANG GI RJES SU 'BRANG BAR BYA SNYAM NA, RDO RJE PHRENG BA LAS BSHAD PA NI DGA' BZHI SKYE BA'I GNAS YIN KYANG, DGA' BA DE RNAMS STONG PA BZHIR DER MA BSHAD LA, GNAS GANG DU SKYE DPYOD NA, BYANG SEMS ZHU BA GNAS GANG DU SLEB PA NA SNGAR BSHAD PA LTAR GYI SNANG BA GSUM SO SO'I MTSAN NYID DANG LDAN PA SKYE BAR 'DUG DPYAD PAS SHES TE, 'ON KYANG THUB PA DPAL GYIS BSHAD PA LTAR BYAS NA, SNANG BA GSUM GYI MTSAN NYID TSANG STOBS CHE BAR MNGON NO, ,SROG RTZOL GNYIS KYIS STONG PA BZHI DRANGS PA NI, DE GNYIS KYIS RLUNG DBU MAR BTZUD PA'I MTHUS YIN LA, PHYAG RGYA LA BRTEN NAS STONG PA BZHI 'DREN PA LA YANG RDO RJE PHRENG BAR BSHAD PA LTAR DPA' BO DANG RNAL 'BYOR MA'I GSANG GNAS KYI RTZE'I RTZA GNYIS PHRAD PA'I DBANG GIS RLUNG DBU MAR BCUD PA'I MTHUS 'CHAR BA YIN NO, ,DE'I GNAD KYIS 'OG SGO'I PAD MA'I SNA RTZER RDZAS KYI THIG LE SGOM PA SROG RTZOL DU GSUNGS PA YIN TE, DE'I MAN NGAG KYANG GZHAN DU BSHAD PAR BYA'O, ,GNYIS PA NI, RDO RJE BZLAS PA MTHAR PHYIN PA'I RDO RJE DANG, PHYAG RGYA'I PADMA GNYIS MNYAM PAR SBYOR BA NI SEMS SNANG BA DANG, SEMS LAS BYUNG BA SNANG BA MCHED PA DAG GI SKYED PA'I THABS SU GYUR BA'O, ,SEMS DANG SEMS LAS BYUNG BA DAG CHA MNYAM PAR SBYOR BA'I NYER THOB NI, BDE BA CHEN PO'I TING NGE 'DZIN SGYU MA'I LUS KYI THABS SU GYUR PA'O, ,SPYOD BSDUS SU 'DI DRANGS PA'I 'GYUR LA, SEMS DANG SEMS LAS BYUNG BA'I RNAL 'BYOR CHEN PO NI BDE BA CHEN PO'I TING NGE 'DZIN TO, ,DE NI SGYU MA'I DPES NYE BAR MTSON PA STE, ZHES 'BYUNG YANG, RGYUD KYI GZHUNG LOGS SU BSGYUR

, ,BA'I 'GYUR GNYIS KA LAS SNGA MA BZHIN DU 'BYUNG BA DAG PAR MNGON TE, YE SHES GSUM LAS SGYU MA'I SKU SGRUB PA STON PAR SNANG BA'I PHYIR DANG, BDE BA CHEN PO'I TING NGE 'DZIN NI SGYU MA'I SKUR BSHAD LA, SEMS DANG SEMS BYUNG SBYOR BA NI NYER THOB YIN PA'I PHYIR RO, ,SNANG MCHED GNYIS NYER THOB KYI RGYU YIN PAS DE'I DUS NA MED KYANG, NYER THOB SNANG BA DANG MCHED PA GNYIS MNYAM PAR SBYAR BA YIN PAR GSUNGS PA NI, STONG PA'I SHES RAB DANG BDE BA'I THABS GNYIS RE RE SHAS CHE BA DE, 'DI'I DUS SU GNYIS KA CHA MNYAM PAR GYUR PA'I DON NO, ,SKABS 'DIR, BDE BA CHEN PO ZHES GSUNGS PA NI, BDE BA CHEN PO'I YE SHES DANG DE'I BZHON PA'I RLUNG GNYIS NGO BO GCIG TU SKYES PA'I SGYU MA'I SKU YIN GYI, BDE BA CHEN PO'I YE SHES TZAM MIN NO, , SROG RTZOL GNYIS BSGOMS PAS RLUNG SNYING KHAR BSDUS PA'I RIM PA LAS STONG PA BZHI'I YE SHES SKYED PA'I TING NGE 'DZIN BRTAN PA NA PHYAG RGYA GNYIS DANG SBYAR BA LAS, RNAL 'BYOR MA'I RGYUD DANG THUN MONG BA'I DGA' BZHI DANG, 'DUS PA RTZA BSHAD KYI DON 'PHAGS PA YAB SRAS KYIS BKRAL BA'I THUN MONG MA YIN PA'I STONG PA GANG SKYED 'DOD PA SKYED PAR NUS MOD KYANG, STONG PA GSUM GYI GTZO BO NI PHYI MA YIN NO, ,RNAL 'BYOR MA'I RGYUD LAS DGA' BA GSUM GYI GNAS SKABS KYI RLUNG SEMS GNYIS TZAM LAS SGYU MA'I SKU SGRUB PA DANG, DGA' BA BZHI LA LHAN SKYES KYI SKABS KYI RLUNG SEMS TZAM LAS ZUNG 'JUG GI SKU SGRUB PA'I TSUL GSAL BAR MA BSTAN LA, THABS RGYUD 'DUS PA LA SOGS PA'I DON 'PHAGS PA YAB SRAS KYIS

BKRAL PA LA, STONG PA DANG PO GSUM GYI SKABS KYI RLUNG SEMS TZAM LAS SGYU MA'I SKU SGRUB PA DANG, STONG PA BZHI PA'I SKABS KYI RLUNG SEMS TZAM LAS ZUNG 'JUG GI SKU SGRUB PA'I TSUL SHIN TU GSAL BAR BSTAN NO, ,GAL TE SROG RTZOL GNYIS BSGOM PAS STONG PA BZHI 'DREN NUS PA'I MTSAMS DMA' MO NAS KYANG NYER THOB MUN NAG LTA BU DRAN PA BRJED PA'I NGO BO NYID SHAR BA'I RJES SU, DRAN MED DE SANGS PA NA SPRIN MED PA'I THO RANGS KYI DUS KYI NAM MKHA' ZLA NYI'I 'OD DANG MTSAMS KYI SMAG GIS MA BSLAD PA LTA BU'I NYAMS 'CHAR BA SNANG BA MA YIN NAM, RDOR BZLAS MTHAR PHYIN PA'I MTHON POR SLEB PA NA SNANG MCHED THOB GSUM TZAM LAS THAMS CAD STONG PA 'OD GSAL GYI YE SHES SKYE BAR MA BSHAD PA MI 'THAD DO SNYAM NA, 'OD GSAL LA DPE DON GNYIS LAS DON GYI 'OD GSAL SGYU LUS MAN CHAD DU MI SKYE BA LA DGONGS NAS SNANG BA GSUM TZAM ZHIG BSHAD KYI DPE'I 'OD GSAL MI SKYE BA MIN NO, ,GNYIS PA NI, DE LTAR RNAM SHES GSUM GYI SEMS DANG DE'I BZHON PA'I RLUNG TZAM LAS SGYU LUS RDO RJE 'CHANG GI SKUR LANGS PA DE NI, SGYU MA'I DPE BCU GNYIS KYIS NYE BAR MTSON PA YIN LA, DE BAS NA SANGS RGYAS KYI ZHING GANGG'A'I KLUNG GI BYE MA SNYED KYI ZHING NA BZHUGS PA'I DE BZHIN GSHEGS PA RNAMS, SGYU MA LTA BU NAS ME LONG GI GZUGS BRNYAN LTA BU'I BAR GYI SGYU MA'I DPE BCU GNYIS KYIS BDE BA CHEN PO'I TING NGE 'DZIN SGYU MA'I SKU NYE BAR MTSON PAR GYUR PA YIN NO, ,SPYOD BSDUS SU DRANGS PA LAS, DE BAS NA ZHES 'BYUNG BA LEGS SO, ,SGYU MA DPER BLANGS PA GCIG LAS MED KYANG SGYU MA'I DPE BCU GNYIS ZHES GSUNGS PA NI,

, ,DPE'I THOG MAS GZHAN RNAMS KYANG MTSON PA'AM, SGYU MA'I LUS KYI DPE YIN PA LA DGONGS SO, ,DPE RNAMS LA LTA BU ZHES MA SBYAR NA DON LA 'GRO MOD KYANG LTA BU ZHES DPER BKOD PA'I DON NO, ,DE LA RLUNG SEMS TZAM LAS RDO RJE 'CHANG GI SKUR SKYED PA NA YAN LAG DANG NYID LAG TSANG YANG RLUNG SEMS TZAM LAS MED PAS SGYU MA'I MI LTA BU'O, ,GAR YANG KHYAB PA NI CHU ZLA LTA BU'O, ,SHA RUS LA SOGS PA DANG BRAL BAS MIG YOR TE MI'I GRIB MA'I LUS LTA BU'O, ,SKAD CIG GIS GA-YO BA NI SMIG RGYU LTA BU'O, , RLUNG SEMS TZAM LAS GRUB PA'I LUS YIN PA NI RMI LAM DU LUS RAGS PA LAS ZUR DU BYE BA'I RMI LAM GYI LUS LTA BU'O, ,RNAM SMIN GYI LUS DANG RGYUD GCIG TU GTOGS KYANG GZHAN DU SNANG BA NI SGRA BRNYAN LTA BU'O, ,SKU DE'I RTEN DANG BRTEN PA'I DKYIL 'KHOR PA NI DRI ZA'I GRONG KHYER LTA BU'O, ,GCIG YIN KYANG DU MAR SNANG BA NI MIG 'PHRUL LTA BU'O, ,SKU'I KHA DOG RNAM PA LNGA THOGS PA MED CING MA 'DRES PAR SNANG BA NI DBANG PO'I GZHU 'JA' TSON LTA BU'O, ,RNAM SMIN GYI LUS KYI PHUNG PO'I NANG NA GNAS PA NI SPRIN GYI GSEB NA GLOG 'GYU BA LTA BU'O, ,STONG PA'I NGANG NAS THOL GYIS BZHENGS PA NI SHIN TU DVANGS PA'I CHU LAS CHU BUR RDOL BA LTA BU'O, ,YAN LAG DANG NYID LAG THAMS CAD CIG CAR DU YONGS SU RDZOGS PA NI ME LONG LA RDO RJE 'CHANG GI GZUGS BRNYAN SHAR BA LTA BU'O, ,DE RNAMS NI SLOB PA'I SGYU MA'I SKU MTSON TSUL YIN GYI, MI SLOB PA'I SGYU MA'I SKU MTSON PA LA SBYOR BA'I TSE DPE DRUG PA DANG BCU PA NI DE'I SKABS DANG MTHUN PAR SBYAR RO, ,DPE THA MA 'DI LA RIM LNGA LAS, ME LONG DRI MA MED PA LA, ,DNGOS DANG DNGOS MIN LAS GROL BA'I, ,RDO RJE SEMS

DPA' LEGS BRIS PA, ,RNAM PA KUN GYI MCHOG LDAN ZHING, ,SKU NI LTA BAS MI NGOMS PA'I, ,GZUGS BRNYAN GSAL BAR SNANG BA NI, ,SLOB MA BZANG PO DE LA BSTAN, ,DE LA RANG BYIN BRLAB CES BSHAD, ,CES GSUNGS PA LA BRTEN NAS RDO RJE 'CHANG GI BRIS SKU ME LONG GI NANG DU SHAR BA LA BLTAS BZHIN PA'I NGANG NAS SGYU MA'I SKU BSGOM PAR 'DOD PA SNANG MOD KYANG, DE NI SLOB DPON GYIS SLOB MA LA SGYU LUS 'CHAD PA'I TSE, DE RNAMS DPER BZHAG NAS SLOB MA LA NGAG GIS BSTAN PAS CHOG GI ,DE LTAR BYED MI DGOS TE, DE LTA MA YIN NA DPE GZHAN RNAMS KYIS SGYU LUS STON PA LA YANG DE 'DRA BA RE BYA DGOS PAR 'GYUR RO, ,DES NA SGYU LUS DPE'I SGO NAS 'CHAD PA LA RGYAS PAR NA DPE BCU GNYIS, BSDUS NA RIM LNGAR GSUNGS PA LTAR ME LONG GI GZUGS BRNYAN LA SOGS PA'I DPE GSUM YIN NO, ,STON PA LA DE LTAR YIN GYI, RNAL 'BYOR PAS MTSON BYED DPE'I SGYU LUS RGYUD LA SKYED PA LA NI RMI LAM GYI DPE NYID DE RNAMS KYI MCHOG YIN TE, RMI LAM GYI SGYU LUS KYIS DON GYI SGYU LUS MTSON NUS PA 'DRA BA DPE GZHAN LA MED PA'I PHYIR RO, ,'DI LTAR RMI LAM GYI LUS KYI SNGON DU GNYID KYI STONG PA GSUM 'GRO BAR SPYOD BSDUS LAS GSUNGS LA, DES NI MTSON BYA DON GYI SGYU LUS KYI SNGON DU SEMS DBEN GYI STONG PA GSUM 'GRO BA LEGS PAR MTSON NUS TE, DPE GZHAN LA DE MED DO, ,DES NI GNYID KYI STONG PA BZHI 'DZIN PA SNGON DU BTANG BA'I MTHAR RMI LAM GYI SGYU LUS SU LDANG BA GO BAS, GNYID DU SONG NAS RMI LAM MA SHAR TSUN CHAD KYI GNYID KYI GDAMS NGAG DANG, RMI LAM GYI GDAMS NGAG GI GO RIM LA RMAD DU BYUNG BA'I NGES PA RNYED DO, ,DE NAS GNYID KYI STONG PA

, ,RNAMS KYI MTHAR RLUNG SEMS TZAM LAS GRUB PA'I RIM LAM GYI SGYU MA'I SKUR LDANG NUS PA SHES LA, DES NI SEMS DBEN GYI STONG PA RNAMS KYI MTHAR RLUNG SEMS TZAM GYI SGYU MA'I SKUR LDANG BA LEGS PAR MTSON NUS TE, DE YANG DPE GZHAN LA MED DO, ,DE NAS DE'I MTHAR RMI LAM GYI SGYU MA LONGS SKU SAD PA'I TSE SPRUL SKUR BSGYUR BA SHES LA, DES NI DON GYI SGYU MA LONGS SKUS SPRUL PA'I SKU 'DZIN PA LEGS PAR MTSON NUS TE, DE YANG DPE GZHAN LA MED DO, ,DE LTAR DPE'I RMI LAM GYI THOG MTHA' BAR GSUM GYIS, DON GYI SGYU LUS KYI THOG MTHA' BAR GSUM LEGS PAR MTSON NUS PA'I SPYOD BSDUS KYI DGONGS PA 'DI NI, GNYID DANG RMI LAM GYI GDAMS PA RNAMS KYI SNYING PO MTHAR THUG PAR SNANG LA, 'DI LEGS PAR SHES NA SGYU LUS KYI SKABS SU GNYID DANG RMI LAM GYI GDAMS PA RNAMS 'ONG BA'I RGYU MTSAN YANG DAG PAR SHES PA DANG, BSRE BA RNAMS KYI GNAD MTHAR THUG PAR SHES SO, ,SPYOD BSDUS KYI GZHUNG NAS 'BYUNG BA'I GNYID DANG RMI LAM GYI GDAMS PA'I GNAD MI SHES NA, GDAMS PA DE DAG GI GNAD MTHAR THUG PA RNAMS MI SHES PAS GZUGS BRNYAN GYIS TSIM PA TZAM MO, ,'DI DAG KYANG 'DIR DPE'I SKABS SU BAB SNANG BAS MDO TZAM BRJOD KYI, RGYAS PAR GZHAN DU BSHAD PAR BYA'O, ,SPYOD BSDUS SU RGYUD 'DI DRANGS PA'I DPE BCU GNYIS DANG, 'DIR BSHAD PA'I BCU GNYIS MTHUN LA, BDAG BYIN BRLABS LAS GRIB MA ZHES PA NI MIG YOR GYI DON YIN LA, MIG 'PHRUL GYI DOD LA SPRIN 'BYUNG NGO, ,DPES DON MTSON TSUL RIM LNGA'I 'GREL PA DAG LAS GZHAN DU BSHAD MOD KYANG, BSHAD PA SNGA

MA NYID 'GRIG PAR MTHONG NGO, ,BZHI PA LA GSUM, 'DOD CHAGS CHOS SBAS MED NA STONG PA GSUM DANG BDE BA CHEN PO MI RNYED PAR BSTAN PA, BDE CHEN SGYU MA'I SKU LA MOS PA TZAM GYI PHAN YON, 'DOD CHAGS CHOS SBAS LA BRTEN NAS STONG PA GSUM MTSON TE BDE CHEN LA GNAS PA'I TSUL LO, ,DANG PO NI, JI LTAR TE DPER NA 'O MA SRUBS PA LAS MAR 'BYUNG BA DE BZHIN DU, PADMAR RDO RJE SRUBS PA LAS RDO RJE'I SGRAS BSTAN PA'I THABS KYI YE SHES MCHED PA NYE BAR BRTAGS PA STE 'BYUNG BA'I PHYIR DANG, JI LTAR TIL BTZIR BA LAS TIL MAR 'BYUNG STE DE BZHIN DU PAD MAR RDO RJE BTZIR BA LAS PADMA'I SGRAS BSTAN PA'I SHES RAB KYI YE SHES SNANG BA NYE BAR BRTAGS PA STE 'BYUNG BA'I PHYIR NA, RDO RJE DANG PADMA SBYOR BA YOD NA YE SHES GNYIS 'BYUNG BA'I RJES SU 'GRO BA GRUB BO, , DES NI THABS SHES SBYAR BA'I NYER THOB KYI RJES 'GRO YANG STON TO, ,JI LTAR 'O MA DANG TIL DAG GIS YANG DAG PA'I MNGON PAR 'DU BYA BA SRUB PA DANG BTZIR BA MED PAR, MAR DANG TIL MAR MI 'BYUNG BA DE BZHIN DU SNYOMS PAR 'JUG PA'I SNGON DU A'A: DANG H'Um GI SNGAGS KYIS PHO MO'I DBANG PO'I RTEN GNYIS RDO RJE DANG PAD MAR SKYED PA SOGS DANG, LHA YAB YUM DANG DMIGS PA'I SEMS KYI PHYAG RGYAS MNGON PAR 'DUS BYAS PA'I RDO RJE DANG PADMA MNYAM PAR SBYAR BA MED PAR, RNAM PAR SHES PAR SHES PA STONG PA GSUM NYE BAR MTSON PAR MI NUS SO, ,ZHES PAS NI DBANG PO GNYIS SBYOR BA LOG NA YE SHES GSUM SKYE BA LDOG PA'I LDOG PA BSTAN TO, ,THA MAR 'CHI BA LA SOGS PA'I SKABS SU DBANG PO GNYIS MNYAM PAR SBYAR BA MED KYANG DE'I RGYUD LA SNANG MCHED THOB GSUM SKYE BAS, ,

, ,RJES SU 'GRO LDOG NI LAM GYI SKABS LA DGONGS LA, DE YANG LTE BA LA SOGS PA'I RTZA 'KHOR GYI DBUS SU DMIGS PA GTOD PA LA SOGS PA'I LUS LA GNAD DU BSNUN PA'I RNAL 'BYOR GYIS RLUNG AA BA DH'U T'IR BTZUD PA LAS STONG PA BZHI SPYI TZAM PA DANG, SNYING KHAR MI SHIGS PA SGOM PA DANG, DE LA DMIGS NAS RDOR BZLAS BYAS PA LAS STONG PA BZHI KHYAD PAR CAN SKYE BA PHYAG RGYA LA MA LTOS PAR 'BYUNG BA YANG YOD PAS, 'DIR PHYAG RGYA DANG STONG PA GSUM RJES SU 'GRO LDOG NGES PAR GSUNGS PA NI, SGYU MA'I SKU SGRUB NUS PA'I SEMS DBEN GYI STONG PA GSUM RDZOGS PAR SKYE BA PHYAG RGYA LA NGES PAR LTOS PA LA DGONGS PA YIN TE, DE MED NA SEMS DBEN GYI MTSAN NYID 'GA' ZHIG TSANG BA'I YE SHES GSUM SKYE YANG, MTSAN NYID RDZOGS PA MI SKYE BA'I PHYIR RO, ,DE LA DGONGS NAS RIM LNGA LAS KYANG, GANG ZHIG CHU SKYES RDO RJE SBYOR, ,KUN RDZOB TU YANG MED GYUR NA, ,LAN CIG TZAM ZHIG MYONG NAS KYANG, ,RNAL 'BYOR STOBS KYIS 'GRUB PAR 'GYUR, ,ZHES GSUNGS SO, ,GANG SHES RAB KYI BHA GA DANG THABS KYI LING GA YANG DAG PAR SBYOR MI NUS PA DES NI BDE BA CHEN PO'I TING NGE 'DZIN SGYU MA'I SKU MI RNYED DO, ,'DIS NI DBANG PO GNYIS SBYOR BA LOG NA SGYU LUS LDOG PA'I LDOG PA BSTAN LA, 'OG NAS RJES 'GRO STON NO, ,SNGA MAS NI DBANG PO GNYIS SBYOR DANG SEMS DBEN GNYIS KYI RJES SU 'GRO LDOG BSTAN NO, ,SGYU LUS DANG SEMS DBEN GYI STONG PA GSUM RGYU 'BRAS YIN PAS RJES SU 'GRO LDOG NGES LA, SEMS DBEN DANG DBANG PO GNYIS SBYOR GNYIS RJES SU 'GRO LDOG NGES PAS NA, SGYU LUS

DANG YANG RJES SU 'GRO LDOG NGES PAR 'GYUR RO, ,TSUL DE RNAMS NI NANG GI SROG RTZOL RDO RJE BZLAS PA SOGS DANG SEMS DBEN DANG, SGYU MA'I LUS KYI'ANG RJES SU 'GRO LDOG LA SBYAR BAR BYA'O, ,'DOD YON LAM BYED KYI GTZO BO 'DI SGYU MA'I SKU SGRUB PA'I CHED DU GSUNGS PA 'DIS NI, PHYI'I PHYAG RGYA LA BRTEN PA DANG, NANG GI LUS LA GNAD DU BSNUN PA'I THABS GZHAN THAMS CAD KYANG MTHAR RLUNG SEMS TZAM LAS SGYU MA'I SKU SGRUB PA'I CHED DU BSTAN PA YIN PAS, SKYE 'CHI BAR DO GSUM SKU GSUM DU 'CHAR BA'I LAM 'KHYER 'PHAGS PA YAB SRAS KYIS BSHAD PA 'DI NYID, THABS DANG SHES RAB KYI RGYUD GNYIS KA'I MAN NGAG GI GNAD MTHAR THUG PAR GZUNG BAR BYA'O, ,GNYIS PA NI, THEG PA 'DI'I LAM GZHAN TSANG BA MI DGOS KYI, SGYU LUS BDE BA CHEN PO'I TING NGE 'DZIN 'BA' ZHIG STE GCIG PU LA, DE MNGON DU BYAS PA MI DGOS KYI LEGS PAR SHES NAS LHAG PAR MOS PA TZAM GYIS KYANG LAS DANG PO PA'I SA BSKYED RIM MTHAR PHYIN PA LA GNAS PA DANG 'DRA BA'I PHAN YON 'THOB PAR 'GYUR TE, DER MA ZAD THEG PA 'DI LAS PHYIR MI LDOG PA STE LAM 'DIR RIGS NGES PA'I SA LA YANG SLOB BZHIN PAR 'GYUR RO, ,PHAN YON 'DI LTA BU MTHONG BA'I BLO GROS CAN GYIS NI PHYI DANG NANG GI LUS LA GNAD DU BSNUN PA'I THABS LA MKHAS PAS DRANGS PA'I BDE BA CHEN POS, BDAG MED PA'I DON PHU THAG CHOD PA'I LTA BA'I YUL SGOM PA'I BDE STONG DBYER MED KYI YE SHES GSUM SKYED PA DANG SNGAR BSHAD PA LTAR RDO RJE'I SKU GANG LAS SGRUB PA'I GZHI GNYUG MA'I LUS RLUNG SEMS TZAM DU ZAD PA'I TSUL LA NGES PA BRTAN PO RNYED NAS,

, ,STONG PA RNAMS KYI RLUNG SEMS TZAM LAS SGYU MA'I SKU 'GRUB PA'I TSUL LA YANG DANG YANG DU SHIN TU NGO MTSAR BA'I BSAM PAS MOS PA BRTAN PO BSKYED PAR BYA'O, ,GSUM PA NI, GANG RDO RJE DANG PADMA MNYAM PAR SBYOR BA'I BDE BAS RANG BZHIN GYI SNANG BA GSUM YANG DAG PA STE PHYIN CI MA LOG PAR NYE BAR MTSON PAR BYED PA DE NI, BDE BA CHEN PO SGYU MA'I SKU'I GO 'PHANG LA RAB TU GNAS PAR 'GYUR RO, ,ZHES PA 'DIS NI DBANG PO GNYIS SBYOR PA YOD NA SGYU LUS 'BYUNG BA'I RJES 'GRO STON TO, ,SNGAR BSHAD PA 'DI DAG GI GNAD SHES NA, LAM 'DIR ZHUGS PAS DANG PO NYID NAS 'DOD LHA YAB YUM GYI RNAM PA CAN DU SGOM PA SOGS KYI GNAD RNAMS SHES SHING STONG NYID LA SEMS RTZE GCIG TU GNAS PAR BYAS PA'I MTHUS RLUNG LAS SU RUNG BTZAM LAS SKYES PA'I BDE BA DANG, LUS KYI RTZA 'KHOR GYI GNAD DU BSNUN PA DANG BRAL BA'I RLUNG 'GRO 'ONG SGOM PAR BSHAD PA DANG, LUS KYI RTZA 'KHOR GYI GNAD DU BSNUN PA MED PA'I RLUNG PHYI ROL TU 'GRO BA BKAG NAS BSGOMS PAS DRANGS PA'I BDE BA CHER SKYES PA DANG STONG PA GNYIS SBYAR BA'I BDE STONG SGOM PA RNAMS RNAL 'BYOR BLA MED KYI RDZOGS RIM YIN NO SNYAM DU 'DZIN PA RNAMS LHAG MA MED PAR LDOG PAR 'GYUR BAS DON SHIN TU CHE'O, ,GNYIS PA NI, DE LTAR SNGAR BSHAD PA'I SNANG BA SEMS GSUM GYI SBAS PA DANG, 'DOD CHAGS CHOS KYI SBAS PA DANG, KUN RDZOB SGYU MA'I SBAS PA GSUM BSHAD PA 'DI NI, TSUL BZHI'I NANG NAS SBAS PA'I DON GYI BSHAD PA'O, ,DE LTAR YANG SGRON GSAL LAS, 'DOD CHAGS CHOS NI RAB STON DANG, ,KUN RDZOB BDEN PA RTOGS

PA DANG, ,YE SHES GSUM PO RNAM BRTAG PA'I, ,SNYING PO YOD PAS SBAS PA'O, ,ZHES SO, ,CHAG 'GYUR LAS, KUN RDZOB BDEN PA BSTAN PA DANG, ,ZHES 'BYUNG NGO, ,SBAS PA'I SKAD DOD NI SNYING PO CAN LA YANG 'GRO BAS, SNYING PO YOD PAS SBAS PA'O, ,ZHES BSGYUR MOD KYANG, SBAS PA'I SGRA DON NI GSANGS PA'I DON YIN PAS, DNGOS SU MI GSAL BAR KHONG NA YOD PA LA SNYING PO YOD PA ZHES BYAS SO, ,DES NA SBAS BSHAD KYI SBAS PA THAMS CAD PA TSAB KYIS SNYING PO CAN DU BSGYUR BA 'GYUR MI LEGS SO, ,KHONG NA SNYING PA'I TSUL DU YOD RGYU NI 'DOD CHAGS KYI CHOS LA SOGS PA GSUM PO NYID YIN PAS, DE DAG GI SNYING PO GZHAN GSUM 'CHAD PA DON DU MA MTHONG NGO, ,GSUM PO DE TZAM ZHIG SBAS DON DU GSUNGS PA NI GTZO BO LA DGONGS KYI, DE TZAM DU MA NGES TE, SGRON GSAL LAS GSANG BA GSUM TSUL BZHIR BSHAD PA'I SKABS SU 'JUG GNAS LDANG BA GSUM SBAS PAR BSHAD PAS, RDO RJE BZLAS PA SBAS DON DU GSUNGS PA YE SHES GSUM GYI SBAS PA'I KHONGS SU SDUD DGOS PA BZHIN NO, ,DES NA LUS DBEN KYANG SBAS PA DE'I KHONGS SU BSDU'O, ,GNYIS PA LA GNYIS, ZHU BA, LAN NO, ,DANG PO NI, SBAS DON GSUNGS PA'I 'OG TU BYANG CHUB SEMS DPA' CHEN PO RNAMS KYIS GSOL BA NI, BCOM LDAN 'DAS ZHES BOS NAS, TSUL BZHI'I SPYI DON GYI BSHAD PA JI LTAR LAGS ZHES PA'O, ,GNYIS PA NI, BCOM LDAN 'DAS KYIS LAN BKA' STZAL PA NI, NYAN THOS LA SOGS PA DBANG PO GNYIS SBYOR GYI CHAGS PA LAM DU BYED PA'I 'DOD CHAGS DANG BRAL BA'I CHOS SPYOD PA, RNAM PAR RTOG PA'I BAG CHAGS LAS MA GROL BA STE NYON

, ,MONGS PA'I BAG CHAGS GNYIS SBYOR GYI CHAGS PA LAM BYED KYI THABS MKHAS KYI SBYONG BAR MI NUS PA RNAMS KYIS, RNAL 'BYOR BLA NA MED PA CHEN PO'I RGYUD DAG TU BTZUN MO'I BHA GA LA BZHUGS ZHES PA DANG, SOGS KYI SGRAS BSDUS PA SNGAR BSHAD PA LTAR DBANG PO GNYIS MNYAM PAR SBYOR BA MED NA BDE BA CHEN PO MA RNYED PAR GSUNGS PA LA SOGS PA, 'DOD CHAGS KYI KUN SPYOD KYI CHOS GSAL BAR BYED PA NGO MTSAR CAN GYI RDO RJE'I TSIG THOS NA, 'DI NI BKA' MA YIN NO ZHES SMOD PAR BYED PA DE DAG DANG MI 'GAL BAR THUN MONG DU GRAGS PA'I SGO NAS DE DAG GI DON BSHAD PA NI, SPYI'I DON DU BSHAD PAR GSUNGS PA'O, ,DE NI SGRON GSAL LAS, RDO RJE BTZUN MO SHES RAB DANG, DES NYON MONGS 'JOMS PA BHA GAR BSHAD PA LTA BU'O, ,'DI YIG DON DU GSUNGS KYANG SPYI DON DU MI 'GAL LA, 'DI 'DRA BA NI CHAGS BRAL GYI LAM PA'I SMOD TSIG SPONG BA TZAM GYI DON YIN GYI, RANG GI LAM LA SLOB PA LA DE MI DGOS SO SNYAM DU MI GZUNG NGO, ,DE GANG ZAG GANG DANG THUN MONG DU GYUR PAS SPYI DON DU BZHAG PA NI, GTZO BOR MTSAN NYID KYI THEG PA PA YIN MOD KYANG, RGYUD SDE 'OG MA'I GDUL BYAS KYANG DE LA SMOD PA BZLOG PA'I PHYIR DU DE DAG DANG THUN MONG PA YANG YOD DO, ,GZHAN YANG RDO RJE 'CHANG GIS GSUNGS PA'I BYANG CHUB KYI SEMS KYI GZHUNG SPYI DON DU BSHAD PAS RNAM THAR GSUM STON PA LTA BU NI THEG PA GZHAN DANG RGYUD SDE 'OG MA PA GNYIS KA DANG THUN MONG BA'O, ,DE BZHIN DU SKYABS SU 'GRO BA DANG SMON 'JUG GI BYANG CHUB KYI SEMS THUN MONG BA LA SOGS PA MANG STE, DE RNAMS KYANG RANG GI LAM LA SLOB

PA LA DGOS PA'I SGO NAS BSHAD PA'O, ,BSKYED RIM RNAMS SPYI DON DU GSUNGS PA LA KHA CIG RGYUD SDE 'OG MA GSUM DANG THUN MONG BA YIN PAS SPYI DON YIN ZHES ZER LA, GZHAN DAG SPYI DON DU BSHAD PA'I BSKYED RIM GYI CHA SHAS RNAMS BSKYED RIM PA LA YOD PAS BSKYED RIM DANG LDAN PA YIN GYI, DNGOS GRUB RNAMS KYI RAG ? SNGAGS PA RIGS GNYIS KYI SPYI NI MIN NO ZHES ZER RO, ,DE LA BLA MED KYI BSKYED RIM LHA YAB YUM ZHAL SBYOR DU GNAS PA DANG, LHA MNGAL NAS SKYED PA LTA BU NI RGYUD SDE 'OG MA PA DANG THUN MONG BA MIN NO, , BLA MED KYI BSKYED RIM PHAL MO CHE SRID PA SKYE 'CHI BAR DO'I RIM PA LTAR SKYED PA YIN LA, SKYED CHOG DE YANG RGYUD SDE 'OG MA LA MED DO, ,DES NA BSKYED RIM GYI GTZO BO RNAMS THUN MONG BA MIN KYANG, DE'I SKABS SU GSUNGS PA'I SKYED CHOG THUN MONG BA NI MANG DU YOD PAS DE RNAMS RGYUD SDE 'OG MA PA LA LTOS NAS SPYI DON DU 'CHAD NA RUNG NGO, ,'DIR SPYI ZHES PA'I THUN MONG BA NI THEG PA GNYIS SAM, RGYUD SDE MCHOG DMAN NAM, DNGOS GRUB GNYIS SGRUB PA'I GANG ZAG GNYIS LA LTOS NAS GZHAG DGOS LA, DE LTAR BYAS NA BSKYED RIM NI GTZO BOR PHYI MA'I DBANG DU BYAS NAS SPYI DON DU 'GYUR RO, ,BLA MED KYI BSKYED RIM GYIS RDZOGS RIM GYI RTOGS PA YONGS SU RDZOGS PA SKYE BA'I RGYUD SMIN PAR BYED NUS PA BZHIN DU, RGYUD SDE 'OG MA'I LHA'I RNAL 'BYOR RNAMS KYIS MI NUS PAS BSKYED RIM LA YANG DE DAG LA LTOS NAS KHYAD PAR SHIN TU CHE BA YOD DO, ,'DIR SPYI DON TSUL GCIG LAS MA GSUNGS KYANG, SGRON GSAL LAS TSUL GNYIS GSUNGS TE, MDO SOGS LA NI RAB ZHUGS PA'I, ,'GYOD PA ZLOG PAR BYED PHYIR DANG, ,BSKYED PA'I RIM DANG LDAN PA

, ,DAG ,SPYI YI DON NI YIN PAR GSUNGS, ,ZHES GSUNGS PAS RGYUD RGYAS PA NA DE LTAR BZHUGS PAR GSAL LO, ,GSUM PA LA GNYIS, DNGOS KYI DON, DE MTHAR THUG TU BSTAN PA'O, ,DANG PO LA GNYIS, ZHU BA, LAN NO, ,DANG PO NI, BYANG CHUB SEMS DPA' CHEN PO RNAMS KYIS GSOL PA, BCOM LDAN 'DAS ZHES BOS NAS, DBANG PO GNYIS SBYOR GYI 'DOD CHAGS KYI CHOS SPYOD PA'I CHOS KYI TSUL DU TSUL BZHI'I MTHAR THUG PAR BSHAD PA JI LTAR LAGS ZHES ZHUS SO, , GNYIS PA LA GNYIS, MDOR BSTAN PA, RGYAS PAR BSHAD PA'O, ,DANG PO NI, ZHUS PA'I RJES DE NAS BCOM LDAN 'DAS KYIS DE'I LAN BKA' STZAL PA, BYANG CHUB SEMS DPA' RNAMS LA LEGS SO ZHES BYA BA BYIN TE, BYIN TSUL NI, ZHU BA DE LEGS SO LEGS SO ZHES SPRO BA SKYED PA'I DON DU LAN GNYIS SU BSKYAR NAS, BYANG CHUB SEMS DPA' CHEN PO SNYING RJE GSUM GYI NANG NAS MCHOG DMIGS PA MED PA'I SNYING RJE DANG LDAN PA RNAMS NYON CIG ,CES NYAN PAR BSKUL LO, ,MTHA' ZHES PA NI MU'I TSIG STE MTHAR THUG PA NI MUR THUG PA'I DON NO, ,MTHAR THUG PA DE LA NI GNYIS YOD DE, 'OD GSAL BA ZHES BYA BA DANG YANG DAG PA'I TSUL ZHES BYA BA ZUNG 'JUG GO ,YANG DAG PA'I TSUL ZHES PA ZUNG 'JUG YIN PAR 'DIR MA BSHAD KYANG, SGRON GSAL LAS MTHAR THUG LA 'OD GSAL DANG ZUNG 'JUG GNYIS BSHAD PAS SHES LA, SPYOD BSDUS LAS KYANG, YANG DAG PA'I TSUL GYI BDAG NYID CAN GYI TING NGE 'DZIN ZHES BYA BA DE GANG LAGS, SMRAS PA GANG BDEN PA GNYIS GNYIS SU MED PA'I RNAM

PA'I MTSAN NYID CAN DE NI, YANG DAG PA'I TSUL GYI BDAG NYID CAN GYI TING NGE 'DZIN TE, ZHES GSAL BAR GSUNGS SO, ,GNYIS PA LA GSUM, MTHAR THUG THOB PA'I THABS KYI ZHUS LAN, STONG PA GSUM 'OD GSAL GYI MTHAR 'GYUR BA'I ZHUS LAN, RGYAS BSHAD KYI SKABS 'DIR ZUNG 'JUG MA BSHAD PA'I RGYU MTSAN NO, ,DANG PO NI, BYANG CHUB SEMS DPA' CHEN PO RNAMS KYIS GSOL PA, BCOM LDAN 'DAS ZHES BOS NAS THABS GANG GIS MTHAR THUG PA THOB PA LAGS, ZHES ZHUS SO, ,BCOM LDAN 'DAS KYIS DE'I LAN BKA' STZAL PA, GZUGS LA SOGS PA'I PHUNG PO BZHI DANG 'BYUNG BZHI'I KHAMS BZHI DANG, MIG LA SOGS PA'I SKYE MCHED BZHI DANG, SOGS KYI SGRAS BSDUS PA RGYUD KYIS BSDUS PA'I YUL BZHI DANG, GZHI DUS KYI ME LONG LTA BU LA SOGS PA'I YE SHES BZHI STE, RAGS PA NYI SHU THIM PAR RNAM GZHAG LAS RDO RJE PHRENG BA'I DON BSHAD PA DANG, MA BSHAD PA'I DBANG PO DANG YUL GYI LHAG MA THIM PA'I MTHAR SNANG BA GSUM MNGON DU 'GYUR BA YIN PAS, DE RNAMS KYI MTHA' NI STONG PA GSUM MO ZHES GSUNGS SO, ,STONG PA GSUM SNGA MA PHYI MA LA THIM PA'I MTHAR 'OD GSAL MNGON DU 'GYUR BAS STONG PA GSUM GYI MTHA' 'OD GSAL LO ZHES GSUNGS SO, ,GNYIS PA NI, BYANG CHUB SEMS DPA' CHEN PO RNAMS KYIS GSOL PA, BCOM LDAN 'DAS STONG PA GSUM 'OD GSAL BA'I MTHAR 'GYUR BA'I YUN JI LTAR LAGS, ZHES ZHUS PA NA, BCOM LDAN 'DAS KYIS DE'I LAN DKA' STZAL PA, JI LTAR TE DPER NA MES SHING BSREGS TE THAL BAR

, ,'GYUR BA LA DUS RING PO THOGS PA DE BZHIN DU, STONG PA DANG PO SHES RAB KYI YE SHES THOB NAS 'OD GSAL BAR 'JUG PA LA, YE SHES DE YUN RING POS RNAM PAR SBYONG BAR BYED DGOS SO, ,JI LTAR TA LA'I LO MA THAL BAR BYED PA SNGA MA BAS YUN THUNG BA DE BZHIN DU, STONG PA GNYIS PA THABS KYI YE SHES THOB NAS 'OD GSAL DU 'JUG PA LA, YE SHES DE SNGA MA LA LTOS NA DE BAS YUN THUNG BAR RNAM PAR SBYONG BAR BYED DO, ,JI LTAR RAS BAL GYI 'DAB MA BSREGS PAS THAL BAR 'GYUR BA LA YUN THUNG NGUS CHOG PA DE BZHIN DU, STONG PA GSUM PA SNANG BA NYE BAR THOB PA'I YE SHES THOB NAS 'OD GSAL DU 'JUG PA LA, YE SHES DE MCHOG TU STE SHIN TU MYUR BAR RNAM PAR SBYONG BAR BYED DO, ,DUS KYI RIM PA SNGAR BSHAD PA DE LTAR YIN PA DE BAS NA, SHING DANG TA LA'I LO MA DANG RAS BAL GYI 'DAB MA THAL BAR 'GYUR BA'I YUN RING THUNG DE BZHIN DU, STONG PA DANG SHIN TU STONG PA DANG STONG PA CHEN PO RNAMS SBYANGS NAS MTHAR 'OD GSAL BAR 'GYUR BA'I RIM PA SHES PAR BYA'O, ,ZHES MJUG BSDUS SO, ,SNGAR STONG PA BZHI'I LUGS LDOG GI RIM PA LAS MA BSHAD KYANG, 'DIR LUGS 'BYUNG GI RIM PA BSHAD LA, THAMS CAD STONG PA'I NGOS 'DZIN STONG PA GZHAN GSUM BZHIN GSAL BAR MA GSUNGS KYANG, STONG PA GSUM SPRIN MED PA'I NAM MKHA' LA NYI 'OD DANG, ZLA 'OD DANG, MTSAMS KYI SMAG GIS KHYAB PA BZHIN DU 'CHAR BAR GSUNGS PA'I SHUGS KYIS NAM MKHA'I RANG MDOG JI BZHIN DU MI THON PA'I RGYU GSUM PO DE DANG BRAL BA'I THO RANGS KYI DUS KYI NAM MKHA' GA-YA' DAG BZHIN DU THAMS CAD STONG PA

'CHAR BAR GO NUS SO, ,SNANG BA GSUM GYI CHOS NYID GSUM YANG STONG PA GSUM DU BZHAG PAS CHOG MOD KYANG, RNAM RTOG TSAN GSUM GYI STONG PA'I SNANG BA GSUM YANG STONG PA GSUM DU 'JOG PA YIN TE, STONG PA GSUM NI DE DAG GI RNAM GRANGS SU GSUNGS PAS SO, ,LAM GYI NUS PA CHE CHUNG GI DBANG GIS RLUNG THIM RIM LA RIM PA MANG PO ZHIG 'ONG BAS, KUN RTOG BRGYAD CU THIM PA LA RAGS PA DANG 'BRING DANG PHRA BA THIM PA'I RIM PA MANG NGO, ,DE'I PHYIR RANG RANG GI THAD KA LA LTOS PA'I RANG BZHIN GYI RTOG PAS STONG PA DANG, YE SHES GSUM GZHAN GCIG LA LTOS NAS KUN RTOG MA LUS PAR THIM PA MIN PA 'ONG BA RNAMS PHYED NA STONG PA RNAMS KYI KHYAD PAR RNAMS SHES PAR 'GYUR RO, ,RLUNG DBU MAR BSDUS NAS THIM PA LAS STONG PA BZHI'I THIM RIM GSAL PO BYUNG BA NA PHAL CHER BZHI GA BAR MA CHAD DU 'ONG MOD KYANG, GNYIS SNANG PHRA MO YANG DAG PAR GYUR NAS DE KHO NA NYID KYI DON DANG RO GCIG TU GYUR PA'I DON GYI 'OD GSAL DU 'JUG PA LA NI, SEMS DBEN GYI YE SHES THOB NAS KYANG RING DU THOGS NA, DE MA THOB PA'I GONG GI STONG PA GSUM DPE'I 'OD GSAL DANG BCAS PA THOB KYANG RING DU THOGS PA LTA CI SMOS, DE KHO NA NYID DON DAM BDEN PA'I 'OD GSAL PHAR PHYIN THEG PA BA DANG KHYAD MED KYANG, ZHU BDE'I RIGS 'DRA BRGYUD PA'I BDE BA CHEN POS DE KHO NA NYID KYI DON MNGON SUM DU RTOGS PA'I 'OD GSAL NI, MTHAR THUG GI DON DU 'JOG GI SPYI DON DU BZHAG TU MI RUNG BA DANG, BYANG SEMS ZHU BA LAS DNGOS SAM BRGYUD NAS SKYES PA'I ZHU BA DES NGES PA MIN PA'I STONG NYID NGES PA RNAMS PHAR PHYIN PA LA LTOS NAS SPYI DON DU 'JOG PA GNYIS MI

, ,'GAL LO, ,GSUM PA NI, 'O NA MDOR BSTAN DU GNYIS BYUNG BA LA, RGYAS BSHAD DU 'OD GSAL BSHAD NAS ZUNG 'JUG MI 'CHAD PA CI YIN SNYAM NA, SNGAR SLOB MI SLOB KYI RGYU LUS BSHAD PA NYID KYIS GO NUS PAS 'DIR MA BSHAD DE, RIM LNGA'I YA GYAL GYI SGYU LUS DANG, ZUNG 'JUG GI SKU GNYIS DON GYI 'OD GSAL THOB PA'I 'OG TU 'BYUNG MI 'BYUNG GI KHYAD PAR MA GTOGS PA, RGYU RLUNG SEMS GNYIS TZAM LAS MTSAN DPE'I RNAM PA CAN GYI RDO RJE SEMS DPA'I SKUR LDANG BA'I MTSAN NYID RNAMS MTSUNGS PA'I PHYIR DANG, DE'I DUS KYI DON GYI 'OD GSAL DANG, DE'I SNGON GYI DON GYI 'OD GSAL GNYIS KYANG MTSAN NYID MTSUNGS PA'I PHYIR RO, ,GNYIS PA NI, 'OD GSAL DANG ZUNG 'JUG 'DI NI MTHAR THUG PA'I DBANG DU BYAS PA'O, ,SGRON GSAL LAS KYANG, 'OD GSAL BA NI RAB STON DANG, ,ZUNG DU 'JUG PA RTOGS PA STE, ,RNAM PA GNYIS SU MTHA' BSHAD DE, ,MTHA' NI MUR THUG PA YI TSIG ,CES GSUNGS SO, ,'DIR MTHAR THUG CES PA GANG GI MTHAR THUG PA YIN ZHE NA, KHA CIG 'OD GSAL PHAR PHYIN DANG, ZUNG 'JUG SNGAGS KYI MTHAR THUG DANG, GZHAN DAG 'OD GSAL DNGOS PO 'AM CHOS NYID DANG, ZUNG 'JUG YE SHES SAM LAM GYI MTHAR THUG DANG, LA LA 'OD GSAL RGYU DANG, ZUNG 'JUG 'BRAS BU'I MTHAR THUG TU 'DOD DO, ,DE LA 'OD GSAL GANG GI MTHAR THUG PA NI RGYUD 'DI NYID LAS, PHUNG PO LA SOGS PA'I MTHA' STONG PA GSUM DANG, DE GSUM GYI MTHA' 'OD GSAL DU GSUNGS PAR BSTAN LA, DE YANG RAGS PA RNAMS RIM GYIS THIM PA'I MTHAR STONG PA

GSUM SNGA MA PHYI MA LA THIM NAS 'OD GSAL DU THUG PA NI, SNANG BA GSUM GYI SKABS SU GNYIS SNANG MA DAG LA, SEMS DBEN GYI NYER THOB DON GYI 'OD GSAL DU ZHUGS PA NA, GNYIS SNANG PHRA MO YANG DAG NAS CHU LA CHU BZHAG PA BZHIN DU RO GCIG TU ZHUGS PA'O, ,DE'I PHYIR LHAN CIG SKYES PA'I BDE BA'I SEMS DE KHO NA NYID KYI MTHAR THUG PA NI, 'OD GSAL GYI MTHAR THUG LUGS SO, ,DE 'DRA BA'I 'OD GSAL NI SNGAGS BLA MED KYI RDZOGS RIM THUN MONG MA YIN PA YIN PAS, DE PHAR PHYIN GYI THEG PA NAS MI STON LA, CHOS NYID RKYANG PA 'DIR MTHAR THUG GI 'OD GSAL MIN ZHING, 'DI'I GONG NA SLOB PA'I ZUNG 'JUG YOD PAS RGYU'I MTHAR THUG KYANG MIN NO, ,ZUNG 'JUG GI MTHAR THUG LUGS NI, YUL CAN BDE BA'I SEMS YUL DON DAM BDEN PA'I MTHAR THUG PA DANG, SHIN TU PHRA BA'I RLUNG 'OD ZER LNGA'I GNYUG MA'I LUS RDO RJE SEMS DPA'I SKU MTSAN DPES BRGYAN PA'I MTHAR THUG PA STE SON PA GNYIS DUS GCIG TU THUGS DANG SKUR TSOGS PA'O, ,MTHAR THUG LUGS DE LTAR YIN GYI LAM GYI BGROD PA MTHAR THUG PA MIN PAS, DE GNYIS KA SLOB LAM NA YANG YOD DO, ,'O NA BDEN GNYIS LA LTES NAS TSOGS PA DANG YA GYAL GYI MTHAR THUG GNYIS SU BYAS PA'I PHYI MA LA KUN RDZOB KYI MTHAR THUG DANG, DON DAM GYI MTHAR THUG GNYIS DGOS PA LA, DON DAM 'OD GSAL GYI MTHAR THUG BSHAD NAS KUN RDZOB SGYU MA'I MTHAR THUG MI 'CHAD PAR, DE SBAS DON DU 'CHAD PA JI LTAR YIN ZHE NA, DRI BA 'DI LA NI THOG MAR ZUNG DU 'JUG LUGS BSHAD DGOS PAS DE JI LTAR YIN SNYAM NA, RIM LNGA LAS ZUNG 'JUG LA

, ,RNAM DBYE MANG PO ZHIG GSUNGS KYANG, GTZO BO NI, DE NYID SHES PAS RIM PA BZHIN, ,RANG BYIN BRLABS DANG 'OD GSAL SHES, ,DE DAG KHO NA 'DUS PA GANG, ,'DI NI ZUNG 'JUG RIM PA'O, ,ZHES RANG BYIN BRLABS DANG 'OD GSAL GNYIS ZUNG DANG, DE GNYIS 'DUS PA ZUNG 'JUG TU BSHAD PA DANG, KUN RDZOB DANG NI DON DAM GYI, ,RNAM DBYE SO SOR SHES NAS NI, ,GANG DU YANG DAG 'DRES GYUR PA, ,ZUNG DU 'JUG PAR DE BSHAD DO, ,ZHES KUN RDZOB DANG DON DAM GNYIS ZUNG DANG, DE GNYIS 'DRES PA ZUNG 'JUG TU GSUNGS PA 'DI YIN NO, ,DE LA DON GYI 'OD GSAL BA MA THOB GONG DU RLUNG 'OD ZER LNGA LAS BSGRUBS PA'I SGYU MA'I SKU YOD DUS SU, SEMS DON DAM BDEN PA DANG RO GCIG TU SONG BA'I 'OD GSAL MED LA, ZUNG 'JUG MA THOB PA'I GONG DU BDE BA'I SEMS DON DAM DANG RO GCIG TU SONG BA'I 'OD GSAL YOD DUS SU, LUS SGYU MA'I SKUR SONG BA'I KUN RDZOB MED PAS RES 'JOG TU GYUR PA'I PHYIR ZUNG 'JUG MED DO, ,NAM ZHIG LUS RANG BYIN BRLAB CES BA KUN RDZOB SGYU MA'I SKU'I MTHAR SON PA DANG, SEMS 'OD GSAL ZHES PA DON DAM BDEN PA'I MTHAR SON PA GNYIS DUS GCIG TU RGYUD GCIG LA TSOGS PA NA RES 'JOG MED PAR MNYAM DU 'DUS PAS NA ZUNG 'JUG THOB BO, ,'O NA SLOB PA'I ZUNG 'JUG LA GNAS PAS DUS RTAG TU DON GYI 'OD GSAL LA MNYAM PAR 'JOG MI NUS PAS, DE LAS LANGS PA'I TSE ZUNG 'JUG LA MI GNAS PAR 'GYUR RO ZHE NA, ZUNG 'JUG GI GTZO BO DANG POR THOB PA LA DE 'DRA ZHIG THOB DGOS ZHES PA'I DON YIN GYI ZUNG 'JUG LA GNAS PA LA DE GNYIS TSOGS PA LA GNAS DGOS ZHES

PA MIN TE ZUNG 'JUG 'JOG TSUL DU MA ZHIG YOD PA'I PHYIR NA, DE LA MI GNAS KYANG TSUL GZHAN GYI SGO NAS ZUNG 'JUG LA GNAS PA'I PHYIR DANG, SNGAR BSHAD PA'I ZUNG 'JUG DE MNGON DU BYED NA'ANG JI LTAR 'DOD PA BZHIN BYA BAR NUS PA'I PHYIR RO, ,DANG POR THOB PA'I ZUNG 'JUG SKU MTSAN DPES BRGYAN PA GANG LAS GRUB PA'I RLUNG NI DON GYI 'OD GSAL GYI BZHON PA'I RLUNG YIN TE, 'OD GSAL DANG ZUNG 'JUG GI SKU MNYAM DU TSOGS PA'I TSE SNANG BA GSUM DAG PA'I PHYIR RO, ,'OD GSAL DE LAS LANGS PA'I TSE RLUNG DE MED KYANG SKU DE'I RIGS 'DRA RGYUN MI CHAD DU GNAS SO, ,SEMS DBEN GYI MTHAR 'BYUNG BA'I SGYU LUS GANG LAS SGRUB PA'I RLUNG NI DON GYI 'OD GSAL GYI RLUNG MIN ZHING, DES NYER LEN BYAS PA'I RLUNG YANG MIN PAS, KUN RDZOB SGYU MA'I SKU TZAM ZHIG YIN KYANG, KUN RDZOB KYI MTHAR THUG PA MIN NO, ,DE'I PHYIR SGYU LUS YA GCIG PA MTHAR THUG TU MA BSHAD CING, DON GYI 'OD GSAL YA GCIG PA MTHAR THUG TU MDZAD DO, ,SEMS DON DAM BDEN PA'I MTHAR THUG PA TZAM ZHIG PHA ROL TU PHYIN PA'I THEG PA NAS MANG DU STON MOD KYANG, LHAN SKYES KYI BDE BA'I SEMS DANG RO GCIG PA'I 'OD GSAL THUN MONG MA YIN PAR 'JOG PA MI 'GAL LO, ,GNYIS PA NI, 'O NA TSUL BZHI'I BSHAD PA'I SKABS SU YIG DON GYI BSHAD PA MA BYUNG BA'I RGYU MTSAN GANG YIN SNYAM NA, 'OG NAS MTHA' DRUG GI SGRA JI BZHIN PA'I BSHAD PA YI GE'I DON DU GSUNGS PA DES GO NUS PAR DGONGS NAS SKABS 'DIR MA BSHAD DO, ,YIG DON GYI MTSAN NYID NI, SGRON GSAL LAS, SGO TZAM LA NI RAB GZHOL BA'I, ,PHYI ROL BSTAN

, ,BCOS MKHAS PA YIS, ,DE YI BKOD PAS RAB BSTAN PA, ,YI GE'I DON NI YIN PAR BSHAD, ,CES NANG RIG PA'I SDE SNOD LAS PHYI ROL TU GYUR PA SGRA'I BSTAN BCOS LA MKHAS PA RNAMS KYIS, SGRA'I GZHUNG LA GZHOL PA DE'I BKOD PAS TE DE NAS 'BYUNG BA BZHIN DU TSIG DON RAB TU BSHAD PA NI YIG DON DU GSUNGS PA LTAR RO, ,DE LTAR NA GZHUNG DE LA SGRA'I GZHUNG DANG BSTUN NAS, RANG RANG GI DON STON PA'I NUS PA GANG THON PA'I CHA NAS BSHAD PA NI YIG DON GYI BSHAD PA DANG, CHA DE NAS GTZO BOR MA BYAS PAR GZHUNG DE'I DON DE SNGAR BSHAD PA'I GANG ZAG GNYIS KYI SHES BYA DANG NYAMS SU BLANG BYA THUN MONG BAR SONG BA'I SGO NAS BSHAD PA NI SPYI DON GYI BSHAD PA YIN PAS, DE GNYIS 'CHAD TSUL MI 'DRA BA YIN GYI, YIG DON GYI BSHAD PA'I SGO NAS BSTAN PA'I DON DE GANG ZAG GNYIS KYI THUN MONG DU MI 'GYUR PA DANG, SPYI DON GYI BSHAD PA'I SGO NAS BSTAN PA'I DON NI YIG DON 'CHAD TSUL GYI SGO NAS BSHAD DU MI RUNG BA NI MIN NO, ,GNYIS PA MTHA' DRUG GI BSHAD PA LA GSUM, ZHU BA MDZAD PA, ZHUS PA'I LAN MDOR BSTAN PA, RGYAS PAR BSHAD PA'O, ,DANG PO NI, TSUL GSUM GYI BSHAD THABS GSUNGS PA'I RJES SU RJE BTZUN BYAMS PAS GSOL PA, BCOM LDAN 'DAS ZHES BOS NAS, DE BZHIN GSHEGS PA THAMS CAD KYIS GSUNGS PA'I RGYUD BSHAD THABS KYI MAN NGAG ,BLA NA MED PA'I RNAL 'BYOR GYI RGYUD DU 'BYUNG BA'I MTHA' DRUG BSHAD PA'I DBYE BA JI LTAR LAGS ZHES ZHUS SO, ,GNYIS PA LA GNYIS, SPYI'I DON, YAN LAG GI DON NO, ,DANG PO LA GSUM, BSHAD PA GNYIS RGYUD GANG LA 'JUG PA, DE LA 'JUG PA'I

BSHAD PA GNYIS 'GAL MI 'GAL, MTHA' DRUG GI BSHAD PA'I 'JUG TSUL BSTAN PA'O, ,DANG PO NI, GAL TE RGYUD BSHAD THABS KYI MAN NGAG MTHA' DRUG DANG TSUL BZHI YIN NA, BSHAD PA DE GNYIS RGYUD SDE BZHI GANG LA 'JUG PA YIN SNYAM NA, 'DI LA TSUL BZHI'I BSHAD PA NI GZHUNG GCIG LA DON BZHI KA'I BSHAD PA 'JUG PA YIN LA, RGYUD SDE 'OG MA'I DON DANG, YIG SPYI'I DON GNYIS GZHI MTHUN YOD MOD KYANG, DE LA TSUL LHAG MA GNYIS KYI BSHAD PA MI 'JUG PAS TSUL BZHIS BSHAD PA 'JUG PA NI RNAL 'BYOR BLA MED KHO NA LA BYA'O, ,MTHA' DRUG GI BSHAD PA TSANG BA RGYUD SDE 'OG MA LA MED KYANG, DE'I PHYOGS GCIG SGRA JI BZHIN PA'I BSHAD PA NI RGYUD SDE 'OG MA GSUM GA LA 'JUG PAR RGYUD 'DIR GSUNGS PAS, DE NI RGYUD SDE BZHI KA'I THUN MONG NGO, , PHA ROL TU PHYIN PA DANG RGYUD SDE 'OG MA LA, BDEN GNYIS STON PA'I CHA NAS DRANG DON DANG NGES DON DU BZHAG PA YOD MOD KYANG, MTHA' DRUG GI YA GYAL KYI DRANG NGES KYI BSHAD PA NI DE DAG LA MI 'JUG STE, DE RNAMS MING 'DRA YANG DON MI 'DRA BA'I PHYIR RO, ,'DI LTAR DE DAG GI DRANG NGES NI GZHUNG PHAN TSUN DU 'GAL BAS SO SO BA YIN LA, 'DIR NI DRANG NGES GNYIS KYI BSHAD PA GZHUNG GCIG LA BYED PA'I PHYIR DANG, DRANG NGES SU 'JOG TSUL YANG MI MTHUN PA'I PHYIR RO, ,'O NA SPYOD BSDUS LAS, 'JA' TSON LTA BU'I SKU DAG NI, ,DE NYID BSGOMS PAS THOB PAR 'GYUR, ,ZHES SPYOD RGYUD RNAM SNANG MNGON BYANG NAS GSUNGS PAS 'DI SGYU LUS KYI SHES BYED DU DRANGS PA DANG, SGRON GSAL LAS KYANG RGYUD DER LHA'I SKU DAG PA DANG MA DAG PA GNYIS GSUNGS PA DAG MA DAG

, ,GI LHA'I RNAL 'BYOR GNYIS YOD PA'I SHES BYED DU DRANGS PAS RGYUD SDE 'OG MAR SBAS DON DANG MTHAR THUG GI BSHAD PA GNYIS MED PA MI 'THAD CING, YANG SGRON GSAL LAS, 'DI'I DON THEG PA CHEN PO'I MDO SDE LAS KYANG, DGONGS PAS BSHAD PAS STON TE, SKRA TZAM KHYON GCIG LA YANG SANGS RGYAS NI, ,RNAM MANG GANG G'A'I KLUNG GI BYE SNYED BZHUGS, ,ZHES BYA BA DANG, RDUL GCIG STENG NA RDUL SNYED SANGS RGYAS RNAMS, ,SANGS RGYAS SRAS KYI DBUS NA BZHUGS PA DAG ,CES BYA BA GSUNGS PAS LHA'I DE KHO NA NYID STON PA YIN TE, NGES PA'I DON TO, ,ZHES PHA ROL TU PHYIN PA'I MDO SDES KYANG ZUNG 'JUG GI LHA'I SKU STON PAR GSUNGS PA'I PHYIR DANG, DE YANG NGES DON DU BSHAD PAS DE DAG LA NGES DON GYI BSHAD PA DANG, TSUL BZHI'I MTHAR THUG GI DON BSHAD PA YANG YOD DE SNYAM NA, 'DI LA BRJOD PAR BYA STE, RNAM SNANG MNGON BYANG GI LUNG GIS DE KHO NA NYID KYI DON BSGOMS PAS 'JA' TSON LTA BU'I SKU 'GRUB PAR GSUNGS SHING, SGYU LUS KYANG 'JA' TSON LTA BU'I LUS YIN LA, DON DAM PA'I DE KHO NA NYID BSGOMS PAS THOB PA YANG YIN PA TZAM LA DGONGS NAS SGYU LUS KYI SKABS SU LUNG DE DRANGS PA YIN LA, DE TZAM GYIS LUNG DES SGYU LUS BSTAN PAR MI 'GYUR TE, DPER NA SGRA BYAS PA DE SGRA MI RTAG PA YIN KYANG SNGA MA BRJOD PA'I TSIG GIS PHYI MA BRJOD MI DGOS PA BZHIN NO, ,DE BZHIN DU SGRON GSAL DU DRANGS PAS KYANG LHA'I RNAL 'BYOR LA DAG MA DAG GNYIS SU BYED PA TZAM STON MDO KYANG, RDZOGS RIM ZUNG 'JUG GI SKU SKYED PA LUNG DES STON PAR MI BZHED DE, DE DAG NI PHA ROL

TU PHYIN PA'I THEG PA BA DANG, RGYUD SDE 'OG MA PA LA GSANG BAR BYA BA YIN PAR LAN DU MAR GSUNGS PA'I PHYIR RO, ,SKRA TZAM KHYON LA ZHES SOGS KYI MDO SDES ZUNG 'JUG GI SKU BSTAN PAR GSUNGS PA YANG SKRA RTZE TZAM GYI KHYON NA SANGS RGYAS GANGG'A'I KLUNG GI BYE MA'I GRANGS DANG MNYAM PAR BZHUGS PA RNAMS ZUNG 'JUG GI SKU BRNYES PA LA DGONGS PA YIN GYI, MDO SDES ZUNG 'JUG GI LHA'I SKU BSTAN PAR BZHED PA MIN TE, LE'U DGU PA'I SGRON GSAL LAS RDO RJE'I SKU SKYED PA THEG PA GZHAN DANG THUN MONG MA YIN PAR GSUNGS PA'I PHYIR RO, ,DES NA DE 'DRA BA'I RIGS SPYOD BSDUS SOGS LAS GSUNGS PA NI SNGAR BSHAD PA LTAR DANG, KHA CIG NI DON GYI PHYOGS MTHUN TZAM LUNG DU DRANGS PA YIN GYI, DE DAG GIS 'DI'I RDZOGS RIM RNAMS STON PAR BZHED PA MIN NO, ,DE BZHIN DU CHOS KYI DE NYID STON PA NA SGRA 'GAL BAS DON GZHAN STON PA DANG, SGRA DRANG THAD DU DE KHO NA NYID STON PA YANG THEG PA GZHAN DANG RGYUD SDE 'OG MA LA YOD MOD KYANG, MTHA' DRUG GI YA GYAL GYI DGONGS DGONGS MIN GYI BSHAD PA GNYIS MED DE, DE'I GTZO BO'I DON NI RGYUD 'DIR BSHAD PA LTAR MTHAR THUG TU BSHAD PA DE NYID YIN LA, DE LAS GZHAN PA'I DGONGS DGONGS MIN GYI BSHAD PA YANG, GZHAN DANG THUN MONG MA YIN PA'I DON RNAMS LA BSHAD SNANG BA'I PHYIR RO, ,SGRA JI BZHIN PA MA YIN PA'I BSHAD PA LA YANG GNYIS LAS, PHA ROL TU PHYIN PA LA SOGS PA NAS BSHAD PA'I SGRA JI BZHIN PA MA YIN PA NI, LUNG DE NAS JI LTAR BSHAD PA DE LTAR DU DON GZUNG DU MI RUNG BA YIN LA, MTHA' DRUG GI YA GYAL GYI SGRA JI BZHIN MA

, ,YIN PA NI, 'JIG RTEN PA DANG BSTAN BCOS LA GRAGS PA LTAR MED KYANG, DE BZHIN GSHEGS PAS BRDA MDZAD PA TZAM LA BZHAG PA YIN LA, DE NI NGAN SONG SBYONG RGYUD NAS KO t'A KHYI ? LA SOGS PA'I SGRAS PHYAG NA RDO RJE'I MTSAN BCU BSTAN PAR GSUNGS PAS, RGYUD SDE 'OG MA DANG YANG THUN MONG BA'O, ,GNYIS PA NI, MTHA' DRUG GI BSHAD PA 'JUG PA'I GZHUNG LA TSUL BZHI'I BSHAD PA RUNG NGAM MI RUNG SNYAM NA, 'DI LA PAndI TA SKAL LDAN GRAGS PA NI DE GNYIS SHIN TU THA DAD DO ZHES 'GAL BAR 'DOD MOD KYANG, MI 'THAD DE RTZA RGYUD LE'U GSUM PA LAS, RIN CHEN KHA DOG SNA LNGA PA, ,YUNGS KAR GYI NI 'BRU TSAD TZAM, ,SNA YI RTZE MOR NAN TAN DU, ,RNAL 'BYOR GYIS NI RTAG TU BSGOM, ,ZHES GSUNGS PA 'DI SGRON GSAL LAS TSUL BZHIS BSHAD PAR GSUNGS LA, SPYOD BSDUS LAS DRANG NGES GNYIS KYIS BSHAD PA'I PHYIR RO, ,DE'I PHYIR BLA MA RDOG LUGS PA RNAMS GZHUNG GCIG GIS BSHAD PA GCIG GAM GNYIS LAS MI STON NA MTHA' DRUG DANG, GSUM MAM BZHI STON NA TSUL BZHIS BSHAD PA YIN PAR GSUNG BA YANG MA NGES SO, ,'O NA TSUL BZHIS BSHAD DU RUNG BA THAMS CAD DRANG NGES GNYIS KYIS BSHAD PA DANG, DRANG NGES GNYIS KYIS BSHAD DU RUNG BA THAMS CAD KYANG TSUL BZHIS BSHAD PAS CHOG GAM MI CHOG SNYAM NA, LE'U DRUG PAR, SNA YI RTZE MOR YUNGS KAR BSAM, ,ZHES SOGS RKANG PA BZHI SGRON GSAL GYIS DRANG NGES GNYIS SU BSHAD PA NA, DRANG DON LA GZHI'I 'DOD CHAGS CHOS SBAS DANG, BSKYED RIM PA'I PHRA MO

SGOM PA GNYIS DANG, NGES DON LA RDOR BZLAS DANG, MA DAG PA'I SGYU MA DANG, DAG PA'I LHA'I DE KHO NA NYID BSHAD PAS, TSUL BZHI'I BSHAD PA RUNG BA RNAMS KYI DON LA DRANG NGES GNYIS SU BSDUS KYANG CHOG PAS, TSUL BZHI'I BSHAD PA 'JUG PA LA DRANG NGES GNYIS KYIS KYANG BSHAD DU RUNG BAR MNGON TE, 'ON KYANG SO SOR BSHAD PA NI DBYE BSDU'I DBANG DU MDZAD PA'O, ,DRANG NGES GNYIS KYIS BSHAD PA RUNG BA LA TSUL BZHIR BSHAD DU RUNG BA'I NGES PA MED DE, DRANG DON LA YIG SPYI GNYIS YOD MED DANG, NGES DON LA SBAS MTHA' GNYIS YOD MED CI RIGS SU 'GYUR BA'I PHYIR RO, ,TSUL BZHIS 'CHAD PA RNAMS BSDUS NA DRANG NGES GNYIS KYIS BSHAD DU RUNG BA 'DI LTAR BYAS NA, RGYUD 'DIR MTHAR THUG GI DON NYID DGONGS DGONGS MIN DANG, SGRA JI BZHIN PA'I DON YIG DON DU GSUNGS PA DANG, SGRON GSAL LAS, LE'U RE RE'I MTHAR MTHA' DRUG GI BSHAD PA'O, ,ZHES GSUNGS PA DANG, MTHA' DRUG GIS NI 'CHING BAS BCINGS PAS, ZHES GSUNGS PA DANG, BDE BAR GSHEGS GSUNG MCHOG TU PHRA BA RNAL 'BYOR RGYUD, ,MTHA' DRUG BRAL BAS NGES PAR RTOGS ZHES GANG SMRA BA, ZHES GSUNGS PA RNAMS KYANG LEGS PAR DRANGS PAR 'GYUR RO, ,TSUL BZHI DANG DRANG NGES KYI BSHAD PA GNYIS MI 'GAL NA, MTHA' DRUG GI LHAG MA BZHI DANG TSUL BZHI'I BSHAD PA 'GAL LAM MI 'GAL SNYAM NA, SNGAR DRANGS PA'I LE'U GSUM PA'I GZHUNG DE LA RIM LNGAR DGONGS BSHAD DU GSUNGS SHING, TSUL BZHIS KYANG BSHAD PAS NA, DGONGS BSHAD DANG TSUL BZHIR BSHAD PA GNYIS MI 'GAL LO, ,LE'U DRUG PA LAS, SNA YI RTZE MOR YUNGS KAR BSAM, ,ZHES SOGS GSUNGS PA RIM LNGAR DGONGS BSHAD DU GSUNGS

, ,LA, SGRON GSAL LAS DRANG NGES GNYIS KYIS BSHAD PAS NA, GZHUNG GCIG LA TSUL BZHI DANG DRANG NGES GNYIS DANG DGONGS BSHAD DE BSHAD PA BDUN RUNG BA YOD DO, ,DGONGS MIN DANG SGRA JI BZHIN PA YIN MIN GSUM LA TSUL BZHIR BSHAD PA YAB SRAS KYI GZHUNG NA MI GSAL LO, ,SGRA JI BZHIN PA NI LUGS GZHAN NAS LUNG DE NAS JI LTAR BSHAD PA BZHIN DU DON GZUNG DU RUNG BA LA BYED MOD KYANG, ,'DIR DE TZAM GYIS MI CHOG STE DNGOS ZIN GYI DON LAS DON GNYIS PA MED PA CIG LA GTZO BOR BSHAD DO,, RIM LNGA'I 'GREL PA NOR BU'I PHRENG BA LA SOGS PAR GZHUNG GCIG LA TSUL BZHI'I NANG TSAN GYI DBYE BA BRGYAD DANG, MTHA' DRUG STE BSHAD PA BCU BZHI BYED PA NI MI 'THAD DE, DGONGS DGONGS MIN DANG, SGRA JI BZHIN PA YIN MIN GNYIS GZHI GCIG LA 'DU BA 'GAL BA'I PHYIR RO, ,GSUM PA NI, MTHA' NI RTZE MO 'AM SGO STE, DRUG TU BZHAG PA NI, DRANG NGES GNYIS DON MTHA' DANG, DGONGS DGONGS MIN GNYIS SGRA MTHA' DANG, SGRA JI BZHIN PA YIN MIN GNYIS SGRA DON GNYIS KA'I MTHA' LA BRTEN PA'O ZHES BOD KYI MKHAS PA RNAMS GSUNG NGO, ,DE LA DANG PO GNYIS NI, SGRON GSAL LAS, SKAL NGAN RNAMS LA RGYAL BA YIS, ,SBAS TE BSHAD PA DRANG BA'I DON, ,YANG DAG DON NI RAB STON PHYIR, ,NGES PA'I DON YANG GSUNGS PA YIN, ZHES GSUNGS PA LTAR SHES PAR BYA STE, DPER NA SNA'I RTZE MOR YUNGS KAR GYI TSAD TZAM GYI RIN CHEN KHA DOG SNA LNGA PA BSGOM PAR GSUNGS PA 'DIS, KHA DOG SNA LNGA'I RLUNG LDANG 'JUG GSUM YI GE GSUM DANG DBYER MED PAR SBYOR BA'I RDO RJE BZLAS PA SGOM PA DNGOS SU MI MNGON PAR SRAS NAS

DNGOS ZIN LA STENG GI SNA RTZER RDO RJE LA SOGS PA'I PHYAG MTSAN RNAM PA LNGA BSGOM PAR BSHAD PA LTA BU'O, ,DE LA PHYAG MTSAN BSGOM PA NI DRANG DON DANG, RLUNG SGOM PA NI YANG DAG PA'I DON NGES DON NO, ,GZHUNG DE'I DNGOS ZIN GYI DON DE LAS DA DUNG YANG DAG PA'I DON GZHAN DRANG DU YOD PAS DRANG DON ZHES BYA LA, DON GZHAN DU DRANGS PA DE LAS SLAR YANG DON GZHAN DRANG DU MED CING, DAR NGES PAS NGES PA'I DON NO, ,GZHUNG GCIG LA DNGOS ZIN GYI DON DE LAS GZHAN PA'I DON GNYIS BYAS NAS DRANG NGES KYI BSHAD PA BYA DGOS PAS DRANG NGES KYI BSHAD PA GNYIS NI DON SO SO BAR NGES LA GZHUNG NI GCIG TU NGES SO, ,SKAL NGAN RNAMS LA ZHES PA NI DRANG DON DU BSHAD PA'I BSKYED RIM LTA BU DE SKAL NGAN KHO NA LA BSHAD PAR STEN PA MIN TE, RIN PO CHE LTA BUS KYANG BSKYED RIM SGOM DGOS PAS, DE LA'ANG BSHAD DGOS PA'I PHYIR RO, ,DES NA NGES DON MI MNGON PAR SBAS PA DE SKAL NGAN LA SBAS ZHES PA'I DON NO, ,'DIS NI 'DUS PAR RDZOGS RIM PHAL CHER MI MNGON PAR SBAS TE RGYAS BTAB NAS GSUNGS PA NI SKAL NGAN LA GSUNGS PA YIN PAR BSTAN TO, ,DE LTA YIN NA SKAL BZANG LA MI SBED CES PAR 'GYUR LA 'DUS PA'I GDUL BYA'I GTZO BO YANG SKAL BZANG YIN PAS DE'I DBANG DU BYAS NAS, NGES DON GSAL BAR STON DGOS PA LA, DE LTAR MI 'CHAD PAR SKAL NGAN GYI DBANG DU BYAS NAS SBAS TE STON PA MI RIGS SO ZHE NA SKYON MED DE SKAL NGAN LA NGES DON SBAS PA YIN KYANG, SKAL NGAN KHO NA'I DBANG DU BYAS NAS SBAS PA MIN PA'I PHYIR RO, ,'DI LTAR RTZA BA'I RGYUD DU SKAL BZANG GI DBANG DU BYAS NAS SHIN TU GSAL BAR STON DGOS NA, BSHAD PA'I RGYUD

, ,DON MED PAR 'GYUR RO, ,'O NA RTZA RGYUD DU GSAL BAR BSTAN PAS CHO GA BZHIN DU DE LTAR MI STON PAR BSHAD RGYUD DU STON PA CI YIN ZHE NA, RTZA BA'I RGYUD DU RGYAS BTAB NAS MI GSAL BAR STON PA DANG, DE BSHAD RGYUD LA RAG LAS PA DANG, DE YANG RTZA BSHAD PHYIN CI MA LOG PAR SBYAR NAS STON SHES PA'I BLA MA LA RAG LAS PAR MDZAD PA NI, SLOB DPON LEGS PAR BSNYEN BKUR BA MED PAR RGYUD LA RANG DGAR 'JUG PA DGAG PA'I PHYIR YIN TE, BLA MA YUN RING POR SGO THAMS CAD NAS MNYES PAR BYED PA NI THEG PA 'DI LA DNGOS GRUB KYI RTZA BA YIN PA'I PHYIR RO, ,DRANG NGES NI GZHUNG GCIG DRANG DON DANG NGES DON GNYIS KAR MI BYA YI GZHUNG GCIG GI DON LA DRANG NGES GNYIS SU BSHAD DU RUNG BA LA BYA'O, ,DGONGS PA DANG DGONGS MIN NI SGRON GSAL LAS, MCHOG 'DOD SEMS CAN RNAMS KYI PHYIR, ,CHOS KYI DE NYID RAB STON PA, ,'GAL BA'I TSIG GI SBYOR BA YIS, ,GSUNGS PA GANG YIN DGONGS BSHAD DE, ,DBANG PO DMAN PA'I SEMS CAN RNAMS, ,RTOGS PHYIR MCHOG TU GSAL BA YIS, ,DE NYID NGES PAR STON PA NI, ,DGONGS PA MIN PAS BSHAD PA'O, ,ZHES GSUNGS PA LTAR SHES PAR BYA STE, BSTAN BYA'I DON DE KHO NA NYID DU MTSUNGS PA LA, MCHOG GI DNGOS GRUB 'DOD PA'I SEMS CAN DBANG PO RNON PO'I DBANG DU MDZAD NAS DON DE LA SGRA DE 'GAL BA'I TSIG GIS GSUNGS PA NI DGONGS BSHAD DANG, GSANG BA'I SNOD DU RUNG BA'I SEMS CAN DBANG PO RTUL PO'I DBANG DU MDZAD NAS, SGRA DRANG THAD DU GSAL POR BSTAN PA NI DGONGS PA MIN PAS BSHAD PA'O, ,CHOS KYI DE NYID NI RGYUD 'DI LAS, MTHAR THUG PAR BSHAD PA DE NYID, ,CES 'OD GSAL

DANG ZUNG 'JUG LA GSUNGS PA NI GTZO BO'I DON LA DGONGS KYI DON DER NGES PA NI MIN TE, LE'U DANG PO'I 'GREL PA LAS, 'DUS PA'I DON DE BZHIN GSHEGS PA RNAMS KYIS KYANG MI SHES NA, BYANG CHUB SEMS DPA' RNAMS KYIS LTA CI SMOS, ZHES GSUNGS PA'I SNGA MA RIN PO CHE LTA BU'I GANG ZAG DANG PHYI MA TZAN DAN LTA BU LA SOGS PA LA BYAS NAS DE DGONGS BSHAD DU GSUNGS PA DANG, LE'U BCU GNYIS PA'I 'GREL PAR SBYOR BA YAN LAG DRUG DGONGS BSHAD DU GSUNGS PA DANG, LE'U BDUN PAR RIG MA 'DU BYA BA DANG RDO RJE DANG PAD MA 'DU BYA BA YANG DGONGS MIN DU GSUNGS PAS SO, ,DES NA DGONGS BSHAD DANG DGONGS MIN GYI DON NI BDE STONG SBYAR BA DANG MA SBYAR BA'I DE KHO NA NYID DU YANG MA NGES SO, ,'O NA SNGAR SKAL NGAN LA NGES DON SBAS PAR GSUNGS PA DANG, 'DIR DBANG PO DMAN PA'I DBANG DU MDZAD NAS DE KHO NA NYID KYI DON GSAL BAR STON PA'I DGONGS MIN BZHAG PA GNYIS 'GAL LO SNYAM NA, SNGAR GYI SKAL NGAN NI TSE DE LA RDZOGS RIM KHYAD PAR CAN RNAMS SKYE BA'I SKAL BA MED PA YIN LA, 'DI'I DBANG PO DMAN PA NI DBANG PO RTUL YANG RDZOGS RIM KHYAD PAR CAN MANG PO SKYE BA'I SKAL BA YOD PAS, DE'I SGO NAS KYANG KHYAD PAR YOD LA, YANG SNGAR GYI NGES DON SBAS PA NI GZHUNG GCIG GIS DRANG NGES KYI DON GNYIS KA STON PA NA DNGOS ZIN DRANG DON YIN PAS SBAS PA YIN LA, 'DIR NI GZHUNG GCIG LA DON GNYIS MED PA'I MA SBAS PA YIN PAS KHYAD PAR CHE'O, ,DGONGS BSHAD MDZAD PA RNAMS LA'ANG SGRA 'GAL BA SHAS CHE BA DANG GTZO BO YIN PAS DE LTAR BSHAD KYI, GZHUNG DE LA SGRA DRANG THAD DU GSAL BAR STON PA MED PA NI MIN NO, ,RIGS PA 'DI DGONGS MIN LA YANG SHES

, ,PAR BYA STE, SGRON GSAL ZHIB TU BLTAS PA LAS SHES PAR BYA'O, ,SGRA JI BZHIN PA YIN MIN NI, SGRON GSAL LAS, DKYIL 'KHOR SOGS DANG RTOG PA LA, ,SPYOD PA JI LTA JI LTAR GSUNGS, ,DON RGYAS BSHAD PA GANG YIN PA, ,DE NI JI BZHIN SGRAR GSUNGS SO, ,KO tA KHYA LA SOGS PA'I SGRA, ,'JIG RTEN BSTAN BCOS LA MED CING, ,DE BZHIN GSHEGS PA'I BRDAR GYUR PA, ,DE NI JI BZHIN MIN PAR BSGRAGS, ,ZHES GSUNGS PA LTAR SHES PAR BYA STE, RGYUD SDE 'OG MA GSUM DU DON GSAL BAR GSUNGS PA LA SOGS PA NI JI LTAR BSHAD PA'I DON LAS DON GZHAN GNYIS PA MED PAS SGRA JI BZHIN PA'O, ,'DI YANG PHAL CHE BAS YIN GYI, MA NGES PA 'GA' RE NI SNANG NGO, ,'JIG RTEN PA DANG SGRA'I BSTAN BCOS LA MING DE DON DE LA 'JUG PA MED KYANG, DE BZHIN GSHEGS PAS MING DE DON DE LA GLO BUR DU BRDA MDZAD NAS BZHAG PA KO tA KHYA LA SOGS PA RNAMS NI SGRA JI BZHIN MA YIN PA'O, ,'DI DANG DGONGS BSHAD GNYIS MI 'GAL LO, ,'O NA DGONGS MIN DANG SGRA JI BZHIN PA GNYIS 'GAL LAM MI 'GAL SNYAM NA, DGONGS MIN NI GTZO CHER DE KHO NA NYID KYI DON STON PA DANG, SGRA JI BZHIN PA NI DE MI GTZO BA'I KHYAD PAR YOD KYANG 'GAL BA MED PAR SEMS SO, ,GNYIS PA NI, BCOM LDAN 'DAS KYIS LAN BKA' STZAL PA, DGONGS PAS BSHAD PA DANG ZHES SOGS SO, ,GNYIS PA LA GNYIS, ZHU BA, LAN NO, ,DANG PO NI, BYAMS PAS GSOL PA, STON PAS GDUL BYA LA THUGS BRTZE BA NYE BAR BZHAG STE, BCOM LDAN 'DAS MTHA' DRUG GI TSIG RE RE'I BSHAD PA BSTAN DU GSOL ZHES ZHUS SO, ,

GNYIS PA LA GSUM, DGONGS PA DANG DGONGS MIN GYI DON BSHAD PA, DRANG BA DANG NGES PA'I DON BSHAD PA, SGRA JI BZHIN PA DANG JI BZHIN PA MA YIN PA'I DON BSHAD PA'O, ,DANG PO NI, BCOM LDAN 'DAS KYIS LAN BKA' STZAL PA, DON GANG MTHAR THUG PAR BSHAD PA 'OD GSAL LAM ZUNG 'JUG DGONGS PAS BSHAD PA NI DGONGS PAS BSHAD PA STE, DE NI 'DI LTA STE, SNANG BA GSUM RNAM PAR DAG PA'I DON 'OD GSAL STON PA NA, 'DOD CHAGS MA YIN PA DANG, 'DOD CHAGS DANG BRAL BA MA YIN PA DANG, CHAGS PA BAR MA NYE BAR MI DMIGS PA ZHES BYA BA LA SOGS PA SNANG BA GSUM LA SGRA 'GAL BA'I TSIG GIS BSTAN ZHING DE BKAG PAS, 'OD GSAL STON PA LA SOGS PA'I RDO RJE'I TSIG RNAMS NI DGONGS PAS BSHAD PA'O, ,DON 'OD GSAL STON PA NA DON GYI 'OD GSAL MNGON DU BYAS PA'I DON LUS DANG NGAG DANG YID KYI SNANG BA MED PA DANG CHOS KYI BDAG MED PA DANG, THAMS CAD STONG PA DANG, RANG BZHIN GYIS RNAM PAR DAG PA DANG, DE'I PHYIR NA 'OD GSAL BA ZHES BYA BA LA SOGS PA SGRA DRANG THAD DU GSAL POR BSTAN PA'I RDO RJE'I TSIG RNAMS NI DGONGS PA MA YIN PAS BSHAD PA'O, ,'DI GNYIS KYI DON 'DIR BSHAD PA LTAR MA NGES PA NI SNGAR BSHAD ZIN PAS SKAL LDAN GRAGS PA LA SOGS PAS NGES PAR 'DOD MOD KYANG MI 'THAD DO, ,GNYIS PA NI, KHU BA LA SOGS PA'I DON GNYIS PA YANG BSTAN PAR BZHED KYANG DNGOS ZIN LA GA BUR DANG, KHRAG CHEN PO DANG, TZAN DAN DMAR PO DANG, RDO RJE DANG, PADMA DANG, PHYAG RGYA ZHES BYA BA LA SOGS PA'I GSANG SNGAGS KYI GZHUNG GI RDO RJE'I TSIG RNAMS KYI DNGOS ZIN GYI DON NI, DA DUNG DON MI MTHUN

, ,PA GNYIS PA CIG DRANG DU YOD PAS DRANG PA'I DON TO, ,GZHUNG GCIG PU DE NYID KYI GA PUR ZHES PA'I DON GNYIS PA NI, SMAN GA PUR LAS GZHAN PA'I KHU BA DANG, KHRAG CHEN PO'I DON GNYIS PA NI MI'I KHRAG PHAL PA LAS GZHAN PA'I ZLA MTSAN GYI KHRAG DANG, TZAN DAN DMAR PO'I DON GNYIS PA NI SMAN TZAN DAN DMAR PO LAS GZHAN PA DE'I KHU BA DANG BSRES PA'I BUD MED KYI RAKTA'O, ,RDO RJE ZHES PA'I DON GNYIS PA NI RTZE LNGA PA LA SOGS PA'I RDO RJE LAS GZHAN PA'I SKYES PA'I MTSAN MA STE THABS SO, ,PAD MA ZHES PA'I DON GNYIS PA NI 'DAB MA BRGYAD PA LA SOGS PA'I ME TOG LAS GZHAN PA'I BUD MED KYI BHA GA MTSAN MA STE SHES RAB BO, ,PHYAG RGYA ZHES PA'I DON GNYIS PA NI LAG PA'I PHYAG RGYA LA SOGS LAS GZHAN PA'I BTZUN MO ZHES BYA BA LA SOGS PA'I RDO RJE'I TSIG RNAMS KYI DON NI NGES PA'I DON TO, ,DES NA SKAL LDAN GRAGS PA LA SOGS PAS DRANG DON GYIS RDZOGS RIM BKAG PA'I BSKYED RIM TZAM ZHIG STON ZHES PA DANG, NGES DON GYIS STONG NYID STON GYI RDZOGS RIM STON PA'I NGES PA MED ZER BA NI MA NGES PA YIN NO, ,DRANG NGES KYI DON DE 'DRA BA NI RE RE YANG BSKYED RDZOGS GNYIS KA'I YAN LAG TU 'GYUR BAS RIM PA RE RE'I YAN LAG TU MA NGES SO, ,GSUM PA NI, NANG GI TING NGE 'DZIN DANG PHYI'I BYA BA LA SOGS PA'I CHA GNYIS KA STON PA RNAL 'BYOR GYI RGYUD DANG, PHYI NANG GI KUN SPYOD CHA MNYAM PAR STON PA SPYOD PA'I RGYUD DANG, PHYI'I BYA BA SHAS CHER STON PA BYA BA'I RGYUD RNAMS SU SNGAGS DANG PHYAG RGYA LA SOGS PA DON GSAL BA STE SGRA DRANG THAD DU GSUNGS PA NI SGRA JI BZHIN PA STE, DE NI 'DI LTA STE, THIG TSON GYIS DKYIL 'KHOR BRI BA

SOGS DANG, LHA NYER SPYOD SOGS KYIS MCHOD PA SOGS KYI MCHOD SBYIN DANG, GTOR MA'I CHO GA DANG, SMAN GYI SBYOR BA RNAMS DANG, ZHI BA DANG, SOGS PA'I RGYAS PA DANG DBANG DANG DRAG PO LA SOGS PA'I LAS KYI TSOGS RNAMS DANG, DE BZHIN DU 'JIG RTEN PA'I DNGOS GRUB CHEN PO BRGYAD KYI SGRUB PA GSUNGS PA RNAMS NI DNGOS ZIN GYI DON LAS DON MI MTHUN PA GZHAN GNYIS PA MED PAS SGRA JI BZHIN PA STE, SGRA JI BZHIN PA'I DON 'DI NI TSUL BZHI'I YI GE'I DON GYI BSHAD PA YANG YIN NO, ,SGRA JI BZHIN PA LA RGYUD SDE 'OG MA GSUM GSUNGS PAS NI, RNAL 'BYOR BLA MED KYI RGYUD LA SGRA JI BZHIN PAR BSHAD PA MED PAR STON PA MA YIN PAS, BLA MED KYI'ANG LAS TSOGS SOGS SGRA JI BZHIN PAR BSHAD PAR GZUNG NGO, ,'ON KYANG, LE'U BZHI PA'I THUGS KYI DKYIL 'KHOR LA NGES DON GYI BSHAD PA DGONGS PA LUNG STON LAS GSUNGS PA DANG, NYER SPYOD KYI MCHOD PA LA NGES DON GYI BSHAD PA RDO RJE PHRENG BAR GSUNGS PA SOGS MANG BAS, DE RNAMS SGRA JI BZHIN PAR GSUNGS PA NI PHAL CHE BA'I DBANG DU MDZAD PA'O, ,SGRA JI BZHIN PAS PHYI'I SPYOD PA TZAM STON GYI GZHAN STON MI NUS ZHES SKAL LDAN GRAGS PA SOGS SMRA BA NI MI 'THAD DE, LE'U GNYIS PA'I RMAD DU BYUNG BA'I BSTOD PAS BDEN GNYIS SO SO BA DANG, ZUNG 'JUG GI RDZOGS RIM BSTAN PA RNAMS 'GREL PAS SGRA JI BZHIN PAR BSHAD PA'I PHYIR RO, ,KO t'A KHYA, KO t'A WA, KO t'A, KO t'A WA SHTZA, KO t'A RA GA ,KO LA KHYA, KO LA WA, KO LA, KO LA WA SHTZA, KO LA STA THA ZHES PA 'DIS DBANG PO LNGA DANG YUL LNGA GSUNGS TE, DE LTA BU LA SOGS PA 'JIG RTEN PA DANG

, ,SGRA'I BSTAN BCOS LA MING DE DON DE'I DNGOS KYI MING DU 'JUG PAR MA GRAGS KYANG, STON PAS DE LTAR BRDA MDZAD PA'I RDO RJE'I TSIG RNAMS NI SGRA DE DON DE LA 'JUG PAR MA GRAGS PAS NA SGRA JI BZHIN MA YIN PAS BSHAD PA'O,, BRDA BCU PO DES RLUNG BCU BSTAN PAR SANGS RGYAS MNYAM SBYOR LAS GSUNGS SO, ,SKAL LDAN GRAGS PAS SGRA JI BZHIN MA YIN PAS BRDA TZAM STON GYI BSKYED RDZOGS GANG YANG STON MI NUS ZHES ZER MOD KYANG, DE'I NGES PA YANG MI SNANG NGO, ,GNYIS PA BSHAD PAR BYA BA RGYUD KYI RNAM GZHAG LA GSUM, RGYUD SDE LNGA'I GZHUNG GI GRANGS, GZHUNG DE RNAMS KYI MING GI MTHA', MING CAN GYI RGYUD KYI DON BSHAD PA'O, ,DANG PO LA GNYIS, ZHU BA, LAN NO, ,DANG PO NI, BYANG CHUB SEMS DPA' CHEN PO RNAMS KYIS GSOL BA, BCOM LDAN 'DAS BLA NA MED PA'I RNAL 'BYOR GYI RGYUD DANG, NANG GI TING NGE 'DZIN SHAS CHE ZHING PHYI'I BYA BA SHAS CHUNG BA'I TSUL GYIS STON PA'I GNYIS KA'I RGYUD DANG, DE GNYIS CHA MNYAM POR STON PA'I SPYOD PA'I RGYUD DANG, DE GNYIS PHYI'I BYA BA SHAS CHE ZHING GTZO CHER MCHOG SGRUB PA'I TSUL STON PA'I BYA BA'I RGYUD DANG, GTZO CHER THUN MONG GI DNGOS GRUB SGRUB PA GTZO BOR STON PA'I RTOG PA'I RGYUD RNAMS KYI GZHUNG GI TSAD JI LTAR LAGS ZHES ZHUS SO, ,SKABS 'DIR RGYUD SDE LNGA'I RNAM GZHAG STON PA NI, SNGAR SGRA JI BZHIN PA'I SKABS SU RGYUD SDE GSUM GSUNGS PAS, MTHA' DRUG GI BSHAD PA TSANG BA DANG PHYOGS RE 'JUG PA'I GZHIR RGYUD SDE LNGA KA GZUNG DU RUNG BA LA 'PHROS NAS GSUNGS SO, ,GNYIS

PA NI, BCOM LDAN 'DAS KYIS LAN BKA' STZAL PA, BLA NA MED PA'I RNAL 'BYOR CHEN PO'I RGYUD KYI MING GI GTZO BO LA STONG PHRAG BCU GNYIS ZHES BYA STE, RGYUD KYI MING GI GSAL BA'I DBYE BA RGYAS PAR BYA NA GRANGS MED DO, ,DE DAG KYANG SHO LO KA'I GRANGS MIN GYI RGYUD KYI GZHUNG SO SO'I GRANGS YIN TE, BYA RGYUD LA STONG PHRAG BZHI LAS MA GSUNGS PA LA, DON YOD ZHAGS PA'I CHO GA ZHIB MO DA LTA 'GYUR BA LA STONG PHRAG BRGYAD YOD PAR BSHAD PA'I PHYIR RO, ,RGYUD 'DIR RNAL 'BYOR CHEN PO'I RGYUD KYI TSAD GSUNGS PA NI THABS RGYUD KYI YIN ZHES KHA CIG GSUNG MOD KYANG, THABS SHES KYI RGYUD GNYIS KA'I THUN MONG BAR GSAL TE, RNAL 'BYOR CHEN PO'I RGYUD DON BSHAD PA RGYUD GNYIS KA'I THUN MONG BAR SNANG BA'I PHYIR RO, ,SDOM 'BYUNG LAS, RNAL 'BYOR RGYUD RNAMS KYI NI TSAD, ,BYE BA PHRAG NI DRUG TU NGES, ,DE BZHIN RNAL 'BYOR MA RGYUD GRANGS, ,BYE BA PHRAG NI BCU DRUG GRAGS, ,ZHES GSUNGS SHING, SANGS RGYAS THONG PAR YANG DE DANG 'DRA BAR GSUNGS PA YANG RGYUD 'DI LTAR NA RGYUD GNYIS KYI GSAL BA'I DBYE BA THAMS CAD KYI GRANGS MIN PAR GSAL LO, ,GNYIS KA'I RGYUD KYI MING NI STONG PHRAG DRUG GO ,SPYOD PA'I RGYUD KYI MING NI STONG PHRAG BRGYAD DO, ,BYA BA'I RGYUD KYI MING NI STONG PHRAG BZHI'O, ,RTOG PA'I RGYUD KYI MING NI STONG PHRAG BZHI'O, ,DE DAG GI MING GCIG TU BSDOMS NA STONG PHRAG SUM CU RTZA BZHI'O, ,BYA BA'I RGYUD LA MCHOG DANG THUN MONG SGRUB PA GTZO BOR STON PA'I DBYE BAS BYA BA DANG RTOG PA'I RGYUD CES GNYIS SU PHYE BA TZAM YIN PAS, PHYOGS GZHAN NAS RGYUD SDE BZHIR BSDUS PA DANG MI 'GAL LO, ,GNYIS PA NI, RGYUD DANG RTOG PA'I MING GI MTHA' MA'I YI GE JI SNYED PA NI, KA KHA GA GHA NGA, TZA TSA DZA DZHA NYA, tA thA

, ,dA dHA nA, TA THA DA DHA NA, PA PHA BA BHA MA, YA RA LA WA, SHA shA SA HA STE 'DI RNAMS NI RGYUD SDE'I MING GI YI GE THA MA RNAMS SO, ,DPE KHA CIG LAS KshA 'BYUNG BA NI STONG PHRAG SO BZHI'I GRANGS DANG 'GRIG PA LTAR SNANG YANG SGRON GSAL LAS, JI SRID YA RA LA HA'I BAR, ZHES GSUNGS PAS KshA MED PA DAG PAR MNGON NO, ,SPYOD BSDUS SU YANG GSAL BYED BGRANGS PA NA KshA YIG MA BYUNG STE, DE NI KA DANG shA BRTZEGS PA YIN PAS LOGS PA MED PA LA DGONGS SO, ,DE RNAMS KYI MTHA' CAN NI DPER NA DZNY'A NA BADZRAS MUTZTSA YA ZHES PA YE SHES RDO RJE KUN LAS BTUS PA YA'I MTHA' CAN DANG, BADZRA M'A LA ZHES PA RDO RJE 'PHRENG BA LA'I MTHA' CAN LTA BU STE, DE 'DRA BA STONG PHRAG BCU GNYIS LA SOGS PA'O, ,SGRON GSAL LAS KYANG, JI SRID YA RA LA HA'I BAR, ,KA KHA GHA MTHA' nA DZA'I MTHA', ,DA DHA'I MTHA' DANG MA MTHAR BCAS, ,DE DE'I RTZA BA YI GE GSUM, ,ZHES GSUNGS TE, GSAL BYED KYI MTHA' CAN GYIS NI DBYANGS KYI MTHA' CAN GYI RGYUD RNAMS KYANG MTSON PA YIN NO, ,DE DE'I RTZA BA YI GE GSUM, ZHES PA NI, RGYUD SDE BZHI PO THAMS CAD KYI RTZA BA 'DUS PA YIN PAR STON LA, YI GE GSUM NI BOD KYI MKHAS PA RNAMS SA MA DZA ZHES PA LA BZHED LA, N'A RO PA LA SOGS PAS AOm A'A: H'Um LA BZHED DO, ,DE NI RGYUD PHYI MA LAS GSANG BA 'DUS PA ZHES PA'I 'DU RGYU'I GSANG BA NI SKU GSUNG THUGS GSUM LA BSHAD PAS, AOm A'A: H'Um GSUM LA BYED NA 'DU RGYU'I GSANG BA GSUM LA BYA LA, SA MA DZA LA BYED NA, DE GSUM 'DUS PA LA BYA STE DON GCIG TU BYA'O, ,DE LTA MA YIN PAR RDO RJE GSUM DU RGYUD SDE RNAMS KYI DON 'DU BA TZAM LA BSHAD NA SKABS DON STOR BAR 'GYUR TE, 'DI NI 'DUS

PA RGYUD SDE KUN GYI RTZA BAR STON PA'I SKABS YIN PA'I PHYIR RO, ,RTZA BA'I DON NI DPER NA, SHING SDONG PO'I RTZA BA LAS YAL GA DANG LO MA SOGS GYES PAS, DE RNAMS DER 'DU BA BZHIN DU, 'DUS PA'I LAM DU RGYUD SDE KUN GYI LAM RNAMS 'DU BAS 'DUS PA RTZA BAR GSUNGS SO, ,'DUS TSUL NI RGYUD SDE KUN GYI DON MDOR BSDU NA MCHOG DANG THUN MONG SGRUB PA GNYIS SU 'DU LA, DE GNYIS SGRUB PA'I GNAD RNAMS YONGS SU RDZOGS PAR RGYUD 'DIS STON PA'O, ,DE BZHIN DU MDO SDE'I CHOS PHUNG BRGYAD KHRI BZHI STONG GI DON RNAMS THAR PA DANG THAMS CAD MKHYEN PA SGRUB PAR 'DU LA, DE'I LAM GYI GNAD THAMS CAD KYANG 'DI NAS STON PAS MDO SDE KUN GYI'ANG SNOD DU GSUNGS TE, SGRON GSAL LAS, THUB PA CHEN POS CHOS PHUNG PO, ,BRGYAD KHRI BZHI STONG GSUNGS PA YI, ,DPAL LDAN 'DUS 'DI SNOD YIN TE, ,DE BAS DE NI RGYUD KYI RTZE, ZHES GSUNGS SO, ,DE NYID KYI PHYIR NA RGYUD 'DI LA SHIN TU NGO MTSAR BA'I BSNGAGS PA MANG DU GSUNGS TE, DGRA NAG GI RGYUD LAS, RGYUD KYI MTHAR THUG 'DUS PA STE, MA BYUNG 'BYUNG BAR MI 'GYUR RO, ,ZHES DANG, 'JAM DPAL GYI ZHAL GYI LUNG LAS KYANG, SANGS RGYAS KUN GYI 'DUS PA'I RGYUD, ,GSANG CHEN GSANG BA CHES GSANG BA, ,GONG NA MED PA'I LUNG CHEN PO, ,ZHES DANG, GSANG BA GRUB PA LAS KYANG, DPAL LDAN 'DUS LAS MCHOG GZHAN MED, 'JIG RTEN GSUM GYI RIN ? 'GYUR, SNYING PO LAS NI SNYING PO MCHOG ,RGYUD KUN GYI NI BLA MA'I BLA, ,BSTAN DANG BSHAD PAS RNAM GNAS NA, ,RDZOGS PA'I RNAL 'BYOR RIM PA NYID, ,'DUS PA GANG GIS MI SHES PA, ,DE YIS DNGOS GRUB JI LTAR THOB, ,THE TSOM THAMS CAD GCOD BYED CING, ,MI SHES RAB RIB SEL

, ,BYED PA, ,SANGS RGYAS RIN CHEN ZA MA TOG ,DPAL LDAN 'DUS PA YONGS SPANGS NAS, ,RNAM RTAG DU MAS BRTAGS PA YI, ,RMONGS PA DNGOS GRUB 'DOD GYUR PA, ,MKHA' LA KHU TSUR BRDEG PA DANG, ,SMIG RGYU'I CHU LA 'THUNG BA BZHIN, ,ZHES GSUNGS SO, ,DE LTAR KA KHA GA GHA LA SOGS PA'I YI GE'I MTHA' CAN GYI RGYUD SDE KUN GYI RTZA BA YIN PAR BSTAN PA NI, YE SHES RDO RJE KUN LAS BTUS KYI DGONGS PA YIN LA, CHOS PHUNG BRGYAD KHRI BZHI STONG GI MDO SDE KUN GYI SNOD DU GYUR PA NI BSHAD RGYUD RDO RJE PHRENG BA'I DGONGS PA'O, ,GSUM PA LA GNYIS, ZHU BA, LAN NO, ,DANG PO NI, BYANG CHUB SEMS DPA' CHEN PO RNAMS KYIS GSOL PA, BCOM LDAN 'DAS ZHES BOS NAS RGYUD LNGA PO DE RNAMS KYI THABS GANG GIS BSGRUB BYA SGRUB PA'I BYED PA DANG, RGYUD DON GTAN LA 'BEBS PA'I CHO GA STE THABS DANG, BSGRUB PAR BYA BA'I 'BRAS BU DANG, SGRUB PA PO'I RTEN DE RNAMS GANG LAGS ZHES ZHUS SO, ,GNYIS PA LA LNGA, RNAL 'BYOR CHEN PO'I RGYUD KYI DON, GNYIS KA'I RGYUD KYI DON, SPYOD PA'I RGYUD KYI DON, BYA BA'I RGYUD KYI DON, RTOG PA'I RGYUD KYI DON BSHAD PA'O, ,DANG PO NI, BCOM LDAN 'DAS KYIS LAN BKA' STZAL PA, DON DAM PA'I BDEN PA 'OD GSAL BA LAS BDAG BYIN GYIS BRLAB PA DAG PA'I SGYU MA'I SKU'I RIM GYIS LANGS TE, BTZUN MO'I 'KHOR GYI DBUS SU YANG DAG PAR BZHUGS ZHES TSIG RNAM PAR SBYAR RO, ,SKU'I CHA LUGS JI 'DRA BA ZHE NA, CHAGS PA DANG BRAL BA'I GZUGS SPANGS NAS, CHAGS CAN LTAR SNANG BA'I 'KHOR LOS SGYUR BA'I GZUGS KYIS SO, ,BYA BA CI ZHIG MDZAD BAS BZHUGS SHE NA, BTZUN MO'I BHA GA LA ROL BA'I TSUL GYIS SO, ,DE

LTAR MDZAD PA'I DGOS PA NI, 'DOD YON LA CHAGS PA LAM DU BYAS PA LAS BYUNG BA'I BYANG CHUB KYI GNAS TE GO 'PHANG 'THOB PA RAB TU BSTAN PA'I PHYIR DU STE 'DI NI BSGRUB BYA'O, ,DE YANG BDE BA CHEN POS DE KHO NA NYID NGES PA'I BDE STONG DBYER MED KYI TING NGE 'DZIN GYIS GO 'PHANG DE SGRUB PAR BYED PA YIN TE 'DI NI BYED PA'O, ,BGRONG BYA MIN PA LA BGROD PA LA SOGS PA 'JIG RTEN GYI SPYOD PA DANG 'GAL BA RMAD DU BYUNG BA'I RDO RJE'I TSIG RNAMS KYI DON MTHA' DRUG GANG GIS RAB TU DPYOD PAR BYED PA NI CHO GA'O, ,MTHA' DRUG GIS RGYUD DON DPYAD DA RTEN DES BSGRUB PAR BYA BA SGRUB PAR BYED PA NI SGRUB PA PO'O, ,DE 'DRA BA DE NI BLA NA MED PA'I RNAL 'BYOR GYI RGYUD LA GNAS SO, ,GNYIS PA NI, RIG PA'I LHA MO RNAMS KYIS YONGS SU BSKOR TE DE RNAMS DANG LHAN CIG DKYIL 'KHOR GYI 'KHOR LO DGOD PA STE BKOD PA'I GO 'PHANG NI BSGRUB PAR BYA BA'O, ,DKYIL 'KHOR BKOD PA DE LA DMIGS PA LAS BYUNG BA'I LHA'I RNAL 'BYOR NI BYED PA'I LAS SO, ,BSGRUB PAR BYA BA LA SOGS PA RNAM PA BZHI LAS BRTZAMS PA'I DE KHO NA NYID RNAM PA BCU RAB TU DPYOD PAR BYED PA NI CHO GA'O, ,DE NYID BCU NI, RDO RJE SNYING PO RGYAN GYI RGYUD LAS, DKYIL 'KHOR TING 'DZIN PHYAG RGYA DANG, ,STANG STABS 'DUG STANGS BZLAS BRJOD DANG, ,SBYIN SREG MCHOD PA LAS SBYOR DANG, ,SLAR SDUD PA YI RNAM PA NI, ,PHYI YI DE NYID BCU YIN NO, ,ZHES PHYI'I DE NYID BCU GSUNGS PA NI, 'DIR GNYIS KA'I RGYUD CES GSUNGS PA RNAL 'BYOR RGYUD KYI YIN TE, 'DI DANG SGYU 'PHRUL DRA BA LAS GSUNGS PA'I DE NYID BCU NI 'DRA BAR SNANG NGO, ,DE LA TING NGE 'DZIN NI DANG PO SBYOR BA LA SOGS PA DANG, STANG STABS NI GA-YAS BRKYANG LA SOGS

, ,PA DANG, 'DUG STANGS NI RDO RJE SKYIL KRUNG LA SOGS PA DANG, LAS LA SBYOR BA NI, BSRUNG ZHING SPYAN DRANG BA LA SOGS PA DANG, GSHEGS SU GSOL BA NI MCHOD BSTOD SOGS SNGON DU 'GRO BAS GSHEGS SU GSOL BA LA RAB ZHI BSHES GNYEN GYIS SGYU DRA'I 'GREL PAR BSHAD LA, KUN SNYING GI 'GREL PAR LAS LA SBYOR BA ZHI SOGS KYI LAS LA SBYOR BA LA BSHAD DO, ,LHAG MA NI GO SLA'O, ,DE NYID SNANG BA LAS SNGAR DANG THA SNYAD CUNG ZAD MI 'DRA BA'I DE NYID BCU GSUNGS MOD KYANG, DON NI 'DRA BAR SNANG NGO, , DE LTAR DE NYID BCU'I RGYUD DON DPYAD DE RTEN DES LAM DE SGRUB PAR BYED PA NI SGRUB PA PO'O, ,DE 'DRA BA'I KHYAD PAR BZHI DANG LDAN PA DE NI GNYIS KA'I RGYUD CES PA RNAL 'BYOR RGYUD LA GNAS SO, ,GSUM PA NI, PHYI'I KHRUS DANG GTZANG SBRA LA SOGS PA'I LAS KYI BYA BA GRANGS SNA TSOGS PA RGYA CHEN PO NI THABS GANG GIS SGRUB PA'I BYED PA YIN LA, 'DIS NI NANG GI LHA'I RNAL 'BYOR YANG MTSON PA YIN NO, ,BYA BA'I RGYUD KYI SNGAGS DANG PHYAG RGYA LA DMIGS PA STE BRTZAMS PA'I MTSAN NYID DE RNAMS BZLAS BRJOD YAN LAG BZHI LA SOGS PA'I SGO NAS RAB TU DPYOD PAR BYED PA NI CHO GA'O, ,DE LTAR DPYAD PA'I THABS DES BSGRUB PAR BYA BA NI SANGS RGYAS KYI GO 'PHANG NGO, ,DE LTAR RTOGS NAS SGRUB PAR BYED PA'I RTEN NI SGRUB PA PO'O, ,DE 'DRA BA'I KHYAD PAR BZHI DANG LDAN PA NI SPYOD PA'I RGYUD LA GNAS PA'O, ,BZHI PA NI, SHAS CHER, LHA'I RNAL 'BYOR SGOM PA SOGS NANG GI BYA BA LA 'JIGS PAR DMIGS PA STE LTA ZHING SHIN TU GTZANG BAR BYED PA'I GTZANG SPRA LA GNAS PA DANG, PHYI NAS YE SHES SEMS DPA' RANG LA 'JUG

PA'I BDE BA DAM PA STE MCHOG MED PA DANG, SHAS CHER BDAG NYID LHAR NGA RGYAL BYED PA'I SNYEMS PA MED PA DANG, SNGAR BSHAD PA LTAR GYI RMAD DU BYUNG BA'I SPYOD YUL LA SPYOD PA MA YIN PA'I TSUL GYIS PHYI'I BYA BA MANG PO SGRUB PAR BYED PA NI BYED PA'O, ,SKYON NI SKYE RGA SOGS KYI 'KHOR BA'I RGUD PA'O, ,DE'I RGYU'I RTOG PA NI NYON MONGS KYI RTZA BA DNGOS PO LA BDEN PAR 'DZIN PA'O, ,DE DANG BCAS PA'I TSUL GYIS RGYUD KYI DON RAB TU DPYOD PA NI CHO GA'O, ,THABS DES RGYUD DON RTOGS PA'I RTEN NI SGRUB PAR BYED PA PO'O, ,BSGRUB BYA NI SNGAR BZHIN NO, ,DE 'DRA BA'I KHYAD PAR BZHI DANG LDAN PA DE NI BYA BA'I RGYUD LA RAB TU GNAS PA'O, ,SLOB DPON SANGS RGYAS GSANG BAS BYA RGYUD RDO RJE GTZUG TOR DANG, RNAM 'JOMS KYI RGYUD RGYAS PA DRANGS NAS RANG LHAR BSKYED PA BSTAN PA DANG, ,BYA RGYUD SO SO GZHAN DAG TU RANG LHAR SKYED PA GSAL BAR MA BSHAD PA, RLUNG PHYIR 'GRO BA BKAG NAS RANG LHAR SGOM PA MI NUS PA'I DBANG DU MDZAD PAR BSHAD LA, SLOB DPON BYANG CHUB MCHOG GIS KYANG BYA RGYUD PHAL CHE BAR RANG LHAR SGOM PA MI GSAL YANG, LAG NA RDO RJE DBANG BSKUR BA'I RGYUD DANG, DE KHO NA NYID BCU PA LAS BSHAD PAS, BYA BA'I RGYUD LAS RANG LHAR SGRUB PA MA BSTAN TO SNYAM DU MI BSAM, ZHES GSUNGS PAS, BYA RGYUD LA RANG LHAR SKYED PA MED PAR GSUNGS PA NI BYA RGYUD PHAL CHE BA DANG, GDUL BYA'I KHYAD PAR 'GA' ZHIG LA DGONGS KYI BYA RGYUD DE THAMS CAD KYI DBANG DU BYAS PA MIN NO, ,RGYUD 'DI NYID LAS KYANG SPYOD RGYUD KYI SKABS SU, BYA BA'I RGYUD KYI PHYAG RGYA DMIGS PA'I MTSAN NYID, CES GSUNGS PAS, LHA'I RNAL 'BYOR

, ,YOD PA'I BYA RGYUD DANG SPYOD RGYUD GNYIS LHA'I RNAL 'BYOR MTSUNGS PAS DE GNYIS BSDUS NAS BSHAD CING, LHA'I RNAL 'BYOR MA BSHAD PA'I BYA RGYUD LA BYA BA'I RGYUD CES BTAGS PA TZAM MO, ,DE DAG LAS CHOS KYI BDAG MED GSAL BAR ME BSTAN PA'I RGYUD RNAMS LA DGONGS NAS, MTSAN 'DZIN GYI RTOG PAS RAB TU DPYOD, CES KYANG GSUNGS SO, ,'DI RNAMS RGYAS PAR NI RDO RJE 'CHANG GI LAM GYI RIM PAR BSHAD ZIN PAS 'DIR MA SPROS SO, ,LNGA PA NI, SNGAGS DANG SMAN DANG SBYIN SREG DANG, RDZAS PHYE MA DANG, MIG SMAN DANG, RKANG MGYOGS LA SOGS PA DNGOS GRUB CHEN PO BRGYAD NI BSGRUB PAR BYA BA'O, ,BRGYAD NI 'DIR DNGOS SU DRUG SMOS NAS GNYIS MA BSTAN LA, LHA MO BZHIS ZHUS LAS, RDZAS BRGYAD YAN LAG BSGRUB PA BSHAD, ,RI LU MIG SMAN DNGOS GRUB DANG, ,SA 'OG RAL GRI'I DNGOS GRUB DANG, ,NAM MKHAR 'PHUR DANG MI SNANG DANG, ,SHI BA MED DANG NAD 'JOMS SO, ,ZHES GSUNGS SO, ,RDO RJE GUR LAS KYANG, MIG SMAN DANG NI RKANG MGYOGS DANG, ,RAL GRI DANG NI SA 'OG 'GRUB, ,RI LU DANG NI MKHA' SPYOD NYID, ,MI SNANG BA DANG BCUD KYIS LEN, ZHES GSUNGS SO, ,GTZO BOR DNGOS GRUB BRGYAD SGRUB PA RTOG PA'I RGYUD KYI DON RAB TU DPYOD PA BYED PA NI CHO GA'O, ,DE RTOGS NAS DE RNAMS SGRUB PAR BYED PA NI BYED PA'O, ,BYAD PA DE GANG LA GNAS PA'I RTEN NI SGRUB PA PO'O, ,DE 'DRA BA'I KHYAD PAR BZHI DANG LDAN PA NI RTOG PA'I RGYUD LA GNAS PA'O, ,GSUM PA RGYUD BSHAD THABS KYI MAN NGAG TSANG BAR BSTAN PA LA GNYIS, ZHU BA, LAN NO, ,DANG PO NI, BYANG CHUB SEMS DPA' CHEN PO RNAMS

KYIS GSOL PA, BCOM LDAN 'DAS BLA NA MED PA'I RNAL 'BYOR GYI RGYUD RNAMS KYI BSHAD THABS RGYAN RNAM PA BDUN JI LTAR LAGS ZHES ZHUS SO, ,SNGAR BSHAD THABS KYI SGO GNYIS ZHUS MOD KYANG, BSHAD THABS KYI MAN NGAG TSANG BA SHES PA'I PHYIR DU ZHUS SO, ,GNYIS PA LA GNYIS, RGYAN BDUN SO SO'I GRANGS KYI DBYE BA, RGYAN BDUN SO SO'I MING GI DBYE BA'O, ,DANG PO NI, BCOM LDAN 'DAS KYIS LAN BKA' STZAL PA, GLENG BSLANG BA'I RGYAN LA GRANGS RNAM PA LNGA DANG, TSIG DANG DON GYI MTHA'I RGYAN LA MTHA' DRUG GIS BSHAD PA RNAM PA DRUG DANG, 'TSANG RGYA BA'I RIG PA STE TSUL GYI RGYAN LA LAM GYI RIM PA RNAM PA BZHI DANG, TSUL GYI BSHAD PA'I RGYAN LA BSHAD PA'I TSUL RNAM PA BZHI DANG, SLOB MA LA 'CHAD TSUL GYI RGYAN LA BSHAD PA'I DBYE BA RNAM PA GNYIS DANG, RGYUD LA 'JUG PA GANG ZAG GI RGYAN LA GANG ZAG RNAM PA LNGA'I SLOB MA BRTAG PA STE DE'I MTSAN NYID BSHAD PA DANG, DGOS PA'I RGYAN NI BDEN PA RNAM PA GNYIS KYI DGOS PA NGES PA RNAMS SO, ,GZHUNG TSIG NYUNG LA DON GYI GNAS MANG PO'I 'DUS PA'I RGYUD RTOGS DKA' BA LA 'JUG PA RNAMS KUN TU 'KHRUL BAR 'GYUR BA NI RGYAN BDUN JI LTA BA BZHIN DU MI RTOGS PAS YIN TE, SGRON GSAL PA TSAB KYIS BSGYUR BA LAS, 'DUS PA'I RGYUD NI GZHUNG NYUNG ZHING, ,DON MANG RTOGS PAR DKA' BA LA, ,RNAM PA KUN TU 'KHRUL 'GYUR TE, ,RGYAN BDUN RTOGS PAR DKA' PHYIR RO, ,ZHES GSUNGS SO, , RGYAN BDUN PO DE NYID KYIS BLA NA MED PA'I RNAL 'BYOR GYI RGYUD BSHAD DGOS KYI DE DOR BA'I BSHAD THABS GZHAN GYIS NI RGYUD DON RDZOGS PAR MI RNYED DE, SGRON GSAL PA TSAB KYIS BSGYUR BA LAS, GANG PHYIR BSHAD RGYUD RJES 'BRANGS NAS, ,RNAM BSHAD SHIN TU RNYED

, ,DKA' SMRAS, ,'DI NYID KYIS NI RNAL 'BYOR RGYUD, ,BSHAD KYIS RNAM PA GZHAN DU MIN, ZHES GSUNGS SO, ,CHAG LO TZ'A BAS, BSHAD PA'I RGYUD KYI RJES 'BRANGS NAS, ,GSUNG BSHAD SHIN TU RNYED PAR DKA', ,RNAL 'BYOR RGYUD NI 'DI NYID KYIS,, NGES PAR BYED KYI GZHAN DU MIN, ZHES BSGYUR TE 'GYUR GNYIS PA DE SNGON GYI 'GYUR LAS LEGS PAR SNANG NGO, ,DES NA BSHAD THABS KYI RGYAN BDUN LEGS PAR RTOGS PA NI, 'DUS PA DANG DE 'DRA BA'I RTZA BA'I RGYUD RNAMS 'CHAD PA LA SHIN TU GAL CHE BA YIN NO, ,'DIR RGYAN BDUN SO SO LA DBYE BA MDZAD PA'I RGYAN GYI GRANGS NI NYER BRGYAD YIN LA, DE YANG BRGYAN PAR BYA BA'I GZHI NI 'DUS PA'I RGYUD LTA BU'O, ,DE GANG GIS BRGYAN PAR BYED PA NI BDUN NAM NYER BRGYAD DO, ,BRGYAN TSUL BSDUS NA NGO BO THA MI DAD PA'I RGYAN DANG, THA DAD PA'I RGYAN GNYIS SU 'DOD DO, ,DANG PO NI, KHA CIG MTHA' DRUG GIS BSHAD PA DANG, TSUL BZHIS BSHAD PA DANG, TSAD DANG, BSHAD PA'I DBYE BA GNYIS TE BCU GSUM DU 'DOD LA, GZHAN DAG NI RGYUD KYI MING DANG BCU BZHIR 'DOD DO, ,GNYIS PA NI DE DAG GI LHAG MA BCU BZHIR 'DOD DO, ,BYED PA PO DANG DGOS PA DANG GANG ZAG DANG BDEN GNYIS NGES PA'I RGYAN RNAMS RGYUD KYI GZHUNG LAS NGO BO THA DAD DU YOD MOD KYANG, LHAG MA RNAMS NI CHA GNYIS KAR BSHAD DU RUNG BAR SNANG NGO, ,RGYAN GYI DON NI DPER NA RANG BZHIN GYI RGYAN GZUGS BZANG PO LA MDZES BYED KYI RGYAN GTZUG RGYAN LA SOGS PAS SPUD NA YID LA DGA' BA SKYED PA BZHIN DU, 'DIR YANG RANG BZHIN GYI RGYAN RGYUD KYI GZHUNG BZANG PO LA BSHAD TSUL GNYIS LA SOGS PA'I RGYAN GYIS BRGYAN PA NA MKHAS PA'I YID 'PHROG PAR BYED PAS RGYAN NO,,

GNYIS PA LA BDUN, GLENG BSLANG GI RGYAN GYI MING GI DBYE BA, MTHA' DRUG GI RGYAN GYI MING GI DBYE BA, RIGS PA BZHI'I RGYAN GYI MING GI DBYE BA, TSUL BZHI'I RGYAN GYI MING GI DBYE BA, 'CHAD TSUL GYI RGYAN GYI MING GI DBYE BA, GANG ZAG GI RGYAN GYI MING GI DBYE BA, BDEN GNYIS NGES PA'I RGYAN GYI MING GI DBYE BA'O, ,DANG PO NI, SNGAR GLENG BSLANG GI RGYAN LA RNAM PA LNGAR GSUNGS PA DE RNAMS GANG ZHE NA, GLENG BSLANG BA RNAM PA LNGA'I RGYAN NI 'OG NAS 'BYUNG BA 'DI LTA STE, DE'I DANG PO NI 'DUS PA ZHES PA LTA BU RGYUD KYI MTSAN NAM MING YIN TE, SGRON GSAL LAS, RGYUD KYI MTSAN NI MING YIN LA, ZHES GSUNGS SO, ,SGRON GSAL LAS MING DNGOS SU MA SMOS PA LA KHA CIG BLA MA LA SOGS PA GONG MA'I MTSAN DNGOS SU MI BRJOD PA DANG 'DRA BAR MTSAN BRJOD DKA' BAS RGYUD KYI RGYAN DU CHE'O ZER MOD KYANG, BSHAD RGYUD LAS RTZA BA'I RGYUD MANG PO ZHIG GI DBANG DU MDZAD NAS GSUNGS PAS BYE BRAG PA GCIG GI MTSAN MA SMOS PAR SPYIR MDZAD PA YIN LA, SGRON GSAL GYIS KYANG RGYUD LTAR SPYIR BSHAD KYANG SKABS KYI STOBS KYIS 'DUS PA LA GO BAR NUS SO, ,DE YANG THOG MAR BSHAD PAR BYA BA'I RGYUD KYI MTSAN GANG YIN SNYAM DU DOGS NAS 'DRI BA LA RGYUD KYI MTSAN 'DI'O ZHES MING SMOS DGOS SO, ,GNYIS PA NI, MTSAN DE DANG LDAN PA'I RGYUD 'DI CHED DU BYA BA'I GDUL BYA CI 'DRA BA ZHIG GI DBANG DU MDZAD SNYAM NAS 'DRI BA LA, GDUL BYA'I SKYE BO DBANG PO RNON PO DBANG PO GNYIS SBYOR KYI 'DOD CHAGS SHAS CHE BA CAN GYI RGYU MTSAN DU BYAS NAS SAM DE'I DON DU GSUNGS PA YIN TE, SKYE BO 'DOD CHAGS CAN DON DU, ZHES GSUNGS SO, ,DES NI CHAGS BRAL GYI SPYOD PA CAN MTSAN NYID THEG PA'I GDUL BYA DANG, 'DOD YON LA CHAGS PA LAM

, ,BYED TZAM ZHIG YOD KYANG DBANG PO GNYIS SBYOR GYI CHAGS PA LAM DU BYED MI NUS PAS RGYUD SDE 'OG MA'I GDUL BYA'I DBANG DU BYAS NAS RGYUD 'DI GSUNGS PA MA YIN PAR STON TO, ,GSUM PA NI RGYUD DE'I THOG MA'I MDZAD PA PO GANG SNYAM PA LA, BYED PA PO NI CHAGS BRAL GYI CHA LUGS DOR NAS CHAGS CAN GYI RNAM PA CAN 'KHOR LOS SGYUR BA'I CHA LUGS SU BYAS PA'I RDO RJE SEMS DPA' YIN TE, 'DI YI BYED PO RDO RJE SEMS, ZHES SO, ,BZHI PA NI 'O NA GZHUNG DE'I TSAD GANG SNYAM PA LA, TSAD NI BZHI STE, LE'U DANG, CHO GA DANG, DUM BU DANG, RIM PAR PHYE BA'O, ,LE'U DE BZHIN CHO GA DANG, ,DUM BU DE BZHIN RIM PAR PHYE, ,DE NI RNAM PA BZHIR 'GYUR ZHING, ,GZHUNG NYID KYI NI GRANGS YIN NO, ,ZHES SO, ,PA TSAB KYIS BSGYUR BA LAS, DE NI RNAM PA BZHIR 'GYUR BA, ,GZHUNG LA'ANG GRANGS KYIS KYANG YIN NO, ,ZHES DANG, CHAG 'GYUR LAS, GZHUNG NYID KYI'ANG GRANGS KYIS SO, ,ZHES 'BYUNG BAS TSAD LA BRJOD BYA'I DON GYI GRANGS DANG, RJOD BYED GZHUNG GI GRANGS KYI TSAD GNYIS SU BYAS TE, DE GNYIS RE RE LA LE'U SOGS BZHI BZHI'O, ,DE YANG 'DUS PA LTA BU ZHIG LA MTSON NA GZHUNG GI GRANGS TSAD NI LE'U BCU BDUN, CHO GA'I SKAD DOD KAL PA ZHES PA RTOG PA LA YANG 'GRO BAS RTOG PA BCU BDUN, DUM BU BCU BDUN, RIM PAR PHYE BA BCU BDUN TE, MDOR NA GZHUNG LA LE'U DU YOD PA'I TSAD DO, ,DON GYI TSAD NI DON GYI LE'U SOGS YIN LA DE YANG PA RI TZETSAD: YONGS SU GCOD PA STE, DON GYI KHYAD PAR 'DIS MI MTHUN PHYOGS 'DI DANG 'DI GCOD CES PA'O, ,RTOG PAR BYED PAS NA RTOG PA STE ZHI SOGS KYI LAS TSOGS THABS 'DIS SGRUB PAR BYED PA'I RTOG PA'AM CHO GA ZHIB

MO'O, ,DUM BUR BYED PAS NA KHAndA STE DUM BU YIN LA, DE YANG RIM PA LNGA DANG YAN LAG DRUG LA SOGS PA LAM GYI RIM PA TSAN TSAN DU BYAS PA'O, ,RIM PAR PHYE BA NI BSKYED PA DANG RDZOGS PA'I RIM PAR BYAS PA LTA BU'O, ,BOD KYI MKHAS PA SNGA MA RNAMS DE BZHIN RGYUD KYI NUS PA LA TSAD DU BYAS PAR 'CHAD LA, SHR'ADDHAKA RAS, LE'U NI RNAM PA BCU BDUN TE, ,CHO GA NYI SHUR MKHAS PAS BSHAD, ,DUM BU PHYI MA'I RGYUD DANG NI, ,BSHAD PA'I RGYUD RNAMS GRAGS PA YIN, ,BSKYED DANG RDZOGS PA'I SGRUB THABS DANG, ,SRID PA SKYE 'CHI'I RIM PA YI, , DBYE BA BRJOD PA RIM PA YIN, ZHES BSHAD CING, SGRON GSAL GYI 'GREL BSHAD RAB TU SGRON GSAL LAS, YONGS SU GCOD PAS LE'U STE, ,RTOG PA NYID KYIS CHO GAR 'GYUR, ,SPROS PA MANG BAS DUM BU STE, ,SGRIB PA MED PAS RIM PAR PHYE, ZHES 'CHAD DO, ,LNGA PA NI, MING LA SOGS PAR MA ZAD RGYUD 'DI'I DGOS PA'ANG CI ZHIG YIN SNYAM PA LA, DGOS PA NI MCHOG SANGS RGYAS, 'BRING GRUB CHEN BRGYAD, THA MA ZHI SOGS KYI DNGOS GRUB YIN TE, DGOS PA YANG NI BSHAD BYA STE, ,ZHI SOGS BYA BA'I CHO GA DANG, ,DE BZHIN GRUB PA BRGYAD DANG NI, ,SANGS RGYAS KYANG NI MCHOG YIN NO, ,ZHES SO, ,DE RNAMS NI DGOS PA'I DGOS PAR BYA ZHING, DGOS PA GSUM YANG TSE 'DI NYID LA 'GRUB PA'I DBANG DU BYAS PA'O, ,DE LTAR NA MTHA' DRUG DANG TSUL BZHI'I BSHAD PA RDZOGS PAR 'JUG PA'I BSHAD GZHI NI MING 'DI ZHES BYA BA'I MTSAN CAN, GDUL BYA'I GTZO BO DBANG PO GNYIS SBYOR GYI CHAGS PA LAM DU BYED NUS PA'I DON DU BTZUN MO DANG MNYAM PAR SBYOR BA'I GZUGS CAN GYI RDO RJE SEMS DPAS GSUNG PA LA, DON DANG GZHUNG GI TSAD 'DI LTA BU DANG LDAN ZHING, TSE 'DI LA DNGOS GRUB

, ,GSUM STER BAR NUS PA STE KHYAD PAR LNGA DANG LDAN PA ZHIG GO ZHES BSHAD GZHI NGOS 'DZIN PA'O, ,GNYIS PA NI, SNGAR BSTAN PA'I RGYUD KYI DON MTHA' DRUG TU BSHAD PA NI 'OG NAS 'BYUNG BA 'DI LTA STE, DON DE LA SGRA DE 'JUG PA 'GAL BA'I DGONGS PAS BSHAD PA DANG, DON DE LA SGRA DRANG THAD DU BSTAN PA'I DGONGS PA MA YIN PAS BSHAD PA GNYIS NI DON GYI GTZO BO GCIG YIN PAS SGRA MTHA' LA BRTEN PA'O, ,DNGOS ZIN GYI DON LAS GZHAN DU DRANG DU YOD PAS DRANG BA'I DON DANG, GANG DU DRANGS PA RDZOGS PA DE LAS GZHAN DU DRANG DU MED PAS NA NGES PA'I DON GNYIS KYI BSHAD PA NI GZHUNG GCIG LA 'JUG PAS DON MTHA' LA BRTEN PA'O, ,PHAL CHER DON GNYIS PA LA DRANG DU MED CING DON GSAL BAR BSTAN PA'I SGRA JI BZHIN PA DANG, 'JIG RTEN PA DANG SGRA'I BSTAN BCOS LA SGRA DE DON DE LA 'JUG PAR MA GRAGS SHING, SANGS RGYAS KYIS GLO BUR DU BRDA MDZAD PA TZAM GYI SGRA JI BZHIN MA YIN PAR BSHAD PA GNYIS NI SGRA DON GNYIS KA'I MTHA' LA BRTEN PA'O, ,GSUM PA NI, SNGAR BSTAN PA'I RIGS PA STE 'CHANG RGYA BA'I TSUL RNAM PA BZHI NI GANG DU SKYE BA'I RGYUD DANG, DANG PO'I BCA' GZHI GLENG GZHI DANG GDON MI ZA BAR BSTAN PA'I GNAS NGES PA'I TSIG DANG, 'BRAS BU LA NYE BAR SBYOR BA'I RGYU RNAMS SO, ,'DI LA CHAGS BRAL DANG, CHAGS CAN GYI 'TSANG RGYA BA'I TSUL BZHI GNYIS SGRON GSAL LAS GSUNGS PA'I DANG PO NI, MI YI SKYE BAR 'KHRUNGS PA NI, ,RGYUD CES BYA BA YIN PAR BRJOD, ,BTZUN MO'I 'KHOR GYI NANG NAS NI, ,RAB TU 'BYUNG BA GLENG GZHI YIN, ,'DUL LAS SDOM PA BSTAN PA NI, ,NGES PA'I TSIG CES BSHAD PA YIN, ,'BRAS BU 'DOD PAS CHOS SPYOD PA, ,

DE NI RGYU ZHES BRJOD BYA STE, ,'DI NI 'DOD CHAGS BRAL CHOS KYI, ,RIG PA RNAM PA BZHIR 'DOD DO, ,ZHES MTSAN NYID KYI THEG PA'I LUGS KYIS 'DOD PA KHAMS SU 'TSANG RGYA BA LA, DANG POR 'DZAM BU GLING PA'I MI'I RIGS SU SKYES PA'I RGYUD DANG, DE NAS BTZUN MO'I 'KHOR GYI NANG NAS NGES PAR 'BYUNG BA DANG PO'I BCA' GZHI GLENG GZHI DANG, DE NAS 'DUL BA LAS GSUNGS PA'I SDOM PA SRUNG BA'I NGES TSIG DANG, DE NAS BYANG CHUB 'DOD NAS DKA' BA'I CHOS SPYOD PA'I NYE RGYU BZHI'I SGO NAS 'TSANG RGYA BAR GSUNGS PA'O, , GNYIS PA NI, 'DOD CHAGS CHOS KYI TSUL GYIS NI, ,DON GSAL RTOGS PHYIR BSHAD PAR BYA, ,RIGS LNGA'I SANGS RGYAS SKYED PA NI, ,RGYUD CES BYA BA YIN PAR BRJOD, ,SLAR YANG RIGS GCIG GYUR PA NI, ,GLENG GZHI YIN PAR RAB TU BSTAN, ,RDO RJE LA SOGS GZUNG BA NYID, ,NGES PA'I TSIG NI YIN PAR BSHAD, ,SGEG PA LA SOGS SPYOD PA NI, ,RGYU ZHES BYA BA YIN PAR BSHAD, CES GSUNGS PA'O, ,'TSANG RGYA BA'I TSUL BZHI GNYIS BSHAD PA LA KHA CIG NA RE, DANG PO NI, CHOS PHUNG BRGYAD KHRI BZHI STONG GI DON DANG, GNYIS PA NI RGYUD SDE STONG PHRAG SO BZHI'I DON BSDU BA'I PHYIR YIN ZHES 'DOD LA, GZHAN DAG NI CHAGS CAN GYI LAM GYIS 'TSANG RGYA TSUL MA NOR BAR SHES PA'I GOL SA SHES PAR BYA BA'I PHYIR RAM, YANG NA LAM SRID CHAD KYI DBANG DU BYAS NAS SNGA MA'I TSUL BZHI BSHAD CES ZER MOD KYANG, 'THAD PAR MA MTHONG NGO, ,'O NA 'DI'I DON GANG YIN SNYAM NA, MTSAN NYID KYI THEG PA CHEN PO NAS DANG POR 'OG MIN GYI RTEN LA 'TSANG RGYA BA'I TSUL GCIG DANG, ,DER SANGS RGYAS PA SLAR YANG SPRUL PAS 'DOD PA KHAMS

, ,SU 'TSANG RGYA BA'I TSUL GNYIS GSUNGS LA, THEG PA DMAN PA'I SDE SNOD NAS SNGA MA MA BSHAD CING, 'DOD PA KHAMS KYI MI'I RTEN LA DANG POR 'TSANG RGYA BA'I TSUL BSHAD DO, ,DE LTAR NA MTSAN NYID KYI THEG PA THUN MONG BA'I RNAM BZHAG 'DOD PA'I RTEN LA 'TSANG RGYA TSUL, BSKAL PA GRANGS MED MANG POR SNGON DU TSOGS BSAGS PA'I SO SO SKYE BO SRID PA THA MA PA ZHIG 'TSANG RGYA BA'I TSUL DE, 'DIR RIN PO CHE LTA BU'I GANG ZAG LAM THUN MONG BAS RGYUD SBYANGS PA'I SO SO SKYE BO 'DOD PA'I RTEN CAN PA CIG GIS TSE DE NYID LA 'TSANG RGYA BA'I DPER BLANGS NAS, CHAGS CAN GYIS LAM BGROD PA'I TSUL CIG STON BZHED NAS 'TSANG RGYA TSUL GNYIS BSHAD PA YIN TE, RNAM GZHAG RIM PAR SPRUL PA'I SKU 'DOD KHAMS KYI 'DZAM BU GLING PA'I MI'I RTEN LA 'TSANG RGYA BA'I RIM PA DANG BSTUN NAS, MI'I SRID PA SKYE BA'I RIM PA LTAR BSGOM PA'I BSKYED RIM SGOM PAR GSUNGS PA BZHIN NO, ,DES NA THEG PA GZHAN GYI LUGS KYIS 'DOD PAR 'TSANG RGYA BA LA, MIR SKYE BA BLANGS PA CIG DGOS PA DE BZHIN DU, 'DIR YANG THA MAL PA'I PHUNG SOGS KYI SNANG ZHEN DOR TE, RIGS LNGA DANG 'BREL BA'I SANGS RGYAS SU BDAG NYID BSKYED NAS SKYE BA BLANGS PA 'DRA BA'I RGYUD CIG DGOS SO, ,DES NA BSKYED PA'I RIM PA THAMS CAD STON NO, ,THEG PA GZHAN LA MIR SKYES PA DE KHYIM NAS KHYIM MED PAR RAB TU BYUNG BA MDZAD DGOS PA DE BZHIN DU, 'DIR YANG SLAR YANG RIGS GCIG TU GYUR PA'I GLENG GZHI CIG DGOS SO, ,RIGS GCIG TU GYUR PA LA GNYIS LAS DANG PO NI, RIGS LNGA DANG 'BREL BA'I LHA'I SKU RNAMS MTHAR GTUGS

NA GSANG CHEN RDO RJE 'CHANG GI RIGS GCIG TU 'GYUR LA, DE LA NI LUS DBEN GYI GSANG CHEN RIGS GCIG PA DANG, SGYU LUS KYI GSANG CHEN RIGS GCIG PA DANG, ZUNG 'JUG GI GSANG CHEN RIGS GCIG PA DANG GSUM YOD DO, ,GNYIS PA NI, 'KHOR 'DAS KYI CHOS SNA TSOGS PA THAMS CAD DE KHO NA NYID DU RO GCIG PA'I 'OD GSAL LHAN CIG SKYES PA'I YE SHES SO, ,DE GNYIS NI SNANG PHYOGS DANG STONG PHYOGS KYI RDZOGS RIM GNYIS YIN NO, ,DE GNYIS NI LHA'I 'KHOR LO SOGS CHES MI 'DRA BAR SPROS PA DU MA'I GZHI DANG RTZA BA YIN PAS GLENG GZHI'O, ,THEG PA GZHAN GYI LTAR NA RAB TU BYUNG BA DES 'DUL BA'I KUN SPYOD LA NGES PAR GNAS DGOS PA DE BZHIN DU, 'DIR YANG RDO RJE'I DBANG DANG DAM TSIG LA SOGS PA DBANG BSKUR BA DANG, DAM TSIG TSANG BAR BZUNG BA DGOS LA, DE NI GDON MI ZA BAR BSTAN DGOS PAS NGES PA ZHES GSUNGS LA, DE LTAR BYA DGOS PA'I GNAS YIN PAS TSIG CES GSUNGS TE, DE'I SKAD DOD P'A DA NI GNAS LA'ANG 'JUG PA'I PHYIR RO, ,THEG PA GZHAN GYI LTAR NA 'BRAS BU 'DOD NAS DKA' SPYAD SPYAD DGOS PA BZHIN DU, 'DIR YANG SGEG PA LA SOGS PA'I NYAMS DGU DANG LDAN PA'I SPYOD PA GSUM GANG RUNG SPYAD DGOS PA YIN NO, ,DE LTAR DPE DON DU SBYAR BAS NI THEG PA 'DIR DANG PO'I GDUL BYA'I GTZO BO DBANG PO GNYIS SBYOR GYI 'DOD CHAGS CAN YIN PAS 'DOD PA'I RTEN KHYAD PAR PA LA 'TSANG RGYA DGOS PA DANG, DE LA GNAS LUS LONGS SPYOD THA MAL PA'I SNANG ZHEN RNAMS LOG NAS, GZHAL YAS KHANG DANG LHA LA SOGS PA'I MCHOG GI SNANG ZHEN KHYAD PAR CAN SKYE BA BLANGS PA DANG 'DRA BA'I

, ,BSKYED RIM ZHIG NGES PAR GZHI RTEN DU DGOS PA DANG, RAB TU MA BYUNG BA'I TSE RTAGS CHA LUGS SNA TSOGS SU YOD KYANG, RAB TU BYUNG BA NA RAB BYUNG GI RTAGS CAN DU KHYAD PAR MED PA BZHIN DU, CHOS MI 'DRA BA SNA TSOGS PA RNAMS DE KHO NA NYID DANG RO GCIG TU SBYOR BA'I ZAB MO'I RDZOGS RIM DANG, LHA MI 'DRA BA DU MA RNAMS RDO RJE 'CHANG DU BSDUS PA'I RGYA CHE BA'I RDZOGS RIM GNYIS DGOS PA DANG, DE GNYIS KYI SNOD RUNG DU 'GYUR BA LA DBANG RNAM PAR DAG PA RDZOGS PAR THOB PA DANG, RTZA BA DANG YAN LAG GI DAM TSIG RNAMS NGES PAR BSTEN DGOS PA DANG, LAM GNYIS LA BOGS 'BYIN PA'I THABS KHYAD PAR BA NI NYE BA'I RGYU SPYOD PA YIN ZHES NGES PA CHEN PO STER BAS NA, LAM GNYIS DPE DON DU SBYAR BA NI DON CHEN PO CAN NO, ,BSHAD GZHI'I RGYUD BSHAD TSUL GNYIS KYI SGO NAS BSHAD PA'I RGYUD DON LAM GYI RIM PAR BSGRIGS NAS, CHAGS CAN 'TSANG RGYA BA'I LAM GYI TSUL BZHIR 'DU BA 'DI, MTHA' DRUG DANG TSUL BZHI'I 'OG TU 'ONG RGYU YIN PAS, DON DBANG BTZAN PAR BYAS LA DE BZHIN DU SHES PAR BYA'O, ,BZHI PA NI, TSUL BZHI'I BSHAD PA'I RGYAN RNAM PA BZHI NI, YI GE'I DON NAS MTHAR THUG PA'I BAR RNAMS TE BSHAD ZIN TO, ,LNGA PA NI, SLOB MA LA BSHAD PA'I DBYE BA RNAM PA GNYIS NI, 'DI LTA STE, TSOGS PA LA BSHAD PA DANG, SLOB MA LA BSHAD PA'O, ,TSOGS PA DANG SLOB MA GNYIS LA BSHAD PA NI, SGRON GSAL LAS, JI BZHIN SGRA DANG DGONGS MIN DANG, ,DRANG BA'I DON DU'ANG GANG 'GYUR DANG, ,YI GE'I DON DANG SPYI YI DON, ,TSOGS PA LA BSHAD YIN PAR

BRJOD, ,JI BZHIN MIN SGRA NGES DON DANG, ,DE BZHIN DGONGS TE BSHAD PA DANG, SBAS DANG MTHAR THUG PA RNAMS NI, ,SLOB MA LA NI BSHAD PAR 'DOD, CES GSUNGS SHING, SLOB MA LA BSHAD PA'I GANG ZAG NI RIN PO CHE LTA BU DANG, LHAG MA BZHI TSOGS BSHAD KYI GANG ZAG TU GSUNGS SO, ,GAL TE MTHA' DRUG DANG TSUL BZHI'I LNGA TSAN RE RE TSOGS DANG SLOB MA LA SO SOR BSHAD NA, RIN PO CHE LTA BU LA BSKYED RIM MI 'CHAD PAR 'GYUR LA, DE LTA NA DE'I LAM LA RIM PA GNYIS MED PAR 'GYUR RO, ,TSOGS BSHAD KYI GANG ZAG LA DGONGS BSHAD SOGS LNGA MI 'CHAD NA DE DAG LA RGYUD 'CHAD PA'I TSE GZHUNG MANG PO ZHIG GZHAG DGOS PAS, RGYUD GZHUNG MA LUS PA BSHAD DU MI RUNG BAR 'GYUR RO, ,DE LTAR 'DOD DU NI MI RUNG STE SGRON GSAL LAS, GSANG BA 'DUS PA 'DI LA DE KHO NA NYID RTOGS PA RNAMS KYIS MTHONG BA'I CHOS NYID LA TSE 'DI NYID DU SANGS RGYAS NYID THOB PAR THOS SHING, RGYUD KYI GZHUNG MA LUS PA THOS KYANG, MTHA' DRUG GI TSIG GI DBYE BAS RGYUD KYI DON LA RMONGS PA DANG MA BRAL BA TZAN DAN LTA BU'I GANG ZAG LA SOGS PA'I NYAN PA PO RNAMS, SEMS JI LTA BA BZHIN DU RANGS PA MA THOB PAR GYUR PA DE BSTAN PAR BYA BA'I PHYIR, DE NAS BYANG CHUB SEMS DPA' DE DAG GIS GSUNG RDO RJE'I TSIG THOS NAS RAB TU DUS SO ZHES BYA BA GSUNGS SO, ,ZHES GSUNGS LA, DE LTAR SNGON BYUNG LA 'KHOR GYI BYANG SEMS RNAMS DUS PA NI RJES 'JUG GI GDUL BYA TZAN DAN LTA BU LA SOGS PA LA BYA DGOS PA'I PHYIR DANG, DE'I RJES SU SNGON BYUNG LA DE BZHIN GSHEGS PA RNAMS KYIS KHYED RNAMS MA DU ZHIG CES PA NI RIN PO CHE LTA BU'I GANG ZAG RIM PA

, ,GNYIS KYI PHYOGS GNYIS KA LA 'JIGS PA MED PAS, DBANG PO DMAN PA RNAMS DBUGS 'BYIN ZHING, DE RNAMS KYI SHES RAB KYI RAB RIB KYI SOM NYI BSAL NAS, DE KHO NA NYID RTOGS PAR BYED PAR SGRON GSAL LAS GSUNGS PA'I PHYIR RO, , DES NA SGRON GSAL GYI BSHAD PA GNYIS 'GAL BAR 'GYUR RO SNYAM NA, JI SKAD DU BSHAD PA'I SKYON YOD PA'I PHYIR BSHAD PA GNYIS KYI GANG ZAG RE RE LA RGYUD RDZOGS PAR MI 'CHAD BA MIN NO, ,'ON KYANG TZAN DAN LA SOGS PA RNAMS LA DBANG PO MA SBYANGS PA'I DUS SU RDZOGS RIM RDZOGS PAR MI STON PAS, SGRON GSAL GYI SKABS GZHAN DU YANG SEMS DBEN LA SOGS PA RNAMS DE RNAMS LA GSANG BAR BYA BAR GSUNGS LA, DBANG PO SBYANGS NAS 'OS SU GYUR PA NA DE DAG KYANG STON PAS MI 'GAL LO, ,DE LTA NA'ANG BSHAD PA'I DBYE BA GNYIS SO SOR MDZAD PA NI, SGRA JI BZHIN PA LA SOGS PA LNGAS PHAL CHER BSKYED RIM DANG, GZHAN LNGAS PHAL CHER RDZOGS RIM STON PA YIN TE, SGRON GSAL LAS, BDE GSHEGS RNAMS KYIS GDUL BYA LA, ,RIM PA GNYIS LA BRTEN NAS NI, ,BSHAD PA'I DBYE BA GSUNGS PA YIN, ,ZHES GSUNGS PA'I PHYIR RO, ,DES NA TZAN DAN LTA BU LA SOGS PA BZHI LA NI TSE DE LA RIM PA DANG PO SKYE SLA ZHING, RIM PA GNYIS PA SKYE DKA', RIM PA DANG PO RDZOGS PAR SKYE SRID KYANG RIM PA GNYIS PA RDZOGS PAR MI SKYE LA, RIN PO CHE LTA BU LA NI RDZOGS RIM YANG SKYE BAR SLA NA RIM PA DANG PO LTA CI SMOS, RIM PA GNYIS PA RDZOGS PAR SKYE BA YIN NA DANG PO LTA CI SMOS, DE'I PHYIR SGRA JI BZHIN PA LA SOGS PA LNGA'I BSHAD PA NI TZAN DAN LTA BU LA SOGS PA'I BSHAD PAR GSUNGS LA, LHAG MA LNGA'I BSHAD

PA NI SLOB MA LA BSHAD PAR GSUNGS KYI, TSAN PA DE GNYIS GCIG GANG LA BSHAD PA LA GZHAN DE MI 'CHAD PA MIN NO, ,'O NA GANG ZAG DE LNGA KA SLOB MA YIN BZHIN DU, RIN PO CHE LTA BU GCIG PU LA SLOB MA DANG, GZHAN LNGA LA SLOB MAR MI BYED PA DANG, GZHAN BZHI LA TSOGS PA ZHES ZER LA, RIN PO CHE LTA BU LA DE SKAD MI ZER BA'I RGYU MTSAN GANG YIN SNYAM NA, RIN PO CHE LTA BU NYID LA SLOB MA ZHES ZER BA NI SLOB MA'I GTZO BOR GYUR PAS YIN TE, DPER NA RGYAL PO 'KHOR BCAS 'GRO BA LA RGYAL PO 'GRO'O ZHES GTZO BO'I SGO NAS BRJOD PA BZHIN NO, , TSOGS PA'I DON NI THUN MONG GI DON YIN LA, DE YANG SLOB MA GTZO PHAL GNYIS KA TSOGS PA YIN PAS SKYON MED DO, ,DE LTA NA'ANG TSOGS BSHAD KYI GANG ZAG LA GZHAN GZHIR MDZAD PA NI, DPER NA SMON 'JUG GI BYANG CHUB KYI SEMS BSKYED PA THEG PA CHEN PO GNYIS KA'I THUN MONG BA YIN KYANG, SMON SEMS KYI SEMS BSKYED PA DANG, 'JUG SEMS KYI BSLAB BYA PHYIN DRUG LA PHAR PHYIN GYI LAM ZHES THA SNYAD BYED PA BZHIN DU, BSKYED RIM GANG ZAG LNGA KA'I THUN MONG BA YIN KYANG, GANG ZAG BZHI'I RGYUD LA SKYE BA'I LAM GYI DBANG DU BYAS NA BSKYED RIM GTZO BO YIN ZHING, RDZOGS RIM MIN PAS, RIM PA DANG PO'I LAM DANG, DE'I BSHAD PA LA GANG ZAG DE BZHI'I LAM DANG, DE'I BSHAD PA ZHES THA SNYAD MDZAD DO, ,DE RNAMS LEGS PAR SHES NA PHAR PHYIN GYI LAM DU BSHAD PA TZAM LA 'KHRUL NAS, SEMS BSKYED PA GNYIS RGYUD LA SKYED PA LA NAN TAN DU BYED PA THEG PA 'DI LA MI DGOS SO SNYAM PA DANG, BSKYED RIM THUN MONG GI DNGOS GRUB SGRUB PA'I THABS SU GSUNGS PA LA 'KHRUL NAS, MCHOG SGRUB PA LA BSKYED RIM LA MYONG BA LEGS PAR BSKYED PA MI DGOS SNYAM

, ,PA'I LOG RTOG RNAMS LDOG PAR 'GYUR RO, ,DRUG PA NI, GANG ZAG RNAM PA LNGA'I SLOB MA BRTAG PA ZHES SNGAR GSUNGS PA NI, 'DI LTA STE, RIN PO CHE LTA BU LA SOGS PA LNGA'O, ,DE LA RIN PO CHE LTA BU'I GANG ZAG NI, RNYED PAR DKA' ZHING 'DOD PA'I 'BRAS BU 'BYIN PAS RIN PO CHE DANG 'DRA BA YIN TE, DE NI KHAS BLANGS PA'I TSUL KHRIMS YONGS SU DAG PA DANG, THOS PA'I PHA ROL TU SON PAS MKHAS PA DANG, DGE BA LA MKHAS SHING SPRO BA'I SGRIN PA DANG, 'GO SMOS PAS GO BA'I SHES RAB DANG LDAN PA DANG, BLA NA MED PA'I THEG PAR RIGS NGES SHING SAD PAS RGYUD GCIG PA STE MI 'GYUR BA DANG, RANG GI CHOS THOS NAS TE THOS PA'I DON GZHAN LA YANG DAG PAR STON NUS PA STE, SGRON GSAL LAS, TSUL KHRIMS DAG CING MKHAS LA SGRIN, ,SHES RAB LDAN ZHING RGYUD GCIG PA, ,THOS NAS LEGS PAR STON PA NI, ,RIN CHEN ZHES BYA'I GANG ZAG GO ,ZHES DANG, RIN PO CHE LTA BU'I GANG ZAG DGE BA'I RTZA BA YONGS SU SMIN PA, THOS PA'I PHA ROL TU SON PA, SANGS RGYAS NYID MNGON PAR 'DOD CING RIGS NGES PA'O, ZHES KYANG GSUNGS SO, ,TZAN DAN LTA BU NI, THOS PA CHUNG BA, THOS PA LA BSKUL NA NGAS SHES SO ZHES NGA RGYAL CHE BA, LUNG RIGS KYI DON LEGS PAR MA NGES PAS RTZA BA MED PA, RTZOD PA NA MANG DU SMRA BA, SKYON DE RNAMS BSAL NAS YON TAN DANG LDAN PAR RJES SU GZUNG DKA' BA STE, TZAN DAN 'BRAS BU MED PA, DRI CHUNG BA, TSER MA MANG BA, SBRUL GDUG PAS DKRIS PAS DRUNG DU NYER MI RUNG BA DANG 'DRA BA YIN TE, THOS PA NYUNG ZHID NGA RGYAL LDAN, ,RTZA BA MED PAR MANG DU SMRA, ,RJES SU GZUNG BAR MI NUS PA, ,TZAN DAN ZHES BYA'I GANG ZAG GO ,ZHES SO, ,PAD MA LTA BU NI, DKAR CHOS KYI RTZA BA

DAD PA DANG LDAN PA, SNYING RJE CHE BA, SHES RAB DANG LDAN PA, CHOS THOS PAS BLO YI KHA 'BYE BA STE SHES RAB 'PHEL BA, TSIGS MED PA'I 'OD MA'I PHYOGS GCIG NAS CHU BLUGS PA 'DZAGS PA BZHIN DU, THOS PA'I DON SHES PA RING DU MI GNAS PA STE, DE NI PADMA DRI ZHIM PA, DGA' BA BSKYED PA'I YON TAN DANG LDAN PA'I PADMA KHA PHYE BA, PADMA'I LTE BAR CHAGS PA'I ZIL PA RNAMS NYI MA SHAR BA DANG MED PAR 'GYUR BA DANG 'DRA BA YIN TE, DAD DANG LDAN ZHING SNYING RJE SHES, ,THOS NA BLO YI KHA 'BYE LA, ,TSIGS MED 'OD MA BZHIN 'DZAG PA, ,PADMA ZHES BYA'I GANG ZAG GO ,ZHES SO, ,PADMA DKAR PO LTA BU NI, GZUNG BYA'I CHOS KYI TSIG DON GROGS LAS LHAG PAR MANG DU THOS NAS 'DZIN NUS KYANG, GZHAN LA STON PA'I NUS PA MED PA STE, DE NI BUM PA'I NANG DU RAS BAL SA BON GYIS BKANG BA 'PHEL NAS SLAR MI THON PA'AM, PAD DKAR RANG GI DRI LTE BA'I SBUBS SU 'KHOR NAS GZHAN DU 'PHRO BA MED PA DANG 'DRA STE, GZUNG BYA MANG DU'ANG THOS GYUR KYANG, ,STON PA YI NI NUS MED PA, ,BUM PA'I RAS BAL SA BON 'DRA, ,PAD DKAR ZHES BYA'I GANG ZAG GO ,ZHES SO, , AUTPAL LTA BU NI, GZHAL BYA'I DNGOS PO MA LUS PA BLA MA LAS THOS SHING, THOS NAS KYANG TSIG DON 'DZIN PA LA RNAM PAR MKHAS LA, BZUNG BA RNAMS SKAD CIG GIS TE RING POR MI THOGS PAR BRJED PAR 'GYUR BA STE, DE NI AUD PA LA CHU NA GNAS PA'I TSE DRI ZHIM PO MANG PO 'DZIN ZHING RNYID PA MED LA, CHU NAS BTON MA THAG RNYID ZHING DRI YAL BA DANG 'DRA STE, DE NI MA LUS THOS GYUR LA, ,'DZIN PA LA NI RNAM PA MKHAS, ,SKAD CIG GIS NI BRJED 'GYUR PA, ,AUTPAL ZHES BYA'I GANG ZAG GO ,ZHES SO, ,GNYIS PA NI DBANG PO THA MA,

, ,LNGA PA NI 'BRING, GSUM PA DANG BZHI PA NI DBANG PO RAB STE, DE BZHI DAD PA'I RJES SU 'BRANG BA, DANG PO NI DBANG PO YANG RAB CHOS KYI RJES SU 'BRANG BAR LA KshM'IS BSHAD DO, ,PHYI MA BZHI KA DGE RTZA MA SMIN PA DMAN PA LA MOS PAR SGRON GSAL LAS BSHAD DO, ,DE LA AUD PA LA DANG PADMA DKAR PO LTA BU NI NYAN PA POR RUNG STE, THOS PA'I DON BRJED KYANG, SEMS LA BAG CHAGS BZHAG PAS PHYIS 'BRAS BU 'BYUNG BA'I PHYIR RO, ,'CHAD PA PO DANG SGRUB PA POR MI RUNG STE, THOS PA'I DON BRJED PAS DA LTA NYID DU BSTAN PA DANG BSGOM RGYU MED PA'I PHYIR RO, ,PADMA DANG TZAN DAN LTA BU NI NYAN PA PO DANG SGRUB PA POR RUNG LA 'CHAD PA POR MI RUNG STE, TSIG GI YON TAN MED PA DANG GZHAN GYIS BZUNG BAR MI NUS PA'I PHYIR RO, ,RIN PO CHE LTA BU NI 'CHAD PA POR RUNG LA, DE NYID KYIS NA NYAN PA PO DANG SGRUB PA POR YANG RUNG NGO ZHES SNGON GYI 'DUS PA PA? RNAMS GSUNGS TE, RJES SU BZUNG BAR MI NUS PA NI DE LAS PHA ROL POS CHOS BZUNG BAR MI NUS PA LA BYAS PA'I LUGS SO, ,AUTPAL DANG PADMA DKAR PO LTA BUS NYAN PA'I TSE BLA MA LAS GANG THOS PA'I CHOS RNAMS KYI TSIG DON MI BRJED PAR 'DZIN MI NUS PAR BSHAD LA, CHOS KYI GRVAR GANG THOS KUN MI BRJED PAR 'DZIN MI NUS KYANG, SGRUB PA PO DANG 'CHAD PA POR RUNG BA MI 'GAL LO, ,BDUN PA LA GSUM, DNGOS KYI DON, BDEN PA GNYIS KYI NGOS 'DZIN, DON DAM LA BRTZAMS PA'I DRIS LAN NO, ,DANG PO NI, BDEN PA GNYIS SU SBYAR TE GSUNGS PA'I DGONGS PA NGES PA'I RGYAN NI, 'DI LTA STE, KUN RDZOB KYI BDEN PA SGYU MA'I SKU DANG, DON DAM PA'I BDEN PA 'OD GSAL GNYIS SO SO BA DANG ZUNG DU

'JUG PA JI LTA BA BZHIN NGES PA'O, ,SGRON GSAL LAS, RGYAN NI DRUG PO DE RNAMS KYIS, ,BDEN GNYIS RNAM PAR NGES BYAS PA, ,DE NI RGYAN GYUR BDUN PA STE, ,RDZOGS PA'I RIM PA SGRUB PA'O, ZHES GSUNGS PAS 'DIR BDEN GNYIS NGAS PA RGYAN BDUN PAR BYA DGOS LA, DE YANG RGYAN SNGA MA DRUG KAS BDEN PA GNYIS NGES PAR BYA BAR GSUNGS SO, ,DE'I DON NI, BSHAD GZHI'I RGYUD 'DI DGONGS PA 'GREL BA'I SGO GNYIS KYIS BKRAL BA'I LAM GYI RIM PA BZHI, BSHAD PA'I DBYE BA RNAM PA GNYIS KYIS GANG ZAG LNGA LA BSHAD PAS, RGYUD DON LA GO BA'I GTZO BO JI 'DRA ZHIG SKYED NA, BDEN GNYIS KYI DON PHYIN CI MA LOG PAR NGES PA CIG SKYED PA YIN NO, ,DES NA 'DUS PA'I RTZA RGYUD RGYAN BDUN GYI SGO NAS BSHAD PA THAMS CAD NI GDUL BYA LA ZUNG 'JUG GI GO BA SKYED PA'I CHED YIN PAS, DE'I GNAD ZIN PA SHIN TU GAL CHE'O, ,DE YANG SNGAR BSHAD PA LTAR GNYUG MA'I LUS RLUNG 'OD ZER LNGA LAS 'JA' LUS RDO RJE SEMS DPA'I SKU 'GRUB PA'I KUN RDZOB PA DANG, LHAN CIG SKYES PA'I BDE BAS DE KHO NA NYID KYI DON MNGON SUM DU RTOGS PA'I 'OD GSAL DON DAM PA GNYIS DUS GCIG TU MNGON DU BYAS PA'I GO 'PHANG NGO, ,DE 'DRA BA'I BDEN GNYIS ZUNG 'JUG NGES PA LA SNGON DU, BDEN GNYIS RE RE BA KUN RDZOB SGYU MA'I LUS DANG, DON DAM 'OD GSAL GNYIS PHYIN CI MA LOG PAR NGES DGOS PAS, SEMS DBEN GYI MTHAR RLUNG SEMS TZAM LAS MA DAG PA'I SGYU MA'I SKUR LANGS PA'I BDAG BYIN BRLABS DANG, RTEN DE LA GNAS NAS BSAM GTAN GNYIS KYI SNANG BA GSUM DAG PA'I 'OD GSAL MNGON DU BYED TSUL RNAMS LEGS PAR SHES PAR BYA'O, ,SGYU MA'I SKU DE GANG LAS SGRUB

, ,SGRUB PA'I GZHI NI, SEMS DBEN GYI STONG PA GSUM DANG DE'I BZHON PA'I RLUNG YIN PAS, NANG GI RKYEN RDO RJE BZLAS PA LA SOGS PA'I SROG RTZOL BSGOM PA DANG, PHYI'I RKYEN PHYAG RGYA DANG SBYAR BA LAS, THUN MONG MA YIN PA'I SDUD RIM GYI SGO NAS SEMS DBEN GYI YE SHES GSUM BSKYED TSUL SHES DGOS SO, ,'DIR YANG SEMS DE KHO NA NYID KYI DON LA GNAS PA DANG, LUS RLUNG 'OD ZER LNGA LDAN GNYIS TSOGS PAR YOD PAS, 'OD GSAL DANG SGYU MA'I SKU GNYIS KYI SO SO'I RGYUR BYAS KYANG CHOG STE, BDEN GNYIS SO SO BA'I RDZOGS RIM SHES PA LA SEMS DBEN LEGS PAR SHES DGOS TSUL LO, ,DE LTAR SHES SHING NYAMS SU MYONG BA LA, DE 'DREN PA'I RGYU'I GTZO BO SROG RTZOL GSUM BSGOM PA LEGS PAR SHES DGOS PAS NGAG RNAM PAR DBEN PA SHES PAR BYA'O, ,NGAG DBEN GYI GA-YAS GA-YON GYI RLUNG SNYING KHA'I AA BA DH'U TI'I DBUS KYI MI SHIGS PA LA SDUD PA LA 'OG SGO'I PHRA MO BSGOMS PA LAS BYUNG BA'I LHAN CIG SKYES PA'I DGA' BA MNYAM GZHAG DANG RJES THOB TU GANG SHAR THAMS CAD DE'I RNAL ROL TU BLTA BA DANG, DE YANG LHAR BLTA BA'I LUS DBEN SGOM PA SNGON DU 'GRO BA'I TSUL LEGS PAR SHES NAS BSGOM PA DGOS SO, ,DE 'DRA BA'I RDZOGS RIM YONGS SU RDZOGS PA RGYUD LA SKYE BA'I DGE BA'I RTZA BA SMIN PA LA NI, SKYE SHI BAR DO GSUM SKU GSUM DU 'KHYER BA'I SGO NAS RGYUD SBYONG BA'I RIM PA DANG PO'I RAGS PA'I RNAL 'BYOR DRAN PA GCIG PA DANG, PHRA MO'I DKYIL 'KHOR RTOG PA'I RNAL 'BYOR THUN BZHIR BSGOM PA'I TSUL SHES NAS SGOM PA DGOS SO, ,

DE SGOM PA'I SNOD RUNG DU BSGRUB PA LA NI, DBANG YONGS SU RDZOGS PA RNAM PAR DAG PA CIG THOB PA DANG, DE'I DUS SU KHAS BLANGS PA'I DAM TSIG DANG SDOM PA RNAMS TSUL BZHIN DU BSRUNG BA CIG DGOS PAS, RGYUD KYI DON BSHAD PA THAMS CAD KYANG ZUNG 'JUG LA NGES PA SKYED PA'I CHED YIN LA, LAM SGOM PA THAMS CAD KYANG SLOB MI SLOB KYI ZUNG 'JUG RGYUD LA SKYED PA'I CHED YIN NO, ,DE'I PHYIR RGYAN BDUN GYI BSHAD PAS DGA' BA SKYED PA'I GTZO BO NI, BDEN GNYIS SO SO BA DANG DBYER MED PA'I DON NGES PA'I SGO NAS, THABS LA MKHAS PA DANG BRAL BA LA SKYE SHI BAR DO GSUM DU SHAR NAS 'KHOR BA'I 'KHOR LO BSKOR BA DE, THABS MKHAS PA'I MAN NGAG DANG LDAN PA LA, 'CHI BA 'OD GSAL CHOS KYI SKU, BAR DO LONGS SPYOD RDZOGS PA'I SKU, SKYE BA SPRUL PA'I SKUR 'CHAR BA'I BDEN PA GNYIS KYI GDAMS NGAG RNYED NAS RMAD DU BYUNG BA'I DGA' BDE YANG YANG DU 'DREN PA LA BYA'O, ,GNYIS PA NI, STON PAS RIGS KYI BU ZHES ZHU BA PO RNAMS LA BOS NAS, KUN RDZOB SGYU MA'I SKU NI SEMS KYI CHA MI BRTAN PA DANG, RLUNG GI CHA GA-YO BA BYED PA'O ZHES RLUNG SEMS GNYES LA GSUNGS SO, ,KUN RDZOB DE'I BDEN PA NI SKU DE CHU'I ZLA BA LTA BUR GSAL BAR SNANG ZHING MI SLU BA'O, ,DON DAM PA'I BDEN PA NI, NANG STONG PA NYID NAS DNGOS PO MED PA'I NGO BO NYID STONG PA NYID KYI BAR BCU DRUG DANG, DE NAS DNGOS PO STONG PA NYID DANG, DNGOS PO MED PA STONG PA NYID GNYIS TE CHOS DANG GANG ZAG GNYIS KA'I BDAG GIS STONG PAS STONG PA CHEN PO BCO BRGYAD DO, ,DON DAM PA DE'I MTHA' NI GNAS SO, ZHES PA NI DON DAM BDEN PA STONG NYID DANG RO GCIG PA'I DON GYI

, ,'OD GSAL GYI YE SHES ZUNG 'JUG GI RGYUR 'GYUR BAS GNAS ZHES GSUNGS PA'AM, YANG NA DON DAM BDEN PA CHOS THAMS CAD KYI RTZA BA DANG GZHI YIN PAS GNAS SO, ,DE LTAR RGYAN BDUN GYI BSHAD THABS KYIS 'DUS PA'I RGYUD 'CHAD PA'I TSUL YE SHES RDO RJE KUN LAS BTUS PA LA BRTEN NAS, SGRON GSAL GYIS BSHAD PAR RGYUD NYUNG DU? 'DIR MED PA 'GA' ZHIG BKOD PA NI RGYUD RGYAS PA NA YOD PAR MNGON LA, RGYUD KYI GZHUNG RE RE LA MTHA' DRUG DANG, TSUL BZHI GANG RUNG GI BSHAD PA SBYAR BA NI MGON PO KLU SGRUB KYI MAN NGAG LA YOD PA SGRON GSAL DU BKOD PA YIN NO, ,GSUM PA LA GNYIS, ZHU BA, LAN NO, ,DANG PO NI, BYANG CHUB SEMS DPA' CHEN PO RNAMS KYIS GSOL PA, DON DAM PA'I BDEN PA STE 'OD GSAL LA RAB TU GNAS PA'I RNAL 'BYOR PA CHEN POS, LAS KYI RGYAL PO MCHOG GI TING NGE 'DZIN LA BRTEN NAS, SEMS CAN GYI ZHI BA LA SOGS PA'I DON JI LTAR SPYAD PAR BGYI ZHES ZHUS TE, 'DIS NI DON GYI 'OD GSAL MNGON DU BYAS PA'I 'OG TU, DANG PO SBYOR BA DANG DKYIL 'KHOR RGYAL MCHOG GIS GZHAN DON SGRUB PA GNYIS KYANG 'PHEN PAS, RDZOGS RIM PA'I TING NGE 'DZIN GSUM KA STON PAR GZUNG NGO, ,DES NA TING NGE 'DZIN GSUM GYI LHA'I RNAL 'BYOR LA BSKYED RIM DANG RDZOGS RIM GNYIS SU YOD LA, DE YANG 'PHAGS PA YAB SRAS KYI GZHUNG NAS BSHAD PA LTAR BSKYED RIM PAS SNGAGS KYI SKU DANG, RDZOGS RIM PAS YE SHES KYI SKU SKYED PA'I LHA'I SKYED CHOG SO SOR SHES NA SHES PA YIN TE, DE LTAR MI SHES PA RNAMS

KYIS NI, LHA YI SKU SKYED PA'I CHO GA THAMS CAD BSKYED RIM DU 'CHAD PAR SNANG NGO, ,GNYIS PA NI, BCOM LDAN 'DAS KYIS LAN BKA' STZAL PA, JI SRID DU ZHI BA LA SOGS PA'I LAS KYIS SEMS CAN GYI DON MI BYED PA DE SRID DU RNAL 'BYOR PA CHEN PO DE YANG DAG PA'I MTHA' 'OD GSAL LA MNYAM PAR BZHAG STE GNAS PAR 'GYUR RO, ,GANG DU SEMS CAN GYI DON BYA BAR MTHONG NA DE'I TSE BDAG LA BYIN GYIS BRLAB PA DAG PA'I SGYU MA'I SKU SKYED PA'I RIM GYIS YANG DAG PA'I MTHA' 'OD GSAL LAS LANGS TE, ZHI RGYAS DBANG DRAG LA SOGS PAS SEMS CAN GYI NAD ZHI BA DANG DPAL 'BYOR RGYAS PA SOGS KYI DON BYAS NAS, YANG DAG PA'I MTHA' 'OD GSAL NYID DU 'JUG PAR BYED DO, ,'DI MI SLOB PA'I ZUNG 'JUG LA SBYOR NA 'OD GSAL LAS BZHENGS PA DANG, SLAR YANG 'JUG PA GZHAN SNANG TZAM YIN TE, SANGS RGYAS RNAMS 'OD GSAL LA RTAG TU MNYAM PAR BZHAG PA'I PHYIR RO, ,SLOB PA'I ZUNG 'JUG LA BYED NA SGRA SOR BZHAG BYAS KYANG CHOG GO ,BZHI PA MJUG GI DON LA GNYIS, RGYUD YONGS SU RDZOGS PA'I DON, GANG GIS BSGYUR BA'I TSUL LO, ,DANG PO NI, RGYAN BDUN 'PHRES DANG BCAS PA GSUNGS PA'I RJES DE NAS, BYAMS PA LA SOGS PA'I BYANG CHUB SEMS DPA' CHEN PO RNAMS STON PAS LAN LAGS PAR BKA' STZAL PA DE LA DANG POR DGA' ZHING BAR DU MGU LA THA MAR YI RANGS TE, , CHOS KYI DON NGES PA'I DBANG GIS SEMS LA DGA' BA DANG, YID BDE BA SKYES NAS 'OD GSAL BA'I DON LA DMIGS TE CANG MI SMRA BAR 'KHOD PAR GYUR TO, ,DPAL YE SHES RDO RJE KUN LAS BTUS PA ZHES BYA BA BLA NA MED PA'I RNAL 'BYOR CHEN

, ,PO'I RGYUD KYI RGYA CHER BSHAD PA LAS, BDE BA CHEN PO STONG PA BZHI'I YE SHES DANG, SGYU MA'I SKU LA SOGS PA STON PA'I LE'U STE RIM PA GNYIS PA'I RGYA CHER BSHAD PA'O, ,RDZOGS SO ZHES PA NI YANG DAG PAR GRUB PA'I DON NO, ,GNYIS PA NI, RGYA GAR GYI MKHAN PO PAndI TA 'JAM PA'I DBYANGS KYIS BYIN GYIS BRLABS PA DZNY'A NA KA RA'I ZHAL SNGA NAS DANG, ZHU CHEN GYI LO TZTSA BA KHU STON DNGOS GRUB KYIS DANG POR RGYA SKAD LAS BOD SKAD DU BSGYUR CING, TSIG DON LA ZHUS DAG BYAS NAS, 'CHAD NYAN GYIS KYANG GTAN LA PHAB PA, SLAD NAS BLA MA DE NYID DANG, LO TZ'A BA DGE SLONG NAG TSO TSUL KHRIMS RGYAL BAS TSIG DON LA ZHUS DAG BYAS SHING 'CHAD NYAN GYIS GTAN LA PHAB PA'O, ,YE SHES RDO RJE KUN LAS BTUS, , RNAL 'BYOR CHEN PO'I GSAL BYED YIN, ,YE SHES RANG BZHIN 'KHOR BA DANG, ,MYA NGAN 'DAS PA'I NGO BO'O, ,DE GNYIS DBYER MED RDO RJE STE, ,KUN 'DIR 'DUS PAS KUN LAS BTUS, ,DE STON PA LA DER BTAGS NAS, ,GZHUNG LAS MING DON BA ? PA YIN, ,ZHES PA NI LO TZ'A BAS SBYAR BA STE, DON GO BAR SLA LA, RANG GI LUGS KYI MING DON NI BSHAD ZIN TO,, ,,GANG ZHIG RTOGS NA RNAL 'BYOR CHEN PO'I RGYUD, ,SHIN TU RTOGS DKA' RNAMS KYI 'CHAD TSUL LA, ,MA RMONGS BLO GROS SNANG BA RGYAS 'GYUR BA, ,DE NI YE SHES RDO RJE KUN LAS BTUS, , RGYUD DON KUN GSAL 'DAB STONG RAB RGYAS SHING, ,RIM GNYIS SBRANG RTZI'I BCUD KYI ZIL MNGAR CAN, ,DRANG NGES 'BYED PA'I DRI BSUNG RAB 'PHRO BA, ,RNAM BSHAD NYIN BYED 'OD KYIS LEGS PAR PHYE, ,LUNG DANG RIGS PA'I 'DAB GNYIS BSKYOD PA YIS, ,GSUNG RAB DE NYID MKHA' LA LDING

'DOD CING, ZAB LAM SBRANG RTZI'I RO LA ROL 'DOD PA'I, ,SKAL BZANG BUD PA'I TSOGS RNAMS DGA' BAR GYIS, ,RTZA RGYUD MTHAR THUG BSHAD TSUL MTHAR THUG GIS, ,BSHAD PA'I DGONGS PA BDAG 'DRAS DPAG DKA' BAS, ,JI BZHIN MIN BSHAD 'GAL BA CI MCHIS PA, ,DRI MED SPYAN LDAN KUN LA SNYING NAS BSHAGS, ,RDO RJE 'CHANG DBANG 'PHAGS PA YAB SRAS LNGA'I, ,GZHUNG LA RING DU 'DRIS SHING KHYAD PAR DU, ,BSHAD RGYUD LNGA PO PHAN TSUN LEGS BSGRIGS NAS, ,LEGS PAR BSHAD LAS ZLA ZER KUN TA LTAR,, RAB DKAR DGE BA JI SNYED BSAGS PA DES, ,LAM GYI MTHAR THUG 'DI DANG MI 'BRAL ZHING, ,SKAL BZANG RNAM DPYOD LDAN PA DU MA YIS, ,BSTAN PA'I SNYING PO YUN RING 'DZIN PAR SHOG ,CES DPAL YE SHES RDO RJE KUN LAS BTUS PA'I RGYUD KYI RGYA CHER BSHAD PA RGYUD BSHAD THABS KYI MAN NGAG GSAL BAR BSTAN PA ZHES BYA BA 'DI NI, DPAL GSANG BA 'DUS PA'I RNAL 'BYOR PA SHAR TZONG KHA PA BLO BZANG GRAGS PA'I DPAL GYIS, 'BROG RI BO CHE DGA' LDAN RNAM PAR RGYAL BA'I GLING DU SBYAR BA'I YI GE PA NI DKA' BZHI PA RIN CHEN DPAL LO, ,'DIS KYANG BSTAN PA RIN PO CHE PHYOGS DUS KUN TU RGYAS PAR BYED NUS PAR GYUR CIG , ,,SARBA MANGGA LAm, ,