The 'Jewel Pen,' a Definitive Analysis of the Difficult Points in 'The Lamp of Illumination,' an Extensive Explanation of the King of Secret Teachings, the Glorious Secret Collection (Guhyasamaja)

*, ,RGYUD KYI RGYAL PO DPAL GSANG BA 'DUS PA'I RGYA CHER BSHAD PA SGRON MA GSAL BA'I DKA' BA'I GNAS KYI MTHA' GCOD RIN CHEN MYU GU BZHUGS, ,

, ,RGYUD KYI RGYAL PO DPAL GSANG BA 'DUS PA'I RGYA CHER BSHAD PA, SGRON MA GSAL BA'I DKA' BA'I GNAS KYI MTHA' GCOD RIN PO CHE'I MYU GU ZHES BYA BA, ,BCOM LDAN 'DAS BYANG CHUB KYI SEMS RDO RJE LA PHYAG 'TSAL LO, ,RIN CHEN BRGYA LAS RAB BSKRUN DAG PA'I SHEL LTAR LHANG NGE BA, ,SNA TSOGS TSON GYIS RNAM PHYE 'OD ZER 'PHRENG BA PHYOGS BCUR 'KHRIGS, ,ZAG MED 'DOD PA'I BDE STER LHA MO'I 'PHRENG BAS KUN NAS BSKOR, ,MA LUS ZHING GI MCHOG GYUR THAR PA CHEN PO'I PHO BRANG NA, ,MKHA' DBYINGS SHAR BA'I DBANG PO'I GZHU BZHIN DU, ,MIG LA BDUD RTZI'I DPAL STER BCOM LDAN 'DAS, ,BDE PA MCHOG GI GTER LA ROL MDZAD PA, ,STON PA RDO RJE 'CHANG DBANG ZHABS LA 'DUD, ,RAB 'BYAMS NAM MKHA'I DBYINGS KUN MA LUS PA, ,TIL GYI GANG BU BZHIN DU BAR MED PAR, ,YONGS SU DKRIGS TE RGYUD RGYAL GSAN

, ,MDZAD PA, ,PHUN TSOGS 'KHOR LA GUS PAS PHYAG 'TSAL LO, ,RDO RJE 'CHANG DBANG DGONGS PA'I GNAD, ,JI BZHIN MNGON DU GYUR NAS NI, ,THUGS RJES 'GRO LA GSAL MDZAD PA, , 'PHAGS PA YAB SRAS ZHABS LA 'DUD, ,SHIN TU RTOGS DKA'I DPAL LDAN RGYUD, ,KLU SGRUB MAN NGAG JI BZHIN DU, ,MTHA' DRUG TSUL BZHIS GSAL MDZAD PA, ,ZLA BA'I ZHABS LA MGOS PHYAG 'TSAL, , MCHOG TU GYUR PA'I LUGS BZANG 'DI, ,PHYOGS 'DIR RIM BZHIN GSAL MDZAD PA, ,DNGOS DANG BRGYUD PA'I BLA MA LA, ,YID RAB DANG BAS PHYAG 'TSAL NAS, ,RGYUD 'GREL TSIG DON MTSAN GYIS NI, ,LEGS PAR PHYE BA'I DKA' GNAS KYI, ,MTHA' GCOD RJE BTZUN DRIN GYIS NI, ,BDAG GIS LEGS PAR BSHAD PAR BYA, ,'DIR SA GSUM GYI SGRON ME GCIG PU, LHA DANG MI'I RNAM PAR 'DREN PA DAM PA, LEGS PAR BSHAD

PA THAMS CAD KYIS 'BYUNG KHUNGS, SANGS RGYAS BCOM LDAN 'DAS KYI GDUL BYA RNAMS DANG JI LTAR 'TSAM PAR LEGS PAR BSHAD PA JI SNYED CIG BSTAN PA'I RAB DANG PHUL DANG GTZO BOR GYUR PA, DPAL GSANG BA 'DUS PA ZHES BYA BA SGRON MA GSAL BAR BYED PA ZHES BYA BA'I RGYA CHER BSHAD PAS 'CHAD PA LA GNYIS, SNGON DU BSTAN PA SPYI'I RNAM PAR BZHAG PA DANG, BYE BRAG TU RGYUD 'GREL GNYIS KYI DON BSHAD PA'O, ,DANG PO LA GNYIS, RGYAL BA'I BSTAN PA KHO NA THAR 'DOD KYI 'JUG DOGS SU BSTAN PA DANG, DE LA 'JUG PA'I RIM PA MI 'DRA BA'I SGO BSTAN PA'O, ,DANG PO NI, RANG DANG GZHAN GYI DON CHEN PO'I GNAS LA DPYAD PA ZHUGS NAS SROG 'DI JI SRID 'TSO BA DE SRID TSUN CHAD KYI BDE BA SGRUB PA DANG, SDUG BSNGAL SEL BA'I 'JUG LDOG 'JIG RTEN PA'I RGAN PO RNAMS KYIS RNAM PAR PHYE BA'I LUGS TZAM GYIS CHOG PAR MI 'DZIN PAR, 'JIG RTEN PHYI MA PHAN CHAD KYI GONG MA'I KHYAD PAR TSOL BA RNAMS KYI 'JUG NGOGS NI, GANG ZAG GZHAN PHAL MO CHES SNYING THAG PA NAS RJES SU YI RANG BA TZAM YANG BYA BAR DKA' LA, 'JIG RTEN THAMS CAD DANG MI MTHUN PA'I GTAM GYI GZHIR GYUR PA BDAG PAS GZHAN GCES PA'I BYANG CHUB KYI SEMS DANG, DES KUN TU DRANGS PA'I RGYAL SRAS KYI SPYOD PA RLABS CHE BA RNAMS LA BSLABS PA LA BRTEN NAS RMAD DU BYUNG BA'I GO 'PHANG MCHOG BRNYES PAS, THA NA DBUGS PHYI NANG DU RGYU BA TZAM YANG SEMS CAN RNAMS LA SMAN PA'I THABS CHEN POR 'GYUR BA, SKYE DGU THAMS CAD KYI NYER 'TSO'I GZHI CHEN PO SANGS RGYAS BCOM LDAN 'DAS ZHES SNYAN PA'I BA DAN SA GSUM NA RNAM PAR GA-YO BA DE YI BSTAN PA KHO

, ,NA YIN TE, SPEL MAR BSTOD PA LAS, GTING MTHA' MED PA'I 'KHOR BA NI, ,RGYA MTSO'I NANG NA RNAM PAR GNAS, ,'DOD CHAGS LA SOGS MI BZAD PA'I, ,CHU SRIN GYIS NI LUS ZOS PAS, ,DE RING GANG LA SKYABS SU MCHI, , GANG LA NYES PA THAMS CAD KUN, ,GTAN NAS YONG YE MI MNGA' ZHING, ,GANG ZHIG LA NI YON TAN KUN, ,RNAM PA KUN TU GNAS GYUR PA, ,GAL TE SEMS SHIG YOD NA NI, ,DE NYID LA NI SKYABS 'GRO ZHING, ,DE BSTOD DE NI BKUR BA DANG, ,DE YI BSTAN LA GNAS PA'I RIGS, ,ZHES GSUNGS PA LTAR RO, ,DE LA YANG YANG DAG PAR RDZOGS PA'I SANGS RGYAS DANG, ,DES NYE BAR BSTAN PA DANG, DE LA TSUL BZHIN DU SLOB PA RNAMS KHO NA THAR PA 'DOD PA RNAMS KYI STON PA DANG LAM DANG THAR PAR BGROD PA'I GROGS YIN GYI, CHOS 'DI LAS GZHAN DU GYUR PA'I STON PA DANG BSTAN PA DANG DE LA SLOB PA RNAMS NI DE LTA MA YIN NO ZHES SKYABS GNAS LA YID GZHAN DU MI GA-YO BA'I NGES PA RNYED DGOS LA, DE LTA NA THUB PA'I BSTAN PA KHO NA THAR PA 'DOD PA RNAMS KYI 'JUG DOGS SU RTOGS PAR 'GYUR RO, ,NGES PA DE YANG BLO'I MTHU CHUNG BAS NI YID DPYOD TZAM GYIS YIN LA BLO'I MTHU CHE BAS NI TSAD MAS DRANGS PA'I NGES PA BRTAN PO BTZAL BAR BYA STE, DE LTA MA YIN NA DAM BCA' BA TZAM DU ZAD PAS SO, ,DE YANG LHA LAS PHUL BYUNG GI BSTOD PA LAS, BDAG NI SANGS RGYAS PHYOGS MI 'DZIN, ,SER SKYA SOGS LA MI SDANG YANG, ,GANG ZHIG RIGS PAR LDAN PA'I TSIG ,DE NYID STON PAR YONGS SU 'DZIN, ZHES GSUNGS PA LTAR RANG DANG GZHAN GYI STON PA'I LUGS LA PHYOGS LHUNGS DANG SDANG ZHUGS DOR

NAS 'DI GNYIS LAS GANG NI LEGS PAR BSHAD PA YIN LA, GANG NI NYES PAR BSHAD PA YIN SNYAM DU DPYAD PA NA, GDUL BYA'I DON GNYIS 'GRUB PA'I THABS STON PA GANG LA SGRUB BYED YANG DAG YOD PA DE NYID NI BLANG BAR BYA BA YIN NO, ,DE'I TSE LUNG GNYIS NI, BDEN PA'I DON CAN YIN MIN DPYOD PA'I GZHI YIN PAS RTZOD GZHI SGRUB BYED DU MI RUNG BA'I PHYIR RIGS PA NYID KYIS BDEN PA'I DON CAN YIN MIN DBYE BAR BYA'O, ,DE'I TSUL NI GANG ZAG GI RGYUD LA SKYE BA NA GNAS SKABS KYI THOB BYA MNGON MTHO SNGON DU THOB NAS PHYI NAS NGES LEGS THOB PAR BYA BA YIN MOD KYANG, LUNG GANG SKYES BU'I DON GNYIS STON PA RNAMS DE LA SLU MI SLU DPYOD PA'I TSE NI, GTZO BO'I DON NGES LEGS LA MI SLU BAR RIGS PAS GRUB PA SNGON DU BTANG NAS THOB BYA PHAL PA MNGON MTHO LA MI SLU BAR DPOG PA NI MKHAS PA'I DBANG PO RNAMS KYI BZHED PA YIN TE RNAM 'GREL LAS, GTZO BO'I DON LA MI SLU'I PHYIR, ,GZHAN LA RJES SU DPAG PA YIN, ,ZHES DANG, BZHI BRGYA PA LAS KYANG, SANGS RGYAS KYI GSUNGS LKOG GYUR LA, ,GANG ZHIG THE TSOM SKYE 'GYUR BA, ,DE YIS STONG PA NYID BRTEN TE, ,'DI NYID KHO NAR YID CHES BYA, ,ZHES GSUNGS PA BZHIN NO, ,DES NA BDAG TU 'DZIN PA'I KUN 'BYUNG LAS SDUG BSNGAL GYI PHUNG PO NYID MTSAMS SBYOR BA'I 'KHOR BA DANG, BDAG MED RTOGS PA'I SHES RAB KYIS RNAM PAR GROL BA'I GO 'PHANG SGRUB PA'I THAR PAR 'GROD BA'I RIM PA RNAMS RIGS PA'I GZHUNG LUGS RNAMS SU RIGS PAS BSGRUBS PA LTAR RIGS PAS GRUB PA DGOS KYI, DE DAG TSUR MTHONG LA SHIN TU LKOG GYUR YIN PAS SGRUB BYED LUNG TZAM DU ZAD DO ZHES SMRA BA NI, ,

, ,BDAG NI STON PA GZHAN SPANGS NAS BCOM LDAN KHYOD LA SKYABS SU SONG BA 'DI NI, RANG GI 'DOD PA TZAM DU ZAD KYI SGRUB BYED YANG DAG PA CI YANG MED DO ZHES RANG GI SKYABS 'GRO'I MTSANG SGROG PA STE, DE'I TSE LUNG SGRUB BYED DU MI RUNG LA RIGS PA'I SGRUB BYED KYANG MED PAR 'DOD PA'I PHYIR RO, ,GZHAN YANG RANG GZHAN GYI STON PAS SKYE BA SNGA PHYI YOD MED DANG, PHUNG RTAG MI RTAG DANG BDAG YOD MED SOGS MI MTHUN PA BSTAN PA'I LUNG RNAMS LA, GANG 'THAD LA GANG MI 'THAD CES RANG GI SDE PA CHEN PO RNAMS DANG GZHAN SDE RNAMS RTZOD PA NA, RANG GI STON PA'I LUNG DE RNAMS RNAM DAG TU SGRUB MI NUS PAR YANG 'GYUR RO, ,DNGOS STOBS KYI TSAD MAS MI 'GRUB PA'I SHIN TU LKOG GYUR STON PA'I LUNG RNAMS NI RANG GI BSTAN BYA'I DON LA MI SLU BAR DPYAD PA GSUM GYIS DAG PA'I GTAN TSIGS KYIS SGRUB LA, DE'I TSUL SGRUB PA YANG RIGS PAS 'GRUB KYI LUNG SGRUB BYED DU KHAS LEN PA TZAM GYIS SGRUB PA MIN NO, ,GZHAN SDE'I LUNG SKYES BU'I DON GYI GTZO BO STON PA RNAMS NI SNGA PHYI 'GAL BA NYID YIN TE DPER NA, GTZO BO DANG DBANG PHYUG LA SOGS PA'I RTAG PA 'KHOR BA'I BYED PA POR SMRA ZHING, YANG GROL BA DON GNYER GYIS LAM BSGOMS PA'I MTHAR 'KHOR BA LDOG PAR YANG 'DOD PA LTA BU STE, 'KHOR BA'I RGYU'I GTZO BO MA LOG NA 'KHOR BA MI LDOG PA'I PHYIR DANG, RTAG PAS SKYED NA DUS NAM YANG LDOG PAR MI RUNG BA'I PHYIR RO, ,DE BZHIN DU BDAG MED PA'I LTA BA SUN 'BYIN ZHING 'KHOR BAR 'CHING BA CHAD PA'I GROL BA THOB BYAR BYED PA YANG 'GAL BA'O, ,SNGAR BSHAD PA LTAR RANG GI STON PA LA SOGS PA'I SKYABS GSUM THAR 'DOD KYI SKYABS

YIN GYI, DE DANG MI MTHUN PA'I STON PA LA SOGS PA SKYABS GTAN MIN NO SNYAM PA'I NGES PA MA DRANGS NA, RANG GI SKYABS GNAS LA RTZE GCIG PA'I BLO BRTAN PO MI 'BYUNG LA, DE 'BYUNG BA YANG LUGS GNYIS KYI SKYON YON RIGS PAS MTHONG BA LA RAG LAS PAS ,MU STEGS BYED DNGOS SU YOD DAM MED KYANG BLO'I BLO GROS CHE BA RNAMS KYIS SKYABS 'GRO'I BLO KHYAD PAR CAN SKYED PAR 'DOD NA SNGAR LTAR BYA'O, ,DES NA BDAG NYID CHEN PO PHYOGS KYI GLANG PO DANG, CHOS KYI GRAGS PA LA SOGS PAS MDZAD PA'I RIGS PA'I BSTAN BCOS RNAMS NI RANG GI STON PA SANGS RGYAS DANG, DE'I BSTAN PA LUNG RTOGS GNYIS DANG DE DAG TSUL BZHIN DU NYAMS SU LEN PA LA TSIG TZAM MIN PA'I GUS PA CHEN PO SKYED PA'I THABS MCHOG TU SHES PAR BYOS SHIG GNYIS PA LA GNYIS, THEG PA SPYI'I DBYE BA DANG, THEG PA CHEN PO'I DBYE BA'O, ,DANG PO LA BZHI, JI LTAR DU DBYE BA'I SGO, GANG GIS 'BYED PA'I RGYU MTSAN, PHYE BA SO SO'I RANG BZHIN, THAMS CAD KYANG MTHAR 'TSANG RGYA BA'I YAN LAG TU BSTAN PA'O, ,DANG PO NI, LE'U BCU BDUN PA LAS NYAN RANG GI DAM TSIG KYANG GSUNGS LA, SPYOD BSDUS LAS KYANG, GDUL BYA'I MOS PA GSUM GYI DBANG DU BYAS NAS SPYOD PA GSUM DU PHYE STE, DMAN PA LA MOS PA LA CHAGS BRAL GYI SPYOD PA DANG, RGYA CHEN PO LA MOS PA LAS DANG PHA ROL TU PHYIN PA'I SPYOD PA DANG, ZAB MO LA LHAG PAR MOS PA LA 'DOD CHAGS KYI SPYOD PA BSTAN NO, ,DE'I DANG PO NI THEG DMAN GYI LAM DANG, PHYI MA GNYIS NI THEG CHEN GYI LAM DU 'DU'O, ,GNYIS PA NI, DBYE BA'I SGO GNYIS SU GSUNGS PA'I RGYU MTSAN BSHAD NA, CHED DU BYA BA BDAG GCIG BU'I PHYIR DU THOB BYA 'KHOR BA'I SDUG BSNGAL TZAM ZHI BA'I GO 'PHANG DON DU GNYER BA DANG, CHED DU BYA BA

, ,SEMS CAN THAMS CAD KYI PHYIR DU SANGS RGYAS KYI GO 'PHANG DON DU GNYER BA'I GDUL BYA DMAN MCHOG GNYIS YOD PAS, DE GNYIS THEG PA GANG GIS RANG RANG GI GO 'PHANG DU 'GRO BA'I THEG PA GNYIS LA THEG PA DMAN PA DANG THEG PA CHEN PO ZHES BYA LA, DE GNYIS KYI DBANG DU BYAS NAS GSUNGS PA'I CHOS GNYIS LA THEG PA MCHOG DMAN GYI SDE SNOD CES BYA'O, ,THEG PA DMAN PA LA NYAN RANG GNYIS YOD CING DE DAG RANG RANG GI GO 'PHANG DU 'KHRID PAR BYED PA'I LAM LA NYAN RANG GI THEG PA GNYIS SU PHYE BAS THEG PA GSUM MO, ,GSUM PA LA GNYIS, THEG PA DMAN PA'I RNAM GZHAG DANG, THEG PA CHEN PO'I RNAM GZHAG GO ,DANG PO NI, NYAN RANG GNYIS LA DBANG PO DANG 'BRAS BU LA MCHOG DMAN YOD KYANG LAM GYI RNAM GZHAG PHAL CHER MTSUNGS PAR SA'I DNGOS GZHI LAS GSUNGS LA, KHYAD PAR ZHIB PA NI TSIG MANGS SU DOGS PAS 'DIR GNYIS KA'I SPYI'I RNAM GZHAG RAGS PA 'GA' ZHIG BRJOD PAR BYA'O, ,'DI GNYIS KYI RIGS CAN RNAMS NI GZHAN GYI DON KHUR DU 'KHUR BA LA RGYAB KYIS PHYOGS PAS RANG GROL BA TZAM GYI PHYIR DU ZHUGS PA YIN LA, RNAM GROL THAR PA 'THOB PA'I RGYU'I GTZO BO NI BDAG MED PA'I DON RTOGS PA'I SHES RAB STE, 'KHOR BAR 'CHING BA'I RGYU'I GTZO BO BDAG 'DZIN YIN PA'I PHYIR RO, ,DES NA DE DAG GIS KYANG DON DE RTOGS NAS SHES RAB DE BTZAL TE TSUL KHRIMS DANG TING NGE 'DZIN LA SOGS PA'I LAM GZHAN GYIS GROGS BYAS NAS BSGOMS PAS NYON MONGS PA THAMS CAD ZAD PAR BYED DO, ,'DI DAG GIS GANG ZAG GDOD MA NAS RANG GI MTSAN NYID KYIS GRUB PA'I RANG BZHIN GYIS STONG YANG DER SNANG BA'I SGYU MA LTA BU'I DON MA

RTOGS KYI, GANG ZAG LA PHYI ROL PAS BTAGS PA'I RDZAS YOD KYI BDAG MED PAR RTOGS PA GANG ZAG GI BDAG MED RTOGS PA'I DON DU MDO SDE PA DANG KHA CHE BYE BRAG TU SMRA BA DANG SEMS TZAM PA DANG DBU MA PA KHA CIG 'CHAD DO, ,DPAL LDAN ZLA BA GRAGS PA NI DE LTA NA GANG ZAG LA BDEN PAR 'DZIN PA CUNG ZAD KYANG MI LDOG PAS, DE 'DRA BA DE LA GANG ZAG GI BDAG MED PA RTOGS PA'I DON MED DE, GANG ZAG LA BDEN PAR 'DZIN PA DE SRID DU GANG ZAG GI BDAG 'DZIN YANG MI LDOG PA'I PHYIR DANG, PHUNG PO LA SOGS PA'I CHOS RANG BZHIN MED PAR RTOGS PA CHOS KYI BDAG MED RTOGS PA'I DON DU BZHAG DGOS PA LTAR, GANG ZAG RANG BZHIN MED PAR RTOGS PA YANG GANG ZAG GI BDAG MED RTOGS PA'I DON DU BZHAG DGOS PA'I PHYIR RO, ,DES NA PHUNG PO LA BDEN PAR 'DZIN PA DE SRID DU GANG ZAG LA YANG BDEN 'DZIN 'JUG LA, DE 'JUG PA DE SRID DU NYON MONGS PA MA LUS PAR LDOG PA MED PAS, NYAN RANG RNAMS KYIS JI TZAM 'BAD KYANG 'KHOR BA LAS MI GROL BAR 'DOD DGOS NA, DE YANG MI RIGS SO SNYAM DU DGONGS TE, DE NYID 'PHAGS PA'I DGONGS PAR YANG 'CHAD DO, ,'DI LA SLOB DPON 'DI DANG SANGS RGYAS BSKYANGS DANG, ZHI BA LHA GSUM GA DGONGS PA MTHUN NO, ,GNYIS PA NI, SEMS CAN THAMS CAD KYI DON DU BLA NA MED PA'I BYANG CHUB THOB PAR 'DOD NAS SPYOD PA PHA ROL TU PHYIN PA DRUG LA SLOB PA TZAM NI, 'DIS 'GRO BA'I THEG PA CHEN PO PA SPYI'I DON YIN TE SNGAGS KYI THEG PAR YANG, LAM DES 'GRO BAR RGYUD SDE RNAMS NAS LAN DU MAR GSUNGS PAS SO, ,'ON KYANG LAM GNYIS LA MI 'DRA BA'I KHYAD CHOS NI MANG DU YOD DO, ,GANG ZAG DE DAG GI LAM NI RNAM MKHYEN DU BGROD PA'I THEG PA CHEN PO'O, ,

, ,PHA ROL TU PHYIN PA'I THEG PA CHEN PO PA RNAMS LA NI, LAM GYI SPYI'I LUS DE TZAM DU ZAD LA DE LA YANG LTA BA'I SGO NAS PHYE NA DBU MA PA DANG SEMS TZAM PA GNYIS SU YOD DO, ,DE LTA NA'ANG DE GNYIS LA THEG PA MI 'DRA BA'I RIM PA BSHAD PA MED PAS GNYIS KA YANG THEG PA NI GCIG GO ,DE KHO NA NYID KYI GTING DBOGS MI DBOGS KYI KHYAD YOD PAS SNGA MA NI DBANG PO RNO LA PHYI MA NI DBANG PO RTUL LO, ,'DIR YANG GANG GI DBANG DU BYAS NAS PHAR PHYIN GYI THEG PA GSUNGS PA'I CHED DU BYA BA'I GDUL BYA'I GTZO BO NI, DBU MA PA YIN LA SEMS TZAM PA NI THEG PA DE'I ZHAR BYUNG NGAM PHAL PA'I GDUL BYA'O, ,PHAR PHYIN GYI THEG PA PA 'DI LA'ANG MYUR BUL GYI SGO NAS PHYE NA LNGA YOD PAR NGES PA DANG MA NGES PA LA 'JUG PA PHYAG RGYA'I MDO LAS GSUNGS TE, PHYUGS DANG GLANG PO CHE'I SHING RTA LTA BUS 'GRO BA GNYIS DANG, ZLA BA DANG NYI MA LTA BUS 'GRO BA GCIG DANG, NYAN THOS DANG SANGS RGYAS KYI RDZU 'PHRUL LTA BUS 'GRO BA'I BYANG CHUB SEMS DPA' GNYIS SO, ,DE DAG NI DPE DE DAG DANG 'DRA BAR LAM GYI 'GROS MGYOGS BUL CHES SHIN TU KHYAD PAR CHE YANG, DE DAG LA THEG PA SO SO BA MED PA'I PHYIR NA DBANG PO RNO RTUL TZAM DANG LAM BGROD PA'I GCOD CHE CHUNG TZAM GYIS THEG PA SO SOR 'BYED MI NUS SO, ,DES NA GANG DU BGROD PAR BYA BA'I 'BRAS BU'I THEG PA LA MCHOG DMAN GYI KHYAD PAR CHES CHE BA'AM, YANG NA GANG GIS BGROD PA'I RGYU'I THEG PA LA LUS MI 'DRA BA'I LAM GYI RIM PA GZHAN YOD NA THEG PA SO SO BAR BZHAG LA, LAM GYI LUS RAGS PA LA RIGS MI 'DRA BA CHEN PO'I RNAM DBYE MED NA, LAM GYI NANG GSOS KYI DBYE BA MI 'DRA BA DANG LAM DES 'GRO BA'I GANG ZAG

LA MCHOG DMAN YOD PA TZAM GYIS THEG PA'I RIM PA YOD PAR GZHAG MI NUS SO, ,BZHI PA NI, THEG PA DMAN PA BA RNAMS KYIS SANGS RGYAS THOB PA'I DON DU DMIGS NAS RANG GI LAM LA 'JUG PA MIN YANG, DE DAG GI LAM NI GANG ZAG DE RNAMS SANGS RGYAS KYI SAR 'KHRID PA'I THABS YIN PAS NA, THEG DMAN GYI LAM RNAMS MTHA' GCIG TU 'TSANG RGYA BA'I GEGS SU MI BZUNG STE, DAM CHOS PAD DKAR LAS, SANGS RGYAS YE SHES RAB TU RTOGS BYA'I PHYIR, ,THABS 'DI RANG BYUNG GIS NI MDZAD GYUR GYI, ,DE DAG RNAMS LA KHYED CAG SANGS RGYAS SU, ,'GYUR RO ZHES NI NAM YANG MI GSUNG NGO, ,CI PHYIR ZHE NA SKYOB PA DUS LA GZIGS, ,ZHES PA DANG, BDEN PA PO'I LE'U LAS KYANG, 'JAM DPAL NGAS SEMS CAN RNAMS LA CHOS GANG DANG GANG BSTAN PA DE DAG THAMS CAD NI 'DI LTA STE, THAMS CAD MKHYEN PA'I YE SHES THOB PAR BYA BA'I PHYIR BYANG CHUB LA GZHOL PA, THEG PA CHEN PO LA 'BAB PA, THAMS CAD MKHYEN PA NYID SGRUB PA, YUL GCIG TU YANG DAG PAR PHYIN PAR BYED PA STE DE BAS NA NGA LA THEG PA THA DAD PA RNAM PAR DGOD PA MED DO, ,ZHES DANG, MTSAN BRJOD LAS KYANG, THEG PA GSUM GYI NGES 'BYUNG LA, ,THEG PA GCIG GI 'BRAS BUR GNAS, ,ZHES DANG, SAMBU tA LAS KYANG, GANG PHYIR CHOS NI DU MAS NI, ,CHU BO'I RGYUN NI RGYA MTSO LTAR, ,THAR PA NYID NI GCIG BU NYID, ,MANG PO DMIGS PAR MI 'GYUR RO, ,ZHES GSUNGS PA LTAR GO DGOS TE, DE LTA MA YIN NA DAM PA'I CHOS SPONG BA'I SGO CHEN POR 'GYUR RO, ,GNYIS PA LA GNYIS, THEG PA CHEN PO LA GNYIS SU DBYE BA DANG, RDO RJE THEG PA LA 'JUG PA'I RNAM DBYE BYE BRAG TU BSHAD PA'O, ,DANG PO LA GSUM, JI LTAR DU PHYE BA'I GRANGS DANG, PHYE BA SO SO'I DON DANG, DE LTAR DU 'BYED PA'I RGYU MTSAN NO, ,DANG PO NI, RNAL 'BYOR BLA MED KYI RGYUD DON LA 'JUG PA LAS, BYANG CHUB

, ,SEMS DPA'I THEG PA LA YANG GNYIS TE SA DANG PHA ROL TU PHYIN PA'I THEG PA DANG, GSANG SNGAGS 'BRAS BU RDO RJE THEG PA'O, ,ZHES SHRADDHA KA RA WARMAS BSHAD PA LTAR GSANG SNGAGS KYI THEG PA DANG 'BRAS BU'I THEG PA DANG, RDO RJE THEG PA ZHES PA NI SNGAGS KYI THEG PA'I RNAM GRANGS YIN LA THABS KYI THEG PA ZHES KYANG 'BYUNG NGO, ,RGYU 'BRAS KYI THEG PA NI THEG PA GNYIS KYI RNAM GRANGS YIN TE, 'PHAGS PA GSANG BA LUNG BSTAN PA'I MAD LAS, RGYU LA SBYOR PA RGYU YI CHOS, ,'KHOR LO RAB TU BSKOR BYAS NAS, ,'BRAS BU'I THAG PA NYE LAM ZHIG ,CES DZNY'A NA SHR'IS MTHA' GNYIS SEL BAR DRANGS PA LTAR RO, ,GZHAN YANG BSHAD RGYUD LAS GSUNGS PA 'CHAD PAR 'GYUR BA LTAR, CHAGS BRAL GYI LAM GYIS 'TSANG RGYA BA'I THEG PA DANG, CHAGS CAN GYI LAM GYIS 'TSANG RGYA BA'I THEG PA GNYIS SU'ANG BYA'O, ,GNYIS PA NI, GSANG ZHING SBAS PAS 'GRUB LA SNOD MIN GYI YUL MIN PAS DE LA MI BSTAN PAS NA GSANG BA'O, ,SNGAGS KYI SKAD DOD M'ANTRA LA M'A NA NI YID, TR'A YA NI SKYOB PAS NA SNGAGS TE 'DUS PA'I RGYUD PHYI MA LAS, DBANG PO DANG NI YUL RNAMS KYI; ;RKYEN GYIS GANG DANG GANG BYUNG YID, ,YID DE M'AN ZHES BYA BAR BSHAD, ,TR'A NI SKYOB PAR BYED PA'I DON, ,'JIG RTEN SPYOD LAS RNAM GROL BAR, ,GANG BSHAD DAM TSIG SDOM PA STE, ,RDO RJE KUN GYIS BSRUNG BA NI, ,SNGAGS KYI SPYOD PA ZHES BSHAD DO, ,ZHES SO, , RNAM GRANGS GZHAN YANG M'A NA DANG TR'A YA'I SGRA DE NYID SHES PA DANG 'GRO BA SKYONG BA'I SNYING RJE LA DRANGS NAS GSUNGS PA LTAR YANG SHES PAR BYA'O, ,THEG PA NI 'DIR 'DOD PA 'BRAS BU DANG 'DIS 'DOD PA RGYU'I THEG PA STE BGROD PAS NA THEG PA'O, ,

'BRAS BU NI GNAS LUS LONGS SPYOD MDZAD PA YONGS SU DAG PA BZHI STE, SANGS RGYAS KYI PHO BRANG DANG SKU DANG 'BYOR PA DANG PHRIN LAS SO, ,TSUL DE DANG RJES SU MTHUN PAR DA LTA NAS GZHAL YAS KHANG DANG LHA'I 'KHOR LO DANG, MCHOD PA'I YO BYAD DANG SNOD BCUD SBYONG BA SOGS KYI MDZAD PA CAN DU SGOM PAS NA 'BRAS BU'I RNAM PA DANG MTHUN PAR BSGOMS NAS BGROD PA'I PHYIR TE, BLA MED KYI RGYUD DON LA 'JUG PA LAS, DE NI SKU DANG LONGS SPYOD DANG GNAS DANG MDZAD PA YONGS SU DAG PA'I TSUL GYIS 'JUG PAS NA 'BRAS BU STE, ZHES BSHAD PA BZHIN NO, ,DRI MED 'OD LAS, RDO RJE NI MI PHYED PA DANG MI CHOD PA CHEN PO YIN LA DE NYID THEG PA CHEN PO YIN PA NI RDO RJE THEG PA STE, SNGAGS KYI TSUL DANG PHA ROL TU PHYIN PA'I TSUL 'BRAS BU DANG RGYU'I BDAG NYID GCIG TU 'DRES PAR GYUR PA'O, ,ZHES RDO RJE'I DON SNGAGS KYI TSUL GYI 'BRAS BU DANG, PHAR PHYIN GYI TSUL GYI RGYU GNYIS DBYER MI PHYED PA LA MDZAD NAS RDO RJE THEG PA'I MING DON GSUNGS SO, ,DE'I RGYU 'BRAS NI DBANG MDOR BSTAN LAS, STONG NYID GZUGS 'DZIN RGYU YIN TE, , 'BRAS BU SNYING RJE MI 'GYUR 'DZIN, ,STONG NYID SNYING RJE DBYER MED PA, ,BYANG CHUB SEMS ZHES BYA BAR BSHAD, ,CES GSUNGS PA LTAR RNAM KUN MCHOG LDAN GYI STONG NYID DANG MCHOG TU MI 'GYUR BA'I BDE BA'O, ,DE GNYIS MI PHYED PA DE LA 'DIS BGROD PA DANG, 'DIR BGROD PA'I RGYU 'BRAS KYI THEG PA GNYIS SU YOD DO, ,DE 'DRA BA'I RDO RJE THEG PA NI BLA MED LA DGONGS KYI RGYUD SDE 'OG MA'I SKABS SU MI RUNG STE, MCHOG TU MI 'GYUR BA'I BDE BA NI TING NGE 'DZIN GYI YAN LAG THOB PA NAS GZHAG DGOS PAS RJES

, ,DRAN MAN CHAD KYI YAN LAG GIS BSGRUB DGOS NA, RGYU'I YAN LAG DE DAG TSANG BA DE RNAMS LA MED PA'I PHYIR RO, ,DES NA 'DIR RDO RJE THEG PA SPYI'I DON NGOS 'DZIN PA'I SKABS SU KHYAB CHUNGS PA YIN LA, TSUL DES RGYU 'BRAS KYI THEG PA'I DON 'JOG PA YANG SPYI'I RNAM GZHAG LA MA KHYAB PA YIN NO, ,DE'I PHYIR 'DIR NI SNYIM PA'I ME TOG LAS GSUNGS PA LTAR BYA STE, RDO RJE'I THEG PA ZHES BYA BA NI THEG PA CHEN PO MA LUS PA BSDUS PA NI PHA ROL TU PHYIN PA DRUG YIN LA, DE RNAMS BSDUS PA NI THABS DANG SHES RAB YIN ZHING DE DAG KYANG BSDUS PA RO GCIG PA DE NI BYANG CHUB KYI SEMS YIN TE, DE YANG RDO RJE SEMS DPA'I TING NGE 'DZIN YIN LA DE NYID NI RDO RJE YIN NO, ,RDO RJE YANG DE YIN LA THEG PA YANG YIN PAS NA RDO RJE THEG PA STE SNGAGS KYI THEG PA ZHES BYA BA'I DON NO, ,ZHES GSUNGS PA LTAR THABS DANG SHES RAB DBYER MED PAR SBYOR BA'I RDO RJE SEMS DPA'I RNAL 'BYOR NI, RDO RJE THEG PA YIN LA DE LA LAM DANG 'BRAS BU'I SKABS GNYIS KA YOD DO, ,PHAR PHYIN GYI THEG PA LAS THABS MKHAS PA CHE BA'I PHYIR NA THABS KYI THEG PA'O, ,MTHA' GNYIS SEL BA LAS KYANG, DBYER MED PA DANG, 'BRAS BU NYID LAM DU GYUR PA DANG, THABS KYI CHE BA DANG, SHIN TU GSANG PAR BYA BA'I PHYIR RDO RJE'I THEG PA DANG, 'BRAS BU'I THEG PA DANG, THABS KYI THEG PA DANG, GSANG BA'I THEG PA ZHES BYA'O, ,ZHES SO, ,RIG 'DZIN GYI SDE SNOD NI RIG SNGAGS 'CHANG RNAMS KYI BSLAB PA'I GZHI DANG GRUB PA'I MTHA' STON PA LA, DPUNG BZANG GIS ZHUS PA'I 'GREL BAR BSHAD

PA LTAR RO, ,BLA MED KYI RGYUD DON LA 'JUG PA LAS, RIG 'DZIN GYI SDE SNOD SDE SNOD GSUM DU MI GTOGS PA'I SDE SNOD BZHI PAR 'DOD PA DANG SDE SNOD GSUM DU GTOGS PA'I LUGS GNYIS BSHAD KYANG, DPUNG BZANG LAS, GSANG SNGAGS MDO SDE TSUL DU BSHAD KYIS NYON, ZHES PA DANG GZHAN YANG RGYUD MANG PO LAS MDO DANG MDO SDER BSHAD PAS, SH'ANTI PAS ZAB DON BSDUS TE STON PAS MDO SDER BZHED PA LTAR LEGS LA, DE LA YANG NANG GSES KYIS PHYE NA SDE SNOD GZHAN GNYIS KYI'ANG DON STON PAS NA, AA BHYAS SDE SNOD GSUM GAR GTOGS PAR BZHED PA YANG 'THAD DO, ,RGYUD NI RGYUN CHAGS PA YIN LA DE LA LAM GYI BYED PA 'JUG PA'I GZHI'I RGYUD DANG, DE SBYONG BYED LAM GYI RGYUD DANG, SBYANGS 'BRAS 'BRAS BU'I RGYUD GSUM DU 'DUS PA PHYI MA LAS GSUNGS PA NI BRJOD BYA DON GYI RGYUD YIN LA, DE DAG CI RIGS PAR BRJOD BYAR BYED PA'I GSUNG RAB NI RJOD BYED GZHUNG GI RGYUD DO, ,SDE NI RGYUD DE'I TSOGS SAM RIS SO, ,PHAR PHYIN GYI THEG PA NI THEG PA GANG LA SPYOD PA'I RTEN SEMS BSKYED PA DANG, SPYOD PA PHYIN DRUG GIS BGRED CING DE LAS GZHAN PA'I RIM GNYIS LA SOGS PA'I LAM MED PA LA BYA'I, SEMS BSKYED DANG PHYIN DRUG GIS BGROD PA YOD PA LA BYED NA RDO RJE THEG PA YANG DER 'GYUR RO, ,RGYU'I THEG PA ZHES PA YANG SNGAR BSHAD PA LTAR GYI 'BRAS BU BZHI PO DE DAG DANG RNAM PA RJES SU MTHUN PA'I LAM MI BSGOM PAR DE DAG GI RGYU TZAM BSGOM PA LA BYA'O, ,GSUM PA LA GNYIS, RTOG LDAN LA SKYE BA'I DOGS PA'I GNAS DGOD PA DANG, DE LA LAN GDAB PA'O, ,DANG PO NI, GAL TE THEG PA CHEN PO LA THEG PA GNYIS

, ,SU 'BYED PA 'DI GANG GI SGO NAS YIN, SEMS CAN BSKYED PA'I SGO NAS NI MA YIN TE, BYANG CHUB SEMS DPA' SNGAGS DANG PHA ROL TU PHYIN PA'I SGO NAS SPYOD PA GNYIS KA YANG SEMS CAN THAMS CAD KYI DON DU RDZOGS PA'I SANGS RGYAS THOB PAR BYA BA'I PHYIR DU ZHUGS PAR MTSUNGS PA'I PHYIR RO, ,DE NYID KYI PHYIR DON DU GNYER BYA'I BYANG CHUB LA YANG MCHOG DMAN MED PAS DE'I SGO NAS KYANG THEG PA GNYIS SU DBYE BAR MI RIGS SO, ,CHOS RNAMS KYI DE KHO NA NYID RTOGS PA'I LTA BA YOD MED KYI SGO NAS KYANG MA YIN TE, SHES RAB KYI PHA ROL TU PHYIN PA LA SOGS PA NGES DON GYI MDO SDE RNAMS KYI DGONGS PA 'PHAGS PA KLU SGRUB KYIS, DBU MA'I BSTAN BCOS SU GTAN LA PHAB PA LAS LHAG PA'I LTA BA MED PA'I PHYIR DANG, YOD DU CHUG KYANG DES THEG PA SO SO BA YOD PAR 'JOG MI NUS TE, PHAR PHYIN GYI THEG PA CHEN PO LA DBU MA PA DANG SEMS TZAM PA GNYIS YOD KYANG DE GNYIS LA THEG PA SO SO BA MED PA BZHIN NO, ,PHYIN DRUG GI SPYOD PA LA SPYOD PA YANG GNYIS KA LA YOD DO, ,DE'I PHYIR SKU GNYIS SGRUB PA'I LAM THABS DANG SHES RAB KYI GTZO BO GNYIS LA KHYAD MI SNANG ZHING, PHAR PHYIN GYI THEG PA LA MED PA'I LAM GYI KHYAD PAR 'GA' ZHIG YOD MOD KYANG LAM GYI GTZO BO'I KHYAD PAR MA YIN PAS DE TZAM GYIS THEG PA SO SO BAR BZHAG MI NUS LA, GANG ZAG LA DBANG PO RNO RTUL YOD PA TZAM DANG LAM BGROD PA MYUR BUL YOD PA TZAM GYIS KYANG BZHAG PAR MI NUS TE, PHAR PHYIN GYI THEG PA LA DE DAG GI KHYAD PAR DU MA YOD KYANG THAG PA SO SO BA MED PA BZHIN NO, ,GZHAN DU NA SNGAGS KYI THEG PA NYID LA YANG THEG PA SO SO BA DU MA BZHAG DGOS PAR 'GYUR RO ZHE NA,

GNYIS PA LA GNYIS, DNGOS KYI DON BSTAN PA DANG, DE'I KHUNGS DGOD PA'O, ,DANG PO NI, 'DIR BGROD PAR BYA BA 'BRAS BU'I THEG PA LA NI, SNGAGS DANG PHAR PHYIN GNYIS MCHOG DMAN GYI KHYAD PAR MED DE, LAM GNYIS KA'I THOB BYA YANG SKYON KUN ZAD DANG YON TAN KUN RDZOGS KYI SANGS RGYAS SU MTSUNGS PA'I PHYIR RO, ,DES NA 'DIS BGROD PA RGYU'I THEG PA'I KHYAD PAR YIN LA, DE LA YANG RTOGS PA LTA BA DANG, BSAM PA SEMS BSKYED DANG, SPYOD PA PHYIN DRUG LA SLOB PA TZAM LA KHYAD PAR MED PAS DE DAG GI SGO NAS DBYE BAR MI NUS SO, , 'ON GANG NAS 'BYED SNYAM NA, THEG CHEN PA GNYIS KA'I YANG MNGON PAR 'DOD PA'I DON GYI GTZO BO NI GZHAN DON YIN GYI RANG GI THOB BYA'I DON BYANG CHUB MIN TE, SANGS RGYAS KYANG GZHAN DON SGRUB PA'I THABS SU MTHONG NAS DE'I YAN LAG TU DON DU GNYER BA'I PHYIR TE, MNGON RTOGS RGYAN LAS, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,CES GSUNGS PA'I PHYIR DANG SEMS BSKYED 'DRA BA'I PHYIR RO, ,GDUL BYA LA DNGOS SU SNANG NAS DE DAG GI DON SGRUB PA'I SANGS RGYAS NI CHOS KYI SKU MIN GYI GZUGS KYI SKU RNAM PA GNYIS YIN NO, ,DE LA ZAB MO RTOGS PA'I SHES RAB KYIS CHOS KYI SKU DANG, RGYA CHE BA'I THABS KYIS GZUGS KYI SKU SGRUB PA DANG, THABS DANG BRAL BA'I SHES RAB DANG SHES RAB DANG BRAL BA'I THABS KYIS SKU GNYIS SGRUB PAR MI NUS PAS, THABS DANG SHES RAB YA MA BRAL BA DGOS SO ZHES PA 'DI NI THEG PA CHEN PO PA SPYI'I GRUB PA'I MTHA'O, ,GNAS LUGS KYI DON MA RTOGS PAR NYON MONGS PA THAMS CAD THAD ? PAR BYAS NAS 'KHOR BA'I RGYA MTSO'I PHA ROL TU BRGAL BAR MI NUS PAS, ZAB MO RTOGS PA'I SHES RAB NI 'PHAGS

, ,PA 'OG MA GNYIS DANG YANG THUN MONG BA'O, ,DE'I PHYIR THEG CHEN GYI LAM GYI KHYAD PAR GYI GTZO BO NI GZUGS KYI SKU SKAL BA DANG LDAN PA'I GDUL BYA LA SNANG NAS, 'KHOR BA JI SRID GNAS KYI BAR DU SEMS CAN RNAMS KYI MGON SKYABS MDZAD PA'I RGYUR GYUR PA'I THABS LA BYA DGOS SO, ,PHA ROL TU PHYIN PA BA RNAMS LA NI, CHOS RNAMS KYI DE KHO NA NYID SPROS PA DANG BRAL BA SGOM PAS CHOS KYI SKU DANG RNAM PA RJES SU MTHUN PA'I LAM SGOM PA YOD KYANG, GZUGS KYI SKU MTSAN DPES SPRAS PA DANG RNAM PA 'DRA BAR SGOM PA'I LAM MED LA SNGAGS LA NI YOD DO, ,DES NA GZHAN DON GZUGS KYI SKU SGRUB PA'I THABS LA LAM GYI LUS MI 'DRA BA'I KHYAD PAR CHEN PO YOD PAS THEG PA GNYIS SU MDZAD PA YIN TE, SPYIR THEG PA CHE CHUNG STONG PA NYID KYI SHES RAB KYIS MI 'BYED PAR THABS KYIS 'BYAD DGOS LA, KHYAD PAR DU THEG PA CHEN PO LA GNYIS SU PHYE BA YANG ZAB MO RTOGS PA'I SHES RAB KYIS MI 'BYED KYI THABS KYIS DBYE DGOS SHING, THABS KYI GTZO BO YANG GZUGS SKU SGRUB PA'I CHA NAS YIN LA, GZUGS SKU SGRUB BYED KYI THABS NI DE DANG RNAM PA 'DRA BAR SGOM PA'I LHA'I RNAL 'BYOR NYID, THEG PA GZHAN GYI THABS LAS MCHOG YIN PA'I PHYIR RO, ,GNYIS PA NI, RDO RJE GUR GYI LE'U DANG PO LAS, GAL TE STONG PA THABS YIN NA, ,DE TSE SANGS RGYAS NYID MI 'GYUR, ,RGYU LAS 'BRAS BU GZHAN MED PHYIR, ,THABS NI STONG PA NYID MA YIN, ,LTA BA RNAMS LAS LOG RNAMS DANG, ,BDAG TU LTA BA 'TSOL RNAMS KYI, ,BDAG TU 'DZIN PA BZLOG PA'I PHYIR, ,RGYAL BA RNAMS KYIS STONG PAR BSTAN, ,DE PHYIR DKYIL 'KHOR 'KHOR LO ZHES, ,BDE BA'I THABS KYI SDOM PA STE, SANGS RGYAS NGA

RGYAL RNAL 'BYOR GYIS, ,SANGS RGYAS NYID YUN RING MI 'GYUR, ,STON PA SUM CU RTZA GNYIS MTSAN, ,MNGA' BDAG DPE BYAD BRGYAD CUR LDAN, ,DE PHYIR THABS DES BSGRUB BYA STE, ,THABS NI STON PA'I GZUGS CAN NO, ,ZHES GSAL BAR GSUNGS SO, ,'DI DAG GIS NI STONG NYID SGOM PA TZAM ZHIG THABS SU 'DOD PA DGAG PA DANG, STONG NYID BSTAN PA'I DGOS PA DANG, THUN MONG MA YIN PA'I THABS CHE BA DANG BCAS PA DANG, THABS DES BSGRUB DGOS PA'I RGYU MTSAN RNAMS BSTAN TE TSIGS SU BCAD PA BZHI DANG GO RIM BZHIN NO, ,DE LA RKANG PA DANG PO'I DON NI, GUR DU RANG GI RNAM RTOG KI DRI MAS SEMS SBAGS PAR BYAS PAS 'BAD PA KUN GYIS SEMS SBYANG BAR BYA'O, ,ZHES SNGON DU BSTAN PA LA 'PHROS NAS, DE LTA NA DRI MA SBYONG BA LA STONG PA NYID TZAM ZHIG BSGOM PAR BYA STE, BDAG MED PA'I DE KHO NA NYID RTOGS PA'I SHES RAB NYID BDAG TU 'DZIN PA'I RNAM RTOG DANG RNAM PA 'GAL BA YIN GYI LAM GZHAN DANG MI 'GAL BA'I PHYIR RO, ,DES NA 'TSANG RGYA BA'I THABS NI STONG NYID SGOM PA TZAM DU ZAD KYI SPROS PA GZHAN GYIS CI BYA SNYAM PA'O, ,DE'I TSE THABS DE LA JI TZAM 'BAD KYANG SANGS RGYAS BAR MI 'GYUR TE, DE 'DRA BA DE LA NI RGYU STONG NYID SGOM PA DE LA GZHAN 'BRAS BU'I THABS MED PA'I PHYIR NA, THABS KYI YAN LAG DANG BRAL BAS RGYU MA TSANG BA'I PHYIR RO, ,DE'I PHYIR STONG PA NYID TZAM LA GOMS PAR BYED PA NI THABS TSANG BA MA YIN NO, ,TSUL DE NI SNGA GSUM ZAD PHAR PHYIN GYI THEG PA'I LUGS KYANG YIN NO ZHES LHA'I RIGS KYI BLO GROS KYIS BSHAD DE LEGS PA YIN NO, ,'O NA STONG NYID BSTAN PA'I DGOS PA CI YIN SNYAM NA, CHOS BDAG MED PA LA SOGS PA'I LTA BA LAS PHYIN CI LOG PA DANG,

, ,BDAG TU LTA BA 'TSOL BA STE BDAG TU 'DZIN PA LA MNGON PAR ZHEN PA RNAMS KYI BDAG TU 'DZIN PA GNYIS BZLOG PA'I PHYIR BDAG MED PA'I STONG PA NYID BSTAN NO, ,'DIS NI BDAG GNYIS SU KUN DU RTOG PA'I DRI MA SBYONG BA LA GDON MI ZA BAR BDAG MED PA'I DE KHO NA NYID RTOGS PA'I LTA BA BTZAL NAS BSGOM DGOS PAR BSTAN TE, 'DI DAG GI CHA NI PHA ROL TU PHYIN PA DANG 'DRA BA YIN NO, ,STONG NYID SGOM PA TZAM LA THABS MA TSANG NA THABS KHYAD PAR BA DE GANG YIN SNYAM NA, STONG NYID SGOM PA TZAM THABS SU MI 'THAD PA DE'I PHYIR THABS KHYAD PAR BA NI DKYIL 'KHOR GYI 'KHOR LO ZHES GSUNGS PA DE'O ZHES SBYAR RO, ,BDAG SGRUB PA'I THABS LAS KYANG, DE NI DE KHO NA LTAR YANG MA YIN TE, RGYU MI 'DRA BA GOMS PA LAS RDZOGS PA'I BYANG CHUB MNGON DU GYUR PA DANG RJES SU MTHUN PA'I SGOM PA MED PA'I PHYIR RO, ,ZHES SO, ,DE'I DON NI SBYIN SOGS THABS SU BSHAD PA DE RNAMS BLA NA MED PA'AM GONG NA MED PA'I THABS SU GSUNGS PA DE NI DE LTAR MA YIN TE, SANGS RGYAS KYI SKU MNGON DU GYUR PA DANG RNAM PA RJES SU MTHUN PA'I LAM SGOM PA MED PA'I PHYIR TE, 'BRAS BU DANG RNAM PA YE MI 'DRA BA'I LAM TZAM ZHIG GOMS PAR BYED PA'I PHYIR RO ZHES PA'O, ,GZUGS SKU DANG RNAM PA MTHUN PA'I LAM SGOM PA MED NA, SANGS RGYAS SGRUB PA'I THABS GONG NA MED PA MA YIN PA SGRUB PA NI DE NYID LAS, BDAG NYID KYI RANG GI NGO BO NYID KYIS ZAB PA DANG RGYA CHE BA'I BDAG NYID CAN GYI 'BRAS BU NI RANG GI RANG BZHIN LAS BSGRUB PAR BYA BA YIN LA, ZHES PA'O, ,DE LA SPYIR THOB PAR BYA BA'I 'BRAS BU NI ZAB PA CHOS KYI SKU'I BDAG NYID CAN DANG, RGYA CHE BA MTSAN

DPES SPRAS PA'I BDAG NYID CAN ZHIG STE, DE YANG THUGS CHOS RNAMS KYI DE KHO NA NYID DANG RO MNYAM PAR ZHUGS NAS DE LAS NAM YANG LDANG BA MED PA DANG, DE NYID KYI DUS SU SKU MTSAN DANG DPE BYAD 'BAR BAS BRGYAN PA NAM YANG RNAM PAR 'GYUR BA MI BRTEN PAR BZHUGS PA, GNYIS GA YANG NGO BO DBYER MED PA STE BDAG NYID KYI RANG GI NGO BO NYID KYIS ZHES GSUNGS PA'I DON NO, ,DE LTAR NA DE SGRUB PA'I THABS DANG SHES RAB KYANG DE DANG MTHUN PA ZHIG DGOS TE, DPER NA RGYAL BA'I THUGS CHOS SKU SGRUB PA NI RNAL 'BYOR PAS DA LTA NAS, RANG GI SEMS DNGOS PO'I DE KHO NA NYID KYI DON LA BZHAG NAS RGYAL BA'I THUGS DANG RNAM PA RJES SU MTHUN PA'I LAM SGOM PA BZHIN DU, GZUGS KYI SKU SGRUB PA NA'ANG RANG GI LUS MTSAN DPE'I RNAM PA CAN DU SNANG BA'I SKU DANG RNAM PA RJES SU MTHUN PA'I LAM BSGOM DGOS TE, 'DI GNYIS NI BYED NA BYED MNYAM DANG 'JOG NA 'JOG MNYAM DU KUN NAS MTSUNGS PA'I PHYIR RO, ,DE LA DGONGS NAS BDAG SGRUB PA LAS, DE BAS NA BDAG MED PA DANG 'DRA BAR RGYA CHE BA'I RANG GI NGO BO YANG THA MI DAD PA NYID DU BSGOM PAR BYA'O, ,ZHES GSUNGS TE 'DI'I LUGS KYI RGYA CHE BA NI LHA'I RNAL 'BYOR YIN NO, ,LHAN CIG SKYES PA'I SNANG BA LAS KYANG, SBYIN PA LA SOGS PA THABS KYI SGO NAS DANG, SMON LAM GYI STOBS KYIS 'BYUNG BAR 'GYUR RO ZHES BRJOD PAR YANG MI BYA STE GANG GI PHYIR MA BSGOMS PA'I LONGS SPYOD RDZOGS PA DANG, SPRUL PA'I BDAG NYID DAG LA YANG THE TSOM ZA BA NI JI LTAR SEMS NGES PAR 'GYUR, DE LTAR YANG SMON LAM GYI STOBS KYIS 'BYUNG BAR 'GYUR RO ZHE NA, BDAG MED PA YANG MA

, ,BSGOMS PA NYID DU MNGON SUM NYID DU 'GYUR BAS DE BSGOMS PA'I NGAL BAS CI ZHIG BYA, GAL TE DE NI BSGOMS PA NYID KYIS 'BYUNG BAR 'GYUR RO ZHE NA, LONGS SPYOD RDZOGS PA DANG SPRUL PA'I SKU GNYIS KYIS NYES PA CI ZHIG BYAS NA GANG GI PHYIR DE DAG BSGOM PAR MI BYA, DE'I PHYIR PHA ROL TU PHYIN PA'I THEG PA LA GNAS PAS KYANG SKU GSUM GYI BDAG NYID CAN GYI SANGS RGYAS KHAS BLANG BAR BYA'O, ,DE NI BSGOMS PAS GSAL BAR 'GYUR RO, ,ZHES DANG, THEG PA GSUM RNAM PAR BZHAG PAR YANG GSAL BAR GSUNGS TE, JI SKAD DU, DE'I PHYIR DON DAM PA'I BDEN PA BCOM LDAN 'DAS DANG KLU SGRUB LA SOGS PAS RNAM PAR BZHAG PA LAS KHYAD PAR DU GYUR PA'I DON DAM PA'I BDEN PA GNYIS PA NI MED DO, ,KUN RDZOB TZAM GYIS JI LTAR RGYA CHE BAR 'GYUR ZHES GANG SMRAS PA NI 'DIR, DMIGS PA RNAM PAR DAG PA DANG, ,GROGS KYI MTHU DANG SPYOD PA YIS, ,BLO LDAN RNAMS KYI THEG PA NI, ,CHEN PO'I CHEN PO NYID DU BSGRAGS, ,ZHES RNAM PAR DAG PA'I LHA'I BDAG NYID DU RTOGS PA DANG, RGYAL BA RNAMS KYI DAM TSIG BZUNG BAS BYIN BRLABS SKYE BA DANG, RGYAL BA SRAS BCAS KYIS 'GRO BA'I DON BYED CING ZHING DAG PAR MDZAD PA LTAR BYED PAS, DMIGS PA DANG GROGS DANG RJES SU SPYOD PA GSUM RGYA CHE BAS PHA ROL TU PHYIN PA'I DBU MA PA LAS KHYAD PAR DU 'PHAGS PAR BSHAD CING, KHYAD PAR DE GSUM DANG LDAN PA'I THEG PA LA BYA SPYOD SOGS KYI RGYUD SDE'I DBYE BA BSHAD PA'I PHYIR SNGAGS SPYI'I KHYAD PAR DU 'DOD DO, ,'DI RNAMS KYI SGRUB BYED RTZOD SPONG DANG BCAS PA

RGYAS PAR NI RDO RJE 'CHANG GI LAM GYI RIM PAR BSHAD ZIN PAS 'DIR MA SPROS SO, ,GNYIS PA LA GSUM, SNGAGS LA 'JUG PA'I SGO MI 'DRA BA CI TZAM ZHIG YOD PA DANG, 'JUG SGO MI 'DRA BAR 'JOG PA'I KHYAD PAR NGOS GZUNG BA DANG, BYE BRAG TU RNAL 'BYOR BLA MED KYI RGYUD KYI DON BSTAN PA'O, ,DANG PO NI, GUR GYI BCU GSUM PA LAS, DMAN PA RNAMS LA BYA BA'I RGYUD, ,BYA MED RNAL 'BYOR DE LTAG LA'O, ,RNAL 'BYOR MCHOG NI SEMS CAN MCHOG ,RNAL 'BYOR BLA MED DE LTAG LA'O, ,ZHES GSUNGS PA LTAR RDO RJE THEG PA'I GDUL BYA LA DMAN PA DANG DE'I LTAG 'BRING DANG, MCHOG DANG DE'I LTAG MA CHES MCHOG TU GYUR PA BZHI LA RGYUD SDE BZHI GSUNGS PAS RGYUD SDE BZHI'I SGO NAS 'JUG PA'I SGO BZHI'O, ,BLA MED KYI RGYUD DON LA 'JUG PA LAS KYANG, GSANG SNGAGS 'BRAS BU RDO RJE THEG PA LA NI 'JUG PA'I SGO RNAM PA BZHI STE, BYA BA'I RGYUD DANG SPYOD PA'I RGYUD DANG RNAL 'BYOR GYI RGYUD DANG RNAL 'BYOR BLA NA MED PA'I RGYUD CES SPYIR GRAGS PA YIN NO, , ZHES BSHAD DO, ,GNYIS PA LA GNYIS, DRI BA DANG, LAN NO, ,DANG PO NI, GAL TE GDUL BYA'I DMAN MCHOG GI SGO NAS RGYUD SDE'I RIM PA MI 'DRA BA'I 'JUG SGO 'DI CHED DU BYA BA DANG THOB BYA DMAN MCHOG GI SGO NAS NI MA YIN TE, RDO RJE THEG PA LA ZHUGS PA THAMS CAD KYANG SEMS CAN THAMS CAD KYI PHYIR DU BLA NA MED PA'I BYANG CHUB DON DU GNYER BA'I THEG CHEN GYI SEMS BSKYED PA CAN DU KHYAD PAR MED PA'I PHYIR RO, ,THOB BYA SKU GNYIS KYI RGYU'I GTZO BOR GYUR PA'I LAM GYI SPYI LA MI

, ,'DRA BA YOD PA'I SGO NAS KYANG MA YIN TE, RANG BZHIN MED RTOGS KYI SHES RAB KYIS CHOS SKU SGRUB PA LA 'DRA ZHING, LHA'I RNAL 'BYOR BSGOMS NAS GZUGS SKU SGRUB PA'I SPYI YANG 'DRA BA'I PHYIR RO, ,DE'I PHYIR THAMS CAD KYANG RDO RJE'I THEG PA ZHES PA'I THEG PA GCIG TU ZAD DE, LHA'I RNAL 'BYOR MI 'DRA BA LA SOGS PA'I LAM GYI KHYAD PAR MI 'DRA BA MANG DU YOD PA TZAM GYIS THEG PA SO SO BA'AM RGYUD SDE'I RIM PA MI 'DRA BA'I 'JUG SGO SO SOR 'JOG NA, RNAL 'BYOR BLA MED KYI RGYUD RE RE LA YANG THEG PA MI 'DRA BA DU MA BZHAG DGOS PAR 'GYUR LA, GSANG 'DUS LTA BU ZHIG LA YANG RGYUD SDE MI 'DRA BA'I 'JUG SGO DU MA YOD PAR 'GYUR TE, PADMA DANG TZAN DAN LA SOGS PA'I GANG ZAG MCHOG DMAN LNGA YE SHES RDO RJE KUN LAS BTUS LAS GSUNGS PA'I PHYIR RO, ,DES NA GDUL BYA MCHOG DMAN GYI SGO NAS RGYUD SDE MI 'DRA BA'I 'JUG SGO BZHIR BYED PA 'DI RGYU MTSAN GANG GI SGO NAS BZHAG PA BRJOD DGOS SO SNYAM NA, GNYIS PA NI, RGYUD SDE'I SGO NAS 'JUG SGO MI 'DRA BA BZHIR BZHAG PA NI THEG PA SO SO BA YANG MA YIN LA, LHA'I RNAL 'BYOR SOGS LAM GYI KHYAD PAR MI 'DRA BA TZAM GYIS KYANG MA YIN NO, ,'O NA JI LTAR ZHE NA, 'DI LA GNYIS LAS, DANG PO RGYUD SDE BZHI'I MTSAN DON BLA MED KYI GZHUNG NAS 'BYUNG BA'I STENG NAS BSHAD NA, KHA SBYOR LAS, RGOD DANG LTA DANG LAG BCANGS DANG, ,GNYIS GNYIS 'KHYUD DANG RNAM PA BZHI, ,SRIN BU'I TSUL GYIS RGYUD BZHIR GNAS, ,ZHES SHING LAS BYUNG BA'I SRIN BUS SHING ZA BA BZHIN DU, 'DOD CHAGS LAS BYUNG BA'I LAM GYIS 'DOD CHAGS ZAD PAR BYED PA'I RGYUD BZHIR GSUNGS SHING,

RDO RJE SNYING PO RGYAN GYI RGYUD LAS KYANG, 'DI NI GNYIS PO 'KHYUD PA YI, ,RGYUD KYI DBYE BA BSTAN PA'O, ,DE BZHIN DU NI LAG BCANGS DANG, ,RGOD DANG BLTAS PAS SHES PAR BYA, ,ZHES RGYUD SDE BZHI'I MTSAN LA RGOD PA'I RGYUD DANG, LTA BA'I RGYUD DANG, LAG BCANGS SAM 'KHYUD PA'I RGYUD DANG, GNYIS GNYIS SBYOR BA'I RGYUD CES GSUNGS TE GZHAN YANG MANG NGO, ,SNGAR BSHAD PA LTAR GZUGS SKU'I THUN MONG MA YIN PA'I RGYU LHA'I RNAL 'BYOR DU BSHAD PA NI THABS KYI GTZO BO YIN LA, THABS KYI CHA RNAMS KYIS STONG NYID RTOGS PA'I SHES RAB KHYAD ZHUGS PAR BYED PA NI THEG PA CHEN PO GNYIS KA'I LUGS SO, ,LHA'I RNAL 'BYOR GYI SGO NAS SHES RAB KYI LAM KHYAD ZHUGS PAR 'GRO BA'I TSUL NI, THABS SHES KHYAD PAR CAN 'DOD PA'I LHA YAB YUM MNYAM PAR SBYOR BA'I RNAM PA CAN DU SNANG BA'I LHA'I RNAL 'BYOR TE, BLA MED LA LAM GYI KHYAD PAR MANG DU YOD KYANG GNYIS SBYOR GYI RGYUD CES DE'I SGO NAS MING 'DOGS MDZAD CING, RGYUD RANG NAS KYANG GNYIS SBYOR GYI RNAM PA CAN DU BSHAD PA SHIN TU MANG NGO, ,DE'I SGO NAS CHAGS PA LAM DU BYAS PAS BYANG CHUB KYI SEMS GNYIS KYI 'PHROD 'DU'I GNAD LA BRTEN NAS STONG NYID KYI RTOGS PA KHYAD ZHUGS PAR 'GYUR RO, ,DE 'DRA BA'I CHAGS PA LAM BYED KYI THABS KHYAD PAR BA DANG BRAL BAS RGYUD SDE 'OG MA GSUM DU YAN LAG BDUN GYI NANG GI KHA SBYOR GYI YAN LAG MA GSUNGS SO, ,DE LTA NA'ANG RGOD PA DANG LTA BA DANG LAG BCANGS SAM 'KHYUD PA LAS BYUNG BA'I DGA' BA LAM DU BYED PA YOD PAS SPYIR 'DOD YON LA CHAGS PA LAM BYED TZAM ZHIG YOD DE, KHUNGS DANG BCAS PA RGYAS PAR RDO RJE 'CHANG GI LAM GYI RIM PAR BSHAD

, ,ZIN TO, ,'DI YANG SGRUB PA POS SKABS KYI LHA GANG YIN DU BSKYED NAS PHAR LA LTA BA SOGS DANG, TSUR LA LTA BA SOGS KYI SGO NAS PHAN TSUN RJES SU CHAGS PA LAS BYUNG BA'I DGA' BDE LAM DU BYED PA'O, ,DE YANG RGYUD SDE 'OG MA NAS PHYI ROL GYI PHYAG RGYA LA DMIGS NAS DE LTAR BYED PA MA BYUNG ZHING, RGYUD SDE GONG MA NAS KYANG RGYUD SDE 'OG MA BAS DE LTAR BYA BAR MA GSUNGS PAS, RANG GIS BSGOMS PA'I SPYAN MA LA SOGS PA'I LHA MO LA BYA'O, ,GDUL BYA STOBS CHUNG BAS CHAGS PA CHEN PO LAM DU BYED MI NUS PA LA DGONGS NAS CHAGS PA CHUNG RIM NAS LAM DU BYED PAR GSUNGS PA 'DI NI, LHA'I RNAL 'BYOR BRTAN PAR SONG ZHING STONG NYID KYI TING NGE 'DZIN RNYED PA NA, RANG GI RIGS GANG YIN PA'I LHA MO SPYAN LA SOGS PA LA DMIGS NAS BYED PAR MNGON NO, ,RDO RJE THEG PA LA MOS PA DANG DE'I LAM GYI CHA 'GA' ZHIG SGOM PA LA NGES PA MED KYANG THOG MAR THEG PA DE LA 'JUG PA'I GDUL BYA'I GTZO BO NI 'DOD KHAMS PA YIN LA, DE YANG SPYIR RIG MA'I 'DOD YON LA CHAGS PA LAM DU BYED PA TZAM ZHIG GI SGO NAS BYANG CHUB 'TSOL BA LA MOS PA'O, ,'DI YANG BLA MED DU NI DNGOS DANG BSGOMS PA'I RIG MA GNYIS KA LA DMIGS PA'I RGOD PA SOGS KYI CHAGS PA LAM DU BYED PA GSUNGS LA, RGYUD SDE 'OG MA GSUM LA NI, BSGOMS PA'I YE SHES KYI RIG MA KHO NA'I 'DOD YON LA DMIGS PA'I DGA' BA LAM BYED YIN NO, ,DBANG PO GNYIS SBYOR BSGOM PA TZAM YANG, RNAL 'BYOR RGYUD LA'ANG MI RUNG BAS DE LAS GZHAN PA'I LAG BCANGS SAM, 'KHYUD PA'I REG BYA LA DMIGS PA'I DGA' BA LAM BYED RNAL 'BYOR RGYUD LA SBYAR LA, REG BYA LAS GZHAN RGOD PA DANG

LTA BA'I DMIGS PA LA BRTEN NAS BYUNG BA'I DGA' BA LAM BYED BYA SPYOD LA SBYAR RO, ,DE NI 'DOD YON LA CHAGS PA LAM DU BYED TSUL MI 'DRA BA BZHI YOD PAS RGYUD SDE BZHIR BZHAG PA'O, ,DE NI RGYUD SDE BZHI'I MING 'DOGS RGYUD SDE GONG 'OG RNAMS LA THUN MONG DU GRAGS PA'I MTSAN DON GYI STENG NAS BSHAD NA, DE LTA BU'I 'DOD YON LAM DU BYED PA'I THABS NI STONG PA DANG LHA'I RNAL 'BYOR YIN LA, DE GNYIS MNGON DU BYED PA LA PHYI'I BYA BA SHIN TU MANG PO LA LTOS PA NI BYA RGYUD PA'I GDUL BYA'O, ,PHYI'I BYA BA DANG NANG GI TING NGE 'DZIN GNYIS CHA MNYAM PA'I BYA BA HA CANG MI MANG BA LA LTOS PA NI SPYOD RGYUD PA'I GDUL BYA'O, ,PHYI'I BYA BA DANG NANG GI TING NGE 'DZIN GNYIS LAS TING NGE 'DZIN GTZO BOR GYUR CING PHYI'I BYA BA NYUNG ZAD LA LTOS PA NI RNAL 'BYOR RGYUD KYI GDUL BYA'O, ,PHYI'I BYA BA LA MI LTOS SHING RNAL 'BYOR DE LAS GONG NA MED PA'I RNAL 'BYOR SKYED NUS PA NI RNAL 'BYOR BLA MED KYI GDUL BYA STE, BYA BA SHAS CHE BAS NA BYA RGYUD DANG BYA BA DANG TING NGE 'DZIN CHA MNYAM PAR SPYOD PAS NA SPYOD RGYUD DANG NANG GI RNAL 'BYOR SHIN TU GTZO BOR GYUR PAS NA RNAL 'BYOR RGYUD DANG, RNAL 'BYOR DE LAS GONG NA MED PAS NA RNAL 'BYOR BLA MED KYI RGYUD CES BYA'O, ,DE NI STONG PA DANG LHA'I RNAL 'BYOR MNGON DU BYED PA'I NUS PA MI 'DRA BA BZHI YOD PAS RGYUD SDE BZHIR BZHAG PA'O, ,'DI DAG KYANG RANG RANG GI GDUL BYA'I GTZO BO LAM LA 'JUG PA'I DBANG DU BYAS KYI NGES PA NI MA YIN TE, DE NYID BSDUS PA'I RGYUD PHYI MA'I PHYI MA NI BSGOM PAS 'JIGS SHING SKRAG PA LA GSUNGS PAR DE NYID SNANG BA LAS BSHAD PA'I PHYIR RO, ,DE LTAR GZUGS SKU'I RGYU THUN MONG MA YIN PA LHA'I RNAL 'BYOR DU BZHAG PA NI, RGYUD SDE BZHI KA

, ,DANG BLA MED KYI RIM PA GNYIS KA LA THUN MONG DU RJES SU 'GRO BA'I DBANG DU BYAS NAS BSHAD KYI, MCHOG TU GYUR PA'I GZUGS SKU'I RGYU THUN MONG MA YIN PA NI, RDZOGS RIM PA'I YE SHES KYI SKU ZHES GRAGS PA SGYU MA'I LUS RGYUD 'DI'I SKOR NAS GSAL BAR 'CHAD PA LA BYA'O, ,GSUM PA LA GSUM, BLA MED KYI RGYUD LA MTSAN GYI DBYE BA BYUNG TSUL, MTSAN DON DANG MTHUN PA'I RGYUD GNYIS KYI DBYE BA BSTAN PA, THABS KYI RGYUD BYE BRAG TU BSHAD PA'O, ,DANG PO NI, BLA NA MED PA'I RGYUD LA GNYIS SU PHYE BA'I MTSAN GYI 'DOGS LUGS NI MANG STE, SDOM 'BYUNG LAS, RNAL 'BYOR RGYUD RNAMS KYI NI TSAD, ,BYE BA PHRAG NI DRUG TU NGES, ,DE BZHIN RNAL 'BYOR MA RGYUD GRANGS, ,BYE BA PHRAG NI BCU DRUG GRAGS, ZHES RNAL 'BYOR DANG RNAL 'BYOR MA'I RGYUD CES GSUNGS LA, SANGS RGYAS THOD PA DANG RDO RJE GUR LA SOGS PAR YANG THA SNYAD DE BZHIN DU MDZAD DO, ,'DI NI DPER NA BU NI BU PHO DANG BU MO GNYIS KA'I DBYE GZHI YIN KYANG, BU PHO LA BU ZHES SPYI MING SGOS LA BTAGS PA LTAR RNAL 'BYOR GYI RGYUD NI, THABS SHES GNYIS KA LA 'JUG KYANG THABS RGYUD LA RNAL 'BYOR RGYUD CES SPYI MING SGOS LA BTAGS PA'O, ,RNAL 'BYOR MA'I RGYUD LA MKHA' 'GRO MA'I RGYUD CES KYANG MANG PO LAS GSUNGS SO, ,DRI MED 'OD LA SOGS PA LAS THABS KYI RGYUD DANG SHES RAB KYI RGYUD CES GSUNGS LA, MA RGYUD LA SHES RAB KYI MDO ZHES KYANG KLU BYANG DANG ZLA BA GRAGS PAS GSUNGS SO, ,BOD KYI BLA MA RNAMS KYIS RNAL 'BYOR MA'I RGYUD CES PA'I MING GI ZLAS DRANGS NAS, PHA RGYUD DANG MA RGYUD KYI THA SNYAD MDZAD PA NI RDO RJE SNYING PO RGYAN GYI RGYUD LAS, RDO RJE SNYING

PO RGYAN GYI RGYUD, ,MKHA' 'GRO MA DANG MKHA' 'GRO PHA, ,RGYUD RNAMS KUN GYI PHYI MO STE, ,ZHES GSUNGS PA DANG MTHUN NO, ,GNYIS PA LA GNYIS, DOGS PA'I GNAS DGOD PA DANG, DE LA SO SO'I 'DOD PA BSHAD PA'O, ,DANG PO NI, GAL TE BLA MED KYI RGYUD LA THABS SHES PA'I RGYUD GNYIS SU 'BYED NA, RGYUD GNYIS PO DE THABS SHES GNYIS SU MED PA'I RGYUD YIN NAM MIN, DANG PO LTAR NA MI 'THAD DO, THABS DANG SHES RAB KYI RGYUD CES BTAGS PA'I MING DON NI, THABS SHES PHYOGS RE BA'I RGYUD YIN LA, GNYIS SU MED PA'I RGYUD NI THABS SHES GNYIS MNYAM PAR SBYOR BA'I RGYUD YIN PAS SO, ,GNYIS PA LTAR YANG MI RIGS TE, RNAL 'BYOR BLA NA MED CES PA'I RNAL 'BYOR GYI DON NI, 'DUS PA PHYI MAR, THABS DANG SHES RAB SNYOMS 'JUG PA, ,RNAL 'BYOR ZHES NI BSHAD PA YIN, ,ZHES GSUNGS PA LTAR THABS SHES GNYIS MNYAM PAR SBYOR BA'I DON YIN GYI PHYOGS RE BA'I DON MIN NO, ,DE'I PHYIR BLA NA MED PA'I THABS SHES GNYIS MNYAM PAR SBYOR BA'I RGYUD NI GNYIS SU MED PA'I RGYUD DU RIGS SO, , DE LTA NA THABS SHES KYI RGYUD GNYIS DANG GNYIS SU MED PA'I RGYUD 'GAL MI 'GAL JI LTAR YIN BRJOD PAR BYA'O SNYAM NA, GNYIS PA LA GNYIS, GZHAN GYI LUGS DANG, RANG GI LUGS SO, ,DANG PO NI, BOD KYI BLA MA KHA CIG BLA MED KYI RGYUD LA THABS DANG SHES RAB DANG GNYIS SU MED PA'I RGYUD SO SO BA GSUM DU 'BYED CING, THABS DANG SHES RAB KYI RGYUD DU 'JOG PA'I 'JOG BYED NI RE RE BA DANG DE GNYIS KYI STON PA GNYIS MED KYI RGYUD DU 'DOD LA, DE YANG KYEE RDOR LAS, THABS

, ,DANG SHES RAB BDAG NYID RGYUD, ,CES GSUNGS PAS, KYEE RDOR GNYIS MED KYI RGYUD DU BYED CING, RGYUD DE LAS KYEE RDOR RNAL 'BYOR MA'I RGYUD DU GSUNGS PA DANG MI 'GAL TE, GNYIS MED KYI RGYUD LA SHES RAB KYI RGYUD DGOS PA'I PHYIR RO ZHES SMRA'O, ,DE'I LTAR NA GNYIS MED KYI RGYUD THABS RGYUD DU YANG SMRA DGOS PAS, BLA MED KYI RGYUD LA RGYUD SO SO BA GSUM DU RANG LUGS LA PHYE NAS RGYUD GNYIS KYI 'JOG BYED NI SO SO RE RE BA DANG, GNYIS MED KYI RGYUD NI PHYOGS DE GNYIS KA TSOGS PA STON PA LA BSHAD PA DANG JI LTAR MI 'GAL BA SMRA DGOS SO, ,BOD KYI BLA MA LA LA NI LUGS SNGA MAS 'DI SKAD BDAG THOS KYIS THOG DRANGS PA THABS RGYUD DANG, GSANG BA MCHOG GIS DGYES PA NA, ZHES SOGS KYIS THOG DRANGS PA MA'I RGYUD DU NAG PO SPYOD PAS BSHAD PAS, KYEE RDO RJE'I RGYUD NI RTZA RGYUD LAS SNGA MA DANG, BSHAD RGYUD GUR LAS PHYI MA GSUNGS SHING SAMBU tA LAS DE GNYIS KA GSUNGS PAS GNYIS MED KYI RGYUD DO ZHES BRJOD BYED SGRA'I KHYAD PAR GYIS, RGYUD GSUM GYI KHYAD PAR BZHAG PA LA BDE MCHOG GI RGYUD LA RTZA RGYUD DU PHYI MA DANG, BSHAD RGYUD MNGON BRJOD BLA MA SOGS LAS 'DI SKAD BDAG THOS SMOS SHING, MNGON BRJOD LAS DE GNYIS KA GSUNGS PA LA BSAMS NAS DE LTA NA BDE MCHOG GI RGYUD KYANG GNYIS MED KYI RGYUD DU 'GYUR LA, DE 'DOD NA MA'I RGYUD GANG YIN ZHES SOGS KYI SKYON BRJOD BYAS NAS, RANG GI LUGS NI RGYA CHE BA'I THABS DANG ZAB PA'I SHES RAB SOGS RE RE NAS GNYIS KA STON KYANG GTZO BO CHE CHUNG GIS YIN

PAR SMRA STE, 'DIS KYANG RGYUD GNYIS DANG GNYIS MED KYI RGYUD 'GAL BAR BSAMS SHING, GNYIS MED KYI THABS SHES DANG RGYUD GNYIS KYI THABS SHES RNAMS JI LTAR YIN DPYAD PA MI SNANG NGO, ,BOD KYI MKHAS PA GZHAN DAG NI, BLA MED KYI RGYUD LA THABS SHES KYI RGYUD DANG GNYIS MED KYI RGYUD SO SO BA GSUM DU PHYE BA DRANG DON DANG, BLA MED KYI RGYUD THAMS CAD GNYIS MED KYI RGYUD DU BYED PA NGES PA'I DON DU SMRA ZHING, THABS SHES SO SO BA'I RGYUD DU 'JOG PA'I 'JOG BYED GNYIS KA 'AM, GNYIS KA MIN PA ZHIG STON PAS NI GNYIS MED KYI RGYUD DU 'JOG PAR 'DOD DO, ,DE'I LTAR NA YANG BLA MED KYI THABS SHES KYI RGYUD GNYIS KA GNYIS MED KYI RGYUD YIN PA NGES DON DU 'DOD BZHIN DU, RGYUD GSUM PO'I 'JOG BYED MI MTHUN PA GSUM DU BYED PA DANG, GNYIS MED KYI RGYUD KYI MTSAN GZHI RANG GANG LA ZHEN PA CHE BA'I RGYUD BYE BRAG PA GCIG LA BYED PA 'GAL BAR 'GYUR TE, RANG LUGS LA PHA RGYUD DANG MA RGYUD GNYIS KHAS MI LEN NA NI RANG GIS KHAS BLANGS PA DANG LUNG DANG 'GAL BA SOGS KYIS GNOD LA, KHAS LEN NA NI DE GNYIS GNYIS MED RGYUD MIN NA, DE GNYIS GNYIS MED RGYUD YIN PA NGES DON DU BYED PA DANG 'GAL ZHING, YIN NA NI, RGYUD GSUM GYI 'JOG BYED MI MTHUN PA GSUM DU BYED PA DANG 'GAL BAR 'GYUR RO, ,PHAL MO CHES NI PHA RGYUD DANG MA RGYUD GNYIS LAS GNYIS SU MED PA'I RGYUD MCHOG TU GYUR PA'O SNYAM DU BSAMS NAS, RANG RGYUD GANG LA ZHEN CHE BA DE GNYIS MED KYI RGYUD DU NAN GYIS SGRUB CING, DE LAS LOGS SU RGYUD GNYIS RNAM PAR 'JOG

, ,PAR BYED DO, ,GNYIS PA LA GNYIS, THABS SHES GNYIS SU MED PA'I RGYUD KYI 'JOG TSUL DANG, THABS SHES SO SO BA'I RGYUD KYI DON BSTAN PA'O, ,DANG PO LA GNYIS, DNGOS KYI DON DANG, DOGS PA BSAL BA'O, ,DANG PO NI, THABS SHES GNYIS SU MED PA'I RGYUD CES PA'I THABS SHES DANG, THABS SHES SO SO BA'I RGYUD CES PA'I THABS SHES GNYIS, THABS SHES ZHES PA'I MING GCIG TU BYUNG BAS DON YANG GCIG TU 'KHRUL PA LA BRTEN NAS, THABS SHES GCIG GI DBANG DU BYAS PA'I THABS SHES GNYIS MNYAM PAR SBYOR BA'I RGYUD DANG, THABS SHES PHYOGS RE BA'I RGYUD GNYIS 'GAL BAR 'DUG SNYAM DU BZUNG NAS, BLA MED KYI RGYUD LA RGYUD SO SO BA GSUM DU 'BYED PAR SNANG BAS DE GNYIS RNAM PAR DBYE BAR BYA'O, ,DE LA RNAL 'BYOR MA BLA NA MED PA DANG RNAL 'BYOR PHA BLA NA MED PA GNYIS KA'I RNAL 'BYOR GYI DON NI, THABS SHES PHYOGS RE BA MIN PAR THABS SHES MNYAM PAR SBYOR BAR GSUNGS PA'I THABS NI, LHAN CIG SKYES PA'I BDE BA CHEN PO YIN LA, SHES RAB NI BDAG MED PA STONG PA NYID KYI DE KHO NA NYID RTOGS PA'I BLO YIN PAR MANG DU GSUNGS SHING GRAGS KYANG CHE BA LTAR YIN NO, ,DE 'DRA BA'I BDE STONG GI THABS SHES GNYIS KYI NGO BO DBYER MED PAR SBYOR BA'I DBANG DU BYAS NA NI, BLA MED KYI RGYUD SDE THAMS CAD DE 'DRA ZHIG BRJOD BYA'I DON MCHOG TU BYED PA LA 'DRA BA YIN PAS, BLA MED KYI RGYUD THAMS CAD RANG GI NGO BO'I GNAS TSUL NI GNYIS SU MED PA'I RGYUD NYID DU GNAS SO, ,DE'I PHYIR THABS SHES DE GNYIS KYI

DBANG DU BYAS NAS THABS SHES PHYOGS RE BA'I RGYUD DU 'JOG PA MIN PAS, GNYIS MED KYI RGYUD NI PHA RGYUD DANG MA RGYUD GNYIS KYI DBYE GZHIR BYA'I PHYE BA'I YA GYAL DU MI GZUNG NGO, ,DE LTAR YANG DRI MED 'OD LAS, RANG GI NGO BOS NI THAMS CAD SHES RAB DANG THABS KYI BDAG NYID CAN RNAL 'BYOR GYI RGYUD NYID DE, DE BZHIN DU DGYES PA'I RDO RJE LAS GSUNGS PA, HE YIG GIS NI SNYING RJE CHE, ,BADZRA SHES RAB CES BRJOD DE, ,SHES RAB THABS KYI BDAG NYID RGYUD, ,DE NI BDAG GIS BSHAD KYIS NYON, ,ZHES GSUNGS PA'I PHYIR DGYES PA'I RDO RJE NI SHES RAB KYI RGYUD DU MI 'GYUR TE, SHES RAB KYI RGYUD NYON ZHES GSUNGS PA MED PA'I PHYIR RO, ,DE BZHIN DU 'DUS PA LAS, THABS DANG SHES RAB SNYOMS 'JUG PA, ,RNAL 'BYOR ZHES PAR MNGON PAR BRJOD, , 'DUS PA SBYOR BAR RAB GSUNGS TE, ,SANGS RGYAS THAMS CAD MNGON RJOD BYED, CES GSUNGS PA'I PHYIR 'DI NI THABS KYI RGYUD DU MI 'GYUR RO, ,DE BZHIN DU DANG PO'I SANGS RGYAS LAS GSUNGS PA, THABS KYI LUS KYIS RNAL 'BYOR MIN, ,SHES RAB GCIG PUS 'GYUR MA YIN, ,THABS DANG SHES RAB SNYOMS 'JUG PA, ,DE BZHIN GSHEGS PAS RNAL 'BYOR GSUNGS, ,ZHES SO, ,ZHES GSUNGS SHING RDO RJE SNYING PO'I 'GREL PA LAS KYANG DE BZHIN DU BSHAD DO, ,'DUS PA THABS RGYUD DANG KYEE RDOR SHES RAB RGYUD DU MI 'GYUR RO ZHES PA NI, DE GNYIS BDE STONG GI THABS SHES LA LTOS NA RE RE BA'I RGYUD YIN PA 'GOG GI ,DE GNYIS RANG LUGS LA PHA RGYUD DANG MA RGYUD DU MI 'DOD PA MIN NO, ,PHA MA'I RGYUD LA DE GNYIS GRAGS CHE BAS SMOS

, ,KYI, DE GNYIS LAS GZHAN PA'I THABS SHES KYI RGYUD MI 'DOD PA YANG MIN NO, ,GNYIS PA NI, KYEE RDOR SOGS RNAL 'BYOR MA'I RGYUD RNAMS LAS BDE BA MANG DU BSTAN PA LTAR, 'DUS PA'I SKOR LAS TSIG ZIN LA BDE BA MI MANG ZHING STONG PA BZHI'I SGO NAS BSHAD PA MANG BA LA BRTEN NAS, BDE BA CHEN PO MA RGYUD KYI THUN MONG MA YIN PA'O SNYAM PA DANG, PHA RGYUD LA BDE BA CHEN PO LAM GYI DNGOS GZHIR MI BYED DO SNYAM DU MI GZUNG STE, GRUB CHEN NAG PO SPYOD PAS, RNAL 'BYOR GYI NI RGYUD DAG TU, ,'DI SKAD CES SOGS PAS GSUNGS GANG, ,DE NI RNAL 'BYOR MA RGYUD DU, ,ME STE GZHAN DAG SOG MA 'DRA, ,RANG BZHIN DBYE BA YOD MIN ZHES, ,THUGS RDO RJE YIS DE SKAD GSUNGS, ,ZHES THABS RGYUD DU GSUNGS PA'I 'DI SKAD BDAG THOS SOGS KYI GLENG GZHI'I DON GYI DNGOS GZHI BDE STONG DBYER MED DU SBYOR BA LA BSHAD PA DE NYID, RNAL 'BYOR MA'I RGYUD KYI DON YANG YIN PAS RGYUD DE GNYIS KYI BDE STONG SBYOR BA'I RANG BZHIN LA DBYE BA MED PAR RGYAL BAS GSUNGS SO ZHES BSHAD LA, KHYAD PAR DU 'DUS PA'I 'DI SKAD BDAG THOS SOGS KYI GLENG GZHI'I DON GTAN LA 'BEBS PA GSANG BA GRUB PA LAS KYANG, SGRUB PO DE NYID LA GTAD PAS, ,BRTUL ZHUGS MED KYANG 'GRUB PAR 'GYUR, ,BRTUL ZHUGS BRGYA PHRAG LA SPYAD KYANG, ,DE NYID DMAN NA 'GRUB MI 'GYUR, ,ZHES DANG, DE NYID DE YANG RGYUD GNAS PAR, ,DPAL LDAN GSANG BA 'DUS PAR GSAL, ,ZHES DANG, RGYUD MDZAD PA NI THUGS RDO RJE, ,GSUNG BA PO'ANG BRJOD PA'ANG DE, ,DE LAS GZHAN DAG YOD MIN PAS, ,BDE CHEN

LAS GZHAN GSUNG BA MED, ,'DI SKAD THOS PA'I TSIG GANG DANG, ,BZHUGS ZHES BYA BA'I TSIG GNAS PA, ,THUGS KYI RDO RJE BDAG NYID KYIS, ,SANGS RGYAS KUN LA BSTAN PA YIN, DPAL LDAN BDE CHEN MGON PO YIS, ,BZHUGS ZHES BYA BA'I TSIG BZANG POR, ,JI LTAR BZANG PO GANG BSTAN PA, ,DE BZHIN BDAG GIS CUNG ZHIG BRJOD, ,DUS GCIG MCHOG TU MDOR BSTAN PA, ,GANG TSE GTZO BOS GSUNGS PA NI, ,SANGS RGYAS RNAMS KYI RGYUD DON BDEN, ,BDE BA CHEN PO'I BDAG NYID YIN, ,ZHES DE NYID YOD NA YOD LA MED NA MED CES BSNGAGS PA'I DE NYID NI BDE CHEN DANG STONG PA DBYER MED DU SBYOR BA LA LAN CIG MA YIN PAR BSHAD DO, ,'DI NI SLOB DPON BDE BA CHEN PO ZHES PA MTSAN GZHAN PAD MA RDO RJE ZHES PAS MDZAD LA, DE NYID SPYOD BSDUS SU YANG LAN MANG POR KHUNGS SU 'DREN PAR MDZAD PAS, 'PHAGS SKOR DANG SHIN TU MTHUN LA BDE STONG SBYOR BA LAM GYI DNGOS GZHI YIN PA 'DUS PA'I DON YIN PAR YANG DANG YANG DU 'CHAD PAS, 'PHAGS LUGS 'DZIN PA RNAMS KYIS NGES PAR SHES DGOS PAR YOD DO, ,DE LTAR BLA MED KYI RGYUD THAMS CAD BDE STONG GI THABS SHES GNYIS NGO BO DBYER MED DU SBYOR BA ZHIG LAM GYI DNGOS GZHIR BYED PA LA KHYAD PAR MED PAR BSTAN PA 'DIS NI, RGYUD GNYIS PO GANG GI LAM DU 'JUG KYANG BDE STONG GI THABS SHES GNYIS NGO BO DBYER MED DU RGYUD LA SKYED PA ZHIG MED MI RUNG DU SHES DGOS LA, BDE BA DANG STONG PA YANG 'OL SPYI TZAM RE LA GO BA MIN PAR THUN MONG MA YIN PA'I BDE STONG GI GNAD PHRA MO RNAMS RNYED DGOS PAR SHES PAR GYIS SHIG ,GNYIS PA LA

, ,GNYIS, DRI MED 'OD LA SOGS PA LAS GSUNGS PA DANG, RDO RJE GUR LA SOGS PA LAS GSUNGS PA'O, ,DANG PO NI, THABS SHES GNYIS SU MED PA'I RGYUD KYI THABS SHES SNGAR BSHAD PA LTAR YIN NA, THABS SHES SO SO BA'I RGYUD DU GSUNGS PA'I THABS SHES GANG YIN ZHE NA, DE'I 'JOG TSUL RE ZHIG DRI MED 'OD LAS GSUNGS PA NI, RGYUD GANG LA 'JIG RTEN GYI KUN RDZOB TU ME LONG LTA BU'I YE SHES LA SOGS PA'I DBYE BAS PHUNG PO DANG KHAMS RNAM PAR DAG PA LAS, THABS DANG SHES RAB KYI PHYOGS SU DBANG PO RTUL PO'I SEMS CAN GYI BSAM PA'I DBANG GIS DE BZHIN GSHEGS PAS GSUNGS SO, ,ZHES PHUNG PO DAG PA LAS THABS SU BZHAG PA'I LHA PHO DANG, KHAMS DAG PA LAS SHES RAB TU BZHAG PA'I LHA MO'I SGO NAS THABS SHES SO SO BA'I RGYUD DU BZHAG LA, DE 'DRA BA'I THABS SHES NI SNGAR GYI DON DAM PA'I THABS SHES LA LTOS NA KUN RDZOB PA DANG, DBANG PO RTUL PO'I BSAM PA'I DBANG GIS BZHAG PA YIN PAR GSUNGS SO, ,LHA PHO MO'I SGO NAS THABS SHES KYI RGYUD DU 'JOG TSUL YANG, DE NYID LAS, KUN RDZOB KYIS GANG DU RNAL 'BYOR MA RNAMS YANG DAG PAR RGYU ZHING GTZO BO MI GA-YO BA DE NI RNAL 'BYOR MA'I RGYUD DO, ,GANG DU THABS YANG DAG PAR RGYU ZHING, SHES RAB MI GA-YO BA DE NI THABS KYI RGYUD DO, , ZHES LHA DAM TSIG PA LA YE SHES PA DGUG PA LA SOGS PA'I BYA BA BYED PA LA LHA MO RNAMS RGYU ZHING, LHA PHO RNAMS MI RGYU BA SHES RAB DANG, DE LAS BZLOG STE BYED PA THABS KYI RGYUD DU GSUNGS TE, RDO RJE SNYING PO'I 'GREL PAR YANG DE BZHIN DU BSHAD DO, ,

DE LTAR NA DUS 'KHOR THABS KYI RGYUD DU 'DOD DGOS LA DE 'DOD NA DRI MED 'OD LAS, LO GSUM GYI DBYE BAS RNAL 'BYOR MA'I RGYUD KYI NGES PA'O, ,ZHES DUS SU 'CHI BA'I LO BRGYA'I DBU MA'I RLUNG RGYU BA PHYOGS GCIG TU BSAGS PA'I LO GSUM GYI DBU MA'I ZHAG GRANGS KYI STENG NAS, RNAL 'BYOR MA'I RGYUD KYI LHA GRANGS BSTAN PA'I SKABS SU RNAL 'BYOR MA'I RGYUD DU BSHAD PA DANG 'GAL LO ZHE NA, RGYUD GNYIS SU 'JOG TSUL LHA PHO MO'I SGO NAS BZHAG PA DE YANG SHAS CHE CHUNG LA DGONGS KYI NGES PA NI MIN TE, GSANG 'DUS 'PHAGS LUGS LTA BU THABS RGYUD LA, YE SHES PA DGUGS GZHUG SOGS LHA PHOS MI BYED PA YANG YOD LA, DE BZHIN DU LHA MOS DGUG GZHUG SOGS MI BYED PA'I MA RGYUD KYI GZHUNG TSAD LDAN YANG YOD PA DANG, RGYUD GNYIS KA'I THUN MONG GI RNAM GZHAG STON PA'I RGYUD 'GA' ZHIG LA DE GNYIS KA STON PA YANG MI 'GAL BA'I PHYIR RO, ,DES NA RDO RJE PHRENG BA RGYUD GNYIS KA'I THUN MONG GI BSHAD RGYUD YIN KYANG, RANG GI NGO BO THABS RGYUD DU GSUNGS PA LTAR, DUS 'KHOR LAS KYANG TSUL GNYIS KA BSHAD KYANG RANG GI NGO BO RNAL 'BYOR MA'I RGYUD DU SEMS SO, ,'DI 'DRA'I RIGS LA KHA CIG NA RE, RGYU MTSAN DE NYID KYIS GNYIS MED KYI RGYUD DU 'JOG GO ZHES ZER BA NI, GNYIS MED KYI RGYUD DU 'JOG 'DOD KYANG DRI MED 'OD KYI DGONGS PA LTAR 'JOG MA SHES PA YIN TE, 'DI LTAR DRI MED 'OD LAS NI, GNYIS SU MED PA'I RGYUD DU SNGAR BSHAD PA LTAR GYI DON DAM PA'I THABS SHES KYI SGO NAS 'JOG LA, THABS SHES GA-YO MI GA-YO'I THABS SHES NI KUN RDZOB PA DBANG RTUL GYI BSAM

, ,PA'I DBANG GIS BZHAG PAR BSHAD PA'I PHYIR RO, ,'DIS NI BSGOMS PA'I LHA PHO MO'I SGO NAS PHA MA'I RGYUD DU BZHAG PA'I THABS SHES GNYIS DBANG PO RTUL PO'I BSAM PA'I DBANG GIS BZHAG PAR STON GYI PHA RGYUD DANG MA RGYUD DU 'JOG PA'I THABS SHES THAMS CAD DE LTAR STON PA MIN NO, ,DRI MED 'OD LAS, THABS RGYUD LA NYIN MTSAN MNYAM PA DAG PAS LHA YAB YUM ZHAL PHYAG MNYAM PA DANG, SHES RAB KYI RGYUD LA SNGA PHYI'I THUN MTSAMS DAG PAS LHA YAB YUM ZHAL PHYAG MI MNYAM PAR GSUNGS PA RGYUD GNYIS KYI 'JOG BYED DU BYAS NAS, DE'I SHUGS KYIS GTZO BO YAB YUM ZHAL PHYAG MI MNYAM LA 'KHOR MNYAM PA GNYIS MED KYI RGYUD DU 'THOB CES GSUNG PA YANG LEGS PAR MA MTHONG STE, DE NI RGYUD GNYIS LAS ZHAL PHYAG MNYAM MI MNYAM GSUNGS PA'I RGYU MTSAN BSTAN PA TZAM YIN GYI, THABS SHES KYI RGYUD KYI DON DU 'JOG PA MIN PA'I PHYIR TE, DE DAG LA PHO MO'AM THABS SHES KYI DON GYI LDOG PA CI YANG MI SNANG BA'I PHYIR RO, ,GZHAN YANG GNYIS MED KYI RGYUD DU SGRUB PA NI RGYUD GZHAN LAS MCHOG TU SGRUB 'DOD PAR SNANG LA, RGYU MTSAN DES GNYIS MED KYI RGYUD DU GRUB KYANG KHYAD PAR DU 'PHAGS CHOS MIN TE, GTZO BO YAB YUM ZHAL PHYAG GRANGS MI MNYAM PA DANG, 'KHOR GYI LHA MNYAM PA GNYIS KA BYUNG YANG DE'I CHA NAS ZAB GNAS MI SNANG BA'I PHYIR RO, ,RIGS PA 'DI DE 'DRA BA'I SGRUB BYED LTAR SNANG GZHAN SMRA BA LA YANG SHES PAR BYA'O, ,GNYIS PA LA GNYIS, GZHAN GYIS BRTAGS PA'I MTHA' DGAG PA DANG, LEGS PAR GNAS

PA'I PHYOGS BZHAG PA'O, ,DANG PO LA GNYIS, GZHAN GYI LUGS DANG, DE DGAG PA'O, ,DANG PO NI, BOD KHA CIG ,GUR GYI LE'U BZHI PA LAS, 'DI NI SANGS RGYAS THAMS CAD KYI, ,MKHA' 'GRO MA YI DAM PA'I TSOGS, ,MKHA' 'GRO LNGA PO RAB BSGRUB PHYIR, ,MKHA' 'GRO MA YI RGYUD BSHAD DO, ,ZHES DANG, SROG CHAGS GSOD LA 'BAD LDAN DANG, ,LTA BA LAS NI LOG RNAMS DANG, ,BTZUN MO RNAMS NI BSDU BA'I PHYIR, ,BDE BA'I THABS NI RGYAS MIN ZHING, ,GZHUNG NYUNG BA LA DON RGYAS PA, ,BLO DMAN RAB TU RTOGS BYED PA'I, ,SNGAGS RNAMS KYI NI KHYAD PAR PHYIR, ,RGYUD KUN GYI NI SNYING PO YI, ,MKHA' 'GRO MA YI RGYUD BSHAD DO, ,ZHES GSUNGS PA'I DANG PO BZHIS DE BZHIN GSHEGS PA MKHA' 'GRO MA'I SKUR STON ZHING, MOS GTZO BO BYAS PA'AM 'KHOR MO TSOGS SHAS CHE BAS BSKOR BA NI MA RGYUD DANG, DE BZHIN GSHEGS PA RIGS LNGA'I SKUR STON ZHING, 'KHOR PHO'I TSOGS SHAS CHE BAS BSKOR BA NI PHA RGYUD DU BSTAN PAR 'DOD DE, LUNG DES DON SNGA MA DNGOS SU BSTAN PA'I SHUGS KYIS PHYI MA BSTAN PAR BSAMS SO, ,DE BZHIN DU LUNG PHYI MA RNAMS KYIS PHYI ROL PA'I GANG ZAG SROG GCOD PA LA DGA' ZHING, LTA BA DANG LAM PHYIN CI LOG TU GYUR PA RNAMS 'DUL BA'I PHYIR MA RGYUD BSTAN PA'I GNAD KYIS, RANG SDE LTA BA PHYIN CI MA LOG PA DANG LDAN PAS BYANG CHUB SGRUB PAR 'DOD PA 'DUL BA'I PHYIR PHA RGYUD GSUNGS PAR 'DOD LA, DE GNYIS KYANG RGYUD GNYIS SU 'JOG PA'I KHYAD PAR DU 'DOD DO, ,YANG GUR GYI LE'U BCU GSUM PA LAS, SKYES BU 'DUL BAR MDZAD DON DU, ,RNAL

, ,'BYOR RGYUD RNAMS RAB BSHAD LA, ,BTZUN MO RNAMS NI BSDU BA'I PHYIR, ,RNAL 'BYOR MA YI RGYUD RAB BSHAD, ,CES GSUNGS PAS, DGOS PA DE GNYIS KYI PHYIR RGYUD GNYIS BSTAN PA GNYIS RGYUD GNYIS KYI 'JOG BYED DU 'DOD DO, , GSANG BA'I DE KHO NA NYID GSAL BA LAS, BSKYED DANG RDZOGS 'BYUNG RIM PA YIS, ,RNAL 'BYOR BSKYED PAR BSTAN PA DANG, ,RDZOGS PA RNAL 'BYOR MA RU 'DOD, ,CES PAS BSKYED RIM GYI DE NYID STON PA PHA RGYUD DANG, RDZOGS RIM GYI DE NYID STON PA MA RGYUD DU BSTAN PAR 'DOD DO, ,GNYIS PA NI, LUNG DANG PO'I DON NI SANGS RGYAS RIGS LNGA PO THAMS CAD KYI 'KHOR MKHA' 'GRO MA'I TSOGS KYIS BSKOR BA'I MKHA' 'GRO SDE LNGA'I DKYIL 'KHOR RAB TU BSGRUB PA'I PHYIR, ,MKHA' 'GRO MA RDO RJE GUR GYI RGYUD BSHAD CES PA'I DON YIN PAR DE'I SNGON DU GSUNGS PA LAS SHIN TU GSAL BAS, MA RGYUD KYI RGYUD DON NGOS 'DZIN PA'ANG MIN LA, MKHA' 'GRO SDE LNGA YANG DE'I GONG DU, DKYIL 'KHOR RNAM PA LNGA GSUNGS TE, ,RDO RJE CAN DANG RTAG PA DANG, ,DE BZHIN RDO RJE GZI BRJID DANG, ,PADMA GAR DBANG PHYUG GI DANG, ,RTA YI RGYAL PO LNGA PA'O, ,ZHES GSUNGS PA'I DE BZHIN GSHEGS PA RIGS LNGA PO NYID YIN PAS, DKYIL 'KHOR GYI GTZO BO LHA MOR STON PA YANG MIN PAS LUNG DANG PO'I BSHAD PA MI 'THAD DO, ,LUNG GNYIS PA'I DON BSHAD PA YANG DE'I DON MIN TE, DE'I GONG NYID DU, MI BSKYOD PA LA SOGS PA'I DE BZHIN GSHEGS PA RNAMS KYIS, RDO RJE GUR 'DIR RNAL 'BYOR MA DANG MKHA' 'GRO MA RNAMS JI LTAR

BSDU BAR BYA BA YIN, ZHES BYANG SEMS RNAMS LA DRIS PA'I LAN DU, BYAMS PA LA SOGS PA'I SEMS DPA' RNAMS KYIS, THOG MAR RDO RJE 'DZIN PA YIS, ,SGONG SKYES LA SOGS MA LUS PA, ,BDAG GIS BSGRAL BAR BYA'O ZHES, ,BYANG CHUB TU SMON MNGON BRJOD NA, ,CI PHYIR BTZUN MO RNAMS BOR BYA, ,SROG CHAGS GSOD LA 'BAD LDAN DANG, ,ZHES PA NAS RGYUD BSHAD DO, ,ZHES PA'I BAR SNGAR BZHIN GSUNGS PAS, BTZUN MO RNAMS SDUD PA'I PHYIR DU MKHA' 'GRO MA'I RGYUD KYI SNYING PO GSUNGS PA'I RGYUD NI, DRI BA'I SKABS SU RDO RJE GUR LA DRIS PAS GUR YIN LA, DE LA RGYUD KUN GYI SNYING PO ZHES ZER BA NI, DE'I GONG DU, 'BUM LNGA DGYES PA'I RDO RJE LAS, SNYING PO 'DI NI YONGS BSDUS PA'O, ,ZHES GSUNGS PA LTAR YIN PAS, MA RGYUD SPYI'I 'JOG BYED MIN TE, GZHUNG NYUNG BA LA ZHES GSUNGS PAS KYANG SHES SO, ,'O NA RDO RJE GUR DU, BUD MED JI LTAR BSDU ZHES 'DRI BA'I DRIS LAN GYI DON GANG YIN SNYAM NA, GSUNG RAB GZHAN DU BUD MED KYI RTEN GYIS DNGOS SU 'TSANG RGYA BA MED PAR BSTAN LA, BLA MED KYI RGYUD RNAMS SU RTEN DES BSGRUBS NA MCHOG 'GRUB PA YOD PAR GSUNGS PA LA BRTEN NAS DRIS PA YIN LA, LAN GYIS NI DANG POR THUGS BSKYED PA'I DUS SU SEMS CAN THAMS CAD SANGS RGYAS KYI SA LA DGOD PAR DAM BCAS PAS NA, BUD MED RNAMS YAL BAR DOR DU MI RUNG LA, KHYAD PAR DU RTEN DE DANG SROG GCOD PAS MTSON PA'I SDIG CHE BA DANG, RE ZHIG LTA BA LOG PAS KYANG LAM 'DI LA BRTEN NAS MCHOG SGRUB

, ,TU YOD PAS, DE RNAMS BSDU BA'I DON DU RDO RJE GUR GSUNGS PAR STON PA YIN PAS, MA RGYUD DU 'JOG PA'I 'JOG BYED STON PA GA LA YIN, SKYES PA 'DUL BA DANG BUD MED BSDU BA'I PHYIR RGYUD GNYIS BSHAD CES PA LA, SPYIR RGYUD 'DIR MA RGYUD LA YANG RNAL 'BYOR RGYUD CES PA DANG, BUD MED BSDU BA'I PHYIR DU RDO RJE GUR GSUNGS PA LA BSAMS NAS RNAL 'BYOR MA'I RGYUD BSHAD CES GSUNGS PA YOD DE, DGYES PA'I RDO RJE RNAL 'BYOR RGYUD, , DANG POR RGYAL BA RNAMS KYIS BSHAD, ,PHYI NAS RNAL 'BYOR MA YI RGYUD, ,DE NYID MO GZUGS BSDU PHYIR RO, ,ZHES SNGAR DRANGS PA LTAR DANG POR RGYUD RGYAS PA 'BUM LNGA GSUNGS PA'I PHYI NAS DE LAS BSDUS NAS, RNAL 'BYOR MA'I RGYUD GUR GSUNGS PA DE BUD MED BSDU BA'I PHYIR DU YIN ZHES GSUNGS SO, ,DE LA GUR BRTAG GNYIS KAR KYEE RDOR MA RGYUD DU BSHAD PAS DE LA RNAL 'BYOR RGYUD CES GSUNGS PA NI, RNAL 'BYOR PHA DANG RNAL 'BYOR MA GNYIS KA'I DBYE GZHI RNAL 'BYOR RGYUD YIN PA LA DGONGS KYI, RNAL 'BYOR MA'I RGYUD KYI ZLAS DRANGS PA'I RNAL 'BYOR RGYUD MIN NO, ,GUR BUD MED BSDU BA'I PHYIR DU GSUNGS TSUL NI BSHAD ZIN LA, LUNG PHYI MA 'DI YANG DE LTAR BSHAD PAR BYA BA'AM, YANG NA PHA RGYUD MA RGYUD GNYIS KA'I DBANG DU BYAS NAS 'CHAD NA, BLA MED KYI SGO NAS MCHOG SGRUB PA'I RTEN GYI GTZO BO RIN PO CHE LTA BU'I GANG ZAG LA PHO MO GNYIS YOD KYANG, RGYUD DANG BSTAN BCOS RNAMS LAS PHAL CHER

SGRUB PA PO SKYES PA DANG, DE'I PHYAG RGYA LA BUD MED RIGS BZHI BSHAD PA MANG NGO, ,DE'I TSE SKYES PA MA ZAD RIG MA YANG LAM SGRUB PA POR SHES PAR BYA STE, SHES RAB KYI RKYEN GYIS THABS GROL BA LTAR THABS KYI RKYEN GYIS SHES RAB MA GROL BAR YANG LAN MANG DU GSUNGS PA'I PHYIR RO, ,TSUL DE YANG RGYUD GNYIS KA LA YOD MOD KYANG, RIG MA'I MTSAN NYID DANG DBYE BA DANG BRTAG THABS DANG BSTEN TSUL DANG DE BRTEN PA LAS YE SHES SKYE TSUL RNAL 'BYOR MA'I RGYUD LAS 'CHAD PA LTAR PHA RGYUD RNAMS NAS MI RGYAS PAS, DE'I SGO NAS DE GNYIS 'DUL BA'I DON DU RGYUD GNYIS BSHAD PAR GSUNGS SO, ,DE YANG RGYUD GNYIS KYI DGOS PA BSHAD PA TZAM YIN GYI PHA RGYUD DANG MA RGYUD DU 'JOG PA'I 'JOG BYED MIN TE, DPER NA GSANG 'DUS NI GTZO BOR RIN PO CHE LTA BU'I GANG ZAG GI DON DU GSUNGS PA YIN KYANG, DE PHA RGYUD KYI 'JOG BYED MIN PA BZHIN NO, ,DE LTA MA YIN NA BLO DMAN GYIS RAB TU RTOGS PA'I PHYIR DU MKHA' 'GRO MA'I RGYUD BSHAD PAR YANG DE LAS GSUNGS PAS DE YANG MA RGYUD KYI 'JOG BYED DU 'GYUR RO, ,GSANG BA'I DE KHO NA NYID GSAL BA'I LUNG GI DON BSHAD PA YANG DE'I DON MIN TE, DE NYID LAS, GNYIS GNYIS SPROD DANG RNAM PA BZHI, ,'DUS PA'ANG RNAM PA GNYIS GSUNGS TE, ,BSKYED DANG RDZOGS 'BYUNG RIM PA YIS, ,RNAL 'BYOR BSKYED PAR BSTAN PA STE, ,RDZOGS PA RNAL 'BYOR MA RU BRJOD, ,DBANG PO GNYIS KA'I SNYOMS 'JUG PA, ,'DUS PA ZHES BYAR RNAM PAR BRJOD, ,CES

, ,BLTAS PA DANG RGOD PA DANG LAG BCANGS DANG, GNYIS SPROD KYI RGYUD BZHI YI BZHI PA DBANG PO GNYIS 'DUS BA'I RGYUD LA, RNAL 'BYOR DANG RNAL 'BYOR MA'I RGYUD GNYIS GSUNGS PA'I DANG PO NI BSKYED PA 'BYUNG BA'I RIM PA STON PA DANG, GNYIS PA NI RDZOGS PA 'BYUNG BA'I RIM PA STON PA YIN ZHES BSHAD KYI, BSKYED RIM DANG RDZOGS RIM STON PA LA MA BSHAD PA'I PHYIR DANG, LUNG DE'I GONG NYID DU, DPAL LDAN 'DUS RJES LAM GYIS NI, ,RIM PA GNYIS KA'I NGO BO LA, ,DPAL LDAN 'DUS PA LHAG YID 'ONG, ,RGYUD RNAMS KUN SON GTZO BO YIN, ,ZHES GSUNGS PAS RNAL 'BYOR GYI RGYUD 'DUS PA SOGS LAS RDZOGS RIM GYI DE NYID GTZO BOR MI STON PAR BSKYED RIM GYI DE NYID GTZO BOR STON PA 'GAL BA'I PHYIR RO, ,NAG PO SPYOD PAS, 'DI SKAD BDAG THOS SOGS GLENG GZHIR BYAS PA PHA RGYUD DANG GSANG BA MCHOG GIS DGYES PA SOGS GLENG GZHIR BYAS PA MA RGYUD KYI DON DU BZHED ZER BA NI DE'I BZHED PA MIN TE, DES NI RNAL 'BYOR RGYUD DU 'DI SKAD BDAG THOS SOGS GSUNGS PA DANG, MA RGYUD KHA CIG LA DE'I DOD LA GSANG BA MCHOG GIS DGYES PA SOGS 'BYUNG BA GNYIS BDE STONG SBYOR BA DNGOS GZHIR BYED PA LA KHYAD PAR MED PA GSUNGS KYI, DE GNYIS RGYUD GNYIS KYI 'JOG BYED DU MA GSUNGS PA'I PHYIR TE, DE'I LUNG NI SNGAR DRANGS ZIN NO, ,DE DAG LAS GZHAN RGYA GAR BA KHA CIG DANG BOD RNAMS KYIS RGYUD GNYIS SU 'JOG TSUL BYAS PA MANG PO ZHIG SNANG NA 'ANG, PHAL CHE BA

LA THABS DANG SHES RAB KYI RGYUD DU 'JOG PA'I PHO MO 'AM, THABS SHES KYI DON GYI LDOG PA CI YANG MI SNANG LA, THABS DANG SHES RAB GTZO BOR STON PA ZHES ZER BA LA NI THABS SHES 'DI LA BYED DANG GTZO BOR STON MI STON GYI KHYAD PAR BSHAD PA MI SNANG ZHING, 'JOG BYED DU BSHAD PA RNAMS KYANG RGYUD GNYIS KYI MTHUN PHYOGS LA MTHONG TZAM DU 'DUG PAS MI 'THAD PA RTOGS PAR SLA BA'I PHYIR MA BRIS SO, ,GNYIS PA NI, 'O NA PHA RGYUD MA RGYUD GNYIS SU 'JOG TSUL JI LTAR BYED SNYAM NA, RGYUD 'DI GNYIS LA BSKYED RIM GYI SKOR NAS KYANG SO SOR 'JOG PA'I PHAL BA'I KHYAD PAR YANG 'DOD MOD KYANG, GTZO BOR RDZOGS RIM GYI SGO NAS KHYAD PAR BZHAG DGOS SO, ,DE YANG BDE STONG GI THABS SHES LA LTOS NAS THABS SHES RE RE BA'I RGYUD DU MI 'JOG PAR GNYIS MED KYI RGYUD DU 'JOG PA SNGAR BSHAD PA LTAR YIN LA, DE LA LTOS NAS NI SHAS CHE CHUNG GI SGO NAS KYANG BZHAG TU MI RUNG STE, KYEE RDOR SOGS MA'I RGYUD LAS BDE BA SHAS CHER BSTAN PA LTAR 'DUS PA LAS MA GSUNGS PAS, KYEE RDOR PHA RGYUD DANG 'DUS PA MA RGYUD DU GZHAG DGOS PA'I SKYON DU 'GYUR BA'I PHYIR RO, ,DE NA RDZOGS RIM GYI SGO NAS THABS SHES SO SO BA'I RGYUD DU GSUNGS PA'I THABS SHES NI, SHES RAB DON DAM BDE BA CHEN PO'I YE SHES DANG, THABS KUN RDZOB SGYU MA'I SKU'O, ,DE LA DANG PO'I SGO NAS RNAL 'BYOR MA'I RGYUD DU 'JOG PA NI GUR GYI LE'U BCU GSUM PA LAS, BCOM LDAN 'DAS JI LTAR NA RNAL 'BYOR MA'I RGYUD KYI MTSAN RAB TU 'JUG PA LAGS, RDO RJE

, ,'DZIN GYIS GSUNGS PA, SHES RAB PHA ROL PHYIN PA'I THABS, ,'DI NI RNAL 'BYOR MAR BRJOD DO, ,PHYAG RGYA CHEN PO RAB SBYOR BAS, ,GANG PHYIR DE NYID LA 'JUG PA, ,RNAL 'BYOR MA YI RGYUD CES BYA, ,ZHES MA RGYUD SPYI'I DBANG DU MDZAD NAS DER 'JOG BYED GSAL BAR GSUNGS SO, ,DE'I DON NI GANG DANG DE GNYIS 'BREL BAS GANG GI PHYIR DON DAM PA'I DE KHO NA STONG PA NYID LA PHYAG RGYA CHEN PO'I SBYOR BAS RAB TU 'JUG PA'I TSUL STON PA, DE'I PHYIR GUR LA SOGS PA LA RNAL 'BYOR MA'I RGYUD CES BYA'O, ,RGYU MTSAN DES MA RGYUD DU 'GRUB PA NI SHES RAB CES PA GNYIS KYI DON NO, ,DON DE DAG ZHIB TU BSHAD NA, KUN TA LTA BU'I BYANG CHUB KYI SEMS SPYI BO NAS NOR BU'I BAR DU BYUNG BA'I YAS BABS DANG, DE NAS SPYI GTZUG TU LOG PA'I MAS BRTAN GYI DGA' BA BZHI SKYE TSUL DANG, PHYAG RGYA CHEN PO LHAN CIG SKYES PA'I BDE BA DANG STONG PA GNYIS DBYER MI PHYED PAR SBYOR BA'I SGO NAS DON DAM PA'I DE KHO NA STONG PA NYID LA RAB TU 'JUG PA'I RTOGS PA GONG NAS GONG DU BGROD PA'I RIM PA GTZO BOR STON ZHING, BDE BA CHEN PO'I YE SHES KYI BZHON PA'I RLUNG 'OD ZER LNGA LAS KUN RDZOB SGYU MA'I SKU SGRUB TSUL GTZO BOR MI STON PA NI RNAL 'BYOR MA'I RGYUD CES BYA STE, LHAN SKYES KYI SHER PHYIN CHOS SKU SGRUB PA'I THABS 'DI NI BDE STONG DBYER MED DU SBYOR BA'I RNAL 'BYOR YANG YIN LA, GTZO BOR CHOS KYI SKU'I SGRUB BYED STONG PHYOGS SHES RAB KYI CHA YIN PAS MA ZHES KYANG BRJOD PA'I PHYIR RO, ,GNYIS PA'I SGO NAS RNAL 'BYOR PHA'I RGYUD DU 'JOG PA NI, MKHA' 'GRO RGYA MTSO LAS, RNAL 'BYOR RNAMS LA

RGYUD RGYAL DU, ,DE DANG DE YI CHOG DBYE SHES, ,'OD GSAL SGYU MA BDAG GIS NI, ,SGYU MA 'JIG RTEN LA BSHAD DO, ,ZHES GSAL BAR GSUNGS SO, ,DE'I DON NI BSHAD DO ZHES DRANG NGO, ,GANG DU NA RNAL 'BYOR GYI RGYUD KYI RGYAL PO RNAMS SU'O, ,GANG NA SGYU MA'I SKU'O, , GANG LA NA 'JIG RTEN TE DE'I GDUL BYA LA'O, ,GANG GIS NA STON PA BDAG GIS SO, ,JI LTAR NA STONG PA SNGA MA GSUM DANG BCAS PA'I 'OD GSAL TE STONG PA BZHI'I RIM PAS SGYU MA'I SKU SGRUB PA'I TSUL LO, ,GANG GIS SGRUB NA RGYUD DER GSUNGS PA'I DE DANG DE'I CHO GA'I DBYE BA STE KHYAD PAR LEGS PAR SHES PAS SO, ,DON DE DAG ZHIB TU BSHAD NA, 'OD GSAL 'CHAR BA'I GNAS SNYING KHAR RLUNG RIM GYIS SDUD PA'I RIM PA LAS LUGS 'BYUNG GI STONG PA BZHI DANG, DE NAS PHYIR LA LDANG BA'I RIM PA LAS LUGS ZLOG GI STONG PA BZHI'I SGO NAS STONG PA'I YE SHES SKYE TSUL DANG, 'OD GSAL GYI RLUNG 'OD ZER LNGA LAS KUN RDZOB SGYU MA'I SKU SPRUL TSUL GTZO BOR STON PA'I RNAL 'BYOR PHA'I RGYUD CES BYA STE, DE NI STONG PA'I YE SHES DANG RLUNG LAS BSGRUBS PA'I SKU GNYIS NGO BO DBYER MED DU SBYOR BA'I RNAL 'BYOR YANG YIN LA, GTZO BOR GZUGS KYI SKU SGRUB BYED SNANG PHYOGS THABS KYI CHA YIN PAS PHA ZHES KYANG BRJOD PA'I PHYIR RO, ,DE KHO NA NYID GSAL BA'I LUNG GI DON YANG, SGYU MA'I SKU BSKYED PA STONG PA BZHI LAS 'BYUNG BA'I RIM PA DANG, GDOD MA NAS RDZOGS PA STE GRUB PA'I DE KHO NA NYID LA 'JUG PA GONG NAS GONG DU 'BYUNG BA'I RIM PA RGYUD GNYIS KYIS GTZO BOR STON PA YIN PAS SNGA MA GNYIS DANG DON 'DRA'O, ,GTZO BOR STON MI STON NI RGYUD DES DE LA

, ,RTZAL DU BTON NAS 'CHAD MI 'CHAD YIN GYI DER BSTAN MA BSTAN TZAM MIN NO, ,KHYAD PAR DE GNYIS NI PHA RGYUD DANG MA RGYUD KYI GTZO BO RE LA TSAD LDAN GYIS BKRAL BA'I TSUL SNANG NA, THABS SHES KYI RGYUD GZHAN RNAMS DE'I SDER GTOGS KYI YAN LAG YIN PAS, TSUL DE DNGOS SU MI GSAL BA RNAMS KYANG PHYOGS GNYIS PO DER DRANGS NAS BSHAD DGOS PAS, 'JOG TSUL DES RGYUD GNYIS PO KUN LA MA KHYAB PA YANG MIN NO, ,GSUM PA LA GNYIS, THABS RGYUD LA GSUM DU DBYE BA, GSANG 'DUS BYE BRAG TU BSHAD PA'O, ,DANG PO NI, THABS KYI RGYUD LA 'DOD CHAGS DANG ZHE SDANG DANG GTI MUG GI THABS RGYUD GSUM RDO RJE SNYING PO RGYAN GYI RGYUD LAS GSUNGS PA'I DANG PO NI, DE NYID LAS, DE NAS GZHAN YANG BSHAD BYA BA, ,'DOD CHAGS THABS CHEN PO YI RGYUD, ,GANG GIS LEGS PAR SHES NA NI, ,TSE 'DIR DNGOS GRUB SBYIN PAR BSHAD, ,GSANG BA 'DUS PA STONG PHRAG GCIG ,RDO RJE PHRENG BA 'BUM PHRAG GSUM, DGONGS PA LUNG STON STONG PHRAG BZHI, ,LHA MO BZHIS ZHUS BRGYA BDUN CU, ,AU RAD TANTRA NYIS BRGYA BRGYAD, ,DE YI NYE BAR BSHAD PA'I RGYUD, ,DAM TSIG CHEN PO LNGA BCU LNGA, ,RDO RJE LNGA 'DUS STONG PHRAG GCIG ,KUN LAS BTUS PA 'BUM PHRAG GCIG ,MNYAM NYID RNAM RGYAL NYIS BRGYA BCU, ,ZLA GSANG THIG LE STONG BDUN BRGYA, , RDO RJE SA 'OG BRGYA NYI SHU, ,COD PAN RDO RJE BDUN BRGYA LNGA, ,KHRO ZLA THIG LE 'BUM PHRAG LNGA, ,RDO RJE RNAM RGYAL BRGYA DGU BRGYA, ,MNYAM NYID GSANG BA STONG PHRAG LNGA, ,RDO RJE GSANG RGYAN STONG PHRAG LNGA, ,RDO RJE GSANG MDZOD STONG PHRAG BDUN, ,NOR BU GSAD

THIG 'BUM PHRAG GCIG, SNANG MDZAD SGYU 'PHRUL STONG DANG BRGYA, ,RDO RJE GSANG RGYAN STONG PHRAG GCIG, RDO RJE THOD PA NYIS BRGYA BRGYA, ,DE NYID BRGYA STONG BRGYA STONG BDUN, ,DAM TSIG MNGON RGYAN STONG PHRAG BDUN, ,'JAM DPAL DPA' BO 'BUM PHRAG GCIG , GSANG CHEN BSDUS PA BRGYA LNGA BCU, ,RIN CHEN SDONG PO DGU BRGYA BDUN, ,DUS KYI THIG LE BRGYA BRGYAD CU, ,LHA MO BSTAN BCOS LNGA BRGYA BDUN, ,'DI RNAMS DGONGS PA'I BYE BRAG GIS, ,NGA YIS YANG DAG BSTAN PAR BYA, ,'DI NI GNYIS PO 'KHYUD PA YI, , RGYUD KYI DBYE BA BSTAN PA'O, ,ZHES DANG, DE BZHIN ZHE SDANG GTI MUG GI ,RGYUD RNAMS KUN KYANG SHES PAR BYA, ,ZHES GSUNGS SO, ,'DOD CHAGS KYI THABS RGYUD LA 'DIR MING SMOS PA NYER BDUN DANG BCAS PA'I LNGA BRGYA DANG BDUN YOD PAR GSUNGS SO, , ZHE SDANG GI THABS RGYUD NI GSHIN RJE GSHED LA SOGS PA'I RGYUD DANG, GTI MUG GI THABS RGYUD NI RDO RJE AA RA LI LA SOGS PA'I RGYUD YIN ZHES BOD KYI MKHAS PA DAG GSUNG NGO, ,RGYUD GNYIS SO SO'I SPYI'I GRANGS SDOM 'BYUNG LAS GSUNGS PA NI SNGAR DRANGS PA LAS SHES SO, ,GNYIS PA LA DRUG ,RTZA RGYUD DANG RGYUD PHYI MA'I DON BSHAD PA DANG, BSHAD RGYUD KYI GRANGS BSTAN PA DANG, BSHAD PA'I RGYUD KYIS JI LTAR BSHAD PA'I TSUL BSTAN PA, 'DUS PA'I CHE BA BRJOD PA, DE'I DGONGS PA 'GREL BA'I RIM PA, RGYUD 'GREL GYI BSHAD PA JI LTAR BYUNG BA'I TSUL LO, ,DANG PO NI, GSANG BA 'DUS PA LA RGYUD RGYAS PA NYI KHRI LNGA STONG PA GCIG DANG, BSDUS PA'I RGYUD STONG BRGYAD BRGYA PA LE'U BCO BRGYAD KYI BDAG NYID CAN GNYIS SU RDO RJE PHRENG BA'I 'GREL PAS

, ,BSHAD DE, STONG PHRAG GI GRANGS RNAMS NI SHO LO KA YIN NO, ,DES NA SNGAR GSANG BA 'DUS PA STONG PHRAG GCIG ,CES GSUNGS PA NI BSDUS RGYUD KYI RAGS PA'I GRANGS LA DGONGS SO, ,'DIR RTZA BA'I RGYUD DANG RGYUD PHYI MA DANG BSHAD PA'I RGYUD CES GRAGS PA'I DON GANG YIN SNYAM NA, RTZA BA'I RGYUD KYI DBYE BA NI RGYUD RGYAS PA DANG, NYUNG NGU'I RGYUD DAM BSDUS PA'I RGYUD CES PA GNYIS YIN TE, DANG POR RGYUD SHIN TU RGYAS PAR GSUNGS PA PHYIS KYI GDUL BYA SNGA MA LA LTOS NA, TSA DANG SHES RAB SOGS DMAN PAS BDE BLAG TU KHONG DU CHUD MI NUS PA'I DON DU SNGA MA LAS BSDUS NAS BSTAN PA'O, ,DE GNYIS NI RGYUD KYI TSIG RGYAS BSDUS KYI DBYE BA TZAM MA GTOGS PA GNYIS KA RTZA RGYUD YIN PAS SNGA MA PHYI MA'I RTZA RGYUD DU 'GRO BA MIN NO, ,RTZA RGYUD KYI RTZA BA'I DON NI YAL GA LA LTOS NAS SHING SDONG PO'I RTZA BA'I THA SNYAD BYED PA LTAR YAN LAG LA LTOS NAS BZHAG PA GCIG DANG, DANG PO'I BDAG PO LA RTZA BA'I BDAG PO ZHES BRJOD PA LTAR DUS KYI DBANG DU BYAS PA, RGYUD PHYI MA LA LTOS NAS BZHAG PA GCIG DANG, RTZA BA DANG 'GREL PA ZHES BRJOD PA LTAR BSHAD RGYUD LA LTOS NAS BZHAG PA GCIG STE GSUM SNANG NGO, ,DE LA DANG PO NI SGRON GSAL LAS, RGYUD SDE GZHAN THAMS CAD KYI RTZA BA 'DUS PAR GSUNGS PA LTA BU YIN TE, RTZA BAR 'GRO TSUL 'CHAD PAR 'GYUR RO, ,DE NI RTZA BA YANG YIN LA RGYUD KYANG YIN PAS RTZA RGYUD CES BYA'I, DON DE TSANG BA THAMS CAD LA RTZA RGYUD KYI MING DNGOS MING DU 'JUG PAR MA NGES SO, ,GNYIS PA NI, SNGAR GSUNGS

PA'I 'DUS PA LE'U BCU BDUN PO PHYIS GSUNGS PA'I RGYUD PHYI MA LE'U BCO BRGYAD PA LA LTOS NAS RTZA RGYUD DU MDZAD PA LTA BU'O, ,TSUL 'DI LA DE NYID BSDUS PA RTZA RGYUD DANG, 'DUS PA'I RTZA RGYUD DE'I RGYUD PHYI MA DANG, LE'U BCO BRGYAD PA DE'I YANG RGYUD PHYI MAR N'A RO PAS GSUNGS SO, ,PHYI MA'I SKAD DOD BLA MA'AM GONG MA STE MCHOG GI DON DANG, PHYI MA GNYIS LA BSGYUR DU RUNG BA LAS, KHA CIG GIS MCHOG TU BSGYUR YANG LO CHEN GYIS PHYI MA'I PHYI MAR BSGYUR BA LEGS TE 'GREL PAS KYANG PHYI MA'I DON DU BSHAD DO, ,'DUS PA LA LTOS NAS DE NYID BSDUS PA RTZA RGYUD YIN PA 'DI SPYOD BSDUS KYI 'ANG DGONGS PAR SNANG NGO, ,'O NA DE NYID BSDUS PA 'DUS PA LA LTOS NAS RTZA RGYUD DU 'JOG PA DE, DUS SNGA BA TZAM GYIS MI RUNG BAS DE'I RGYU MTSAN GANG YIN SNYAM NA, 'DUS PA RGYUD SDE BA ZHIR BYAS PA'I RNAL 'BYOR RGYUD MIN MOD KYANG, SPYIR DE LA RNAL 'BYOR RGYUD DU MANG DU GSUNGS PAS, DE DANG DE NYID BSDUS PA GNYIS RNAL 'BYOR RGYUD CES PA'I RNAL 'BYOR GYIS RGYUD KYI RGYUD SDE TSAN PA GCIG TU YANG BYUD BA DANG, DE'I NANG NAS KYANG DE NYID BSDUS PA'I RGYUD, THABS SHES LA YAB YUM GNYIS SU BYAS PA'I YAB KYI PHYOGS SU CHUL BRGYA LNGA BCU PA'I 'GREL PA LAS BSHAD PA LTAR THABS KYI RGYUD KYANG YIN ZHING, LE'U BCU DRUG PA'I SGRON GSAL LAS GSUNGS PA LTAR DBANG GI SKOR LA SOGS PA 'GA' ZHIG RGYUD 'DI NYID NAS DE NYID BSDUS PA LAS SHES PAR BYA BAR YANG GSUNGS PAS, DANG PO'I GZHI 'DZIN PA LTA BU YIN PA LA DGONGS NAS DE LTAR 'CHAD DAM BRTAG GO ,GAL

, ,TE SNGA MA'I DON PHYI MAS 'CHAD PA LA RGYUD PHYI MAR 'JOG NA, 'DUS PA'I LE'U DANG POS RGYUD KYI DON MDOR BSTAN PA DE NYID LE'U LHAG MA BCU DRUG GIS 'CHAD PAR GSUNGS PAS DANG PO YANG BCU DRUG PO LA LTOS NAS RTZA RGYUD DANG, BCU DRUG PO YANG DANG PO LA LTOS NAS RGYUD PHYI MAR GZHAG DGOS PA DANG, GZHAN YANG LE'U RE RE'I SNGA PHYI LA YANG DE LTAR GZHAG DGOS PA SOGS KYI SKYON YOD LA, DE LTAR MI 'JOG NA NI RGYUD PHYI MA'I 'JOG MTSAMS GANG NAS YIN SMROS SHIG CE NA, RGYUD PHYI MAR SPYIR 'JOG TSUL MANG YANG 'DIR 'DUS PA'I RGYUD PHYI MAR 'JOG TSUL BSHAD PAR BYA'O, ,DE LA LE'U BCO BRGYAD PA 'DI 'DUS PA'I RGYUD KYANG YIN LA, 'DUS PA'I RTZA BA'I RGYUD LAS PHYIS GSUNGS SHING, RTZA RGYUD LE'U BCU BDUN PO THAMS CAD KYI THUN MONG GI DON DANG LE'U SO SO'I DON DGA' ZHING SBAS PA RNAMS GSAL BAR 'BYED PAS 'DUS PA PHYI MA ZHES ZER BAS, RTZA RGYUD KYI LE'U PHYI MA RNAMS LE'U SNGA MA'I RGYUD PHYI MAR 'GYUR BA'I SKYON MED DO, ,GNYIS PA NI, 'DUS PA'I BSHAD RGYUD DU 'PHAGS PA YAB SRAS KYIS DNGOS SU GSUNGS PA NI LNGA STE, RIM LNGA LAS, LHA MO BZHIS ZHUS DANG, DGONGS PA LUNG STON DANG, RDO RJE PHRENG BA BSHAD RGYUD DU GSUNGS LA, SPYOD BSDUS LAS, YE SHES RDO RJE KUN LAS BTUS KYANG BSHAD RGYUD DU GSUNGS SHING, SGRON GSAL LAS, GLENG GZHI'I YI GE DANG PO GNYIS 'CHAD PA NA LHA'I DBANG POS ZHUS PA'I KHUNGS

DNGOS SU SMOS SHING, DE NAS DE'I LHAG MA RNAMS 'CHAD PA NA, BSHAD PA'I RGYUD LAS ZHES GSUNGS PA NI SNGA MA NYID DU SNANG BAS, LHA'I DBANG POS ZHUS PA BSHAD RGYUD DU GSUNGS TE 'DI MA 'GYUR RO, ,YAB SRAS RNAMS KYIS LE'U BCO BRGYAD PA RGYUD PHYI MAR GSUNGS PA MA GTOGS PA BSHAD RGYUD DU GSAL BAR GSUNGS PA MI SNANG YANG, THA GA NA DANG RGYAL BAS BYIN GYIS RTZA RGYUD KYI BSHAD PAR 'DOD PA LTAR BSHAD RGYUD DU 'DOD PAR BYA'O, ,KHA CIG RDO RJE SNYING PO RGYAN GYI RGYUD BSHAD RGYUD DU SPYOD BSDUS LAS SHIN TU GSAL BAR BSHAD CES ZER BA LA, SPYOD BSDUS 'GYUR GSAR GNYIS LAS, BSHAD PA'I RGYUD LAS GSUNGS PA'I TSUL DANG, RIM PAS SMYON PA'I BRTUL ZHUGS KYIS KYANG SHIN TU SPROS MED LA SBYANG PAR BYA ZHES 'BYUNG BA LA BSAMS PAR SNANG YANG, SPYOD BSDUS 'GYUR RNYING LAS, SHIN TU SPROS PA MED PA'I SPYOD PA SMYON PA'I BRTUL ZHUGS BSHAD PA'I MDO LAS GSUNGS PA'I RIM PAS KYANG BSHAD PAR BYA'O, ,ZHES GSUNGS NAS GANG TSE BRTAN PAR MI RTOG LA, ZHES SOGS MANG PO ZHIG DRANGS PA NI, RGYUD DE'I LE'U BCU DRUG PA NAS 'BYUNG NGO, ,DE'I DON NI LE'U DER BRTUL ZHUGS KYI SPYOD PA BSTAN LA DE YANG SMYON PA'I BRTUL ZHUGS SU GSUNGS PAS BSHAD CES PA NI SMYON PA'I BRTUL ZHUGS BSHAD CES PA'I DON YIN GYI 'DUS PA'I BSHAD RGYUD DU STON PA MIN PA'I PHYIR RO, ,SGYU 'PHRUL DRA BA'I RGYUD KYANG BSHAD RGYUD YIN ZHES ZER

, ,MOD KYANG, 'DI DANG SNGA MA GNYIS KA 'DUS PA'I PHYOGS MTHUN PA'I RGYUD YIN GYI BSHAD RGYUD MIN NO, ,LHA MO BZHIS ZHUS NI DE'I 'GREL PA LAS THAMS CAD GSANG BA'I MCHOG CES BYA BA STONG PHRAG GCIG BZHUGS PA'I RGYUD PHYI MA YIN ZHES ZER RO, ,RDO RJE PHRENG BA'I RGYUD LA STONG PHRAG BCU GNYIS PA GCIG DANG, NYUNG NGU'I RGYUD GNYIS DANG, YE SHES RDO RJE KUN LAS BTUS LA'ANG RGYUD CHE CHUNG GNYIS YOD PAR RDO RJE PHRENG BA'I 'GREL PAR BSHAD LA, SNGAR LUNG DRANGS PAR RDO RJE PHRENG BA LA 'BUM PHRAG GSUM YOD PAR BSHAD DO, ,DGONGS PA LUNG STON NI RTZA RGYUD KYI LE'U BCU GNYIS PA YAN 'CHAD PA'I BSHAD RGYUD LAS LHAG MA MA 'GYUR RO, ,GSUM PA LA GNYIS, RGYUD PHYI MA DANG DGONGS PA LUNG STON GYIS JI LTAR BSHAD PA DANG, RDO RJE PHRENG BA LA SOGS PA GSUM GYIS JI LTAR BSHAD PA'O, ,DANG PO NI, 'DUS PA'I BSHAD RGYUD GZHAN NI, DE'I BSHAD RGYUD YIN KYANG 'DUS PA'I RGYUD MIN LA, RGYUD PHYI MA NI DE GNYIS KA YIN NO, ,'DIS RTZA RGYUD 'CHAD TSUL LA RGYUD KYI THUN MONG GI DON 'CHAD PA NI, DPAL GSANG BA 'DUS PA RNAL 'BYOR GYI RGYUD CES PA'I MTSAN DON DANG, THABS RGYUD KYI DBYE BA DANG, RGYUD SPYI'I SDOM LA DRIS LAN MDZAD PA RNAMS YIN LA, LHAG MA RNAMS NI LE'U BCU BDUN PO SO SO'I DON LA DRIS LAN MDZAD PA'O, ,RGYUD KYI 'BREL BA DRIS PA'I 'BREL PA NI GANG BSHAD PAS RGYUD KYI DON THAMS CAD KHRIG CHAGS SU 'BREL BA'I PHUN SUM TSOGS PA YIN LA, DE

NI DPAL GYI DON DU NA RO PA BZHED DO, ,DE'I LAN DU LE'U GNYIS PA NAS BCU BDUN PA'I BAR BCU DRUG GI BZHI TSAN RE RES BSNYEN BSGRUB YAN LAG BZHI'I RE RE STON PAR BSHAD PA LA, N'A RO PAS LE'U DANG POS RGYUD DON MDOR BSTAN PA, LHAG MA BCU DRUG GIS BSNYEN BSGRUB YAN LAG BZHIR 'CHAD CING, BCO BRGYAD PA NI DE THAMS CAD KYI GSANG BA'I MAN NGAG STON PAR GSUNGS SO, ,DE DAG GIS NI RIM GNYIS SO SOR MA PHYE BAR RIM GNYIS THUN MONG GI BSNYEN BSGRUB YAN LAG BZHI BSTAN LA, THABS RGYUD KYI DBYE BA'I SKABS SU RIM GNYIS SO SOR PHYE BA'I BSNYEN BSGRUB YAN LAG BZHI BSTAN NO, ,BSHAD RGYUD RNAMS LA THUN MONG MA YIN PA'I RTZAL DU 'DON PHYOGS RE'I SGO NAS RTZA RGYUD 'CHAD TSUL RE YOD PA LA, RGYUD PHYI MA 'DIS NI RTZA RGYUD KYI LE'U BCU GNYIS PAR GSUNGS PA'I BSNYEN BSGRUB YAN LAG BZHI'I SGO NAS RTZA RGYUD 'CHAD LA, 'BREL PA'I DON DPAL GYI DRES LAN DU LE'U BCU DRUG GIS BSNYEN BSGRUB BZHI 'CHAD PA BYUNG BAS, LE'U SO SO'I DRIS LAN RNAMS DER 'DU ZHING, THABS RGYUD KYI DBYE BA'I DRIS LAN NI MTSAN DON GYI DRIS LAN NYID YIN PA DANG, SPYI SDOM YANG, MTSAN DON GYI DRIS LAN DU 'DU BAS, RTZA RGYUD KYI GZHUNG NI GTZO BOR RGYUD KYI MTSAN GYI GZHUNG NYID 'CHAD PA LA SBYAR NA SHIN TU NGO MTSAR BSKYED PAR BYED DO, ,'DI LA NI LE'U BZHI BZHIS BSNYEN BSGRUB YAN LAG RE RE BSTAN PAR 'GRO TSUL DKA' BAS DE LEGS PAR THON PA DANG, RIM GNYIS SO SO'I YAN LAG BZHI'I SA MTSAMS LEGS PAR PHYED PA DANG, KHYAD PAR DU RDZOGS RIM GYI

, ,BSNYEN PA'I YAN LAG DRUG BSHAD PA RNAMS LEGS PAR RTOGS NAS RTZA RGYUD 'CHAD SHES PA ZHIG DGOS TE, 'PHAGS LUGS KYIS RGYUD PHYI MA DE LTAR 'CHAD SHES PA NI N'A RO PA'I 'GREL PA NYID LA RAG LAS PAR SNANG NGO, , DGONGS PA LUNG STON NI RTZA RGYUD DANG LE'U'I RIM PA RNAMS MTHUN ZHING LE'U RNAMS SU RTZA RGYUD LAS GANG GSUNGS PA PHAL CHE BA BKOD NAS, DE NAS LE'U DE'I DKA' GNAS RNAMS 'CHAD PA ZHIG GO ,RGYUD 'DIR LE'U BCU BDUN PO SO SOS DON 'DI STON PA BSDUS PAR GSUNGS SHING, 'DUS PA'I RGYUD SGRA JI BZHIN PAR BSHAD DU MI RUNG BAR BSTAN NAS, DRANG DON GSUNGS PA RNAMS KYI NGES DON SBAS PA RNAMS GSAL BAR MDZAD CING, DON GZHAN LA SGRA 'GAL BA GZHAN GYIS GSUNGS PA'I DGONGS BSHAD RNAMS KYANG LEGS PAR BKRAL LA, LE'U SO SO PHAL CHE BAR RDO RJE BZLAS PA RTZA RGYUD DU SBAS NAS GSUNGS PA RNAMS YANG DANG YANG DU GSAL BAR STON PAR MDZAD DO, ,DES NA 'DIS RTZAL DU BTON NAS RTZA RGYUD 'CHAD PA YANG RIM PA DE DAG GI SGO NAS YIN NO, ,SGRON GSAL DU BSHAD RGYUD KHUNGS SU DRANGS PA LA, 'DI MANG SHOS SU YOD DE SHAS CHER NGES DON GYI BSHAD PA LA DRANGS SO, ,GNYIS PA NI, ,RDO RJE PHRENG BA NYUNG NGU'I RGYUD 'DI LA LE'U BCU DGU PA DANG, NYI SHU PA'I GZHUNG GI GCOD MTSAMS MI 'DRA BA GSUM BYUNG STE, 'DI LTAR LE'U BCU DGU PA'I THOG MA, DE NAS GZHAN YANG BSHAD BYA BA, ,SNA TSOGS LA SOGS SKAD CIG BDAG ,CES PA NAS, RNAM PA SNA TSOGS MNGON PAR 'DOD, ,

CES PA'I BAR GYI TSIG RKANG DGU MA GTOGS PA DE'I RJES NAS LE'U BCU DGU PA'I MTHAR THUG PA'I GZHUNG MA DAR BAS 'DI GZHAG PA'O ZHES 'GREL PAR BSHAD LA, DE'I RJES SU, DE NAS GZHAN YANG BSHAD BYA BA, ,ZHES PA NAS, BLA MA BRGYUD PA LAS SHES BYA, , ZHES PA'I BAR LA LE'U NYI SHU PAR MDZAD NAS SPYIR LE'U RE BRGYAD DU 'GREL PAR BYAS SO, ,LHA BLA MA ZHI BA 'OD KYIS BSGYUR BA LA, RNAM PA SNA TSOGS MNGON PAR 'DOD, CES PA YAN CHAD SNGAR DANG 'DRA BA LA, DE'I RJES SU, BLTA DANG 'GUGS DANG DE BZHIN BRDA, , KHA LA TZAM PA BYED PA YI, ,DGA' BA NYAMS SU MYONG BAR SHES, ZHES PA NAS, LHAN CIG SKYES DGA' NYAMS MYONG BA, ,MTSAN NYID DANG BRAL SKAD CIG GO ,ZHES PA'I BAR DU BTON NAS DE RNAMS LA LE'U BCU DGU PA SKAD CIG MA RNAM PAR PHYE BA'I LE'UR MDZAD CING, DE NAS GZHAN YANG BSHAD BYA BA, ,DGA' BA BZHI YI MTSAN NYID NI, ZHES PA NAS, SPRUL PA'I 'KHOR LOR LHAN CIG SKYES, ,DGA' BA NYAMS SU MYONG BAR BYED, ,CES PA'I BAR DU BTON NAS, DE'I 'OG TU, RTZA RNAMS KUN GYI NAM MKHA' CHE, ,ZHES PA NAS, BLA MA BRGYUD PA LAS SHES BYA, ,ZHES PA'I BAR GYIS LE'U NYI SHU PA DGA' BA'I MTSAN NYID RNAM PAR PHYE BA'I LE'U ZHES MDZAD DO, ,SPYIR LE'U RE BRGYAD DU BYAS SO, ,ZHI BA 'OD KYI 'GYUR DAR MA BRTZON 'GRUS KYIS BCOS PA LAS, RNAM PA SNA TSOGS MNGON PAR 'DOD, ,CES PA YAN CHAD SNGAR DANG 'DRA BA LA, DE'I RJES SU, DE NAS GZHAN YANG BSHAD BYA BA, DGA' BA BZHI YI MTSAN NYID NI, ,ZHES PA NAS, SPRUL PA'I 'KHOR LOR LHAN CIG SKYES, ,DGA' BA NYAMS SU MYONG BAR BYED, CES PA'I BAR DU 'DON NO, ,

, ,DE'I 'OG TU, BLTA DANG 'GUGS DANG DE BZHIN BRDA, ZHES PA NAS, LHAN CIG SKYES DGA' NYAMS MYONG BA, ,MTSAN NYID DANG BRAL SKAD CIG GO ,ZHES PA'I BAR DU 'DON ZHING, DE'I 'OG TU, RTZA RNAMS KUN GYI NAM MKHA' CHE, ZHES PA NAS, BLA MA BRGYUD PA LAS SHES BYA, ZHES PA'I BAR RNAMS BTON TE, DE RNAMS KUN DGA' BA'I MTSAN NYID RNAM PAR PHYE BA ZHES BYA BA LE'U BCU DGU PAR BYAS NAS, SPYIR LE'U RE BDUN DU BYAS SO, ,DE LTAR MI MTHUN PA MANG DU SNANG YANG PAndI TA M'AN TRA KA LA SHA'I RGYA DPE DANG, SU DZA NA SHR'I DZNY'A NA DANG ZHI PA 'OD KYIS BSGYUR BA'I LE'U'I GCOD MTSAMS DE NYID GZHUNG GI DON DU SNANG STE, SKAD CIG MA BZHI LUGS 'BYUNG DANG LUGS ZLOG TU BSHAD PA'I TSAN GCIG DANG, DGA' BA BZHI LUGS 'BYUNG DANG LUGS BZLOG TU BSHAD PA'I TSAN PA GNYIS GZHUNG LA SNANG PA'I PHYIR DANG, BLTA DANG 'GUGS DANG DE BZHIN BRDA, ZHES SOGS NI, RNAM PA SNA TSOGS MNGON PAR 'DOD, CES PA'I 'PHROR SHIN TU GSAL PA'I PHYIR DANG, DE NAS GZHAN YANG BSHAD BYA BA, ZHES PA'I TSIG NI LE'U GZHAN DU MA LA YANG LE'U'I MGO 'DREN GYI TSIG TU GSUNGS PA'I PHYIR RO, ,RGYUD 'DIR PHYAG RDOR GYIS, GSANG BA 'DUS PAR BRDA TZAM GYIS MI GSAL BAR GSUNGS PA'I RIM GNYIS LA, RDO RJE 'PHRENG BA'I SGO NAS 'DRI 'DOD PAS, ,GTZO BOR RDZOGS RIM GYI SGO NAS BSTAN DU GSOL ZHES PA'I NGAG SNGON DU BTANG NAS, RDO RJE PHRENG BA'I MING DON NAS, RLUNG GI MTSAN NYID DANG 'JIG TSUL GYI BAR GYI DRI BA MDZAD DO, ,DE RNAMS KYI LAN GYIS

PHAL CHER 'DUS PA'I DON DANG, MNGON BRJOD 'BUM PA SOGS RNAL 'BYOR MA'I RGYUD KYI DON MANG PO YANG BSHAD DE, DE YANG PHAL MO CHE 'DUS PA'I DON GYI MTHA' GCOD PA'I YAN LAG TU SNANG NGO, ,DRIS LAN GYI GRANGS NI BRGYAD CU GYA GNYIS SU 'GREL PAS BSHAD DO, ,RGYUD 'DIS GSAL KHA BTON NAS 'DUS PA'I GZHUNG GANG 'CHAD SNYAM NA, RTZA RGYUD KYI LE'U GSUM PA DANG DRUG PAR SNA RTZER YUNGS KAR TZAM GYI RIN CHEN BSGOM PAR GSUNGS PA SOGS MANG PO ZHIG 'CHAD MOD KYANG GTZO BO NI, AE WAm MA YA LA SOGS PA'I YI GE BZHI BCU'I GLENG GZHIS RGYUD KYI DON THAMS CAD BSDUS PAR SGRON GSAL LAS GSUNGS PA DE, RGYUD 'DIR AE NI SHES RAB DAM PA STE, ZHES SOGS TSIGS BCAD RES YI GE RE'I DON 'CHAD PA 'DI YIN NO, ,GZHUNG DE DAG GIS LUS DBEN DANG, NGAG DBEN DANG, SEMS DBEN DANG, SGYU LUS RNAMS GTZO BOR BSTAN LA, SKABS GZHAN DU 'OD GSAL DANG ZUNG 'JUG KYANG MANG DU STON PAS RDZOGS RIM TSANG BAR STON NO, ,DE'I LAM GYI CHINGS KYANG RIM LNGAR MDZAD DE DE NYID LAS, ,RDO RJE BZLAS PAR RAB SBYOR BAS, ,RLUNG GI MTSAN NYID SHES NAS NI, ,RNAM RTOG RLUNG RNAMS RNAM PAR GCOD, ,SEMS LA DMIGS PA THOB PAR 'GYUR, ,BDAG LA BYIN BRLABS RIM PAS KYANG, ,DNGOS GRUB BRGYAD NI THOB PAR 'GYUR, ,SNANG BA LA SOGS DBYE BA SHES, ,MNGON PAR BYANG CHUB PA NI 'THOB, ,ZUNG 'JUG RIM PA LA GNAS PA, ,DNGOS GRUB THAMS CAD BSDUS PA NI, ,TSE 'DI NYID LA 'GRUB 'GYUR BAR, ,RNAL 'BYOR PA YIS THE TSOM MED, ,CES GSUNGS PA'I PHYIR RO, ,MGON PO KLU SGRUB

, ,KYIS RDZOGS RIM RIM LNGAR BSDUS PA NI RGYUD 'DI YI RJES SU 'BRANGS PA YIN LA, BSKYED RIM LA TING NGE 'DZIN GSUM DANG, RNAL 'BYOR BZHI DANG, LHA SO GNYIS SU MDZAD PA LA SOGS PA YANG RGYUD 'DI'I RJES SU 'BRANGS PA'O, ,DES NA MDOR BYAS LAS, RJE BTZUN GYIS SRUB MKHAN MDZAD NAS, RDO RJE PHRENG BA'I SRUB SHING GIS GSANG 'DUS SBAS CHU'I RGYA MTSO BSRUBS PA LAS, 'DUS PA'I SGRUB THABS RNYED PAR GSUNGS PA NI BSKYED RIM TZAM LA MI GZUNG NGO, , 'DOD CHAGS CHOS SBAS KYI PHYI'I PHYAG RGYA DANG, RDO RJE BZLAS PA SOGS KYI SROG RTZOL LA BRTEN NAS STONG PA BZHI DANG SGYU MA'I SKU 'DREN PA'I PHYI NANG GI SROG RTZOL MTHA' CHOD PAR NGES PA'I YAN LAG TU, GNAS PA RTZA DANG GA-YO BA RLUNG DANG BKOD PA BYANG CHUB KYI SEMS LAS BRTZAMS NAS, LUS 'CHAGS PA DANG 'JIG PA'I RIM PA DU MA BSHAD NAS, THABS DE GNYIS LAS MNGON PAR RTOGS PA'I RIM PA 'CHAR TSUL SOGS MTHA' YAS PA ZHIG 'CHAD DO, ,LAM GYI SNOD RUNG DU SGRUB PA'I DBANG GI CHINGS RNAMS CHO GA NYI SHUR SDUD PA DANG, BSKYED RIM SDUD PA'I CHINGS RNAMS DANG RIM GNYIS KYI GO RIM NGES PA SOGS MANG PO YANG GSUNGS SHING, KHYAD PAR DU SROG RTZOL RDO RJE BZLAS PAS SNYING KHA'I RTZA MDUD 'BYED PA'I GNAD RNAMS LE'U DRUG PA DANG, SNYING KHA'I RTZA MDUD 'GROL BA 'KHOR LO THAMS CAD KYI RTZA MDUD 'GROL BA'I MCHOG YIN TSUL LE'U NYER GNYIS PA'I YI GE GSUM GYI NGES DON GYI SNGAGS BTU BA LAS 'CHAD DE, LEGS PAR THON PA NYUNG

BAR BYUNG SNANG NGO, ,RGYUD 'DIS 'DUS PA RTZAL DU BTON NAS 'CHAD TSUL NI, GLING GZHI'I YI GE RE RE'I DON BSHAD PAS 'DUS PAR GAB PA'I DON RNAMS GSAL BAR 'DON LA, DE NYID KYI MTHA' GCOD PA'I YAN LAG TU BSHAD RGYUD KYI GZHUNG GZHAN RNAMS 'GRO BA'I TSUL 'DI RIM GNYIS KYI CHINGS BYAS PA RNAMS KYI SGO NAS SHES PAR BYAS NAS 'CHAD PA ZHIG DGOS SO, ,BSHAD RGYUD LA 'DI LAS BZANG BA SNGAR MA 'GYUR ZHES 'DI'I 'GYUR BYANG LAS 'BYUNG BA NI DA DUNG YANG DE KHO NA LTAR SNANG NGO, ,LHA MO BZHIS ZHUS KYIS NI GTZO BOR SROG RTZOL GYI GNAD RNAMS RGYAS PAR 'CHAD LA, YE SHES RDO RJE KUN LAS BTUS KYIS NI, 'DUS PA GTZO BOR BYAS PA'I RNAL 'BYOR BLA MED KYI RGYUD RNAMS 'CHAD PA'I MAN NGAG GI MTHAR THUG RGYAN BDUN STON TE, STONG PA GSUM DANG DE LAS SGYU MA'I SKU SGRUB PA NI BSHAD RGYUD GZHAN LAS 'DI GSAL LO, ,RGYUD DE GNYIS KYIS 'DUS PA 'CHAD CHUL RGYAS PAR NI DE GNYIS KYI RGYA CHER BSHAD PA LAS BSHAD ZIN PAS 'DIR RGYAS PAR MA SMROS SO, ,DE LTAR RJE BTZUN YAB SRAS KYI MAN NGAG GI GZHUNG RNAMS LA RING DU 'DRIS PAS DON GYI GNAD LEGS POR THON PA'I LDE MIG GIS, RTZA RGYUD KYI SGO LA MTHA' DRUG DANG TSUL BZHIS RGYAS BTAB PA'I DON, BSHAD RGYUD RNAMS DANG LEGS PAR SHAN SBYAR PAS RTZA RGYUD KYI SGO PHYED PA ZHIG BYUNG NA, RGYUD KYI GDAMS NGAG LA MI 'JIGS PA THOB PA'I GDAMS NGAG CAN DU 'GRO BA YIN LA, DE LTAR SHES NA RGYUD GZHAN LA'ANG DE'I RIGS PA SBYAR SHES PAS RGYUD SDE KUN LA

, ,MKHAS PAR 'GYUR RO, ,BZHI PA NI, RTZA BA'I RGYUD LAS MTSAN BRJOD PA'I SKABS SU, DE BZHIN GSHEGS PA THAMS CAD KYI SKU GSUNG THUGS KYI GSANG BA KUN RGYUD 'DIR 'DUS PAR GSUNGS TE, DES NI RDO RJE THEG PA'I GSANG BA'I GNAD THAMS CAD 'DIR 'DUS PAR BSTAN NO, ,RGYUD PHYI MA LAS KYANG, AE MA'O SHIN TU RNYED DKA' BA, ,BYANG CHUB SGRUB PA'I THABS 'DI YIN, ,RGYUD KYI PHYI MA'I PHYI MAR GYUR, ,GSANG BA 'DUS PA ZHES BYA'I RGYUD, ,CES GSUNGS SO; ;SHIN TU RNYED DKA' ZHING DON CHE BAS 'DI LA THUN BZHI'I RNAL 'BYOR BYED PA DANG, NYAN PA DANG 'DRI 'DON DANG, MCHOD PA BYED PA LA YANG, BYANG CHUB RDO RJE RDO RJE 'CHANG DANG 'DRA BAR BLTAS NAS PHYAG BYA BAR GSUNGS SHING, DER MA ZAD RGYUD DE'I SGRUB PA PO'I DBANG PO DE GANG GIS MTHONG THOS DRAN REG DANG, DAD PAR BYED CING RGYUD KYI PHYOGS GCIG TZAM ZHIG 'DZIN PA YAN CHAD LA'ANG RDO RJE 'CHANG DANG 'DRA BAR BLTAS NAS PHYAG BYA BAR GSUNGS TE, RGYUD PHYI MA LAS, GANG ZHIG THUN BZHI'I RDO RJE DAG NI SGRUB BYED CING, ,MI SNANG LA SOGS SNA TSOGS MCHOG DANG DMAN GRUB CING, ,BLA MA'I DRIN GYIS 'DI NA MA NOR LA MA RTOGS PA, ,BYANG CHUB RDO RJE 'DRAR BLTA DE LA RTAG PHYAG 'TSAL, ,GANG ZHIG RAB GSANG 'DUS PA'I RGYUD 'DI NYAN PA DANG, ,'DON PAR BYED DANG KLOG PA DANG NI SEMS PA DANG, ,MCHOD PAR BYED PA DANG NI 'DRI 'AM 'DRIR 'JUG PA, ,BYANG CHUB RDO RJE 'DRA BLTA DE LA RTAG PHYAG 'TSAL, ,ZHES DANG, GANG ZHIG GTZO BO SGRUB PA PO MTHONG REG PA DANG, ,

LEGS PAR DRAN DANG MING TZAM NGES PAR THOS PA DANG, ,DAD PAR BYED CING PHYOGS GCIG TZAM ZHIG 'DZIN PA DANG, ,BYANG CHUB RDO RJE 'DRAR BLTA DE LA RTAG PHYAG 'TSAL, ,ZHES GSUNGS SO, ,'JAM DPAL GYI ZHAL GYI LUNG LAS KYANG, SANGS RGYAS KUN GYI 'DUS PA'I RGYUD, ,GSANG CHEN GSANG BA CHES GSANG BA, ,GONG NA MED PA'I LUNG CHEN PO, ,ZHES BSNGAGS SHING, BSTAN PA'I SNYING PO GNAS MI GNAS KYANG 'DI NYID YOD MED KYI RJES SU BYED PAR DER GSUNGS TE, 'DI DON RNA BAR 'PHO BYED PA; ;GANG GI DUS SU GNAS PA DER, ,SANGS RGYAS BSTAN PA RIN CHEN KYANG, ,GNAS PAR RAB TU BSHAD PA YIN, ,RGYUD PA'I RIM PA 'DI CHAD NAS, ,SANGS RGYAS BSTAN PA NUB PA RU, ,KUN GYIS RAB TU SHES PAR BYA, ,ZHES SO, ,RGYUD 'DI'I SKOR DU DE LTAR BYUNG BAR MA ZAD RGYUD GZHAN LAS KYANG BSNGAGS TE, DMAR NAG GI RGYUD GNYIS LAS, RGYUD KYI MTHAR THUG 'DUS PA STE, ,MA BYUNG 'BYUNG BAR MI 'GYUR RO, ,ZHES GSUNGS SO, ,GSANG BA GRUB PA LAS KYANG, DPAL LDAN 'DUS LAS MCHOG GZHAN MED, ,'JIG RTEN GSUM GYI RIN CHEN GYUR, ,SNYING PO LAS NI SNYING PO MCHOG ,RGYUD KUN GYI NI BLA MA'I BLA, ,BSTAN DANG BSHAD PA RNAM GNAS NA, ,RDZOGS PA'I RNAL 'BYOR RIM PA NYID, ,'DUS PA GANG GIS MI SHES PA, ,DE YIS DNGOS GRUB JI LTAR 'GRUB, ,THE TSOM THAMS CAD GCOD BYED CING, ,MI SHES RAB RIM SEL BYED PA, ,SANGS RGYAS RIN CHEN ZA MA TOG ,DPAL LDAN 'DUS PA YONGS SPANGS NAS, ,RNAM RTOG DU MAS BRTAGS

, ,PA YIS, ,RMONGS PA DNGOS GRUB 'DOD GYUR PA, ,MKHA' LA KHU TSUR BRDEG PA DANG, ,SMIG RGYU'I CHU LA 'THUNG BA BZHIN, ,ZHES DANG, GSANG BA'I DE KHO NA NYID GSAL BA LAS KYANG, DPAL LDAN 'DUS RJES LAM GYIS NI, ,RIM PA GNYIS KA'I NGO BO LA, ,DPAL LDAN 'DUS PA LHAG YID 'ONG, ,RGYUD RNAMS KUN SON GTZO BO YIN, ,ZHES RIM PA GNYIS KA LA DPAL LDAN 'DUS PA LHAG PA DANG, RGYUD KUN GYI GTZO BOR GSUNGS SO, ,SGRON GSAL LAS RGYUD SDE KUN GYI RTZA BA DANG, MDO SDE KUN GYI SNOD DU GSUNGS PA NI 'CHAD PAR 'GYUR RO, ,BLA MED KYI RGYUD RNAMS LA RGYUD SDE 'OG MA GSUM BZHIN DU RGYUD SDE'I RIM PA'I SGO NAS MCHOG DMAN MED KYANG, KHYAD PAR 'GA' ZHIG LA LTOS PA'I MCHOG DMAN MED PA NI MIN TE, DPER NA RGYUD SDE GCIG GI RIM GNYIS STON PA'I GZHUNG LA NANG TSAN GYI MCHOG DMAN YOD KYANG, DE GNYIS LA RGYUD SDE'I RIM PA'I SGO NAS MCHOG DMAN MED PA BZHIN NO, ,LNGA PA NI, AINDRA BH'U TI CHEN PO DANG KLU'I RNAL 'BYOR MA DANG, SA BDAG BI SU KAL PAS GZHUNG MDZAD PA NI 'DI NA MI SNANG LA, DPAL MGON PO BDE BA CHEN POS NI, 'DUS PA'I DON GTAN LA 'BEBS PA GSANG BA GRUB PA MDZAD DO, ,'DIS 'DUS PA'I GZHUNG NI GTZO BOR GLENG GZHI GTAN LA 'BEBS LA LAM GYI RIM PA NI, DANG POR YI GE 'GOD PA'I BSKYED RIM, GNYIS PA LAS RGYAL GZHUNG NI GTZO BOR GLENG GZHI GTAN LA 'BEBS LA LAM GYI RIM PA NI, DANG POR YI GE 'GOD PA'I BSKYED RIM, GNYIS PA LAS RGYAL BRTEN NAS RANG GI RANG BZHIN DE KHO NA NYID MTSON PAR BYED PA, GSUM PA DE BRTAN PA'I

DON DU YE SHES KYI PHYAG RGYA LA BRTEN NAS SGOM PA, BZHI PA PHYAG RGYA CHEN PO MNGON PAR BYANG CHUB PA SGOM PA BZHI SPYOD PA DANG BCAS PA STON NO, ,GSANG BA GRUB PA 'DI NI GRUB SNYING ZHES GRAGS PA'I GRUB PA'I SDE GZHAN DRUG PO KUN GYI PHYI MOR GRAGS LA, SNYING PO'I SKOR GYI BRAM ZE CHEN PO'I DHO HA'I YANG PHYI MOR SNANG STE, BDE STONG SBYOR BA'I LHAN SKYES KYI YE SHES BLA MED KYI RGYUD SDE KUN GYI SNYING POR GO BA LA SHIN TU GAL CHE BA RNAMS SO, ,SLOB DPON SA RA HAS GSANG 'DUS KYI GZHUNG SGOS SU 'GREL BA'I GZHUNG MDZAD PA NI MI SNANG NGO, ,DE NAS BDAG NYID CHEN PO KLU SGRUB KYIS 'DUS PA'I DON 'GREL BA LA BYANG CHUB SEMS 'GREL DANG RDZOGS RIM LA RIM LNGA DANG, BSKYED RIM LA MDOR BYAS DANG MDO BSRE GNYIS MDZAD DO, ,'DUS PA'I RGYUD KYI 'GREL PA 'PHAGS PAS MDZAD ZER BA DA LTA 'DUG PA 'DI NI, BOD KYI MKHAS PA DAG PAndI TA GCIG GIS BOD DU BYAS PA YIN ZHES GSUNG LA, 'DI NA SNYAN DNGAGS ME LONG DANG RNAM BSHAD RIGS PA DANG MNGON PA MDZOD KYI GZHUNG LA SOGS PA DRANGS SHING, RGYAL BA MCHOG GI BDER GSHEGS NYID BSGOMS PAS NI SAD GYUR PA, ,BDAG GI GNAS NA RAB GNAS MGON PO YE SHES ZHABS LA SOGS, ZHES 'BYUNG ZHING, RGYUD KYI BSHAD PA LA YANG YAB SRAS KYI GZHUNG DANG MI MTHUN PA MANG DU SNANG BAS 'PHAGS PA LA KHA GA-YAR BA 'BA' ZHIG GO ,DE'I PHYIR SGRON GSAL GYI 'GREL BSHAD KHA CIG LAS, 'PHAGS PAS 'DUS PA'I RGYUD KYI 'GREL PA MDZAD ZER BA NI MA BRTAGS PA CHEN PO'O, 'PHAGS PA LHAS

, ,MDZAD PA LA RIM LNGA'I DON 'GREL SPYOD BSDUS SGRON MA NI GRAGS SHIN TU CHE LA, BDAG BYIN GYIS BRLAB PA'I RIM PA NI SLOB DPON AA BHYA KA RA DANG N'A RO PAS KHUNGS SU DRANGS SO, ,SEMS KYI SGRIB SBYONG NI SEMS DBEN STON PA YIN GSUNG YANG, SEMS GTZO BOR STON PA'I SNGAGS KYI GZHUNG YIN YANG GSANG 'DUS KYI SGOS KYI GZHUNG MIN NO, ,'DI YANG AA BHY'A KA RAS KHUNGS SU MDZAD DO, ,MNGON PAR BYANG CHUB PA'I RIM PA SLOB DPON 'DIS MDZAD ZER BA LA, BOD KYI MKHAS PA DAG THE TSOM GYI GZHIR SNANG GSUNG PA LTAR SPYOD BSDUS DANG MI MTHUN PA CHEN PO SNANG BAS KHA GA-YAR RO, ,KLU'I BLO 'AM KLU'I BYANG CHUB KYIS MDZAD PA LA, BSKYED RIM GTZO CHE ZHING RDZOGS RIM YANG STON PA RNAM GZHAG RIM PA NI SHIN TU GRAGS CHE LA, DKYIL CHOG CHO GA NYI SHU PA NI SGRA GCAN 'DZIN DPAL BSHES GNYEN DANG, AA BHY'A KA RA DANG THUGS RJE DPAL ZHABS DANG, THUB PA DPAL BZANG PO SOGS PAndI TA MANG POS KHUNGS SU MDZAD DO, ,STONG PA BZHI GTAN LA 'BEBS PA LAS MTHA' RNAM 'BYED NI SGRON GSAL LAS KHUNGS SU MDZAD DO, ,SLOB DPON SH'AKYA BSHES GNYEN GYIS, RIM LNGA'I RIM PA GNYIS PA MDZAD PAR BSHAD PA LA, RIM PA GNYIS PA'I GZHUNG YONGS SU RDZOGS PAR MDZAD MA MDZAD SOGS KYI DPYAD PA DANG, 'PHAGS PA LHA DANG KLU BYANG LA KHA GA-YAR BYAS PA'I GZHUNG GZHAN MANG DU SNANG BA RNAMS KYI TSUL NI RIM LNGA GSAL SGRON DU RGYAS PAR BSHAD ZIN TO, ,SLOB DPON ZLA BA GRAGS PAS MDZAD PA LA SGRON GSAL NI GRAGS SHIN TU CHE LA, 'DIS MDZAD PA'I SBYOR BA

YAN LAG DRUG NI LE'U BCU GNYIS PA'I SGRON GSAL NAS 'BYUNG BA LOGS SU BKOL BAR SNANG NGO, ,RDO RJE SEMS DPA'I SGRUB THABS LA NI TA TH'A GA TA RAKshI TA DANG, LI LA BADZRA GNYIS KYIS 'GREL PA MDZAD CING MA GA DHA'I PAndI TA THUB PA DPAL BZANG PO SOGS KYANG ZLA GRAGS KYI GZHUNG DU BZHED DO, ,'DUS PA'I MNGON RTOGS RGYAN RTZA BA RANG 'GREL DANG BCAS PA GNYIS ZLA BA GRAGS PAS MDZAD ZER BA LA, BOD KYI MKHAS PA DAG BRTAG PA'I GNAS SO ZHES GSUNG NGO, ,'DI GNYIS RTZOM MKHAN SLOB DPON DE DANG MING MTHUN PA TZAM YIN NA NI RUNG LA, SGRON GSAL MKHAN PO LA GOR RE NA NI KHA GA-YAR BA 'BA' ZHIG PAR SNANG NGO, ,DE LA 'PHAGS PA LHA DANG KLU BYANG DANG SH'AKYA BSHES GNYEN GSUM 'PHAGS PA'I SLOB MAR GRAGS CHE LA, ZLA BA GRAGS PA NI RJE 'GOS LA SOGS PA BLA MA SNGA MA RNAMS NI 'PHAGS PA'I SLOB MAR MDZAD DO, ,BOD KYI DBU MA PA KHA CIG TSIG GSAL GYI MJUG TU 'PHAGS PAS MDZAD PA'I GZHUNG DANG SLOB MA RNAMS DUS MANG ZHIG NA NYAMS PAS DING SANG GZHUNG LUGS GSAL PO MED CES GSUNGS PAS, ZLA BA GRAGS PAS 'PHAGS PA MA ZIN NO ZHES SMRA'O, ,RGYU MTSAN DE NI MA NGES TE ZLA BA GRAGS PAS RIG 'DZIN BRNYES NAS YUN RING DU BZHUGS PAR RDO RJE GDAN PA'I GSUNG LAS BYUNG BA PA TSAB LO TZ'A BA'I GTAM RGYUD LAS 'BYUNG BA LTAR YIN PAS, DE'I SKU CHE'I SMAD LA KLU SGRUB KYI SLOB GZHUNG BZANG PO RNAMS NYAMS PA DANG, DES KLU SGRUB LA ZIN PA GNYIS MI 'GAL BA'I PHYIR RO, ,DES NA BOD KYI MKHAS PA DAG DPAL LDAN AA TI SHAS, KLU SGRUB SLOB MA ZLA GRAGS

, ,SU BSHAD PA LTAR 'PHAGS PA'I SLOB MA YIN NO GSUNG BA LTAR KHAS BLANG NGO, ,SGRON GSAL LAS KYANG, SANGS RGYAS KUN GYIS RIM GNYIS GNAS KYIS RGYAS BTAB DE NI KLU SGRUB LAS RNYED PA, ,KHYAB BDAG DPAL LDAN RDO RJE SEMS DPA' BTUD DE ZLA BA GRAGS PAS RIM BZHIN BSHAD, CES 'DUS PA'I DON RNAMS KLU SGRUB LAS RNYED PAR GSUNGS SO, ,'DI LA THUGS RJE ZHABS KYIS, SLOB DPON 'DI'I SGRUB THABS SU 'PHAGS PA KLU SGRUBS KYI ZHAL SNGA NAS KYI BRGYUD PA LAS 'ONGS PA, ZHES BSHAD PAS KLU SGRUB KYI BRGYUD PA LAS RNYED PA YIN ZHES ZER MOD KYANG, 'PHAGS PA LA ZIN PA DANG 'PHAGS PA'I DNGOS SLOB KYI SLOB MA YIN PA MI 'GAL BAS, PAndI TA GZHAN GYIS DNGOS SLOB TU 'DOD PA LTAR BYA STE, SKAL LDAN GRAGS PAS, DE NI DPAL LDAN KLU SGRUB LAS RNYED PA, ZHES BYA BA SMOS TE, DES NI DPAL LDAN KLU SGRUB KYI ZHAL SNGA NAS KYI DNGOS SU SLOB MA NYID DU SO SOR BSTAN GYI BRGYUD PAS NI MA YIN NO, ,ZHES DANG, BRAM ZE SGRA GCAN 'DZIN BZANG PO SA RA HAS KLU SGRUB LA BSHAD CING, DES ZLA BA GRAGS PA LA BSHAD TSUL YON TAN BRJOD PA DANG BCAS PA YANG SGRON MA RAB GSAL LAS, KONG KA NA YI GRONG KHYER DU, ,DPAL GYI RI BO'I RTZE MOR NI, ,SKYE BOS DBEN PA'I GNAS NYID DU, ,DANG POR DE LA GNAS BYAS NAS, ,MI DANG LHA YI BDAG POR MTSUNGS, ,MCHOG TU GYUR PA'I CHOS GSUNGS PA, ,SGRA GCAN 'DZIN GYI ZHAL SNGA NAS, ,SA STENG 'DI LA RGYAL GYUR CIG ,MNYES PA DE LAS DE NYID NI, ,THEG CHEN RNAL 'BYOR PAS THOB PAS, ,SA THOB GZHAN GYI DON LA BRTZON, ,

DPAL LDAN KLU SGRUB RGYAL GYUR CIG ,DE LAS DE NYID RIN CHEN NI, ,THOB PAS 'JIG RTEN GSUM DU GRAGS, ,'DUS PA'I RGYA MTSO'I PHA ROL PHYIN, ,ZLA GRAGS GSAL BYED RGYAL GYUR CIG ,CES GSUNGS LA, MKHAS PA LAKshM'Im KA RA'I SLOB MA PAndI TA KU M'A RAS KYANG, 'DI DAG GIS NI KLU SGRUB KYI ZHAL SNGA NAS KYI SLOB MA YIN PA NYID KYIS MAN NGAG DANG LDAN PA NYID DU RAB TU BSTAN TO ZHES SO, ,DES NA AA BHY'A KA RA DANG, THUGS RJE DPAL ZHABS DANG, KHA CE LAKshM'Im DANG, THUB PA DPAL BZANG PO DANG, SKAL LDAN GRAGS PA DANG, KU M'A RA DANG, KU LA DHA RA DANG, TA TH'A GA TA RAKshI TA DANG, LI LA BADZRA SOGS 'PHAGS PA YAB SRAS KYI RJES SU 'BRANGS NAS 'DUS PA BSHAD PA KUN GYIS KYANG, ZLA BA'I ZHABS LA 'PHAGS PA DANG 'DRA BAR YID CHES PA'I GNAS SU BYED CING, N'A RO PAS KYANG, PHYI MA'I RGYUD KYI DON GSAL 'DI, ,SGRON MA GSAL BA'I RJES 'BRANGS NAS, ,KLU SGRUB MAN NGAG BSHAD PA YIN, ,ZHES PA DANG, SLOB DPON KLU SGRUB 'PHAGS PA'I LHA, ,KLU YI BYANG CHUB SH'AKYA'I BSHES, ,ZLA BA GRAGS PA LA SOGS PA'I, ,MAN NGAG RIM PA LA BRTEN NAS, ,BDAG GIS BGYIS, ZHES GSUNGS SO, ,'DIS NI MTSUR GYI SLOB MA KHAMS PA RO MNYAM RDO RJE'I RGYUD RKYANG GI t'I KA'I LUGS LA MCHOG TU 'DZIN PA MANG POS, SGRON GSAL DANG MI MTHUN PA'I RGYUD RKYANG GI BSHAD PA RNAMS N'A RO PA'I LUGS MCHOG TU SMRA BA YANG BKAG PAR SHES PAR BYA'O, ,YE SHES ZHABS LUGS ZHES GRAGS PA'I LAM LA, RIM PA GNYIS LAS BSKYED PA'I RIM PA NI, 'JAM PA'I RDO RJES GTZO MDZAD PA'I LHA BCU DGU'I DKYIL 'KHOR TE, SGRUB PA'I THABS

, ,KUN TU BZANG PO DANG, BZHI BRGYA LNGA BCU PAR BSHAD PA LTAR RO, ,RDZOGS PA'I RIM PA NI RJE BTZUN GYIS GSUNGS PA'I ZHAL LUNG DANG, SLOB DPON NYID KYIS MDZAD PA'I GROL BA'I THIG LE LAS 'BYUNG NGO, ,SLOB DPON KUN DGA' SNYING POS BSHAD TSUL LA, 'DUS PA'I 'GREL PA CHEN MO 'DIS MDZAD PAR BYAS PA NI, 'GREL PA DE NYID LA MA BRTAGS PAR SMRA BAR 'DUG PAS MI 'THAD LA, LO CHEN GYIS BSGYUR BA'I 'GREL PA KUN SNYING GIS MDZAD PAR BYAS PA NI, SLOB DPON DRI MED SBAS PA'I 'GREL PAR YANG DE'I LE'U LNGA PA'I BSHAD PA BKOD CING KHUNGS MA YIN NO, ,'DIS NI LAS RGYA BSTEN PAR BSHAD PA THAMS CAD KHYAB 'JUG GI RGYUD KYI RJES SU 'BRANG PA 'DOD YON GYI YUL SPONG MI NUS PA'I CHAGS CAN RE ZHIG DRANG BA'I PHYIR DU GSUNGS PA TZAM GYI DON DANG, BSHANG GCI SOGS KYI BZA' BA'I DAM TSIG BSTEN PAR GSUNGS PA THAMS CAD KYANG, PHRA MEN MA DANG 'CHOL PA'I RGYUD LA ZHUGS PA RNAMS KYI NGOR MDZAD PA TZAM DU BSHAD NAS GDUL BYA RAB KYI DBANG DU BYAS NAS DE DAG BSHAD PA MIN PAR BSHAD LA, NANG GI RTZA RLUNG THIG LE SGOM PA SOGS KYI RNAL 'BYOR GZHAN NAS RDZOGS RIM DU BSHAD PA'I RIGS KYANG MA BSHAD PAS 'DI'I LUGS LTAR NA, RNAL 'BYOR GYI RGYUD NAS BSHAD PA'I LAM LAS MCHOG TU GYUR PA'I LAM GZHAN BLA MED KYI RGYUD LA MI 'DOD PAR SNANG STE, KA MA DHE NU YANG DE LTAR DU 'DOD DO, ,'DI NI RGYA GAR BA'I CHEN PO GZHAN DU MAS BSHAD PA DANG MI MTHUN PA'I BLA MED KYI BSHAD SROL DU SNANG NGO, ,SLOB DPON SH'ANTI PAS RTZA RGYUD KYI LE'U DANG POS THABS LAS BYUNG BA'I 'BRAS BU'I RGYUD BSTAN,

DE THOB PAR BYED PA'I THABS RGYUD LA BZHI YOD PA LHAG MA LE'U BCU DRUG GIS 'CHAD DE, GSUM LDAN GYI LE'U BZHIS BSNYEN PA DANG GNYIS LDAN GYI LE'U BZHIS NYER SGRUB DANG, RDZOGS LDAN GYI LE'U BZHIS SGRUB PA DANG, DGA' BA CAN GYI LE'U BZHIS SGRUB PA CHEN PO BSTAN LA, RGYUD PHYI MA NI DE RNAMS GSAL BAR BYED PA'O ZHES 'CHAD DO, ,'DIS RIM PA DANG PO LA MI BSKYOD PAS GTZO BYAS PA'I LHA BCU DGU DANG, BSKYED RIM BRTAN PA'I 'OG TU SGOM PA'I RDZOGS RIM YAN LAG DRUG GI TSUL NI, YE SHES ZHABS LUGS DANG, 'PHAGS LUGS DANG, DUS 'KHOR GYI LUGS GANG DANG YANG MI 'DRA BA ZHIG RGYUD PHYI MA LA BRTEN NAS LE'U BDUN PA'I DON DU 'CHAD DO, ,DRUG PA NI, BCOM LDAN 'DAS RDO RJE 'CHANG, SDUD PA PO PHYAG NA RDO RJE, AINDRA BH'U TI CHEN PO, KLU LAS GYUR PA'I RNAL 'BYOR MA, RGYAL PO BI SU KALPA, BRAM ZE CHEN PO SA RA HA, MGON PO KLU SGRUB, DES 'PHAGS PA LHA, KLU BYANG, SH'AKYA BSHES GNYEN, ZLA BA GRAGS PA BZHI LA GSUNGS, DE RNAMS KYIS SLOB PA'I RDO RJE LA GSUNGS, DES GRUB CHEN NAG PO SPYOD PA LA, DES DRI MED BLO GROS DANG, SA 'DRES PA GNYIS LA GSUNGS, DES BHI R+YA BHA tA MNGON SHES CAN DANG, DE BA AA KA RA TZANTRA 'AM, SH'ANTA DE BA ZHES PA BTZUN MO CAN DANG, RAD NA AA KA RA SHANTI DANG, DPAL SBAS DANG, MAR ME MDZAD LNGA LA GDAMS, DRI MED BLO GROS KYIS NUB LAKshE TRA'I GTZUG LAG KHANG GI MKHAS PA YE SHES SNYING PO LA GDAMS, DE LA LHO BRAG GI MAR PAS GSAN, BLA MA MAR PA LA GSANG 'DUS LUGS GNYIS KYI BSHAD SROL BDUN YOD PAR

, ,GRAGS SHING, N'A RO PA LA KHA CHE AA KA RA SIDDHI DANG MNYAM DU SGRON GSAL BSLABS SNANG NA'ANG, BOD DU SGRON GSAL GYI BSHAD PA MA TSUGS, RIM LNGA'I GDAMS NGAG GI DAR RGYAS CHE BAR BYUNG NGO, ,RJE 'GOS KYIS RGYA GAR DU LAN BCU GNYIS BYON NAS SPYIR PAndI TA'I BLA MA BDUN CU DANG MKHA' 'GRO MA'I BLA MA GNYIS BSTEN ZHING, KHYAD PAR DU 'PHAGS LUGS KYI 'DUS PA RTZAD GCOD PA LA, BHARGA LA'I MKHAS PA MNGON SHES CAN, ZA HOR GYI MKHAS PA BTZUN MO CAN, KONG KA NA'I MKHAS PA SPRIN GYI SHUGS CAN, KHA CHA KHRI BRTAN GYI MKHAS PA TZANDRA HA RI, 'JAM PA'I DBYANGS KYIS BYIN GYIS BRLABS PA DZNY'A NA KA RA, BAL PO MTHIL GYI TZA HA DU, BAL PO RDZONG GI NA GA KO tI, PAndI TA SA RA HA PA, RDO RJE GDAN GYI MKHAS PA NAG PO DAM TSIG RDO RJE, BHRI KA MA LA SHI LA'I MKHAS PA D'I PAm KA RA SHR'I DZNY'A NA RNAMS BSTEN TE PHYI MA GNYIS LA BOD DU GSAN NO, ,DE RNAMS LA 'PHAGS SKOR LNGA'I GZHUNG LA BRTEN PA'I GZHUNG BSHAD, DBANG MAN NGAG GI SKOR RNAMS LEGS PAR GTAN LA 'BEBS PAR MDZAD LA, MNGON SHES CAN DANG BTZUN MO CAN DANG NAG PO PA GSUM LA MCHOG GI BLA MAR MDZAD CING, GZHUNG BSHAD DANG GDAMS PA YANG DE GSUM GYI LUGS LA GTZO BOR MDZAD DO, ,BLA MA 'DI LA 'DUS PA'I 'PHRIN LAS ZHUGS PAS SKU TSE STOD DANG BAR DANG SMAD KYI MKHAS PA BZHI BZHI DANG, DE RNAMS KYI NANG NAS KYANG, GZHUNG BSHAD LA MKHAS PA MANG RA SENG GE RGYAL MTSAN DANG, 'BREL SGRIG LA MKHAS PA 'GAR CHOS KYI SHES RAB, RNAM GRANGS LA MKHAS PA RDOG DGE

SER, STONG MTHUN LA MKHAS PA DBUS PA BA ZI DGA' LA SOGS PA DU MA ZHIG BYUNG ZHING, BSHAD RGYUN YANG DING SANG GI BAR DU GNAS SO, ,MANG RA LA RDOG YE SHES SENG GES GSAN, DE LA RDOG MU NER GRAGS PA NYI MA SENG GES GSAN, DE LA GLAN NYI MA LCAM GYI GSAN, DE LA THANG SPE BA 'PHAGS PA SKYABS KYIS GSAN, DE LA GSER SDINGS PA GZHON NU 'OD KYIS GSAN, DE LA BLA MA CHOS SKU 'OD ZER GYIS GSAN, DE LA BLA MA 'PHAGS PA 'OD KYIS GSAN, DE LA PAndI TA CHEN PO BU STON RIN CHEN GRUB KYIS GSAN, BLA MA 'DIS GSANG SNGAGS KYI GZHUNG GZHAN DU MA RGYAS PA DANG, KHYAD PAR DU 'PHAGS SKOR GYI 'DUS PA NUB PA LA SHIN TU NYE BAR SLEB PA'I DUS SU, RGYUD 'GREL DBANG GDAMS NGAG PHRAN DANG BCAS PA RNAMS KYI SROL RNAMS GSOS TE MI NUB PAR MDZAD DO, ,DE LA CHOS KYI RJE DPAL LDAN BLA MA DAM PA BSOD NAMS MTSAN CAN GYIS GSAN, DE LA LO TZ'A BA CHEN PO NAM MKHA' BZANG POS GSAN, DE LA GSUNG RAB DGONGS 'GREL DANG BCAS PA RAB 'BYAMS LA BLO'I SNANG BA RGYAS PA'I MKHYEN PA DANG, BRTZE BA CHEN PO LA SOGS PA'I YON TAN DU MAS MNGON PAR MTHO BA'I RJE BTZUN DAM PA, KU M'A RA MA TI'I ZHAL SNGA NAS KYIS GSAN, BLA MA 'DI DANG GZHAN YANG BU STON ZHABS KYI SLOB MA, GSANG SNGAGS KYI CHOS TSUL MTHA' YAS PA LA MNGA' 'BYOR BA'I RJE BTZUN DAM PA KHYUNG PO LHAS PA'I ZHAL SNGA NAS DANG, RJE BTZUN DAM PA CHOS KYI DPAL BA GSUM GA BSDOMS PA LA BRTEN NAS, 'PHAGS SKOR GYI CHOS SKOR RNAMS BDAG GIS YONGS SU

, ,RDZOGS PAR MNOS SO, ,RGYUD 'GREL GNYIS KYI GZHUNG 'CHAD PA LA SLOB PA'I THOG MAR, 'DUS PA'I RGYUD NYID LAS GSUNGS PA LTAR PHYI NANG GI MCHOD PAS MCHOD NAS BSTOD DE GSOL BA GDAB PA BYA, DE YANG BLA MA LNGA BCU PA NAS GSUNGS PA LTAR LAN GSUM DU GSOL BA GDAB BO, ,CHOS THUN RE RE BZHIN GYI SNGON DU RDO RJE SEMS DPA'I BSGOM BZLAS DANG GTOR MA DANG MAndAL DBUL BA DAM PA SNGA MA RNAMS KYI PHYAG BZHES LA 'DUG PA LTAR BYA'O, ,GNYIS PA LA BZHI YOD PA'I MTSAN GYI DON LA GNYIS YOD PA'I RGYUD KYI MTSAN GYI DON LA NI, THOG MA'I MTSAN DANG, LE'U SO SO'I MTSAMS KYI MTSAN DANG, RGYUD KYI MJUG GI MTSAN GSUM LAS, PHYI MA GNYIS NI DPE RNAMS PHAL CHER 'DRA LA, DANG PO NI, 'GYUR RNYING GI DPE KHA CIG LA, SHR'I GU HYA SA MA DZA ZHES PA LA, N'A MA YOD MED GNYIS DANG, YANG KHA CIG LA SA MA DZA'I MTHAR MAH'A TA NA TRA R'A DZA ZHES 'BYUNG ZHING, DE'I MTHAR N'A MA YOD MED GNYIS BYUNG LA, YANG DPE KHA CIG LAS, BCOM LDAN 'DAS DE BZHIN GSHEGS PA THAMS CAD KYI SKU DANG GSUNG DANG THUGS KYI GSANG BA, DPAL GSANG BA 'DUS PA ZHES BYA BA RGYUD KYI RGYAL PO CHEN PO ZHES KYANG 'BYUNG MOD KYANG, PA TSA BA KYI 'GYUR LAS, RNAL 'BYOR CHEN PO'I RGYUD DPAL GSANG BA 'DUS PA ZHES 'BYUNG BA DAG STE, N'A RO PA'I RGYUD PHYI MA'I 'GREL PA LAS, RGYUD 'DI'I MING CI YIN ZHE NA, DPAL GSANG BA 'DUS PA RNAL 'BYOR GYI RGYUD CES STON TE, GSANG BA DANG 'DUS PA DANG, DPAL GYI DON 'BREL

PA DANG, RGYUD DANG RNAL 'BYOR ZHES THE TSOM BZHI ZHUS TE, ZHES GSUNGS PA LTAR RGYUD PHYI MAR MTSAN DON ZHUS PA'I SKABS SU 'BYUNG BA'I PHYIR RO, ,DER DPAL GYI TSIG DNGOS SU MA BYUNG YANG 'BREL PA ZHUS PA'I DON, DPAL GYI DON YIN NO, ,RNAL 'BYOR GYI DON NI RGYUD PHYI MA LAS, THABS DANG SHES RAB SNYOMS 'JUG PA, ,RNAL 'BYOR ZHES NI BSHAD PA YIN, ,GANG ZHIG DNGOS MED SHES RAB STE, ,THABS NI DNGOS PO'I MTSAN NYID DO, ,ZHES THABS SHES GNYIS MNYAM PAR SBYAR BA'I DON RNAL 'BYOR GYI DON DU GSUNGS PA'O, ,DE LA SNANG BA'I YE SHES STONG PA DANG PO NI SHES RAB DANG, SNANG BA MCHED PA'I YE SHES SHIN TU STONG PA NI THABS YIN LA, DE GNYIS MNYAM PAR SBYOR BA'I SNYOMS PAR 'JUG PA NI SNANG BA NYER THOB STONG PA CHEN PO STE, DE NI SBAS DON GYI RNAL 'BYOR RO, ,LAM GYI SNANG BA DANG MCHED PA'I YE SHES GNYIS KA DON DAM PA LA DMIGS SHING SNANG BA DANG BCAS PAR 'DRA BA LA, SNANG BA'I YE SHES LA DNGOS PO MED PA ZHES GSUNGS PA'I DNGOS PO MED PA NI RANG BZHIN MED PA'I STONG PA RTOGS PA YIN LA, 'DIR STONG PA SHES RAB SHAS CHE ZHING BDE BA SHAS CHUNG BAS DNGOS PO MED PA ZHES GSUNGS SO, ,MCHED PA'I YE SHES LA DNGOS PO ZHES GSUNGS PA'I DNGOS PO NI BDE BA YIN LA, 'DIR BDE BA SHAS CHE ZHING STONG PA SHAS CHUNG BAS DNGOS PO ZHES GSUNGS SO, ,NYER THOB NI BDE STONG CHA MNYAM POR 'JUG PAS THABS SHES GNYIS SNYOMS PAR 'JUG PA'I RNAL 'BYOR RO, ,YANG MCHOG TU BDE BA'I

, ,YE SHES DANG DON DAM BDEN PA 'OD GSAL GNYIS RO GCIG TU ZHUGS PA'I DON DAM NI THAMS CAD DNGOS PO MED PA 'AM THAMS CAD STONG PA'I SHES RAB DANG, YONGS SU DAG PA'I SGYU MA'I SKU KUN RDZOB NI DNGOS PO'I MTSAN NYID KYI THABS YIN LA, DE GNYIS NGO BO GCIG TU SBYOR BA'I GNYIS SU MED PA'I YE SHES ZUNG 'JUG NI BDEN GNYIS KYI THABS SHES GNYIS SNYOMS PAR 'JUG PA'I MTHAR THUG GI RNAL 'BYOR RO, ,CHEN PO ZHES PA NI RNAL 'BYOR BLA NA MED PA LA RNAL 'BYOR CHEN POR BYAS PA'I CHEN PO YIN GYI, RNAL 'BYOR CHEN PO'I RGYUD YIN PA TZAM GYIS RNAL 'BYOR BLA MED KYI RGYUD DU MI 'GYUR TE, RDO RJE RTZE MO LAS RTZE MO LA RNAL 'BYOR CHEN PO'I RGYUD DU GSUNGS PA DANG, SPYOD BSDUS LAS DPAL MCHOG DANG PO LA RNAL 'BYOR CHEN PO'I RGYUD DU GSUNGS PAS SO, ,RGYUD LA RJOD BYED GZHUNG DANG, BRJOD BYA DON GYI RGYUD GNYIS LAS PHYI MA LA RGYUD GSUM DU RGYUD PHYI MA LAS BSHAD PA NI 'CHAD PAR 'GYUR RO, ,RGYUD KYI 'BREL PA DRIS PA'I 'BREL PA NI GANG BSHAD PAS RGYUD KYI DON THAMS CAD 'KHRIG CHAGS SU 'BREL BA'I 'BREL PHUN SUM TSOGS PA YIN LA, DE NI DPAL GYI DON YIN TE, 'DI YANG 'CHAD PAR 'GYUR RO, ,GSANG BA DANG 'DUS PA'I DON YANG RGYUD PHYI MA LAS, SKU GSUNG THUGS NI RNAM PA GSUM, ,GSANG BA ZHES NI BSTAN PA YIN, ,SANGS RGYAS THAMS CAD CES BYA BA, ,TSOGS PA 'DUS PA YIN PAR BSHAD, ,CES SKU GSUNG THUGS KYI GSANG BA GSUM

NI 'DU RGYU DANG, DE GSUM TSOGS PA NI 'DUS PAR GSUNGS SO, ,'OG NAS GSANG BA DANG 'DUS PA LA TSUL BZHIR BSHAD PA'I DON BSDOMS TE, RGYUD PHYI MA'I 'GREL PAR RDO RJE GSUM DU SKU GSUNG THUGS SNANG BA DE NYID, SANGS RGYAS DANG PAD MA DANG RDO RJE 'CHANG GCIG TU GYUR PA NI, YIG DON GYI GSANG 'DUS DANG, YI GE GSUM LAS RDO RJE 'CHANG DU GYUR NAS RIG MA DANG RDO RJE DANG PADMA GNYIS 'DUS PA NI SPYI DON GYI GSANG 'DUS DANG, SNANG BA GSUM RLUNG GI BZHON PA DANG LDAN PA DE NYID, THABS SHES KYI BDAG NYID SGYU MA LTA BU'I SKUR GYUR PA NI, SBAS DON GYI GSANG 'DUS DANG, BDEN PA GNYIS ZUNG DU 'JUG PA GNYIS SU MED PA NI MTHAR THUG GI GSANG BA 'DUS PA STE, ZHES BSHAD DO, , DER SANGS RGYAS THAMS CAD CES BYA BA SPYI SBAS PA, MTHAR THUG GSUM GYI 'DU RGYU LA BSHAD LA, SANGS RGYAS THAMS CAD MNGON BRJOD PA'O, ,ZHES 'DON ZHING, DE YANG GSANG BA GSUM 'DUS PA'I TSOGS PA LA 'CHAD DO, , 'DIR PAndI TA KHA CIG SKU GSUNG THUGS GSUM 'DUS PAR BSTAN PA LA, SKU GSUM TZAM ZHIG BSDUS PAS, 'DUS PAR THABS KYI YAN LAG 'BA' ZHIG BSTAN GYI SHES RAB KYI YAN LAG MA BSTAN LA, KYEE RDOR LAS, THABS DANG LDAN ZHING DMIGS PA MED PA'I PHYIR, SKU GSUM LAS 'DAS PA SHES RAB KYI YAN LAG GI SNYING PO STON PAS, SNYING PO KYEE RDO RJE ZHES BYA BA NYON CIG CES GSUNGS PAR 'CHAD DO, ,DE NI RIGS PAR MA MTHONG STE,

, ,RGYUD PHYI MA LAS RNAL 'BYOR GYI DON THABS SHES DBYER MED DU SBYOR BA LA BSHAD CING, DRI MED 'OD LAS KYANG, DE DRANGS NAS 'DUS PAS THABS RKYANG PA STON PA BKAG PA'I PHYIR RO, ,SNYING PO ZHES GSUNGS PAS 'DUS PA LAS SNYING PO'I DON DMIGS PA MED PA'I SHES RAB MI STON PAR MI 'GRUB STE, 'DUS PA LA YANG DE LTAR GSUNGS PA'I PHYIR TE, GSANG BA GRUB PA LAS, DPAL LDAN 'DUS LAS MCHOG GZHAN MED, ,'JIG RTEN GSUM GYI RIN CHEN 'GYUR, ,SNYING PO LAS NI SNYING PO MCHOG ,RGYUD KUN GYI NI BLA MA'I BLA, ,ZHES GSUNGS PA'I PHYIR RO,, ` ,,DPAL RDO RJE SEMS DPA' LA PHYAG 'TSAL LO, ,ZHES PA NI 'GYUR MDZAD PA'I PHYAG YIN LA, PHYAG 'TSAL BA'I DON NI 'DUD PAR BYED PA YIN ZHING, PHYAG 'TSAL BA'I YUL GYI DON NI 'CHAD PAR 'GYUR RO,, ` ,,BSKYED PA'I RIM PA DANG PO YIN, ZHES SOGS KYIS RIM PA LNGA BSTAN PA LA, THOG MAR RIM PA'I GRANGS LA 'GAL BAR 'DZIN PA'I DOGS PA GSAL NA, RIM LNGA'I MDOR BSTAN DU RDO RJE BZLAS PA DANG, SEMS DMIGS DANG, SGYU LUS DANG, 'OD GSAL DANG ZUNG 'JUG GI RIM PA LNGAR MDZAD LA, RNAM GZHAG RIM PAR YANG RDO RJE BZLAS PA'I RIM PAS ZHES DE LA RIM PA GCIG TU MDZAD CING, SEMS DMIGS RIM PA GNYIS PAR GSUNGS PAS, RIM LNGA'I GRANGS 'PHAGS PA DANG 'DRA BAR BZHED PAR MNGON NO, ,DE GNYIS DANG SPYOD BSDUS SU LUS DBEN BSNAN NAS RIM PA DRUG TU MDZAD PA GNYIS, RIM PA'I GRANGS MI MTHUN NO, ,

YANG RIM PA LNGA DANG DRUG TU MDZAD PA GNYIS DANG, SGRON GSAL LAS BSKYED RIM RIM LNGA'I RIM PA GCIG LA BGRANGS PA MA MTHUN ZHING, RDOR BZLAS KYI RIM PA BGRANG DGOS PA CHAD PAS, MI MTHUN PA 'DI RNAMS 'GAL MI 'GAL JI LTAR YIN SNYAM NA, 'DI LA 'GAL BA MED PA'I TSUL, THOG MAR RGYUD KYI STENG NAS BSHAD NA, RTZA RGYUD LE'U DRUG PA LAS, SNGAGS LA DMIGS PA'I LUS DANG NI, ,ZHES PA'I RKANG PA BZHI'I DON, 'GREL PAS BSHAD PA DANG BSTUN NA RDZOGS RIM LA RIM PA DRUG TU 'GYUR ZHING, BSHAD RGYUD RDO RJE 'PHRENG BA LAS, RDO RJE BZLAS PAR RAB SBYOR BAS, ,RLUNG GI MTSAN NYID SHES NAS NI, ,RNAM RTOG RLUNG RNAMS RNAM PAR GCOD, ,SEMS LA DMIGS PA THOB PAR 'GYUR, ,BDAG LA BYIN BRLABS RIM PAS KYANG, , DNGOS GRUB BRGYAD NI THOB PAR 'GYUR, ,SNANG BA LA SOGS DBYE BA SHES, ,MNGON PAR BYANG CHUB PA NI 'THOB, ,ZUNG 'JUG RIM PA LA GNAS PA, ,DNGOS GRUB THAMS CAD BSDUS PA NI, ,TSE 'DI NYID LA 'GRUB 'GYUR BAR, ,RNAL 'BYOR PA YIS THE TSOM MED, ,CES RDZOGS RIM LA RIM LNGA NAS 'BYUNG BA BZHIN, RIM PA LNGAR GSUNGS SO, ,RGYUD PHYI MA LAS, THABS RGYUD LA BSNYEN BSGRUB YAN LAG BZHIR GSUNGS SHING, DE LA RIM PA GNYIS RE RE LA BSNYEN BSGRUB YAN LAG BZHI BZHIR 'GREL PA NAS BSHAD DE RGYUD DE'I DON YANG DE LTAR DU YOD DO, ,DE'I LTAR NA RDZOGS RIM LA BSNYEN PA DANG, NYER SGRUB DANG, SGRUB PA DANG, SGRUB CHEN GYI RIM PA BZHIR 'GYUR RO, ,YE SHES RDO RJE KUN LAS BTUS LAS, CHAGS

, ,CAN GYI LAM GYIS 'TSANG RGYA BA'I TSUL RGYUD DANG GLENG GZHI SOGS BZHIR BSDUS TE, DE'I LTAR NA 'DI'I LAM LA RIM PA BZHI YIN LA, DE YANG RIM PA GNYIS KA'I DBANG DU BYAS PA'O, ,DE LTAR RIM PA GNYIS KA DANG, RDZOGS RIM NYID KYI DBANG DU BYAS PA'I RIM PA'I GRANGS MI 'DRA BA GNYIS DANG, RDZOGS RIM LA YANG GRANGS KYI RIM PA MI 'DRA BA MANG DU YOD KYANG DGONGS PA MI 'GAL BA BZHIN DU, YAB SRAS RNAMS KYI YANG LAM GYI RIM PA'I GRANGS LA MI 'DRA BA 'GA' ZHIG BYUNG YANG DGONGS PA LA 'GAL BA MED DE, 'PHAGS PA DANG KLU BYANG GIS MDZAD PA NI, RDO RJE 'PHRENG BA LA BRTEN NAS YIN LA, SPYOD BSDUS DANG LE'U DRUG PA'I 'GREL PA LAS RIM PA DRUG TU MDZAD PA NI, RTZA RGYUD LAS GSUNGS PA'I GRANGS LA BRTEN PA'O, ,YANG SPYOD BSDUS LAS, SNGAGS KYI DE KHO NA NYID LA SOGS PA'I RIM PA LNGAR MDZAD PA NI 'PHAGS PAS MDZAD PA'I GRANGS DANG MTHUN NO, ,RGYUD 'GREL LAS, BSKYED RIM RIM PA GCIG LA BGRANGS PA NI, RTZA RGYUD KYI DON KUN BSDU BAR BZHED NAS MDZAD DO, ,RIM LNGA BZHIN GYI RIM PA'I GRANGS LNGAR MDZAD PA NA, LUS DBEN RDO RJE BZLAS PA'I RIM PA'I KHONGS SU BSDUS PA YIN LA, RDZOGS RIM RIM PA DRUG TU MDZAD PA NA, LUS DBEN SPROS TE BSHAD PA YIN ZHING RDZOGS RIM LA SEMS DMIGS SOGS RIM PA BZHIR MDZAD PA NA, DBEN GSUM GYI DANG PO GNYIS SEMS DMIGS KYI RIM PAR BSDUS PA YIN TE, 'DI YANG RDO RJE 'PHRENG BA'I DGONGS PA YIN PAR GLENG GZHI SBAS BSHAD KYI

SKABS SU 'CHAD PAR 'GYUR RO, ,DES NA RGYUD SO SO LA BRTEN PA'I GRANGS 'DREN LUGS MI 'DRA BA TZAM DANG, LAM GYI GRANGS KYI DBYE BSDU MI 'DRA BA YOD PA TZAM GYIS, DGONGS PA MI MTHUN PAR 'GYUR BA MA YIN NO, ,RIM LNGA'I LAM RNAMS SKYE SHI BAR DO'I RIM PA BZHIN DU SKYED DGOS PA 'DI, LUGS 'DI LA SHIN TU GAL CHE BAS, DE'I TSUL CUNG ZAD BRJOD NA, RNAL 'BYOR BLA MED KYI RGYUD KUN GYI DGONGS PAS, RIM PA DANG POR RTEN DANG BRTEN PA'I 'KHOR LO SKYED PA SNOD BCUD KYI SRID PA SKYE 'JIG GI RIM PA DANG MTHUN PA ZHIG MDZAD DE RGYUD SDE 'OG MA LA 'DI MED DO, ,DE YANG MAR GYI SBYANG GZHI SKYE SHI BAR DO GSUM DANG, YAR GYI 'BRAS BU SKU GSUM DANG RNAM PA RJES SU MTHUN PAR SGOM PA NI RIM PA GNYIS KA LA YOD LA, DE LTAR MDZAD PA NI LAM RNAMS RIM PA DE BZHIN DU SKYED PA'I CHED DO, ,DE YANG BSKYED RIM GYI SKABS SU LHAG MOS 'OD GSAL DU SDUD PA NI SBYANG GZHI LA 'CHI RIM DANG, 'BRAS BU LA CHOS SKU DANG MTHUN PAR SGOM PAS 'CHI BA CHOS SKUR LAM DU 'KHYER BA'O, ,MNGON BYAD LNGA LAS DANG PO'I MGON PO SKYED PA NI, SBYANG GZHI LA BAR DO DANG, 'BRAS BU LA LONGS SKU DANG MTHUN PAR SGOM PAS BAR DO LONGS SKUR LAM DU 'KHYER BA'O, ,DANG PO'I MGON PO SPRUL SKUR BSGYUR NAS LUS DKYIL SOGS SGOM PA NI SBYANG GZHI LA SKYE BA BLANGS PA DANG 'BRAS BU LA SPRUL SKU DANG MTHUN PAR SGOM PAS SKYE BA SPRUL SKUR LAM DU 'KHYER BA'O, ,'DI YANG RIM PA DANG POR MOS PA YID BYED KYIS MTHUN PA YIN PAS, MTHUN TSABS CHUNG LA,

, ,RDZOGS RIM GYI SKABS SU SROG DH'U T'IR ZHUGS GNAS THIM GSUM BYED NUS PA'I MTSAMS NAS, YAR MAR GNYIS DANG MTHUN TSABS SHIN TU CHE BA ZHIG 'BYUNG NGO, ,RIM PA DANG POR DE LTAR SGOM PA YANG RDZOGS RIM GYI RTOGS PA MTHUN TSABS CHE BA SKYED PA'I DGE RTZA SMIN BYED YIN PAS, GTZO BO NI RDZOGS RIM GYI LAM RNAMS SEMS CAN SKYE 'CHI'I RIM PA DANG MTHUN PAR SKYED PA'I CHED DO, ,TSUL 'DI GSAL BAR NI 'DUS PA'I SKOR RNAMS NAS BSHAD DE, RGYUD RDO RJE PHRENG BA LAS, JI LTAR MES BSREGS DNGOS PO MED, ,RGYU MED PAR NI THIM NAS 'GRO, ,SLAR YANG SROG GI RLUNG SHAR NAS, ,LAS KYI RLUNG NI SNA TSOGS PA, ,DE NI LHAN CIG RNAM SHES DANG, ,SLAR YANG 'JIG RTEN GSUM DU GNAS, ,DE LAS LAS DANG DE LAS SKYE, ,DE LAS CHAGS SOGS BAG CHAGS DANG, ,DE LAS SLAR YANG 'CHI DANG SKYE, ,DE LTAR 'KHOR LO BSKOR BA 'DRA, ,SNGON BZHIN RDO RJE BZLAS PA SOGS, ,RIM GYIS DE YI DBYE BAR 'GYUR, ,ZHES GSUNGS SO, ,'DI NI 'CHI BA'I DUS KYI RLUNG 'JIG TSUL DRIS PA'I LAN YIN LA, DE YANG JI LTAR MES BSREGS PA NA SHING GI DNGOS PO MED PAR 'GRO BA BZHIN DU, 'CHI BA'I TSE YANG RLUNG RNAMS SROG 'DZIN GYI BAR DU RIM GYIS THIM NAS 'CHI ZHING, YANG SHI BA'I 'OD GSAL LAS LAS KYI RLUNG SHAR TE, DE DANG RNAM SHES GNYIS LHAN CIG TU 'JIG RTEN GSUM DU GNAS PA'I SKYE BA LEN NO, ,LAS KYI RLUNG DE LAS KYANG CHAGS PA LA SOGS PA'I KUN RTOG RNAMS SKYE LA, DE LAS LAS BZANG NGAN GNYIS BSAGS NAS YANG

'CHI ZHING YANG SKYE BA 'KHOR LO BSKOR BA BZHIN DU 'GYUR, ,SNGON DU BSHAD PA'I RDO RJE BZLAS PA SOGS RIM PA LNGA NI GZHI DUS KYI SKYE 'CHI'I RIM PA DE'I DBYE BAR 'GYUR RO, ,ZHES GSUNGS SO, ,'GYUR TSUL NI, RLUNG 'BYUNG 'JUG RGYUN LDAN DU BYED PA NI GZHI'I RDO RJE BZLAS PA YIN TE, DE NYID LAS, GANG YANG KHAMS GSUM SEMS CAN RNAMS, ,SROG DANG RTZOL BA LA BRTEN PA, ,GSANG SNGAGS RGYAL PO BZLOS BZHIN DU, ,MI SHES BSAM GTAN KLOG PA SPANGS, ,ZHES SO, ,DE LTAR NYIN MTSAN KUN TU RLUNG GI BZLAS PA BYAS PA'I MTHAR 'CHI BA NA RLUNG PHYI NANG DU RGYU BA LOG NAS 'BYUNG BA RNAMS RIM GYIS THIM STE SNANG MCHOD THOB GSUM GYI NYAMS 'CHAR BA NI SEMS DBEN GYI RIM PA'O, ,NYER THOB KYI MTHAR 'CHI BA'I 'OD GSAL 'CHAR BA NI 'OD GSAL GYI RIM PA STE GZHI'I CHOS SKU ZHES BYA'O, ,'CHI BA'I 'OD GSAL GYI MTHAR PHUNG PO RNYING PA'I KHROD NA GNAS PA'I RLUNG SEMS TZAM LAS, LUS RNYING PA LAS LOGS SU BYE NAS BAR DO'I LUS GRUB PA NI SGYU LUS KYI RIM PA STE GZHI'I LONGS SKU ZHES BYA'O, ,GZHI LA DAG MA DAG GI SGYU LUS KYI RIM PA SO SO BA GNYIS MED KYANG, 'DIS LAM DUS KYI SGYU MA'I SKU GNYIS KA MTSON NUS SO, ,GZHI'I BAR DO LONGS SKU MIG THA MAL PA SHA'I MIG GI YUL DU MI MTHONG BA DE, SKYE SRID DU SKYE BA BLANGS PA NA MIG DE'I YUL DU 'GYUR BA NI GZHI'I SPRUL SKU'O, ,TSUL 'DI LA RIM LNGA LAS, KUN RDZOB BDEN PA SGYU MA NYID, ,LONGS SPYOD RDZOGS PA'I SKU YANG DE, ,DE NYID DRI ZA'I SEMS CAN GYUR, ,RDO RJE'I SKU YANG DE NYID YIN, ,ZHES RIM PA GSUM PA'I SGYU MA'I SKU DRI ZA'I SEMS CAN BAR DOR BSHAD PAS, LAM GYI SGYU MA'I SKU LA BAR DOR BTAGS PA DANG, GZHI'I BAR DO LA LAM GYI SGYU MA'I SKUR BTAGS PA GNYIS

, ,KA SHES PAR BYA'O, ,DE LTAR GSUNGS PA NI THABS LA MKHAS PA'I MAN NGAG DANG BRAL BA LA BAR DER 'ONG RGYU'I RLUNG SEMS DE NYID THABS MKHAS KYI MAN NGAG DANG LDAN PA LA SGYU MA'I LUS LONGS SPYOD RDZOGS PA'I SKUR 'CHAR BA'I RGYU MTSAN GYIS YIN TE, SPYOD BSDUS LAS, DE LTAR BYIS PA SO SO'I SKYE BO SRID PA BAR MA ZHES BYA BA NI 'KHOR BA'I RGYUR 'GYUR RO, ,DE NYID BLA MA BRGYUD PA'I RIM GYIS DE BZHIN GSHEGS PA THAMS CAD KYI MAN NGAG THOB PA RNAMS NI, ,BDAG LA BYIN GYIS BRLAB PA ZHES BYA BA 'DI LTAR RTZIG PA'AM RAS RIS ME LONG GI NANG DU NYE BAR SNANG BA DE BZHIN DU, RDO RJE'I SKU'I NGO BO NYID KYIS BDAG NYID SPRUL TE, RNAM PA THAMS CAD KYI MCHOG DANG LDAN PA SKU BLTA BAS CHOG MI SHES PA, SKYES BU CHEN PO'I MTSAN SUM CU RTZA GNYIS LA SOGS PAS LUS LA BRGYAN PA STE, ZHES GSUNGS SO, ,YAB SRAS GNYIS KYIS BAR DO LA DE LTAR BSHAD PA'I GNAD KYIS 'CHI BA DANG SKYE BA YANG MAN NGAG MED PA LA SKYE 'CHI RANG DGA' BA 'KHOR BA'I 'KHOR LO SKOR BA DE MAN NGAG DANG LDAN PA LA 'CHI BAR 'ONG RGYU DE CHOS SKU DANG, SKYE BA LEN PA RANG DGA' BAR 'ONG RGYU DE SPRUL SKU RU 'CHAR BAS, GZHI LA LAM GYI SKU GNYIS DANG, LAM GYI SKU GNYIS LA GZHI'I CHOS GNYIS KYI MING GIS BSTAN PA YANG 'THOB BO, ,RNAM GZHAG RIM PAR YANG RDO RJE BZLAS PA LA GNAS NAS SEMS DMIGS KYI RIM PA GNYIS PA SHES PAR BYAS TE, BSAM GTAN GNYIS KYIS 'CHI RIM BZHIN DU 'OD GSAL MNGON DU BYED PAR BSHAD PAS, ,RDZOGS

RIM GYI LAM RNAMS KYANG 'CHI BA'I RIM PA BZHIN DU RGYUD LA SKYED DGOS PA GSAL BAR GSUNGS SO, ,'GOS LUGS PA RNAMS RIM PA GNYIS KA'I SBYANG GZHIR SRID PA SKYE 'JIG GI RIM PA 'CHAD KYANG GZHI DUS LA SKU GSUM DANG RIM LNGA'I RNAM GZHAG MI BYED LA, MAR LUGS PA RNAMS RIM LNGA BSDUS PA LAS, SRID PA SKYE DANG NYIN ZHAG GCIG, STAN GCIG STENG DU SBYAR TA BSHAD, ,CES 'BYUNG BA LA BRTEN NAS SKYE SHI BAR DO GSUM LA SKU GSUM GYI THA SNYAD DANG, GZHI DUS KYI RDOR BZLAS SOGS RIM LNGA'I THA SNYAD BYED PA NI SHIN TU LEGS TE, DE LTAR BYED PA NI GZHI'I SRID PA SKYE 'CHI'I RIM PA JI LTA BA BZHIN DU, LAM RGYUD LA SKYED PA'I CHED YIN PAS DE DGOS SO, ,THA SNYAD DE LTAR BYED KYANG DGOS PA DE MA SHES PAR 'CHI BA CHOS SKU SOGS KYI GDAMS NGAG RNAMS 'CHI BA'I DUS DANG BAR DO'I DUS KHO NAR NYAMS SU LEN RGYU LA 'CHAD PA DANG, BZHI'I RIM LNGA'I THA SNYAD SNGAR BSHAD PA LAS GZHAN DU BYED PA NI LEGS PAR MI SNANG NGO, ,ZHAR LA ZHAG GCIG LA RIM LNGAR 'JOG TSUL NI, ZHAG GCIG GI RLUNG 'BYUNG 'JUG RDO RJE'I BZLAS PA, GNYID KYI MGO BRTZAMS NAS RMI LAM MA SHAR BA'I BAR LA STONG PA BZHI 'CHAR BA'I DANG PO GSUM SEMS DMIGS DANG BZHI PA 'OD GSAL 'DI LA GNYID CHOS SKU ZHES KYANG BYA'O, ,RMI LAM 'BYUNG BA TZAM MIN GYI RMI LAM GYI LUS KHYAD PAR BA ZHIG YOD PA DE SGYU LUS KYI RIM PA YIN LA, 'DI LA RMI LAM LONGS SKU ZHAS KYANG BYA'O, ,'DIS RIM PA GSUM PA DANG LNGA PA'I SGYU MA'I SKU YANG MTSON NUS SO, ,

, ,DE NAS SAD PA SPRUL SKU YIN TE, 'DI LA'ANG GNYID SAD PA TZAM MIN PA'I SAD LUGS KHYAD PAR BA ZHIG YOD DO, ,YAB SRAS LNGA'I RJES 'BRANG SNGAR BSHAD PA'I RGYA GAR BA GZHAN RNAMS KYIS SRID PA SKYE 'JIG GI RIM PA LNGA DANG, GZHI'I SKU GSUM DANG, ZHAG GCIG GO RIM LNGA MA BSHAD KYANG, N'A RO PA'I MAN NGAG LAS 'BYUNG STE LEGS SO,, ` ,,LAM GYI RIM PA RNAMS KYI GO RIM NGES TSUL NI, RIM LNGAR RIM GNYIS SKAS KYI RIM PA LTAR GSUNGS PA NI, RDZOGS RIM GYI RIM PA LNGA LA'ANG 'DRA STE, DER RDOR BZLAS LA GNAS PAS SEMS DMIGS 'THOB PA DANG, SGYU LUS YANG DAG PA'I MTHA' 'OD GSAL GYIS SBYONG BA DANG, DE LAS LANGS NAS GNYIS MED ZUNG 'JUG 'THOB PAR GSUNGS LA, DES NI SEMS DMIGS LA GNAS PAS SGYU LUS 'THOB PA YANG GO BAR NUS PA'I PHYIR RO, ,DE YANG SNGA MA SNGA MA LA BRTEN NAS PHYI MA PHYI MA 'BYUNG BAR STON PA'I GO RIM MO, ,RIM LNGAR MI RGYAS PA DE RGYAS PAR SPYOD BSDUS LAS, SANGS RGYAS KYI THEG PA'I BSAMS PA SEMS BSKYED GNYIS DANG, RAGS PA'I LHA'I RNAL 'BYOR DRAN PA GCIG PA DANG, PHRA MO RTOG PA'I RNAL 'BYOR DANG, LUS DBEN NAS ZUNG 'JUG GI BAR LA SNGA MA SNGA MA LA LOBS NAS PHYI MA PHYI MA LA SLOB PA'I RJES 'GRO'I GO RIM DANG, LUS DBEN NAS BZUNG STE SNGA MA MED NA PHYI MA MI 'BYUNG BA'I LDOG PA'I GO RIM KYANG GSUNGS PAS GO RIM NGES PA 'DOD DGOS SO, ,DE LTAR BSHAD PA TZAM MA GTOGS PA RTZA BSHAD KYI RGYUD

DANG YAB SRAS LNGA'I GZHUNG NAS GO RIM DE LTAR NGES PA'I RGYU MTSAN GSAL BAR MA GSUNGS SO, ,KHA CHE LAKshMIS, DANG POR THA MAL PA'I LUS DAG PAR BYA DGOS PAS, DE NI DANG PO SBYOR BA NAS RIGS BRGYA'I LUS DBEN GYI BAR GYI BSKYED RIM GYIS BYED DO, ,DE NAS NGAG DAG PA LA NGAG DBEN DANG, DE NAS THA MAL BA'I SEMS DAG PA LA SEMS DBEN DANG, DE NAS SNGON GYI SMON LAM 'BRAS BU DANG LDAN PAR BYA BA DANG, DBANG PHYUG CHEN PO'I BSTAN PA BZHIN DU CHAD PA'I PHYOGS SPANG PA DANG, BSKAL PA'I BAR DU 'GRO DON MDZAD PA DANG, NYAN THOS KYI BYANG CHUB BZHIN DU 'GOG PA'I BDEN PA SPANG BA'I PHYIR DU SGYU LUS DANG, DE LA YANG CHAGS NA DMIGS PA DANG BCAS PAR 'GYUR BAS DE SBYANG BA'I DON DU 'OD GSAL DANG, 'OD GSAL GYI CHAD MTHA' SPANG BA'I PHYIR DU ZUNG 'JUG BSTAN NO ZHES 'CHAD DO, ,'DI LA DBEN GSUM SNGA MAS PHYI MA 'DREN LUGS THUN MONG MA YIN PA STON DGOS PA MI 'DUG CING, CHAD MTHA' SPONG BA'I PHYIR DU BSTAN PA'I LAM RTAG LTA CAN DU SKYE LA, DE SPONG BA'I LAM CHAD MTHA' CAN DU SKYE NA GLANG PO CHE'I KHRUS DANG 'DRA BAS LAM YANG DAG PAR MI RUNG BA'I PHYIR DANG, SPYOD BSDUS LAS, KUN RDZOB KYI BDEN PA RTOGS PA DANG BRAL BAS NI DON DAM PA'I BDEN PA MNGON SUM DU BYA BAR MI NUS SO, ,ZHES 'OD GSAL MNGON SUM DU BYED PA LA SNGON DU SGYU LUS RTOGS PA STE THOB DGOS PAR BSTAN PAS, 'OD BSAL MNGON

, ,DU BYED PA LA SGYU LUS SNGON DU SKYE DGOS PA'I PHYOGS NAS RGYU MTSAN BSTAN DGOS KYI, SGYU MAR ZHEN PA SPONG BA LA 'OD GSAL DU 'JUG DGOS ZHES RGYU MTSAN STON PA GA LA YIN, SEMS DBEN DANG SGYU MA DANG 'OD GSAL DANG ZUNG 'JUG GI GO RIM GYI RGYU MTSAN YANG DE BZHIN DU BSTAN DGOS KYI, DE LAS GZHAN STON PA LA NI SNYING PO MA MTHONG NGO, ` ,LAM GYI RIM PA RNAMS KYI GRANGS NGES TSUL NI, SPYOD BSDUS LAS, LAM LA RIM CAN DU SLOB TSUL SNGAR LTAR BSHAD NAS, ZUNG 'JUG THOB PHYIN CHAD GSAR DU LAM GYI RIM PA LA BSLAB TU MED PAR GSUNGS SHING, RIM LNGA LAS KYANG, ZUNG 'JUG TING 'DZIN LA GNAS NAS, ,SLAR ZHING GANG LA'ANG MI SLOB PO, ,ZHES GSUNGS PAS LAM GYI RIM PA DE RNAMS SU MI 'DU BA MED PA DANG, DE RNAMS LA SLOB DGOS PAR GSUNGS PAS, DER MA 'DUS PA'I LAM GZHAN MI DGOS PA'I PHYIR GRANGS MANG BA SEL LA, DE RNAMS MED NA MI NUS PAS GRANGS NYUNG BA YANG SEL LO, ,DE'I PHYIR GRANGS NGES 'DOD DGOS SO, ,DE LTA NA'ANG GRANGS NGES PA'I RGYU MTSAN GSAL BA NI RGYUD GNYIS DANG YAB SRAS KYIS DNGOS SU MA GSUNGS SO, ,'DI LA LAKshMIS NI, DBEN PA GSUM GYIS LUS NGAG YID GSUM RNAM PAR DBEN PA STE DAG PAR BYED CING, 'OD GSAL GYI KUN RDZOB DANG DON DAM PA'I BDEN PA RNAM PAR DBEN PA STE DAG PAR BYED LA, ZUNG 'JUG GIS BDEN GNYIS RO GCIG PA'I RDO RJE 'CHANG 'THOB PAS DE PHAN CHAD

DU BSLAB PAR BYA BA MED PAS RIM PA DRUG MI DGOS SO, ,SNGAR BSHAD PA 'DI TZAM GYIS 'DOD PA'I DON 'GRUB PAS RIM PA BZHI YANG MA YIN PAS RIM PA LNGAR GRANGS NGES SO ZHES ZER YANG LEGS PAR MI SNANG NGO, ,'O NA GANG LA LTOS NAS GRANGS NGES SGRUB SNYAM NA, BSGRUB BYA MTHAR THUG LA LTOS NAS TE, DE SGRUB PA LA 'DI RNAMS DGOS LA 'DIR MI 'DU BA MI DGOS PA'I PHYIR RO ZHES PA'I TSUL GYIS SO, ,DE LA YE SHES CHOS KYI SKU DANG, DE'I RTEN GZUGS SKU THUN MONG MA YIN PA TSOGS PA'I ZUNG 'JUG GI 'BRAS BU NI SNGAR BSHAD CING 'OG NAS KYANG 'CHAD PAR 'GYUR BA LTAR RO, ,DE 'DRA BA'I ZUNG 'JUG 'GRUB PA LA NI, SLOB LAM DU BDE BA CHEN PO'I YE SHES DE KHO NA NYID KYI DON LA MNGON SUM DU ZHUGS PA'I DON DAM 'OD GSAL DANG, YE SHES KYI BZHON PA'I RLUNG 'OD ZER LNGA'I RGYUD LAS BSGRUBS PA'I YONGS SU DAG PA'I KUN RDZOB SGYU MA'I SKU GNYIS TSOGS PA'I SLOB PA'I ZUNG 'JUG BSKYED DGOS SO, ,BDEN GNYIS ZUNG 'JUG DE LA SNGON DU YA GNYIS SO SOR BSGRUBS DGOS TE, SPYOD BSDUS LAS, DON DAM PA'I BDEN PA RTOGS PA MED PAR NI ZUNG DU 'JUG PA'I RIM PA MNGON SUM DU BYA BAR MI NUS SO, ,ZHES GSUNGS SHING, KUN RDZOB SGYU LUS SNGON DU MA THAB PAR YANG 'OD GSAL MNGON DU BYA MI NUS PAR GSUNGS PA'I PHYIR RO, ,DE'I PHYIR 'OD GSAL DU MNGON SUM DU 'JUG PA'I RTEN LA SNGON DU SGYU MA'I SKU BSKYED DGOS TE, RIM PA GSUM PA'I SGYU LUS DANG, RIM PA BZHI PA'I 'OD GSAL GNYIS ZUNG 'JUG GI DUS NA MED PAS, ZUNG 'JUG

, ,GI DUS KYI YA GNYIS MIN KYANG, SPYIR KUN RDZOB SGYU MA DANG, DON DAM 'OD GSAL GNYIS ZUNG 'JUG GI YAR 'GRA ZHING, SNGA MA GNYIS KYANG DE GNYIS YIN PA LA BSAMS NAS DE LTAR BSHAD DO, ,DE 'DRA BA'I SGYU MA'I SKU GANG LAS SGRUB PA'I GZHI'I RLUNG DANG SEMS NI, SA CHUL THIM PA SOGS KYI SGO NAS RLUNG RIM GYIS SNYING KHAR BSDUS TE, RANG BZHIN BRGYAD CU'I RTOG PA GA-YO BA'I RLUNG THIM PA SOGS KYI THIM RIM LAS, SEMS DBEN GYI YE SHES GSUM BSKYED PA'I SEMS DANG, DE'I BZHON PA'I RLUNG YIN PAS SGYU LUS KYI SNGON DU SEMS DBEN 'GRO DGOS SO, ,DE 'DRA BA'I THABS KYIS SNYING KHAR SDUD RIM KHYAD PAR CAN BYED PA LA NI PHYI LAS DANG YE SHES KYI PHYAG RGYA DANG, SBYOR BA'I SROG RTZOL DANG, NANG RLUNG DANG THIG LE SOGS SGOM PA'I SROG RTZOL SGOM PA GNYIS DGOS PAS, SEMS DBEN GYI SNGON DU NGAG DBEN RDO RJE BZLAS PA'I RIM PA SGRUB DGOS SO, NGAG DBEN DANG RDO RJE BZLAS PA ZHES PA NI SROG RTZOL GYI PHYOGS GCIG GI MING GIS BTAGS PA STE, RIM PA 'DI'I SPYI'I MING NI, RGYUD PHYI MAR YAN LAG DRUG GI GSUM PA SROG RTZOL ZHES GSUNGS PA'O, ,DE LA NI 'OG GI SNA RTZER RDZAS KYI THIG LE DANG, SNYING KHA'I SNA RTZER MI SHIGS PA SNGAGS KYI THIG LE DANG, GDONG GI SNA RTZER 'OD KYI THIG LE SGOM PA'I SROG RTZOL GSUM YOD DO, ,SNYING KHAR RLUNG SDUD PA'I SDUD RIM KHYAD PAR CAN GYI SROG RTZOL GYI LAM 'GRUB PA LA SNGON DU, LUS KYI GNAD GZHAN DU DMIGS PA GTAD NAS BSGOMS PAS, SPYIR DH'U T'IR RLUNG GNYIS TSUNG NAS THIM PA

LAS BYUNG BA'I LHAN SKYES KYI BDE BA DRANGS TE SGOM PA DANG, GANG SHAR THAMS CAD DE'I RNAM ROL DU LTA BA DANG, DE YANG LHA'I RNAM PAR SGOM PA'I LUS DBEN BSGOM DGOS SO, ,DE 'DRA BA'I LUS KYI GNAD GZHAN LA RTZA 'KHOR BYE BRAG PA'I NGES PA MED LA, 'DIR NI 'OG SGOR THIG LE BSGOMS NAS SDUD DO, ,DE 'DRA BA'I RDZOGS RIM YONGS SU RDZOGS PA RGYUD LA SKYE BA'I DGE BA'I RTZA BA SMIN PA LA NI, SKYE SHI BAR DO GSUM SKU GSUM DU 'KHYER BA'I SGO NAS RGYUD SBYONG BA'I RIM PA DANG PO'I RAGS PA'I RNAL 'BYOR DRAN PA GCIG PA DANG, PHRA MO'I DKYIL 'KHOR RTOG PA'I RNAL 'BYOR THUN BZHIR SGOM PA SNGON DU 'GRO DGOS SO, ,RIM GNYIS SGOM PA'I SNOD RUNG DU SGRUB PA LA NI, DBANG RDZOGS PA RNAM DAG CIG THOB PA DANG, KHAS BLANGS PA'I DAM TSIG DANG SDOM PA RNAMS LEGS PAR BSRUNG BA DGOS SO, ,DBANG DANG DAM TSIG BSRUNG BA'I SNOD KYI MTSAN NYID TSANG BA LA, BYANG CHUB KYI SEMS GNYIS YAN LAG DANG BCAS PA LA SBYONG BA'I LAM THUN MONG BA'I RIM PA LA BSLAB DGOS SO, ,BOGS 'DON PA'I SPYOD PA NI PHYI'I SROG RTZOL GYIS MTSON NAS STON PAS DE LTA BU NI LAM THAMS CAD KYI GRANGS NGES DANG, RIM PA GNYIS KYI GRANGS NGES DANG, RIM PA GNYIS PA'I RIM PA RNAMS KYI GRANGS NGES YIN NO, ,DES NI GO RIM NGES PA YANG SHES LA, GANG ZAG GCIG 'TSANG RGYA BA LA YANG DE DAG KUN DGOS PAS, LAKshMI DANG SKAL LDAN GRAGS PA SOGS KYIS, GANG ZAG GCIG GIS KYANG RIM PA LNGA KA BSGOM DGOS PAS, RE RE GANG ZAG RGYUD THA DAD PA RE RE'I DBANG DU BYAS PA MIN ZHES 'CHAD PA

, ,LEGS GYI, 'GREL PA ZLA 'OD LAS, GANG ZAG RAB LA RIM PA THA MA GNYIS 'BRING LA RIM PA GSUM PA DANG BZHI PA GNYIS, CHUNG NGU LA BSKYED RIM DANG RDOR BZLAS GNYIS, CHUNG NGU'I CHUNG NGU LA DE GNYIS DANG NGAG GI BZLAS PA GSUM BSHAD NAS, RAB 'BRING THA MA GSUM YANG RGYUD GCIG GI BLO RIM GYIS GONG NAS GONG DU 'PHOS PA'I SKABS LA 'JOG PA GZHAN LUGS DANG, RGYUD THA DAD LA BYED PA RANG LUGS SU MDZAD PA NI 'PHAGS PA YAB SRAS KYI GO RIM STON PA'I GZHUNG DANG 'GAL ZHING, RNAL 'BYOR RDZOGS ? PHRENG DANG YANG 'GAL BAS LEGS PA MA YI TSOGS ? BSKYED RIM JI TZAM ZHIG BSGOM DGOS PA NI, RTZA RGYUD KYI LE'U BCU GNYIS PAR BSKYED RIM BSNYEN BSGRUB YAN LAG BZHIR BSHAD PA'I DON YE SHES KYI SA SGOM PA NAS LAS RGYAL MCHOG GI MTHAR THUG PA'I BAR LA SGRON GSAL GYIS BSHAD DO, ,YANG LE'U DE NYID LAS, YANG NA RDO RJE BZHI DAG GIS, ,BRTUL ZHUGS BRTAN PAS BSNYEN PA BYA, ,ZHES PAS BSTAN PA'I BSKYED RIM DE BSKYED RIM MDOR BSDUS SU SGRON GSAL LAS GSUNGS SHING, DE NI RGYUD PHYI MA LAS, DANG PO STONG NYID BYANG CHUB STE, ,GNYIS PA SA BON BSDUS PA'O, ,GSUM PA GZUGS NYID RDZOGS PA STE, ,BZHI PA YI GE DGOD PA'O, ,ZHES GSUNGS PA'I DON DU BSHAD DO, ,'DI'I DON N'A RO PAS YE SHES KYI SA BSGOM PA NAS DKYIL 'KHOR RGYAL MCHOG GI BAR LA BSHAD PA NI, RDO RJE BZHIS SKYED RGYAS PA LA DGONGS LA, MDOR BSDUS PAR GSUNGS PA NI YE SHES KYIS NAS RDO RJE DANG PAD

MA'I YI GE DGOD PA'I BAR RO, ,DE YANG DNGOS SU GSUNGS PA TZAM YIN PAS DE'I RJES SU PHRA MO DANG BZLAS PA SOGS KYANG SBYAR DGOS SO, ,LE'U BCU GCIG PA'I SGRON GSAL LAS YE SHES KYIS SGOM PA NAS SEMS DPA' GSUM RTZEG GI BAR GYI RIGS DRUG GI DRAN PA GCIG PA BSHAD NAS, DE LA THUN BZHIR BSLABS NA RGYUD SMIN PAR GSUNGS PA YANG SGRUB THABS MDOR BSDUS 'DI DANG DON GCIG GO ,SGRUB THABS LA RGYAS BSDUS GNYIS SU BYED PA 'DI MA GTOGS PA 'PHAGS PA YAB SRAS KYI GZHUNG NAS MA BSHAD DO, ,MI BSKYOD PA LA SOGS PA'I LHA GZHAN MNGON BYANG LNGAS BSKYED PA LA YANG, SKYE SHI BAR DO GSUM SKU GSUM DU 'KHYER BA'I LAM 'KHYER YOD MOD KYANG, MNGON BYANG LNGAS DANG PO'I MGON PO SKYED PA'I SKOR LA, SBYANG GZHI DANG 'BRAS BU DANG RJES SU MTHUN PA'I GNAD RDZOGS PA 'DRA BA GZHAN LA MED PAS, RIGS DRUG PA RDO RJE 'CHANG GI SGO NAS DANG PO SBYOR BA BYED PA MCHOG TU GZIGS NAS, MDOR BYAS DANG, MDO BSRE DANG, RNAM GZHAG RIM PA DANG, RDO RJE SEMS DPA'I SGRUB THABS BZHI LAS, DANG PO SBYOR BA'I SKABS SU ME TOG GANG PHOG GI RIGS KYI DBANG DU MA BYAS PAR RDO RJE 'CHANG GI DANG PO SBYOR BA NYID KYI SGO NAS MDZAD PAS, 'DI NI RIM PA DANG PO LA THUN BZHI'I RNAL 'BYOR BYED PA'I MCHOG TU SHES PAR BYA'O, ,DES NA MAR LUGS PA KHA CIG ,DKYIL 'KHOR GYI 'KHOR LO SGOM PA LAS TSOGS SGRUB PA LA DGOS, RDZOGS RIM GYI SNGON 'GRO LA STONG PA'I NGANG NAS LHA YAB YUM DKRONGS SKYED TZAM ZHIG BYED PA'I YE SHES KYI SKU SGOM PAS CHOG

, ,ZER BA DANG, BSKYED PA'I RIM LA LEGS GNAS SHING, ZHES PAS KYANG DE TZAM ZHIG BSTAN PA YIN ZHES PA NI, 'PHAGS SKOR GYI GZHUNG RNAM DAG GANG DANG YANG MI MTHUN LA, RDZOGS RIM SGOM PA'I SNGON 'GROR YE SHES KYI SKU SKYED CES PA NI BSKYED RIM NAS BRTZAMS TE SEMS DBEN GYI BAR LA LHA'I SKU MED PAS SGYU LUS NAS YE SHES KYI SKU SKYED PAR SPYOD BSDUS LAS GSUNGS PA DANG MI MTHUN ZHING, KHYAD PAR DU BSKYED RIM LA SNGAGS KYI SKU DANG YE SHES KYI SKU GNYIS SU 'BYED PA NI LUGS 'DI LA GNAS MA YIN PA'I DOGS PA'O, ,MDOR NA BSKYED RIM CI TZAM ZHIG BSGOMS PAS RDZOGS RIM GYI RTOGS PA RDZOGS PAR SKYE BA'I RGYUD SMIN BYED DU 'GRO TSUL SHES NAS, BSKYED RIM MA MTHA' YAN CHAD CIG SGOM PA GAL CHE LA, LE'U BCU GSUM PA RTZA 'GREL LAS LAS DANG PO PA'I SEMS GA-YENG BA SRUNG BA LA SRUNG 'KHOR THUN BZHIR BSGOM DGOS PAR YANG GSUNGS SO, ` ,BSKYED RIM LA RIM PA JI LTAR SLOB TSUL NI, BSKYED RIM LA SLOB PA'I RIM PA NI, SPYOD BSDUS LAS, SANGS RGYAS KYI THEG PA'I BSAM PA LA LOBS PA'I TSE, DRAN PA GCIG PA'I TING NGE 'DZIN LA SLOB, DE LA LOBS NAS RTOG PA'I RNAL 'BYOR LA SLOB PO, ,DE LA LOBS PA'I TSE LAS DANG PO PA'I TING NGE 'DZIN LA GNAS PAR GSUNGS PA 'DI YIN NO, ,'DI LA SPYOD BSDUS KYI 'GREL PAR, BSKYED RIM LA SKAD CIG MA GCIG GIS SLOB PA DRAN PA GCIG PA DANG, SKAD CIG MA MANG POS SLOB PA RTOG PA'I RNAL 'BYOR DU BYED PA NI MI RIGS TE, SGRON GSAL LAS, RNAM SNANG LA SOGS PA

MNGON BYANG LNGA LAS SKYED PA DRAN PA GCIG PAR BSHAD PA'I PHYIR RO, ,YANG KHA CIG LE'U BCU GCIG PA'I SGRON GSAL LAS, RNAM SNANG LA SOGS PA RE RE SKYED PA DRAN PA GCIG PAR BSHAD PA LA BRTEN NAS, THOG MAR LHA GCIG LA SLOB PA DRAN PA GCIG PA DANG, DE LA LOBS NAS SGRUB THABS TSANG BA LA SLOB PA RTOG PA'I RNAL 'BYOR LA SLOB PA LA BYED PA YANG MI 'THAD DE, RNAM SNANG LA SOGS PA DRAN PA GCIG PAR BSHAD PA DE LA YANG LHAG MOS KYI DKYIL 'KHOR SGOM PAR GSUNGS PA'I PHYIR RO, ,DAS NA DRAN PA GCIG CES PA LHA DRAN THEBS GCIG GAM, LHA GCIG TZAM DRAN PA LA MI ZER GYI GCIG TU LHA DRAN PA'AM, RANG DANG LHA GCIG TU DRAN PA YIN LA, DE NI SPYIR LHA PHRA RAGS GNYIS KA SGOM PA LA 'JUG KYANG, 'DIR NI RTEN DANG BRTEN PA RAGS PA'I LHA'I RNAL 'BYOR YIN NO, ,DE YANG SPYOD BSDUS LAS GSUNGS PA LTAR, 'PHONG SLOB PAS THOG MAR 'BEM CHEN PO LA SLOB LA, DE LA BYANG NAS CHUNG BA LA SLOB PA DANG 'DRA BAR LAM 'DI LA YANG BSLAB PAR GSUNGS PAS, BSKYED RIM LA SLOB PA NA THOG MAR RAGS PA GSAL BAR SNANG BA'I TING NGE 'DZIN SKYED PA YIN TE, DKYIL 'KHOR RGYAL MCHOG YAN CHAD DO, ,DE LA LOBS PA NA THIG LE PHRA MO'I NANG DU DKYIL 'KHOR SGOM PA LA SOGS PA'I RTOG PA'I RNAL 'BYOR LA SLOB PO, ,RTOG PA'AM BRTAGS PA'I RNAL 'BYOR NI BSKYED RIM GYI SPYI MING YIN KYANG, 'DIR SPYI MING PHRA MO'I RNAL 'BYOR LA ZHUGS PA STE, LE'U DRUG PA'I SGRON GSAL DU PHRA MO'I RNAL 'BYOR SGOM PA LA RTOG PA'I RNAL 'BYOR

, ,LA SLOB PAR GSUNGS PA BZHIN NO, ,LAS DANG PO PA'I TING NGE 'DZIN NI RIM PA DANG PO'I RNAL 'BYOR YIN LA, DE LA GNAS PA NI DE BRTAN PA'AM MTHAR PHYIN PA'O, ,BSKYED RIM LA NI RDZOGS RIM GYI RTOGS PA RNAMS SKYE BA DANG RJES SU MTHUN PA'I RTEN 'BREL ZAB MO RE RE YOD CING, RGYAL BA SRAS BCAS KYIS RGYUD BYIN GYIS RLOB CING TSE RABS KUN TU LHAG PA'I LHAS RJES SU 'DZIN PA DANG, SANGS RGYAS RJES SU DRAN PA DANG MI 'BRAL ZHING MCHOD BSTOD LA SOGS PAS TSOGS BDE BLAG TU RDZOGS PAR BYED PA DANG, BGEGS KYI GNOD PAS MI TSUGS SHING ZHI BA LA SOGS PA'I DNGOS GRUB MANG PO TSE 'DI NYID LA SGRUB NUS PA SOGS KYI YON TAN GYI TSOGS CHEN PO YOD PAS, RTEN DANG BRTEN PA'I DKYIL 'KHOR PHRA RAGS GANG GSAL BTAB KYANG, 'DOD PA BZHIN 'CHAR ZHING MI 'DOD PA MI 'CHAR BA DANG, DE LA SEMS RTZE GCIG TU YUN RID DU GNAS PA BYUNG BYUNG GI BAR DU SLOB PA SHIN TU GAL CHE'O, ,SBYANG GZHI DANG SBYOR TSUL RGYAS PAR NI RNAM GZHAG GI RNAM BSHAD DU BSHAD ZIN TO, ,BSKYED RIM PHRA RAGS LA MYONG BA 'DON LUGS BSDUS PA NI SGRUB THABS SU BSHAD ZIN LA, RGYAS PAR NI RDO RJE 'CHANG GI LAM GYI RIM PAR BSHAD ZIN NO, ` ,SEMS DMIGS KYI SKABS SU, SEMS DMIGS KYI RIM PAR BSDUS PA'I LUS DBEN DANG NGAG DBEN NI 'OG TU STON NO, ,SNANG BA BSHAD PA LA SNANG BA GSUM GYI MING GI RNAM GRANGS NI, SPYOD BSDUS LAS, MING GI RNAM GRANGS GNYIS GSUNGS PA'I DANG PO PHAR PHYIN GYI THEG CHEN DANG THUN MONG

PA'I MING GI RNAM GRANGS NI, STON PAS THABS DANG SHES RAB CES GSAL BAR BSTAN PA'I SHUGS KYIS MA NING GI BRDA MI GSAL BA YANG 'PHANGS TE DE GSUM DANG, SEMS DANG YID DANG RNAM PAR SHES PA GSUM DANG, KUN BRTAGS DANG GZHAN DBANG DANG YONGS GRUB GSUM DANG, 'DOD CHAGS DANG ZHE SDANG DANG GTI MUG GSUM DANG, NGO BO NYID GSUM ZHES BYA BA LA SOGS PA'I RNAM GRANGS SO, ,DE LA THABS NI MCHED PA DANG, SHES RAB NI SNANG BA DANG, MA NING DE GNYIS 'DUS PA NI NYER THOB YIN TE, SNANG BA NI BDE STONG GNYIS KYI NANG NAS STONG PA'I BLO SHAS CHE LA, MCHED PA NI DE LAS BZLOG CING, NYER THOB NI DE GNYIS CHA MNYAM PAS DE SKAD CES BYA'I THABS SHES DANG DE GNYIS 'DUS PA GANG YIN THAMS CAD DE GSUM DU STON PA MIN NO, ,DE YANG LAM GYI SNANG BA GSUM GYI DBANG DU BYAS LA, DE DANG CHA 'DRA BA'I SGO NAS GZHI'I SNANG BA GSUM LA YANG THA SNYAD DE LTAR BYA'O, ,SNANG BA LA SEMS DANG, MCHED PA LA YID DANG, NYER THOB LA RNAM PAR SHES PA ZHES PA YANG, SEMS YID RNAM SHES GSUM GANG YIN DE GSUM DU STON PA'ANG MIN LA, SNANG BA GSUM 'GAL BA BZHIN DU SEMS YID RNAM SHES GSUM 'GAL BAR BZHED PA YANG MIN NO, ,GZHUNG GZHAN DU SEMS KUN GZHI DANG, YID NYON YID DANG, RNAM SHES 'JUG SHES DRUG TU BSHAD PA LA BRTEN NAS, SNANG BA 'JUG SHES DANG, MCHED PA NYON YID DANG, NYER THOB KUN GZHIR 'CHAD PA YANG SNANG MOD KYANG 'THAD BAR MA MTHONG STE, MCHED

, ,THOB GNYIS KUN GZHI DANG NYON YID YIN PAR 'DOD NA NI, TSOGS DRUG LAS NGO BO THA DAD PA'I KUN GZHI DANG NYON YID GNYIS SO SKYES MNGON GYUR DU NGES MI NUS PA BZHIN DU, DE GNYIS KYANG DE LTAR THAL BA DANG, SNANG BA'I DMIGS RNAM BSHAD PA DANG DE GNYIS KYI DMIGS RNAM SHIN TU MI MTHUN PA DANG, SNANG BA RNAMS PHYI NANG GI SROG RTZOL GYI LAM GYIS GSAR DU SKYED PAR BSHAD PAR MANG DU BSHAD PA RNAMS DANG 'GAL BAR 'GYUR LA, KUN GZHI SOGS KYI MING 'JUG PA'I RGYU MTSAN RE YOD PA LA 'DOD NA NI, DE YANG MA BSHAD PAS MI 'THAD DO, ,'O NA JI LTAR YIN SNYAM NA, GSUNG RAB LAS SEMS YID RNAM SHES GSUM SPYIR KUN BYANG GI CHOS KUN GYI RTZA BAR GSUNGS PA LA, 'DIR KUN BYANG GI CHOS KUN GYI RTZA BAR 'GYUR BA'I SEMS YID RNAM SHES GSUM KHYAD PAR BA ZHIG BSTAN PAR BZHED NAS SNANG BA GSUM LA DE GSUM GYI THA SNYAD MDZAD PA YIN TE, YE SHES RDO RJE KUN LAS BTUS SPYOD BSDUS SU DRANGS PA LAS, RNAM PAR SHES PA NI 'OD GSAL BA LAS BYUNG BA'O, ,DA NYID NI SEMS DANG YID CES BYA STE, KUN NAS NYON MONGS PA DANG RNAM PAR BYANG BA'I BDAG NYID CAN GYI CHOS THAMS CAD NI DE'I RTZA BA CAN YIN NO, ,ZHES DANG, RDO RJE 'PHRENG BA LAS KYANG, SNANG BA GSUM GYI MTSAN NYID CAN, ,GANG 'DAR RNAM SHES GSUM THOS PA, ,SEMS CAN KHAMS NI MA LUS PA'I, ,RANG BZHIN RTZA BA 'DI YIN NO, ,ZHES SO, ,SNANG BA GSUM GA LA RNAM SHES ZHES GSUNGS PA NI, SEMS DANG YID LA'ANG 'DRA BAS SNANG BA GSUM RE RE LA'ANG DE GSUM GA'I THA SNYAD 'THOB LA, DE

GSUM DANG SNANG BA GSUM SO SOR SBYAR BA NI YID KYI SHES PA'I RIGS 'DRA SNGA PHYIR 'BYUNG BA GSUM LA BZHAG GO ,SGRA'I DON NI BSAGS PAS NA SEMS DANG, RTEN DU GYUR PAS NA YID DANG BRTEN PAR GYUR PAS NA RNAM SHES ZHES GSUNGS PA YIN LA, DE NI SNANG BA GSUM PO'I SEMS RE RE LA'ANG TSANG ZHING SHAS CHE CHUNG YANG MED PAS, NGES TSIG DE'I SGO NAS SO SOR BYA BAR MI NUS SO, ,RIM LNGA LAS, SNANG BA GZHAN DBANG DANG, MCHED PA KUN BRTAGS DANG, NYER THOB LA YONGS GRUB TU GSUNGS LA, DE LTAR BSHAD PA NI GZUNG 'DZIN GNYIS RGYANGS CHAD DU SNANG BA'I SNANG GZHI NI GZHAN DBANG DANG, DE LTAR SNANG BA LA BRTEN NAS GZUNG 'DZIN RDZAS THA DAD PAR SGRO BTAGS PA KUN BRTAGS DANG, 'GYUR BA MED PA'I YONGS GRUB MNGON DU BYAS PA'I DOR, ? KUN BRTAGS DANG GNYIS SNANG GNYIS KAS DBEN PA BZHIN DU STONG PA RNAMS KYI THOG MA'I GZHI SNANG BA DANG, DE LA BRTEN NAS MCHED PA 'BYUNG BA DANG, NYER THOB KYI TSE SNGA MA GNYIS KA LOG NAS THABS SHES MNYAM PAR 'JUG PA'I CHOS MTHUN LA BRTEN NAS YIN NAM SNYAM STE, DPYAD PAR BYA'O, ,SNANG BA LA ZHE SDANG DANG, MCHED PA LA 'DOD CHAGS DANG, NYER THOB LA GTI MUG GI MING GIS GSUNGS PA NI, BDE BA CHUNG BA DANG, CHE BA DANG, BAR MAR 'JUG PA'I SGO NAS YIN TE, LAM DANG GZHI'I DUS NI SNGAR BZHIN NO, ,NGO BO NYID GSUM GYI MING NI MTSAN NYID GSUM SNGAR BSHAD ZIN PAS DE MIN NO, ,DES NA STONG PHYOGS DANG SNANG PHYOGS DANG, GNYIS KA MNYAM PA'I NGO BO NYID CES SBYAR LA

, ,SNGAR BZHIN DU BYA'O, ,PHAR PHYIN GYI THEG PA NAS SNANG BA GSUM LA MING DE LTAR BTAGS PA MED PAS, GDAGS BYA'I MING THUN MONG BA YIN GYI MING GIS SNANG BA GSUM LA BTAGS PA THUN MONG BA MIN NO, ` ,RDO RJE THEG PA NYID LA GRAGS PA'I THUN MONG MA YIN PA'I MING GI RNAM GRANGS NI, SNANG BA DANG SNANG BA MCHED PA DANG SNANG BA THOB PA DANG, STONG PA DANG SHIN TU STONG PA DANG STONG PA CHEN PO DANG, SEMS DANG SEMS LAS BYUNG BA DANG MA RIG PA DANG, 'DOD CHAGS DANG BRAL BA DANG 'DOD CHAd DANG 'DOD CHAGS BAR MA ZHES GSUNGS SHING, AAm ZHES PA NGAG GI SGO LA BRTEN PA'I SA BON BRTAN PAR BYED PA'I RGYU STE, MOS PA CHUNG BA'I SEMS CAN RNAMS KYIS DE BZHIN GSHEGS PAS DGONGS TE GSUNGS PA RTOGS PAR MI 'GYUR BAS, DE ZLA PA'I DKYIL 'KHOR GYI GZUGS SO ZHES DMIGS PAR BYED CING, PAD MA 'AM BUD MED KYI GZUGS SAM, GA-YON PA'I MING NGAM MTSAN MO'I MING DANG, 'JAM PO'I DNGOS POR SEMS KYI KUN RDZOB KYI GZUGS GSAL BA'O, ,ZHES DANG, A'A: ZHES PA NGAG GI SGO LA BRTEN PA'I SA BON BRTAN PAR BYED PA'I RGYU STE, MOS PA CHUNG BA'I SEMS CAN RNAMS KYIS DE BZHIN GSHEGS PAS DGONGS TE GSUNGS PA RTOGS PAR MI 'GYUR BAS, NYI MA'I DKYIL 'KHOR LA BRTEN NAS DMIGS PAR BYED CING, RDO RJE RTZE LNGA PA'AM, RIN PO CHE 'AM, NYIN MO 'AM, SKYES PA'I GZUGS SAM, GA-YAS PA ZHES BYA BA'AM, RTZUB PA'I RNAM PA NI SEMS LAS BYUNG BA'I KUN RDZOB KYI GZUGS SO,, ZHES DANG, NGAG GI SA BON LA BRTEN PA'I SGO YONGS SU GRUB

PA ZHES BYA BA 'DI NI SNANG BA THOB PA ZHES GSUNGS LA, CHAG 'GYUR LAS, NGAG GI SA BON A'A: LA BRTEN PA'I ZHES 'BYUNG NGO, ,DE LA SNANG BA GSUM THIM PA RIM PA BZHIN DU STONG PA GSUM YIN ZHES PA DANG, STONG PA GSUM SNANG BA GSUM GYI CHOS NYID LA BYAS NAS SNANG BA GSUM LA MI BYED PA YANG MI 'THAD DE, SPYOD BSDUS LAS SNANG BA GSUM NYID STONG PA GSUM DU GSUNGS PA'I PHYIR DANG, DE NYID YE SHES RDO RJE KUN LAS BTUS LAS KYANG GSAL BA'I PHYIR RO, ,DES NA SNANG BA GSUM NI KUN RTOG GA-YO BA'I RLUNG THIM NAS ZLA 'OD LTA BUR SNANG BA'I SGO NAS SNANG BA ZHES BYA LA, DE NYID KUN RTOG BRGYAD CU RLUNG DANG BCAS PAS STONG BAS STONG PA DANG, NYI 'OD BZHIN DU CHES GSAL BA'I SGO NAS SNANG BA MCHOD PA DANG, SNANG BA RLUNG DANG BCAS PAS STONG BAS SHIN TU STONG PA DANG, THUN MTSAMS KYI SMAG BZHIN DU SHIN TU MI GSAL BAR SNANG ZHING 'OD GSAL DANG NYE BAS SNANG BA NYER THOB DANG, MCHED PA RLUNG DANG BCAS PAS STONG BAS STONG PA CHEN PO DANG MI GSAL BAS MA RIG PA ZHES KYANG BTAGS TE, NYER THOB KYI PHYOGS GCIG GI MING NGO, ,NGAG GI SGO NI NGAG 'BYUNG BA'I LAM STA DE LA BRTEN NAS SKYES PA'I SA BON NI YI GE GSUM MA, ,BRTAN PAR BYED PA'I RGYU NI DE GSUM GYI THA SNYAD KYIS YE SHES GSUM NGES PAR BYED PA'O, ,RIM LNGA LAS KYANG, GA-YON PA'I MING YANG DE NYID DE, ,ZLA BA'I DKYIL 'KHOR PAD MA CAN, ,BRTAN PAR BYA BA'I RGYUR GYUR PA, ,DANG PO'I YI GE THIG LER BCAS, ,ZHES DANG, DE BZHIN DU NI RDO RJE'I MING, ,THIG LE GNYIS KYIS BRGYAN PA YI, ,CHA RU DE NYID SHES

, ,PAR BYA, ,ZHES GSUNGS PAS SNANG BA RNAMS YI GE DE DAG GI MING GI BRDAS MTSON PA'I DON NO, ,MOS PA CHUNG BAS ZLA NYI LA BRTEN NAS DMIGS PAR BYED PA NI, SEMS DBEN THOB PA'I RDZOGS RIM PAS YE SHES GSUM YAS SGYU MA'I SKU SKYAD pA LTAR BYED MI NUS PA'I SKYED RIM PAS, SNANG BA'I DOD ZLA BA DANG, MCHED PA'I DOD RDO RJE SOGS PHYAG MTSAN DANG, SNANG MCHED KYI SEMS SEMS BYUNG GNYIS MNYAM PAR SBYOR BA'I NYER THOB KYI DONG, ZLA BA DANG RDO RJE SOGS MNYAM PAR SBYOR BA LAS LHA'I SKU SKYED PA'I DON YIN TE, RIM LNGA LAS, SHES RAB NGO BO 'DI NYID NI, ,ZLA BA'I DKYIL 'KHOR DAG TU BRTAGS, ,SEMS NYID RANG GIS MTHONG GYUR TE, ,RANG NYID ZLA BA'I GZUGS BZHIN NO, ,DE NAS ZLA BA LA DMIGS PA, , RDO RJE MTSAN MA RAB TU BRTAG ,'DI NI RDO RJE LA SOGS PA, ,RNAL 'BYOR PA YI THABS MTSON BYED, ,ZLA BA RDO RJE SOGS MNYAM SBYOR, ,SEMS DANG SEMS BYUNG 'DUS PA STE, ,SHES RAB THABS SU 'DUS PA LAS, ,LHA YI GZUGS SU 'BYUNG PAR 'GYUR,, ZHES GSUNGS TE RKANG PA LNGA PA LA CHAG 'GYUR LAS, ZLA BA RDZOGS PA DMIGS DE NAS, ,ZHES 'BYUNG BA LEGS SO, ,SNANG BA DANG PO GNYIS LA ZLA NYI DANG NYIN MTSAN GYI SGRAS BSTAN PA NI, ,NAM MKHA' LA NYI 'OD DANG ZLA 'OD KYIS KHYAB PA BZHIN DU SNANG BA'O, ,PADMA DANG RDO RJE DANG BUD MED DANG, ,SKYES PA DANG, GA-YON DANG GA-YAS PAS BSTAN PA NI THABS SHES KYI CHA NAS SO, ,'JAM PA DANG RTZUB PA ZHES PA NI BDE BA DMAN MI DMAN NAM, YUL SNANG RGYAS MI RGYAS SO, ,KUN RDZOB KYI GZUGS ZHES PA

NI YE SHES GNYIS MTSON BYED KYI ZLA BA SOGS NI BCOS MA'I MTSAN NYID YIN PA'O, ,SNANG BA NYAR THOB NI MA NING DANG NYIN MTSAN GNYIS KYI MTSAMS DANG GA-YAS GA-YON GYI DBUS DANG, 'JAM RTZUB GNYIS KYI BAR MA DANG, THABS SHES GNYIS 'DRES PA DANG, ZLA BA DANG NYIN MTSAN SOGS 'DUS PA'I MING GIS MTSAN NO, ` ,SNANG BA GSUM SO SO'I MTSAN NYID NI, SPYOD BSDUS LAS, YE SHES RDO RJE KUN LAS BTUS LAS SNANG BA GSUM GYI MTSAN NYID MDOR BSDUS NAS GSUNGS PA DE, BLA MA'I MAN NGAG GIS BSTAN PAR BYA'O, ZHES GSUNGS PA LA SNANG BA'I MTSAN NYID GANG ZHE NA, RNAM PA MED PA'I RANG BZHIN LUS DANG NGAG MED PA STE, JI LTAR STON GYI DUS SU NAM MKHA' DRI MA MED PA LA, ZLA BA'I DKYIL 'KHOR GYI 'OD ZER SNANG BAR BYED PAS KHYAB PAR BYED PA DE BZHIN DU, RANG BZHIN GYIS GSAL BA'I RNAM PAR DNGOS PO MA LUS PA THAMS CAD LA DMIGS PAS NA, 'DI NI DON DAM PA'I BYANG CHUB KYI SEMS SHES RAB KYI SNANG BA STONG PA DANG PO STE, ZHES DANG, SNANG BA MCHED PA'I MTSAN NYID GANG ZHE NA, DE YANG GZUNG BA DANG 'DZIN PA DANG BRAL BA'I GZUGS CAN LUS DANG NGAG MED PA STE, JI LTAR STON GYI DUS SU NYI MA'I 'OD ZER GYIS KHYAB PA BZHIN DU, SHIN TU GSAL ZHING DRI MA MED PA'I NGO BO NYID DU, DNGOS PO MA LUS PA DMIGS PA, BYANG CHUB KYI SEMS KUN TU BZANG PO GNYIS PA STE, RIM PA GNYIS PA SHIN TU STONG PA'I MTSAN NYID CAN, ZHES DANG, SNANG BA THOB PA GANG ZHE NA, DE BZHIN DU NAM MKHA'I MTSAN NYID DNGOS PO MED PA'I GZUGS CAN, LUS DANG NGAG MED PA STE, ,

, ,JI LTAR MTSAMS KYI SMAG LA BAB PA'I NGO BOR KHYAB PA PHRA ZHING BDAG MED PA, SROG DANG RTZOL BA MI RGYU BAS RGYU BA MED PA STE, SEMS MED PA DANG MI GA-YO BA, ,ZHES GSUNGS SO, ,LUGS 'DI LA STONG PA BZHI LEGS PAR GTAN LA PHEBS PA ZHIG SHIN TU GAL CHE LA, DE YANG RTZA RGYUD DANG BSHAD RGYUD GZHAN BZHI LAS NI, DE RNAMS KYI MING TZAM LAN MANG DU BYUNG YANG, NGOS 'DZIN SHIN TU MI GSAL LA, YE SHES RDO RJE KUN LAS BTUS LAS MA RIG PA MUN PA DANG, SEMS BYUNG NYI 'OD DANG, SEMS ZLA 'OD BZHIN DU SNANG ZHES PA TZAM LAS GZHAN NGOS 'DZIN MA BYUNG NGO, ,YAB SRAS GZHAN BZHI'I GZHUNG DU YANG NGOS 'DZIN SHIN TU MI GSAL BAS, SPYOD BSDUS NYID LA BRTEN NAS SHES DGAS SO, ,YE SHES RDO RJE KUN LAS BTUS LAS NI 'CHI BA'I 'OD GSAL LAS LUGS LDOG GI RIM PA'I STONG PA GSUM BSHAD LA, SPYOD BSDUS KYI SA NI GZHI DANG LAM DUS KYI STONG PA RNAMS THUN MONG DU BSHAD DO, ,DE LA STONG PA BZHI NI NAM MKHA' GA-YA' DAG GI DPES MTSON NAS STON PA LA, DBYAR GYI CHAR GYIS SA'I RDUL BAR SNANG LA LDANG BA LEGS PAR MAN NA PA DANG, SPRIN GYI SGRIB BYED DANG BRAL BA GNYIS TSOGS PA MANG DU 'BYUNG BA STON GYI DUS YIN PAS, STON GYI NAM MKHA' DPER BZUNG NGO, ,DE'I NAM MKHA' GA-YA' DAG PA LA NI NYIN PAR NYI 'OD KYIS KHYAB PA DANG, NAM SROS NAS SROD KYI SMAG 'THUG PO MA SANGS KYI BAR GYI THUN MTSAMS LA SMAG NAG PO 'THUG POS KHYAB PA DANG, DE SANGS PA'I 'OG TU ZLA 'OD SHAR NAS THO RANGS LA MA SLEB PA'I BAR DU ZLA 'OD KYIS KHYAB PA DANG,

ZLA 'OD KYANG YAL NYI 'OD KYIS KYANG MA SLEB PA'I THO RANGS KYI DUS NAM MKHA'I RANG MDAG JI BZHIN DU MI THON PA'I RGYU GSUM DANG BRAL BA'I SKABS GCIG STE BZHI YOD DO, ,DE LA PHYI MA NI STONG PA BZHI PA THAMS CAD STONG PA'I DPE YIN PAS RE ZHIG BZHAG LA, DPE SNGA MA GSUM GYI DANG PO NI MCHED PA DANG, GNYIS PA NI THOB PA DANG, GSUM PA NI SNANG BA DANG DPE DON DU SBYAR TE, YE SHES GSUM PO DE SHAR BA'I DUS SU NAM MKHA' GSUM PO DE DANG 'DRA BA'I NYAMS SHIG 'CHAR BA'O, ,GSUM PA'I SKABS SU DNGOS PO MED PA'I GZUGS CAN ZHES PA LA CHAG 'GYUR LAS, RNAM PA MED PA'I RANG BZHIN ZHES DANG PO DANG MTHUN PAR BSGYUR BA LEGS LA, DE NI BAR PA LA GZUNG 'DZIN DANG BRAL BA ZHES GSUNGS PA DANG DON GCIG GO, DE YANG SNGAR BSHAD PA'I SNANG TSUL GSUM BZHIN 'CHAR BA MA GTOGS PA, GNYIS SNANG RAGS PA GZHAN RNAMS DE'I NGOR NUB PA'I DON NO, ,GSUM GA LA LUS DANG NGAG MED PA ZHES PA NI, DE'I TSE LUS KYI GA-YO 'GUL DANG NGAG GI SMRA BRJOD LOG PA'O, ,JI LTAR NAS BZHIN DU'I BAR NI BSHAD ZIN LA, NAM MKHA'I MTSAN NYID CES PA SMAG GIS NAM MKHA' LA KHYAB PA BZHIN DU ZHES SBYAR RO, ,RANG BZHIN GYIS GSAL BA'I RNAM PAR DMIGS ZHES PA NI YUL SNANG DE GSAL POR BYUNG BA YIN LA, SHIN TU GSAL ZHES PA NI SNGA MA LAS KYANG CHES GSAL BA'O, ,DNGOS PO MA LUS PA LA DMIGS ZHES PA NI YUL SNANG DES PHYOGS MTSAMS KUN TU KHYAB PA'I DON YIN TE, DMIGS PA RGYA CHE CHUNG NI CI RIGS SU 'ONG NGO, ,DON DAM PA'I BYANG CHUB KYI SEMS DNGOS NI LAM DUS KYI BAD

, ,STONG SBYAR BA'I YE SHES YIN TE, DE LTAR MIN PA'I LAM DANG GZHI DUS LA'ANG NYE BAR BTAGS NAS SO, ,NYER THOB DRAN MED DU SONG BA LA NI BDE STONG SBYAR BA MI 'ONG YANG, SPYIR NYER THOB LA DE MED PA MIN NO, ,PHRA BA NI RTOGS DKA' BA DANG, BDAG MED PA NI RANG BZHIN MED PA'I RNAM PA CAN TE, SROG RTZOL MI RGYU BA NI RLUNG 'BYUNG 'JUG MI BYED PA STE, DE RNAMS KYANG GSUM GA LA YOD MOD KYANG NYER THOB LA SHAS CHE BAS SMOS SO, ,SEMS MED PA LA CHAG 'GYUR DU, DRAN PA MED PA NYID KYIS MI GA-YO BA'I TING NGE 'DZIN ZHES 'BYUNG BA BDE'O, ,DE LTAR NA KUN RTOG GA-YO BA'I RLUNG THIM PA NA MAR ME 'BAR BA LTA BU'I RTAGS 'CHAR LA, DE'I RJES SU 'CHAR BA'I SNANG BA NI, STON GYI NAM MKHA' GA-YA' DAG PA'I TSE MTSAN ME ZLA BA SHAR BA'I 'OD KYIS KHYAB PA'I NAM MKHA' BZHIN DU, SHIN TU DNGAS SHING STONG SANG NGE BA LA, 'OD KYI SNANG BA DKAR PO'I RNAM PA GCIG 'CHAR LA, DE MA GTOGS PA'I GNYIS SNANG RAGS PA GANG YANG MI 'CHAR RO, ,DPER NA NAM MKHA' LA ZLA 'OD KYIS KHYAB KYANG, DES NAM MKHA' MI SGRIB PAR MTHONG BA BZHIN DU, 'DIR YANG 'OD SNANG DKAR PO'I RNAM PA SHAR BA DES NAM MKHA' DAG PA LTA BU'I STONG GSAL DE MI SGRIB PAR 'CHAR BA YIN NO, ,DE NAS SNANG BA DE BSDUS PA'I 'OG TU SNANG BA MCHED PA SHAR BA NA, STON GYI NAM MKHA' GA-YA' DAG LA NYI 'OD KYIS KHYAB PA BZHIN DU, SNGA MA LAS KYANG CHES DNGAS PA'I STONG SANG DE BA LA DMAR PO 'AM, DMAR SER GYI RNAM PA 'CHAR TE LHAG MA NI SNGA MA BZHIN NO, ,DE NAS SNANG BA DE YANG

BSDUS PA'I 'OG TU NYER THOB SHAR BA NA RLUNG 'GAG PA CHER SONG BAS YUL SNANG NI, STONG SNANG LA MTSAMS KYI SMAG GIS KHYAB PA 'DRA BA'I NAG PO'I RNAM PA 'CHAR LA, YUL CAN GYI DRAN PA NYAMS NAS DRAN MED DU 'GRO STE SKYON CAN GYI DRAN PA NYAMS PA MIN NO, ,DE RNAMS NI 'CHI BA'I DUS SU RDZOGS PAR 'CHAR LA, GNYID KYI DUS SU SNA BUG GI RGYU BA MI LDOG PAS CHA 'DRA TZAM 'CHAR RO, ,LAM DUS SU NI SNYING GA'I DH'U T'IR RLUNG BTZUD NAS THIM PA LA MTSAN NYID RNAMS TSANG BAR 'CHAR LA, GZHAN DU THIM PA LA DE'I TSOD TZAM MI 'CHAR RO, ,DE GSUM LA YANG GOMS PA SHAS CHE CHUNG DANG, RLUNG 'DU PHUL DANG THIM PA SHAS CHE CHUNG GI DBANG GIS YUL SNANG RGYA CHE CHUNG DANG, SRAB 'THUB DANG, GNAS YUN RING THUNG SOGS MI 'DRA BA DU MA ZHIG 'BYUNG NGO, RLUNG SGOM PA SOGS KYI SKABS SU SNANG BA DANG PO GNYIS SNGON DU MA SHAR BAR NAG THUM GYIS 'GRO BA'I DRAN MED 'ONG BA NI NYER THOB MIN NO, ,DE 'DRA BA'I STONG PA GSUM NI SGYU LUS THOB NAS DON GYI 'OD GSAL MNGON DU MA BYAS PAR DANG, DON GYI 'OD GSAL LAS LUGS LDOG TU LANGS PA'I SKABS DANG, SLOB PA'I ZUNG 'JUG THOB NAS MI SLOB PA'I ZUNG 'JUG MA THOB PA'I BAR DU YANG 'BYUNG MOD KYANG SEMS DBEN MIN PA DE BZHIN DU, SEMS DBEN MA THOB PA'I GONG DU YANG STONG PA GSUM GYI YE SHES 'BYUNG BA YIN PAS STONG PA GSUM GYI YE SHES DANG, SEMS DBEN GYI STONG PA'I YE SHES KYI KHYAB CHE CHUNG RNAMS PHYED PAR BYA'O, ,BOD SNGA MA 'GA' ZHIG DBANG SHES LA SOGS PA RTOG MED KYI SHES

, ,PA THAMS CAD SNANG BA GSUM GANG RUNG DU SMRA STE, 'DI LTAR SHES PA DES YUL DANG POR BZUNG BA NI SNANG BA DANG, DE NAS YUL GYI KHYAD PAR MTHONG BA GSAL DU SONG BA MCHED PA DANG, MTHAR MI GSAL BA 'GAG PA LA PHYOGS PA NYAR THOB TU 'DOD DO, ,'DI NI RTZA BA DANG BSHAD PA'I RGYUD DANG, 'PHAGS PA YAB SRAS KYI GZHUNG GANG NAS KYANG MA BSHAD LA, SPYOD BSDUS LAS, SNANG BA GSUM GYI MTSAN NYID SNGAR BZHIN BSHAD PA DANG YANG 'GAL BAR SNANG NGO, ,DE LA SNGAR SEMS YID RNAM SHES GSUM DANG, MTSAN NYID GSUM LA SOGS PA SNANG BA GSUM GYI RNAM GRANGS SU GSUNGS PA NI, SNANG BA GSUM LA DE DAG GI SGRA 'JUG PA'I RGYU MTSAN RE YOD PA'I SGO NAS YIN GYI, DE RNAMS THAMS CAD SNANG BA GSUM DU STON PA MIN TE YIN NA NI, RANG BZHIN BRGYAD CU YANG SNANG BAR 'GYUR BA SOGS KYI GNOD PA MANG NGO, ,GAL TE NYER THOB MUN PA'I RNAM PA CAN GYI DRAN MED DE SANGS MA THAG ,THO RANGS KYI NAM MKHA' GA-YA' DAG LTA BU'I STONG PA 'CHAR BA DMA' MO NAS KYANG 'ONG BA YIN NA, SEMS DBEN GYI SKABS SU YE SHES GSUM SKYE TSUL BSTAN GYI THAMS CAD STONG PA MI STON PA CI YIN SNYAM NA, BDEN TE DE NI SGYU LUS MAN CHAD DU DON GYI 'OD GSAL GYI YE SHES MI SKYE BA LA DGONGS NAS, STONG PA GSUM DU BSHAD KYI DPE'I 'OD GSAL MI SKYE BA MIN NO, ,'O NA YE SHES GSUM DU BYAS PA'I TSE DPE'I 'OD GSAL GANG DU SDUD SNYAM NA, NYER THOB TU SDUD DE 'DI LTAR NYER THOB KYI DANG POR MUN PA LTA BU'I RNAM PA CAN DRAN PA MA NYAMS PA GCIG

DANG, BAR DU DRAN MED DU SONG BA GCIG DANG, MTHAR DRAN MED SANGS NAS SLOD BYED KYI RKYEN GSUM DANG BRAL BA'I NAM MKHA' GA-YA' DAG 'DRA BA GCIG 'ONG NGO, ,DPE'I 'OD GSAL THAMS CAD STONG PAR BYAS NAS STONG PA BZHI BYED NA DANG PO GNYIS STONG CHEN DU BYA'O,, ` ,,YE SHES DE RNAMS KYI SKYED TSUL NI, RIM LNGA LAS, RDO RJE BZLAS GNOS RNAL 'BYOR PA, ,SEMS LA DMIGS PA THOB PAR 'GYUR, ,ZHES RDOR BZLAS KYIS SEMS DBEN GYI STONG PA 'DREN PAR GSUNGS KYANG, JI LTAR 'DREN MI GSAL LO, ,SPYOD BSDUS LAS KYANG, NGAG DBEN LA GNAS NAS SEMS DBEN 'THOB PA DANG, NGAG DBEN MED NA SEMS DBEN MI SKYE BAR GSUNGS KYANG, SKABS DER DE LAS SEMS DBEN JI LTAR SKYE MI GSAL LO, ,'ON KYANG NGAG DBEN RGYAS BSHAD KYI SKABS SU GANG DU 'JUG PA SOGS GSUM BSHAD PA DANG, MTHAR RLUNG RNAMS MI SHIGS PAR ZHUGS NAS 'OD GSAL 'CHAR BAR GSUNGS PA RNAMS LA DPYOD SHES NA, RDOR BZLAS KYIS RLUNG RNAMS MI SHIGS PA LA BSDUS TE THIM PA LAS STONG PA RNAMS 'CHAR BA GO NUS SO, ,RDO RJE 'PHRENG BA LAS KYANG, RDO RJE BZLAS PA RAB SBYOR BAS, ,RLUNG GI MTSAN NYID SHES NAS NI, ,RNAM RTOG RLUNG RNAMS RNAM PAR GCOD, ,SEMS LA DMIGS PA THOB PAR 'GYUR, ,ZHES RDOR BZLAS KYIS RLUNG GI RGYU BA BKAG PA'I SGO NAS SEMS DBEN GYI STONG PA RNAMS SKYED PA GSAL BAR MANG DU GSUNGS TE, DE NI YE SHES GSUM 'DREN PA'I NANG GI RKYEN NO, ,PHYI'I RKYEN NI RIM LNGA LAS, SGYU MA DAG NI THAMS CAD LAS, ,

, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA NI, ,GSAL BAR 'DI LAS MTSON PAR 'GYUR, ,'DOD CHAGS NYID DANG CHAGS BRAL DANG, ,DE YI BAR TE GSUM PA NI, ,DBANG PO GNYIS NI MNYAM SBYOR BA'I, ,RDO RJE PADMA 'DUS LAS SO, ,ZHES PHYI'I PHYAG RGYA LA BRTEN NAS YE SHES SKYED PAR GSUNGS SO, ,DE LTAR PHYI NANG GI THABS LA BRTEN NAS SNANG BA GSUM GA'I SKABS DANG, KHYAD PAR DU NYER THOB TU BSDUS PA'I DPE'I 'OD GSAL GYI SKABS SU LHAN CIG SKYES PA'I BDE BA CHEN PO DE KHO NA NYID KYI DON, PHYIN CI MA LOG PAR NGES PA'I LTA BA DANG SBYAR TE BSGOM PAR BYA'O, ,'DI RNAMS KYI GNAD ZHIB PAR NI RIM LNGA GSAL SGRON DU BSHAD ZIN PA LAS SHES PAR BYA'O,, ` ,,'DIR SGYU LUS ZHES GSUNGS PA NI, THEG CHEN GNYIS THUN MONG BA DANG, RGYUD SDE GONG 'OG THUN MONG BA'I SGYU MA'I RNAM GZHAG DANG, RIM GNYIS THUN MONG BA'I LHA'I SKUR SNANG LA RANG BZHIN MED PA LA SGYU MA'I SKU ZHES THA SNYAD BYAS PA MA YIN GYI, BLA MA'I MAN NGAG 'BA' ZHIG LAS RTOGS PAR BYA DGOS PA STE, RIM LNGA LAS, BDAG BYIN BRLABS PA'I RIM ZHES PA, ,KUN RDZOB BDEN PAR BSTAN PA STE, ,DE NI BLA MA'I DRIN DAG GIS, ,THOB PAR 'GYUR GYI GZHAN DU MIN, ,ZHES DANG, BDAG BYIN BRLABS LAS KYANG, RMI LAM SGYU MA LTA BU'I CHOS, ,SANGS RGYAS PA KUN SMRA BA NI, ,BDEN YANG DES NI SHES PA MIN, ,BDAG BYIN BRLABS LAS KHA PHYIR BLTAS, ,RNAM SHES RLUNG DANG LDAN PA YI, ,

YID KYI RANG BZHIN GZHU 'DRA BA, ,RANG GI YE SHES DES MA MTHONG, ,SGYU MA'I DPE LA RMONGS GYUR PAS, ,BSKAL PA DPAG TU MED PAR NI, ,THOS PA'I PHA ROL PHYIN PAS KYANG, ,BLA MA'I BKA' MED SGYU MA NI, ,MNGON SUM BYA BAR MI NUS SO, ,ZHES GSUNGS SHING 'GREL PA 'DI NYID LAS KYANG DE LTAR 'CHAD PAR 'GYUR RO, ,DE RTOGS PA'I PHAN YON DANG, MA RTOGS PA'I NYES DMIGS KYANG RIM LNGA LAS, BDAG LA BYIN GYIS BRLAB PA'I RIM, ,GANG GIS RNYED PAR MA GYUR PA, ,MDO SDE RGYUD DANG RTOG PA LA, ,DE YI NGAL BA DON MED 'GYUR, ,BDAG LA BYIN BRLAB RIM THOB PA, ,GTZO BO SANGS RGYAS KUN BDAG NYID, ,TSE 'DI NYID DU SANGS RGYAS NI, ,THE TSOM MED PAR THOB PAR 'GYUR, ,ZHES GSUNGS SO, ,SKU 'DI'I SGRUB TSUL BLA MA LAS MA RNYED NA GANG GI PHYIR DU NGAL BA BYAS PA'I DON SANGS RGYAS MI 'GRUB PA DANG, 'DI SHES TE BSGRUBS PAS GRUB NA TSE DE LA NGES PAR 'TSANG RGYA BAR GSUNGS PA LTAR YIN NO, ,TSE GCIG GIS SANGS RGYAS 'GRUB PA'I MYUR KHYAD MCHOG LA BDE STONG DBYER MED KYI LAM DANG, SGYU MA'I SKU GNYIS LAS PHYI MA CHES RTOGS DKA' LA, DE YANG LUGS MCHOG TU GYUR PA 'DI NAS RTZAD BCAD NAS GZHAN LA 'KHYER SHES DGOS TE, MKHA' 'GRO RGYA MTSO LAS, LHA YI RNAM PA'I RNAL 'BYOR BDAG ,SKAD CIG MNGON SUM BYED PA PO, ,LUGS MA LA SOGS RNAL 'BYOR GYIS, ,RNAM PAR BYAS PA'I DBYIBS SU 'GYUR, ,STONG NYID RNAL 'BYOR RANG BZHIN GZUGS, ,BDAG BYIN BRLAB PA'I MTSAN NYID DO, ,BDAG BYIN BRLAB BRAL RNAL 'BYOR PA, ,SBUN LKOGS DUM

, ,BU BZHIN SHES BYA, ,'DI 'DRA'I MTSAN NYID MCHOG GYUR PA, ,SKYE BO PHYUGS RNAMS KYIS MI SHES, ,DE PHYIR SGYU 'PHRUL 'DI BSGOMS NA, ,BLA NA MED PA'I BYANG CHUB 'THOB, ,CES SBAS DON GYI SGYU LUS BDAG BYIN BRLABS NI, RGYUD GZHAN LAS KYANG SHIN TU BSNGAGS SO, ,'DI NI SHIN TU RTOGS DKA' BAR SNANG BAS, ZHIB PAR RIM LNGA GSAL SGRON DU BSHAD ZIN LA, GO BA RAGS PA 'CHAGS PA'I YAN LAG TU CUNG ZAD BSHAD NA,, ` ,,SGYU LUS SGRUB PA LA 'DI SGRUB PA'I GZHI GZHI LA JI LTAR GNAS PA SHES DGOS LA, DE YANG RIM LNGA LAS, 'GRO KUN RANG DBANG MED PA STE, ,RANG DBANG DU NI 'BYUNG MA YIN, ,DE YI RGYU NI 'OD GSAL PA, ,'OD GSAL THAMS CAD STONG PA'O, ,SEMS GANG GIS NI BYIS PA RNAMS, , 'KHOR BA'I 'CHING BAS BCINGS GYUR PA, ,SEMS DE NYID KYIS RNAL 'BYOR PA, ,BDE GSHEGS GNAS SU 'GRO BAR 'GYUR, ,'DI NI GANG YANG SKYE BA MED, ,GANG YANG 'CHI BA YOD MA YIN, ,SEMS KYI RANG BZHIN RNAMS GNAS PA, ,'KHOR BA NYID NI SHES PAR BYA, ,ZHES GSUNGS SO, ,TSIGS BCAD DANG POS NI SEMS CAN RNAMS 'CHI BA'I 'OD GSAL SNGON DU SONG BA LA MA LTOS PAR RANG DBANG DU MI 'BYUNG BAS, 'OD GSAL LA THAMS CAD STONG PA LAS SKYE BAR BSTAN NO, ,TSIGS BCAD GNYIS PAS NI 'CHI BA'I 'OD GSAL GYI RLUNG SEMS GANG GI DBANG GIS SEMS CAN SKYE BA BLANGS TE, 'KHOR BAR 'KHOR BA'I RLUNG SEMS DE NYID THABS MKHAS PA'I RNAL 'BYOR PA LA SGYU MA'I SKUR SHAR NAS 'TSANG RGYA BAR BSTAN NO,

DES NA RDO RJE PHRENG BA LAS, SKYE DANG GNAS DANG 'JIG PA DANG, ,SRID PA BAR MAR GNAS PA STE, JI SRID 'JIG RTEN GYIS BRTAGS PA, ,SEMS KYI RLUNG GI RNAM 'PHRUL LO, ,ZHES 'GRO BA RNAMS KYI SKYE 'CHI GNAS GSUM DANG BAR DO RNAMS RLUNG SEMS TZAM GYI RNAM 'PHRUL DU GSUNGS PA DANG, DGONGS PA LUNG STON LAS KYANG, 'DU SHES CAN DANG 'DU SHES MED, ,SEMS CAN DU BRTAGS 'DI GNAS PA, ,DE RNAMS RLUNG LAS BYUNG BA STE, ,RLUNG LAS SLAR YANG 'GAG PA YIN, ,MA RTOGS PA YI SEMS DE NI, ,'KHOR BA'I RGYA MTSOR GNAS GYUR KYANG, ,DE NI PHYIN CI LOG SONG BAS, ,KHYI DANG CE SPYANG GLANG PO DANG, ,SEMS DE RTAR YANG 'GRO BAR 'GYUR, ,ZHES SOGS KYIS RLUNG DANG SEMS GNYIS 'GRO BA SNA TSOGS PAR 'GRO BAR GSUNGS TE, 'GRO BA THAMS CAD RLUNG SEMS KYI LUS TZAM DU BSTAN PA NI, SEMS CAN GYI THA SNYAD 'DOGS PA'I GZHIR GYUR PA'I GNYUG MA'I LUS NI, RLUNG SEMS TZAM GYI LUS SU ZAD PAS DE LAS NGO BO THA DAD PA'I GNYUG MA'I LUS MED PAR STON PA YIN GYI PHYI ROL MED PA DANG, RNAM SMIN GYI LUS RAGS PA RNAMS SEMS CAN GYI LUS MIN ZHES STON PA MIN NO, ,'DI LTAR SEMS CAN GYI LUS NI GNYIS TE, GNAS SKABS PA DANG GNYUG MA BA'I LUS SO, ,DE'I DANG PO NI, RLUNG SEMS TZAM GYI LUS LAS GZHAN PA'I RNAM SMIN GYI 'BYUNG LUS RAGS PA LA SOGS PA'I LUS SO, ,GNYIS PA NI RLUNG SEMS TZAM LAS GRUB PA'I LUS SO, ,LUS RAGS PA NI DANG PO MNGAL DU NYING MTSAMS SBYAR BA LA SOGS PA'I SKABS SU MA SKYES KYANG, SEMS CAN GYI LUS MED PA MIN

, ,LA, DE BZHIN DU SHI BA'I TSE 'BYUNG LUS RAGS PA DOR YANG, SEMS CAN GYI LUS MI LDOG PAS GNYUG MA'I LUS MIN TE, CHU LA TSA BA BZHIN NO, ,RLUNG SEMS KYI LUS NI GNAS SKABS DE RNAMS THAMS CAD DU YANG MI LDOG PAS GNYUG MA'I LUS TE CHU LA GSHER BA BZHIN NO, ,DA LTA GZUGS LUS RAGS PA'I SKABS SU YANG GNYUG MA'I LUS NI RLUNG SEMS TZAM ZHIG GI LUS YIN PAS, LUS RAGS PA NI DE'I GNAS KHANG DANG 'DRA'O, ,DE LTAR GSUNGS PA LA DGOS PA GZHAN YANG YOD MOD KYANG, GTZO BO NI SGYU MA'I LHA SKU GANG LAS SGRUB PA'I GZHI GNYUG MA'I LUS NGOS 'DZIN PA'I PHYIR YIN NO, ,DE'I SEMS NI DBANG SHES MIN GYI YID KYI RNAM SHES TZAM ZHIG DANG, RLUNG YANG RTZA BA'I RLUNG GZHAN BZHI DANG, YAN LAG GI RLUNG LNGA MIN GYI SROG 'DZIN DANG, DE LA YANG PHRA RAGS GNYIS LAS PHRA BA'O, ,DE TZAM LAS GRUB PA'I GZHI'I DUS KYI SEMS CAN GYI LUS RKANG LAG LA SOGS PA'I RNAM PA CAN NI BAR DO DANG RMI LAM GYI LUS LOGS SU SNANG BA RNAMS SO, ` ,SGYU MA'I SKU'I SGRUB GZHI GZHI LA GNAS TSUL DE LTAR YIN NA, LAM GYI SKABS SU SGRUB GZHI DE JI 'DRA BA ZHIG TU BSKYED NAS SGRUB PA YIN SNYAM NA, RIM LNGA LAS, DE NYID RLUNG DANG YANG DAG LDAN, ,RNAM SHES GSUM PO SLAR YANG NI, ,RNAL 'BYOR PA YI LUS SU 'BYUNG, ,SGYU MA'I LUS ZHES DE LA BSHAD, ,DE BAS 'DI LTAR 'GRO BA KUN, ,SGYU MA LTA BUR 'DIR BSHAD DE, ,SGYU MA LTA BU'I TING 'DZIN GNAS, ,THAMS CAD DE DANG 'DRA BAR MTHONG, ,ZHES SO, ,CHAG 'GYUR

LAS, RLUNG DANG YANG DAG LDAN PA YIN, RNAM SHES GSUM PO DE NYI SLAR, ,ZHES 'BYUNG BA DE'O, ,DE LA TSIGS BCAD DANG POS NI PHYI NANG GI SROG RTZOL BSGOMS PA'I THABS LAS, SGRUB GZHI'I YID KYI SHES PA SEMS DBEN GYI SNANG MCHED THOB GSUM DU BSKYED PA'I SEMS DANG DE'I BZHON PA'I RLUNG GNYIS RNAL 'BYOR PA'I LUS SU 'BYUNG BA NI SGYU LUS SU GSUNGS LA, SLAR YANG ZHES PA NI RNAL 'BYOR PA DE DANG POR SKYE BA BLANGS PA'I DUS SU RLUNG SEMS KYI LUS BLANGS PAR MA ZAD CES PA'I DON NO, ,DE NAS TSIG RKANG GNYIS KYIS NI SGYU MA'I SKU SGRUB TSUL DE LTAR BYED PA DE BAS NA, BLA NA MED PA'I THEG PA 'DIR 'GRO BA KUN SGYU MA LTA BUR BSHAD PA LA PHAR PHYIN GYI THEG PA DANG, RGYUD SDE 'OG MA DANG BSKYED RIM PA DANG THUN MONG DU MA GYUR PA'I SGYU MA'I DON CIG YOD DO ZHES BSTAN NO, ,SGYU MA LTAR BSHAD PA NI RDO RJE MKHA' 'GRO LAS, ME LONG GI NI GZUGS BRNYAN DANG, ,RMI LAM SGYU MA CHU BUR DANG, ,MIG 'PHRUL MTSUNGS PAR GANG GIS MTHONG, ,DE NI GTZO BO YIN PAR BSHAD, ,CES GSUNGS PA RIM LNGAR BKOD PA 'DRA BA RNAMS YIN TE, 'A DIS NI BLA MED KYI RGYUD GZHAN DU YANG DE LTAR BSHAD PA RNAMS KYI DON THUN MONG MA YIN PA 'DIR BSHAD PA BZHIN DU BYA DGOS PAR BSTAN NO, ,DE NAS RKANG PA GNYIS KYIS NI SGYU LUS GRUB PA'I RNAL 'BYOR PAS SEMS CAN THAMS CAD KYANG DE DANG 'DRA BAR MTHONG BA NI, SNGAR BSHAD PA LTAR DE DAG GI GNYUG MA'I LUS RNAMS DE LTAR MTHONG BA'O, ` ,RIM PA BZHI PA'I 'OD GSAL LA PHYI NANG GI BYANG CHUB PA GNYIS BSHAD PA NI LE'U BCO LNGA PA'I MTHA' GCOD DU 'CHAD PAR 'GYUR RO, ,

, ` ,,BYANG CHUB PA DE GNYIS MNGON DU BYED PA'I THABS BSAM GTAN GNYIS CUNG ZAD BSHAD NA, RIM LNGA LAS, MAN NGAG THOB PA'I SLOB MA YIS, ,DE NAS RNAL 'BYOR RNAM GNYIS BSLAB, ,RIL POR 'DZIN PA'I RIM PA DANG, ,DE BZHIN RJES SU GZHIG PA'O, ,MGO BO NAS NI RKANG PA'I BAR, ,JI SRID SNYING KHAR PHYIN PA'I BAR, ,RNAL 'BYOR YANG DAG MTHA' LA 'JUG ,RIL POR 'DZIN PA ZHES BSHAD DO, ,RGYU BA DANG NI MI RGYU NYID, ,DANG PO 'OD GSAL BAR BYAS TE, ,PHYI NAS DE BZHIN BDAG NYID BYED, ,RJES SU GZHIG PA'I RIM PA YIN, ,DBUGS KYI RLUNG NI ME LONG LA, ,JI LTAR KUN TU THIM 'GYUR BA, ,DE BZHIN RNAL 'BYOR YANG DAG MTHAR, ,YANG DANG YANG DU 'JUG PAR BYED, ,CES GSUNGS SO, ,DE LA RIL 'DZIN NI RANG GI MGO NAS MAR SDUD PA DANG, RKANG PA NAS YAR SDUD PA'I MTHA' GNYIS KA SNYING KHA YIN PA NI SNYING KHAR PHYIN GYI BAR ZHES PA'O, ,DE LTAR SNYING KHAR BSDUS NAS RNAL 'BYOR PA YANG DAG PA'I MTHA' 'OD GSAL DU 'JUG GO ,DE'I DPE NI DBUGS KYI ZHES PA BZHIS STEN TE, ME LONG LA HAS BTAB PA'I KHA RLANGS DE MTHA' KUN NAS DE'I DBUS SU 'DU BA LTAR, RANG GI LUS KYI STENG 'OG DANG RGYAB MDUN DANG GA-YAS GA-YON KUN NAS SNYING KHA'I DBUS SU SDUD PA'O, ,RJES GZHIG NI DANG POR SNOD BCUD 'OD GSAL DU BSDUS PA DE'I RJES SU RANG NYID 'OD GSAL DU SDUD PA'O, ,BDAG NYID DE BZHIN ZHES PA NI NAG PO PAS RIL 'DZIN BZHIN DU BYED PAR BSHAD PA LEGS SO, ,YANG DANG YANG ZHES PA NI DE GNYIS LAN DU MAR DGOS PA'I DON NO, ,

RJES GZHIG GI DPE NI LTENG KA'I CHU LA KHA BA'I GONG BU LTA BU GNAS PA DE RIM GYIS ZHU BA'O, ,RANG GI PHUNG PO RIM GYIS 'JIG PA GNYIS KA LA YOD KYANG, ,SNGON DU SNOD BCUD GZHAN BSDUS PA YOD MED KYI KHYAD PAR TZAM MO, ,RJES GZHIG GI SGRA DON NI BSHAD PA LTAR YIN LA, RIL PO NI RANG GI LUS DANG DE STONG PA NYID KYIS 'DZIN PA NI RIL 'DZIN GYI DON DU AA BHYAS BSHAD DE LUS 'OD GSAL DU BCUG STE 'DZIN PA'O, ,RIL 'DZIN DANG RJES GZHIG GNYIS PO RE RE LA'ANG SKU GSUNG THUGS RDO RJE GSUM GSUM DU SGOM PA'I SDUD RIM GYIS, YANG DANG YANG DU 'OD GSAL DU 'JUG PA SPYOD PA LA BRTEN NAS GOMS PAR BYAS PAS, SGYU MA'I SKU 'OD GSAL DU DAG NAS, DON GYI 'OD GSAL LA DE KHO NA NYID MNGON SUM DU RTOGS PA'I YE SHES SKYE BAR 'GYUR RO, ,DE'I YUL CAN GYI YE SHES KYANG SROG DH'U TIR ZHUGS GNAS THIM GSUM BYAS PA LAS BYUNG BA'I LHAN CIG SKYES PA'I BDE BA CHEN PO YIN PAS, THEG PA GZHAN DANG, RGYUD SDE 'OG MA'I LAM GYIS DE KHO NA NYID MNGON SUM DU RTOGS PA DANG CHES SHIN TU MI 'DRA'O, , ZHIB PAR RIM LNGA GSAL SGRON DU BSHAD PA LAS SHES PAR BYA'O,, ` ,,RIM PA BZHI PA'I DON GYI 'OD GSAL DU ZHUGS PA'I TSE SNGAR GYI SGYU LUS KYANG DAG NAS MED PA LAS, SLAR YANG ZUNG 'JUG GI SKUR LDANG TSUL JI LTAR BYED CE NA, RIM LNGA LAS, RANG BZHIN BCAS 'OD DE DANG DE, ,RNAM SHES RLUNG DANG LDAN PA YI, ,BDAG BYIN BRLAB PA'I RIM GYIS KYANG, ,SEMS CAN DON DU'ANG LAN 'GA' 'GYUR, ,JI LTAR DANG BA'I CHU KLUNG LAS, ,NYA DAG MYUR DU LDANG BAR 'GYUR, ,DE BZHIN THAMS CAD STONG GSAL LAS, ,

, ,SGYU 'PHRUL DRA BA 'BYUNG BAR BSHAD, ,CES SKU 'DI YANG RLUNG SEMS TZAM LAS BDAG BYIN BRLABS KYI RIM PAS 'BYUNG BA DANG, CHU KLUNG DRANGS PA DANG 'DRA BA'I 'OD GSAL LAS, NYA GLO BUR DU 'PHAR BA DANG 'DRA BA'I DAG PA'I SGYU MA'I SKU 'BYUNG BAR BSHAD PA'I DPE DON NI, 'OD GSAL LAS GZHAN GYIS BAR DU MA CHAD PAR ZUNG 'JUG GI SKU BYUNG BA LA 'GRIG GO ,SPYOD BSDUS LAS, GNYID LOG PA LAS MYUR DU SAD PA'I DPE GSUNGS PA'I GNYID NI 'OD GSAL KYI DPE DANG, SAD PA NI DE LAS ZUNG 'JUG LONGS SPYOD RDZOGS PA'I SKU 'BYUNG BA'I DPE YIN TE, DE LA YANG BAR MA CHAD PA 'GRIG LA, SBYANG GZHI'I RIM PA LA 'CHI BA'I 'OD GSAL GYI DE MA THAG NYER THOB GRUB PA DANG MNYAM DU BAR DO 'GRUB PA DANG SHIN TU MTHUN PAS, RIM PA BZHI PA'I DAN GYI 'OD GSAL LAS LANGS MA THAG ZUNG 'JUG GI SKU GRUB MOD KYANG, 'OD GSAL LAS NYER THOB DANG DE LAS MCHED PA DANG, DE LAS SNANG BA RIM GYIS SKYE BA YANG MI 'GAL BAS, ZUNG 'JUG 'GRUB PA'I SKABS SU LUGS LDOG TU STONG PA GSUM BYUNG BAR GSUNGS KYANG, DE LAS SKU DE SGRUB PA'I PHYIR DU GSUNGS PA MIN NO, ,GAL TE ZUNG 'JUG NI DON GYI 'OD GSAL GYI THUGS DANG, DAG PA'I SGYU MA'I SKU GNYIS DUS GCIG TU TSOGS PA MA YIN NAM, RIM PA BZHI PA'I 'OD GSAL LAS LANGS MA THAG DAG PA'I SGYU MA'I SKU GRUB TU CHUG KYANG, DE'I DUS NA 'OD GSAL GYI YE SHES DNGOS SU MED PAS ZUNG 'JUG TU JI LTAR BZHAG CE NA, 'DI LA RIM LNGAR ZUNG

'JUG NYER GCIG BSHAD PA'I ZUNG 'JUG GI GTZO BO NI, CHAG 'GYUR LAS, DE NYID SHES PAS RIM PA BZHIN, ,RANG BYIN BRLAB DANG 'OD GSAL SHES, ,DE DAG KHO NA 'DUS PA GANG, ,'DI NI ZUNG 'JUG RIM PA'O, ,ZHES RANG BYIN BRLAB DANG 'OD GSAL GNYIS ZUNG DANG, DE GNYIS 'DUS PA ZUNG 'JUG TU BSHAD PA DANG, KUN RDZOB DANG NI DON DAM GYI, ,RNAM DBYE SO SOR SHES NAS NI, ,GANG DU YANG DAG 'DRES GYUR PA, ,ZUNG DU 'JUG PA DE BSHAD DO, ,ZHES KUN RDZOB DANG DON DAM GNYIS ZUNG DANG, DE GNYIS 'DRES PA ZUNG 'JUG TU GSUNGS PA 'DI YIN NO, ,DE LA DON GYI 'OD GSAL MA THOB GONG DU RLUNG 'OD ZER LNGA LAS BSGRUBS PA'I SGYU MA'I SKU YOD DUS SU, SEMS DON DAM BDEN PA DANG RO GCIG TU SANG BA'I 'OD GSAL MED LA ZUNG 'JUG MA THOB PA'I GONG DU BDE BA'I SEMS DON DAM DANG RO GCIG TU SONG BA'I 'OD GSAL YOD DUS SU, LUS SGYU MA'I SKUR SONG BA'I KUN RDZOB MED PAS RES 'JOG TU GYUR BA'I PHYIR ZUNG 'JUG MED DO, ,NAM ZHIG LUS RANG BYIN BRLAB CES PA KUN RDZOB SGYU MA'I SKU'I MTHAR SAN PA DANG, SEMS 'OD GSAL ZHES PA DON DAM BDEN PA'I MTHAR SON PA GNYIS DUS GCIG TU RGYUD GCIG LA CHOGS PA NI RAS 'JOG MED PAR MNYAM DU 'DUS PAS NA ZUNG 'JUG THOB PO, ,DE 'DRA BA'I ZUNG 'JUG GI GTZO BO DANG POR THOB PA NA DA GNYIS DUS GCIG TU TSOGS PA DGOS MOD KYANG, ZUNG 'JUG TU 'JOG TSUL GZHAN YANG YOD PAS, ZUNG 'JUG THOB PA GANG YIN LA 'JOG TSUL DES ZUNG 'JUG TU GZHAG MI DGOS SO, ,ZUNG 'JUG GI SKAD

, ,DOD YU GA NA DVA'I YU GA NI ZUNG, NA DVA NI GNYIS MA YIN PA STE YA KHYAL GNYIS RES 'JOG GI TSUL GYIS GNYIS MIN PAR DUS GCIG TU TSOGS PA NI SNGAR BSHAD PA'I ZUNG 'JUG GO ,'DI NI LUGS BZLOG GI SNANG BA THA MA LAS LANGS PA'I 'OG TU SLAR YANG 'OD GSAL DU ZHUGS PA'I TSE 'THOB PO, ,'KHOR 'DAS LA SOGS PA'I GNYIS CHOS RNAMS LA, GNYIS SU BDEN 'DZIN GYI KUN RTOG SPANGS NAS, RTOG PA DES MI PHYED PA'I BDE BA CHEN PO'I YE SHES KYI ZUNG 'JUG RIM LNGAR MANG DU GSUNGS PA NI, SNGA MA LAS 'JOG TSUL GZHAN GYIS ZUNG 'JUG TU 'JOG PA'O, ,PHYI MA 'DI SLOB PA'I ZUNG 'JUG DANG POR BYUNG BA NAS 'THOB PO, ,ZUNG 'JUG 'DI RGYUD KYI BRJOD BYA'I GTZO BO YIN ZHING, RTOGS DKA' BAR YANG YOD PA'I MTHA' GCOD RGYAS PAR NI RIM LNGA GSAL SGRON DU BSHAD ZIN PA LAS SHES PAR BYA'O,, ` ,,DE NI MA LUS THOS GYUR LA, ,ZHES PA NAS, RIN CHEN ZHES BYA'I GANG ZAG GO ,ZHES PA'I BAR GYIS SO SO'I MTSAN NYID BSTAN PA'I GANG ZAG LNGA'I DANG PO NI, DBANG PO 'BRING, GNYIS PA DANG GSUM PA NI DBANG PO RAB, BZHI PA NI DBANG PO THA MA STE DE BZHI DAD PA'I RJES SU 'BRANG BA, LNGA PA NI DBANG PO YANG RAB CHOS KYI RJES SU 'BRANG BAR LAKshMIS BSHAD DO, ,SNGA MA BZHI KA DGE RTZA MA SMIN PA DMAN PA LA MOS PAR SGRON GSAL LAS BSHAD DO, ,DE LA AUT PA LA DANG PAD MA DKAR PO LTA BU NI NYAN PA POR RUNG STE, THOS PA'I DON BRJED KYANG, SEMS LA BAG CHAGS BZHAG PAS PHYIS 'BRAS BU 'BYUNG BA'I PHYIR RO, ,

'CHAD PA PO DANG SGRUB PA POR MI RUNG STE, THOS PA'I DON BRJED PAS DA LTA NYID DU BSTAN PA DANG SGOM RGYU MED PA'I PHYIR RO, ,PAD MA DANG TZAN DAN LTA BU NI NYAN PA PO DANG SGRUB PA POR RUNG LA, 'CHAD PA POR MI RUNG STE, TSIG GI YON TAN MED PA DANG GZHAN GYIS GZUNG BAR MI NUS PA'I PHYIR RO, ,RIN PO CHE LTA BU NI 'CHAD PA POR RUNG LA, DE NYID KYIS NA NYAN PA PO DANG SGRUB PA POR YANG RUNG NGO ZHES SNGON GYI 'DUS PA PA RNAMS GSUNG STE, RJES SU BZUNG BAR MI NUS PA NI DE LAS PHA ROL POS CHOS GZUNG BAR MI NUS PA LA BYAS PA'I LUGS SO, ,AUT PA LA DANG PADMA LTA BUS NYAN PA'I TSE BLA MA LAS GANG THOS PA'I CHOS RNAMS KYI TSIG DON MI BRJED PAR 'DZIN MI NUS PAR BSHAD LA, CHOS KYI GRVAR GANG THOS KUN MI BRJED PAR 'DZIN MI NUS KYANG, SGRUB PA PO DANG 'CHAD PA POR RUNG BA MI 'GAL LO,, ` ,,RGYAN NI DRUG PO DE RNAMS KYIS, ,ZHES PA'I RKANG PA BZHIS BSHAD PA'I BDEN GNYIS NGES PA'I RGYAN GYI DON CUNG ZAD BSHAD NA, 'DUS PA'I RTZA RGYUD RGYAN BDUN GYI SGO NAS BSHAD PA THAMS CAD NI, GDUL BYA LA ZUNG 'JUG GI GO BA SKYED PA'I CHED YIN PAS, ,DE'I GNAD ZIN PA SHIN TU GAL CHE'O, ,DE YANG SNGAR BSHAD PA LTAR GNYUG MA'I LUS RLUNG 'OD ZER LNGA LAS 'JA' LUS RDO RJE SEMS DPA'I SKU GRUB PA'I KUN RDZOB PA DANG, LHAN CIG SKYES PA'I BDE BAS DE KHO NA NYID KYI DON MNGON SUM DU RTOGS PA'I 'OD GSAL DON DAM PA GNYIS DUS GCIG TU MNGON DU BYAS PA'I GO 'PHANG NGO, ,DE 'DRA BA'I BDEN GNYIS ZUNG 'JUG NGES PA LA SNGON DU, BDEN GNYIS RE RE BA KUN RDZOB SGYU

, ,MA'I LUS DANG, DON DAM 'OD GSAL GNYIS PHYIN CI MA LOG PAR NGES DGOS PAS, SEMS DBEN GYI MTHAR RLUNG SEMS TZAM LAS MA DAG PA'I SGYU MA'I SKUR LANGS PA'I BDAG BYIN BRLABS DANG, RTEN DE LA GNAS NAS BSAM GTAN GNYIS KYIS SNANG BA GSUM DAG PA'I 'OD GSAL MNGON DU BYED TSUL RNAMS LEGS PAR SHES PAR BYA'O, ,SGYU MA'I SKU 'DI GANG LAS SGRUB PA'I GZHI NI, SEMS DBEN GYI STONG PA GSUM DANG DE'I BZHON PA'I RLUNG YIN PAS, NANG GI RKYEN RDO RJE BZLAS PA LA SOGS PA'I SROG RTZOL SGOM PA DANG, PHYI'I RKYEN PHYAG RGYA DANG SBYAR BA LAS, THUN MONG MA YIN PA'I SDUD RIM GYI SGO NAS SEMS DBEN GYI YE SHES GSUM SKYED TSUL SHES DGOS SO, ,'DIR YANG SEMS DE KHO NA NYID KYI DON LA GNAS PA DANG LUS RLUNG 'OD ZER LNGA LDAN GNYIS TSOGS PAR YOD PAS, 'OD GSAL DANG SGYU MA'I SKU GNYIS KYI SO SO'I RGYUR BYAS KYANG CHOG STE, BDEN GNYIS SO SO BA'I RDZOGS RIM SHES PA LA SEMS DBEN LEGS PAR SHES DGOS TSUL LO, ,DE LEGS PAR SHES SHING NYAMS SU MYONG BA LA, DE 'DREN PA'I RGYU'I GTZO BO SROG RTZOL GSUM SGOM PA LEGS PAR SHES DGOS PAS, NGAG RNAM PAR DBEN PA SHES PAR BYA'O, ,NGAG DBEN GYIS GA-YAS GA-YON GYI RLUNG SNYING KHA'I AA BA DH'U T'I'I DBUS KYI MI SHIGS PA LA SDUD PA LA, 'OG SGO'I PHRA MO BSGOMS PA LAS BYUNG BA'I LHAN CIG SKYES PA'I DGA' BA MNYAM GZHAG DANG, RJES THOB TU GANG SHAR THAMS CAD DE'I RNAM ROL DU LTA BA DANG, DE YANG LHAR LTA BA'I LUS

DBEN SGOM PA SNGON DU 'GRO BA'I TSUL LEGS PAR SHES NAS SGOM PA DGOS SO, ,DE 'DRA BA'I RDZOGS RIM YONGS SU RDZOGS BA RGYUD LA SKYE BA'I DGE BA'I RTZA BA SMIN PA LA NI, SKYE SHI BAR DA GSUM SKU GSUM DU 'KHYER BA'I SGO NAS RGYUD SBYONG BA'I RIM PA DANG PO'I RAGS PA'I RNAL 'BYOR DRAN PA GCIG PA DANG, PHRA MO'I DKYIL 'KHOR RTOG PA'I RNAL 'BYOR THUN BZHIR SGOM PA'I TSUL SHES NAS SGOM PA DGOS SO, ,DE SGOM PA'I SNOD RUD DU SGRUB PA LA NI DBANG YONGS SU RDZOGS PA RNAM PAR DAG PA ZHIG THOB PA DANG, DE'I DUS SU KHAS BLANGS PA'I DAM TSIG DANG SDOM PA RNAMS TSUL BZHIN DU BSRUNG BA ZHIG DGOS PAS, RGYUD KYI DON BSHAD PA THAMS CAD KYANG ZUNG 'JUG LA NGES PA SKYED PA'I CHED YIN LA, LAM SGOM PA THAMS CAD KYANG SLOB MI SLOB KYI ZUNG 'JUG RGYUD LA SKYED PA'I CHED YIN NO, ,DE'I PHYIR RGYAN BDUN GYI BSHAD PAS DGA' BSKYED PA'I GTZO BO NI, BDEN GNYIS SO SO BA DANG DBYER MED PA'I DON NGES PA'I SGO NAS THABS LA MKHAS PA DANG BRAL BA LA SKYE SHI BAR DO GSUM DU SHAR NAS 'KHOR BA'I 'KHOR LO BSKOR BA DE, THABS MKHAS PA'I MAN NGAG DANG LDAN PA LA 'CHI BA 'OD GSAL CHOS KYI SKU, BAR DO LONGS SPYOD RDZOGS PA'I SKU, SKYE BA SPRUL PA'I SKUR 'CHAR BA'I BDEN PA GNYIS KYI GDAMS NGAG RNYED NAS, RMAD DU BYUNG BA'I DGA' BDE YANG YANG DU 'DREN PA LA BYA'O,, ` ,,LE'U RNAMS KYIS DON 'DI STON GYI BSDUS DON RGYUD PHYI MA LAS GSUNGS PA NI, BDUN PA DANG NI GSUM PA DANG, ,BCU GCIG PA DANG BCO LNGA PA, ,DNGOS GRUB ZHING DANG LTAS DANG NI, ,BSNYEN PA SGRUB PA'I SDOM PA'O, ,

, ,ZHES LE'U BDUN PA LA SOGS PA BZHI PO DE, BSNYEN PA'I LE'UR GSUNGS LA, LE'U BZHI PO DES, DE NYID LAS, BSKYED PA'I RIM DANG 'BREL BA YI, ,BSNYEN PA RDO RJE CHO GA BZHI, ,THUN MONG DNGOS GRUB DANG 'BREL BA'I, ,MCHOG TU GYUR PA'I GZHUNG NYID DO, ,ZHES BSKYED RIM DANG RDZOGS RIM GYI RDO RJE CHO GA BZHI BSTAN PAS, THUN MONG DANG MCHOG GI DNGOS GRUB SGRUB PAR BYED PA'I PHYIR DE DAG GI GZHUNG NYID DO, ,ZHES GSUNGS SO, ,DNGOS GRUB KYI ZHING NI, LE'U BCO LNGA PA'I LAS KYI TSOGS DANG, LE'U BCU GCIG PA'I DNGOS GRUB BO, ,LTAS NI, LE'U BCO LNGA PA'I RMI LAM GYI LTAS DANG, SGYU MA LTA BU'I LTAS SO, ,DRUG PA DANG NI GNYIS PA DANG, ,BCU PA DANG NI BCU BZHI PA, ,DRAG SPYOD RJES SU CHAGS PA DANG, ,NYE BAR SGRUB PA'I SDOM PA'O, ,ZHES DRUG PA LA SOGS PA BZHI PO DE NYER SGRUB KYI LE'UR GSUNGS LA, LE'U BZHI PO DES, DE BZHIN GSHEGS PA KUN GYI LAS, ,TSAR GCOD PHAN 'DOGS SPYOD PA DAG ,DUL DANG GDUL DKA' ZHI BA YI, ,SEMS CAN RNAMS KYI GZHUG PA'O, ,ZHES DE BZHIN GSHEGS PA THAMS CAD KYIS SEMS CAN ZHI BA DANG DUL BA LA PHAN 'DOGS PA'I SPYOD PAS SANGS RGYAS KYI BSTAN PA LA 'JUG PAR BYED PA DANG, SEMS CAN GDUL DKA' BA RNAMS NI TSAR GCOD PA'I SPYOD PAS BSTAN PA LA 'JUG PAR BYED PA BSTAN NO, ,DE YANG DRAG POR SPYOD PA NI LE'U BCU PA DANG BCU BZHI PA LAS YIN LA, RJES SU CHAGS PA NI LE'U DRUG PA LAS SO, ,BZHI PA DANG NI BCU DRUG PA, ,BRGYAD PA DE BZHIN BCU GNYIS PA, ,SLOB DPON SPYI'I LAS DANG NI, ,DNGOS GRUB BRTUL ZHUGS SDOM PA'O, ,ZHES LE'U BZHI PA LA SOGS PA BZHI PO DE

SGRUB PA'I LE'UR GSUNGS LA, LE'U BZHI PO DES, DKYIL 'KHOR BRTUL ZHUGS 'BREL BA YI, ,GZHUNG NI SLOB DPON PHUN TSOGS PA'O, ,BLA MAS SNGAGS KYI LAM GYIS NI, ,SLOB MA YONGS SU SMIN BYA BA, ,ZHES DKYIL 'KHOR LA BRTEN NAS DNGOS GRUB SGRUB PA'I TSE RIG PA BRTUL ZHUGS KYI SPYOD PA DANG 'BREL LA, DKYIL 'KHOR LA BRTEN NAS SLOB DPON GYI LAS KYI TSE BLA MAS SLOB MA YONGS SU SMIN PAR BYA BA DANG 'BREL PA STON NO, ,SLOB DPON GYI SPYI'I 'PHRIN LAS THAMS CAD NI, DKYIL 'KHOR BRIS TE DBANG BZHI BSKUR BA'O, , SKABS 'DIR SGRUB PA ZHES PA MA BYUNG YANG, BSNYEN PA SGRUB PA'I SDOM PA'O, ,ZHES PA'I SKABS KYI SGRUB PA ZHES PA 'DIR BLANG BA DANG, SDOM PA ZHES PA RNAMS KYI DON GSANG BA'I DON DU SH'ANTI PAS BSHAD DO, ,LNGA PA DANG NI DGU PA DANG, ,BCU BDUN PA DANG BCU GSUM PA, ,SANGS RGYAS BYANG CHUB SEMS RNAMS KYI, ,BSTAN PA DAG NI SGRUB CHEN YIN, ,ZHES LE'U LNGA PA SOGS BZHI PO DE SGRUB CHEN GYI LE'UR GSUNGS LA, LE'U BZHI PO DES, BRTUL ZHUGS BZANG DANG DBANG BSKUR BA, ,RANG GI SLOB MA BDAG NYID CHE, , SANGS RGYAS BYANG CHUB SEMS RNAMS KYI, ,BSTAN PAS YONGS SU GROL BA YIN, ,ZHES DBANG BSKUR BAS RANG GI SLOB MAR GYUR PA DES, RNAL 'BYOR GYI BRTUL ZHUGS BZANG PO LAS SPROS PA'I SPYOD PA DANG, BDAG NYID CHEN PO SANGS RGYAS DANG BYANG CHUB SEMS DPA'I SPYOD PA DANG, RMAD DU BYUNG BA DANG, DAM TSIG DANG SDOM PA'I SPYOD PA BSTAN PA'I SGOR ZHUGS PAS RANG GI SEMS YONGS SU GROL TE 'OD GSAL BA THOB PAR 'GYUR RO ZHES STON NO, ,LE'U DANG PO NI BCU GCIG PA ZHES PA'I BCU MI

, ,MNGON PAR BYAS PA'I NANG DU 'DUS TE, BSNYEN SGRUB BZHI MDOR BSTAN PA'I LE'U YIN NO, ,DE DAG NI RGYUD PHYI MA'I 'GREL PA DANG MTHUN PAR BSHAD PA'O,, ` YANG LUNG GIS BSHAD PA ZHES PA'I SKABS SU, AE WAm NAS BI DZA H'A RA'I BAR LA YI GE MANG NYUNG GI LUGS GNYIS SNANG YANG, BSHAD RGYUD LAS YI GE TSAN PA BZHI BCUR BCAD NAS SHO LO KA BZHI BCUS BSHAD PAS NA, 'DIR NI YI GE MANG BA'I PHYOGS YIN NO, ,RDO RJE 'PHRENG BA LOGS SU BSGYUR BA LAS, TSIGS BCAD LA MI GTOGS PA'I YI GE BZHI BCU MA BYUNG BA NI RGYA DPE MA DAG PAR GSAL ZHING, RGYUD 'DI LA RGYA DPE MI 'DRA BA MANG DU YOD PAR SNANG NGO, ,'DI 'CHAD TSUL LA BLA MA MNGON SHES CAN GYIS NI, GZHUNG GONG 'OG MI DKRUG PAR 'CHAD CING, BTZUN MO CAN GYIS NI GZHUNG GONG 'OG DKRUGS TE 'CHAD CES SNGA MA RNAMS GSUNG LA, BOD KYI BSHAD PA BYED PA RNAMS PHYI MA LTAR 'CHAD KYANG, GZHUNG GONG 'OG DKRUG PA BSHAD SHIN TU MI BDE BAS, 'DIR NI GZHUNG MI DKRUG PAR 'CHAD PA MNGON SHES CAN LTAR BYA'O, ,'ON KYANG DON TSAN GONG 'OG 'KHRUGS BA RNAMS SBAS PA GSUM GYI SKABS 'DI YIN ZHES DON GYI 'KHRUGS SDE BA DGOS PA NI MTSAN DU GSAL LO, ,SKAL LDAN GRAGS PA DANG THUGS RJE ZHABS KYIS YI GE BSNAN PA'I NGES TSIG GI BSHAD PA MI BYED KYANG, RJE 'GOS KYI BZHED PAS YI GE BSNAN NAS 'CHAD PA NI RGYUD DANG SHIN TU MTHUN LA, PAndI TA KU LA DHA RA'I BSHAD SBYAR DU YANG YI GE BSNAN PA'I BSHAD PA BYED DO, ,DE LTAR AE WAm NAS, BI DZA H'A RA'I BAR GYI DON

SBAS DON DU BSHAD PA LA, RDO RJE 'PHRENG BA LAS, RGYUD DU THOG MAR GSUNGS PA YI, ,'DI SKAD BDAG SOGS JI LTA BU, ,'DI SKAD CES SOGS DANG PO'I NGAG ,DON RGYAS PAR NI JI LTAR 'GYUR, ,ZHES RKANG PA DANG PO GNYIS KYIS 'DUS PA LA SOGS PA'I RGYUD DU THOG MAR GSUNGS PA'I GLENG GZHI'I DON AE WAm GNYIS KYI DON DU 'GYUR TSUL DANG, PHYI MA GNYIS KYIS AE WAm ZHES SOGS RE RE NAS KYI DON RGYAS PAR BSHAD NA JI LTAR 'GYUR ZHES GNYIS DRIS PA'I PHYI MA'I LAN DU YI GE RE TSIGS BCAD RES BSHAD PA NI 'GREL BAR DRANGS PA RNAMS SO,, ` ,,MA DRANGS PA'I DANG PO'I LAN DU AE WAm GYI DON GSUM GSUNGS PA NI THOB BYA 'BRAS BU'I AE WAm DANG, THOB BYED LAM GYI AE WAm DANG, DE 'DREN BYED RTAGS KYI AE WAm MO, ,DANG PO'I AE'I DON NI STON PA GANG LA BZHUGS NAS CHOS STON BAR MDZAD PA'I RTEN RGYUD LA LAR GSANG BA ZHES DANG, LA LAR MKHA' DBYINGS ZHES DANG, DE BZHIN DU BHA GA DANG CHOS 'BYUNG DANG, PADMA DANG, SENG GE'I GDAN ZHES GSUNGS PA RNAMS SO, ,WAm GYI DON NI, STON PA LA RDO RJE CAN DANG, RDO RJE SEMS DPA' DANG, RDO RJE 'JIGS BYED DANG, RDO RJE DBANG PHYUG DANG, HE RU KA DANG, DUS KYI 'KHOR LO DANG, DANG PO'I SANGS RGYAS ZHES SOGS KYI MTSAN GYIS RGYUD SO SOR GSUNGS PA RNAMS YIN TE, ,AE NI GSANG BA MKHA' DBYINGS DANG, ,BHA GA CHOS 'BYUNG PAD MA LA, , RNAL 'BYOR SENG GE'I GDAN LA BZHUGS, ,MCHOG TU RMAD BYUNG STAN PAR MDZAD, ,RDO RJE SEMS DPA' WAm RDO RJE, ,RDO RJE 'JIGS BYED DBANG PHYUG DANG, ,HE RU KA DANG DUS 'KHOR LO, ,DANG PO'I SANGS RGYAS LA SOGS MTSAN, ,ZHES SO, ,DE'I YANG

, ,GSANG BA LA SOGS PA'I NGES DON NI STONG PA NYID DANG, RDO RJE SEMS DPA' LA SOGS PA'I NGES DON NI THUGS RJE CHEN PO YIN PAS STONG PA DANG SNYING RJE DBYER MED PA STON PA YIN TE, AE WAm DE BZHIN GSHEGS PA'I RGYU,, GNYIS SU MED PA'I MTSON BYED DANG, ,STONG NYID SNYING RJE DBYER MED PA, ,GANG LA DE NYID MNGON PAR BRJOD, ,DE LA DE BZHIN GSHEGS PA'I RGYA, ,GNYIS MED YE SHES MTSON PA NI, ,RGYUD KUN GYI NI GLENG GZHIR GSUNGS, ,ZHES SO,, ` ,,GNYIS PA'I AE'I DON NI, SHES RAB STONG PA NYID DANG, WA'I DON NI THABS SNYING RJE CHEN PO GNYIS YIN LA, THIG LE'I DON NI THABS SHES DE GNYIS DBYER MED DU SBYOR BA DANG, DE NYID CHOS KYI PHUNG PO BRGYAD KHRI BZHI STONG LA KHYAB PA'I DON GYI GTZO BO MDOR BSDUS PA'I CHOS KYI RGYAL PO CHEN PO'I RGYAS 'DEBS KYI PHYAG RGYAR GSUNGS TE, RDO RJE PHRENG BA LAS, AE NI STONG PA NYID DU GSUNGS, ,DE BZHIN WA NI THUGS RJE DANG, ,THIG LE DE GNYIS SBYOR LAS BYUNG, ,DE SBYOR BA YI RMAD MCHOG GO ,CHOS PHUNG BRGYAD KHRI BZHI STONG KHYAB, ,MDOR BSDUS CHOS KYI PHYAG RGYA'O, ,RGYAL PO CHEN PO'I PHYAG RGYA NYID, ,RGYUD RNAMS SU NI THOG MAR GSUNGS, ,ZHES SO, ,DE 'DRA BA'I GNYIS SU MED PA'I YE SHES DE RGYUD GANG LAS BRJOD PA DE LA NI DE NYID MCHOG YOD LA, DE MI STON NA MED PA YIN TE, RGYUD KUN GYI NI DON BSDUS PA, ,STONG NYID SNYING RJE MI PHYED PA, ,GANG LA DE NYID MNGON PAR BRJOD, ,DE NI DE BZHIN GSHEGS PA'I RGYA, ,AE WAm ZHES BYA'I YI GE GNYIS, ,GANG LA 'DI GNYIS MED PA NI, ,DE LA DE KHO NA NYID MED,

CES GSUNGS SO, ,GSANG BA GRUB PA LAS KYANG, RGYUD KYI DANG POR RNAM GNAS PA, ,SNYING PO LAS NI SNYING PO MCHOG ,DE NYID BDE CHEN MGON PO YIS, ,GSANG BA DE NYID CES BYAR GSUNGS, ,SANGS RGYAS BYANG CHUB SEMS DPA' DANG, ,SEMS CAN KUN GYI BDE 'BYUNG BA, ,GSANG BA'I RTOG PA'I RGYUD RGYAL PO, ,DPAL LDAN 'DUS PAR RNAM PAR GNAS, ,AE WAm RNAM DAG YI GE LA, ,KHAMS GSUM PO KUN GUS PHYAG 'TSAL, ,ZHES DANG, NAM MKHA'I KHAMS ZHES BYA BA DER, ,TIL GYI GANG BU BZHIN DU MTHONG, ,GAm G'A'I KLUNG GI BYE SNYED KYI, ,DE BZHIN GSHEGS PAS YONGS GANG BA, ,YI GE DE YI DE KHO NA, ,BSTEN PAR BYAS PA'I THABS NYID KYI, ,SANGS RGYAS BYANG CHUB SEMS DPA' RNAMS, ,BLA MED GO 'PHANG THOB PAR 'GYUR, ,ZHES YI GE GNYIS KYI DON NYID 'TSANG RGYA BA'I LAM GYI SNYING POR BSNGAGS SO, ,DE'I PHYIR DE NYID LAS, 'DIR NI YI GE GNYIS PO NI, ,RGYUD KYI DANG POR MED MI 'DOD, ,CES BLA MED KYI RGYUD KUN GYI DANG PO GLENG GZHI'I SKABS SU YI GE GNYIS NGES PAR DGOS PAR GSUNGS PA NI, AE WAm ZHES PA'I YI GE DNGOS SU MED PA LA YANG DE'I NGES DON YOD DGOS PA LA DGONGS SO GSUM PA'I AE'I DON NI, YUM GYI BHA GA RTEN DANG, WA'I DON NI DE LA BRTEN PA'I YAB KYI RDO RJE DANG BRTEN PA RDO RJE LA GNAS PA'I THIG LE NI SNA TSOGS PA'I SPRUL PA STON PAR BYED PA'I RDO RJE SEMS DPA' BDE BA CHEN PO LA SOGS PA'I BDE BA KUN GYI GZHI YIN TE, AE NI BHA GA'I MTSAN NYID DE, ,PAD MA RTEN DU SHES PAR BYA, ,BRTEN PA RDO RJE ZHES NI GSUNGS, ,BRTEN PA RDO RJE 'CHANG BA

, ,YI; ;DE LA GNAS PA'I THIG LE'I GZUGS, ,SNA TSOGS SPRUL PA STON PAR BYED, ,BDE BA KUN GYI GZHI YI GNAS, ,RDO RJE SEMS DPA' BDE BA CHE, ,ZHES SO, ,DES NI YAB YUM GYI RTAGS KYI AE WAm GNYIS SBYAR BA LAS LAM GYI AE WAm 'DREN PA'I THABS BSTEN TO, ,NANG GI RANG GI LUS LA GNAD DU BSNUN PA LAS LAM GYI AE WAm 'DREN PA'I THABS LUS KYI GNAD KYI RTAGS KYI AE WAm YANG SAMBU tA LAS GSUNGS TE, SPYI BO LTE BAR SON 'KHOR LO, ,AE YIG RNAM PAR YANG DAG GNAS, ,SNYING KHA MGRIN PAR YANG DAG GNAS, ,WAm GYI YI GE 'DRA BAR 'DOD, ,CES SPYI BO DANG LTE BA'I RTZA 'KHOR GYI DBYIBS AE GRU GSUM GYI DBYIBS DANG, SNYING KHA DANG MGRIN PA'I RTZA 'KHOR GYI DBYIBS WAm YIG ZLUM PA'I DBYIBS SU GNAS PA AE WAm GYI DON DU BSHAD DO, ,'DIR RTAGS ZHES PA NI DBYIBS KYI MTSAN MA'I RTAGS SO, ,DE LTAR 'BRAS BU'I AE WAm LEGS PAR SHES NAS DE THOB PAR 'DOD PA NA, DE'I THABS LAM GYI AE WAm GNYIS KYI SBYOR TSUL RGYUD GNYIS NAS BA SHAD BA LTAR LEGS PAR SHES TE, DE 'DREN PA'I THABS PHYI'I RTAGS KYI AE WAm PHYAG RGYA DANG MNYAM PAR SBYOR BA DANG, NANG GI RTAGS KYI AE WAm RTZA 'KHOR GYI GNAD DU BSNUN TSUL LA MKHAS PAR BYAS NAS LAM DE 'DREN THABS BYED PA DER RGYUD GNYIS KYI GNAD MTHA' DAG 'DU BAS, YI GE GNYIS KYI DON DANG DE'I YAN LAG TU RGYUD MTHA' DAG 'GRO TSUL LEGS PAR SHES NA, YI GE GNYIS KYI DON GNAD KYI DON YIN PAR RGYUD RNAMS LAS MANG DU BSNGAGS PA RNAMS SHES PAR 'GYUR RO, ,

RGYUD KUN GYI GTZO BO'I DON NI AE WAm GYI DON YIN LA, DE'I NGES DON YANG STONG PA DANG SNYING RJE GNYIS YIN NA, DE GNYIS KYI DON GANG YIN PA BSHAD DGOS SO ZHE NA, AE YIG DANG CHOS 'BYUNG GI DBYIBS GRU GSUM DU YOD PAS BDAG MED PA'I DE BZHIN NYID MTSON PAR BYED LA, DE'I TSE GRU GSUM GYIS NI RNAM PAR THAR PA'I SGO GSUM YANG MTSON PAS, CHOS RNAMS KYI NGO BO DANG RGYU DANG 'BRAS BU GSUM RANG BZHIN GYIS GRUB PAS STONG PA'I STONG PA NYID DANG, MTSAN MA MED PA DANG, SMON PA MED PA'I DON AE YIG GI MTSON DON YIN PA'I PHYIR, STONG PA NYID KYI LTA BA PHU THAG CHOD PA ZHIG MED NA AE YIG GI DON MA TSANG NGO, ,DE YOD KYANG PHYI NANG GI LUS LA GNAD DU BSNUN PA LAS BYUNG BA'I BDE BA CHEN PO ZHIG MED NA, WA YIG GI DON MA CHAD NGO, ,DE GNYIS YOD KYANG STONG NYID KYI LTA BA ZHU BDE'I NGO BOR SKYED PA DANG, STONG NYID YUL DANG, BDE CHEN YUL CAN DU BYAS NAS DES DE PHYIN CI MA LOG PAR NGES PA'I BDE STONG SBYOR MI SHES NA, THIG LE'I DON MA TSANG BA YIN PAS, BDE STONG DBYER MED KYI AE WAm GYI DON SHES PAR 'DOD NA DE RNAMS SHES DGOS SO, ,BDEN GNYIS DBYER MED KYI AE WAm GYI AE'I DON NI DON GYI 'OD GSAL GYI YE SHES SO, ,WA YIG GI DON NI YONGS SU DAG PA'I SGYU LUS SO, ,DE GNYIS DBYER MED DU SBYOR TSUL NI SNGA MA THUGS DANG PHYI MA SKUR NGO BO GCIG TU SBYOR BA THIG LE'I DON TE, AE WAm GYI DON GNYIS BZUNG 'JUG GI MTHAR THUG GO ,'DI RNAMS RGYAS PAR RIM LNGA GSAL SGRON DU BSHAD ZIN PA LAS SHES PAR BYA'O,, ` ,,LAM GYI

, ,RIM PAR KHRIG CHAGS SU BSDU BA NA, SNGAR LE'U DANG POS DON 'DI STON GYI BSDUS DON GYI SKABS SU 'GREL PAR GSUNGS PA LTAR BYA BA LA, RIM PA DANG PO'I SKOR LA SBYAR TE BSHAD NA, LHA BCU GSUM GYI DKYIL 'KHOR PHYUNG BA NI DBANG GI DKYIL 'KHOR LA GSUNGS PAS DE BSHAD PAS MTSON NAS DBANG BSKUR BA'I CHO GA LHAG MA KHA BSKANGS NAS, DBANG GI DKYIL 'KHOR DU RIG PA'I DBANG BSKUR BA BYIN PA SNGON DU BLANG NGO, ,DBANG BSKUR BA BZHI BYED PA NI, DE BZHIN GSHEGS PA THAMS CAD LA BYIN GYIS BRLAB PAR MDZAD DE, DE BZHIN GSHEGS PA THAMS CAD KYI RDO RJE'I DAM TSIG 'BYUNG BA'I TSIG GIS ZHES PA LA TSUL BZHIR BSHAD PA STON NO, DBANG GI SNOD RUNG DU BSGRUBS PA LA, RIM PA GNYIS KYI LAM RIM GYIS BSTAN DGOS PAS, DE NI GLING GZHI DANG, GZUNGS DKYIL DANG, BSDUS DKYIL KYI MDOR BSTAN DANG, RGYAS BSHAD KYI DON BSHAD PA LAS 'BYUNG NGO, ,JI LTAR 'BYUNG NA, BSDUS DKYIL GYIS RTEN GYI DKYIL 'KHOR DANG, BRTEN PA'I GTZO BO RDO RJE 'CHANG DANG, LHAG MOS LUS LA BSDU BA DANG, ZIL GNON RDO RJE SPYI DON DU BSHAD PAS LHAG MOS KYI SKYED TSUL DANG, LHAG MOS KYI DKYIL 'KHOR TSANG BA BTON NAS, DE RNAMS KYIS MDZAD PA MDZAD TSUL RNAMS STON NO, ,DE NAS GLENG GZHI'I YI GE'I DON RJES 'JUG GI NYAMS LEN LTAR BSHAD PAS MNGON BYANG LNGA LAS RDO RJE 'CHANG DU SKYED PA BSTAN PA LA SA BON DANG PHYAG MTSAN GNYIS NI, DAM TSIG 'BYUNG BA RDO RJE'I TING

NGE 'DZIN DRANG DON DU BSHAD PA'I TSE YI GE GSUM DANG RDO RJE LAS SKYED PA BYUNG BA DER SBYAR, DE NAS DANG PO'I MGON PO RDOR SEMS SPRUL SKUR BSGYUR BA NI, ZIL GNON RDO RJE'I YIG DON DANG, SBAS BSHAD DANG SBYAR, BSGYUR BA LA LUS DKYIL TSANG BAR 'GOD PA DANG, SKU GSUNG THUGS BYIN BRLAB DANG, SEMS DPA' GSUM BRTZEG TU BYA BA'I BAR NI SKYES BU'I GZUGS 'DI SNGAGS THAMS CAD KYIS BYIN GYIS BRLAB PAR BSHAD PA DRANG DON DU BSHAD PAS BSTAN, DE NAS RIG MA DANG RDO RJE PADMA 'DU BYA BA NI GLENG GZHI SPYI DON DU BSHAD PA'I SKABS DANG, GZUNGS DKYIL GYI LHA MO SPRUL PA DRANG DON DU BSHAD PAS BSTAN, SNYOMS PAR ZHUGS PA'I BYANG CHUB KYI SEMS DANG SA BON GYI SNGAGS LAS YUM GYI PAD MAR LHA RDZOGS PAR SKYED PA YANG, GLENG GZHI SPYI DON DU BSHAD PA LAS BSTAN, YUM GYI PAD MAR RTEN GYI DKYIL 'KHOR SKYED PA NI BSDUS DKYIL GYI SKABS SU BTZUN MO'I BHA GA LA RTEN GYI DKYIL 'KHOR SPRUL BAS BSTAN PA NI RNAM GZHAG GI DGONGS PA'O, ,'KHOR PHUN TSOGS DRANG DON DU BSHAD PA LTAR NA, DNGOS SU SMOS PA NYER GNYIS DANG MA SMOS PA BCU MNGAL DU BSKYED PA PHYIR PHYUNG NAS DKYIL 'KHOR GYI GNAS SU 'GOD PA STON TE, LHA BCU GSUM PHYUNG BA'I SKABS KYI DRANG DON LA BSHAD PA'I STENG NAS 'KHOR DRANG DON DU BSHAD PA GSAL DU BTANG BAR SHES PAR BYA'O, ,LHA BCU GSUM PHYUNG BA NI DBANG GI DKYIL 'KHOR SGRUB PA'I SKABS KHO NA MIN GYI, BSKYED RIM LA THUN BZHIR BYED PA'I SKABS KYI DKYIL 'KHOR RGYAL MCHOG KYANG SHES PAR BYA'O, ,

, ` ,RDZOGS RIM STON TSUL LA GLENG GZHIS BSTAN TSUL NI, GLENG GZHI SBAS BSHAD KYI SKABS SU LUS DBEN DANG, NGAG DBEN CUNG ZAD DANG, DE GNYIS SNGON DU BTANG BA LA BRTEN NAS PHYI'I RKYEN PHYAG RGYA DANG SBYOR BA DANG, NANG GI RKYEN SROG RTZOL RLUNG GI RNAL 'BYOR GYIS GZHI LA LUGS 'BYUNG DANG LUGS LDOG GI STONG PA BZHI JI LTAR GNAS PA DE BZHIN DU BSKYED DE SEMS DBEN RDZOGS PAR BYED, DE LAS SGYU LUS SGRUB PA'I PHYIR DU SPYOD PA BYAS NAS SGYU LUS SGRUB, DE GRUB PA DANG, DON GYI 'OD GSAL GYI YE SHES BSKYED PA'I PHYIR DU SPYOD PA'ANG BSDU, DE LTAR SPYOD PA BYAS PAS SGYU LUS BSAM GTAN GNYIS KYIS 'OD GSAL DU BCUG PA'I 'OD GSAL DANG ZUNG 'JUG GNYIS NI GLENG GZHI MTHAR THUG TU BSHAD PA LAS 'BYUNG NGO, ,ZUNG 'JUG THOB PA DE ZUNG 'JUG PA'I DKYIL 'KHOR RGYAL MCHOG SPRUL BA NI 'KHOR PHUN TSOGS LA NGES DON DU BSHAD PA'I DON NO, ,GLENG GZHIR RDZOGS RIM BSTAN PA CUNG ZAD GSAL BAR NI GZUNGS DKYIL MAN CHAD KYI RDZOGS RIM GYI BSHAD PA RNAMS KYIS STON PA LA, GZUNGS DKYIL NGES DON DU BSHAD PA NA LAS DANG YE SHES KYI PHYAG RGYA'I RIG MA LA BRTEN NAS SROG DH'U T'IR SDUD NUS PA DANG, GANG LA DMIGS NAS RDOR BZLAS BYA BA'I YUL, RTZA BA DANG YAN LAG GI RLUNG DGU BSGOMS PAS SROG DH'U T'IR BSDUS PA LAS YE SHES GSUM SKYED PAR BSTAN LA, YE SHES GSUM RLUNG GI BZHON PA DANG BCAS PA LAS SGYU MA'I SKU SGRUB PA DANG SKU DE 'OD GSAL DU 'JUG PA DANG 'OD GSAL LAS

LANGS PA NA ZUNG 'JUG GI LONGS SPRUL GYI SKU GNYIS BSKYED PA NI BSDUS DKYIL MDOR BSTAN PA NGES DON DU BSHAD PA LAS 'BYUNG NGO, ,DE NAS ZIL GNON RDO RJE MTHAR THUG TU BSHAD PAS STONG PA BZHI RIM GYIS 'OD GSAL DU 'JUG PA DANG DAM TSIG 'BYUNG BA NGES DON DU BSHAD PAS 'OD GSAL LAS 'KHRUNGS PA'I ZUNG 'JUG GI SKU GNYIS STON NO, ,SNGAR GYI 'KHOR PHUN TSOGS RJES 'JUG LA NGES DON DU BSHAD PA NI LHA BCU GSUM PHYUNG BA'I DKYIL 'KHOR NGES DON DU BSHAD PAS GSAL BAR BYED DO, ,LE'U DANG PO'I MTHA' GCOD DO,, ` ,,KHYED KYI SEMS LUS LTA BU DANG ZHES SOGS KYI TSIG GSUM PO 'DI, SPYOD BSDUS LAS GSANG CHEN RIGS GCIG GI LUS DBEN LA SBYAR RO, ,DE NI YE SHES KYI SKU DNGOS MIN LA 'DIR BSHAD PA'I DRANG NGES GNYIS KYI NANG NAS DRANG DON DU SDUD PA'AM YANG NA SNGAGS KYI SKU DANG KHYAD PAR CHE BAS 'DIR BSHAD PA'I NGES DON DNGOS MIN KYANG DER BSDUR RUNG NGO, ,RDO RJE SEMS DPA'I SGRUB THABS LAS BSKYED RIM PA'I SKU GSUNG THUGS BYIN BRLABS LA SBYAR TE, DE LA PHYE NA SKU GSUNG THUGS SO SO DANG THUN MONG DU BYIN GYIS RLOB PA GNYIS SU 'GYUR RO, ,SNGA MA RNAMS LHAG MOS KYI GTZO BO LA SBYOR MOD KYANG KHUNGS THUB KYI BSHAD PA DOR NAS 'OL TSOD KYIS 'CHAD PA'O,, ` ,,DNGOS PO MED PAS SGOM PA MED, CES PA'I RKANG PA BZHIS SNOD BCUD KUN RANG BZHIN MED PAR BSTAN PA DANG, RANG BZHIN MED PA'AM DNGOS PO MED PA YANG DGAG BYA LA KHYAD PAR MA SBYAR BA MIN GYI DON DAM PAR YOD PA MIN PAR MDOR BYAS LAS GSUNGS TE, TSIGS

, ,BCAD 'DI YIS RGYU MI RGYU'I, ,BDAG NYID CAN RNAMS STONG PAR BSGOM, ,ZHES DANG, DAM PA'I DON DU DNGOS PO RNAMS, ,SRID GSUM DNGOS PO MED PAR BSGOM, ,ZHES GSUNGS SO, ,RTZA RGYUD LAS KYANG, CHOS RNAMS RMI LAM LTA BU STE, ,NGO BO NYID KYIS MA SKYES SHING, ,RANG BZHIN DAG PA DE NYID LA, ,'KHRUL PA'I RDO RJE RAB TU GSUNGS, ,ZHES CHOS RNAMS MA SKYES PA ZHES SKYE BA 'GOG PA LA NGO BO NYID KYIS ZHES PA'I KHYAD PAR SBYOR BA GSUNGS PA NI, LANG KAR GSHEGS PA LAS, RANG BZHIN GYIS MA SKYES PA LA DGONGS NAS NGAS CHOS THAMS CAD SKYE BA MED PA'O, ,ZHES GSUNGS SO, ,ZHES GSUNGS PA DANG KHYAD PAR MED DO, ,DES NA RTZA SHE LAS, RTEN CING 'BYUNG BA GANG YIN LA, ,DE NI NGO BO NYID KYIS ZHI, ZHES DBU MA LAS GSUNGS PA DANG SNGAGS LAS GSUNGS PA RNAMS LA MI 'DRA BA MED PAS, RANG BZHIN GYIS GRUB PAR 'DZIN PA NI RTAG LTA DANG, BYA BYED BZHAGS MED PA'I LTA BA NI CHAD LTA YIN LA, DE NI RMI LAM GYI DPES DNGOS PO'I CHOS RNAMS NGO BO NYID KYIS MA SKYES PAR RTOG PAS 'KHRUL PA'I RI BO 'JOMS PA LA RDO RJE LTA BUR GSUNGS SO, ,LE'U BCU GSUM PA LAS KYANG, MA SKYES PA YI CHOS RNAMS NI, ZHES PA NAS, YE SHES 'BYUNG BA RAB TU BSHAD, CES GSUNGS PA'I DON LA 'GREL PAR SNGAR LTAR NGO BO NYID KYIS MA SKYES SHING MA BRTAGS NA NYAMS DGA' BA TZAM DU YOD PA'I CHOS RNAMS LAS 'BRAS BU 'BYUNG BAR BCOM LDAN 'DAS KYIS MANG DU GSUNGS PA NI

NGO MTSAR CHE'O ZHES GSUNGS TE, NGO MTSAR CHE LUGS NI, NGO BO NYID KYIS GRUB PA CUNG ZAD KYANG MED BZHIN DU RGYU 'BRAS 'JOG PA 'THAD PA YIN PAS 'DI SHIN TU GAL CHE'O,, ` ,,DNGOOS MED PA ZHES SOGS SPYI DON DU BSHAD PA'I SKABS SU PHYI ROL BKAG NAS SEMS TZAM DU BZHAG PA 'DRA BA 'GA' ZHIG BYUNG BA DANG SKABS GZHAN DU YANG DE LTAR BYUNG BA RNAMS ZHIB TU DPYOD MA NUS SHING, SPYIR 'PHAGS PA YAB SRAS KYI BZHED PA DANG KHYAD PAR DU 'GREL PA MDZAD PA'I BZHED PAS, THA SNYAD DU PHYI ROL KHAS LEN PA'I RNAM GZHAG MTHA' CHOD PAR MA RTOGS PA LA BRTEN NAS, PHYI ROL KHAS MI LEN PA SGRON GSAL GYI LUGS SU SMRA BA BYUNG SNANG NA'ANG, DE MI 'THAD PA'I TSUL DANG LTA BA LA RTAG CHAD KYI MTHA' SPONG LUGS RGYAS PAR GZHAN DU BSHAD ZIN PAS 'DIR MA SPROS SO,, ` ,,YANG DNGOS PO MED PA ZHES SOGS KYI SBAS BSHAD DANG MTHAR THUG GI BSHAD PA'I SKABS LAS RIM LNGA NAS BSHAD PA'I RIM PA THA MA GSUM GZHUNG GZHAN NAS MI GSAL BA LUGS 'DIR ZHIB TU GTAN LA 'BEBS PA RNAMS MTHA' CHOD PAR RTOGS NA LUGS 'DI'I KHYAD CHOS CHEN POR 'GYUR ZHING, DE LA BRTEN NAS LUGS GZHAN MANG PO'I LAM LA NGES PA CHEN PO STER BA'I TSUL YANG RIM LNGA GSAL SGRON SOGS LAS RGYAS PAR BSHAD ZIN PAS DER SHES PA DE BZHIN GSHEGS PA DRUG GI BYANG CHUB KYI SEMS GSUNGS PA'I 'OG CHED BRJOD KYI GONG GI BAR 'DIR BSHAD RGYUD KYIS RTZA RGYUD KYI BYANG CHUB KYI SEMS LA DOGS PA BCAD NAS GSUNGS PA 'DIR SHES DGOS PAS, DE NI LUNG STON LAS, DE NAS DPAL LDAN RDO RJE 'DZIN, ,

, ,BYANG CHUB SEMS NI THOS PA DANG, ,DGONGS PA'I DON NI RAB BSHAD PAR, ,RNAM PAR SNANG MDZAD CHE LA ZHUS, ,DNGOS PO MED CING DMIGS MED PA, ,BYANG CHUB SEMS DPA' MKHA' DANG MTSUNGS, ,GSANG BA'I TSUL NI 'DI THOS NAS, ,DANG PO PA YI RTOG PA SKYE, ,LUS LA SOGS PA GSUM SBYOR BAS, ,SEMS NI DE RNAMS SKYED PAR BYED, ,YANG DAG BYANG CHUB DU MA'I MTHAR, ,'DI LA SO SO SKYE BO SMRA, ,THUB PA'I GSUNG NI DE RNAMS LA, ,RANG GI SGRA BZHIN 'DZIN PAR BYED, , BSAM PA'I DBANG NI JI BZHIN DU, ,'GRO BA'I DON DU BKA' STZOL CIG ,CES ZHUS PA'I DON NI, DMIGS PA MED PA'I BYANG CHUB KYI SEMS NAM MKHA' DANG MTSUNGS PA BSKYED PAR BYA'O ZHES PA'I TSUL 'DI THOS PA NA, LAS DANG PO PA RNAMS LA RTOG PA SKYE'O, ,RTOG PA JI 'DRA BA SNYAM NI, THUB PA'I GSUNG LA, GSUNG RAB RANG NAS 'BYUNG BA'I SGRA JI BZHIN PAR BZUNG NAS, RANG RANG GI BSAM PA'I DBANG JI BZHIN DU 'DZIN PA'I RTOG PA SKYE STE, DE YANG LUS SKU RDO RJE RNAM SNANG DANG, NGAG GSUNG RDO RJE 'OD DPAG MED DANG, YID THUGS RDO RJE MI BSKYOD PAR SBYOR BA'I BSKYED RIM PA'I RDO RJE GSUM DBYER MED PA'I BYANG CHUB KYI SEMS BSKYED PA TZAM GCIG TU 'DZIN PA DANG, YANG DAG PA'I BYANG CHUB 'OD GSAL GYI YE SHES JI BZHIN DU MA RTOGS PAR MI MTHUN PA DU MA'I MTHAR SMRA'O, ,DES NA DE DAG GI DON DU BYANG CHUB KYI SEMS BSKYED PAR BYA BAR GSUNGS PA'I DON BKA' STZOL CIG CES PA'O, ` ,DE'I LAN DU, LAG NA RDO RJE LA 'DI GSUNGS, ,RNAM PAR MI RTOG DON DE NYID, ,

RAB TU PHYE STE BSHAD PAR BYA, ,TSIG TU BRJOD DANG DMIGS PAR BSHAD, ,BRDA DANG DON DAM PA YIN NO, ,RKYEN DANG NYAN THOS RNAMS KYI DANG, ,MDO DANG GSANG SNGAGS SPYOD RNAMS KYI, ,DE BZHIN GSHEGS PAS GSUNGS PA YI, ,BYANG CHUB SEMS 'DI BLA NA MED, ,DE BZHIR YANG DAG SBYOR BA 'DI, ,DGONGS PA'I GSANG BA BLA NA MED, ,GNYIS MED DAM TSIG RDO RJE DANG, ,PAD MA DE LAS SKYED PAR BYED, ,TSIG TU BRJOD PA THUN MONG STE, ,SANGS RGYAS SKU NI DMIGS CAN YIN, ,GSANG SNGAGS DE NYID CES BYA BRDA, ,DE BZHIN NYID NI DON DAM PA'O, ,ZHES GSUNGS TE, RNAM PAR MI RTOG PA'I DON NI RDZOGS RIM PA'I BYANG CHUB KYI SEMS KYI DON DE NYID DO, ,RAB TU PHYE BA NI BRJOD PA LA SOGS PA BZHIR PHYE BA MIN GYI, RIM GNYIS KYI BYANG CHUB KYI SEMS SO SOR MA PHYED PA LA SO SOR PHYE STE 'CHAD CES PA'O, ,RKYEN DANG ZHES PA NI RANG RGYAL LO, ,MDO DANG ZHES PA NI PHAR PHYIN GYI THEG CHEN PA'O, ,DE BZHI'I DON DU DE BZHIN GSHEGS PAS GSUNGS PA'I BYANG CHUB KYI SEMS BLA NA MED PA NI, DE KHO NA NYID MTHAR THUG PA KHONG DU CHUD PA'I BYANG CHUB KYI SEMS TE, DE KHO NA NYID LA LTOS NAS NI SNGAGS SU YANG DE LAS LHAG PA MED PAS BLA NA STE GONG NA MED PA ZHES BYA'O, ,DE BZHI'I DON DU GSUNGS PA'I BYANG CHUB KYI SEMS BDE BA CHEN PO DANG YANG DAG PAR SBYOR BA NI, GZHAN RNAMS LA GSANG BAR BYA BA RDZOGS RIM PA'I BYANG CHUB KYI SEMS BLA NA MED PA'O, ,DE YANG GNYIS SU MED PA'I ZUNG 'JUG DANG, DAM TSIG NI SA MA YA LA SA MA TA'I NGES TSIG GI BSHAD NA MNYAM PA NYID DE DE KHO

, ,NA NYID DANG RO GCIG TU MNYAM PAR ZHUGS PA'I 'OD GSAL TE BYANG CHUB KYI SEMS GNYIS TE, 'DI NI BSKYED BYA'I BYANG CHUB KYI SEMS 'GREL BAR BSHAD PA RNAMS SO, ,BYANG CHUB KYI SEMS KYI'ANG STONG NYID RTOGS PA THUN MONG BA DANG BDE CHEN THUN MONG MIN PA YIN NA, DE THABS GANG GIS SKYED SNYAM NA RDO RJE DANG PADMA MNYAM PAR SBYOR BA DE LAS BDE CHEN SKYED PAR BYED DO, ,DE NI PHYAG RGYA LA BRTEN NAS SKYED PA YIN LA NANG GI LUS LA GNAD DU BSNUN PA'I THABS LAS SKYED PA NI BRJOD PA DANG BRDA GNYIS KYIS STON TE 'CHAD PAR 'GYUR RO, ,BRJOD PA'I SNGAGS NI SKYE BO KUN GYI NGAG LA THUN MONG DU YOD PA'I DBYANGS GSAL LAS BTUS PA'I SBRUL LA SOGS PA'I SNGAGS JI SNYED PA KUN RDO RJE GSUM GYI SNGAGS 'BRU GSUM DU BSDUS PA'O, ,BRDA YIS DE NYID GSUM GNAS PA, ,RANG BZHIN BZLAS PA'I MTSAN NYID DO, ,ZHES PAS GSAL DU BTANG STE, BRDA YIS NI RLUNG GI DE NYID LDANG 'JUG GNAS PA GSUM DU DANG PO NAS GNAS PA DE RANG BZHIN GYIS BZLAS PA'I MTSAN NYID CAN DU SHES PAR BYA BAR BSTAN PAS NANG GI SNGAGS GSUM GYI BRDA NI DE NYID GSUM GNAS YIN LA, 'JUG PA'I DE NYID NI AOm GYI BRDA YIN DES GZHAN GNYIS KYANG SHES PAR BYA'O, ,DE LTAR NA RDOR BZLAS KYI BZLAS BYA'I SNGAGS BTUS PA NA YI GE GSUM BYUNG BA DE'I MING GI BRDA BSTAN PA NA, RLUNG GI GDANGS KYI YI GER SHES NAS DE GNYIS DBYER MED DU SBYOR BA YIN NO, ,SNGAGS KYI DON NI

SPYIR DU MA ZHIG YOD KYANG, 'DIR RDOR BZLAS KYI YI GE GSUM GYI SNGAGS KYI DON BSHAD DGOS LA DE YANG YI GE GSUM GYI GDANGS LA BYED PA BSHAD ZIN PAS DE MIN NO, ,'O NA GANG ZHE NA, RDZOGS RIM PA'I SKU RDO RJE LA SOGS PA GSUM YIN LA; DE NI DGONGS PA LUNG STON LAS, DE NI YONGS SU GYUR PA'I LUS, ,LHA RU NYE BAR DMIGS PA'O, ,ZHES GSUNGS PA DE YIN TE, DE YANG SEMS LUS LTA BU DANG ZHES SOGS KYIS LUS NGAG YID GSUM DBYER MED PAR SBYOR BA'I SGYU MA'I SKU SKYED CIG CES GSUNGS PA'I SKYED TSUL DRIS PA'I LAN YIN PAS RKANG PA GNYIS PO DES SGYU MA'I SKU SKYED PA BSTAN NO, ,DE LTAR NA DE NI ZHES PA NI DNGOS MED NGO BO STE 'OD GSAL MI SHIGS PA LAS BYUNG BA'I RLUNG SEMS SO, ,DE YONGS SU GYUR PA LAS LHA'I GZUGS SU DMIGS PA NI RLUNG SEMS LAS SANGS RGYAS KYI SKUR LANGS PA'O, ,DE NYID NI RDO RJE GSUM DBYER MI PHYED PA'I SGYU MA'I SKU STE 'DI LA SGYU MA'I SKU GNYIS YOD DO, ,SNGAGS KYI DON DAM PA NI, 'GAG MED RAB TU ZHI BA STE, ,RTAG DANG CHANG PA RNAM SPANGS PA, ,DUS GSUM MKHYEN PAS MA BYAS PA, ,RTOG PA NAM MKHA' DBYER MED MTSAN, ,'DI NYID KHO NA DON DAM STE, ,SO SOR RANG RIG MTSAN NYID DO, ,ZHES CHOS RNAMS KYI DE KHO NA NYID NAM MKHA' LTA BU SANGS RGYAS RNAMS KYIS MA BYAS PA DE DANG, RTOG PA STE SHES PA GNYIS RO GCIG TU SONG BA DBYER MED PA'I 'OD GSAL GYI BYANG CHUB KYI SEMS NI SNGAGS KYI DE KHO NA NYID DAM SNGAGS KYI DON DAM PAR BSTAN NO, ,DE LTAR NA SNGAGS BTU BA'AM BRJOD

, ,PA'I SNGAGS DANG, SNGAGS KYI BRDA GNYIS KYIS RDOR BZLAS BYED TSUL BSTAN LA DE BYAS PAS BDEN PA GNYIS KYI BYANG CHUB KYI SEMS SKYED PA NI SNGAGS KYI DON NAM SNGAGS KYI DMIGS PA DANG, SNGAGS KYI DON DAM PA GNYIS KYIS BSTAN PA 'DI BSHAD RGYUD KYI DON DU ZUNGS SHIG ,LE'U GNYIS PA'I MTHA' GCOD DO,, ` ,,GTZO BO 'PHO BA'I SKABS SU, SKU GSUNG THUGS NI RDO RJE YI, ,ZHES PA'I RKANG PA GNYIS PA LA, DPE KHA CIG LAS, PHYAG RGYA 'AM YANG NA BSGOM PAR BYA, ZHES PA DANG, KHA CIG LAS, PHYAG RGYA DE NAS BSGOM PAR BYA, ZHES PA DANG, YANG KHA CIG LAS, PHYAG RGYA CHEN PO BSGOM PAR BYA, ZHES 'GYUR RNYING LA MI 'DRA BA GSUM BYUNG NGO, ,PA TSAB KYIS BSGYUR BA'I RGYUD LAS, RNAM PAR SNANG MDZAD PHYAG RGYA CHE, ,SKU GSUNG THUGS KYI MTSAN MA'AM, ,YANG NA SKU GSUNG THUGS RDO RJE'I, ,PHYAG RGYA RNAM PAR BSGOM PAR BYA, ,ZHES 'BYUNG NGO, ,DE LTAR BYUNG BA LA, 'GYUR RNYING LAS 'BYUNG BA'I GSUM PA DAG PAR BYA STE, RKANG PA GNYIS PO DE, GZUGS NI DBUS SU BSGOM PAR BYA, ,ZHES GSUNGS PA'I GZUGS KYI DON RDO RJE 'CHANG SGOM PA LA 'CHAD PAR SNANG BAS YANG NA'I SGRA MI 'THAD PA'I PHYIR DANG, RNAM SNANG LA SOGS PA LHA GZHAN DKYIL 'KHOR GYI DBUS SU SGOM PA 'DIR MI GSAL YANG, DE LTAR SGOM PA RUNG BAR LE'U BCU DRUG PA'I GZHUNG, RDO RJE 'DZIN MCHOG GANG YIN PA'I, ,ZHES SOGS KYI LUNG DRANGS NAS BSGRUBS PA'I PHYIR RO, ,RDO RJE 'CHANG DKYIL 'KHOR

BA'I GTZO BOR BSHAD PA NI LHAG MOS KYI SKABS DANG LAS SGRUB PA'I SKABS 'GA' ZHIG LA DGONGS SO, ,TSOGS GNYIS DANG NI LDAN PA YIS, ,ZHES PA PA TSAB KYI 'GYUR LA MED PA LTAR BYA BA 'AM, 'GYUR RNYING LTAR YOD PAR BYED NA RIGS LNGA KA LA SBYAR RO, ,RDO RJE 'DZIN MCHOG CES SOGS KYI LUNG 'DREN LA RGYA DPE LA RKANG PA GSUM LAS MED ZER BA NI, PA TSAB KYI 'GYUR LAS, RDO RJE 'DZIN MCHOG GANG YIN PA'I, ,SKU NI DBUS SU YANG DAG BRI, ,DKYIL 'KHOR DE YI DBUS SU 'GYUR, ,ZHES PA DANG, LE'U BCU DRUG PA DANG MTHUN TE, 'ON KYANG TSIG THA MA LA, DE YI DKYIL 'KHOR GNAS SU 'GYUR, ,ZHES 'BYUNG BA LEGS SO, ,'DIR GTZO BO 'PHO TSUL LA, RNAM SNANG GTZO BOR SONG BA'I DUS SU, RNAM SNANG YUM BCAS DBUS SU DANG, MI BSKYOD PA YUM MED SHAR DU DGOD PA DANG, SNANG MTHAS GTZO BO BYED NA YANG YUM DANG BCAS PA DBUS SU 'GOD PAR RGYUD 'GREL DU GSUNGS PA MA GTOGS PA, GZHAN 'GREL PAR GSAL BAR MA BSHAD, SNYIM PA'I ME TOG LAS, GAL TE RGYAL GZHAN DBUS MAR GYUR, ,DE YI GNAS LA MI BSKYOD 'GYUR, ,GANG TSE 'KHOR GTZO SANGS RGYAS GYUR, ,PHYUNG BA DE NI BSTIM PAR BYA, ,BYANG CHUB SEMS DPA'I 'KHOR GTZOR 'GYUR, ,DE YI RIGS BDAG BSTIM PAR BYA, ,RGYAL BA LAS GZHAN DKYIL 'KHOR PA, ,GAL TE 'KHOR LO'I GTZO BOR BYED, ,DBUS MA DE YANG GZHAN DE NYID, ,RANG GNAS SU'ANG

, ,GZHAN NYID YIN, ,ZHES GSUNGS SO, ,DE'I RKANG PA DANG PO GNYIS KYI DON NI, 'KHOR GYI DE BZHIN GSHEGS PA BZHI GANG DBUS SU SONG BA'I GNAS SU MI BSKYOD PA 'GRO BA'O, ,DE NAS GNYIS KYI DON NI, DE BZHIN GSHEGS PA LAS GZHAN PA'I 'KHOR RNAMS GTZO BOR SONG NA SANGS RGYAS 'KHOR NAS PHYUNG BA DE GTZO BOR SONG BA DER NI BSTIM MO, ,DE NAS GNYIS KYIS NI, SNGA MA DE LA BSTIMS PA'I SANGS RGYAS DE YANG DE'I RIGS BDAG YIN NO ZHES SNGA MA GSAL DU BTANG BA'O, ,DE NAS GNYIS KYI DON NI, SANGS RGYAS LAS GZHAN PA'I 'KHOR GTZO BOR SONG BA NA, DE'I GNAS SU RANG 'DRA GNYIS PA ZHIG BZHAG CES PA'O,, ` RJE 'GOS KYIS NI, 'KHOR GYI DE BZHIN GSHEGS PA BZHI SNYIM TOG DANG 'DRA BAR BZHED, 'DIR GTZO BO YUM BCAS DANG LHA GZHAN RNAMS RE RE BA YIN PAS, RNAM SNANG SOGS BZHI LA NI SPYAN SOGS BZHI YUM GANG DBUS SU SONG BA'I GNAS SU REG RDO RJE MA BZHAG GO ,SANGS RGYAS SPYAN GYIS GTZO BO BYED NA SBYOR BA DANG PO SPYAN MA'I TING NGE 'DZIN LA GNAS NAS MTSAN BSGYUR, YUM YANG SPYAN MAR BSKYED LA RANG SPYAN MA LA RNAM SNANG BCUG LA, SPYAN MA'I RNAM PA LA RNAM SNANG GI NGA RGYAL GYIS LHA RNAMS GDON NO, ,RNAM SNANG GI GO SAR MI BSKYOD PA BZHAG SPYAN GYI GO SAR SPYAN MA GNYIS PA BZHAG ,LHA MO GZHAN GSUM YANG DE BZHIN NO, ,GZUGS RDO RJE MAS GTZO BO BYED NA SBYOR BA DANG PO GZUGS RDO RJE MA'I TING NGE 'DZIN

LA GNAS NAS MTSAN BSGYUR, YUM SPYAN MA MDUN DU BZHAG PA LA SNYOMS PAR ZHUGS PA LAS RNAM SNANG BSKYED NAS RANG LA BCUG PAS RNAM SNANG GI NGA RGYAL LAS GZUGS RDO RJE'I RNAM PAS LHA RNAMS GDON, MI BSKYOD PA RNAM SNANG GI GO SAR BZHAG ,GZUGS RDO RJE MA'I GNAS SU GZUGS RDO RJE MA GNYIS PA BZHAG SEMS MA GZHAN GSUM YANG DE BZHIN NO, ,BYAMS PAS GTZO BO BYED NA DANG PO SBYOR BA'I SKABS SU BYAMS PAR GNAS PA LA YUM SPYAN MAR BSKYED DE SNYOMS PAR ZHUGS PA LAS RNAM SNANG BSKYED NAS BYAMS PA LA GZHUG LA, NGA RGYAL RNAM SNANG GI NGA RGYAL LA SKU'I RNAM PA BYAMS PA'I RNAM PAR BYA BYAMS PA RANG GI GNAS SU RANG 'DRA GNYIS PA ZHIG BZHAG ,MI BSKYOD PA SHAR DU BZHAG , SEMS DPA' GZHAN BDUN LA'ANG DE BZHIN DU BYA RNAM SNANG NAS KUN BZANG GI BAR GTZO BOR SONG BA LA RDO RJE 'CHANG YAB YUM DBU RGYAN DU MDZAD DO, ,GSHIN RJE GSHED KYIS GTZO BO BYED NA SBYOR BA DANG PO GSHIN RJE GSHED KYI TING NGE 'DZIN LA GNAS PA LA YUM SANGS RGYAS SPYAN CIG MDUN DU BZHAG SNGA MA BZHIN DU RNAM SNANG RANG LA BCUG STE, RNAM SNANG GI NGA RGYAL LA GSHIN RJE GSHED KYI RNAM PAS LHA RNAMS GDON PAR BYA'O, ,RNAM SNANG GI SHUL DU MI BSKYOD PA BZHAG CES STONG THUN CHEN MOR GSUNGS SO,, ` ,,DE BZHIN GSHEGS PA LAS GZHAN GTZO BOR SONG NA 'KHOR DU DE BZHIN GSHEGS PA LNGA 'ONG SA MED PAS, GTZO BOR SONG BA DE'I RIGS BDAG GI DE BZHIN GSHEGS PA GANG YIN PA CIG

, ,GTZO BOR SONG BA DE LA BSTIM, GTZO BOR SONG BA DE'I SHUL TU LHA GZHAN CIG MA BZHAG NA LHA SO GNYIS MI TSANG BAS GZHAN CIG BZHAG GO ,DE YANG YUM BZHI GTZO BOR SONG BA NA RANG RANG GI YAB DE BZHIN GSHEGS PA BZHI GANG RUNG GIS 'KHYUD PA BYAS NAS YAB BZHI GANG RUNG GI GNAS SU MI BSKYOD PA BZHAG ,YUM BZHI GANG RUNG GI GNAS SU REG BYA RDO RJE MA BZHAG ,REG BYA RDO RJE MA GTZO BOR SONG NA, DE LA MI BSKYOD PAS 'KHYUD PA MA GTOGS PA MI BSKYOD PA GTZO BOR SONG BA'I SKABS DANG 'DRA, GZUGS RDO RJE MA LA SOGS PA BZHI GTZO BOR SONG NAS SNYING SOGS BZHIS 'KHYUD PA BYAS LA, RANG GI RIGS BDAG GI DE BZHIN GSHEGS PA GANG YIN PA DE LA BSTIM DGOS TE, DE'I CHE DKYIL 'KHOR LA DE BZHIN GSHEGS PA BZHI LAS MED PA'I PHYIR RO, ,RDO RJE MA GZHAN BZHI GANG DBUS SU SONG BA'I GNAS SU REG BYA RDO RJE MA BTANG, SA SNYING SOGS BZHI'I GNAS SU RANG 'DRA GNYIS PA RE BZHAG GO ,BYAMS PA DANG SA SNYING GNYIS GTZO BOR SONG NA, GZUGS RDO RJE MAS 'KHYUD PA BYA, DE GNYIS KYI RIGS BDAG RNAM SNANG DE GNYIS LA BSTIM, RNAM SNANG GI GNAS SU MI BSKYOD PA BZHAG ,GZUGS RDO RJE MA'I GNAS SU REG BYA RDO RJE MA DANG SA SNYING DANG BYAMS PA'I GNAS SU RANG 'DRA RE BTANG STE, PHYOGS GZHAN GSUM GYI SEMS DPA' GNYIS GNYIS LA'ANG DE'I RIGS PA SBYAR RO, ,GSHIN RJE GSHED DANG MI GA-YO BA GNYIS GTZO BOR SONG NA GZUGS RDO RJE MAS

'KHYUD PA BYA, RNAM SNANG DE GNYIS LA BSTIM RNAM SNANG GI GNAS SU MI BSKYOD PA BZHAG ,GZUGS RDO RJE MA'I GNAS SU REG BYA RDO RJE MA DANG GSHIN RJE GSHED DANG MI GA-YO BA'I GNAS SU RANG 'DRA RE BZHAG STE, PHYOGS GZHAN GSUM GYI KHRO BO GNYIS GNYIS LA'ANG DE'I RIGS PA BSGRE, STENG 'OG GI KHRO BO GNYIS GTZO BOR SONG NA, DE GNYIS LA REG BYA RDO RJE MAS 'KHYUD PA BYA, MI BSKYOD PA DE GNYIS LA BSTIM, KHRO BO GNYIS KYI GNAS SU RANG 'DRA RE BZHAG GO ,LHA MO RNAMS GTZO BOR SONG BA'I TSE MTSAN BSGYUR BA DANG, NGA RGYAL 'PHO BA BYAS NA DE BZHIN GSHEGS PA LAS GZHAN PA'I LHA RNAMS GTZO BOR MA SONG 'DUG PAS MI 'THAD DAM SNYAM PA SNANG ZHING, SNGAR BSHAD PA DE SNYIM PA'I ME TOG DANG YANG MTHUN PAR SNANG NGO,, ` ,,RTZA RGYUD LAS, RIN CHEN KHA DOG SNA LNGA PA YUNGS KAR GYI 'BRU TSAD TZAM SNA'I RTZE MOR SGOM PAR GSUNGS PA'I DON 'CHAD PA NA, SNA RTZE GSUM DANG DER BSGOM RGYA'I THIG LE GSUM RDO RJE 'PHRENG BA LAS GSUNGS TE, SNA RTZE GSUM GYI MTSAN NYID NI, , GSANG BA SNYING KHA GDONG SNA'I MING, ,ZHES DANG, RLUNG DANG SNGAGS DANG RDZAS RNAMS KYI, ,THIG LE GSUM STE BLA NA MED, ,CES GSUNGS SO, ,GSANG BA'I SNA RTZER RDZAS KYI THIG LE SGOM PA NI, RGYUD DER YAB YUM GYI RDO RJE DANG PAD MA'I RTZER SGOM PAR BSHAD DE, 'GREL PA 'DIR BYANG CHUB KYI SEMS YUNGS KAR GYI TSAD TZAM RDO RJE'I KHAR SGOM PAR BSHAD PA DANG 'DRA'O, ,'DI SGOM PA LA RIM PA GNYIS KYI CHA YOD PA'I BSKYED RIM PA'I SGOM TSUL NI, THIG LE YUM GYI PAD MAR DMIGS PAS

, ,PHUNG BA'I NANG DU DKYIL 'KHOR SGOM PAR LE'U 'DIR BSHAD PA'O, ,RDZOGS RIM PA'I THIG LE PHRA MO SGOM PA NI LE'U DRUG PA'I 'GREL PAR 'CHAD PAR 'GYUR BAS DE GNYIS LEGS PAR PHYED DGOS SO, ,SNYING KHA'I SNA RTZER SNGAGS KYI THIG LE SGOM PA NI, SNYING KHA'I PADMA'I LTE BA LA, ,DBUS SU H'Um NI BKOD NAS NI, ,ZHES SOGS GSUNGS PA'I MTHAR, 'DI NA SNGAGS KYI THIG LER BSHAD, ,CES GSUNGS LA, DE YANG PHRA MO SNA RTZER SGOM PA 'DIR MTHAR THUG TU BSHAD PA'I SKABS LAS 'BYUNG BA LTAR, SNYING KHA'I PADMA'I DBUS SU MI SHIGS PA'I THIG LE SGOM PA'O, ,GDONG GI SNA RTZER RLUNG GI THIG LE SGOM PA YANG, RLUNG GI THIG LE RNAL 'BYOR MCHOG ,KHA DOG RNAM LNGA GSAL BA CHE, ,SNA RTZER SBYOR BA'I RNAL 'BYOR GYIS, ,KUN NAS KYANG NI BSGOM PAR BYA, ,'DI LTA BU YI SNGAGS KYI MCHOG ,RNAL 'BYOR PA YIS BZLAS PAR BYA, ,ZHES PAS BSTAN NO, ,'OD KYI THIG LE SGOM PA NI SNA RTZER RLUNG 'GRO 'ONG GI RDO RJE BZLAS PA LA GSUNGS TE, SKABS 'DIR 'GREL PAS SNYING KHA'I MI SHIGS PA LAS LDANG 'JUG GNAS GSUM GYI RDOR BZLAS BYA BAR GSUNGS PA DE NYID DO, ,DE LA SKABS 'DIR 'GREL PAS MTHAR THUG GI BSHAD PAR GSUNGS PA LA, SNGA MA RNAMS MTHAR THUG ZUNG 'JUG PA'I RTEN GYIS RDOR BZLAS BYED PA KHO NA LA SBYOR BA MI 'THAD DE, ,RIN CHEN KHA DOG SNA LNGA PA, ,ZHES PA'I RKANG PA BZHI PO 'DI SPYOD BSDUS SU NGES DON LA SBYAR TE BSHAD PAS RDZOGS RIM PA'I NGAG DBEN GYI SKABS SU DKYIL 'KHOR BZHI'I

RLUNG LA RDOR BZLAS BYED TSUL STON PA LA BSHAD PA'I PHYIR RO, ,DES NA LE'U BCU BDUN PA'I 'GREL PAR STONG PA GSUM MTHAR THUG TU BSHAD PA BZHIN DU, RDOR BZLAS 'DIS ZUNG 'JUG SKYED PA RDOR BZLAS KYI LAS SU BYA BA'I SGO NAS MTHAR THUG TU GSUNGS PA'AM, YANG NA ZUNG 'JUG GI SKABS SU YANG DAG DBEN GYI SKABS DANG 'DRA BA'I RDOR BZLAS BYED PA PHYOGS GCIG LA DGONGS NAS DE LTAR BSHAD DO, ,RDO RJE 'PHRENG BAR YI GE MA GTOGS PA'I THIG LE SNYING KHAR SGOM PA DNGOS SU MA GSUNGS KYANG, 'GREL PAR MI SHIGS PA THIG LE'I GZUGS CAN DU SGOM PA MI 'GAL TE, THIG LE DE'I NANG DU SNGAGS KYI THIG LE H'Um Mm AA SGOM PA YIN PA'I PHYIR RO, ,SNYING KHAR SNGAGS KYI THIG LE SGOM PA DANG DE LA BRTEN NAS RLUNG LDANG 'JUG GNAS GSUM GYI RDOR BZLAS BYED TSUL 'GREL PAR BSHAD PA 'DI DAG LA BSHAD RGYUD RDO RJE 'PHRENG BA DANG LHA MO BZHIS ZHUS LA SOGS PA'I GZHUNG MANG PO DANG SBYAR NAS SHES DGOS PAR YOD PA RNAMS, 'DI'I MAN NGAG BOD KYI BLA MAS BSHAD PA MANG POR JI BZHIN MA THON PAR SNANG BA NI RIM LNGA GSAL SGRON DANG, LHA MO BZHIS ZHUS KYI RNAM BSHAD DU LEGS PAR GTAN LA PHAB YOD PA LAS SHES PAR BYA'O, ,LE'U GSUM PA'I MTHA' GCOD DO,, ` ,,RNAM PAR MI RTOG DON LAS BYUNG, ,ZHES PA NAS, GSOD DON DON GNYER SEMS PA RNAMS, ,ZHES PA'I BAR 'GREL PAS SGRA JI BZHIN PAR BSHAD PA DANG, DGONGS PA LUNG STON LAS, MI RTOG DON LAS YANG DAG BYUNG, ,ZHE SDANG LAS 'JUG MTSAN NYID YIN, ,DNGOS MED LA GNAS

, ,GTI MUG STE, ,'DOD CHAGS 'DOD CHAGS LAS BYUNG BA, ,'DOD CHAGS LDANG BA'I MING CAN YIN, ,THEG PA MCHOG NI BLA MED PA, ,'DOD CHAGS ZHE SDANG GTI MUG STE, ,'DI DAG RIGS SU YANG DAG BSHAD, ,DNGOS GRUB DE NI 'DIR SGRUB PA'O, ,RIGS NGAN MYUR BAR SHES PAR BYA, ,SMIG MA MKHAN NI DAL BA YIN, ,MTSAMS MED BYED PA GNYIS KA STE, ,GSOD PA DON GNYER SEMS PA'O, ,THEG PA CHEN PO BLA MED PA'I, ,THEG MCHOG 'DI LA 'GRUB PAR 'GYUR, , ZHES GZHUNG DE RNAMS LA NGES DON RDOR BZLAS KYI BSHAD PA MDZAD PA DANG 'GAL PAR 'GYUR TE, SGRA JI BZHIN PA LA NI DON GNYIS PA MED LA, SGRAS ZIN GYI DON LAS GZHAN PA'I NGES DON GYI BSHAD PA YOD NA DON GNYIS PA YOD PA'I PHYIR RO SNYAM NA SKYON MED DE, ,THEG PA 'DIR RTEN GZHAN GYIS TSE GCIG LA 'GRUB TU CHUG KYANG, 'DOD CHAGS ZHES SOGS DANG RIGS NGAN ZHES SOGS KYIS BSTAN PA'I RTEN RNAMS KYIS DE LTAR MI 'GRUB BAM SNYAM PA DANG, YANG THEG PA 'DIR, TSE GCIG GIS DNGOS GRUB RAB MCHOG SGRUB PAR BYED, CES GSUNGS PA RNAMS NI, SANGS RGYAS ZHES BSHAD PA RNAMS SKABS STOBS KYIS DON DE MIN PA DU MA LA 'CHAD DGOS PAR SNANG BAS SGRA JI BZHIN DU GZUNG DU MI RUNG NGO SNYAM PA MANG BAS DE RNAMS DGAG PA'I PHYIR SGRA JI BZHIN PAR BSHAD KYI DON GNYIS PA MED PA'I SGRA JI BZHIN PA LA DGONGS PA MIN PA'I PHYIR DANG SGRA'I DNGOS ZIN LTAR GZUNG DU RUNG BA LA DRANG NGES KYI BSHAD PA BYED PA YANG MI 'GAL BA'I

PHYIR RO, ,TSIG GI DON CUNG ZAD BSHAD NA, ZHE SDANG LAS TE NI RLUNG NANG DU 'JUG PA'I MTSAN NYID CAN YIN LA DNGOS MED DE MI SHIGS PA LA NANG DU GNAS PA NI GTI MUG GO ,'DOD CHAGS NI RLUNG PHYIR LDANG BA'I MING CAN NO, ,DPE KHA CIG LAS LDAN PA'I MING CAN ZHES 'BYUNG YANG SNGA MA DAG GO ,'DOD CHAGS LAS BYUNG BA ZHES PA NI, RDOR BZLAS KYI SEMS DBEN SKYED PA'I GROGS PHYI'I PHYAG RGYA DANG SBYOR BA'I YAB YUM GYI 'DOD CHAGS GNYIS LAS SEMS DBEN 'BYUNG BAR STON PA'O, ,KHA CIG MYUR BA RLUNG NANG DU SDUD PA DANG, DAL BA PHYIR 'BYUNG BA DANG, MTSAMS MED BYED PA NANG DU GNAS PA LA 'CHAD PA NI RIGS PA MA YIN TE, LUNG STON LAS, 'JUG PA YIS NI SPYAN DRANGS TE, ,MYUR BA YIS NI GSHEGS SU GSOL, ,DAL BA YIS NI DE BZHUGS 'GYUR, ,ZHES MYUR BA RLUNG PHYIR LDANG BA DANG, DAL BA RLUNG NANG DU GNAS PA LA GSAL BAR BSHAD PA'I PHYIR RO, ,DES NA RIGS NGAN DANG SMIG MA MKHAN GNYIS KYI DON DE BZHIN DU SHES PAR BYA LA, MTSAMS MED BYED PA NI RLUNG PHYIR SONG BA DANG NANG DU GNAS PA GNYIS KA'I BAR TE RLUNG NANG DU 'JUG PA'O, ,DPE KHA CIG LAS GNYIS PA STE ZHES 'BYUNG BA LTAR NA LDANG 'JUG GNAS GSUM GYI GNYIS PA'O, ,'DOD CHAGS ZHE SDANG ZHES PA'I TSIGS BCAD GNYIS KA'I NGES DON RDOR BZLAS LA BSHAD PA NI RTEN DE RNAMS KYIS TSE GCIG GIS 'GRUB PA YANG, BDE BA CHEN PO'I DE KHO NA NYID KYI DON BSGOMS PA'I MTHUS YIN LA, DE 'DREN PA'I NANG GI THABS MCHOG TU GYUR PA NI RLUNG GI RNAL 'BYOR KHYAD PAR CAN 'DI NYID

, ,DO ZHES BSTAN PA'I PHYIR YIN NO, ,DE LTAR NA THEG PA 'DIR TSE GCIG GIS MCHOG 'GRUB PA LA 'PHAGS PA NGES PAR DGOS PA MIN TE, RTEN DES MTSAMS MED DANG RTZA LTUNG BZHI BYED MI SRID PA'I PHYIR NA SO SO SKYE BO'I DBANG DU BYAS PA'O,, ` SNYING LA GNAS PA'I LHA MO CHE, ZHES PA'I RKANG PA BZHI NI THAMS CAD GSANG BA'I RGYUD LAS DRANGS PA YIN LA RGYUD 'DI SLOB DPON KUN DGA' SNYING POS RNAL 'BYOR RGYUD DU 'DOD DO, KHONG GI LUGS LA SNGAR BSHAD PA LTAR PHYAG RGYA DANG MNYAM PAR SBYOR BAR BSHAD PA'I RGYUD RNAMS DE NYID BSDUS PA'I RGYUD LAS MCHOG TU GYUR PA'I RGYUD SDE GONG MAR MI 'DOD PAR SNANG BAS DE'I LUGS YIN, RGYUD DE NYID LAS KYANG RDO RJE DBYINGS KYI RTZA BA'I LHA TSANG PA'I MING BSHAD MOD KYANG, RNAL 'BYOR RGYUD DANG RNAL 'BYOR BLA MED KYI RGYUD GNYIS LA LHA'I MING THUN MONG BA MANG DU BYUNG BAS RGYU MTSAN DES RNAL 'BYOR RGYUD DU SGRUB MI NUS SO, ,RGYUD 'DI NA 'DUS PA'I RGYUD DANG GZHUNG THUN MONG BA MANG DU YOD CING PHYAG RGYA LA BRTEN TSUL YANG MANG DU BSHAD LA, DE YANG 'GREL PA 'DIR BSHAD PA BZHIN GANG ZAG MCHOG GI DBANG DU BYAS PA YIN LA, SPYOD BSDUS SU RGYUD 'DI KHUNGS SU DRANGS PA RNAMS KYI SKABS DANG SBYAR NA, 'PHAGS PA YAB SRAS KYI BZHED PAS RNAL 'BYOR BLA MED KYI RGYUD DU BZHED PA YIN NO, ,LE'U LNGA PA'I MTHA' GCOD DO,, ` ,,RJES CHAGS KYI NGA RGYAL 'DZIN PA'I SKABS SU BSHAD RGYUD MA DRANGS PA 'DIR DRANGS NA, DE NAS DKON MCHOG DPAL 'DI YANG, ,SGRON MA RDO RJE ZHES BYA BA'I, ,TING NGE 'DZIN LA SNYOMS ZHUGS TE, ,DE NAS GSANG SNGAGS 'DI

GSUNGS SO, ,AOm NI ZUNG GI DANG POR LDAN, ,SARBA TA TH'A GA TA ZUNG, ,DE BZHIN NYID NI YE SHES TSOGS, ,THAMS CAD ME LONG MING CAN NO, ,AA NU R'A GA SKYE MED DO, ,DE NI GSUM PA YIN PAR GSUNGS, ,RKYEN DANG NYAN THOS KYIS GZHIG DKA'I, ,BADZRA YANG NI BZHI PAR 'GYUR,, DNGOS MED BDAG NYID CAN YE SHES, ,SVA BH'A BA A'ADMA KA ZHES BSHAD, ,YE SHES LNGA PO NYID KYI MING, ,CHOS KYI DBYINGS KYI NGO BO NYID, ,AA HAm SO SOR RDZOGS LONGS SPYOD, ,DNGOS PO MED PA'I RANG BZHIN CAN, ,BDE BA CHEN PO'I MING GYUR PA, MTSON PA DRUG PA'I MING CAN NO, ,DNGOS MED GNAS KYI BDAG NYID CAN, ,DE YIS RJES SU MNYES BYA MCHOG ,DE LTA'I CHAGS PAS DE BZHIN GSHEGS, ,MGON PO THAMS CAD MNYES PAR BYA, ,ZHES GSUNGS SO, ,DE LA SNGAGS 'DI SNGON BYUNG LA DKON MCHOG DPAL ZHES PA RIN 'BYUNG GIS GSUNGS PA BZHIN DU RJES 'JUG LA YANG RJES CHAGS RIN 'BYUNG GI NGA RGYAL GYIS BYA STE, MDO BSRE GNYIS LAS KYANG RIN 'BYUNG GI NGA RGYAL GYIS BYA BAR GSUNGS SO, ,ZUNG GI DANG PO NI GCIG YIN LA DE YANG MNYAM NYID YE SHES SO, ,DE BZHIN GSHEGS PA THAMS CAD NI DE BZHIN NYID LA DMIGS PA'I YE SHES KYI TSOGS ME LONG LTA BU'I YE SHES KYI MING CAN NO, ,AA NU R'A GA STE RJES SU CHAGS PA NI RANG BZHIN GYIS SKYE BA MED PA'I DON LA CHAGS PA STE DE NI YE SHES GSUM PA SO SOR RTOG PA'O, ,BADZRA ZHES PA RDO RJE LTAR RKYEN RTOGS RANG RGYAL DANG NYAN THOS KYI BLOS 'PHROGS PAR DKA' BA NI BZHI PA BYA BA SGRUB PA'O, ,DNGOS PO MED PA 'OD GSAL GYI BDAG NYID DAM NGO BO CAN GYI CHOS KYI DBYINGS

, ,KYI YE SHES NI SVA BH'A BA A'ADMA KA ZHES PA RANG BZHIN GYI BDAG NYID CES PA'O, ,DE LTA NI BSAM GTAN GNYIS DANG PHYAG RGYA LA BRTEN NAS DON GYI 'OD GSAL DU ZHUGS PA'I YE SHES LA LDOG PA'I SGO NAS SLOB LAM PA'I YE SHES LNGAR PHYE BA'O, ,AA HAm NI GDUL BYA RNAMS KYIS CHOS LA RDZOGS PAR LONGS SPYOD PA'I RGYU DAG PA'I SGYU MA'I SKU'O, ,DNGOS PO MED PA NI ZUNG 'JUG GI SKABS KYI 'OD GSAL LO, ,RANG BZHIN CAN NI SGYU MA'I SKU DANG NGO BO GCIG PA'O, ,DE LA NI BDE BA CHEN PO'I SKU ZHES KYANG GRAGS SO, ,MTSON PA DRUG PA'I MING CAN NI, AA HAm GIS MTSON PA DRUG PA RDO RJE 'CHANG GI MING CAN NO, ,DRUG GI MING CAN ZHES PA LTAR NA, SNGAGS TSAN PA DRUG GIS MTSON PA'I 'OD GSAL GYI YE SHES LNGA DANG ZUNG 'JUG GI MING CAN DRUG GO ,DNGOS MED KYI GNAS NI GANG LA RGYAL BA RNAMS GNAS PA'I 'OD GSAL LO, ,DE'I BDAG NYID CAN NI ZUNG 'JUG GI SKU'O, ,DE NI SANGS RGYAS RNAMS RJES SU MNYES PAR BYED PA'I MCHOG GO ,'DIR RJES CHAGS KYI SNGAGS 'DI LA TSAN PA GSUM DU BCAD PA RGYUD NA MI GSAL YANG, SNGAGS KYI NGA RGYAL 'DZIN PA GZHAN BZHI LA GSUM DU BCAD PA 'DI LA'ANG 'DRA BAS, GSUM DU BCAD LA DE'I DON ZUNG 'JUG PA'I SKU GSUNG THUGS KYI RDO RJE GSUM LA BYA'O,, ` MCHOD PA'I SNGAGS KYIS NGA RGYAL 'DZIN PA'I NGES DON KYANG LUNG STON LAS, ,AOm ZHES BYA BA DANG POR LDAN, ,SARBA TA TH'A GA TA GNYIS, ,PUTZTSA RNAM PAR THAR PA'I MING, ,BADZRA SEMS NI RNAM BSGOM PA, ,SVA BH'A BA

AADMA KA ZHES BSHAD, ,AA HAm PHA ROL PHYIN ZHES BYA, ,LNGA PO DRUG DANG GSUM DU BSHAD, ,GZUGS DANG SGRA DANG DRI DANG RO, ,REG BYA DANG NI CHOS KYI DBYINGS, ,DE DAG DNGOS MED GYUR BYAS PA, ,DE NI SANGS RGYAS MCHOD MCHOG YIN, ,ZHES GSUNGS SO, ,SNGON BYUNG LA MCHOD PA'I SNGAGS DON GRUB KYIS GSUNGS PA BZHIN DU, RJES 'JUG LA YANG DON GRUB KYI NGA RGYAL GYIS BYED PA MDO BSRE GNYIS KYI DGONGS PA'O, ,RNAM PAR THAR PA NI RNAM THAR SGO GSUM ZHES PAS GSUM PA'I MING NGO, , SEMS NI RNAM BSGOMS ZHES PA SNANG MCHED THOB GSUM GYI SEMS GSUM DANG 'OD GSAL GYI SEMS BZHI BSGOM PAR GSUNGS PA BZHI'I GRANGS SO, ,SVA BH'A BA A'ADMA KA ZHES PA LNGAR 'DOD PA ZHES BSTAN PAS GRANGS LNGA PA'O, , AA HAm NI PHA ROL TU PHYIN PA DRUG CES PAS DRUG PA'O, ,DRUG T BSHAD PA NI YUL DRUG 'OD GSAL DU ZHUGS PA'I YE SHES KYI LDOG PA DRUG GO ,YANG SNGAGS TSAN PA GSUM DU BCAD PA LTAR NA 'OD GSAL GYI YE SHES NYID LA RDO RJE GSUM DU PHYE BA'O, ,YANG DRUG TU 'CHAD TSUL LA 'GREL PAR DRANGS PA'I DON BSHAD PA LTAR 'OD GSAL LAS LANGS PA'I SKABS KYI DBANG SHES LNGAS YUL LNGA LA LONGS SPYOD PA'I STENG DU, YID KYI SHES PAS YUL DRUG PA CHOS LA BDE STONG GI NGO BOR BLTAS NAS LONGS SPYOD PA BSTAN NO,, ` ,,SNGAGS LA DMIGS PA'I LUS DANG NI, ZHES PA'I RKANG PA BZHI PO 'DI SPYOD BSDUS SU RIGS GCIG GI LUS DBEN GYI SKABS SU DRANGS NAS DE'I DON SKU RDO RJER

, ,GYUR NAS, RKAN DANG LCE DANG MCHU TSOGS PA LAS GSUNG RDO RJE LA 'JUG LA, THUGS RDO RJE NI DE LA SKUL BAR BYED PA YIN TE DE LTAR GSUM TSOGS PA LAS YID DGA' ZHING TSIM PAR BYED PA'I DNGOS GRUB BSGRUB PAR BYA'O, ,ZHES BSHAD PA DANG, 'DIR RIM PA DRUG LA BSHAD PA GNYIS MI 'GAL TE RDO RJE'I TSIG RE LA BSHAD PA MI 'DRA BA MANG PO 'JUG TU RUNG BAR SLAR YANG 'CHAD PAR 'GYUR BA'I PHYIR RO,, ` ,,'DIR NGAG DBEN GYI SGRUB BYED DU GSUNGS PA'I LUS DBEN NI RIM GNYIS GANG DU 'JOG PA LA MI MTHUN TE, 'DI LTAR AA BHYA DANG, THUB PA DPAL DANG, LAKshMI DANG, SKAL LDAN GRAGS PA SOGS MANG POS LUS DBEN BSKYED RIM DU BSHAD LA, BLA MA BTZUN MO CAN DANG MNGON SHES CAN GNYIS RDZOGS RIM DU BZHED CING, NAG PO DAM TSIG RDO RJES RIGS BRGYA DANG, RIGS LNGA DANG RIGS GSUM GYI LUS DBEN BSKYED RIM DANG, RIGS GCIG GI LUS DBEN RDZOGS RIM DU BZHED CES RJE 'GOS KYIS STONG THUN LAS BSHAD DO, ,DE LTAR MI MTHUN PA 'ONG BA NI, SPYOD BSDUS LAS, DRAN PA GCIG PA DANG RTAG PA'I RNAL 'BYOR LA LOBS PA NA LAS DANG PO PA'I TING NGE 'DZIN LA GNAS PA DANG, DE LA GNAS ZIN PA'I 'OG TU LUS DBEN LA SLOB PAR GSUNGS PA DANG, BSKYED PA'I RIM PA NAS BRTZAMS TE LUS RNAM PAR DBEN PA'I MTHAR THUG PA'I BAR DU ZHES DE GNYIS SO SOR GSUNGS PA LA BRTEN NAS RDZOGS RIM DU 'JOG GO ,LAS DANG PO PA NI 'DI PA'I LUGS KYIS BSKYED RIM THOG MAR SGOM PA NAS DE MTHAR PHYIN PA'I BAR

LA BSHAD DE, RIM LNGAR, DANG PO LAS KYI SBYOR BA YIS, ,SA BRGYAD PA NI THOB PAR 'GYUR, ,ZHES GSUNGS SHING, SPYOD BSDUS LAS, RDO RJE THEG PA 'DI LA BSKYED PA'I RIM PA LA BSLABS NAS SA BRGYAD PA 'THOB STE, ZHES GSUNGS PA BZHIN NO, ,YANG SPYOD BSDUS LAS, PHUNG PO DANG KHAMS DANG SKYE MCHED LA SOGS PA BSHAD MA THAG PA NI LUS RNAM PAR DBEN PA STE DE LA LHA RNAM PAR DGOD PA NI THAMS CAD KYI THUN MONG STE RAGS PA'I RNAL 'BYOR YIN PA'I PHYIR RO, ,ZHES GSUNGS SHING, DE'I 'PHRO NAS NGAG DBEN BSKYED RIM PA'I YUL MIN TE SHIN TU PHRA BA'I PHYIR RO, ,ZHES BSHAD PA'I SHUGS KYIS THAMS CAD KYI THUN MONG ZHES PA RIM GNYIS KYI THUN MONG DU BSTAN PA LA BRTEN NAS RIM PA GNYIS KA'I CHAR MDZAD DO, ,BSKYED RIM DU 'JOG PA RNAMS KYIS NI PHUNG SOGS LHAR BSGOM TSUL BSKYED RIM PA'I LHA SO SO'I RNAM DAG SGOM PA DANG DON GCIG TU 'DUG SNYAM DU BSAMS PA 'DRA'O, ,'O NA LUS DBEN BSKYED RIM DU 'DOD PA RNAMS KYIS DE'I SKABS GANG DU LUS DBEN BSTAN PAR 'DOD CE NA, AA BHYA NI, BSKYED PA'I RIM PAS GRUB PA'I RDO RJE 'CHANG GI SKU LHAG PAR MOS PA TZAM LUS DBEN DU BSKYED RIM GYI SKABS SU GSUNGS PAR BZHED PAS LHAG MOS KYI GTZO BO LTA BU LA BYED DO, ,GZHAN GSAL BAR MA BSHAD KYANG LHAG MOS KYI LHA GZHAN LUS LA BKOD PA NA PHUNG SOGS DANG DBYER MED DU MOS DGOS PAS DE RNAMS LUS DBEN DU BYED PA 'DRA'O, ,LHAG PAR MOS PA TZAM GYIS SKYED PAR BSHAD PAS SA BON LAS BSKYED PA'I LUS DKYIL LUS DBEN DU MI 'DOD PA 'DRA'O, ,THUB

, ,PA DPAL GYIS KYANG MDOR BYAS SU GSUNGS PA'I BSKYED RIM GYIS LUS DBEN BSTAN ZHES PA TZAM MA GTOGS PA LUS DBEN BSTAN TSUL MI GSAL LO, ,PAndI TA PHYI MA GNYIS KYIS NI MDOR BYAS KYI TING NGE 'DZIN GSUM LA BSLABS ZIN PA'I 'OG TU LUS DBEN LA SLOB PAR BSHAD PAS DE BSKYED RIM DU 'DOD KYANG, MDOR BYAS SU BSHAD PA'I BSKYED RIM DU MI 'DOD DO, ,BOD KYI 'GOS LUGS PA PHAL MO CHE LUS DBEN RDZOGS RIM DU 'DOD LA, GLAN GYIS PHUNG PO SOGS LA LNGA LNGAR ZHIB TU MA PHYE BA'I RAGS PA'I LUS DBEN RTOG PA DANG, RIGS BRGYA NAS GCIG GI BAR ZHIB TU DPYOD PA'I LUS DBEN DPYOD PAR BYED CING SNGA MA BSKYED RIM DANG THUN MONG BA'I LUS DBEN YIN TE, BSKYED RIM PAS KYANG SHIN TU RNAL 'BYOR GYI SKABS SU DE LTAR SGOM PAR BSHAD PAS SO, ,PHYI MA NI RDZOGS RIM PA'I THUN MONG MA YIN PA'I LUS DBEN DU 'DOD DO, ,DE LTAR LUGS THA DAD PA DE DAG LAS GANG GZUNG ZHE NA, LUS DBEN RIL PO MDOR BYAS SU GSUNGS PA'I BSKYED RIM DU 'DOD NA, SPYOD BSDUS LAS, LAS DANG PO PA'I TING NGE 'DZIN LA BSLABS ZIN PA'I 'OG TU LUS DBEN LA SLOB PAR GSUNGS PA DANG 'GAL BA SPANG MI NUS LA, LUS DBEN MDOR BYAS SU GSUNGS PA'I TING NGE 'DZIN GSUM DU MI 'DU BAR BSKYED RIM LOGS PAR BYED PA SHIN TU MI 'THAD DE, MDOR BYAS KYI TING NGE 'DZIN GYIS LAS SGRUB PA'I DUS KYI BSKYED RIM 'GA' ZHIG MA GTOGS PA, RDZOGS RIM GYI SNGON DU BTANG DGOS PA'I BSKYED RIM THAMS CAD BSDUS PA'I PHYIR DANG, MDOR BYAS

KYI BSKYED RIM PHRA RAGS GNYIS KA MTHAR PHYIN PA'I RJES SU SNGA MAR MYONG BA MI THON PA LUS DBEN GYI BSKYED RIM GYI LHA'I RNAM PA 'CHAR BA LA SLOB TSUL 'DI YIN NO ZHES BZHAG PAR MI NUS PA'I PHYIR DANG, LHA'I SKU'I RNAM PA SGOM PA LAS GZHAN PA'I LUS DBEN GYI SGOM TSUL YANG DE DAG LA MI SNANG BA'I PHYIR RO, ,LUS DBEN RIL PO RDZOGS RIM DU 'JOG PA YANG MI 'THAD DE, LUS DBEN LA THAMS CAD KYI THUN MONG YIN ZHES GSUNGS SHING NGAG DBEN LA DMIGS KYIS BKAR NAS BSKYED RIM PA'I YUL MIN ZHES GSUNGS PA'I PHYIR DANG, THUN MONG YIN MIN GYI SGRUB BYED DU RAGS PA DANG PHRA BAR GSUNGS PAS KYANG SHES PA'I PHYIR RO, ,DES NA DE LA LHA 'GOD PA NI ZHES PA PHUNG SOGS LA LHA DGOD PA RIM PA GNYIS KA'I THUN MONG DU STON PA YIN GYI LUS DBEN THUN MONG BAR STON PA MIN ZHES KYANG BSHAD PAR MI NUS PAS LUS DBEN LA RIM PA GNYIS KYI LUS DBEN GNYIS SU DBYE BAR BYA'O, ,DE LTAR NA'ANG DAM TSIG RDO RJE LTAR NI MI BYED DE RIGS BRGYA NAS GSUM GYI BAR GYI LUS DBEN RNAMS RIGS GCIG GI LUS DBEN DU SDUD PAR SPYOD BSDUS LAS GSUNGS PAS, BSDU RGYU BSKYED RIM DANG DE RNAMS BSDUS PA RDZOGS RIM DU MI RUNG BA'I PHYIR RO, ,LUS DBEN GYI PHUNG SOGS LHAR SGOM PA 'DI LHA'I RNAM PA 'CHAR BA SGOM PA YIN NA NI, BSKYED RIM YUNGS 'BRU TZAM GYI NANG DU RTEN DANG BRTEN PA'I DKYIL 'KHOR RDZOGS PA LA GSAL SNANG SHIN TU BRTAN PA RNYED NAS, DE NAS 'DI SGOM PAR BSHAD PAS SNGA MAR MYONG BA MA THON PA

, ,'DIR GDON RGYU MI 'DUG PAS, DE LA LOBS NAS 'DI LA SLOB PA'I LAM GYI RIM PA GZHAN DU BSHAD PA MI 'THAD DO, ,PHUNG SOGS LNGA LNGAR PHYE BA 'DI'I RIM PA DANG PO'I SKABS SU GSAL BAR MA BSHAD KYANG BSKYED RIM PHRA RAGS MTHAR PHYIN PA NA GANG SHAR SHAR LA YID GTAD PAS DE MA THAG TU LHAR 'CHAR BA'I GSAL SNANG BRTAN PO BSKYED NUS PAS, ZHIB TU PHYE BA LA SKYED MI NUS ZHES SMRA MI NUS PAS, GLAN GYIS LUS DBEN LA RIM PA GNYIS KYI 'BYED TSUL BYAS PA YANG 'THAD PAR MA MTHONG NGO, ,KHA CIG BSKYED RIM PAS NI GSAR DU LHAR SKYED PA YIN LA LUS DBEN GYI PHUNG SOGS LHAR SGOM PA NI GDOD MA NAS LHAR GRUB PA YIN NO SNYAM DU LTA BA'I RDZOGS RIM PA'I LHA SGOM LUGS SO ZHES ZER BA NI RIM PA GNYIS LA SNGAGS KYI SKU DANG, YE SHES KYI SKU'I LHA SKYED TSUL GNYIS YOD PA LEGS PAR MA PHYED PA'I GTAM DU SNANG LA, RDZOGS RIM GYI SKABS SU YANG THIG LE DANG YI GE SOGS BLOS DMIGS PA LTAR MED BZHIN DU DMIGS PA YOD MOD KYANG, DE DAG GIS DMIGS PA RIGS MI MTHUN GZHAN BAR DU RGYUD MI DGOS PAR MA BCOS PA'I RDZOGS RIM SKYED PAS RDZOGS RIM DU SDUD PA LTAR, PHUNG SOGS GDOD MA NAS LHA YIN NO SNYAM DU SEMS PAS NI DE LTAR YANG MI NUS LA, LHAR SGOM LUGS DE NI BLAS BCOS PA DANG BTAGS LUGS BSKYED RIM PA LAS KYANG CHE BAR SNANG BAS, DE 'DRA BA'I LHAR LTA LUGS GNYIS PO DES RIM GNYIS KYI KHYAD PAR DBYE MI NUS SO, ,DE BZHIN

DU STONG PA NYID RTOGS PA'I BLO GZUNG RNAM LHAR 'CHAR BA LA BYAS NA'ANG, DES BSKYED RIM LAS DBYE BAR MI NUS TE DE NI BSKYED RIM GYI SKABS NAS KYANG 'ONG BA'I PHYIR TE, LHA SKYED PA'I SNGA ROL DU SH'UN+YA T'A LA SOGS PAS STONG PAR SBYANG BAR GSUNGS LA; DE'I DON KYANG STONG NYID KYI LTA BA LEGS PAR MA GO BA'I SNANG BA BSDUS PA TZAM LA BYAR MI RUNG BA'I PHYIR RO,, ` ,,'O NA LUS DBEN LA RIM GNYIS SU 'BYED TSUL JI LTAR YIN SNYAM NA, PHUNG SOGS LHAR SGOM PA'I LUS DBEN 'DI LA STONG NYID RTOGS PA'I GZUNG RNAM LHAR SHAR MA SHAR GYI SGOM TSUL GNYIS DANG, SHAR BA LA YANG THUN MONG MA YIN PA'I BDE BAS STONG NYID RTOGS PA YIN MIN GNYIS DANG, BDE BAS STONG NYID RTOGS PA LA YANG RO RKYANG GI RLUNG GNYIS DH'A T'IR BTZUD NAS THIM PA LAS BYUNG BA'I BDE BA YIN MIN GNYIS YOD DE, ,DE LA BSKYED RIM LA NI DANG PO GNYIS KYI PHYI MA DANG ZHU BA DES STONG NYID RTOGS PA MIN PA'I STONG NYID RTOGS PA DANG, THA MA GNYIS KYI GNYIS PA'I SGO NAS PHUNG SOGS LHAR SGOM PA'I LUS DBEN YOD LA THA MA GNYIS KYI DANG PO'I SGO NAS PHUNG SOGS LHAR SGOM PA'I LUS DBEN NI RDZOGS RIM NYID LA 'JOG GO ,PHUNG SOGS LHAR SGOM PA'I BSKYED RIM GYI LUS DBEN NI LHAG MOS DANG LUS DKYIL DANG DKYIL 'KHOR NYE BAR BSDU BA'I SKABS DANG YUL SNANG THAMS CAD RDO RJE 'CHANG DU LTA BA'I SKABS SU GSUNGS SO, ,DES NA DE 'DRA BA'I LUS DBEN LA SLOB PA NI BSKYED RIM LA SLOB PA'I SKABS NYID DU 'BYUNG BAS LAS DANG PO PA'I TING NGE 'DZIN LA BSLABS ZIN PA'I 'OD TU LUS DBEN LA

, ,SLOB PAR GSUNGS PA NI RDZOGS RIM PA'I LUS DBEN NO, ,'DI RGYUD LA SKYED TSUL SHIN TU RTOGS DKA' ZHING GAL CHE BAR YOD PAS RIM LNGA GSAL SGRON DU RGYAS PAR BSHAD ZIN PA LAS SHES PAR BYA'O, , DE DAG GIS NI RDO RJE BZLAS PA'I PHAN YON GSUNGS PA YIN NO ZHES PA'I DON CUNG ZAD BSHAD NA, PA TSAB KYI 'GYUR LAS, SNGAGS LA NGES RTOG LUS DANG NI, ,NGAG GIS YID LA BSKUL GYUR PAS, ,BSGRUB BYA, ZHES LUS DBEN GYIS BSGRUB PA'I SNGAGS LA NGES PAR RTOG PA'I NGAG DBEN GYIS YID LA STE SNYING KHA'I RDO RJE SEMS DPA' ZHES GRAGS PA'I MI SHIGS PA'I THIG LE LA BSKUL BAS, RIM PA LHAG MA BZHI BSGRUB PAR BYA BAR GSUNGS PA'I RGYUD KYI TSIG 'DI DAG GIS NI RIM PA LHAG MA BZHI RDO RJE BZLAS PA'I PHAN YON YIN PAR GSUNGS SO ZHES BSHAD PAS, LUS DBEN NI NGAG DBEN GYI SNGON DU 'GRO BA'I SGRUB BYED YIN LA, DE SNGON DU SONG BA'I NGAG DBEN NYID RDZOGS RIM GYI LAM LHAG MA'I THABS THUN MONG MA YIN PAR BSTAN NO, ,DE LA LUS DBEN NGAG DBEN GYI SGRUB BYED DU 'GRO TSUL NI, RDO RJE 'PHRENG BA LAS DBU MA'I RTZA MDUD RNAMS KYI NANG NAS SNYING KHA'I RTZA MDUD SHIN TU DBYE BAR DKA' BAR GSUNGS PAS RDOR BA ZLAS KYIS SNYING KHA'I RTZA MDUD 'GROL BA LA DE'I SNGON DU SMAD KYI 'KHOR LO GZHAN GCIG GI DBUS SU SEMS BZUNG BA LA BRTEN NAS, GNAS DER RO RKYANG GI RLUNG SDUD NUS PA ZHIG BYAS NA SNYING KHA'I RDOR BZLAS GNAD DU 'GRO TSABS CHE BAR SLA BA

ZHIG 'ONG NGO, ,DE'I PHYIR 'OG SGO'I RDO RJE NOR BU'I RTZA 'KHOR GYI DBUS SU 'AM DE'I RTZE MO DH'U T'I'I MAR SNAR RDZAS KYI THIG LE MAN NGAG BZHIN DU BSGOMS PA LA BRTEN NAS RDZOGS RIM GYI LUS DBEN SKYED PA SNGON DU BTANG NAS NGAG DBEN LA 'JUG PA NI, LUS DBEN GYIS NGAG DBEN SGRUB LUGS YIN TE RGYAS PAR RIM LNGA GSAL SGRON LAS SHES PAR BYA'O, ,DE NAS RDO RJE BZLAS PA NYID THABS DAM PAR GSUNGS PA'I DGONGS PA NI ZUNG 'JUG 'GRUB PA LA RIM PA BZHI PA'I 'OD GSAL SNGON DU BTANG DGOS SHING, DE YANG RIM PA GSUM PA'I SGYU LUS 'OD GSAL DU ZHUGS PA MIN PA'I 'OD GSAL DU 'JUG TSUL GZHAN GYIS ZHUGS PA'I 'OD GSAL GYIS ZUNG 'JUG MI 'GRUB CING, RIM PA GSUM PA'I SGYU MA'I SKU GANG LAS SGRUB PA'I BSGRUB GZHI THUN MONG MA YIN PA NI SEMS DBEN GYI RIM PA NYID YIN LA, DE 'DREN PA'I THABS LA YANG PHYI NANG GI RKYEN MANG DU YOD KYANG GTZO BO NI, SNYING KHA'I RDO RJE SEMS DPA' ZHES PA MI SHIGS PA LA LDANG 'JUG GNAS GSUM GYI TSUL GYIS BSKUL BA'I RDO RJE BZLAS PA NYID YIN PAS RIM PA LHAG MA BZHI KA, RDO RJE BZLAS PA'I PHAN YON DU GSUNGS PA 'DI LEGS PAR SHES PAR BYA'O, ,YE SHES KYI RANG BZHIN GYI SKU LA GNAS PA MI DMIGS KYANG, ZHES SOGS KYI DOGS PA SKYE LUGS NI MTSAN DU BSHAD PA LTAR BYA DGOS TE, DE'I LAN NI, SNGAGS KYI LUS SU SBYOR BA LA, ,BYANG CHUB MED CES PA YIN PA'I PHYIR DANG, SNGAR SNGAGS LA DMIGS PA ZHES SOGS KYI MTSAMS SBYOR DU RDZOGS RIM DANG BRAL BAS BYANG CHUB

, ,MYUR DU MI 'THOB PO, ,ZHES BSTAN PA'I PHYIR ZHES PA'I STON BYED NI SNGAGS KYI LUS SU ZHES PA'I RKANG PA GNYIS PO YIN PA'I PHYIR RO, ,DOGS PA DE DANG DE SEL TSUL CUNG ZAD BSHAD NA BSKYED PA'I RIM PA PHRA RAGS GNYIS BRTAN PA NA REG MTHONG GI MTSAN MA MA RNYED KYANG, RDO RJE'I RTZE'I AOm YIG DANG PHAt YIG LA SOGS PA BSGOMS PA'I SNANG BA SHIN TU BRTAN PO 'ONG BA'I GNAD KYIS LAS RGYA LA BRTEN YANG BYANG SEMS PHYIR 'PHO BA 'GOG NUS NA, PHRA MO'I SKABS SU BSHAD PA LTA BU'I MTSAN MA PHRA MO LA REG MTHONG GI MTSAN MA BRTAN PO RNYED NA, BYANG SEMS PHYIR 'PHO BA DMIGS PA DES NGES CAN DU 'GOG NUS LA, DE'I RJES SU SPYOD PA BYAS PA LA BRTEN NAS MKHA' 'GRO MA'I PHYAG RGYA KHYAD PAR CAN MANG PO LAS TSOGS KYI SKABS NAS BSHAD PA LTAR DNGOS SU 'GUGS PAR NUS SO, ,DE'I TSE PHYAG RGYA GNYIS LA BRTEN NAS RDO RJE NOR BU'I RTZER BYANG CHUB KYI SEMS PHAB PA PHYIR MI 'PHO BAR GNAS PA LA BRTEN NAS SKYES PA'I LHAN CIG SKYES PA'I BDE BA CHEN PO DANG, DE KHO NA NYID KYI LTA BA PHU THAG CHOD PA GNYIS SBYAR NAS SGOM PA'I BDE STONG DBYER MED LA GOMS PAR BYAS NA CHOS KYI SKU'I RGYU THUN MONG MA YIN PA TSANG ZHING, SNGAR BSGOMS PA'I SHUGS KYIS DA LTA RTAG PAS LAN DU MAR BRTAGS NAS MA BSGOMS KYANG, YID GTAD BA TZAM GYIS MTSAN DPE'I RNAM PA CAN GYI LHA'I SKU YID KYIS BTAGS PA TZAM MA YIN PAR SGRUB PA PO'I MIG GIS MTHONG BA DANG, LUS KYIS REG TU RUNG BA'I RNAL 'BYOR GYIS GZUGS

KYI SKU SGRUB PAR NUS SO, ,DE LTAR NA CHOS GZUGS GNYIS KA'I RGYU'I GTZO BO 'KHOR DANG BCAS PA TSANG BAS DE NYID LA GOMS PAR BYAS NA YE SHES KYI SKU ZHES PA SGYU MA'I SKU MA BSGRUBS KYANG CI'I PHYIR 'TSANG RGYA BAR MI NUS SNYAM PA'O,, ` ,,DOGS PA DE SEL TSUL NI, BDE STONG SBYAR BAS TSE 'DIR MCHOG 'GRUB PA'I BDE BA NI PHYAG RGYA LA BRTEN PA'I BYANG SEMS PHYIR MI 'PHO BA TZAM GYI BDE BAS MI CHOG GI SROG DH'U T'IR ZHUGS GNAS THIM GSUM BYAS PA LAS BYUNG BA'I LHAN SKYES KYI BDE CHEN DGOS PA'I PHYIR DANG, DE YANG BSKYED RIM SKOR BCAS RKYANG PA'I LAM GYIS SGRUB PAR MI NUS PA'I PHYIR RO, ,BDE CHEN GYI GTZO BO 'DREN PA LA THABS DE LTA BU DGOS NA, DE'I TSE CHOS SKU'I THUN MONG MA YIN PA'I RGYU'I GTZO BO RLUNG RIM GYIS DH'U T'IR THIM PA'I THIM RIM LA BRTEN NAS, 'CHI RIM JI LTA BA BZHIN DU ZHUGS PA'I BDE STONG SBYAR BA DGOS PAS, GZUGS SKU'I THUN MONG MA YIN PA'I RGYU'I GTZO BO LA YANG 'CHI BA'I 'OD GSAL GYI RLUNG SEMS TZAM LAS, DBANG PO KUN TSANG GI BAR DO 'GRUB PA JI 'DRA BA DE 'DRA BA'I RLUNG SEMS TZAM LAS GRUB PA'I SGYU MA'I SKU MTSAN DPES BRGYAN PA GRUB PA DGOS PAS, BSKYED RIM GYI LHA'I SKU KHYAD PAR BAS MI CHOG PAS YE SHES KYI SKU ZHES PA SGYU MA'I SKU NGES PAR SGRUB DGOS SO, ,GAL TE BSKYED RIM SHIN TU BRTAN PA DE LA PHYAG RGYA SROG RTZOL DU 'GRO BA'I GNAD JI BZHIN DU SHES PA 'ONG BA YANG MI 'GAL BAS, DE 'DRA BA DE LAS KYI PHYAG RGYA KHYAD PAR BA LA BRTEN PA NA, DE'I MTHUS RO RKYANG GI RLUNG DBU MAR ZHUGS

, ,GNAS THIM GSUM BYAS PA LAS BYUNG BA'I STONG PA BZHI 'DREN NUS PAS, BSKYED RIM TZAM GOMS PAS MCHOG TSE 'DIR 'GRUB NUS SO SNYAM NA, DE NI MI RIGS TE 'DIR BSKYED RIM YAN LAG DANG BCAS PA TZAM LA GOMS PAS TSE 'DIR MCHOG 'GRUB MI 'GRUB DPYOD PA YIN PA'I PHYIR DANG, PHYAG RGYA SROG RTZOL DU 'GRO BA'I SGO NAS STONG PA BZHI 'DREN PA NI, SKABS BSKYED RIM PA'I SKABS SU BYUNG DU CHUG KYANG RDZOGS RIM NYID YIN PA'I PHYIR DANG, NANG GI LUS LA GNAD DU BSNUN PA'I THABS ZAB MO LA BRTEN NAS SROG DH'U T'IR ZHUGS GNAS THIM GSUM BYED PAR NUS PA'I LAM MA THOB PAR PHYI'I PHYAG RGYA SROG RTZOL DU 'GYUR BA TZAM GYI RLUNG GI SDUD RIM LA BRTEN KYANG TSE 'DIR MCHOG 'GRUB MI NUS PA'I PHYIR RO, ,'DI RNAMS KYI GNAD KYI GZHI RAGS PA SHES BYAD DANG BCAS PA ZHIG RIM LNGA GSAL SGRON DU BSHAD PA LAS SHES PAR BYA'O, ,RLUNG DH'U T'IR SDUD PA'I SDUD RIM LA BRTEN PA'I BDE CHEN DRANGS NAS BDE STONG SBYOR BA DANG, DE'I 'OD GSAL GYI DANG NAS SGYU MA'I SKUR LDANG BA GNYIS KYI GNAD RGYUD SDE 'OG MA GSUM LAS CUNG ZAD KYANG MI STON PAS, DA LTA'I TSE GCIG GIS MCHOG 'GRUB PA NI RNAL 'BYOR BLA MED NYID DANG DE'I NANG NAS KYANG RGYUD DE'I RDZOGS RIM GYI KHYAD CHOS SU SHES PAR BYA'O,, ` ,,NAM MKHA'I DBYINGS KYI DBUS GNAS PAR, ,NYI MA'I DKYIL 'KHOR BSGOM PAR BYA, ,ZHES SOGS KYI SKABS SU RDOR BZLAS BSHAD PA'I DON CUNG ZAD BSHAD NA, RDO RJE BZLAS PA LA BZLAS BYA'I SNGAGS

KYI SGO NAS PHYE NA YI GE GSUM GYI RDOR BZLAS DANG, H'Um HO'I YI GE GNYIS KYI RDOR BZLAS GNYIS SU BSHAD RGYUD RDO RJE 'PHRENG BA LAS GSUNGS TE RGYUD DER YI GE GNYIS KYI RDOR BZLAS GTZO BOR GSUNGS SO, ,DGONGS PA LUNG STON DANG, RGYUD PHYI MA DANG, LHA MO BZHIS ZHUS LAS YI GE GSUM GYI RDOR BZLAS NYID GSUNGS PA LA 'PHAGS PA YAB SRAS KYI GZHUNG LAS YI GE GSUM GYI RDOR BZLAS NYID BSHAD DO, ,'ON KYANG YI GE GNYIS KYI RDOR BZLAS RDO RJE BZLAS PA MTSAN NYID PAR MI BZHED PA NI MIN NO, ,DMIGS YUL RLUNG GI SGO NAS PHYE NA RTZA BA DANG YAN LAG GI RLUNG GI RDOR BZLAS GNYIS YOD LA SNGA MA LA PHYE NA DKYIL 'KHOR BZHI'I RDOR BZLAS BZHI DANG, PHYI MA LA PHYE NA RGYU BA LA SOGS PA'I RDOR BZLAS LNGA'O, ,DE LA RDZOGS RIM PAS ZHI RGYAS DBANG DRAG GI LAS SGRUB PA'I DON DU RDOR BZLAS BYED PA NA RTZA BA'I RLUNG BZHI LA BYED LA, YANG RDZOGS RIM PAS MIG GI MNGON SHES SOGS LNGA SGRUB PA'I DON DU RDOR BZLAS BYED PA NA YAN LAG GI RLUNG LNGA LA BYED CING LUS DBEN SNGON DU SONG NAS SEMS DBEN GYI STONG PA RNAMS BSKYED PA'I DON DU RDOR BZLAS BYED PA NA THOG MAR RTZA BA'I RLUNG BZHI DANG, DE LA NUS PA RNYED PA'I MTSAMS SHIG NAS YAN LAG GI RLUNG LNGA LA BYED DE, RDOR BZLAS BYED PA'I SKABS GSUM GSUNGS PA LAS 'DIR NI PHYI MA'O, ,RLUNG GANG LA RDOR BZLAS BYED PA'I TSUL DE LTAR YIN NA, LUS KYI GNAD KYI GNAS 'DI NAS BYED CES PA'I GNAS NGES PA YOD DAM MED CE NA, 'DI LA PHAL MO CHES LUS KYI KHONG PA NAS SNA BUG TU 'BYUNG 'JUG BYED PA TZAM MA GTOGS PA LUS KYI RTZA 'KHOR GYI GNAS 'DI NAS BYED KYI

, ,NGES PA MI BYED PA DANG, YANG KHA CIG RTZA BA'I RLUNG BZHI'I GNAS MGRIN PA SOGS BZHI NAS DKYIL 'KHOR BZHI SO SO LA BYED ZER RO, ,DE'I DANG PO LA NI RLUNG GI LDANG 'JUG GNAS GSUM YI GE GSUM DANG SBYAR BA YOD DU CHUG KYANG, LUS KYI RTZA 'KHOR GYI GNAD 'DIR BYED CES PA'I MAN NGAG DANG BRAL BAS, JI TZAM 'BAD KYANG DH'U T'IR RLUNG TSUD NAS THIM PA LAS STONG PA BZHI 'DREN PA MI 'ONG STE, GZHAN DU NA NYAN SAR BSHAD PA'I RLUNG 'BYUNG 'JUG BGRANGS PAS KYANG, DE LTAR BYED PAR 'GYUR BA BZLOG MI NUS SO, ,PHYOGS GNYIS PA LA LUS KYI RTZA 'KHOR GYI GNAD DU BSNUN PA TZAM ZHIG YOD KYANG, LUGS 'DI'I RDOR BZLAS KYIS LUS LA GNAD DU BSNUN PA'I GNAD KYI DON RNYED PA 'BYUNG BA ? MIN NO, ,SKABS 'DIR NAM MKHA'I DBYINGS KYI DBUS NA GNAS PAR NYI MA DANG, GSAL BA DANG, RIN CHEN DANG, 'OD KYI DKYIL 'KHOR BZHI BSGOM PAR GSUNGS PA'I DON 'GREL PAR, NAM MKHA'I DBYINGS MI SHIGS PA DANG, DBUS NA GNAS PA DE LAS BYUNG BA DANG, BYUNG BA'I DKYIL 'KHOR BZHI RIM PA BZHIN DU 'BYUNG BA BZHI'I RLUNG LA BSHAD NAS, DE RNAMS LA YI GE GSUM GYI RDOR BZLAS BYED PAR BSHAD LA, YANG LE'U GSUM PA LAS, NAM MKHA'I DBYINGS KYI DBUS GNAS PAR ZLA BA'I DKYIL 'KHOR BRI BA DANG, GSAL BA'I DKYIL 'KHOR GYI DBUS GNAS 'KHOR LO'I DKYIL 'KHOR DANG PAD MO'I DKYIL 'KHOR 'DRA BA DANG, RIN CHEN GYI DKYIL 'KHOR DANG 'DRA BA BSGOM PA DANG, SBYOR BA'I DKYIL 'KHOR BRI BAR BYA BAR GSUNGS PA'I NGES DON 'CHAD BA NA

NAM MKHA'I DBYINGS 'OD GSAL DANG, ZLA BA DANG GSAL BA'I DKYIL 'KHOR NI MI SHIGS PA DANG DBUS GNAS NI DE LAS BYUNG BA STE, DE LTAR BYUNG BA'I DKYIL 'KHOR BZHI NI RIM PA BZHIN DU CHU DANG ME DANG DBANG CHEN DANG RLUNG GI DKYIL 'KHOR GYI RLUNG BZHI 'BYUNG BAR SHES PAR BYA BA LA BSHAD PA DANG, LE'U GSUM PAR RIN CHEN KHA DOG SNA LNGA PAR, ZHES SOGS KYI DON MTHAR THUG TU BSHAD PA NA YANG MI SHIGS PA'I THIG LE SNYING KHA'I PAD MA'I DBUS SU SGOM PA DANG, DE LAS RLUNG LDANG 'JUG GNAS GSUM GYI BZLAS PA BYED PA LA BSHAD CING, SPYOD BSDUS LAS KYANG RDOR BZLAS KYI YI GE GSUM GYI SKABS SU, DE LA SBRUL LA SOGS PA'I SNGAGS RNAMS NI A'A LI K'A LI LAS BYUNG BA RNAMS SO, ,DE RNAMS KYI DE KHO NA NYID NI MI SHIGS PA LAS BYUNG BA'I YI GE GSUM STE, ZHES GSUNGS PAS RDOR BZLAS KYI SNGAGS GSUM ZLO BA NI MI SHIGS PA LAS BYUNG BA'I TSUL GYIS ZLO BA'I DON YIN PAS, 'KHOR LO BZHI'I GNAS NAS 'BYUNG 'JUG BYED PA'I TSUL GYIS ZLO BA MIN NO, ,RDO RJE 'PHRENG BA LAS, LKOG MA SNYING KHA LTE BA DANG, ,GSANG BA'I PADMAR 'GRO 'ONG STON, ,ZHES RLUNG BZHI GNAS DE BZHI NAS 'GRO 'ONG BYED PAR GSUNGS PA LA DOGS PA BCAD NAS, SNYING KHA'I MI SHIGS PA LAS RLUNG 'GRO 'ONG BYED PA'I TSUL LHA MO BZHIS ZHUS PA LAS GSUNGS PA NI DE'I RNAM BSHAD DU RGYAS PAR GTAN LA PHAB PA LAS SHES PAR BYA'O, ,'DI DAG LA RTZA BSHAD LEGS PAR SBYOR BA DANG, RGYUD 'GREL DANG, YAB SRAS GZHAN GYI GZHUNG DANG LEGS PAR SBYAR TE MAN NGAG TU GNAD RNAMS LEGS PAR THON PA MA BYUNG 'DUG PAS 'DIR BSHAD PA DANG RIM LNGA

, ,GSAL SGRON DU RGYAS PAR BSHAD PA LA BRTEN NAS LEGS PAR SHES PAR BYA'O, ,LA MTHING KHA ZHES BYA BA LA SOGS PAS, RNAL 'BYOR PA PHO MO GNYIS KA'I GSANG BA'I SNA RTZER PHYAG MTSAN PHRA MO BSGOMS PA LA BRTEN NAS, YE SHES GSUM BSKYED DE 'OD GSAL DU 'JUG PAR GSUNGS PA'I DGONGS PA NI, NOR BU'I DBUS NA RTZA 'KHOR YOD PA'I DBUS KYI DH'U TI'I NANG DANG RDO RJE DANG PADMA'I RTZE NA DBU MA'I MAR SNA YOD PAS DER MAN NGAG BZHIN BSGOMS PA LA BRTEN NAS, RLUNG DBU MAR ZHUGS GNAS THIM GSUM BYAS PA'I STOBS KYIS STONG PA BZHI 'DREN PA LA GO DGOS TE, 'DI YANG RDZOGS RIM GYI LUS DBEN DNGOS GZHI 'DREN PA'I THABS THUN MONG MA YIN PAR SHES PAR GYIS SHIG ,DON 'DI NYID RDO RJE GUR LAS KYANG SHIN TU GSAL BAR GSUNGS TE, MKHA' 'GO MA YI SNA RTZER NI, ,YUNGS KAR GNAS PAR RNAM PAR BSGOM, ,KHAMS GSUM BRGYU DANG MI BRGYU BA'I, ,'GRO BA MA LUS YUNGS KAR DU'O, ,DE LTA BUR NI BSGOMS GYUR NA, ,RANG BYIN RLOB PA RAB TU 'GRUB, ,GZUGS DANG SGRA DANG DE BZHIN DRI, ,RO DANG REG BYAR MNGON LDAN ZHING, ,RNAL 'BYOR NYID KYIS DER BSAMS NA, ,DE NAS BDAG DANG GZHAN MED PAR, ,RDO RJE PADMA LAS BYUNG BZHIN, ,YANG DAG BDE BA DNGOS MCHOG DE, ,RBA RLABS MED CING SNANG BA MED, ,RNAM PAR RTOG MED 'GYUR BA MED, ,NYUNG ZANG CHANG LA RAB ZHUGS TE, ,BDAG MED MA LA RANG RIG BZHAG ,BRAL BA'I DGA' BA DAG GI MTHA', ,RTOG PA'I DRA BA RNAM BRAL ZHING, ,MI GA-YO RNAM PAR 'KHRUL MED PA, ,DGYES RDOR ZHES BYA'I DNGOS POR GSAL, ,ZHES GSUNGS SO, ,MKHA' 'GRO

MA NI MKHA' 'GRO GDONG ZHES GRAGS PA RTZA DBU MA'O, ,DE'I SNA RTZE NI MAR SNA STE, 'BROG 'GYUR LAS, MKHA' 'GRO SNA YI MTHAR GNAS PA, ,ZHES 'BYUNG NGO, ,YUNGS KAR ZHES PA GCIG GIS NI GNAS DER RDZAS KYI THIG LE SOGS SGOM PA BSTAN NO, ,KHAMS GSUM ZHES PA GNYIS KYIS NI THIG LE'I NANG DU RTEN BRTEN PA'I DKYIL 'KHOR BSGOM PA BSTAN TE 'DI LA RIM GNYIS KYI CHA GNYIS YOD DO, ,DE LTA BUR NI ZHES PA GNYIS KYIS NI DNGOS SU LHAN CIG SKYES PA'I BDE BA DANG, BRGYUD NAS RANG BYIN BRLAB SGYU LUS 'GRUB PAR BSTAN NO, ,GZUGS DANG ZHES PA GSUM GYIS NI, 'DOD YON LA LONGS SPYOD PA DANG MA BRAL BAR RDZAS KYI THIG LE SGOM PA BSTAN LA, DE LTAR BSGOMS NA NYAMS MYONG JI LTAR SKYE BA NI, DE NAS BDAG DANG ZHES SOGS RKANG PA BZHIS RDO RJE DANG PADMA SNYOMS PAR ZHUGS PA LAS LHAN CIG SKYES PA'I DGA' BA 'DREN PA BZHIN DU, YANG DAG PA'I BDE BA'I DNGOS PO MCHOG LHAN SKYES KYI BDE CHEN 'DREN ZHING, DE'I TSE BDAG DANG GZHAN DU SNANG BA'I SPROS PA'I RBA RLABS MED CING, RNAM PAR RTOG PAS GZHAN DU 'GYUR BA MED PA 'BYUNG BAR BSTAN NO, ,NYUNG ZAD CES PA GCIG GIS NI PHRA MO LA DMIGS PA'I MTHUS, CHANG STE BDE BA'I RTEN KUNTA LTA BU'I MYOS BYED LA RAB TU ZHUGS PAR BSTAN NO, ,BDAG MED MA ZHES PA GCIG GIS NI LHAN SKYES KYI BDE CHEN DRANGS PA NA BDAG MED PA'I DON LA RANG GIS RIG PA'I BDE BA CHEN PO BZHAG STE BDE STONG DBYER MED DU BSKYANG PAR BSTAN TO, ,SNGAR BSHAD PA'I YANG DAG BDE BA ZHES PA DE GANG YIN SNYAM PA LA, BRAL BA'I ZHES PA GCIG GIS KHYAD PAR GYI DGA' BA'I MTHAR SKYES PA'I LHAN CIG SKYES DGA' YIN PAR BSTAN NO, ,RTOG PA'I DRA BA ZHES PA GNYIS

, ,KYIS NI DE NYID KYI KHYAD PAR STON TE GO SLA'O, ,DGYES RDOR ZHES PA GCIG GIS NI BDE STONG DBYER MED DU SBYAR BA'I LHAN CIG SKYES DGA' DE NYID HE YIG GI DON SNYING RJE DANG, BADZRA'I DON STONG PA NYID RTOGS PA'I SHES RAB TU STON TE NGES DON GYI HE BADZRA'O, ,LE'U DRUG PA'I MTHA' GCOD DO,, ,,'DOD PA'I LONGS SPYOD THAMS CAD LA ZHES SOGS KYIS SPYOD PA GSUM BSTAN PAR GSUNGS PA'I SKABS SU, SPYOD PA'I MTHA' CUNG ZAD DPYAD PA LA SPYOD PA'I RNAM GRANGS DANG DBYE BA NI, RTZA RGYUD KYI LE'U LNGA PA DANG, BDUN PA'I MTSAN GYI SKABS SU RIM PA BZHIN KUN TU SPYOD PA MCHOG DANG, SNGAGS SPYOD PA MCHOG CES GSUNGS PA'I DON RGYUD 'GREL LAS, RANG GZHAN GYI DON KUN SGRUB PA'I SPYOD PA PHUL DU BYUNG BA DANG, SNGAGS ZLOS PA PO'I SPYOD PA GSUM LA BSHAD DO, ,SNGA MA YANG SPYOD PA GSUM GYI SPYI MING NGO, ,LE'U DGU PA LAS, BYANG SEMS DANG DE BZHIN GSHEGS PA'I SPYOD PA GNYIS GSUNGS PA'I DON RGYUD 'GREL LAS, ,'JIG RTEN DANG 'GAL LAM MI 'GAL YANG RUNG, GANG DANG GANG GIS SEMS CAN GYI DON RDZOGS PAR 'GYUR BA'I RNAM PA DE DANG DES SNGAGS PA RNAMS CI NUS PAR RAB TU 'JUG PA NI DANG PO DANG, RIN PO CHE LTA BU'I SNGAGS BAS RDZOGS RIM RTOGS NAS MNYAM PAR MA GZHAG PA'I SBYOR BA'I SPYOD PAS, TSE 'DI NYID LA RANG GI NGO BO BRJE BA'I SPYOD PA NI GNYIS PAR BSHAD DO,, DE'I DANG PO NI BYANG SEMS KYI SPYOD PA SPYI DANG, GNYIS PA NI RDZOGS RIM LA GSUNGS PA NI MTSON PA TZAM DANG, RIN PO CHE LTA BU'I GANG ZAG NI GTZO BO YIN PA LA DGONGS PAS, BLA MED KYI 'DOD YON LA SPYAD PA'I SPYOD PA KHYAD PAR CAN THAMS CAD DE, ,LE'U BCU DRUG PA

LAS, RIG PA'I BRTUL ZHUGS YANG DAG PAR LEN PA'I SPYOD PA ZHES GSUNGS PA'I DON NI RGYUD 'GREL LAS, RANG DANG RIG MA LHA'I 'DRA 'BAG TU CHA LUGS BSGYUR NAS SPYOD PA BYED PA LA BSHAD DO, ,LE'U DRUG PA'I 'GREL PAR SPYOD PA GSUM GYI MCHOG NI, LONGS SPYOD PA DANG GROL BA'I SPYOD PAR 'GYUR RNYING GNYIS DANG PA TSAB KYI 'GYUR LAS 'BYUNG YANG, CHAG 'GYUR LAS SPYOD PA DE RNAMS KYI MCHOG NI BHU SU KU'I SPYOD PA'O ZHES BSGYUR BA LTAR LAGS PAS SPYOD PA GZHAN STON PA MIN NO, ,RGYUD PHYI MA LAS KUN TU SPYOD PA DANG SNGAGS KYI SPYOD PA GNYIS GSUNGS PA'I DANG PO NI SPYOD PA GSUM GYI SPYI MING YIN LA, GNYIS PA NI LE'U BCU BDUN PAR BSHAD PA'I 'JIG RTEN PA DANG 'JIG RTEN LAS 'DAS PA'I DAM TSIG DANG SDOM PA BSRUNG PA YIN NO, ,'DOD CHAGS LAS BYUNG BA'I BYANG SEMS KYI SPYOD PA LA SPROS BCAS DANG SPROS MED DANG SHIN TU SPROS MED GSUM GYI DBYE BA SPYOD BSDUS LAS GSUNGS TE, RIM PA GNYIS PA DANG RGYUD 'GREL LAS KYANG GSUM DU BSHAD DO, ,GANG LA SPYOD PA'I 'DOD YON GYI GTZO BO NI RIG MA'I 'DOD YON YIN LA, DE LA NI DNGOS KYI RIG MA DANG BSGOMS PA'I YE SHES KYI PHYAG RGYA'I RIG MA GNYIS SO, ,DE'I DANG PO LA SPYOD PA LA SPYOD PA DANG PO GNYIS DANG, GNYIS PA LA SPYOD PA LA SPYOD PA GSUM PA BZHAG GO ,DE LA YANG SPYOD BSNGAS ? DANG RIM PA GNYIS PA LAS RDZOGS RIM PA'I SPYOD PA GSUM GSUNGS PA NI MTSON PA TZAM YIN PAS, RIM GNYIS RE RE LA'ANG SPYOD PA GSUM GSUM YOD PA LE'U BCU PA LAS 'CHAD PAR 'GYUR RO, ,LE'U 'DI'I 'GREL PAR SPYI DON GYI SPYOD PA SPROS BCAS DANG, SBAS DON GYI SPYOD PA SPROS MED DANG MTHAR THUG GI SPYOD PA SHIN TU SPROS

, ,MED DU GSUNGS PA NI SPYOD PA LA 'JUG PA'I BSGOM BSAM LA DGONGS KYI, SPYI DON GYI SPYOD PA LA SPYOD PA GZHAN MI BZHED PA MIN TE LE'U BCO LNGA PA'I 'GREL PAR, BSKYED RIM PA'I DE BZHIN GSHEGS PA LNGA'I SPROS MED KYI SPYOD PA GSUNGS PA'I PHYIR DANG, SHIN TU SPROS MED KYANG BSGOM BSAM GYI SGO NAS BSKYED RIM PA LA MI 'JOG KYANG, BYA BA LA SOGS PA'I SHIN TU SPROS MED GZHAN TU YOD PA'I PHYIR RO,, ` ,,SPYOD PA BYED PA'I DUS KYI DBYE BA NI, SPYIR 'DOD YON LA CHAGS PA LAM BYED KYI SPYOD PA LA GNYIS TE, RIM PA GNYIS SGOM PA'I SNOD RUNG DU BYED PA'I DBANG GI DUS DANG, SNOD DU RUNG NAS LAM SGOM PA'I DUS KYI SPYOD PA'O, ,PHYI MA LA YANG GNYIS TE, LAM MA SKYES PA SKYED PA'I PHYIR DU SPYOD PA DANG, SKYES ZIN GYI LAM LA BOGS 'BYIN PA'I SPYOD PA'O, ,DE'I DANG PO NI LAM THOG MAR SGOM PA NAS BZUNG STE MI SLOB PA'I GO 'PHANG MA THOB KYI BAR DU 'JUG STE, MDOR BYAS LAS, 'DOD PA LNGA NI YONGS SPANGS NAS, ,DKA' THUB KYIS KYANG MA GDUNGS PAS, ,RNAL 'BYOR RGYUD KYI RJES 'BRANGS LA, ,BDE BAS BYANG CHUB BSGRUB PAR BYA, ,ZHES BSKYED RIM LA 'JUG PA NAS DE LTAR BYA BAR GSUNGS PA'I PHYIR RO, ,GNYIS PA LA NAG PO DAM TSIG RDO RJES NI BSKYED RIM PHRA RAGS MTHAR PHYIN NAS THUN MONG GI DNGOS GRUB SGRUB PA'I BOGS 'BYIN PA DANG, DBEN PA GSUM BDEN PA GNYIS KYI RDZOGS RIM DANG BCAS PA GRUB NAS MCHOG GI DNGOS GRUB 'GRUB PA LA BOGS 'BYIN PA'I SKABS GNYIS LAS MED PAS DUS GNYIS SU SPYOD PA BYED ZER RO, ,BTZUN MO CAN NI, RANG BZHIN SNANG BA'I DBYE SHES NAS, ZHES SOGS LA BRTEN NAS SGYU LUS THOB NAS

DANG SLOB PA'I ZUNG 'JUG THOB PA NAS SPYOD PA BYED PAS RDZOGS RIM LA SPYOD PA BYED PA'I SKABS GNYIS TE SPYIR GSUM DU BZHED DO, ,RANG GI LUGS NI RIM GNYIS LA BOGS 'BYIN PA'I SPYOD PA BYED PA'I SKABS BZHI STE, 'DI LTAR BSKYED RIM GYI SKABS SNGAR LTAR DANG, RDZOGS RIM LA SEMS DBEN THOB NAS SGYU LUS 'GRUB PA'I DON DU SPYOD PA BYED DGOS PA NI GZHAN DU BSGRUBS ZIN TO, ,SGYU LUS THOB NAS NI THOB BYA SLOB PA'I ZUNG 'JUG THOB PA'I PHYIR DANG SPANG BYA NYON MONGS ZAD PA'I PHYIR DU SPYOD PA BYA DGOS PA NI, LE'U BCU DRUG PAR RIGS GSUM GYI SPROS MED KYI SPYOD PA SPYAD PA'I PHAN YON GYI SKABS LAS SHES SO, ,SLOB PA'I ZUNG 'JUG THOB NAS SPYOD PA BYED PA NI, RIM LNGA LAS, ZUNG 'JUG GO 'PHANG LA GNAS PA'I, ,SLOB BZHIN PA YI RNAL 'BYOR CHE, ,ZUNG DU 'JUG PA BSGOMS ? GYUR PAS, ,SPYOD PA'ANG DE DANG GNYIS SU MED, ,CES GSUNGS PAS SHES PAR NUS LA, SPYOD BSDUS LAS SPYOD PA BYED PA'I SGRUB PA PO KUN RDZOB KYI BDEN PAR GTOGS PAR BSHAD PAS KYANG SHES TE, DE NI RIM PA GSUM PA DANG LNGA PA'I KUN RDZOB SGYU MA'I SKU'I RTEN GNYIS KA DANG SBYAR RO, ,GZHAN YANG SPYAD BSDUS LAS, YANG BRTUL ZHUGS KYI SPYOD PA MED PAR THOG MA MED PA'I NYON MONGS PA'I BAG CHAGS ZAD PAR BYA BAR NI MI NUS SO, ,ZHES GSUNGS PAS NYON MONGS KYI BAG CHAGS DNGOS SHES SGRIB MA LUS PA NI BRTUL ZHUGS KYI SPYOD PA MED PAR ZAD MI NUS LA, TSE 'DI NYID LA DE ZAD PA YANG SPYOD PA DE MED PAR MI NUS SO, ,NYON MONGS KYI SA BON LA BAG CHAGS SU BTAGS PA CHOS MYUR BAR ZAD PA YANG DE LA RAG LAS PAS, SLOB PA DANG MI SLOB PA'I ZUNG

, ,'JUG GI DON DU SPYOD PA GNYIS BYA DGOS PAR SHES SO,, ` ,,SPYOD PA LA RTZOD PA SPANG BA NI, GAL TE DBANG GI DUS NAS BZUNG STE, 'DOD YON LA CHAGS PA LAM BYED YOD NA, SPYOD PA GSUM GYI GTZO BO YANG DE TZAM DU ZAD PAS DE RNAMS LAS LOGS SU SPYOD PA SPYAD KYANG CI DGOS SNYAM NA, DE LA RDZOGS RIM PA'I BAGS 'BYIN GYI SPYOD PA NI TSE 'DIR BYANG CHUB THOB PA'I PHYIR YIN TE, RIM PA GNYIS PA LAS, RANG BZHIN SNANG BA'I DBYE SHES SHING, ,DE NYID BZHI PA LA BRTEN LA, ,GANG ZHIG RNAM GSUM LA MI SLOB, ,DE NI 'BRAS BU MYUR THOB MIN, ,JI LTAR SHING LA ME GNAS PA, ,MA GCUBS BAR DU 'BYUNG MI 'GYUR, ,DE BZHIN BYANG CHUB BSLAB BRAL BAS, ,TSE 'DI NYID LA 'BYUNG MI 'GYUR, ,ZHES GSUNGS SHING, SPYOD BSDUS DANG SGRON GSAL LAS KYANG, SPYOD PA BYAS PAS TSE 'DI NYID LA MCHOG 'GRUB PAR BSHAD DO, ,DE'I TSUL NI RLUNG GI RNAL 'BYOR MTHAR PHYIN PA'I DBANG GIS YE SHES GSUM SKYED NUS PA NA, PHYI'I PHYAG RGYA GROGS SU MED NA SEMS DBEN GYI YE SHES MTSAN NYID TSANG PA SKYED MI NUS PAS DE'I DON DU BSTEN DGOS SO, ,DE LTA NA NANG GI LUS LA GNAD DU BSNUN PA'I MTHUS RLUNG SDUD PA DANG, GTUM MO 'BAR NAS BYANG SEMS BZHU BA'I NUS PA MTHAR SON KYANG, DE 'DRA BA LA DA DUNG PHYAG RGYA'I SGO NAS DE RNAMS LA KHYAD PAR CHEN PO THOB PA'I SGO NAS DE KHO NA NYID KYI RTOGS PA RAB TU GYUR PAR BGROD PA'I RIM PA YOD PAR GSAL LO, ,DE'I PHYIR NANG GI LUS LA GNAD DU BSNUN PA'I THABS KYI NUS PA MTHAR SON PA NA PHYAG RGYA'I 'DOD YON LONGS SPYOD PA YAN LAG DANG BCAS

BA NYID LA DRIL NAS DE KHO NA NYID SGOM PA NI, RDZOGS RIM GYI BOGS 'BYIN GYI SPYOD PA LA SPYOD PA'I DON NO, ,JI LTAR NANG GI 'KHOR LO RNAMS LA GNAD DU BSNUN PA LAS BDE BA'I KHYAD PAR DU MA 'BYUNG BA LTAR PHYAG RGYA'I NGO BO DANG GRANGS DANG 'GRO BA'I KHYAD PAR DANG NUS PA CHE CHUNG GI BYE BRAG LAS KYANG RNAL 'BYOR PA LA BDE BA'I KHYAD PAR SNA TSOGS SKYE LA, DE'I TSE DES STONG NYID SGOM PA'I RTOGS PA KHYAD ZHUGS PAR 'GRO TSUL YANG DU MAR SHES PAR BYA'O, ,GAL TE 'DI'I SPYOD PA MA BYAS PAR THUN MONG GI DNGOS GRUB MI 'GRUB NA, RGYUD SDE 'OG MA GSUM LAS THUN MONG GI DNGOS GRUB MTHA' YAS PA CIG DE LAS BSTAN PA'I LAM GYIS SGRUB PAR BSHAD PA DANG 'GAL LA THUN MONG GI DNGOS GRUB KYI DON DU YIN DU CHUG KYANG SPYOD PAS DE 'GRUB PA LA PHAN LUGS JI LTAR YIN SNYAM NA THUN MONG GI DNGOS GRUB PHRAN CHEGS MANG PO 'GRUB PA LA STONG NYID SGOM PA MI DGOS KYANG, RGYUD SDE 'OG MAR BYUNG BA'I DNGOS GRUB KHYAD PAR CAN MANG PO 'GRUB PA LA STONG NYID SGOM DGOS PAR BSHAD DE, KHA CIG NI DE MED NA MI 'GRUB LA KHA CIG NI DE'I RTOGS PA YOD NA 'GRUB SLA BA'O, ,BLA MED KYI BSKYED RIM PAS THUN MONG GI DNGOS GRUB SGRUB PA LA NI, SNGA MAS MI 'GRUB PA MANG PO YOD LA THUN MONG GI DNGOS GRUB KYI MTHAR THUG PA RNAMS DANG, GZHAN MANG PO YANG DBANG PO GSUM GYI RIM PAS ZHAG BDUN DANG ZLA PHYED DANG, ZLA BA GCIG GAM PHYED DANG GNYIS TSUN LA 'GRUB PAR GSUNGS PA LTA BU DUS SHIN TU NYE BA LA BDE BLAG TU 'GRUB PA'I THABS SU SPYOD PA BYED PA YIN TE, BSKYED RIM MTHAR PHYIN PA NA REG

, ,MTHONG GI MTSAN MA RNYED PAS, GSANG GNAS KYI SGOR PHAGS YIG SGOM PA SOGS KYIS KYANG BYANG SEMS 'PHO BA DGAG NUS LA, PHYAG RGYA DANG SBYAR BA LAS BDE BA BSKYED DE DES STONG NYID BSGOMS PAS, NUS PA KHYAD PAR CAN SKYES NA DNGOS GRUB 'GRUB PAR SLA'O, ,DE TZAM GYI BDE STONG BSGOM PA BSKYED RIM GYI LAM LA'ANG YOD DO, ,GAL TE GANG ZAG KHA CIG GIS BSKYED RIM PHRA MO MTHAR PHYIN PA NA RLUNG DH'U T'IR TSUD PA'ANG SRID PA DANG, PHYI'I PHYAG RGYA DANG SBYOR BA SROG RTZOL DU 'GRO BA'I GNAD SHES PAS, DE LA BRTEN NAS KYANG RLUNG DH'U T'IR THIM PA'I DGA' BA BZHI SKYED PAR NUS NA NI DE GNYIS BSKYED RIM GYI SKABS SU BYUNG YANG LAM DU 'JOG NA RDZOGS RIM GYI LAM DU BYA DGOS TE, LAM SGOM PA'I SNGON DU DBANG GI SKABS SU DE LTA BU BYUNG BA'I LHAN SKYES RDZOGS RIM DU ZHAL LUNG LAS BSHAD PA BZHIN NO, ,BSKYED RIM GYI SKABS SU THUN MONG GI DNGOS GRUB KYI DON DU SPYOD PA BYED PA 'DI RIN PO CHE LTA BU'I GANG ZAG MCHOG MIN GYI, PAD DKAR LA SOGS PA'I GANG ZAG DBANG PO DMAN PA THUN MONG GI DNGOS GRUB KYIS YID DRANGS PA 'GA' ZHIG YIN NO,, ` ,,SPYOD PA RNAMS RGYUD GANG LAS GSUNGS PA DANG SO SO'I MTSAN NYID NI, SPYOD BSDUS LAS DE BZHIN GSHEGS PA DANG RDO RJE 'CHANG GI DBUGS DBYUNG JI SKAD BSTEN PA'I DE BZHIN GSHEGS PA THAMS CAD KYI AA RA LI RGYAS PA NI SPROS BCAS DANG, RTAG TU KHYAB PA LAS DGOS PA'I DBANG DU 'GA' ZHIG LA ROL BA NI SPROS MED DANG, 'DU 'DZI THAMS CAD SPANGS NAS BSAM

GTAN GYI ZAS 'BA' ZHIG GIS GNAS PA ZHIG YE SHES KYI PHYAG RGYA DANG SNYOMS PAR 'JUG PAS GOMS PAR BYED PA NI SHIN TU SPROS MED KYI SPYOD PA DANG, SHING DANG TA LA'I LO MA DANG RAS BAL GSUM TSIG PAS THAL BAR 'GRO BA LA KHYAD PAR MED PA BZHIN DU, SPYOD PA GSUM CHAR GYIS KYANG RDO RJE 'CHANG GI GO 'PHANG 'GRUB PA DANG, CHUNG 'BRING CHEN PO'I DBYE BA DANG, NA TSOD DANG MTHUN PAR SPYOD PA GSUM LA SLOB PAR BSHAD DO, ,AAR LI NI RTZED MO 'AM ROL BAR BSGYUR RO, ,DE NI SPYOD BSDUS LAS GSUNGS PA'I PHYAG RGYA DANG DE'I LAN LA SOGS PA YIN NO, ,SPROS MED KYI SPYOD PA NI SPYIR BSTAN LA BYA BA DE RNAMS RTAG TU BYA DGOS PA YIN KYANG, DGOS PA'I DBANG GIS RES 'GA' DE RNAMS BZHAG NAS BYED PA'O, ,'ON KYANG 'DI LA GNAS KHANG KHYAD PAR CAN GDAN DANG BCAS PA DANG CHO GA SGRUB PA'I GROGS DANG, DE DAG GI CHAS 'BAG DANG BZA' BTUNG SOGS KYI SPROS PA MANG PO ZHIG YOD PA RNAMS KYANG SHIN TU SPROS MED PA LA 'JOG PAS DE LA NI BYA BA'I SPROS PA SHIN TU CHUNG NGO,, DPE GSUM GYIS NI SPYOD PA GSUM GYI RE RES KYANG 'BRAS BU 'GRUB PAS GSUM GA LA SPYAD MI DGOS PA BSTAN NO, ,CHUNG 'BRING CHEN PO LA 'CHAD TSUL MANG DU YOD KYANG, YO BYAD CHE 'BRING CHUNG GSUM DANG SHES RAB CHUNG 'BRING CHE GSUM LA 'CHAD LA, LA LA 'DOD CHAGS CHE 'BRING CHUNG GSUM LA 'CHAD KYANG YO BYAD CHE 'BRING CHUNG GSUM DANG, NA TSOD CHUNG 'BRING CHE GSUM DANG SPROS PA LA DGA' BA'I BSAM PA CHE 'BRING CHUNG GSUM GYI DBANG DU BYAS PA'O, ,DE LA SPYOD PA DANG PO NI MNYAM

, ,SBYOR LAS GSUNGS LA, 'DUS PA LAS SPYOD PA PHYI MA GNYIS 'BA' ZHIG GSUNGS PAR NI SPYOD BSDUS LAS BSHAD DO, ,SNGAR BSHAD PA'I BYA BA'I SPROS PA RGYAS PA RNAMS 'DUS PAR MA GSUNGS PA LA DGONGS NAS, 'DUS PA LAS SPYOD PA THA MA GNYIS 'BA' ZHIG BSTAN PA GSUNGS LA, SGRON GSAL LAS 'DUS PA'I GZHUNG GIS SPYOD PA DANG PO BSTAN PAR GSUNGS PA NI, SPROS BCAS PAS JI LTAR 'DOD PA BZHIN 'DOD PA LA SPYOD PA DANG BSKYED RIM PAS SPROS BCAS KYI SPYOD PA LA 'JUG PA'I BSGOM BSAM TZAM ZHIG BSTAN PA YIN PAS MI 'GAL LO, ,'DIR SNGA MA RNAMS 'GREL PAR 'DOD PA'I LONGS SPYOD CES PA'I TSIGS BCAD DANG PO'I RKANG PA DANG PO GNYIS SPROS BCAS KYI SPYOD PA DANG, TSIGS BCAD GNYIS PA SPROS MED KYI SPYOD PA DANG SLONGS MO ZA ZHING MI BZLA STE, ZHES PA BZHI SHIN TU SPROS MED KYI SKABS LA SBYAR BA LA BRTEN NAS SPYOD PA GSUM GYI 'DOD YON LA LONGS SPYOD PA'I 'JUG BSAM MI 'DRA BA GSUM BYA DGOS PAR BZUNG ZHING, DANG PO'I SKABS SU, DBANG PO DANG JI LTAR RJES SU MTHUN PAR LONGS SPYOD PAS STEN PAR BYED, CES DANG, GNYIS PA'I SKABS SU RANG GI LHA'I TING NGE 'DZIN GYIS SO ZHES GSUNGS PA LA BRTEN NAS SPYOD PA DANG PO'I SKABS SU BRKAM CHAGS SHAS CHE BAS DBANG PO KHO NA'I NGOR DANG, GNYIS PA'I SKABS SU DE DANG TING NGE 'DZIN GNYIS KA'I NGOR DANG GSUM PA'I SKABS SU TING NGE 'DZIN 'BA' ZHIG GI NGOR BYAS NAS 'DOD YON LA SPYOD PA'I BSAM PAS 'JUG PA YIN ZHES ZER MOD KYANG

'DIR GTZO BOR GNYIS MED ZUNG 'JUG BDE BA CHEN PO'I YE SHES KYI DON DU DMIGS NAS 'DOD YON LA 'JUG PA NI SPYOD PA GSUM GA LA 'DRA BAR SNGAR BSHAD CING RTZA BA'I RGYUD LAS KYANG, CHAGS CAN YE SHES 'DOD PA YIS, ,RTAG TU 'DOD PA'I YON TAN BSTEN, ,ZHES GSUNGS PAS KYANG SHES PAS DBANG PO KHO NA DANG DE DANG TING NGE 'DZIN KHO NA'I NGOR SPYOD PA MIN NO, ,GANG LA SPYAD PAS BYANG CHUB KYI SEMS SNGAR MED GSAR DU SKYE BA DANG, MI NYAMS PAR GNAS PA DANG GONG DU 'PHEL BA'I THABS SU GYUR PA'I 'DOD YON YIN NA NI, 'DOD BZHIN DU 'GOG PA MIN PAR DBANG PO DANG RANG GI 'DOD PA DANG MTHUN PAR LONGS SPYOD PA NI SPYOD PA GSUM GA LA 'DRA BAS, 'DOD PA ZHES PA'I TSIG RKANG PA GNYIS GNYIS DANG 'DOD PA KUN LA LONGS SPYOD CING ZHES 'DRA BAR GSUNGS TE, DE LTA NA'ANG ZLOS PAR MI 'GYUR BAR BSTAN PA'I PHYIR TSUL DES SPYOD PA GSUM LA SPYOD PA STON PAR GSUNGS SO, ,LUS GNAS PAR 'GYUR BA TZAM GYIS CHOG SHES PAS ZHES PA NI, KHAMS RGYAS PA LA MI GNOD PA'I LUS GNAS PA YIN GYI SROG 'TSO BA TZAM LA ZER BA MIN NO, ,TSUL DE SPYOD PA GSUM PA'I KHYAD CHOS MIN PA NI LE'U BCU DRUG PA'I SPROS MED KYI KHA ZAS BSTEN PA'I SKABS LAS KYANG SHES LA SROG 'TSO BA TZAM LA MI BYED PA NI, 'DOD PA'I LONGS SPYOD THAMS CAD LA, ,BSTEN NA MYUR DU 'GRUB PAR 'GYUR, ,ZHES DANG, 'DOD PA KUN LA LONGS SPYOD CING, ,ZHES DANG, LUS DANG NGAG DANG ZHES PA GNYIS DANG, SANGS RGYAS BYANG CHUB SEMS DPA' ZHES PA DRUG DANG, BYANG CHUB

, ,SEMS DPA' MNYES PAR BYA, ,ZHES PA'I RKANG PA GNYIS LA SOGS PA DU MA ZHIG LAS SHES SO, ,SPYOD PA'I CHO GA JI LTAR BYA BA DANG, SPYOD PA LA BRTEN PA'I TSE NYON MONGS PA LAM DU BYED TSUL LA SOGS PA'I SPYOD PA'I GNAD RGYAS PAR NI RIM LNGA GSAL SGRON DU BSHAD PA LAS SHES PAR BYA'O,, ` GZUGS LA RNAM GSUM SHES BYAS NAS, ,ZHES BYA BA LA SOGS PA RNAMS SPYI DANG SBAS PA DANG, MTHAR THUG GSUM DU BSHAD PA SPYOD PA GSUM DANG SBYAR BA NI, SPYOD PA GSUM GYI SGOM BSAM GSUM STON PA'I DON CUNG ZAD BSHAD PAR BYA'O, ,DE LA SPYI'I DON GYI BSGOM BSAM NI, RGYUD 'GREL LAS, YUL LHAR SGOM PA DE LA NYIN MTSAN RTAG TU SEMS KYI MNGON PAR 'DU BYED PA BSKYED PAR BYA BA DANG, 'DI NI SANGS RGYAS KYI GO 'PHANG THOB PAR BYED PA'I THABS SBA BAR BYA BA YIN PAS SNYING PO BSDUS PA YIN PAR BSHAD PAS YUL LNGA LHAR BSGOMS NAS, LHA RNAMS KYI GZUGS LTA BA SOGS BYED PA LA DGOS SU RGYUN LDAN DU BSGOMS NAS MYONG BA BRTAN PA CIG SNGON DU BSKYED DGOS SO,, DE YANG PHYI NANG GI GZUGS KYI SKYE MCHED THAMS CAD YONGS SU GYUR PA LAS, GZUGS RDO RJE MA LAG PA'I PAD MA 'JAM PAS ME LONG BZUNG NAS ZHI BA'I MIG GIS LTA ZHING MU TIG GI TSUN PO 'CHANG BA, NU MA RGYAS SHING 'BUR LA BAR DOG PA, GOS CUNG ZAD GROL ZHING RO SMAD MDZES PA STON PA BSAMS NAS DE'I GZUGS LA RGYUN DU BLTAS PA LAS BDE BA CHEN PO BYUNG BAR BSAM MO, ,DE BZHIN DU SGRA RNAMS SGRA RDO RJE MA GLU SNYAN PA LEN CING PI WAm GI SGRA SGROGS PAR BSKYED PA DANG, DRI

RNAMS DRI RDO RJE MA GAR BYED CING NOR BU'I SNOD DU GUR KUM DANG, AA KA RU DANG, TZAN DAN SBRUL GYI SNYING PO DANG, GA PUR LA SOGS PA'I DRIS BKANG BA PHYOGS BCUR DRI BZANG POS BYUG PAR BYED PAR BSKYED PA DANG, RO RNAMS RO RDO RJE MA GSER DNGUL LA SOGS PA RIN PO CHE'I SNOD RO SNA TSOGS PAS GANG BA DANG, LHA'I BDUD RTZIS BKANG BA BZUNG BAR BSKYED PA DANG, REG BYA RNAMS REG RDO RJE MA MTSAN THAMS CAD KYIS BRGYAN PA, KHREM GNYER GSUM GYIS MDZES PA, RKED PA SHIN TU PHRA BA LTE BA YANGS SHING GA-YAS SU 'KHYIL BA, RO SMAD DANG 'DOMS STUG PA, 'GROS DAL ZHING SGEG PA, THAMS CAD KYANG BZHIN 'DZUM ZHING CHAGS PA'I MIG GIS BLTA BAR BSKYED NAS, SGRA DRI RO LA LONGS SPYOD PA DANG PHAN TSUN 'KHYUD DE REG BYA LA SPYAD PAS BDE BA CHEN PO RGYAS PAR BSAM MO, ,SGOM TSUL DE RNAMS NI SPYAN MA LA SOGS PA LA YANG SBYAR LA RNAM SNANG LA NI GZUGS SHIN TU MDZES PA DANG, BAR PA GSUM LA'ANG PHYAG MTSAN SNGA MA LTAR DANG, LNGA PAS GOS MCHOG GI REG BYA BZUNG BAR BSGOM DGOS SAM DPYAD PAR BYA'O, ,'DI LA YUL LNGA LHAR BSGOMS NAS RIGS MTHUN MANG POR SGOM PA YANG RUNG NGO, ,DE LTAR GOMS PA NA THOG MAR YID LA BDE BA SKYE LA DE RIM GYIS BRGYUD NAS DBANG PO RTEN BCAS KYI LUS KYANG RGYAS PAR 'GYUR TE, RIGS PA'I DBANG PHYUG GIS, 'DI 'GYUR NA NI DE DAG KYANG, 'GYUR BA DAG TU MTHONG BA YIN, ,ZHES GSUNGS PA LTAR SEMS SHIN TU BDE BA NA LUS MDANGS BZANG BAR MTHONG ZHING, TING NGE 'DZIN LUS KYI 'BYUNG BA RGYAS PA'I RGYAS BYUNG GI RGYUR GSUNGS PA'I PHYIR RO, ,DE 'DRA BAS LUS RGYAS NA NI BYANG CHUB

, ,KYI SEMS KUN TA LTA BU 'PHEL NAS ZHU BDE'I TING NGE 'DZIN 'PHEL BAR 'GYUR LA, DES STONG NYID BSGOMS PAS RDZOGS RIM GYI RTOGS PA MCHOG RNAMS RDZOGS PAR SKYE BA'I DGE RTZA SMIN PAR 'GYUR RO, ,DE 'DRA BA'I TING NGE 'DZIN BRTAN NA DBANG POS YUL LNGA LA DNGOS SU LONGS SPYOD PA'I TSE SNGAR BSGOMS PA LTAR GYI TING NGE 'DZIN MNGON DU 'GYUR BAS, BDE CHEN GYI MI MTHUN PHYOGS KYI THA MAL GYI YID BYED SDOM PAS LAM 'DI'I LUGS KYI DBANG PO'I SGO SDOM PA'I TSUL KHRIMS MCHOG TU GSUNGS SO, ,'DI NI THOG MAR LAM SGOM PA NAS BZUNG STE LUS LA GNAD DU BSNUN PA BSGOMS STOBS KYIS RLUNG DH'U T'IR THIM PAS STONG PA RNAMS 'DREN MI NUS TSUN CHAD KYI 'DOD YON LA SPYOD PA'I BSGOM BSAM YIN LA, DE YANG BSGOMS STOBS KYIS RLUNG DH'U T'IR THIM PA LAS BYUNG BA'I BDE STONG SBYAR BAS, MTSAN 'DZIN GYI SPROS PA ZIL GYIS GNON PA LTAR MI NUS PAS SPROS BCAS KYI BSAM PA ZHES BYA'O, ,BSKYED RIM PA LA BSGOM BSAM GYI SGO NAS SPYOD PA PHYI MA GNYIS MED KYANG YUL DANG BYA BA LA SOGS PA'I SPROS PA CHE CHUNG GI SGO NAS SPYOD PA GSUM YOD DO,, ` ,,SBAS DON GYI BSGOM BSAM NI, BSGOMS STOBS KYIS RLUNG THIM PA'I STONG PA RNAMS 'DREN NUS PA NAS BZUNG STE, RIM PA BZHI PA'I 'OD GSAL MA THOB TSUN CHAD DU SNGAR MNYAM GZHAG GI STONG PA RNAMS DRAN NAS RJES KYI SKABS SU RANG RDO RJE 'CHANG DU BSKYED PA DANG, 'DOD YON LA SPYOD PA GNYIS KA LA STONG PA GSUM GYIS RGYAS BTAB NAS RDO RJE 'CHANG LA 'BUL BA'I TSUL GYIS LONGS SPYOD PA NI, SNGA MA LA LTOS NA MTSAN 'DZIN

GYI SPROS PA CHUNG LA DE KHO NA NYID MNGON SUM DU RTOGS PA MIN PAS SPROS MED KYI SPYOD PA LA SLOB PA'I BSGOM BSAM MO, ,DE LA YANG BSGOM BSAM GYI SGO NAS SPROS BCAS DANG SHIN TU SPROS MED KYI SPYOD PA GNYIS MED KYANG, BYA BA LA SOGS PA'I SGO NAS YOD PAS SPYOD PA GSUM YOD DO,, ` ,,MTHAR THUG GI BSGOM BSAM NI, SLOB PA'I ZUNG 'JUG THOB PA NAS BZUNG STE, MI SLOB PA'I ZUNG 'JUG MA THOB PA'I BAR DU RJES KYI SKABS SU 'DOD YON LA SPYOD PA NA DE KHO NA NYID MNGON SUM DU RTOGS PA DRAN NAS RGYAS BTAB STE SPYOD PA NI BDEN ZHEN GYI MTSAN 'DZIN GYI SPROS PA'I SA BON LAS GROL BAS SHIN TU SPROS MED PA'I BSGOM BSAM MO, ,'DI DANG SNGA MA GNYIS LA'ANG 'DOD YON LHAR 'CHAR BA'I BSGOM BSAM NI YOD DO, ,'DI LA BSGOM BSAM GYI SGO NAS SPYOD PA SNGA MA GNYIS MED KYANG, BYA BA LA SOGS PA'I SGO NAS 'JOG PA NI SNGAR DANG 'DRA'O,, ` BDAG GI RDO RJE PAD MAR LDAN, ZHES PA'I SKABS SU BSHAD PA'I LCE CHUNG BA'I BDUD RTZI 'THUNG BA LA, THO RANGS RAS SRAB MO CHUR BCUG PAS LCE DRIL TE DAL BUS RIM GYIS 'THEN PA MANG DU BYA LA, LCE RTZES SNA'I RTZE MOR SLEB SLEB KYI BAR DU SBYANG BAR BYA'O, ,DE NAS LCE RTZE GYEN DU BZLOG STE LCE CHUNG BA DAL BUS BSKYOD PA MANG DU BYA ZHING, RANG GI KLAD RGYA NAS BYANG CHUB KYI SEMS KYI BDUD RTZI 'DZAGS PA RIM GYIS LCE CHUNG BA LA BRGYUD NAS LCE GZHUNG DU 'BAB PAR BSAM MO, ,DE LTAR BSAMS PAS KLAD RGYA NAS 'DZAGS PA'I BYANG SEMS LCE CHUNG GI LAM NAS LCE'I GZHUNG DU 'BAB PAR BSHAD PA DE'I STOBS RGYAS NAS KHA'I NANG MER GYIS KHENGS PA 'BYUNG, DE LTA BU YANG YANG 'THUNGS PAS LE'U 'DIR BSHAD PA LTAR GZUGS

, ,LUS DANG SEMS SEMS BYUNG RNAMS TSIM NAS BDE BAR GNAS PA SKYE BA DANG, LE'U BCU BDUN PAR GSUNGS PA LTAR, RLUNG LA SOGS PA'I NAD GZHI RNAMS 'KHRUGS PAS ZIL GYIS MI NON PA DANG DE'I 'GREL PAR SHES RAB KYI MDO DRANGS PA LAS 'BYUNG BA LTAR RGA BA DANG 'CHI BA 'JIG PA DANG STOBS CHEN POS 'TSO BAR GSUNGS PA'I PHAN YON RNAMS 'BYUNG STE, 'DI NI RANG GI BYANG CHUB KYI SEMS RGYAS PAR BYED PA DANG, DE LAS LHAN SKYES KYI BDE BA CHEN PO 'DREN PA'I BCUD LEN GYI MCHOG TU GYUR PA'O, ,'DI LA RGYUD GZHAN DANG BSAM MI KHYAB KYI RIM PAR YANG BSNGAGS PA CHE'O, ,BDUD RTZI DE DANG POR 'THUNG BA NA RO MI ZHIM YANG DE NAS RIM GYIS RO SHIN TU ZHIM PAR 'GYUR ZER RO,, ` ,,DAM TSIG KHU PHYUNG CHO GA BZHIN, ,ZHES PA'I TSIG BCAD KYI RDO RJE'I TSIG GI GZHUNG GCIG KYANG MDOR BYAS DANG MDO BSRE DANG SPYAD BSDUS DANG RNAM GZHAG RIM PAR SKABS MI 'DRA BA DU MA ZHIG LA DRANGS PA NI MTSAN DU BRIS PA LTAR YIN PAS DES MTSON NAS RDO RJE'I TSIG RE RE LA YANG YAB SRAS KYI GZHUNG SO SO LAS DON MI 'DRA BA DU MAR BSHAD PA RNAMS 'GAL BA MED LA, 'GREL PA MDZAD PA NYID KYIS KYANG, RTZA RGYUD KYI TSIGS BCAD DE RDO RJE SEMS DPA'I SGRUB THABS SU LHAG MOS 'OD GSAL DU SDUD PA LA SBYAR ZHING 'DIR BAR DOR 'TSANG RGYA BA LA BSHAD PA DANG, DE BZHIN DU RDO RJE 'PHRENG BA LAS, GZUGS PHUNG GTOGS DANG ME LONG DANG, ZHES SOGS KYI GZHUNG RNAMS KYANG SKABS 'DIR BAR DOR 'TSANG RGYA BA LA SBYAR ZHING, LE'U BCU GCIG PA'I 'GREL PAR, TSE 'DIR SGYU LUS 'OD GSAL

DU 'JUG PA'I SKABS LA SBYAR LA, MDOR BYAS DANG MDO BSRE LAS LHAG MOS 'OD GSAL DU SDUD PA'I SKABS LA SBYAR BA DANG, RNAM GZHAG LAS GZHI'I 'CHI RIM GYI SKABS DANG RDZOGS RIM GYI LAM GYI SKABS GNYIS KA LA SBYAR RO,, ` RDO RJE 'PHRENG BA LAS GSUNGS BA'I DON DAM PA'I DKYIL 'KHOR LA 'JUG PA'I CHO GAS RANG BZHIN NYI SHU RTZA LNGA'I RIM GYIS GZHUG PA NI, ZHES 'GREL PAR GSUNGS PA'I DON RGYAS PAR BSHAD NA, RDO RJE 'PHRENG BA LAS, GZUGS PHUNG GTOGS DANG ME LONG DANG, ,SA KHAMS MIG GI DBANG PO DANG, , GZUGS DANG RNAM LNGAR GYUR PA STE, ,KHRO BO GNYIS DANG YANG DAG LDAN, ,TSOR BA'I PHUNG PO MNYAM NYID DANG, ,CHU KHAMS RNA BA'I DBANG PO DANG, ,SGRA DANG RNAM LNGAR GYUR PA STE, ,KHRO BO GNYIS DANG YANG DAG LDAN, ,'DU SHES SO SOR RTOG PA DANG, ,BYIN ZA SNA YI DBANG PO DANG, ,DRI DANG RNAM LNGAR GYUR PA STE, KHRO BO GNYIS DANG YANG DAG LDAN, ,'DU BYED BYA BA SGRUB PA DANG, ,RLUNG KHAMS LCE'I DBANG PO DANG, ,RO DANG RNAM LNGAR GYUR PA STE, ,KHRO BO GNYIS DANG YANG DAG LDAN, ,STENG 'OG KHRO BOR SHIN TU BCAS, ,RANG BZHIN GYI NI SNANG BA NYID, ,RNAM SHES PHUNG POR ZHUGS PA STE, ,RNAM SHES KYANG NI 'OD GSAL BAR, ,MYA NGAN 'DAS BCAS KUN STONG DANG, ,CHOS KYI SKUR YANG BSHAD PA YIN, ,ZHES GSUNGS SO, ,DE LA GZUGS PHUNG GTOGS ZHES PA NI, 'DI RNAMS RNAM SNANG GI RIGS CAN YIN PA'I DON TE, GZHAN LA YANG TSOR PHUNG GTOGS ZHES SOGS KYI DON SBYAR RO, ,DE YANG GZUGS PHUNG THIM PA NA YAN LAG THAMS CAD SNGAR LAS PHRA RU SONG BA DANG LUS NYAM CHUNG BA DANG NUS PA MED PAR 'GYUR RO, ,ME LONG YE SHES NI ME LONG LA GZUGS BRNYAN SHAR BA BZHIN DU YUL RNAMS

, ,CIG CAR SNANG BA LA SPYOD BSDUS SU GSUNGS SO, ,DE THIM PA NA MI GSAL BAR RAB RIB TU 'GYUR RO, ,SA'I KHAMS THIM PA NA LUS THAMS CAD SKAM PAR 'GYUR RO, ,MIG DBANG THIM PA NA MIG 'BYED 'DZUMS MI SHES SO, ,YUL GZUGS NI RGYUD KYIS MA ZIN PA'I PHYI ROL GYI GZUGS MIN GYI, RANG GI LUS KYI GZUGS YIN LA DE THIM PA NA LUS KYI MDANGS YAL BA DANG NYAMS STOBS ZAD PAR 'GYUR RO, ,RNAM PA LNGA NI PHUNG PO DANG KHAMS DANG DBANG PO DANG YUL DANG YE SHES RE RE BGRANGS PA STE THAMS CAD LA DE BZHIN DU SBYAR RO, ,DE TZAM DU ZAD DAM SNYAM NA LAG PA DANG DPUNG PA GA-YAS PA LA BKOD PA'I KHRO BO GNYIS DANG YANG DAG PAR LDAN PA STE DE DAG DANG BCAS PA NI RNAM SNANG GI RIGS CAN NO, ,DE BZHIN DU 'OG TU YANG SHES PAR BYA'O, ,BYAMS PA SOGS RNAM SNANG LA SOGS PA'I RIGS KYI CHA SHAS LA GNAS PA DE DAG GI 'OD GSAL DU 'JUG TSUL RGYUD 'DIR GSAL BAR MED KYANG, RNAM SNANG LA SOGS PA'I RIGS GZHAN RNAMS BSTAN PA'I ZLA STOBS KYIS DE DAG KYANG 'OD GSAL DU 'JUG PAR SHES PAR BYA'O, ,TSOR BA'I PHUNG PO THIM PA NA RLUNG DANG MKHRIS PA DANG BAD KAN DANG 'DUS PA LA SOGS PA LA BRTEN PA'I DBANG SHES KYI TSOR BA NYAMS SU MYONG BAR MI 'GYUR RO, ,MNYAM NYID YE SHES NI RKANG MED DANG RKANG GNYIS LA SOGS PA'I SEMS CAN RNAMS SEMS TZAM MO ZHES RNAM PA GCIG TU RTOGS PA LA SPYOD BSDUS LAS GSUNGS LA, DE THIM PA NA YID SHES KYI TSOR BA GSUM DRAN PAR MI 'GYUR RO, ,CHU'I KHAMS THIM PA NA RANG GI LUS LA KHA CHU DANG RDUL DANG

GCIN DANG KHRAG DANG KHU BA SOGS SKAMS PAR 'GYUR RO, ,RNA BA'I DBANG PO THIM PA NA PHYI DANG NANG DU BCAS PA'I SGRA THOS PAR MI 'GYUR RO, ,YUL SGRA THIM PA NA RANG GI LUS KYI RNA BA'I NANG GI 'UR SGRA GRAG PAR MI 'GYUR RO, ,RKANG GNYIS LA SOGS PA'I SEMS CAN GYI DON RNAMS SO SOR DPYOD PA LA SPYOD BSDUS SU 'DU SHES SU GSUNGS LA, DE THIM PA NA SEMS CAN DE RNAMS DRAN PAR MI 'GYUR RO, ,SOR RTOG KYANG MING LA SO SOR RTOG PA SOGS LA BYED LA DE THIM PA NA MING MI DRAN NO, ,LUS KYI ME THIM PA NA BZA' BTUNG 'JU BA'I NUS PA NYAMS SO, ,SNA'I DBANG PO THIM PA NA SNA SGO'I RLUNG NANG DU SDUD PA ZHAN CING PHYIR DRAG LA RING DU 'GRO'O, ,DRI THIM PA NA RANG GI LUS KYI DRI MI TSOR RO, ,'DIR 'OD DPAG MED KYI RIGS KYI SPYAN RAS GZIGS DANG 'JAM DBYANGS GNYIS CHAD LA SNA NAM SNYING RIN 'BYUNG GI RIGS LHAG GO SNYAM NA, GZUGS NAS RNAM SHES KYI PHUNG PO'I BAR NI GTZO BO YIN LA DE DAG KYANG SNGA MA SNGA MA RAGS SHING PHYI MA PHYI MA PHRA BAS RAGS RIM NAS 'GAG GO ,DES NA PHUNG PO RE RE THIM PA NA KHAMS DANG DBANG PO DANG YUL GANG THIM PAR 'GYUR BA RNAMS PHYOGS GCIG TU MDZAD PAS NA, TSOR BA THIM PA NA SNA DBANG MI THIM ZHING 'DU SHES THIM PA NA, DE THIM PAR 'GYUR BAS NAM SNYING RIN 'BYUNG GI RIGS YIN YANG, THIM RIM GYI DBANG DU MDZAD NAS PAD MA'I RIGS SU GSUNGS TE GZHAN RNAMS LA YANG DE LTAR RO, ,'DU BYED SKYI PHUNG PO THIM PA NA LUS KYI BYA BA BSGUL BSKYOD SOGS THAMS CAD LA 'JUG PAR MI 'GYUR RO, ,BYA BA SGRUB PA'I YE SHES NI GZHI DUS KYI RANG GI DGOS PA SGRUB

, ,PA YIN LA DE THIM PA NA, 'JIG RTEN PA'I PHYI'I BYA BA DANG DGAS PA DRAN PAR MI 'GYUR RO, ,RLUNG GI KHAMS THIM PA NA SROG LA SOGS PA'I RLUNG BCU RANG GI GNAS NAS 'PHO'O, ,'DIR LUS DBANG THIM DGOS SHING REG BYA'I BYA BA BYED PA'I NGES PAR RGYU BA'I RLUNG THIM PAR GSUNGS PAS MIG LA SOGS PA BZHI THIM PA'I DUS DER YUL BZHI THIM PAR GSUNGS PA LTAR REG BYA YANG THIM DGOS SO, ,LCE'I DBANG PO THIM PA NA LCE SBOM PA DANG THUNG BA DANG LCE'I RTZA BA SNGON POR 'GYUR RO, ,RO'I YUL THIM PA NA RO DRUG NYAMS SU MI MYONG NGO, ,STENG 'OG CES SOGS KYIS RDO RJE'I RIGS RNAM SHES KYI PHUNG PO'I 'OD GSAL DU 'JUG TSUL STON LA, STENG 'OG GI KHRO BO NI SPYI GTZUG DANG RKANG MTHIL LA BKOD PA GNYIS TE SHIN TU DANG BCAS PA GNYIS NI SKABS GZHAN DU YANG DAG PA DANG LDAN PAR GSUNGS PA DANG DON 'DRA BA YIN GYI BCAS PA'I SGRAS REG RDO RJE MA STON PA MIN NO, ,RANG BZHIN GYI NI SNANG BA NYID CES PA NI RTOG PA RANG BZHIN BRGYAD CU DANG RTOG MED KUN TU SNANG BA GSUM MO, ,RNAM SHES PHUNG POR ZHUGS PA NI RANG BZHIN SNANG BA LA THIM ZHING SNANG BA GSUM YANG RIM PA BZHIN SNGA MA PHYI MA LA THIM PA'O, ,DER MA ZAD RNAM SHES NYER THOB KYANG 'OD GSAL BAR 'JUG GO ,DE'I MING GI RNAM GRANGS STON PA NI MYA NGAN LAS 'DAS PA DANG KUN TA THAMS CAD STONG PA DANG CHOS KYI SKUR YANG RGYUD LAS BSHAD PA YIN NO, ,BCAS PA'I SGRAS NI THAMS CAD STONG PA TZAM GYI SGRA 'JUG PA MA YIN PAR STON PA'O, ,'O NA RNAM SHES KYI SKABS SU SKABS GZHAN BZHIN DU PHUNG PO LA SOGS PA LNGA MI STON

PA CI ZHE NA, NAM MKHA' LA GNYIS LAS BU GA NAM MKHA' NI GZUGS KYI SKYE MCHED YIN PAS LNGA TSAN DANG PO'I SKABS YIN LA 'DUS MA BYAS KYI NAM MKHA' NI THIM NAS 'GRO RGYU'I KHONGS SU MI GTOGS PAS 'DIR MA BSHAD DO, ,CHOS KYI SKYE MCHED KYI PHUNG PO BAR PA GSUM NI SKABS GONG MAR BSHAD ZIN LA NAM MKHA' LA SOGS PA'I 'DUS MA BYAS NI SNGAR BSHAD PA LTAR YIN PAS CHOS KYI KHAMS NI 'OD GSAL DU THIM PAR 'GYUR BA'I KHONGS SU MA BGRANGS SO, ,CHOS KYI DBYINGS KYI YE SHES NI SGO GSUM GYI SGRIB PA DAG CING LAS NYON LAS GROL TE DGE MI DGE'I RNAM RTOG GI BAG CHAGS SBYANGS PA LA SPYOD BSDUS SU GSUNGS PA TSANG BA SKABS 'DIR MED KYANG LAS DANG NYON MONGS YONGS SU SBYONG BA'I RNAM SHES YOD PAS TSANG LA YID KYI DBANG PO NI 'DIR SNANG BA GSUM PO'O, ,'DIR GZHI'I 'CHI RIM DANG RDZOGS RIM GYI 'OD GSAL DU 'JUG TSUL GNYIS THUN MONG DU BSHAD PA NI, RE RE ZUNG RE TZAM MA GTOGS PA SEMS CAN THA MAL PAS 'CHI BA'I 'OD GSAL MNGON DU BYED PA'I SKABS KYI 'CHI RIM JI 'DRA BA DE 'DRA BA CIG RNAL 'BYOR GYI STOBS KYIS MNGON DU BYAS PA'I SKABS SU 'OD GSAL MNGON DU BYED PA RTOGS PAR BYA BA'I PHYIR YIN LA, 'DI NI 'PHAGS PA YAB SRAS KYI CHOS SKAD THUN MONG MA YIN PA STE, DE'I GNAD KYIS SGYU MA'I LONGS SKU SGRUB PA YANG BAR DO JI BZHIN DU SGRUB PA YIN NO, ,GZHUNG 'DI DAG LHAG MOS 'OD GSAL DU SDUD PA'I SKABS SU YANG GSUNGS PAS, RDZOGS RIM GYI NUS PA STOBS CAN MA THOB PAS KYANG SGRUB THABS

, ,THUN BZHIR BSGOMS PA LA BRTEN NAS 'CHI BA LA NYE BA'I THIM RIM RNAMS BYUNG BA'I TSE DE RNAMS NGO SHES PAR BYAS NAS LHAG MOS 'OD GSAL DU SDUD PA'I GDAMS NGAG GOMS PAR BYAS NA'ANG KHYAD PAR SHIN TU CHE BAR SHES PAR GYIS SHIG ,LE'U BDUN PA'I MTHA' GCOD DO,, ` ,,DGONGS PA LUNG STON LAS, BYOL SONG LAS KYANG RAB TU BRTAG ,CES PA MI 'BYUNG BAR, RNYED NAS MI YI SKYE GNAS BRTAG ,CES 'BYUNG BA NI 'DI LA RGYA DPE MA DAG PA LAS BSGYUR BA'I 'GYUR SKYON MANG DU YOD PAS MA DAG PA 'DRA'O, ,'GREL PAR BSGRUB PA'I THABS LAS 'BYUNG BA'I RIM GYIS ZHES SOGS KYI SKABS SU RNAL 'BYOR DANG PO GSUM DANG PHYAG RGYA 'DU BYAS NAS SNYOMS PAR ZHUGS TE, DKYIL 'KHOR RGYAL MCHOG SKYED PA MCHOD PA DANG BCAS PA BYA BAR GSUNGS PA NI, SNGAR DKYIL 'KHOR DNGOS SU BRI BAR GSUNG PA'I RDUL TSON GYI DKYIL 'KHOR SGRUB PA'I SNGON DU SGRUBS THABS JI TZAM ZHIG BSGOM PAR BYA BA STON PA YIN LA, DE YANG DKYIL 'KHOR RGYAL MCHOG YAN CHAD MCHOD BSTOD DANG BCAS PA BYAS NAS DKYIL 'KHOR BSGRUB PA'O, ,'DI LTAR BSHAD PA 'DI 'GREL PA'I SKABS GZHAN DANG 'DI SKOR GYI GZHUNG KHUNGS THUB GZHAN DU YANG GSAL BAR MI 'BYUNG BAS RDUL TSON DANG BSAM GTAN GYI DKYIL 'KHOR SGRUB PA'I SKABS GZHAN DU YANG SHES PAR BYA'O, ` ,'PHAGS PA'I MDO BSRE LAS, NAM MKHA'I DBYINGS KYI DBUS GNAS NA, ZHES PA LHAG MOS 'OD GSAL DU BSDUS PA LA SBYAR ZHING, YE SHES RGYA MTSO BSGOM

PAR BYA, ,ZHES PA YE SHES RGYA MTSO'I GZUGS YONGS SU GYUR PA LAS, NYI MA'I DKYIL 'KHOR BSGOM PAR BYA BA LA SBYAR BA DANG, YANG BSDU BA DAG KYANG RAB TU BYA, ZHES PA 'BYUNG BZHI'I DKYIL 'KHOR 'DRES PA LAS RDO RJE'I SA BSKYED PA LA SBYAR BA DANG, GZHUNG DE RNAMS 'GREL PA'I BSHAD PA GNYIS SBYAR SA MI MTHUN PA YOD KYANG, RDO RJE'I TSIG RE LA DON MI 'DRA BA MANG DU YOD PAS MI 'GAL LO, ,SA PHYOGS GTZANG ZHING ZHES PA NAS KHU BA BLANGS NAS BZA' BAR BYA, ZHES PA'I BAR LA LUNG STON LAS NGES DON GYI BSHAD PA MANG DU GSUNGS PA RNAMS LA, GANG ZHIG RLUNG NI BCUR SGRAGS PA, ZHES SOGS DRANGS PA MA GTOGS PA, GZHAN RNAMS KYI NGES DON GYI BSHAD PA 'GREL PAR MA MDZAD PA NI KHA CIG GO SLA BA DANG, KHA CIG LA TSIG DNGOS SU MA DRANGS KYANG DON BSHAD 'DUG PA DANG, ME TOG GI NGES DON GYI BSHAD PA DRANGS PA'I NANG DU GZHAN MANG PO ZHIG 'DUS SNANG BA LA DGONGS NAS MA DRANGS SHING LOGS SU MA BSHAD DO, ,LE'U BRGYAD PA'I MTHA' GCOD DO,, ` ,,GTZUB SHING DANG GTZUB STAN ZHES SOGS KYI SKABS SU BSHAD RGYUD LUNG STON LAS, DE NAS ME YANG 'BYUNG MOD KYI, ,GTZUB SHING LA SOGS RE RE NAS, ,'DI LTAR SO SOR BRTAGS NA GO ,ME DE GANG NA'ANG MI GNAS SO, ,BRAG CHA DANG NI GZUGS BRNYAN DANG, SGYU MA DANG NI SMIG RGYU DANG, ,DE BZHIN CHU ZLA RMI LAM STE, ,CHOS RNAMS THAMS CAD DE DANG 'DRA, ,MGON PO PI Wm SGRA LTA BUR, ,RKYEN DON LAS GCIG YANG DAG BYUNG, ,DE BZHIN 'GRO 'ONG GNAS PA RNAMS, ,CUNG ZAD TZAM YANG YONG MA YIN, ,GNAS

, ,MED GNAS PA'I SBYOR BA YIS, ,GNAS PA NAM MKHA'I MTSAN NYID YIN, ,DES NA KHYOD KYI RDO RJE YI, ,DAM TSIG RJES SU RIG PAR BYA, ,DE LTAR CHOS RNAMS DNGOS MED CES, ,GSANG BA'I DE NYID DON MKHAS PAS, , RNAM PAR SMIN PA LDOG BYA'I PHYIR PHUNG PO DE BZHIN GSHEGS PAR GSUNGS, ,ZHES SGYU MA LA SOGS PA'I DPE LA BRTEN NAS CHOS THAMS CAD KYANG RANG GANG LA BRTEN PA'I RGYU DANG RKYEN LA BRTEN NAS 'BYUNG BA DANG, DE KHO NA NYID KYI DON LA SPYOD PA'I RIGS PAS DPYAD NA CUNG ZAD KYANG MI RNYED PAR GSUNGS LA, DE YANG MGON PO ZHES PA'I RKANG BA BZHIS, PI Wm GI SGRA LA SOGS PA'I 'BRAS BU GCIG RGYU DANG RKYEN LA BRTEN NAS 'BYUNG BA'I GTAN TSIGS DANG, SGYU MA LA SOGS PA'I DPE LA BRTEN NAS 'GRO BA DANG 'ONG BA DANG GNAS PA RNAMS CUNG ZAD TZAM YANG NGO BO NYID KYIS GRUB PA YOD PA MA YIN NO ZHES BSTAN NO, ,GNAS MED GNAS PA ZHES PA'I RKANG PA GNYIS KYIS NI MTSAN MAR 'DZIN PA'I DMIGS GTAD KYI TSUL GYIS GNAS PA MED PA'I MTSAN MED LA GNAS PA'I RNAL 'BYOR LA, GNAS PA NI NAM MKHA' LTA BU'I STONG PA NYID SGOM PAR BSTAN NO, ,DE LTAR CHOS RNAMS ZHES PA'I RKANG PA BZHIS NI THEG PA BLA NA MED PA'I GSANG BA'I DE KHO NA NYID KYI DON LA MKHAS PAS CHOS RNAMS DNGOS PO STE RANG BZHIN MED PA'I 'OD GSAL SGOM PA NI, RNAM PAR SMIN PA'I LUS THA MAL PA LOG NAS RLUNG SEMS TZAM LAS GRUB PA'I DAG PA'I SGYU MA'I SKU SGRUB PA'I PHYIR DU YIN LA, PHUNG PO LNGA DE BZHIN GSHEGS PA LNGAR GSUNGS PA'I NGES DON KYANG DE LA BRTEN NAS SHES PAR BYA BAR BSTAN

TE, 'DIS NI 'GREL BAR THEG PA GZHAN DANG, THUN MONG DU MA GYUR PA'I RDO RJE'I SKU SGRUB PA'I THABS, GTZUB SHING DANG ZHES SOGS KYIS STON PAR GSUNGS PA GSAL BAR BSTAN NO, ,LE'U DGU PA'I MTHA' GCOD DO,, ` ,,SGRUB PA MCHOG DANG THA MAL PA LA GNAS SHING ZHES PA'I SKABS SU, RDZOGS RIM PAS SPYOD PA BYAS KYANG DNGOS GRUB MA RNYED NA SNYING PO BSKUL BA'I TSUL NI 'OG TU 'CHAD PAR 'GYUR BAS 'DIR BSKYED RIM PAS SPYOD PA BYAS KYANG DNGOS GRUB PA'I TSUL BSHAD PAR BYA'O, ,'DI LA BLA MA SNGA MA RNAMS NA RI ? BSKYED RIM PA'I NANG DANG, SNGAGS LA MCHOG TU GZHOL BA'I 'BRU GSUM NGAG TU ZLOS PA'I RDOR BZLAS BYED PA LA DNGOS GRUB MI 'GRUB PA MI SRID PAS SNYING PO BSKUL BA MI DGOS SO, ,DES NA DRAN PA GCIG PA'I TING NGE 'DZIN MTHAR PHYIN NAS RTOG PA'I RNAL 'BYOR GYIS 'PHRENG SNGAGS SAM, MTSAN SNGAGS KYI BZLAS PA MTHAR PHYIN PAR BYAS SHING, SPYOD PA GSUM GANG RUNG LA GOMS PA NYAMS 'OG TU TSUD PA'I RNAL 'BYOR PAS ZHI SOGS KYI DNGOS GRUB DBANG PO RNON POS ZHAG BDUN DANG, 'BRING POS ZLA PHYED DANG, THA MAS ZLA BA PHYED DANG GNYIS KYI BAR BSGRUBS KYANG 'GRUB PAR MA GYUR NA, CHO GA DE NYID KYIS LAN BDUN DU SPOGS PA'I CHO GA BYA, NGES KYANG MA GRUB NA SNYING PO BSKUL BA BYA'O, ,DE YANG PHYOGS GCIG LA MTSON NA RNAM SNANG GI RNAL 'BYOR PAS DRAN PA GCIG PA'I TING NGE 'DZIN NYAMS 'OG TU CHUD PAR BYAS TE, MTSAN SNGAGS SAM RU RU SPHU RU LA SOGS PA'I PHRENG SNGAGS 'BUM PHRAG GCIG ZLA ZHING, SNGAGS DES SBYIN SREG KHRI PHRAG GCIG BYAS PAS LHA MNYES SHING TSIM PAR BYAS

, ,NAS, ZLA BA DRUG TU SPYOD PA BYAS PA'I MTHAR RNAM SNANG GI RNAL 'BYOR GYIS LE'U BCU BZHI PA NAS BSHAD PA LTAR SPYAN MA'I SGO NAS NAD ZHI BA'I LAS BSGRUB, DES MA GRUB NA CHOG GA DE NYID LAN BDUN GYI BAR DU BSKYAR BA'I SPOGS CHOG BYA, DES KYANG MA GRUB NA SNYING PO BSKUL BA BYA ZER RO,, ` ,,RANG GI LUGS NI RGYUD 'GREL DU BSKYED RIM PA LA NANG LA GZHOL BA DANG, SNGAGS LA GZHOL BA'I LAS SGRUB TSUL GNYIS BSHAD PA NI, AA BA TA RA LAS, DE BAS NA KHYAD PAR DU TING NGE 'DZIN LAS BYUNG BA'I DNGOS GRUB 'DOD PA'I RNAL 'BYOR PAS DANG POR RDO RJE PHRA MO BSGOM PAR BYA BAR NGES SO, ,ZHES GSUNGS PA LTAR, PHYI'I BZLAS BRJOD SOGS LA MI LTOS PAR NANG GI TING NGE 'DZIN NYID KYIS DNGOS GRUB CHEN PO RNAMS 'GRUB PA NI RAGS PA'I LHA'I RNAL 'BYOR MTHAR PHYIN PA'I STENG DU PHRA MO'I RNAL 'BYOR MTHAR PHYIN PA LA LTOS SO, ,DES NA PHRA MO'I RNAL 'BYOR MTHAR MA PHYIN ZHING RAGS PA'I RNAL 'BYOR MTHAR PHYIN PAS DNGOS GRUB SGRUB PA LA, SNGAGS LA GZHOL BA'I SGO NAS DNGOS GRUB SGRUB PA BZHAG GO ,DE LA 'DIR BSKYED RIM PAS SPYOD PA NYAMS 'OG TU CHUD PAR BYAS KYANG DNGOS GRUB MA GRUB NA SNYING PO BSKUL DGOS PA NI RNAL 'BYOR PA SNGA MA MIN GYI PHYI MA SNGAGS LA GZHOL BA YIN LA, DE YANG DE THAMS CAD LA MIN GYI DE'I KHYAD PAR 'GA' ZHIG LA DGONGS TE, LE'U 'DI NYID KYI 'GREL PAR YANG, SNYING PO BSKUL BA DE SNGAGS LA GZHOL BA LA GSAL BAR GSUNGS SO, ,LE'U BCU BZHI PA LAS, 'GOG PA RDO RJE'I RGYAL PO NI, ZHES PA'I RKANG PA BZHIS SNGAGS KYI BZLAS PA'I DNGOS GRUB KUN YI GE GSUM BZLAS BAS 'GRUB CES

PA NI NGAG GI BZLAS PA MIN ZHING RLUNG GI RDOR BZLAS LA 'GREL PAR SHIN TU GSAL ZHING BSKYED RIM PA'I RDOR BZLAS KYANG NGAG BZLAS MIN GYI RDO RJE'I TSIG SGRA SPANGS PA'I YID BZLAS LA BYED PA YIN NO, ,DES NAS SNGA MA RNAMS KYIS BSKYED RIM PAS SNYING PO BSKUL DGOS MI DGOS KYI RNAM DBYE BYAS PA NI 'THAD PAR MA MTHONG NGO,, ` ,,SPYOD PA BYAS KYANG MA GRUB PA'I TSUL NI, RGYUD PHYI MA LAS, JI SRID MTHONG BA DE SRID DU, ,RNAM GNYIS ZLA BA DRUG TU BSGOM, ,'DOD PA KUN LA LONGS SPYOD PAS, ,THAMS CAD DU NI RTAG TU BYA, ,GAL TE ZLA BA DRUG GIS NI, ,JI SKAD GSUNGS PA MA MTHONG NA, ,JI SKAD BSHAD PA'I CHO GA DANG, ,SDOM PA LAN GSUM BRTZAM PAR BYA, ,DE LTAR BYAS KYANG SGRUB PA POS, ,MTHONG BA 'BYUNG BAR MA GYUR CIG, ,GANG TSE BYANG CHUB MA GRUB NA, ,DRAG SHUL SBYOR BAS BSGRUB PAR BYA, ,DE TSE DE YI YE SHES NI, ,'GRUB PA NGES PAR NYE BAR 'GYUR, ,RIGS KYI DBYE BA'I SBYOR BAS NI, ,RDO RJE PHUR BUS PHUR BU GDAB, ,DE NAS DBANG DU BYA BA DANG, ,BSRUNG BA'I SBYOR BA DAG KYANG BYA, ,ZHES GSUNGS PA LTAR SHES DGOS SO, , DE LA JI SRID RNAM GNYIS MTHONG BA DE SRID DU ZHES SBYAR TE, RNAM GNYIS NI RIM GNYIS SO SO'I DNGOS GRUB BO, ,'DOD PA KUN LA ZHES PA GNYIS KYIS ZLA BA DRUG TU SPYOD PA BYA BAR BSTAN NO, ,JI SKAD GSUNGS PA NI RGYUD NAS BSHAD PA'I DNGOS GRUB GNYIS SO, ,JI SKAD BSHAD PA'I CHO GA NI SPYOD PA BYED TSUL JI SKAD BSHAD PA'O, ,SDOM PA ZHES PA NI DE'I SKAD DOD Sm BA RA'I Sm Mm SHm BDE BA DANG, BAR MCHOG GO ,DE CHO GA ZHES PA'I KHYAD PAR DU SBYAR BA NI SPYOD PA LA BRTEN NAS BDE STONG SGOM PA'O, ,LAN

, ,GSUM BRTZAM PAR BYA ZHES PA NI ZLA DRUG PA LAN GSUM DU BYA ZHES PA'O, ,SNGAR SPYOD PA ZLA BA DRUG BYAS PA'I RJES SU SPOGS CHOG ZLA BA DRUG PA GNYIS TE, SPYOD PA ZLA BA BCO BRGYAD DU BYED PA NI RNAM GNYIS ZHES GSUNGS PAS NA, RIM PA GNYIS KA LA RGYUD PHYI MA'I 'GREL PAS SBYAR BA LTAR BYA DGOS LA, 'GREL PAS LE'U 'DI'I MTSAMS SBYOR DU GSUNGS PA YANG RGYUD 'DI'I DGONGS PA'O, ,SPOGS CHOG BYED TSUL DE LTAR YIN PAS NA SNGA MA RNAMS NAD ZHI BA SOGS SGRUB PA'I CHO GA DE NYID LAN BDUN DU SBYOR BA SPOGS CHOG TU 'DOD PA NI DON MA GO BA'I BSHAD PA'O, ,DE LTAR BYAS KYANG SGRUB PA PO LA MTHONG BA BYUNG BAR MA GYUR PA NI BSKYED RIM GYI DNGOS GRUB YIN LA, BYANG CHUB MA GRUB NA ZHES PA'I BYANG CHUB LA GNAS SKABS DANG MTHAR THUG GI BYANG CHUB GNYIS YOD DO, ,SPYOD PA BYED THEBS GSUM GYIS MA GRUB PA LA DRAG SHUL GYI SBYOR BA BYAS NA, DE'I TSE SGRUB PA PO DE'I DNGOS GRUB KYI YE SHES NI 'GRUB PA NGES PAR NYE BAR 'GYUR RO, ,DRAG SHUL GYI SBYOR BA JI LTAR BYA BA NI RIGS KYI ZHES PA'I RKANG PA GNYIS KYIS STON TE, 'DI NI LE'U BCU BZHI PA LAS RNAL 'BYOR PAS PHYAG RGYA GSUM GYI CHOS 'BYUNG DU BSAM GTAN GYI PHUR GDAB BYA BAR GSUNGS PA LTAR, LHA LA BYED PA YIN PAR BSHAD DO, ,RGYUD PHYI MA'I 'GREL PAR DRAG SHUL GYI SBYOR BA DE TZAM GCIG LAS MA BSHAD KYANG LE'U 'DIR YE SHES SEMS DPA' RNAMS KYI THUGS KAR LCAGS KYUS BRDABS NAS DE DAG GI NUS PA 'GUGS PA YANG DRAG SHUL GYI SBYOR BAR BYAS NA SGRON GSAL GYI DGONGS PA DANG MTHUN

ZHING SHIN TU LEGS SO, ,DE NAS DBANG DU ZHES PA GNYIS KYIS NI SNYING PO BSKUL BA'I 'OG TU LAS TSOGS RNAMS BYA BAR BSTAN NO, ,BSKYED RIM PA'I DNGOS GRUB MA GRUB PA'I TSUL NI NAD LA SOGS PA ZHI BA LA SOGS PA'I DNGOS GRUB PHRAN TSEGS LA MI BYA'I THUN MONG GI DNGOS GRUB CHEN PO RNAMS DBANG PO'I RIM PAS ZHAG BDUN LA SOGS PAR 'GRUB PAR GSUNGS PA BZHIN DU MA GRUB PA LA BYA'O,, ` SPYAN RAS KYIS MI 'TSO STE, ZHES SOGS KYI SKABS SU GSUNGS PA'I SPYAN RAS KYIS 'TSO MI 'TSO NI, LHA MNGON DU PHYOGS PA DANG, RGYAB KYIS PHYOGS PA ZHES GRAGS PA YIN LA DE GNYIS KYI DON YANG DNGOS GRUB KHYAD PAR CAN RNAMS JI SKAD GSUNGS PA LTAR 'GRUB PAR RANG GI LHAS MNGON SUM DU BYIN GYIS RLOB PA DANG MI RLOB PA YIN NO, ,DE YANG RANG GI LHAS THUGS BRTZE BA CHEN POS MI DGONGS PA MIN MOD KYANG, DE LTAR DU BYIN GYIS RLOB PA'I RGYUR GYUR BA'I RANG GI RGYUD LA MNGON PAR RTOGS PA'I YON TAN SKYES PA DANG MA SKYES PA LA RAG LAS SO, ,DES NA 'GREL PA LAS SNGAGS KYI SPYOD PA'I TSUL GYIS CHOS RDZOGS PAR GYUR PA NI PHYIR BYUNG BAR GYUR PA'O, ,ZHES SPYAN RAS KYIS MI 'TSO BA'I RGYU MTSAN DU, DE KHO NA NYID KYI CHOS LAS PHYIR BYUNG BAR GSUNGS LA, KYE MA DPA' BO BCOM LDAN 'DAS, ,RANG GTZO GSANG SNGAGS SPYOD TSUL MCHOG ,CHOS BDAG MED PA'I RANG BZHIN CAN, ,'DI DAG RDZOGS PAR GYUR SNYAM NAS, ,SPYAN RAS KYIS NI 'TSO MI MDZAD, ,CES LUNG STON LAS KYANG CHOS KYI BDAG MED PA RTOGS PA'I CHOS LA GSUNGS SO, ,DE LAS PHYIR BYUNG TSUL NI, 'DUS PA BA MANG POS BDAG DANG LHA DANG ?

, ,THA DAD DU ZHEN PAS, MOS PA LAS BYUNG BA'I MI DMIGS PAS MA ZIN PAR DNGOS GRUB BSGRUBS PA YIN ZHES ZER BA NI, 'DI SNGAR BSHAD PA LTAR SPYOD PA BYAS KYANG MA GRUB PA LA GSUNGS PA'I SPYOD PA BYED PA'I DON MA SHES PAR SNANG STE, SPYOD PA BYED PA NI PHYAG RGYA LA BRTEN NAS DRANGS PA'I LHAN SKYES KYI BDE BA DANG, DE KHO NA NYID KYI LTA BA GNYIS GCIG DRIL DU BYAS NAS SKYONG BA YIN PA'I PHYIR RO, ,DE 'DRA BA'I BSKYED RIM PAR MA ZAD RGYUD SDE'I DGONGS PA BZHIN DU SHES NAS BSKYED RIM SGOM PA CIG YIN NA, BSKYED RIM GYI TING NGE 'DZIN DANG POR RGYUD LA BSKYED PA'I SKABS NAS KYANG, LHA'I SKU SNANG LA RANG BZHIN MED PA SGYU MA LTA BUR LAN DU MAR SGOM PAR BYED PA YIN TE, SPYAD BSDUS LAS, BSKYED PA'I RIM PA LA GNAS PA'I SGOM PA PO RNAMS KYANG, CHOS THAMS CAD SGYU MA LTA BU DANG RMI LAM LTA BU DANG, GZUGS BRNYAN LTA BU ZHES DPER BRJOD CING LHAG PAR MOS, ZHES GSUNGS PA'I PHYIR DANG, LHA SGOM PA'I SNGA ROL DU, SVA BH'A BA LA SOGS PAS STONG PAR SBYONG BA YANG, DNGOS PO MED PAS BSGOM PA MED, ,CES PA'I RKANG PA BZHI'I DON YIG DON DANG SPYI DON DU BSHAD PA LTAR DBU MA'I LTA BA LEGS PAR GTAN LA PHEBS PA'I DON SGOM PA YIN GYI, DE LTA BU MED BAR THA MAL GYI SNANG BA DAG PAR SGOM PA TZAM LA BYED PA MIN PA'I PHYIR RO, ,DES NA SPYIR BSNYEN PA'I DUS SU STONG NYID SGOM PA DANG, KHYAD PAR DU SPYOD PA'I DUS SU BDE STONG SBYOR BA MANG DU BSGOMS KYANG GANG ZAG GI RGYUD KYI NUS PA CHUNG BA'I STOBS KYIS RANG GI LHAS DNGOS GRUB KHYAD PAR CAN RNAMS BDE BLAG TU

'GRUB PAR DNGOS SU BYIN GYIS RLOB PA'I RGYUD TSOD DU SLEB PA'I BDE STONG GI TING NGE 'DZIN LAS PHYIR BYUNG BA LA BYA'I LHA SKU DANG 'BREL BA'I SNANG STONG GI TING NGE 'DZIN DANG BDE STONG GI TING NGE 'DZIN TZAM LAS PHYIR BYUNG BA GTAN MIN NO, ,SPYAN RAS KYIS GZIGS MI GZIGS 'DI LA LUNG STON LAS, MI BSKYOD LA SOGS PAR BRTAGS RNAMS, ,DNGOS MED GNAS LA GNAS PAS NA, ,SGRUB PA PO RNAMS GZIGS MI 'GYUR, ,GSANG SNGAGS RKYEN GYI SBYOR BA YIS, ,DE NI RDZOGS LONGS SPYOD GZIGS 'GYUR, , ZHES RIGS LNGA'I NGO BOR BRTAGS PA'I PHUNG PO RNAMS DNGOS MED KYI GNAS 'OD GSAL DU ZHUGS TE DER GNAS PA NA MI GZIGS PA DANG, GSANG SNGAGS 'OD GSAL GYI RKYEN GYIS ZUNG 'JUG LONGS SKUR BZHENGS PA SPYAN RAS KYIS GZIGS PAR BSHAD PA'I NGES DON GYI BSHAD PA GSUNGS KYANG 'DIR MA DRANGS PA NI RTZA BSHAD SBYOR BA SLA BA LA DGONGS SO,, ` ,,SNYING PO BSKUL BA'I SNGAGS YI GE GSUM GSUNGS PA DANG, DE GSUNGS PA TZAM GYIS SANGS RGYAS SRAS BCAS KUN 'DAR ZHING BRGYAL BAR GYUR ZHES GSUNGS PA LA, LUNG STON LAS, H'Um AOm A'A: DANG SV'A H'A ZHES, ,DE NAS 'DI NI GSUNGS GYUR PAS, ,SANGS RGYAS SRAS DANG BCAS PA KUN, ,DE NAS RAB 'DAR BRGYAL GYUR CING, ,RDO RJE SEMS DPA' RJES SU DRAN, ,THUB CHEN 'DIR DE JI LTA BU,, ZHES DE'I NGES DON DRIS BA'I LAN DU BDAG NYID RANG BZHIN GYIS DAG CING, RANG BZHIN DRI MA MED BYAS LA, ,DAL DANG MYUR DANG GNAS PA YI, ,SNA TSOGS DE GCIG DAG LA BZHUGS, ,ZHES DANG, GANG PHYIR RANG NI ZLOS GYUR PA, ,YI GE H'Um GI GSANG

, ,SNGAGS LNGA, ,DE TSE SNYING LAS 'DIR SKYES SHING, ,DBANG PO THAMS CAD BRGYAL BAR GYUR, ,GANG YANG PHUNG SOGS YAN LAG NI, ,SRAS BCAS SANGS RGYAS THAMS CAD DE, ,DE NYID KYIS NI GRANGS MNYAM PA'I, ,RNAL 'BYOR PA YI LUS LA 'DAR, ,ZHES YI GE GSUM GYI BZLAS PA NI, ,DAL DANG ZHES SOGS KYIS RLUNG 'JUG GNAS LDANG GSUM GYI BZLAS PA LA BSHAD CING, RTZA RGYUD LAS YI GE GSUM LAS MA BYUNG YANG, SV'A DANG H'A GNYIS BSNAN NAS SNGAGS KYI YI GE LNGA GSUNGS LA, GSANG SNGAGS LNGA BZLAS ZHES PA NI YI GE GSUM GYI BZLAS PA NYID RIN PO CHE DANG DON YOD PA'I BZLAS PA YIN PA LA DGONGS KYI YI GE GNYIS BSNAN NAS RDOR BZLAS BYED PA MIN NO, ,H'Um GIS MTSON PA'I YI GE LNGA GANG PHYIR TE GANG GI TSE RANG NYID ZLOS PAR GYUR PA DE'I TSE SNYING LAS 'DAR BA SKYE BA NI RLUNG DER BSDUS PA'I MTHUS 'DAR BA'O, ,DBANG PO THAMS CAD BRGYAL BA NI RNAM RTOG 'GAG PA'I 'OD GSAL THOB PA'O, ,DE'I TSE SANGS RGYAS LNGA'I GRANGS DANG MNYAM PA'I PHUNG PO DANG, SRAS BYANG SEMS KYI GRANGS DANG MNYAM PA'I MIG SOGS KYI DBANG PO RNAL 'BYOR PA'I LUS LA YOD PA RNAMS 'DAR BA DANG 'OD GSAL DU ZHUGS TE BRGYAL LO ZHES BSHAD DO, ,SV'A NI RIN 'BYUNG GI SA BON YIN LA YI GE GSUM GYI RDOR BZLAS DE NYID LE'U BCU GSUM PA LAS RIN PO CHE'I BZLAS PAR BSHAD DE MI SHIGS PA'I RIN PO CHE LAS 'BYUNG BA'I TSUL GYIS ZLO BA DANG 'DOD PA'I DON STER BA'I PHYIR RO, ,H'A NI DON GRUB KYI SA BON TE DE YANG BCU GSUM PA'I 'GREL PAR, RDO RJE BZLAS PA NI DON YOD PA'I BZLAS

PA'O, ,ZHES GSUNGS PA LTAR GANG GI DON DU BZLAS PA'I DON DE DES 'GRUB PAR BYED PAS DE LA DGONGS NAS H'A ZHES GSUNGS SO, ,'GREL PAR SNYING PO BSKUL BA'I SNGAGS GSUM RDOR BZLAS YIN MIN GSAL BAR MA BSHAD KYANG DGONGS PA LUNG STON DANG, RIM LNGAR YI GE GSUM PO 'DI RDOR BZLAS KYI YI GE GSUM LA BSHAD PA LTAR, BSKYED RIM PA'I SNYING PO BSKUL BA'I SKABS SU YANG YI GE GSUM ZLA BA RDOR BZLAS LA BYAS NA LEGS TE, 'GEG PA RDO RJE'I RGYAL PO NI, ZHES PA'I 'GREL PAR YI GE GSUM GYI RDOR BZLAS KYIS SPYAN MA DANG, GSHIN RJE GSHED LA SOGS PA'I SNGAGS THAMS CAD KYIS DNGOS GRUB SGRUB PA RING POR MI THOGS PAR 'GRUB PAR GSUNGS PA'I PHYIR DANG, LE'U BCU GSUM PA LAS KYANG, RDO RJE BZLAS PA'I SBYOR BA YIS, , SANGS RGYAS KUN GYIS BYIN GYIS RLOB, ,CES GSUNGS SHING, NGAG GIS SNGAGS BZLAS PA THAMS CAD KYI BOGS 'DON PA'I MCHOG YIN PA'I PHYIR RO,, ` 'GREL PA MDZAD PA'I MDO BSRE LAS, NAM MKHA'I DBYINGS KYI DBUS GNAS PA, ZHES PA'I RKANG PA BZHI DANG, 'PHAGS PA'I MDO BSRE LAS, NAM MKHA'I DBYINGS KYI DBUS GNAS PAR, ,ZHES PA NAS, SKU GSUNG THUGS KYI RDO RJE 'DZIN, ,ZHES PA'I BAR RNAMS SGRUB THABS KYI MJUG TU, ,SEMS CAN THAMS CAD RDO RJE 'CHANG DU BYAS PA RANG LA NYE BAR BSDU BA LA SBYAR BA DANG, 'GREL PA'I BSHAD PA GNYIS DON GCIG TU MA BYUNG YANG MI 'GAL BA NI SNGAR LTAR SHES PAR BYA'O,, ` RDZOGS RIM PAS SPYOD PA NYAMS 'OG TU CHUD PAR BYAS KYANG DNGOS GRUB MA GRUB

, ,NA SNYING PO BSKUL BAR GSUNGS PA LA SNYING PO BSKUL DGOS PA'I RDZOGS RIM PA GANG YIN, SPYOD PA BYAS KYANG DNGOS GRUB MA GRUB PA'I TSUL JI LTAR YIN SNYAM NA, RDZOGS RIM PA'I SPYOD PA BYED PA 'DI LA SKABS GSUM YOD PA LAS, SEMS DBEN THOB NAS SGYU LUS SGRUB PA'I SKABS SU SNYING PO BSKUL BA MIN LA, RIM PA GSUM PA'I SGYU LUS THOB NAS SLOB PA'I ZUNG 'JUG SGRUB PA'I SKABS SU SPYOD PA BYAS KYANG ZUNG 'JUG MA GRUB NA SNYING PO BSKUL BA NI LE'U 'DI'I SKABS SU GSAL LA RGYUD PHYI MA'I 'GREL PAR N'A RO PAS SDOM PA LAN GSUM BRTZAM PAR BYA ZHES PA NI ZLA BA BCO BRGYAD DU SPROS PA GSUM GYI SPYOD PA SPYAD PAR BYA'O, ,DES KYANG BLA NA MED PA'I BYANG CHUB MA GRUB NA DRAG SHUL GYI CHO GA BSTAN PA'I PHYIR, ZHES GSUNGS SHING, RGYUD PHYI MA NYID LAS KYANG, GANG TSE BYANG CHUB MA GRUB NA, ,DRAG SHUL SBYOR BAS BSGRUB PAR BYA, ,ZHES KYANG GSUNGS PAS, SLOB PA'I ZUNG 'JUG THOB NAS MI SLOB PA'I ZUNG 'JUG GI DON DU SPYOD PA BYAS KYANG MCHOG MA GRUB NA SNYING PO BSKUL BA YIN NO,, ` ,,DNGOS GRUB MA GRUB PA'I TSUL NI, SPYOD BSDUS LAS, SPYOD PA RNAM PA GSUM ZLA BA PHYED DAM, ZLA BA GCIG GAM, ZLA BA DRUG BSLABS PAR GYUR PAS, PHYAG RGYA CHEN PO'I DNGOS GRUB THOB PA'I MTSAN MA NYE BAR 'BYUNG BAR 'GYUR TE ZHES DBANG PO'I RIM PAS DUS TSIGS GSUM PO DER SPYOD PA BYAS PAS GZUGS PHRA BA DANG, RAG PA YANG BA LA SOGS PA DBANG PHYUG GI YON TAN BRGYAD KYI MTSAN MA 'BYUNG BAR GSUNGS PA LA DE LTAR DU MA

BYUNG NA SNYING PO BSKUL BA YIN NO, ,SGYU LUS KYI SKABS SU NI RGYUD PHYI MA LAS GSUNGS PA LTAR SPYOD PA ZLA BA DRUG BYAS KYANG SLOB PA'I ZUNG 'JUG MA GRUB NA SNYING PO BSKUL DGOS SO, ,DE'I TSUL NI SPOGS CHOG ZLA BA DRUG TSAN GCIG GAM YANG NA DRUG TSAN GNYIS SU SPYOD PA LA BRTEN NAS BSAM GTAN GNYIS KYIS SGYU MA'I SKU 'OD GSAL DU 'JUG PA LA GOMS PAR BYED PA DANG, LHA LA DRAG SHUL GYI SBYOR BA BYED PA NYID SNYING PO BSKUL BAR MNGON NO, ,'DI LA NI ZUNG 'JUG MA GRUB PAS ZUNG 'JUG SGOM PA'I SNYING PO BSKUL BA 'ONG DON MED PAS, SNGAGS KYI SKYES BU JI SNYED PA, ZHES PA'I RKANG BA BZHIS, GANG GI DON DU SNYING PO BSKUL BA'I SLOB PA'I ZUNG 'JUG BSTAN PA YIN TE, LE'U 'DI NYID KYI 'GREL PA LAS, DE NAS GRUB PAR GYUR NA CI ZHIG BYA ZHE NA, ZHES PA'I LAN DU, DON DAM PA'I BDEN PA LA ZHUGS PA'I 'OG TU, BDEN PA GNYIS KYI BDAG NYID CAN GYI RANG GI PHYAG RGYA CHEN PO BSKYED LA, ZHES PA DANG, RDO RJE GSUM PO MKHA' 'DRA PA'I, ,BYANG CHUB 'DI YIS 'THOB PAR 'GYUR, ,ZHES PA'I 'GREL PAR ZUNG 'JUG GI SBYOR BA 'DI YIS BYANG CHUB 'THOB PAR 'GYUR BAR GSUNGS PA'I PHYIR RO, ,DES NA 'GREL PA LAS, RIG MA'I DBANG PHYUG CES BYA BA LA SOGS PAS NI DBANG PO GNYIS KYI SBYOR BA'I THABS GSUNGS PA YIN TE, ZHES SHES RAB KYI PHA ROL TU PHYIN PA 'OD GSAL DU ZHUGS PAS, PHUNG SOGS MI SNANG BAR BYAS PA 'DI NYID ZUNG 'JUG SGRUB PA'I THABS SU GSUNGS SHING, DE YANG SPOGS CHOG GI SPYOD PA LA BRTEN NAS BYED PA YIN LA DE NYID SNYING PO BSKUL BAR BSHAD PA'I PHYIR TE, RGYUD PHYI

, ,MA'I 'GREL PA LAS, SEMS DE YE SHES GZUGS ZHES PA NI RDZOGS PA'I RIM PAS RANG GI LHA BSKUL BA STON NO, ,PHUNG PO LA SOGS PA RNAMS SHES RAB KYI PHA ROL TU PHYIN PAS MI SNANG BAR BYAS NAS THA MAR KUN RDZOB DANG DON DAM PA'I BDEN PAS GCIG TU BYAS LA ZUNG DU 'JUG PA BSGOM PAR BYA BA NI NYE BAR SGRUB PA STE LE'U BCU PA'I DON STON PA YIN NO, ,ZHES 'OD GSAL DU 'JUG PA RANG GI LHA BSKUL BA DANG DE BYAS PA'I MTHAR ZUNG 'JUG BSKYED PA SHIN TU GSAL BAR BSTAN NO, , SLOB PA'I ZUNG 'JUG THOB NAS SNYING PO BSKUL TSUL NI, ZLA BA DRUG TSAN GCIG GAM YANG DRUG TSAN GNYIS SU SPYOD PA BYAS PA LA BRTEN NAS 'OD GSAL THAMS CAD STONG PA YANG YANG DRANGS NAS SGOM PA YIN TE, DAG PA'I SGYU MA'I SKU NI DUS THAMS CAD DU YOD PAS GSAR DU BSKYED MI DGOS LA, 'OD GSAL MNGON DU GYUR PA NA LUS SGYU MA'I SKUR SONG BA DANG, THUGS DON DAM BDEN PA LA MNGON GSUM DU ZHUGS PA'I 'OD GSAL GYI YE SHES GNYIS NGO BO GCIG TU SKYE BAS ZUNG 'JUG LOGS SU SGOM MI DGOS PA'I PHYIR RO, ,DER MA ZAD LHA LA DRAG SHUL GYI SBYOR BA BYED PA YANG 'DIR SNYING PO BSKUL BA YIN NO, ,DES NA BOD KHA CIG RDZOGS RIM PA LA DNGOS GRUB BSGRUBS NA MI 'GRUB PA MI SRID PAS SNYING PO BSKUL MI DGOS SO ZHES PA DANG, KHA CIG GIS DE BKAG NAS RDZOGS RIM PA'I SNYING PO BSKUL BA ZUNG 'JUG SGOM PA KHO NA LA BYED PA GNYIS KAS KYANG, RGYUD PHYI MA DANG, LE'U 'DI'I 'GREL PA'I DON LEGS PAR MA RTOGS PAR SNANG BAS ZHIB TU BSHAD PA YIN NO, ,'PHAGS PA'I MDO BSRE

LAS, SNGAGS KYI SKYES BU JI SNYED PA, ZHES PA'I RKANG PA BZHI ZHI SOGS KYI LAS THAMS CAD SGRUB PA'I SKABS SU RDO RJE DANG PAD MA YANG DAG PAR SBYOR BA'I SGO NAS BSGRUB PAR BYA'O ZHES BSHAD PA DANG 'GREL PA'I BSHAD PA GNYIS DON GCIG TU MA BYUNG YANG MI 'GAL PA NI SNGAR BSHAD PA BZHIN NO, ,'GREL PAS TSIGS BCAD DE LA DGONGS BSHAD MDZAD PA NI DGONGS PA LUNG STON GYI DON DU SNANG NGO, ,LE'U BCU PA'I MTHA' GCOD DO,, ` ,,RDO RJE GSUM YIG SNGAGS KYI MCHOG ,PHYAG RGYA CHEN PO RNAM BSGOMS PA, ,BYANG CHUB THAMS CAD THOB BYA'I PHYIR, ,YE SHES RDO RJE DAG GIS BYA, ,ZHES YI GE GSUM GYIS LHA'I SKU PHYAG RGYA CHEN PO BSKYED NAS SGOM PA SGRUB PA POS BYA BAR GSUNGS PA LA, RIM PA GNYIS KYI TSUL GNYIS YOD PA LA BSKYED RIM PAS YI GE GSUM GYIS SNGAGS KYI SKU SKYED TSUL NI DKYUS NA GSAL LO, ,RDZOGS RIM PAS YI GE GSUM GYIS YE SHES KYI SKU'I PHYAG RGYA CHEN PO SKYED TSUL NI, LUNG STON LAS, DE NI 'JUG SOGS GNAS NYID DANG, ,LDANG BA BDAG TU RAB BSHAD PA, ,NYI SHU LNGA SOGS MING CAN GYI, ,SKYES BU'I GZUGS SU 'DI 'GYUR RO, ,DE BAS RE RE 'ANG GSUM NYID DE, ,RDO RJE GSUM SNGAGS NYID DU 'GYUR, ,BRJOD MED SA BON BRGYAD PA LAS, ,DE YI NAM MKHA' LAS BRGYAR 'GYUR, ,BRGYA PHYED RLUNG NI GCIG PU LAS, ,DE LAS NGES PAR NYI SHU LNGA, ,SKYES BU NYID DU BYUNG BA NI, ,MGRIN BCU ZHES PA'I MING CAN DANG, ,SGRA SGROGS GSOD PA DGA' BYED 'GYUR, ,DE NAS TSANGS PA GCIG NYID GYUR, ,TSANGS PA KHYAB 'JUG DRAG PO STE, ,'JUG PA LA SOGS RIM DU BSHAD, ,'DI DAG BSNYENGS

, ,MED DE GCIG PU, ,DE NI ZHI BA DNGOS MED NYID, ,DE LAS KYANG NI YANG DAG BYUNG, ,LONGS SPYOD RDZOGS SKU DAM PA'O, ,DE LAS SNGAGS GCIG SPRUL PA LAS, ,'GRO BA'I DON GYI BYA BAR 'GYUR, ,ZHES PA 'DI RNAMS KYIS GSAL BAR STON NO, ,DE LA RKANG PA DANG PO GNYIS KYI DON NI LHA'I SKU SKYED PA DANG SKU GSUNG THUGS KYI RDO RJE GSUM THOB BYED DU BSHAD PA'I YI GE GSUM PO DE'I NGES DON NI, RLUNG GI RDO RJE'I BZLAS PAR BSHAD PA'O, ,SOGS LA BSDU RGYU GZHAN MED CING, DE'I SKAD DOD DANG PO LA'ANG BSGYUR DU RUNG BAS, DANG POR RLUNG NANG DU 'JUG PA'I AOm GYI GDANGS STON NO, ,DE NAS GNYIS KYI DON NI 'OG TU 'CHAD DO, ,DE BAS ZHES PA GNYIS KYI DON NI YI GE GSUM RDOR BZLAS LA SBYAR BA DE BAS NA DKYIL 'KHOR BZHI'I RLUNG RE RE LA'ANG LDANG 'JUG GNAS PA GSUM NYID DU BYAS PA DE NI, RDO RJE GSUM GYI SNGAGS YI GE GSUM DANG DBYER MED PA NYID DU 'GYUR RO, ,DE NAS BRJOD MED NI SNYING KHA'I MI SHIGS PA'O, ,SA BON BRGYAD PA NI YA NAS BGRANGS PA'I HA STE DE NI MI SHIGS PA'I MTSON BYED DO, ,SNYING KHA'I MI SHIGS PA DE LAS BRGYAR 'GYUR BA NI RLUNG DANG YI GE RNAMS DE LAS SKYE BA STE, RLUNG BCU LA 'OD ZER LNGA LNGA DANG LDAN PAS LNGA BCU DANG DBYANGS GSAL GYI YI GE LNGA BCU'O, ,DE'I NAM MKHA' LAS ZHES PA'I MI SHIGS PA DE GNAS PA'I RTZA'I KHONG STONG GI NAM MKHA' LAS 'BYUNG BA'O, ,BRGYA PHYED RLUNG NI GCIG PU LAS, ,ZHES PA NI YI GE LNGA BCU DOR BA'I RLUNG GCIG PU 'DZIN PA STE, GANG LA RDOR BZLAS BYA BA'I YUL GYI RLUNG SHES PA'I DON TE, KHYAB BYED LA YANG RLUNG LA DBANG THOB PA'I SKABS DANG, 'CHI

BA LA NYE BAR PHYOGS PA'I TSE MAN NGAG DANG LDAN PAS RDOR BZLAS BYED DO, ,DE LTAR RDOR BZLAS BYAS PA DE LAS SKYES BU NYID DU 'BYUNG BA NI LHA'I SKU STE DE YANG SNGAGS KYI SKYES BU'I SKU MA YIN GYI LE'U 'DI'I 'GREL PA'I MTSAMS SBYOR DU LHA'I SKU RNAM PA GNYIS GSUNGS PA'I YE SHES KYI SKU'I SKYES BU'O, ,NYI SHU RTZA LNGA ZHES PA NI GRANGS KYI BRDA TSIG STE GRANGS CAN GYIS SHES BYA NYI SHU RTZA LNGAR BYAS PA'I RTZA LNGA PA NI SKYES BU YIN PAS DE DANG MTHUN PAR MDZAD PA'O, ,DES NA RTZA RGYUD LAS, SKYES BU MCHOG CES BYA BA'I TING NGE 'DZIN LA SNYOMS PAR ZHUGS PA LA, RGYUD 'DIR NYI SHU RTZA LNGA MCHOG CES BYA'I, TING NGE 'DZIN LA SNYOMS ZHUGS NAS, ZHES KYANG GSUNGS SO, ,NYI SHU LNGA SOGS ZHES PA'I SOGS KYIS BSDUS PA NI MGRIN BCU ZHES PA DANG, SGRA SGROGS SAM 'BOD SGROGS ZHES PA BSOD PA'I DGA' BYED RAM ZHES PA DANG, TSANGS PA ZHES SOGS KYI MING GIS BTAGS PA STE, DE YANG ZUNG 'JUG GI SKYES BU NYID LA DE DAG GI MING GIS GSUNGS PA'O, ,TSANGS PA DANG KHYAB 'JUG DANG DRAG PO'I MING CAN GYI NGES DON YANG 'JUG PA PA SOGS KYI RDOR BZLAS KYI BSHAD PA 'DI DAG GOMS PAR BYAS PA LAS, BSNYENGS PA MED PA STE 'JIGS PA THAMS CAD DANG BRAL BA'I ZUNG 'JUG GI SKU STE GCIG PU 'GRUB CING, DE'I 'GRUB TSUL NI THOG MAR SPROS PA THAMS CAD ZHI BA'I DNGOS MED 'OD GSAL 'GRUB LA, DE LAS KYANG NI ZUNG 'JUG GI LONGS SKU DAM PA YANG DAG PAR 'BYUNG NGO, ,LONGS SKU DE LAS SNGAGS TE YID SKYOB PA GCIG PU'I SPRUL SKU 'BYUNG BA LAS 'GRO BA'I DON GYI BYA BA 'GRUB PAR 'GYUR RO ZHES SNGAGS KYI YI GE LAS LHA'I

, ,SKU SKYED PA THAMS CAD KYI NGES DON MTHAR GTUGS NA, SNYING GA'I MI SHIGS PA LA BRTEN NAS YI GE GSUM GYI ZAB MO RDO RJE'I BZLAS PA BYAS PAS SGYU MA'I SKU SKYED PA LA BSHAD CING, YANG RGYUD DE'I LE'U 'DI NYID LAS, GSER 'GYUR RTZI YI RNAM PA YIS, ,LCAGS NI GSER DU BYED PA YIN, ,DE BZHIN SNGAGS KYI DE NYID KYIS, ,MI NI BDE GSHEGS BYED PA YIN, ,ZHES SOGS RNAM PA DU MAR RDO RJE BZLAS PA LA SHIN TU BSNGAGS TE, SNGAGS KYI DE NYID NI RDOR BZLAS,, ` ,,GZHAL YAS KHANG SKYED PA'I SKABS SU, DKYIL 'KHOR BRGYAN PA ZHES BSHAD PA, ,YI GE BHRAm NI DER BSAM MO, ,RDO RJE SPRIN NI 'PHRO SKYED PA'I, ,DE BZHIN GSHEGS PA DRUG GI SKU, ,DE DBUS GNAS PA'I RNAL 'BYOR PA, ,BSGOM PA'I BDAG NYID CAN GYIS BSGOM, ,ZHES PAS DE BZHIN GSHEGS PA DRUG LHAG MOS KYI DKYIL 'KHOR GYI DBUS SU SGOM PAR STON PA MIN GYI RGYUD 'GREL LAS, BHRUm YIG LAS DE BZHIN GSHEGS PA'I TSOGS 'PHRO BAR BSGOM PAR GSUNGS PA LTAR, DE BZHIN GSHEGS PA DRUG 'OD ZER LAS 'PHRO BAR SEMS PA'I DON NO, ,RDO RJE 'CHANG GI DRAN PA GCIG PA'I SKABS SU RTZA BSHAD KYI RGYUD GNYIS KA LAS, BYANG CHUB TSUL MCHOG 'DI YIN TE, ,ZHES GSUNGS PA LA, 'GREL PAR MNGON BYANG LAS RDO RJE 'CHANG DU BSKYED PA NI RIGS THAMS CAD KYI MCHOG TU GSUNGS SO, ,DE LA DGONGS NAS 'PHAGS PA YAB SRAS RNAMS KYIS LAS DANG PO PAS THOG MAR THUN BZHI'I RNAL 'BYOR BYED PA'I SGRUB THABS KYI DANG PO SBYOR BA'I SKABS SU, MNGON BYANG LAS LHA'I SKUR SKYED PA YANG LONGS SKU RDO RJE

'CHANG DU MDZAD LA, DE SPRUL SKUR BSGYUR BA YANG SPRUL SKU RDO RJE 'CHANG NYID DU BYAS NAS DE LA LUS DKYIL 'GOD PAR MDZAD DE, ME TOG GANG LA PHOG PA'I LHA MNGON BYANG LAS SKYED PA MA MDZAD DO, ,LE'U 'DIR RGYUD LAS, RDO RJE 'CHANG DANG RNAM SNANG DANG SNANG MTHA' DANG MI BSKYOD PA BZHI'I MNGON BYANG LAS SKYED PA GSAL BAR GSUNGS LA, RIN 'BYUNG DANG DON GRUB MNGON BYANG LAS SKYED PA NI MI GSAL BAR, TSIG GI DAM TSIG LNGA YI MCHOG ,CES PA DANG, DAM TSIG RDO RJE ZHES BYA BA'I TING NGE 'DZIN TO ZHES PA'I SKABS GNYIS SU GSUNGS SO, ,DE LA RDO RJE 'CHANG MNGON BYANG LAS SKYED PA'I SGRUB THABS LTAR NA SKYE SHI BAR DO GSUM GYI SBYANG GZHI DANG SBYOR TSUL RNAM GZHAG RIM PA'I RNAM BSHAD DU RGYAS PAR BSHAD ZIN PA LTAR SHES PAR BYA LA, RNAM SNANG LA SOGS PA MNGON BYANG LAS SKYED PA'I SGRUB THABS LTAR NA, 'CHI BA CHOS SKUR 'KHYER BA'I LAM 'KHYER NI SNGA MA DANG 'DRA, SBYANG GZHI BAR DO DANG SBYOR TSUL NI, DE BZHIN NYID LAS BYANG CHUB PA'I MJUG THOGS SU NYI MA ZLA BA PAD MA GSUM SKYED PA NI, 'CHI BA'I 'OD GSAL GYI MJUG THOGS SU LUGS LDOG GI SNANG BA GSUM 'CHAR BA DANG 'DRA, DE GSUM SKYED PA'I YI GE GSUM NI SNANG BA GSUM GYI BZHON PA'I RLUNG DANG 'DRA, PAD MA'I STENG GI YI GE GSUM NI BAR DO'I LUS NGAG YID GSUM MTSON BYED LA BYA DGOS PAS, BAR DO MTSON PA'I LONGS SKU DNGOS SU SGOM PA MED PA'I GNAD KYIS, BAR DO LTA BU'I SGYU MA'I LONGS SKU'I RDZOGS RIM SKYED PA'I DGE RTZA SMIN BYED DU 'GRO BA LA, RIGS DRUG PA'I SGRUB THABS

, ,DANG SGRUB THABS GZHAN GNYIS KHYAD PAR CHE'O, ,NYI ZLA PADMA YI GE GSUM DANG BCAS PA GCIG TU 'DRES NAS ZLA BAR GYUR PA NI, BAR DAS MNGAL DU NYID MTSAMS SBYAR BA'I RLUNG SEMS TZAM DANG 'DRA STE, RIGS DRUG PA'I SGRUB THABS DANG PO'I MGON PO LONGS SKU SPRUL SKUR BSGYUR BA'I DOD DO, ,'DI YANG SGRUB THABS GNYIS LA KHYAD PAR CHE'O, ,ZLA BAS YI GE GSUM SKYED CING, DES PHYAG MTSAN YI GES MTSAN PA DANG DE LAS 'OD ZER GYI SPRO BSDU DANG, DE NAS SKU RDZOGS PA RNAMS NI BAR DOS NYING MTSAMS SBYAR BA'I RLUNG SEMS KYIS MNGAL DU NGAG YID LUS RNAMS KHYAD PAR CAN DU SKYED PA DANG 'DRA STE, CHOS DANG DAM TSIG DANG LAS DANG SKU PHYAG RGYA CHEN PO BZHIS, THA MAL PA'I LUS NGAG YID GSUM BYA BA DANG BCAS PA BZHI SBYONG BA'O, , 'DIR 'GREL PAR RIGS LHAG MA LNGA MNGON BYANG LAS SKYED PAR GSUNGS PA NI ME TOG GANG PHOG GI LHA'I MTSON BYED TZAM YIN PAS LHA LHAG MA RNAMS LA'ANG SHES PAR BYA'O, ,RIGS GZHAN GYI LHA'I SKU RDZOGS PA NI SPRUL SKU NYID YIN PAS SPRUL SKUR BSGYUR MI DGOS LA, LUS DKYIL 'GOD PA'I GZHI YANG DE NYID DO, ,'DI DAG GI SBYANG GZHI DANG SBYOR TSUL BSHAD DGOS PAR SNANG NA YANG SNGA MA RNAMS KYI GSAL BAR MA BSHAD 'DUG PAS 'DIR BSHAD PA YIN NO, ,LE'U'I 'DI LA BSHAD RGYUD KYIS NGES DON MANG DU GSUNGS PA'I DKA' GNAS 'GA' ZHIG NI BSHAD ZIN LA, DKA' GNAS GZHAN 'GA' ZHIG NI RNAM GZHAG GI RNAM BSHAD DU RGYAS PAR BSHAD DO,, ` ,,RDO RJE 'OD ZER BKOD PA ZHES BYA BA'I TING NGE 'DZIN TO ZHES PA'I 'OG DANG, CHOS KYI DKYIL

'KHOR ZHES PA'I GONG GI BAR GYI SKABS DANG, STON PA RDO RJE'I THUGS 'DRA BA, ,ZHES PA'I RKANG PA BZHI'I MJUG THOGS KYI SKABS SU NGES DON GYI BSHAD PA 'GA' ZHIG GSUNGS PA NI SHIN TU RTOGS DKA' BAR SNANG BAS BSHAD RGYUD KYI GNAD 'TSOL BA'I RNAM DPYOD CAN GYI DON DU CUNG ZAD BSHAD NA SKABS GONG MAR, AA DANG KU NI LKOG MA'I DBUS, ,RKAN GYI STENG GI MING CAN NO, ,AI DANG TZA NI LAG GA-YON NYID, ,AU DANG MU GNYIS GA-YAS PAR BRTAG ,RI DZU GNYIS NI GA-YAS BAR BRTAG ,LI TA RKANG PA CIG SHES LA, ,DKYIL 'KHOR GCIG NI DE NYID DO, ,DKYIL 'KHOR LNGA LAS RGYAL GYUR PA, HA NI LUS SKYES GTZUG TOR DANG, ,GCOD NI GSUM PA'I COD PAN CAN, ,YON TAN BZHI YI BZHI PO DE, ,LNGA PO'I LNGA PAR DE 'GYUR RO, ,NAM MKHA' RDO RJE GCIG PHYED SBYOR, ,DE NI 'OD ZER LNGAR 'GYUR RO, , ZHES DANG, SKABS PHYE MAR LKOG MA RKAN DANG DE BZHIN MCHU, SPYI BO SO YI MING CAN TE, ,RDO RJE GSUM THUGS GSANG BA GCIG ,DE NI Hm LA BZHUGS PA YIN, ,ZHES GSUNGS SO, ,BSHAD PA 'DI 'ONG BA'I 'BREL NI, LE'U 'DIR RNAM SNANG LA SOGS PA LNGA'I PHYAG RGYA GCIG PA'I DKYIL 'KHOR LNGA BSHAD PA'I NGES DON 'CHAD PA YIN NO, ,DE YANG DKYIL 'KHOR GCIG NI DE NYID DO, ZHES PAS YI GE TSAN PA LNGA PHYAG RGYA GCIG PA'I DKYIL 'KHOR LNGAR BSHAD PA DE NYID DO ZHES PA LAS SHES SO, , AA DANG KU ZHES PA'I DON NI DUS 'KHOR 'GREL CHEN LAS, ,AA KU HA RNAM PAR BCAD PA NI MGRIN PA LAS SO ZHES GSUNGS LTAR YIN LA, TZANDRA PA LAS, ,AU TAS SDE DANG BCAS PA'O ZHES GSUNGS PAS, KU'I KHONG GI AUS KA SDE MTSON PAS

, ,AA DANG KA SDE'I YI GE LNGA DANG, DRO BA'I SDE TSAN GYI MTHA'I YI GE HA DANG RNAM BCAD TSEG DRAG RNAMS MGRIN PA NAS 'BYUNG BAR STON TE, DE NI KHAMS KYI DBANG DU BYAS NA NAM MKHA'I KHAMS YIN LA, DES NI KHYAB BYED NAM MKHA'I KHAMS RNAM SNANG GI RLUNG MTSON NO, ,AI TZA NI 'GREL CHEN LAS, AI TZU YA SHA NI RKAN LAS SO, ,ZHES GSUNGS SHING SNGA MA LA AA KU ZHES 'BYUNG BA'I GNAD KYIS TZU 'ONG RGYUR SNANG NGO, ,TZUS RANG GI SDE PA TZA SDE MTSON PA NI SNGAR DANG 'DRA LA, YI GE DE RNAMS STENG GI RKAN LAS 'BYUNG BA RKANG PA GNYIS PAS STON RGYU YIN PA LA, MING CAN NO ZHES YAR LA BCAD PA NI DPE GNYIS GANG RUNG MA DAG PA'O, ,'DI RLUNG GI KHAMS YIN LA DES RLUNG GI RLUNG MNYAM GNAS DON GRUB KYI RLUNG MTSON NO, ,AU DANG MU NI AU PU WA CH+PA ? NI MCHU LAS SO, , ZHES GSUNGS PA LTAR BU ZHES 'ONG RGYUR SNANG BA LA MU ZHES PA MA DAG PA'AM, YANG NA PA SDE'I THA MA LA AU YIG BYIN PAS RANG GI SDE PA PA SDE MTSON NO, ,DE NI CHU'I KHAMS YIN LA, DES NI CHU RLUNG SROG 'DZIN MI BSKYOD PA'I RLUNG MTSON NO, ,GA-YAS PAR BRTAG CES PA NI LAG PA'O, ,RI DZU NI, RI tU RA shA NI SPYI BO LAS SO, ,ZHES GSUNGS PA LTAR 'ONG RGYU LA DZU ZHES PA'I DZA NI tA SDE'I SDE TSAN GYI YI GE GANG YANG MIN PAS MA DAG PAR MNGON NO, ,DE NI ME'I KHAMS YIN LA DES ME RLUNG GYEN RGYU SNANG MTHA'I RLUNG MTSON NO, ,GA-YAS PAR BRTAG CES PA NI RKANG PA'O, ,LI TA YANG, LI TU LA SA NI SO LAS SO, ,ZHES GSUNGS PA LTAR 'ONG RGYUR SNANG BA LA MA BYUNG YANG, TA ZHES PAS RANG GI SDE PA MTSON LA, DE NI SA'I KHAMS YIN CING DES SA RLUNG THUR SEL RIN 'BYUNG GI

RLUNG MTSON NO, ,CIG SHOS LA ZHES PA NI RKANG PA GA-YON PA'O, ,PHYI MA GSUM LA'ANG KHONG NA YOD PA'I AU YIG GIS RANG GI SDE PA MTSON PA NI SNGAR DANG 'DRA'O, ,YI GE TSAN PA PHYI MA GSUM GYI 'BYUNG BA'I GNAS GSUM GONG DU MA BYUNG YANG 'OG TU, DE BZHIN MCHU, SPYI BO SO YI MING CAN TE ZHES PAS BSTAN NO, ,DPE KHA CIG LAS, RI DZU 'DI NI GSANG BAR DGOD, CES 'BYUNG BA NI, DER YANG, LI TA RKANG PA CIG SHOS LA ZHES BSGYUR BAS, LI TA ZHES PA'I GONG DU RKANG PA GNYIS GANG RUNG GCIG MA BYUNG NA CIG SHOS ZHES PA MI 'GRIG PAS, RI DZU 'DI NI GA-YAS PAR BRTAG CES 'BYUNG BA LTAR LEGS SO, ,RKANG LAG GA-YAS GA-YON NI LE'U BCU GSUM PA LAS LAG PA GA-YAS PAS 'DI BYA'O, ,ZHES PA'I 'GREL PAR LAG PA GA-YAS PA STE GA-YAS LOGS SU ZHES 'BYUNG BA LTAR RKANG LAG GI PHYOGS DE'I LUS KYI GA-YAS GA-YON NO, ,DE YANG MNYAM GNAS KYI RLUNG GIS GTZO BO BYAS NAS RGYU NA SNA BUG GA-YON PA NAS DANG, GYEN RGYUS GTZO BO BYAS NAS RGYU NA SNA BUG GA-YAS PA NAS RGYU STE, GA-YAS GA-YON GYI SNA BUG RKYANG PA RE RE NAS RGYU BA'O, ,DE LA DGONGS NAS AI TZA LAG GA-YON DANG, RI tU GA-YAS PAR BRTAG CES GSUNGS SO, ,SROG 'DZIN DANG THUR SEL GYIS GTZO BO BYAS NAS RGYU NA SNA BUG GNYIS KA LAS RGYU BAS, AU MU LAG PA GA-YAS PAR BRTAG PA DANG, LI TA RKANG PA GA-YON PAR BRTAG PA NI PHYOGS GCIG TZAM LA DGONGS PA STE, GA-YAS RKYANG PA DANG GA-YON RKYANG PA LAS RGYU BA MIN NO, ,KHYAB BYED MA BSHAD PA NI, DA LTA DE LA RDOR BZLAS MI BYED PA LA DGONGS SO, ,YI GE DE RNAMS KYIS RLUNG MTSON PA NI, LUS KYI KHONG PA'I NANG GI RLUNG RNAMS RTZA 'KHOR GYI GNAS SO SO DANG PHRAD PA NA,

, ,DBYANGS GSAL GYI YI GE'I RNAM PA CAN GYI GDANGS MI GSAL BAR SGROG LA, LCE RKAN GYI RTZOL BAS BSKYOD PA NI YI GE'I GDANGS GSAL POR SGROG PAR BSHAD PA LA BRTEN NAS SHES PAR BYA'O, , GCOD CES PA NI, AU KU HA PAR BCAD PA NI, ZHES PA'I RNAM BCAD LA BYAS NA MI 'GRIG PAR SNANG BAS 'DIR MI BSKYOD PA LA SOGS PA NI RLUNG YIN LA, DE RNAMS KYI CED PA NA COD PAN GYI RIGS BDAG GIS DBU BRGYAN PA NI DKYIL 'KHOR BZHI'I RLUNG RE RE'I LDANG 'JUG GNAS GSUM LA SNGAGS GSUM GSUM GYIS BRGYAN PA'O, ,'DI'I DPE KHA CIG LAS, GCOD NI GTUM PO'I MING CAN NO, ,ZHES 'BYUNG YANG SNGAR DRANGS PA LTAR LEGS SO, ,YON TAN BZHI NI 'BYUNG BA BZHI YIN LA, DE'I BZHI PO DE NI DKYIL 'KHOR BZHI'I RLUNG NGO, ,RLUNG DE RIGS LNGA PO'I LNGA PA MI BSKYOD PAR 'GYUR RO, ,ZHES PA NI RDO RJE GSUM THUGS ZHES PA GNYIS KYIS STON TE, RDO RJE GSUM GYI SNGAGS DANG DBYER MED PAR BYAS PA'I RLUNG DE NI MI BSKYOD PAS MTSON PA'I THUGS KYI GSANG BA GCIG PU Hm YIG GIS MTSON PA'I SNYING KHA'I MI SHIGS PA DE LA BZHUNGS PA STE DER GNAS PA YIN NO, ,NAM MKHA'I RDO RJE NI SNYING KHA' MI SHIGS PA'O, ,PHYED CES PA NI SROG MED KYI YI GE YI GE PHYED DU BSHAD LA RDO RJE 'PHRENG BA LAS, DE NAS DBYANGS MED YI GE HA, ZHES GSUNGS PA LTAR, DBYANGS SROG TU MED PA'I YI GE HA'AM AA THUNG NGO, ,DE DANG GCIG TU SBYOR BA NI RDOR BZLAS KYI MTHUS MTHAR RLUNG RNAMS DER THIM PA'O, ,DE NI 'OD ZER LNGAR 'GYUR ZHES PA NI RDOR BZLAS BYED PA NA MI SHIGS PA DE LAS NI 'OD ZER LNGA PA CAN GYI RLUNG LDANG BA DANG 'JUG PA DANG GNAS PAR BYED PA'O, ,DE LTAR NA PHYAG RGYA

GCIG PA'I LHA BSGOMS PAS RNAM SNANG DANG RDO RJE CHOS DANG RDO RJE THUGS DANG 'DRA BAR 'GYUR BAR GSUNGS PA'I NGES DON NI RDOR BZLAS BYA BA'I YUL RLUNG BZHI DANG, GZHI GANG LA BRTEN NAS RDOR BZLAS BYED PA SNYING KHA'I MI SHIGS PA DANG JI LTAR BYED PA'I TSUL YI GE GSUM DANG SBYAR TE BYAS PA'I MTHUS, MTHAR RLUNG RNAMS MI SHIGS PA LA SDUD PAR GSUNGS PAS ZAB MO RDO RJE'I BZLAS PA LA NGES PA SHIN TU BRTAN PAR BYED PA'I THABS SU SHES PAR GYIS SHIG , ` 'OD ZER 'BAR BA'I YI GE THL'Im ZHES SOGS KYI SKABS SU BSKYED RIM PAS MNGON SHES SGRUB PA'I TSUL GNYIS BSHAD PA NI BSKYED RIM PHRA RAGS GNYIS KA MTHAR PHYIN NAS SPYOD PA BYAS PA'I 'OG TU LAS SGRUB PA YIN NO, ,'DI RGYAS PA'I LAS SU BYA DGOS PAR MNGON PAS LAS DE'I SGRUB TSUL DANG PHAL CHER MTHUN PAR BYA LA, LHA'I RNAL 'BYOR NI RANG GI LHA'I RNAL 'BYOR LA 'DAD PA YOD KYANG, RDO RJE 'CHANG GI RNAL 'BYOR GYIS SGRUB PA 'GREL BA'I DGONGS PA'O, ,SA GANG LA BRTEN NAS MNGON SHES SGRUB PA NI, MDZOD RTZA 'GREL LAS, BSAM GTAN DANG PO'I NYER BSDOGS DANG, DANG PO'I DNGOS GZHI KHYAD PAR CAN LA BRTEN NAS DBANG PO RTUL POS MNGON SHES SGRUB NA LAM YANG DKA' LA MNGON SHES KYANG BUL BA DANG, YANG SA DE GNYIS LA BRTEN NAS DBANG PO RNON POS MNGON SHES SGRUB NA LAM DKA' LA MNGON SHES MYUR BA DANG, DANG PO'I DNGOS GZHI TZAM PO DANG, BSAM GTAN GZHAN GSUM GYI DNGOS GZHI LA BRTEN NAS DBANG PO RTUL POS MNGON SHES SGRUB NA LAM SLA MA MNGON SHES BUL BA DANG, YANG SA DE BZHI LA BRTEN NAS DBANG PO RNON POS MNGON SHES SGRUB NA LAM YANG SLA LA MNGON SHES KYANG MYUR BA'I MU BZHI BSHAD CING, MNGON SHES KYANG

, ,MNGON PA NAS SNA LCE LUS KYI SHES PAS PHRAD NAS YUL 'DZIN PAS DE GSUM LA MNGON SHES MI SGRUB PAS, MIG RNA'I SHES PA LA BRTEN NAS MIG DANG RNA BA'I MNGON SHES SGRUB PAR BSHAD DO, ,SNGAGS KYI GZHUNG TSAD LDAN DU MA NAS DBANG SHES LNGA KA'I MNGON SHES SGRUB PAR GSUNGS SO, ,DE LTAR MI MTHUN PA GNYIS 'ONG BA NI LAM 'DIR BSKYED RIM MTHAR PHYIN PA DANG, SPYOD PA BYAS PA'I MTHUS LHA RNAMS KYIS LAS DE LTAR 'GRUB PA'I NUS LDAN DU BYIN GYIS RLOB PA YOD LA, MNGON PA BA SOGS LA DE MED PAS RGYU KHYAD PAR CAN TSANG MA TSANG GI DBANG GIS MI MTHUN PAR BYUNG NGA, ,RDZOGS RIM LA YANG RLUNG 'BYONGS PA LA SOGS PA'I DBANG GIS MNGON SHES LNGA SGRUB PA YIN PAS RGYU LA MCHOG DMAN GYI KHYAD PAR SHIN TU CHE'O, ,SO SO SKYE BO'I SKABS SU BSAM GTAN GYI DNGOS GZHI RGYUD LA SKYED NA 'DOD PA'I NYON MONGS MNGON GYUR SPANGS PA DGOS LA, DE YANG ZHI RAGS KYI RNAM PA CAN GYI LAM SGOM PA MED NA MI 'GRUB PA NI 'DIR YANG 'DRA LA, RGYUD SDE BZHI KA'I LAM DU ZHI RAGS KYI RNAM PA CAN GYI LAM BSGOMS NAS 'DOD YON LA CHAGS PA DANG BRAL BAR BYED TSUL MA BSHAD LA, KHYAD PAR DU DBANG PO GNYIS SBYOR GYI CHAGS PA LAM DU BYED PA BLA MED KYI SKABS 'DIR ZHI RAGS KYI RNAM PA CAN GYI LAM SGOM PA GOL SA YIN PAS MI 'DOD DO, ,DE LTA NA'ANG SGOM BYUNG GI MNGON SHES MTSAN NYID PA RGYUD LA SKYED PA LA, SNGON DU BSAM GTAN DANG PO'I NYER BSDOGS KYIS BSDUS PA'I ZHI GNAS MTSAN NYID TSANG BA CIG THOB DGOS MOD KYANG, DE NI LAM 'DI'I RIM PA DANG PO'I TING NGE 'DZIN SHIN TU BRTAN PA THOB PA'I SKABS SU SKYE BAS DE LA BRTEN NAS

MNGON SHES SGRUB PA YIN TE, DANG PO NYER BSDOGS KYIS BSDUS PA'I ZHI GNAS KYI TING NGE 'DZIN RDZOGS PAR SKYED TSUL DANG, ZHI GNAS 'GRUB PA'I TSAD RNAMS THEG PA THUN MONG GI LAM GYI RIM PAR RGYAS PAR BSHAD ZIN TO, ,MDO SDE RGYAN LAS, JI LTAR RNAM GNAS YID LA BYED PA LAS, ,MTHU 'GRUB PA YI DAM PA THOB PAR 'GYUR, ,ZHES MTHU STE MNGON SHES 'GRUB PA LA RANG RANG GI RNAM GNAS DGOS PAR GSUNGS PA NI, BSKYED RIM PA'I MNGON SHES SGRUB PA DANG RDZOGS RIM PAS YAN LAG GI RLUNG GI RDOR BZLAS KYIS MNGON SHES SGRUB PA GNYIS KA LA YANG DGOS LA DE YANG RGYUD 'GREL GYI MTSAN DU BSHAD ZIN NO,, ` RDO RJE CHEN PO RTZE LNGA PA ZHES SOGS KYI SKABS SU RDZOGS RIM PAS DBANG PO SGO LNGA'I MNGON SHES LNGA YAN LAG GI RLUNG GI RDOR BZLAS KYIS SGRUB PAR BSHAD PA'I SKABS NI KHA CIG SLOB PA'I ZUNG 'JUG THOB PA LA 'CHAD MOD KYANG, LHAN CIG SKYES PA'I BDE BA CHEN PO DANG DE KHO NA NYID KYI LTA BA GNYIS DBYER MED DU BSKYANGS PA LA GOMS PA NYID KYI MTHUS MNGON SHES LNGA 'DREN PAR GZHUNG TSAD LDAN MANG PO NAS GSUNGS PA NI DON GYI LHAN SKYES MNGON DU GYUR PA'I MJUG THOGS SU NGES PAR BZHAG DGOS PAS, LAM 'DI'I SA THOB PA DES MNGON SHES LNGA LOGS SU SGRUB MI DGOS PAR SEMS SO, ,DES NA SGYU LUS THOB PA NAS RLUNG GI BZLAS PA'I MTHUS MNGON SHES RNAMS SGRUB NUS PAR MNGON NO, ` ,RDOR SEMS KYI SGRUB THABS LAS, SANGS RGYAS DKYIL 'KHOR DBUS GNAS PAR, ,RDO RJE MI BSKYOD RAB TU BSGOM, ,SNYING KHAR YI GE H'Um BSGOMS NAS, ,SEMS NI THIG LER GYUR PAR BZHAG ,CES PA BZHI BSKYED RIM PA'I SEMS DPA' GSUM BRTZEGS

, ,KYI SKABS KYI TING NGE 'DZIN SEMS DPA' LA SBYAR BA DANG, 'PHAGS PA'I MDO BSRE LAS, RKANG PA PHYI MA GNYIS BSKYED RIM PA'I TING NGE 'DZIN SEMS DPA' LA SBYAR BA DANG, 'GREL PAR TSIGS BCAD DE RDZOGS RIM PA'I RIL 'DZIN GYI BSAM GTAN GYI SKABS DANG, H'Um YE YIG SHES SEMS DPA' DANG, DE'I THIG LE TING NGE 'DZIN SEMS DPA' DANG, DE'I TSE RANG MI BSKYOD PAR SGOM PAR BSHAD CING, SGRUB THABS KYI SEMS DPA' GSUM BRTZEG GI SKABS SU RANG RDO RJE 'CHANG DU SGOM PAR BSHAD PA YANG MI 'GAL BA NI SNGAR MANG DU BSHAD PA BZHIN DU SHES PAR BYA ZHING, RKANG PA DANG PO GNYIS KYI DON NI RANG DANG KHAMS GSUM PA'I SEMS KYI RANG BZHIN DBYER MED PAR SHES PAR BYED PA YIN LA, DE NYID SGRUB THABS KYI SKABS SU MI 'GAL LA DE LTAR SGOM PA DE, MI BSKYOD PA ZHAL PHYAG GI RNAM PA CAN DU SGOM PA MIN YANG, DE'I MTSON DON THUGS KYI RDO RJE YIN PA LA DGONGS NAS DE LTAR GSUNGS SO, ,LE'U BCU GCIG PA'I MTHA' GCOD DO,, ` ,,CHOS RNAMS RANG BZHIN DAG PA LAS, ,ROL MO 'DI DAG RAB TU BSGOM, ,ZHES PA'I 'OG TU, LUNG STON LAS, MA 'ONGS PA'I SKYE BO RGYUD DON MA RTOGS PAR RGYUD KYI DON LA LOG PAR 'JUG PA RNAMS KYI KUN SPYOD MANG DU ZHUS PA'I LAN DU, RDO RJE THAL MO LAS BRTZAMS PA'I NGES DON MANG DU GSUNGS PA'I GTZO BO RNAMS NI RNAM GZHAG GI RNAM BSHAD DU RGYAS PAR BSHAD ZIN TO, ,DBYANGS GSAL GYI YI GE LAS BRTZAMS PA'I DGONGS BSHAD DANG NGES DON GYI BSHAD PA MANG DU 'BYUNG BA RNAMS NI KHA CIG GO SLA ZHING KHA CIG ZHIB

TU MA BSHAD NA MI RTOGS LA, ZHIB TU BSHAD NA TSIG HA CANG MNGAS PAS 'JIGS NAS MA BRIS SO, ,RGYUD 'DIR 'OD GSAL 'DREN PA'I NANG GI THABS LA LE'U 'GA' ZUNG MA GTOGS PA, LE'U THAMS CAD DU YI GE GSUM GYI RDO RJE BZLAS PA SHIN TU MANG BAR GSUNGS PA'I GNAD RNAMS KHONG DU CHUD PAR BYA'O, ,LE'U 'DIR RGYUD 'GREL DU YANG BSHAD RGYUD 'DI CHER MA DRANGS LA, RGYUD PHYI MA'I SBYOR DRUG GI SKOR RNAMS MANG DU DRANGS SHING BSHAD PA YANG ZHIB TU MDZAD PA'I SKABS SU, BSKYED RIM GYI BSNYEN SGRUB YAN LAG BZHI DANG RDZOGS RIM GYI BSNYEN SGRUB YAN LAG BZHI, BSNYEN PA MA GTOGS PA GSAL BAR MA GSUNGS SHING, RGYUD PHYI MA NYID LAS KYANG RTOGS DKA' BAR YOD PA GNAD CHE BAR MTHONG NAS N'A RO PA'I 'GREL PA LA BRTEN TE MTSAN DU GSAL BAR BSHAD DO, ,'PHAGS LUGS LA RDO RJE 'PHRENG BA LA BRTEN PA'I RIM LNGA DANG LUS DBEN GYI RDZOGS RIM NI GZHUNG PHRAN RNAMS LAS GSAL BAR 'CHAD PAS RTOGS SLA BAR SNANG LA, RGYUD PHYI MA LA BRTEN PA'I RDZOGS RIM SBYOR BA YAN LAG DRUG NI RGYUD 'GREL 'DIR BSHAD PA MA GTOGS PA; YAB SRAS KYI GZHUNG GZHAN NAS MI 'BYUNG ZHING, LUS DBEN SOGS RIM PA DRUG TU SBYOR BA YAN LAG DRUG 'DU TSUL YANG RTOGS DKA' BAR YOD PAS 'DIR CUNG ZAD CIG BSHAD PAR BYA'O, ,'DIR SDUD BYED NI LUS DBEN DANG BCAS PA'I RIM PA DRUG GO , BSDU BYA NI SBYOR BA YAN LAG DRUG YIN LA, DE LA YANG BYANG CHUB SEMS DPA'I 'GREL PA SKOR GSUM GYI LUGS DANG, 'JAM DPAL ZHAL LUNG RJES 'BRANG DANG BCAS PA'I LUGS DANG, SNYIM PA'I ME TOG GI LUGS DANG MAN NGAG SNYE MA'I LUGS DANG, BDE

, ,MCHOG LU AI PA'I DBANG DU BYAS NAS DE BZHIN GSHEGS PA'I RDO RJES BSHAD PA'I SBYOR DRUG LA SOGS PA NI MING 'DRA YANG DON MI MTHUN PA DU MA CIG YOD PAS 'DIR DE RNAMS KYI SDUD TSUL STON PA MIN GYI, RGYUD PHYI MA'I GZHUNG GI DON SGRON GSAL LAS BSHAD PA'I YAN LAG DRUG GI SDUD TSUL STON PA YIN NO, ,'DI LA 'GREL PA ZLA 'OD LAS MDOR BSDUS KYI RIM PA BSKYED RIM GYIS SOR BSAM GNYIS BSDUS PA'I SOR SDUD NI LHA BSGOM PA STE, DE KUN RDZOB DANG DON DAM PA'I TSUL GYIS BRTAG PA LA RTOG DPYOD DANG, DE NAS DE KHO NA NYID LA 'JUG PA LA MNGON PAR PHYOGS PAS DGA' BDE DANG, STONG NYID GCIG PU LA SEMS GTAD PA NI SEMS RTZE GCIG PA STE BSAM GTAN GYI YAN LAG LNGA'O, ,GZHOM DU MED PA LA RLUNG BSDUS PA SROG RTZOL DU BSHAD NAS RIM LNGA'I 'DIS BSDUS MA BSHAD KYANG RDOR BZLAS SU BSDU'O, ,SGYU MA'I RANG BZHIN RDO RJE 'DZIN PA'I SKU 'OD GSAL GYI BDAG NYID NI MIN ? NA PA'O ZHES BSHAD PAS 'DZIN PA NI SGYU LUS DANG 'OD GSAL DU BSDU'O, ,'OD GSAL GYI RJES SU SKAD CIG GIS RDO RJE 'DZIN PA'I SKUR RDZOGS PA NI RJES DRAN DANG, DE NYID ZUNG 'JUG GI BDAG NYID DU SGOM PA NI TING NGE 'DZIN TE YAN LAG THA MA GNYIS ZUNG 'JUG TU BSHAD DO, ,'DI NI SGRON GSAL GYI RJES SU 'BRANG BA BSDUS SHING SNYING POR GYUR PA'I BSHAD PA YIN ZHES GSUNG NGO, ,SGRON MA RAB GSAL LAS, SOR BSAM GNYIS SEMS DBEN DANG SROG RTZOL RDOR BZLAS DANG, 'DZIN PA 'OD GSAL DANG, RJES DRAN DANG TING NGE 'DZIN ZUNG 'JUG TU 'DUS PAR BSHAD DE, SNYING GI ME LONG YANG DE DANG 'DRA'O

DE NYID KYANG SGRON GSAL GYIS BSHAD PA'I SBYOR DRUG RIM LNGAR SDUD LUGS SO,, ` SNGON GYI 'GOS LUGS PA MKHAS PA GLAN GYIS, YAN LAG DRUG NI DE KHO NA NYID KYI TING NGE 'DZIN DANG DE DANG RJES SU MTHUN PA'I SPYOD PA GNYIS SU 'DU LA, SOR SDUD KYIS SGYU LUS KYI SKABS KYI SPYOD PA DANG, YAN LAG LHAG MA LNGAS TING NGE 'DZIN STON NO, ,DE LA BSAM GTAN GYI YAN LAG RTOG DPYOD GNYIS KYIS LUS DBEN DANG, DGA' BAS LUS DBEN GYI PHAN YON DANG, SROG RTZOL GYIS NGAG DBEN DANG, BDE BAS DE'I ? PHAN YON DANG, SEMS RTZE GCIG PAS SEMS DBEN DANG, SANGS RGYAS KUN DNGOS ZHES PA BSAM GTAN GYI PHAN YON GYIS SGYU LUS DANG, 'DZIN PAS 'OD GSAL DANG, RJES DRAN DANG TING NGE 'DZIN GYIS ZUNG 'JUG BSTAN PAR 'DOD DE, 'DI YANG SGRON GSAL GYIS BSHAD PA'I SBYOR DRUG GI BSDU LUGS SO, ,BOD KYI PHYIS KYI MKHAS PA KHA CIG ,AA BHYAS SOR BSAM GNYIS BSKYED RIm DU BSHAD PA MI 'THAD DE, RGYUD PHYI MA LAS, BSKYED RIM DANG 'BREL BA'I BSNYEN PA RDO RJE BZHI THUN FMONG GI DNGOS GRUB SGRUB BYED DU BSHAD LA, YAN LAG DRUG GIS BSGRUBS PA LAS GZHAN DU BSGRUBS NA MCHOG MI 'GRUB CES GSUNGS PAS, YAN LAG DRUG MCHOG SGRUB BYED KYI BSNYEN PA THUN MONG MA YIN PA DANG, BSKYED RIM MCHOG SGRUB BYED MA YIN PAR BSHAD PA DANG 'GAL LO, ,GLAN GYIS, SOR SDUD KYIS SPYOD PA DANG BSAM GTAN GYIS LUS DBEN BSTAN ZHES PA SHIN TU MI 'THAD DE, MCHOG SGRUB PA'I DANG PO NYID DU SPYOD PA 'ONG BA GO RIM 'GAL

, ,BA'I PHYIR DANG, LUS DBEN LA SHES DANG SHES BYA BYUNG ZAD KYI PHAN YON MI 'ONG BA'I PHYIR RO, ,DES NA DRI MED 'ONG LAS, BDAG BYIN BRLAB PA DAG NI STONG PA LA, ,KHAMS GSUM PO NI MTHONG BAR 'GYUR BA'I MTSAN, , ZHES DANG, PHYAG RDOR STOD 'GREL LAS, 'DIR RANG BYIN GYIS BRLAB PA ZHES BYA BA NI, SO SOR SDUD PAS DU BA LA SOGS PA KUN RDZOB KYI BDEN PA MTHONG BA'O, ,ZHES GSUNGS PAS, SOR BSAM GNYIS SGYU LUS SU 'DU, SRAG RTZOL NI RDO RJE BZLAS PA, 'DZIN PA NI 'OD GSAL, RJES DRAN NI SNGAR SOR SDUD KYI SKABS SU MTHONG BA DANG 'DRA BAR DAG PA'I GZUGS BRNYAN MTHONG BA'I CHA NAS SGYU LUS, DE'I DUS SU ZHU BA DE NYAMS SU MYONG BA'I LAM GYI CHA NAS SEMS DBEN TE, SEMS DBEN NI SNANG MCHED THOB GSUM LAM DU BYED PA YIN LA, DE NI DGA' BA GSUM DANG RNAM GRANGS YIN PA'I PHYIR RO, ,TING NGE 'DZIN NI ZUNG 'JUG GO ZHES 'CHAD DO, ,'DIS NI DUS 'KHOR BA'I SBYOR DRUG RIM LNGAR SDUD LUGS BSHAD DO, ` ,LUGS DE DAG GI 'THAD MI 'THAD DPYAD PA LA, 'GREL BYED RNAMS KYI LUGS 'THAD MI 'THAD DPYAD NA, ZLA 'OD LAS SOR BSAM GNYIS BSKYED RIM DU BSDUS PA 'GOG PA LA, BSKYED RIM THUN MONG GI DNGOS GRUB DANG YAN LAG DRUG MCHOG GI SGRUB BYED DU GSUNGS PAS MI GNOD DO, ,GNOD NA LAM GCIG GIS DNGOS GRUB GNYIS KA SGRUB PA 'GAL BAR 'GYUR LA, DE LTA NA RDZOGS RIM GYI LAM GYIS THUN MONG GI DNGOS GRUB MI 'GRUB PAR 'GYUR RO, ,YAN LAG DRUG GIS BSGRUBS PA LAS GZHAN DU BSGRUBS NA MCHOG MI 'GRUB CES PAS NI,

YAN LAG DRUG MCHOG GIS BSGRUBS PA LAS GZHAN DU STE DES MA BSGRUBS NA MCHOG MI 'GRUB PAR STON PA YIN GYI, YAN LAG DRUG LAS GZHAN PA'I LAM MCHOG SGRUB BYED MIN PAR STON PA GTAN MIN NO, ,BSKYED RIM GCIG PUS BSGRUBS PAS MCHOG MI 'GRUB KYANG, BSKYED RIM MCHOG GI DNGOS GRUB KYI RGYUR 'GYUR BA CI ZHIG 'GAL TE GZHAN DU NA RDZOGS RIM LA'ANG MTSUNGS PA DANG, RDZOGS RIM GYI YAN LAG DRUG RE RES KYANG MI 'GRUB PAS, DE RNAMS KYANG MCHOG SGRUB PA'I LAM MA YIN PAR 'GYUR RO, , BSKYED RIM MCHOG SGRUB BYED DU GTAN MI RUNG NA BSNYEN PA LA THUN MONG DANG MCHOG GI BSNYEN PA GNYIS GSUNGS PA'I THUN MONG GI DON LA RGYU THUN MONG BA DNGOS GRUB GNYIS KA'I RGYUR RANG GIS BSHAD PA DANG YANG JI LTAR MI 'GAL LA, BCOM LDAN 'DAS MI BSKYOD PA DANG 'KHOR LO BDE MCHOG SOGS KYI SGRUB THABS SU BSHAD PA'I DON KYANG MA NGES PA DANG, DE DAG BSGOMS PA'I PHAN YON GYI SKABS SU SANGS RGYAS 'THOB PA'I THABS SU GSUNGS PA THAMS CAD DANG 'GAL BAR 'GYUR RO, ,GAL TE LAM GNYIS KA DNGOS GRUB GNYIS KA'I THABS YIN NA, DE GNYIS LA THUN MONG DANG MCHOG SGRUB BYED SO SOR GSUNGS PA CI YIN SNYAM NA, RDZOGS RIM LA MA LTOS PAR YANG BSKYED RIM GYIS THUN MONG GI DNGOS GRUB 'GRUB PAS THUN MONG GI DNGOS GRUB SGRUB BYED DANG, BSKYED RIM RDZOGS RIM GYI RTOGS PA SKYE BA'I DGE RTZA SMIN BYED YIN GYI MCHOG SGRUB PA'I LAM GYI GTZO BO RDZOGS RIM YIN PAS DE LA MCHOG SGRUB BYED DU GSUNGS KYI SGRUB BYED GNYIS 'GAL BA MIN NO, ,SOR BSAM NI TSAD LDAN GZHAN GYIS RDZOGS RIM GYI SGO NAS BSHAD LA,

, ,ZHAL LUNG GI DGONGS PAS BSKYED RIM LA'ANG BSHAD DGOS PAR SNANG BAS, SPYIR SOR BSAM RIL PO BSKYED RIM MAM RDZOGS RIM DU MI BYA'I CHA GNYIS KA KHAS BLANG NGO, ,BYE BRAG TU RANG GI GZHUNG GANG NAS RIM GNYIS GANG GI CHA BSHAD PA DE BZHIN DU BYA STE, DE LTAR NA 'PHAGS LUGS LTAR NA RDZOGS RIM GYI CHA BSHAD PAR BYAS NA LEGS PAS, LUGS 'DI LA SOR BSAM GNYIS BSKYED RIM DU 'JOG PA MIN NO, ,'DZIN PAS SGYU LUS BSTAN PA DANG 'OD GSAL GYI RJES SU SKAD CIG GIS RDO RJE 'DZIN PA'I SKU RDZOGS PA RJES DRAN DANG, RJES DRAN DE NYID ZUNG 'JUG GI BDAG NYID DU SGOM PA TING NGE 'DZIN GYI YAN LAG TU 'CHAD PA NI SGRON GSAL DANG MI MTHUN NO, ,SGRON MA RAB GSAL LAS, YUL LA SPYOD PA'I DUS SU DBANG PO SOGS GSUM RIGS LNGA'I BDAG NYID DO ZHES RTOG PA RTOG PA DANG, DE RNAMS YE SHES LNGA'I BDAG NYID DO ZHES RTOG PA DPYOD PA DANG, DE KHO NA NYID LA MNGON DU GYUR PA NI BDAG YIN NO ZHES BSAMS PAS DGA' BA'I KHYAD PAR SKYES PA DGA' BA DANG, SEMS KYI BDE BA DE THOB NAS LUS SHIN SBYANGS SU GYUR PA BDE BAR BSHAD CING, RTOG DPYOD GNYIS SNANG BA DANG, DGA' BA MCHED PA DANG, BDE BA NYER THOB TU BSHAD DE SEMS DBEN GYI YE SHES GSUM LA 'DOD PAR SNANG NGO, ,'DI NI YE SHES GSUM YE SHES RDO RJE KUN LAS BTUS LAS GSUNGS PA'I DON SPYOD BSDUS SU SEMS DBEN GYI SKABS SU BSHAD PA'I DMIGS PA GANG YIN PA DANG, DE LA 'DZIN STANGS KYI RNAM PA JI 'DRA ZHIG GIS BZUNG BA'I TSUL LEGS PAR MA NGES PA'I SKYON NO, ,SLOB DPON SGRA DBYANGS BCU GCIG

PAS, SOR SDUD LUS DBEN GYI GZHIR BSHAD PA NI, SGRON GSAL LAS, SOR SDUD SBYANG BYA DANG BSAM GTAN DE SBYONG BYED DU BSHAD PA'I DON DU BSAMS SO, ,RANG DBANG ZHES PA GNYIS KYIS BSTAN PA'I 'DZIN PA SEMS DBEN DANG, SO SOR SNANG BA ZHES PAS SGYU LUS DANG YAN LAG THA MA STON PA'I RKANG PA GSUM GYIS BSAM GTAN GNYIS DANG, ZUNG 'JUG TING NGE 'DZIN GYI YAN LAG LAS ZUR DU 'CHAD CING, ZUNG 'JUG LAS LOGS SU LHUN GRUB KYI LAM RKANG PA THA MA GSUM GYIS BSTAN PAR 'DOD PA RNAMS MI RIGS PA NI GZHUNG DE RNAMS KYI BSHAD PA 'GREL PA LAS GSUNGS PA'I DON MTSAN DU ZHIB TU BSHAD PA LAS SHES TE, SLOB DPON 'DIS KYANG SGRON GSAL LA BRTEN NAS BSHAD PAR SNANG NGO,, ` BOD KYI BLA MA RNAMS KYI SDUD TSUL 'THAD MI 'THAD DPYAD NA, MKHAS PA KHA CIG GIS GLAN GYIS SOR SDUD KYIS SPYOD PA BSTAN PAR 'DOD PA 'GOG PA NA, MCHOG SGRUB PA'I THOG MA SPYOD PA 'ONG BA GO RIM 'GAL ZHES PA NI RANG LUGS LA YANG MTSUNGS PA YIN TE, DE LTAR NA SOR BSAM GNYIS SGYU LUS SU STON PA YANG MI 'THAD DE, MCHOG SGRUB PA'I THOG MAR SGYU LUS 'ONG BA DE LAS KYANG 'GAL BA'I PHYIR RO, ,THOG MAR BSHAD PAS THAG MAR 'ONG MI DGOS ZHES SMRA NA NI SPYOD PA LA YANG MTSUNGS SO, ,GO RIM 'GAL BA'I SKYON STON NA NI SBYOR DRUG DANG RIM LNGA GNYIS 'DRA BAS, SROG RTZOL RDO RJE BZLAS PA'I SNGON DU SOR BSAM SGYU LUS SKYE BA DANG, 'DZIN PA 'OD GSAL GYI MJUG TU RJES DRAN GYI SEMS DBEN DANG, RIM PA GSUM PA'I SGYU LUS SKYE BA SHIN TU YANG 'GAL LO, ,GZHAN YANG RIM LNGA LA SROG RTZOL GYI LAM DANG SEMS DBEN

, ,DANG SGYU LUS SNGA PHYI RIM CAN DU SKYE BAR NGES PAS DUS 'KHOR GYI LUGS LA'ANG SROG RTZOL GYI RDOR BZLAS DANG, RJES DRAN GYI SEMS DBEN GNYIS SOR BSAM GYI SGYU LUS KYI SNGON DU 'GRO DGOS PAR 'GYUR ZHING, RJES DRAN GYI CHA GCIG 'DZIN PA'I SNGON DU SKYE DGOS PAR 'GYUR TE, DE RNAMS DON GCIG TU KHAS BLANGS PA'I PHYIR RO, ,'DI 'DRA BA'I SKYON NI DON GCIG TU BSHAD DU MI RUNG BA RNAMS NAN GYIS GCIG TU BSHAD PA'I SKYON NO, ,DE BZHIN DU SGYU LUS SA BCU GCIG PA, 'OD GSAL SA BCU GNYIS PA, DE NYID MOS SPYOD KYI SA NAS BGRANGS BAS BCU GSUM PAR RANG NYID BZHED PAS SA BCU GNYIS 'PHAGS PA'I SA YIN LA, DE LTA NA'ANG 'PHAGS PA'I SA BCU GCIG PA'I SGYU LUS MCHOG SGRUB PA'I THOG MAR SOR SDUD NAS 'THOB PA SOGS DANG, DUS 'KHOR BA'I TING NGE 'DZIN GYI YAN LAG SO SKYE'I SA NAS KYANG 'THOB PA DANG DE ZUNG 'JUG TU MDZAD PA SOGS KYANG 'GAL BAR MTHONG NGO, ,BSAM GTAN GYIS LUS DBEN BSTAN PA MI 'THAD PA'I RGYU MTSAN DU, LUS DBEN LA SHES DANG SHES BYA BYUNG ZAD KYI PHAN YON MI 'ONG BA'I PHYIR RO ZHES GSUNGS PA NI, PHYOGS SNGA MA SMRA BAS SHES DANG SHES BYA BYUNG ZAD KYI SEMS RTZE GCIG PA SEMS DBEN DU 'DOD PAR SNANG BAS DE LA SKYON DE MI 'JUG GO ,DE'I PHYIR 'PHAGS PA YAB SRAS KYIS BSHAD PA DANG, DUS 'KHOR GYI SKOR NAS BSHAD PA'I BDAG BYIN BRLABS DANG KUN RDZOB BDEN PA ZHES PA GNYIS MING GCIG KYANG DON MI GCIG STE, DPER NA DRIL BU ZHABS KYI RIM LNGAR SNYING KHAR THIG LE BSGOM PA

BDAG BYIN BRLABS SU BSHAD PA BZHIN TE DE 'DRA BA MANG NGO, ,DES NA RGYUD PHYI MA'I SBYOR DRUG GI GZHUNG RNAMS N'A RO PAS KYANG RGYUD PHYI MA'I 'GREL PAR SGRON GSAL JI BZHIN DU BSHAD LA, DBANG MDOR BSTAN GYI 'GREL PAR DUS 'KHOR BZHIN DU BSHAD DE, DE LTAR DON GCIG TU BSHAD DU MI RUNG YANG DE'I DOD THUB JI LTAR YIN DPYOD NA NI LEGS TE, DE LTAR BYAS NA RGYUD SO SO'I MAN NGAG GI MTHA' CHOD PAR 'GYUR BA'I PHYIR RO, ,'DI LA YANG DUS 'KHOR GYI YAN LAG DRUG GI GNAD ZHIB TU BSHAD DGOS PAR SNANG NA YANG TSIG MNGAS PAS 'JIGS SHING DON RAGS PA BSHAD NA'ANG RGYUD SDE MANG PO LA GO BA CHE BAR SNANG BAS CUNG ZAD BSHAD NA, DUS 'KHOR BA'I LUGS KYI SOR BSAM NI RLUNG GNYIS DBU MAR 'DZUD PA'I SROG RTZOL BUM PA CAN LA SOGS PA'I SNGON DU 'GRO BA RTZA DBU MA SBYONG BYED YIN PAS DE NAS BSHAD PA JI LTA BA BZHIN DU MI SGOM YANG RTZA DBU MA SBYONG BYED DU 'GRO BAR SNANG NA DE'I DOD YIN NO, ,DE BZHIN DU DUS 'KHOR BA'I SROG RTZOL BUM PA CAN LA SOGS PA NI, RLUNG LA DNGOS SU DMIGS PA'I RLUNG GI RNAL 'BYOR GYIS SROG DBU MAR 'DZUD BYED YIN LA, BTZUD PA DE 'KHOR LO RNAMS KYI LTE BAR GA-YO MED DU 'DZIN PA NI 'DZIN PA YIN PAS, DE NAS BSHAD PA JI MA JI BZHIN GYI SROG RTZOL DANG 'DZIN PA SGOM PA MA YIN KYANG, DGOS PA DE SGRUB PA'I THABS SU SNANG NA DE GNYIS KYI DOD DANG DE BZHIN DU THABS DE DAG LA BRTEN NAS SGOM PA'I THABS KYIS GTUM MO SPANG ? TE BYANG SEMS BZHUS PAS GSANG GNAS KYI RTZE'I BAR DU 'BEBS PA'I DGA' BA MYONG BA NI RJES DRAN DANG, BYANG SEMS 'PHO MED DU

, ,BZUNG BA'I 'GYUR MED KYI BDE BA NI TING NGE 'DZIN YIN PAS, DE NAS BSHAD PA JI MA JI BZHIN DU MI SGOM YANG DGOS PA DE SGRUB NUS PA'I LAM DU 'DUG NA, DE GNYIS KYI DOD THUB TU 'ONG NGO, ,DES NA DGOS PA DE SGRUB NUS KYI NGOS NAS RIM LNGA SOGS LAM GZHAN LA DPYAD DE LAM PHAN TSUN DU SDUD TSUL BYED NA NI DE RNAMS DON GCIG TU MA BSHAD KYANG SKABS DON 'GRUB PAS, RGYUD SO SO'I LAM GYI GNAS GANG DU SONG LA MI 'JIGS PA 'THOB PAR 'GYUR TE RIGS PA DE LAM GZHAN LA YANG SHES PAR BYA'O, ,'DI NI BLO GROS CHEN PO RNAMS KYI DPYOD TSUL THUN MONG MA YIN PAR ZUNGS SHIG GLAN GYIS SOR SDUD SPYOD PA LA SBYAR BA NI MTSAN NYID MTSUNGS PA TZAM YOD KYANG, RGYUD PHYI MA LAS YAN LAG DRUG LAS LOGS SU SPYOD PA GSUNGS PAS MI 'GRIG CING, SANGS RGYAS KUN DNGOS ZHES PA'I RKANG PA GNYIS KYIS SEMS RTZE GCIG PA STON PAR 'GREL PA LAS GSAL BAS, DE DAG GIS RIM PA SO SO'I LAM STEN PAR 'DOD PA YANG MI 'THAD DO, , ` RANG GI LUGS KYIS RDZOGS RIM GYI RIM PA DRUG LA YAN LAG DRUG SBYOR NA, SOR BSAM GNYIS LUS DBEN LA SBYOR BA SGRA DBYANGS BCU GCIG PA LTAR LEGS SO, ,SGRON GSAL NAS BSHAD PA LA SNA RTZE GSUM DU SGOM PA'I SROG RTZOL GSUM YOD PAS, NGAG DBEN DANG RDOR BZLAS DNGOS MIN PA'I SROG RTZOL YOD KYANG, DE GNYIS SROG RTZOL GYI GTZO BO'I SGO NAS KYI MING 'DOGS SU BYAS NA DE GNYIS SU 'DU'O, ,SEMS DBEN NI BSAM GTAN GYI RTZE GCIG PA DANG 'OD GSAL DU 'JUG PA'I SNGON GYI STONG PA GSUM DANG MTSAN NYID MTSUNGS

PA'I SGO NAS GO SA YOD PA MA GTOGS PA CHIG ZIN LA MED DO, ,'DZIN PA NI 'OD GSAL DANG DON GCIG TU SGRON GSAL LAS BSHAD PAS DES SEMS DBEN DANG SGYU LUS STON PA MI 'GRIG GO ,RJES DRAN NI 'OD GSAL LAS LUGS BZLOG TU LANGS PA'I SNANG BA RNAMS KYI 'CHAR TSUL DANG, TING NGE 'DZIN NI ZUNG 'JUG YIN PA SGRON GSAL LAS SHIN TU GSAL BAS DE LAS GZHAN DU 'CHAD PA DON MIN NO, ,RIM PA GSUM PA'I SGYU LUS NI ZUNG 'JUG GI SGYU MA'I SKU DANG MTSAN NYID MTSUNGS PA'I SGO NAS GO SA YOD PA MA GTOGS PA YAN LAG DRUG GI GZHUNG 'GREL PAS BSHAD PA'I DNGOS KYI TSIG ZIN LA MED DO, ,YAN LAG DRUG PO DE DAG GI DON RGYAS PAR BSHAD NA SGYU LUS DANG SEMS DBEN YANG THON PAR 'GYUR BAS YAN LAG DRUG GI LAM DU RDZOGS RIM GYI MCHOG SGRUB PA'I LAM GAL CHE BA RNAMS MA 'DUS PA'I SKYON YANG MED DO, ,MDOR NA BSKYED RIM GYI SGRUB THABS PHAL MO CHE DANG PO SBYOR BA LA SOGS PA'I TING NGE 'DZIN GSUM GYIS BSDUS PAR 'DRA MOD KYANG, DE GSUM GYI DON DU JI TZAM ZHIG BYA DGOS PA MI MTHUN PA DU MA YOD PA BZHIN DU, RDZOGS RIM LA YANG YAN LAG DRUG GI RNAM GZHAG BYA DGOS PAR MTSUNGS KYANG, DON MI 'DRA BA DU MA ZHIG 'ONG BAS SOR SDUD LA SOGS PA'I MING 'DRA BAS DON GCIG TU BYA DGOS PA MA YIN TE, MING GCIG LA DON DU MA DANG DON GCIG LA MING DU MA 'JUG PA NI MDO SNGAGS KYI PHYOGS RNAMS LA MTHA' YAS PA CIG SNANG BA'I PHYIR RO, ,DES NA KHUNGS THUB KYI LUGS MI 'DRA BA DU MA BYUNG BA LA BSHAD PA GCIG TSAD MAR BZUNG NAS GZHAN RNAMS

, ,'DOR BA DANG MI 'GRIG BZHIN DU DE DAG GI DON GCIG TU 'CHAD PA NI LUGS SO SO'I GNAD THUN MONG MA YIN PA SO SOR BSHAD PA RNAMS BLO'I NUS PAS MA RTOGS SHING, RGYUD SDE DU MA LA SBYANGS PA TSUNGS PA'I SKYON YIN PAS RNAM DPYOD CHEN PO DANG LDAN PAS DE GNYIS KA SPANG BAR BYA'O, ,LE'U BCU GNYIS PA'I MTHA' GCOD DO,, ` ,,BRJOD NAS RDO RJE SPRO BA NI, ,RDZOGS NAS RAB TU BSDU BAR BYA, ,ZHES PA 'DI 'PHAGS PA'I MDO BSRE LAS, NGAG GI BZLAS BRJOD RDZOGS PA'I MJUG TU, BSDU BA LA SBYAR BA DANG 'GREL PA'I BSHAD PA GNYIS DON GCIG TU MA BYUNG YANG MI 'GAL BA NI SNGAR BZHIN NO, ` ,RIG PA CHEN MO SPYAN LA SOGS, ZHES PA'I SKABS SU PAD MA CAN LA SOGS PA'I BUD MED RIGS BZHIS 'DOD PA'I LONGS SPYOD JI LTAR BDE BAR BRTEN NA RDO RJE 'CHANG CHEN PO'I GO 'PHANG 'GRUB PA DANG, BSHAD PA DE YANG SGRA JI BZHIN PAR GSUNGS PAS TSE 'DI LA MCHOG 'GRUB PA'I RIN PO CHE LTA BU'I GANG ZAG NI SKYES PA KHO NAR MA ZAD BUD MED LA YANG YOD DO, , 'O NA BSKYED RDZOGS KYI LAM RGYUD LA SKYED PA'I GZHUNG TSAD LDAN RNAMS SU SKYES PA'I RTEN LA BSHAD PA BZHIN DU, SGRUB PA PO BUD MED KYI RTEN GYI DBANG DU BYAS NAS KYANG RIM PA DANG PO DANG, RIM PA GNYIS PA'I TING NGE 'DZIN RDZOGS PAR SKYED TSUL GSAL BAR MI 'CHAD PA JI LTAR YIN SNYAM NA, 'DI LA RNAM DPYOD CAN LA DOGS PA DE LTA BU SKYE BA NI SHIN TU LEGS SO, ,'DI LA LE'U DRUG PA RTZA 'GREL DU, BUD MED KYI RTEN GYIS PADMA'I SNA RTZER PHRA MO SGOM PAR BSHAD PA LTA BU LAM GYI

CHA PHYOGS RE BA'I SGOM TSUL BSHAD PA MANG DU YOD KYANG, GZHUNG RNAMS NAS BUD MED KYI RTEN GYIS MCHOG SGRUB PA'I RIM PA GNYIS RDZOGS PAR SKYE TSUL PHAL CHER MI GSAL BA'I DGONGS PA NI, GRUB CHEN MTSO SKYES KYI KYEE RDOR GYI SGRUB THABS LAS, DGYES PA'I RDO RJE SGRUB PAR 'DOD PAS RIG MA DANG LHAN CIG TU DUR KHROD LA SOGS PA YID DU 'ONG BA'I GNAS SU 'DUG NAS, ZHES GSUNGS PA LTAR SGRUB PA PO GZHUNG NAS BSHAD PA'I MTSAN NYID TSANG BAS NI, RIM PA DANG PO LA SLOB PA NAS KYANG RIG MA'I GROGS DANG LHAN CIG TU SLOB LA, BUD MED LAM SGRUB PA'I RTEN GYI MTSAN NYID TSANG BAS KYANG, THABS KYI GROGS DANG LHAN CIG TU GNAS NAS RIM PA GNYIS KYI LAM LA DMIGS GSAL CAN 'GA' ZHIG MA GTOGS PA MTSUNGS PAR SLOB BO, ,DE'I PHYIR THABS KYI SGRUB PA PO'I DBANG DU BYAS PA'I LAM LA SBYONG TSUL NYID SHES RAB MA'I YANG SBYONG TSUL DU 'GYUR BAS LAM BSGRUB TSUL RGYAS PA LOGS SU MA MDZAD DO, ,DE LA LHAN SKYES KYI BDE CHEN 'DREN PA'I THABS RANG GI LUS KYI NANG GI GNAD CHE SA RNAMS SU THIG LE LA SOGS PA SGOM PA RNAMS LA RDO RJE'I SNA RTZER SGOM PAR BSHAD PA LTA BU, PAD MA'I SNA RTZE LA 'DON PA SPO BA LA SOGS PA 'GA' ZUNG MA GTOGS PA THABS KYIS SGOM PA DANG 'DRA LA, RDO RJE BZLAS PA DANG BUM PA CAN LA SOGS PA'I RLUNG SBYOR SGOM PA YANG THABS DANG 'DRA'O, ,RANG NYID MI BSKYOD RDO RJE DANG BDE DGYES SOGS SU BSGOMS NAS, YE SHES KYI PHYAG RGYA LA BRTEN NAS BDE CHEN

, ,BSKYED PA YANG 'DRA'O, ,'DI LA KYEE RDO RJE LAS, BDAG MED RNAL 'BYOR LDAN PA YIS, ,PHYAG RGYA NYID CES JI LTAR BRJOD, ,PHYAG RGYA PHYAG RGYA GNYIS DAG GIS, ,PHYAG RGYA'I DNGOS GRUB JI LTAR 'GYUR, ,ZHES RTEN GNYIS PO GANG YIN KYANG BDAG MED MAS DKYIL 'KHOR GYI GTZO BO BYAS PA'I RNAL 'BYOR DANG LDAN PA YIS, ,LAM DE BSGOMS PAS PHYAG RGYA'I DNGOS GRUB TU JI LTAR 'GYUR, ,ZHES PA'I DOGS GCOD RGYAS PA LU AI PA'I SGRUB THABS KYI 'GREL PAR GTAN LA PHAB ZIN PAS 'DIR TSIG MANGS SU DOGS PAS MA BRIS SO, ,SKYES PA'I RTEN GYIS LAS RGYA LA BRTEN NAS DGA' BA BZHI SKYED PA'I DOD NI, BUD MED KYI RTEN GYI SGRUB PA POS RANG GI YAB LA BRTEN NAS DGA' BA BZHI SKYED PA YIN LA, DE LA YANG YAS BABS DANG MAS BRTAN GYI DGA' BZHI DANG, LUGS MTHUN DANG LUGS LDOG GI STONG PA BZHI RNAMS SKYED TSUL DANG, DGA' BA BZHI PA DANG LUGS MTHUN GYI STONG PA BZHI PA'I DUS SU BDE STONG SBYAR NAS SGOM TSUL SOGS KYANG 'DRA BA YIN NO,, ` ,,YUM LA BRTEN NAS YAB KYI RGYUD LA DGA' BA BZHI SKYED PA BZHIN DU, YAB LA BRTEN NAS KYANG YUM GYI RGYUD LA DGA' BZHI SKYE BA LA KHUNGS CI ZHIG YOD SNYAM NA, 'DI NI DPAL KYEE RDO RJE LAS, RDO RJE DANG PADMA BYIN GYIS RLOB PA'I SNGAGS GSUNGS PA LAS SHIN TU GSAL BAR SHES PA YIN PAS DE BSHAD PAR BYA'O, ,DE LA PADMA BYIN GYIS RLOB PA'I SNGAGS NI, AOm PADMA SU KHA DHA RA MAH'A R'A GA SU

KHA DA DHA, TZA TUR A'A NANTA BHA GA BI SHVA H'Um H'Um H'Um KARYm KU RU SHVA ME, ZHES PA'O, ,SNGAGS KYI DON NI PADMA NI YUM GYI PADMA DANG, SU KHA NI BDE BA DANG, DHA RA NI 'DZIN PA DANG, MAH'A CHEN PO DANG, R'A GA NI CHAGS PA DANG, SU KHA NI BDE BA DANG, DA DHA NI STER BA'AM SBYIN PA DANG, TZA TUR NI BZHI DANG, A'A NANTA NI DGA' BA DANG, BHA GA NI YUM GYI PADMA DANG, BI SHVA NI SNA TSOGS PA DANG, KARYm NI BYA BA DANG, KU RU NI MDZOD CIG PA DANG, SHVA ME NI BDAG GI ZHES PA'O, ,DE LA KARYm KU RU SHVA ME ZHES BDAG GI BYA BA MDZOD CIG CES PA'I BYA BA NI DGA' BZHI SKYED PA'I BYA BA YIN TE, DE NI TZA TUR AANTA NAS BSTAN NO, ,DE YANG MAH'A R'A GA SU KHA DA DHA ZHES CHAGS PA CHEN POS BDE BA SBYIN PA'I TSUL GYIS MDZOD CIG CES PA'O, ,PADMA SU KHA DHA RA'I PADMA DANG BHA GA NI DON GCIG LA, DES BDE BA 'DZIN PA NI PHYAG RGYA RIGS BZHI'I PADMA'I KHYAD PAR GYIS, BDE BA'I RTEN YAB KYI BYANG SEMS MI 'PHO BAR BYED PA YIN TE, RDO RJE MKHA' 'GRO LAS, RTZUB CES BYA BA NI BA LANG GI LCE LTAR RTZUB PA'O, ,'JAM PA NI PADMA CAN ZHES BYA BA'O, ,SRA BA NI KHU BA SRA BA STE GANG GI KHU BA 'THAS PAR GYUR PA'O, ,'DZER PA CAN NI DUNG CAN MA STE PADMA LA SHA 'DZER YOD PA'O, ,BUD MED 'DI DAG NI BCUD BCING PA LA DBANG BAR GYUR BA YIN NO, ,ZHES GSUNGS PAS SHES TE, BCUD NI YAB KYI BYANG SEMS KUNTA LTA BU'O, ,YANG DE NYID LAS, DRUG PO DE DAG NI SKAL BZANG MA STE SU BHA GA YIN LA, DE DAG NI SGRUB PA PO LA MCHOG STER BA YIN NO, ,ZHES RUS SBAL GYI RGYAB LTAR MTHO BA SOGS KYI MTSAN NYID DRUG TSANG BA'I BHA GA DANG LDAN

, ,PA NI SKAL BZANG MA STE, DE DANG 'DUS PAS SGRUB PA PO LA MCHOG STER BAS, SU BHA GA ZHES PA SKAL BZANG MA'AM BHA GA BZANG PO MA ZHES PA'I DON NO, ,BI SHVA NI BHA GAR RTZOL BA'I BYA BA SNA TSOGS PA DGA' BA'I BSTAN CHOS LAS BSHAD PA STE THABS DES SO, ,H'Um RNAMS NI DON DE LA SKUL BAR BYED PA'O, ,BDAG GI BYA BA MDZOD CIG CES PA'I SMRA BA PO NI YAB YIN LA SMRA BA'I YUL NI YUM MO, ,RDO RJE BYIN GYIS RLOB PA'I SNGAGS NI, AOm BADZRA MAH'A DVE shA TZA TUR A'A NANTA DA YA KA K'A MU KHA AE KA RA SO N'A THA, H'Um H'Um H'Um KARYm KU RU SHVA ME ZHES PA'O, ,'DI LA YANG KARYm KU RU SHVA ME NI BDAG GI BYA BA MDZOD CIG CES PA'O, ,BYA BA NI TZA TUR A'A NANTA DA YA STE DGA' BA BZHI SBYIN PA'I BYA BA'O, ,GANG GIS NA BADZRA MAH'A DVE shA NI ZHE SDANG CHEN PO'I RDO RJE STE, YAB HE RU KAR BYAS PA'I GSANG BA'I RDO RJES SO, ,DE LTAR YUM GYIS YAB LA DGA' BA BZHI STER BA DANG, YAB KYIS YUM LA DGA' BZHI STER BA'I TSUL NI, KA K'A MU KHA AE KA RA SO N'A THA ZHES PAS STON PA'I KA K'A NI BYA ROG GO ,MU KHA NI GDONG STE BYA ROG GDONG DANG, BYA GDONG MA DANG MKHA' 'GRO GDONG ZHES GRAGS PA STE GNYIS KA'I DBU MA'I MAR SNA'O, ,AE KA NI GCIG PA STE DE YANG RA SO'AM RA SA ZHES PAS RO GCIG PA'O, ,DE'I DON NI RTZA GNYIS PO PHAN TSUN PHRAD PAS DAM DU BCINGS TE GCIG TU BYAS PA'I MTHU LAS, N'A THA STE MGON PO BDE BA CHEN PO BSKYED PA'O, ,PHYI MA 'DIR BDAG GI BYA BA MDZOD CIG CES PA'I SMRA BA PO NI YUM YIN LA, GANG LA SMRA BA'I YUL NI YAB BO, ,DE'I PHYIR RJE BTZUN MAR PA'I BRGYUD 'DZIN RNAMS

YAB KYI SA YUM GYI PAD MA BYIN GYIS RLOB CING, YUM GYIS YAB KYI RDO RJE BYIN GYIS RLOB PA YIN ZHES SMRA BA YANG 'THAD PAR SNANG NGO, ,'DIR SHES BYED KYI KHUNGS DNGOS NI SNGAGS PHYI MA'O, ,'DI LEGS PAR SHOD PA NYUR BAR BYUNG SNANG BAS ZHIB TU BSHAD DE, 'DI NI PHYAG RGYA SROG RTZOL DU 'GRO BA'I GNAD LEGS PAR SHES PA LA BRTEN NAS SHES DGOS PAR YOD DO, ,RDO RJE MKHA' 'GRO LAS KYANG, BUD MED KUN GYI SGYU MA'I RGYA, ,'DI NI GNYIS MED YE SHES MCHOG ,RNYED DANG BDE BA KUN MOS PAS, ,NGAN PAR SPYOD PA'ANG 'GRUB PAR 'GYUR, ,ZHES GSUNGS PA'I 'GREL PA LAS, NGAN PAR SPYOD PA STE SGRUB PA PO GANG GI RANG BZHIN NYON MONGS PA BDO BA YIN YANG DE DAG LA RNAL 'BYOR MA RNAMS KYIS, DON DAM PA'I YE SHES KYI DNGOS GRUB STER BAR 'GYUR BA'O, , 'DI ZHES BYA BA'I SGRAS NI RNAL 'BYOR MA RNAMS LA YANG DE DAG GI DON DAM PA'I YE SHES STER BAR 'GYUR RO ZHES BLTA BAR BYA STE, DE LTAR NA LAM 'DIS SKYES PA DANG BUD MED DAG KYANG TSEGS MED PAR 'GRUB PAR 'GYUR RO ZHES BYA BAR DGONGS SO, ,ZHES GSAL BAR GSUNGS SO, ` ,KHRO BO CHEN PO GSHIN RJE GSHED, ,CES PA LA SOGS PA'I TSIGS SU BCAD PA BCU GO SLAR BZHAG PA RNAMS CUNG ZAD GSAL BAR BSHAD NA, DRAG PO'I 'OD BZANG BA NI 'OD ZER GYI 'PHRENG BA CAN NO, ,RAB TU GTUM PAS NA RNON PO'O, ,'JIGS PA'ANG NI GSHIN RJE'O, ,'OD ZER MANG PO RAB TU 'PHRO BA NI GZI BRJID DANG LDAN PA'O, ,SBYOR BA STE RNAL 'BYOR CAN GYIS RTAG TU BSGOM MO, ,RDO RJE MI 'CHI NI BDUD RTZI THABS SBYOR RO, ,'OD ZER 'PHRO BA RAB TU 'KHRUG DRAG PO ZHES

, ,PA NI BGEGS 'JOMS PA MYUR BA'I DPE STE, DRAG PO'I 'KHOR LO 'BAR BA 'DRA BA'I 'OD ZER GYIS BSKOR BA'O, ,'JIGS PA DAG KYANG ZHES PA NI GNOD SBYIN DANG LOG 'DREN GYI GDON NO, ,tIKKA NI 'DOD PA'I DON YIN LA, DE 'GUGS PA'I PHYIR 'DOD PA'I RGYAL PO'O, ,DE'I DE KHO NA NYID YID KYIS 'DZIN PA NI 'DOD PA'I YE SHES SO, ,'GYUR RNYING LAS ZHAL GSUM PA NI 'JIGS PAR BYED, CES PA LA PA TSAB KYI 'GYUR LAS, ZHAL GSUM 'JIGS PA GSUM STER BA, ZHES 'BYUNG LA, DE'I LTAR NA SKU GSUNG THUGS GSUM GYI SGO NAS GDUG PA RNAMS LA 'JIGS PA GSUM STER BA'O, ,PHYAG BZHI PA LA SH'ANTI PA'I 'GREL PAR, LONGS SPYOD BZHI DANG YANG DAG LDAN, ,ZHES 'BYUNG LA, RGYAL BAS BYIN GYIS YUM LA 'KHYUD PA'I PHYAG GNYIS MA GTOGS PA LA BSHAD, TZI LU BAS PHYAG MTSAN 'DZIN PA'I DBANG DU BYAS NAS BSHAD MOD KYANG, 'DIR NI RTZA PHYAG GNYIS KYIS 'JIG RTEN GSUM RGYAL GYI PHYAG RGYA MDZAD PA DOR BA'I PHYAG LHAG MA'I DBANG DU BYAS NAS PHYAG BZHI ZHES GSUNGS PAR BYA'O, ,DE NI BDEN BRAL GYI GDON 'JIGS PAR BYED PA'I MCHOG GO ,KHRO BO CHEN PO YIN PAS RDO RJE CHE'O, ,'JIG RTEN GSUM GYI MI SHES PA'I MUN PA SEL BA DANG GDUG PA DBANG LDAN GYI GDON LA SOGS PA GDON THAMS CAD 'JOMS PAR BYED PA'O, ,SA 'OG SA STENG SA BLA'I KHAMS GSUM GYI RLUNG LHA'I GDON LA SOGS PA 'JIGS PAR BYED PA DANG, RDO RJE GSUM DBYER MI PHYED PA RDO RJE 'CHANG LAS BYUNG BA DANG, 'OD ZER RNON PO 'BAR

BAS RAB TU BSKOR BA'O, ,KHRO BO YIN PAS NA RDO RJE DANG, THUGS RIN PO CHE MI GA-YO BAR 'DZIN PA'I RNAL 'BYOR GYIS BRTAN PAR BYED PA'I PHYIR MI GA-YO BA'O, ,RDO RJE SEMS DPA' LAS BYUNG BAS NA RDO RJE LAS BYUNG BA'O, ,MI GA-YO BA ZHES PA GNYIS PA LA SH'ANTI PA'I 'GREL PAR ZUR GYIS BLTA, ZHES BYA BA NI SHIN TU CHAGS PAS YON POR BLTA BA'I PHYIR RO, ,ZHES 'BYUNG YANG, 'DIR NI SPYAN GA-YO BA ZHES PA TSAB KYIS BSGYUR BA LTAR BYA'O, ,ZHI BA NI RGYAL BAS BYIN LA SOGS PAS 'DI SGEG PA'I KHRO BOR 'DOD PA YIN KYANG 'PHAGS LUGS LA KHRO BO BCU PO THAMS CAD MI SDUG PA'I KHRO BO YIN PAS SHIN TU GZHON SHA CHAGS PA LA BSHAD PA LTAR BYA'O, ,GTZUG TOR CHEN PO NI GTZUR TOR 'KHOR LOS SGYUR RGYAL YIN LA, YI GE GCIG NI TZI LU PA LA SOGS PAS BHRUm YIG LAS BSKYED PA LA 'DOD KYANG, 'DIR BHRUm YIG GI NGO BOR BSHAD PA BZHIN DU BYA'O, ,'KHOR LO CAN ZHES PA NI LUGS GZHAN LAS PHYAG NA 'KHOR LO BSNAMS PA LA BSHAD KYANG, 'DIR NI 'KHOR LO BSGYUR BA ZHES PA'I MTSAN CAN LA BYA'O, ,GNOD MDZES NI YE SHES MCHOG STE YE SHES LNGA'I BDAG NYID KYI RDO RJE 'DZIN PAR BYED PA'O, ,PA TSAB KYI 'GYUR LAS, GNOD MDZES YE SHES 'DZIN DRAG PO, ,'JIGS PA'I RGYA MTSO MTSUNGS 'OD CAN, ZHES PA LTAR NA SHIN TU 'JIGS PA'I RGYA MTSO'I KHA DAG LTAR MTHING NAG GI 'OD CAN NO, ,'DI DANG GTZUR TOR GNYIS KA'I MTHAR, ,BSAM GTAN DKYIL 'KHOR LA BSGOM BYA, ,ZHES 'BYUNG NGO, ` ,GZI BRJID PHUNG PO GTZUG

, ,TOR RGYAL, ,ZHES PA'I RKANG PA BZHI'I DON GSANG 'DUS LUGS GZHAN LAS BSHAD TSUL NI, SH'ANTI PA DANG RGYAL BAS BYIN GYIS RGYUD GZHAN LAS GSUNGS PA'I LHA GANG YIN PA DE DAG KYANG 'DIR BSGOMS NA 'GRUB PAR 'GYUR BAS DE'I TING NGE 'DZIN RKANG PA BZHI PO 'DIS STON PAR BSHAD DO, ,DE YANG SNYIM PA'I ME TOG LAS, GANG GZHAN NI 'DIR GSUNGS PA LAS GZHAN PA'O, ,SNGAGS KYI 'KHOR LO CAN ZHES PA'I SNGAGS NI DPA' BO GCIG PU'O, ,'KHOR LO CAN NI DKYIL 'KHOR GYI BDAG PO RNAMS TE, DE YANG GTZUR TOR GYEN DU 'BYUNG BA DANG, CHER 'BYUNG BA LA SOGS PA'I KHRO BO RNAMS DANG BLO GROS MI ZAD PA DANG, SPOBS PA BRTZEGS PA LA SOGS PA'I BYANG CHUB SEMS DPA' RNAMS DANG, 'OD ZER CAN DANG RI KHROD LO MA CAN LA SOGS PA'I LHA MO RNAMS SO, ,DE DAG THAMS CAD KYANG DAM TSIG LONGS SPYOD 'DI RNAMS KYIS TE, JI SKAD DU BSHAD PA'I ZHAL GSUM PHYAG DRUG LA SOGS PA 'CHAD PAR 'GYUR BAS, CHOS 'BYUNG BA'I GZHAL YAS KHANG DU RDO RJE 'CHANG YONGS SU GYUR PA LA SOGS PA TING NGE 'DZIN 'KHOR DANG BCAS PA RNAMS KYIS SO, ,SO SO DAG TU ZHES BYA BA NI GANG JI LTAR RIGS PA DANG, GANG ZHIG GANG GI SNGAGS DANG MTSAN MA LA SOGS PA RANG RANG GI RGYUD DANG 'GAL BA MED PAR BLANG BAR BYA STE RGYUD SNA TSOGS LAS GSUNGS PA RNAMS DANG, NYE BA'I RGYUD LAS GSUNGS PA 'DIR MA GSUNGS PA 'GAL BA MED PA GZUNG BAR BYA'O ZHES BYA BA'I DON TO, ,ZHES 'DUS PA 'DIR MA BSHAD

PA RGYUD GZHAN NAS GSUNGS PA'I KHRO BO DANG BYANG SEMS DANG, LHA MO RNAMS DKYIL 'KHOR GYI BDAG POR BSGOM PAR BYA ZHING, DE YANG ZHAL GSUM PHYAG DRUG PA'I RNAM PA CAN DU BYA BA DANG, SNGAGS DANG PHYAG MTSAN LA SOGS PA RGYUD GZHAN LAS GSUNGS PA DANG MI 'GAL BAR BYA ZHES BSHAD DO, ,GTZO BOR BYAS PA'I TSE YAB YUM CAN DU BYA DGOS LA, MTSAN MA'I SOGS KHONGS NAS SKU MDOG 'DON PA 'DRA'O, ,'DIR NI RGYUD 'GREL LAS, RGYUD GZHAN DU GSUNGS PA'I KHRO BO RNAMS BYAMS PA LA SOGS PA'I LHA LHAG MA RNAMS RANG RANG GI RIGS KYIS PHYE BA'I PHYAG MTSAN BSNAMS PA'I SGO NAS SO SO THA DAD DU BSGOM PAR GSUNG TE, BYAMS PA NI 'DIR BSHAD PA LTAR MIN PA'I GZHAN DU MI 'DRA BAR BSHAD PA LA BYA DGOS PAR MNGON TE DES GZHAN RNAMS KYANG MTSON NO, ,'DIR BSHAD PA'I CHO GAS SGOM PA YIN YANG DPA' BO GCIG PA DANG DKYIL 'KHOR GYI 'KHOR LO'I BDAG PO DANG 'KHOR DU SGOM PA GANG YIN MI GSAL YANG, DPA' BO GCIG PA DANG BDAG POR SGOM PA GNYIS LA BYA DGOS PA 'DRA'O, ,LHA RNAMS KYI TING NGE 'DZIN DPAG TU MED PAR 'GRO TSUL NI KHRO BO RE RE LA YANG BRAN PHO MO LA SOGS PA'I 'KHOR GYIS PHYE BA LA BSHAD DO, ,DES NA KHRO BO DANG SEMS DPA' LA SOGS PA NANG TSAN RIGS MI 'DRA BA MANG PO'I SGO NAS MANG POR 'BYED PA NI GZHUNG SNGA MAS BSTAN LA, 'KHOR GYI SGO NAS MANG POR 'BYED PA KHRO BO LA GSUNGS PA NI MTSON PA TZAM DU MNGON NO, ,LE'U BCU GSUM PA'I MTHA' GCOD DO,, ` ,,ZHI BA DANG NI RGYAS PA DAG CES SOGS

, ,KYI SKABS SU, ZHI SOGS KYI LAS SGRUB PAR BSTAN PA LA, 'JIG RTEN PA'I DNGOS GRUB NI GNYIS TE, ZHI SOGS BYA BA'I CHO GA DANG, ,DE BZHIN GRUB PA BRGYAD DANG NI, ,ZHES GSUNGS PA'I DNGOS GRUB 'BRING PO GRUB PA BRGYAD DANG; DNGOS GRUB CHUNG NGU ZHI BA LA SOGS PA'I DNGOS GRUB BO, ,'DI LA SPYOD BSDUS LAS, 'JIG RTEN PA'I DNGOS GRUB PHRA MO DANG, GRUB PA CHEN PO BRGYAD DON DU GNYER BAR MI BYA STE, RNAM PAR GA-YENG BAR 'GYUR BA DANG, PHYIR LDOG PAR 'GYUR BA'I PHYIR RO ZHES GSUNGS PA NI RDZOGS RIM PA LA DGONGS PA YIN LA, 'GREL PAR RDZOGS RIM PAS ZHI BA LA SOGS PA'I DNGOS GRUB THUN MONG BA MANG PO SGRUB PAR GSUNGS PA GNYIS MI 'GAL BA'I TSUL NI, BSKYED RIM GYI BSNYEN PA MTHAR PHYIN PA'I MTSAMS NAS SLOB PA'I ZUNG 'JUG MA THOB KYI BAR DU RDZOGS RIM GYI RTOGS PA SKYED PA'I YAN LAG TU NGES PAR DGOS PA 'GA' ZHIG MA GTOGS PAR RDZOGS RIM NYID LA 'DRIL BA NI LUNG SNGA MA'I DON YIN LA; LUNG PHYI MA'I DON NI GTZO BOR SLOB PA'I ZUNG 'JUG THOB PA'I RJES SU BYED PA YIN PAS DE GNYIS KYI KHYAD PAR PHYED PAR BYA'O, ,DE LA TZAN DAN LTA BU LA SOGS PA'I GANG ZAG BZHIS NI PHUGS SU MCHOG GI DNGOS GRUB DON DU GNYER PA YIN MOD KYANG, 'PHRAL DU BSKYED RIM MTHAR PHYIN PA LA BRTEN NAS RDZOGS RIM GTZO BOR MI BYED PAR 'GYUR BAS DE RNAMS KYI DON DU BSKYED RIM LA BRTEN NAS LAS TSOGS SGRUB PA MANG DU GSUNGS PA YIN NO, ,DE LTAR BSKYED

RIM LA BRTEN NAS LAS TSOGS SGRUB PA RNAMS LA THUN MONG DU RJES SU 'GRO BA'I KHYAD PAR BRGYAD YOD DE, GANG DU KHA LTA BA'I PHYOGS KYI KHYAD PAR DANG, DUS NAM GYI TSE BYED PA'I DUS KYI KHYAD PAR DANG, LHA DANG CHAS GOS LA SOGS PA'I KHA DOG JI LTAR BYED PA'I KHA DOG GI KHYAD PAR DANG, LAS GANG BSAM PA GANG GIS BYED PA'I BSAM PA'I KHYAD PAR TE, KHYAD PAR BZHI NI 'DIR DRANGS PA'I RDO RJE 'PHRENG BA LAS GSUNGS SO, ,KHYAD PAR GZHAN BZHI'I GNAS KYI KHYAD PAR LA DRAG LAS KYI GNAS NI, BCU BZHI PA LAS MA MO'I GNAS SAM DUR KHROD DAM, ZHES PA'I RKANG PA BZHIS BSTAN NO, ,ZHI SOGS GSUM SGRUB PA'I GNAS NI BCU GCIG PA LAS, RNAM PAR DBEN PA'I RI BO DANG, ,ZHES PA'I RKANG PA BZHI DRANG DON DU BSHAD PAS BSTAN NO, ,GANG LA LAS BYA BA'I YUL GYI KHYAD PAR NI, BCU GSUM PA LAS MA DAD SMRA BA'I SEMS CAN DANG, ZHES SOGS KYIS MNGON SPYOD BYA BA'I YUL BSTAN LA DES MTSON NAS LAS GZHAN GANG LA BYA BA'I YUL YANG SHES PAR BYA'O, ,LAS SGRUB DUS SU ZA BA'I KHA ZAS KYI KHYAD PAR NI, DRAG PO'I LAS KYI RIGS SO SO LA SHA CHEN LA SOGS PA BZA' BAR LE'U DRUG PA'I 'GREL PA LAS GSUNGS TE, DES GZHAN YANG MTSON NO, ,LAS RNAMS JI LTAR BYED PA'I CHO GA'I KHYAD PAR NI, SGRUB GROGS PHYAG RGYA MA LA BRTEN NAS RANG RANG SO SO'I CHO GA BSHAD PA BZHIN DU BYED PA STE, BCU GNYIS PA LAS, LAM GYI BZHI MDO'AM SHING GCIG DRUNG, ,ZHES PA BZHIS DE LTAR GSUNGS SHING RNAM PAR DBEN PA'I

, ,RI BO DANG, ZHES PA BZHI NGES DON DU BSHAD PA LA GSUNGS LA 'PHAGS PA'I MDO BSRE LAS, ZHI SOGS KYI LAS SGRUB PA THAMS CAD LA, DBANG PO GNYIS KYI SBYOR BA YIS, ,DNGOS PO THAMS CAD BRTAG PAR BYA, ,ZHES PA'I TSIG ZIN LTAR BYA BA GSUNGS SO, ,DE LA RGYUD 'DIR DBU ZHABS SU DNGOS GRUB DANG LAS TSOGS STON PA'I GZHUNG BRGYA LNGA BCU NGA LNGA LE'U DGU PA'I DAM TSIG LNGA LA DRANG NGES GNYIS SU PHYE BA'I DRANG DON GYI LNGA DANG BCAS PAS BRGYA DRUG CUR 'GYUR RO ZHES BOD KYI MKHAS PA DAG GSUNG NGO, ` ,SPYAN MA'I SNGAGS KYIS LAS SGRUB PA'I SKABS SU NAD ZHI BA DANG, RGYAS PA SOGS KYI LAS RNAMS KYANG SGRUB PAR 'GYUR TSUL MTSAN DU BSHAD ZIN LA, SHI BA SOS PAR BYED PAR GSUNGS, ,ZHES PA LA SHI BA SLONG BA DANG 'CHI BAR PHYOGS PA'I SROG KYANG 'DZIN PAR BYED PA'I LAS SBYOR SHES PAR 'DOD NA SNYIM PA'I ME TOG LAS SHES PAR BYA'O, ` ,GOS DKAR MO'I SKABS SU GZHAN 'DRA BA LA 'OD ZER GYIS LUS NYAMS PA DANG SPRO BA NYAMS PA BSREGS, DE BZHIN GSHEGS PA THAMS CAD KYI STOBS DANG BRTZON 'GRUS 'OD ZER SER PO'I TSUL DU BSDUS NAS GANG BAR BSAMS TE SNGAGS LA, CHE GE MO'I KA YAB LA PUshtIm KU RU BOO shA tA ZHES BZLAS NA LUS DANG SPRO BRGYAS PAR 'GYUR RO, ,DE RNAMS RANG DON DU BYED NA; CHE GE MO ZHES PA'I SKABS SU ME ZHES GZHUG CING DBANG BSKUR BA LA SOGS PA RNAMS RANG LA BYA'O, ` ,PHAN TSUN DKRI BA'I TSUL DU BYA, ZHES BYA BA LA SOGS PA'I SKABS SU BSKYED RIM PA'I PHUR GDAB GSUM GSUNGS PA'I PHUR GDAB DANG PO LA

LHA'I RNAL 'BYOR MI BSKYOD PA YAB YUM GYIS BYA BAR GSUNGS SHING, PHUR GDAB GZHAN GNYIS LA LHA'I RNAL 'BYOR MI GSAL YANG, DANG PO DANG 'DRA BAR BYA BA 'GREL BA'I DGONGS PA'O, ,'DI LA RDZOGS RIM PA'I PHUR GDAB GSUM YANG YOD LA, DE YANG RGYUD PHYI MA LAS, RIGS KYI DBYE BA'I SBYOR BAS NI, ,RDO RJE PHUR BUS PHUR BU GDAB, ,CES GSUNGS PA'I DON 'GREL PAR RNAM PAR SNANG MDZAD KYI SBYOR BA DANG LDAN PAS, SANGS RGYAS SPYAN MDUN DU BZHAG LA, LAG PA PHAN TSUN 'KHYUD PA DANG DKRI BA LA SOGS PA BYA BA NI SKU'I CHO GA'O, ,SNANG BA MTHA' YAS KYI SBYOR BA DANG LDAN PAS GOS DKAR MO MDUN DU BZHAG LA, SNANG BA DANG SNANG BA MCHED PA DANG SNANG BA THOB PA GSUM 'BYUNG BA'I PADMA LHA MO'I BHA GA LA RDO RJE RTZE LNGA PA BSGOMS LA CHOS 'BYUNG YOD PA'I NANG DU CHUD PAR BYA'O, ,MI BSKYOD PA'I SBYOR BA DANG LDAN PAS M'A MA K'I MDUN DU BZHAG LA RANG GI RDO RJE RTZE MO LNGA PAR BSGOMS LA, RANG GI PHYAG RGYA'I CHOS 'BYUNG GI NANG DU CHUD PA'I ME'I DKYIL 'KHOR DANG LDAN PAR, RANG GI RDO RJES GDAN BRDABS SHING BRDUNGS NA 'OD GSAL BA THOB PAR 'GYUR RO, ,ZHES LHA'I RNAL 'BYOR RIGS GSUM GYI DBYE BAS RDO RJE DANG PADMA SBYOR BA'I PHUR GDAB GSUM BSHAD PA NI, RIGS KYI DBYE BA'I SBYOR BA ZHES GSUNGS PA'I DON YIN LA DE YANG RDZOGS RIM PA'I DBANG DU BYAS PA STE, BSKYED RIM PA'I LHA LA PHUR GDAB BYED NA BSGRUB BYA MA GTOGS PA 'GREL BAR BSHAD PA BZHIN YIN NO, ,PHUR GDAB BYED TSUL NI THUGS KA'I 'OD ZER GYIS YE SHES KYI DKYIL 'KHOR GYI LHA SO SO'I YUM GYI PAD MA'I NANG GI ME'I DKYIL

, ,'KHOR GYI STENG DU BKUG NAS LING GA PHUR BU'I RNAM PA CAN DU BSAMS TE, SNYOMS PAR 'JUG BZHIN PA'I NGANG NAS LHA RNAMS KYI SKU LA PHUR BUS BTAB PAR BSGOM PA'O, ,DE LTAR BYAS NA 'OD GSAL BAR THOB PAR 'GYUR RO, , ZHES PA'I 'OD GSAL NI DON GYI 'OD GSAL YIN LA, DE THOB NA DE'I MJUG THOGS NYID DU SLOB PA'I ZUNG 'JUG THOB PAR 'GYUR BAS 'DIR PHUR 'DEBS BYED PA PO NI SGYU LUS THOB NAS SPYOD PA BYAS PA'O, ,DE NI SLOB PA'I ZUNG 'JUG THOB PA'I RJES SU YANG SPYOD PA BYAS PAS DUS 'DI TZAM NA DBANG PHYUG GI YON TAN GYI MTSAN MA 'BYUNG ZHES PA DANG, MCHOG 'GRUB CES GSUNGS PA LTAR DUS TSIGS DE LA MA GRUB NA LHA LA DRAG SHUL BYA BA YANG MTSON PAR SHES PAR BYA STE, GANG TSE BYANG CHUB MA GRUB NA, ,DAG SHUL SBYOR BAS BSGRUB PAR BYA, ,ZHES GSUNGS PA'I DON YIN PA'I PHYIR RO, ,LE'U BCU BZHI PA'I MTHA' GCOD DO,, ` ,,RDO RJE NYI MA NUB NAS NI, ,BSGRUB PA KUN TU BRTZAM PAR BYA, ,ZHES PA'I RKANG PA BZHI PHYI NANG GI MNGON PAR BYANG CHUB PA GNYIS LA SBYAR TE 'GREL PAR BSHAD LA, PHYI NANG GI BYANG CHUB PA GNYIS RIM LNGA LAS BSHAD TSUL NI, MTSAN MO SNANG BA'I CHA STE GSAL BA NYI MA'I ZER 'GYED SNANG BA MCHED PA YIN, ,MTSAMS NI SNANG BA THOB PA RANG GI RANG BZHIN RNAMS KYIS LAN CIG MIN PAR 'GRO, ,MTSAN MIN NYIN PAR MA YIN MTSAMS MIN GANG ZHIG RANG BZHIN RNAMS DANG RNAMS BRAL BA, ,DE NI BYANG CHUB SKAD CIG YIN PAR BLA MA MCHOG BSHAD RNAL 'BYOR BA NYID YUL, ,MTSAMS KYI MTHA' NI 'JIG MIN MUN NAG

TSOGS NI MA LUS GANG DU 'DAS PA DANG, ,JI SRID NYI MA MA SHAR SKAD CIG 'DIR NI DRI MED YANG DAG MTHA' RU BSHAD, ,SLOB DPON MCHOG NI RAB RIB BRAL BAS SLOB MA LA NI PHYI ROL BYANG CHUB BSTAN, ,NANG GI BDE BA RNYOG BRAL SANGS RGYAS BYANG CHUB SKAD CIG DAG GIS THOB PAR 'GYUR, ,ZHES GSUNGS SO, ,DE'I RKANG PA THA MAS NANG GI MNGON BYANG BSTAN LA LHAG MA RNAMS KYIS NYIN ZHAG GCIG LA BZHI CHAR BYAS PA STONG PA BZHI DANG SBYAR NAS PHYI'I MNGON BYANG BSTAN NO, ,MTSAN MO SNANG BA'I CHA STE ZHES PA NI MTSAMS KYI SMAG 'THUG PO YAL BA NAS BZUNG STE, THO RANGS LA MA SLEB PA'I BAR GYI MTSAN MO NAM MKHA' GA-YA' DAG PA ZLA BA SHAR BA'I DUS LA SNANG BA BZHAG PA'O, ,GSAL BA NYI MA'I ZER 'GYED SNANG BA MCHED PA YIN, ZHES PA NI NAM MKHA' GA-YA' DAG LA NYI 'OD DANG PO SHAR NAS MA NUB KYI BAR GYI DUS LA SNANG BA MCHED PAR BZHAG PA'O, ,MTSAMS NI SNANG BA THOB PA ZHES PA NI NYI 'OD PHRA MO YANG 'DAS NAS SMAG 'THUG PO MA SANGS KYI BAR GYI MTSAMS KYI MUN PAS NAM MKHA' GA-YA' DAG LA KHYAB PA'I DUS LA NYER THOB BZHAG PA'O, ,RANG GI RANG BZHIN RNAMS KYIS ZHES PA NI SNANG BA GSUM PO RANG RANG GI RANG BZHIN GYI RTOG PA SDE TSAN GSUM DU BCAD PA RNAMS SO, ,LAN CIG MIN PAR 'GRO BA NI YANG DANG YANG DU SNANG BA GSUM LAS KUN RTOG RNAMS SKYE BA DANG THIM PA'I RIM GYIS 'JUG PA'O, ,MTSAN MIN NAS RNAM BRAL BA ZHES PA'I BAR NI, SNANG BA GSUM DANG RANG BZHIN BRGYAD CU'I RTOG PA DANG BRAL BA YIN LA, DE NI MNGON PAR BYANG CHUB PA'I SKAD CIG MA YIN PAR BLA MA MCHOG RNAMS KYIS BSHAD CING

, ,RNAL 'BYOR PA MCHOG NYID KYI YUL LA, ,DE GANG LA BZHAG PA'I DUS NI MTSAMS KYI MTHA' NI NYER THOB GANG LA BZHAG PA'I DUS SO, ,'GYUR RNYING LAS, 'JIG MIN ZHES 'BYUNG YANG, CHAG 'GYUR LAS, DE LA RNAM PAR ZAD CES 'BYUNG BA LTAR DUS DE DANG SNANG BA GANG LA BZHAG PA'I DUS MUN NAG GI TSOGS GNYIS PO MA LUS PAR 'DAS PA NAS JI SRID DU NYI 'OD DANG PO MA SHAR BA'I DUS 'DI NI YANG DAG PA'I MTHA' 'OD GSAL DU BSHAD PA'I PHYI'I BYANG CHUB 'DI NI SLOB DPON GYIS SLOB MA LA BSTAN ZHES PA'O, ,SPYOD BSDUS LAS GSUNGS TSUL GYI PHYI'I MNGON BYANG NI THO RANGS KYI THUN MTSAMS SU MA RIG PA'I SNANG BA 'DAS NAS JI SRID NYI MA GSAL BAR MA GYUR PA STE 'DI LA NI 'OD GSAL THAMS CAD STONG PA'O, ,ZHES BSHAD PA'I DON NI RIM LNGA LAS, THOB PA DANG SNANG BA'I MTSAN GYI DUS GNYIS 'DAS SHING NYI MA MA SHAR BA'I BAR LA BSHAD PA'I THO RANGS SO, ,NYI MA SHAR BA NA SNANG BA MCHED PA DANG NYI MA NUB PA'I MTSAMS SU MA RIG PA DANG ZLA BA SHAR BA'I TSE SNANG BA'O ZHES BSHAD DE 'DI RIM LNGA DANG SBYAR BA LA BRTEN NAS SHES PAR NUS SO, ,NANG GI MNGON BYANG STON PA NA DANG POR SMIG RGYU LTA BU LA 'OD ZER LNGA'I TSOGS DANG LDAN PAR MTHONG NGO, ,GNYIS PA NI SNANG BA STE ZLA BA'I 'OD ZER LTA BU'O, ,GSUM PA NI SNANG BA MCHED PA STE NYI MA'I 'OD ZER LTA BU'O, , BZHI PA NI SNANG BA THOB PA STE MUN PA LTA BU'O, ,DE NAS MUN PA DANG BRAL BA'I SKAD CIG LA 'OD GSAL BA STE SHIN TU GSAL BA RTAG TU SNANG BA'I MTSAN NYID CAN, DON DAM PA'I BDEN PA'I RANG GI MTSAN NYID YE SHES KYI MIG GIS MTHONG BA ZHES GSUNGS SO, ,

'DI LA DPYAD PAR BYA STE SLOB MA LA BLA MAS PHYI NANG GI BYANG CHUB PA GNYIS STON PA'I DANG PO NI, PHYI'I ZHAG GCIG LA BZHI CHAR BYAS NAS STONG PA BZHI BSHAD PA SOR BZHAG TU BYED NA STONG PA BZHI PA BYANG CHUB KYI SKAD CIG YIN PA DANG, RNAL 'BYOR PA NYID KYI YUL YIN PA SOGS MI 'THAD LA, DE'I DUS KYI NAM MKHA'I BZHI DPER BYAS NAS STONG PA BZHI STON PA LA BYED NA NI NANG GI STONG PA BZHI YANG DE LTAR YIN PAS, PHYI NANG GI KHYAD PAR DBYE MI NUS TE, NANG GI SKABS SU YANG ZLA NYI DANG MUN PA DPER BKOD NAS BSTAN PA'I PHYIR RO, ,DUS DE BZHI RE RE'I DUS LA STONG PA BZHI'I YE SHES RE RE SKYE BA LA BYED NA DUS DE BZHI'I RE RE'I DUS LA STONG PA BZHI CHANG BA SKYE BA MED PAR 'GYUR BAS, PHYI NANG GI BYANG CHUB GNYIS KYI KHYAD PAR GANG NAS 'BYED PA YIN SNYAM NA, 'DI LA RJE 'GOS KYIS N'A RO PA'I BZHED PA DANG, BTZUN MO CAN DANG NAG PO DAM TSIG RDO RJE GNYIS KYI BZHED PA STE LUGS GNYIS BKOD PA'I DANG PO NI, ZHAG GCIG GI BZHI CHA STONG PA BZHIR BSHAD PA NI, CHOS NYID KYI DPE DANG DUS DANG RTAGS DANG MTSON BYED YIN PAS DRANG DON TE PHYI'I MNGON BYANG DANG NGES DON NI NANG GI MNGON BYANG YIN TE, LAS RGYA DANG SNYOMS PAR ZHUGS PAS BYANG SEMS RDO RJE'I RTZA BA DANG RKED PA DANG RDO RJE'I BUM PAR SLEB PA NA, BDE BA DE GSUM LA STONG PAS RGYAS BTAB STE BSGOMS PA NA, LAM GYI SNANG BA GSUM DANG THIG LE GNYIS SHOR GNYIS GNAS KYI DUS SU NGO BO NYID GYI RTOG PA LOG PA'I BDE BA'I YE SHES NI THAMS CAD STONG PA 'OD GSAL LO, ,GNYIS PA NI, PHYI'I DPE BZHIS DGAG BYA GLO BUR BA'I RTOG PA DANG BRAL BA BZHI'I CHA NAS MTSON PA NI

, ,PHYI'I BYANG CHUB DANG BSAM GTAN GNYIS KYIS SGYU MA 'OD GSAL DU BCUG PA'I NYAMS MYONG GI CHA NAS BSTAN PA NI NANG GI MNGON BYANG DU BSHAD DO, ,LAKshA M'IS NI, ZHAG GI CHA STONG PA BZHIR BSHAD PA NI, DE DAG GI MING CAN GYI NANG GI STONG PA BZHI LA 'DOD CING, LAS KYI PHYAG RGYA LA BRTEN PA'I STONG PA BZHI PA DANG YE SHES KYI PHYAG RGYA LA BRTEN PA'AM SMIG RGYU LA SOGS PA'I MTSAN MA LNGA'I RIM GYIS THOB PA'I STONG PA BZHI PA NI NANG GI MNGON BYANG DU BSHAD DO, , 'GREL PA ZLA 'OD DANG DON GSAL DANG DAM TSIG RDO RJE'I 'GREL PA DANG THUB PA DPAL GYIS KYANG PHYI'I SKABS SU BSHAD PA'I STONG PA BZHI NANG GI STONG PA BZHI LA BSHAD CING, PHYI NANG GI KHYAD PAR GSAL BAR MA PHYE'O, ,SNGAR BSHAD PA LTAR DPYAD NA NI PHYI NANG GI KHYAD PAR PHYE BA DE RNAMS KYIS LAN MI THEBS SHING, KHYAD PAR MA PHYE BA RNAMS KYI BSHAD PAS KYANG LAN THEBS PAS MI SNANG LA, GNAS 'DI SHIN TU RTOGS DKA' ZHING GAL YANG CHE BAR GNANG BAS DPYAD DGOS SO, ,DE LAS MNGON PAR BYANG CHUB PA GNYIS NI DON GYI 'OD GSAL LA BYA'O, ,DE NYID LA PHYI NANG GI BYANG CHUB PA GNYIS SU 'JOG TSUL NI RGYUD 'GREL LAS, PHYI'I MNGON BYANG LA SBYAR BA'I DUS SU SKYA RENGS 'CHAR BA'I DUS SU NI, SGOM PA MCHOG GIS 'GRUB PAR 'GYUR, ZHES GSUNGS PA'I SKYA RENGS 'CHAR BA'I DUS SU ZHES PA THO RANGS KYI DUS LA BSHAD CING, NANG GI MNGON BYANG DANG SBYAR BA'I TSE DUS TSIGS DE'I DON, NYER THOB 'DAS PA'I DUS SU 'GRUB PA LA BSHAD PAS, DON GYI 'OD GSAL MNGON DU

'GYUR BA THO RANGS KYI DUS KHYAD PAR CAN LA LTOS PA'I SGO NAS PHYI'I MNGON BYANG ZHES BYA LA, DE YANG NANG GI STONG PA BZHI'I RIM GYIS MNGON DU BYAS PA'I CHA NAS NANG GI MNGON BYANG ZHES BYA'O, ,DE'I PHYIR ZHAG GCIG GI DUS TSIGS GZHAN GSUM STONG PA GSUM DU BYAS PA NI SNGAR SEMS DBEN DU BSHAD PA LTAR DE'I DUS KYI NAM MKHA'I DPES MTSON PA YIN KYANG PHYI NANG GI KHYAD PAR DBYE MI NUS PA'I SKYON MED DO, ,MI SLOB PA'I ZUNG 'JUG KYANG RIM LNGA DANG SPYOD BSDUS DANG GROL BA'I THIG LE LAS THO RANGS KYI DUS SU 'THOB PAR GSUNGS TE, DUS 'DIR 'THOB PA NI SLOB PA'I ZUNG 'JUG LA YANG 'DRA'O, ,RDO RJE GUR LAS KYANG, BSAM GTAN GNAS SU RAB 'DUG STE, ,PHYAG RGYAR LAN CIG RAB ZHUGS NAS, ,RDO RJE SBYOR BA YANG DAG BRTZAM, ,RDO RJE NYI MA FNUB NAS NI, ,SBYOR BA 'DI NI RAB BRTZAMS NA, ,SKYA RENGS 'CHAR BA'I DUS SU NI, ,'GRUB 'GYUR 'DI LA THE TSOM MED, ,CES 'DUS PA NAS BSHAD PA DANG MTHUN PAR GSUNGS SO,, ` ,,MCHOG 'GRUB PA'I TSE SGRUB PA PO RANG NYID KHO NAR MA ZAD, PHYAG RGYA MAS KYANG MCHOG 'GRUB PAR, ,MI SNANG BDAG PO DPAL DANG LDAN, ,ZHES PA'I LE'U 'DI NYID KYI 'GREL PAR BSHAD DO, ,RNAM PAR SNANG MDZAD 'OD 'DRA ZHING, ZHES PA'I RKANG PA GSUM 'PHAGS PA'I MDO BSRE LAS, BSRUNG 'KHOR GYI DBUS SU RDO RJE 'CHANG DKAR PO SGOM PA LA SBYAR ZHING, RDOR SEMS KYI SGRUB THABS LAS, RKANG PA DANG PO GNYIS MNGON BYANG LNGA SKYED KYI SKABS SU DANG PO'I MGON PO BSKYED PA LA SBYAR BA DANG 'GREL PAR DE GSUM GYI DON, SPYOD PA BYAS PAS RIGS LNGA DANG

, ,MNYAM PAR 'GYUR PA LA BSHAD PA RNAMS DON GCIG TU MA BYUNG YANG MI 'GAL BA NI SNGAR BZHIN NO, ,LE'U BCO LNGA PA'I MTHA' GCOD DO,, ` ,,LE'U BCU DRUG PA 'DIR SLOB DPON GYI LAS DANG, DNGOS GRUB SGRUB PA DANG BRTUL ZHUGS KYI SPYOD PA RNAMS BSTAN LA, SLOB DPON GYI LAS KYI SKABS SU DKYIL 'KHOR BRI BA LA RGYUD PHYI MA LAS, BZHI PA DANG NI BCU DRUG PA, ,BRGYAD PA DE BZHIN BCU GNYIS PA, ,SLOB DPON SPYI YI LAS DANG NI, ,DNGOS GRUB BRTUL ZHUGS SDOM PA YIN, ,ZHES PA'I DON, DE'I 'GREL PAR, BDAG GI DON DU DKYIL 'KHOR BRIS TE, RIG PA BRTUL ZHUGS KYI SPYOD PAS DNGOS GRUB BSGRUB PAR BYA ZHING, GZHAN GYI DON DU DKYIL 'KHOR BRIS TE SLOB MA GZHUG PA'I TSOGS BCUG LA DBANG RNAM PA BZHI SKUR BAR BYED PA NI SGRUB PA YIN NO ZHES GSUNGS TE, DE LTAR NA LE'U 'DIR DKYIL 'KHOR GNYIS BRI BAR GSUNGS PA LA, DKYIL 'KHOR LA BRTEN NAS DNGOS GRUB SGRUB PA'I TSE BRTUL ZHUGS KYI SPYOD PA DANG 'BREL LA, SLOB DPON GYI LAS KYI TSE SLOB MA YONGS SU SMIN PA DANG 'BREL BA'I TSUL GNYIS SU SHES PAR BYA'O, ,GZHAN YANG LE'U 'DIR GSUNGS PA'I RI LU THOD PA KHA SBYOR GYI NANG DU 'JOG PA DANG, BCU GNYIS PA NAS GSUNGS PA'I PHYI'I RDZAS LAS BYAS PA'I 'KHOR LO LA SOGS PA YANG DKYIL 'KHOR GYI DBUS SU BZHAG NAS SGRUB PA YANG YOD DO, ,RGYUD 'DIR BLA MA LA LTOS PAR BYA BA'I PHYIR YE SHES DBAB PA DANG DKYIL 'KHOR DU ZHUGS PA'I 'OG TU, SANGS RGYAS KUN GYIS NAM MKHA'I KHAMS, ,

YONGS SU GANG BAR RAB TU BSGOM, ,ZHES PA'I 'GREL PAR DKYIL 'KHOR BA'I LHA DAM TSIG PA RNAMS LA YE SHES PA ZHUGS PA'I DKYIL 'KHOR SGRUB PA DANG, BYANG CHUB RDO RJES GSOL BA BTAB PA'I 'OG TU LHA NGO STON PA SOGS GO RIM 'KHRUd PA MANG NGO, ,DE LA 'KHRUGS SDEB PA DANG DKYIL 'KHOR BRI BAR GSUNGS PA SOGS KYI GZHUNG LA BRTEN NAS DKYIL 'KHOR SGRUB PA'I TSUL LE'U 'DIR BSHAD DGOS TE, LE'U 'DI'I MTSAMS SBYOR DU, DKYIL 'KHOR GYI SGRUB PA'I THABS BSTAN PAR BYA BA'I PHYIR ZHES GSUNGS PAS SO, ,DE LA SKU DKYIL GYI SKABS SU, DBUS SU RNAM PAR SNANG MDZAD GNAS, ,MI BSKYOD PA LA SOGS PA'ANG BRI, ,ZHES PA NAS, KHRO BO RNAMS KYANG SGOR BRI'O, ,ZHES PA DANG, GSUNG DKYIL GYI SKABS SU, MDOR NA PHYAG RGYA THAMS CAD NI, ,CHO GA BZHIN DU BRI BAR BYA, ZHES GSUNGS PA LA BRI BA LA 'GREL PA'I SKABS GZHAN DU LAG PAS BRI BA YID KYIS BRI BA GNYIS KA LA BSHAD PA YOD PAS, BRI ZHES PA LAG PAS LHA'I MTSAN MA BRI BA DANG YID KYIS LHA RNAMS SGOM PA GNYIS KA LA BSHAD NAS YID KYIS BRI BA DAM TSIG PA RNAMS SKYED PA LA BYA STE, 'GREL PAR SANGS RGYAS THAMS CAD CES PA RDZOGS PAR GYUR PA 'DUS NAS NAM MKHA'I DKYIL 'KHOR LA BZHUGS PA BKUG NAS, GNAS JI LTA BA BZHIN BZHUGS PA LA BSTIM LA MCHOD PAR BYA'O, ,ZHES DANG, BDAG NYID KYIS BRIS PA'I RDUL TSON GYI DKYIL 'KHOR BSGOM PAR BYA ZHING RIM PA JI LTA BA BZHIN DU BSTIM PAR BYA'O, ,ZHES

, ,GSUNGS PAS SNGON DU DAM TSIG PA RNAMS BSKYED NAS PHYIS YE SHES KYI DKYIL 'KHOR BSTIM PAR GSUNGS LA, DE YANG SNGAR BSHAD PA'I GZHUNG GI 'CHAD TSUL LTAR MA BYAS NA, DAM TSIG PA BSKYED PA RGYUD KYI GZHUNG 'DIS BSTAN ZHES BZHAG TU MED PA'I PHYIR RO, ,DE NAS SKU DKYIL GYI SKABS SU, RDO RJE GSANG BA RAB BSGOMS PAS, ,CHO GA SNGAGS SHES PA YIS BYA, ,ZHES DANG, GSUNG DKYIL GYI SKABS SU, YONGS SU GSAL BAR CHO GA BZHIN, , DKYIL 'KHOR DAM PA BYAS NAS NI, ,DE NAS GSANG BA'I MCHOD PA BYA, ,ZHES PA'I 'GREL PAR SNGA MA LA DKYIL 'KHOR GYI DBUS SU YAB YUM SNYOMS PAR ZHUGS NAS GSANG MCHOD BYA BAR BSHAD PA NI PHYI MA LA YANG 'DRA LA, DE YANG KLU BYANG GI DKYIL CHOG GI DGONGS PAS, RANG DANG DKYIL 'KHOR GYI GTZO BO THA MI DAD DU BYAS TE YAB YUM SNYOMS PAR ZHUGS PA'I BYANG CHUB KYI SEMS LAS DKYIL 'KHOR PA'I LHA RNAMS SKYED PAR BSHAD PA LTAR, YUM GYI PAD MAR DKYIL 'KHOR PA'I LHA SKYED PA DANG, DKYIL 'KHOR BSGRUBS ZIN PA'I 'OG TU GSANG MCHOD KYI MCHOD PA BYED LA, GNYIS KA BZUNG BAR BYA'O, ,PAD MAR SKYED PA'I LHA PHYIR SPROS PA RNAMS KYIS RANG RANG GI MDZAD PA SOGS MDZAD PA'I MTHAR, RANG RANG GI SANGS RGYAS KYI ZHING DU GSHEGS TE SO SO'I YE SHES PA DANG GCIG TU GYUR NAS, SLAR 'BYIN PAR BZHED PA'I SGO NAS BZHUGS PAR BSAM MO, ,DE NAS GNOD MDZES LA BKA' BSGOS PAS RANG 'DRA'I YE SHES PA DE RNAMS SPYAN DRANGS

NAS RANG 'DRA'I DAM TSIG PA SO SO LA THIM PAR BSAM PA NI SNGAR 'GREL PA DRANGS PA LAS YE SHES PA LA DAM TSIG PA GZHUG PAR BSHAD PA SNGA MA YIN NO, ,DE NAS SLAR YANG YE SHES PA RNAMS SPYAN DRANGS TE NAM MKHAR BZHUGS PA LA MCHOD NAS DAM TSIG PA SO SO LA BSTIM PA NI 'GREL PAR, DAM TSIG PA LA YE SHES PA GZHUG PAR BSHAD PA PHYI MA'I DON NO, ,'DI RNAMS LE'U 'DI RTZA 'GREL DANG KLU BYANG GI DKYIL CHOG GNYIS BSGRIGS NAS SHES PAR BYA BA'I DKA' GNAS SU SNANG BAS BSHAD KYI, CHO GA LHAG MA RNAMS NI DKYIL 'KHOR GYI CHO GA ZHIB TU BSHAD PA LAS SHES PAR BYA'O,, ` GSANG BA SBYIN PA BRTZAM PAR BYA, ,ZHES PA'I RKANG PA LNGA SNYIM TOG LAS GSANG DBANG BSKUR BA LA SBYAR LA, 'DIR YANG GSANG DBANG BSKUR BA LA SHIN TU GSAL BAS GSANG DBANG LA SBYAR RO, ,'DIR 'GREL PAR BDUD RTZI LNGA YI GE GSUM GYIS BSNGAGS NAS, SPYAD PA LA SOGS PA'I CHO GAS BDUD RTZIR BYAS PA SLOB MA ZAR GZHUG PAR GSUNGS PAS NI, YAB YUM GYI BYANG SEMS GNYIS KYI BDUD RTZI LCE THOG TU 'JOG PA'I GSANG DBANG YANG MTSON PAS NA, SNGAR BSHAD PA'I GSANG DBANG GNYIS KA SHES PAR BYA'O,, ` ,,RNAM PA 'DI BZHI GSANG CHEN TE, ZHES PA BZHI SNYIM TOG LAS SHES RAB YE SHES KYI DBANG BSKUR BA LA SBYAR LA, 'DIR RTZA 'GREL DU SHES RAB YE SHES KYI DBANG BSKUR LA SBYAR BA'I MING 'DOGS DNGOS SU MA MDZAD KYANG, DBANG GSUM PA LA NGES PAR SBYAR DGOS LA, GSANG CHEN ZHES PA'I DON YANG GSANG DBANG LAS KYANG DBANG 'DI SHIN TU GSANG BA'I DON NO, DBANG 'DI BSKUR BA'I TSE SLOB MA DANG RIG MA DRIS LAN BYA

, ,BA SOGS KYI CHO GA RNAMS NI 'DI'I BSHAD RGYUD RDOR 'PHRENG LAS GSUNGS PA RNAMS DKYIL CHOG TU BSHAD ZIN TO, ,DBANG 'DI BSKUR BA'I TSE SLOB MA YAB YUM LHA GANG DU BSGOM PA'I TSUL NI, 'DUS PA PHYI MA LAS, BLA MAS DE NI BYIN BRLABS TE, ,SGRUB PA PO LA SBYIN PAR BYA, ,RMONGS PA'I GTI MUG BDAG NYID SBYOR, ,GTI MUG DGA' DANG YANG DAG LDAN, ,GTI MUG RGYUN GYIS DBANG BSKUR NA, ,GTI MUG RDO RJE BDAG NYID 'GYUR, ,ZHE SDANG SDANG BA'I BDAG NYID SBYOR, , ZHE SDANG DGA' DANG YANG DAG LDAN, ,ZHE SDANG RGYUN GYIS DBANG BSKUR NA, ,ZHE SDANG RDO RJE BDAG NYID 'GYUR, ,CHAGS LA 'DOD CHAGS BDAG NYID SBYOR, ,'DOD CHAGS DGA' DANG YANG DAG LDAN, ,'DOD CHAGS RGYUN GYIS DBANG BSKUR NA, ,'DOD CHAGS RDO RJE BDAG NYID 'GYUR, ,SHES RAB YE SHES BDAG NYID SBYOR, ,RDO RJE DGA' DANG YANG DAG LDAN, ,YE SHES RGYUN GYIS DBANG BSKUR NA, ,SHES RAB YE SHES BDAG NYID 'GYUR, ,ZHES SLOB MA RNAM SNANG DANG, ,MI BSKYOD PA DANG SNANG MTHA' DANG, SHES RAB KYI YE SHES 'DZIN PA DON GRUB TU SGOM PA DANG, RIG MA NI RIM PA BZHIN DU, GTI MUG DGA' MA DANG, ZHE SDANG DGA' MA DANG, 'DOD CHAGS DGA' MA DANG, RDO RJE DGA' MAR BSGOMS NAS DBANG BSKUR BAR BSHAD DE, SKU DKYIL DANG, THUGS DKYIL DANG, GSUNG DKYIL DANG, DON GRUB KYIS GTZO BO BYAS PA'I DKYIL 'KHOR LA BRTEN NAS DBANG GSUM PA BSKUR BA'I TSUL LO, ,DE LTAR SHES RAB YE SHES KYI DBANG BSKUR TSUL BZHI BSHAD PA 'DI NI, RTZA RGYUD LAS, RNAM PA 'DI

BZHI'I GSANG CHEN TE, ,ZHES GSUNGS PA'I DON BSHAD PA YIN PAR SHES PAR BYA'O, ,SNGAGS KYI DKYIL 'KHOR BUD MED GZUGS, ,ZHES PA'I DON NI, SNGAR LE'U DANG PO'I GZUNGS DKYIL DU, RNAM SNANG LA SOGS PAS SKYES PA'I SKU MI SNANG BAR MDZAD NAS, SPYAN MA LA SOGS PA'I LHA MO'I GZUGS SU MDZAD PA BZHIN DU 'GREL PAR BSHAD DO, ,DE 'DIR STON PA'I RGYU MTSAN NI, SNGAR LE'U DANG POR DE LTAR MDZAD PA DE MCHOG TU DGA' BA'I YE SHES RNAL 'BYOR PA'I RGYUD LA SKYED PA'I DON DU YIN PAR GSUNGS PA DE YIN LA, DE 'GREL PAS SKABS 'DIR DNGOS SU MA BSHAD KYANG SNGAR BSTAN ZIN PAS 'DIR SHES DGOS SO, ,DE LTAR BYAS NA SPYAN MA SOGS KYI RIGS KYI BUD MED BZHI DANG, PHYAG RGYA MA SPYAN MA SOGS SU BSGOMS PA BZHIN LA BRTEN NAS DBANG GSUM PA BSKUR BA 'DI YANG, SLOB MA'I RGYUD LA LHAN CIG SKYES PA'I BDE BA CHEN PO BSKYED PA'I DON DU YIN NO ZHES SHES PA'I PHYIR DU DE LTAR GSUNGS SO, ,BDE BA CHEN PO DE LTAR BSKYED PA DE'I DGOS PA NI MYUR DU RDO RJE 'CHANG GI GO 'PHANG THOB NAS, SEMS CAN THAMS CAD KYI DON MDZAD PA'I PHYIR YIN NO ZHES PA NI SEMS CAN DON SPYOD PHYIR GNAS PA'O, ,ZHES GSUNGS PA'I DON YIN PAS GZUNGS DKYIL GYI SKABS SU GSUNGS PA DANG 'DIR GSUNGS PA'I DGOS PA GNYIS KA SHES PAR BYA'O, ,SLOB MA MI BSKYOD PAR BSKYED PA'I TSE NI, RIG MA M'A MA K'I DANG REG RDO RJE MAR BSKYED PA GDAM NGA CAN NO,, ` DBANG BZHI PA NI 'DI LTAR YIN ZHES RTZA RGYUD LAS GSAL BAR MA GSUNGS SHING,

, ,BSHAD RGYUD GZHAN DU YANG MI GSAL LA, RDO RJE 'PHRENG BA LAS, BZHI PA DON NI DAM PA'O, ,ZHES DANG, BZHI PA 'BRAS BUR SHES PAR BYA, ZHES DON GYI DBANG BZHI PA RIM LNGA NAS GSUNGS PA LTAR DON DAM PA'I BYANG CHUB KYI SEMS LA BSHAD PA DANG, 'DUS PA PHYI MA LAS, DE YANG BZHI PA DE BZHIN NO, ,ZHES DBANG GSUM PA DANG DPE DON DU BYAS NAS GSUNGS PA'I TSUL NI DKYIL CHOG TU RGYAS PAR BSHAD ZIN TO, ,YANG RDOR 'PHRENG LAS, DBANG BZHI PA'I SKABS SU, BSKYED PA'I RIM PA SGOM PA YI, ,'DI NI MAN NGAG LAS NI SHES, ,ZHES DBANG BZHI PA 'DI NI BSKYED RIM SGOM PA'I MAN NGAG LAS SHES PAR BYA, ZHES GSUNGS PA'I DON NI DBANG GSUM PA'I DUS SU RANG DANG RIG MA 'DOD LHA YAB YUM DU SGOM PA'I BSKYED RIM DPER BYAS NAS, ZUNG 'JUG RDO RJE 'CHANG YAB YUM DON GYI DBANG BZHI PA SHES PAR BYED PA YIN TE, BZHI PA DE YANG DE BZHIN NO ZHES PA'I DON YANG DE'O, ,DRIL BU PA'I DBANG CHOG LAS KYANG, ,RIM PA GSUM PO DE'I BLA MA, ,MAN NGAG GIS NI 'DIR SHES BYA, ZHES BUM PA DANG, GSANG BA DANG SHES RAB YE SHES KYI DBANG GSUM PO DE'I BLA MA STE GONG MA DBANG BZHI PA MAN NGAG GIS SHES PAR BYA BA'I MAN NGAG KYANG, RIM PA LNGA PA BSAM MI KHYAB KYI RIM PA'I DE KHO NA'I MAN NGAG LAS SHES PAR BYA BAR GSUNGS TE LUGS DE'I BSAM MI KHYAB KYI RIM PA DANG, GSANG 'DUS PA'I ZUNG 'JUG GI RIM PA GNYIS DON GCIG TU YOD PAS DON GYI DBANG BZHI PA ZUNG 'JUG GI RIM PA'I

GO BA BSKYED PA LA BRTEN NAS SNOD RUNG DU SGRUB PA'I DUS KYI TSIG DBANG RIN PO CHE'I DBANG BZHI PA BSKUR BA'O, ,RGYUD 'DIR DKYIL 'KHOR BRI SGRUB DANG, STA GON DANG, DBANG BSKUR BA'I CHO GA RNAMS 'GA' ZHIG MA BSHAD CING, 'GA' ZHIG DON MDOR BSDUS PA DANG, 'GA' ZHIG GI PHYOGS RE TZAM LAS MA BSHAD PA NI, RTZA BSHAD LEGS PAR SBYOR SHES PA'I BLA MA LA RAG LAS PAR BYA BA'I PHYIR YIN PAS BSHAD RGYUD GNYIS LA SOGS PA'I RGYUD RNAMS KLU BYANG GI DKYIL 'KHOR GYI CHO GA RNAMS LEGS PAR BSGRIGS NAS RTZA BA'I RGYUD KYI DON RGYAS PAR SHES DGOS PAR YOD DO,, ` SNGAGS RNAMS KUN GYI YI GE AOm, ,BSGOMS NA DE MA THAG TU 'BAR, ,ZHES PA'I SKABS SU BDUD RTZI LNGA DANG SHA LNGA SBYANG SBAR RTOGS PAR BYAS NAS RTEN TSUL RTZA RGYUD LAS GSUNGS PA RGYUD PHYI MA LAS BSHAD PA NI, THA MAL LUS KYI CHOS LA NI, ,DRI MA LNGA RNAMS SNANG BA NI, ,YE SHES LNGA YIS BYIN BRLABS PAS, ,BDUD RTZI LNGA ZHES BYA BAR BSHAD, ,SPANG DANG DE BZHIN BSREG PA DANG, ,SNANG BAR BYA DANG GZUGS SNANG BA, , SNGAGS KYI LUS SU RAB SBYOR BAS, ,BDUD RTZI LNGA NI BZA' BAR BYA, ,RDO RJE H'Um LAS BYUNG BA NI, ,BAR SNANG LA GNAS BSAM PAR BYA, ,A'A: LAS BYUNG BA'I PADMA NI, ,DE YI 'OG TU BSGOM PAR BYA, ,AOm GYIS MTSAN PA'I BDUD RTZI NI, ,DE YI DBUS SU GZHAG PAR BYA, ,RDO RJE PADMA MNYAM SBYOR BAS, ,'BAR BAS RNAL 'BYOR TSIM PAR BYA, ,SHEL DANG MTSUNGS PAR SNANG GYUR CING, ,YE SHES NYI MA GNYIS PAR 'GYUR, ,PHYOGS BU'I 'JIG RTEN KHAMS RNAMS KYI, ,MTSON CHA MCHOG

, ,GIS DRANGS NAS NI, ,BDUD RTZI DE RU PHAB NAS KYANG, ,BZA' BA'I SBYOR BAS BZA' BAR BYA, ,BSGRUB BYA'I DNGOS GRUB CHO GA YIS, ,DE BZHIN DPA' BO LNGA RNAMS BZA', ,YIG GSUM SA BON LAS BSKYED BYA, GZHAN DU DE NI 'GRUB MI 'GYUR, ,ZHES GSUNGS PA'O, ,RKANG PA DANG PO GNYIS KYI DON NI, LUS LAS BYUNG BA'I BDUD RTZI LNGA'O, ,'DIR BDUD RTZI LNGA PA MCHIL MA LA RGYUD PHYI MA'I 'GREL PAR BSHAD DO, ,DE LNGA THA MAL PA DRI MA CAN YIN YANG, YE SHES LNGA'I NGO BOR BYIN GYIS BRLABS PAS BDUD RTZI LNGAR BSHAD DE, 'DIS NI YE SHES LNGA STE RIGS LNGA'I SA BON LAS BDUD RTZI LNGA BSKYED PAR BSTAN NO, ,THUB PA DPAL GYIS KYANG, BRUm AAm DZRIm KHAm H'Um LAS SHA LNGA DANG BDUD RTZI LNGA BSKYED CING, DE YANG SNGON DU SHA LNGA BSKYED PAR BSHAD PA NI, LE'U DRUG PA'I 'GREL PAR SHA LNGA DE BZHIN GSHEGS PA LNGA'I RIGS SU BSHAD CING, RDOR 'PHRENG LAS, BDUD RTZI LNGA YANG DE BZHIN GSHEGS PA LNGAR BSHAD PA DANG MTHUN NO, ,DES NA LUGS 'DI LA SHA DANG BDUD RTZI GANG RUNG CIG PHYOGS DANG, GANG RUNG CIG MTSAMS SU BYED PA MIN PAR DE BZHIN GSHEGS PA LNGA DBUS DANG PHYOGS NYID DU BZHUGS PA DANG MTHUN PAR LNGA TSAN GNYIS KA DBUS DANG PHYOGS NYID DU BSKYED DO, ,H'Um LAS BYUNG BA'I RDO RJE NI THUB PA DPAL GYIS DKAR PO DANG SH'AN TI PAS SNGON PO GYEN DU 'GRENG BAR BSHAD LA, RDO RJE NYI GDAN LA GNAS PAR RGYUD PHYI MA'I 'GREL PAR BSHAD DO, ,A'A: LAS

BYUNG BA'I PADMA NI THOD PA'O, ,DE'I DBUS SU AOm GYIS MTSAN PA'I BDUD RTZI NI BDUD RTZI LNGA KA LA THUN MONG DU MTSAN PA'O, ,THOD PA'I 'OG TU RLUNG ME GNYIS SGOM PA NI 'DIR MA BSHAD KYANG RGYUD PHYI MA'I 'GREL PAR BSHAD LA, DE'I SKYED CHOG NI THUB PA DPAL GYIS, H'Um YAm H'Um DANG, H'Um RAm H'Um LAS SKYED PAR BSHAD DO, ,DE NAS GONG GI SBAR BA NI, RDO RJE'I LTE BA'I H'Um YIG GI 'OD ZER GYIS GA-YOS PA'I RLUNG GIS ME SBAR BA'O, ,ME DES THOD PA GDUNGS SHING RDZAS RNAMS BSKOL BA NI BSREG PA'O, ,DE NAS RDO RJE NYI GDAN DANG BCAS PA THOD PAR LHUNG NAS DKRUGS PAS RDZAS RNAMS RO MNYAM DU GYUR TE SHEL DANG MTSUNGS PAR SNANG BA NI SNANG BAR BYA BA'O, ,DE NAS THOD PA'I NANG GI PAD MA DANG A'A: YIG ZHU BAS YE SHES KYI BDUD RTZI NYI MA GNYIS PA LTAR GYUR PA NI DMAR SER GYI GZUGS SU SNANG BA'O, ,BAR SNANG GI RDO RJE THOD PAR LHUNG NAS RO MNYAM DU GYUR PA RDO RJE PADMA MNYAM SBYOR GYI DON DU THUB PA DPAL BZHED LA, RANG YAB YUM GYI SBYOR MTSAMS NAS 'OD ZER MTSON CHA MCHOG STE LCAGS KYU'I RNAM PA CAN 'PHROS PA DANG, AOm YIG GI 'OD ZER DE LTA BUS PHYOGS BCU'I 'JIG RTEN GYI KHAMS NA GNAS PA'I DE BZHIN GSHEGS PA'I YE SHES KYI BDUD RTZI BKUG NAS DAM TSIG GI BDUD RTZI LA BCUG PA NI 'BAR BAR BYAS PA STE MANG POR SPEL BA'O, ,DE GSUM NI YI GE GSUM GYIS SBYANG BA DANG RTOGS PA DANG SBAR BAR BYAS PA'O, ,MTHAR YI GE GSUM LAN BDUN DU BRJOD

, ,PAS BYIN GYIS BRLAB PAR BYA'O ZHES THUB PA DPAL GYIS BSHAD DO, ,BSGRUB BYA'I DNGOS GRUB SGRUB PA'I BDUD RTZI BYIN GYIS BRLAB PA'I CHO GA YIS, DPA' BO LNGA STE SHA LNGA YANG DE LTAR BYA BA NI DE BZHIN ZHES PA'I DON NO, ,BDUD RTZI DANG SHA RNAMS ZA BA NA SNGAGS TE LHA'I LUS SU RAB SBYOR BA STE BSGOMS NAS BZA' STE DES NI LCE'I SKYED CHOG DANG SNYING KHA DANG LKOG MA SBYANG BA YANG SHES PAR BYA'O, ,YIG GSUM ZHES PA GNYIS KYI DON NI, SA BON GYI YI GE GSUM LAS KHA ZAS KYI DRI MA SBYANG BA DANG, BDUD RTZIR BYA BA DANG MANG POR SPEL BA BSKYED PAR BYA'I, GZHAN DU STE DE LTAR MA BYAS PAR ZOS NA PHAN YON BSHAD PA RNAMS 'GRUB PAR MI 'GYUR ZHES PA'O, ,LE'U BCU DRUG PA'I MTHA' GCOD DO,, ` ,,KHAMS GSUM DAG GI LAM MCHOG NA, ,BUD MED JI SNYED YOD PA RNAMS, ,THAMS CAD CHO GA BZHIN DU SPYAD, ,GSUNG GI RDO RJE MI SMAD DO, ,ZHES PA'I SKABS SU, NGAG GI RDO RJE STE RO 'DZIN GYI BYA BAS BSKYOD LA, ZHES RTZA GSUM PO LCES BSKYOD PAR GSUNGS LA, GLUS BSKUL BA LAS BZHENGS PA'I SKABS SU RTZA SBUBS GSUM SOR MO GSUM GYIS BSKYOD CING ZHES SOR MOS BSKYOD PA DANG GNYIS BSHAD DO, ,'DI LA RDO RJE MKHA' 'GRO LAS, CHAGS PA SRA BA DANG RGAN PA SOGS LA NI SOR MO RING PO GSUM SBRUL GYI MGO LTAR BYAS NAS DRUD PAR BYA BA DANG, GZHON ZHING CHAGS PA MNYEN PA RNAMS LA NI 'OD DANG LDAN PA'I BYANG CHUB KYI SEMS 'BAB PA'I

RTZAR, RDO RJE'I LCE'I THUR MA BCUG STE BSKYOD PAR GSUNGS TE, YUL SO SOR MDZAD PA NI SOR MO GSUM GYIS BYED PA LA DGONGS SO, ,DKYIL CHOG RDO RJE 'PHRENG BA LAS, MDZUB MO DANG LCE'I RTZE MO LA YI GE HR'I: DMAR PO BKOD PAS RTZA BSKUL BAR BSHAD PA LTAR NA, YUL GCIG LA YANG SOR MO DANG LCE GNYIS KAS BSKUL BA NI SOR MO GCIG PA'I KHYAD PAR RO, ,DUS JI TZAM DU BSKUL BA NI, PA TSAB KYI 'GYUR LAS, RO 'DZIN GYI BYA BA DAG GIS MA PHYIN GYI BAR DU BSKYOD PAR BYA ZHING ZHES 'BYUNG BA LTAR NA, YUM GYI DBU MA'I MAR SNA BYE NAS BDUD RTZI 'DZAG PA MA BYUNG GI BAR DU'O, ,RDO RJE MKHA' 'GRO LAS, YUL LA SRID CES BYA BA'I SNGAGS 'BYUNG GI BAR DU DRUD PAR GSUNGS LA, DE NI YUL DES CHED DU BYAS NAS SNGAGS DE BTON PA MIN PAR RANG SHUGS KYIS SNGAGS DE ZLOS PAR BYUNG BA'O, ,DE YANG RDO RJE MKHA' 'GRO LAS, DE LTAR SGRUB PA POS YANG DANG YANG DU BSKUL BAS SNYING 'DAR BA DANG DGA' BAS MYOS SHING SEMS KYI RDUL PHRA MO'I CHU 'DZAG LA, NGO TSA LA SOGS PA DANG BRAL TE BA SPU LANGS NAS SHIN TU CHAGS PAS LTA ZHING 'KHYUD PA LA GUS PAR GYUR CING SID CES ZER BA DANG ZHES GSUNGS PA LTAR YIN LA, DE RNAMS NI SOR MO DANG LCES BSKUL BAS RTZA KHA BYE BA'I RTAGS SO, ,SEMS KYI RDUL PHRA MO'I CHU NI BYANG CHUB KYI SEMS KUNDA LTA BU'I CHU'O, ,RDO RJE GUR LAS KYANG, RDO RJE SOR MO'I RAB SBYOR GYIS, ,RDO RJE'I SA GZHI RAB BSKUL TE, ,RDO RJE'I SEMS SU RAB PHYUNG LA, ,RDO RJE LCE YIS BZA' BAR BYA, ,PHYI NAS DE YIS BDE LDAN DU, ,RDO RJE

, ,SEMS DPA' RAB BCUG STE, ,RDO RJE BCING BA'I SBYOR BA YIS, ,RDO RJE MCHOD PA RAB TU BRTZAM, ,ZHES GSUNGS TE, RDO RJE'I SA GZHI NI GSANG GNAS KYI RDO RJE'I RTEN YUM GYI PADMA'O, ,RDO RJE'I SEMS SU ZHES PA NI KUNDA LTA BU'O, ,PHYI NAS ZHES PA NI RTZA SAD PAR BYAS PA'I RJES SU'O, ,RDO RJE SEMS DPA' NI YAB KYI GSANG BA'I RDO RJE'O, ,RDO RJE BCING BA NI RTZA GNYIS MI 'BRAL BAR BCINGS PA'O, ,'DOD PA'I BSTAN BCOS RNAMS LAS PADMA CAN DANG DUNG CAN MA LA SOGS PA'I BUD MED KYI MTSAN NYID STON PA YOD PAR SNANG NA'ANG MAN NGAG 'DI NI DE DAG LA GTAN MED PAR SHES PAR BYA'O,, ` GANG BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MAR ME MDZAD 'DAS PA NAS ZHES SOGS KYI SKABS SU, GSANG 'DUS KYI 'GREL PA RNAMS LAS SGRA SOR BZHAG LAS GZHAN PA'I BSHAD PA MA BYUNG LA, 'GREL CHEN DRI MED 'OD LAS, MTSAN BRJOD LAS, 'DAS PA'I SANGS RGYAS RNAMS KYIS GSUNGS, ,MA 'ONGS RNAMS KYANG GSUNG 'GYUR LA, ,DA LTAR BYUNG BA'I RDZOGS SANGS RGYAS, ,YANG YANG GSUNG BA GANG YIN DANG, ,ZHES SOGS KHUNGS SU MDZAD NAS, MTSAN YANG DAG PAR BRJOD PA GSOL BA 'DEBS PA'I TSIG 'DI'I PHYIR, DE BZHIN GSHEGS PA THAMS CAD KYIS SNGAGS KYI THEG PA GSUNGS PA YIN NO, ,'DIR 'DUS PA LAS, DE BZHIN GSHEGS PA MAR ME MDZAD NAS SH'AKYA THUB PA'I BAR DU

DE BZHIN GSHEGS PA GANG GIS KYANG SNGAGS KYI THEG PA MA GSUNGS SO ZHES PA GANG YIN PA DE NI DE'I TSE DE'I DUS NA ZHES PA STE 'PHAGS PA'I YUL DU CHOS STON PA'I DUS NA, RIGS BZHI'I MNGON PA'I NGA RGYAL DANG LDAN ZHING SKAL BA MED PA'I SEMS CAN RNAMS KYI BSAM PA'I DBANG GIS 'PHAGS PA'I YUL DU 'KHOR RNAMS LA MA BSTAN TE, DUS GZHAN DU YUL GZHAN GYI 'JIG RTEN GYI KHAMS KYI 'KHOR LA YANG MA BSTAN PA NI MA YIN NO, ,DE BZHIN GSHEGS PA'I GSUNG 'DI'I PHYIR, DE BZHIN GSHEGS PA THAMS CAD THEG PA GSUM STON PAR BYED PA PO YIN NO, ,RNAM PA GZHAN DU NA THAMS CAD MKHYEN PA NYID DU MI 'GYUR TE RDO RJE'I THEG PA STON PAR BYED PA PO NYID MA YIN PA'I PHYIR RO, ,ZHES YUL DUS KHYAD PAR BA 'PHAGS PA'I YUL DU CHOS STON PA'I DUS DANG GDUL BYA KHYAD PAR BA RIGS BZHI'I GANG ZAG MNGON PA'I NGA RGYAL CAN LA MA GSUNGS PA YIN GYI, YUL DUS GZHAN DANG SKAL BA DANG LDAN PA'I GDUL BYA GZHAN LA MA GSUNGS PA MIN PAR BSHAD DO, , DE LTAR GDUL BYA DE DAG LA 'CHAD MI 'CHAD KYI RGYU MTSAN NI, DE'I DUS NA SEMS CAN RNAMS LA SKAL BA MED PA'I PHYIR RO ZHES GSUNGS PA'I SKAL BA YOD MED KYI DON NI, DBANG PO SHIN TU RNO BA DBANG PO GNYIS SBYOR GYI CHAGS PA LAM DU BYED PA LA MOS SHING DE LAS BZLOG PA LA MI MOS PA DANG, 'DOD YON LA CHAGS PA LAM DU BYED PA DANG BRAL BA'I LAM GYIS BYANG CHUB SGRUB PA LA MOS SHING, 'DOD YON LA CHAGS PA LAM DU BYED PA LA MI MOS PA SNGA MA LA LTOS NA

, ,DBANG PO BRTUL BA'O, ,'DUS PA PHYI MA LAS KYANG, RIG MA'I BRTUL ZHUGS STER BA NA, ,'DI NI SANGS RGYAS THAMS CAD KYI, ,RIG PA'I BRTUL ZHUGS BLA MED PA'O, ,RMONGS PA GANG ZHIG 'DAS GYUR NA, ,DE YIS DNGOS GRUB MCHOG MI 'GRUB, CES DANG, RDO RJE GUR LAS KYANG, 'DOD CHAGS KYIS BSKYED 'JIG RTEN PA, ,'DOD CHAGS SPANGS PAS BRLAG PAR 'GYUR, ,RDO RJE CHAGS PA YONGS SHES NA, ,YID NI RDO RJE SEMS DPAR 'GYUR, ,ZHES DANG, CHAGS DANG BRAL BA'I BYANG CHUB NI, CHAGS PA MCHOG LDAN RNAMS KYIS SMAD, CES GSUNGS PAS DE LTA NAS LAM 'DI'I RIGS NUS KHYAD PAR CAN 'JOG PA'I MOS PA SBYONG LUGS KHYAD PAR CAN RNAMS LEGS PAR SHES PAR BYAS NAS LAM 'DI'I RIGS NGES PA'I THABS LA 'BAD BAR BYA'O,, ` GSANG BA 'DUS PA 'DI LA SKAD CIG THANG CIG YUD TZAM GYIS SANGS RGYAS KYI BYANG CHUB RDZOGS PAR BYED DO ZHES PAS NI LAM 'DIS BYANG CHUB TU BGROD BA'I DUS STON PA MIN GYI, 'GREL PAR BSHAD PA LTAR LAM GYI MTHAR LAM DUS KYI 'OD GSAL LA BRTEN NAS MI SLOB PA'I ZUNG 'JUG MNGON DU BYED PA'I YUN TSAD STON PA YIN NO, ,LAM 'DIS BYANG CHUB TU BGROD PA'I YUN NI GSANG BA 'DUS PA LA MNGON PAR DGA' BA'I BYANG CHUB SEMS DPAS TSE 'DI NYID LA ZHES PAS STON NO, ,GANG G'A'I KLUNG GI BYE MA DU MA SNYED KYI BSKAL PAR BYANG CHUB SEMS DPA' RNAMS KYIS 'BAD CING BTZAL KYANG BYANG CHUB THOB PAR MI 'GYUR BA DE, ZHES PA NI PHAR PHYIN GYI THEG PAS BYANG CHUB TU

BGRAD PA'I BYANG SEMS SO, ,'O NA LAM DER GRANGS MED GSUM GYIS BYANG CHUB 'THOB PAR GSUNGS PA RING MTHA' MA YIN NAM, GANG G'A'I KLUNG GI BYE MA SNYED KYI BSKAL PAR ZHES PA JI LTAR RIGS SNYAM NA, 'DI LA NGES PA DANG MA NGES PA LA 'JUG PA'I PHYAG RGYA'I MDO BSLAB BTUS SU DRANGS PA LAS, PHYUGS KYI SHING RTA LTA BUS 'GRO BA'I BYANG CHUB SEMS DPA' GANG ZHE NA, 'DI LTA STE DPER NA, SKYES BU LA LA ZHIG SANGS RGYAS KYI ZHING LNGA'I RDUL PHRA RAB KYI RDUL SNYED KYI 'JIG RTEN GYI KHAMS 'DA' BAR 'DOD NAS DE PHYUGS KYI SHING RTA LA ZHON TE LAM DU ZHUGS NAS DE YUN RING POS LAM RING POR DPAG TSAD BRGYAR PHYIN PA LAS, DE DER RLUNG GI DKYIL 'KHOR CHEN POS BZLOG NAS DPAG TSAD KHRIR DED DE PHYIR PHUL NA, SKYES BU DE PHYUGS KYI SHING RTAS 'JIG RTEN GYI KHAMS DE DAG 'DA' BA'AM BSKAL PA NAS BRJOD DU MED PA'I YANG BRJOD DU MED PA'I BSKAL PAR 'JIG RTEN GYI KHAMS GCIG KYANG 'DA' BAR NUS SAM, GSOL BA BCOM LDAN 'DAS DE NI MA LAGS SO, ,BCOM LDAN 'DAS KYIS BKA' STZAL PA, DE BZHIN DU GANG LA LA ZHIG GIS BYANG CHUB TU SEMS BSKYED LA THEG PA CHEN PO MI 'DZIN MI KLOG PAR, NYAN THOS KYI THEG PA PA RNAMS LA BSNYEN CING DE DAG DANG LHAN CIG TU BRTEN PAR BYED, NYAN THOS KYI THEG PA KLOG CING KHA TON BYED DPYOD CING KHONG DU CHUD PAR BYED LA, GZHAN NGAG KYANG KLOG TU 'JUG PA NAS KHONG DU CHUD PAR BYED PA'I BAR DU BYED NA DE NI DES SHES RAB BRTUL POR 'GYUR TE, BLA NA MED PA'I YE SHES KYI LAM LAS SLAR DRANGS NAS PHYIR LDOG GO ,BYANG CHUB SEMS DPA' 'DI'I BYANG CHUB KYI SEMS BSGOMS

, ,PA LAS BYUNG BA'I SHES RAB KYI DBANG PO DANG SHES RAB KYI MIG GANG YIN PA DE YANG BRTUL POR SGYUR ZHING NYAMS PAR BYED DE, 'DI NI PHYUGS KYI SHING RTA LTA BUS 'GRO BA'I BYANG CHUB SEMS DPA'O ZHES GSUNGS PA LTA BU'I BYANG CHUB SEMS DPA'I LAM BGOD TSUL YANG YOD PAS BSKAL BA CHEN PO GRANGS MED PA GSUM GYIS 'TSANG RGYA BAR GSUNGS PA NI PHAR PHYIN GYI THEG PA'I LAM GYI RING MTHA' MA YIN NO, ,DE BZHIN DU MDO DE LAS, GLANG PO CHE'I SHING RTA LTA BUS 'GRO BA DANG, NYI MA DANG ZLA BA LTA BUS 'GRO BA DANG NYAN THOS KYI RDZU 'PHRUL LTA BUS 'GRO BA DANG, DE BZHIN GSHEGS PA'I RDZU 'PHRUL LTA BUS 'GRO BA'I BYANG CHUB SEMS DPA' YANG GSUNGS PAS, PHA ROL TU PHYIN PA'I THEG PA LA BRTEN NAS LAM BGROD PA'I MYUR BUL MTHA' GCIG TU MA NGES SO, ,'ON KYANG 'DUS PAR SNGAR BZHIN DU GSUNGS PAS NI GRANGS MED GSUM GYIS 'TSANG RGYA BA YANG MTSON PAR BYA'O, ,'O NA PHAR PHYIN GYI THEG PA RKYANG PAS 'BAD CING RTZAL YANG 'TSANG RGYA BAR MI NUS PAR GSUNGS PA LA LAM DES JI TZAM ZHIG GI BAR DU BGROD PA DANG, LAM DE LA SNON PA GDAB RGYU'I SNGAGS KYI LAM CI TZAM ZHIG YIN SNYAM NA 'DI LA THEG PA CHEN PO DBU MA PAS THEG PA GSUM DU GSUNGS PA DRANG DON DANG THEG PA GCIG TU GSUNGS PA NGES DON DU BZHED PAS MTHAR THUG LA LTOS PA'I RIGS SO SOR NGES PA MED KYANG GNAS SKABS SU NYAN RANG GI THEG PAR ZHUGS NAS RANG RANG GI BYANG CHUB MA THOB BAR DU LAM GZHAN DU MI 'JUG PAR RANG GI THEG PA DE NYID KYIS BGROD PA'I RIGS NGES PA 'DOD PA MI

'GAL BA BZHIN DU, 'DI'I LUGS KYIS KYANG, MTHAR THUG BLA NA MED PA'I THEG PA 'DI LA LTOS DGOS PAR 'DOD KYANG, GNAS SKABS SU PHAR PHYIN GYI THEG PA 'DIS CI TZAM ZHIG TU BGROD PA YIN ZHES PA'I GNAS SKABS KYI RIGS NGES PA 'DOD DGOS SO, , DE LTAR BYAS NA PHAR PHYIN GYI THEG PA'I GDUL BYA RAB KYIS RANG GI THEG PA DE NYID KYIS SA BCU PA'I BAR BGROD PAS DE'I DBANG DU BYAS NAS GNAS SKABS KYI RIGS NGES PA GZHAG LA, SA BCU PA BA SRID PA THA MA PA'I MJUG TU THEG PA BLA NA MED PA'I LAM 'OD GSAL DANG ZUNG 'JUG BSNAN NAS BLA NA MED PA'I BYANG CHUB TU 'TSANG RGYA BA'I TSUL, RIM LNGA DANG SPYOD BSDUS DANG, LAS MTHA' RNAM 'BYED DANG GROL BA'I THEG LE DANG MAN NGAG SNYE MA SOGS KYI GZHUNG MANG PO LA BRTEN NAS RIM LNGA GSAL SGRON DU RGYAS PAR GTAN LA PHAB YOD PAS RGYAS PAR SHAS PAR 'DOD NA DE LAS SHES PAR BYA'O,, ` RGYUD GTAD PA'I SKABS SU, 'KHOR GYI SANGS RGYAS BYANG SEMS SPYI LA RGYUD 'DI PHYOGS KUN TU GZHAN LA STON CIG CES BSGO BA DANG, KHYAD PAR DU RDO RJE CHOS LA GTAD PA NI SNGON BYUNG TZAM DU MA ZAD RJES 'JUG LA YANG SBYAR DGOS PAS SBYAR NA MA 'ONGS PA'I RTEN 'BREL KHYAD PAR CAN 'GRIG PA'I RGYUR 'GYUR RO, ,DES NA RGYUD KYI BSHAD PA RDZOGS PA'I MJUG TU, GNAS DE SNGON BYUNG LTAR GYI RTEN GYI DKYIL 'KHOR DU MOS PAR BYA, 'CHAD PA PO RANG NYID RGYUD KYI STON PA RDO RJE 'CHANG GI NGA RGYAL DU BYA, NYAN PA PO'I 'KHOR RNAMS KYANG SNGON BYUNG BZHIN DU DKYIL 'KHOR PA'I SANGS RGYAS DANG BYANG CHUB SEMS DPAR MOS PA BYAS LA, 'CHAD PA POS RIGS KYI BU KHYED RNAMS

, ,KYIS 'JIG RTEN GYI KHAMS THAMS CAD DU, DE BZHIN GSHEGS PA THAMS CAD KYI SKU DANG GSUNG DANG THUGS RDO RJE 'DI BSGOM PAR GYIS SHIG ,DE CI'I PHYIR ZHE NA, PHYOGS BCU NA BZHUGS PA'I BYANG CHUB SEMS DPA' DE RNAMS CHOS KYI RNAM GRANGS 'DI LA SKAL BA YOD PA'I PHYIR RO, ,KHYED RNAMS KYIS DE BZHIN GSHEGS PA THAMS CAD KYI DAM TSIG GI DE KHO NA NYID 'DI ZUNGS SHIG CES BKA' BSGO, ,DE NAS 'KHOR RNAMS KYIS KYANG, RDO RJE 'CHANG DNGOS KYIS BKA' BSGOS PAR MAS NAS BYANG CHUB SEMS DPA' PHYAG NA RDO RJE'I NGA RGYAL GYIS DE BZHIN DU BGYI'O ZHES KHAS BLANG NGO, ,RTZA RGYUD STON PAS GSUNGS PA'I MTHAR NYAN PA PO'I 'KHOR GYIS STON PA LA BSTOD PA BYA BAR MA GSUNGS KYANG, 'DUS PA'I LE'U BCO BRGYAD BA RDZOGS PA'I MTHAR NYAN PA PO'I 'KHOR BYANG SEMS RNAMS KYIS, RGYUD KYI STON PA LA SOGS PA'I DE BZHIN GSHEGS PA THAMS CAD LA BSTOD PA DANG RJES SU YI RANG BA DANG, RGYUD STON PA PO LA LEGS SO MDZAD PAR GSUNGS PA LTAR RJES 'JUG GIS KYANG DE LTAR BYA'O, ,DE LA BSTOD PA NI MTSON PA TZAM YIN PAS RTZA RGYUD DANG PO GSUNG BA'I DUS SU MCHOD PA'I SPRIN GYIS MCHOD NAS GSOL BA BTAB PA LTAR, GTANG RAG LA YANG MCHOD PA BYAS TE, PHYI DANG NANG DANG GSANG BA DANG DE KHO NA NYID KYIS MCHOD PA BZHI BYA'O, ,DE NAS BSTOD PA NI, RGYUD PHYI MAR, DUS GSUM RDO RJE'I THUGS YIN ZHES PA NAS, DAD PAR BYED CING PHYOGS GCIG TZAM ZHIG 'DZIN PA DAG ,BYANG CHUB RDO RJE 'DRAR LTA DE LA RTAG PHYAG 'TSAL, ,ZHES PA'I BAR GYI TSIGS

SU BCAD PA BCU GSUNGS PAS BSTOD, 'DI SNGON BYUNG LA 'KHOR GYI BYANG CHUB SEMS DPA' THAMS CAD KYIS MGRIN GCIG TU GSUNGS PA LTAR, RJES 'JUG GI 'KHOR THAMS CAD KYIS KYANG DE LTAR GRUB NA LEGS SO, ,RJES SU YI RANG BA NI, LE'U GNYIS PA LAS AE MA'O SANGS RGYAS AE MA'O CHOS, ZHES RKANG PA BZHI GSUNGS PA'I CHED BRJOD KYIS BYA'O, ,LEGS SO 'BUL BA YANG RGYUD PHYI MA LAS, 'DUS PA GSANG BA LAS BYUNG BA, ,ZHES PA BZHI DANG LEGS SO LEGS ZHES PA'I RKANG PA BZHIS BYA'O, ,BSHAD RGYUD RDO RJE 'PHRENG BA GSUNGS ZIN PA'I MTHAR, STON PA'I LEGS BSHAD MIG SMAN DANG, MIG THUR LTA BUS 'KHOR RNAMS KYI 'KHRUL PA'I LONG BA BSAL NAS YANG DAG PA'I DON MTHONG BA NA 'KHOR RNAMS KYIS YANG DANG YANG DU PHYAG BYAS TE MIG MCHI MA DANG BCAS PAS LAN GSUM DU BSKOR BA BYAS NAS RDO RJE 'CHANG LA YANG DAG PAR BSTOD PA'I TSIG ,AE MA'O KUN 'GRO KUN DBANG PHYUG ,CES PA'I TSIGS SU BCAD PA BZHIS, BSTOD PA YANG BSTOD PA'I SKABS SU BYAS NA SHIN TU LEGS SO, ,RGYUD DER BSTOD PA ZIN MA THAG BCOM LDAN 'DAS KYI SKU, 'JIG RTEN GSUM RGYAL GYI KHRO BO'I SKUR GYUR TE KHRO BO BCU BKUG NAS RGYUD KYI BSHAD PA RING DU GNAS PA DANG, DE LTAR BYED PA RNAMS LA RGYUN DU BGEGS KUN LAS SRUNGS SHIG CES BKA' BSGOS SHING, YUL KHAMS DER BSRUNG BA'I DON DU KHRO BO RANG RANG GI 'PHRENG SNGAGS KYIS KHRO BO RNAMS LA GTOR MA DBUL BAR GSUNGS PA LTAR, KHAMS GSUM RNAM RGYAL GYI RNAL 'BYOR LA GNAS NAS KHRO BO BCU LA GTOR MA PHUL TE BKA' BSGO BA'I TSIG ,RGYUD LAS GSUNGS PA BZHIN

, ,DU BYAS NA KHYAD PAR CHE'O, ,DE NAS 'DUS PA LAS BRTZAMS PA'I BSNGO BA DANG SMON LAM DANG SHIS BRJOD BYAS TE, PHYOGS DUS KUN TU BKRA SHIS DANG BDE LEGS KYI DPAL RGYUN MI 'CHAD DU 'BYUNG BAR BYA'O, ,LE'U BCU BDUN PA'I MTHA' GCOD DO,, ` ,,GANG GIS RMAD BYUNG THABS MKHAS KYIS, ,NYON MONGS RGYA MTSOR BYING BA YANG, ,TSE 'DI NYID LA RGYAL GNAS SU, ,BDE BLAG NYID DU 'KHRID PA'I THABS, ,RNAL 'BYOR BLA NA MED PA'I RGYUD, ,DUNG PHYUR GNYIS DANG BYE BA GNYIS, , LEGS PAR GSUNGS PA'I RGYUD KUN GYI, ,BLA MA LAS KYANG BLA MA STE, ,SNYING PO LAS KYANG SNYING PO MCHOG ,'JIG RTEN GSUM GYI RIN CHEN GCIG ,DBANG PO RNON PA'I MTHAR THUG PA'I, ,'JUG NGOGS DPAL LDAN 'DUS PA'O, ,RNAM DKAR LAS KYIS 'PHANGS PA'I LUS THOB KYANG, ,CHOS 'DI'I MING TZAM THOS PA'I SKAL MED MANG, ,GSUNG RAB MTHAR THUG YIN ZHES THOS MOD KYANG, ,THOS BSAM BSGOM PAS 'JUG PA'I SKAL BA MED, ,TSUL 'DIR ZHUGS KYANG JI BZHIN MI RTOGS PAS, , RIN CHEN GLING SON STENG PAR LOG PA'ANG MANG, ,DE LTA'I DUS 'DIR GRUB CHEN KLU SGRUB KYI, ,DGONGS PA SKONG BYED DPAL LDAN 'PHAGS PA LHA, ,KLU BYANG SH'AKYA BSHES GNYEN ZLA GRAGS KYI, ,LEGS PAR BSHAD PA'I MIG SMAN BSTEN PA YIS, , BLO MIG RAB RIB BSAL BAS BSHAD RGYUD LNGAS, ,RTZA RGYUD BSHAD PA'I GNAD DON GSAL BAR MTHONG, ,GANG GI 'PHRIN LAS ZEGS MA'I CHA SHAS TZAM, ,SNYING LA ZHUGS PA YIS KYANG RNYED DKA' BA, ,SHIN TU SBAS DON LHANG DER GSAL MDZAD PA, ,

'JAM DBYANGS BLA MA'I DRIN GYIS RTAG SKYONGS SHIG ,'DI 'DRA'I THEG MCHOG DGA' STON MYONG BA'I TSE, ,LAM MCHOG 'DI YIS NYIN MTSAN MI 'DA' BAR, ,SHING GI SNOD DU BSKOL BA JI BZHIN DU, ,DANG PO GANG YIN THA MAR 'GYUR BA YI, ,TSE 'DI'I PHUN TSOGS LHUR LEN SU ZHIG YOD, ,SBUN PA 'PHYAR LA KUN NAS 'BAD PA BZHIN, ,SNYING PO MED PA'I BYA BAS GA-YENGS GA-YENGS NAS, ,DON CHEN SGRUB PA SU ZHIG YAL BAR 'DOR, ,'DOD LDAN SNYING LA SMIN LEGS GZUGS KYIS BZHIN, ,GANG ZHIG MTHONG ZHING DE DON BSAMS PA NA, ,MKHAS PA'I YID NI RAB TU 'PHROG BYED PA'I, ,GZHUNG 'DIR 'BAD LAS BDAG GIS DKAR PO'I LAS, ,JI SNYED BSAGS PA DE YIS 'GRO KUN GYIS, ,SHIN TU DBYE BAR DKA' BA'I RGYUD SDE'I GNAD, , JI BZHIN LEGS PAR RTOGS NAS DE YI DON, ,BSGRUBS PAS RDO RJE 'DZIN PA'I SAR BGROD SHOG ,JI SRID GLING GI PADMA 'DAB BRGYAD KYI, ,ZE'U 'BRUR LHUN PO GNAS PA DE SRID DU, ,LEGS BSHAD 'DIS KYANG SKAL BZANG 'GRO BA LA, , LAM GYI MTHAR THUG RING DU GNAS BYED SHOG ,BDAG KYANG DENG NAS TSE RABS THAMS CAD DU, ,LAM GYI MTHAR THUG 'DI DANG MI 'BRAL ZHING, ,LEGS TSOGS KUN GYI RTZA BA ZLA MED PA, ,BSHES GNYEN DAM PA RTAG TU MNYES BYED SHOG , RGYUD KYI RGYAL PO DPAL GSANG BA 'DUS PA'I RGYA CHER BSHAD PA SGRON MA GSAL BA'I DKA' BA'I GNAS KYI MTHA' GCOD RIN PO CHE'I MYU GU ZHES BYA BA 'DI NI, DPAL GSANG BA 'DUS PA'I RNAL 'BYOR PA MANG DU THOS PA'I DGE SLONG SHAR

, ,TZONG KHA PA BLO BZANG GRAGS PA'I DPAL GYIS, ,'PHAGS PA YAB SRAS LNGA'I SNGAGS DANG PHA ROL TU PHYIN PA'I GZHUNG KUN LA RING DU LEGS PAR SBYANGS SHING, KHYAD PAR DU GSANG BA 'DUS PA 'PHAGS PA'I SKOR BOD DU 'GYUR RO COG DANG, ,MAR 'GOS KYI LUGS KYI BSHAD PA DANG GDAMS NGAG RNAMS LA'ANG 'DRIS PAR BYAS NAS, RTZA BA DANG BSHAD PA'I RGYUD RNAMS LEGS PAR SBYOR BA'I TSUL LA MI 'JIGS PA'I SPOBS PA RNYED PA'I CHE, 'BROG RI BO CHE DGA' LDAN RNAM PAR RGYAL BA'I GLING DU SBYAR BA'O,, ,,