The 'Illumination of the Very Nature of the Life Energy,' being an Extensive Commentary to the Secret Book of Explanation on the Secret Collection Requested by the Four Angels

*, ,'DUS PA'I BSHAD RGYUD LHA MO BZHIS ZHUS KYI RGYA CHAR BSHAD PA SROG RTZOL GYI DE KHO NA NYID GSAL BA ZHES BYA BA BZHUGS, ,

, ,DPAL THAMS CAD GSANG BA'I RGYUD KYI DUM BU LHA MO BZHIS YONGS SU ZHUS PA'I RGYA CHER BSHAD PA SROG RTZOL GYI DE KHO NA NYID GSAL BA ZHES BYA BA, ZAB CING RGYA CHE'I GSUNG RAB LTA BA'I MIG ,LTA BA NGAN PA'I RAB RIB DANG BRAL BA, ,LEGS PAR STZOL MDZAD 'JAM DBYANGS BLA MA YI, ,ZHABS PAD DRI MA MED LA MGOS PHYAG 'TSAL, ,SHIN TU RTOGS DKA' RTOGS NA RGYUD SDE'I GNAD, ,JI BZHIN KHROL BA'I MAN NGAG MTHAR THUG PA, ,MGON PO KLU SGRUB YAB SRAS MAN NGAG LA, ,RING DU GOMS LAS RGYUD SDE'I GNAD MTHONG NAS, ,RGYUD KYI STON PA RDO RJE 'CHANG DBANG LA, ,ZAG MED DGYES PA BSKYED PA'I BTZUN MO MCHOG ,SPYAN SOGS LHA MO BZHI YIS ZHUS PA'I RGYUD, ,JI BZHIN GSAL BAR BDAG GIS BSHAD PAR BYA, ,TSIG NYUNG DON RGYAS DPAG DKA' 'DUS PA'I DON, ,RDO RJE 'CHANG

, ,GI RANG GI RNAM BSHAD KYIS, ,LEGS PAR BYA BA BZHIN DU SHES 'DOD NA, ,DON ZAB 'DI NI GUS PA'I YID KYIS NYON, ,'DIR DPAL GSANG BA 'DUS PA'I BSHAD PA'I RGYUD LHA MO BZHIS ZHUS PA 'CHAD PA LA BZHI, MTSAN GYI DON, 'GYUR GYI PHYAG ,GZHUNG DON DNGOS, MJUG GI DON NO, ,DANG PO NI, RGYUD 'DI'I MTSAN LA RGYA GAR GYI SKAD DU TZA TUR DE BA TI PA RI PRITZTSA ZHES PA BOD KYI SKAD DU BSGYUR NA, TZA TUR NI BZHI DANG, DE BTI NI LHA MO DANG, PA RI NI YONGS SU DANG, PRITZTSA NI ZHUS PA STE, SPYAN MA LA SOGS PA'I LHA MO BZHIS YONGS SU ZHUS PA'O, ,GNYIS PA NI, DPAL ZHES SOGS TE DPAL NI TSOGS GNYIS YONGS SU RDZOGS PA YIN LA, RDO RJE SEMS DPA' NI 'CHAD PAR 'GYUR ZHING, LHAG MA NI GO SLA'O, ,GSUM PA LA GNYIS, SPYI'I DON, YAN LAG GI DON NO, ,DANG PO LA GSUM,

GLENG GZHI MA GSUNGS PA'I RGYU MTSAN, GZHAN 'JUG PA'I YAN LAG DGOS 'BREL, 'DUS PA'I BSHAD RGYUD DU 'GRO TSUL LO, ,DANG PO NI, RGYUD 'DI'I MGOR 'DI SKAD BDAG THOS SOGS KYI GLENG GZHI MA GSUNGS PA'I RGYU MTSAN GANG YIN ZHE NA, 'DI LA YE SHES SNYING POS MDZAD ZER BA'I 'GREL PA LAS 'DI NI 'DUS PA'I RGYUD YIN PAS RTZA BA'I MDOR GLENG GZHI GSUNGS PAS NYES PA MED DO, ,ZHES 'CHAD PA NI, RGYUD 'DI 'DUS PA'I RGYUD KYI DUM BU YIN PA NI 'DOD DU MI RUNG BAS, DE'I BSHAD RGYUD LA BSAM PAR MNGON LA, DE LTA NA'ANG RTZA RGYUD DU GLENG GZHI GSUNGS KYANG BSHAD RGYUD LA 'DI SKAD BDAG THOS SMOS PA 'DUS PA DANG, RDO RJE PHRENG BA DANG, KYEE RDOR DANG, SAm BAHU tA LTA BU MANG BAS RGYU MTSAN DE MA NGES SO, ,DES NA SMRI TIS MDZAD ZER BA'I 'GREL PA LAS RGYUD 'DI GSANG BA'I MCHOG CES BYA BA STONG PHRAG GCIG BZHUGS PA'I RGYUD PHYI MAR BSHAD PA LTAR, 'DI THAMS CAD GSANG BA'I RGYUD KYI DUM BU PHYI MA GCIG TU 'DUG PAS GLENG GZHI MA GSUNGS PAR MNGON TE, 'DUS PA'I RGYUD PHYI MA BZHIN NO, ,RGYUD SNGA MA GCIG GI DUM BU YIN PA NI 'DI NYID KYI LE'U BZHI PA LAS SHES LA, THAMS CAD GSANG BA'I MCHOG CES BYA BA'I RGYUD YIN PAR NI RGYUD 'DI NYID LAS GSAL LO, ,RGYUD 'DI'I 'GREL PA YE SHES SNYING POS MDZAD ZER BA LAS, BYANG CHUB KYI SEMS KYI TSIG DON 'CHAD PA NA, BYANG YIG RDO RJE ZHES GSUNGS TE, ,YI GE CHUB NI GZUGS MA'I TSIG ,SEMS YIG ZHU BAR GSUNGS PA STE, ,YI GE PA NI BDE BA CHE, ,ZHES PA'I LUNG DRANGS NAS BSHAD PA DANG, SMRI TIS MDZAD ZER BA'I 'GREL PA LAS KYANG, LUNG DE

, ,GSANG BA'I THIG LE'I RGYUD LAS GSUNGS PAR BSHAD CING, RDO RJE SEMS DPA' ZHES PA'I 'BRU 'JOG PA NA, RDO DANG RJE DANG SE DANG MA DANG SA DANG PA DRUG GI DON, ME LONG LTA BU LA SOGS PA'I YE SHES LNGA DANG, RNAM SNANG LA SOGS PA'I RIGS LNGA DANG, DE RNAMS LDAN PA'I DON LA BSHAD SNANG BAS, RGYA GAR BA'I GZHUNG KHUNGS MA YIN PA LA THE TSOM ZA BAR SNANG STE, BLA MA DE DAG NAS BRGYUD PA'I MAN NGAG YOD PA'I BOD CIG GIS BSHAD DAM, YANG NA BSHAD PA DE DAG BOD KYIS BCUG PA YIN PA 'DRA'O, ,GNYIS PA NI DGOS PA LA SOGS PA MA MTHONG BA'I GZHUNG LA NI DAD PA'I RJES SU 'BRANG BA RNAMS KYANG 'JUG PAR MI 'GYUR NA, CHOS KYI RJES SU 'BRANG BA RNAMS LTA SMOS KYANG CI DGOS, DE'I PHYIR RGYUD 'DI LA THOG MAR DGOS PA LA SOGS PA BZHI BRJOD PAR BYA DGOS NA, BRJOD PAR BYA BA NI GANG ZHIG ,DGOS PA NI JI LTA BU, DGOS PA'I DGOS PA NI CI ZHIG ,'BREL PA NI GANG SNYAM NA, BRJOD PAR BYA BA NI CHOS KYI DBYINGS 'PHRO BA DANG, CHOS KYI DBYINGS KYI RIM PA DANG, CHOS KYI DBYINGS BSDU BA DANG, CHOS KYI DBYINGS KYI DON BSGRUB PA BZHI YAN LAG DANG BCAS PA'O, ,DGOS PA NI RGYUD 'DI LA BRTEN NAS DON DE RNAMS LEGS PAR RTOGS PA'O, ,DGOS PA'I DGOS PA NI DON DE KHONG DU CHUD NAS NYAMS SU BLANGS PAS RDZOGS PA'I SANGS RGYAS THOB PA'O, ,'BREL PA NI NYID DGOS DGOS PA DANG, BRJOD BYA'I DON RTOGS PA RJOD BYED GZHUNG LA RAG LAS PA'O, ,GSUM PA LA GNYIS, RTZA RGYUD KYI DON GANG BSHAD PA, BSHAD RGYUD NANG PHAN TSUN SBYAR BAS NGES PA BSKYED PA'I TSUL LO, ,DANG PO LA

GNYIS, MDOR BSTAN PA, RGYAS PAR BSHAD PA'O, ,DANG PO NI, RGYUD 'DI THABS KYI RGYUD YIN PAR NI RDO RJE SNYING PO RGYAN GYI RGYUD LAS, 'DOD CHAGS CHEN PO'I THABS RGYUD KYI DBYE BA BYAS PA'I SKABS SU, LHA MO BZHIS ZHUS BRGYA BDUN CU, ,ZHES GSUNGS LA, 'DUS PA'I BSHAD RGYUD YIN PAR NI RIM LNGA LAS GSUNGS SO, ,BSHAD RGYUD DU 'GRO BA LA NI RTZA RGYUD KYI RIM GNYIS YAN LAG DANG BCAS PA GNYIS KA'AM, GANG RUNG GCIG BSHAD GZHIR BZUNG NAS GTZO BOR 'CHAD PA ZHIG DGOS LA, RGYUD 'DIS 'DUS PA'I RIM GNYIS YAN LAG DANG BCAS PA GNYIS KA 'CHAD MOD KYANG GTZO BOR 'CHAD PA NI RDZOGS RIM YIN LA, DE YANG RDO RJE BZLAS PA DANG, BDAG BYIN GYIS BRLAB PA DANG, MNGON PAR BYANG CHUB PA DANG, ZUNG 'JUG GI RIM PA RNAMS KYANG STON MOD KYANG, GTZO BOR NI SROG RTZOL GYI GNAD RNAMS GSAL BAR 'CHAD DO, ,GNYIS PA LA GNYIS, RTZA RGYUD KYI BSKYED RIM JI LTAR BSHAD PA, RTZA RGYUD KYI RDZOGS RIM JI LTAR BSHAD PA'O, ,DANG PO NI, DE LA 'DIS RIM PA DANG PO YAN LAG DANG BCAS PA BSHAD PA'I TSUL NI, LE'U DANG POR SANGS RGYAS KYI SKUS BRGYAN PA'I RDOR SEMS YUM DANG, SNYOMS PAR ZHUGS PA LAS BYANG CHUB KYI SEMS YUM GYI CHOS 'BYUNG DU SPROS PAR GSUNGS PAS NI, DANG PO SBYOR BA'I SKABS SU SPRUL SKU RDOR SEMS SU BSGYUR BA LA LUS DKYIL BKOD PA DANG, 'DU BYAS PA'I RIG MA DANG SNYOMS PAR ZHUGS NAS BYANG CHUB KYI SEMS PAD MAR PHYUNG BA BSTAN LA, LE'U GSUM PAR, CHU KHAMS PA LAS SKYES ZHES BYA, ,ZHES SOGS TSIGS BCAD GSUM GSUNGS

, ,PA YANG, RNAM GZHAG RIM PAR LUS DKYIL GYI SKABS SU DRANGS PAS DES KYANG LUS DKYIL STON LA, LE'U BZHI PAR LUS DKYIL BSHAD PA'I PHYOGS 'GAS KYANG STON ZHING, SKABS DER RIG MA DANG SNYOMS PAR 'JUG PA YANG BSTAN NO, ,DKYIL 'KHOR RGYAL MCHOG GI SKABS SU YUM GYI PADMAR BYANG SEMS PHYUNG BA'I THIG LE LHA SO SO'I SNGAGS SU GYUR BA NI LE'U GSUM PA LAS, CHA SHAS GNYIS PA DANG LDAN PA, ZHES SOGS TSIGS BCAD GSUM GYIS STON TE, SGRON GSAL LAS, TSIGS BCAD DANG PO GNYIS KYI DON DE LA BSHAD PAS SO, ,TSIGS BCAD PHYI MA'I DON NI GZHUNG GI SKABS SU GSAL BAR 'CHAD DO, ,LE'U BZHI PAR BYANG SEMS DANG BHA GA'I DKYIL 'KHOR GNYIS GSUNGS PA'I DON NI TSIG DON GYI SKABS SU 'CHAD PAR 'GYUR RO, ,LAS RGYAL MCHOG GI SKABS KYI 'OG SGO'I THIG LE PHRA MO NI, LE'U DANG PO'I SKABS KYIS MTSAN NYID MTSUNGS PA'I TSUL GYIS BSTAN PAR SBYOR NA RUNG LA, BZLAS PA NI LE'U GSUM PA'I SNGAGS 'DUS PA DRIS PA'I LAN GYI PHYOGS GCIG GIS KYANG STON DU RUNG NGO, ,GLUS BSKUL BA'I NGOR BZHENGS PA LA NYER SPYOD DANG 'DOD YON DANG GSANG MCHOD KYI MCHOD PA NI LE'U BZHI PAR MCHOD PA ZHUS PA'I LAN GYIS BSTAN NO, ,KHA ZAS KYI RNAL 'BYOR GYI PHYOGS GCIG PHAN YON DANG BCAS PA LE'U BZHI PA'I NANG GI SBYIN SREG GIS BSTAN PA NI MDOR BYAS SU GSUNGS LA, ZAB DANG SPYOD LAM GYI DUS KYI RANG LHAR BSGOM PA NI, GANG YANG 'GA' ZHIG ZHI BA'I LAS, ,

ZHES PA'I RKANG PA DRUG GIS BSTAN NO, ,DE LTAR LHA'I RNAL 'BYOR BSGOMS PAS NUS PA RNYED PA NA ZHI SOGS KYI LAS RAB 'BYAMS SBYIN SREG SOGS KYIS SGRUB PA YANG, LAS RGYAL MCHOG TU MDO BSRE LAS GSUNGS LA, DE NI LE'U BZHI PAR RDZAS KYIS SGRUB PA DANG SNGAGS KYIS SGRUB PA DANG, PHYI'I SBYIN SREG GIS CI RIGS PAR BSTAN TO, ,DE LTAR RIM PA DANG PO'I TING NGE 'DZIN GYI DON BSTAN PA DE DAG GIS RTZA BA'I RGYUD KYI GZHUNG GANG 'CHAD PA NI GO BAR SLA LA, DON PHRA BA 'GA' ZHIG BSTAN PA NI TSIG DON GYI SKABS SU 'CHAD DO, ,GNYIS PA NI, RTZA RGYUD LAS, PHUNG PO LNGA RIGS LNGAR BSHAD PA SOGS KYI GZHUNG GIS LUS DBEN YANG BSTAN PAR SPYOD BSDUS LAS GSUNGS PAS, 'DIR LUS DKYIL BSHAD PA LUS DBEN LA SBYAR DU RUNG BAS SBYOR NA'ANG, SBYAR BAR BYA'O, ,RDO RJE BZLAS PA LA GNYIS LAS, RLUNG GI DE NYID NI, RTZA RGYUD LE'U GSUM PA LAS SNA'I RTZE MOR YUNGS KAR GYI 'BRU TZAM GYI RIN CHEN KHA DOG SNA LNGA PA DANG, LE'U DRUG PA LAS, SNA'I RTZE MOR YUNGS KAR BSGOM PAR GSUNGS PA GNYIS KYIS RLUNG GI DE NYID MI GSAL BAR BSTAN PA RGYUD 'DI'I, DE NYID YE SHES LNGA YI DNGOS, ,ZHES PA'I RKANG PA BZHIS STON PAR RIM LNGA LAS GSUNGS SO, ,DE NI MTSON PA TZAM STE, DE'I GONG GI ,BYANG CHUB SEMS DAG CES PA'I RKANG PA GNYIS DANG, 'OG GI PHYED TSAD TZAM GYI ZHES SOGS DANG PO'I 'BYUNG KHUNGS DANG, 'ONGS PA'I LAM DANG, PHYIR SDUD PA DRIS PA'I LAN GSUM ZHAR BYUNG DANG BCAS PAS RLUNG GI DE

, ,NYID SNYING GA'I MI SHIGS PA'I THIG LE DANG BCAS PA BSTAN NO, ,DE YANG LE'U DANG POR DKYIL 'KHOR BZHI'I RLUNG SO SOR MA PHYE BAR BSTAN LA, LE'U GNYIS PA'I BYANG CHUB SEMS KYI RIM PA YIS, ,KHA SNYING LTE BA GSANG BA LA, ,ZHES SOGS KYIS LE'U DANG POR BSHAD PA'I YE SHES LNGA'I NGO BO NYID KYI RLUNG LA DKYIL 'KHOR BZHI'I RLUNG DU PHYE NAS MI SHIGS PA'I THIG LE LAS, 'GRO 'ONG BYED TSUL LA SOGS PA GSAL BAR BSTAN NO, ,RDOR BZLAS BYED PA'I BYED TSUL GYI GNAD THUN MONG MA YIN PA LE'U DANG PO GNYIS KYI GZHUNG DE DAG GIS BSTAN PA NI TSIG DON GYI SKABS SU 'CHAD DO, ,DE NAS SNGAGS KYI DE NYID NI, ,BCU GNYIS LNGA YI LNGA PA YANG, ,ZHES SOGS KYIS BSTAN NO, ,RDOR BZLAS BYAS PA'I NANG GI RKYEN DANG, PHYI'I PHYAG RGYA LA BRTEN NAS RO RKYANG GI RLUNG DANG, BYANG CHUB KYI SEMS AA BA DH'U T'IR SDUD CING RO MNYAM DU BYED PA NI LE'U GSUM PAR CHOS KYI DBYINGS BSDU BA DANG, RDO RJE GSUM GYI LAN GNYIS DANG, KHAMS GNYIS RO MNYAM DU JI LTAR 'GYUR DRIS PA'I LAN GYI PHYOGS GCIG GIS STON TO, ,SEMS CAN SKYE BA'I RIM PA'I ZHUS LAN GYIS SGYU LUS GANG LAS BSGRUB PA'I GZHI BSTAN LA, 'OD GSAL LAS LDANG BA'I ZHUS LAN GYIS KYANG MTSAN NYID MTSUNGS PA'I SGO NAS BDAG BYIN RLABS STON DU RUNG NGO, ,LAS NYON GYI GZHI'I ZHUS LAN GYIS RDOR BZLAS KYI DMIGS PA RLUNG GI BYA BA STON PA NI TSIG DON GYI SKABS SU SHES PAR BYA'O, ,'OD GSAL LAS LDANG BA'I DRI PA'I SKABS DANG, ,LE'U BZHI BA'I CHOS

DBYINGS BSGRUB PA'I LAN GYIS 'OD GSAL STON LA, 'OD GSAL LAS LDANG BA'I DRI BA'I LAN GYIS NI ZUNG 'JUG GI SKU STON TO, ,LE'U DANG PO'I 'JUG TU PHAN YON LA SOGS PA STON PA DANG, LE'U GSUM PA'I GONG BU'I BSDU BA DANG RDOR SEMS KYI RANG BZHIN ZHUS PA'I LAN LA SOGS PA RNAMS NI TSIG DON GYI SKABS SU BSHAD PAR BYA'O, ,RTZA RGYUD KYI RDZOGS RIM GYI GZHUNG GANG RGYUD 'DIS BSTAN PA'I TSUL SBYOR BA RNAMS KYANG PHAL CHER RTOGS PAR SLA BAS, THAMS CAD MA BRIS SO, ,GNYIS PA NI, RTZA RGYUD KYI DON 'CHAD PA'I BSHAD RGYUD RNAMS RIM PA BZHIN DU BSGRIGS PA NA, SNGA MAR MI GSAL BA PHYI MAR GSAL BAR STON PAS, BSHAD RGYUD NANG PHAN TSUN SBYAR BAS NGES PA BSKYED PA'I GDAMS NGAG NI RIM SNGAR RLUNG GI DE NYID 'CHAD PA'I SKABS SU RGYUD 'DI DANG, RGYUD PHYI MA DANG, RDO RJE PHRENG BA GSUM RIM PAR BKOD PA'I SKABS LAS SHIN DU GSAL LO, ,DE'I MAN NGAG GIS 'DIR YANG BSHAD NA, SNYING KHA'I MI SHIGS PA DANG, RDOR BZLAS SBRAG PA 'DIR BSHAD PA 'DIS, RGYUD PHYI MAR, RANG SNGAGS SNYING KHAR BSAMS NAS NI, ,SROG NI THIG LER GNAS PAR BZHAG ,CES PA DANG, RDO RJE PHRENG BAR GDONG GI SNA RTZER 'OD KYI THIG LE DANG, SNYING GA'I SNA RTZER SNGAGS KYI THIG LE BSGOM PAR BSHAD PA DANG, DGONGS PA LUNG STON LAS, DANG PO GCIG NI DGU DBUS NA, ,ZHES SOGS GSUNGS PA DANG, RANG BZHIN GYIS GRUB DANG PO GCIG ,CES SOGS DANG, BDAG NYID 'DI 'DRAR BYAS NAS NI, ,CHOS KYI DKYIL 'KHOR BRI BAR BYA, ,ZHES SOGS RNAMS KYI DON YANG RGYUD 'DIR BSHAD

, ,PA DANG, DON MTHUN PAR GO NUS LA, DE LTAR BYA DGOS PA'I RGYU MTSAN NI, RDOR PHRENG GI LE'U DRUG PA LAS SHIN TU DBYE BAR DKA' BA'I SNYING KHA'I MDUD PA MA GROL BAR DU MDUD PAS BCINGS PA'I NANG GI MI SHIGS PA LA RLUNG SDUD PAR MI NUS SHING, DE MA NUS NA DER RLUNG RNAMS THIM PA LAS 'OD GSAL 'CHAR BA'I RTOGS PA BSKYED MI NUS PAS RTZA MDUD DE DBYE DGOS PA DANG, DE 'BYED PA RDOR BZLAS KYIS BYED PAR GSUNGS PAS SHES SO, ,SNYING KHA'I RTZA MDUD 'BYED PA NI DBU MA'I MDUD PA 'GROL BA THAMS CAD KYI GTZO BO GAL CHE SHOS YIN PAR RDOR PHRENG GI SKU GSUNG THUGS KYI SNYING PO'I LE'U LAS SHES PAS, 'DUS PA'I LUGS KYIS SNYING KHAR GNAD DU BSNUN PA NYID LUS LA GNAD DU BSNUN PA'I MTHAR THUG TU BYA DGOS PAR SHES PA YIN NO, ,RDOR BZLAS KYIS SNYING KHAR RLUNG BSDUS PA'I TSE DE'I SDUD RIM LA STONG PA BZHI 'CHAR BAR NI DGONGS PA LUNG STON LAS, JI LTAR 'O MA KHYAD PAR NI, ,MAR GSAR GNAS PAR GYUR PA YIN, ,DE BZHIN GOS DKAR LA SOGS LA, ,ZHI BA NYID NI DE GNAS SO, ,ZHES 'O MA GSHIBS PA LAS, MAR GSAR 'BYUNG BA LTAR GOS DKAR MO'I RLUNG NYIS BRGYA NYER LNGA LA SOGS PA'I RDO RJE'I BZLAS PA LA 'BAD PA LAS KYANG, ZHI BA STE STONG PA BCO BRGYAD KYI RTOGS PA'AM, MDOR BSDU NA STONG PA BZHI'I TING NGE 'DZIN SKYE BAR GSUNGS PAS STONG PA BZHI 'CHAR LA, STONG PA BZHI'I NGO BO NI BSHAD RGYUD GZHAN LAS KYANG YE SHES RDO RJE KUN LAS BTUS

GSAL BAS, DE NAS GSUNGS PA BZHIN DU SHES PAR BYA DGOS SO, ,DE LTAR SROG RTZOL GYI SKABS 'DRA BA GCIG LA YANG BSHAD RGYUD PHAN TSUN DU BSHAD PA SGRIG SHES NA, RTZA RGYUD KYI DON RNAMS RE RE 'CHAD PA LA YANG BSHAD RGYUD SO SOS NGES PA MI 'DRA BA BSKYED TSUL RNAMS SHES PAS, RTZA RGYUD GCIG LA YANG BSHAD RGYUD MI 'DRA BA MANG PO 'ONG BA'I RGYU MTSAN RNAMS LA NGES PA RNYED CING, GDAMS NGAG GI MTHAR THUG RTZA RGYUD YIN PA DANG, DE LTAR YIN PA LA NGES PA SKYED BYED BSHAD RGYUD LA THUG PA DANG, DE LTAR DNGOS PO LA GNAS KYANG BLA MA'I ZHAL NAS, DE LTAR YIN PAR 'CHAD PA MED NA SHIN TU RTOGS DKA' BAR RIM LNGA LAS, DPAL LDAN 'DUS PA'I RGYUD DU NI, ,DE NYID 'DI DAG RGYAS BTAB GNAS, ,BSHAD PA'I RGYUD KYI RJES 'BRANGS NAS, ,BLA MA'I KHA LAS RTOGS PAR BYA, ,ZHES GSUNGS PA DANG, DE 'DRA BA SHING RTA CHEN PO RNAMS KYIS GSUNGS PA LA RMAD DU BYUNG BA'I NGES PA RNYED PAR 'GYUR RO, ,DE LTAR GYUR NA RDO RJE 'CHANG GI GDAMS PA'I MTHAR THUG RTZA BA DANG BSHAD PA'I RGYUD RNAMS GDAMS NGAG GCIG TU 'CHAR ZHING, RTZA BSHAD KYI RGYUD RNAMS LA GO BA 'PHRUL MED CHAGS PAS GDAMS NGAG LA NANG BYAN TSUD PA ZHES PA'I MING DON DANG MTHUN PA THOB PA YIN NO, ,BLO GROS CAN GYIS PHYOGS 'DIS RTZA RGYUD KYI DON LHAG MA LA SBYOR BA YANG SHES PAR BYA'O, ,RIM PA 'DI NI 'DUS PAR MA ZAD RGYUD GZHAN LA YANG 'DRA BA YIN NO, ,GNYIS PA LA BZHI, SPYAN MAS ZHUS PA'I LE'U, M'A MA K'IS ZHUS PA'I LE'U, GOS

, ,DKAR MOS ZHUS PA'I LE'U, SGROL MAS ZHUS PA'I LE'U'O, ,DANG PO LA LNGA, DRI BA'I GZHI GANG MTHONG BA, DE MTHONG NAS JI LTAR ZHUS PA, ZHUS PA RNAMS LA LAN BTAB PA, LAN BTAB PA'I DON BSDU BA, LE'U YI MTSAN BSTAN PA'O, ,DANG PO LA GNYIS, RDOR SEMS YAB YUM MNYAM PAR BZHUGS TSUL, GSANG BA'I CHOS 'BYUNG LA BYANG SEMS SPROS TSUL LO, ,DANG PO NI, BZHUGS ZHES DRANG NGO, ,GANG NA, RNAM RTOG GIS MI PHYED PA'I CHOS RNAMS KYI RANG BZHIN MED PA'I STONG PA NYID DANG, SNYING RJE CHEN PO LHAN CIG SKYES PA'I BDE BA GNYIS YUL YUL CAN DU RO GCIG TU SBYOR BA'I GO 'PHANG MCHOG NI RGYUD KYI STON PA RDO RJE SEMS DPA' STE DE'O, ,DE'I KHYAD PAR GNYIS LAS DANG PO NI, SPYAN MA LA SOGS PA'I LHA MO BZHI DANG MNYAM PA STE YANG DAG PAR LDAN PA'O, ,'DI'I 'GREL PA CHE CHUNG GNYIS LAS MNYAM PAR LDAN PA'I DON DBUS KYI RDOR SEMS LA LHA MO BZHIS MTSAMS BZHI NAS BSKOR BA LA BSHAD CING, 'GREL PA CHE BA LAS YANG NA BSNYEN PA LA SPYAN MA, NYER BSGRUB LA M'A MA K'I, SGRUB PA LA GOS DKAR MO, SGRUB CHEN LA SGROL MA RANG GI RIG MAR BYAS PA LA BSHAD DO, ,ZHING ZHES PA NI KHYAD PAR 'OG MA SDUD PA'O, ,KHYAD PAR GNYIS PA NI, RDOR SEMS DE YANG RNAM SNANG LA SOGS PA'I SANGS RGYAS KYI GZUGS TE SKUS NYE BAR BRGYAN PA STE, LUS KYI DKYIL 'KHOR DANG LDAN PA'O, ,BYA BA GANG LA BZHUGS NA, SHIN TU STE MCHOG TU DGA' BA'I YE SHES BSKYED PA'I THABS SHES MNYAM PAR SBYOR BA'I MDZAD PA

CHEN PO LA'O, ,RTZA BA'I RGYUD LAS DE BZHIN GSHEGS PA RNAM SNANG CHEN PO CHAGS CHEN GYI TSUL GYIS TING NGE 'DZIN LA ZHUGS NAS 'KHOR GYI DE BZHIN GSHEGS PA THAMS CAD RANG GI SKU LA BCUG PA NA, DE RNAMS KYIS DE BZHIN GSHEGS PA THAMS CAD KYI SKU GSUNG THUGS KYI BDAG PO MNYES PAR BYA BA'I PHYIR DU, NYID KYI SKU SPYAN MA LA SOGS PA BZHI DANG, GZUGS RDO RJE MA LA SOGS PA LNGA STE, LHA MO DGU'I GZUGS SU SPRUL PAR GSUNGS TE, RNAM SNANG DANG BDAG PO NI RDO RJE SEMS DPA' YIN LA, MNYES PA NI MCHOG TU DGA' BA'I BDE BAS TSIM PAR BYA BA'I PHYIR DU SBRUB PAR SGRON GSAL LAS GSUNGS PAS, SPYAN MA LA SOGS PA DANG SNYOMS PAR ZHUGS PAS LHAN SKYES KYI BDE BA BSKYED PA'I DON TE, RTZE BA'I RGYUD BZHIN DU 'DIR YANG SBYAR BAR BYA'O, ,DUS NI DUS CHEN PO 'KHOR BA JI SRID BAR RO, ,TE NI LHAG MA 'DREN PA'O, ,GNYIS PA NI, RDOR SEMS DE LTAR BZHUGS NAS CI ZHIG MDZAD CE NA, PHUNG PO LA SOGS PA'I CHOS KYI DBYINGS TE RGYU BYANG SEMS KYI THIG LE NI ZHU BA MDZAD DO, ,JI LTAR NA, YUM GYI CHOS KYI 'BYUNG GNAS PADMA LA BYANG CHUB KYI SEMS THIG LE SPOS PA STE PHAB NAS SU ZHU BAR MDZAD DO, ,CHOS 'BYUNG DE GSANG BAR BYA BA CHEN PO STE MCHOG TU GSUNGS PA NI, DE'I NGES PA'I DON DE LTAR YIN PAS DE LA'ANG DE SKAD CES BYA STE, NGES PA'I DON NI GSANG BA GRUB PA LAS, CHOS KYI 'BYUNG GNAS SPANGS PA YI, ,CHOS GNAS DAG PA GZHAN DAG MED, ,GANG LA SANGS RGYAS KUN 'BYUNG ZHING, ,SANGS RGYAS

, ,BYANG CHUB RAB GNAS PA'O, ,ZHAS SANGS RGYAS KYI YON TAN GYI CHOS KUN 'BYUNG BA'I GNAS SU GYUR BA'I DAG PA'O, ,DAG PA YANG DE NYID LAS, GANG ZHIG SANGS RGYAS THAMS CAD KYI, ,SKU GSUNG THUGS KYI TSUL DAG GIS, ,GNAS SHING DNGOS GRUB BZANG STER BA, ,SHES RAB CES BYA'I MING GI GNAS, ,DE LA GNAS PA GANG YIN PA, ,BHA GA ZHES BYA'I YI GE GNYIS, ,DAG PA'I DE NYID SHES BYA STE, ,DON DAM PA STE BDAG GIS BSTEN, ,ZHES RGYAL BA THAMS CAD KYI SKU GSUNG THUGS MTSON PA'I ZUR GSUM PA'I TSUL GYIS SHES RAB KYI LUS LA YOD PA'I BHA GA ZHES BYA BA LA GNAS PA'I AE WAm GYI YI GE GNYIS KYI DON LA GSUNGS PA'O, ,DE LA AE'I NGES DON NI STONG PA NYID DANG, WA'I NGES DON NI THUGS RJE BDE BA STE, WA YIG GI THIG LE'I DON DE GNYIS DBYER MED PAR SBYOR BA'I RMAD DU BYUNG BA YIN TE, RGYUD RDO RJE PHRENG BA LAS, AE NI STONG PA NYID DU GSUNGS, ,DE BZHIN WA NI THUGS RJE DANG, ,THIG LE DE GNYIS SBYOR LAS BYUNG, ,DE SBYOR BA YI RMAD MCHOG GO ,ZHES SO, ,DE NI CHOS KYI PHUNG PO BRGYAD KHRI BZHI STONG LA KHYAB PA'I CHOS KYI PHYAG RGYA RGYUD KUN GYI GLENG GZHI'I THOG MAR GSUNGS PA'I DON LA BSHAD DO, YI GE GNYIS KYI NGES DON BHA GA LA GNAS PA'I TSUL NI, ,LHA'I DBANG POS ZHUS PA'I BSHAD RGYUD LAS, YI GE AE NI MAR GYUR LA, ,WA NI PHA ZHES BYA BAR GRAGS, ,THIG LE DER NI SBYOR BA STE, ,SBYOR DE SHIN TU RMAD BYUNG BA'O, ,ZHES GSUNGS PA LTAR YAB YUM

SBYOR BA DANG, DE GNYIS KYI RTAGS GNYIS THIG LE DANG BCAS PA LA AE WAm DU GSUNGS PA'I RTAGS KYI AE WAm SBYAR BA LAS BYUNG BA'I DON NO, ,CHOS 'BYUNG DE JI 'DRA BA SNYAM NA 'OD ZER KHA DOG LNGA 'CHANG BA STE 'DZIN ZHING 'OD ZER 'KHRIGS PA STE DES DE GANG BA'O, ,RTZA BA'I RGYUD LAS, 'OD ZER RNAM LNGAS KHYAB PA YI, ,PADMA RDO RJE BSGOM PAR BYA, ,ZHES GSUNGS PA'I 'GREL PA SGRON GSAL LAS, YAB YUM SNYOMS PAR 'JUG PA'I DUS SU RDO RJE DANG PAD MA 'OD ZER SNA LNGAS GANG BAR BSGOM PAR GSUNGS PA DANG MTHUN PAR 'DIR YANG BSHAD DE, 'DIR CHOS 'BYUNG LA GSUNGS PA NI MTSON PA TZAM MO, ,'GREL PA GNYIS LAS THIG LE YUM GYI PAD MAR PHAB PA YI GE KshUm GI NGO BOR GNAS PA 'OD DU BYAS PA NI ZHU BA'I DON DU 'CHAD DO, ,SNGON BYUNG 'DI RJES 'JUG SGRUB PA POS THIG LE PHRA MO BSGOM PA LA SBYOR NA, RDO RJE BZHIS BSKYED PA'I SGRUB THABS BSDUS PA LA SBYOR NA DNGOS SU YIN LA, SGRUB THABS RGYAS PA'I THIG LE PHRA MO BSGOM PA LA SBYOR NA MTSAN NYID MTSUNGS PA'I SGO NAS SBYAR RO, , GNYIS PA LA GNYIS, ZHUS PA'I MTSAMS SBYOR, ZHUS PA'I TSUL DNGOS SO, ,DANG PO NI, THIG LE PADMAR ZHU BA'I DNGOS PO DE MTHONG NAS GSOL BA STE, ZHES TSIG RNAMS SBYAR RO, ,GANG GIS NA, LHA MO SPYAN MAS YONGS SU ZHUS SO, ,GANG LA NA, NYON MONGS PA'I KUN NAS NYON MONGS PA LA SOGS PA BCOM PA DANG LDAN PA'I RDO RJE SEMS DPA' LA'O, ,TSIG GANG GIS NA, 'OG NAS 'BYUNG BA'I TSIG 'DI DAG GIS NI GSOL LO, ,TSIG 'DI DAG NI ZHES KYANG KHA CIG LAS 'BYUNG NGO, ,GNYIS PA LA

, ,GNYIS, SO SO'I DRI BA, THUN MONG GI DRI BA'O, ,DANG PO LA DRUG ,DANG PO'I 'BYUNG KHUNGS ZHUS PA, DE NAS 'ONGS BA'I LAM ZHUS PA, SLAR BSDUS TE 'GRO BA'I TSUL ZHUS PA, SEMS CAN SKYE BA'I RIM PA ZHUS PA, LAS NYON GYI GZHI ZHUS PA, 'OD GSAL LAS LDANG BA'I TSUL ZHUS PA'O, ,DANG PO NI, CHOS KYI DBYINGS BYANG CHUB KYI SEMS RNAMS YUM GYI PADMAR 'PHRO BA STE SPROS PA NI DANG PO GNAS GANG LAS SKYE BAR 'GYUR BA LAGS ZHES DANG PO'I 'BYUNG KHUNGS ZHUS SO, ,'DI'I LAN, DE NYID YE SHES LNGA YI DNGOS, ,ZHES SOGS KYIS RLUNG GI DE NYID STON PAR RIM LNGA LAS GSUNGS PAS, DRI BA'I SKABS SU YANG THIG LE RKYANG PA DRIS PA MIN GYI RLUNG DANG THIG LE 'DRES PA'I RLUNG YANG DRIS PA YIN NO, ,RLUNG DANG THIG LA 'DRES MAR 'BYUNG BA NI, RGYUD PHYI MA LAS, YE SHES LNGA YI RANG BZHIN DBUGS, ,'BYUNG BA LNGA YI NGO BO NYID, ,GONG BU'I GZUGS KYIS PHYUNG NAS NI, ,SNA YI RTZE MOR RAB TU BRTAG ,CES YE SHES LNGA'I DBUGS TE RLUNG RNAMS GONG BU STE, THIG LE'I GZUGS KYIS YUM GYI PADMAR 'BYUNG BAR SGRON GSAL LAS GSUNGS SO, ,TSUL DE NI 'ONGS PA'I LAM DANG PHYIR SDUD PA'I DRIS LAN GNYIS LA YANG 'DRA'O, ,MDO BSRE LAS, RTZA RGYUD LE'U DANG POR SNGAR BSHAD PA LTAR LHA MO DGU'I GZUNGS DKYIL SPRUL PA DE, BCOM LDAN 'DAS KYIS BYANG CHUB KYI GO 'PHANG NI 'DOD CHAGS LAS SKYE BAR BSTAN PA'I PHYIR YIN LA, SNGON BYUNG DANG MTHUN PAR RJES 'JUG GIS KYANG DANG PO SBYOR BA'I SKABS SU RIG MA 'DU BYAS NAS SNYOMS PAR 'JUG PAR BYA BAR BSTON PAR GSUNGS LA, LHA MO

BZHI DANG MNYAM LDAN ZHING, ,ZHES SOGS KYIS KYANG GZUNGS DKYIL SPRUL PA DE 'CHAD PA YIN NO, ,DES NA BYANG CHUB KYI GO 'PHANG NI, SKYE 'CHI BAR DO GSUM SKU GSUM DU BSGYUR BA'I SKU GSUM MO, ,DE 'DOD CHAGS LAS SKYE BA NI SPYAN MA LA SOGS PA'I RIG MAS SNGAR BSHAD PA'I AE WAm GYI NGES DON MCHOG TU DGA' BA'I YE SHES BSKYED PA'I SGO NAS YIN TE, DE NI PHYI'I RKYEN PHYAG RGYA LA BRTEN NAS STONG PA BZHI'I YE SHES PA BSKYED PA'O, ,DE'I NANG GI RKYEN SROG RTZOL RLUNG GI RNAL 'BYOR NI, SPYAN MA SOGS DANG SNYOMS PAR ZHUGS PA'I BYANG SEMS YUM GYI PADMAR PHYUNG BA'I DANG PO'I 'BYUNG KHUNGS GANG YIN SOGS DRIS PA'I LAN GYIS STON NO, ,DE'I PHYIR RGYUD 'DIS 'OD GSAL MNGON DU 'GYUR BA'I THABS SROG RTZOL RLUNG GI RNAL 'BYOR GTZO BOR STON PA YIN ZHING, RTZA RGYUD KYI YANG GTZO BOR GZUNGS DKYIL SPRUL PA 'CHAD PA YIN NO, ,BSHAD RGYUD DGONGS PA LUNG STON DU YANG GZUNGS DKYIL SPRUL PA'I LHA MO DGU SOR BZHAG TU MDZAD PA GCIG DANG, LHA MO DGU RLUNG BCU LA BSHAD PA GCIG DANG GNYIS BYUNG BA YANG, SNGAR BSHAD PA'I PHYI NANG GI RKYEN GNYIS STON PAR SHES PAR BYA STE, DE'I LTAR NA SPYAN MA SOGS BZHIS NI NGES DON DUN 'BYUNG BA BZHI'I RLUNG GI DE NYID STON NO, ,GNYIS PA NI, YUM GYI PADMAR ZHU BA'I THIG LE DE DANG PO'I 'BYUNG KHUNGS KYI GNAS DE NAS JI LTAR 'ONGS PA'I LAM GANG YIN ZHES LAM ZHUS SO, ,GSUM PA NI, DANG PO JI LTAR 'ONGS PA'I LAM ZHUS PA DE BZHIN DU MTHAR PHYIR JI LTAR 'GRO BA YANG ZHU BA STE, DE'I DON NI LUS KYI PHYI NANG GNYIS KYI PHYI ROL

, ,TU JI LTAR 'GRO DRIS PA MIN TE, YAB KYI GSANG BA'I RDO RJE LAS PHYI ROL DU 'GRO BA NI MTHONG NAS DRIS PA YIN PAS SLAR DRI MI DGOS LA, THIG LE DBANG PO'I SGO RNAMS SU PHYI ROL DU 'GRO BA YANG DRIS PA MIN TE, YIN NA, SGO DGU LA NI KUN TU 'GRO, ZHES PA LAN DU BYA DGOS NA, DE NI LUS RIM GYIS BSKYED PA'I TSUL STON PAR SNANG BAS DRI BA BZHI PA'I LAN DU SNANG BA'I PHYIR, DE'I LAN MIN NO, ,DES NA PHYIR 'GRO BA'I PHYIR NI SLAR GYI DON DANG, 'GRO BA NI GANG DU 'DU BA'I GNAS SU 'GRO BA STE, DER SDUD PA'I DON NO, ,BZHI PA NI, GANG RKANG PA DANG LAG PA LA SOGS PA'I YAN LAG MED PA'I THIG LE DE NI, LAG PA LA SOGS PA'I YAN LAG DANG BCAS PAR SKYES PAR GYUR NAS SU SEMS CAN GYI LUS KYI DNGOS PO RAGS PAR 'GYUR BA'I TSUL JI LTAR LAGS ZHES SPYIR ZHUS SO, ,DE NYID LA KHYAD PAR SKYED BYED KYI SGO NAS ZHUS PA NI MIG GI DBANG PO NAS YID KYI DBANG PO'I BAR DRUG PO RNAMS SU THIG LE RLUNG DANG BCAS PA 'JUG PA DANG, DER MA ZAD GZUGS LA SOGS PA'I PHUNG PO LNGA'I DNGOS PO RNAMS DANG, KHAMS BCO BRGYAD DAM BZHI RNAMS SU THIG LE RLUNG BCAS 'JUG PA'ANG JI LTAR LAGS ZHES SEMS CAN SKYE BA'I RIM PA JI LTAR YIN ZHUS SO, ,LNGA PA NI, MA RIG PA'I BAG CHAGS DANG BSRES PA YIS 'KHOR BAR BCINGS PA'I SEMS CAN RNAMS KYI NYON MONGS PA 'DOD CHAGS DANG, SOGS KYI SGRAS ZHE SDANG SOGS KYIS NYON MONGS DANG, DES KUN NAS BSLANGS PA'I LAS KYIS RNAM PAR SHES PA LA LAS KYI BAG CHAGS SNA TSOGS PA BZHAG PA DE RNAMS DNGOS SU NA RTZA BA

GANG DU 'DUS PA'I 'DUS TSUL JI LTAR LAGS ZHES LAS DANG NYON MONGS PA'I GZHI ZHUS SO, ,DRUG PA NI, DNGOS PO STE RANG BZHIN MED PA 'OD GSAL SGOM PA LAS LHA'I GZUGS DMIGS PA DANG BCAS PAR LDANG BA JI LTAR LAGS ZHES ZHUS TE, THE TSOM GYI RGYU NI, DE'I TSE GZUGS DANG SOGS KYIS BSDUS PA SGRA DRI RO REG BYA CHOS TE DBANG PO DRUG GI SPYOD YUL GYI MTSAN NYID RNAMS RANG BZHIN MED CING DMIGS SU MED PA'I PHYIR RO SNYAM NAS ZHUS PA'O, ,GNYIS PA NI, SPYAN MA BDAG GIS THE TSOM ZHUS PA'I DRI BA DRUG PO NGO MTSAR CHEN PO CAN DE DAG NI LHA'I GTZO BO RDO RJE SEMS DPA' KHYED KYIS LAN BKA' STZAL NAS THE TSOM CHOD CIG ,CES SPYIR ZHUS TE, 'DI NI SNGAR GYI DRI BA RE RE'I MTHAR DON GYIS 'THOB BO, ,GSUM PA LA GNYIS, LAN 'DEBS PA'I MTSAMS SBYOR, LAN GDAB PA DNGOS SO, ,DANG PO NI SNGAR BSHAD PA DE LTAR ZHUS MA THAG TU NI DE'I LAN BCOM LDAN 'DAS RDO RJE SEMS DPAS GSUNGS SO ZHES SDUD PA PO'I TSIG GIS MTSAMS SBYAR RO, ,GNYIS PA LA BZHI, ZHU MKHAN GYI CHE BA BRJOD DE NYAN PAR BSKUL BA, DRIS PA'I DON RTOGS DKA' BAR BSTAN PA, DRI BA'I CHE BA BRJOD DE BSHAD PAR ZHAL GYIS BZHES PA, DRI BA SO SO'I LAN RGYAS PAR BSHAD PA'O, ,DANG PO NI, DPAG DKA' BA'I GNAS 'BYED PAR NUS PA'I SHES RAB ZAB PA DANG, SPOBS PA MA GTUGS PA'I SHES RAB ZAD PA MED PA NI GANG LA MNGA' BA'I SPYAN MA ZHES ZHU BA PO'I CHE BA BRJOD DE BOS NAS, SNOD KHA SPUB PA LA SOGS PA'I NYAN PA PO'I SKYON GSUM DANG BRAL BAR NYON CIG DANG, DRIS PA'I LAN

, ,RNAMS BSHAD PAR BYA'O ZHES NYAN PAR BSKUL LO, ,GNYIS PA LA GSUM, BRTAG DPYAD MKHAN GYIS RTOGS DKA' BA, NYAN RANG GIS RTOGS DKA' BA, DE DAG LAS GZHAN PA'I SO SKYES RTOGS DKA' BAR BSTAN PA'O, ,DANG PO NI, 'DIR GANG GIS MI SHES PAR GSUNGS PA'I GANG ZAG NI NYAN RANG GNYIS DANG GRUB MTHA' LA ZHUGS PA'I SO SKYE DANG, MA ZHUGS PA'I SO SO SKYE BO'O, ,GANG MI SHES PAR GSUNGS PA'I DON NI 'GREL BA GNYIS KYIS CHOS NYID LA BSHAD KYANG, SNGAR DRIS PA'I DON DE RNAMS MI SHES PAR STON PA'I SKABS YIN PAS CHOS NYID KHO NA LA MI BYA LA, CHOS NYID KYANG SKABS 'DIR BDE STONG GNYIS YUL YUL CAN DU SBYAR BA'I DON DAM LA BYA'I STONG PA NYID TZAM LA MIN NO, ,SAm BHU tA LAS KYANG NYAN RANG GIS MI SHES PA'I BAR 'DI DANG MTHUN PAR 'BYUNG MOD KYANG, MI SHES PA'I DON DER BSHAD PA LAS GZHAN MANG PO CIG 'DIR YOD PAS GCIG TU MI BZUNG NGO, ,DE LA NYAN RANG DANG GRUB MTHA' LA MA ZHUGS PA'I SO SKYES MI SHES PA NI SGRA SOR BZHAG GIS CHOG LA, GRUB MTHA' LA ZHUGS PA'I SO SO SKYE BO NI GSANG SNGAGS BLA MED LA BRTEN NAS DE DAG GI DON RTOGS PA'I SO SO SKYE BO RNAMS MA GTOGS MOD, 'ON KYANG DRI BA DE DAG GI DON YONGS SU RDZOGS PAR MKHYEN NAS RANG DBANG DU LAN 'DEBS PA NI, SANGS RGYAS NYAG GCIG YIN PAS SANGS RGYAS KYI SPYOD YUL DU GSUNGS SO, ,DPYAD DU MED PA NI BRTAG PAR BYA BA MIN PAR MAN NGAG SNYE MAR 'BYUNG BA LTAR YIN LA, DE NI DON RAGS PA YUL DU BYED BA'I SO SO SKYE BA'I BLOS MI SHES PA'O, ,SHES BYA MIN PA NI

RNAM PAR SHES PAR BYA BA MIN PAR MAN NGAG SNYE MAR 'BYUNG BA LTAR YIN LA, DE NI RNAM PAR TE KHYAD PAR ZHIB PA DPYOD PA'I SO SKYE'I BLOS MI SHES PA STE, DE GNYIS NI RANG GI SDE PA'I DBANG DU BYAS PA'O, ,RANG GI SDE PAS MI SHES PA DE BZHIN DU DPYAD MKHAN TE PHYI ROL PA'I RTOG GE PA RNAMS KYIS SHES PAR DKA'O, ,SAm BHU tA LAS, DE BZHIN RTOG GE PAS MI RTOGS, ,ZHES PA'I DON MAN NGAG SNYE MAR PHYI ROL PA LA BSHAD DO, ,'O NA DRIS PA'I DON DE RNAMS SU'I SPYOD YUL YIN SNYAM NA, YANG DAG PAR RDZOGS PA'I SANGS RGYAS KUN GYI SPYOD YUL DU GYUR PA'I GSANG CHEN YIN LA, DE NI NAM MKHA' STE DE DANG 'DRA BA'I 'OD GSAL NAM MKHA' STE DE'I RNAM PA JI BZHIN DU ZHUGS PA'I YE SHES KYI SPYOD YUL LO, ,'DI NI DRI BA DRUG PO DE RNAMS KYI GTZO BO 'OD GSAL DANG ZUNG 'JUG GI DBANG DU MDZAD PA'O, ,GNYIS PA NI, DE LTAR SO SO SKYE BOS MI SHES NA 'PHAGS PA NYAN THOS DANG, RANG SANGS RGYAS KYIS SHES SAM SNYAM NA, NYAN THOS RNAMS KYIS KYANG DRI BA DE DAG GI DON SHES PA MIN NO, ,DE'I RGYU MTSAN NI, DE DAG GI DON SHES PA LA GOGS SU GYUR PA'I MI SHES PA'I MUN PAS SGRIBS PAS NA'O, ,RANG SANGS RGYAS KYI SPRUL PA STE BSKYED PA'I YE SHES DE DAG KUN GYIS KYANG MI SHES SO, ,DE'I RGYU NI, DRI BA'I DON DE DAG SHES PA LA SGRIB PA'I MA RIG PA'I BAG CHAGS KYI MTHU SAD PA'I RJES SU SON PA'O, ,SAm BHU tAR, BAG CHAGS SAD PA'I YE SHES GANG, ,RANG SANGS RGYAS KYI SPRUL PA STE, ,ZHES 'BYUNG NGO, ,GZHUNG 'DIR, SPYOD YUL BAG CHAGS SHES MKHAN NI, ,RANG SANGS RGYAS SU SPRUL PA STE, ,ZHES 'BYUNG BA'I DON, GZUGS,

, ,SOGS PHYI'I SKYE MCHED DRUG BAG CHAGS KYI DBANG GIS SNANG MOD KYANG, KUN BRTAGS BA TZAM DU RTOGS PA NI SHES MKHAN YIN LA, DE NI RANG SANGS RGYAS SU SPRUL PA'O ZHES 'GREL PA LAS 'CHAD DO, ,GSUM PA NI, GAL TE TSANGS PA LA SOGS PAS 'JIG RTEN CHAGS PA SOGS SHES PAS DE DAG GIS SHES PAR MI RUNG NGAM SNYAM NA, SO SO'I SKYE BO DE RNAMS KYIS KYANG MI SHES TE, DE DAG GIS MA 'ONGS PA DANG 'DAS PA DANG DA LTAR BYUNG BA'I DUS GSUM LA STE, GSUM DU DE KHO NA NYID KYI DON SHES PA MED PA'I PHYIR RO, ,BYOL SONG LA SOGS PA RIG PA DANG LDAN PA 'GA' YOD PA DE DAG GIS SHES MI NUS SAM SNYAM NA, BYOL SONG GI BAG CHAGS NI MI DGE BA'I LAS SO, ,DE LUS BYUNG BA'I DUD 'GRO DANG YI DVAGS KYI SKYE BA PA RIG PA DANG LDAN PA DE RNAMS KUN GYIS KYANG MI SHES SO, ,DES NA DRI BA'I DON DE DAG NI SANGS RGYAS RNAMS KYI SPYOD YUL DU GYUR PA'I GSANG BA CHEN PO YIN PAS, DE'I LAN YANG RANG DBANG DU SANGS RGYAS MA GTOGS PAS 'CHAD PAR MI NUS SO, ,GSUM PA NI, RGYUD RNAMS SU GSUNGS PA'I RDZOGS RIM NI RNAL 'BYOR GZHAN LA LTOS NA, SNYING PO'O, ,SHIN TU SNYING PO NI DE RNAMS KYI YANG SNYING POR GYUR PA, RDO RJE'I BZLAS PA NAS ZUNG 'JUG GI BAR MCHOG TU GYUR PA SANGS RGYAS KUN GYI GSANG BA CHEN PO'I MAN NGAG GANG YIN PA DE NI, LHA MO SPYAN MA KHYOD LA BSHAD PAR BYA'O, ,ZHES DRIS PA'I LAN RNAMS BSHAD PAR ZHAL GYIS BZHES SO, ,DE YANG RDO RJE BZLAS PA'I DMIGS

PA RLUNG GI DE NYID DANG, BDAG BYIN GYIS BRLAB PA'I GZHI RLUNG SEMS TZAM GYI GNYUG MA'I LUS DANG, GZHI'I 'OD GSAL GANG SEMS CAN THAMS CAD LA RANG GI BDAG NYID DU GNAS PA DE DAG GI DBANG DU BYAS PA'I RDZOGS RIM 'CHAD PA'O, ,'GREL PA GNYIS LAS SNYING PO SKU GSUNG THUGS DANG, DE'I RANG BZHIN RDOR SEMS KYI NGO BO MI RTOG YE SHES SHIN TU SNYING PO MCHOG DANG, DE'I NGO BO SNOD BCUD KUN GYI RANG BZHIN DU KHYAB PAR BSHAD CING, 'GREL PA CHE BA LAS SNYING PO PHYE DKYIL DANG, SHIN TU SNYING PO LUS DKYIL PHRA MO'I TING NGE 'DZIN LA BSHAD CING, RIM LNGA'I 'GREL PA RNAMS SU YANG DE GNYIS KYI DON MANG DU BSHAD SNANG NA'ANG, SNGAR BSHAD PA NYID GZHUNG LA GNAS PAR MTHONG NGO, ,YANG 'GREL PA GNYIS LAS TSIGS BCAD 'DIS DANG PO'I 'BYUNG KHUNGS KYI LAN BSTAN PAR 'CHAD MOD KYANG, DRI BA SPYI'I LAN DU 'THAD DO, ,BZHI PA LA DRUG ,DANG PO'I 'BYUNG KHUNGS KYI ZHUS LAN, SLAR BSDUS TE 'GRO BA'I TSUL GYI ZHUS LAN, DE NAS 'ONGS PA'I LAM GYI ZHUS LAN, SEMS CAN SKYE BA'I RIM PA'I ZHUS LAN, LAS NYON GYI BZHI'I ZHUS LAN, 'OD GSAL LDANG BA'I TSUL GYI ZHUS LAN NO, ,DANG PO LA GNYIS, RDOR BZLAS KYI DMIGS PA RLUNG GI DE NYID BSTAN PA, DE'I RTZA BA'I GNAS MI SHIGS PA'I THIG LE BSTAN PA'O, ,DANG PO NI, RLUNG DANG THIG LE'I BYANG CHUB KYI SEMS RANG BZHIN GYIS DAG CING 'OD GSAL BA ZHES PA'O, ,YANG NA BYANG CHUB KYI SEMS DAG CES PA'I DAG NI GNYIS TSIG YIN PAS RLUNG DANG KUN TA LTA BU'I BYANG CHUB KYI SEMS SO, ,RLUNG LA BYANG CHUB KYI SEMS

, ,SU BSHAD PA NI DGONGS PA LUNG STON NA MANG NGO, ,'OD GSAL BA NI THIG LE'I KHA DOG DANG RLUNG GI 'OD ZER RO, ,THIG LE NI, ZLA BA DANG SHEL DANG MNYAM PA STE 'DRA BA'I 'OD GSAL BA'O, ,BYANG CHUB KYI SEMS RLUNG DE NYID ME LONG LTA BU LA SOGS PA'I YE SHES LNGA'I DNGOS PO STE, NGO BOR GYUR PA'I RLUNG 'OD ZER LNGA PA YIN LA, DE NYID LA RTZA BA'I RGYUD LAS SNA'I RTZE MOR YUNGS KAR GYI TSAD TZAM GYI RIN CHEN KHA DOG SNA LNGA PA BSGOM PAR BYA'O, ,ZHES DON GZHAN LA SGRA 'GAL BA'I DGONGS PA'I TSIG GIS GSUNGS SO, ,RTZA RGYUD LAS SNA'I RTZE MOR YUNGS KAR GYI TSAD TZAM GYI RIN CHEN KHA DOG SNA LNGA PA BSGOM PAR GSUNGS PA'I DON RGYUD 'DI'I, DE NYID YE SHES LA YI DNGOS, ,ZHES SOGS KYI RLUNG GI DE NYID LA BSHAD PAR RIM LNGA LAS GSUNGS PAS, 'DIR YUNGS KAR CHE BA'I TSAD TZAM NI RTZA RGYUD KYI GZHUNG 'DI'I BSHAD BYAR BKOD PA'O, ,'DI'I 'GYUR NI, RIM LNGA LAS, YUNGS KAR GYI NI 'BRU TSAD TZAM, ,ZHES 'BYUNG LA, RTZA RGYUD LAS KYANG DE LTAR 'BYUNG NGO, ,RGYUD 'DIR YE SHES LNGA YI DNGOS, ,ZHES GSUNGS PA'I DON RGYUD PHYI MA LAS GSAL BAR GSUNGS ZHES RIM LNGAR GSUNGS PA NI, YE SHES LNGA YI RANG BZHIN DBUGS, ,ZHES YE SHES LNGA'I NGO BO'I RLUNG LA BSHAD PA YIN LA, DON DE SLAR YANG RDO RJE PHRENG BAS BSHAD PAR RIM LNGA LAS GSUNGS PA NI, SNA SGO GA-YAS NAS RGYU BA'I ME'I RLUNG DMAR PO PADMA MGON PO DANG, SNA BUG GA-YON PA NAS RGYU BA'I RLUNG GI RLUNG LJANG SER LAS KYI MGON PO DANG, SNA BUG GNYIS KA NAS RGYU BA'I SA RLUNG SER PO RIN CHEN MGON PO DANG, GNYIS KA NAS RGYU BA'I CHU RLUNG

DKAR PO RDO RJE MGON PO DANG, 'CHI BA'I LUS LAS 'BYUNG BA'I KHYAB BYED KYI RLUNG RNAM SNANG GI RLUNG DU RIGS LNGAR PHYE NAS GSUNGS PA'O, ,DE'I PHYIR YE SHES LNGA GANG GI RLUNG GANG YIN PA YANG DES SHES PAR BYA'O, ,RTZA RGYUD LE'U GSUM PA LAS, RIN CHEN KHA DOG SNA LNGA PA, ,SNA'I RTZE MOR BSGOM BAR GSUNGS PA NI, RGYUD PHYI MA LAS, RIN CHEN KHA DOG SNA LNGA PA, ,SROG DANG RTZOL BA ZHES BYAR BSHAD, ,CES DE'I DON RLUNG GI DE NYID LA BSHAD LA, RTZA RGYUD LE'U DRUG PA LAS, SNA YI RTZE MOR YUNGS KAR BSAM, ,ZHES GSUNGS PA DANG, RTZA RGYUD LE'U GSUM PA LAS, RIN CHEN KHA DOG SNA LNGA PA, ,YUNGS KAR GYI NI 'BRU TSAD TZAM, ,SNA'I RTZE MOR BSGOM PAR GSUNGS PA'I YUNGS KAR GYI SGRAS BSTAN PA'I NGES DON GYIS RLUNG GI DE NYID BSTAN PAR YANG, RDO RJE 'PHRENG BA LAS, SNA RTZER YUNGS KAR ZHES BYA BA, ,SROG DANG RTZOL BA'I BRTAG PA STE, ,ZHES GSAL BAR GSUNGS SO, ,RGYUD GNYIS PO LAS DE LTAR BSHAD PA DE NYID KYIS RGYUD 'DIR GSUNGS PA'I YUNGS KAR GYI SGRA'I NGES DON YANG RLUNG LA BSHAD PAR SHES DGOS PAR RIM LNGA'I DGONGS PA YIN PAS, SNGAR BSHAD PA LTAR BSHAD DGOS SO, ,YUNGS KAR GYI 'BRU'I TSAD TZAM GYI SGRAS BSTAN PA'I RLUNG DE'I DBUS NA BZHUGS PA'I LHA NI PADMA MGON PO SOGS KYI RIGS LNGA'O, ,RLUNG DE'I RANG GDANGS SNGAGS KYI DE NYID DU BYIS PA LA MI GSAL BA RNAL 'BYOR PA LA GSAL BA'I GZUGS TE, RANG BZHIN NAM BDAG NYID CAN NO, ,RIM LNGAR, MI GSAL GSAL BA'I BDAG NYID CAN, ,ZHES BSGYUR RO, ,DE NYID YE SHES ZHAS PA GZHI THIG LE LA SBYAR NAS KYANG BSHAD DU RUNG BAS DE'I TSE NI

, ,JI LTAR RIGS PAR SBYAR NAS BSHAD DO, ,GNYIS PA NI, GNAS ZHES KHYAD PAR GYI GZHIR DRANG NGO, ,GANG NA YID KYI DNGOS PO STE SEMS KYI RTEN MI SHIGS PA'I THIG LE'I GZUGS SO, ,'DI NI SROG 'DZIN GYI RLUNG PHRA RAGS GNYIS KYI NANG NAS PHRA BA 'OD GSAL GYI RLUNG DANG, LHAN CIG SKYES PA'I RLUNG ZHES BSHAD PA DANG, DANG POR MNGAL DU BAR DO'I SHES PA ZHUGS PA'I PHA MA'I KHU KHRAG GI RIGS 'DRA'I THIG LE DKAR DMAR DANG, DE RNAMS LA BRTEN PA'I YID DANG, 'OD GSAL DANG BCAS PA CI RIGS PAR 'GYUR RO, ,THIG LE DE'I TSAD NI YUNGS KAR CHE BA'I TSAD KYI PHYED KYI TSAD TZAM PA MCHOG TU PHRA BA STE, 'DI NI BSGOM PA POS BSGOM PA'I DON DU GSUNGS PA'O, ,GANG DU NA, SNYING GI RTZA 'DAB BRGYAD KYI PADMA'I DBUS KYI AA WA DH'U T'I'I NANG NA'O, ,DUS NI JI SRID 'TSO'I BAR RTAG TU'O, ,BSHAD RGYUD RDOR 'PHRENG LAS, SNYING KHA'I PADMA'I SBUBS MKHA' LA, ,YE SHES RDO RJE RTAG TU ZHUGS, ,ZHES GSUNGS PA DANG, RGYUD 'DIR GSUNGS PA GNYIS DON 'DRA'O, ,THIG LE JI 'DRA BA SNYAM NA 'OD ZER CHEN PO LNGA 'BAR BA CAN NO, ,SAm BHU tAR, MA MO PHYED PA MCHOG TU PHRA, ,ZHES GSUNGS PA DANG PHYED TSAD TZAM GYI ZHES GSUNGS PA GNYIS DON MI 'DRA BAR SNANG NGO, ,RTZA RGYUD LAS, SNA RTZER YUNGS KAR GYI TSAD TZAM BSGOM PAR GSUNGS PA'I SNA RTZE LA RDO RJE PHRENG BAR GSUNGS PA LTAR GSANG BA DANG SNYING KHA DANG GDONG GI SNA RTZE GSUM YOD PA'I GDONG GI SNA RTZER PHYAG MTSAN PHRA MO DANG, 'OD KYI THIG LE ZHES PA RLUNG 'BYUNG 'JUG BSGOM PA GNYIS BSHAD PA'I PHYI MA DANG, SNYING KHA'I SNA RTZER SNGAGS KYI THIG LE MI SHIGS PA BSGOM PA

DANG, GSANG BA'I SNA RTZER RDZAS KYI THIG LE BSGOM PA GSUM RGYUD 'DIR BSHAD DO, ,DE'I DANG PO NI, DE NYID YE SHES LNGA YI DNGOS, ,ZHES PAR BSHAD ZIN LA, GNYIS PA NI SKABS 'DIR BSHAD DE, LE'U GSUM PA'I SGRON GSAL DU BSHAD PA DANG MTHUN NO, ,BYANG CHUB SEMS DAG CES PA NAS, ,GZUGS CAN TE, ZHES PA'I BAR GYIS RLUNG DANG THIG LE 'DREN MAR 'BYUNG BA'I BYANG CHUB KYI SEMS KYI DON BSHAD LA, PHYED TSAD TZAM GYI ZHES PA'I RKANG PA BZHIS DE DAG DANG PO GANG LAS BYUNG BA'I 'BYUNG KHUNGS SNYING KHA'I MI SHIGS PA'I THIG LE BSTAN NO, ,'O NA SNYING KHA'I MI SHIGS PA'I THIG LE BSTAN PA 'DI BYANG CHUB KYI SEMS KYI DANG PO'I 'BYUNG KHUNGS YIN PAR GANG LAS SHES SNYAM NA, 'OG NAS PHYIR 'GRO BA DRIS PA'I LAN DU, DPRAL BA LA GNAS RKANG MTHIL BAR, , THIG LE DE KHO NAR BSDU STE, ,ZHES SPYI BO NAS RKANG PA'I BAR GYI RLUNG SEMS RNAMS MTHAR SDUD PA NI, SNYING KHA'I THIG LE DE KHO NAR SDUD PAR GSUNGS PAS SHES TE, MTHAR SDUD PA NI DANG POR GANG NAS 'ONGS PA'I GNAS DE NYID DU SDUD PA YIN PA'I PHYIR RO, , DE LTAR NA YUM GYI PADMAR SPROS PA'I RLUNG DANG THIG LE'I BYANG CHUB KYI SEMS KYI DANG PO'I 'BYUNG KHUNGS ZHUS PA NI, PHYOGS GCIG GIS GZHAN RNAMS MTSON PAS NA RLUNG DANG THIG LE SPYI'I DBANG DU MDZAD PAR SHES PAR BYA'O, ,GAL TE YAB KYI GSANG GNAS NAS YUM GYI PADMAR PHYUNG BA'I THIG LE NI SPYI BO BDE CHEN GYI 'KHOR LO'I DBUS NAS 'BYUNG BA MA YIN NAM, THIG LE DE SNYING KHA'I MI SHIGS PA LAS 'BYUNG BAR STON PA JI LTAR RIGS SNYAM NA, BDEN TE 'DIR NI DANG PO'I 'BYUNG KHUNGS KYI DBANG

, ,DU BYAS PAS SKYON MED DE, 'DI LTAR DANG PO KHU KHRAG GI DBUS SU BAR DO'I SHES PA ZHUGS PA'I GNAS DE NI SNYING KHA YIN PA DANG, DE NAS LUS YAN MAN DU CHAGS PAR RNAL 'BYOR SPYOD PA'I SA'I DNGOS GZHI LAS GSUNGS PAS, LTE BA'I DMAR CHA DANG SPYI BO'I DKAR CHA GNYIS KYI'ANG DANG PO'I 'BYUNG KHUNGS NI SNYING KHA'I THIG LE YIN NO, ,RGYUD RDO RJE PHRENG BA LAS, RTZA BDUN KHRI NYIS STONG YANG DANG POR SNYING KHA'I RTZA LAS RIM PA BZHIN DU GYES PAR BSHAD CING, DANG POR SNYING KHAR SROG 'DZIN GYI RLUNG CHAGS PA LAS RLUNG GZHAN RNAMS SKYE BAR GSUNGS PAS LUS DANG PO SNYING KHA NAS CHAGS PA NI RGYUD 'DI RNAMS KYI'ANG LUGS SO, ,RTZA DANG THIG LE DKAR DMAR CHAGS PA GNYIS PHYI MA SNGA YANG RTZA AA WA DH'U T'I CHAGS PA'I DUS SU DES RTEN BYAS PA'I DBANG GIS DE'I NANG DU SEMS KYI RTEN GYI THIG LE DANG RLUNG GNAS PAR 'GYUR BA MI 'GAL LO, ,DE BAS NA GNAS SKABS SU BDE BA'I RTEN SPYI BO DANG, DROD KYI RTEN LTE BAR GNAS PA YIN YANG, MTHAR GTUGS PA'I RTEN NI SNYING KHAR GNAS PA YIN PAS SNYING KHA LUS KYI GNAD MTHAR THUG PA YIN NO, ,GNYIS PA LA GNYIS, DNGOS KYI DON, ZHAR LA SNGAGS KYI THIG LE BSHAD PA'O, ,DANG PO NI, RLUNG DANG THIG LE 'DRAS PA'I BYANG CHUB KYI SEMS DE MTHAR SDUD PA'I TSE PHYIR JI LTAR 'GRO ZHE NA, JI SNYED DE SRID DU MIG GNYIS DANG, SNA BUG GNYIS DANG LCE DANG BSHAD GCI'I BUG PA GNYIS TE SGO DGU'I BAR DE SRID DU 'JUG PA DANG, JI SRID DU DPRAL BA NAS RKANG MTHIL GYI BAR DE SRID DU DE RNAMS LA GNAS PA'I RLUNG DANG SEMS RNAMS MTHAR SDUD PA'I TSE SNYING KHA'I MI

SHIGS PA'I THIG LE DE KHO NAR BSDUS TE SNYING KHA'I RTZA 'DAB KYI PADMA'I LTA BA'I DBUS SU RNAM PAR GNAS SO, ,'DI'I LE'U GNYIS PA LAS KYANG, SKYE DANG BSDUS NAS 'JIG PA LA, ,THIG LE'I GZUGS SU RAB GNAS SO, ,ZHES SKYE BA'I TSE YANG THIG LE'I GZUGS SU SKYES NAS GNAS SHING DE LAS SKYE BA DANG, MTHAR BSDUS NAS 'JIG PA'I TSE YANG THIG LE'I GZUGS SU GNAS PA LA SDUD PAR GSUNGS SO, ,YUM GYI PADMAR SPROS PA'I BYANG SEMS NI DRI BA'I SKABS DBYE BAR BZHED NAS DE LTAR BSTAN PA TZAM YIN PAS, PHYIR 'GRO BA'AM SLAR SDUD PA'I TSUL DRIS PA'I GZHI NI DE KHO NAR MI GZUNG NGO, ,GZHI DUS KYI MTHA'I SDUD RIM DE BZHIN DU LAM GYI SKABS SU YANG SNYING KHAR RLUNG SEMS SDUD PA YIN TE, RIM LNGA LAS, MGO BO NAS NI RKANG PA'I BAR, ,JI SRID SNYING KHAR PHYIN PA'I BAR, ,RNAL 'BYOR YANG DAG MTHA' LA 'JUG ,RIL POR 'DZIN PA ZHES BSHAD DO, ,ZHES SPYI BO NAS MAR SDUD PA'I MTHA' DANG, RKANG PA NAS YAR SDUD PA'I MTHA' GNYIS KA SNYING KHAR BSTAN PA'I SGO NAS YANG DAG PA'I MTHA' 'OD GSAL DU 'JUG PA GSUNGS LA, YANG DE NYID LAS, DBUGS KYI RLUNG NI ME LONG LA, ,JI LTAR KUN TU THIM GYUR PA, ,DE BZHIN RNAL 'BYOR YANG DAG MTHAR, ,YANG DANG YANG DU 'JUG PAR BYED, ,CES DPER NA ME LONG LA HAS BTAB PA'I RLANGS PA RNAMS ME LONG GI PHYOGS KUN NAS DBUS SU 'DU BA LTAR LUS KYI STENG 'OG RGYAB MDUN GA-YAS GA-YON GYI RLUNG RNAMS KYANG DBUS SNYING KHAR 'DUS NAS 'OD GSAL MNGON DU BYED PAR GSUNGS PAS, DON GYI 'OD GSAL LHAN CIG SKYES PA'I YE SHES YONGS SU RDZOGS PAR 'CHAR BA'I GNAS NI SNYING KHA YIN LA, DE'I

, ,THABS MCHOG KYANG DER RLUNG SEMS SDUD PA'I BSAM GTAN GNYIS DANG, RDO RJE BZLAS PA LA SOGS PA RNAMS YIN NO, ,'DI'I GNAD SHES NA SNYING KHAR SEMS DPA' GZHAN GNYIS BRTZEGS PA'I SEMS DPA' GSUM BRTZEGS BYAS PA LA, SNOD BCUD DANG DKYIL 'KHOR PA RNAMS RIM GYIS BSDUS NAS MTHAR TING NGE 'DZIN SEMS DPA' LA SDUD CING, DE YANG RIM GYIS 'OD GSAL DU 'JUG PAR GSUNGS PA RNAMS KYI DON SHES PAR 'GYUR RO, ,'GREL PA LAS NI, BYANG CHUB SEMS DPA' DAG CES PA NAS, PHRA MO MCHOG CES PA'I BAR GYIS DE BZHIN GSHEGS PA THAMS CAD RANG GI LUS LA THIM NAS BYANG CHUB KYI SEMS SU GYUR PA'I KHA DOG DKAR BA DANG LDAN PA YE SHES LNGA'I NGO BO DE RDO RJE'I LAM NAS RIG MA'I PADMA'I SNA RTZER RDO RJER GYUR TE, DE'I DKYIL DU DE'I PHYED TSAD TZAM GYI KshUm BSGOM PA DE LAS DANG PO DANG YE SHES 'GA' TZAM LA DBANG PO LA MI GSAL LA, 'PHAGS PA LA GSAL BA'I PHRA MO'I RNAL 'BYOR BRTAN LA, YID KYI DNGOS PO ZHES PA NAS, 'BAR BA CAN ZHES PA'I BAR GYIS RANG GI SNYING KHA'I DBUS SU DE BZHIN GSHEGS PA THAMS CAD 'DUS TE BYANG CHUB KYI SEMS 'OD GSAL DU GYUR NAS, TZA NA KA'I 'BRU CHAD TZAM GYI YID DANG MI PHYED PA'I THIG LE'I GZUGS KYI DBUS SU KshUm BSGOM PA'I THIG LE'I RNAL 'BYOR DANG, DGU NI, NU MA LAG RTZE MGRIN PA DANG, ,MA MCHU DE BZHIN 'GRAM PA MIG ,SNA RTZE SPYI BO YAN LAG MCHOG ,CES PA'I LUS KYI GNAS DGU DANG, ,'BRAL BA NAS RKANG MTHIL GYI BAR GYI MTHE BONG GI RTZA BA LA SOGS PA LUS KYI GNAS BCO LNGA LA KHYAB

PA'I BYANG CHUB KYI SEMS SNYING KHA'I THIG LE DE KHO NAR BSDUS TE, SNYING KHA'I PADMA LAS BABS NAS LTE BA'I PADMA'I DBUS SU GNAS PAR 'CHAD DO, ,LTE BA ZHES PA SNYING KHA'I PADMA'I LTE BA LA MA BSHAD PA DANG, 'GREL PA CHE BAS SNYING SGO NGA LTA BU NYID SNYING KHAR BSHAD PA NI DON DU MI SNANG LA, BSHAD PA GZHAN RNAMS KYANG YE SHES ZHABS LUGS DANG MTHUN PAR BYAS PA'I LUGS SU SNANG YANG, DE DAG DANG JI BZHIN MI MTHUN ZHING, 'PHAGS SKOR GYI BZHED PA RNAMS DANG YANG MI MTHUN NO, ,LUS KYI GNAS BCO LNGA NI, ZHAL LUNG LAS, MTHE BONG RTZA DANG RJE NGAR DANG, ,BRLA GNYIS DANG NI GSANG BA'I GNAS, ,LTE BA DANG NI GSUS PA DANG, ,NU MA GNYIS DANG LAG RTZE DANG, ,MGRIN PA DANG NI MCHU GNYIS DANG, ,'GRAM PA GNYIS DANG MIG GNYIS DANG, ,RNA BA'I RTZA DANG SPYI BO DANG, ,TSIGS KUN THIG LE AA SOGS KYI, ,GZUGS SU GNAS PA BKUG BYAS NAS, ,MI SHIGS THIG LER THIM PAR BYA, ,ZHES RKANG PA'I MTHE BONG NAS SPYI BO'I BAR BCO LNGA LA GNAS PA'I THIG LE AA NAS, AOO'I BAR BCU BZHI DANG, TSIGS KUN LA GNAS PA'I THIG LE AAm AA: 'I GZUGS SU GNAS PAR BSHAD PA YIN LA, DE RNAMS SNYING KHA'I THIG LE LA SDUD PAR BSHAD DO, ,'DI RNAMS ZLA BA YAR NGO'I TSES GCIG NAS BCO LNGA'I BAR DU GA-YON GYI RKANG PA NAS GYEN DU 'DZEG LA, MAR NGO'I BCU DRUG NAS GNAM STONG GI BAR DU SPYI BO NAS GA-YAS KYI RKANG PA'I MTHE BONG GI BAR DU THUR DU BABS NAS TSIGS KUN LA GNAS PAR BSHAD DO, ,DPRAL BA LA GNAS ZHES SOGS RNAMS THIG LE SDUD PA LA SBYOR NA ZHAL LUNG BZHIN BYA'O, ,'GREL

, ,PA GNYIS KYIS JI SNYED DGU ZHES PA'I RKANG PA BZHI YANG DANG PO'I 'BYUNG KHUNGS ZHUS PA'I LAN DU SBYOR MOD KYANG, SLAR SDUD PA'I LAN DU SHIN TU GSAL BAS DE'I LUGS SU BSHAD DO, ,GNYIS PA NI, BCU GNYIS KYI NI, ZHES SOGS KYI DON 'GREL PA GNYIS KYIS DE'I DBUS NA BZHUGS PA'I LHA, ZHES SNGAR YIG 'BRU SBAS PA 'CHAD PA YIN LA, DE YANG MA NING GI YI GE BZHI DOR BA'I DBYANGS KYI BCU GNYIS PA NI AA: 'O, ,DE'I MTHA' NI KA SDE'I THOG MA KA'O, ,CHA SHAS DRUG PA NI YA NAS BGRANGS PA'I shA'O, ,DES MTSAN PA NI KA LA BTAGS PA'O, ,NGA RO NI ZHABS BSKYED AU'O, ,THIG LES BRGYAN BYED PA NI STENG GI ZLA TSES DANG THIG LE'O, ,DE DAG BSDU NA KshUm STE DE NI KA DANG shA DANG A'U DANG ZLA TSES DANG THIG LE STE CHA SHAS LNGA PA CAN YIN NO, ,ZHES 'CHAD DO, ,'DI YE SHES ZHABS LUGS DANG BSTUN PAR NI SNANG LA, LUGS DE LA NI PHYOGS BCU'I SANGS RGYAS KYI BDUD RTZI 'GUGS PA NA KshUm GI GZUGS SU 'GUGS PAR BSHAD PA MIN PA SNYING KHA DANG GSANG GNAS SU KshUm BSGOM PA MI SNANG NGO, ,SNGAGS BTU BA 'DI DAG GIS SNYING KHA'I SNGAGS KYI THIG LE STON PAR SNANG LA, DE NI RDO RJE 'PHRENG BA LAS THIG LE GSUM RNAM PAR PHYE BA'I LE'U LAS H'Um DU BSHAD LA, RDO RJE DANG PADMA SBYOR BA'I LE'U LAS SNYING KHAR AA YIG BSHAD CING, SPYOD BSDUS SU DRANGS PA'I RGYUD LAS KYANG SNYING KHA'I MI SHIGS PA AA YIG LA BSHAD DO, ,DE'I AA YIG 'DIR MI STON ZHING, H'Um YIG LA GSAL BAS H'Um YIG LA BSHAD DO, ,DE LA CHA SHAS NI CHEN PA STE SDE TSAN NO, ,LNGA NI KA TZA tA TA PA'I SDE TSAN

NO, ,LNGA PA NI BSDE'O, ,CAN NI RANG GI CHA LNGA DANG LDAN PA'O, ,DE'I THOG MA NAS BGRANGS NA BCU GNYIS PA NI SA'O, ,DE'I MTHA' MA NI HA'O, ,DE LA CHA SHAS TE DBYANGS DRUG GIS TE, DRUG PA AU RING POS MTSAN PA NYID KYIS H'Um 'O, ,DE'I STENG DU MA YIG RJES SU NGA RO THIG LER BYAS NAS BRGYAN PAS H'Um MO, ,'DI NI SNYING KHAR SNGAGS KYI THIG LE H'Um BSGOM PA'I LUGS SO, ,'GREL PA GNYIS KYIS CHA SHAS ZHES PA'I RKANG PA BZHI DANG, RDO RJE'I KHONG NAS BYUNG NAS SU, ,ZHES PA DANG LNGAS DANG PO JI LTAR 'ONGS PA'I LAM DRIS PA'I LAN BSTAN PAR 'CHAD PA NI DON DU MA MTHONG NGO, ,GSUM PA NI, BYANG CHUB KYI SEMS DANG PO 'ONGS PA'I LAM GANG YIN SNYAM NA, RTZA AA WA DH'U T'I RDO RJE NOR BU'I RTZE BAR DU GNAS PAR BSHAD PAS RDO RJE'I KHONG NA GNAS PA'I AA WA DH'U T'I'I NANG NAS BYUNG NAS SU SA BON BYANG CHUB KYI SEMS DE YUM GYI SKYE GNAS PADMA'I DBUS SU BZHAG STE CHOS KYI DBYINGS BYANG CHUB KYI SEMS KYI THIG LE NI ZHU BAR BYED DO, ,DES NI RTZA AA WA DH'U T'I'I LAM NAS 'ONGS PAR BSTAN PAS, RNAL 'BYOR GYIS SDUD PA'I TSE YANG LAM DE NAS SNYING KHA'I MI SHIGS PA LA SDUD DGOS PAR BSTAN NO, ,'GREL PA GNYIS KYIS RKANG PA PHYI MA GNYIS, DE BZHIN PHYIR 'GRO JI LTAR LAGS, ,ZHES PA'I LAN DU 'CHAD PA NI, YAB KYI LUS KYI GSANG GNAS RDO RJE LAS PHYIR 'GRO BA DRIS PA'I LAN BSTAN PAR 'DOD PAR SNANG LA, DE NI SNGAR PADMA LA BYANG SEMS SPROS NAS ZHU BAR MDZAD PAR BSTAN PA NYID KYIS NGES ZIN PAS DRI MI DGOS LA, DRI BA NYID LAN DU SONG BAS MI RIGS PA'I PHYIR RO, ,BZHI PA NI, SNGAR YAN LAG MED PA GANG DE NI, ,ZHES DRIS PA'I LAN STON TE, BYANG CHUB KYI SEMS

, ,PADMAR SPROS PA DE NI MER MER PO LA SOGS PA'I RIM GYIS YAN LAG DANG BCAS PAR BSKYED PAR BYAS NAS SNGAR BSHAD PA'I MIG LA SOGS PA'I DBANG PO'I SGO DGU LA NI KUN TU 'GRO STE, BYANG CHUB KYI SEMS KYIS GNAS DE DAG TU KHYAB PAR BYED CING, 'GRO BA KUN LA KHYAB PAR BYAS NAS GNAS SO, ,DES NA MI GA-YO BA SNOD KYI 'JIG RTEN DANG, GA-YO BA BCUD KYI 'JIG RTEN DANG BCAS PA'I GZHI NI RLUNG SEMS 'DRES PA'I BYANG CHUB KYI SEMS DE YIN LA, SNOD BCUD GZHAN NI DE LAS YONGS SU GYUR PA'I RNAM 'GYUR RO, ,BCUD KYI 'JIG RTEN JI 'DRA BA SNYAM NA, TSANGS PA LA SOGS PA'I LHA DANG, THAGS BZANG RIS LA SOGS PA'I LHA MIN LA SOGS PA'I SEMS CAN TE DE RNAMS KYI GZHI'O, ,MI GA-YO BA LA SOGS PA ZHES PA'I SOGS NI DE'I SKAD DOD DANG PO LA'ANG 'JUG PAS DANG POR SNOD KYI GZHI BYED PA'I DON NO, ,SNGAR RLUNG SEMS YAN LAG MED PA YAN LAG DANG BCAS PA'I LUS RAGS PA'I DNGOS POR JI LTAR 'GYUR DRIS PA NI, DE DAG TU RIM GYIS 'GYUR BA'I GZHI MTHAR GTUGS PA GANG YIN DRIS PA YIN LA, DE'I LAN NI RLUNG SEMS TZAM ZHIG GI GZHI NI DE DAG TU YONGS SU 'GYUR BA'O ZHES STON PA YIN PAS DRI BA NYID LAN DU SONG BA'I SKYON MED DO, ,'DI NI RDO RJE PHRENG BA LAS, SKYE DANG GNAS DANG 'JIG PA DANG, ,SRID PA BAR MAR GNAS PA STE, ,JI SNYED 'JIG RTEN GYIS BTAGS PA, ,SEMS KYI RLUNG GI RNAM 'PHRUL LO, ,ZHES DANG, DGONGS PA LUNG STON LAS KYANG ,JI SRID 'JIG RTEN BTAGS PA DANG, ,DE BZHIN BTAGS PA SNA TSOGS

RNAMS, ,RNAM RTOG BYANG CHUB SEMS ZHES PA'I, ,RLUNG LAS RTAG TU 'BYUNG BA YIN, ,BDE SDUG LA SOGS CHOS RNAMS KYI, ,SA BON LTA BUR BSHAD PA YIN, ,ZHES GSUNGS PA RNAMS DANG DON GCIG TU GO BAR BYA'O, ,DES NA SNOD BCUD KYI 'JIG RTEN 'JIG PA NA 'ANG MI SHIGS PA'I THIG LE DE, 'GOG PA STE 'GAGS NAS MI ZAD LA, 'JIG RTEN CHAGS PA'I TSE YANG RLUNG SEMS TZAM GYI MI SHIGS PA'I THIG LE'I RKYEN LA BRTEN NAS 'BYUNG BA DANG, DE MA SHES PAS 'JIG RTEN TSANGS PA'I SGO NGA LAS SKYE BAR RTOG PA'I LTA BA NGAN PA SKYE BAR GSUNGS TE, ZHAL LUNG LAS, TSANGS SOGS LHA DANG LHA MIN SOGS, ,THAMS CAD RAB TU MI SNANG YANG, ,THIG LE 'GOG PAR MI 'GYUR TE, ,RGYU DANG MI RGYUR BCAS PA KUN, ,SLAR YANG DE LAS 'BYUNG BAR BYED, ,DE BAS SKYE BO RNAMS KYIS NI, ,YANG DAG MA RTOGS PA YI PHYIR, ,TSANGS PA'I SGO NGA LAS SKYES PAR, ,'KHRUL PAS CHOS KUN GYIS MA BSGUL, ,ZHES SO, ,SNOD BCUD GANG LA GNAS PAR BYED PA'I GTZO BO RLUNG SEMS DE NI SA DANG NAM MKHA' LA GNAS PA KUN DE'I RNAM 'GYUR RO, ,ZHES GANG GSUNGS PA'O, ,DE DAG GIS NI LHA DANG LHA MIN LA SOGS PA'I 'GRO BA THA DAD KYI LUS DANG, 'DOD GZUGS LA SOGS PA'I KHAMS THA DAD KYI LUS RNAMS NI GNAS SKABS TZAM GYI LUS TE, DE RNAMS DOR YANG NGA'O SNYAM PA'I THA SNYAD KYI GDAGS GZHIR GYUR PA'I SEMS CAN GYI LUS MI LDOG PA'I PHYIR RO, ,DES NA GNAS SKABS DE RNAMS KYI LUS DOR YANG DUS KUN TU MI 'KHRUL BA'I SEMS CAN GYI GNYUG MA'I LUS NI RLUNG SEMS TZAM GYI LUS SU ZAD PAR BSTAN LA, DE

, ,NYID SGYU MA'I SKU GANG LAS BSGRUB PA'I GZHI YANG YIN PAS 'DI SGYU LUS KYI YAN LAG TU BYA'O, ,RKANG PA GNYIS PO DE'I DON DANG 'DRA RUNG GCIG RDO RJE PHRENG BA DANG, SAm BHUt LAS KYANG 'BYUNG MOD KYANG 'DI DANG DON GCIG TU BSHAD DU MI RUNG NGO, ,LNGA PA NI, SNGAR, MA RIG BAG CHAGS SRED PA YIS, ,ZHES LAS NYON GYI GZHI DRIS PA'I LAN STON PA NI JI SNYED CES SOGS SO, ,JI SNYED DE JI SRID DU RLUNG SEMS KYI MI SHIGS PA SEMS CAN GYI LUS LA GNAS PA DE SRID KYI BAR DU RLUNG SEMS DE YIS DGE BA'I LAS DANG, LAS MIN PA STE, MI DGE BA'I LAS RNAMS BYED LA, DER MA ZAD DGE BA'I LAS DANG MI DGE BA'I LAS KYI BSAM PA STE, KUN NAS SLONG BYED KYI NYON MONGS PA LA BYED PAS, 'KHOR BAR 'KHOR BA'I BYA BA'I LAS KUN BYED PA YIN NO, ,'DI NI RLUNG GIS SEMS GA-YOS NAS RANG BZHIN BRGYAD CU'I RTOG PA DANG, DE LAS NYON MONGS DANG, DES LAS BSAGS TE 'KHOR BAR 'KHOR BAR STON PAS, RLUNG GI DBANG GIS 'KHOR TSUL GTZO BOR BSHAD PAS, LAS KYI RLUNG RNAMS AA WA DH'U T'I'I LAM NAS SNYING KHA'I MI SHIGS BA LA SDUD PA'I THABS MI SHIGS PA BSGOM DGOS PA YIN TE, ZHAL LUNG LAS, GANG GIS KYANG NI MI SHIGS PA, ,JI SRID 'DI NI LUS GNAS PA, ,LAS DANG LAS MIN RAB BYED PA, ,BRTAN PO 'JIGS PA RAB SPANGS PA'I, ,MI SHIGS THIG LE BSGOM PAR BSHAD, ,CES GSUNGS PA LTAR RO, ,DRUG PA NI, 'OD GSAL LAS LDANG BA'I TSUL, DRIS PA'I LAN STON PA

NI, SBYOR BA NI RNAL 'BYOR YIN LA, DE RTAG TU BSGOM PAR NI RTZA BA'I RGYUD LAS GSUNGS TE, YUNGS KAR GYI NI 'BRU TSAD TZAM, ,SNA YI RTZE MOR NAN TAN DU, ,RNAL 'BYOR GYIS NI RTAG TU BSGOM, ,ZHES GSUNGS LA DE'I NGES DON NI, SNYING KHA'I PADMA'I LTE BAR MI SHIGS PA THIG LE'I GZUGS CAN DANG, LDANG 'JUG GNAS PA'I RNAL 'BYOR GYIS NYIN MTSAN RTAG TU BSGOM PAR SGRON GSAL LAS GSUNGS SO, ,DE LTAR SGOM PA DE NGES DON GYI MCHOD PA CHEN PO YIN PAR YANG GSUNGS TE, RTZA BA'I RGYUD LAS, MKHAS PAS AUTPA LA DAG DANG, ,PADMA RNAM PA LNGAR SHES BYA, ,DZ'A TI RNAM GSUM SHES BYAS NAS, ,LHA RNAMS LA NI DBUL BAR BYA, ,ME TOG KAR nI KA RA DANG, ,MA LI KA DANG YU TI KA, ME TOG KA RA BI RA BSAM, ,MCHOD PA THAMS CAD RAB TU BRTAG ,CES GSUNGS PA'I NGES DON BSHAD PA NA, DGONGS PA LUNG STON LAS, GANG ZHIG RLUNG NI BCUR BSGRAGS PA, ,DE NI PADMA AUTPAL MING, ,DE NYID CES GRAGS RDO RJE GSUM, ,DZ'A TI GCIG PU GSUM DU 'DOD, ,KAR NI KA RA MA LI KA, YU TI KA RA BI RA NI, ,GO RIM BZHIN DU SPYAN SOGS TE, , DBANG CHEN SOGS PAR 'DI SBYAR RO, ,DNGOS MED GO 'PHANG LA DGOD PAS, ,LHA RNAMS KYI NI SKU SBYOR BA, ,GCIG TU SANGS RGYAS KUN MNYES PA'I, ,MCHOD PA CHEN POR DE 'GYUR RO, ,ZHES PADMA DANG AUTPAL RIGS LNGA LNGA RLUNG BCU DANG, DZ'A TI RIGS GSUM LDANG 'JUG GNAS GSUM RDO RJE GSUM DU ZLO BA DANG, KAR NI KAR SOGS BZHI LHA MO BZHI'I NGO BO'I 'BYUNG BA BZHI'I RLUNG DANG SBYAR NAS, DE 'DRA BA'I RLUNG BSGOMS PAS DNGOS MED 'OD GSAL GYI GO 'PHANG LA DGOD PAS, DE LAS ZUNG 'JUG GI LHA'I SKUR SBYOR BA

, ,MCHOD PA CHEN POR GSUNGS SO, ,DES NA LO CHEN GYI 'GYUR LAS, MCHOD PA BSGOM PAR GYUR PA YIN, ,ZHES 'BYUNG YANG, SMRI TIS RGYUD KYI GZHUNG LOG SU BSGYUR BA LAS, MCHOD PA BSGOM PAR GSUNGS PA YIN, ,ZHES BSGYUR BA LEGS SO, ,DE LTAR SNGAR BSHAD PA LTAR SNYING KHAR MI SHIGS PA BSGOM PA DANG, LE'U GNYIS PAR 'CHAD PA LTAR DE LAS RDO RJE'I BZLAS PA BYED PA'I RLUNG BSGOMS PAS, RLUNG RNAMS AA WA DH'U T'I'I LAM NAS MI SHIGS PA LA 'DUS TE THIM PA LAS, 'OD GSAL MNGON DU GYUR PA LAS LUGS LDOG TU LANGS PA GANG GI TSE SNGON GYI LAS KYIS 'PHANGS PA'I LUS ZHIG PA STE LUS BRJES PA DE'I TSE, SNGAR KUN RDZOB SGYU MA'I SKU DANG DON DAM 'OD GSAL BSGOM PA DE YI RANG GI MTHU YIS SNGAR BSGOMS PA'I SGYU MA'I SKU DE 'DRA BA'I LUS SU RNAL 'BYOR PA DE 'GYUR TE, SKU GANG GIS GA-YO BA BCUD DANG MI GA-YO BA SNOD KUN KHYAB NAS NAM MKHA' DANG MNYAM PA NYID DE 'DRA BA'I SKU DE NI GNAS PAR SHES PAR BYA STE, RDO RJE PHRENG BA LAS, 'JIG RTEN KHAMS 'DI MA LUS PAR, , BDAG NYID YE SHES LUS KYIS SPYOD, ,GTZO BO GANG DU SPYOD PA YIS, ,DE YI KHYIM NA NI MKHA' NYID, ,BDE BA CHEN PO'I TING 'DZIN GYIS, ,DE NYID DU NI RTAG TU ROL, ,ZHES GSUNGS SO, ,'DI NI 'OD GSAL DU ZHUGS PA'I RLUNG SEMS TZAM GYI RGYU LAS, RDO RJE'I SKUR LDANG BAS, DE LAS GZHAN PA'I GZUGS SGRA SOGS DE'I LDANG GZHIR MED KYANG, DE LTAR LDANG BA MI 'GAL BAR STON PA'O, ,'GREL PA GNYIS KYIS GZHUNG DE DAG LA LAS KYI LUS ZHIG PA RNAL 'BYOR PA SHI BA LA SBYOR BA SOGS GZHAN DU BSHAD MOD KYANG

'THAD PAR MA MTHONG STE, RDO RJE PHRENG BA LAS, RANG BZHIN SNANG BA'I DBYE SHES NAS, ,DE NAS SPYOD PA RAB TU BYA, ,LAS KYI LUS NI YONGS SPANGS NAS, ,RDO RJE'I SKU NI THOB PAR 'GYUR, ,ZHES TSE 'DIR 'TSANG RGYA BA'I SPYOD PA'I 'BRAS BU LA DE LTAR GSUNGS SHING, SGRON GSAL LAS KYANG, THA MAL PA'I LUS SPONG BAR GSUNGS PA'I DON RNAMS TSE 'DIR 'CHANG RGYA BA'I DBANG DU MDZAD NAS GSUNGS LA, SPYOD BSDUS LAS KYANG, RGYAL PO AINDRA BH'U TI DANG 'DRA BAR PHUNG PO'I KHOG PA BRJES TE RDO RJE'I LUS SU GYUR NAS ZHES GSUNGS PA'I PHYIR RO, ,RDO RJE'I SKU 'DI DANG, MA DAG PA'I SGYU MA'I SKU GNYIS 'OD GSAL GYI MES SBYANGS MA SBYANGS MA GTOGS PA MTSAN NYID MTSUNGS PAS, DE'I SGO NAS SGYU LUS KYANG BSTAN DU RUNG NGO, ,NGO MTSAR BA'I RDO RJE'I SKU 'GRUB TSUL SANGS RGYAS THAMS CAD KYI MAN NGAG BRGYUD PA LAS 'ONGS PA 'DI NI RGYAS PAR GZHAN DU BSHAD PAR 'DOD PAS 'DIR MDO TZAM MO, ,BZHI PA LA GNYIS, MI SHIGS PA'I THIG LE BSGOMS PA'I PHAN YON BSTAN PA, THIG LE DE YI GE'I GZUGS SGRA DANG BRAL BAR BSTAN PA'O, ,DANG PO NI, PA SDE'I 'OG MA NAS BGRANGS PA'I BCU GNYIS KYI MTHA'I TSIG NI, SNGAR BSHAD PA'I SNGAGS KYI THIG LE H'Um YIG YIN LA, DE'I DON NI SNYING KHA'I MI SHIGS PA'I THIG LE RNAL 'BYOR PA GANG GIS RTAG TU BSGOM PA LA GOMS PAR BYAS NA DE LTAR BYED PA DE NI DNGOS GRUB RGYAS PA STE MA TSANG BA MED PA'I RDO RJE 'DZIN PAR RANG NYID 'GYUR BAS DE BSGOM PA LA 'BAD PAR GYIS SHIG ,'DIR BSDUS PA'I DON NI 'DI YIN TE, BSKYED RIM

, ,PHRA RAGS BRTAN PAR BYAS NAS LUS DBEN LA LOBS NA, RDO RJE BZLAS PA'I RTEN SNYING KHAR MI SHIGS PA'I THIG LE BSGOM PA DANG, DE LAS RDO RJE'I BZLAS PA BYAS PA'I DBANG GIS RLUNG RNAMS AA WA DH'U T'I'I LAM NAS MI SHIGS PA LA 'DUS PA NA, SEMS DBEN GYI STONG PA GSUM 'THOB CING, DE'I MTHAR RLUNG SEMS TZAM LAS SGYU MA'I SKU 'GRUB BO, ,DE NAS DE NYID BSAM GTAN GNYIS KYI 'OD GSAL DU 'JUG PA LA GOMS PAR BYAS PAS 'OD GSAL GYI RJES SU SLOB PA'I ZUNG 'JUG GI SKU 'GRUB CING, DE GOMS PA NYID KYIS MI SLOB PA'I ZUNG 'JUG RDO RJE 'CHANG THOB PAR 'GYUR BA'O, ,DE LTAR NA LE'U DANG POR RIM GNYIS KYI LAM GYI LUS BSHAD PA 'DI NYID KYIS YAN LAG RNAMS LE'U GNYIS PA LA SOGS PAS 'CHAD PAR SHES PAR GYIS SHIG ,GNYIS PA NI, SNGAR SNYING KHAR BSGOM PAR BSHAD PA'I YI GE H'Um NI, DON GYI MI SHIGS PA MTSON BYED TZAM YIN GYI, DON GYI MI SHIGS PA NI YI GE'I SGRA DANG KHA DOG DANG DBYIBS KYI GZUGS GANG DU YANG MA GRUB PAR STON PA NI, KHONG PA MGRIN PA RKAN DANG LCE, ,SNA DANG SPYI BO SO DANG MCHU, ,ZHES SGRA 'BYUNG BA'I GNAS BRGYAD BSHAD PA'I SO DANG MCHU DANG RKAN DANG LCE DANG MGUL BA DANG, DES MTSON PA'I SGRA'I GNAS GANG LA YOD PA DE YI GE NYID DE NI YI GE'I RKYEN GANG LAS BRJOD MA THAG TU ZAD PA STE 'DZAD PA DANG, YI GE'I KHA DOG DANG DBYIBS BSGOM PA DE YANG ZAD KYANG MI SHIGS PA NI DE LTAR ZAD PA MED PAR GNAS PA'I PHYIR NA, DON GYI MI SHIGS PA NI NGAG GI NGO BOR BRJOD PAR BYAR MED CING, BLOS KYANG DNGOS SU NGES

PAR MI NUS PAS THE TSOM PA ZHES BSHAD KYI THE TSOM GYI YUL DU STON PA MIN NO, ,SGRA STE GDANGS DANG YIG 'BRUL GZUGS RNAM PAR SPANGS PA'I DON GYI MI SHIGS PA DE NI RANG GI LUS KYI PHYI GZUGS SGRA SOGS DANG, NANG MIG LA SOGS PA'I RTZA BA DE BZHIN NYID DE SNGAR CHOS KYI DBYINGS SU BSHAD PA'I RLUNG SEMS KYI BYANG CHUB KYI SEMS NI RGYUD 'DIR GSUNGS SO, ,LNGA PA NI, LHA MO BZHIS YONGS SU ZHUS PA'I RGYUD KYI RNAM PAR BSHAD PA LAS, LHA MO SPYAN MAS YONGS SU ZHUS PA'I LE'U STE LE'U DANG PO'I RNAM PAR BSHAD PA'O,, ,,GNYIS PA M'A MA K'IS ZHUS PA'I LE'U LA DRUG ,ZHU BA MDZAD TSUL, ZHUS PA'I LAN BSHAD PA, MI SHIGS PA'I DE NYID MI SHES PA'I NYES DMIGS, RDOR BZLAS KYI DMIGS PA SNGAGS KYI DE NYID BSHAD PA, DRIS PA'I LAN RDZOGS PAR BSTAN PA, LE'U YI MTSAN BSTAN PA'O, ,DANG PO LA GNYIS, ZHUS PA'I MTSAMS SBYOR, ZHU BA DNGOS SO, ,DANG PO NI, SPYAN MAS ZHUS PA'I LAN RDZOGS PA'I RJES DE NAS, LHA MO M'A MA K'IS, RDO RJE CAN TE RDO RJE 'CHANG LA 'OG NAS 'BYUNG BA'I DON 'DI RNAMS ZHUS SO, ,ZHES SDUD PA PO'I TSIG GIS MTSAMS SBYAR RO, ,TE ZHES PA NI LHAG MA 'DREN PA'O, ,GNYIS PA LA LNGA, GNAS BZHI'I RLUNG 'GRO 'ONG GSUNGS PA'I BZLAS PA ZHUS PA, SNGAGS KYI THIG LE'I CHA SHAS ZHUS PA, CHA SHAS KYI GNAS ZHUS PA, CHA SHAS KYI KHA DOG ZHUS PA, CHA SHAS GANG DU 'DU BA'I GDAN ZHUS PA'O, ,DANG PO NI, SNGAR LE'U DANG POR GSUNGS PA'I BYANG CHUB KYI SEMS KYI RIM PA YI NANG NAS PHYIR 'GRO BA DANG, PHYIR TE NANG DU LDOG

, ,PA RGYUD GZHAN DU BSTAN PA'I DON NI, RDO RJE CHEN PO STE RDO RJE 'CHANG GIS BKA' STZAL PA 'TSAL PA STE, DGOS ZHES ZHUS SO, ,BYANG CHUB KYI SEMS GANG NAS 'GRO 'ONG BYED PA'I GNAS NI KHA STE MGRIN PA DANG, SNYING KHA DANG, LTE BA DANG, GSANG BA'I PADMA STE BZHI'O, ,LA NI LNGA PA'I DON LA BDUN PA'I SGRA'O 'DIR 'GRO 'ONG BYED PA'I BYANG CHUB KYI SEMS DRIS PA NI LE'U DANG POR BYANG CHUB KYI SEMS LA RLUNG DANG THIG LE GNYIS BSHAD PA'I RLUNG YIN LA, RGYUD GZHAN GANG LAS BSTAN PA NI, ,RDO RJE PHRENG BA LAS, STENG GI SNA LA NGES 'BYUNG BA, ,GA-YON DANG GA-YAS DANG GNYIS KA DANG, ,DAL BAR RGYU DANG RNAM BZHIR 'GYUR, ,NANG GI DUS NI YIN PAR BSHAD, ,LKOG MA SNYING KHA LTE BA DANG, ,GSANG BA'I PADMAR 'GRO 'ONG STON, ,ZHES GSUNGS PA DANG, DE 'DRA BA'I RIGS RNAMS YIN NO, ,DON GYI DBANG 'DI GZIGS NAS, RIM LNGAR, DE NYID YE SHES LNGA YI DNGOS, ,ZHES SOGS KYIS YUNGS KAR GYI SGRAS BSTAN PA'I STENG GI SNA RTZER RGYU BA'I RLUNG GI DE NYID BSTAN PAR MDZAD PA YIN LA, DE'I PHYIR LE'U DANG POR YUM GYI PADMAR SPROS PA'I BYANG CHUB KYI SEMS NI THIG LE RKYANG PA MIN PAR RLUNG DANG BCAS PA YIN PA DANG, DE NYID YE SHES LNGA YI DNGOS, ,ZHES SOGS KYI DON RLUNG LA'ANG BSHAD DGOS PAR LE'U GNYIS PA 'DIS SHES PA YIN NO, , GNYIS PA NI, LE'U DANG POR BSHAD PA'I SNYING KHA'I SNGAGS KYI THIG LE H'Um YIG LA CHA SHAS KYI GRANGS RNAM PA DU ZHIG GSUNGS PA STE DU ZHIG YOD CES DRIS SO, ,GSUM PA NI, CHA SHAS DE GANG LA GNAS PA'I GNAS KYI RNAM PAR BSGYUR BA STE

GRANGS DU ZHIG YOD CES DRIS TE, DPE KHA CIG LAS, GNAS KYI RNAM PA DU ZHIG GSUNGS, ,ZHES KYANG 'BYUNG BAS RNAM PAR BSGYUR BA'I DON NI GRANGS SO, ,BZHI PA NI, CHA SHAS DE RNAMS KYI KHA DOG RNAM PA DU ZHIG GSUNGS PA STE, DU ZHIG YOD CES DRIS SO, ,LNGA PA NI, CHA SHAS KYI KHA DOG SOGS ZHUS PA DE BZHIN DU DER MA ZAD CHA SHAS RNAMS GANG DU 'DU BA'I GDAN YANG JI LTAR 'TSAL BA STE, SHES PAR BYA ZHES ZHUS SO, ,SNGAR BSHAD PA'I BKA' STZAL 'TSAL ZHES PA NI 'OG MA RNAMS KYI MTHAR YANG 'THOB BO, , GNYIS PA LA DRUG ,CHA SHAS ZHUS PA'I LAN, CHA SHAS KYI GNAS ZHUS PA'I LAN, DE RNAMS KYIS GRUB PA'I DON, CHA SHAS KYI KHA DOG ZHUS PA'I LAN, RLUNG 'GRO 'ONG GI BZLAS PA ZHUS PA'I LAN, CHA SHAS GANG DU 'DU BA'I GDAN ZHUS PA'I LAN NO, ,DANG PO NI, DRI BA DE RNAMS KYI LAN RDO RJE CAN GYIS BKA' STZAL PA NI, 'OG NAS 'BYUNG BA 'DI RNAMS SO, ,SNGAGS KYI THIG LE DE CHA SHAS GRANGS BZHI DANG MNYAM PA STE, YANG DAG PAR LDAN NO, ,MNYAM PA'I SKAD DOD YANG DAG PA LA YANG BSHAD DU YOD PAS DE LTAR BSHAD PA MANG DU SNANG NGO, ,CHA SHAS BZHI NI MGO BO DANG, MGO BO MED PA'I LUS DANG, NGA RO'AM SGRA DANG, NGA RO'I MTHA' 'AM SGRA'I MTHA' 'O, ,ZHING NI LAN 'OG MA SDUD PA'O, ,GNYIS PA NI, CHA SHAS DE RNAMS GANG LA GNAS SNYAM NA, PADMA BZHI LA YANG DAG PAR GNAS SO, ,'O NA CHA SHAS GANG PADMA GANG LA GNAS SNYAM NA, SNYING GI PADMA LA GNAS GNAG ,KHA YI PADMA LA GNAS DKAR, ,NGA RO LTE BA'I PADMAR GNAS, ,GSANG BA'I PADMAR NGA RO'I MTHA', ,ZHES PA BZHI'O, ,

, ,CHA SHAS GANG PADMA GANG LA GNAS PA STON PA'I SKABS 'DIR, RKANG PA 'OG MA GNYIS KYIS NGA RO LTE BA'I PADMA DANG, NGA RO'I MTHA' GSANG BA'I PADMAR GNAS PAR BSHAD PA BZHIN DU RKANG PA DANG PO GNYIS KYIS KYANG SNYING KHA DANG KHA'I PADMAR CHA SHAS 'DI GNAS ZHES BSHAD RGYU YIN PA LA, DE GNYIS LA 'DI GNAS MA BSHAD PAR DE NYID LA GNAS PA'I KHA DOG BSHAD PA NI SHIN TU MA 'BREL ZHING, KHA DOG 'OG NAS 'CHAD PAS 'DIR BSHAD MI DGOS PA'I PHYIR, BSHAD DGOS PA MA BSHAD CING, BSHAD MI DGOS PA BSHAD PA 'DI NI, RGYA GAR GYI DPE MA DAG PA LAS BSGYUR BA'I SKYON NO, ,DES NA KHA CHE'I MKHAS PA LAKshMI'I RIM LNGA'I 'GREL PAR BSGYUR BA 'GYUR LEGS TE, DE NI, MGO MED SNYING KHA'I PADMAR GNAS, ,KHA YI PADMAR MGO BO GNAS, ,LTE BA'I PADMAR SGRA GNAS TE, ,SGRA MTHA' GSANG BA'I PADMA LA'O, ,ZHES 'BYUNG BA'O, ,DE LTAR NA MGO BO MED PA'I H'Um GI LUS NI SNYING KHA'I PADMAR GNAS LA, KHA STE MGRIN PA'I PADMAR NI H'Um YIG GI MGO BO GNAS SO, ,LTE BA'I PADMAR NI SGRA STE H'Um YIG GI ZHABS BSKYED A'U YIG GNAS TE, SGRA'I MTHA' STE H'Um GI THIG LE NI GSANG BA'I GNAS KYI PADMA LA GNAS SO, ,'GREL BA GNYIS KYIS NI, CHOS KYI DBYINGS DE AOm NAG PO DANG, KshA DKAR PO DANG, H'Um DMAR PO DANG, A'A SER PO'I GZUGS KYIS RIM PA BZHIN SNYING KHA DANG, KHA DANG LTE BA DANG GSANG GNAS KYI PADMA LA GNAS PAR 'CHAD KYANG LAKshMI'I 'GREL PAR SNGAR BZHIN BSHAD PA NYID LEGS SO, ,GSUM PA LA GSUM, SNYING KHA'I THIG LE LAS 'GRO 'ONG GI BZLAS PA BYA BAR BSTAN PA,

MI SHIGS PA'I THIG LES BYA BA KUN BYED TSUL, SNGAGS KYI THIG LE SHES PA'I PHAN YON NO, ,DANG PO NI, 'O NA H'Um YIG GI CHA SHAS BZHI BRAL NAS RTZA 'KHOR BZHI LA GNAS PAR BSHAD PA DE DON GANG GI DBANG DU BYAS PA YIN ZHE NA, THABS KYI MTHA' RU 'GRO BYED GNAS, ,THIG LE'I SBYOR BA RAB TU GNAS, ,ZHES BSGYUR YANG, LAKshM'I'I 'GREL PAR, 'GRO DANG 'ONG BAR BYED PA 'DI, ,THIG LE RNAL 'BYOR RAB TU 'JUG ,CES BSGYUR BA NYID LEGS PAS DE'I STENG NAS BSHAD NA, H'Um YIG GI CHA SHAS BZHI NI SNYING KHA LA SOGS PA'I RTZA 'KHOR BZHI LA GNAS NAS PHYI NANG DU 'GRO BA DANG 'ONG BAR BYED PA'I 'BYUNG BA BZHI'I RLUNG BZHI PO 'DI YIN LA, DE SNYING KHAR GNAS PA'I H'Um YIG GI CHA SHAS SU BSHAD PA NA CHA SHAS RNAMS CHA CAN DU 'DU DGOS PA'I GNAD KYIS SNGAGS KYI THIG LE H'Um YIG GI MTSON DON MI SHIGS PA'I THIG LE LA DMIGS NAS PHYI NANG DU RAB TU 'JUG PAR BYED PA'I RDO RJE'I BZLAS PA'I RNAL 'BYOR BYA DGOS PAR STON PA YIN NO, ,TSUL 'DI RGYUD RDO RJE PHRENG BA LAS, H'Um YIG GI HA DANG A'U DANG MA GSUM RIM PA BZHIN GSANG BAR GNAS PA'I THUR SEL DANG MGRIN PAR GNAS PA'I GYEN RGYU DANG, SMIN MTSAMS KYI 'KHOR LO LA KHYAB PA'I SROG 'DZIN GSUM LA BYAS NAS YI GE GSUM GCIG TU 'DUS PA THUGS KA'I H'Um DU GYUR PA'I DON RLUNG DE GSUM SNYING KHA'I RTZA 'KHOR GYI DBUS SU 'DRES PA'I DON DU BSHAD PA DANG RIGS MTSUNGS PA YIN NO, ,SNGAR LE'U DANG POR, DE NYID YE SHES LNGA YI DNGOS, ,ZHES PA'I RLUNG GI DE NYID BSTAN YANG MI GSAL LA, 'BYUNG BA BZHI'I RLUNG YANG SO SOR MA PHYE

, ,BA DANG, SNYING KHAR MI SHIGS PA'I THIG LE BSGOM PA BSHAD KYANG, DE LAS LDANG 'JUG GI BZLAS PA BYED PA MI GSAL BA LE'U 'DIR DE'I DON RLUNG YIN PA DANG, DE YANG GNAS BZHI LA GNAS PA'I RLUNG 'GRO 'ONG BYED PA YIN PA DANG, DE NYID KYANG SNYING KHA'I THIG LE'I RNAL 'BYOR GYI YAN LAG TU GSUNGS PAS, SROG RTZOL RDO RJE'I BZLAS PA'I BYA THABS MTHAR THUG PA BSTAN PA YIN NO, ,RTZA RGYUD LE'U GSUM PA'I SGRON GSAL LAS, SNA RTZE GSUM BSHAD PA'I SNYING KHA'I SNA RTZER MI SHIGS PA BSGOMS NAS RDO RJE BZLAS PA BYA TSUL BSHAD PA YANG, BSHAD PA'I RGYUD 'DI'I DON DU SNANG NGO, ,DE LTAR NA SNGAR, KHA SNYING LTE BA GSANG BA LA, ,ZHES ZHUS PA'I DON 'DIR YANG BSHAD MOD KYANG GTZO BOR NI, THIG LE'I GZUGS SU BSGYUR BA DE, ,'GRO DANG PHYIR 'ONG RNAM PAR BSTAN, ,ZHES PA'I SKABS SU 'CHAD DO, ,RDO RJE BZLAS PA BYED TSUL 'DI RDOR BZLAS BYAS PA'I DGOS PA, SNYING KHA'I RTZA MDUD KYI DBUS KYI AA WA DH'U T'I'I NANG DU MI SHIGS PA LA RLUNG SDUD BYED KYI THABS MCHOG YIN PA 'DI JI BZHIN DU MA THON PAS RDO RJE BZLAS PA'I GNAS MTHAR THUG PA BSTAN PA'I 'DUS PA RTZA BSHAD KYI DON 'PHAGS PA YAB SRAS KYIS BKRAL BA'I GDAMS PA'I SROG RTZOL GYI GNAD LEGS PAR ZIN PA SHIN TU NYUNG BAR BYUNG 'DUG GO ,LAKshMI'I MGO BO MED PA'I H'Um GI LUS KYIS RLUNG PHYIR LDANG BA DANG, MGO BOS RLUNG GNAS PA DANG, SGRAS RLUNG NANG DU 'JUG PA DANG, SGRA'I MTHAS RLUNG LDANG 'JUG GNAS PA THAMS CAD NYE BAR BSDUS PA DBUGS DANG BRAL BA BSTAN PAR BSHAD KYANG, CHA SHAS BZHI SNYING KHA LA SOGS PA'I

PADMA BZHI LA GNAS NAS 'GRO 'ONG BYED PA'I RLUNG LA 'DIR GSAL BAR BSHAD PAS, BSHAD PA DE CUNG ZAD 'GRIG PAR MA MTHONG YANG CHA SHAS BZHI'I CHA CAN H'Um YIG LA BSHAD PA NI SHIN TU LEGS PAR MTHONG NGO, ,DE'I PHYIR SNGAR LE'U DANG POR, BCU GNYIS KYI NI THA MA LA, ,ZHES SOGS KYIS BTUS PA'I SNYING KHA'I SNGAGS KYI THIG LE'I YI GE NI LE'U GNYIS PA 'DIR H'Um YIG GI DON DU BSHAD PAS KshUm LA 'CHAD PA DON MIN NO, ,GNYIS PA GNYIS, THA MAL PA DANG THUN MONG BA LA BYA BA BYED TSUL, RNAL 'BYOR PA LA BYA BA BYED TSUL LO, ,DANG PO LA GSUM, MTHONG THOS LA SOGS PA'I BYA BA BYED PA, RGYAL PO LA SOGS PA LA BYA BA BYED PA, KHAMS GSUM GYI BYA BA BYED TSUL LO, ,DANG PO NI, MI SHIGS PA'I THIG LE'I RTZA BA CAN GYI RLUNG DE KHO NAS BYED DO ZHES KHYAD PAR GYI GZHIR DRANG NGO, ,GANG BYED NA, SNA'I DBANG POS DRI SNOM PAR BYED PA DANG, RNA BA'I DBANG POS SGRA THOS PAR BYED PA DANG, MIG GI DBANG POS GZUGS MTHONG BAR BYED PA DANG, LCE'I DBANG POS RO ZA BA STE MYONG BAR BYED PA DANG, LUS KYI DBANG POS REG BYA LA REG PAR BYED PA DANG, YID KYI DBANG POS BDE BA DANG SDUG BSNGAL TSOR BA RIG PAR BYED PA RNAMS SO, ,DUS NI, GANG GI TSE RANG RANG GI PHYI NANG GI RKYEN TSOGS PA DE'I TSE'O, ,KYANG NI SNGA MA SNGA MAR MA ZAD PA'O, ,DE LTAR YANG RIM LNGA LAS, RLUNG RNAMS PHRA BA'I GZUGS KYIS NI, ,SHES DANG YANG DAG 'DRES GYUR NAS, ,DBANG PO'I LAM NAS BYUNG NAS NI, ,YUL RNAMS LA NI DMIGS PAR BYED, ,CES GSUNGS SO, ,RKYEN GANG LAS BZHAD GAD BYED PA DANG, NGAG ZLOS PAR BYED PA DANG,

, ,DE BZHIN DU CHO DE DANG DU BAR BYED PA LA SOGS PA'I NGAG GI LAS DANG 'BYED PA RNAMS SO SOR BYED PAR BYED PA DANG, SHING LA SOGS PA GCOD PAR BYED PA'I LUS KYI LAS DANG, 'JIG RTEN GYI GCUG LAG RIG PA LA SOGS PA CHO GA RNAM PA MANG PO SHES PA'I YID KYI LAS RNAMS KYANG SHES PA DANG 'DRES PA'I RLUNG DE KHO NAS BYED DO, ,GNYIS PA NI, MI SHIGS PA LA BRTEN PA'I RLUNG DE KHO NAS 'KHOR LOS BSGYUR BA DANG, MKHAR GYI RGYAL PO'I DON TE DGOS PA RNAMS KYANG BYED PAR 'GYUR LA, KHYIM BDAG SHING S'A LA LTA BU'I DBANG PHYUG GI DON YANG SNGAR BSHAD PA DE BZHIN DU SHES PA DANG 'DRES PA'I RLUNG GIS BYED DO, ,BRAM ZE'I RIGS DANG, RGYAL PO'I RIGS DANG, RJE'U YI RIGS DANG, SMAD PA'I RIGS DMANGS RIGS DANG, BUD MED DU GYUR PA YANG DES SPRUL PAR BYED DO, ,YANG GI SGRAS NI BSHAD ZIN PA DANG MA ZIN PA GNYIS KA SDUD PAS SKYES PA SPRUL PA YANG BZUNG NGO, ,DE BZHIN DU DUD 'GRO DANG YI DVAGS SU SKYE BA DANG, DES MTSON NAS DMYAL BAR SKYE BA YANG DES BYED DO, , GSUM PA NI, GZUGS CAN TE GZUGS KYI KHAMS KYI SRID PA DANG, GZUGS MED PA'I KHAMS KYI SRID PA DANG, DE BZHIN DU 'DOD PA'I KHAMS KYI SRID PA RNAMS LAS 'BYUNG BA'I SEMS CAN THAMS CAD SKYED PAR BYED PA, RDZU 'PHRUL TE SNOD BCUD SNA TSOGS PAR SPRUL PA DE RNAMS KYI GNAS NI SHES PA DANG 'DRES PA'I RLUNG DE KHO NA NYID YIN TE, DGONGS PA LUNG STON LAS, 'DU SHES CAN DANG 'DU SHES MED, ,SEMS CAN DU BTAGS 'DI GNAS PA, ,DE RNAMS RLUNG LAS BYUNG BA STE, ,RLUNG LAS

SLAR YANG 'GAG PA YIN, ,ZHES GSUNGS SO, ,GNYIS PA NI, RLUNG DANG SEMS KYIS MO'I GZUGS DANG PHO'I GZUGS SU SPRUL NAS GNAS PA'I THABS SHES MNYAM PAR SBYOR BA'I RNAL 'BYOR PA RNAMS LA NI PHYAG RGYA DE NYID BDE BA CHEN PO'I GO 'PHANG MCHOG 'THOB PA'I GNAS SU 'GYUR TE, DE KHO NA NYID GRUB PA LAS, 'DIR GNYIS SU MED CING RANG BZHIN GYIS RNAM PAR DAG PA'I GNAS SKABS SU BDAG NYID KYI DON TE RTOGS PAR BYA BA'I PHYIR, BDAG NYID SKYES PA DANG BUD MED KYI GZUGS SU MNGON PAR SPRUL TE, ZHES GSUNGS PA BZHIN NO, ,GSUM PA NI, SNGAR BSHAD PA DE LTAR MI SHIGS PA GANG YIN PA DES RANG RANG GI BDAG NYID KYIS 'GRO BA KUN LA KHYAB NAS GNAS PA'I DE BZHIN NYID DE MI SHIGS PA'I DE KHO NA NYID SHES PAS DAM PA STE MCHOG GI YIG 'BRU SNGAGS KYI THIG LE'I DE NYID SHES PA GANG YIN PA DES NI GSANG CHEN SANGS RGYAS KYI SPYOD YUL ZHES SNGAR BSHAD PA DE'I DON SHES PA YIN NO, ,BZHI PA NI, SNGAR CHA SHAS KYI KHA DOG ZHUS PA'I LAN STON PA NI, H'Um YIG GI CHA SHAS LTE PA'I PADMAR GNAS PA'I SGRA A'U YIG GI DON NI RLUNG GI RLUNG MNYAM GNAS YIN LA, DE NI KHA DOG MED PA STE KHA DOG NAG PO'O, ,NAG PO KHA DOG MI GSAL BA LA KHA DOG MED CES DGAG PA'I SGRA SBYOR BA'O, ,MGRIN PAR GNAS PA'I H'Um GI MGO BO'I DON NI ME'I RLUNG GYEN RGYU YIN LA, DE NI KHA DOG DMAR PO'O, ,SNYING KHAR GNAS PA'I H'Um GI LUS KYI DON NI CHU'I RLUNG SROG 'DZIN YIN LA, DE NI KHA DOG DKAR PO'O, ,GSANG GNAS SU GNAS PA'I SGRA'I MTHA'I DON NI SA'I RLUNG THUR SEL YIN LA, DE NI KHA DOG SER PO'O, ,RLUNG DE RNAMS GNAS DE DAG TU GNAS

, ,PA DANG KHA DOG NI RGYUD RDO RJE PHRENG BA LAS GSUNGS SO, ,LNGA PA NI, SNGAR GNAS BZHI LA GNAS NAS RLUNG PHYIR 'GRO BA DANG NANG DU LDOG PAR RGYUD GZHAN DU BSTAN PA'I DON BKA' STZAL DGOS ZHES ZHUS PA NI, RLUNG 'GRO 'ONG GI RDO RJE'I BZLAS PA BYED PA NA GNAS DE RNAMS SO SO NAS BYED RGYU YIN NAM ZHES ZHUS PA YIN LA, DE'I LAN DU RGYUD GZHAN LAS GNAS BZHI NAS RLUNG NANG NAS PHYIR 'GRO BA DANG PHYIR NANG DU 'ONG BAR RNAM PAR BSTAN PA'I DGONGS PA NI, NAG PO NAS SER PO YI BAR GYI RLUNG BZHI SNYING KHA'I MI SHIGS PA'I THIG LE'I GZUGS SU BSGYUR BA DE'I 'GRO 'ONG LA RDOR BZLAS BYA DGOS PA'I DON YIN GYI, GNAS BZHI SO SO NAS BYED PA MIN NO, ,DES NA RDO RJE BZLAS PAS ZHI SOGS KYI LAS BSGRUB PA'I SKABS MA GTOGS PA RLUNG DBU MAR SDUD PA'I THABS SU DKYIL 'KHOR BZHI'I RLUNG LA BZLAS PA BYED PA NA MGRIN PA DANG LTE BA DANG GSANG GNAS NAS 'GRO 'ONG GI BZLAS PA BYED PA DANG, SNYING KHA'I MI SHIGS PA LA MA DMIGS PAR SNYING KHA NAS 'GRO 'ONG GI BZLAS PA BYED PA MIN GYI, SNYING KHAR MI SHIGS PA'I THIG LE LE'U DANG POR BSHAD PA BZHIN BKOD NAS DE NAS DE LAS LDANG 'JUG GI BZLAS PA BYA DGOS ZHES PA'O, ,RLUNG BZHI SNYING KHA'I THIG LE'I GZUGS SU BSGYUR BA'I DON NI BLOS THIG LE'I GZUGS DE LAS LDANG 'JUG BYED PAR BSGYUR BA'O, ,SMRI TIS BSGYUR BA'I GZHUNG KHA CIG LAS, THIG LE'I GZUGS DNGOS DE NYID NI ZHES KYANG 'BYUNG NGO, ,DE LTAR GSUNGS PA'I GNAD KYIS SNGAR BSHAD PA'I H'Um GI CHA SHAS BZHI'I DON GNAS BZHI'I RLUNG KHA DOG BZHI LDAN LA BYA DGOS PA DANG, H'Um GI CHA SHAS BZHI CHA CAN

H'Um YIG TU 'DU BA'I DON RLUNG BZHI GA MI SHIGS PA'I YAN LAG TU BYA DGOS PAR SHES PA YIN NO, ,GRUB CHEN RNAMS KYI RDZOGS RIM GYI LAM SKYONG RGYU GAL CHE BA CIG NI BDE STONG SBYOR BA YIN LA, DE'I BDE BA NI PHYI NANG DANG SNGAGS DANG PHAR PHYIN THUN MONG BA'I LAM BZHIN SEMS RTZE GCIG TU GNAS PA'I ZHI GNAS GRUB PA NA, DE'I MTHUS RLUNG LAS SU RUNG BA LA BRTEN NAS LUS SHIN SBYANGS SKYE LA, DE LA BRTEN NAS 'BYUNG BA'I BDE BA DANG, RGYUD SDE 'OG MA'I LAM BZHIN RTZA 'KHOR GYI GNAD DU MA BSNUN PA'I RLUNG NANG DU BZUNG NAS PHYIR RGYU BA BKAG PA TZAM LA BRTEN NAS BYUNG BA DANG, RDOR BZLAS MA YIN PA'I RLUNG 'BYUNG 'JUG BGRANGS PA LA BRTEN NAS BYUNG BA'I BDE BA GRANGS PA YANG MIN PAS, RNAL 'BYOR BLA MED NAS BSHAD PA'I RTZA 'KHOR GYI GNAD RNAMS SU GNAD DU BSNUN PA LAS SKYES PA'I BDE BA KHO NA YIN NO, ,DE BZHIN DU STONG PA YANG SEMS CIR YANG MI 'DZIN PA TZAM MIN GYI, DBU MA NAS BSHAD PA LTAR CHOS RNAMS KYI YIN LUGS PHU THAG CHOD PAR GO BA'I BDAG MED RTOGS PA'I GO BA YIN LA, DE BDE BA CHEN PO'I NGO BOR SKYES PA DES YUL STONG PA NYID NGES PA'I NGES SHES KYI RGYUN SKYONG BA NI BDE STONG DBYER MED KYI LAM MO, ,DE 'DRA BA'I LUS LA GNAD DU BSNUN TSUL NI, RGYUD SO SO LA BRTEN NAS GRUB CHEN RNAMS KYIS MI 'DRA BA MANG DU GSUNGS PA RNAMS LAS SO, 'PHAGS PA YAB SRAS KYIS PHYI NANG GI RKYEN GNYIS GSUNGS PA'I NANG GI RKYEN LA, THOG MAR BSGOM PA'I LUS LA GNAD DU BSNUN TSUL NI, SNA RTZE GSUM DU THIG LE GSUM BSGOM PA'I SROG RTZOL YIN LA, DE'I YANG GTZO BO NI

, ,GDONG GI SNA RTZER 'OD KYI THIG LE DANG, SNYING KHA'I SNA RTZER SNGAGS KYI THIG LE BSGOM PA GNYIS SBRAGS PA'I RDO RJE'I BZLAS PA YIN GYI GZHAN MANG PO RNAMS MA GSUNGS SO, ,DE'I GNAD RGYUD 'DIR BSHAD PA BZHIN MA NGES NA, RDO RJE BZLAS PA'I NUS PA MI THON ZHING, LAM GYI SKABS DON 'PHYUG PAS, DER MA SONG BAR BYA BA LA 'BAD PAR GYIS SHIG ,DRUG PA NI, GNAS DANG GDAN NI DON GCIG MOD KYANG, SNGAR CHA SHAS KYI GNAS SKABS KYI GDAN DANG, CHA SHAS KYI MTHAR GTUGS PA'I GDAN GNYIS ZHUS PAS, SNGAR NI DANG PO'I LAN BSHAD LA, 'DIR NI GNYIS PA'I LAN STON TO, ,MI SHIGS PA'I DE NYID GANG YIN PA DE RIG PA'I MI SHIGS PA NI THIG LE'I GZUGS SU RAB TU GNAS PA'O, ,DUS NAM GYI TSE GZUGS DER GNAS SNYAM NA, RDZU 'PHRUL CHE BA STE SNGAR BSHAD PA LTAR GYI RLUNG SEMS KYI RNAM PAR 'PHRUL PA CHEN PO MTHA' YAS PA'I SNOD BCUD DANG BCAS PA'I SNA TSOGS PA'I GZUGS DANG POR SKYED PA'I TSE DANG, MTHAR DE RNAMS BSDUS NAS 'JIG PA LA PHYOGS PA'I TSE'O, ,BCUD KYI SEMS CAN THOG MAR SKYE BA DANG MTHAR 'CHI BA'I TSE THIG LE'I GZUGS SU GNAS PA NI SNGAR BSHAD ZIN LA, SNOD KYI 'JIG RTEN SKYE 'JIG GI TSE DER GNAS PA NI, SNOD SKYE 'JIG THOG MTHAR BYED PA NA DE'I DUS SU 'JIG RTEN DER DE'I SEMS CAN MI GNAS KYANG, SPYIR SNOD DE LTAR BYED PA'I SEMS CAN GYI LAS THUN MONG BA BSAGS PA'I DBANG GIS BYED LA, DE'I RTZA BA YANG RLUNG SEMS KYI MI SHIGS PA'O, ,DE LTAR MI SHIGS PAS GZHI BYAS PA LA BRTEN NAS RLUNG GIS KUN RTOG GA-YOS PA'I DBANG GIS 'KHOR

BAR 'KHOR BA'I BYA BA BYED PA SNGAR DANG, 'DIR BSTAN PA 'DI SHES PA NA, SROG RTZOL BSGOMS PAS MTHA'I 'JIG RIM BZHIN DU RLUNG SEMS MI SHIGS PA LA BSDUS NAS STONG PA BZHI MNGON DU BYAS TE, SGYU MA DANG ZUNG 'JUG GI SKU SNGAR BSHAD PA BZHIN BSGRUB PAR BYA'O ZHES SHES PAR BYED PA'O, ,SNOD BCUD KUN GYI BYED PA PO GCIG TU 'CHAD PA 'DI LA, RGYUD GZHAN LAS LHAN CIG SKYES PA'I YE SHES NYID DE'I RTZA BAR 'CHAD PA MANG YANG 'DUS PA'I BSHAD RGYUD RNAMS SU SHAS CHER SNGAR BZHIN BSHAD DO, , GSUM PA NI, RNAL 'BYOR PA'AM MKHAS PA GANG GIS NYON MONGS PA BRGYAD KHRI BZHI STONG GI GNYEN POR BRGYAD KHRI RTZA BZHI'I CHOS KYI PHUNG PO BSTAN PA DE THAMS CAD GCIG NAS GNYIS SU BRTZIS PA'I STONG PHRAG BRGYA RU STE, 'BUM PHRAG GCIG GI CHOS DE SNYED SHES KYANG, DE YIS CHOS KYI DBYINGS KYI DE NYID MI SHES TE, DES NA DE LTAR SHES PA'I MKHAS PA DE YANG BLA NA MED PA'I MYANG 'DAS KYI 'BRAS BU MED DO, ,ZHES 'GREL PA GNYIS LAS 'CHAD DO, ,GZHUNG 'DI NI SPYOD BSDUS SU DRANGS PA'I 'GYUR LEGS TE DE NI THUB PA CHEN POS CHOS RNAMS KYI, ,PHUNG PO BRGYAD KHRI BZHI STONG LA, ,GANG GIS DE NYID MI SHES PAR, ,DE YIS THAMS CAD 'BRAS BU MED, ,CES PA'O, ,DE'I STENG NAS BSHAD NA, THUB PA CHEN PO STON PAS NYON MONGS PA BRGYAD KHRI BZHI STONG GI GNYEN POR CHOS RNAMS KYI PHUNG PO BRGYAD KHRI BZHI STONG GSUNGS PA LA, GANG ZAG GANG GIS DE KHO NA NYID MI SHES NA, GANG ZAG DE YIS BLA NA MED PA'I BYANG CHUB KYI PHYIR DU 'BAD PA THAMS CAD KYIS 'BRAS BU BYANG CHUB DE 'THOB PA MED PAS

, ,NGAL BA DON MED CES PA'O, ,'O NA DE NYID DE JI 'DRA BA ZHIG YIN SNYAM NA, SPYOD BSDUS SU BDEN PA GNYIS ZUNG DU 'JUG PA'I ZUNG 'JUG LA BSHAD DE, GSANG 'DUS PA'I CHOS SKAD RLUNG SEMS TZAM LAS RDO RJE 'CHANG GI SKUR BSKYED PA'I KUN RDZOB DANG MCHOG TU BDE BA'I YE SHES STONG PA NYID LA CHU LA CHU BZHAG PA BZHIN DU DBYER MED PAR ZHUGS PA'I 'OD GSAL DON DAM PA GNYIS DBYER MED DU SBYOR BA'O, ,SKABS 'DIR NI MI SHIGS PA'I DE NYID YIN LA, DE LA YANG DE NI DAM PA'I MI SHIGS PA NI 'OD GSAL YIN LA, KUN RDZOB KYI MI SHIGS PA NI SGYU MA'I SKU'O, ,DE MNGON DU 'GYUR BA'I THABS MI SHIGS PA'I THIG LE LA RLUNG SEMS SDUD PA'I TSUL RNAMS KYANG 'DIR DE NYID SHES PAR BSDU'O, ,DE RNAMS LEGS PAR MI SHES NA SNGAGS KYI LAM GYIS TSE GCIG GIS SANGS RGYAS 'GRUB PA'I 'BRAS BU THOB MI NUS ZHES PA'I DON NO, ,BZHI PA NI, BCU GNYIS ZHES SOGS 'DI LA, 'GREL PA GNYIS KYIS NI 'DI LTAR 'CHAD DE, SNGAR CHA SHAS KYI YI GE BZHI SBAS NAS BSTAN PA 'DIS STON TE, 'DI LTAR BCU GNYIS NI Ri Li BZHI DOR BA'I AA NAS BGRANGS PA'I BCU GNYIS PA AA: 'O, ,LNGA NI KA TZA tA TA PA'I SDE TSAN LNGA'O, ,DE'I LNGA PA NI PA SDE'I THA MA MA'O, ,DES AO LA KLAD KOR DU BYAS PAS AOm MO, ,YA NAS BGRANGS PA'I BRGYAD KYI MTHA' NI HA'O, ,'BYUNG BA 'DUS PA NI DE 'BYUNG BA BZHIS BSKOR BA'O, ,SGRA YIG DANG PO YI GE AA LA LNGA PA MA YIG GIS BRGYAN PAS AOm MO, ,SNYING RJE'I RGYA SKAD LA KA RU nA ZHES 'BYUNG BA'I KA LA YA NAS BGRANGS PA'I DRUG PA shA BDAGS PAS KshA'O, ,KHA MAR

BLTA BA NI YI GE MGRIN PA NAS MGO THUR DU BLTA BA'O, ,DE'I KHYAD PAR 'CHAD PA NI GDOD MA ZHES PA RKANG PA GCIG GO ,SPYI BOR BSTAN PA NI YI GE KshA GONG DU SMOS PA'O, ,ZHES 'CHAD DO, ,DE NI SNGAR 'GREL PA NYID KYIS BSHAD PA'I YI GE BZHI DANG MI MTHUN ZHING, AO THUB MA BSHAD PAR MA YIG DE YI KLAD KOR DU BYAS PAS LEGS PAR MA MTHONG NGO, ,DES NA 'DI LTAR BSHAD DE MA NING BZHI DOR BA'I DBYANGS KYI BCU GNYIS PA NI GSUNG RDO RJE'I SA BON A'A: 'O, ,KA TZA tA TA PA'I SDE TSAN LNGA YI THA MA NI PA SDE YIN LA, DE YI LNGA PA NI MA YIG GO ,YA NAS BGRANGS PA'I BRGYAD KYI MTHA' LA STE, MTHAR 'BYUNG BA NI HA'O, ,DE LA 'DUS PA NI DE DANG MA YIG SBYAR BAS HAm MO, ,SMRI TIS BSGYUR BA'I DPE KHA CIG LAS, BRGYAD KYI MTHA' LA 'BYUNG BA 'DUS, ,ZHES 'BYUNG BA NYID LEGS SO, ,DE LA DBYANGS KYI DRUG PA A'U RING ? POS BTAGS PA'I THUGS RDO RJE'I SA BON H'Um MO, ,DE KHA MAR BLTA BA NI SAm BHU tAR SNYING KHA'I RTZA 'KHOR GYI DBUS KYI H'Um RING PO MGO THUR DU LTA BAR GSUNGS LA, H'Um YIG 'DI YANG THUGS KYI SA BON YIN PA'I PHYIR RO, ,SGRA DE DBYANGS YIG DANG PO YI GE AA LA, LNGA PA YANG ZHES 'GYUR GNYIS KA LAS 'BYUNG BA'I YANG GI SGRAS SLAR YANG PA SDE'I LNGA PA MA YIG 'DZIN PAS DE AA LA SBYAR BAS AAm MO, ,DE LA DBYANGS KYI LNGA PA AU YIG THUNG DUS YANG DAG PAR BRGYAN PAS SKU RDO RJE'I SA BON AOm MO, ,AA DANG AU LAS AOR 'GYUR BAR BSHAD PAS BRGYAN PA NI DE GNYIS SBYAR BA'O, ,SNYING RJE CHEN PO NI DMIGS PA MED PA'I SNYING RJE YIN LA, DE NI THEG PA 'DIR LHAN CIG SKYES PA'I BDE BA LA BZHED PAS DE BZHIN GSHEGS PA RNAMS KYI THUGS SO, ,DE LAS BYUNG BA NI

, ,DE'I NGO BO'O, ,DE NI GDOD MA STE THOG MAR SKYE BA DANG THA MAR 'JIG PA'I RANG BZHIN GYIS STONG PA'I STONG PA NYID DANG DBYER MED PA'I LHA YIN LA, DE 'DRA BA'I THUGS KYI NGO BOR GYUR PA'I H'Um YIG DE NI SPYI BO STE RTZE MO YIN ZHING, DE YANG SKU DANG GSUNG LAS MCHOG TU GYUR PAR BSTAN PA'I DON TE, 'DI NI BSHAD RGYUD RDO RJE PHRENG BA LAS, YI GE GSUM GYI NGES DON 'CHAD PA NA DE GSUM GYI NANG NAS H'Um YIG GI DON GTZO BO DANG BDAG POR GSUNGS PA DANG 'DRA'O, ,SPYI BO'I SKAD DOD RTZE MO LA YANG 'JUG PAS, DROD RTZE'I RTZE MO YANG SPYI BOR BSGYUR BA MANG NGO, ,DE LTAR NA SNGAR NI RLUNG GI DE NYID LDANG 'JUG GNYIS DANG, DES MTSON NAS GNAS PA BSTAN LA, 'DIR NI SNGAGS KYI DE NYID YI GE GSUM STON BAS RLUNG SNGAGS DBYER MED DU SBYOR BA'I RDO RJE'I BZLAS PA STON PA YIN NO, ,LNGA PA NI, BSKYED RIM PA MAN CHAD THAMS CAD LA SHIN TU GSANG BA'I GNAS CHEN PO DAM PA STE MCHOG DRI BA LNGA'I LAN DE DAG NI LHA MO ZHES M'A MA K'I LA BOS NAS, RDO RJE 'CHANG BDAG GIS YONGS SU RDZOGS PAR RAB TU BSTAN TO, ,ZHES BSHAD ZIN PA GO BAR MDZAD DO, ,RTZA RGYUD KYI GZUNGS DKYIL SPRUL PA'I SKABS BZHIN, RDO RJE 'CHANG SPYAN MA SOGS DANG SNYOMS PAR ZHUGS PA'I TSE LE'U DANG POR BSHAD PA BZHIN YUM GYI PADMAR BYANG CHUB KYI SEMS SPROS PA MTHONG NAS, DE LAS BRTZAMS TE DANG PO'I 'BYUNG KHUNGS SOGS DRIS PA NI SNA RTZER YUNGS KAR SGOM PAR RTZA RGYUD LAS GSUNGS PA'I YUNGS KAR GYI SGRAS BSTAN PA'I GSANG BA'I SNA RTZER RDZAS KYI THIG LE LAS BRTZAMS NAS DRIS PA YIN LA, DE'I LAN BSHAD PA NA GDONG GI

SNA RTZER 'OD KYI THIG LE SGOM PA MI GSAL BA DANG, SNYING KHA'I SNA RTZER SNGAGS KYI THIG LE SGOM PA GSAL BAR LE'U DANG POR BSHAD PAS KYANG SNA RTZER YUNGS KAR SGOM PAR GSUNGS PA'I DON 'CHAD LA, LE'U 'DIS KYANG LE'U DANG POR MI GSAL BA GSAL BAR 'CHAD PAS RGYUD 'DIS GZUNGS DKYIL SPRUL PA GTZO BOR 'CHAD PA DANG, RTZA RGYUD LE'U GSUM PA DANG DRUG PAR YUNGS KAR GYI SGRAS BSTAN PA'I DON 'CHAD PAR RIM LNGA LAS GSUNGS PA GNYIS GNAD GCIG TU 'ONG NGO, ,DRUG PA NI, LHA MO BZHIS YONGS SU ZHUS PA'I RGYUD KYI RNAM PAR BSHAD PA LAS, LHA MO M'A MA K'IS ZHUS PA'I LE'U STE LE'U GNYIS PA'I RNAM PAR BSHAD PA'O,, ,,GSUM PA GOS DKAR MOS ZHUS PA'I LE'U LA GSUM, ZHU BA MDZAD TSUL, ZHUS PA'I LAN, LE'U YI MTSAN BSTAN PA'O, ,DANG PO LA GNYIS, ZHUS PA'I MTSAMS SBYOR, ZHUS PA DNGOS SO, ,DANG PO NI, M'A MA K'IS ZHUS PA'I LAN RDZOGS PA DE NAS, LHA MO GOS DKAR MOS RDO RJE SEMS DPA' LA 'OG NAS 'BYUNG BA BZHIN GSOL BA ZHES TSIG RNAM PAR SBYAR RO, ,JI LTAR DU NA, LAG PA'I MTHIL GNYIS DANG, PUS MO'I LHA NGA GNYIS DANG DPRAL BA'I DBYES KYIS YAN LAG LNGA PO KUN GYIS SA LA BTUD NAS SU LAG PA'I THAL MO SNYING KHAR SBYAR BAR BYA STE'O, ,'DIS LUS KYI KUN SPYOD GNYIS DANG, LE'U BZHI PAR ZHAL BZHAD NAS ZHUS PAR GSUNGS PA GSUM NI LHA MO BZHI KA'I ZHU BA MDZAD PA LA SBYAR RO, ,GNYIS PA LA LNGA, CHOS KYI DBYINGS KYI BSDU BA DANG RDO RJE GSUM GYI RANG BZHIN ZHUS PA, GONG BU'I BSDU BA

, ,DANG RDOR SEMS KYI RANG BZHIN ZHUS PA, THIG LE'I YIG 'BRU DANG SNGAGS 'DUS TSUL ZHUS PA, KHAMS GNYIS KYI RO MNYAM DANG 'GRO BA SKYE TSUL ZHUS PA, GANG GI NGO BOR RIGS LNGA BSGOM PA ZHUS PA'O, ,DANG PO NI CHOS KYI DBYINGS BYANG CHUB KYI SEMS NI BSDUS PA JI LTAR LAGS PA DANG, SKU GSUNG THUGS KYI RDO RJE YI RANG BZHIN NYID NI JI LTAR LAGS PA DKYIL 'KHOR PA'I LHA'I DBANG PHYUG STE GTZO BO KHYOD LA ZHU'O, ,GNYIS PA NI, RGYU MTSAN GANG GIS BDUD RTZI'I 'OD KYI GONG BU BSDUS PA DE RDO RJE SEMS DPA' YI NGO BOR GYUR PA JI LTAR LAGS, GSUM PA NI, BYANG CHUB KYI SEMS KYI THIG LE DE NYID YIG 'BRU'I TSIG GANG DU 'GYUR BA GSUNGS SHIG ,SNGAGS 'DUS PA STE SBYOR BA'I TSUL JI LTAR 'GYUR BA LAGS ZHES ZHUS SO, ,BZHI PA NI, PHA LAS THOB PA'I CHU'I KHAMS DANG MA LAS THOB PA'I ME'I KHAMS GNYIS RO NI MNYAM POR JI LTAR 'GYUR BA LAGS, MA LAS SKYE BA GSUM TZAM DANG, DE BZHIN DU PHA LAS SKYE BA GSUM GANG YIN PA DANG, DRUG PO DE DAG LA SOGS PA'I GONG BU LAS MI RNAMS SKYE BA JI LTAR LAGS ZHES ZHUS SO, ,LNGA PA NI, SANGS RGYAS RIGS LNGA'I GZUGS GANG GI NGO BOR BSGOM PA NI BDAG GIS MI 'TSAL BA STE MI SHES PAS THUB PA CHEN POS LAN BKA' STZAL MDZOD CES ZHUS TE, RKANG PA THA MA NI DE'I DON MED PA'I DRI BA GONG MA RNAMS KYI MTHA' YANG SBYAR RO, ,GNYIS PA LA GNYIS, LAN BSHAD PAR ZHAL GYIS BZHES PA DANG, LAN BSHAD PA DNGOS SO, ,DANG PO NI, DE LTAR ZHUS PA NA DE'I LAN RDO RJE CAN GYIS BKA'

STZAL PA NI, THEG PA GZHAN LA GSANG BA SNGAGS KYI THEG PA YIN LA, DE LAS TE DE'I NANG NAS SHIN TU GSANG BAR GYUR PA NI, RGYUD SDE 'OG MA LA GSANG BAR BYA BA 'DIR DRIS PA'I DON RNAMS SO, ,DE NI LHA MO ZHES GOS DKAR MO LA BOS NAS LEGS PAR NYON CIG DANG BDAG GIS BSHAD PAR BYA'O ZHES BSHAD PAR ZHAL GYIS BZHES SO, ,GNYIS PA LA DRUG ,CHOS DBYINGS SDUD PA DANG RDO RJE GSUM GYI RANG BZHIN ZHUS PA'I LAN, KHAMS GNYIS KYI RO MNYAM ZHUS PA'I LAN, GONG BU'I BSDU BA DANG RDOR SEMS KYI RANG BZHIN ZHUS PA'I LAN, THIG LE'I YIG 'BRU DANG SNGAGS 'DUS TSUL ZHUS PA'I LAN, PHA MA LAS THOB PA'I RGYU TSOGS LAS 'GRO BA SKYE TSUL ZHUS PA'I LAN, GANG GI NGO BOR RIGS LNGA BSGOM PA ZHUS PA'I LAN NO, , DANG PO LA GNYIS, CHOS DBYINGS SDUD TSUL ZHUS PA'I LAN, RDO RJE GSUM GYI RANG BZHIN ZHUS PA'I LAN NO, ,DANG PO NI, BYANG SEMS DKAR DMAR DE GNYIS PHRAD NAS GCIG TU 'DRES PAR GYUR PA NI CHOS KYI DBYINGS NI 'DUS BA STE BSDUS PA YIN NO, ,DE GNYIS KYI RTEN NI SKYE GNAS KYI 'KHOR LO'I DBUS SU RTZA RO RKYANG GNYIS NI RKYANG MA GA-YON DU GNAS LA DE BZHIN DU RO MA GA-YAS PAR GNAS SO, ,DE'I GA-YON GYI RTZAR NI BYANG CHUB KYI SEMS ZHES BYA BA'I KHU BA 'BAB LA, DE BZHIN DU RTZA GA-YAS SU RAKTA RDUL 'BAB BO, ,RGYUD 'DIR CHOS KYI DBYINGS BSDU RGYUR BSHAD PA NI, SNGAR LE'U DANG POR BYANG CHUB KYI SEMS THIG LE LA CHOS KYI DBYINGS SU BSHAD PA LA, DE NYID LE'U 'DIR BSHAD PA'I RTZA GA-YAS GA-YON LA GNAS PA'I KHU RDUL GNYIS YIN

, ,PAS, DE GNYIS PHRAD NAS ZHES PA'I DE GNYIS NI KHU KHRAG LA BYA DGOS SO, ,'DI'I 'GREL PA GNYIS KYI SKYE GNAS DBUS ZHES PA BUD MED KYI PADMA'I DBUS DANG, DE GNYIS PHRAD CES PA THABS SHES ROL PA'I DUS SU KHAMS DKAR DMAR BABS NAS CHU DANG 'O MA BZHIN 'DRES PA LA 'CHAD PA NI MI 'THAD DE, DE GNYIS ZHES PA NI SKYE GNAS KYI DBUS KYI GA-YAS GA-YON GYI RTZA LAS RGYU BA'I KHU KHRAG YIN LA, RTZA DE GNYIS BUD MED KYI PADMA'I DBUS KYI GA-YAS GA-YON GYI RTZA YIN NA, BUD MED KYI KHU KHRAG GNYIS 'DRES PAR SONG GI SKYES PA'I KHU BA DANG BUD MED KYI KHRAG GNYIS 'DRES PA MIN PA'I PHYIR RO, ,SKYE GNAS ZHES 'BYUNG BAS BUD MED KYI SKYE GNAS LA BYA MI DGOS TE, LTE BA DANG SPYI BO'I 'KHOR LOR AA HAm GNAS PA'I 'KHOR LO SNGA MA LA BRTAG GNYIS LAS, SKYE GNAS 'KHOR LO'I RNAM PA AA, ,BDE CHEN GYI'ANG RNAM PA HAm, ,ZHES GSUNGS LA, DE BUD MED KHO NA'I AA HAm 'CHAD PA MIN PA'I PHYIR DANG, SAm BAHU tA LAS, MA LUS PA YI SEMS CAN GYI, ,SKYE BA GANG LA BRJOD BYA BA, ,GANG PHYIR SPRUL PA GNAS BRTAN PHYIR, ,DE LA SPRUL PA'I SKU NYID YIN, ,ZHES GSUNGS SHING, RGYUD DER SKYE GNAS ZHES GSUNGS PA'I 'GREL PA MAN NGAG SNYE MA LAS KYANG, SKYE GNAS NI 'DIR BUD MED DANG SKYES PA DAG GI LTE BA'I 'OG GI GNAS SO, ,ZHES RTEN GNYIS KA'I YONGS SU GRAGS PA'I LTE BA'I BU GA'I 'OG TZAM LA SKYE GNAS SU BSHAD LA, DE'I 'KHOR LO LA SPRUL PA'I 'KHOR LO ZHES KYANG ZER RO, 'O NA 'KHOR LO DE LA SEMS CAN SKYE BA'I GNAS ZHES

BRJOD PA CI YIN ZHE NA, MAN SNYE LAS, BZA' BTUNG BYAS PA PHO BA'I MES BZHUS PA LAS SNYING STOBS KHU BA'I DVANGS MA DANG, KHRAG GI DVANGS MA GNYIS RO RKYANG GI RTZAS LTE BA NAS LUS KUN LA KHYAB PAR 'BEBS PAR GSUNGS PAS SEMS CAN GYI LUS THOB ZIN RGYAS PAR BYED PAS SEMS CAN SKYE BA'I GNAS SU GSUNGS SO, ,SKYE GNAS DBUS SU ZHES PA'I RKANG PA BZHI NI BDE MCHOG SDOM 'BYUNG DANG, SAm BAHU tAR YANG 'BYUNG LA, RNAM GZHAG RIM PAR YANG DRANGS TE, DE NI GONG GI 'PHROS RNAMS DANG BSGRIGS NA SDOM 'BYUNG DRANGS PAR MNGON NO, ,RKANG PA THA MA GNYIS NI, RNAM GZHAG LAS, DE DAG GCIG TU 'DRES PA NYID, ,CHOS KYI DBYINGS SU BSDUS PA YIN, ,ZHES DRANGS LA, SDOM 'BYUNG LAS KYANG, DE DAG 'DUS PA GCIG NYID NI, ,CHOS KYI DBYINGS KYI RANG BZHIN NYID, ,CES 'BYUNG ZHING DE'I 'GREL PA LAS, 'DI RNAMS KYIS MNGAL SKYES KYI RIM PA RNAM PAR BSHAD NAS, YONGS SU DAG PA'I RANG BZHIN DANG KHU BA DANG KHRAG DAG GI RTEN GSUNGS PA, RTZA GNYIS ZHES PA LA SOGS PA STE, SKYE GNAS DBUS NI ZHES PA LTE BA'I 'OG GNAS SU'O, ,DE DAG CES PA RTZA DAG STE, ,CHOS KYI DBYINGS KYI RANG BZHIN NYID, ,CES PA AA WA DH'U T'I'I RANG BZHIN LAS SO, ,ZHES DE DAG CES PA RTZA GNYIS DANG, CHOS KYI DBYINGS ZHES PA RTZA GNYIS GANG DU 'DUS PA'I RTZA DBU MA DANG, MNGAL NA GNAS PA'I KHU KHRAG LA SOGS PA'I RTEN NI RTZA DE RNAMS YIN PAR BSHAD CING, RNAM GZHAG LAS KYANG CHOS KYI DBYINGS BSDU RGYU RU MA BYAS PAR BSDU BA RU GSUNGS SO, ,MAN SNYE LAS, CHOS KYI DBYINGS STONG PA NYID

, ,DANG RO GCIG PA'I SEMS YANG DAG PAR 'DZIN PAS CHOS KYI DBYINGS BSDUS PA YIN, ZHES CHOS DBYINGS BSDU RGYU'I THIG LE LA MA BSHAD DO, ,SDOM 'BYUNG DANG RNAM GZHAG TU 'BYUNG BA LTAR RGYA DPE 'GA' ZHIG LA YANG YOD PAR GSAL LA, DE BZHIN DU 'DON NA SDOM 'BYUNG 'GREL PAR BSHAD PA BZHIN BYA DGOS TE, BDAG GIS KYANG GZHAN DU DE LTAR BSHAD DO, ,'ON KYANG RGYUD 'DIR CHOS KYI DBYINGS BSDU RGYU'I KHAMS DKAR DMAR LA BSHAD PA LTAR GZHUNG GZHAN GYI RGYA DPE DAG PA LAS 'BYUNG BA 'GAL BAR MI SNANG BAS, 'DI DAG DON GCIG TU 'CHAD NA SDOM 'BYUNG DANG RNAM GZHAG TU 'BYUNG BA'I SKYE GNAS ZHES PA GNYIS PHO MO GNYIS KA'I RTEN THUN MONG DU YIN LA, LHAG MA'I DON NI MAN SNYER BSHAD PA LTAR GA-YON DU GNAS PA'I PHA'I KHU BA DANG, GA-YAS SU GNAS PA'I BUD MED KYI KHRAG GNYIS 'DRES PA LA BYA'I, RTEN GCIG GI RTZA GA-YAS GA-YON GYI KHU RDUL LA MI BYA'O, ,DE YANG BAR DO GANG DU 'JUG PA'I KHU KHRAG 'DRES PA LA BSHAD NA 'GRIG PAR SNANG NGO, ,'DIR BSHAD PA LA YANG DON GYI PHYOGS GCIG NAS DE LTAR BSHAD DU RUNG BA GCIG KYANG SNANG MOD, GTZO BO'I DON NI RDOR BZLAS BYAS PAS RTEN GCIG GI RO RKYANG GI KHAMS DKAR DMAR GNYIS DBU MAR GCIG TU SDUD PA STON PA YIN NO, ,DE YANG, DPRAL BA LA GNAS RKANG MTHIL BAR, ,ZHES SOGS KYIS STENG 'OG DANG GA-YAS GA-YON LA SOGS PA'I RLUNG DBU MAR SDUD PA LA BSHAD MOD KYANG, DE DAG LA GNAS PA'I THIG LE DBU MA'I LAM NAS MI SHIGS PA LA SDUD PA 'DIR

GSAL DU BTANG BA'O, ,DE LTA MIN PAR PHA MA'I KHU KHRAG 'DRES PA LA BAR DO 'JUG PAR BSHAD PA TZAM ZHIG YIN NA, GSANG LAS SHIN TU GSANG GYUR PA, ,ZHES GSUNG BAR MI RIGS TE, DON DE MNGAL DU 'JUG PA SOGS LAS KYANG RGYA CHER BSTAN PA'I PHYIR RO, , GNYIS PA NI, SNGAR RDO RJE GSUM GYI RANG BZHIN DRIS PA'I LAN STON PA NI, MUN PA NI SKU RDO RJE STE, RDUL NI GSUNG RDO RJE'O, ,SNYING STOBS NI SEMS KYI RANG BZHIN THUGS SO, ,'O NA RDUL MUN SNYING STOBS GSUM RANG GANG YIN SNYAM NA, RDUL NI RAKTA KHAMS DMAR PO DANG, BYANG SEMS DKAR PO NI MUN PA DANG, DE BZHIN DU SNYING STOBS NI CHOS KUN SKYED PA SEMS YIN NO, ,TSIGS BCAD 'DI SAm BAHU tAR, SNYING STOBS SKU DANG RDUL BCAS NGAG ,MUN PA SEMS KYI RANG BZHIN LAS, ,SNYING STOBS KHU BA RIN CHEN RDUL, ,MUN PA SKYED PAR BYED PA NYID, ,CES GSUNGS SHING, MAN NGAG SNYE MAR YANG, DE BZHIN DU BSHAD DO, ,RGYUD RDO RJE PHRENG BA LAS, LA LA NA DANG RA SA NA, ,AA WA DH'U T'I ZHES BYA'I MING, ,SKU GSUNG THUGS KYI RANG BZHIN DANG, ,ZHES DANG, ZLA BA NYI MA ME YI RTZA, ,GSUM ZHES BYA BA'I MTSAN NYID DO, ,ZHES SKU DANG GSUNG GI RTZA GA-YAS GA-YON GNYIS NYI ZLA'I RTZAR BSHAD PAS DE GNYIS MUN PA'I RTZAR BSHAD NA MI 'GRIG PAS THUGS KYI RTZA AA WA DH'U T'I MUN PA DANG, GA-YAS GA-YON RDUL DANG SNYING STOBS KYI RTZAR BYA'O, ,DE LTAR 'DUS PA'I BSHAD RGYUD GNYIS GUNG BSGRIGS NA RGYUD GZHAN RNAMS DANG YANG MTHUN PAR SNANG STE DPYAD PAR BYA'O, ,RDO RJE GSUM GYI RANG BZHIN DRIS PA NI, KHAMS DKAR DMAR GNYIS DANG SEMS GSUM RDO RJE GSUM GANG DU 'JOG DRIS PA YIN LA, DE SHES PA NA SKU DANG GSUNG GI RDO

, ,RJE GNYIS THUGS KYI RDO RJER 'DU BA'I RDO RJE GSUM DBYER MED PAR SHES PAS RTZA GA-YAS GA-YON GYI KHAMS GNYIS KYI RDO RJE GNYIS DBU MA'I SEMS THUGS RDO RJE DBYER MED PAR SBYOR BA SHES SO, ,DES NA 'DIS CHOS KYI DBYINGS SDUD PA DE RDO RJE GSUM MI PHYED PAR SBYOR BAR BSTAN TE, RLUNG SNGAGS GNYIS KYI RDO RJE GSUM DBYER MI PHYED PAR ZLO BA'I RDOR BZLAS KYIS RO RKYANG AA BA DH'U T'I GSUM GYI KHAMS GSUM GYI RDO RJE GSUM DBYER MI PHYED PA BSGRUB PA NI GTZO BO'I DON YIN LA, ZHAR LA MA'I MNGAL DU KHU KHRAG GNYIS DANG BAR DO'I SEMS GSUM SBYOR BA YANG SHES PAR BYA'O, ,GNYIS PA NI, SNGAR PHA MA LAS THOB PA'I KHAMS GNYIS RO MNYAM DU JI LTAR 'GYUR DRIS PA'I LAN STON PA NI, YAB KYI RDO RJE DANG YUM GYI PADMA GNYIS MNYAM PAR SBYAR BA LA BRTEN NAS KHAMS DKAR DMAR GNYIS RANG BZHIN MNYAM PA'I ROR 'GYUR RO ZHES PA'O, ,'DI NI GZHI DUS SU MA'I MNGAL DU KHAMS GNYIS RO MNYAM DU 'GYUR BA'I THABS BSTAN PA DANG, LAM DUS SU LAM BSGOM PA PO'I KHAMS GNYIS DBU MAR RO MNYAM DU 'GYUR BA'I THABS PHYI'I RKYEN STON PA GNYIS SU SBYAR RO, ,KHAMS GNYIS RO MNYAM DU 'GYUR TSUL NI SNGAR CHOS DBYINGS SDUD PA'I SKABS SU BSHAD ZIN PAS 'DIR RO MNYAM DU 'GYUR BA'I THABS STON LA, DE YANG NANG GI RKYEN NI SNGAR LE'U GNYIS SU BSHAD PAS SHES NUS PAS 'DIR PHYI'I RKYEN NO, ,DE LA GNYIS YOD KYANG GTZO BO'I DON NI LAM DUS KYI YIN TE, GSANG LAS SHIN TU GSANG GYUR PA, ,ZHES GSUNGS PAS GZHI DUS KYI PHA MA'I RKYEN LAS KHAMS GNYIS RO MNYAM DU

'GYUR BA TZAM LA BSHAD DU MI RUNG PA'I PHYIR RO, ,'DIS GZUNGS DKYIL SPRUL PA'I SKABS SU RIG MA DANG SNYOMS PAR 'JUG PA'I CHAGS CHEN GYI TSUL GYI TING NGE 'DZIN 'CHAD DO, ,'O NA 'DI RDOR BZLAS MTHAR PHYIN NAS SEMS DBEN BSKYED PA'I SKABS SU YIN NAM ZHE NA, 'DI LA GNYIS YOD DE, SEMS DBEN BSKYED PA'I SKABS SU PHYI'I RKYEN LA BRTEN PA NI RIM LNGA SOGS SU GSAL LA, RDO RJE BZLAS PA'I SKABS SU BRTEN PA NI, RTZA BA'I RGYUD LAS, SLONG MO ZA ZHING MI BZLA STE, ,SLONG LA'ANG DGA' BAR MI BYA'O, ,'DOD PA KUN LA LONGS SPYOD CING, ,SNGAGS KYI YAN LAG MA NYAMS BZLAS, ,ZHES GSUNGS LA, DE'I DON DGONGS PA LUNG STON LAS KYANG, 'DOD GSUM DE NYID LONGS SPYOD CING, ,SNGAGS KYI YAN LAG MI NYAMS BZLAS, ,ZHES DANG, RNAL 'BYOR PA YIS DBUGS RDUB 'BYUNG, ,SBYOR BA'I DE NYID GCIG PA NYID, ,SHES RAB THABS LA GNAS NAS NI, ,SNGAGS KYI YAN LAG MA NYAMS BZLAS, ,ZHES GSUNGS SHING, RGYUD PHYI MAR GSANG BA'I SNA RTZER RDZAS KYI THIG LE SGOM PA'I SROG RTZOL GSUNGS PA'I DON RIG MA'I GSANG BA'I SNA RTZER BSGOM PAR SGRON GSAL LAS GSUNGS TE, DE'I DON RDO RJE PHRENG BAR BSHAD PA LAS KYANG, RDO RJE'I RTZE DANG PADMA'I RTZER, ,RLUNG MI BZUNG BA'I SKAD CIG LA, ,RKAN LA YI GE'I SBYOR BA DANG, ,KshMm SNGAGS KYI SBYOR BA YIS, ,RNAL 'BYOR MCHOG NI THOB PAR BYED, ,CES GSUNGS SO, ,'DI NI RDO RJE BZLAS PA LA NUS PA CHEN PO THON PA, YUL RTEN GYI MTSAN NYID GZHAN RNAMS KYANG TSANG BA, DGAG BYA MED CING LAM GYI GROGS SU 'GRO BA'I DGOS PA CHEN PO DANG LDAN PA LA YIN GYI, RDO RJE BZLAS PA

, ,SBYONG BA TZAM LA MIN NO, ,PHYI'I RKYEN DE LA YANG DNGOS DANG BSGOM PA'I PHYAG RGYA GNYIS YOD CING THABS DE DAG GIS RO RKYANG GI RLUNG SEMS DBU MAR 'JUG PA'I SROG RTZOL DU 'GYUR TSUL NI GZHAN DU SHES PAR BYA'O, ,GSUM PA NI, 'OD KYI GONG BU BSDU BA DANG, DE RDOR SEMS KYI NGO BOR 'GYUR TSUL DRIS PA'I LAN STON PA NI, DRI CHEN DANG DRI CHU DANG MDOG SHEL DANG 'DRA BA'I BAD KAN DANG, ME TOG NI RAKTA STE BZHI DANG, DE BZHIN DU LNGA PA BYANG CHUB KYI SEMS DKAR PO NI BDUD RTZI LNGA'I DNGOS PO YIN LA, DE RNAMS BSDUS TE GONG BU'I TSOGS PA GCIG TU BYAS PA DE LAS TE, DE'I PHYIR TSOGS PA DE NI RDO RJE CAN RDO RJE 'CHANG DU RGYUD 'DIR GSUNGS SO, ,SAm BAHU tA LAS, BSHAD DANG GCI BA BAD KAN DANG, ,KHRAG DANG LNGA PA KHU BA NYID, ,BDUD RTZI LNGA YI GONG BU DNGOS, ,DE PHYIR RDO RJE CAN 'DIR BRJOD, ,CES GSUNGS PA LTAR 'DIR YANG SHES PAR BYA'O, ,'DI MAN SNYE'I BZHED PAS MNGAL DU CHAGS PA'I LUS DE DE BZHIN GSHEGS PA LNGA'I NGO BO'I BDUD RTZI LNGA'I BDAG NYID YIN PAS, DE BZHIN GSHEGS PA LNGA TSOGS PA DRUG PA RDO RJE 'CHANG DANG, RDO RJE DE BZHIN GSHEGS PA LNGA'I RANG BZHIN GYI LUS YIN PAS RDO RJE'I LUS ZHES KYANG GSUNGS SO ZHES 'CHAD DO, ,BDUD RTZI LNGA'I BSHANG GCI GNYIS DANG BYANG SEMS DKAR DMAR BZHI MTHUN LA, DE'I LHAG MA LNGA PA LA, RDO RJE PHRENG BA DANG PHYAG CHEN THIG LER SHA CHEN DANG, SDOM 'BYUNG LAS, MGO SKYES DE BZHIN SBUBS LAS SKYES, ,SHA LAS SKYES DANG GSUM DU 'GYUR, ,ZHES KLAD PA DANG RKANG MAR DANG TSIL BU GSUM LA BSHAD

DO, ,'GREL PA GNYIS KYIS SHEL NI SNABS LA BYAS SO, ,DE LNGA DE BZHIN GSHEGS PA LNGAR 'JOG TSUL NI, RDO RJE PHRENG BA DANG PHYAG CHEN THIG LER DRI CHU MI BSKYOD PA, DRI CHEN RNAM SNANG, KHAMS DMAR PO RIN 'BYUNG, DKAR PO 'OD DPAG MED, SHA CHEN DON GRUB TU BSHAD DO, ,DE LTAR NA RGYU MTSAN GANG GIS 'OD DE BDUD RTZI LNGA GONG BUR BSDUS PA LA, RDO RJE 'CHANG DU 'JOG PA'I RGYU MTSAN NI, DE BZHIN GSHEGS PA LNGA TSOGS PA RDO RJE CAN DU 'JOG PA YIN NO, ,'DIR BDUD RTZI LNGA GSUNGS PA LUS RDO RJE CAN GYI LUS SU BSTAN PA'I PHYIR, YANG BSHAD DU RUNG MED KYANG GTZO BOR NI, GSANG BA GRUB PA LAS, SBRANG MA SKYUGS PA 'DRES PA DANG, ,BSHANG DANG GCI BA BSRES BYAS NAS, ,SGRON MA LNGA DANG BSRES PA YIS, ,RTAG TU BDAG NYID MCHOD PAR BYA, ,ZHES DANG, BTZUN MO'I RANG BYUNG ME TOG NI, ,BYANG CHUB SEMS DANG BCAS GYUR PA, ,BLANGS LA GSUNG GI RDO RJE CAN, ,BDE BA CHEN PO YANG DAG MCHOD, ,CES GSUNGS PA LTAR BZA' BA'I DAM TSIG GI PHYIR YIN LA, DE LTAR BYAS PAS NI BAR CHAD LAS BSRUNG BA DANG, MKHA' 'GRO MA RNAMS DGYES PA DANG, DNGOS GRUB 'GRUB PA MYUR BA SOGS KYI PHAN YON DANG LDAN PAR GSUNGS LA, KHYAD PAR BTZUN MO'I KHAMS DKAR DMAR ZOS PAS NI, RANG GI BYANG CHUB KYI SEMS LHAG PAR 'PHEL BAR GSUNGS SO, ,BZHI PA LA GNYIS, THIG LE'I YIG 'BRU ZHUS PA'I LAN, SNGAGS SBYOR TSUL ZHUS PA'I LAN NO, ,DANG PO NI, YUM GYI PADMA'I THIG LE YIG 'BRU GANG DU GNAS ZHUS PA'I LAN STON PA NI, CHA SHAS ZHES

, ,SOGS SO, ,'DI'I 'GYUR SGRON GSAL DU DRANGS PA LTAR LEGS MOD KYANG, THOG MAR 'GREL PA GNYIS KYIS 'CHAD TSUL BSTAN NA, CHA SHAS GNYIS PA DANG LDAN PA NI, KshA STE KA DANG shA BRTZEGS PA'O, ,DE GSAL BAR STON PA NI DE BZHIN ZHES TE, YA NAS BGRANGS PA'I DGU PA NI KshA YIG GO ,DON NI 'DI YIN TE KshA LA MA DANG RA DANG YA BTAGS NAS ZHABS SKYED RING PAR BYA STE, ZLA TSES DANG THIG LE BRTZEGS PA'I KshMRYUm STE MAN NGAG GO ,DON DE GSAL BAR STON BZHED PAS DE SKAD GSUNGS PA DE LA NI, SUM CU PA NI MA NING BZHI DOR BA'I AA NAS BRTZIS PA NA DA'O, ,DE NAS RTZIS PA'I BCU PA NI RA'O, ,DE BZHIN DU LNGA PA NI LA NAS BGRANGS PA'I HA'O, ,SA BON NI HA'I 'OG MA KshA'O, ,CHA SHAS GNYIS PAS NI KshA DNGOS BSTAN NO, ,LNGA YIS ZHES PA NI KshA LA MA DANG RA DANG THIG LE BYAS PA CHOS KYI DBYINGS KYI YI GE'I 'BRU'I BSDU BA GSUNGS PA'O, ,ZHES 'CHAD DO, ,BSHAD PA 'DI LA NI KshA YIG LAN DU MAR BSDUS SHI'ANG, YA DANG MA BSDU DGOS PA CHAD LA, LA NAS BGRANGS NA HA DRUG PAR 'DUG PA LNGA PAR BYAS SNANG BAS YID CHES PAR DKA'O, ,DES NA SGRON GSAL LO CHEN DANG 'GOS KYIS BSGYUR BA LAS, CHA GNYIS PA NI DGU PA NYID KYIS BSHAD, ,SUM CU BCU PA LNGA YIS SA BON NYID, ,CHA GNYIS LNGA PA DRUG PAS PHYE BA NI, ,BYUNG BA 'DI NI THIG LE YIN ZHES BSHAD, ,CES 'BYUNG NGO, ,'DI LA'ANG 'CHAD TSUL DU MA ZHIG SNANG YANG, SGRON GSAL GYI 'GREL BSHAD RAB TU SGRON GSAL DANG, SGRON GSAL GYI BSDUS DON SNYING GI ME LONG

GI BSHAD PA BZHIN BSHAD NA, CHA NI DBYANGS YIG YIN LA, DE'I GNYIS PA NI A'A'O, ,DGU PA NI MA NING BZHI DOR BA'I AA NAS BGRANGS PA'I AO NYID DU BSHAD DO, ,NYID KYIS ZHES PA NYID DU BYA'O, ,MA NING BZHI DOR BA'I AA NAS BGRANGS NA DBYANGS BCU GNYIS DANG, KA TZA tA'I SDE PA'I YI GE BCO LNGA STE NYER BDUN, TA SDE'I DANG PO GSUM BSNAN PAS SUM CU STE, DE'I THA MA NI DA'O, ,DE'I 'OG MA DHA NAS BGRANGS NA BCU PA LA'O, ,DE'I 'OG MA WA NAS BGRANGS NA LNGA PA'I SA BON HA STE, MDOR NA AA NAS BGRANGS PA'I ZHE LNGA PA HA THU BA'I DON YIN GYI NGA DANG LA THU BA MIN NO, ,DE LTAR A'A DANG AO DANG HA GSUM PO GZHIR BZHAG PA'I DANG PO A'A LA CHA GNYIS TE, A'A: YIS PHYE BAS AA GNYIS, A'A RING PO GCIG TU BSDOMS NAS RNAM BCAD KYIS BRGYAN PAS A'A: 'O, ,AO LA PA SDE'I LNGA PA MA YIG GIS PHYE BA STE, BRGYAN PAS AOm MO, ,HA LA DBYANGS YIG DRUG PA A'U YIS PHYE BA STE BRGYAN PAS H'U'O, ,DE LA SNGAR YANG LNGA PA MA YIG RJES SU NGA ROR BYAS PAS H'Um STE, DE LTA BU LAS BYUNG BA'I 'BRU GSUM 'DI NI YUM GYI PADMAR BYUNG BA'I THIG LE YIN ZHES BSHAD DO, ,LE'U DANG POR BSHAD PA'I YUM GYI PADMAR SPROS PA'I THIG LE 'BRU GSUM GYI YIG 'BRU'I GZUGS CAN DU BSHAD PA 'DI NI, DKYIL 'KHOR RGYAL MCHOG BSKYED PA'I TSE THIG LE CHA SO GNYIS SU GYUR PA 'BRU GSUM SO GNYIS SU GYUR NAS LHA BSKYED PA'I BSKYED CHOG STON PA YIN PAS Ksh'Um DANG KshMYUm STON PA MIN NO, ,GNYIS PA NI, SNGAGS 'DUS PA'AM SBYOR BA'I TSUL GYI LAN STON PA NI, GZHUNG PHAL CHE BA LAS, YIG 'BRU BRUm DANG CHOS KYI DBYINGS KYANG, ZHES 'BYUNG YANG, DPE KHA CIG

, ,LAS, CHOS KYI DBYINGS KYI YI GE BRUm, ,ZHES 'BYUNG BA DAG PAS CHOS KYI DBYINGS BYANG CHUB KYI SEMS THIG LE YONGS SU GYUR PA'I YI GE BRUm YUM GYI SKYE GNAS KYI PADMA LA GNAS PA DE NYID RNAM SNANG GI SA BON YIN NO, ,DE NI MTSON PA TZAM STE MI BSKYOD PA NAS GNOD MDZES KYI BAR GYI SA BON H'Um SVA A'A HA NAS H'Um GI BAR RNAMS KYANG THIG LE YONGS SU GYUR PA LAS YI GE DE DAG GI GZUGS SU YUM GYI PADMAR GNAS PA'I, ,SA BON SO GNYIS DANG 'BRU GSUM GYI SNGAGS GNYIS SBYOR TSUL NI, AOm A'A: BRUm H'Um, ZHES SOGS SU SBYOR BA'O, ,SV'A H'A MTHA' ZHES PA NI, AOm A'A: BRUm H'Um SV'A H'A, ZHES SOGS SU SBYOR BA STE, 'DI NI LHA SO SO'I BZLAS PA'I SNGAGS SBYOR TSUL YIN GYI, BSKYED PA'I SNGAGS MIN NO, ,DE 'DRA BA'I SNGAGS SBYOR TSUL DE NI SNGAGS 'DUS PA'I DON YIN PAR SHES PAR BYA'O, ,LNGA PA NI, JI LTAR MI RNAMS SKYE BA LAGS, ,ZHES DRIS PA'I LAN STON PA NI, MI LA SOGS PA'I LUS KYI CHA SHAS CHU'I KHAMS TE KHAMS DKAR PO NI PHA LAS BYUNG BA'I KHU BA'I NYER LEN LAS SKYES PA ZHES BYA LA ME'I KHAMS TE KHAMS DMAR PO NI MA LAS BYUNG BA'I RDUL GYI NYER LEN LAS SKYES PA'O, ,DER MA ZAD, SHA DANG KHRAG DANG PAGS PA YANG, ,MA LAS SKYES PA ZHES BSHAD DO, ,RUS PA RKANG DANG KHU BA NI, ,PHA LAS SKYES ZHES BSHAD PA YIN NO, ,GZHUNG LAS, TSIL DANG RKANG DANG KHU BA YANG, ,ZHES 'BYUNG YANG, RNAM GZHAG TU DRANGS PA LAS, RUS PA ZHES 'BYUNG LA, DE NYID SAm BHUtA DANG YANG MTHUN NO, ,DRUG PO DE DAG TZAM ZHIG TU BSHAD PA NI GZUGS LUS KYI GONG BU'I GTZO BO YANG

DAG PAR 'DUS PA STE BSDUS PA YIN NO, ,DE LTAR NA DRUG PO DE DAG LAS MI RNAMS JI LTAR SKYE ZHES DRIS PA'I DON NI, MI RNAMS KYI DRUG PO DE'I NYER LEN GYI RGYU PHA MA GANG GIS BYAS PA LAS SKYE ZHES PA'I DON YIN LA, LAN GYIS KYANG DE 'CHAD DO, ,DE LTAR BSHAD PAS KYANG GZUGS LUS KYI KHAMS GZHAN THAMS CAD THIG LE GNYIS KYI RNAM 'GYUR YIN PAS RTZA AA WA DH'U T'IR BSDU RGYU'I LUS KYI KHAMS KYI GTZO BO NI THIG LE GNYIS RLUNG DANG BCAS PA YIN PAR BSTAN PA'I PHYIR RO, ,DRUG PA NI, RIGS LNGA GANG GI NGO BOR BSGOM PA ZHUS PA'I LAN STON TE, GZUGS KYI PHUNG PO DANG, DE BZHIN DU SBYAR LA TSOR BA DANG, 'DU SHES DANG 'DU BYED DANG RNAM PAR SHES PA STE PHUNG PO LNGA NI, SANGS RGYAS RIGS LNGA'I GZUGS TE RANG BZHIN GYI DNGOS POR BSGOM MO ZHES BYA BAR BSHAD PAR SHES PAR BYA'O, ,RNAM GZHAG TU DRANGS PA LA, PHUNG PO LA SOGS SANGS RGYAS LNGA'I, ,RANG BZHIN DNGOS ZHES BSTAN PA YIN, ,ZHES 'BYUNG BA LTAR LEGS LA, DE LA NI SOGS KYI SGRA YANG YOD PAS, ,DE LTAR NA KHAMS BZHI LHA MO BZHIR BSGOM PA SOGS KYI LUS DKYIL YANG BSTAN PAR GZUNG NGO, ,GSUM PA NI, LHA MO BZHIS YONGS SU ZHUS PA'I RGYUD KYI RNAM PAR BSHAD PA LAS, LHA MO NA BZA' DKAR MOS ZHUS PA'I LE'U STE LE'U GSUM PA'I RNAM PAR BSHAD PA'O,, ,, BZHI PA SGROL MAS ZHUS PA'I LE'U LA BZHI, ZHU BA MDZAD TSUL, ZHUS PA'I LAN BSHAD PA, BSHAD ZIN NAS JI LTAR MDZAD PA, LE'U YI MTSAN BSTAN PA'O, ,DANG PO LA GNYIS, ZHUS PA'I MTSAMS SBYOR, ZHU BA DNGOS SO, ,DANG PO NI, GOS DKAR

, ,MOS ZHUS PA'I LAN RDZOGS PA DE NAS LHA MO SGROL MA BCOM LDAN MAS, RDO RJE SEMS DPA' LA ZHUS PA ZHES SDUD PA PO'I TSIG GIS MTSAMS SBYAR RO, ,JI LTAR NA, ZHAL GYI PADMA BZHAD PAR GYUR TE ZHUS SO, ,GNYIS PA LA DRUG CHOS KYI DBYINGS KYI SGRUB PA ZHUS PA, RDZAS KYI SGRUB PA ZHUS PA, SNGAGS KYI SGRUB PA ZHUS PA, DKYIL 'KHOR ZHUS PA, SBYIN SREG BYA TSUL ZHUS PA, MCHOD PA JI LTAR BYA BA ZHUS PA'O, ,DANG PO NI, RDO RJE CAN CHEN PO ZHES BOS NAS, PHUNG PO LA SOGS PA'I CHOS KYI DBYINGS 'OD GSAL GYI SGRUB PA NI GSUNGS SHIG CES ZHUS SO, ,GNYIS PA NI, RI LU LA SOGS PA'I RDZAS BRGYAD PO RNAMS KYI SGRUB PA BKA' STZAL PA 'TSAL BA STE DGOS ZHES ZHUS SO, ,GSUM PA NI, RDZAS KYI SGRUB PA BSHAD DGOS PA DE BZHIN DU RIG PA STE RIG MA DGUG PA YI SNGAGS KYI SGRUB PA RNAMS KYANG BKA' STZAL DGOS ZHES ZHUS SO, ,BZHI PA NI, DKYIL 'KHOR GSUM PO RNAMS SU BRTAGS PA STE BSHAD PA DANG BSGOM PA NI KHYAD PAR DU YANG BKA' STZAL 'TSAL ZHES SBYAR RO, ,LNGA PA NI, PHYI NANG GI SBYIN SREG SO SOR BYA BA'I TSUL KHYAD PAR DU YANG BKA' STZAL 'TSAL LO, ,DRUG PA NI, SBYIN SREG BSHAD DGOS PA DE BZHIN DU LHA MCHOD PA'I CHO GA YANG KHYAD PAR DU BKA' STZAL BA 'TSAL LO ZHES ZHUS SO, ,GNYIS PA LA GNYIS, LAN GYI MTSAMS SBYOR, LAN BSHAD PA DNGOS SO, DANG PO NI, SNGAR BSHAD PA DE LTAR LHA MO SGROL MAS ZHUS MA THAG TU DE RNAMS KYI LAN RDO RJE SEMS DPAS BKA' STZAL PA NI 'OG NAS 'BYUNG BA RNAMS SO, ,GNYIS PA LA DRUG ,CHOS

KYI DBYINGS KYI SGRUB PA ZHUS PA'I LAN, RDZAS KYI SGRUB PA ZHUS PA'I LAN, SNGAGS KYI SGRUB PA ZHUS PA'I LAN, DKYIL 'KHOR ZHUS PA'I LAN, SBYIN SREG BYA TSUL ZHUS PA'I LAN, MCHOD PA JI LTAR BYA BA ZHUS PA'I LAN NO, ,DANG PO LA BZHI, MNYAN PAR BSKUL PA, NYAN RGYU'I DON DNGOS, DON DE SGRUB PA LA SBYAR BA, 'DIR MA BSHAD PA GZHAN DU SHES PAR BYA BA'O, ,DANG PO NI, LHA MO ZHES SGROL MA LA BOS NAS CHOS KYI DBYINGS 'OD GSAL GYI SGRUB PA NI LEGS PAR NYON CIG DANG, BDAG GIS BSHAD PAR BYA'O, ,GNYIS PA NI, CHOS KYI DBYINGS ZHES BYA BA'O ZHES DRANG NGO, ,'O NA CHOS NI GANG YIN DBYINGS NI GANG YIN ZHE NA, CHOS NI YUL GZUGS DANG SGRA DANG DRI DANG DE BZHIN DU RO DANG REG BYA DANG SOGS KYIS BSDUS PA CHOS KYI SKYE MCHED DANG, MIG NAS YID KYI BAR DRUG DANG, MIG GI RNAM SHES NAS YID KYI RNAM SHES KYI BAR DRUG STE BCO BRGYAD PO DE DAG GO ,KYANG NI SDUD PA'O, ,KHAMS NI RTEN DBANG PO DRUG DANG, BRTEN PA RNAM SHES DRUG DANG, DMIGS PA YUL DRUG PO DE RNAMS KYI KHAMS YIN LA, DE YANG SPYI SKAD LA GRAGS PA'I KHAMS BCO BRGYAD MIN GYI, DH'A TU'I SGRA KHAMS DANG DBYINGS GNYIS KA LA 'JUG PAS 'DIR NI DBYINGS 'OD GSAL LO, ,DPE KHA CIG LAS, CHOS KYI DBYINGS KYIS BYAS PA'O, ,ZHES 'BYUNG BA NI MA DAG STE, CHOS KYI DBYINGS LAS KHAMS DANG SKYE MCHED DANG, PHUNG PO RNAMS 'BYUNG BA NI 'OG NAS 'CHAD PAS SO, ,CHOS BCO BRGYAD PO'I DBYINGS 'CHI BA'I 'OD GSAL DE DAG NYID LAS BYUNG BA NI SEMS YID RNAM SHES GSUM GYI BYANG CHUB KYI SEMS ZHES BYA

, ,BAR SHES PAR BYA STE, YE SHES RDO RJE KUN LAS BTUS LAS, 'OD GSAL BA LAS BYUNG BA'I RNAM PAR SHES PA DE NYID SEMS DANG YID DANG RNAM PAR SHES PA ZHES BYA BA CHOS THAMS CAD KYI RTZA BA STE ZHES GSUNGS SHING, DE GSUM SNANG MCHED THOB GSUM DU YANG BSHAD LA, DE NYID LA BYANG CHUB KYI SEMS KUN TU BZANG PO ZHES KYANG SPYOD BSDUS LAS GSUNGS SO, ,SNANG MCHED THOB GSUM GYI BYANG CHUB KYI SEMS DE LAS RLUNG ME CHU SA RIM GYI SKYE BA NI 'BYUNG BA'I GONG BU SKYE BA YIN LA, DE NI MING GZUGS GNYIS KYI GZUGS YIN ZHING, MING NI MING GZHI'I PHUNG PO YIN LA, DE GNYIS PHAN TSUN RJES SU BYED PAR GSUNGS PAS MING LAS KYANG GZUGS SKYE LA, GZUGS LAS KYANG MING SKYE BA GNYIS YOD PA'I PHYI MA NI GONG BU LAS KYANG YID BSKYED PA'O, ,MING GZUGS KYI RKYEN GYIS SKYE MCHED DRUG SKYE BAR GSUNGS PAS, MING GI YID LAS DBANG PO'I SGO RNAMS KYI BU GA NAM MKHA'I KHAMS DANG, KYANG GI SGRAS DER MA ZAD KHAMS BCO BRGYAD PO RNAMS DANG, SKYE MCHED RNAMS DANG, DBANG PO DANG, PHUNG PO RNAMS 'BYUNG NGO, ,YE SHES RDO RJE KUN LAS BTUS PA LAS KYANG, RNAM PAR SHES PA DE'I BZHON PA RLUNG NGO, ,RLUNG LAS ME'O, ,ME LAS CHU'O, ,CHU LAS SA'O, ,DE RNAMS LAS PHUNG PO LNGA DANG, SKYE MCHED DRUG DANG, YUL LNGA STE ZHES GSUNGS SO, ,'OD GSAL BA LAS BYUNG BA'I CHOS DE RNAMS SLAR YANG RTZA BA'I GNAS 'OD GSAL GYI DBYINGS SU BSDU BA STE, BSDUS PA BRTAN PAR BYAS PA NI CHOS KYI DBYINGS 'OD GSAL GYI SGRUB PA YIN NO, ,JI LTAR SDUD NA, JI LTAR

SKYES PA'I RIM PA DE LTAR PHYIR SDUD DE, RGYUD RDO RJE PHRENG BA LAS, JI LTAR SKYE BA DE LTA'I GNAS, ,THIM PAR 'GYUR RO RANG BZHIN LAS, ,ZHES DANG, RLUNG RNAMS MCHOG TU NUB PA NI, ,GANG GIS YANG DAG SHES PA YIS, ,'CHI BA'I SKA CIG MTSAN NYID NI, ,PHAN TSUN DU NI YANG DAG SDUD, ,SKYE BA'I RIM LTAR THIM PAR 'GYUR, ,ZHES GSUNGS SO, ,RDO RJE BZLAS PA SOGS LUS LA GNAD DU BSNUN PA'I THABS KYIS 'CHI RIM BZHIN DU PHUNG SOGS KYI DBYINGS SU BSDUS NAS 'OD GSAL MNGON DU BYED PA'I 'CHI BA CHOS SKU'I LAM KHYER 'DIR BSTAN TE, DO'I GNAD KYIS 'OD GSAL GYI NGANG LAS BAR DO JI BZHIN DU RLUNG SEMS LAS LONGS SKU BSGRUB PA BAR DO LONGS SKUR 'KHYER BA DANG, BAR DOS MNGAL DU SKYE BA BZUNG BA NA SHA'I MIG GI YUL DU GYUR PA BZHIN DU SGYU MA'I LONGS SKUS SPRUL SKU'I SKYE BA BZUNG BA NA LONGS SKU MTHONG BAR MI NUS PA'I SEMS CAN GYI YANG MTHONG BA'I YUL DU GYUR NAS, MDZAD PA MDZAD PA SKYE BA SPRUL SKUR 'KHYER BA 'DI NI 'DUS PA'I DON 'PHAGS PA YAB SRAS KYIS BKRAL BA'I KHYAD PAR GYI CHOS MTHAR THUG PA'O, ,GSUM PA NI, DE LTAR PHUNG SOGS 'CHI RIM BZHIN 'OD GSAL DU BCUG NAS 'CHI BA CHOS SKUR 'KHYER BA SOGS BYA DGOS PA DE BAS NA NAN TAN TE 'BAD PA THAMS CAD KYIS CHOS KYI DBYINGS 'OD GSAL GYI SGRUB PA YANG DAG PAR SPYAD PAR BYA'O ZHES 'DOMS PAR MDZAD DO, , BZHI PA NI, SGRUB PA DE'I BYED TSUL RGYAS PAR NI RTOG PA'AM BRTAG PA'I RGYAL PO 'DUS PA RTZA BSHAD KYI RJES SU 'BRANGS NAS DER JI LTAR BSHAD PA DE LTAR BSGRUB PAR BYA BA CHOS KYI DBYINGS KYIS SGRUB PA RAB TU BRTAG PA STE SPYAD PAR BYA'O, ,GZHUNG PHAL CHE BA LAS,

, ,JI LTAR GAL PO SHES DNGOS KYI, ,ZHES 'BYUNG YANG, KHA CIG LAS, DE LTAR RTOG PA'I RJES 'BRANGS NAS, ,ZHES 'BYUNG BA DAG STE, KA LA BZHES ? PA RTOG PA'I SKAD DOD YIN PAR SHES PAR GAL PO ZHES BRIS PA'O, ,GNYIS PA LA BZHI, BSHAD MA BSHAD KYI MTSAMS SBYOR, RDZAS BRGYAD BSGRUB PA MDOR BSTAN PA, RI LU'I DNGOS GRUB BSGRUB TSUL BSHAD PA, RI LU ZOS PA'I PHAN YON NO, ,DANG PO NI, CHOS RNAMS KYI DBYINGS 'OD GSAL BSGRUB PA BSHAD NAS SU ZHES BSHAD ZIN PA'I MTSAMS SBYAR NAS RDZAS BRGYAD KYI THUN MONG GI DNGOS GRUB YAN LAG BRGYAD BSGRUB PA'I THABS BSHAD PAR BYA'O, ,ZHES 'CHAD 'GYUR GYI MTSAMS SBYAR RO, ,GNYIS PA NI, DNGOS GRUB BRGYAD NI, RI LU'I DNGOS GRUB DANG, MIG SMAN GYI DNGOS GRUB DANG, SA 'OG GI DNGOS GRUB DANG, RAL GRI'I DNGOS GRUB DANG, NAM MKHAR 'PHUR BA'I DNGOS GRUB DANG, MI SNANG BA'I DNGOS GRUB DANG, SHI BA MED PA'I DNGOS GRUB DANG, NAD 'JOMS PA'I DNGOS GRUB BO, ,'GREL PAR MIG SMAN LAN GNYIS BYUNG BA'I SNGA MA NI MIG SMAN MIG LA BYUGS PAS SKU GSUNG THUGS KYI DNGOS GRUB 'GRUB PA DANG, DRUG PA NI, MIG SNAN ? MIG LA BYUGS PAS MI SNANG BA'I SKU GSUNG THUGS RDO RJE DANG, LHA KLU KUN MTHONG BA LA BSHAD CING, SNGA MA RTZA RGYUD KYI LE'U BCU BDUN PAR MIG SMAN GYI BSGRUB PA BSHAD PA'I DON DU 'CHAD DO, ,LE'U DER BSHAD PA'I DON NI, SGRON GSAL LAS DUD PA'I MIG SMAN LA BRTAN NAS DNGOS GRUB RAB MI SNANG BA DANG, 'BRING SA 'OG NA GNAS PA'I GTAR MTHONG BA DANG, THA MA GZHAN DBANG DU BYED PA GSUM 'GRUB PAR BSHAD DO, ,

KHA CIG LAS, NAM MKHAR 'DUR DANG MI SNANG DANG, ,ZHES GSUNGS PA YANG SNANG BAS DRUG PA NI MI SNANG BA'I DNGOS GRUB LA BYA ZHING, SNGA MA NI MIG SMAN NAM, MIG RNON ZHES BYA'O, ,SA 'OG GI DNGOS GRUB NI 'GREL PA GNYIS KYIS, SA 'OG NA GNAS PA'I LHA MA YIN DANG KLU'I BU MO 'GUGS PA LA BSHAD DO, ,RGYUD 'DIR RIL BU'I BSGRUB PA MA GTOGS PA GZHAN BDUN GYI BSGRUB PA MA BSHAD PA NI, PHAL CHER THAMS CAD GSANG BA'I RGYUD DU SNGAR BSHAD ZIN PAS MA BSHAD PAR MNGON TE, 'OG NAS DKYIL 'KHOR GSUM DANG PHYI'I SBYIN SDEG GNYIS MDOR BSTAN DU BYUNG YANG, DKYIL 'KHOR GNYIS DANG PHYI'I SBYIN SREG SNGAR THAMS CAD GSANG BA'I RGYUD DU BSHAD ZIN PAS 'DIR MA BSHAD PAR GSUNGS PA BZHIN NO, ,'DUS PA'I RTZA RGYUD DU SA 'OG GI DNGOS GRUB BSGRUB PA LOGS SU GSAL BAR MA BSHAD KYANG, MIG SMAN BSGRUB PA'I SKABS SU SA 'OG GI GTER MTHONG BA 'GRUB PAR BSHAD PA LTA BU, SA 'OG GI DNGOS GRUB KYI PHYOGS SU GTOGS PAR BSHAD PA'ANG YOD LA, GZHAN RNAMS NI RTZA RGYUD KYI 'GREL PA SGRON GSAL LAS GSUNGS PA BZHIN SHES PAR BYA STE, 'DIR TSIG MANGS SU DOGS NAS MA BRIS SO, ,GSUM PA LA GSUM, RIL BU'I RDZAS SBYAR BA DANG SBYANG BA'I TSUL, SBYANGS NAS RIL BU BYA BA'I TSUL, BYAS NAS BZLAS PA BYA TSUL LO, ,DANG PO NI, RIL BU'I RGYUL GNYIS LAS, SHA'I CHED NI, MI DANG GLANG PO CHE DANG RTA DANG GLANG DANG KHYI DANG BONG BU DANG RNGA MONG DANG MA HE DANG SPYANG KI RNAMS KYI SHA NI MTHE BONG GI TSIGS KYI TSAD TZAM DU NI CHA NI MNYAM POR BYA BA STE, DE YANG SHIN TU MNYAM PAR BZHAG NAS SBYAR RO, ,BDUD RTZI'I TSAD NI,

, ,DRI CHEN DANG, DRI CHU DANG, RAKTA DANG, BYANG CHUB KYI SEMS DKAR PO NI NAS KYI TSAD TZAM DU CHA MNYAM PAR BYA STE, MNYAM PAR BZHAG NAS SBYAR TE, SNGAR GSUNGS PA'I SHEL YANG NGO, ,SBYAR ZIN NAS SNGAGS BZLAS NAS NI TING NGE 'DZIN GYIS RDZAS DE DAG GI SKYON SBYANG BAR BYA STE, DE ZIN MA THAG SNGAGS DANG TING NGE 'DZIN GYIS RDZAS DE DAG BYIN GYIS BRLAB PA YANG BYA'O, ,SNGAGS NI THOG MAR PHYAG 'TSAL BA STE, AOm YIG DANG, DBUS SU STE BAR DU YI GE A'A: DANG, DE BZHIN DU MTHAR H'Um GZHAG PAR BYA STE 'BRU GSUM MO, ,SNGAGS DANG TING NGE 'DZIN GYIS SBYONG BA'I TING NGE 'DZIN NI, YAm LAS RLUNG GI DKYIL 'KHOR GYI STENG DU, RAm LAS ME'I DKYIL 'KHOR RO, ,DE'I NANG DU A'A: LAS SKYES PA'I THOD PA'I NANG DU, SHA DGU DANG BDUD RTZI LNGA BSKYED CHOG BYAS LA, DE RNAMS KYI DKYIL DU 'OD ZER 'BAR BA'I HR'I: YIG DGOD, DE'I STENG DU H'Um LAS BYUNG BA'I RDO RJE BSGOM, DE LAS 'OD ZER 'PHROS PAS, RLUNG GIS ME SBAR NAS THOD PA'I BDUD RTZI BSKOL, STENG GI RDO RJE LAS KYANG 'OD ZER 'THUR DU 'BAR BAS SHA DANG BDUD RTZI SBYANGS PAR BSGOM PAR BYA'O, ,DE NAS HR'I:'I 'OD ZER 'BAR BAR BYED PAS KHAMS GSUM GYI BDUD RTZI BSDUS NAS GCIG TU GYUR PA DKAR POR BSGOM ZHING, PHYIN CI LOG GI MTHU BCOM STE DAG PAR BSGOMS LA, BDUD RTZI LNGA DANG SHA DGU PO DE NI DE LTAR SBYANG BA RAB TU BSGRUB PAR BYA'O, ,GNYIS PA NI, DE LTAR SBYAR BA DANG SBYANGS ZIN NAS LAN NYI SHU RTZA GCIG TU 'BRU GSUM GYI SNGAGS BZLAS NAS NI RDZAS RNAMS PHYE MAR BTAG PAR BYA'O, ,'GREL PA GNYIS KYIS

KHA NUB TU BLTAS NAS NYER GCIG TU BTAG CES 'CHAD DO, ,BTAGS ZIN PA DANG RIL BU BYA STE DE'I TSAD NI YUNGS KAR LNGA'I TSAD GCIG TU BYAS PA TZAM NI LNGA DANG LNGA STE LNGA LNGA'I TSAD LA RIL BU RE RE BYED PA 'BYOR BAR BYA'O, ,GSUM PA NI, RIL BU RNAMS NI BYAS NAS SU, ,TSES BRGYAD DANG BCU BZHI LA RIL BU RNAMS PADMA'I SNOD THOD PA'I NANG DU GZHAG PAR BYA STE, SNGA DRO DANG NYIN PHYED DANG PHYI DRO DANG MTSAN PHYED KYI THUN MTSAMS BZHI LA NI SNGAR BSHAD PA BZHIN DU BSGOMS PAR BYAS NAS 'BRU GSUM STONG PHRAG BRGYAD NI BZLAS PAR BYA ZHING, DE ZIN PA DANG NYIN DANG NYIN DU STE, NYI MA RE RE LA RE RE RGYUN DU BZA' BAR BYA'O, ,BZHI PA NI, DE LTAR RIL BU ZA BA DE NI BSKAL PA'I MTHA'I BAR DNGOS GRUB RGYAS PA SANGS RGYAS KYI SAR 'GRO BA STE, DE NI MTHAR THUG GI DNGOS GRUB BO, ,DE MA THOB PA'I GNAS SKABS SU NI PHAN YON DRUG STE, DANG PO NI, 'OD ZER GYI GZI BRJID DANG LDAN PA DANG, GNYIS PA NI, GSER BTZO MA'I MDANGS DANG LDAN PA DANG, GSUM PA NI, SRED MED KYI BU'I STOBS DANG LDAN PA DANG, BZHI PA NI, DGE BA LA SPRO SHUGS DRAG PA'I BRTZON 'GRUS DANG LDAN PA DANG, LNGA PA NI, 'DOD PA'I SMON LAM 'GRUB PA DANG, DRUG PA NI, RDZU 'PHRUL DANG, LHA'I RNA BA DANG, GZHAN GYI SEMS SHES PA DANG, SNGON GYI GNAS RJES SU DRAN PA DANG, LHA'I MIG GI MNGON SHES TE, MNGON PAR SHES PA LNGA THOB PA'O, ,DE 'DRA BA'I PHAN YON 'BYUNG BA NI RIL BU CHEN PO ZES PA'I PHYIR TE ZOS PA'I RGYU MTSAN LAS SO, ,GSUM PA LA GNYIS, MTSAMS SBYAR BA SNGAGS KYI BSGRUB PA BYA TSUL LO, ,DANG PO NI, RDZAS

, ,KYI BSGRUB PA GSUNGS PA RDZOGS NAS TE, RDZOGS PA'I 'OG TU RIG PA'I SNGAGS RNAMS BDAG LA GSUNG BAR STZOL ZHES SNGAR ZHUS PA'I LAN GSUNGS SO, ,GNYIS PA LA GNYIS, SNGAGS KYI BSGRUB BYA DGUG PA, BSGRUB BYA BKUG NAS JI LTAR BYA BA'O, ,DANG PO NI, BSGOM PAR BYA ZHES KHYAD PAR GYI GZHIR DRANG NGO, ,GANG DU NA, GANG 'GUGS PAR 'DOD PA'I BUD MED KYI BHA GA'I DBUS SU'O, ,GANG BSGOM NA, AE YIG LAS SKYES PA'I ME'I DKYIL 'KHOR GRU GSUM PA'I DBUS SU AE YIG DANG DE'I STENG DU BAm YIG LAS SKYES PA'I CHU'I DKYIL 'KHOR ZLUM PO'I DBUS SU BAm YIG DANG, DE'I STENG DU LAm YIG LAS SKYES PA'I SA'I DKYIL 'KHOR GRU BZHI PA'I DBUS SU LAm YIG YANG DAG PAR GNAS PA'O, ,'GREL PA GNYIS KYI AE YIG NI RAm YIG LA 'CHAD DO, ,DE YANG DANG PO'I YI GE DANG DKYIL 'KHOR GYI MDOG NI DMAR PO STE, GNYIS PA'I YI GE DANG DKYIL 'KHOR GYI MDOG DKAR BA DANG, GSUM PA'I YI GE DANG DKYIL 'KHOR GYI KHA DOG NI SER BAR BSAM MO, ,JI LTAR DU BSGOM NA, DKYIL 'KHOR GSUM PO DE BHA GA'I NANG DU 'KHOR LO 'KHOR BA LTAR BSKOR BA NI BSGOM PAR BYA'O, ,DUS NAM GYI TSE BSGOM NA, NYIN PHYED DANG NI MTSAN PHYED LA'O, ,RIG MA 'GUGS PA'I SNGAGS NI, YI GE'I GZUGS SU BSGOM PA DE DAG YIN GYI BZLAS PAR BYA BA'I SNGAGS MIN NO, ,RIG PA STE CHO GA DE NI RAB TU SBYAR BA STE BSGOMS NA, 'GUGS PAR BYA BA DE NI SKAD CIG STE MYUR BA KHO NAR 'GUGS PA 'GRUB PO, ,BSAM GTAN GYIS BSGRUB PA'I LAS TSOGS 'DI 'DRA BA'I RIGS RNAMS NI STENG

'OG GI PHRA MO'I RNAL 'BYOR BSTAN PAS 'GRUB SLA BAR BSHAD DO, ,'GUGS PAR BYA BA'I YUL NI LHA MO DANG LHA MIN GYI BU MO GNYIS DANG, MI'I BU MO PADMA CAN DANG DUNG CAN MA DANG RI DVAGS CAN MA DANG GLANG PO CAN MA STE RNAM PA BZHI'O, ,DE RNAMS SA'I DKYIL 'KHOR KUN TU STE KUN NAS DGUG STE DANG PO NI SA BLA NAS, GNYIS PA NI SA 'OG NAS, GSUM PA NI SA STENG NAS DGUG GO ,GNYIS PA NI, SNGAR BSHAD PA'I SNGAGS KYIS BKUG NAS PHYAG RGYA DE DAG RGYUD LEGS PAR SBYANGS LA KUN TU SPYAD PAR BYA STE, DE'I DGOS PA NI THABS DE RO RKYANG GI RLUNG AA WA DH'U T'IR 'DZUD PA'I SROG RTZOL LA BRTEN NAS 'OD GSAL THAMS CAD STONG PA'I YE SHES BSKYED PA'I PHYIR RO, ,BZHI PA LA GSUM, BSHAD ZIN MA ZIN GYI MTSAMS SBYOR, DKYIL 'KHOR GYI DBYE BA, PHYE BA SO SO'I DON BSHAD PA'O, ,DANG PO NI, BHA GA'I DBUS SU BSGOM PA DANG, DE BZHIN DU RIG PA'I SNGAGS AE LA SOGS PA BSHAD PA NI BDAG GIS BYAS ZIN TE, ZIN NAS DKYIL 'KHOR ZHUS PA'I LAN RNAMS NI BSHAD PAR BYA YIS DGA' MA ZHES SGROL MA LA BOS NAS, MA YENGS PA'I SEMS KYIS RTZE GCIG TU NYON CIG CES NYAN PAR BSKUL LO, ,GNYIS PA NI, DKYIL 'KHOR GSUM DU RGYUD LAS BTAGS PA STE GSUNGS PA YIN NO, ,DE RNAMS GANG YIN ZHE NA, DKYIL 'KHOR LUS ZHES GSUNGS PA STE ZHES PA NI LUS KYI DKYIL 'KHOR RO, ,DKYIL 'KHOR BHA GAR BSTAN PA YIN, ZHES PA NI BHA GA'I DKYIL 'KHOR RO, ,DKYIL 'KHOR BYANG CHUB SEMS DANG NI ZHES PA NI BYANG CHUB SEMS KYI DKYIL 'KHOR RO, ,DKYIL 'KHOR ZHES BTAGS PA RNAMS KYI

, ,MING GI DON NI SNYING PO 'DUS PA YIN LA, SNYING PO NI GTZO BO STE KHYAB BDAG RDO RJE SEMS DPA' DANG, DE'I NGO BO'I RIGS LNGA LA SOGS PA'I LHA DANG LHA MO RNAMS YIN LA, DE RNAMS GNAS GANG DANG GANG DU BSKYOD PA STE RGYU BAR BYED CING 'DUS PA DE NI DKYIL 'KHOR ZHES BTAGS PA'I DON NO, ,GSUM PA LA GNYIS, LUS KYI DKYIL 'KHOR 'DIR BSHAD PA, DKYIL 'KHOR GZHAN GNYIS SNGAR BSHAD ZIN PAR BSTAN PA'O, ,DANG PO NI, LUS KYI DKYIL 'KHOR NI, RANG GI GZUGS LA SOGS PA'I PHUNG PO LNGA PO RNAMS NI SANGS RGYAS RNAM SNANG LA SOGS PA LNGA'I NGO BOR BSGOM PAR GSUNGS PA DANG, RANG GI LUS KYI 'BYUNG BA BZHI NI RIG MA SPYAN MA LA SOGS PA BZHIR BTAGS PA STE BSGOM PAR BYA BA'O, ,MDOR BYAS LTAR NA LUS DKYIL LHAG MA RNAMS BSHAD RGYU YIN NA'ANG, 'DIR LCAGS KYU LA SOGS PA BZHI DANG, BDUG SPOS MA LA SOGS PA BZHI DANG, SGEG MO LA SOGS PA BZHI STE, BCU GNYIS BSHAD PA NI 'GREL BAS LUS DKYIL LA 'CHAD PAR SNANG YANG, DE RNAMS NANG LA SBYAR YANG LUS YONGS SU 'GYUR BA'I LHAR BSGOM PA NI MI GSAL LO, ,RNAL 'BYOR PAS LUS DKYIL BKOD NAS RIG MA DANG SNYOMS PAR 'JUG PA'I TSE RIG MA LA CHAGS PA'I DBANG GIS YID 'GUGS PA NI RDO RJE LCAGS KYUS LHA 'GUGS PA KHO NA STE RDO RJE PADMAR CHUD PAR BYED PA NI RDO RJE ZHAGS PAS LHA BZHUG PA'O, ,RDO RJE DANG PADMA'I RTZA GNYIS KYIS KHA SPRAD NAS MI 'BRAL BAR BCINGS PA NI RDO RJE LCAGS SGROG GIS LHA 'CHING BA'O, ,RDO RJE DANG PADMA BSKYOD PA'I SNYOMS

PAR 'JUG PA'I DGA' BA'I SGRA GRAG PA NI RDO RJE DRIL BUS LHA DBANG DU BYED PAR BSHAD DO, ,SPOS ME STE BDUG SPOS MA NI DRI CHEN ZHES GSUNGS TE, ME TOG MA NI BTZUN MO'I RAKTA ZHES BSHAD DO, ,MAR ME MA NI SHA CHEN PO RNAMS KHO NA YIN LA, DRI CHAB MA NI BYANG CHUB KYI SEMS DKAR POR 'DOD DO, ,LHA MO SGEG MO NI YAB KYI LING GAR BSTAN PA STE, PHRENG BA MA NI YUM GYI BHA GA KHO NA YIN NO, ,DBYANGS MA STE GLU MA NI ROL PA'I DUS KYI HA HA ZHES PA'I SGRAR BSTAN PA DANG, GAR MKHAN MA NI YAB YUM KHA SBYOR PA'O, ,DE RNAMS KYIS NI RIG MA DANG SNYOMS 'JUG TSUL BZHIN DU BYED PA LA MCHOD PA BRGYAD KYI NGES DON DANG, SGO BA BZHI'I DGUG GZHUG SOGS KYI NGES DON TSANG BAR BSHAD DO, ,DE 'DRA BA'I RNAL 'BYOR DE NI BCOM LDAN 'DAS KYIS BZANG POR GSUNGS PAS DE RTOGS PA'I RNAL 'BYOR PA NI SKAL BA BZANG PO YIN NO, ,DE LTAR RTOGS PA'I RNAL 'BYOR PA DE RNAMS KYI MIG LA SOGS PA NI BYAMS PA LA SOGS PA YIN NO, ,SOGS KYI SGRAS NI RIGS LNGA DANG YUM BZHI DANG BYAMS PA DNGOS SU BSTAN PAS, DE MA GTOGS PA'I LHA LHAG MA RNAMS BSDU BA STE, DA LTAR NANG GI BDAG NYID CAN GYI LUS KYI DKYIL 'KHOR GSUNGS SO, ,GNYIS PA NI, LUS DKYIL LAS GZHAN PA'I DKYIL 'KHOR GNYIS NI RGYUD 'DI'I SNGAR BSHAD ZIN PAS 'DIR MA BSHAD DO, ,DE LTA NA'ANG BHA GA'I DKYIL 'KHOR LA GNYIS LAS, DBANG GSUM PA GANG DU THOB PA'I BHA GA'I DKYIL 'KHOR NI RIG MA'I BHA GA NYID YIN LA, DE LAS GZHAN PA'I BHA GA'I DKYIL 'KHOR NI YUM GYI BHA GAR BSKYED PA'I RTEN DANG BRTEN PA'I DKYIL 'KHOR RO, ,CHOS 'BYUNG BHA GA'I RNAM

, ,PA CAN GYI DBUS SU BSKYED PA'I DKYIL 'KHOR LA, BHA GA'I DKYIL 'KHOR RO ZHES 'GREL PAS BSHAD DO, ,BYANG CHUB SEMS KYI DKYIL 'KHOR GCIG NI DON DAM PA'I BYANG CHUB SEMS KYI DKYIL 'KHOR YIN LA, DE NI BSKYED RIM GYI SKABS SU LHAG MOS 'OD GSAL DU BSDUS PA'I DON DAM PA'I DKYIL 'KHOR DANG, RDZOGS RIM GYI 'OD GSAL GTZO BOR BYAS PA'I STONG PA BZHI LTA BU'O, ,'OD GSAL DANG ZUNG 'JUG GI DON BYANG CHUB KYI SEMS NI DBANG BZHI PA GANG DU THOB PA'I BYANG CHUB SEMS KYI DKYIL 'KHOR RO, ,GSANG DBANG GANG DU THOB PA'I BYANG CHUB SEMS KYI DKYIL 'KHOR NI KUN RDZOB BYANG CHUB KYI SEMS GNYIS SO, ,'GREL PAS RTZA RGYUD DU BSHAD ZIN CES PA 'DUS PA'I RTZA RGYUD LAS DE GNYIS MI GSAL BAS GSANG BA'I MCHOG GI RGYUD 'DI'I SNGAR BSHAD ZIN PA'O, ,LNGA PA LA GSUM, SBYIN SREG GI DBYE BA BSTAN NAS NYAN PAR BSKUL BA, NANG GI SBYIN SREG BYA BA'I TSUL, DE LTAR RGYUN DU BYAS PA'I PHAN YON NO, ,DANG PO NI, SGROL MA NYON GCIG DANG, SBYIN SREG GI LAS RNAMS NI BSHAD PAR BYA'O, ,SBYIN SREG NI RNAM PA BZHI STE, ZHI BA DANG RGYAS PA DANG DBANG DANG DRAG PO'O, ,SBYIN SREG BSDU NA PHYI DANG NANG GI SBYIN SREG GNYIS SU GSUNGS PA'I PHYI NI RGYUD 'DIR SNGON DU STE SNGAR BSTAN PA YIN PAS SGROL MA KHYOD KYIS NANG GI SBYIN SREG NI NYON CIG CES BSKUL LO, ,SNGON DU BSTAN PA 'DUS PA'I RTZA RGYUD LA MI BYA STE, 'DIR LAS BZHI GA'I SBYIN SREG BSHAD PAR GSUNGS SHING, 'DUS PAR DE BZHI MA BSHAD LA, BSHANG GCI 'BRU MAR SHA LA SOGS, ,SBYIN SREG TU NI

DBUL BAR BYA, ,ZHES SOGS GSUNGS PAS KYANG JI LTAR BYA BA'I CHO GA GSAL BAR MA BSHAD PA'I PHYIR RO, ,GNYIS PA NI, PADMA BZHI DANG 'BYUNG BA'I DKYIL 'KHOR BZHI RNAMS SBYOR BA NI LUS KYI DBUS SU NYE BAR GNAS PAR BSAM MO, ,DE LA PADMA BZHI NI 'OG NAS KHA'I PADMA ZHES SOGS BSHAD PA'I GNAS BZHI'I 'KHOR LO BZHI YIN TE, SNGAR SNYING GI PADMAR MGO MED GNAS, ,ZHES SOGS KYIS BSHAD PA BZHIN NO, ,DES NA GNAS DE DAG TU PADMA'I GDAN RE RE BSGOM PAR STON PA MIN NO, ,SBYOR TSUL NI LTE BA'I PADMAR ME'I DKYIL 'KHOR DMAR PO ZUR GSUM PA DANG DE BZHIN DU GSANG GNAS KYI PADMAR RLUNG GI DKYIL 'KHOR SNGON PO ZLA GAM DANG, SNYING KHA'I PADMAR DBANG CHEN TE, SA'I DKYIL 'KHOR SER PO GRU BZHI PA DANG, DE BZHIN DU MGRIN PA'I PADMAR CHU'I DKYIL 'KHOR DKAR PO ZLUM PO'O, ,DE RNAMS RAm YAm BAm LAm LAS SKYES SHING, DBUS SU YI GE DE DAG GIS MTSAN PAR 'GREL PAS BSHAD DO, ,DE LTAR BSGOMS PA'I GSANG GNAS KYI RLUNG GIS TE RLUNG GA-YOS PAS LTE BA'I ME LA BSKUL BAS ME DE SBAR BAR BYA STE, DES MGRIN PA'I CHU GANG YIN PA DE 'TSED PAR BYED DO, ,GZHUNG LAS, CHU YIS YONGS SU SMIN PAR BYED, ,CES 'BYUNG ZHING, DE'I DON SA'I DROD KYIS ZAS THAMS CAD CHU LA SMIN PAR BYED PAR 'GREL BAS BSHAD MOD KYANG, GZHUNG 'DI MDOR BYAS SU BKOD PA'I LO CHEN GYI 'GYUR LAS, CHU GANG YIN PA DE 'TSED BYED, ,CES DANG, CHAG GI 'GYUR LAS KYANG, DES KYANG CHU NI 'TSED PAR BYED, ,CES 'BYUNG BA LEGS PAS, ME'I DROD KYIS CHU 'TSED PA'I DON YIN GYIS, CHU ZAS SMIN PAR BYED PA'I DON MIN NO, ,MES CHU BSKOL LUGS NI, SNYING KHA'I SA GANG DU

, ,LTE BA'I ME LCE BSKYOD PAS DBANG CHEN GYI DKYIL 'KHOR BSREGS PA LAS BYUNG BA'I DROD KYIS CHU BSKOL PA YIN NO, ,DE LA RA YIG NI MNGON SPYOD 'GRUB PA'I YI GE STE, MA YIG GI DBANG GIS LAS 'GRUB PA KHO NA'O, ,LA YIG GIS NI RGYAS PA'I LAS 'GRUB PAR 'GYUR TE, BA YIG GIS ZHI BA'I LAS 'GRUB PA'O ZHES GSUNGS PAS, PHYI'I SBYIN SREG LA BRTEN NAS LAS BZHI 'GRUB PA BZHIN DU YI GE BZHI LAS BSKYED PA'I DKYIL 'KHOR BZHI RLUNG GIS RNAL 'BYOR DANG BCAS PA BSGOMS PA'I NANG GI SBYIN SREG GIS KYANG PHRIN LAS BZHI 'GRUB CES PA'I DON NO, ,SREG RDZAS GSUNGS PA NI, GANG ZHIG ZAS TE BZA' BA DANG BTUNG BA'I SREG RDZAS DE DAG THAMS CAD NI CHU LA STE CHU KHOL BAR DMIGS PA'I NANG DU THOG MAR SBYIN SREG BYA'O, ,PADMAR KshA YIG KHA MAR BLTA, ,ZHES PA 'DI LA MDOR BYAS SU, ,BZA' BA KHA YI PADMA LAS, ,ZHES 'BYUNG BAS, GZHUNG LA KshA YOD MED GNYIS YOD PAR SNANG LA, 'GREL PAS MGRIN PA'I CHU'I STENG NA KshA YIG DKAR PO KHA THUR LTA 'OD ZER 'BAR BA, ,BA BAD ? KYI TSUL DU BSGOM PAR 'CHAD DO, ,'ON KYANG SNGAR BSHAD PA LTAR GZHUNG 'DIR BSGYUR BA LAS, GZHAN DU GRANGS PA'I 'GYUR DAG PA MANG PO SNANG ZHING, 'DI 'PHAGS PAS BKOD PA'I GZHUNG DU KshA YIG MA BYUNG BAS DE NYID TSAD MAR BYA'O,, DE LTAR NA BZA' BA DANG BTUNG BA CHU LA SBYIN SREG BYAS PA DE KHA STE MGRIN PA'I PADMA LAS RIM GYIS BABS TE, SNYING GI PADMAR GNAS PA'I SA'I DKYIL 'KHOR LA BTZUD PA BYAS PA'I RJES SU LTE BA'I PADMAR GNAS PA'I ME'I DKYIL 'KHOR DU PHYIN PAR

BYA'O, ,'DIR, LTE BA'I PADMAR 'GRO PHYI ROL, ,KHA SBYOR TSUL DU SBYOR BA YIN, ,ZHES BSGYUR PA DANG, DE'I DON 'GREL PAS, PHYI ROL TU THABS DANG SHES RAB SBYOR BAS SBYIN SREG BYA BA'AM, YANG NA PHYI ROL GYI SBYIN SREG LA LHA BSGOM PA BZHIN DU, LUS DKYIL LA YANG LHA BSGOM PA DANG SBYAR NAS SBYIN SREG BYA'O, ,ZHES 'CHAD DO, ,MDOR BYAS LAS, LTE BA'I PADMAR PHYIN 'OG TU, ,KHA SBYOR BA YI SBYOR BA YIS, ,ZHES 'BYUNG BA NYID LEGS PAS, BZA' BTUNG LTE BAR PHYIN PA'I 'OG TU DVANGS MAS LHA TSIM ZHING, SNYIGS MA RNAMS GSANG GNAS KYI PADMAR 'GRO MA THAG TSIG NAS THAL BA'I MTHA' RU GYUR TE, BSHANG LAM NAS 'THON PAR RNAM PAR BRTAG PA STE BSGOM PAR BYA'O, ,DE NAS CUNG ZAD ZHU BA'I TSE STENG 'OG GI RLUNG KHA SBYOR BA'I TSUL DU SBYOR BA'I RNAL 'BYOR BSGOM PAR BYA BA YIN NO, ,MDOR BYAS KYI 'GREL PA KHA CIG LAS, RLUNG KHA SBYOR LA BSHAD DO, ,GSUM PA NI, DE LTAR SBYIN SREG BDAG GIS BSHAD PA 'DI NYIN DANG NYIN DU STE NYI MA RE RE ZHING BYA STE, RTAG PAR RGYUN DU ZAS THOS NA TSE 'DI KHO NAR PHAN YON RNAMS 'GRUB PAR 'GYUR RO, ,PHAN YON NI, LUS RGAS PA MED CING NAD KYANG MED PA DANG, DUG DANG SOGS KYI SGRAS ZAS MA ZHUB LA SOGS PA'I RKYEN GYIS MI 'CHI LA GANG ZAG DE NI GLO BUR TE DUS MA YIN PAR SHI BA'ANG MED DO, ,SHI BA MED LA 'BRAS RNAMS MED CES PA LA MDOR BYAS SU, DUG LA SOGS PAS MI 'CHI LA, ,ZHES GSUNGS SO, ,GDON DANG BYAD STIMS LA SOGS PA'I 'TSE BA THAMS CAD ZAD PAR 'GYUR ZHING, DER MA ZAD RMI LAM NGAN PA YANG ZHI BAR 'GYUR BA'I PHAN YON BZANG PO RNAMS DANG, BSKAL PA'I BAR DU GSON

, ,PA'I TSE RING PA DANG, RANG MTHONG BA'I SEMS CAN THAMS CAD KYANG DGA' ZHING BSTOD PA SMRA BA DANG, RANG MTHONG BA TZAM GYIS PHA ROL PO RNAMS YID BSKUL BA STE 'DUN PAR BYED DO, ,DRUG PA LA GNYIS, BSHAD ZIN MA ZIN GYI MTSAMS SBYOR, BSHAD PA DNGOS SO, ,DANG PO NI, SBYIN SREG GI LAS RNAMS BSHAD ZIN PAR BYAS NAS LHA MO ZHES SGROL MA LA BOS NAS MCHOD PA ZHUS PA'I LAN BSTAN PAR BYA'O, ,ZHES 'CHAD PAR ZHAL GYIS BZHES SO, ,GNYIS PA LA GSUM, RANG LA MCHOD PA BYA BA RGYU MTSAN DANG BCAS PA, LAS RNAM PAR DAG PA'I RNAL 'BYOR, MCHOD PA BSGRUB PA'I TSE JI LTAR BYA BA'O, ,DANG PO NI, MCHOD PA RNAMS NI BYA'O ZHES DRANG NGO, ,GANG LA NA, SGRUB PA PO BDAG NYID LHAR BSKYED PA LA'O, ,MCHOD PA'I RDZAS GANG GIS NA, DRI BZANG PO DANG, ME TOG LA SOGS PA'I PHRENG BA DANG, SOGS KYI SGRAS SGRA SNYAN PA DANG, MAR ME DANG, REG BYA 'JAM PA'I GOS RNAMS DANG, SPOS ME STE DRI ZHIM PA'I BDUG SPOS DANG, KHA ZAS KYI BYE BRAG YID DU 'ONG BA MANG PO'I RO DANG, LHA BSHOS KYIS MCHOD PA NI PHYI'I MCHOD PA'O, ,GSANG CHEN DE KHO NA NYID KYI MCHOD PA NI, RDO RJE DANG PADMA'I DBANG PO GNYIS NI RAB TU SBYAR NAS SNYOMS PAR 'JUG PA'I MCHOD PA YIN LA, GSANG BA'I RDZAS KYI MCHOD PA NI, BYANG CHUB KYI SEMS DKAR DMAR LCES MYANG BA'O, ,DE LTAR YANG GSANG BA GRUB PA LAS, YID 'ONG BCOS PA'I ZAS DANG NI, ,DRI DANG ME TOG SOGS BSNYEN BKUR, ,NYA DANG SHA DANG BUR CHANG SOGS, ,SEMS NI MGU BAR BYED PA CAN, ,'BAD PAS DE LTA BUS MCHOD

NAS, ,DE NYID CHED DU BSGOM PAR BYA, ,CHO GA 'DI YIS BSKUL NA NI, ,RDO RJE SEMS DPA' BDAG 'GRUB 'GYUR, ,BYANG CHUB SEMS DANG LDAN PA YIS, ,BDUD RTZI ME TOG MYANG BAR BYA, ,MKHA' DBYINGS RDO RJE DBUS GNAS PAR, ,DES NI RDO RJE 'DZIN PA'ANG MCHOD, ,CES GSUNGS PA LTAR RO, ,'O NA RANG LA DE LTAR MCHOD DGOS PA'I RGYU MTSAN GANG ZHE NA, RANG NYID SANGS RGYAS SU BSGOM PA LEGS PAR SHES PA'I RNAL 'BYOR PA BDAG GI LUS NA SANGS RGYAS THAMS CAD KYI BDAG NYID YIN LA SANGS RGYAS KUN GYI GO 'PHANG MCHOG STER BA'I GNAS SAM GZHI YANG BDAG GI LUS 'DI NYID YIN TE, DE BAS NA NAN TAN TE 'BAD PA THAMS CAD KYIS RNAL 'BYOR PAS NI BDAG NYID SANGS RGYAS SU BSKYED PA RTAG TU MCHOD PA LA BRTZON PAR BYA'O, ,GNYIS PA NI, BYED PA PO RNAL 'BYOR PAS BYA BA GANG YANG 'GA' ZHIG STE CUNG ZAD BYA BA STE BYED PA'I LUS GA-YO BA DANG, NGAG SMRA BA LA SOGS PA'I LAS DE YANG RANG DANG GZHAN LHAR BLTAS NAS DE DAG LA MCHOD PAR BSGOMS NAS BYA'O, ,GSUM PA NI, KHA ZAS ZA BA DANG DE BZHIN DU BTUNG BA 'THUNG BA DANG GOS BGO BA DANG DE BZHIN DU DRI SNOM ZHING BYUG PA DANG, ME TOG LA SOGS PA'I PHRENG BA DANG, RGYAN 'DOGS PA'I TSE YANG BDAG GI LHA GANG YIN PA DE NYID BSAM PAR BYA BA KHO NAS BYA'I, DE'I NGA RGYAL DANG BRAL BAS MI BYA'O, ,GONG DU BSHAD PA LTAR BYAS NA LUS KYI GA-YO 'GUL SOGS KYIS KYANG TSOGS RGYA CHEN PO SDUD PA YIN PAS 'BAD PAR BYA'O, ,LHA CI 'DRA BA ZHIG SNYAM NA, SPYAN MA LA SOGS PA'I RIG MA BZHI YIS RNAM PAR BRGYAN PA STE, MDZES PAR BYAS PA'AM DGA' BA BSKYED PA'I RDO RJE SEMS DPA' 'O, ,RGYAN GYI DON NI DGA'

, ,BA BSKYED PA LA YANG MANG DU GSUNGS SO, ,'GREL BAS BZA' BTUNG LA SOGS PA 'BYUNG BA BZHI'I NGO BOR GYUR PA RNAMS LHA MO BZHI DANG, RDO RJE SEMS DPA'I RANG BZHIN DU BSGOM PA'I DON DU 'CHAD DO, ,GSUM PA LA GNYIS, ,STON PAS JI LTAR MDZAD PA DANG, 'KHOR GYIS JI LTAR MDZAD PA'O, ,DANG PO NI, SNGAR BSHAD PA DE LTAR LHA MO BZHIS DRIS PA'I LAN MA LUS PA BSHAD NAS, BCOM LDAN 'DAS RDO RJE SEMS DPA' DE CANG MI GSUNG BA'I DNGOS PO STE NGO BOR BZHUGS PAR GYUR TO, ,GNYIS PA NI, STON PA CANG MI GSUNG BAR BZHUGS PA MTHONG BA DE NAS SPYAN MA LA SOGS PA'I LHA MO RNAMS KYIS PHYAG GIS THAL MO SBYAR BAR GYUR TE, ZHAL RAB TU BZHAD NAS STON PA LA RAB TU DANG BA'I SEMS KYIS CHOS RNAMS LA RNAM PAR MI RTOG PA 'OD GSAL THOB PA STE DE LA ZHUGS TE, CANG MI GSUNG BAR GYUR TO, ,BZHI PA NI, LHA MO BZHIS YONGS SU ZHUS PA'I RNAM PAR BSHAD PA LAS, LHA MO SGROL MAS ZHUS PA'I LE'U STE LE'U BZHI PA'I RNAM PAR BSHAD PA'O,, ,,BZHI PA MJUG GI DON LA GNYIS, YONGS SU RDZOGS PA'I DON, GANG GIS BSGYUR BA'I TSUL LO, ,DANG PO NI, THAMS CAD KYI GSANG BA'I MCHOG DAM PA'I GSANG CHEN ZHES BYA BA'I RGYUD CES PA NI LE'U SNGAR SONG BA DANG, LE'U BZHI PO 'DI'I SPYI'I MTSAN NO, ,LHA MO BZHIS YONGS SU ZHUS PA ZHES PA NI LE'U BZHI PO 'DI'I DGOS KYI MTSAN NO, ,DPAL AU RGYAN ZHES PA NI AOO dI YA NA'I SGRA ZUR CHAG NAS MING DER GRAGS PA'O, DE'I YUL NAS BYUNG BA NI DE NAS SPYAN DRANGS TE 'PHAGS PA'I YUL DU BYUNG BA'O, ,RNAL 'BYOR MA CHEN MO'I DE KHO NA NYID

NI, RDO RJE SNYING PO RGYAN GYI RGYUD LAS RGYUD 'DI THABS RGYUD DU GSUNGS PAS RNAL 'BYOR MA'I RGYUD DU STON PA MIN PAS, SPYAN MA LA SOGS PA'I RNAL 'BYOR MA CHEN MO RNAMS KYI SHIN TU GSANG BA'I GNAS KYI DE NYID STON PA'O, ,RDZOGS SO NI YANG DAG PAR GRUB PA'I DON TO, ,RNAL 'BYOR MA CHEN MO'I DE KHO NA NYID CES MTSAN BTAGS PA NI RGYUD 'DI'I CHE BA STON PA STE, 'DI LTAR THA SNYAD PA'I NGOR SPYAN MA LA SOGS PAS SNYOMS PAR 'JUG PA'I SGO NAS ZAG MED KYI BDE BA CHEN PO BSKYED PA SNGON DU BTANG NAS DRIS PA'I GSANG BA'I GNAS RNAMS NI, STON PAS KYANG GSAL BAR STON PAS, DE KHO NA NYID KYI RDZOGS PA'I RIM PA GSAL BA YIN LA, DE LA DGONGS NAS RGYUD RDO RJE PHRENG BA LAS KYANG, GSANG BA'I GNAS CHES ZAB PA RNAMS 'CHAD PA NA, RNAL 'BYOR MA'I DRIN GYIS SHES DGOS PAR MANG DU GSUNGS PAS 'DI LTA BU'I RNAL 'BYOR MA CHEN MO RNAMS KYI DE KHO NA NYID STON PA'I MAN NGAG LAS SHIN TU ZAB PA'I GNAS RNAMS SHES PAR BYA STE, DE'I DON LA SGRUB PA SNYING POR BYAS NAS, BLA NA MED PA'I THEG PA'I BSTAN PA PHYOGS DUS KUN TU RGYAS PAR BYA'O, ,GNYIS PA NI, RGYA GAR GYI MKHAN PO SHR'A DDH'A KA RA WARM'A STE DAD BYED GO CHA DANG, BOD KYI ZHU CHAN GYI LO TZ'A BA CHEN PO SKYES MCHOG DAM PA RIN CHEN BZANG POS RGYA SKAD LAS BOD SKAD DU BSGYUR ZHING TSIG DANG DON LA ZHUS DAG BYAS NAS 'CHAD NYAN GYIS KYANG GTAN LA PHAB PA'O,, ` ,,RMAD BYUNG BDE BA CHEN PO 'DREN PA'I THABS, ,NGO MTSAR GTAM GYI SNYING PO SROG RTZOL LAM, ,DPAL LDAN 'DUS PAR RGYAS BTAB BZHAG PA'I DON, ,PHYI DUS GDUL BYA'I SKYE BOS RTOGS DON DU, ,

, ,LEGS BSHAD RIN CHEN 'BYUNG GNAS ZLA MED PA, ,RGYAL BA DE LA MNYAM SBYOR GSANG MCHOD KYIS, ,DGYES PA SKYED PA'I SGYU RTZAL LA MKHAS SHING, ,MDZES KUN GCIG BSDUS LA NGA TSO'I DPAL YON CAN, ,SHES RAB YANGS PA DON ZAB 'DRI LA MKHAS, ,YID 'ONG LHA YI BU MO'I GZUGS CAN BZHIS, ,YONGS SU DRIS PA'I GZHUNG MCHOG GSANG BA'I RGYUD, ,BLO MCHOG LDAN PA RNAMS KYI 'JUG NGOGS 'DI, ,KLU SGRUB RDO RJE CAN DANG 'PHAGS PA'I LHA, ,KLU YI BYANG CHUB SH'AKYA MI TRA DANG, ,ZLA BA'I ZHABS KYI GZHUNG LUGS KUN LA NI, ,RING DU SBYANGS PA'I MAN NGAG DANG LDAN PAS, ,'JIG RTEN RIN CHEN GCIG PO 'DUS PA DANG, ,DE YI PHYI MA BSHAD PA'I RGYUD BZHI YI, ,DGONGS PA RING DU BRTAGS NAS BSHAD PA NI, ,SROG RTZOL DE NYID GSAL BA ZHES BYA STE,, SHIN TU DPAG DKA' MTHA' DRUG RGYAS BTAB DON, ,JI BZHIN GSAL BAR STON PHYIR 'DI LA NI, ,RGYA CHER BSHAD PA SBAS PA MIG 'BYED CES, ,YONGS SU BRJOD NA'ANG DON DANG LDAN PA'I MING, ,DENG DUS SKYE BO BLO GROS MTHU DMAN PAS, ,JI BZHIN PA DANG MU COR SMRA BA YI, ,GTAM GYI SBYOR BA'I KHYAD PAR MI PHYED PAS, ,GZHAN LA PHAN PA DKA' BAR MTHONG NA YANG, ,RANG NYID LAM BZANG 'DI LA GOMS PHYIR DANG, ,BSTAN PA'I SNYING PO NYAMS PA MA BZOD NAS, ,KLU SGRUB LUGS BZANG RING DU GNAS PHYIR DU, ,NGAL BA BYAS LA BLO LDAN SU ZHIG SMOS, ,ZAB MO'I DON 'DI ZHIB TU BRTAGS SBYAR MOD, ,TSU ROL MTHONG BA BLO DANG BRTZON PA SOGS, ,SHIN TU DMAN PAS SBYAR PAS NONGS PA'I TSOGS, ,JI SNYED MCHIS PA BSAM PA THAG PAS 'CHAGS, ,JI BZHIN BSHAD PA'I DGE

TSOGS CI MCHIS DES, ,BDAG KYANG LAM BZANG 'DI DANG MI 'BRAL SHOG ,BSTAN PA'I SNYING PO PHYOGS BCUR RGYAS PAR SHOG ,KUN GYIS 'DI DON RTOGS NAS GROL BAR SHOG ,CES DPAL THAMS CAD GSANG BA'I MCHOG GSANG CHEN ZHES BYA BA'I RGYUD KYI DUM BU DPAL GSANG BA 'DUS PA'I BSHAD PA'I RGYUD LHA MO BZHIS YONGS SU ZHUS BA ZHES BYA BA'I RGYA CHER BSHAD PA SROG RTZOL GYI DE KHO NA NYID GSAL BA ZHES BYA BA 'DI NI, DPAL GSANG BA 'DUS PA'I RNAL 'BYOR PA SHAR BTZONG KHA PA BLO BZANG GRAGS PA'I DPAL GYIS RTZA BA DANG BSHAD PA'I RGYUD 'GREL PA DANG BCAS PA DANG, PHRAN DRUG 'GREL PA DANG BCAS PA LA RING DU 'DRIS PAR BYAS PA'I MAN NGAG DANG, RGYUD 'DI 'GREL PA GNYIS KYIS LEGS PAR BSHAD PA'I CHA LA'ANG BRTEN NAS 'BROG RI BO CHE DGE LDAN RNAM PAR RGYAL BA'I GLING DU SBYAR BA'I YI GE PA NI SDOM BRTZON SDE SNOD 'DZIN PA 'DUS PA'I DON TSUL BZHIN DU BSGRUB PA LA BRTZON PA DAR MA BZANG PO'O,, BKRA SHIS,,