'The Revelation of Vital Points of All the Secrets,' being a Book on the Stages of the Path in the Practice of the Lord over the Secret World of all the Victors, the Great Keeper of the Diamond (Vajradhara)

, ,RGYAL BA KHYAB BDAG RDO RJE 'CHANG CHEN PO'I LAM GYIS RIM PA GSANG BA KUN GYI GNAD RNAM PAR PHYE BA ZHES BYA BA BZHUGS SO, ,

, ,RGYAL BA KHYAB BDAG RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR PHYE BA ZHES BYA BA, BLA MA DAM PA RNAMS DANG RJE BTZUN 'JAM PA'I DBYANGS KYI ZHABS KYI PADMO LA SKYE BA KUN TU GUS PA CHEN POS PHYAG 'TSAL ZHING SKYABS SU MCHI'O, ,GANG GI ZHABS PAD GTZUG NA GUS BSTEN PAS, ,SRID ZHI'I RGUD PA GCOD PA'I DRI MED LAM, ,BRTZE BA'I THUGS KYIS JI BZHIN 'DOMS MDZAD PA, ,BSHES GNYEN DAM PA RNAMS KYI ZHABS LA 'DUD, ,DRI MED MKHA' LA YID 'PHROG 'JA' TSON BZHIN, ,SPROS KUN NYER ZHI'I GNAS LAS MA GA-YOS PAR, ,RNAM ROL SKU YI BKOD PAS LHA YI TSOGS, ,RAB 'BYAMS SPRO MDZAD 'KHOR LO'I MGON DES SKYONGS, ,DE YIS JI SNYED GSUNGS PA'I GSANG BA'I GNAS, ,MA LUS SDUD MDZAD RIG SNGAGS 'CHANG BA'I RJE, ,MTHU STOBS MGON LA BDAG GIS GUS BTUD KYIS, ,DA NI BDUD SDE BAG YOD

, ,BSTEN PAR RIGS, ,RGYAL BA KUN GYI YAB GCIG 'JAM PA'I DBYANGS, ,DGYES NAS SPYAN RAS TZAM GYIS BTZAS PA LA'ANG, ,RGYAL BA'I DGONGS ZAB RTOGS PA'I RNAM DPYOD KYI, ,MCHOG SBYIN MDZAD CES THOS NAS RING ZHIG NAS, ,RGYUN MI CHAD DU LHAG PA'I LHAR BSTEN CING, ,DA DUNG KHYOD KYI ZHABS PAD SPANGS NAS NI, ,NAM YANG SKYABS GZHAN MED DO MKHYEN PA'I GTER, ,BDAG GI RE BA 'BRAS BU MCHIS PAR MDZOD, ,RGYUD DON MKHAS PAS BKRAL BA JI BZHIN DU, ,TSUL BZHIN SGRUB PAR 'DOD PA MANG PO DANG, ,RAB 'BYAMS GZHUNG LA MKHYEN PA RAB RGYAS PA, ,SKAD GNYIS SMRA BAS RING NAS BSKUL GYUR ZHING, ,SKYE RGU'I GTZUG NA BSOD NAMS DU MAS BRJID, ,DPAL LDAN RDO RJE THEG PA PHYOGS KUN TU, ,RGYAS PA'I KHUR 'DZIN LHAG BSAM BZANG PO CAN, ,DE YIS YANG YANG NYE BAR BSKUL BA DANG, ,GZHUNG LUGS GDAMS PAR MA SHAR PHYOGS RES TSIM, ,LUNG DON DRI MED RIGS PAS DPYOD MI NUS, ,MANG DU THOS KYANG SGRUB LA MI BRTZON PA, ,DE YIS RGYAL BA DGYES PAR MI NUS PAR, ,GZIGS NAS BSTAN LA TSUL BZHIN LEGS SLOB PA'I, ,SNGON GYI DAM PA'I SPYOD PAS BDAG GI YID, ,CHES CHER DRANGS PAS DE DAG RNAMS KYI LUGS, ,GSAL BA'I PHYIR DU 'DI NA 'BAD PA LA, ,ZHING SKYES LHAN CIG SKYES DANG SNGAGS SKYES KYI, ,MKHA' 'GRO'I TSOGS KYIS BU LA MA BZHIN DU, ,BRTZE BAR DGONGS NAS DNGOS GRUB KUN

STZOL ZHING, ,BGEGS KUN NYE PAR ZHI BA'I BKA' DRIN MDZOD, ,GANG ZHIG THEG PA MCHOG GI RIGS KYI NUS PA MI DMAN PA, BSHES GNYEN DAM PA'I MGON GYIS ZIN NAS LAM THUN MONG BA LA SBYANGS PAS SNYING RJE CHEN POS YID CHES CHER BSKYOD PAS, 'KHOR BA NA 'KHYAMS PA'I MA DRIN CAN RNAMS DE NAS 'DON PA LA SHIN TU RINGS PA DE DAG NI, SEMS CAN THAMS CAD KYI SKYABS GCIG PU SANGS RGYAS BCOM LDAN 'DAS KYI GO 'PHANG MYUR DU STER BA'I NYE LAM ZAB MO RDO RJE THEG PAR 'JUG PAR BYA'O, ,DE'I PHYIR 'DIR RDO RJE 'CHANG CHEN PO'I LAM GYI RIM PA BSHAD PAR BYA'O, ,'DI LA GNYIS, RGYAL BA'I BSTAN PA KHO NA THAR 'DOD KYI 'JUG NGOGS SU BSTAN PA DANG, DE LA 'JUG PA'I RIM PA MI 'DRA BA'I SGO BSTAN PA'O, ,DANG PO NI, RANG DANG GZHAN GYI DON CHEN PO'I GNAS LA DPYOD PA ZHUGS NAS SROG 'DI JI SRID 'TSO BA DE SRID TSUN CHAD KYI BDE BA SGRUB PA DANG, SDUG BSNGAL SEL BA'I 'JUG LDOG 'JIG RTEN PA'I RGAN PO RNAMS KYIS RNAM PAR PHYE BA'I LUGS TZAM GYIS CHOG PAR MI 'DZIN PAR 'JIG RTEN PHYI MA PHAN CHAD KYI GONG MA'I KHYAD PAR TSOL BA RNAMS KYI 'JUG NGOGS NI, GANG ZAG GZHAN PHAL MO CHES SNYING THAG PA NAS RJES SU YI RANG BA TZAM YANG BYA BAR DKA' LA, 'JIG RTEN THAMS CAD DANG MI MTHUN PA'I GTAM GYI GZHIR GYUR PA BDAG LAS GZHAN GCES PA'I BYANG CHUB KYI SEMS DANG, DES KUN TU DRANGS PA'I RGYAL SRAS KYI SPYOD PA RLABS CHE BA RNAMS LA BSLABS PA LA BRTEN NAS RMAD DU BYUNG BA'I GO 'PHANG MCHOG BRNYES PAS, THA NA DBUGS PHYI NANG DU RGYU BA TZAM YANG SEMS CAN RNAMS

, ,LA SNAN PA'I THABS CHEN POR 'GYUR PA, SKYE RGU THAMS CAD KYI NYER 'TSO'I GZHI CHEN PO SANGS RGYAS BCOM LDAN 'DAS ZHES SNYAN PA'I BA DAN SA GSUM NA RNAM PAR GA-YO BA DE'I BSTAN PA KHO NA YIN TE, SPEL MAR BSTOD PA LAS, GTING MTHA' MED PA'I 'KHOR BA NI, ,RGYA MTSO'I NANG NA RNAM PAR GNAS, ,'DOD CHAGS LA SOGS MI BZAD PA'I, ,CHU SRIN GYIS NI LUS ZOS PAS, ,DE RING GANG LA SKYABS SU MCHI, ,GANG LA NYES PA THAMS CAD KUN, ,GTAN NAS YONG YE MI MNGA' ZHING, ,GANG ZHIG LA NI YON TAN KUN, ,RNAM PA KUN TU GNAS GYUR PA, ,GAL TE SEMS SHIG YOD NA NI, ,DE NYID LA NI SKYABS 'GRO ZHING, ,DE BSTOD DE NI BKUR BA DANG, ,DE YI BSTAN LA GNAS PA'I RIGS, ,ZHES GANG GSUNGS PA LTAR RO, ,DE LTA NA'ANG RNAM PAR GROL BA'I LAM MI SHES BZHIN DU SHES PAR RLOM PA'I NGA RGYAL GYI DUG CHUS MYOS PA'I STON PAR RLOM PA SER SKYA LA SOGS PAS, BDE BAR GSHEGS PA RNAMS KYIS NYE BAR BSTAN PA LAS TSUL GZHAN DU DNGOS PO'I DE KHO NA NYID BSTAN PAR 'DOD NAS YANG DAG PA'I LAM LTAR BCOS PA'I GZHUNG MI 'DRA BA DU MA ZHIG SBYAR NAS THAR 'DOD RNAMS LA 'DOMS PAR BYED DO, ,DE'I PHYIR YANG DAG PAR RDZOGS PA'I SANGS RGYAS DANG, DES NYE BAR BSTAN PA DANG, DE LA TSUL BZHIN DU SLOB PA RNAMS KHO NA THAR PA 'DOD PA RNAMS KYI STON PA DANG LAM DANG THAR PAR BGROD PA'I GROGS YIN GYI CHOS 'DI LAS GZHAN DU GYUR PA'I STON PA DANG BSTAN PA DANG DE LA SLOB PA RNAMS NI DE LTA MA YIN NO ZHES SKYABS GNAS

LA YID GZHAN DU MI GA-YO BA'I NGES PA RNYED DGOS LA, DE LTA NA THUB PA'I BSTAN PA KHO NA THAR PA 'DOD PA RNAMS KYI 'JUG NGOGS SU RTOGS PAR 'GYUR RO, ,NGES PA DE YANG BLO'I MTHU CHUNG BAS NI YID DPYOD TZAM GYIS YIN LA BLO'I MTHU CHE BAS NI TSAD MAS DRANGS PA'I NGES PA BRTAN PO BTZAL BAR BYA STE DE LTA MA YIN NA DAM BCA' BA TZAM DU ZAD PAS SO, ,DE YANG LHA LAS PHUL BYUNG GI BSTOD PA LAS, BDAG NI SANGS RGYAS PHYOGS MI 'DZIN, ,SER SKYA SOGS LA MI SDANG YANG, ,GANG ZHIG RIGS PAR LDAN PA'I TSIG ,DE NYID STON PAR YONGS SU 'DZIN, ,ZHES GSUNGS PA LTAR RANG DANG GZHAN GYI STON PA'I LUGS LA PHYOGS LHUNG DANG SDANG ZHUGS DOR NAS 'DI GNYIS LAS GANG NI LEGS PAR BSHAD PA YIN LA, GANG NI NYES PAR BSHAD PA YIN SNYAM DU DPYAD PA NA, GDUL BYA'I DON GNYIS 'GRUB PA'I THABS STON PA GANG LA SGRUB BYED YANG DAG YOD PA DE NYID NI BLANG BAR BYA BA YIN NO, ,DE'I TSE LUNG GNYIS NI BDEN PA'I DON CAN YIN MIN DPYOD PA'I GZHI YIN PAS RTZOD GZHI SGRUB BYED DU MI RUNG BA'I PHYIR RIGS PA NYID KYIS BDEN PA'I DON CAN YIN MIN DBYE BAR BYA'O, ,DE'I TSUL NI GANG ZAG GI RGYUD LA SKYE BA NA GNAS SKABS KYI THOB BYA MNGON MTHO SNGON DU THOB NAS PHYI NAS NGES LEGS THOB PAR BYA BA YIN MOD KYANG, LUNG GANG SKYES BU'I DON GNYIS STON PA RNAMS DE LA SLU MI SLU DPYOD PA'I TSE NI, GTZO BO'I DON NGES LEGS LA MI SLU BAR RIGS PAS GRUB PA SNGON DU BTANG NAS THOB BYA PHAL PA MNGON MTHO LA MI SLU BAR DPOG PA NI MKHAS PA'I DBANG PO RNAMS KYI BZHED PA YIN TE RNAM

, ,'GREL LAS, GTZO BO'I DON LA MI SLU'I PHYIR, ,GZHAN LA RJES SU DPAG PA YIN, ,ZHES DANG, BZHI BRGYA PA LAS KYANG, SANGS RGYAS KYIS GSUNGS LKOG GYUR LA, ,GANG ZHIG THE TSOM SKYE 'GYUR BA, ,DE YIS STONG PA NYID BRTEN TE, ,'DI NYID KHO NAR YID CHES BYA, ,ZHES GSUNGS PA BZHIN NO, ,DES NA BDAG TU 'DZIN PA'I KUN 'BYUNG LAS SDUG BSNGAL GYI PHUNG PO NYING MTSAMS SBYOR BA'I 'KHOR BA DANG, BDAG MED RTOGS PA'I SHES RAB KYIS RNAM PAR GROL BA'I GO 'PHANG SGRUB PA'I THAR PAR BGROD PA'I RIM PA RNAMS RIGS PA'I GZHUNG LUGS RNAMS SU RIGS PAS BSGRUBS PA LTAR RIGS PAS GRUB PA DGOS KYI, DE DAG TSUR MTHONG LA SHIN TU LKOG GYUR YIN PAS SGRUB BYED LUNG TZAM DU ZAD DO ZHES SMRA BA NI, BDAG NI STON PA GZHAN SPANGS NAS BCOM LDAN KHYOD LA SKYABS SU SONG BA 'DI NI RANG GI 'DOD PA TZAM DU ZAD KYI SGRUB BYED YANG DAG PA CI YANG MED DO ZHES RANG GI SKYABS 'GRO'I MTSANG SGROG PA STE, DE'I TSE LUNG SGRUB BYED DU MI RUNG LA RIGS PA'I SGRUB BYED KYANG MED BAR 'DOD PA'I PHYIR RO, ,GZHAN YANG RANG GZHAN GYI STON PAS SKYE BA SNGA PHYI YOD MED DANG, PHUNG PO RTAG MI RTAG DANG BDAG YOD MED SOGS MI MTHUN PA BSTAN PA'I LUNG RNAMS LA GANG 'THAD LA GANG MI 'THAD CES RANG GI SDE PA CHEN PO RNAMS DANG GZHAN SDE RNAMS RTZOD PA NA, RANG GI STON PA'I LUNG DE RNAMS RNAM DAG TU SGRUB MI NUS PAR YANG 'GYUR RO, ,DNGOS STOBS KYI TSAD MAS MI 'GRUB PA'I SHIN TU LKOG GYUR STON PA'I LUNG RNAMS NI RANG GI BSTAN BYA'I DON LA MI SLU BAR DPYAD PA GSUM GYIS DAG

BA'I GTAN TSIGS KYIS SGRUB LA DE'I TSUL SGRUB PA YANG RIGS PAS 'GRUB KYI LUNG SGRUB BYED DU KHAS LEN PA LA MI LTOS TE 'DIR NI SGO TZAM ZHIG BSTAN GYI RGYAS PAR GZHAN DU BYA'O, ,GZHAN SDE'I LUNG SKYES BU'I DON GYI GTZO BO STON PA RNAMS NI SNGA PHYI 'GAL BA NYID YIN TE, DPER NA GTZO BO DANG DBANG PHYUG LA SOGS PA'I RTAG PA 'KHOR BA'I BYED PA POR SMRA ZHING, YANG GROL BA DON GNYER GYIS LAM BSGOMS PA'I MTHAR 'KHOR BA LDOG PAR YANG 'DOD PA LTA BU STE, 'KHOR BA'I RGYU'I GTZO BO MA LOG NA 'KHOR BA MI LDOG PA'I PHYIR DANG RTAG PA'I RGYU YIN NA DUS NAM YANG LDOG PAR MI RUNG BA'I PHYIR RO, ,DE BZHIN DU BDAG MED PA'I LTA BA SUN 'BYIN ZHING 'KHOR BAR 'CHING BA CHAD PA'I GROL BA THOB BYAR BYED PA YANG 'GAL BA'O, ,SNGAR BSHAD PA LTAR RANG GI STON PA LA SOGS PA'I SKYABS GSUM THAR 'DOD KYI SKYABS YIN GYI DE DANG MI MTHUN PA'I STON PA LA SOGS PA SKYABS GTAN MIN NO SNYAM PA'I NGES PA MA DRANGS NA, RANG GI SKYABS GNAS LA RTZE GCIG PA'I BLO BRTAN PO MI 'BYUNG LA, DE 'BYUNG BA YANG LUGS GNYIS KYI SKYON YON RIGS PAS MTHONG PA LA RAG LAS PAS, MU STEGS BYED DNGOS SU YOD DAM MED KYANG BLA'I BLO GROS CHE BA RNAMS KYIS SKYABS 'GRO'I BLO KHYAD PAR CAN SKYED PAR 'DOD NA SNGAR LTAR BYA'O, ,DES NA SDE BDUN LA SOGS PA RIGS PA'I BSTAN BCOS RNAMS NI RANG GI STON PA SANGS RGYAS DANG DE'I BSTAN PA LUNG RTOGS GNYIS DANG DE DAG TSUL BZHIN DU NYAMS SU LEN PA LA TSIG TZAM MIN PA'I GUS PA CHEN PO SKYED PA'I THABS MCHOG TU SHES PAR BYOS SHIG ,GNYIS PA LA GNYIS, THEG PA SPYI'I DBYE BA DANG,

, ,THEG PA CHEN PO'I DBYE BA'O, ,DANG PO LA BZHI, JI LTAR DBYE BA'I SGO, GANG GIS 'BYED PA'I RGYU MTSAN, PHYE BA SO SO'I RANG BZHIN, THAMS CAD KYANG MTHAR 'TSANG RGYA BA'I YAN LAG TU BSTAN PA'O, ,DANG PO NI, SPYOD BSDUS SGRON MER GDUL BYA'I MOS PA GSUM GYI DBANG DU BYAS NAS SPYOD PA GSUM DU BSDUS NAS PHYE STE, DMAN PA LA MOS PA LA CHAGS BRAL GYI SPYOD PA DANG, RGYA CHEN PO LA MOS PA LA SA DANG PHA ROL TU PHYIN PA'I SPYOD PA DANG, ZAB MO LA LHAG PAR MOS PA LA 'DOD CHAGS KYI SPYOD PA BSTAN PA'O, ,DE BZHIN DU TSUL GSUM SGRON ME LAS KYANG, BDEN PA'I DE NYID TSUL STON GANG, ,PHA ROL PHYIN TSUL DON GANG YANG, ,GSANG SNGAGS CHEN PO'I TSUL DON YANG, ,BSDUS NAS 'DIR NI BSTAN PA YIN, ,ZHES SLOB DPON KRi PI TA KA MA LAS BDEN PA BZHI'I RNAL 'BYOR PA'I TSUL LA SOGS PA TSUL GSUM DU BSDUS LA, YE SHES GRAGS PAS KYANG BKA' MA LUS PA MDOR BSDUS TE BSHAD PA'I RAB TU BYED PA LAS DE LTAR DU BSDUS SO, ,MDO SDE'I RGYAN LAS NI, SDE SNOD DAG NI GSUM MAM GNYIS KYANG RUNG, ZHES THEG PA MCHOG DMAN GYI SDE SNOD GNYIS SU GSUNGS TE, DE RNAMS KYANG GSUNG RAB KYI DBYE BA DANG LAM MAM THEG PA'I DBYE BA GNYIS KA LA DRANGS TE BSHAD PAS CHOG GO ,GNYIS PA NI, DBYE BA'I SGO GNYIS SU GSUNGS PA'I RGYU MTSAN BSHAD NA, CHED DU BYA BA DMAN PA BDAG GCIG PU'I PHYIR DU THOB BYA DMAN PA 'KHOR BA'I SDUG BSNGAL TZAM ZHI BA'I GO 'PHANG DON DU GNYER BA DANG, CHED DU BYA BA KHYAD PAR DU 'PHAGS PA SEMS CAN THAMS CAD KYI PHYIR DU THOB BYA MCHOG SANGS RGYAS KYI GO 'PHANG DON DU GNYER BA'I

GDUL BYA DMAN MCHOG GNYIS YOD PAS, DE GNYIS THAG PA GANG GIS RANG RANG GI GO 'PHANG DU 'GRO BA'I THEG PA GNYIS LA THEG PA DMAN PA DANG THEG PA CHEN PO ZHES BYA LA, DE GNYIS KYI DBANG DU BYAS NAS GSUNGS PA'I CHOS GNYIS LA THEG PA MCHOG DMAN GYI SDE SNOD CES BYA'O, ,THEG PA DMAN PA LA NYAN RANG GNYIS YOD CING DE DAG RANG RANG GI GO 'PHANG DU 'KHRID PAR BYED PA'I LAM LA NYAN RANG GI THEG PA GNYIS SU PHYE BAS THEG PA GSUM MO, ,GSUM PA LA GNYIS, THEG PA DMAN PA'I RNAM GZHAG DANG, THEG PA CHEN PO'I RNAM GZHAG GO ,DANG PO NI, NYAN RANG GNYIS LA DBANG PO DANG 'BRAS BU LA MCHOG DMAN YOD KYANG LAM GYI RNAM GZHAG PHAL CHER MTSUNGS PAR SA YI DNGOS GZHI LAS GSUNGS LA, KHYAD PAR ZHIB PA NI TSIG MANGS SU DOGS PAS 'DIR GNYIS KA'I SPYI'I RNAM GZHAG RAGS PA 'GA' ZHIG BRJOD PAR BYA'O, ,'DI GNYIS KYI RIGS CAN RNAMS NI GZHAN GYI DON KHUR DU 'KHUR BA LA RGYAB KYIS PHYOGS PAS RANG GROL BA TZAM GYI PHYIR DU ZHUGS PA YIN LA, RNAM GROL THAR PA 'THOB PA'I RGYU'I GTZO BO NI BDAG MED PA'I DON RTOGS PA'I SHES RAB STE, 'KHOR BAR 'CHING BA'I RGYU'I GTZO BO BDAG 'DZIN YIN PA'I PHYIR RO, ,DES NA DE DAG GIS KYANG DON DE RTOGS NAS SHES RAB DE BTZAL TE TSUL KHRIMS DANG TI NGE 'DZIN LA SOGS PA'I LAM GZHAN GYIS GROGS BYAS NAS BSGOMS PAS NYON MONGS PA THAMS CAD ZAD PAR BYED DO, ,'DI DAG GIS GANG ZAG GDONG MA NAS RANG GI MTSAN NYID KYIS GRUB PA'I RANG BZHIN GYIS STONG YANG DER SNANG BA'I SGYU MA LTA BU'I DON MA RTOGS KYI, GANG ZAG LA PHYI ROL PAS BTAGS PA'I RDZAS YOD

, ,KYI BDAG MED PAR RTOGS PA GANG ZAG GI BDAG MED RTOGS PA'I DON DU MDO SDE PA DANG KHA CHE BYE BRAG TU SMRA BA DANG, SEMS TZAM PA DANG DBU MA PA KHA CIG 'CHAD DO, ,DPAL LDAN ZLA BA GRAGS PA NI DE LTA NA GANG ZAG LA BDEN PAR 'DZIN PA CUNG ZAD KYANG MI LDOG PAS DE 'DRA BA DE LA GANG ZAG GI BDAG MED PA RTOGS PA'I DON MED DE, GANG ZAG LA BDEN PAR 'DZIN PA DE SRID DU GANG ZAG GI BDAG 'DZIN YANG MI LDOG PA'I PHYIR DANG, PHUNG PO LA SOGS PA'I CHOS RANG BZHIN MED PAR RTOGS PA CHOS KYI BDAG MED RTOGS PA'I DON DU GZHAG DGOS PA LTAR GANG ZAG RANG BZHIN MED PAR RTOGS PAR YANG GANG ZAG GI BDAG MED RTOGS PA'I DON DU GZHAG DGOS PA'I PHYIR RO, ,DES NA PHUNG PO LA BDEN PAR 'DZIN PA DE SRID DU GANG ZAG LA YANG BDEN 'DZIN 'JUG LA, DE 'JUG PA DE SRID DU NYON MONGS PA MA LUS PAR LDOG PA MED PAS, NYAN RANG RNAMS KYIS JI TZAM 'BAD KYANG 'KHOR BA LAS MI GROL BAR 'DOD DGOS NA, DE YANG MI RIGS SO SNYAM DU DGONGS NAS, 'JUG PA LAS, KHYED KYI RNAL 'BYOR BDAG MED MTHONG BA YIS, ,GZUGS SOGS DE NYID RTOGS PAR MI 'GYUR ZHING, ,GZUGS LA DMIGS NAS 'JUG PHYIR 'DOD CHAGS SOGS, ,SKYE 'GYUR DE YI NGO BO RTOGS MED PHYIR, ,ZHES DANG, 'JUG 'GREL LAS KYANG, GZUGS LA SOGS PA'I RANG GI NGO BO LA DMIGS PAS PHYIN CI LOG TU GYUR PA'I PHYIR, GANG ZAG GI BDAG MED PA YANG RTOGS PAR MI 'GYUR TE BDAG TU GDAGS PA'I RGYU PHUNG PO LA DMIGS PA'I

PHYIR RO, ,ZHES GSUNGS SO, ,'DI NI MGON PO KLU SGRUB KYI BZHED PA YIN TE, RIN CHEN 'PHRENG BA LAS, JI SRID PHUNG POR 'DZIN YOD PA, ,DE SRID DE LA NGAR 'DZIN NYID, ,NGAR 'DZIN YOD NA YANG LAS TE, ,LAS LAS YANG NI SKYE BA YIN, ,ZHES DANG RTZA SHE LAS, LAS DANG NYON MONGS ZAD PAS THAR, ,LAS DANG NYON MONGS RNAM RTOG LAS, ,DE DAG SPROS LAS SPROS PA NI, ,STONG PA NYID KYIS 'GAG PAR 'GYUR, ,ZHES PHUNG PO LA BDEN 'DZIN GYIS 'KHAR BAR 'CHING BA DANG 'KHOR BA LAS THAR BA LA DE'I RTZA BA BDEN 'DZIN GYI SPROS BA LDOG DGOS LA, DE RANG BZHIN GYIS STONG PA'I DON RTOGS PAS ZLOG PAR GSUNGS PA'I PHYIR RO, ,RNAM PAR MI RTOG PAR BSTOD PA LAS KYANG, SANGS RGYAS RANG SANGS RGYAS RNAMS DANG, ,NYAN THOS RNAMS KYIS NGES BSTEN PA'I, ,THAR PA'I LAM NI GCIG NYID KHYOD, ,GZHAN DAG MED CES BYA BAR NGES, ,ZHES CHAS RANG BZHIN MED PAR RTOGS PA'I RNAM PAR MI RTOG PA'I YUM GCIG PU THEG PA GSUM KA'I THAR LAM DU GSUNGS TE, RGYAL BA'I YUM LAS, NYAN THOS KYI SA LA SLOB PAR 'DOD PAS KYANG SHES RAB KYI PHA ROL TU PHYIN PA 'DI NYID LA BSLAB PAR BYA ZHES GSUNGS SHING RANG RGYAL DANG SANGS RGYAS KYI SA LA YANG DE LTAR GSUNGS PA DANG, SDUD PA LAS, GANG DAG BDER GSHEGS NYAN THOS 'GYUR BAR BYA SNYAM DANG, ,RANG SANGS RGYAS DANG DE BZHIN CHOS RGYAL 'GYUR 'DOD PA, ,BZOD PA 'DI LA MA BRTEN THOB PAR MI NUS TE, ,ZHES GSUNGS PA'I DON BSDUS PA'O, ,NYAN THOS KYI SDE SNOD LAS KYANG, GZUGS NI DBU BA BRDOS PA 'DRA, ,TSOR BA CHU YI CHU BUR BZHIN, ,'DU SHES

, ,SMIG RGYU LTA BU STE, ,'DU BYED RNAMS NI CHU SHING BZHIN, ,RNAM SHES SGYU MA LTA BU ZHES, ,NYI MA'I GNYEN GYIS BKA' STZAL TO, ,ZHES GSUNGS SHING DON DE NYID STON PA NA RTZA SHE LAS KYANG, BCOM LDAN DNGOS DANG DNGOS MED PA, , MKHYEN BAS KA TA YA NA YI, ,GDAMS NGAG LAS NI YOD PA DANG, ,MED PA GNYIS KA'ANG DGAG PA MDZAD, ,CES GSUNGS PAS THEG PA DMAN PA'I SDE SNOD DU YANG CHOS KYI BDAG MED PA MA BSTAN PA MA YIN NO, ,'ON KYANG NYAN THOS KYI SDE SNOD DU MI RTAG PA LA SOGS PA BCU DRUG GI LTA BAS DGRA BCOM PA'I BAR DU BGROD PAR BSHAD PA MANG LA, THEG CHEN DU YANG CHOS RANG BZHIN MED RTOGS DANG MI RTAG SOGS KYI LAM GYIS BGROD PA'I TSUL GNYIS KA GSUNGS MOD KYANG, DPER NA THEG CHEN GYI MDO SDER SEMS TZAM DANG DBU MA'I LTA BAS RNAM MKHYEN DU BGROD PA'I TSUL GNYIS GSUNGS PA LA, SLOB DPON 'PHAGS PAS DBU MA'I TSUL STON PA'I MDO RNAMS NI, GZHAN DU DRANG DU MI RUNG BAR RIGS PA'I TSOGS KYIS NGES PAR MDZAD PAS, SEMS TZAM GYI TSUL GSAL BAR BYED PA'I MDO SDE RNAMS NI JI LTAR BSTAN PA LAS GZHAN DU DRANG BAR BYA DGOS PA LTAR, 'DIR YANG TSUL DE BZHIN DU 'DOD PAR BYA'O, ,RGYUD SDE RNAMS NAS KYANG NYAN RANG GIS DNGOS PO'I DE KHO NA NYID MA RTOGS PA YANG MANG DU GSUNGS LA, DNGOS PO'I DE KHO NA NYID MA RTOGS NA 'KHOR BA LAS BRGAL MI NUS PA DANG DNGOS PO LA BDEN PAR 'DZIN PA'I RTOG PAS 'KHOR BAR 'CHING BA YANG MANG DU GSUNGS YOD PAS MI 'GAL BAR 'CHAD PA'I TSUL SHES

DGOS SO, ,'O NA MI RTAG PA LA SOGS PA'I LAM BSTAN PA DES 'KHOR BA LAS MI GROL NA DGOS PA CI'I PHYIR DU BSTAN SNYAM NA, RIGS PA DRUG CU PA LAS, SKYE BA DANG NI 'JIG PA'I LAM, ,DGOS PA'I DON DU BSTAN PA'O, ,SKYE BA SHES PAS 'JIG PA SHES,, 'JIG PA SHES PAS MI RTAG SHES, ,MI RTAG NYID LA 'JUG SHES PAS, ,DAM PA'I CHOS KYANG RTOGS PAR 'GYUR, ,GANG DAG RTEN CING 'BREL 'BYUNG BA, ,SKYE DANG 'JIG PA RNAM SPANGS PAR, ,SHES PAR GYUR PA DE DAG NI, ,LTA GYUR SRID PA'I RGYA MTSO BRGAL,, ZHES GSUNGS PA LTAR SHES PAR BYA STE, 'DUS BYAS RNAMS LA YID KUN TU CHAGS PA NI 'KHOR BA LAS 'DA' BAR 'DOD PA MI 'BYUNG BAS, DA'I GNYEN POR MI RTAG PA DANG SDUG BSNGAL BA'I LAM BSTAN PAS SRID PA LAS 'DA' BAR 'DOD PA 'BYUNG NGO, , DE NAS SKYE BA DANG 'JIG PA'I RGYU MTSAN LAS DAM PA'I CHOS RTEN 'BREL RANG BZHIN GYIS SKYE 'GAG MED PA RTOGS PA NA DE 'KHOR BA LAS GROL BAR 'GYUR BAS NA, GROL LAM NI GANG ZAG DANG CHOS RANG BZHIN MED PAR RTOGS PA NYID YIN LA MI RTAG SOGS KYI LAM NI DE SKYED PA'I THABS RGYUD SBYONG BAR BYED PA'I LAM DU GZUNG NGO, SLOB DPON GZHAN RNAMS KYANG STONG PA DANG BDAG MED PA'I LAM GROL BYED DANG MI RTAG PA LA SOGS PA'I RNAM PA LHAG MA'I LAM SGOM PA BDAG MED RTOGS PA'I DON DU 'JUG PA'I RGYUD SBYONG BYED DU BZHED MOD KYANG, RNAM PA BCU DRUG GI SKABS KYI STONG PA DANG BDAG MED RTOGS PA NI PHYI ROL PAS KUN BTAGS PA'I BDAG TZAM ZHIG MED PAR NGES PA YIN PAS GANG ZAG RANG GI MTSAN NYID KYIS GRUB PAR 'DZIN PA'I LHAN

, ,SKYES KYI GNYEN POR MI RUNG NGO, ,DE'I PHYIR MI RTAG SOGS BCU DRUG PO'I LAM THAMS CAD KYANG GROL LAM MIN PAR RGYUD SBYONG BYED TZAM DU MTSUNGS SO, ,DE LTAR NA RE ZHIG LA RGYUD SBYONG BA'I LAM GYI SNOD DU RUNG LA GROL BYED KYI LAM GYI SNOD DU MI RUNG BA DANG RUNG BA'I THEG DMAN PA NI DBANG PO RTUL BA DANG RNO BA YIN LA, GANG GI PHYIR DU THEG DMAN GYI SDE SNOD GSUNGS PA'I GDUL BYA'I GTZO PO'AM CHED DU BYA BA'I GDUL BYA NI PHYI MA YIN GYI SNGA MA NI ZHAR BYUNG GI GDUL BYA'O, , THEG DMAN PA LA CHOS RANG BZHIN MED PAR RTOGS PA YOD KYANG THEG PA CHE CHUNG KHYAD MED DU MI 'GYUR TE, THEG CHEN BSTAN PAS NI CHOS BDAG MED PA TZAM GSAL BAR BYED PA MIN GYI SA DANG PHAR PHYIN DANG SMON LAM DANG SNYING RJE CHEN PO LA SOGS PA DANG, BSNGO BA DANG TSOGS GNYIS DANG DRI MA MA LUS PAS DAG PA'I BSAM MI KHYAB KYI CHOS NYID KYANG STON PAS SO, ,RIN CHEN PHRENG BA LAS KYANG, NYAN THOS THEG PA DE LAS NI, ,BYANG CHUB SEMS DPA'I SMON LAM DANG, ,SPYOD PA YONGS BSNGO MA BSHAD DES, ,BYANG CHUB SEMS DPAR GA LA 'GYUR, ,BYANG CHUB SPYOD LA GNAS PA'I DON, ,MDO SDE LAS NI BKA' MA STZAL, ,THEG PA CHE LAS BKA' STZAL PA, ,DE PHYIR MKHAS PA RNAMS KYIS GZUNG, ,ZHES SO, ,DES NA THEG PA CHE CHUNG NI LTA BAS MI 'BYED KYI THABS MKHAS KYI SPYOD PAS PHYE BAR 'PHAGS PA YAB SRAS BZHED DE, MA NI BU RNAMS KYI THUN MONG GI RGYU YIN LA PHA NI DE DAG GI RIGS SO SOR 'BYED PA'I RGYU YIN PA BZHIN DU, YUM SHER PHYIN NI SRAS BZHI KA'I THUN MONG

GI RGYU YIN LA DE RNAMS THEG PA CHE CHUNG GI RIGS SO SOR 'BYED PA'I RGYU NI SEMS BSKYED LA SOGS PA'I THABS RNAMS YIN PA'I PHYIR RO, ,GNYIS PA NI, SEMS CAN THAMS CAD KYI DON DU BLA NA MED PA'I BYANG CHUB THOB PAR 'DOD NAS SPYOD PA PHA ROL TU PHYIN PA DRUG LA, SLOB PA NI 'DIS 'GRO BA'I THEG PA CHEN PO PA SPYI'I DON YIN TE, SNGAGS KYI THEG PA YANG LAM DES 'GRO BAR RGYUD SDE RNAMS NAS LAN DU MAR GSUNGS PAS SO, ,'ON KYANG DE'I STENG DU LAM MI 'DRA BA'I KHYAD CHOS NI MANG DU YOD DO, ,GANG ZAG DE DAG GI LAM NI RNAM MKHYEN DU BGROD PA'I THEG PA CHEN PO'O, ,PHA ROL TU PHYIN PA'I THEG PA CHEN PO PA RNAMS LA NI LAM GYI SPYI'I LUS DE TZAM DU ZAD LA DE LA YANG LTA BA'I SGO NAS PHYE NA DBU MA PA DANG SEMS TZAM PA GNYIS SU YOD DO, ,DE LTA NA'ANG DE GNYIS LA THEG PA MI 'DRA BA'I RIM PA BSHAD PA MED PAS GNYIS KA YANG THEG PA NI GCIG GO ,DE KHO NA NYID KYI GTING DPOGS MI DPOGS KYI KHYAD YOD PAS SNGA MA NI DBANG PO RNO LA PHYI MA NI DBANG PO RTUL LO, ,'DIR YANG GANG GI DBANG DU BYAS NAS PHAR PHYIN GYI THEG PA GSUNGS PA'I CHED DU BYA BA'I GDUL BYA'I GTZO BO NI DBU MA PA YIN LA SEMS TZAM PA NI THEG PA DE'I ZHAR BYUNG NGAM PHAL PA'I GDUL BYA'O, ,PHAR PHYIN GYI THEG PA PA 'DI LA 'ANG LAM MYUR BUL GYI SGO NAS PHYEN LNGA YOD PAR NGES PA DANG MA NGES PA LA 'JUG PA PHYAG RGYA'I MDO LAS GSUNGS TE, PHYUGS DANG GLANG PO CHE'I SHING RTA LTA BUS 'GRO BA GNYIS DANG, ZLA BA DANG NYI MA LTA BUS 'GRO BA GCIG DANG, NYAN RANG DANG SANGS RGYAS KYI RDZU 'PHRUL LTA BUS 'GRO BA'I BYANG CHUB SEMS DPA' GNYIS SO, ,DE DAG NI DPE DE

, ,DAG DANG 'DRA BAR LAM GYI 'GROS MGYOGS BUL CHES SHIN TU KHYAD PAR CHE YANG DE DAG LA THEG PA SO SO BA MED PA'I PHYIR NA DBANG PO RNO RTUL TZAM DANG LAM BGROD PA'I GCOD CHE CHUNG TZAM GYIS THEG PA SO SOR 'BYED MI NUS SO, ,DES NA GANG DU BGROD PAR BYA BA'I 'BRAS BU'I THEG PA LA MCHOG DMAN GYI KHYAD PAR CHES CHE BA'AM, YANG NA GANG GIS BGROD PA'I RGYU'I THEG PA LA LUS MI 'DRA BA'I LAM GYI RIM PA GZHAN YOD NA THEG PA SO SO BAR GZHAG LA, LAM GYI LUS LA RIGS MI 'DRA BA CHEN PO'I RNAM DBYE MED NA, LAM GYI NANG GSES KYI DBYE BA MI 'DRA BA DANG LAM DES 'GRO BA'I GANG ZAG LA MCHOG DMAN YOD PA TZAM GYIS THEG PA'I RIM PA YOD PAR GZHAG MI NUS SO, ,BZHI PA NI, THEG PA DMAN PA BA RNAMS KYIS SANGS RGYAS THOB PA'I DON DU DMIGS NAS RANG GI LAM LA 'JUG PA MIN YANG, DE DAG GI LAM NI GANG ZAG DE RNAMS SANGS RGYAS KYI SAR 'KHRID PA'I THABS YIN PAS NA, THEG DMAN GYI LAM RNAMS MTHA' GCIG TU 'TSANG RGYA BA'I GEGS SU MI GZUNG STE, DAM CHOS PAD DKAR LAS, SANGS RGYAS YE SHES RAB TU RTOGS BYA'I PHYIR, ,THABS 'DI RANG BYUNG GIS NI MDZAD GYUR GYI, ,DE DAG RNAMS LA KHYED CAG SANGS RGYAS SU, ,'GYUR RO ZHES NI NAM YANG MI GSUNG NGO, ,CI'I PHYIR ZHE NA SKYOB PA DUS LA GZIGS, ,ZHES DANG, SANGS RGYAS YE SHES RAB TU RTOGS BYA'I PHYIR, ,'JIG RTEN DU NI MGON PO GCIG PU 'BYUNG, ,THEG PA GCIG STE THEG PA GNYIS PA MED, ,SANGS RGYAS THEG PA DMAN PAS 'KHRID MI MDZAD, ,GANG LA SANGS RGYAS RANG BYUNG BDAG NYID GANG, ,RAB TU

GNAS SHING RTOGS LAM GANG CI 'DRA, ,STOBS DANG BSAM GTAN RNAM PAR THAR DANG DBANG, ,DE NYID LA NI SEMS CAN RNAMS 'GOD DO, ,BYANG CHUB RDUL BRAL KHYAD PAR CAN REG NAS, ,GAL TE NGA YIS THEG PA DMAN PA LA, ,SEMS CAN 'GA' ZHIG BKOD PAR GYUR NA YANG, ,NGA LA SER SNA'I NYES 'GYUR LEGS MA YIN, ,THEG PA GCIG STE GNYIS PA YOD MA YIN, ,GSUM PA'ANG NAM YANG YOD MIN 'JIG RTEN NA, ,SKYES BU MCHOG RNAMS THABS KYIS THEG PA GANG, ,SNA TSOGS NYE BAR STON PAR MDZAD MA GTOGS, ,ZHES GSUNGS SO, ,DE'I DON NI SANGS RGYAS 'JIG RTEN DU BYON PA'I DGOS PA NI RANG GIS BRNYES PA'I YE SHES SEMS CAN GYIS THOB PAR BYA BA'I PHYIR YIN PAS, LAM BSTAN PA RNAMS KYANG SANGS RGYAS SU 'KHRID BA'I THABS GCIG TU ZAD KYI DER BKRI BA'I THABS SU MA GYUR PA'I THEG PA DMAN PAS SEMS CAN MI 'KHRID DO, ,DES NA RANG NYID GO 'PHANG GANG LA GNAS PA'I STOBS LA SOGS PA LA SEMS CAN RNAMS KYANG 'GOD DO, ,GAL TE BYANG CHUB BRNYES NAS SEMS CAN 'GA' ZHIG SANGS RGYAS KYI SAR 'GRO BA'I THABS SU MA GYUR PA'I THEG DMAN LA BKOD NA ,CHOS LA DPE MKHYUD BYED PA'I SER SNA YOD PAR 'GYUR TE, MTHAR THUG THEG PA GCIG YIN PAS THEG PA DMAN PA'I RIGS CAN DE DAG KYANG SANGS RGYAS KYI SAR NI 'KHRID DU YOD LA, DE'I THABS KYANG SHES BZHIN DU DE DAG LA SANGS RGYAS KYI SAR BKRI BA'I CHOS MI STON PAR SPED PA'I PHYIR RO ZHES PA'O, ,BDEN PA PO'I LE'U LAS KYANG, 'JAM DPAL GAL TE DE BZHIN GSHEGS PAS SEMS CAN KHA CIG LA NI THEG PA CHEN PO STON, KHA CIG LA NI RANG SANGS RGYAS KYI THEG PA

, ,STAN, KHA CIG LA NI NYAN THOS KYI THEG PA STON NA, DE NI DE BZHIN GSHEGS PA'I SEMS YONGS SU MA DAG PAR 'GYUR RO, ,SEMS MA SNYOMS PA NYID DU YANG 'GYUR RO, ,MNGON PAR ZHEN PA'I SKYON DU YANG 'GYUR RO, ,SNYING RJE CHEN PO PHYOGS GCIG PAR YANG 'GYUR RO, ,'DU SHES THA DAD PA'I SKYON DU'ANG 'GYUR RO, ,NGAS CHOS LA SLOB DPON GYI DPE MKHYUD BYAS PAR YANG 'GYUR RO, ,'JAM DPAL NGAS SEMS CAN RNAMS LA CHOS GANG DANG GANG BSTAN PA DE DAG THAMS CAD NI 'DI LTA STE, THAMS CAD MKHYEN PA'I YE SHES THOB PAR BYA BA'I PHYIR BYANG CHUB LA GZHOL BA, THEG PA CHEN PO LA 'BAB PA, THAMS CAD MKHYEN PA NYID SGRUB PA, YUL GCIG TU YANG DAG PAR PHYIN PAR BYED PA STE, DE BAS NA NGA LA THEG PA THA DAD PA RNAM PAR DGOD PA MED DO, ,ZHES GSAL BAR GSUNGS TE THEG PA SO SO BSTAN NA ZHES PA'I DON NI SNGAR BSHAD PA LTAR RO, ,'O NA MDO SDE RGYAN LAS, BLO DANG LDAN PA DMYAL BAR GNAS PA DUS KUN TU, ,BYANG CHUB DRI MED YANGS PA'I BAR DU GCOD BYED MIN, ,THEG PA GZHAN LA RAB BSIL RNAM RTOG BDAG PHAN PA, , RAB TU BDE BAR GNAS KYANG BAR DU GCOD PAR BYED, ,CES THEG DMAN GYI BSAM PA BSKYED PA DANG DMYAL BAR SKYES PA GNYIS SANGS RGYAS THOB PA LA SNGA MAS BAR DU GCOD PA TZAM PHYI MAS MI GCOD PAR GSUNGS PA JI LTAR DRANG SNYAM NA, DE NI BLO DANG LDAN PA BYANG SEMS KYIS THEG DMAN DU SEMS BSKYED PAS SANGS RGYAS LA RING DU BYED PA TZAM BYANG SEMS DMYAL BAR GNAS PAS MI BYED CES PA'I DON YIN PAS SKYON MED DE, THEG CHEN PA LA THEG DMAN 'TSANG RGYA BA'I GEGS YIN PA DANG, THEG DMAN GYI RIGS

CAN LA 'TSANG RGYA BA'I THABS SU 'GRO BA GNYIS LA 'GAL BA CI YANG MED PA'I PHYIR RO, ,TSIGS BCAD DE'I GONG NYID DU YANG DE 'DRA BA DE RGYAL SRAS LA GSUNGS YOD PAS RTZOD PA'I GNAS MED DO, ,'PHAGS PA RNAM PAR 'THAG PA BSDUS PA LAS, RGYAL BA'I BKA' LA BZANG NGAN DANG RIGS MI RIGS DANG, NYAN RANG DANG BYANG SEMS KYI CHED DU GSUNGS PA'O ZHES SO SOR BCAD NA CHOS SPONG DU GSUNGS PA YANG, BKA' 'GA' ZHIG LA 'TSANG RGYA BA'I THABS DANG 'GA' ZHIG 'TSANG RGYA BA LA GEGS BYED PAR BZUNG BA NYID YIN NO, , MDO DER SDIG GROGS KYI DBANG GIS DER BSHAD PA'I CHOS SPONG BYUNG NA LO BDUN GYI BAR DU ZHAG RE LA LAN GSUM GSUM DU BSHAGS NA SDIG 'DAG PA DANG, 'ON KYANG MYUR NA'ANG BZOD PA 'THOB PA LA SKAL PA BCU DGOS PAR GSUNGS PAS, GO BA LOG PA DES DUS 'DAS NA DON MA YIN PA CHEN PO LA SBYOR ZHING MA NOR BA'I GO BA RNYED NA RNYED PA TZAM GYIS NYES PA DE DAG MI 'BYUNG NGO, ,DE'I PHYIR BDEN PA PO'I LE'U LAS RGYA MTSO CHEN POR SGO THA DAD PA NAS CHU MANG PO 'BAB PA BZHIN DU, THEG PA GSUM GYI CHOS KYI CHU THAMS CAD KYANG DE BZHIN GSHEGS PA'I RGYA MTSO CHEN POR 'BAB PAR GSUNGS PA LTAR, SANGS RGYAS KYIS CHOS GANG GSUNGS THAMS CAD THAD KA THAD KA'I GDUL BYA LA BLTOS TE SANGS RGYAS KYI SAR 'KHRID PA'I THABS KHO NAR GO BAR BYA'O, ,'ON KYANG THABS DE LA GDUL BYA'I MCHOG DMAN GYI DBANG GIS THABS RDZOGS MA RDZOGS DANG, LAM MYUR BUL LA SOGS PA'I KHYAD PAR YANG 'THAD PAS SANGS RGYAS KYI SAR 'KHRID PA'I YAN LAG TU GYUR PA'I LAM DANG, THEG CHEN GYI LAM GNYIS NI MI GCIG GO ,DON

, ,GYI DBANG 'DI DAG GZIGS NAS MTSAN BRJOD LAS KYANG, THEG PA GSUM GYI NGES 'BYUNG LA, ,THEG PA GCIG GI 'BRAS BUR GNAS, ,ZHES GSUNGS SO, ,GNYIS PA LA GNYIS, THEG PA CHEN PO LA GNYIS SU DBYE BA DANG, RDO RJE THEG PA LA 'JUG PA'I RNAM DBYE BYE BRAG TU BSHAD PA'O, ,DANG PO LA GSUM, JI LTAR DU PHYE BA'I GRANGS DANG, PHYE BA SO SO'I DON DANG, DE LTAR DU 'BYED PA'I RGYU MTSAN NO, ,DANG PO NI, RNAL 'BYOR BLA MED KYI RGYUD DON LA 'JUG PA LAS, BYANG CHUB SEMS DPA'I THEG PA LA YANG GNYIS TE SA DANG PHA ROL TU PHYIN PA'I THEG PA DANG, GSANG SNGAGS 'BRAS BU RDO RJE THEG PA'O, ,ZHES SHRADDH'A KA RA WARMAS BSHAD PA LTAR GSANG SNGAGS KYI THEG PA DANG 'BRAS BU'I THEG PA DANG RDO RJE THEG PA ZHES PA NI SNGAGS KYI THEG PA'I RNAM GRANGS YIN LA, THABS KYI THEG PA ZHES KYANG 'BYUNG NGO, ,RGYU 'BRAS KYI THEG PA NI THEG PA GNYIS KYI RNAM GRANGS YIN TE 'PHAGS PA GSANG BA LUNG BSTAN PA'I MDO LAS, RGYU LA SBYOR BA RGYU YI CHOS, ,'KHOR LO RAB TU BSKOR BYAS NAS, ,'BRAS BU'I THEG PA NYE LAM ZHIG ,CES DZNY'A NA SHR'IS MTHA' GNYIS SEL BAR DRANGS PA LTAR RO, ,YANG RDO RJE THEG PA'I GZHUNG LA NI RIG PA 'DZIN PA'I SDE SNOD DANG RGYUD SDE ZHES SU'ANG GRAGS SO, ,GNYIS PA NI, GSANG ZHING SBAS PAS 'GRUB LA SNOD MIN GYI YUL MIN PAS DE LA MI BSTAN PAS NA GSANG BA'O, ,SNGAGS KYI SKAD DOD M'ANTR'A YA M'A NA NI YID, TR'A YA NI SKYOB PAS NA SNGAGS TE 'DUS PA'I RGYUD PHYI MA LAS, DBANG PO DANG NI YUL RNAMS KYI, ,RKYEN GYIS GANG DANG GANG BYUNG YID, ,YID DE M'AN ZHES BYA BAR

BSHAD, ,TR'A NI SKYOB PAR BYED PA'I DON, ,'JIG RTEN SPYOD LAS RNAM GROL BAR, ,GANG BSHAD DAM TSIG SDOM PA STE, ,RDO RJE KUN GYIS BSRUNG BA NI, ,SNGAGS KYI SPYOD PA ZHES BSHAD DO, ,ZHES SO, ,RNAM GRANGS GZHAN YANG M'A NA DANG TR'A YA'I SGRA DE NYID SHES PA DANG 'GRO BA SKYONG BA'I SNYING RJE LA DRANGS NAS GSUNGS PA LTAR YANG SHES PAR BYA'O, ,THEG PA NI 'DIR 'DOD PA 'BRAS BU DANG 'DIS 'DOD BA RGYU'I THEG PA STE BGROD PAS NA THEG PA'O, ,'BRAS BU NI GNAS LUS LONGS SPYOD MDZAD PA YONGS SU DAG PA BZHI STE SANGS RGYAS KYI PHO BRANG DANG SKU DANG 'BYOR BA DANG 'PHRIN LAS SO, ,TSUL DE DANG RJES SU MTHUN PAR DA LTA NAS GZHAL YAS KHANG DANG LHA'I 'KHOR LO DANG MCHOD PA'I YO BYAD DANG SNOD BCUD SBYONG BA SOGS KYI MDZAD PA CAN DU SGOM PAS NA 'BRAS BU'I THEG PA STE 'BRAS BU'I RNAM PA DANG MTHUN PAR BSGOMS NAS BGROD PA'I PHYIR TE, BLA MED KYI RGYUD DON LA 'JUG PA LAS, DE NI SKU DANG LONGS SPYOD DANG GNAS DANG MDZAD PA YONGS SU DAG PA'I TSUL GYIS 'JUG PAS NA 'BRAS BU STE ZHES BSHAD PA BZHIN NO, , DRI MED 'OD LAS, RDO RJE NI MI PHYED PA DANG MI CHOD PA CHEN PO YIN LA DE NYID THEG PA CHEN PO YIN PA NI RDO RJE THEG PA STE, SNGAGS KYI TSUL DANG PHA ROL TU PHYIN PA'I TSUL 'BRAS BU DANG RGYU'I BDAG NYID GCIG TU 'DRES PAR GYUR PA'O, ,ZHES RDO RJE'I DON SNGAGS KYI TSUL GYI 'BRAS BU DANG, PHAR PHYIN GYI TSUL GYI RGYU GNYIS DBYER MI PHYED PA LA MDZAD NAS RDO RJE THEG PA'I MING DON GSUNGS SO, ,DE'I RGYU 'BRAS NI DBANG MDOR BSTAN LAS, STONG NYID GZUGS 'DZIN RGYU YIN TE, ,'BRAS BU SNYING RJE MI 'GYUR 'DZIN, ,

, ,STONG NYID SNYING RJE DBYER MED PA, ,BYANG CHUB SEMS ZHES BYA BAR BSHAD, ,CES GSUNGS PA LTAR RNAM KUN MCHOG LDAN GYI STONG NYID DANG MCHOG TU MI 'GYUR BA'I BDE BA'O, ,DE GNYIS MI PHYED PA DE LA 'DIS BGROD PA DANG 'DIR BGROD PA'I RGYU 'BRAS KYI THEG PA GNYIS SU YOD DO, ,DE 'DRA BA'I RDO RJE THEG PA NI BLA MED LA DGONGS KYI RGYUD SDE 'OG MA'I SKABS SU MI RUNG STE, MCHOG TU MI 'GYUR BA'I BDE BA NI TING NGE 'DZIN GYI YAN LAG THOB PA NAS GZHAG DGOS PAS RJES DRAN MAN CHAD KYI YAN LAG GIS BSGRUB DGOS NA, RGYU'I YAN LAG DE DAG TSANG BA DE RNAMS LA MED PA'I PHYIR RO, ,DES NA 'DIR RDO RJE THEG PA SPYI'I DON NGOS 'DZIN PA'I SKABS SU KHYAB CHUNG BA YIN LA TSUL DES RGYU 'BRAS KYI THEG PA'I DON 'JOG PA YANG SPYI'I RNAM GZHAG LA MA KHYAB PA YIN NO, ,DE'I PHYIR 'DIR NI SNYIM PA'I ME TOG LAS GSUNGS PA LTAR BYA STE, RDO RJE'I THEG PA ZHES BYA BA NI THEG PA CHEN PO MA LUS PA BSDUS PA NI PHA ROL TU PHYIN PA DRUG YIN LA, DE RNAMS BSDUS PA NI THABS DANG SHES RAB YIN ZHING DE DAG KYANG BSDUS PA RO GCIG PA DE NI BYANG CHUB KYI SEMS YIN TE, DE YANG RDO RJE SEMS DPA'I TING NGE 'DZIN YIN LA DE NYID NI RDO RJE YIN NO, ,RDO RJE YANG DE YIN LA THEG PA YANG YIN PAS NA RDO RJE THEG PA STE SNGAGS KYI THEG PA ZHES BYA BA'I DON NO, ,ZHES GSUNGS PA LTAR THABS DANG SHES RAB DBYER MED PAR SBYOR BA'I RDO RJE SEMS DPA'I RNAL 'BYOR NI RDO RJE THEG PA YIN LA DE LA LAM DANG 'BRAS BU'I SKABS GNYIS KA YOD DO, ,PHAR PHYIN GYI THEG PA LAS THABS MKHAS PA CHE BA'I PHYIR NA THABS KYI THEG PA'O,

MTHA' GNYIS SEL BA LAS KYANG, DBYER MED PA DANG 'BRAS BU NYID LAM DU GYUR PA DANG, THABS KYI CHE BA DANG SHIN TU GSANG BAR BYA BA'I PHYIR RDO RJE'I THEG PA DANG, 'BRAS BU'I THEG PA DANG, THABS KYI THEG PA DANG, GSANG BA'I THEG PA ZHES BYA'O, ,ZHES SO, , RIG 'DZIN GYI SDE SNOD NI RIG SNGAGS 'CHANG RNAMS KYI BSLAB PA'I GZHI DANG GRUB PA'I MTHA' STON PA LA DPUNG BZANG GIS ZHUS PA'I 'GREL PAR BSHAD PA LTAR RO, ,BLA MED KYI RGYUD DON LA 'JUG PA LAS, RIG 'DZIN GYI SDE SNOD SDE SNOD GSUM DU MI GTOGS PA'I SDE SNOD BZHI PAR 'DOD PA DANG SDE SNOD GSUM DU GTOGS PA'I LUGS GNYIS BSHAD KYANG, DPUNG BZANG LAS GSANG SNGAGS MDO SDE'I TSUL DU BSHAD KYIS NYON, ZHES PA DANG GZHAN YANG RGYUD MANG PO LAS MDO DANG MDO SDER BSHAD PAS, SH'ANTI PAS ZAB DON BSDUS TE STON PAS MDO SDER BZHED PA LTAR LEGS LA DE LA YANG NANG GSES KYIS PHYE NA SDE SNOD GZHAN GNYIS KYI'ANG DON STON PAS NA, AA BHYAS SDE SNOD GSUM KAR GTOGS PAR BZHED PA YANG 'THAD DO, ,RGYUD NI RGYUN CHAGS PA YIN LA, DE LA LAM GYI BYED PA 'JUG PA'I GZHI'I RGYUD DANG, DE SBYONG BYED LAM GYI RGYUD DANG, SBYANGS 'BRAS 'BRAS BU'I RGYUD GSUM DU 'DUS PA PHYI MA LAS GSUNGS PA NI BRJOD BYA DON GYI RGYUD YIN LA, DE DAG CI RIGS PAR BRJOD BYAR BYED PA'I GSUNG RAB NI RJOD BYED GZHUNG GI RGYUD DO, ,SDE NI RGYUD DE'I TSOGS SAM RIS SO, ,PHAR PHYIN GYI THEG PA NI THEG PA GANG LA SPYOD PA'I RTEN SEMS BSKYED PA DANG SPYOD PA PHYIN DRUG GIS BGROD CING DE LAS GZHAN PA'I RIM GNYIS LA SOGS PA'I LAM

, ,MED PA LA BYA'I, SEMS BSKYED DANG PHYIN DRUG GI BGROD PA YOD PA LA BYED NA RDO RJE THEG PA YANG DER 'GYUR RO, ,RGYU'I THEG PA ZHES PA YANG SNGAR BSHAD PA LTAR GYI 'BRAS BU BZHI PO DE DAG DANG RNAM PA RJES SU MTHUN PA'I LAM MI SGOM PAR DE DAG GI RGYU TZAM SGOM PA LA BYA'O, ,GSUM PA LA GNYIS, RTOG LDAN LA SKYE BA'I DOGS PA'I GNAS DGOD PA DANG, DE LA LAN GDAB PA'O, ,DANG PO NI, GAL TE THEG PA CHEN PO LA THEG PA GNYIS SU 'BYED PA 'DI GANG GI SGO NAS YIN, SEMS BSKYED PA'I SGO NAS NI MA YIN TE, BYANG CHUB SEMS DPA' SNGAGS DANG PHA ROL TU PHYIN PA'I SGO NAS SPYOD PA GNYIS KA YANG SEMS CAN THAMS CAD KYI DON DU RDZOGS PA'I SANGS RGYAS THOB PAR BYA BA'I PHYIR DU ZHUGS PAR MTSUNGS PA'I PHYIR RO, ,DE NYID KYI PHYIR DON DU GNYER BYA'I BYANG CHUB LA YANG MCHOG DMAN MED PAS DE'I SGO NAS KYANG THEG PA GNYIS SU DBYE BAR MI RIGS SO, ,CHOS RNAMS KYI DE KHO NA NYID RTOGS PA'I LTA BA YOD MED KYI SGO NAS KYANG MA YIN TE, SHES RAB KYI PHA ROL TU PHYIN PA LA SOGS PA NGES DON GYI MDO SDE RNAMS KYI DGONGS PA 'PHAGS PA KLU SGRUB KYIS DBU MA'I BSTAN BCOS SU GTAN LA PHAB PA LAS LHAG PA'I LTA BA MED PA'I PHYIR DANG, YOD DU CHUG KYANG DES THEG PA SO SO BA YOD PAR 'JOG MI NUS TE, PHAR PHYIN GYI THEG CHEN LA DBU MA PA DANG, SEMS TZAM PA GNYIS YOD KYANG DE GNYIS LA THEG PA SO SO BA MED PA BZHIN NO, ,PHYIN DRUG GI SPYOD PA LA SPYOD PA YANG GNYIS KA LA YOD DO, ,DE'I PHYIR SKU GNYIS SGRUB PA'I LAM THABS DANG SHES RAB KYI GTZO BO GNYIS LA KHYAD MI SNANG ZHING, PHAR PHYIN GYI

THEG PA LA MED PA'I LAM GYI KHYAD PAR 'GA' ZHIG YOD MOD KYANG LAM GYI GTZO BO'I KHYAD PAR MA YIN PAS, DE TZAM GYIS THEG PA SO SO BAR GZHAG MI NUS LA, GANG ZAG LA DBANG PO RNO BRTUL YOD PA TZAM DANG LAM BGROD PA MYUR BUL YOD PA TZAM GYIS KYANG GZHAG PAR MI NUS TE, PHAR PHYIN GYI THEG PA LA DE DAG GI KHYAD PAR DU MA YOD KYANG THEG PA SO SO BA MED PA BZHIN NO, ,GZHAN DU NA SNGAGS KYI THEG PA NYID LA YANG THEG PA SO SO BA DU MA GZHAG DGOS PAR 'GYUR RO ZHE NA, GNYIS PA LA GNYIS, GZHAN GYIS BRTAGS PA'I MTHA' DGAG PA DANG, LEGS PAR GNAS PA'I PHYOGS GZHAG PA'O, ,DANG PO NI, KHA CIG NA RE, SNGAGS NI GDUL BYA CHAGS CAN DANG, PHAR PHYIN NI GDUL BYA CHAGS BRAL 'DUL BA'I DON DU GSUNGS PAS 'DOD YON LA CHAGS PA MI SPONG BAR LAM SGOM PA DANG, CHAGS PA DE SPONG BA'I LAM SGOM PA NI THEG PA GNYIS SU 'BYED PA'I RGYU MTSAN NO ZHES ZER RO, ,'DI LA BSHAD PAR BYA STE, THEG PA DE GNYIS KYI GDUL BYA LA 'DOD YON LA CHAGS PA MA SPANGS PAR LAM SGOM PA DANG SPONG BA'I LAM SGOM PA YOD PAS 'BYED NA NI, GNYIS KA LA GNYIS KA YOD PAS KHYAD PAR DES THEG PA SO SO BAR 'BYED MI NUS TE, 'DI LTAR PHAR PHYIN GYI THEG PA'I LAM DU ZHUGS PA'I KHYIM PA'I BYANG SEMS MI TSANGS SPYOD MA SPANGS PA DU MA YOD CING, BRAM ZE'I KHYE'U SKAR MA LTA BU'I THABS MKHAS PA LA GZHAN DON CHEN PO DANG 'BREL BA'I TSE MI TSANGS SPYOD GNANG BA YANG DU MA YOD PA'I PHYIR DANG, SNGAGS KYI THEG PA'I GDUL BYA LA YANG 'DOD YON LA

, ,SRED PA SPANGS BA DU MA YOD PA'I PHYIR TE, GZHAN DU NA SANGS MA RGYAS KYI BAR DU 'DOD PA'I 'DOD CHAGS LAS GROL BA MI SRID PA 'AM SANGS RGYAS NAS KYANG DE MA SPANGS PA'I SKYON DU 'GYUR RO, ,GAL TE DE GNYIS KYI GDUL BYA GANG YIN LA MI BYED KYI RANG RANG GI THUN MONG MA YIN PA 'AM GTZO BO'I GDUL BYA THOG MAR LAM DE LA 'JUG PA'I DBANG DU BYED LA, DE YANG 'DOD YON LA CHAGS PA CHED DU MI SPONG BAR THEG PA DE'I LAM SGOM DU RUNG BA TZAM MA YIN GYI, CHAGS PA DE LAM GYI GROGS SU BYED NUS PAS GROL BA'I RGYUR 'GYUR BA'I SKAL BA CAN YIN MIN GYI DBANG DU BYED DO SNYAM NA, RGOD DANG BLTAS DANG LAG BCANGS DANG, ZHES SOGS 'OG NAS 'CHAD PA LTAR 'DOD YON LA CHAGS PA RIGS BZHI LA BRTEN PA'I DGA' BA LAM DU BYED PA ZHIG RGYUD BZHI'I GDUL BYA LA YOD PAR KHAS BLANG DGOS MOD KYANG, DE 'DRA BA DE THEG PA DE GNYIS LA THOG MAR 'JUG PA'I GANG ZAG GI KHYAD PAR DU SBYAR NA RUNG GI THEG PA'I 'BYED BYED MIN NO, ,DE BZHIN DU LAM BDE BAS BRGYAN MA BRGYAN DANG LUS DANG SEMS LA GNAD DU BSNUN PA'I KHYAD PAR GYIS KYANG THEG PA GNYIS SU DBYE BAR MI NUS TE, LAM DE BSGOMS PAS LUS LA BDE BA DANG SEMS LA DGA' BA KHYAD PAR CAN SKYE LA DE'I MTHUS SEMS DMIGS PA LA BRTAN PAR GNAS PA LA BDE BAS BRGYAN PAR BYED NA NI, ZHI GNAS THOG MAR 'GRUB PA THAMS CAD LA DANG POR LUS KYI RLUNG LAS SU RUNG BA SKYE ZHING DES LUS SHIN SBYANGS BSKYED PA NA LUS LA BDE BA CHEN PO DANG, DE NAS DE'I MTHUS SEMS LA DGA' BA KHYAD

PAR CAN SKYES PA LA BRTEN NAS SEMS DMIGS PA LA ZHI BAR GNAS PA 'BYUNG BAR SA SDE LAS GSUNGS PAS, DE NI PHYI NANG GNYIS KA'I ZHI GNAS LA YOD PA'I PHYIR DES SNGAGS DANG PHAR PHYIN GYI LAM SO SOR 'BYED GA LA NUS, 'DI NI THEG PA THUN MONG GI LAM GYI RIM PAR RGYAS PAR BSHAD ZIN PAS MI SPRO'O, ,GAL TE BDE BAS BRGYAN PA'I DON NI, BYANG SEMS DKAR DMAR GNYIS KYI 'PHROD 'DU'I GNAD KHYAD PAR CAN SGRUB PA'I GDAMS PA LA BRTEN NAS ZHU BDE LA BRTEN PA'I DE KHO NA NYID KYI DON RTOGS PA LA BYED DO SNYAM NA, DE LTA NA RDO RJE THEG PA SPYI DANG PHAR PHYIN GYI THEG PA GNYIS SO SOR 'JOG PA'I KHYAD PAR DU MI RIGS TE, DE NI SNGAGS BLA MED KHO NA'I KHYAD CHOS YIN PA'I PHYIR RO, ,RIGS PA 'DIS LUS DANG SEMS LA GNAD DU BSNUN PA YANG THEG PA GNYIS SO SOR 'BYED PA'I KHYAD PAR DU MI 'THAD PA SHES PAR BYA'O, ,GNYIS PA LA GNYIS, THEG PA GNYIS SU 'BYED PA'I RGYU MTSAN DNGOS DANG, LAM LA KHYAD PAR YOD KYANG 'BRAS BU LA MCHOG DMAN MED PAR BSTAN PA'O, ,DANG PO LA GSUM, DNGOS KYI DON BSTAN PA DANG, DE'I KHUNGS DGOD PA DANG, DE LA RTZOD PA SPANG PA'O, ,DANG PO NI, 'DIR BGROD PAR BYA BA 'BRAS BU'I THEG PA LA NI, SNGAGS DANG PHAR PHYIN GNYIS MCHOG DMAN GYI KHYAD PAR MED DE, LAM GNYIS KA'I THOB BYA YANG SKYON KUN ZAD DANG YON TAN KUN RDZOGS KYI SANGS RGYAS SU MTSUNGS PA'I PHYIR RO, ,DES NA 'DIS BGROD PA RGYU'I THEG PA'I KHYAD PAR YIN LA DE LA YANG RTOGS PA LTA BA DANG, BSAM PA SEMS BSKYED DANG, SPYOD PA PHYIN DRUG LA SLOB PA TZAM LA KHYAD PAR MED PAS DE DAG GI SGO NAS DBYE BAR

, ,MI NUS SO, ,'O NA GANG NAS 'BYED SNYAM NA, THEG CHEN PA GNYIS KA'I YANG MNGON PAR 'DOD PA'I DON GYI GTZO BA NI GZHAN DON YIN GYI RANG GI THOB BYA'I DON BYANG CHUB MIN TE, SANGS RGYAS KYANG GZHAN DON SGRUB PA'I THABS SU MTHONG NAS DE'I YAN LAG TU DON DU GNYER BA'I PHYIR TE, MNGON RTOGS RGYAN LAS, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, ,CES GSUNGS PA'I PHYIR DANG SEMS BSKYED 'DRA BA'I PHYIR RO, ,GDUL BYA LA DNGOS SU SNANG NAS DE DAG GI DON SGRUB PA'I SANGS RGYAS NI CHOS KYI SKU MIN GYI GZUGS KYI SKU RNAM PA GNYIS YIN NO, ,DE LA ZAB MO RTOGS PA'I SHES RAB KYIS CHOS KYI SKU DANG, RGYA CHE BA'I THABS KYIS GZUGS KYI SKU SGRUB PA DANG, THABS DANG BRAL BA'I SHES RAB DANG SHES RAB DANG BRAL BA'I THABS KYIS SKU GNYIS SGRUB PAR MI NUS PAS THABS DANG SHES RAB YA MA BRAL BA DGOS SO ZHES PA 'DI NI THEG PA CHEN PO PA SPYI'I GRUB PA'I MTHA' 'O, ,GNAS LUGS KYI DON MA RTOGS PAR NYON MONGS PA THAMS CAD ZAD PAR BYAS NAS 'KHOR BA'I RGYA MTSO'I PHA ROL TU RGAL BAR MI NUS PAS, ZAB MO RTOGS PA'I SHES RAB NI 'PHAGS PA 'OG MA GNYIS DANG YANG THUN MONG BA'O, ,DE'I PHYIR THEG CHEN GYI LAM GYI KHYAD PAR GYI GTZO BO NI GZUGS KYI SKU SKAL BA DANG LDAN PA'I GDUL BYA LA SNANG NAS 'KHOR BA JI SRID GNAS KYI BAR DU SEMS CAN RNAMS KYI MGON SKYABS MDZAD PA'I RGYUR GYUR PA'I THABS LA BYA DGOS SO, ,PHA ROL TU PHYIN PA BA RNAMS LA NI, CHOS RNAMS KYI DE KHO NA NYID SPROS PA DANG BRAL BA SGOM PAS CHOS KYI SKU DANG RNAM PA RJES SU MTHUN PA'I

LAM SGOM PA YOD KYANG, GZUGS KYI SKU MTSAN DPES SPRAS PA DANG RNAM PA 'DRA BAR SGOM PA'I LAM MED LA SNGAGS LA NI YOD DE, ,DES NA GZHAN DON GZUGS KYI SKU SGRUB PA'I THABS LA LAM GYI LUS MI 'DRA BA'I KHYAD PAR CHEN PO YOD PAS THEG PA GNYIS SU MDZAD PA YIN TE, SPYIR THEG PA CHE CHUNG STONG PA NYID KYI SHES RAB KYIS MI 'BYED PAR THABS KYIS 'BYED DGOS LA, KHYAD PAR DU THEG PA CHEN PO LA GNYIS SU PHYE BA YANG ZAB MO RTOGS PA'I SHES RAB KYIS MI 'BYED KYI, THABS KYIS DBYE DGOS SHING THABS KYI GTZO BO YANG GZUGS SKU SGRUB PA'I CHA NAS YIN LA, GZUGS SKU'I SGRUB BYED KYI THABS NI DE DANG RNAM PA 'DRA BAR SGOM PA'I LHA'I RNAL 'BYOR NYID THEG PA GZHAN GYI THABS LAS MCHOG YIN PA'I PHYIR RO, ,GNYIS PA LA GNYIS, RNAL 'BYOR BLA MED KYI GZHUNG NAS BSHAD PA DANG, RGYUD SDE 'OG MA'I GZHUNG NAS BSHAD PA'I TSUL LO, ,DANG PO LA GNYIS, RGYUD NAS BSHAD PA'I TSUL DANG, DGONGS 'GREL RNAMS KYIS JI LTAR BSHAD PA'O, ,DANG PO NI, RDO RJE GUR GYI LE'U DANG PO LAS, GAL TE STONG PA THABS YIN NA, ,DE TSE SANGS RGYAS NYID MI 'GYUR, ,RGYU LAS 'BRAS BU GZHAN MED PHYIR, ,THABS NI STONG PA NYID MA YIN, ,LTA BA RNAMS LAS LOG RNAMS DANG, ,BDAG TU LTA BA 'TSOL RNAMS KYI, ,BDAG TU 'DZIN PA BZLOG PA'I PHYIR, ,RGYAL BA RNAMS KYIS STONG PA BSTAN DE PHYIR DKYIL 'KHOR 'KHOR LO ZHES, ,BDE BA'I THABS KYI SDOM PA STE, ,SANGS RGYAS NGA RGYAL RNAL 'BYOR GYIS, ,SANGS RGYAS NYID YUN RING MI 'GYUR, ,STON PA SUM CU RTZA GNYIS MTSAN, ,MNGA' BDAG DPE BYAD BRGYAD CUR LDAN, ,DE PHYIR THABS DES BSGRUB

, ,BYA STE, ,THABS NI STON PA'I GZUGS CAN NO, ,ZHES GSAL BAR GSUNGS SO, ,'DI DAG GIS NI STONG NYID SGOM PA TZAM ZHIG THABS SU 'DOD PA DGAG PA DANG, STONG NYID BSTAN PA'I DGOS PA DANG, THUN MONG MA YIN PA'I THABS CHE BA DANG BCAS PA DANG, THABS DES BSGRUB DGOS PA'I RGYU MTSAN RNAMS BSTAN TE TSIGS SU BCAD PA BZHI DANG GO RIM BZHIN NO, ,DE LA RKANG PA DANG PO'I DON NI GUR DU RANG GI RNAM RTOG GI DRI MAS SEMS SBAGS PAR BYAS PAS 'BAD PA KUN GYIS SEMS SBYANG BAR BYA'O ZHES SNGON DU BSTAN PA LA 'PHROS NAS, DE LTA NA DRI MA SBYONG BA LA STONG NYID TZAM ZHIG BSGOM PAR BYA STE, BDAG MED PA'I DE KHO NA NYID RTOGS PA'I SHES RAB NYID BDAG TU 'DZIN PA'I RNAM RTOG DANG RNAM PA 'GAL BA YIN GYI LAM GZHAN DANG MI 'GAL BA'I PHYIR RO, ,DES NA 'TSANG RGYA BA'I THABS NI STONG NYID SGOM PA TZAM DU ZAD KYI SPROS PA GZHAN GYIS CI BYA SNYAM PA'O, ,DE'I TSE THABS DE LA JI TZAM 'BAD KYANG SANGS RGYA BAR MI 'GYUR TE, DE 'DRA BA DE LA NI RGYU STONG NYID SGOM PA DE LAS GZHAN 'BRAS BU'I THABS MED PA'I PHYIR NA, THABS KYI YAN LAG DANG BRAL BAS RGYU MA TSANG BA'I PHYIR RO, ,DE'I PHYIR STONG PA NYID TZAM LA GOMS PAR BYED PA NI THABS TSANG BA MA YIN NO, ,TSUL DE NI SNGAGS SU MA ZAD PHAR PHYIN GYI THEG PA'I LUGS KYANG YIN NO ZHES LHA'I RIGS KYI BLO GROS KYIS BSHAD DE LEGS PA YIN NO, ,'O NA STONG NYID BSTAN PA'I DGOS PA CI YIN SNYAM NA CHOS BDAG MED PA LA SOGS PA'I LTA BA LAS PHYIN CI LOG PA DANG, BDAG TU LTA BA 'TSOL BSTE BDAG TU 'DZIN PA LA MNGON PAR ZHEN PA RNAMS KYIS BDAG TU 'DZIN PA

GNYIS BZLOG PA'I PHYIR BDAG MED PA'I STONG PA NYID BSTAN NO, ,'DIS NI BDAG GNYIS SU KUN TU RTOG PA'I DRI MA SBYONG BA LA GDON MI ZA BAR BDAG MED PA'I DE KHO NA NYID RTOGS PA'I LTA BA BTZAL NAS SGOM DGOS PAR BSTAN TE 'DI DAG GI CHA NI PHA ROL TU PHYIN PA DANG 'DRA BA YIN NO, ,LTA BA RNAMS LAS LOG RNAMS ZHES SOGS RKANG PA GNYIS KYI BSHAD PA NI GUR 'GREL GYI DGONGS PA LTAR RO, ,STONG NYID SGOM PA TZAM LA THABS MA TSANG NA THABS KHYAD PAR BA DE GANG YIN SNYAM NA, STONG NYID SGOM PA TZAM THABS SU MI 'THAD PA DE'I PHYIR THABS KHYAD PAR BA NI DKYIL 'KHOR GYI 'KHOR LO ZHES GSUNGS PA DE 'O ZHES SBYAR TE, GUR 'GREL DU, THABS NI BDE BA'I SDOM PA STE, ,ZHES BSGYUR BA BDE'O, ,'DIR PHAR PHYIN GYI THEG PA LAS THABS MCHOG TU GYUR PA STON PA'I SKABS YIN ZHING STONG NYID SGOM PA TZAM LA THABS MA TSANG BAR BSTAN PA'I RGYU MTSAN GYIS, ,STONG NYID SGOM PA LA BSNAN RGYU'I THABS DE LHA'I RNAL 'BYOR DU GSUNGS PAS NA, DKYIL 'KHOR GYI 'KHOR LO SGOM PA GZUGS SKU'I THABS KYI GTZO BOR SHES PA YIN NO, ,THABS DE'I KHYAD PAR NI GNYIS LAS BDE BA NI DKA' SPYAD LA MI LTOS PA'O, ,SDOM PA LA KYEE RDO RJER SDOM LUGS MANG DU GSUNGS KYANG SKABS 'DIR RNAM PA LHA'I 'KHOR LOR SNANG BA'I THABS DANG RANG BZHIN STONG NYID DU RTOGS PA'I SHES RAB MI PHYED PA LA BYA'O, ,DE 'DRA BA'I RNAM SNANG LA SOGS PA'I SANGS RGYAS KYI NGA RGYAL SGOM PA'I THABS SHES KYI RNAL 'BYOR GYIS SANGS RGYAS KYI GO 'PHANG PHAR PHYIN GYI THEG PA LTAR YUN RING PO MA YIN PAR THOB PAR BYED DO ZHES PA NI LAM DE'I CHE BA BRJOD PA'O, ,LHA'I RNAL 'BYOR MYUR LAM DU BSHAD PA 'DIS

, ,NI LHA'I RNAL 'BYOR RNAMS MCHOG SGRUB PA LA DON MED DO SNYAM DU 'DZIN PA'I LOG PAR RTOG PA RNAMS 'GOG PA YIN NO, ,'O NA GZUGS KYI SKU SGRUB PA LA DKYIL 'KHOR GYI 'KHOR LO'I RNAM PA CAN GYI SANGS RGYAS KYI NGA RGYAL 'CHANG BA'I RNAL 'BYOR DGOS PA'I RGYU MTSAN CI YIN SNYAM NA, STON PA ZHES SOGS RKANG PA GNYIS DANG DE PHYIR ZHES PAS BSGRUB BYA GZUGS KYI SKU DE MTSAN DPES BRGYAN PA YIN PA GTAN TSIGS SU BYAS NAS, 'BRAS BU STON PA DE'I GZUGS CAN NAM RNAM PA CAN GYI THABS DES BSGRUB DGOS SO ZHES GSUNGS SO, ,GUR GYI 'GREL PA GZHAN GNYIS SU DOGS PA BSAL NAS GSAL BAR BSHAD PA MI SNANG LA, LHA'I RIGS KYI BLO GROS KYI 'GREL PA LAS, RKANG PA DANG PO GNYIS KYIS STONG NYID SGOM PA TZAM ZHIG THABS SU 'DOD PA BKAG PA'I SKABS SU THABS DANG BRAL BA'I STONG PA 'BA' ZHIG BSGOMS NA NAM MKHA' MTHA' YAS LA SOGS PA'I MI KHOM PAR SKYE BAR 'GYUR RO ZHES BSHAD PA NI 'THAD PAR MA MTHONG NGO, ,DE NAS STONG NYID LAM GYI SKABS SU THABS DANG SMIN PA'I SKABS SU 'BRAS BU YIN ZHES SMRA BA'I LAN DU DE'I TSE RGYU LAM DANG 'BRAS BU SMIN PA GNYIS KYI STONG NYID LA KHYAD PAR GZHAN MED PA'I PHYIR 'BRAS BUR 'DOD PA BZHIN DU STONG NYID KYANG THABS MIN PAR 'GYUR RO, ,RGYU NI DMIGS BCAS SPROS PA'I NGO BO NYID DANG 'BRAS BU NI DE LAS BZLOG PA YIN PAS, RGYU 'BRAS THA DAD DU GRUB PAS THABS NI STONG NYID 'BA' ZHIG MA YIN NO ZHES 'CHAD DO, ,STONG NYID BSTAN PA'I DGOS PA NI SNGAR DANG 'DRA'O, ,DE NAS SHER PHYIN PAR PHYIN LHAG MA LNGA'I THABS KYIS ZIN PA BSKAL PA GRANGS

MED GSUM DU SPYAD PAS BYANG CHUB 'GRUB PA PHAR PHYIN GYI THEG PAR BSTAN NA, DKYIL 'KHOR GYI 'KHOR LO LA SOGS PA'I THABS KYIS CI BYA SNYAM PA'I DOGS PA SEL BA LA DE PHYIR ZHES SOGS RKANG PA BZHI 'CHAD CING DE'I BDE BA SNGAR DANG 'DRA, SDOM PA NI DBANG PO GNYIS SBYOR GYI BDE BA MYONG BA DANG SANGS RGYAS KYI NGA RGYAL NI THA MAL PA'I NGA RGYAL DANG BRAL BA DANG, YUN MI RING BA NI CHA 'DI LA 'THOB PA LA 'CHAD DO, ,DE NAS SANGS RGYAS KYI SKU CHOS SKU'I TSUL GYIS BSGOM PAR BYA 'AM SNYAM PA'I DOGS PA SEL BA LA STON PA ZHES SOGS RKANG PA BZHI STE THABS NI SKU GSUM GYI GZUGS CAN GYI TING NGE 'DZIN GSUM LA 'CHAD PAR SNANG NGO, ,'DIR DKYIL 'KHOR GYI 'KHOR LO'I LHA'I RNAL 'BYOR BSTAN PA DE RIM PA DANG PO KHO NA LA BOD KYI BLA MA MANG POS SBYAR BA NI LHA'I RNAL 'BYOR DANG BSKYED RIM GNYIS KYI RGYA CHE CHUNG MA PHYED PA'I SKYON YIN PAS RIM PA GNYIS KA'I SKABS SU GZUNG DGOS SO, ,MCHOG SGRUB PA LA LHA'I RNAL 'BYOR 'DOD PA'I LOG RTOG GI GZHI CHE BA NI STONG NYID BSGOMS PA NYID SKU GNYIS KA'I SGRUB BYED DU 'DZIN PA 'DI YIN LA, ,DE'I DOGS PA GSAL BAR BCAD NAS GZUGS SKU'I RGYUR LHA'I RNAL 'BYOR NGES PAR SGOM DGOS PAR GUR NAS GSUNGS PA 'DI GSAL BAR SNANG BAS DRANGS PA YIN PAS, DES MTSON NAS RGYUD GZHAN GYIS BSTAN PA YANG SHES PAR BYA STE 'DIR NI MANGS SU DOGS NAS MA BRIS SO, ,GNYIS PA LA GNYIS, SLOB DPON YE SHES ZHABS KYI GZHUNG NAS JI LTAR BSHAD PA DANG, SLOB DPON GZHAN GYIS JI LTAR BSHAD PA'O, ,DANG PO NI, SNGAR DRANGS PA'I RGYUD KYIS BSTAN PA LTAR SHIN TU GSAL BAR SGRUB PA NI SLOB DPON CHEN PO

, ,YE SHES ZHABS KYIS BDAG SGRUB PA'I THABS LAS GSUNGS SO, ,DE YANG SNGON DU PHAR PHYIN GYI THEG PA'I TSUL GSUNGS TE JI SKAD DU, BDAG MED PA LA GOMS PA YANG THABS KYI BYE BRAL DANG BRAL BA YIN NA, GANG GI PHYIR DES RTOG PA'I DRI MA MA LUS PA DANG BRAL ZHING 'GRO BA MA LUS PA LA PHAN PA MDZAD PA'I THAMS CAD MKHYEN PA'I YE SHES SKYED PAR MI NUS PA DE'I PHYIR, THABS SHIN TU MNGON DU GYUR PA LA RAB TU 'BAD PAR BYA'O, ,SKYE BO MA LUS PA LA PHAN PA'I BDAG NYID NI THAMS CAD MKHYEN PA'I YE SHES YIN LA PHAN PA YANG MTHAR THUG PA'I RGYA CHE BA LAS BYUNG BA YIN NO, ,DE'I RGYU YANG THABS GOMS PA KHO NA YIN TE, BDAG MED PA LA GOMS PA NI RNAM PAR RTOG PA TZAM SPANGS PA'I 'BRAS BU CAN NYID YIN PA'I PHYIR RO, ,DE YANG ZAB PA'I PHYIR DANG RGYA CHE'I PHYIR, ,RNAM MI RTOG DANG YONGS SU SMIN, ,'DI LA DE GNYIS BSTAN PAS NA, ,DE PHYIR BLA NA MED PA'I THABS, ,ZHES GSUNGS SO, ,DE BAS NA PHYIN CI MA LOG PA'I SBYIN PA LA SOGS PA'I SEMS PA RAB TU 'JUG PA NI THABS YIN TE, THAMS CAD MKHYEN PA NYID LA YONGS SU BSNGOS PAR GYUR NA DE DAG RDZOGS PA'I BYANG CHUB KYI RGYU NYID DU 'GYUR BA'I PHYIR RO, ,DE SKAD DU YANG, SBYIN DANG TSUL KHRIMS BZOD DANG DE BZHIN BRTZON 'GRUS DANG, ,BSAM GTAN SHES RAB BYANG CHUB YONGS SU BSNGO BAR GYIS, ,BYANG CHUB PHUNG POR ZHEN NAS MCHOG 'DZIN MA BYED CES, ,DANG PO'I LAS CAN DE LA DE SKAD BSTAN PAR BYA, ,ZHES GSUNGS PA YIN NO, ,ZHES SO, ,DE DAG GI DON NI RGYA CHE BA'I THABS DANG BRAL NA BDAG MED PA CI TZAM GOMS KYANG 'GRO BA KUN GYI GSOS SU GYUR PA'I

SANGS RGYAS MI 'THOB PAS THABS LA 'BAD DGOS PA DANG, SEMS CAN MA LUS PA LA PHAN 'DOGS PA'I GO 'PHANG DE YANG RGYA CHE BA'I THABS GOMS PA KHO NA'I LAG RJES YIN TE, BDAG MED GOMS PA'I LAG RJES NI DRI MA ZAD PA TZAM GYI SPANGS PA YIN PA'I PHYIR RO, ,'DIS NI RGYA CHE BA'I THABS DANG BRAL BA'I STONG NYID BSGOMS PAS DRI MA THAMS CAD ZAD PAR BYED NUS KYANG, SEMS CAN THAMS CAD KYI DON SGRUB PA MI 'BYUNG ZHES STON PA MIN LA, STONG NYID SGOM PA DANG BRAL BA'I RGYA CHE BA'I THABS TZAM LA GOMS PAS KYANG SEMS CAN THAMS CAD KYI DON SGRUB PA'I GZUGS SKU THOB NUS KYANG DRI MA THAMS CAD ZAD PA'I CHOS SKU MI 'THOB CES STON PA YANG MA YIN TE, CHOS SKU DANG GZUGS SKU GNYIS GCIG THOB NAS GCIG SHOS MA THOB PA MI SRID PA'I PHYIR TE, DE GNYIS NI RGYU TSOGS PA GCIG LA RAG LAS KYI 'BREL PA NGES PA CAN YIN PAS NAM YANG MI 'BRAL BA'I PHYIR RO, ,DE YANG BYANG CHUB KYI SEMS RIN PO CHES 'PHANGS PA'I STONG NYID RTOGS PA'I SHES RAB NI BDAG TU 'DZIN PA'I DRI MA MTHA' DAG 'DAG BYED YIN PAS, DAG PA GNYIS LDAN GYI CHOS KYI SKU'I THUN MONG MA YIN PA'I RGYU YIN YANG, GZUGS KYI SKU'I YANG LHAN CIG BYED PA'I RKYEN NO, ,DE BZHIN DU RGYA CHE BA'I THABS RNAMS KYANG GZUGS SKU'I THUN MONG MA YIN PA'I RGYU YIN YANG CHOS SKU'I YANG LHAN CIG BYED PA'I RKYEN YIN TE, RGYA CHE BA'I THABS LA MA 'BAD NA DNGOS PO'I DE KHO NA NYID LA JI TZAM ZHIG GOMS PAR BYAS KYANG 'KHOR BA LAS BRGAL BA TZAM SRID KYI, DRI MA THAMS CAD ZAD PA'I CHOS SKU LA GTUG MI NUS PA'I PHYIR DANG, STONG NYID RTOGS PA'I SHES RAB LA MA 'BAD NA RGYA CHE BA'I THABS

, ,LA CI TZAM 'BAD KYANG GZUGS KYI SKU LA GTUG PAR MI NUS PA'I PHYIR RO, ,DE LTA NA'ANG SANGS RGYAS PA'I SKABS KYI DRI MA THAMS CAD ZAD PA NI STONG NYID BSGOMS PA'I LAG RJES YIN LA, 'GRO BA MA LUS PA'I GSOS SU 'GYUR BA NI THABS RGYA CHE BA'I LAG RJES SU BYA DGOS TE, DPER NA SNGON PO 'DZIN PA'I MIG GI SHES PA SKYE BA LA RKYEN GSUM TSAR DGOS PAS, GSUM KA'I 'BRAS BU YIN MOD KYANG GZUGS LA 'DZIN GYI SGRA LA SOGS PA YUL GZHAN LA MI 'JUG PA NI DBANG PO'I LAG RJES DANG, MYONG BA'I NGO BOR SKYES PA DE MA THAG RKYEN DANG, SNGON PO'I RNAM PA CAN DU SKYES PA DMIGS RKYEN GYI LAG RJES YIN PA DANG 'DRA'O, ,ZAB PA'I PHYIR DANG ZHES SOGS MDO SDE RGYAN GYI LUNG NI, THABS DANG SHES RAB KYI PHYOGS GNYIS KA TSANG NA 'BRAS BU SGRUB PA'I THABS BLA NA MED PAR 'GYUR BA'I KHUNGS SO, ,SBYIN DANG ZHES SOGS KYI SDUD PA'I LUNG NI SBYIN SOGS SANGS RGYAS SGRUB PA'I THABS RNAMS KYANG BYANG CHUB TU BSNGO BA DANG DMIGS SU MED PA'I SHES RAB KYI SA ZIN PAR BYAS NA THABS SU 'GYUR PA'I KHUNGS SO, ,DE'I 'OG TU SNGAGS KYI THEG PA'I THUN MONG MA YIN PA'I THABS GSUNGS PA NI JI SKAD DU, DE NI DE KHO NA LTAR YANG MA YIN TE, RGYU MI 'DRA BA GOMS PA LAS RDZOGS PA'I BYANG CHUB MNGON DU GYUR PA DANG RJES SU MTHUN PA'I SGOM PA MED PA'I PHYIR RO, ,ZHES SO, ,DE'I DON NI SBYIN SOGS THABS SU BSHAD PA DE RNAMS BLA NA MED PA'AM GONG NA MED PA'I THABS SU GSUNGS PA DE NI DE LTAR MA YIN TE, SANGS RGYAS KYI SKU MNGON DU GYUR PA DANG RNAM PA RJES SU MTHUN PA'I LAM SGOM PA MED

PA'I PHYIR TE, 'BRAS BU DANG RNAM PA YE MI 'DRA BA'I LAM TZAM ZHIG GOMS PAR BYAD PA'I PHYIR RO, ,ZHES PA'O, ,GZUGS SKU DANG RNAM PA MTHUN PA'I LAM SGOM PA MED NA SANGS RGYAS SGRUB PA'I THABS GONG NA MED PA MA YIN PA SGRUB PA NI DE NYID LAS BDAG NYID KYI RANG GI NGO BO NYID KYI ZAB PA DANG RGYA CHE BA'I BDAG NYID CAN GYI 'BRAS BU NI RANG GI RANG BZHIN LAS BSGRUB PAR BYA BA YIN LA, ZHES PA'O, ,DE LA SPYIR THOB PAR BYA BA'I 'BRAS BU NI ZAB PA CHOS KYI SKU'I BDAG NYID CAN DANG, RGYA CHE BA MTSAN DBES SPRAS PA'I BDAG NYID CAN ZHIG STE, DE YANG THUGS CHOS RNAMS KYI DE KHO NA NYID DANG RO MNYAM PAR ZHUGS NAS DE LAS NAM YANG LDANG BA MED PA DANG, DE NYID KYI DUS SU SKU MTSAN DANG DPE BYAD 'BAR BAS BRGYAN PA NAM YANG RNAM PAR 'GYUR BA MI STON PAR BZHUGS PA GNYIS KA'ANG NGO BO DBYER MED PA STE BDAG NYID KYI RANG GI NGO BO NYID KYIS ZHES GSUNGS PA'I DON NO, ,DE LTAR NA DE SGRUB PA'I THABS DANG SHES RAB KYANG DE DANG MTHUN PA ZHIG DGOS TE, DPER NA RGYAL BA'I THUS CHOS SKU SGRUB PA NA RNAL 'BYOR PAS DA LTA NAS RANG GI SEMS DNGOS PO'I DE KHO NA NYID KYI DON LA BZHAG NAS RGYAL BA'I THUGS DANG RNAM PA RJES SU MTHUN PA'I LAM SGOM PA BZHIN DU, GZUGS KYI SKU SGRUB PA NA'ANG RANG GI LUS MTSAN DPE'I RNAM PA CAN DU SNANG BA'I SKU DANG RNAM PA RJES SU MTHUN PA'I LAM SGOM DGOS TE, 'DI GNYIS NI BYED NA BYED MNYAM DANG 'JOG NA 'JOG MNYAM DU KUN NAS MTSUNGS PA'I PHYIR RO, ,DE LA DGONGS NAS BDAG SGRUB PA LAS, DE BAS NA BDAG MED PA DANG 'DRA BAR RGYA CHE BA'I RANG GI NGO BO YANG THA MI DAD PA NYID DU BSGOM PAR BYA'O, ,ZHES GSUNGS TE 'DI'I LUGS KYI RGYA CHE BA NI LHA'I RNAL 'BYOR LA BYED

, ,PA YIN LA RGYA CHE LUGS NI 'OG NAS BSHAD PAR BYA'O, ,DE LTA BU'I TSUL GYIS SGRUB PA LA RANG GI RANG BZHIN LAS SGRUB PA ZHES GSUNGS SO, ,'BRAS BU'I SKABS SU LUS MTSAN DPES SPRAS PA'I RTEN DANG DE LA BRTEN PA'I DMIGS MED KYI THUR GNYIS NGO BO DBYER MED DUS GCIG TU GNAS PA BZHIN DU, LAM GYI SKABS SU YANG RNAL 'BYOR PA'I YID NGO NA RANG GI SKU DE BZHIN GSHEGS PA'I SKU'I RNAM PAR SNANG BA'I THABS DANG, DE'I TSE RANG GI SEMS CHOS KYI DE KHO NA NYID RANG BZHIN MED PA LA DMIGS PA'I SHES RAB GNYIS SHES PA GCIG GI NGO BOR DBYER MED PA DUS GCIG TU TSOGS PA'I THABS SHAS DBYER MED DU BYA DGOS TE, 'DI GNYIS DUS GCIG TU SBYOR BA'I RNAL 'BYOR LA GOMS PAR BYAS PAS MTHAR GNYIS SU MED PA'I YE SHES NYID GDUL BYA LA GZUGS KYI SKUR SNANG BA'I GO 'PHANG 'GRUB PA'I PHYIR RO, ,DE LTAR LHAR SNANG BA'I THABS KYI MCHOG KYANG, RANG GI SEMS KYI NGO BO PHYIN CI MA LOG PAR RTOGS PA'I SHES RAB DANG BRAL NAS DES PHONGS PAR GYUR NA, SANGS RGYAS SU BGROD MI NUS PAS GNYIS TSOGS PA DGOS PAR BDAG SGRUB PA LAS, DE LA YANG THUB PA 'OD ZER DPAG TU MED PA SPRO BA DANG LDAN PA, RANG DANG GZHAN GYI PHUN SUM TSOGS PA MTHA' YAS PA'I RTEN DU GYUR PA NYID KYIS YANG DAG PA'I THABS KYI MCHOG GI MTSAN NYID CAN, SHES RAB DANG BRAL BAS PHONGS PAR GYUR PA NI MNGON DU PHYOGS PAS SGOM PAR BYED NA'ANG PHUN SUM TSOGS PA MA LUS PA 'THOB PAR BYED PA MA YIN PA'I PHYIR DE'I NGO BO LA PHYIN CI MA LOG PA'I SEMS SU BYA'O, ,ZHES SO, ,GZUNG RNAM LHA'I RNAM PAR SNANG BA'I RANG BZHIN

MED RTOGS KYI SHES RAB DE NYID RGYA CHE BA LHA'I RNAL 'BYOR GYI SEMS DANG NGO BO GCIG YIN YANG THABS SHES THA DAD DU 'JOG PA NI, LOGS THA DAD LA LTOS PA'I LDOG PA THA DAD PA'I THA SNYAD KYI DBANG GIS YIN TE, 'DI LTAR DE KHO NA NYID KYI DON LA SEMS PHYIN CI LOG TU 'DZIN PA LAS BZLOG PA'I CHA NAS SHES RAB TU 'JOG STE, SHES BYA'I MTHAR THUG PA DON DAM PA SHAS PA NI SHES PA MCHOG YIN PA'I PHYIR RO, ,RANG GI 'BRAS BU SANGS RGYAS SGRUB PA'I NUS PA MED PA LAS LOG PA'I CHA NAS THABS SU 'JOG STE, SANGS RGYAS KYI THABS NI SANGS RGYAS SGRUB PAR NUS PA YIN PA'I PHYIR RO, ,DE LTAR YANG BDAG SGRUB PA LAS, DE DAG KYANG PHYIN CI MA LOG PA'I RGYA CHE BA'I SEMS DANG MTSAN NYID GCIG PA NYID YIN NA'ANG, THA DAD PA'I THA SNYAD NI THA DAD PAR KHONG DU CHUD PAR BYED PA STE, 'DI LTAR DE KHO NA NYID LA SEMS PHYIN CI LOG PA LAS BZLOG PA'I NGO BO NYID KYIS SHES RAB TU SHES PAR BYA LA, RANG GI 'BRAS BU LA NUS PA MED PA LAS BZLOG PA NI THABS SU BSTAN PA YIN NO, ,ZHES SO, ,'DIR THABS SHES SU 'JOG PA'I TSUL SPYI 'GRO LTAR GSUNGS KYANG THABS SHES SU 'JOG PA'I GZHI NI SNGAGS KYI THABS SHES KHYAD PAR CAN YIN NO, ,DE LTAR NA GZUNG CHA LHA'I 'KHOR LOR SNANG BAS GZUGS KYI SKU SGRUB CING, RANG BZHIN STONG NYID RTOGS PAS CHOS KYI SKU SGRUB PA'I THABS SHES GNYIS MED DU SBYOR BA NI SNGAGS NAS GSUNGS PA'I THABS SHES DANG RNAL 'BYOR RNAMS KYI GTZO BO'I DON DU SHES PAR BYA'O, ,GNYIS PA NI, BZHI BRGYA LNGA BCU PA'I 'GREL PA LAS, YANG NA LHA'I BDAG NYID CAN 'BA' ZHIG TZAM BSGOMS NA DE LTA NA NI DE TZAM GYIS 'TSANG RGYA BA NYI DU MI 'GYUR

, ,TE, LAS RDZOGS PA MA TSANG BA'I PHYIR RO, ,YANG NA LHA RNAMS KYI DE KHO NA NYID BSGOM GYI LHA RNAMS MA YIN NA NI, DE LTA NA YANG BSKAL PA GRANGS MED PA MANG POR SANGS RGYAS NYID THOB PAR 'GYUR GYI MYUR DU NI MA YIN NO, ,DE BAS NA GNYIS KA SGOM PA NI SHIN TU YID DU 'ONG BA YIN PA'I PHYIR DANG, BYIN GYIS BRLABS KYI KHYAD PAR GYIS MCHOG TU MYUR BAR BLA NA MED PA YANG DAG PAR RDZOGS PA'I BYANG CHUB THOB PAR 'GYUR RO, ,ZHES SH'ANTI PAS GSUNGS TE, LHA'I RNAL 'BYOR TZAM ZHIG SGOM NA, GTAN 'TSANG RGYA MI NUS PA DANG, LHA MA BSGOMS NA STONG NYID THABS GZHAN DANG LDAN PAR BSGOMS PAS BSKAL PA GRANGS MED MANG POS 'TSANG RGYA BA DANG LHA DANG STONG NYID GNYIS KA BSGOMS NA LAM MYUR BAR GSUNGS SO, ,DES NA SLOB DPON 'DI YANG STONG NYID KYI LTA BA THEG CHEN PA GNYIS KA'I THUN MONG BA YIN PAS LHA'I RNAL 'BYOR MED NA PHAR PHYIN GYI THEG PA LTAR LAM 'GYANG PA DANG, LHA'I RNAL 'BYOR STONG NYID KYI LTA BA DANG SBREL BAS LAM MYUR BAR BZHED PA YIN TE SNGAR BSHAD PA'I RJES SU 'BRANG BA'O, ,MAN NGAG SNYE MA'I SNYE MA BCO BRGYAD PA LAS KYANG AA BHYAS SH'ANTI PA JI LTAR BZHED PA BZHIN BSHAD NAS DE'I SHES BYED DU, THA MAL NGA RGYAL GZHOM DON DU, ,BSGOM PA YANG DAG RAB TU BSGRAGS, ,ZHES DANG, SLAR YANG 'ON KYANG MI GTZANG BA'I LUS SBYANG BA'I SLAD DU SANGS RGYAS KYI SKU BSGOM PAR BGYI'O, ,ZHES GUR GYI LE'U BCU BZHI PA LAS GSUNGS PA DRANGS SO, ,MI THUB ZLA BAS KYANG GUR GYI LE'U DANG PO DANG BCU BZHI PA NAS LUNG DRANGS NAS MI 'DRA BA'I RGYUS MI 'DRA BA'I 'BRAS BU SGRUB MI NUS PAR BRTAG GNYIS KYI

LE'U DANG PO'I 'GREL PAR BSHAD DO, ,DGRA NAG GI 'GREL PA LHAN CIG SKYES PA'I SNANG BA LAS KYANG, SBYIN PA LA SOGS PA THABS KYI SGO NAS DANG, SMON LAM GYI STOBS KYIS 'BYUNG BAR 'GYUR RO ZHES BRJOD PAR YANG MI BYA STE GANG GI PHYIR MA BSGOMS PA'I LONGS SPYOD RDZOGS PA DANG, SPRUL PA'I BDAG NYID DAG LA YANG THE TSOM ZA BA NI JI LTAR SEMS NGES PAR 'GYUR, DE LTAR YANG SMON LAM GYI STOBS KYIS 'BYUNG BAR 'GYUR RO ZHE NA, BDAG MED PA YANG MA BSGOMS PA NYID DU MNGON SUM NYID DU 'GYUR BAS DE BSGOMS PA'I NGAL BAS CI ZHIG BYA, GAL TE DE NI BSGOMS PA NYID KYIS 'BYUNG BAR 'GYUR RO ZHE NA, LONGS SPYOD RDZOGS PA DANG SPRUL PA'I SKU GNYIS KYIS NYES PA CI ZHIG BYAS NA GANG GI PHYIR DE DAG BSGOM PAR MI BYA, DE'I PHYIR PHA ROL TU PHYIN PA'I THEG PA LA GNAS PAS KYANG SKU GSUM KYI BDAG NYID CAN GYI SANGS RGYAS KHAS BLANG BAR BYA'O, ,DE NI BSGOMS PAS GSAL BAR 'GYUR RO, ,ZHES CHOS SKU'I RNAM PA CAN GYI BDAG MED SGOM NA GZUGS SKU'I RNAM PA CAN GYI LHA YANG BSGOM DGOS LA, DE MI SGOM NA SNGA MA YANG MA BSGOMS PAR CHOS SKU MNGON DU 'GYUR BAR 'DOD DGOS SO ZHES MGO MTSUNGS BYED DO, ,DE'I SHES BYED KYANG DE NYID LAS, DE'I PHYIR, SANGS RGYAS NYID NI SGRUB PA'I RGYU, ,SANGS RGYAS RNAL 'BYOR KUN TU YANG, ,RGYU DANG 'DRA BA'I 'BRAS BU NYID, ,KUN TU MTHONG BA MA YIN NAM, ,ZHES BSTAN PA DANG, THAMS CAD GSANG BA LAS KYANG, SANGS RGYAS NYID KYANG MDOR BSDU NA, ,TING 'DZIN YE SHES LAS NGES 'BYUNG, ,SANGS RGYAS RNAL 'BYOR MA GTOGS PAR, ,SANGS RGYAS RNAL 'BYOR PAS MI 'THOB, ,CES PA RNAMS SHR'I DHA RAS DRANGS TE 'DI DANG 'DRA BAR DAM TSIG RDO RJES KYANG

, ,DGRA NAG 'GREL PAR BSHAD LA, RGYAL BAS BYIN GYIS KYANG GSANG 'DUS 'GREL PAR BSHAD DO, ,'DUL BAS BYIN GYIS KYANG, DON 'DI NI BLA MA'I ZHAL SNGA NAS KYANG GSUNGS TE, GZUGS SKU CHOS KYI SKU YIN SGOM BYED PA, ,KVA YE NGES PAR BYANG CHUB 'THOB PA YIN, ,CHOS SKU RGYAL BA'I BSAM GTAN GYIS 'THOB NA, ,GZUGS KYI SKU LA CI STE SGOM MI BYED, ,GZUGS SKU BSOD NAMS TSOGS KYIS 'THOB NA YANG, ,DE NI YUN RING DUS GZHAN DMAN PA STE, ,'BRAS BU'I KHYAD PAR RGYU YI KHYAD PAR LAS, ,SKU GSUM DUS MNYAM PAR NI SNANG BA YIN, ,ZHES SGYU MA CHEN MO'I DKYIL CHOG TU RGYAS PAR BSHAD DO, ,BSTAN BCOS KYI KHUNGS GZHAN YANG YOD MOD KYI 'DI DAG GSAL BAR SNANG BAS BKOD DO, ,GNYIS PA NI, BDAG SGRUB PA'I THABS LAS RGYA CHE BA'I LHA'I RNAL 'BYOR PHAR PHYIN THEG PA BA DANG SNGAGS GNYIS KYI THABS KYI KHYAD PAR DU GSUNGS PA STE, DE NYID BSDUS PA'I MNGON BYANG GIS LHAR SKYED PA'I LUNG DRANGS NAS BSGRUBS SHING, RNAL 'BYOR DE LA RDO RJE DBYINGS KYI LHA RNAMS TSANG LUGS KYANG GSAL BAR GSUNGS PAS BLA MED DU MA ZAD RNAL 'BYOR RGYUD DANG GNYIS KA'I THABS KYI KHYAD PAR DU BZHED DO, ,DE BZHIN DU SLOB DPON GZHAN RNAMS KYIS BSHAD PA YANG BLA MED KYI SKABS SU BSHAD MOD KYANG, RANG NYID LHA'I RNAM PAR SKYED PA'I RGYUD SNGA KUN LA 'DRA STE DE LTAR SGOM DGOS PA'I RGYU MTSAN MTSUNGS PA'I PHYIR RO, ,'ON KYANG RNAL 'BYOR GYI RGYUD NAS KYANG MANG DU GSUNGS TE DE NYID BSDUS PA'I DUM BU DANG PO LAS, LUS DANG NGAG SEMS RDO RJE YI, ,RANG GI RDUL NI PHRA MO RNAMS, ,SANGS RGYAS KYI NI SKUR BSGOMS NA, ,RDZOGS PA'I SANGS RGYAS NYID DU 'GYUR, ,ZHES PA'I

'GREL PA KO SA LA'I RGYAN LAS, RDUL PHRA RAB DE NYID RDO RJE LA SOGS PAR BSGOMS PAS YID LA BYED PA THUL BA'I RNAL 'BYOR PAS, SANGS RGYAS NYID KYI SKUR NYIN RE BZHIN THUN BZHIR BSGOMS NA'O, ,SANGS RGYAS KYIS NI SKUR BSGOMS PAS DNGOS GRUB GANG ZHIG 'THOB CE NA, RDZOGS PA'I SANGS RGYAS NYID DU 'GYUR, ,ZHES BYA BA GSUNGS TE, SANGS RGYAS KYI SKU MTSAN DANG DPE BYAD KYIS BRGYAN PA THOB PAR 'GYUR RO ZHES BYA BA'I DON TO, ,ZHES SO, ,DE NYID SNANG BA'I STOD 'GREL LAS KYANG, GSANG SNGAGS KYI SGO'I SPYAD PA SPYOD PA RNAMS KYIS KYANG SANGS RGYAS RJES SU DRAN PA BSGOM PAR BYA STE, DE BZHIN GSHEGS PA NYID KYI GZUGS KYI SKU DANG CHOS NYID RJES SU DRAN PAR BYA'O ZHES RTOGS PAR BYA BA'I PHYIR RO, ,ZHES DANG, DE BZHIN GSHEGS PA THAMS CAD KYI DBUS NA GNAS PA DE LA 'KHYUD PAR BYA ZHING, CHOS KYI SKU'I TSUL DANG GZUGS KYI SKU'I TSUL GYIS DE DANG LHAN CIG BDAG NYID THA MI DAD CING DBYER MED PAR JI SRID MNGON SUM DU RANG NYID MTHONG BA DE SRID KYI BAR DU BSGOM PAR BYA'O, ,ZHES SO, ,CHOS KYI SKU NI STONG NYID RTOGS PA'I SHES RAB KYIS SGRUB PA SHIN TU GSAL BAS KHUNGS SU MA BRIS SO, ,BYA SPYOD KYI GZHUNG NAS KYANG GSUNGS PA'I TSUL NI, RNAM SNANG MNGON BYANG GI BSDUS DON GYI 'GREL PA SANGS RGYAS GSANG BAS MDZAD PA LAS, 'DI LAS MTSAN MA DANG BCAS PA DANG, MTSAN MA MED PA GNYIS KYI GO RIM BZHIN DU YONGS SU DAG PA DANG, YONGS SU MA DAG PA'I SKU GNYIS KYI BYE BRAG GI SGO NAS LHA'I SKU'I NGO BO NYID RNAM PA GNYIS SU BSTAN NO, ,DE LA YANG YONGS SU DAG PA NI CHOS KYI SKU'I MTSAN MA MED PA'I TING NGE 'DZIN GYI NGO BO NYID YE SHES,

, ,RNAM PA MED PA'I MTSAN NYID KYI RANG BZHIN YIN NO, ,YONGS SU MA DAG PA YANG KUN TU BRTAGS PA'I GZUGS KYI NGO BO NYID RDZOGS PA'I SANGS RGYAS RNAMS KYI LONGS SPYOD RDZOGS PA DANG, SPRUL PA'I SKU'I MTSAN NYID GDUL BYA'I SKYE BO LA SNANG BA'I DBANG GIS KHA DOG DANG DBYIBS KYI BDAG NYID DU RNAM PAR BZHAG PA YIN NO, ,ZHES SKU GNYIS DANG RNAM PA RJES SU MTHUN PAR SGOM PA'I RNAL 'BYOR GNYIS BSTAN TE 'DI BYA SPYOD GNYIS KA LA 'DRA'O, ,'DIR THEG CHEN PA GNYIS LA LTA BA LA MCHOG DMAN MED KYANG RGYA CHE BA LHA'I RNAL 'BYOR GYI SGO NAS PHYE BA NI THEG PA GSUM RNAM PAR GZHAG PAR YANG GSAL BAR GSUNGS TE JI SKAD DU, DE'I PHYIR DON DAM PA'I BDEN PA BCOM LDAN 'DAS DANG KLU SGRUB LA SOGS PAS RNAM PAR BZHAG PA LAS KHYAD PAR DU GYUR PA'I DON DAM PA'I BDEN PA GNYIS PA NI MED DO, ,KUN RDZOB TZAM GYIS JI LTAR RGYA CHE BAR 'GYUR ZHES GANG SMRAS PA NI 'DIR, DMIGS PA RNAM PAR DAG PA DANG, ,GROGS KYI MTHU DANG SPYOD PA YIS, ,BLO LDAN RNAMS KYIS THEG PA NI, ,CHEN PO'I CHEN PO NYID DU BSGRAGS, ,ZHES RNAM PAR DAG PA'I LHA'I BDAG NYID DU RTOGS PA DANG, RGYAL BA RNAMS KYI DAM TSIG GZUNG BAS BYIN BRLABS SKYE BA DANG, RGYAL BA SRAS BCAS KYIS 'GRO BA'I DON BYED CING ZHING DAG PAR MDZAD PA LTAR BYED PAS, DMIGS PA DANG GROGS DANG RJES SU SPYOD PA GSUM RGYA CHE BAS PHA ROL TU PHYIN PA'I DBU MA PA LAS KHYAD PAR DU 'PHAGS PAR BSHAD CING, KHYAD PAR DE GSUM DANG LDAN PA'I THEG PA LA BYA SPYOD SOGS KYI RGYUD SDE'I DBYE BA BSHAD PA'I PHYIR SDAGS

SPYI'I KHYAD PAR DU 'DOD DO, ,MDOR NA CHOS RNAMS RANG GI NGO BO NYID KYIS GRUB PAS STONG PA'I RANG BZHIN MED PA NGES PA'I LTA BA DANG RANG NYID LHAR SKYED PA'I LHA'I RNAL 'BYOR GNYIS SBREL NAS 'BRAS BU SKU GNYIS SGRUB PA NI, RDO RJE THEG PA GANG GI DBANG DU MDZAD NAS GSUNGS PA'I GDUL BYA'I GTZO BO THAMS CAD KYI BGROD PA GCIG PA'I LAM DU BYAS NAS, RGYUD SDE SO SO NAS DE GNYIS LAS GZHAN PA'I LAM MANG PO BSHAD PA RNAMS KHA CIG STONG NYID KYI RTOGS PA KHYAD ZHUGS PAR 'GRO BA'I THABS DANG, KHA CIG LHA'I RNAL 'BYOR GYI YAN LAG TU SHES PAR BYA BA NI GNAD KYI DON DU GZUNG BAR BYA'O, ,GSUM PA NI, KHA CIG NA RE PHA ROL TU PHYIN PA'I THEG PA LA GZUGS SKU'I 'DRA BA'I RGYU MED LA SNGAGS LA DE YOD PAS MCHOG DMAN DU 'JOG PA MI RIGS TE, 'BRAS BU DANG 'DRA BA'I RGYUS 'BRAS BU SGRUB PA NI SHIN TU YANG MA NGES PA'I PHYIR TE, 'DI LTAR 'BRAS BU MTSAN DPES SPRAS PA'I SKU SGRUB PA LA RGYU LA YANG MTSAN DPE'I RNAM PA CAN GYI LAM SGOM DGOS NA, 'KHOR LOS SGYUR BA LTA BU MTSAN BZANG POS BRGYAN PA'I LUS 'GRUB PA'I RGYUR YANG MTSAN DPE'I RNAM PA CAN GYI LAM SGOM DGOS PAR 'GYUR LA, DE BZHIN DU BDE 'GRO DANG NGAN 'GRO'I LUS 'GRUB PA'I RGYU GSOG PA'I SKABS THAMS CAD DU YANG 'GRO BA GNYIS KYI RNAM PA CAN GYI RGYU SGRUB DGOS PAR HA CANG THAL BAR 'GYUR BA'I PHYIR RO, ,'ON TE 'BRAS BU DE DAG LA RANG DANG RNAM PA RJES SU MTHUN PA'I RGYU MI DGOS NA, SANGS RGYAS LA DE LTAR BYA DGOS PA'I RGYU MTSAN YANG DAG PA SMRA BAR BYA DGOS NA DE YANG MI RNYED DO, ,DE'I PHYIR GZUGS SKU'I RNAM PA

, ,CAN GYI LAM GYIS GZUGS SKU SGRUB PA SNGAGS KYI THEG PA RNAMS KYI KHYAD TSOS YIN NO ZHES PA NI DAD PAR BYA BA TZAM DU ZAD DO ZHE NA, 'DI LA BSHAD PAR BYA STE PHA ROL TU PHYIN PA'I THEG PA PA RNAMS GZUGS KYI SKU'I NGO BO'I RGYU BSOD NAMS KYI TSOGS MCHOG RNAMS DANG, MTSAN DPE LA SOGS PA KHYAD PAR GYI RGYU BLA MA BSU SKYEL LA SOGS PA RNAMS TSE RABS DU MA ZHIG TU BSAGS PA'I MTHUS SA MTHON POR SONG BA NA, MTSAN DPE RJES MTHUN PAS BRGYAN PA'I LUS THOB STE, DE YANG JE BZANG JE BZANG DU SONG STE MTHAR SRID PA THA MA PAR GYUR PA NA, SLOB PA'I MTSAN DPE MTHAR THUG PA THOB PAR 'GYUR RO, ,DE'I TSE RTEN DE LA CHOS KYI SKU MNGON DU BYAS PA NA LUS KYI MTSAN DPE'I RIGS 'DRA DE NYID LONGS SKUR 'GYUR BA YIN GYI, LAM DUS SU MTSAN DPE MED PAR 'BRAS BU THOB MA THAG GSAR DU 'BYUNG BAR MI 'DOD DO, ,DE BZHIN DU RDO RJE THEG PA PA RNAMS KYANG TSE GCIG LA SANGS RGYAS SGRUB PA NA, SLOB PA'I DUS SU MI SLOB PA'I MTSAN DPE DANG RJES SU MTHUN PA'I MTSAN DPE MED NA MTHAR THUG PA'I MTSAN DPE GLO BUR DU 'BYUNG BAR MI 'DOD DO, ,DE LTAR NA SLOB PA'I LAM DU MTSAN DPE MED NA GZUGS SKU MI 'GRUB PA NI THEG PA CHEN PO GNYIS KA'I LUGS SO, ,DE'I TSE TSE GCIG LA 'TSANG RGYA BA SNGAGS LA 'JUG PA'I LAS DANG PO PA DE LA, DANG POR SKYES TZAM NAS LUS LA MTSAN DPES BRGYAN PA ZHIG DGOS PAR SNGAGS NAS MA GSUNGS SHING, YOD PA YANG MIN PAS LUS KYI MTSAN DPES GZUGS SKU'I MTSAN DPE'I RGYU BYED PA GZHAG TU MED PAS, TSE DE LA GSAR DU BSGOMS NAS MTSAN DPE'I RIGS

MTHUN GYI RGYU CIG BSGRUB DGOS LA, DE YANG LHA'I RNAL 'BYOR LAS GZHAN DU 'THAD PA MA YIN NO, ,DE LTAR BYAS NA BDE 'GRO DANG NGAN 'GRO'I LUS 'GRUB PA LA RGYU'I SKABS SU DE'I RNAM PA CAN GYI RGYU BSAG MI DGOS PA DANG, SANGS RGYAS KYI GZUGS SKU 'GRUB PA'I SNGON ROL TU DE DANG RNAM PA RJES SU MTHUN PA'I RGYU DGOS PA GNYIS JI LTAR MTSUNGS, KHO BO CAG GIS GZUGS SKUR SKYE BA LEN PA'I RNAM SMIN GYI RGYUR DE'I RNAM PA CAN GYI LAM SGOM DGOS ZHES 'DOD PA MIN GYI SANGS RGYAS KYI MTSAN DPE 'GRUB PA'I SNGA ROL TU DE DANG RJES SU MTHUN PA'I RIGS MTHUN GYI RGYU DGOS SO ZHES 'DOD PA YIN PAS KLAN KA'I GNAS MED DO, ,'O NA RGYUD SDE 'OG MA GSUM GYI LHA'I RNAL 'BYOR SGOM PA DANG, BLA MED KYI'ANG TSE DE LA SANGS RGYAS MI 'GRUB PAR SKYE BA BRGYUD DGOS PA'I LHA'I SKU SGOM PA RNAMS GZUGS SKU'I RJES SU MTHUN PA'I RGYUR JI LTAR 'GYUR SNYAM NA, 'DI DAG KYANG TSE 'DIR DE LTAR GOMS PAS MTHAR SKYE BA GZHAN DU TSE DE LA GZUGS SKU 'GRUB PA'I TSE RIGS MTHUN PA'I RGYUR 'GRO BA YIN GYI, GZUGS SKUR SKYE BA LEN PA'I RNAM SMIN GYI RGYU MA YIN NO, ,DE LTAR JI SKAD BSHAD PA'I DOGS PA RNAMS LEGS PAR BCAD NAS LHA'I RNAL 'BYOR SGOM PA MED MI RUNG YIN PA LA NGES PA RNYED DGOS TE RDO RJE MKHA' 'GRO'I DANG PO LAS, BDAG NYID SANGS RGYAS THAMS CAD DANG, ,DPA' BO THAMS CAD NYID YIN TE, , RANG GI LHA YI SBYOR BA YIS, ,BDAG NYID RAB TU BSGRUB PAR BYA, ,'DI YIS SANGS RGYAS THAMS CAD DANG, ,DPA' BO THAMS CAD NYID DANG NI, ,RDO RJE 'DZIN PA THAMS CAD DU, ,TSE 'DI NYID DU 'GRUB 'GYUR ZHES, ,MKHA' 'GRO KUN DANG MNYAM SBYOR BA'I, ,RDO RJE MKHA'

, ,'GRO BDE BA'I MCHOG ,RDO RJE SEMS DPA' DE BZHIN GSHEGS, ,DPAL LDAN BCOM LDAN 'DAS KYIS GSUNGS, ,ZHES DANG, PHYAG RGYA'I SBYOR BA 'DI YIS NI, ,SA GSUM MA LUS BZA' BAR BYA, ,GZHAN DU GAL TE SBYOR BA NI, ,MA TSANG MAR ME LTA BUR 'DA', ,ZHES GSUNGS SHING DE'I 'GREL PA LAS, 'DI YIS NI ZHES BYA BA BSTAN MA THAG PA'I STONG PA NYID KYI PHYAG RGYA 'DIS SO, ,PHYAG DANG ZHAL LA SOGS PA'I KUN RDZOB KYI PHYAG RGYA DANG MNYAM PAR SBYOR BA GANG LA YOD PA DE LA DE SKAD CES BYA'O,, RNAL 'BYOR PA DES CI ZHIG BYA ZHE NA, SA GSUM MA LUS BZA' BAR BYA, ,ZHES BYA BA STE SKU LA SOGS PA'I THA MAL PA'I GZUGS BZLOG PAR BYA ZHES BYA BA'I DON TO, ,STONG PA NYID KYI BSAM GTAN 'BA' ZHIG GIS JI LTAR YANG BYANG CHUB 'GRUB PA MED PAR BSTAN PA'I PHYIR, GZHAN DU ZHES BYA BA LA SOGS PA GSUNGS TE, GZHAN DU ZHES BYA BA NI STONG PA NYID 'BA' ZHIG GIS SO, ,SBYOR BA MA TSANG BA ZHES BYA BA NI SNANG BA LAS 'DAS PA'O, ,'DA' ZHES BYA BA NI BDAG GI DON TZAM YANG MED PAR MYA NGAN LAS 'DA' BA'O, ,JI LTA BUR ZHE NA, MAR ME LTA BUR TE JI LTAR MAR ME MAR GYI RGYUN GYIS NAM MKHA'I NGOS SU GSAL ZHING 'BAR BA LAS, GANG GI TSE MAR GYI RGYUN ZAD PA DE'I TSE DE NYID DU ZAD CING GTUGS PAR GYUR PAS, BDAG NYID KYANG MI SNANG NA GZHAN SNANG BAR BYAD PA LTA CI SMOS, DE BZHIN DU STONG PA NYID 'BA' ZHIG GI TING NGE 'DZIN YANG BLTA BAR BYA'O, ,ZHES BSHAD PAS SNGAGS KYI LAM LA LHA'I RNAL 'BYOR SGOM PA MED NA STONG PA NYID LA SOGS PA LA JI TZAM GOMS KYANG 'BRAS BU'I SKABS SU ZHI BA'I MTHAR LTUNG BA 'GOG MI

NUS PA NI RGYUD SDE'I DGONGS PA DAM PA'O, ,DE DAG LA NGES PA LEGS POR MA RNYED NA LHA'I RNAL 'BYOR DOR NAS SNGAGS KYI LAM GYI CHA PHYOGS RE BA LA SBYONG BAS, LAM GYI LUS GTAN RNYED PA MA YIN PAR SHES PAR BYA'O, ,GNYIS PA LA GNYIS, DNGOS KYI DON BSHAD PA DANG, LAM GYI KHYAD PAR NYID BSHAD PA'O, ,DANG PO NI, KHA CIG NA RE THEG PA GNYIS KYI LAM LA MCHOG DMAN YOD NA, THOB BYA'I SANGS RGYAS LA YANG MCHOG DMAN YOD DGOS TE, RGYU LA KHYAD YOD NA 'BRAS BU LA KHYAD MED PA 'GAL BA'I PHYIR TE DE LTA MA YIN NA RGYU'I KHYAD PAR DON MED PA NYID DU 'GYUR BA'I PHYIR RO, ,DES NA BCU GCIG KUN TU 'OD KYI SA NI RDO RJE 'CHANG GI GO 'PHANG LAS DMAN PA YIN TE, KHA SBYOR GYI BRTAG PA DANG PO'I RAB BYED BZHI PA LAS, MDOR BSDUS PAS NI SANGS RGYAS NYID, ,BSKAL PA BYE BA GRANGS MED PAS, ,JI SRID SANGS RGYAS GANG THOB PA, ,GANG GIS DAM PA'I BDE BAS KHYOD, ,SKYE BA 'DIR NI THOB PAR 'GYUR, ,YANG NA RDO RJE 'DZIN PA NYID, ,CES BSKAL PA BYE BA DANG GRANGS MED KYIS THOB PA'I SANGS RGYAS DANG RDO RJE 'CHANG GNYIS SO SOR BSHAD PA'I PHYIR DANG, YANG DE NYID LAS, SKYE BA 'DIR SANGS RGYAS NYID DAM RDO RJE SEMS DPA' THOB PAR 'GYUR TE, GANG DAG BSAM GYIS MI KHYAB PA'I GNAS MA THOB PA DE NI BDE BAR GSHEGS PA STE SANGS RGYAS YIN NO, ,MTSAN GZHI MTSON PAR BYED PA NI SEMS DPAR YANG DAG PAR GSUNGS SO ZHES BSHAD PA'I PHYIR RO ZHES ZER RO, ,'DI NI 'THAD PA MA YIN TE, LUNG DES BLA MED KYI LAM GYIS TSE GCIG LA YANG NA PHAR PHYIN NAS BSHAD PA'I KUN TU 'OD 'GRUB LA, YANG NA SNGAGS NAS BSHAD PA'I RDO RJE 'CHANG 'GRUB CES STON PA MIN PA'I PHYIR DANG, BSKAL PA GRANGS MED KYIS THOB PAR BYA BA'I SANGS RGYAS

, ,DANG BCU GCIG KUN TU 'OD KYI SA GNYIS KHYAD MED PAR PHAR PHYIN GYI THEG PA BAS KYANG MI 'DOD PA'I PHYIR RO, ,'DI LTAR BSKAL PA GRANGS MED KYIS THOB PAR BYA BA DE LA GNYIS SU BYAS PA'I SANGS RGYAS NI MNGON RTOGS RGYAN LAS, SA DGU 'DAS NAS YE SHES NI; ;GANG GIS SANGS RGYAS SAR GNAS PA, ,DE NI BYANG CHUB SEMS DPA'I SA, ,BCU PA YIN PAR SHES PAR BYA, ,ZHES SA BCU PA BA LA SANGS RGYAS SU GSUNGS PA DE YIN LA, RDO RJE 'CHANG GI SA NI SA BCU GCIG PA YIN PA'I PHYIR RO, ,SNGAGS NAS SA BCU GNYIS DANG BCU GSUM DANG BCU BZHIR BSHAD PA YOD KYANG DE DAG NI PHAR PHYIN NAS BSHAD PA'I SA RNAMS DANG DBYE BSDU YIN PAR RGYA GAR GYI MKHAS PAS BSHAD DE 'BRAS BU'I SKABS SU 'CHAD PAR 'GYUR RO, ,DES NA BCU GCIG KUN TU 'OD KYI SA NYID RDO RJE 'CHANG GI SA DANG DON GCIG TU BYA LA DE NYID MDO SDE LAS GRANGS MED GSUM DANG, RGYUD SDE NAS TSE GCIG LA 'GRUB PAR GSUNGS PAR SHES PAR BYA YI RDO RJE 'CHANG ZHES GSUNGS PAS PHAR PHYIN THEG PA'I 'BRAS BU MIN NO SNYAM DU MI GZUNG STE, DE KHO NA NYID GRUB PA'I RAB BYED LAS, DPAL BDE BA CHEN PO RDO RJE SEMS DPA' LAM GZHAN DAG GIS BSKAL PA DU MA GRANGS MED PAS RTOGS PAR BYA BA, RDO RJE THEG PA'I THABS DANG LDAN PA RNAMS KYIS TSE 'DI NYID LA DKA' BA MED PAR BSGRUB PAR BYA BA, ZHES RDO RJE 'CHANG NYID LAM GNYIS KA'I THOB BYAR DPAL LDAN ZHI BA 'TSOS GSUNGS PA LTAR BYA'O, ,KHA SBYOR GYI LUNG DE'I 'GREL PA MAN SNYE LAS KYANG, SANGS RGYAS NYID NI SA BCU'I DBANG PHYUG GO ,RNAM SANGS RGYAS NYID NI KHYAD PAR GYI LAM THOB PA NYID DO, ,RDO RJE 'DZIN PA NYID NI SA BCU GCIG GI DBANG PHYUG NYID DO, ,ZHES GSUNGS SHING

TSUL GSUM SGRON ME LAS, DON GCIG NA YANG MA RMONGS DANG, ,ZHES PA'I DON SNGAGS DANG PHAR PHYIN GNYIS THOB BYA'I DON GCIG TU RANG NYID KYIS KYANG KHAS BLANGS PA'I PHYIR RO, ,GZHAN YANG PHAR PHYIN NAS KUN TU 'OD KYI SA BRNYES PA DE SGRIB GNYIS BAG CHAGS DANG BCAS PA THAMS CAD SPANGS SHING, STOBS DANG MI 'JIGS PA DANG MA 'DRES PA LA SOGS PA'I SANGS RGYAS KYI YON TAN THAMS CAD THOB PAR GSUNGS PAS, DER BSHAD PA'I SANGS RGYAS DE LAS LHAG PA YOD NA SGRIB GNYIS BAG CHAGS DANG BCAS PA ZAD KYANG DA DUNG SKYON MA ZAD PA DANG, STOBS BCU LA SOGS PA'I ZAG MED KYI YON TAN BRGYA ZHE BZHI SOGS THOB KYANG DA DUNG YON TAN RDZOGS PAR MA THOB PA KHAS BLANGS DGOS PAR 'GYUR RO, ,DES NA DE 'DRA BA'I GO 'PHANG DER SNGAGS KYI LAM LA MA BLTOS PAR PHAR PHYIN NAS BSHAD PA'I LAM TZAM GYIS BGRAD PAR NUS MI NUS DPYOD NA RGYA GAR BA'I YANG MKHAS PA MANG POS MDZAD SNANG BA LTAR DPYOD RIGS MOD KYANG, KUN TU 'OD KYI SA'I BAR DU PHAR PHYIN GYI LAM RKYANG PAS BGROD NUS PAR KHAS BLANGS NAS, DE LTA YIN KYANG DA DUNG DE LAS GONG DU BGROD PAR BYAR YOD DO ZHES PA NI 'THAD PAR MA MTHONG NGO, ,LAM GNYIS KYI BGROD PA LA GRANGS MED LA MA BLTOS PAR 'TSANG RGYA NUS MI NUS KYI MCHOG DMAN BYUNG YANG 'BRAS BU BZANG NGAN DU BYED PA'I RGYUR MA SONG BAS RGYU'I KHYAD PAR DON MED DU SGRUB MI NUS TE, 'BRAS BU LA BZANG NGAN MA BYUNG YANG 'BRAS BU LA NYE RING GI KHYAD PAR CHEN PO BYUNG BA'I PHYIR RO, ,GNYIS PA LA GNYIS, RANG GI LUGS KYI KHYAD PAR DANG, SLOB DPON GZHAN GYIS BSHAD PA'I KHYAD PAR RO, ,DANG PO NI, RGYUD SDE 'OG MA GSUM

, ,DANG PHAR PHYIN GYI THEG PA'I MYUR KHYAD NI LHA'I RNAL 'BYOR DANG BZLAS PA'I MTHU LA BRTEN NAS THUN MONG GI DNGOS GRUB MANG PO DANG SANGS RGYAS DANG BYANG CHUB SEMS DPA' CHEN PO RNAMS KYIS DNGOS SU RJES SU BZUNG NAS BYIN GYIS RLOB PA LA SOGS PA'I THABS MKHAS MANG POS BYANG CHUB KYI SPYOD PA RDZOGS PAR BYAD PA YIN LA, BLA MED KYI MYUR KHYAD NI, BSKYED RIM LA YANG RGYUD SDE 'OG MA LA MED PA'I ZAB GNAS MANG LA, RDZOGS RIM LA NI MCHOG TU GYUR PA'I ZAB GNAS DAG YOD DE 'CHAD PAR 'GYUR RO, ,BSKAL PA GRANGS MED 'DA' BA LA MA BLTOS PAR 'TSANG RGYA BA'I MYUR KHYAD NI BLA MED KYI KHYAD CHOS YIN PAS, RGYUD SDE 'OG MA'I GDUL BYAS DE LTAR 'THOB PA YANG BLA MED KYI RIM GNYIS LA ZHUGS PA LA BLTOS KYI RANG GI LAM TZAM GYIS MI CHOG GO ,DE'I PHYIR SNGAGS KYI MYUR KHYAD THAMS CAD RTZOD DA DUS KYI TSE GCIG LA 'TSANG RGYA BA'AM BSKAL PA GRANGS MED LA MA BLTOS PAR 'TSANG RGYA BA KHO NAR MI GZUNG NGO, ,GNYIS PA LA GNYIS, SDOM 'BYUNG 'GREL PA LAS BSHAD PA'I TSUL DANG, TSUL GSUM SGRON ME LAS BSHAD PA'I TSUL LO, ,DANG PO NI, RATNA RAKshI TAS RDZOGS RIM GYI SKABS SU SPROS BRAL SGOM PA NI GNYIS KA LA 'DRA BA DANG, YAB SRAS MJAL BA LAS CHOS THAMS CAD BDE BAS KHYAB PA'I TING NGE 'DZIN THOB PA'I BYANG CHUB SEMS DPA' LA DMIGS PA THAMS CAD LA TSOR BA BDE BA KHO NA 'BYUNG GI SDUG BSNGAL DANG BTANG SNYOMS MI 'BYUNG BA DANG, KARshA PA NA'I CHAD TZAM DU BCAD CING GTUBS PA DANG GLANG PO RNAMS KYIS BRDZIS PA LA YANG BDE BA'I 'DU SHES KHO NA 'JUG PAR

GSUNGS PA DANG, BDE BA DE YANG SNGAGS KYI THEG PA DANG MI MTHUN PA MA YIN ZHING DE'I THABS KYANG GSUNGS TE, 'JIG RTEN LAS 'DAS MA 'DAS KYI PHUN TSOGS THAMS CAD KYI RGYU'I GTZO BO BYANG CHUB KYI SEMS SU PHAR PHYIN NAS GSUNGS LA, DE BZHIN DU SNGAGS SU YANG BSTAN TO ZHES SNANG BA RDO RJER 'CHAR BA SOGS KHUNGS SU DRANGS NAS BDE BA CHEN PO YANG THUN MONG BAR BSGRUBS SO, ,MNGON RTOGS RGYAN LAS, 'DOD LA SPYOD LA THABS MKHAS DANG, ,ZHES DANG 'OD SRUNGS KYI LE'U LAS ZHING PA'I DPES NYON MONGS PA'I LUD SANGS RGYAS KYI CHOS SKYED PA LA NYE BAR MKHO BAR GSUNGS PAS 'DOD YON LA SPYOD PA YANG THUN MONG NGO, ,'BRAS BU'I SA LA SOGS PA YANG MTSUNGS PAS NA BSKYED RIM NYID SNGAGS KYI KHYAD CHOS SU BSHAD DE SDOM 'BYUNG GI BCU GSUM PA'I 'GREL PA LAS, DE'I PHYIR BSKYED PA'I RIM PA SGOM PA MED NA SNGAGS KYI TSUL LAS KHYAD PAR MED PA KHO NA'O ZHES GSUNGS TE 'DIS LHA'I RNAL 'BYOR SGOM PA THAMS CAD BSKYED RIM DU BSDUS SHING RTZA RLUNG THIG LE'I RNAL 'BYOR RNAMS BDE BA SKYED PA'I RNAL 'BYOR YIN LA BDE BA YANG 'DRA BAS SO SNYAM DU BSAMS SO, ,GNYIS PA NI, DON GCIG NA YANG MA RMONGS DANG, ,THABS MANG DKA' BA MED PA DANG, ,DBANG PO RNON PO'I DBANG BYAS PAS, ,SNGAGS KYI BSTAN BCOS KHYAD PAR 'PHAGS, ,ZHES THAMS CAD MKHYEN PAR BSHAD PA'I 'BRAS BU NI SNGAGS DANG PHAR PHYIN GNYIS LA KHYAD PAR MED MOD KYI, 'ON KYANG KHYAD PAR BZHIS SNGAGS KYI RGYUD SDE BZHI PHAR PHYIN LAS KHYAD PAR DU 'PHAGS PAR

, ,GSUNGS SO, ,DE LA MA RMONGS PA'I KHYAD PAR NI, PHAR PHYIN PA RNAMS SBYIN SOGS LA 'JUG PA NA 'KHOR GSUM MI DMIGS PAS 'JUG PAS SHIN TU RMONGS PA MIN YANG, MGO LA SOGS PA GTONG PA PHYI'I SBYIN SOGS LA 'JUG PAS DBANG PO SHIN TU MI RNO BAS YUN RING POS BYANG CHUB THOB PAR BYED DO, ,SNGAGS KYI SGOR SPYOD PA RNAMS LA RMONGS PA DE MED DE, PHA ROL TU PHYIN PA NI SEMS CAN THAMS CAD KYI 'DOD DON GCIG CAR DU RDZOGS PAR BYED NUS PA YIN LA, MGO GTONG PA SOGS KYIS NI SEMS CAN MTHA' YAS PA GSO MI NUS PAS, DE NI TING NGE 'DZIN GYI 'BRAS BUR MTHONG STE THA MAL PA'I THABS DE LA SMAD NAS THABS KYI MCHOG TSOL BAR BYED DE, DE YANG THABS SHES GNYIS MED KYI TING NGE 'DZIN DE PHYOGS CHAD PA MED PA DANG, RGYUN MI 'CHAD PAR GOMS PAR BYAS PAS SEMS CAN MTHA' YAS PA'I 'DOD DON RDZOGS PAR BYED NUS PAS SBYIN PA'I PHAR PHYIN RDZOGS LA, DE'I TSE PHAR PHYIN LHAG MA RNAMS KYANG RDZOGS PAR 'GYUR RO, ,THA MAL PA'I LUS SBYIN PA SOGS LA DE MED PAS PHA ROL TU PHYIN PAR MI GZHAG GO ,THABS MANG BA'I KHYAD PAR NI, PHAR PHYIN NAS DKA' THUB DANG SDOM PA DANG BRTUL ZHUGS LA SOGS PA MTHO RIS DANG THAR PA'I THABS SU GSUNGS PA NI SHIN TU ZHI BA'I LAS LA SPYOD PA'I DBANG DU MDZAD PAS NA SEMS CAN THAMS CAD RJES SU 'DZIN MI NUS SO, ,SNGAGS KYIS NI SEMS CAN THAMS CAD KYI DON BYA BA'I PHYIR RGYUD SDE BZHI GSUNGS SO, ,SKABS 'DIR THOG MAR RANG NYID NYON MONGS GANG CHE BA'I RIGS SHES PAR BYAS NAS 'DOD CHAGS

SOGS 'OD DPAG MED SOGS SU BSKYED NAS SNGAGS ZLO BA'I THUGS KYI DKYIL 'KHOR DANG, DBYANGS GSAL RNAMS LHAR SKYED PA'I GSUNG GI DKYIL 'KHOR DANG, GZHAL YAS KHANG RTEN BCAS SGOM PA'I SKU'I DKYIL 'KHOR GSUM LA 'JUG PA'I SGO MI 'DRA BA GSUNGS SO, ,DKA' BA MED PA'I KHYAD PAR NI, DKA' MI DKA' BLO LA LTOS NAS YIN GYI DNGOS PO LA MA NGES TE, KHA CIG LA DKA' BA GZHAN LA SLA BA YOD PA'I PHYIR RO, ,DES NA RANG NYID JI LTAR 'DOD PA DANG MTHUN PAR BKRIR YOD PA NI BDE BAS BDE BA THOB PAR BYED PAS SNGAGS SU NI DKA' SPYOD MI STON NO, ,DE LA DBANG PO RAB KYI RAB CHAGS SOGS KYI NYES PA MI SPYOD PA RNAM RTOG SHAS CHUNG BA SNYING RJE CHE BA GNYIS MED KYI DE KHO NA NYID LA BRTZON PA LA, SNYING RJE CHEN PO DANG RO GCIG PA CHOS BDAG MED PA'I YE SHES KYI NGO BO NYID MING GZHAN THABS SHES ZHES BYA BA'I PHYAG CHEN STON TO, ,DBANG PO BAR MA THA MAL PA'I YUL LA SPYOD PA LA RGYAB KYIS PHYOGS KYANG CHAGS SOGS KYI RNAM RTOG MA SPANGS PA DON DAM PA'I YE SHES KYI RGYA MTSOR 'JUG MI NUS PA'I PHYIR DU YE SHES KYI PHYAG RGYA SGOM PA GSUNGS TE, DE YANG DE BZHIN GSHEGS PA RIGS LNGA DANG DE DAG GI RIG PA SPYAN LA SOGS PA'I LHA MO SGOM PA'O, ,DE DAG BSGOMS PAS DE KHO NA NYID LA 'JUG TSUL NI LHA'I SKU LA SEMS BRTAN PA NA SEMS NYID LHAR SNANG GI PHYI ROL NI MED PAS, , BSGOM BYA SOGS KYI 'KHOR GSUM DU ZHEN PAR MI BYA'O ZHES SHES PAR BYAS PA NA, PHYI ROL DANG GZUNG 'DZIN DU RTOG PA DANG BRAL BA'I SKUR GNAS PAR 'GYUR LA, YANG SKU DE RNAMS GCIG DANG DU MA DANG BRAL BAS DNGOS PO MED PA NYID DU BLA MA'I MAN NGAG GIS

, ,RTOGS PAR 'GYUR RO, ,DE NAS DE DANG 'DRA BAR CHOS THAMS CAD RANG BZHIN MED PA NYID DU RTOGS PAR 'GYUR TE DE LA DGONGS NAS LHA SGOM PA MTHA' YAS PA ZHIG GSUNGS SO ZHES YE SHES GRAGS PAS BSHAD DO, ,DBANG PO MCHOG GI THA MA GNYIS MED KYI YE SHES LA DGA' YANG 'DOD PA'I CHAGS PA MA SPANGS SHING, 'DOD PA'I YUL DANG NYE BA LAS SEMS GA-YENGS SHING TING NGE 'DZIN DU MI 'GYUR BA LA DAM TSIG GI PHYAG RGYA GNANG STE, DE NI GZHAN NAS BSHAD PA'I RIG MA MTSAN NYID DANG LDAN PA'O, ,'DOD CHAGS LHAG PAR CHE ZHING DE KHO NA NYID KYI BLO CHE BA MA YIN PA THABS DE LAS GZHAN GYIS SEMS MNYAM PAR 'JOG MI NUS PA LA LAS RGYA GSUNGS TE, DER YANG RJES SU MTHUN PA'I LAS SU BYED PA NYID KYIS NYAMS SU LEN PA'O, , 'DI LA TSUL GSUM SGRON ME LAS DBANG PO JI LTA BU DANG LAS RGYA JI 'DRA YIN MA GSUNGS LA, YE SHES GRAGS PAS RAB KYI THA MA LA DAM TSIG DANG LAS RGYA GNYIS GDAM NGA CAN DU BSHAD DE, DNGOS SU LAS LA SBYOR MI SBYOR RAM RIG MA MTSAN NYID TSANG BA YIN MIN GNYIS LA DGONGS PA 'DRA'O, ,DE LTAR NA SNGAGS LA 'JUG PA'I GDUL BYA DBANG PO RAB LA RIG MA'I 'DOD YON LA CHAGS MA CHAGS GNYIS LAS PHYI MA LA PHYAG CHEN SGOM PA GSUNGS SHING, SNGA MA LA PHYI'I RIG MA LA CHAGS PA YOD MED GNYIS LAS PHYI MA LA YI RGYA SGOM PA DANG, SNGA MA LA DAM RGYA DANG LAS RGYA GNYIS GNANG BAR BZHED PAS, SLOB DPON 'DI'I LUGS RANG LUGS LA 'DOD PA DANG, BLA MED KYI GDUL BYA'I GTZO BO LA PHYI'I RIG MA'I 'DOD YON LA CHAGS PA CHE BA DGOS

PAR 'DOD PA NI 'GAL BA'O, ,DBANG PO RNO BA'I KHYAD PAR NI, BDEN PA BZHI'I RNAL 'BYOR PA NI DE KHO NA NYID MA SHES PAS DBANG PO RTUL LA, PHAR PHYIN GYI RNAL 'BYOR PA NI THABS LA 'KHRUL BAS DBANG PO 'BRING NGO, ,SNGAGS KYI SGOR SPYOD PA RNAMS NI GANG DU YANG MA RMONGS PAS DBANG PO RNO STE, GZHAN GYIS BYAS NA NGAN 'GROR 'GRO BA DE THABS MKHAS PAS SPYAD PAS RNAM PAR DAG PA'I GNAS THOB PAR BYED PA'I PHYIR RO ZHES SLOB DPON KRi PI TA KA MA LAS BSHAD DE, ,YE SHES GRAGS PAS, GANG ZHIG YE SHES PHYAG RGYA SOGS, , SGOM LA MNGON DGA' MED GYUR PA, ,SHES RAB NYAMS CHUNG NYID YIN PHYIR, ,PHYAG RGYA CHEN PO SGOM PA MIN, ,DE LA KUN MKHYEN PHAN BZHED PAS, ,PHYAG RGYA CHEN PO'I MING GIS NI, ,RDO RJE SEMS DPA' LA SOGS PA'I, ,GZUGS DE NYID NI NGES PAR BSTAN, , ZHES SHES RAB STOBS CHUNG BAS PHYAG CHEN SGOM MI NUS SHING PHYAG RGYA GZHAN GSUM SGOM PA LA MI DGA' BA LA LHA'I SKU LA PHYAG CHEN DU MING BTAGS NAS BSTAN PAR BSHAD DE RNAL 'BYOR RGYUD KYI SGOM PA'O, ,'DIS BYA SPYAD GNYIS KYANG SHES PAR BYA'O, ,THABS SNYING RJE CHEN PO DANG CHOS BDAG MED PA'I DE KHO NA NYID RTOGS PA'I SHES RAB GNYIS LAM GYI SROG TU PHAR PHYIN PAS KYANG 'DOD CING, MGO LA SOGS PA'I ZANG ZING GI RDZAS BTANG NAS SEMS CAN GYI 'DOD PA RDZOGS PA SBYIN PA'I PHAR PHYIN YIN NA, SBYIN PA'I PHAR PHYIN RDZOGS PA MI SRID DO ZHES BKAG NAS RANG LA BDOG PA THAMS CAD LA SER SNA DANG RANG GI PHYIR DU KUN 'DZIN GYI DRI MA SBYANGS NAS, GTONG SEMS RAB KYI MTHAR THUG PAR 'PHEL BA LA SBYIN PA'I PHAR PHYIN DU PHAR PHYIN

, ,GYI THEG PA NAS GSUNGS TE, SPYOD 'JUG LAS, GAL TE 'GRO BA DBUL BOR BAS, ,SBYIN PA'I PHA ROL PHYIN YIN NA, ,DA DUNG 'GRO BKREN YOD NA SNGON, ,SKYOB PA JI LTAR PHA ROL PHYIN, ,BDOG PA THAMS CAD 'BRAS BCAS TE, ,SKYE BO KUN LA BTANG SEMS KYIS, ,SBYIN PA'I PHA ROL PHYIN GSUNGS TE, ,DE LTA'I DE NI SEMS NYID DO, ,ZHES GSUNGS SO, ,DES NA MA RMONGS PA'I KHYAD PAR BSHAD PA YANG DKA' BAR SNANG LA DBANG PO RNON PO'I KHYAD PAR YANG DKA' STE, THABS LA MA RMONGS PA LA BYED NA SNGA MA DANG ZLOS SHING, 'DOD YON GYI CHAGS PA LAM DU BYED PA LA 'DOD NA DE SNGAGS KYI GDUL BYA RAB TU MI SNANG BAS GTZO BO'I GDUL BYA LA KHYAD PAR DE MED PA'I PHYIR RO, ,SNGAGS LA 'JUG PA'I GDUL BYA YANG RAB RIM PA DANG POS RDZOGS PAR 'KHRID NAS RAB RIM PA DANG POS RDZOGS PAR 'KHRID NAS RIM PA GNYIS PA LA 'KHRID PA DANG, RDZOGS RIM BRTAN PA'I TSE DE LA 'TSANG RGYA BA MANG DU BSHAD PA'I PHYIR, YE RGYA SGOM PA DANG DAM RGYA SOGS GNANG BA DBANG PO 'BRING DANG THA MAR BZHED PA YANG GZHAG DKA' BAR SNANG BAS, BLO GROS DANG LDAN PA RNAMS KYIS DE DAG LA SOGS PA RNAMS DPYAD PAR BYA'O, ,BOD KYI BLA MA DAG THABS MANG BA NI ZHI SOGS KYI LAS TSOGS MANG BA DANG, DKA' BA MED PA 'DOD YON LAM BYED LA 'CHAD PA NI SLOB DPON 'DI DANG YE SHES GRAGS PA GNYIS KA'I GZHUNG NA MI SNANG NGO, ,GNYIS PA LA GSUM, SNGAGS LA 'JUG PA'I SGO MI 'DRA BA CI TZAM ZHIG YOD PA DANG, 'JUG SGO MI 'DRA BAR 'JOG PA'I KHYAD PAR NGOS GZUNG BA DANG, KHYAD PAR DE DAG DANG LDAN PA RNAMS KYI LAM BGROD PA'I TSUL BSTAN PA'O, ,DANG PO NI, GUR GYI BCU GSUM PA

LAS, DMAN PA RNAMS LA BYA BA'I RGYUD, ,BYA MED RNAL 'BYOR DE LTAG LA'O, ,RNAL 'BYOR MCHOG NI SEMS CAN MCHOG ,RNAL 'BYOR BLA MED DE LTAG LA'O, ,ZHES GSUNGS PA LTAR RDO RJE THEG PA'I GDUL BYA LA DMAN PA DANG DE'I LTAG 'BRING DANG, MCHOG DANG DE'I LTAG MA CHES MCHOG TU GYUR PA BZHI LA RGYUD SDE BZHI GSUNGS PAS RGYUD SDE BZHI'I SGO NAS 'JUG PA'I SGO BZHI'O, ,BLA MED KYI RGYUD DON LA 'JUG PA LAS KYANG, GSANG SNGAGS 'BRAS BU RDO RJE THEG PA LA NI 'JUG PA'I SGO RNAM PA BZHI STE, BYA BA'I RGYUD DANG SPYOD PA'I RGYUD DANG RNAL 'BYOR GYI RGYUD DANG RNAL 'BYOR BLA NA MED PA'I RGYUD CES SPYIR GRAGS PA YIN NO, ,ZHES BSHAD DO, ,GNYIS PA LA GNYIS, DRI BA DANG, LAN NO, ,DANG PO NI, GAL TE GDUL BYA'I DMAN MCHOG GI SGO NAS RGYUD SDE'I RIM PA MI 'DRA BA'I 'JUG SGO 'DI CHAD DU BYA BA DANG THOB BYA DMAN MCHOG GI SGO NAS NI MA YIN TE, RDO RJE THEG PA LA ZHUGS PA THAMS CAD KYANG SEMS CAN THAMS CAD KYI PHYIR DU BLA NA MED PA'I BYANG CHUB DON DU GNYER BA'I THEG CHEN GYI SEMS BSKYED PA CAN DU KHYAD PAR MED PA'I PHYIR RO, , THOB BYA SKU GNYIS KYI RGYU'I GTZO BOR GYUR PA'I LAM GYI SPYI LA MI 'DRA BA YOD PA'I SGO NAS KYANG MA YIN TE, RANG BZHIN MED RTOGS KYI SHES RAB KYIS CHOS SKU SGRUB PA LA 'DRA ZHING LHA'I RNAL 'BYOR BSGOMS NAS GZUGS SKU SGRUB PA'I SPYI YANG 'DRA BA'I PHYIR RO, , DE'I PHYIR THAMS CAD KYANG RDO RJE'I THEG PA ZHES PA THEG PA GCIG TU ZAD DE, LHA'I RNAL 'BYOR MI 'DRA BA LA SOGS PA'I LAM GYI KHYAD PAR MI 'DRA PHA MANG DU YOD PA TZAM GYIS THEG PA SO SO BA'AM RGYUD SDE'I RIM PA MI 'DRA BA'I 'JUG SGO SO SOR 'JOG NA,

, ,RNAL 'BYOR BLA MED KYI RGYUD RE RE LA YANG THEG PA MI 'DRA BA DU MA GZHAG DGOS PAR 'GYUR LA, GSANG 'DUS LTA BU GCIG LA YANG RGYUD SDE MI 'DRA BA'I 'JUG SGO DU MA YOD PAR 'GYUR TE, PA DMA DANG CAN DAN LA SOGS PA'I GANG ZAG MCHOG DMAN LNGA YE SHES RDO RJE KUN LAS BTUS LAS GSUNGS PA'I PHYIR RO, ,DES NA GDUL BYA MCHOG DMAN GYI SGO NAS RGYUD SDE MI 'DRA BA'I 'JUG SGO BZHIR BYED PA 'DI RGYU MTSAN GANG GI SGA NAS BZHAG PA BRJOD DGOS SO SNYAM NA, GNYIS PA LA GNYIS, GZHAN GYI LAN MI 'THAD PAR BSTAN PA DANG, RANG GI LAN GDAB PA'O, ,DANG PO NI, BOD KYI BLA MA KHA CIG MU STEGS LA RIGS BZHI YOD PA RJES SU GZUNG BA'I PHYIR DU RGYUD SDE BZHI BSTAN TE, 'DOD CHAGS CAN DBANG PHYUG GI RJES SU 'BRANG BA DANG, ZHE SDANG CAN KHYAB 'JUG GI RJES SU 'BRANG BA DANG, GTI MUG CAN TSANGS PA'I RJES SU 'BRANG BA DANG, MA NGES PA DE GSUM GANG RUNG DANG PHRAD NA DE DAG GI GRUB MTHA' 'DZIN PA BZHI YOD PAS RIM PA BZHIN DU RNAL 'BYOR BLA MED DANG, SPYOD RGYUD DANG, BYA RGYUD DANG, RNAL 'BYOR GYI RGYUD RNAMS BSTAN LA DE YANG DE NYID BSDUS PA'I RJES SU 'BRANGS NAS KUN SNYING DANG, RAB 'BYOR BSKYANGS LA SOGS PA RNAMS BZHED DO ZHES GSUNG NGO, ,'DIR GANG ZAG DE DAG RGYUD DE DANG DES 'DUL BA SRID PA LA BYED NA NI DES RGYUD SDE BZHI'I SGO NAS 'JUG PA RNAMS KYI MI 'DRA BA'I KHYAD PAR NGOS MI ZIN TE; DE DAG RE RES KYANG DE BZHI KA'I GANG ZAG 'DUL BA SRID PA'I PHYIR RO, ,RGYUD SDE DE DAG GDUL BYA'I GTZO BO LA DE DAG DGOS PAR 'DOD NA NI SHIN TU MI RIGS TE, SNGAGS KYI THEG PA'I GDUL BYA'I GTZO BO RNAMS NI RGYAL BA'I BSTAN PA LA 'JUG PA'I GDUL

BYA MCHOG YIN PAS DE LA SNGON DU LTA BA LOG PA LA ZHUGS PA ZHIG MI DGOS PA'I PHYIR DANG, DANG PO NAS GRUB MTHA' PHYIN CI LOG LA MA ZHUGS PAR YANG DAG PA'I GRUB MTHA' LA ZHUGS PA RNAMS RGYUD DE DAG GI GDUL BYA'I GTZO BOR MI 'GYUR BA'I SKYON DU 'GYUR PA'I PHYIR RO, ,SLOB DPON KUN SNYING GI BZHED PA YANG MA YIN TE, DES MDZAD PA'I GSANG 'DUS KYI LE'U DANG PO'I 'GREL PA LAS, DER BCOM LDAN 'DAS BZHUGS PAS NA BHA GA ZHES PA 'DIS NI GNAS BSTAN TE, DE YANG SPYAN DANG M'A MA K'I DANG GOS DKAR MO DANG SGROL MA ZHES BYA BA LHA MO BZHI NI 'DIR BTZUN MO STE, DE RNAMS NI 'DI NYID KYI LE'U BCU BDUN PA LAS STON TO, ,CI'I PHYIR DE DAG GI GSANG BA LA BZHAG ZHE NA, SMRAS PA KHYAB 'JUG LA SOd PA'I RGYUD LA MNGON PAR DGA' ZHING YUL YONGS SU MI SPONG BA RNAMS NI 'DOD CHAGS KYIS 'DOD CHAGS SPONG BA 'DI LA DGA' BA BSKYED PAR BYA BA'I PHYIR TE, 'DI LTAR BUD MED BSTEN PA DANG BSHAD GCIL SOGS PA RNAMS BSTEN PAS KHYAB 'JUG LA SOGS PA BSGRUB PAR 'DOD CING, DES BSTAN PA'I DNGOS GRUB TSOL BA LA ZHUGS PA DE DAG BTZUN MO'I GSANG BA LA MNGON PAR 'JUG PAR 'GYUR TE DE YANG, BHA GA LEGS LDAN KHYAB 'JUG STE, ,BUD MED KYI NI 'DOMS NA GNAS, ,MI RNAMS DGA' BAR BYED PAS NA, ,DES NA SRED MED BU ZHES BYA, ,ZHES SOGS KYIS KHYAB 'JUG GI RGYUD LA DGA' BA LA BLA MED KYI 'DOD CHAGS KYI KUN SPYOD RNAMS BSTAN PAR RGYAS PAR GSUNGS PA'I PHYIR RO, ,DE NYID BSDUS PA NAS RNAL 'BYOR BLA MED GDUL BYA 'DI LA GSUNGS PA'I RNAM GZHAG 'ONG DON MED LA, DE'I DUM BU BZHI 'DOD CHAGS DANG KHRO BA LA

, ,SOGS PA'I NYON MONGS CAN LA GSUNGS PA LA DPAGS NAS SBYAR BA TZAM DU SNANG BAS SHES BYED YANG DAG PA CI YANG MI SNANG NGO, ,YANG BOD KYI BLA MA DAG SANGS RGYAS PA'I GRUB MTHA' SMRA BA BZHI DANG SGO BSTUN NAS LHA'I SKYED CHOG MI 'DRA BA BZHI'I SGO NAS RGYUD SDE BZHIR BZHAG PAR, YE SHES RDO RJE KUN LAS BTUS PA'I RJES SU 'BRANGS NAS 'PHAGS PA YAB SRAS DANG YE SHES ZHABS RJES 'BRANG DANG BCAS PA BZHED PAR 'CHAD PA YANG, SLOB DPON DE DAG GSANG 'DUS PA YIN ZHING 'DUS PA'I BSHAD RGYUD YE SHES RDO RJE KUN LAS BTUS LAS BYA RGYUD KYI SKABS SU RANG LHAR SNYEMS PA DANG YE SHES SEMS DPA'I BDE BA MED PAR BSHAD PA TZAM LA DPAGS PAR SNANG BAS, GRUB MTHA' BZHI DANG SGO BSTUN PA LA SHES BYED CI YANG MI SNANG NGO, ,RANG SANGS RGYAS DANG RNAL 'BYOR RGYUD KYI SKYED CHOG SBYAR YANG RANG RGYAL GRUB MTHA' SMRA BA BZHI'I YA GYAL MIN PA'I PHYIR DANG, BYA RGYUD LA BDAG SKYED MED PA YE SHES RDO RJE KUN LAS BTUS PA'I LUNG DON MIN PA YANG 'CHAD PAR 'GYUR BAS MI 'THAD DO, ,YANG AA LAm KA KA LA SHAS BRAM ZE DANG RGYAL RIGS LA BYA RGYUD DANG RNAL 'BYOR RGYUD DANG, RJE'U RIGS LA GNYIS LAS CHAGS SDANG GNYIS CHUNG ZHING GTI MUG SHIN TU CHE BA KHYAB 'JUG LA MOS PA LA SPYOD RGYUD DANG, CHAGS SDANG GNYIS CHE ZHING GTI MUG CHUNG BA LA GSANG 'DUS LA SOGS PA'I RNAL 'BYOR GYI RGYUD DANG, CHAGS SDANG CHEN PO'I CHEN PO GTI MUG CHUNG NGU'I CHUNG DU GTOL PA'I RIGS DANG 'BREL BA RNAMS LA BDE MCHOG NYUNG NGU'I RGYUD LA SOGS PA MA RGYUD BSTAN PAR BZHED PA YANG, RGYUD BZHI'I GDUL

BYA DANG MI RIGS BZHI CHA 'DRA BA LA BSAMS NAS SMRAN NI, DES RGYUD SDE BZHI'I SGO NAS 'JUG PA RNAMS KYI MI 'DRA BA'I KHYAD PAR MI ZIN LA, MI RIGS BZHI RGYUD SDE BZHI'I GDUL BYA LA DGOS PAR 'DOD NA NI NAM YANG MA NGES SHING, GTZO CHE CHUNG YANG MI SNANG BAS 'THAD PAR MA MTHONG NGO, ,RDOR DBYINGS LTA BU'I LHA RNAMS RGYAL PO 'KHOR BCAS DANG CHOS MTHUN PAR BSHAD KYANG RGYU MTSAN DES DE'I GDUL BYA RGYAL RIGS SU SGRUB PAR MI NUS SO, ,SPYIR THEG CHEN GYI GDUL BYA'I GTZO BO LA SNYING RJE SHAS CHE BA DGOS LA, KHYAD PAR DU RNAL 'BYOR BLA MED KYI GDUL BYA'I GTZO BO RNAMS SNYING RJE CHEN POS YID CHES CHER BSKYOD PAS GZHAN GYI DON SGRUB PA LA SHIN TU RINGS NAS MYUR DU SANGS RGYAS THOB 'DOD PAS NA, DE DAG LA ZHE SDANG SHIN TU SHAS CHE BA DGOS PAR SMRA BA NI MI RIGS PA'I GTAM MO, ,GNYIS PA NI, RGYUD SDE'I SGO NAS 'JUG SGO MI 'DRA BA BZHIR BZHAG PA NI THEG PA SO SO BA YANG MA YIN LA LHA'I RNAL 'BYOR SOGS LAM GYI KHYAD PAR MI 'DRA BA TZAM GYIS KYANG MA YIN MOD, 'ON KYANG RDO RJE THEG PA LA 'JUG PA'I GDUL BYA'I GTZO BO CHES MI 'DRA BA BZHI YOD PAS 'JUG SGO BZHIR BZHAG GO ,GDUL BYA MI 'DRA BA'I KHYAD PAR DE LTAR 'ONG BA YANG SGO GNYIS NAS YIN TE 'DOD YON LA CHAGS PA LAM DU BYED CHUL MI 'DRA BA BZHI YOD PA DANG, GANG GI SGO NAS DE LTAR LAM DU BYED PA'I STONG PA DANG LHA'I RNAL 'BYOR RGYUD LA SKYE BA'I NUS PA MCHOG DMAN BZHI YOD PA'I DBANG GIS YIN NO, ,DE LA DANG PO NI, KHA SBYOR GYI BRTAG PA DRUG PA'I RAB BYED GSUM PA LAS, RGOD DANG LTA DANG LAG BCANGS DANG, ,GNYIS GNYIS 'KHYUD DANG RNAM PA BZHI,,

, ,SRIN BU'I TSUL GYIS RGYUD BZHIR GNAS, ,ZHES GSUNGS SHING BRTAG GNYIS LAS KYANG 'DI DANG DON 'DRA BAR GSUNGS SO, ,'DI MAN NGAG SNYE MAR LAM GYI RGYUD LA BSHAD CING GZHUNG GI RGYUD LA MA BSHAD KYANG, BRTAG PA BDUN PA'I RAB BYED DANG PO'I SNYE MAR GZHUNG GI RGYUD LA YANG BSHAD LA, DPA' BO RDO RJES KYANG KHA SBYOR GYI 'GREL PAR RGYUD SDE BZHI LA BSHAD DO, ,RDO RJE SNYING PO RGYAN GYI RGYUD KYI BCU GCIG PA LAS KYANG THABS KYI RGYUD KYI 'DOD CHAGS KYI RGYUD KYI RGYUD KYI DBYE BA MANG DU GSUNGS PA'I MTHAR; 'DI NI GNYIS PO 'KHYUD PA YIS, ,RGYUD KYI DBYE BA BSTAN PA'O, ,DE BZHIN DU NI LAG BCANGS DANG, ,RGOD DANG BLTAS PAS SHES PAR BYA, ,ZHES RJOD BYED KYI RGYUD LA GSUNGS PAS RGYUD SDE BZHI'I DBYE BA BSTAN PA YIN NO, ,DE'I TSE RGYUD SDE'I MTSAN YANG RGOD PA'I RGYUD DANG, LTA BA'I RGYUD DANG, LAG BCANGS SAM 'KHYUD PA'I RGYUD DANG, GNYIS GNYIS SBYOR BA'I RGYUD CES PA BZHIR 'GYUR RO, ,SNGAR BSHAD PA LTAR GZUGS SKU'I THUN MONG MA YIN PA'I RGYU LHA'I RNAL 'BYOR DU BSHAD PA NI THABS KYI GTZO BO YIN LA, THABS KYI CHA RNAMS KYIS STONG NYID RTOGS PA'I SHES RAB KHYAD ZHUGS PAR BYED PA NI THEG PA CHEN PO GNYIS KA'I LUGS YIN TE SPYOD 'JUG LAS, YAN LAG 'DI DAG THAMS CAD NI, ,THUB PAS SHES RAB DON DU GSUNGS, , ZHES GSUNGS PA LTAR RO, ,LHA'I RNAL 'BYOR GYI SGO NAS SHES RAB KYI LAM KHYAD ZHUGS PAR 'GRO BA'I TSUL NI THABS SHES KHYAD PAR CAN 'DOD PA'I LHA YAB YUM MNYAM PAR SBYOR BA'I RNAM PA CAN DU SNANG BA'I LHA'I RNAL 'BYOR TE, BLA MED LA LAM

GYI KHYAD PAR MANG DU YOD KYANG GNYIS SBYOR GYI RGYUD CES DE'I SGO NAS MING 'DOGS MDZAD CING, RGYUD RANG NAS KYANG GNYIS SBYOR GYI RNAM PA CAN DU BSHAD PA SHIN TU MANG NGO, ,DE'I SGO NAS CHAGS PA LAM DU BYAS PAS BYANG CHUB KYI SEMS GNYIS KYI 'PHROD 'DU'I GNAD LA BRTEN NAS STONG NYID KYI RTOGS PA KHYAD ZHUGS PAR 'GYUR RO, ,DE 'DRA BA'I CHAGS PA LAM BYED KYI THABS KHYAD PAR BA DANG BRAL BAS RGYUD SDE 'OG MA GSUM DU YAN LAG BDUN GYI NANG GI KHA SBYOR GYI YAN LAG MA GSUNGS SO, ,DE LTA NA'ANG RGOD PA DANG LTA BA DANG LAG BCANGS SAM 'KHYUD PA LAS BYUNG BA'I DGA BA LAM DU BYED PA YOD PAS SPYIR 'DOD YON LA CHAGS PA LAM BYED TZAM ZHIG NI YOD DO, ,DE YANG SNYE MA NYER LNGA PA LAS, BYA BA DANG SPYOD PA DANG RNAL 'BYOR DANG RNAL 'BYOR BLA MA BZHI RNAMS KYI RGYUD GANG YIN PA NI RGOD PA DANG BLTAS PA DAG DANG 'KHYUD PA DANG GNYIS GNYIS DANG LAG BCANGS RNAMS KYIS MTSON PA'O, ,DE LTAR NI BYA BA'I RGYUD LA SOGS PA KHA CIG TU LHA RNAMS SHES RAB DANG THABS DAG GI RJES SU CHAGS PA BSAL BAR BYED PA LTA BA'O; ;KHA CIG TU NI 'DZUM PA'O, ,KHA CIG TU NI LAG PA 'DZIN PA'O, ,KHA CIG TU NI 'KHYUD PA'O, ,KHA CIG TU NI GNYIS GNYIS SO, ,ZHES DANG, BRTAG PA PHYI MA'I LE'U GSUM PA LAS, RGOD DANG LTA BA DAG GIS KYANG, ,'KHYUD DANG DE BZHIN GNYIS GNYIS KYIS, , RGYUD KYANG RNAM PA BZHI RNAMS TE, ,BZHI PA'I 'GREL PA LAS, BZHIS ZHES PA NI BYA BA DANG SPYOD PA DANG RNAL 'BYOR DANG RNAL 'BYOR BLA MA'I RGYUD RNAMS KYIS GANG RGOD PA DANG LTA BA DANG 'KHYUD BA DANG GNYIS SBYOR BA MTSON TE, DE LTAR NA BYA BA'I RGYUD LA SOGS PA

, ,GANG DU THABS DANG SHES RAB KYI LHA RNAMS RJES SU CHAGS PA STON PA'I 'DZUM PA DANG, KHA CIG TU DE'I RJES LA LTA BA DANG, KHA CIG TU 'KHYUD PA DANG, KHA CIG TU GNYIS KYIS GNYIS SO, ,ZHES SH'ANTI PAS GSUNGS PA LTAR YIN NO, ,DE LA LHA RNAMS LTA BA'O ZHES SBYAR BA NI RGOD PA LA SOGS PA RNAMS LA YANG LTA BA PO NI LHA LA BYA'O, ,LTA BA LA SOGS PA DES CI ZHIG BYED SNYAM NA, SHES RAB DANG THABS DAG GI RJES SU CHAGS PA GSAL BAR BYED PA ZHES GSUNGS TE LHA PHO MO PHAN TSUN DU CHAGS PA MTSON PAR BYED PA'O, ,DE YANG RNAM SNANG DANG SPYAN MA SOGS KYI LHA LA CHAGS PA MI SRID PAS 'DIR NI LHA DE DANG DE'I NGA RGYAL 'CHANG BA'I SGRUB PA PO LA BYA DGOS TE, RGYUD SDE RNAMS KYI GDUL BYAS LTA BA LA SOGS PA'I CHAGS PA LAM DU BYA DGOS PA SKABS KYI DON YIN PA'I PHYIR DANG, BYA SPYOD SOGS NAS LHA PHO MO PHAN TSUN DU LTA BA SOGS YOD PAR GSUNGS PA GDUL BYA LA MA SBYAR NA DE DAG GI SGO NAS GDUL BYA'I KHYAD PAR NGOS MI ZIN PA'I PHYIR RO, ,DE YANG BLA MED NAS RGOD PA SOGS GSUNGS PAR MA ZAD RGYUD SDE 'OG MA LAS KYANG DE DAG GI BZHI GSUNGS PA YIN TE, DON ZHAGS KYI CHO GA ZHI BA MO LAS, BCOM LDAN 'DAS ZHAL KHRO GNYER CAN LA GTOD PAR BYA ZHING, ZHES DANG, GA-YAS PHYOGS NA LHA MO SGROL MA 'DZUM BAG DANG BCAS SHING LUS BTUD PAR MCHOG SBYIN PA'I PHYAG RGYA LA MIG GTOD PAR BYA'O,, GA-YON DU PAD MA'I RIGS 'DZES MA 'DZUM BAG DANG BCAS PA GSANG SNGAGS KYI TSUL RJES SU MTHUN ZHING DON YOD ZHAGS PA LA MIG GTOD PAR BYA'O, ,ZHES DANG, RNAM SNANG MNGON BYANG LAS, DE YI GA-YAS SU LHA ME NI, ,SANGS RGYAS SPYAN ZHES BYA BA STE, ,LHA MO CUNG ZAD

'DZUM PA'I ZHAL, ,'OD KYI DKYIL 'KHOR 'DOM GANG PA, ,MTSUNGS MED SKU NI RAB TU DANG, ,DE NI SH'AKYA THUB PA'I YUM, ,ZHES DANG, SPYAN RAS GZIGS DBANG DPA' BO NI, ,PAD MA DKAR PO'I STAN LA 'DUG ,DUNG DANG KUN TA ZLA BA 'DRA, ,DBU LA 'OD DPAG MED BZHUGS PA, ,BZHI NI BAG TZAM 'DZUM PAR BRI, ,DE YI GA-YAS SU LHA MO NI, ,SGROL MA GRAGS PA CHEN MO DE, ,DGE ZHING 'JIGS PA SEL BA STE, ,ZHES DANG, RTZE MO LAS, LHA MO RDO RJE CA CO SGROGS, ,DBUS 'KHYUD RANG GI LHA MO DE, ,DE YI GLO NA MGO SGYUR ZHING, ,'DZUM BCAS KUN TU LTA BA STE, ,BCOM LDAN 'DAS KYI PHYAG LA 'JUS, ,ZHES DANG, DPAL MCHOG DANG PO LAS, ,DE YI LOGS LA RDO RJE CHE, ,MDA' NI GSOR BA LA BRTZON PA, ,SNYEMS PA'I PHYAG GIS YONGS 'KHYUD PA'I, ,CHU SRIN RGYAL MTSAN BSGRENG DANG BCAS, ,ZHES GSUNGS SO, ,'DI DAG NI MTSEN PA TZAM STE SGRUB PA BES SKABS KYI LHA GANG YIN DU BSKYED NAS PHAR LA LTA BA SOGS DANG, TSUR LA LTA BA SOGS KYI SGO NAS PHAN TSUN RJES SU CHAGS PA LAS BYUNG BA'I DGA' BDE LAM DU BYED PA'O, ,'DI YANG RGYUD SDE 'OG MA NAS PHYI ROL GYI PHYAG RGYAL DMIGS NAS DE LTAR BYED PA MA BYUNG ZHING, RGYUD SDE GONG MA NAS KYANG DE LTAR BYA BAR MA GSUNGS PAS, RANG GIS BSGOMS PA'I SPYAN MA LA SOGS PA'I LHA MO LA BYA'O, ,'DUL BYA STOBS CHUNG BAS CHAGS PA CHEN PO LAM DU BYED MI NUS PA LA DGONGS NAS CHAGS PA CHUNG RIM NAS LAM DU BYED PAR GSUNGS PA 'DI NI 'CHAD PAR 'GYUR BA LTAR LHA'I RNAL 'BYOR BRTAN PAR SONG ZHING STONG NYID KYI TING NGE 'DZIN RNYED PA NA RANG GI RIGS GANG YIN PA'I LHA MO SPYAN LA SOGS PA LA DMIGS NAS BYED PAR MNGON TE, DPA' BO RDO RJE'I KHA SBYOR GYI 'GREL PA LAS, RGOD DANG

, ,LTA DANG LAG BCANGS DANG, ,ZHES SMOS TE RGOD PA'I SGRA'I STENG DU BDE BA RTOG MED SKYE BA'AM, GZUGS LA LTA BA DANG REG BYA LAG BCANGS DANG GNYIS GNYIS 'KHYUD PA DANG REG BYA LAS BDE BA RTOG PA MED PA SKYE BA YIN NO, ,SRIN BU'I TSUL GYIS ZHES PA NI ZAG MED BDE BA CHEN PO STONG PA'I TSIG YIN TE, SRIN BU SHING LAS SKYES NAS SHING NYID ZA BA BZHIN DU BDE BA LAS SKYES PA'I TING NGE 'DZIN STONG NYID DU BSGOM PAR BYA'O, ,ZHES BSHAD PA LTAR RO, ,SNYE MA NYER GSUM PA LAS, RGOD PAS RGYUD NI 'PHRUL DGA' BA RNAMS KYI LTA BU'O, ,ZHES SOGS GSUNGS PA NI LHA DE DAG DPER MDZAD PA TZAM YIN GYI DE DAG RGYUD SDE RNAMS KYI GDUL BYA'I GTZO BOR STON PA MIN NO, ,RDO RJE THEG PA LA MOS PA DANG DE'I LAM GYI CHA 'GA' ZHIG SGOM PA LA NGES PA MED KYANG, THOG MAR THEG PA DE LA 'JUG PA'I GDUL BYA'I GTZO BO NI 'DOD KHAMS PA YIN LA, DE YANG SPYIR RIG MA'I 'DOD YON LA CHAGS PA LAM DU BYED PA TZAM ZHIG GI SGO NAS BYANG CHUB 'TSOL BA LA MOS PA'O, ,'DI YANG BLA MED DU NI DNGOS DANG BSGOMS PA'I RIG MA GNYIS KA LA DMIGS PA'I RGOD PA SOGS KYI TSOGS PA LAM DU BYED PA GSUNGS LA, RGYUD SDE 'OG MA GSUM LA NI, BSGOM PA'I YE SHES KYI RIG MA KHO NA'I 'DOD YON LA DMIGS PA'I DGA' BA LAM BYED YIN NO, ,DBANG PO GNYIS SBYOR BSGOM PA TZAM YANG RNAL 'BYOR RGYUD LA'ANG MI RUNG BAS DE LAS GZHAN PA'I LAG BCANGS SAM 'KHYUD PA'I REG BYA LA DMIGS PA'I DGA' BA LAM BYED RNAL 'BYOR RGYUD LA SBYAR LA, REG BYA LAS GZHAN RGOD PA DANG LTA BA'I DMIGS PA LA BRTEN NAS BYUNG BA'I DGA' BA LAM BYED BYA SPYOD LA SBYAR RO, ,DE DAG NI RGYUD SDE BZHI'I

MING 'DAGS BLA MED NAS GSUNGS PA'I MTSAN DON BSHAD NAS DE DAG GI GDUL BYA DANG LAM GYI KHYAD PAR BSTAN PA'O, ,DA NI RGYUD SDE BZHI'I MING 'DOGS RGYUD SDE GONG 'OG RNAMS LA THUN MONG DU GRAGS PA'I MTSAN DON BSHAD NAS GDUL BYA'I KHYAD PAR BSHAD PAR BYA STE; DE LTA BU'I 'DOD YON LAM DU BYED PA'I THABS NI STONG PA DANG LHA'I RNAL 'BYOR YIN LA, DE GNYIS MNGON DU BYED PA LA PHYI'I BYA BA SHIN TU MANG PO LA BLTOS PA NI BYA RGYUD PA'I GDUL BYA'O, ,PHYI'I BYA BA DANG NANG GI TING NGE 'DZIN GNYIS CHA MNYAM PA'I BYA BA HA CANG MI MANG BA LA BLTOS PA NI SPYOD RGYUD PA'I GDUL BYA'O, ,PHYI'I BYA BA DANG NANG GI TING NGE 'DZIN GNYIS LAS TING NGE 'DZIN GTZO BOR GYUR CING PHYI'I BYA BA NYUNG ZAD LA LTOS PA NI RNAL 'BYOR RGYUD KYI GDUL BYA'O, ,PHYI'I BYA BA LA MI BLTOS SHING RNAL 'BYOR DE LAS GONG NA MED PA'I RNAL 'BYOR SKYED NUS PA NI RNAL 'BYOR BLA MED KYI GDUL BYA STE, BYA BA SHAS CHE BAS NA BYA RGYUD DANG BYA BA DANG TING NGE 'DZIN CHA MNYAM PAR SPYOD PAS NA SPYOD RGYUD DANG NANG GI RNAL 'BYOR SHIN TU GTZO BOR GYUR PAS RNAL 'BYOR RGYUD DANG, RNAL 'BYOR DE LAS GONG NA MED PAS NA RNAL 'BYOR BLA MED KYI RGYUD CES PA'I SGO NAS MTSAN DON BSHAD PA'I DBANG DU BYAS PA'O, ,'DI DAG KYANG RANG RANG GI GDUL BYA'I GTZO BO LAM LA 'JUG PA'I DBANG DU BYAS KYI NGES PA NI MA YIN TE, DE NYID BSDUS PA'I RGYUD PHYI MA'I PHYI MA NI BSGOm PAS 'JIGS SHING SGRAG PA LA GSUNGS PAR DE NYID SNANG BA LAS BSHAD PA'I PHYIR RO, ,SPYIR GDUL BYA LA PHYI'I BYA BA DANG NANG GI RNAL 'BYOR SGOM PA LA MOS PA SHAS CHE CHUNG YOD MOD KYANG RANG GI DBANG PO DANG MI 'TSAM PA'I LAM LA MOS PA YANG YO

, ,PAS ;DES DE DAG GI GDUL BYA'I GTZO BO NGOS MI ZIN PA'I PHYIR PHYI'I BYA BA SHAS CHE CHUNG SOGS LA BLTOS MI BLTOS SU BSHAD PA 'THAD PAR RTOGS SO, ,JI SKAD DU TSUL GSUM SKRON ME LAS, SKYE BA GZHAN DU GOMS PA'I BAG CHAGS KYIS SKYE BO MED PA'I NAGS TSAL GYI GNAS DANG, KHRUS DAR DKYIL 'KHOR BRI BA DANG MCHOD PA DANG SBYIN SREG DANG, DKA' THUB DANG BZLAS BRJOD LA SOGS PA'I BYA BA MED PAR YID MNYAM PAR 'JOG PA NI 'THOB PAS DE'I PHYIR NI BYA BA'I RGYUD STON PAR MDZAD PA YIN NO, ,GANG YANG DE KHO NA NYID LA MNGON PAR ZHEN PA'I SEMS DANG LDAN PA DAG KYANG DAD PA'I STOBS KYIS BDE BAR GSHEGS PAS GSUNGS PA'I BYA BA RNAMS KYIS KYANG YE SHES THOB PAR 'GYUR BAS BYA BA LA BLTOS PA DANG BCAS PA YIN LA, DE RNAMS LA NI BYA BA'I YAN LAG SHIN TU MANG PO MA YIN PA RTZA BA'I RGYUD GSUNGS PA YIN NO, ,ZHES BSHAD DE RTZA RGYUD NI SPYOD RGYUD DU GRAGS PA DANG DON GCIG GA ,NANG GI TING NGE 'DZIN YOD KYANG PHYI'I BYA BA LA SHAS CHE BAR STON PAS BYA RGYUD DU 'JIG PA NI RNAM SNANG MNGON BYANG GI TSIG 'GREL LAS, BYA BA'I RGYUD RNAMS KYANG PHYI'I SPYOD PA GTZO BOR GYUR PA YIN MOD KYI NANG GI SPYOD PA MED PA MA YIN TE, ZHES DANG, KYEE RDOR DON BSDUS KYI 'GREL PA LAS KYANG, DE KHO NA NYID SGOM PA'I NUS PA CHUNG ZHING PHYI'I SPYOD PA RNAMS SHAS CHE BA BYA RGYUD DU BSHAD DO, ,NANG GI TING NGE 'DZIN DANG PHYI'I BYA BA CHA MNYAM PAR STON PAS SPYOD RGYUD DU 'JOG PA NI RNAM SNANG MNGON BYANG GI TSIG 'GREL LAS, RGYUD 'DI YANG THABS DANG SHES RAB GTZO BOR GYUR PA'I SBYOR BA'I RGYUD YIN MOD KYI, BYA BA LA MOS PA'I GDUL BYA'I 'GRO BA RNAMS GZUNG BA'I PHYIR

BYA BA'I RJES SU MTHUN PA'I SPYOD PA DAG KYANG BSTAN PAS BYA BA'I RGYUD DAM GNYIS KA'I RGYUD LTA BUR SO SOR BRTAGS SHING GRAGS SO, ,ZHES GSUNGS PA LTAR RO, ,DE'I PHYIR RDO RJE SNYING PO RGYAN GYI RGYUD LAS KYANG, BYA DANG GNYIS KA RNAL 'BYOR RGYUD, ,CES GNYIS KA'I RGYUD CES KYANG GSUNGS SO, ,TSUL GSUM SGRON ME LAS, GZHAN DAG NI GNYIS SU MED PA'I DE KHO NA NYID SGOM PAR GCIG TU MOS LA, BYA BA MANG PO'I TSOGS RNAMS LA GA-YANG BAR 'DU SHES PA DE'I DON DU NI RNAL 'BYOR GTZO BOR MDZAD DE, BYA BA'I YAN LAG CUNG ZAD CIG ZHAR LA STON PAR MJAD ? PA'I SPYOD PA'I RGYUD GSUNGS PA YIN NA, ,ZHES BSHAD DE 'DI'I SPYOD RGYUD NI RNAL 'BYOR RGYUD YIN NO, ,GSUM PA LA GNYIS, THEG PA CHEN PO GNYIS KYI LAM GYI RIM PA THUN MONG BA DANG, THUN MONG MA YIN PA RDO RJE THEG PA'I LAM GYI RIM PA'O, ,DANG PO NI, LAG NA RDO RJE DBANG BSKUR BA'I RGYUD LAS, BYANG CHUB SEMS DPA' CHEN PO GZUNGS SNGAGS CHEN PO'I DKYIL 'KHOR SHIN TU RGYA CHE BA 'DI DANG SHIN TU ZAB PA 'DI DANG GTING DPAG DKA' BA DANG GSANG BA BAS ? KYANG CHES GSANG BA SEMS CAN SDIG PA CAN RNAMS LA BSTAN DU MI RUNG BA 'DI NI, LAG NA RDO RJE KHYED KYIS SHIN TU DKON PA ZHIG SMRAS TE, 'DI NI SNGON MA THOS NA 'DI SEMS CAN JI LTA BU DAG LA BSHAD PAR BYA, LAG NA RDO RJES SMRAS PA, 'JAM DPAL GANG DAG BYANG CHUB KYI SEMS SGOM PA LA ZHUGS PA DANG GANG GI TSE DE DAG GI BYANG CHUB KYI SEMS GRUB PAR GYUR PA DE'I TSE, 'JAM DPAL BYANG CHUB SEMS DPA'I SPYAD PA GSANG SNGAGS KYI SGO SPYOD PA'I BYANG CHUB SEMS DPA' DE DAG YE SHES CHEN POR DBANG BSKUR BA'I

, ,GZUNGS SNGAGS KYI DKYIL 'KHOR DU GZHUG PAR BYA'O, GANG DAG GI BYANG CHUB KYI SEMS RDZOGS PAR MA GYUR BA DE DAG NI GZHUG PAR MI BYA STE, DE DAG NI DKYIL 'KHOR YANG LTAR MI GZHUG GO ,DE DAG LA NI PHYAG RGYA DANG GSANG SNGAGS KYANG BSTAN PAR MI BYA'O, ,ZHES DBANG BSKUR BA'I SNGA ROL TU BYANG CHUB KYI SEMS RDZOGS PAR BYA BAR GSUNGS PAS, SNGON DU SMON 'JUG GI SEMS SBYANGS NAS 'JUG PAR BYA'O, ,DE'I RIM PA NI THOG MAR THEG PA CHEN PO'I BSHES GNYEN MTSAN NYID DANG LDAN PA ZHIG LA BSAM PA DANG SBYOR BAS BSTEN PA TSUL BZHIN DU BYA'O, ,DES KYANG DAL BA DAN CHE BA DANG RNYED DKA'I BA'I TSUL BSTAN TE BLO SBYANGS PAS DAL BA'I RTEN LA SNYING PO LEN 'DOD CHEN PO SKYES PA NA, SNYING PO LEN PA'I MCHOG NI THEG CHEN DU 'JUG PA NYID YIN LA DE'I 'JUG SGO YANG BYANG CHUB KYI SEMS NYID YIN TE, DE YANG DAG PA ZHIG RGYUD LA YOD NA DE'I THEG CHEN PA YANG BCOS MA MA YIN PAR 'GYUR LA, DE TSIG TZAM DU SONG NA THEG PA CHEN PO BA YANG TSIG TZAM DU 'GRO BA'I PHYIR RO, ,DE LTAR NA SHES RAB CAN GYIS SEMS DE'I MI MTHUN PA'I PHYOGS RIM GYIS BSAL NAS MTSAN NYID TSANG BA ZHIG BSKYED PAR BYA'O, ,DE LA YANG THOG MAR TSE 'DI LA BLO MA BZLOG NA THEG PA CHE CHUNG GANG GI YANG LAM GYI GEGS YIN PAS TSE 'DIR RING DU MI GNAS PA'I 'CHI BA DRAN PA DANG, SHI BA'I 'OG TU NGAN 'GROR 'KHYAMS PA'I TSUL RNAMS BSAMS NAS TSE 'DI LA BLO BZLOG PAR BYA'O, ,DE NAS 'JIG RTEN PHYI MA'I PHUN TSOGS LA SRED PA'I BLO YANG 'KHOR BA MTHA' DAG GI NYES DMIGS LEGS PAR BSAMS TE BZLOG NAS YID THAR PA LA PHYOGS PAR BYA'O,,

DE'I 'OG TU RANG NYID ZHI BDE'I SEMS BZLOG PA'I PHYIR DU BYAMS PA DANG SNYING RJE DANG DE'I RTZA BA CAN GYI BYANG CHUB KYI SEMS LA RING DU SBYANGS NAS BCOS MA MA YIN PA'I BYANG CHUB KYI SEMS SBYANG BAR BYA'O, ,DE NAS BYANG CHUB SEMS DPA'I SPYOD PA RNAMS SHES PAR BYAS LA SLOB 'DOD BSKYED DE RGYAL SRAS KYI SPYOD PA'I KHUR GZUNG BAR NUS PA NA, BYANG SEMS KYI SDOM PA BZUNG NAS DE'I BSLAB BYA LA BSLAB PAR BYA'O, ,DE NAS RDO RJE THEG PA'I DAM TSIG DANG SDOM PA'I KHUR GZUNG BAR NUS PA NA, BLA MA LNGA BCU PA MNYAN NAS BLA MA'I STEN TSUL RNAM PAR DAG PA BYAS NAS SNGAGS LA 'JUG PAR BYA STE, BLA MA LNGA BCU PA LAS, BSAM PA DAG PA'I SLOB MA NI, ,DKON MCHOG GSUM LA SKYABS SONG BA, ,BLA MA'I RJES SU 'JUG PA 'DI, ,KHA TON BYA BAR SBYIN PAR BYA, ,DE NAS SNGAGS SOGS BYIN PA YIS, ,DAM CHOS SNOD DU BYAS NAS SU, ,ZHES BSAM PA DAG PA STE BYANG CHUB KYI SEMS SBYANGS PA DANG THUN MONG MA YIN PA'I SKYABS 'GRO DANG LDAN PA LA BLA MA LNGA BCU PA BSHAD PAR GSUNGS SHING, BLA MA LNGA BCU PA BYIN PA'I RJES SU DBANG GIS SNOD DU BYA BAR GSUNGS SO, ,ZUNG 'JUG GSAL BA LAS KYANG, DE LA 'DI YI RIM PA NI, ,CHOS DANG RGYU SKAR SOGS DGA'I CHE, ,SLOB MAS THAL SBYAR BTUD PA YIS, ,SDIG PA THAMS CAD BSHAGS BYA STE, ,SKYABS GSUM GZUNG BA NYID DU BYA, , BYANG CHUB SEMS NI LEGS BSTEN TE, ,DGE BSNYEN SDOM PA NYID DANG YANG, ,BYANG CHUB SEMS DPA'I SDOM PA DANG, ,DE NAS GSO SBYONG NYID KYANG BLANG, ,'DI YI RJES MTHUN RIM PA YANG, ,RDO RJE SLOB DPON TSUL DAM PAR, ,BSTEN TE 'DIR NI GZHUNG MANGS

, ,PAS, ,'JIGS PA'I PHYIR NI MA BRIS SO, ,DE LTAR BYAS NAS BLA MA LA, ,BDAG LA DBANG SKUR STZOL ZHES GSOL, ,ZHES DBANG GI SNGON DU SO THAR DANG BYANG SEMS KYI SEMS BSKYED DANG SDOM PA BZUNG NAS DE NAS BLA MA LA DBANG BSKUR GYI DON DU GSOL BA GDAB PAR GSUNGS SO, ,DGE BSNYEN DANG DE'I GSO SBYONG BSNYEN GNAS NI KHYIM PA'I DBANG DU BYAS KYI SNGAGS LA 'JUG PA'I RAB BYUNG GIS NI DGE TSUL LA SOGS PA'I SDOM PA YONGS SU DAG PAR BYA DGOS SO, ,SPYOD BSDUS KYI LE'U DANG PO LAS KYANG RIM CAN DU BSLAB DGOS KYI CIG CAR DU MA YIN NO ZHES BSGRUBS PA'I 'OG TU, DE'I RIM PA YANG 'DI YIN TE THOG MA NYID DU NI SANGS RGYAS KYI THEG PA'I BSAM PA LA BSLAB BO, ,GANG GI TSE SANGS RGYAS KYI THEG PA'I BSAM PA LA LOBS PAR GYUR PA DE'I TSE THEG PA GSAR BA LA DRAN PA GCIG PA'I TING NGE 'DZIN LA BSLAB BO, ,ZHES SNGON DU SANGS RGYAS KYI THEG PA LA BSLABS PA'I 'OG TU THEG PA GSAR PA STE SNGAGS LA SLOB DGOS PAR GSUNGS PAS, SANGS RGYAS KYI THEG PA'I BSAM PA NI SMON 'JUG GI SEMS YIN NO, ,DE LTAR SMON 'JUG GI SEMS BSKYED NAS SPYOD PA PHYIN DRUG DANG LDAN PAR BYA DGOS PA NI PHAR PHYIN NAS TSUR LA BKAB PA MIN GYI SNGAGS NYID NAS LAM DE DAG LA BSLAB PAR YANG YANG GSUNGS PAS NA RDO RJE THEG PA NYID NAS 'BYUNG BA'I THUN MONG BA YIN NO, ,'DI RNAMS RGYAS PAR THEG PA THUN MONG GI LAM GYI RIM PAR BSHAD ZIN PAS MI SPRO'O, ,'DIR SMRAS PA, DRI MED RIGS PAS RANG GZHAN GZHUNG LUGS KYI, ,LEGS NYES BSHAD PA'I KHYAD PAR MA PHYED

CING; ;THEG PA CHE CHUNG SNGAGS DANG PHAR PHYIN GYI, ,THUN MONG BA DANG THUN MONG MA YIN PA'I, ,KHYAD PAR GTZO BO JI BZHIN MA PHYED PAR, ,BSTAN PA SPYI DANG THEG PA CHEN PO DANG, ,KHYAD PAR RDO RJE THEG BA SKAL LDAN GYI, ,'JUG SGO MCHOG CES SMRA BA'ANG DAD PA TZAM, ,DE PHYIR KYE KYE BLO GROS 'DUN LDAN DAG ,RNAM DAG RIGS PAS BLO GROS MIG SBYONGS LA, ,PHAS KYI RGOL BAS BSKYOD PAR MI NUS PA'I, ,BSTAN PA'I GNAD LA NGES PA BRTAN PO TSOL, ,RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR PHYE BA LAS BSTAN PA LA 'JUG PA'I RIM PA MI 'DRA BA'I SGO SPYIR BSTAN PA STE LE'U DANG PO'O,, ` ,,THUN MONG MA YIN PA RDO RJE THEG PA'I LAM GYI RIM PA LA GSUM, BYA SPYOD KYI RGYUD KYI LAM GYI RIM PA DANG, RNAL 'BYOR RGYUD KYI LAM GYI RIM PA DANG, RNAL 'BYOR BLA MED KYI RGYUD KYI LAM GYI RIM PA'O, ,DANG PO LA GNYIS, BYA SPYOD LA BDAG SKYED DANG YE SHES PA GZHUG PA YOD MED DPYAD PA DANG, BYA SPYOD KYI LAM GYI RIM PA SO SOR BSHAD PA'O, ,DANG PO LA GNYIS, SLOB DPON RNAMS KYI BZHED PA DGOD PA DANG, DE DAG LAS 'THAD PA'I PHYOGS BSHAD PA'O, ,DANG PO NI, BOD KYI BLA MA SNGA MA PHAL MO CHE NA RE, BYA RGYUD LA MDUN DU LHA SGOM PA YOD KYANG BDAG SKYED MED LA, SPYOD RGYUD LA RANG DAM TSIG PAR SKYED CING MDUN DU YE SHES PA'I LHA SKYED PA MA GTOGS PA RANG LA YE SHES PA 'JUG PA MED DE YE SHES RDO RJE KUN LAS BTUS LAS, 'JIGS PAR DMIGS SHING SHIN TU GTZANG BAR BYED PA DANG YE SHES SEMS DPA'I BDE BA DAM PA MED PA DANG, BDAG NYID LHA'I SNYEMS PA MED PA DANG RMAD DU BYUNG BA'I SPYOD YUL MA YIN PA DANG SKYON GYI RGYU'I

, ,RTOG PAS RAB TU SPYOD PAS SGRUB PAR BYED PA NI BYA BA'I RGYUD LA GNAS SO, ,ZHES BYA RGYUD LA BDAG SKYED DANG YE SHES PA GZHUG PA MED PAR BSHAD PA'I PHYIR DANG, RNAM SNANG MNGON BYANG DANG PHYAG RDOR DBANG BSKUR BA'I RGYUD LAS RANG NYID LHAR SKYED PA BSHAD CING YE SHES PA GZHUG PA MA BSHAD PA'I PHYIR ZHES ZER RO, ,DGRA NAG GI 'GREL PA LHAN CIG SKYES PA'I SNANG BA LAS, BYA BA DANG SPYOD PA'I LUGS LA YANG BSGRUB BYA DANG SGRUB PA'I THABS DUS RING POR RJES SU MI 'JUG STE, DE DAG NI BRTAGS PA LAS RAB TU BYUNG BA NYID YIN TE, DER NI 'DI LTAR RAS RIS LA SOGS PAR GTOGS PA'I LHA'I STOBS KYIS DNGOS GRUB RDZOGS PAR BYED PA'I PHYIR RO, ,RNAL 'BYOR GYI RGYUD DU NI KHYAD PAR 'DI YOD DE RANG GI LHA'I RNAL 'BYOR GYIS RAS RIS LA SOGS PAR GTOGS PA'I LHA LA DMIGS NAS MTHUN PA'I DNGOS SU SGRUB PAR BYED DO, ,ZHES GSUNGS SHING RGYAL BAS BYIN GYIS KYANG GSANG 'DUS 'GREL PAR DE BZHIN DU BSHAD LA, AINDRA BH'U TIS BYAS ZER BA'I BDE MCHOG GI 'GREL PAR YANG, GSANG BA RDO RJE THEG PA LA GNAS PA'I BYA BA DANG SPYOD PA'I SGO LAS KYANG RIG SNGAGS KYI RJES SU GNANG BA TZAM LA BRTEN TE, BDAG DANG LHA THA DAD DU LTA BA CAN YONGS SU BRTAGS PA MTSAN BCAS DMIGS PA LAS GRUB PA'I DON MNGON DU BYED PAR 'DOD PA'O, ,ZHES BSHAD DE 'DI RNAMS KYIS NI BYA SPYOD GNYIS KA LA BDAG SKYED MED PAR 'DOD DO, ,BSAM GTAN PHYI MA LAS, GSANG SNGAGS BSAM GTAN ZHES BYA BA, ,MCHOG TU GSANG BA YANG DAG GSUNGS, ,ZHES PA'I 'GREL PA LAS,

GSANG BA NI MI BSTAN PA STE DE DAG NI 'DI LTAR DGONGS SO, ,GSANG SNGAGS KYI BSAM GTAN THAMS CAD 'GRUB PA'I YAN LAG GI SNYING POR GYUR PA YIN YANG, RGYUD SO SO DAG TU GSAL BAR RNAM PAR PHYE STE MA BSTAN PA NI, SLAR SDUD PA DANG SROG DANG RTZOL BA LA SOGS PA BSAM GTAN GYI YAN LAG RNAMS NAN TAN DU BYED MI NUS PA'I GDUL BYA'I 'GRO BA RNAMS GZUD PA'I PHYIR RO, ,MI MNGON PA'I TSIG TU NI THAMS CAD DU YANG PHAL CHER GSUNGS TE PHYIS BSHAD PAR BYA'O, ,ZHES SNGAGS KYI BSAM GTAN 'CHAD PAR 'GYUR BA'I LHA'I RNAL 'BYOR LA SOGS PA NI, DNGOS GRUB SGRUB PA'I YAN LAG RNAMS KYI SNYING PO YIN YANG BYA RGYUD GZHAN RNAMS SU GSAL BAR MA BSTAN PA NI 'CHAD PAR 'GYUR BA'I RLUNG NANG DU 'DZIN PA SOGS KYI THABS KYIS, LHA'I RNAL 'BYOR RTZE GCIG TU SGOM PAR MI NUS PA RNAMS RGYUD LA GZUD PA'I PHYIR DU YIN GYI, MI GSAL BA'I TSUL DU NI RGYUD GZHAN RNAMS SU YANG BSHAD CES SANGS RGYAS GSANG BAS GSUNGS SO, ,YANG 'GREL PA DE NYID LAS, 'DI YANG GSANG SNGAGS BRJOD BYED PA'I BSAM GTAN GYI TSE NA BYA BAR, BYA BA'I RGYUD THAMS CAD KYI SPYI'I CHO GA BSDUS PA'I RGYUD 'PHAGS PA RAB TU GRUB PAR BYED PA DANG, DPUNG BZANG DANG DPAL RTOG PA BSDUS PA LA SOGS PA DANG, BYE BRAG GI RGYUD 'PHAGS PA RNAM PAR SNANG MDZAD MNGON PAR RDZOGS PAR BYANG CHUB PA RNAM PAR SPRUL PA BYIN GYIS RLOB PA DANG, 'PHAGS PA PHYAG NA RDO RJE MNGON PAR DBANG BSKUR BA DANG, BYANG CHUB KYI SNYING PO DANG, RIG 'DZIN GYI SDE SNOD LA SOGS PA LAS GSUNGS TE, KHA CIG TU NI MI MNGON PA'I

, ,TSIG TU BSHAD, KHA CIG TU NI GSAL BAR BSTAN TE, 'DI LTAR RAB TU GRUB PAR BYED PA LAS, BZLAS BRJOD BYED PAS BZLAS BRJOD CHE, ,RIG SNGAGS LHA NYID BTANG NAS NI, ,SGOM PA MCHOG TU GCES PA YANG, ,RTOG PAS BZUNG NAS YONG MI BSAM, ,ZHES BYA BA LA SOGS PA GSUNGS SO, ,ZHES DANG, RNAM PAR SNANG MDZAD MNGON PAR RDZOGS PAR BYANG CHUB PA LAS KYANG, BZLAS BRJOD BYED PA'I TSE BZLAS BRJOD KYI YAN LAG BZHI'I SBYOR BAS SNGAGS KYI SBYOR BA GSAL BA NYID DU BSHAD DO,, PHYAG NA RDO RJE MNGON PAR DBANG BSKUR BA LAS KYANG, 'JAM DPAL NAM SNGAGS PA LHUN GYIS GRUB PAR LHA NYID KYI NGA RGYAL DU GYUR PA DE'I TSE, GSANG SNGAGS THAMS CAD MNGON DU PHYOGS PAR GNAS PAR 'GYUR RO ZHES GSUNGS SO, ,RIG SNGAGS 'CHANG GI SDE SNOD LAS KYANG, RI MO LA SOGS PA LA GNAS PA'I LHA'I BSAM GTAN BYA BA 'DIS NI SNYAN CHA KUN TU SKYOD, NE'U LE RKYAL BU SGUL PA SNYAM, ,DE LTAR BZLAS BRJOD 'BAD PA'I CHE, ,ZHABS LA SOGS PA'ANG RIM GYIS BRTAG ,CES GSUNGS PA DANG, DPAL RTOG PA BSDUS PA LAS NI, CHOS BDAG MED PA GOMS PAR BYA BA DANG LHA'I RNAL 'BYOR GZHUNG RAB TU MANG POS BSTAN PAS 'DIR MA BRIS SO, ,DE BAS NA DE LA SOGS PA'I RGYUD LAS JI LTAR SRID PA'I LHA'I GZUGS DANG, GSANG SNGAGS KYI SGRA'I BSAM GTAN DU BYAS PA NYID KYI BZLAS BRJOD GSUNGS SO, ,ZHES LHA'I GZUGS SGOM PA DANG SNGAGS LA DMIGS NAS BSAM GTAN BYA BA DANG, BDAG GI DE KHO NA NYID SGOM PA SOGS GSAL MI GSAL DANG TSANG MA TSANG CI RIGS SU RGYUD RNAMS LAS BSHAD PAR

GSUNGS SHING, BSAM GTAN PHYI MA DANG RNAM SNANG MNGON BYANG DU BZLAS BRJOD KYI YAN LAG BZHI SHIN TU GSAL BAR BSTAN PAR GSUNGS SO, ,SLOB DPON 'DI BZLAS BRJOD KYI YAN LAG BZHI LA SOGS PA'I LHA'I RNAL 'BYOR SOGS LA BYA SPYOD GNYIS 'DRA BAR BZHED CING, RNAM SNANG MNGON BYANG LTA BU YANG GDUL BYA'I DBANG GIS BYA RGYUD DU YANG GSUNGS PAS, BYA SPYOD GNYIS GDUL BYA'I DBANG GIS 'BYED PA MA GTOGS PA RGYUD RANG GI NGOS NAS MI 'BYED DO, ,LEGS GRUB KYI MNGON RTOGS LAS KYANG, BYA BA'I RGYUD LAS LHA SGRUB PA'I RIM PA MA BSTAN TO SNYAM DU BSAM PAR MI BYA STE, BCOM LDAN 'DAS KYIS PHAL CHER MA BSTAN KYANG PHYAG NA RDO RJE DBANG BSKUR BA DANG, DE KHO NA NYID BCU PA DAG LAS GTZO BOR BSTAN TO, ,GCIG TU DNGOS GRUB THAMS CAD NI GSANG SNGAGS KYI LHA DANG DE KHO NA NYID LA RAG LUS PA YIN LA, DE DAG RNAM PAR NYAMS NA ZHI BA LA SOGS PA'I LAS RNAMS 'GRUB PAR MI 'GYUR BAS, BLA MAS BSHAD PA DANG RGYUD KYI KHYAD PAR CUNG ZAD DPYAD PA LAS KHONG DU CHUD PAR BYA'O, ,ZHES GSUNGS SO; ;'DIR BYA RGYUD LA LHA SKYED PA YOD PA'I KHUNGS SU PHYAG RDOR DBANG BSKUR BA DRANGS PA NI, SNGA MA LTAR BYA SPYOD KYI LHA'I RNAL 'BYOR 'DRA BAR BZHED PAR GSAL LA, ZHI SOGS KYI LAS RAB 'BYAMS 'GRUB PA LHA DANG STONG NYID KYI RNAL 'BYOR LA RAG LAS PAS; BYA RGYUD LA YANG LHA SGOM PA DGOS PAR BSHAD PA NI RGYU MTSAN SHIN TU LEGS PA YIN NO, ,GNYIS PA NI, 'O NA LUGS THA DAD PA DE BDAG LAS 'DIR GANG ZHIG GZUNG BAR BYA SNYAM NA, DE LA SPYOD RGYUD LA RANG LHAR SKYED PA MED PAR 'DOD PA NI RIGS PA MA

, ,YIN TE, RNAM SNANG MNGON BYANG DANG PHYAG RDOR DBANG BSKUR BA'I RGYUD LA SPYOD RGYUD DU MI BYED NA NI SPYOD RGYUD MI RNYED LA, BYED NA NI DE DAG LAS BDAG SKYED GSAL BAR BSHAD PA'I PHYIR DANG, SPYOD BSDUS KYI LE'U GSUM PA LAS KYANG, RNAM PAR SNANG MDZAD MNGON PAR BYANG CHUB PA ZHES BYA BA SPYOD PA'I RGYUD LAS, ZHES SPYOD RGYUD DU GSUNGS PA'I PHYIR RO, ,LHA PHO MO LA DMIGS PA'I PHAN TSUN DU RJES SU CHAGS PA LAM DU BYED PA KHA SBYOR DANG BRTAG GNYIS KYI DGONGS PA YIN PAS NA, BYA BA'I RGYUD LA YANG RANG LHAR SKYED PA NGES PAR 'DOD DGOS SO, ,'O NA RANG LTAR SKYED PA 'DI RGYUD GZHAN GYIS BKAB NAS SAM BYA RGYUD RANG GI NGOS NAS BYED SNYAM NA, 'DI LA PHYIS KYI MKHAS PA DAG NA RE, BYA RGYUD LA BDAG SKYED DANG YE SHES PA 'JUG PA MED PAR GSUNGS PA LTAR DON LA YANG DE LTAR GSAL MOD NA'ANG, SANGS RGYAS GSANG BA DANG BYANG CHUB MCHOG GNYIS KYIS BYA RGYUD LA BDAG SKYED YOD PAR GSUNGS SHING YE SHES PA GZHUG PA MA BSHAD, SLOB DPON KLU SGRUB KYIS PHYAG STONG GI GZUNGS KYI SGRUB THABS LAS BDAG SKYED YE SHES PA GZHUG PA DBANG BSKUR BA DANG BCAS PA GSUNGS SO, ,SLOB DPON PADMAS MDZAD PA'I THUGS RJE CHEN PO'I SGRUB THABS DANG, DGE SLONG MA DPAL MOS MDZAD PA'I BCU GCIG ZHAL GYI SGRUB THABS DANG, TZANDA GO MIS MDZAD ZER BA'I GDUGS DKAR GYI SGRUB THABS DANG, SH'ANTI PA DANG DZE TA RIS MDZAD PA'I GRA LNGA'I SGRUB THABS DANG, JO BO RJES MDZAD PA'I GTZUG TOR DRI MED KYI SGRUB THABS DANG, GZHAN YANG SGRUB THABS RGYA MTSO DANG, PHYED DANG NYES BRGYA PA

DANG, BRGYA RTZA LA SOGS PA RNAMS SU BYA RGYUD LA BRTEN PA RNAMS LA'ANG BDAG BSKYED DANG YE SHES PA GZHUG PA LA SOGS PA BSHAD DE, SANGS RGYAS GSANG BA SOGS RNAM SNANG MNGON BYANG SOGS KYANG BYA RGYUD DU BZHED PAS BYA SPYOD BSRES PA LA DGONGS SAM BRTAG CING, SLOB DPON GZHAN RNAMS DE NYID BSDUS PA LAS, SNYING PO PHYAG RGYA SNGAGS RIG RNAMS, ,JI LTAR 'DOD PA'I TSUL GYIS NI, ,DUM BU LAS BSHAD RANG BYAS PA'AM, ,SGRUB PA 'DIR NI THAMS CAD DO, ,ZHES BYA SPYOD KYI CHO GA LA'ANG RNAL 'BYOR RGYUD KYI RIGS PA SBYAR DU RUNG BAR BSHAD PA LA DGONGS SAM, DPER NA SOR 'BRANG DANG 'OD ZER CAN DANG RI KHROD LO MA CAN LTA BU'I LHA DANG SNGAGS 'DRA BA ZHIG BYA RGYUD LAS 'BYUNG BA LTAR SAM BHU tA SOGS BLA MED KYI RGYUD LAS KYANG 'BYUNG BAS BLA MED KYI RGYUD KYI DGONGS PA BKAB PA YIN NAM, 'ON TE BYA RGYUD RANG GI DGONGS PAS KYANG BDAG BSKYED THOB PA YIN BRTAG PAR BYA'O ZHES GSUNG NGO, ,DE LA SANGS RGYAS GSANG BAS BYA RGYUD NAS BDAG BSKYED GSAL BAR BSHAD PA MA RNYED NAS RNAM SNANG MNGON BYANG DANG PHYAG RDOR DBANG BSKUR BA SOGS KHUNGS SU MDZAD PA MIN TE, BYA BA'I RGYUD RDO RJE GTZUG TOR NAS BZLAS BRJOD KYI YAN LAG BZHI GSAL BAR BSTAN PAR BZHED PA'I PHYIR RO, ,DE LTAR YANG BSAM GTAN PHYI MA LAS, SGRA DANG SEMS DANG GZHI LA GZHOL, ,ZHES PA'I 'GREL PA LAS, DE BAS NA SGRA DANG SEMS DANG GZHI LA SOGS PA BZLAS BRJOD LA SOGS PA'I YAN LAG RNAMS KYI MTSAN NYID KYI TSIG 'DIR MA BSHAD PA NI, 'DI LTAR SGRA DANG SEMS LA SOGS PA BSHAD PA THOG MA NYID

, ,DU RGYUD 'DIR BSHAD ZIN PA'I PHYIR RO ZHES BYA BA'I THA TSIG GO ,DER 'DI DAG GI MTSAN NYID BSHAD PA YANG SGRA NI SNGAGS KYI YI GE'O, ,SEMS NI SNGAGS KYI GZHI ZLA BA'I DKYIL 'KHOR GYI RNAM PAR GYUR PA'O, ,GZHI NI DE BZHIN GSHEGS PA'I SKU'I RANG BZHIN NO, ,GZHI GNYIS PA NI RANG GI LHA'I GZUGS SO, ,GZHAN YANG SROG DANG RTZOL BA DANG SLAR SDUD PA LA SOGS PA'I MTSAN NYID GANG YIN PA DE DAG RDO RJE GTZUG TOR GYI RGYUD 'DI NYID DU SNGAR BSHAD ZIN PAS, DE DANG 'BREL PA BSAM GTAN PHYI MA ZHES BYA BA RIM PAR PHYE BA 'DIR DE DAG GI MTSAN NYID MA GSUNGS PAR SHES PAR BYA'O, ,ZHES RANG LHA'I GZUGS SU BYED PA SOGS RDO RJE GTZUG TOR GYI RGYUD 'DIR SNGAR BSHAD ZIN PAS, DE'I PHYOGS GCIG BSAM GTAN PHYI MA 'DIR MA GSUNGS PAR BSHAD PA'I PHYIR DANG, 'DI BYA RGYUD DU MI 'DOD PA YANG MED PA'I PHYIR RO, ,'DIR BSHAD PA'I YAN LAG BZHI DANG RNAM SNANG MNGON BYANG GNYIS KYANG 'DRA BAR BZHED PA YIN TE DE NYID LAS, JI LTAR RNAM PAR SNANG MDZAD MNGON PAR BYANG CHUB PA'I RGYUD LAS BSHAD PA, YI GE BYANG CHUB SEMS YIN TE, ,GNYIS PA LA NI SGRA ZHES BYA, ,GZHI NI RANG GI LHA GZHAG PA, ,RANG GI LUS LA BYA BA YIN, ,GNYIS PA'I GZHI NI ZHES BYA BA, ,RDZOGS PA'I SANGS RGYAS RKANG GNYIS MCHOG ,SROG CES BYA BA RLUNG DU BSHAD, ,RTZOL BA DRAN PA ZHES BYA'O, ,ZHES BYA BA LA SOGS PA LTA BU STE, DE BZHIN DU 'DIR YANG GZHI LA SOGS PA DE DAG GI MTSAN NYID SNGAR BSHAD ZIN PAR BLTA'O, ,ZHES GSUNGS SO, ,DES NA SGRA DANG SEMS DANG GZHI LA GZHOL ZHES PA'I GZHI'I TSIG GI DON RANG LHAR SKYED PA'I GZHI LA BYAR MI RUNG NA,

RNAM SNANG MNGON BYANG GI GZHI NI ZHES PA'I RKANG PA GNYIS KYIS KYANG RANG LHAR SKYED PA MA BSTAN PAR 'DOD DGOS TE KHYAD PAR MED PA'I PHYIR RO, ,'OD ZER CAN GYI RTOG PA 'GA' ZHIG LAS BDAG BSKYED GSAL BAR BSHAD CING BSKYED RIM DANG RDZOGS RIM ZHES PA'I THA SNYAD BYAS PA YANG SNANG MOD, DE DAG BYA RGYUD DU BYED NA NI MA DAG PAR GSAL LA, RNAL 'BYOR BLA MED DU GTOGS PAR 'DOD NA NI BYA RGYUD LA BDAG SKYED YOD PA'I KHUNGS SU MI RUNG NGO, ,DES NA BYA RGYUD RANG GI NGOS NAS BDAG BSKYED YOD PA LA NI BSAM GTAN PHYI MA 'GREL PA DANG BCAS PA SHIN TU GSAL BAR SNANG ZHING, SANGS RGYAS GSANG BAS RNAM 'JOMS KYI 'GREL PAR RNAM 'JOMS KYI RGYUD RGYAS PA LAS LHA DRUG BSGOM PAR GSUNGS PA DRANGS PA SOGS KYIS KYANG SHES SO, ,DE NYID BSDUS PA'I STOD 'GREL LAS, BYA BA DANG SPYOD PA DANG GNYIS KA'I RGYUD LA SOGS PA'I CHO GA LA MNGON PAR ZHEN PA RNAMS KYIS KYANG CHO GA DES, 'DI LAS BSHAD PA'I PHYAG RGYA CHEN PO LA SOGS PA BSGRUB PAR BYA'O ZHES DON DE BSHAD PAR BYA BA'I PHYIR, SNYING PO PHYAG RGYA SNGAGS RIG RNAMS, ,JI LTAR 'DOD PA'I TSUL GYIS NI, ,ZHES BYA BA LA SOGS PA'I TSUL GYIS STON TO, ,ZHES GSUNGS TE, SNYING PO DANG PHYAG RGYA DANG SNGAGS DANG RIG PA BZHI NI RIM PA BZHIN DU DUM BU BZHI KA'I DKYIL 'KHOR CHEN PO DANG GZUNGS DKYIL DANG CHOS DKYIL DANG LAS DKYIL LAS GSUNGS PA RNAL 'BYOR RGYUD RANG DANG, BYA SPYOD KYI RGYUD GZHAN GYI CHO GA GNYIS KAS KYANG BSGRUB TU RUNG BAR GSUNGS PAS, DE'I SGO NAS KYANG BDAG SKYED DANG YE SHES PA GZHUG PA SOGS RUNG BAR GSAL LO, ,BYA RGYUD DANG BLA MED GNYIS NAS 'OD ZER CAN LA

, ,SOGS PA LHA DANG SNGAGS 'DRA BAR GSUNGS PA RNAMS LA DGONGS NAS KYANG, DE DAG MTSON PA TZAM DU BYAS NAS BYA SPYOD NAS BSHAD PA'I LHA LA SKYED CHOG SOGS BLA MED LTAR MDZAD PA SGRUB THABS RGYA MTSO SOGS NA MANG DU YOD PAR MNGON NO, ,'O NA YE SHES RDO RJE KUN LAS BTUS KYI LUNG GI DON GANG YIN SNYAM NA, DE NI SANGS RGYAS GSANG BAS GSUNGS PA LTAR, BYA RGYUD KYI GDUL BYA LHA'I RNAL 'BYOR RTZE GCIG TU SGOM PA'I BYA BAS 'JIGS SHING SKRAG PA DANG, RMAD DU BYUNG BA STE 'JIG RTEN DANG 'GAL BA'I 'DOD CHAGS KYI KUN SPYOD LAM DU BYED PA'I SNOD DU MA GYUR PA DANG, SKYE RGA LA SOGS PA'I SKYON GYI RGYU'I RNAM RTOG BDEN 'DZIN DANG BCAS PA'I SPYOD PAS LAM SGRUB PA'I BYE BRAG PA 'GA' ZHIG LA, RANG NYID LHAR SKYED PA DANG YE SHES PA 'JUG PA MED PAR GSUNGS KYI BYA RGYUD KYI GDUL BYA GANG YIN THAMS CAD LAM YIN TE RDO RJE GTZUG TOR BZHIN NO, ,BYA SPYOD GNYIS KA LA DE 'DRA BA'I GDUL BYA SHAS CHE BAS RGYUD RNAMS NAS KYANG LHA'I RNAL 'BYOR MI GSAL ZHING, YOD PA RNAMS KYANG MI RGYAS PA YIN MOD KYANG GDUL BYA'I GTZO BO NI LHA'I RNAL 'BYOR SROG RTZOL BSDAMS PA SOGS KYI SGO NAS RTZE GCIG TU SGOM PA LA MI DGA' BA'AM MI NUS PA MA YIN NO, ,SLOB DPON BYANG CHUB MCHOG GIS BSHAD PA LTAR BYA SPYOD KYI SNGAGS LA SPYOD PA'I SO SO SKYE BOS KYANG RAL GRI RI LU LA SOGS PA'I GRUB PA CHEN PO RNAMS DANG, ZHI BA LA SOGS PA'I LAS RAB 'BYAMS RNAMS 'GRUB PAR BSHAD LA, DE 'GRUB PA NI LHA DANG STONG PA'I RNAL 'BYOR LA LTOS PAR LAG NA RDO RJE DBANG BSKUR BA'I RGYUD LAS GSAL BAR GSUNGS TE, GANG GI TSE BYANG CHUB

SEMS DPA'I SPYAD PA GSANG SNGAGS KYI SGO SPYOD PA BDAG NYID RANG GI LHA'I GZUGS SU BYAS LA, THE TSOM MED PA'I YID KYIS NGA RGYAL BSKYED CING 'GRO YANG RUNG 'GRENG YANG RUNG 'DUG KYANG RUNG, RTAG TU DUS THAMS CAD DU BSKYOD KYANG MI GA-YO BA DE'I TSE ZHI BA'I BLO GROS BYANG CHUB SEMS DPA'I SPYAD PA GSANG SNGAGS KYI SGO SPYOD PA'I BYANG CHUB SEMS DPA' CHEN PO'I TSUL KHRIMS DANG LDAN PA YIN NA, ,ZHES GSUNGS SHING DES LHAS BSTAN PA'I TSUL DANG MTHUN PAR BYA BA BYED CING RNAL 'BYOR LA BRTZON PA'I TSE BRTUL ZHUGS LA GNAS PA DANG, BRTUL ZHUGS DE LA BZLAS BRJOD DANG SBYIN SREG SOGS KYI LAS SPYOD PA'I TSE SPYAD PA SPYOD PA DANG, LHA DANG THA MI DAD PA'I RNAL 'BYOR LA BRTZON ZHING BSLAB PA'I GZHI RNAMS BZUNG STE THEG CHEN LA SPYOD PA'I CHE GSANG SNGAGS LA DNGOS GRUB 'THOB PAR GSUNGS PA'I DE MA THAG TU, GZHAN YANG BYANG CHUB SEMS DPA'I SPYAD PA GSANG SNGAGS KYI SGO SPYOD PA'I BYANG CHUB SEMS DPA' SEMS DPA' CHEN PO RTAG TU MTSAN MA MED PA LA GNAS PAR BYA'O, ,ZHES GSUNGS PA'I MTHAR, RDZOGS SANGS RGYAS KYIS BCAS PA YI; ;BRTUL ZHUGS DANG NI TSUL KHRIMS DANG, ,SPYOD DANG BSLAB PA'I GZHI RNAMS LA, ,GANG TSE GNAS NA DE YI TSE, ,SNGAGS PAS 'DI LTAR SNGAGS 'GRUB BO, ,RTOG DANG BRAL BA'I YE SHES NI, ,SNGON GYI RGYAL BAS MNGON SANGS RGYAS, ,RTOG DANG BRAL BA DE LA NI, , GSANG SNGAGS 'GRUB PAR BSTAN PA YIN, ,DE YI 'BRAS BU RNAM DAG PA, ,RANG BZHIN GYIS NI 'OD GSAL 'GYUR, ,GANG ZHIG RTOG LA GNAS BYED PA, ,DE LA DNGOS GRUB MI 'BYUNG NGO, ,DE LTA BAS NA RTOG SPANGS LA, ,SNGAGS KYI GZUGS NI BSAM PAR BYA, ,ZHES

, ,GSAL BAR GSUNGS TE, RTOG PA SPANGS PA NI BDAG MED PA'I SHES RAB KYIS BDAG 'DZIN GYI RTOG PA SUN PHYUNG BA YIN GYI RTOG PA GANG YIN 'GOG PA MIN NO, ,SNGAGS KYI GZUGS BSAM PA NI LHA SGOM PA'O, ,LHA'I RNAL 'BYOR BRTAN PA'I TSAD KYANG 'GRO YANG RUNG ZHES PA NAS MI GA-YO BA DE'I TSE ZHES PA'I BAR GYIS BSTAN TE, MNYAM PAR BZHAG MA BZHAG GI SPYOD LAM THAMS CAD DU LHA'I SKU LAS SEMS GZHAN DU MI GA-YO BAR 'DZIN PA'I NUS PA THOB NAS THA MAL BA'I NGA RGYAL SEL NUS PA'O, ,RANG LA YE SHES PA GZHUG PA SLOB DPON SANGS RGYAS GSANG BA DANG BYANG CHUB MCHOG GNYIS KYIS MA BSHAD KYANG, RGYA GAR PA'I PAn GRUB DU MAS BSHAD PAS NA RUNG STE, DE MI RUNG NA DE'I RGYU MTSAN DU RANG DANG LHA YE SHES PA GNYIS SO SOR BZUNG NAS GCIG TU 'DZIN PA LA MI MOS PA DGOD DGOS NA, DE NI MI RUNG STE RANG GI LUS NGAG YID GSUM DANG LHA'I SKU GSUNG THUGS GSUM DBYER MI PHYED PAR MOS PA'I MTHUS, LUS KYI BSGUL BSKYOD KUN PHYAG RGYA DANG NGAG TU BRJOD PA KUN SNGAGS SU GSUNGS PA'I PHYIR RO, ,DE LTAR YANG LAG NA RDO RJE DBANG BSKUR BA'I RGYUD LAS, RIGS KYI BU 'AM RIGS KYI BU MO DKYIL 'KHOR MTHONG BA BYANG CHUB TU SEMS BSKYED PA SNYING RJE DANG LDAN PA THABS LA MKHAS PA GSANG SNGAGS KYI SGO YI GE'I TSUL BSTAN PA LA MKHAS PAS, 'DI SNYAM DU NGAG MA GTOGS PAR YID MED YID MA GTOGS PAR DAG MED, YID MA GTOGS PAR LHA'I GZUGS MED DE YID NYID NGAG YIN NGAG NYID YID YIN ZHING LHA'I GZUGS NYID KYANG YID YIN LA, NGAG NYID KYANG LHA'I GZUGS YIN NO SNYAM DU BSAM PAR BYA'O, ,DE LTAR

THA DAD DU BYA BA MED PAR MOS NA SNGAGS PAS YID RNAM PAR DAG PA THOB BO, ,YID RNAM PAR DAG PA DANG LDAN PA DE DAG GI TSE NA RNAM PA THAMS CAD DU RTAG PA BDAG GI LUS DANG LHA'I GZUGS SU BDAG GI NGAG DANG LHA'I NGAG TU BDAG GI YID DANG LHA'I YID DU MTSUNGS PAR MTHONG BA DE'I TSE MNYAM PAR BZHAG PA YIN NO, ,GANG TSE KUN TU THAMS CAD DU, ,SNGAGS PA MNYAM PAR BZHAG GYUR NA, ,DE CHE LUS LA SOGS PA YI, ,MNYAM NYID GNAS LA ZHUGS PAR 'GYUR, ,MNYAM NYID GNAS LA GNAS PA YI, , YAN LAG BSKYOD PA JI SNYED DANG, ,TSIG TU BRJOD PA JI SNYED PA, ,DE SNYED GSANG SNGAGS PHYAG RGYA YIN, ,ZHES GSUNGS PA'I PHYIR RO, ,'DI BYA RGYUD LA YANG MTSUNGS TE RANG LHAR SKYED PA YOD NA RNAM SNANG SOGS GANG RUNG DU BSKYED RGYU'I LHA DE DNGOS YIN NO SNYAM PA'I NGA RGYAL BYA DGOS PA'I PHYIR RO, ,DES NA LUS LHA DANG NGAG SNGAGS DANG YID DE KHO NA NYID LA ZHUGS PAR LTA BA NI BLA MED KYI KHYAD CHOS MA YIN GYI RGYUD SDE 'OG MA LA YANG NGES PAR DGOS SO, ,GNYIS PA LA GNYIS, LAM SDUD PA'I SPYI'I CHINGS BSHAD PA DANG, LAM GYI RIM PA DNGOS BSHAD PA'O, ,DANG PO NI, BSAM GTAN PHYI MA LAS, DUS GSUM DU NI PHRA MO 'DI, ,GSANG SNGAGS SGRUB LA BRTUN PA YIS, ,TSANGS PA RTAG TU RIG BYA BA, ,YAN LAG BCU YI CHO GA'I LAS, ,ZHES SNGAGS SGRUB PA LA BRTZON PAS THUN GSUM DU BSAM GTAN GYIS RIG PAR BYA BAS NA PHRA MO STE LHA'I RNAL 'BYOR GYI MTSAN NYID RIG SNGAGS KYI BRTUL ZHUGS RIG PAR BYA BA STE MNGON DU BYAS PA LAS DNGOS GRUB SGRUB PA'I YAN LAG RNAMS BCUR BSDUS NAS GSUNGS SO, ,BCU NI GANG DU SGRUB

, ,PA'I GNAS DANG, BDAG GI DE KHO NA NYID DANG, RIG SNGAGS KYI DE KHO NA NYID DANG, BZLAS BRJOD KYI DE KHO NA NYID DANG, ME LA GNAS PA DANG, SGRA LA GNAS PA DANG, SGRA MTHAR THAR PA STER BA'I BSAM GTAN GSUM DANG, SNGAGS SGRUB PA LA 'JUG PA'I CHO GA DANG; SBYIN SREG GI CHO GA DANG, DBANG BSKUR BA'I CHO GA STE BCUR 'GREL PAS BSHAD DO, ,DE LA RIG SNGAGS LA SOGS PA GSUM NI BZLAS BRJOD KYI YAN LAG BZHI'I BSAM GTAN NO, ,DE NAS GSUM NI 'CHAD PAR 'GYUR BA'I DE NYID GSUM GYI BSAM GTAN TE DE GNYIS NI LAM GYI GTZO BO'O, ,DE NAS GCIG NI BSAM GTAN GNYIS PO DE SGRUB PA'I DUS SU SNGON DU BYA BA'I CHO GA DANG MJUG TU BYA BA'I CHO GA RNAMS SO, ,DBANG BSKUR NI LAM DE DAG SGOM PA'I SNOD RUNG DU BYED PA'O, ,SBYIN SREG NI SGRUB PA'I DUS DANG LAS SBYOR GYI DUS LA SOGS PAR BYA'O, ,DE DAG GI SGO NAS NUS PA RNYED PA NA LAS RAB 'BYAMS RNAMS BSGRUBS NAS BYANG CHUB KYI SPYOD PA RDZOGS PAR BYED DE, DE NI BYA BA DANG SPYOD PA GNYIS KA'I RGYUD KYI DON RNAMS DE GNYIS KYI GDUL BYA 'TSANG RGYA BA'I CHA RKYEN DU SDUD PA'I TSUL LO, ,DE YANG BYA BA SPYI'I RGYUD BZHI LAS DBUNG BZANG GIS ZHUS PAR NI DE BZHIN GSHEGS PA DANG RDO RJE DANG PADMA'I RIGS GSUM DANG, GZHAN YANG LNGAS RTZE NA DANG NOR CAN DANG 'JIG RTEN PA'I RIGS DRUG GI RIGS DANG GSANG SNGAGS DANG, LAS KYI DBYE BA DANG MNYES PAR BYA BA'I THABS RNAMS RGYUD KHA CIG TU RGYAS PAR BSHAD PA SDUD MA SHES PA BSDU BA DANG, KHA CIG TU MDO TZAM DU BSTAN PA GSAL BAR BSHAD PA DANG, GZHAN DAG TU MA GSUNGS PA RNAMS BSTAN PAR MDZAD DE, YAN LAG BZHI'I BSAM GTAN DANG DE NYID GSUM GYI BSAM GTAN

PHAL MO CHE GSAL BAR MA BSHAD PAR SNGAGS SGRUB PA'I CHO GA LHAG MA DANG, LAS TSOGS SGRUB PA'I TSUL RNAMS GSAL ZHING RGYAS PAR BSHAD DO, ,SPYI RGYUD LAS NI RIGS GSUM GYI DKYIL 'KHOR SUM STONG DANG LNGA BRGYA BSHAD PA RNAMS KYI BRI BA DANG DBANG BSKUR BA LA SOGS PA'I SPYI'I CHO GA STON PAS GTZO CHER SNOD RUNG DU BYED PA'I SKOR RNAMS STON NO, ,LEGS GRUB LAS NI BSAM GTAN DRUG SHIN TU GSAL BA MIN PAR RIGS GSUM GYI THUN MONG GI SNGAGS SGRUB PA'I CHO GA DANG LAS TSOGS SGRUB LUGS DANG SBYIN SREG DANG BSRUNG BYA'I DAM TSIG LA SOGS PA GSAL BAR STON NO, ,BSAM GTAN PHYI MA LAS NI SPYIR BSAM GTAN DRUG DANG KHYAD PAR DU BSAM GTAN GYI YAN LAG SROG RTZOL SDOM PA SOGS DANG, BSAM GTAN PHYI MA GSUM SHIN TU GSAL BAR STON TO, ,DE YANG RIGS GSUM GYI THUN MONG DU SNANG NGO, ,DE DAG GI RNAM GZHAG SHES NA BYA BA SO SO BA'I RGYUD RNAMS DANG SPYOD RGYUD RNAMS KYI DON TSAN RNAMS JI LTAR BSDU BA YANG LEGS PAR SHES PAR 'GYUR RO, ,DE YANG BZHIR BSDUS NA BDE STE, LAM SGOM PA'I SNOD RUNG DU BYED PA'I DBANG BSKUR BA'I SKOR DANG, DNGOS GRUB 'GRUB PA'I GZHI DAM TSIG DANG SDOM PA BSRUNG BA'I SKOR DANG, DE NAS NUS PA BSKYED PA'I PHYIR BSNYEN PA'I SKOR DANG, NUS PA RNYED NAS RANG GZHAN GYI DON BYA BA'I <PHYIR DNGOS GRUB SGRUB PA'I SKOR RO, ,BYA SPYOD LA BRTEN PA'I LHA'I SGRUB THABS MANG DU SNANG YANG RGYUD GNYIS NAS JI LTAR 'BYUNG BA LTAR BKRAL BA NI, SANGS RGYAS GSANG BA DANG BYANG CHUB MCHOG GI GZHUNG LEGS PAR SNANG BAS 'DIR DE BZHIN DU BSHAD PAR BYA'O, ,GNYIS PA LA GNYIS, BYA RGYUD KYI LAM GYI RIM PA DANG, SPYOD RGYUD KYI LAM GYI RIM PA'O, ,DANG PO

, ,LA BZHI, LAM SGOM PA'I SNOD DU RUNG BAR BYA BA DANG, SNOD DU GYUR NAS DAM TSIG DANG SDOM PA DAG PAR BYA BA DANG, DAM TSIG LA GNAS NAS SNGON DU BSNYEN PA JI LTAR BYA BA DANG, BSNYEN PA LAS SU RUNG NAS DNGOS GRUB JI LTAR BSGRUB PA'O, ,DANG PO NI, DKYIL 'KHOR GYI CHO GA DBANG BSKUR BA DANG BCAS PA NI GZHUNG HA CANG MANGS PAS 'JIGS PAS 'DIR MI BRI LA, RGYUD GNYIS LA DKYIL 'KHOR DU GZHUG PA TZAM DANG ZHUGS PA LA DBANG JI TZAM ZHIG SKUR BA NI RTZA LTUNG GI RNAM BSHAD DU BSHAD ZIN TO, ,GNYIS PA NI, DBANG BSKUR BA'I SKABS SU SDOM PA JI 'DRA ZHIG BZUNG BA DANG DE'I RTZA BA'I LTUNG BA JI LTAR YIN PA SOGS NI RTZA LTUNG GI RNAM BSHAD DU RGYAS PAR BSTAN PAS 'DIR NI DAM TSIG GZHAN RNAMS BSHAD PAR BYA'O, ,DE YANG LEGS GRUB KYI RIG SNGAGS KYI 'DUL BA RIM PAR PHYE BA LAS, DE NAS GZHAN YANG GANG ZHIG LA, ,GNAS NA ZLOS PA PO RNAMS KYIS, ,DNGOS GRUB MYUR DU THOB 'GYUR BA'I, ,GSANG SNGAGS ZLOS PA'I 'DUL BA BSHAD, ,SGRUB PAS GSANG SNGAGS THAMS CAD DANG, ,LHA RNAMS DAG NI THAMS CAD DANG, ,ZLOS PA BDAG NYID CHEN PO LA, , MKHAS PAS ZHE SDANG MI BYA'O, ,MKHAS PAS GSANG SNGAGS CHO GA DANG, ,GSANG SNGAGS RANG BZOR MI BYA ZHING, ,RANG BZHIN NGAN PA'I MI DAG LA, ,BRNYAS PAR YANG NI MI BYA'O, ,BLA MA DKYIL 'KHOR STON PA NI, ,SPYOD PA NGAN PAR GYUR NA YANG, ,NGAG GAM YANG NA YID KYIS SU, ,NAM YANG SMAD PAR MI BYA'O, ,MKHAS PAS RIG SNGAGS DAG LA NI, ,KHROS NAS GNAN DANG BCING BA DANG, ,BCAD PA DANG NI TSAR GCOD DANG, ,DRAG SPYOD DE DANG DE MI BYA, ,GZHAN GYIS RJES SU MA GNANG BAR, ,GSANG SNGAGS GZUNG BAR MI BYA STE, ,BSNYEN

BKUR MA BYAS PA LA YANG, ,CHO GA SHES PAS SNGAGS MI SBYIN, ,RGYUD SHES MKHAS PAS GSANG SNGAGS DANG, ,PHYAG RGYA CHO GA ZHIB MO DANG, ,RGYUD DANG DKYIL 'KHOR BSHAD PA DAG ,DKYIL 'KHOR MA ZHUGS LA MI SBYIN, ,MTSON CHA 'DRA BA THAMS CAD DANG, ,DE BZHIN SEMS CAN 'DRA BA DANG, ,PHYAG RGYA SNA TSOGS THAMS CAD DAG ,BZA' BAR MI BYA 'GOM MI BYA, ,SGRUB PA PO NI BLO LDAN GYIS, ,SMAN RNAMS SMOD PAR MI BYA STE, ,MI GTZANG BAS KYANG REG MI BYA, ,RKANG PAS KYANG NI MI 'GONG NGO, ,THEG PA CHEN PO PA DAG DANG, ,SHES RAB CAN GYIS BRTZAD MI BYA, ,BYANG CHUB SEMS DPA' MTHU CHEN DAG ,THOS NAS SUN KYANG MI 'BYUNG NGO, ,SNGAGS KYIS SGRUB PA PO DAG DANG, ,LHAN CIG NAM YANG 'GRAN MI BYA, ,NYES PA CHUNG NGU DAG LA NI, ,KHROS NAS DRAG SHUL SPYAD MI BYA, ,ZLOS PA CHO GA LA GNAS PAS, ,GLU GAR RTZED MO MI BYA STE, ,MDZES PAR BYA PHYIR PHRENG BA DANG, ,KHA DOG 'CHANG BAR MI BYA'O, ,'GONG BA DANG NI 'CHONG BA DANG, ,RGYUG PA DANG NI TZAB HRAL DANG, ,LUS LAS BYUNG BA'I GNAS NGAN LEN, ,THAMS CAD YONGS SU SPANG BAR BYA, ,BDEN PA'I CHOS LA GNAS PA YIS, ,LOG PA GTUM DANG 'GYUR DANG RTZUB, ,DBYEN GYI TSIG BYAR SPANG BA DANG, ,DON MED GTAM MANG MI BYA'O, ,MU STEGS CAN DANG GNAS PA DANG, ,RTZOD PA DAG KYANG MI BYA ZHING, ,GDOL PA LA SOGS RIGS NGAN DANG, ,GSANG SNGAGS ZLOS PA SMRA MI BYA, ,BLO CAN BZLAS BRJOD BYED PA NA, ,SNGAGS GA-YOG GCIG PU MA GTOGS PAR, ,GZHAN DANG LHAN CIG DGOS MED PAR, ,'GA' DANG YANG NI SMRA MI BYA, ,'BRU MAR DAG GIS LUS MI BSKU, ,TIL YANG BZA' BAR MI BYA'O, ,LA PHUG SGOG

, ,PA TSVA DAG DANG, ,BCA' SKYUR RNAM PA THA DAD DANG, ,CUNG PENG DANG NI SRAN RIL DANG, ,TIL GYI CUNG PHENG LA DU DANG, ,DE BZHIN MA SHA'I SRAN CHEN DAG ,DNGOS GRUB 'DOD PAS RNAM PAR SPANG, ,LOG 'DREN DAG GI ZAS KUN DANG, ,GTOR MA'I KHA ZAS THAMS CAD DANG, ,KRI SA RA DANG 'O THUG KYANG, ,GSANG SNGAGS ZLOS PAS RNAM PAR SPANG, ,SHING RTA LA SOGS BZHON PA DANG, ,PAD MA LA SOGS BRDZI MI BYA, ,KHA ZAS LHAG MA BOR BA LA, ,RKANG PAS KYANG NI REG MI BYA, ,SGEG PA'I CHO GA THAMS CAD DANG, ,LHA MA DANG GDUGS DAG 'CHANG BA DANG, ,LUS KYI BYI BYAD THAMS CAD DAG ,GSANG SNGAGS ZLOS PAS RNAM PAR SPANG, ,RKANG PAS RKANG PA NYED PA DANG, ,LAG PAS LAG PA MNYE MI BYA, ,BSHANG GCI DAG NI CHUR MI DOR, ,DE DANG NYE BAR DOR MI BYA, ,SNYIM PA KHO NAR MI BZA' STE; ;'KHOR ? BA'I SNOD DU'ANG BZA' MI BYA, ,LO MA'I RGYAB TU'ANG MI BZA' ZHING, ,MKHAS PAS CHAGS PA'I ZAS MI ZA, ,KHRI RNAMS DANG NI KHRI'U DAG LA, ,SGRUB PA BLO LDAN MI GTZANG LA, ,GZHAN DANG NYAL BAR MI BYA STE, ,GAN RKYAL KHA SBUB TU YANG MIN, ,YANG DANG YANG DU MI BZA' STE, ,HA CANG CHUNG DANG CHER MI BZA', ,MI BZA' BAR YANG MI BYA LA, ,GANG DAG DOGS PA'ANG MI BZA'O, ,NGO MTSAR RNAMS LA DGA' MI BYA, ,LTAD MO KUN LA MI BLTA ZHING, ,BUD MED YUL LA 'JOL NYAG LA, ,ZHEN PA'I SEMS KYIS CHAGS MI BYA; ;SNGAGS ZLOS CHO GA LA GNAS PAS, ,LUS DANG NGAG DANG YID KYIS KYANG, ,ZAS DANG DE BZHIN SPYOD PA LA, ,MA BSDAMS PAR NI YONG MI BYA, ,SNGAGS ZLOS KHYIM PA MKHAS PA YIS, ,KHA DOG BSGYUR BA'I GOS MI BGO ,DE BZHIN RNYID DANG DRI MA CAN, ,GOS GCIG

PAR NI YONG MI BYA, ,BDAG LA SMAD PAR MI BYA ZHING, ,RANG LA MI DGA' MI BYA STE, ,SKYO BAR YANG NI MA GYUR DANG, ,NAD KYIS 'GONG PAR MI BYA'O, ,BKA' LAN STZAL PA MA GTOGS PAR, ,BDAG GIS GSANG SNGAGS GTANG MI BYA, ,GTI MUG BLOS NI MI SMAD CING, ,SGRIM PA LHOD PAR MI BYA'O, ,YID NI GZHAN DU MA GYUR DANG, ,BSAM PA MANG PO MA YIN DANG, ,MI GTZANG CHAGS PA'I SEMS MED PAR, ,ZLOS PA POS NI GSANG SNGAGS GDON, ,GDON GYI LAS RNAMS MI BYA ZHING, ,SRUNG DANG SLAR ZLOG MI BYA'O, ,RANG GI SNGAGS SAM GZHAN GYIS KYANG; ;ZLOS PAS DUG GI LAS MI BYA, ,SGRUB PA LA DGOS MA GTOGS PAR, ,GSANG SNGAGS GZHAN DU SPYAD MI BYA, ,'GRAN PA DANG NI SAD PHYIR YANG, ,BDAG GIS GSANG SNGAGS MI SBYAR RO, ,BLO LDAN GYIS NI DUS GSUM BZLAS, ,DUS GSUM DU NI KHRUS BYAS TE, , ZHES DANG, SGRUB PA POS NI TSES BRGYAD DAM, ,BCU BZHI DANG NI BCO LNGA DANG, ,CHO 'PHRUL GYI NI ZLA PHYED LA, ,KHYAD PAR DU NI MCHOD PA BYA, ,BZLAS BRJOD SBYIN SREG MCHOD PA DANG, ,DE BZHIN SDOM PA GZUNG BA DANG, ,KHYAD PAR DU YANG BSOD NAMS LA, ,GUS SHING MNGON PAR BRTZON PAR BYA, ,ZHES DANG, 'DI BYA 'DI NI MI BYA'O ZHES, ,RIG SNGAGS 'DUL LAS SMOS PA DANG, ,BSLAB PA'I SDOM PA NYID LA YANG, ,ZLOS PAS RTAG TU RNAM PAR BSAM, ,RANG GI BDE LA CHAGS PA DAG ,NYIN MTSAN DU NI SPANG BAR BYA, ,'DI DAG BYAS NAS 'DI BYA'O ZHES, ,MI GA-YEL BAR NI GYUR BAR BYA, ,NYIN PAR BAG MED BYAS PA DANG, ,MTSAN MO SO SOR BSHAGS PAR BYA, ,NUB MO BYAS PA'ANG NANG BAR BSHAGS, ,LEGS PAR BYAS LA MNGON DGAR BYA, ,BZLAS BRJOD SBYIN SREG GTZANG SBRA BYA, ,RIG SNGAGS MCHOG DANG RANG SDOM

, ,DANG; ;RIG SNGAGS 'DUL BA DAG LA YANG, ,SGRUB PA POS NI NAN TAN GNAS, ,ZHES GSUNGS SO, ,KRi SA RA NI TIL NAG DANG MA SHA DANG 'BRAS BSRES NAS BTZOS PA'I THUG PA YIN GSUNG NGO, ,DKYIL 'KHOR DU MA ZHUGS PA LA SNGAGS STER DU MI RUNG BA NI SPYI RGYUD LAS KYANG, DKYIL 'KHOR LEGS PAR MA MTHONG BAR, ,GANG ZHIG CI STE SNGAGS ZLOS NA, ,DE NI DNGOS GRUB THOB MI 'GYUR, ,SHI NAS NGAN SONG LTUNG BAR 'GYUR, ,SNGAGS DANG PHYAG RGYA CHO GA LA, ,GANG ZHIG DE LA STON PA YANG, ,DE NI DAM TSIG NYAMS GYUR NAS, ,NGU 'BED SEMS CAN DMYAL BAR 'GRO, ZHES GSUNGS PAS RGYUD BZHI GANG RUNG GI DKYIL 'KHOR DU BCUG NAS DBANG BSKUR BA MA BYAS PAR RJES GNANG TZAM LA BRTEN TE LHA SGRUB PA SOGS DANG, DE LA SNGAGS STER BA RNAM PA THAMS CAD DU MI RUNG NGO, ,DE LTAR BYAS NA DE'I SDIG PA DAG PAR BYED PA'I TSUL YANG DE NYID LAS, JI SKAD BSHAD PA'I DAM TSIG RNAMS, ,GAL TE NYAMS PAR GANG GYUR PA, ,DE NI RANG GI SNYING PO SNGAGS, ,GCIG 'BUM DU NI BZLAS BRJOD BYA, ,YANG NA SEMS RMANGS MED PA'I GZUNGS, ,STONG DU BZLAS BRJOD BYAS KYANG RUNG; ;YANG NA ZHI BA'I SBYIN SREG BYA, ,YANG NA DKYIL 'KHOR DU YANG GZHUG ,CES GSUNGS PAS DE BZHIN DU 'BAD LA SBYANG NGO, ,DGRA NAG GI 'GREL PA RIN CHEN SGRON ME LAS, ,DAM TSIG DE RNAMS GSUNGS PA'I 'OG TU, ,DAM TSIG DE DAG NI BDAG GIS BYA BA'I RGYUD DAG LAS BTUS PA YIN GYIS, ,RNAL 'BYOR CHEN PO'I RNAL 'BYOR PA DAG GIS KYANG YUL DANG DUS KYI DBANG DANG BSAM PA'I DBANG GIS JI LTAR RIGS PAR SRUNGS SHIG ,YANG GANG DAG RNAL 'BYOR CHEN PO YI RNAL 'BYOR PA YIN PAR SMRA BA GTZANG SBRA DANG BSDAMS PA MED

PAR 'DOD PA DE DAG NI MA RUNG BAR 'GYUR TE, BSAM PA LA SOGS PA'I DBANG LAS NI BYA BA'I RGYUD DAG TU YANG, GCANG RUNG DE NI MI GTZANG RUNG, ,ZAS NI ZOS RUNG MA ZOS RUNG, ,KHRUS BYAS DE NI MA BYAS RUNG, ,BDAG GI LHA NYID DRAN PAS 'GRUB, ,CES BYA BA LA SOGS PA BAG YANGS SU BYA BA GSUNGS LA, PHAL CHER NI RNAL 'BYOR CHEN PO'I RNAL 'BYOR PAS KYANG JI SKAD GSUNGS PA'I DAM TSIG LAS 'DA' BAR MI BYA BAS SO, ,ZHES GSUNGS PA LTAR BYA SPYOD KYI DBANG ZHUS PA RNAMS KYI BSRUNG BYA YIN PAR MA ZAD RNAL 'BYOR BLA MED LA ZHUGS PA RNAMS KYIS KYANG SRUNG DGOS PAS, DE DAG DANG RTZA LTUNG RNAMS SHES PAR BYAS NAS RTZA LTUNG GIS GTAN MA GOS PA LA 'BAD CING, NYES PA GZHAN GYIS GOS NA'ANG JI MI SNYAM PAR MI GZHAG PAR NYIN PAR BYUNG BA RNAMS MTSAN MO PHYIR BCOS LA, MTSAN MO LTUNG BA BYUNG PA RNAMS NYIN MO PHYIR BCOS PAR GSUNGS PA LTAR BSHAGS NAS DAG PAR BYA'O, ,GSUM PA LA GNYIS, SNGON DU BSNYEN PA DGOS PA'I RGYU MTSAN DANG, BSNYEN PA BYA BA'I RIM PA'O, ,DANG PO NI, BSAM GTAN PHYI MA LAS, GSANG SNGAGS BSAM GTAN ZHAS ? BYA BA, ,MCHOG TU GSANG BA YANG DAG GSUNGS, ,DRANG SRONG DKA' THUB CHEN PO YANG, ,DE DAG MED NA MI 'GRUB BO, ,ZHES 'CHAD PAR 'GYUR BA'I BSAM GTAN GNYIS MED NA TSUL KHRIMS DANG BRTUL ZHUGS DANG DKA' THUB DANG LDAN ZHING, SNGAGS LA BRTZON PA'I DRANG SRONG RNAMS KYIS KYANG MI 'GRUB PAR GSUNGS SO, ,RNAm SNANG MNGON BYANG GI DNGOS GRUB KYI RIM PAR PHYE BA LAS KYANG, YE SHES RLABS PO CHE'AM NI, ,YANG NA MNGON SHES LNGA PO DANG, ,RIG SNGAGS 'CHANG 'GYUR DNGOS GRUB DANG, ,TSE RING GZHON NUR 'GYUR BA GANG, ,GAL TE THOB PAR 'DOD NA NI, ,JI SRID 'DI NI MA BSNYEN

, ,PAR; ;DE SRID THOB PAR MI 'GYUR RO, ,ZHES GSUNGS TE TSUL 'DI NI BYA SPYOD GNYIS 'DRA BA YIN NO, ,DE'I PHYIR LEGS GRUB KYI SNGAGS KYI MTSAN NYID RIM PAR PHYE BA LAS, RIGS DANG RANG BZHIN MTHU RNAMS DANG, ,LAS KYANG RNAM PAR DPYAD NAS NI, , RANG GI YID DANG MTHUN PA YI, ,GSANG SNGAGS LA NI BSNYEN PA BRTZAM, ,ZHES GSUNGS PA LTAR RIGS GSUM GYI DKYIL 'KHOR DU DBANG BSKUR BA LEGS PAR THOB PA, BYANG SEMS KYI SDOM PA DANG SNGAGS KYI DAM TSIG DANG LDAN ZHING JI LTAR BYA BA'I RIM PA LA MKHAS PAS LEGS GRUB DANG DPUNG BZANG GIS ZHUS PA LAS GSUNGS PA'I GNAS DANG SGRUB GROGS MTSAN NYID DANG LDAN PA SOGS TSANG BAR BYAS NAS, SNGON DU BSAM GTAN GNYIS YAN LAG DANG BCAS PA SGOM PA'I BSNYEN PA BYA'O, ,DBANG BSKUR LA SPYI RGYUD LAS, DE BZHIN GSHEGS RIGS DKYIL 'KHOR DU, ,GANG ZHIG LEGS PAR DBANG BSKUR BA, ,DE NI RIGS RNAMS GSUM CHAR GYI, ,DKYIL 'KHOR LA SOGS SLOB DPON 'GYUR, ,ZHES DE BZHIN GSHEGS PA'I RIGS KYI DKYIL 'KHOR DU DBANG THOB NA RIGS GSUM GA DANG, PADMA'I RIGS KYI DBANG THOB NA RIGS GNYIS DANG, RDO RJE'I RIGS KYI DBANG THOB NA RIGS DE NYID KYI SLOB DPON DU 'GYUR BAR GSUNGS TE 'ON KYANG SNGAGS GANG SGRUB PA DE'I BSGOM BZLAS KYI LUNG YANG NOD PAR BYA'O, ,GNYIS PA LA GNYIS, BZLAS BRJOD DANG BCAS PA'I BSAM GTAN DANG, BZLAS BRJOD LA MI LTOS PA'I BSAM GTAN NO, ,DANG PO LA GSUM, BZLAS BRJOD YAN LAG BZHI'I SNGON DU JI LTAR BYA BA DANG, BZLAS BRJOD YAN LAG BZHI'I BSAM GTAN DNGOS DANG, BZLAS

BRJOD YAN LAG BZHI'I BSAM GTAN GYI MJUG TU JI LTAR BYA BA'O, ,DANG PO LA BZHI, THOG MAR GNAS KHANG DU JI LTAR BYA BA DANG, PHYI ROL TU KHRUS BYAS TE SGRUB KHANG DU 'JUG PA'I TSUL DANG, CHAS SU ZHUGS TE STAN LA 'KHOD NAS MCHOD PA BYIN GYIS BRLAB PA DANG, BDAG DANG GNAS LA BSRUNG BA BYA BA'O, ,DANG PO NI, NYIN GCIG BZHIN DU THUN DANG PO'I NANG PAR MAL NAS LANGS PA'I DUS DANG, THUN GZHAN RNAMS KYI MGO LA RIGS GSUM PO GANG LA SGRUB PA BYED PA'I RIGS DE'I DAM TSIG GI PHYAG RGYA BCINGS NAS GSANG SNGAGS BRJOD PAR BYA'O, ,DE LA THAL MO BKAN PA LAS MDZUB MO GNYIS CUNG ZAD BKUG STE MAG LA BZHAG NAS, AOm TA TH'A GA TA AUDBHA BA YE SV'AH'A, ZHES PA DANG, THAL MO SBYAR BA PADMA KHA BYE BA'I TSUL DU BYAS TE SNYING KHAR BZHAG NAS, AOm PADMA AUDBHA BA YE SV'A H'A, ZHES PA DANG, THAL MO BZLOG STE SBYAR LA MTHE PONG GNYIS DANG MTHE'U CHUNG GNYIS SBYAR TE LTE BA'I THAD KAR BZHAG NAS, AOm BADZRA AUDBHA BA YE SV'AH'A, ZHES PA NI RIM PA BZHIN DU GTZUG TOR RNAM RGYAL LA SOGS PA DE BZHIN GSHEGS PA'I RIGS DANG, SPYAN RAS GZIGS LA SOGS PA PADMA'I RIGS DANG, RDO RJE RNAM 'JOMS LA SOGS PA RDO RJE'I RIGS KYI SNGAGS RGYA'O, ,DE NAS PHYOGS BCU'I SANGS RGYAS THAMS CAD LA DMIGS LA, AOm SARBA TA TH'A GA TA K'A YA B'AKA TZITTA BADZRA PRA nA ME NA SARBA TA TH'A GA TA BADZRA P'A DA BANDA N'Am KA RO MI, ZHES PA'I SNGAGS 'DIS DE DAG GI ZHABS LA PHYAG BYA'O, ,DE NAS LUS DBUL BAR BYA STE PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD LA BYANG CHUB SNYING PO LA MCHIS KYI BAR DU BDAG NYID DUS THAMS CAD DU YO YE

, ,'BUL NA, SANGS RGYAS DANG BYANG CHUB SEMS DPA' CHEN PO RNAMS KYIS BDAG BZHES SU GSOL, BDAG LA DNGOS GRUB BLA NA MED PA STZAL DU GSOL ZHES BYA'O, ,DE NAS, SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, , BDAG DANG GZHAN DON BSGRUB SLAD DU, ,BDAG GIS BYANG CHUB SEMS BSKYED DO, ,PHYOGS BCU DAG NA BZHUGS PA YI, ,SANGS RGYAS BYANG CHUB SEMS DPA' GSON, ,BDAG GIS RDZOGS PA'I BYANG CHUB PHYIR, ,DENG NAS BYANG CHUB SEMS BSKYED DO, ,ZHES PAS SKYABS SU 'GRO BA DANG BYANG CHUB SEMS BSKYED PAR BYA'O, ,DE NAS KHRO BO MNOL BA MED PA'I SNGAGS RGYAS BSRUNG BAR BYA STE, PHYAG RGYA NI LAG PA GNYIS SOR MO PHAN TSUN BSNOL TE KHU TSUR BCINGS LA MTHE'U CHUNG GNYIS BSHIBS TE BSGRENG, MDZUB MO RTZE MO SBYAR BA'I GLOR MTHE BONG GNYIS BTZUGS PA'O, ,SNGAGS NI, AOm BADZRA KRO DHA MA H'A B'A L'A HA NA DA HA PA TZA BI DHVAN SA AU TZTSU SHA-MA KRO DHA H'Um PHAt CES PA'O, ,'DIS BZA' BTUNG DANG BSHAD GCI BYED PA'I TSE YANG BSRUNG BAR BYA'O, ,DE NAS SNYING KHAR ZLA BA LA RNAM SNANG GI NGO BO MA DANG, MGO BO LA MI GA-YO BA'I NGO BO HA YIG GNYIS 'BAR BA'I 'PHRENG BA 'KHRUG PAR BSAM LA, AOm SVA BH'A BA SHUD DHA SARBA DHARM'A SVA BH'A BA SHUD DHO NYA HAm, ZHES BRJOD LA RANG BZHIN GYIS DAG PAR MOS PA BYA'O, ,DE NAS GNAS KHANG NAS PHYIR BYUNG STE SO SHING BCA' BA SOGS BYA LA LHA'I KHANG PA SOGS BYI DOR BYA'O, ,GNYIS PA NI, DE NAS KHRUS KYI DON DU SKYE BO 'DU BA DANG 'JIGS PA MED PA'I 'JUG NGOGS SU SONG STE LAG PA GNYIS KYI SOR MO PHYI ROL TU BSNOL TE BKUG NAS, MDZUB MO GNYIS BSHIBS TE BSGRENG MTHE BONG

GNYIS DE'I DRUNG DU BZHAG PA'I PHYAG RGYAS GTZANG MA LA GTUGS TE, AOm NI KHA NA BA SU DHE SV'A H'A, ZHES BRJOD LA SA BLANGS TE CHA GSUM DU BGOS NAS GNAS GTZANG MAR BZHAG GO ,DE YANG DANG POR SNGAR BSTAN PA'I DAM RGYA GSUM SKABS SU GANG BAB BCINGS NAS DE NAS BLANG NGO, ,DE NAS MTHE BONG GIS MTHE'U CHUNG GI SEN MO MNAN LA, SOR MO LHAG MA RNAMS RDO RJE'I MTSAN NYID DU BYAS TE BSNOL NAS DPUNG BAR BZHAG ,YA SOS MA MCHU MNAN LA KHRO BO'I LTA BAS BLTA ZHING, NA MO RATNA TRA Y'A YA, NA MASHTZAndA BADZRA P'A nA YE, MAH'A YAKshA SEN PA TA YE, NA MO BADZRA KRO DHA YA, TADYA TH'A, AOm HU LU HU LU TIshthA TIshthA BANDHA BANDHA HA NA HA NA AA MRi TE H'Um PHAt, CES BRJOD LA BDUD RTZI THAB SBYOR GYIS RANG BSRUNG ZHING, AOm HA NA HA NA AA MRI TA H'Um PHAt CES BRJOD CING, KHU TSUR GNYIS NANG DU BCINGS TE, MDZUB MO PHYUNG NAS BSKRENGS LA MGO NAS RKANG PA LA THUG GI BAR DU THABS ? NAS LUS KYI BGEGS BSAL BAR BYA'O, ,DE NAS, AOm BADZRA AAG NI PRA TI PA T'A YE SV'A H'A, ZHES BRJOD CING THAL MO BKAN PA LAS MTHE'U CHUNG GNYIS BSNOL BA'I BAR DU SRIN LAG GNYIS BZHAG ,GUNG MO GNYIS BSHIBS TE BSKRENG LA DE'I TSIGS GSUM PAR MDZUB MO BKUG STE, MTHE BONG GNYIS SBYAR NAS DBUS SU BZHAG PA'I PHYAG RGYA BYAS LA RDO RJE'I GO BSKON NO, ,PHYAG RGYA DE NYID LAS MDZUB MO GNYIS BKYED NAS RDO RJE'I TSUL DU BYAS PA RDO RJE GO CHA'I PHYAG RGYA DANG, NA MO RATNA TRA Y'A YA, AOm KHA KI LI H'Um PHAt CES BRJOD LA MGO BO DANG DPUNG MGO GNYIS DANG SNYING KHA DANG MGRIN PA RNAMS SU REG LA GO CHA BYA'O, ,DE NAS, NA MO BADZRA YA H'Um HA NA DHU NA MA THA BI DHVAm SA YA AUD SA RA YA PHAt CES BRJOD CING, LAG PA GA-YON PA'I SOR MO

, ,DBUS MA GNYIS MTHE BOS MNAN LA, MDZUB MO DANG MTHE'U CHUNG GDUB BU'I TSUL DU BYAS TE, SOR MO DBUS MA'I TSIGS DBUS MAR GZUG ,LAG PA GA-YAS PA'I SOR MO DBUS MA GSUM RDO RJE'I TSUL DU BYAS TE RKED PA'I PHYOGS SU BZHAG PA'I BGEGS BSAL BA'I PHYAG RGYAS SA 'AM CHU LA GTUGS TE BGEGS BSAL BAR BSHAD PAS THOG MAR SA DANG CHU LA GTUG GO ,DE NAS, NA MO RATNA TRA Y'A YA, NA MA SHTZAndA BADZRA P'A nA YE, AOm HA NA HA NA BADZRA BADZRA nA HA, ZHES PA'I SNGAGS KYIS CHU LA GDAB CING, AOm K'I LI K'I LA BADZRA H'Um PHAt CES BRJOD CING, LAG PA GA-YON PA'I MTHE BOS MTHE'U CHUNG GI SEN MO MNAN LA SOR MO LHAG MA RDO RJE'I MTSAN NYID DU BYAS PA'I K'I LI K'I LA'I PHYAG RGYAS CHU LA GTUGS NAS CHU DES SA LA BSANG GTOR BYA'O, ,DE NAS, AOm BADZRA HA RA H'Um ZHES PAS LAN BDUN BSNGAGS PA'I SA'I CHA GCIG BLANGS TE CHU'I NANG DU LTE BA NUB TZAM DU ZHUGS NAS KHRUS RAS DANG BCAS PAR KHRUS BYA'O, ,DE NAS SA'I CHA GNYIS PAS LAG PA BKRUS TE, AOm SHRU TI SMRi TI DHA Ri NI H'Um HA ZHES BRJOD CING LAG PA GA-YAS KYI THAL MO BKAN PA LAS, MDZUB MO MTHE BO'I DRUNG DU BZHAG CING MTHE BONG YANG MDZUB MO'I TSIGS DBUS MAR BYAS PA'I DBYANGS CAN GYI PHYAG RGYAS NYE REG BYA'O, ,DPUNG BZANG NAS SKABS 'DIR NYE REG BYA BAR GSUNGS LA, SLOB DPON BYANG CHUB MCHOG GIS SNGAGS RGYA DE NYID KYIS NYE REG GI GO CHOD PAR BZHED PAR 'DRA'O, ,DE NAS, AOm SU SI TI Ki RA SV'AH'A ZHES BRJOD LA GCUG PHUD BCINGS TE BSRUNG BAR BYA'O, ,SA'I CHA GSUM PA BLANGS TE, AOm BH'U RA DZO LA H'Um PHAt CES BSNGAGS SHING GA-YAS NAS BSKOR TE NYI MA LA

BSTAN NAS LUS BSKU BAR BYA'O, ,DE NAS, NA MO RATNA TRA Y'A YA, NA MA SHTZA ndA BADZRA P'A nA YE MAH'A YAKshA SE NA PA TA YE, NA MO BADZRA KRO DH'A YA, DISHtO TA KA tA BHE RA B'A YA TADYA TH'A, AOm AA MRi TA KUndA LI KHA KHA KH'A HI KH'A HI TIshthA TI shthA BHANDHA BHANDHA HA NA HA NA, GRDZA GRDZA, BISPHO tA YA BI SPHEt YA SARBA BIGHNAm BI NA YA K'A NA, MAH'A GA nA PA TI DZI BI TA AANTA K'A RA YA SV'AH'A, ZHES PA GDON CING LAG PA GA-YAS PA'I THAL MO BKAN PA LAS GUNG MO DANG SRIN LAG BKUG STE MTHE BO'I RTZE MOS MNAN, MDZUB MO DANG MTHE'U CHUNG CUNG ZAD BKUG PA'I CHU DKRUG PA'I PHYAG RGYAS CHU DKRUG NAS, AOm RA TE RA TE BUD DHA YA SV'AH'A ZHES BRJOD LA CHU KHYOR BA GSUM DKON MCHOG GSUM LA DBUL LO, ,DE NAS, AOm AA MRi TE H'Um PHAt CES BRJOD LA RANG GI MGO BOR SNYIM PA GSUM BLUGS LA LAG PA BKRUS TE SNGAGS DE NYID KYIS CHU SNYIM PA GSUM GYIS BDAG NYID DBANG BSKUR BAR BYA ZHING, RANG GI LHA YID KYIS SPYAN DRANGS TE PADMA LA BZHUGS SU GSOL NAS, AOm SARBA TA TH'A GA TA AA MRi TA SV'AH'A ZHES BRJOD NAS SKU BSIL LO, ,DE NAS LHA KHANG DU BZLAS BRJOD BYED NA CHU'I NANG DU SNGAGS NYER GCIG BZLA'O, ,LEGS GRUB KYI BZLAS BRJOD KYI RIM PAR PHYE BA LAS, MA BSDAMS PA'AM MI GTZANG BAS, ,GANG DAG BZLAS BRJOD BYED PA NI, ,BZLAS PA'I GRANGS NI BSHAD PA LA, ,MKHAS PAS DE DAG MI SBYAR GYI, ,ZHES KHRUS LA SOGS PA'I GTZANG SBRA MA BYAS PA'I BZLAS BRJOD RNAMS BZLAS PA'I GRANGS KYI KHA SKONG MI RUNG BAR GSUNGS PAS GTZANG SBRAL GNAS PAR BYA'O, ,KHRUS RGYAS PA MA LCOGS NAS DANG CHUS DRI MA DAG DAG TU BKRUS NA CHOG NGAR? MNGON TE DPUNG BZANG GIS ZHUS PA LAS, SA PHUNG BSHANG SGOR LNGA STE MTSAN LA GSUm,,

, ,GA-YON LA GSUM STE LAG PA GNYIS LA BDUN, ,YANG NAS DANG CHU DAG JI SRID DU, ,DRI MA DRI BRAL DE SRID BAR DU BYA, ,ZHES GSUNGS SO, ,DE NAS LHA'I KHANG PA'I DRUNG DU PHYIN PA DANG RKANG PA BKRUS NAS SHAR RAM BYANG DU KHA BLTAS TE NYE REG BYAS NAS, GNAS SU ZHUGS TE LHA RNAMS MNGON SUM DU DMIGS LA PHYAG BYAS NAS DAM TSIG LA 'JUG PA 'DI BZLAS PAR BYA'O, ,AOm BI RA DZA BI RA DZA MH'A BADZRA, SA TA SA TA SA RA TA SA RA TA, TRA YI TRA YI BI RDHA MA NI SAm BHAN DZA NI TA RA MA TI SI DDHA AA GRE TAm SV'AH'A ZHES SO, ,GSUM PA NI, DE NAS SPOS CHU LAG MTHIL DU BLUGS LA SKABS GANG YIN GYI RIGS KYI SNYING PO GSUM GANG RUNG BZLAS LA RANG GI SPYI BOR BSANG GTOR BYAS TE, 'BAGS PA'I SKYON LA SOGS PA BSAL LA, KU SHA LA SOGS PA'I STAN GANG RUNG BDUD RTZI THAB SBYOR GYIS BSANG GTOR BYAS TE GDAN DE LA BKRA SHIS SAM PADMA 'AM RDO RJE SKYIL KRUNG GANG RUNG GIS 'DUG PAR BYA'O, ,DE NAS LAG PA GA-YAS PA'I MKHRIG MA LA GDU BU DANG SRIN LAG GA-YAS PA LA KU SHA'I BSANG BYED GDAGS, ZE'U KHA DANG SNGAR BSHAD PA'I GTZUG TOR GYI GZUGS BRNYAN BCING NGO, ,DE LA GDU BU NI BU MOS BKAL BA'I SKUD PA GRANGS MI MNYAM PA BSGRIL NAS MDUD PA GRANGS MI MNYAM PA BER TE, DBUS SU RIGS GANG YIN GYI 'PHRENG RDOG GCIG BTAGS NAS RANG RANG GI SNGAGS BZLAS PA'O, ,AOm RU RU SPHU RU DZVA LA TIshthA SIDDHA LO TZA NE SARBA AARTHA S'A DHA NI SV'AH'A, ZHES PA DANG, DKON COG GSUM LA PHYAG 'TSAL LO, ,BYANG CHUB SEMS DPA' SEMS DPA' CHEN PO 'PHAGS PA SPYAN RAS GZIGS KYI DBANG PHYUG LA PHYAG 'TSAL LO, ,MTHONG BA DANG NI THOS PA DANG, ,REG PA DANG NI DRAN PA'ANG RUNG, ,BDAG NI SEMS CAN

THAMS CAD KYI, ,NAD RNAMS KUN GYI GSOS GYUR CIG ,TADYA TH'A KA tE BI KA tE DKAm KA tE KA tE BI KA tE, KAm KA tE BHA GA WA TI BI DZA YE SR'A H'A ZHES PA DANG, AOm KU LANDHA' Ri BANDHA BANDHA H'Um PHAt CES PA NI RIM PA BZHIN DU, DE BZHIN GSHEGS PA DANG PADMA DANG RDO RJE'I RIGS KYI GDU BU'I RIG SNGAGS TE RIGS KYI YUM YIN NO, ,DE'I PHAN YON NI LEGS GRUB KYI RIG SNGAGS KYI 'DUL BA RIM PAR PHYE BA LAS, 'DI DAG NYID KYIS DE LA NI, ,BGEGS KYIS ZIL GYIS NON MI 'GYUR, ,DE DAG BRJOD PAS MYUR DU NI, ,DNGOS GRUB THOB CING GTZANG BAR 'GYUR, ,ZHES GSUNGS SHING KU SHA'I BSANG BYED KYANG DE NYID LAS, RIGS KYI SNYING PO 'BRU GSUM PAS, ,SO SOR BZLAS BRJOD BYAS PA YIS, ,KU SHA YI NI BSANG BYED KYANG, ,SRIN LAG LA NI GDAGS PAR BYA, ,DZI NA DZI KA, AA RO LI KA, BADZRA DHRI KA, MCHOD DANG BZLAS BRJOD SBYIN SREG LA, ,DE NI RTAG TU BCAD PAR BYA, ,SGRUB PA PO NI 'BAD PA NA, ,'DIS NI LAG PA GTZANG BAR 'GYUR, ,ZHES GSUNGS TE GDU BU LA SPOS KYIS BYUGS NAS SNGAGS BRGYA BZLA BAR BSHAD DO, ,ZE'U KHA NGAR RAM RAS DMAR PO LAS BYAS PA'I THOD DE DE LA GDAB PA'I SNGAGS NI 'OG NAS GOS LA GDAB PAR GSUNGS PA'I SNGAGS SO, ,GOS LA YANG SNGAGS DES BTAB NAS BGO'O, ,THOG PHOG PA'I SHING NGAM NI MA PA'AM DUR KHROD KYI MGAL DU MA MAM TZAN DAN NAM GZHAN YANG RUNG RDO RJE RTZA GSUm PA BYAS LA LEGS PAR BKRU, TZAN DAN DMAR PO BSKUS LA KHRO BO LEGS GRUB TU BSKYED, RANG 'DRA SPYAN DRANGS TE MCHOD PA SOGS BYAS NAS, AOm DHUN BADZRA H'A ZHES PA DANG PO'I RAB GNAS KYI DUS YIN NA STONG GZHAN GYI TSE BDUN BZLAS LA, BCOM LDAN 'DAS

, ,BDAG LA THUGS BRTZE BA'I SLAD DU BZHUGS TE BDAG GI LAS THAMS CAD MDZAD DU GSOL ZHES GSOL BA BTAB PA'I LAS KYI RDO RJE MCHOD PA LA SOGS PA BYED PA'I TSE LAG PA GA-YON PAS BZUNG NGO, ,NYIN RE BZHIN DU MCHOD CING RANG GI SNGAGS KYIS LAN BDUN BSNGAGS PAR BYA STE, DE BCINGS BAS BGEGS DANG LOG 'DREN DANG GNOD PA BYED PA RNAMS SKRAG NAS 'BROS PAR LEGS GRUB LAS GSUNGS SO, ,DE NAS SKYABS SU 'GRO BA DANG SEMS BSKYED PA SNGON DU BTANG NAS, RIGS GSUM GYI LAS THAMS CAD PA DANG, NA MO RATNA TRA Y'A YA SOGS SNGAR BSHAD PA'I BDUD RTZI THAB SBYER GYI SNGAGS GANG RUNG GIS SPOS CHU LA BZALS TE 'THOR YAB KYIS ME TOG LA SOGS PA'I BGEGS BSAL BAR BYA'O, ,YANG RIGS KYI BDAG PO'I GSANG SNGAGS SAM RIGS KYI SNYING PO DZI NA DZIK LA SOGS PA SKABS SU GANG BAB PAS BSANG BAR BYA STA LAG PA GA-YEN PAR BZHAG PA'I SBOS KYI CHUS BYA'O, ,DE NAS SNGAR BSHAD PA'I BGEGS BSAL BA'I PHYAG RGYA LAS GA-YON PA'I GUNG MO GA-YAS KYI LAG PA'I SOR MO GSUM RDO RJE'I TSUL DU BYAS PAS BZUNG BA BYIN SKYED PA'I PHYAG RGYAS, DRI DANG ME TOG LA SOGS PA'I STENG DU ZIM ZHING BYEN SKYED PA'I SNGAGS BZLAS PAS MCHOD PA RNAMS PHUL DU BYUNG BA'I LHA RDZAS SU GYUR PAR BSAM MO, ,AOm TE DZA: TE DZA: SA NI SIDDHI S'A DHA YA H'Um PHAt CES PA DANG, AOm DI BYA DI BYA DHI PA YA, AA BE SHA MAH'A SHRA'I YA YE SV'AH'A ZHES PA DANG, AOm LA DZVA LA DZVA LA YA BA NA DHA RI H'Um PHAt CES PA RNAMS RIM PA BZHIN DU RIGS GSUM GYI SDAGS SO, ,DE NAS SNGAR BSHAD PA'I BDUD RTZI THAB SBYOR GYI SNGAGS KYIS BYIN GYIS BRLAB LA RIGS KYI SNYING PO SKABS SU

GANG BAB PA BZLA PAR BYA'O, ,BZHI PA NI, DE NAS SNGAR BSHAD PA'I LUS KYI BGEGS BSAL BA'I SNGAGS RGYA BYA BA 'AM YANG NA CI SHES PAS BDAG NYID BSRUNGS NAS RIGS GSUM GYI LAS THAMS CAD PA'I SNGAGS DANG, BDUD RTZI THAB SBYOR GYI SNGAGS, NA MO RATNA TRA Y'A YA NAS MRi TE H'Um PHAt CES PA'I BAR GANG RUNG GIS SPOS CHU LA BZLAS NAS BDAG LA GTOR LA BGEGS BSAL BAR BYA'O, ,AOm TRAm BANDHA SR'AH'A ZHES PA DANG, AOm NA MO MAH'A SHR'I Y'A YEE, SOO ME SIDDHI SIDDHI S'A DHA YA, SHI BI SHI BAm KA Ri, AA BHA HA, SARBA AARTHA S'A DHA NI SV'AH'A ZHES PA DANG, AOm AA K'I LI K'I LA BADZRA H'Um PHAt CES PA NI RIM PA BZHIN DU DE BZHIN GSHEGS PA LA SOGS PA RIGS GSUM GYI LAS THAMS CAD PA'I SNGAGS SO, ,DE NAS GNAS BSRUNG BA'I DON DU BSRUNG BA'I 'KHOR LO BSGOM STE, AOm )+I LI K'I LA BADZRI BDZI BH'UR BANDHA H'Um PHAt CES PA 'DIS SPOS CHU LA LAN BDUN BZLAS TE PHYOGS KUN DU BSANG GTOR BYA ZHING, LAG PA GNYIS KYI GUNG MO DANG SRIN LAG RNAMS PHAN TSUN GDU BU LTAR BYAS LA SO SO'I DRUNG DU RTZE MO SBYAR TE MTHE'U CHUNG DANG MDZUB MO GNYIS BSHIBS TE BSGRENG MTHE BONG PHUR BU'I TSUL DU BYAS TE SA LA BTZUGS PA PHUR BU'I PHYAG RGYA BYA ZHING, BSHAD MA THAG PA'I SNGAGS BTON NAS BGEGS RNAMS LA KHRO BO RDO RJE PHUR BUS BTAB PAS GA-YO 'GUL MED PAR BSAM MO, ,AOm SU SIDDHI KA RA DZVA LI TA, AA NANTA MU RTA YI DZVA LA DZVA LA BANDHA BANDHA HA NA HA NA H'Um PHAt CES BZLAS PA'I BDUG PAS BDUGS TE STENG GI LHA RNAMS BCINGS PAR BSAM MO, ,SNGAGS DE NI RIGS GSUM GYI SPYI'I YIN NO, ,DE BZHIN GSHEGS PA'I RIGS LA AOm DZVA LA H'Um DANG, PAD MA'I RIGS LA AOm PADMI NI BHA GA WA TI MO HA YA,

, ,MO HA YA, DZA GAD MO HA NI SV'AH'A, ZHES GSUNGS NAS RGYUD DANG MNGON RTOGS GNYIS KA NAS RDO RJE'I RIGS LA LOGS PA MI SNANG NGO, ,DE NAS RIGS KYI SNYING PO GANG YIN BZLAS PA'I SPOS CHUS KHO RA KHOR YUG TU GTOR LA, BHRUm AOm AA MRi TOTBHA BA AUTBHA BA H'Um PHAt; NA MO RTNA TRA Y'A YA, NA MA shTZA ndA BADZRA P'A nA YE, MAH'A YAKshA SE NA PA TA YE, AOm SU MBHA NI SU MBHA H'Um, GRAmHnA NI SUMBHA H'Um,GRiHnA H'Um, GRiHnA PA YA GRiHn'A PA YA H'Um, A'A NA YA HO BHA GA W'Am BIDY'A R'A DZA H'Um PHAt SV'A HA' ZHES PA'I SNGAGS KYIS PHYOGS KYI BGEGS THAMS CAD BCINGS PAR BAS MO; ;DE NI RIGS GSUM GYI RIG PA'I RGYAL PO'I GSANG SNGAGS SO, ,DE NAS PHUR BU'I PHYAG RGYA LAS MTHE BONG GNYIS GYEN DU BSGRENG BAR PA'I PHYAG RGYA BYAS LA, NA MO RATNA TRA Y'A YA, NA MA SHTZAndA BADZRA P'A nA YE, MAH'A YAKshA SE NA PA TA YE, TADYA TH'A, AOm SA RA SA RA BADZRA PRAK RA H'Um PHAt CES BRJOD PAS RDO RJE'I RA BAS BAR MTSAMS MED PAR BSKOR BAR BSAM MO, ,RA BA'I PHYAG RGYA NYID KHA THUR DU BSTAN NAS BSKOR LA, NA MO RATNA TRA Y'A YA, NA MA SHTZAndA BADZRA P'A nA YE, MAH'A YAKshA SE NA BA TA YE, AOm BI SPHU RAKshA BADZRA P'A nI H'Um PHAt CES PAS RDO RJE RA BA'I STENG NAS RDO RJE'I DRA BA STE GUR BYUNG BAR BSAM MO, ,DE NAS SNGAR BSHAD PA'I BDUD RTZI THAB SBYOR DANG K'I LI K'I LA'I SNGAGS DANG PHYAG RGYAS DE RNAMS BYIN GYIS BRLAB STE, LEGS GRUB LAS, KHANG PA'I KHO RA KHOR YUG TU RA BA DANG DRA BA DANG PHUR BU LA KHRO BO DE GNYIS RTAG TU SBYAR BAR BSHAD DO, ,DE NAS KHU TSUR BCINGS TE MTHE BOS SEN MO RNAMS MNAN LA MDZUB MO PHYUNG NAS DBUS NAS BSKOR ZHING, NA MA: SA MANTA BDZRA nI, AOm TA RA TA RA, TU RU TU RU, MA tA MA tA, BANDHA BANDHA, SARBA DRA AA PRA TI HA TE, SA SAm SE SA MA BANDHA, KU RU KU RU

TA RA TA RA SA MANTA BDZE, SA MANTA BDZRE, KU RU AA MA LE KU RU nA, MA YE TU TA YE TU TA YE, BA RA BA RA KA RA KA RA SU MI MA SA MANTA, BI DHVAN SA YE DZVA LA YA SV'A H'A, ZHES PAS RA BA'I PHYOGS THAMS CAD ME DPUNG 'BAR BAS KHYAB PAR BSAMS LA MTSAMS BCING NGO, , GNYIS PA LA GNYIS, BZLAS BRJOD KYI YAN LAG GI BSAM GTAN DANG, DE LA BRTEN NAS BZLAS BRJOD JI LTRA BYA BA'O, ,DANG PO NI, BSAM GTAN PHYI MA LAS, LHA YI SKU YI GNAS DE LA, ,DANG PO KHO NAR MCHOD NAS NI, ,RNAL 'BYOR GNAS BCAS SHES RAB CAN, ,BDER GSHEGS MDUN DU BSAMS NAS NI, ,ZHES DANG POR LHA LA MCHOD NAS DE'I 'OG TU RANG LHAR SKYED PA BSHAD LA, 'GREL PA LAS MCHOD PA MTSON BYED TZAM YIN PAS GTZANG SGRA BYA BA DANG BDAG DANG GNAS BSRUNG BA DANG LHA SPYAN DRANG BA SOGS KYANG BYA DGOS TE DE DAG MA BYAS PAR LHA MCHOD PA'I SKABS MED PA'I PHYIR RO, ,GTZANG SPRA SOGS DE DAG KYANG THAMS CAD LA SHES PAR BYA'O ZHES BSHAD PAS SANGS RGYAS GSANG BA NI RIM PA DE LTAR BZHED LA, LEGS GRUB KYI MNGON RTOG LAS SNGON DU RANG NYID LHAR SKYED DE NAS LHA SPYAN DRANGS NAS MCHOD PA SOGS BYED PAR BSHAD DE SGOM PA'I RIM PA LA SNGA MA BDE BAR SNANG YANG 'DRI NI BYANG CHUB MCHOG GI GZHUNG LA SHAS CHER BRTEN PAS PHYI MA BZHIN DU BSHAD PAR BYA'O, ,'DI LA GNYIS, RANG NYID LHAR SKYED PA DANG, MDUN DU BYE SHES PA SPYAN DRANGS PA LA MCHD PA SOGS SO, ,DANG PO NI, DE NAS LUS DRANGS POR BSRANG STE BZHAG LA, DBANG PO YUL GYI KHYAD PAR DAG LAS NANG DU BZLOG STE MGRIN PA RMA BYA LTAR BYAS NAS DBUGS PHYI NANG DU RGYU BA DAL BUS DBYUNG ZHING MIG CUNG ZAD TZAM PHYE STE SNA'I RTZE MOR GTANG CING SOS SO MAN NA NAS LCE RKAN LA SPYIR TE

, ,SEMS CAN GYI TSOGS MA LUS PA LA DMIGS NAS, DE DAG SDUG BSNGAL LAS BSGRAL BAR BYA BA'I KHUR 'KHYER BA'I SNYING RJE CHEN PO BSKYED NAS, DE RNAMS KYI DON DU BLA NA MED PA'I BYANG CHUB THOB PAR BYA'O SNYAM PA'I BYANG CHUB KYI SEMS 'BAD NAS BSKYED DE BSOD NAMS KYI TSOGS BSAG PAR BYA STE, SEMS DE LA GNAS NAS DGE BA BSGRUBS PA THAMS CAD NI THAMS CAD MKHYEN PA'I YE SHES 'DREN PAR BYED CING, DES BYIN GYIS BRLABS PA'I DGE BA DAG NI 'KHOR BA NA YANG BDE BA MTHA' YAS PA 'DREN PAR BYED PA'I PHYIR RO, ,DE NAS DON DAM PA'I BYANG CHUB KYI SEMS BSGOM PA NI BSAM GTAN PHYI MA LAS, PHYI NAS YAN LAG RNAM GROL BA, ,MI 'BYED 'BYED PA RNAM PAR SPANGS, ,PHRA BA MI GA-YO GSAL BA STE, ,BLO YI DPYOD PA MDUN NA GNAS, ,ZHES PAS STON NO, ,MU STEGS KYIS KUN BTAGS PA'I BDAG NI THA SNYAD DU YANG MED PAS, PHUNG PO LNGA PO 'DI TZAM LA BDAG CES BTAGS PA TZAM MO, ,DE 'DRA BA'I BDAG GI DE KHO NA NYID NI 'DI 'DRAR BYAS ZHES DRANG NGO, ,DUS NI LHA SPYAN DRANGS PA LA MCHOD PA SOGS BYAS PA'I PHYI NAS SO; JI 'DRA BAR BYAS PA NI, DON DAM PA LA BRTEN PA'I RNAM PAR DPYOD PAS DPYAD NA GZHAN RGYUD KYI MIG LA SOGS PA'I SHES PAS MI 'BYED PA STE MI 'DZIN ZHING, BDAG DES KYANG YUL GZHAN 'BYED PA STE 'DZIN PA RNAM PAR SPANGS TE, DON DAM PAR NA MGO LA SOGS PA'I YAN LAG RNAMS RNAM PAR GROL BA STE MA GRUB PA'I PHYIR RO, ,DES NI GZUNG 'DZIN BDEN PA BKAG PAS GNYIS KYIS STONG PA STE BDAG NYID 'DI 'DRAR BYAS PA'O, ,DE LTA NA'ANG RMI LAM GYI SHES PA DANG 'DRA BAR NANG GI 'KHRUL PA'I DBANG GIS DON DU SNANG BA

'DI SUS 'GOG NUS SNYAM NAS GNYIS STONG GIS SHES PA BDEN PAR RTOGS NA, DE LA YANG RANG BZHIN MED PA NI SHIN TU PHRA BAS NA PHRA ZHES GSUNGS SO, ,DES NI BDAG GI DON DAM PA'I DE KHO NA NYID SPROS PA'I MTSAN MA THAMS CAD DANG BRAL BA BSTAN NAS, DE SGOM PA'I TSUL NI MI GA-YO ZHES PA'I RKANG PA PHYED DANG GNYIS KYIS STON TE 'DI'I 'OG TU BSHAD PAR BYA'O, ,BYANG CHUB MCHOG KYANG SNAGS RGYAS BSANG BAS BSHAD PA DANG DON 'DRA BAR SNANG NGO, ,DE LTAR BDAG GI DE KHO NA NYID DON DAM PAR SPROS PA THAMS CAD DANG BRAL BA JI LTAR YIN PA DE BZHIN DU LHA'I DE KHO NA NYID KYANG DE LTAR YIN PAS DE GNYIS CHU DANG 'O MA 'DRES PA BZHIN DU DBYER MI PHYED PA RNAM PAR MI RTOG PA'I SNANG BA'I SGO DE NYID DU BDAG DANG LHA GNYIS GCIG PAR NGA RGYAL BYAS TE, SNANG BA MED PAR RANG GIS RIG PA SHIN TU NGES PAR GYUR PA DE SRID DU BSAM GTAN BYA STE DON DAM PA'I LHA'I, ,DE LTAR GANG ZAG DANG CHOS KYI BDAG MTHA' DAG GIS STONG PA'I STONG PA NYID SGOM PA NI, RGYUD STE GZHAN ANS LHA SGOM PA'I SNGON DU SVA BH'A WA LA SOGS PA'I SNGAGS BRJOD NAS DE'I DON SGOM PA DANG GNAD GCIG GO ,DE LAS LANGS NAS SKABS KYI LHA GANG YIN PA DE'I SNGAGS KYI GDANGS KYI RNAM PAR GRAG PAR DMIGS PA NI SGRA'I LHA STE, LEGS GRUB KYI MNGON RTOGS LAS 'DI MA BYUNG ZHING MTSAMS 'DIR SEMS DE ZLA BA'I DKYIL 'KHOR GYI RNAM PAR SGOM PAR BSHAD DE DE LA SLOB DPON GNYIS KA 'DRA'O, ,DE LAS SKABS KYI SNGAGS GANG YIN PA YIG 'BRU BRIS PA'I RNAM PA CAN DU NAM MKHA' LA SNANG BAR BSAM STE, DE YANG SHIN TU DAG PA'I DNGUL CHU GSER GYI BYE MA LA ZHEN PA LTAR BDAG DANG LHA'I DE KHO NA NYID DBYER MED PA'I RNAM PA CAN GYI SEMS ZLA BA'I DKYIL 'KHOR DU GYUR PA'I STENG DU GO RIM BZHIN DU

, ,'KHOD PAR BSAM PA NI YI GE'I LHA'O, ,'DIR LEGS GRUB KYI MNGON RTOGS LAS BZLAS PA BYA RGYU'I SNGAGS LA BSHAD PA TZAM MA GTOGS PA SLOB DPON GNYIS KAS GSAL KHA MA MDZAD KYANG, DE BZHIN GSHEGS PA'I RIGS RNAM RGYAL GYI SNGAGS SGRUB THABS RGYA MTSO LAS BSHAD PA'I AOm BHRUm SV'AH'A ZHES PA DANG, 'OD ZER CAN YIN NA AOm M'A RI TZYEE MAm SV'A H'A ZHES PA LA SOGS PA SNGAGS THUNG BAS KYANG CHOG PAR MNGON NO, ,DE BZHIN DU PADMA'I RIGS SPYAN RAS GZIGS LA SOGS PA DANG RDO RJE'I RIGS RNAM 'JOMS LA SOGS PA LA YANG SHES PAR BYA'O, ,DE NAS ZLA BA LAS 'OD ZER SPRO BA TZAM LAS SANGS RGYAS GSANG BAS MA GSUNGS KYANG BYANG CHUB MCHOG GIS BSHAD PA LTAR ZLA BA SNGAGS DANG BCAS PA LAS 'OD ZER SNA TSOGS BYUNG BA'I RTZE MO LA GANG BSGOM PAR BYA BA'I LHA'I GZUGS BYUNG NAS NAM MKHA'I DBYINGS THAMS CAD KHYAB PAR BYAS RGYAL BA THAMS CAD LA MCHOD PA'I SPRIN CHEN PO SPRUL PAS LEGS PAR MCHOD, GZHAN YANG SPRIN CHEN PO SPRUL PA LAS BDUD RTZI'I CHAR RGYUN BAB PAS DMYAL BA'I ME RNAMS ZHI ZHING DE RNAMS TSIM PAR BYAS NAS, LHA'I SKU DANG BCAS PA'I 'OD ZER SLAR LOG NAS RANG GI SEMS ZLA BA'I DKYIL 'KHOR LA ZHUGS PA LAS SKABS KYI LHA GANG YIN DU BSGOM LA, RANG DANG THA MI DAD PA'I NGA RGYAL BYA BA NI GZUGS KYI LHA'O, ,DMYAL BA'I SDUG BSNGAL ZHI BAR BYAS PA NI MTSON PA TZAM DU BYAS NAS SEMS CAN GZHAN LA YANG SBYAR DU RUNG NGO, ,DE NAS PHYAG RGYA'I LHA NI BSAM GTAN PHYI MA'I 'GREL PA LAS, DE LAS KYANG LANGS NAS 'TSOGS MA DANG SPYI GTZUG LA SOGS PA'I PHYAG RGYA RNAMS KYIS YAN LAG DANG BCAS PAR BYAS LA, ZHES GSUNGS

PA LTAR NA 'DI DAG GI RGYUD SO SO NAS GTZUG TOR DANG MDZOD SKU DANG SPYAN LA SOGS PA'I PHYAG RGYA BCINGS NAS SNGAGS BRJOD PAR GSUNGS PA LTAR, SNGAGS RGYA RNAMS KYI GNAS DE DAG TU GTUGS NAS RIGS GSUM PO GANG SKABS SU BAB PA'I LHA DE'I GTZUG TOR SOGS BYIN GYIS RLOB PA STE, RGYUD SDE GZHAN NAS MIG LA SOGS PA BYIN GYIS RLOB PA'I DOD DO, ,DE LTAR MA GRUB NA BYANG CHUB MCHOG GIS, DE NAS RANG GI LHA NYID KYI DAM TSIG GI PHYAG RGYA BCINGS NAS SNYING KHA DANG SMIN MTSAMS DANG MGRIN PA DANG DPUNG MGO RNAMS SU BYIN GYIS BRLAB PO; ;ZHES GSUNGS PAS SNGAR BSHAD PA'I RIGS GSUM PO'I DAM RGYA DANG SNGAGS KYIS BYA STE, RNAM RGYAL DANG GDUGS DKAR DANG 'JAM DBYANGS LTA BU LA DE BZHIN GSHEGS PA'I RIGS KYI SNGAGS RGYAS BYA BA SOGS SO SOR SHES PAR BYA'O, ,LHA DRUG PA LA NI, BSAM GTAN PHYI MA'I 'GREL PA LAS, RKUN RDZOB PA'I TING NGE 'DZIN RNAM PA DANG BCAS PA ZHES PA DANG, RNAM PAR RTOG PA DANG BCAS PA'I LHA ZHES KYANG GSUNGS LA, GZHAN NAS MTSAN MA'I LHA ZHES KYANG GSUNGS TE BSKYED ZIN PA'I LHA DE NYID SGOM PA LA BYA'O, ,DE LTAR LHA DRUG GIS BSGOM PA NI BSAM GTAN PHYI MA LAS, BDAG NYID 'DI 'DRAR BYAS NAS NI, ,SNGAGS KYI RNAM PAR SHES PAS BSGOM, ,ZHES GSUNGS PA'I DON DU 'GREL TE, SNGAGS KYI RNAM PAR SHES PA NI GSANG SNGAGS RNAM PA DRUG CES PA LHA DRUG GO ,DES SEMS RGYUD LA BSGOM PA LA DE BSGOM ZHES GSUNGS PAR 'CHAD DO, ,RNAM 'JOMS KYI RGYUD RGYAS PA LAS GSAL BAR GSUNGS PA, SANGS RGYAS GSANG BA'I RNAM 'JAMS KYI 'GREL PA LAS, DANG PO KHRUS BYAS RNAL 'BYOR PAS, ,RDO RJE GDAN LA GNAS NAS NI, ,MCHOD DANG GSOL BAS LHA DRUG BSGOM, ,STONG PA YI GE

, ,SGRA GZUGS DANG, ,PHYAG RGYA MTSAN MA DRUG YIN TE, ,ZHES DRANGS SHING, SANGS RGYAS DANG BYANG CHUB SEMS DPA' ZHUGS PA STONG PA NYID LA SOGS PA'I BYANG CHUB PA DRUG GIS BDAG PHYAG NA RDO RJER BYA BA DANG, ZHES GSUNGS TE, RGYUD GZHAN NAS BYANG CHUB PA LNGAS LHA SKYED PA'I DOD DO, ,TSUL 'DI YANG BSAM GTAN PHYI MA'I 'GREL PA LAS, 'DI NI RI SHIG SPYI'I GSANG SNGAGS KYI RNAM PAR SHES BSGOM PA'I RIM PA'O, ,GANG KHA CIG TU RNAM PA GZHAN DU GSUNGS PA DE DAG TU YANG DE BZHIN DU SBYAR BAR BYA'O, ,ZHES BYA RGYUD PA'I LHA'I RNAL 'BYOR GYI BSKYED CHOG 'DI DANG 'DRA MI 'DRA THAMS CAD LA SBYOR BAR BZHED DO, ,DE LA LHA DRUG SGOM PA NI GNYIS TE, LHA DRUG RIM PA BZHIN DU SEMS PA DANG LHA'I SKU MDOG PHYAG MTSAN RIM PA BZHIN DU SEMS PA DMIGS PA DU MA LA RNAM PA DU MAS 'JUG PA NI BSAM GTAN GYIS SGOM PA'O, ,BSAM GTAN GYIS JI LTAR BSAMS PA'I LHA'I SKU DE LA RNAM PA MANG POR MI SEMS PAR RNAM PA GCIG GI SGO NAS GNAS PA NI TING NGE 'DZIN GYIS SGOM PA STE, TING NGE 'DZIN NI SEMS RTZE GCIG PAR BSHAD PA'I PHYIR RO, ,DE YANG BSAM GTAN PHYI MA LAS, SNGAGS KYI RNAM PAR SHES PAS BSGOM, ,BSDAMS NAS TING NGE 'DZIN LA GNAS, ,SROG DANG RTZOL BA RAB TU BSDAM, ,ZHES GSUNGS PA'I RKANG PA DANG PO DANG, TING NGE 'DZIN LA GNAS ZHES PA GNYIS KYIS SGOM TSUL GNYIS BSTAN ZHING, LHAG MAS TING NGE 'DZIN GYIS SGOM PA'I SKABS SU SROG RTZOL SDOM PA GSUNGS SO, ,DE YI RIM PA NI 'DI YIN TE, SNGAR BSHAD PA LTAR GYI LUS GNAD DANG LDAN PAR BYAS TE, RTOG PA GZHAN DU MA YENGS PAR GZUGS KYI LHA'I BAR DU RIM PA BZHIN DU BSGOMS NAS, RANG LHAR GSAL BA'I NGA RGYAL GZUNG BA

SNGON DU BYA'O, ,DE NAS MIG DANG RNA BA DANG SNA DANG KHA DANG LTE BA DANG PHO MO'I DBANG PO DANG, MI GTZANG BA'I BU GA DANG SKRA DANG BA SPU'I BU GA NAS 'BYUNG 'JUG BYED PA'I RLUNG NI SROG YIN LA, RTZOL BA NI DMIGS PA GZHAN DRAN NAS DE LA GA-YENG BA'I DRAN PA YIN PAS, DE GNYIS BSDAM STE 'DI LTAR DBUGS 'BYUNG 'JUG 'GOG PA GYEN DU 'DREN PA'I RLUNG GIS RUS SBAL GYI YAN LAG SKUM PA DANG LCES CHU BTUNG BA'I TSUL BZHIN DU LUS THAMS CAD KYI DBUGS RGYU BA DANG, MNYAM PAR MA BZHAG PA'I YID RANG DGAR DBANG PO'I GRONG NAS RAB TU RGYU BA RNAMS NANG DU BSDUS TE, DE LTA NA'ANG PHUG GI NANG NA GNAS PA'I MI PHYI ROL TU LTA BA BZHIN DU MIG ZAM ZIM DU BYAS SHING GDONG CUNG ZAD BSTOD DE RANG LTAR GSAL BA'I SKU LA DMIGS LA RTZE GCIG TU MNYAM PAR GZHAG PAR BYA'O, ,SROG RTZOL GYI DON DE LTAR YIN PA SNGAR DRANGS BA'I RNAM SNANG MNGON BYANG GIS 'GRUB LA, YANG NA SROG SNGAR DANG 'DRA ZHING RTZOL BA NI 'BYUNG 'JUG BKAG NAS RGYU BA RGYUN BCAD PA'O, ,DE 'DRA BA DE NUS PA CI YOD KYIS GZUNG PAR BYA, MI NUS PA NA DAL BUS BTANG STE BAG YANGS SU BYA LA RANG LHAR GSAL BA LA BLTA ZHING DE NAS YANG SNGAR BZHIN DU BYA'O, ,BSGOMS PAS DUB PHA NA NGAL BSO BA'I TSUL NI 'CHAD PAR 'GYUR RO, ,'DIR LHA'I SKU GSAL BAR SNANG BA LA SEMS YUN RING DU GNAS PA'I TING NGE 'DZIN SKYED DGOS LA, SEMS KYI RTA RLUNG YIN PAS DE BZUNG NA SEMS DMIGS PA GCIG LA GZUNG SLA BA LA DGONGS NAS RLUNG 'DZIN PA YIN PAR BSAM GTAN PHYI MA'I 'GREL PA LAS GSUNGS TE, SEMS RGYAL PO DRAN PA DANG TING NGE 'DZIN DANG YID LA BYED PA LA SOGS PA'I 'KHOR GYIS BSKOR BA SROG GI RTA LA ZHON PA NYID DU 'DOD DE, SROG GI RTA DE BZUNG NA

, ,SEMS RGYAL PO 'KHOR DANG BCAS PA NGES PAR BZUNG BAR 'GYUR RO, ,'DI LTAR GZHAN DAG LAS KYANG, SROG 'GOG PA STE DE BKAG PAS DRAN PA DANG BLO DANG YID LA BYED PA LA SOGS PA DANG BCAS PA'I BDAG GI SEMS NGES PAR BZUNG BAR 'GYUR RO ZHES GSUNGS SO, ,ZHES SO, ,BSAM GTAN LA YANG BSDAM PA DGOS MOD KYANG DE NI DMIGS PA MANG PO LA 'JUG PA YIN PAS, TING NGE 'DZIN DMIGS PA GCIG LA 'JUG PA LA BSDAM DGOS PA LTAR DE LA MI DGOS PAS BSDAMS NAS TING NGE 'DZIN LA GNAS ZHES TING NGE 'DZIN LA GSUNGS KYI BSAM GTAN LA MA GSUNGS SO, ,'DI JI TZAM BAR DU BYA BA NI SNGAR PHYAG RDOR DBANG BSKUR BA'I RGYUD DRANGS PA LTAR, SPYOD LAM THAMS CAD DU LHA'I GSAL SNANG DANG LHA'I NGA RGYAL GYIS THA MAL PA'I NGA RGYAL 'GOG PA'I NUS PA THOB THOB TU BYA'O, , DE'I PHYIR LHA'I SKU'I RNAM PA SHAR BA LA SEMS GZUNG BA TZAM GYIS MI CHOG GI NGA RGYAL BRTAN PAR BYAS NAS DE LA SEMS GZUNG BA DANG GNYIS KA DGOS TE, 'DI RNAMS RGYAS PAR BLA MED KYI BSKYED RIM KYI SKABS SU BSHAD PAR BYA'O, ,BLA MED NAS LHA'I RNAL 'BYOR BRTAN PA'I 'OG TU RLUNG 'DZIN PA'I RLUNG GI RNAL 'BYOR GSUNGS KYANG 'DIR NI LHA'I SKU LA SEMS 'DZIN PA DANG DUS MNYAM DU BYA BAR GSUNGS SO, ,'DI RNAMS SLOB DPON BYANG CHUB MCHOG GIS MA BSHAD KYANG SLOB DPON SANGS RGYAS GSANG BAS RGYUD KYI DON GSAL BAR GSUNGS PA LTAR BSHAD PA YIN TE SHIN TU GAL CHE BAR SNANG NGO, ,RLUNG SBYOR DANG LHA SKU LA SEMS 'DZIN PA SBRAGS NAS LHA DRUG GI SKABS SU BYED PA 'DI SNGON DU YE SHES PA SPYAN DRANGS NAS MCHOD BSTOD SOGS BYED PA LTAR NA BDE ZHING, 'OG TU YE SHES PA SPYAN 'DREN PA SOGS

GO RIM MI BDE BAS, DANG PO SGRUB PA'I SKABS YIN NA GO RIM SANGS RGYAS GSANG BA LTAR BYA LA, SNGON DU BSNYEN PA SONG ZIN NAS DBANG BSKUR DANG BUM PA LA BRTEN PA'I KHRUS CHOG DANG, RANG GZHAN GYI DNGOS GRUB SGRUB PA LA SOGS PA'I SKABS YIN NA GO RIM GNYIS GANG BYAS KYANG 'DRA BAR MNGON NO, ,BDAG BSKYED 'OG TU BYED NA DER YANG MCHOD PA DANG BSTOD PA BYED PA BYA SPYOD KYI SGRUB THABS MDZAD PA'I SLOB DPON GZHAN RNAMS KYIS MDZAD PA LTAR BYA LA, SNGON DU BYED NA NI BDAG MDUN GNYIS KA LA SO SOR MA GRUB NA DUS GCIG TU BYAS KYANG CHOG GO ,BDAG BSKYED KYI SKABS SU SLOB DPON GZHAN GYIS NI RANG RANG GI SKABS KYI LHA RDZOGS PAR SGOM PA BSHAD LA, SLOB DPON 'DI GNYIS LTAR NA DANG PO BSNYEN PA'I SKABS KYI BDAG BSKYED KYI SKABS SU NI RIGS SO SO'I LHA GTZO BO RE RES CHOG LA, BSNYEN PA SNGON DU SONG ZIN NAS RANG GZHAN GYI DON SGRUB PA'I SKABS SU NI, BDAG BSKYED KYI SKABS SU LHA JI TZAM BSHAD PA TSANG BAR BYAS NA LEGS SO, ,YE SHES PA GZHUG PA DANG DBANG BSKUR ZHING RGYAS GDAB PA SOGS SLOB DPON GZHAN RNAMS KYIS BSHAD PA LTAR BYAS NA'ANG RUNG LA, SLOB DPON 'DI GNYIS KYIS MA BSHAD PA LTAR NA'ANG 'GAL BA MED DO, ,GNYIS PA LA DRUG ,RTEN BSKYED PA DANG, BRTEN PA LHA SPYAN DRANGS TE BZHUGS SU GSOL BA DANG, PHYAG RGYA BSTAN PA DANG, MCHOD BSTOD BYA BA DANG, BSHAGS PA LA SOGS PA BYA BA DANG, TSAD MED BZHI BSGOM PA'O, ,DANG PO NI, RANG GI MDUN BRIS SKU LA SOGS PA GANG DU BKRAM PA'I PHYOGS SU RIN PO CHE DU MA LAS BYAS PA'I SA GZHI GSER GYI BYE MA BDAL BA BSAMS NAS, AOm TZA LA B'I H'Um SV'AH'A, ZHES PAS BYIN GYIS BRLAB LA, DE'I STENG DU 'O MA'I RGYA MTSO CHEN PO NYA LCIBS LA SOGS PA'I SKYON DANG BRAL BA, PADMA

, ,DANG AUTPAL LA SOGS PA'I ME TOG GIS BRGYAN PA, RIN PO CHE'I BYA'I TSOGS MANG PO LDING BA BSAMS LA, AOm BI MA LA DHA HA H'Um ZHES PAS BYIN GYIS BRLAB BO, ,DE'I DBUS SU RI RAB GRU BZHI PA NGOS BZHI NAS GSER DANG DNGUL DANG AINDRA N'I LA DANG SBUR LONG LAS BYAS PA'I THEM SKAS KYI PHRENG BAS BRGYAN PA, MTHA' THOG THAG DPAG BSAM GYI SHING LEGS PAR 'KHRUNGS PA LA RNAM PAR RGYAL BA'I BA DAN STONG 'PHUR BAS BRGYAN PAR BSAMS LA, DE'I STENG DU PADMA'I SDONG BU RIN PO CHE DU MAS BRGYAN PA'I RIN PO CHE SNA TSOGS KYIS 'DAB MA CAN, GSER GYI ZE BA DANG SPUR LONG GI ZE'U 'BRU DANG LDAN PA, SNYING PO'I THOG LA DNGUL GYI RI MOS BSKOR BA, DPAG TSAD DU MA'I KHYON CAN RI RAB KYI DBUS BRTOL NAS BYUNG ZHING, DE LAS KYANG PADMA'I DRA BA GZHAN BRGYA STONG KHRI BYE BA SNYED BYUNG BAR BSAM LA, PHYAG 'TSAL BA'I THAL MO LAS PHAN TSUN BSNOL TE GA-YAS PA'I MTHE BOS GA-YON PA'I MTHE BONG MNAN LA, NA MA: SARBA TA TH'A GA TA NAm, SARBA THA AUTGA TE SPHA RA nA HI MAm GA GA NA KHAm SV'AH'A, ZHES LAN BRGYA BZLAS LA BYIN GYIS BRLAB BO, ,STENG DU BLA RE YANG YID KYIS SKAD CIG LA BSAM PAR BYA'O, ,'DIR GZHAL YAS KHANG SGOM PAR MA GSUNGS KYANG 'OG NAS GZHAL MED KHANG DANG BCAS PA SLAR GSHEGS SU GSOL LO, ,ZHES MNGON RTOGS LAS GSUNGS PAS GZHAL YAS KHANG YANG BSKYED PAR BYA'O, ,DE YANG PADMA SNGA MA'I DBUS SU GZHAN RNAMS KYANG YI GE LAS BSKYED PA MED PAR BSKYED PA BZHIN DKRONG BSKYED DAM BHRUm LAS BSKYED LA PADMA PHYI MA LTA'I GDAN DU BSKYED PAS CHOG PA 'DRA'O, ,SLOB DPON 'DI GNYIS KAS BDAG BSKYED LA GZHAL YAS KHANG BSKYED PA DANG GDAN

GZHAN MA BSHAD LA, SLOB DPON GZHAN RNAMS KYI SGRUB THABS LAS SENGGE'I KHRI LA SOGS PA DANG PAD ZLA DANG SROG CHAGS KYI GDAN DANG, RNAM RGYAL LA MCHOD RTEN GYI NANG DU BSKYED PA SOGS BSHAD DO, ,GNYIS PA NI, SPYAN 'DREN PA NI MCHOD YON GYIS BYA DGOS PAS THOG MAR MCHOD YON BSGRUB PAR BYA STE, DE'I SNOD NI GSER DNGUL DANG RDO BA DANG SHING NGAM DE LAS GZHAN PA'AM, THAMS CAD LA THUN MONG DU SHIS PA ZANGS KYI SNOD DU ZHI BA DANG DNGOS GRUB RAB LA NAS DANG 'O MA, RGYAS PA DANG DNGOS GRUB 'BRING LA TIL DANG ZHO, DRAG SHUL DANG DNGOS GRUB MTHA' MA LA BA'I GCIN DANG 'BRAS KO TRA BA DANG BCAS PA'AM KHRAG GI MCHOD YON DBUL LO, ,LAS THAMS CAD LA THUN MONG DU SHIS PA 'BRAS YOS DANG DRI BZANG PO'I SPOS DANG ME TOG DKAR PO DANG KU SHA DANG TIL CHU GTZANG DANG SBYAR BA BSHAMS LA; BDUG SPOS KYIS BDUG CING RIG PA'I RGYAL PO DANG SPYI'I RIGS KYI SNYING PO DANG, RIGS SO SO'I LAS THAMS CAD PA'I SNGAGS SNGAR BSHAD PA RNAMS DANG LHA SPYAN DRANG BA'I SNGAGS RNAMS LAS GANG RUNG CIG LAN BDUN BZLAS LA MCHOD YON BYIN GYIS BRLAB BO, ,DE NAS MDUN GYI BRIS SKU LA SOGS PA GANG DU YOD PA'I PHYOGS SU BLTAS TE, PHYAG 'TSAL PUS MO SA LA BTZUGS NAS SOR MO PHAN TSUN BSNOL TE, THAL MO BKAN LA MDZUB MO GNYIS BSHIBS TE BSGRENG ZHING MTHE BONG GNYIS GA-YAB PA SPYAN DRANG PA'I PHYAG RGYA BCAS LA, DAD PA DANG NI DAM TSIG GIS, ,TSUR GSHEGS TSUR GSHEGS BCOM LDAN 'DAS, ,BDAG GI MCHOD YON 'DI BZHES NAS, ,MCHOD PAS BDAG LA DGYES PAR MDZOD, ,CES BRJOD NAS, SNGAGS KYI MTHAR AE HYE HI BTAGS LA MCHOD YON GYI SNOD BZUNG NAS DE BZHIN GSHEGS

, ,PA'I RIGS LA MGO BO'I THAD KA NAS DBUL ZHING, GZHAN GNYIS LA BRANG DANG LTE BA'I THAD KA NAS PHUL BAS RANG 'DRA'I YE SHES PA BYON PAR BSAM MO, ,SNGAGS NI RIG SNGAGS KYI RGYAL PO'I SNGAGS KYIS LHA PHO DANG, RIG SNGAGS KYI RGYAL MO'I SNGAGS KYIS LHA MO SPYAN DRANG BA'AM, YANG NA SO SO'I SNGAGS KYIS BYA BA'AM, YANG NA SPYI'I RIGS KYI SNYING POS SPYAN DRANG PA MCHOG TU LEGS GRUB LAS GSUNGS TE, RNAM RGYAL LTA BU LA DZA NI DZA KI AE HYE HI ZHES PA LTA BU'O, ,DE YANG SPYAN DRANG RGYU'I LHA 'GRENG BA DANG 'DUG PA DANG GZUR BA LA DE LTAR BYAS NAS MCHOD YON GYIS SPYAN DRANG BA DANG, MCHOD YON GSUNGS PA BZHIN MA 'BYOR NA BZOD PA GSOL NAS CI 'BYOR PAS SPYAN DRANG BAR LEGS GRUB KYIS SPYAN DRANG BA'I RIM PAR PHYE BA LAS GSUNGS SO, ,LHA JI TZAM ZHIG SPYAN 'DREN PA NI BSAM GTAN PHYI MA LAS, GSANG SNGAGS LA SOGS DANG LDAN PA'I, ,RIG SNGAGS KHRO BO MANG PO KUN, ,RGYAL BA'I SKU LA MNGON PHYOGS PAR, ,BSAM GTAN NGOMS PHYIR RTAG TU GNAS, ,ZHES GSUNGS SHING, DE'I 'GREL PA LAS, RANG GI MDUN DU DE BZHIN GSHEGS PA'I SKU BSAMS LA RIG SNGAGS DANG GSANG SNGAGS DANG KHRO BO DANG MNGAG GZHUG PA DANG, MNGAG GZHUG MA LA SOGS PA NAM MKHA'I DBYINGS KHYAB CING KHOR YUG TU BSKOR BAR SKAD CIG TZAM GYIS BSAMS LA, RANG YANG LHA'I NGA RGYAL GYIS DE DAG GI DBUS NA 'JUG PAR BYA STE, RIG SNGAGS LA SOGS PA DE DAG THAMS CAD RGYAL BA'I SPYAN SNGA NA RTAG TU 'KHOD DE, DE BAS NA SNGAGS PA YANG LHA'I RNAL 'BYOR BYAS PAS RGYAL BA LA MNGON DU PHYOGS PAR BYA'O, ,ZHES BSHAD PA LTAR RO, ,DE NAS PADMA'I RIGS KYI DAM TSIG GI PHYAG RGYA SNGAR

BSHAD PA BSTAN PA NI PADMA'I 'DUG STANGS KYI PHYAG RGYA'O, ,DE NYID LAS SOR MO GSUM RDO RJE LTAR BYAS PA NI RDO RJE'I 'DUG STANGS KYI 'O, ,DE NYID LAS SOR MO DBUS MA GNYIS GCIG TU SBYAR BA NI DPA' BO'I 'DUG STANGS KYI PHYAG RGYA'O, ,DE DAG GI SNGAGS NI, AOm KA MA L'A YA SV'AH'A DANG, AOm BADZRA AA SA NI H'Um PHAt DANG, AOm BADZRA KA H'Um PHAt CES PA STE DES LHA RNAMS LA CI RIGS PAR GDAN DBUL BAR BSHAD PA LTAR GDAN PHUL LA BZHUGS SU GSOL LO, ,YANG NA, BCOM LDAN THUGS RJES BYON PA LEGS, ,ZHES PA'I TSIGS BCAD DANG, BDAG DANG 'GRO LA THUGS BRTZE'I PHYIR, ,ZHES PA'I TSIGS BCAD GDON LA GDAN DBUL LO, ,GSUM PA NI, DE NAS SHAm KA RE SA MA YE SV'A H'A ZHES BRJOD CING, LAG PA GA-YAS PA'I MTHE BOS MTHE'U CHUNG GI SEN MO MNAN LA SOR MO LHAG MA RNAMS RDO RJE LTAR BYAS PA DAM TSIG GI RDO RJE'I PHYAG RGYA BSTAN PAR BYA'O, ,DE NAS RIGS GSUM GYI PHYAG RGYA BSTAN NAS, DZI NA DZIKA LA SOGS PA'I SNYING PO GSUM BRJOD DO, ,PHYAG RGYA NI LAG PA GNYIS PHAN TSUN DU KHU TSUR BCINGS NAS MTHE BONG GNYIS BSTAN PAR BYAS PA DANG, DE NYID LAS GA-YON PA'I MTHE BONG NANG DU BCUG STE GA-YAS PA'I MTHE BONG BSTAN PA DANG, GA-YON PA'I MTHE BONG BSTAN PA GSUM NI RIM PA BZHIN DU RIGS GSUM GYI PHYAG RGYA'O, ,DE NAS RIGS RNAMS KYI DAM TSIG CHEN PO'I PHYAG RGYA BCINGS TE BSKOR BAS PHYI 'BRANG GI BGEGS LA SOGS PAS NGAN DU BYAS PA THAMS CAD LAS BSRUNG BA CHEN POR 'GYUR BAR GSUNGS PAS DE BZHIN DU BYA LA, DE MA GRUB NA SKABS KYI KHRO BO GANG YIN PA'I SNGAGS YUNGS KAR LA BZLAS PAS PHYI 'BRANG GI BGEGS BSKRAD PAR BYA'O,,

, ,BZHI PA LA GNYIS, MCHOD PA DBUL BA DANG, BSTOD PA BYA BA'O, ,DANG PO NI, MCHOD RDZAS RNAMS KYI BGEGS BSAL BA DANG GSANG BA DANG GZI BYIN BSKYED PA SNGAR LTAR BYA ZHING, MCHOD PA 'BUL BA'I SNGAGS DANG RIGS SO SO'I SNGAGS GANG YIN PA'ANG BZLAS NAS BSANG BAR LEGS GRUB LAS GSUNGS PAS DE YANG DGOS SO, ,DE NAS MTHE'U CHUNG DANG SRIN LAG NANG DU PHAN TSUN BSNOL TE GUNG MO GNYIS BSHIBS TE BSGRINGS PA'I TSIGS GSUM PAR MDZUB MO BKUG ,MTHE BONG GNYIS NGOS LA SBYAR BA'I MCHOD YON GYI PHYAG RGYA BYAS LA, BDE BAR GSHEGS SO BCOM LDAN 'DAS, ,TSUR GSHEGS 'DIR NI BZHUGS SU GSOL, ,BDAG GI MCHOD YON BZHES NAS KYANG, ,THUGS KYIS THUGS DPAG MDZAD DU GSOL, ,BDAG NI KHYED LA GUS DANG LDAN, ZHES DANG; LHA'I SNGAGS KYI MTHAR AARGHAm PRA T'ITZTSA SV'AH'A ZHES PAS MCHOD YON DBUL, GA-YAS PA'I KHU TSUR GYI MDZUB MO DANG MTHE BONG SKAM PA LTAR BYAS NAS ZHABS BSIL GYI SNOD NAS ME TOG BLANGS TE SOR MO RNAMS RIM GYIS NGA GROL BA'I PHYAG RGYA DANG, SNGAR GYI TSIGS BCAD KYI MCHOD YON GYI GNAS SU ZHABS BSIL BCUG NAS, AOm PRA WA RA SAD KA RA PRA T'ITZTSA SV'AH'A ZHES PAS ZHABS BSIL DBUL, DE NAS 'BYOR NA ME LONG LA GZUGS BRNYAN SHAR BA LA DNGOS SU SKU KHRUS GSOL, MA 'BYOR NA THAL MO BKAN PA LAS MDZUB MO'I RTZE MO DANG MTHE BONG GI RTZE MO GNYIS SBYAR BA SKU BSIL BA'I PHYAG RGYA BYAS LA, AOm SARBA DE BA T'A AA TZINTI AA MRi TA SV'AH'A ZHES PAS GSER LA SOGS PA'I RIN PO CHE'I BUM PA DU MA'I SPOS CHU DRI ZHIM POS BKANG NAS SPOS CHU'I SPRIN CHEN POS SKU BSIL

BAR BSAM MO, ,DE NAS YID KYIS NA BZA' DANG RGYAN GSOL TE ROL MOS MCHOD CING YID KYIS BSTOD PA'I GLU DBYANGS BLANG BAR BYA'O, ,DE NAS LAG PA GA-YAS SKYABS SBYIN BYAS PA'I MKHRIG MA NAS GA-YON PAS BZUNG BA DRI'I PHYAG RGYA BYAS LA, GTZANG ZHING GTZANG MA LAS BYUNG BA'I, ,LHA RDZAS BZANG PO'I DRI 'DI DAG ,BDAG NI DOD PAS 'BUL LAGS KYIS, ,BZHES NAS BDAG LA DGYES PAR MDZOD, ,A'A HA RA A'A HA RA SARBA BIDYA DHA RI P'U DZI TE SV'AH'A ZHES PAS DRI CHAB DBUL LO, ,MAR ME MA GTOGS PA GZHAN GSUM LA'ANG MCHOD 'BUL GYI SNGAGS 'DI BZHIN DU BYA'O, ,LAG PA GNYIS SOR MO PHAN TSUN BSNOL TE LAG PA'I NANG DU MDZUB MO GNYIS RTZE MO GCIG TU BYAS LA GDU BU'I TSUL DU BYAS NAS, MTHE BONG GLOR BZHAG STE PADMA LTAR BYAS PA'I ME TOG GI PHYAG RGYA DANG, GTZANG ZHING GTZANG MAR SKYES PA YI, ,LHA RDZAS BZANG PO'I ME TOG 'DI, ,BDAG NI DAD PAS 'BUL LAGS KYIS, ,BZHES NAS BDAG LA DGYES PAR MDZOD, ,CES PAS ME TOG DANG, LAG PA GNYIS KYI MTHE'U CHUNG DANG SRIN LAG DANG GUNG MO RNAMS KYI SOR MO RNAMS PHAN TSUN SBYAR TE, SNGA MA SNGA MA'I RGYAB KYI SEN MO'I DRUNG DU BKUG NAS MDZUB MO GNYIS LOGS SHIG TU BRKYANG STE MTHE BONG GNYIS GLOR BZHAG PA BDUG SPOS KYI PHYAG RGYA DANG, NAGS TSAL BCUD NI YID DU 'ONG, ,DRI YIS SBYAR BA LHA YI RDZAS, ,BDAG NI DAD PAS 'BUL LAGS KYIS, ,BZHES NAS BDAG LA DGYES PAR MDZOD, ,CES PAS SPOS DANG, BZED PA'I THAL MO LAS MDZUB MO CUNG ZAD BKUG PA LHA BSHOS KYI PHYAG RGYA DANG, SMAN RNAMS BCUD NI YID DU 'ONG, ,SNGAGS KYI ZHAL ZAS BSHES 'DI DAG, BDAG NI DAD PAS 'BUL LAGS

, ,KYIS; ;BZHES NAS BDAG LA DGYES PAR MDZOD, ,CES PAS ZHAL ZAS DANG, MTHE BONG DANG GUNG MO GCIG TU SBYAR TE BSGRENG LA LAG PA KHU TSUR GCIG TU BYAS PA MAR ME'I PHYAG RGYA DANG, GNOD RNAMS 'JOMS SHING BKRA SHIS PA, ,DGE ZHING MUN PA RNAm SEL 'DI, ,BDAG NI DAD PAS 'BUL LAGS KYIS, ,MAR ME 'DI DAG BZHES SU GSOL, ,A'A LO KA YA A'A LO KA YA BI DYA DHA RA B'U DZI TE SV'AH'A, ZHES PAS MAR ME DBUL LO, ,RIGS SO SO'I LHA SO SO LA MCHOD RDZAS SO SOR DBUL BAR GSUNGS PA RNAMS MA 'BYOR NA RIGS GZHAN GYI MCHOD RDZAS LA RIGS GZHAN GYI SNGAGS KYIS BSNGAGS NAS DBUL, MCHOD YON MAN CHAD RNAMS DNGOS SU MA 'BYOR NA SNGAGS RGYA BYAS LA YID KYIS DMIGS PA GSAL BAR BYAS NAS DBUL BAR GSUNGS SO, ,ME TOG LA SOGS PA NI BRIS PA YANG DBUL DU RUNG LA, DNGOS SU 'BYOR PA'I MCHOD PA LA YANG KUN GYI SNGON DU YID 'GRO BAS YID KYI MCHOD PA KHYAD CHE BAR GSUNGS SO, ,DE LTAR MCHOD PA CI NUS SU BYAS NAS GNAS BYIN GYIS RLOBS PA'I SNGAGS LAN BRGYA BZLA BAR SNGAR BSHAD PA DE 'DIR YANG LAN BRGYA BZLAS PAR BYA'O, ,GNYIS PA NI, DE NAS LEGS GRUB LAS, DKON MCHOG GSUM DANG RIGS GSUM GYI BDAG PO LA BSTOD PA BYA BAR GSUNGS PA LTAR BYA STE, MGON PO THUGS RJE CHER LDAN PA, ,THAMS CAD MKHYEN PA'I STON PA PO, ,BSOD NAMS YON TAN RGYA MTSO GZHI, ,DE BZHIN GSHEGS LA PHYAG 'TSAL LO, ,DAG PAS 'DOD CHAGS BRAL BAR GYUR, ,DGE BAS NGAN SONG LAS GROL BA, ,GCIG TU DON DAM MCHOG GYUR PA, ,ZHI GYUR CHOS LA PHYAG 'TSAL LO, ,GROL NAS GROL BA'I LAM YANG STON, ,BSLAB PA DAG LA RAB

TU GNAS, ,ZHING GI DAM PA YON TAN LDAN, ,DGE 'DUN LA YANG GUS PHYAG 'TSAL, ,GZHON NU CHA LUGS 'CHANG BA PO, ,SHES RAB SGRON MES RAB TU BRGYAN, ,'JIG RTEN GSUM GYI MUN SEL BA, ,'JAM DPAL LA YANG PHYAG 'TSAL LO, ,SANGS RGYAS KUN GYIS RAB TU BSNGAGS, ,YON TAN DAM PA KUN BSAGS PA, ,SPYAN RAS GZIGS ZHES MTSAN GSOL BA, ,RTAG PAR BRTZE LA PHYAG 'TSAL LO, ,STOBS PO CHE LA DRAG SHUL CAN, ,RIG SNGAGS RGYAL PO DGE BA CAN, ,GDUL DKA' PO DAG 'DUL BA PO, ,RDO RJE 'DZIN LA PHYAG 'TSAL LO, , ZHES PA DANG, GZHAN YANG SKABS KYI LHA GANG YIN GYI SGOS KYI BSTOD PA YANG BYAS LA, NA MA: SARBA BUDDHA BO DHI SATVA NAm, SARBA TRA SAm KU RU MI TA AA BIDZNYA RA SHI NI NA MO STU TE SV'AH'A, ZHES PA BSTOD PA 'BYUNG BA'I SNGAGS LAN BRGYA BZLA'O, ,LNGA PA NI, SDIG PA SNGAR BYAS LA 'GYOD PA DRAG PO DANG PHYIN CHAD MI BYA BA'I SDOM SEMS BRTAN PO DANG LDAN PAS, 'JIG RTEN DAG GI PHYOGS KUN NA, ,DE BZHIN GSHEGS PA GANG BZHUGS DANG, ,DGRA BCOM BYANG CHUB SEMS DPA' DAG ,DE DAG BDAG LA DGONGS SU GSOL, ,TSE RABS GANG YANG RUNG BA NA, , BDAG GIS SDIG PA CI BGYIS DANG, ,SNGON GYI TSE RABS GZHAN DAG DANG, ,TSE RABS 'DI DANG 'KHOR BA NA, ,'DOD CHAGS DBANG DANG BLUN PA DANG, ,KHRO BA DAG GIS 'KHRUGS GYUR TE, ,SANGS RGYAS CHOS DANG DGE 'DUN NAM, ,BLA MA DAG DANG PHA MA DANG, ,DGRA BCOM BYANG CHUB SEMS DPA' DANG, ,SBYIN GNAS GANG YANG RUNG BA DANG, ,DE LAS GZHAN PA'I SEMS CAN DAG ,YON TAN LDAN DANG MI LDAN LA, ,SDIG PA'I LAS RNAMS GANG BGYIS DANG, ,GANG YANG BGYID DU STZAL BA DANG, ,GANG YANG CUNG ZAD YI RANG BA, ,BAG MED PAS NI PHRA MO YANG, ,

, ,LUS NGAG YID KYIS BGYIS PA RNAMS, ,DE DAG MA LUS BLOS BSDUS NAS, ,RDZOGS PA'I SANGS RGYAS SRAS BCAS PA, ,BDAG GIS DA NI MNGON SUM BZHIN, ,RAB TU GUS PAS PHYAG 'TSAL TE, ,SKYO BA'I YID DU GYUR PA YIS, ,THAL MO SBYAR TE NONGS PA RNAMS, ,YANG DANG YANG DU SO SOR BSHAGS, ,BDAG GIS SDIG PA BGYIS PA RNAMS, ,RDZOGS SANGS RGYAS KYIS MKHYEN PA BZHIN, ,DE LTAR BDAG GIS SO SOR BSHAGS, ,SLAN CHAD DE LTAR YONG MI BGYID, ,CES SDIG PA BSHAGS PAR BYA ZHING, SROG CHAGS SDUG BSNGAL ZHI BYA'I PHYIR, ,BDAG NYID JI SRID 'TSO BAR DU, ,SANGS RGYAS CHOS DANG DGE 'DUN LA, ,GUS PAR YANG DAG SKYABS SU MCHI, ,ZHES SHUGS DRAG PO'I GUS PAS SKYABS SU 'GRO BA BYA'O, ,DE NAS, CHOS KYI LONGS SPYOD SNA TSOGS LA, ,MNYAM PAR BZHAG NAS YI RANG NGO, ,MI RTOG BLO GROS BSKYED PA'I PHYIR, ,CHOS KYI 'KHOR LO BSKOR BA DANG, ,GDUL BYA JI SRID TSIM BAR DU, ,MYA NGAN MI 'DA' GSOL BA 'DEBS, ,SNGON GYI RGYAL BA'I SRAS RNAMS KYIS, ,SMON LAM JI LTAR MDZAD PA BZHIN, ,BDAG KYANG DGE BA'I SEMS KYIS SU, ,DE BZHIN DU NI SMON LAM 'DEBS, ,SEMS CAN THAMS CAD BDE BA DANG, ,ZHI ZHING NAD KYANG MED PAR SHOG ,BDAG NI BYA BA KUN NUS SHING, ,YON TAN DANG YANG LDAN PAR SHOG ,NOR LDAN GTONG PHOD SHES RAB CAN, ,BZOD LDAN DGE LA DAD PA DANG, ,SEMS CAN TSE RABS THAMS CAD DU, ,SKYE BA DRAN ZHING BRTZER LDAN SHOG ,CES DE DAG GI DON LA YID RTZE GCIG TU BYAS SHING BRJOD PAR BYA'O, ,DRUG PA NI, DE NAS SDUG BSNGAL GYIS NYAM THAG PA'I SKYE RGYU RNAMS LA DMIGS NAS SDUG BSNGAL THAMS CAD DANG BRAL BAR GYUR

CIG SNYAM PA'I SNYING RJE DANG, BDE BA THAMS CAD DANG LDAN PAR GYUR CIG SNYAM PA'I BYAMS PA DANG, SANGS RGYAS KYI BDE BAS BDE BAR GYUR CIG SNYAM PA'I DGA' BA DANG, SANGS RGYAS KYI MYANG 'DAS BLA NA MED PAS MYA NGAN LAS 'DA' BAR GYUR CIG SNYAM PA'I BTANG SNYOMS LA GNAS PAR BYA'O; ;DE NAS, SEMS CAN KHAMS NI MTHA' YAS PA'I, ,SDUG BSNGAL NYE BAR ZHI BA DANG, ,NGAN 'GRO RNAMS LAS BSGRAL BA DANG, ,NYON MONGS RNAMS LAS DGROL BA'I PHYIR, ,SRID PA MI BDE DOG PA NA, ,SDUG BSNGAL SNA TSOGS CI MCHIS PA, ,DE LAS YONGS SU BSKYAB PA'I PHYIR, ,BDAG NI BYANG CHUB SEMS BSKYED DO, ,SEMS CAN PHONGS PA THAMS CAD KYI, ,SKYABS SU BDAG NYID RTAG TU SHOG ,BDAG NI MGON MED RNAMS KYI MGON, ,RTEN MED RNAMS KYI RTEN DU BAB, ,SKYABS MED RNAMS KYI SKYABS 'GYUR ZHING, ,SDUG BSNGAL BDE BAR BYED PA DANG, BDAG NI SEMS CAN THAMS CAD KYI, ,NYON MONGS ZHI BAR BYED PAR SHOG ,DGE BA'I LAS RNAMS GANG DANG GANG, ,'DI DANG GZHAN DU BSAGS PA'I RNAMS, ,BSOD NAMS YE SHES ZHES BYA BA'I, ,TSOGS NI RNAM PA GNYIS SU SHOG, PHA ROL PHYIN PA DRUG SGO NAS, ,BDAG GIS BRTZON 'GRUS GANG BRTZAMS PA, ,DE YANG SEMS CAN MA LUS PA'I, ,THAMS CAD LA NI PHAN PAR SHOG ,TSE YI MTHA' KLAS BYED PA YANG, ,GANG YANG CUNG ZAD BYED 'GYUR BA, ,MDOR NA SEMS CAN THAMS CAD KYI, ,NYON MONGS THAMS CAD ZHI BA DANG, ,GROL BAR BYA BA'I PHYIR 'BAD CING, ,BYANG CHUB BAR DU BDAG BRTZON NO, ,ZHES BRJOD LA, NYAM THAG PA'I 'GRO BA RNAMS BSGRAL BA'I PHYIR DU SANGS RGYAS THOB PAR BYA'O SNYAM DU BYANG CHUB KYI SEMS RGYUD DANG 'DRES NGES PA BSKYED

, ,DO; ;DE LTAR MDUN DU LHA SGOM PA NI SLOB DPON GNYIS KAS SPYAN DRANGS PA'I YE SHES PA LA BZHED KYI GSAR DU BSKYED PA MA BSHAD LA, SLOB DPON GZHAN RNAMS KYIS LHA SPYAN DRANGS PA TSOGS RTEN DU BYAS NAS DE LA TSOGS BSAGS PA'I 'OG TU RANG LHAR BSKYED PA LA YE SHES PA BCUG NAS BSGOM BZLAS BYED KYI, MDUN GYI LHA LA DMIGS NAS BYED PA 'GA' RE LAS MA BSHAD CING, LHA SGAM PAS DUB PA NA DE NAS BZLAS PA BYA BAR BZHED DO, ,LHA'I RNAL 'BYOR DNGOS GRUB SGRUB PA'I THABS KYI GTZO BO YIN PAS 'DIR YANG SNGAR BSHAD PA BZHIN GTZO CHER RANG LHAR GSAL BA LA SEMS GZUNG, SKABS SKABS SU MDUN GYI RANG 'DRA'I LHA'I SKU YANG GSAL BTAB LA SEMS CI ZIN BYA STE, DE GNYIS NI BZLAS BRJOD KYI YAN LAG BZHI'I NANG NAS GZHI'I YAN LAG YIN TE DE LA GNYIS SU BYA'O, ,GNYIS PA LA GSUM, BZLAS PA'I YUL BGRANG 'PHRENG 'DU BYAS NAS BGRANG BA'I TSUL DANG, DMIGS PA GANG LA DMIGS NAS BZLAS BRJOD BYA BA'I TSUL DANG, 'GAL RKYEN BYUNG NA BZLAS PA BSKYAR BA'I TSUL LO, ,DANG PO NI, DE LTAR JI SRID MI SKYO'I BAR DU LHA'I RNAL 'BYOR BSGOM PAR BYA LA, SKYON BSGOMS PA'I MJUG TU BZLAS PA BYED PA LA 'PHRENG PA'I RGYU NI, DE BZHIN GSHEGS PA'I RIGS LA PO DE CE, PADMA'I RIGS LA PADMA'I SNYING PO, RDO RJE'I RIGS LA RU RAKA SHA MCHOG YIN LA, ME 'BYOR NA LUNG TANG DANG DUNG DANG SHEL DANG MU TIG DANG BYU RU DANG NOR BU DANG BA SO DANG, KHAM PA LAS BYUNG BA DANG, SA BON SNA TSOGS PA LA SOGS PA YANG RUNG BAR LEGS GRUB LAS GSUNGS LA, DPUNG BZANG LAS ZHVA NYE DANG ZANGS DANG 'KHAR BA YANG RUNG BAR BSHAD DO, ,GRANGS NI,

STONG RTZA BA RGYAD DAM BRGYA RTZA BRGYAD DAM NGA BZHI 'AM NYER GCIG BLANGS LA, NOR BU RNAMS MIG DBUG CING BA BYUNG LNGAS BKRU'O, ,'PHRENG THAG NI, BU MOS BKAL BA'I SKUD PA SUM SGRIL LA BRGYUS TE MDUD PA BOR NAS LHA RNAMS LA MCHOD PA BYAS NAS NOR BU SNYIM PAR GZHUG LA, BLA MA DANG LHA LA PHYAG BYAS NAS RIGS GSUM GYI SNGAGS GANG YIN BRGYA RTZA BRGYAD BZLA'O, ,NA MO RATNA TRA Y'A YA, AOm AADBH'U TE BI DZA YA SIDDHE SIDDHARTHE SV'AH'A DANG, NA MO RATNA TRA Y'A YA, NA MO A'ARY'A WA LO KI TE SHVA RA YA, BO DHI SATVA YA, MAH'A SATVA YA, AOm AA MRi TAm GA LE SHR'I YE SHR'I MA LI NA SV'AH'A DANG, AOm KLI RI KLI RI ROO TRI nI SV'AH'A ZHES PA GSUM NI RIM PA BZHIN DU DE BZHIN GSHEGS PA LA SOGS PA'I RIGS GSUM GYI SNGAGS SO, ,'DI DAG NI 'PHRENG BA DANG POR BSGRUBS PA'I DUS SO, ,BZLAS PA'I DUS SU NI BLA MA DANG LHA LA THAL MO SBYAR NAS PHYAG BYAS TE SNGAGS KYI NOR BU SNYIM PAR GZHUG LA SNGAGS NI LAN BDUN BZLA STE, AOm BHA GA WA TI SIDDHI SIDDHI YA, SIDDHI RTHE SV'AH'A DANG, AOm BU SU MA TI SHR'I YE SV'AH'A DANG, AOm BADZRA YA DZA TA NA DZE YE SV'AH'A ZHES PA RNAMS RIM PA BZHIN DU RIGS GSUM GYI'O, ,DE NAS SNYING KHAR NOR BU BLANGS LA LAG PA GA-YAS GA-YON GANG RUNG GI GUNG MO DANG MTHE'U CHUNG BRKYANG STE, MDZUB MO RGYAB TU BZHAG NAS SRIN LAG DANG MTHE BOS LAS THAMS CAD LA BGRANG BAR BYA STE, DRAG PO LA NI MDZUB MOS BYA'O, ,DPUNG BZANG LAS, BZLAS PA'I TSE SNGAR BSHAD PA'I LAS KYI RDO RJE BCANG DGOS PA LA MA RNYED NA RDO RJE KHU TSUR BCANGS NAS BZLA BAR BSHAD DO, ,GNYIS PA LA GNYIS, YI GE'I GZUGS LA DMIGS PA'I BZLAS BRJOD DANG, YI GE'I SGRA LA DMIGS PA'I BZLAS BRJOD DO, ,DANG PO LA GNYIS, MDUN GYI THUGS

, ,KA'I YI GE'I GZUGS LA DMIGS PA DANG, RANG GI SNYING KHA'I YI GE'I GZUGS LA DMIGS PA'I BZLAS PA'O, ,DANG PO NI, BSAM GTAN PHYI MA LAS, SGRA DANG SEMS DANG GZHI LA GZHOL, ,GSANG SNGAGS MI 'GYUR GZHI LA GNAS, ,YAN LAG MA NYAMS GSANG SNGAGS BZLAS, ,NGAL NA BDAG LA NGAL SOS SHIG ,CES PAS STON TO, ,DE LA GSANG SNGAGS BZLAS PAR BYA'O ZHES DRANG NGO, ,BYED TSUL NI YAN LAG BZHI MA NYAMS PA STE MA BTANG BA'I NGANG NAS BYA STE, GZHI LA GNYIS LAS, DANG PO RANG LHA'I NGA RGYAL DU BYAS PA DANG, GNYIS PA MDUN DU RANG 'DRA'I LHA SGOM PA'O, ,SEMS NI MDUN GYI THUGS KAR BKOD PA'I ZLA BA STE YAN LAG GSUM PA'I, ,SGRA NI ZLA BA LA GANG BZLAS RGYU'I SNGAGS BKOD PA'I SNGAGS 'PHRENG STE YAN LAG BZHI PA'O, ,DE DAG LA GZHOL BA NI ZLOS PA POS RGYUN MI 'CHAD BAR DMIGS PA'I SGO NAS ZHEN PA'O, ,DE LTAR RANG GZHI GANG LA DMIGS NAS BZLAS BRJOD BYED PA'I GZHE DE YANG BSGOMS SHIN TU GOMS PAS LHA'I SNANG BA LAS MI NYAMS PA ZHIG DGOS PAS MI 'GYUR BA'I GZHI LA GNAS ZHES GSUNGS LA; SGRA DANG SEMS KYI GSANG SNGAGS DGOD PA'I GZHI'O, ,MDOR NA SNGAR BSHAD PA BZHIN SROG STZOL BSDAMS NAS BZLAS BRJOD KYI YAN LAG BZHI TSANG BA'I SGO NAS MDUN GYI YAN LAG GSUM GA LA DUS GCIG TU DMIGS NAS BZLAS BRJOD BYA ZHING, DBUGS GTONG BA NA RANG LHAR BSKOMS PA'I SKU LA BLTA ZHING YANG SNGAR BZHIN DU BYA'O, ,NGAL GSO BA NI GA-YENG BA SPANG BA'I PHYIR YIN LA, GANG LA NGAL GSO BA'I GZHI BDAG NI RNAM SMIN GYI LUS TE RANG GI LUS LHA'I SKUR BSAM PA BTANG LA RNAM SMIN GYI LUS SU BSAMS

TE LDANG BAR BYA'O, ,GTONG BA'I RIM PA NI, BZLAS PA'I SNGAGS KYI YI GE'I SGRA NI YIG 'BRU LA DMIGS PAS GTANG NGO, ,YIG 'BRU YANG DE MED PA'I ZLA BA LA DMIGS PAS SO, ,ZLA BA NI DE BZHIN GSHEGS PA'I SKU 'BA' ZHIG LA DMIGS PAS SO, ,MDUN GYI SKU DE YANG RANG GI LHA'I SKU 'BA' ZHIG TU SEMS PAS SO, ,DE YANG DE'I YIG 'BRU LA SEMS PAS SO, ,DE YANG DE'I SGRA LA DMIGS PAS SO, ,SGRA YANG LHA'I YE SHES KYI SKU LA DMIGS PAS SO, ,YE SHES KYI SKU LA SEMS PA YANG CHOS KYI SKU LA SEMS PAS SO, ,DE YANG MI DMIGS PA'I BDAG GI DE KHO NA NYID LA BYA'O, ,DE YANG SGYU MA DANG SMIG RGYU LA SOGS PAR SNANG BA RNAM SMIN GYI LUS SU SEMS PA STE 'DI NI BDAG LA NGAL GSO BA'I DON YIN NO, ,GZHAN RNAMS GO SLA LA RANG GI LHA'I SKU YIG 'BRU LA SEMS PAS SO ZHES SOGS KYI DON NI, DANG PO LHA BSKYED PA'I DUS KYI YI GE'I LHA DANG SGRA'I LHA DANG ZLA BA'I DKYIL 'KHOR DANG, RANG DANG LHA'I DE KHO NA NYID GCIG TU NGA RGYAL BYED PA DANG BDAG GI DE KHO NA NYID SPROS PA DANG BRAL BAR LTA BA RNAMS YIN NO, ,'DIR NGAL GSO BA NI GA-YENG BA SPANG BA'I PHYIR DU BYED PAR GSUNGS PAS, SPROS PAS GA-YENGS NA DMIGS PA RNAMS RIM GYIS BSDUS NAS MTHAR STONG PA NYID LA MNYAM PAR 'JOG CING, DE NAS SGYU MA LTA BUR LDANG BA YIN PAS THUN BTANG BA'I SKABS SU LHA'I NGA RGYAL MI 'DZIN PA LA MI BYA'O, ,BYA RGYUD LA BRTEN PA'I LHA'I SGRUB THABS MDZAD PA'I SLOB DPON GZHAN GYIS KYANG SPYOD LAM THAMS CAD DU LHA'I NGA RGYAL MANG POS BSHAD DO, ,GNYIS PA NI, BSAM GTAN PHYI MA LAS, MI 'GYUR BA DANG YI GER LDAN, ,GZHI LAS GZHIR GYUR DE BZHIN TE,

, ,RANG SNGAGS PHYIR NI GANG BRTAGS PA, ,YID KYI DAG PA BSAM PAR BYA, ,ZHES PAS STON TO, ,DE LA DE BZHIN ZHES PAS SNGA MA LAS GZHAN PA'I DMIGS PA BYA TSUL STON TE YID KYI DAG PA BSAM PAR BYA'O, ,YID LAS BYUNG BAS NA YID KYI STE THUGS KA'I ZLA BA YIN LA, CHAGS SOGS KYI DRI MAS MA BSLAD PA DANG CHA THAMS CAD RDZOGS SHING DRI MA MED PAR SNANG BAS DAG PA'O, ,DE YANG SNGAGS KYI YI GE'I 'PHRENG BA DANG LDAN PA STE, SHIN TU BSGOMS PAS GSAL BAR SNANG BA LAS MI 'GYUR BAS NA YI GE RNAMS MI 'GYUR BA YIN LA, YID ZLA BAR SNANG BA DE YI GE DANG LDAN PA YANG MI 'GYUR ZHING MI 'BRAL BAS MI 'GYUR BA DANG LDAN PA'O, ,DE 'DRA BA'I ZLA BA NI RANG GI SNGAGS DGOD PA'I GNAS KYI DON DU BRTAGS PA YANG YIN NO, ,MDOR NA SNGAR BSHAD PA BZHIN DU SROG RTZOL BSDAMS NAS RANG GI MDUN DU HA CANG MI RING BAR RANG GI TSAD LAS CUNG ZAD MTHO BAR, DE BZHIN GSHEGS PA'I SKU BSGOMS PA'I GZHI DE'I THUGS KAR SNGAGS 'PHRENG BKOD PA'I ZLA BA GNAS PA DE RANG LHAR BSGOMS PA'I GZHI DER GYUR PA STE RLUNG NANG DU 'JUG PA DANG LHAN CIG TU CHUR LA RANG GI THUGS KAR SPOS LA, DE LA DMIGS NAS DBUGS MA BTANG GI BAR DU BZLAS BRJOD BYA ZHING, RLUNG GTONG BA NA DE DANG MNYAM DU PHYIR LA BTANG NAS LHA'I THUGS KAR GNAS PAR BSAM ZHING, YANG SNGAR BZHIN GYI SNYING KHAR SPOS LA BZLAS PA BYA'O, ,GNYIS PA NI, BSAM GTAN PHYI MA LAS, SLAR SDUD PA YIS BKUG NAS NI, ,SROG DANG RTZOL BA BSDAMS PA'I YID, ,GSANG SNGAGS RIG PA SNGAGS LA SBYAR, ,YID KYI BZLAS BRJOD BRTZAMS PAR BYA, ,'DI NYID KYI NI CHO GA YIS, ,YANG NA SHUB

PUR BYA YANG RUNG, ,SNGAGS RIG DNGOS GRUB 'DOD PA YIS, ,BZLAS BRJOD GZHAN DU MI BYA'O, ,ZHES GSUNGS TE, GSANG SNGAGS KYI SGRA LA DMIGS PA'I YID DE SNGAGS LA SBYAR NAS BZLAS BRJOD BYA'O, ,DE YANG MNYAM PAR MA BZHAG PA'I YID RANG 'GAR 'JUG PA DE SLAR NANG DU BSDUS TE BKUG PA DANG, SNGAR BZHIN SROG RTZOL BSNGAMS NAS BYA'O, ,'DI NI BZLAS BRJOD KYI YAN LAG BZHI THOG MA GSAL BTAB NAS DE NAS BZLAS RGYU'I SNGAGS KYI GZUGS DANG ZLA BA SOGS LA MI DMIGS PAR SNGAGS KYI GDANGS LA DMIGS NAS ZLO BA STE, DE YANG SNGAGS GZHAN GYIS BTONG BA RANG GIS NYAN PA LTA BU MIN GYI, ,RANG GI ZLO BA'I TSEN SNGAGS DE'I SGRA GRAG PAR DMIGS NAS BYED PA'O, ,SNGAGS KYI GDANGS LA DMIGS PA 'DI NYID KYI CHO GAS YID BZLAS SAM SHUB BU'I BZLAS PA BYA BA DANG, SROG RTZOL BSNGAMS PA NA SHUB BU'I BA ZLAS PA BYED MI NUS PAR 'GREL PA LAS GSUNGS SHING, SROG RTZOL SDOM PA DANG BZLAS PA GNYIS GSUNGS PA 'DI SNGA MA GNYIS LA YANG 'GREL PAS SBYAR RO, ,'O NA DMIGS PA GSUM PO RE RE LA BZLAS PA GNYIS GNYIS YOD NA SNGON DU GANG BYA SNYAM NA, THOG MAR SHUB BU'I BZLAS PA BYA ZHING DE LA SEMS GZHAN DU MI GA-YENG BA NA DE NAS SROG RTZOL BSNGAMS NAS YID BZLAS BYA STE RAGS RIM NAS BYA BAR BSHAD DO, ,DANG PO LA LHA DANG ZLA BA DANG SNGAGS 'PHRENG GSUM LA DMIGS PA GSUM DANG, BAR PA LA ZLA BA DANG SNGAGS 'PHRENG GNYIS TZAM LA DMIGS PA GNYIS DANG, MTHA' MA LA SGRA TZAM LA DMIGS PAS DMIGS PA GCIG YIN PA 'GREL PAS BSHAD DE GANG ZAG GCIG GIS KYANG 'DI GSUM GA RIM GYIS BYA'O, ,BYANG CHUB MCHOG GIS RANG DANG MDUN GYI THUGS KAR ZLA BA LA SNGAGS

, ,BKOD PA LA BZLA BAR BSHAD PA MA GTOGS PA MI SNANG NA'ANG SANGS RGYAS GSANG BAS RGYUD DON ZHIB TU BSHAD PA LTAR YIN NO, ,BYA RGYUD LA BRTEN PA'I SGRUB THABS MDZAD PA'I RGYA GAR BA GZHAN GYIS NI SNGAGS 'PHRENG LAS 'OD ZER 'PHROS PAS SANGS RGYAS MCHOD PA DANG SEMS CAN GYI DON BYED PA'I DMIGS PA YANG BSHAD DO, ,BZLAS BRJOD KYI TSE JI LTAR BYA BA DPUNG BZANG GI LNGA PA LAS KYANG, BZLAS BRJOD BYED TSE MI MYUR MI DAL ZHING, ,SGRA CHER MI BYA HA CANG CHUNG BA MIN, ,SMRA ZHING MA YIN GZHAN DU GA-YENG BZHIN MIN, , GUG SKYED KLAD KOR CHAG RNAMS NYAMS PA MIN, ,ZHES DANG, LE LO 'DOD CHAGS MI DGER LDAN PA'I SEMS, ,GANG DANG GANG DU GA-YENG ZHING RGYU BA DAG ,DE DANG DE NAS MYUR DU BZLOG NAS NI, ,GSANG SNGAGS YI GE MCHOG LA LEGS PAR SBYAR, ,ZHES DANG, LEGS GRUB LAS SNGAR DRANGS PA LTAR ZLOS PA'I TSE LHA LA SOGS PA'I SKABS KYI DMIGS PA LAS GZHAN PA'I DMIGS PA MCHOG RNAMS KYANG YID LA MI BYA BAR GSUNGS SO, ,ZHI RGYAS LA DAL BU DANG, DRAG PO LA GZHAN GYIS THOS PAR BZLA'O, ,SNGAGS KYI NOR BU THOG MA DANG THA MA LA SLEB PA'I TSE LHA RNAMS LA PHYAG BYA ZHING, NOR BU RDZOGS PA'I TSE RI MO LA SOGS PA'I SKU 'AM MCHOD RTEN NAM DE DAG GI GDAN LA MIG GIS BLTA BAR BYA'O, ,BZLAS PA'I YUN NI SNGA DRO MEL TSE THUN GCIG DANG, SROD DANG THO RANGS MEL TSE THUN PHYED PHYED DANG, NYIN GUNG THUN PHYED DAM SUM CHA 'AM BZHI CHA 'AM YANG NA CUNG ZAD BZLA'O, ,NYIN MO BZLA BAR GSUNGS PA RNAMS KYI SBYIN SREG MTSAN MO DANG, MTSAN MO BZLA BAR GSUNGS PA RNAMS KYI SBYIN SREG NYIN MO DANG, BZLAS PA'I MJUG TU SBYIN SREG BYED PA MCHOG GO ,BZLAS PA'I GRANGS NI LEGS GRUB LAS, BCO LNGA MAN CHAD

GRANGS RNAMS LA, ,SPYIR NA YI GE DU YOD PA, ,DE SNYED 'BUM PHRAG BZLAS BRJOD BYA, ,YI GE SUM CU RTZA GNYIS LA, ,BZLAS BRJOD SUM 'BUM BYA BAR BSHAD, ,DE BAS YI GE MANG PO LA, ,SNGON DU BSNYEN PA KHRI BYA'O, ,ZHES GSUNGS TE, RGYUD GZHAN LTAR GTZO 'KHOR MANG PO LA MI DGOS SO, , GSUM PA NI, BZLAS PA'I 'PHRO LA GNYID BRO BA'AM GLAL LAM SBRID PA'AM LUD PA'AM 'OG RLUNG NGAM BSHAD GCI SOGS BYUNG NA DE MA THAG 'PHRENG BA BZHAG STE BCAG PA SOGS BYAS NAS NYE REG BYAS TE GRANGS KYI THOG MA NAS BRTZAM PAR GSUNGS TE, DE YAN CHAD BZLAS PA'I GRANGS SU MI GZHUG PA'O, ,GZHAN YANG PAG MED PAS LHA GZHAN GYI BZLAS PA BYAS NA'ANG YID KYIS GSOL BA BTAB NAS BZLAS BRJOD BSKYAR BA DANG, BGEGS KYIS BRLAMS PA DANG NAD KYIS GZIR BA DANG, LHOD PA DANG BAG MED PA DANG LUS DANG SEMS SKYO BA DANG, CHO GA JI SKAD BSHAD PA'I DUS LAS 'DAS PAR BYAS PA DANG, MA BSDAMS PA DANG MI GTZANG BAS BZLAS BRJOD BYAS PA DANG, MTSAN MO RMI LAM NGAN PA BYUNG BAS NYIN MO RIGS KYI BDAG PO GANG YIN GYI SNGAGS BRGYA MA BZLAS ? PAR BZLAS BRJOD BYAS PA RNAMS BZLAS PA'I GRANGS SA MI GZHUG PAR LEGS GRUB LAS GSUNGS SO; ;YANG DER GNAS GCIG TU PHYED BZLAS GZHAN DU PHYED BZLAS PAS BZLAS PA THAMS CAD RDZOGS KYANG DE DAG THAMS CAD DON MED PAR GSUNGS SO, ,BZLAS BRJOD KYI CHO GA DUS LAS 'DAS PAR BYAS PA'I DUS DANG DUS MIN NI, NYI MA'I DKYIL 'KHOR PHYAD SHAR BA NAS SKYES BU GCIG GI GRIB MA'I BAR NI SNGA DRO'I DUS MTSAMS SO, ,NYIN GUNG LA CHU TSOD BRGYAD DAM DGU'I DUS MTSAMS SO, ,PHYI DRO SKYES BU GCIG GI GRIB MA LUS PA NAS NYI MA'I DKYIL 'KHOR PHYED NUB PA'I BAR DU PHYI DRO'I DUS MTSAMS TE DE DAG NI NYIN BAR GYI DUS MTSAMS SO, ,NYI

, ,MA'I DKYIL 'KHOR PHYED NUB PA NAS SROD PHYED KYI BAR DU NI SROD LA BRTZAMS PA'I DUS MTSAMS SO, ,THO RANGS KYI PHYED NAS NYI MA'I DKYIL 'KHOR PHYED SHAR BA'I BAR NI DUS MTSAMS GNYIS PA'O, ,NAM PHYED NAS NI DRAG SHUL GYI LAS DANG MI SNANG BA LA SOGS PA DANG DUR KHROD KYI LAS RNAMS BYA LA, DE LAS BZLOG PA'I SKABS SU ZHI BA SOGS BYA BAR MNGON RTOGS LAS BSHAD PA RNAMS SHES PAR BYA BA GAL CHE STE, DUS MA YIN PAR BYAS PA RNAMS KYI BZLAS BRJOD GRANGS SU MI GZHUG PAR GSUNGS PA'I PHYIR RO, ,MNGON RTOGS LAS, ZLOS PAS BZLAS BRJOD ZIN PA DANG, ,RIGS KYI YUM DANG BDAG PO LA, ,NYI SHU RTZA GCIG BZLAS BRJOD NI, ,BYAS PAS RTAG TU BSRUNG BAR BYA, ,ZHES DRANGS PA LTAR BYA STE, RIGS GSUM GYI RIGS KYI BDAG PO NI 'JAM DBYANGS DANG SPYAN RAS GZIGS DANG PHYAG NA RDO RJE'O, ,RIGS GSUM GYI RIGS KYI YUM NI SPYAN MA DANG GOS DKAR MO DANG M'AMA K'I'O, ,GSUM PA NI, THUN GYI BZLAS BRJOD KYI GRANGS THEM PA'AM LHAG PAR BYAS PA'I MJUG TU LAG PA GA-YAS PA'I SRIN LAG GI RGYAB TU GUNG MO BZHAG ,GA-YON PA'I SRIN LAG GI RGYAB TU'ANG GUNG MO BZHAG NAS SBYAR TE, GA-YAS PA'I MDZUB MOS GA-YON PA'I GUNG MO DANG SRIN LAG DKRI ZHING GA-YON PA'I MDZUB MOS KYANG GA-YAS KYI GUNG MO DANG SRIN LAG DKRIS LA, MTHE'U CHUNG GNYIS GSHIBS TE BSGRENGS NAS MTHE BONG GNYIS MDZUB MO'I TSIGS DBUS MAR BZHAG PA BUM PA'I PHYAG RGYA BYAS LA, BDAG CAG GI DGE BA'I RTZA BA 'DI DNGOS GRUB CHE GE MO ZHIG GI RGYUR BCOM LDAN 'DAS LA DBUL LO, ,MGON PO KHYED KYIS CHE GE MO'I DNGOS GRUB STZAL ? DU GSOL ZHES DGE BA DBUL BAR BYA'O, ,PHYAG RGYA

'DIS BZLAS PA MI BYED PA'I TSE 'PHRENG BA PHUL NAS BYED PA'I TSE PHYIR LEN PA YIN ZHES 'DOD PA NI MA BRTAGS PA'I SMRA BA'O, ,DE NAS CHO GA RGYUD BZHIN MA LCOGS PA'I NONGS PA BZOD PAR GSOL LA MCHOD BSTOD SOGS SNGAR BZHIN BYAS NAS, ,SPYAN DRANG BA'I PHYAG RGYA LAS MTHE BONG GNYIS PHYIR BSKYED PA GSHEGS SU GSOL BA'I PHYAG RGYA DANG, RANG RANG GI SNYING PO'AM SPYI'I SNYING PO'I MJUG TU GATZTSA BTAGS LA GZHAL YAS KHANG DANG BCAS PA GSHEGS SU GSOL LO, ,DE NAS LAG PA GA-YON PA BKAN PA'I STENG DU GA-YAS PA'I THAL MO BZHAG STE SOR MO BSNOL BA'I RTZE MO DRUD PAR SBYAR TE THAD KAR BZHAG PA MI MNYAM PA'I YAN LAG GI PHYAG RGYA GA-YON PHYOGS NAS BSKOR ZHING, AOm HU LU HU LU TZAndA LI MA TI GI BI SV'A H'A ZHES PAS SNGAR PHYOGS MTSAMS BCINGS PA LA SOGS PA DKROL BAR BYA'O, , DE NAS SHER PHYIN SOGS KYI GLEGS BAM BKLAG PA DANG RJES SU DRAN PA DRUG BSGOM PA DANG, MAndAL DANG MCHOD RTEN GDAB PA SOGS BYA'O, ,NYIN GCIG BZHIN DU'ANG MCHOD PA'I SNOD RNAMS BKRU BA DANG ME TOG PHUL BA RNAMS DUS GSUM DU 'PHYAG PA DANG, BLO GOS LA SOGS PA'I GOS RNAMS DUS GSUM DU BSDAG CING BKRU BA'AM BDUG PA'AM BSANG GTOR BYAS LA BZLAS BRJOD DANG SBYIN SREG DANG MCHOD PA SOGS LA NYAL BA DANG 'PHRES PA MA GTOGS PAR RTAG TU BLA GOS BGO LA, NYAL BA DANG KHRUS BYED PA MA GTOGS PAR MTHANG GOS MI SPANG ZHING RDUL GYIS MA GOS PAR BYA'O, ,SNGAGS NI, AOm RAKshA RAKshA M'AN SARBA BUDDHA AA DHI shthA NA A'ATMA TZI BA RA SV'A H'A ZHES PA'O, ,BSNYEN PA'I SKABS SU 'BYUNG PO LA GTOR MA BYA BAR GSUNGS PA LTAR GTOR MA YANG BYA'O, ,BU MOS BKAL BA'I

, ,SKUD PA DMAR PO LE BRGAN RTZI 'AM GUR GUM GYIS BTZOS PA LA MDUD BA BDUN BER TE, AOm A'A HA RA A'A HA RA BANDH'A NI SHUKRA DHA RA nI SIDDHA RETHA SV'A H'A, ZHES PA STONG BZLAS LA SROD KYI DUS SU RKED PA LA BCINGS NAS 'DZAG PA BSRUNG BAR BYA'O, ,TSUL DES SNGA DRO DANG KUNG DANG PHYI DRO'I DUS GSUM DU KHRUS BYAS NAS BZLAS BRJOD KYI CHO GA SNGAR BSHAD PA LTAR BYA'O, ,ZLA BA PHYED PHYED CING ZHAG GCIG TU SMYUNG BA BYAS NAS BA DMAR SER GYI 'O MA ZHO MAR BSHAD GCI STE, BA BYUNG LNGA KU SHA CHU DANG BCAS PA LA LAN BRGYAD BSNGAGS NAS SHAR DU KHA BLTAS TE TZOG TZOG PUR 'DUG NAS, SRANG GSUM TZAM MCHOD YON GYI SNOD GANG RUNG DU 'THUNGS NA ZLA BA PHYED DU DAG PAR 'GYUR ZHING, BZA' BYA MIN PA SOGS GANG ZOS PA DE THAMS CAD BYANG BAR 'GYUR BAR LEGS GRUB LAS GSUNGS SO, ,SNGAGS NI, NA MO BHA GA WA TE AUshnI sh'A YA Am BI SHUDDHE B'I RA DZA SHI BI SHANTI KA RE SV'A H'A DANG, AOm YA SHO TSE SV'A H'A DANG, NA MO RATNA TRA Y'A YA, NA MA SHTZAndA BADZRA P'A nA YE, MAH'A YAKshA SE NA PA TA YE, AOm SHI KHI SHI KHI, NIR MA LE, PRA BHE SVA RE, TE DZO TE DZO BA TI SV'A H'A, ZHES PA GSUM RIM PA BZHIN DU RIGS GSUM GYI'O, ,GNYIS PA LA GNYIS, ME DANG SGRA GNAS KYI BSAM GTAN BSHAD PA DANG, SGRA MTHA'I BSAM GTAN BSHAD PA'O, ,DANG PO NI, BSAM GTAN PHYI MA LAS, GSANG SNGAGS ME GNAS DNGOS GRUB STER, ,SGRA GNAS RNAL 'BYOR STER BAR DRAN, , SGRA MTHAR THAR PA STER BA NYID, ,'DI DAG DE NYID GSUM PO YIN, ,ZHES ME GNAS KYI DE NYID DANG, SGRA GNAS KYI DE NYID DANG, SGRA MTHA' DE NYID GSUM GSUNGS SO, ,'GREL PA LAS, LHA DRUG SGOM PA YAN BSAM GTAN GNYIS KA'I SNGON DU BYA BA DANG, SKABS 'DIR

YANG GSANG SNGAGS DANG RIG SNGAGS KYI GZUGS LA SOGS PA MNGON DU BYA BAR GSUNGS PAS, BSAM GTAN 'DI BSKYED PA LA YANG LHA DRUG GI SGO NAS GSAL SNANG DANG DE LA RGYUN DU GNAS NUS PA ZHIG SNGON DU GTONG BA DANG, LHA'I RNAL 'BYOR YANG GSAL BTAB NAS BYA DGOS SO, ,DE LA ME GNAS KYI BSAM GTAN NI, BSAM GTAN PHYI MA LAS, MI 'BYED LAS BYUNG DNGOS PO RNAMS, ,BLO CAN GYIS NI BDAG LA BSDAMS, ,SNGAGS PA YAN LAG 'DAS LA GNAS, ,ZHEN PA MED PAR BSAM GTAN BYA, ,SGRA ZHES BYA BA 'PHRENG BAR SBYAR, ,YI GE BRGYUS PA MI 'GYUR RNAMS, , DRIL BU'I SGRA BZHIN MA CHAD PAR, ,YID LA ZHEN PAR SEMS PA NA, ,ME YI NANG GNAS ZHI BA STE, ,TSIG RNAMS DAG PA YAN LAG LDAN, ,SROG DANG RTZOL BA BKAG PA'I BDAG ,GNYID SPANGS NAS NI RNAM PAR BSAM, ,ZHES PAS GSUNGS SO, ,'DI YI RIM PA NI, DANG PO BDAG GI DE KHO NA NYID SEMS PA NI RKANG PA DANG PO BZHIS STON TE BSAM GTAN BYA'O ZHES DRANG NGO, ,GANG GIS NA SNGAGS PAS SO, ,JI LTAR NA, ZHEN PA NI 'DIR BDEN PAR 'DZIN PA STE DE MED PAR BYA'I KUN RDZOB PA'I LHA LA ZHEN PA TZAM 'GOG PA MIN NO, ,DE YANG MIG LA SOGS PA'I YAN LAG RNAMS DON DAM PAR MA GRUB PA GTAN LA PHAB PA MIG SOGS LAS 'DAS PA'I SPOS BRAL LA GNAS PA STE MA LANGS PA'O, ,GNAS PA'I TSUL NI, MIG LA SOGS PA'I DBANG PO'I SHES PAS MI 'BYED PA STE 'DZIN PAR MI NUS PA NI YID KYI SHES PA YIN LA, DE MTSUNGS LDAN DANG BCAS PA LAS BYUNG BA'I SEMS SEMS BYUNG RNAMS BDAG STE YID LA KUN NAS DKRIS PA MI 'BYUNG BA'I TSUL GYI BSNGAMS NAS DE LA GNAS PA'O, ,DE YANG BLO STE SHES RAB DANG LDAN NA DE KHO NA NYID BRTAG PAR NUS SO, ,DE NAS DE LAS LANGS TE RANG GI LHA'I SNGAGS RNAMS

, ,LA NYAN PA'AM GRAG PA'I RNAM PAR SNANG BA'I SGRA'I LHA'I DE NYID DANG, BDAG GI DE NYID GNYIS CHU LA 'O MA 'DRES PA BZHIN DU GCIG TU GYUR PA LA SEMS PA'I RNAL 'BYOR GYIS GSAL BAR NAM GYUR PA NA SNGAGS PA DE SKRA'I BDAG NYID KYI LHA'I RNAL 'BYOR LA GNAS PAR 'GYUR RO, ,SNGAGS KYI YI GE PHRENG BAR SBYAR BA STE BKOD PA LA YID LA ZHEN PAR SEMS ZHES SBYAR RO, ,YI GE'I GZUGS 'PHRENG BAR SBYAR BA YIN NAM SNYAM NA, SNGAGS KYI YI GE'I SGRA ZHES BYA BA'I 'PHRENG BA STE DRIL BU'I SGRA BZHIN ZHES GSUNGS PAS SO; ;DE NYID NGES PAR BYA BA'I PHYIR YI GE BRGYUS PA ZHES SO, ,MI 'GYUR BA NI YI GE'I SGRA RGYUN MI 'CHAD CING MI GA-YO BAR SNANG BA STE DES NA PHYI ROL TU DRIL BU RDUNG BA'I SGRA RGYUN PAR 'BYUNG BA BZHIN NO, ,SGRA DE LA BDEN ZHEN MED PAR BSAM GTAN BYA'O, ,DE NAS RANG LHAR GSAL BA'I THUGS KAR MAR ME'I ME LCE LTA BU'I ME 'BAR BA BSAMS LA, DE'I NANG NA SNGAR BSHAD PA'I SGRA'I 'PHRENG BA GNAS PAR BSAM MO, ,DE NI TSA BA LA SOGS PA'I GNOD PA MED PAS ZHI BA'O, ,SHUB BU DANG YID BZLAS BYED PA'I TSIG GIS DAG PAS NA DE GNYIS MED PA'O, ,SNGAGS GANG YIN PA DE'I YI GE RE RE BA RNAMS KYI YAN LAG BAR MA CHAD DU LDAN PA'O, ,DE LTAR SEMS PA LA RGOD PA DGAG PA'I PHYIR SROG RTZOL BKAG PAR GSUNGS TE, DE MA BKAG PA NI PHYUGS DANG 'DRA BAR YID MNYAM PAR BZHAG PA MED PAS SO, ,ZHUM PA 'AM BYING BA DGAG PA NI ZHUM PA'I PHYOGS SU GTOGS PA'I GNYID SPANGS PAS BSTAN TO, ,'DI NI RANG GIS SNGAGS YID LA 'DON PA'I RNAM PA CAN MIN GYI, GZHAN GYIS SNGAGS BTON PA NYAN PA BZHIN DU, RANG GI SEMS SNGAGS KYI GDANGS KYI

RNAM PAR ME'I GSEB NA GNAS PAR SNANG BA'O, ,JI SRID DU THU BA MI TSA BA LA SOGS PA PHYI NANG GI MTSAN MA BYUNG NAS JI LTAR BSAMS BA SGRUB NUS PA DE SRID DU BSAM GTAN 'DI GNYIS BYA BAR 'GREL PA LAS GSUNGS PA'I PHYI'I MTSAN MA NI BKRES SKOM GYIS GNOD PA MED BA'O; ;NANG GI MTSAN MA NI, ME DMIGS DANG RLUNG SBYOR GYI MTHUS BDE DROD LA BRTEN PA'I TING NGE 'DZIN SKYES PA'O, ,'DI NI YAN LAG BZHI'I BZLAS BRJOD BYED PAS KYANG BZLAS BRJOD KYI MJUG GAM SKABS GZHAN DU YANG RUNG STE SNGAGS KYI MTHU BSKYED PA DANG, SEMS RNAM PAR BZHAG PA'I PHYIR BYA BAR 'GREL PA LAS GSUNGS PAS, ME GNAS NI BZLAS BRJOD RNAMS MTHU CAN DU BYED PA DANG, SEMS GNAS 'GYUR BA STE DE'I PHYIR DES DNGOS GRUB STER BAR GSUNGS SO, ,SGRA GNAS NI BSAM GTAN PHYI MA LAS, SGRA LA GNAS PA'I BSAM GTAN NI, ,SNYING GAR GNAS PA PHRA BA NI, ,DRI MED ZLA BA'I DKYIL 'KHOR TE, ,DE NANG RAB TU ZHI BA YI, ,ME LCE RAB TU 'OD BZANG BA, ,MI 'GYUR BZHI NI DER BZHAG NAS, ,BDE BAR 'DUG NAS SGRA BSAM MAM, ,MI 'GYUR BA LA YI GE BZHAG ,SGRA NYID 'BA' ZHIG BSAM PAR BYA, ,ZHES PAS GSUNGS SO, ,SNYING GAR DRI MA MED PA'I ZLA BA'I DKYIL 'KHOR PHRA BA SEMS PA NI DE CHE NA RTOG PA GCOD PA DKA' BAS SO, ,SNGAR ZLA BA'I NANG NA GNAS PA'I ME LCE LA MI 'GYUR BA'I SNGAGS KYI YI GE'I GZHI LHA'I SKU BZHAG NAS, DE NAS DE BTANG STE SNGAGS KYI SGRA 'BA' ZHIG LA BSAM GTAN BYA ZHING, DBUGS PHYIR GTONG BA'I CHE RANG GI LHA'I SKU LA DMIGS PAR BYA'O, ,'DIR SGRA LA DMIGS PA NA LHA DANG ZLA BA'AM ME LA MI DMIGS PAS BZLAS BRJOD YAN LAG BZHI'I BZLAS TSUL GNYIS DANG ME

, ,GNAS DANG MI 'DRA'O, ,DE LTAR BYED PA YANG GZHUNG GZHAN DAG LAS SGRA'AM RLUNG GIS REG PA'I BSAM GTAN BYED PA'I TSE GZUGS LA DMIGS NA SEMS GA-YENG BAR GSUNGS PA'I PHYIR RO, ,DE KHO NA NYID RTOGS PA'I BYANG CHUB KYI SEMS NI, SNANG BA MED PA'I RNAM PAR GCIG PAR GNAS PAS MI 'GYUR BA ZHES BYA LA, DES NA DE'I MTSAN MAR GYUR PA'I ZLA BA YANG MI 'GYUR BA ZHES BYA'O, ,DE LA SNGAGS KYI YIG 'BRU BKOD PA LA DMIGS LA, DE NAS DE BTANG NAS SGRA'I DBYANGS 'BA' ZHIG LA BSAM GTAN BYA'O, , DES NA BZLAS BRJOD YAN LAG BZHI'I SGRA LA DMIGS PA DANG MI 'DRA STE, DER NI LHA'I SKU LA SEMS NGAL BSOS NAS PHYIS SGRA 'BA' ZHIG LA DMIGS KYI, 'DI NI SNGON DU YIG 'BRU LA NGAL BSOS NAS SGRA LA DMIGS PA'I PHYIR RO, ,'GREL PAR KHYAD PAR 'DI LTAR PHYE BA NI DMIGS YUL GYI SGO NAS PHYE BA YIN LA, GTZO BO'I KHYAD PAR NI SNGAR YID BZLAS BYAS PA'I NGANG NAS SGRA'I GDANGS LA DMIGS LA, 'DIR NI RANG GIS 'DON PA'I RNAM PA CAN MIN PAR SNGAGS KYI GDANGS LA DMIGS PA'I PHYIR TE, 'DI RNAMS BZLAS BRJOD LA MI BLTOS PA'I BSAM GTAN DU YANG YANG BSHAD PA'I PHYIR RO, ,SKABS 'DIR YANG SROG RTZO LA 'GOG PA'I RLUNG SBYOR 'GREL PA LAS BSHAD DO, ,GNYIS PA LA GNYIS, SGRA'I GNAS SKABS GTONG BA'I RIM PA DANG, SGRA MTHA'I BSAM GTAN DNGOS SO, , DANG PO NI, SGRA'I MTHA' NI SNGAGS KYI SGRA TZAM LA GNAS PA YANG YONGS SU BTANG BA'I MTHA' GNYIS SU MED PA'I DE NYID DE, DE BSGOMS NA SGRIB GNYIS LAS GROL NAS CHOS SKU'I RANG BZHIN GYI THAR PA 'THOB PA'O, ,DE YANG BSAM GTAN PHYI MA LAS, LTOS

BCAS YAN LAG GYUR BAR SNANG, ,SGRA ZHES BYA DANG YID KYIS DANG, ,TSIG RNAMS DGE BA RIG SNGAGS DBANG, ,YAN LAG SPANG PA RGYAL BAS MKHYEN, ,ZHES GSUNGS TE, 'DIS NI CHOS SKU'I THAR PA STER BA'I SGRA'I MTHA'I BSAM GTAN DE LAM GYI RIM PA JI 'DRA BA ZHIG GOMS PAS STER BA'I RIM PA BSTAN PAS, LAM SPYI'I GO RIM DANG STONG PA NYID SKABS GANG DU SGOM PA'I SA MTSAMS GSAL BAR STON TE, 'GREL PA LAS, GSANG SNGAGS KYI SPYOD PA LA ZHUGS PA'I RNAL 'BYOR PA RNAMS KYIS GSANG SNGAGS YAN LAG TU GYUR PAR SNANG BA DANG, SGRA ZHES BYA BA DANG YID KYI DANG TSIG RNAM PAR DAG PA'I GNAS SKABS YONGS SU BTANG BA'I RIM PAS CHOS KYI SKU DE MNGON DU 'GYUR BAR BYA'O, ,DE BAS NA SGRA'I MTHA' CHOS KYI DBYINGS KYI RANG BZHIN BSGOMS NA THAR PA STER RO ZHES GSUNGS SO, , ZHES SO, ,DE LA RIG SNGAGS NI MTSON PA TZAM YIN PAS GSANG SNGAGS KYANG GZUNG STE DE GNYIS KYI DBANG PO NI, RANG GIS BSGRUB PAR BYA BA'I LHA MO DANG LHA PHO'I RNAM PA CAN RNAMS SO, ,DE'I YAN LAG NI LHA DE DAG DANG 'BREL BA DE DAG GI CHA SHAS SAM GNAS SKABS YIN LA, DE SPANG BA NI GNAS SKABS RNAMS RIM GYIS BTANG BA'O, ,DE YANG BZHI LAS, DANG PO NI, SROG RTZOL DANG DKA' THUB DANG BSAM GTAN LA SOGS PA LA BLTOS NAS SNGAGS PA RANG GI LHA'I YAN LAG TU GYUR PAR SNANG BA STE RANG NYID LHA'I SKUR SNANG BA'O, ,GNYIS PA NI, SGRA ZHES BYA BA'I YAN LAG STE SHUB BUR BZLAS BRJOD BYED PA'I SNGAGS KYI GNAS SKABS SO, ,GSUM PA NI, YID KYI YAN LAG STE YID KYIS SNGAGS KYI BZLAS BRJOD BYED PA'I GNAS SKABS SO, ,BZHI PA NI, SHUB BU DANG YID BZLAS KYI TSIG GNYIS RNAM PAR DAG PA

, ,STE DE GNYIS DANG BRAL BA'I MI GNAS DANG, SGRA GNAS KYI BSAM GTAN SNGAGS KYI SGRA'I RNAM PAR SEMS SNANG BA'O, ,DE RNAMS SPONG TSUL NI SNGA MA SNGA MA BRTEN PAR BYAS NAS PHYI MA PHYI MA LA 'PHO BA YIN TE, 'GREL PA LAS, DE LA GROL BAR 'DOD PAS, RAGS RIM GYIS SPANG BA'I RIM PA NI 'DI LTA STE, SLAR SDUD PA DANG DKA' THUB DANG BSAM GTAN DANG, SROG DANG RTZOL BA LA SOGS PA BYAS NAS RANG GI LHA'I GZUGS BRNYAN LA DMIGS PAS RAB TU SBOM PA'I TING NGE 'DZIN BRTAN PAR BYAS LA, SHUB BUR BZLAS BRJOD BYED PA'I GSANG SNGAGS KYI SKRA LA DMIGS PA'I TING NGE 'DZIN RAB TU RAGS PA LA DMIGS PA YONGS SU SPANGS NAS RAGS PA'I TING NGE 'DZIN BRTAN PAR BYA'O, ,RAGS PA LA DMIGS PA DE YANG PHRA BA YID KYI SGRA'I TING NGE 'DZIN GYIS YONGS SU SPANG PA, ,DE YANG RAB TU SPANGS NAS RAB TU PHRA BA GSANG SNGAGS KYI RNAM PAR RTOG PA'I TING NGE 'DZIN LA GNAS SO, ,DE YANG YONGS SU SPANGS TE GROL BAR 'DOD PAS CHOS KYI SKU LA DMIGS PA'I TING NGE 'DZIN NAN TAN DU BYA'O, ,ZHES GSUNGS SO, ,DE LTAR YAN LAG BZHI RIM GYIS BTANG BA'I 'OG TU STONG PA NYID BSGOM NA THAR PA STER BA'I RIM PA DE RGYAL PAS MKHYEN NO ZHES PA'AM, YANG NA KYE RIG SNGAGS KYI DBANG PO ZHES BOS NAS YAN LAG DE RNAMS BTANG NA SNGAGS DON RNAM PAR DBYE BA MKHYEN PA'I RGYAL BAR 'GYUR RO, ,ZHES TSUL GNYIS SU BSHAD PA'I PHYI MA LTAR BYAS NA SGRA MTHAR THAR PA STER BA NYID CES PA'I MDOR BSTAN DANG MTHUN NO, ,GAL TE LHA'I SKU LA DMIGS PA YANG BTANG DGOS NA SGRA MTHA' ZHES SGRA GTONG BA TZAM DU BSHAD PA CI YIN SNYAM NA, YAN LAG DANG PO BTANG BA NI SNGAGS KYI SGRA'I GNAS BTANG BA YIN TE, LHAR

SNANG BA'I SNGAGS NI SNGAGS ZLOS PA PO YIN PA'I PHYIR RO, ,YAN LAG BAR PA GNYIS BTANG BA NI SNGAGS KYI SGRA'I MNGON PAR 'DU BYED PA BTANG BA YIN LA, YAN LAG MTHA' MA BTANG BA NI SNGAGS KYI SGRA'I RANG BZHIN BTANG BA YIN PAS DE RNAMS BTANG BA LA SGRA BTANG BA ZHES BYA BAR RUNG NGO, ,DE THAMS CAD KYANG DE BZHIN NYID LA DMIGS PA'I BSAM GTAN GYI DON MI SNANG BAS DE'I DUS SU BTANG BAR GSUNGS SO, ,'DIR BSKYED PAR BYA BA'I TING NGE 'DZIN NI GSUM STE, LHA'I SKU LA DMIGS PA DANG, LHA'I GSUNG SNGAGS LA DMIGS PA DANG, LHA'I THUGS DE KHO NA NYID LA DMIGS PA'O, ,DANG PO NI, RAB TU SBOM PA STE SHIN TU RAGS PA'I TING NGE 'DZIN NO, ,GNYIS PA NI DE LAS PHRA LA, GSUM PA NI CHES PHRA BA YIN PAS RIM PA DE LTAR DU NGES TE RAGS RIM NAS RGYUD LA BSKYED DGOS PA'I PHYIR RO, ,DE LA THOG MAR LHA'I SKU GSAL BA DANG DE LA RING DU GNAS PA GNYIS TSOGS BSKYED DGOS PAS, RNAM PA DU MA CAN GYI BSAM GTAN GYIS GSAL SNANG BSGRUB DGOS TE, GOMS PAR BYA BA'I RNAM PA YANG YANG YID LA BYED PA LAS GSAL BAR SNANG BA 'BYUNG BA'I PHYIR TE 'DOD 'JIGS GOMS PA BZHIN NO, ,RTZE GCIG TU MA BZHAG NA GSAL SNANG BYUNG YANG DMIGS PA GCIG LA JI LTAR 'DOD PAR MI GNAS PAS RTZE GCIG PA'I TING NGE 'DZIN GYIS BZHAG DGOS TE SNGAR BSHAD PA LTAR RO, ,DE 'DRA BA'I SGO NAS SEMS LAS SU RUNG BA THOB LUGS NI DPUNG BZANG GI LNGA PA LAS, SNA RTZER LTA ZHING RNAM PAR RTOG PA SPONG, ,NAM ZHIG BSKYOD KYANG RNAM PAR MI GA-YO BA, ,DE CHE MI GSAL GNAS DAG THOB PA STE, ,SEMS NI LAS SU RUNG BAR 'GYUR BAR NGES, ,ZHES GSUNGS PA LTAR BSKYOD KYANG RNAM PAR GA-YO MI NUS

, ,PA'I GNAS CHA BYING BA DANG BRAL BA DGOS TE, GSAL BA'I NGAR MA THON PA'I GNAS CHA NI BYING BA DANG MI 'GAL BA'I PHYIR RO, ,BZLAS BRJOD KYI SNGON DU LHA LA DMIGS PA'I TING NGE 'DZIN BRTAN PO SGRUB PA SHIN TU GNAD CHE STE, DE NYID LAS, RTZE GCIG SEMS DANG LDAN PA'I MI LA NI, ,YID LAS BYUNG BA'I DGA' BA RAB TU SKYE, ,DGA' BAS LUS NI SHIN TU SBYANGS PA 'THOB, ,LUS SBYANGS PAS NI BDE BA'I SKAL LDAN 'GYUR, ,LUS BDE RTZE GCIG SEMS DANG TING 'DZIN GYIS, ,DE TSE BZLAS BRJOD THOGS PA MED PAR 'GYUR, ,ZHES SO, ,SEMS RTZE GCIG PA'I TING NGE 'DZIN SKYON MED DU SGRUB TSUL DANG, BSGRUB PA LAS THOG MAR SEMS SHIN SBYANGS SKYE TSUL DANG, DE LA BRTEN NAS LUS SHIN SBYANGS SKYE TSUL DANG, DE'I 'OG TU ZHI GNAS MTSAN NYID PA 'GRUB KYI SNGA ROL TU ZHI GNAS RJES MTHUN PA LAS MI SKYE BA'I TSUL RNAMS THEG PA THUN MONG BA'I LAM GYI RIM PAR BSHAD ZIN PAS MA SPROS SO, ,RGYUD SDE BZHI GA'I SKABS SU THOG MAR ZHI GNAS MTSAN NYID PA 'GRUB PA'I DUS NI PHAL CHER LHA'I RNAL 'BYOR LA 'KHRID PA'I DUS YIN PAS ZHI GNAS MTSAN NYID PA DANG RJES MTHUN PA MA PHYED CING, ZHI GNAS MTSAN NYID PA GRUB PA'I DUS TSIGS GZHUNG CHE BA RNAMS NAS 'BYUNG BA BZHIN ZHIB PAR MA PHYED NA, THOG MAR LHA'I RNAL 'BYOR LA 'KHRID PA'I SKABS SU JI TZAM ZHIG TU BKRI DGOS PA'I SA MTSAMS SHES PA MA YIN NO, ,DE LTAR SKU LA DMIGS PA'I TING NGE 'DZIN BRTAN PA NA DE BTANG NAS GSUNG SNGAGS LA DMIGS PA'I TING NGE 'DZIN LA SLOB BO, ,GTONG BA NI SKU LA SEMS BZUNG YIN SLOB PA DE BZHAG NAS DMIGS PA GZHAN LA SEMS 'DZIN PA LA BYED KYI, DE PHYIN CHAD NAS LHA'I GSAL SNANG 'CHAR BA 'GOG PA MIN TE, BZLAS

BRJOD GSUM DANG ME GNAS DANG SGRA GNAS KYI SKABS SU YANG LHA LA DMIGS PAR MANG DU GSUNGS PA'I PHYIR RO, ,SNGAGS LA DMIGS PA LA GSUM LAS RAGS PA LA DMIGS PA NI YI GE'I GZUGS SAM SGRA LA DMIGS NAS SHUB BU'I BZLAS PA BYED PA STE YIG 'BRU ZLA BA LA BKOD PA'I RNAM PA DANG, GDANGS KYI RNAM PA LAS SEMS GZHAN DU MI 'PHRO BAR BZUNG YIN RANG GIS THOS TZAM DU ZLO BA LA SLOB PA'O, ,DE LTA BU'I NGAG TU SNGAGS BZLAS PA DANG SEMS SKABS KYI DMIGS PA GANG YIN DE LAS GZHAN DU MI 'PHRO BAR ZLO BA'I RNAL 'BYOR BRTAN PA NA DE LTAR SLOB PA DE BZHAG NAS PHRA BA LA SLOB STE NGAG TU SNGAGS MI 'DON PAR YID KHO NAS ZLO BA DANG, SEMS YIG 'BRU'I GZUGS SAM GDANGS KYI RNAM PA GANG RUNG LA BZUNG BA GZHAN DU MI 'PHRO BA GNYIS BRTAN POR SONG SONG GI BAR DU BSLAB BO, ,DE BRTAN PA NA DE YANG BZHAG NAS RAB TU PHRA BA SGRA'I RANG BZHIN GYI BSAM GTAN GNYIS LA BSLAB STE, RANG GI SEMS BDAG GI DE KHO NA NYID RTOGS PA DE NYID GZUNG CHA SNGAGS KYI SGRA DANG ME 'BAR BA'I RNAM PAR SNANG BA LA SEMS GZUNG NGO, ,DE'I RTAGS SNGAR BSHAD PA RNYED RNYED DU BSKYANGS PAS BRTAN PA NA DE YANG BZHAG NAS RANG GI SEMS GZUNG CHA SNGAGS KYI GDANGS KYI RNAM PA CAN DU LHANG LHANG SNANG BA DANG, 'DZIN CHA GZHAN DU MI 'PHRO BAR SNGAGS KYI SGRA'I 'PHRENG BA DE NYID LA GNAS PA GNYIS DBYER MED DU SBYOR BA'I RNAL 'BYOR LA BSLAB STE, 'DI BRTAN PA NYID SGRA GNAS RNAL 'BYOR STER BA'I DON YIN NO, ,DE GNYIS NI DPER NA RANG GI SEMS DMIGS PA LA RTZE GCIG TU GNAS PA'I TSE NA GZUNG CHA LHA'I ZHAL PHYAG LA SOGS PA'I RNAM PA DUS GCIG TU GSAL BA BZHIN DU YI GE'I 'PHRENG BA'I CHA SNGA MA'I RNAM

, ,PA SHAR BA RNAMS PHYI MA'I RNAM PA SHAR BA'I TSE YANG LAM ME SNANG BA'I SEMS BRTAN PA'O, ,GNYIS PA NI, DE LTAR LHA SKU NAS SGRA GNAS KYI BAR DU SEMS BZUNG BA LA SROG RTZOL BKAG PA'I RLUNG SBYOR DANG, ME LA DMIGS PA DANG, LHA SKU LA SOGS PA'I DMIGS PA PHRA RAGS MANG PO LA SEMS RTZE GCIG TU BZUNG BA'I MTHUS, DPUNG BZANG NAS BSHAD PA LTAR GYI GNAS CHA SHIN TU BRTEN PA DANG, LUS SEMS LA DGA' BDE KHYAD PAR CAN DANG LUS SEMS LAS SU RUNG BA'I SHIN SBYANGS SKYE ZHING, KHYAD PAR DU RLUNG SBYOR DANG ME DMIGS RING DU BSGOMS PA'I MTHUS BDE DROD DANG, DE LA BRTEN PA'I BDE GSAL MI RTOG PA'I TING NGE 'DZIN MTHU LDAN SKYE MOD KYANG DE DAG LA RDZOGS RIM YANG MI ZER LA SRID PA'I RTZA BA BDAG 'DZIN GCOD PA'I LAM YANG DA DUNG MA RNYED PAS SGRA GNAS KYANG BTANG NAS SGRA MTHAR THAR PA STER BA'I BSAM GTAN STONG PA NYID BSGOM PAR BYA'O, ,DE JI LTAR BSGOM PA SKABS 'DIR MDO TZAM LAS MA SMOS PA NI SNGAR BDAG GI DE NYID SGOM PA'I SKABS SU BSHAD ZIN PA LA DGONGS PAS NI SNGAR BSHAD PA NYID 'DIR BLANGS NAS BSHAD DGOS SO, ,DE YANG SNGAR BSHAD PA LTAR GANG ZAG GI BDAG DANG CHOS KYI BDAG RNAMS LUNG DANG RIGS PAS DGAG LA, CHOS THAMS CAD DON DAM PAR MA GRUB PAR RTOGS PA'I DBU MA'I LTA BA SNGON DU BTZAL BAR BYA STE, DE MA RNYED PA'I MI RTOG PA TZAM LA STONG NYID SGOM PA'I DON CUNG ZAD KYANG MED PA'I PHYIR RO, ,DE RNYED PA NA SGOM PA'I TSUL NI RGYUD LAS, MI GA-YO GSAL BA STE ZHES PA'I KHYAD PAR GNYIS DANG LDAN PAR SGOM DGOS TE, BDAG MED PA'I LTA BAS HA CANG DPYAD DRAGS NA RGOD PA SKYES NAS GA-YO BAR BYED PAS BDAG MED KYI DON

LA NGES PA DRANGS PA'I NGES PA DE NYID RTZE GCIG TU BSKYANG ZHING HA CANG MI DPYAD DO, ,DE LTAR 'JOG SGOM BYAS PA NA HA CANG BZHAG DRAGS PAS CHOS SO SOR 'BYED PAR MI SPRO ZHING PHAR SPROS PA NA 'PHRO MI NYAN PAR MI RTOG PAR HRIL HRIL 'GRO NA ZHI GNAS SHAS CHE BAS ZHI LHAG CHA MA SNYOMS PA YIN LA, DE LA BZHAG DRAGS NA ZHUM PA'AM BYING BA DANG RMUGS PA 'DREN PAS DE DAG TU 'GYUR TE, DPER NA DPYAD DRAGS NAS LHAG MTHONG SHAS CHE NA DE'I MTHAR RGOD PA SKYE BA BZHIN NO, ,DES NA SO SOR RTOG PA'I SHES RAB KYI RTZA LA SBYONG BA'I DPYOD PA DANG RTZE GCIG TU 'JOG PA GNYIS KA BYA STE, 'GREL PA LAS, DA NI BDAG GI DE KHO NA NYID YE SHES KYI RANG BZHIN DE ZHUM PA DANG RGOD PA MED PAR BSTAN PA, MI GSAL BA STE ZHES BYA BA GSUNGS SO, ,DE LA MI GA-YO BA NI 'GUL BAR MI 'GYUR BA ZHES BYA BA'I THA TSIG GO ,'DIS KYANG SHES RAB RGOD PA'I RNAL 'BYOR PA CHOS RNAM PAR 'BYED PA'I RNAM PAR RTOG PA GOMS PAR BYAS PA'I SEMS GA-YO BA MA ZHI BA'I MTSAN NYID RGOD PA DGAG PA GSUNGS SO, ,DE BAS NA SEMS MI GA-YO BA NI LAM LA NYA BAR ZHI PA YIN NO ZHES BSHAD DO, ,ZHES SHES BYED KYI LUNG DRANGS NAS DPYAD DRAGS PA SKYON DU 'GYUR BAS 'JOG SGOM BYA BAR GSUNGS TE, 'DIR CHOS RNAM 'BYED KYI SHES RAB LA RGOD PA'I MTSAN NYID GSUNGS PA NI DPYAD DRAGS NA DE'I MTHAR RGOD PA SKYE BA'I DON YIN GYI, SHES RAB DE NYID RGOD PA GA LA YIN, YANG DE NYID LAS, DE BZHIN DU GSAL BA ZHES BYA BA NI DANG BA STE RMUGS PA LA SOGS PA'I NYES PA DANG BRAL ZHES BYA BA'I THA TSIG GO ,'DIS KYANG ZHI GNAS GCIG PUR SONG BA'I RNAL 'BYOR PA CHOS RNAM PAR DBYE BA'I DUS NA YANG GANG

, ,HA CANG MNYAM PAR BZHAG CES PA SEMS ZHUM PA'I MTSAN NYID RMUGS PA CHOS RNAM PAR 'BYED PA'I MI MTHUN PA'I PHYOGS SU 'GYUR BA DE BKAG GO ,ZHES GSUNGS TE, 'DI YANG BZHAG DRAGS NA DE'I MTHAR RMUGS PA DANG BYING BA SKYE BA DANG, CHOS RAB TU RNAM 'BYED KYI MI MTHUN PHYOGS SU 'GYUR BA'I DON YIN GYI, ZHI GNAS NYID ZHUM PA DANG RMUGS PAR STEN PA MIN NO, ,'DI DANG MTHUN PAR SGOM RIM THA MA LAS KYANG, YANG GANG GI TSE LHAG MTHONG BSGOMS PAS SHES RAB SHIN TU SHAS CHE BAR GYUR PA DE'I TSE ZHI GNAS CHUNG PA'I PHYIR, MAR ME RLUNG LA BZHAG PA BZHIN DU SEMS GA-YO BAS DE KHO NA SHIN TU GSAL BAR MI MTHONG BAR 'GYUR TE, DE'I PHYIR DE'I TSE ZHI GNAS BSGOM PAR BYA'O, ,ZHI GNAS KYI SHAS CHE NA YANG GNYID KYIS LOG PA'I MI BZHIN DU DE KHO NA SHIN TU GSAL BAR MTHONG BAR MI 'GYUR TE, DE LTA BAS NA DE'I TSE YANG SHES RAB BSGOM PAR BYA'O, ,GANG GI TSE GLANG GNYIS ZUNG DU 'BREL TE MNYAM DU ZHUGS PA BZHIN DU GNYIS KA MNYAM DU ZHUGS PAR GYUR PA DE'I TSE JI SRID DU LUS DANG SEMS LA GNOD PAR MA GYUR PA DE SRID DU MNGON PAR 'DU BYED PA MED PAR GNAS PAR BYA'O, ,ZHES ZHI LHAG GANG SHAS CHE BA DE'I GCIG SHOS LA MANG DU BSGOMS LA GNYIS KA CHA MNYAM PAR BYAS TE BSGOM PAR GSUNGS PA LTAR BYA'O, ,ZHI GNAS KYI PHYOGS SHAS CHE NAS ZHI LHAG CHA MA SNYOMS PA LA MI RTOG PA'I SGOM KLONG DU GYUR PAR MI GZUNG ZHING ,RIGS PA'I DGAG BYA'I TSAD MA ZIN PAR 'DI'O SNYAM DU GANG BZUNG THAMS CAD BDEN 'DZIN YIN PAS DBU MA'I GZHUNG NAS KYANG DE DAG THAMS CAD BKAG 'DUG GO SNYAM DU BSAMS NAS, SO SOR

RTOG PA'I DPYAD SGOM THAMS CAD 'TSANG RGYA BA'I GEGS SU 'DZIN PA RGYA NAG GI MKHAN PO'I LUGS KYANG MI GZUNG NGO, ,BSAM GTAN PHYI MA RTZA 'GREL GYIS KYANG GSAL BAR GSUNGS TE, 'GREL PA LAS, DE LTAR BDAG GI DE KHO NA NYID YAN LAG MED PA DMIGS PA MED PA, GZUGS MED PA RNAM PA MED PA MI GA-YO BA GSAL BAR RJES SU MYONG BA'I MTSAN NYID YIN YANG RNAM PAR DPYOD PA'I LAM MA SPANGS PA NYID DU 'DOD PAS, BLO'I DPYOD PA MDUN NA GNAS ZHES BYA BA GSUNGS SO, ,BLO NI SHES RAB PO, ,DE'I RANG GI YUL LA 'JUG PA NI DPYOD PA STE BLO'I DPYOD PA'O, ,BLO'I DPYOD PA DE SHES RAB KYI SNANG BA'I MTSAN NYID DE BDAG GI DE KHO NA NYID GANG YIN PA'I MDUN NA GNAS PA DE NI BLO'I DPYOD PA MDUN NA GNAS PA'O, ,DES 'DI SKAD GSUNGS PAR 'GYUR RO, ,RANG GIS RIG PA'I RANG BZHIN DE RNAM PAR MI RTOG PA YIN YANG SHES RAB KYI SNANG BA MDUN NA DPYOD PA NYID DU 'JUG GO ZHES BSHAD DO, ,ZHES SO SOR RTOG PA'I SHES RAB NI DE KHO NA NYID SGOM PA'I SKABS SU YANG SPANG DU MI RUNG BAR BSGRUBS SO, ,MDOR NA SGRA GNAS KYI BSAM GTAN MAN CHAD DU ZHI GNAS SGRUB LA, SGRA MTHA' NAS LHAG MTHONG SGOM ZHING DER YANG SO SOR RTOG PA'I SHES RAB KYI DPYAD PA MANG DRAGS NA SNGAR GYI GNAS CHA 'JIG PAS, DPYOD PA DANG 'JOG PA'I SGOM GNYIS SPEL MAR BYAS LA ZHI LHAG GNYIS ZUNG DU 'BREL PA THOB PAR BYA'O, ,DNGOS GRUB KHYAD PAR CAN GYI LAS TSOGS MTHA' YAS PA SGRUB PAR BYA SPYOD LAS GSUNGS PA RNAMS JI LTA BA BZHIN DU 'GRUB PA LA, BZLAS BRJOD YAN LAG BZHI DANG DE NYID GSUM GYI BSAM GTAN SNGON DU 'GRO DGOS LA, DNGOS GRUB PHRAN TSOGS MANG PO 'GRUB PA LA DE LTAR DGOS

, ,PA'I NGES PA MED DO, ,BZHI PA NI, LEGS GRUB LAS, SHIN TU MCHOG GI LAS RNAMS NI, ,BZLAS BRJOD KHYAD PAR CAN GYIS 'GRUB, ,SNGON DU BSNYEN PA BYED PA YANG, ,LAS RNAMS PHAL NI 'GRUB PAR 'GYUR, ,ZHES DANG, DPUNG BZANG LAS, CHO GA BZHIN DU DANG POR 'BUM BZLAS NAS, ,DE NAS GSANG SNGAGS SGRUB LA 'JUG PAR BYA, ,DE NAS MYUR DU DNGOS GRUB THOB 'GYUR LA, ,GSANG SNGAGS CHO GAS YUN RING NYEN MI MONGS, ,ZHES DANG, BSAM GTAN PHYI MA LAS KYANG, RIG SNGAGS DE NYID MA LUS DANG, ,BDAG GI DE NYID CHO GA DANG, ,BZLAS BRJOD DE NYID MCHOG SHES NA, ,MIS NI DNGOS GRUB THOB PAR 'GYUR, ,ZHES BZLAS BRJOD YAN LAG BZHI'I RNAL 'BYOR SNGON DU BTANG NAS DNGOS GRUB SGRUB PAR GSUNGS PAS, SHES RAB DANG TSE SPEL BA LA SOGS PA ZHI RGYAS DANG DRAG PO'I LAS SGRUB PA'I SNGON DU BSNYEN PA BTANG NAS DE NAS LAS LA SBYAR DGOS TE 'DI NI RGYUD SDE BZHI GA'I LUGS SO, ,ZHI BA DANG RGYAS PA DANG DRAG PO'I LAS NI RIM PA BZHIN DU DE BZHIN GSHEGS PA'I RIGS DANG, PADMA'I RIGS DANG, RDO RJE'I RIGS KYIS BSGRUB STE DNGOS GRUB MCHOG DANG 'BRING DANG THA MA YANG DE LTAR BSGRUB BO, ,ZHI BA NI DUS MA YIN PAR 'CHI BA DANG NAD RNAMS DANG YAMS DANG GNOD PA DANG 'GO NAD RNAMS ZHI BAR BYED PA'O, ,RGYAS PA NI TSE DANG LANG TSO DANG BYIN DANG MTHU STOBS DANG YON TAN DANG 'DOD DON RGYAS PAR BYED PA'O, ,DRAG SHUL NI GSAD BSKRAD SOGS SO, ,DUS NI DGUN ZLA THA CHUNG DANG STON ZLA 'BRING DANG DPYID ZLA RA BA DANG 'BRING DANG DBYAR ZLA RA BA'I YAR NGO LA DNGOS GRUB MCHOG DANG ZHI BA RNAMS BYA STE, DANG PO LA GEGS MED DO, ,ZHI BA PHAL CHER STON DANG, DE BZHIN DU RGYAS PA DGUN DANG, DRAG

SHUL DPYID SMAD BYED BA SHIS, DNGOS GRUB 'BRING DANG THA MA RNAMS NI ZLA BA LNGA PO DE'I MAR NGO LA BYA, DNGOS GRUB RAB 'BRING THA GSUM DANG ZHI RGYAS DANG DRAG PO'I DUS NI RIM PA BZHIN DU NANG PAR DANG SROD DANG NAM PHYED NYI PHYED LA BYA STE, DE YANG ZHI BA NI YAR TSES GCIG NAS NYE'I BAR DANG, RGYAS PA NI NYA NAS NYA'I BAR DANG, DRAG PO NI MAR NGO LA BYA'O, ,LAS KUN LA SHIS PA'I DUS NI CHO 'PHRUL GYI ZLA PHYED DANG, NYI ZLA GZAS ZIN PA DANG, TSES GCIG DANG GSUM DANG LNGA DANG BDUN DANG BCU GSUM DANG SKAR MA RGYAL GYI DUS RNAMS SO, ,GNAS NI DNGOS GRUB RAB 'BRING THA GSUM RNAMS RIM PA BZHIN DU RI LA SOGS PA DANG, MTSO 'GRAM LA SOGS PA DANG, DE LAS GZHAN PA SNGAGS DANG RJES SU MTHUN PA'I GNAS SU BYA STE, KHANG RUL LA SOGS PAR MI BYA'O, ,'DUG STANGS NI, ZHI BA LA PADMA'I SKYIL KRUNG DANG, RGYAS PA LA BKRA SHIS KYI 'DUG STANGS DANG, DRAG PO LA RKANG PAS RKANG PA MNAN TE KHA NI BYANG DANG SHAR DANG LHOR BLTA'O, ,RIGS RE RE LA YANG DNGOS GRUB GSUM GSUM DANG, ZHI RGYAS DANG DRAG PO GSUM GSUM YOD PA LAS RANG RANG GI RIGS KYI BDAG PO DANG, RIGS KYI YUM DANG, RIGS KYI KHRO BOS ZHI SOGS GSUM BYA'O, ,DNGOS GRUB GSUM DU 'BYED LUGS LA SGO MANG STE, NGO BO'I SGO NAS NI RIG 'DZIN DANG, MNGON SHES DANG, BSTAN BCOS KUN SHES PA SOGS NI RAB BO, ,MI SNANG BA DANG BCUD LEN DANG RKANG MGYOGS SOGS NI 'BRING NGO, ,GZHAN DBANG DU 'DU BA DANG GSAD BSKRAD SOGS NI THA MA'O, ,RIGS KYI SGO NAS GSUM NI BSHAD ZIN TO, ,RTAGS KYI SGO NAS NI RDZAS 'BAR BA DANG DU BA 'THUL BA DANG DRO BA LAS GSUM MO, ,GZHI LAS NI LUS KYI DANG RDZAS KYI DANG LONGS SPYOD KYI DNGOS

, ,GRUB BO, ,GSUNG BA PO'I SGO NAS NI 'PHAGS PA DANG LHA DANG SA BLA BA'I SNGAGS SO, ,DNGOS GRUB STER BA PO MCHOG YIN KYANG SGRUB PA POS LEGS PAR MA 'BAD PA'I BSNYEN PA LAS DNGOS GRUB THA MA STZOL BA YANG YOD LA, LEGS PAR BSNYEN NA NI THA MAS KYANG GZHAN LA BSLANGS NAS DNGOS GRUB MCHOG STER BA YANG YOD DO, ,DNGOS GRUB SGRUB PA'I SNGA ROL TU 'GRUB MI 'GRUB KYI LTAS BRTAG THABS NI, NYA 'AM YANG NA YAR CHOS GANG BZANG LA SMYUNG BA BYAS NAS NUB GCIG GAM GSUM DU RMI LAM BRTAG STE, SKYU RU RA LA SOGS PA'I KHRUS RTZI DANG DRI ZHIM PO'I SPOS CHUS KHRUS BYAS TE NYE REG BYA, GOS GTZANG MA SAR PA BGO ,SROD LA SNGAR BSHAD PA LTAR MCHOD YON PHUL NAS RANG GI LHA SPYAN DRANGS LA, TZAN DAN DKAR PO LA SOGS PA DANG BDUG PAS BDUGS TE MCHOD PA BYA, ZHI YOD PA'I GTOR MA MANG ZHING BZANG BA DBUL, MAR GYI SBYIN SREG BRGYA RTZA BRGYAD DANG LAS DANG RJES SU MTHUN PAR SA RDZA RA'I BSREG BLUGS DBUL, BU MOS BKAL BA'I SRAD BU LA MDUD PA BDUN BYA LA RANG GI LHA'I SNGAGS KYIS LAN BDUN BSNGAGS PA DPUNG PA GA-YON PA LA BCING, LHA LA RMI LAM DU SGRUB PA BYAS PA DE 'GRUB MI 'GRUB KYI BKA' STZOL BA'I GSOL BA GDAB LA, RANG GI LHA GANG YIN PA DE 'DRA BAR BSAMS LA DE'I SNGAGS 'DON BZHIN DU KU SHA'I GDAN MA TOG MANG POS KLUBS PA LA NYAL BAR BYA'O, ,DE NAS RMI LAM DU DKON MCHOG GSUM DANG RANG GI LHA DANG BYANG SEMS DANG 'KHOR RNAM BZHI DANG, RI DANG GLANG PO DANG 'BAB CHU DANG NOR DANG GOS RNYED PA SOGS DGA' BA'I RMI LAM RMIS NA SGRUB PA BRTZAM PAR BYA'O, ,DE NAS SGRUB PA BYED PA LA SBYIN SREG GIS SGRUB PA DANG, SNGAGS KYI BZLAS

SGOM TZAM BYAS TE SGRUB PA SOGS MANG DU BKA' STZAL PA GANG YIN DE RNAMS BYA STE, DUS GSUM DU MCHOD PA DANG SDIG PA BSHAGS PA DANG RJES SU YI RANG BA DANG SMON LAM GDAB PA DANG, SHER PHYIN GYI GLEGS BAM KLAG PA DANG, MAndAL BYA BA DANG, SDOM PA GZUNG BA DANG, DUS GSUM DU BSRUNG BA BYA BA RNAMS GOS LAN GSUM DU BRJES NAS BYA'O, ,BAG MED PAR GYUR NAS DE DAG DUS GSUM DU BYA BA MA BYUNG NA RANG GI LHA'I SNGAGS NYER GCIG RE GDON PAR BYA'O, ,DNGOS GRUB RAB 'BRING THA GSUM LA RIM PA BZHIN ZHAG GSUM MAM GNYIS SAM GCIG SMYUNG GNAS BYA STE DE RNAMS NI LEGS GRUB LAS GSUNGS PA LTAR BSHAD PA'O, ,DE DAG GI SKABS SU MDUN DU LHA SPYAN DRANGS PAS MI CHOG PAR GSAR DU SKYED DGOS PA DKYIL 'KHOR SGRUB PA DANG BUM BSKYED LA SOGS PA LA NI, SLOB DPON 'DI GNYIS LTAR NA SNGAR BSHAD PA'I LHA DRUG GI BSKYED CHOG BYAS NAS BZLAS PA BYED PA'I TSE YAN LAG BZHI'I BZLAS BRJOD DANG PO GNYIS SKABS SU GANG BAB BYA'O, ,BUM PA'I RDZAS DANG SKYED CHOG SOGS NI SPYI 'GRO LTAR BYAS PAS CHOG GO ,DE 'DRA BA'I LHA'I RNAL 'BYOR GYI SKABS SU BKRES BA CHUNG BA DANG NAD LAS THAR BA DANG, SHES PA KHYAD PAR CAN 'BYUNG BA DANG LHAG BAR GZI MDANGS TSE ZHING BRTAN PA DANG, RMI LAM BZANG ZHING BDEN PA RMI BA DANG, BZLAS BRJOD LA DGA' RU SONG BA DANG, NGAL BA CHUNG ZHING DRI ZHIM PO BRO BA DANG, YON TAN LHUR LEN PA DANG, LHA LA GUS PA CHER SONG NA BZLAS SGOM GNAD DU SONG BA'I RTAGS SU LEGS GRUB LAS BSHAD LA, BSAM GTAN PHYI MA LAS, MA DAD PA DANG SNYOMS LAS DANG, BKRES SKOM GYIS ZIL GYIS NON PA DANG, RGOD PA DANG YID KYI GDUNG BA CHE BA DANG, LAS LA

, ,THE TSOM ZA BA DANG, BZLAS BRJOD DANG BSAM GTAN LA MI ZHEN PA DANG, CAL COL GYI GTAM LA DGA' BA DANG, BYA BA MIN PA LA 'JUG PA DANG, GDON GYIS BRLAMS PA DANG, RMI LAM NGAN PA RMI BA SOGS NI LHA GZHAN DU PHYOGS PA'I RGYU DANG, CHAGS SDANG DANG RGYAGS PA DANG, RGYU LA SOGS PA ZHI BA DANG BZLAS BRJOD LA YID RGYUN LDAN DU GNAS PA NI LHA MNGON DU PHYOGS PA'I RGYUR GSUNGS SO, ,'DI DAG NI DANG PO BSNYEN PA'I SKABS SU YANG RIG PAR BYA'O, ,RANG GZHAN GYI DON NAD ZHI BA LA SOGS PA'I DNGOS GRUB PHRA MO SGRUB PA DANG; DBANG BSKUR DANG RAB GNAS SOGS BYED PA LA NI SNGON DU LHA DRUG GI TING NGE 'DZIN DANG, YAN LAG BZHI'I SGO NAS BZLAS BRJOD KYI GRANGS RDZOGS NA, DE NYID GSUM GYI BSAM GTAN MA BSGOMS KYANG SHIN TU RUNG BAS DE DAG GI SKABS SU YANG DE NYID GSUM GYI BSAM GTAN SGOM PA DANG BZLAS BRJOD KYI DMIGS PA GSUM CHAR BYED PA NI SA MTSAMS MA PHYED PA'O, ,'DIR SMRAS PA, SMYUNG BAR GNAS DANG KHRUS KYI CHO GA SOGS, ,BSGOM BZLAS PHYOGS RE SHES PAS BYA SPYOD KYI, ,RGYUD DON SHES PAR SMRA NA BZHAD GAD GZHI, ,DE PHYIR RGYUD DON LAM DU SGRIG PA GCES, ,DE YANG BYA BA SPYI YI RGYUD BZHI DANG, ,KHYAD PAR LEGS GRUB BSAM GTAN PHYI MA'I RGYUD, ,RGYA GAR MKHAS PA GNYIS KYIS BKRAL BA BZHIN, ,DGONGS PA BTZAL NAS GSAL BAR PHYE BA 'DI, ,BYA RGYUD MTHA' DAG LTA BA'I MIG GCIG GO ,RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR PHYE BA LAS BYA BA'I RGYUD KYI LAM BGROD PA'I RIM PA STE LE'U GNYIS PA'O,, ,,GNYIS PA SPYOD RGYUD KYI LAM GYI RIM PA LA BZHI, LAM SGOM PA'I SNOD DU RUNG BAR BYA BA DANG, SNOD DU GYUR NAS DAM TSIG

DANG SDOM PA DAG PAR BYA BA DANG, DAM TSIG LA GNAS NAS SNGON DU BSNYEN PA JI LTAR BYA BA DANG, BSNYEN PA LAS SU RUNG NAS DNGOS GRUB JI LTAR BSGRUB PA'O, ,DANG PO NI, SPYOD PA'I RGYUD LAS GSUNGS PA'I SNYING RJE CHEN PO'I SNYING PO CAN LA SOGS PA'I DKYIL 'KHOR DU DBANG BSKUR BA THOB PAS LAM SGOM PA'I SNOD DU BYAS PA STE, 'DI LA YANG DKYIL 'KHOR DU GZHUG PA TZAM DANG ZHUGS PA LA DBANG BSKUR BA'I TSUL RNAMS RTZA LTUNG GI RNAM BSHAD DU BSHAD ZIN LA, DKYIL 'KHOR DANG DBANG GI CHO GA NI GZHUNG MANGS PA'I 'JIGS PAS MA BRIS TE, RNAM SNANG MNGON BYANG RTZA 'GREL DANG, PHYAG RDOR DBANG BSKUR BA SOGS LAS SHES PAR BYA'O, ,GNYIS PA NI, RNAM SNANG MNGON BYANG LAS, DE LA DAM TSIG BSTAN PAR BYA, ,DE RING PHAN CHAD BU KHYOD KYIS, ,DAM PA'I CHOS DANG BYANG CHUB SEMS, ,SROG GI PHYIR YANG DA PHYIN CHAD, ,YONGS SU GTANG BAR MI BYA'O, ,KHYOD KYIS SER SNA DANG NI GANG, ,SEMS CAN GNOD PA MI BYA'O, ,DAM TSIG 'DI DAG SANGS RGYAS KYIS, ,BRTUL ZHUGS BZANG PO KHYOD LA BSHAD, ,JI LTAR RANG GI SROG SRUNG BA, ,DE LTAR KHYOD KYIS 'DI DAG SRUNGS, ,ZHES DANG, GZHAN YANG MI DGE BCU SPONG GI BSLAB PA'I GZHI LA GNAS DGOS PAR GSUNGS PA LTAR BYA LA, DAM TSIG GZHAN NI BYA RGYUD LAS BSHAD PA RNAMS PHAL MO CHE THUN MONG BA YIN PAS BSRUNG BAR BYA'O, ,BYA SPYOD GNYIS KA LA THEG PA CHEN PO'I SDOM PA NI 'JAM DPAL RTZA RGYUD LAS GSUNGS PA LTAR BYANG SEMS KYI SDOM PA YIN LA, DE'I PHYIR RTZA LTUNG YANG BYANGS DANG THABS LA MKHAS PA'I MDO LAS GSUNGS PA LTAR RGYUD 'DIR BSHAD PAS, DE RNAMS RGYAS PAR NI TSUL KHRIMS LE'U'I RNAM BSHAD DU BSHAD ZIN CING, 'DI GNYIS LA RIGS LNGA'I SDOM GZUNG GIS SDOM PA GZUNG

, ,BA MI RUNG BA DANG BYANG SEMS KYI SDOM PA 'DZIN PA'I CHO GA DANG DE DAG LA RTZA LTUNG JI TZAM YIN PA SOGS NI RTZA LTUNG GI RNAM BSHAD DU RGYAS PAR BSHAD ZIN PAS MA SPROS SO, ,GSUM PA LA GNYIS, RNAL 'BYOR GYI DBYE BA DANG, PHYE BA'I DON SO SOR BSHAD PA'O; ;DANG PO NI, RNAM SNANG MNGON BYANG LAS, GSANG BA'I BDAG PO LHA'I GZUGS KYANG RNAM PA GNYIS TE, YONGS SU DAG PA DANG YONGS SU MA DAG PA'O, ,DE LA YONGS SU DAG PA NI RTOGS PA'I NGO BO STE MTSAN MA THAMS CAD DANG BRAL BA'O, ,YONGS SU MA DAG PA NI MTSAN MA DANG BCAS PA'I GZUGS TE KHA DOG DANG DBYIBS SO, ,DE LA LHA'I GZUGS RNAM PA GNYIS KYIS DGOS PA RNAM PA GNYIS 'GRUB PAR 'GYUR TE, MTSAN MA DANG BCAS PAS NI MTSAN MA DANG BCAS PA'O, ,MTSAN MA MED PAS NI MTSAN MA DANG BCAS PA'I DNGOS GRUB KYANG 'BYUNG BAR 'GYUR RO, ,MTSAN MAR BCAS PAS MTSAN BCAS KYI, ,DNGOS GRUB RGYAL BA DAM PA BZHED, ,MTSAN MA MED LA GNAS PAS NI, ,MTSAN MA CAN YANG BSGRUB TU RUNG, ,DE BAS RNAM PA THAMS CAD DU, ,MTSAN MA MED LA BRTEN PAR BYA, ,ZHES GSUNGS PA LTAR MTSAN BCAS KYI RNAL 'BYOR DANG MTSAN MA MED PA'I RNAL 'BYOR GNYIS SO, ,MTSAN MA DANG BCAS PA'I RNAL 'BYOR NI STONG NYID SGOM PA DANG BRAL BA'I LHA'I BSGOM BZLAS YIN LA, MTSAN MA MED PA NI STONG NYID SGOM PA DANG BCAS PA'I LHA'I BSGOM BZLAS LA BYA'I STONG NYID RKYANG PA SGOM PA LA MI BYA STE, DE LTA MA YIN NA STONG PA RKYANG PA'I RNAL 'BYOR GYIS 'TSANG RGYA BAR 'DOD DGOS TE MTSAN MA MED PAS DNGOS GRUB GNYIS KA 'GRUB PAR GSUNGS PA'I PHYIR RO, ,RGYUD LAS KYANG YONGS SU MA DAG PA'I

LHA'I GZUGS STON PAS NA MTSAN MA DANG BCAS PA'I GZUGS TE ZHES ZHAL PHYAG GI GZUGS TZAM LA MA MDZAD PAR GZUGS KHYAD PAR BA LA MDZAD DO, ,SANGS RGYAS GSANG BAS STONG NYID SGOM PA LA YANG DON DAM PA'I LHA ZHES LHA'I THA SNYAD MDZAD KYANG, 'DIR NI LHA'I GZUGS NYID LA GNYIS SU PHYE BA DANG DNGOS GRUB GANG 'GRUB KYI GNAD KYIS DE LTAR BYA'O, ,SGRON GSAL LAS KYANG LUNG 'DIS RIM PA GNYIS KYI LHA'I SKU BSTAN PAR BSHAD DO, ,GZHAN YANG 'JIG RTEN PA DANG 'JIG RTEN LAS 'DAS PA'I RNAL 'BYOR GNYIS SU YANG DBYE STE; RNAM SNANG MNGON BYANG LAS, PHYI DANG NANG GI SBYOR BA YIS, ,YAN LAG BZHI PA NGES BSHAD PA, ,DE YANG 'JIG RTEN PA YI STE, ,DMIGS PA CAN NI BLA MED PA, ,SLAR SDUD PA YI TSIG GIS NON, ,LHA YI RJES SU SONG BA'I YID, ,SHUB STE BZLAS BRJOD BYED PA'I MCHOG , DMIGS PA CAN LA BSTAN PA YIN, ,YID KYI 'JIG RTEN 'DAS ZHES BYA, ,SLAR SDUD LA SOGS RNAM PAR SPANGS, ,LHA DANG GCIG TU BYED PA DANG, ,THA DAD MA YIN 'DZIN PA YI, ,YID KYIS RANG BZHIN DBYER MED BYA, ,GZHAN DU BYA BA MA YIN NO, ,ZHES GSUNGS TE, 'DI'I 'JIG RTEN LAS 'DAS PA YANG 'PHAGS PA'I RGYUD KYI ZAG MED LA MI BYED KYI BDAG MED PA'I RNAM PA CAN DANG DES ZIN PA'I RNAL 'BYOR YIN NO, ,SKAL BZANG RDO RJE'I LAM RIM LAS, DE LA LAM DNGOS NI BYA BA'I RGYUD DANG SPYOD PA'I RGYUD DANG RNAL 'BYOR GYI RGYUD KYIS NI MTSAN MA DANG BCAS PA'I SGRUB PA'I THABS DANG, MTSAN MA MED PA'I SGRUB PA'I THABS ZHES BYA BAR GSUNGS SO, ,RNAL 'BYOR CHEN POS NI BSKYED PA'I RIM PA DANG RDZOGS PA'I RIM PA ZHES BYA BA STE DE NYID NI LAM MO, ,ZHES RIM GNYIS BLA MED KYI LUGS DANG, RGYUD SDE

, ,'OG MA LA MTSAN MA YOD MED KYI RNAL 'BYOR GNYIS KYI THA SNYAD BYA BAR 'CHAD PA NI RGYUD 'DI DANG MTHUN ZHING SHIN TU LEGS TE RGYU MTSAN 'OG TU BSHAD PAR BYA'O, ,GNYIS PA LA GNYIS, MTSAN MA DANG BCAS PA'I RNAL 'BYOR BSHAD PA DANG, MTSAN MA MED PA'I RNAL 'BYOR BSHAD PA'O, ,DANG PO LA GNYIS, PHYI'I YAN LAG BZHI'I BZLAS BRJOD DANG, NANG GI YAN LAG BZHI'I BZLAS BRJOD DO, ,DANG PO NI, DA LTA BYA RGYUD LA BRTEN PA'I LHA'I BSGOM BZLAS BYED PA MANG DU SNANG BA LTAR SPYOD RGYUD LA BRTEN PA'I LHA'I BSGOM BZLAS BYED PA MANG PO MI SNANG BA DANG, MTSAN MA YOD MED KYI RNAL 'BYOR RGYUD LA SKYED TSUL SHES NA LAM GYI YAN LAG SLA BAR SNANG BAS, SNGON DU BDAG DANG GNAS BSRUNG ZHING TSOGS RTEN LA MCHOD PA SOGS DANG, LHA LA MCHOD BSTONG BYED PA SOGS GZHAN RNAMS 'DIR MI BSHAD PAR RNAL 'BYOR GNYIS KYI SGOM RIM BZLAS PA DANG BCAS PA BSHAD PAR BYA'O, ,YAN LAG BZHI'I GZHI'I YAN LAG DANG PO RANG LHAR SKYED PA'I SNGON DU STONG NYID SGOM PA'I TSUL NI, 'BYUNG BA CHEN PO LA BRTEN PA'I RANG GI PHUNG PO 'DI DON DAM PAR NAM MKHA' DANG 'DRA ZHING THA SNYAD DU GZUGS BRNYAN DANG 'DRA BAR SANGS RGYAS RNAMS KYIS THUGS SU CHUD LA, DE DAG LAS LHAG PA YANG MED PAS RANG GIS KYANG DE DAG GIS GZIGS PA BZHIN DU RTOGS PAR BYA STE, 'DI LTAR RANG DANG BSGOM PAR BYA BA'I LHA GNYIS KA LA NGO BO NYID KYIS GRUB PA'I RANG BZHIN MED DE, BRTEN NAS 'BYUNG BA'I PHYIR GZUGS BRNYAN BZHIN NO SNYAM DU BSAMS LA RANG DANG LHA GNYIS RANG BZHIN MED PAR GTAN LA DBAB BO, ,DE NAS RANG DANG LHA GNYIS KYI RANG BZHIN

MED PA'I STONG NYID GNYIS DBYER MED PA'O SNYAM DU NGES PA BRTAN PO RNYED RNYED DU SBYANGS NAS LHAR BSKYED PA DGOS TE, RNAM SNANG MNGON BYANG LAS, BYANG CHUB SEMS DPA' GSANG SNGAGS KYI SGO NAS BYANG CHUB SEMS DPA'I SPYAD PA SPYOD PAS 'DI LTAR LUS LA LUS KYI GZUGS BSKYED PAR BYA'O, ,YANG DAG PAR RDZOGS PA'I SANGS RGYAS LAS LHAG PA NI GANG YANG MED DE, JI LTAR BDAG GI MIG DANG RNA BA DANG SNA DANG LCE DANG LUS DANG YID LA SOGS PA 'BYUNG BA CHEN PO BZHI'I NANG DU GTOGS PA YIN LA, DE DAG KYANG NGO BO NYID KYIS STONG PA MING TZAM GYIS BSDUS PA NAM MKHA'I DANG MTSUNGS SHING 'DRA BA, ,GZUNG DU MED PA RGYU DANG LAS LAS BYUNG BA STE GZUGS BRNYAN PA DANG 'DRA BA DE BZHIN DU GSHEGS PA RNAMS KYIS MNGON PAR RDZOGS PAR SANGS RGYAS SO, ,DE DAG KYANG PHAN TSUN RTEN CING 'BREL PAR 'BYUNG BA'I RGYUN MA CHAD PAR 'BREL BA STE, GANG BRTEN NAS SKYES PA DE NI GZUGS BRNYAN DANG 'DRA BAR 'BYUNG NGO, ,DE LTA BAS NA PHAN TSUN RTEN CING 'BREL PAR 'BYUNG BA'I PHYIR LHA GANG YIN PA DE BDAG YIN, BDAG GANG YIN PA DE LHA YIN NO ZHES DE LTAR LUS KYIS LUS KYI GZUGS LHA'I SKUR BSKYED PAR BYA'O, ,ZHES GSAL BAR GSUNGS TE, RGYUD SDE BZHI GA'I LHA SGOM PA'I SNGON DU STONG NYID SGOM PA'I TSUL NI 'DI 'DRA ZHIG DGOS KYI LTA BAS GTAN LA MA PHAB PAR SVA BH'A WA LA SOGS PA'I SNGAGS BRJOD NAS SNANG BA BSDUS PA TZAM LA SNYING PO MED DO, ,BSDUS 'GREL LAS KYANG, PHUNG PO LA SOGS PA GCIG DANG DU BRAL GYI RIGS PAS RANG BZHIN MED PAR GTAN LA PHAB NAS LHA'I RNAL 'BYOR BYA BAR GSUNGS PA'I RGYUD KYI LUNG DRANGS SO, ,STONG PA'I NGANG LAS LHAR LDANG TSUL LA BSDUS 'GREL LAS, RANG GI

, ,LHA'I RNAL 'BYOR PA KUN RDZOB PA'I GO RIM 'DI LAS RNAM PA GNYIS SU BSTAN TE, DE LA GCIG NI RANG GI SEMS KYI RNAM PA SNANG BA THAMS CAD KYIS DBEN PA ZLA BA'I DKYIL 'KHOR LA SOGS PA'I RNAM PAR BSGYUR BAS BDAG NYID RANG GI LHAR SNANG BA BSGRUBS PA YIN NO, ,ZHES ZLA BA SOGS SNGON DU BTANG BA DANG, DE DAG MA BTANG BAR KRONGS BSKYED BYED PA'I TSUL GNYIS GSUNGS NAS, DE YANG RGYUD 'DI'I LHA'I DE KHO NA NYID LA SOGS PA'I RIM PAR PHYE BA LAS BSTAN PAR GSUNGS TE DA LTA 'GYUR BA'I RGYUD LA CHAD DO, ,SNGA MA LTAR NA SEMS ZLA BA'I DKYIL 'KHOR YONGS SU RDZOGS PAR GYUR PA'I STENG DU YI GE Am BSAM, DE LAS 'OD KYI SPRO BSDU BYAS LA YONGS SU GYUR PA LAS RANG NYID RNAM PAR SNANG MDZAD CHEN PO ZHAL GCIG PHYAG GNYIS MNYAM BZHAG GI PHYAG RGYA MDZAD PA, SKU GSER GYI MDOG CAN 'BAR BA'I 'PHRENG BAS 'KHRIGS PA, PADMA DKAR PO DANG ZLA GDAN LA BZHUGS PA, DBU RGYAN DANG THOR TSUGS CAN DAR LVA'I STOD GA-YOGS DANG SMAD GA-YOGS MAN BAS ? PAR BSKYED LA, SNGAGS DANG PHYAG RGYAS BYIN GYIS RLOB PA RGYAS BSDUS GANG RUNG BYA STE ZHIB PAR MA BRIS SO, ,GZHI GNYIS PA NI MDUN DU RANG DANG 'DRA BA'I DE BZHIN GSHEGS PA BSKOM PAR BYA'O, ,DE NAS DE'I THUGS KAR ZLA BA LA GANG BZLAS PAR BYA BA'I SNGAGS KYI 'PHRENG BA DGOD PAR BYA STE BZLAS BRJOD KYI YAN LAG BZHI'O, ,DE LTAR YANG RNAM SNANG MNGON BYANG LAS, ,YI GE DANG NI YI GE SBYAR, ,DE BZHIN BZHI LAS GZHIR GYUR PA, ,SHIN TU BSDAMS PAS YID LA NI, ,BZLAS BRJOD 'BUM PHRAG GCIG BYA'O, ,YI GE BYANG CHUB SEMS YIN TE, ,GNYIS PA SGRA ZHES BYA BA YIN, ,GZHI NI RANG GI LHA GZHAG LA, ,RANG GI LUS KYI GNAS LA BYA, ,GZHI GNYIS PA

NI RDZOGS SANGS RGYAS, ,RKANG GNYIS MCHOG TU SHES PAR BYA, ,ZLA BA'I DKYIL 'KHOR RNAM DAG PA, ,SNGAGS PAS DE LA GNAS PAR BSAM, ,YI GE RNAMS NI GO RIM BZHIN, ,DE YI DBUS SU LEGS PAR DGOD, ,SLAR SDUD PA YI TSIG GIS NON, ,SROG DANG RTZOL BA RNAM PAR SBYANGS, ,SPOG CES BYA BA RLUNG DU BSHAD, ,RTZOL BA DRAN PA ZHES BYA STE, ,DE GNYIS BSDAMS PA BYAS NAS SU, ,SNGON DU BSNYEN PA LEGS PAR BYA, ,ZHES GSUNGS SO, ,YI GE GNYIS LA RNAM SNANG MNGON BYANG GI 'GREL PA GNYIS SU GSAL KHA MED KYANG SNGAR BSHAD PA'I BSAM GTAN PHYI MA'I 'GREL PA LTAR YAN LAG BZHI'I ZLA BA DANG SNGAGS 'PHRENG YIN GYI, LHA BSKYED PA'I DUS KYI ZLA BA DANG SNGAGS LA 'CHAD PA DON MIN NO, ,SROG RTZOL BSDAMS NAS THOG MAR LHA'I SKU GSAL BAR SNANG BA LA GNAS CHA 'TSOL BA DANG, DE NAS YI GE LA DMIGS NAS BZLAS PA BYED LUGS RNAMS NI SNGAR BYA RGYUD KYI SKABS SU BSHAD PA DANG 'DRA'O, ,LUNG DE'I MJUG TU, DE NAS SNGAGS PA ZLA GCIG TU, ,SHIN TU BSDAMS TE BZLAS BRJOD BYA, ,GSANG SNGAGS SNGON DU SPYAD PA NI, ,GZHI GCIG NAS NI GCIG TU 'JUG ,GRAGS CHEN SANGS RGYAS THAMS CAD KYI, ,SNGAR SPYAD PA ZHES BSHAD PA YIN, ,ZHES ZLA BA GCIG TU BYA BAR GSUNGS TE, GZHI GCIG NAS GCIG TU 'JUG PA NI MDUN GYI THUGS KA'I ZLA BA LA BKOD PA'I SNGAGS LA DMIGS PAS SKYON RANG GI THUGS KA DANG GNYIS RE MOS BYED PA'O, ,YID LA BZLAS BRJOD BYA BAR GSUNGS PA NI MTSON PA TZAM YIN PAS SHUB BU DANG YID BZLAS GNYIS KA GSUNGS TE, RNAM SNANG MNGON BYANG LAS, YID KYIS BZLAS BRJOD BYA BA'AM, ,YANG NA SHUB BU RNAM GNYIS LA, ,RNAL 'BYOR MCHOG

, ,GIS BRTAG PAR BYA, ,ZHES SO, ,'DI GNYIS LA YANG SNGAR SHUB BU'I BZLAS PA BYA BA DANG, YID BZLAS BYED PA'I TSE SROG RTZOL BKAG NAS BYA BA SNGAR DANG 'DRA'O, ,GNYIS PA NI, STONG PA'I NGANG NAS AA A'A AAm AA: BZHI GANG RUNG LAS SNGAR LTAR BSKYED PA NI GZHI DANG PO STE 'DI BSDUS DON GYI 'GREL PA LAS SH'AKYA THUB PAR BSKYED PAR BSHAD DO, ,DE'I THUGS KAR ZLA BA'I DKYIL 'KHOR SHIN TU DAG CING BRTAN PA ME LONG LTA BU ZHIG BSGOM STE, RANG GI LUS LHA'I LUS SU MTHONG GI BAR DU BSGOM PAR GSUNGS SO, ,GZHI GNYIS PA NI ZLA BA'I NANG DU SNGAR BSHAD PA'I RNAM SNANG PHUG NA BZHUGS PA LTA BUR BSGOM STE, DE'I THUGS KAR ZLA BA LA SNGAGS GNAS PAR BSAMS LA BZLAS BRJOD BYA STE, 'DI LA'ANG 'BUM PHRAG GCIG BZLA BAR GSUNGS SO, ,BZLAS PA GNYIS DANG YID BZLAS KYI TSE SROG RTZOL SDOM PA 'DI LA YANG DGOS PA 'DRA'O, ,SNGAR SPYAD PA ZHES BSHAD PA YIN, ,ZHES PA'I MJUG TU, DE PHYIN CHAD NI GANG CUNG ZAD, ,ME TOG SPOS LA SOGS DBUL ZHING, ,SANGS RGYAS NYID DU 'GYUR BYA'I PHYIR, ,DE CHE BYANG CHUB TU YANG BSNGO, ,SNGAGS PAS 'JIGS MED DE LTA BUR, ,ZLA GNYIS PA LA BZLAS BRJOD BYA, ,ZHES ME TOG SOGS KYI MCHOD PA DANG MA BSRES PA'I ZLA BA GCIG DANG, BSRES NAS ZLA BA GCIG TU BSNYEN PA BYA BAR BSHAD DO, ,YANG DE NYID LAS, GSANG SNGAGS GRANGS NI SUM 'BUM DU, , PHAL CHER NGAS NI BSHAD PA DAG ,LUS CAN SDIG DANG BRAL BA YI, ,SNGAGS PA RNAM PAR DAG PA LA, ,BZLAS BRJOD GRANGS 'DI BSTAN PA STE, ,GZHAN DU BYA BA MA YIN NO, ,ZHES KYANG GSUNGS SO, ,DE LTAR LHA'I SKU LA DMIGS PA'I SEMS 'DZIN DANG

RLUNG SBYOR LA BRTEN NAS ZHI GNAS RNYED RNYED DU BSGOM PAR BYA'O, ,GNYIS PA NI, LHA'I SKU LA SOGS PA LA DMIGS PA'I ZHI GNAS RNYED PA NA STONG BA NYID BSGOM STE, RNAM SNANG MNGON BYANG LAS, SKYED MOS TSAL LAM GTZUG LAG KHANG NGAM PHUG GAM YID GANG DU DBEN PA DER BYANG CHUB KYI SEMS BSGOM ZHING MTSAN MA BYUNG GI BAR DE SRID DU 'DUG PAR BYA'O, ,ZHES GSUNGS LA, MTSAN MA NI CHOS THAMS CAD NGO BO NYID MED PAR RTOGS PA'I TING NGE 'DZIN DUS JI SRID 'DOD KYI BAR DU SEMS BRTAN PA LA BSDUS 'GREL LAS BSHAD DO; ;DE LA YAN LAG BZHI'I BZLAS BRJOD KYI SNGON DU STONG NYID SGOM PA'I TSUL GSUNGS KYANG LHA SGOM PA'I SNGA ROL DU STONG NYID YID LA BYA BA'I TSUL BSTAN PA YIN GYI, STONG NYID LA GTZO BOR SGOM PA'I RIM PA NI LHA'I RNAL 'BYOR SNGON DU BTANG NAS BYED DE, BSDUS 'GREL LAS, RANG GI LHA CHOS KYI SKU'I MTSAN NYID CAN MTSAN MA MED PA'I TING NGE 'DZIN GOMS PA'I SGO NAS BZLAS BRJOD SGRUB PA'I SBYOR BA'I GO RIM 'DI YIN TE, DE LA RE ZHIG SNGA MA BZHIN DU BZLAS BRJOD YAN LAG BZHI LA SOGS PA THAMS CAD SNGON DU BYAS LA, RANG GI LHA'I SKU BDAG GNYIS SU MED PA'I KHA DOG DANG, DBYIBS LA SOGS PA'I NGO BO NYID KUN BTAGS PAR SNANG BA LA RDUL PHRA RAB DU MAR GZHIG PAR BRTAGS PA 'AM, ZHES GSUNGS SO, ,MTSAN MA MED PA JI LTAR BSGOM PAR BYA BA NI RGYUD DE NYID LAS RGYAS PAR GSUNGS TE, JI SKAD DU, GSANG BA PA'I BDAG PO DE LA BYANG CHUB SEMS DPA' GSANG SNGAGS KYI SGO NAS BYANG CHUB SEMS DPA'I SPYAD PA SPYOD PA MTSAN MA MED PA'I TING NGE 'DZIN SGRUB PAR 'DOD PAS 'DI LTAR BSAM PAR BYA'O, ,MTSAN

, ,MA RNAMS GANG NAS BYUNG CI BDAG GI LUS SAM BDAG GI SEMS SAM BDAG GI YID LAS BYUNG, DE LA LUS NI LAS LAS SKYES PA STE RTZVA DANG SHING DANG BONG BA LTA BU NGO BO NYID KYIS BYA BA MED PA, BLUN PO 'AM PHYI ROL GYI RNAM PA LTA BU LA BZO BYAS PA'I GZUGS LTA BUR BRTAG PAR BYA'O, ,'DI LTAR BZO BYAS PA'I GZUGS DE LA MI ZHIG GIS KHROS TE ME 'AM DUG GAM MTSON NAM CHU 'AM RDO RJES GSHIG GAM, BSREGS SAM BCAD KYANG MI DGA' BA CUNG ZAD KYANG MED LA BZA' BA DANG BTUNG BA'AM BKRU BA 'AM BYUG PA'I SPOS SAm, PHRENG BA 'AM GOS SAM CAN DAN NAM GA BUR LA SOGS PA LHA DANG MI'I YO BYAD RNAM PA SNA TSOGS KYIS MCHOD KYANG MI DE LA DGA' BAR 'GYUR BA YANG MED DO, ,DE CI'I PHYIR ZHE NA, NGO BO NYID KYIS STONG PA'I GZUGS DE LA RANG GI NGA RGYAL GYIS KUN NAS BSLANG BA'I PHYIN CI LOG GIS YANG DAG PA MA YIN PA'I RTOG PA LAS BYUNG BA'I MCHOD PA'AM, GNOD PAR BYED PA'I MI GANG YIN PA DE NI BYIS PA'I RANG BZHIN CAN YIN NO, ,GSANG BA PA'I BDAG PO DE LTAR LUS LA LUS KYI RJES SU SONG BA'I DRAN PA NGO BO NYID KYIS STONG PA BSGOM PAR BYA'O, ,ZHES LUS RANG GI NGO BO NYID KYIS STONG PAR GTAN LA PHAB NAS SGOM PAR GSUNGS LA, SEMS LA SO SOR RTOG TSUL YANG DE NYID LAS, GSANG BA PA'I BDAG PO GZHAN YANG SEMS NI NGO BO NYID MED PA MTSAN MA THAMS CAD DANG BRAL BA NGO BO NYID KYIS STONG PAR BSAM PAR BYA'O, ,GSANG BA PA'I BDAG PO SEMS LA NI DUS GSUM MED DO, ,DUS GSUM DANG BRAL BA GANG YIN PA DE NI NGO BO NYID KYIS MTSAN MA DANG BRAL BA'O SNYAM DU BSAM PAR BYA'O, ,GSANG BA PA'I BDAG PO GZHAN YANG BYIS PA SO SO'I SKYE BO RNAMS

YID MTSAN MA DANG BCAS PAR RTOG STE, 'DI NI YANG DAG PA MA YIN PA'I KUN TU RTOG PA'I TSIG BLA DGOS SO, ,YANG DAG PA MA YIN PA GANG YIN PA DE NI MA SKYES PA'O ZHES BYA BAR NI RAB TU MI SHES SO, ,GSANG BA PA'I BDAG PO BYANG CHUB SEMS DPA' GSANG SNGAGS KYI SGO NAS SPYAD PA SPYOD PAS DE LTAR BSAMS NA MTSAN MA MED PA'I TING NGE 'DZIN THOB PAR 'GYUR RO, ,GSANG BA PA'I BDAG PO NAM MTSAN MA MED PA'I TING NGA 'DZIN LA GNAS PAR GYUR BA DE'I TSE DE LA DE BZHIN GSHEGS PAS GSUNGS PA'I GSANG SNGAGS RNAMS MNGON DU PHYOGS SHING GZHOL BAR 'GYUR RO, ,ZHES SEMS LA RANG BZHIN MED PA'I TSUL DANG, DE LA BDEN PAR 'DZIN PA BLOS BRTAGS PA TZAM YIN PA DANG, LUS DANG SEMS LA SO SOR RTOGS TSUL DE LTAR BYAS NA MTSAN MA MED PA'I TING NGE 'DZIN 'THOB PA DANG, TING NGE 'DZIN DE THOB NA SNGAGS KYI DNGOS GRUB RNAMS 'GRUB PAR GSUNGS SO, ,BSDUS 'GREL LAS KYANG, RANG DANG LHA'I SKU GNYIS SU MED PAR KHA DOG DANG DBYIBS SU SNANG BA MNGON DU BYAS NAS DE LA RDUL PHRA RAB TU RNAM PAR GZHIG PAR BRTAGS PA 'AM GZAD MA NAS MA SKYES SHING SKYE BA MED PA'I RIGS PA'AM, DE BZHIN DU RANG GI SEMS KHA NANG DU BLTAS PAR BYA BA'I SBYOR BA'I SGO NAS SROG SLAR SDUD PA'I RIGS PA'AM, DER SNANG BA YID LA MI BYED PA'I SGO NAS KYANG RUNG STE JI LTAR RTOGS PA BZHIN SEMS RANG RIG PA TZAM RANG GI LHA'I GZUGS KYI SKU DANG BRAL BA SNANG BA MED PA MNGON SUM DU BYA STE, CI RIGS PAR YID LA RANG GI RIG SNGAGS BZLAS BRJOD BYA'O ZHES BYA BA YIN NO, ,ZHES GCIG DU BRAL LAM RDO RJE GZEGS MA'I RIGS PAS DPYAD PA'I MTHAR RAM,

, ,YANG NA SNGAR BSHAD PA'I DON LA SROG SLAR SDUD PA'I RIGS PAS YID PHYI ROL TU 'GRO BA BSDUS NAS 'JOG PA'AM, YANG NA SPROS PA'I SNANG BA RNAMS LTA BA DRAN NAS YID LA MI BYED PA'I SGO NAS LHA'I KHA DOG DANG DBYIBS DANG BRAL BA'I SNANG BA MED PA'I DON SGOM PAR GSUNGS PA LTAR BSGOM PAR BYA'O, ,'DI DAG NI SGOM RIM RNAMS DANG YANG SHIN TU MTHUN PA YIN TE, SGOM RIM THA MA LAS, 'PHAGS PA DKON MCHOG SPRIN LAS KYANG BKA' STZAL TE, DE LTAR SKYON LA MKHAS PA DE SPROS PA THAMS CAD DANG BRAL BAR BYA BA'I PHYIR STONG PA NYID SGOM PA LA RNAL 'BYOR DU BYED DO, ,DE STONG PA NYID LA SGOM PA MANG BAS GNAS GANG DANG GANG DU SEMS 'PHRO ZHING MNGON PAR DGA' BA'I GNAS DE DAG GI NGO BO NYID YONGS SU BTZAL NA STONG PAR RTOGS SO, ,SEMS GANG YIN PA DE YANG BRTAGS NA STONG PAR RTOGS SO, ,SEMS GANG GIS RTOGS PA DE YANG NGO BO NYID KUN TU BTZAL NA STONG PAR RTOGS TE, DE DE LTAR RTOGS PAS MTSAN MA MED PA'I RNAL 'BYOR LA 'JUG GO ZHES 'BYUNG NGO, ,'DIS NI 'DI SKAD DU GANG NYE BAR MI RTOG PA DE NI MTSAN MA MED PA LA 'JUG PAR MI 'GYUR RO ZHES BSTAN PA YIN NO, ,ZHES SO SOR RTOG PA'I SHES RAB KYIS DPYOD PA DE MTSAN MA MED PA'I RNAL 'BYOR LA 'JUG PAR GSUNGS PA'I SHUGS KYIS SO SOR RTOG PA'I SHES RAB SPANGS NA MTSAN MED KYI RNAL 'BYOR LA MI 'JUG PAR GSUNGS TE, RGYAD 'DIR YANG MTSAN MA MED PA'I TING NGE 'DZIN SGRUB PAR 'DOD PAS LUS DANG SEMS DE KHO NAR MA GRUB PAR SO SOR BRTAG PAR GSUNGS PAS, DNGOS PO'I DE KHO NA NYID LA DPYOD PA'I SHES RAB KYIS MA

DPYAD NA MTSAN MED KYI TING NGE 'DZIN MI SKYE BAR BSTAN PA YIN NO, ,DES NA LTA BAS CHOS THAMS CAD RANG BZHIN MED PAR GTAN LA PHAB PA'I DON NGAS PA'I NGES SHES KYI RGYUN SKYONG DGOS KYI, LTA BA MA GO BA'I SEMS MI RTOG PAR BZHAG PA DANG, LTA BA RNYED KYANG SGOM PA'I DUS SU LTA BA'I NGES PA MA BSKYANGS PAR MI RTOG PA TZAM ZHIG SKYONG BA NI STONG PA NYID SGOM PA MA YIN NO, ,'DI YANG LHAG MTHONG GIS DPYAD DRAGS NA MI RUNG BAS DPYAD PA DANG 'JOG PA'I SGOM SPEL NAS BYED PA SNGAR BSHAD PA BZHIN BYA DGOS SO, ,DE LTAR NA BYA SPYOD KYI RGYUD RNAMS LA RNAL 'BYOR GAL CHE BA BZHI STE LHA DANG STONG PA'I RNAL 'BYOR DANG RLUNG DANG BZLAS PA'I RNAL 'BYOR RO, ,DE LA DON DAM PA DANG KUN RDZOB PA'I LHA'I RNAL 'BYOR GNYIS NI SKU GNYIS KYI SGRUB BYED GTZO BO YIN LA, BZLAS PA NI GANG DU BSGOMS PA'I LHA DE'I THUGS SKUL BA'I YAN LAG YIN PAS KUN RDZOB PA'I LHA'I RNAL 'BYOR GYI YAN LAG TU 'DU'O, ,RLUNG GI RNAL 'BYOR NI LHA'I RNAL 'BYOR GNYIS KA'I BRTAN BYED KYI YAN LAG YIN PAS GNYIS KAR BSDUS NAS MTSAN MA DANG BCAS MA BCAS KYI RNAL 'BYOR GNYIS SU BSDU'O,, DE LTAR YIN YANG 'DI DAG LA RDZOGS RIM MED PAR BSHAD PAS RLUNG NANG DU BZUNG BA'I MTHUS BDE GSAL MI RTOG PA'I TING NGE 'DZIN SKYES PA DANG, DE DAG LA BRTAN PA'I MTSAN MED KYI RNAL 'BYOR YANG RDZOGS RIM MA YIN PA DANG, BLA MED KYI RDZOGS RIM THUN MONG MA YIN PA RNAMS MA 'DRES PAR SO SOR SHES DGOS TE, RGYUD SDE 'OG MA 'DI RNAMS LA LAM JI TZAM ZHIG YOD PA'I KHYAD PAR ZHIB MO MA SHES NA, GONG MA'I LAM THUN MONG MA YIN PA RNAMS MI SHES PA'I PHYIR RO, ,BZHI PA NI, RAL GRI LA SOGS

, ,PA'I PHYI'I RDZAS LA BRTEN NAS RAL GRI'I RIG PA 'DZIN PA SOGS SGRUB PA DANG, NANG GI LUS KYI GNAS RNAMS SU SA CHU ME RLUNG GI DKYIL 'KHOR BSGOMS NAS ZHI RGYAS LA SOGS PA'I LAS SGRUB PA DANG, 'JAM DPAL LA SOGS PA'I SGRUB PA BYAS NAS BYANG SEMS DE DAG GIS MGO LA NYUG PA'AM, LEGS SO ZHES PA BYUNG BYUNG DU BZLAS BRJOD BYAS PA'I MTHAR DE DAG BYUNG BA NA, BYANG CHUB KYI SEMS MI BRJED PA'I TING NGE 'DZIN THOB PAR RGYUD 'DI LAS GSUNGS TE, DE LA SOGS PA'I DNGOS GRUB SGRUB PA'I TSUL DU MA ZHIG GSUNGS SO, ,LAM SDUD PA'I SPYI'I CHINGS BZHI PO DER RGYUD GNYIS PO THAMS CAD KYI DON RNAMS 'KHRUGS BSDEBS NAS LEGS PAR BSDUS PAS, RGYUD RNAMS GDAMS NGAG TU 'CHAR BAR SNANG NA RGYUD SHES PA'I GRANGS SU 'GRO BA YIN GYI, DE LTA MA YIN NA LAM GYI CHA SHAS RE RE TZAM SHES PAS NI LAM SPYI'I GNAD SHES PA MA YIN PAS, BLO GROS CAN RNAMS KYIS RGYUD SDE GNYIS KYI GZHUNG GDAMS NGAG TU 'CHAR BA'I THABS LA 'BAD PAR BYOS SHIG ,'DIR SMRAS PA, SPYOD RGYUD GTZO BO RNAM SNANG MNGON BYANG DON, ,MKHAS GRUB SANGS RGYAS GSANG BAS BSHAD PA BZHIN, ,RNAL 'BYOR GNYIS KYI RIM PA BSHAD PA 'DI, ,SPYOD PA'I RGYUD LA BDE BLAG 'JUG PA'I SGO, ,RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR PHYE BA LAS SPYOD PA'I RGYUD KYI LAM BGROD PA'I RIM PA STE LE'U GSUM PA'O,, ` ,,GNYIS PA RNAL 'BYOR RGYUD KYI LAM GYI RIM PA LA GNYIS, RGYUD LAS JI LTAR BSTAN PA'I TSUL DANG, DE'I DON NYAMS SU BLANG BA'I RIM PA'O, ,DANG PO NI, RNAL

'BYOR GYI RGYUD THAMS CAD KYI RTZA BA NI DE NYID BSDUS PA YIN LA, DER DANG POR GLENG GZHIS DON GNYIS PHUN SUM TSOGS PA'I RNAM SNANG BSTAN PAS DE LA THOB 'DOD SKYED DO, ,DE SKYES PA NA THOB BYA DE MNGON DU BYA BA'I THABS NI DE MAN CHAD KYI RGYUD THAMS CAD KYIS STON PA LA, 'JIG RTEN LAS 'DAS MA 'DAS KYI DNGOS GRUB SGRUB PA'I THABS THUN MONG BA NI RTZA BA'I RGYUD KYIS STON ZHING DE LA YANG DUM BU BZHI STE, RDOR DBYINGS DANG, KHAMS GSUM RNAM RGYAL DANG, 'GRO 'DUL DANG, DON GRUB KYI DUM BU'O, ,DANG PO LA DE BZHIN GSHEGS PA DANG DE'I RIGS GNYIS KYI PHYI MA NI RNAM SNANG GI RIGS SO, ,GNYIS PA NI RDO RJE'I RIGS TE MI BSKYOD PA'I RIGS SO, ,GSUM PA NI PADMA'I RIGS TE 'OD DPAG MED KYI RIGS SO, ,BZHI PA NI SEMS CAN GYI 'DOD PA RDZOGS PAR BYED PA'I RIN PO CHE'I RIGS TE RIN 'BYUNG GI RIGS SO; ;RIGS LNGA YOD PA LA RTZA RGYUD LAS BZHI LAS MA BSHAD PA NI SEMS CAN GYI BSAM PA RDZOGS PAR BYED PA'I BYED PA PO'I SGO NAS RIN PO CHE'I RIGS YIN LA, LAS SU BYA BA'I SGO NAS LAS KYI RIGS YIN PAS LAS DANG BYED PA PO GCIG TU BSDUS PA YIN PAR SANGS RGYAS GSANG BAS BSHAD DO, ,RGYUD PHYI MA NI 'JIG RTEN LAS 'DAS PA'I DNGOS GRUB SGRUB PAR BYED PA'I SEMS CAN GONG MA'I YANG GONG MA RJES SU 'DZIN PAR BYED PA, SANGS RGYAS DANG BYANG CHUB SEMS DPA' THOB PA'I RGYUR GYUR PA DNGOS GRUB MCHOG GI KHYAD PAR STON PA STE 'DIS KYANG DUM BU BZHI GA DANG 'BREL BA'I LAM STON NO, ,RGYUD PHYI MA'I PHYI MA NI DNGOS GRUB KYI MCHOG SGRUB PA'I THABS KHYAD PAR CAN DE KHO NA NYID KYI DON LA 'JUG PAR MI NUS PAS DMIGS PA DANG BCAS SHING, SGOM PAS 'JIGS SKRAG LA �

, ,BZLAS PA DANG MCHOD PA SOGS KYI BYA BA LA MNGON PAR ZHEN PA'I SEMS CAN RJES SU 'DZIN PA'I THABS SU GSUNGS PA STE, 'DIS KYANG DUM BU BZHI GA DANG 'BREL BA'I LAM STON TO, ,DE LTA NA DI RNAL 'BYOR GYI RGYUD BSGOM PA GTZO BOR BYED PA'I GDUL BYA LA GSUNGS PA MI 'GAL TE, GDUL BYA'I GTZO BO DE LTAR YIN YANG PHAL BA'I GDUL BYA LA SGOM PA GTZO BOR MI BYED PA MI 'GAL BA'I PHYIR RO, ,'O NA DUM BU BZHI'I LAM 'DI GANG ZAG RGYUD THA DAD PA BZHI 'AM 'ON TE GANG ZAG GCIG RIM GYIS 'KHRID PA'I GNAS SKABS MI 'DRA BA BZHI YIN SNYAM NA 'DI LA DPAL MCHOG 'GREL CHEN LAS, DE BZHIN GSHEGS PA'I ZLOS PA PO NI RANG BZHIN BZANG BA CHA MNYAM PA LA SPYOD PA DANG, DE BZHIN GSHEGS PA'I RIGS KYI ZLOS PA PO NI 'DOD CHAGS CAN, DUM BU GNYIS PA'I GDUL BYA NI ZHE SDANG CAN, GSUM PA'I GDUL BYA NI GTI MUG CAN NAM LOG PAR LTA BA CAN, BZHI PA'I GDUL BYA NI SER SNA CAN DU GSUNGS PAS GANG ZAG RGYUD THA DAD PA BZHI YIN TE, DPER NA BLA MED KYI SKABS SU DE BZHIN GSHEGS PA RIGS LNGA'I ZLOS PA PO BSHAD PA BZHIN NO, ,YANG 'GREL PA DE LAS, DE BZHIN GSHEGS PA DANG, RDO RJE'I RIGS DANG, RIN PO CHE DANG, PADMA DANG, LAS KYI RIGS BZHI RIM PA BZHIN NGO BO NYID DANG, RNAM PAR SMIN PA DANG, LONGS SPYOD RDZOGS PA DANG, SPRUL PA'I SKU BZHI DANG, ME LONG LTA BU DANG, MNYAM PA NYID DANG, SO SOR RTOG PA DANG, BYA BA GRUB PA'I YE SHES BZHI DANG, BYANG CHUB KYI SEMS DANG, SBYIN PA'I PHAR PHYIN DANG, SHES RAB KYI PHAR PHYIN DANG, BRTZON 'GRUS KYI PHAR PHYIN DU BSHAD PA NI THOB BYA'I SGO

NAS BSHAD PA STE, DE LTAR BYAS NA GDUL BYA RE RE'I THOB BYA LA YANG RIGS BZHIG TSANG BA DGOS SO, ,RNAM SNANG GI GO 'PHANG MNGON DU BYED PA NI, DUM BU RE RE LAS GSUNGS PA LA RGYAS PA DANG 'BRING DANG BSDUS PA LA DGA' BA'I GDUL BYA GSUM GYI TING NGE 'DZIN TSAN PA GSUM GSUM GSUNGS SO, ,DE LA 'BRING GI TING NGE 'DZIN GSUM TSAN BZHI NI RANG RANG GI PHYAG RGYA BZHI'I DKYIL 'KHOR DANG, BSDUS PA'I TING NGE 'DZIN GSUM TSAN BZHI NI RANG RANG GI PHYAG RGYA GCIG PA'I DKYIL 'KHOR GYI SKABS NAS GSUNGS PA'O, , RGYAS PA'I TING NGE 'DZIN GSUM TSAN BZHI PO RE RE LA DUM BU SO SO NAS DKYIL 'KHOR CHEN PO DANG, GZUNGS DKYIL DANG, CHOS DKYIL DANG, LAS DKYIL GYI SKABS KYI DANG PO SBYOR BA DANG DKYIL 'KHOR RGYAL MCHOG DANG LAS RGYAL MCHOG GI TING NGE 'DZIN GSUM GSUM GSUNGS SO, ,DE NYID SNANG PA LAS DUM BU BZHI'I RIGS BZHI DANG PHYAG RGYA BZHI SBYAR BA NI PHYAG CHEN SKU DAM RGYA THUGS CHOS RGYA GSUNG LAS RGYA 'PHRIN LAS YIN PAS SKU GSUNG THUGS MDZAD PA BZHI DANG DUM BU RNAMS KYI RIGS BZHI SBYAR BA YIN LA, AA BA TA RA LAS KYANG, PHYAG RGYA DE YANG 'DIR SKU LA SOGS PA'I BYE BRAG GIS PHYAG RGYA CHEN PO ZHES BYA BA DANG, DAM TSIG DANG CHOS DANG LAS KYI PHYAG RGYA DANG RNAM PA BZHIR BSTAN TE, ZHES SGRUB BYED DANG BCAS PAS RGYAS PAR BSHAD DO, ,DE LTAR SBYAR BA'I SKU LA SOGS PA BZHI NI RNAM SNANG DANG MI BSKYOD PA DANG 'OD DPAG MED DANG RIGS GZHAN GNYIS KYI RIGS LA SKU DANG THUGS DANG GSUNG DANG 'PHRIN LAS SU BYAS PA YIN GYI, LHA GANG YANG RUNG BA'I SKU LA SOGS PA MIN NO, ,RIGS BZHI PO RE RE'I DKYIL

, ,'KHOR CHEN PO NAS LAS DKYIL GYI BAR BZHI BZHI YANG PHYAG RGYA BZHI DANG SBYAR NAS DE NYID SNANG BA LAS GSUNGS PAS, RANG RANG GI RIGS KYI SKU DANG THUGS DANG GSUNG DANG 'PHRIN LAS BZHI BZHI'I DBANG DU MDZAD PA YIN TE, AA BA TA RA LAS KYANG, RIGS BZHI RNAMS LA YANG DKYIL 'KHOR CHEN PO NI LHA RNAMS DGOD PA GZUGS KYI SKU BKOD PA'I PHYIR SKU MI ZAD PA'I MDZOD RNAM PAR SPRUL PA BSDUS PA YIN PAR BLTA'O, ,DAM TSIG GI DKYIL 'KHOR NI JI LTAR RTOGS PA'I RNAM PAR GROL BA'I SGO MTSON PAR BYED PA RDO RJE DANG LCAGS KYU DANG, MDA' DANG MGU BA LA SOGS PA RNAM PAR BKOD PA NYE BA'I MTSAN NYID NI THUGS MI ZAD PA RNAM PAR BKOD PA'I MDZOD RNAM PAR SPRUL PA BSDUS PA'O, ,CHOS KYI DKYIL 'KHOR NI JI LTAR RTOGS PA'I CHOS BSTAN PA'I THABS SPYOD PA MNYAM PAR BZHAG PA RNAM PAR BKOD CING GNAS PA'I LHA RNAMS TE, DE BZHIN GSHEGS PA THAMS CAD KYI GSUNG MI ZAD PA RNAM PAR BKOD PA'I MDZOD RNAM PAR SPRUL PA BYIN GYIS BRLABS PA'O, ,DE BZHIN DU LAS KYI DKYIL 'KHOR LA YANG MCHOD PA LA SOGS PA'I LAS KYI LHA RNAMS BKOD PAS, DE BZHIN GSHEGS PA THAMS CAD KYI SEMS CAN GYI DON SPYOD PA LA SOGS PA BSDUS PA BSTAN PAR BLTA'O, ,ZHES GSUNGS SO, ,DE YANG DE NYID SNANG BA LAS GTZO CHE BA'I SGO NAS GSUNGS PAS, RDOR DBYINGS KYI DUM BU'I DKYIL 'KHOR DANG PO LTA BU LA YANG RANG RIGS KYI SKU PHYAG CHEN GTZO CHE MOD KYANG, THUGS DAM TSIG GI PHYAG RGYA SOGS MED PA MIN PAS PHYAG RGYA BZHIS RGYAS GDAB PAR YANG GSUNGS TE, GZHAN RNAMS

LA YANG DE BZHIN DU SHES PAR BYA'O, ,DE LTAR YANG AA BA TA RA LAS, RIM PA 'DIS NI SKU LA SOGS PA RNAM PA BZHI GTZO BOR GYUR PA'I PHYIR DKYIL 'KHOR BZHIR GSUNGS MOD KYI, 'ON KYANG PHAL CHER LUS MED PA'I SEMS KYANG MI SRID LA, SEMS DANG LUS MED PA'I DAG KYANG MI SRID DE, DE BAS NA DKYIL 'KHOR SO SO LAS KYANG SKU LA SOGS PA BZHI CHAR DGOS PAR BLTA'O, ,DE BAS NA RIGS KYI DKYIL 'KHOR THAMS CAD DU YANG SKU LA SOGS PA'I MTSAN MAR GYUR PA GO RIM BZHIN DU PHYAG RGYA CHEN PO DANG DAM TSIG DANG CHOS DANG LAS KYI PHYAG RGYA DANG RNAM PA BZHI 'DIR BSHAD DO, ,ZHES GSUNGS SO, ,DE DAG GI RNAM DBYE ZHIB PAR SHES NA DPAL MCHOG 'GREL CHEN LAS DUM BU BZHI'I LAM RES 'GA' GANG ZAG GCIG GI 'TSANG RGYA BA'I CHA RKYAN DU DRIL NAS BSHAD CING; RES 'GA' GANG ZAG RGYUD SO SO BA'I LAM DU BSHAD PA RNAMS MI 'GAL BAR SHES PAR 'GYUR RO, ,RNAL 'BYOR RGYUD NAS RANG LHAR BSKYED PA LA YE SHES PA BCUG NAS PHYAG RGYA BZHIS RGYAS GDAB PA MANG DU GSUNGS PA NI, 'BRAS BU'I PHYAG RGYA BZHI THOB PA'I THABS SU LUS NGAG YID GSUM BYA BA DANG BCAS PA BZHI LHA'I SKU GSUNG THUGS 'PHRIN LAS DANG BCAS PAR BSGRUBS NAS THA MAL PA'I LUS NGAG YID GSUM BYA BA DANG BCAS PA BZHI SBYONG BA'O, ,DE LTAR RIGS SO SO LA BRTEN PA'I LAM GYI RIM PA MANG DU GSUNGS KYANG DE BZHIN GSHEGS PA'I RIGS SAM RDO RJE 'CHANG GI RIGS ZHES PA'I ZLOS PA PO NI MCHOG YIN TE, RDOR DBYINGS KYI DKYIL 'KHOR DU DBANG BSKUR BA RDZOGS PA NI RIGS THAMS CAD KYI SLOB DPON YIN LA, RIGS GZHAN RNAMS NI NYI TSE BA'I SLOB

, ,DPON YIN PAR BSTOD 'GREL LAS SHES BYED DANG BCAS PAS BSGRUBS PA'I PHYIR RO, ,'O NA RNAM SNANG MNGON DU BYED PA'I THABS SU BSGOM PAR BYE BA'I LAM DE TING NGE 'DZIN GSUM TZAM ZHIG YIN NAM SNYAM NA, DE TZAM ZHIG TU LAM RDZOGS PA MA YIN TE; SNGON DU RNAL 'BYOR CHEN PO BDAG NYID RDZOGS PA'I LAM YANG BSGOM DGOS PA'I PHYIR RO, ,LHA'I RNAL 'BYOR SGOM PA LA SRID PA SKYE BA'I RIM PA KUN NAS NYON MONGS KYI PHYOGS DANG BSTUN NAS SGOM PAR RGYUD SDE 'OG MA GSUM GYI GZHUNG KHUNGS THUB LAS MA GSUNGS PAS DE NI BLA MED KYI KHYAD CHOS SO, ,'ON KYANG RNAM BYANG GI PHYOGS DANG BSTUN NAS SGOM PA NI YOD DE, MNGON BYANG LNGA SGOM PA NI SRID PA THA MA PA'I BYANG SEMS 'TSANG RGYA BA'I RIM PA LTAR DE DANG DE'I NGA RGYAL BYAS NAS SGOM PAR GSUNGS PA'I PHYIR RO, ,DES NA DE'I SNGON KYI LAM SGOM PA LA DE NYID SNANG BA'I SKABS SU ZUR TZAM BYUNG BA MA GTOGS PA LAM BZHI DANG SO SOR SBYAR BA SLOB DPON GSUM GYIS MA BSHAD KYANG MNGON BYANG LNGAS SANGS RGYAS PA YAN CHAD SLOB PA'I LAM DANG BSTUN PA'I SGOM DU GSAL LA, RNAM SNANG DU SANGS RGYAS PA MAN CHAD KYI LAM NI SANGS RGYAS ZIN GYI MDZAD PA RNAMS DANG MTHUN PAR SGOM PA YIN NO, ,GNYIS PA LA BZHI, LAM SGOM PA'I SNOD DU RUNG BAR BYA BA DANG, SNOD DU GYUR NAS DAM TSIG DANG SDOM PA DAG PAR BYA BA DANG, DAM TSIG LA GNAS NAS SNGON DU BSNYEN PA JI LTAR BYA BA DANG; BSNYEN PA LAS SU RUNG NAS DNGOS GRUB JI LTAR BSGRUB PA'O, ,DANG PO NI, RDO RJE DBYINGS LA SOGS PA'I DKYIL 'KHOR DU BCUG NAS DBANG BSKUR DAM TSIG DANG SDOM PA PHOG NAS LAM SGOM PA SOGS KYI SNOD DU RUNG BAR BYA'O, ,'DI LA DKYIL 'KHOR DU GZHUG PA TZm

ZHIG DANG, ZHUGS PA LA GNYIS LAS, RIGS LNGA'I SDOM PA MI 'DZIN ZHING BYANG SEMS KYI SDOM PA 'DZIN PA LA SLOB MA'I DBANG TZAM ZHIG BSKUR BA DANG, SDOM PA GNYIS KA 'DZIN PA LA RDO RJE SLOB DPON GYI DBANG GI BAR RDZOGS PAR BSKUR BA SOGS KYI RNAM GZHAG RDO RJE 'BYUNG BA DANG STOD 'BREL LAS GSUNGS PA RNAMS KYI DGONGS PA RTZA LTUNG GI RNAM BSHAD DU RGYAS PAR BRJOD ZIN PAS MA SPROS SO, ,GNYIS PA NI, DBANG THOB NAS KHAS BLANGS PA'I DAM TSIG DANG SDOM PA DAG PAR BYED PA NI THOG MAR MED DU MI RUNG BA YIN PAS DE LA BRTZON PA MI LHOD PAR BYA DGOS TE, AA BA TAR LAS, DE NAS BLA MA MNYES PAR BYA BA DE DES BSTAN PA'I DKYIL 'KHOR CHEN PO DANG, DAM TSIG DANG CHOS DANG LAS KYI DKYIL 'KHOR DU CHO GA JI LTA BA BZHIN DBANG BSKUR BAS, THEG PA CHEN PO MNGON PAR RTOGS PA'I CHO GAS SDOM PA GZUNG BA DANG; YONGS SU BSRUNG BAR BYA BA'I DAM TSIG DANG, 'DUL BA DANG, SPYOD PA DANG, BRTUL ZHUGS RNAMS LA MKHAS PAR BYAS PAS DE PHYIN CHAD DAM TSIG LA SOGS PA JI LTAR BLANGS PA BSRUNG BA'I PHYIR RTAG TU SPRO BA MI LHOD PAR BYA STE, BDAG DANG GZHAN GYI DON MA LUS PAR SGRUB PA LA DE THOG MAR 'GRO BA'I PHYIR RO, ,DAM TSIG KYANG SKABS 'DIR NI 'BRAS BU 'DOD PA RNAMS KYIS MI 'DA' BAR BYA BA YIN PAS, RANG GI LHAG PA'I LHA MNYES PAR 'GYUR BA DANG RJES SU MTHUN PA'I LUS DANG NGAG DANG YID KYI SPYOD PA DGE BA DANG MI DGE BA LA SOGS PA LA 'JUG PA DANG LDOG PA'I MTSAN NYID DE STON PAS GSUNGS PA'I TSUL GYI KHYAD PAR RO, ,ZHES SO, ,DPAL MCHOG DANG PO DANG RTZE MO NAS GSUNGS PA'I DAM TSIG RNAMS DANG, KHYAD PAR DU RTZA BA'I LTUNG BA RNAMS NI RTZA LTUNG GI RNAM BSHAD DU RGYAS PAR BSHAD ZIN PAS 'DIR MA

, ,SPROS SO, ,DAM TSIG BSRUNG BA LA SOGS PA'I MTSAN NYID MA TSANG NA MI 'GRUB STE, RTZE MO LAS, BSKAL PA BRGYA PHRAG DAG TU NI, ,JI STE MNGON PAR BRTZON BYAS KYANG, ,GANG ZAG BZHI NI 'JIG RTEN DU, ,BSGRUBS KYANG 'GRUB PA NYID MI 'GYUR, , BYANG CHUB SEMS NI MA SKYES DANG, ,THE TSOM LDAN PA NYID DANG NI, ,BKA' BZHIN DU NI MI BYAD DANG, ,DAD PA MED NYID 'GRUB MI 'GYUR, ,ZHES SKYON BZHI DANG LDAN PAS BSKAL PA DU MAR BSGRUBS KYANG MI 'GRUB PAR GSUNGS PAS YON TAN BZHI DANG LDAN PA ZHIG DGOS TE, THEG CHEN GYI MJUG SGO BYANG CHUB KYI SEMS MAN NGAG BZHIN DU SBYANGS NAS MTSAN NYID DANG LDAN PAR BSKYED PA DANG, RGYUD LA YID SHIN TU CHES NAS THE TSOM DANG YID GNYIS MED PA DANG, RGYAL BAS 'JUG LDOG GI BSLAB PA BCAS PA'I DAM TSIG RNAMS JI LTAR BSHAD PA BZHIN DU SRUNG BAR NUS PA DANG, LHA DANG BLA MA'I YUL LA DAD PA BRTAN PA'O, ,DE LTAR NA SGRUB PA PO KHYIM PA DANG RAB BYUNG GANG YIN PA'I SDOM PA LA GNAS NAS BSGRUB DGOS TE, RTZE MO LAS, SROG GCOD RKU DANG 'KHRIG PA DANG, ,RDZUN DANG MYOS BYED RNAM PAR SPANG, ,KHYIM PA'I SDOM PA LA GNAS NAS, ,DE TSE RIG PA'I RGYAL PO BSGRUB, ,GAL TE DE NI RAB BYUNG GYUR, ,SDOM PA GSUM LA YANG DAG GNAS, ,SO SOR THAR DANG BYANG CHUB SEMS, ,RIG 'DZIN SDOM PA MCHOG YIN NO, ,ZHES GSUNGS TE, KHYIM PA YANG SO THAR GYI RTEN DU RUNG NA SDOM PA GSUM LDAN DU BYAS TE BSGRUB DGOS SO, ,GSUM PA LA GNYIS, MTSAN MA DANG BCAS PA'I RNAL 'BYOR DANG, MTSAN MA MED PA'I RNAL 'BYOR RO, ,DANG PO LA GNYIS, RAGS PA LHA LA DMIGS PA'I THUN BZHI'I RNAL 'BYOR

DANG; PHRA BA PHYAG MTSAN LA DMIGS PA'I THUN BZHI'I RNAL 'BYOR RO, ,DANG PO LA GNYIS, THUN BZHIR BSGOM PA DANG, DE MI NUS PAS JI LTAR BYA BA'O, ,DANG PO LA GNYIS, SLOB MA'I DBANG TZAM ZHIG THOB PA'I THUN BZHI'I RNAL 'BYOR DANG, SLOB DPON GYI DBANG THOB PA'I THUN BZHI'I RNAL 'BYOR RO, ,DANG PO NI, STOD 'GREL LAS SLOB DPON DANG SLOB MA'I DBANG DU BYAS PA'I LAM MI 'DRA BA GNYIS BSHAD PA NI SLOB DPON GYI DBANG THOB PA DANG, SLOB MA'I DBANG TZAM ZHIG THOB PA'I DBANG DU BYAS NAS RIM PA GNYIS GSUNGS PA'O, ,DE LA SLOB MA'I DBANG TZAM ZHIG THOB PAS JI TZAM ZHIG BSGOM PAR BYA BA NI STOD 'GREL LAS, SLOB MA'I DBANG DU BYAS PA NI BDAG LA BYIN GYIS BRLAB PA LA SOGS PA 'DI LTAR SHES PAR BYA STE, BDAG BSRUNG BA DANG CHU'I KHRUS DANG, YANG BDAG BSRUNG BA DANG GNAS BSRUNG BA YANG BYAS NAS RANG GI LHA MDUN DU BZHUGS SU GSOL TE, PHYAG BYA BA DANG SDIG PA BSHAGS PA DANG BSOD NAMS LA RJES SU YI RANG BA DANG, BSKUL BA DANG GSOL BA DANG YONGS SU BSNGO BA DANG BYANG CHUB TU SEMS BSKYED PA DANG, GSUM LA SKYABS SU 'GRO BA LA SOGS PA RJES SU SPYAD LA, RDO RJE THAL MO DANG RDO RJE BSDAMS PA BCINGS TE RDO RJE THAL MO SNYING KHAR DRAL LA RDO RJE DBAB PA BRTAN PAR BYAS NAS, BDAG MED PAR SGOM PA DANG ZLA BA'I DKYIL 'KHOR LA SOGS PA SNGA MA BZHIN DU BSGOMS TE RANG GI LHA'I PHYAG RGYA CHEN PO JI LTA BA BZHIN DU BCING BAR BYA'O, ,YE SHES SEMS DPA' JI LTA BA BZHIN DU BCUG STE PHYAG RGYA CHEN PO SGRUB PA BYAS NAS, DZA: H'Um Bm HO: ZHES BRJOD DE YID KYI LEGS PA'I SBYOR BAS DE BZHIN GSHEGS PA THAMS CAD RANG GI LUS LA BCUG STE, RANG GI DAM TSIG GI PHYAG RGYA RNAMS

, ,KYIS RAB TU BSGRUBS NAS RANG GI LHA DANG DE BZHIN GSHEGS PA THAMS CAD DANG, CHOS DANG LAS DANG PHYAG RGYA CHEN POS RGYAS BTAB LA RIGS KYI DAM TSIG GIS BDAG NYID BYIN GYIS BRLABS TE, RANG GI RIGS KYI DBANG BSKUR BAS DBANG BSKUR NAS SGEG MO LA SOGS PA GSANG BA'I MCHOD PA BZHIS YANG DAG PAR MCHOD LA, DE BZHIN GSHEGS PA THAMS CAD LA PHYAG BYA STE RANG GI PHYAG RGYA CHEN PO LEGS PAR BSGOMS LA, BADZRA SATVA ZHES BYA BA LA SOGS PA RANG GI LHA'I SNGAGS ZLOS SHING LO GCIG GI BAR DU NYIN RE ZHING THUN BZHIR BSGOM PAR BYA'O, ,ZHES GSUNGS PA'O, ,'DI LTAR NA KHRUS SNGON DU BTANG NAS KHRO BO'I RNAL 'BYOR DANG BSRUNG 'KHOR BYAS TE TSOGS RTEN GYI SPYAN SNGAR PHYAG BYAS NAS SKYABS SU 'GRO BA SOGS BYA, DE NAS RDO RJE THAL MO NAS YE SHES DBAB PA'I BAR BYAS TE CHO GA LNGAS RANG GI LHA GANG YIN DU BSKYED NAS RANG 'DRA'I YE SHES SEMS DPA' BCUG PA LA PHYAG RGYA BZHIS RGYAS GDAB BO, ,DE NAS DE BZHIN GSHEGS PA TSAD MED PA BCUG PA LA PHYAG RGYA BZHIS RGYAS BTAB STE RANG RIGS KYI BYIN GYIS BRLAB PA DANG, RANG RIGS KYI DBANG GANG YIN GYIS DBANG BSKUR MCHOD PAS MCHOD PHYAG BYAS NAS SKU PHYAG CHEN SGOM PA DANG LHA GANG YIN GYI BZLAS PA BYED DE, RNAL 'BYOR GCIG LDAN MA GTOGS PA RNAL 'BYOR CHEN PO MED CING GZHAL YAS KHANG SGOM PA'ANG MA BSHAD DO, ,SEMS DPA' 'BYUNG BA CHE CHUNG GNYIS GAR RDO RJE SEMS DPA'I RNAL 'BYOR GCIG LDAN BYAS PA'I MTHAR DE NYID NAM MKHAR BZHAG NAS, 'BYUNG BA RIM RTZEG RI RAB GZHAL YAS KHANG GI DBUS SU SENG GE'I

GDAN BSAMS PA'I STENG DU NAM MKHA' NAS BABS TE 'DUG PAR BSHAD DO, ,DE YANG SGRUB THABS CHE BA LAS BADZRA DH'A TU DANG BYANG CHUB MCHOG GI PHYAG RGYA BCINGS NAS RANG RNAM SNANG DU BSKYED DE BADZRA SATVA ZHES BRJOD NAS RANG GI SNYING GA NAS RDO RJE SEMS DPA' SPRUL TE MDUN DU YANG SENGGE'I GDAN BSAMS PA LA GZHAG ,DE NAS RDOR SEMS KYI SNYING PO BRJOD CING DE'I PHYAG CHEN BCINGS NAS RANG RDO RJE SEMS DPAR BSAM, YANG H'Um YIG LAS H'Um MDZAD DU SPRUL TE SGO DBYE BA'I SNGAGS RGYA BYAS NAS YID KYIS SKO BZHI DBYE, DE NAS RDO RJE BSDU BA'I SNGAGS RGYAS SANGS RGYAS RNAMS BSDUL RDOR SEMS SU BSGOMS NAS MTSAN BRGYA RTZAS BSTOD LA, SGO BA BZHI'I SNGAGS RGYAS DGUG GZHUG SOGS BYAS NAS PHYAG RGYA BZHIS RGYAS BTAB STE MCHOD PA'I MTHAR MNYAM RNAM GSUM SGOM PA DANG BZLAS BA BYA BAR BSHAD DO, ,SGRUB THABS CHUNG BA LAS RANG NAM MKHA' NAS BABS NAS MDUN DU SENGGE'I GDAN GNYIS PA BSAMS PA LA RDOR SEMS GCIG SPRUL BAR BSHAD CING RANG RNAM SNANG DU SGOM PA MA BSHAD DO, ,DE LTAR NA STOD 'GREL LAS SLOB MA'I DBANG DU BYAS PA LA RNAL 'BYOR GCIG LDAN DANG SLOB DPON LA RNAL 'BYOR CHEN PO BSHAD PAS, SGRUB THABS GNYIS SU BSHAD PA'I RNAL 'BYOR GCIG LDAN NI SLOB MA'I DBANG DU BYAS PAR GSAL LA, STOD 'GREL LAS GZHAL YAS KHANG DANG DE'I DBUS DANG MDUN DU LHA SGOM PA MA BSHAD KYANG SGRUB THABS GNYIS SU BSHAD PAS SLOB MA LA YANG DE DAG DGOS SO, ,SGRUB THABS GNYIS SU RDOR SEMS SU SKOM PAR BSHAD PA NI ME TOG GANG POG GI MTSON BYED DU BYAS NAS, STOD 'GREL LAS RANG GI LHA GANG YIN DU SGOM PAR

, ,GSUNGS PA LTAR BYA'O, ,CHO GA'I RIM PA DE DAG GIS THUN BZHI'I RNAL 'BYOR BYA BAR 'DOD NA, STOD 'GRAL LAS GSUNGS PA LA GZHI BYAS LA RDO RJE SEMS DPA' 'BYUNG BA'I SGRUB THABS CHE CHUNG GNYIS GANG RUNG GCIG NAS 'BYUNG BA BZHIN DU BYAS PAS CHOG STE, GO SLA BA DANG TSIG MANGS SU DOGS NAS MA BRIS SO, ,'DI TZAM ZHIG GI RNAL 'BYOR SKYES KYI BAR DU BSGOM PA NI 'OG TU BSHAD PAR BYA'O, ,GNYIS PA NI, SLOB DPON GYI DBANG THOB PA LA GNYIS LAS SLOB MA DBANG BSKUR BAR 'DOD NA NI RDO RJE 'BYUNG BA LAS GSUNGS PA LTAR BDAG RDZOGS RNAL 'BYOR CHEN PO DANG BCAS PA'I TING NGE 'DZIN GSUM PHRI BA MED PAR SGOM PA'I BSNYEN PA RGYAS PA DANG, DKYIL 'KHOR RGYAL MCHOG GI BSKYED CHOG LA SOGS PA BSDUS PA'I BSNYEN PA 'BRING DANG, RNAL 'BYOR CHAN PO LHA RE RE'I BZLAS BRJOD 'BUM DANG BCAS PA'I BSNYEN PA BSDUS PA GANG RUNG ZHIG DGOS LA, RANG GI LHA SGRUB PAR 'DOD NA NI STOD 'GREL LAS, DE LTAR RANG GI SLOB MA RNAMS KYI RNAL 'BYOR DANG RJES SU RNAL 'BYOR BSHAD NAS, SLOB DPON RNAMS KYIS DKYIL 'KHOR SGRUB PA DANG RANG GI LHA SGRUB PA'I RNAL 'BYOR CHEN PO'I CHO GA BRJOD PAR BYA STE, ZHES RANG GI LHA SGRUB PA LA YANG RNAL 'BYOR CHEN PO BYA DGOS PAR GSUNGS SHING, RDO RJE SEMS DPA'I SGRUB THABS CHE BA LAS KYANG, SLOB DPON GYI DBANG THOB PA GANG YIN PA DES NI RNAL 'BYOR CHEN PO BYAS LA CHO GA THAMS CAD RDZOGS PAR SPYAD DE, ZHES GSUNGS PAS DBANG RDZOGS PAR THOB PAS RTZA BA'I LHA RDZOGS PAR SGOM DGOS PA DANG, DBANG RDZOGS PAR MA THOB PAS LHA RDZOGS PAR

SGOM MI RUNG BAR BZHED PA YIN NO, ,DE YANG RNAL 'BYOR CHEN PO TZAM GYIS MI CHOG GI TING NGE 'DZIN GSUM SGOM DGOS TE, STOD 'GREL LAS, DE LA THABS KYI DBYE BA BSHAD PAR BYA STE, DE LA YANG TING NGE 'DZIN NYID NI DNGOS SU THABS YIN PAS NA ZHES GSUNGS SHING , TING NGE 'DZIN LA DANG PO SBYOR BA SOGS GSUM DU PHYE LA, THA NA MDOR BSDUS PA'I LAM LA DGA' BA PHYAG RGYA GCIG PA'I DKYIL 'KHOR LA YANG TING NGE 'DZIN GSUM GSUNGS PA'I PHYIR DANG, RNAM SNANG MNGON BYANG DU BYED PA'I THABS DNGOS NI TING NGE 'DZIN GSUM YIN PAR GSUNGS PA'I PHYIR RO, ,DE NAS RGYAS 'BRING GI TING NGE 'DZIN GSUM SGOM PAR MA NUS NA'ANG BSDUS PA'I TING NGE 'DZIN GSUM RNAL 'BYOR CHEN PO DANG BCAS PA SGOM DGOS LA, RNAL 'BYOR CHEN PO LA NI RGYAS 'BRING BSDUS GSUM GYI RNAM DBYE MED DO, ,SGOM PA'I DUS LA LO GCIG GAM ZLA BA DRUG GAM ZLA BA GCIG GI BAR DU SGOM PAR RDO RJE 'BYUNG BA LAS GSUNGS TE, GANG ZAG RAB 'BRING THA MA'I DBANG GIS DUS GCIG TU MA NGES LA, DBANG BSKUR BA LA NI DAR DUS JI SRID KYIS LHA RNAMS LA GNANG BA THOB PA DE SRID DU BYA BAR GSUNGS SO, , MNGON PAR RTOGS PA JI TZAM SKYES KYI BAR DU SGOM PA NI STOD 'GREL LAS, DE LTAR JI SRID RDO RJE DBYINGS KYI DKYIL 'KHOR CHEN PO MNGON SUM DU MTHONG BAR GYUR PA DE SRID KYI BAR DU NYIN RE BZHIN BSGOM PAR BYA'O, ,ZHES GSUNGS PAS SNGA DRO DANG GUNG DANG PHYI DRO DANG MTSAN PHYED KYI THUN BZHIR CHE GA'I RIM PA JI LTAR GSUNGS PA LAS YID GZHAN DU GA-YENG BA BKAG NAS, SGOM PA'I RIM BA RNAMS TSIG TZAM DU MA SONG BAR THAD KA THAD KA'I DON GYI SPYI LHONGS PAR BYAS NAS, SO SOR RTOG PA'I SHES RAB KYIS DPYAD NAS BSKYANGS

, ,PAS BGEGS BZLOG PA DANG DAM TSIG DANG SDOM PA 'DZIN PA'I BLO BRTAN PA DANG, PHYAG DANG MCHOD PA DANG BZLAS PA SOGS KYIS RGYUD SBYONG BA DANG, LHA'I RNAL 'BYOR GANG YIN GSAL BTAB PA'I CHA MNGON SUM PA LTA BU'I GSAL SNANG BYUNG BYUNG GI BAR DU BSGOM PAR BYA'O, ,DE NI THOG MAR RNAL 'BYOR RGYUD LA SKYES PA'I TSAD BZUNG BA YIN GYI DE PHAN CHAD DU SGOM MI DGOS PA MIN TE, 'DI NI SLOB DPON DANG SLOB MA GNYIS KA LA 'DRA'O, ,SKABS 'DI DAG TU SEMS DMIGS PA GCIG LA BRTAN PAR GNAS PA'I GNAS CHA SGRUB PA MI GSAL PA NI RDO RJE PHRA MO LA DMIGS NAS SGRUB PA LA DGONGS TE DE'I PHAN YON STON PA'I SKABS LAS SHES SO, ,BDAG RDZOGS RNAL 'BYOR CHEN PO YANG CHOG KHRIGS RDO RJE 'BYUNG BA NA GSAL BA DANG TSIG MANGS SU DOGS NAS MA BRIS SO, ,SLOB DPON SANGS RGYAS GSANG BAS DBANG RDZOGS MA RDZOGS DANG, GZHAN DBANG BSKUR BA DANG RANG GI LHA SGRUB PA'I KHYAD PAR GYI SGO NAS LAM SGOM PA'I RIM PA SO SOR MI 'BYED CING, RDOR DBYINGS KYI DKYIL 'KHOR CHEN POR DBANG BSKUR BA'I GANG ZAG DAM TSIG DANG SDOM PA DANG LDAN PAS DE BZHIN GSHEGS PA DANG DE'I RIGS KYI SEMS DPA' SGOM TSUL GNYIS BSTAN TE, DE GNYIS GANG SGOM YANG LHA RE RE LAS MA BSHAD CING, MDUN DU GZHAL YAS KHANG GDAN BCAS LA DKYIL 'KHOR CHEN PO'I SKABS LTAR LHA SGOM PA'AM DE MA NUS NA PHYAG RGYA BZHI DANG PHYAG RGYA GCIG PA'I SKABS LTAR LHA BSGOMS NAS SDOM PA GZUNG BA DANG, PHYI NANG GI MCHOD PA DANG BSTOD PA LA SOGS PA THUN BZHIR BYED PAR GSUNGS TE, SLOB DPON KUN DGA' SNYING PO'I LUGS LAS BYA SLA BA ZHIG SNANG NGO, ,GNYIS PA NI, DE LTAR

MNGON BYANG LNGA LAS DE BZHIN GSHEGS PAR BSKYED PA SOGS BYAS NAS LHA SGOM PAR MI NUS PAS NI, LHA GANG YIN GYI SNYING PO TZAM BRJOD LA LHA DER RANG BSGOM ZHING MDUN DU YANG DE LTAR BSGOMS NAS MCHOD BSTOD SOGS BYAS NAS BZLAS PA TSANG BAR BYA STE, AA BA TA RA LAS, JI SKAD DU GSUNGS PA'I RANG GI LHA'I DAM TSIG GI SEMS DPA'I RNAL 'BYOR BYED MI NUS PA'I SNGAGS PAS BZLAS BRJOD TZAM NYID DANG, DE'I DON GYIS BZLAS BRJOD BYA BA'I LHA SEMS DPAR BDAG BYIN GYIS BRLAB PA DANG DBANG BSKUR BA DANG, TING NGE 'DZIN DANG MCHOD PA DANG LDAN PAR BSAMS TE, MDUN DU YANG DE LTA BU NYID BSGOM ZHING BZLAS BRJOD BYA'O ZHES BYA BA'I THA TSIG GO ,ZHES SO, ,LHA'I SNYING PO TSIG TZAM GYIS LHAR SKYED PA 'DI YANG SGOM PA MI NUS PAR BZLAS BRJOD SOGS 'BA' ZHIG LAS DNGOS GRUB 'DOD PA RNAMS LA YIN GYI, SGOM PA NUS NA DE LTAR MI BYA BA RGYUD KYI SHES BYED DANG BCAS PAR GSUNGS TE, DE NYID LAS, SNYING PO'I DON GYI TSIG TZAM GYIS KYANG DAM TSIG SEMS DPAR BSGRUB PA'I PHYOGS GNYIS PA 'DI YANG BZLAS BRJOD 'BA' ZHIG LAS DNGOS GRUB 'DOD PA RNAMS LA BSTAN GYI ;PHYAG RGYA CHEN PO LA SOGS PA SGOM PAS BSGRUB NUS PA RNAMS LA NI MA YIN NO, ,JI LTAR ZHE NA, PHYI MA'I YANG PHYI MA'I RGYUD LAS BZLAS BRJOD KYI SKABS SU, LTA NGAN CHAGS PA MED PA LA, ,GSANG BA 'DI NI MI RIGS SO, ,ZHES BYA BA LA SOGS PA RGYA CHER GSUNGS NAS, THA NA SNYING PO'I DON GYIS BDAG RANG SANGS RGYAS KYI SKUR BSGYUR TE, MDUN DU YANG SANGS RGYAS KYI SKU TSIG TZAM GYIS KYANG BSGOM ZHING JI LTAR 'DOD PAR BYED PAS BRGYA RTZA BRGYAD DU RDO RJE'I TSIG GIS BZLAS PAR BYA'O ZHES GSUNGS SO, ,ZHES GSAL

, ,BAR BSHAD DO, ,'DI NI LHA'I RNAL 'BYOR GYI CHOG KHRIGS BTON PA LA BSGOMS ZHES THA SNYAD 'DOGS PA LTA BU YIN LA, DE TZAM YANG KHYAD CHE BAS GSON PO DANG GSHIN PO LA DBANG BSKUR BA DANG RAB GNAS SOGS RNAL 'BYOR RGYUD KYI SGO NAS BYED PA RNAMS KYIS, THA NA'ANG SGOM PA DE TZAM RE BYAS NAS RANG RANG GI BZLAS PA RDZOGS PAR BYA DGOS SO, ,GNYIS PA LA GSUM, PHRA MO SGOM PA'I DGOS PA DANG, PHRA MO LA DMIGS NAS SEMS BRTAN PAR BYA BA DANG, BRTAN PA THOB NAS SPRO BSDU SOGS BYA BA'I TSUL LO, ,DANG PO NI, DE NYID BSDUS PA'I DUM BU DANG PO LAS, DE NAS SHIN TU MNYAM PAR BZHAG ,GANG YANG RUNG STE BSGOM BYA BA, ,DE DAG THAMS CAD BRTAN PAR 'GYUR, ,TING 'DZIN YE SHES KYIS BRTAGS PA'O, ,ZHES PHRA MO'I TING NGE 'DZIN GRUB PA DE NAS MNYAM PAR BZHAG STE SGOM DGOS PA'I LHA SKU SOGS THAMS CAD BRTAN PA STE MNGON SUM DU BYED PAR 'GYUR BAR DE NYID SNANG BA LAS GSUNGS PAS 'DIS SEMS LAS SU RUNG BA KHYAD PAR CAN THOB NAS GANG SGOM PA THAMS CAD LA BOGS PHYIN PAR 'GYUR BA'O, ,AA BA TA RA LAS KYANG, DE BAS NA KHYAD PAR DU TING NGE 'DZIN LAS BYUNG BA'I DNGOS GRUB 'DOD PA'I RNAL 'BYOR PAS DANG POR RDO RJE PHRA MO BSGOM PAR BYA BAR NGES SO, ,ZHES 'OG NAS 'CHAD PA LTAR GYI BSAM GTAN TZAM GYI SGO NAS DNGOS GRUB MANG PO SGRUB PA LA 'DI NGES PAR SNGON DU 'GRO DGOS PAR GSUNGS SO, ,MDOR NA 'DI ZHI GNAS KHYAD PAR CAN SGRUB PA YIN PAS ZHI GNAS GANG LA DGOS PA'I DGOS PA RNAMS 'DI'I YANG DGOS PA'O, ,GNYIS PA NI, PHRA MO 'DI SANGS RGYAS GSANG BAS LHA'I RNAL 'BYOR SNGON DU BTANG NAS SGOM PAR BZHED DE, AA BA TA RA LAS, DE LTAR RGYAS PA DANG,

MDOR BSDUS PA RNAM PA GNYIS KYIS KYANG RANG GI LHA'I DAM TSIG SEMS DPA' BDAG BYIN GYIS BRLAB PA DANG, DBANG BSKUR BA DANG TING NGE 'DZIN DANG MCHOD PA DANG LDAN PA NYID DU BYAS NAS, DANG POR RE ZHIG RANG GI SEMS DBANG DU GYUR PAR BYA BA'I PHYIR RDO RJE PHRA MO'I TING NGE 'DZIN BSGOM MO; ;ZHES SO, ,SGOM PA'I RIM PA NI DUM BU DANG PO LAS, LCE NI RKAN LA SBYAR BYA ZHING, ,SNA YI RTZE MOR BSAM BYA BA, ,RDO RJE RTZE MO BDE REG PAS, ,SEMS NI MNYAM PAR BZHAG PAR 'GYUR, ,ZHES GSUNGS TE, RKANG PA DANG PO GNYIS KYIS NI BZHAG THABS DANG PHYI MA GNYIS KYIS NI DE LTAR BZHAG PAS TING NGE 'DZIN SKYE TSUL STON NO, ,'DI YANG RANG GI LHA'I RNAL 'BYOR DRAN PAR BYAS NAS SGOM PAR AA BA TA RA LAS GSUNGS BA LTAR BYA ZHING, LUS GNAD NI KO SA LA'I RGYAN LAS, BYA BA THAMS CAD RDZOGS PAR BYAS NAS SGRA'I KLAG COR MED CING DBEN PA'I PHYOGS SU 'DUG LA SKYIL MO KRUNG BCAS TE LUS DRANG POR BSRANG STE, LCE'I RTZA BA NAS MDUN SO'I BAR DU LCE STENG GI PHYOGS SU SBYAR ZHING MCHU GNYIS MNYAM PAR BYA BAR GSUNGS PA LTAR BYA STE, TING NGE 'DZIN GYI SPYOD LAM GZHAN RNAMS DANG YANG LDAN PAR BYA'O, ,DE NAS BSGOM PAR BYA BA'I DMIGS PA RDO RJE PHRA MO'I KHA DOG LA SOGS PA JI LTAR NGES PAR BYAS BA LTAR SNA'I RTZE MOR GZHAG LA DE LA SEMS GZUNG BAR BYA'O, ,DE YANG AA BA TA RA LAS, PHRA SHOS SKRA'I RTZE MO TZAM NAS SPOM SHOS TIL GYI 'BRU TZAM GYI BAR RANG GI LHA'I SKU MDOG 'DRA BA RTZE LNGA PAR BSHAD DO, ,'DI DANG PO LTE BAR BSKYED DE SUKshMA BADZRA ZHES BRJOD NAS DE NAS BTEG STE SNA KHUNG NAS SNA RTZER 'GRENG STE GNAS PAR BSAM PAR KUN SNYING BZHED LA, SNYING KHA NAS 'DREN PAR SH'AKYA BSHES GNYEN BZHED DO, ,AA BA TA RA'I 'GREL PA LAS SNYING KHA NAS RLUNG RGYU BA DANG MNYAM DU

, ,SNYING PO YID KYIS BRJOD DE SNA RTZER 'DREN PAR BSHAD DO, ,SANGS RGYAS GSANG BAS RDO RJE PHRA MO LA DMIGS NAS SGOM PA'I TSE RLUNG 'BYUNG 'JUG BKAG NAS SNA BUG TU RLUNG BZUNG NA SEMS GNAS PA DANG MTHUN PA'I REG BYA KHYAD PAR CAN SKYE BAR BSHAD DO, ,SEMS 'DZIN LUGS NI, SH'AKYA BSHES GNYEN KYIS, YID KYI GLANG SMYON LAM LOG SPYOD, ,DRAN PA'I THAG PAS DMIGS PA YI, ,KA BA LA GDAGS RIM GYIS NI, ,SHES RAB LCAGS KYUS DBANG DU BYA, ,ZHES DBU MA SNYING PO LAS GSUNGS PA DRANGS NAS DE LTAR DU BYA BAR GSUNGS SO, ,DE LA SHES RAB NI SHES BZHIN YIN PAS DRAN PA DANG SHES BZHIN GNYIS KYI SGO NAS SEMS LAS RUNG DU SGRUB PA NI GLANG PO CHE 'DUL BA'I DPES BSTAN TE, SEMS GANG LA 'JOG PA'I GZHI RDO RJE PHRA MO LTA BU NI GLANG PA CHA GANG LA 'DOGS PA'I KA BA BRTAN PO DANG 'DRA, YID LAS RUNG DU MA GYUR BA NI GLANG PO CHE MA DUL BA DANG 'DRA, DRAN PA BSTEN NAS SEMS DMIGS PA LAS MI GA-YENG BAR BYED PA NI GLANG PO 'DOGS PA'I ZHAGS THAG DANG 'DRA, JI LTAR BZHAG PA LTAR GYI DMIGS PA MA BZUNG BA'I TSE DE MA THAG SHES BZHIN GYIS RIG NAS SKYON DANG BRAL BAR 'JOG PA NI GLANG PO CHE GLANG RDZI SA JI LTAR BZHAG PA LAS LOG PAR SPYOD NA LCAGS KYU BTAB NAS TSAR GCOD PA DANG 'DRA'O, ,DES NA SEMS 'DZIN LA GNAD CHE BA GNYIS TE DANG PO NAS DMIGS PA LAS GZHAN DU MI GA-YENG BAR SDOD PA CIG DANG, DE NAS GAL TE GA-YENGS NA DE MA THAG RIG NAS SLAR YANG SNGAR BZHIN GTOD PA ZHIG DGOS SO, ,DE LA DANG PO NI MA YENGS PA'I DRAN PA SKYONG BA LA RAG LAS PAS DANG POR DMIGS PA GSAL GDAB LA, 'DI LTAR BZHAG YOD

SNYAM PA'I DRAN PA'I 'DZIN STANGS SHUGS CAN BSKYED LA MA YENGS PAR BYA, RIG PA LA SHED MA THON PA'I DRAN PA SKYONG LUGS KYIS BYING BA MI CHOD PAS, KO SA LA'I RKYAN LAS, BLO GSAL ZHING MA RMUGS PAS DRAN PA NYE BAR GZHAG STE, ZHES GSUNGS SO, ,GNYIS PA NI, SHES BZHIN GYI SKYONG LUGS LA RAG LAS PAS DRAN PAS BTAGS NAS HA CANG RING BA DANG HA CANG THUNG BA MIN PA'I SKABS SKABS SU SEMS BTAGS PA LTAR GNAS MI GNAS KYI BYA RA GNAS PA MA BTANG BA'I NGANG NAS RIG TZAM RIG TZAM BYA'O, ,'DI YANG HA CANG GRIMS NA RGOD PA SKYE ZHING HA CANG LHOD NA BYING BA SKYE BAR GSUNGS PAS DE GNYIS DANG BRAL BA'I SA TSIGS SHES PAR BYAS NAS BSKYANGS PAS, RDO RJE PHRA MO BRTAN PAR GYUR PA NA SNA'I RTZE MO 'AM DE LAS GZHAN PA'I LUS KYI PHYOGS SU BDE BA SKYED PA'I REG PA STE REG BYA'I KHYAD PAR GANG GIS LUS DGE BA'I BYA BA LA BKOL BA LA LAS SU MI RUNG BA'I LUS KYI GNAS NGAN LEN LA SOGS PA SEL BAR NUS PA'I LUS SHIN SBYANGS SKYE'O, ,LUS KYI GNAS NGAN LEN DANG BRAL NA LUS LAS SU RUNG BAR 'GYUR TE MNGON PAR BRTZON PAR BYED NUS SO, ,LUS SHIN TU SBYANGS BAS NI SEMS SHIN SBYANGS SKYED DE LUS SHIN TU SBYANGS PAS BDE BA MYONG BAR 'GYUR LA, BDE BA DANG LDAN PAS NI SEMS RTZE GCIG PAR 'GYUR RO, ,ZHES JI SKAD GSUNGS PA LTA BU'O, ,ZHES PHRA MO'I DMIGS PA LA BRTEN NAS SEMS RTZE GCIG PA'I ZHI GNAS SKYE TSUL KO SA LA'I RGYAN LAS GSAL BAR GSUNGS SO, ,SA SDE LAS SEMS SHIN SBYANGS KYIS LUS SHIN SBYANGS SKYED LA DE LAS ZHI GNAS SKYE BAR BSHAD PA DANG MI 'GAL TE, 'DI'I SEMS SHIN SBYANGS RTZE GCIG PA'I ZHI GNAS LA BZHED DE SHES BYED KYI MDO

, ,DRANGS PAS SHES SO, ,'DI NI ZHI GNAS GRUB GRUB TU SBYONG BAR GSAL TE LUS SEMS KYI SHIN SBYANGS SKYES PA'I BAR DU SKYED PA'I PHYIR RO, ,DE YANG SNGON DU LHA'I GSAL SNANG LEGS PO RNYED PA'I BAR DU SBYANGS NAS DE NAS 'DI SGOM PA'I TSE THUN BZHIR BCAD NAS ZLA BA GNYIS KYI BAR DU RGYUN MA CHAD DU BSGOM DGOS TE, STOD 'GREL LAS, NYIN RE BZHIN THUN BZHI'I SBYOR BAS ZLA BA GNYIS KYI BAR DU BSGOMS NA NGES PAR MTSAN MA THOB PAR 'GYUR BAR GSUNGS SO, ,GSUM PA NI, DUM BU DANG PO LAS, RDO RJE PHRA MO BDE REG PA'I; ;MTSAN MA GAL TE BYUNG BA NA, ,MTSAN MA DE NI KHYAB BYA BA, ,SEMS NI KUN TU KHYAB PAR BYA, ,JI TZAM 'DOD PAS SEMS KHYAB NAS, ,KHAMS GSUM DU YANG KHYAB PAR 'GYUR, ,ZHES GSUNGS TE, RDO RJE PHRA MO'I GZUGS BSGOMS PA'I STOBS KYIS RANG GI LUS THAMS CAD KHYAB PAR MTHONG BA'I TSE 'PHEL BAR 'DOD NA, DE NAS KRONG LA SOGS PA DANG DE NAS KHAMS GSUM PA'I BAR DU SPRO BAR STOD 'GREL LAS GSUNGS SO, ,SPRO TSUL NI SPHA RA BADZRA ZHES BRJOD CING RLUNG GI DKYIL 'KHOR GYIS RDUL LA BUS PA LTAR RDO RJE PHRA MO MANG PO GTOR BA'I RIM GYIS KHYAB PAR BYA BAR AA BA TA RA LAS BSHAD DO, ,DE LTAR RING DU BSAMS NAS SAm HA RA NA BADZRA ZHES BRJOD CING RLUNG NANG DU BSDU BA'I REG PA MYONG BAR BYED PAS SNA RTZE'I BAR DU BSDUS NAS RDO RJE GCIG TU BYAS LA BSGOM STE, DUM BU DANG PO LAS, DE NAS DE YANG BSDU BA NI; ;SNA YI RTZE MO'I BAR DU GNAS, ,ZHES SO, ,DE NAS SNA RTZE NAS SNA BUG GA-YAS PAR GZHUG STE SNYING GAR BZHAG NAS BRTAN PAR BYED PAR KO SA LA'I RGYAN LAS BSHAD DE, AOm DRI tHA TI SHthA ZHES BRJOD LA BYA'O, ,DANG PO PHRA MO LA DMIGS PA'I ZHI GNAS BTZAL NAS DE GRUB

PA NA SPRO BSDU SNA TSOGS LA RTZAL SBYONG BA 'DI SEMS LAS RUNG GI RGYU KHYAD PAR CAN YIN PAS GNAS PA KHO NA SKYONG BA DANG STOBS MI GCIG GO ,SPRO BA MAN CHAD LA ZLA BA GCIG STE ZLA BA GSUM BSGOMS NA PHRA MO'I TING NGE 'DZIN RDZOGS PAR STOD 'GREL LAS BSHAD DO, ,DE NYID BSDUS BA RTZA 'GREL LAS PHRA MO'I RNAL 'BYOR RGYAS PAR BSHAD PA 'DI LA GO BA CHAGS NA, GSANG 'DUS 'PHAGS SKOR SOGS KYI MNGON RTOGS KYI SKABS SU GNAS CHA DANG POR SGRUB PA DANG GRUB NAS RTZAL SBYONG BA MANG PO LA KHYAD CHE BAR SNANG NGO, ,GNYIS PA LA GSUM DE NYID BSDUS PA NAS GSUNGS PA'I TSUL DANG, BSHAD RGYUD NAS GSUNGS PA'I TSUL DANG, SGOM PA'I TSUL MDOR BSDUS TE BSTAN PA'O, ,DANG PO NI, DE NYID BSDUS PA LAS, YI GE AA LA 'JUG PA YIS, ,YI GE THAMS CAD RNAM PAR BSGOM, ,RANG GI KHA NAS GZHAN GYI KHAR, ,BSGOMS NA DNGOS GRUB THOB PAR 'GYUR, ,SHES RAB NGES 'BIGS ZHES BYA BA, ,TING NGE 'DZIN ZHES GRAGS PA STE, ,DE YIS PHYAG RGYA BSGRUB PAR BYA, ,BSGOMS NA MYUR DU 'GRUB PAR 'GYUR, ,SHES RAB DBYANGS KYI RJES 'GRO BA, ,TING 'DZIN TSIG NI RAB TU 'PHRO, ,DE YIS BSGOMS NA MYUR BA RU, ,GSANG SNGAGS DNGOS GRUB THOB PAR 'GYUR, ,GSANG SNGAGS RIG SNGAGS BYE BRAG RNAMS, ,BYE BRAG YOD PA MA YIN TE, ,SHES RAB SGOM PA NYID KYIS SU, ,DNGOS GRUB MYUR DU THOB PAR 'GYUR, ,ZHES GSUNGS TE, TSIGS BCAD DANG PO LA SNYING PO'I SGRA MA BYUNG YANG TSIGS BCAD BZHI NI RIM PA BZHIN DU SNYING PO DANG PHYAG RGYA DANG GSANG SNGAGS DANG RIG SNGAGS KYI DBANG DU BYAS PA'I DE KHO NA NYID RTOGS PA'I SHES RAB SGOM PA YIN PAR AA BA TA RA LAS BSHAD DO, ,DE LA AA NI MA SKYES PA'I PHYIR CHOS

, ,THAMS CAD KYI SGO'O ZHES GSUNGS PAS, AA'I DON RANG BZHIN GYIS SKYE BA MED PA LA 'JUG PA YIS BZLAS BYA'I SNGAGS KYI YI GE THAMS CAD KYANG CHOS BDAG MED PAR SGRUB PA'I RIGS PAS RNAM PAR BSGOM PA STE GZHIGS NAS MI SNANG BAR BYA'O, ,KHA NI SGO DANG 'JUG PA ZHES PA DANG DON GCIG PAS RANG GI 'JUG PA DANG GZHAN GYI 'JUG PA ZHES BYA LA, AA'I DON LA 'JUG PAS RANG YANG SNANG MED DU 'JUG PAR BYA ZHING, DE NAS GZHAN MDUN GYI LHA YANG SNANG MED DU 'JUG PAR BYA'O, ,KHA'I DON SGO LA BYAS PA LTAR NA RANG DANG MDUN DU BSGOMS PA'I LHA SKU NI RNAM PAR GROL BA'I SGO YIN PAS RANG DANG GZHAN GYI SGO ZHES BYA LA, DE GNYIS LA 'JUG PA NI SNGAR LTAR RO, ,GZHUNG 'DIS RANG DANG MDUN GYI LHA DANG SNGAGS KYI YI GE RNAMS RIM GYIS DE KHO NAR MA GRUB PAR SO SOR DPYOD PA GCIG NAS GCIG TU BRGYUD PA'I RTOG BCAS KYI SHES RAB GTZO BOR BSTAN NO, ,SHES RAB NGES 'BIGS NI DON DAM LA DMIGS PA YIN LA TING NGE 'DZIN ZHES GSUNGS PAS RAB TU RNAM PAR 'BYED PA'I RTOG PA BKAG NAS CUNG ZAD MNYAM PAR BZHAG PA STE, GSUM PA LA YANG TING NGE 'DZIN GYI TSIG YOD CING, BZHI PA NI 'DI DANG 'DRA BAR BSTAN PAS PHYI MA GSUM NI ZHI GNAS LHAG PA'AM GTZO BOR BSTAN PAR SLOB DPON RNAMS KYIS BSHAD DO ZHES AA BA TA RA LAS GSUNGS TE, DPYAD SGOM DANG 'JOG SGOM GTZO CHE BA GNYIS BSTAN YANG NYAMS SU LEN PA NA GNYIS KA CHA MNYAM NAS BYA DGOS SO, ,SNGAGS KYI YI GE'I DBYANGS KYI RJES SU 'GRO ZHING 'PHRA BA'I RNAM RTOG GCIG NAS GCIG TU BRGYUD PA MED PAR RTZE GCIG TU BZHAG PA NI GSANG SNGAGS KYI SHES RAB SGOM

PA'O, ,RIG SNGAGS KYANG DE DANG 'DRA LA, DE GNYIS KYI YI GE THA DAD PAR SNANG BA NI NGO BO NYID MED PAR DPYOD PA'I RIGS PAS THA DAD MED PAR BYA'O, ,BDAG MDUN GYI LHA DANG BZLAS PA'I SNGAGS RNAMS RANG BZHIN MED PAR GTAN LA PHAB PA'I DON SGOM PA LA BZHI GA 'DRA YANG SNYING PO LA SOGS PA'I SHES RAB SGOM PA ZHES THA DAD DU 'BYED PA NI, DE BZHIN GSHEGS PA'I RIGS LA SOGS PA'I RIGS BZHI'I ZLOS PA POS SGOM PA'I DBANG DU BYAS PA STE 'CHAD PAR 'GYUR RO, ,GNYIS PA LA BZHI ,DE BZHIN GSHEGS PA'I RIGS KYI SGOM TSUL DANG, RDO RJE'I RIGS KYI SGOM TSUL DANG, RIN PO CHE'I RIGS KYI SGOM TSUL DANG, PADMA'I RIGS KYI SGOM TSUL LO, ,DANG PO NI, BDAG NYID RNAM SNANG LA SOGS PA'I SANGS RGYAS KYI SKUR BSGOM ZHING MDUN DU YANG DE LTAR BSGOMS PA'I THUGS KAR SNGAGS KYI YI GE BSAM MO, ,DE NAS RANG DANG MDUN GYI LHA LA GANG ZAG DANG CHOS KYI BDAG MED PAR GTAN LA DBAB CING RANG BZHIN MED PA'I NGES PA RNYED PA NA, GZUGS LA SOGS PA'I SO SOR SNANG BA MED PA'I TING NGE 'DZIN GYIS RTZE GCIG TU BSGOM PAR BYA STE, RTZE MO LAS, DE BZHIN GSHEGS PA'I RIGS BZLAS PA, ,SANGS RGYAS BDAG NYID BKRA SHIS GNAS, ,STONG GSUM GYI NI 'JIG RTEN 'DIR, ,SANGS RGYAS SKU NI BSGOM PAR BYA, ,SANGS RGYAS DE YI SNYING GAR NI, ,RANG SNGAGS YI GE RNAM PAR BSGOM, ,RANG GI LUS NI BDAG MED PAR; CHOS DANG GANG ZAG STONG PA NYID, ,SANGS RGYAS DE YI SKU GANG YIN, ,DE YANG BDAG MED PAR BSAM MO, ,SANGS RGYAS GZUGS 'DI CI ZHIG YIN, ,DE YI RANG BZHIN YOD MA YIN, ,GANG ZAG CES BYA'I SANGS RGYAS MED, ,PHUNG PO DANG NI KHAMS MA YIN, ,

, ,GZUNG DANG 'DZIN PA SANGS RGYAS MED, ,SANGS RGYAS MED PA'ANG MA YIN TE, ,PHA ROL PHYIN DRUG SA BON NI, ,SHES RAB KYIS NI RNAM PAR SBYANGS, ,KUN GZHI'I GNAS MED RNAL 'BYOR PA, ,DE NYID BYANG CHUB BDAG MED 'DZIN, ,'DI 'DRA BA YI RNAL 'BYOR GYIS, , DE BZHIN GSHEGS PA'I RIGS BZLAS NA, ,BSKAL PA CHEN PO MYUR BA RU, ,RAB TU DGA' BA SGRUB PAR BYED, ,CES GSUNGS SO, ,GNYIS PA NI, RANG RDO RJE SEMS DPA' DANG MDUN DU YANG NAM MKHA' KHYAB PA'I RDO RJE'I GZUGS BSAMS PA'I LTE BAR YI GE DGOD, DE NAS GZUGS LA SOGS PA RNAMS LA SO SOR RNAM PAR GZHIGS PAS RANG BZHIN MED PA'I NGES PA RNYED PA NA RTZE GCIG TU GZHAG LA BSGOM STE, RTZE MO LAS, DE NAS RDO RJE'I RIGS BZLAS PA, ,BDAG NYID RDO RJE SEMS DPAR BYA, ,STONG GSUM GYI NI 'JIG RTEN 'DIR, ,RDO RJE'I GZUGS NI BSGOM PAR BYA, ,RDO RJE DE YI DBUS SU NI, ,RIG SNGAGS YI GE RNAM PAR BSGOM, ,RDO RJE DE YANG DNGOS MED PA'I, ,BYANG CHUB SEMS KYI 'BRAS BU YIN, ,DE CI RDO RJE ZHES BYA 'AM, ,DE NYID GANG NI MI 'GYUR BA, ,DE CI DE NYID CES BRJOD DAM, ,GANG STONG CHOS NYID CES SU BRJOD, , GZUGS LA SOGS PA'I CHOS RNAMS KUN, ,STONG PA'I RNAM PAR BSGOM PA STE, ,GZUGS NI RDUL DU RNAM GZHIGS NA, ,RDUL ZHES BYA BA YOD MA YIN, ,GZUGS NI STONG PA ZHES BSHAD DE, ,DE YANG RDO RJE ZHES SU BYA, ,DE LTAR RNAL 'BYOR 'DI YIS NI, ,RAB TU DGA' BA MYUR DU 'GRUB, ,CES GSUNGS SO, ,GSUM PA NI, RANG RDO RJE RIN CHEN DANG MDUN DU NAM MKHA' LA YI GE RNAMS BSAM MO, ,DE NAS GZUNG 'DZIN BDEN PAR MED PAR MNYAM PA NYID DU GTAN LA PHAB PA'I DON LA NGES PA RNYED PA NA RTZE GCIG TU BSGOM PAR BYA STE, RTZE MO LAS,

DE NAS RIN CHEN RIGS BZLAS PA, ,BDAG NYID RDO RJE RIN CHEN DU, ,STONG GSUM GYI NI 'JIG RTEN 'DI, ,STONG PA RNAM PAR BSGOM PAR BYA, ,NAM MKHA' DE LA RNAL 'BYOR PAS, ,RIG SNGAGS YI GE BSAM PAR BYA, ,CHOS RNAMS DNGOS MED CES BYA BA, ,STONG NYID DE BZHIN NYID CES BYA, , PHYI DANG NAD DU RNAM BRTAGS PA'I, ,GZUGS NI RE ZHIG MA SKYES TE, ,GANG NA GZUGS NI YOD MIN PA, ,DE LA MIG CES JI SKAD BRJOD, ,GZUGS DANG MIG NI MED PAS NA, ,RNAM PAR SHES PA MI 'BYUNG NGO, ,JI LTAR MIG LA DE BZHIN KUN, ,GZUNG DANG 'DZIN PA RNAM SPANGS PA'O, ,RNAL 'BYOR TSUL NI 'DI YIS SU, ,RAB TU DGA' BA SGRUB PA'I MCHOG ,CES GSUNGS SO, ,BZHI PA NI, RANG 'JIG RTEN DBANG PHYUG DANG MDUN DU YANG PADMAS NAM MKHA' KHYAB PAR BSAMS LA YI GE DGOD, DE NAS CHOS THAMS CAD RANG BZHIN MED PAR GTAN LA PHAB PA'I DON LA NGES PA RNYED PA NA BSGOM PAR BYA STE, RTZE MO LAS, DE NAS PADMA'I RIGS BZLAS PA, ,BDAG NYID PADMA'I SEMS DPAR BYA, ,STONG GSUM GYI NI 'JIG RTEN 'DI, ,PADMA'I GZUGS SU RNAM PAR BSGOM, ,PADMA DAG CHEN DE LA NI, ,RIG SNGAGS YI GE RNAM PAR BSGOM, ,PADMA DE LAS MKHAS PA YIS; ;CHOS KYI SNYING PO RNAM PAR BSAM, ,PADMA CHU YIS MI CHAGS SHING, ,'DAM GYI NYES PAS MI GOS PA, ,DE BZHIN CHOS KUN DAG PA STE, ,CHOS DBYINGS GDOD NAS MA SKYES PA'O, ,DE BZHIN GSHEGS PA'I SNYING 'DI CI, ,GANG 'DI STONG PA'I CHOS NYID DE, ,GZUGS LA SOR PA CHOS KUN GYI, ,CHOS NYID DE BZHIN NYID CES BYA'O, ,RNAL 'BYOR 'DI YI TSUL GYIS NI, ,RNAL 'BYOR CHEN PO DKA' THUB CHE, ,TSE 'DI NYID LAS SANGS RGYAS PA, ,PADMA NGES PAR BSGRUB PAR BYA, ,ZHES GSUNGS SO, ,'DI RNAMS YANG DANG YANG DU 'DRIS PAR BYED PA LA BZLAS PA'I

, ,MING BTAGS PA YIN GYI SNGAGS KYI YI GE ZLOS PA MA YIN NO, ,AA BA TA RA LAS DMIGS BCAS KYI BZLAS BRJOD BSHAD PA'I 'OG TU, RNAL 'BYOR PA CHOS BDAG MED PAR SHES PA'I BLO CAN RNAMS LA NI DON DAM PA'I SHES RAB KYI RNAL 'BYOR, DE KHO NA NYID BSDUS PA DANG RDO RJE RTZE MO LAS BZLAS BRJOD KYI BYE BRAG GZHAN DAG BSTAN PA DE YANG DA 'DIR BSHAD PAR BYA'O, ,ZHES DE NYID BSDUS PA DANG BSHAD RGYUD LAS GSUNGS PA RNAMS DRANGS NAS BSHAD PA BZHIN BKOD PA'O, ,GSUM PA NI, DE LTAR RTZE MO NAS GSUNGS PA NI SO SOR RTOGS PA'I SHES RAB KYIS DPYAD NAS SKYONG BA LHAG MTHONG GTZO CHE LA, DE NYID BSDUS PA NAS GSUNGS PA LA DPYOD PA DANG MI DPYOD PAR 'JOG PA'I ZHI LHAG GNYIS KA YOD LA, KO SA LA'I RGYAN LAS KYANG, ZHI GNAS NI TING NGE 'DZIN LA SEMS PA'I MTSAN NYID DE SEMS GANG DMIGS PAR BYA BA GCIG LA RAB TU 'JUG PA'O, ,LHAG MTHONG NI SHES RAB STE DE YANG SEMS LAS BYUNG BA CHOS RAB TU RNAM PAR 'BYED PA'I MTSAN NYID CAN TA, MNYAM PAR 'JOG PA'I SEMS KYIS 'DI NI ZAG PA DANG BCAS PA'O, ,'DI NI ZAG PA MED PA'O, ,'DI NI KUN NAS NYON MONGS PA'O, ,'DI NI RNAM PAR BYANG BA'O ZHES RNAM PAR 'BYED PA'I RNAM PA'O, ,ZHES ZHI LHAG GI MTSAN NYID DE BZHIN DU GSUNGS SO, ,ZAG BCAS ZAG MED SOGS SO SOR 'BYED PA LA LHAG MTHONG DU GSUNGS PA NI JI SNYED PA LA DMIGS PA'I LHAG MTHONG STE, JI LTA BA LA DMIGS PA YANG DES MTSON NAS SHES PAR BYA'O, ,ZHI GNAS KYI 'JOG SGOM 'BA' ZHIG BYAS NA MTHAR BYING RMUGS SU 'GYUR LA, LHAG MTHONG GI DPYAD SGOM 'BA' ZHIG BYAS NA MTHAR RGOD PAR 'GYUR BAS

ZHI LHAG GNYIS CHA MNYAM LA BSGOM ZHING, RGOD PA NI MI RTAG PA LA SOGS PA SKYO SHAS SKYE BA'I DMIGS PA DANG, BYING RMUGS NI SEMS LA SNANG BA CHEN PO SHAR BA SOGS GZENGS BSTOD PA'I DMIGS PA YID LA BYAS LA GSAL BAR BYA'O, ,DE LTAR BYAS PAS MNGON PAR 'DU BYED PA MED PA CHA MNYAM DU RANG GI NGANG GIS 'JUG PA THOB NA ZUNG DU 'BREL BAR KO SA LA'I RGYAN LAS GSUNGS TE, ZHI GNAS SHAS CHE NA NI SEMS RMUGS PA'I NYE BAR GA-YENG BAR 'GYUR LA, LHAG MTHONG SHAS CHE NA NI RGOD PA'I NYE BAR GA-YENG BAR 'GYUR RO, ,DE BAS NA RIM PA BZHIN DU SNANG BA YID LA BYED PA DANG MI RTAG PA YID LA BYED PAS KYANG NYE BAR GA-YENG BA'I DNGOS PO GNYIS BZLOG NAS BSAM PAR BYA BA'I DNGOS PO DE LA ZUNG DU 'JUG PAR GNAS LA, DRAN PA'I THAG PAS GANG DANG GANG DU ZHI GNAS DANG LHAG MTHONG GI TSUL RTA LTA BU GANG LAS NYAMS PA LAS BLO BZLOG STE YANG DAG PA LA SBYAR BA NI ZUNG DU 'JUG PA'O, ,ZUNG DU 'JUG PA NYID KYIS NA RNAM PA 'DIS 'JUG PA'I NGANG TSUL CAN NI MNGON PAR 'DU BYED PA MED PAR 'JUG GO ZHES BYA BA'I DON TO, , ZHES SO, ,SANGS RGYAS GSANG BAS NI STONG NYID SGOM PA'I TSE SROG RTZOL BKAG PA'I RLUNG SBYOR DANG SPRAGS NAS BYA BAR BZHED DE, AA BA TA RA LAS, BDAG DANG LHA DANG BZLAS BRJOD DU BYA BA'I YI GE JI LTAR BSAMS PA RNAMS MA SKYES PAR SGOM PA'I SGO NAS CHOS THAMS CAD STONG PA NYID DU MOS PA MNGON DU BYAS LA, SEMS KYI GNAS SROG DANG RTZOL BA GNYIS NANG DU BKAG STE GZUGS LA SOGS PAR SNANG BA DANG BRAL BA'I SEMS KYIS BDAG DANG LHA DANG BZLAS BRJOD DU BYA BA'I YI GE RNAMS NAM MKHA' DANG 'DRA BAR YID

, ,LA BYED CING ZHES GSUNGS SHING, DBUGS GTONG BA NA SNA'I NANG GI RLUNG PHRA MO'I REG PA MYONG BAR BYAS NAS BTANG STE MDUN GYI LHA DRAN PAR BYED LA, YANG SNGAR BZHIN SROG RTZOL BKAG NAS BYED PAR BSHAD DO, ,DE LTAR NA LTA BAS BDAG MED PA'I DON GTAN LA PHAB PA MED PAR SEMS GANG DU'ANG MI 'DZIN BAR MI RTOG PAR BZHAG PA TZAM MAM, RLUNG SBYOR LA SOGS PA'I DBANG GIS BDE GSAL MI RTOG PA'I TING NGE 'DZIN SKYES PA LA DNGOS PO'I DE KHO NA NYID SGOM PA'I RNAL 'BYOR DU 'DOD PA NI, RNAL 'BYOR BLA MED LTA ZHOG RGYUD SDE 'OG MA GSUM GYI LUGS KYANG MA YIN LA, LTA BAS BDAG MED PA'I DON GTAN LA PHEBS KYANG SGOM PA'I TSE LTA BA DRAN NAS LTA BA'I NGES PA MA BSKYANGS PAR, SPYIR BLO GANG DU'ANG MI RTOG PAR 'JOG PA TZAM ZHIG SKYONG BA YANG DE KHO NA NYID KYI DON SGOM PA MA YIN PAS, THAR 'DOD RNAMS KYIS BDAG MED PA'I LTA BA BTZAL BA DANG, RNYED NAS DE'I DON SGOM PA'I TSUL MA NOR BAR SHES PAR GYIS SHIG ,SLOB DPON KUN DGA' SNYING POS STONG NYID KYI LTA BA GTAN LA 'BEBS PA DANG; DE SHIN TU GAL CHE BAR DE NYID BSDUS PA DANG DPAL MCHOG 'GREL CHEN LAS THOR BU THOR BUR YANG YANG GSUNGS SHING, RDO RJE 'BYUNG BAR LHA BSGOMS PA'I MTHAR MNYAM PA NYID RNAM PA GSUM SGOM PA'I SA BON TZAM ZHIG GSUNGS MOD KYANG, SANGS RGYAS GSANG BA BZHIN DU DE NYID BSDUS PA DANG BSHAD RGYUD KYI STONG NYID SGOM TSUL RGYUN GCIG TU MA BSHAD LA, SH'AKYA BSHES GNYEN BZHIN DU ZHI LHAG SO SO'I MTSAN NYID DANG SHAS CHE CHUNG GI SKYON DANG ZUNG DU 'BREL LUGS KYANG MA GSUNGS SO, ,

'ON KYANG SBYAR BSHAD PA LTAR GYI STONG NYID SGOM TSUL 'DI LA RNAL 'BYOR RGYUD LA MKHAS PA'I SLOB DPON GSUM DGONGS PA GCIG TU YOD PAS, RNAL 'BYOR RGYUD KYI DGONGS PAS PHRA MO DANG LHA'I RNAL 'BYOR THUN BZHIR BSKYANGS NAS MTSAN BCAS KYI TING NGE 'DZIN SKYED TSUL DANG, DE NAS MTSAN MED KYI TING NGE 'DZIN SKYED TSUL RNAMS KYI GNAD SNGAR BSHAD PA BZHIN DU GZUNG BAR BYA'O, ,'DIR SNGON DU BSNYEN PA BYA BAR GSUNGS PA'I DON NI THOB BYA LA KHAD NYE BAR BYED PA ZHIG YIN LA, DE YANG 'DUS PA PHYI MA LAS, THUN MONG MCHOG GI DBYE BA YIS, ,BSNYEN PA RNAM PA GNYIS SU 'DOD, ,CES DNGOS GRUB GNYIS SGRUB PA'I THABS GNYIS KA BSNYEN PAR GSUNGS PA LTAR 'DIR YANG YIN NO, ,DE'I PHYIR SNGON DU BSNYEN PA BYA BAR RGYUD SDE BZHI GA LAS GSUNGS PA NI LAM GONG NAS GONG DU BGROD PA'I RIM PA STON PA YIN LA, DER YANG GTZO BOR LHA'I RNAL 'BYOR DANG STONG PA NYID KYI RNAL 'BYOR RGYUD LA SKYED TSUL GYI SA TSIGS LEGS PAR PHYED PA ZHIG DGOS PA LA, DE LTAR MA GO BAR SGRUB THABS KYI CHOG KHRIGS 'DON PA BYANG BAR BYED PA DANG, DE'I SKABS SU SNGAGS KYI BZLAS PA BYED PA LA BSNYEN PA'I DON DU 'DZIN ZHING, DE'I DGOS PA YANG DBANG BSKUR DANG RAB GNAS LA SOGS PA'I CHOG KHRIGS LA 'JUG PA TZAM ZHIG TU MTHONG NAS GO BA 'TSOL BAS NI, RGYUD SDE GANG GI YANG LAM GYI GNAD ZIN PAR MA MTHONG NGO, ,RGYUD SDE GSUM DANG DE DAG GI DGONGS 'GREL GYI PAn CHEN RNAMS KYIS STONG NYID SGOM PA'I ZHI LHAG GI 'GREL LUGS RNAMS NI, SLOB DPON MKHAS PA KA MA LA SHI LA'I SGOM RIM GSUM DANG SHANTI PA'I SHER PHYIN MAN NGAG DANG, SA SDE DANG BYAMS CHOS LA SOGS PA NAS 'BYUNG BA RNAMS

, ,DANG 'DRA BAR SNANG NGO, ,ZHI GNAS SNGON DU BTANG NAS LHAG MTHONG SGOM PA'I GO RIM GYI RGYU MTSAN DANG, SHIN SBYANGS GNYIS MA RNYED BAR DU LHAG MTHONG RJES MTHUN PA YIN GYI RNYED NAS LHAG MTHONG MTSAN NYID PAR 'GRO BA'I TSUL DANG, BDAG MED SGOM PA LA ZHI LHAG GNYIS KA 'ONG TSUL DANG, ZUNG 'BREL 'GRUB PA'I DUS MTSAMS LA SOGS PA ZHIB PAR NI THEG PA THUN MONG BA'I LAM GYI RIM PAR RGYAS PAR BSHAD ZIN PAS 'DIR MA SPROS SO, ,BSNYEN PA'I SKABS SU DNGOS GRUB 'GRUB PA'I RGYU NI, AA BA TA RA LAS, PHYAG RGYA DANG GSANG SNGAGS DANG RIG SNGAGS LA SOGS PA RNAMS LA YANG PHYI'I MCHOD PA'I CHO GA RNAMS DNGOS GRUB KYI YAN LAG TU 'GYUR MOD KYI, 'ON KYANG DNGOS PO'I RANG BZHIN GYIS GTZO BOR SNYING PO BZLAS BRJOD BYED PA DANG, BSGOM PA LA BRTZON PA RNAMS NYID LA MYUR DU DNGOS GRUB STZOL TE, DE BAS NA DE LA BRTZON PA RNAMS KYIS KHYAD PAR DU DE LA MNGON PAR BRTZON PAR BYA'O, ,ZHES LHA SGOM PA DANG BZLAS BRJOD TSANG BAR BYED PA GAL CHE BAR GSUNGS SO, ,'ON KYANG DNGOS GRUB 'GRUB PA'I GEGS KYI SGRIB PA SBYONG BA LA STONG NYID SGOM PA BSNGAGS PAS DE YANG GAL CHE STE, DE NYID LAS, RDZOGS PA'I SANGS RGYAS LA SOGS PA RANG GI LHA RNAMS RNAM PA MED PAR RJES SU DRAN PA'I SGO NAS BSGOM PA DANG, DE BZHIN DU BDAG DANG CHOS THAMS CAD DMIGS SU MED PAS DNGOS GRUB KYI GEGS SU GYUR PA'I LAS DANG NYON MONGS PA MED PAR GYUR NA CI 'DOD PA'I DNGOS GRUB THOB PAR 'GYUR TE, ZHES DANG, GANG GI TSE GSANG SNGAGS LEGS PAR MNYES PAR BYAS KYANG RNAL 'BYOR PAS JI LTAR 'DOD PA'I DNGOS GRUB THOB PAR MA GYUR PA DE'I

TSE; PHYAG RGYA CHEN PO LA SOGS PA SGOM PA'I SBYOR BA DANG BZLAS BRJOD KYI SBYOR BA'I SNGON ROL DANG, PHYIS RANG GI LHA'I CHOS KYI SKU LA LHAG PAR DMIGS PAR BYA'O, ,ZHES DNGOS GRUB MA GRUB NA LHA LA DRAG SHUL BYA BA'I SKABS LAS GSUNGS PAS, LHA'I SKU PHYAG RGYA CHEN PO SKYED PA'I SNGA ROL DANG, BSGOM BZLAS KYI 'OG TU STONG NYID BSGOMS NA DNGOS GRUB MYUR RO, ,BZHI PA LA GSUM, BSAM GTAN GYIS DNGOS GRUB SGRUB PA'I TSUL DANG, BZLAS BRJOD KYIS DNGOS GRUB SGRUB PA'I TSUL DANG, SBYIN SREG GIS DNGOS GRUB SGRUB PA'I TSUL LO, ,DANG PO NI, SNGAR BSHAD PA LTAR BSNYEN PA SPYI DANG KHYAD PAR DU RDO RJE PHRA MO'I TING NGE 'DZIN RANG DBANG DU GYUR PA THOB NAS NI 'JIG RTEN PA DANG 'JIG RTEN LAS 'DAS PA'I DNGOS GRUB BSAM GTAN GYIS SGRUB PA RNAMS BSGRUB PAR BYA'O, ,DE LA YANG GNYIS LAS, DKYIL 'KHOR DU ZHUGS PA'I DUS SU YE SHES BABS PAS NI GTER LA SOGS PA 'JIG RTEN PA'I DNGOS GRUB RNAMS DE LA SBYAR BA TZAM GYIS 'GRUB LA, DE LAS GZHAN PA RNAMS NI 'CHAD PA LTAR GYI MTSAN MA BYUNG BYUNG GI BAR DU BSGOMS PAS 'GRUB BO, ,'DIR SLOB DPON SANGS RGYAS GSANG BAS PHYAG RGYA BZHI SGRUB PA LA YE SHES SEMS DPA' RANG LA BCUG NAS SGRUB PA MA GTOGS PA'I 'JIG RTEN PA DANG 'JIG RTEN LAS 'DAS PA'I DNGOS GRUB SGRUB PA THAMS CAD LA, RANG DAM TSIG PA TZAM GYIS NGA RGYAL LA GNAS NAS YE SHES SEMS DPA' RANG LA MI 'JUG PAR MDUN DU BZHAG PA LA MCHOD PA SOGS BYAS NAS SGRUB PAR BZHED LA, SLOB DPON GZHAN RNAMS RANG DAM TSIG PAR BYAS PA LA YE SHES PA BCUG PA SNGON DU BTANG NAS

, ,DE NAS DNGOS GRUB SGRUB PAR BYED PA'I GZHAN LUGS BKOD NAS DGAG PA MDZAD DO, ,DNGOS GRUB SGRUB PA THAMS CAD LA RANG GI LHA'I RNAL 'BYOR SNGON DU BTANG NAS BYA DGOS PA NI SLOB DPON RNAMS BZHED PA MTHUN NO, ,DE LA RANG GZHAN GYI DBUL BA BSAL BA SOGS KYI CHOS LDAN GYI DON KHYAD PAR CAN BSGRUB PA'I PHYIR DU GTER 'DON PA'I DNGOS GRUB SGRUB NA, DUM BU DANG PO LAS, GTER LA RDO RJE'I GZUGS GNAS PA, ,SNYING GA NYID DU BSGOM PAR BYA, ,BSGOMS NA SA LA GNAS PA YAm, ,GTER RNAMS DE YIS MTHONG BAR 'GYUR, ,ZHES GSUNGS PA LTAR BYA STE, RANG GI SNYING GAR GTER GYI BUM PA'I NANG NA ZLA BA DANG DE LA RDO RJE RTZE LNGA PA CIG BSAM LA BDZRE NI DHI ZHES BZLAS TE MTSAN MA BYUNG BYUNG DU BSGOM PAR BYA'O, ,MTSAN MA NI REG MTHONG GI MTSAN MA LA BYA'O, ,DE BYUNG BA DANG MTSAN GCIG THOG THAG TU BZLAS BSGOM BYAS PA'I RJES LA, GTER YOD DU RE BA'I GNAS DER SONG LA LHA LA MCHOD PA SOGS DANG 'BYUNG PO LA GTOR MA BYIN LA, RDO RJE LCAGS SGROG GI SNGAGS RGYAS GTER DANG GNAS BCING ZHING BSRUNG NGO, ,DE NAS BSGOM BZLAS BYAS NA GTER MTHONG BAR 'GYUR LA, DE NAS SA BRKOS TE BLANG BAR BYA'O, ,DE BZHIN DU NAM MKHA' LA RDO RJE DANG RANG SNA TSOGS RDO RJER SGOM PA'I BSGOM BZLAS BYAS NAS RDO RJE DE GNYIS GANG DU LHUNG BA'I GNAS SU GTER YOD PAR SHES PA DANG, RANG GI LCE LA RDO RJE BSGOM NAS BZLAS BSGOM BYAS PAS 'DI NA YOD CES RANG NYID KYIS BDEN PAR SMRA BAR 'GYUR BA YANG GSUNGS SO, ,CHU LA MI 'BYING BA'I DNGOS GRUB SGRUB NA LU MA LA SOGS PA'I CHU DOGS SAM YANG NA JI LTAR 'DOD PA'I GNAS

SU; KHAM PA'I SNOD CHEN PO CHUS BKANG BA MTHONG BA'I SAR BZHAG BADZRA DZ'A LA ZHES YID KYIS BRJOD CING, CHU'I GZUGS RNAMS RDO RJE'I GZUGS SU GYUR TE GCIG LA GCIG 'BYAR NAS CHU DE RDO RJE'I GZUGS GCIG PUR GYUR PAR THUN BZHIR REG MTHONG GI MTSAN MA BYUNG BYUNG GI BAR DU BSGOM MO, ,DE NAS RKANG LAG GIS REG PAR BYAR RUNG ZHING RDO RJE DANG 'DRA BAR SA BAR GYUR PAR BYA LA, DER RIGS GANG RUNG GI DKYIL 'KHOR GCIG BRIS TE SNGON DU BYA BA'I CHO GA RNAMS BYAS NAS MTSAN GCIG THOG THAG TU TING NGE 'DZIN DE LA GNAS PAR BYA'O; ;DE NAS NAM CHU'I STENG DU 'GRO BAR 'DOD PA NA TING NGE 'DZIN 'DI MNGON DU BYAS TE MNYAM PAR BZHAG PA NYID KYIS CHU'I STENG NAS 'GRO 'CHAG SOGS BYA'O, ,NAM MKHA'I RDUL RNAMS SNA TSOGS RDO RJER BSGOMS TE RDO RJE'I THEM SKAS GCIG TU GYUR PA RKANG LAG GIS REG TU RUNG BAR GOMS PAR BYA BA SOGS SNGAR BZHIN BYAS PAS RI RAB KYI RTZE MO LA SOGS PAR 'GRO NUS SO, ,RIG SNGAGS 'CHANG GI DNGOS GRUB SGRUB PA NI MCHOD PA'I CHO GA RGYAS PAR BYAS LA RDO RJE PHRA MO BSGOMS NAS BADZRA DHA RA LA SOGS PA'I SNYING PO BZHI GANG RUNG BZLAS SHING, DUM BU SO SO'I RIGS DANG MTHUN PA'I RIGS SNGAGS 'CHANG GI GZUGS YONGS SU RDZOGS PA ZLA BA LA GNAS PAR BSAMS NAS REG MTHONG GI MTSAN MA BYUNG BYUNG DU BSGOM MO, ,DE NAS DAD PA'I LHA LA MCHOD PA BYAS TE MTSAN THOG THAG GCIG TING NGE 'DZIN 'DIS GNAS NA RANG GI LHA YE SHES PA GSHEGS NAS JI LTAR BSGOMS PA'I RIG SNGAGS 'CHANG GI DNGOS GRUB STER RO, ,DE LA SOGS PA'I THUN MONG GI DNGOS GRUB DU MA ZHIG 'GRUB PAR GSUNGS SO, ,DNGOS GRUB MCHOG SGRUB PAR

, ,'DOD NA RANG DE BZHIN GSHEGS PA LNGA GANG RUNG GI SKUR BSKYED BADZRA DH'A TU ZHES BRJOD CING, NAM MKHA'I NGOS THAMS CAD SANGS RGYAS KYI SKU PRA MES KHYAB PAR BSAM, DE NAS RLUNG PHYIR RGYU BA NA DE THAMS CAD GSAL BAR BSAMS LA RLUNG NANG DU SDUD PA'I TSE MAR SAR BYE MA'I NANG DU THIM PA BZHIN DU RANG GI SNYING GAR GZUNG NGO, ,DE LTAR LAS GZHAN MED PAR SGOM PA LA BRTZON ZHING SGO GSUM GYI GNAS NGAN LEN BTUL BAS RANG GZHAN GYIS MA THONG GI BAR DU BSGOMS NAS, MTSAN MA DE BYUNG BA DANG DKYIL 'KHOR BRI BA SOGS SNGAR BSHAD PA BZHIN BYAS PAS, RDZOGS PA'I SANGS RGYAS KYI GZUGS 'DZIN PA'I BYANG CHUB SEMS DPA'I RIG SNGAGS 'CHANG DU 'GYUR RO, ,DE BZHIN GSHEGS PA'I RIGS LA YANG RDO RJE SEMS DPA' LA SOGS PA'I RANG GI LHA'I GZUGS DANG BDAG GNYIS DBYER MI PHYED PA'I NGA RGYAL DU BYAS TE NYI MA RE RE ZHING SGO GSUM LA GNOD PA SPANGS TE BSGOM MO, ,DBUGS PHYIR 'BYIN PA'I TSE RANG GI LHA'I GZUGS KYIS NAM MKHA'I KHONGS THAMS CAD GANG BAR BYA'O, ,KHYAD PAR DU DBANG PO DANG DRAN PA'I YUL DU 'ONG BA THAMS CAD RANG GI LHA'I GZUGS SU BSAM MO, ,DE DAG LA SEMS PA NA'ANG 'DI LTAR YID LA BYA STE, 'DI THAMS CAD NI BDAG GI RNAM PAR RTOG PA LAS BYUNG BA STE JI LTAR BRTAGS PA BZHIN DU SO SOR SNANG BA MED KYI, RIGS PA DANG LUNG GIS DPYAD NA DON DAM PAR YOD PA MA YIN NO SNYAM DU BSAM MO, ,DE NAS YID RLUNG DANG BCAS PA SLAR BSDUS NAS RANG GI LHA LA DMIGS PAR BYA'O, ,DE LTAR GOMS PA'I MTHAR SNGAR BSHAD PA LTAR MTSAN MA RNYED PA NA DKYIL 'KHOR BRIS NAS MCHOD CING MTSAN THOG

THAG GCIG TU GNAS NAS BSGOM BZLAS BYAS NA, RANG GI LHA BYON NAS RANG GI LHA'I SKU PHYAG RGYA CHEN PO'I GZUGS GRUB PA DE LA STZOL LO, ,DE GNYIS KA'I SKABS SU SROG RTZOL BKAG NAS SGOM PAR BSHAD DO, ,DE GNYIS KA LA BSGOM PA ZHAN PAS BSHAD PA LTAR GYI DNGOS GRUB MA THOB NA'ANG MNGON SHES DANG TSE DANG STOBS DANG LUS BZANG PO LA SOGS PA'I DNGOS GRUB RNAMS NAN TAN MA BYAS KYANG 'GRUB PAR GSUNGS SO, ,DE LTAR BSGRUBS PA'I DNGOS GRUB DE NI RNAL 'BYOR RGYUD KYI GDUL BYA MCHOG RNAMS KYIS THOG MAR GRUB PA'I DNGOS GRUB BZANG SHOS CIG TU SNANG LA, BYA SPYOD LA NI SNGAR BSHAD PA'I RIG 'DZIN GYI DNGOS GRUB GRUB PA LUS KYI DNGOS GRUB CHEN POR SNANG NGO, ,GNYIS PA NI, BZLAS BRJOD KYI SGO NAS DNGOS GRUB SGRUB PAS NI RANG LHAR SGOM PA BYAS NAS, DE BZHIN GSHEGS PA'AM DE'I RIGS KYI SNYING PO GANG YIN PA DE ZLA BA BZHIR ZHAG RE RE LA THUN BZHI BZHIR BRGYA RTZA BRGYAD RE BZLAS BRJOD BYA BAS SNGON DU BSNYEN PA RDZOGS PAR BYA'O, ,DE NAS DNGOS GRUB MCHOG SGRUB PAR 'DOD NA RANG GI LHA'I RI MO'I SKU GZUGS KYI SPYAN SNGAR RANG GI LHA'I RNAL 'BYOR GANG YIN SNGON DU BYAS NAS ZLA BA BZHIR THUN BZHI RE RE LA SNGAR LTAR BZLAS BRJOD BYAS PA'I MTHAR, MTSAN THOG THAG GCIG BZLAS BRJOD BYAS NA NAM LANGS PA DANG RANG GI LHA'I GZUGS KYI DNGOS GRUB 'THOB BO, ,DAM TSIG GI PHYAG RGYA'I DNGOS GRUB SGRUB PAR 'DOD NA SNGAR BZHIN DU BSNYEN PA SNGON DU GTANG, DE NAS RANG GI LHA'I RI MO'I GZUGS KYI MDUN DU THUN BZHI RE RER DE BZHIN GSHEGS PA'I RIGS KYI SEMS MA RDO RJE MA'I DAM TSIG GI

, ,PHYAG RGYA BCINGS NAS, DE MI DGROL BAR BZLAS PA BYA STE SPYIR NA SNGAGS 'BUM SONG SONG DU BZLAS PA BYA'O, ,DE NAS PHYAG RGYA DE BCINGS TE MTSAN THOG THAG GCIG TU BZLAS BRJOD BYA STE DE'I TSE DUB NA YANG PHYAG RGYA DGROL LA SKYO BA SANGS PA DANG YANG BCING LA BZLA'O, ,DE LTAR YID RTZE GCIG TU BYAS TE DAM RGYA DE SPYI BOR BCINGS NAS 'BAR BAR MTHONG NA DE'I TSE PHYAG RGYA BCINGS PA LAS 'PHAR BAR 'GYUR RO, ,DE LTAR 'PHAR BA NA PHYAG RGYA BCINGS NAS STEGS BYAS PA TZAM GYIS NAM MKHA'I LA THOGS PA MED PAR 'GRO NUS PAR 'GYUR RO, ,DAM RGYA DE SMIN MTSAMS SU BCINGS NAS BZLAS BRJOD BYAS PA LAS GA-YO BAR MTHONG NA DE'I TSE PHYAG RGYA BCINGS PA TZAM GYIS RANG GANG 'DOD PA'I GZUGS SU GZHAN LA STON NUS PAR 'GYUR RO, ,GAL TE SNYING GA'I PHYOGS SU BZUNG ZHING BZLAS BRJOD BYAS PA LAS 'PHAR NA NI PHYAG RGYA DE BCINGS PA TZAM GYIS MI SNANG BA'I DNGOS GRUB 'THOB BO, ,CI STE PHYAG RGYA DES SGRA 'BYIN NA DE BZHIN GSHEGS PA'I RIGS KYI LHA THAMS CAD KYI SO SO'I DAM TSIG GI PHYAG RGYA THAMS CAD DAM GANG RUNG BCINGS NAS RANG GI SNYING PO BRJOD NA SO SO'I GZHUNG LAS JI SKAD GSUNGS PA'I LAS RNAMS BYED NUS SO, ,YANG ZLA BA BZHIR BSNYEN PA SNGON DU GTANG ZHING DE NAS RANG GI LHA'I SPYAN SNGAR ZLA BA GCIG LA THUN BZHI DANG DE NAS MTSAN THOG THAG GCIG TU BZLAS BRJOD BYAS NAS, GO CHA DANG DBYUG PA DANG SKUD PA DANG YUNGS KAR GYI THAL BA DANG, YUNGS KAR DANG, RDO RJE DANG PHUR BU DANG MDA' DANG GZHU DANG RAL GRI DANG BYI BRUN LA SOGS PA'I RDZAS GANG YANG RUNG BA LA SO SO'I SDIGS SAM, YANG NA RANG GI LHA'I

SNGAGS KYIS BTAB PA LUS LA BTAGS SAM LAG PAR BYIN NA SKYES PA DANG BUD MED DANG KHYE'U GDON GYIS ZIN PA DANG, MI DANG MI MA YIN DANG GDON GYI RIGS KYIS GNOD PA BYED DU DOGS PA DANG, GNOD PA BYED PA DAG LAS SRUNG ZHING GNOD PA DANG 'JIGS PA THAMS CAD LAS THAR BAR 'GYUR RO, ,GRONG DANG GRONG KHYER DANG YUL 'KHOR LA SOGS PAR DGRA DANG PHAS KYI RGOL BA DANG ME DANG CHU'I 'JIGS PA DANG, YAMS DANG NAD KYI GNOD PA DAG BYUNG DU DOGS NA SNGA MA BZHIN DU BSRUNG BA BYAS NA 'JIGS PA DE DAG LAS THAR BAR 'GYUR RO, ,YANG DGE MI DGE LA SOGS PA SHES PAR 'DOD NAS DBAB PAR 'DOD NA, TZAN DAN DKAR DMAR GANG RUNG DAG PA'I CHU DANG SPYAR TE LDE GUR BYAS PA LA SNGAGS LAN GCIG BZLAS PAS REG PA'AM, YANG NA RDO RJE DANG LCAGS KYU LA SOGS PA'I PHYAG RGYA BCINGS PA'AM, LUGS MA LA SOGS PAS REG STE PHAB NA BABS NAS GANG YIN SMRA ZHING GDON ZHI BA LA SOGS PA BYED DO, ,ZANGS MA DANG GYO MO DANG SHING LA SOGS PA'I BUM PA LA SNGA MA BZHIN DU BYAS NAS PHAB NA 'BAB PAR 'GYUR ZHING, RDZAS STOR BA GANG NA 'DUG PAR 'GRO BA'AM GANG GIS KHYER BA DE STON NUS PAR 'GYUR RO, ,DE BZHIN DU RIM PA GSUM SNGAR BSHAD PA BZHIN DU BYAS PA'I THA MA LA RMA BYA'I MJUG MA SBAMS PA'I NANG DU SHING LAS BYAS PA'I RDO RJE GZHUG LA SPYI BOR BCING, DE SEMS MA RDO RJE MA'I DAM RGYAS MNAN NAS PHYAG RGYA THAMS CAD ZHUGS KYI BAR DU BZLAS BRJOD BYAS LA, RTAGS BYUNG PHYIN CHAD SGRO DE BSKOR BAS RANG NYID KYIS GZUGS THAMS CAD STON NUS PA DANG, 'JIG RTEN PA'I DGOS PA'I LAS THAMS CAD STON PA DANG, PHYOGS BCU'I RGYAL BA 'KHOR

, ,BCAS STON ZHING RANG NYID SANGS RGYAS KYI SKUR YANG STON PAR NUS SO, ,ZLA BA BZHI'I BSNYEN PA SNGON DU SONG NAS RANG GI LHA'I SPYAN SNGAR SNGAR GYI DAM RGYA BCINGS TE ZLA BA GCIG TU DUS BZHIR BZLAS BRJOD BRGYA RTZA BRGYAD BYAS PA ZIN PA DANG, DKYIL 'KHOR BRIS NAS MTSAN THOG THAG GCIG TU DAM RGYA BCINGS TE BZLAS BRJOD BYAS PAS, PHYAG RGYA 'BAR BAR MTHONG BA'I 'OG TU SEMS CAN GANG DBANG DU BYA BAR 'DOD PA DE'I SEMS SU ZHUGS SHING DE LA RJES SU CHAGS NAS BZLAS BRJOD BYAS PA DE DBANG DU 'GYUR TE, BSRUNG BA DANG DBAB PA DANG DBANG DU BYA BA'I LAS SO, ,BYAMS PA LA SOGS PA'I TING NGE 'DZIN YANG BZLAS BRJOD BYAS PAS 'GRUB PA'I TSUL RNAMS AA BA TA RA LAS GSUNGS SO, ,DE DAG LA 'DUG STANGS DANG BZLAS BRJOD KYI SGRA 'DON LUGS DANG, YID KYI BSAM PA DANG LTA BA'I TSUL BZHI DANG SO SO'I DAM TSIG DANG TSOGS BSAG PA DANG, BGRANG PHRENG DANG LAG PAS 'DREN TSUL SOGS RGYUD RNAMS NAS BTUS TE CHO GA TSANG BAR AA BA TA RA RTZA 'GREL LAS BSHAD DO, ,GSUM PA NI, SDIG PA ZHI BA DANG RIGS RGYAS PA LA SOGS PA'I THAB KHUNG SO SOR LHA'I RNAL 'BYOR SNGON DU SONG BAS NYI MA RE RE ZHING SBYIN SREG BYAS TE RANG DAM GZHAN LA SDIG PA ZHI BA LA SOGS PA'I MTSAN MA BYUNG BYUNG GI BAR DU BYAS NAS LAS SO SO SGRUB PAR BSHAD DO, ,DE LTAR NA DANG POR DNGOS GRUB KYI 'BYUNG GNAS DAM TSIG DANG SDOM PA DAG PAR BYAS NAS DE NAS THUN BZHIR MTSAN MA YOD MED KYI RNAL 'BYOR LA 'BAD DE NUS PA RNYED PA DANG, DE NAS THUN MONG DANG THUN MONG MA YIN PA'I DNGOS GRUB RNAMS BSGRUBS NAS LAM

GYIS GCOD PA'I TSUL 'DI RGYUD SDE 'OG MA GSUM LA SHES DGOS KYI, RLUNG DANG BZLAS PA DANG STONG PA DANG LHA'I RNAL 'BYOR RNAMS LA GCIG DRIL BYAS PAS LAM BGROD PAR 'DOD NA MI RUNG NGO, ,'DI DAG LA BSKYED RIM GYI GNAD RDZOGS PA DANG, RDZOGS RIM GYI GNAD RNAMS MED PA'I PHYIR DNGOS GRUB KHYAD PAR CAN RNAMS BSGRUBS NAS LAM BGROD DGOS LA, DE'I GNAD RNAMS SHES PAR BYA BA'I PHYIR DUM BU DANG PO'I DBANG DU BYAS NAS DNGOS GRUB SGRUB LUGS RGYUD NA 'THOR BA RNAMS LEGS PAR BSDUS NAS STON PA'I AA BA TA RA DANG DE'I 'GREL PA SLEB DPON SKAL BZANG RDO RJE MDZAD PA LAS MDO TZAM ZHIG BLANGS TE BSHAD PA YIN NO, ,'DIR SMRAS PA, RNAL 'BYOR RGYUD RNAMS KUN GYI MCHOG GYUR PA, ,DPAL LDAN DE NYID BSDUS PA'I 'O MA'I MTSO, ,MKHAS PA GSUM GYI GZHUNG GI SRUB SHING GIS, ,LEGS PAR BSRUBS LAS BYUNG BA'I BDUD RTZI MCHOG ,DRI MED DBANG GIS SMIN ZHING SDOM LA GNAS, ,DE YIS THUN BZHIR BZLAS SHING BSGOMS PA YIS, ,LHAG PA'I LHA YI SKU GSUNG THUGS DANG NI, ,RANG GI SGO GSUM GCIG TU SBYOR BYED PA'I, , RNAL 'BYOR GSUM GYIS SEMS NI LEGS SBYANGS PAS, ,DNGOS GRUB SGRUB PA'I SGO GSUM GANG RUNG DU, ,ZHUGS NAS RANG GI LHA YIS MCHOG BSTZAL BAS, ,LAM BZANG BDE BLAG BGROD PA 'DI YIN NO, ,DE PHYIR PHYAG RGYA 'CHING BA'I RIM PA DANG, ,CHOG KHRIGS RIM PA TZAM ZHIG SHES PA LA, ,RNAL 'BYOR RGYUD DON SHES PAR SMRA MOD KYANG, ,LAM GYI GNAD RNAMS DA GDOD BTZAL DGOS SO, ,RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR PHYE BA LAS RNAM 'BYOR RGYUD KYI LAM BGROD

, ,PA'I RIM PA STE LE'U BZHI PA'O,, ` ,,GSUM PA RNAL 'BYOR BLA MED KYI LAM GYI RIM PA LA GSUM, LAM SDUD PA'I SPYI'I CHINGS BSHAD PA DANG, LAM GYI GO RIM BSHAD PA DANG, GO RIM CAN GYI LAM NYID BSHAD PA'O, ,DANG PO NI, 'DIR RNAL 'BYOR BLA MED KYI LAM GYI RIM PA 'CHAD NA DON TSAN DU ZHIG TU SDUD SNYAM NA, DON TSAN 'DI DANG 'DIR LAM GYI RIM PA SDUD DO ZHES SPYI'I CHINGS MI 'DRA BA MANG BA MKHAS PA DAG GIS BYAS PA RNAMS SHES NA RNAM DPYOD CAN RNAMS KYI BLO GROS 'PHEL BAS DE'I SGO RNAMS BRJOD NA, SLOB DPON SKAL BZANG RDO RJE'I LAM RIM LAS, SNGON DU PHAR PHYIN GYI THEG PA'I LAM RIM BSHAD NAS DE NAS SNGAGS KYI THEG PA'I LAM RIM STON PAS NA CHO GA LNGAR BSDUS TE, MA SMIN PA SMIN PAR BYED PA DBANG GI CHO GA DANG; SMIN PA MI NYAMS PAR BYED PA DAM TSIG BSRUNG BA'I CHO GA DANG, BLA MA LAS RGYUD MNYAN NAS MTSAN NYID SHES PAR BYED PA'I CHO GA DANG, BYANG CHUB 'GRUB PAR BYED PA SEMS SBYANG BA'I CHO GA DANG, DE MTHAR PHYIN PA'I THABS SPYOD PA DAG PA'I CHO GA STE, DE'I LAM RIM LAS, SKAL BA DANG LDAN GANG ZAG GIS, ,BLA MA DAM PAR GYUR PA LA, ,SEMS BSKYED SDOM BLANG DBANG NOD CING, ,DE NYID BSRUNG DANG MTSAN NYID SHES, ,SEMS SBYANG SPYOD PA DAG PA DANG, ,CHO GA LNGA YI MTSAN NYID DO, ,ZHES SO, ,RGYAN BDUN DGROL BA LAS NI, RNAL 'BYOR RGYUD TSUL GANG LA YANG, ,RGYUD TSUL RNAM PA GSUM DU SNANG, ,RGYU YI RGYUD DANG THABS KYI RGYUD, ,'BRAS BU'I RGYUD CES MKHAS PAS BSHAD, ,CES DANG, RNAL 'BYOR BLA MA'I RGYUD 'DZIN PAS, ,'BRAS BU RGYU LA RAG

LAS TE, ,SA BON LTA BU'I GANG ZAG LNGA, ,SPANG BLANG BYE BRAG SHES PAR BYA, ,DE NAS RIM PAR DBANG BLANGS TE, ,THABS KYI RGYUD LA 'JUG PAR BYA, ,DANG PO NYAN PA'I SHES RAB KYIS, ,TSIG GI RGYUD LA THOS PA BSKYED, ,DE NAS BSAMS PA'I SHES RAB KYIS, ,TSIG DANG DON DU 'BREL BA BSLAB, ,DE NAS BSGOM PA'I BLO RTZAL GYIS, ,DANG POR BSKYED PA'I RIM LA BSLAB, ,DE RJES RDZOGS PA MTHAR DBYUNG STE, ,KHA SBUG RDOL DANG DUG CAN GYI, ,SKYON RNAMS SPANGS TE RGYUN GNAS NA, ,CHU LUD RKYEN GYIS 'BRAS SKYED BZHIN, ,'BRAS BU MNGON 'GYUR THE TSOM MED, ,CES RGYU RGYUD NI SGRON GSAL LAS GSUNGS PA LTAR GYI GANG ZAG LNGA DBANG THOB PA DANG, THABS RGYUD NI THOS BSAM GYI SHES RAB LA BRTEN NAS RGYUD DON NGES PAR BYAS TE RIM GNYIS LA RIM CAN DU SLOB PA STE, DE LTAR BYAS NA 'BRAS BU'I RGYUD MNGON DU 'GYUR BAR SHRADH'A ? KA RA WARMA BZHED DE, 'DUS PA'I RGYUD PHYI MA LAS RGYUD GSUM DU BSDUS NAS GSUNGS PA LA BRTEN PA'O, ,DGRA NAG GI LE'U DANG PO'I 'GREL PA RIN CHEN SGRON ME LAS, GANG ZAG MCHOG GI DBANG DU BYAS PA LA THAMS CAD DU 'GRO BA DAM TSIG DANG, DAM TSIG LA BRTEN PA DBANG BSKUR DANG, DBANG THOB PAS BSNYEN PA BYA BA DANG, BSNYEN PA SONG BAS SGRUB PA BYA BA DANG, SGRUB PA GRUB PA'I 'BRAS BU DANG, 'BRAS BU THOB PAS GZHAN DON_BYED PA'I LAS TSOGS TE DRUG TU BSDUS LA, MCHOG MI 'GRUB PA'I GANG ZAG DMAN PA'I DBANG DU BYAS PA LA DAM TSIG DANG, DBANG BSKUR DANG, BSNYEN PA DANG, LAS TSOGS TE BZHIR BSDUS NAS GSUNGS SSO, ,YE SHES RDO RJE KUN LAS NI, CHAGS CAN GYI THEG PAS 'TSANG RGYA BA'I TSUL RNAMS BZHIR

, ,BYAS, KHYOD KYIS DKYIL 'KHOR CHEN PO MA MTHONG BA RNAMS LAM SMRA ZHIG ,DAM TSIG NYAMS PAR GYUR TA RE, ZHES SOGS GSUNGS SHING, KLU BYANG DANG LA BA PA SOGS KYI DKYIL CHOG KHUNGS THUB DU MAR YANG DE BZHIN DU GSUNGS SO, ,DKYIL 'KHOR MTHONG BA YANG CHO GA JI LTA BA BZHIN DU BCUG NAS LHA NGO BSTAN PA LA SH'AKYA BSHES GNYEN GYIS BSHAD PA LTAR CHU DBANG SOGS BSKUR BA'I SNGA ROL TU DKYIL 'KHOR DU 'JUG PA'I DKYIL 'KHOR YIN GYI DKYIL 'KHOR GZHAN SKABS DE'I DKYIL 'KHOR LA BSHAD DU MI RUNG NGO, ,DES NA ZUNG 'JUG GSAL BA LAS, DBANG BSKUR BA 'DI RNAMS KYANG DKYIL 'KHOR DU BCUG LA SBYIN PAR BYA STE, ZHES PHRENG BA'I DBANG NAS DBANG BZHI PA'I BAR BSHAD PA'I 'OG TU GSUNGS PA LTAR, DKYIL 'KHOR DU BCUG CING BSTAN PA LA DBANG BSKUR GYI DKYIL 'KHOR DU MA BCUG PA LA BYAR GTAN MI RUNG NGO, ,DBANG BSKUR BA NA'ANG SNGON LA 'OG MA'I DBANG MA BSKUR BAR GONG MA GONG MA'I DBANG BSKUR BA NI GTAN MI RUNG BAS, BLA MED KYI DBANG GANG YANG MA THOB PA'I LAS DANG PO BA ? LA DBANG 'OG MA RNAMS DANG DAM TSIG DANG SDOM PA 'DZIN PA'I SKOR RNAMS KYANG DOR NAS, DBANG PHYI MA RNAMS NYI TSE BSKUR TE LAM STON PA NI RANG DANG GZHAN LA PHUNG KROL CHEN PO SKYED PA YIN PAS, RGYUD DON SHES PA RNAMS KYIS SPANG BAR BYA STE, DE LTA MA YIN NA BSKYED RIM GYI SNOD DU MI RUNG BAS KYANG RIM PA GNYIS PA SGRUB TU RUNG BA DANG, DBANG SNGA MA RNAMS GANG YANG MA THOB PAR YANG DBANG BZHI PA BSKUR DU RUNG BAR YANG 'GYUR TE, RIM PA DANG PO'I SNOD RUNG DU SGRUB PA'I DBANG MA THOB PAR YANG RDZOGS RIM GYI SNOD RUNG DU

SGRUB PA'I DBANG BSKUR BAS CHOG PA'I PHYIR DANG, SLOB MA'I DBANG DANG DE'I GONG MA'I DBANG RNAMS LA GO RIM NGES PA MED NA DBANG GZHAN RNAMS LA'ANG RIGS PA JI LTA BA BZHIN DU MTSUNGS PA'I PHYIR RO, ,GSANG BA'I DBANG LA SOGS PAS RDZOGS RIM GYI SNOD RUNG DU SGRUB PAR GSUNGS PA YANG DBANG SNGA ? MA RNAMS KYIS GDUL BYA DE BSKYED RIM GYI SNOD RUNG DU BSGRUBS ZIN PA LA DGONGS PA YIN GYI, DE DAG 'BA' ZHIG GIS SGRUB NUS PAR 'DOD NA NI DBANG PHYI MA GSUM LA YANG RDZOGS RIM GYI KHYAD PAR SO SO LA DBANG BA RIM LNGA SOGS NAS GSUNGS PA DANG, CHU COD PAN LA SOGS PA LA YANG RIGS SO SO'I DNGOS GRUB SGRUB PA LA DBANG BAR 'DOD DGOS PAS, DE DAG LA YANG SNGA MA RNAMS MED PAR PHYI MA RNAMS BSKUR DU RUNG BA YANG 'DOD PAR GYIS SHIG ,GZHAN YANG RJE BTZUN RTZE MO'I GSUNG NAS, DBANG BSKUR BYAS KYANG YID BRTAN DU MI BTUB PA CI YIN GTOL MED PA BLUN PO SLU BA DANG 'DRA BAR SNANG BA DANG, YANG BYIN RLABS PHRA MOS DBANG BSKUR GYI GO BCAD NAS ZAB MO STON PA'I RDO RJE THEG PA'I GZUGS BRNYAN SPANG BAR BYA'O ZHES GSUNG PA YANG SHIN TU MED PAS, RGYUD SDE NAS BSHAD PA'I DKYIL 'KHOR MTSAN NYID DANG LDAN PAR GO RIM 'GANGS CAN RNAMS MA 'KHRUGS PAR CHO GA TSANG BAS DBANG BSKUR NA YANG DAG PA'I GDAMS NGAG GI SNOD DU RUNG BA SOGS KYI YON TAN 'BYUNG GI ,DE LAS GZHAN PA'I CHO GAS NI 'BRAS BU SKU BZHI'I SA BON KHYAD PAR CAN YANG MI THEBS SHING, DNGOS GRUB 'GRUB PA'I GER KYI SGO GSUM GYI DRI MA YANG 'KHRUD MI NUS LA, GDAMS PA'I MCHOG RGYUD DANG DGONGS 'GREL ZAB MO NYAN PA LA SOGS

, ,PA'I SNOD DU YANG SGRUB MI NUS PAS RDO RJE THEG PA'I RMA BA ? 'DZUGS PA 'DI'I SKABS SU 'BAD PAR RIGS SO, ,GNYIS PA LA GNYIS, MA BRTAGS PAR ZHUGS PA'I NYES DMIGS DANG, BRTAG PA'I THABS BSTAN PA'O, ,DANG PO NI, BLA MAS SLOB MA'I SNOD MA BRTAGS PAR SU RUNG RUNG LA DBANG BSKUR NA, SNOD MIN GYIS DAM TSIG SRUNG BAR MI NUS PAS 'DI PHYI GNYIS KAR PHUNG LA, DE'I PHYIR SNOD MIN LA BSTAN PA'I NYES PA MANG PO 'BYUNG BAS DAM TSIG NYAMS PAR 'GYUR BA DANG, RANG GI DNGOS GRUB 'GRUB PA RGYANG RING DU BYED PA DANG BGEGS KYIS 'TSE BA SOGS 'BYUNG LA, SLOB MAS KYANG BLA MA'I MTSAN NYID MA BRTAGS PAR GANG YANG RUNG BA LA DBANG BLANGS NA, LOG PA'I BSHES GNYEN GYIS BSLUS PAR 'GYUR BA DANG, SLOB DPON GYI DAM TSIG GSUNGS PA RNAMS BSRUNG BAR MI NUS PAS DNGOS GRUB KYI RTZA BA 'CHAD PA DANG, BGEGS KYIS 'TSE BA LA SOGS PA'I NYES DMIGS RNAMS 'BYUNG NGO, ,DE'I PHYIR PHAN TSUN LEGS PAR BRTAG DGOS TE, BLA MA LNGA BCU PA LAS, BLA MA DANG NI SLOB MA DAG ,MTSUNGS PAR DAM TSIG NYAMS 'GYUR BAS, ,DPA' BOS DANG POR SLOB DPON DANG, ,SLOB MA'I 'BREL PA BRTAG PAR BYA, ,ZHES DANG, RDOR PHRENG GI GNYIS PA LAS KYANG, JI LTAR RIN CHEN BDAR BA DANG, ,GSER NI BSREG DANG BCAD PAS BRTAG ,DE BZHIN DU NI SLOB MA YANG, ,LO NI BCU GNYIS BAR DU BRTAG ,DE PHYIR PHAN TSUN DE LTA BUS, ,DUS KUN DU NI DE LTAR BRTAG ,GZHAN DU BGEGS NI 'BYUNG 'GYUR TE, ,DNGOS GRUB 'JOMS SHING SDUG BSNGAL STER, ,ZHES DANG, DE'I NGA BZHI PA LAS KYANG, JI LTAR SENGGE'I 'O MA NI, ,SA

YI SNOD DU GZHAG MI BYA, ,DE BZHIN RNAL 'BYOR CHEN PO'I RGYUD, ,SNOD MIN DAG LA SBYIN MI BYA, ,SLOB MA SKAD CIG DE LA 'CHI, ,'DI DANG PHA ROL TU NI PHUNG, ,SNOD MIN MAN NGAG RAB BSHAD NA, ,SLOB DPON DNGOS GRUB NYAMS PAR 'GYUR, ,ZHES DANG, PHYAG CHEN THIG LE'I GNYIS PA LAS KYANG, JI LTAR BSREG LA SOGS PAS GSER, ,JI LTAR MKHAS PAS RIN PO CHE, ,JI LTAR BDE LDAN BU MO NI, ,DE LTAR SLOB MA BRTAG PAR BYA, ,DE BAS THAMS CAD RAB 'BAD DE, ,PHAN TSUN SO SOR BRTAG PAR BYA, ,DE LTA MIN NA SKYON DU 'GYUR, ,NAM YANG DNGOS GRUB THOB MI 'GYUR, ,ZHES SO, ,LO BCU GNYIS NI MYUR POR MA SHES NA DE TZAM DU BRTAGS PAS NGES PAR SHES PA LA DGONGS KYI CI NAS KYANG DE TZAM ZHIG BRTAG DGOS PA NI MIN NO, ,GNYIS PA NI, BRTAG BYA'I SLOB DPON NI GNYIS TE, SNGAGS LA GZHOL BA BSKYED RIM PA'I SLOB DPON DANG, BSAM GTAN LA GZHOL BA RDZOGS RIM PA'I SLOB DPON NO, ,DE LTAR YANG KLU'I BLOS, DE BZHIN GSHEGS PAS RDO RJE YI, ,THEG PAR SLOB DPON RNAM GNYIS GSUNGS, ,GCIG NI GSANG SNGAGS GTZOR BYED 'GYUR, ,GCIG NI BSAM GTAN LA GZHOL BA, ,ZHES DBYE BA GSUNGS LA, DE DAG GI MTSAN NYID KYANG, GSANG SNGAGS SMRA GNAS RNAL 'BYOR PA, ,LHA LA DMIGS PA LHUR LEN PAS, ,DE LAS MTSAN MA RNYED GYUR TE, ,RDUL TSON DKYIL 'KHOR BRI BAR BYA, ,GSANG SNGAGS TSUL GNAS RNAL 'BYOR PA, ,GNYIS MED YE SHES SBYOR LDAN PAS, ,SGYU MA LTA BU'I LUS KYIS NI, ,'KHOR LA SGYU MA LTA BU BRI, ,ZHES GSUNGS SO, ,SNGAGS LA GTZO BOR BYED PA NI SGOM PA LHUR MI LEN PA MIN TE, LHA'I

, ,RNAL 'BYOR LHUR BLANGS NAS SEMS DAG PA'I MTSAN MA RNYED PA LA GSUNGS PAS SO, ,SNGAGS DANG BSAM GTAN LA GTZO BOR BYED PA GNYIS KYANG LAM SO SOR ZHUGS PA MIN TE, THUN BZHI'I RNAL 'BYOR GYIS BSKYED RIM BRTAN PAR BYAS NAS RDZOGS RIM LA 'JUG PA'I RIM PA NGES PA NI 'PHAGS PA YAB SRAS KYI BZHED PA DAM PA YIN PA'I PHYIR RO, ,DES NA BSKYED RIM GYI SKABS KYI DBANG BSKUR BA'I SLOB DPON GYIS NI THUN BZHIR LHA'I RNAL 'BYOR LA SGOM PA GTZO BOR BYAS NAS SNGAGS BZLA DGOS PAS SNGAGS LA GTZO BOR BYED PA ZHES GSUNGS LA, RDZOGS RIM PA'I SLOB DPON GYIS DBANG BSKUR BA LA NI SNGA MA LTA BU MI DGOS PAS, GNYIS SU MED PA'I YE SHES ZUNG 'JUG DANG SGYU LUS KYI BSAM GTAN LA GZHOL BA'I SGO NAS BYAS PAS CHOG PA LA BSAM GTAN LA GZHOL BA ZHES GSUNGS KYI BSAM GTAN GANG RUNG RUNG MIN NO, ,RDZOGS RIM PA'I SLOB DPON GYIS DBANG BSKUR BA YIN NA NI BSKYED RIM GYI SLOB DPON LA DGOS PA'I MTSAN NYID THAMS CAD YAR LDAN DU TSANG ZHING YON TAN LHAG DANG BCAS PA YIN TE SHIN TU DKON NO, ,DE MED KYANG BSKYED RIM PA'I SLOB DPON GYIS KYANG DBANG BSKUR BA'I SLOB DPON MTSAN NYID TSANG BA RUNG BAS 'DIR DE'I BRTAG THABS STON TO, ,DE'I MTSAN NYID NI, RDOR PHRENG GI RE BZHI PA LAS, ZHI BA LA SOGS LAS LA BYANG, ,SNGAGS DANG RNAL 'BYOR CHO GA SHES, ,DE NI BLA MAR MNGON PAR BSNGAGS, ,TSUL KHRIMS DAG CING SBYIN PA GTONG, ,BZOD DANG BRTZON 'GRUS MCHOG DANG LDAN, ,NYIN DANG MTSAN DU SGOM LA ZHE NA, ,SHES RAB LDAN ZHING BZO LA MKHAS, ,

BLA MA'I PHYIR NI YON TAN TSOGS, ,DPAL LDAN SLOB DPON ZHES NI BRJOD, ,NANG GI GSANG 'DUS LA RAB DGA', ,PHYI ROL NYAN THOS KYI SPYOD PA, ,DE LTA'I MAN NGAG RIM PA YIS, ,SLOB MA RNAMS LA RJES SU BSLABS, ,DE NI STON PAR YONGS SU SHES, ,ZHES TSUL KHRIMS DAG PA SOGS PHYIN DRUG DANG LDAN PA DANG, NANG DU 'DUS PAS MTSON NAS BLA MED KYI THEG PA'I LAM SKYONG ZHING PHYI'I KUN SPYOD SO THAR DANG MTHUN PAR 'JUG PA'I SGO NAS SLOB MA 'KHRID PA LA GSUNGS SHING, GZHAN YANG DE NYID BCU SHES PA SOGS MANG DU GSUNGS SO, ,RGYUD NAS MTSAN NYID RDZOGS PAR GSUNGS PA'I TSANG BA MA RNYED NA SKYON YON MNYAM PA DANG SKYON SHAS CHE BA SPANGS NAS YON TAN LHAG PA LA BRTEN PAR BYA STE, DON DAM BSNYEN PA LAS, RTZOD LDAN DBANG GIS BLA MA SKYON DANG YON TAN 'DRES, ,RNAMS PA KUN DU SDIG PA MED PA YOD MA YIN, ,GANG ZHIG YON TAN LHAG PA YANG NI LEGS DPYAD NAS, ,BU RNAMS KYIS NI DE LA BRTEN PAR 'GYUR BA'O, ,ZHES SO, ,MED DU MI RUNG BA'I MTSAN NYID NI BOD KYI MKHAS PA DAG DBANG YONGS SU RDZOGS PA THOB CING DAM TSIG DANG SDOM PA LA GNAS PA, BLA MA BRGYUD PA'I PHYAG LEN MTHONG BA'I SGO NAS DE NYID BCU SHES SHING DBANG BSKUR GYI CHO GA LA MKHAS PA, BSNYEN PA SNGON DU SONG BAS LHAS GNANG BA 'AM MA BKAG PA STE CHOS GSUM LDAN ZHIG NGES PAR DGOS ZHES GSUNGS STE DE KHO NA BZHIN DU 'THAD DO, ,SNGAGS KYI SDOM PA LA GNAS PA LA NI RTZA LTUNG DANG MI LDAN PA DGOS PAS DE GAL CHE STE, GUR GYI BRGYAD PA LAS, RTZA BA'I LTUNG BA RAB 'JOMS SHING, ,SNGAGS DANG RGYUD KYI RAB SBYOR GYIS, ,'JIG RTEN RNAMS LA

, ,BDE STER BA, ,DE 'DRA'I BLA MA DNGOS BYAS NAS, ,ZHES SLOB DPON GYI MTSAN NYID DU RTZA LTUNG BRAL BA GSUNGS PA'I PHYIR RO, ,SDOM 'BYUNG GI BCO BRGYAD PA LAS KYANG, RTZA BA'I LTUNG BA YONGS SPANG ZHING, ,SBOM PO'I LTUNG BA RNAM PAR SPANG, , ZHES SLOB MA LA 'BOGS PA'I DAM TSIG TU GSUNGS LA, DE NI 'BOGS PA PO LA LHAG PAR YANG LDAN DGOS SO, ,BRTAG BYA SLOB MA'I MTSAN NYID LA, DE NYID BSDUS PA'I DUM BU DANG PO LAS, DKYIL 'KHOR CHEN PO 'DIR GZHUG PA LA SNOD DU GYUR PA DANG SNOD DU MA GYUR PA BRTAG MI 'TSAL LO, ,ZHES DKYIL 'KHOR DU GZHUG PA DANG, ZHUGS PA LA DBANG BSKUR BA GNYIS LAS, DANG PO TZAM BYED PA LA SLOB MA'I MTSAN NYID BRTAG MI DGOS PAR GSUNGS SO, ,RDO RJE 'BYUNG BA LAS KYANG, GANG ZHIG SDOM PA 'DZIN PAR MI BYED PA DE LA NI DENG KHYOD CES BYA BA LA SOGS PA RNAMS BRJOD PAR MI BYA STE SLOB DPON DU RJES SU GNANG BA DANG DBANG BSKUR BAR MI BYA'O, ,'JUG PA TZAM ZHIG BYED DU GZHUG GO ,ZHES SDOM PA GNYIS GANG YANG 'DZIN MI NUS PA LA ME TOG DOR NAS LHA NGO STON PA YAN CHAD KYI 'JUG PA TZAM ZHIG BYED CING DAM GZHAG GI SKOR RNAMS 'DOR BAR GSUNGS SO, ,SANGS RGYAS GSANG BAS RNAM SNANG MNGON BYANG GI DGONGS PA YANG DE BZHIN DU BKRAL LA, DGRA NAG GI 'GREL PA RIN CHEN SGRON ME LAS DE NYID SNANG BA KHUNGS SU DRANGS NAS SROG GCOD LAS LDOG NA DE LTAR BYA RUNG BAR GSUNGS SO, ,DBANG BSKUR BA LA NI THUN MONG BA BYANG SEMS KYI SDOM PA SRUNG GI SNGAGS KYI SDOM PA SRUNG MI NUS PA LA SLOB MA'I DBANG TZAM

DANG, SDOM PA GNYIS KA SRUNG BA LA SLOB DPON GYI DBANG YANG BSKUR BAR GSUNGS PAS BSRUNG SDOM LA BRTAGS NAS DBANG BSKUR BA NI SLOB MA BRTAG PA'I GAL CHE SHOS SU SNANG NGO, ,'PHRENG BA LAS KYANG, LEGS PAR BRTAGS PA NGA RGYAL LA SOGS PA'I SKYON DANG BRAL BA, DGE BSNYEN LA SOGS PA'I BSLAB PA LA GNAS PA, THOS PA LA SOGS PA YONGS SU SBYANGS PA DANG LDAN PA, RDO RJE SEMS DPA'I SDOM PA GZUNG BAR RUNG BA RNAMS NI RIGS DANG MDOG DANG GZUGS DANG BRAL BA RNAMS KYANG LHAG PAR GNAS PAR BYA STE, GAL TE DE RNAMS KYANG DAD PAS RDO RJE SEMS DPA'I SDOM PA DON DU GNYER ZHING RDO RJE THEG PA LA STON PA GZHAN MI 'TSOL BAR GYUR NA'O, ,ZHES SDOM PA LA DON GNYER CHE ZHING RDO RJE THEG PA LA DAD PA BRTAN PA STE CHOS GNYIS NI DBANG RDZOGS PAR BSKUR DU RUNG BA'I SLOB MA LA NGES LDAN DU GSUNGS SO, ,RGYUD RDOR PHRENG GI RE BZHI PA LAS, DAD CING BLA MA LA GUS PA DANG RGYUN DU DGE BA LA SBYOR BA DANG, SGYU MED CING LUNG MANG DU THOS PA DANG, SEMS CAN RNAMS 'DON PA'I BLO DANG LDAN PA SOGS KYI MTSAN NYID GSUNGS PA YANG SDOM PA GNYIS SRUNG BAR NUS NA TSANG NAS 'ONG LA, SPYI RGYUD LAS RIGS DANG NA TSOD DANG LDAN ZHING BSTAN BCOS MANG DU SHES PA'I YON TAN LA SOGS PA'I MTSAN NYID MANG PO BSHAD NAS, DMIGS BSAL DU, SLOB MA YAN LAG MA NYAMS DANG, ,LHAG PAR YON TAN LDAN PA DANG, ,NAD MED RIGS NI BTZUN PA DANG, ,DAD CING BRTUL ZHUGS LDAN PA DKON, ,DKON MCHOG GSUM LA GANG DAD CING, ,THEG PA CHEN PO'I LUGS LA DGA', ,BSOD NAMS 'DOD PA'I SEMS CAN NI, ,CHEN PO DE DAG MDOR

, ,GZUNG NGO, ,BDER GSHEGS GSANG SNGAGS SGRUB PA LA, ,DON GNYER BRTZON PA SLOB MA NI, ,GZUGS NGAN YON TAN MI LDAN YANG, ,BLO DANG LDAN PAS GZHUG PAR BYA, ,ZHES KYANG GSUNGS SO, ,DE YANG SPYI RGYUD LAS, DKYIL 'KHOR CHOG 'KHOR BZHI PO, ,THEG PA CHE LA DGA' BA'I BDAG ,RANG GI BSLAB PA LA BRTZON PA, ,KUN GYI CHO GA YIN PAR BZHED, ,CES DGE SLONG LA SOGS PA'I 'KHOR BZHI PO RANG RANG GI SO THAR GYI BSLAB PA LA BRTZON ZHING, RDO RJE THEG PA LA SHIN TU DGA' BA LA DKYIL 'KHOR GYI CHO GA BYA BAR GSUNGS PAS, RDO RJE MKHA' 'GRO MAS DGE SLONG LA DE NYID MI BSTAN PAR GSUNGS PA NI THEG CHEN LA MI MOS PA'I DGE SLONG NGO, ,SHANTI PA DANG AA BHYAS, RKANG PA GNYIS PAS NI 'GAL BA SPANG BA'I DON DU THEG PA 'DI LA YID LAS GTZO BOR STON PAR BYED DO, ,ZHES GSUNGS PA NI SNGAGS KYI KUN SPYOD DANG SO THAR GYI BSLAB PA LA BRTZON PA GNYIS MI 'GAL BAR STON PA'O, ,GSUM PA LA GSUM, SLOB MAS GSOL BA GDAB PA DANG, SLOB DPON GYIS BSRUNG BA BYA BA DANG, SNGON DU BSNYEN PA BYA TSUL LO, ,DANG PO NI, DE LTAR BRTAGS PAS RUNG BAR SHES NA BLA MA LA DBANG GI DON DU GSOL BA GANG BA STE, RDO RJE MKHA' 'GRO'I ZHE DRUG PA LAS, SLAR YANG DKYIL 'KHOR BRI BA'I PHYIR, ,SLOB MA YIS NI BLA MA LA, ,YANG DANG YANG DU GSOL BAR BYA, ,ZHES GSUNGS PAS SO, ,DE YANG MAndALA PHUL TE PHYAG BYAS LA, PUS MO BTZUGS SHING THAL MO SBYAR NAS, PRADZNY'A RAKshI TAS, THAMS CAD MKHYEN PA'I STON PA PO, ,'JIG RTEN GSUM GYI 'DREN MDZAD LHA, ,'KHOR BA 'DAM GYI TSOGS NANG DU, ,BYING BA SKYABS MED

BDAG LA SKYOBS, ,RDO RJE BLA MA MDZAD DU GSOL, ,ZHES GSUNGS PA LTAR LAN GSUM GSOL BA GDAB STE, LNGA BCU PA LAS, MDUN DU DUL BAR 'DUG PA DANG, ,GOS SOGS TSUL NI BSDAMS PA DANG, ,PUS BTZUGS THAL MO SBYAR BA YIS, ,NYAN SOGS 'DOD PAS GSOL GSUM GDAB, ,CES GSUNGS PA'I PHYIR RO, ,SNOD RUNG DU SHES NA GSOL BA MA BTAB KYANG BSKUL NAS DBANG BSKUR BA YANG RUNG STE, RNAM SNANG MNGON BYANG LAS, YANG NA BDAG GIS SEMS CAN DAG ,SNOD DU RUNG ZHING NYES BRAL BA; ;MOS MANG BRTAN LA DAD PA CAN, ,GZHAN LA PHAN DGA' MTHONG NAS NI, ,DE LTA BU YI SLOB MA DE, ,SHES NAS SLOB DPON BDAG NYID KYIS, ,MA GSOL BAR NI DE BOS TE, ,PHAN 'DOD PHYIR NI 'DI SKAD BYA, ,ZHES GSUNGS SO, ,GNYIS PA NI, RDO RJE MKHA' 'GRO'I ZHE DRUG PA LAS, GSOL NAS BLA MAS SMRA BYAS TE, ,YO BYAD THAMS CAD 'BYOR RAM CI, ,CUNG ZAD CIG NI 'BYOR GYUR LA, ,KHA CIG DAG NI MA 'BYOR ZHES, ,SMRA NA SLOB DPON BDAG NYID KYIS, ,DE YI SEMS NI BRTAG PAR BYA, ,BRTAN PA LAS NI BRTAN PAR TE, ,GA-YO BA LAS NI GA-YO BA RU, ,'DREN MA LAS NI 'DREN MAR SHES, ,SLOB MA YI NI RKANG MTHIL DU, ,GZHU 'DRA'I RLUNG GI DKYIL 'KHOR BSAM, ,LTE BAR YE SHES ME 'BAR BA, ,DE YI 'OD ZER SNYING GAR 'BAR, ,'BAR BAS KUN NAS 'KHRIGS PAR BSGOM, ,BAm LAS BYUNG BA'I MI SDUG GZUGS, ,SDIG NI SNA YI SGO NAS DBYUNG, ,DE NAS KHRO BO'I GZUGS BSGOMS LA, ,DE NI KUN NAS ZA BAR BSGOM, ,AOm BADZRA d'A KI N'I KHA KHA KH'A HI KH'A HI SARBA P'A BAm DA HA DA HA BHA SMI KU RU H'Um 1H'Um

, ,BSDUS TE, RGYUD DANG GLENG GZHI DANG NGES PA'I TSIG DANG RGYU'O, ,DE DAG GI DON NI SGRON GSAL LAS, 'DOD CHAGS CHOS KYI TSUL GYIS NI, ,DON GSAL RTOGS PHYIR BSHAD PAR BYA, ,RIGS LNGA'I SANGS RGYAS SKYED PA NI, ,RGYUD CES BYA BA YIN PAR BRJOD,, SLAR YANG RIGS GCIG GYUR PA NI, ,GLENG GZHI YIN PAR RAB TU BSTAN, ,RDO RJE LA SOGS GZUNG BA NYID, ,NGES PA'I TSIG NI YIN PAR BSHAD, ,SGEG PA LA SOGS SPYOD PA NI, ,RGYU ZHES BYA BA YIN PAR BSHAD, ,CES GSUNGS SO, ,DE YANG CHAGS BRAL GYI THEG PAS 'DOD PA KHAMS SU TSE DE LA 'TSANG RGYA BA'I TSUL BZHI DPER MDZAD NAS CHAGS CAN GYI THEG PAS TSE GCIG LA 'TSANG RGYA BA'I TSUL BZHI YANG DE DANG 'DRA BAR SGRON GSAL LAS GSUNGS TE, SNGA MA'I TSUL DANG PO LA MI'I RGYUD DU 'KHRUNGS PA DGOS PA BZHIN DU 'DI LA YANG THA MAL PA'I LUS KYI NGA RGYAL DOR TE RIGS LNGA'AM DE DANG 'BREL BA'I LHA'I NGA RGYAL DU 'PHOS NAS SKYE BA BLANGS PA LTA BU'I RGYUD CIG DGOS TE RIM PA DANG PO'O, ,SNGA MA'I TSUL GNYIS PA LA KHAB NAS MA BYUNG BA'I TSE RTAGS DANG CHA LUGS SOGS SNA TSOGS YOD KYANG, KHAB NAS BYUNG BA'I TSE RAB BYUNG GI RTAGS DANG CHA LUGS KYI RNAM PA GCIG PA CAN GYI GLENG GZHI DGOS PA BZHIN DU, 'DI LA YANG LHA'I SPRUL PA SNA TSOGS PA RNAMS MTHAR GTUGS NA GSANG CHEN RDO RJE 'CHANG GI RIGS GCIG TU ZAD PA DANG, 'KHOR 'DAS KYI CHOS SNA TSOGS PA RNAMS KYANG DE KHO NA NYID 'OD GSAL DU RO GCIG PA'I RIGS GCIG PA GNYIS DGOS TE RDZOGS RIM MO, ,'DI LHA'I 'KHOR LO SOGS CHOS DU MA'I GZHI DANG RTZA BA YIN PAS GLENG GZHI'O, ,SNGA MA'I TSUL GSUM PA LA 'DUL

BA'I KUN SPYOD LA NGES PAR GNAS PA ZHIG DGOS PA BZHIN DU, 'DI LA YANG RDO RJE'I DAM TSIG LA SOGS PA RIGS LNGA'I DAM TSIG RNAMS DANG DBANG BSKUR BA BZUNG BA CIG NGES PAR DGOS LA, 'DI NI GDON MI ZA BAR BSTEN PA'I GNAS YIN PAS NGES PA'I TSIG , STE, TSIG GI SKAD DOD P'A TA NI GNAS LA'ANG 'JUG PA'I PHYIR RO, ,SNGA MA'I TSUL BZHI PA LA 'BRAS BU 'DOD NAS CHOS SPYOD PA'I NYE RGYU DGOS PA BZHIN DU, 'DI LA YANG SPYOD PA GSUM GANG RUNG LA SPYOD PA'I NYE RGYU DGOS SO, ,DE DAG NI DBANG DANG DAM TSIG DANG RIM GNYIS DANG DE LA BOGS 'BYIN PA'I SPYOD PA RNAMS SU 'GYUR LA, 'BRAS BU'I CHOS GZUGS GNYIS NI RDZOGS RIM GYI 'OD GSAL DANG ZUNG 'JUG GNYIS SU 'DU BAR 'PHAGS LUGS PA RNAMS BZHED DO, ,DE LTAR BYAS NA LAM SGOM PA'I SNOD RUNG DU BYED PA'I DBANG DANG, DE'I SKABS SU THOB PA'I DAM TSIG DANG SDOM PA DAG PAR BYA BA DANG, DE LA BRTEN NAS LAM JI LTAR BSGOM PA DANG, LAM LA BOGS 'BYIN PA'I SPYOD PA DANG, 'BRAS BU MNGON DU BYED TSUL TE DON TSAN SNGAR 'GYUR RO, ,RIM PA DE YANG SGRON GSAL LAS, RDO RJE 'CHANG CHEN PO'I SPRUL PA'I DKYIL 'KHOR DU NYAN PA'I SKAL BA DANG LDAN PA RNAMS LA RIG PA'I DBANG BSKUR BA BYIN NAS, DRANG BA DANG NGES PA'I DON GYI BYE BRAG GIS BRTAGS PA DANG RDZOGS PA'I RIM PA'I SGRUB PA'I THABS SO SOR STON ZHING, ZHES GSUNGS SO,, LAM SDUD PA'I SPYI'I TSANGS BYAS PA NI RGYUD RNAMS NAS DGOS PA'I DBANG GIS GONG 'OG DKRUGS NAS GSUNGS PA'I RGYUD DON THAMS CAD, GANG ZAG GCIG 'TSANG RGYA BA'I CHA RKYEN DU 'DRIL SHES PA'I SGO NAS, RGYUD DANG DGONGS 'GREL GYI BSTAN BCOS RNAM PAR DAG PA RNAMS GDAMS PA'I

, ,MCHOG TU 'CHAR BA'I THABS YIN PAS, DON TSAN GANG DU BSDUS NAS LAM GYI RIM PA BSGRIGS PA DER RGYUD DON THAMS CAD SDUD SHES PA CIG SHIN TU GAL CHE STE, DGRA NAG GI 'GREL PA RIN CHEN SGRON ME LAS, GZHAN YANG RGYUD KYI RGYAL PO 'DI NI RAB TU YANG 'KHRUGS PA STE DE'I PHYIR BLA MA'I GDAMS NGAG GIS BSNYEN PA'I BYA BA LA SOGS PA RE RE LA CI RIGS SU 'BREL BAR BYA STE, DE YANG DANG PO NI DAM TSIG GI BYA BA STON PA RNAMS GCIG TU BSRE'O, ,DE NAS NI DBANG BSKUR BA'I BYA BA STEN PA RNAMS SO, ,DE NAS NI BSNYEN PA DANG SGRUB PA'I BYA BA STON PA RNAMS SO, ,DE NAS NI 'BRAS BU'I BYA BA STON PA RNAMS SO, ,DE NAS NI LAS RAB 'BYAMS RNAMS SO, ,ZHES GSUNGS TE, DGRA NAG GI RGYUD LA 'DI LTAR GSUNGS PA NI PHYOGS TZAM MTSON PA STE RGYUD THAMS CAD LA 'DI 'DRA BA'I SDUD LUGS SHIG DGOS SO, ,DE LTAR LAM GYI RIM PA SDUD PA'I LUGS THA DAD PA DE DAG LAS GANG LTAR BYAS KYANG RUNG MOD KYANG 'DIR NI YE SHES RDO RJE KUN LAS BTUS PA'I DGONGS PA LTAR BSHAD PAR BYA'O, , GNYIS PA NI, SNGAR BSHAD PA LTAR LAM THUN MONG BAS RGYUD SBYANGS PA'I THEG PA MCHOG GI RIGS CAN RNAL 'BYOR BLA NA MED PA'I CHED DU BYA BA'I GDUL BYA NI, THEG PA CHEN PO'I YANG CHEN PO PA RIGS KYI NUS PA LHAG PA CAN YIN PAS SNYING RJE CHEN POS YID CHES CHER BSKYOD PA'I PHYIR, SHIN TU RINGS PAR 'TSANG RGYA BAR 'DOD PA'I 'DUN PA DRAG PO DANG LDAN PA YIN NO, ,DES RNAL 'BYOR BLA MED KYI SGOR ZHUGS NAS MYUR DU 'TSANG RGYA BA LA RGYUD DON PHYIN CI MA LOG PA SHAS NAS RIM PA GNYIS SPYOD PA DANG BCAS

PA LA SLONG DGOS SO, ,RGYUD DON SHES PA'I PHYIR DU NYAN PA DANG SHES NAS SGOM PA THAMS CAD LA RNAM PAR DAG PA'I DBANG BSKUR BA DANG DAM TSIG DANG SDOM PA TSUL BZHIN DU BZUNG BA CIG DGOS TE, DBANG DANG DAM TSIG NI RDO RJE THEG PA'I LAM GYI RMAD 'DZUd YIN PA'I PHYIR RO, ,DE LTAR DBANG BSKUR BA LA NI SNGON DU DKYIL 'KHOR DU GZHUG DGOS LA, DE LA YANG GZHUGS SA'I DKYIL 'KHOR SNGON DU 'GRO DGOS TE, DRIL BU PA'I DBANG GI CHO GA LAS, DBANG BSKUR DKYIL 'KHOR SNGON 'GRO BAR, ,RDO RJE 'CHANG GIS GSUNGS PA STE, ,ZHES GSUNGS PA'I PHYIR RO, ,DKYIL 'KHOR YANG DE NYID LAS, ,'ON KYANG DKYIL 'KHOR DE'I RANG BZHIN, ,CI YIN DE NI 'DI LTAR BSHAD, ,RI MOR GNAS PA'I LAS DANG NI, ,THIG LAS TSON DGYE'I RIM PA BSTAN, ,'GRO BA 'DI DAG RANG BZHIN GYIS, , GRUB PA'I DKYIL 'KHOR GNYIS MED PA'O, ,ZHES BRIS SKU DANG RDUL TSON DANG LUS KYI DKYIL 'KHOR GSUM GSUNGS SO, ,GDUL BYA'I KHYAD PAR 'GA' ZHIG LA BSAM GTAN GYI DKYIL 'KHOR YANG GSUNGS PAS DKYIL 'KHOR DU GZHUG PA'I SKABS KYI DKYIL 'KHOR LA SPYIR NI BZHI YOD DO, ,BYANG CHUB SEMS LA DON DAM DANG KUN RDZOB BYANG CHUB SEMS KYI DKYIL 'KHOR GNYIS DANG, BHA GA'I DKYIL 'KHOR GSUM DU DBANG BSKUR BA GSUNGS PA NI DBANG GONG MA GSUM GYI SKABS YIN GYI, CHU LA SOGS PA'I DBANG GI SNGON DU DKYIL 'KHOR DU 'JUG PA'I DKYIL 'KHOR MIN NO, ,DE LA LUS DKYIL DU DBANG BYED PA NI SNGON DU DBANG MA THOB PA LA BSKUR DU MI RUNG LA, BSAM GTAN GYI DKYIL 'KHOR DU DBANG BSKUR BA YANG SLOB DPON DANG SLONG MA MTSAN NYID KHYAD PAR BA

, ,DANG LDAN PA ZHIG DGOS PAS SPYI'I DBANG DU BYAS PA MIN TE 'CHAD PAR 'GYUR RO, ,BRIS SKU LA BRTEN PA YANG RUNG MOD KYANG SLOB DPON GYI MTSAN NYID LA DKYIL 'KHOR 'DRI BA'I LAS LA MKHAS, ZHES MANG DU GSUNGS PAS, THOG MAR DBANG BSKUR BA NI RGYUD DANG DE'I DGONGS 'GREL MKHAS PA RNAMS KYIS PHAL CHER RDUL TSON LA BRTEN PA'I PHYOGS NYID GSUNGS SO, ,DES NA SPYI TZAM NAS SLOB MA GANG DU GZHUG PA'I DKYIL 'KHOR NI, RDUL TSON GYIS BRIS PA'I DKYIL 'KHOR DE BZHIN GSHEGS PA RNAMS KYI RTEN DANG BRTEN PAR TSUL BZHIN DU BSGRUBS NAS MCHOD PA CIG TU RANG NYID ZHUGS PA'I 'OG TU SLOB MA GZHUG PAR BYA BA YIN NO, ,DE LA YANG RDUL TSON GYI DUS SU LHA GNAS GANG DU 'ANG BA'I GNAS DE NYID DU DRI'I DKYIL 'KHOR SOGS BYAS NAS LHA STA GON BYED PA DANG, RDUL TSON GANG DU 'GYED PA'I GNAS RTOGS PA'I DON DU THIG GIS CHA SO SOR DBYE DGOS PAS, LAS THIG GIS CHA BGO BA DANG BGOS PA'I THIG BYIN GYIS RLOB PA'I YE SHES KYI THIG GNYIS SNGON DU 'GRO DGOS SO,, THIG GIS CHA SO SOR BGOS PA'I GZHI LA LHA STA GON BYED PA'I GZHI DE YANG SA'I LHA MO STA GON BYED PA RNAMS KYI LTAR NA, SA'I LHA MO LA GZHI DER DKYIL 'KHOR GYI CHO GA BYED PA'I GNANG BA THOB PA SNGON DU 'GRO LA, SA SLONG BA'I SKABS MA GTOGS PA SA'I LHA MO STA GON LOGS SU MI BYED PA LTAR NA SA CHOG DANG SBREL BA'I RIM PAS CHOG GO ,SLOB MA STA GON DU BYED PA NI 'OG TU DBANG BSKUR BA'I SNGA ROL TU RGYUD DBANG GI SNOD DU BYED PA'O, ,BUM PA STA GON LA GNYIS LAS, LAS BUM STA GON BYED PA NI SLOB MA DANG MCHOD RDZAS SOGS LA

MA DAG PA DANG BGEGS BSAL BA'I DON DU YIN LA, BUM PA GZHAN STA GON BYED PA NI DBANG GI DUS SU CHU DBANG MANG DU BSKUR BA'I DON DU YIN NO, ,SA'I LHA MO LA DER CHO GA BYED PA'I GNANG BA GSOL BA'I GZHI DE YANG SA'I CHO GA LEGS PAR BYAS PA ZHIG DGOS PAS SNGON DU SA CHOG DGOS SO, ,'DIR GNYUG MAR GNAS PA'I SA LA SA CHOG RDZOGS PAR MI DGOS KYANG SA CHOG RDZOGS PAR DGOS PA'I CHO GA RNAMS SHES NA CHO GA RDZOGS PAR SHES LA, DE MA SHES NA CHO GA SNGA MAS MI 'GRUB PA'I SAR BYA DGOS PA RNAMS MI SHES PAS CHO GA RGYAS PA BSHAD PAR BYA'O, ,DE LA SNGON DU SA'I CHA DE DKYIL 'KHOR BYAR RUNG MI RUNG BRTAG PA'I SA BRTAG PA DGOS LA, BRTAGS PAS RUNG BAR SHES NA BDAG PO LAS BSLANGS TE GNANG BA THOB PA DGOS BAS SA BSLANG BAR BYA'O, ,BSLANGS PAS GNANG BA THOB NA SA DE SBYANGS DGOS PAS DE'I 'OG TU SA SBYANG BA BYA LA, SBYANGS PAS DAG PA NA DKYIL 'KHOR BYA BA'I GZHIR YONGS SU GZUNG DGOS PAS DE'I 'OG TU SA GZUNG BA BYA'O, ,YONGS SU BZUNG BA'I SA NI BYIN GYIS BRLAB PA DANG BSRUNG BA BYA DGOS PAS SA'I CHO GA LNGA'O, ,DE LTAR BYED PA'I SLOB DPON DE NI SNGON DU BSNYEN PA LA 'JUG DGOS PAS DE DAG GI SNGON DU BSNYEN PA BYA TSUL RNAMS DGOS LA, SPYIR SNGON DU BSNYEN PA BYED PA SLOB MAS DBANG DANG RAB GNAS SOGS KYI DON DU BSKUL BA LA MI LTOS KYANG SLOB MA'I DON DU DE LTAR BYED PA LA NI SLOB MAS BSKUL BA DGOS PAS, SLOB MAS SLOB DPON LA GSOL BA GDAB TSUL DANG, DE NAS SLOB MA LA SLOB DPON GYIS BSRUNG BA BYA TSUL RNAMS DGOS SO, ,DE DAG NI SLOB MA DBANG BSKUR BA'I RIM PA YIN

, ,LA; BSGRUBS SHING MCHOD PA'I DKYIL 'KHOR DU LHA DBANG BSKUR BA NI RAB GNAS YIN PAS DBANG BSKUR NI GTZO BO'I DON NO, ,DBANG GI CHO GA'I YAN LAG TU SBYIN SROG DANG TSOGS 'KHOR GYI CHO GA DANG DE RNAMS KYI SKABS SU NYE BAR MKHO BA'I SNGAGS PA'I RTAGS RDOR DRIL DANG DGANG BLUGS DANG KHA tV'Am GA LA SOGS PA JI LTA BU ZHIG BYA BA DANG, BYAS PA RNAMS JI LTAR BCANG BA'I TSUL RNAMS KYANG SHES DGOS SO, ,DE LTAR DBANG GIS SNOD RUNG DU BSGRUBS SHING DAM TSIG RNAMS SRUNG BA DES RGYUD DON THOS BSAM GYIS GTAN LA PHAB PA'I DON NYAMS SU BLANGS PA LAS RAB TSE 'DI LA 'TSANG RGYA BA DANG, 'BRING GANG ZAG GZHAN LA BAR DO 'GRUB PA'I DUS SU 'TSANG RGYA BA DANG, THA MA SKYE BA BRGYUD NAS 'TSANG RGYA BA'I LAM GYI RIM PA RNAMS SHES NA, GANG ZAG MCHOG DMAN 'BRING GSUM GYI LAM GYI GNAD THAMS CAD LEGS PAR DMIGS PHYED NAS RANG GI NYAMS LEN LA LAM GANG GNAD DU 'GRO BA DANG, GZHAN BKRI BA'I RIM PA LA SKABS SU GANG BAB PA RNAMS SHES PAR 'GYUR RO, ,GSUM PA LA BZHI, LAM SGOM PA'I SNOD RUNG DU BYA BA DANG, SNOD DU GYUR NAS DAM TSIG DANG SDOM PA DAG PAR BYA BA DANG, DAM TSIG LA GNAS NAS LAM JI LTAR NYAMS SU BLANG BA DANG, NYAMS SU BLANGS PA'I 'BRAS BU MNGON DU BYED TSUL LO, ,DANG PO LA BZHI, SNGAGS KYI LAM NYAN ZHING SGOM PA LA DBANG NGES PAR DGOS PAR BSTAN PA DANG, DBANG BSKUR BA'I DPON SLOB PHAN TSUN DU BRTAG DGOS PA DANG, BRTAGS PAS RUNG NA GSOL BA GDAB CING BSNYEN PA BYA BA DANG, BSNYEN

BA LAS SU RUNG NAS DBANG JI LTAR BYA BA'I RUM PA'O, ,DANG PO NI, GSANG CHEN BSHAD PA DANG SGOM PA'I SNOD DU RUNG BA DBANG RNAM DAG THOB PA LA RAG LAS PAS DBANG NI DNGOS GRUB KYI RTZA BA YIN TE, DE MED NA RGYUD DON PHYIN CI MA LOG PAR SHES NAS LAm LA JI TZAM 'BAD KYANG DNGOS GRUB KHYAD PAR CAN THOB MI SRID LA, DE MA THOB PA'I NYES DMIGS TZAM DU MA ZAD DNGOS GRUB PHRA MO THOB KYANG DPON SLOB GNYIS KA DMYAL BAR 'GRO BA'I PHYIR RO, ,DE LTAR YANG PHYAG CHEN THIG LE'I GNYIS PA LAS, DANG POR RE ZHIG GANG TSE SLOB, ,LAN CIG DBANG RNAMS KYIS NI BSKUR, ,DE TSE GSANG CHEN BSHAD PA YI, ,NGES PAR SNOD DU GYUR PA'O, ,DBANG MED NA NI DNGOS GRUB MED, ,BYE MA BTZIR LA MAR MED LTAR, ,GANG ZHIG RGYUD LUNG NGA RGYAL GYIS, ,DBANG BSKUR MED PAR 'CHAD BYED PA, ,SLOB DPON SLOB MA SHI MA THAG, DNGOS GRUB THOB KYANG DMYAL BAR 'GRO, DE BAS 'BAD PA THAMS CAD KYIS, ,BLA MA LAS NI DBANG DON ZHU, ,ZHES DANG, RGYUD RDOR 'PHRENG GI GNYIS PA LAS KYANG, DBANG BSKUR BA NI GTZO BO STE, ,DNGOS GRUB THAMS CAD RTAG TU GNAS, ,NGA YIS JI BZHIN DON BSHAD KYIS; ;DE PHYIR THOG MAR YANG DAG NYON, ,THOG MAR SLOB MA GANG GI TSE, ,BLO LDAN YANG DAG DBANG BSKUR NA, ,RDZOGS PA'I RIM PA'I RNAL 'BYOR LA, ,DE YI TSE NA SNOD DU 'GYUR, ,YANG DAG DBANG BSKUR GYIS DBEN NA, ,SGRUB POS RGYUD KYI DON SHES KYANG, ,SLOB DPON SLOB MA MTSUNGS PAR NI, ,MI BZOD DMYAL BA CHEN POR 'GRO, ZHES DANG, DUG NI SNGAGS KYIS 'JOMS PA BZHIN, ,SNGAGS KYI DAG BYED BCUD LEN BYED, ,DE BZHIN SLOB MA DBANG SOGS KYIS, ,MA DAG PA NI DAG PAR 'GYUR, ,ZHES DANG, SANGS RGYAS THOD PA'I GSUm

, ,PA LAS KYANG, DPER NA BU TSA MED PA'I KHYIM, ,SHI BA TZAM GYIS STONG PA NYID, ,DE BZHIN DBANG DANG BRAL NA NI, ,YE SHES KUN GYIS STONG PA NYID, ,DPER NA PI WANG SBYAR KUN TSOGS, ,RGYUD DANG BRAL NA RDUNG MI RUNG, ,DE BZHIN DBANG DANG BRAL NA NI, ,SNGAGS DANG BSAM GTAN 'GRUB MI 'GYUR, ,RMONGS PA GANG ZHIG DBANG MED PAR, ,BDAG NI DBANG BSKUR ZHES SMRA BA, ,JI SRID SANGS RGYAS BZHUGS KYI BAR, ,SLOB MAR BCAS TE DMYAL BAR 'GRO ,ZHES GSUNGS SO, ,MI 'JIGS PA'I GZHUNG 'GREL LAS, ,'DIS NI DBANG BSKUR BA THAMS CAD GDON MI ZA BAR GZUNG BAR GSUNGS SO, ,ZHES DBANG THAMS CAD GZUNG DGOS PA'I DON DU BSHAD LA, DKA' 'GREL YE SHES LDAN LAS, TSIGS BCAD SNGA MA GNYIS GSANG DBANG DANG SHES RAB YE SHES KYI DBANG DANG SBYAR BAS GSUM PA NI DBANG BZHI PA DANG SBYOR BA DON GYIS BSTAN TE, THOD PA'I DKYIL CHOG LAS KYANG DBANG GONG MA GSUM DANG RIM PA BZHIN DU SBYAR RO, ,JI SRID SANGS RGYAS BZHUGS KYI BAR NI YE SHES LDAN LAS SANGS RGYAS KYI BSTAN PA JI SRID GNAS PA'I BAR DU DMYAL BAR GNAS PA LA BSHAD DE, BZHI PA'I DBANG MED PAR YOD DO ZHES RDZUN BYAS NAS DBANG BSKUR BA'O, ,GZHUNG 'GREL LAS DMYAL BA DE MA STONGS KYI BAR DU GNAS PA LA BSHAD DE DBANG BSKUR MA THOB PAR GZHAN LA DBANG BSKUR BA'O, ,DES NA DBANG GONG MA MA THOB NA BUM DBANG TZAM THOB KYANG LHAN SKYES KYI RANG BZHIN GYIS RDZOGS PA'I RIM PA'I SKOR RNAMS NYAN PA DANG SGRUB PA LA MI DBANG NGO, ,DKYIL CHOG RDOR PHRENG LAS KYANG GSAL BAR GSUNGS TE, RNAL 'BYOR DANG

RNAL 'BYOR MA'I RGYUD KYANG NGO ZHES SLOB DPON DU RLAM PA'I 'DOD PA NI LUNG DANG MI LDAN TE, LHAN CIG SKYES PA'I DBANG DANG SDOM PA DANG BRAL BA LA DE'I RANG BZHIN BRJOD PAR BCOM LDAN 'DAS KYIS GANG DU YANG BKA'AM BSTZAL ZHING RIGS PA YANG MA YIN NO, , ZHES RIG PA'I DBANG TZAM LAS MA THOB KYANG RGYUD GNYIS RDZOGS PAR NYAN PA DANG BSHAD PA DANG SGRUB PA LA DBANG ZHES 'DOD PA BYUNG BA LA DGAG PA MDZAD DO, ,DBANG GI RIM PA YANG DANG POR DKYIL 'KHOR DU BCUG NAS LHA NGO BSTAN PA MED PAR DBANG BSKUR BA TZAM BYAS NAS BSGRUB PA BYAR MI RUNG STE, MNYAM SBYOR GYI BRTAG PA BDUN PA LAS, DKYIL 'KHOR DU NI MA ZHUGS SHING, ,DAM TSIG RNAMS NI SPANGS PA DANG, ,GSANG BA'I DE NYID MI SHES PAS, ,BSGRUBS KYANG CI YANG MI 'GRUB BO, ,ZHES DANG, GUR GYI BRGYAD PA LAS KYANG; DKYIL 'KHOR DU NI MA ZHUGS DANG, ,DBANG BSKUR MED PA'I RNAL 'BYOR PA, ,GANG GIS RAB GNAS MA MTHONG ZHING, ,GANG ZHIG SBYIN SREG MA BYAS NA, ,'JIG RTEN 'DI DANG GZHAN DU YANG, ,DE LA DNGOS GRUB MCHOG NYID MED, ,CES DKYIL 'KHOR DU MA ZHUGS PAS BSGRUBS KYANG CI YANG MI 'GRUB PAR GSUNGS PA'I PHYIR RO, ,DE 'DRA BA DE LA LAM SNGON NA 'CHAD PAR 'GYUR BA LTAR, SNYING LA RDOR SEMS SNGAR ZHUGS PA MI ZHUGS PAR 'BYIN PA SOGS KYI SGO NAS DAM TSIG NYAMS PAR 'GYUR BAR YANG GSUNGS TE, DE NYID BSDUS PA LAS DENG KHYOD DE BZHIN GSHEGS PA THAMS CAD KYI RIGS SU ZHUGS KYIS, NGAS KHYOD LA YE SHES GANG GIS DE BZHIN GSHEGS PA THAMS CAD GRUB PA YANG THOB NA DNGOS GRUB GZHAN LTA SMOS KYANG CI DGOS TE, DE LTA BU'I YE SHES BSKYED PAR

, ,PHAt; BSGRUB BYA LHA GZUGS BSKYED NAS NI, ,BSRUNG BA DAG NI DGOD PAR BYA, ,ZHES SLOB MA RJES SU GZUNG BA BSHAD DE, DE'I RIM PA NI RDO RJE MKHA' 'GRO'I 'GREL PA LAS 'DI SKAD BSHAD DE, SLOB MAS GSOL BA BTAB PA NI SLOB DPON GYIS BDAG GIS SEMS CAN THAMS CAD BLA NA MED PA'I BYANG CHUB LA DGOD PAR BYA'O SNYAM DU DMIGS NAS, KHYOD KYIS DKYIL 'KHOR GYI YO BYAD THAMS CAD 'BYOR RAM MA 'BYOR ZHES DRIS PAS, CUNG ZAD 'BYOR LA CUNG ZAD MA 'BYOR RO ZHES ZER NA DE'I TSE DANG MTHIL DU GZHU 'DRA BA'I RLUNG DANG LTE BAR ME'I DKYIL 'KHOR DANG, DE'I STENG DU NYI MA LA GNAS PA'I H'Um BSGOMS TE RLUNG GIS BSKYOD PA'I H'Um GI ME LCE'I PHRENG BA SNYING KA'I BAR DU 'BAR BAS, PAm LAS BYUNG BA'I SDIG PA'I RANG BZHIN SHA ZA'I GZUGS MDOG SNGO ZHING RNAM PAR 'GYUR LA RLIG PA 'PHYANG BA SNYING KA NAS SNA SGOR PHYUNG LA, H'Um YANG SNYING KAR PHYIN PA NA DE LAS BYUNG BA'I RDO RJE GNOD SBYIN SKU MDOG SNGO ZHING GSUS PA 'PHYANG BA MCHE BA GTZIGS SHING GA-YAS BRKYANG BAS BZHUG PA; GA-YON PAS MCHE BA BSNAMS NAS SNYING KAR BSDIGS MDZUB MDZAD PA, GA-YAS KYIS MCHE BA THOGS TE PHYAR BA SNA SGO NAS PHYUNG LA, AOm BADZRA H'A KI N'I ZHES SOGS KYI SNGAGS BRJOD PAS SDIG PA DE GSOL BAR BSAM MO, ,SHANTI PAS GA-YON PA'I BSDIGS MDZUB MCHE BA LTAR SGRENG BA ZHES 'CHAD DO, ,DE BSRUNG BA'I PHYIR DU KHVA GDONG MA LA SOGS PA'I MA MO RNAMS PHYIR DU KHVA GDONG MA LA SOGS PA'I MA MO RNAMS STENG KHRO BO'I DBYIBS LA 'OG RDO RJE RTZE GCIG PA'I DBYIBS LTA BU

RNAMS KUN BZANG DU BSKYED PA'I SNYING KA NAS PHYUNG BA'I PHUR BUS DE'I SEMS LAS GYUR PA'I BGEGS KYI GTZO BO RNAMS LA GDAB LA, PHUR BU'I 'OD KYIS BGEGS KYI TSOGS LHAG MA RNAMS BSREGS PAR BSAM MO, ,DE NAS SLOB MA'I SNYING KAR H'Um LAS SKYES PA'I RDO RJE DANG SPYI BOR AA LAS SKYES PA'I ZLA BA'I STENG DU HAm GIS MTSAN PA'I RDO RJE RGYA GRAM BSGOM PAR BH'A BA BHA DRAS BSHAD DO, ,KHVA GDONG MA LA SOGS PA NI MTSON PA STE PHUR BUR SKYED PA'I LHA SKABS SU GANG BAB TU BSKYED DO, ,KUN TU BZANG PO NI DKAR SNGO DMAR BA'I ZHAL GSUM PHYAG DANG PO GNYIS 'KHYUD PA'I PHYAG RGYA CAN GA-YAS 'OG MA GNYIS RDO RJE DANG RAL GRI DANG GA-YON 'OG MA GNYIS RIN PA CHE DANG PADMA 'DZIN PA, DAR DANG RIN PO CHE'I RGYAN GYIS BRGYAN PAR SGRUB THABS KUN BZANG GI 'GEL PA GNYIS SU BSHAD PA LTAR RAM, GZHUNG KHUNGS MA GZHAN NAS BSHAD PA'I KUN BZANG DU BSKYAD DO, ,BRTAN PA LA SOGS PA GSUM NI DGE MI DGE'I MTSAN NYID BRTAG PAR BH'A BA BHA DRAS BSHAD DO, ,PHRENG BA LAS KYANG GSUNGS TE, SLOB MA'I LTE BAR NYI MA LA GNAS PA'I H'Um GI 'OD ZER GYIS SNYING KAR GNAS PA'I KAm LAS BYUNG BA'I SDIG PA SHA ZA LTAR GNAG CING GZUGS RNAM PAR 'GYUR BA 'BRAS BU 'PHYANG BA SKRA GYEN DU 'GRENG BA SNA SGO NAS PHYUNG LA, H'Um YANG SNYING KAR PHYIN NAS YONGS SU GYUR PA LAS 'CHAD PAR 'GYUR PA'I H'Um MDZAD DU BSGOMS NAS PHYIR 'THON TE, AOm SUMBHA NI SUMBHA H'Um H'Um PHAt PHAt, AOm GRiHnA GRiHnA H'Um H'Um PHAt PHAt, AOm GRiHn'A PA YA GRiHn'A PA YA H'Um H'Um PHAt PHAt, AOm A'A NA YA HO BHA GA WA NA BI DY'A R'A DZA CHE GE MO'I SARBA P'A PAm N'A SHA YA H'Um H'Um PHAt SV'AH'A, ZHES BRJOD CING

, ,PHYAG GI RDO RJE 'BAR BAS PHYUNG BA'I SDIG PA STONGS PAR MDZAD PAR BSAM MO ZHES GSUNGS TE, YI GE GNYIS LAS H'Um MDZAD DANG SDIG PA'I SKYED CHOG ZIN PA'I 'OG TU, H'Um MDZAD KYI 'OD ZER GYIS BDAS NAS SDIG PA SNA SGO NAS PHYI ROL TU PHYUNG BA RDO RJES BSNUN PAS ZAD PAR BYAS PAR BSGOMS NAS DGONGS PA DANG MI 'GAL ZHING BDE'O, ,DE NAS H'Um MDZAD KYIS AOm BADZRA K'I LI K'I LA YA AA SYA SARBA BIGHNAN BAN DHA BAN DHA H'Um PHAt CES GSUNGS ZHING BKA' BSGOS PA DANG, RANG GIS KYANG DE 'DON BZHIN PAS STOD BDUD RTZI 'KHYIL BA LTE BA NAS 'OG PHUR BU'I RNAM PA CAN GYI PHUR BUS SLOB MA'I SEMS KYI BGEGS RNAMS LA PHUR BUS GDAB CING, PHUR BU'I 'OD ZER SHIN TU DRAG PO RNAMS KYIS SDANG BA KUN BSREGS PAR BSAM PAR BYA'O, ,SLOB MA YANG SAm LAS KUN TU BZANG PO'I GZUGS SU BSAMS TE BSRUNG BA'I DON DU SNYING KAR AA LAS SKYES PA'I ZLA BA AA: LAS BYUNG BA'I SNA TSOGS RDO RJES MTSAN PA DANG, MGO BO LA ZLA BA LA GNAS PA'I H'Um LAS BYUNG BA'I RDO RJE RTZE LNGA PA GYEN DU 'GRENG BA'I LTE BAR M'A MA K'I DAM TSIG PAR ZHUGS PAR BSAM MO, ,DE'I THUGS KAR YE SHES SEMS DPA'I M'A MA K'I GNAS PA'I THUGS KAR ZLA BA LA GNAS PA'I RDO RJE'I LTE BA'I NANG DU 'OG NAS 'BYUNG BA'I SNGAGS PHRENG LAS BYUNG BA'I RDO RJE SER PO PHRA MO'I 'OD ZER 'PHROS PA RNAMS KYIS LUS THAMS CAD KHYAB PAR BYAS TE GO CHA BGOS PAR BSAM ZHING, AOm A'A: SHAm KA RE SHANTI KA RE GHUttA GHUttA GHUttI NI GHA TA YA GHA TA YA GHUttI NI CHE GE MO LA RAKshA RAKshA SV'AH'A ZHES BRJOD PAS BSRUNG ZHING, 'KHYIL PA'I SNGAGS KYANG BZLAS

PA'I CHED DU BYIN NA BGEGS RNAMS KYIS MI TSUGS SHING MKHO BA'I YO BYAD RNAMS KYANG BDE BLAG TU RNYED PAR GSUNGS SO, ,SNGAGS 'DI M'A MA K'I'I SNGAGS SU GSANG 'DUS KYI LE'U BCU BZHI PAR GSUNGS LA, M'A MA K'I NI SNGON MO NAG DKAR DMAR BA'I ZHAL GSUM PHYAG GA-YAS GSUM NA RDO RJE 'KHOR LO AUTPAL SNGON PO RTZA BA DMAR BA 'DZIN PA, GA-YON DRIL BU RIN CHEN RAL GRI 'DZIN PAR MDOR BYAS SU BSHAD DO, ,SLOB MA RJES GZUNG 'DI DAG NI SDIG PA DAG PAR BYED PA DANG, 'GEGS KYIS MI TSUGS PA'I THABS ZAB MOR SNANG BAS SKABS GZHAN DUA'ANG RANG NGAM GZHAN LA SKABS DANG SBYAR NAS BYAS NA LEGS PAR MTHONG NGO, ,'DI 'PHRENG BAR BSNYEN PA BSHAD ZIN PA'I 'OG TU GSUNGS PA LTAR BSNYEN PA ZIN PA'I SLOB DPON LA GSOL BA 'DEBS NA'ANG SKABS DER BYA LA, BSNYEN PA'I GONG DU GSOL BA 'DEBS NA'ANG SKABS DER BYA RGYU YIN PAS GO RIM MA NGES SO, ,GSUM PA NI, SPYIR BSNYEN PA NI RIM PA GNYIS KA LA BYA STE, 'DUS PA PHYI MA LAS, THUN MONG MCHOG GI DBYE BA YIS, ,BSNYEN PA RNAM PA GNYIS SU 'DOD, ,THA MAL PA NI RDO RJE BZHI, ,MCHOG NI YAN LAG DRUG GIS SO, ,ZHES GSUNGS PAS SO, ,DES NA DBANG THOB NAS DAM TSIG DANG SDOM PA LA GNAS TE RIM PA GNYIS LA RIM CAN DU SLOB PA'I BSNYEN PA NI RANG GI LAM SGOM PA YIN PAS, DBANG DANG RAB GNAS SOGS BYED NA SGRUB LA MI BYED NA 'JOG PA GA LA YIN, DE'I PHYIR MAR ME MDZAD BZANG PO LA SOGS PA MKHAS GRUB MANG POS SNGON DU BSNYEN PA BYED PA LA LHA'I RNAL 'BYOR RDZOGS PAR BSTAN NAS DE'I 'OG TU DKYIL 'KHOR GYI CHO GA BSHAD PA NI,

, ,GZHAN DBANG BSKUR BA SOGS BYED PA DANG MI BYED PA GNYIS KA DANG, THUN MONG DANG MCHOG SGRUB PA GNYIS KAS THUN BZHI'I LHA'I RNAL 'BYOR BYA DGOS PA LA DGONGS NAS MDZAD PA YIN NO, ,BSNYEN PA SNGON DU MA SONG BAR DBANG LA SOGS PA LA 'JUG PA NI RANG GIS RANG LA GNOD PA BYED PA YIN TE, SNYING PO MDOR BSAGS LAS, DKYIL 'KHOR MCHOG GI SLOB DPON GYIS, ,SNGON DU BSNYEN PA LA 'BAD NAS, ,DE NAS DKYIL 'KHOR DE NYID NI, ,SHIN TU DUL BAS BRTAG PAR BYA, ,LHA NI MNYES PAR MA BYAS NA, ,BDAG NYID RNAM PAR SUN 'BYIN YIN, ,ZHES GSUNGS TE, NAG PO SPYOD PAS KYANG LHA MNYES PAR MA BYAS NA RANG NYID SUN 'BYIN PAR GSUNGS SO, ,PHRENG BA LAS KYANG, THAMS CAD MKHYEN PA'I LAM SHES PAS, ,SNGON DU BSNYEN PA SOGS GSOG CING, , BGEGS NI RNAM PAR NYAMS BYED BYA, ,BSNYEN PA MED PAS DNGOS GRUB MED, ,DE PHYIR RIM GNYIS DE NYID RIG ,DBEN PAR YANG DAG GNAS NAS NI, ,LHA YI 'KHOR LO BSGOM PAR BYA, ,SKYON DE YI GSANG SNGAGS BZLAS, ,'KHOR LO'I GTZO BO'I 'BUM BZLAS SHING, ,YANG NA RANG GI LHA YI 'BUM, ,DKYIL 'KHOR BA YI KHRI YIN TE, ,'DI NI SNGON DU BSNYEN PAR BRJOD, ,CES TSOGS BSAG PA DANG BGEGS NYAMS PAR BYA BA SOGS KYI PHYIR DU THOG MAR LHA SKOM PA DANG SNGAGS BZLA BA'I BSNYEN PA BYA BAR GSUNGS TE TSIG 'DI DAG BZANG PO YONG BZUNG NA YOD DO, ,DE'I PHYIR THOG MA'I BSNYEN PA SHIN TU GAL CHE LA DBANG DANG RAB GNAS SOGS LA 'JUG PAS LHA SGOM PA'I BSNYEN PA JI TZAM ZHIG BYA BA NI, PHRENG BA LAS, DE LTAR SNGON DU BSNYEN PA RGYAS

PAR BYAS PAS SKAD CIG GIS DKYIL 'KHOR GYI LHA'I RNAL 'BYOR RNAM PA THAMS CAD YONGS SU RDZOGS PA SPRO BA DANG BSDU BA MNGON DU BYA BAR NUS PAS, 'KHOR LOR GNAS PA NYID KYI 'KHOR LO CAN GYIS MA BKAG PA 'AM TSOGS BSAGS PA NYID KYIS GNANG BAS KYANG DKYIL 'KHOR DANG RAB TU GNAS PA DANG SLOB MA BSDU BA LA SOGS PA BYA'O, ,ZHES GSUNGS PA LTAR THUN BZHI'I RNAL 'BYOR LA 'BAD PA'I SGO NAS LHA'I NGA RGYAL DANG GSAL SNANG SGRUB PA NI BSNYEN PA'I GTZO BO YIN TE, 'DI JI LTAR BYA BA RGYAS PAR BSKYED RIM GYI SKABS SU BSHAD PAR BYA'O, ,BZLAS PA'I GRANGS NI PHRENG BA LAS 'BYUNG BA BZHIN DU PHYED BCAS BZHI BRGYA PA LAS KYANG, DKYIL 'KHOR CAN SNGAGS 'BUM BZLAS PA'AM, YANG NA RANG GI LHA YI 'BUM, ,GZHAN GYI KHRI STE YANG NA NI, ,'KHOR LO CAN GYI BKAS GNANG BRI, ,ZHES GSUNGS TE GTZO BO LAS GNANG BA THOB NA DE TZAM MA SONG YANG RUNG BAR GSUNGS SO, ,RIN CHEN RDO RJE DANG PHRENG BA'I RJES 'BRANG BI BH'U T'ISA KYANG GTZO BO DANG RANG GI LHA'I 'BUM GDAM PA CAN DU MDZAD DO, ,BRTAG GNYIS KYI BRTAG PA DANG PO'I BCU PA LAS KYANG, DKYIL 'KHOR BDAG PO'I BZLAS PA 'BUM, ,DKYIL 'KHOR PA YI DE BZHIN KHRI, ,ZHES GSUNGS PA LTAR LVA BA'I NA BZA' CAN DANG DPAL 'DZIN GYIS KYANG GSUNGS PAS, MNGON BRJOD KYI ZHE DGU BAR GTZO BO DANG RANG GI LHA GNYIS KA LA 'BUM BZLA BAR GSUNGS PA'I DGONGS PA NA GDAM NGA CAN LA BYA'O, ,PHRENG BA'I DE BZANG PO YONG BZUNG BKOD PAR SNANG BAS DE LAS GTZO BO DANG RANG GI LHA GNYIS KA LA 'BUM BZLA BAR GSUNGS PA'I 'GYUR YANG PHRENG BA BZHIN DU BYA DGOS SO, ,NYIN MO

, ,'BYUNG GNAS ZLA BA'I ZHABS DANG PRADZANY'A RAKshI TA'I DKYIL CHOG TU YANG GTZO BO DANG RANG GI LHA LA 'BUM PHRAG RE RE BSHAD MOD KYANG GRUB CHEN MAR ME MDZAD LA TSAD MAR BYA'O, ,BDE MCHOG LA NAG PO SPYOD PA DANG D'A RI KA PAS GTZO BO YAB YUM LA KHRI PHRAG GSUM GSUM DANG, 'KHOR LO GSUM GYI LHA ZHI BRGYAD LA KHRI PHRAG GNYIS GNYIS DANG, BDE CHEN 'KHOR LO DANG DAM TSIG GI 'KHOR LO'I LHA BCU GNYIS LA STONG PHRAG PHYED DANG DRUG DRUG TU GSUNGS SO, ,YANG D'A RI KA PAS, 'BRING NGAM CHUNG NGU'I TSUL GNAS NA, ,DKYIL 'KHOR DBANG PO 'BUM DU STE, ,DE BZHIN MKHA' 'GRO STONG PHRAG BCU, ,BZLAS TE LHA RNAMS MNYES PAR BYA, ,YE SHES MCHOG LA KHRI PHRAG STE, ,SBYIN SREG MCHOG GIS NYE BAR MCHOD, ,CES GSUNGS PA'I DON LA BOD KYI MKHAS PA DAG LHA BCU GSUM MAM LHA LNGA MA LA GTZO BO LA 'BUM 'KHOR LA KHRI PHRAG RE, THAMS CAD KYI THUN MONG DU YE SHES 'BEBS PA'I SNGAGS LA KHRI PHRAG GCIG ,DE RNAMS KYI BZLAS PA'I BCU CHA SBYIN SREG BYA ZHES GSUNG NGO, ,YE SHES 'BABS PA'I BZLAS PA'I BCU CHA LA SBYIN SREG BYA BAR DUS 'KHOR GYI SKOR LAS GSUNGS PA DANG, SDOM 'BYUNG SOGS LAS ZHI RGYAS LA SOGS PA'I DNGOS GRUB SGRUB PA'I SKABS SU BZLAS PA'I BCU CHA'I SBYIN SREG BYA DGOS PAR MANG DU GSUNGS PA MA GTOGS PA DKYIL 'KHOR GYI CHO GA BYED PA'I SNGA ROL GYI BZLAS PA LA BCU CHA'I SBYIN SREG BYA BAR TSAD LDAN GYI DKYIL CHOG NAS KYANG MA GSUNGS PAS MI DGOS SO, ,DES NA D'A RI KA PAS GSUNGS PA YANG CHO GA DANG BZLAS PA'I CHAD LHAG GI NYES PA RNAMS DAG

PAR BYA BA'I PHYIR BZLAS BSGOM GYI MTHAR BYED PA'I SBYIN SREG YIN GYI BCU CHA'I SBYIN SREG MIN TE, RDO RJE SNYING PO RGYAN GYI BDUN PA LAS, GSANG SNGAGS LHAG CHAD GANG YIN PA, ,THAMS CAD SBYIN SREG DAG GIS SKONGS, ,ZHES GSUNGS PA LTAR RO, ,THOD PA'I RGYUD KYI RJES SU 'BRANGS NAS DE'I DKYIL CHOG LAS, RGYUD LAS GSUNGS PA'I TSUL BZHIN DU, ,BSKYED PA'I TSUL GNAS BLA MA YIS, ,DKYIL 'KHOR BDAG PO'I BZLAS PA NI, ,BSOD NAMS CHE 'BRING CHUNG BA DAG ,BYE BA 'BUM DANG KHRIS 'GRUB 'GYUR, ,'KHOR RNAMS GTZO BO'I YAN LAG PHYIR, ,THA DAD PAR NI BZLAS MI BYA, ,GAL TE MTSAN MA MTHONG GYUR NA, ,BZLAS PA'I 'PHRO YANG BSHOL BAS 'GRUB, ,CES GSUNGS SHING, BH'A BA BHA DRAS KYANG, DE NAS RANG GI RIG PA LAN KHRI'AM 'BUM MAM BYE BA SNYED DU BZLAS LA, ZHES GSUNGS SO, ,'KHOR GTZO BO'I YAN LAG YIN PAS GUD DU BZLA MI DGOS PAR GSUNGS PA NI DNGOS PO LA DE LTAR YIN PAS MI CHOG GI STONG NYID LA MTHAR THUG PAR GTUGS NAS, GNYIS SU MED PA'I YE SHES NYID RTEN DANG BRTEN PAR SHAR BA'I TSUL LA NGES PA BRTAN PO RNYED PA LA DGONGS SAM BRTAG PAR BYA'O, ,BZLAS RGYU'I SNGAGS LA NAG PO SPYOD PAS, DPA' BO'I SNYING PO'I GSANG SNGAGS NI, ,KHRI PHRAG GSUM DU BZLAS PAR BYA, ,ZHES SNYING PO'I SNGAGS LA GSUNGS LA, PHYED BCAS BZHI BRGYA BA LAS, 'BYIN PA DE NYID GSUM DANG SPEL, ,ZHES BADZRA DHR'I LA SOGS PA'I 'BYIN SNGAGS 'BRU GSUM DANG SPEL BA BSNYEN PA'I DUS KYI BZLAS BYA'I SNGAGS SU GSUNGS PA DANG, DON YOD ZHABS KYIS 'JIGS BYED KYI YI GE BCU PA'I SNYING PO

, ,'BUM PHRA GCIG BZLAS PA BYA BAR GSUNGS PAS, DBANG LA SOGS PA BYED PA LA NI PHRENG SNGAGS LA SOGS PA'I SNGAGS RING RNAMS NGES PAR MI DGOS SO, ,SDOM 'BYUNG GI BCU GNYIS PA LAS, RDZOGS LDAN LA NI BZLAS BYA GCIG ,NYIS 'GYUR GSUM LDAN LA BZLAS BYA, ,SUM 'GYUR GNYIS LDAN LA RAB BRJOD, ,RTZOD LDAN BZLAS PA BZHI 'GYUR RO, ,ZHES GSUNGS PAS GTZO BO LA 'BUM DANG 'KHOR LA KHRI BZLA BAR GSUNGS PA RNAMS BZHI 'GYUR DU BYA DGOS ZHES KHA CIG SMRA MOD KYANG RGYUD KYI DON DU MA MTHONG STE, SDOM 'BYUNG GI BCU GCIG PAR GTZO BO YAB YUM DANG MKHA' 'GRO MA LA SOGS PA BZHI STE LHA DRUG GI SGO NAS GTER DANG BCUD LEN SOGS SGRUB PA'I SKABS SU SNYING PO 'BUM DANG NYE SNYING 'BUM PHRAG GSUM LA SOGS PA ZLO BA DANG, BZLAS PA GANG BYED KYI BCU CHA'I SBYIN SREG BYED PAR GSUNGS LA, DE RDZOGS LDAN GYI DBANG DU BYAS PA 'GREL PAS BSHAD CING, LUNG DRANGS PA DE'I 'GREL PA LAS KYANG 'BUM PHRAG GCIG DANG GNYIS LA SOGS PA BZLA BAR GSUNGS PA RNAMS RDZOGS LDAN GYI YIN PAS DE NYIS 'GYUR LA SOGS PA BYA BAR BSHAD PAS, DNGOS GRUB SGRUB PA'I SKABS LA GSAL BAR BSHAD KYI DKYIL 'KHOR GYI CHO GA BYED PA'I SNGON DU BZLAS PA BYED PA LA MA BSHAD PA'I PHYIR DANG, DKYIL CHOG KHUNGS THUB GZHAN NAS KYANG DE LTAR BYED PA'I RNAM GZHAG MA GSUNGS PA'I PHYIR RO, ,KHA CIG DBANG BSKUR BA LA SLOB MA'I SDIG PA ZHI BA DANG YON TAN RGYAS PA DANG BGEGS TSAR BCAD PA SOGS YOD PAS ZHI RGYAS LA SOGS PA'I DNGOS GRUB SGRUB PA'I SKABS YIN NO ZHES

PA NI RIGS PA MA YIN TE, DE LTA YIN NA THOG MAR BSNYEN PA BYED PA'I SKABS KYI BZLAS SGOM THAMS CAD LA YANG DGOS PA DE DAG YOD PAS, DE DAG KYANG DNGOS GRUB SGRUB PA'I SKABS SU 'GYUR BAS SNGON DU BSNYEN PA DANG DE NAS DNGOS GRUB SGRUB PA'I SKABS SO SOR GZHUNG DU MA NAS BSHAD PA THAMS CAD DANG 'GAL BAR 'GYUR RO, ,BSNYEN PA'I DBYE BA LA DPA' BO RDO RJES GSUM DU BSHAD DE, MTSAN MA'I BSNYEN PA NI THUN BZHI'I RNAL 'BYOR BYAS PAS DU BA LA SOGS PA'I RTAGS MTHONG BA DANG, DUS KYI BSNYEN PA NI LO 'AM LO PHYED DAM ZLA BA BZHIR SGOM PA DANG, GRANGS KYI BSNYEN PA NI GTZO BO LA 'BUM 'KHOR LA KHRI ZLO BA GANG RUNG GCIG BYAS PAS CHOG PAR 'DOD MOD KYANG, LA BA PAS, 'KHOR LO'I BDAG PO'I 'BUM BZLAS SHING, ,DKYIL 'KHOR PA YI DE BZHIN KHRI, ,ZHES JI SKAD GSUNGS PA BZHIN DU BZLAS BRJOD BYAS PAS LHA'I MTSAN MA THOB PA'AM RANG GI SEMS DAG CING BRTAN PAR GYUR PAR BYA STE SNGON DU BSNYEN PA'O, ,ZHES GANGS KYI BZLAS PA DANG LHA'I RNAL 'BYOR BYAS PAS LHAS GNANG BA'I MTSAN MA THOB PA DANG LHA'I RNAL 'BYOR BRTAN PA'I SEMS DAG PA THOB PA GANG RUNG ZHIG DGOS PAR GSUNGS LA, DPAL 'DZIN GYIS KYANG DE BZHIN DU GSUNGS PAS, LHA LAS GNANG BA YANG MA THOB CING BZLAS PA'I GRANGS KYANG MA RDZOGS PAS LO LA SOGS PA'I DUS GSUM PO GANG RUNG DU BSGOMS NA BYAR RUNG BAR BSHAD PA MI 'THAD DO, ,MTSAN MA'I BSNYEN PA LA GNYIS LAS LHAS GNANG BA'I MTSAN MA MA BYUNG NA SEMS DAG PA'I MTSAN MA BYUNG YANG BZLAS PA'I GRANGS RDZOGS PAR BYA STE, KLU BYANG GIS SGOM PA

, ,LHUR BYAS NAS MTSAN MA RNYED NAS BRI BAR GSUNGS PA LA YANG SNGAGS BZLAS PA LA GNAS PAR GSUNGS PA DANG, PHYED BCAS BZHI BRGYA PA LAS KYANG, 'KHOR LO LA GNAS TSUL BZHIN BZLAS, ,MTSAN MA THOB NAS YANG DAG BRI, ,ZHES GNYIS KA TSOGS PA GSUNGS PA'I PHYIR RO, ,BZLAS PA NI THUN SO SO'I RNAL 'BYOR GYI SKABS SU YID GZHAN DU MA GA-YENGS SHING SMRA BA GZHAN SPANGS PA'I BZLAS BRJOD SGRUB THABS RNAMS NAS BSHAD PA DGOS KYI, THUN MTSAMS LA SOGS PA'I SKABS GZHAN DU GANG BYUNG DU BGRANGS PAS MI CHOG STE 'CHAD PAR 'GYUR RO, , BZLAS LUGS LA GANG DU DKYIL 'KHOR BYED PA'I GNAS SU MAndAL BYAS PA LA DRI'I THIG LE ME TOG GI TSOM BU DANG BCAS PA BYAS NAS DER LHA BSGOMS TE BZLA ZHES PRADZNY'A SHR'I ZER BA DANG, 'JIGS BYED LHAS DBANG MED BYUNG NA BZLAS PA DUM CIG BYAS LA LHAS GNANG BAR BSAMS PAS BYAR RUNG BA DANG, LHA YANG DPA' BO GCIG PA BSGOMS PAS KYANG CHOG PAR 'DOD PA RNAMS LA SHES BYED KHUNGS THUB PA CUNG ZAD KYANG MED PAS MI DGOS SHING MI BYA'O, ,BOD KYI BLA MA KHA CIG KYANG BUM BSKYED DAM YANG NA MDUN BSKYED BYAS LA BZLAS PA BYA GSUNG YANG MAR ME MDZAD BZANG PO LA SOGS PA KHUNGS THUB DU MAS MNGON RTOGS KYI SKABS SU BSHAD PA BZHIN GYI BSGOM BZLAS MA RTOGS PA DMIGS GSAL MA BSHAD PAS SPYIR LHA'I BSGOM BZLAS THUN BZHIR BYED PA DANG, DBANG BSKUR BA SOGS KYI DON DU THUN BZHIR BSGOM BZLAS BYED PA RNAMS KHYAD MED DO, ,DKYIL 'KHOR GCIG LA YANG DBANG BSKUR RES KYIS GRANGS RDZOGS PA'I BZLAS BSGOM BYA BAR BOD KYI BLA MA KHA CIG BZHED MOD KYANG SNGAR BSHAD PA LTA BU'I

BSGOM BZLAS LAN CIG SONG NA DE NYID KYIS CHOG LA, 'ON KYANG BSGOM BZLAS KYI BSNYEN PA SNGON DU SONG BAS DBANG BYED PA LA'ANG RMI LAM BRTAGS NAS GNANG BA THOB PA DANG MA BKAG PA GANG RUNG DGOS PAR GSUNGS PAS DE BZHIN DU BYA'O, ,LHA MI GCIG PA'I DKYIL 'KHOR SO SO LA NI BSGOM BZLAS SO SOR BYA DGOS PAR MNGON LA, DPA' BO GCIG PA'I BSGOM BZLAS BYAS PAS KYANG CHOG PA'I SKABS YOD PA RDO RJE 'JIGS BYED LTA BU MA GTOGS PA RNAMS LA GTZO 'KHOR TSANG BA'I BSGOM BZLAS BYA'O, ,BZHI PA LA GNYIS, CHO GA BYA BA'I DUS BSTAN PA DANG, CHO GA JI LTAR BYA BA'I RIM PA'O, ,DANG PO NI, SPYI RGYUD LAS, YANG DAG ZHI BA'I SEMS KYIS NI, ,DUS DANG TSES GRANGS ZHI BA LA, ,SNGAGS KYI SPYAN 'DREN BYED PA NI, ,BSAMS PA'I DNGOS GRUB THOB PAR 'GYUR, ,ZHES DANG, TSES GRANGS NGAN DANG DUS MIN DANG, ,GNAS MIN CHO GAR MI LDAN PAR, ,MKHAS PAS DKYIL 'KHOR MI BRI'O, ,BRIS NA DOGS PA MED PAR 'CHI, ,ZHES DANG, YUD TZAM RNAMS NI RGYUD KUN GYI, ,BYA BA'I CHO GA RNAMS LA SHIS, ,DE DAG LA SOGS BZANG PO DANG, ,BYED PA BZANG LA RTAG TU BRI, ,MI BZANG PA LA BRTZON PA'I LAS, ,GANG DU CI YANG MI 'GRUB BO, ,ZHES TSES GRANGS SOGS KYI DUS BZANG NGAN GYI TSE CHOG BYED PA LA PHAN YON DANG NYES DMIGS CHE BAR GSUNGS PAS DE DAG BRTAG PAR BYA'O, ,ZLA BA GANG LA BYA BA NI, SPYI RGYUD LAS, STON ZLA 'BRING PO'I NYA NAS NI, , DPYID ZLA THA CHUNG NYA YI BAR, ,'DI YI BAR DU MKHAS PA YIS, ,DKYIL 'KHOR CHO GA BZHIN DU BRI, ,BGEGS KYI DKYIL 'KHOR NAD GCOD DANG, ,DE BZHIN SGRUB PA'I DKYIL 'KHOR DAG ,DPYAD MI DGOS PAR DBYAR YANG NI, ,MKHAS PAS DUS BZHIN BRI BAR BYA, ,ZHES GSUNGS PA LTAR

, ,ZLA BA BDUN LA DBANG BSKUR BA'I DKYIL 'KHOR BYA BAR BSHAD LA DBYAR LA YANG DKYIL 'KHOR GZHAN BYA BAR BSHAD DO, ,ZLA BA BDUN PO'I YAR NGO MANG NGO GANG LA BYA BA DANG YAR GYI TSES GRANGS GANG LA BYA BA NI DE NYID LAS, MKHAS PAS JI SKAD BSHAD PA YI, ,ZLA BA YAR GYI NGO DAG LA, ,ZLA BA NYA 'AM BCU GSUM MAM, ,TSES BRGYAD DAG GAM BCU BZHI 'AM, ,TSES BCU DANG NI BCU GCIG GAM, ,YANG NA YAR GYI TSES GCIG GAM, ,TSES LNGA'AM YANG NA TSES BDUN NAM, ,YANG NA TSES GRANGS GSUM YANG RUNG, ,NYI MA BCU PO 'DI DAG LA, ,DKYIL 'KHOR RAB TU BSGRIMS TE BRI, ,MAR GYI NGO YI DUS MTSAMS LA'ANG, ,DKYIL 'KHOR BRI BA 'GAL BA MED, ,CES GSUNGS TE, RAB GNAS KYI RGYUD LAS, GAL TE GZA' DANG RJES MTHUN NA, ,NAG PO'I PHYOGS LA'ANG BRTZAMS PAR BYA, ,ZHES GSUNGS PA LTAR RO, ,GZA' GANG LA BYA BA DE NYID LAS, ,PHUR BU DANG NI ZLA BA DANG, ,PA BA SANGS DANG NYI MA BZANG, ,GZHAN LA RAB TU DRAG PO YI, ,LAS NI KUN TU BRTZAM PAR BYA, ,ZHES SO, ,SKAR MA GANG LA BYA BA YANG DE NYID LAS, , RGYAL DANG SKAG DANG SA GA DANG, ,ME BZHI NAG PA THA SKAR DANG, ,SNRON LA SOGS PA DE DAG NI, ,DKYIL 'KHOR DAG LA RAB TU SHIS, ,DE LA SOGS PA ZHI BA DANG, ,RGYU SKAR DAG NI BZANG PO LA, ,BLO DANG LDAN PAS DKYIL 'KHOR BRI, ,DRAG PO LA NI DRAG PO BRI, ,ZHES SO, , SBYOR BA DANG BYED PA NGAN PA RNAMS KYANG SPANGS NAS BYA'O, ,DUS KYI KHYAD PAR GZHAN YANG, SPYI RGYUD LAS, NYI MA ZLA BA GZAS ZIN DANG, ,YA MTSAN CHE LTAS BYUNG BA DANG, ,CHO 'PHRUL GYI NI ZLA BA LA, ,BSGRIMS TE DKYIL 'KHOR BRI BAR BYA, ,ZHES GSUNGS SHING, GZHAN

YANG YO BYAD TSOGS PA DANG DAD PA BDO BA DANG LAS LA BRTZON PA DANG, 'TSE BA MED CING ME TOG MOD PA LA SOGS PA DANG, SLOB MA'I BSNYEN BKUR GYIS BLA MA MNYES PA'I TSE YANG BYA BAR GSUNGS TE, BLA MA MNYES PA'I TSE BYIN PA'I SNGAGS NI MYUR DU 'GRUB PAR LEGS GRUB LAS KYANG GSUNGS SO, ,DE LTA BU'I DUS BZANG BA'I SNGA DRO NAS BRTZAMS TE DKYIL 'KHOR GYI LAS BYA BAR PHRENG BAR BSHAD DO, ,GNYIS PA LA GNYIS, DBANG GI CHO GA'I RIM PA DNGOS DANG, ,DBANG GI YAN LAG TU GYUR PA'I TSE GA'I, ,DANG PO LA SGYU DRA'I GNYIS PA LAS, DANG PO SA GZHI YONGS SU GZUNG, GNYIS PA STA GON GNAS PA STE, ,NUB GSUM PA NI 'JUG PA YIN, ,ZHES GSUNGS PA LTAR GSUM, SA'I CHO GA DANG, STA GON GYI CHO GA DANG, DNGOS GZHI'I CHO GA'O, ,DANG PO LA DRUG ,SA BRTAG PA, SA BSLANG BA, SA SBYANG BA, SA GZUNG BA, BSRUNG ZHING BYIN GYIS BRLAB PA, GNAS DANG DKYIL 'KHOR GZHAN LA SA CHOG DGOS MI DGOS BSHAD PA'O, ,DANG PO NI, 'DIR DKYIL 'KHOR RNAMS KYI THUN MONG GI CHO GA BSTAN PAR 'DOD PAS PHRENG BA GZHIR BYA STE DE NI PHA RGYUD DANG MA RGYUD SOGS KYI DKYIL 'KHOR GYI CHO GA THUN MONG BA'I DBANG DU MDZAD PA YIN PA'I PHYIR DANG CHO GA SHIN TU RGYAS PA LA GSAL BA'I PHYIR RO, ,DE LA GNAS MIN PAR DKYIL 'KHOR BRIS NA 'CHI BAR SPYI RGYUD LAS GSUNGS PAS DKYIL 'KHOR BYA BA'I GNAS SU RUNG MI RUNG BRTAG PAR BYA'O, ,DE YANG SHAR DU BRIS NA RGYAL PO 'CHI ZHING YUL MI LA NYE BAR 'TSE BA SNA TSOGS 'BYUNG BA DANG, LHOR NI GANG GI DON DU BRIS PA DANG NUB TU NI SLOB DPON DANG BYANG DU NI DKYIL 'KHOR DER ZHUGS PA RNAMS 'CHI BA DANG, MER NI CHAR DANG BDEN BRAL DU MU GE DANG RLUNG DU CHAR RLUNG 'BYUNG ZHING, MCHOD RTEN LA NYE BAR NI 'CHI

, ,BA DANG, KLU GNAS PA'I CHU DANG NYE BAR NI CHU 'BYUNG BA DANG, SHING GRIB TU BYIS PA 'CHI BAR SHES NAS DE THAMS CAD DOR TE, GRONG RDAL DANG GRONG KHYER DANG GRONG DANG SKYED MOS TSAL DANG GTZUG LAG KHANG DANG KHYIM RNAMS KYI DBANG LDAN GYI MTSAMS SU'AM YANG NA YID DU 'ONG ZHING SHAR DANG BYANG BZHOL BAR BYA BAR PHRENG BA LAS GSUNGS SO, ,DPAL MCHOG SMAD 'GREL LAS MER CHAR MI 'BAB PA DANG ME'I 'JIGS PA 'BYUNG BA DANG RLUNG DU CHU CHEN PO 'BAB PAR GSUNGS PAS SNGA MA DANG MI 'DRA LA SHING GI GNAS SU 'CHI ZHING, KLU'I GNAS SU 'CHI BA DANG DMU RDZING 'BYUNG BAR GSUNGS SO, ,LHOR GRONG KHYER STONGS PA LHAG PA MA GTOGS PA GNAS DRUG NI SNGA MA DANG 'DRA STE DE RNAMS STON PAS GSUNGS PAR BSHAD DO, ,MCHOD RTEN GYI DRUNG DU BYED PA SPYI RGYUD LAS GSUNGS PAS DE DANG NYE BAR BYED PA BKAG PA'O, ,RDO RJE MKHA' 'GRO'I ZHE DRUG PA LAS KYANG, GRONG DANG DUR KHROD TSONG 'DUS DANG, ,TSAL DANG LHA KHANG GRONG KHYER GYI, ,SHAR DANG BYANG GI SA GZHI SHIS, ,LHO DANG NUB PHYOGS DE LTA MIN, ,ZHES DANG, YANG NA YID NI GANG DGA' BAR, ,DE RNAMS SU NI DKYIL 'KHOR BRI, ,ZHES GDAM NGA CAN DU GSUNGS SO, ,'O NA PHYOGS BDUN DU MI RUNG BA DANG YID GANG DU DGA' BAR BYA BA GNYIS 'GAL ZHING SHAR DANG BYANG GI PHYOGS SU BYED PA YANG 'GAL LO ZHE NA, SKYON MED DE, SHAR DANG BYANG NI BYANG SHAR LA DGONGS LA, PHYOGS BDUN BKAG PA NI GRONG DANG LHA KHANG LA SOGS PA'I NANG DU MI BYED PAR DE DAG DANG NYE BAR PHYI ROL TU DKYIL 'KHOR BRI BA DANG DKYIL 'KHOR GYI KHANG PA BYED NA YID DU 'ONG YANG BYAR MI RUNG ZHING, DE 'DRA MIN PA'I SAR BYED NA

YID DU 'ONG BA'I GNAS SU BYAS PAS CHOG PA'I PHYIR RO, ,DE YANG SPYI RGYUD LAS, PHUN SUM TSOGS PA KUN BZANG BA'I, ,TSOGS PA DAG NI RNYED PAR DKA', ,MDOR NA SA GZHI MNYAM PA DANG, ,MDANGS SNUM SHAR DU GZHOL BA BZHED, ,CHU MANG LDAN PA'I GNAS DANG NI, , LJON SHING BZANG POS BRGYAN PA DANG, ,BDAG GI MIG YID MGU BA DANG, ,'TSE MED ZUG RDU SPANGS PA NI, ,DKYIL 'KHOR GNAS SU SHIS PA STE, ,MI YI DNGOS GRUB KUN THOB BYED, ,CES GSUNGS PA LTAR RO, ,ZUG RDU NI TSER MA DANG GYO DUM DANG NGAM GROG DANG RUS PA DANG SDONG DUM DANG KHUNG BU DANG GROG MKHAR DANG THAL BA DANG TSA RGO CAN DANG, GSEG MA DANG RDO DANG RDUL DANG SKRA DANG SRIN BU DANG GROG SBUR SOGS MANG BA LAS KUN LA SPANG BAR GSUNGS PA YIN LA BYANG YANG GZHOL BA DGOS PAR DE NYID LAS GSUNGS SO, ,PHRENG BAR SA SHIN TU RUS SBAL GYI RGYAB LTA BU NI 'CHI BA DANG NOR NYAMS PA'I RGYUR BSHAD PAS SPANG NGO, ,RDO RJE MKHA' 'GRO'I ZHE DRUG PA LAS, GTZUG LAG KHANG GI GNAS KHANG DANG, ,TSAL DANG RI RTZE RDO LEB DANG, ,KHANG BZANG GI NI STENG PHYOGS DANG, ,DUR KHROD DANG NI LHA YI KHYIM, ,SA YI CHA NI JI SNYED PA, ,RGYUD RNAMS KUN LAS BSNGAGS PA YIN, ,ZHES GSUNGS PA NI GNAS DE DAG GI PHYI ROL TU BYED PA MIN GYI DE DAG TU BYED PA YIN PAS DE 'DRA LA PHYOGS BRTAG DGOS PA MA YIN NO, ,SAS BRTAG PA NI, MTHO GANG TZAM GYI KHUNG BU BRKOS NAS MYUR POR SA DE NYID KYIS BKANG BAS LHAG NA BZANG BAR PHRENG BA LAS BSHAD CING, SPYI RGYUD LAS PUS NUB TZAM DU BRKOS LA SA DES BKANG BAS LHAG NA DNGOS GRUB YOD LA DE LAS BZLOG NA LAS MI BRTZAMS TE BRTZAMS NA SDUG BSNGAL

, ,MYONG ZHING LEGS PA YANG MI 'THOB PAR GSUNGS SO, ,PHYAG RDOR DBANG BSKUR BA'I RGYUD LAS, MKHAS PAS KHRU GANG TZAM BRKOS NAS, ,SNGAGS PA YIS NI BRKOS PA DE, ,SA DE NYID KYIS DGANG BAR BYA, ,LHAG NA MKHAS PA KUN TU MCHOG ,KHA DA CHAD DU 'BRING DU BRJOD, ,GANG BAR MA GYUR NA DE SPANG, ,MKHAS PAS DE NI BRTZAM MI BYA, ,ZHES GSUNGS SO, ,CHUS BRTAG PA NI KHUNG PU SNGA MA SLAR YANG MTHO GANG DU BRKOS PA CHUS BKANG LA GOM PA BRGYAR PHYIN NAS LOG STE BLTAS PAS CHUS GANG NA BZANG LA DMA' NA SPANG ZHING SGRA DANG BCAS NA KLU'I 'JIGS PA STON PAR PHRENG BA LAS BSHAD DO, ,RDO RJE MKHA' 'GRO LAS KYANG SHAR DU SNGAR LTAR PHYIN NAS LOG STE BLTAS BAS GANG NA BZANG LA SKAMS NA SPANG BAR GSUNGS PA'I 'GREL PAR PHYED MAN CHAD SKAMS NA MI DGE LA GZHAN DU NA DGE'O ZHES BSHAD DO, ,GZHAN YANG CHU GA-YAS SU 'KHOR NA RAB MI 'BRING GA-YON DU 'KHOR NA SPANG ZHING BGEGS DANG BCAS NA BDUD RTZI 'KHYIL PAS BGEGS BSKRAD LA PHUR BUS GDAB PAR 'CHAD DO, ,DAM TSIG RDO RJES KHUNG BU BRKO BA DANG CHUS 'GENGS PA'I TSE 'KHYIL PA'I SNGAGS DANG SHAR DU 'GRO BA NA YI GE GSUM ZLO BAR BSHAD DO, ,PHYOGS DANG MTSAN NYID KYI SGO NAS BRTAGS PAS RUNG BAR SHES KYANG 'DI GNYIS KYIS RTOG PA NI BRTAGS PAS BZANG NA DNGOS GRUB 'GRUB PAR SPYI RGYUD LAS GSUNGS PAS DER LAS BRTZAMS NA MNGON PAR 'DOD PA'I DON 'GRUB MI 'GRUB RTOG PA'O, ,BRTAG PA 'DI GNYIS NI GTZUG LAG KHANG DANG MCHOD RTAN DANG KHANG BZANG DANG DGON GNAS BYED PA LA YANG BYA BAR PHRENG BA LAS BSHAD DE, DE'I TSE NI DE DAG BYAS PA LAS SHIS MI SHIS

RTOG PA'O, ,KHA DOG GI SGO NAS RTOG PA YANG, PHYAG RDOR DBANG BSKUR BA LAS, DKAR PO DAG NI ZHI BAR BRTAN, ,DMAR PO DBANG GI DON DU 'DOD, ,SER PO RGYAS PAR SHES PAR BYA, ,NAG PO DRAG SHUL SPYOD PAR SHES, ,ZHES GSUNGS SO, ,GNYIS PA NI, SPYI RGYUD LAS, SA YI BDAG POS GNANG NAS NI, ,SLOB DPON GYIS NI DKYIL 'KHOR BRI, ,ZHES SA'I BDAG PO LA GNANG BA THOB DGOS PAR GSUNGS PAS, BRTAGS PAS RUNG BA'I SA DE RGYAL PO LA SOGS PA GZHAN DBANG NA MNGON PA'I BDAG PO LAS BSLANGS TE GNANG BA GSOL, ,DE NAS SNGA DRO GTOR MA SBYIN PA SNGON DU 'GRO BAS SA BRTAGS PA DE LA GZHI DER DRI BZANG PO LA SOGS PAS MAndAL BYAS TE DKYIL 'KHOR GYI 'KHOR LO BSGOMS LA MCHOD GTOR PHUL NAS NAM MKHAR GTEG GO ,DER GNAS PA'I ZHING SKYONG LA SOGS PA LA YANG MCHOD CING GTOR MA BYIN NAS, GANG DAG 'DIR GNAS LHA DANG KLU, GNOD SBYIN SRIN PO'AM GZHAN DAG LA, ,SA 'DI BDAG GIS BSLANGS PAR BGYI, ,DKYIL 'KHOR DON DU KHYED KYIS STZOL, ,ZHES GSOL BA LAN GSUM BTAB STE, AOm MU TZI LI SVA H'A, AOm MO HA NI SV'A H'A, AOm D'm TI LI SV'A H'A, ZHES LAG PA GA-YON PAS KHAR LEN NYER GCIG TU BSNGAGS LA 'JIG RTEN DBANG PHYUG GI MDUN DU MCHOD PA SNGON DU 'GRO BAS MGO LHO DANG KHA SHAR DU PHYOGS LA GOS GTZANG MA GYAN NAS SA PHYOGS GTZANG MAR NYAL BAR BYA'O, ,RMI LAM NGAN NA BDUD RTZI 'KHYIL PA'I SNGAGS ZLOS PA LA DON DAM PAR CHOS THAMS CAD RANG BZHIN MED PAR MOS PAS SAM, YANG NA SLAR YANG RMI LAM BRTAGS PAS DE RNAMS KYIS BYIN PA'AM MA BKAG PA'I SA LA BYA'I BKAG PA LA NI

, ,MA YIN NO, ,DE NAS NYI MA GZHAN GYI SNGA DROL SNGAR NAM MKHAR BTEG PA'I LHA RNAMS LA GSOL BA BTAB NAS GNANG BA ZHUS TE NYIN GUNG LA BSRUNG 'KHOR BSGOMS NAS BGEGS LA PHUR BUS GDAB PA DANG DRAG PO'I SBYIN SREG GIS BGEGS BSKRAD PA GANG RUNG BYA'O, ,PHYI MA BYED NA SLOB MA BSRUNG BA'I DON DU PHYI DRO ME MTSAMS KYI THAB KHUNG DU ZHI BA'I SBYIN SREG KYANG BYA'O, ,LAS THAMS CAD PA BZLAS PA'I YUNGS KAR DANG CHU DANG THAL BAS SA DER GTOR LA BSANG NGO, ,DE NAS RDO RJE SKYIL KRUNG BCAS TE SA'I LHA MO 'CHAD PA LTAR BSGOMS LA ZHABS BSIL DANG ZHAL BSIL DANG MCHOD YON DANG MCHOD PA SNGON DU 'GRO BAS, AOm TSUR BYON ZHES SOGS SAM, SKYOB PA ZHES SOGS KYIS LAN GSUM GSOL BA BTAB PAS, DE LTAR GYIS SHIG CES BRJOD PA CAN YID KYIS BTEG LA NAM MKHAR BZHUGS SU GSOL LO, ,PHRENG BAR SKABS 'DIR SA'I LHA MO LAS SLONG BA MI GSAL YANG SNGAR GNAS STZOL BA'I GNANG BA ZHU BAR GSUNGS PAS 'DI NI DKYIL 'KHOR BRI BA'I SA LA GNANG BA ZHU BA'O, , PHYED BCAS BZHI BRGYA PA LA SOGS PAR GTOR MA DBUL BAR YANG GSUNGS PAS DE BZHIN DU BYA'O, ,'DI DANG SNGA MA GNYIS NI SA'I BDAG PO MI MNGON PA LA BSLANG BA'O, ,GSUM PA LA GSUM, SA BRKOS NAS SBYANG BA DANG, RDZAS SNGAGS TING NGE 'DZIN GSUM GYIS SBYANG BA DANG, BLA NA MED PA'I DAG PAS SBYANG BA'O, ,DANG PO LA GNYIS, SA'I ZUG RDU DAG PA'I CHED DU BRKO BA DANG, LTO 'PHYE BRTAGS NAS BRKO BA'O, ,DANG PO NI, SPYI RGYUD LAS, 'JOR GYIS SA NI SLOG BYA ZHING, ,DE NAS ZUG RDU DBYUNG BAR

BYA; ;ZHES GSUNGS LA, ZUG RNGU DBYUNG DGOS PA'I RGYU MTSAN DANG ZUG RNGU JI LTA BU ZHIG DBYUNG BA YANG, DE NYID LAS, ZUG RNGUR BCAS PA'I SA GZHI NI, ,LAS BYAS PA DAG 'GRUB MI 'GYUR, ,ZUG RNGU'I NYES PA RUS PA DANG, ,GYO MO DANG NI THAL BA DANG, , SDONG DUM DANG NI TSER MA DAG ,RAB TU BSGRIMS TE MA LUS DBYUNG, ,ZHES GSUNGS TE, MING GNYIS PA SA SAL ZHES KYANG ZER RA, ,JI TZAM ZHIG TU BRKO BA NI, RDO RJE MKHA' 'GRO'I ZHE DRUG PA LAS, DMAN SOGS DNGOS GRUB BYE BRAG GIS, ,PUS MO CHU SO LTE BA'I BAR, ,BRKOS LA PHUB MA RDO DANG NI, ,GYO MO SOL BA ZUG RNGU DANG, ,TSER MA LA SOGS BSAL LA BCAG ,CES DNGOS GRUB MCHOG SGRUB NA LTE BA TZAM DU BRKO LA 'BRING DANG DMAN PA LA CHU SO DANG PUS MO'I BAR TZAM BRKOS NAS SA SEL DBYUNG BAR BSHAD DE ZUG RNGUS JI LTAR DAG PA TZAM GYIS DNGOS GRUB 'GRUB PA LA KHYAD CHE BA'O, ,RDO BA SOGS MA BSAL BA'I NYES DMIGS NA, PHRENG BA LAS RDO BAR BCAS NA RLUNG CHEN PA, ,RUS PAR BCAS NA ZUG GZER 'BYUNG, ,GYO DUM BCAS NA LKUGS PA NYID, ,PHUB MA SEL BAR LDAN NA RIMS, ,SKRA DANG RTZA BSHAD SOGS BCAS, ,NYE BAR 'TSE BA PHRA MO 'BYUNG, ,ZHES SHES PAR BYAS LA DE DAG BSAL BAR GSUNGS SHING, DPAL MCHOG 'GREL CHEN DU YANG DE RNAMS BSAL NAS DKYIL 'KHOR BRI DGOS PA'I RGYU MTSAN DU NYES DMIGS DE DAG CI RIGS PA BSHAD PAS NA, MA BSAL BAR DKYIL 'KHOR BRIS BA'I NYES DMIGS YIN GYI SPYIR SA BRKOS PA LA DE LTAR BYUNG BA TZAM GYIS NYES DMIGS DE DAG 'BYUNG BAR STON PA

, ,MIN NO, ,SA STEGS GANG DU BYED PA'I SA DE DE'I RGYA JI TZAM YOD PA LA BRKOS NAS ZUG RNGU DBYUNG DGOS KYI GZHAN GCIG TU BRKOS NAS ZUG RNGU BYUNG BAS MI PHAN NO, GAL TE SA SEL BSAL BSAM LANGS NA JI LTAR BYA SNYAM NA, SPYI RGYUD LAS, ZUG RNGU'I NYES PA THAMS CAD NI, ,GAL TE DBYUNG BAR MI NUS NA, ,DER NI GSANG SNGAGS KHO NA YIS, ,SBYANG BA LEGS PAR BYAS PAR 'GYUR, ,ZHES GSUNGS SHING, PHRENG BA DANG D'A RI KA BAS LAG PAS REG CING BYABS NAS SNGAGS BZLA BAR BSHAD KYI SNGAGS GANG YIN MI GSAL YANG, BZANG PO YONG BZUNG DANG NYIN MO 'BYUNG GNAS KYIS, AOm HA NA HA NA KRO DHA H'Um PHAt CES PA LA BSHAD DO, ,SA SEL DBYUNG MA NUS PA'I TSAD NI PUS NUB TZAM BRKOS BAS MA DAG NA RKED PA TZAM BRKO LA SBYANGS, DES MA DAG NA SNGAGS KYIS SBYANG BAR NYIN MO 'BYUNG GNAS KYIS BSHAD DO, ,SA SEL GYI NYES PA SBYANG BA'I PHYIR DU BRKOS PA'I KHUNG BU LA SA DANG CHUS BRTAG PAR PRADZNY'A RAKshI TAS BSHAD LA, DAM TSIG RDO RJES KYANG DANG PO GNYIS GCIG PAR BSHAD DO, ,SA SEL BSAL ZIN PA NA SA SEL MA GTOGS PA'I SA LHAG MA DE NYID DRI ZHIM PO'I CHU DANG SBYAR BAS DONG DE DGANG DES MA KHENGS NA SA GZHAN GYIS KYANG DGANG NGO, ,DE NAS H'Um DANG LAS THAMS CAD PA BZLAS PA'I DRI ZHIM PO'I CHUS GTOR ZHING BRDUNGS NAS SA KHRU PHYED TZAM DU MTHO ZHING MNYAM LA DBUS CUNG ZAD MTHO BA SHAR DANG BYANG YID TZAM DMA' BAR BYA'O, ,DE LTAR BYAS PA'I PHAN YON DANG BZLOG STE BYAS PA'I NYES DMIGS NI, RDO RJE MKHA' 'GRO LAS, SNGAR BSHAD SA YI MTSAN NYID LA, ,DBUS SU MTHO BAR BRI BAR BYA, ,

SHAR DANG BYANG DU GZHOL BA NI, ,SNGAGS PA RNAMS KYI DNGOS GRUB GYUR, ,DBUS SU MTHO BAS RGYAL SRID DANG, ,RIG PA 'DZIN PA'I GNAS DAG 'THOB, ,BYANG DU MTHO BAS 'TSE 'GYUR RAM, ,NOR RNAMS BRLAG PAR 'GYUR BA STE, ,YANG NA NAD KYIS 'DEBS PAR 'GYUR, ,JI SKAD BSHAD PA'I SHAR MTHO BAS, ,MYUR DU RIGS RNAMS ZAD PAR 'GYUR, ,DBUS SU DMA' BA'I RANG BZHIN SA, ,SGRUB PA PO NI 'JOMS DANG LDAN, ,ZHES GSUNGS TE, PHRENG BA LAS DKYIL 'KHOR BYED PA'I SA PHYOGS KYI MTHO DMAN LA YANG DE LTAR GSUNGS PAS SA PHYOGS DANG STEGS BU GNYIS KA LA GO BAR BYA'O, ,SPYI RGYUD LAS STEGS BU'I DBUS SU KHUNG BU CUNG ZHIG BRKOS NAS 'BRU DANG RIN PO CHE LA SNGAGS KYIS BTAB SNYE GZHUG PAR GSUNGS LA, MI THUB ZLA BA DANG D'A RI KA PA DANG PHRENG BA DANG BI BH'U T'I LA SOGS PAS KYANG SMAN DANG RIN PO CHE LNGA DBUS SU GZHUG PAR BSHAD PA NI, DON YOD ZHABS KYIS RIN PO CHE SNA LNGA DANG 'BRU LNGA BCUG PA'I BUM PA BCUG NAS SAS DGANG BAR GSUNGS PA LTAR SA GTER BTZUD NA LEGS SO, ,GNYIS PA LA GSUM, LTO 'PHYI GANG LA BRTAG CING GNAS PA DANG RGYU BA'I TSUL DANG, DE SHES NAS JI LTAR BRKO BA'I TSUL DANG, BRKO SA LEGS NYES KYI SKYON BSTAN PA'O, ,DANG PO NI, LTO 'PHYE BRTAG PAR RDO RJE MKHA' 'GRO LAS GSUNGS SHING, MI THUB ZLA BA DANG AA BHYA DANG PRADZNY'A RAKshI TA DANG RATNA RAKshI TA DANG NYIN MO 'BYUNG GNAS DANG DE BZHIN GSHEGS PA'I RDO RJE SOGS KYI DKYIL CHOG LAS KYANG BRTAG PAR BSHAD DO, ,LTO 'PHYE BRTAG PA GANG LA DGOS PA NI, RDO RJE MKHA' 'GRO LAS, GTZUG LAG

, ,KHANG DANG KHANG BZANG DANG, ,MCHOD RTEN DKYIL 'KHOR GRONG KHYER DANG, ,KHYIM DANG LDUM RA LA SOGS LA, ,LTO 'PHYE'I LTO BAR BRKO BA DANG, ,ZHES GSUNGS SHING, PHRENG BAR DGON GNAS BYED PA LA YANG BRTAG PAR BSHAD DO, ,BI BH'U T'I'I DKYIL CHOG LAS KYANG, LHA KHANG MCHOD RTEN KHANG BZANG KHANG BRTZEGS DANG, ,RAB GNAS DKYIL CHOG LA SOGS BYED 'DOD PAS, ,'DIR NI SA YI LTO 'PHYE BRTAG BYA STE, ,ZHES GSUNGS PAS, 'DI BRTAG PA NI MANG PO ZHIG LA MKHO BAR SNANG NGO, ,DE LA DKYIL 'KHOR GYI KHANG PA BYED PA LA NI NGES PAR DGOS LA, SNGAR BSHAD PA LTAR BRKOS NAS SBYANGS TE DKYIL 'KHOR GYI STEGS BU BYED PA LA YANG DGOS SO, ,SA BRKO BA'I SNGON DU SNGAR BSHAD PA LTAR SA GZHI BGEGS DANG BRAL BAR BYAS NAS GTOR MA BYIN TE SA BDAG KLU BRTAG PAR GSUNGS PA LTAR BYA'O, ,'DIR PHRENG BA LAS RDO RJE KHU TSUR GYIS THIG SKUD BZUNG STE SGRUB GROGS DANG BCAS PAS GA-YAS SKOR GYI 'GROS KYIS SLOB DPON ME DANG RLUNG DU GNAS LA SHAR DANG NUB DANG BYANG DANG LHO PHYOGS KYI THIG BTAB NAS; GTZUG LAG KHANG LA SOGS PA GANG DU BYED PA'I GZHI DE GRU BZHIR BYAS TE, STON ZLA GSUM LA SOGS PA ZLA BA GSUM GSUM DU RIM PA BZHIN SHAR LHO NUB BYANG RNAMS SU MGO BSTAN ZHING LHO LA SOGS PAR KHA PHYOGS NAS NYAL BA BRTAGS TE, NYI MA SHAR BA NAS BRTZAMS NAS KLU'I MTSAN LAS KHRU GANG DOR BA'I MTSAN GYI CHAR GA-YAS SKOR DU RTZIG RMANG BRKO BAR BYA ZHES RAGS PA TZAM ZHIG LAS MA GSUNGS KYANG BI BH'U T'IS ZHIB PAR GSUNGS PA LTAR BSHAD NA, GZHI GANG YIN GRU BZHIR BYAS

PA DE'I PHYOGS BZHI PO RE RER YANG ZLA BA GSUM GYI ZHAG GRANGS DANG MTHUN PAR RI'U MIG DGU BCU RE BYA'O, ,DE LA LTO 'PHYE GNAS PA DANG RGYU BA'I TSUL NI STON ZLA RA BA'I TSES GCIG LA MGO BYANG SHAR GYI MTSAMS KYI RI'U MIG TU BZHAG NAS MJUG RTZE LHO NUB KYI RI'U MIG TU BZHAG STE KHA LHOR BLTAS NAS GNAS SO, ,DE NAS ZHAG RE SONG BA NA MGO SA LHO NGOS SU RI'U MIG RE DANG MJUG RTZES BYANG NGOS SU RI'U MIG RE BGROD NAS GA-YAS SKOR GYIS 'PHO'O, ,ZLA BA GSUM LA PHYOGS RE'I RI'U MIG DGU BCU RE BGROD PAS LO GCIG LA PHYOGS BZHI'I RI'U MIG DGU BCU PA PHRAG BZHI GA 'KHOR RO, ,DE YANG GZHOGS GA-YON 'OG TU BCUG NAS NYAL BA'I GDENGS KA NAS MJUG RTZE'I BAR LA MTHO BCU YOD LA MTHO RES RI'U MIG DGU RE NON PAS PHYOGS DANG MTSAMS GANG DU GNAS PA'I TSE YANG RI'U MIG DGU BCU RE NON NO, ,LUS KYI ZHENG GIS NI SA'I RI'U MIG GI CHA DGU KHYAB PAR NYAL ZHING GSANG GNAS NI PHYOGS MTSAMS GANG LA GNAS PA'I TSE NA'ANG DE'I DBUS SU BZHAG NAS GNAS TE, BI BH'U T'I'I DKYIL CHOG LAS, SA GZHI GANG YIN DE NI GRU BZHIR BYA, ,ZLA BA GSUM GYI NYIN MO'I GRANGS KYIS 'DIR, ,PHYOGS NI SO SOR SA DE RNAM PAR DBYE, ,DBANG LDAN NAS NI ME YI MTSAMS KYI BAR, ,SHAR GYI SA DE DGU BCUR RNAM PAR DBYE, , ME NAS BDEN BRAL MTSAMS KYI BAR DANG NI, ,BDEN BRAL NAS NI RLUNG GI MTSAMS BAR DANG, RLUNG NAS 'BYUNG PO'I BDAG PO'I MTSAMS KYI BAR, ,DE BZHIN KHO NAR DGU BCUR RNAM DBYE BYA, ,STON ZLA RA BA 'BRING DANG THA MA'I BAR, ,DBANG LDAN MTSAMS LA SOGS PAR

, ,MGO BO GNAS, ,BDEN BRAL MTSAMS LA SOGS PAR MJUG MA'I CHA, ,GSANG BA'I GNAS NI SA YI DBUS SU BZHAG ,LTE BA'I 'OG GI CHA NI LTO 'PHYE'I LUS, ,STENG CHA GDENGS KA DANG LDAN MI YI GZUGS, ,LHOR LTA LAG PA GA-YON PA RNA BAR BZHAG ,GA-YAS PA RIN CHEN THOGS PAS DKUR BKAB NAS, ,SA YI CHA DGU KHYAB PAR NYAL NAS GNAS, ,KLU YI BDAG PO LUS CHAD MTHO BCU PA'O, ,SHAR DANG NUB KYI MTHA' MAR GNAS NA YANG, ,SA YI DUM BU DE NI 'JAL BA LTAR, ,NYI MA'I BGROD PAS TSES GCIG LA SOGS PAR, ,NYIN ZHAG RE RE ZHING NI CHA RE RE, ,JI LTAR RIGS PAS SHAR GYI CHA RU RGYU, ,LHO DANG NUB DANG BYANG DU'ANG DE BZHIN NO, ,DGUN ZLA RA BA 'BRING DANG THA MA YI, ,DKAR PHYOGS LA SOGS NUB TU KHA MIG LTA, ,ME YI MTSAMS SU YAN LAG MCHOG BSTAN TE, ,RLUNG GI MTSAMS LA SOGS PAR MJUG MA GNAS, ,DPYID ZLA RA BA 'BRING DANG THA MA DE'I, ,GNOD SBYIN BDAG PHYOGS KHA DANG MIG GIS LTA, ,BDEN BRAL MTSAMS LA SOGS PAR MGO BO GNAS, ,DBANG LDAN MTSAMS LA SOGS PAR MJUG MA'I CHA, ,DBYAR ZLA RA BA 'BRING DANG THA MA RU, ,SHAR PHYOGS SU NI KHA DANG MIG GIS LTA, ,RLUNG GI MTSAMS LA SOGS PAR MGO BO GNAS, ,ME YI MTSAMS LA SOGS PAR MJUG MA'I CHA, ,LO GCIG LA NI SA GZHI MTHA' DAG TU; ;'KHOR GCIG GIS NI 'BAD PAS KUN TU KHYAB, ,CES SO, ,GZHAN YANG KLU CHEN PO BRGYAD KYANG DE'I MJUG RTZE SOGS GNAS BRGYAD NA GNAS TE, DE NYID LAS, LTO 'PHYE'I RGYAL PO'I RGYU BA'I DBYE BA NI, ,ZLA BA RE RE'I BYE BRAG SHES NAS SU, ,MTHA' YAS

BDAG NYID DKAR PO MDZES PA'I SKU, ,MJUG MA LA SOGS RIM GYIS BSAMS NAS SU, ,DE YI LUS LA KLU YI BDAG PO BRGYAD, ,'O MA LA SOGS NYE BAR SPYOD PAS MCHOD, ,MJUG MA'I RTZE MOR RIGS LDAN SHIN TU SNGO, ,GSANG GNAS DUR BA LTAR LJANG STOBS KYI RGYU, ,LTE BAR DUNG SKYONG PADMA'I RTZA BA BZHIN, ,DPUNG PAR PADMA CHEN PO GSER DANG MTSUNGS, ,NOR RGYAS SNYING KAR GNAS PA LJANG KHU STE, ,'JOG PO ZHES BYA DMAR PO MGRIN PAR GNAS, ,RNA BAR PADMA DKAR PO'I 'OD ZER CAN, ,SPYI BO RU NI MTHA' YAS SNGON PO GNAS, ,ZHES SO, ,LTO 'PHYE YANG MTHA' YAS YIN TE MDOG DKAR LA MDZOS PA'O, ,'O NA SA GZHI CHE CHUNG GANG YIN YANG DES DE LTAR KHYAB NAS NYAL BA JI LTAR YIN SNYAM NA, BOD KYI BLA MA DAG ZLA BA SHAR BA'I GZUGS BRNYAN SNOD CHE CHUNG GI CHU NANG DU SNANG BA DANG 'DRA BAS MI 'GAL BAR 'CHAD MOD KYANG MI 'THAD DO, ,LTO 'PHYE GCIG NYID KYIS SA'I CHA KUN TU DE LTAR KHYAB PA NI 'GAL LA RANG GI NGO BO GCIG YIN YANG SA SO SO LA GZUGS BRNYAN SO SOR SHAR BA YANG MA BSHAD PA'I PHYIR RO, , DES NA GANG DU BRKOS PAS SA BDAG LA MI 'PHROD PA 'ONG BA DANG MI 'ONG BA'I GNAS SHES PA'I PHYIR DU SA CHE CHUNG GANG YIN PA'I GZHI DER RTOG LUGS DE 'DRA ZHIG GSUNGS KYI GAR RTOG PA'I SA THAMS CAD DU DE LTAR GNAS MI DGOS SO, ,GNYIS PA NI, 'O NA THOG MAR BRKO BA'I GNAS DE GANG YIN SNYAM NA, DE NYID LAS, SHAR NAS CHA NI NYI SHU RTZA BDUN DOR, ,BYANG NAS PHYED DANG BCU BZHI'I CHA DOR BAR, ,SHAR NUB CHA DGU LHO BYANG PHYED DANG LNGA, ,'DI NI MTSAN GYI MDUN DU THOG MAR BRKO, ZHES GSUNGS SO, ,DE'I

, ,DON NI MGO SHAR DU BSTAN PA'I DBANG DU BYAS NA MGOS RI'U MIG GANG NON PA'I PHYOGS DE NAS NUB TU RI'U MIG DGU GSUM NYER BDUN DOR BA'I BAR LA BRKOR MI RUNG BAS, MTSAMS DE NAS NUB TU RI'U MIG DGU DANG RGYAB KYI LUS GYIS NON PA'I SA NAS MDUN DU RI'U MIG PHYED DANG BCU BZHI'I BIR LA BRKOR MI RUNG BAS MTSAMS DE NAS LHOR RI'U MIG PHYED DANG LNGA NI DANG POR BRKO BA'I DMIGS SO, ,DE NI MTSAN GYI MDUN DU BZHED PAS MTSAN GYI THAD DU RI'U MIG DGU SPANGS BAR BRKO BA'I LUGS SO, ,PHRENG BA LAS KHRU GANG SPANGS PA'I MTSAN GYI THAD DU BRKO BA'I RANG LUGS DANG MTHONG BA'I THAD KAR BRKO BA'I GZHAN LUGS GNYIS BSHAD DO, ,SDOM 'BYUNG 'GREL PA LAS MGO'I PHYOGS LA RI'U MIG NYI SHU'AM NYI SHU RTZA GCIG DANG LTO BAR YANG RI'U MIG GNYIS SAM GSUM YONGS SU SPANGS TE RGYAB DANG MJUG MA YANG NGES PAR BYAS NAS LTO BAR BRKO BAR BYA STE, ZHES GSUNGS TE, LUS KYI MGO MJUG GIS RI'U MIG DGU BCU NON PA DANG 'GAL MI 'GAL BRTAG GO ,GDENGS KA LA NI ZHAL GANG STE, ,ZHAL LA CHA PHRAN DGU RU SHES, ,DE LTAR MGRIN DANG THUGS KA NYID, ,LTE BA LA NI DE YI TSAD, ,DE NAS MTSAN MA'ANG DE TZAM YIN, ,LHAG MA LTO 'PHYE'I RNAM PA'O, ,ZHES ZER BA BZHIN DU LUS TSAD NGES PAR BYA ZHES GSUNGS PA NI GSANG GNAS SA'I DBUS SU 'ONG BA'I LUGS DANG 'GAL LAM SNYAM MO, ,DE 'DRA BA'I LTO 'PHYE BSAMS LA 'O MA LA SOGS PA'I MCHOD PAS MCHOD, RKO MKHAN BGEGS MTHAR BYED DU BSKYED TOG TZE RDO RJES MTSAN PAR BSAM

LAG PA GA-YAS STENG DANG GA-YON 'OG TU BYAS LA BZUNG STE KHA SHAR DANG BYANG DU BLTA, 'JOR KHAM BZHI BRGYAB PA'I SA BLANGS NAS ZHI BA'I SEMS KYIS GTOR MA'I NANG DU BLUG PA'AM ME MTSAMS LA SOGS PA'I PHYI ROL TU DOR BAR BYA'O, ,KHAM LNGA BRGYAB PA'I SA NI SA DE'I DBUS SU DGRAM DE'I RJES NAS PHYOGS MTSAMS KUN TU LAS MI THAMS CAD KYIS BRKOS PAS CHOG STE, BI BH'U T'I SA, MI NI BGEGS MTHAR BYED KYI RNAM PAR BSGOM, ,DPA' BO'I LAG PA TOG TZE RDO RJES MTSAN, ,LAG PA GA-YON PA 'OG TU BYAS NAS GZUNG, ,DE YIS BDUD KYI TSOGS NI SKRAG CING BZLOG ,SHAR DANG BYANG GI PHYOGS SU KHA BLTAS PAS, ,TOG TZE KHAM BZHI BRGYAB PAS BLANGS PA'I SA, ,ZHI BA'I SEMS KYIS GTOR MA'I NANG DU NI, ,BZHAG PA'AM ME MTSAMS LA SOGS PHYI ROL DOR, ,'BAD PAS DE YI KHAM LNGA PA YI SA, ,SA GZHI'I DBUS SU LEGS PA'I YID KYIS DGRAM, ,KHAM LNGA PA DER LAS MI DU MA YIS, ,PHYOGS DANG MTSAMS SU KUN NAS BRKO BAR BYA, ,ZHES SO, ,GSUM PA NI, SNGAR BSHAD PA LTAR GYI GNAS SU BRKOS NA NI CHOS DANG NOR DANG 'DOD DON THAMS CAD 'GRUB CING 'PHEL BAR 'GYUR LA, DE LAS GZHAN PA'I GNAS SU BRKOS NA NI NYES DMIGS MANG PO 'BYUNG STE, DE NYID LAS, DE YIS CHOS NOR 'DOD DON 'PHEL ZHING 'GRUB, ,GAL TE LTO 'PHYE'I RGYAL PO GNAS PA YI, ,CHA DGU'I SA YI CHA LA BRKOS NA NI, ,PHA MA BU DANG BU MO SPUN CHUNG MA, ,MNA' MA RANG GI SKYE BO MDZA' BSHES 'CHI, ,GAL TE RGYAB TU BRKOS NA RANG 'CHI ZHING, ,YANG NA RANG GNAS NAS 'PHO

, ,NOR BRLAG 'GYUR, ,MJUG MAR GLANG CHEN RTA DANG MA HE RA, ,BA LANG 'CHI ZHING STOBS KYANG NYAMS PAR 'GYUR, ,GAL TE KHAM LNGA'I NANG DU SHING DANG SKRA, ,GROG MKHAR SKRA SEN THAL BAS GNOD PA 'BYUNG, ,RDO BAS RLUNG GI 'JIGS PA PHUG MA DANG, ,'GAL DUM GYIS RIMS RUS PAS ZUG GZER RO, ,ZHES SO, ,KHAM LNGA'I SA'I NANG DU SHING LA SOGS PA BYUNG NA SKYON SKYED PAR GSUNGS PA NI MA BSAL BA'I NYES PA YIN GYI YOD PA TZAM GYI MIN TE, PHRENG BA NAS SNGAR LTAR GSUNGS PA YANG LTO 'PHYE BRTAGS NAS BRKOS PA'I SA LA GSUNGS PA DANG, BI BH'U T'IS KYANG, DE NAS RDO BA LA SOGS PA BSAL TE SA DE NYID KYIS SAM DES MI LDANG NA GZHAN GYI SA LA YANG DRI BZANG GI CHUS BTAB STE DONG DGANG BAR BYA'O, ,ZHES SA'I ZUG RDU DE DAG BSAL NAS BYA BAR GSUNGS KYI DE LAS GZHAN DU SPO BA 'AM MTSAN MA NGAN PA BZLOG PA'I THABS MA BSHAD PA'I PHYIR RO, ,NYIN MO 'BYUNG GNAS KYIS KYANG ,GAL TE ZUG RNGU DE MA BSAL, , NYES PA DAG NI SKYED PAR 'GYUR, ,ZHES DANG, ZUG RNGU LEGS BSAL DES NI NYON MONGS MA LUS SEL, ,ZHES LTO 'PHYE BRTAGS NAS BRKOS PA'I SA LA GSUNGS PA'I PHYIR RO, ,PRADZNY'A RAKshI TAS DNGOS GRUB KYI DON DU BRKO BA DANGS BDAG BRTAGS NAS BRKO BA GNYIS SO SOR BSHAD LA, PHRENG BA DANG RATNA RAKshI TAS DE GNYIS 'JUG PA GCIG TU BYAS PA NI DKYIL 'KHOR GYI SKABS LA DGONGS PAS DE LAS GZHAN PA'I SA BDAG BRTAGS NAS BRKO BA'I SKABS SU DNGOS GRUB

GSUM GYI DON DU BRKO BA'I TSUL RNAMS MI DGOS SO, ,GNYIS PA NI, DE NAS LAS THAMS CAD PA BZLAS PA'I YUNGS CHU THAL BAS SA DE LA GTOR LA DE BZLAS PA'I BA BYUNG LNGAS SHAR NAS BRTZAMS TE BYUG CING DRI'I CHUS KYANG GTER NAS, AOm BHU KHAm ZHES PAS NAM MKHAR BYA BA NI BDE MCHOG GI DBANG GI RAB BYED LAS GSUNGS PA LTAR STONG NYID DU BSGOM PA'O, ,H'Um LAm H'Um ZHES PAS SA RDO RJE'I RANG BZHIN DU BSAM STE, RDO RJE MKHA' 'GRO LAS AOm A'A: LAm H'Um ZHES 'BYUNG NGO, ,DE NAS AOm ME DI NI BADZRI BHA BA BADZRA BA NA DHA H'Um, AOm HA NA HA NA BADZRA KRO DHA H'Um PHAt, AOm A'A: H'Um SHO DHA YA SHO DHA YA RAKshA RAKshA H'Um H'Um PHAt, CES BRJOD LA LAG PAS REG NAS BYIN GYIS BRLABS TE SA GZHI RDO RJE'I RANG BZHIN DU BCINGS NAS BRTAN PAR BYA BA DANG RDO RJE KHRO BOS BGEGS RNAMS BCOM PA DANG RDO RJE GSUM GYIS NYES SKYON SBYANGS SHING BSRUNGS PAR BSAM PA'O, ,RDO RJE MKHA' 'GRO DANG GUR LAS SNGAGS GSUM GYI DANG PO 'DI DANG MI 'DRA TZAM ZHIG 'BYUNG LA GNYIS PA NI GDAN BZHIR LAG PA GA-YAS RDO RJER BSGOMS NAS BRKYANG BAS LA BRDEGS PAS SBYANG BAR BSHAD DO, ,DE NAS SNGAR NAM MKHAR BTEGS PA'I SA'I LHA MO PHAB LA MCHOD GTOR PHUL TE SA LA BSTIMS NAS PAD KOR BYAS LA YI GE GSUM DANG YIG BRGYA BZLA BA NI SA'I LHA MOS SA BYIN GYIS RLOB PA'O, GSUM PA NI, SNA TSOGS PA'I CHOS THAMS CAD STONG PA NYID DANG RO GCIG TU MOS NAS DE BZHIN NYID KYI RANG BZHIN SHIN TU RNAM PAR DAG PAR MOS PA BYA STE, RNAM SNANG MNGON BYANG LAS, SNGAGS PA RTOG LA GNAS NAS SU, ,GANG ZHIG SA SBYONG BYED PA NI,

, ,BYANG CHUB SEMS NI RNAM SPANGS PAS, ,GSANG BA'I BDAG PO DE MI 'DAG ,DE BAS RTOG PA RNAMS SPANGS NAS, ,SA KUN RNAM PAR SBYANG BAR BYA, ,ZHES GSUNGS SHING, KLU BYANG GIS KYANG DE LTAR GSUNGS PAS SA SBYANG BA LA 'DI GAL CHE'O, ,DE NAS THIG GI SKABS NAS GSUNGS PA LTAR PHYOGS NGES PAR BYAS LA SA DER RGYAR JI TZAM 'DOD PA'I DKYIL 'KHOR GYI KHANG PA GRU BZHI SGO BZHI PA RTA BABS BZHI DANG LDAN PA DRA BA'I KHOR YUG GIS KHYAB PA'I DBUS SU DKYIL 'KHOR GYI GNAS DE CHUD PA BYA BAR PHRENG BA LAS GSUNGS LA, RDO RJE MKHA' 'GRO LAS KYANG, DE LTAR SPYANGS PA'I SA GZHI LA, ,DKYIL 'KHOR DANG NI RJES MTHUN PA'I, ,RIN CHEN LA SOGS BZHI 'GYUR GYI, ,DKYIL 'KHOR GYI NI KHANG PA BYA, , ZHES STEGS BU'I BZHI 'GYUR GYI KHANG BA BYA BAR GSUNGS PAS SNGAR BSHAD PA'I SA CHOG RNAMS PHAL CHER DKYIL 'KHOR GYI KHANG PA LOGS SU BYED PA'I DBANG DU MDZAD PA YIN NO, ,BZHI PA LA GSUM, LHA'I RNAL 'BYOR BYAS TE GSOL BA GDAB CING DKYIL 'KHOR GDEG PA DANG, LANGS TE NGA RGYAL BZUNG NAS BGEGS LA BKA' BSGO BA DANG, STANG STABS BYA BA DMIGS BSAL DANG BCAS PA'O, ,DANG PO NI, DE NAS DKYIL 'KHOR GYI SA GZHI ME TOG GCAL DU BKRAM PA'I DBUS SU 'DUG LA RDO RJE DANG DRIL BU JI LTAR GZUNG BA'I SKABS NAS BSHAD PA LTAR GZUNG ZHING, 'DRI BAR 'GYUR BA'I DKYIL 'KHOR GYI RNAL 'BYOR BSRUNG BA'I 'KHOR LO DANG BCAS PA RDZOGS PAR BSGOMS PAS BGEGS BSAL TE LCE H'Um LAS RDO RJER BSKYED CING LAG

PA GA-YAS PAS SPOS PHOR BZUNG NAS, MA LUS PHYOGS NA BZHUGS PA YI, ,SANGS RGYAS RNAMS NI BDAG LA DGONGS, ,BDAG NI RDO RJE CHE GE YIS, ,'DIR NI DKYIL 'KHOR BRI BAR BGYI, ,SANGS RGYAS LA SOGS KUN BYON 'TSAL, ,DNGOS GRUB 'DI NI YANG DAG STZOL, ,ZHES RTZE MO NAS 'BYUNG BA 'DIS RGYAL BA SRAS BCAS LA SNYAN GSAN DBAB CING MCHOD PA BYA'O, ,RDO RJE 'BYUNG BA LAS, BDAG MING 'DI ZHES BGYI BA YIS, ,RDO RJE CAN GYI DKYIL 'KHOR BRI, ,ZHES 'BYUNG NGO, ,DE NAS YOD NA SHAR LA SOGS PA'I PHYOGS BZHIR GNAS PA'I SLOB MA RDOR DRIL 'DZIN PA RIM PA BZHIN DU RNAM SNANG DANG RIN 'BYUNG DANG 'OD DPAG MED DANG DON GRUB KYI RNAL 'BYOR DANG LDAN PA BZHI 'AM, MED NA SLOB MA GCIG NYID RIM PA BZHIN DU PHYOGS DE DAG TU SONG LA PHYOGS SO SO'I DE BZHIN GSHEGS PA'I NGA RGYAL 'DZIN PAS NAM MKHAR GNAS PA'I RNAM SNANG LA SOGS PA DANG LHAN CIG TU SLOB DPON DKYIL 'KHOR GYI GTZO BO DANG THA MI DAD PAR BSAMS LA, DE BZHIN GSHEGS PA KUN ZHI BA, ,DE BZHIN GSHEGS PA KUN GYI GNAS, ,CHOS KUN BDAG MED PA YI MCHOG ,DKYIL 'KHOR DAM PA BSHAD DU GSOL, ,MTSAN NYID THAMS CAD YANG DAG RDZOGS, ,MTSAN NYID MIN PA THAMS CAD SPANGS, ,KUN TU BZANG PO SKU YI MCHOG ,DKYIL 'KHOR DAM PA BSHAD DU GSOL, , ZHI BA'I CHOS MCHOG LAS BYUNG BA, ,YE SHES SPYOD PA RNAM SBYONG MDZAD, ,KUN TU BZANG PO GSUNG GI MCHOG ,DKYIL 'KHOR DAM PA BSHAD DU GSOL, ,SEMS CAN KUN GYI SEMS CHEN PO, ,RANG BZHIN DAG CING DRI MA MED, ,KUN BZANG THUGS MCHOG KHA

, ,LO SGYUR, ,DKYIL 'KHOR DAM PA BSHAD DU GSOL, ,ZHES GSANG 'DUS KYI BZHI PA LAS DA BZHIN GSHEGS PA RNAMS KYIS RDO RJE 'CHANG LA DBANG GI DKYIL 'KHOR BSHAD PAR GSOL BA BTAB PA 'DI MA 'ONGS PA'I GDUL BYA LA BSLAB PA'I PHYIR YIN PAS DE LTAR DU GSOL BA GDAB STE RGYA GZHUNG GI DKYIL CHOG DU MA LAS 'BYUNG NGO, ,RNAM SNANG SOGS BZHI DANG LHAN CIG TU GSOL BA 'DEBS PA NI, MI THUB ZLA BAS, SLOB DPON RDO RJE SEMS MTSUNGS LA, ,PHYI NAS RTAG SOGS RGYAL BA DANG; ;MNYAM PAR RDO RJE DRIL 'CHANG BA'I, ,SLOB MA RNAMS KYIS GSOL BA GDAB, ,CES PA'I RJES SU 'BRANGS PA'O, ,SLOB DPON GYIS KYANG RANG GTZO BOR GNAS PA LA DE BZHIN GSHEGS PA BZHIS GSOL BA BTAB PAR BSAM MO, ,SLOB MA DNGOS SU MED NA BSAM GTAN GYIS KYANG DE LTAR BYA BA NI MAN NGAG YIN PAR PHRENG BA LAS SO, ,DE LA DE BZHIN GSHEGS PA KUN NI RIGS LNGA DANG LDAN PA'O, ,RNAM SNANG LA SOGS PA'I ZHI BA CHEN PO'I TING NGE 'DZIN 'BYUNG BAS ZHI BA'O, ,DE BZHIN GSHEGS PA THAMS CAD KYI GNAS YIN PAS NA DE BZHIN GSHEGS PA KUN GYI GNAS SO, ,DRAN PA NYER BZHAG LA SOGS CHOS KUN GYI RANG BZHIN MED PA'I NGO BO YIN PAS CHOS KUN BDAG MED PA YI MCHOG GO ,DKYIL 'KHOR DAM PA BSHAD DU GSOL ZHES PA LA STONG PA DANG SNYING RJE DBYER MI PHYED PA'I BDE BA CHEN PO'I SNYING PO LEN PA NI DKYIL 'KHOR YIN LA, DE GSAL BA'AM MTSON PAR BYED PAS RDUL TSON GYI DKYIL 'KHOR YANG DKYIL 'KHOR TE DE BSHAD DU GSOL ZHES ZHU BA'O, ,MTSAN NYID THAMS

CAD YANG DAG RDZOGS NI GRU BZHI LA SOGS PA'I MTSAN NYID KUN DANG LDAN PA'O, ,MTSAN NYID MIN PA NI RDUL TSON PHRA BA DANG SBOM PA LA SOGS PA'I NYES PA STE DE THAMS CAD DANG BRAL BAS NA YANG DAG SPANGS PA'O, ,SKU'I MCHOG SKU RDO RJE'I RANG BZHIN 'DI LA YOD PAS NA KUN TU BZANG PO SKU'I MCHOG GO ,DKAR PO'I CHOS KYI NGO BOR GSAL BAR BYUNG BAS ZHI BA'I CHOS MCHOG LAS BYUNG BA'O, ,YE SHES DE'I CHED DU SPYOD PA RNAMS SBYONG BAR MDZAD PAS NA YE SHES SPYOD PA RNAM SBYONG MJAD PA'O, ,DE GSAL BAR MDZAD PA PO NYID KYIS GSUNG RDO RJE'I RANG BZHIN YIN PA'I PHYIR KUN TU BZANG PO GSUNG GI MCHOG GO ,CHOS THAMS CAD KYI NGO BOR SPRO ZHING KHYAB PAR BYED PAS SEMS CAN KUN GYI SEMS CHEN PO'O, ,DON DAM PAR KUN BTAGS PA THAMS CAD DANG BRAL ZHING THUGS RDO RJE'I RANG BZHIN NI RANG BZHIN DAG CING DRI MA MED PA'O, ,'DUL 'OS PA RNAMS 'DUL BAS NA KUN BZANG THUGS MCHOG KHA LO SGYUR BA'O, ,DKYIL 'KHOR BSHAD DU GSOL RNAMS NI SNGAR BZHIN TE PHRENG BA'I BSHAD PA'O, ,DE BZHIN GSHEGS PA BZHI'I NGA RGYAL 'DZIN LUGS LA BDE MCHOG LA RNAL 'BYOR MA BZHI DANG GSHED DMAR LA GTI MUG GSHIN RJE GSHAD LA SOGS PA BZHI'I NGA RGYAL BYAS NAS GSOL BA GDAB PAR BI BH'U T'I DANG DPAL 'DZIN GYIS BSHAD DE DE'I RIGS PA GZHAN LA YANG BSGRE'O, ,BI BH'U T'IS MAndAL SNGON DU BTANG NAS BYED PAR BSHAD DO, ,DE NAS BSGOMS PA'I DKYIL 'KHOR NAM MKHAR 'DEGS PA'I SNGAGS NI, H'Um BADZRA AUttA sh'RI ? ZHES PA STE RDO RJE NYE BAR GNOS SHIG PA'O, ,PHYAG RGYA NI RDO RJE KHU TSUR GNYIS KYI MDZUB MO GNYIS BRKYANG LA RTZE MO

, ,SBYAR BA 'OG TU PHYOGS PAS SPYI BOR GZUNG BA STE MTHE'U CHUNG GNYIS SBREL BA NI MA DAG GO ,PHYAG RGYA DE BCINGS LA SNGAGS DE BRJOD NAS NAM MKHAR GDEG GO ,GNYIS PA NI, DE NAS SKYIL KRUNG BSHIG LA LANGS TE SHAR DU PHYOGS PAS MNYAM PA'I RKANG STABS BYAS LA MGO BOR THAL MO SBYAR NAS, AOm PRA NA MA MI SARBA TATH'A GA TAN ZHES PAS DE BZHIN GSHEGS PA RNAMS LA PHYAG BYA'O, ,DE NAS SEMS CAN MA RIG PA'I MUN PAS BSGRIBS SHING BDUD KYI DBANG DU SONG BA RNAMS LA BLTAS TE BDUD BSAL BA'I PHYIR DU RANG NYID SKAD CIG GIS 'CHAD PAR 'GYUR BA LTAR GYI H'Um MDZAD DU SKYED LA, MIG GA-YAS PA MA LAS NYI MA DANG GA-YON PA tA LAS ZLA BA DANG MIG 'BRAS H'Um LAS DUS MTHA'I ME LTAR BSKYED PA'I RDO RJE'I LTA BAS PHYOGS THAMS CAD DU 'GRO BA LA BLTA'O, ,CHUL DES LTA BZHIN DU RDO RJE'I 'GROS BYED BA NA MIG SO SO'I BYED LAS NI, RGYAL BA BZANG POS, MA LAS GA-YAS SU NYI DMIGS TE, ,RDO RJE 'OD ZER DE BZHIN SPROS, ,MIG 'BRAS H'Um LAS BSKAL PA'I ME, ,RDO RJE GSOR BAR BYED BRTZON PAS, , RKANG PA'I 'GROS KYIS 'OD ZER TSOGS, ,RDO RJE DUS KYI ME 'OD 'DRA, ,GDUG PA 'BROS PAR BLTA BAR BYA, ,GA-YON PA'I ZLA BA DRI MED LA, ,Am LAS BYUNG BA'I 'OD ZER NI, ,BDUD RTZI YI NI TSOGS DANG LDAN, ,RANG GI 'KHOR TSOGS 'THUNG BYED CING, ,TSIM PAR BYED CING MCHED BYED PA'O, ,ZHES SO, ,KHA SBYOR GYI BRTAG PA BDUN PA'I RAB BYED BZHI PA LAS H'Um MDZAD ZHAL GSUM PHYAG DRUG PAR BYAS NAS BGEGS BSAL BAR BSHAD PA'I RJES SU 'BRANGS NAS, SLOB DPON 'DIS DKYIL 'KHOR NAM MKHAR BTEG RJES SU

GTZO BO GANG YIN GYI NGA RGYAL LAS 'POS NAS H'Um MDZAD DU SKYED PAR BSHAD DE, D'A RI KA PAS KYANG KHAMS GSUM RNAM RGYAL DU SKYED PAR BSHAD DO, ,KYEE RDOR LA NYIN MO 'BYUNG GNAS DANG KYEE RDOR LAS RIM GYI CHO GA LAS KYEE RDOR DU SGOM PA DANG GSHIN RJE GSHED DMAR NAG LA DPAL 'DZIN GYIS DE DAG TU SGOM PAR GSUNGS PAS DE DAG GI LTAR NA DE RNAMS LA GTZO BO'I NGA RGYAL 'PHO MI DGOS SO, ,KLU BYANG GIS KYANG ZHE SDANG RDO RJER BSGOMS NAS BGEGS BSAL BAR GSUNGS PAS DE LA'ANG NGA RGYAL 'PHO MI DGOS LA, 'ON KYANG RDO RJE'I RKANG STABS KYIS SA LA RDO RJE BRI DGOS PAS BZHENGS PA'I RNAM PA CAN DU BYA'O, ,'JAM RDOR LA PHYED BCAS BZHI BRGYA PA LAS KHRO BOR BYA BAR GSUNGS PAS GTZO BO KHRO PO MIN PA RNAMS LA NGA RGYAL 'PHOS NAS KHRO BO'I NGA RGYAL GYIS BGEGS BSAL DGOS PAR MNGON NO, ,DE NAS, NGA NI RANG NYID RDO RJE CAN, ,RDO RJE SEMS DPA' RANG NYID NGA, ,DA NI SANGS RGYAS RGYAL PO CHE, ,NGA NI STOBS CHEN RDO RJE CAN, ,NGA NI RNAL 'BYOR DBANG PHYUG RGYAL, ,PHYAG NA RDO RJE BRTAN PA DANG, , NGA NI BDAG PO RDO RJE CHE, ,BYIN GYIS BRLABS PA MI 'DOR RO, ,ZHES RTZE MO NAS GSUNGS PAS NGA RGYAL BYA'O, ,DE DAG NI YO GA BA'I BLA MA RNAMS RIGS BZHI'I 'KHOR LOS SGYUR PA'I NGA RGYAL 'DZIN PAR 'CHAD LA, 'DIR NI RIGS DRUG GI NGA RGYAL 'DZIN PA LA JI LTAR RIGS PAR SBYAR TE, BZANG PO YONG BZUNG LAS RIGS LNGA LA SOGS PA'I SANGS RGYAS THAMS CAD KYI NGA RGYAL 'DZIN PAR BSHAD PA'I DOD LA 'DI MDZAD PAR SNANG BA'I PHYIR RO, ,RKANG PA THA MA'I DON NI RIGS KUN GYI BDAG POS BKA' BSGOS NAS

, ,BYIN GYIS BRLABS PA'I BKA' MI 'DOR BA', ,DE NAS RKANG PA GNYIS KYI MTHIL DU RDO RJE 'BAR BA BSGOMS LA RKANG PA BYIN GYIS BRLAB BO, ,SA BON NI PHRENG BA DANG KHA SPYOR GNYIS KYIS H'Um LAS SKYED PAR BSHAD LA, D'A RI KA PA DANG SHANTI PAS A'A: LAS SNA TSOGS RDO RJE SKYED PAR BSHAD DO, ,DE NAS 'GYING BA DANG BCAS PAS RDO RJE GSOR DRIL BU DKROL ZHING RDO RJE'I RKANG STABS KYIS DBANG LDAN DU PHYIN LA, DE NAS BRTZAMS TE SLOB MA DANG LHAN CIG DKYIL 'KHOR GYI SA GZHIR GA-YAS SKOR DU RDO RJE'I RKANG STABS KYIS GAR BYAS TE BSKOR BA'I 'OG TU BGEGS BSKRAD DE SGYU DRA DANG DPAL 'DZIN DANG NYIN MO 'BYUNG GNAS SOGS KYIS KYANG DE BZHIN DU BSHAD DO, ,LA BA PA DANG D'A RI KA PA DANG NAG PO SPYOD PA DANG BI BH'U T'IS SNGON DU BKA' BSGOS NAS DE NAS DKYIL 'KHOR GYI SA LA SKOR BAR BSHAD PA YANG SNGON DU LAN CIG BSKOR NAS BKA' BSGOS PA'I 'OG TU RDO RJE'I 'GROS RNAMS KYIS BSKOR BA PHRENG BA'I DGONGS PA LTAR BYAS NA MI 'GAL LO, ,'DIR SKOR BA'I DUS SU KHA SBYOR BYA BAR GSUNGS PAS SGO BZHI SO SOR RANG GI GA-YON NA GNAS PA'I SLOB MA'I DRIL BU'I NANG DU RANG GI RDO RJE DANG, DE'I RDO RJE YANG RANG GI DRIL BU'I NANG DU GZHUG PAR BYA'O, ,DE NAS MDUN DU DANG DE NAS GA-YAS SU DANG DE NAS RGYAB TU YANG DE LTAR BYA STE PHYOGS RER BZHI BZHI'O, ,DE'I SNGAGS NI, AOm KHA BADZRA DHRI KA BADZRA H'Um KA RA H'Um PHAt CES PAS BYA BAR BI BH'U TIS BSHAD DO, ,'DI 'OG GI SKOR BA'I SKABS SU BYAS KYANG MI 'GAL LO, ,DE NAS DBANG LDAN NAS BKA' BSGO BAR D'A RI KA PAS GSUNGS PAS DER GNAS NAS BKA' BSGO RING BA BYED NA, GANGS SU DAG LHA DANG

LHA MA YIN DANG GNOD SBYIN DANG SRIN PO DANG YI DVAGS DANG SHA ZA DANG BRJED BYED DANG 'BYUNG PO DANG MKHA' 'GRO DANG MKHA' 'GRO MA DANG GRIB GNON DANG RGAN PO DANG RGAN MO DANG GA-YOG DANG 'KHOR DANG NAM MKHA' LDING DANG MI 'AM CI DANG RIG SNGAGS GRUB PA KHYOD RNAMS DENGS SHIG ,SA'I PHYOGS 'DIR RDO RJE SLOB DPON CHE GE MO ZHES BYA BA BDAG GIS SEMS CAN THAMS CAD KYI BLA NA MED PA'I YE SHES THOB PAR BYA BA'I PHYIR DANG, SLOB MA CHE GE MO ZHES BYA BA'I MNGON PAR RDZOGS PAR BYANG CHUB PA RDZOGS PAR BYA BA'I DON DU DPAL CHE GE MO ZHES BYA BA'I DKYIL 'KHOR CHEN PO BRI BAR BYA'O, ,DE'I PHYIR RDO RJE 'CHANG CHEN PO'I BKA' 'DI THOS NAS MYUR DU DENGS SHIG ,GANG DAG MI 'GRO BA DE'I MGO BO BDAG GIS H'Um MDZAD KYI RDO RJE RAB TU 'BAR BA GSAL ZHING RAB TU GSAL BA YE SHES KYI RDO RJE CHEN PO 'DIS RNAM PA BRGYAR 'GAS PAR BYA'O, ,ZHES KHA SBYOR GYI BRTAG PA BDUN PA'I RAB BYED BZHI PA DANG SGYU DRA'I GNYIS PA LAS GSUNGS PA LAN GSUM BRJOD CING KHRO BO DPAG TU MED PA SPROS PAS BGEGS RNAMS BSAL BAR BYA'O, ,BKA' BSGO THUNG BA BYED NA, LUS NGAG SEMS LA GNAS PA YI, ,BGEGS KYI TSOGS KUN YANG DAG NYON, ,NGA NI DPAL LDAN RDO RJE 'CHANG, ,BKA' YI 'KHOR LO SBYOR BA PO, ,RDO RJE 'BAR BA'I GZUGS KYIS NI, ,LUS GSUM LAS BYUNG DAGS BYA STE, ,GAL TE KHA CIG BDAG LAS 'DA', ,'DIR NI 'JIG 'GYUR GZHAN DU MIN, ,ZHES 'DUS PA'I BCU GSUM PA LAS 'BYUNG BA LAN GSUM BRJOD LA BYA STE, DMIGS PA NI SNGAR BZHIN NO, ,LUS GSUM LA NI SKU GSUM ZHES KYANG BSHAD LA, ,DE'I DON NI SKU GSUM GCIG TU GYUR PA LA SGRON

, ,GSAL LAS GSUNGS PAS 'GAS BYED KYI KHYAD PAR YIN GYI DGOS BYA'I YUL MIN NO, ,DKYIL 'KHOR GYI SA GZHI YANG DBANG CHEN GYI GTING GI BAR DU H'Um LAS BYUNG BA'I RDO RJE'I RANG BZHIN DU BYIN GYIS BRLAB BO, ,BSHAD ZIN PA DANG 'CHAD PAR 'GYUR BA'I SKABS THAMS CAD DU YANG SKABS GANG YIN GYI DMIGS PA RNAMS MA GSAL GYI BAR DU MA YENGS PAR DAL BUS BYA BA NI SHIN TU GAL CHE'O, ,PHYAG DANG SEMS BSKYED PA'I YUL GYI SEMS CAN SO SO BA RNAMS DANG NGA RGYAL GZUNG BA DANG BKA' BSGO BA'I YUL LA SOGS PA LA SO SO'I NYAMS BTON PA'I GAR MANG PO BYED PA PHRENG BA'I LUGS SU 'DOD PA NI, PHRENG BA DANG MAN SNYE DANG KHA SBYOR GYI 'GREL PA GZHAN GNYIS DANG SGYU DRA'I 'GREL PA GNYIS LA SOGS PA'I GZHUNG KHUNGS THUB SUS KYANG MA BSHAD PAS, SPROS PA LA DGA' BA'I BOD 'GA' ZHIG GIS BAL PO'I SNGAGS PA MI MKHAS PA KHA CIG LA BRTEN NAS RANG GI BLOS BTAGS PA TZAM DU ZAD DO, ,BYA BA BSDUS PA LAS BKA' BSGO BZHIR BYAS NAS DE RNAMS SGO'I SLOB DPON SO SOS BYED PAR BSHAD PA YANG 'THAD PA MA YIN TE, SGYU DRA LAS, SLOB DPON NYID GYIS LHA NYID KYI STANGS STABS SU 'DUG LA LAG PA GA-YAS PAS BSGRIMS TE RDO RJE GSOR ZHING GA-YON PAS DRIL BU GSIL NAS RDO RJE'I 'GROS KYIS DKYIL 'KHOR GYI SA BRJID BAG DANG BCAS PAR YONGS SU BSKOR BAR BYA'O, ,ZHES SOGS GSUNGS PAS SHAR SGO'I SLOB DPON GYIS BYED PAR 'DOD PA'I BKA' BSGO NI SLOB DPON NYID KYIS BYED PAR BSHAD PA'I PHYIR DANG, BKA' BSGO'I TSIG LAS KYANG, RDO RJE SLOB DPON CHE GE MO

ZHES BYA BA BDAG GIS ZHES GSUNGS PA'I PHYIR DANG, MAR ME MDZAD BZANG PO DANG LVA BA PA DANG D'A RI KA PA LA SOGS PA KHUNGS THUB DU MAS KYANG SNGAR BSHAD PA LTAR GYI GSOL GDAB BYAS PA'I SLOB DPON DES BYED PAR GSUNGS PA'I PHYIR DANG, PHYOGS GZHAN DU BKA' BSGO BYED PAR 'DOD PA DAG KYANG BKA' BSGO DANG POR MA 'DUS PA MI SNANG BA DANG RING THUNG GNYIS KYANG GDAM NGA CAN DU BSHAD PA'I PHYIR RO, ,DES NA BGEGS BSKRAD PA'I BKA' BSGO NI RDO RJE SLOB DPON GYIS NGES PAR BYA DGOS PA'I LAS YIN NO, ,GSUM PA NI, LVA BA PA DANG NAG PO SPYOD PAS RKANG PA BYIN GYIS BRLABS PAS SKOR BA'I TSE RKANG 'OG NAS BSKAL PA'I ME LTA BU'I 'OD ZER BYUNG BAS GDUG PA RNAMS BSREGS TE PHAN TSUN BYER BAR BSAM PAR GSUNGS PA MA GTOGS PA RKANG PAS SA LA RDO RJE 'DRI BA MA BSHAD LA, SHANTI PAS RDO RJE 'DRI BA BSHAD PA BZHIN DU PHRENG BA LAS KYANG, BZHI PO 'DI RDO RJES MTSAN PA DANG RDO RJE RNAMS 'DRI BAS RDO RJE'I RKANG STABS TE SO SOR GA-YAS SKOR DU GA-YAS BRKYANG LA SOGS PA RNAMS BYED PAS LAN RE BYA'O, ,ZHES GSUNGS SO, ,RDO RJE'I RKANG STABS NI BZHI STE RDO RJE RTZE GCIG PA DANG RTZE GSUM PA DANG RTZE LNGA PA DANG SNA TSOGS RDO RJE'I RKANG STABS SO, ,RDO RJE DE RNAMS SKYED PA'I GNAS NI RKANG MTHIL DANG SA BON H'Um YIN LA, RKANG MTHIL GYIS RDO RJE RNAMS SA LA 'BRI ZHING GAR GYIS BSKOR TE 'ON KYANG PHYIR LOG NAS BSKOR ZHING RJES GDOD PAR PHRENG PA LAS SO, ,RDO RJE'I RKANG STABS KYI SKABS SU RDO RJE'I MIG GNYIS KYIS MDUN DU LTA BA'I MNGON DU PHYOGS BA DANG, RGYAB TU LTA BA'I PHYIR PHYOGS PA STE LTA BA GNYIS BYA BAR PHRENG BA LAS GSUNGS PAS RKANG STABS BZHI

, ,GA LA LTA BA GNYIS GNYIS DGOS SO, ,DE DAG GI TSUL NI PHRENG BA LAS, MIG GNYIS LAG GNYIS DE BZHIN DKUR, ,RKANG PA GZHOGS SU GA-YAS SKOR DU, ,PHEG RDOB SBYOR BAS BKYER BAR BYA, ,SLAR YANG GA-YON DU DE BZHIN NO, ,DE NAS RGYUG PA'I GAR BYAS NAS, ,DE NAS GA-YO ZHING GAR BYA'O, ,MYUR DU PHEG RDOB DE BZHIN DU, ,GAR BYAS 'KHOR LO RAB BSKOR ZHING, ,ZHES GSUNGS TE, DPANG LO'I 'GYUR LAS, GAR BYAS 'KHOR LO 'DRAR BSKOR ZHING, ,ZHES BSGYUR BA DANG, BZANG PO YONG BZUNG LAS, 'KHOR LO LTA BUR 'KHOR BAR BYA, ,ZHES 'BYUNG BA LEGS SO, ,DE DAG GI RIM PA NI 'DI YIN TE, SNGAR LTAR RKANG PA BYIN GYIS BRLAB LA RDO RJE GSOR DRIL BU GSIL TE H'Um ZHES BRJOD CING RKANG PAS RDO RJE RTZE GCIG PA SOGS KYI RNAM PA SA LA BRI BA ZIN PA DANG LAG PA GNYIS DKUR BZHAG NAS GA-YAS SU 'KHOR LO BZHIN BSKOR RO, ,DE NAS RGYUG PA'I GAR TE GOM PA MYUR DU DGOD PA'I TSUL JI LTAR RIGS PAR BYAS NAS YANG SNGAR BZHIN DU BYAS PA'I 'OG TU GA-YON NGOS NAS 'KHOR LO BZHIN BSKOR RO, ,DE YANG RKANG STABS DANG PO GSUM LA DANG POR RKANG PA GA-YAS PAS RGYAB MDUN GNYIS SU BRI LA DE NAS GA-YON PAS DE LTAR BYED PA'I 'GROS SPEL LA BYA ZHING, BZHI PA LA RKANG PA GA-YAS PAS MDUN DANG GA-YAS GNYIS DANG GA-YON PAS RGYAB DANG GA-YON GYI RDO RJE BRIS LA BSKOR RO, ,RDO RJE'I RKANG STABS RE RES KYANG SKOR BA RE BYA'O, ,PHRENG BA LAS H'Um YIG BRJOD PA SNGON DU 'GRO BAS ZHES GDAN GYI SKABS SU BSHAD PA MA GTOGS SNGAGS GZHAN 'DON PA MA BSHAD LA, RDO RJE MKHA' 'GRO DANG KHA SBYOR DANG SGYU DRA

DANG DKYIL CHOG MANG POS KYANG RDO RJE'I GOM PAS BSKOR BA'I SKABS SU H'Um YIG BRJOD PAR BSHAD DO, ,'DI RNAMS LA BOD KYI BLA MA DAG GZHAN MANG PO BYED KYANG PHRENG BA'I DGONGS PA NI DE TZAM ZHIG TU SNANG NGO, ,DE NAS GA-YAS BRKYANG LA SOGS PA BYED PA LA RDO RJE'I RKANG STABS LAN RE DANG LAN GSUM BYAS NAS BYED PA DANG NGES PA MED PA'I LUGS GSUM PHRENG BAR GSUNGS PAS GANG 'DOD PA BYAS LA, GA-YAS BRKYANG NI RKANG PA GA-YON PA'I BYIN PA BSKUMS NAS MTHO LNGA'I BAR DU RKANG PA GA-YAS PA 'GYING BA DANG BCAS PAR DRANG POR BRKYANG PA'O, ,GA-YON BRKYANG NI DE LAS BZLOG PA'O, ,SA GA NI RKANG PA GNYIS KYI BAR DU SOR NYER DRUG YOD PAR BYAS NAS RKANG SOR RNAMS LOGS SU BSTAN ZHING PUS MO GNYIS DRANG POR BYAS PA'O, ,ZLUM PO NI RKANG PA GNYIS KYI BAR DU KHRU DO PA NGANG PA'I GSHOG PA LTAR BYAS PA'O, ,MNYAM PA NI RKANG PA GNYIS KYI SOR MO PHAN TSUN SBYAR BA STE RKANG PA'I MTHE BONG DANG RTING PA GNYIS BCER BA STE DE DAG GI MTSAN NYID NI KHA SBYOR DANG SGYUR DRA'I 'GREL PAR KUN SNYING GIS BSHAD DO, ,DE LNGA NI RIM PA LTAR SHAR LA SOGS PA BZHI DANG DBUS SU BYA'O, ,'DI RNAMS BGEGS BSKRAD PA'I SKABS KYI LHA'I NGA RGYAL GANG BZUNG BA DES BYAS PAS CHOG PAR KLU BYANG DANG AA BHYA SOGS BZHED PAS H'Um MDZAD SOGS KYI NGA RGYAL LA GNAS NAS H'Um YIG BRJOD LA BYA'O, ,BOD KYI BLA MA DAG DE RNAMS LA GZHI BCA' BA RKANG BDAG MDUN DANG GZHOGS DANG RGYAB TU RE MOS KYIS 'JOG CING BZHI PA LA RKANG STABS GANG YIN SGRUB LA, KHA SBYOR LA YANG GZHI BCA' SNGON DU 'GRO BAS SLOB DPON KHA NANG DU BLTA SLOB MA KHA PHYIR LTA BAS SHAR DU SLOB

, ,DPON GYIS GA-YAS BRKYANG DANG SLOB MAS GA-YON BRKYANG BYED CING LHOR DE LAS BZLOG PA DANG, PHYOGS GZHAN GNYIS SU RKANG STABS 'DRA BAR BYAS NAS BYED DO, ,DE NAS SHES SHING SPRO NA RKANG STABS LHAG MA BRGYAD DANG TSUL RNAMS DANG GDAN RNAMS BYA'O, ,DE DAG MI SHES PA'AM SHES KYANG MI SPRO NA MA BYAS KYANG NYES PA MED PAR GSUNGS TE, PHRENG BA LAS, YONGS SU MI SHES PA'AM MI NUS PA'AM BYA BA BSDUS PA LA DGA' BA'AM MI 'DOD PAS KYANG RUNG STE RDO RJE'I RKANG STABS LA SOGS PA THAMS CAD DAM NYUNG ZAD MA BSGRUBS NA'ANG SKABS SU BAB PA NYAMS PAS MI 'GYUR TE, BGEGS BSAL BA NI BSKOR BA LA SOGS PAS KYANG 'GRUB PA'I PHYIR RO ZHES MAN NGAG RIG PA RNAMS GSUNG NGO, ,ZHES SO, ,RDO RJE'I RKANG STABS SA LA RDO RJE 'DRI BA SOGS KYI GAR MI BYED KYANG RKANG PA RDO RJER BYIN GYIS BRLABS NAS DKYIL 'KHOR GYI SA SKOR BA RNAMS GZHAG TU MI RUNG LA, DE DAG GI SKABS SU NAG PO SPYOD PAS GSUNGS PA LTAR DMIGS PA SHIN TU GSAL BAR BYA'O, ,DE NAS DKYIL 'KHOR GYI SA GZHI DRIS BYUGS LA ME TOG DANG SPOS LA SOGS PA DANG ZUR BZHI DANG SGO BZHIR SPOS PHOR LA SOGS PA DANG GAR DANG GLU LA SOGS PAS YANG DAG PAR MCHOD NAS, LAG PAS REG CING DKYIL 'KHOR GYI BDAG PO'I SNGAGS BRGYA RTZA BRGYAD DANG YI GE BRGYA PA LAN BDUN BZLAS LA DE NYID DU LHA'I 'KHOR LO SPRO ZHING BSDU BAS NYAL BAR BYA'O, ,SA'I DBUS SU MNGON RTOGS BSGOMS NAS GSOL BA GDAB PA NI SH'ANTI PA LA SOGS PAS KYANG SA GZUNG BAR GSUNGS LA, KHA SBYOR DANG SGYU DRAR BGEGS BSKRAD DE RDO RJE'I RKANG

STABS KYIS SKOR BA BYED PA RNAMS SA GZUNG BAR BSHAD PA BZHIN PHRENG BAR YANG MDZAD PA'O, ,SA GZUNG BAR 'GRO TSUL NI SLOB MA RIGS BZHI'I NGA RGYAL 'DZIN PAS SA DER DKYIL 'KHOR DRI BA'I DON DU GSOL BA BTAB PA NA SLOB DPON GYIS KYANG CANG MI SMRA BAR DER DKYIL 'KHOR BYED PAR KHAS BLANGS PAS SA DE DKYIL 'KHOR GYI GZHIR BZUNG BA YIN LA, DE YANG DER GNAS PA'I BGEGS DANG BRAL BAS BSGRUB DGOS PAS BKA' BSGO DANG STANG STABS RNAMS KYANG SA GZUNG BAR BSDUS SO, ,LNGA PA LA GNYIS, SNGON DU LHAR BSKYED NAS BGEGS DGUG PA, BKUG PA'I BGEGS LA PHUR BUS GDAB PA'O, ,DANG PO NI, SH'ANTI PAS BGEGS BSKRAD PA'I NYI MA GNYIS PA LA PHUR BUS GDAB PAR GSUNGS PA LTAR 'DIR YANG MDZAD PAS DE NYIN LA MA LCOGS NA DE BZHIN DU BYA LA, LCOGS NA STANG STABS RGYAS BSDUS GANG RUNG ZIN PA'I 'OG TU BYA'O, ,GNYIS PA LA BYED NA SNGA BAR LANGS LA 'GRO BA RDO RJE 'CHANG GI GO 'PHANG LA DGOD PA'I DON DU BGEGS BSKRAD PAR BYA'O SNYAM DU SEMS BSKYED, SKAD CIG GIS STONG NYID DU BSAMS PA'I RJES LA RAm LAS NYI MA'I STENG DU H'Um LAS SNA TSOGS RDO RJE LTE BA H'Um GIS MTSAN PA'I 'OD ZER LAS BYUNG BA'I RDO RJE 'BAR BA SPROS PAS PHYOGS SU BAR MTSAMS MED PAR DUM BU GCIG TU GYUR PA'I RDO RJE'I RA BA DANG, STENG DU GUR DANG DE'I 'OG RA BA'I STENG DU RDO RJE'I BLA RE DANG PHYI ROL TU MDA'I DRA BA DANG, 'OG GI SA GZHI YANG 'BAR ZHING BZOD PAR DKA' BA'I SNA TSOGS RDO RJE'I RANG BZHIN DU BSGOM MO, DE'I DBUS SU SKAD CIG GIS RANG NYID RDOR SEMS KYI NGO BO YONGS SU GYUR PA'I KHRO BO 'JIG RTEN GSUM RGYAL MING GZHAN H'Um MDZAD

, ,CES PA RTZA ZHAL SNGO GA-YAS SER GA-YON LJANG BA'I ZHAL GSUM GDANGS SHING MCHE BA GTZIGS PA LJAGS 'DRIL BA, ZHAL RE RE ZHING SMIN MA 'KHYOG CING KHRO GNYER DANG BCAS PA SPYAN GSUM DMAR ZHING ZLUM PA 'KHOR LO LA SOGS PA'I PHYAG RGYA DRUG DANG LDAN PA, DPRAL BAR THOD PA LNGAS BRGYAN CING KHRAG 'DZAG PA'I MGO PHRANG MGUL PA LA 'PHYANG BA MGO BO DANG BCAS PA'I SKA RAGS CAN STAG LPAGS KYI NA BZA' 'PHYANG BA, MTHA' YAS NAG POS BCINGS PA'I DBU SKRA KHAM PA GYEN DU 'BAR BA 'JOG PO SOGS KLU'I RGYAL PO BRGYAD KYIS BRGYAN PA, PHYAG DRUG GI DANG PO GNYIS RDOR DRIL 'DZIN PAS RDO RJE KHU TSUR GNYIS RGYAB SBYAR TE MTHE'U CHUNG GNYIS SBREL ZHING MDZUB MO GNYIS BRKYANG BA'I 'JIG RTEN GSUM RGYAL GYI PHYAG RGYAS RANG 'OD KYI SHES RAB MA DANG SNYOMS PAR 'JUG PA, GA-YAS 'OG MA GNYIS KYIS LCAGS KYU DANG ZHAGS PA DANG GA-YON 'OG MA GNYIS KYIS THOD PA DANG KHA tV'Am GA 'DZIN PA, GA-YAS BRKYANG ZHING GA-YON BSKUMS PA'I ZHABS GNYIS KYIS SNA TSOGS PADMA DANG NYI MA LA GNAS PA'I 'JIGS BYED DANG DUS MTSAN MNAN PA, RAB TU KHROS PA'I BSKAL PA'I ME LTAR 'OD ZER GYI PHUNG PO 'BAR BA 'GRO BA MA LUS PA'I BGEGS THAMS CAD ZA BA LTA BU, H'Um GI SGRA DRAG PO SGROG CING PHYOGS SU LTA BAS RANG GI SNYING GA'I H'Um LAS SPROS PA'I 'OD ZER GYIS PHYOGS BCU'I BGEGS RNAMS BKUG STE H'Um LAS SPROS PA'I KHRO BO BCU LA GTAD PAR BYA'O, ,PHYOGS BCU'I BGEGS NI DBANG PO LA SOGS PA'I GZUGS CAN GYI BGEGS 'KHOR BCAS SO, ,PHRENG BA DANG SDOM

'BYUNG 'GREL PAR RA BA SOGS BYAS PA'I 'OG TU PHUR BUS 'DEBS PAR BSHAD LA, MAR ME MDZAD D'A RI KA PA NAG PO SPYOD PA LA SOGS PAS PHUR BUS BTAB NAS RA BA SOGS MDZAD CING LA BA PAS SKABS GNYIS KAR YANG BYA BAR GSUNGS SO, ,SNGAR GYI BGEGS BSKRAD NI BGEGS RNAMS LA BKA' BSGOS NAS PHYOGS GZHAN DU SKROD PA YIN LA, 'DIR BKUG PA NI LA BA PAS BROS PA'I BGEGS 'GUGS PAR GSUNGS PAS, BKA' BSGO BA'I DUS SU BKA' BSGO MI NYAN PAR GZHAN DU BROS NAS SLAR BGEGS BYED 'DOD PA RNAMS BKUG NAS PHUR BUS BTAB STE DKYIL 'KHOR GYI BYA BA MA RDZOGS KYI BAR DU 'JOG PA YIN TE PHUR BU 'DON PA'I SKABS KYIS SHES SO, ,'DIR H'Um MDZAD DU BSKYED NAS BGEGS LA BKA' BSGO BA DANG BSGO BA MI NYAN PA RNAMS 'GUGS PA SOGS BYED PA NI DE NYID BSDUS PA'I DUM BU GNYIS PA LAS DRAG PO DBANG PHYUG LA SOGS PA'I MA RUNGS PA THAMS CAD SNGON DUS SU H'Um MDZAD KYIS BTUL BAR GSUNGS PAS, RJES 'JUG LA YANG DE'I NGA RGYAL BYAS NAS GDUG PA CAN RNAMS BTUL NA KHYAD PAR CHE BAR SLOB DPON 'DIS DGONGS SO, ,GNYIS PA LA GNYIS, PHUR BU DANG DE'I SKYED CHOG JI LTAR BYA BA DANG, PHUR BUS 'DEBS PA'I TSUL DMIGS BSAL DANG BCAS PA'O, ,DANG PO NI, PHUR BU'I RGYU NI SENG LDENG DANG RUS PA DANG LCAGS GSUM GANG RUNG LAS BYAS PA SRID KYI TSAD SOR BCO BRGYAD PA BCU GNYIS PA BRGYAD PA GSUM GANG RUNG DANG SBOMS KYI CHAD NI RANG RANG GI SRID KYI TSAD KYI SUM CHA'O, ,DBYIBS JI LTAR DU BYA BA LA 'DI DANG KLU BYANG DANG DPAL

, ,'DZIN GYIS SGOM DON LA STOD KHRO BO DANG SMAD PHUR BU'I RNAM PAR SGOM PAR BSHAD PA MA GTOGS PAR MI GSAL YANG, DBANG GI RAB BYED LAS, STOD RANG RANG GI GZUGS LA SMAD PHUR BUR 'DUG PA BCU, ZHES DANG, LI LA BADZRAS KYANG, PHUR PA STOD NI KHRO BO LA, ,SMAD NI RDO RJE RTZE GCIG PA, ,ZHES BSHAD PAS, LTE BA YAN CHAD SGOM DON LA KHRO BO GANG DU SGOM PAR GSUNGS PA DE'I RNAM PA CAN LA LTE BA MAN CHAD RDO RJE RTZE GCIG PA'I RNAM PAR SHANTI PAS KYANG GSUNGS PAS DE BZHIN DU BZO'O, , DE LA TSON SKUD SNA LNGAS RIM PA BZHIN DU DKRI YUNGS KAR DANG TZAN DAN DMAR POS BYUGS NAS ME TOG GI PHRENG BA DMAR PO RE BCINGS PA BCU SNOD GSAR PAR GZHAG GO ,D'A RI KA PAS, SENG LDENG LA SOGS DRI DMAR BSKUS, ,DAR DMAR ME TOG PHRENG BTAB PA'I, ,ZHES KYANG BSHAD LA, TSON SKUD SNA LNGAS DKRI BAR KLU BYANG GIS KYANG BSHAD DO, ,PHUR BU'I GRANGS LA 'DIR BCU DANG BZHI BYED PA'I LUGS GNYIS BSHAD PA'I PHYI MA NI RGYAL BA BZANG POS KYANG BZHED LA, MAR ME MDZAD BZANG POS GCIG DANG LI LA BADZRAS LNGA BSHAD DO, ,PHUR BU'I SKYED CHOG LA LHA SO SO BAR BYED MI BYED KYI LUGS GNYIS LAS 'DI DANG SDOM 'BYUNG 'GREL PA'I LUGS KYIS PHUR BU RNAMS KHRO BO BCU SO SOR SKYED CING LA BA PA DANG PRADZNY'A RAKshI TAS KYANG PHUR BU RNAMS SGO MTSAMS MA BRGYAD DU SKYED PAS SO SO BA'O, ,KLU BYANG DANG D'A RI KA PAS PHUR BU RNAMS BGEGS MTHAR BYED DANG DPAL 'DZIN GYIS RAL GRI GSHIN RJE GSHED DU SKYED PAR BZHED PAS SO SO BAR MI BYED DO, ,MAR ME MDZAD KYIS PHUR BU'ANG GCIG TU GSUNGS LA LHA

YANG BGEGS MTHAR BYED DU SKYED DO, ,GANG LTAR NA'ANG BSANG SBYANG SNGON DU BYAS NAS STOD RANG RANG GI KHRO BO'I GZUGS LA SMAD RDO RJE RTZE GCIG PA'I RNAM PA CAN BSKAL PA'I ME LTAR 'BAR BAR BSGOM STE BSDUS NA DES CHOG LA SPRO NA YE SHES PA GZHUG PA DANG DBANG BSKUR RGYAS GDAB BYAS LA MCHOD CING BSTOD DO, ,MI THUB ZLA BAS, PHUR BU'I MGO RU THO BA NI, ,BZHAG PA LAG PA GCIG SHOS KYIS, ,SNGON GYI SNGAGS KYIS BRDUNG BYA STE, ,ZHES THO BA LAG PA GA-YAS SU BZUNG NAS GA-YON PA'I PHUR BU'I MGO NAS BRDUNGS TE 'DEBS PAR BSHAD PAS THO BA YANG DGOS LA, DE NI BSANG SBYANG SNGON DU BTANG NAS SGOM DON LA GANG GIS 'DEBS PA'I LHA DE'I GA-YAS KYI PHYAG MTSAN DANG PO LAS THO BAR BSKYED PAS CHOG GO ,GNYIS PA NI, DE NAS SGRA RING POR BRJOD PA'I H'Um LAS BYUNG BA'I KHRON PA BCUR BGEGS DE RNAMS BCUG LA, AOm BADZRA K'I LI K'I LA YA SARBA BIGH'AN H'Um ZHES PA'AM 'DUS PA LAS GSUNGS PA'I AOm GHA GHA ZHES SOGS KYI SNGAGS BRJOD PA SNGON DU 'GRO BAS MGO BOR PHUR BU BTZUGS NAS, AOm BADZRA MUD GA RA AA KO tA YA H'Um ZHES BRJOD CING BRDUNGS PAR BSAMS LA, DBANG LDAN NAS BRTZAMS TE 'OD ZER GYIS PHRENG BA'I PHYOGS BRGYAD DU DANG POR SLOB DPON GYIS GDAB CING BRDUNG, DE NAS MI NUS NA DE'I RJES SU SGO'I SLOB DPON RNAMS KYIS BYA'O, ,STENG GI PHUR PA NI SHAR GYI PHUR PA'I SHAR DANG 'OG GI PHUR PA NI NUB KYI PHUR PA'I NUB TU BYA'O, ,'DIR DNGOS SU SLOB DPON NAM SLOB MAS GA-YON GYIS PHUR BU BZUNG NAS GA-YAS PAS 'DEBS MOD KYANG SGOM DON LA RANG LHA'I NGA RGYAL BYAS PA'I 'DEBS MKHAN DE TZAM GYIS CHOG GAM LOGS PA

, ,DGOS SNYAM NA, PHRENG BA LAS KHRO BO DE RNAMS KYIS KYANG ZHES PA NAS GA-YON PA'I RDO RJE KHU TSUR GYIS BZUNG STE GA-YAS PAS MTSAN MA'I GTZO BO YONGS SU GYUR PA'I THO BA ME TOG DMAR PO'I PHRENG BA BCINGS PA BZUNG NAS, ZHES GSUNGS PAS, RANG GIS BKA' BSGOS PAS SNGAR BGEGS GTANG PA'I KHRO BO BCUS RANG RANG GI PHUR PA 'DEBS PAR SGOM PA 'DI DANG RANTA RAKshI TA BZHED LA, GSANG 'DUS 'PHAGS LUGS PA RANG GIS BKA' BSGOS PAS 'GUGS PA DANG 'DEBS PA GNYIS KA GNOD MDZES KYIS BYED DO, ,'JAM RDOR DANG KYEE RDOR DANG GSHID DMAR LA SNGAR BKA' BSGO BA'I DUS KYI LHA'I NGA RGYAL GANG BZUNG BA DE NYID KYIS BTAB PAS CHOG CING LVA BA PA DANG PRADZNY'A RAKshI TAS SGO MTSAMS MA BRGYAD KYIS 'DEBS PAR BSHAD DO, ,PHUR BU BZHIR 'DOD PA RNAMS LA KHA CIG PHYOGS BZHI DANG KHA CIG MTSAMS BZHIR 'DEBS PA'I TSUL GNYIS 'DIR BSHAD PA'I PHYI MA NI RGYAL BA BZANG PO BZHED LA, 'JAM RDOR GYI DKYIL CHOG RTZA 'GREL LTAR NA PHUR BU GCIG PU DE DBUS SU 'DEBS TE, DE YANG PHYOGS SKYONG BCU 'KHOR BCAS KYIS BGEGS THAMS CAD LA GCIG PU DES 'DEBS SO, ,NYIN MO 'BYUNG GNAS KYIS BGEGS THAMS CAD GCIG TU 'DUS PAR BSAMS PA LA DBUS SU BLOS GDAB PAR BSHAD DE PHUR BU DNGOS SU YOD NA'ANG DKYIL 'KHOR GYI DBUS SU DMIGS PAS BTAB NAS DBANG LDAN LTA BUR DNGOS SU BTAB NA LEGS SO, ,PHYI'I 'OD ZER GYI PHRENG BA LA PHUR BUS GDAB PAR GSUNGS MOD KYANG DA LTAR GYI SLOB DPON RNAMS NI DKYIL 'KHOR GYI KHANG

PA'I PHYI ROL DU PHUR BUS BTAB NAS, DE'I STENG DU SA'I GONG PO BCU BYAS PAR PHUR BU'I GZUGS KYI KHRO BO RNAMS LA THUN SO SO LA ME TOG LA SOGS PA DANG GDUGS DANG GTOR MA DBUL BA RNAMS KYIS MNYES PAR BYA'O ZHES GSUNG ZHING MDZAD PA NI MI 'GAL TE, DE LTAR BYAS NA'ANG 'DOD PA'I DNGOS GRUB 'GRUB PA'I PHYIR RO, ,ZHES GSUNGS TE PHYI NANG GANG DU 'DEBS KYANG PHUR BU LA GNOD PA SPANG BA'I PHYIR RU SA'I GON BU'I SBUBS SU 'DZUD PA DANG THUN SO SO LA PHUR MCHOD BYED PA NI NYIN RE ZHING BYA'O, ,JI SKAD BSHAD PA'I PHUR BU DNGOS SU MED NA BSGOMS PA KHO NAS GDAB PA DANG BRDUNG BA SNGAR BSHAD PA RNAMS BYAS LA LAG PA GAN RGYAL DU GNAS PA BSGYUR NAS, AOm BADZRA A'A: H'Um ZHES BRJOD CING SA LA BSNUN TE DE LTAR MOS PAR BYA BAR GSUNGS PA NI MI THUB ZLA BA'I RJES SU 'BRANGS PA'O, ,RGYAL BA BZANG POS KYANG, YANG NA YE SHES KYIS NUS NA, ,TING NGE 'DZIN GYI PHUR BUS GDAB, ,CES GSUNGS SO, ,PHUR BU GDAB PA DANG BRDUNGS PAS BGEGS THAMS CAD BDE BA CHEN PO'I DE BZHIN NYID DU RO GCIG TU GYUR PAR BSAM ZHING BGEGS LHAG MA RNAMS KYANG RGYANG RING DU BROS PA DANG, STENG 'OG DANG PHYOGS SU KHOR YUG CHEN PO'I BAR DU 'GRO BA RNAMS RNAM PA THAMS CAD DU BGEGS DANG BRAL BAR MOS PA BRTAN PO BYA BAR GSUNGS PAS, PHUR BU 'DEBS PA'I DUS KYI DMIGS PA RNAMS RE RE NAS GSAL ZHING BRTAN PAR BYA'O, ,DRUG PA NI, DKYIL 'KHOR GYI KHANG PA RNYING PA DANG KHANG BZANG LA SOGS PA'I GNAS GZHAN DU RDUL TSON GYI DKYIL 'KHOR BZHENGS PA DANG, RAS RIS DANG LUS DKYIL LA SOGS PA'I DKYIL 'KHOR GZHAN DU DBANG

, ,BSKUR BA SOGS LAS CHOG 'DI RNAMS DGOS SAM MI DGOS SNYAM NA, 'DI LA SPYI RGYUD LAS, DRANG SRONG GNAS DANG BA LANG LHAS, ,PHUG DANG RI YI RTZE MO DANG, ,SA GZHI GANG NA 'THAS PA DANG, ,KHANG STONG DANG NI RDO LAB DANG, ,MCHOD RTEN DRUNG DANG 'BAB CHU'I GLING, ,MTSO RNAMS KYI NI 'GRAM DAG TU, ,SA GZHI SBYANG DANG BRTAG PA DANG, ,NAN TAN DU NI BYA MI DGOS, ,'THAS PAR BCAG KYANG DER MI DGOS, ,MTHO DMAN LA SOGS SKYON RNAMS KYANG, ,DER NI DGOS PA SKYED MI DGOS, ,ZHES GNAS DE RNAMS SU SA BRTAG MI DGOS SHING SHAR DANG BYANG DMA' BA DGOS PAR BSHAD PA LAS BZLOG PA'I MTHO BA BYUNG YANG DOGS PA BYA MI DGOS PAR GSUNGS PAS SA BRTAG PA'I SKOR DANG MTHO DMAN GYI KHYAD PAR RNAMS BRTZI MI DGOS SO, ,SBYANG MI DGOS PAR GSUNGS PA NI SA BRKOS NAS SBYONG BA'I SKOR RNAMS MI DGOS PA YIN GYI SBYANG BA GTAN MI DGOS PA MIN TE, DE NYID LAS, RANG BZHIN GNAS PA'I SA GZHI LA, ,BYI DOR LEGS PAR BYAS NAS SU, ,LAG PAS BRAM ZHING GSANG SNGAGS BZLAS, ,DE YI SBYANG BA DE YIN NO,, ZHES DANG, RDO RJE MKHA' 'GROR YANG DE DANG 'DRA BA CIG GSUNGS SO, ,SDOM 'BYUNG GI BCO BRGYAD PA LAS KYANG, SNGON DU LAS BYAS SA YI CHAR, ,BRKO BA LA SOGS MI BYA'O, ,LAG PAS REG STE H'Um YIG NI, ,BZLAS BYA SNGAGS KYIS SA SBYANG NGO, ,ZHES GSUNGS SHING, DE'I 'GRAL PAR RDZAS SNGAGS TING NGE 'DZIN GSUM GYIS SA SBYANG BA THAMS CAD BYA BAR BSHAD PA BZHIN PHRENG BAR YANG GSUNGS PAS DE DAG DANG BLA NA MED PA'I SBYANG BA RNAMS BYA'O, ,MI SNANG BA LA BSLANG BA'I SKOR DANG SA GZUNG BA'I SKOR RNAMS

KYANG GNAS DE DAG TU RDUL TSON GYI DKYIL 'KHOR BYED NA CHENG BAR BYA DGOS SO, ,RAS BRIS LA BRTEN NA JI LTAR BYA BA GSAL BAR MA GSUNGS KYANG RAS BRIS LA BRTEN NAS DBANG BYED PA'I DKYIL CHOG DGRA GCAN 'DZIN DPAL BSHES GNYEN DANG NGAG DBANG GRAGS PA DANG RTAG PA'I RDO RJES MDZAD ? PA LAS MA BYUNG ZHING, DON THOB LA DPYAD NA'ANG MI DGOS PAR SNANG BAS SA BRTAG PA DANG BSLANG BA DANG SBYANG BA RNAMS MI DGOS SO, ,SA GZUNG BA'I SKABS KYI CHO GA LA NI, PHRENG BA LAS DKYIL 'KHOR GYI BDAG PO'I GZUGS KYIS SA GZUNG BA LA SOGS PA DANG SKU GZUGS LA SOGS PA'I RAB GNAS DANG SLOB MA DBANG BSKUR BA DANG GSHEGS SU GSOL BA DANG, ZHI BA'I SBYIN SREG GI MTHAR THUG PA THAMS CAD YID KYIS BYA'O, ,ZHES YID KYI DKYIL 'KHOR DU DBANG BSKUR BA'I SKABS SU GSUNGS PAS LHA'I RNAL 'BYOR BSGOMS NAS BGEGS LA BKA' BSGO BA DANG PHUR BUS GDAB PA DANG RA BA SOGS KYI BSRUNG BA RNAMS BYA'O, ,LUS KYI DKYIL 'KHOR DU DBANG BSKUR BA LAS CHOG DGOS MI DGOS RGYA GZHUNG RNAMS LAS MI GSAL YANG BLA MA GONG MA RNAMS SA CHOG GI SKOR RNAMS MI DGOS PAR BZHED PA BZHIN NAM YANG NA YID KYI DKYIL 'KHOR LA GSUNGS PA'I RIGS PA SBYAR NA'ANG RUNG BAR MNGON NO, ,'DIR SMRAS PA, DPAL LDAN RDO RJE THEG PA'I MTHAR THUG PA, ,RNAL 'BYOR BLA MED RGYAD SDE RGYA MTSO'I DON, ,MA LUS SDUD BYED LAM GYI SPYI YI CHINGS, ,LAM GYI GO RIM NGES PA'I TSUL DANG NI, ,SNGON DU BSNYEN PAS RGYUD NI SBYANGS PA YIS, ,GANG DU DKYIL 'KHOR BRI BA'I SA YI CHA, ,YONGS SU DAG PAR BYED PA'I CHO GA RNAMS, ,MKHAS PA'I GZHUNG BZHIN SHIN TU GSAL BAR BSHAD

, ,RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR PHYE BA LAS, LAM GYI GNAD SHES SHING BSNYEN PA SNGON DU SONG BAS SA'I CHO GA JI LTAR BYA BA'I RIM PA STE LE'U LNGA PA'O,, ` ,,GNYIS PA STA GON KYI CHO GA LA GSUM STA GON SPYI'I RNAM GZHAG DANG, STA GON SO SO'I CHO GA DANG, DKYIL 'KHOR GZHAN GYI STA GON BSHAD PA'O, ,DANG PO NI, STA GON GYI CHOS LA KHA SBYOR GYI BRTAG PA BDUN PA'I RAB BYED BZHI PAR SA'I LHA MO STA GON DANG, DE'I RGYUD PHYI MAR DANG POR LHA STA GON, DE NAS BUM PA STA GON, DE NAS SLOB MA STA GON TE STA GON BZHIR MDZAD CING, SKABS KYANG STA GON GYI SKABS NYID DU GSUNGS TE, KLU BYANG DANG MAR ME MDZAD DANG NG'A RI KA PA LA SOGS PAS KYANG BZHI PO DE SKABS DE NYID DU GSUNGS SO, ,DE LA SA'I LHA MO NI SA CHOG GI SKABS SU YOD LA STA GON GYI TSE MED PA RDO RJE MKHA' 'GRO DANG NAG PO SPYOD PA SOGS KYI GZHUNG DANG, STA GON GYI TSE YOD LA SA CHOG GI SKABS SU MED PA KHA SBYOR DANG SGYU DRA DANG KLU BYANG DANG MAR ME MDZAD LA SOGS PA'I DKYIL CHOG MANG PO DANG, GNYIS KA'I SKABS SU YOD PA PHRENG BA LA SOGS PA'I GZHUNG STE BSHAD SROL GSUM YOD DO, ,THIG TSON GYIS BRIS ZIN PA'I 'OG TU SDOM 'BYUNG LAS SLOB MA STA GON BSHAD CING NAG PO SPYOD PA DANG MI THUB ZLA BAS BUM PA SGRUB PA BSHAD LA, DPAL 'DZIN GYIS KYANG DKYIL 'KHOR BSGRUBS PA'I 'OG TU BUM PA SGRUB CING DE NAS SLOB MA STA GON GSUNGS SO, ,PHRENG BA LAS KYANG SDOM 'BYUNG LTAR MDZAD MOD KYANG STA GON GYI SKABS SU SLOB MA STA GON MI BYED PA MIN TE 'CHAD PAR 'GYUR RO, ,DE LA SA'I LHA MO DANG LHA STA GON BYED PA NI STA GON GYI SKABS NYID DU BYA DGOS LA, SLOB MA STA

GON LA YANG BSHAD PA'I RIM PA GANG BYUNG YANG LAG LEN NI STA GON GYI SKABS NYID DU 'THAD DO, ,BUM PA SGRUB PA YANG LAG LEN LA SNGON DU BYAS NA DGOS PA CHE'O, ,PHRENG BAR BUM PA LHAG GNAS KYI 'OG TU LHA LHAG GNAS BSHAD PA NI MAR ME MDZAD KYIS BUM PA STA GON GYI 'OG TU STA GON GYI LHA LA GSOL GDAB BSHAD PA'I RIM PA LTAR MDZAD PA STE LHA LA GSOL BA GDAB PA'I STA GON YIN GYI LHA STA GON GYI DNGOS GZHI BUM PA STA GON GYI SNGON DU MI BYED PA MIN TE, PHRENG BA LAS, DKYIL 'KHOR GYI SA DRI ZHIM POS BYUGS PA DANG ME TOG SNA TSOGS GCAL DU 'GREMS SU BCUG NAS PHYI DRO CHAS 'JUG BYAS TE SA'I DBUS NAS KHA SHAR RAM SHAR NAS NUB TU PHYOGS PAS 'DUG STE, DKYIL 'KHOR GYI BDAG PO'I RNAL 'BYOR DANG LDAN PAS LHA RNAMS KYI GNAS SU BDUD RTZI DANG TZAN DAN DANG GUR GUM LA SOGS PAS MAndAL RNAMS BYAS LA, RANG GI DAM TSIG GI 'KHOR LO JI LTA BAR BSGOMS NAS DER NAM MKHA' LA GNAS PA'I YE SHES KYI 'KHOR LO SPYAN DRANGS NAS BCUG STE MCHOD PA DANG BSTOD PA DANG BDUD RTZI MYANG BA BYA'O, DE NAS BSGOMS PA'I DKYIL 'KHOR GYI PHYI ROL TU SHAR LA SOGS PA'I PHYOGS SU GNAS PA'I BUM PA RNAMS SAM PHYOGS GZHAN LA NI BYANG DU PHYOGS PAS DBANG LDAN GYI MTSAMS NA GNAS PA'I BUM PA RNAMS LHAG PAR GNAS PAR BYA'O, ,ZHES LHA'I GNAS RNAMS SU DRI'I DKYIL 'KHOR BYAS PA'I GZHIR LHA STA GON BYAS NAS DE'I 'OG TU BUM PA STA GON BYA BAR GSUNGS PA'I PHYIR RO, ,DE LTAR BYAD PA YANG BZHI BRGYA LNGA BCU PA RTZA 'GREL DANG MTHUN PAR BYAS PA YIN TE, MAR ME MDZAD KYIS, SA GZHI DRI ZHIM SOGS BYUGS

, ,SHING, ,ME TOG SNA TSOGS SIL MA DGRAM, ,ZLA SOGS 'KHOR LO RAB GNAS SU, ,MKHAS PAS DKYIL 'KHOR RAB TU BYA, ,DE LA 'KHOR LO SPYAN DRANG BA, ,BYAS NAS MTSAMS LA SOGS BCINGS TE, ,MCHOD BSTOD BDUD RTZI MYANG BYAS NAS, ,BUM PA LHAG PAR GNAS PAR BYA, ,ZHES GSUNGS LA, DE'I 'GREL PA LAS KYANG PHYI DRO'I DUS SU CHAS SU ZHUGS TE GTZO BO'I RNAL 'BYOR BYAS NAS LHA RNAMS KYI GNAS SU RANG RANG GI GDAN BSAM LA DENG NAM MKHA' LA BZHUGS PA'I 'KHOR LO SPYAN DRANGS TE MCHOD PA SOGS BYAS NAS BUM PA LHAG GNAS BYA BA PHRENG BA BZHIN DU GSUNGS PA'I PHYIR RO, ,'GREL PAR LHA LA GSOL GDAB KYI 'OG TU 'DI NI LHA LHAG PAR GNAS PA'I CHO GA'O ZHES BUM PA LHAG GNAS KYI 'OG TU BSHAD LA, RTZA 'GREL GNYIS KAS DER LHA STA GON GYI DNGOS GZHI BSHAD PA MED DO, ,DE NAS PHRENG BA LAS BUM PA STA GON GYI 'OG TU LHA STA GON GYI DNGOS GZHI BYED PA 'DRA BA CIG BSHAD KYANG GSOL GDAB KYI YUL SHES PAR BYA BA'I PHYIR DU BSHAD KYI, DER LHA STA GON BYED PA MIN PAS LHA DANG BUM PA STA GON KYI RIM PA NA RDO RJE MKHA' 'GRO DANG KHA SBYOR DANG MAR ME MDZAD LA SOGS PA DANG 'DRA'O, ,'DI RNAMS DNGOS GZHI'I CHO GA'I NYER BSDOGS YIN PAS STA GON ZHES BYA LA, LHAG PAR GNAS PA ZHES KYANG GSUNGS TE LHAG PA'I DON RAB TU GNAS PA LA NYIN MO 'BYUNG GNAS KYIS BSHAD DO, ,GNYIS PA LA LNGA, SA'I LHA MO STA GON, DKYIL 'KHOR GYI LHA STA GON, BUM PA STA GON, LHA LA GSOL BA GDAB PA, SLOB MA STA GON NO, ,DANG PO NI, PHUR GDAB ZIN PA DE NAS DKYIL 'KHOR GYI DBUS SU 'DUG STE RANG GI MDUN DU'AM YANG NA SH'ANTI PAS DKYIL 'KHOR

GYI DBUS SU DRI'I DKYIL 'KHOR BYA BAR GSUNGS PA LTAR DRI'I DKYIL 'KHOR BYAS LA DER BAm LAS BYUNG BA'I SA'I LHA MO BSGOM STE SDOM 'BYUNG LAS BAm DANG RDO RJE MKHA' 'GRO LAS LA LAS SKYED PAR BSHAD DO, ,DE NAS LAG PAR GNAS PA'I ZLA BA LA H'Um GSUM BSAMS TE SOR MO'I RTZE MOS SA LA LAN GSUM BSNUN TE LVA BA PAS RDO RJE DANG BCAS PA'I SOR MOS BSNUN NO, ,BSNUN PA'I SGRA DANG H'Um GI 'OD ZER GYIS BSKUL BAS SA'I LHA MO YE SHES PA'I NGO BO SA NAS 'THON PA DANG 'DRES PA, DGA' BA DANG LDAN PA'I THUGS CAN SER MO NA BZA' DKAR BA BSNAMS PA RGYAN SNA TSOGS CAN ZHAL GCIG MA PHYAG GNYIS KYI GA-YON PAS GSER GYI BUM PA BZANG PO BSNAMS SHING GA-YAS PAS MI 'JIGS PA MDZAD PAR BSAM STE PHYAG GNYIS KYI MTSAN MA NI SDOM 'BYUNG DANG MTHUN NO, ,KHA SBYOR LAS YE SHES PA DANG BSRE BA BSHAD LA, RDO RJE MKHA' 'GRO LAS LUS PHYED 'THON ZHING PHYAG GNYIS KYIS BUM PA 'DZIN PA LA YE SHES PA MA BSTIMS PAR MCHOD BSTOD SOGS BYED PAR BSHAD PA BZHIN RGYA GZHUNG MANG POS KYANG BSHAD DO, ,DE LA MCHOD YON LA SOGS PAS MCHOD PA'I MJUG TU, AOm TSUR SPYON TSUR SPYON SA YI NI, ,LHA MO CHEN MO 'JIG RTEN YUM, ,RIN CHEN KUN GYIS RAB GANG MA, ,BZANG PO'I RGYAN GYIS RNAM BRGYAN MA, ,DO SHAL RKANG GDUB SGRA LDAN MA, ,RDO RJE SEMS DPA' RAB MCHOD MA, ,MCHOD YON 'DI NI BZHES NAS NI, ,DKYIL 'KHOR LAS NI LEGS SGRUBS MDZOD, ,H'I H'I H'I H'I H'I SV'AH'A ZHES LAN GSUM BRJOD DE, SPYAN 'DREN DANG NYE BAR GNAS PAR GSOL BA DANG BCAS PA'I LHAG GNAS BYA'O, ,LEGS SGRUBS MDZOD CES PA'I SHUGS KYIS NI NYE BAR GNAS PAR BRJOD DO, ,

, ,YANG NA, SKYOB PA SANGS RGYAS THAMS CAD KYI, ,SPYOD PA'I TSUL DANG KHYAD PAR DANG, ,SA DANG PHA ROL PHYIN RNAMS LA, ,LHA MO KHYOD NI DBANG DU GYUR, ,SKYOB PA SH'AKYA SENG GE YIS, ,JI LTAR BDUD KYI DPUNG BCOM PA, ,DE LTAR BDAG GIS BDUD KYI STOBS, ,BCOM NAS DKYIL 'KHOR BRI BAR BYA, ,ZHES LAN GSUM BRJOD DE LHAG GNAS BYA'O, ,'DI DANG SA BSLANG BA'I SKABS GNYIS KYI SA'I LHA MO LA SKYED MI SKYED DANG MCHOD GTOR SOGS LA KHYAD MED PAS CHO GA MTHUN PAR BYA'O, ,TSUR SPYON SOGS NI KHA SBYAR GYI BRTAG PA BDUN PA DANG RDO RJE MKHA' 'GRO'I ZHE DRUG PA NA RGYA SKAD DU YOD PA DANG DON GCIG LA, SKYOB PA ZHES PA'I TSIGS BCAD GNYIS KYI DANG PO SGYU DRA DANG GNYIS PA RNAM SNANG MNGON BYANG LAS SO, ,DE NAS SA'I LHA MOS KYANG DE LTAR GYIS SHIG CES GSUNGS NAS DE NYID DU THIM PAR BSAM MO, ,NAG PO SPYOD PA SOGS KYIS BDAG GIS CI BGYI BA BKA' STZOL ZHES SA'I LHA MOS SMRA BAR BSAMS LA, DE'I LAN DU MCHOD PA SOGS PHUL NAS SKYOB PA ZHES GSOL BA BTAB PA'I LAN DU DE LTAR GYIS ZHES GNANG BA BYIN PAR SEMS PAR 'CHAD PA LTAR BYA'O, ,DE NAS LAG PA GNYIS RDO RJE NANG BSDAMS BYAS NAS DES SA DE MNAN LA, AOm BADZRI BH'A BA H'Um ZHES LAN GSUM BRJOD DE RDO RJE BSDAMS PA DE LAS BYUNG BA'I H'Um YIG 'OD ZER 'BAR BA 'PHROS PAS, DBANG CHEN GSER GYI SA GZHI LA THUG GI BAR RDO RJER BYAS PAR BSAMS NAS, AOm BADZRA dI dHA TIshthA ZHES LAN GSUM BRJOD LA BYIN GYIS BRLAB PO, ,'DIS SA RANG GI DBANG DU 'GYUR BAR PHRENG BA LAS GSUNGS PA NI SNGAR BSHAD PA'I CHO GA DE DAG GIS SA'I LHA MO RANG GI DBANG DU 'GYUR BA'O, ,

SKYOB PA RNAMS KYI SPYOD PA LA DPANG DU GYUR TSUL DANG SA RA HAS LAG PAS SA LA BSNUN NAS SA'I LHA MO SKUL BA SNGON BYUNG GI SANGS RGYAS KYI TSUL YIN PAR BSHAD PA NI, RGYA CHER ROL PA'I LE'U NYER GCIG PA LAS, STON PAS BDUD LA KHYOD KYIS NI GTAN PA MED PA'I MCHOD SBYIN GCIG GIS 'DOD PA'I DBANG PHYUG THOB PA TZAM YIN GYI, NGAS NI MCHOD SBYIN BYE BA KHRAG KHRIG BRGYA STONG PHRAG DU MAS GTAN PA MED PA'I MCHOD SBYIN BYAS SO ZHES GSUNGS PA NA, BDUD KYIS NGAS DE LTAR BYAS PA LA KHYOD DPANG POR YID LA KHYOD KYIS DE LTAR BYAS PA LA DBANG PO MED DO BYAS PAS, DE'I TSE PHYAG GA-YAS PAS LUS THAMS CAD LA BYUGS TE SA LA BRDABS NAS, SA 'DI 'GRO BA KUN GYI GNAS YIN TE, ,RGYU DANG MI RGYU SNYOMS SHING NYE MGON MED, ,'DI NI BDAG GI DPANG STA BDAG RDZUN MED, ,'DI LA KHYOD NI BDAG GI DPANG BYOS SHIG ,CES GSUNGS PAS REG MA THAG TU SA GA-YOS NAS SGRA RING DU BYUNG NGE, ,DE'I TSE SA'I LHA MO BSTAN MA 'KHOR BYE BA PHRAG BRGYA DANG LDAN PAS SA THAMS CAD GA-YOS PAR BYAS NAS HA CANG MI RING BA ZHIG TU SA BRTOL TE RGYAN THAMS CAD KYIS BRGYAN PA LUS PHYED BYUNG NAS THAL MO SBYAR ZHING BTUD DE SKYES BU CHEN PO DE DE BZHIN NO, ,'DI NI BDAG LA MNGON SUM MO, ,'ON KYANG BCOM LDAN 'DAS NYID LHA DANG BCAS PA'I 'JIG RTEN GYI DPANG DANG TSAD MA DAM PA LAGS SO ZHES SMRAS PA DE THOS PA NA BDUD DPUNG DANG BCAS PA BROS PAR GSUNGS PA BZHIN NO, ,SNGON DUS SU DBANG PE MDZAD PA BZHIN DA LTAR YANG BDAG GIS BZLAS BSGOM RDZOGS NAS DKYIL 'KHOR GYI CHO GA LA DBANG BA LA DBANG PO MDZOD CIG CES RJE BTZUN RTZE MO GSUNG NGO, ,RNAM SNANG MNGON BYANG GI 'GREL PAR STON PAS

, ,BYANG SEMS KYI SPYOD PA SPYAD NAS BYANG CHUB KYI SHING DRUNG DU BDUD BCOM STE SANGS RGYAS PA RNAMS SA KHYOD KYI STENG DU MDZAD PA LA KHYOD DBANG DU GYUR PA BZHIN DU, BDAG GIS KYANG SEMS CAN GYI DON DU SA KHYOD KYI STENG DU DKYIL 'KHOR BRIS TE SANGS RGYAS PAR BYA'O ZHES BSHAD DE DBANG PO MDZOD LA BGEGS MED PAR MDZOD CIG CES PA'I DON NO, ,SA BSLANG BA DANG STA GON GYI SKABS GNYIS KAR SKYOB PA ZHES SOGS KYI TSIG GCIG GIS BYED KYANG KHYAD PAR NI SNGA MAR DKYIL 'KHOR BYED PA'I SA LA GNANG BA ZHU BA YIN LA, 'DIR NI DER DKYIL 'KHOR GYI CHO GA BYED PA LA DPANG PO BYED PA'I GNANG BA ZHU BA'O, ,'DIR RANG GI LHA'I RNAL 'BYOR NI SNGAR GYI H'Um MDZAD KYI RNAL 'BYOR GYIS CHOG PA LA DGONGS NAS GZHAN MA BSHAD DE GZHAN RNAMS LA'ANG BDAG PO'I RNAL 'BYOR GYIS CHOG GO ,GNYIS PA LA GNYIS, LHA GNAS NGES PA'I PHYIR DU THIG GDAB BA DANG, DE NAS LHA STA GON JI LTAR BYA BA'O, ,DANG PO LA BZHI, JI TZAM DU THIG GDAB PA'I DKYIL 'KHOR GYI TSAD, DE TZAM DU THIG 'DEBS PA'I GO RIM DANG DUS SKABS, LAS KYI THIG JI LTAR GDAB PA'I RIM PA, BTAB PA'I THIG RNAMS KYI DON BSHAD PA'O, ,DANG PO NI, 'DIR DKYIL 'KHOR GYI THIG 'DEBS PAS TSAD JI TZAM ZHIG TU GDAB PAR BYA SNYAM NA, 'DI LA LHA'I SGO NAS BZHAG PA DANG, SBYIN BDAG GI SGO NAS BZHAG PA GNYIS KYI DANG PO NI, GUR GYI GNYIS PA LAS, RDO RJE CAN GYI KHRU GSUM STE, ,SANGS RGYAS DKYIL 'KHOR KHRU BZHI PA, ,KHRU LNGA PA NI SNANG BYED LA'O, ,GAR DBANG PHYUG GI KHRU DRUG PA, ,RTA YI RGYAL PO'I KHRU BDUN PA'O, ,ZHES MI BSKYOD PA DANG RNAM SNANG DANG RIN 'BYUNG DANG 'OD DPAG MED

DANG DON GRUB KYI DKYIL 'KHOR LA KHRU GSUM NAS BDUN PA'I BAR DU GSUNGS LA, GSANG 'DUS LAS THUGS SKU GSUNG GI DKYIL 'KHOR LA RIM PA BZHIN DU KHRU BCU GNYIS DANG BCU DRUG DANG NYI SHUR GSUNGS PA LTA BU'O, ,DE DAG NI RTZA THIG GI NGOS BZHI GA'I DBANG DU BYAS PA YIN PAS SNGA MA YANG DE LTAR YIN PA 'DRA'O, ,SBYIN BDAG 'KHOR SGYUR LTA BU YIN NA DPAG TSAD TZAM YANG GSUNGS LA, GDUL BYA LA LTOS NAS LAG MTHIL DU BRIS PAS CHOG PA'I RGYUD KYANG PHRENG BAR DRANGS TE, DKYIL 'KHOR GYI TSAD KYANG RAB TU GRAGS PA BRJOD KYI 'DI TZAM 'BA' ZHIG NI MA YIN TE, DE LTAR YANG BCOM LDAN 'DAS KYIS, 'DZAM BU GLING GI DBANG PHYUG GAM, ,'KHOR LOS SGYUR BA'I RGYAL PO YIS, ,KUN NAS DPAG TSAD MTHA' RU NI, ,DKYIL 'KHOR RAB TU BRI BAR BYA, ,MKHAS PAS GDUL BYA'I SKYE BO YI, SEMS RNAMS YANG DAG BLTAS NAS NI, ,'DOD PAS TSAD NI BYAS NA YANG, ,NYES PA CUNG ZAD YOD MA YIN, ,RANG GI 'DOD PAS DKYIL 'KHOR KUN, ,LAG PA'I MTHIL DU BRIS BYAS NAS, ,BSTAN BCOS LAS GSUNGS DON BYED DO, ,SA STENG SOGS SU SMOS CI DGOS,, ZHES GSUNGS SO, ,DE LTAR NA MAR ME MDZAD KYIS, SEMS CAN BSAM PA LA BRTEN NAS, ,TSAD LA SOGS PA NGES MDZAD KYI, ,THABS SHES LAS BYUNG DNGOS GRUB LA, ,TSAD SOGS NGES PAS CI ZHIG BYA, ,DE NI KHRU GCIG NAS BRTZAMS TE, ,JI SRID KHRU STONG BAR DU BYA, ,DE LTAR 'KHOR LO DE THIG GDAB, ,CES GRANGS KYI NGES PA LA DGA' BA'I DOR KHRU LA SOGS PA'I NGES PA MDZAD KYI DNGOS PO LA MA NGES PAR GSUNGS SHING, ,KLU BYANG GIS KYANG SLOB MA'I NUS PA DANG BSTUN NAS KHRU GANG NAS KHU STONG GI BAR DU BYA BAR GSUNGS PA

, ,LTAR BYA STE, SDOM 'BYUNG LAS, KHRU PHYED SOGS NAS YANG DAG BRTZAMS, ,ZHES KYANG GSUNGS SO, ,GNYIS PA NI, LAS THIG DANG YE SHES KYI THIG GNYIS 'DEBS PA LA GO RIM NGES PA YOD DAM MED SNYAM NA, THIG GNYIS KYI GO RIM NI LAS THIG SNGON DU BTAB NAS YE THIG 'DEBS PAR NGES PA YIN TE, MKHAS GRUB DU MA'I GZHUNG LAS MTHONG BA'I PHYIR RO, ,'DI LTAR KLU BYANG GIS NI RIM PA DE LTAR DU SHIN TU GSAL BAR BSHAD LA, SA RA HAS KYANG, DANG POR DKAR RTZI THIG SOGS PAS, ,RIM BZHIN THIG GDAB NGES PAR BYA, ,DE STENG YE SHES THIG BTAB PAS, ,KUN NAS YONGS SU BRKYANG BAR BYA, ,ZHES DANG POR DKAR RTZIS BYUGS PA'I THIG BTAB NAS DE'I STENG DU YE THIG BYA BAR BSHAD PA LTAR NAG PO SPYOD PAS KYANG BSHAD DO, ,MI THUB ZLA BAS KYANG, THIG SKUD BTAB PA'I RIM PA BZHIN, ,YE SHES THIG SKUD RAB TU BRKYANG, ,ZHES DANG, JI SKAD GSUNGS PA'I THIG BTAB PAS, ,DKYIL 'KHOR SPRUL PA'I THIG LA YANG, ,YE SHES THIG SKUD RAB TU GDAB, ,CES LAS THIG JI LTAR BTAB PA'I RIM PA DE BZHIN DU YE THIG BRKYANG BAR GSUNGS SHING, BH'A BA BHA DRAS KYANG LAS THAMS CAD PA'I SKUD PA'I RI MO'I MTSAN MA SNGAR BYAS PA LA YE SHES KYI SKUD PA BRE BAR BYA'O ZHES DANG, DON YOD ZHABS KYIS KYANG, DE NAS KHA DOG GCIG PA'I SKUD PA LAS THAMS CAD PAR BYIN GYIS BRLABS PAS SA'I THIG GDAB LA THIG DE'I STENG DU YE SHES LNGA'I THIG GDAB LA SNGA MA'I THIG BYIN GYIS BRLAB PAR BYA'O ZHES YE THIG NI LAS THIG BYIN GYIS RLOB BYED DU GSUNGS TE, MKHAS PA RIN CHEN RDO RJES KYANG, LAS KYI THIG GI RIM BZHIN DU, ,YE SHES THIG NI BRKYANG BAR

BYA, ,ZHES DANG, DKYIL 'KHOR GYIS NI THIG RNAMS LA, ,YE SHES THIG NI BSTIM PAR BYA, ,ZHES SO, ,DES NI YE THIG 'DEBS PA NI YE SHES KYI THIG LAS THIG LA BSTIMS NAS BYIN GYIS RLOB PA YIN PAS LAS THIG SNGON DU NGES PAR GDAB DGOS SO, ,DE'I PHYIR GANG DAG YE THIG SNGON DU BTAB NAS LAS THIG RJES SU 'DEBS PA RDO RJE MKHA' 'GRO LAS, YE SHES THIG NI GDAB BYAS NAS, ,LAS 'DI YANG DAG BRTZAM PAR BYA, ,ZHES DANG, SDOM 'BYUNG LAS, BLO LDAN NAM MKHAR THIG GDAB BYA, ,DE BZHIN 'OG TU THIG RAB GDAB, ,CES PAS BSTAN PAR BZHED PA NI 'THAD PA MA YIN TE, RDO RJE MKHA' 'GRO LAS, YE SHES THIG SKUD GSHEGS GSOL NAS, ,DE NAS LAS 'DI BRTZAMS PAR BYA, ,'DOD DANG THAR PA RAB STER BA'I, ,TSON RTZI DAG NI BSKYED PAR BYA, ,ZHES GSUNGS PAS YE THIG THEBS PA'I 'OG TU TSON RTZI BSKYED NAS BRI BA LAS BRTZAM PA'I DON DU SNANG GI LAS THIG 'DEBS PA'I DON DU MI SNANG BA'I PHYIR DANG, RDO RJE MKHA' 'GRO'I 'GREL PAR BH'A BA BHA DRAS KYANG LAS THIG SNGON DU BTAB PA'I 'OG TU YE THIG 'DEBS PAR BSHAD PA'I PHYIR DANG, SDOM 'BYUNG GI LUNG GIS NI YE THIG NAM MKHA' LA 'DEBS PA BZHIN SA LA'ANG GDAB PAR GSUNGS PAS DE YE THIG NAM MKHA' LA BTAB PA'I RJES SU YE THIGS LA 'DEBS PA'I KHUNGS YIN GYI, YE THIG THEBS PA'I RJES SU LAS THIG 'DEBS PA'I KHUNGS MIN PA'I PHYIR RO, ,DE LTA MA YIN NA KLU BYANG GIS KYANG, SLOB BCAS RDO RJE'I 'GROS KYIS 'GROS DAL BA, ,BYAS PAS MKHAR GNAS THIG NI JI LTA BA, ,DE BZHIN SA LA GNAS PA GDAB PAR BYA, ,ZHES DANG, NAG PO SPYOD PAS KYANG, LHO RU MNGON PAR PHYOGS NAS KYANG, ,NAM MKHAR DE BZHIN THIG

, ,GDAB BO, ,ZHES DANG, SA LA TSANGS PA'I THIG GNYIS GDAB, ,CES NAM MKHAR BTAB PA'I DE MA THAG TU SA LA 'DEBS PAR GSUNGS SHING, BI BH'U T'IS KYANG, DE'I DUS SU NAM MKHA'I THIG BZHIN DU SA LA TSANGS PA'I THIG GNYIS LAG PA GNYIS MNYAM TU PHAB NAS GDAB PAR BYA'O, ,ZHES GSUNGS PAS DE GSUM LAS THIG SNGON DU BTAB NAS YE THIG RJES SU 'DEBS PA'I PHYOGS YIN PAR RANG NYID BZHED PA DANG 'GAL LO, ,KHYAD PAR DU LAS THIG SNGON DU 'DEBS MI 'DEBS KYI LUGS GNYIS KA LA THIG SKUD SO SOR BYED PA'I SGRUB BYED DU RNAM SNANG MNGON BYANG GI 'GREL PA LAS DKYIL 'KHOR GZHAN DU SPYAD ZIN PAS YEES KYI THIG SKUD KYIS LAS KYI THIG SKUD MI RUNG BAR GSUNGS ZHES GSUNG BA YANG 'THAD PAR MA MTHONG STE, SANGS RGYAS GSANG BAS DKYIL 'KHOR GZHAN DU LONGS SPYAD PA'I RGYU MTSAN GYIS THIG SKUD SNGA MAS MI RUNG BAR SGRUB PA NI, YE THIG GI SKUD PAS LAS THIG GI THIG SKUD MI RUNG BAR SGRUB PA MIN GYI NAM MKHA' LA BTAB PA'I THIG SKUD KYIS SA LA GDAB TU MI RUNG BAR SGRUB PA YIN PA'I PHYIR RO, ,DE YANG RNAM SNANG MNGON BYANG LAS, SHAR DU SRAD BU BRI BA NI, ,LTE BA'I THAD KAR BZUNG NAS NI, ,BAR SNANG LA NI BZUNG BAR BYA, ,DE NAS LHO PHYOGS SONG NAS SU, ,BYANG PHYOGS SU NI BRI BAR BYA, ,DE NAS SRAD BU GNYIS PA NI, ,RANG GIS BLANGS NAS ZHES SHAR NUB DANG LHO BYANG GI NAM MKHA'I THIG GNYIS BTAB PA'I RJES SU SA LA 'DEBS PA NA SRAD BU GZHAN CIG BLANG BAR GSUNGS PA LA SNGA MAS SA LA GDAB TU MI RUNG BA'I DGONGS PA 'CHAD PA NA, BSDUS 'GREL LAS, DKYIL 'KHOR GZHAN DU SPYAD ZIN PA NYID KYIS DMAN PA DANG

'DRA BA'I PHYIR RO SNYAM DU DGONGS PA YIN NO, ,ZHES DANG, TSIG 'GREL LAS KYANG, DE NAS SRAD BU PHYI MA DE RANG GIS BLANGS ZHES PA NI SRAD BU SNGA MA DKYIL 'KHOR SNGA MA'I DMAN MAS BRIR MI RUNG BAS NA TSON SNA LNGA PA'I SKUD PA GZHAN ZHIG BLANGS NAS DKYIL 'KHOR PHYI MA BRI BA'I DON TE ZHES BSHAD DO, ,RGYUD LAS THIG SKUD GNYIS BSHAD PA'I DANG POS NI BAR SNANG LA RANG BZHIN GYI DKYIL 'KHOR 'DEBS LA, GNYIS PAS NI SA LA DE'I GZUGS BRNYAN GYI DKYIL 'KHOR 'DEBS SHING DE GNYIS KA'ANG KHA DOG SNA LNGA PA'O, ,LAS THIG GI THIG SKUD NI KHA DOG DKAR PO GCIG PU STE DE SHES SLA BA LA DGONGS NAS RGYUD DU MA BSTAN PAR BZHED DE, BSDUS 'GREL LAS, DE LA DKYIL 'KHOR GYI THIG GDAB PA NI TSON SNA LNGA PA'I SRAD BU RNAM PA GNYIS SU BSTAN TE, 'DI LTA STE BAR SNANG LA RANG BZHIN GYI DKYIL 'KHOR GYI THIG GDAB PA DANG SA LA DO'I GZUGS BRNYAN DU GYUR PA BYIN GYIS BRLABS PA'I DKYIL 'KHOR GYI THIG GDAB PA STE, SRAD BU RNAM PA BZHIR BSHAD DE, ,DKAR PO SER PO DMAR PO DANG, ,NAG PO ZHES NI BRJOD PAR BYA, ,LNGA PA NAM MKHA' LTA BUR BSHAD, ,BAR SNANG LA NI BZUNG NAS SU, ,DER NI DKYIL 'KHOR BRTAG PAR BYA, ,SRAD BU DAG NI GNYIS PA YIS, ,SA LA DKYIL 'KHOR DGOD PAR BYA, ,ZHES GANG GSUNGS PA YIN NO, ,ZHES DANG, GSHER THIG GI MTSAN NYID MA BSTAN KYANG KHA DOG 'CHOL BA YONGS SU SPANG BA'I PHYIR DKAR PO KHO NAR BYA'O, ,ZHES DANG, TSIG 'GREL LAS KYANG, DE LTAR SRAD BU BRES TE SA BCAD NAS TSON SNA GCIG PA'I SKUD PA GSHER THIG LA BSGRES TE, ZHES GSUNGS PAS TSON SNA LNGA PA'I THIG SKUD GNYIS DANG TSON SNA GCIG PA'I THIG SKUD GCIG STE GSUM BZHED DO, ,DES

, ,NA DE DAG SHES BYED DU DRANGS NAS THIG SKUD SO SO BAR SGRUB NA NAM MKHA' LA BTAB PA'I YE THIG GIS SA LA 'DEBS PA MI RUNG BAR 'DOD DGOS LA, DE LTA NA SDOM 'BYUNG DANG BLA MED KYI DKYIL CHOG TSAD LDAN DU MAS NAM MKHA' DANG SA LA 'DEBS PA'I YE THIG GNYIS KA THIG SKUD GCIG GIS BYED PAR BSHAD PA DANG RANG GIS KYANG DE LTAR MDZAD PA THAMS CAD DANG 'GAL BAR 'GYUR RO, ,LAS THIG GI THIG SKUD KYIS NAM MKHA' LA MI 'DEBS PAR NGES KYANG YE THIG GI THIG SKUD KYIS SA DANG NAM MKHA' GNYIS KA LA 'DEBS PA YIN PAS SA LA THIG GANG 'DEBS THAMS CAD LAS THIG GI THIG SKUD KYIS BYED PAR MA 'DZIN CIG ,SANGS RGYAS GSANG BAS KYANG TSON SNA LNGA PA'I THIG SKUD KYIS SA LA 'DEBS PA DE BYIN GYIS RLOB PA'I DKYIL 'KHOR GYI THIG TU BZHED PAS BYIN GYIS RLOB PA'I GZHI NI TSON SNA GCIG PA'I THIG SKUD KYIS BTAB PA'I THIG RNAMS LA BYAS NAS BSHAD PA'I RIM PA LTAR MA BYAS PAR DON GYI RIM PA LTAR BYAS NA DGONGS PA RNAMS MI 'GAL LO, ,NAM MKHAR BTAB PA'I SKUD PAS SA LA GDAB TU MI RUNG BA NI RNAM GZHAG SO SOR SNANG STE YE THIG 'DEBS PA'I SKABS SU BSHAD PAR BYA'O, ,PRADZNY'A SHR'IS KYEE RDOR GYI DKYIL CHOG TU RNAm SNANG MNGON BYANG GI 'GREL PA LTAR THIG SKUD GSUM DU BYAS MOD KYANG BLA MED KYI GZHUNG KHUNGS THUB SUS KYANG MA BSHAD PAS YID BRTAN MI BYA'O,, RDO RJE MKHA' 'GRO DANG SDOM 'BYUNG DANG BYED BCAS BZHI BRGYA PA SOGS MANG POS TSON SNA LNGA'I THIG SKUD LAS GZHAN MA BSHAD PAR DE NYID KYIS THIG RNAMS 'DEBS PAR GSUNGS PA NI, LAS THIG SNGON DU BTAB NAS DE BZHIN DU YE THIG 'DEBS PA LA DGONGS

KYI THIG SKUD DE NYID KYIS LAS THIG 'DEBS PAR BZHED PA MIN TE, DPER NA SA RA HA DANG NAG PO SPYOD PAS TSON SNA LNGA'I THIG SKUD KYIS THIG RNAMS 'DEBS PAR BSHAD MOD KYANG SNGON DU LAS THIG BTAB NAS DE'I STENG DU YE THIG 'DEBS PAR YANG BSHAD PA BZHIN NO, ,PHRENG BAR YANG THIG SKUD CHA CHUNG RE BZHIR BYED PA'I SHES BYED STON PA NA, DE NAS THIG SKUD DKAR BYAS NAS, ,CES DRANGS TE DER THIG SKUD DKAR PO YANG BSHAD LA TSON SNA LNGA'I THIG SKUD KYANG BSHAD PAS THIG SKUD GNYIS SU BZHED DE, THIG SKUD CHA CHUNG RE BZHI PA DANG GO DRUG PA'I PHYOGS GNYIS NI SLOB DPON SO SO'I BZHED PA MI MTHUN PA STON PA MIN GYI RGYUD SO SO'I LUGS SU BSHAD PA'I PHYIR RO, ,RATNA RAKshI TA DANG BI BH'U T'I GNYIS NI THIG LA SOGS PA'I RNAM GZHAG RNAMS PHRENG BA'I RJES 'BRANG DU SNANG LA, SNGA MAS GSAL BAR MA MDZAD KYANG PHYI MA'I BDE MCHOG GI DKYIL CHOG LAS, DANG PO RU NI SKYA THIG STE, ,DE NI RJES SU YE SHES THIG ,CES DRANGS SO, ,D'A RI KA PAS KYANG TSON SNA LNGA'I YE THIG BSHAD ZIN PA'I 'OG TU, KHRAG CHEN GYIS NI SPANGS BA YI, ,SUM SGRIL SKUD PA TSAD LDAN PA, ,'DUD RTZI TZAN DAN DKAR PO YIS, ,LEGS PAR BYAS TE THIG GDAB BYA, ,ZHES THIG SKUD SNGA MA LA SKUD PA NYER LNGA PA DANG PHYI MA LA SUM SGRIL DU BSHAD PAS YE THIG DANG LAS THIG GI THIG SKUD SO SOR GSUNGS SO, ,DE'I DKYIL CHOG LAS, YE SHES THIG NI BRGYAD KYI RJES, ,MTSAN NYID BZANG PO RNAM BSAMS NAS, ,CHA NI RNAM PAR DBYE BAR BYA, ,ZHES GSUNGS PA NI YE THIG THAMS CAD BTAB PA'I RJES SU LAS THIG GIS CHA SO SOR BGO BA'I DON MIN GYI YE THIG GI THIG CHEN BRGYAD

, ,BTAB PA'I 'OG TU YE THIG GZHAN RNAMS 'DEBS PA'I DON YIN TE YE THIG BZHIN CHANG BAR GDAB DGOS PA'I PHYIR RO, ,GAL TE THIG GNYIS KYI GO RIM DE LTA YIN NA 'DEBS PA'I SKABS GANG YIN SNYAM NA, LAS THIG NI KLU BYANG DANG LAM KA RGYAL BZANG DANG DZA YA SE NAS LHA STA GON GYI SNGA ROL DU 'DEBS PAR BSHAD PA LTAR BYA STE, RDO RJE MKHA' 'GRO LAS, DE BZHIN GSHEGS PA'I GNAS RNAMS SU, ,TZAN DAN SOGS PAS GRU BZHI BYA, ,ZHES SOGS GSUNGS PA LTAR DKYIL 'KHOR GYI GNAS GANG DU LHA 'ONG BA'I GNAS DER LHA STA GON GYI DRI'I DKYIL 'KHOR BYA DGOS LA, DE LA THIG MA BTAB NA GNAS NGOS MI ZIN PA'I PHYIR RO, ,MI THUB ZLA BAS KYANG, DKYIL 'KHOR GANG DU NGES PA YI, ,DKYIL 'KHOR DER NI DRI LNGA 'AM, ,YANG NA GZHAN GYIS BYUG PAR BYA, ZHES GSUNGS SHING, LVA BA PA DANG NAG PO SPYOD PA DANG SHANTI PA DANG NYIN MO 'BYUNG GNAS SOGS MANG POS KYANG LHA STA GON GYI DRI'I BYUG PA RNAMS LHA RNAMS KYI GNAS SU BYA BAR GSUNGS PA'I PHYIR RO, ,YE THIG 'DEBS PA NI SLOB MA LHAG GNAS ZIN NAS TSON GYIS BRI BA'I SNGA ROL DU KLU BYANG GIS BSHAD PA LTAR KHUNGS THUB GZHAN DU MAS KYANG BSHAD PAS DER BYA'O, ,GSUM PA LA GNYIS, THIG SKUD 'DU BYA BA DANG, THIG GDAB PA'I TSUL LO, ,DANG PO NI, THIG SKUD KYI RGYU NI D'A RI KA PAS, MA NYAMS RAS BAL GCANG MA LAS, ,ZHES GSUNGS PA LTAR YIN LA, DE MA RNYED NA RAS KYI SKUD PA LA SOGS PA GTZANG ZHING MA NYAMS PA SKRA MA 'DRES PA LA BYA'O, ,'KHEL MKHAN DANG JI LTAR BYA BA NI SPYI RGYUD LAS, DKYIL 'KHOR THIG GDAB THIG SKUD NI, ,KHA BSGYUR GTZANG MA SRA ZHING PHRA, ,

DE BZHIN BU MO GZHON NUS BKAL, GSAR PA SHIN TU GTZANG BA DANG, ,MDZES SHING SHIN TU RAN PA DANG, ,DRI ZHIM REG NA BDE BA DANG, ,LEGS PAR BKAL DANG PHRA BA DANG, ,SBOM PHRA LA SOGS BKAL LEGS DANG, ,'JUR MDUD MED PAR GYUR PA YI, ,THIG SKUD ME TOG SPES MCHED PAS, ,SHES RAB CAN GYIS THIG GDAB BO, ,ZHES GSUNGS TE, KHA BSGYUR BA NI TSON SNA LNGA'I THIG SKUD LA DGONGS SO, ,SLOB DPON 'DI DANG RGYAL BA BZANG PO DANG DZA YA SE NAS GZHON NU MA MA NYAMS PAS BKAL BA DANG DPA' BO'I RIN GYIS NYOS PA'I SKUD PA GDAM NGA CAN DU GSUNGS PAS BDAG POS 'DI 'DOD ZER BA LA MA BRTZEGS PAR RIN BYIN NAS NYOS BA YIN NA 'KHEL MKHAN GZHAN GYIS KYANG CHOG LA, NYIN MA 'BYUNG GNAS KYIS DAM TSIG DANG LDAN PAS BKAL BA ZHES BSHAD PAS DES KYANG CHOG GO ,SKUD PA'I GRANGS NI D'A RI KA PA LTAR SUM SGRIL KHA DOG DKAR PO'O, ,RING THUNG GI TSAD DANG SBOMS KYI TSAD NI YE THIG LTAR LAG PAS BZUNG BA'I CHA MA GTOGS PA DKYIL 'KHOR NYIS 'GYUR DANG SGO'I NYI SHU CHA'O, ,SKYED CHOG NI LAS THAMS CAD PAR SKYED PA BH'A BA BHA DRA DANG DON YOD ZHABS BZHED PAS DRI BZANG PO'I CHU DANG BDUD RTZI LNGA DANG BA'I RNAM LNGAS BYUGS TE GSER LA SOGS PA'I SNOD DU BZHAG RANG GTZO BO'I RNAL 'BYOR DANG LDAN ZHING BSANG SBYANG SNGON DU 'GRO BAS LAS THAMS CAD PA GANG YIN DU BSKYED, YE SHES PA GZHUG PA SOGS BYA LA MCHOD CING BSTOD DE LAG PAS REG CING 'KHYIL PA BZLAS TE BSRUNG BAR BYA'O, ,LAS THAMS CAD PA BZLAS PA'I BDUD RTZI LNGA'I CHU DANG YUNGS KAR DANG DRI'I CHUS GTOR LA RDO RJE DANG BCAS PA'I LAG PA GA-YAS PAS REG STE, AOm BADZRA SA

, ,MA YA SU TRA MA T'I KRA MA H'Um ZHES BZLAS NAS YI GE GSUM GYIS BRGYA RTZA BRGYAD DU BZLAS PAS LHAG GNAS BYA STE DE DAG NI THIG SKUD GNYIS 'DRA'O, ,DE NAS RGYAL BA BZANG PO SOGS KYIS BSHAD PA LTAR TZAN DAN DKAR PO DANG BSRES PA'I 'BRAS PHYE 'AM RDO RGYUS SAM DKAR RTZI GZHAN GYIS THIG SKUD SPANG NGO, ,GNYIS PA LA GNYIS, DKYIL 'KHOR GYI PHYI THIG GDAB PA DANG, NANG GI THIG GDAB PA'I TSUL LO, ,DANG PO LA GNYIS, LUGS GNYIS KYI THUN MONG GI THIG GDAB TSUL DANG, LUGS GNYIS SO SO'I THIG GDAB TSUL LO, ,DANG PO NI, DE NAS DKYIL 'KHOR GYI SA LA BUM CHUS GTOR NAS NAM MKHA'I DKYIL 'KHOR MCHOD BSTOD KYI BAR 'OG BZHIN DU BYA, DKYIL 'KHOR GYI DBUS BTZAL DER THIG LE BYA LA DE NAS TSAD MNYAM PA'I SKUD PAS PHYOGS BZHIR THIG LE RE BYA'O, ,DE NAS SNGAR GYI TSAD LAS RING BA'I SKUD PAS THIG LE BZHI'I STENG DU BZUNG NAS ZLUM SKOR RE BYA'O, ,'DIR ZLUM SKOR BZHI LAS MA BSHAD KYANG 'OG TU ZLUM PO LNGA DBYE'O ZHES GSUNGS PAS DBUS KYI MTSAN MA'I STENG NAS ZLUM SKOR GCIG BYA'O, ,DE LA LHO BYANG DANG SHAR NUB DANG DBUS KYI ZLUM SKAR NI SHAR NUB DANG LHO BYANG GI TSANGS THIG GNYIS DANG ZUR THIG GNYIS DRANG POR 'ONG BA'I CHED YIN NO, ,DE NAS RANG NYID GTZO BO'I RNAL 'BYOR DANG SGRUB GROGS RNAM SNANG NGAM BDUD RTZI 'KHYIL PAR BSAMS LA THIG SKUD GTONG BA DANG LEN BA DANG LAG PAS BZUNG BA'I TSUL RNAMS 'OG NAS 'BYUNG BA BZHIN DU BYA'O, ,RNAM SNANG DU SKYED PA KLU BYANG DANG 'KHYIL PAR SKYED PA SHANTI PAS BSHAD PA LTAR YIN LA, LVA BA PAS SLOB MA RANG GI LHA DANG RGYAL BA BZANG POS DU MA SKYES MA DANG NYIN MO 'BYUNG GNAS KYIS GHASMA

RING SKYED PAR BSHAD DE, SLOB MA RANG GI LHAG PA'I LHA GANG YIN DANG DKYIL 'KHOR SO SO'I LAS THAMS CAD PAR SKYED PA'I LUGS GNYIS SO, ,DE NAS RDO RJE MKHA' 'GRO LAS PHYOGS KUN MNYAM PAR DMIGS NAS SU, ,ZHES GSUNGS SHING, DKYIL CHOG DU MA LAS KYANG PHYOGS THAMS CAD MNYAM PA NYID DU DMIGS NAS THIG GDAB PAR GSUNGS PA NI, SHAR LA SOGS PA'I PHYOGS RNAMS BLOS BTAGS PA TZAM YIN GYI NGO BO NYID KYIS GRUB PA MED PAS RANG BZHIN MED PAR MNYAM MO SNYAM PA SNGON DU BTANG NAS BYA STE 'DIS NI PHYOGS 'CHUGS PA LA BRTEN PA'I NYIS PA 'GOG GO ,THIG CHEN BRGYAD 'DEBS PA'I RIM PA NI GUR GYI BRGYAD PA LAS DANG POR TSANGS THIG DE NAS ZUR THIG DE NAS RTZA THIG GDAB PAR GSUNGS PA'I RJES SU 'BRANGS NAS SLOB DPON 'DIS RIMC PA DE LTAR DU MDZAD DE SDOM 'BYUNG GI DGONGS PA YANG 'GREL PAS DE BZHIN DU BKRAL LO, ,PHYOGS 'DI NI D'A RI KA PA DANG NAG PO SPYOD PA DANG SA RA HA DANG RGYAL BA BZANG POS KYANG MDZAD DE LVA BA PA'I YANG DGONGS PAR SNANG NGO, ,TSANGS THIG GI RJES SU RTZA THIG DANG DE NAS ZUR THIG GDAB PA YANG KLU BYANG DANG PHYED BCAS BZHI BRGYA PA RTZA 'GREL DANG BH'A BA BHA DRA DANG NYIN MO 'BYUNG GNAS SOGS KYIS BSHAD PAS PHA RGYUD DANG MA RGYUD KYI DBYE BA MA YIN TE, PHRENG BAS NI RGYUD DE GNYIS KA'I THUN MONG GI DBANG DU MDZAD NAS GSUNGS LA, BH'A BA BHA DAS RDO RJE MKHA' 'GRO DANG NYIN MO 'BYUNG GNAS KYIS KYEE RDOR DKYIL CHOG TU BSHAD PA'I PHYIR RO, ,TSANGS THIG LA YANG SA RA HA DANG NAG PO SPYOD PA DANG BI BH'U T'IS LHO BYANG GI TSANGS THIG SNGON DU BTAB NAS SHAR NUB KYI TSANGS THIG 'DEBS

, ,LA, SNGAR BSHAD PA GZHAN RNAMS KYIS SNGON DU SHAR NUB KYI THIG BTAB NAS LHO BYANG DU 'DEBS SO, ,BOD KYI MKHAS PA DAG BI BH'U T'IS BSHAD PA'I LHO DANG D'A RI KA PA SOGS KYIS BSHAD PA'I SHAR GNYIS DON GCIG STE BDE MCHOG ZHAL GANG DU LTA BA LA LHOR BYAS PAS MKHA' 'GRO MA GNAS PA'I PHYOGS NYID LA BZHAG PA'I PHYIR TE, BI BH'U T'IS, DE PHYIR GANG DU PHYOGS PA NYID, ,LHOR NI RNAL 'BYOR KUN GYIS DGONGS, ,ZHES GSUNGS PA'I PHYIR RO, ,ZHES GSUNG NGO, ,DE NI BI BH'U T'IS BHU BA BLO LDAN GYI DKYIL CHOG NAS DRANGS PAR SNANG LA, DE LAS LHO YI SGO RU SONG NAS NI, ,LHAG MA RNAMS SU YONGS SU BSKOR, ,LHA MO'I RGYUD GSUNGS RIM PA'O, ,RNAL 'BYOR RGYUD RIG SHAR SOGS NAS, ,LHO YI SGO RU 'GRO BA NI, ,GANG BSTAN BDEN PAR GSUNGS PA YIS, ,DKYIL 'KHOR BRI BAR BSTAN PA NI, ,KUN RDZOB DON DU RTOGS PAR BYA, ,PHYOGS NI MTHA' YAS CHA SHAS KYIS, ,LHO LA SOGS PA BRTAGS NA MED, ,LHO YI ZHAL NI GANG YIN NYID, ,RNAL 'BYOR PAS NI KUN RDZOB NYID, ,CES RNAL 'BYOR MA'I RGYUD KYIS LHO NAS SKOR BA DANG RNAL 'BYOR GYI RGYUD KYIS SHAR NAS BSKOR TE DKYIL 'KHOR BRI BAR GSUNGS PA'I PHYOGS MI 'DRA BA GNYIS BSHAD KYANG PHYOGS DON DAM PAR MA GRUB PAR RTOGS PA LA 'DRA BAR GSUNGS PAS LHO NI SGRA JI BZHIN PA YIN NO,, GZHAN YANG BHU BA BLO LDAN GYI LUNG BI BH'U TIS DRANGS PA LAS KYANG, DANG POR GSHIN RJER KHA BLTAS TE, ,'KHOR LO'I SA YI BYANG DU GNAS, ,MKHA' DANG SA LA THIG GDAB BYA, ,ZHES TSANGS THIG DANG PO 'DEBS PA LA GSHIN RJE YOD PA'I PHYOGS SU KHA

BLTA BA DANG, BYANG YANG DKYIL 'KHOR GYI SA'I BYANG LA GSUNGS PAS LHO LA SOGS PA NI PHYI'I DBANG DU BYAS PA'O, ,ZUR THIG LA NI ME RLUNG GI ZUR THIG GI RJES SU ZUR THIG GNYIS PA 'DEBS PAR 'DI NAS BSHAD PA BZHIN DU SLOB DPON DE RNAMS KYANG BZHED DO, , RTZA THIG BZHI'I RIM PA LA SHAR NUB BYANG LHO RIM PA BZHIN 'DEBS PAR 'DIR BSHAD PA LTAR MAR ME MDZAD D'A RI KA PA RGYAL BA BZANG PO SOGS KYIS KYANG BSHAD LA, KLU BYANG DANG NAG PO SPYOD PAS SHAR LHO NUB BYANG GI RIM PA BZHIN MDZAD DO, ,LA BA PAS SHAR NUB LHO BYANG GI RIM PA BZHIN YANG MDZAD CING NUB DANG LHO'I RTZA THIG GNYIS THOG MAR 'DEBS PA YANG YOD PAS MA NGES SO, ,TSANGS THIG DANG ZUR THIG DANG RTZA THIG 'DEBS PA'I TSE SLOB DPON DANG SLOB MA'I GNAS GNYIS GNYIS SU NGES PAS TSANGS THIG LA SLOB DPON GYI GNAS GNYIS NI BYANG DANG SHAR DANG SLOB MA'I GNAS GNYIS NI LHO DANG NUB TU LHO BYANG GA TSANGS THIG DANG POR 'DEBS PA GSUM GYIS BSHAD LA, SNGAR BSHAD PA'I GZHAN RNAMS KYIS NUB DANG LHO GNYIS SLOB DPON GYI GNAS DANG SHAR DANG BYANG GNYIS SLOB MA'I GNAS SU BSHAD DE, SDOM 'BYUNG GI BCU BDUN PA LAS, NUB DANG LHO YI GNAS SU NI, ,SLOB DPON NGES PAR YANG DAG GNAS, ,SHAR DANG BYANG GI PHYOGS GNAS SU, ,SLOB MA GNAS TE MNYAM BZHAG PA, ,ZHES GSUNGS PA DANG MTHUN NO, ,'DI DAG KYANG RGYUD GNYIS KYI DBYE BA MIN GYI GANG BYAS KYANG 'DRA BAR MNGON NO, ,ZUR THIG LA SLOB DPON GYI GNAS GNYIS NI ME DANG BDEN BRAL DANG SLOB MA'I GNAS GNYIS NI RLUNG DANG DBANG LDAN DU 'DIR BSHAD PA BZHIN SNGA MA RNAMS BZHED

, ,DE, 'ON KYANG RGYAL BA BZANG PO DANG DZA YA SE NAS DE LAS BZLOG NAS KYANG BSHAD DO, ,KLU BYANG GIS SLOB DPON DBANG LDAN DANG SLOB MA BDEN BRAL DU GNAS NAS ZUR THIG GDAB PA PA TSAB KYI 'GYUR LA 'BYUNG YANG DPYAL GYI 'GYUR LA BZLOG NAS YOD DO, ,RTZA THIG LA NI ME RLUNG GNYIS SLOB DPON GYI GNAS DANG BDEN BRAL DANG DBANG LDAN GNYIS SLOB MA'I GNAS SU 'DIR MDZAD PA BZHIN SNGA MA RNAMS KYANG 'DRA'O, KHA LTA PHYOGS NI PHYOGS DANG MTSAMS GANG NA GNAS PA DE NAS DE'I THAD KYI PHYOGS DANG MTSAMS GZHAN DU KHA BLTA'O, ,THIG SKOR BYED LUGS LA GSUM YOD PA'I GA-YAS SKOR NI 'DIR BSHAD PA BZHIN PHYED BCAS BZHI BRGYA PA RTZA 'GREL DANG NYIN MO 'BYUNG GNAS DANG RATNA RAKshI TA LA SOGS PAS BSHAD LA, GA-YON SKOR NI SA RA HA DANG NAG PO SPYOD PA DANG BI BH'U T'I LA SOGS PAS BSHAD DO, ,GA-YAS GA-YON SPEL MA NI D'A RI KA PAS, GA-YON NAS SKOR BA'I SBYOR BA YIS, ,RNAM PA KUN DU THIG GDAB BYA, ,MTSAMS KYI CHA NI GA-YAS SU STE, ,ZHES PHYOGS THIG GA-YON SKOR DANG MTSAMS THIG GA-YAS SKOR BYAS NAS 'DEBS PAR BSHAD DO, ,KLU BYANG DANG LA BA PAS GSAL BAR MA MDZAD DO, ,BHU BA BLO LDAN DANG BI BH'U T'IS BDE MCHOG GI DKYIL CHOG TU GA-YON SKOR MA BYAS NA SLOB MA BRLAG PAR BSHAD MOD KYANG, RDO RJE MKHA' 'GRO LAS, 'DIR NI SLOB DPON SLOB MA DAG ,GA-YAS PHYOGS SU NI BSKOR BAR BYA, ,ZHES GSUNGS SHING, 'GREL PAR YANG DE BZHIN DU BSHAD LA, D'A RI KA PAS KYANG MTSAMS GA-YAS SKOR BYA BAR BSHAD PAS MA RGYUD LA GA-YON SKOR NGES BZUNG DU

MI DGOS SO, ,SLOB DPON 'DIS KYANG GA-YAS SKOR RGYUD GNYIS KA'I THUN MONG DU MDZAD LA, RATNA RAKshI TAS BDE MCHOG LA YANG GA-YAS SKOR BSHAD PA DANG, RGYAL BA BZANG POS KYANG, DE NAS SLOB DPON SGRUB GROGS DAG ,BSKOR ZHING 'GRO BA'I BYA BA NI, ,GA-YON PA'I SPYOD PA GTZO BO'I PHYIR, ,KUN TU GA-YON PA'I CHO GAS BYA, ,DE LTA NA YANG LTOS PA YIS, ,RTOGS PAR DKA' BAS GA-YAS BSKOR BYA, ,ZHES BDE MCHOG GI DKYIL CHOG TU BSHAD PA BZHIN DZA YA SE NAS KYANG MKHA' 'GRO RGYA MTSO'I DKYIL CHOG TU BSHAD DO, ,DKYIL 'KHOR GYI PHYI DANG NANG GI THIG LHAG MA RNAMS 'DEBS PA NA'ANG THIG SKOR DANG SDOD SA'I GNAS DANG GO RIM RNAMS SNGAR BZHIN BYA STE, PHRENG BA LAS LE'U TSE DGU'I PHYOGS SO SO'I THIG 'DEBS PA NA DE LTAR BSHAD CING, LVA BA PAS KYANG THIG LHAG MA RNAMS LA CHO GA SNGA MAS GDAB PAR GSUNGS SO, ,LAS THIG 'DEBS PA NA KLU BYANG GIS SLOB DPON GYI SDOD SA NGES PA CAN GSUNGS PAS THIG SKOR DNGOS SU MA BSHAD KYANG YE THIG DANG 'DRA'O, ,LAS THIG SLOB DPON DANG SGRUB GROGS GNYIS KAS GDAB DGOS PAR KLU BYANG DANG LAM KA RGYAL BZANG DANG JA YA SE NAS BZHED LA, RGYUD DANG DKYIL CHOG RNAMS LAS KYANG TSON 'GYED PA LA SLOB DPON GYIS TSON RDZOGS PAR 'GYED MA NUS NA 'CHAD PAR 'GYUR BA LTAR DMIGS BSAL GSUNGS SHING, THIG LA SLOB MA YOD NA GNYIS KA DANG MED NA SLOB DPON RANG NYID KYIS THIG SKUD PHUR PA LA BTAGS NAS 'DEBS PAR GSUNGS KYI SLOB DPON LA DMIGS BSAL MA GSUNGS PAS THIG GNYIS KA 'DEBS PA LA SLOB DPON NGES PAR DGOS SO, ,DE NAS RTZIG PA'I THIG NAS MDA' YAB KYI BAR GYI CHA BGO BA RNAMS KYI THIG

, ,GDAB STE DE DAG GI BSDU BA'I TSIGS SU BCAD PA NI PHRENG BA LAS, SHAR SOGS PHYOGS KYI THIG LE'I STENG, ,SRAD BU BZUNG NAS MAndAL BZHIS, ,NYA YI MGO DANG MJUG MA'I MTHAR, ,TSANGS THIG DANG NI ZUR THIG GDAB, ,ZUR DE SGO TSAD BDUN DANG PHYOGS, ,KHRU LA SOGS PA'I RTZA THIG GI ,DBUS SU BRGYAD CHA PHYIS PA DE, ,SGO DE'I BZHI CHA CHA CHUNG STE, ,RTZA BA'I PHYI ROL GCIG DANG GNYIS, ,GCIG GNYIS GCIG DANG GCIG GI MTHAR, ,THIG DRUG ZUR NAS NGOS SU STE, ,TSANGS LAS RIM GYIS RING BAR NI, ,CHA CHUNG GSUM DU DANG PO'I THIG ,GNYIS THIG CHA CHUNG GNYIS RTZER REG ,CHA CHUNG BRGYAD DU GSUM STEGS BU'I, ,THIG LAS DRANG PO'I THIG BZHI STE, ,GSUM NI CHA CHUNG LNGA BZHI PA, ,CHA CHUNG BZHI DE'I DANG PO NI, ,NGOS THIG RTZE MOR YANG DAG REG ,GSUM NI CHA CHUNG RE RE'I BAR, ,BZHI PA'I RTZE NAS NGOS SU THIG ,CHA CHUNG BCU DANG LDAN PA'O, ,RTZA BA'I RTZE NAS BYUNG BA'I THIG ,CHA CHUNG BZHI PA NGOS STENG DU, ,CHA CHUNG GNYIS GNYIS THAD KAR NI, ,CHA CHUNG BRGYAD DE GSUM 'KHYOG PA, ,ZHES SO, , 'GRAM LOGS SGO DANG MI MNYAM PA 'DI NI THIG SKUD CHA CHUNG GO DRUG PA DANG RE BZHI PA GNYIS KA'I THUN MONG YIN YANG GO DRUG PA LA 'GRAM LOGS SGO DANG MNYAM MI MNYAM GNYIS KA YOD DO, ,DES NA 'GRAM LOGS SGO DANG MNYAM PA'I TSE NI DAR DPYANGS DANG MUN PA'I SNAM BU MED PAS, STEGS BU'I, THIG LAS DRANG PO'I THIG BZHI STE, ,ZHES PA NI DRANG PO'I THIG GNYIS SU 'GYUR RO, ,SLOB DPON 'DIS THIG RING THUNG GNYIS KA MDZAD LA THIG RING NI LVA BA PA DANG SA RA HA LA SOGS PA MANG POS MDZAD DO,,

SGO 'KHOR LO'I BCU CHA DANG DGU CHAR GSUNGS PA'I RGYUD YOD KYANG RGYA GAR BA'I SLOB DPON RNAMS DES THA SNYAD MI MDZAD PAS SLOB DPON 'DIS KYANG DE DAG BZHAG NAS BRGYAD CHAR GSUNGS TE, GUR DANG RDO RJE MKHA' 'GRO'I DGONGS PA YIN ZHING RGYA GAR BA'I DKYIL CHOG RNAMS LAS KYANG DE LTAR DU BSHAD DO, ,THIG 'DEBS PA NA RDO RJE MKHA' 'GRO LAS, ,THIG SKUD CHAD NA SLOB DPON 'CHI, ,DMAN DANG LHAG PAS NAD 'BYUNG STE, ,PHYOGS LA 'KHRUL NA SLOB MA MYOS, ,ZHES GSUNGS PA SHES PAR BYAS LA, DE DAG BYUNG NA BCOS PA'I CHO GA BYA'O ZHES GSUNGS KYI 'DIS BCOS MA BSHAD KYANG RMI LTAS NGAN PA BYUNG BA BZLOG THABS LTAR BYA'O, ,SPYI RGYUD LAS, LTAS NGAN BYUNG NA DNGOS MI 'GRUB, ,CES DANG, RING THUNG KHYER NA NAD KYIS 'DEBS, ,ZHES GSUNGS TE, 'CHAD PA LTAR GYI TSAD LAS RING BA DANG THUNG BA'I THIG SKUD BYAS NA NAD 'BYUNG STE SLOB DPON LA 'BYUNG BAR SHANTI PAS SO, ,PHYOGS LA RMONGS PA NI SLOB DPON GYI SDOD SA 'CHUGS PA YIN LA, SLOB MA 'KHRUL BA'AM MYOS PA NI D'A RI KA PAS,, PHYOGS 'KHRUGS SLOB MA NYON MONGS 'GYUR, ,ZHES GSUNGS PA LNGAR SLOB MA SDUG BSNGAL BA'O, ,KHA CIG RING THUNG BYUNG BA THIG YIN GYI THIG SKUD MIN ZHES PA NI DON MIN TE DE LTA YIN NA PHYI DGOS PA'I THIG GDAB TU MI RUNG BAS THIG RING GDAB TU MI RUNG BAR 'GYUR RO, ,THIG SKUD KYI MTSAN MA NGAN PA 'DI THIG GANG 'DEBS PA'I TSE YIN ZHE NA, SHANTI PAS TSANGS THIG GNYIS 'DEBS PA'I DUS LA BZHED DE, PHRENG BAR YANG DE GNYIS BTAB PA'I 'OG TU GSUNGS PAS DGONGS PA GCIG GO ,NYIN MO

, ,'BYUNG GNAS KYIS TSANGS THIG GNYIS DANG THIG CHEN BRGYAD DANG THIG THAMS CAD KYI DBANG DU BYAS PA'I LUGS GSUM BSHAD DO, ,DES NA SPYI RGYUD LAS, DE BAS THAMS CAD NAN TAN DU, ,MKHAS PAS LEGS PAR THIG GDAB BO, ,ZHES GSUNGS PA LTAR THIG GNYIS 'DEBS PA DANG THIG SKUD GNYIS SGRUB PA'I TSE SHIN TU GZAB PAR BYA'O, ,GNYIS PA NI, RTA BABS LA SOGS PA NI THIG SKUD KYI TSAD GNYIS GSUNGS PA'I DBANG GIS SO SOR YOD DO, ,DE YANG SPYIR THIG SKUD KYI SRID KYI TSAD DKYIL 'KHOR GYI NYIS 'GYUR DANG SBOMS KYI TSAD SGO'I NYI SHU CHAR BZHED DE, SDOM 'BYUNG GI BCU BDUN PA LAS, RING BA 'KHOR LO'I NYIS 'GYUR TE, ,SGO YI NYI SHU CHA DAG GO ,ZHES GSUNGS SHING, DKYIL CHOG SOGS LAS KYANG DE BZHIN DU MANG DU GSUNGS SO, ,RING TSAD DE LTAR GSUNGS PA'I DGOS PA NI PHRENG BA LAS, TSANGS THIG KHO NA GDAB PA'I DON DU YIN PAR BZHED PAS THIG GZHAN LA TSAD DE MI DGOS KYANG TSANGS THIG GNYIS 'DEBS PA'I PHYIR DU MDZAD DO, ,DE LA TSANGS THIG NI RING THUNG GNYIS SU YOD DE, 'DI LTAR RTA BABS KYI DPANGS DANG 'KHOR LO DANG RVA RTZE LA CHA CHEN GNYIS SU BYAS PA'I TSE NA RTZA THIG NAS RTZA THIG GI BAR LA DKYIL 'KHOR DU BYAS PA'I NYIS 'GYUR THIG SKUD KYI TSAD YIN LA, RTA BABS KYI DPANGS LA SGO TSAD GSUM DANG 'KHOR LO DANG RVA RTZE LA SGO TSAD GCIG BYAS PA'I TSE NI THIG SKUD KYI TSAD SNGA MA DES MI CHOG PAS RTZA BA'I DKYIL 'KHOR 'KHOR DANG BCAS PA'I NYIS 'GYUR YIN TE, PHRENG BA LAS, RTZA BA'I THIG BZHIS YONGS SU BCAD PA'I RTZA BA'I

DKYIL 'KHOR KHO NA LAS THIG SKUD NYIS 'GYUR GYIS RING BA STE DES TSANGS PA'I THIG CHA CHUNG DRUG CU RTZA BZHI GDAB PAR BYA'O, ,ZHES DANG, DKYIL 'KHOR YANG 'DIR SNA TSOGS RDO RJE'I LTE BA'I MTHAR CHUD PA'I DKYIL 'KHOR 'KHOR DANG BCAS PA RTZA BA'I THIG LAS PHYIR CHA CHUNG BRGYAD PA'I BAR DU STE CHA CHUNG BZHI BCU RTZA BRGYAD PA'O, ,ZHES SOGS GSUNGS PA'I MTHAR, DE'I PHYIR THIG SKUD CHA CHUNG DGU BCU RTZA DRUG TU 'GYUR RO, ,ZHES GSUNGS SO, ,RE BZHI PA'I SHES BYED DU, DE NAS THIG SKUD DKAR BYAS NAS, ,RANG NYID SGRUB PA'I GROGS DANG LDAN, ,TZAN DAN DKAR PO BSRES PA YI, ,SA LU BTAGS PAS SPANG BAR BYA, ,TSANGS PA'I THIG NI DAG PA GNYIS, ,'KHOR LO'I TSAD NI GANG YIN PA, ,DE YI NYIS 'GYUR GDAB PAR BYA, ,DE YI PHYED DU RTZA BA'I THIG ,CES DRANGS PA NI LAM KA RGYAL BZANG GI DKYIL CHOG NA YOD DO, ,'DIS TSANGS THIG GI PHYED DU RTZA THIG GDAB PAR GSUNGS PAS THIG SKUD CHA CHEN BCU DRUG PAR BSTAN NO, ,RTZIG PA NAS RTZIG PA'I BAR GYI GZHAL YAS KHANG NI DKYIL 'KHOR GYI DNGOS GZHI YIN LA, PHA GU NAS MDA' YAB KYI BAR NI DE LA BTAGS PA'I YAN LAG YIN PAS DE'I 'KHOR ZHES BYA'O, ,RGYAL PO 'KHOR BCAS 'GRO BA NA RGYAL PO 'GRO'O ZHES BRJOD PA BZHIN DKYIL 'KHOR 'KHOR DANG BCAS PA LA YANG DKYIL 'KHOR GYI SGRA 'JUG PAS DKYIL 'KHOR GYI NYIS 'GYUR DU GSUNGS PA NI GNYIS KA LA DANG DU RUNG NGO, ,DE LTAR NA SNGA MA LA DBUS NAS RTZA THIG GI BAR GYI DKYIL 'KHOR GYI NANG DANG RTZA THIG NAS PADMA'I LTE BA'I MTHA'I BAR GYI PHYI GNYIS MNYAM PAS RVA RTZE NAS RVA RTZE'I

, ,BAR LA DKYIL 'KHOR GYI NYIS 'GYUR RO, ,PHYI MA LA NI DBUS NAS MDA' YAB KYI THIG GI BAR DANG DE NAS 'OD PHRENG GI THIG GI BAR MNYAM PAS 'OD PHRENG NAS 'OD PHRENG GI BAR LA DKYIL 'KHOR GYI NYIS 'GYUR RO, ,DE LA PHYOGS DANG PO NI SDOM 'BYUNG GI BCU BDUN PA LAS, THIG GI MTSAN MA DRUG CU BZHI, ,DKYIL 'KHOR THIG GI MTSAN NYID DE, ,ZHES PHYI'I ZLUM THIG THOG MAR SKOR BA'I PHAN TSUN LA THIG GI MTSAN MA RE BZHI GSUNGS TE 'GREL PAS RE BZHI'I CHA RE CHA CHUNG RER GSUNGS SO, , DE BZHIN DU SA RA HA DANG LVA BA PA LA SOGS PA MANG POS KYANG GSUNGS TE, RE BZHI PA LTAR NA RTA BABS KYI DPANGS SGO TSAD GCIG TU BSHAD DO, ,KLU BYANG GIS SGO DANG SGO KHYUD DANG 'GRAM PA DANG LOGS TE BZHI GA TSAD MNYAM DU BSHAD PAS DES RTA BABS SGO LAS SUM 'GYUR DU GSUNGS PA NI DPANGS SU YIN TE, NGOS LA BYAS NA SNAM BU 'OG MAS KA BA'I STENG DU MI SLOB PA'I PHYIR RO, ,DES NA KLU'I BLOS THIG SKUD CHA CHEN NYER BZHI PA'I PHYOGS BSNGAGS SO, ,CHA CHEN NYER BZHI PA'I RTA BABS DANG ZLUM THIG LA SOGS PA NI PHRENG BA LAS, KA BA'I RTZE NAS PHYI NGOS SU, ,CHA CHUNG RE RE DOR BAR THIG ,BCU GCIG 'DI LA LNGA PA DANG, ,BDUN PA CHA CHUNG PHYED DANG GNYIS, ,YANG NA GSUM PA BDUN PA DANG, ,DGU PA CHA CHUNG RE RE'O, ,BZHI PA DRUG PA BCU PA RNAMS, ,SO SOR CHA CHUNG PHYED PHYED DO, ,LNGA NI CHA CHUNG PHYED DANG GNYIS, ,DE LA PHYOGS GNYIS SU NI RGYAR, ,TSANGS PA'I GA-YAS DANG GA-YON DU NI, ,CHA CHUNG PHYED BCAS MDA' YI MTHAR, ,SNAM BU CHA CHUNG PHYED DANG GSUM, ,THIG NI CHA CHUNG PHYED DANG BZHI, ,CHA CHUNG DRUG MTHAR GNYIS PA DANG, ,GSUM PA

CHA CHUNG GSUM PA'O, ,CHA CHUNG BZHI MTHAR BZHI PA NI, ,CHA CHUNG LNGA STE MDA' PHYED BCAS, ,GSUM DOR NAS NI PHYED DANG LNGA, ,GSUM NAS DRUG PA CHA CHUNG LNGA, ,BZHI NI CHA CHUNG BDUN RNAMS TE, ,THIG BCU GCIG PA CHA CHUNG LNGA, ,SNAM BU LNGA PA'I STENG GI NI, ,NGOS SU CHA CHUNG PHYED DANG BZHI, ,BDUN PA'I 'OG LA CHA CHUNG GSUM, ,STENG NI CHA CHUNG DRUG STENG DU, ,SNAM BU RNAMS MTHAR SON PA'I THIG ,GZHAN GYI MTHA' DANG LHAN CIG STE, ,KYOG PO GCIG GO 'DI NANG DU'ANG, ,CHA CHUNG PHYED NAS DE BZHIN GZHAN, ,DE'I PHYIR CHA CHUNG RIG BYED MTHAR, ,THIG ZLUM DE NAS GNYIS YIN TE, ,CHA CHUNG GNYIS GNYIS DOR BAR RO, ,BZHI DOR BAR NI ZLUM PO GZHAN, ,'GRAM LOGS SGO DANG MNYAM PA LA, ,MUN PA'I SNAM BU MED PA'O, ,ZHES GSUNGS PA LTAR BYA STE, ,DE LA NI DAR DPYANGS KYI SNAM BU YANG MED DO, ,CHA CHEN BCU DRUG PA'I RTA BABS DANG THIG ZLUM LA SOGS PA YANG PHRENG BA LAS, RTA BABS SGO LAS SUM 'GYUR NI, ,NGOS NYID DU STE STENG MIN PA, ,DE TSE THIG NI DRANG PO GSUM, ,STEGS BU'I THIG LAS DE LTAR GZHAL, ,PHYOGS NI DE MA THAG PA YI, RTA BABS SNAM BU DRAG PO'I LAS, ,DPANGS SU TSAD NI SGO YI CHA, ,NOR LHA NOR LHA NYI MA DANG, ,RGYAL BA NOR LHA RGYAL BA DANG, ,NYI MA NOR LHA NYI MA DANG, ,RGYAL BA NOR LHA GO RIM BZHIN, ,'DI RNAMS NGOS KYI BRJOD PAR BYA, ,TSANGS PA'I GA-YAS DANG GA-YON DU NI, ,CHA CHUNG PHYED DANG LNGA DOR NAS, ,SNAM BU CHA CHUNG PHYED DANG GSUM, ,THIG NI CHA CHUNG PHYED DANG BZHI, ,GNYIS PA DANG NI GSUM PA NI, ,CHA CHUNG LNGA NAS CHA CHUNG GSUM, ,BZHI PA CHA CHUNG BZHI DOR NAS, ,CHA CHUNG GSUM MDA' CHA CHUNG NI, ,PHYED DANG BZHI NAS PHYED DANG

, ,BZHI, ,GSUM NAS DRUG PA CHA CHUNG LNGA, ,DE NAS GSUM NI BRGYAD GCIG NI, ,CHA CHUNG BDUN TE THA MA DRUG ,DE'I PHYIR CHA CHUNG RIG BYED MTHAR, ,ZLUM PO'O GNYIS NAS DE BZHIN THIG ,CHA CHUNG GNYIS MTHAR ZLUM PO STE, ,THA MA CHA CHUNG BZHI YI MTHAR, ,ZHES GSUNGS PA LTAR BYA STE, 'DI LA MUN SNAM MED PAS KA BA NAS KA BA'I BAR LA CHA CHUNG BCU GNYIS SO, ,DE TSE THIG NI DRANG PO GSUM, ,ZHES GSUNGS PAS DAR DPYANGS KYI SNAM BU NI YOD DE, ,'DI LA 'GRAM LOGS SGO DANG MNYAM PAR BYAS NA KA BA NAS KA BA'I BAR DU RTA BABS SGO'I SUM 'GYUR DU PHRENG BAR BSHAD PA DANG MI MTHUN LA, SGO 'GRAM LA CHA PHRAN GNYIS YOD PA BZHIN DU LOGS LA'ANG BYAS NA MUN SNAM MED PAR 'DIR BSHAD PA DANG 'GAL LO, ,SGO STENG NAS CHA PHRAN GCIG RTA BABS LA 'GRO BA BYAS NA THIG SKUD CHA CHUNG RE BZHI PA DANG MI 'GRIG CING KA BA DANG DAR DPYANGS BYED PA'I SA RNAMS SHIN TU MI MDZES PAS SGO LOGS LA CHA CHUNG GSUM BYA'O, ,DE LTAR BYAS NA SGO NAS SGO LOGS KYI BAR BZHI PO MNYAM MI MNYAM LA 'DIR GSUM BYUNG STE, SGO LA SOGS PA BZHI GA MNYAM PA GCIG DANG, SGO DANG SGO KHYUD GNYIS MNYAM ZHING 'GRAM LOGS GNYIS DANG MI MNYAM LA 'GRAM LOGS GNYIS MNYAM PA GCIG DANG, 'GRAM LOGS GNYIS MI MNYAM PA GCIG GO ,SGO TSAD GCIG MA LA RATNA RAKshI TAS SGO LOGS KYI PHYI LA CHA CHUNG LNGA DANG NANG LA CHA CHUNG GNYIS SU BYAS SHING NANG MA'I RTZE GNYIS NAS PHYI NGOS SU CHA CHUNG GCIG NI GDUNG DANG DE'I PHYIR CHA CHUNG GCIG NI BAR SNANG GI SNAM BU SNGON POR 'CHAD DE GDUNG GI STENG NA RTZIG

PA MED PA'I BAR STONG GI SNAM BUR BZHED DO, ,'ON KYANG 'DI LA GDUNG GI STENG DU RTZIG PA MED PA LEGS PAR MA MTHONG NGO, ,SLOB DPON 'DIS RTA BABS KYI DPANGS LA CHA CHEN GSUM DANG GCIG YOD PA GNYIS BSHAD NAS DANG PO LA GNYIS MNYAM DGU MNYAM DANG LNGA MNYAM GSUM GSUM MNYAM GNYIS DANG PHYI MA LA LNGA MNYAM GSUM GSUM MNYAM KHO NA STE RTA BABS KYI LUGS GSUM MDZAD DE SNAM BU NI BCU GCIG TU GSUNGS SO, ,'ON KYANG PHRENG BAR, RGYAL PO NYES PA GSUM NYI MA, ,RGYAL PO PHYOGS DANG MI RNAM GSUM, ,PHYOGS TE THAD KAR CHA CHUNG RNAMS, ,RTA BABS SNAM BU'I RIM PA YIN, ,ZHES SNAM BU GNYIS PA RIN CHEN SHAR BU'I SNAM BU LA CHA CHUNG BCO BRGYAD SOGS YOD PAR 'DOD PA LA, KYOG PO'I NANG NA SNAM BU DE DAG CHAD NAS MED PA RGYU MTSAN DU BKOD NAS DGAG PA MDZAD PAS NA KYOG PO'I NANG GI THAD KA'I SNAM BU RNAMS LA GA-YAS GA-YON DU SNAM BU GNYIS GNYIS YOD PAS GNYIS KA BSDOMS PA'I GRANGS LA BCU GCIG YIN GYI SO SOR PHYE NA DE LAS MANG NGO, ,THIG SKUD RING THUNG GNYIS KA'I LUGS LA MNGA' YAB NAS MDA' YAB KYI BAR LA RING THUNG MED LA RE BZHI PA'I LUGS LA MDA' YAB KYI PHYI RU TSANGS THIG LA CHA CHEN GNYIS LAS MED PAS PHYI MA NI CHOS 'KHOR DANG RVA RTZE YIN PAS RTA BABS KYI DBANGS SGO TSAD GCIG TU NGES SO, ,DE'I PHYIR DE DAG GI GZHUNG DU RTA BABS SGO LAS SUM 'GYUR DU BSHAD PA NI NGOS SU YIN PA DANG SGO DANG RTA BABS KYI BAR GYI MUN SNAM MED PA DANG SUM 'GYUR YANG KA BA NAS KA BA'I BAR LA SLOB DPON 'DI BZHED DE, PHRENG BA LAS, SNA

, ,TSOGS RDO RJE'I LTE BA NI SGO'I TSAD BCU GNYIS SO, ,DE LA RTZA BA'I THIG GI NANG DU SGO'I TSAD BRGYAD DO, ,PHYI ROL TU SRID DU SGO GNYIS GNYIS SO, ,DE LA BAR SKABS KYI SNAM BU MED PA NYID DO, ,RTA BABS NI KA BA'I BAR DU NGOS SU SGO LAS SUM 'GYUR RO, ,ZHES GSUNGS SHING SNAM BU YANG BCU GCIG TU BSHAD DO, ,KA BA GNYIS KYI STENG NAS NGOS SU SNAM BU CHA PHRAN RE RE LHAG PA BZHED PAS DE'I DBANG DU BYAS NA CHA PHRAN BCU BZHI'O, ,LVA BA PAS RTA BABS DPANGS SU SGO TSAD GCIG MA LA 'GRAM LOGS SGO TSAD PHYED DU BSHAD CING RTA BABS NGOS SU SGO'I BZHI 'GYUR DU BSHAD PAS MUN SNAM YANG BZHED PAR MNGON NO, ,MAR ME MDZAD BZANG POS RTA BABS SGO LAS SUM 'GYUR DU BSHAD PA'I DGONGS PA SHAN TI PAS MCHUR SUm 'GYUR DANG DPANGS SU JI MDZES SU BYA BAR 'CHAD DO, ,RTA BABS KYI PHYI'I CHA CHEN GCIG LA NI PHYED NANG MA LA 'KHOR LO BYA'O, ,PHYED PHYI MA LA RVA DBUS MA'I RVA RTZE BYA STE, PHRENG BA LAS, 'KHOR LO'I PHYI ROL GYI CHA CHUNG GNYIS LA SNA TSOGS RDO RJE'I RVA'I RTZE MO STE, ZHES SO, ,DES NA PHYOGS KYI RVA RTZE RNAMS RVA DBUS MA LA ZUG PA'I MTSAMS PHYIN LA RVA RTZER BYAS PA YIN GYI DBUS KYI RVA ZAD MTSAMS KYI RTZE NAS GA-YAS GA-YON DU CHA CHUNG RE RE BYAS NAS RVA RTZE LA CHA CHUNG GNYIS BYED PA DON MIN TE 'DI LUGS GNYIS KA LA 'DRA BAR BSHAD DO, ,CHA CHUNG NANG MA 'KHOR LO'I GDAN GYI PADMA DANG DE NAS GNYIS 'KHOR LO DANG DE NAS GCIG LA GDUGS DANG RI DVAGS 'KHOR LO'I THAD KAR GNAS PAR SHR'ADDHA BZHED DO, ,DE NAS ZLUM THIG NI THIG RING BA'I LUGS LA PA DAR ?

DANG RDOR RA GNYIS CHA CHEN PHYED PHYED ME RI LA CHA CHEN GCIG BYED DE, DE LTAR NA DBUS NAS MDA' YAB KYI BAR DANG MDA' YAB NAS 'OD PHRENG GI BAR LA SGO TSAD DRUG DRUG YOD PAS PHYOGS RE'I TSANGS THIG LA CHA CHEN BCU GNYIS YOD PA DES RDZOGS SO, ,PHRENG BA LAS LUd 'DI LA PAD RA DANG RDO RA LA CHA CHUNG RE RE DANG 'OD PHRENG LA CHA CHUNG GNYIS LA SOGS PA BYED PA BKAG CING, THIG SKUD THUNG BA'I LUGS LA NI PAD RA DANG RDOR RA CHA CHUNG RE RE BA DANG GNYIS GNYIS DANG 'OD PHRENG CHA CHUNG GNYIS SAM BZHI GDAM NGA CAN DU GSUNGS PAS GANG RUNG BYA'O, ,RDO RJE MKHA' 'GRO LAS, PHYI ROL 'OD KYI DKYIL 'KHOR NI, ,TSON KYI SA YI NYIS 'GYUR TSAD, ,ZHES GSUNGS LA LVA BA PAS RDOR PHRENG RANG 'OD PHRENG GNYIS CHA CHUNG RE RE BAR YANG BSHAD DO, ,PHRENG BA LAS, KHA CIG TU NI BDE MCHOG GI DKYIL 'KHOR LA, RDO RJE PADMA 'KHOR LO'I GZUGS, ,RA BA GSUM YANG DGOD PAR BYA, ,ZHES BYA BA 'DIS RDO RJE PHRENG BA LAS PHYI ROL TU PADMA DANG 'KHOR LO'I PHRENG BDAG GSUNGS SO, ,ZHES GSUNGS PA LTAR NA PAD RA GNYIS YOD DE LAM KA RGYAL BZANG YANG DE LTAR BZHED DO, ,ZLUM THIG BYED PA'I TSE DKYIL 'KHOR GYI DBUS SU SANG LDENG GI PHUR BU 'OG RTZE GCIG PA STENG RDO RJE RTZE LNGA PA'I RNAM PA H'Um LAS SKYES PAR BSAMS NAS PHUR BU GDAB PA'I SNGAGS KYIS BRGYA RTZA BRGYAD DU BZLAS NAS, BRDUNG BA'I SNGAGS KYI RDO RJE THO BAS BRDUNGS TE DE LA THIG SKUD GO DRUG PA NYIS LTAB TU BYAS PA BTAGS NAS DBANG LDAN NAS GA-YAS BSKOR DU BSKAR LA GDAB BO, ,THIG SKUD RE BZHI PA'I SKABS SU THIG SKUD RKYANG PAS KYANG ZLUM THIG BYAR RUNG BA DANG ZLUM SKOR GYI DON DU THIG SKUD MTHO GANG LA SOGS PA LHAG PAR BYA BAR YANG GSUNGS TE, THIG

, ,SKUD LHAG PA LAS NAD SKYED PAR GSUNGS PA LA 'DI 'DRA MA GTOGS PAR BYA DGOS SO, ,DBUS SU 'DEBS PA'I PHUR BU DNGOS SU BYED PA MA BYUNG NA BSAM GTAN GYIS KYANG CHOG STE SNGAR PHUR BU 'DEBS PA'I SKABS KYIS SHES SO, , RE BZHI PA LA YANG DBANG LDAN NAS SKOR BAR LVA BA PAS BSHAD DE SNGON LA TSANGS THIG GI STENG DU TSAD BTZAL NAS BYA'O, ,DUR KHROD GANG DU BYA BA GSAL BAR SLOB DPON 'DIS MA BSHAD LA, RDO RJE MKHA' 'GRO'I 'OD PHRENG GI LUNG SNGAR BSHAD PA DE PHRENG BAR DRANGS PA'I 'OG TU, 'KHOR SA DE YI PHYI ROL TU, ,SHING SOGS DUR KHROD BRGYAD PO BYA, ,ZHES GSUNGS LA, RGYUD LAS NI, 'KHOR LO DE YI PHYI ROL ZHES 'BYUNG STE, D'A RI KA PA'I DKYIL CHOG TU YANG DE BZHIN NO, ,PRADZNY'A RAKshI TAS KYANG, RDO RJE RA BA ME 'OD BCAS, , DKYIL 'KHOR DE YI PHYI ROL TU, ,SHING LA SOGS PA'I DUR KHROD BYA, ,ZHES BSHAD DO, ,SDOM 'BYUNG 'GYUR RNYING LAS, ,RDO RJE RA BA'I NANG DU NI, ,DUR KHROD BRGYAD KYIS BRGYAN PA STE, ,ZHES 'BYUNG MOD KYANG 'GYUR GSAR LAS, RDO RJE RA BA NANG DU STE, ,DUR KHROD BRGYAD KYIS BRGYAN PA'O, ,ZHES 'BYUNG BA DAG STE, SDOM 'BYUNG GI 'GREL PA LAS, 'OD ZER NI KHA DOG LNGA PA'O, ,DE'I PHYIR ROL TU DUR KHROD RNAMS BRI BAR BYA'O, ,ZHES GSUNGS SHING, BI BH'U T'IS KYANG DE BZHIN DU BSHAD PA'I PHYIR RO, ,BH'A BA BHA DRAS GSAL BAR MA BSHAD DO, ,DUR KHROD NI DES BSKOR BA'I DBUS NA BZHUGS PA BDE MCHOG LTA BU LA BYA'I GZHAN LA MI DGOS PA DANG SKAL MED 'DUS PA NA DER YANG MI BRI BA NI PHRENG BA'I DGONGS PA'O, ,SLOB DPON 'DI'I BZHED PAS DUS 'KHOR LTA BU RANG GI RGYUD NAS

MI 'DRA BAR GSUNGS PA MA GTOGS PA BLA MED KYI DKYIL 'KHOR RNAMS LA PADMA DANG RDOR RA DANG ME RI RNAMS NGES CAN DANG DUR KHROD DANG BDE MCHOG PA'I RA BA GSUM LTA BU MA NGES PAR BZHED LA, THIG SKUD KYI TSAD GNYIS KYANG PHA RGYUD MA RGYUD KYI DBYE BA MIN GYI GANG YANG RUNG BAS 'GRUB PA DANG 'GRAM LEGS SGO DANG MNYAM MI MNYAm YANG GANG BYAS KYANG 'DRA BAR BZHED KYI DE LTAR BSHAD PA'I DKYIL 'KHOR DE KHO NA'I LUGS SU MI BZHED DO, ,GNYIS PA NI, 'DIR DKYIL 'KHOR 'GA' ZHIG NANG GI THIG BSTAN PAR BYA BA LA GSANG 'DUS KYI NANG THIG NI, PHRENG BA LAS, TSANGS LAS CHA CHUNG BRGYAD MTHAR DANG, ,BDUN PA'I MTHA' RU ZLUM PO'I THIG ,DE NAS YANG DAG DRANGS NAS NI, ,PHYOGS GZHAN THIG GI MTSAMS SONG BA'I, ,THIG GNYIS RIM BZHIN TSANGS PA'I PHYIR, ,CHA CHUNG GNYIS GSUM DOR BAR RO, ,PHYI ZLUM THIG LAS PHYI NGOS SU, ,CHA CHUNG DOR BAR ZLUM PO'I THIG ,DE NAS CHA CHUNG GSUM DOR NAS, ,ZUR THIG BAR DU GNAS PA'I THIG ,KUN TU SON PA'I TSANGS THIG DANG, ,RI'U MIG SNAM BU'I RE KHA DBYI, ,ZHES GSUNGS SO, ,DE LA RKANG PA DANG PO DRUG GIS NI RI'U MIG DGU'I THIG BSTAN TE GSANG 'DUS GNYIS KA 'DRA'O, ,DE NAS RKANG PA BZHIS NI GSANG 'DUS 'PHAGS LUGS PA'I THIG BSTAN TE SNGAR GYI ZLUM THIG GNYIS YOD PA'I THIG PHYI MA NAS PHYI NGOS SU CHA CHUNG GCIG DOR BAR SLAR YANG ZLUM THIG GCIG BYA STE, KLU BYANG GIS, 'OD ZER LNGA YIS RNAM BRGYAN PA'I, ,RDO RJE'I PHRENG BA GSAL BAR BYA, ,ZHES 'OD PHRENG GCIG DANG RDOR PHRENG GCIG STE GNYIS GSUNGS PA'I SNGA MA'I DON DU'O, ,MAR ME MDZAD BZANG POS RDOR PHRENG LAS MA GTOGS

, ,PA'I 'OD PHRENG MA GSUNGS PAS SNGA MA LA ZLUM PO GCIG GIS CHOG GO ,DE NAS CHA CHUNG GSUM DOR BA'I MTSAMS NAS ZUR THIG GI BAR DU 'DEBS PA'I CHA CHUNG GSUM PA'I SNAM BU NI RDO RJE MA BZHI'I GNAS YIN LA, PHYI MA CHA CHUNG BZHI PA NI SEMS DPA' BRGYAD DANG MTSAMS KYI KHRO BO BZHI'I LHA SNAM GYI DON DU STE, KLU BYANG GIS, NANG GI 'KHOR LO'I PHYI ROL TU, ,THIG BZHI MNYAM PAR KUN NAS BRI, ,ZHES GSUNGS PA'I DON NO, ,'JAM RDOR LA NI ZLUM THIG PHYI MA NAS RTZA THIG GI BAR LA CHA CHUNG BRGYAD YOD PAS THIG GI LHUG PA'I SKABS SU RTZA THIG GI NANG DU SGO TSAD GCIG GI LHA SNAM DOR NAS NGOS THIG GCIG ZUR THIG GNYIS KYI BAR DU GDAB PA DANG, DE NAS GZUGS RDO RJE LA SOd PA DGOD PA'I DON DU SGO TSAD GCIG DOR BAR GSUNGS PAS DE BZHIN DU BYA'O, ,'O NA 'PHAGS LUGS KYI ZLUM THIG LA PHRENG BA'I THIG GI LHUG PA'I SKABS SU, KHYAD PAR DU ZLUM PO'I THIG GNYIS PA'I NANG DU YANG RDO RJE PHRENG BA'I CHA CHUNG DOR BAR ZLUM PO'I THIG GSUM PA'O, ,ZLUM PO DANG PO'I NANG DU NI 'OD KYI PHRENG BA'O, ,ZLUM PO'I THIG DANG PO LAS PHYI NGOS SU NI ZLUM PO'I THIG MED DO, ,ZHES SNGAR CHA CHUNG BDUN PA NAS BSKOR BA'I ZLUM THIG GNYIS PA'I NANG NAS RDOR PHRENG GI CHA CHUNG SKOR BA DANG BRGYAD PA NAS SKOR BA'I ZLUM THIG DANG PO LAS PHYI NGOS SU ZLUM PO'I THIG MED PAR BSHAD PA DANG THIG RTZA'I TSIGS BCAD GNYIS 'GAL LO ZHE NA, 'DI LA PHRENG BAR 'PHAGS LUGS KYI THIG SNGAR LTAR MDZAD PA'I SHES BYED DU,

TSANGS PAS STEGS BU TZAM DU 'GYUR, ,STEGS BU'I PHYED DU GNYIS PA STE, ,GSUM PA STEGS SU PHYED DANG GNYIS, ,STEGS BU'I PHYED KYIS GZHAN YIN TE, ,ZHES DRANGS PA LTAR NA THIG RTZA LHUG PA BZHIN BYA DGOS TE, KLU'I BLOS STEGS BU'I TSAD CHA CHUNG GNYIS SU GSUNGS PAS TSANGS THIG NAS CHA CHUNG GNYIS SONG BAR THIG DANG PO DANG DE NAS CHA CHUNG GCIG SONG BAR THIG GNYIS PA 'DEBS SHING DE NAS CHA CHUNG GSUM SONG BAR ZLUM THIG NANG MA SKOR TE GSUM PA DE YIN LA, DE'I PHYI MA'I ZLUM THIG NI BZHI PA STE DE LA CHA CHUNG GCIG BYA DGOS PA'I PHYIR RO, ,RKANG PA 'DI BZHI PA TSAB KYI 'GYUR LA CHAD CING DPYAL GYI 'GYUR LA STEGS BU'I DOD LTE BA ZHES PAR BSGYUR RO, ,YANG PHRENG BAR, DBUS KYI 'KHOR LO YI NI TSAD, ,RTZA BA'I THIG GI PHYED KYIS SO, ,ZHES RTZA THIG GI PHYED NAS DKYIL 'KHOR DBUS MA BYA BAR GSUNGS PA SHES BYED DU DRANGS PA'I DON LTAR NA RDOR PHRENG GI RTZIG PA ZLUM PO NAS DKYIL 'KHOR NANG MA'I MTSAMS GZUNG DGOS PAS DE RTZA THIG GI PHYED NAS YIN LA, DE LTA NA THIG RTZA TSIGS BCAD MA BZHIN DU BYA DGOS SO, ,TSIGS BCAD DANG LHUG PA GNYIS KA YANG CHAG DANG DPANG GI 'GYUR GNYIS KA MTHUN PAR DE LTAR 'BYUNG BAS DPE MA DAG PA MIN LA, PHRENG BA LAS, RDO RJE MKHA' 'GROR NI ZLUM PO'I THIG DANG PO LAS PHYIR 'OD KYI PHRENG BA'I DON DU CHA CHUNG GCIG SPANGS PAR ZLUM PO'I THIG GCIG GO ,ZHES CHA CHUNG BRGYAD PA NAS RDOR PHRENG SKOR BA'I SKABS SU GSUNGS PAS THIG RTZA TSIGS BCAD MA NI DE DANG MTHUN PAS LUGS GNYIS GANG BYAS KYANG CHOG PAR BZHED DO, ,DA LTA 'GYUR BA'I RDO RJE MKHA' 'GRO LAS, ,

, ,NANG GI 'KHOR LO RDO RJER, ,'OD KYI DKYIL 'KHOR RIM GNYIS SU, ,DBANG LDAN MTSAMS NAS BRTZAMS NAS NI, ,GA-YAS SKOR DU NI SKUD PA BSKOR, ,ZHES PA LAS MA BYUNG YANG RGYA DPE LA CHA CHUNG BRGYAD PA'I PHYI NAS 'OD PHRENG SKOR BA YOD PAR GSAL LO, ,PHRENG BA LAS GSANG 'DUS GNYIS KA LA RTZA THIG NAS NANG DU SGO TSAD GCIG DOR BAR NGOS THIG 'DEBS PA MA GTOGS PA LHA SNAM NANG MA LA NGOS THIG 'DEBS PA'I BSHAD PA MI SNANG NGO, ,NANG THIG THEBS NAS RI'U MIG DBUS MA'I NANG GI ZUR THIG DANG DE'I SNAM BU'I NANG GI THIG RNAMS DANG PHYI NANG GI TSANGS THIG RNAMS DBYI ZHING ZUR THIG GZHAN DANG LHA SNAM GYI THIG NI BZHAG CING RDUL TSON GYIS GA-YOG PAR BYA STE LHA'I GNAS DANG TSON SA'I KHYAD PAR DBYE BA'I DON DU'O, ,BDE MCHOG RE GNYIS PA'I NANG THIG NI PHRENG BA LAS, RTZA BA'I NANG GI DKYIL 'KHOR NI, ,LHA YI DBYE BAS THIG GDAB PA, ,CUNG ZAD THA DAD BDE MCHOG GI ,GZHAN TE DE YI BRJOD PAR BYA, ,TSANGS DANG ZUR THIG GNAS PA LAS, ,GZHAN MIN DE YI TSANGS LAS PHYIR, ,CHA CHUNG GNYIS DOR RTZA BA'I BAR, ,THIG GDAB ZUR GYI 'GRAM DAG TU, ,DE BZHIN LTE BA'I LOGS DAG LAS, ,SGO NI BZHI BZHI DE YI SRID, ,LTE BA'I PHYI RU CHA CHUNG BZHI, ,DOR BAR CHA CHUNG BZHI PA'I THIG ,THAD KAR TSANGS DANG ZUR LA GNAS, ,'DIR NI YANG NI THIG LNGA YANG, ,CHA CHUNG GNYIS GNYIS DOR BAR RO, ,DE BZHIN DE RNAMS DANG DRUG PA, ,MTSAMS SU YANG DAG SON PA'O, ,TSANGS PA DANG NI ZUR THIG GI ,GA-YAS DANG GA-YON PA'I BDUN RNAMS LAS, ,LNGA PA

GSUM PA DANG PO YI, ,CHA CHUNG GCIG GI MTHA' LAS 'THON, ,RANG GI GNYIS PA'I RTZER SONG NAS, ,BDUN PA YI NI DBUS SU SONG, ,THIG GCIG KYOG PA LNGA RU 'GYUR, ,DE NANG DU YANG CHA CHUNG PHYED, ,DOR NAS DE BZHIN GZHAN YIN NO, ,TSANGS LAS RIM BZHIN RGYAL PO DANG, ,NYI KLU CHU MIG CHA CHUNG NI, ,DOR BAR ZLUM PO'I THIG LNGA'O, ,DANG PO GSUM GYI NANG DU YANG, ,CHA CHUNG PHYED PHYED DOR NAS THIG ,ZLUM PO GSUM MO RTZI BAS ZLUM GYI, ,THIG LAS GZHAN NI DBYI BAR BYA, ,ZHES GSUNGS PA LTAR BYA'O, ,'DIR PHRENG BA LAS, RTZA BA'I THIG NAS NYER BZUNG STE, ,ZLUM PO'I THIG NI RNAM PA BZHI, ,'KHOR LO GSUM NI SGO TSAD DU, ,YANG DAG BSKOR BAS PHYIN PA'O, ,LHAG MA PADMA 'DAB MA BRGYAD, ,TSAD DE 'DI LAS LHAG CHANG MIN, ,THUd SOGS 'KHOR LO'I MU KHYUD LA, ,RDO RJE PADMA 'KHOR LO'I PHRENG, ,ZHES DRANGS PA NI LAM KA RGYAL BZANG GI DKYIL CHOG NA YOD DE 'GYUR CUNG MI 'DRA TZAM SNANG NGO, ,PHRENG BA'I THIG GI LHUG PA'I SKABS LAS, BZHI PA THUGS KYI 'KHOR LO'I LTE BA'I NANG DU CHA CHUNG GI BZHI CHA LAS PHA ROL CHA CHUNG PHYED DANG GSUM PA'I 'DAB MDOR BAR LTE BA'I DON DU GE SAR GYI PHRENG BA'I NGO BO THIG GCIG GO ,ZHES GSUNGS PA DANG, THIG RTZA TSIGS BCAD KYIS DBUS NAS CHA CHUNG GNYIS DOR BAR PADMA'I LTE BA SKOR BAR BSHAD PA GNYIS SKRA SOR BZHAG NA MI MTHUN KYANG TSIGS BCAD NI RAGS RTZIS YIN LA LHUG PAS ZHING RTZIS MDZAD PA LTAR BYA STE, SKABS GZHAN DU YANG PHYOGS RE'I LTE BA LA GANG YOD PA'I NYIS 'GYUR PHYOGS RE'I 'DAB MA LA GSUNGS [TEN PAGES OF DATA INCOMPLETE HERE]

, ,DANG DE'I GLOR GOS SNA TSOGS PA'I DRA PHYED BZHED PAR GSUNGS TE, DE'I LTAR NA DRA PHYED LNGA SGRIGS SAM BZHI SGRIGS 'ONG NGO, ,SLOB DPON GZHAN NI ME TOG GI 'PHRENG BA'I DO SHAL PHYED BA DANG GOS KYI CHUN PO'I DO SHAL PHYED PAR GSUNGS TE, DE BYED PA'I GNAS LA 'GYUR KHA CIG LAS BAR RNAMS SU ZHES 'BYUNG LA, KHA CIG LAS GRVA RNAMS SU ZHES 'BYUNG NGO, ,DO SHAL GYI NANG DU KHA CIG TU NI PADMA LA ZLA TSES DANG DE'I STENG DU NYI MA LA RDO RJE PHYED PAS MTSAN PA'O, ,KHA CIG TU NI RIN PO CHE'O, ,KHA CIG TU NI PADMA LA GNAS PA'I RDO RJE BYA BAR GSUNGS TE, PHYI MA 'DI RDO RJE RDZOGS PA'O, ,RIN PO CHE'I SHAR BU NI BYA 'DAB LAS DPYANGS PAR SHES PAR BYA'O ZHES GSUNGS TE, SKE RAGS BZHI'I STENG NAS PHUBS PA'I BYA 'DAB KYI PHYAM SNE LAS 'PHYANG BA'O, , SHAR BU'I SNAM BU LA JI LTAR 'DRI BA NI KHA CIG TU RIN CHEN SHAR BU'I CHA CHUNG BDUN PA RNAMS LA RIN PO CHE RNAMS BRI BAR BYA'O ZHES GSUNGS SO, ,ZHES SHAR BU 'DRI BA DANG RIN PO CHE 'DRI BA'I TSUL GNYIS MDZAD NAS SHAR BU JI LTAR 'DRI BA MA GSUNGS SO, ,BOD KYI BLA MA DAG MCHU MED PA'I SPYI BLUGS MGO MJUG BZLOG PA LTA BU'AM RUS RGYAN RNYING PA'I ZA RA TSAGS KYI SNE MO'I RNAM PA CAN DU BZHED PA'I PHYI MA NI DPYAL GYIS BSGYUR BA'I KLU BYANG GI DKYIL CHOG LAS, ZA RA TSAGS DANG BRE 'PHRENG SOGS ZHES SHAR BU ZA RA TSAGS SU BSGYUR BA DANG MTHUN NO, ,'DI LA MING GZHAN B'A KU LI ZHES KYANG 'BYUNG NGO, ,'PHRENG BA LAS SHAR BU'I SKABS SU BYA 'DAB LAS DPYANGS PA ZHES GSUNGS PA'I BYA 'DAB NI GZHAL YAS KHANG DNGOS GZHI'I THOG BKAB PA'I PHYI

MTSAMS NAS BYA 'DAB GUD DU 'DOGS PAR BLA MA RNAMS BZHED DO, ,MDA' YAB THAD GANG DU YOD PA DANG JI TZAM ZHIG TU YOD PA NI 'PHRENG BA LAS, 'DIR CHA CHUNG BRGYAD PA'I MDA' YAB KYIS JI LTAR GZHAL YAS KHANG MDZES PA DE LTAR MDA' YAB DANG BRAL NA MGO BCAD PA LTA BU'I RIN PO CHE'I SHAR BU RNAMS KYIS NI MA YIN ZHING, LHA KHANG CHEN MO RNAMS LA'ANG MTHONG BAS 'DIR BRI BYA'I DKYIL 'KHOR LA MDA' YAB NI DAR DPYANGS KYI THIG GI BAR DU'O, ,BSGOM BYA'I DKYIL 'KHOR LA NI SGO LOGS KYI STENG GI BAR DU STE MDA' YAB RNAMS NI LOGS CAN DANG, ZHES RDO RJE 'PHRENG BA'I RGYUD DU GSUNGS PA'I PHYIR RO, ,ZHES RTZA THIG NAS CHA CHUNG BRGYAD SONG BA'I CHA CHUNG BRGYAD PA LA YOD NA GZHAL YAS KHANG MDZES KYI BDUN PA TSUN CHAD DU BYAS NA SHAR BU RNAMS MGO BCAD PA LTAR 'GYUR BAS MI MDZES PAR GSUNGS PAS 'OG GI SHAR BU GANG NA YOD PA'I STENG NYID NA YOD PA BYA'O, ,'DI'I SKAD DOD KRA MA SHIR shA ZHES PA DRANG POR BSGYUR NA MGO BO'I RIM PAR 'GYUR RO, ,KHA CIG GIS BRE PHRENG ZHES PAR YANG BSGYUR RO, ,'DI BRI BYA LA DAR DBYANGS KYI THIG GI BAR LAS MED KYANG BSGOM BYA LA SGO LOGS KYI STENG GI BAR DU YOD PAR GSUNGS PAS DE'I 'OG GI SHAR BU DANG DRA BA DRA PHYED DANG PHA GU RNAMS KYANG DE TZAM DU YOD PA YIN NO, ,MDA' YAB KYI DBYIBS NI PADMA 'DAB MA PHYED PA'I DBYIBS CAN DU 'PHRENG BAR GSUNGS SHING, RDUL TSON GYI RTZIG PA LA NI PHA GU DANG DRA BA DRA PHYED DANG SHAR BU RNAMS RIM PA BZHIN DU STENG DU BRTZEGS PAR GSUNGS PA'I RDUL TSON GYI RTZIG PA ZHES PA NI TSON SNA LNGA'I RTZIG PA LA RDUL TSON ZHES GSUNGS KYI BRI BA'I RDUL

, ,TSON KHO NA LA MI GZUNG NGO, ,'ON KYANG SHAR BU NI DRA BA DRA PHYED KYI PHYI NGOS SU GNAS KYI BRIS PA LTAR MED DO, ,BYA 'DAB KYI ZHENG LA RGYA GZHUNG NAS BSHAD PA MA BYUNG LA BOD KYI BLA MA RNAMS 'DOD SNAM GYI MTHA' DANG MNYAM PA TZAM DU BZHED PA LA SGO KHYUD DANG SGO 'GRAM GYI THAD DU TSAD DE BYAS MI BDE BAS BZHENGS PA LA GCIG PHAG TU GCIG SONG BA LA SOGS PA'I THABS KYI CI MDZES BYA GSUNG NGO, ,STEGS BU NI BRI BYA LA JI LTAR YOD PA LTAR BSGOM BYA LA YANG YIN PAS SGO'I THAD KAR CHAD NAS MED DO, ,DE'I PHYIR KHA KHYER BZHI ZHES KYANG GSUNGS SO, ,DE LA GZUNGS KYI SNAM BU DANG GAR GYI SNAM BU ZHES KYANG BRJOD DO ZHES PA TZAM LAS LHA MO DGOD PA 'DIR MA BSHAD KYANG GAR STABS LA SOGS PA'I BZHUGS STABS DANG KHA DOG SNA TSOGS PA'I LHA MO RNAMS DGOD DO, ,SGO DANG SGO KHYUD KYI MTSAMS RNAMS SU ZLA TSES LA GNAS PA'I RIN PO CHE DMAR SER LJANG NAG GANG RUNG LA STENG DU RDO RJE PHYED PA'AM YONGS RDZOGS KYI RDO RJES MTSAN PA BYA STE ZLA BA NAS RDO RJE'I BAR LA CHA CHUNG GCIG PA'O, ,'DI 'PHRENG BAR LUNG DRANGS PA LAS PHYI'I MTSAMS SU BYA BAR GSUNGS SHING, STEGS BU'I PHYI DANG NANG GI ZUR RNAMS SU, ,ZLA BA NYI MA RIN CHEN RDO RJE DAG ,RDO RJES MTSAN PA'AM RIN CHEN GCIG PU NYID, ,MKHAS PA RNAMS KYIS RIM BZHIN YANG DAG BRI, ,ZHES GSUNGS PA LTAR 'DOD SNAM GYI PHYI NANG GI ZUR GNYIS KAR YANG ZLA NYI SOGS BYA'O, ,PHYOGS RNAMS SU PADMA 'DAB MA PHYED PA'I DBYIBS CAN GYI MDA' YAB RNAMS LA GSER GYI BUM PA'AM RIN PO CHE'I BUM PA LA GNAS PA'I RGYAL MTSAN DANG BA DAN BRGYAD DE,

ZHES GSUNGS PAS PHYAGS SPYIR BSDOMS NAS RGYAL MTSAN BRGYAD DANG BA DAN BRGYAD YIN GYI PHYOGS RE LA BCU DRUG GAM BRGYAD MIN NO, ,'JUGS SA NI KHA CIG MDA' YAB KYI SNAM BU LA BYA'I MDA' YAB MIN PA'AM YANG NA MDA' YAB KYI DPUNG PA LA BZHED MED KYANG PADMA PHYED PA'I DBYIBS CAN GYI MDA' YAB CES GSAL BAR GSUNGS PAS MDA' YAB YIN ZHING DE'I YANG DPUNG PA GNYIS KYI DBUS MA LA BUM PA YOD PA'I KHAR GZUG GO ,RGYAL MTSAN NI ZLA CHES DANG RIN PO CHE DANG RDO RJE DANG LDAN PA'I RTZE MO CAN GYI RIN PO CHE'I DBYUG PA LA BCINGS SHING, DRIL BU 'KHROL BA BCINGS PA'I DAR LCE GSUM PA RTZE MO LA RI DVAGS KYI RGYAL PO DANG NGANG PA'I RGYAL PO DANG KLU ZA BA DANG NYA SPU RGYAS PA DANG CHU SRIN GYIS MTSAN PA RLUNG GIS BSKYOD PAS SUM KHUGS SU 'KHYOG CING 'GYING BA'I CHA BYAD CAN, DRIL CHUNG GI SGRA SGROGS PA LAS SIL SIL ZHES ZER BA RNGA YAB DANG BCAS PA'O, ,SROG CHAGS KYI MTSAN MA BYED PA'I RTZE MO NI DAR LCE'I RTZE MO'O, ,BA DAN YANG SROG CHAGS KYI MTSAN MA MA GTOGS PA DE DANG 'DRA'O, ,DE RNAMS PHYOGS RE RER BZHI BZHI'O, ,GRVA BZHIR MDA' YAB KYI STENG DU GDUGS BZHI BYA STE TSAD NI RTA BABS KYI GDUGS LTAR RO, ,GNYIS PA NI, GZHAL YAS KHANG PHYI MA'I DBUS SU RI'U MIG DGU PA'I RDOR 'PHRENG GI SNAM BU NI DPAL MCHOG 'GREL PA LAS, SANGS RGYAS THAMS CAD BAR CHAD MED PAR RDO RJE THEG PA'I TSUL GYIS CHOS KYI 'KHOR LO RAB TU BSKOR BAS KA BA BRGYAD KYI STENG DU RDO RJE 'PHRENG BA ZLUM POS YONGS SU BSKOR BA'O, ,ZHES KA BA'I STENG DU RDO RJE'I GDUNG ZLUM YOD PAR BSHAD PA DE KHO NA LA BYAS NAS SA LA MA BYAS NA NANG GI DKYIL 'KHOR MTSAMS GANG NAS YOD PA'I KHYAD

, ,PAR NGOS MI ZIN PAS SGO SBRAG MED PA RNAMS LA SA LA YANG DE 'DRA BA'I RTZIG PA YOD DGOS SO, ,ZLUM PO'I DBUS SU GTZO BO'I GNAS KYI PHYI'I GRU BZHI PA'I SNAM BU NI GTZO BO'I MTSAN MA DANG GTZO BO'I SNAM BUR 'PHRENG BAR GSUNGS PAS SA LA DE LTAR GNAS PA'O, ,GZHAN LTA GNAS KYI PHYI NGOS SU PHYOGS PHYOGS SU SONG BA'I THIG GNYIS KYI BAR GYI SA NI KA BA YIN PAS GDUNG DU 'DOD PA MI RIGS TE KLU'I BLOS, RDO RJES MTSAN ZHING LEGS MDZES PA'I, ,KA BA BRGYAD NI NANG DU BRI, ,DE NYID DU NI RI'U MIG DGU ,RDO RJE KA BA'I BAR BAR DU'O, ,ZHES GSUNGS TE DE LTAR BSHAD PA MANG NGO, ,SNYE MA BCO BRGYAD PA LAS, DE'I STENG DU SO SOR YANG DAG PAR RIG PA BZHI RNAM PAR DAG PAS GDUNG BZHI STE GZHAN GYI DON GYI KHUR 'KHUR BAR NUS PA'I PHYIR RO, , ZHES GSUNGS PAS KA BA'I STENG DU GDUNG BZHI YOD DO, ,RTZE MO LAS GTZO BO'I KHRI LA DPAG TSAD BRGYAD KHRI DANG DE BZHIN GSHEGS PA BZHI'I KHRI LA DRUG KHRI RE BSHAD PAS DBUS KYI RI'U MIG NI PHYOGS BZHI'I RI'U MIG LAS BZHI CHAS CHE BA BYAS NA BRI BYA LA KA THIG GIS BCAD PAS SHONG SA MED KYANG BLOS SLONG BZHENGS PA LA DE MED PAS RUNG NGO ZHES BOD KYI MKHAS PA DAG GSUNG NGO, ,'DI LA GTZO BO'I GNAS KYI MTHA'I GRU BZHI PA NI GDUNG BSNOL MAR BTANG BA'I RI'U MIG DBUS MA MIN TE BRIS PA LA GDUNG BZHI MED PA'I PHYIR RO, ,KA BA YANG MIN LA GTZO BO'I DBUS KYI SA GCOD BYED YIN PAS BLOS SLONG LA YANG DE SA LA GNAS DGOS PAS BRI BYA LA RGYA CHE CHUNG MI RUNG NA BLOS SLONG LA YANG MI RUNG NGO, ,DES NA TSUL DE NI DE BZHIN GSHEGS PA LNGA'I

GNAS LA CHE CHUNG 'DOD PA'I LUGS YIN PAS DE BYED NA CHE CHUNG MI BYED PA'I THIG SO NA MI 'JOG DGOS PAS BRI BYA LA YANG BZHI CHAS CHE BA BYA STE, 'DI THIG JI LTA BA BZHIN BTAB NAS RAS BRIS BYED PA LA GRVA'I SA RU LHA YOD NA BRI CUNG ZAD DKA' YANG GTZO BO'I SA LA KHYAD CHE BAR SNANG NGO, ,'PHRENG BA LAS THIG RNAMS SHIN TU RGYAS PAR GSUNGS KYANG THOG 'BUBS LUGS MI GSAL ZHING RGYA GZHUNG KHUNGS THUB GZHAN LAS KYANG GSAL BAR MA BSHAD PAS THOG SPYI DANG KHYAD PAR DU GZHAL YAS KHANG SBRAG MA'I THOG BYED LUGS LA NGES PA THOB PAR DKA' 'O, ,BOD KYI MKHAS PA DAG KO SA LAR SGO RE RE'I THAD KAR KA BA GNYIS GNYIS TE MTHA' GCIG NI RDO RJE'I THIG LA BRTEN LA MTHA' GCIG NI DKYIL 'KHOR GYI LTE BA LA BRTEN NO, ,ZHES PAS RTZA BA RTZIG PA NAS RTZE ME DKYIL 'KHOR GYI DBUS SU SLEB PAR BSTAN PAS CHA CHEN BZHI YIN LA, DE'I RIGS PAS DKYIL 'KHOR PHYI MA'I THOG DPANGS KYANG RGYA'I PHYED DU BYAS PA YIN NO ZHES GSUNG ZHING RTZIG PA LNGA'I DPANGS LA CHA CHEN GSUM DANG CHA CHUNG GCIG PHA KU LA CHA CHUNG GCIG DRA BA DRA PHYED KYI SA LA CHA PHRAN GNYIS TE, DE DANG NANG GI GDUNG GNYIS DPANGS MNYAM PAR BYA, SANGS RGYAS GSANG BAS, PHUGS NA KA BA BRGYAD PO YIS, ,GDUNG CHEN BZHI YI RTZE NAS BTEG ,GDUNG CHEN BZHI YI RI'U MIG KYANG, ,PHYAM RTZA NYI SHU BRGYAD KYIS BKAB, ,DE BZHIN GAL THOG CI RIGS PA'O, , ZHES BSHAD PA BZHIN BYA STE DE YANG TSANGS THIG DANG RTZA THIG PHRAD MTSAMS NAS NANG DU CHA CHEN GCIG 'ONGS PA NAS NGOS SU CHA CHUNG LNGA DOR BA'I MTSAMS SU ZHENG CHA CHUNG GCIG PA'I KA BA BRGYAD BTZUGS NAS GDUNG 'DEGS PA'I THOG BYA BAR BZHED DO, ,SANGS RGYAS GSANG BAS BYAS

, ,ZER BA DE'I LUGS KYIS NANG NA PHO BRANG ZUR PA MI SNANG BAS DKYIL 'KHOR DNGOS GZHI'I THOG 'BUBS LUGS SU 'DUG KYANG KA BA 'DI NAS 'DZUGS DANG THOG DPANGS LA 'DI YOD BSHAD PA MI SNANG NGO, ,SH'AKYA BSHES GNYEN GYI LUNG DES KA ? BA LA CHA CHEN BZHI BSTAN PAR MI SNANG YANG SPYIR NANG NA PHO BRANG MED PA DANG YOD PA GSANG 'DUS GNYIS LTA BU RNAMS LA THOG 'BUBS LUGS DE 'DRA ZHIG 'THAD DAM BRTAG PAR BYA'O, ,SANGS RGYAS GSANG BAS MDZAD ZER BA DE LAS, PHYI DBYIBS MCHOD RTEN MKHAR THABS DANG, ,RGYAL KHAB RI BO'I GUR DU 'DOD, ,CES MCHOD RTEN DANG RDZONG DANG RGYAL PO'I KHAB DANG GUR DANG 'DRA BA BZHI GANG RUNG DU PHYI'I DBYIBS BSHAD DO, ,PADMA 'BYUNG GNAS KYIS MDZAD ZER BA YANG SNANG MOD KYANG YID BRTAN MI RUNG BAR SNANG NGO, ,BOD KYI BLA MA DAG GZHAL YAS KHANG GI TOG GI RTZE NAS RMAD LA THUG PA DANG NANG GI RGYA GNYIS TSAD MNYAM PAR 'DOD PA LA YANG SHES BYED YANG DAG PA MA MTHONG NGO, ,NANG THIG GZHAN RNAMS NI GO SLA LA BDE MCHOG LTA BU LA NI TSIG MANG PO DGOS PAR SNANG BAS MANGS PAS 'JIGS PAS MA BRIS SO, ,SNGAGS KYI LUGS KYIS DANG POR SNOD RUNG DU BYED PA LA YANG DKYIL 'KHOR DU BCUG NAS DBANG BSKUR BA DGOS LA BAR DU RIM PA GNYIS KYI RNAL 'BYOR PAS KYANG RTEN DANG BRTEN PA'I DKYIL 'KHOR GYI RNAL 'BYOR GYIS LAM BGROD DGOS SHING MTHAR 'BRAS BU MNGON DU GYUR PA NA'ANG RTEN DANG BRTEN PA'I DKYIL 'KHOR GYI TSUL GYIS 'TSANG RGYA BAS DE THAMS CAD LA DKYIL 'KHOR GNAD CHE ZHING DE'I MTSAN NYID THIG GIS GTAN LA 'BEBS LA THIG KYANG RDO RJE 'PHRENG BA MTHA'

CHOD PAR SNANG BAS DE'I LUGS BZHIN DU LEGS PAR BSHAD PA YIN NO, ,THIG GI CHO GA RNAMS RGYAS PAR BSHAD ZIN TO, ,GNYIS PA NI, SNGAR MDOR BSTAN DU DKYIL 'KHOR GYI DBUS DANG NUB TU PHYOGS PA'I LUGS GNYIS BSHAD PA NI RANG GI MNGON RTOGS SGOM PA'I SDOD SA YIN LA LHA STA GAN BYED PA'I TSE NI SKABS 'DIR GSUNGS PA LTAR SHAR NAS NUB TU PHYOGS PAR BYA'O, ,DKYIL 'KHOR GYI SA GZHI DRI BZANG LA SOGS PAS BYUG CING ME TOG BCAL DU DGRAM STE BDUD RTZI LNGA DANG BCAS PA'I DRI BZANG POS LHA GNAS GANG DU JI LTAR 'BYUNG BA'I GNAS DER MAndAL RE BYA'O, ,DE YANG BDAG PO LNGA'I LE'U TSE RNAMS SU GRU BZHI DANG LHA GZHAN RNAMS LA ZLUM PO BYA'O, ,'DI NI RDO RJE MKHA' 'GRO LAS, ,BDUD RTZI LNGAS NI KUN DU BYUG ,DE BZHIN GSHEGS PA'I GNAS RNAMS SU, , TZAN DAN SOGS PA'I GRU BZHI BYA, ,PHAL PA YI NA GNAS RNAMS SU, ,SO SOR ZLUM POR BYAS NAS NI, ,ZHES GSUNGS PA'I DON TE PRADZT'A RAKshI TAS KYANG BDE MCHOG RE GNYIS PA LA DE LTAR BSHAD PAS MKHA' 'GRO MA LA SOGS PA BZHI'I GNAS GRU BZHIR BYA STE RIGS PA DE GZHAN LA YANG SBYAR RO, ,KLU BYANG DANG MAR ME MDZAD BZANG PO DANG 'PHRENG BAS ME TOG GCAL DU 'GREMS PA LAS GZHAN PA'I ME TOG MA BSHAD LA SA RA HA DANG D'A RI KA BA DANG DON YOD ZHABS KYIS LHA GNAS SU ME TOG DGOD PAR YANG BSHAD CING PHYI MAS DRI'I THIG LE'I DBUS SU ME TOG BKOD PA DE GDAN DU DBUL BAR BSHAD PAS, ME TOG TSOM BU BYED PA LTAR NA'ANG DE NYID LHAR SKYED PA MIN NO, ,ME TOG NI RANG RANG GI SNGAGS KYIS 'GOD PAR D'A RI KA PA BZHED DO, ,DE NAS SNGAR BSHAD PA

, ,BZHIN DU GNAS SO SOR RANG GI DAM TSIG GI 'KHOR LO JI LTA BA BZHIN BSGOMS NAS DER RANG GI SNYING KHA'I SA BON GYI 'OD ZER GYIS NAM MKHA' LA GNAS PA'I YE SHES KYI 'KHOR LO SPYAN DRANGS NAS BCUG STE ZHES GSUNGS PA NI SNGAR SA CHOG GI SKABS SU NAM MKHAR BTEG PA DE'O, ,DE LTAR YE SHES PA BCUG NAS PADMA LA GNAS PA'I ZLA BA'AM NYI MA'I GDAN JI LTAR RIGS PA LA BKOD LA MCHOD PA DANG BSTOD PA DANG BDUD RTZI MYANG BA BYA'O, ,'DI DANG PHYED BCAS BZHI BRGYA PAR GDAN BSHAD PAS DE GANG LA GNAS PA'I GZHAL YAS KHANG YANG SNGON DU BSGOM PAR BYA'O, ,BH'A BA BHA DRAS LHA'I 'KHOR LO SKAD CIG GIS BSKYED NAS NAM MKHAR GNAS PA DANG GCIG TU BSRE BAR BSHAD LA KYEE RDOR LAS RIM GYI CHO GA SOGS LAS LHA SO SO'I SA BON GYIS SKYED PA YANG BSHAD PAS DMIGS PA GSAL NA DKRONG SKYED DANG MI GSAL NA SA BON SOGS LAS RIM CAN DU BSKYED CING DBANG BSKUR RGYAS GDAB KYANG BYA'O, ,MCHOD PA'I GRANGS NI D'A RI KA PAS, MAR ME LA SOGS MCHOD PA KUN, ,LHA YI GRANGS BZHIN RNAMS BKOD DE, ,BCU LAS DMAN PA NYID MI BYA, ,ZHES GSUNGS PA LHA GRANGS DANG MNYAM PA'AM MA 'BYOR NA YANG BCU LAS NYUNG BA MI BYA'O, ,MCHOD PA SHAM TSUL NI, BOD KYI BLA MA DAG STA GON GYI MCHOD PA GRU BZHI BSHAM PA YIN ZER NAS KHA CIG RTZIG PA'I STENG NAS DANG GZHAN DAG LHA RE RE'I BDUN DU GRU BZHIR BYA GSUNG MOD KYANG SPYI LTAR BYAS PAS CHOG GO ,'DIR DAM TSIG PA SKYED PA MA BYAS PAR YE SHES PA SPYAN DRANGS TE MCHOD BSTOD SOGS BYED PA DPAL 'DZIN DANG LVA BA PA SOGS KYIS BSHAD KYANG DE DAG GI

DGONGS PA YANGS RA HA DANG MI THUB ZLA BA DANG NAG PO SPYOD PA DANG D'A RI KA PA DANG 'PHRENG BA SOGS KYIS BSHAD PA LTAR DAM TSIG PA BSKYED PA LA YE SHES PA GZHUG PA BYAS NA LEGS SO, ,GSUM PA LA BZHI, BUM PA'I RGYU DANG TSAD DANG GRANGS BSTAN PA, BUM RDZAS DANG MTSAN MA DRI TSUL, BUM PA JI LTAR BSHAM PA, BUM PA SGRUB TSUL YAN LAG DANG BCAS PA'O, ,DANG PO NI, RDO RJE MKHA' 'GRO LAS GSER DNGUL ZANGS DANG 'JIM ? PA GANG RUNG DANG JI LTAR 'BYOR PA'I BUM PA BYA BAR GSUNGS PAS DE BZHI LAS GZHAN PA'I RA GAN LA SOGS PA YANG RUNG NGO, ,TSAD LA DUS 'KHOR LAS ZHI RGYAS KYI BUM PA LA LTO BA'I ZLUMS SU SOR BCU DRUG DANG LTO BA'I 'OG NAS KHA DANG MCHU'I BAR GYI DPANGS SU SOR NYI SHU ,KHA'I MTSAMS NAS 'PHYANG BA'I MCHU LA SOR GNYIS DANG MGRIN PA'I DPANGS SU SOR DRUG MCHU'I MTHA' NAS MTHA' GZHAN GYI BAR LA SOR BRGYAD YOD PA'I CHA GNYIS MGUL BA'I SBUBS DANG CHA GCIG MCHU GNYIS KYI ZHENG DU GSUNGS TE DBANG GI BUM PA LA YANG 'DRA'O, ,RGYUD GZHAN RNAMS LAS BUM PA RTZA BA DANG NAG NOG MED PA MCHU 'PHYANG BA MGRIN PA RING BA GSUS PA CHE BA ZHES GSUNGS TE RTZA BA NI ZHABS STEGS SO, ,NAG PO MED PA NI RANG BZHIN GYIS DKAR NA DES CHO GA LA DE LTA MIN NA 'BRAS BRTAGS PA'AM THOD LA KOR RAM TZAN DAN GYI LNGA GUS DKAR POR BYA STE RDO RGYUS DANG SA DKAR GYIS KYANG BYUG PAR BSHAD DO, ,MCHU NI GRAGS PA LTAR MIN GYI KHA'I 'GRAM NAS 'PHYANG BA'O, ,ZUNG 'JUG GSAL BA LAS, BUM PA DE DAG NANG NAS NI, ,RNAM RGYAL MTSAN NYID LDAN PAR BYA, ,SOR MA BRGYAD KYI TSAD KYIS NI, ,MGRIN PA MTHO ZHING RNAM PAR MDZES, ,LTO BA'I RGYAR NI MTHO LNGA'O, ,GAL

, ,TE DE LAS TSAD ZHAN NA, ,YON BDAG DGE BAR 'GYUR MA YIN, ,NAG PO RNAM PAR SPANGS PA DANG, ,RTZA BA DOR ZHING MA 'BYAR BA, ,BU GA RNAM PAR SPANGS PA DANG, ,DE BZHIN GAS PA MED PA GZUNG, ,ZHES RNAM RGYAL LA DE LTAR DGOS PAR GSUNGS PAS GZHAN MA NGES PAR BZHED PA'O, ,GRANGS LA SLOB DPON 'DI'I BZHED PAS 'JAM RDOR LA RGYAS PA LA LHA DU YOD KYI BUM PA'I STENG DU LAS BUM BSNAN PA DANG, BSDUS NA RNAM RGYAL DANG LAS BUM GNYIS SAM RNAM RGYAL GCIG BU BYED PA'ANG BSHAD LA, PHO BRANG DBUS MA'I LHA GRANGS SAM DE'I DE BZHIN GSHEGS PA LNGA'I GRANGS SAM, MI BSKYOD RDO RJE LTA BU LA GSHEGS PA DANG GSHEGS MA DANG SEMS DPA' DANG SEMS MA DANG KHRO BOR BSDUS NAS LNGAR BYED PA DANG, BDE MCHOG LTA BU LA 'KHOR LO LNGA'I SGO NAS LNGAR BYED PA SOGS SDUD LUGS MANG PO ZHIG GSUNGS NAS DE DAG LA DPAGS TE GZHAN LA'ANG SHES PAR BYA BAR BSHAD DO, ,ZUNG 'JUG GSAL BA LAS KYANG, RDUL TSON LA NI LHA GRANGS SAM, ,YANG NA BUM PA LNGA BRGYAD DGU ,ZHES RAB GNAS KYI RGYUD KHUNGS SU BYAS NAS GSUNGS PAS DE DAG LA DPAGS NAS JI LTAR RIGS PA'I GRANGS BYA'O, ,GNYIS PA NI, BUM PA'I NANG RDZAS JI TZAM GZHUG PA LA RDO RJE MKHA' 'GRO'I ZHE DRUG PA LAS, SMAN LNGA DANG RIN PO CHE LNGA DANG 'BRU LNGA DANG, ,GA BUR TZAN DAN DMAR PO SOGS, ,SMAN GYI CHU YIS DGANG BAR BYA, ,ZHES DRI LNGA YANG GSUNGS SO, ,RIN PO CHE LNGA NI MU TIG DANG GSER DANG PADMA R'A GA DANG BYI RU DANG MU MEN NO, ,PADMA R'A GA MED NA DNGUL DANG ZANGS DANG DUNG GANG RUNG NGO, ,MU MEN MED NA NOR BU YANG RUNG NGO, ,SMAN LNGA NI BRI H'A H'I DANG KAndA K'A RI DANG AA PA R'A DZE TA

DKAR PO DANG DAndA AUTPAL DKAR DMAR TE DBYUG PA'I AUTPAL LO, ,DANG PO NI STAG TSER BA YIN ZER RO, ,GSUM PA NI GZHAN GYIS MI THUB PA DKAR PO'O, ,DBANG GI RAB BYED LAS DBANG LAG GCIG LA BGRANGS SO, ,'BRU LNGA NI TIL DANG NAS DANG MON SRAN DANG 'BRAS GSO BA DANG GRO'O, ,GZHUNG KHA CIG TU GRO'I DOD LA MON SRAN GRE'U GSUNGS SO, ,ZHES CHAG 'GYUR LAS 'BYUNG LA, DPANG LO'I 'GYUR DANG DBANG GI RAB BYED LAS 'BRAS SO BA'I DOD DU GSUNGS SO, ,MON SRAN GRE'U DANG MO SRAN RDE'U NI SRAN MA CHE CHUNG YIN ZHES BLA MA DAG GSUNG NGO, , 'BRU LNGA DANG SMAN LNGA LA RDO RJE MKHA' 'GROR 'DI DANG CUNG MI 'DRA TZAM RE GSUNGS SO, ,GZHUNG 'DIR BDUD RTZI LNGA DANG BCAS PA'I DRI'I CHU DANG ZHES GSUNGS PAS DE'I DRI NI D'A RI KA PAS, GA BUR GUR GUM TZAN DAN DANG, ,TZAN DAN DMAR PO GLA RTZI RNAMS, ,SNGAGS BZLAS NAS NI BLUG PAR BYA, ,ZHES GSUNGS PA LTAR DRI LNGA STE LNGA CHEN LNGA'O, ,PRADZNY'A RAKshI TAS SNYING PO LNGA YANG BSHAD PAS LNGA PHRAG DRUG STE BUM RDZAS SUM CU'O, ,SNYING PO LNGA NI YE SHES RDO RJE'I RNAM 'JOMS KYI 'GREL PA LAS, SA'I SNYING PO TIL DANG CHU'I SNYING PO LAN TSVA DANG RTZI THOG GI SNYING PO MAR DANG SHING TOG GI SNYING PO BU RAM DANG ME TOG GI SNYING PO SBRANG RTZI'O ZHES BSHAD DO, ,DE NAS D'A RI KA PAS, BSANG BDUG BGEGS BSKRAD SNGON 'GRO BAS, ,DRI ZHIM PA YI CHUS BKANG STE, ,ZHES PA DANG, PRADZNY'A RAKshI TAS BSHAD PA LTAR BUM PA RNAMS LEGS PAR BKRU ZHING GU GUL GYIS BDUG NYUNGS KAR GYIS BRDEGS LA BGEGS BSKRAD BDUD RTZI 'KHYIL PA SOGS LAS THAMS CAD PA'I SNGAGS KYIS BSRUNG NGO, ,DGANG BA'I CHU LA NYIN MO 'BYUNG GNAS KYIS RTA GLANG DANG BONG BU SOGS KYIS MA BGROD PA'I CHU BLANGS LA SNOD

, ,GZHAN DANG MA REG PAR BYA BAR BSHAD PA LTAR GYI CHU GTZANG MA SRAG CHAGS MED PA DRI BZANG DANG BSRES PAS RAN PAR DGANG NGO, ,CHU LA 'O MA DANG CHANG BSRE BAR SA RA HAS BSHAD DO, ,BUM PA GANG LA BUM RDZAS JI LTAR GZHUG PA NI GZHUNG 'DIR 'BYOR PA CHUNG NA RNAM RGYAL DANG LAS BUM GNYIS RIN PO CHE'I SNYING PO CAN DU BYA YI BUM PA GZHAN NI MA YIN NO, ,DE YANG RNAM RGYAL NI NGES PAR RIN PO CHE'I SNYING PO CAN DU BYA BAR GSUNGS PAS BUM RDZAS GZHAN RNAMS BUM PA RNAMS KYI NANG DU 'JUG MI 'JUG 'DRA BAR BZHED DO, ,DON YOD ZHABS KYIS 'BRU SMAN RIN PO CHE RNAMS GTZO BO'I BUM PA LA 'JUG CING BUM PA GZHAN RNAMS DRI'I CHUS DGANG BAR BSHAD DO, ,SHANTI PA DANG BH'A BA BHA DRAS KYANG 'BRU SMAN LA SOGS PA'I BUM RDZAS RNAMS RNAM RGYAL LA 'JUG PAR BSHAD LA, SHANTI PAS DE'I RGYU MTSAN DU RNAM RGYAL BUM PA'I GTZO BO YIN PA DANG BYA BA MANG BA BKOD NAS BUM PA GZHAN LAS DE KHYAD PAR DU STON PA'I DON DU PHYED BCAS BZHI BRGYA PA LAS GSUNGS PAR BZHED DO, ,NANG RDZAS RNAMS GZHUG TSUL LA PRADZNY'A SHR'IS 'BRU SMAN BDUD RTZI LNGA LA SOGS PA RNAMS GTZO BO'I SNGAGS KYIS BRGYA RTZA BRGYAD BZLAS LA BYIN GYIS BRLABS RAS KYIS GTUMS PA KHA RGYAN LA BTAGS NAS SPOS KYIS BDUG LA BUM CHU'I NANG DU GZHUG CES 'CHAD KYANG, BH'A BA BHA DRA DANG PI BH'U T'IS BUM PA'I NANG LDUGS PAR GSUNGS PA LTAR BYA'O, ,'JIGS BYED LHAS BUM RDZAS KYIS BKANG BA'I SNOD BUM PA'I STENG DU 'JOG PAR 'DOD PA NI DON MIN NA, ,NANG RDZAS DE DAG BYIN GYIS RLOB PA'I SNGAGS NI, AOm PANYTZA BHE SHA DZE A'A: H'Um, AOm PANYTZA RATNA A'A: H'Um,

AOm PANYTZA BE GA A'A: H'Um, AOm PANYTZA GARBHA A'A: H'Um, AOm PANYTZA AA MRi TE A'A: H'Um, ZHES PA SMAN DANG RIN PO CHE DANG 'BRU DANG SNYING PO DANG BDUD RTZI LNGA'I SNGAGS SU PRADZNY'A RAkshI TAS BSHAD PAS DRI LNGA LA YANG AOm PANYTZA GANDHE A'A H'Um, ZHES BYA'O, ,BUM PA'I MGUL CHINGS LA RAS DKAR SER DMAR GSUM MAM GZHUNG KHA CIG TU LJANG KHU DANG SNGON PO YANG GSUNGS PAS DE DAG GANG RUNG STE RAS ZUNG DANG ME TOG GI 'PHRENG BA 'CHING BAR MANG POS BSHAD DO, ,RDO RJE MKHA' 'GRO LAS KYANG, MGRIN PAR RAS ZUNG GSAR PAS DKRI ZHES RAS GSAR PA NYIS RIM GYIS BYA BAR GSUNGS SO, ,'JIGS BYED LHAS BUM PA SO SO'I LHA'I KHA DOG DANG MTHUN PA'I MGUL CHINGS 'DOD MOD KYANG SHES BYED MI SNANG NGO, ,KLU BYANG GIS, GOS NI DKAR PO CHEN PO YIS, ,BUM PA'I MGRIN PA BCING BAR BYA, ,GOS KYI STENG DU SRAD BU DAG ,DKAR PO CHO GA MKHAS PAS DGOD, ,CES GSUNGS PA'I RJES SU 'BRANGS NAS H'Um LAN BDUN BZLAS PA'I SRAD BU DKAR PO BDUN GYIS DKRI ZHING DKRI BA'I SNGAGS NI, AOm BADZRA SHE KHA RARU tA MA tA DI SHAm BAN DHA H'Um ZHES PA'O, ,SRAD BU DES MGUL CHINGS 'CHING BAR BI BH'Um T'IS SO, ,RGYUD GZHAN DU ZHI SOGS KYI LAS DANG MTHUN PA'I KHA DOG LNGAS DKRI BAR BSHAD CES GSUNGS PA NI SKUD PA DKAR PO KHO NAR MA NGES PA'I KHUNGS TE, RDO RJE MKHA' 'GRO LAS, KHA DOG BCOS PA'I SKUD PAS BRGYAN, ,CES GSUNGS PAS SO, ,MGUL CHINGS LA RAS ZHES PHAL CHE BA LAS GSUNGS LA, KHA CIG TU GOS ZHES SPYIR SMOS SHING, DAM TSIG RDO RJES SNAM BU LA YANG BSHAD PAS LONGS MA SPYAD PA'I RAS GTZANG MA RNYED NA DE LA BYA LA MA RNYED NA DAR LA SOGS PA JI LTAR RIGS PA LAS BYA'O, ,RAS LA KHA TSAR MA NYAMS

, ,PA ZHES KYANG DKYIL CHOG 'GA' ZHIG TU 'BYUNG NGO, ,MGUL CHINGS LA BROG 'DI BYA RGYA GZHUNG GI DKYIL CHOG RNAMS NA MI GSAL LA SANGS RGYAS GSANG BA'I RNAM 'JOMS KYI 'GRAL PAR GZHAN DU LONGS MA SPYAD PA'I RAS GTZANG MAS THOR COG GSUM GYI TSUL DU BKRI'O, ,ZHES GSUNGS PAS DE BZHIN DU BYA'O, ,KHA RGYAN NI RDO RJE MKHA' 'GRO LAS, KHA NI SHING LO GSAR PAS DGANG, ,ZHES GSUNGS PA LTAR DKYIL CHOG DU MA NAS KYANG YAL 'DAB DANG BCAS PA'I SHING GIS KHA BRGYAN PAR BSHAD DO, , SPYI RGYUD LAS KYANG LDUM BU BZANG PO DANG SHING GI YAL 'DAB KYIS KHA BRGYAN PAR GSUNGS SO, ,SHING LA AA MRA LA SOGS PA'I SHING LNGA DKYIL CHOG MANG POS GSUNGS LA 'DIR YANG BSHAD KYANG DE DAG POD NA MI RNYED PAS 'BRAS BU DANG YAL 'DAB LA SOGS PA DANG LDAN PA'I SHING DRI ZHIM PO LA BYA'O, ,RDO RJE MKHA' 'GRO LAS KU SHA'I CHUN PO 'OG TU GDING, ZHES KUN SHA NI BUM PA'I GDAN DU BSHAD KYI KHA RGYAN DU MA BSHAD LA DKYIL CHOG KHUNGS THUB RNAMS NAS KYANG KU SHA'I KHA BRGYAN MA BSHAD PAR YAL 'DAB LA SOGS PA DANG BCAS PA'I SHING GIS BYA BAR BSHAD DO, ,NOR BU NYUNGS KAR DUR BA DANG, ,ZHES PA'I 'GREL PAR, DUR BA NI RAM PA STE BKRA SHIS PAS LO MA DANG BCAS PA DANG KU SHA DANG RMA BYA'I SGRO BDUN BDUN GZUG ,CES SANGS RGYAS GSANG BAS BSHAD PA NI KHA BRGYAN STON PA MIN TE DE NYID LAS, DE'I KHAR NI BKRA SHIS PA'I SHING MYA NGAN MED PA LA SOGS PA 'BRAS BU CAN GYIS BRGYAN LA RDO RJE BZHAG STE BKRA SHIS PA'I THAG PAS BTAGS TE, ZHES GSUNGS SHING DE DAG GIS KHA RGYAN BYA BAR BSHAD PA'I PHYIR RO, ,DAS NA DUR BA SOGS

'DZUGS PA NI YE SHES RDO RJE'I 'GREL PA LAS MGUL CHINGS LA LCI BAS GLAN PA'I STENG DU RTZA DUR BA NYAG MA BDUN BGEGS LA SOGS PA MI 'JUG PA'I DON DU 'DZUGS PAR BSHAD PA LTAR YIN NO, ,BI MA LA MI TRA DANG BDE BA'I MYU GUS DUR BA NI KHA RGYAN GYI DON TE, ZHES BSHAD KYANG GSANG BA SPYI RGYUD DANG MI MTHUN PAS TSAD MAR GZUNG DU MI RUNG LA, DUR BA KHA RGYAN YIN DU CHUG KYANG KU SHAS KHA RGYAN BYED PA'I KHUNGS MIN ZHING BLA MED KYI RANG GZHUNG NAS BSHAD PA'I KHA RGYAN BZHAG NAS BYA RGYUD PA'I GZHUNG GIS BSKRUBS KYANG 'GRUB PAR MI 'GYUR RO, ,DE DAG GI DAG PA LA KYE RDOR LAS RIM GYIS CHO GA LAS, SMAN DANG 'BRU DANG RIN PO CHE RNAMS RIM PA BZHIN DU DKYIL 'KHOR GYI LHA'I BYANG CHUB KYI SEMS DANG THUGS DANG SKU MDOG GI RTAGS SU BSHAD LA, MNYAM SBYOR GYI DKYIL CHOG LAS, BUM PA LHA YI GNAS YIN TE, ,KHA RGYAN MGUL CHINGS RTA BABS RGYAN, ,GZUNG THAG THUGS RJE CHEN PO'I RTAGS, ,SMAN LNGA THUGS RJE BYANG CHUB SEMS, ,'BRU RNAMS LHA YI RANG BZHIN YIN, ,RIN CHEN RNAM LNGA SKU YI 'OD, ,SNYING PO YE SHES THUGS KYI DBYINGS, ,SPOS SOGS TSUL KHRIMS YON TAN RGYAL, ,ZHES KU KU RA DZAS BSHAD DO, ,MTSAN MA BRI TSUL NI RNAM RGYAL LA CHOS 'BYUNG GI DBUS SU PADMAR ZLA BA'I MA NYI MA LA BUM PA GZHAN RNAMS LA PAD MA LA GNAS PA'I ZLA BA'AM NYI MA'I STENG DU RANG RANG GI SA BON NAM PHYAG MTSAN BRI STE, KLU'I BLOS, DKYIL 'KHOR PA NI THAMS CAD KYI, ,SA BON YANG NA MTSAN MA'ANG RUNG, ,GUR GUM LA SOGS MNGON 'DUS BYAS, ,MKHAS PAS BUM PA'I LOGS LA BRI, ,ZHES GSUNGS PAS SO, ,RKANG PA GSUM PAS NI SNAG TSAD DANG BZHI BAS NI BRIS BSTEN TE BUM PA NYID

, ,LA 'DRI BAR BSHAD DE, ,CHOS 'BYUNG 'DRI BA SHANTI PA'I LUGS SO, ,PHYAG MTSAN GYI MDOG NI RDO RJE MKHA' 'GRO LAS, MTSAN MA RANG RANG MDOG TU BYA, ,ZHES GSUNGS PA LTAR TE YI GE LA YANG DE LTAR DGOS PAR MNGON NO, ,BUM PA GCIG LAS MED NA DE'I GDONG LA GTZO BO'I MTSAN MA DANG GA-YON DU LAS THAMS CAD PA'I MTSAN MA BRI'O, ,DE LA YANG PHYOGS BZHIR RNAM SNANG LA SOGS PA'I MTSAN MA 'DRI BAR 'DOD PA'I LUGS LA NI RNAM SNANG GI MTSAN MA'I STENG DU GTZO BO'I MTSAN MA BYED DO, ,GZHUNG KHA CIG TU BUM PA'I KHA'I STENG DU GTZO BO'I MTSAN MA BYA BAR BSHAD DO, ,SPYAN MA SOGS KYI MTSAN MA YANG PHYOGS BZHIR BRI'O, ,ZHES GZHAN DAG 'DOD PA'I LUGS RNAMS PHRENG BAR BKOD DO, ,GSUM PA NI, BSGOMS PA'I DKYIL 'KHOR GYI PHYI ROL TU SHAR LA SOGS PA'I PHYOGS SU SHAM PA DANG BYANG DU PHYOGS PAS DBANG LDAN GYI MTSAMS NA GNAS PA'I BUM PA LHAG GNAS BYED PA'I LUGS GNYIS BSHAD PA'I SNGA MA NI LHA STA GON BYAS PA'I DKYIL 'KHOR DE'I PHYI'I SHAR LA SOGS PA'I PHYOGS MTSAMS SU BUM PA 'GOD PA YIN TE GTZO BO'I BUM PA NI DBUS SU BYA'O, ,PHYI MA NI RDUL TSON GYI DKYIL 'KHOR DU MTSAN MA DGOD PA'I RIM PA BZHIN DU DRI'I MAndA LA RE RE'I STENG DU RANG DANG MTHUN PA'I GDAN KU SHA SOGS LA DKYIL 'KHOR GYI RNAM PA BKOD PA'O, ,D'A RI KA PA DANG PRADZNYA RAKshI TAS BUM PA BRGYAD SGO DANG MTSAMS DANG DGU PA DBUS SU DGOD CING D'A RI KA PAS SHAR SGO'I GA-YON DU LAS BUM 'GOD DE BUM PA 'GOD PA'I SKABS GNYIS LAS 'DI NI LHAG GNAS BYED PA'I

DUS SU JI LTAR DGOD PA'O, ,BZHI PA NI, BUM PA'I STENG DU H'Um YIG GIS BSNGAGS PA'I DUNG CHOS SAM THOD PA GZHAG GO ,DE DAG MA RNYED NA RDZA SNOD KYIS KYANG 'GRUB STE ZUNG 'JUG GSAL BA LAS, BUM PA GNAS PA'I RDZA PHOR GYI, ,STENG DU RDO RJE GZHAG PAR BYA, ,ZHES SO, ,BZHI BRGYA LNGA BCU PA RTZA 'GREL DANG LVA BA PAS KYANG DRI BZANG GI CHU DANG BCAS PA'I SNOD KYI STENG DU RDO RJE GZHAG PAR GSUNGS SO, ,DPAL 'DZIN SOGS MANG POS DUNG CHOS SOGS MA BZHAG PAR ME TOG GI 'PHRENG BA DANG BCAS PA'I RDO RJE NYID BUM PA'I KHAR 'JOG PA YANG BSHAD DO, ,DUNG LA SOGS PA'I NANG DU JI LTAR RNYED PA'I BDUD RTZI LNGA DANG DRI BZANG GI CHU LA AOm BADZRA AA MRi TOD KA thA H'Um DANG YI GE GSUM GYIS LAN BDUN BSNGAG GO ,'PHRENG BA LAS LAN BDUN BSNGAGS PAS YE SHES KYI BDUD RTZIR BYAS PA'I RDO RJE'I RDUL PHRA RAB KYI RANG BZHIN ZHES GSUNGS PA NI SNGAGS DE DAG BRJOD PAS YE SHES KYI BDUD RTZI DANG CHU'I RDUL PHRA RAB RNAMS RDO RJE'I RANG BZHIN DU GYUR PAR SEMS PA STE DON YANG DE BZHIN NO, ,DES NA BUM PA CHUS 'GENGS PA'I TSE BUM PA'I KHAR RDO RJE BZUNG NAS BKANG BAS RDO RJE'I CHUR BYED PA MIN NO, ,RNAM RGYAL BUM PA'I GTZO BO YIN PA DANG BYA BA MANG BAS DE'I KHAR DUNG CHOS SOGS GZHAG PAR 'DIR GSUNGS PAS BUM PA GZHAN LA MI DGOS SO, ,DE'I STENG DU ME TOG GI 'PHRENG BA DBUS SU BCINGS PA'I RDO RJE GZHAG GO ,AOm TA PETA TAPETA MAH'A, PTE TE SV'A H'A, ZHES BRJOD LA LHA'I GANGG'A'I CHU YID KYIS BKUG LA BUM PA'I CHU DANG NGO BO GCIG TU BYAS PA'I 'OG TU LHA BSKYED DO, ,RATNA RAKshI TA DANG BI BH'U T'I LA SOGS PAS KYANG DE BZHIN DU BSHAD DO, ,DE NAS BSANG SBYANG SNGON DU 'GRO BAS BAm LAS RIN PO CHE'I BUM PAR BSGOM STE 'PHRENG BA'I 'GYUR GNYIS KA LAS DE LTAR

, ,'BYUNG BA LTAR SH'ANTI PA DANG RGYAL BA BZANG PO DANG RATNA RAKshI TA DANG BI BH'U T'IS KYANG NGO, ,BH'Um LAS GZHAL YAS KHANG DU SKYED PAR D'A RI KA PA DANG PRADZNY'A RAKshI TAS SO, ,DE NAS BUM PA'I NANG DU LHA'I 'KHOR LO GDAN DANG BCAS PA SKAD CIG GIS BSAMS LA SNYING KHA'I SA BON GYI 'OD ZER GYIS YE SHES KYI 'KHOR LO MDUN DU SPYAN DRANGS TE ZHABS BSIL DANG ZHAL BSIL DANG MCHOD YON PHUL LA, DAM TSIG PA LA BCUG PAS CHAGS PA CHEN POS ZHU BAR GYUR NAS BYANG CHUB KYI SEMS KYI NGO BOR SNGAR BLUGS PA'I CHU DANG RO GCIG TU GYUR PAR BSAM MO, ,MTSAN MA LA DAM TSIG PA DANG YE SHES PA GCIG TU GYUR PAR BSAM PAR GSUNGS PAS MTSAN MA RNAMS KYANG RANG RANG GI DAM TSIG PAR BSKYED NAS YE SHES PA DANG BSRE'O, ,LAS BUM LA LAS THAMS CAD PA BSKYED DGOS SO, ,RATNA RAKshI TA DANG BI BH'Um T'IS KYANG 'DI LTAR DU BSHAD NAS BUM PA'DI DANG 'DIR LHA 'DI SKYED MI GSAL LO, ,KLU BYANG DANG BZHI BRGYA LNGA BCU PA RTZA 'GREL DANG LVA BA PA DANG NAG PO SPYOD PA DANG MI THUB ZLA BA SOGS KYIS KYANG GSAL BAR MA BSHAD DO, ,PRADZNY'A RAKshI TAS, RNAM PAR RGYAL BA'I BUM PA RU, ,LHA YI 'KHOR LO RDZOGS PAR YANG, ,SKAD CIG GIS NI BSAM PAR BYA, ,GZHAN DU 'KHOR LO'I RDZES 'BRANG BA, ,RIGS DANG BCAS PA BSAM PAR BYA, ,ZHES BSHAD LA KYE RDOR LAS RIM GYI CHO GA LAS KYANG GTZO BO'I BUM PAR LHA RDZOGS PAR SKYED DO, ,DON YOD ZHABS KYIS GTZO BO'I BUM PAR GTZO RKYANG DANG BUM PA GZHAN DU LHA SO SOR CHOG GSUM GYIS SKYED PAR BSHAD PA DANG SLOB DPON 'DI DGONGS PA MTHUN TE SNGAGS BZLA BA'I SKABS SU GTZO BO'I BUM PA LA GTZO BO'I SNGAGS DANG AU DA KA GANG RUNG

BZLA BAR GSUNGS KYI SNGAGS GZHAN BZLA BAR MA GSUNGS SHING, BUM PA GZHAN LHA GANG GI YIN PA LA DE DANG DE'I SNGAGS BZLA BAR GSUNGS PA'I PHYIR RO, ,DES NA BUM PA GNYIS SAM GCIG LAS MED NA GTZO BO'I BUM PAR LHA THAMS CAD SKYED LA DE DAG LAS MANG BAR YOD NA LHA'I SGO NAS BUM PA JI LTAR BSDUS DPYAD LA BUM PA GANG DU LHA GANG SKYED SHES PAR BYA'O, ,BUM PA GZHAL YAS KHANG DU MI SKYED PA'I PHYOGS LA GTZO BO'I BUM PAR LHA TSANG BA MI SKYED NA GZHAL YAS KHANG MED KYANG GDAN TZAM GYIS CHOG PAR MNGON LA SKYED TSUL NI DON YOD ZHABS DANG DZA YA SE NAS CHO GA GSUM LAS SKYED PA'ANG BSHAD PAS LHA STA GON LA BSHAD PA LTAR BYA'O, ,BOD KYI BLA MA KHA CIG MCHO SKYES KYI BRTAG GNYIS KYI 'GREL PA LAS, RANG GI YI DAM LHA SBYOR BAS, ,SNGAR GSUNGS PA YI BUM PA LAS, , THAMS CAD CHU LAS KHAM PHOR DU, ,NYUNG ZAD BLUGS TE RNAM RGYAL GYI, ,BUM PA BAm LAS BSKYED PA YI, ,RIN CHEN BUM PA'I STENG GZHAG BYA, ,DER NI DKYIL 'KHOR BSKYED BYA STE, ,DAM TSIG BDAG NYID RDZOGS PA DANG, ,YE SHES DKYIL 'KHOR SPYAN DRANGS TE, , ZHABS BSIL LA SOGS RIM PAS DBUL, ,DAM TSIG LHAN CIG GCIG BYAS TE, ,MCHOD PA RNAMS KYIS TSIM PAR BYA, ,ZHES GSUNGS PAS DUNG CHOS SU LHA RDZOGS PAR SKYED PA BSTAN NO GSUNG YANG LUNG DES DE BSTAN PA MA YIN TE, 'GREL PA DER BRTAG PA DANG POR BUM PA'I GRANGS DANG BUM RDZAS SOGS BSTAN PA'I SKABS SU YANG LHA'I SKYED CHOG MA BSTAN PAS BRTAG PA PHYI MA'I RAB GNAS KYI SKABS SU BUM PAR LHA SKYED PA'I CHO GA BSTAN PA YIN PAS, DER NI DKYIL 'KHOR BSKYED BYA STE, ,ZHES PA NI RNAM RGYAL DU

, ,DKYIL 'KHOR SKYED PA'I KHUNGS YIN PA'I PHYIR RO, ,GAL TE DES RNAM RGYAL GYI STENG GI KHAM PHOR DU LHA SKYED PA STON NA RNAM RGYAL BUM PAR LHA SKYED PA SKABS DE DANG SNGA MA GNYIS KAR MA BSTAN PAR 'DOD DGOS SO, GZHUNG TSAD LDAN GZHAN DU'ANG DUNG CHOS SU LHA SKYED PA'I BSHAD PA MA MTHONG BAS DER LHA SKYED MI DGOS PA 'DRA STE DPYAD PAR BYA'O, ,BUM PA'I STENG DU DRI ZHIM PO'I CHUS BKANG BA'I NGUD NGAM THOD PA'AM KHAM PHOR 'JOG PA NI DUM PA LA MCHOD YON 'BUL BA'I SNOD DU BSHAD DE, LA BA PAS, DE'I STENG DU MCHOD YON GYI SNOD DRI ZHIM PO'I CHU ME TOG DKAR PO DANG BCAS PA BZHAG STE DE'I STENG DU ME TOG GI 'PHRENG BA BCINGS PA'I RDO RJE GZHAG LA, ZHES DANG, ME TOG DKAR PO DANG BCAS PA'I MCHOD YON BUM PAR PHUL BAS, ,ZHES GSUNGS SO, ,DE'I CHU'I SKYED CHOG NI AU DA KA DANG YI GE GSUM LAN BDUN BZLAS PAS YE SHES KYI BDUD RTZIR BYAS PA'I RDO RJE'I RDUL PHRA RAB KYI RANG BZHIN DU SEMS PAR 'PHRENG BAR GSUNGS PA'I DON SNGAR BSHAD PA DE YIN NO, ,'DIR SNGON DU LHA BZHUS NAS DE'I 'OG TU BZLAS PA BYED PA 'PHRENG BA RJES 'BRANG DANG BCAS PA'I LUGS NI LAM KA RGYAL BZANG DANG MTHUN LA DZA YA SE NA YANG DE'I RJES SU 'BRANG NGO, ,DON YOD ZHABS KYIS LAS BUM GYI LHA MI BZHU BAR GSUNGS LA 'DIR DE'I DMIGS GSAL MA BYUNG NGO, ,LVA BA PA LA SOGS PAS BZLAS PA'I MTHAR BZHU BA YANG GSUNGS PAS GO RIM GANG BYAS KYANG RUNG NGO, ,LHA ZHU NAS CHUR GYUR BA'I SKABS SU SNGAR BUM PA GZHAL YAS KHANG DU BSKYED NA ZHU NAS BUM PA'I RNAM PA DANG MTSAN MA LHAR BSKYED PA YANG

ZHU NAS MTSAN MA'I RNAM BAR BYA'O, ,LHA BZHUS BA DE NAS H'Um BRJOD LA ME TOG GI 'PHRENG BA'I SNE NAS LAG PA GA-YON PA'I KHU TSUR GYIS BZUNG STE GTZO BO'I SNYING PO'I SNGAGS SAM AU DA KAS CHU LA BRGYA RTZA BRGYAD BSNGAGS NAS GTZO BO'I BUM PAR 'KHYIL BA BZLAS PA'I ME TOG DKAR PO GSUM GZHUG GO ,BUM PA GZHAN LHA GANG DANG GANG GI YIN PA DE NI DE'I SNGAGS KYIS BRGYA RTZA BRGYAD DAM NYER GCIG GAM BDUN DU BZLAS TE, BUM PA DE DAG GI STENG DU'ANG RDO RJE'I ME TOG GI 'PHRENG BA'I SNE NAS SNGAR BZHIN BZUNG LA BYA ZHING ME TOG KYANG SNGAR LTAR GZHUG GO ,GA-YON PAS ME TOG GI 'PHRENG BA BZUNG BA'I TSE GA-YAS PAS 'PHRENG BA BZUNG BAR NYIN MO 'BYUNG GNAS KYIS SO, ,BH'A BA BHA DRAS, ME TOG GI 'PHRENG BAS BCINGS PA'I RDO RJE BUM PA'I STENG DU SLOB MAS BZUNG NAS ME TOG GI 'PHRENG BA'I SNE GCIG SLOB DPON GYIS BZUNG STE H'Um ZHES BYA BA'I SNGAGS BRGYA RTZA BRGYAD DU BZLAS LA ZHES KYANG GSUNGS SO, ,RGYAL BA BZANG POS GTZO BO LA BRGYAD KYIS LHAG PA'I STONG PHRAG GCIG DANG AU DA KA BRGYA RTZA BRGYAD BZLA BAR BSHAD DO, ,PHYED BCAS BZHI BRGYA PA LAS KYANG, MCHOD YON PHUL TE YANG DAG MCHOD, ,ME TOG DKAR PO GZHUG PAR BYA, ,ZHES GSUNGS PAS DUNG CHOS SOGS KYIS MCHOD YON YANG DBUL LO, ,BDAG PO'I SNGAGS DANG H'Um LAN BDUN BZLAS NAS DBUL BAR DE'I 'GREL PAR BSHAD DO, ,SPYI RGYUD LAS ME TOG DAG KYANG BLUGS NAS SO, ,BDUG SPOS KYIS NI BDUG PAR BYA, ,ZHES DBANG BSKUR BA'I BUM PA LA DE LTAR BYA BAR GSUNGS PAS BDUG SPOS KYIS KYANG BDUG GO ,BUM PA'I BZLAS PA BYED PA'I TSE DMIGS BA ZUR PA MA GSUNGS PAS MNGON RTOGS KYI

, ,SKABS KYI BZLAS PA'I DMIGS PA LTAR RANG RANG GI THUGS KAR SNGAGS 'PHRENG BKOD NAS 'OD ZER SPRO BSDUS RGYAL BA SRAS BCAS KYI YE SHES KYI BDUD RTZI BKUG NAS THIM PAR BSAMS PAS CHOG PA 'DRA'O, ,BOD KYI BLA MA DAG RANG GI KHA NAS 'OD ZER DMAR PO BYUNG NAS GZUNGS THAG LA ZHON TE SONG BAS BUM NANG GI LHA RNAMS LA PHOG PAS DMAR LAM LAM SONG ZHING RANG GI DBANG DU 'DU BA DANG DE DAG GI BA SPU'I BU GA NAS BDUD RTZI'I RGYUN 'JOG PAR BSAM ZHES ZER RO, ,DE NAS BUM PA RNAMS LA ME TOG LA SOGS PAS MCHOD LA LAS BUM GYIS CHU DE'I KHA RGYAN GYI YAL 'DAB KYIS BLANGS LA BSAD STE BSRUNG BA'I DON DU'O, ,'DIR JI SRID DU DKYIL 'KHOR GYI BYA BA MA RDZOGS PA DE SRID DU BGEGS ZLOG PAR MDZOD CIG CES BRJOD CING GTOR MA BYIN NAS NYE BAR REG STE MI BSKYOD RDO RJE ZHES PA LA SOGS PA'I BSTOD PA SNGON DU 'GRO BAS DRIL BU DKROL BAR BYA'O, ,BGEGS ZLOG PA'I GSOL BA GDAB PA'I YUL NI LAS THAMS CAD PA'I LHA LA BYED PAR RGYAL BA BZANG POS BSHAD LA BZHUS PA'I 'OG TU BSTOD PA BYED PAR LVA BA PAS KYANG BSHAD DE GZHAN RNAMS KYIS MCHOD BSTOD ZIN PA'I 'OG TU BZHU BAR GSUNGS SO, ,BUM PA'I CHU NYID LHA'I RANG BZHIN DU MOS PAR BYAS NAS GTOR MA 'BUL BA DANG BSTOD PA BYED PA SOGS MI BDEN GZHAN RNAMS LTAR BYAS KYANG CHOG GO ,THOD PA'I DKYIL CHOG LAS, THOD PA'I MCHOD YON SNGON 'GRO BAS, ,SPOS SOGS LHA BSHOS DAG GI BAR, ,BUM PA'I GRANGS DANG MNYAM PAR DBUL, ,NANG DANG GSANG BAR BCAS PAS KYANG, ,BUM PA'I LHA RNAMS MNYES PAR BYA, ,ZHES GSUNGS PAS LHA STA GON LA PHYAG

LEN 'DUG PA LTAR BUM PA LA YANG LHA GRANGS KYI MCHOD PA BYED PA'O, ,DE NAS BUM PA RNAMS RANG GI KHANG PAR SBA BAR DON YOD ZHABS KYIS GSUNGS SO, ,RANG DANG SLOB MA RNAMS LA BSANG GTOR BYA BA'I DON DU BUM PA RNAMS LAS CHU CUNG ZAD BSDUS LA DKYIL 'KHOR GYI KHANG PA'AM DE MED NA DKYIL 'KHOR GANG DU BYA BA'I GNAS KHANG DE'I SHAR SGO'I BYANG GI CHAR MANYDZI LA GNAS PA'I DUNG CHOS LA SOGS PAR BLUGS LA GZHAG GO ,GZHAN DU NI LAS BUM NYID KU SHA'I CHUN PO DANG LDAN PA DE'I DON DU DER GZHAG PAR BYA'O ZHES SO, ,BUm BZLAS DANG MCHOD PA SOGS LA NYI MA RE RER THUN GSUM MA MA THUN GCIG TU BYA'O, ,SPYI RGYUD DANG BZHI BRGYA LNGA BCU PA RTZA 'GREL DANG RGYAL BA BZANG PO SOGS MANG POS NYIN RE ZHING THUN GSUM DU BUM BZLAS BYA BAR GSUNGS LA 'PHRENG BAR THUN GCIG TU'ANG BYA BAR GSUNGS PAS NYI MA GZHAN LA SNGAR LTAR SKYED CHOG SOGS TSANG BA GSUM GSUM MAM DE MA GRUB NA RE RE DBANG MA BSKUR BAR DU BYA'O, ,BZHI PA NI, MAR ME MDZAD BZANG POS, SLAR YANG 'KHOR LO MCHOD BYAS LA, ,ZHES SNGAR STA GON GYI LHA LA MCHOD PAR MA ZAD 'DIR YANG MCHOD PA BYAS NAS GSOL BA GDAB PAR GSUNGS PA LTAR SPYI RGYUD DU YANG GSUNGS PAS MCHOD LA, PUS MO GA-YAS PA SA LA BTZUGS SHING LCE H'Um LAS SKYES PA'I RDO RJE H'Um GIS MTSAN PAR BSKYED, LAG PA GA-YAS SPOS PHOR THOGS TE GA-YON DRIL BU DKROL ZHING, BCOM LDAN CHE GE RDO RJE MCHOG ,RIG PA'I RGYAL PO KHYOD LA 'DUD, ,SLOB MA RNAMS LA BRTZE PHYIR DANG, ,KHYED RNAMS LA YANG MCHOD PA'I PHYIR, ,MGON PO THUGS RJE'I BDAG NYID CAN, ,DKYIL 'KHOR 'DRI BAR BDAG 'TSAL LO, ,DE PHYIR BCOM LDAN

, ,BDAG GUS LA, ,BKA' DRIN GNANG BAR MDZAD PAR RIGS, ,SANGS RGYAS 'GRO 'KHER BYA DON STZOL, ,BYANG CHUB SEMS DPA' 'BRAS GNAS DANG, ,GZHAN YANG GANG DAG GSANG SNGAGS LHA, ,LHA DANG 'JIG RTEN SKYONG BA DANG, ,'BYUNG PO BYANG CHUB BSTAN GNAS DANG, ,SEMS CAN BSTAN LA MNGON DGA' BA, ,GANG SU RDO RJE'I SPYAN MNGA' RNAMS, ,BDAG LA YANG DAG DGONGS SU GSOL, ,BDAG NI CHE GE RDO RJE CAN, ,CHE GE 'BYUNG BA'I DKYIL 'KHOR NI, ,JI LTAR NUS PA NYER SPYOD PAS, ,'GRO BA SBYANG PHYIR BRI BAR BYA, ,DE PHYIR BDAG DANG SLOB MA LA, ,RJES SU BRTZE BAR NYER BZUNG NAS, ,DKYIL 'KHOR DANG BCAS THAMS CAD NI, ,NYE BAR BYON PAR MDZAD PAR RIGS, ,ZHES DON MNGON DU BYED CING LAN GSUM BRJOD PAS GSOL BA GDAB PAR BYA'O, ,SDOM 'BYUNG DANG RDO RJE MKHA' 'GRO LAS KYANG TSIG 'DI DAG CI RIGS PAR 'BYUNG LA YONGS SU RDZOGS PA NI SPYI RGYUD LAS 'BYUNG STE 'GYUR GYI KHYAD PAR 'GA' RE YOD DO, ,LAN GSUM BYA BA NI RDO RJE MKHA' 'GRO DANG SPYI RGYUD GNYIS KAS BSHAD DO, ,DE DAG GI DON MNGON DU BYAS NAS GSOL BA GDAB DGOS PAR GSUNGS PAS, 'GRO 'KHOR BYA DON STZOL NI 'GRO BA LA DKYIL 'KHOR GYI BYA BAS DON STZOL BA'O, ,BYANG SEMS 'BRAS GNAS NI SA THOB PA'O, ,DE LAS GZHAN PA'I GSANG SNGAGS KYI LHA NI SA MA THOB PA'O, ,DE'I 'OG GI RKANG PA LA SPYI RGYUD LAS, 'JIG RTEN SKYONG BA'I LHA RNAMS DANG ZHES SO, ,DE'I 'OG GI RKANG PA LA SDOM 'BYUNG LAS, 'BYUNG PO RDZOGS PA'I BYANG CHUB GNAS ZHES 'BYUNG LA DE'I DON SHANTI PAS BYANG CHUB LA BKOD PA'I MI LA SOGS PA LA BSHAD DE RDZOGS BYANG DU

ZHUGS PA'O, ,RDO RJE'I SPYAN NI LHA'I MIG GO ,PHRENG BAR SEMS CAN NI MI LA SOGS PA'O ZHES PA LAS MI GSAL YANG RDO RJE'I SPYAN MNGA' BA DANG GZHI MTHUN DU SDUD PAR MNGON TE SPYI RGYUD LAS, GANG SU LHA YI SPYAN MNGA' BA'I, ,SEMS CAN BSTAN LA DGA' BA RNAMS, ,ZHES GSUNGS PA LTAR RO, ,GZHAN RNAMS GO SLA'O, ,'DI BUM PA STA GON GYI RJES SU RDO RJE MKHA' 'GRO LAS GSUNGS PA BZHIN DU MAR ME MDZAD BZANG POS KYANG MDZAD DO 'DIR YAR DE'I RJES SU 'BRANGS PA'O, ,LNGA PA LA BZHI, ,SGO'I SLOB DPON DANG LAS KYI RDO RJE LHAG GNAS BYA TSUL, SLOB MA LHAG GNAS KYI GRANGS DANG GO RIM, SLOB MA LHAG GNAS KYI CHOG DNGOS, DKYIL 'KHOR GDEG CING RMI LTAS BZANG NGAN LA JI LTAR BYA BA'O, ,DANG PO NI, DE NAS SGO'I SLOB DPON DU 'OS PA RANG GIS DBANG BSKUR BA YIN NA MI DGOS LA DE LTA MIN NA DKYIL 'KHOR GYI KHANG PA'I SHAR SGOR 'DUG STE SDOM PA GNYIS SAM YANG NA SLOB DPON GYI SDOM PA SPYIN PA SNGON DU 'GRO BA'I LHAG GNAS KYI CHO GAS LHAG GNAS BYA'O, ,DE DAG KYANG BZHI DANG MED NA GSUM MAM GNYIS SAM THA NA GCIG GIS KYANG BYA'O, ,DE DAG LAS GZHAN DE LTAR BYAS PA'I SLOB MA LNGA PA NI LAS KYI RDO RJER BYA'O ZHES RGYUD GZHAN DU BRJOD DE, LAS KYI RDO RJE ZUR PA MED NA SGO'I SLOB DPON DE RNAMS NYID LA BYA BAR PHRENG BAR GSUNGS PA NI MI THUB ZLA PAS, DAM TSIG NYAMS PAS 'JIGS PA'I PHYIR, ,SLOB MA MIN PA GZHUG MI BYA, ,MED NA GNYIS SAM GSUM GZUNG BYA, ,THA MAR YANG NA GCIG 'DOD BYA, ,ZHES GSUNGS PA'I RJES SU 'BRANGS PA'O, ,SLOB MA NI 'DIR RANG GIS DBANG BSKUR BA DANG LHAG GNAS BYAS PA GANG RUNG NGO, ,

, ,MDOR NA RANG GI SGRUB GROGS BYED PA'I SGO'I SLOB DPON DANG LAS KYI RDO RJE NI RANG GIS DBANG BSKUR BA SOGS MIN PA BCUG NA DAM TSIG NYAMS PAR GSUNGS PAS DE 'DRA BA'I SLOB MA MIN PA'I DBANG LTAD LTA BA YANG BKAG PA YIN NO, , GNYIS PA NI, 'O NA DUS GCIG TU SLOB MA GRANGS JI TZAM ZHIG LHAG GNAS BYA BAR RUNG SNYAM NA, KLU BYANG DANG MAR ME MDZAD BZANG PO DANG LA BA PA DANG MI THUB ZLA BA DANG NAG PO SPYOD PA SOGS KYIS GRANGS JI TZAM BYA BA'I GSAL KHA MA MJED LA, D'A RI KA BAS NYER LNGA MAN CHAD ZUNG DU MA GYUR PA GZUNG BAR GSUNGS PA NI SPYI RGYUD LAS, MKHAS PAS SLOB MA GCIG GAM GSUM, ,LNGA 'AM YANG NA BDUN DAG GAM, ,NYI SHU RTZA NI LNGA YI BAR, ,ZUNG DU MA GYUR YONGS SU GZUNG, ,DE LAS LHAG PA'I SLOB MA DAG ,YONGS SU GZUNG BA MI SHES SO, ,ZHES GSUNGS PA'I DGONGS PA'O, ,RNAM SNANG MNGON BYANG LAS, ,SLOB MA DAD CING RIGS BTZUN PA, ,DE BZHIN DKON MCHOG GSUM LA DAD, ,ZAB MO YI NI BLO DANG LDAN, ,SPRO BA CHE ZHING TSUL KHRIMS LDAN, ,BZOD DANG LDAN ZHING SER SNA MED, ,DPA' LA YI DAM BRTAN PA NI, ,BCU 'AM BRGYAD DAM BDUN NAM LNGA, ,GCIG GNYIS BZHI LAS LHAG KYANG RUNG, ,DPYAD MI DGOS PAR GZUNG BAR BYA, ,ZHES MTSAN NYID DE RNAMS TSANG BA'I SLOB MA LA ZUNG DU GYUR PA YANG GSUNGS LA BCU MAN CHAD KYI GRANGS KYI TSAD MDZAD DE DE YANG MTSAN NYID DE DAG TSANG BA NI RDO RJE SEMS DPA' DANG 'DRA BAS DKON PA'I PHYIR GRANGS KYI TSAD DE LTAR GSUNGS TE DBANG BSKUR BA'I DBANG DU MDZAD PA'O, ,DKYIL 'KHOR DU GZHUG PA TZAM LA

GRANGS MA NGES PAR YANG BZHED DE, DE NYID LAS, GSANG BA PA'I BDAG PO GANG DAG GIS SNGON THEG PA CHEN PO GSANG SNGAGS SPYAD PA'I TSUL SGO MTHA' YAS PA SGRUB PA LA GOMS PAR BYAS PA DE DAG NI RDO RJE SEMS DPA' YIN TE DE RNAMS NYID KYI DON GYI PHYIR GRANGS KYI TSAD 'DI BYAS SO, ,'ON KYANG SLOB DPON SNYING RJE CHEN PO DANG LDAN PAS SEMS CAN GYI KHAMS MA LUS PA BSGRAL BAR YI DAM BCA' BA KHO NAR BYA STE DES BYANG CHUB KYI SEMS KYI RGYUR 'GYUR BAR BYA BA'I PHYIR SEMS CAN TSAD MED PA RNAMS YONGS SU GZUNG PAR BYA'O, , ZHES GSUNGS TE DE DAG GI DON 'GREL PAS SNGAR BZHIN DU BSHAD PAS DBANG BSKUR BA LA DUS GCIG TU SLOB MA TSAD MED BZUNG BAR STON PA MIN NO, ,KHYAD PAR 'DI DE NYID BSDUS PA DANG RDO RJE RTZE MO LA YANG SHES DGOS SO, ,DAM TSIG GSUM BKOD LAS KYANG, ME TOG DANG BCAS PA'I THAL MO SBYAR NAS GCIG GNYIS GSUM BZHI LNGA YANG GZHUG PAR BYA ZHING ZHES GRANGS KHA 'CHEM YANG GSUNGS LA 'PHRENG BA LAS KYANG SLOB MA GCIG GAM GNYIS SAM MANG PO ZHES BSHAD DO, ,DE LTA NA'ANG BOD KYI BLA MA MKHAS PA RNAMS KYI PHYAG LEN LA SPYI RGYUD LTAR MDZAD PAR SNANG BA BZHIN DU BYA LA SPYI RGYUD LAS, MDOR NA SLOB MA PHAN TSUN DU, ,NANG MI GSHIN PA MI GZUNG NGO, ,GCIG LA GCIG NI SEMS BZANG ZHING, ,ZHI DUL BLA MA LA PHAN PA, ,ZHES GSUNGS PA NI SHIN TU GAL CHE'O, ,SNGAR SLOB MA RJES GZUNG GI CHO GA BYAS PA'I SLOB MA RNAMS STA GON GYI TSE MA TSANG BA LA JI LTAR BYA BA NI SPYI RGYUD LAS, SLOB MA YONGS SU BZUNG BA GANG, ,STA GON GNAS TSE MED NA NI, ,DE YI GZUGS BRNYAN BYAS NAS SU, ,JI SKAD BSHAD PA'I

, ,LAS RNAMS BYA, ,SLOB MA YONGS SU BZUNG BA GANG, ,GAL TE RKYEN 'GA' ZHIG GIS NI, ,DER NI 'ONGS PAR MA GYUR NA, ,GZHAN DAG DE YI SKYIN PAR BZHUG ,CES GSUNGS SO, ,SDOM 'BYUNG LAS DKYIL 'KHOR BRIS ZIN PA'I 'OG TU SLOB MA LHAG GNAS BYED PA GSUNGS SHING DPAL 'DZIN DANG SLOB DPON 'DIS KYANG DKYIL 'KHOR BSGRUBS ZIN PA'I 'OG TU RAB GNAS DANG SLOB MA LHAG GNAS BSHAD PA NI, LHAG GNAS GZHAN GSUM DANG DKYIL 'KHOR BRI BSGRUB NI LHA DANG SLOB MA DBANG BSKUR BA GNYIS KA'I THUN MONG BAR BSTAN PA'I PHYIR YIN PAR BSHAD PA'I RIM PA YIN GYI LAG TU BLANG BA'I RIM PA MIN TE PHRENG BA LAS, DE LTAR SLOB MA LHAG PAR GNAS PA TZAM BYAS LA LHAG PAR GNAS PA'I DON DU LHA'I DKYIL 'KHOR BKOD PA RNAMS MCHOD DE YE SHES KYI THIG LA SOGS PA'I DON DU DKYIL 'KHOR GYI SA GZHI'I STENG GI NAM MKHA' LA BLOS BKOD NAS, ZHES SKABS 'DIR SLOB MA LHAG GNAS BYAS ZIN PA'I RJES SU STA GON GYI LHA NAM MKHAR 'DOGS SHING DE'I 'OG TU YE THIG 'DEBS PAR BSHAD PA BZHIN NO, ,GSUM PA LA LNGA, KUN SLONG BCOS SHING NANG DBANG BSKUR BA DANG, GSOL BA GDAB CING 'DZIN DU GZHUG PA DANG, SDOM PA GZUNG ZHING BYIN GYIS BRLAB PA DANG, SO SHING DOR ZHING KHYOR CHU SOGS GSUM SBYIN PA DANG, SPRO BA BSKYED CING BSRUNG TE RMI LAM BRTAG PAR GDAMS PA'O, ,DANG PO NI, 'DIR DKYIL 'KHOR GANG DU BYED PA'I KHANG PA DER LHAG GNAS BYED NA BRIS SKU LA SOGS PA ZHAL DGAB LHA STA GON GYI ME TOG LA SOGS PA DANG BUM PA RNAMS MI MTHONG

BAR BYA ZHES BOD KYI BLA MA SNGA MA DAG GSUNG NGO, ,SLOB MA RNAMS KHRUS BYAS SHING GOS SAR PA BGO BAR BZANG PO YONGS BZUNG LAS GSUNGS PA LTAR BYAS TE MAndAL BYAS NAS PUS MO BTZUGS TE ME TOG PHRENG BA SNYIM PAS 'DZIN PA'I THAL MO SBYAR BA RNAMS LA 'JIG RTEN 'DI DANG PHYI MA'I MNGON PAR MTHO BA TZAM DON DU GNYER BA'I CHED DU MA YIN GYI, 'ON KYANG DE BZHIN GSHEGS PA'I SKU GSUM GYI PHUN SUM TSOGS PA THOB PAR BYA BA'I PHYIR DKYIL 'KHOR DU 'JUG PAR BYA'O, ,DE LTAR NA NI MA DON MTHO GNYIS KYANG THOB PAR 'GYUR RO ZHES BSGRAG GO ,DE NI SPYI RGYUD NAS 'BYUNG BA'I DON BSDUS PA YIN LA SPYI RGYUD KYI GZHUNG NI PHYED BCAS BZHI BRGYA PA'I 'GYUR LEGS TE, LA LA GSANG SNGAGS SGRUB DON GNYER, ,'DI NA DKYIL 'KHOR 'JUG PAR BYED, ,BSOD NAMS 'DOD PAS DE LAS GZHAN, ,GZHAN DAG 'JIG RTEN GZHAN DON GNYER, ,'JIG RTEN PHA ROL DON GNYER BA'I, ,DAD PA MANG DU BYED PA YIS, ,BLO LDAN DKYIL 'KHOR 'JUG BYA YIS, ,TSE 'DI'I 'BRAS BU 'DOD MI BYA, ,TSE 'DI 'DOD PAR GYUR PA LA, ,'JIG RTEN PHA ROL DON MI 'GYUR, ,'JIG RTEN PHA ROL DON GNYER SKYES, ,'JIG RTEN 'DI YI 'BRAS BU RGYAS, ,ZHES SO, ,DKYIL 'KHOR DU 'JUG PA LA KUN SLONG GSUM LAS SNGAGS BSGRUB PA'I PHYIR DU 'JUG PA NI CHE 'DIR MNGON MTHO 'DOD PA'O, ,DE LAS GZHAN PA BSOD NAMS 'DOD PAS 'JUG PA NI CHE PHYI MAR MNGON MTHO 'DOD PA'O, ,'JIG RTEN GZHAN DON DU GNYER NAS 'JUG PA NI SKU GNYIS KYI PHUN TSOGS DON DU GNYER BA'O, ,DE LTAR GSUM LAS GSUM PA LTAR DU BYAS NAS DKYIL 'KHOR DU 'JUG DGOS KYI

, ,SNGA MA GNYIS LTAR MI BYA BA NI TSE 'DI'I 'BRAS BU 'DOD MI BYA ZHES PAS BSTAN TE, 'DI NYID DU DMAN PA'I 'JIG RTEN DU GYUR PAS 'DI DANG PHYI MA GNYIS KA'I MNGON MTHO LA TSE 'DI ZHES GSUNGS KYI SKYE BA 'DI'I PHUN TSOGS KHO NA LA MI BYA'O, ,DE RIGS PAS SGRUB PA NI RKANG PA THA MA BZHIS BSTAN PAR SH'ANTI PAS BSHAD PA LEGS TE RGYUD LAS 'JUG PA'I KUN SLONG GSUM BSHAD PA DANG SHIN TU MTHUN NO, ,DES NA ZUNG 'JUG GSAL BA SOGS KYI DKYIL CHOG 'GA' ZHIG LAS, SNGAGS KYI DNGOS GRUB DON GNYER GANG, ,DKYIL 'KHOR 'DIR NI GZHUG BYA STE, ,ZHES BSGYUR BA NI 'GYUR GYIS MA THON PA'O, ,BLA NA MED PA'I SANGS RGYAS DON DU GNYER BAS ZHUGS NA MNGON MTHO GNYIS ZHAR LA 'BYUNG BAS SANGS RGYAS KYI DON DU DKYIL 'KHOR DU 'JUG PAR BYA'O SNYAM PA'I BLO SLOB MA LA SKYED PA'I TSUL BLA MAS DMIGS PHYED PAR BRDA SPRAD DO, ,DE NAS SLOB MA RNAMS RANG GI KHA NAS LUS LA BCUG STE RDO RJE'I LAM NAS 'THON NAS YUM GYI PAD MAR GNAS PA LA, SNYING KHA'I SA BON GYI 'OD ZER GYIS BKUG PA'I RGYAL BA YUM DANG BCAS PA RANG GI KHA NAS ZHUGS SHING ZHU BAR GYUR PAS DBANG BSKUR BAR BSGOMS NAS DKYIL 'KHOR GYI SHAR SGOR GZHAG GO ,SKABS 'DIR RANG NYID LHA GANG GI NGA RGYAL BYA BA DANG SLOB MA THABS GANG GIS RANG GI KHAR 'GUGS PA NI ZUNG 'JUG GSAL BA LAS, RANG GTZO BOR GSAL BA'I THUGS KA'I SA BON GYI 'OD ZER GYIS 'GUGS PAR BSHAD PA BZHIN BYA'O, ,SLOB MA LHA GANG DU SKYED 'DIR MI GSAL YANG LA BA PAS HE RU KA ZHAL GCIG PHYAG GNYIS PAR SGOM PAR GSUNGS PAS

SKABS GANG YIN GYI GTZO BO ZHAL GCIG PHYAG GNYIS BAR BYA'O, ,DMIGS PA 'DI DAG SLOB MA LA SPOD SGOM BYA BA GSAL BAR MA GSUNGS PAS SLOB DPON RANG GIS BYAS PA NYID KYIS CHOG PA 'DRA STE SLOB MA RE RE NAS DMIGS PA GSAL BAR BYA'O, ,GNYIS PA NI, DE NAS SHAR SGO NAS 'JUG PAR GSOL PA 'DEBS SU GZHUG PA NI, SKYE RGA 'CHI BA NA KRA YA, ,CHU SRIN LA SOGS 'JIGS RUNG BA, ,SRID PA'I MTSO LAS BDAG SGROL MDZOD, ,DGA' CHEN STON PA KHYOD GCIG PU, ,BYANG CHUB CHEN PO'I TSUL BRTAN PA, ,MGON PO CHEN PO BDAG 'TSAL LO, ,DAM TSIG DE NYID BDAG LA STZOL, ,BYANG CHUB SEMS KYANG BDAG LA STZOL, ,SANGS RGYAS CHOS DANG DGE 'DUN TE, ,SKYABS GSUM DAG KYANG BDAG LA STZOL, ,THAR PA CHEN PO'I GRONG MCHOG TU, ,MGON POS BDAG NI GZHUG TU GSOL, ,ZHES BRJOD DU GZHUG GO ,'DI LAN GSUM BYA BAR MAR ME MDZAD BZANG POS GSUNGS LA MAndAL PHUL TE BYED PAR D'A RI KA PAS SO, ,BLA MA LA DGA' BA CHEN PO ZHES BOS NAS KHYOD GCIG PU BDAG GI STON PA'O ZHES TE DGA' CHEN NI RDO RJE 'CHANG GI MTSAN YIN PAS BLA MA YANG DE DANG 'DRA BAR LTA BA'O, ,TSUL NI DE'I LAM STE BRTAN PA NI GZHAN GYIS MI SHIGS PA LA SH'ANTI PAS BSHAD DO, ,RTZE MO LAS NI BYANG CHUB SEMS DPA'I TSUL BRTAN PA, ZHES KYANG 'BYUNG NGO, ,'TSAL BA NI DE 'DOD PA'O, ,DAM TSIG NI SNGAGS DANG RGYUD DANG PHYAG RGYAL SOGS PA'O, ,BYANG CHUB SEMS KYANG ZHES PA LA RDOR 'PHRENG DANG RTZE MOR, SDOM PA DAG KYANG BDAG LA STZOL, ,ZHES 'BYUNG NGO, ,SKYABS GSUM NI GSUM LA SKYABS SU 'GRO BA'O, ,RKANG PA 'DI

, ,GNYIS RGYUD RDOR PHRENG DANG RTZE MO NA MED KYANG SDOM 'BYUNG LAS 'BYUNG ZHING DANG PO GSUM DANG 'DRA BA CIG RGYUD RDOR 'PHRENG LAS SO, ,GZHAN NI GO SLA STE DON DE DAG GO BAR BYA LA 'DUN PA DRAG POS GSOL BA 'DEBS SU GZHUG GO ,DE NAS SLOB MA GCIG GTZO BOR BYAS TE DE'I SGO NAS THAMS CAD LA 'DI SKAD SMRA BAR BYA'O, ,BU TSUR SHOG CIG THEG CHEN PO, ,GSANG SNGAGS SPYOD TSUL CHO GA NI, ,KHYOD LA YANG DAG BSTAN PAR BYA, ,KHYOD NI TSUL CHEN SNOD YIN GYIS, ,SKU GSUNG THUGS KYI RDO RJE CAN, ,DUS GSUM 'BYUNG BA'I SANGS RGYAS RNAMS, ,RDO RJE SNGAGS KYI MTHU YIS NI, ,YE SHES MNYAM MED YANG DAG BRNYES, ,GSANG SNGAGS SBYOR BA MNYAM MED PA, ,GANG GIS SH'AKYA SENGGE SOGS, ,MCHOG RNAMS KYIS NI BDUD KYI SDE, ,MI BZAD CHEN PO STOBS CHEN BCOM, ,'JIG RTEN RJES 'JUG RTOGS NAS NI, ,'KHOR LO BSKOR NAS MYA NGAN 'DAS, ,DE BAS KUN MKHYEN THOB BYA'I PHYIR, ,BU YIS BLO GROS 'DI GYIS SHIG ,CES BYA BAS YANG DAG PAR 'DZIN DU GZHUG GO ,THEG PA CHEN PO'I GSANG SNGAGS ZHES DKYIL CHOG MANG PO LAS 'BYUNG BAS CHAG NI THABS SO, ,DE STON PA'I RGYU MTSAN NI KHYOD SNOD YIN PAS SO, ,DE NAS RKANG PA BZHI'I THA MA GNYIS NI SDOM 'BYUNG LAS GSUNGS LA BZHI GA LVA BA BA'I DKYIL CHOG LAS KYANG 'BYUNG NGO, ,SANGS RGYAS RNAMS KYIS YE SHES BRNYES PA'I RDO RJE SNGAGS KYI MTHU NI BZLAS BSGOM GYI MTHU LA SH'ANTI PAS SO, ,STON PAS 'JIG RTEN RANG GI RJES SU 'JUG PAR MKHYEN PA'AM RTOGS NAS CHOS KYI 'KHOR LO BSKOR ZHES PA'I DON YIN PAS LVA BA PA'I DKYIL CHOG LAS KYANG, 'JIG RTEN RJES 'JUG

MKHYEN NAS NI, ,ZHES BSGYUR BA BDE'O, ,'DI ZHES PA NI SNGAGS KYI TSUL LA GZHOL BA'O, ,'DI RNAMS RNAM SNANG MNGON BYANG NAS 'BYUNG BA DKYIL CHOG RNAMS SU BKOD PAR SNANG LA, DA LTA 'GYUR BA'I RNAM SNANG MNGON BYANG LAS TSIGS BCAD GNYIS PA LA, RDZOGS PA'I SANGS RGYAS GANG 'DAS DANG, ,DE BZHIN GANG DAG MA BYON DANG, ,DA LTAR BYUNG PA'I MGON PO RNAMS, ,'GRO LA PHAN PHYIR BZHUGS PA DAG ,DE DAG KUN GYIS GSANG SNGAGS KYI, ,CHO GA MCHOG BZANG 'DI MKHYEN NAS, ,DPA' BOS BYANG CHUB SHING DRUNG DU, ,THAMS CAD MKHYEN PA MTSAN MED BRNYES, ,ZHES GSUNGS LA 'JIG RTEN RJES 'JUG CES PA'I RKANG PA GNYIS MI SNANG NGO, ,MDOR NA DUS GSUM GYI SANGS RGYAS RNAMS SNGAGS KYI CHO GA LA BRTEN NAS SANGS RGYAS PA YIN PAS KHYOD KYANG SANGS RGYAS THOB PA'I PHYIR DU SNGAGS LA GZHAL BAR GYIS SHIG CES PA'O, ,'O NA SNGAR BDAG 'TSAL ZHES SNGAGS KYI LAM 'DOD NAS GSOL BA BTAB PA MA YIN NAM, 'DIR SNGAGS LA 'DUN PAR GYIS ZHES BRJOD CI DGOS SNYAM NA, SKYON MED DE KHYED KYIS JI LTAR GSOL BA LTAR NGAS BYA YIS KHYED RANG LAm 'DI LAS YID GZHAN DU MA GA-YENG BAR 'DI NYID ZUNGS SHIG CES MOS PA BRTAN DU 'JUG PAS SO, ,DES NA 'DI LA YANG DAG PAR 'DZIN DU GZHUG PA ZHES PHRENG BAR GSUNGS SO, ,GSUM PA NI, 'DIR LVA BA PA DANG SH'ANTI PA DANG AA BHYA DANG RATNA RAKshI TA DANG RTAG PA'I RDO RJE DANG BI BH'U T'IS THUN MONG GI SDOM PA DANG SLOB DPON GYI SDOM PA 'DZIN PA GNYIS MDZAD LA DE GNYIS KYI NGO BO NI SH'NTI PAS, DE LA SDOM PA GANG SLOB DPON DU MI BYED KYANG SBYIN PA DE NI SPYI'I YIN TE SKYABS SU 'GRO BA DANG BYANG CHUB TU SEMS BSKYED PA TZAM GYI MTSAN NYID DE SNGAR

, ,BSHAD PA YIN NO, ,DE LA SLOB DPON DU BYED PAR BYON PA GANG YIN PA DE NI SLOB DPON GYI SDOM PA STE RIGS LNGAS BSDUS PA'O, ,ZHES SKYABS 'GRO SNGON DU 'GRO BA CAN GYI SEMS BSKYED PA THUN MONG GI SDOM PA DANG, RIGS LNGA'I DBANG DU BYAS PA'I SDOM PA SLOB DPON GYI SDOM PA'AM THUN MONG MA YIN PA'I SDOM PAR GSUNGS TE PHRENG BA DANG SDOM 'BYUNG GI 'GREL PAR YANG DE BZHIN DU GSUNGS SO, ,SEMS BSKYED PA TZAM GYI ZHES PA'I TZAM GYI SGRAS NI RIGS LNGAS BSDUS PA'I DAM TSIG GCOD KYI SPYOD PA BCAD NAS SEMS BSKYED RKYANG PA STON PA MIN NO, ,THUN MONG DANG THUN MONG MA YIN PA NI DON YOD ZHABS KYIS, DE NAS BYA BA'I RGYUD LA SOGS PA DANG THUN MONG GI SDOM PA DANG RNAL 'BYOR GYI RGYUD BLA NA MED PA'I PHAS PHAM PA BCU BZHI DANG SBOM PO DRUG LA SOGS BA DAG KYANG DPOG PAR BYA'O, ,ZHES GSUNGS PA LTAR RGYUD SDE BZHI KA THUN MONG BA YIN PAS THUN MONG BA'I SDOM PA'O, ,RTZA LTUNG BCU BZHI SOGS SPONG PA'I DAM TSIG 'BOGS PA RNAL 'BYOR BLA MED KYI YIN PAR GSUNGS PA NI DE KHO NA LA MI BYA'I RNAL 'BYOR RGYUD DANG GNYIS KA LA BYA STE, RIGS LNGA'I SDOM GZUNG GIS SDOM PA 'DZIN PA RNAL 'BYOR RGYUD LAS KYANG GSUNGS PA'I PHYIR DANG, RNAL 'BYOR RGYUD LA PHAS PHAM BCU BZHI'I BCAS PA MI BZHED NA RTZE MO LAS, DE LAS GZHAN PA BCU BZHI NI, ,PHAS PHAm PAR NI RAB TU BSHAD, ,CES GSUNGS PA DANG 'GAL PA'I PHYIR RO, ,DES NA SLOB DPON GYI SDOM PA NI RNAL 'BYOR DANG RNAL 'BYOR BLA MED GNYIS KA'I YIN LA BYA SPYOD DANG THUN MONG MA YIN PA'O, ,GZHAN YANG SLOB MA'I DBANG NI RIGS LNGA'I SDOM PA BZUNG MA BZUNG

GNYIS KA LA BSKUR BAS THUN MONG BA'I DBANG DANG, SLOB DPON GYI DBANG NI RIGS LNGA'I SDOM PA BZUNG BA KHO NA LA BSKUR BAS THUN MONG MA YIN PA'I DBANG ZHES ZER BA BZHIN DU SDOM PA DANG PO NI SLOB DPON DANG SLOB MA'I DBANG GANG ZHU YANG 'DZIN DGOS PAS THUN MONG BA DANG, GNYIS PA NI, SLOB DPON GYI DBANG ZHU BA KHO NA LA STER BAS THUN MONG MA YIN PA'O, ,YANG SDOM PA DANG PO NI BYANG SEMS KYI SDOM PA YIN PAS SNGAGS DANG PHAR PHYIN GNYIS KA'I THUN MONG BA YIN LA, GNYIS PA NI RDO RJE THEG PA BA KHO NA'I YIN PAS THUN MONG MA YIN PA ZHES KYANG BYA STE THUN MONG YIN MIN DU 'JOG PA'I TSUL GSUM YOD DO, ,SDOM PA GNYIS 'BEGS PA'I CHO GA NI SLOB DPON DRUG PO DES, DKON MCHOG GSUM LA BDAG SKYABS MCHI, ,ZHES SOGS KYI RKANG PA BZHI DANG RIGS LNGA'I SDOM GZUNG GI CHO GA LA BZHED DO, ,DES NA, DKON MCHOG GSUM LA BDAG SKYABS MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,ZHES PA LAN GSUM BRJOD DU GZHUG LA SDOM PA DPOG GO ,CHO GA 'DI SGYU DRA'I GNYIS PA DANG GUR GYI BCU GNYIS PA LAS GSUNGS SO, ,'O NA RKANG PA DANG PO GSUM GYI DON NI SKYABS 'GRO DANG SDIG BSHAGS DANG YI RANG GSUM YIN PAS SDOM PA'I CHO GA MIN LA BZHI PA LA SDOM PA 'DZIN PA MI GSAL NI DE JI LTAR SDOM PA'I CHO GAR RUNG SNYAM NA, BDEN TE RKANG PA BZHI PA NI SGEG RDOR DANG SH'ANTI PA'I GZHUNG LAS, SANGS RGYAS BYANG CHUB TU SEMS BSKYED, ,CES 'BYUNG PA LTAR SEMS BSKYED PA 'DZIN PA YIN LA SMON SEMS TZAM BZUNG BA SDOM PAR MI RUNG BAS 'JUG

, ,SEMS BZUNG BA'O, ,'DI 'DRA BA'I TSIG NYUNG DUS SDOM PA 'DZIN PA NI GANG ZAG SHIN TU DBANG PO RNO BA'I DBANG DU BYAS PA STE THUB PA'I DGONGS RGYAN LAS, SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, , ZHES PAS GZUGS KYI SKU DANG CHOS KYI SKU DANG PHYIR MI LDOG PA'I BYANG CHUB SEMS DPA'I DGE 'DUN GYI SKYABS LA BRTEN NAS BDAG NYID YANG DAG PAR RDZOGS PA'I SANGS RGYAS SU GYUR TE, 'JIG RTEN 'DI THAMS CAD SDUG BSNGAL LAS BTON NAS YANG DAG PAR RDZOGS PA'I SANGS RGYAS NYID LA SBYAR BAR BYA'O, ,ZHES DBANG PO RAB KYI RAB MDOR BSDUS PAS BYANG CHUB KYI SEMS SDOM PA'I RANG BZHIN SKYED PAR BYED DO, ,ZHES GSUNGS PA LTAR RO, ,DES NA 'DI'I SGO NAS BYANG SEMS KYI SDOM PA 'DZIN PA NI TSIG NYUNG BAS BRDA 'PHROD DKA' BA'I PHYIR SLOB DPON GYIS RKANG PA DANG PO GSUM GYIS SDOM PA LEN PA'I SNGON 'GRO DANG BZHI PAS BYANG SEMS KYI SPYOD PA DANG BCAS PA'I SEMS BSKYED 'DZIN PA'I KHAS LEN BYED LUGS GSAL BAR BRDA SPRAD PAR BYA'O, ,RKANG PA DE BZHI'I LHAG MA GUR GYI BCU GNYIS PA LAS, SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, ,BYANG CHUB SEMS SU 'DI BGYI STE, ,BDAG DANG GZHAN DON RAB BSGRUB PHYIR, ,BDAG GIS BYANG CHUB MCHOG SEMS BSKYED, ,AE MA HO SEMS CAN KUN 'GRON GNYER, ,BYANG CHUB SPYOD MCHOG MDZAD BZHIN SPYAD, ,'GRO LA PHAN PHYIR SANGS RGYAS SHOG ,CES 'BYUNG BA DANG BCAS PA'I CHO GAS BZUNG NA SDOM PA'I CHO GA YIN PA BRDA SPROD PA SLA STE, BSLAB BTUS LAS SPYOD PA DANG LDAN PAR SEMS BSKYED PA LA

SDOM PA GZUNG BAR GSUNGS PAS SO, ,DE'I PHYIR SPYOD PA DANG BCAS PA CHO GAS GZUNG NA SDOM PA'I CHO GA YIN LA SEMS BSKYED RKYANG PA BZUNG NA SEMS BSKYED PA TZAM GYI CHO GA'O, ,SHANTI PAS, YANG GANG ZHIG LA RIG PA'I DBANG BSKUR BA 'BA' ZHIG TZAM SBYIN ZHE NA, SLOB DPON DU DBANG BSKUR BA DON DU MI GNYER PA'AM DON DU GNYER BA SPYI'I SDOM PA NYI TSE TZAM LEN PAR BYED KYI SLOB DPON GYI SDOM PA NI MA YIN PA DAG LA'O, ,ZHES SLOB DPON GYI DBANG ZHU BAR MI 'DOD PA DANG 'DOD KYANG SDOM PA THUN MONG BA TZAM SRUNG GI THUN MONG MA YIN PA'I SDOM PA MI SRUNG BA LA SLOB MA'I DBANG TZAM ZHIG BSKUR BAR GSUNGS SHING SNGAR GYI SLOB DPON GZHAN LNGA PO DE YANG DE LTAR BZHED PAS, BYANG CHUB SEMS DPA'I SDOM PA SRUNG GI SNGAGS KYI SDOM PA MI SRUNG BA LA SLOB MA'I DBANG LAS MA GTOGS PA'I SLOB DPON GYI DBANG YAN CHAD SKUR DU MI RUNG ZHING DBANG GONG MA BSKUR NA SNGAGS SDOM YANG BSRUNG DGOS PA YIN NO, ,DE'I PHYIR BYA SPYOD LA RIGS LNGA'I SDOM GZUNG PADMA LCAGS KYU SOGS KHA CIG GIS BYAS PA NI MI RIGS TE, YE SHES THIG LE LAS DE DAG LA CHU COD PAN SOGS LAS GZHAN PA'I SLOB DPON GYI DBANG MED PAR BSHAD PA'I PHYIR DANG, BYA SPYOD KYI RGYUD DANG DGONGS 'GREL TSAD LDAN RNAMS KYIS RIGS LNGA'I SDOM GZUNG MA BSHAD PA'I PHYIR RO, ,SLOB DPON KUN DGA' SNYING POS KYANG RIGS LNGA'I SDOM PA MI 'DZIN PA LA SLOB DPON GYI DBANG MI BSKUR BAR GSAL BAR GSUNGS TE RGYAS PAR RTZA LTUNG GI RNAM BSHAD DU BSHAD ZIN NO, ,MDOR NA THUN MONG GI SDOM PA BZUNG BA BYANG CHUB SEMS DPA'I SDOM PA BZUNG BA YIN LA DE YANG

, ,BYANG SEMS KYI SPYOD PA PHYIN DRUG SOGS LA SLOB PHAR KHAS BLANGS PA YIN PAS BYANG SEMS KYI SDOM PA'I 'JIG RGYU RTZA LTUNG RNAMS KYANG SHES PAR BYAS NAS RUNG DGOS PA YIN NO, ,DE'I PHIR PHA ROL TU PHYIR PHA ROL TU PHYIN PA'I SPYOD PA LA SLOB PA DANG SNGAGS KYI LAM LA SLOB PA GNYIS TSA GRANG LTAR 'GAL BAR MA 'DZIN CIG, SDOM PA GANG YANG MI SRUNG BA LA NI DKYIL 'KHOR DU GZHUG PA TZAM ZHIG BYED PAR DE NYID BSDUS PA DANG RTZE MO NAS GSUNGS PA'I DON KUN SNYING GIS GSAL BAR BSHAD CING, SANGS RGYAS GSANG BAS DKYIL 'KHOR DU GZHUG PA TZAM ZHIG BYED PA NI RNAM SNANG MNGON BYANG GI YANG DON DU BKRAL TE RGYAS PAR GZHAN DU BSHAD ZIN TO, ,DE LTAR THUN MONG GI SDOM PA DANG LDAN PAS SLOB DPON GYI SDOM PA GZUNG BA'I PHYIR DU, 'KHOR LO PHYIR MI LDOG PA'I DBANG, ,DAM PA BDAG LA STZAL NAS NI, ,MGON PO 'KHOR LO LHA DAG GI ,DE NYID SLOB DPON 'PHRIN LAS DANG, ,SANGS RGYAS KUN GYI DAM TSIG DANG, ,SDOM PA GSANG MCHOG BSHAD DU GSOL, ,SEMS CAN KUN GYI DON GYI PHYIR, ,RTAG TU BDAG NI SLOB DPON BGYID, ,CES KHYAD PAR DU GSOL BA 'DEBS SU BCUG NAS BYANG CHUB TU SEMS BSKYED DU GZHUG STE, SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, ,BDAG CHE GE MO ZHES BGYI BA DUS 'DI NAS BZUNG STE JI SRID BYANG CHUB SNYING PO LA MCHIS KYI BAR DU, JI LTAR DUS GSUM LAG MGON PO RNAMS, ,ZHES PA NAS, SEMS CAN MYA NGAN 'DAS LA 'GOD, ,CES PA'I BAR LAN GSUM BRJOD DU GZHUG STE TSIG DE DAG NI GRAGS CE BAS MA BRIS SO, ,'DIR GSOL BA 'DEBS PA

PO NI DGE BSNYEN LA SOGS PA'I SDOM PA BLANGS ZIN PA CIG GI8S BYED PAR SHANTI PAS GSUNGS TE AA BHYA DANG KUN SNYING LA SOGS PAS KYANG DBANG BSKUR BA'I SLOB MAS SO THAR GYI SDOM PA GZUNG DGOS PAR MANG DU GSUNGS PAS, SO THAR GYI RTEN DU RUNG NA DGE BSNYEN YANG CHAD KYI SOR THAR GYI SDOM PA SNGA ROL TU STER ZHING BYANG SEMS KYI SDOM PA YANG BZUNG BA ZHIG GIS BYED DO, ,DES SNGON DU SLOB DPON GYI ZHABS GNYIS LA BTUD DE LAG TU ME TOG BZUNG NAS PHYAG BYAS LA ME TOG GTER NAS GSOL BA GDAB PAR SH'ATI PAS GSUNGS LA, LVA BA PAS KYANG SLOB DPON GYI ZHABS GNYIS LA PHYAG 'TSAL NAS BYA BAR GSUNGS TE 'DI NI GZHAN RNAMS LA'ANG 'DRA'O, ,GSOL GDAB KYI DON NI SEMS CAN GYI DON BYED PA'I PHYIR DU BDAG SLOB DPON BGYID PAS BSHAD DU GSOL ZHES SBYAR RO, ,DE YANG PHYIR MI LDOG PA'I SA BON KHYAD PAR BSKYED PA'I RDO RJE SLOB DPON GYI DBANG BDAG LA STZOL CIG DANG BSTZAL NAS SLOB DPON BGYID DO, ,'KHOR LO ZHES 'BYUNG BA LTAR NA GANG DU DBANG BSKUR BA'I DKYIL 'KHOR RO, ,GZHUNG KHA CIG LAS 'KHOR LO'I ZHES PA LTAR NA DKYIL 'KHOR GYI SLOB DPON BYED PA'I DBANG LA BYA'O, ,'KHOR LO LHA'I ZHES PA NI DKYIL 'KHOR DANG LHA'I DE KHO NA NYID GNYIS DANG SLOB DPON GYI LAS KYI RIM PA RNAMS SHOD CIG CES GSOL BA'O, , SLOB DPON GYI DAM TSIG DANG SDOM PA KHYAD PAR BA LA GSOL BA 'DEBS PA NI SANGS RGYAS ZHES PA'I RKANG PA BZHI'O, ,GSOL GDAB 'DI MA BYAS PA DANG BYAS PA'I DKYIL CHOG MANG PO SNANG BAS 'DIR GSOL GDAB 'DI MI BYED NA SNGAR GYI GSOL GDAB KYI SKABS SU

, ,'DI DAG GI DON BRJOD LA GSOL GDAB PHYOGS GCIG PA BYA'O, ,SDOM PA GZUNG BA'I SNGA ROL DU SDOM PA BSGRAG PA RTZE MO LAS GSUNGS PA BZHIN DU BLA MED KYI DKYIL CHOG KYANG MANG PO NA SNANG LA SDOM BSGRAG MED PA YANG SNANG NGO, ,DE GNYIS GANG YIN YANG SNGON DU SLOB DPON GYIS RIGS LNGA'I DAM TSIG RAGS RIM ZHIG GO BAR BYA LA RIGS LNGA SPYI DANG BYE BRAG GI DAM TSIG RNAMS SEMS CAN THAMS CAD KYI DON DU BYANG CHUB MA THOB KYI BAR DU GZUNG SNYAM PA'I BLO SLOB MA LA LEGS PAR BSKYED LA DE NAS SDOM PA GZUNG DGOS TE, SDOM PA LA DMIGS PHUG PA'I LEN 'DOD DANG DAM TSIG RNAMS LA RIGS GCOD MED PAR MTHA' DAG GZUNG 'DOD BSKYED PA NI SDOM PA SKYE BA LA MED KHA MED KYI YAN LAG GO ,DES NA RTZE MO LAS SNGON DU LEN 'DOD YOD MED DRI BAR YANG GSUNGS TE DE BZHIN DU BLA MED KYI DKYIL CHOG TSAD LDAN DAG TU YANG BSHAD DO, ,CHO GA 'DI LAN GSUM BYED PAR PHRENG BA LAS GSUNGS PA BZHIN DU KLU BYANG DANG MI THUB ZLA BA DANG ZUNG 'JUG GSAL BA DANG NYIN MO 'BYUNG GNAS DANG RATNA RAKSHI TA DANG BI BH'U T'I LA SOGS PA MANG POS GSUNGS PAS SHIN TU GAL CHE STE, SDOM PA GANG LA YANG DNGOS GZHI'I CHO GA MA CHAD PA SDOM PA SKYE BA LA NGES PAR DGOS PA NI 'DRA BA YIN NO, ,DES NA DANG PO LEN PA DANG NYAMS PA SLAR SKYOR BA LA LHAG PAR YANG DNGOS GZHI'I CHO GA TSANG BA GSUM GSUM NGES PAR BYA'O, ,JI LTAR DUS GSUM ZHES PA'I RKANG PA DANG PO BZHIS SEMS BSKYED DANG, DE NAS BZHIS BYANG SEMS KYI SDOM PA 'DZIN ZHING LHAG MAS SNGAGS SDOM 'DZIN PAR 'DOD PA NI MI RIGS TE, SNGAR BSHAD PA LTAR MKHAS PA RNAMS KYIS

BYANG SEMS KYI SDOM PA 'DZIN PA'I CHO GA NI ZUR DU BSHAD CING JI LTAR DUS GSUM NAS SEMS CAN MYA NGAN 'DAS LA 'GOD, CES PA'I BAR NI RIGS LNGA'I SDOM PA GZUNG BA'I CHO GAR MANG DU BSHAD PA'I PHYIR RO, ,DES NA SEMS BSKYED GNYIS DANG TSUL KHRIMS GSUM LA SLOB PAR KHAS LEN PA DER BYUNG BA NI SNGAGS SDOM 'DZIN PA'I YAN LAG YIN GYI THUN MONG GI SDOM PA 'DZIN PA MIN NO, ,BOD KYI BLA MA KHA CIG SDOM PA BSGRAG PA RGYAS PAR BYAS NA, GTZO BOS JI LTAR BKA' STZAL PA, ,DE DAG THAMS CAD BDAG GIS BGYI, ,ZHES SDOM PA 'DZIN PA BSDUS PA DE TZAM GYIS KYANG CHOG LA SDOM BSGRAG BSDUS NA GZUNG BA RGYAS PAR BYA ZHES GSUNG BA NI SHIN TU MI 'THAD DE, RTZE MOR SDOM PA BSGRAG PA SHIN TU RGYAS KYANG GZUNG BA'I SKABS SU RIGS LNGA'I SDOM GZUNG GI CHO GAS MDZAD PA DANG, LVA BA PA DANG SH'ANTI PA DANG RGYAL BA BZANG PO SOGS KYIS KYANG SDOM PA BSGRAG PA RGYAS PAR MDZAD KYANG LEN PA'I SKABS SU RIGS LNGA'I SDOM GZUNG GI CHO GAS MDZAD PA'I PHYIR DANG, SNGAGS SDOM LEN PA'I CHO GA NI BLA MED KYI RGYUD GNYIS DANG RTZE MO GSUM KAR RIGS LNGA'I SDOM GZUNG LA GSUNGS PA'I PHYIR RO, ,DES NA DAM TSIG RNAMS LA KHAS LEN BYED PA TZAM DANG SNGAGS SDOM 'DZIN PA'I CHO GA GNYIS KHYAD MED PA MA YIN NO, ,SNGAGS SDOM LEN PA'I SKABS LA SA RA HA DANG KUN SNYING LA SOGS PAS DNGOS GZHI'I SKABS SU MDZAD DE RTZE MO'I DGONGS PA'O, ,KLU BYANG DANG MI THUB ZLA BA DANG D'A RI KA PA DANG PHRENG BA SOGS KYIS SKABS 'DIR MDZAD LA, MAR ME MDZAD BZANG PO LA SOGS PAS RMI LAM DRIS PA'I 'OG

, ,TU YANG MDZAD PAS DE DAG GANG DU BYAS KYANG SKYE BAR GSAL LO, ,DE LA DNGOS GZHI'I DUS SU LEN NA NI SLOB DPON GYIS BDAG 'JUG SNGON DU BYED PA'I DUS SU SNGAR BSHAD PA BZHIN DMIGS PHYED PAR BYAS NAS BLANGS NA SNGAR RTZA LTUNG BYUNG YANG SDOM PA SKYE BAS SLOB MA LA 'BOGS PA'I DUS SU RANG SDOM LDAN DU YANG YOD DO, ,SKABS 'DIR BYED NA NI RTZA LTUNG GRANGS MANG LA 'BYUNG NYE ZHING BSRUNG SDOM LA SHIN TU LHOD PA'I DUS SU SNANG BAS RANG RGYUD LA ZHIB TU BRTAGS LA BYA STE, PHAL CHER BDAG 'JUG SNGON DU BTANG NAS DE NAS SLOB MA LA SDOM PA PHOG NA 'THAD PAR SEMS SO, ,SKYE BA'I DUS NI 'BOGS CHOG LAN GSUM BYAS PA'I MTHAR SKYE'I CHU DBANG PHYIN CAD KYI DBANG BSKUR BA 'THOB PA LA MI BLTOS TE RTZE MO LAS, SDOM PA GSUM LA BKOD NAS NI, ,DE NAS DKYIL 'KHOR BSTAN PAR BYA, ,ZHES SNGAGS SDOM LA BKOD PA'I 'OG TU LHA NGO BSTAN PAR GSUNGS PA'I PHYIR RO, ,DE NAS BDUD RTZI 'KHYIL BA'I SNGAGS KYIS BSRUNG BAR 'DIR GSUNGS TE, DE JI LTAR BYA BA NI MI THUB ZLA BAS DRI'I CHUS GTOR NAS BYA BAR GSUNGS PA LTAR RAM DAM TSIG RDO RJES SLOB MA'I MGOR LAG PA BZHAG STE 'KHYIL BA'I SNGAGS LAN BDUN BZLA BAR BSHAD PA LTAR BYA'O, ,DE RNAMS KYI SNYING KHA MGRIN PA MGO BO RNAMS SU RIM PA BZHIN DU RDO RJE DANG PAD MA DANG 'KHOR LO'I STENG DU RIM PA LTAR NYI MA GNYIS DANG ZLA BA'AM NYI MA GCIG DANG ZLA BA GNYIS LA GNAS PA'I H'Um NAG PO A'A: DMAR PO AOm DKAR PO BSAM MO, ,DE NAS DE RNAMS BRJOD CING SNYING KHA SOGS GSUM LA DRI'I CHU RDO RJE DANG BCAS PA'I KHU TSUR GA-YAS PAS BYUGS TE MGO

BO LA ME TOG MDUN DU BDUG SPOS DANG MAR ME SNYING KHAR SLAR YANG DRI SBYIN PAR PHRENG BA RJES 'BRANG DANG BCAS PAS BSHAD DE, ,SGOM PA DANG REG PA DANG BRJOD PA RNAMS MAS RIM NAS BYED CING 'BRU GSUM LAS MTSAN MA GSUM YI GE GSUM GYIS MTSAN PAR MAR ME MDZAD BZANG PO BZHED LA, SGOM REG BRJOD PA RNAMS YAS RIM NAS BYED PA YANG ZUNG 'JUG GSAL BAS BSHAD DE GANG RUNG GCIG GI CHOG GO ,MTSAN MA GSUM SGOM PA MANG LA SKU GSUNG THUGS KYI LHAR SGOM PA YANG PRADZNY'A RAKshI TAS BSHAD DO, ,MCHOD PA RNAMS LAS THAMS CAD PA'I SNGAGS KYIS STER BAR MAR ME MDZAD BZANG PO SOGS KYIS BSHAD LA RANG RANG GI SNGAGS KYIS STER BAR RATNA RAKshI TAS BSHAD DO, ,ZHAL ZAS DANG SGRA SNYAN 'BUL BAR YANG 'GA' ZHIG GIS BZHED DO, ,MDOR NA SNGAR GTZO BOR BSKYED PA'I SLOB MA'I GNAS GSUM DU RDO RJE GSUM GYI MTSAN MA BSGOMS NAS MCHOD YUL DU BYAS PA LA MCHOD DE DUS 'DI NAS BZUNG NAS 'KHOR BA'I NYES PAS MA KOS PAR MCHOD PA DANG LDAN PAR GYIS SHIG CES BRJOD PAR D'A RI KA BA SOGS KYIS GSUNGS PA LTAR BYA'O, ,BZHI PA NI, SO SHING DOR BA'I GNAS NI KHRU BZHI PA GRU BZHI PA'I DKYIL 'KHOR BA'I LCI BA LA SOGS PAS BYUGS PAR PHRENG BA LAS GSUNGS SHING, BA'I KO BA TZAM DU ZHES GSUNGS PA NI SRAB 'THUG GI TSAD DU BIDYA P'A TAS BSHAD DO, ,'JIGS BYED LHAS KHYAMS GRU BZHI PA'I NANG DU PADMA 'DAB BRGYAD BRIS PA LA ME TOG GI TSOM BU DGOD PAR BSHAD DE TSAD LDAN GZHAN GYIS MA BSHAD DO, ,SO SHING NI AA SHVAD THA LA SOGS PA 'DIR MI RNYED PAS KLU BYANG GIS GSUNGS PA LTAR 'O MA CAN GYI SHING HA CANG SPOM PA DANG PHRA BA MIN PA DRANG ZHING SROG CHAGS MED PA MA GAS PA

, ,RMA MED PA MGO MJUG MNYAM PA DRI BZANG GI CHUS BKRUS PA BDUG PAS GDUGS PA SOR BCU GNYIS PA RTZE MOR ME TOG BCINGS PA BYA'O, ,DE NAS SLOB DPON BYANG DU PHYOGS TE SLOB MA LA SBYIN LA SLOB MA SHAR RAM BYANG DU PHYOGS PAS AOm BADZRA H'A SA HA ZHES BRJOD NAS RTZE MO NAS 'CHOS TE MIG STENG DU BLTA ZHING LTOS PA MED PAR MDUN DU DOR RO, ,SPYI RGYUD LAS SLOB MA KHA BYANG DU PHYOGS PA LA SBYIN ZHING SLOB MAS SHAR DU BLTAS TE 'DOR BAR BSHAD DO, ,SO SHING LA SLOB DPON GYIS BZLA BA'I SNGAGS PHRENG BAR MA BYUNG YANG DON YOD ZHABS KYIS BGEGS MTHAR BYED KYI SNGAGS BZLA BAR GSUNGS PA LTAR RAM MI THUB ZLA BAS AOm A'A: DZI HA SAm BA RA TA NI H'Um PHAt CES LAN BDUN BZLA BAR BSHAD PA LTAR BYA'O, ,PRADZNY'A SHR'IS SO SHING STONG PAR BYAS NAS H'Um MTHING NAG 'OD 'BAR BAR GYUR PA LAS SO SHING 'OD CAN BYUNG BAR BSAM ZER TE MKHAS PA DAG GI GZHUNG LAS MA BSHAD DO, ,DOR BA'I LTAS LA SHAR BYANG NUB LHO STENG 'OG TU PHYOGS PAR LHUNG NA RIM PA BZHIN DU ZHI RGYAS DBANG DRAG RIG 'DZIN SA 'OG GI DNGOS GRUB 'GRUB CING PHYI ROL TU LHUNG NA DNGOS GRUB MED DO, ,PHYOGS PA NI RTZE MO GANG LA BSTAN PA STE RTZE MOR ME TOG 'CHING BAR GSUNGS PAS DE NI MGO'O, ,DE NAS BAm LAS SKYES PA'I CHU BAm BZLAS PA KHA BSHAL BA'I PHYIR BYIN NAS 'KHYIL PA LAN BDUN BZLAS PA'I DRI ZHIM PO'I CHU KHYOR BA GSUM, AOm HR'I: BI SHUDDHA DHARM'A SARBA P'A PAm NI TZA AA SYA SHODDHYA SARBA BIKA LP'AN AA PA NA YA H'Um ZHES BRJOD CING BLUD DO, ,PHRENG BAR KHA BSHAL BA DANG KHYOR BA GSUM GYI CHU GNYIS SO SOR MDZAD DO, ,BOD KHA CIG GA-YAS PA'I KHYOR BOR 'DOD LA

'JIGS BYED LHAS GA-YON PA'I KHYOR BAR BSHAD DO, ,BOD KHA CIG RMI LAM GSAL PO 'ONG BA'I DON DU 'DOD MOD KYANG KLU BYANG DANG D'A RIG PAS NGAG GI NYES PA SBYANG BA'I DON DU GSUNGS SO, ,DE NAS H'Um LAS BYUNG ZHING DE'AM 'KHYIL PA BZLAS PA'I KU SHA MANG PO RTZE MO MA NYAMS PA STAN DU GDING BA'I DON DANG DE BZHIN DU SNGAS KYI DON DU YI GE DH'I: LAS SKYES SHING DE DANG 'KHYIL PA BZLAS PA'I KU SHA CIG ,AOm BADZRA T'IKshnA BAm ZHES PA'I SNGAGS KYIS SBYIN NO, ,SDOM 'BYUNG LAS NI, DH'I: YIG GI NI SNGAGS BZLAS PA'I, ,KU SHA DE LA RAB SBYIN BYA, ,ZHES GSUNGS LA MI THUB ZLA BAS KU SHA GNYIS KA DH'I: LAS BYUNG BAR BZHED DO, ,SNGA MA LA MANG PO ZHES GSUNGS PAS PHYI MA NYUNG BAR BYA'O, ,BOD RNAMS CHE BA GA-YAS DANG CHUNG BA GA-YON DU STER LA DAM TSIG RDO RJES LAG PA GA-YON PAR STER BAR BZHED DO, ,'ON KYANG SGYU DRA LAS, LAG MTHIL SO SHING KU SHA SBYIN, ,ZHES GSUNGS PAS DE GNYIS KA THAL MO SBYAR BA'I DBUS SU SBYIN NO, ,'DI BKRA SHIS PA'I RMI LAM MI 'KHRUL BA'I PHYIR YIN PAR BIDYA P'A TAS BSHAD DO, ,DE NAS H'Um LAS BYUNG BA'I SKUD PA DMAR PO SLOB MA'I LUS TSAD SUM LTAB BYAS TE 'KHYIL PA LAN BDUN BZLAS LA MDUD PA GSUM MAM DRUG BYAS PA DE RNAMS KYI DPUNG PA GA-YAS SAM RGYUD GZHAN DU GA-YON PAR GSUNGS PAS, AOm BUDDHA MEE TRI RAKshA RAKshA SARB'A NA SV'AH'A ZHES BRJOD CING RANG NYID KYIS BCINGS LA YANG DAG PAR BSRUNG NGO, ,LUS TSAD KYI SKUD PA SUM LTAB BYAS PAS LUS KYI SUM CHAR 'GYUR LA DE LA MDUD PA DRUG DANG GSUM DANG DPUNG PA GA-YAS GA-YON GDAM NGA CAN NO, ,RNAM SNANG MNGON BYANG LAS GA-YON PA DANG SGYU DRA LAS GA-YAS SU 'CHING BAR BSHAD LA, KLU BYANG DANG LVA BA PA DANG MI THUB ZLA BA SOGS MANG POS

, ,GA-YAS LA 'CHING ZHING MDUD PA GSUM BYED LA RGYUD RDOR PHRENG LAS KHRU GANG SOR BZHI PA'I SKUD PA RDO RJE GSUM GYI MDUD PA CAN DPUNG PA GA-YON PA LA LAN GSUM DKRI BAR BSHAD DO, ,SKYES PA DANG BUD MED KYI SGO NAS GA-YAS GA-YON PHYE BA DANG MDUD MTSAMS SU JI LTAR BYA BA SOGS BOD RNAMS BYED PA NI DKYIL CHOG RNAMS NA MI SNANG NGO, ,SKUD PA 'KHEL BA NI BU MOS BYA BAR KLU BYANG DANG ZUNG 'JUG GSAL BAS BSHAD DO, ,TSON SNA LNGA'I SKUD PA H'Um LAS RDO RJE'I SKUD PAR SGOm PAR PRADZNY'A SHR'I 'DOD DE TSAD LDAN DAG GIS MA BSHAD DO, ,LNGA PA NI, 'JIG RTEN DU NI KUN MKHYEN RNAMS, ,RES 'GA' 'BYUNG NGAM MI 'BYUNG SRID, ,AU DUM B'A RA'I ME TOG BZHIN, ,BRGYA LAM YANG NI RES 'GA' ZHIG ,GANG GIS SEMS CAN MNYAM MED DON, ,MYA NGAN MI 'DA' BYED PAR NUS, ,GSANG SNGAGS SPYOD PA'I TSUL 'BYUNG BA, ,DE BAS KYANG NI SHIN TU DKON, ,BSKAL PA BYE BA DU MA RU, ,SDIG PA GANG ZHIG SNGON BYAS PA, ,DKYIL 'KHOR 'DI 'DRA MTHONG BA YIS, ,DE DAG THAMS CAD ZAD 'GYUR NA, ,GRAGS PA MTHA' YAS SNGAGS SPYOD PA'I, ,TSUL LA GNAS PA SMOS CI DGOS, ,SKYOB PA'I GSANG SNGAGS BZLAS NA NI, ,GO 'PHANG BLA NA MED PAR 'GYUR, ,SPYOD MCHOG 'DI LA GANG RNAMS KYI, ,BLO GROS SHIN TU DRI MA MED, ,DE RNAMS KYI NI SDUG BSNGAL KUN, ,'BYUNG BA'I NGAN 'GRO YANG DAG ZHI, ,BDAG NYID CHEN PO KHYED RNAMS KYIS, , DE RING RNYED PA MNYAM MED RNYED, ,GANG GIS KHYED RNAMS RGYAL BA KUN, ,BDAG NYID CHEN PO SRAS BCAS KYIS, ,BSTAN 'DI KUN LA YONGS SU BZUNG, ,GNAS PA SKYE BAR 'GYUR BA NI, ,DE YIS KHYED RNAMS THEG CHEN LA, ,LEGS PAR SKYE BA NYID DU 'GYUR, ,THEG PA

CHEN PO CHER 'BYUNG BA'I, ,LAM MCHOG 'DI NI DPAL DANG LDAN, ,GANG GIS KHYED RNAMS 'GROR GYUR PAS, ,DE BZHIN GSHEGS PAR 'GYUR BA YIN, ,ZHES PA'I DON BSHAD LA SPRO BA BSKYED DO, ,GANG GIS SEMS CAN ZHES PA'I RKANG PA GNYIS DA LTA'I RNAM SNANG MNGON BYANG LA MI SNANG ZHING 'GREL PAS MA BSHAD KYANG DKYIL CHOG DU MA LAS BYUNG NGO, ,RKANG PA DANG PO NAS SHIN TU DKON ZHES PA'I BAR GYIS SNGAGS 'BYUNG BA DKON PA DANG DE NAS BZHIS DKYIL 'KHOR MTHONG BA MTHU CHE BA DANG, DE NAS BZHIS SNGAGS BZLA ZHING SGOM PA MTHU CHE BA DANG DE NAS BZHIS SNGAGS LA DAD PA MTHU CHE BAR BSTAN PA DANG, DKYIL 'KHOR MTHONG BA NI MTHONG BA TZAM MIN GYI CHOS GSUM DANG LDAN NA 'BYUNG STE SBYOR BA NI DKYIL 'KHOR DU 'JUG PA'I PHYIR DU SDIG PA BSHAGS SHING SKYABS SU 'GRO BA DANG SDOM PA 'DZIN PA'O, ,RTZA BA NI DKYIL 'KHOR DU 'JUG PA'I TSE SEMS BSKYED PA DANG SANGS RGYAS SRAS BCAS KYI SKU DANG PHYAG RGYA SOGS MTHONG NAS DANG BA SKYES PA'O, ,GSUM PA NI CHOS MI SPONG BA DANG SEMS BSKYED MI GTONG BA SOGS KYI DAM TSIG BZUNG BA STE DE GSUM DANG LDAN PAS DKYIL 'KHOR MTHONG NA BSKAL PA DU MAR BSAGS PA'I SDIG PA 'DAG PA DANG, GRAGS PA MTHA' YAS NI YON TAN MTHA' YAS PAR GRAGS PA'I SNGAGS LA RNAM SNANG MNGON BYANG GI 'GREL PAR BSHAD DO, ,SHANTI PAS SANGS RGYAS LA GRAGS PA MTHA' YAS SU BSHAD DO, ,BLO GROS DRI MED LA BLO GROS MI GA-YO BA ZHES 'BYUNG STE, SNGAGS KYI DON LAS GZHAN DU YID MI GA-YO BA DANG, YONGS SU BZUNG STE SKYE BZHIN PA ZHES 'BYUNG LA DENG NI THEG CHEN LA SKYE BZHIN PA YIN LA SANG NI THEG CHEN LA SKYES PAR GYUR PA'O, ,ZHES

, ,'GREL PAR 'CHAD DE 'PHRENG BAR DKYIL 'KHOR DU ZHUGS PA LA SKYES PAR GYUR PAR BSHAD DO, ,SNGAGS SPYOD PA'I THEG CHEN NI BLA MED BYANG CHUB 'BYUNG BA'I RGYU'I GTZO BO YIN PAS CHER 'BYUNG BA STE, 'BYUNG BA CHE BA LA 'GREL PAS BSHAD PA NI PHRENG BA LAS THEG PA CHEN PO NYID BRGYUD NAS MCHOG TU CHER 'BYUNG BA MNGA' BA GANG YIN PA'O, ,ZHES GSUNGS PA DANG MTHUN NO, ,DE NAS DE RNAMS LA 'KHYIL BA'I SNGAGS KYIS BSRUNGS NAS BZLAS PA'I DON DU SNGAGS SBYIN LA RMI LAM RTOGS LA NANG PAR NGA LA SMROS SHIG CES BRJOD NAS DKYIL 'KHOR GYI KHANG PA'AM GZHAN DU'ANG RUNG STE SENGGE'I NYAL STABS KYIS NYAL DU GZHUG GO ,DE'I TSE SPYI RGYUD LAS, KU SHA BTING BA'I SA GZHI LA, ,SHAR PHYOGS SNGAS BLTAS NYAL DU GZHUG ,CES GSUNGS PA LTAR BYA'O, SA RA HAS KU SHA'I STAN LA KHYOD NYOL LA, ,NANG PAR BZHIN BZANG RNAMS LONGS SHIG ,SANG NI NANG PAR KHYED RNAMS KYIS, ,DPAL LDAN SANGS RGYAS THOD PA YI, ,DKYIL 'KHOR CHEN PO MTHONG ZHES BRJOD, ,CES GSUNGS PA LTAR YANG BRJOD DE THOD PA NI MTSON PA TZAM MO, ,BZHI PA NI, DE NAS RANG NYID DKYIL 'KHOR GYI KHANG PAR ZHUGS NAS BSRUNG BA'I DON DU 'KHYIL BA'I SNGAGS BZLAS PAR BYA'O, ,LVA BA PAS 'DI DANG SNGA MA GNYIS KA LA GTZO BO'I RTZA SNGAGS BGRANG BAR MDZAD DO, SKABS 'DIR STA GON GYI LHA LA MCHOD NAS NAM MKHAR 'DEGS TE 'CHAD PAR 'BYUNG BA LTAR YE THIG LA SOGS PA'I DON DU'O, ,'DEGS PA'I TSUL NI SNGAR BSHAD PA'I SNGAGS RGYAS BYA'O, ,LVA BA PA SOGS KYIS GSOL GDAB ZIN MA THAG DANG D'A RI KA PA SOGS KYIS PHYIR NANG SNGA MO DANG

PHRENG BAS SKABS 'DIR 'DEGS PAR BSHAD PA GSUM DANG, SPYI RGYUD LAS GSUNGS PA LTAR GSHEGS SU GSOL BA DANG, SA RA HAS SNYING KHAR SDUD PA DANG, GZHAN RNAMS LTAR NAM MKHAR 'DEGS PA STE TSUL GSUM YOD DO, ,DE NAS NANG PAR BLA MAS GTOR MA BTANG NAS SLOB MA RNAMS LA RMI LAM DRI LA DKON MCHOG GSUM DANG MDZA' BSHES SOGS MTHONG BA RMIS NA DGA' BA BSKYED, RI LAS LHUNG BA SOGS RMIS NA BSRUNG BA BYA'O, ,RMI LAM YANG MTSAN LA CHA BZHIR BYAS PA'I DANG PO GSUM LA NGES PA MED PAS CHA BZHI PA LA BYA STE, 'JAM DPAL RTZA RGYUD LAS, DANG PO'I THUN GYI RMI LAM GANG, ,BAD KAN LAS BYUNG SHES PAR BYA, ,GNYIS PAR GANG BYUNG MKHRIS PA STE, ,'JIG RTEN LA YOD SMAD PA YIN, ,GSUM PA RLUNG BYUNG SHES PAR BYA, ,BZHI PA BDEN PAR 'BYUNG BA YIN, ,ZHES SO, ,NGAN PA'I ZLOG THABS LA PHRENG BAR BDUD RTZI 'KHYIL BA'I SNGAGS KYIS SRUNG BAR BSHAD CING MAR ME MDZAD BZANG POS KYANG BGEGS MTHAR BYED KYIS GZHOM PAR BSHAD DO, ,KLU BYANG GIS BDAG MED PA'I DON BSAMS NAS SBYANG BAR BSHAD DE ZLOG THABS GNYIS SO, ,SPYI RGYUD LAS ZHI BA'I SBYIN SREG BYA BAR GSUNGS TE DE NYID BSNGAGS SO, ,D'A RIG PAS SLOB MA LA RMI LTAS NGAN PA BYUNG NA LAS THAMS CAD PAS GZHOM LA, SLOB DPON LA BYUNG NA BZLOG THABS KYI SGO MANG DU GSUNGS TE, RMI LAM DGE BA'AM MI DGE BA, ,NANG PAR NGA LA RAB TU ZLOS, ,SDIG PA LAS KUN BYED PAS GZHOM, ,SLOB DPON LA NI MI DGE BA'I, ,LTAS DAG MTHONG NA SPANGS NAS NI, ,ZHING SKYONG MKHA' 'GRO THAMS CAD LA, ,GTOR MA CHO GA BZHIN DU SBYIN, ,YI GE BRGYA PAS BRTAN BYAS SHING, ,BSRUNG BA'I 'KHOR LO KUN TU SPYAD, ,

, ,DPA' BO'I ZHAL GYI SNGAGS LA SOGS, ,THAMS CAD KYANG NI BZLAS BYA STE, ,GO CHAS BDAG NYID BSRUNG BA DANG, ,DPA' BO RNAL 'BYOR MA RNAMS LA, ,GSOL GDAB RGYAN SOGS NGA RGYAL BLANG, ,ME YI LAS LA KUN BRTZON PAS, ,BGEGS RNAMS THAMS CAD ZHI BAR BYA, ,ZHES GTOR MA DANG BSRUNG 'KHOR DANG BZLAS PA DANG GO CHA'I LHA 'GOD PA DANG GSOL BA GDAB PA DANG RGYAN DRUG BGOS NAS LHA'I NGA RGYAL BYA BA DANG SBYIN SREG STE BZLOG THABS BDUN BDE MCHOG GI DBANG DU BYAS NAS GSUNGS KYANG GZHAN LA'ANG 'DRA'O, ,'DI RMA LTAS NGAN PA'I SKABS GZHAN DU YANG BYAS NA SHIN TU LEGS LA BZLOG THABS KYANG RGYAS PAR SNANG NGO, ,GSUM PA NI, RAS RIS LA BRTEN NAS DBANG BSKUR BA SNGAR BSHAD PA'I SLOB DPON GSUM LAS NGAG DBANG GRAGS PAS STA GON GANG YANG MA BSHAD PAR DNGOS GZHI NAS BYED PAR GSUNGS KYANG SLOB DPON GZHAN GNYIS KYIS BUM PA DANG SLOB MA STA GON BSHAD PAS DE GNYIS NGES PAR BYA DGOS SO, ,BSAM GTAN GYI DKYIL 'KHOR LA NI SNGAR PHRENG BA'I LUNG DRANGS ZIN PA BZHIN YIN LA LUS DKYIL LA RGYA GZHUNG NAS STA GON DGOS MI DGOS GSAL BAR MA BYUNG ZHING BOD KYI BLA MA RNAMS MI DGOS PAR BZHED PA LTAR RAM BSAM GTAN GYI DKYIL 'KHOR LA DGOS PA'I RIGS PA SBYAR YANG RUNG BAR MNGON NO, ,'DIR SMRAS PA, ZAB MO'I LAM GYI SNOD DU SGRUB BYED PA'I, ,DBANG GI NYER BSDOGS DAM PA STA GON YIN, ,DE PHYIR STA GON CHO GA DAG PA NI, ,SHIN TU KHYAD PAR CHE BAR MTHONG GYUR NAS, ,CHO GA'I YAN LAG PHRA MO RNAMS KYANG NI, ,MKHAS PA'I GZHUNG LAS YANG DAG LEGS BTUS NAS, ,SRAS BCAS RGYAL BA'I BZHED DANG MI 'GAL BAR, ,SHIN

TU GSAL BA'I NGAG GIS LEGS PAR BSHAD, ,RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR PHYE BA LAS, STA GON GYI CHO GA'I RIM PA BSTAN PA STE LE'U DRUG PA'O,, ` ,,DNGOS GZHI'I CHOG LA GSUM, YE THIG GDAB CING TSON DGYE BA DANG, BUM PA DGOD CING DKYIL 'KHOR BRGYAN PA DANG, BSGRUBS CING MCHOD NAS DBANG BSKUR BA'O, ,DANG PO LA GSUM, YE THIG GDAB PA DANG, TSON DGYE BA'I CHO GA DANG, ,DKYIL 'KHOR BRI BA LA BGEGS BZLOG THABS SO, ,DANG PO LA GNYIS, YE THIG 'DU BYA BA DANG, 'DEBS PA'I RIM PA GSHEGS GSOL DANG BCAS PA'O, ,DANG PO NI, SHAR DU PHYOGS TE RDO RJE 'CHANG NGAM GTZO BO'I RNAL 'BYOR DANG LDAN ZHING MTSAN MA THOB PAS 'KHEL MKHAN DANG RGYU NI SNGAR BSHAD PA LTAR GYI SKUD PA LNGA TSAN LNGA SNOD LNGAR GZHAG LA NYUNGS KAR GYI PHYI MA DANG BDUD RTZI LNGA BSRES PA'I DRI ZHIM PO'I TSON KHA DOG SNA LNGAS SKUD PA RNAMS SO SOR KHA BSGYUR RO, ,RDO RJE MKHA' 'GRO DANG SDOM 'BYUNG LAS YE SHES LNGA LDAN GYI SRAD BU NYER LNGAR GSUNGS TE, SRAD BU TSAN PA LNGA YE SHES LNGA'I RANG BZHIN YIN LA YE SHES RE RE LA YE SHES BZHI BZHI RJES SU 'GRO BA'I PHYIR DANG, SA BON RE RE LAS DE BZHIN GSHEGS PA LNGA SPRO ZHING SDUD PA'I PHYIR NYER LNGAR PHYE BA YIN PAR PHRENG BAR RO, ,DES NA SKUD PA'I GRANGS KYANG NYER LNGA DGOS LA, KHA SGYUR LUGS KYANG SNGAR BSHAD PA LAS GZHAN GYIS MI CHOG GO ,DE NAS RANG DANG SLOB MA SNGAR LTAR BSKYED PA'I GA-YON PA'I LAG MTHIL DU MTHE'U CHUNG GI RTZA BA NAS BRTZAMS TE MTHE BONG GI RTZA BA'I BAR DU SKUD PA RNAMS BKOD LA DKAR PO RNAM SNANG SER PO RIN 'BYUNG DMAR PO 'OD DPAG MED LJANG KHU DON GRUB SNGON PO

, ,MI BSKYOD PA'I NGO BOR RANG RANG GI SA BON LAS BSKYED DO, ,SA BON NI BUm A'm HR'I: KHm H'Um NGAM BUm A'm DZRim KHm H'Um NGAM AOm SVA AA: HA H'Um STE RGYUD SO SO NAS RIGS LNGA'I SA BON BSHAD PA RNAMS SO, ,DAM TSIG PA LA YE SHES PA GZHUG PA NI SNGAR NAM MKHAR BTEGS PA'I RANG RANG GI PHYOGS KYI DE BZHIN GSHEGS PA THAMS CAD BSDUS PAR GYUR PA LNGA'I THUGS KAR BUm LA SOGS PA'I SA BON LAS YE SHES KYI SKUD PA 'OD ZER GYI RANG BZHIN BLTAS LA, AOm A'A: SH'A SHVATA BADZRA S'U TRA ME PRA YATZTSA MAH'A MAndA LA S'U TRA n'A YA H'Um, ZHES RNAM SNANG LA GSOL BA GDAB CING SH'A SHVATA'I GNAS SU RIGS GZHAN BZHI'I MTSAN BCUG NAS KYANG DE DAG LA GSOL BA GDAB BO, ,SNGAGS DON NI DKYIL 'KHOR CHEN PO'I THIG GDAB PAR BYA BA'I PHYIR RDO RJE'I THIG BDAG LA STZOL CIG CES PA YIN LA SH'A SHVA TA NI RTAG PA STE RNAM SNANG LA BSKUL BA'O, ,MIG GA-YAS GA-YON DU DZA SER PO BKOD LA RIM PA BZHIN NYI MA DANG ZLA BA SER PO'I RANG BZHIN DU BYAS TE, AOm D'IPTA DRishtA Am KU SHI DZA ZHES BRJOD NAS MIG SHIN TU MYUR DU BSGRIL NAS MIG GI RDZI MA 'DEGS SHING RDEBS PA 'BAR BA'I LTA STANGS LCAGS KYU LTA BUS RNAM SNANG LA SOGS PAS BSKUL BA'AM BTANG BA'I THIG SKUD RNAMS BKUG LA RANG RANG GI KHA DOG CAN GYI SKUD PA LAG NA GNAS PA RNAMS LA STIM MO, ,SA RA HA DANG NAG PO SPYOD PAS LHA SPYAN DRANGS NAS 'JUG LA, LVA BA PA DANG MAR ME MDZAD BZANG PO SOGS MANG POS THIG SKUD SPYAN DRANGS NAS STIM MO, ,DE NAS SLOB MA DANG LHAN CIG TU, AOm A'A: AA N+YO N+YA AA NU GA T'A SARBA DHARM'A: SPHA RA SPHA RA AA NU PRA BIsht'A: SARBA DHARM'A: AA TYANTA AA NU PRA BIsht'A

SARBA DHARM'A: AOm A'A: H'Um, ZHES BRJOD CING DANG POR SKUD PA LNGAS SKUD PA RE RER BYA LA, DE NAS LNGA PO GCIG TU BSGRIL BA'I THIG SKUD BYA'O, ,SNGAGS DANG PO'I DON NI CHOS THAMS CAD PHAN TSUN RJES SU SON PA ZHES PA STE GCIG LA GCIG GNAS PA'O, ,GNYIS PA'I DON NI CHOS THAMS CAD PHAN TSUN RJES SU ZHUGS PA STE GCIG LA GCIG 'DRES PA'O, ,GSUM PA'I DON NI CHOS THAMS CAD SHIN TU RJES SU ZHUGS PA STE GCIG LA GCIG DBYER MED DU 'DRES PA'O, ,SDOM 'BYUNG LAS, CHOS KUN NGO BO NYID KYIS NI, ,SRAD BU PHAN TSUN BSGRIL PAR BYA, ,ZHES SO, ,THIG SKUD KYI SRID KYI TSAD NI BLA MA DANG SLOB MAS GA-YON PA'I MDZUB MO NAS SOR MO BZHI'I DBUS SU BCUG CING DRANGS NAS RDO RJE KHU TSUR DU BYAS PAS MDZUB MO'I RGYAB SA LA SBYAR BA MA GTOGS PA DKYIL 'KHOR GYI NYIS 'GYUR DANG SBOMS SU SGO'I NYI SHU CHE'O, , BSGRIL ZIN PA DANG SNGAR GYI SA GZHIR DRIS BYUGS PA'I GSER LA SOGS PA'I SNOD GTZANG MAR DRI'I CHU DANG BDUD RTZI LNGA DANG BA'I RNAM LNGAS SPANGS SHING YI GE GSUM NANG DU TSUD PA GZHAG LA DRI DANG ME TOG DANG SPOS KYIS MCHOD DE LAG PAS REG CING 'KHYIL PA BZLAS LA BSRUNG NGO, ,BZHI BRGYA LNGA BCU PA LAS, YIG GSUM TSUD PAR RNAL 'BYOR PAS, ,ZHES GSUNGS PA'I 'GREL PA LAS, YI GE GSUM GYI NANG DU TSUD PAR BYAS PAS ZHES GSUNGS PAS, YI GE GSUM THIG SKUD GYI NANG DU STIM PA MIN GYI YI GE GSUM GYI NANG DU THIG SKUD TSUD PAR BYED PA'O, ,DE'I TSUL NI KYEE RDOR LAS RIM GYI CHOG LAS, AOm A'A: H'Um GSUM MTHA' GNYIS DANG DBUS SU BKOD LA ZHES 'BYUNG BA LTAR RO, ,DE NAS GA-YAS GA-YON GYI MIG LAM DANG tA LAS NYI ZLA BSKYED LA, BADZRA DRishtI MA tA ZHES PAS BRTAN

, ,PAR BYAS LA, LAS THAMS CAD PA BZLAS PA'I BDUD RTZI'I CHU DANG YUNGS KAR DANG DRI'I CHUS GTOR TE RDO RJE DANG BCAS PA'I LAG PA GA-YAS PAS REG LA, AOm BADZRA SA MA YA S'U TRA MA TI KRA MA H'Um, ZHES PAS BZLAS NAS 'BRU GSUM GYIS BRGYA RTZA BRGYAD DU BZLAS TA LHAG GNAS BYA'O, ,GNYIS PA NI, DE NAS BUM PA THAMS CAD KYI CHUS DKYIL 'KHOR GYI SA LA BSANG GTOR BYA ZHING, AOm SARBA SAm SHO DHA NI H'Um PHAt, CES BRJOD PAS GTZANG MAR BYAS PA'I SA LA DRIS BYUGS NAS PHYI ROL TU ME TOG GTZAL DU BKRAM LA NAM MKHA' LA BRI BYA'I DKYIL 'KHOR BZHUGS PAR DMIGS TE MCHOD YON DBUL BA SNGON DU 'GRO BAS MCHOD CING BSTOD NAS RANG DANG SGRUB GROGS KYI GA-YON PA DANG GA-YAS PA'I MIG DAG LA DZA YIG LAS NYI MA DANG ZLA BA 'OD ZER SER PO CAN BSGOM MO, ,SDOM 'BYUNG 'GREL PA LAS ZLA BA DANG NYI MA ZHES 'BYUNG BA'I RIM PA BZHIN DU BYA'O, ,DE NAS RANG GI RDO RJE KHU TSUR GA-YON PAS THIG SKUD LTE BAR GZUNG ZHING GROGS LA DZDZA: DZDZA: DZDZA: ZHES PA'I YI GE GSUM DANG JA GSUM GYIS GTANG LA DES KYANG DE DAG BRJOD NAS DRANGS TE GA-YON PA'I RDO RJE KHU TSUR GYIS LTE BAR BZUNG LA, PHYOGS THAMS CAD MNYAM PA NYID DU MOS SHING SLOB DPON LA RGYAB MI BSTAN PAR 'GRO BA'I SLOB MA DANG LHAN CIG TU RDO RJE DANG BCAS PA'I LAG PA GA-YAS PA'I MTHE BONG DANG MDZUB MOS THIG SKUD BZUNG BAS 'DEBS SHING SE GOL GYI SGRA BYA'O, ,THIG GDAB PA THAMS CAD DU YANG AOm BADZRA SA MA YA S'U TRA ZHES PA'I SNGAGS DANG H'Um AOm SV'A A'A: H'A ZHES BRJOD DO, ,SLOB DPON LA SLOB MAS RGYAB MI BSTAN PAR 'GRO BA NI LAS THIG LA YANG DGOS SO, ,THIG GI SGRA DES KYANG NAM MKHA' KHYAB PA'I SANGS RGYAS

RNAMS BSKUL BAR BYA'O, ,DE RNAMS KYANG BYON NAS THIG SKUD RNAMS LA THIM PAR BSGOM MO, ,SGRA DE'I DON NI, SEMS CAN DON DU KHYAD RNAMS KYI, ,DUS YIN DE PHYIR 'DIR SPYON CIG ,CES BYA BA'I BRDA'O ZHES PHRENG BAR GSUNGS PA BZHIN DU MAR ME MDZAD BZANG PO DANG LVA BA PA DANG NAG PO SPYOD PA DANG SA RA HA LA SOGS PA MANG POS KYANG BSHAD PAS, THIG SKUD KYI SGRAS SEMS CAN DON DU ZHES SOGS BRJOD PAR BSAM GYI RANG GIS TSIG DE BRJOD MI DGOS SO, ,THIG SKUD LA DE LTAR STIM PA NI DES LAS THIG BYIN GYIS BRLAB PA'I CHED DO, ,'DIR SNGAR BSHAD PA LTAR THIG 'DEBS PA'I SNGA ROL TU NAM MKHA' LA BRI BYA'I DKYIL 'KHOR GSAL BTAB NAS MCHOD PA SOGS BYED PAR BSHAD KYANG THIG BTAB PA NA BRI BYA'I DKYIL 'KHOR BYUNG BAR SEMS PA MIN GYIS SANGS RGYAS RNAMS BSKUL NAS STIM PA YIN NO, ,DES NA RNAM SNANG MNGON BYANG GI 'GREL PAR NAM MKHA' LA BTAB PA'I THIG SKUD DKYIL 'KHOR GZHAN DU LONGS SPYAD PAS GSAR PA MIN PA'I PHYIR DES SA LA MI 'DEBS PAR TSON SNA LNGA PA GZHAN CIG GIS 'DEBS PAR BSHAD PA DANG, 'DI RNAMS RNAM GZHAG MI GCIG PAS DE'I RNAM GZHAG 'DIR KHAS MI BLANG STE SNGAR BSHAD ZIN NO, ,DE'I PHYIR PRADZNY'A SHR'IS RNAM GZHAG DE KYEE RDOR LA BYAS PA NI SKABS SU MA BAB STE NAM MKHA' LA GANG GIS BTAB PA'I THIG SKUD DE NYID KYIS LAS THIG BYIN GYIS BRLAB DGOS PA'I PHYIR SA LA YANG DE NYID KYIS GDAB BO, ,NAM MKHAR BTAB PA'I DE MA THAG SA LA 'DEBS PA NI DPON SLOB GNYIS KA'I LAG PA MNYAM POR SMAD NAS GDAB PAR PHRENG BA SOGS NAS GSUNGS SO, ,NAM MKHA' DANG SA'I THIG GNYIS 'DEBS PA NI CHEN PO RNAMS KYI DKYIL CHOG LAS TSANGS

, ,THIG GNYIS MIN PA LAM BSHAD PAS YI THIG GZHAN LA NAM MKHA'I THIG MI DGOS SO, ,DPA' BO RDO RJES BYAS ZER BA'I DKYIL CHOG LAS STENG DU BLTAS LA BCU DRUG GDAB PA YE THIG DANG THUR DU BLTAS PA BCU DRUG GNAM THIG GDAB CES 'CHAD KYANG YID BRTAN MED DO, ,'O NA YE THIG SA LA 'DEBS PA NA LAS THIG BYIN GYIS RLOB PA'I DMIGS PA YOD DAM 'DEBS PA TZAM YIN SNYAM NA, YE THIG BTAB PA NA YE SHES LNGA'I NGO BO RNAM PA SRAD BU KHA DOG LNGAR SNANG BA'I YE SHES KYI THIG SKUD RE CHAD NAS LAS THIG LA THIM PAR BSAM DGOS TE SNGAR RIN CHEN RDO RJE'I LUNG DRANGS PA LAS KYANG YE THIG STIM PAR GSUNGS SHING, DZA YA SE NAS KYANG, TSON RTZI 'GYED PA'I DUS SU NI, ,YE SHES THIG NI NAM MKHA' LA, ,RTZA BA'I SNGAGS BRJOD NAS BTEG STE, ,BRI BA ZIN NAS PHAB LA BSTIM, ,ZHES TSON 'GYED PA'I TSE NA YE THIG LA 'GOMS PA'I NYES PA SPANG BA'I PHYIR DU YE THIG NAM MKHAR 'DEGS PAR BSHAD PAS YE THIG 'DEBS PA NA SNGAR BSHAD PA LTAR BSTIMS PAR GSAL TE DE LTA MA YIN NA YE THIG 'DEGS RGYU MED PA'I PHYIR RO, ,LVA BA PA DANG PHRENG BAS KYANG 'DEGS PAR BSHAD DE 'CHAD PAR 'GYUR RO, ,GZHAN YANG PHRENG BA DANG SDOM 'BYUNG 'GREL PA LAS YE THIG SA LA 'DEBS PA NA NAM MKHA' LA 'DEBS PA'I MOS PAS GDAB PAR GSUNGS PAS THIG GI SGRAS BSKUL NAS BYON PA'I DE BZHIN GSHEGS PA RNAMS THIG LA THIM PAR BSAM DGOS TE, 'DI DANG DMIGS PA SNGA MA YE THIG BTAB PA'I DGOS PA DNGOS GZHI YIN PAS MA CHAD PA DGOS SO, ,YE THIG GDAB PA'I TSAD LA TSANGS THIG GNYIS 'OD PHRENG NAS 'OD PHRENG GI BAR

DU GDAB PAR PHRENG BA LAS GSUNGS PA NI THIG SKUD RING BA LA DGONGS LA THIG SKUD THUNG BAS 'DEBS NA RVA RTZE NAS RVA RTZE'I BAR RO, ,ZUR THIG GNYIS NI MDA' YAB KYI RTZE NAS RTZE'I BAR DANG, RTZA THIG RNAMS 'KHOR LO'I TSAD DU GDAB PAR GSUNGS SHING THIG GZHAN RNAMS LA YANG LAS THIG JI LTAR YOD PA BZHIN DU THIG SKUD BRKYANG NAS GDAB PAR SNGAR MANG DU DRANGS ZIN TO, ,YE THIG THEBS PA'I MOD LA GSHEGS GSOL BYED LA RDO RJE MKHA' 'GRO DANG DKYIL CHOG DU MA LAS TSON SNA LNGA'I SKUD PAS THIG THAMS CAD GDAB PAR BSHAD PA'I RJES SU GSHEGS GSOL BYA BAR GSUNGS PA'I PHYIR DANG, YE THIG GIS LAS THIG BYIN GYIS RLOB PA LA RNAM DBYE MED PA'I PHYIR DANG YE THIG BTAB NAS THIG GANG LA 'GOM YANG RDO RJE SHUGS KYI 'JUG PA BYA DGOS PA'I PHYIR LAS THIG THAMS CAD LA YE THIG GDAB PAR BYA'O, ,YE THIG 'DEBS PA'I TSE BLA MAS RDOR DRIL 'DZIN PAR LVA BA PAS BSHAD PAS DE BZHIN DU BYA LA RDO RJE KHU TSUR GYIS THIG SKUD 'DZIN PA DANG POR BYAS NA DE'I 'OG TU 'DZIN LUGS GANG BA DES CHOG STE, RDO RJE MKHA' 'GRO LAS, GA-YON PA'I RDO RJE KHU TSUR NI, ,LTE BAR GZHAG STE GZUNG BAR BYA, ,DE YI 'OG TU CI BDER BYA, ,ZHES SO, ,PHYOGS THAMS CAD MNYAM PA NYID DU SGOM PA DANG SKOR PHYOGS DANG SDOD SA DANG KHA LTA PHYOGS DANG THIG 'DEBS PA'I GO RIM RNAMS SNGAR RGYAS PAR BSHAD ZIN PA LTAR BYA'O, ,'DIR PHRENG BA LAS BAR SNANG LA THIG SKUD 'DZIN PA'I DUS SU RDO RJE'I RKANG PAS ZHES PA DANG SA LA TSANGS THIG GNYIS 'DEBS PA'I DUS SU RKANG PA GA-YON PA SKYIL KRUNG PHYED PA DANG GA-YAS PA SA LA 'DZUGS

, ,SHING SLOB MAS DE LAS BZLOG PAR BYA BAR GSUNGS PA BZHIN DU RJES 'BRANG GNYIS KYIS KYANG BSHAD LA, SNGA MA LA BI BH'U T'IS RDO RJE'I 'GROS KYIS ZHES BSHAD PA LTAR KLU BYANG GIS KYANG GSUNGS PAS 'GRO BA'I TSE SNGAR BSHAD PA LTAR RKANG PA BYIN GYIS BRLABS NAS 'GRO LA SA LA 'DEBS PA NA BSDAD LA BSHAD PA LTAR GYI RKANG STABS BYA BA NI THIG GZHAN LA YANG 'DRA STE LAS THIG LA YANG DE LTAR BYA'O, ,'O NA YE SHES KYI THIG SKUD DANG LAS KYI THIG SKUD ZHES PA'I MING GI DON GANG YIN SNYAM NA, NGO BO DGOS LNGA DANG YE SHES LNGA'I RANG BZHIN LA RNAM PA SRAD BU KHA DOG LNGAR SNANG BAS YE SHES KYI THIG SKUD CES BYA LA LAS THAMS CAD BA'I NGO BOR BSKYED PA'I THIG SKUD YIN PAS LAS THIG CES BYA STE LAS BUM BZHIN NO, ,DE LTAR THIG THAMS CAD THEBS PA'I MTHAR MCHOD GTOR PHUL BA'I 'OG TU AOm A'A: H'Um BADZRA MU: ZHES PAS YE SHES KYI THIG SKUD SNGAR SPYAN DRANGS PA'I STA GON GYI LHA'I THUGS KAR GSHEGS SU GSOL NAS TSON SNA LNGA'I THIG SKUD RANG GI GNAS JI LTA BAR GZHAG GO ,GNYIS PA LA BZHI, TSON RTZI 'DU BYA ZHING PHUR BU DBYUNG BA DANG, SLOB DPON DANG SLOB MAS JI LTAR DGYED DANG, DKYIL 'KHOR GYI TSON SA BSTAN PA DANG, DKYIL 'KHOR LA MTSAN MA BKOD NAS YE SHES KYI TSON GSHEGS SU GSOL BA'O, ,DANG PO NI, SKABS 'DIR GTOR MA SBYIN PAR PHRENG BA RJES 'BRANG DANG BCAS PAS GSUNGS PA LA 'DI'I PHYIR SBYIN PA MI GSAL YANG MI THUB ZLA BAS TSON 'GYED PA'I SNGON TZAM DU GOS DMAR PO GYON NAS GTOR MA GTONG BAR BSHAD PA DANG DON GCIG STE TSON 'GYED PA'I SNGON 'GROR BYED PA'O, ,SNOD SAR PAR BZHAG PA'I TSON RTZI DKAR SER DMAR LJANG

NAG PA RNAMS RIM PA BZHIN DU BAm LAm RAm HAm Am RNAMS LAS BYUNG BAR BSAM STE PHRENG BA RJES 'BRANG DANG BCAS PAS BSHAD DO, ,DKAR PO LA SOGS PA'I TSON RTZI'I RGYU NI RIM PA BZHIN DU ZLA SHEL DANG SPUG DANG PADMA R'A GA DANG MAR KA TA DANG AINDRA N'I LA LAS BYAS PA 'AM, YANG NA MU TIG DANG GSER DANG BYU RU DANG MU MIN RNAMS SAM YANG NA DE BZHI BSRES PA LA BYA BAR GSUNGS TE 'BYOR BA CHE BA'I DBANG DU BYAS PA'O, ,YANG NA KHAM PA LAS BYAS PA'AM 'BRAS LAS BYAS PA'AM ME TOG LAS BYAS PA JI LTAR RIGS PAR SO PHAG GI PHYI MA'AM SOL BA DANG RUS PA'I PHYI MA LA SOGS PAS KYANG RUNG STE, LEGS PAR 'DU BYAS PA BZANG PO RNAMS ZHES GSUNGS PA NI 'BYOR BA CHUNG BA'I DBANG DU BYAS PA'O, ,'DI RNAMS SDOM 'BYUNG DANG SPYI RGYUD DU BSHAD PA'I DGONGS PA'O, ,DE NAS BUm A'm HR'I: KHm H'Um LAS RNAM SNANG LA SOGS PAR SKYED PA TZAM LAS PHRENG BAR MA GSUNGS KYANG DBUS DANG PHYOGS BZHIR TSON RNAMS SKABS SU GANG BAB PA'I LHA'I RIM PA BZHIN GZHAG ,YI GE LNGA PO RNAMS SO SOR BRIS LA BSANG SBYANG SNGON DU 'GRO BAS SA BON TZAM MAM CHO GA GSUM SKYED KYIS RIGS LNGAR BSKYED DO, ,NAM MKHAR BKOD PA'I DE BZHIN GSHEGS PA LNGA'I THUGS KAR BUm LA SOGS PA LAS GRUB PA'I YE SHES KYI TSON RNAMS THIG SKUD KYI SKABS SU BSHAD PA'I 'BAR BA'I LTA STANGS KYIS BKUG STE BCUG PAS YE SHES KYI RDUL TSON DANG RO GCIG TU GYUR PAR BSAMS LA BUm LA SOGS PAS BSNGAGS NAS, AOm BADZRA TZI TRA SA MA YA H'Um ZHES PAS BRGYA RTZA BRGYAD DU BSNGAG GO ,YE SHES KYI TSON NYID BKUG NAS STIM PA NI LVA BA PAS KYANG BSHAD DO, ,DE NAS 'BAR BA'I LTA BAS GZI BRJID BSKYED CING H'I: YIG BKOD NAS BDEN PA GANG GIS SEMS CAN

, ,RNAMS RDUL TSON MANG ZHING SANGS RGYAS RNAMS NI SEMS CAN RNAMS LA CHAGS PAS RJES SU CHAGS PAR 'GYUR BA'I BDEN PA DES RDUL TSON RNAMS 'BAR BAR GYUR CIG CES BDEN PA'I BYIN GYIS BRLABS KYIS SBAR BAR BYA'O, ,LHA SGOM PA PHUL DU BYUNG BA LAS NI 'BAR RO ZHES GSUNGS TE, 'BAR BA'I LTA BAS BLTAS PAS TSON MANG POR 'PHEL BAR BSAM ZHING BDEN STOBS BRJOD DO, ,SEMS CAN RNAMS RDUL TSON MANG ZHING ZHES PA LA BI BH'U T'IS RDUL MANG ZHING ZHES GSUNGS SO, ,LHA'I RNAL 'BYOR STOBS CHE NA RDUL TSON MANG POR SPEL NUS SO, ,DE NAS DRI DANG ME TOG LA SOGS PAS MCHOD DO, ,TSON SKYED PA SOGS DE DAG NI 'DUS PA'I DKYIL CHOG GNYIS KYI RJES SU 'BRANGS PA STE, DE GNYIS SU SPOR BA LA 'DI BZHIN DU MI GSAL LO, ,DE NAS DKYIL 'KHOR GYI LTE BAR SNGAR ZLUM THIG BYED PA'I TSE BTAB PA'I PHUR BU 'CHAD PAR 'GYUR BA'I H'Um BZHI PA'I SNGAGS KYIS BTON NAS YID KYIS RANG GI LAG GI RDO RJE LA BSTIMS TE PHUR KHUNG TSON SNA LNGAS BKANG LA MNYAM POR BYA'O, ,PHUR BU DNGOS SU BTAB NA DE LTAR BYA LA, MA BTAB NA MI DGOS SHING TSON GYIS 'GENGS BA LA RIM PA NGES PA MED DO, ,GNYIS PA NI, 'DIR PHRENG BAR DRIL BU'I SGRA DANG RDO RJE'I GLUS MTSAN MA NGAN PA GSAL BAR BYA'O, ,CHOS DBYINGS 'DI NI DAG PA STE, ,SEMS CAN KHAMS NI RAB GROL BAR, ,RGYAL CHEN DKYES PA RDO RJE YI, ,DKYIL 'KHOR RAB TU BRI PAR BYA'O, ,ZHES GSUNGS SO, ,'DI LA BOD KYI BLA MA RNAMS D'A RI KA PA DANG PRADZNY'A RAKshI TAS 'DI NI ME LONG DAG PA STE, ZHES SOGS YE SHES LNGA DANG SBYAR BA LAN LNGAR BRJOD PAR GSUNGS PA'I DON DU BSAMS NAS DRIL BU GSIL ZHING

TSAR RE SONG BA NA PHUR KHUNG DU TSON RE LDUGS PAR BYED DO, ,DE NI MA YIN TE 'DI NI TSON LA BRTEN PA'I MTSAN MA NGAN PA SEL BA'I PHYIR DU RDO RJE GSOR ZHING DRIL BU GSIL NAS TSIG DE DAG NGAG TU 'DON, YID KYIS DE KHO NA NYID KYI DON DRAN PAR BYED PA'I PHYIR RO, ,GUR GYI BRGYAD PA LAS KYANG, DE LA 'DI NI RDUL TSON GDAB PA'I DAM TSIG GO ,CHOS DBYINGS 'DI NI DAG PA STE, ,SEMS CAN KHAMS NI RAB GROL BAR, ,RGYAL CHEN DGYES PA RDO RJE YI, ,DKYIL 'KHOR RAB TU BRI BAR BYA, ,ZHES GZHAL YAS KHANG GI TSON 'GYED PA LA GSAL PAR GSUNGS SO, ,D'A RI KA PAS KYANG, SHAR DU KHA BLTAS GA-YON PA YI, ,KHU TSUR GYIS NI BZUNG NAS SU, ,BDEN PA BRJOD CING BRI BAR BYA, ,'DI NI ME LONG DAG PA STE, ,SEMS CAN KHAMS NI SGROL BYED PA, ,DPAL LDAN BDE CHEN RGYAL PO STE, ,DE BZHIN GSHEGS PA KUN GYI GNAS, ,AOm BADZRA TZI TRA SA MA YA H'Um, LAN LNGA RU NI BRJOD PAR BYA, ,SOR NI BCU GNYIS TSAD LDAN PAR, ,DRANG ZHING MTHO LA SNYOMS PA DANG, ,NAS GANG GIS NI MA 'DRES PAS, ,RI MO KUN TU BRI BAR BYA, ,ZHES GSUNGS TE BDEN PA BRJOD PA NI 'DI NI ZHES SOGS BRJOD PA YIN LA, DE BTON NAS BRI BAR GSUNGS PA NI SOR NI BCU GNYIS ZHES PA NAS, RI MO KUN TU BRI BAR BYA, ,ZHES PA DE YIN PAS NA PHUR KHUNG 'GENGS PA LA JI LTAR 'GRIG ,DER RTZIG PA PHYI MA DKAR PHOR YOD PAS DE BRI BA'I DBANG DU BYAS NAS ME LONG DAG PA ZHES GSUNGS TE, YE SHES RE RE'I MING SBYAR BA'I TSAR RE DANG RTZIG PA RE 'DRI BA GNYIS MNYAM POR BYED PA'O, ,'OG NAS TSON GYI LTAS NGAN PA 'BYUNG BA NI DE KHO NA NYID KYI BSAM SBYOR MED PA LA YIN GYI YOD PA LA MA YIN PAR GSUNGS PAS TSON GYI LTAS SAM MTSAN MA

, ,NGAN PA ZLOG PA'I THABS YIN NO, ,'DIR SLOB DPON GYIS RTZIG PA LNGA CI TZAM ZHIG TU BRI BA NI SER BCU GNYIS KYI TSAD DU GSUNGS LA, KYE RDOR LAS RIM GYI DKYIL CHOG LAS KYANG MTHO GANG DU BRI BAR BSHAD DO, ,LAG PA GA-YON PA'I RDO RJE KHU TSUR GYIS 'DRI BAR BLA MED KYI DKYIL CHOG DU MA LAS GSUNGS PA NI RDO RJE MKHA' 'GRO LAS THIG SKUD GZUNG BA LA DANG PO RDO RJE KHU TSUR GYIS BZUNG NAS PHYIS CI BDER BYAS PAS CHOG PAR GSUNGS PA LTAR 'DI LA YANG BYA DGOS PA 'DRA STE RDO RJE KHU TSUR GYIS RE KHA SHIN TU 'DRONGS PA BRI MI NUS PA'I PHYIR RO, ,SPYI RGYUD LAS NI, RDO RJE KHU TSUR SBYOR BA'AM, ,YANG NA LCAGS KYU'I PHYAG RGYA 'AM, ,LHUNG BZED PHYAG RGYA'I SBYOR BA'AM, ,YANG NA RIG BYED LAG PAS BRI, ,ZHES GSUNGS SHING BLA MED DU NI SNGA MA KHO NA 'BYUNG NGO, ,GA-YON PAS RDO RJE BZUNG NAS 'DRI BA RDO RJE KHU TSUR GYI DON DU 'DOD PA NI LAG PA GA-YAS PA RDO RJES MTSAN ZHING ZHES PAS BKAG GO ,TSON 'GYED PA'I RIM PA NI PHYI NAS RIM PA BZHIN DU 'GYED PAR GSUNGS TE RDO RJE MKHA' 'GRO LAS, DKAR DANG SER DANG DMAR DANG LJANG, , KUN GYI NANG ROL NAG PO RU, ,TSON GYI CHA NI RIM BZHIN DGYE, ,ZHES GSUNGS SO, ,PHYI NAS RIM PA BZHIN DU RTZIG PA LNGA'I TSON 'GYED PAR NGES KYANG DKAR PO SOGS KYI RIM PA NI MA NGES PAR SKABS DANG SBYAR RO, ,RNAM SNANG MNGON BYANG LAS, TSON NI NANG NAS DGYE BAR BYA, ,PHYI ROL NAS NI TSON MI DGYE, ,ZHES GSUNGS PA NI 'GYED PA PO GANG DU GNAS NAS BYA BA LA DGONGS PAR BLA MA DAG BZHED PA LEGS TE TSIG 'GREL LAS KYANG DE LTAR BSHAD DO, ,'GYED PA'I TSUL NI SHIN TU DRANG ZHING SBOM PHRA LA SOGS PA'I SKYON

DANG BRAL BAR DGYE STE RDO RJE MKHA' 'GRO LAS, TSON RTZI RE RE'I ZHENG DU NI, ,SGO YI NYI SHU CHA YI TSAD, ,GAL TE TSON RTZI MI MNYAM ZHING, ,YO DANG DMA' BAR GYUR NA NI, ,RI MO DMA' BAS DNGOS MI 'GRUB, ,YON POS GDUNG BA SKYED BYED PAS, ,DPANGS NI MTHE'U CHUNG TSAD TZAM DU, ,MTHO ZHING DRANG BAR BRI BAR BYA, ,DE LA SBOM NA NAD 'BYUNG STE, ,DMA' NA NOR NI ZAD PAR 'GYUR, ,YON POS PHAN TSUN SDANG 'GYUR TE, ,CHAD NA BLA MA SLOB MA DAG ,GNYIS KA 'CHI BAR SHES PAR BYA, ,GA-YAS SKOR MA YIN BRIS NA NI, ,RDUL TSON PHUR BUS BTAB PAR 'GYUR, , ZHES GSUNGS TE PHUR BUS BTAB PA NI DNGOS GRUB KYI RGYU MA YIN PA DANG RDUL TSON PHAN TSUN 'DRES PAS RIGS 'CHAD PAR PHRENG BA LAS BSHAD DO, ,BOD KYI SNGAGS PA DAG SLOB DPON GYIS JI SKAD BSHAD PA BZHIN DU BKYE BA LA YANG THOD PHOR DANG RIN PO CHE'I SNOD BKAB NAS BZHAG STE PHYOGS GZHAN NAS BRIS PA'I RTZIG PA DE LA SBREL RAN PA DANG PHYE NAS BLTAS PAS SBOM PA'AM CHAD PA SOGS BYUNG NA BZLOG THABS BYA, BZANG NA BKRA SHIS BRJOD PA SOGS BYA ZER BA NI GZHUNG GI 'BRU MA NON PA'I GTAM DU SNANG STE, BZHI BRKYA LNGA BCU PA LAS, SBOM POR BKYE BAS NAD KYIS 'DEBS ZHES DANG 'PHRENG BAR DRANGS PAR YANG SBOM POR BKYE NA NAD 'BYUNG NGO, ,ZHES DANG, DPAL 'DZIN GYIS KYANG, KUN KYANG SBOM PO LA SOGS PA'I SKYON DANG BRAL BAR BRI BAR BYA'O, ,DE LA SBOM PO BRIS NA NAD 'BYUNG NGO, ,ZHES GSUNGS PAS SBOM PO DANG PHRA BA DANG YO BAR BRIS PA'I SKYON YIN GYI DANG PO SKYON MED BRIS PA LA PHYIS SBOM PO SOGS SU SONG BA'I SKYON DU TSAD LDAN SUS KYANG MA GSUNGS PA'I PHYIR TE, DPER NA GA-YAS SKOR MIN PAR BKYE NA NI, ZHES GSUNGS PA TSON

, ,'GYED LUGS KYI SKYON YIN PA DANG 'DRA'O, ,'DRI BA'I SKYON YIN PAS SKYON DE DAG YOD PA RGYU MTSAN DU MDZAD DE 'BAD NAS TSON DGYE BAR BYA'O ZHES GSUNGS TE, BRI BA'I TSE LEGS PAR BRIS KYANG DA BZOD BLTAS PA'I TSE SKYON DE RNAMS 'ONG NA DE LTAR GSUNGS PA YANG RIGS PAR GA LA 'GYUR, SPYI RGYUD LAS, BYANG SHAR MTSAMS NAS BRTZAMS NAS NI, ,PHYE MA DAG NI DGYE BAR BYA, ,GA-YAS SU BSKOR ZHING RGYUN MI 'CHAD, ,THAMS CAD MNYAM ZHING BAR CHAD MED, ,NGAN PA DANG NI NYAMS PA DANG,, MA SNYOMS PA DANG BAR CHAD NA, ,GNOD PA MANG PO 'BYUNG BAR 'GYUR, ,DE BAS NAN TAN CHER BYAS TE, ,MKHAS PAS PHYE MAR DGYE BAR BYA, ,ZHES DANG, D'A RI KA PA DANG NAG PO SPYOD PA DANG SA RA HAS KYANG, SBOM PA SOGS SU BRIS PA LA SKYON SKYED PA RGYU MTSAN DU BYAS NAS 'BAD NAS BRI BA DANG MTSAN NYID DANG LDAN PAR BRI BAR GSUNGS SO, ,DES NA THIG SKUD CHAD PA SOGS KYI LTAS NI THIG 'DEBS PA'I TSE YIN GYI DE LA THIG PRA BRTAG MI DGOS PA BZHIN DU TSON LA YANG JI LTA BA BZHIN 'DRA'O, ,BH'U BA BLO LDAN DANG BI BH'U T'IS BDE MCHOG LA GA-YON SKOR MIN PAR BKYE NA SNGAR BSHAD PA LTAR GYI RDUL TSON PHUR BUS 'DEBS PA'I SKYON SKYED PAR BSHAD DO, ,SKYON DE DAG KYANG RTZIG PA LNGA PO 'DRI BA LA GSUNGS KYI RDUL TSON GZHAN LA RDO RJE MKHA' 'GRO DANG DKYIL CHOG RNAMS LAS MA BSHAD DO, ,PRADZNY'A SHR'IS MTHO GANG TZAM DU BRIS PA'I TSE GSER GZHONG SOGS BKAB NAS ME TOG GIS MTHA' BSKOR LA BZHAG ,DE NAS PRA BZANG NA AE MA HO ZHES BRJOD NGAN NA RDUL TSON LA BGEGS BSTIMS LA PHUR BUS

GDAB CES 'CHAD PA NI TSAD LDAN DAG GI GZHUNG LAS DE LTAR BSHAD PA MED PAS YID BRTAN DU MI RUNG STE DE'I DKYIL CHOG NA YID BRTAN MI RUNG BA MANG DU SNANG NGO, ,DAM TSIG RDO RJES RI MO LNGA CUNG ZAD CIG BRIS NAS KHAM PHOR LA SOGS PAS BKAB STE PHYI NAS SLOB MA RNAMS KYIS CI BDER DGYE ZHES PA DANG, BIDYA P'A TAS ME TOG DANG LDAN PA'I SNOD KYIS BKAB NAS DE NAS CI BDER BRI'O ZHES BSHAD KYANG TSON PRA BZANG NGAN RTOG PA MA BSHAD LA, 'ON KYANG DE LTAR BYED PA NI KYEE RDOR LAS RIM GYI CHO GA LAS RE KHA LA ME TOG SIL MA GTOR ZHING MCHOD PA DBUL BAR BSHAD PA LTAR RTZIG PA LA MCHOD CING ME TOG 'THOR BA BYED PAS DES RDUL TSON LA GNOD PA SPANG BA'I PHYIR BKAB PA YIN TE, DE YANG CHEN PO RNAMS KYIS MA BSHAD PAS BYA DGOS MI DGOS DPYAD PAR BYA'O, ,TSON LTAS NGAN PA BYUNG NA ZHI BA'I THABS NI RGYAL BAS NYES PA ZHI BA'I PHYIR DU, TSON BKYE BA LA NYES PA GANG, ,DE NYID BSAM SBYOR MED RNAMS LA'O, ,DE NYID BSAM SBYOR BZANG RNAMS LA, ,SUS KYANG BAR CHAD BYA MI NUS, ,ZHES GSUNGS PAR PHRENG BA LAS BSHAD DE, DE DAG NI KLU BYANG GI DKYIL CHOG LAS KYANG 'BYUNG NGO, ,RTZIG PA SGO'I NYI SHU CHA DANG BAR NAS TZAM PAR BYAS PA NI MAR ME MDZAD BZANG PO DANG DPAL 'DZIN DANG PRADZNY'A RAKshI TA DANG BH'U BA BLO LDAN RNAMS KYIS BSHAD PAS RAGS PA 'DI 'DRA LA MKHAS GRUB DE RNAMS 'KHRUL PA MI SRID PAS NANG 'GAL YIN PAR SMRA BA NI GTAN MI RIGS TE DGONGS PA BTZAL DGOS SO, ,DGONGS PA YANG PHRENG BA LAS, SGOM BYA'I DKYIL 'KHOR LA RTZIG PA LNGA PO 'DI DAG RIN PO CHE KHA DOG LNGA LAS GRUB CING BAR NAS TZAM PA'O ZHES PA NI KHA CIG GI'O ZHES 'GA' ZHIG GI

, ,'DOD PA BKOD PA LTAR BSGOM BYA LA BAR NAS TZAM DU 'DOD PA YANG SNANG MOD KYANG DKYIL CHOG RNAMS NAS BRI BYA NYID LA DE LTAR GSUNGS SNANG BAS BRI BYA LA MI 'GAL BAR BSHAD DGOS SO, ,PHRENG BA LAS THIG SKUD KYI SBOMS SU NAS NYI SHU CHAS LHAG PA'I NAS KYI TSAD DU BYAS NAS SGO'I NYI SHU CHAR GSUNGS PA NI RTZA THIG KHRU GANG BA'I DKYIL 'KHOR KHO NA'I DBANG DU BYAS PAR GSUNGS PA BZHIN DU RTZIG PA RE RE'I MTHA' NAS MTHA'I ZHENG LA BAR NAS TZAM DU GSUNGS PA NI RTZA THIG KHRU GANG BA KHO NA'I RTZIG ZHING YIN LA SGO'I NYI SHU CHAR BSHAD PA DKYIL 'KHOR CHE CHUNG THAMS CAD KYI RTZIG ZHENG GI TSAD DU BYAS NAS GNYIS KAS KYANG ZHENG TSAD BSTAN PAR BYAS NA MI 'GAL BAR GO'O, ,TSON GYI RE KHA RNAMS LA YANG RIN PO CHE DKAR PO SOGS LAS BYAS PA'I THUR MA LA SOGS PA'I NGO BOR MOS PAR BYA'O, ,DE LTAR SNGAR BSHAD PA'I TSAD TZAM BRIS ZIN PA DANG SLOB MA'AM RI MO MKHAN LA SOGS PAS CI BDER DGYE STE, RDO RJE MKHA' 'GRO LAS, DE NAS SLOB MAS CI DGAR DGYE, ,ZHES SO, ,DKYIL 'KHOR GYI NANG DU 'JUG PA DANG PHYIR 'BYUNG BA'I DUS SU THIG DANG TSON LA 'GOM PA'I NYES PAS 'JIGS PAS RDO RJE SHUGS KYI 'JUG PAS YE SHES KYI TSON GYI RE KHA YID KYIS NAM MKHA' LA BTEG LA, AOm BADZRA BE GA KRA MA H'Um, ZHES BRJOD PAR PHRENG BAR BSHAD DO, ,DKYIL 'KHOR GYI YE SHES KYI THIG 'DEBS PAR LVA BA PAS KYANG GSUNGS TE DE DAG GI DON NI SNGAR BSHAD PA LTAR RO, ,PHYIS NI BTEG PA SLAR BSTIM PAR DZA YA SE NAS BSHAD PA LTAR BYA'O, ,GSUM PA LA GNYIS, DKYIL 'KHOR GYI PHYI'I TSON SA DANG, NANG GI TSON SA BSTAN PA'O, ,

DANG PO NI, TSON GYIS NI DKYIL 'KHOR 'KHOR BCAS KYI KHA DOG NGES PAR BYED PAS DE LA RTZIG PA LNGA NI PHYI NAS NANG GI BAR DU RIM PA BZHIN DU KHA DOG GANG 'ONG BA SHES PAR BYED TSUL LA GNYIS LAS, DBUS DANG PHYOGS BZHIR RIGS LNGA SKU MDOG SPYI 'GRO LTAR YOD PA GSANG 'DUS MI BSKYOD PA DANG RDOR DBYINGS KYI DKYIL 'KHOR LTA BU YIN NA SHAR NAS DBUS BAR DU GA-YAS SKOR GYIS DE BZHIN GSHEGS PA LNGA'I KHA DOG GI RIM PA BZHIN BYA LA, PHYOGS DANG DBUS SU LHA GZHAN BKOD PA YIN NA NI RGYAS 'DEBS KYI DE BZHIN GSHEGS PA'I KHA DOG GI RIM PA LTAR BYA'O, ,RTZIG PA LNGA RE RE'I KHA DOG KYANG PHYOGS BZHI KAR 'GRO DGOS PAS SHAR DKAR LHO SER LA SOGS PA TSON SA GZHAN RNAMS DANG MI 'DRA'O, ,BSGOM BYA LA RTZIG PA LNGA JI LTAR YOD PA LA NI SLOB DPON KHA CIG PHYI NANG DU LNGA SBRANG 'DOD PA DANG, GZHAN DAG RTZIG PA GCIG NYID RIM GYI STENG NAS STENG DU KHA DOG SNA LNGAR BRTZEGS PAR 'DOD PA'I LUGS GNYIS BKOD NAS RANG LUGS GSAL BAR MA MDZAD KYANG SNGA MA BZHED PAR GSAL TE, SGO LOGS KYI THIG PHYI MA NAS PHYI MA'I BAR LA CHA CHUNG BCU YOD PAR THIG GI SKABS SU BSHAD PA'I PHYIR DANG RTZIG PA LA CHA CHUNG GCIG BSHAD PA RTZIG ZHENG LA BZHED PA'I PHYIR RO, ,PHYI MA LTAR NA RTZIG ZHENG LA CHA PHRAN GCIG GI LNGA CHA 'DOD DGOS PAS RTZIG PA HA CANG PHRAD PA'I SKYON YOD DO, ,PHA GU'AM RIN CHEN SNAM BU'I SA NI DMAR PO DANG DBANG PHYED KYIS NAG PO'O, ,RTZIG PA RTZEG MAR 'DOD PA'I LUGS LA DE GNYIS LA GZHAN DU BSHAD PA RNAMS 'DIR MI DGOS SO, ,STEGS BU'AM 'DOD YON GYI SNAM BU NI SHEL LAM GSER RAM PADMA RA GA'AM RIN

, ,PO CHE GZHAN YANG RUNG STE CI MDZES SU BYA BAR BSHAD KYANG BLA MA RNAMS PADMA RA GA'I MDOG TU MDZAD DO, ,SHAR BU DANG MDA' YAB RNAMS NI DKAR PO YIN LA DE DAG GI SA NI SNGON POR BYA STE NAM MKHA'I NGO BO YIN PA'I PHYIR RO, ,DE'I PHYIR BAR GYI SNAM BU LA MUN PA'I SNAm BU ZHES BRJOD DE BAR STONG GI NGO BO YIN PA'I PHYIR RO, ,SGO LOGS KYI THAD KA'I GDUNG NI RIN PO CHE LAS JI LTAR MDZES PAR BYAS PA STE RIN PO CHE SNA TSOGS PA'I PA TRA 'PHRO BA LA SOGS PAS BRGYAN PA'O, ,BRI BYA LA SGO'I THAD KAR RTZIG PA YOD PA'I SAR NI GDUNG BRI MI DGOS SO, , RTA BABS KYI KA BA DANG KYOG PO'I NANG GI BLA RE BRES PA'I 'OG GI SA NI RANG PHYOGS KYI DE BZHIN GSHEGS PA'I KHA DOG YIN LA PHYI MA NI PHYOGS MDOG GIS SPRAS PA'I NAM MKHA'I RANG BZHIN NO, ,RTA RMIG DANG BAB RAN DANG CHU SRIN GYI SNAM BU'I KHA DOG NI GANG MDZES SU BYA BAR GSUNGS NAS SNAM BU GZHAN LA BSHAD PA MI GSAL BA NI GO SLA BAR DGONGS PA'O, ,GO SLA TSUL NI SHAR BU DANG MDA' YAB DKAR PO LA DE DAG GI SA SNGON PO DANG RIN PO CHE'I SNAM BU DANG MUN SNAM RNAMS KYANG SNGAR BSHAD ZIN PAS DE DAG DANG 'DRA LA GSER SNAM NI RANG MING GI SER POR GO NUS PA'I PHYIR RO, ,'KHOR LO BZHI NI GSER GYI KHA DOG TU BYA BA'I RANG LUGS DANG, RIN PO CHE GZHAN LAS KYANG BYAs PA'I LUGS GNYIS GSUNGS SO, ,RI DVAGS PHO MO BRGYAD NI GSER GYI RANG BZHIN LA RIN PO CHE GZHAN GYIS SPRAS PA'O, ,GZHAL YAS KHANG GI 'OG GI SNA TSOGS RDO RJE'I LTE BA NI NAG PO'O, ,GZHUNG KHA CIG TU NI GTZO BO'I SKU MDOG TU GSUNGS SO, ,PHYOGS KYI RVA DBUS MA RNAMS NI RANG RANG GI PHYOGS KYI DE BZHIN GSHEGS PA'I MDOG GO ,RVA RTZE GSUM PA YIN NA NI RVA GZHAN GNYIS NI DE'I GLO DAG GI DE BZHIN GSHEGS PA'I MDOG STE JI LTAR RIGS PAR RO, ,ZHES

GSUNGS PA'I DON NI GSANG 'DUS MI BSKYOD PA LA MTSON NA SHAR GYI RVA GA-YAS DON GRUB KYI MDOG DANG GA-YON RIN 'BYUNG GI MDOG TU BYA BA LTA BU'O, ,RVA LNGA PA LA NI DE LAS GZHAN PA'I PHYOGS DANG DBUS KYI RGYAL BA'I MDOG STE JI LTAR RIGS PA RO, ,ZHES GSUNGS PA'I DON NI SNGA MA LA MTSON NA BRI BYA LA CUNG ZAD PAG TU SONG BA'I GA-YAS NI 'OD DPAG MED KYI MDOG DANG GA-YON NI DBUS KYI RGYAL BA'I MDOG TU BYA STE GSAL BAR MTHONG BA GNYIS NI GA-YAS GA-YON GYI RVA YIN PAS GA-YAS GA-YON GYI RGYAL BA'I KHA DOG TU BYA DGOD PAS SO; ;GZHUNG KHA CIG TU PHYOGS GCIG GI RVA THAMS CAD KYANG PHYOGS KYI RGYAL BA'I MDOG TU BYA BAR YANG GSUNGS PAS SNGA MA DANG 'DI GNYIS GANG RUNG BYAS PAS CHOG GO ,GTZO BO ZHAL BZHI PA LA RANG RANG GI PHYOGS KYI ZHAL GYI MDOG GO ZHES PA NI PHYOGS GZHAN NO ZHES GSUNGS PA NI BDE MCHOG LTA BU LA SHAR GYI RVA SNGON POR BYED PA SOGS KYI LUGS TE 'DI LUGS GZHAN NA, ,RTABS KYI GA-YAS GA-YON GYI BUM PA BZANG PO RNAMS NI GSER LAS BYAS PA DANG DPAG BSAM GYI SHING RNAMS NI DE LAS GZHAN PA'I SHING BZANG PO LTA BU'O, ,SNA TSOGS RDO RJE'I 'OG GI PADMA'I LTE BA NI LJANG KHU GE SAR NI SER PO 'DAB MA RNAMS NI KHA DOG SNA TSOGS PA'O, ,'DAB MA'I GZHI NI CHOS 'BYUNG GI NANG YIN PAS DMAR PO SHAS CHE BA'I DKAR PO'O, ,CHOS 'BYUNG GI CHA STE DE MTSON BYED KYI RE KHA PAD RA DANG, RDO DAR GNYIS KYI BAR NA YOD PA NI DKAR PO'O, ,RE KHA DE SNGAR THIG GI SKABS SU BSHAD PA LTAR LUGS GSUM LAS, KHOR YUG TU 'DOD PA'I PHYOGS LA YANG SHEL YIN NA DKAR PO DANG, GSER YIN NA SER POR BYA BA NI RDO RJE'I KHA DOG GI DBANG GIS SO, ,RDO RJE'I NGO BO DANG DE'I

, ,RE KHA'I GCOD MTSAMS RNAMS NAG POR RO, ,GZHUNG GZHAN DAG TU DE GNYIS DKAR PO DANG SER POR YANG GSUNGS PAS DE YANG GANG RUNG GIS CHOG GO ,RDO RJE'I SA GZHI STE DE'I SNAM BU NI MDOG SNA TSOGS PA STE, BSGOM BYA LA 'OG TU RLUNG GI DKYIL 'KHOR GYI MTHA' NAS STENG DU 'OG MIN GYI BAR DU RDO RJE'I RVA BA GNAS PA'I PHYIR DANG RLUNG LA SOGS PA NI KHA DOG SNA TSOGS PA'I PHYIR RO, ,'OD 'PHRENG GI KHA DOG NI DE BZHIN GSHEGS PA LNGA'I MDOG STE PHYIR LA 'PHRO BA'I TSUL LO, ,GNYIS PA NI, RTZA THIG GI NANG GI DKYIL 'KHOR DU ZUR THIG GNYIS KYIS BCAD PA'I PHYOGS BZHI'I SA GZHI RNAMS RANG PHYOGS KYI DE BZHIN GSHEGS PA'I MDOG GO ,BSGOM BYA'I DKYIL 'KHOR GYI PHYOGS BZHI'I THOG RNAMS KYANG DE BZHIN NO, ,ZHES THOG GI NANG DANG PHYI GNYIS SO SOR MA PHYE BAR SPYI'I KHA DOG TU GSUNGS SO, ,NANG GI KA BA RNAMS KYANG RANG PHYOGS KYI DE BZHIN GSHEGS PA'I MDOG STE, PHYOGS SO SO'I DE BZHIN GSHEGS PA'I MTSAN MA 'KHOR LO SOGS KYI 'PHRENG BAS MTSAN PA'O, ,RDOR 'PHRENG GI ZLUM PO DANG RDO RJE RNAMS LA KHA DOG GSAL BAR MA BSHAD DO, ,ZLUM PO SGOM DON LA GNYIS YOD KYANG BRI BYA'I ZLUM PO GDUNG ZLUM DU BYA DGOS LA, DE'I KHA DOG NI BLA MA RNAMS NAG PO'AM SNGON POR BYED PA LTAR BYA LA, RDO RJE NI PHYI'I RDO RJE LA KHA DOG LUGS GSUM BSHAD PA GANG RUNG GIS CHOG GO ,NANG GI 'OD PHRENG LA YANG MKHAS PA RNAMS KYIS TSON GYI RE KHA MI BYA BAR GSUNGS SO ZHES PHRENG BAR BSHAD PAS ME RI'I RTZE MOR TSON GYI RE KHA MI BYA LA KHA DOG NI PHYI'I 'OD 'PHRENG DANG 'DRA'O, ,GTZO BO'I SA NI GTZO BO'I MDOG GO ZHES GSUNGS PA NI GTZO BO RIGS LNGA SPYI

'GRO LTAR YIN NA DE'I MDOG DANG, DE LTA MIN NA RIGS BDAG GANG YIN GYIS BYA DGOS TE, 'JAM RDOR GYI GTZO BO GUR GUM MDOG YIN YANG, BZHI BRGYA LNGA BCU PA LAS, DBUS KYI SA GZHI'I CHA DAG NI, ,AINDRA N'I LA'I 'OD GSAL 'BAR, ,ZHES GSUNGS SHING GSHED DMAR BCU GSUM MA LA YANG DBUS KYI SA GZHI'I MDOG SNGON POR DPAL 'DZIN GYIS GSUNGS PA'I PHYIR RO, ,SNA TSOGS PADMA'I LTE BA'I MDOG NI LJANG KHU YIN LA 'DAB MA'I MDOG NI, BDEN BRAL LJANG DANG DBANG LDAN NAG ,ME DANG RLUNG GI MTSAMS NI SER, ,PHYOGS RNAMS KYI NI DMAR PO'O, ,ZHES GSUNGS PA LTAR RO, ,GTZO BO'I SNAM BU LA NI GTZO BO'I MTSAN MA'I PHRENG BA'O ZHES GSUNGS PA'I SNAM BU NI RI'U MIG DGU PA'I PHO BRANG LA GTZO BO'I SA'I PHYOGS KUN TU BSKOR BA'I GRU BZHI PA'O, ,'DI SA LA BRIS PA LTAR BSKOR NAS YOD DE KHA DOG GSAL BAR MA BSHAD KYANG DBUS KYI SA'I MDOG GO ,ZLUM PO'I THIG GI PHYI NGOS SU TSANGS THIG GI GLO SO SOR CHA CHUNG BZHI DOR NAS BUM PA CHA CHUNG BZHI PA STE BDUD RTZIS BKANG BA'I BUM PA BRGYAD NI GSER DU 'DOD PA DANG RIN PO CHE'I RANG BZHIN RANG PHYOGS KYI DE BZHIN GSHEGS PA'I MDOG TU 'DOD PA'I LUGS GNYIS SO, ,RE KHA GZHAN NI MDOG DANG SBOM PHRA JI LTAR MDZES PAR BYA'O, ,BZHI PA NI, DE LTAR LHA'I GDAN GYI BAR RNAMS RDZOGS PA DANG RTEN PA'I DKYIL 'KHOR JI LTAR DGOD PA LA TSUL GSUM STE, RANG RANG GI SA BON GYI YI GE DANG PHYAG MTSAN DANG LUGS MA DANG 'BUR DU BTOD PA'I LHA'I SKU DGOD PA JI LTAR NUS PA DANG MTHUN PAR BYA STE, KLU'I BLOS, JI LTAR NUS PAS DKYIL 'KHOR DU, ,SA BON DGOD BYA YANG NA NI, ,MTSAN MA'AM LHA YI GZUGS NYID DE, ,LUGS MA'Am

, ,'DU BYAS DGOD PAR BYA, ,ZHES SO, ,DKYIL CHOG GI 'GYUR LA NI, 'BUR DU BTOD DANG LUGS MA NI, ,ZHES 'BYUNG NGO, ,DE LA SKAL MI LDAN YOD NA MTSAN MA DANG PHYAG RGYA BRI LA, DE MED NA LHA'I SKU BRI BAR BYA ZHING BRIS SKU 'AM LUGS SKU 'AM BZO BYAS PA'AM 'BUR DU DOD PA'AM LEGS PAR 'DU BYAS PA BZHAG PAR BYA'O, ,PHYAG RGYA BRI BA NI MNGON BRJOD BLA MA LAS GSUNGS TE, MI NUS NA NI BRIS PA YIS, ,PHYAG RGYA 'AM MTSAN MA DGOD PAR BYA, ,GANG YANG GSUNGS PA, TSON NAM YANG NA PIR RNAMS KYIS, ,BRIS PA RNAMS KYIS RNAM PAR SPRAS, ZHES SO, ,PHYAG RGYA NI LAG PA'I PHYAG RGYA YIN LA, MTSAN MA NI PHYAG MTSAN NO, ,MNGON BRJOD KYI GSUM PA LAS, ,YI GE'I DKYIL 'KHOR DANG PO STE, ,GNYIS PA MTSAN MA'I DKYIL 'KHOR YIN, ,LAG PA'I PHYAG RGYA GSUM PA STE, ,GZUGS BRNYAN DGOD PA BZHI PA'O, ,ME TOG DGRAM PA LNGA PA STE, ,DRUG PA TSOGS KYI DKYIL 'KHOR RO, ,ZHES GSUNGS SO, ,SNYE MA BCU GNYIS PA LAS, GZUGS NI THAD KAR BRIS PA DANG BRKOS PA DANG LUGS MA DANG GSER MA'I LAS KYIS 'DU BYAS PA'O, ,ZHES GSUNGS PAS BZHI PAS NI RDUL TSON LA DGOD PA'I LUGS MA SOGS DANG RAS RIS KYI DKYIL 'KHOR GNYIS KA BSTAN PAR GZUNG NGO, ,LHAG MA GNYIS LA BSHAD PA MA BYUNG YANG LNGA PA NI GO SLA LA DRUG PA NI RNAL 'BYOR PA PHO MO LHA'I 'DRA 'BAG TU ZHUGS TE DKYIL 'KHOR GYI GNAS JI BZHIN DU 'KHOD PA'I TSUL SPYOD BSDUS SOGS SU BSHAD PA DE RNAMS SU MNGON NO, ,DPA' BO RDO RJES BYAS ZER PAR DRI'I THIG LE DGOD PAR 'DOD DO, ,SPYI RGYUD LAS LHA SKU DANG PHYAG MTSAN DANG STAN DANG GNAS 'GOD PA'I TSUL GSUM GSUNGS SHING LHA'I YAN LAG RDZOGS RDZOGS SU BRIS NA RING DU 'GOR LA YAN LAG

NYAMS NA BYIN GYIS MI RLOB BAS PHYAG MTSAN BRI BA LA BSNGAGS TE DKYIL CHOG RNAMS LAS KYANG DE BKOD PA MANG BAR SNANG NGO, ,DE LTAR BRIS NAS BYUNG MA BYUNG LEGS PAR BRTAG LA MA BYUNG BA RNAMS BCOS PAR BYA STE, SPYI RGYUD LAS, DKYIL 'KHOR RDZOGS PAR BRIS NAS NI, ,YID KYIS LEGS PAR MNYAM BZHAG NAS, ,DE YI 'OG TU MANG BRTAGS TE, ,NGA RGYAL 'GA' ZHIG MA LEGS NA, ,DE NI PHYIR YANG BCOS PAR BYA, ,ZHES SO, ,DKYIL 'KHOR BRI BA NAS BRTZAMS TE DBANG THOB PA CIG MED PAR STONG PAR BZHAG TU MI RUNG STE SPYI RGYUD LAS, KHRUS LA SOGS PA BYED PA'I TSE, ,DKYIL 'KHOR MTHONG BA GZHAN BZHAG STE, ,DKYIL 'KHOR BRI BA'I TSE NA NI, ,NAM YANG STONG PAR MI BZHAG GO ,CES GSUNGS SO, ,DE NAS DKYIL 'KHOR BRIS PA RNAM PA THAMS CAD DU GSAL BAR GYUR PAR SHES NAS H'Um DANG 'KHYIL PA BZLAS PA'I BDUD RTZI LNGA DANG BCAS PA'I DRI'I CHUS DKYIL 'KHOR GYI PHYI NGOS SU BYUGS LA DE BZLAS PA'I CHUS 'KHOR LO BSANGS LA, AOm A'A: H'Um BADZRA MU ZHES PAS YE SHES KYI TSON GSHEGS SU GSOL TE SNOD NA GNAS PA'I SA TSON RNAMS DBEN PAR BZHAG PAR BYA'O, ,'DIR TSON LA MCHOD PA MA BSHAD KYANG YI THIG LA BSHAD PA LTAR BYA'O, ,TSON 'THOR BA RNAMS RAS LA SOGS PAS PHYI BAR RGYAL BA BZANG POS BSHAD PA BZHIN BYA BA NI DKYIL 'KHOR LA DRI'I CHUS BYUGS PA'I GONG DU BYA'O, ,GSUM PA NI, DKYIL 'KHOR BRI BA SOGS LA CHU RDOL DANG RLUNG DANG SPRIN LA SOGS PA'I BGEGS KYI 'TSE BA LHAS BYAS PA DANG MIS BYAS PA 'BYUNG BA SRID DE, DE'I TSE 'TSE BA SO SO'I BSAL THABS GRUB NA DE BZHIN DU BYA LA MA GRUB NA RDO RJE'I RA GUR DANG MDA'I DRA BA DANG BLA RE'I NANG GI KHONG SENG LA GNAS PA'I RTZIBS KYI RTZE MO LA BRTAN PAR GNAS PA'I KHRO BO

, ,BCU SHIN TU 'JIGS PAS BYIN GYIS BRLABS PA'I RTZIBS BCU PA'I 'KHOR LO SER PO GA-YAS SKOR DU 'KHOR BA'I LTE BA'I DBUS SU GNAS PA'I GZHAL YAS KHANG GI RNAM PAR DKYIL 'KHOR GYI KHANG PA SKAD CIG GIS RAB TU BRTAN PAR MOS PA BYA'O, , RDO RJE'I RANG BZHIN GYI SA GZHI LA SOGS PAS BGEGS THAMS CAD BZLOG PAR YANG BSGOM MO, ,'DI NI BSRUNG BYA GZHAN LA YANG 'DON PA SPOS PAS CHOG GO ,GNYIS PA LA GNYIS, BUM PA DGOD PA DANG, DKYIL 'KHOR BRGYAN PA'O, ,DANG PO NI, DE NAS SNGAR LHAG GNAS BYAS PA'I BUM PA RNAMS DKYIL 'KHOR LA GA-YAS SKOR DU DGOD PAR BYA'O, ,'DI'I DUS SU SPOS KYIS SNA DRANGS NAS ROL MO'I CHA BYAD SNA TSOGS PAS DKYIL 'KHOR LAN GSUM BSKOR NAS 'GOD PAR KYE RDOR LAS RIM GYI CHO GA LAS BSHAD PA NI PRADZNY'A RAKshI TAS, BUM PA MCHOD RDZAS LA SOGS PA, ,GDUGS DANG RGYAL MTSAN ROL MO DANG, ,SIL SNYAN GLU YIS SPYAN DRANGS LA, ,DKYIL 'KHOR GNAS SU DGOD PAR BYA, ,ZHES GSUNGS PA DANG MTHUN NO, ,DGOD PA'I GNAS NI ME RI'I PHYI NGOS SU 'GOD PAR PHRENG BA DANG BI BH'U T'IS BSHAD LA RATNA RAKshI TAS DUR KHROD YOD NA DE'I YANG PHYI ROL TU DGOD PAR BSHAD DO, ,D'A RI KA PAS, RDO RJE RVA BA'I PHYI ROL TU, ,BGEGS SKYER 'GYUR BAS MI DGOD DO, ,ZHES SNGA MA DANG MI MTHUN PAR GSUNGS SO, ,'GOD LUGS LA PHRENG BAR 'JAM RDOR DANG MI BSKYOD RDO RJE'I BUM PA 'GOD LUGS BSHAD NAS DES GZHAN GYI BUM PA 'GOD LUGS RTOGS SLA BAR BZHED PAS, DE'I LUGS NI 'JAM RDOR LA SHAR SGO'I THAD KA'I GNAS LA CUNG ZAD KYI GA-YAS SU NI GTZO BO'I BUM PA BZHAG GO ,SGO'I GA-YON LOGS SU NI GA-YAS SKOR DU RIM PA BZHIN DU RNAM SNANG DANG SPYAN MA DANG LAS BUM MO, ,'DIR

GA-YAS GA-YON NI KHA NANG LTA'I DBANG DU BYAS PA'O, ,GTZO BO'I BUM PA'I GA-YAS SU GZUGS RDO RJE MA DANG CHOS DBYINGS RDO RJE MA DANG GSHIN RJE GSHED KYI BUM PA'O, ,LHO SGO'I GA-YON DU RIN 'BYUNG DANG M'A MA K'I DANG GA-YAS SU SGRA RDO RJE MA DANG SHES RAB MTHAR BYED KYI'O, ,NUB SGO'I GA-YON DU SNANG BA MTHA' YAS DANG GOS DKAR MO DANG GA-YAS SU DRI RDO RJE MA DANG PADMA MTHAR BYED KYI'O, ,BYANG SGO'I GA-YON DU DON GRUB DANG SGROL MA DANG GA-YAS SU RO RDO MA DANG REG RDO MA DANG BGEGS MTHAR BYED KYI'O, ,MI BSKYOD RDO RJE LA NI PHYOGS SO SO'I RIGS KYI YUM BZHI PO'I DE MA THAG DANG GA-YAS SU YANG GTZO BO MA GTOGS PA'I DANG POR PHYOGS KYI SEMS DPA' GNYIS GNYIS KYI BUM PA DGOD LA MTSAMS KYI KHRO BO BZHI'I BUM PA ZUR BZHIR DGOD CING SHAR NUB KYI KHRO BO'I BUM PA'I DE MA THAG TU STENG 'OG GI BUM PA DGOD DO, ,'DI BUM PA GZHAN DGOD PA LA SBYOR TSUL NI RATNA RAKshI TAS BDE MCHOG BCU GSUM MA LA BSHAD PA LTAR YIN TE SHAR SGO'I GA-YAS SU DANG POR GTZO BO'I BUM PA DGOD, DE NAS KHVA GDONG MA'I BUM PA DANG GA-YON DU MKHA' 'GRO MA DANG LAS THAMS CAD PA'I BUM PA GNYIS SO, ,BYANG DANG NUB DANG LHO'I GA-YON DU L'A MA LA SOGS PA GSUM DANG GA-YAS SU 'UG GDONG MA LA SOGS PA GSUM DANG SHAR LHO LA SOGS PA'I MTSAMS BZHIR GSHIN RJE BRTAN MA LA SOGS PA'I BUM PA 'JOG GO ,GRA BZHI'I BUM PA RNAMS LA BYA RGOD KYI SGRO DANG BCAS PA'I MDA' BZHI STE, AOm BADZRA YAKshA H'Um ZHES PA'I SNGAGS KYIS DGOD PAR PHRENG BA DANG SDOM 'BYUNG 'GREL PA LAS SO, ,D'A RI KA PAS BUM PA BCUR BYAS NAS GTZO BO'I BUM PA DANG LAS BUM GNYIS SHAR SGO'I GA-YAS GA-YON DU 'GOD CING BUM PA GZHAN BRGYAD PO RNAMS SGO DANG MTSAMS SU 'GOD DE 'DI'I RIGS PA

, ,MANG PO LA SBYAR SLA'O, ,GNYIS PA NI, DE NAS DKYIL 'KHOR GYI PHYI NGOS SU PHYOGS BZHIR SHER PHYIN LA SOGS PA'I DAM PA'I CHOS KLOG TU GZHUG GO ZHES GSUNGS TE SHAR DU SHER PHYIN KLOG LA LHO NAS BYANG GI BAR GZHAN GSUM DU NI BI BH'U T'IS LANG GSHEGS DANG TING 'DZIN RGYAL PO DANG SDONG PO BKOD PA 'DON PAR BSHAD LA RDO RJE 'BYUNG BA LAS SDONG PO BKOD PA DANG GSANG BA BSAM GYIS MI KHYAB PA DANG GSER 'OD DAM PA GDON PAR BSHAD DO, ,GA BUR DANG AA KA RU DANG DU RU KA LA SOGS PA'I SPOS PHOR BRGYAD BZHAG PAR BYA'O, ,SPYI RGYUD LAS, PHOG PHOR KHAM PA LA SOGS PA'I, ,SO MA BTANG BA KHAM PHOR BCU, ,BYAS NAS PHYOGS DANG PHYOGS MTSAMS NI, ,RGYAB DANG DE BZHIN MDUN DU'O, ,SPOS POR DAG TU MA 'BYOR NA, ,KHAM PA'I PHOR BU'I NANG NAS DBUL, ,DE DAG KYANG NI MA 'BYOR NA, ,GCIG GCIG SGOR NI BZHAG NAS DBUL, ,ZHES GSUNGS SO, ,NA BZA' SNA TSOGS PA STOR LA SOGS PA'AM LHA SO SO LA RE RE 'AM JI LTAR NUS PA YANG RUNG STE SLO MA LA SOGS PAR BZHAG GO ,SPYI RGYUD LAS, 'BYOR NA LHA NI THAMS CAD LA, ,RAS NI ZUNG RE DBUL BAR BYA, ,MA 'BYOR NA YANG RIGS GSUM GYI, ,BDAG PO RNAMS LA ZUNG RE DBUL, ,YANG NA CHO GA SHES PA YIS, ,DKYIL 'KHOR DBUS SU RAS PHRAN NI, ,ZUNG CIG SLO MA'I STENG BZHAG STE, ,PHUL NAS KUN LA BSNGO BAR BYA, ,ZHES GSUNGS SO, ,GDUGS DANG RGYAL MTSAN DANG BA DAN RNAMS DANG RTA BABS DANG RAS BZANG PO DANG DRIL BU DANG BCAS PA'I RNGA YAB DANG BUM PA GANG BA DANG LO MA DANG BCAS PA'I CHU SHING GI SDONG PO RNAMS PHUL TE GNAS JI LTA BAR BZHAG GO ,DE RNAMS LA H'Um DANG GTZO BO'I SNGAGS BZLAS LA AOm BADZRA SPA RA NA KHAm ZHES PAS DBUL

LO, ,DKYIL 'KHOR GYI KHANG PA LAS PHYI ROL TU SHAR LA SOGS PAR RIM PA BZHIN DU DKAR PO DANG SER SKYA DANG NAG PO DANG DUD KHA DANG DMAR PO DANG KHRA BO DANG SER PO DANG LJANG KHU'I BA DAN BRGYAD LHA RNAMS LA PHUL TE GZUG CES SHES RAB BSKYANGS BZHED LA, KHA CIG NI RNAM SNANG DANG RIN 'BYUNG DANG 'OD DPAG MED DANG DON GRUB DANG DE BZHI'I RIGS CAN RNAMS KYI BA DAN NI RIM PA BZHIN ME NAS DBANG LDAN GYI BAR GYI MTSAMS BZHI DANG GTZO BO'I BA DAN NI SHAR DANG DE'I RIGS KYI BA DAN NI RANG RANG GI PHYOGS SU GZUG CES 'DOD DO, ,DE LA SNGA MA NI SPYI RGYUD DANG SHAR LHOR LA BA RGAN GZUG PAR BSHAD PA MA GTOGS PA MTHUN TE DER RGYAL MTSAN BRGYAD DU BSHAD PAS RGYAL MTSAN DANG BA DAN GANG RUNG GIS CHOG PAR MNGON NO, ,PHYOGS SKYONG RNAMS MNYES PAR BYA BA'I PHYIR DU BA DAN BCO LNGA GZUG STE DBANG PO'I SER PO DANG KHYAB 'JUG GI NAG PO DANG ZLA BA'I DKAR PO DANG NYI MA'I DMAR PO DANG MES PO'I SER PO STE SHAR DU'O, ,ME LHA'I DMAR PO DANG GSHIN RJE'I NAG PO DANG BDEN BRAL GYI DUD KHA RNAMS NI RANG RANG GI PHYOGS SU'O, ,NUB TU CHU LHA'I DKAR PO DANG SA'I LHA MO'I SER PO DANG THAG BZANG RIS KYI NAG PO'O, ,RLUNG DU RLUNG LHA'I LJANG KHU'O, ,BYANG DU LUS NGAN PO'I SER PO DANG TSOGS BDAG GI DKAR PO'O, ,DBANG LDAN DU DBANG LDAN GYI DKAR PO'O, ,MA 'BYOR NA NUS PA JI LTA BAR BA DAN RNAMS DBUL LO, ,RGYAL MTSAN RNAMS TSANG BA MA RNYED NA RGYAL MTSAN THAL DKAR GCIG PU DBUL BA DANG RGYAL MTSAN GYI RTZE MO LA TOG NI RMA BYA'I MDONGS KYIS BRGYAN PA BYA BA DANG, MANG PO YOD NA SHAR PHYOGS SU GZUG PAR SPYI RGYUD LAS BSHAD DO, ,SA RA HAS, DE NAS ME TOG SPOS LA SOGS, ,LHA YI GRANGS DANG MNYAM PAR DBUL, ,ZHES GSUNGS PAS LHA RE RE

, ,LA MCHOD PA RDZOGS PA RE RE BSHAM PAR BYA'O, ,GSUM PA LA SNYIS, DKYIL 'KHOR BSGRUB CING MCHOD PA DANG, DBANG BSKUR BA'I CHO GA'O, ,DANG PO LA GNYIS, DKYIL 'KHOR BSGRUB PA DANG, DKYIL 'KHOR MCHOD PA'O, ,DANG PO LA GNYIS RDUL TSON GYI DKYIL 'KHOR SGRUB PA'I TSUL DANG, DKYIL 'KHOR GZHAN GYI SGRUB TSUL LO, ,DANG PO NI, DE NAS KHRUS BYAS SHING DRI ZHIM POS LUS LA BSGOS LA STOD GA-YOGS DANG GTZUG TOR DANG RGYAN DANG BCAS PAS 'KHYIL PA BZLAS PA'I CHUS DKYIL 'KHOR BSANGS TE YI GE GSUM DANG 'KHYIL PA'I SNGAGS KYIS DKYIL 'KHOR BSRUNGS NAS RDO RJE DANG DRIL BU BZUNG STE SHAR SGO DANG NYE BAR NUB TU KHA BLTAS TE 'DUG LA GTZO BO'I RNAL 'BYOR DANG LDAN PAS DKYIL 'KHOR BSGRUB PAR SLOB DPON 'DI BZHED PA BZHIN DU RATNA RAKshI TA DANG BI BH'U T'IS KYANG DE BZHIN DU BYED DO, ,SA RA HA DANG D'A RI KA PAS SGRUB THABS YONGS SU RDZOGS PAR BSGOMS PA'I 'OG TU DKYIL 'KHOR SGRUB BO, ,DKYIL 'KHOR SGRUB PA LA DAM TSIG GI 'KHOR LO SKYED TSUL DANG DE LA YE SHES PA 'JUG LUGS NI PHRENG BA LAS, BRIS PA'I DKYIL 'KHOR SKAD CIG GIS STONG PA NYID KYI RJES LA BSRUNG BA'I 'KHOR LO DANG BGEGS LA PHUR BUS GDAB PA LA SOGS PA'I CHO GA 'KHOR DANG BCAS PAS BSGOM PAR BYA BA'I DKYIL 'KHOR GYI RANG BZHIN DU NGES PAR BRTAGS NAS, BTZUN MO MDZES SHING MDANGS BZANG BA, ,LO GRANGS BCU DRUG LON RNYED NAS, ,DRI DANG ME TOG BRGYAN BYAS TE, ,DE YI DBUS SU 'DOD PA BYA, ,YON TAN SKA RAGS MA M'A K'IR, ,SHES RAB CAN GYIS DE BYIN BRLAB, ,ZHI BA SPRO BYA SANGS RGYAS GNAS, ,MKHA' YI DBYINGS NI RAB

TU BRGYAN, ,ZHES GSUNGS PAS BSGRUB PA'I PHYI ROL GYI PHYAG RGYA DANG SNYOMS PAR 'JUG PAS SAM DE MED NA YE SHES KYI PHYAG RGYA DANG SNYOMS PAR 'JUG PAS YANG DAG PAR BSKYOD PA'I DGA' BA'I SGRAS YE SHES KYI 'KHOR LO SPYAN DRANGS LA, ZHABS BSIL DANG MCHOD YON 'BUL BA SNGON DU 'GRO BAS RANG GI NANG DU BCUG NAS 'DOD CHAGS CHEN POS ZHU BAR GYUR TE RDO RJE'I LAM NAS PADMAR PHYUNG BA'I YE SHES KYI LHA'I 'KHOR LO'I BDAG NYID SPROS TE DAM TSIG GI 'KHOR LO LA GNAS JI LTA BAR ZHUGS PAR BSAMS NAS, ZHES GSUNGS TE 'DI'I RJES 'BRANG GNYIS KYIS KYANG LUNG DE MA DRANGS PA MA GTOGS PA DE BZHIN DU BSHAD DO, ,DKYIL 'KHOR BSANG BA SNGAR SONG ZIN LA SKAD CIG GIS STONG PA NYID DU BSAM PA'I SBYANG BA BYAS PA'I RJES LA BSGOMS PA'I DKYIL 'KHOR GYI RANG BZHIN DU BRTAG PAR BYA STE DE YANG RTEN DANG BRTEN PA YE SHES KYI SNANG BA LAS GRUB PA'I DKYIL 'KHOR GYI RANG BZHIN DU SGOM PA'O, ,'O NA RTEN DANG BRTAN PA'I DKYIL 'KHOR DU SGOM PA TZAM NAS BSKYED PAS CHOG GAM SNYAM NA, SNGON DU BSRUNG 'KHOR DANG PHUR GDAB BYA BA LA SOGS PA'I CHO GA'I 'KHOR RNAMS BYA ZHING 'BYUNG BA RIm RTZEG SOGS NAS GDAN GYI BAR GYI SKYED CHOG DANG LHA'I SKYED CHOG RNAMS KYANG RANG RANG GI SGRUB THABS LTAR BYA DGOS SO, ,DE NAS YE SHES PA 'JUG PA NI GSANG 'DUS LE'U BZHI PA'I LUNG DRANGS NAS BYED DE DNGOS SAM BSGOMS PA'I RIG MA GANG RUNG DANG SNYOMS 'JUG BYAS PA'I SGRAS YE SHES PA SPYAN DRANGS TE RANG GI KHA NAS LUS KYI NANG DU BCUG PA ZHU NAS PADMAR PHYUNG BA NA LHA'I 'KHOR LO GYUR PA RNAMS DE NAS SPROS TE DAM TSIG GI 'KHOR LO LA 'JUG GO ,DE LTAR NA ZHI BA NI SANGS RGYAS RNAMS DANG SANGS RGYAS GNAS KYI NAM

, ,MKHA'I DBYINGS NI GZHAL YAS KHANG GI NANG DANG DER SPROS PA NI BRGYAN PA'I DON DU BZHED PAS, RIG MA DANG SNYOMS 'JUG BYAS PA'I SBYOR MTSAMS NAS LHA GZHAL YAS KHANG DU SPRO BA DGOS PA'I SHES BYED DU LUNG DE DRANGS PA YIN LA DE YANG DAm TSIG PA MIN GYI YE SHES PA'I KHUNGS SU BZHED DO, ,LUNG DE 'DUS PA'I RGYUD DU DKYIL 'KHOR TSON GYIS BRIS ZIN PA'I 'OG TU DKYIL 'KHOR LA MCHOD BA BYED PA'I SKABS SU GSUNGS LA DE'I DON NI RANG RIGS KYI BU MO M'A MA K'I DANG 'DRA BAR BSKYED DE DKYIL 'KHOR GYI DBUS SU DE LA ROL NAS NANG GI MCHOD PA BYA BAR SGRON GSAL LAS GSUNGS SO, ,BRIS PA'I DKYIL 'KHOR GYI DBUS SU DE LTAR BYA BA DNGOS SU MI RUNG BAS SGOM DON LA BYA DGOS PAR GSAL LA DE LTA NA RANG DANG RDUL TSON GYI DKYIL 'KHOR GYI GTZO BO GNYIS THA MI DAD DU BYAS NAS MCHOD DGOS SO, ,KLU BYANG GIS LUNG DE DKYIL 'KHOR BSGRUB PA'I SKABS SU DRANGS NAS RIG MA DANG SNYOMS PAR ZHUGS PA'I BYANG CHUB KYI SEMS LAS BSKYED PA'I LHA SO GNYIS SPROS TE MDZAD PA RNAMS MDZAD NAS RANG RANG GI ZHING DU GSHEGS TE SLAR DKYIL 'KHOR DU 'BYON PAR BZHED NAS BZHUGS PA RNAMS SPYAN DRANGS NAS RDUL TSON GYI DKYIL 'KHOR GYI LHA LA 'JUG PAR MDZAD DO, ,'DIS KYANG DE'I DBUS SU 'DOD PA BYA BAR GSUNGS PA'I DON NI SNGAR LTAR BYA DGOS PAS RIG MA DANG SNYOMS 'JUG BYAS NAS LHA SPROS PA'I DUS SU NI RANG DANG RDUL TSON GYI DKYIL 'KHOR GYI GTZO BO THA MI DAD DU BYA DGOS LA SPROS PA'I LHA NI YE SHES PAR BZHED KYI DAM TSIG PA MIN NO, ,DES NA 'DUS PA'I LUNG DE DRANGS NAS DAM TSIG PA LA YE SHES PA 'JUG PAR BYED PA'I LUGS

LA RIG MA DANG SNYOMS PAR ZHUGS PA'I DUS SU BDAG MDUN THA MI DAD DU BYA DGOS PA BZHIN DU DAM TSIG PA SKYED PA'I DUS SU YANG BDAG DANG MDUN GYI GTZO BO THA MI DAD DU SGRUB PA BYAS NA 'THAD PAR SEMS SO, ,SANGS RGYAS ZHI BA'I GNAS SPROS PAS, ,NAM MKHA'I DBYINGS NI KUN TU BRGYAN, ,ZHES PA'I DON KLU BYANG GI BZHED PA NI SNGAR LTAR RO, ,DPAL 'DZIN GYIS KYANG DGRA NAG GI DKYIL CHOG TU BDAG MDUN THA MI DAD DU BSGRUB STE DKYIL 'KHOR GYI DBUS SU GNAS NAS RANG DANG 'DRA BA'I RIG MA DANG SNYOMS PAR ZHUGS PA'I BYANG CHUB KYI SEMS LAS SPRUL PA'I LHA RNAMS NAM MKHA' KHYAB PAR SPROS NAS RANG RANG GI GNAS SU BKOD PA LA YE SHES PA SPYAN DRANGS NAS 'JUG PAS SNGA MA DAM TSIG PAR BZHED PAR SNANG NGO, ,LVA BA'I NA BZA' CAN GYI DGONGS PA YANG BDAG MDUN THA MI DAD DU SGRUB PA YIN TE LUNG RNAMS TSIG MANGS SU DOGS NAS MA BRIS SO, , D'A RI KA PA DANG SA RA HAS NI BDAG MDUN THA DAD DU BYAS NAS DKYIL 'KHOR BSGRUB PAS GCIG KHO NA NGES GZUNG DU MI DGOS SO, ,PHYOGS DE GNYIS KAS KYANG DAM TSIG PA BSKYED NAS YE SHES PA 'JUG PAR BZHED LA DKYIL 'KHOR BRIS ZIN PA DANG DAM TSIG PA GSAR DU MI SKYED PAR STA GON GYI LHA PHAB NAS GNAS RNAMS SU 'GOD DE LA MNGAL NAS SPROS PA'I LHA RNAMS 'JUG ,DE NAS YE SHES PA SPYAN DRANGS NAS STIM PA YANG LI LA BADZRAS BSHAD DO, ,NYIN MO 'BYUNG GNAS KYIS, TING NGE 'DZIN GSUM DANG LDAN PA'I RNAL 'BYOR PAS YUM DANG SNYOMS 'JUG BYAS PA'I SGRAS SPYAN DRANGS PA'I SANGS RGYAS RNAMS SNYING KHA NAS ZHUGS PA PADMA NAS SPROS 'GRO BA'I DON BYAS NAS TSUR BYON TE DKYIL 'KHOR GYI ZUR GYI NAM MKHA' LA BKOD PA MTSAN MA RNAMS LA DGUG GZHUG BCING DBANG DU BYAS TE SKYED PA MIN PA YE SHES PA 'JUG PA MA BSHAD PA

, ,YANG YOD DE DE GNYIS KA BDAG MDUN THA DAD KYI PHYOGS SO, ,BDAG MDUN THA DAD DU BYED NA DKYIL 'KHOR SGRUB PA'I SNGON DU SGRUB THABS BZHIN DU LHA'I RNAL 'BYOR BYA DGOS LA THA MI DAD DU BYED NA LHA'I RNAL 'BYOR SO SO BA MI DGOS SO, ,DKYIL 'KHOR LA BKOD PA'I MTSAN MA LHAR SKYED MI SKYED DKYIL CHOG RNAMS LAS CI RIGS SU 'BYUNG YANG PHYAG MTSAN LTA BU LHA MTSAN BKOD PA RNAMS STONG PAR MA SBYANGS PAR NI SKYED PAR MI 'THAD LA SBYANGS NAS LHAR SKYED PA LA MTSAN MA LHAR BSKYED PA ZHES PA'I THA SNYAD BTAGS TE DE NI BRIS PA'I RTEN GYI DKYIL 'KHOR LA YANG 'DRA'O, ,YE SHES PA 'JUG PA LA D'A RI KA PAS, ,BSANGS TE LHA NYID RNAM PAR BSAM, ,NAM MKHA'I LHA RNAMS PHAB NAS KYANG, ,YE SHES DKYIL 'KHOR SPYAN DRANGS TE, ,DRUG PO RO GCIG GYUR PAR BYA, ,ZHES GSUNGS TE NAM MKHAR BTEGS PA'I LHA DANG YE SHES PA GZHAN CIG SPYAN DRANGS NAS 'JUG PA GNYIS MDZAD DO, ,DRUG NI STA GON GYI LHA LA DAM TSIG PA DANG YE SHES PA GNYIS YOD LA SA CHOG GI SKABS KYI DKYIL 'KHOR NAM MKHAR BTEG PA LA GNYIS YOD PAS BZHI DANG YE SHES PA SPYAN DRANGS PA DANG RDUL TSON GYI DAM TSIG PA'O, ,SA RA HAS, SNGAR GSUNGS STA GON LHA RNAMS NI, ,SNYING KHA NYID NAS RAB SPRUL NAS, ,DKYIL 'KHOR LA NI BYIN GYIS BRLAB, ,YANG NI SNYING KHA'I SA BON GYIS, ,YE SHES LHA RNAMS BKUG BYAS TE, ,DKYIL 'KHOR LHA RNAMS BYIN GYIS BRLAB, ,CES GSUNGS PAS STE GON GYI LHA LA GNYIS YOD PAS BZHI BSRES SO, ,PHRENG BAR SKABS 'DIR STA GON GYI LHA 'JUG PA MA BSHAD KYANG SNGAR NAM MKHAR BTEG PA GSHEGS GSOL MA BYAS PAR YOD PAS DE YANG BSTIM DGOS LA STA GON GYI LHA LA SA

CHOG GI DUS SU NAM MKHAR BTEG PA YANG BSTIMS SHING YE SHES PA GZHAN BCUG PA MED PAS LNGA BSRES SO, ,LVA BA PA DANG DPAL 'DZIN LTAR NA GNYIS BSRES DANG NYIN MO 'BYUNG GNAS LTAR NA GANG DANG YANG MA BSRES LA, LI LA BADZRA LTAR NA SUM BSRES TE GCIG NAS DRUG GI BAR SNANG NGO, ,DE NAS MIG LA SOGS PA BYIN GYIS BRLABS NAS DE MA THAG TU RANG GI SNYING KHA'I SA BON GYI 'OD ZER GYIS BKUG PA'I DE BZHIN GSHEGS PA DANG LHA MO RNAMS KYIS DBANG BSKUR NAS JI LTAR RIGS PAR RGYAS GDAB BO, ,RIGS NGO MI SHES PA RNAMS LA NI RDO RJE SEMS DPA' 'AM MI BSKYOD PAS RGYAS GDAB PO, ,GNYIS PA NI, RAS BRIS KYI DKYIL 'KHOR SGRUB NA'ANG GSANG SBYANG SNGON DU BTANG NAS SO SO'I MNGON RTOGS BZHIN BYA STE RDUL TSON DANG 'DRA'O, ,DE LTAR YANG PHRENG BA LAS, DE NAS RDUL TSON GYI DKYIL 'KHOR RAM RAS BRIS LA SOGS PA'I DKYIL 'KHOR RAM YID KYIS DKYIL 'KHOR MNGON SUM DU BYAS PA DER JI LTAR BRJOD PA'I MCHOD PA LA SOGS PA SNGON DU 'GRO BAS SKU GZUGS LA SOGS PA'I RAB GNAS KYANG SLOB MA RAB TU GNAS PA BZHIN BYA'O, ,ZHES DKYIL 'KHOR BSGRUBS PA'I 'OG TU BSHAD DE DKYIL 'KHOR SGRUB LUGS THUN MONG BA LA DGONGS NAS DE LTAR GSUNGS SO, ,SNGAR BSHAD PA'I BRIS SKU LA BRTEN PA'I DKYIL CHOG GSUM DU DKYIL 'KHOR SGRUB PA MA BSHAD PAR MCHOD PA SOGS BYAS NAS DBANG BSKUR BA GSUNGS PA NI GO SLA BA LA DGONGS PAS SGRUB LUGS 'DRA BAR BYA'O, ,MNGON BRJOD KYI DKYIL 'KHOR BZHI PAS KYANG RAS BRIS KYI DKYIL 'KHOR BSTAN PAS RAS BRIS LA RTEN PA'I KHUNGS NI MANG PO YOD DO, ,'DIR BRIS SKU'I LHA PHYUNG NAS SKYED PA'I 'OG TU SLAR

, ,STIM PA KHA CIG BYED PA NI SHIN TU MI 'THAD DE RAB GNAS KYI BRTAN BZHUGS BYAS PA DANG 'GAL BA'I PHYIR DANG LHA MA PHYUNG BAR SKYED PA LA SKYON CUNG ZAD KYANG MED PA'I PHYIR RO, ,DE LTA MA YIN NA RDUL TSON LHAR BSKYED NAS BRIS PA'I GZHAL YAS KHANG DANG LHA SKYED PA LA YANG TSON RTZI BYIN RLABS KYI LHA PHYUNG NAS SKYED DGOS PA DANG, RAB GNAS KYI LHA'I SKU GZUGS DANG SLOB MA MI BSKYOD PAR BSKYED NAS CHU DBANG BSKUR BA'I 'OG TU COD PAN GYI DBANG BSKUR BA NA'ANG MI BSKYOD PA PHYUNG NAS RIN 'BYUNG DU SKYED DGOS PAR 'GYUR BA SOGS KYI GNOD PA DU MA ZHIG YOD DO, ,TSUL 'DI GZHAN LA'ANG RIG PAR BYA'O, ,BSAM GTAN GYI DKYIL 'KHOR SGRUB PA NI MNGON RTOGS SGOM PA'I SKABS BZHIN DU BYAS PAS CHOG GO ,LUS KYI DKYIL 'KHOR SGRUB LUGS NI CUNG ZAD DKA' BAS DE'I TSUL NI 'DI SNYAM DU GANG ZHIG BSGRUB PAR BYA BA'I SGRUB GZHI'I LUS NI JI LTA BU ZHIG YIN GANG DU BSGRUB PAR BYA BA'I DKYIL 'KHOR YANG JI 'DRA ZHIG YIN, GZHI DE DKYIL 'KHOR DER SGRUB PA'I TSUL YANG CI 'DRA BA ZHIG SNYAM NA, 'DI LA BSHAD PAR BYA STE DBANG GI SNGON DU 'GRO BA'I DKYIL 'KHOR GSUM LAS LUS KYI DKYIL 'KHOR NI DRIL BU BAS, 'GRO BA 'DI DAG RANG BZHIN GYIS, ,GRUB PA'I DKYIL 'KHOR GNYIS MED PA'O, ,ZHES GSUNGS PA 'DI NYID GANG ZHIG BSGRUB PAR BYA BA'I SGRUB GZHI'I LUS KYI DKYIL 'KHOR NYID DE DPER NA RDUL TSON DANG RAS BRIS KYI DKYIL 'KHOR NI SKABS DE'I DKYIL 'KHOR SGRUB PA'I SGRUB GZHI YIN PA BZHIN NO, ,DE GSUM KA'ANG DKYIL 'KHOR DU MA BSGRUBS KYANG DKYIL 'KHOR ZHES PA'I THA SNYAD MDZAD DO, ,LUS DKYIL LA RANG BZHIN GYIS GRUB PA

DANG GZHAN GNYIS LA BCOS MA'I DKYIL 'KHOR ZHES PA'I DON NI TSOGS BSGRUBS PA'I DKYIL 'KHOR GYI DBANG DU BYAS PA MIN TE, DE'I DBANG DU BYAS NA GSUM KA YANG YID KYIS BCOS PA'I DKYIL 'KHOR YIN PA'I PHYIR RO, ,YE SHES KYI SNANG BA LAS GRUB PA'I RTEN DANG BRTEN PA'I DKYIL 'KHOR NGO BO NYID KYIS YOD MED LA YANG MI BYA STE DE NI GSUM KA LA YOD MED MTSUNGS PA'I PHYIR DANG 'GRO BA RNAMS BDE MCHOG GI LHAR GDOD MA NAS YOD NA, DE YI RANG BZHIN MI SHES RNAMS, ,SNOD DU BYA BAR BZHED PA STE, ,ZHES GSUNGS PA MI RIGS TE BDE MCHOG GI LUS DKYIL MI SHES PA 'GAL BA'I PHYIR RO, ,SEMS CAN GYI LUS KYI DE KHO NA NYID DANG DKYIL 'KHOR GYI LHA'I DE KHO NA NYID DBYER MED PA LA BSAMS NAS RANG BZHIN GYIS GRUB PAR SMRA NA RDUL TSON DANG BRIS SKU'I DE KHO NA NYID DANG LHA RNAMS KYI DE NYID LA YANG MTSUNGS PAS DE GNYIS BCOS MAR 'JOG PA MI RIGS SO, ,DES NA DRIL BU ZHABS KYI BZHED BA NI YE SHES KYI SNANG BA LAS GRUB PA'I RTEN DANG BRTEN PA'I DKYIL 'KHOR DU SKYED RGYU'I GZHI RNAMS GSAR DU 'BAD PAS BSGRUBS MA BSGRUBS LA MDZAD PA YIN TE, GZHAN GNYIS LA SKYED GZHI RNAMS THIG TSON LA SOGS PAS GSAR DU BSGRUB DGOS LA LUS DKYIL LA LHAR SKYED RGYU'I RTZA DANG KHAMS LA SOGS PA GSAR DU BSGRUB MI DGOS PAR YOD PA'I PHYIR RO, ,GNYIS SU MED PA'I DON NI DE DAG NYID LHAR SKYED PA'I DBANG DU MDZAD PA'O, ,DES NA BSGOMS PA'I DKYIL 'KHOR DU SGRUB RGYU LA RANG BZHIN GYIS GRUB PA'I LUS CIG NGES PAR DGOS SO, ,'O NA 'GRO BA 'DI DAG CES SPYIR GSUNGS NA SLOB MA LA DBANG BSKUR BA'I LUS DKYIL DE SLOB DPON GYI LUS SAM SLOB MA'I LUS SAM DE LAS GZHAN PA'I LUS SAM DE DAG SO SOR

, ,MI 'BYED PAR SPYIR LUS TZAM ZHIG DKYIL 'KHOR DU SGRUB PA GANG YIN SNYAM NA, 'DIR LUS KYI DKYIL 'KHOR SGRUB PA NI LUS DKYIL GYI MNGON RTOGS SGOM PA NYID YIN GYI GZHAN MED DO, ,DES NA LUS DKYIL GYI MNGON RTOGS SGOM PA PO DES RANG GI LUS NYID LHAR SGOM PA DANG 'DRA BAR 'DIR YANG DKYIL 'KHOR SGRUB MKHAN GYI SLOB DPON DE NYID KYI LUS RTEN DANG BRTEN PA'I DKYIL 'KHOR DU BSGRUBS NAS DBANG BSKUR BA YIN GYI LUS GZHAN DER DON MED DO, ,DE LTAR YANG DRIL BU PAS, DANG POR RE SHIG 'KHOR LO GSUM, ,BDAG NYID RDO RJE SLOB DPON DANG, ,DE NAS SLOB MA BDAG 'DRAR BSAM, ,DE NAS THAMS CAD BSGRUB PAR BYA, ,ZHES DBANG BSKUR BA'I DANG POR SLOB DPON RANG NYID 'KHOR LO GSUM GYI DKYIL 'KHOR DU BSGOMS NAS DE NAS DBANG BSKUR BAR GSUNGS TE 'DI NI MNGON RTOGS SGOM PA DANG LUS KYI DKYIL 'KHOR SGRUB PA GNYIS GZHI MTHUN PA'I RNAL 'BYOR RO, ,DES NA BOD KYI BLA MA KHA CIG PHYI DKYIL SGOM PA'I MNGON RTOGS BZHIN DU GZHAL YAS KHANG RTEN BCAS MDUN DU BSKYED PA'I GTZO BO DANG BLA MA THA MI DAD KYI LUS LA LUS DKYIL TSANG BAR BSGOMS NAS BYED PA DANG, GZHAN DAG BDAG BSKYED LUS DKYIL LTAR BSGOMS PA LAS HE RU KA CHA GNYIS PAR BYE NAS RANG GI LUS DKYIL DU 'JUG PAR 'DOD PA GNYIS SNANG BA NI PHYI MA LEGS TE SNGA MA LTAR NA RANG BZHIN GYIS GRUB PA'I GZHI DUS KYI LUS DKYIL 'KHOR DU BSKYED PA MED PAS, DER ZHUGS NAS DPANG BLANGS PA RNAMS LUS DKYIL GYI DBANG DU MI 'GYUR BA'I PHYIR DANG RANG NYID GANG DU ZHUGS NAS DBANG BLANGS PA'I DKYIL 'KHOR DER SLOB MA YANG BCUG NAS DBANG BSKUR PA NI

DBANG SPYI'I RNAM GZHAG YIN PAS SLOB MAS SLOB DPON GYI LUS DKYIL DU DBANG MA BLANGS PAR 'GYUR BA'I PHYIR RO, ,RANG GTZO BO LAS BYE NAS BDAG NYID 'JUG PA NI BDAG BDUN THA MI DAD DU SGRUB PA'I PHYI DKYIL GNYIS LA YANG YOD LA DBANG BLANGS PA'I YUL NI GTZO BO DANG BLA MA GNYIS THA MI DAD LA BYA'O, ,MDOR NA DKYIL 'KHOR SGRUB PA NI LUS DKYIL GYI MNGON RTOGS SGOM PA NYID YIN PAS DKYIL 'KHOR GZHAN CIG BSGRUBS NAS DBANG DANG BDAG 'JUG DKYIL 'KHOR GZHAN CIG TU BYED PA GA LA YIN, GANG DU BSGRUB PA'I DKYIL 'KHOR YANG BSHAD PAR BYA STE RTEN GYI DKYIL 'KHOR JI LTAR SGRUB PA NI, LUS 'DOM GANG GRU BZHI GZHAL YAS KHANG GRU BZHI ZHES PA LA MTSON NA KHA CIG DE GZHAL YAS KHANG DU GNAS PA GSAL 'DEBS ZER LA KHA CIG DE NI GZHAL YAS KHANG GRU BZHI'I DOD YIN PAR MOS PA TZAM BYED ZER BA SOGS MANG DU SNANG NA'ANG 'THAD PAR MA MTHONG STE, LUS GZHAL YAS KHANG GRU BZHI SOGS KYI RANG BZHIN DU GDOD MA NAS YOD PA LA DER NGO MA SHES PA SHES PAR BYED PA SOGS SU 'DOD NA NI SNGAR BKAG ZIN LA, DOD DU MOS PA TZAM LA BYED NA RTZA DANG KHAMS RNAMS KYANG LHAR MI SGOM PAR LHA RNAMS KYI DOD DU MOS PA TZAM BYA BAR RIGS SO, ,DES NA DKYIL 'KHOR GSUM PO NI RTEN DANG BRTEN PA'I DKYIL 'KHOR DU SKYED PA'I GZHI MI 'DRA BA YIN GYI GANG DU BSKYED PAR BYA BA'I DKYIL 'KHOR LA NI RNAM PA MI 'DRA BA MED DE RTEN PA'I DKYIL 'KHOR SGRUB PA NA LHA RE GNYIS KYI SKU MDOG ZHAL PHYAG LA SOGS PA'I RNAM PA CAN DU SGOM DGOS PA BZHIN DU RTEN GYI DKYIL 'KHOR SGRUB PA NA'ANG GRU BZHI SGO BZHI LA SOGS PA'I RNAM PA CAN DU SGRUB PA GNYIS RGYU MTSAN KUN NAS MTSUNGS

, ,PA'I PHYIR RO, ,RGYUD RDOR PHRENG LAS KYANG, LUS NI GZHAL YAS KHANG DU GYUR, ,SANGS RGYAS KUN GYI YANG DAG RTEN, ,ZHES MDOR BSTAN ZHING LUS KYI CHA GANG GZHAL YAS KHANG GI CHA GANG DU SGOM PA RGYAS PAR BSHAD PA'I DON BSDUS PA NA, DE DAG GZHAL YAS KHANG DU BSGOM, ,ZHES LUS YONGS SU GYUR PA LAS GZHAL YAS KHANG DU SGOM PAR BSHAD DO, ,KLU BYANG GIS KYANG, TSANGS PA'I THIG NAS YANG DAG BRTZAM, ,GRU BZHI PA RU RNAM PAR DBYE, ,GZHAL YAS KHANG LTAR SNANG BA YI, ,RNAL 'BYOR PA YI SKU DKYIL 'KHOR, ,ZHES LUS DKYIL GYI RTEN GYI DKYIL 'KHOR SGOM PA'I SKABS SU LUS GRU BZHI PA LA SOGS PA'I GZHAL YAS KHANG DU SNANG BAR SGOM PAR GSUNGS PA'I PHYIR RO, ,(GAL TE LUS RTEN GYI DKYIL 'KHOR DU SGOm PA NA GZHAL YAS KHANG SGOm NA) GZHAL YAS KHANG GI PHYOGS MTSAMS SU LHA MI 'GOD PAR RANG GI LUS LA 'GOD PA MI RIGS SO SNYAM NA, SKYON MED DE DPER NA GSANG 'DUS MI BSKYOD RDO RJE'I SGRUB THABS SU GZHAL YAS KHANG GI DBUS SU RDO RJE 'CHANG BSKYED NAS DE'I LUS LA LHA SO GNYIS 'GOD PA'I LUS DKYIL GSUNGS PA'I SKABS SU GZHAL YAS KHANG GI PHYOGS MTSAMS SU MA BKOD PA BZHIN TE GZHAL YAS KHANG SGOM PA DANG LHA LUS LA 'GOD PA GNYIS MI 'GAL BA'I PHYIR RO, ,RTEN PA'I DKYIL 'KHOR SGRUB TSUL NI RTZA DANG KHAMS RNAMS DPA' BO DANG DPA' MO'I RNAM PA CAN DU SGOM PA YIN TE MI MTHUN PA MI SNANG NGO, ,GZHI DE DAG DKYIL 'KHOR DU SGRUB PA'I TSUL NI, DPER NA PHYI DKYIL LA Ym Rm SOGS KYI YI GE LAS 'BYUNG BA DANG RI RAB SKYED PA BZHIN DU 'DIR NI RKANG PA GNYIS BGRAD

PA'I GZHU'I DBYIBS CAN DANG SUM MDO GRU GSUM SOGS LAS SA LA SOGS PA BSKYED LA, PHYI DKYIL LA BRIS PA'I RTZIG PA LA SOGS PA GZHAL YAS KHANG DU SKYED PA BZHIN DU 'DIR NI LUS KYI RLUNG KHA DOG LNGA LA SOGS PA LUS KYI CHA RNAMS GZHAL YAS KHANG DU SKYED DE DE YANG LUS NI GZHAL YAS KHANG DU GYUR, ZHES GSUNGS PA BZHIN DU LUS KYI CHA NGE DANG DE DAG YONGS SU GYUR PA LAS DKYIL 'KHOR GYI CHA DE DANG DE DAG TU SKYED PA YIN NO, ,DE BZHIN DU RTZA RNAMS DANG RTZA NANG GI KHAMS RNAMS KYANG YONGS SU GYUR PA LAS LHAR SKYED DE DKYIL 'KHOR GZHAN GNYIS BZHIN DU STONG PAR SBYANGS NAS SKYED MI DGOS KYI DE DAG YONGS SU GYUR PA LAS DKYIL 'KHOR GNYIS SU BYED PA'O, ,RTZA DANG KHAMS RNAMS NI PHYI DKYIL LTAR NA LHA MTSAN BKOD PA'I DOD DO, ,'O NA DRIL BU PAS, BCOS MA GNYIS KYI NGO BO GANG, ,DE NI GDUL BYA'I DBANG LAS 'DOD, ,MKHAS PA'I BSGRUB BYA DE MIN TE, ,YANG DAG DON MTHONG GROL PHYIR RO, ,ZHES LUS DKYIL GZHAN GNYIS LAS MCHOG TU GSUNGS PA MI RIGS TE BSGOM BYA'I DKYIL 'KHOR GYI NGO BOR BCOS MA BCOS MTSUNGS PA'I PHYIR RO SNYAM NA; SKYON MED DE 'DIR GANG DU BSGOM PAR BYA BA'I DKYIL 'KHOR NI RRGYAL BA'I SKU'I BKOD PA NYID RTEN DANG BRTEN PAR SHAR BA RNAL 'BYOR PAS THOB PAR BYA BA'I 'BRAS BU'O, ,DE GANG LA SGRUB PA'I GZHI NI 'BRAS BU GANG LA BRTEN NAS THOB PA'I THABS SHIG LA BYA DGOS SO, , DE LTA NA GANG LA BRTEN NAS 'BRAS BU MNGON DU BYED PA'I LAM GYI RTOGS PA NI RANG GI LUS KYI RTZA DANG DE'I NANG GI KHAMS DANG RLUNG RNAMS DPA' BO DPA' MOR BYIN GYIS BRLABS TE LAS RUNG DU GYUR PA LAS SKYE BAS SKYED PA'I THABS KYI GTZO BO NI DE DAG YIN LA,

, ,PHYI DKYIL GYI BHR'Am DANG DBYANGS GSAL GYI YI GE LA SOGS PA RNAMS BYIN GYIS BRLABS KYANG NANG GI BZHIN DU LAM SKYED PAR MI NUS PAS DE GNYIS LAS BSGRUB PA'I DKYIL 'KHOR GYI MCHOG DMAN KYANG 'THAD DO, ,DES NA BCOS MA GNYIS GDUL BYA'I DBANG LAS 'DOD, ,CES GSUNGS PA NI THABS BCOS MA DE GNYIS LA BRTEN NAS DKYIL 'KHOR BSGRUBS TE DER BCUG NAS DBANG BSKUR BA NI GDUL BYA MA BCOS PA'I DKYIL 'KHOR DU BKRI BA'I THABS SU 'DOD KYI MA BCOS PA'I DKYIL 'KHOR GYI THABS GTZO BO MIN NO ZHES PA'I DON NO, ,DE'I PHYIR GDUL BYA DBANG PO RAB LA BCOS MA GNYIS KYI DBANG MI DGOS SO ZHES PA NI GTAN MIN TE, SNGAGS KYI GDUL BYA DBANG PO RAB 'BRING THA MA GANG YIN YANG DANG POR RGYUD SNOD RUNG DU SGRUB PA LA BCOS MA'I DKYIL 'KHOR DU BCUG NAS DBANG BSKUR DGOS PAR GZHUNG DU MA LAS GSUNGS PA'I PHYIR RO, ,MKHAS PA'I BSGRUB BYA DE MIN TE, ZHES PA YANG MKHAS PAS THABS SNGA MA GNYIS DKYIL 'KHOR SGRUB PA'I THABS KYI GTZO BOR MI GZUNG ZHES PA'O, ,DE'I RGYU MTSAN NI YANG DAG PA'I DON LUS KYI DKYIL 'KHOR GYI RTZA DANG KHAMS KYI GNAD RNAMS JI BZHIN DU MTHONG BA STE SHES NAS DE DAG TU GNAD DU BSNUN PAS GROL BAR 'GYUR BA'I PHYIR DANG, PHYI'I SGRUB BYED ZLA NYI DANG PHYAG MTSAN SOGS LA GNAD DU BSNUN PAS GROL BAR MI NUS PA'I PHYIR RO, ,RDO RJE MKHA' 'GRO LAS, RNAL MA'I SBYOR BA RTOGS BYA'I PHYIR, ,BCOS MA YI NI BSGOM PA DANG, ,BCOS MA YI NI BZLAS PA BYA, ,ZHES GSUNGS PA BZHIN DU 'DIR YANG MA BCOS PA'I DKYIL 'KHOR DU DBANG BSKUR BA LA SNGON DU BCOS MA'I DKYIL 'KHOR DU DBANG BSKUR DGOS PAS DE DAG RGYU 'BRAS

SU SHES PAR GYIS SHIG ,'DI LA BRJOD PAR BYA BA MANG DU YOD KYANG MNGAS PAS 'JIGS NAS MA BRIS SO, ,GNYIS BA LA GNYIS, MCHOD PA DNGOS DANG, CHAD LHAG ZHI BAR BYA ZHING BSKOR NAS SGO DBYE BA'O, ,DANG PO LA GNYIS, NANG DU DKYIL 'KHOR GYI LHA MCHOD PA DANG, PHYI ROL TU GTOR MA'I MCHOD PA'O, ,DANG PO LA GNYIS, MCHOD PA BYA BA'I RIM PA SPYIR BSHAD PA DANG, MCHOD YON GYI CHOG BYE BRAG TU BSHAD PA'O, ,DANG PO NI, 'DIR MA BSHAD KYANG MCHOD RDZAS RNAMS BSANGS SBYANGS LA RANG RANG GI SKYED CHOG BZHIN DU BSKYED NAS DBUL DGOS SO, ,DE NAS LHA MO SPROS PA RNAMS KYIS YID KYI RANG BZHIN GYI MCHOD PAS MCHOD DE BSIL BA'I GOS ZUNG DANG BLA RE LA GOS DBYANGS PA DANG YI GE GSUM GYIS BSNGAGS PA'I BZA' BA DANG BCA' BA DANG BLDAG PA DANG BZHIB PA DANG BTUNG BA'I NYER SPYOD LA SOGS PA DANG, GSER DANG BU MO DANG GLANG PO DANG RTA DANG BA GLANG LA SOGS PA PHUL LA PHYI ROL GYI RNAL 'BYOR MA BCU DRUG GAM BRGYAD DAM BZHI GZUGS RDO RJE MA LA SOGS PA'I NGO BO RNAMS KYIS RANG RANG GI MCHOD PAS MCHOD NAS DRIL BU DKROL ZHING MI BSKYOD RDO RJE ZHES PA LA SOGS PAS BSTOD DO, ,RANG DANG RIG MA GNYIS KYI KHAMS DKAR DMAR THOD PA'I SNOD DU BCUG NAS BDUD RTZIR BYAS PA PHUL TE DE RNAMS BDUD RTZI MYANGS PAS TSIM PAR BYAS NAS BDE BA CHEN PO'I RANG BZHIN DU MOS PAR BYA'O, ,'DI NI RIG MA DNGOS KYI DBANG DU BYA LA YE RGYA YIN NA DE LTAR MOS NAS 'BUL DGOS PAR MNGON NO, ,CHANG GI MCHOD PA YANG BYA STE SKYED CHOG SNGON DU SONG NAS SO, ,DE NAS 'KHOR LO'I GTZO BO'I SNGAGS BRGYA RTZA BRGYAD DANG 'KHOR RNAMS KYI NYER GCIG DANG YIG BRGYA BZLA STE

, ,MNGON BRJOD KYI GSUM PA LAS, YI GE BRGYA PAS THAMS CAD DU, ,GSANG SNGAGS BRTAN PAR BSGOMS NAS SU, ,RANG GI MING BZHIN LDAN PAR NI, ,GCIG TU SPEL NAS BZLAS PAR BYA, ,ZHES SO, ,LA BA PAS LHA THAMS CAD LA BRGYA RTZA BRGYAD RE'I BZLAS BA DANG BZLAS PA'I MTHAR YANG MCHOD BSTOD BYA BAR GSUNGS SO, ,SKABS 'DIR TSOGS KYI MCHOD PA BYA BAR SA RA HA DANG PRA DZNY'A RA KshI TA LA SOGS PA MANG POS BSHAD LA NAG PO SPYOD PA SOGS MANG POS NANG GI SBYIN SREG BYA BAR GSUNGS TE DON GCIG GO , GNYIS PA NI, MCHOD YON LA SOGS PA'I SNOD NI, GSER DNGUL RDO DANG ZANG DANG SHING, ,SA BYAS NYA PHYIS DUNG DANG NI, ,'DAB MA'I SKYONG BU ZHABS BSIL DANG, ,BSANG GTOR ZHAL BSIL MCHOD YON SNOD, ,DE DANG SNOD GZHAN GANG RUNG DU, ,ZHES DNGOS SU SMOS PA DGU DANG GZHAN YANG RUNG NGO, ,'DI RNAMS SPYI RGYUD LAS MCHOD YON GYI SNOD DU BSHAD KYANG CHU GZHAN RNAMS KYI'ANG SNOD YIN TE MI THUB ZLA BAS, 'DI KUN MCHOD YON YAN LAG PHYIR, ,MCHOD YON SGRA RU BSHAD PA YIN, ZHES GSUNGS PA LTAR RE, ,NANG RDZAS DANG SNGAGS NI, NAS DANG 'O MA DANG ME TOG DKAR PO DANG KU SHA DANG TIL DANG 'BRAS YOS DANG BDUD RTZI DANG BCAS PA'I DRI DKAR PO'I CHU RNAMS BLUGS LA, AOm A'A: H'Um ZHES PA DANG RANG GYI BDAG PO'I SNGAGS DANG 'KHYIL PA'I SNGAGS KYIS LAN BDUN NAM BRGYA RTZA BRGYAD DU BSNGAG PAR BYA STE ZHI BA'I DON DU'O, ,DE DAG NI MCHOD YON GYI RDZAS BDUN DU GRAGS PA'O, ,RGYAS PA'I DON DU TIL DANG ZHO DANG ME TOG SER PO DANG KU SHA DANG DRI SER PO'I CHU BDUD RTZI DANG BCAS PA BLUGS LA DE LTAR BZLAS PA BYA'O, ,SPYI RGYUD LAS, DE NAS DRI ZHIM CHU

BLUGS NAS, ,BLO LDAN LAG GIS BRAN BYA ZHING, ,BDUG SPOS KYIS NI BDUG BZHIN DU, ,YID KYIS RAB TU BZLAS BRJOD BYA, ,ZHES SO, ,GANG DU 'GOD PA'I TSUL NI, ,DE NAS RANG GI GA-YON DU MCHOD YON DANG ZHABS BSIL DANG BSANG GTOR DANG ZHAL BSIL GYI SNOD BZHAG CING DE DAG GI MDUN DU'ANG BZED ZHAL GYI SNOD STONG PA GSUM BZHAG GO ,MI THUB ZLA BAS, ME TOG SPOS DANG MAR ME DANG, ,DRI YI DUD SOGS GA-YAS SU BZHAG ,GA-YON DU SNGAGS KYI MCHOD YON SNOD, ,MDUN DU YANG NI SNOD BZHAG BYA, ,ZHES GSUNGS TE BZED ZHAL RNAMS MANYDZI'I KHAR BZHAG PAR BSHAD DO, ,'BUL BA'I PHYAG RGYA DANG SNGAGS NI KHU TSUR GA-YAS PA'I MTHE BONG DANG MDZUB MO'I SKAM PAS ZHABS BSIL GYI SNOD KYI CHU DANG ME TOG 'GYING PA'I TSUL GYIS SOR MO RNAMS BSKOR ZHING BLANGS LA, MDZUB MO NAS RIM PA BZHIN DU PHYE STE, AOm A'A: HR'I: PRA WAR SAD K'A RAm P'A TYAm PRA T'I TZTSA H'Um SV'U H'A, ZHES BRJOD CING BZED ZHAL DU DBUL LO, ,SNOD GNYIS PA'I CHU LAG PA GA-YAS PAS BZUNG BA'I KU SHA'I RTZE MOS BLANGS TE P'A BYAm GYI GNAS SU PROKshA nI BCUG NAS BZED ZHAL GNYIS PAR BSANG GTOR LAN GSUM BYA STE LAS BUM GYI CHUS BSANG BA LA YANG DE BZHIN NO, ,SNOD GNYIS PA'I CHU ME TOG DANG BCAS PA GA-YAS PA'I MTHEB MDZUB KYIS BZUNG LA KHA 'OG TU PHYOGS PA'I MTHE'U CHUNG NAS RIM GYIS DGROL ZHING A'ANYTZA MA nAm BCUG PA'I SNGAGS BRJOD NAS BZED ZHAL GNYIS PA NYID DU DBUL LO, ,GSUM PA MCHOD YON GYI SNOD CHU LA SOGS PA DANG BCAS PA SNYIM PAS BZUNG LA AARGHAm BCUG PA'I SNGAGS BRJOD CING RDO RJE THAL MO PHYE BAS BZED ZHAL GYI SNOD GSUM PAR DBUL TE THAMS CAD LA LAN GSUM GSUM MO, ,DE

, ,LTAR NA CHU BZHI LA NI SNOD GSUM STE BSANG GTOR DANG ZHAL BSIL GYI SNOD GCIG PA'I PHYIR RO, ,'BUL BA'I GO RIM NI, SNGAR BSHAD PA LTAR CHU BZHI 'BUL BA'I RIM PA 'DI NI PHAL CHER LAS MTHONG NO, ,GZHUNG KHA CIG TU NI SNGAR BSHAD PA LAS GZHAN DU 'BYUNG LA BSANG GTOR NI JI LTAR RIGS PAR BYA'O, ,GZHUNG KHA CIG TU NI DANG POR MCHOD YON 'BUL BA YOD LA KHA CIG TU CHU GZHAN GSUM MED PAR MCHOD YON 'BUL BA KHO NA BSHAD DE SKABS JI LTAR RIGS PAR BYA'O, , GNAS GANG DU 'BUL BA NI, ZHABS BSIL NI ZHABS BKRU BAS ZHABS LA 'BUL BAR BSAM MO, ,DE BZHIN DU BSANG GTOR NI SKU THAMS CAD LA DANG ZHAL BSIL NI PHYAG GAM ZHAL DU DANG MCHOD YON NI MDUN NAM DBU LA DANG, ME TOG NI DBU DANG SPOS DANG MAR ME NI MDUN DANG LHA BSHOS NI MDUN NAM PHYAG GAM ZHAL DU DANG, DRI NI THUGS KAR 'BUL BAR BSAM STE DE LTA BU NI CHO GA THAMS CAD DU SHES PAR BYA'O, ,GNYIS PA NI, DE NAS SGRUB GROGS DKYIL 'KHOR DU BZHAG LA RANG PHYIR BYUNG NAS SHAR LA SOGS PA'I PHYOGS SU GTOR MA'I CHO GAS RANG GI 'DOD PA'I LHA DANG DBANG PO LA SOGS PA LA GTOR MA DBUL BAR PHRENG BAR GSUNGS PAS 'JIG RTEN PA DANG 'JIG RTEN LAS 'DAS PA GNYIS KA LA PHYI ROL TU GTOR MA BYED DE RDUL TSON GYI DKYIL 'KHOR DANG 'DAS GTOR 'BUL BA'I DKYIL 'KHOR BA'I LHA SO SOR BYED PA'I LUGS YIN LA DE YANG LHA'I DKYIL 'KHOR GYI PHYI ROL GYI PHYOGS MTSAMS RNAMS SU DBANG PO LA SOGS PA DMIGS NAS GTOR MA 'BUL BAR SLOB DPON 'DI BZHED DO, ,SA RA HA DANG MAR ME MDZAD

BZANG PO LA SOGS PAS ZHING SKYONG DANG PHYOGS SKYONG LA PHYI ROL TU 'BUL BA MA GTOGS 'DAS GTOR PHYI ROL TU 'BUL BA MA BSHAD LA, BI BH'U T'I SA RANG GIS GTOR MA PHUL NAS PHYI ROL TU PHYOGS KYI GTOR MA GZHAN LA YANG 'BUL DU 'JUG STE, ZHES GSUNGS SO, ,BOD KYI BLA MA RNAMS NI NANG DU DKYIL 'KHOR PA'I LHA DANG RANG GI CHOS SKYONG SOGS KYI GTOR MA'I RIM PA KUN BYAS NAS PHYI ROL TU 'JIG RTEN PA'I GTOR MA BYED DO, ,'JIG RTEN PA'I GTOR MA 'BUL BA'I YUL NI RGYAL BA BZANG POS, DE NAS SHAR SGO LAS BYUNG NAS, ,DBANG PO LA SOGS PHYOGS BDAG KUN, ,TSIG GIS NYE BAR SPYAN DRANGS BYA, ,DE LA TSIG NI 'DI YIN TE, ,KHA CIG BCOM LDAN LHAN CIG 'ONGS, ,GANG 'DIR GNAS PA DE DAG KUN, ,DE RNAMS BDAG LA RJES DGONGS PHYIR, ,JI LTAR YOD PA'I DRI DANG NI, ,ME TOG SOGS KYI GTOR BZHES LA, ,SEMS CAN RNAMS LA BYAMS SEMS DANG, ,SLOB MA YANG DAG BGEGS MED MDZOD, ,CES YE SHES PA SPYAN DRANGS PA DANG LHAN CIG 'ONGS PA'I PHYOGS SKYONG RNAMS LA 'BUL BAR BZHED LA SLOB DPON 'DIS NI DKYIL 'KHOR PA'I LHA GTOR 'GRON DU SPYAN DRANGS PA DANG LHAN CIG TU DBANG PO SOGS SPYAN DRANGS NAS 'DAS PA'I LHAR BSGYUR BA LA 'BUL ZHING GTOR MA PHUL BA'I MTHAR DKYIL 'KHOR BA'I LHA RANG LA SDUD, KHRO BO BCU DANG PHYOGS SKYONG RNAMS DKYIL 'KHOR GYI KHANG PA'I PHYI ROL TU PHYOGS BCUR BKOD DE DKYIL 'KHOR GYI LAS MA ZIN GYI BAR DU 'JOG GO ,DE YANG DKYIL 'KHOR GYI KHANG PA LA SOGS PA'I PHYOGS SU KHRO BO BCU'I SA'I GONG BU DANG NYE BA'I MDUN DU GTOR MA DBUL BAR BYA'O, ,DE'I PHYI NGOS SU SA'I GONG BU BCO LNGA 'AM DE MED NA MAndALA RNAMS GYI STENG DU PHYOGS SKYONG BCO LNGA LA PHYOGS BRGYAD DU SBYIN NO, ,

, ,DE DAG GI PHYI ROL TU SA'I GONG BU BRGYAD DAM BA LCIS MAndALA BYAS PA RNAMS SU KLU RNAMS LA KHAM PHOR DU 'O MA LA SOGS PA SBYIN NO, ,PHYI ROL TU YANG GTOR MA ZIN LA SOGS PA DANG MAR DANG SBRANG RTZI DANG CHU DANG 'O MA DANG CHANG GI RGYUN RNAM PA LNGA GA-YAS SKOR DU GTOR BAR BYA'O, ,RDUL TSON GYI DKYIL 'KHOR GSHEGS SU GSOL BA'I RJES LA GTOR MA LA SOGS PA PHUL NAS KHRO BO BCU RANG LA GZHUG PHYOGS SKYONG RNAMS GSHEGS SU GSOL BAR BSHAD DE DE DAG LA NYI MA RE RE ZHING MCHOD PA LA SOGS PA BYA BA NI PHUR BU DANG 'DRA BAR MNGON NO, ,'DI NI 'DI 'DRA BA GZHAN LA YANG BYAS NA BAR CHAD ZLOG PA LA KHYAD SHIN TU CHE BAR GSAL LO, ,GTOR MA'I SKYED CHOG LA SOGS PA NI 'OG TU BSHAD PAR BYA'O, ,BOD KYI BLA MA DAG GTOR MA BTANG ZIN PA DANG ROL MO DANG BCAS PAS SNA DRANGS TE GTOR MA SKYEL BGEGS BSKRAD DE GTOR SKYEL LA SOGS PA'I GNAS GSUM SRUNG, SLOB DPON GYIS RTING MNAN NAS NANG DU 'ONG ZHING RTZA SNGAGS SOGS 'DON PAR BZHED DO, ,DE ZIN PA DANG NYE REG BYA STE DE'I CHO GA NI TZOG TZOG PUR 'DUG CING NGAG GCAD LAG PA GNYIS PUS MO'I NANG DU 'ONG BAR BYA GA-YAS PA GAN RKYAL DU GNAS PA'I GUNG MO DANG SRIN LAG CUNG ZAD BKUG LA KHA LA PHYOGS PAR GZUNG NGO, ,ZE 'BRU'I CHAS KHA LA LAN MANG DU BYAB CING LAN GNYIS GSUM DU RNA BUG GNYIS DANG MIG DAG DANG SNA DANG KHA DANG LAG PA DAG DANG LTE BA DANG MGO LA REG PAR BYA'O, ,'DI 'JAM DPAL RTZA RGYUD NAS BSHAD LA DER CHU GTZANG MA LAG TU BLANGS NAS BYA BAR BSHAD CING DPUNG BZANG GI BCU PA LAS KYANG, CHU YIS LAG PA RKANG PA BKRUS NAS SU, ,BUS MO PHYI ROL TU NI BSTAN BYAS TE, ,BAR DU LAG BZHAG TZOG TZOG

POR 'DUG NAS, ,SGRA MED DBU BA MED PA'I NYE REG BYA, ,LAN GSUM BAR DU CHU NI 'THUNGS NAS KYANG, ,MCHU LA LAN GNYIS YONGS SU PHYI BAR BYA, ,ZHES GSUNGS PAS DANG POR LAG PA GNYIS BKRU STE DE NAS LAG PA GA-YON PA'I MTHIL DU CHU GTZANG BLUG LA GA-YAS PA'I SOR MOS CHU BLANGS NAS SNGAR LTAR NYA REG BYAS PA'I RJES SU AUB GSUM 'THUNGS NAS MCHU LA LAN GNYIS PHYI BAR BYA'O, ,'DI 'BYUNG PO DANG KHA LAB BYAS PA'I MA DAG PA BSAL BA'I PHYIR YIN ZHES ZER MOD KYANG PHRENG BAR BSHAD PA NI DE MA YIN TE PHYOGS SKYONG 'JIG RTEN LAS 'DAS PA'I LHAR BSKYED NAS GTOR MA 'BUL BA'I PHYIR DANG GTOR CHOG BSHAD PA BZHI KA LA PHYOGS SKYONG DANG DKYIL 'KHOR PA'I LHA GNYIS SPRAGS NAS 'BUL BAR GSUNGS PA LA SKABS GZHAN DU NYA REG MI BYED PA'I PHYIR RO, ,DES NA NYE REG NI SPYIR MA DAG PA SEL BYED DU MNGON NO, ,GNYIS PA NI, DE NAS GRUB NA CHAD LHAG GI NYES PA ZHI BA'I PHYIR DU ZHI BA'I SBYIN SREG BYA DKYIL 'KHOR TSIM PAR BYA BA'I PHYIR RGYAS PA'I SBYIN SREG BYA, DE NAS SNGAR BSHAD PA'I H'Um MDZAD KYI RNAL 'BYOR DANG LDAN PAR BYAS LA H'Um BZHI PA'I SNGAGS ZLOS SHING ME TOG GI PHRENG BA BLANGS TE DKYIL 'KHOR STENG DU BTEG PA'I 'OG NAS 'DZUL PA'I DMIGS PA DANG SNGAGS SNGAR BSHAD PA LTAR GYI RDO RJE SHUGS KYI 'JUG PAS DKYIL 'KHOR DU ZHUGS NAS RDO RJE GSOR ZHING DRIL BU GSIL TE SNGAR BSHAD PA'I RDO RJE'I RKANG BAS SGO'I SLOB DPON BZHI DANG LHAN CIG BSKOR BA GSUM BYAS NAS 'KHOR LO LA BLTAS TE PHRENG BA GTZO BO LA DBUL LO, ,SHAR SGO LA SOGS PA'I SLOB DPON RNAMS KYIS RIM PA BZHIN DU AOm H'Um PHAt DANG AOm H'Um A'A: PHAt DANG AOm H'Um A'A: A'A: A'A: PHAt DANG AOm H'UAm

, ,HA NA M'A RA YA DUshtA NA GH'A TA YA GH'A TA YA AA: AA: H'Um HR'I PHAt CES BZLAS SHING DKYIL 'KHOR DU 'JUG PA DANG RDO RJE'I RKANG PAS 'GRO BA SNGA MA BZHIN BYA'O, ,DPAL MCHOG LAS LAN GSUM BSKOR TE RDO RJE DRIL BU DKROL BAS LHAG CHAD KYI MA TSANG BA KHA SKONG BAR GSUNGS SO, ,DE NAS SKOR BA RE RE BYAS NAS SGO RE RE DBYE BAR BYA STE THOG MAR NUB TU SONG NAS AOm BO DZRAD GH'A tA SA MA YA PRA BE SHA YA H'Um ZHES BRJOD LA SHAR SGO DBYE DE BZHIN DU BYANG NAS LHO SGO DANG SHAR NAS NUB SGO DANG LHO NAS BYANG SGO NGA BYE'O,, DE'I TSE H'Um MDZAD KYI PHYAG RGYA 'CHING ZHING GA-YON BRKYANG DU GNAS TE PHYAG RGYA DE BKROL NAS DBYE BAR KLU BYANG GIS BSHAD DO, ,KHA CIG DE PHA RGYUD KYI SKABS YIN PAS MA RGYUD LA GA-YAS BRKYANG GIS DBYE ZHES ZER MOD KYANG PHRENG BAR SNGAR SA CHOG GI SKABS SU BSHAD PA'I H'Um MDZAD KYI RNAL 'BYOR BYA BAR GSUNGS SHING, DER GA-YAS BRKYANG DU BSHAD PA RGYUD GNYIS KA'I THUN MONG DU BZHED PAS DBYE BA DE MI DGOS SO, ,SHAR SGO 'BYED PA NUB NAS BYED PA NI SGO NANG NAS DBYE BA'I DBANG DU BYAS PA STE GZHAN LA YANG DES SHES PAR BYA'O,, DE NAS AOm SA MA YA PRA BE SH'A YA MI BRJOD NAS ME TOG GI PHRENG BA PHUL BA SLAR GAR BYED CING BLANGS LA RANG GI MGO BO LA BCINGS TE DKYIL 'KHOR LA PHYAG BYAS NAS SEMS CAN THAMS CAD LA DNGOS GRUB THAMS CAD KYI BKA' DRIN STZOL CIG CES GSOL BA BTAB NAS BSGOM BZLAS BYA'O, ,SKAL LDAN GANG DU BCU GNAS DBANG BSKUR BA'I, ,DKYIL 'KHOR RGYAL BA RNAMS KYI ZHING DANG SKUR, ,TSUL BZHIN BSKRUBS NAS MNYES PAR BYED PA YI, ,CHO GA'I RIM PA MKHAS PA'I GZHUNG BZHIN BSHAD, ,RDO RJE 'CHANG CHEN PO'I LAM GYI RIM

PA GSANG BA KUN GYI GNAD RNAM PAR PHYE BA LAS, DKYIL 'KHOR BRIS SHING BSGRUBS NAS MCHOD PA'I CHO GA'I RIM PA STE LE'U BDUN PA'O,, ` ,,GNYIS PA DBANG BSKUR BA'I CHO GA LA GNYIS, RANG NYID ZHUGS NAS DNGOS GRUB ZHU ZHING BDEN PA'I BYIN BRLABS BYA BA DANG, GZHAN LA DBANG BSKUR BA'I CHO GA'O, ,DANG PO LA GNYIS, ZHUGS SHING DBANG BLANGS NAS GNANG BA NOD PA DANG, DNGOS GRUB ZHU ZHING BDEN PA'I BYIN BRLABS BYA BA'O, ,DANG PO NI, 'DIR PHRENG BA LAS, DKYIL 'KHOR GYI KHANG PAR 'JUG PA'I TSE SLOB MA RNAMS KYIS AOm PRA BI SHA BHA GA W'A NA MAH'A SU KHA MOkshA SU RAm SARBA SIDDHI SU KHA PRA DAm PA RA MA SU KHA AUD TA MA SI DYA DZA: H'Um BAm HO: PRA SIDDHYASVA, ZHES SPRO BA BSKYED PAS ZHUGS NAS GA-YAS BSKOR DU 'KHOR LO'I DBANG PHYUG GI GZUGS KYIS NUB LA SOGS PA'I SGOR GNAS TE DKYIL 'KHOR GYI SHAR SGO LA SOGS PA, AOm BADZROD GH'A tA YA SA MA YA PRA BO SHA YA H'Um ZHES 'DON ZHING PHYE NAS, ZHES SLOB MAS SNGAGS SNGA MAS SPRO BA BSKYED DE ZHUGS NAS GA-YAS SKOR DU ZHUGS TE GTZO BO'I NGA RGYAL GYIS SLAR YANG SGO 'BYED PA CIG GSUNGS PA BZHIN DU SDOM 'BYUNG 'GREL PAR YANG 'BYUNG NGO, ,SKABS 'DIR SLOB MA DKYIL 'KHOR GYI KHANG PAR ZHUGS NAS GA-YAS SKOR GYIS SGO 'BYED PAR BYED PA SHIN TU MA 'BREL BA CIG SNANG BA LA BDE MCHOG GI DBANG GI RAB BYED AA BHYAS MDZAD ZER BA LAS DKYIL 'KHOR GYI KHANG PAR 'JUG PA'I TSE SLOB MA RNAMS KYI SNGON DU SLOB DPON 'JUG PAR BYA STE ZHES 'CHAD DO, ,'ON KYANG RGYAL BA BZANG POS, ,GTZO BO SLOB DPON DAG GI NI, ,DPA' BO DBANG PHYUG GZUGS BZUNG NAS, ,DE NAS 'JUG PA'I DUS SU NI, ,SLOB MAS 'DI BZHIN DU BRJOD DE, ,ZHES PRA BE SHA'I SNGAGS BRJOD NAS ZHUGS TE SKOR BA GSUM BYAS PA'I 'O

, ,TU YE SHES 'BEBS LA DE'I 'OG TU BA RA MA SU KHA'I SNGAGS KYIS ME TOG DOR NAS RANG GI MGO LA 'CHING BA SOGS BYED PA CIG SLOB DPON GYI BDAG 'JUG GI SKABS SU GSUNGS PAS PHRENG BA'I DE YANG DE DANG BSTUN PAR SNANG NGO, ,DE NI RANG GI BLA MA DE GTZO BO'I GZUGS SU GNAS PAR BSAMS NAS BDAG 'JUG BYED PA'I DON YIN PAS 'DIR SLOB DPON ZHES PA NI CHO GA BYED MKHAN GYI BLA MA YIN LA DES NA SLOB MAS 'DI BZHIN BRJOD CES PA'I SLOB MA'I CHO GA BYED MKHAN RANG YIN GYI RANG GI SLOB MA BYED PA MIN PAS PHRENG BA'I 'GYUR RNAMS KYIS CUNG MA THON PAR GSAL LO, ,DBANG GI RAB BYED 'DI PHRENG BA LA 'DRIS PA'I RGYA GAR BA CIG GIS BYAS KYI AA BHYAS BYAS PA MIN PAR SNANG STE RGYU MTSAN 'OG TU STON NO, ,DE RTZOM PA POS KYANG DPYOD PA ZHUGS NAS SNGAR LTAR MDZAD KYANG PHRENG BA NA RGYAL BA BZANG PO'I RJES SU 'BRANGS PA MANG PO SNANG BAS 'DI YANG DE DANG BSTUN PA'O, ,DES NA SLOB DPON RANG NYID DKYIL 'KHOR DU 'JUG PA'I TSE PRA BI SHA SOGS KYI SNGAGS BRJOD DE SPRO BA BSKYED NAS 'JUG LA DE YANG SNGON DU SGO PHYE NAS SGO NAS 'JUG PAS 'DIR SGO DBYE BA GSUNGS TE GTZO BO'I NGA RGYAL GYIS 'BYED PAS SNGAR H'Um MDZAD KYI NGA RGYAL GYIS DBYE BAR GSUNGS PA DANG MI 'DRA'O, ,SNGAR RDO RJE SHUGS KYI 'JUG PAS DKYIL 'KHOR GYI NANG DU ZHUGS NAS ME TOG PHRENG BA RANG GI MGO LA 'CHING BA'I BAR BYAS NAS DE'I 'OG TU SGO BCAD PAR GSAL TE DER MA BCAD NA SLAR YANG DBYE MI DGOS PA'I PHYIR DANG SLOB MA 'JUG PA SGO NAS 'JUG PA'I PHYIR RO, ,SPRO BA BSKYED PA'I SNGAGS DE NI, ,DNGOS GRUB KUN GYI BDE BA NYAMS DGA' BA'I, ,THAR PA'I GRONG DU BCOM LDAN BDE CHEN 'JUG ,MCHOG TU BDE BA DAM PA'I DNGOS GRUB KYIS, ,DZA: H'Um BAm HO: RAB TU

GRUB PAR MDZOD, ,CES DPAL MCHOG NA BOD SKAD DU YOD PA DE YIN TE PHO BRANG DU ZHUGS PA'I PHAN YON MTHONG NAS 'JUG PAR SPRO BA'O, ,SNGAGS 'DI KLU BYANG GIS MIG DAR 'CHING BA'I SKABS SU GSUNGS SO, ,DE NAS PHRENG BA LAS, ME TOG GI PHRENG BA AOm PA RA MA SU KH'A SHA YA SU LA LI TA BI L'A SA NA MI TA NA MI TEERNA M'A MI BHA GA W'NTAm DZA: H'Um BAm HO: HI HI HI H'I H'I: PRAT'I TZTSA KU SU M'ANDZA LI N'A THA HO: ZHES BYA BA'I SNGAGS KYIS DKYIL 'KHOR DU DOR NAS SLAR BZUNG STE PHRENG BA'I DBANG GI BSAM PAS RANG GI MGO BOR BCINGS LA 'KHOR LO'I DBANG PHYUG BLA MA MNGON SUM DU GYUR PAR MOS PA BYAS TE, DES STER BZHIN PA'I PHRENG BA'I DBANG BZUNG BA LA SOGS PA 'CHAD PAR 'GYUR BA'I DBANG MA LUS PA DANG CHO GA BZHIN DU SLOB DPON GYIS RJES SU GNANG BA THOB PAR BYAS LA, ZHES GSUNGS PA BZHIN DU SDOM 'BYUNG 'GREL PAR YANG 'BYUNG NGO, ,ME TOG DOR BA'I SNGAGS DE NI DPAL MCHOG LAS, MCHOG GI BDE BA'I SEMS NI ROL PAR LDAN, ,SGEG PA'I PHYAG GIS BCOM LDAN 'DAS LA 'DUD, ,DZA: H'Um BAm HO: HI HI HI H'I H'I: MGON PO SNYIM PA'I ME TOG BZHES SU GSOL, ,ZHES BOD SKAD DU YOD PA DE YIN NO, ,DE DAG GI TSIG ZIN LTAR NA ME TOG DOR BA'I GONG GI DKYIL 'KHOR DU 'JUG PA'I SKOR RNAMS SLOB DPON GYIS BDAG 'JUG BYED PA LA MI DGOS PA 'DRA BA CIG SNANG MOD KYANG RGYAL BA BZANG POS KYANG DKYIL 'KHOR DU 'JUG PA'I SKOR GZHAN RNAMS CI RIGS PAR MDZAD NAS MKHAS PA'I CHO GA MDOR BSDUS PA YIN PAR GSUNGS PAS 'DIR YANG 'JUG PA'I SKOR RNAMS SLOB MA 'JUG PA DANG KHYAD MED PAR BYA STE, MAR ME MDZAD BZANG PO DANG LVA BA PA DANG SA RA HA LA SOGS PA DU MAS KYANG SLOB MA 'JUG PA BZHIN DU SLOB DPON 'JUG

, ,PAR GSUNGS SHING PHRENG BA LAS KYANG 'DI NI SLOB DPON 'JUG PA'I CHO GA'O, ,ZHES GSUNGS PA'I PHYIR RO, ,DE LTAR NA BDAG MDUN THA DAD DU BSGRUBS NA MI DGOS LA THA MI DAD DU BSGRUBS NA RANG GTZO BO LAS BYE NAS GTZO BO DANG BLA MA THA MI DAD DU BSGOMS PAS BLA MA'I BYA BA THAMS CAD MDZAD PAR BSAM LA DNGOS SU BYA DGOS PA RNAMS RANG GIS BYAS TE 'JUG PA DANG DBANG LEN PA RNAMS RDZOGS PAR BYAS PA'I MTHAR, SLOB DPON GYI LAS RNAMS LA RJES SU GNANG BA NOD PA YANG MAR ME MDZAD BZANG PO DANG LVA BA PA LA SOGS PAS GSUNGS PAS BYA DGOS LA, DE'I BYED TSUL NI DZA YA SE NAS, DE NAS SLOB MA 'JUG DON DU, ,MKHAS PAS 'DI LTAR MKHYEN PAR GSOL, ,BDAG MING CHE GE ZHES BYA YI, ,HE RU KA DPAL SLOB DPON CHE, ,SANGS RGYAS BYANG CHUB SEMS KUN GYI, ,GSUNGS PA'I CHO GA DAG GIS NI, ,PHUN SUM TSOGS PA'I CHO GA YIS, ,SEMS CAN DON NI BDAG GIS BGYI, ,DE LA RJES GNANG STZOL MDZOD LA, ,SANGS RGYAS BYANG CHUB SEMS RNAMS KYIS, ,BDAG LA NYE BAR MDZAD DU GSOL, ,DE NAS DE RNAMS KYIS RJES GNANG, ,BDAG GIS RJES SU BSAM PAR BYA, ,ZHES BSHAD PA BZHIN DU GNANG BA ZHUS PAS DE LTAR GYIS SHIG CES GNANG BA BSTZAL BAR BSAM PA'O, ,GNYIS PA NI, DE NAS SLOB MA GZHUG PA'I CHED DU BDE BA CHEN PO'I BDAG NYID THABS SHES KYI RANG BZHIN DE KHO NA NYID KYI BSTOD PA SNGON DU 'GRO BAS DKYIL 'KHOR GYI DNGOS GRUB ZHU ZHING BDEN PA'I BYIN BRLABS BYA BA NI, NAM MKHA' SKYE BA SOGS TSIGS BCAD DGU'O, ,DE LA TSIGS BCAD DANG PO LNGA NI DAM TSIG GSUM GYI GLU'I MCHOD PA DANG DE NAS GCIG

GIS NI DE KHO NA NYID BSGRAG PA DANG DE NAS GSUM GYIS NI BDEN PA BSGRAG PA'O, ,GLU GSUM NI DE KHO NA NYID KYI GLU DANG CHOS NYID KYI GLU DANG PHYAG RGYA'I GLU'O, ,DANG PO LA GSUM LAS RANG BZHIN GYI DE KHO NA NYID NI, NAM MKHA' SKYE BA MTSAN MA'I PHYIR, ,THOG MA THA MA MED PA'I MCHOG ,SEMS DPA' RDO RJE CHE RANG BZHIN, ,MI BSKYOD RDO RJE DENG BDAG SGRUBS, ,ZHES PA'O, ,DE LA SEMS DPA' NI DE BZHIN NYID DANG NGO GCIG PA'I SPROS PA MED PA'I RNAM PAR MI RTOG PA'I YE SHES BYANG CHUB KYI SEMS TE DE NI RDO RJE SEMS DPA'I RANG BZHIN NO, ,DE NYID NI RNAM PAR RTOG PAS MI PHYED PAS NA RDO RJE CHEN PO'O, ,BYANG CHUB KYI SEMS DE YANG GANG ZHE NA, BYANG SEMS RNAMS KYI THOG MA DANG THA MA MED PA'I SEMS KYI RGYUN RANG BZHIN GYIS DAG PAS RNAMS LA GLO BUR GYI DRI MA RIM GYIS BSAL NAS RNAM PAR DAG PA MTHAR THUG PA'I CHOS KYI SKU DE NI DON DAM PA BYANG CHUB KYI SEMS YIN LA DES NA THOG MA DANG THA MA MED PA'I MCHOG GO ,RTZIG PA LA SOGS PA'I SGRIB GA-YOGS BSAL BA NA NAM MKHA' SKYE BA'AM 'BYUNG BAR THA SNYAD 'DOGS SO, ,NAM MKHA' DE'I MTSAN MA STE MTSON BYED KYI DPE 'DI LA YOD PAS NA MTSAN LDAN TE DE BZHIN NYID KYANG SGRIB PA DANG BRAL BA NA GSAL BAR GYUR PAS SKYE BA'I THA SNYAD BTAGS PA TZAM MO, ,DE'I PHYIR THOG MTHA' SKYE 'JIG MED DO, ,DPAL MCHOG LAS RDO RJE SEMS DPA' ZHES 'BYUNG BA LA DKYIL CHOG RNAMS SU MI BSKYOD PA DANG 'JAM RDOR DANG BDE MCHOG SOGS KYI 'DON PA SPOS NAS BSHAD DO, ,'DI RNAMS DKYIL 'KHOR PA'I LHA LA BSTOD PA DANG GLUS MCHOD PAR BSHAD PAS MI BSKYOD RDO RJE ZHES SOGS NI BSTOD YUL LA BOD PA DANG DE'I GO 'PHANG BDAG LA STZOL CIG CES PA GNYIS KAR GO BAR BYA STE 'OG MA RNAMS SU YANG NGO,

, ,'BYOR PA'I DE KHO NA NYID NI, DNGOS GRUB CHEN PO KUN GYI MCHOG ,DBANG PHYUG CHEN PO LHAG PA'I LHA, ,RDO RJE 'DZIN PA KUN GYI RGYAL, ,MI 'GYUR MCHOG TU BDAG GRUB MDZOD, ,CES PA'O, ,DNGOS GRUB KUN GYI MCHOG TU GYUR PA'I DNGOS GRUB CHEN PO NI RDZOGS PA'I BYANG CHUB BO, ,DES NA STOBS SOGS KYI CHOS LA DBANG SGYUR BA'I DBANG PHYUG GO ,DE'I PHYIR 'JIG RTEN PA THAMS CAD LAS LHAG PA'I LHA'O, ,SKU GSUNG THUGS RDO RJE THAMS CAD BRNYES PAS NA RDO RJE 'DZIN PA KUN KYANG YIN LA SANGS RGYAS BYANG SEMS KYI PHUN TSOGS THAMS CAD 'DI LA RAG LAS PAS RGYAL PO'ANG YIN NO, ,DE'I 'BYOR BA DE YANG RTAG TU MI 'GYUR BA'I MCHOG GO ,RNAM PAR DAG PA'I DE KHO NA NYID NI, ,NYES PA MED PA RTAG PA KHYOD, ,'DOD CHAGS KUN GYI RJES CHAGS PA, ,BCOM LDAN CHAGS CHEN DGA' BA CHE, ,DE KHO NA NYID BDAG GRUB MDZOD, ,CES PA'O, ,NYES PA MED PA NI BAG CHAGS DANG BCAS PA'I SGRIB PA THAMS CAD SPANGS PA'O, ,RTAG PA'I DON NI SKU GSUM GYIS NAM MKHA' JI SRID PA DE SRID DU BZHUGS PA'O, ,DNGOS GRUB BRNYES PA'I 'DOD CHAGS KUN TE 'DOD PA THAMS CAD KYIS SEMS CAN KUN LA RJES SU CHAGS PA'I PHRIN LAS MDZAD LA DE'I PHYIR DMIGS MED KYI THUGS RJE'I 'DOD CHAGS CHEN PO CAN NO, ,MTSAN MED KYI CHOS KYI DGA' BAS DGYES PAS NA DGA' BA CHE'O, ,DE NYID KYIS ZHES BTON NAS DE'I DON SNGAR BSHAD PA'I TSIGS BCAD GSUM GYIS BSHAD PA LA SH'ANTI PAS BKRAL BAS BYED TSIG YOD NA DAG GO ,CHOS NYID KYI GLU NI, SHIN TU RNAM DAG CHOS KYI MCHOG ,GDOD NAS GOL BA DE BZHIN GSHEGS, ,KUN TU BZANG PO KUN BDAG NYID, ,BYANG CHUB

SEMS DPA' BDAG GRUB MDZOD, ,CES PA'O, ,SLAR MI LDOG PA'I DAG PA MNGA' BAS NA SHIN TU DAG PA'O, ,CHOS THAMS CAD KYI MCHOG NI MYA NGAN LAS 'DAS PA YIN LA DE'I MCHOG NI SANGS RGYAS KYI MYANG 'DAS TE DE'I RANG BZHIN YIN PAS CHOS KYI MCHOG GO ,RANG BZHIN GYIS DAG PAS GDOD NAS GROL PA'O, ,CHOS RNAMS KYI CHOS NYID JI LTAR GNAS PA DE LTAR THUGS SU CHUD PAS NA DE BZHIN GSHEGS PA'O, ,BZANG PO NI DGE BA YIN LA KUN NI MA LUS PA STE 'DI LAS DE RNAMS 'BYUNG BA'O, ,CHOS KYI DBYINGS NI CHOS THAMS CAD KYI MTSAN NYID DAM RANG BZHIN YIN PAS NA KUN GYI BDAG NYID DO, ,BYANG CHUB KYI BDAG NYID CAN GYI SEMS NI BYANG CHUB SEMS DPA'O, ,PHYAG RGYA'I GLU NI, DNGOS GRUB CHEN PO KUN GYI MCHOG ,DBANG CHEN MCHOG GI PHYAG RGYA YIS, ,RDO RJE CHEN PO GSOR PA LAS, ,RDO RJE SNYEMS BDAG BDAG GRUB MDZOD, ,CES PA'O, ,RKANG PA DANG PO DANG DBANG CHEN NI SNGAR BSHAD PA LTAR RO, ,DE'I PHYAG RGYA NI RDO RJE SEMS DPA'I SKU GSUNG THUGS KYI RDO RJE'I NGO BO'I SKU'O, ,PHYAG RGYA DES YUM RDO RJE SNYEMS MA'I PHYAG RGYA'I BDAG PO STE GTZO BOR GYUR PA BDAG LA GRUB PAR MDZOD CIG PA'O, ,DE YANG DANG PO'I RDO RJE PHYAG GA-YAS PAS GSOR BA'AM STOD PA STE 'DI NI MTSON PA TZAM MO, ,DAM TSIG 'DI RNAMS KYIS RDO RJE 'CHANG GI DE NYID BRJOD LA DKYIL 'KHOR GYI BDAG PO RNAMS KYANG RDO RJE 'CHANG GI RANG BZHIN CAN YIN PAS DE RNAMS KYI'ANG DE KHO NA NYID DU 'GYUR RO, ,DE KHO NA NYID BSGRAG PA NI, ,SEMS CAN KUN GYI YID KHYAB PA, ,SEMS CAN KUN GYI SNYING LA GNAS, ,SEMS CAN KUN GYI YAB KYANG YIN, ,DAM TSIG MCHOG GI 'DOD PA MCHOG ,CES PA'O, ,SGRIB PA RNAM PAR DAG PA'I DE BZHIN NYID GTZO BOR GYUR PA'I YE SHES NI 'DOD PAR

, ,BYA BAS 'DOD PA STE YANG DAG PA'I YE SHES KYI DAM TSIG MCHOG DANG LDAN PA RNAMS KYI MCHOG GO ,'DOD PAR BYA BA'I DE BZHIN NYID DE YANG SANGS RGYAS NAS SO SKYE'I BAR GYI YID LA KHYAB PA'O, ,DE YANG SANGS RGYAS KYI SA LA NI RNAM PAR DAG PA'I TSUL GYIS THUGS LA KHYAB LA BYANG CHUB SEMS DPA' RNAMS LA NI RANG GI SA'I SGRIB PA RNAM PAR DAG PA'I TSUL GYIS SO, ,DE BZHIN NYID LA DMIGS NAS RNAM PAR MI RTOG PA BSGOMS PAS BDE BA STER BAS NA PHA DANG 'DRA LA GZHUNG KHA CIG LAS SNYING LA GNAS ZHES PA LTAR NA BDE BA STZOL BAS SNYING DU SDUG PAS NA SNYING LA GNAS PA'O, ,'DOD PAR BYA BA DE NI SEMS CAN RNAMS KYI YAB TU GYUR PA STE SANGS RGYAS BYANG SEMS RNAMS RNAM PAR DAG PA'I YE SHES KYI SKU DE LAS 'KHRUNGS PA'O, ,DE GNYIS JI LTA BA DE BZHIN DU SO SO SKYE BO RNAMS KYI'ANG YAB YIN TE DE DAG GI LUS SEMS KYI BDE BA NI DE NYID KYI RANG BZHIN RNAM DAG GI DBANG DU BYAS PA'I PHYIR RO, ,'DIS SO SO SKYE BO LA KHYAB TSUL SNGAR MA BSHAD PA YANG SHES PAR BYA'O, ,BDEN PA BSGRAG PA NI, BDEN PA GANG GIS YE SHES MCHOG , SHES RAB THABS BDAG DKYIL 'KHOR GYI, ,BDEN PA DE YIS MGON PO KHYOD, ,'DOD PA BDAG LA YONGS RDZOGS MDZOD, ,CHOS RNAMS GZUGS BRNYAN LTA BU STE, ,GSAL ZHING DAG LA RNYOG PA MED, ,GZUNG DU MED CING BRJOD DU MED, ,RGYU DANG LAS LAS YANG DAG BYUNG, , DE NYID DE BZHIN NYID NGES 'BYUNG, ,BDEN PA DE YIS DKYIL 'KHOR NI, ,GZUGS BRNYAN GSAL BA SLOB MA RNAMS, ,KUN GYIS SGRIB MED MTHONG BAR SHOG ,CES PA'O, ,YE SHES MCHOG NI GNYIS SU MED PA'I YE SHES TE GNYIS DANG GNYIS MED PA'I RNAM PA CAN GYI

THABS SHES KYI BDAG NYID KYI DKYIL 'KHOR RO, ,SHES RAB THABS BDAG DKYIL 'KHOR YIN, ,ZHES DKYIL CHOG MANG PO LAS 'BYUNG NGO, ,BDEN PA STE PHYIN CI MA LOG PA DES YID LA MNGON PAR BSAM PA'I 'DOD PA RDZOGS PAR MDZOD CES PA'O, ,CHOS RNAMS NI DKYIL 'KHOR BA'I LHA RNAMS SO, ,GZUGS BRNYAN LTA BU SEMS TZAM GYI SNANG BA'O, ,NYON MONGS DANG SHES SGRIB DANG SNYOMS 'JUG GI SGRIB PA GSUM DANG BRAL BAS DAG PA DANG GSAL BA DANG RNYOG PA MED PA'O, ,RANG BZHIN MED CING SO SO RANG GIS RIG PAS SHES PA GZHAN GYIS GZUNG DU MED PA DANG SKRA RTOG GI YUL MIN PAS BRJOD DU MED PA'O, ,'DI RNAMS KYI RGYU NI CHOS KYI DBYINGS SO, ,LAS NI THOS BSAM SGOM GSUM LA SOGS PA'O, ,DE BZHIN NYID DANG DE KHO NA NYID NI YANG DAG PA'I YE SHES RDO RJE 'CHANG STE DKYIL 'KHOR PA THAMS CAD NI DE LAS BYUNG BA'O, ,GZUGS BRNYAN NI DKYIL 'KHOR DU BRIS PA'O, ,GSAL BAR NI GANG GI GZUGS SU BRIS PA DE'I SKUR LTA BA'O, ,SGRIB MED DAM DRI MED NI BDEN PA DANG BCOM LDAN 'DAS KYI BYIN GYIS BRLABS KYIS SDIG PA BSAL BA LA BRTEN NAS DKYIL 'KHOR MTHONG BAR SHOG CIG PA'O, ,SLOB MA NI KUN GYIS ZHES MANG PO LAS 'BYUNG NGO, ,'DI DAG NI DKYIL CHOG DU MA ZHIG NAS 'BYUNG ZHING DON LEGS PAR GO BA GAL CHE BAR SNANG BAS SH'ANTI PA DANG AA BHYAS BSHAD PA BZHIN BKOD PA'O, ,DPAL MCHOG LAS TSIGS BCAD LHAG MA LNGA MI 'BYUNG ZHING DANG PO LA AOm NAM MKHA' ZHES ? GSUNGS LA, DE'I 'GREL CHEN GYI BSHAD PA YANG PHAL CHER SNGA MA DANG 'DRA'O, ,PHYI MA BZHI NI BZHI BRGYA LNGA BCU PA DANG LVA BA PA LA SOGS PA'I DKYIL CHOG MANG PO LAS GSUNGS SO, ,'DI LAN GSUM BYA BAR D'A RI KA PAS BSHAD DO, ,GNYIS PA LA GNYIS, SLOB MA LA DBANG BSKUR

, ,BA SNOD RUNG GI CHO GA DANG, LHA LA DBANG BSKUR BA RAB GNAS KYI CHO GA'O, ,DANG PO LA GSUM, THOG MAR DBANG BSKUR BA'I CHO GA DANG, ,DAM TSIG NYAMS NA GSO BA'I TSUL DANG, ,DKYIL 'KHOR GYI MJUG GI CHO GA'O, ,DANG PO LA GNYIS, RDUL TSON LA BRTEN NAS DBANG BSKUR BA'I CHO GA DANG, DKYIL 'KHOR GZHAN LA BRTEN NAS DBANG BSKUR BA LA DOGS PA GCAD PA'O, ,DANG PO LA LNGA, DKYIL 'KHOR DU GZHUG PA DANG, ZHUGS PA LA DBANG BSKUR BA'I TSUL DANG, ,DBANG GI MTHA' BRTEN GYI CHO GA DANG, DBANG RNAMS KYI DON BSHAD PA DANG, MTHA' RTEN BYED TSUL DBANG GI DBYE BSDU DANG BCAS PA'O, ,DANG PO LA GNYIS, GDONG GA-YOGS DANG BCAS PAR GZHUG PA DANG, DKYIL 'KHOR MTHONG BA'I BDAG NYID CAN DU GZHUG PA'O, ,DANG PO LA GNYIS, YOL BA'I PHYI ROL TU GZHUG PA DANG, NANG DU GZHUG PA'O, ,DANG PO NI, SNGON DU CHAS SU GZHUG PA NI DE NAS SGO'I SLOB DPON RNAMS MI 'DOD NA GZHAN RNAMS DANG 'DOD NA NI DE RNAMS DANG SLOB MA GZHAN LHAG GNAS BYAS PA SDOM PA GNYIS DANG LDAN PA RNAMS KHRUS BYED DU BCUG STE DRI ZHIM PO LA SOGS PAS DAG PAR BYAS LA YOL BA'I PHYI ROL TU BZHAG PA RNAMS RNAM SNANG NGAM GTZO BOR DMIGS LA, 'KHYIL PA BZLAS PA'I GOS DMAR PO 'AM GZHAN GANG YANG RUNG BA AOm SARBA TA TH'A GA TA AA NUTTAR BO DHI AA Lm K'A RA WASTRA P'U DZA ME GHA SA MU TRA SPHA RA nA SA MA YE H'Um, ZHES PAS SMAD GA-YOGS DANG, AOm BADZRA RAKshA HAm, ZHES PAS STOD GA-YOGS DANG, AOm BADZRA AUshnI sh'A H'Um PHAt, ZHES PAS GTZUG TOR BYA BAR GSUNGS PAS DE DAG LA BZLAS PA DANG BSKON PA'I SNGAGS THUN MONG BA'O, ,DE NAS MIG BCING BA'I GOS NI DMAR PO'AM SER POR GSUNGS PA LTAR LVA BA PAS

KYANG BSHAD LA DE NYID BSDUS PA LAS DUM BU SO SO LA KHA DOG SO SO BA GSUNGS PAS DMAR PO KHO NA MI DGOS SO, ,DE LA BZLA BA'I SNGAGS NI 'KHYIL BA'I SNGAGS SO, ,BCING BA'I SNGAGS NI, AOm TZAKshU BAN DHAm BA RA MA NA YA H'Um, ZHES GSUNGS TE SNGAGS 'DI KHO NAR MA NGES SO, 'CHING TSUL LA LVA PA BAS SLOB MA THA MA DANG 'BRING LA YE MI MTHONG BA DANG RAB LA CUNG ZAD MTHONG BAR BCING BAR GSUNGS PAS ME TOG DOR NAS SLOB DPON GYIS MIG RAS MA BSAL BAR DU DKYIL 'KHOR RDZOGS PAR MTHONG DU MI RUNG BAS MIG RAS 'CHING BA YIN TE, PHYE BA'I 'OG TU KYEE RDO RJE LTOS SHIG CES DE NAS LTA BA LA SKUL BA'I PHYIR RO, ,A'A: KHAm B'I RA H'Um, ZHES BRJOD NAS ME TOG GI PHRENG BA BZUNG ZHING YON PHUL LA ZHES PA MA GTOGS PA GSOL BA GDAB PA MA BSHAD DE SNGAR GYI GSOL GDAB 'JUG PA'I GSOL GDAB YIN PA LA DGONGS SO, SH'ANTI PA DANG BH'A BA BHA DRAS SMAD GA-YOGS MA GTOGS PA'I CHAS 'JUG MDZAD LA GZHAN MANG POS ME TOG PHRENG BA DANG MIG RAS 'DZIN PA TZAM BSHAD DO, ,DE NAS BYIN GYIS BRLAB PA NI LAS THAMS CAD PA'I CHUS BSANGS TE SNYING MGRIN SPYI BOR GNAS PA'I RDO RJE PADMA 'KHOR LO LA BKOD PA'I NYI MA DANG NYI MA DANG ZLA BA'I STENG DU H'Um NAG PO DANG A'A: DMAR PO DANG AOm DKAR PO'I 'OD ZER GYIS LUS 'OD GSAL BAR BYAS SHING H'Um ZHES BRJOD NAS DKYIL 'KHOR GYI SHAR SGOR BZHAG GO ,SH'ANTI PA DANG NYIN MO 'BYUNG GNAS KYIS MIG LA SOGS PA BYIN GYIS RLOB PA YANG BSHAD DE RGYAS BSDUS SO, ,RIGS DANG MOS PA 'DRI BA NI SLOB MA LAS KYI RDO RJE CAN GYIS BZUNG BA LA DKYIL 'KHOR DU GZHUG PA'I PHYIR SLOB DPON GYIS KYEE DGA' BA LA DGA' KHYED SU YIN ZHES DRI BAR BYA'O, ,DES BDE CHEN BDAG NI SKAL BA BZANG ZHES BRJOD

, ,PAR BYA'O, ,DRIS LAN 'DI NI D'A RI KA PA'I DKYIL CHOG GI 'GYUR LTAR BDE STE, BU KHYOD SU YIN CI LA DGA', ,SKAL BZANG BDE CHEN GNAS LA ZHES, ,DRI LAN YONGS SU SPYAD PAR BYA, ,ZHES GSUNGS PA LTAR RIGS DANG MOS PA DRI BA YIN NO, ,SKAL BZANG NI SA RA HAS RGYAL BA'I SRAS ZHES 'BYUNG BA BZHIN YIN LA BDE BA CHEN PO LA MOS PAR BSTAN PAS DKYIL 'KHOR DU GZHUG TU RUNG BAR SHES PA'O, ,MNYAM SBYOR DU CI LA DGA' BA DRIS PA'I LAN DU SKAL PA BZANG PO LA DGA' ZHES GSUNGS PA'I DON NI SNGAR BSHAD PA BZHIN DU BZUNG STE SDOM 'BYUNG LAS, KYEE KHYOD SU ZHES DRI BYA STE, ,BDAG SKAL BZANG ZHES BRJOD DANG LDAN, ,ZHES GSUNGS PA BZHIN DU TSAD LDAN GZHAN YANG MANG POS BSHAD PAS SKAL BZANG NI DGA' BA PO YIN GYI DGA' BA'I YUL MIN NO, ,LVA BA PAS SNGAR LTAR DRIS LAN BYAS PA'I 'OG TU YANG BU CI BYA, ,DES KYANG SANGS RGYAS MCHOG GI DAM TSIG BGYI 'TSAL ZHES SO, ,ZHES DRIS LAN GZHAN CIG GSUNGS TE KHYED SKAL BA BZANG ZHING BDE CHEN LA MOS NA DES CI ZHIG BYED CE NA SANGS RGYAS KYI DAM TSIG MCHOG BSGRUB PA'I PHYIR YIN NO ZHES PA'I DON NO, ,DRIS LAN 'DI MNYAM SBYOR GYI DKYIL CHOG GNYIS SU YANG 'BYUNG NGO, ,DE NAS RNAL 'BYOR THAMS CAD KYI SEMS BSKYED PA NI, AOm SARBA YO GA TZITTm AUD P'A TA Y'A MI, ZHES 'DON DU GZHUG CING BYANG CHUB KYI SEMS BSKYED LA, ZHES SNGAGS 'DI SLOB MA RNAMS 'DON DU BCUG NAS SEMS BSKYED PAR PHRENG BA RJES 'BRANG DANG BCAS PAS BSHAD PA LEGS TE DPAL MCHOG LAS, DE LA DANG PO KHO NAR DE BZHIN GSHEGS PA THAMS CAD KYI MCHOG TU GSANG BA DAM PA'I SNGAGS LAN CIG BRJOD PAS SKYED DU BCUG STE,

ZHES SNGAGS 'DI'I SNGON NYID DU GSUNGS PA'I PHYIR DANG THAMS CAD RNAL 'BYOR GYI SEMS BSKYED PAR BGYI'O, ,ZHES PA'I SNGAGS DON DANG SHIN TU MTHUN PA'I PHYIR RO, ,SNGAGS 'DIS SEMS BSKYED PA NI MAR ME MDZAD BZANG PO DANG LVA BA PA DANG SA RA HA DANG D'A RI KA PA SOGS KYIS BSHAD LA, KLU BYANG DANG BH'A BA BHA DRA DANG NAG PO SPYOD PA SOGS MA BSHAD PA YANG MANG PO SNANG NGO, ,SEMS BSKYED TSUL LA DPAL MCHOG TU SMON SEMS BSKYED PA'I RJES THOGS SU SANGS RGYAS KYI RANG BZHIN RTOGS PA'I BYANG CHUB KYI RANG BZHIN GYI SEMS BSKYED PA LA GSUNGS KYI SNYING KHAR ZLA BA'I STENG DU RDO RJE BSGOMS NAS SKYED PA RGYUD 'GREL GNYIS KA NA MI SNANG LA KUN SNYING GI DKYIL CHOG GZHAN RNAMS DANG BLA MED KYI DKYIL CHOG PHAL MO CHER YANG MA BYUNG NGO, ,BOD KYI BLA MA KHA CIG SNYING KHAR RDO RJE DKAR PO RTZE LNGA PA GCIG PU BSGOMS NAS MDZAD LA KHA CIG ZLA BA DANG RDO RJE GNYIS CAR SGOM PAR MDZAD DO, ,YANG DPAL MCHOG LAS, GANG ZHIG BSKYED PA TZAM GYIS NI, ,SANGS RGYAS NYID DU DOGS MED PA'I, ,BYANG CHUB SEMS NI GTANG MI BYA, ,PHYAG RGYA RDO RJE GANG YIN PA'O, ,ZHES PA'I DON 'GREL CHEN LAS, STONG NYID KYI RDO RJE ZHES BYA BA RDO RJE RTZE LNGA PA'I PHYAG RGYAS ZLA BA'I STENG DU TIshthA ZHES PAS BSKYED PA TZAM GYIS PHYIR MI LDOG PA'I BAG CHAGS SKYED PAS, DE BZHIN GSHEGS PA THAMS CAD DANG MNYAM PAS DA LTAR BYUNG BA'I SANGS RGYAS SU RTOGS PAR BYA'O, ,ZHES BKRAL BA DER TIshthA ZHES PA'I SNGAGS KYIS SKYED PAR BSHAD LA 'DIR SNGAGS DE MA BYUNG BAS, SLOB DPON DE'I DGONGS PA NI PHYAG BZHI'I DANG PO'I SKABS SU RDOR SEMS ZHUGS NAS SNYING KHAR ZLA BA'I STENG DU RDO RJE RTZE LNGA PA'I GZUGS KYIS BZHUGS PA LA LTA BA'I YID NI THABS DANG SHES RAB KYI SEMS BSKYED

, ,PAR STOD 'GREL LAS GSUNGS PA DER SNANG NGO, ,BZHI BRGYA LNGA BCU PA DANG DE'I 'GREL PA SHANTI PAS MDZAD PA LAS PHYAG BZHI MA BSHAD KYANG, GANG ZHIG BSKYED PA TZAM GYIS NI, ,ZHES SOGS DAM TSIG BSTAN PA'I SKABS SU 'BYUNG BA'I 'GREL PA LAS, BSKYED PA TZAM NI BYANG CHUB TU SMON PA LAS SAM 'JUG PA LAS TE SNYING KHA'I ZLA BAR RDO RJE'I RNAM PAR RO, ,ZHES GSUNGS LA 'DI THAMS CAD RNAL 'BYOR GYI SEMS BSKYED PA LA MA BYAS NA GZHAN DU BSHAD SA YANG MED PAS 'DI'I SHES BYED DU BYA STE BZHI BRGYA LNGA BCU PA LAS KYANG, RNAL 'BYOR SEMS NI YANG DAG BSKYED, ,SNYING KHAR RDO RJE SNYING PO BSAM, ,ZHES GSUNGS PA LA YANG ZUR TZAM ZHIG SNANG NGO, ,GZHAN YANG DPAL MCHOG LAS, 'DI BRJOD PA TZAM GYI DE BZHIN GSHEGS PA THAMS CAD DANG MI 'BRAL ZHING PHYIR MI LDOG PA DANG BDUD THAMS CAD ZIL GYIS GNON PA'I BYANG CHUB SEMS DPA' CHEN PO DE BZHIN GSHEGS PA NYID DU YANG RTOGS PAR BYA'O, ,ZHES SEMS DE BSKYED PA'I PHAN YON DU GSUNGS SHING DE'I 'GREL PA LAS KYANG, SEMS DE BSKYED PA TZAM GYI MTHUS PHYIR MI LDOG PAR 'GYUR PA'I PHYIR RO, ,BLA NA MED PA'I BYANG CHUB TU NGES PA NYID KYIS DE BZHIN GSHEGS PA RNAMS DANG MNYAM PA NYID KYIS DE BZHIN GSHEGS PA NYID DU RTOGS PAR BYA BA YIN NO, ,ZHES GSUNGS PA'I DON DANG, GANG ZHIG BSKYED PA TZAM GYIS NI, ,ZHES SOGS DON GCIG TU SNANG BAS SEMS DE BSKYED PA LA YANG SBYAR RUNG BA YIN NO, ,SEMS SKYED PA 'DI LA KUN SNYING DANG SHANTI PA GNYIS KAS SMON SEMS DANG BYANG CHUB KYI RANG BZHIN RTOGS PA'I 'JUG SEMS SKYED PAR GSUNGS PAS, BLA MA SNGA MA RNAMS KUN RDZOB DANG DON DAM PA'I BYANG CHUB KYI

SEMS GNYIS SKYED PAR MDZAD PA DANG ZLA BA'I STENG GI RDO RJE STONG NYID KYI NGO BOR KUN SNYING GIS GSUNGS PAS RDO RJE DON DAM SEMS BSKYED DANG ZLA BA KUN RDZOB SEMS BSKYED LA SBYOR BA YANG LEGS SO, ,'DI LEGS PAR BRDA 'PHROD NA SNGAGS KYI THABS MKHAS KYIS THEG PA CHEN POR RIGS NGES PAR BYED PA KHYAD PAR CAN ZHIG SNANG BAS LTA BA'I STENG NAS DON DAM PA'I SEMS BSKYED DANG SEMS CAN THAMS CAD KYI DON DU SANGS RGYAS THOB 'DOD KYI SMON PA GNYIS DMIGS PHYED PAR BYAS NAS ZLA BA RDO RJE'I RNAM PAR BSKYED PAR BYA STE, 'DI DANG 'DI 'DRA BA GZHAN RNAMS KYANG TSIG SPYI LA MA LAS PAR BRDA 'PHROD PAR BYAS NA RTEN 'BREL KHYAD PAR CAN DU MA ZHIG 'GRIG PAS DBANG BSKUR BA LA BSNGAGS PA SHIN TU CHE BA YIN NO, ,DE NAS SNYING KHAR RDO RJE ME TOG DANG BCAS PA, AOm SU RA TE SA MA YA STVm HO: SIDHYA BADZRA YA TH'A SU KHm, ZHES BRJOD CING BZUNG STE, DENG KHYOD DE BZHIN GSHEGS PA THAMS CAD KYIS BYIN GYIS RLOB PAR 'GYUR GYIS KHYOD KYIS KYANG DE BZHIN GSHEGS PA THAMS CAD KYI MCHOG TU GSANG BA'I DKYIL 'KHOR 'DI DKYIL 'KHOR DU MA ZHUGS PA RNAMS LA SMRA BAR MI BYA ZHING MA DAD PAR YANG MI BYA'O ZHES BRJOD DO, , HO: ZHES PA YAN CHAD DPAL MCHOG NA YOD LA PHYI MA'I SNGAGS NI MAR ME MDZAD BZANG PO LA SOGS PA MANG POS BSHAD DO, ,RDO RJE SNYING KHAR 'DZIN PA MTSAMS 'DI NAS 'BYUNG BA BZHIN DU DPAL MCHOG LAS KYANG 'BYUNG LA SEMS BSKYED PA'I SNGON NAS BYED PA YANG D'A RI KA PA SOGS MANG POS GSUNGS SO, ,DENG KHYOD CES SOGS 'DI MAR ME MDZAD BZANG PO DANG LVA BA PA LA SOGS PAS MDZAD LA GZHAN MANG POS MA BSHAD DO, ,MA DAD PA RNAMS LA'ANG MA YIN NO ZHES 'BYUNG BA'I 'GYUR LEGS TE DKYIL 'KHOR DU ZHUGS SU ZIN KYANG SNGAGS

, ,LA MI DAD NA DE LA YANG MI BSTAN PA'I DON YIN PAS DAM GZHAG DANG PO LA MED PA'I KHYAD PAR RO, ,GNYIS PA LA GSUM, NANG DU GZHUG CING BSKOR NAS PHYAG BYA BA DANG, DAM LA GZHAG PA DANG, YE SHES PHAB NAS BDEN PA BRJOD PA'O, ,DANG PO NI, DE NAS AOm YA M'AN TA KRiTA H'Um ZHES BRJOD CING KHRID LA A'A: KHm B'I RA H'Um ZHES PA 'DIS YOL BA'I NANG DU BCUG STE, MAH'A RA TA SU DRI DHA SU TO shO SU SU KHO BADZRA SA TVA A'A: DYA SIDDHYA M'm ZHES PA GDON LA BSKOR BA BYA'O, ,SNGAGS GNYIS SLOB DPON GYIS BRJOD DGOS SO, SNGAGS SNGA MAS SLOB MA 'GUGS BAR SH'ANTI PAS BSHAD DE LVA BA PAS KYANG SHAR PHYOGS KYI SGO SKYONG MA'I SNGAGS KYIS SLOB MA BCUG STE, ZHES GSUNGS PAS SNGAGS DES DKYIL 'KHOR GYI SHAR SGOR DGUG PA'I DMIGS PA BYA'O, ,DE NAS YI GE LNGAS YOL BA'I NANG DU GZHUG PAR LVA BA PAS KYANG GSUNGS PA NI, 'DUS PA'I BCU DRUG PA LAS, DE LA 'DI NI DKYIL 'KHOR CHEN POR 'JUG PA'I RDO RJE'I DAM TSIG GO ,A'A: KHm B'I RA H'Um, ZHES SNGAGS 'DIS DKYIL 'KHOR DU 'JUG PAR GSUNGS PAS DNGOS SU YOL BA'I NANG DU 'JUG PA YIN YANG SGOM DON LA DKYIL 'KHOR GYI NANG DU TSUD PA DGOS SO, ,DBANG SKUR BA LA SNGON DU DKYIL 'KHOR GYI NANG DU GZHUG DGOS PAR GSUNGS PA NI LHA DE DAG GI GSANG BA'I GTAM KHYAD PAR CAN BSHAD PA'I SNOD DU RUNG BA LA DE DAG GI NANG DU TSUD PA CIG DGOS PA'I DON YIN LA, DKYIL 'KHOR GYI NANG DU 'JUG PA'I THOG MA YANG 'DI NAS YIN PAS BRDA 'BYOR DGOS SO, ,BI BH'U TI'I DKYIL CHOG LAS KYANG, BDE BA MCHOG GI PHO BRANG DU, ,BU KHYOD BDAG GIS DRANGS PA'O, ,ZHES DANG, NAG PO SPYOD PA DANG SA RA HAS

KYANG, DE BZHIN GSHEGS PA KUN GYI GNAS, ,HE RU KA DPAL GRONG KHYER MCHOG ,SNYING PO'I DKYIL 'KHOR 'DI RU NI, ,BDAG GIS SLOB MA GZHUG PAR BGYI, ,ZHES GSUNGS PAS SLOB DPON GYIS BKRI ZHING SLOB MA LA YANG DMIGS PA RNAMS BSTAN PAR BYA'O, , BH'A BA BHA DRAS A'A: KHm B'I RA H'Um ZHES BYA BA 'DI BRJOD LA YID KYIS DKYIL 'KHOR GYI LHA DANG GNYIS SU MED PAR BSGOMS TE DKYIL 'KHOR GYI NYE 'KHOR DU GZHUG PAR BYA'O, ,ZHES GSUNGS SHING D'A RI KA PAS KYANG LHA DANG THA DAD MED PAR BYA BAR GSUNGS PA'I DON NI DKYIL 'KHOR GYI NANG DU BCUG PAS LHA RNAMS DANG PHYI NANG GI KHYAD PAR MED PAR DE DAG DANG SKAL BA MNYAM PAR SONG BAR YID KYIS SGOM PA'I DON TE NANG DU BCUG PA'I DON 'DI GSAL LO, ,SKOR BA'I SNGAGS NI DPAL MCHOG LAS GSUNGS LA DE'I 'GREL CHEN LAS SHAR LA SOGS PA'I SGO NAS SGO MA RE RE'I SNYING PO BRJOD NAS SGO DE DANG DER RANG NYID SGO MA RNAMS KYIS BKUG PAR BSAMS TE MTHAR SHAR SGOR ZHUGS NAS SNGAGS 'DI BRJOD PAR GSUNGS PAS DANG PO SHAR SGO NAS ZHUGS PA PHYIR 'THON NAS SKOR BA BYED PA YIN LA SGO GZHAN LA YANG DE'I RIGS PA SBYAR BAS CHOG PA 'DRA'O, ,DE NAS THAL MO SBYAR BAS DKYIL 'KHOR GYI SHAR SGOR, AOm SARBA TA TH'A GA TA P'U DZO PASTH'A N'A YA, A'ATMA Nm NIRY'A TA Y'A MI, SARBA TA TH'A GA TA BADZRA SATVA AA DHI TIshthA M'm, AOm SARBA BUD DHA P'U DZO PASTH'A N'A YA, A'ATMA Nm NIRY'A TA A'A MI, SARBA TA TH'A GA TA BADZRA BEE RO TZA NA AA DHI TIshthA M'm, ZHES PA DANG LHOR, AOm SARBA TA TH'A GA TA P'U DZA AA BHI shE K'A Y'A A'ATMA Nm NIRY'A TA Y'A MI, SARBA TA TH'A GA TA BADZRA RATNA AA BHI shINYTZA M'm, NUB TU, AOm SARBA TA TH'A GA TA P'U DZA PRA BAR TA N'A YA A'ATMA Nm NIRY'A TA Y'A MI,

, ,SARBA TA TH'A GA TA BADZRA DHARMA PRA BAR TA YA M'm, BYANG DU, AOm SARBA TA TH'A GA TA P'U DZA KARMA nE A'ATMA Nm NIRY'A TA Y'A MI, SARBA TA TH'A GA TA BADZRA KARMA KU RU Mm, ZHES BYA BA'I SNGAGS LNGAS RIM PA BZHIN DU DKYIL 'KHOR NA BZHUGS PA'I MI BSKYOD PA LA SOGS PA'I DE BZHIN GSHEGS PA RNAMS LA PHYAG BYED DU BCUG LA YANG SHAR SGOR, AOm GU RU TZA RA nO PASTH'A N'A YA A'ATMA Nm NIRY'A TA Y'A MI, AOm SARBA SATVA PA RI TR'A n'A RTHm A'ATMA Nm NIRY'A TA Y'A MI, ZHES BYA BA DON GO BA SNGON DU 'GRO BAS 'DON DU GZHUG GO ,SNGAGS GNYIS PA DANG LNGA PA MA GTOGS PA RNAMS DE NYID BSDUS PA'I DUM BU DANG PO LAS GSUNGS LA SLOB DPON 'DIS DANG PO GTZO BO DANG GNYIS PA RNAM SNANG LA BYED PAS DBUS SU MI BSKYOD PA'I RIGS BZHUGS PA'I DBANG DU MDZAD DO, ,KLU BYANG GIS MI BSKYOD PAR BSAMS NAS PHYAG DANG PO GNYIS LA SOGS PA'I PHYAG BZHI LAS MA GSUNGS LA DBUS NA MI BSKYOD PA BZHUGS PAS DE'I LUGS LA PHYOGS KYI PHYAG PHRENG BA BZHIN DU BYA DGOS PAR MNGON NO, ,LVA BA PA DANG NAG PO SPYOD PA DANG SA RA HAS DANG POR NA MA TE LA SOGS PA LUS NGAG YID GSUM GYI PHYAG BYAS NAS DE NAS PHYOGS BZHI'I PHYAG BYED DE SNGA MAS GTZO BO PHYAG BYED PAR MNGON NO, ,DE DAG GIS MKHA' 'GRO MA LA SOGS PA PHYOGS SO SO'I LHA'I MTSAN 'DON PA SPOS NAS MDZAD LA RGYAL BA BZANG POS KYANG RDO RJE SEMS DPA' LA SOGS PA BZHI MI BSKYOD PA LA SOGS PA BZHIS 'DON PA SPOS NAS PHYAG BZHI BYED CING GTZO BO DE BZHI KA'I RANG BZHIN DU BYAS NAS MKHA' 'GRO MA LA SOGS PA BZHIS BYIN GYIS BRLAB PAR BSHAD DO, ,SNGAGS DE DAG GI DON GO BA SNGON DU BTANG NAS PHYAG BYA BAR GSUNGS PAS SNGAGS DON NI,

A'ATMA Nm NIRY'A TA Y'A MI ZHES PA BZHIS NI BDAG NYID DBUL BAR BGYI'O ZHES STON LA GANG GI PHYIR 'BUL BA NI SNGAGS DE'I GONG MA BZHIS STON TE DE BZHIN GSHEGS PA THAMS CAD LA MCHOD CING BSNYEN BKUR BA DANG MCHOD CING DBANG BSKUR BA DANG MCHOD CING RAB TU BSKOR BA DANG MCHOD PA'I ? LAS TE DE DAG GI PHYIR DU'O, ,SARBA TA TH'A GA TA BADZRA SATVA NI DE BZHIN GSHEGS PA THAMS CAD KYANG YIN LA RDO RJE SEMS DPA' YANG YIN PAS GZHI MTHUN TE GZHAN RNAMS LA YANG DE LTAR RO, ,SNGAGS TSAN THA MA BZHI NI DE DAG LA BOS NAS BDAG LA BYIN GYIS RLOB PA DANG BDAG LA DBANG BSKUR BA DANG BDAG LA RAB TU BSKOR BA DANG BDAG LA MCHOD PA'I LAS MDZOD CIG CES PA'I DON TE SNGAGS GNYIS PA'I DON YANG DES SHES PAR BYA'O, ,DE LTAR NA DKYIL 'KHOR GYI DBUS DANG PHYOGS BZHI NA RIGS LNGA'AM DE DAG GI RIGS CAN GYI LHA GANG BZHUGS SKABS DANG SBYAR NAS BRDA SPRAD DO, ,DE'I TSE MI BSKYOD PA LA SOGS BZHIR SGOM PAR KLU BYANG DANG ZUNG 'JUG GSAL BAS BSHAD DO, ,PHYAG 'TSAL TSUL NI DE NYID BSDUS PA LAS, DANG PO LA RDO RJE THAL MO BRKYANG STE LUS THAMS CAD KYIS DANG GNYIS PA LA RDO RJE THAL MO SNYING KHAR SBYAR TE DBRAL BAS DANG GSUM PA LA RDO RJE THAL MO SPYI BOR SBYAR TE KHA SA DANG BZHI PA LA RDO RJE THAL MO SPYI BO NAS PHAB STE SNYING KHAR BZHAG NAS SPYI BOS SA LA REG PA'I PHYAG BYA BAR BSHAD DO, ,PHYAG BZHI'I SKABS SU RDOR SEMS NAS RDO RJE LAS KYI BAR BZHI SNYING KHA LA SOGS PA'I GNAS BZHIR ZHUGS NAS RDO RJE LA SOGS PA'I MTSAN MA BZHI'I TSUL GYIS GNAS PA DANG DE RNAMS LA LTA BA NYID MCHOD CING BSNYEN BKUR BA SOGS BZHI YIN PAR KUN SNYING GIS BSHAD LA, PHRENG BA LAS, KHA CIG GIS 'DI'I SNYING KHAR SNYOMS 'JUG GI BDE BA CHEN PO DANG SNYING KHA LA SOGS PAR

, ,DGOD PA GZHAN YANG BSHAD PA NI SKABS 'DIR BSGOM PAR MI BYA STE DE NI CHO GA GZHAN YIN NO, ZHES SNYING KHAR LHA YAB YUM SNYOMS PAR ZHUGS PA SGOM PA DANG SNYING KHA LA SOGS PA'I GNAS BZHIR MTSAN MA 'GOD PA LA DGAG PA MDZAD DO, ,SLOB DPON 'DI'I LUGS KYIS RIGS SO SO LA GSOL BA BTAB PA NA DE BZHIN GSHEGS PA THAMS CAD LA MCHOD CING BSNYEN BKUR BA DANG MCHOD CING DBANG BSKUR BA DANG MCHOD CING CHOS 'KHOR BSKOR BA DANG 'PHRIN LAS PHUN TSOGS KYI NUS PA CAN DU DE DAG GIS BYIN GYIS BRLABS PA'I MOS PA BYED PA MIN PA LHA STIM PA SOGS MA BSHAD LA, RGYAL BA BZANG POS, SNYING KHAR BCOM LDAN ZHUGS PA RU, ,YID KYIS YONGS SU BRTAG PAR BYA, ,ZHES DANG, RIN CHEN 'BYUNG LDAN RDO RJE YIS, ,DBANG BSKUR BAR NI RNAM BRTAG BYA, ,ZHES DANG, 'OD DPAG MED PA'I RANG BZHIN GYIS, ,DE NI NUS PA LHAG PAR BRTAG ,CES DANG, GSANG BA'I MCHOD PA NUS PA RU, ,DON YOD GRUB PA BSAM PAR BYA, ,ZHES KYANG GSUNGS PAS RIGS SO SO'I LHA RE CHAD NAS THIM PA BYAS KYANG MI 'GAL LO, ,BLA MA LA PHYAG BYED PA'I SNGAGS DON NI BLA MA LA BSNYEN BKUR BA'I PHYIR DANG SEMS CAN THAMS CAD YONGS SU BSGRAL ZHING SBYANG BA'I PHYIR DU BDAG NYID 'BUL BA GNYIS TE CUNG ZAD TZAM MI 'DRA BA MA GTOGS PA RDO RJE MKHA' 'GRO'I SO GNYIS PA LAS GSUNGS SO, ,PHYAG BZHI'I 'OG TU SNGAGS SDOM 'DZIN PA SA RA HA DANG NAG PO SPYOD PA DANG RGYAL BA BZANG POS BSHAD CING SNGA MA GNYIS KYIS SDOM PA STER BA'I TSE SLOB MA'I LAG PA NAS BZUNG STE SBYIN PAR BSHAD DO, ,SA RA HAS SDOM PA BSGRAG PA TZAM MIN PA GZUNG BA'I CHO GA MA BSHAD PA NI BSGRAG PA'I TSIG DE NYID GZUNG BA'I CHO GAR

BSGYUR PAS CHOG PAS GO SLA BA LA DGONGS SO, ,D'A RI KA PAS SLOB MA LAS NGUM GYI CHUS BKRUS NAS MIG DAR BCINGS SHING ME TOG GI PHRENG BA BZUNG BA'I 'OG TU SDOM PA BLANGS NAS GSOL BA GDAB PAR BSHAD DO, ,STA GON DANG DNGOS GZHI'I SKABS GNYIS KAR 'DZIN PA'I LUGS YIN PAS DE LTAR BYAS NA DGOS PA CHE'O, ,GNYIS PA NI, DAM LA 'JOG PA NI SLOB MAS KHAS LEN BYED PA MIN YANG SLOB DPON GYIS 'DI LTAR BYA DGOS SO ZHES PA YIN LA DE YANG RANG GI KHAS BLANGS DANG 'DRA BAR BSRUNG DGOS PA'I PHYIR, DKYIL 'KHOR DU 'JUG PA TZAM ZHIG BYED PA'I BSRUNG SDOM MI NUS PA LA 'DI MI BYED PAR GSUNGS SO, ,DAM GZHAG BYED PA'I GNAS NI DKYIL 'KHOR GYI SHAR PHYOGS SU GYED PAR LVA BA PA LA SOGS PAS BSHAD DO, ,DANG PO PHAN YON BRJOD PA'I SGO NAS DAM LA GZHAG PA NI, DENG KHYED DE BZHIN GSHEGS PA THAMS CAD KYI RIGS SU ZHUGS KYIS DES NA NGAS KHYOD LA RDO RJE YE SHES BSKYED PAR BYA STE YE SHES GANG GIS KHYOD DE BZHIN GSHEGS PA THAMS CAD KYI DNGOS GRUB RNAMS KYANG THOB PAR 'GYUR NA DNGOS GRUB GZHAN RNAMS LTA SMOS KYANG CI DGOS, KHYOD KYIS KYANG 'DI DKYIL 'KHOR MA MTHONG BA RNAMS KYI MDUN DU SMRA BAR MI BYA STE KHYOD DAM TSIG NYAMS PAR GYUR TA RE, ZHES BRJOD DO, ,'DI'I DUS SU LAG PA NAS BZUNG NAS BYA BAR LVA BA PA DANG MI THUB ZLA BAS BSHAD LA BOD KYI BLA MA DAG MGO BOR RDO RJE BZHAG NAS BYED DO, ,DKYIL 'KHOR DU ZHUGS PA NI DE BZHIN GSHAGS PA THAMS CAD KYI SA BON DU GYUR PAS NA DE DAG GI RIGS SU ZHUGS PA'O, ,RDO RJE YE SHES NI DUS GSUM SHES PA'I LHA'I YE SHES 'CHAD PAR 'GYUR BA LTAR PHAB PAS SKYE BA STE DE BSKYED PAR BYAS ZHES PA'AM BYA YIS ZHES PA'O, ,YE SHES DE BSKYED PA'I

, ,PHAN YON NI YE SHES GANG GIS ZHES SOGS KYIS STON TE MCHOG DANG THUN MONG 'GRUB PA'O, ,DKYIL 'KHOR MTHONG BA NI CHO GA JI LTA BA BZHIN DU BCU GNAS LHA NGO BSTAN PA YIN PAS DE MIN PA NI DKYIL 'KHOR MA MTHONG BA'O, ,MNA' CHU BLUD PA LA SOGS PAS DAM TSIG CAN DU BYAS SHING MNA'I SNYING PO BYIN PA LAS 'DAS NA DAM TSIG NYAMS PA STE 'DIR NAD LA SOGS PA DANG PHYI MAR NGAN 'GROR 'GRO BA'I SDUG BSNGAL 'THOB PA LA SH'AKYA BSHES GNYEN GYIS BSHAD DO, ,KUN SNYING GIS DE BZHIN GSHEGS PA THAMS CAD NI RIGS LNGA DANG DE'I RIGS NI DE DAG SKYED PA'I YUM RNAMS DANG RIGS DER ZHUGS PA LA GNYIS LAS RDUL TSON GYI DKYIL 'KHOR DU 'JUG PA NI PHYI 'JUG DANG DE'I DUS SU SAM YA H'Um GIS DE BZHIN GSHEGS PA THAMS CAD KYIS DE BZHIN GSHEd PA THAMS CAD KYI YE SHES PHAB PA NI GSANG BA'I 'JUG PAR BSHAD DE, YE SHES PHAB PA 'DI NI SNGAGS DES DKYIL 'KHOR GYI SGO RNAMS NAS BCUG PA'I TSE DE BZHIN GSHEGS PA RNAMS KYIS BYIN GYIS BRLABS PA LA BYED KYI 'OG GI YE SHES PHAB PA DANG MI GCIG GO ,RDO RJE YE SHES NI SA DANG PO LA SOGS PA'I RANG BZHIN CAN GYIS YE SHES YIN LA DE BSKYED PA STE MNGON SUM DU BYA YIS ZHES TE DE'I KHYAD PAR NI YE SHES GANG GIS SOGS SO, ,STOD 'GREL LAS, RDO RJE YE SHES BSKYED PAR BYAS ZHES BYA BA NI 'DAS MA THAG TU ZHUGS PA GANG YIN PA DE ZHES BSHAD PAS SA MA YA H'Um GIS BCUG PA'I DUS SU DE BZHIN GSHEGS PA DE DAG GIS BYIN GYIS BRLABS PA LA NANG ZHUGS KYI YE SHES BABS PAR KUN SNYING BZHED DO, ,SMRA BA NI RDOR DBYINGS KYI DKYIL 'KHOR 'DI 'DRA'O ZHES SMRA

BA LA BSHAD PA NI MTSON PA TZAM STE SNGAGS KYI GSANG BA THAMS CAD DO, ,DAM TSIG NYAMS PAR GYUR TA RE ZHES PA NI DAM TSIG LAS 'DA' BAR MA BYED CIG CES BSGO BA LA BSHAD DO, ,DE LTAR BRJOD DE MGO BOR RDO RJE BZUNG NAS DRIL BU DKROL ZHING, KHYOD KYI DAM TSIG RDO RJE 'DI, , GAL TE KHYOD KYIS 'GA' ZHIG LA, ,'DI SMRAS NA NI MGO BO 'GOMS, ,ZHES BSGRAG GO ,'DI YANG DE NYID BSDUS PA LAS, 'DI NI KHYOD KYI RDO RJE'I DAM TSIG YIN GYIS GAL TE 'GA' ZHIG LA SMRAS NA KLAD PA 'GAS PAR 'GYUR RO, ,ZHES GSUNGS PA'I RJES SU 'BRANGS PA'O, ,'DI LA KUN SNYING DANG SH'AKYA BSHES GNYEN GNYIS KYIS BSHAD PA MI SNANG YANG GSANG BA MI BSGRAG BA 'DI NI KHYOD KYIS 'DOR MI RUNG BA'I DAM TSIG YIN GYIS ZHES PA STE DE YANG MI PHYED PAS NA RDO RJE ZHES BYA'I MGO BOR BZHAG PA'I RDO RJE LA MI BYA'O, ,GANG LA SMRAS PA DANG CI ZHIG SMRAS PA NI SNGAR LTAR RO, ,MGO BO'AM KLAD PA 'GAS PA NI LUS LA 'BYUNG BA'I NYES DMIGS SO, ,DE NAS SNYING KHAR RDO RJE BZUNG STE, AOm DE RING RDO RJE SEMS DPA' RANG, ,KHYOD KYI SNYING LA YANG DAG ZHUGS, ,GAL TE TSUL 'DI SMRAS NA NI, ,DE MA THAG TU DRAL TE GSHEGS, ,ZHES BKA' BSGO'O, TSUL 'DI ZHES PA DANG GANG LA SMRAS PA DE NYID BSDUS PA'I 'GREL PA GNYIS SU GSAL BAR MA BSHAD KYANG DAM GZHAG DANG PO LA BSHAD PAS GO NUS PA LA DGONGS SO, ,SKABS 'DIR RDO RJE SEMS DPA' SNYING LA ZHUGS PAR GYUR ZHES BRJOD PA'I TSIG 'DIS SLOB MA LA SNGAR ZHUGS ZIN PA CIG BSTAN PAS DE SKABS GANG DU YIN SNYAM NA, KUN SNYING GIS BSHAD PA NI YO GA PA'I SGOS KYI ZHUGS TSUL DU SNANG BAS 'DIR DES MI PHAN LA SH'AKYA BSHES GNYEN GYIS NI, SNGAR GNANG BA NOD PA'I TSE SLOB DPON DANG PHYAG BZHI'I TSE SLOB MAS

, ,GSOL BA BTAB PA DANG BCOM LDAN 'DAS KYI BKAS KYANG DE'I TSE SLOB MA LA RDO RJE SEMS DPA' SNYING LA GNAS PAR BSHAD PA DE LA 'CHAD PAS 'DIR YANG SBYAR RO, ,AOm ZHES PA MA GTOGS PA TSIGS BCAD DE DE NYID BSDUS PA NAS BSHAD LA LVA BA PA LA SOGS PAS, HE RU KA DPAL DENG KHYOD KYI, ZHES 'CHAD PAS RDOR SEMS NI SKABS DANG SBYAR NA RNAM PA GSAL LO, ,'DI NI LHA YE SHES PA LUS LA BZHUGS PA MI BZHUGS PAR 'BYON PA'I NYES DMIGS CHEN PO STE DE YANG DKYIL 'KHOR DU ZHUGS SHING LHA NGO BSTAN PA LA SOGS PA'I SGO NAS DKYIL 'KHOR MTHONG BA MA YIN PA LA GSANG BA BSTAN PA'I NYES DMIGS SU DKYIL CHOG THAMS CAD KYIS BSHAD PAS NA, DKYIL 'KHOR DU GZHUG PA'I SKOR DANG SLOB MA'I DBANG MA BYAS PA LA BYIN BRLABS KYI CHOG PHRA MO RE DANG DBANG GZHAN RNAMS BSKUR NAS GSANG BA STON PA NI MA DAG PA CHEN PO'O, ,PHAN YON DANG NYES DMIGS GNYIS KA'I SGO NAS DAM LA GZHAG PA NI DE NAS RNAM RGYAL GYI BUM PA'I STENG NA GNAS PA'I CHU MING MED DANG MTHE BONG GIS BZUNG BA'I SNOD KYI KHAS SLOB MA'I KHAR BLUGS SHING, 'DI NI KHYOD KYI DMYAL BA'I CHU, ,DAM TSIG NYAMS NA SREG PAR BYED, ,DAM TSIG BSRUNGS NA DNGOS GRUB STE, ,RDO RJE BDUD RTZI'I CHU 'THUNGS SHIG ,AOm PANYTZA AA MRi TA AU DA KA thA: ZHES BRJOD CING MNA'I CHU 'THUNG DU GZHUG STE DE GNYIS KA RGYUD RDOR PHRENG NAS CUNG MI 'DRA TZAM ZHIG 'BYUNG NGO, ,DON YOD ZHABS KYIS LAG TU CHU LDUGS PAR BSHAD LA thA: GSUM DANG GCIG BYAS PA CI RIGS SU YOD DO, ,TSAR GCOD PAS NA RDO RJE DANG PHAN 'DOGS PAS BDUD RTZI'I CHU'O, ,'DI DE NYID BSDUS PA DANG RTZE MO DANG KLU BYANG

LA SOGS PAS MNA' CHUR BSHAD PAS MNA' BSGAGS NAS SNGAGS KYI DAM TSIG RNAMS SRUNG DU 'JUG PA STE RTZE MO LAS, RDO RJE SEMS DPA'I MNA' YI NI, ,SNYING PO 'DI YIS MNA' BSGAG GO ,ZHES GSUNGS PA'I PHYIR RO, ,DES NA SNGAGS PAS 'DI LTAR BYAS PA DRAN PAR BYAS NAS DAM TSIG DANG SDOM PA BSRUNG BA LA 'BAD PA CHER BYOS SHIG ,DE NAS BLA MA'I BKA' NYAN PA'I SGO NAS DAM LA GZHAG PA NI, DENG NAS BRTZAMS TE KHYOD KYI PHYAG NA RDO RJE NGA YIN GYIS NGAS 'DI GYIS SHIG CES GANG BSGO BA DE KHYOD KYIS BYA DGOS SO, , KHYOD KYIS NGA LA BRNYAS PAR YANG MI BYA STE KHYOD YA NGA BA MA SPANGS PAR SHI BA'I DUS BYAS NAS DMYAL BAR LHUNG BAR GYUR TA RE, ZHES BRJOD DE DE NYID BSDUS PA LAS GSUNGS SO, ,'DI BRJOD PA'I TSE LAG PA NAS BZUNG STE BYA BAR KLU BYANG GIS BSHAD DO, ,DE NYID BSDUS PAR MI BDE BA MA SPANGS PAR ZHES 'BYUNG LA DE'I SKABS GZHAN DU DE NYID SNANG BA LAS GNOD PA'AM MI BDE BA NI RGYAL BA'I BKA' LAS 'DAS PA LA BSHAD KYANG SKABS 'DIR BLA MA LA BRNYAS PAR MA BYED CIG CES BSGES PA LAS 'DAS PA'O, ,DE MA SPANGS PAS LO BRGYA THUB PA YANG TSE MA RDZOGS PAR DUS DE NYID DAM GZHAN DU MYUR BAR DUS BYAS NAS DMYAL BAR LTUNG NGO ZHES BSHAD PA LTAR RO, ,DE NAS YA NGA BA MA SPANGS PAS ZHES 'BYUNG BA DAG PA YIN NO, ,'DI MAR ME MDZAD KYIS DAM BCA' BRTAN PAR BYA BA LA BSHAD LA DE'I DON MI THUNG ZLA BAS, DAD PA NYE BAR GNAS PA LA, ,CI STE 'DI NI MI BRTAN PAR, ,DOGS PHYIR BLA MAS BRTAG PAR BYA, ,ZHES GSUNGS PAS DAM GZHAG SNGA MA RNAMS KYIS DAM LA BZHAG PA DE MA BRTAN GYIS DOGS NAS BKA' NYAN PA'I DAM BZHAG 'DI MDZAD DO, ,DE LTAR

, ,NA MNA' CHU BLUD PA'I DAM BZHAG NI RTZA BA DANG YAN LAG GI DAM TSIG SPYI'I DAM GZHAG YIN LA LHAG MA NI KHYAD PAR BA'I DAM GZHAG GO ,DE YANG SNOD MIN LA GSANG BA SGRAG PA DANG BLA MA LA BRNYAS SHING BKA' LAS 'DAS PA DNGOS GRUB 'PHROG BA'I NYES DMIGS CHE BAR DGONGS NAS RTZA LTUNG DANG PO DANG BDUN PA SRUNG BA LA KHYAD PAR PA'I DAM GZHAG NAN CHER MDZAD DO, ,GSUM PA NI, PHRENG BAR SKABS GZHAN DANG 'DIR YE SHES 'BEBS PA'I CHO GA GNYIS THUN MONG DU BSHAD DE PHAB PA'I DGOS PA NI DNGOS GRUB SGRUB PA'I DUS LAS SNGON DU SGRUB PA BYAS PAS DNGOS GRUB GANG 'GRUB LA SOGS PA SHES PA'I DON DU'O, ,'BEBS PA'I YUL NI SLOB MA DANG SNOD LA DBAB PAR GSUNGS PA'I SNOD NI KHYE'U DANG BU MO LO BCU GNYIS PA YAN LAG DANG NYID LAG RNAMS TSANG BA GRONG PA'I CHOS KYIS MA GOS PA LA DBAB PAR RGYUD KHA CIG LAS GSUNGS KYANG, BLA MA DUS RGYUN DU RDO RJE 'CHANG GI SKU MNGON DU BYED CING BSOD NAMS BSAGS PA SKAD CIG GIS BRTAN PAR SGOM NUS PAS YAN LAG MA CHANG BA DANG RGAN PA DANG GRONG PA'I CHOS KYIS MA GOS PA LA YANG DBAB PAR RGYUD GZHAN RNAMS SU MANG DU GSUNGS SO, ,DBAB PA'I YUL LA LHAG GNAS BYAS PA DGOS PAR GSUNGS PA NI GNYIS KA LA 'DRA'O, ,'BEBS PA PO NI DANG POR RI LA SOGS PA YID DANG RJES SU MTHUN PA'I GNAS SU SNGON DU BSNYEN PA BYAS SHING SEMS BRTAN PA RDO RJE SEMS DPA'I RNAL 'BYOR SHIN TU BRTAN PAR DMIGS NAS DBAB PA'I NUS PA THOB PAS BYA BAR GSUNGS SHING, MI NUS PAS NI 'BEBS PA'I CHO GA MA BYAS PAR DAM TSIG GI CHU BYIN PA'I MJUG TU SNANG BA BRING

SOGS THAMS CAD BYA'O, ,ZHES KHA CIG 'DOD PA'I LUGS KYANG BKOD DO, ,ZUNG 'JUG GSAL BA LAS KYANG GAL TE SLOB DPON GYIS 'BEBS PA'I CHO GA'I NUS PA THOB NA KLU BYANG GI CHO GAS DBAB STE DES NA 'DIR MA SMRAS SO, ,ZHES RANG GI DKYIL CHOG TU YE SHES 'BEBS PA MA BSHAD DE BI BH'U T'IS KYANG MA BSHAD DO, ,DBAB PA'I CHO GA LA GNYIS LAS GSANG BA 'DUS PA'I RJES SU 'BRANGS NAS DBAB PA NI, SLOB MA MDUN DU BYAS LA SKAD CIG GIS STONG PA NYID DU BSAMS PA'I RJES SU A'A: LAS SNANG BA MTHA' YAS KYI GZUGS SU BSKYED NAS DE BZHIN GSHEGS PA THAMS CAD KYIS BYIN GYIS BRLAB TU GSOL RDO RJE SEMS DPA' BDAG LA 'BAB PAR GYUR CIG CES DE NYID BSDUS PA LAS GSUNGS PA 'DIS GSOL BA 'DEBS SU GZHUG GO, DE'I SNYING KHAR Lm LAS SKYES PA'I SA DKYIL SER PO GRU BZHI PA RDO RJES MTSAN PAR NYI MA LA H'Um SNGON PO BSGOM MO, ,LVA BA PAS GRVA RNAMS SU RDO RJE RTZE GSUM PAS MTSAN PAR MDZAD DO, ,MGO BO Bm LAS BYUNG BA'I CHU DKYIL DKAR ZHING ZLUM PA BUM PAS MTSAN PAR ZLA BA LA HA: DKAR PO DANG, MGRIN PAR Ym LAS RLUNG DKYIL SNGON PO LTA BU BA DAN GA-YO BA GNYIS KYIS MTSAN PAR ZLA BA LA A'A: DMAR PO BSGOM MO, ,DE NAS RANG GI SNYING KHA'I SA BON GYI 'OD ZER GYIS THUGS SKU GSUNG GI RDO RJE RNAMS SPYAN DRANGS PA YI GE GSUM LA RIM PA BZHIN DU BSTIM LA, RKANG PA'I 'OG NAS RLUNG DKYIL GYIS SNGAR BA'I Rm LAS ME DKYIL DMAR PO GRU GSUM PA RES MTSAN PA'I 'OD ZER 'PHRO BA LA GNAS PA'I DZHEE: DMAR POS SLOB MA 'DEGS SHING DZHEE: 'I 'OD KYI TSOGS RKANG PA'I BU GA NAS ZHUGS PA DANG H'Um LA SOGS PA'I 'OD KYIS LUS MTHA' DAG KUN NAS BKANG BAR BSGOM PAR

, ,BSHAD PAS, RKANG 'OG TU RLUNG SNGA MA LTAR DANG DE'I STENG DU ME DANG DE'I STENG DU RKANG MTHIL GNYIS SU DZHEE: BSGOM PAR BYA'O, ,DE NAS SPOS PHOR 'DEGS PA SNGON DU 'GRO BAS DRIL BU DKROL ZHING A'A BA SHA YA STI BHA YA RAR RAR TZ'A LA YA TZ'A LA YA H'Um HA: A'A: DZHEE: ZHES PA'I SNGAGS RNAM PA BRGYAR GDON ZHING BSAM GTAN LA GZHOL BAS DBAB PAR BYA'O, ,BZHI BRGYA LNGA BCU PA'I 'GREL PAR SNYING KHAR SA MGRIN PAR CHU SPYI BOR RLUNG DANG RKANG 'OG TU SNGAR LTAR SGOM PAR BSHAD LA, LVA BA PAS LTE BAR ME SNYING KHAR SA SPYI BOR CHU DANG RKANG 'OG TU RLUNG DANG DZHEE: DRAG PO ME 'BAR BSGOM ZHING DZHEE: 'I ME RLUNG GIS LTE BA'I BAR DU BUS PAS DE DANG PHRAD NAS 'BAR BAS SA BSREGS SHING CHU BSKOL BAS BDUD RTZI 'DZAGS PAS TSIM ZHING RLUNG GIS BTEG PAR BSAMS NAS DBAB PAR BSHAD DO, ,YANG NA 'BUM BA MNGON PAR BRJOD PA'I RGYUD DU GSUNGS PA'I CHO GAS DBAB STE, BLA MA BDE MCHOG GI GZUGS CAN GA-YAS BRKYANG DU GNAS BAS SLOB MA YANG DE LTAR GNAS SHING SNYING KHAR THAL MO SBYAR BA LA LAG PA GA-YON GYIS DRIL BU DKROL GA-YAS PAS BDUG PAS BDUGS LA SNGAGS BRJID BAG DANG BCAS PAR BRJOD DE DBAB BO, ,SNGAGS NI TIshthA MA H'A KRO DHA A'A BE SHA YA H'Um SHR'I HE RU K'A YA BID MA HE BIDY'A R'A DZA YA DHI MA HE SV'AH'A, ZHES PA STE 'DIS DPA' BO BSKUL BAR BYA'O, ,BDUG PA'I RDZAS NI BUD MED KYI 'DOMS DKRIS ZLA MTSAN GYIS GOS PA GTUBS PA LA SHA LNGA DANG BDUD RTZI LNGA DANG BYI LA'I BRUN GYIS BYUG CING GU GUL DANG BSRES PA STE, THOD PHOR DU BZHAG PA'I RO SOL GYI ME LA BSREGS NAS BDUG PAR DRIL BU BAS GSUNGS SO, ,'DI RDZAS LA BRTEN NAS KYANG DBAB PA'I THABS SO, ,SA RA HAS MA PHEBS

PA'I SPOG CHOG LA SNYING KHAR SANGS RGYAS THOD PA YAB YUM NYUNGS KAR TZAM ZHIG BSGOMS LA DE'I MKHA' GSANG BSKYOD PAS 'OD ZER DMAR BOS LUS KUN GANG BAR BSAMS LA SNGAGS BTON NAS DBAB PAR BSHAD DE THOD PA YAB YUM NI MTSON PA TZAM MO, ,GAL TE PHEBS PA RING DU 'PHAR NA DE'I TSE DE'I STENG DU RI RAB RDO RJE'I RANG BZHIN DE'I STENG DU DBANG CHEN GYI DKYIL 'KHOR DE'I STENG DU RDO RJE SER PO RTZE LNGA PA DE'I STENG DU YI GE A'A: DE'I STENG DU RNAM SNANG BSGOMS LA ZHI BAR BYA'O, ,DE LTAR PHABS PA NA SLOB MA'I H'Um GI 'OD KYIS A'A: BSKUL ZHING LCE 'AM ZLA BA LA GNAS PA'I A'A: DMAR PO'I 'OD ZER GYI PHRENG BA 'KHRIGS PA BSGOMS NAS RDO RJE SMROS SHIG CES BRJOD PAS RANG NGAM GZHAN LA DGE MI DGE GANG YIN BDEN PAR SMRA'O, ,BRU HI BADZRI ZHES BA DANG DON GCIG GO ,DE NAS SLOB MA LA ZHUGS PA'I LHA RANG GI SNYING KHA'I SA BON GYI 'OD KYIS BKUG NAS RANG GI SNYING KHA'I SA BON LA BSTIM ZHING, SLOB MA'I MGO BOR RDO RJE BZUNG LA AOm KHYED KYIS ZHES SOGS SNGON DU 'GRO BA'I H'Um HA: A'A: DZHEE: MU: ZHES PAS GSHEGS SU GSOL LO, ,ZHES SKABS 'DIR GSUNGS PA RANG LUGS YIN LA ME TOG DOR BA'I 'OG TU PHEBS PAR GYUR NA DGE BA LA SOGS PA SMAS PA'I RJES LA TIshthA BADZRA ZHES PAS BRTAN PAR BYAS NAS MIG GI SNANG BA DRI BA NAS BRTZAMS TE MGOR BCING BA'I BAR BYAS NAS DBAB PA'I LHA GSHEGS SU GSOL BAR BYA'O ZHES GSUNGS PA NI GZHAN GYI BZHED PA BKOD PA'O, ,'DI DANG RATNA RAKshI TAS GSHEGS GSOL BYED LA DKYIL CHOG GZHAN RNAMS NAS BRTAN BZHUGS KHO NA MDZAD CING PHEBS BA LA 'DRI BA NA 'OD DPAG MED DAM DE'I RIGS KYI LHAR BYAS NAS 'DRI BAR BSHAD DO, ,DE

, ,NAS SLOB MA DKYIL 'KHOR LA MNGON DU PHYOGS PA LA KHYOD KYI MIG LA JI LTAR SNANG ZHES DRIS LA DKAR BO SOGS SU SNANG ZER NA ZHI SOGS KYI DNGOS GRUB LA SKAL BA DANG LDAN PAR GO BAR BYA'O, ,DE NAS SLOB MA'I MTHE BONG GNYIS RDO RJE DANG BCAS PA'I LAG PA GA-YAS KYIS BZUNG STE RDO RJE'I RKANG STABS KYIS GAR GYI TSUL GYIS 'KHYIL PA BRJOD CING BSKOR BA GSUM BYED DU BCUG LA BDEN PA'I BYIN BRLABS 'DI BYA'O, ,YANG DAG PA YI DKYIL 'KHOR 'DIR, ,BDAG GI SLOB MA BCUG PA 'DI'I, ,LHA RNAMS RIGS KYI RIM PA NI, ,BSOD NAMS JI LTAR DE LTAR SHOG, 'DI YI DNGOS GRUB JI 'DRAR 'GYUR, ,RIGS NI GANG GI SNOD DU 'GYUR, ,BSOD NAMS MTHU YANG JI 'DRA BA, ,DE 'DRA DKYIL 'KHOR DU GYUR CIG ,CES PA STE SPYI RGYUD NAS BTUS PA'O, ,DE DAG GI DON NI BDAG GIS SLOB MA 'DI RNAMS LHA LA ME TOG DOR BA'I PHYIR DU DKYIL 'KHOR DU 'JUG LAGS NA LHA RNAMS GANG GI RIGS YIN PA'I RIM PA DE NI 'DI DAG GI BSOD NAMS KYI MTHU CI YOD PA DE LAS DKYIL 'KHOR DU 'BAB PAR GYUR CIG CES SPYIR BDEN BRJOD BYED PA'O, , DE NAS KHYAD PAR DU BDEN BRJOD BYED PA NI 'DI'I DNGOS GRUB CES SOGS SO, ,SPYI RGYUD LAS, 'DIS NI DNGOS GRUB GANG 'GRUB DANG, ,ZHES 'BYUNG BA BDE BAS DNGOS GRUB RAB 'BRING THA GSUM GANG 'GRUB PA DE DKYIL 'KHOR 'DIR DE 'DRAR GYUR CIG CES PA'O, , RIGS NI ZHES PAS NI LHA RNAMS KYI ZHES PA GSAL DU BTANG BA'O, ,BSOD NAMS MTHU YANG JI 'DRA BA, ,ZHES PA NI DNGOS GRUB DE 'GRUB PA'I YUN RING THUNG DANG SKAL PA YOD MED RNAMS ME TOG DOR BA LAS STON CIG CES PA'O, ,GNYIS PA NI, DE NAS SNGAR BZUNG

BA'I ME TOG GI PHRENG BA T'm GYIS BSNGAGS PA LAS YANG ZHING MA RNYINGS PA'I ME TOG GCIG BTON LA SLOB MA DE'I THAL MO SBYAR BA'I BAR DU SPYIN TE ME TOG PHRENG BA HRI LA PO MI 'DOR GYI DE'I GSEB KYI GCIG 'DIR BA'O, ,DES DE'I TSE ME TOG DE PHRENG BAR MOS TE ZHES PA NI ME TOG GI PHRENG BA 'BUL BA NI LHA'I DBU LA 'CHING BAR BSAMS NAS 'BUL LA 'DIR YANG LHA'I DBU LA 'BUL BA'I DBANG DU BYAS PA'O, ,RANG YANG 'BRU GSUM GYI 'OD KYIS GSAL BAR BYAS SHING SDIG PA BKRUS PAR MOS NAS BLA MAS DE LTAR BYIN GYIS BRLAB LA GUS PA SNGON DU 'GRO BAS 'KHOR DANG BCAS PA'I DKYIL 'KHOR DBANG PHYUG GI MDUN NA GNAS PA BZHIN DU DMIGS LA, DKYIL 'KHOR DER YID KYIS ZHUGS TE DE'I DBU LA AOm TIshthA BADZRA dI dHO ME BHA BA SH'A SHVA TO ME BHA BA HRI DA Ym ME AA DHI TIshthA SARBA SI DDHI ME PRA YATZTSA H'Um, A'A: KHm B'I RA H'Um PRA T'ITZTSA KU SU MA AANYTZA LI N'A THA HO: ZHES BRJOD CING ME TOG DOR BAR BYA'O, ,H'Um ZHES PA YAN CHAD KYI SNGAGS NI DE NYID BSDUS PA NAS GSUNGS LA DER ME TOG DOR BA'I SNGAGS LA PRA TITZTSA BADZRA HO: ZHES GSUNGS SO, ,'ON KYANG SNGAMS 'DOR BA NI KLU BYANG GI LUGS TE DES HA BZHI DANG HO DANG AOm YANG GSUNGS SO, ,TR'm GYIS BSNGAG PAR LVA BA PA DANG NYIN MO 'BYUNG GNAS KYIS KYANG BSHAD DO, ,DON YOD ZHABS NI LAN GSUM 'DOR BAR BZHED DO, ,RNAM SNANG MNGON BYANG GI 'GREL PA LAS SNGAR DBANG BSKUR BA THOB PAS NI RANG GI LHA GANG YIN PA LA ME TOG 'JOG PAR BSHAD DO, ,RE KHA LHA'I NANG DU ME TOG LHUNG BA DANG BSTUN NAS 'DI LA RIGS BRTAG PAR BYA'O, ,LHA DE'I RNAL 'BYOR YANG SBYIN LA DNGOS GRUB KYANG MTSON PAR BYA'O, ,DKYIL 'KHOR NA LHA'I SKU YOD NA LHA'I MDZOD SPU 'AM DBU 'AM GTZUG TOR LA LHUNG NA PHYAG CHEN DANG

, ,SPYAN NAM ZHAL LA NI SNGAGS KYI DNGOS GRUB 'GRUB BO, ,LUS KYI STOD DANG BAR DANG SMAD LA DNGOS GRUB MCHOG 'BRING DMAN PA'O, ,LVA BA PAS BYANG CHUB DANG DBANG PHYUG DANG NOR LA BSHAD DO, ,SKU LAS HA CANG RING NA YUN RING POR 'GRUB LA NYE NA DNGOS GRUB MYUR RO, ,LHA'I GNAS NI RANG GI RI'U MIG LA SOGS PAS BAR BCAD PA LAS SHES PAR BYA'O, ,LHA GNYIS KYI BAR DU LHUNG NA GANG LA NYE PA DE'I RIGS TE SPYI RGYUD KYI DGONGS PA'O, ,MNYAM NA GNYIS KA'I DNGOS GRUB 'GRUB LA GANG LA DAD PA DE'I RIGS SO, , RTZIG PA'I PHYI NGOS SU LHUNG NA LAN GSUM DU DOR BAR BYA'O, ,DE LA YANG PHYI ROL TU LHUNG NA DNGOS GRUB PHRA MO'O, ,'DI LVA BA PAS MI GZUNG BAR BSHAD DO, ,PHYI ROL GYI RE KHA ZLUM PO RNAMS DANG PHYI'I RDO RJE RA BA'I PHYI ROL TU LHUNG NA NI DNGOS GRUB MED DO, ,DKYIL 'KHOR YANG MI BSTAN NO, ,SNGAGS BZLAS PA LA SOGS PAS SKAL PA DANG LDAN PA NYID DU BSGRUBS NAS SKABS GZHAN DU GZHUG GO ,SPYI RGYUD NAS ZHI BA'I SBYIN SREG BYAS NAS DE NAS GZHUG PAR BSHAD LA RTZIG PA LA ME TOG LHUNG BA LA YANG DE LTAR BSHAD CING GTZO BO LA PHOG NA MYUR DU 'GRUB PAR GSUNGS SO, ,PHYI'I RDO RJE PHRENG BA'I NANG DU LHUNG NA TSOGS CHEN POS SO, ,DE NAS ME TOG DE BZUNG NAS PHRENG BA LA BCINGS TE AOm PRA TI GRiHNA STAm AI MAm SATVA MA H'A B'A L'A ZHES BRJOD CING SLOB MA'I MGOR BCING NGO, ,MGO LA 'CHING BAR RGYUD DANG DKYIL CHOG DU MA ZHIG GIS BSHAD PAS PHRENG BA DE SLOB MA'I MGOR BZHAG PA TZAM GYIS MI CHOG GO ,SNGAGS KYI DON NI SEMS DPA' STOBS PO CHE 'DI ZUNGS SHIG CES PA'I DON YIN TE SDOM 'BYUNG GI 'GREL PA LAS, SEMS DPA' STOBS CHEN KHYOD KYIS NI, ,'DI NI RAB TU GZUNG BAR

MDZOD, ,CES MGO LA PHRENG BA BCINGS NAS 'DI BRJOD PAR BSHAD PA LTAR RO, ,DES NA SEMS DPA' STOBS PO CHE ZHES PA NI ME TOG GANG LA PHOG PA'I LHA LA BOS NAS SLOB MA 'DI ZUNGS SHIG CES PA'I DON YIN TE DE NYID BSDUS PA LAS, DE BCINGS PAS SEMS DPA' CHEN PO DES BDAG GIR BYAS PAR 'GYUR BAS 'DI MYUR DU 'GRUB PAR 'GYUR RO, ,ZHES GSUNGS SHING KO SA LA'I RGYAN LAS KYANG, MAH'A B'A L'A ZHES BYA BA NI LHA LA RJE SAR BOD PA'O, ,'DI NI PHRENG BA'I DBANG BSKUR BA STE DANG PO'O, ,SEMS DPA' CHEN PO DES BDAG GIR BYAS PAR 'GYUR BA NI BYANG CHUB KYI SNYING PO LA GNAS KYI BAR DU YONGS SU GZUNG BAR 'GYUR RO, ,ZHES DANG STOD 'GREL LAS KYANG, DE NAS ME TOG GI PHRENG BA DE DOR ZHING ZHES BYA BA NI PHRENG BA PHUL BAS LHA RNAMS KYIS YONGS SU GZUNG BAR GYUR NA 'DI'I DNGOS GRUB RAB 'BRING THA MA YONGS SU RDZOGS PAR 'GYUR BA'I PHYIR TE YONGS SU GZUNG BA DE NYID GSUNGS PA NI, AOm PRA TI GRiHNA SVA MI MAm SATVA MA H'A B'A L'A ZHES BYA BA YIN NO, ,ZHES GSUNGS PA'I PHYIR RO, ,'DI SLOB DPON GYIS BDEN STOBS BRJOD DMOD PA DOR ZHING SLOB MAS KYANG SNGAR BSHAD PA LTAR GYI DMIGS PA DANG SNGAGS BRJOD NAS RANG DAD 'BREL GANG LA YOD PA'I LHA LA 'BAB PAR SHOG CIG SNYAM NAS BSAM PA THAG PA NAS DAD PAS ME TOG DOR BA YIN CJEN DAS ME TOG DE SLOB DPON GYIS SLOB MA'I MGOR BCINGS NAS KHYED RANG GI RIGS CAN GYI SLOB MA 'DI BYANG CHUB MA THOB KYI BAR DU RJES SU ZUNGS SHIG CES RANG GI LHAG PA'I LHA LA SLOB MA GTOD PA YIN ZHING DE NYID LA ME TOG PHRENG BA'I DBANG BSKUR BA ZER BA YIN PAS BRDA DON 'BYOR PO DGOS SO, ,DE LTAR BYAS PA'I DGOS PA NI DE LA BRTEN NAS BSGRUBS NA DNGOS GRUB MYUR BA DANG SKYE BA THAMS CAD DU YI DAM DES RJES SU 'DZIN PAS GNAD

, ,CHE'O, ,DES NA DPAL 'DZIN GYI DKYIL CHOG TU SEMS CAN STOBS PO CHE 'DI LONGS SHIG CES BSGYUR BA NI 'GYUR GYIS LEGS PAR MA THON PA'O, ,'DIR DRI MED 'OD LAS RDUL TSON LA ME TOG DOR NA TSON RTZI NYAMS PA'I SDIG TU 'GYUR BA LAS RNAM RGYAL GYI BUM PA LA GNAS PA'I MTSAN MA LA ME TOG DOR BAR BYA'O, ,ZHES GSUNGS PA NI, SEMS DGE BA LA NYES PA MED, ,CES GSUNGS PAS DE LTAR MI SHES PA'I DBANG DU BYAS PAR PHRENG BA LAS GSUNGS SO, ,DE'I RJES SU SLOB MA'I SNYING KHAR ZLA BA BDAG PO DANG DPRAL BAR Rm DANG MIG GNYIS LA 'BAR BA DANG BCAS PA'I AOm GNYIS BSGOMS NAS, AOm DE RING RDO RJE SEMS DPA' RANG, ,KHYOD KYI MAG NI 'BYED PAR BRTZON, ,RDO RJE'I MIG NI BLA NA MED, ,THAMS CAD MIG NI 'BYED PAR MDZAD, ,AOm DZNY'A NA TZAKshU: H'Um A'A: SV'A H'A ZHES BRJOD CING GDONG GA-YOGS BSAL BAR BYA'O, ,TSIGS BCAD DE DE NYID BSDUS PA LAS RGYA SKAD DU 'BYUNG ZHING DER HE BADZRA P'A SHYA ZHES GSUNGS SO, ,RDO RJE'I MIG NI GZUGS CAN THAMS CAD LA THOGS PA MED PA'I MIG GO ,BLA NA MED PA NI SANGS RGYAS KYI SPYAN DANG 'DRA BA'O, ,THAMS CAD MIG NI THAMS CAD MTHONG BA'I MIG GO ,'BYED PAR MDZAD PA NI SGRIB PA RNAMS BSAL BAS SO ZHES SH'ANTI PAS BSHAD DE PHRENG BA'I DGONGS PA YANG DE DANG 'DRA'O, ,DON BSDU NA KHYOD KYI MIG RDO RJE SEMS DPA' 'AM DPAL HE RU KAS 'BYED PAR MDZAD KYI PHYE BAS NI THAMS CAD MTHONG BA'I RDO RJE'I MIG BLA NA MED PAR 'GYUR RO ZHES PA'I DON TE SLOB MAS KYANG DE LTAR BSAM MO, ,SKABS 'DIR DZA YA SE NAS DE NAS MIG GNYIS ZLA BA LA, AOm MA SNYING KHAR ZLA BA LA, ,BDAG PO YANG DAG DMIGS BYAS NAS, ,DE YIS MIG BLTAS 'OD RNAMS KYIS, ,

DKYIL 'KHOR GYI NI LHA RNAMS KYI, ,SPYAN DANG DBYER MED RANG BZHIN DU, ,YANG DAG DMIGS NAS DE NAS SBYIN, ,MIG GNYIS LA NI LEGS BSDUS TE, ,ZHES MIG GNYIS LAS 'OD ZER 'PHROS PAR RANG GI MIG DANG LHA'I SPYAN GNYIS DBYER MED DU BYAS TE DE NAS SLAR BSDU BAR BSHAD PA NI GYAL BA BZANG PO'I LUGS TE PHRENG BA LA YANG DE LTAR BYAS NA DGONGS PA MTHUN PA'I PHYOGS SO, ,BDAG PO DMIGS PA NI SGRON GSAL LTAR NA GTZO BO NYID BSGOMS PAS CHOG MOD KYANG DE DANG 'DI MI 'DRA BAS GTZO BO'I SA BON H'Um LA SOGS PA LA BYA'O, ,DZNY'A NA TZA KshU SOGS KYIS 'BYED PA NI 'PHAGS PA LHA DANG LVA BA PA LA SOGS PAS KYANG BSHAD LA NAG PO SPYOD PA DANG D'A RI KA PA SOGS MANG POS MIG THUR GYIS MIG 'BYED PA'I SNGAGS KYIS 'BYED PAR MDZAD DO, ,HE BADZRA P'A SHYA ZHES PAS NI DKYIL 'KHOR LA LTA BAR BSKUL BA YIN GYI MIG 'BYED PA'I SNGAGS MIN NO, ,DE NAS KYEE RDO RJE LTOS SHIG CES SMRAS NAS LHA RNAMS KYI MING BRJOD PA SNGON DU 'GRO BAS GTZO BO NAS BRTZAMS TE BYANG GI SGO SRUNGS SAM JI LTAR YOD PA 'OG GI GNOD MDZES KYI BAR DU BSTAN TE 'DUS PA'I DKYIL CHOG GNYIS KYI LUGS SO, ,LVA BA PAS SHAR SGO'I LHA NAS BRTZAMS TE GTZO BO'I BAR DU DANG DPAL 'DZIN SOGS KYIS KYANG BYANG SGO NAS BRTZAMS TE MAS RIM NAS STON TE GANG BYAS KYANG 'DRA BAR MNGON NO, ,DE NAS, DA NI DAD PA'I SHUGS KYIS SU, ,DKYIL 'KHOR 'DI DE NYID LA LTOS, ,KHYOD NI SANGS RGYAS RIGS SU SKYES, , PHYAG RGYA SNGAGS KYIS BYIN GYIS BRLABS, ,DNGOS GRUB KUN NI PHUN SUM TSOGS, ,DAM TSIG MCHOG TU KHYOD 'GYUR GYIS, ,RDO RJE PADMA RTZE ROL PA, ,GSANG SNGAGS RNAMS LA SGRUB PA GYIS, ,ZHES BRJOD DO, ,'DI RNAMS RDO RJE SNYING PO RGYAN GYI RGYUD KYI GSUM PA LAS 'BYUNG STE DER,

, ,DAM TSIG MCHOG TU 'GRUB PAR BYED, ,RDO RJE PADMO ROL PA'I MCHOG ,SNGAGS KYI BDAG NYID SHES PAR BYA, ,ZHES SO, ,RKANG PA BDUN PA MA GTOGS PA RNAMS SPYI RGYUD LAS KYANG 'BYUNG LA DER, DNGOS GRUB PHYIR NI DAM TSIG SKYONGS, ,GSANG SNGAGS LA YANG BRTZON PAR GYIS, ,ZHES GSUNGS TE GO SLA'O, ,DE NAS SLOB MAS, RDO RJE'I DKYIL 'KHOR DKYIL 'KHOR CHEN POR BDAG ZHUGS SO, ,RNAL 'BYOR DKYIL 'KHOR DKYIL 'KHOR CHEN PO BDAG GIS MTHONG, ,GSANG BA'I DKYIL 'KHOR DKYIL 'KHOR CHEN POR BDAG DBANG BSKUR, ,ZHES BRJOD DU GZHUG LA DAM TSIG BRJOD DU GZHUG GO ,HO: HO: HO: ZHES BYA'O, ,BZANG PO YONGS GZUNG LAS RDO RJE ZHES SOGS GSUM GYI MGOR AOm RE RE DANG SA MA YA HO: ZHES SOGS 'BYUNG BA'I PHYI MA NI 'DIR YANG YOD NA LEGS TE DAM TSIG BRJOD DU GZHUG PAR GSUNGS PA'I PHYIR RO, ,RDO RJE SNYING PO RGYAN GYI RGYUD KYI BZHI PA NA DBANG GONG MA BSKUR NAS YON PHUL BA'I RJES SU YOD KYANG 'PHAGS PA LHA DANG MI THUB ZLA BAS KYANG SKABS 'DIR MDZAD PAS RGYUD DANG MI 'GAL LO, ,DE LA DKYIL 'KHOR DU ZHUGS PA NI SNGAR YOL BA'I NANG DU 'JUG DUS DANG ME TOG 'DOR BA'I TSE DKYIL 'KHOR GYI NANG DU ZHUGS NAS 'DOR BAS DER ZHUGS PA'O, ,DKYIL 'KHOR MTHONG BA NI GDONG GA-YOGS BSAL NAS BSTAN PA'I DUS SU'O, ,DKYIL 'KHOR DU DBANG BSKUR BA NI 'DI YAN CHAD GZHUG PA'I SKOR YIN KYANG DANG PO ME TOG PHRENG BA'I DBANG THOB PA LA BYA'O, ,SKABS 'DIR KLU BYANG GIS RTEN DANG BRTEN PA'I DKYIL 'KHOR GYI DE KHO NA NYID STON PAR GSUNGS PA LTAR DU RKYAL BA BZANG PO DANG DZA YA SE NAS KYANG BSHAD LA 'PHAGS

PA LHAS KYANG, DE MIG PHYE NAS PHYAG BYAS TE, ,LHA YI DE NYID BSTAN PAR BYA, ,ZHES TSAD LDAN MANG POS BSHAD PAS SLOB DPON GYI DBANG GI RJES KHO NAR BYA BAR MA NGES SO, ,YE SHES PHAB CING DBANG DANG PO PHRENG BA'I DBANG THOB PAS DBANG BSKUR NAS DE NYID BSHAD KYI GZHAN DU NA DNGOS GRUB RING ZHES PA DANG YANG 'GAL BA MED DO ZHES BOD KYI BLA MA KHA CIG 'CHAD DO, ,LHA NGO STON PA'I SNGAR PHYAG BYA BAR BSHAD PA 'DI GZHAN DU YANG BYUNG BAS PHYAG BYA'O, ,DKYIL 'KHOR DU GZHUG PA'I SKOR GYI CHO GA'I GE RIM LA CHEN PO DAG GI GZHUNG LAS KYANG SNA TSOGS SU BSHAD PAS MTHA' GCIG TU GO RIM NGES PA MED DO, ,SKABS DE DAG TU YE SHES 'BEBS PA'I SKABS LTA BU DMIGS BSAL CAN MA GTOGS PA RNAMS LA SLOB MA RNAM SNANG NGAM GTZO BOR SGOM PA GDAM PA CAN DU GSUNGS PA LTAR YIN LA SLOB DPON NI GTZO BO'I RNAL 'BYOR LA GNAS NAS BYAS PAS CHOG GO ,SLOB DPON 'DIS RGYUD DANG CHEN PO DAG GI DKYIL CHOG MANG PO'I DON BSDUS NAS GO RIM BSGRIGS PA 'DI'I DON CUNG ZAD BSHAD NA DKYIL 'KHOR DU GZHUG PA NI SKABS 'DI'I DNGOS GZHI YIN PAS CHAS 'JUG NAS GSANG BAR GDABS PA'I BAR NI GZHUG PA'I SNGON 'GRO'O, ,DKYIL 'KHOR DU ZHUGS PA NI LHA DANG SKAL BA MNYAM PAR BYAS PA YIN LA DE LA GNYIS LAS DKYIL 'KHOR GYI NANG DU PHYIN PAS DE DAG DANG SKAL PA MNYAM PAR BAR SONG BA NI SNGAGS GNYIS KYIS BKUG NAS BCUG PA'I SKABS SO, ,NANG DU ZHUGS PA NA LHA RNAMS LA MOS PA SKYES TE PHYAG DANG SKOR BA BYAS NAS GSOL BA 'DEBS SO, ,DE NAS BLA MAS DNGOS GRUB 'GRUB PA LA DAM TSIG RTZA BA YIN PAS DAM TSIG SRUNG BA'I

, ,PHYIR DU DAM LA 'JOG GO ,YE SHES PHAB PAS KYANG LHA RNAMS DANG SKAL BA MNYAM PAR BYED DE 'DI NI NANG GI SKAL MNYAM YIN LA SNGA MA NI PHYI'I SKAL MNYAM MO, ,DE LTAR LHA RNAMS DANG SKAL BA MNYAM PAR BYAS KYANG DA DUNG DBANG BSKUR DU RUNG MI RUNG BRTAG DGOS PAS SNANG BA DRIS NAS ME TOG 'DOR BA'I SKOR RNAMS BYED DE 'DIS NI DBANG BSKUR DU RUNG MI RUNG DANG RUNG BA LA YANG LHA GANG GI RIGS YIN PA DANG, DE'I RIGS KYI'ANG DNGOS GRUB GSUM GANG 'GRUB DANG DE YANG YUN RING THUNG JI TZAM GYIS 'GRUB PA SHES PAR BYED DO, ,DE LA ME TOG DOR BA LAS DBANG BYAR RUNG MI RUNG SHES PA NI SKABS 'DI'I DGOS PA YIN LA DNGOS GRUB JI LTA BU DANG JI LTAR 'GRUB PA NI DBANG BSKUR ZIN NAS KYI DGOS PA'O, ,DE LTAR NA RNAL 'BYOR GYI SEMS BSKYED PA DANG NANG DU GZHUG PA GNYIS DANG DAM LA GZHAG PA DANG PHRENG BA'I DBANG THOB PA NI GZHUG PA'I SKABS KYI GTZO BO YIN LA GZHAN RNAMS NI YAN LAG GO ,'O NA SNGAR RMI LTAS BRTAGS PAS GNANG BA THOB PA'AM MA BKAG PA BYUNG NAS DBANG GI CHO GA BRTZAMS PA DANG SLOB MA STA GON BYED PA'I SNGON DU YANG DNGOS SU LEGS PAR BRTAGS PA MA YIN NAM 'DIR ME TOG DOR BA'I LTAS KYIS DBANG BSKUR DU RUNG MI RUNG BRTAG CI DGOS, DE BZHIN DU SO SHING DOR NAS KYANG DNGOS GRUB GANG 'GRUB BRTAGS ZIN BZHIN DU 'DIR YANG BAR SNANG GI KHA DOG GI SGO NAS BRTAG CI DGOS SNYAM NA, SPYIR DBANG BSKUR BA PO DANG ZHU BA POR RUNG MI RUNG RTOG PA'I GTZO BO NI SLOB DPON DANG SLOB MA'I MTSAN NYID GSUNGS PA RNAMS YIN LA DE LTA NA'ANG RMI LAM RTOG PA NI BAR CHAD 'BYUNG MI 'BYUNG RTOG PA

YIN TE, DBANG BSKUR BA'I DPON SLOB KYI MTSAN NYID TSANG BA DANG DE LA BAR CHAD 'BYUNG BA GNYIS MI 'GAL BAS DE BRTAG DGOS SO, ,DBANG BSKUR BA LA BAR CHAD MED CING SPYIR MTSAN NYID TSANG YANG DA LTA DBANG BSKUR RAN PA'I NGES PA MED PAS ME TOG DOR PAS NI DA LTA DBANG BSKUR DU RUNG MI RUNG RTOG PA YIN GYI SPYIR NI MA YIN TE ME TOG DOR BA NA MI RUNG BA DE YANG SDIG PA SBYANGS NAS SKABS GZHAN DU GZHUG PAR GSUNGS PA'I PHYIR RO, ,SO SHING GI LTAS KYIS DNGOS GRUB GANG 'GRUB BRTAGS ZIN KYANG KHA DOG GI LTAS KYIS RTOG PA MI 'GAL TE RE RES CHOG PAR MI 'DOD PAS GNYIS KAS NGES PAR BYED PA MI 'GAL BA'I PHYIR RO, ,CHO GA DE RNAMS KYI SDOM NI, ,CHAS SU GZHUG CING BYIN GYIS BRLAB, ,DRIS LAN BYA ZHING BYANG SEMS BSKYED, ,GSANG BAR GDAMS SHING NANG DU GZHUG ,BSKOR BA BYA ZHING GUS PHYAG 'TSAL, ,DAM LA BZHAG NAS YE SHES DBAB, ,SNANG BA DRI ZHING BSKOR BA BYA, ,BDEN PA BRJOD CING ME TOG DOR, ,PHRENG DBANG BLANG ZHING MIG GNYIS DBYE, ,LHA NGO BSTAN ZHING SPRO BA BSKYED, ,ZHUGS SHING MTHONG BA'I DAM TSIG BRJOD, ,CES PA'O, ,BDE CHEN THAR PA'I GRONG KHYER MCHOG NYID DU, ,RANG NYID TSUL BZHIN ZHUGS NAS DBANG MNOS TE, ,'KHOR LO'I MGON NYID BLA MAR GYUR PA LA, ,GNANG BA RNYED NAS GLU YIS MCHOD PA'I MTHAR, ,SKAL BZANG SLOB MA'I NYID BZHIN GZHUG PA YI, ,CHO GA'I GTZO BO DE YI YAN LAG RNAMS, , LEGS PAR DMIGS PHYE SO SOR BRDA 'PHROD PA'I, ,THABS TSUL MAN NGAG SHIN TU GSAL BAR BYAS, ,RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR PHYE BA LAS, RANG NYID 'JUG CING DBANG BLANGS NAS SLOB MA DKYIL 'KHOR DU GZHUG PA'I RIM

, ,PA BSTAN BSTE LE'U BRGYAD PA'O,,, ` ,,GNYIS PA ZHUGS PA LA DBANG BSKUR BA'I TSUL LA BZHI, BUM PA'I DBANG DANG, GSANG BA'I DBANG DANG, SHES RAB YE SHES KYI DBANG DANG, DBANG BZHI PA BSKUR BA'O, ,DANG PO LA GNYIS, THUN MONG BA RDO RJE SLOB MA'I DBANG DANG, THUN MONG MA YIN PA RDO RJE SLOB DPON GYI DBANG BSKUR BA'O, ,DANG PO LA GNYIS, DBANG LNGA'I THUN MONG GI RNAM GZHAG DANG, SO SO'I RNAM GZHAG GO ,DANG PO NI, GANG GIS DBANG BSKUR BA'I BYED PA PO DANG GANG LA DBANG BSKUR BA'I LAS SU BYA BA DANG THABS CI ZHIG GIS DBANG BSKUR BA'I BYED PA GSUM GYI DMIGS PA LA LHA'I RNAL 'BYOR GANG BYED PA YIN SNYAM NA, D'A RI KA PAS, MI BSKYOD BSAM GTAN GSUM RDZOGS PAS, ,ZHES GSUNGS PAS SLOB DPON DANG SLOB MA DANG DBANG RDZAS GSUM MI BSKYOD PAR BSKYED NAS CHU DBANG BYED PAS MING DBANG MA GTOGS PA GSUM YANG RIN 'BYUNG SOGS KYI DMIGS PA GSUM GSUM DANG MING DBANG LA RNAM SNANG DU SKYED PA'I DMIGS PA GNYIS MDZAD DO, ,SLOB DPON 'DI LA SOGS PA RNAMS SLOB MA DANG DBANG RDZAS KYI DMIGS PA 'PHO BA MA GTOGS PA SLOB DPON LA GSAL KHA MED PAS GTZO BO'I RNAL 'BYOR LA GNAS PAS CHOG PAR BZHED DO, ,DE LA SLOB MAS NI SLOB DPON LA DBANG GI DON DU GSOL BA 'DEBS DGOS LA SLOB DPON GYIS DBANG GI LHA LA GSOL BA BTAB NAS DBANG BSKUR DGOS PAS DBANG BSKUR BA'I BYED PA PO NI GNYIS YOD DO, ,DBANG GI LHA LA YANG RDUL TSON GYI DKYIL 'KHOR NA BZHUGS PA'I LHA DANG GRUB CHEN RNAMS KYI CHO GA LAS SLOB DPON GYIS ZUR NAS SPYAN DRANGS TE NAM MKHA' LA BKOD NAS DE DAG GIS

DBANG BSKUR BAR BSHAD PA LTAR GSAR DU SPYAN DRANGS DGOS PA GNYIS YOD LA, SNGA MA NI SLOB DPON GYIS BSGRUBS PA'I DKYIL 'KHOR DU ZHUGS SHING DE'I GTZO BO LA DBANG RDZOGS PAR BLANGS NAS GNANG BA NOD PA DANG DAM TSIG GSUM GYI GLU LA SOGS PA'I BSTOD PA SNGON DU BTANG NAS SLOB MA GZHUG PA'I DON DU DNGOS GRUB ZHUS YOD PAS RANG GIS SLOB MA LA DBANG BSKUR BA'I DBANG PO MDZAD NAS RGYUD BYIN GYIS RLOB PA'I DON DU SNGA NAS BZHUGS ZIN TO, ,DKYIL 'KHOR DE YANG SLOB MA LA DBANG BSKUR BA'I BYA BA MA RDZOGS KYI BAR DU 'JOG PAS DBANG GI DUS SU SLOB MA LA STIM PA MIN LA GSAR DU SPYAN DRANGS PA'I DBANG GI LHA RNAMS NI DBANG RE RE'I MTHAR SLOB MA LA 'JUG PAR GRUB CHEN LVA BA PA LA SOGS PAS GSUNGS PAS GZHUG DGOS SO, ,BUM DBANG RDUL TSON GYI DKYIL 'KHOR DU THOB PAR GSUNGS PA'I DON DKYIL 'KHOR DER 'JUG PA SNGON DU 'GRO BA LA BYED NA DBANG GONG MA GSUM LA YANG MTSUNGS SHING DKYIL 'KHOR DE'I NANG DU BZHAG NAS BUM DBANG BSKUR BA YANG MIN LA DKYIL 'KHOR DE'I LHA RNAMS KYIS DBANG YANG MI BSKUR NA SHIN TU GZHAG DKA'O, ,BLA MA DANG RDUL TSON GYI GTZO BO GNYIS THA MI DAD DU BYAS NAS BUM DBANG BSKUR BAS DKYIL 'KHOR DER BUM DBANG THOB PAR 'JOG NA NI, DBANG GI DUS SU BLA MA DANG GTZO BO GNYIS THA MI DAD DU BYED PA PHAL MO CHES BSHAD MOD KYANG BLA MA DANG RDUL TSON GYI GTZO BO GNYIS THA DAD PA'I PHYOGS SU BYAS NAS BUM DBANG BSKUR BA KHUNGS THUB KYI GZHUNG RNAMS LAS MANG DU BSHAD SNANG LA, DE GNYIS THA MI DAD BYED NA'ANG DE TZAM GYIS BUM DBANG RDUL TSON GYI DKYIL 'KHOR DU THOB PAR 'JOG MI NUS TE GZHAN DU NA DBANG LHAG MA GSUM DE NYID KYI RGYUN LA BSKUR BA RNAM

, ,LA YANG RGYU MTSAN DE 'DOD DGOS PAS DE DAG KYANG RDUL TSON GYI DKYIL 'KHOR DU THOB PAR 'GYUR RO, ,DES NA BSGRUBS PA'I DKYIL 'KHOR BA'I LHA RNAMS KYIS SPYAN DRANGS PA'I DBANG LHA LTAR BUM PA BZUNG NAS DBANG BSKUR BA DANG SHIS PA BRJOD PA SOGS MI BYED KYANG SLOB DPON GYIS BUM DBANG BSKUR BA LA DGONGS PA GTAD NAS DBANG GI BYA BA MDZAD PAR MOS PA CIG NGES PAR DGOS TE, KLU BYANG GIS, DE NAS RANG BZHIN SHES RNAL 'BYOR, ,PHA YIS SLOB MA DBANG BSKUR PHYIR, ,GUS PAS RGYAL BA DE DAG KUN, ,SLAR BYON CHED DU BSKUL BAR BYA, ,ZHES DKYIL 'KHOR SGRUB PA'I DUS SU YE SHES PA SPYAN 'DREN PA SLOB MA DBANG BSKUR BA'I CHED DU YIN PAR GSUNGS PA'I PHYIR RO, ,SNGAGS KYI RJES GNANG BYED PA NA'ANG DKYIL 'KHOR DE'I GTZO BO LA ZHUS NAS BYED PA DANG MTHAR SLOB MA BLA MAS DKYIL 'KHOR 'DI GTZO BO LA 'BUL BA SOGS GSUNGS PAS BUM DBANG BSKUR BA RNAMS LA RDUL TSON GYI DKYIL 'KHOR PA'I LHAS DGONGS PA GTAD NAS DBANG GI BYA BA MDZAD PA YOD LA DE'I PHYIR RDUL TSON GYI DKYIL 'KHOR DU BUM DBANG THOB PA YANG MI 'GAL LO, ,BSGRUBS PA'I DKYIL 'KHOR DU SLOB MA 'JUG PA DANG SLOB DPON YANG ZHUGS NAS DBANG BLANG DGOS PAS SLOB MA LA DBANG BSKUR BA TZAM ZHIG DE'I DGOS PAR MI GZUNG NGO, ,DBANG GI LHA SPYAN 'DREN PA LA YANG LVA BA PAS BDE MCHOG NYID LA RIGS LNGAR PHYE BAS GTZO BO BYAS PA'I DKYIL 'KHOR SPYAN 'DREN PAR MDZAD PA LTAR NA GZHAN LA YANG DE'I RIGS PA BSGRE BA'AM YANG NA PHRENG BAR GSUNGS PA LTAR GSHEGS PA GSHEGS MA DANG SEMS DPA' SEMS MA SPYI 'GRO LTAR SPYAN DRANG NGO, ,KLU BYANG GI DGONGS PA LA ZUNG 'JUG GSAL

BAR CHU'I DUS SU SLOB MA RNAM SNANG DANG MING GI DUS SU SLOB MA MI BSKYOD PAR SKYED PA BYAS PA TZAM MA GTOGS PA DKYIL CHOG GZHAN RNAMS 'DRA'O, ,DUS 'KHOR LAS NI RGYUD GZHAN DANG DE'I DKYIL CHOG RNAMS LAS MI 'DRA BA CHEN PO BSHAD DE RGYUD THA DAD KYI DGONGS PA YIN PAS 'DIR GZHAN RNAMS KYI LUGS BSHAD PA'I SKABS SO, ,SLOB MA DANG DBANG RDZAS LHAR SKYED PA LA YANG LVA BA PAS BDE MCHOG RIGS LNGAR CHO GA GSUM GYIS SKYED PAR GSUNGS PA'I RIGS PA SKABS SO SO LA SBYAR BA'AM, YANG NA RANG GI GZHUNG NAS RIGS LNGA BSHAD PA YOD NA DE BZHIN DU BYA LA MED NA GTZO BO NYID LA RIGS LNGAR DBYE'O, ,DAM TSIG PA BSKYED PA LA YE SHES PA GZHUG PA LAS GZHAN 'DIR MA BSHAD KYANG BLA MA RNAMS DBANG BSKUR BA DANG RIGS BDAG GIS RGYAS 'DEBS PA'ANG MDZAD DO, ,GUR GYI BZHI PA LAS, LHA MO SGROL MAS 'KHYUD LDAN PA'I, ,SLOB MA RTA MCHOG TU BSAMS TE, ,LAG PAS RDO RJE DRIL 'KHROL GZHUG ,RDO RJE BDAG POS DBANG BSKUR BYA, ,ZHES DRIL BU'I DBANG LA SLOB MA DON GRUB YAB YUM DU SGOM PAR GSUNGS PA NI MTSON PA TZAM YIN PAS GZHAN RNAMS KYI SLOB MA DANG DBANG RDZAS KYI SKYED CHOG LA YANG SBYAR RO, ,RIG PA'I DBANG LNGA LA SLOB MAS SLOB DPON LA GSOL BA GDAB PA DANG DBANG BSKUR BA'I TSE DBANG BSKUR RDO RJE ZHES SOGS BRJOD NAS DBANG BSKUR BA NI 'DRA BA DANG NANG DBANG BSKUR BAR SLOB DPON 'DIS MDZAD DE RATNA RAKshI TA DANG BIBH'U T'I YANG 'DI'I RJES 'BRANG NGO, ,NANG DBANG NI DBANG DANG PO MIN PA LA PHRENG BAR MI GSAL YANG BIBH'U T'IS SNGA MA DANG 'DRA BAR BSHAD PA PHRENG BA'I DGONGS PA YIN PAS LHAG MA RNAMS LA YANG SBYAR RO, ,PHRENG BAR DBANG LHA STIM PA DANG

, ,SLOB MA LA CHU DBANG BSKUR BA'I RJES SU RIGS BDAG GIS RGYAS 'DEBS BA DANG DE LA MCHOD PA BYED PA SLOB DPON GYI DBANG GI SKABS MIN PAR MA GSUNGS KYANG LVA BA PA DANG BH'A BA BHA DRA DANG D'A RI KA BAS DBANG GI LHA STIM PAR BSHAD LA STIM TSUL NI DANG PO GNYIS KYIS BA SPU'I BU GA NAS GZHUG PAR BSHAD PA LTAR RO, ,THABS GANG GIS GZHUG PA NI LVA BA PAS SLOB DPON GYI THUGS KA'I SA BON GYI 'OD ZER GYIS BKUG NAS MDZAD PA LTAR RO, ,DBU BRGYAN PA LA LVA BA PAS DANG PO LA SPYI GTZUG TU MI BSKYOD PA GNYIS PA LA RNA LTAG GA-YAS SU RIN 'BYUNG GSUM PA LA LTAG PAR 'OD DPAG MED BZHI PA LA RNA LTAG GA-YON DU DON GRUB LNGA PA LA 'TSOGS MAR RNAM SNANG CHU LAS GRUB PAR BSAM PAR BSHAD DE, 'DI'I LTAR NA DBANG LNGA GA LOG PAS RIGS LNGA'I DBU RGYAN BYED KYI COD PAN GYI DBANG GI SKABS SU RIGS LNGAS DBU BRGYAN PA MA BYUNG NGO, ,DE LA MCHOD PAR LVA BA PA DANG D'A RI KA PAS BSHAD PA LTAR ME TOG LA SOGS PAS MCHOD PAR YANG BYA'O, ,D'A RI KA PAS, MCHOD DE DAG PA SBYIN PAR BYA, ,ZHES DAG PA SBYIN PAR GSUNGS PA NI LVA BA PAS DBANG LNGA PO DE RANG BZHIN RNAM DAG GI CHOS NYID DANG NYON YID DANG YID SHES DANG SGO LNGA'I RNAM SHES DANG KUN GZHI GNAS GYUR PA'I CHOS DBYINGS YE SHES DANG MNYAM NYID DANG SOR RTOG DANG BYA BA NAN TAN DANG ME LONG LTA BU'I YE SHES KYI RANG BZHIN DU BSHAD LA, PHRENG BA LAS KYANG, DBANG LNGAS YE SHES DE DAG GI SA BON RGYAS PAR BYED PA'I PHYIR DE DAG GI BDAG NYID DU MOS PAR BYA'O ZHES BSHAD LA, SDOM 'BYUNG LAS DBANG LNGA DE BZHIN GSHEGS

BDAG NYID, ,CES DANG PRADZNY'A RAKshI TAS PHUNG PO LNGA DANG NYON MONGS LNGA DAG PA YANG DBANG LNGAR BSHAD PA DANG, RGYAL BA BZANG POS, GANG ZHIG DE LTAR DBANG BSKUR BAS, ,DNGOS GRUB TU 'GYUR THE TSOM MED, ,LHA GANG MNGON DU BYAS PA YI, ,DE YI LAS GANG SGRUB PAR NUS, , ZHES RIG PA'I DBANG LNGA'I RJES SU GSUNGS PA'I DON RNAMS SLOB MA LA GO BAR BYED PA'O, ,GUR GYI BZHI PA LAS KYANG, GANG GANG SNANG BA DE KUN DANG, ,DE RANG GTZO BO HE RU KA, CHOS RNAMS RANG BZHIN GYIS DAG PAS, ,SANGS RGYAS YE SHES SU GANG BLTA'O, ,ZHES DBANG LNGA'I RJES SU GSUNGS PA 'DI DKYIL CHOG GZHAN MANG PO LAS KYANG BSHAD LA DE'I DON NI LHA'I RIGS KYI BLO GROS KYIS PHRENG BA NAS MING DBANG GI BAR GANG GANG SNANG BA DE DANG DE SANGS RGYAS KYI YE SHES LNGA DANG CHOS NYID RNAM PAR DAG PA'I DBYINGS DANG DRUG TU BLTA STE PHRENG BA'I DBANG NI DRUG PAR BLTA'O, ,RKANG PA THA MA'I GANG ZHES PA GANG GI PHYIR GYI DON YIN PAS DE'I RGYU MTSAN NI, CHOS RNAMS RANG BZHIN DAG DRI MED, ,CES BTON NAS RANG BZHIN GYIS DAG PA'I SANGS RGYAS KYI CHOS ME LONG LTA BU'I YE SHES LA SOGS PA DRUG GI GEGS KYI DRI MA DBANG DE DAG GIS 'KHRUD CING DE DAG DANG RANG BZHIN DBYER MED PA'I PHYIR DE DAG TU MOS PA BYA'O, ,DKYIL 'KHOR GYI GTZO BO NI DE DAG KUN GYI RANG BZHIN YIN LA HE RU KA NI MTSON PA TZAM MO ZHES 'CHAD DE DBANG LNGA LA YE SHES LNGAR LTA BA'I DON DU 'CHAD DE, ,DE LA CHUS GTOR BA SOGS DANG DBU RGYAN MGO LA BSKON PA DANG RDOR DRIL LAG TU GTAD PA DANG MING BTAGS PA RNAMS NI DBANG LNGA PO DE'I RGYU YIN GYI NGO BO MA YIN PAS NGO BO NI CHU DBANG LA MTSON NA DBANG BSKUR SA MI BSKYOD PAR BSKYED CING DBANG RDZAS MI BSKYOD

, ,PA ZHU BA'I CHUS SKUR TSUL SPYI BOR GTOR BA SOGS KYI BYED PA DANG, BSGRUBS PA'I DKYIL 'KHOR BA'I LHA CHU DBANG SKUR BA LA DGONGS PA GTAD PA RNAMS DANG GSAR DU SPYAN DRANGS PA'I DBANG LHA MI BSKYOD PAS GTZO MDZAD PA RNAMS LA GSOL BA BTAB NAS DNGOS SU BLA MAS BSKUR BA'I MDZAD PA LA BRTEN NAS SLOB MA DE'I RGYUD LA RNAM SHES KYI PHUNG PO DANG ZHE SDANG SBYONG BA DANG CHOS DBYINGS YE SHES MNGON DU BYED PA DANG MI BSKYOD PA'I SGO NAS KYI BSGOM BZLAS DANG DNGOS GRUB PA LA DBANG BA'I NUS PA KHYAD PAR BA ZHIG BSGOS PA LA CHU DBANG DU BYA STE GZHAN BZHI DANG ME TOG PHRENG BA'I DBANG LA YANG DE'I RIGS PA SBYAR RO, ,DES NA DBANG LNGA'I DANG PO'I CHU DBANG DANG DBANG GZHAN LA MTHA' RTEN CHU DBANG SKUR BA GNYIS KYANG MI GCIG GO ,DE DAG LA RIG PA'I DBANG ZHES GSUNGS PA'I SGRA DON NI PHRENG BA LAS, PHRENG BA DANG CHU LA SOGS PA DBANG DRUG PO 'DI RNAMS MA RIG PA'I GNYEN PO NUS PA NYID DU SGRUB PAR BYED PAS RIG PA'I DBANG ZHES BRJOD DE ZHES DANG, LA BA PAS, MA RIG PA LNGA YONGS SU GYUR PA'I NGO BO RIG PA YE SHES LNGA PO RNAMS SGRUB PAR BYED PA'I PHYIR DANG THAMS CAD DU SANGS RGYAS SPYAN LA SOGS PA RIG PA'I LHA MOS DBANG BSKUR BAR BYED PA'I PHYIR RO, ,ZHES SGRA'I DON GNYIS GSUNGS PA'I SNGA MA NI RIG PA SGRUB PA'I DBANG DANG PHYI MA NI RIG PAS BSKUR BA'I DBANG YIN PAS DBANG NYID RIG PAR 'DOD PA MIN NO, ,LVA BA PAS LNGA PO 'DI THOB PAS SNGAGS DANG RGYUD NYAN BSHAD DANG SGRUB PA LA DBANG ZHES SPYIR GSUNGS LA PHRENG BA LAS BYA SPYOD KYI RGYUD NYAN BSHAD DANG SNGAGS SGRUB PA LA DBANG GI RNAL 'BYOR DANG RNAL 'BYOR MA'I RGYUD NYAN BSHAD DANG SNGAGS SGRUB PA LA MI DBANG

ZHES BKAG PA NI SNGAR DRANGS PA LTAR RDZOGS RIM NYAN CING SGOM PA DANG RGYUD DE GNYIS 'CHAD PA POR MI RUNG BA LA DGONGS PAS, DE DAG BSKYED RIM NYAN PA DANG SGOM PA LA DBANG BA 'GOG PA MIN NO, ,DE LTAR NA BYA SPYOD LA CHOS STON PA'I RJES GNANG STER BA MA GTOGS PA SLOB DPON GYI DBANG LOGS PA BSKUR MI DGOS SO, ,GNYIS PA LA GNYIS, CHU DBANG GI CHO GA DANG, DBANG LHAG MA'I CHO GA'O, ,DANG PO LA GNYIS, GSOL BA GDAB CING SBYANG BA BYA BA DANG, DE LA CHU DBANG BSKUR BA'I RIM PA'O, ,DANG PO NI, DKYIL 'KHOR BSTAN PA'I RJES SU CHU DBANG GI DON DU BLA MA LA JI LTAR 'BYOR PA'I YON PHUL NAS PUS MO SA LA BTZUGS TE THAL MO SBYAR NAS, BYANG CHUB RDO RJES SANGS RGYAS LA, ,MCHOD CHEN JI LTAR BSTZAL BA LTAR, ,BDAG KYANG RAB TU BSGRAL BA'I PHYIR, ,NAM MKHA'I RDO RJE DENG BDAG STZOL, , ZHES GSOL BA GDAB BO, ,BYANG CHUB RDO RJE 'CHANG NGO, ,DES SANGS RGYAS MI BSKYOD PA LA SOGS PA LA MCHOD PA STE DBANG BSKUR BA CHEN PO RNAM PA GANG GIS JI LTAR BSTZOL BA DE LTAR DU BDAG KYANG 'KHOR BA'I RGYA MTSO LAS BSGRAL BA'I PHYIR NAM MKHA'I RDO RJE STE RDO RJE 'CHANG DANG 'DRA BA KHYOD LA BDAG DENG STE DA LTAR SKYABS SU MCHIS PA LA DBANG BSKUR BSTZOL CIG CES LE'U BCU DRUG PA'I SGRON GSAL LAS GSUNGS SO, ,DE'I DUS SU PHYAG BYA BAR LVA BA PA LA SOGS PA MANG POS BSHAD DO, ,DE NAS BLA MAS RTZA BA'I DKYIL 'KHOR GYI PHYI ROL KHRUS KYI CHUS RTZA DKYIL LA MI REG PA'I SHAR PHYOGS SU 'JUG SGO LA PHYOGS PAR SGO NUB TU BSTAN PA'I RE KHA GRU BZHI PA GCIG GIS BSKOR BA'I SNA TSOGS PADMA RDUL TSON NAM 'BRAS BTAGS PA'I KHU BA LA SOGS PAS BRI'O, ,YANG NA RTA BABS

, ,MED PA'I SGO NUB TU BSTAN PA'I GRU BZHI PA'I DBUS SU CHUD PA 'AM YANG NA NANG GI DKYIL 'KHOR GYI PHYED KYI TSAD KYI GRU BZHI PA SGO BZHI PA RIM PA GNYIS PA RTA BABS MED PA STE, SHAR LA SOGS PA'I SNAM BU LA 'KHOR LO DANG RIN PO CHE DANG PADMA DANG RAL GRI RNAMS DANG MTSAMS RNAMS SU YUM BZHI'I MTSAN MA DANG DBUS SU SNA TSOGS PADMA 'DAB BRGYAD BRI BAR BYA'O, ,DANG PO GNYIS NI SGO GCIG PA LA SNGA MA LA RTA BABS YOD CING PHYI MA LA MED PA YIN LA RIM PA GNYIS PA NI LHA SNAM DANG PADMA GNYIS KYI RIM PA'O, ,DE'I STENG DU PADMA 'DAB BRGYAD BRIS PA'I SHING STAN NAM YANG NA ZLA BA'I DKYIL 'KHOR BRIS PA'I RAS LA SOGS PA'I SENGGE'I GDAN DKYIL 'KHOR DE'I PADMA'I STENG DU BZHAG PAR MOS NAS PADMA LA REG PA MED PA DE'I STENG DU BZHAG GO ,YANG NA KHRUS KYI DKYIL 'KHOR MED PAR YANG DE BSGOMS NAS SHING STAN LA SOGS PA LA SLOB MA RDO RJE 'CHANG DU BSKYED LA DKYIL 'KHOR LA MNGON DU PHYOGS PAR BZHAG GO ,NAG PO SPYOD PA DANG SA RA HAS GTZO BOR SKYED PAR BSHAD DO, ,'DIR PHRENG BA LAS DBANG STEGS KYIS DKYIL 'KHOR SNGAR RAB GNAS KYI SKABS SU BSHAD PA LA KHA 'PHANGS MDZAD PA BZHIN DU BDE MCHOG GI DBANG GI RAB BYED LAS KYANG SNGAR BSTAN PA LA KHA 'PHANGS PA NI MI 'THAD DE GZHUNG DER SNGAR KHRUS STEGS BSHAD PA MED PA'I PHYIR RO, ,DES NA DE MA NGES PAR PHRENG BA BZHIN DU BRIS 'DUG PAS AA BHYA KA RAS MDZAD PA MIN LA 'ON KYANG PHRENG BA LA RE MKHAS GCIG GIS BYAS 'DUG GO ,DE NAS AOm A'A: BIGHRSHAN TA KRi TA H'Um ZHES PA 'KHYIL PA'I SNGAGS DANG H'Um YIG NYUNGS KAR LA LAN BDUN BZLAS PA LAG PA GNYIS

KYI KHU TSUR GYIS BZUNG NAS RE RE NAS GA-YON SKOR DU LAN GNYIS SU AOm SARBA P'A PAm DA HA NA BADZRA YA BADZRA SATVA SYA SARBA P'A PAm DA HA SV'A H'A, ZHES BRJOD CING BYABS LA NYUNG KAR MER DOR RO, ,DE BZHIN DU GA-YAS SU BSKOR BA GNYIS KYANG BYA'O, ,KHU TSUR GYIS CHU BZUNG NAS KYANG DE BZHIN DU'O, ,DE NAS KHAM PHOR DKAR PO BZHI DANG RTZVA DUR BA'I MYU GU DANG BCAS PA'I BA LCI'I CHANGS BU BZHI DANG ZAN CHANGS BZHI DANG SENG RAS KYI TSAL PA BZHIS KYANG GA-YON DANG GA-YAS SU SKOR BA SNGAR BZHIN BYA STE 'ON KYANG KHAM PHOR MAN CHAD RNAMS MER MI 'DOR RO, ,DE NAS NYE REG BYA LA GTZO BO'I SNGAGS BRJOD CING THUGS KAR DRI DANG DBU LA ME TOG GI PHRENG BA BCINGS PA DANG MDUN DU MCHOD YON 'BUL BA BYAS NAS MAR MES YONGS SU BSKOR TE 'KHYIL PA DANG H'Um LAN BDUN BZLAS PA'I MAR DANG BCAS PA'I SPOS DKAR GYIS BDUG PAR BYA'O, ,GUR GYI BRGYAD PA LAS GSUNGS PA'I BYABS PA'I SNGAGS DE'I SNGAGS DON DANG BSTUN NA SDIG PA SBYONG BAR SNANG LA, LVA BA PAS MI GTZANG BA BSAL PA DANG BI BH'U T'IS BYUR BSAL BAR BSHAD DO, ,GNYIS PA NI, DE NAS BLA MAS RANG GI SNYING KHA'I SA BON GYI 'OD ZER GYIS PHYOGS MTHA' YAS PA NA BZHUGS PA'I DE BZHIN GSHEGS PA DANG RIG PA'I LHA MO RNAMS MDUN GYI NAM MKHAR SPYAN DRANGS LA MCHOD DE SLOB MA DBANG BSKUR BA'I DON DU, RDO RJE CAN GYIS SANGS RGYAS LA, ,'GRO BA SKYOB PA'I CHED DU DBANG, ,YON TAN 'BYUNG GNAS JI LTAR BSTZAL, ,DE LTAR 'DI LA STZAL DU GSOL, ,ZHES PAS GSOL BA GDAB BO, ,'DI'I DON NI SNGAR GYI GSOL GDAB KYI BSHAD PAS SHES SO, ,PHRENG BA LAS MI

, ,BSKYOD PA'I BDAG NYID CAN BYANG CHUB KYI SEMS KYI BDUD RTZI'I NGO BO ZHES PA TZAM MA GTOGS PA DBANG RDZAS KYI SKYE CHOG MI GSAL YANG 'DI'I RJES 'BRANG GNYIS KYIS CHU MI BSKYOD PAR BSKYED PA LA YE SHES PA BCUG CING KHYAD PAR DU RATNA RAKshI TAS DE ZHU BA'I CHUR BSHAD PAS, BUM CHU RNAMS BSANG SBYANGS LA H'Um DU GYUR DE LAS H'Um GIS MTSAN PA'I RDO RJER GYUR DE LAS MI BSKYOD PAR BSKYED PA LA RANG GI SNYING KHA'I SA BON GYI 'OD ZER GYIS SPYAN DRANGS PA'I YE SHES SEMS DPA' BSTIM LA MCHOD NAS DE YONGS SU GYUR PA'I CHUR BLTA'O, ,DE NAS PHRENG BA LAS DE BZHIN GSHEGS PA ZHU BA SNGON LA BYAS NAS DE LAS SLOB MA ZHAL DU BCUG PA LA DBANG BSKUR BAR BSHAD KYANG RATNA RAKshI TAS DE'I GO RIM BZLOG PA BDE BAS DE BZHIN DU BYA STE, SLOB MA RANG GI KHA NAS BCUG STE RDO RJE'I LAM NAS BTON NAS RIG MA'I PADMAR GZHAG LA, DE NAS SLOB MA SKAD CIG GIS STONG PA NYID DU BSAMS PA'I RJES LA DANG POR H'Um DANG DE NAS RDO RJE DE NAS RDO RJE DES MTSAN PA LAS SKYED PA'I MI BSKYOD PA'I SKU RIG MA DANG BCAS PAR BSKYED, YE SHES SEMS DPA' DANG DBYER MED PA ZHES GSUNGS PAS YE SHES PA GZHUG GO ,DE NAS DE BZHIN GSHEGS PA SHES RAB MA DANG SNYOMS PAR 'JUG PA RNAMS 'DOD CHAGS CHEN POR ZHU PAR GYUR NAS RNAM SNANG GI SGO SPYI BO NAS ZHUGS TE RDO RJE'I LAM NAS BYUNG BA'I KHU BAS PADMAR GNAS PA'I SLOB MA LHAR BSKYED PA LA DBANG BSKUR NAS SLAR YANG ZHAL PHYAG LA SOGS PA'I SKU RNAMS KYIS PADMA NAS BYUNG

STE GZHAG GO ,SKABS 'DIR GUR LAS GSUNGS PA'I DON MI THUB ZLA BAS, BUM PA BRGYAD PO THAMS CAD KYI, ,RANG GI RIG MA SKYES BU'I CHUS, ,THUGS RDO RJE RU RAB BSGOMS PAS, ,RDO RJE 'CHANG BSAMS DBANG BSKUR BYA, ,ZHES GSUNGS PAS CHU DBANG DANG NANG DBANG GNYIS KA BSTAN PAR MNGON NO, ,LHA'I RIGS KYI BLO GROS KYIS NANG DBANG LA MA SBYAR RO, ,CHU DBANG SKUR BA'I SNGON DU DMIGS PA'I RIM PA NI NAM MKHA' GANG BAR GNAS PA'I SPYAN MA LA SOGS PA'I RIG GI MA DANG BCAS PA'I DE BZHIN GSHEGS PA RNAMS DMIGS LA DE RNAMS KYIS GDUGS DANG RGYAL MTSAN DANG BA DAN DANG NA BZA' RNAMS SLOB MA'I STENG PHYOGS SU 'DZIN, GLU GAR MDZAD CING ROL MO RDUNG ME TOG DANG GUR GUM LA SOGS PA'I CHAR 'BEBS PHYAG GIS CUNG ZAD YO BAR BZUNG BA'I BUM PA DKAR PO BYANG CHUB KYI SEMS KYI BDUD RTZIS BKANG BA RNAMS KYIS YUM GYI PADMA NAS PHYUNG BA'I SLOB MA DE LA DBANG BSKUR BZHIN PA DANG, GZUGS RDO RJE LA SOGS PA'I LHA MO RNAMS KYIS, BKRA SHIS GANG ZHIG SEMS CAN KUN GYI SNYING LA GNAS, ,KUN GYI BDAG NYID RIGS KUN GYI NI BDAG PO MCHOG ,SEMS CAN MA LUS SKYED BYED BDE BA CHEN PO STE, ,DE NI DENG KHYOD DBANG BSKUR MCHOG LA BKRA SHIS SHOG ,PHUN SUM TSOGS PA MNGA' BA GSER GYI RI BO 'DRA, ,'JIG RTEN GSUM GYI MGON PO DRI MA GSUM SPANGS PA, ,SANGS RGYAS PADMA RNAM RGYAS 'DAB 'DRA'I SPYAN MNGA' BA, ,DE NI DE RING KHYOD LA ZHI BYED BKRA SHIS SHOG ,DE YIS NYE BAR BSTAN PA'I MCHOG RAB MI GA-YO BA, ,'JIG RTEN GSUM NA GRAGS SHING LHA DANG MI YIS MCHOD, ,CHOS MCHOG SKYE DGU RNAMS

, ,LA RTAG TU ZHI BYED PA, ,DE NI DE RING KHYOD LA ZHI BYED BKRA SHIS SHOG ,DAM CHOS LDAN PA THOS DANG BKRA SHIS KYIS PHYUG CING, ,DGE 'DUN MI DANG LHA DANG LHA MIN YON GYI GNAS, ,TSOGS KYI MCHOG RAB NGO TSA SHES DANG DPAL GYI GZHI, ,DE NI DE RING KHYOD LA ZHI BYED BKRA SHIS SHOG ,CES BKRA SHIS BRJOD PAR BSAM MO, ,RDO RJE SNYING PO RGYAN GYI RGYUD KYI BZHI PA LAS, ,TIL GYI GANG BU BZHIN GANG BA'I, ,RGYAL BAS BUM PA BZUNG NAS NI, ,ZHES GSUNGS PAS BUM PA 'DZIN MKHAN SPYAN MA LA SOGS PA'I RIG MAS BYA DGOS PA'I NGES PA MED DO, ,DE LTAR MOS NAS RANG GIS KYANG SHIS PA'I SGRA GLUR BLANG BA SNGON DU BTANG NAS BYA STE 'DI'I DUS SU DPON SLOB RNAMS KYIS BUM PA BTEG NAS SLOB MA LA SHIS PA BYED DE ZUNG 'JUG GSAL BA LAS BUM PA BZUNG STE BKRA SHIS PA'I, ,TSIGS SU BCAD PA THOG MAR KLAG ,CES GSUNGS SO, ,DE NAS CHU DBANG SKUR LUGS GSUM LAS RNAM PAR RGYAL BA LA SOGS PA'I BUM PA RNAMS LAS CHU CUNG ZAD RE BCUS TE THOD PHOR RAM DUNG CHOS SU BLUGS PAS CHU DBANG SKUR BA'AM YANG NA DANG POR RNAM RGYAL GYI BUM PA DANG DE NAS DE BZHIN GSHEGS PA BZHI'I BUM PA DANG DE NAS LHA MO BZHI'I BUM PA DANG DE NAS JI LTAR RIGS PAR DKYIL 'KHOR BA'I BUM PA GZHAN RNAMS KYIS DBANG BSKUR RO, ,DBANG BUM GCIG LAS MED NA RNAM RGYAL BUM PA'I MI BSKYOD PA'I BDAG NYID CAN GYI BYANG CHUB KYI SEMS KYI BDUD RTZI'I NGO BO YAL 'DAB DANG BCAS PA'I RDO RJE LAG PA GA-YAS PAS BZUNG LA DES CHU BLANGS TE RDO RJE'I RTZE MOS BLUGS PAS, DBANG BSKUR RDO RJE

CHEN PO NI, ,KHAMS GSUM PA YIS PHYAG BYAS PA, ,RDO RJE GSANG BA GSUM 'BYUNG BA, ,SANGS RGYAS KUN GYI SBYIN PAR BYA, ,AOm A'A: BADZRA AU DA KA AA BHI shI NYTZA H'Um SU RA TA STVAm AA HAm ZHES BRJOD CING DBANG BSKUR BAR BYA'O, ,BSDUS PA LA DGA' NA DE LTAR BYA LA DE LTA MA YIN NA, AOm MA H'A SU KHA BADZRA SATVA AA BHI shI KE nA TVAm AA BHI shINYTZA MI SARBA TA TH'A GA TA AA DHI PA TI TVE NA DRi dHO BHA BA ZHES KYANG BRJOD DE SNGAGS GNYIS NI KLU BYANG DANG ZUNG 'JUG GSAL BAS KYANG BSHAD DO, ,SBYIN PAR BYA'O ZHES DRANG NGO, ,GANG GI MDUN DU NA SANGS RGYAS KUN GYI SPYAN SNGAR RO, ,GANG NA DBANG BSKUR BA'O, ,DE'I KHYAD PAR LA CHEN PO NI KHAMS GSUM GYI RGYAL POR RAB TU BZHUGS PA STE DE'I PHYIR KHAMS GSUM PA YIS PHYAG BYAS PA'O, ,DE NGAS KHYOD LA SBYIN GYIS KHYOD KYIS KYANG 'DI LA NAN TAN DU BYA'O, ,ZHES SLOB MA DBUGS 'BYIN PA'O, ,RDO RJE NI DOR DU MI RUNG BA'O, ,RDO RJE GSANG BA GSUM DBYER MI PHYED PA NI RDO RJE 'CHANG YIN LA DE LAS BYUNG BA NI DE'I RIGS LAS SKYES PA LA LE'U BCU DRUG PA'I SGRON GSAL LAS BSHAD DO, ,DE LTAR DBANG BSKUR BA'I DUS SU BDE BA PHUN SUM TSOGS PA BYUNG BAR BSAM MO, ,DKYIL CHOG 'DI LA SOGS PAR BUm PA MGOR 'JOG PA MI GSAL YANG BLA MA RNAMS KYIS MDZAD PA LTAR KYEE RDOR LAS RIM GYI CHO GA LAS 'BYUNG NGO, ,YOG NAS 'THUNG DU 'JUG PA YANG BSHAD DO, ,SNYE MA BCU GNYIS PA LAS DBANG BSKUR BA NI YE SHES KYI CHU RNAMS KYIS BAG CHAGS DANG BCAS PA'I SGRIB PA THAMS CAD KYI DRI MA 'KHRUD PA'O, ,DE'I PHYIR DBANG BSKUR

, ,BA'I KHU BAS SPYI BOR GNAS PAS RGYAS GDAB PAR RIGS KYI DBYE BAS 'GYUR RO, ,ZHES MNGON RTOGS KYI CHU DBANG GI SKABS SU GSUNGS TE 'DIR YANG 'DRA'O, ,GNYIS PA NI, DE NAS DBANG LHAG MA BZHI LA SLOB DPON LA GSOL BA BTAB PA'I RJES SU SLOB MA AA DANG RIN PO CHE DANG HR'I: DANG PADMA DANG KHAM DANG RAL GRI DANG AOm DANG 'KHOR LO LAS CHO GA GSUM GYIS RIN 'BYUNG NAS RNAM SNANG GI BAR DU SKYED PA SOGS SNGAR BZHIN DU BYA STE DBANG RDZAS LA YANG 'DRA'O, ,COD PAN GYI DBANG RDZAS NI GSER DANG RAS LA SOGS PA LAS BYAS PA'I RIGS LNGA'I COD PAN SLOB MA'I RIGS BDAG DBUS NA GNAS PA'O, ,DE MGO'I DBUS DANG LEGS GNYIS DANG SPYI BO DANG RGYAB RNAMS SU RIM PA BZHIN AOm BADZRA DHA T'I SHVA RI AA BHI shINYTZA H'Um, AOm SARBA TA TH'A GA T'A SATVA BADZRi AA BHI shINYTZA BRUm, AOm RATNA BADZRi AA BHI shINYTZA AA: AOm DHARM'A BADZRi AA BHI shINYTZA HR'Am: AOm KARMA BADZRi AA BHI shINYTZA TR'Am ZHES PA'I SNGAGS LNGAS MGO BO LA BSKON NO, ,KLU BYANG GIS PHRENG BA BZHIN DU BSHAD CING PHYAG RGYA BCINGS TE GNAS DE DAG TU BZHAG NAS SNGAGS DE RNAMS BRJOD PAR MDZAD DO, ,DE NAS DBANG BSKUR RDO RJE CHEN PO NI, ZHES SOGS DANG, AOm A'A: BADZRA MU KU tA AA BHI shINYTZA H'Um SU RA TA STVAm AA HAm ZHES BRJOD LA BADZRA DU shYA HO: ZHES BRJOD PAS DGYES PAR BYA'O, ,SKABS 'DIR RIGS LNGA KAS DBU BRGYAN PAR SGOM PAR KLU BYANG GIS KYANG GSUNGS SO, ,DE NAS AOm H'Um TR'I HR'i: A'A: ZHES PA'I SNGAGS KYIS DPRAL BAR DAR DPYANGS BCING BAR BYA'O, ,ZUNG 'JUG GSAL BAS DBU RGYAN LA DAR DPYANGS DPYANGS NAS BADZRA DU shYA HO: ZHES BRJOD DE MNYAM PA'I THAL MOS MNYES PAR BSHAD DE KLU

BYANG GI DGONGS PA'O, ,RDO RJE'I DBANG LA YANG DBANG BSKUR RDO RJE ZHES PA'I TSIGS BCAD DANG, SANGS RGYAS RNAMS KYIS RDO RJE YI, ,DBANG GIS DE RING KHYOD DBANG BSKUR, ,'DI DE SANGS RGYAS THAMS CAD NYID, ,RDO RJE RAB TU GRUB PHYIR ZUNGS, ,ZHES BRJOD CING SLOB MA'I SNYING MGRIN MGO BO RNAMS LA RDO RJES REG NAS LAG PA GA-YAS SU SBYIN NO, ,'DIR GUR LAS, SLOB MA 'JIG RTEN DBANG BSAMS LA, ZHES GSUNGS PA'I DON 'GREL PAS PADMA GAR GYI DBANG PHYUG TU SGOM PA LA BSHAD CING, RDO RJE CHEN PO RTZE DGU PA, ZHES GSUNGS PA'I DON NI RTZE LNGA PA YIN YANG STENG 'OG GI RTZE BRGYAD DANG DBUS MA DANG BCAS PAS RTZE DGU PA'O ZHES BSHAD DO, ,RKANG PA THA MA GNYIS LA GUR LAS, 'DI DE SANGS RGYAS KUN NYID DU, ,RAB SGRUB PHYIR NA RDO RJE ZUNGS, ,ZHES 'BYUNG NGO, ,DE NYID SNANG BA LAS NI TSIGS BCAD DE'I DON 'DI LTAR BSHAD DE SANGS RGYAS RNAMS KYIS DE RING KHYOD LA RDO RJE'I DBANG BSKUR BAS RDO RJE 'DI NI KHYOD KYIS LONGS SHIG PA STE ZUNGS SHIG ,BYANG CHUB SEMS GANG DE RDO RJE, ,SHES RAB DRIL BU ZHES BSHAD DO, ,ZHES GSUNGS PAS RDO RJE'I DBANG BSKUR BAS NI RDO RJE YE SHES KYI DBANG BSKUR BA GSUNGS PA YIN NO, ,RDO RJE'I DBANG BSKUR BA 'DI NI STONG PA NYID DANG DBYER MED PA'I BYANG CHUB KYI SEMS KYI RANG BZHIN YIN PAS SANGS RGYAS THAMS CAD KYI YIN NO, ,DE BLANG BAR BYA BA'I RGYU MTSAN NI GANG GI PHYIR RDO RJE 'DI NI SANGS RGYAS THAMS CAD KYI NGO BO NYID YIN PAS DE RAB TU GRUB PA STE THOB PAR BYA BA'I PHYIR KHYOD KYIS LONGS ZHES PA'O, ,DRIL BU'I DBANG NI DRIL BU SLOB MA'I LAG PA GA-YON DU SBYIN LA RDOR DRIL DANG LDAN PA'I LAG PAS PHYAG RGYA LA 'KHYUD PA'I TSUL BYED DU BCUG STE DBANG BSKUR

, ,ZHES SOGS BRJOD PA SNGON DU 'GRO BAS, AOm BADZRA AA DHI PA TI STVAm AA DHI shINYTZA MI TIshthA BADZRA SA MA YA STVAm ZHES GUR GYI BZHI PA LAS 'BYUNG BA BRJOD LA, AOm BADZRA GHANdE AA: AA: BCOM LDAN GZUNG NGO BDAG LA NI, ,YANG DAG NYE BAR GYUR BAR MDZOD, ,CES 'DON DU GZHUG STE SNGAGS DE NI GUR GYI BCU BZHI PA LAS SO, ,SNGAGS PHYI MA DANG RKANG PA GNYIS BRJOD PA NI KLU BYANG GI DGONGS PA'O, ,DE NYID BSDUS PA DANG DPAL MCHOG GI BZHED PAS SANGS RGYAS KUN GYI ZHES PA'I TSIGS BCAD KYIS RDO RJE'I DBANG DANG BADZRA AA DHI PA TI ZHES SOGS KYI SNGAGS KYIS BDAG PO'I DBANG BSKUR BAR BZHED PA BZHIN DU MAR ME MDZAD BZANG PO DANG MI THUB ZLA BA SOGS KYIS KYANG DE BZHIN BSHAD LA, D'A RI KA PAS RDO RJE'I TSIGS BCAD DE DRIL BU LA 'DON PA BSGYUR TE DES DRIL BU BYIN NAS SNGAGS NI BDAG PO'I DBANG GI BRTAN BYED DU BSHAD DO, ,NAG PO SPYOD PA SOGS KYIS TSIG CUNG ZAD MI 'DRA BAR BYAS NAS SNGAGS DANG TSIGS BCAD GNYIS KAS RDO RJE'I DBANG BSKUR BA'I 'OG TU TSIGS BCAD GZHAN GYIS DRIL BU'I DBANG STER BAR BSHAD DO, ,SNGAGS DE'I DON RDO RJE'I DBANG DANG DRIL BU'I DBANG GNYIS KA LA BSHAD DU RUNG BA CIG YOD PAS TSAD LDAN LA LAS RDO RJE'I DBANG LA SBYAR ZHING LA LAS DRIL BU'I DBANG LA SBYAR BAR GSAL LO, ,LVA BA PAS, AOm DRIL BU RDO RJE RAB LDAN PAS, SHIN TU DPA' BO NYID DBANG BSKUR, ,RDO RJE DAM TSIG GNAS PA KHYOD, ,BDAG PO'I DBANG BSKUR RGYAL MNOS SHIG ,CES PA 'DIS DRIL BU'I DBANG SBYIN PAR BZHED DE RKANG PA GSUM PA NI TIshthA BADZRA SA MA YA STVAm ZHES PA'I DON YIN LA BDAG PO'I DBANG BSKUR

BA NI AA DHI BA TI AA BI shINYTZA ZHES PA'I DON YIN PAS DON BSDU NA RDO RJE'I DAM TSIG LA GNAS PA KHYOD LA RDO RJE'I BDAG PO'I DBANG BGYI'O KHYOD KYIS MNOS SHIG CES PA'I DON TE LVA BA PA'I DGONGS PA'O, ,KUN SNYING GIS SNGAGS DE'I DON DE DANG MI 'DRA BAR BSHAD DO, ,RDO RJE DANG DRIL BU'I SKABS 'DIR RDO RJE'I DAM TSIG DANG RDO RJE'I BRTUL ZHUGS DANG DRIL BU'I DAM TSIG SBYIN PA'I TSIG RNAMS KYANG BRJOD NAS PHYOGS GCIG TU SKUR BA CHEN PO MANG POS MDZAD LA BH'A BA BHA DRAS DRIL BU'I DBANG GI RGYUN NYID LA MING DBANG GI SNGON DU PHYAG RGYA'I DAM TSIG KYANG BYIN NAS DE DAG GIS SLOB DPON GYI DBANG BSKUR BAR YANG MDZAD DO, ,'ON KYANG LVA BA PA DANG D'A RI KA PA DANG SLOB DPON 'DIS MDZAD PA LTAR RDOR DRIL GYI DAM TSIG DANG PHYAG RGYA'I DAM TSIG RNAMS SLOB MA'I DBANG BSKUR BA'I 'OG TU RDO RJE SLOB DPON GYI DBANG BSKUR BA'I SKABS SU MDZAD PA LTAR GZHAN RNAMS KYI DGONGS PA YANG DE LTAR BLANGS NA LEGS SO, ,DRIL BU'I DBANG 'DI LA MING GNYIS PA BDAG PO'I DBANG ZHES KYANG GSUNGS LA BDAG PO'I DBANG ZHES ZER BA'I SGRA DON NI 'CHAD PAR 'GYUR RO, ,MING DBANG NI MGOR RDO RJE DANG DRIL BU MNYAM POR BZUNG ZHING DBANG BSKUR ZHES SOGS DANG AOm BADZRA SATVA STVAm AA BHI shINYTZA MI BADZRA N'A MA AA BHI shI KA TA ZHES GUR GYI BZHI PA NAS 'BYUNG BA BRJOD LA ZHE SDANG RDO RJE KHYOD DAM GTI MUG RDO RJE KHYOD CES PA SOGS KYIS ME TOG GANG LA PHOG PA'I RJES SU 'BRANGS NAS RANG GI RIGS KYI MING RNAM SNANG GI BDAG NYID KYIS DBANG BSKUR BAR BYA'O, ,RIGS DRUG GI DBANG DU BYAS PA'I PHO MO'I MING 'DOGS LUGS RGYAS PA NI PHRENG BA LAS SHES PAR BYA'O, ,DE NYID BSDUS PA LAS KYEE RDO RJE

, ,ZHES GANG GI MING GANG DU BRJOD PA DER KYEE ZHES BRJOD PAR BYA'O ZHES GSUNGS TE KYEE ZHES PA NI BOD PA'O, ,DE LA DPAL GYI SGRA YANG DGOS PAR MAR ME MDZAD BZANG PO LA SOGS PAS GSUNGS PAS DPAL MI BSKYOD RDO RJE ZHES PA LTA BU NI YON TAN BRJOD NAS MING 'DOGS PA YIN PAS MING DBANG BSKUR BA'I TSE DBANG SNGAR THOB PA LA GSANG MTSAN 'DRI BA NA KYEE DPAL ZHES 'DRI BA MIN NO, ,D'A RI KA PAS, DPAL DANG RDO RJE'I SGRA LDAN PAR, ,SLOB DPON GYIS NI LAN GSUM BOD, ,CES BTAGS PA'I MING DES LAN GSUM 'BOD PAR YANG GSUNGS SO, ,SLOB DPON 'DIS DBANG LHAG MA BZHI LA CHU DBANG SKUR BA GSAL BA MA BSHAD PA BZHIN DU DKYIL CHOG KHUNGS THUB MANG POR YANG MA BSHAD MOD KYANG LVA BA PAS DBANG BZHI RE RE'I MTHAR CHU DBANG BSKUR BA MDZAD PA BZHIN DU BYA DGOS TE 'DI DAG LA BUM PA'I BYA BA RJES SU 'GRO BAS BUM DBANG DU GSUNGS PA'I PHYIR RO, ,PHRENG BA LAS KYANG THAMS CAD DU DE BZHIN GSHEGS PA DANG SPYAN MA LA SOGS PA'I RIG MA RNAMS KYIS BUM PAS DBANG BSKUR BA'I PHYIR CHU NAS SLOB DPON GYI BAR DRUG BUM DBANG DU BSHAD PA'I PHYIR DANG DE BZHIN GSHEGS PA YAB YUM GYIS BUM PA BZUNG NAS DBANG BSKUR BA DANG GZUGS RDO RJE MA LA SOGS PAS SHIS PA BRJOD PA'I DMIGS PA RNAMS DBANG LHAG MA BZHI LA YANG BYA BAR GSUNGS PA'I PHYIR RO, ,DES NA DE DAG GI SKABS SU YANG DBANG GI LHA SPYAN DRANGS PA RNAMS KYIS JI LTAR MDZAD PA'I DMIGS PA NI CHU DBANG GI SKABS BZHIN DU GZUNG LA LHAG MA BZHI LA YUM DANG BCAS PAR SKYED PA MA BYUNG YANG SNGA MA'I 'GROS KYIS 'THOB BO, ,DBANG BSKUR RDO RJE ZHES PA'I TSIGS

BCAD DBANG LNGA KA LA BRJOD NAS SKUR BA NI LVA BA PAS KYANG MDZAD DO, ,PHYI MA RNAMS LA CHU DBANG SKUR BA'I TSE NI SLOB DPON GYI DBANG GI SKABS SU BSHAD PA'I SNGAGS BRJOD PAS BYA'O, ,DE LTAR NA DBANG LNGA PO DE DAG SKUR BA'I TSE SNGAR BSHAD PA LTAR RANG RANG GI SKABS KYI DBANG GANG YIN NGOS ZIN PAR BYAS LA BRDA DON GSAL POR 'PHROD NGES SU BYAS TE BSKUR BAR BYA'O, ,CHU DBANG GI SDOM NI, YON DBUL GUS PAS GSOL BA GDAB, ,DBANG STEGS LA BZHAG SBYANG BA BYA, ,DBANG LHA SPYAN DRANG LHA RU BSKYED, ,LHA LA GSOL GDAB NANG DPAR BYA, ,SHIS PA BRJOD DE CHU DBANG BSKUR, ,BSTIM ZHING MCHOD NAS DBANG DON BSHAD, ,CES PA'O, ,DBANG LHAG MA'I SDOM NI, GSOL GDAB DBANG LHA SPYAN DRANG ZHING, ,GNYIS KA LHAR BSKYED LHA LA GSOL, ,NANG DANG PHYI YI DBANG GNYIS BSKUR, , CHU DANG NGA BYA LA LHA RNAMS BSTIM, ,MCHOD NAS DBANG DON BSHAD PAR BYA, ,ZHES PA'O, ,GNYIS PA LA GNYIS, SLOB DPON GYI DBANG GI RNAM GZHAG DANG, SLOB DPON GYI DBANG GI CHO GA'O, ,DANG PO NI, RDO RJE SLOB DPON GYI DBANG DANG PHYIR MI LDOG PA'I DBANG GNYIS KYI SGRA 'JUG PA'I YUL DNGOS NI DBANG DRUG PA NYID YIN LA NYE BAR BTAGS PA'I SGRA NI CHU LA SOGS PA'I DBANG LA YANG 'JUG GO ,BUM PA'I DBANG GI SGRA NI DBANG DRUG KA LA YANG DNGOS SU 'JUG PAS SNGA MA GNYIS DANG KHYAB CHE CHUNG YOD DO, ,'DIR RDO RJE SLOB DPON GYI DBANG GI DNGOS GZHI GANG ZHIG LA BYA SNYAM NA, DPAL 'DZIN GYIS PHYIR MI LDOG PA'I DBANG BSKUR YANG BSTAN PA NYID DE RDO RJE DANG DRIL BU'I DAM TSIG LA LUS BYIN GYIS BRLAB PA BCU GNAS SO, ,ZHES DANG, 'DI YIS RANG GI 'DOD PA'I LHA'I BDAG

, ,NYID PHYAG RGYA CHEN POR BYIN GYIS BRLAB PO ZHES BYA BA PHYAG RGYA'I DAM TSIG GO ,ZHES GSUNGS PAS PHYAG RGYA'I DAM TSIG SBYIN PA'I SKABS SU SLOB DPON GYI DBANG DNGOS GZHI SBYIN PAR BZHED DO, ,DGRA CAN 'DZIN DPAL BSHES GNYEN DANG RTAG PA'I RDO RJES KYANG PHYAG RGYA'I DAM TSIG 'DOD LHA YAB YUM 'KHYUD PA'I RNAM PA CAN DU BYAS PA'I SKABS SU SLOB DPON GYI DBANG BSKUR BAR BZHED DE, DE LTAR BYAS PA'I PHYAG RGYA'I DAM TSIG GI SHES BYED DU SHES RAB BCU DRUG LON PA LA, ZHES SOGS DRANGS NAS BSGRUBS PA'I PHYIR RO, ,LVA BA PAS KYANG 'DIR RANG GI 'DOD PA'I LHA'I LUS RDO RJE 'CHANG GI NGO BO CAN KHA SBYOR GYI RIM PAS BYIN GYIS BRLABS NAS 'KHYUD PA'I TSUL BYED DU GZHUG GO ,DE DAG NI PHYAG RGYA CHEN PO'I DAM TSIG GO ,ZHES PHYAG RGYA'I DAM TSIG GI TSIGS BCAD KYIS DE LTAR BYA BAR GSUNGS SHING SO SOR PHYE NAS SLOB DPON GYI DBANG 'DI YIN ZHES GSAL BAR MA MDZAD KYANG SNGA MA RNAMS DANG DGONGS PA GCIG GO ,PHRENG BA'I DGONGS PA YANG ZUNG 'JUG GSAL BA DANG RTAG PA'I RDO RJE DANG 'DRA'O, ,'O NA PHRENG BA LAS RGYUD GZHAN DU DAM TSIG GSUM SLOB DPON GYI DBANG GI 'KHOR DU GSUNGS PA'I SHES BYED DU, SHES RAB BCU DRUG LON PA LA, ZHES SOGS DRANGS PA JI LTAR YIN SNYAM NA, PHYAG RGYA'I DAM TSIG GZUNG BA'I SKABS SU SLOB DPON GYI DBANG THOB PA YIN YANG DAM TSIG DE NYID DBANG DE'I YAN LAG TU MI 'GAL TE LUS 'DOD LHA YAB YUM DU SGOM PA NI SLOB DPON GYI DBANG GI RGYU YIN PA'I PHYIR RO, ,LHA YAB YUM SGOM PA PHYAG RGYA'I DAM TSIG GI SKABS SU BYED PA'I SHES BYED DU DRANGS PAS NA, SHES RAB BCU

DRUG LON PA NI DE 'DRA BA'I LANG TSO CAN DU YE SHES KYI PHYAG RGYA BSGOM PA'O, ,RDO RJE DRIL BU MNYAM PAR SBYOR BA NI RDOR DRIL BZUNG BA'I LAG PAS 'KHYUD PA'I TSUL BYED PAR BSGOM PA STE SH'ANTI PAS KYANG, RDO RJE DRIL BU SBYOR BA YIS ZHES BYA BA NI LAG PA GNYIS KYIS SO, , ZHES GSUNGS SO, ,SLOB DPON GYI NI DBANG DU 'DOD, CES PA NI 'KHYUD PA LAS BYUNG BA'I BDE BA DANG BCAS PA'I TING NGE 'DZIN NO, ,'DIR YAB YUM SNYOMS PAR ZHUGS PA LAS BYUNG BA'I BDE BA LA BYED NA NI DBANG GSUM PA YE SHES KYI PHYAG RGYA LA BRTEN NAS BSKUR BA DANG KHYAD PAR MED PAR 'GYUR LA, YUM LA 'KHYUD PAR BSGOMS PA TZAM LAS BYUNG BA'I BDE BA LA BYED NA NI RIG PA'I DBANG LNGA LA YAB YUM 'KHYUD PA'I RNAM PA CAN DU SGOM PA'I BDE BA DANG KHYAD PAR CI YOD SNYAM NA, PHYOGS DANG PO NI MI 'DOD PAS PHYOGS GNYIS PA YIN YANG KHYAD PAR YOD DE SNGAR NI RIGS LNGA YAB YUM YIN PAS RIGS NYI TSE BA YIN LA 'DIR NI RIGS LNGA KA'I KHYAB BDAG UDRUG PA RDO RJE 'CHANG DANG RDO RJE SNYEMS MA YAB YUM YIN PAS 'KHYUD PA'I YUL RTEN GYI KHYAD DANG, SNGAR NI YAB YUM PHAN TSUN 'KHYUD PA'I RNAM PA CAN DU SGOM YANG 'KHYUD PA LA CHED DU GTAD NAS SEMS BZUNG STE DE LAS BYUNG BA'I BDE BA DANG BCAS PA'I TING NGE 'DZIN MI SKYED LA 'DIR NI DE SKYED PA'I PHYIR DANG, SKYED TSUL YANG RDO RJE THUGS KYI DAM TSIG DANG DRIL BU GSUNG GI DAM TSIG DANG LUS 'DOD LHA YAB YUM GYI SKUR GSAL BA PHYAG RGYA'I DAM TSIG STE DE BZHIN GSHEGS PA'I SKU GSUNG THUGS MTSON PA'I DAM TSIG KHYAD PAR CAN GSUM LA BRTEN NAS SKYED PA'I BDE BA DANG BCAS PA'I TING NGE 'DZIN LA SLOB DPON GYI DBANG DU NGO SPROD PA YIN

, ,PA'I PHYIR RO, ,NYIN MO 'BYUNG GNAS KYIS DAM TSIG GSUM SBYIN PA DANG DKYIL 'KHOR DANG LHA'I DE NYID DANG SLOB DPON GYI LAS RIM STON PA SOGS KYIS DBANG BSKUR BA LA SPYI'I SLOB DPON GYI DBANG DANG, SHES RAB BCU DRUG CES SOGS KYI DON LA KHYAD PAR GYI SLOB DPON GYI DBANG ZHES 'CHAD PA NI DAM TSIG GSUM TZAM ZHIG SPYIN PA NI RNAL 'BYOR RGYUD LA YANG YOD PAS SNGA MA THUN MONG BAR BZHAG LA DBANG PHYI MA DE DAG LA MED PAS THUN MONG MA YIN PAR BZHAG PA'O, , 'ON KYANG BLA MED KYI SKABS SU PHYAG RGYA'I DAM TSIG SBYIN PA NYID LA SHES RAB BCU DRUG CES SOGS KYI DON TSANG BAR BYAR YOD PAS SNGA MA RNAMS KYIS DE LA DGONGS SO, ,DUS 'KHOR RTZA 'GREL GYI BZHED PAS NI CHU DBANG LA SOGS PA BDUN LA BUM DBANG GI THA SNYAD MI MDZAD CING DE BDUN KA LA CHU RJES SU 'GRO BAS CHU DBANG ZHES KYANG GSUNGS SO, ,RJES GNANG GI DBANG GI MJUG THOGS SU 'GREL CHEN LAS, DE NAS SLOB MA LA LAG PAR RDO RJE DANG DRIL BU BYIN NAS CHE GE MO RDO RJE DE DAG GI SLOB DPON TE, ZHES GSUNGS PAS BUM DBANG GI SNGON DU SLOB DPON GYI DBANG CIG SKUR BAR BZHED LA DE YANG DAM TSIG GSUM SBYIN PA'I SGO NAS YIN NO, ,'DI YANG BSDUS RGYUD LAS, RJES GNANG 'DOGS BCAS RAB TU SBYIN, ,ZHES GSUNGS PA'I 'DOGS SU BYA DGOS LA DE YANG RJES GNANG GI KHONGS SU NI 'DU BAS DBANG BDUN GYI KHENGS SU MI 'DU BA'I SLOB DPON GYI DBANG MIN NO, ,SLOB DPON GYI DBANG DE YANG RNAL 'BYOR RGYUD MAN CHAD KYI YIN GYI BLA MED KYI RGYUD STON PA'I SLOB DPON MIN NO, DES NA BUM DBANG SOGS DBANG GONG MA BZHI LA BLA

MED KYI RGYUD NYAN PA DANG LAM SHES PA'I DON DU SKUR BA'I DBANG GONG MA BZHI DANG, BLA MED KYI RGYUD STON PA PO LA SOGS PAR SGRUB PA'I DON DU SKUR BA'I DBANG GONG MA'I YANG GONG MA BZHI STE SKUR TSUL GNYIS MDZAD DE 'GREL CHEN LAS, 'DIR DBANG GONG MA NI RNAM PA GNYIS TE GCIG NI SEMS CAN GZHUG PA'I DON DANG LAM YONGS SU SHES PA'I DON DANG RGYUD NYAN PA LA DBANG PA'I DON DU'O, ,GZHAN NI SLOB DPON CHEN PO'I GNAS SBYIN PA DANG STON PA PO BYED PA'I SLAD DU'O, ,ZHES GSUNGS SO, ,DE LTA BU'I BUM DBANG DANG PO NI BSDUS RGYUD LAS, DPAL LDAN SHES RAB NU MA LA YANG DANG POR REG PA GANG YIN BUM PA'I DBANG NI DE NYID DO, ,ZHES GSUNGS PA DANG KYEE RDOR LAS, SHES RAB BCU DRUG LON PA LA, ZHES SOGS GSUNGS PA'I DON LA BUM DBANG DANG SLOB DPON GYIS DBANG DU BSHAD PA STE DNGOS KYI RIG MA'I DBANG DU BYAS PA'O, ,BUM DBANG PHYI MA NI RIG MA DGU LA 'KHYUD PA DANG REG PA LAS BYUNG BA'I BDE BA LA MDZAD DE MANG NYUNG MIN PA SNGA MA DANG RIGS GCIG GO ,RGYUD GZHAN GYI RJES SU 'BRANG BA'I MKHAS GRUB RNAMS KYIS BUM DBANG RDZOGS PAR BSKUR BA NA BLA MED KYI RGYUD BSHAD PA'I SLOB DPON DU RUNG BAR GSUNGS PA NI RGYUD KYI PHYOGS RE LA DGONGS PA STE DBANG GONG MA GSUM MA THOB NA RGYUD KYI RDZOGS RIM RNAMS NYAN PA DANG BSHAD PA LA MI DBANG BA DE DAG GIS KYANG BZHED PA'I PHYIR NA BLA MED KYI RGYUD RDZOGS PAR NYAN PA DANG RDZOGS PAR BSHAD PA'I SLOB DPON LA NI DBANG BZHI GA THOB DGOS SO, ,'ON KYANG DBANG BZHI PA THOB NA RGYUD RDZOGS PAR NYAN DU RUNG BA'I DBANG BZHI PA LA GZHAN RNAMS DANG DUS 'KHOR BA LA MI 'DRA BA'I KHYAD PAR YOD LA

, ,'CHAD PA POR RUNG BA LA SLAR YANG DBANG BZHI SKUR DGOS MI DGOS KYANG MI 'DRA STE 'CHAD PAR 'GYUR RO, ,CHU NAS RJES GNANG GI BAR GYI DBANG BDUN SKUR LUGS GZHAN RNAMS DANG MI 'DRA BA NI DBANG BDUN PO 'DIS BSKYED RIM SGOM PA'I SNOD RUNG DU SGRUB LA, DE YANG BSKYED RIM GYI LHA SO SOS SBYAR GZHI SO SOR SBYONG BA DE DANG MTHUN PAR DBANG GI SKABS SU YANG MDZAD PA YIN TE KHAMS LNGA GSHEGS MAS SBYONG BAS BUM CHU DANG SLOB MA'I KHAMS LNGA YUM LNGAR BSKYED NAS CHU DBANG BSKUR BAS KHAMS RNAMS KYI DRI MA 'KHRUD CING YUM LNGA'I DNGOS GRUB 'GRUB PA'I SKAL BA CAN DU BYED DE, ,PHUNG PO LNGA GSHEGS PAS SBYONG BAS COD PAN DANG SLOB MA'I PHUNG PO LNGA RIGS LNGAR BSKYED NAS COD PAN GYI DBANG BSKUR BAS PHUNG PO LNGA'I DRI MA 'KHRUD CING GSHEGS PA LNGA'I DNGOS GRUB 'GRUB PA'I SKAL BA CAN DU BYED DO, ,DAG BYA DE GNYIS KYANG LUS KYI CHOS YIN PAS DE DAG BYED GTZO BO'I SKU'I ZHAL GANG DU PHYOGS PA BYANG DU SLOB MA BZHAG NAS SKU RDO RJER BSKYED PA LA DBANG SKUR BA YIN NO, ,DE BZHIN DU NUS MA BCU DANG GTZO BO YAB YUM GYIS RLUNG BCU DANG RO RKYANG GI RTZA SPYONG BAS DE GNYIS KYI SGO NAS DAR DPYANGS DANG RDOR DRIL GYI DBANG SKUR LA DE NYID NGAG GI CHOS YIN PAS DE DAG BYED GSUNG GI ZHAL GANG DU PHYOGS PA LHOR SLOB MA BZHAG NAS GSUNG RDO RJER BSKYED PA DANG, DBANG PO DRUG DANG YUL DRUG SEMS DPA' DANG SEMS MAS SBYONG ZHING LAS DBANG LNGA BYA BA DANG BCAS PA KHRO BO KHRO MOS SBYONG BAS DE GNYIS KYI SGO NAS BRTUL ZHUGS DANG MING DBANG GNYIS

SKUR LA, DBANG PO GNYIS YUL GNYIS LA 'JUG PAR BYAD PA'I DRI MA SEMS KYI CHOS YIN PAS DE DAG BYED THUGS KYI ZHAL GANG DU PHYOGS PA SHAR DU SLOB MA BZHAG NAS THUGS RDO RJER BSKYED PA DANG, YE SHES KYI PHUNG PO DANG RNAM SHES KYI KHAMS GNYIS RDOR SEMS YAB YUM GYIS SBYONG BAS DE'I SGO NAS CHES 'KHOR SKOR BA'I RJES GNANG GI DBANG SKUR LA DAG BYA GNYIS YE SHES KYI DRI MA YIN PAS DE DAG BYED YE SHES KYI ZHAL GANG DU PHYOGS PA NUB TU SLOB MA BZHAG NAS YE SHES RDO RJER BSKYED PA LA DBANG SKUR BA YIN LA SKUR BA'I DKYIL 'KHOR GYI LHA YANG BSGRUBS PA'I DKYIL 'KHOR NA SO SOR BZHUGS PAS SBYANG GZHI SBYONG BYED SO SOR ZHIB TU PHYE NAS SKUR BA'I LUGS SO, ,RGYUD GZHAN RNAMS KYI RJES SU 'BRANG BAS NI SBYANG GZHI PHUNG PO LNGA RE RE BA DANG TSOGS PA'AM PHUNG PO LNGA DANG DE BZHIN NYID DANG DRUG TU BSDUS SHING DE DAG RIGS DRUG GIS SBYONG BAS DE DAG GI SGO NAS DBANG BSKUR BAS RIGS DRUG DANG 'BREL BA'I BSKYED RIM THAMS CAD SGOM PA LA DBANG BAR 'GYUR BA LA DGONGS NAS CHU LA SOGS PA'I DBANG RNAMS LA MI BSKYOD PA LA SOGS PA'I THA SNYAD MDZAD LA, DAR DPYANGS COD PAN GYI DBANG GI 'KHOR DANG RJES GNANG DBANG GZHAN GYI MTHA' RTEN DU MDZAD DO, ,SBYANG GZHI DANG SBYONG BYED KYI DBANG RGYAS BSDUS TZAM MA GTOGS PA BSKYED RIM THAMS CAD SGOM PA'I SNOD RUNG DU SGRUB PA'I GEGS KYI DRI MA 'KHRUD PA LA NI DON 'DRA BAR SNANG NGO, ,GNYIS PA LA GNYIS, SLOB DPON GYI DBANG BSKUR BA'I CHO GA DANG, DE'I MTHA' RTEN GYI CHO GA'O, ,DANG PO LA GNYIS, DAM TSIG GSUM SBYIN PA DANG, DAM TSIG GSUM GZUNG ZHING DE NYID BSTAN PA'O, ,DANG PO NI, DE NAS

, ,SLOB MAS YON PHUL ZHING THAL MO SBYAR TE, GANG GIS BDAG NI KHYOD DRIN LAS, ,RANG DANG GZHAN DON NUS 'GYUR BA, ,RDO RJE SLOB DPON GYI NI DBANG, ,THUGS RJE'I GTER KYA BDAG LA STZOL, ,ZHES BLA MA LA GSOL BA GDAB BO, ,KYEE THUGS RJE'I GTER ZHES POS NAS DBANG GANG GIS KHYOD KYI DRIN LAS BDAG NI RANG GZHAN GYI DON NUS PAR 'GYUR BA SLOB DPON GYI DBANG BDAG LA STZOL CIG CES ZHU BA STE LAN GSUM BYA BAR D'A RI KA PAS GSUNGS SO, ,'DIR LVA BA PAS SLOB DPON GYI DBANG BSKUR BA 'DOD NA LHAG GNAS KYI SKABS SU SLOB DPON GYI SDOM PA NOD PA DANG SKABS 'DIR RIGS LNGA'I SDOM PA NOD PA GANG RUNG BYA BAR GSUNGS TE RIG PA'I DBANG LNGA SKUR BA LA SNGON DU SLOB DPON GYI SDOM LDAN DU BYA MI DGOS PA LA DGONGS SO, ,RIG PA'I DBANG LNGA TZAM ZHIG 'DOD NA NI SLOB DPON GYI SDOM PA MI GZUNG PAR DBANG LDA'I MJUG TU RJES GNANG DANG BRTUL ZHUGS DANG LUNG BSTAN DANG DBUGS DBYUNG BZHI BYA BAR GSUNGS PAS DE 'DRA DES SLOB DPON GYI DBANG BSKUR ZHU NA NI SKABS 'DI KHO NAR SDOM PA GZUNG NAS GSOL BA GDAB DGOS SO, ,DE YANG D'A RI KA PAS, DE LTAR SLOB MA'I DBANG THOB NAS, ,RGYUD RNAMS THOS SHING MAN NGAG THOB, ,LAM RNAMS SHES TE STON NUS NA, ,RDO RJE SLOB DPON NYID BYA'I PHYIR, ,TSIG 'DIS GSOL BA GDAB PAR BYA, ,ZHES SLOB MA'I DBANG THOB PA GZHAN GYI RDO RJE SLOB DPON BYED PAR NUS PA CIG GIS GSOL BA 'DEBS PAR BSHAD DE SLOB MA'I DBANG DANG SLOB DPON GYI DBANG GNYIS RGYUN GCIG LA MI SKUR BA'I LUGS SO, ,DE NAS SLOB MA H'Um DANG RDO RJE LAS RIGS DRUG PA RDO

RJE SEMS DPAR CHO GA GSUM LAS BSKYED RDO RJE H'Um LAS BYUNG BA'I RDO RJER BSAMS LA, THOG MTHA' MED PA'I SEMS DPA' NI, ,RDO RJE SEMS DPA' DGA' BA CHE, ,KUN TU BZANG PO KUN BDAG NYID, ,RDO RJE SNYEMS TSUL BDAG PO'I BDAG ,BCOM LDAN 'DAS MCHOG GI DANG PO'I SKYES BU'O, ,ZHES BRJOD CING DE KHO NA NYID KYIS RDO RJE 'DZIN DU GZHUG PA NI RDO RJE'I DAM TSIG SPYIN PA'O, ,RDO RJE'I SKYED CHOG PHRENG BAR MA BYUNG YANG DRIL BU'I SKYED CHOG BSHAD PAS BYA DGOS LA LVA BA PA DANG D'A RI KA PA SOGS KYIS KYANG H'Um LAS RDO RJER SKYED LA, AOm MAH'A BADZRA H'Um ZHES PA YANG BRJOD NAS 'DZIN DU 'JUG GO ,DE KHO NA NYID KYIS 'DZIN PA ZHES MANG POS GSUNGS PA NI STONG PA NYID DANG DBYER MED PA'I BYANG CHUB KYI SEMS DE BZHIN GSHEGS PA'I THUGS KYI NGO BO NI GSANG BA'I RDO RJE YIN LA RDO RJE 'DZIN PA'I TSE DE'I MTSON BYED DU 'DZIN PA LA DPAL MCHOG 'GREL CHEN LAS BSHAD DO, ,BDAG PO NI 'GRO BA THAMS CAD KYI BDAG PO'O, ,LHAG MA THOG MTHA' MED PA SOGS NI SNGAR LHA LA GSOL BA GDAB PA'I SKABS SU BSHAD ZIN TO, ,GANG LA DMIGS NAS LHA'I SKU PHYAG RGYA CHEN PO SKYE BA'I RGYU CHOS KYI DBYINGS LA BCOM LDAN 'DAS MCHOG GI DANG PO'I SKYES BU ZHES 'BRAS BU RDO RJE 'CHANG GI MING GIS BTAGS NAS BSTAN PAR KUN SNYING GIS BSHAD DO, ,DE NAS DRIL BU AA: YIG LAS SKYES PAR BSGOMS NAS, 'DI DE SANGS RGYAS THAMS CAD KYI, ,DRIL BU DBYANGS KYI RJES 'GAR ? BSHAD, ,BYANG CHUB MCHOG TU RGYAL BA BZHED, ,KHYOD KYIS KYANG NI RTAG TU ZUNGS, ,ZHES BRJOD CING DE KHO NA NYID KYIS 'DZIN DU GZHUG GO ,DE KHO NA NYID KYIS 'DZIN PA NI DRIL BU DKROL BA NA ,THAMS CAD NAM

, ,MKHA'I MTSAN NYID DE, ZHES SOGS CHOS THAMS CAD RANG BZHIN MED PA'I SGRA DRIL BUS SGROGS PAR BSAMS NAS DKROL BA LA DPAL MCHOG 'GREL CHEN LAS GSUNGS SO, ,TSIGS BCAD SNGA MA GUR DANG DPAL MCHOG GNYIS KA NA BZHUGS LA PHYI MA 'DI GUR GYI LE'U BZHI PA NA YOD DO, ,JI LTAR SANGS RGYAS THAMS CAD KYI BYANG CHUB CHEN PO'I NGO BO NYID KYI SHES RAB NI STONG PA NYID LA DMIGS PA YIN LA DE NI RANG GI NGANG GIS LHUN GYIS GRUB PAR DBYANGS KYI SGRA SNA TSOGS KYIS GZHAN LA CHOS STON PAR BYED DE DRIL BU 'DI YANG DE DANG 'DRA STE DBYANGS KYI RJES SU 'GRO BA'I SHES RAB NYID STON PAS SO, ,SHES RAB DBYANGS KYI RJES 'GRO ZHES 'BYUNG BA'I 'GYUR BDE'O, ,DE BAS NA RGYAL BA RNAMS KYI DE NYID BYANG CHUB MCHOG TU YANG BZHED DO, , KHYOD KYIS KYANG RTAG TU ZUNGS SHIG CES PA STE SHANTI PA LA SOGS PA'I BSHAD PA'O, ,SLOB MAS KYANG, SRID PA NGO BO NYID KYIS DAG ,NGO BO NYID KYIS SRID 'GAL BYAS, ,RANG BZHIN DAG MCHOG SEMS DPA' YIS, ,DAM PA'I SRID PA BYED PAR 'GYUR, ,ZHES DPAL MCHOG LAS 'BYUNG BA BRJOD CING DKROL BAR BYA'O, ,AOm BADZRA GAndA AA: ZHES PA'I SNGAGS KYANG SLOB MAS BRJOD PAR LVA BA PA DANG D'A RI KA PA SOGS KYIS BSHAD DE TSIGS BCAD SNGA MAS STER BA DANG PHYI MA BRJOD NAS DKROL BAR MANG POS GSUNGS SO, ,SRID PA NI 'KHOR BAR SKYE BA'I RGYUN NO, ,DE NI NGO BO NYID KYIS DAG STE RANG BZHIN GYIS YONGS SU DAG PA'O, ,'ON KYANG BDAG TU SGRO BTAGS PA'I NGO BO NYID KYIS 'GAL BA'I SRID PAR BYAS PA STE GNOD PA MED PA LAS GNOD PA CAN DU BYAS PA'O, ,SH'ANTI PA

DANG AA BHYA GNYIS KAS 'GAL BA'I SRID PAR BYAS PA'I 'BRU NON MDZAD LA DPAL MCHOG 'GREL PAR SRID BRAL BYAS ZHES PA LA 'BRU MNAN NO, ,SEMS DPA' MCHOG NI BYANG CHUB SEMS DPA' STE DE RNAMS KYIS SRID PA'I MCHOG GAM DAM PA'I SRID PA MDZAD PAR 'GYUR ZHES SBYAR RO, ,JI LTA BUS MDZAD NA RANG BZHIN DAG PAS ZHES TE DE LA MI BDEN PA'I ZHEN PA ZAD PAR MDZAD NAS MI GNAS PA'I MYANG 'DAS KYI RANG BZHIN DU RTOGS PAR MDZAD PA'O ZHES KUN SNYING DANG SH'ANTI PAS BSHAD DO, ,'DI NI DRIL BU'I DAM TSIG SBYIN PA'O, ,DE NAS DE LA YID KYI LUS NI BRTAN PA NYID, ,PHYAG RGYA'I DAM TSIG RAB TU BRJOD, ,GANG GIS LUS NI THAMS CAD BRTAN, ,DES NA PHYAG RGYAR RAB TU BSGRAGS, ,ZHES BYA BAS, YE SHES PHYAG RGYA BYIN BRLABS NAS, ,'DOD PA THAMS CAD LONGS SPYOD PAS, ,DNGOS GRUB THAMS CAD BSGRUB PAR BYA, ,ZHES PA GO BAR BYAS LA RDO RJE SEMS DPA'I SKU DANG YE SHES KYI PHYAG RGYA KHA SBYOR GYI RIM PAS BYIN GYIS RLOB TU BCUG NAS 'KHYUD PA'I TSUL BYED DU GZHUG GO ,RDO RJE SEMS DPA' DANG DE'I YUM GYI SKU MDOG DANG ZHAL PHYAG 'DIR GSAL BAR MA BSHAD CING GZHAN RNAMS KYI DKYIL CHOG TU YANG LHA'I SKU MDOG ZHAL PHYAG GSAL BA MI SNANG NA'ANG, RANG RANG GI GZHUNG NAS RDOR SEMS SAM RDO RJE 'CHANG YAB YUM GSAL BAR BSHAD PA YOD NA DE BZHIN DU BYA LA MED NA SNGON PO 'AM DKAR PO ZHAL GCIG PHYAG GNYIS PA RDO RJE DANG DRIL BU BSNAMS PA DANG YUM DANG RANG DANG 'DRA BAR BYA'O, ,YUM NI ZUNG 'JUG GSAL BA LAS RDO RJE DBYINGS KYI DBANG PHYUG MAR MDZAD LA, RDO RJE SNYEMS

, ,MA'I BDAG PO'I BDAG ,CES KYANG GSUNGS SO, ,GNYIS PA NI, DE NAS GRUB NA SNGAR BSHAD PA BZHIN DU KHRUS KYI DKYIL 'KHOR BYA MA GRUB NA DE 'DRA BA ZHIG BSGOMS PAR SLOB MA GZHAG LA RDO RJE SEMS DPA'I GZUGS SU BSGOm BAR BYA'O, ,PHRENG BA LAS SKABS 'DIR DAM TSIG GSUM GZUNG BA DANG DE'I GONG MA RNAMS DAM TSIG GSUM SBYIN PAR GSUNGS TE DAM TSIG GSUM SBYIN PA DANG GZUNG BA'I SKABS GNYIS SO SOR MDZAD PAS SNGAR NI DAM TSIG GSUM 'DZIN LUGS BSTAN NAS SLOB MA LA NGES PAR BYED PA YIN LA, SKABS 'DIR NI LHA YAB YUM DU GSAL BTAB RDOR DRIL DE KHO NA NYID KYIS BZUNG BA'I LAG PAS 'KHYUD PA'I TSUL BYED CING DE LTAR BSGOMS PA LAS BYUNG BA'I TING NGE 'DZIN LA BUM DBANG DU NGO SPROD PA BYA DGOS PAS DAM TSIG GSUM GZUNG BA'I SKABS SU SLOB DPON GYI DBANG THOB PAR BZHED PA'O, ,DE NAS CHU DBANG GI CHO GA'I SKABS SU BSHAD PA'I SNYING KHA'I SA BON GYI 'OD ZER GYIS DBANG GI LHA SPYAN DRANGS PA NAS BRTZAMS TE RDO RJE'I RTZE MOS BLUGS PA'I BAR GYIS DBANG BSKUR ZHES SOGS DANG, AOm A'A:SARBA TA TH'A GA TA AA BHI shE KA SA MA YA SHR'I YE H'Um SV'AH'A ZHES BRJOD CING DBANG BSKUR BAR GSUNGS LA, SKABS DER NANG DBANG DANG CHU DBANG GNYIS KA SKUR BAR GSUNGS PAS SKABS 'DIR YANG NANG DBANG SKUR BA SLOB DPON 'DI'I BZHED PA'O, ,CHU DBANG SKUR BA'I SKABS SU YAL 'DAB DANG BCAS PA'I RDO RJE'I RTZE MOS CHU LDUGS PAR GSUNGS PA'I DON NI LAG PA GA-YAS PAS BUM PA'I KHA RGYAN RDO RJE DANG BCAS PA BZUNG BA DANG LO MA'I RTZE MOS SPYI BOR

GTOR BA SOGS BYAS NAS CHU DBANG SKUR BA'O, ,DE NAS CHU LAS SPYI GTZUG TU MI BSKYOD PAS RGYAS GDAB LA COD PAN DU BYA ZHING DBANG LHA RNAMS YE SHES PA'I NGO BOR SLOB MA LA GZHUG LA, AOm SU PRA TIshthA BADZRI SV'AH'A ZHES PAS BYIN GYIS BRLABS TE ME TOG LA SOGS PAS MCHOD PAR BYA'O, ,DE LTAR YANG, SHES RAB BCU DRUG LON PA LA, ,LAG PA DAG GIS YANG DAG 'KHYUD, ,RDO RJE DRIL BU MNYAM SBYOR BAS, ,SLOB DPON GYI NI DBANG DU 'DOD, ,CES GSUNGS SO ZHES BRTAG GNYIS KYI LUNG SHES BYED DU PHRENG BAR DRANGS PA NI PHYAG RGYA'I DAM TSIG LHA YAB YUM GYI RNAM PA CAN DU BYAS PA'I SKABS SU RDO RJE SLOB DPON GYI DBANG THOB PA'I SHES BYED DO, ,LUNG 'DI SHES BYED DU MDZAD NAS PHYAG RGYA'I DAM TSIG GI SKABS SU SLOB DPON GYI DBANG 'THOB PA SNGAR BSHAD PA LTAR MA SHES NA SLOB DPON GYI DBANG GI DNGOS GZHI LEGS PAR MI SHES TE, CHOS BSHAD PA'I RJES GNANG NI SLOB MA'I DBANG TZAM LAS MI SKUR BA LA YANG MTHA' RTEN DU BYA BAR GSUNGS PA'I PHYIR DANG DE NYID GNYIS STON PA LHA NGO BSTAN PA'I 'OG TU YANG BYED PAR GSUNGS PA'I PHYIR RO, ,DE NAS MDOR NA GZHAL YAS KHANG 'DI NI RNAM SNANG GI RANG BZHIN NO ZHES SOGS KYIS DKYIL 'KHOR GYI DE KHO NA NYID RNAM PAR DAG PA DANG, PHUNG PO LNGA NI MDOR BSDU NA, ,SANGS RGYAS LNGAR NI RAB TU BSGRAGS, ,ZHES SOGS KYIS LHA'I DE KHO NA NYID RNAM PAR DAG PA BRJOD CING SLOB DPON GYI LAS KYI RIM PA YANG BSTAN TE 'KHOR DANG BCAS PA'I DKYIL 'KHOR BRI BA DANG BSGRUB PA DANG MCHOD PA DANG 'JUG CING DBANG BLANG BA LA SOGS PA NI SLOB DPON GYI LAS KYI RIM PA'O, ,DE LTAR DKYIL 'KHOR GYI DE NYID LA SOG

, ,BA SHES PA DANG DAM TSIG DANG SDOM PA DE KHO NA BZHIN DU BSGRUB PAR BYA BA LA SKAL PA STE NUS PA DANG LDAN PA NYID DU GYUR PA BRJOD PAR BYA'O, ,DE LA 'DA' BAR BYA BA MA YIN PA'I NGO BO NI DAM TSIG YIN LA BYA RGYU MI BYED PA DANG MI BYA RGYU BYED PA 'GOG PAS NA SDOM PA'O, ,RTEN DANG BRTEN PA'I RNAM DAG LA YO GA NAS DAD PA LA SOGS PA'I YON TAN GYI CHOS SU DAG TSUL NYID BSHAD LA BLA MED NAS LAM GYI DAG PA DANG PHUNG SOGS KYI DAG PA GNYIS KA GSUNGS SO, ,RTEN DANG BRTEN PA GNYIS MA DAG PA'I SNOD BCUD LTAR DON GZHAN PA NYID DU 'DZIN PA BZLOG PA'I PHYIR GZHAL YAS KHANG GI RNAM DAG BSHAD LA LHA RNAMS KYANG RGYUD THA DAD PAR 'DZIN PA BZLOG PA'I PHYIR DU LHA'I RNAM DAG BSTAN PA'O, ,DE LTAR NA GTZO BO GCIG YE SHES KYI GZUNG CHA RTEN DANG BRTEN PA'I DKYIL 'KHOR GYI RNAM PA SNA TSOGS PAR SNANG BA YIN GYI DE LAS GUD NA MED PAS THAMS CAD KYANG YE SHES KYI BDAG NYID DO, ,RNAM DAG RGYAS PA NI SNYEM BCO BRGYAD PA LAS SHES PAR BYA'O, ,'DI NI PHYIR MI LDOG PA'I DBANG STE MING GZHAN SLOB DPON GYI DBANG GI CHO GA'O, ,GNYIS PA NI, SNGAGS GTAD PA'I CHO GA NI DE NAS RANG GI SNYING PO LA SOGS PA'I SNGAGS BRGYA RTZA BRGYAD DAM LAN GSUM DU BZLAS LA, BCOM LDAN BDAG GIS SBYIN LAGS KYIS, ,'DI LA NYE BAR MDZAD DU GSOL, ,ZHES BRJOD CING SBYIN NO, ,SLOB MAS KYANG, BCOM LDAN BDAG GIS GZUNG LAGS KYIS, ,BDAG LA NYE BAR MDZAD DU GSOL, ,ZHES PA 'DIS BZUNG NAS LAN GSUM DU BZLAS SO, ,SNGAGS NI GTZO BO'I YIN LA 'DI'I SKABS 'DIR

DMIGS PA NI 'DIR MI GSAL YANG BI BH'U T'ISA RANG GI SNYING KHA NAS KHA'I SGO NAS BYUNG STE SLOB MA'I RNA BA GA-YAS PA NAS SNYING KHAR ZHUGS PAR BSAMS NAS SBYIN PAR GSUNGS PA LTAR BYA'O, ,'DI NYID SANGS RGYAS THOD PA LA SOGS PA'I RGYUD GZHAN DANG DRIL BU ZHABS KYIS SNGAGS KYI DBANG DU GSUNGS LA DRIL BU PAS RIG PA'I DBANG LNGA'I RJES SU STER BAR BSHAD DO, ,RGYUD RDOR PHRENG LAS KYANG, SLOB MA 'DOD PHYIR SNGAGS DBANG SBYIN, ,SNGAGS KYI DBANG BSKUR YE SHES MCHOG ,CES DBANG DU GSUNGS SO, ,RKANG PA BZHI PO DE LEGS GRUB KYI RGYUD LAS 'BYUNG NGO, ,MIG SMAN GYI CHO GA NI, DE NAS GSER RAM DNGUL GYI SNOD DU BZHAG PA'I MAR DANG SPRANG RTZI'I MIG SMAN GSER LAS BYAS PA'I THUR MAS SLOB MAS MIG LA YI GE PRAm BSAMS PA LA, AOm BADZRA NEE TRA AA PA HA RA PA tA LAm HR'i: ZHES 'DON ZHING BSKUS TE, THUR LDAN SMAN PA'I RGYAL PO YIS, ,JI LTAR 'JIG RTEN RAB RIB BZHIN, ,RGYAL BA RNAMS KYIS BU KHYOD KYI, ,MI SHES PA YI RAB RIB BSAL, ,ZHES RNAM SNANG MNGON BYANG LAS 'BYUNG BA BRJOD DO, ,BSAL BA NI BSAL NUS PA NYID DU BSGRUBS PA'O, ,THUR MA PHRAm LAS BSKYED CING SHER PHYIN GYI RANG BZHIN DU BYIN GYIS BRLAB PA DANG MIG GI PRAm LA MI SHES PA'I RAB RIB THAMS CAD 'DUS PAR BSAMS LA THUR MAS BSAL BA'AM MIG SMAN BYUGS PAS ZHI BAR BSAM ZHES GZHAN DAG 'CHAD DO, ,SNGAGS BTON NAS MIG SMAN BSKU BA'I TSE RDO RJE'I MIG GI SGRIB GA-YOGS SOL CIG CES PA'I SNGAGS DON DRAN PAR BYA STE HR'i: NI SHER PHYIN PADMA'I RIGS KYI SA BON NO, ,ME LONG GI DBANG GI CHO GA NI, DE NAS ME LONG BLANGS LA YI GE AAS BSNGAGS TE SLOB MA LA BSTAN ZHING, CHOS RNAMS GZUGS BRNYAN LTA BU

, ,STE, ,GSAL ZHING DAG LA RNYOG PA MED, ,GZUNG DU MED CING BRJOD DU MED, ,RGYU DANG LAS LAS YANG DAG 'BYUNG, ,RDO RJE SEMS DPA' ME LONG BZHIN, ,DER NI GSAL DAG RNYOG PA MED, ,SANGS RGYAS KUN BDAG RANG NYID NI, ,BU KHYOD KYI NI SNYING LA ZHUGS, RANG BZHIN MED CING GNAS MED PAR, ,CHOS RNAMS DE LTAR SHES NAS KHYOD, ,SEMS CAN DON NI MNYAM MED BYOS, ,SKYOB PA RNAMS KYI SRAS SU SKYE, ,ZHES BRJOD DO, ,TSIGS BCAD GNYIS PA MA GTOGS PA RNAM SNANG MNGON BYANG LAS GSUNGS SO, ,TSIGS BCAD DANG POS RANG BZHIN RNAM DAG DANG GNYIS PAS GLO BUR RNAM DAG BSTAN NO, ,DER NI STE CHOS RNAMS SU'O, ,GSAL BA NI NYON MONGS MED PA DANG DAG PA NI SHES SGRIB DANG BRAL BA DANG RNYOG MED NI DE GNYIS KYI BAG CHAGS DANG BRAL BA'O, ,ZHUGS PA NI BYIN GYIS RLOB PA DANG THOB BYA NYID DU DMIGS PA DANG DE'I NUS PA NYID KYIS SO, ,MIG THUR GYIS MA RIG PA'I RAB RIB BSAL BA NA SHES RAB KYI MIG GIS CHOS RNAMS GZUGS BRNYAN LTA BUR MTHONG BAS DE'I RJES SU ME LONG GI DBANG GSUNGS SO, ,ME LONG STON PA'I CHO GA LAN GNYIS SU SMRAS PA NI KLU BYANG GI DKYIL CHOG MA MTHONG BA NYID DE KHA CIG GIS DBANG BSKUR BA NYID DU RNAM PAR BSHAD PAR 'DOD PA LA NI LAN GNYIS STON PA'I CHO GA GSUNGS SO, ,ZHES PHRENG BA LAS GSUNGS PA 'DIS KUN DGA' SNYING POS ME LONG LAN GNYIS STON PA BKAG PA YIN ZHES BOD DAG SMRA MOD KYANG TSIG PHYI MAS LAN GNYIS STON PA'I CHO GA GSUNGS PA YANG BZHED PAS DE NI MA YIN NO, ,DES NA ME LONG BSTAN NAS CHOS KYI MTSAN NYID GZUGS BRNYAN LTAR SHES PAR BYED PA TZAM LA LAN GNYIS STON PA BKAG PA YIN TE DE LA

NI LAN GCIG LAS MA MDZAD PA KLU BYANG GIS GSUNGS PA BZHIN NO, ,'ON KYANG KLU BYANG GI DKYIL CHOG NA TSIGS BCAD GNYIS PA MED PA LAN GNYIS STON PAR BZHED PA KUN SNYING DANG D'A RIG PA DANG SH'ANTI PA RNAMS KYIS ME LONG SNGA MA'I RJES SU DRIL BU DANG MDA' GZHU'I CHO GA BYAS NAS DE NAS TSIGS BCAD GNYIS PA BTON TE ME LONG GNYIS PA STON PAS TSIGS BCAD KYANG MI GCIG LA GO BAR BYAD RGYU'I DON YANG MI GCIG STE SNGA MAS NI CHOS RNAMS GZUGS BRNYAN LTA BUR SHES PAR BYED PA TZAM YIN LA PHYI MAS NI RANG GI SNYING LA ZHUGS PA'I RDOR SEMS KYI NGANG TSUL SHES PAR BYED PA'I PHYIR TE D'A RIKA PAS, RDO RJE SEMS DPA' RANG NYID GTZO, ,TSIG DES RANG BDAG SHES PAR BYA, ,ZHES GSUNGS SO, ,TSUL DES LAN GNYIS STON NA MI 'GOG PAS DBANG SKUR BA NYID DU BSHAD PAR 'DOD PA LA NI LAN GNYIS STON PA GSUNGS SO; ;ZHES BSHAD DO, ,SLOB DPON 'DI'I BZHED PA NI TSIGS BCAD DE GONG MA'I GSEB TU DRANGS NAS GNYIS KA PHYOGS GCIG TU STON PAR BZHED MOD KYANG DE NGES GZUNG DU DGOS PAR MI BZHED DO, ,MDA' 'PHANG PA'I CHO GA NI, DE NAS YI GE HO: LAS BYUNG BA'I GZHU HO: ZHES BRJOD CING BYIN NAS SARBA TA TH'A GA T'A NA AA NU R'A GA Y'A SVA 'AM DE BZHIN GSHEGS PA THAMS CAD MNYES PAR GYIS SHIG CES BRJOD CING BYIN TE SLEB MAS MDA' 'PHANG PA'I TSE NA YANG SLOB DPON GYIS DE LTAR BRJOD DO, ,'DIR MDA' HO: LAS SKYED PA MI GSAL YANG D'A RI KA PAS, HO: YIS SBYANGS PA'I MDA' GZHU DAG ,SLOB MA'I LAG TU BYIN NAS NI, ,ZHES GSUNGS PAS GNYIS KA HO: LAS BSKYED DO, ,SLOB MAS KYANG SARBA TA TH'A GA T'A NA AA NU RLA GA Y'A MI ZHES BRJOD CING BGEGS LA 'BIGS PA'I BSAM PAS PHYOGS BZHING MDA' BZHI DANG STENG 'OG TU RE

, ,RE STE DRUG 'PHEN PA'I STANGS KA BYA'O, ,DE LTAR BUM PA'I DBANG NI DKYIL 'KHOR GANG DU THOB NA, RI MO DANG LUS KYI DKYIL 'KHOR GNYIS SU THOB STE SBYOR BA BDUN PA LAS, RI MO DANG NI LUS KYI LAS, ,DKYIL 'KHOR DU NI DE NYID THOB, ,CES SO, ,GANG LA DBANG NI DANG PO SBYOR BA SOGS TING NGE 'DZIN GSUM SBYIN SROG LA SOGS PA'I YAN LAG DANG BCAS PA BYED PA LA DBANG STE DE NYID LAS, SBYOR GSUM YAN LAG BCAS PA RU, ,DE LA YANG DAG BSTAN PAR BYA, ,GZUGS LA SOGS PA'I YUL RNAMS KYI, ,SNANG SRID DBEN PAS RTOGS PA'O, ,ZHES GSUNGS SO, ,DAG BYA GANG SBYONG NI LUS KYI DRI MA SNGAR BSAGS 'DAG CING PHYI MA LAS LDOG STE DE NYID LAS, SROG GCOD LA SOGS SNGA PHYI YI, ,DAG DANG NYES PAR MI 'GYUR RO, ,ZHES BSHAD CING ZUNG 'JUG GSAL BA LAS SKU RDO RJE SBYONG BAR BSHAD LA SBYOR BA BDUN PA LAS, DE YI RANG GI NGO BO NI, ,SKU YI RDO RJE'I RANG BZHIN NO, ,ZHES GSUNGS PA LTAR NYIN MO 'BYUNG GNAS KYIS KYANG BSHAD DO, ,NYIN MO 'BYUNG GNAS KYIS BUM DBANG SPRUL SKU'I NGO BOR BSHAD DE SPRUL SKU'I SA BON KHYAD PAR CAN DGED PAS DE'I NUS PA 'JOG PA'I PHYIR SPRUL SKUR MOS PAR BYA'O, ,BUM DBANG GI DAM TSIG NI RTZA LTUNG BCU BZHI DANG SBOM PO BRGYAD SRUNG BA'O, ,ZHES BOD KYI MKHAS PA DAG BZHED DO, ,SGRA BSHAD NI SBYOR BA BDUN PA LAS, SNOD DU RUNG PHYIR BUM DBANG STE, ,BLUGS GTOR DAG PAR BYED BAS DBANG, ,'DI NI YANG DAG RGYUD RIM PA'I, ,LUNG GIS NGES PAR BSHAD PA'O, ,ZHES GSUNGS TE SNOD DU RUNG BA DANG LUGS SU BLUGS PA'I RNAM PA LTAR BYED PA DANG GTOR BA DANG DAG PAR BYED PAS DBANG DU 'JOG PA NI AA BHI shI KA'I SGRA

LA NGES TSIG GI BSHAD PA BYAS PA'I LUGS SO, ,SLOB DPON GYI DBANG MTHA' RTEN DANG BCAS PA'I SDOM NI, GSOL GDAB LHAR BSKYED DAM TSIG SBYIN, ,KHRUS STEGS GZHAG LA DAM TSIG GZUNG, ,CHU DBANG BSKUR LA DBANG LHA BSTIM, ,MCHOD CING DE NYID LAS RIM BSHAD,, SNGAGS DANG MIG SMAN ME LONG MDA', ,BUM DBANG SPYI YI DAG PA BSHAD, ,CES PA'O, ,BDER GSHEGS DRUG GI RANG BZHIN DBANG DRUG GIS, ,SLOB MA'I SHES RGYUD LEGS PAR SBYANGS PA YIS, ,RGYAL BA DRUG DANG 'BREL BA'I BSKYED RIM GYIS, ,SPRUL PA'I SKU MCHOG 'GRUB PA'I GZHIR BYED PA, ,DRI MED BUM PA'I DBANG GI NGO BO DANG, ,DE YI YAN LAG CHO GA PHRA MO RNAMS, ,SNGAGS RIG RNAMS KYI BZHED PA JI BZHIN DU, ,GO SLA'I DBYANGS KYIS MA 'DRES GSAL BAR BYAS, ,RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR PHYE BA LAS, BUM PA'I DBANG BSKUR BA'I CHO GA'I RIM PA BSTAN PA STE LE'U DGU PA'O,, ,,GNYIS PA GSANG BA'I DBANG NI, DANG POR YON DBUL ZHING GSOL BA GDAB PA NI, DE NAS YOL BA LA SOGS PAS DBEN PAR BYAS PAR SLOB MAS BLA MA LA RDO RJE SEMS DPAR MOS TE SKYE GNAS MA NYAMS PA'I GZHON NU MA BCU GNYIS LA SOGS PA'I LANG TSO LA SOGS PA DANG LDAN PA'I SHES RAB MA DAM TSIG DANG LDAN PA BLA MA LA DBUL TE PHYAG CHEN THIG LE'I GNYIS PA LAS, BZHIN BZANG MIG NI DKYUS RING BA, ,GZUGS BZANG LANG TSOS BRGYAN PA NI, ,BCU GNYIS YANG NI BCU DRUG GAM, ,MA RNYED NYI SHU LON PA'ANG RUNG, ,NYI SHU YAN CHAD PHYAG RGYA GZHAN, ,DES NI DNGOS GRUB THAG RING BYED, ,SRING MO YANG NI BU MO 'AM, ,CHUNG MA BLA MA LA DBUL BYA, ,ZHES GSUNGS SO, ,DE MED NA GZHAN YANG RUNG STE,

, ,ZHES GSUNGS PA NI LANG TSO DANG GZUGS LA SOGS PA'I YON TAN DANG LDAN PA LA DMIGS BSAL YIN GYI DAM TSIG DANG LDAN PA LA MA YIN TE, DAM TSIG DAG DANG MI LDAN PA'I, ,RIG MA STEN PAR DGA' BA DANG, ,ZHES SPOM PO'I LTUNG BAR GSUNGS PA'I PHYIR RO, ,DE NAS THAL MO SBYAR TE KHYOD KYI ZHABS KYI BKA' DRIN GYIS, ,BDAG GIS BLA MED BYA BA THOB, ,DE PHYIR GSANG BA'I DBANG GIS NI, ,MGON PO RJES SU GZUNG BAR MDZOD, ,CES GSOL BA GDAB BO, ,GSANG DBANG GI RDZAS SGRUB PA NI, DE NAS BLA MA GTZO BO'I NGA RGYAL DANG LDAN PAS THA MAL GYI BUD MED KYI GZUGS STONG NYID DU BSAMS PA'I RJES LA LHA MO'I GZUGS SU BSKYED PA DANG RDO RJE DANG PADMA 'DU BYA BA SNGON DU 'GRO BAS SNYOMS PAR 'JUG PAR BYA ZHING, AOm SARBA TA TH'A TA GA AA NU R'A GA nA BADZRA SVA BH'A BA A'ATMA KO NYA HAm, ZHES GUR DANG 'DUS PA NAS 'BYUNG BA BRJOD CING SNYING KHA'I SA BON GYI 'OD ZER GYIS RNAM SNANG LA SOGS PA SPYAN MA SOGS DANG SNYOMS PAR 'JUG PA BKUG LA, RNAM SNANG GI SGO NAS BDAG NYID LA BCUG NAS CHAGS PA CHEN POS ZHU BAR GYUR TE RTZA AA BA DH'U TI NAS 'GRO BAR BSAMS NAS RDO RJE NOR BUR LHAN CIG SKYES PA BRTAN PAR BYA'O, ,'DUS PA PHYI MA LAS, RDO RJE PADMA'I SBYOR BA YIS, ,RDO RJE CAN KUN YANG DAG BSDU, ,SKU GSUNG THUGS KYI SBYOR BA YIS, ,DE DAG THAMS CAD SNYING KHAR BSDUS, ,RDO RJE'I LAM NAS PHYUNG NAS NI, ,SLOB MA'I KHAR NI DBAB PAR BYA, ,ZHES KYANG GSUNGS SO, ,GSANG DBANG BSKUR BA'I TSUL NI, DE NAS RDO RJE PADMA LAS PHYUNG NAS MTHE BONG DANG MING MED KYIS RDO RJE NOR BU BTZIR NAS DE BZHIN GSHEGS

BA ZHU BA'I KHUB DE RANG GI BYANG CHUB KYI SEMS DANG GNYIS SU MED PAR MOS PA BYAS TE GSUNG RDO RJE 'OD DPAG MED KYI NGA RGYAL 'DZIN PA'I SLOB MA'I KHAR MTHONG NA MA DAD KYI DOGS PAS GDONG GA-YOGS BCINGS TE DE'I MIG DANG LAG PA'I YUL MIN PAR, 'DAS PA'I RDO RJE 'CHANG SOGS KYIS, ,JI LTAR SANGS RGYAS SRAS DBANG BSKUR, ,BYANG CHUB SEMS NI BZANG PO YIS, ,DE LTAR BU KHYOD DBANG BSKUR BGYI, ,ZHES RGYUD RDOR PHRENG LAS GSUNGS PA DANG AOm A'A: BADZRA DHRi KA H'Um LA SOGS PA GTZO BO GANG YIN GYI SNGAGS BRJOD CING DBAB PAR BYA'O,, SLOB MAS KYANG RNAM SNANG LA SOGS PA DE BZHIN GSHEGS PA THAMS CAD 'DUS PA'I NGO BO YIN NO SNYAM DU BSAMS LA AA HO MAH'A SU KHAm ZHES BRJOD CING BTUNG BAR BYA STE KYE MA BDE BA CHEN PO ZHES PA'I DON NO, ,DE NAS RIG PA YANG LANGS LA GOS MED PA NYID DU BYAS NAS RANG GI CHU SKYES NA GNAS PA'I BDUD RTZI'I THIG LE RNAMS DE LTAR DE'I KHAR GZHUG PAR BYA'O, ,DES KYANG DE BZHIN DU BTUNG NGO, ,DE LTAR ZHES PA NI MIG DANG LAG PA'I YUL MIN PA DANG MTHEB SRIN GYIS STER BA DANG SNGAGS DANG TSIGS BCAD SNGAR LTAR GDON PA'O, ,DE BZHIN DU ZHES PA NI SANGS RGYAS KUN 'DUS PA'I BLOS BTUNG BA DANG AA HO SU KHA SNGAR BZHIN BRJOD PA'O, ,SLOB MA GCIG LA'ANG YAB YUM GNYIS KAS GSANG DBANG BSKUR BAR ZLA GRAGS DANG D'A RI KA PA DANG DPAL 'DZIN SOGS KYIS BSHAD PAS GANG RUNG GCIG GIS MI CHOG GO , YAB LAS THOB PA'I GSANG DBANG SKUR LUGS NI LE'U BRGYAD PA'I SGRON GSAL LAS, ,BLA MAS KYANG BYANG CHUB KYI SEMS DUNG PHOR LA SOGS PAR BZHAG LA DRI'I CHU DANG BSRES LA BKRA SHIS KYI TSIGS SU BCAD PA LA SOGS PA SNGON DU 'GRO BAS SLOB MA DBANG BSKUR BAR

, ,BYA STE BCOM LDAN 'DAS KYIS JI SKAD DU ZLA GSANG THIG LE LAS, BYANG CHUB SEMS NI RIN CHEN 'BAR PHYUNG BAS, ,MA LUS RGYAL BA RNAMS NI LUS BSKAMS LA, ,RNAM DAG RDO RJE LAS BYUNG YE SHES CHU, ,DRI MED RIN CHEN SPYI NAS DBANG BSKUR RO,, ZHES GSUNGS LA DE BZHIN DU RIM LNGA DANG SPYOD BSDUS SU YANG BYANG CHUB KYI SEMS BUM PA'AM DUNG CHOS SU BZHAG NAS DBANG BSKUR BAR GSUNGS SO, ,ZUNG 'JUG GSAL BA LAS BLA MAS MTHEB SRIN GYIS SLOB MA'I KHAR BYIN PA'I 'OG TU SLAR YANG BYANG CHUB KYI SEMS DUNG CHOS LA SOGS PAR BZHAG NAS DRI'I CHUS SPAGS TE BKRA SHIS BRJOD PA SNGON DU 'GRO BAS DBANG BSKUR BA'I SHES BYED DU ZLA GSANG THIG LE DRANGS SO, ,SNGA MA LA MCHOG TU GSANG BA'I DBANG DANG PHYI MA LA GSANG DBANG TZAM DU N'A RO BAS 'DUS PA'I RGYUD PHYI MA'I 'GREL PAR BSHAD LA, MI THUB ZLA BA DANG ZUNG 'JUG GSAL BAS SLOB MA RNAM SNANG DU BSGOMS PA LA GSANG DBANG BSKUR BAR BSHAD DO, ,GSANG DBANG GI NGO BO NI PHYAG CHEN THIG LE'I GNYIS PA LAS, SBOM PO THA LTAR SBYOR PA YIS, ,LONGS SPYOD NANG DU GZHUG PAR BYA, ,DE TSE YANG DAG YE SHES SKYE, ,BU MO'I BDE BA JI LTA BU, ,ZHES GSUNGS PAS BLA MA YAB YUM GYI THIG LE LCE LA BZHAG PA MYANGS PA LA BRTEN NAS SKYES PA'I BDE BA DANG BCAS PA'I TING NGE 'DZIN LA BYA'O, ,D'A RI KA PAS, YANG NA TSIG GI LAS KYIS NI, ,GROL BA'I BDAG NYID SBYIN PAR BYA, ,AA HO SU KHA ZHES BRJOD NAS, ,LUS KUN BDE BAS GANG BAR BYA, ,ZHES TSIG TZAM GYIS KYANG BSKUR BAR GSUNGS BAS DMIGS PA GSAL BAR BYAS NAS BSGOMS PA LAS BYUNG BA'I TING NGE 'DZIN LA GSANG DBANG GI NGO SPRAD DO, ,DBANG 'DI KUN

RDZOB BYANG CHUB SEMS KYI DKYIL 'KHOR DU THOB CING GSUNG RDO RJE'I RANG BZHIN YIN LA RDO RJE BZLAS PA LA SOGS PA'I RLUNG GI RNAL 'BYOR SGOM PA LA DBANG STE SBYOR BA BDUN PA LAS, LHAG PA BYANG SEMS ZHES BYA BA'I, ,DKYIL 'KHOR DU NI DE NYID THOB, ,CES DANG, DE YI RANG GI NGO BO NI, ,GSUNG GI RDO RJE'I RANG BZHIN NO, ,RDZUN LA SOGS PA SNGA PHYI YI, ,NGAG DANG NYES PAR MI 'GYUR RO, ,ZHES DANG, RDO RJE BZLAS PA'I NGO BO YIS, ,SGYU 'DRA'I TING NGE 'DZIN BSTAN PAR BYA, ,MIG SOGS NANG GI CHOS RNAMS KYI, ,SNANG SRID DBEN PAR RTOGS PA'O, ,ZHES SO,, N'A RO PAS KYANG RGYUD PHYI MA'I 'GREL PAR GSANG DBANG THOB NAS SGYU LUS KYI MAN NGAG STON PAR BSHAD DO, ,ZUNG 'JUG GSAL BA LAS, RANG BYIN GYIS BRLAB PA MTSON PA'I PHYIR SHES RAB MTSON PA NI SHES RAB YE SHES KYI DBANG STE GSUM PA'O, ,ZHES 'CHAD KYANG RIM LNGA LAS GSANG DBANG BSKUR BA'I 'OG TU SGYU LUS KYI GDAMS NGAG GI DON DU BSTOD PA BYAS NAS SGYU LUS BSTAN PA DANG, ZHAL LUNG LAS KYANG, DE YIS ZHING NI DAG BYAS TE, ,CHOS KUN SGYU MA LA SOGS PA'I, ,BCU GNYIS DON DU RTOGS PAR 'GYUR, ,ZHES GSUNGS PAS GSANG DBANG THOB PAS SGYU LUS KYI SNOD DU RUNG NGO, ,DBANG 'DIS NGAG YID GNYIS KA SBYONG BAR DGRA CAN 'DZIN DPAL BSHES GNYEN 'DOD DO, ,NYIN MO 'BYUNG GNAS KYIS LONGS SKU'I RANG BZHIN DU YANG BSHAD PA'I DON NI SNGAR LTAR RO, ,'DI'I DAM TSIG TU BDUD RTZI LNGA BSTEN PA DANG SROG CHAGS MI GSAD PA DANG BUD MED RIN CHEN MI SPANG BA DANG BLA MA LA MI SMOD PA SDOM PA YIN PAR KHA SBYOR LAS GSUNGS SO, ,SGRA DON NI YAB YUM GYI BYANG CHUB KYI SEMS GSANG BA'I RDZAS KYIS BSKUR BA'I DBANG YIN PAS NA GSANG DBANG NGO, ,

, ,GSANG DBANG GI SDOM NI, RIG MA DBUL ZHING GSOL BA GDAB, ,'OD DPAG MED SKYED SLOB MA LA, ,BLA MA YUM DANG BCAS PA YIS, ,GSANG RDZAS GNYIS KYIS DBANG BSKUR TE, DBANG GI DAG PA SBYIN PAR BYA, ,ZHES PA'O, ,GSUM PA LA GNYIS, SHES RAB YE SHES KYI DBANG BSKUR BA DANG, DBANG GSUM PA'I YE SHES NGOS GZUNG BA'O, ,DANG PO NI, GSANG DBANG GI RJES DE NAS SLOB MAS BYANG CHUB RDO RJE ZHES PA LA SOGS PAS BLA MA LA GSOL BA GDAB BO, ,DE NAS BLA MAS SLOB MA LA SNGAR GYI RIG MA DE 'AM SHES RAB MA GZHAN YANG RUNG STE DAM TSIG DANG SDOM PA LA GNAS PA 'AM GZHAN YANG RUNG STE GZUGS DANG LANG TSO DANG LDAN PA, GZUNGS PA YID 'ONG 'DI KHYOD KYIS, ,BSTEN BYAR SANGS RGYAS RNAMS KYIS BRTAGS, ,'KHOR LO RIM PA'I SBYOR BA YIS, ,BDE BA DAM PA MYANG BAR GYIS, ,RDO RJE SKYIL KRUNG GIS SEMS NI, ,NOR BU'I NANG DU CHUD PA BLTA, ,ZHES GO BAR BYAS NAS GTAD PAR BYA'O, ,SNGAR PHUL BA DE BLA MA'I RIG MA YIN YANG SBYIN DU RUNG BA NI 'DUS PA PHYI MA LAS, MCHOG TU DAD CING SHES RAB CHE, ,GZUGS BZANG SGRUB LA RTAG TU DGA', ,SBYOR BA GCIG GIS BYA BA GOMS, ,DAM TSIG CAN GYI DAM TSIG DAG ,BLA MA LA NI SLOB MA YIS, ,YON RNAMS RAB TU PHUL NAS NI, ,BLA MAS DE NI BYIN BRLABS TE, ,SGRUB PA PO LA SBYIN PAR BYA, ,ZHES GSUNGS SO, ,LVA BA PA DANG DPAL 'DZIN DANG NYIN MO 'BYUNG GNAS LA SOGS PAS DAM TSIG DANG SDOM PA LA GNAS PA RNAL 'BYOR BZHI DANG TING NGE 'DZIN GSUM LA MKHAS PA'I RIG MA DGOS PAR GSUNGS PAS SDOM PA DANG MI LDAN PA RIG

MAR MI RUNG NGO, ,'KHOR LO NI RNAM SNANG LA SOGS PA RIG MA DANG BCAS PA'I 'KHOR LO'O, ,DE'I RIM PAS SBYOR BA NI DGUG PA DANG GZHUG PA DANG RDO RJE'I LAM NAS DBYUNG BA'O, ,RKANG PA DRUG PO DE'I DON NI ZHAL LUNG NA YOD DO, ,BDE BA MYANGS PA'I SGO NAS DBANG GSUM PA NGOS GZUNG BA NI RDO RJE ZHES PA'I RKANG PA GNYIS KYIS BSTAN NO, ,RIG MA DES KYANG GUR GUM LA SOGS PAS DRI ZHIM POR BYAS SHING GOS MED PA'I CHU SKYES SLOB MA LA STON ZHING, AE MA BDAG GI PADMA 'DI, ,BDE BA THAMS CAD YANG DAG LDAN, ,GANG ZHIG CHO GAS STEN BYED PA, ,DE YI MDUN NA BDAG GNAS SO, ,SANGS RGYAS BSTEN PA LA SOGS PA, ,PADMAR BYA BA JI BZHIN GYIS, ,BDE CHEN RGYAL PO RANG NYID NI, ,'DI NYID DU NI RTAG TU BZHUGS, ,BHANYDZA MOKshA HO: ZHES BRJOD DO, ,'DIS SNGAGS DANG BCAS PA ZHAL LUNG NA BZHUGS LA DER DRIS LAN MDZAD PA RNAMS 'DIR MA BKOD PAR SNANG NGO, ,CHO GA NI RANG DANG RIG MA LHAR SKYED PA DANG RDO RJE DANG PADMA 'DU BYA BA SOGS SO, ,LA BA PAS, RDZOGS SANGS MNYES PAR BYA LA SOGS, ,BYA BA CI YIN PADMAR GYIS, ,ZHES GSUNGS PA NYID GO BDE'O, ,MOKshA NI THAR PA STE SPROS PA THAMS CAD DANG BRAL BA'I LHAG PA'I LHA'I GZUGS BLA MAS BRJOD PAR BYA'O ZHES PHRENG BA LAS GSUNGS TE, RIG MAS BRJOD PA 'DI RNAMS KYI DON BLA MAS BSHAD PA'AM SNGAGS 'DI BLA MAS BRJOD CES PA'I DON NO, ,BHANYDZA NI STEN CIG PA STE THAR PA STEN CIG CES PA'O, ,DE NAS SLOB MAS RANG NYID LHA'I GZUGS DANG SHES RAB MA LHA MO'I GZUGS SU BSKYED CES PA LAS LHA YAB YUM GANG DU SKYED PHRENG BAR MI GSAL LA MI THUB ZLA PAS 'OD DPAG MED DU SKYED PAR

, ,BSHAD DE 'DOD CHAGS RDO RJE YIN PA LA DGONGS SO, ,ZUNG 'JUG GSAL BA LAS RIN 'BYUNG DU SKYED PAR GSUNGS TE 'DUS PAR RJES CHAGS KYI NGA RGYAL RIN 'BYUNG GI SGO NAS 'DZIN PAR GSUNGS PA LA DGONGS SO, ,RATNA RAKshI TAS BDE MCHOG YAB YUM DU SKYED PAR BSHAD DE DE'I LTAR NA SKABS SU GANG BAB PA'I GTZO BO YAB YUM DU BSKYED PAS CHOG GO ,GSANG DBANG MA GTOGS PA 'DI DANG 'OG MA LA GDONG GA-YOGS 'CHING BA PHRENG BA RJES 'BRANG DANG BCAS PAS MA BSHAD DO, , DE NAS H'Um LAS SKYES PA'I RDO RJE NOR BU AOm LAS SKYES PA DANG, RDO RJE'I KHAR PHAt SER PO DANG A'A: LAS SKYES PA'I PADMA'I ZE 'BRU LA A'A: SA MTSAN PA BSGOMS NAS YANG DAG PAR BSKUL ZHES SBYAR RO, ,GANG NA GA-YON PA'I GA-YON GYI CHAR SON PA'I RTZA'O, , GA-YON PA NI 'DIR RIG MA'O, ,DE'I LUS KYI GA-YON GYI CHAR SON PA'I RTZA NI RDO RJE DBYINGS KYI DBANG PHYUG MA ZHES PA'I RTZA STE PHYAG CHEN THIG LE'I GNYIS PA LAS, PADMA'I SNYING PO'I DBUS NA NI, ,RDOR DBYINGS DBANG PHYUG MA NI BZHUGS, ,DE MA RNYED PA'I BAR DU NI, ,THABS GZHAN LA NI BYANG CHUB MED, ,DE NI RANG BZHIN DGA' BA'I GZUGS, ,PHRA MO'I PHRA MO YANG DAG MCHOG ,CES DANG, ZHAL LUNG LAS, NA LI GSUM PO BTZAL BAR BYA, ,RDO RJE DBYINGS KYI DBANG PHYUG RTZA, ,GZUNG 'DZIN BRAL BA BHA GA'I DBUS, ,BLA MA'I MAN NGAG STOBS KYIS NI, ,SOR MOS GO BAR BYA DGOS SO, ,ZHES SO, ,TSOL BA'I TSUL NI MDZUB MO'I RTZE DANG LCE RTZE LA YI GE HR'I: DMAR PO GNAS PAR BSAMS LA SH'I T'A BRJOD PA SNGON DU 'GRO BAS YANG DAG PAR BSKUL NAS

BSHAD PA'I RTAGS BYUNG BA DANG AOm SH'I SH'I SH'I HA HA HA SV'A H'A ZHES PA DANG, AOm SARBA TA TH'A GA TA AA NU R'A GA nA BADZRA SVA BH'A BA A'ATMA KONYA HAm, ZHES PA'I SNGAGS ZLOS SHING BLA MA'I MAN NGAG LAS DGA' BZHI'I DBYE BA SHES PAS RANG GI SNYING KHA'I SA BON GYI 'OD ZER GYIS SPYAN DRANGS PA'I DRE BZHIN GSHEGS PA LA SOGS PAS LUS BYIN GYIS BRLAB PA STE LUS LA GZHUG CING, BLA MAS KYANG RNAM SNANG DANG SPYAN MA LA SOGS DPAG MED BCUG PA DANG RO GCIG TU GYUR PAS DGA' BA BRTZAM PAR BYA'O, ,GNYIS PA LA GNYIS DNGOS KYI DON DANG, DE LA RTZOD PA SPANG BA'O, ,DANG PO NI, SKABS 'DIR BLA MA'I MAN NGAG GIS DGA' BZHI'I DBYE BA SHES DGOS NA DE JI LTAR YIN SNYAM NA, SNYE MA LNGA PA LAS, DE LA BO LA'I RTZA BA NAS TE GSANG BA'I PADMA LAS RDO RJE NOR BU LAS SNGAR DGA' BA LA SOGS PA GSUM DANG NOR BU'I DBUS SU LHAN CIG SKYES PA'I ZHES PA RNAM PAR GZHAG PA GCIG GO ZHES DANG, GTZUG TOR NAS NI MDZOD SPU YI, ,PADMA KHU BA 'ONGS DGA' BA, ,MGRIN PA SNYING KHAR MCHOG DGA' BA, ,KHYAD PAR DGA' BAR DE NAS 'GYUR,, SNA TSOGS DGA' BYED LTE BAR TE, ,GSANG BA'I PADMAR GANG 'ONGS PA'O, ,GSANG GNAS RDO RJE NOR BU'I BAR, ,LHAN SKYES DGA' BA MI 'PHO BA'O, ,ZHES DRANGS PA DUS 'KHOR GYI LUGS SU GSUNGS SO, ,SNGA MA NI RDO RJE'I RTZA BA NAS BRTZAMS TE NOR BU'I DBUS SU MA SLEB PA'I BAR RNAMS SU DGA' BA GSUM SKYE BA'I LUGS TE GNAS KYIS PHYE BA'O, ,RNAM RTOG CHEN PO'I CHEN PO DANG CHEN PO DANG 'BRING GSUM GYI RAGS PA CHOD PA LAS DGA' BA DANG MCHOG DGA' DANG KHYAD PAR GYI DGA' BAR BZHAG LA, CHUNG NGU PHRA MO

, ,YOD KYANG RAGS PA MED PA LAS LHAN SKYES KYI DGA' BAR 'JOG PAR MAN NGAG RIG PA RNAMS 'DOMS SO ZHES DE NYID LAS GSUNGS SO, ,DGA' BA BZHI LAS GANG ZHIG DBANG GSUM PAR 'JOG SNYAM NA, PHRENG BA LAS, SHES RAB SBYOR BAS DPAL LDAN NI, ,DE NYID YANG DAG MTSON PAR BYA, ,RDO RJE SKYIL KRUNG LAS SEMS NI, ,NOR BU'I NANG DU CHUD PA BLTA, ,ZHES DANG, DE NYID NI CHOS THAMS CAD BSAM DU MED PA NYID DO, ,DE'I GZUGS BRNYAN DU RJES SU MTHUN PAS LHAN CIG SKYES PA'I DGA' BA'I NGO BO SHES RAB YE SHES LA DE NYID DU BRJOD DO, ,ZHES GSUNGS PAS DGA' BA BZHI'I NANG NAS LHAN SKYES KYI YE SHES LA SHES RAB YE SHES SU 'JOG LA SKYE BA'I DUS KYANG BYANG SEMS RDO RJE NOR BU'I NANG DU SLEB NAS PHYIR MA 'PHOS PA'I DUS LA BZHED CING LHAN CIG SKYES DGA' GSUM PA DANG KHYAD PAR GYI DGA' BA BZHI PAR 'DOD PA MAN NGAG SNYE MAR BKAG GO ,BKAG PA DE NI SLOB DPON SH'ANTI PA BZHED PA LA BI BH'U T'IS KYANG RDO RJE'I RTZA BAR BYANG SEMS 'ONGS PA NA DGA' BA DANG DE'I DKYIL DU MCHOG DGA' DANG NOR BUR CHUD PA NA LHAN SKYES 'BYUNG STE DGA' BRAL GYI DANG PO MCHOG DGA'I THA MA DE GNYIS KYI BAR DU SKYE BAR BSHAD LA RDO RJE SKYIL KRUNG NI NOR BU'I NANG NA GNAS PA'I DUS SU SNA BUG GNYIS KYI RLUNG RGYU BA BKAG NAS GNAS PA LA BSHAD DO, ,LVA BA PA YANG SKYE BA'I DUS DANG NGO BO RNAMS SNGA MA DANG 'DRA ZHING DGA' BA'I GRANGS NI TSIG GIS ZIN TSOD LA MCHOG DGA' DANG DGA' BRAL GYI DBUS SU SKYE BAR BSHAD DO, ,DBANG GSUM PA LHAN SKYES KYI YE SHES LA SA RA HAS KYANG BSHAD DO, ,BUD MED LA DBANG

SKUR NA RDO RJE'I GNAS SU PADMA RIG PAR BYA'O, ,DE DAG KYANG 'JAM DPAL ZHAL LUNG GI DBANG GSUM PA'I SKABS SU GSUNGS TE JI SKAD DU, NAM MKHA'I KHAMS DANG RDO RJE SBYOR BA LAS NI YANG DAG SPYAN CAN BDE CHEN 'BYUNG BAR 'GYUR, ,GANG GANG YANG DAG DGA' BYED CHAGS BRAL DGA' GNYIS BAR DU DBEN NYID MTHONG BYAS BRTAN PAR GYIS, ,PADMA'I MKHA' LA RDO RJE NOR BU PAD SNYING GNYIS LA SBYOR GANG RDO RJE SKYIL KRUNG SEMS, ,NOR BU BAR DU MTHONG BYAS GANG TSE BDE BA 'BYUNG BAR NGES PA DE NYID YE SHES TE,, 'DI NYID RDZOGS PA'I RIM PA YIN PAR BLA MA MCHOG RNAMS KUN GYIS BSHAD, ,'DOD CHAGS CHAGS BRAL PAR MA MI DMIGS YE SHES SKAD CIG DE RU GSAL, ,CHU TSOD BRGYAD DAM NYIN GCIG ZLA BA GCIG TU 'AM, ,LO GCIG BSKAL PA'AM BSKAL PA STONG DU YE SHES DE MYONG BYA, ,ZHES GSUNGS TE DBANG GI DUS SU NI YUD TZAM ZHIG MYONG BA YIN LA PHYIS GOMS PA'I DBANG GIS NI CHU TSOD BRGYAD LA SOGS PAR RING DU NYAMS SU MYONG BA'O, ,GAL TE DBANG GSUM PAR BZHAG PA'I LHAN SKYES KYI YE SHES 'DIS DE KHO NA NYID KYI DON RTOGS NA NI DE NYID BDE BA DANG STONG PA DBYER MED PA'I LHAN SKYES KYI YE SHES YIN PAS DBANG BZHI PA DANG KHYAD MED PAR 'GYUR LA, MA RTOGS NA NI DE KHO NA NYID KYI DON SLOB MA LA THABS KHYAD PAR CAN GYIS MTSON PAR 'DOD NAS DBANG 'DI BSKUR BAR GZHUNG DU MA LAS 'BYUNG BA DANG, DBANG GSUM PAS MTSON PA'I DON 'DI NYID NYAMS SU BLANGS PAS DE KHO NA NYID KYI DON MNGON DU 'GYUR BAR GSUNGS PA RNAMS DANG 'GAL LO ZHE NA, 'DI LA BSHAD PAR BYA STE

, ,SPYIR RIM PA GNYIS KYI LAM LA GANG ZAG GI DBANG PO'I RIM PA DANG BSTUN NAS MCHOG DMAN SNA TSOGS SHIG GSUNGS PA LTAR DBANG LA YANG KHYAD PAR ZHIB TU PHYE NA DBANG PO'I SGO NAS THOB LUGS MANG DU 'ONG BAR SNANG NGO, ,'ON KYANG RGYUD DANG DGONGS 'GREL GYI GZHUNG DAG LAS GTZO BOR 'BYUNG BA NI DBANG GSUM PA'I LHAN SKYES KYI YE SHES KYIS NI DE KHO NA NYID RTOGS DGOS PA YIN TE, ZHAL LUNG LAS GZUGS NAS RNAM MKHYEN GYI BAR GYI CHOS KYI RANG BZHIN GYI DE KHO NA NYID BSTAN NAS DE LTAR GNAS KYANG SEMS CAN RNAMS LA SGRIB BYED KYI SKYON GYIS BSGRIBS PAS DE LA RMONGS NAS 'KHOR BAR 'KHYAMS PAS NA DE RTOGS DGOS PA DANG, DE RTOGS PA'I THABS RIG MA YIN PA'I TSUL MANG DU GSUNGS PA'I MTHAR GSANG DBANG BSKUR BA'I 'OG TU, DE NAS DE LA RANG BYUNG GI ,CHOS SKU RAB DGA' MKHA' MNYAM PA, ,LHAG PA'I LHA ZHES BYA BA NI, ,RTOGS BYA'I CHED DU BU MO SBYIN, ,ZHES SOGS KYIS DBANG GSUM PA BSKUR NAS SNGAR DRANGS PA LTAR LHAN SKYES KYI YE SHES SKYED PAR GSUNGS PAS DE KHO NA NYID KYI DON MTSON PAR BYED PA LA DBANG GSUM PA BSKUR BAR CHES GSAL BAR GSUNGS SO, ,DE YANG BYANG CHUB KYI SEMS NOR BUR PHYIN PA PHAt LA SOGS PA'I YI GES BKAG PA PHYIR MA 'PHOS PAR YUD TZAM GNAS PA'I TSE RNAM RTOG RAGS PA MANG PO ZHIG LOG PA'I BDE BA DANG BCAS PA'I MI RTOG PA SKYES PA TZAM MA YIN TE, DE TZAM NI YIN LUGS RTOGS PA'I LTA BA MED PA RNAMS LA'ANG SKYE BAS DES DE KHO NA NYID RTOGS PA MA YIN PA'I PHYIR RO, ,DE NI ZHAL LUNG LAS, CHOS SKU RAB DGA' MKHA' MNYAM PA, ,SHI DANG BRGYAL DANG GNYID LOG DANG, ,GLAL DANG 'KHRIG

DUS SKAD CIG TZAM, ,MYONG BAR 'GYUR BAS, ZHES SHI BA LA SOGS PA GNAS SKABS LNGAR CHOS SKU MYONG BAR GSUNGS PA DE YIN TE RTOG PA RAGS PA ZHI BA LA DE NYID RTOGS ZHES BTAGS PA TZAM YIN GYI DE KHO NA NYID RTOGS PA MIN TE DE LTA MA YIN NA SEMS CAN THAMS CAD 'BAD MED DU GROL BAR 'GYUR BA'I PHYIR RO, ,DES NA SLOB MA DE KHO NA NYID RTOGS PA'I LTA BA DANG LDAN PA LA BLA MAS DBANG GSUM PA'I YE SHES SKABS GANG DU SKYE BA BRDA SPRAD NAS DBANG BSKUR BA'I TSE RIG MA LA BRTEN NAS BYANG CHUB KYI SEMS NOR BUR BZUNG BA'I GNYIS SNANG GI RTOG PA RAGS PA RNAMS LOG PA NA LTA BA DRAN PAR BYAS NAS LTA THOG TU BZHAG PA'I YE SHES DE LA LHAN CIG SKYES PA ZHES BYA YI, ,LUS DANG SEMS KYI TSOR BA BDE BA TZAM BYUNG BA DANG DE'I MTHUS SEMS MI RTOG PAR GNAS PA TZAM MIN NO, ,'ON KYANG YIN LUGS KYI LTA BA LEGS PAR MA GO BA RNAMS LA BDE BA DANG BCAS PA'I MI RTOG PA SKYES PA YANG DBANG GSUM PAR NGO SPRAD DGOS SO, ,DES NA LTA THOG TU BZHAG PA'I DBANG GSUM PA'I LHAN SKYES KYIS DE KHO NA NYID MNGON SUM DU RTOGS SAM SNYAM PA'I LOG RTOG SKYE SA'ANG CHE BA YIN TE DE'I TSE DE KHO NA NYID RTOGS PA RTOG BRAL DU 'DOD DGOS SNYAM NAS RTOG PA DANG BRAL BA'I SHES PAS RANG GI YUL MNGON SUM DU CI'I PHYIR MI MTHONG SNYAM PA SKYE BA YIN LA, LTA BA MA GO NA BDAG MED KYI DON LA BLO KHA MA PHYOGS PAS YE SHES DE BDAG MED MNGON SUM DU MTHONG BA'I DON GYI YE SHES SU 'DOD PA'I LOG RTOG SKYE BA'I GZHI CHUNG BA YIN NO, ,SNYE MA LNGA PA LAS KYANG, DE CI 'DI MTHONG BA'I LAM YIN NAM ZHE NA DE LTA MA YIN TE, ZHES RGYA GAR BA'I RTOG LDAN SNGAGS LA 'DRIS PA 'GA' ZHIG GIS DBANG GSUM PA'I LHAN SKYES MTHONG LAM

, ,DU 'DOD PA BKAG PA YIN NO, ,DES NA DPE DON GYI YE SHES NI SKABS 'DIR BDAG MED MNGON SUM DU RTOGS PA DANG DON SPYI'I TSUL GYIS RTOGS PA'I KHYAD DO, ,DE KHO NA NYID MNGON SUM DU RTOGS PA'I SKABS SU BCOS MIN GYI LHAN SKYES DANG MNGON SUM DU MA RTOGS PA'I SKABS SU DE KHO NA NYID LA MOS PA YID BYED KYIS 'JUG PAS BCOS MA'I LHAN SKYES DBANG GSUM PA'I SKABS NYID DU GSUNGS TE SNYE MA LNGA PA LAS, BDE BA RES 'GA' NYAMS SU MYONG BA'I GNAS SKABS SU DE KHO NA NYID MA MTHONG BAS LHAG PAR MOS PAS SNYING RJE CHEN PO DANG DBYER MED PA'I RANG BZHIN STONG PA NYID KYI BDAG NYID RNAM PA THAMS CAD MCHOG DANG LDAN PAR SGOM BZHIN PA NI DE KHO NA NYID RTOGS PA'I GNAS SKABS NA 'JIG RTEN LAS 'DAS PA NI RTZOL BA MED PA NYID KYIS MA BCOS PA NYID KYIS NA LHAN CIG SKYES PAR BRJOD DO, ,DE KHO NA NYID MA RTOGS PA'I GNAS SKABS SU NYAMS SU MYONG BA ZAG PA DANG BCAS PA MI BRTAN PA MA RGYAS PA YAN LAG MTHA' DAG MA YIN PA GLOG 'GYU BA BZHIN DU SKAD CIG TZAM PA 'JIG RTEN PA KUN RDZOB PA STE RTZOL BA DANG BCAS PA NYID KYIS NA BCOS MA NYID NA'ANG LHAN CIG SKYES PAR BRJOD DE, ZHES SO, ,DBANG GSUM PA'I YE SHES 'DI LA STONG NYID RTOG SPA'I CHA GCIG DANG BDE BA'I CHA GCIG STE GNYIS YOD PAS SNGA MA LA RDO RJE 'CHANG GI DBUGS DBYUNG BA DANG PHYI MA LA MI BSKYOD PA'I DBUGS DBYUNG BA ZHES KYANG GSUNGS TE DE NYID LAS, DE KHO NA DBUGS DBYUNG BA RNAM PA GNYIS SU SMRAS PA STE, BDE BA CHEN PO'I YE SHES DANG STONG PA NYID DAG DE'I BDAG NYID KYI PHYIR PHAN

TSUN RGYAS BTAB PA DAG MI BSKYOD PA DANG RDO RJE 'DZIN PA'I NGO BO NYID KYI PHYIR DE BZHIN GSHEGS PA DANG RDO RJE 'DZIN PAR GDON MI ZA BAR 'BYUNG BAR 'GYUR RO ZHES PA DE'I LAM THOB PA'I PHYIR ZHES DE BZHIN GSHEGS PA'I DBUGS DBYUNG BA DANG RDO RJE 'DZIN PA'I DBUGS DBYUNG BSKYED PAR BYED PA NYID KYI PHYIR RO, ,JI SKAD DU GSUNGS PA, THABS DANG THABS BYUNG DBYE BA YIS, ,BZHI PA'I DON NI RNAM GNYIS 'DOD, ,GCIG NI DE BZHIN GSHEGS DNGOS GRUB, ,GZHAN NI RDO RJE 'DZIN PAR 'DOD, ,CES GSUNGS TE BZHI PA NI DGA' BA BZHI PA LHAN SKYES SO, ,MDOR NA BLA MAS GTAD PA'I RIG MA MTSAN NYID DANG LDAN PA DANG RANG NYID LHA YAB YUM DU BSKYED DE RDO RJE DANG PADMA 'DU BYA BA SNGON DU 'GRO BAS SHES RAB YE SHES SKYE BA'I MTSAMS RIG NAS SKABS DER LTA BA'I STENG DU BZHAG PA'I BDE BA DANG BCAS PA'I YE SHES LA DBANG GSUM PAR NGO SPROD DGOS PAS, YE SHES KYI PHYAG RGYA TZAM LA BRTEN NAS DBANG BSKUR BA LA YANG RANG DANG RIG MA 'DOD LHA YAB YUM DU GSAL GDAB LA NGA RGYAL BRTAN POR GZUNG BA SOGS BYAS YAB YUM SNYOMS PAR ZHUGS PA LAS BYUNG BA'I BYANG CHUB KYI SEMS NOR BU'I NANG DU PHYIN PAR MOS NAS DE LAS BDE BA BSKYED, DE NAS LTA BA'I DON DRAN PAR BYAS LA DE'I STENG DU 'JOG TU BCUG NAS NGO 'PHROD NGES SU BYAS LA DBANG BSKUR RO, ,DE LTAR DBANG DUS SU NGO SPRAD PA'I LHAN CIG SKYES PA'I YE SHES DE NYID GOMS PAS 'BRAS BU'I LHAN SKYES SKYE BAS NA DBANG GI DUS SU DE KHO NA NYID KYI DON LA ZHUGS PA'I LHAN SKYES DGOS TE SNYE MA LNGA PA LAS, DE LTAR LHAN CIG SKYES PA LAS BYUNG BA'I DE KHO NA NYID BYANG CHUB

, ,KYI SEMS STONG PA NYID DANG SNYING RJE DBYER MED PA'O, ,DE CI 'DI SHES RAB KYI YE SHES LAS GZHAN PA KHO NA 'AM ZHE NA GZHAN MA YIN TE, DE KHO NA'I 'DI MI MTHUN PA'I PHYOGS BSAL BA DE NI RNAM PA 'DI LTA BU'O ZHES RANG GI NGO BO RAB TU GSAL BA'O, ,ZHES DBANG GSUM PA'I DUS SU RGYUD LA BSKYED PA'I LHAN SKYES DE KHO NA GOMS PA'I MTHUS DRI MA DANG BRAL BA NA 'BRAS BU'I LHAN SKYES KYI NGO BOR GSAL BAR GSUNGS SHING MU TIG PHRENG BA LAS KYANG, 'ON KYANG DE BZHIN GSHEGS PA RNAMS KHO NA'I SO SO RANG GIS RIG PA CHOS KYI SKU'I LHAN CIG SKYES PA NAM MKHA' DANG MNYAM PA DANG DE'I RGYU MTHUN PAR GYUR BA'I YONGS SPYOD RDZOGS PA'I SKU'I LHAN CIG SKYES PA MCHOG TU KHYAD PAR DU 'PHAGS PA SHIN TU RNAM PAR DAG PA BRTAN ZHING BDE BA'I MTSAN NYID CAN GYI LHAN CIG SKYES PA'I DGA' BA GANG YIN PA DE NI 'DIR BSGRUB PAR BYA BA YIN NO, ,DE YANG RNAM PA GZHAN MED PA'I PHYIR 'JIG RTEN PA'I LHAN CIG SKYES PA'I DGA' BA DE NYID LA MAN NGAG JI LTA BA BZHIN DU MOS BAS SGOM BA NA SGOM PA YONGS SU RDZOGS PA LAS MNGON SUM DU 'GYUR ZHING RANG NYID KYIS SHES PAR 'GYUR GYI SNGAR NI MA YIN NO, ,ZHES DANG, DE DAG LAS LHAN CIG SKYES PA'I DGA' BA NYID NI GZHAN YIN PAR YONGS SU SHES PAR 'GYUR TE 'BRAS BU'I RANG BZHIN DU GYUR PAR LHAN CIG SKYES PA'I PHYIR RO, ZHES GSUNGS TE BYANG CHUB KYI RANG BZHIN LA DE'I RNAM PA CAN DU RJES SU ZHUGS PAS NA 'BRAS BU'I RANG BZHIN DU SKYES PA ZHES BSHAD DE 'DI RNAMS RIG MA LA BRTEN NAS DGA' BZHI SKYE TSUL BRJOD PA'I SKABS SU GSUNGS SO, ,'DIR

KHYAD PAR GYI GZHI SLOB MA DANG LAS KYI PHYAG RGYA GNYIS LHA YAB YUM DU GSAL BA'I NGANG NAS SNYOMS PAR ZHUGS PAS LHAN CIG SKYES DGA' SKYE BA'I TSE LTA BA'I STENG DU BZHAG PA LA NGO SPRAD PA 'DIS, RNAL 'BYOR PA DANG LAS RGYA 'AM RNAL 'BYOR PA DANG YA RGYA 'AM RNAL 'BYOR BA DANG STONG GZUGS KYI RIG MA GNYIS LHA YAB YUM DU GSAL BA'I NGANG NAS SNYOMS PAR ZHUGS PAS LHAN SKYES KYI YE SHES SKYED PA RNAMS KYANG GO BAR BYA STE, SPYIR LHA YAB YUM DU SNANG BA MNYAM PAR SBYAR BA LAS BYUNG BA'I BDE STONG LA NGES PA RNYED PA'I PHYIR RO, ,DPER NA DKAR ZAL GYI STENG DU BA LANG GI MTSAN NYID NGES PA NA DE'I RIGS CAN THAMS CAD LA DOGS PA TSAD PA BZHIN NO, ,DE 'DRA BA'I RIG MA LA BRTEN NAS LHAN SKYES SKYE BA YANG DE DAG 'DUS PA'I BYED PA LA BRTEN NAS STENG 'OG GI LAS RLUNG GZHU'I DBYIBS CAN GYIS LTE BA'I GTUM MO SBAR BA'I MTHUS SPYI BO'I BYANG SEMS ZHU BRLUNG GIS THUR DU PHUL BA NOR BUR GNAS PA'I DBANG GIS YIN PAR GSUNGS TE ZHAL LUNG LAS, SDOM BRTZON GZHU DBYIBS GA-YO BA YIS, ,SUM MDO YE SHES ME SPAR BAS, ,KHAMS ZHU NAS NI BCU DRUG CHAR, ,GYUR PA ME TOG KUN DE 'DRA, ,RLUNG GI SBYOR BAS PHUL BAR BYA, ,RANG BZHIN GYIS NI RAB ZHI BA, ,CHOS SKU ZHI BA DE KHO NA, ,BDE BA DE NYID NOR BU 'DUG ,SKAD CIG DRAN MED GA-YO BAR BYED, ,SGRUB PA CHEN PO DE NYID DO, ,ZHES DBANG GSUM PA'I SKABS SU GSUNGS SO, ,DES NA RTZA RLUNG THIG LE SOGS KYI RNAL 'BYOR DU MAS RLUNG DBU MAR BCUG CING DE'I BYED PAS GTUM MO 'BAR NAS SPYI BO'I BYANG SEMS ZHU BA LAS TING NGE 'DZIN SKYED PA'I SGO BSAM GYIS MI KHYAB PA CIG GSUNGS PA RNAMS KYANG DBANG 'DI'I GNAD

, ,NGO 'PHROD PA'I SGO NAS LHAN SKYES 'CHAR BA'I DUS SU YIN LUGS KYI DON PHU THAG CHOD PAR GO BA'I LTA BA DRAN PAR BYAS NAS SKYONG DGOS KYI GNYIS SNANG GI RTOG PA RAGS PA TZAM LOG PA'I TING NGE 'DZIN LA LHAN SKYES KYI DON SGOM PAR MI GZUNG NGO, ,GNYIS PA NI, GAL TE DBANG GSUM PA'I LHAN SKYES KYIS DE KHO NA NYID KYI DON RTOGS NA BRTAG GNYIS LAS, GANG PHYIR 'BYUNG BA CHE BDE BA, ,DE PHYIR BDE BA DE NYID MIN, ,LHAN CIG SKYES PAS GANG SKYES PA, ,LHAN CIG SKYES PAR DE BRJOD BYA, , RANG BZHIN LHAN CIG SKYES ZHES BRJOD, ,CES 'BYUNG BA CHEN PO LA BRTEN PA'I BDE BA DE NYID KYI LHAN SKYES MIN PAR GSUNGS PA DANG, YE SHES GRUB PA LAS KYANG, DBANG PO GNYIS BYUNG BDE BA NI, ,DE NYID YIN ZHES SKYE NGAN SMRA'I, ,DE NI BDE BA CHE YIN ZHES, , RGYAL BA MCHOG GIS MA GSUNGS TE, ,RTEN CING 'BREL 'BYUNG LAS SKYES PA, ,GANG DU'ANG DE NYID ZHES MI 'GYUR, ,ZHES GSUNGS PA DANG JI LTAR MI 'GAL SNYAM NA, ,SKYON MED DE LUNG DE DAG GIS NI LAM DUS KYI LHAN SKYES KYI YE SHES DE RANG BZHIN NAm RANG GI NGO BO'I LHAN SKYES KYI YE SHES YIN PA 'GOG GI DBANG GSUM PA SOGS KYI LHAN SKYES KYIS DE NYID MA RTOGS PA'AM DE LA LHAN SKYES KYI YE SHES MED CES STON PA MIN NO, ,DE LTAR YANG YE SHES GRUB PA'I LUNG DE'I MJUG NYID NAS, GANG PHYIR BDE DE THAMS CAD DU, ,NGO BO NYID KYIS YOD MA YIN, ,BDE GSHEGS KUN GYI YE SHES NI, ,RANG GI NGO BO NYID MKHYEN PA'I, ,BDE BA KUN GYI GTZOR GYUR PAS, ,BDE BA CHEN PO ZHES BSHAD DO, ,BDE CHEN MI RTAG MA YIN TE, ,BDE BA CHEN PO RTAG TU RTAG ,

CES DE KHO NA NYID KYI BDE BA MIN ZHES 'GOG PA'I BDE BA NI SANGS RGYAS KYI SA NYID LA GSUNGS PAS LUNG DE KHUNGS SU DRANGS NAS DE NYID RTOGS PA'I BDE BA 'GOG NA NI SLOB LAM THAMS CAD DU BDE BA DE MED PAR 'DOD DGOS PAR 'GYUR RO, ,DES NA DE NYID YIN MIN DPYOD PA'I DE KHO NA NYID KYI BDE BA ZHES PA DANG RANG GI NGO BO'I LHAN SKYES SAM RANG BZHIN LHAN SKYES ZHES PA'I DON NI, 'BAD RTZOL SOGS KYI RGYU RKYEN GZHAN LA LTOS PA MED PAR RANG GI NGANG GIS SKAD CIG MA'I RGYUN 'KHOR BA JI SRID PAR 'JUG PA LA BYED PA YIN TE, RANG BZHIN LHAN CIG SKYES ZHES BRJOD, CES PA'I 'GREL PA MU TIG PHRENG BA LAS, LHAN CIG SKYES RANG NGO BOR ZHES BYA BA GSUNGS TE 'DI RANG NYID 'BYUNG ZHING GZHAN LA LTOS PA MED PAS NYE BAR LEN PA'I SEMS KYI SKAD CIG MA NYID LAS SKAD CIG MA GZHAN DAG 'BYUNG BA DE LTAR NA RANG GI NGO BO CAN 'DI 'DRA BA GANG YIN PA DE NI LHAN CIG SKYES PA STE, GONG NAS GONG DU SEMS KYI SKAD CIG MA DANG LHAN CIG NAM MKHA' JI SRID BAR SKYE BA'I PHYIR RO, ,ZHES PA DANG, LHAN CIG SKYES PA NI RNAM PA GNYIS TE RES 'GA' BA DANG RTAG PA'O, ,RTAG PA GANG YIN PA DE NI MCHOG NYID YIN TE DE NYID MCHOG DANG DE KHO NA NYID DANG ZAD PA MED PA DANG 'JIGS PA MED PA NYID KYI PHYIR RO, ,ZHES GSUNGS TE RGYUN MI 'CHAD PA DANG ZAD PA MED PA LA RTAG PA ZHES BYA'I SKAD CIG DANG POR GNAS PA'I DON DE NYID SKAD CIG GNYIS PAR YANG GNAS PA'I RTAG PA 'DOD PA NI MU STEGS BYED KYI LTA BA NGAN PA'I DBANG DU SONG BA'O, ,'BYUNG BA NI SKYE BA'I DON YIN LA DE YANG RGYU RKYEN TSOGS NAS BYAS PAS MI RTAG PA'O, ,CHEN PO NI SHIN TU BA'I DON YIN PAS BSDU NA SHIN TU 'BAD PAS BSGRUB PAR BYA BA'I MI RTAG

, ,PA'I BDE BA LA MU TIG PHRENG BAR BSHAD LA MAN NGAG SNYAM LAS KYANG 'BYUNG BA CHEN PO'I BDE BA DE NYID MIN ZHES PA'I DON DUS THAMS CAD DU RTAG TU 'BYUNG BA'I LHAN SKYES MIN PA LA BSHAD DO, ,DBANG GSUM PA BDE STONG DBYER MED KYI LHAN SKYES YIN NA DBANG BZHI PA DANG KHYAD MED DU 'GYUR RO SNYAM PA NI DBANG BZHI PA NGOS MA ZIN PA'I GTAM YIN TE 'CHAD PAR 'GYUR RO, ,RAB BYUNG LA DBANG GSUM PA TSIG GIS SBYIN PAR DUS 'KHOR RTZA 'GREL LAS GSUNGS PAS YE SHES KYI PHYAG RGYA GTAD NAS KYANG DBANG BSKUR BA RUNG LA, PHRENG BA LAS RAB BYUNG GI RTEN KHYAD PAR CAN LA DGAG BYA MED NA DNGOS DBANG RUNG BA DANG DE LA'ANG DGAG BYA YOD PA'I SKABS DANG RAB BYUNG GI RTEN KHYAD PAR CAN MIN PA LA YE SHES KYI PHYAG RGYAS DBANG BSKUR BA DANG, DE'I RIGS PA RAB BYUNG GIS GSANG DBANG BSKUR BA'I SLOB DPON LA YANG SBYAR BAR BSHAD DO, ,DE LTAR DBANG GSUM PA SKUR BA'I TSE NUS PA JI LTAR YOD PA BZHIN DU BYANG CHUB KYI SEMS GZUNG NGO, ,GZUNG BAR MA NUS NA DAL BUS BTANG STE CHU SKYES LAS LCE NYID KYIS BLANGS TE DE KHO NA NYID KYI LTA BAS DAM TSIG GI NGO BO BYANG CHUB KYI SEMS BTUNG BAR BYA'O, ,DBANG 'DI DKYIL 'KHOR GANG DU THOB NA SBYOR BA BDUN PA LAS, BHA GA RNAM DAG ZHES BYA BA'I, ,DKYIL 'KHOR DU NI DE NYID THOB, ,CES GSUNGS PA LTAR BHA GA'I DKYIL 'KHOR DU'O, ,RANG BZHIN NI DE NYID LAS, ,DE YI RANG GI NGO BO NI, ,THUGS KYI RDO RJE'I RANG BZHIN NO, ,ZHES GSUNGS LA NYIN MO 'BYUNG GNAS KYIS CHOS SKU'I RANG BZHIN DU YANG BSHAD DE DE THOB PA'I NUS PA KHYAD PAR BA THOB

PA LA BSAMS SO, ,DAG BYA NI SBYOR BA BDUN PA LAS, ,BRNAB SEMS LA SOGS SNGA PHYI YI, ,DAG DANG NYES PAR MI 'GYUR RO, ,ZHES PA LTAR RO, ,DAM TSIG NI DE NYID LAS, DKYIL 'KHOR BRI BA LA SOGS 'GOG ,SDOM PA MCHOG NI SBYIN PA'O, ,ZHES GSUNGS PA LTAR RO, ,D'A RI KA PAS BUD MED MTHONG NA GA-YON NAS LAN GSUM DU BSKOR TE GSOL BA 'DEBS PA SOGS DAM TSIG TU BSHAD DO, ,LAM GANG SGOM PA LA DBANG BA YANG DE NYID LAS, THABS KYI KHYAD PAR CHE BA'I PHYIR, ,RDO RJE LTA BUR YANG DAG GNAS, ,MCHOG GI DNGOS GRUB BSGRUB PA'I PHYIR, ,BRTUL ZHUGS CHO GA RIM PA BSTAN, ,GZUNG DANG 'DZIN PA'I NGO BO YIS, ,CHOS KUN DBEN PAR RTOGS PA'O, ,ZHES GZUNG 'DZIN GYIS STONG PA'I 'OD GSAL MING GNYIS PA RDO RJE LTA BU'I TING NGE 'DZIN DU GSUNGS PA DE LA'O, ,'DUS PA'I RGYUD PHYI MA'I 'GREL PA LAS SLOB MAS PHYI MA'I MNGON BYANG DANG NANG GI MNGON PAR BYANG CHUB PA'I RIM GYIS 'DOD CHAGS DANG CHAGS BRAL DANG 'DOD CHAGS POR MA'I RIM GYIS 'OD GSAL BA'I YE SHES MNGON DU BYAS LA PHYAG RGYA CHEN PO BSGRUB PAR BYA BAS NI SHES RAB YE SHES KYI DBANG THOB PAR BYA'O, ,ZHES DBANG 'DI'I SKABS SU BZHI PA 'OD GSAL MTSON NAS PHYAG CHEN SGRUB PAR GSUNGS SO, ,SHES RAB YE SHES KYI DBANG GI SDOM NI, YON DBUL GSOL GDAB RIG MA GTAD, ,LHAR BSKYED GSANG GNAS BYIN GYIS BRLAB, , SNYOMS PAR ZHUGS NAS LHAN SKYES BSKYED, ,BYANG SEMS BTUNG ZHING DBANG DON BSHAD, ,CES PA'O, ,BZHI PA LA GNYIS, RGYUD GZHAN RNAMS KYI LUGS DANG, DUS 'KHOR BA'I LUGS SO, ,DANG PO LA GNYIS, DBANG BZHI PA NGOS GZUNG BA DANG, DE DBANG BZHI PA'I

, ,TSIG GIS JI LTAR BSTAN PA'I TSUL LO, ,DANG PO NI, PHRENG BAR GSOL GDAB MA BSHAD KYANG D'A RI KA PAS, KHYOD ZHABS PADMA'I BKA' DRIN GYIS, ,GTZO BO DBANG BSKUR RNAM GSUM THOB, ,DE RING RIN CEN BZHI PA YANG, ,BKA' DRIN GYIS NI BSKYAB TU GSOL, ,ZHES PAS LAN GSUM GSOL BA GDAB PAR BSHAD PA LTAR BYA'O, ,KHA SBYOR LAS, ZAB CING RGYA CHE LA MOS NA, ,TSIG GIS RIN CHEN DBANG BSKUR BYA, ,ZHES SLOB MA ZAB CING RGYA CHE BA LA MOS MI MOS BRTAG LA MOS NA DBANG BZHI PA TSIG GIS SBYIN PAR GSUNGS PA LTAR SBYIN NO, ,BSAM PA SHES TSUL NI, ,DU BA LAS NI MER SHES SHING, ,CHU SKYAR LAS NI CHUR SHES BYA, ,BYANG CHUB SEMS DPA' BLO LDAN GYI, ,RIGS NI MTSAN MA DAG LAS SHES, ,BZHIN GYI PADMA RAB DANG ZHING, , DGA' BAS BA SPU LANGS PA NI, ,MTHONG NAS MKHAS PA DE NYID KYIS, ,SLOB MA DAM PA RJES SU 'DZIN, ,ZHES PA DRANGS NAS THABS DES BYED PAR LVA BA PAS BSHAD DO, ,DE NAS SBYIN PAR BYA'O ZHES DRANG NGO, ,GANG NA DBANG BZHI PA'O, ,GANG GIS NA TSIG KHO NAS ZHES GSUNGS PA'I RNAM BCAD NI DBANG GSUM PA LTAR DON NYAMS SU MYONG BA 'DI LA MAD PAS SO, ,TSIG GIS STER LUGS NI SHES RAB YE SHES DE NYID MYU GUR GYUR PA'I BYANG CHUB KYI SEMS BSGOMS PAS RAB TU 'PHEL BZHIN PA SGRIB PA MED PA NYID DU GYUR PA'I DE KHO NA NYID CHOS THAMS CAD BSAM GYIS MI KHYAB PA NYID KYI RANG BZHIN YAN LAG BDUN DANG LDAN PA'I PHYAG RGYA CHEN PO NYID RDO RJE 'CHANG CHEN PO'I RANG BZHIN CAN DBANG BZHI PA BRJOD PAR BYA'O, ,ZHES GSUNGS PA LTAR RO, ,DE'I DON NI DBANG

GSUM PA'I SKABS SU NGO SPRAD PA'I DPE'I LHAN SKYES DE DON DAM PA'I BYANG CHUB KYI SEMS KYI MYU GU LTA BU YIN LA DE GOMS PAR BYAS PAS GONG NAS GONG DU JE 'PHEL DU SONG NAS SGRIB PA THAMS CAD ZAD PA NYID DU GYUR PA'I BSAM GYIS MI KHYAB PA'I DE KHO NA NYID KYI RANG BZHIN TE, MDOR NA RIG MA LAS DON GYI LHAN SKYES MTSON PA'I DPE'I YE SHES THOB PA DE'I RGYUN BSKYANGS PAS MTHAR SGRIB PA ZAD DE DBYINGS RIG DBYER MED DU ZHUGS PA'I YE SHES YAN LAG BDUN LDAN GYI LHA SKU PHYAG RGYA CHEN POR SHAR BA DE NYID DBANG BZHI PA YIN NO ZHES BRJOD PAR BYA'O, ,DBANG BZHI PA'I NGOS 'DZIN 'DIR MDZAD PA BZHIN DU RATNA RAKshI TA DANG BI BH'U T'IS KYANG BSHAD LA, LVA BA PA YANG BZHED DE DE'I DKYIL CHOG LAS, DBANG BSKUR BA BZHI PA BLA MA'I ZHAL LAS SHES PAR BYA BA NI 'DI SKAD DU, DE NYID MA LUS PA'I DON PHUN SUM TSOGS PAR BYED PA RTOG PA'I RNYOG PA DANG BRAL BA NYID KYIS BLA NA MED PA YANG DAG PAR RIG PA DANG THA MI DAD PA, THUB PA'I TSOGS DPAG TU MED PA'I 'OD ZER 'PHRO BA'I DKYIL 'KHOR GYI BDAG NYID YID BZHIN GYI NOR BU LTA BU BSTAN PA'I NGO BO NYID KYI TSIG GIS SBYIN PAR BYA'O, ,ZHES GSUNGS PA GANG YIN PA STE, ZHES LUNG DRANGS NAS NGOS BZUNG NGO, ,DE LA DE NYID CES PA NI PHRENG BA LAS SHES RAB YE SHES DE NYID CES GSUNGS PA'I DON YIN LA RNYOG PA DANG BRAL BA NYID KYIS BLA NA MED PA YANG DAG PAR RIG PA DANG THA MI DAD PA NI GLO BUR DRI BRAL GYI DE KHO NA NYID KYI DON DANG THA MI DAD PAR ZHUGS PA'I JI LTA BA MKHYEN PA'O, ,THUB PA'I TSOGS

, ,DPAG TU MED PA 'PHRO BA'I DKYIL 'KHOR NI GZUGS KYI SKU'I, ,DPAL 'DZIN GYIS KYANG DMAR NAG GI DKYIL CHOG TU DE JI LTA BA BZHIN DU BSHAD DO, ,YAN LAG BDUN NI NGAG DBANG GRAGS PAS, LONGS SPYOD RDZOGS DANG KHA SBYAR BDE CHEN RANG BZHIN MED, ,SNYING RJES YANGS GANG RGYUN MI 'CHAD DANG 'GOG PA MED, ,YAN LAG BDUN BSHAD DON DANG LDAN PA BSGRUB BYA 'DIR, ,BDAG 'DOD TSANG MAS YONGS BSGOMS BLO CAN GYIS KYANG BSNGAGS, ,ZHES GSUNGS SO, ,DE LA LONGS SPYOD RDZOGS PA NI MTSAN DPES SPRAS PA'I SKU'O, ,DES NI CHOS SKU DANG SPRUL PA'I SKU YANG BZUNG BA YIN TE SKU GSUM LA THA DAD PA NYID MI MNGA' BAS SO, ,KHA SBYAR NI DE NYID DANG MTSUNGS PA'I LHA MO DANG SNYOMS PAR ZHUGS PA YIN TE LONGS SKU TZAM ZHIG NI PHAR PHYIN LAS KYANG GSUNGS PAS DE LAS KHYAD PAR DU BYA BA'I DON DU'O, ,'O NA DE CI DGOS TE LUS THAMS CAD LA KHYAB PAR BYED PA'I DGA' BA'I NGO BO TZAM GYIS SEMS CAN GYI DON THAMS CAD 'GRUB PA'I PHYIR RO ZHE NA, 'DOD KHAMS KYI SEMS CAN LHAG PAR CHAGS PAS SPYOD PA RNAMS RJES SU GZUNG BA'I PHYIR DU RGYAL BAS SNYOMS PAR 'JUG PA BSTAN NO, ,SGYU MA MKHAN GYIS SPRUL PA'I SKYES PA DANG BUD MED KYI KHA SBYOR LAS BDE BA CHEN POR MI 'GYUR LA 'DI LAS 'GYUR BA'I PHYIR BDE CHEN ZHES SMOS TE LUS KYI BDE BA NYAMS SU MYONG BA NI BDE BA DANG SEMS LAS BYUNG BA'I BDE BA NYAMS SU MYONG BA NI YID BDE'O, ,CHEN PO NI SHIN TU RGYA CHE BA DANG ZAG PA MED PA DANG GYA NOM PA DANG 'KHOR BA JI

SRED BAR GNAS PA'O, ,DE LTA BU'I SANGS RGYAS KYANG RANG BZHIN MED PA CIG BSGRUB BYA YIN GYI BDEN PAR BZUNG NAS MA YIN NO ZHES BSTAN PA'I DON DU RANG BZHIN MED PA ZHES SMOS TE YUM GYI MDO LAS, SANGS RGYAS KYANG SGYU MA LTA BU RMI LAM LTA BU'O, ,MYA NGAN LAS 'DAS PA LAS LHAG PA'I CHOS GZHAN ZHIG YOD NA DE YANG RMI LAM LTA BU SGYU MA LTA BU'O ZHES NGA SMRA'O, ,ZHES GSUNGS SO, ,SBYOR BA BDUN PA LAS KYANG, DNGOS PO KUN LA RNAL 'BYOR GYIS, ,PHYIN LOG RAB TU BZLOG PA'I PHYIR, ,SBYOR BA BZHI PA BSHAD PAR BYA, ,ZHES DANG, DNGOS PO KUN GYI NANG NAS KYANG, ,RANG BZHIN MED PA GTZO BOR BSHAD, ,CI PHYIR RGYAL BA'I SRAS RNAMS KYIS, ,'DI BSGOMS PAS NA SANGS RGYAS KYI, ,PHUN SUM TSOGS PA THAMS CAD 'GRUB, ,CES SO, ,RANG BZHIN MED PA YANG RNAM PA THAMS CAD KYI MCHOG DANG LDAN PA'I STONG PA NYID YIN GYI NAM MKHA'I ME TOG GAM RI BONG GI RVA BZHIN DU SONG BA'I STONG PA NI MED PA YIN PAS MNGON SUM DU BYA BAR MI RUNG NGO, ,GTZUG NA RIN PO CHE'I MDO LAS, SBYIN PA NAS SANGS RGYAS KYI CHOS KYI BAR RNAMS DANG MA BRAL BA'I STONG PA NYID LA RNAM PA THAMS CAD KYI MCHOG DANG LDAN PA'I STONG NYID DU GSUNGS PAS LONGS SKU LA SOGS PA DANG SBYIN PA LA SOGS PA'I RNAM PA RNAMS NI MCHOG YIN TE, DE RNAMS NI BUM PA LA SOGS PA'I RNAM PA GZHAN RNAMS LAS KHYAD PAR DU 'PHAGS PA'I PHYIR RO, ,RNAM PA DE DAG DANG LDAN ZHING 'BYOR PA DE NI RNAM PA THAMS CAD KYI MCHOG DANG LDAN PA'I STONG NYID DO, ,JI LTAR LUS KYI RNAM PA MED NA SEMS CAN GYI DON RSGRUB PA MED PA BZHIN DU SNYING RJE CHEN PO MED PAR YANG SEMS

, ,CAN THAMS CAD KYI DON MI 'GRUB PAS SNYING RJES DES GANG ZHES SMOS TE DMIGS PA MED PA'I SNYING RJES YID BZHIN GYI NOR BU LTAR MI RTOG BZHIN DU SEMS CAN GYI DON MDZAD PA'O, ,RGYUN MI 'CHAD PA NI LONGS SKU NI JI SKAD BSHAD PA'I YON TAN RNAMS DANG LDAN PA'I RGYUN NYID DU RAB TU 'JUG PAS ZHI BA PHYOGS GCIG PA DANG SRID PA LA MI GNAS PA'I MYANG 'DAS YIN PA'I PHYIR RGYUN MI 'CHAD PA YIN GYI SKABS 'GA' ZHIG TU 'JUG PA DANG LDOG PA'I MTSAN NYID BAR CHAD DANG BCAS PA NI MA YIN NO, ,'GOG PA MED PA NI LONGS SKU DE DUS CUNG ZHIG BZHUGS NAS RNAM PAR 'CHAD PA MIN GYI 'KHOR BA JI SRID BAR BZHUGS TE SNYING RJES GZHAN GYI DBANG DU GYUR PA'I PHYIR DANG SEMS CAN RGYUN MI 'CHAD PA'I PHYIR RO, ,JI SKAD BSHAD PA'I YAN LAG BDUN DANG LDAN PA NI SNGAGS KYI LAM GYIS BSGRUB PAR BYA BA'I 'BRAS BUR BDAG DAG DBANG GRAGS PA 'DOD LA DER MA ZAD TSAD MAS YONGS SU BSGOMS PA STE BLO YONGS SU DAG PAR BYAS PA'I BLO GROS CAN MKHAS PA RNAMS KYIS KYANG BSNGAGS SHING BSTOD DO, ,GAL TE RGYUN MI 'CHAD PA 'JUG PA DANG LDOG PA DANG BAR CHAD DANG BCAS PA MIN PA LA BYED NA 'GOG PA MED PA YANG DUS CUNG ZHIG GNAS NAS RNAM PAR 'JIG PA MED PA LA BSHAD PA GNYIS KHYAD MED PAS YAN LAG DRUG TU 'GYUR RO SNYAM NA, RGYUN MI 'CHAD PA TZAM NI SPRUL SKU LA YANG YOD PAS 'GOG PA MED PA NI MYA NGAN LAS MI 'DA' BAR 'KHOR BA JI SRID PAR BZHUGS PA YIN PAS KHYAD YOD DO, ,SBYOR BA BDUN PA LAS DPE MED BDE RDZOGS KYI LONGS SKU DANG BDE CHEN GYI CHOS SKU

DANG THUGS RJE'I RANG BZHIN GYI SKU GSUM RGYUN MI 'CHAD PA SNGA MA'I DON DU MDZAD LA, PHYI MA LA, DPE MED PA DE RDZOGS SKU CHEN DANG, ,BRAL BA DGAG PAR BYA BA'I PHYIR, ,SBYOR BA BDUN PA BSHAD PAR BYA, ,ZHES GSUNGS PAS 'KHOR BA JI SRID DU BZHUGS PAR BSHAD DE DON 'DRA'O, ,YAN LAG DANG PO LNGA PHAR PHYIN DANG THUN MONG MA YIN PAR 'DOD PA BKAG NAS YAN LAG DANG PO GSUM THUN MONG MIN PA DANG PHYI MA BZHI THUN MONG BAR MAN SNYE LAS BSHAD DO, ,GNYIS PA NI, GAL TE BLA MED KYI LAM GYI BSGRUB BYA YAN LAG BDUN LDAN YIN PAR KHYED 'DOD CING MKHAS PA GZHAN GYIS KYANG BSNGAGS PA BDEN MOD KYANG DE DBANG BZHI PAR 'JOG PA LA SHES BYED CI ZHIG YOD SNYAM NA, BDEN TE DE SGRUB PA NI YAN LAG BDUN LDAN LAS, DE LTAR SGRA DANG LDAN NYID PHYIR, ,YANG GI SGRA DON LDAN PHYIR DANG, ,DE BZHIN SGRA DON SKYES NYID PHYIR, ,BZHI PA DE BZHIN NYID BDAG 'DOD, ,CES SO, ,DE'I DON NI RGYUD SDE RNAMS LAS, ,DE LTAR DE BZHIN BZHI PA YANG, ,ZHES DBANG BZHI PA STON PA NA SHES RAB YE SHES DPER BLANGS NAS DES MTSON TE DBANG BZHI PA STON LA TSIG DE LA NI DE LTAR GYI SGRA DANG DE BZHIN GYI SGRA DANG YANG GI SGRA GSUM YOD PA'I DON BSHAD NA DBANG BZHI PA NI YAN LAG BDUN LDAN DU 'GRUB PAS BZHI PA NI SNGAR BSHAD PA DE BZHIN DU BDAG 'DOD KYI GZHAN DAG GI 'DOD PA NI YAN LAG GNYIS LA SOGS PA DANG BRAL BA'I PHYIR MI 'THAD DO, ,DE LA DE LTAR ZHES BYA BAS NI GSUM PA DANG BZHI PA 'DRA BAR BSTAN LA 'DRA TSUL NI SBYOR BA BDUN PA LAS, RDO RJE 'DZIN PA CHEN PO YI, ,SKU CHEN LTA PAS MI NGOMS PA'I, ,ZHAL GSUM

, ,PHYAG DRUG LTAR SNANG BA, ,MCHOG KUN LDAN PA RIG MAS 'KHYUD, ,SHES RAB YE SHES DBANG DUS SU, ,MTSAN NYID DE YI TSUL DU GNAS, ,ZHES GSUNGS PA LTAR GSUM PA'I DUS SU RANG GI LHA YAB YUM 'KHYUD NAS SNYOMS PAR ZHUGS PA'I RNAM PA CAN DU YOD PA BZHIN DU BZHI PA YANG DE LTA BU'I TSUL DU BZHUGS PAR STON TE 'DIS NI LONGS SKU DANG KHA SBYOR GYI YAN LAG GNYIS DBANG BZHI PA LA LDAN PAR BSTAN NO, ,YAN LAG BDUN LDAN GYI RANG 'GREL LAS DE LTAR GYI SGRA'I DON RDO RJE DANG PADMA REG PA LAS SKYES PA'I BDE BA GCIG PU'I NGO BO DANG LDAN PA LA BSHAD PA YANG SMAN ZHABS KYIS SNGAR BSHAD PA LTAR YAB YUM SNYOMS PAR ZHUGS PA'I RNAM PA CAN LA BYA STE SLOB DPON 'DI GNYIS 'DI DAG LA DGONGS PA GCIG PA'I PHYIR RO, ,YANG GI SGRAS NI GSUM PA LA BDE BA YOD PAR MI ZAD BZHI PA LA YANG YOD CES STON LA DE YANG SNGA MA LAS KHYAD ZHUGS PA'I BDE BA CHEN PO YIN PAS BZHI PA BDE CHEN GYI YAN LAG DANG LDAN PAR GSUNGS SO, ,KHYAD PAR NI RGYA CHE BA DANG ZAG PA MED PA DANG GYA NOM PA DANG RGYUN MI 'CHAD PA DANG 'KHOR BA JI SRID PAR GNAS PA LA SOGS PA'I KHYAD PAR RO, ,DE YANG DBANG GSUM PA LA MED DE DE NI LAS RGYA'I STOBS LAS BYUNG BA'I SKAD CIG MA TZAM ZAG PA DANG BCAS BA DANG LAS RGYA LA DRAG POS 'KHYUD PA LA SOGS PA'I SDUG BSNGAL BAS GYA NOM PA MA YIN PA DANG NOR BU TZAM LA GNAS PAS YAN LAG THAMS CAD LA MA KHYAB PAS RGYA CHE BA MA YIN PA DANG YUN THUNG NGU LAS MI GNAS PAS RGYUN MI 'CHAD PA MIN PA DANG LAS KYI PHYAG

RGYA'I KUN SBYOR MI RTAG PAS 'KHOR BA JI SRID DU GNAS PA YANG MIN LA BSGOMS PAS MNGON DU GYUR PA'I GNAS SKABS SU NI ZAG PA MED PA LA SOGS PAR 'GYUR BA YIN NO, ,SBYOR BA BDUN PA LAS KYANG, BDE BA CHEN PO YIN MIN GYI KHYAD PAR DE BZHIN DU BSHAD PA'I MTHAR, 'ON KYANG SHES RAB YE SHES LA BDE CHEN MTSAN NYID GZUGS SU GNAS, ,ZHES DANG, MI GNAS KYANG NI MI SLU'I PHYIR, ,BDE BA CHEN PO ZHES SU BSHAD, ,CES DBANG GSUM PA LA BDE CHEN MTSAN NYID DE MTSON BYED KYI TSUL DU GNAS PA DANG SHIN TU RING BAR MI GNAS KYANG DE YAN LAG DANG BCAS PA BSGOMS PAS 'BRAS BU'I BDE CHEN 'THOB PA LA MI SLU BAS BDE CHEN GYI MING GIS BTAGS PAR BSHAD DO, ,BDE BA CHEN PO'I YAN LAG NI YAN LAG RNAMS KYI GTZO BO DANG GZHAN RNAMS DE'I YAN LAG YIN TE SBYOR BA BDUN PA LAS SBYOR BA GZHAN KUN SBYOR 'DI YI, ,YAN LAG TU NI SHES PAR BYA, ,ZHES SO, ,DE BZHIN GYI SGRAS NI JI LTAR DBANG GSUM PA TING NGE 'DZIN GSUM LA MKHAS PA'I LAS KYI PHYAG RGYA DANG THABS LA SOGS PA TSOGS PA LAS SKYES PA DE BZHIN DU BZHI PA YANG DE DANG 'DRA BA'I THABS SHES KYI TSOGS PA LAS SKYE'I GZHAN DU MA YIN NO, ,NGAG DBANG GRAGS PAS YAN LAG LHAG MA DBANG BZHI PA LA LDAN TSUL GSAL BAR MA BSHAD KYANG LONGS SKU DANG KHA SBYOR DANG BDE BA CHEN POS 'KHOR BA JI SRID BAR BZHUGS PA'I YAN LAG GSUM DBANG BZHI PA LA LDAN PAR BSTAN PAS LHAG MA RNAMS DANG LDAN PA GO SLA BA LA DGONGS SO, ,SBYOR BA BDUN PA LAS YAN LAG PHYI MA GSUM LA DBANG BZHI GSUM GYI DPE DON SBYAR NAS BZHI PA LA DPE DON SBYOR BA MA MDZAD DO, ,BZHI

, ,PA DE YANG DE BZHIN NO, ,ZHES GSUNGS PA YANG MANG BAS DE DAG TU YANG DBANG GSUM PA DANG BZHI PA DPE DON DU SBYAR NAS CHOS MTHUN BRTZIS PAS YAN LAG BDUN LDAN SHES PAR BYA'O, ,MDOR NA DBANG GSUM PA DPER BYAS NAS BZHI PA NGES PAR BYED PA'I TSUL NI 'DI YIN TE, GSUM PA'I SKABS SU RANG GI LUS LONGS SKU'I RNAM PA CAN GYI LHAR SNANG ZHING DE YANG YUM DANG BRAL BA MIN PAR YAB YUM ZHAL SBYOR PHAN TSUN 'KHYUD PA'I RNAM PA CAN DU SNANG BA DANG DE'I NGANG NAS THUGS DNGOS PO'I DE KHO NA NYID LA ZHUGS PA'I LHAN SKYES KYI YE SHES LA GNAS PA CIG YOD PA DE GNYIS DPER BLANGS NAS, DON 'DI THABS KYI YAN LAG DANG BCAS PAR NYAMS SU BLANGS PAS MTHAR SANGS RGYAS KYI GZUGS SKUR MOS NAS SGOM PA TZAM MIN PAR RANG GI LUS SANGS RGYAS KYI MTSAN DPES SPRAS PA'I SKU LONGS SKU DANG KHA SBYOR GYI YAN LAG GNYIS KYI BDAG NYID DU GYUR PA DANG, THUGS KYANG DE KHO NA NYID LA GNAS PA RE 'GA' BA MIN PAR 'KHOR BA JI SRID KYI BAR DU GNAS PA'I BDE BA CHEN PO DANG RANG BZHIN MED PA'I YAN LAG GNYIS KYI BDAG NYID DU GYUR PA'I ZUNG 'JUG DE DBANG BZHI PA'O ZHES NGO SPROD PA YIN NO, ,DES NA RDZOGS RIM GYI SNOD RUNG DU SGRUB PA LA DBANG GSUM 'ONG BA'I RGYU MTSAN YANG RDZOGS RIM GYI GTZO BO LA BDAG BYIN GYIS BRLAB PA KUN RDZOB SGYU MA'I RDZOGS RIM DANG, STONG PA BZHI'I RIM GYIS DON DAM 'OD GSAL GYI RDZOGS RIM DANG, LUS SGYU MA LTA BU'I RDO RJE SEMS DPA'I SKU KUN RDZOB DANG SEMS DE KHO NA NYID LA ZHUGS PA'I DON DAM 'OD GSAL GNYIS DBYER MED DU SBYOR BA'I ZUNG

'JUG GSUM DU NGES PA'I PHYIR RO, ,RANG NYID LHA YAB YUM DU SNANG BAS THA MAL GYI NGA RGYAL BZLOG PA'I NGANG NAS NANG GI AA Hm GNYIS SNYOMS PAR ZHUGS PA LA BRTEN NAS DGA' BA DANG MCHOG DGA' SOGS BSKYED DE LHAN SKYES KYI YE SHES GOMS PAR BYED PA NI DBANG GSUM PAS GTAN LA PHAB ZIN PAS BZHI PA ZUR NAS GTAN LA 'BEBS LUGS SNGA MA 'DRA CIG MED NA GRUB ZIN SGRUB PA LAS MI 'DA'O, ,'O NA DBANG BZHI PA LAM GYI SKABS SU MI 'DOD DAM SNYAM NA SPYIR DBANG BZHI PA SKUR BA'I TSE SNGAR BZHIN NGO SPRAD NAS TSIG TZAM GYIS GO BA BSKYED PA LA DBANG DE SLOB MA LA BSKUR BA DANG SLOB MAS KYANG DBANG DE TSIG GI SGO NAS THOB PAR 'JOG STE SNOD RUNG DU SGRUB PA'I DBANG BZHI PA'O, ,DE LTAR NGO SPRAD PA'I DBANG BZHI PA NI DBANG BZHI PA'I GTZO BO LA NGO SPRAD DGOS PAS 'BRAS BU LA NGO SPRAD PA SNGAR DRANGS PA LTAR MANG POS GSUNGS KYANG LAM DUS SU MED PA MIN TE DE YANG GSANG 'DUS LTAR NA SLOB PA'I ZUNG 'JUG DANG DUS 'KHOR BA LTAR NA TING NGE 'DZIN GYI YAN LAG NAS 'ONG STE DE'I RIGS PA GZHAN LA YANG SHES PAR BYA'O, ,DBANG BZHI PA'I DON CHA MTHUN PA NI BSKYED RIM LA YANG YOD DE SNGAGS KYI BSGRUB BYA YAN LAG BDUN LDAN NI DBANG BZHI PA YIN LA DE BDUN BSKYED RIM PAS KYANG LAM DU BYA DGOS PA'I PHYIR RO, ,CHA MTHUN JI LTAR YOD PA NI SBYOR BA BDUN PA LAS, DPE MED BDE RDZOGS YI SHES SKU, ,H'Um SOGS BSKYED PA'I LHA YI GZUGS, ,BZHIS BSGRUBS SKU RU GNYIS SU GNAS, ,GNYIS SU MED PA'I SBYOR BA YANG, ,LHA MO'I LUS BSKYED BYIN BRLABS PA'O, ,CHOG DAG PAR RAB STAN PA, ,BDE BA CHEN PO'I NGO BO'O, ,THUGS RJES RGYAS PA'I NGO BO

, ,NI, ,CHO GA LHAG MAR BSTAN PA'O, ,THUN MONG STONG PA NYID BSHAD PA, ,RANG BZHIN MED PA'I SBYOR BA'O, ,LAS KYI RGYAL MCHOG GNAS SKABS SU, ,GONG GI BZHI LA GNAS MED PHYIR, ,BAR CHAD MED CING 'GOG PA MED, ,DE LTAR DPAL LDAN GSANG 'DUS SU, ,RTOG PA YI NI RNAL 'BYOR PA, ,BSKYED PA'I RIM PA LA BRTEN TE, ,BZHI PA'I DON LA SPYOD PAR 'GYUR, ,ZHES GSUNGS TE BZHIS BSGRUBS NI BSNYEN BSGRUB YAN LAG BZHIS BSGRUBS PA'O, ,CHO GA DAG PA NI RJES CHAGS SO, CHO GA LHAG MA NI DKYIL 'KHOR RGYAL MCHOG GO ,GSANG 'DUS NI MTSON PA TZAM STE BSGRUB THABS GZHAN LA YANG SHES PAR BYA'O, ,GAL TE YAN LAG BDUN LDAN BZHI PA YIN MOD KYANG DBANG SKUR DU JI LTAR RIGS SNYAM NA, CHU DBANG LA SOGS PA RNAMS DRI MA DAG PAR BYED PAS DBANG SKUR DU 'JOG PA DE BZHIN DU YAN LAG BDUN LDAN GYI BSGRUB BYAS KYANG RNAM PA THAMS CAD DU DRI MA MED PAR BYED PAS DBANG SKUR RO, ,DE LTAR YANG 'DUS PA'I PHYI MA LAS, DBANG SKUR BA NI GSUM DU DBYE, ,BUM PA'I DBANG NI DANG PO STE, ,GSANG BA'I DBANG NI GNYIS PA YIN, ,SHES RAB YE SHES GSUM PA STE, ,DE LTAR DE BZHIN BZHI PA YANG, ,RGYUD 'DI LAS NI RAB TU BSHAD, ,CES SO, ,DES DBANG GSUM DU BSHAD PA MA YIN NAM JI LTAR NA BZHI PA DBANG SKUR YIN PA'I KHUNGS SU RUNG SNYAM NA, DE LTAR DE BZHIN BZHI PA YANG, ,ZHES PA 'DI MA THOS SAM, THOS MOD SHES RAB YE SHES KYI DBANG NYID LA BZHI PA ZHES ZER RO SNYAM NA, CI BCOM LDAN 'DAS KYI BKA' MI SLU BA MA YIN NAM GANG GIS NA GSUM

PA NYID BZHI BA YIN ZHES GSUNGS, ,BKA' NI MI SLU BA YIN MOD KYANG MKHAS RLOM BLA MA'I MAN NGAG DANG BRAL BA RDO RJE'I TSIG SHES 'DOD PA RNAMS RMONGS PA BSKYED PA'I PHYIR GSUM PA KHO NA LA MING BZHI PA'I BSTAN NO SNYAM NA, RGYAL BA SNYING RJE CHEN PO DANG LDAN PA MIN NAM JI LTAR NA SEMS CAN LA RMONGS BA BSKYED PA'I DPE MKHYUD MDZAD PAR RIGS ZHES DGAG PA MDZAD DE SPYIR RGYUD NAS SBAS TE BSTAN PA'I TSIG MANG MOD KYANG DE'I DGOS PA BLA MA LA RAG LAS BAR BYA BA'I CHED YIN GYI RMONGS PA GDUL BYA'I RGYUD LA BSKYED PA'I DON DU MDZAD PA MIN PAS DGAG PA DE 'THAD DO, ,GAL TE SHES RAB YE SHES DE NYID BSGOMS PAS MNGON DU GYUR PA LA BZHI PAR 'JOG GO SNYAM NA, DE LTAR NA MNGON SUM DU BYAS MA BYAS GNYIS SO SO BA YIN PAS GSUM PA NYID BZHI PAR BZHAG PA MIN NO, ,CI STE RGYAL BA'I DGONGS PA BZHI PA GSUM PA LAS THA DAD PA YIN NA GSUM DU DBYE ZHES PA 'DI DON DANG MA 'BREL PAR 'GYUR RO ZHE NA, DBANG LA GNYIS LAS BSGOMS PAS MNGON SUM DU MA BYAS PA'I SKABS SU GSUM DANG BYAS PA'I SKABS SU GCIG YIN PAS NYES PA MED PAR BSHAD DE SNOD RUNG GI BZHI PA MNGON SUM DU MA BYAS PA'I SKABS YIN KYANG DE NI BZHI BA TSIG GI SGO NAS BSKUR BA YIN GYI DON GYI BZHI PA MIN PAS SKYON MED DO, ,KHA CIG RDO RJE'I RTZE MOR GNAS PA'I LHAN CIG SKYES DGA' DBANG BZHI PAR SLOB DPON NGAG DBANG GRAGS PA BZHED CES PA NI SLOB DPON DE'I GZHUNG MA NGES BZHIN DU SMRA BA STE YAN LAG BDUN LDAN GYI RANG 'GREL LAS, DE NI YAN LAG BDUN DANG BRAL BAS BDAG BZHI PAR MI 'DOD DO, ,ZHES GSUNGS SHING

, ,DE SKAD SMRA BA DES BDAG GI BSAM PA MI SHES PA YIN NO ZHES GSUNGS PA'I PHYIR RO, ,RGYUD SDE RNAMS SU DBANG BZHI PA STON PA NA GSUM PA BZHIN NO ZHES DE DANG 'DRA BA TZAM LAS JI LTAR DU 'DRA BA'I TSUL GSAL BAR MA GSUNGS PAS 'PHAGS PA'I YUL DU YANG 'DOD TSUL DU MA ZHIG BYUNG STE, NOR BUR GNAS PA'I BDE BA GSUM PA DANG DE LAS 'PHOS PA'I BYANG SEMS BZHI PA DANG DBANG GSUM PA'I DE MA THAG TU BYANG SEMS LCES MYANGS PA LA BZHI BA DANG GSUM PA'I DE MA THAG TU RIG MA GZHAN LA LONGS SPYAD PA LA BZHI BAR 'DOD PA SOGS 'DOD PA BCU BDUN BKOD NAS RNAM RTOG GI BZOS BRTAGS PA DE RNAMS BDAG BZHI PAR MI 'DOD DE YAN LAG BDUN DANG BRAL BA'I PHYIR RO ZHES GSUNGS SO, ,DE'I GSEB NAS SHES RAB YE SHES KYI DE MA THAG TU CHOS THAMS CAD RDZUN PAR RTOGS PA'I LTA BA LA BZHI PA DANG STONG NYID KYI NGO BO PHYAG RGYA CHEN PO GCIG PU BSGOM PA DBANG BZHI BAR 'DOD PA BYUNG STE, SHES RAB YE SHES KYI DE MA THAG TU ZHES BSHAD PAS BDE BA LA STONG PAS RGYAS BTAB PA BDE STONG DBYER MED BZHI PA YIN SNYAM PA YIN TE DE 'DRA'I RIGS MANG BAR SNANG NGO, ,BDE STONG DBYER MED DANG BDEN GNYIS DBYER MED DANG THABS SHES ZUNG 'JUG BZHI PAR BYED PA'I DBYER MED LUGS DANG ZUNG DU 'JUG LUGS MTHA' MCHOD PAR TSAD MAS MA GRUB PA'I SGRO BTAGS LA RGYUD DON DU RLOM PA RNAMS BKAG NAS DBANG BZHI PA'I DON PHYIN CI MA LOG PAR NGOS BZUNG BA'I GZHUNG YAN LAG BDUN LDAN RTZA 'GREL DANG, DE KHO NA NYID RIN PO CHE SNANG BA RTZA 'GREL DANG

SBYOR BA BDUN PA RNAMS KYIS GSAL BAR GTAN LA PHAB CING, LA BA'I NA BZA' CAN DANG DPAL 'DZIN DANG AA BHYA RJES 'BRANG DANG BCAS PAS KYANG BSHAD PA BZHIN DBANG BZHI PA GTAN LA PHAB PA YIN TE TSUL 'DI DUS 'KHOR DANG MTHUN LUGS KYANG 'CHAD PAR 'GYUR RO; ;GNYIS PA NI, DUS 'KHOR RTZA 'GREL LAS SNGAR BSHAD PA LTAR BUM DBANG SOGS BZHI LA SKUR LUGS GNYIS GSUNGS PA LAS BUM DBANG GNYIS NI BSHAD ZIN LA RGYUD NYAN PA SOGS KYI DON DU SKUR BA'I GSANG DBANG SNGA MA NI PHYAG RGYA'I BHA GA LA BLTAS PAS DGA' BA THOB PA YANG BSHAD PA MA GTOGS PA GZHAN RNAMS DANG 'DRA'O, ,RGYUD STON PA LA SOGS PA'I DON DU DBANG BSKUR BA'I GSANG DBANG PHYI MA NI BLA MAS LO BCU GNYIS MA NAS NYI SHU MA'I BAR GYI RIG MA DGU LA 'DOD PA SPYAD NAS SA BON DANG BCAS PA'I RDO RJE SLOB MA'I KHAR BCUG PA LA BRTEN NAS SKUR RO, ,DE BZHIN DU DBANG GSUM PA SNGA MA NI RIG MA GCIG DANG SBYAR BA LAS KHYAD PAR GYI DGA' BA NYAMS SU MYONG BA YIN LA PHYI MA NI RIG MA DGU GANG DANG GANG LA 'DOD PA SPYOD PAR NUS PA DE DANG DE LA 'DOD PA SPYAD PA LAS BYUNG BA'I DGA' BA'O, ,DBANG BZHI PA SNGA MA NI NOR BUR BYANG SEMS GNAS PA PHYIR MA ZAGS PA'I LHAN SKYES KYI DGA' BA STE KUN RDZOB KYI DBANG BZHI PA'O, ,'DI SNGAGS GZHAN RNAMS KYI DKYIL CHOG NAS DBANG GSUM PAR BSHAD LA DE THOB KYANG DBANG BZHI PA MA THOB PAS RGYUD SDE RDZOGS PAR NYAN PA LA MI DBANG LA, DUS 'KHOR GYI SKOR NAS 'DI THOB NA RGYUD RDZOGS PAR NYAN DU RUNG YANG DBANG GONG MA'I GONG MA BZHI MA THOB NA RGYUD RDZOGS PAR STON PA POR MI RUNG BAR BSHAD DO, ,RGYUD RDZOGS PAR STON PA LA BUM DBANG DANG

, ,GSANG DBANG DANG SHES RAB YE SHES GNYIS PA THOB DGOS PA RGYUD GZHAN RNAMS KYI CHO GA NAS MA BSHAD LA DBANG BZHI PA PHYI MA THOB DGOS PAR NI 'DRA'O, ,DE LA GZHAN RNAMS SLA LA DON DAM GYI 'AM 'JIG RTEN LAS 'DAS PA'I DBANG BZHI PA ZHES PA DE DKA' BAS BSHAD PAR BYA'O, ,DE YANG 'GREL CHEN LAS, RGOD PA DANG LTA BA DANG LAG PA BCINGS ? PA DANG GNYIS GNYIS SBYOR BA ZHES PA DBANG RNAM PA BZHI NI DE KHO NA NYID DU MI 'GYUR RO, ,'DIR DE KHO NA NYID NI GNYIS GNYIS 'KHYUD PA MED PA STE LAS KYI PHYAG RGYA'I RGYU LAS SKYES PA NI RNAM PAR DPYAD NA GNYIS SU MED PA'I YE SHES SU MI 'GYUR RO, ,ZHES DE KHO NA NYID DAM DON DAM PA'I DBANG BZHI PA NI GNYIS SU MED PA'I YE SHES SU GSUNGS LA GNYIS SU MED RGYU'I GNYIS NI STONG PA DANG BDE BA LA LAN GCIG MA YIN PAR GSUNGS SO, ,RGYUD LAS, DE LAS MYA NGAN 'DAS PA'I BDE BA 'PHO MED LHAN CIG SKYES PA 'GYUR MED NYID NI BZHI PA STE, ZHES MI 'GYUR BA'I BDE BA LA BZHI PAR BSHAD PAS BDE BA GANG BYUNG BYUNG GIS MI CHOG GI TING NGE 'DZIN GYI YAN LAG YAN CHAD KYI BDE BA DGOS SO, , DES NA BDE BA DE DANG DBYER MED PA'I STONG PA YANG STONG GZUGS GANG BYUNG GIS MI CHOG GI TING NGE 'DZIN GYI YAN LAG YAN CHAD KYI STONG GZUGS DGOS SO, ,DBANG BZHI PA'I BDE BA DE LA MCHOG DMAN GNYIS LAS MCHOG NI 'GREL CHEN LAS, PHYAG RGYA CHEN PO SHES RAB KYI PHA ROL TU PHYIN PA MI 'GYUR BA'I BDE BA CHEN PO'I SKAD CIG MA RNAMS KYI MTHA' MA MNGON PAR RDZOGS PAR BYANG CHUB PA'I MTSAN NYID MI CHOD PA STE, DE BCOM LDAN 'DAS GANG GIS BYANG CHUB KYI SHING DRUNG DU THOB PA DE NI DBANG MCHOG THOB PA'O, ,ZHES

'BRAS DUS KYI BZHI PA RNYED ? DBANG BZHI PA'I MCHOG GAM GTZO BAR GSUNGS SO, ,'O NA 'BRAS DUS KYI BDE STONG GNYIS SU MED PA'I DBANG BZHI PA DE GNYIS SU MED TSUL JI LTAR YIN ZHE NA, RGYUD LAS, LUS NI DANG ZHING RDUL PHRAN NYAMS PA NAM MKHA' DANG MTSUNGS MA CHEN LA SOGS PA RNAMS KYIS RAB RDZOGS 'GYUR, ,SNA TSOGS 'JIG RTEN GSUM PO NYID NI DANG ZHING SGRIB PA RNAM PAR BRAL BA RMI LAM BZHIN DU SNANG, ,SKAD NI KUN NAS CHAD PA MED CING DU MA'I SKAD GZHAN DAG GIS GZHAN GYI SNYING LA 'JUG PA STE, ,SEMS NI DAM PA'I BDE BAS GANG ZHING MI GA-YO THAMS CAD DUS SU LHAN CIG SKYES PAS 'KHYUD PA'O, ,ZHES 'BRAS DUS KYI SKU GSUNG THUGS NGOS BZUNG BA NA RDUL PHRA RAB KYI TSOGS PA DANG BRAL BA'I STONG GZUGS DANG ZHING THOGS PA MED PAS NAM MKHA' DANG MTSUNGS SHING MTSAN DANG DPE BYAD KYIS BRGYAN PA SKUR BSHAD NAS MI 'GYUR BA'I BDE BA THUGS SU GSUNGS PAS, LUS STONG GZUGS KYI NGO BO'I YE SHES KYI SKU DANG THUGS DNGOS PO'I DE KHO NA NYID LA ZHUGS PA'I BDE BA GNYIS NGO BO DBYER MED DU ZUNG DU TSUD PA NI GNYIS SU MED PAR SONG BA'O, ,DES NA LAM GYI SKABS KYI DU PA LA SOGS PA'I STANG GZUGS RNAMS KYANG GONG NAS GONG DU GNAS GYUR NAS MTSAN DPES SPRAS PA'I RNAM PA THAMS CAD PA'I SKUR 'GYUR BAR GSUNGS TE RGYUD LAS, SA NI TSUL RAB TU 'JUG CING CHU YANG 'BAR BYED LA STE GTZANG BAR BYED PA RLUNG LA'O, , RLUNG NI STONG PA LA STE STONG PA NGES PAR MTSAN MA RNAM PA BCU RU 'GYUR ZHING MTSAN MA NI, ,RNAM PA THAMS CAD PA ? RU 'GYUR TE MI ZAD MCHOG GI BDE BA GZHOM DU MED PA YE SHES SKU, ,YE SHES LAS NI DNGOS GRUB TU 'GYUR MI BDAG SKYES BU RNAMS KYI SKYE PA 'DI NYID LA'O, ,

, ,ZHES SO, ,'DI PA'I LUGS KYI BDE STONG GI STONG PA NI PHAL CHER STONG GZUGS LA BSHAD PA MANG LA DE'I PHYIR DE LA DMIGS PA DANG BCAS PA ZHES GSUNGS TE KHA DOG DANG DBYIBS KYI RNAM PAR SNANG BA'I PHYIR RO, ,MI 'GYUR BA'I BDE BA NI DNGOS PO'I DE KHO NA NYID RTOGS PA'I BLO STE DE'I PHYIR DE LA DMIGS PA MED PA ZHES MANG DU GSUNGS SO, ,DES NA BDE BA LA LTA BAS RGYAS BTAB PA SOGS LA BDE STONG DBYER MED DU MI GZUNG STE GZHUNG GZHAN LAS BSHAD PA'I BDE STONG DANG CUNG MI 'DRA'O, ,'DI YANG 'GREL CHEN LAS, RNAM PAR BCAS KYANG RNAM MED BCOM LDAN SHES RAB MA STE DE YIS 'KHYUD, ,SKYE 'JIG SPANGS PA'I 'GYUR MED BDE BA DANG LDAN RGOD PA LA SOGS BDE BA SPANGS, ,SANGS RGYAS RNAMS KYI SKYED MDZAD SKU GSUM DAG DANG LDAN ZHING DUS GSUM YANG DAG RIG ,KUN MKHYEN MCHOG GI DANG PO'I SANGS RGYAS BCOM LDAN GNYIS MED DE NYID LA PHYAG 'TSAL, ,ZHES GSUNGS PA LTAR STONG GZUGS KYI RIG MAS 'KHYUD PA'I RNAM PA CAN DU BZHUGS PAS KHA SBYOR DANG BDE CHEN DANG RANG BZHIN MED PA SOGS KYI YAN LAG RNAMS TSANG BA YIN LA LONGS SKU'I THA SNYAD BYED MI BYED GANG YIN YANG DE'I DON YANG TSANG BAS 'BRAS BU'I DBANG BZHI PA YAN LAG BDUN LDAN DU 'ONG BA GZHAN RNAMS DANG 'DRA'O, ,LAM DUS KYI DBANG BZHI PA YANG RJES DRAN NAS MA BRTAGS PA'I STONG GZUGS KYI 'DOD LHA YAB YUM GYI RNAM PA CAN DU 'CHAR BA YOD PAS TING NGE 'DZIN GYI SKABS SU YANG YOD LA SKABS DE DAG NAS STONG GZUGS KYI PHYAG RGYA CHEN MOS MI 'GYUR BA'I BDE BA BSGRUB PAR GSUNGS PA NI STONG GZUGS GANG YIN GYIS MI CHOG GI STONG GZUGS SNA TSOGS YUM LTA

BU'I RIG MAR SHAR BA DGOS SO, ,DE'I SKABS SU LUS DNGOS PO LA STONG GZUGS KYI LHA SKUR SONG BA MED KYANG YID DON MA BRTAGS BZHIN DU DE LTAR 'CHAR BAS DE 'DRA BA'I STONG GZUGS DANG MI 'GYUR BA'I BDE BA GNYIS SHES PA GCIG GI NGO BOR DBYER MED PA LA DBANG BZHI PA ZHES BYA'I BDE BA GCIG PU LA 'DZIN PA 'AM STONG PAS RGYAS BTAB PA SOGS LA DBANG BZHI PAR MI GZUNG STE, LHAN SKYES 'GYUR MED NYID NI BZHI PA STE ZHES PA'I 'GREL CHEN LAS KYANG, LAS KYI PHYAG RGYA DANG YE SHES KYI PHYAG RGYA'I RGYU DANG BRAL BA STONG PA NYID RNAM PA THAMS CAD PA RAB TU GSAL BA'I MTSAN NYID DO, ,ZHES SOGS KYIS STONG GZUGS DANG TSOGS PA LAN DU MAR GSUNGS PA'I PHYIR RO, ,LUS STONG GZUGS KYI LHAR MA BRTAGS PAR SNANG BA DANG SEMS MI 'GYUR BA'I BDE BA'I NGO BOR SKYES PA GNYIS TING NGE 'DZIN GYI YAN LAG THOB PA NAS 'ONG BAS LAM DUS KYI DBANG BZHI PA DE NAS 'JIG PA'I RGYU MTSAN YANG DE BZHIN DU SHES PAR GYIS SHIG ,DE DAG GI GNAD RNAMS DMIGS PHYED PAR BRDA SPRAD PAS DBANG BZHI PA THOB PA YIN GYI MI 'GYUR BA'I BDE BA TZAM MAm DE LA LTA BAS RGYAS BTAB PA TZAM LA DBANG BZHI PAR NGO SPRAD PAS NI RGYUD 'GREL GYI GNAD ZIN PAR MA MTHONG NGO, ,DE LTAR NA DON DAM GYI DBANG BZHI PA LA NI GSUM PA DPER BLANGS NAS BYED MI BYED GANG YIN KYANG LUS SEMS ZUNG DU 'JUG PA'I SPYI'I RIGS LA 'DI PA DANG RGYUD GZHAN RNAMS 'DRA ZHING 'ON KYANG DBANG BZHI PA LA SGOS KYI BSHAD PA DUS 'KHOR GYI SKOR MANG NGO, ,DE LTAR SNGAR BSHAD PA LTAR GYI BRDA LEGS PAR BLA MAS SLOB MA LA 'BYOR NA DE'I GO BA RNYED PA TZAM GYIS DBANG BZHI PA TSIG GI SGO NAS THOB PA

, ,YIN LA DE YANG DON DAM BYANG CHUB SEMS KYI DKYIL 'KHOR DU 'THOB BO, ,SGO GSUM GYI DRI MA PHRA MO SBYONG BA DANG RDO RJE GSUM DBYER MI PHYED PA'I SKU 'GRUB PA'I SKAL BA CAN DU BYED CING ZUNG 'JUG GI RDZOGS RIM SGOM PA LA DBANG BAR BYED DO, ,DBANG RNAMS LA DAG PA BRJOD DGOS PAR D'A RI KA PAS BSHAD LA 'DI'I DAM TSIG NI, KHYOD KYIS SROG CHAGS GSAD PAR BYA, ,GZHAN GYI BUD MED RNAMS SPYAD NAS, ,MA BYIN PAR YANG KHYOD KYIS LONG, ,THAMS CAD LA YANG RDZUN TSIG SMROS, ,ZHES D'A RI KA PAS GSUNGS SO, ,SDOM NI, GSOL BA BTAB PA'I SLOB MA LA, ,SHES RAB YE SHES DPER BYAS NAS, ,YAN LAG BDUN LDAN 'BRAS BU'I DBANG, ,NGES PAR BYAS NAS DAG PA SBYIN ZHES PA'O, ,GSUM PA LA GNYIS, BRTUL ZHUGS DANG LUNG BSTAN DANG, RJES GNANG DANG DBUGS DBYUNG BA'O, ,DANG PO NI, 'DIR BRTUL ZHUGS GSUM SBYIN PAR BYA BA'I RIG MA'I BRTUL ZHUGS SBYIN PA NI, DBANG BZHI PA'I RJES DE NAS SHES RAB MA DE'I LAG PA SLOB MA'I LAG PAR BZHAG LA DE GNYIS RANG GI LAG PA GA-YON PAS BZUNG STE RDO RJE DANG BCAS PA'I LAG PA GA-YAS PA SLOB MA'I MGO BOR BZHAG NAS, 'DIR NI KHYED RNAMS DBANG PO YIN, ,BDAG GIS 'DI LA 'DI GTAD DO, ,ZHES DE BZHIN GSHEGS PA RNAMS DBANG DU BTZUGS TE, THABS GZHAN GYIS NI SANGS RGYAS MIN, ,'GRO GSUM 'DI YANG DAG PA YIN, ,DE PHYIR 'DI DANG BRAL BAR NI, ,KHYOD KYIS NAM YANG MA BYED CIG ,'DI DE SANGS RGYAS THAMS CAD KYI, ,RIG MA'I BRTUL ZHUGS BLA NA MED, ,RMONGS PA GANG GIS 'DA' BYED PA, ,DE LA MCHOG GIS DNGOS GRUB MED, ,CES BRJOD

NAS RIG MA'I BRTUL ZHUGS SBYIN PAR BYA'O, ,'GRO GSUM ZHES PA MA GTOGS PA 'DUS PA PHYI MA NA BZHUGS TE CUNG ZAD TZAM MI 'DRA'O, ,'DI RNAMS 'DUS PA PHYI MAR DBANG GSUM PA'I RIG MA SLOB MA LA GTOD PA'I SKABS SU GSUNGS PA BZHIN RGYA GZHUNG MANG POR YANG MDZAD LA SLOB DPON 'DIS RIG MA'I BRTUL ZHUGS SBYIN PA'I CHO GAR MDZAD DO, ,MTSAN NYID LDAN PA'I RIG MA DOR BA'I THABS GZHAN GYIS MYUR DU 'TSANG MI RGYA ZHING D'A RI KA PAS, 'GRO BA GSUM NI DAG BYED PAS, ,ZHES 'BYUNG BA LTAR 'GRO BA GSUM YANG 'DIS DAG PAR BYED PA DE'I PHYIR RIG MA 'DI DANG BRAL BAR KHYOD KYIS NAM YANG MA BYED CIG ,RIG MA MTSAN NYID TSANG BA LAS BDE BA CHEN PO'I TING NGE 'DZIN SGRUB PA 'DI DE SANGS RGYAS THAMS CAD KYI RIG MA'I BRTUL ZHUGS BLA NA MED PA'O, ,DE 'DRA BA'I 'DOD YON LAM BYED LA RMONGS PA GANG GIS 'DA' BAR BYED PA DE LA TSE 'DIR MCHOG GI DNGOS GRUB 'GRUB PA MED DE DE NI NYE RGYU YIN PA'I PHYIR RO, ,RDO RJE'I BRTUL ZHUGS NI, DE NAS SLOB MA RDO RJE SEMS DPA'I GZUGS SU BSKYED LA, 'DI DE SANGS RGYAS THAMS CAD NYID, ,RDO RJE SEMS DPA'I PHYAG NA GNAS, ,PHYAG NA RDO RJE'I BRTUL ZHUGS BRTAN, ,KHYOD KYIS KYANG NI RTAG TU ZUNGS, ,ZHES BRJOD LA RDO RJE 'DZIN DU GZHUG GO ,SLOB MAS NI AOm SARBA TA TH'A GA TA SIDDHI BADZRA SA MA YA TIshTHA AE shA STVAm DHA RA Y'A MI BADZRA SATVA H'I: HI HI HI HI H'Um ZHES BRJOD CING GZUNG BAR BYA'O, ,TSIGS BCAD DANG SNGAGS DE GNYIS NI DE NYID BSDUS PA'I DUM BU DANG PO DANG GUR GYI LE'U BZHI PA LAS GSUNGS SO, ,'DI ZHES PA NI RANG GI LAG NA GNAS PA'O, ,DE ZHES PA NI BYANG CHUB SEMS GANG DE RDO RJE, ,ZHES

, ,GSUNGS PA'I RDO RJE'O, ,DE CI ZHIG YIN ZHE NA RDO RJE 'DI NI SANGS RGYAS LNGA PO THAMS CAD KYI RANG BZHIN NO, ,GANG GI PHYIR SANGS RGYAS THAMS CAD KYI RANG BZHIN GYI RDO RJE 'DI RDOR SEMS KYI LAG NA 'DUG PA YIN LA DE BAS NA DE THOB PAR BYA BA'I PHYIR KHYOD KYIS KYANG RTAG TU BCANG BAR BYA'O, ,'DI GANG GI BRTUL ZHUGS YIN SNYAM NA PHYAG NA RDO RJE'I BRTUL ZHUGS TE DE YANG GZHAN GYIS MI PHYED PAS NA BRTAN PA'O, ,BRTUL ZHUGS KYI DON NI DE BZHIN GSHEGS PA THAMS CAD KYI DNGOS GRUB KYI DON DU NGES PAR BYA BA STE RDO RJE YONGS SU MI 'DOR BA'O ZHES DE NYID SNANG BA LAS BSHAD DO, ,RDO RJE'I DBANG NI 'OD DPAG MED DU BSKYED PA ZHU BA LAS BYUNG BA'I RDO RJE SLOB MA 'OD DPAG MED DU BSKYED PA LA LAG TU GTAD NAS SO SOR RTOG PA'I YE SHES DANG 'OD DPAG MED KYI NUS PA DGOD PA YIN ZHING, RDO RJE'I DAM TSIG NI H'Um LAS BYUNG BA'I RDO RJE DE'I DE KHO NA NYID DRAN DU BCUG NAS SLOB MA RDOR SEMS SU BSKYED PA LA 'DZIN DU 'JUG PA DANG, RDO RJE'I BRTUL ZHUGS NI SLOB MA RDOR SEMS SU BSKYED PA LA RDOR SEMS THOB PA'I THABS SU YE SHES LNGA'I RDO RJE DE MA BRAL BAR CHONGS SHIG CES GO BAR BYED PAS KHYAD PAR DE BZHIN DU SHES PAR BYA'O, ,SLOB MAS 'DZIN PA'I DUS SU BRJOD PA'I SNGAGS DON NI DE BZHIN GSHEGS PA THAMS CAD KYI GRUB PA'I RDO RJE DAM TSIG 'DI BDAG LA BZHUGS SHIG RDO RJE SEMS DPA' GZUNG BAR BGYI'O, ,ZHES PA STE LHA'I RIGS KYI BLO GROS KYIS, HI LNGAS NI ME LONG LTA BU'I YE SHES LA SOGS PA YE SHES LNGA DANG H'Um GIS CHOS KYI DBYINGS RNAM PAR DAG PA STON PAR

BSHAD DO, ,SPYOD PA'I BRTUL ZHUGS KYI CHO GA NI, ,SANGS RGYAS THOD PA DANG BDE MCHOG DANG KYEE RDOR LA SOGS PA GANG YANG RUNG BA'I SNYING PO'I SNGAGS KYIS KHA tV'Am GA DANG CANG TE'U DANG PADMA'I SNOD RNAMS LA LAN GSUM BZLAS LA, RDO RJE SEMS DPA'I PHYAG RGYA 'DI, ,PHYI DANG NANG NA YANG DAG GNAS, ,DES NA KHA tV'Am CANG TE'U SNOD, ,BYIN PA DPA' BOS GZUNG BAR GYIS, ,ZHES BRJOD CING 'DZIN DU GZHUG GO ,SNOD NI THOD PA'O, ,TSUL DE LTAR STER BA NI DRIL BU ZHABS KYI DBANG CHOG LAS BSHAD DE, ,RDOR SEMS KYI PHYAG RGYA THOD PA SOGS 'DI RNAMS LA PHYI NANG GNYIS KYI PHYAG RGYA YOD PAS DE DRAN BYED DU BCANG DGOS PA DES NA ZHES SBYAR RO, ,GSUM PO DE LAS GZHAN SPYOD PA'I YAN LAG TU RGYUD GZHAN LAS GSUNGS PA YANG SKABS KYI DKYIL 'KHOR GYI GTZO BO'I SNYING POS BSNGAGS LA SNGAR LTAR 'DZIN DU GZHUG GO ,DE LTAR YANG 'DUS PA'I LE'U BCU DRUG PA LAS, GZUGS NI THOR TSUGS DBU RGYAN 'CHANG, ,CHEN PO KHA DOG DKAR PO 'DRA, ,CHO GA BZHIN DU THAMS CAD BYA, ,SNGAGS KYI SDOM PAS KUN TU BSDAMS, ,SDONG BU RTZA BA 'BRAS BU RNAMS, ,GZA' DANG BCA' BA THAMS CAD SPYOD, ,CES BYA BA LA SOGS PAS RIG PA'I BRTUL ZHUGS BLANGS PAS SPYOD PA'I BRTUL ZHUGS BYA BAR GSUNGS SO, ,TSIG DE'I RKANG PA BZHI BA DANG LNGA PA'I BAR DU SKU GSUNG THUGS RDO RJE'I RNAL 'BYOR PAS RANG RANG GI RIG MA DANG LHAN CIG TU SPYOD PA BYA BAR GSUNGS TE DE LA DGONGS SO, ,GANG YANG SKYES PA 'AM BUD MED SPYOD PA'I BRTUL ZHUGS ZHU NA BUD MED NI RDO RJE PHAG MO'AM BDAG MED MA 'AM ME TOG PHOG PA'I RIGS KYI LHA MO'I GZUGS SU BSKYED, SKYES

, ,PA NI BDE DGYES LA SOGS PAR BSKYED NAS SNYING KHA'I SA BON GYI 'OD ZER GYIS BKUG PA'I YE SHES PA GZHUG LA, BRTAG GNYIS LAS, 'KHOR LO'I GZUGS KYIS MI BSKYOD PA, ,RNA CHA'I BDAG NYID 'OD DPAG MED, ,MGUL GYI PHRENG BA RIN CHEN DBANG, ,LAG PA RNAM PAR SNANG MDZAD DRAN, ,SKA RAGS LA NI DON YOD GNAS, ,ZHES GSUNGS PA'I PHYIR 'KHOR LO DANG RNA CHA DANG MGUL RGYAN DANG GDU BU DANG SKA RAGS RNAMS RIM PA BZHIN DU MI BSKYOD PA DANG 'OD DPAG MED DANG RIN CHEN 'BYUNG LDAN DANG RNAM SNANG DANG DON YOD GRUB PA'I GZUGS SU SKAD CIG GIS BSAMS LA, DER YE SHES SEMS DPA' DE LTAR SPYAN DRANGS PA BCUG STE MI BSKYOD PA LA SOGS PA YONGS SU GYUR PA LA 'KHOR LO LA SOGS PA'I PHYAG RGYA RNAMS MI BSKYOD PA LA SOGS PA'I RANG BZHIN NYID DO ZHES MOS PAS, AOm DHA RA DHA RA DH'A RA YA DH'A RA YA MAR DA MAR DA BADZRA DHRi KA PHAt SV'A H'A, ZHES BYA BA'I SNGAGS LAN GSUM BZLAS PA'I 'KHOR LO DE'I MGO BOR RDO RJE SEMS DPA' ZHES BYA BA'I TSIGS BCAD BRJOD CING BZHAG PAR BYA'O, ,AOm BADZRA DHARMA'A: SA MA YA STVAm H'U LU H'U LU AA RO LiKA PHAt SV'AH'A ZHES LAN GSUM BZLAS PA'I RNA RGYAN GNYIS RNA BA DAG LA'O, ,AOm BADZRA S'UR+YA TA MO BI DHA MA NA SA MA YA STVAm AA HAm RAD NA DHRiKA PHAt SV'AH'A ZHES LAN GSUM BRJOD PA'I MGUL RGYAN MGUL PAR RO, ,AOm SH'A SHVA TA PA RA MA SH'A SHVA TA AE HYE HI DZI NA DZI KA H'Um PHAt SV'AH'A ZHES LAN GSUM BZLAS PA'I LAG RGYAN GNYIS GDU BU BZHIN LAG PA DAG LA'O, ,AOm PHU: PHU: HI HI HI PRADZNY'A DHRi KA PHAt SV'A H'A ZHES LAN GSUM BRJOD

PA'I SKA RAGS RKOD ? PA LA'O, ,BUD MED KYI PHYOGS LA TSIGS SU BCAD PA LA DPA' BO ZHES PA PHYUNG LA LHA MO ZHES PA GZHUG PAR BYA'O, ,YANG DAG GNAS ZHES BYA BA'I RJES LA RIM PA BZHIN 'KHOR LO NI BSKYOD PA'I GZUGS ZHES DANG RNA RGYAN GNYIS NI GSUNG RDO RJE ZHES DANG MGUL BA'I PHRENG BA RIN CHEN 'BYUNG ZHES DANG LAG GDUB RTAG PA'I BDAG NYID DO ZHES DANG, SKA RAGS DON YOD GRUB PA NI ZHES BCUG NAS RDO RJE SEMS DPA' ZHES BYA BA LA SOGS PA GDON PAR BYA'O, ,SNGAGS LNGA NI GUR GYI DGU PA LAS 'BYUNG STE RGYUD GZHAN LAS GSUNGS PA'I SPYOD PA'I YAN LAG KYANG 'DZIN DU GZHUG CES PA'I DON NO, ,DE NAS SKYES PA DANG BUD MED LTA STANGS LA SOGS PA'I NUS PA THOB PAS GZHAN DON DU DPA' BO'I SPYOD PA'I BRTUL ZHUGS LEN PA LA BDE MCHOG GI SGO NAS MGO PHRENG DANG STAG LPAGS LA SOGS PA'I BRTUL ZHUGS KHYAD PAR BA SBYIN PAR GSUNGS PA NI DE NYID KYI SGOS CHOS SU SNANG BAS SPYI 'GRO'I SKABS SU RE SHIG MA BRJOD DO, ,LUNG BSTAN PA NI, DE NAS SLOB DPON DE BZHIN GSHEGS PA'I SPYOD PA'I TSUL DU BYAS NAS CHOS GOS KYI GRVA DANG BCAS PA'I KHU TSUR GA-YON PA SNYING KHAR BZUNG ZHING GA-YAS PA MI 'JIGS PA SBYIN PA'I PHYAG RGYAS, SRID PA'I NGAN 'GRO LAS BTON NAS, ,SRID PA SHIN TU ZHI BYA'I PHYIR, ,RDO RJE SEMS DPA' DE BZHIN GSHEGS, ,BDAG GIS KHYOD NI LUNG BSTAN BGYI, ,KYEE CHE GE MO RDO RJE TA TH'A GA TA SIDDHI SA MA YA STVAm BH'U RA BH'U WA: SVA: ZHES PA'I SNGAGS BRJOD CING ME TOG LHUNG BA'I LHA DANG MTHUN PA'I DE BZHIN GSHEGS PA'I GZUGS SU BSGOMS

, ,PA'I SLOB MA LUNG BSTAN PAR BYA'O ZHES 'DI DANG LVA BA PAS GSUNGS PAS SKABS 'DIR SLOB MA ME TOG PHOG PA'I LHAR BSKYED LA BYA'O, ,D'A RI KA PAS MI 'JIGS PA DANG MCHOG SBYIN GNYIS GDAM NGA CAN DU MDZAD DO, SA RA HAS, DE TSE HE RU KA DPAL DANG, ,MKHA' 'GRO MA DANG BLA MAR BCAS, ,MGRIN GCIG LUNG STON BSAM PAR BYA, ,ZHES GSUNGS PA LTAR GNYIS KAS BSGOM DGOS LA 'DI LTAR LUNG STON PA NI PHYAG RGYA 'DI DANG SNGAGS RNAMS KYI MTHU YIN NO ZHES DAD PAR BYA BAR DPAL MCHOG 'GREL CHEN LAS GSUNGS SO, ,TSIGS BCAD DANG SNGAGS DE GNYIS NI GUR DANG DPAL MCHOG LAS GSUNGS SO, ,RIG MA DANG RDO RJE DANG SPYOD PA'I BRTUL ZHUGS DANG LUNG BSTAN PA RNAMS RGYUD DANG DKYIL CHOG KHA CIG TU DBANG BSKUR BA'I THA SNYAD DU BYAS SO, ,GNYIS PA NI, 'DIR RJES GNANG BYED PA NI KHA SBYOR LAS, BZHI PA DE NI DE BZHIN YANG, ,ZHES PA'I RJES LA, BYANG CHUB SEMS KYI DBANG GIS NI, ,SLOB MA SDIG DANG BRAL BA LA, ,DE NAS RJES SU GNANG BA SBYIN, ,ZHES GSUNGS PA'I RJES SU 'BRANGS PA'O, ,DE LA GNYIS LAS SPYI'I RJES GNANG NI, CHOS KYI 'KHOR LO BHR'Um LAS BSKYED PA SLOB MA'I MDUN NAM STAN DU BYIN TE AOm BADZRA HE TU MAm ZHES BRJOD DO, ,BADZRA HE TU NI RDO RJE RGYU STE 'DIS CHOS KYI 'KHOR LO SKOR DU 'JUG PAR YO GA LAS BSHAD PA'I DBANG DU BYAS PA'O, ,AA: LAS SKYES PA'I DUNG AOm BADZRA BH'A shA RAm ZHES BRJOD DE LAG PA GA-YAS SU BYIN TE SNGAGS DON NI RDO RJE SMRA BA BYA BA YIN PAS

'DIS CHOS SMRA BAR BYED PAR YO GA LAS BSHAD PA'I DBANG DU BYAS PA'O, ,DBYANGS DANG PO LAS SKYES PA'I PO TI DANG DBYANGS THA MA LAS SKYES PA'I DRIL BU YI GE DE GNYIS BRJOD NAS LAG BA GA-YON DU BYIN LA DRIL BU DKROL DU GZHUG CING, THAMS CAD NAM MKHA'I MTSAN NYID DE, ,NAM MKHA' YANG NI MTSAN NYID MED, ,NAM MKHA' MNYAM PA NYID SBYOR BAS, ,THAMS CAD MCHOG NI MNYAM NYID GSAL, ,DENG NAS BRTZAMS TE SEMS BSKYED PA, ,TZAM GYIS CHOS DUNG BLA MED PA, ,KUN NAS YONGS SU BKANG NAS NI, ,CHOS KYI 'KHOR LO BSKOR BAR GYIS, ,ZHES BRJOD PAR BYA'O, ,JI LTAR NAM MKHA' THOGS PA'I RDZAS THAMS CAD BKAG PA TZAM YIN PAS DNGOS PO'I RANG BZHIN MED PA DE BZHIN DU DNGOS PO THAMS CAD LA YANG RANG BZHIN MED DE DON DAM PAR GDOD MA NAS MI SKYES PA'I PHYIR RO, ,NAM MKHA' DANG MNYAM PA'AM 'DRA BA NI DE BZHIN NYID YIN LA DE'I SBYOR BA NI RNAL 'BYOR PA'I SEMS DANG SEMS BYUNG RNAMS DE BZHIN NYID DANG RO GCIG TU GYUR PA'O, ,DES NA RNAL 'BYOR PA'I YE SHES DES KUN MCHOG MNYAM PA NYID KYI DE BZHIN NYID DE GSAL BA STE KHYAB PA'O ZHES DPAL MCHOG 'GREL TSON LAS BSHAD LA, PHRENG BA LAS CHOS THAMS CAD KYI MCHOG STE SGRIB PA DANG BRAL BAS NA RANG BZHIN MED PA'O, , GSAL BA NI BSGOMS BAS MNGON SUM DU BYAS PA STE KHYOD KYIS KYANG DE BZHIN GYIS SHIG CES PA'O, ,DE LTAR DE LA MOS PAS CHOS 'KHOR SKOR CIG CES DRIL BUS MTSON PAR BYED DO ZHES BSHAD DE DRIL BU'I SGRAS CHOS PHUNG SGROG PA MTSON PA'O,

, ,GLEGS BAM STER BA NI SGYU DRA LAS SO, ,RNAM SNANG MNGON BYANG LAS KYANG, DE NAS RKANG PA'I BAR 'OG TU, ,CHOS KYI 'KHOR LO GZHAG PAR BYA, ,DE NAS LAG PA GA-YAS BAR YANG, ,SHIN TU BZANG PO'I DUNG BYIN TE, , CHOS KYI DUNG NI BLA MED PA, ,KUN TU RGYAS BAR BUS NAS SU, ,DE RING PHYIN CAD 'JIG RTEN LA, ,SKYOB PA RNAMS KYI 'KHOR LO SKOR, ,SOM NYI YID GNYIS MI BYA ZHING, ,DOGS PA MED PA'I SEMS KYIS KHYOD, ,GSANG SNGAGS SPYAD PA'I TSUL GYI MCHOG ,'JIG RTEN 'DI LA RAB TU SHOD, ,DE LTAR BYAS NA SANGS RGYAS LA, ,PHAN 'DOGS BYAS PA GZO ZHES BYA, ,RDO RJE 'DZIN PA DE KUN YANG, ,KHYOD LA RNAM PA KUN TU SRUNG, ,ZHES ME LONG BSTAN PA'I RJES SU GSUNGS SO, ,DE NAS RIGS SO SO'I RJES GNANG LHAG BAR SBYIN PA NI, SLOB MA RNAM SNANG LA SOGS PA'I GZUGS SU BSGOMS NAS, SEMS CAN KUN LA PHAN DON DU, ,'JIG RTEN KUN TU THAMS CAD NAS, ,SNA TSOGS JI LTAR 'DUL BA YI, ,CHOS KYI 'KHOR LO SKOR BAR GYIS, ,SHES RAB THABS KYI RANG BZHIN BDAG ,YID BZHIN NOR BU LTAR MTHO BAS, ,SKYO MED DOGS DANG BRAL BA YIS, ,DE LTAR SEMS CAN DON GYIS SHIG ,CES PA'I CHOS KYI TSAB MAR RDO RJE DANG RIN PO CHE DANG PADMA DANG LAS KYI SGRA BCUG PA'I TSIGS BCAD LNGAS RIG LNGA LAS BRTZAMS PA'I DKYIL 'KHOR BRI BSHAD BYED PA'I RJES GNANG SBYIN NO, ,TSIGS BCAD LNGA PO DE DE NYID BSDUS PA LAS GSUNGS SO, ,RKANG PA GSUM PA LA LVA BA PA'I DKYIL CHOG LAS, JI LTAR

GDUL BYA SNA TSOGS LA, ,ZHES BSGYUR BA LTAR BDE'O, ,DE NAS SLOB MAS PHYAG BYAS LA, GTZO BOS JI LTAR BKA' BSGO BA, ,DE BZHIN DU NI BDAG GIS BGYI, ,ZHES BRJOD DO, ,DE NAS DBUGS DBYUNG BA'I CHO GA NI, DE NAS, SPYI BO RU NI GDUGS BZUNG NAS, ,SKOR BA BYED DU BCUG NAS NI, ,DKYIL 'KHOR SGOR NI THAL SBYOR BA, ,GDUGS BCAS DBAB CING 'DI BRJOD BYA, ,RGYUD RNAMS 'DZIN PAR 'GYUR PA YIN, ,SLOB MA 'DI NI PHUL BA LAGS, ,ZHES PAS DKYIL 'KHOR GYI DBANG PHYUG LA GSOL BA BTAB NAS GDUGS GZHAN DU BZHAG LA SLOB MA'I SNYING LA 'BAB PA BRJOD PAR BYA STE, DE NI KHYED RNAMS DKYIL 'KHOR GYI, ,SLOB DPON SNGAGS DANG RGYUD 'DZIN PAR, ,SANGS RGYAS BYANG CHUB SEMS DPA' DANG, ,LHA RNAMS DAG KYANG DGONGS PAR 'GYUR, ,SEMS CAN KUN LA BRTZE DON DU, ,KHYOD KYIS DKYIL 'KHOR CHO GA BZHIN, ,RAB TU 'BAD DE BRI BAR BYA, ,SGRUB PA PO RNAMS RGYUD LA SBYOR, ,MCHOG TU GSANG BA DAM PA YI, ,DKYIL 'KHOR MTHONG ZHING ZHUGS PAS NA, ,SDIG PA KUN LAS RNAM PAR GROL, ,DE RING KHYED RNAMS BDE BAR GNAS, ,BDE CHEN THEG PA 'DI LAS NI, ,PHYIN CHAD 'CHI BA KHYOD LA MED, ,SRID PA'I SDUG BSNGAL LAS KHYOD 'DAS, ,SRID PA SHIN TU MTHA' GRUB PA, ,SANGS RGYAS RDO RJE CAN KUN GYIS, ,DE RING TSE LDAN DBANG BSKUR RO, ,KHAMS GSUM KUN GYI RGYAL SRID CHE, ,BDAG PO NYID DU KHYOD NGES SO, ,'DOD CHAGS BRAL BA LTA BU'I SDIG ,KHAMS GSUM NA NI GZHAN MED DE, ,DE BAS 'DOD LA CHAGS BRAL NYID, ,KHYOD KYIS NAM YANG MI BYA'O, ,'DOD PA KUN LA SPYOD PA

, ,KHYOD; ;GANG LA'ANG 'JIGS MED SPYAD PAR GYIS, ,SHA LNGA BDUD RTZI LNGA BZA' BYA, ,'DI LAS GZHAN YANG DAM TSIG BSRUNGS, ,SROG CHAGS GSAD BAR MI BYA ZHING, ,BUD MED RIN CHEN SPANG MI BYA, ,SLOB DPON SPANG BAR MI BYA STE, ,DAM TSIG SHIN TU 'DA' BAR DKA', ,SHES RAB THABS KYI BSAM PA YIS, ,MI BYA CUNG ZAD YOD MA YIN, ,MA 'JIGS KHYOD LA SDIG PA MED, ,DE BZHIN GSHEGS PA'I GSUNG JI BZHIN, ,'DI LTAR YID NI RAB DANG RDO RJE NYID DU GYIS, , RANG GI DAM TSIG MI ZAD BDE STER BSTEN PAR GYIS, ,'GRO BA BDE BA NYUNG BAR RDO RJE SEMS DPA' DANG, ,MTSUNGS PA'I RTAG PA NYID DU KHYED RNAMS PHYIN PAR 'GYUR, ,GZHAN YANG GANG DAG CHO GA JI LTA BA BZHIN DBANG BSKUR BA LA DGE BA'I PHYIR SANGS RGYAS DANG BYANG CHUB SEMS DPA' THAMS CAD KYIS SDUG PA'I BU DANG 'DRA BAR THUGS DANG BAS YANG DAG PAR DGONGS PA MDZAD PA 'DI NI CHOS NYID YIN NO ZHES BRJOD DO, ,DE LA SPYI BO RU NI ZHES SOGS KYI RKANG PA DRUG DANG DA NI ZHES PA NAS RGYUD LA SBYOR ZHES PA'I BAR YANG SPYI RGYUD LAS 'BYUNG NGO, ,DE'I SNGON DU JI LTAR BYA BA YANG SPYI RGYUD LAS, DE LTAR DBANG BSKUR BYAS NAS NI, ,DE LA SAR PA'I GOS RNAMS BSKON, ,ME TOG DRI LA SOGS PAS MCHOD, ,MCHOD PHYIR THOGS DANG GDU BUR BCAS, ZHES GSUNGS PA'I DON NI LVA BA PAS LHA THAMS CAD KYI SNYING PO'I SNGAGS KYIS SLOB MA'I SNYING KHAR BSNGAGS TE LAG PA GA-YAS PAR BSRUNG BA'I GDU BU 'CHING BAR GSUNGS PA LTAR RO, ,GDUGS 'DZIN MKHAN LA BA PAS LAS KYI RDO RJES MGO

BOR GDUGS 'DZIN PAR BSHAD LA, SPYI RGYUD LAS, DE NAS BLA MA BDAG NYID KYIS, ,DE YI SPYI BOR GDUGS KYANG GZUNG, ,THAL MO SBYAR BA BYAS NAS NI, ,DKYIL 'KHOR LEGS PAR SKOR DU GZHUG ,CES BLA MAS 'DZIN PAR GSUNGS TE GDAM PA CAN NO,, DE NAS SHAR SGO NAS LUS SA LA PHAB PA'I PHYAG BYAS NAS MGO BO MA BTEG PAR BLA MAS 'BUL BAR D'A RI KA PAS BSHAD DO, ,MCHOG GSANG ZHES PA'I DKYIL 'KHOR NI GANG DU ZHUGS NAS DBANG BSKUR BA'I DKYIL 'KHOR SKABS DANG SBYAR RO, DKYIL 'KHOR DER ME TOG DOR BA'I 'OG TU MTHONG BA DANG DE'I GONG DU DER ZHUGS PAS SROG GCOD PA LA SOGS PA'I SDIG PA THAMS CAD DANG BRAL BAS KHYED DENG NAS GZUNG STE BYANG CHUB SNYING PO'I BAR DU LHA MI'I SRED PA LA YID DGA' BAS LEGS PAR GNAS PA'O, ,PHRENG BA LAS SDIG PA MI BYED PAR NGES PAS NGAN 'GRO LAS GROL BA'I PHYIR BDE 'GRO'I BDE BA LA NGES PAR BSHAD DO, ,ZHUGS BA DER MTHONG BAS KHYED RNAMS LA PHYIN CHAD SHI BA YOD PA MIN TE THAR PA CHEN PO'I RANG BZHIN GYI RDO RJE THEG PA BDE BA CHEN PO 'DI LA KHYED ZHUGS PAS SO, ,'DIR DPAL MCHOG LAS, MI TSUGS PA DANG MI SOD PAS, ,CIS KYANG MI 'JIGS ROL BAR GYIS, ,ZHES GSUNGS TE THEG PA GZHAN 'DOD PA'I BSAM PAS MI THUB PA STE MI TSUGS PA DANG DES THEG PA 'DI LAS MI LTUNG BA'I MI SOD PAS ROL BA STE RDOR SEMS LA SOGS PA'I DNGOS GRUB SGRUB PAR GYIS SHIG CES PA STE SRID PA'I SDUG BSNGAL CIS KYANG 'JIGS PA MED PA'I PHYIR RO, ,DE'I RGYU MTSAN NI MTHONG BA DANG ZHUGS PAS 'DOD PA'I SRID PA LA SOGS PA'I SDUG BSNGAL MTHA' MED PA 'DI KHYED

, ,RNAMS LA LDOG PA'I PHYIR RO, ,PHRENG BA LAS SRID PA'I SDUG BSNGAL LAS 'DAS PA NI CHOS SKU THOB PA DANG SHIN TU SRID PA'I MTHA' NI MTHA' MED PA'I SRID PA LONGS SKU STE RGYUN MI 'CHAD PAR RTAG PAS SO ZHES BSHAD LA, DBANG 'GYUR LAS SRID PA MTHA' GRUB CHED DU ZHES BSGYUR TE DBANG BSKUR BA DE'I CHED YIN PA'O, ,SKABS 'DIR DAM TSIG SDOM PA GRUB PA 'DI, ZHES SOGS DAm TSIG MANG PO ZHIG DPAL MCHOG LAS GSUNGS SHING DKYIL CHOG MANG POR YANG 'BYUNG BA NI RTZA LTUNG GI RNAM BSHAD DU RGYAS PAR BSHAD ZIN TO, ,SANGS RGYAS KUN GYIS DE RING KHYED DBANG BSKUR BAS 'DOD PA SOGS KHAMS GSUM GYI CHOS KYI RGYAL PO'I RGYAL SRID THOB PA'I PHYIR BDAG PO STE 'DOD PA KHAMS KYI DBANG PHYUG GI BDAG PO'O, ,DER NGES PA NI PHYIR MI LDOG PA'I SA BON SKYED PAS SANGS RGYAS MNGON SUM DU BYED PA'I PHYIR RO, ,'DIR DPAL MCHOG LAS, DENG NI BDUD LAS RNAM RGYAL TE, ,GRONG KHYER MCHOG TU RAB TU ZHUGS, ,KHYED RNAMS KYIS NI SANGS RGYAS NYID, ,DENG 'DIR THOB PAR THE TSOM MED, CES GSUNGS SO, ,'DOD PAR BYA BAS NA 'DOD PA STE RDOR SEMS KYI GO 'PHANG NGO, ,DE LA CHAGS PA STE DE 'DOD PA'I 'DUN PA DANG BRAL BA'I SDIG NI KHAMS GSUM NA GZHAN MED DE BYANG CHUB KYI SEMS BTANG BA'O, ,DE BAS NA 'DOD YUL RDOR SEMS LA CHAGS PA STE 'DUN PA DANG BRAL BAR KHYOD KYIS NAM YANG MI BYA'O ZHES GDAMS PA NI DE NYID BSDUS PA LAS GSUNGS PA'O, ,'DIR DKYIL CHOG GZHAN RNAMS SU MA H'A SA MA YA ZHES SOGS 'BYUNG PA'I DON NI DAM TSIG CHEN PO STE BYANG CHUB KYI SEMS KYI MTSAN NYID

CAN RDOR SEMS LA CHAGS PA'O, ,HA NA NI CHOMS SHIG PA STE DAM TSIG DES THEG DMAN GYI BYANG CHUB 'DOD PA CHOMS SHIG PA'O, ,PHAt NI KHOS SHIG CIS PA'O, ,'DOD PA KUN LA LONGS SPYOD PA NI KUN SNYING GIS 'DOD PAR BYA BA'I YUL RDOR SEMS LA LONGS SPYOD PA LA 'CHAD LA GZHAN RNAMS KYIS 'DOD YON RNAMS LA THABS MKHAS KYIS SPYOD PA LA 'DOD DO, ,SROG CHAGS GSAD MI BYA NAS DAM TSIG 'DA' BAR DKA' BA'I BAR RNAMS KHA SBYOR LAS 'BYUNG ZHING DER BDUD RTZI LNGA BSTAN PA YANG GSANG DBANG GI DAM TSIG TU BSHAD LA SLOB DPON 'DIS SHA LNGA BSTEN PA DANG BCAS PA RNAMS DAM TSIG THUN MONG DU GSUNGS SO, ,THABS SHES KYI RNAL 'BYOR DAM PA DANG LDAN PA LA BKAG PA MANG PO GNANG BAS SHES RAB CES PA'I RKANG PA GNYIS GSUNGS TE 'DI DAG GI LHAG MA SNGA PHYI RNAMS DPAL MCHOG NA YOD DO, ,BLA MA DANG SANGS RGYAS LA YID RAB TU DANG BA RDO RJE STE MI PHYED PA NYID DU GYIS SHIG ,RANG GI DAM TSIG NI RANG GI LHA RNAMS YIN LA ZAD PA MED PA'I BDE BA STER BA DE RNAMS BSTEN PA STE SGOMS SHIG CES PA'O, ,BDE BA NYUNG ZHING SDUG BSNGAL MANG BA'I 'GRO BAR KHYED SKYES KYANG KHA NA MA THO BA MED PA'I BDE BA RTAG PA NYID 'THOB PO ZHES PHRENG BA LAS 'CHAD DO, ,BSHAD PA DE DAG PHAL CHER NI DPAL MCHOG 'GREL CHEN LAS 'BYUNG BA BZHIN BKOD PA'O, ,GANG GIS GDUL BYA RNAMS DGA' BA SKYED PAR BYED PA LA DBUGS DBYUNG BA ZHES KUN SNYING GIS BSHAD LA LVA PA PAS DE DAG GI GZENGS BSTOD DU YANG GSUNGS SO, ,DE LTAR DBANG THOB CING DBUGS PHYIN TE DGA' BA'I SLOB MAS JI LTAR BSGO BA DE LTAR BGYI'O, ,DE NAS, DENG BDAG SKYE BA 'BRAS BUR BCAS, ,BDAG GI

, ,GSEN PA 'BRAS BUR BCAS, ,DE RING SANGS RGYAS RIGS SU SKYES, ,SANGS RGYAS SRAS SU DENG BDAG GYUR, ,ZHES KHA SBYOR LAS 'BYUNG BA BRJOD LA RTA DANG RIN PO CHE LA SOGS PA DANG GCES PA'I CHUNG MA DANG BU LA SOGS PA'AM JI LTAR NUS PA'I YON BLA MA LA DBUL LO, ,GTOR MA DANG SBYIN SROG DANG STON MO LA SOGS PA YANG BYA'O, ,BZHI PA LA GNYIS, DBANG MTHA' RTEN DANG BCAS PA'I DON BSHAD PA DANG, DBANG DON LAM GYI RIM PAR BSGRIGS NAS NGES PA BSKYED PA'O, ,DANG PO LA GNYIS ,BUM DBANG MTHA' RTEN DANG BCAS PA'I DON BSHAD PA DANG, GONG MA GSUM MTHA' RTEN DANG BCAS PA'I DON BSHAD PA'O, ,DANG PO NI, DBANG BZHI LAS BUM DBANG GI SKABS KYI PHRENG BA'I DBANG NI ME TOG GANG LA PHOG PA'I DE BZHIN GSHEGS PA'I RANG BZHIN GYIS SLOB MA'I RANG BZHIN GYIS RNAM PAR DAG PA'I RIGS GSAL BA'AM NGES PAR BYA BA'I PHYIR DU BLA MAS MGO BOR ME TOG GI PHRENG BA BCINGS NAS SLOB MA DANG DE'I RIGS KYI LHA GNYIS NGO SPRAD PAS LHAS SLOB MA RJES SU BZUNG BA LA DE LTAR NGES PAR BYAS BA'O, ,SLOB MAS MA RIG PA'I DRI MA 'KHRUD PAR NUS PA NYID DU BSGRUB PA'I PHYIR DU CHU'I DBANG NGO, ,DE BZHIN GSHEGS PAS RIGS BDAG MDZAD PA'I SGO NAS RGYAS 'DEBS KYI 'DU BYA BA BSKYED PA DANG GTZUG TOR SKYED PAR NUS PA NYID KYI CHED DU MGO BOR COD PAN GYI DBANG NGO, ,NYON MONGS LA SOGS PA'I DGRA RTZA BA NAS 'DON PA'I CHED DU DPA' BO'I DAR DBYANGS BCINGS PA STE COD PAN GYI DBANG GI 'KHOR RO, ,RGYUD KHA CIG TU 'DI COD PAN GYI DBANG LAS DBANG THA DAD DU BRJOD DO, ,KHA CIG TU NI DAR DPYANGS 'CHING BA MA GSUNGS

TE DE NI BSAM PA'I KHYAD PAR LAS COD PAN GYI DBANG GIS KYANG 'GRUB PA'I DON NO, ,DE KHO NA NYID DANG DBYER MED PA'I YE SHES SKYE BA'I NUS PA CAN DU BSGRUB PA'I PHYIR DU RDO RJE'I DBANG NGO, ,BDAG PO'I DBANG NI PHRENG BA LAS STONG PA DANG SNYING RJE DBYER MED PA BLA NA MED PA'I YE SHES CHOS 'BYUNG MTSON PAR BYED PA'I DRIL BU SGRA DANG BCAS PA'I DBANG BSKUR BA'O, ,BDAG PO DE'I CHED DU DBANG NI BDAG PO'I DBANG DU YANG BRJOD DO, ,BDAG PO NI CHOS PHUNG BRGYAD KHRI BZHI STONG SOGS 'BYUNG BAS NA CHOS 'BYUNG STE CHOS KYI MNGA' BDAG GO ,DE NYID YE SHES BLA NA MED PA RNAMS 'BYUNG BA'I YANG BDAG PO STE RIGS KYI LHA THAMS CAD GANG LAS BYUNG BA'I RDO RJE 'CHANG NGO, ,DES CHOS PHUNG SGROGS PA MTSON PAR BYED PA'I DON DU DRIL BU SGRA DANG BCAS PAS DBANG BSKUR BA'O, ,BDAG PO DE'I CHED DU SKUR BA'I DBANG LA NI BDAG PO'I DBANG ZHES KYANG BRJOD DE DRIL BU'I DBANG GI MING GZHAN NO, ,MA 'ONGS PA NA THUB PA'I DBANG PO'I GO 'PHANG GI MING DU 'OS PA'I SA BON 'GOD PA'I DON DU MING GI DBANG NGO, ,DBANG DRUG PO 'DIS RTEN 'BREL KHYAD PAR CAN JI LTA BU ZHIG SLOB MA LA BSGRIGS PA GO BDE BAR BSHAD NA, DANG POS GDUL BYA DE DE BZHIN GSHEGS PA 'DI'I RIGS YIN NO ZHES NGO SHES PAR BYED LA DRUG PAS RIGS DE DANG RJES SU MTHUN PA'I DE BZHIN GSHEGS PA MING 'DI ZHES BYA BAR 'GYUR RO ZHES GANG DU SANGS RGYA BA'I SANGS RGYAS KYI MTSAN GYI NUS PA 'JOG ,GSUM PAS SANGS RGYAS DE'I RIGS BDAG GANG GIS BYED PA DE'I NUS PA 'JOG BZHI PAS SANGS RGYAS DE'I THUGS GNYIS SU MED PA'I YE SHES KYI NUS PA 'JOG ,LNGA PAS SANGS RGYAS DE'I CHOS PHUNG BRGYAD KHRI BZHI

, ,STONG 'DOMS PA'I GSUNG GI NUS PA 'JOG ,GNYIS PAS SANGS RGYAS DE'I RIGS CAN DU SONG BA'I RIGS DE LA SGRIB PA'I MA RIG PA SEL BA'I NUS PA KHYAD PAR BA 'JOG PA PHRENG BA'I LUGS 'DI SHIN TU LEGS SO, ,SLOB DPON GYI DBANG GI SKABS KYI RDO RJE'I DAM TSIG NI RDO RJE 'DZIN PA'I NGES PA STE DE 'DZIN PA LAS MI 'DA' BAR SGRUB PA'O, ,DE YANG DUS 'DI NAS BRTZAMS TE RNAM PAR DAG PA ZUNG 'JUG GI BYANG CHUB RTOGS PAR BYA BA'I CHED DU BRTZON BAR GYIS SHIG CES SLOB MA LA NGES PAR BYA BAR DGONGS NAS RDO RJE SBYIN PA'O, ,CHOS PHUNG BRGYAD KHRI BZHI STONG STON PA'I NGES PA STER BA DE BZHIN NYID RTOGS PA LA SBYAR BA'I CHED DU SGRA DANG BCAS PA'I DRIL BU'I DAM TSIG GO ,THABS SHES KYI RANG BZHIN BDE BA CHEN PO'I BDAG NYID RDZOGS PA'I SANGS RGYAS KYI RANG BZHIN DU SHIN TU BRTAN PAR RUNG BA NYID DU BSGRUB PA'I PHYIR DU PHYAG RGYA'I DAM TSIG GO ,PHYAG RGYA NI LHA'I SKU PHYAG RGYA CHEN PO STE SKABS 'DIR RDOR SEMS YAB YUM LTA BU'O, ,DAM TSIG NI RANG NYID DER SKYED PA LAS MI 'DA' BAR SGRUB PA'O, , PHYAG RGYA'I DAM TSIG SANGS RGYAS KYI SKUR BRTAN PAR SGRUB PA YIN PA DE NYID KYI PHYIR GUR LAS DAM TSIG GNYIS KYI 'KHOR CAN PHYAG RGYA'I DAM TSIG KHO NA RDZOGS PA'I SANGS RGYAS KYI DBANG DU GSUNGS SO, ,GSUNGS TSUL NI GUR GYI BCO LNGA PA LAS, DANG PO CHU DBANG NAS LNGA PA MING DBANG DANG DRUG PA RDZOGS PA'I SANGS RGYAS KYI DBANG DU GSUNGS LA, LE'U BZHI PAR MING DBANG GI RJES SU RDOR DRIL GYI DAM TSIG GNYIS GSUNGS KYI PHYAG RGYA'I DAM TSIG MA BSHAD PAS RDZOGS PA'I SANGS RGYAS KYI DBANG

ZHES PA PHYAG RGYA'I DAM TSIG YIN LA DAM TSIG GZHAN GNYIS DBANG DU MA GSUNGS PAS DE'I 'KHOR RO SNYAM DU DGONGS SO, ,RGYUD GZHAN DU NI DAM TSIG GSUM SLOB DPON GYI DBANG GI 'KHOR DU GSUNGS SO, ,DE LTAR YANG SHES RAB BCU DRUG CES SOGS SNGAR DRANGS PA LTAR RO, ,'DIS NI GUR NAS PHYAG RGYA'I DAM TSIG SLOB DPON GYI DBANG DU BSHAD LA RGYUD GZHAN NAS SLOB DPON GYI DBANG GI 'KHOR DU BSHAD CES STON PA MIN TE GUR LAS, BUM PA'I DBANG NI BDUN PA STE, ZHES PAS SLOB DPON GYI DBANG BSTAN PAR 'OG NAS BSHAD PA'I PHYIR RO, ,DES NA GUR LAS DE LA SANGS RGYAS KYI DBANG ZHES DBANG DU GSUNGS LA RGYUD GZHAN NAS SLOB DPON GYI DBANG GI 'KHOR DU BYAS NAS DBANG DU MA BSHAD CES PA'I DON NO, ,DRI MA 'KHRUD PAR RUNG BAS DBANG DU BZHAG PA'I DON NI PHYAG RGYA'I DAM TSIG SANGS RGYAS KYI DBANG DU BYAS PA DANG SLOB DPON GYI DBANG GI 'KHOR DU BZHAG PA'I DAM TSIG GNYIS KA LA YOD PAS DBANG GI THA SNYAD DU MA BYAS PA DANG BYAS PA GNYIS MI 'GAL ZHES PA'O, ,DBANG 'DI LA SLOB DPON GYI DBANG DANG PHYIR MI LDOG PA'I DBANG DU GSUNGS PA'I MING DON NI JI LTAR SA BCU PA LA PHYIR MI LDOG PA'I SEMS DPA' CHEN PO RNAMS PHYOGS BCU'I DE BZHIN GSHEGS PA RNAMS KYI DBANG BSKUR BA DE BZHIN DU DAM TSIG GSUM DANG BCAS PA 'DI YANG DE BZHIN GSHEGS PA DE RNAMS DANG BLA MAS, SEMS CAN DPAG TU MED PA LA GZHAL DU MED PA'I CHOS STON PA LA SOGS PAS SLOB DPON DU BYA BA'I CHED DU KHAMS GSUM PA'I CHOS KYI RGYAL SRID DU DBANG BSKUR BAS NA SLOB DPON GYI DBANG DANG,

, ,PHYIR MI LDOG PA RNAMS KYI DBANG DANG 'DRA BAS PHYIR MI LDOG PA'I DBANG NGO, ,'DRA BA TZAM DU MA ZAD PHYIR MI LDOG PA'I SA BON KHYAD PAR BSKRUN PAR BYED PA'I PHYIR YANG PHYIR MI LDOG PA'I DBANG DU BRJOD DE PHYIR MI LDOG PA'I CHED KYI DBANG DANG PHYIR MI LDOG PA DANG LDAN PA'I DBANG NGO, ,SLOB DPON GYI DBANG NI SNGAR BSHAD PA DE LTAR DU YIN PA DE NYID KYI PHYIR, RDO RJE GSANG BA YE SHES KYIS, ,SLOB DPON ZHES BYA GSUM 'DIR BRJOD, ,CES RDO RJE SLOB DPON DANG GSANG BA DANG SHES RAB YE SHES KYI DBANG GSUM KA SLOB DPON GYI DBANG DU 'DOD PA NI SHES RAB CHUNG BA'I BLO GROS NGAN PA RNAMS KHO NA'I LUGS SO, ,SNGAGS BRJOD DU GZHUG PA NI BAR DU GCOD PA'I BGEGS MED PAR BYA BA'I PHYIR DANG ZHI RGYAS DBANG DRAG GI DNGOS GRUB KYI SA BON BSGO BA'I CHED DANG DON DAM PA'I SNGAGS GNYIS SU MED PA'I YE SHES KYI DNGOS GRUB KYI ZHING STE SNOD DAG PAR BYA BA'I CHED DU'O, ,MIG SMAN NI MA RIG PA'I LING TOG GSAL BAS LHA'I MIG GI MNGON SHES SKYED PA'I CHED DU'O, , MA RIG PA BSAL BA NGES KYANG SNA TSOGS PA 'DI RNAMS GZUGS BRNYAN BZHIN DU LTA ZHING RTOGS PA SGRUB PA'I CHED DU ME LONG GI DBANG NGO, ,CHOS THAMS CAD RANG BZHIN MED BZHIN DU SNANG BA'I GZUGS BRNYAN BZHIN DU NGES PA LA CHOS KYI BDAG TU 'DZIN PA'I MA RIG PA'I 'DZIN STANGS SUN PHYUNG BA'I BLO GROS KYI MIG SNGAR SKYED DGOS PAR BSTAN PAS 'DI GNYIS DBU MA'I LTA BA RGYUD LA SKYED PA'I SA BON KHYAD PAR BA DGOD PA'O, ,MA YIN DGAG SGYU MA LTA BU RTOGS PA'I BLO SKYE BA LA DGAG BYA BDEN

PA RNAM PAR BCAD PA MA RIG PAS GZUNG BA'I BZLOG PHYOGS SNGON DU RTOGS DGOS PAR STON PA'O, ,MDA' 'PHANG PA NI BDUD BZHI LAS RGYAL BAS CHOS KYI DBYINGS SHIN TU PHRA BA'I 'BEN 'BIGS PA'I DON DU STE MIG SMAN DANG ME LONG GI DBANG GIS NUS PA KHYAD PAR BA BSGOS PA LA BRTEN NAS THOS BSAM GYIS STONG PA NYID RTOGS KYANG DE KHO NA NYID DON SPYI'I SGO NAS RTOGS PAS LEGS PAR PHIGS PA MA YIN LA, DE GTING LA THUG PAR DBUG PA'I DON DU MDA' 'PHANG PA'I DBANG GIS DE'I SA BON KHYAD PAR BA DGOD PA'O, ,GNYIS PA NI, GSANG BA'I DBANG NI DAD PA DANG SHES RAB KYI ZHING DU BYA BA'I DON DAM DAM TSIG SRUNG BA'I DON DANG NGAG DAG PA'I DON DU'O, ,DANG PO NI GSANG SNGAGS KYI GSANG BA'I KUN SPYOD LA THE TSOM DANG LOG RTOG MI SKYE BA'I DAD PA BRTAN PO STE DE SKYE BA'I ZHING NGAM SNOD DU BYED PA'I TSUL NI RANG GIS RIG MA BLA MA LA YON DU PHUL BA DANG DE DANG BLA MA SNYOMS PAR ZHUGS PA'I KHAMS DKAR DMAR GYI THIG LE MYANGS PA LA BRTEN NAS BLA MA DANG LHA'I MTHUS BDE BA KHYAD PAR CAN SKYES PA NA MA DANG PO LDOG PA STE DRIL BU PAS, PADMAR GNAS TE YANG DAG SPYOD, ,KYE MA BDE BA CHEN PO ZHES, ,STON PA LA NI ZHU ZHING BRJOD, ,SLOB MAS KYANG NI RTOG PA BCOM, ,ZHES GSUNGS SO, ,SHES RAB KYI ZHING DU BYED PA NI ZHAL LUNG LAS, DE YIS ZHING NI DAG BYAS TE, ,CHOS KUN SGYU MA LA SOGS PA'I, ,BCU GNYIS DON DU RTOGS PAR 'GYUR, ,ZHES GSANG RDZAS KHAR BYIN NAS SNYING GI PADMAR ZHUGS PA DE YIS SGYU MA'I DPE BCU GNYIS KYIS MTSON PA'I

, ,DON SGYU LUS RTOGS PA'I SNOD DU GYUR PAR GSUNGS PA LTAR RAM YANG NA SHES RAB YE SHES KYI DBANG GI SNOD DU BYED PA'O, ,DAM TSIG SRUNG BA NI DRIL BU PAS, ,DPA' BO THAMS CAD YANG DAG 'DUS, ,LHA MO THAMS CAD MNYAM PAR PHRAD, ,KUN RDZOB PA YI BYANG CHUB SEMS, ,GSANG BA GANG YIN DE DBANG BSKUR, ,'DI DE DPA' BO LHA MO RNAMS, ,DAM TSIG RMAD BYUNG CHEN PO STE, ,KHAMS LNGA LDAN PAR RO RTOGS BYED, ,BDE BA DE GANG MYANG BAR BYA, ,ZHES DPA' BO DANG DPA' MO'I NGO BO THIG LE RTZA'I BCUD THAMS CAD 'DUS PA KUN RDZOB PA'I BYANG CHUB KYI SEMS DKAR DMAR BYIN PA ZOS PAS BZA' BA'I DAM TSIG BDUD RTZI LNGA LA SOGS PA STEN PA DANG SRUNG BA'I DAM TSIG SNGAR BSHAD PA LA DBANG BAR BYAS PA'O, , KHAMS LNGA NI RGYUD RDOR PHRENG LAS, ,KHAMS LNGA LAS BYUNG BCUD KYIS LEN, ZHES KYANG 'BYUNG BAS LUS KYI SA'I KHAMS LA SOGS PA LAS BYUNG BA'I BCUD YIN PA'AM YANG NA 'DUS PA PHYI MA LAS, NAM MKHA'I DBYINGS KYI DBUS GNAS PAR, ,DRI CHU RKANG DANG YANG DAG LDAN, ,ZHES GSANG DBANG GI RDZAS KYI SKABS SU GSUNGS PA LA N'A RO PAS RKANG SA BON LA BYAS NAS BDUD RTZI LHAG MA RNAMS SBYAR BA'O ZHES BSHAD PAS BDUD RTZI LNGA LA BYA'O, ,NAM MKHA'I DBYINGS NI BLA MA YAB YUM GYI RDO RJE DANG PADMA'I NAM MKHA'I KHAMS PHRAD PA LA N'A RO PAS BSHAD DO, ,'DI LA DNGOS SU KHAMS DKAR DMAR DANG DRI CHU TSANG DU RUNG LA LHAG MA NI DE DAG GI BCUD KYI DVANGS MA 'DUS PA LA BYA'O, ,NGAG DAG PA NI GSANG RDZAS DE BLA MA

YAB YUM GTZO BO YAB YUM DANG THA MI DAD DU BYAS NAS SNYOMS PAR ZHUGS PAS LHAN CIG SKYES DGA' BSKYED PA'I RDZAS YIN ZHING PHYOGS BCU'I RGYAL BA SRAS BCAS THAMS CAD SPYAN DRANGS TE ZHU BA'I NGO BO DANG DBYER MED PAR BYAS PAS NA MTHU DANG LDAN PA'I PHYIR PHYAG CHEN THIG LE SNGAR DRANGS PA LTAR DE MYANGS PAS GZHON NU MA'I BDE BA 'DRA BA SKYE BAR BSHAD LA, DE 'DRA BA DE DAG GI GNAS LCE DANG MGRIN PA LA SOGS PA'I GNAS RNAMS SU PHYIN PA NA SKABS DE DANG DE'I RTZA DANG RLUNG RNAMS SBYONG BAS NGAG DAG PAR BYED DO, ,BYANG SEMS KYI RO LCES MYANGS PA'I SGO NAS NGAG DAG PAR BYED PA GSANG DBANG GI MTHU YIN LA KHAMS GNYIS KYI REG BYA LUS KYIS MYONG BA LA RTEN NAS YID DAG PAR BYED PA DBANG GSUM PA'I MTHU'O, ,DE LTAR NA RDZAS KYI RTEN 'BREL KHYAD PAR CAN DES RTZA DANG RLUNG DANG BYANG SEMS BYIN GYIS RLOB NUS PAS RTZA RLUNG DANG GTUM MO LA SOGS PA'I RNAL 'BYOR SGOM PA'I SNOD DU BYED LA DE DAG BSGOMS PA NA BDAG LA BYIN GYIS BRLAB PA SGYU MA'I TING NGE 'DZIN GYI'ANG SNOD DU RUNG BAS LAM DE DAG SGOM PA LA DBANG NGO, ,DBANG GSUM PA'I DON LA SHES RAB NI PHUL DU PHYIN PA'I SHES PA 'DI LA YOD PAS NA PHYI ROL GYI PHYAG RGYA'O, ,YE SHES NI DE LAS BYUNG BA'I SEMS RNAM PAR RTOG PA DANG BRAL BA LAS RNAM PAR DAG PA LHAN CIG SKYES PA'I DGA' BA YIN TE RGYAS PAR BSHAD ZIN TO, ,DBANG GSUM PA'I SKABS SU NGO SPRAD PA'I LHAN SKYES KYI YE SHES DE NYID KYI RGYUN GOMS PAR BYAS PA LAS MTHAR DRI MA THAMS CAD DANG BRAL ZHING YONGS SU DAG PAR RTOGS PA NI DBANG BZHI PA'O, ,'DI DAG NI BDE BA

, ,CHEN PO'I ROS YID 'KHRUD PA'I PHYIR YANG DBANG NGO ZHES PA NI NUS PA 'JOG PA DANG LAM 'DI LA DBANG BAS DBANG DU BZHAG PA'I PHYOGS LAS 'JOG TSUL GZHAN YANG YOD PAR STON PA'O, ,SHES RAB MA NYID ZAG PA MED PA'I BDE BA DAM PA PHUN SUM TSOGS PA'I DNGOS KYI THABS YIN PA'I PHYIR LAS DANG PO DANG SOGS PAS BSDUS PA RTOGS PA GONG DU SONG BA'I SKABS SU YANG SPANG BAR MI BYA'O ZHES GO BAR BYED PA NI RIG MA'I BRTUL ZHUGS SO, ,GANG TSE RNAM PAR MI RTOG PAS, , LAS KUN THABS DANG BCAS PAR SPYOD, ,RNAM PAR MI RTOG SGOM PA LAS, ,BRTUL ZHUGS RNAMS KYI MCHOG GI MCHOG ,ZHES RDO RJE MKHA' 'GRO LAS GSUNGS PAS BRTUL ZHUGS GZHAN GYIS CI ZHIG BYA, DES NA YE SHES LNGA'I RANG BZHIN GYI BYANG CHUB KYI SEMS KYI BRTUL ZHUGS KHO NA LA SHIN TU SBYAR BA'I CHED DU RDO RJE'I BRTUL ZHUGS SO, ,ZHES GSUNGS TE NAM YANG YE SHES LNGA'I RANG BZHIN GYI NANG GI RDO RJE DANG MI 'BRAL BA'I BRTUL ZHUGS BZUNG BA'O, ,SPYOD PA DANG BRAL NA YANG BYANG CHUB KYI SEMS MI RTOGS SO ZHES BSLAB PA'I DON DU SPYOD PA'I BRTUL ZHUGS TE DE NI RNAM PA GSUM MO, ,DE LA SPYOD PA DANG PO NI NANG GI PHYAG RGYA GSUM LA SBYOR BA LHUR BYED PA STE DE LTAR YANG, KHA tV'm GA NI LHA YI SKU, CANG TE'U SHES RAB TU NI BRTAG ,CES KUN SPYOD LAS GSUNGS PA DANG, SNGAGS NI BTUNG BA'I THONG PA'O, ,ZHES SO, ,LHA'I SKU NI LUS DANG AA NA HA TA STE GZHOM DU MED PA'I NGO BO GTUM MO'I SGRA 'AM N'A DA DANG GNYIS SU MED PA'I BDE CHEN NYAMS SU MYONG BA'I RTEN KUN RDZOB BYANG CHUB KYI SEMS TE DE LTAR GSUM MTSON PAR BYED PA STE,

RANG GI LUS LHA'I SKUR BYAS PA DANG GTUM MO'I ME DANG BDE BA'I RTEN KUN TA LTA BU STON PA NI NANG GI PHYAG RGYA'O, ,DE DAG GI GZHAN SLA LA BDE BA MTSON PA NI KA P'A LA'I Km DANG P'A LA GNYIS SO SOR BSHAD PAS BDE BA SKYONG BA LA BSHAD SA YOD PA'O, ,DANG POS YAB DANG GNYIS PAS SHES RAB DANG GSUM PAS BZLAS BYA'I SNGAGS BSTAN PA NI PHYI'I PHYAG RGYA'O, ,SPYOD PA GNYIS PA RGYAN LNGA 'DZIN PA NI RNAL 'BYOR MA DANG SPYOD PA'I BRTUL ZHUGS DANG LDAN PA LAS CHOS KYI DBYINGS SHIN TU RNAM PAR DAG PA'I YE SHES LA SOGS PA LNGA SKYED PA LA SBYOR BA'O, ,SPYOD PA GSUM PA NI LTA STANGS BZHI DANG MNGON SHES LA SOGS PA'I NUS PA THOB PA NA SEMS CAN GYI DON SGRUB PA LA LHUR BYED LA 'JIG RTEN GYI KUN SPYOD LAS PHYI ROL TU GYUR PA'I RNAL 'BYOR PA'AM RNAL 'BYOR MA NANG GI BDAG NYID KYI RGYAN MA LUS PA'I DON GYI MTHU LHUR BYED PA STONG PA DANG SNYING RJE DBYER MED PA'I RANG BZHIN BYANG CHUB KYI SEMS 'BYUNG BA LA SBYOR BA'O, ,LUNG BSTAN GYI DON NI KHAMS GSUM DANG DBYER MED PA'I CHOS NYID RTOGS PAR NUS PA KHYOD YIN NO ZHES GZENG BSTOD PA'I DON DU LHUNG BSTAN PA'O, ,'DI LUNG STON GYI SKABS KYI SNGAGS DON YIN PAS DE 'CHAD PA NI, DE LTAR YIN PAR NI BH'UR NI RLUNG GI DKYIL 'KHOR LA SOGS PA 'KHOR DANG BCAS PA'I SA 'OG GO ,BHU WA: NI SA STENG GI 'JIG RTEN NO, ,SVA: ZHES PA NI MTHO RIS TE SRID RTZE'I MTHAR THUG PA'O, ,DE GSUM CHAR YANG KHYOD NYID YIN TE ZHES PA NI STVm ZHES PA'O, ,GANG GI PHYIR SA GSUM KA'I RANG BZHIN GYI DE KHO NA NYID SA MA YA STE SA RAB TU DGA' BA LA SOGS PA'I RIM PAS RTOGS PAR NUS PA NYID KYIS SO ZHES PA NI SA MA YA

, ,STVm BH'UR BHU WA: SVA: ZHES PA'I DON NO, ,GUR GYI BZHI PA LAS, AOm NGA 'DIR KHYOD LA LUNG BSTAN PAS, ,SRID PA'I NGAN 'GRO LAS GROL TE, ,RDO RJE SEMS DPA' DE BZHIN GSHEGS, ,SRID PA SHIN TU 'GRUB PHYIR RO, ,KYEE DE RING PHAN CHAD KHYOD SA 'OG DANG SA STENG DANG SA BLA NA CHE GE MO RDO RJE ZHES BYA BA'I DE BZHIN GSHEGS PAR GRUB BO, ,ZHES GSUNGS TE TSIG PHYI MA NI TA TH'A GA TA SIDDHI ZHES PA'I DON NO, ,RKANG PA THA MA'I DON NI MI GNAS PA'I MYANG 'DAS THOB PAR BYA BA'I PHYIR DU YIN PAR 'GREL PAS BSHAD DO, ,RKANG PA GSUM PA NI GANG DU LUNG STON PA'I GNAS YIN NO, ,RJES GNANG NI CHO GA JI LTA BAR DNGOS GRUB RAB TU BSGRUBS NAS CHOS STON PA LA SOGS PA RNAMS KYIS SEMS CAN GYI DON GYIS SHIG CES PA'O, ,DBUGS DBYUNG NI KHYOD NI 'DOD PA LA NYE BAR LONGS SPYOD KYANG SANGS RGYAS NYID YIN NO, ,ZHES DBUGS PHYUNG BA NI DKYIL 'KHOR DU 'JUG PA DANG DBANG BSKUR BA SOGS KYIS SANGS RGYAS THOB PAR NUS PA'I SA BON RGYAS PAR BYAS PA LA DGONGS PAS DE SLOB MA LA RTOGS PAR BYED PA'O, ,GNYIS PA NI, DBANG BZHI'I NGO BO DANG DE BSKUR BAS LAM GANG SGOM PA LA DBANG BA DANG DE'I 'BRAS BU GANG 'GRUB PA'I RGYU MTSAN LEGS PAR SHES NA RGYUD SDE NAS DBANG LA LAN GCIG MA YIN PAR BSNGAGS PA DU MA MDZAD PA LA YID CHES NAS DBANG NYID MAN NGAG GI MCHOG TU 'DZIN PA CIG 'ONG NGO, ,DE BYUNG NA SNGAGS KYI LAM GYI RMAD 'DZUGS DNGOS GRUB THAMS CAD KYI RTZA BA RIM GNYIS ZAB MA'I SGO 'BYED DBANG LA CHAD CHER BYAS NAS SKUR BA

DANG LEN PA'I TSUL RNAMS CHES YONGS SU DAG PAR 'GYUR RO, ,DE LA DBANG GSUM PA BSKUR BA'I 'OG TU DE DPER BYAS NAS BZHI PA BSKUR BA NA SLOB DPON GYIS SLOB MA LA 'DI SKAD DU KHYED KYIS LUS LONGS SKU'I RNAM PA CAN GYI YAB YUM KHA SBYOR DU BYAS PA SNYOMS PAR ZHUGS PA LA BRTEN NAS DE KHO NA NYID KYI DON LA MNYAM PAR BZHAG PA'I LHAN SKYES KYI YE SHES BSKYED PA 'DI LA LUS KYANG LHA'I SKUR MOS PA TZAM YIN GYI SANGS RGYAS KYI SKUR SONG BA MED, SEMS DNGOS PO'I DE KHO NA NYID LA ZHUGS PA YANG YUD TZAM PA DANG MOS PA YID BYED DON SPYI'I SGO NAS RTOGS PA YIN GYI SEMS DE KHO NA NYID LA CHU LA CHU BZHAG PA LTAR DBYER MED DU ZHUGS PA YANG MIN LA DUS RTAG TU MNYAM PAR 'JOG NUS PA YANG MIN NO, ,'ON KYANG 'DI 'DRA BA 'DI RJES SU MTHUN PA'I RGYU YIN PAS THABS KYI YAN LAG DANG BCAS PAR GOMS PAR BYAS NA MTHAR MOS PA TZAM MIN PAR LUS KYANG SANGS RGYAS KYI GZUGS KYI SKU DANG SEMS KYANG DE KHO NA NYID DANG DBYER MED PAR ZHUGS TE DUS RTAG TU DE LA MNYAM PAR BZHAG PAR 'GYUR TE DE NYID LA SNGAGS KYI BSGRUB BYA YAN LAG BDUN LDAN ZHES KYANG ZER LA DBANG BZHI PA ZHES KYANG BYA'O ZHES ZUNG 'JUG LA NGO SPROD PA YIN TE RGYAS PAR BSHAD ZIN TO, ,'DIR GANG LA NGO SPRAD PA'I 'BRAS BU'I ZUNG 'JUG NI SNGAGS BLA MED KYI BSGRUB BYA THUN MONG MA YIN PA YIN TE LAM DUS SU RANG 'DOD LHA YAB YUM GYI RNAM PA CAN DU BSGOMS PA'I NGANG LAS BYANG SEMS DKAR DMAR GYI 'PHROD 'DU LA BRTEN NAS LHAN SKYES KYI BDE BA LAM DU BYAS PA'I MTHU YIN PA'I PHYIR RO, ,DE'I NYE RGYU NI LUS LHA'I SKUR BYAS PA'I

, ,DUS SU SEMS DON DAM PA'I BDEN PA DANG RO GCIG TU MI 'GRO ZHING SEMS DE LTAR SONG BA'I DUS SU LUS LHA'I SKUR BYAS PA MI GNAS PA'I RES 'JOG MED PAR DE GNYIS DUS GCIG TU ZUNG DU CHUD LA, DE YANG BDE BA LAM BYED KYI THABS KHYAD PAR CAN LA RTEN NAS DE LTAR GYUR PA'I SLOB PA'I ZUNG 'JUG GO ,SKABS DER RANG GI LUS SANGS RGYAS KYI SKUR SONG BA MAD KYANG RIM PA DANG PO DANG SGYU LUS MAN CHAD KYI LHA SKU DANG MI 'DRA BA'I SKU KHYAD PAR BCIG 'GRUB PA GSANG 'DUS LAS ZHIB TU BSHAD MOD KYANG TSIG MNGAS SU DOGS NAS MA BRIS SO, ,SLOB PA'I SKABS KYI BDEN GNYIS ZUNG 'JUG DE YANG SNGON DU KUN RDZOB SGYU MA'I SKU DANG DON DAM 'OD GSAL GYI TING NGE 'DZIN GNYIS SO SOR BSKYED DGOS TE YA MED PAR ZUNG MED PA'I PHYIR RO, ,DE'I RIM PA YANG KUN RDZOB SNGA LA 'OD GSAL 'PHYI BAS 'OD GSAL DANG SEMS GNYIS RO GCIG PA'I TING NGE 'DZIN MNGON DU BYAS PA'I MTHAR ZUNG 'JUG SKYED DGOS SO, ,LAM DE SGOM PA LA DBANG GSUM PA BSKUR DGOS SHING DES KYANG 'OD GSAL MTSON DGOS SO, ,DBANG GSUM PA 'DI PHYAG RGYA GNYIS GANG RUNG LA RTEN NAS BSKYED PA YIN YANG DE GNYIS LA BRTEN NAS DGA' PA BZHI'I RTOGS PA SKYED PA LA DBANG GSUM PA THOB MI DGOS TE BUM DBANG TZAM LAS MA THOB PAS KYANG BSKYED RIM BRTAN BRTAN DU BSGOMS PAS CHOG LA RIM PA DANG PO'I SKABS SU YE SHES KYI PHYAG RGYA DANG SNYOMS PAR ZHUGS NAS DGA' BZHI SKYED PA DU MA ZHIG BSHAD PA'I PHYIR DANG, KLU'I BLO'I ZHABS KYIS BSKYED RIM PA'I DANG PO SBYOR BA'I SKABS SU DNGOS DANG BSGOMS PA'I RIG MA GDAM NGA CAN DU GSUNGS PA'I PHYIR DANG, BSKYED RIM GYI SKABS SU SPYOD PA

GSUM BYED PA CIG KYANG SGRON GSAL LAS GSUNGS PA'I PHYIR RO, ,GAL TE BSKYED RIM BRTAN PA LA YANG YE RGYA LA BRTEN NAS DGA' BZHI MI SKYE NA DBANG BZHI RGYUN GCIG LA BSKUR BA'I GANG ZAG LHA'I RNAL 'BYOR CI YANG SNGAR MA BSGOMS PA LA YE RGYA LA BRTEN NAS DBANG GSUM PA BSKUR BA LA DGA' BZHI SKYA BAR MI RUNG BAS DES DBANG GSUM PA YI RGYAL BRTEN NAS THOB PA 'GAL BAR 'GYUR RO, ,DE BZHIN DU GSANG DBANG GI LAM SGOM PA'I DUS SU YANG DGA' BZHI RIG MA LA BRTEN NAS SKYE STE GSANG DBANG GIS SGYUR LUS KYI GDAMS DAG GI SNOD RUNG DU BYED PAR SNGAR BSGRUBS ZIN LA SGYU LUS KYI SNGON DU SEMS DPEN GYI STONG PA GSUM GYI YE SHES BSKYED DGOS SHING YE SHES DE RNAMS RIG MA LA BRTEN NAS SKYE BAR GSUNGS PA'I PHYIR TE RIM LNGA LAS, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA NI, ,GSAL BAR 'DI LAS MTSON PAR 'GYUR, ,ZHES GSUNGS PA'I PHYIR RO, ,GAL TE YE SHES GSUM ZHES GSUNGS PAS LHAN SKYES MI SKYE BA YIN NO SNYAM NA, SNGAR BSHAD PA LTAR BSKYED RDZOGS KYI LAM GANG YANG MANG BSGOMS LA DBANG GSUM PA BSKUR BA NA DGA' BZHI SKYE ZHING BSKYED RIM MTHAR PHYIN NAS NGAG DBEN GYIS RLUNG LA DBANG THOB PAS RIG MAL BRTEN PA'I TSE DGA' BZHI MI SKYE BAR 'DOD NA BZHANG GAD KYI GNAS SO, ,DES NA 'DIR DGA' BZHI SKYE MI SKYE DPYOD PA'I DGA' BZHI NI DBANG BUM PA BSKUR BA'I DUS KYI DE 'DRA DE YIN LA DE NI BYANG SEMS NOR BUR BABS PA PHYIR MA 'PHOS PA'I DUS SU LHAN SKYES KYI DGA' BA SKYE BAR BSHAD PA DE YIN PAS DE 'DRA'I LHAN SKYES SEMS DBEN GYI SKABS DER MI SKYE BA GA LA YIN, 'ON KYANG YE SHES GSUM ZHES SMOS NAS

, ,THAMS CAD STONG PA 'OD GSAL GYI YE SHES DER MA BSHAD PA NI YE SHES GSUM YANG RNAM PAR DAG NAS GNYIS SNANG PHRA MO YANG LOG STE SHES PA DE KHO NA NYID DANG RO GCIG TU GYUR PA'I DON GYI YE SHES LA LHAN SKYES SU BYAS PA DE DER MI SKYE BA LA DGONGS SO, ,DES NA DANG PO DBANG DUS KYI DGA' BZHI DANG DE NAS BUM DBANG GI LAM BSKYED RIM GYI DUS KYI DGA' BZHI DANG DE NAS GSANG DBANG GI LAM RLUNG DANG GTUM MO SOGS KYI DUS KYI DGA' BZHI DANG DE NAS DBANG GSUM PA'I LAM 'OD GSAL GYI SKABS SU SKYE BA'I DGA' BZHI DANG, DE NAS BZHI PA'I LAM SLOB PA'I ZUNG 'JUG GI DUS KYI DGA' BZHI 'AM STONG PA BZHI ZHES PA RNAMS SO SOR PHYED DGOS SO, ,DE BZHIN DU RLUNG SBYOR DANG GTUM MO'I 'BAR 'DZAG BSGOMS PA'I MTHUS KHAMS ZHU NAS BYANG SEMS NOR BU'I NANG DU GNAS SHING PHYIR MA 'PHOS PA'I DUS KYI LHAN SKYES SKYE BA TZAM GYI LAM SGOM PA LA YANG DBANG GSUM PA SKUR MI DGOS SO, ,JI LTAR BUM DBANG GI LAM RIM PA DANG PO SGOM PA DANG GSANG DBANG GI RTZA RLUNG SOGS KYI RNAL 'BYOR SGOM PA RNAMS BUM DBANG DANG GSANG DBANG DU MI 'JOG BA BZHIN DU, GSUM PA'I DBANG LA BRTAN NAS NGES PA'I LHAN SKYES SGOM PA RNAMS KYANG DBANG GSUM PAR MI 'JOG GO ,DBANG 'DI THOB PAS LAM 'DI LA DBANG ZHES PA YANG SO SO'I LAM DE DE MA THAG NAS NYAN PA DANG SEMS PA LA NI DBANG BA YIN LA DBANG DE THOB MA THAG NAS LAM DE'I MTSAMS NAS BSGOMS PAS CHOG PAR STEN PA MIN TE, DPER NA DUS 'KHOR GYI DBANG RDZOGS PAR THOB MA THAG PAS TING NGE 'DZIN GYI YAN LAG SGOM MI NUS PA DANG GSANG 'DUS KYI DBANG RDZOGS PAR THOB MA THAG PAS ZUNG 'JUG SGOM MI

NUS PA DANG 'DRA'O, ,'ON KYANG DE GZOD DE DAG SGOM NUS SU SLEB PA NA BSGOMS KYANG DE DAG SGOM PA LA MI DBANG BA'I SKYON MED PA'O, ,DE LTAR DON DAM 'OD GSAL GYI RDZOGS RIM SKYE BA LA DE'I SNGON DU KUN RDZOB SGYU MA LTA BU'I SGYU LUS KYI TING NGE 'DZIN BSKYED DGOS LA DE SKYE BA LA RTZA KHRUNG DANG GTUM MO SOGS KYI RNAL 'BYOR GYIS RLUNG DANG BYANG SEMS LAS RUNG DU BYAS PA'I SGO NAS DGA' BZHI'I RTOGS PA BSKYED DGOS PAS GSANG DBANG GI LAM RNAMS SGOM DGOS SO, ,SGYU LUS NI CHOS THAMS CAD RANG BZHIN MED PAR RTOGS PA'I SGO NAS GANG SNANG SGYU MAR 'CHAR BA LA MI BYED KYI STONG PA GSUM GYI YE SHES MNGON DU BYAS PAS MTHUS RNAL 'BYOR BA'I LUS DE SGYU MA'I LUS SU SONG BA CIG YIN TE GSANG 'DUS LAS SHES DGOS SO, ,RTZA RLUNG DANG BYANG SEMS DBAB ZLOG GI RNAL 'BYOR GANG YIN THAMS CAD GSANG DBANG GI LAM DU MI 'DOD DE 'OD GSAL SGOM PA YAN CHAD DU YANG DE DAG BYA DGOS PA DU MA ZHIG YOD PA'I PHYIR RO, ,DES NA THOG MAR DE DAG LAS RUNG DU SGRUB PA'I RNAL 'BYOR RNAMS YIN NO, ,DE 'DRA BA'I RDZOGS RIM GYI RTOGS PA PHUL PHYIN RNAMS SKYE BA LA NI SNGON DU BUM DBANG GI LAM RIM PA DANG POS RGYUD SMIN PAR BYAS PA CIG DGOS PAS BUM DBANG BSKUR NAS BSKYED RIM GYI SNOD DU BYED DO, BUM DBANG GI SPRUL SKU DANG GSANG DBANG GIS LONGS SKU DANG SHES RAB YE SHES KYIS CHOS SKU SGRUB PAR GSUNGS PA'I LONGS SKU NI SGYU LUS LA YANG BSHAD PAS CHOG MOD KYANG SNGAGS SPYI SKAD LA DE BZHIN GSHEGS PA'I GSUNG LA BSHAD PA MANG BAS RE SHIG DE LTAR BSHAD DO, ,DE LTAR NA SPRUL SKU NI SANGS RGYAS KYI GZUGS KYI SKU YIN PAS DE NI RJES SU MTHUN PA'I RGYU BSKYED RIM DANG DES MTSON NAS RDZOGS RIM GYI SKABS KYI LHA'I RNAL 'BYOR RNAMS

, ,KYIS SGRUB BO, ,CHOS SKU NI 'DIR DE KHO NA NYID LA RTAG TU MNYAM PAR BZHAG PA'I RGYAL BA'I THUGS YIN LA DE NI DE'I RJES SU MTHUN PA'I RGYU DE KHO NA NYID KYI DON SGOM PA'I LHAN SKYES KYIS SGRUB PO, ,DE BZHIN GSHEGS PA'I GSUNG RNAM PA THAMS CAD PA NI NGAG GI RTZA BA RLUNG LA DBANG THOB PAR BYED PA'I GSANG DBANG GI LAM GYIS SGRUB BO, ,DES NA DBANG DE GSUM LA SKU GSUNG THUGS RDO RJE GSUM SGRUB BYED DU YANG BSHAD DO, ,DE LTA BU'I SKU GSUNG THUGS GSUM DBYER MI PHYED PA NI DBANG BZHI PA YIN LA DE YANG SNGA MA'I LAM GNYIS KYIS LAM DUS KYI DBANG BZHI PA SGRUB CING SLOB PA'I ZUNG 'JUG GIS MI SLOB PA'I SKU GSUNG THUGS DBYER MI PHYED PA SGRUB PAS DBANG BZHI'I LAM DU RIM GNYIS THAMS CAD 'DU BA YIN NO, ,DKYIL 'KHOR DU GZHUG PA DANG STA GON LA SOGS PA'I SKABS SU SKYABS SU 'GRO BA DANG SEMS BSKYED PA DANG THEG CHEN GNYIS THUN MONG BA DANG THUN MONG MA YIN PA'I SDOM PA GZUNG BA BSLAB BYA DANG BCAS PA YANG GSUNGS PAS DBANG BSKUR BA'I SKOR RNAMS LA LEGS PAR DPYOD SHES NA SNGAGS KYI LAM GYI GNAD MTHA' DAG ZIN PAR SNANG NGO, ,RIM GNYIS KYI GO RIM DANG GNYIS KA DGOS PA RNAMS KYI GNAD KYANG LEGS PAR RTOGS NA LOG RTOG DU MA ZHIG LDOG GO ,DES NA RNAL 'BYOR GYI DBANG PHYUG BIRWA PA'I GDAMS PA 'DZIN PA'I BOD KYI BLA MA MKHAS PA 'GA' ZHIG SNGAGS KYI LAM GYI GNAD THAMS CAD DBANG GI KHOG NAS 'TSOL BAR MDZAD PA NI RMAD DU BYUNG BA'I SROL DU MTHONG NGO, ,LNGA PA NI, RDO RJE'I BRTUL ZHUGS NAS DBUGS DBYUNG GI BAR LNGA PO 'DI RNAMS KYANG RIG PA'I

DBANG TZAM GYIS TSIM PA LA DE'I RJES SU DANG SLOB DPON GYI DBANG MAN CHAD TZAM GYIS TSIM PA LA DE'I RJES SU SBYIN PAR BYA'O ZHES KHA CIG GO ,LVA BA PAS SPYOD PA'I BRTUL ZHUGS MA GTOGS PA BZHI DE LTAR DU BYA BAR GSUNGS SO, ,GAL TE SLOB DPON GYI DBANG MA BSKUR BA LA CHOS SHOD TIG LA SOGS PAS SEMS CAN GYI DON BYED PA'I RJES GNANG JI LTAR RIGS SNYAM NA, RNAM SNANG MNGON BYANG DU CHU DBANG TZAM ZHIG BSKUR BA'I MJUG TU YANG CHOS BSHAD PA'I RJES GNANG GSUNGS PA'I PHYIR DANG BLA MED KYI RGYUD BSHAD PA SOGS MI RUNG YANG BYA SPYOD KYI RGYUD BSHAD DU RUNG BAR SNGAR BSHAD PA'I PHYIR NA 'GAL BA MED DO, ,DES NA DE DAG GI RDO RJE SLOB DPON DU 'GYUR BA LA MING DBANG MAN CHAD JI RIGS SU BSKUR NAS RJES GNANG BYAS PAS CHOG GI SLOB DPON GYI DBANG BSKUR BA THOB MI DGOS SO, ,SNGAGS KYI DBANG NAS MDA' 'PHANG PA'I BAR BZHI NI RIG PA'I DBANG GI RJES LA'ANG BYAR RUNG STE MIG THUR DANG ME LONG NI RNAM SNANG MNGON BYANG LAS CHU DBANG BSKUR BA'I RJES SU BYA BAR GSUNGS PAS SHIN TU YANG RUNG LA SNGAGS KYI DBANG YANG DRIL BU PA LA SOGS PA MANG POS RIG PA'I DBANG LNGA'I RJES SU BYA BAR GSUNGS SO, ,MDA' GZHU YANG DE LTAR BYAS PAS CHOG GO ,RIG PA'I DBANG GI MTHA' RTEN LA SH'ANTI PAS, RIG PA'I DBANG BSKUR BA LA NI THUN MONG GI BYANG CHUB KYI NGES PA 'THOB KYI KHYAD PAR GYI YANG DAG PAR RDZOGS PA'I BYANG CHUB NI MA YIN NO, ,DE BAS NA RING ZHIG NA YANG DAG PAR RDZOGS PA'I BYANG CHUB NGES PAR THOB PAR BYA BA'I PHYIR BRTUL ZHUGS SBYIN PA 'GA' ZHIG TZAM RIG PA'I DBANG BSKUR BA LA BYA BAR RIGS KYI LUNG BSTAN PA DANG DBUGS DBYUNG BA GNYIS NI MA

, ,YIN TE DE GNYIS NI PHYIR MI LDOG PA'I SA DANG 'BREL BA'I PHYIR RO, ,ZHES LUNG BSTAN DANG DBUGS DBYUNG GNYIS DE DAG GI MTHAR MI BYED PAR RDO RJE'I BRTUL ZHUGS TZAM ZHIG SBYIN PA RGYU MTSAN DANG BCAS PAR GSUNGS SO, ,GDUL BYA'I KHYAD PAR 'GA' ZHIG LA BYED DU RUNG BAR YANG GSUNGS TE, LAN 'GA' NI RIG PA'I DBANG BSKUR BA 'BA' ZHIG TZAM LA YANG BRTUL ZHUGS DANG LUNG BSTAN PA DANG DBUGS DBYUNG BA 'DI SNOD GYI KHYAD PAR BRTAGS NAS SBYIN PAR BYA BA NYID YIN NO, ,ZHES GSUNGS SO, ,DE'I DGONGS PA YANG NGAS LUNG BSTAN PA DANG DBUGS DBYUNG BA THOB BO ZHES LHAG PAR MOS PA'I STOBS KYIS RING ZHIG NA BYANG CHUB CHEN PO NGES PAR THOB PA'I DON DU YIN TE BRTUL ZHUGS SBYIN PA DANG 'DRA BA YIN NO ZHES BSHAD DO, ,RIG MA'I BRTUL ZHUGS NI DBANG GSUM PA'I RJES SU YANG BYA BAR GZHUNG KHA CIG TU GSUNGS LA GZHUNG KHA CIG TU SNGAGS LA SOGS PA BZHI DANG SPYOD PA'I BRTUL ZHUGS DANG RJES GNANG SPYI DANG DAM TSIG GSUM DANG SKAL BA DANG LDAN PA NYID RNAMS MA GSUNGS TE JI LTAR RIGS PAR DBANG GZHAN RNAMS KYI NANG DU DE DAG GI DON 'DUS PAR DGONGS NAS SO, ,SKAL BA DANG LDAN PA NI DBUGS DBYUNG NGAM LUNG BSTAN NO, ,JI LTAR 'DUS PA NI DPYAD PAS SHES PAR ZAD DO, ,GZHUNG KHA CIG TU RJES GNANG DANG DBUGS DBYUNG GNYIS PHYIR MI LDOG PA'I DBANG DU BSDUS SO, ,PHRENG BAR NI DE THAMS CAD THA DAD DU BRJOD DO, ,GUR GYI BCO LNGA PA LAS, DANG PO CHU YI DBANG YIN TE, ,GNYIS PA LA NI COD PA NA DBANG, ,GSUM NI RDO RJE'I DBANG GIS SO, ,BZHI PA RANG GI BDAG PO YIN, ,LNGA PA LA NI MING DBANG BSKUR, ,DRUG

PA RDZOGS PA'I SANGS RGYAS NYID, ,BUM PA'I DBANG NI BDUN PA STE, ,BRGYAD PA GSANG BA'I DBANG YIN NO, ,DGU PA SHES RAB YE SHES TE, ,DE NYID RDO RJE'I SBYOR BA YIS, ,THAMS CAD RDO RJE'I BRTUL ZHUGS SBYIN, ,STON PA RANG NYID LUNG STON TE, ,'DI NI DBANG CHOG RIM PA'O, ,ZHES CHU NAS BRTUL ZHUGS KYI BAR BSHAD NAS PHRENG BA'I DBANG MA GSUNGS PA NI CHU DBANG LA SOGS PA'I RGYU YIN PA DANG SNGAGS GTAD PA SOGS PA NI JI LTAR RIGS PAR RES 'GA' SLOB DPON GYI DBANG GI 'KHOR DANG RES 'GA' DBANG BZHI PA'I 'KHOR DANG 'GA' ZHIG GI TSE DBANG GZHAN GYI 'KHOR DU RGYUD GZHAN LAS GSUNGS PA LAS RTOGS PAR BYA BA'I PHYIR RO, ,LHA'I RIGS KYI BLO GROS KYIS DBANG DRUG PA PHRENG BA'I DBANG DU 'CHAD DO, ,PHRENG BA DANG SNGAGS LA SOGS PA'I DBANG DE RNAMS DBANG BZHI GANG RUNG DU 'DU BA DE NYID KYI PHYIR 'DUS PA PHYI MA LAS, DBANG BSKUR RNAM GSUM THA DAD PA, ,RGYUD 'DI RU NI RAB TU BRTAGS, ,BUM PA'I DBANG NI DANG PO STE, ,GNYIS PA GSANG BA'I DBANG YIN NO, ,GSUM PA SHES RAB YE SHES NGES, ,BZHI PA DE YANG DE BZHIN NO, ,ZHES GSUNGS SHING KHA SBYOR LAS KYANG, DBANG DE YANG NI RNAM PA BZHI, ,DANG POR BUM PA'I DBANG YIN TE, ,GNYIS PA LA NI GSANG BA'I DBANG, ,GSUM PA SHES RAB YE SHES TE, ,BZHI PA DE NI DE BZHIN YANG, ,ZHES GSUNGS SHING BRTAG GNYIS LAS DANG PO SLOB DPON KYI DBANG DU BYAS PA'I DBANG BZHI GSUNGS SO, ,DE LA CHU DANG COD PAN DANG RDO RJE DANG BDAG PO DANG MING DANG SLOB DPON GYI DBYE BAS RNAM PA DRUG NI BUM PA'I DBANG STE THAMS CAD DU NI DE BZHIN GSHEGS PA DANG SPYAN MA LA SOGS PA'I RIG MA RNAMS KYIS BUM PAS DBANG BSKUR BA'I PHYIR RO, ,GAL TE DE RNAMS BUM DBANG

, ,YIN NA BUM DBANG BDUN PAR GSUNGS PA DE JI LTAR 'THAD SNYAM NA, SLOB DPON GYI DBANG NI MCHOG TU BLANG BAR BYA BA NYID KYIS CHU DBANG SOGS GZHAN LAS PHUL DU BYUNG BA DANG BCAS PAR SGRUB PA'I PHYIR BUM DBANG BDUN PAR GSUNGS KYI CHU DBANG SOGS BUM DBANG MIN PAR STON PA MIN NO, ,DE NYID RDO RJE'I RAB SBYOR BAS, ZHES PA LA 'GREL PA MI SNANG LA DON LA DPYAD NA DBANG BZHI PA LA YANG DRANG DU RUNG TZAM SNANG YANG BYED TSIG SMOS PA 'OG MA DANG SBREL DGOS PAS RDO RJE'I BRTUL ZHUGS KYI KHYAD PAR DU SBYAR RO, ,SLOB DPON GYI DBANG DANG POR BYAS NAS DBANG BZHIR BYAS PA'I TSE CHU DBANG LA SOGS PA SLOB DPON GYI DBANG DU SDUD PA NI SLOB DPON GYI DBANG 'BYUNG PA'I RGYU YIN PA LA DGONGS SO, ,DES NA BUM DBANG LA SOGS PA DBANG BZHIR BSDUS PA DANG CHU DBANG SOGS BUM DBANG DANG SLOB DPON GYI DBANG LAS LOGS SU BRJOD PA THAMS CAD MI 'GAL LO, ,DBANG BCU BZHIR BSHAD NAS SA RE RE DANG SBYAR BA YANG BUM DBANG LA BCU GCIG TU BYED PAS DBANG BZHIR MI 'DU BA'I SKYON MED DE PHYAG CHEN THIG LE LAS, DBANG BSKUR BZHI YI RIM PA LA, ,'BRAS BU YIS NI GSUM DU BSTAN, ,DANG PO SLOB DPON DBANG DANG GCIG ,GNYIS PA GSANG BA'I DBANG NI MCHOG ,GSUM PA SHES RAB YE SHES DBANG, ,DE LTAR DE BZHIN BZHI PA'O, ,SLOB DPON DBANG NI BCU GCIG GYIS, ,GSANG BA'I DBANG NI BCU GNYIS PA, ,SHES RAB YE SHES BCU GSUM PA, ,DE LTAR DE BZHIN BCU BZHI'O, ,DBANG RE LA NI SA RE STE, ,DE RNAMS SA YE DBANG PHYUG PA DAG ,

CES BUM DBANG LA BCU GCIG TU MDZAD CING DBANG RE RES RE RES BSHAD PA LTAR RGYUD RDOR PHRENG LAS KYANG GSUNGS LA KHYAD PAR DU DER, RNAM PA GSUM NI RGYU YI DBANG, ,BZHI PA 'BRAS BUR SHES PAR BYA, ,ZHES GSUNGS SO, ,BCU GCIG NI DRIL BU PAS, ,SLOB DPON LA SOGS DBYE BA YIS, ,DBANG BSKUR RNAM PA BZHIR BSHAD DE, ,CHU YI DBANG SOGS DBYE BA YIS, ,BZHI PO DE NI BCU BZHI'O, ,ZHES CHU DBANG THOG MAR SMOS PAS PHRENG BA MI 'DREN PAR CHU NAS BZUNG STE BCU GCIG TU MDZAD DO, ,DE LA RIG PA'I DBANG LNGA DANG SNGAGS KYI DBANG DANG PHYIR MI LDOG PA'I DBANG DNGOS GZHI STE BDUN GSAL BANG BSHAD CING DA NAS BZHI LA LUNG BSTAN DANG DBUGS DBYUNG GNYIS GCIG TU MDZAD CING RDO RJE'I BRTUL ZHUGS DANG SPYOD PA'I BRTUL ZHUGS DANG RJES GNANG GSUM SO SOR BSHAD PA LTAR BYA'O, SDOM 'BYUNG NAS BRTUL ZHUGS DANG LUNG BSTAN DANG DBUGS DBYUNG DANG RJES GNANG BZHI SO SOR PHYI NAS BUM DBANG DU GSUNGS PA LTAR MI BYA STE DE'I LTAR NA RIG PA'I DBANG LNGA DANG DA NAS SNGAR BSHAD PA BZHI DANG PHYIR MI LDOG PA'I DBANG LA BUM DBANG DU GSUNGS PA MA GTOGS PA SNGAGS DBANG MA BSHAD PAS BCU LAS MED PA'I PHYIR RO, ,DE LTA MA YIN NA DRIL BU ZHABS KYI DBANG CHOG TU BUM DBANG BCU GCIG SO SOR MA BSTAN PAR 'GYUR TE LUNG BSTAN LAS GZHAN PA'I DBUGS DBYUNG DER MA GSUNGS PA'I PHYIR RO, ,DES NA DBUGS DBYUNG BSDUS PA YIN PAS RGYAS PAR BYED NA'ANG BYAS PAS CHOG STA BSDUS PA DES MI 'GOG GO ,GNYIS PA NI, RDUL TSON GYI DKYIL 'KHOR DU DBANG SKUR TSUL DE LTAR YIN NA ,DKYI

, ,'KHOR GZHAN DU DBANG SKUR TSUL DE DAG DANG 'DRA 'AM MI 'DRA SNYAM NA, NGAG DBANG GRAGS PA DANG AA BHYA DANG DGRA CAN 'DZIN DPAL BSHES GNYEN DANG RTAG PA'I RDO RJE LA SOGS PAS RAS BRIS DANG RDUL TSON GYI DKYIL 'KHOR GNYIS DBANG BSKUR TSUL THUN MONG BAR GSUNGS PAS RAS BRIS LA BRTEN NAS SKUR BA LA YANG SNGAR BSHAD PA BZHIN BYA'O, ,BRIS PA'I DKYIL 'KHOR LA YANG YID KYIS DKYIL 'KHOR DU BSGRUBS PA'I CHO GA BYAS PA NYID KYIS DBANG SKUR DU RUNG BA'I DKYIL 'KHOR DU 'GYUR BAS YID KYI CHO GA KHO NA MCHOG YIN NO, ,DES NA DBANG DANG RAB GNAS DANG SBYIN SREG RNAMS YID KYIS BYAR RUNG BAR SLOB DPON 'DI BZHED DE PHRENG BA LAS, BRIS PA'I CHO GA 'DI YANG YID KYIS BSGRUBS PA'I CHO GA NYID KYIS 'BRAS BU DANG LDAN NO ZHES BYA BAS YID KYI DKYIL 'KHOR GYI CHO GA KHO NA MCHOG YIN NO, ,DE NYID KYI PHYIR DKYIL 'KHOR GYI BDAG PO'I GZUGS KYIS SA GZUNG BA LA SOGS PA DANG SKU GZUGS LA SOGS PA'I RAB GNAS DANG SLOB MA DBANG BSKUR BA DANG GSHEd SU GSOL BA DANG ZHI BA'I SBYIN SREG GI MTHAR THUG PA THAMS CAD YID KYIS BYA'O, ,ZHES SO, ,BSAM GTAN GYI DKYIL 'KHOR LA BRTEN NAS BYA BA 'DI YANG JI LTA BU'I TSE BYA BA NI DE NYID LAS, DE NYID KYI PHYIR GANG GI TSE 'DI THAMS CAD NI YO BYAD 'GA' ZHIG DANG BRAL BAS BYA BAR MI NUS PA'AM MI RIGS PA'AM MI RNYED PA DE'I TSE BSGOMS LA BYA'O, ,PHYI ROL GYI DNGOS PO YOD PA LA YANG BSAM GTAN KHO NA GTZO BO YIN NO, ,ZHES SO, ,DKYIL 'KHOR 'DRI BA SOGS KYI YO BYAD MI RNYED PA NI DUS 'KHOR

LAS KUN SPANGS KYI SLOB MA LA DE LTAR BYA BAR GSUNGS PA'O, ,MI RIGS PA NI YO BYAD YOD KYANG GNAS DER RDUL TSON GYIS BRI BA LA DGAG BYA CHEN PO YOD NAS BRIR MI RUNG BA'O, ,MI RNYED PA NI DA LTA YOD BYAD DANG MI LDAN PAR MA ZAD DE GZOD BTZAL YANG MI RNYED PA'AM YANG NA YO BYAD MA 'BYOR PA'I GNAS DE LAS GZHAN DU DBANG BSKUR MKHAN MI RNYED PA'O, ,GAL TE YID KYI DKYIL 'KHOR RUNG NA BRIS PA'I DKYIL 'KHOR GYIS CI BYA SNYAM NA, YO BYAD YOD NAS BRIR RUNG NA NGES PAR BRI DGOS TE DE'I PHYOGS SU ZANG ZING BTANG BA LA BRTEN NAS TSOGS MTHA' YAS PA 'PHEL BA'I PHYIR TE DE NYID LAS, 'ON KYANG 'JIG RTEN PA'I LTA BA SBYIN PA LA MNGON PAR DAD PA LA SOGS PAS BSOD NAMS 'PHEL BA'I CHED 'BA' ZHIG TU PHYI'I CHO GA 'DOD DO, ,ZHES SO, ,DBANG 'GYUR LAS, 'JIG RTEN PA'I LTA BA DANG ZHES 'BYUNG NGO, ,BSAM GTAN GYI DKYIL 'KHOR LA BRTEN DU RUNG BA'I SHES BYED GZHAN YANG DE NYID LAS, TSOGS PA DANG BRAL BAS BSGOMS PA KHO NAS CHO GA THAMS CAD BSGRUB PAR BYA'O ZHES SNGON GYI SLOB DPON RNAMS KYIS GSUNGS SO, ,DE'I PHYIR LAS DANG PO PAS KYANG SEMS BRTAN PAS YID KYIS SPRUL PA'I DKYIL 'KHOR DU SNGA MA BZHIN DU RAB GNAS DANG SKAL BA DANG LDAN PA DBANG BSKUR BAR BYA'O, ,DE LTAR YANG DPAL SANGS RGYAS THOD PA'I RGYUD LAS, SHES RAB PADMA'I NANG DBUS SU, ,DPAG TSAD BYE BA'I DKYIL 'KHOR NI, ,RIM GSUM DKYIL 'KHOR DE DBUS SU, ,MKHAS PAS SLOB MA DBANG BSKUR BYA, ,ZHES GSUNGS SO, ,GZHAN DU YANG, YID KYIS 'GA' ZHIG NYID DU NI, ,RGYAL BAS DKYIL 'KHOR BYA BAR BZHED, ,CES DRANGS NAS BSGRUBS TE

, ,DPAG TSAD BYE BA SOGS NI BSAM GTAN MIN PAS MI 'GRUB PA'I DON NO, ,LAS DANG PO PAS BYED PA LA SEMS BRTAN PA ZHES GSUNGS PAS LHA'I RNAL 'BYOR KHYAD PAR CAN DGOS SO, ,KLU'I BLOS KYANG SLOB MA DBANG BSKUR BA'I DKYIL 'KHOR BRGYAD GSUNGS PA'I BRGYAD PA YID KYI DKYIL 'KHOR DU GSUNGS TE SNGA MA BDUN NI RDUL TSON GYI DKYIL 'KHOR BRI BA'I RGYU'I SGO NAS PHYE BA'O, ,LUS DKYIL DU DBANG BSKUR BA LA DRIL BU PA'I GZHUNG NAS MNA' CHU LDUD PA DANG YE SHES DBAB PA DANG DKYIL 'KHOR BSTAN PA GSUM LAS GZHAN DKYIL 'KHOR DU GZHUG PA'I SKOR MA BSHAD KYANG GZHAN RNAMS KYANG BYA DGOS TE DRIL BU PA'I DBANG CHOG PHAL CHE BA RNAMS BSHAD RGYUD RDO RJE PHRENG BA BZHIN YIN LA DER LUS DKYIL DANG RDUL TSON GYI DKYIL 'KHOR DU DBANG BSKUR BA THUN MONG DU GSUNGS PA'I SKABS SU YANG GZHUG PA'I SKABS SU DE TZAM ZHIG LAS MA BSHAD PA'I PHYIR RO, ,DES NA LUS DKYIL LA DKYIL 'KHOR DU GZHUG PA'I SKABS GZHAN RNAMS 'DOR NA RDUL CHON LA YANG MTSUNGS PA YIN NO, ,RGYUD DER SPYOD PA'I BRTUL ZHUGS KYI 'OG TU, DE NAS GLEGS BAM DUNG LA SOGS, ,MDA' GZHU RAL GRI 'KHOR LO DANG, ,SNGON BZHIN SNGAGS KYIS DAG PAR BYAS, ,SLOB MA'I LAG TU RIM BZHIN BYIN, , ZHES KYANG GSUNGS PAS DE DAG KYANG BYAS PAS CHOG LA LUNG BSTAN DANG DBUGS DBYUNG GCIG TU BYAS PA YANG DE NAS GSUNGS SO, ,MDOR NA DRIL BU ZHABS KYI LUS DKYIL GYI DBANG RNAMS BSHAD RGYUD RDO RJE PHRENG BA LAS GSAL BAS DE DANG BSTUN NAS

BYED DGOS PA SHES PAR GYIS SHIG ,GNYIS PA NI, DE LTAR RNAM PAR DAG PA'I DBANG DANG DAM TSIG DANG SDOM PA RNAM PAR DAG PA LAN CIG THOB KYANG MI SHES PA DANG NYON MONGS MANG BA DANG BAG MED PA DANG MA GUS PA STE LTUNG BA 'BYUNG BA'I RGYU BZHIS LTUNG BA BYUNG NA RTZA LTUNG MA GTOGS PA RNAMS NI SNGAGS KYI SDOM LDAN GYI DRUNG DU PHYIR 'CHOS PA LA SOGS PAS BCOS NAS LTUNG BA LAS LDANG BAR BYA'O, ,RTZA LTUNG BYUNG NAS DAM TSIG NYAMS NA DBANG GIS GSO DGOS PAS BLA MA DAM PA LAS DBANG BLANG BAR BYA LA LEN SAM BYUNG NA SNGAR BSHAD PA'I DBANG DE RNAMS SLOB DPON 'JUG PA'I CHO GAR BSHAD PA LTAR BDAG 'JUG BYAS NAS DBANG DANG DAM TSIG DANG SDOM PA RNAMS BLANG LA GSO BAR BYA STE PHRENG BA LAS, RANG NYID KYANG DAM TSIG NYAMS NA 'DI LTA BU'I DBANG NYID JI LTAR SLOB DPON 'JUG PA'I CHO GAR BLANG BAR BSHAD PA DE LTAR BLANG BAR BYA'O, ,'ON KYANG GAL TE BLA MA DAM PA SHIN TU RING BA NA 'AM LAM BGROD DKA' BA LA SOGS PA'I NYE BAR 'TSE BAS BGROD PAR MI NUS PA'I PHYOGS NA BZHUGS NA STE GZHAN DU NI MA YIN NO, ,ZHES SO, ,KO SA LA'I RGYAN LAS KYANG, SLOB MA GZHUG PA'I DUS LA BAB PA DANG SLOB DPON 'JUG PA'I CHO GA DANG POR BYA DGOS TE GANG GI PHYIR GANG LA LA DAG BRJED NGAS PAS DAM TSIG DANG 'DAS PA 'GA' ZHIG BYUNG BA DAG SRID PAS NA DE'I PHYIR SLOB DPON NYID DANG POR 'JUG PAR BYA'O, ,ZHES GZHAN LA DBANG SKUR MKHAN GYIS KYANG SNGON DU BDAG 'JUG BYAS NAS RANG GI DAM TSIG GSO BAR GSUNGS PAS BLA MA KHYAD PAR CAN LA BLANG SA MA BYUNG NA RANG NYID BSNYEN PA SNGON

, ,DU SONG BA DANG CHO GA RNAM DAG SHES PA YIN NA BDAG 'JUG GIS SHIN TU YANG CHO GA GO ,'DI YANG DNGOS GZHI'I SKABS SU SDOM PA GZUNG BA'I CHO GA YOD PA RNAMS MA GTOGS PA STE GON GYI SKABS TZAM LAS MED PA RNAMS LA NI BLA MAS KYANG BDAG 'JUG GI TSE SDOM PA GZUNG BA'I CHO GA LEGS POR BYA DGOS LA SLOB MA LA YANG SKABS DER DPOG DGOS PA NI SNGAR BSHAD ZIN TO, ,SDOM PA GSO BAS DBANG GI SNGON DU JI LTAR BYA SNYAM NA, PHRENG BA LAS, BLA MA LA BRNYAS PA LA SOGS PA'I NYES PA LA NUS PA JI LTA BAR STON MO SNGON DU 'GRO BA'I 'BUL BA BYAS NAS BLA MA'I MDUN DU BSHAGS PA SNGON DU 'GRO BAS SDOM PA SNGA MA BZHIN DU GZUNG BAR BYA'O, ,ZHES GSUNGS PA LTAR BLA MA DANG GROGS DAM TSIG CAN RNAMS LA DPA' BO'I STON MO SOGS BYAS NAS BSHAGS PA MANG DU BYA LA DE NAS BLANG NGO, ,NAG PO DAM TSIG RDO RJES KYANG BLA MA DANG RDO RJE SPUN LA TSOGS 'KHOR BSKOR TE SNGON LA NYES PA 'DI BYAS BRJOD NAS BSHAGS PA BYED PAR DGRA NAG GI 'GREL PA LAS BSHAD DO, ,RTZA LTUNG DANG PO MA GTOGS PA RNAMS DBANG LA MI LTOS PAR LTUNG BA LAS LDANG THABS RTZA LTUNG GI RGYA CHER 'GREL LA SOGS PAS BSHAD PA LA NI YID BRTAN GTAN MI RUNG STE DUS 'KHOR DANG SH'ANTI PA'I DGRA NAG GI 'GREL PA DANG SDOM 'BYUNG GI 'GREL PA DANG PHRENG BA LA SOGS PA DU MA ZHIG GIS RTZA LTUNG GANG BYUNG YANG SLAR DBANG GIS SBYANG DGOS PAR GSUNGS SHING DGRA NAG GI BCU BDUN PA LAS KYANG, GAL TE

BAG MED BYUNG GYUR PAS, ,BLA MA DAM TSIG LA GNOD NO, ,DES NI DKYIL 'KHOR BRIS BYAS LA, ,BDER GSHEGS RNAMS LA SDIG PA BSHAGS, ,ZHES GSUNGS TE DKYIL 'KHOR 'DRI BA NI DBANG GI CHED YIN NO, ,NAG PO PAS BLA MA DANG DAM TSIG GNYIS SO SOR BYAS NAS DAM TSIG NI BDE BAR GSHEGS PA'I BKA' LA SOGS PA'O, ,DE DAG LA GNOD PA NI LTUNG BA LA BSHAD DO, ,DE LTAR DBANG GIS SOR CHUD PA LA YANG SNGA MA LA 'GYOD CING PHYIN CHAD GTAN MI BYA BA'I BSAM PA THAG PA NAS SDOM PA CIG DGOS KYI DE 'DRA MED PAR SNGA MA NYAMS KYANG SLAR BLANGS NA SKYE BAS MI SKYON NO SNYAM PA BYAS NA GTAN MI RUNG STE DUS 'KHOR 'GREL CHEN LAS, RTZA BA'I LTUNG BA BYUNG BA GANG ZHIG DAG PA'I SLAD DU SLAR YANG DKYIL 'KHOR 'DIR NI 'JUG BYA STE ZHES PA NI 'DIR GANG GI TSE DBANG BDUN LA GNAS PA'AM BUM PA DANG GSANG BA'I DBANG LA GNAS PA LA RTZA BA'I LTUNG BA BYUNG BAR GYUR NA DE'I TSE DE DAG PA'I SLAD DU DKYIL 'KHOR 'DI BRIS NAS SLAR MI BYED PA'I DON DU SLAR YANG DKYIL 'KHOR DU 'JUG PA LA SOGS PA BYA'O, , DE NAS RJES SU GNANG BA THOB NAS SLAR YANG TSOGS KYI 'DUS PAR ZHES PA RIGS KYI DBUS SU SNGAR THU BO'I MING GANG YIN PA DE NI CHUNG BA NYID DU 'GYUR TE GZHON PA NYID DU 'GYUR RO ZHES PA SLAR MI BYED PA'I SDOM PA'I SLAD DU DE BZHIN GSHEGS PA'I NGES PA STE SLOB MA RNAMS KYIS GDON MI ZA BAR BYA'O, ,ZHES PHYIS MI BYED PA'I SDOM SEMS LA NAN TAN DU MDZAD NAS GSUNGS SHING SDOM PA NYAMS NAS SLAR GSOS PA NI SNGAR GYI BSLAB GRAL LAS DMA' BAR BSDAD DGOS PAR BSHAD DO, ,DUS 'KHOR GYI DBANG GI RAB

, ,BYED KYI 'GREL PA LAS KYANG, DE YANG PHYIS MI BYED PA'I DAM 'CHA' BA RNAMS LA YIN GYI PHYIS SDOM PA'I BSAM PA MED PA RNAMS LA NI MA YIN TE 'DI LTAR SKYES BU 'GA' ZHIG DUG GIS ZIN NA SMAN PA 'GAS DE BZLOG PA'I PHYIR SMAN GYI BTUNG BA BLUD NAS SNGAR BZHIN DU ZA BA DANG MTSUNGS SO, ,ZHES DGE SLONG D'A RI KA PAS BSHAD DO, ,'DI DAG RGYAS PAR RTZA LTUNG GI RNAM BSHAD DU BSHAD ZIN TO, ,RGYUN PA'I BDAG 'JUG BYED TSUL YANG PHRENG BA LAS, RTAG TU YI DAM BYED PAS NI SHES RAB DANG THABS RO GCIG PA'I RANG GI 'DOD PA'I LHA'I SBYOR BAS YID KYI RANG BZHIN GYI DKYIL 'KHOR BSGOMS PAR DKYIL 'KHOR DBANG PHYUG LAS CHU'I DBANG LA SOGS PA GSANG BA DANG SHES RAB YE SHES DANG BZHI PA'I MTHAR THUG PA DANG DBUGS DBYUNG BA'I MTHAR THUG PA'I BAR YANG BLANG BAR BYA'O, ,ZHES GSUNGS PAS RDUL TSON DANG BRIS SKU LA BRTEN PA MA GRUB KYANG BSAM GTAN GYI DKYIL 'KHOR DU BYAR RUNG NGO, ,GSUM PA NI, DE NAS CHO GA'I LHAG CHAD KYI NYES PA ZHI BAR BYA BA'I PHYIR ZHI BA'I SBYIN SREG DANG LHA RNAMS TSIM PAR BYA BA'I PHYIR RGYAS PA'I SBYIN SRAG BYA'O, ,'DI DAG DNGOS SU MA GRUB NA YID KYIS KYANG RUNG BAR SNGAR BSHAD LA 'OD SNYE LAS KYANG YANG NA THAMS CAD YID KYIS SO, ,ZHES GSUNGS PAS YID KYIS SBYIN SREG BYA'O, ,DE NAS RANG GIS DKYIL 'KHOR MCHOD CING THAMS CAD KYIS NUS PA JI LTA BAR DE BZHIN GSHEGS PA LA SOGS PA LA MCHOD PA GYIS SHIG CES PAS SLOB MA LA SOGS PA RNAMS MCHOD PA BYED DU GZHUG LA, DER

ZHUGS PA RNAMS LA YANG BZA' BCA' DANG BLDAG PA DANG CHANG LA SOGS PA DKYIL 'KHOR LA PHUL BA RNAMS KYIS TSIM PAR BYA STE DE DAG DANG LHAN CIG TU MTSAN MO MI NYAL BAR GLU GAR LA SOGS PA DANG BYANG CHUB KYI SEMS KYI RTOGS PAS YANG DAG PAR MCHED NAS, ,BYED RNAMS KYIS 'JUG PA 'DI SU LA'ANG SMRA BAR MI BYA'O ZHES BRJOD DO, ,DE NAS SLOB MA LA NI YON BSLANG BYA, ,DES KYANG GUS PAS DBUL BYA STE, ,RIN CHEN YID 'ONG CHUNG MA DANG, ,RANG GI LUS DANG SA GZHI DANG, ,MDOR NA BYA BA DE 'DRA BA, ,JI LTAR BLA MA MNYES 'GYUR BYA, ,BLA MA MNYES NA DNGOS GRUB 'GYUR, ,GZHAN DU MIN ZHES THUB PA GSUNG, ,SLOB DPON BLA MED BYED PA PO, ,RDO RJE SEMS DPA' MCHOD PA LAS, ,DE YIS BSOD NAMS MA BYAS CI, ,DKA' THUB MA BYAS PA YANG CI, ,ZHES GSUNGS SO, ,'DIR BLA MA MNYES PA RTEN 'BREL GYI GNAD SHIN TU CHE BAR RGYA GZHUNG DU MA LAS GSUNGS LA SBYIN PA'I ZHING YANG BLA NA MED PA YIN TE SNYING PO MDOR BSAGS LAS, SANGS RGYAS ZHING SOGS ZHING RNAMS LA, ,KHYAD PAR DU NI SBYIN PA SPYAD, ,DMANGS RIGS STONG PHRAG GNYIS DAG KYANG, ,BRAM ZE GTZANG MA GCIG DANG 'DRA, ,BRAM ZE STONG PHRAG GNYIS DAG NI, ,DGE SLONG GCIG LA RAB TU SBYAR, ,DGE SLONG STONG PHRAG GNYIS DAG NI, ,RDUL MED PA NI GCIG DANG MNYAM, , RDUL MED STONG PHRAG GNYIS DAG NI, ,YE SHES LDAN PA GCIG DANG SBYAR, ,YE SHES LDAN PA STONG PHRAG GNYIS, ,SLOB DPON GCIG DANG MNYAM PAR BRTAG ,DE LTAR SBYIN PA'I ZHING BYAS NAS, ,BLO DANG LDAN PAS RTAG TU SBYIN, ,RNAL 'BYOR RTZA BA'I

, ,CHOS LAS NI, ,ZHING BZANG PO LA SA BON GDAB, ,CES GSUNGS TE LVA BA PA DANG NAG PO SPYOD PAS KYANG DE LTAR BSHAD DO, ,DE NAS SLOB MA RNAMS BZHAG STE PHYI ROL TU PHYOGS KYI GTOR MA DANG MCHOD PA LA SOGS PA BYAS LA NANG DU ZHUGS NAS DKYIL 'KHOR LA PHYAG 'TSAL TE GTZO BO LA MCHOD YON LA SOGS PA PHUL NAS DGE BA BSNGO'O, ,DE NAS DKYIL 'KHOR LAN GSUM BSKOR LA BCOM LDAN 'DAS LA PHYOGS PAS SHAR SGOR 'DUG STE CHAD LHAG GI NYES PA ZHI BAR BYA BA LA DMIGS NAS YI GE BRGYA PA LAN GSUM BRJOD DO, ,DE NAS ME TOG DANG BCAS PA'I THAL MO SNYING KHAR SBYAR LA MA TSANG BA LA SOGS PA'I NYES PA ZHI BAR BYA BA'I PHYIR BZOD PAR GSOL TE, GANG YANG BDAG BLO RMONGS PA YIS, ,NYES BYAS CUNG ZAD GANG BGYIS PA, ,GANG PHYIR LUS CAN SKYABS YIN PHYIR, ,MGON KHYOD DE KUN BZOD PAR MDZOD, ,MA RNYED YONGS SU MA SHES DANG, ,GANG YANG NUS PA MA MCHIS PAS, ,'DIR NI BYA BA GANG BGYIS BA, ,DE KUN GTZO BOS BZOD MDZAD RIGS , ZHES BRJOD CING MNGON PAR 'DOD PA'I DON 'GRUB PAR GSOL BA GDAB BO, ,DE NAS, AOm KHYED KYIS SEMS CAN DON KUN MDZAD, ,RJES SU MTHUN PA'I DNGOS GRUB BSTZOL, ,SANGS RGYAS YUL DU GSHEGS NAS KYANG, ,SLAR YANG 'BYON PAR MDZAD DU GSOL, ,ZHES PA DANG AOm A'A: H'Um BADZRA MU: ZHES BYA BAS YE SHES PA'I DKYIL 'KHOR GSHEGS SU GSOL NAS RANG GIS SPRUL PA'I DAM TSIG PA'I DKYIL 'KHOR RANG NYID LA BSTIM MO, ,SANGS RGYAS KYI YUL NI SEMS CAN GYI DON DANG

CHOS KYI DBYINGS LA KUN SNYING GIS BSHAD DO, ,DE NAS AOm AA K'A RO MU KHAm SARBA DHARMA' n'Am AA DY'A NUD PAN NA TVAD AOm A'A: HU'm PHAt SV'AH'A AOm A'A: H'Um MU: ZHES 'DON CING CHOS THAMS CAD SKYE BA MED PAR MOS PAS GA-YON PAS DRIL BU DKROL ZHING LAG PA GA-YAS KYI RDO RJES SHAR SGO NAS BRTZAMS TE TSANGS THIG GI LAM NAS GTZO BO'I GNAS KYI BAR DU DBYI ZHING RANG GI MGO BO LA RDUL TSON CUNG ZAD TZAM BLUGS NAS PADMA LA SOGS PA RNAMS DBYI BAR BYA'O, ,DE NAS SGO RNAMS DANG ZUR RNAMS LAG PA'I RDO RJE'I RTZE MOS GZHIG PAR BYA'O, ,BLA MA RNAMS SNGON LA LHA MTSAN RNAMS BSDUS NAS DE NAS RDO RJES 'JIG PA MDZAD DO, ,DE NAS AOm BADZRA K'I LA AUD K'I LA YA SARBA K'I L'A NA BADZRA DHAR A'A DZNY'A PA YA H'Um H'Um H'Um H'Um PHAt HO: ZHES BYA BA H'Um BZHI PA'I SNGAGS BRJOD LA PHUR PA RNAMS GDON TE GZHUNG GZHAN NAS SU MBHA NI LA H'Um BZHI PAR BYAS PA DAD MI 'DRA'O, ,DE NAS AOm RU RU SPHU RU DZVA LA TIshthA SIDDHA LO TZA NE SARBA AARTHA S'A DHA NI SV'AH'A ZHES BYA BA'O MA LA BRGYA RTZA BRGYAD BZLAS PAS PHUR BU RNAMS BKRU BAR BYA'O,, SNGAGS DES BZLAS NAS 'KHRU BA NI GSANG 'DUS LAS SNGAGS DES SHI BA GSO BAR GSUNGS PAS BGEd RNAMS NYAMS PAR BYAS PA SLAR GSO BA'I DON NO, ,PHUR PA'I LHA RNAMS KYANG GSHEGS SU GSOL LO, ,PHUR BU SA LA BTAB NA KHUNG BU YANG DGANG NGO, ,NAD ZHI BA LA SOGS PA'I DON DU SLONG BA LA RDUL MTSON CUNG ZAD TZAM BYIN NAS RDUL TSON GZHAN RNAMS RNAM PAR RGYAL BA'I BUM PA'AM BUM PA GZHAN SAR PA RAS KYIS BRGYAN BAR BLUGS TE GLANG PO CHE'I STING DAM KHYOGS LA BZHAG LA YO

, ,BDAG GIS BYIN PA'I RAS KYIS BRGYAN PA'I RNAL 'BYOR MAS BZUNG LA 'DO LI LA ZHON PA'I SLOB DPON NAM SLOB MA DRIL BU'I SGRA DANG BKRA SHIS KYI GLU DANG ROL MO'I SGRA DANG GDUGS DANG RGYAL MTSAN DANG MCHOD PA RNAMS DANG LDAN PAS KHYER TE, 'BAB CHU CHEN PO'AM MTSO CHEN PO 'AM CHU ZAB MO'I 'GRAM DU 'DUG LA BA LCIS BYUGS PA DRI DKAR POS MAndALA BYAS TE PADMA'I LTE BA LA RDO RJE SEMS DPA' 'AM GTZO BO GANG YIN DANG 'DAB MA LA SHAR NAS BRTZAMS TE PHYOGS BZHI DANG, DBANG LDAN NAS BRTZAMS TE MTSAMS BZHIR GA-YAS SKOR DU RIM PA BZHIN MTHA' YAS DANG PADMA DANG 'JOG PO DANG NOR RGYAS DANG, PADMA CHEN PO DANG DUNG SKYONG DANG KARKO tA DANG RIGS LDAN RNAMS SNYING KHA'I SA BON GYI 'OD ZER GYIS BKUG NAS BZHAG PAR BSAM MO, ,DA NAS AOm A'A: AA NAN T'A YA H'Um SV'AH'A, AOm A'A: PADMA YA H'Um SV'AH'A, AOm A'A: TA KshA KA YA H'Um SV'AH'A, AOm A'A: B'A SU KE YE H'Um SV'AH'A, AOm A'A: MAH'A PADMA YE H'Um SV'AH'A, AOm A'A: SHAm KHAP'A LA YE H'Um SV'AH'A, AOm A'A: KA RKO tA YE H'Um SV'AH'A, AOm A'A: KU LI K'A Y'E H'Um SV'AH'A, ZHES PA'I SNGAGS RNAMS KYIS ME TOG DKAR POS MCHOD LA LAG PA GA-YON PA GDENGS KA'I STANGS DANG GA-YAS PA BRKYANG STE, AOm AA NANT'A B'A SU KI TAKshA KA, KARKA tA KA PADMA MAH'A PADMA SHAm KHA P'A LA KU LI KA P'A LA DE BA TI MAH'A DE BA TI SO MA SHI KHIM H'A SO MA SHA KHI, DA ndA DHA RA MAH'A DA ndA DHA RA AA PA L'A LA H'Um LUndANA NVA AU PA NA NDA S'A GA RA MA H'A S'A GA RA, TAPTA MAH'A TAPTA SHRI K'ANA TI MAH'A K'A NA TI RATNA K'ANA TI SU RU PA MAH'A SU RU PA, BHA DR'A HI KA MA HO DA RA SHI LI MAH'A SHI LI AOm BHAKshA BHA KshA AA GATZTSA AA GATZTSA MAH'A N'A GA AA DHI PA TI SARBA BH'URA BH'U WA: PHRUm PHRUm SV'AH'A, ZHES BA'I

SNGAGS KYIS 'O MA'I GTOR MA PHUL NAS MCHOD DE KLU RNAMS LA BYIN GYIS BRLABS PA'I RDUL TSON GTAD DE CHU LA BSKUR BAR BYA'O, ,KLU RNAMS KYIS KYANG BKUR STI CHEN POS SA 'OG GI GZHIR KHYER BAR BSAM MO, ,SKABS GZHAN DU KLU GTOR GTONG BAR 'DOD NA DBUS SU BA RU CHA BSAMS LA GZHAN SNGA MA BZHIN BYAS NAS BTANG BAS CHOG GO ,GANG DU RDUL TSON KHYER BA'I BUM PA DE CHUS BKANG NAS DE KHO NA BZHIN DU KHYER TE DES ZHI BA'I DON DU DKYIL 'KHOR KHANG PA LA SOGS PAR GTOR BAR BYA'O, ,BA LCIS BYUGS PA'I DKYIL 'KHOR GYI KHANG PAR GZHON NU MA RNAMS LA 'O THUG GI STON MO BYA'O, ,DE NAS SLOB DPON GYIS NI NOR, ,MKHO BA'I YO BYAD KUN BSDUS NAS, ,RANG NYID KYIS NI SPYAD PAR BYA, ,SLOB MA SOGS KYIS CUNG ZAD MIN, ,RMANG 'DZUGS PA DANG RAB GNAS DANG, ,SBYIN SREG 'KHOR LO'I NOR GANG YIN, ,DE KUN SLOB DPON KHO NA'I ZHES, ,RDO RJE 'DZIN PA MCHOG NYID GSUNGS, ,ZHES SO, ,RMANG 'DZUGS PA ZHES PA LA BZHI BRGYA LNGA BCU PA SOGS LAS KHUNG BU DGANG DANG ZHAS BSGYUR TE DBANG GI CHO GA'I PHYOGS GCIG GI MING DU MNGON PAS DBANG BSKUR KYI YO BYAD DO, ,SPYI RGYUD LAS KYANG DKYIL 'KHOR GYI YO BYAD THAMS CAD SLOB DPON NYID DBANG LA SLOB MA LA BGO BSHA' BYAS NA DAM TSIG NYAMS PA DANG SLOB DPON MI 'DOD NA GDUGS DANG RNGA YAB DANG DRIL BU SOGS SANGS RGYAS DANG, GDAN DANG BDUG SPOS DANG DRI LA SOGS PA CHOS DANG, GOS DANG SNOD SPYAD SOGS DGE 'DUN LA DBUL DGE 'DUN MED NA DGE SLONG NGAM DGE SLONG MA 'AM DGE BSNYEN LA SBYIN PAR BSHAD CING, BZA' BA DANG NI BCA' BA RNAMS, ,CI DGAR PHONGS PA RNAMS LA SBYIN, ,KHYI

, ,DANG BYA ROG LA SOGS LA, ,CUNG ZAD TZAM YANG MI SBYIN NO, ,ZHES GSUNGS SO, ,SLOB DPON DANG SGO'I SLOB DPON RNAMS DANG LAS KYI RDO RJE CAN DANG RNAL 'BYOR MA RNAMS JI LTAR 'OS PAR NUS PA JI LTA BAR GO LA LA SOGS PA RNAMS DANG SO RTZI LA SOGS PAS MNYES PAR BYA'O, ,DGE 'DUN GYI STON MO DANG TSOGS KYI 'KHOR LO BYA'O, ,LVA BA PA LA SOGS PAS DKYIL 'KHOR GSHEGS GSOL MA BYAS PA'I GONG DU TSOGS 'KHOR BYA BAR GSUNGS TE SKABS DE DAG GANG RUNG DU BYAS PAS CHOG GO ,DMAN PA DANG MGON MED PA RNAMS KYANG TSIM PAR BYA'O, ,MTHA' RTEN NAS MJUG CHOG GI BAR GYI SDOM NI, ,BRTUL ZHUGS GSUM DANG LUNG BSTAN DANG, ,RJES GNANG DBUGS DBYUNG RNAM PA DRUG ,SBYIN SREG MCHOD DANG YON BSLANG DANG, ,GTOR MA MCHOD PA BSKOR BA BYA, ,BZOD DANG GSHEGS GSOL SPRUL PA SDUD, ,TSON RTZI BSDU ZHING PHUR BU DBYUNG, ,RDUL TSON CHUR DOR BUM CHUS BSANG, ,TSOGS KYI 'KHOR LOS DGA' STON BYA, ,ZHED PA'O, ,DE LTAR NA DBANG BSKUR BA NI SNGAGS KYI GZHUNG DU MA LAS LAM SGOM PA DANG DNGOS GRUB RNAM PA GNYIS 'GRUB PA'I GZHIR LAN GCIG MA YIN PAR BSNGAGS PAS SHIN TU GAL CHE BAR MTHONG NAS PAndI TA CHEN PO 'JIGS MED 'BYUNG GNAS SBAS PA'I GZHUNG RDO RJE PHRENG BA LA GZHI BLANGS TE DRI MA MED PA'I RGYUD DANG BSTAN BCOS RNAMS DANG MTHUN PAR CHO GA PHRA RAGS THAMS CAD DMIGS PHYED PAR BYA BA'I RIM PA RGYAS PAR BSHAD PA YIN NO, ,'DIR SMRAS PA, BUM DBANG GANGG'A'I CHU RGYUN BSKUR

BA YIS, ,THA MAL SNANG ZHEN LUS KYI DRI MA BKRUS, ,GSANG BA YE SHES BDUD RTZI MYANGS PA YIS, ,NGAG GNAS RLUNG GI RGYU BA SNGAGS SU 'CHAR, ,GSUM PA LHAN SKYES DGA' BA'I LCAGS KYU YIS, ,YID KYI SKYES BU DON DAM DBYINGS SU DRANGS, , BZHI PA ZUNG 'JUG DON LA NGO SPRAD PAS, ,MTHAR THUG SKYEL SO'I GNAD LA THE TSOM BCAD, ,DBANG BZHI'I GNAD DON TSUL BZHIN NGES PA LAS, ,MCHOG TU GYUR PA'I GDAMS PA YOD MIN ZHES, ,RANG GI RTOGS PA GLU RU BLANGS PA 'DI, ,BLA MA RNAMS DANG 'JAM PA'I DBYANGS LA 'BUL, ,DE SKAD SMRAS PA 'ANG DBANG GI RIM PA RNAMS, ,LAM GYI SNGON 'GRO TZAM DU ZAD DO ZHES, ,RTZA BA BOR NAS YAL GA TSOL RNAMS KYI, ,YID MUN STUG PO ZHI BA'I DON DU'O, ,RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR PHYE BA LAS, DBANG GONG MA GSUM MTHA' RTEN DANG BCAS PA BSKUR ZHING MJUG GI CHO GA BSTAN PA STE LE'U BCU PA'O,, ,,GZHAN DBANG BSKUR BA'I CHO GA LA GNYIS SU PHYE BA'I GNYIS PA LHA LA DBANG BSKUR BA RAB GNAS KYI CHO GA DANG, CHO GA JI LTAR BYA BA'I RIM PA LA GNYIS SU PHYE BA'I GNYIS PA DBANG GI YAN LAG GI CHO GA LA LHA TSIM ZHING DNGOS GRUB SGRUB PA'I THABS SBYIN SREG DANG, NYAMS CHAG SKONG BA'I MKHA' 'GRO MNYES PA'I THABS TSOGS 'KHOR DANG, CHA LUGS MI NYAMS SHING GZUNG BA'I DAM TSIG GI YAN LAG RDO RJE DANG DRIL BU DANG, DGANG BLUGS DANG RGYAN DRUG DANG d'A MA RU DANG KA P'A LA DANG KHA tV'Am KHA LA SOGS PA TSAD JI LTAR BYA BA DANG, DE LTAR BYAS PA

, ,RNAMS BCAD PA'I TSUL RNAMS KYANG SNGAGS PA'I KUN SPYOD YONGS SU DAG PA'I THABS SU SHIN TU GAL CHE MED KYANG, 'DIR DE DAG NYE BAR SBYAR NA GZHUNG HA CANG MNGAS PA'I 'JIGS PAS RE ZHIG LA MA BRIS PAS GZHAN DU SHES PAR BYA'O, ,RGYUD DON MA LUS PA GANG ZAG GCIG 'TSANG RGYA BA'I YAN LAG TU SDUD PA'I TSE DE DAG SKABS GANG DU 'DU BA SHES PAR BYA BA'I PHYIR DU, LAM GYI RIM PA 'DIR DE DAG KYANG BSDUS DON GYI KHONGS SU NYE BAR SBYAR NAS DMIGS PHYE BA TZAM BYAS SO; ;GNYIS PA SNOD DU GYUR NAS DAM TSIG DANG SDOM PA DAG PAR BYA BA NI, DE LTAR DBANG THOB PA'I GANG ZAG DES THOG MAR CI ZHIG BYA SNYAM NA, DBANG GI DUS SU JI LTAR KHAS BLANGS PA LTAR GYI DAM TSIG DANG SDOM PA SRUNG BA LA BRTZEN PAR BYAS NAS DKYIL 'KHOR GYI 'KHOR LO LA SOGS PA'I RIM GNYIS KYI MAN NGAG BSGOMS NA DNGOS GRUB 'GRUB KYI DE LTA MIN PAR SRUNG SDOM YAL BAR BZHAG NA BSKAL PA MANG POR 'BAD KYANG MI 'GRUB STE, SDOM 'BYUNG LAS, JI LTAR NYE BAR BSTEN PA BZHIN,, PHYI NAS DAM TSIG SPYOD PAR BRTZON, ,SNOD DU BYAS PA'I RGYUN LAS NI, ,'KHOR LO LA SOGS SGOM RIM GYIS, ,YANG DAG MAN NGAG PHUN TSOGS KYIS, ,'GRUB PAR 'GYUR RO GZHAN DU MIN, ,ZHES DANG, MNYAM SBYOR LAS KYANG, DKYIL 'KHOR DAG TU MA ZHUGS DANG, ,DAM TSIG RNAMS NI SPANGS PA DANG, ,GSANG BA'I DE NYID MI SHES PAS, ,BSGRUBS KYANG CI YANG MI 'GRUB BO, ,ZHES DANG RTZE MO LAS KYANG, SKAL PA BRGYA PHRAG DAG TU NI, ,CI STE MNGON PAR BRTZON BYAS KYANG, ,

GANG ZAG BZHI NI 'JIG RTEN DU, ,BSGRUBS KYANG 'GRUB PA NYID MI 'GYUR, ,BYANG CHUB SEMS NI MA SKYES DANG, ,THE TSOM LDAN PA NYID DANG NI, ,BKA' BZHIN DU NI MI SPYOD PA, ,DAD PA MED NYID 'GRUB MI 'GYUR, ,ZHES SO, ,DE YANG DBANG GIS SNOD DU BYAS PA'I MJUG NYID NAS MA 'GYANGS PAR BSLAB BYA RNAMS LA 'KHRID DGOS TE BLA MA LNGA BCU PA LAS, DE NAS SNGAGS SOGS BYIN PA YIS, ,DAM CHOS SNOD DU BYAS NAS SU, ,RTZA BA'I LTUNG BA BCU BZHI NI, ,BKLAG DANG 'DZIN PA NYID DU BYA, ,ZHES SO, ,SDOM 'BYUNG LAS, CI STE DNGOS GRUB MCHOG 'DOD NA, ,SROG NI YONGS SU GTONG YANG BLA, ,'CHI BA'I DUS LA BAB KYANG BLA, ,RTAG TU DAM TSIG BSRUNG BAR BYA, ,ZHES DANG SGYU DRA'I GNYIS PA LAS KYANG, DE NAS DAM TSIG BSTAN PAR BYA, ,DE RING PHAN CHAD BU KHYOD KYIS, ,SROG DANG RUS PA LA BAB KYANG, ,DAM PA'I CHOS DANG BYANG CHUB SEMS, ,SLOB DPON LA NI BRNYAS MI BYA, ,RDO RJE SPUN RNAMS BKUR BYA ZHING, ,SDANG LA BYAMS DANG CHAGS BRAL BAR, ,KHYOD KYIS NAM YANG MI BYA'O, ,ZHES DAM TSIG DANG SDOM PA SROG DANG BSDOS NAS SRUNG DGOS PAR GSUNGS PA BZHIN DU 'BAD DGOS LA KHYAD PAR DU RTZA LTUNG GIS GOS NA RGYUD CHUD ZOS NAS YON TAN SHIN TU SKYE DKA' BAR GSUNGS PAS DES MA GOS PA LA 'BAD PA DRAG PO BYA ZHING LTUNG BA GZHAN GYIS KYANG MA GOS PA LA 'BAD LA BYUNG NA YANG SLAR CHOS BZHIN DU BSHAGS BSDOM GYIS PHYIR BCOS PAR BYA'O, ,DBANG YONGS SU RDZOGS PAR THOB PA ZHIG GIS DAM TSIG SRUNG BA LA 'BAD NAS LTUNG BAS MA GOS NA LAM SGOM PA CHER MA BYUNG YANG

, ,SKYE BA BDUN LA SOGS PA TSUN CHAD KYIS MCHOG 'GRUB PAR GSUNGS SHING, BSLAB BYA'I DAM TSIG SRUNG BA YAL BAR BZHAG NAS GZHAN LA 'BAD PA SKAD BYAS KYANG NGAN 'GROR 'GRO BAS DNGOS GRUB LTA ZHOG BDE 'GRO YANG RNYED PAR DKA' STE, GSANG BA'I MDZOD KYI RGYUD SAR HAS THOD PA'I 'GREL PAR DRANGS PA LAS, DBANG BSKUR YANG DAG SBYIN LDAN NA, ,SKYE DANG SKYE BAR DBANG BSKUR 'GYUR, ,DE YIS SKYE BA BDUN LA NI, ,MA BSGOMS PAR YANG DNGOS GRUB 'THOB, GANG LA BSGOM PA DANG LDAN ZHING, ,GAL TE DAM TSIG SDOM LA GNAS, ,SKYE 'DIR LAS DBANG GIS MA 'GRUB, ,SKYE BA GZHAN DU DNGOS GRUB 'THOB, ,RE SHIG DAM TSIG NYAMS PA NA, ,DNGOS GRUB THOB PA LTA ZHOG GI ,MI YI SKYE BA'ANG RNYED PAR DKA', ,ZHES DANG DAM TSIG LNGA PA LAS KYANG, GAL TE LTUNG BA MED GYUR NA, ,SKYE BA BCU DRUG DAG NA 'GRUB, ,CES DANG RNAM GROL ZLA BAS KYANG, ,MA BSGOMS GYUR KYANG LTUNG MED NA, ,SKYE BA BCU DRUG DAG NA 'GRUB, ,CES GSUNGS SO, ,'DI NI SLOB DPON BYAS NAS RGYUD DANG GDAMS NGAG 'CHAD CING DBANG SKUR BA DANG, SLOB MA BYAS NAS RGYUD DANG GDAMS NGAG NYAN PA DANG GNYIS KAS KYANG SGRUB PA BYED PA DANG, DE DAG GANG YANG MI BYED NA YANG DBANG THOB PA KUN GYIS 'DAR MI RUNG BAR BYA DGOS PA YIN LA, TSE 'DI LA MCHOG 'GRUB PA LA SOGS PA GANG ZAG RAB 'BRING THA GSUM GANG GI YANG LAM BGROD PA GCIG PA YIN NO, ,RGYUD DANG DGONGS 'GREL RNAMS KYIS BLA MA DNGOS GRUB KYI RTZA BAR YANG DANG YANG DU GSUNGS PA LA BRTEN NAS

DAM PA SNGA MA RNAMS KYIS BLA MA'I RNAL 'BYOR SGOM PA LAM GYI THOG MAR GAL CHE BAR BZHED PA YANG RTZA LTUNG DANG PO'I SKOR RGYAS PAR 'CHAD PA BLA MA LNGA BCU PA'I DAM TSIG SRUNG BA'I NANG DU 'DU ZHING DE NYID BSLAB BYA RNAMS KYI NANG NA GAL CHE SHOS KYANG YIN NO, ,DE BAS NA SNGAGS KYI BSLAB BYA RNAMS LA GDAMS PA'I MCHOG TU NGES PA RNYED NA DE 'DRA BA'I RIGS KYI NYAMS LEN PHYOGS RE BA LAM DNGOS KYI SNGON 'GROR MING BTAGS PA THAMS CAD DAM TSIG DANG SDOM PA SRUNG BA'I NANG DU LHAG DANG BCAS PAR 'ONG BAS, SHES RAB CAN RNAMS KYIS RIM PA GNYIS KYI SNGON 'GRO NI DBANG DANG DAM TSIG SRUNG BA YIN PAR SHES PAR GYIS SHIG ,DON 'DI DAG LA RJE BTZUN CHEN PO GRAGS PA RGYAL MTSAN PA'I ZHAL NAS, ,RDO RJE THEG LA DAD KYANG MA SMIN PAS, , ZAB MO BSGOMS KYANG 'BRAS BU NGAN 'GRO LAS, ,MCHOG GZHAN MI 'GRUB SANGS RGYAS GSUNG BAS NA, ,BLA MA MCHOG LA DBANG BSKUR NOD PAR MDZOD, ,DBANG THOB MAN NGAG ZAB MO TSOL BA YIS, ,SA STENG RGYAS PAR KUN TU BTZAL BYAS KYANG PHAN PA'I DON PO GDAMS NGAG DAM TSIG STE, ,'DI MED 'GRAM RTZA ZAD PA'I KHANG RUL 'DRA, ,LEGS PAR SMIN LAS DAM TSIG BSRUNG BYAS NA, ,RIM GNYIS ZAB MO'I MAN NGAG MA BSTEN KYANG, ,SKYE BA BCU DRUG DAG NA 'GRUB BO ZHES, ,'GRO BA'I RTZA LAG PHAN PAR MDZAD PAS GSUNGS, ,BDAG NI THOS NYUNG SHES RAB MIG BRAL YANG, ,DRI MED RGYUD LAS LEGS GSUNGS MTHONG BAS NA, ,DBANG BLANG DAM TSIG SRUNG BAR MDZOD CIG CES, ,KUN LA THAL MO SBYAR NAS GSOL BA 'DEBS,,

, ,ZHES GSUNG PA NI RGYUD SDE'I GNAD MKHYEN PA'I GTAM YIN TE BDAG KYANG DE LTAR DU GSOL BA 'DEBS SO, ,DE 'DRA BA'I BSLAB BYA SHES PAR BYED PA NI BLA MA'I LAS SU BYA BA YIN PAS DAM BSTAN NA BLA MA LA NYES PAR 'GYUR LA BSTAN KYANG MI SGRUB NA SLOB MA'I NYES PA'O, ,'DI DAG RGYAS PAR BLA MA LNGA BCU PA DANG RTZA LTUNG GI RNAM BSHAD DU BSHAD ZIN PAS DAM TSIG GI LE'U NI GZHAN DU SHES PAR BYA'O, ,SHES NAS KYANG BSLAB BYA SPYI DANG KHYAD PAR DU RTZA BA'I DAM TSIG RNAMS DANG DE'I NANG NAS KYANG SHIN TU GAL CHE BA BLA MA'I DAM TSIG RNAMS SRUNG BA LA RTZAL CI YOD KYIS 'BAD PAR BYA STE, BLA MA DANG DPA' BO DANG RNAL 'BYOR MA RNAMS DBANG DU BZHAG NAS KHAS BLANGS PA'I SDOM PA SRUNG BA NI MED DU MI RUNG BA YIN PA'I PHYIR RO, ,GSUM PA LA GNYIS, DANG POR THOS BSAM GYIS LAM SHES PAR BYA BA DANG, SHES PA'I DON SGOM PAS NYAMS SU BLANG PA'O, ,DANG PO NI, DE LTAR DBANG THOB NAS DAM TSIG DANG SDOM PA TSUL BZHIN DU SRUNG BA DES DE NAS CI ZHIG BYA SNYAM NA, RGYAN BDUN DGROL BA LAS, DANG PO NYAN PA'I SHES RAB KYIS, ,TSIG GI RGYUD LA THOS PA BSKYED, ,DE NAS BSAMS PA'I SHES RAB KYIS, ,TSIG DANG DON DU 'BREL PA BSLAB, ,CES GSUNGS PA LTAR RANG GIS SGRUB PA DANG GZHAN LA LAM STON PA SOGS GANG BYED KYANG THOG MAR THOS BSAM GYIS GO BA MA NOR BA CIG BTZAL DGOS TE, RANG GIS MI SHES NA GZHAN LA STON MI NUS PA'I PHYIR DANG MA SHES PAR NYAMS SU BLANGS SA MED PA'I PHYIR DANG, RANG GIS JI

TZAM ZHIG GO BA DE BZHIN NYAMS SU LEN PAS GO BA NOR NA SGRUB PA NOR LA SGRUB PA MA NOR BA YANG GO BA MA NOR BA LA RAGS LAS PA'I PHYIR RO, ,DE LTAR YANG GI RDOR GYI DKA' 'GREL MU TIG PHRENG BA LAS, BLO GROS MED LA THOS MED MA THOS PA LA'ANG BSAM MED, ,GNYIS BRAL RNAL 'BYOR MED CING RNAL 'BYOR BRAL LA DNGOS GRUB MED, ,CES DANG RIM LNGA'I DKA' 'GREL DON GSAL LAS KYANG, THOS PA RDZOGS PAR BYED PA SHES RAB STE, ,BSAM PA YANG NI GNYIS PO YOD GYUR NA, ,SGOM PA LA NI RAB TU SBYOR BA YIN, ,DE LAS DNGOS GRUB BLA NA MED PA'O, ,BLO DANG LDAN PAS 'DI LTAR BSAM NAS NI, ,THOG MAR THOS PA'I DON LA 'BAD PA YIS, ,RTAG TU BRTZON PAR BYED PA GANG YIN PA, ,DE YI LAG TU DNGOS GRUB LEGS PAR 'THOB, ,GANG ZHIG TSIG LA THE TSOM ZA 'GYUR BA, ,DE YIS DON NI JI LTAR RTOGS PAR 'GYUR, ,ZHES DANG, RIM LNGA LAS KYANG, GANG ZHIG BLA MA LA GUS DAD DANG LDAN, ,MOS PAS BSNYEN BKUR LA NI RTAG TU BRTZON, ,THOS PA 'DZIN GANG SLOB MA DAM PA YIN, ,ZHAS SLOB MA'I MTSAN NYID DU THOS PA 'DZIN PAR GSUNGS SHING MNYAM SBYOR LAS KYANG, GSANG BA'I DE NYID MI SHES PAS, ,BSGRUBS KYANG CI YANG MI 'GRUB BO, ,ZHES GSUNGS SO, ,DE YANG BLO GROS DANG RTZOL BA LA SOGS PA CHE NA RGYUD SDE LA BYA DGOS LA DE LTA MIN NA MKHAS GRUB KYIS MDZAD PA'I SNGAGS KYI GZHUNG GANG 'TSAM LA BYA DGOS SHING THA NA'ANG BSKYED RDZOGS KYI GNAD TSANG BAR STON PA RE LA NGES PAR HTHOS BSAM BYA DGOS SO, ,GZHAN LA SNGAGS KYI MAN NGAG STON PA SOGS KYI RDO RJE SLOB DPON BYED NA NI KHYAD PAR DU YANG RIM GNYI

, ,DANG DKYIL 'KHOR GYI CHO GA SOGS LA MKHAS PAR BYA DGOS SO, ,RGYUD SDE DANG DE DAG KI DGONGS 'GREL GYI GZHUNG CHE BA RNAMS PHYI'I SROS PHA GCOD PA'I CHOS RGYAB TZAM DU MTHONG NAS DE DAG TU SBAS NAS MA BSHAD PA'I GDAMS NGAG ZUR DU ZAB MO CIG YOD DO SNYAM DU 'DZIN PAS NI, CHOS KYI MTHAR THUG PA RNAMS LA ZHE RTZIS MED CING SNGAGS KYI GZHUNG CHE BA RNAMS LA GUS PA CHEN PO SKYE BA DANG DE DAG GDAMS NGAG TU 'CHAR BA'I GEGS BYAS NAS DE RNAMS MYUR DU NUB PA'I RKYEN CHEN PO YIN PAS DUG BZHIN DU SPANG BAR BYA LA, BLA MA DAM PA'I MAN NGAG LA BRTEN NAS GZHUNG CHE BA RNAMS GDAMS NGAG TU 'CHAR BA'I THABS LA 'BAD PAR BYA STE, RIM LNGA LAS, DPAL LDAN 'DUS PA'I RGYUD DU NI, ,DE NYID 'DI DAG RGYAS BTAB GNAS, ,BSHAD PA'I RGYUD KYI RJES 'BRANGS NAS, ,BLA MA'I KHA LAS RTOGS PAR BYA, ,ZHES GSUNGS PA'I PHYIR RO, ,'DIS NI MTHAR THUG PA'I GDAMS NGAG RIM PA LNGA'I DE NYID RNAMS 'DUS PA'I RTZA RGYUD DU RGYAL BAS RGYAS BTAB NAS BZHAG PA DE BLA MA'I NGAG LAS RTOGS DGOS PAR GSUNGS PAS, ZAB GNAS MTHAR THUG PA RNAMS NI RGYUD SDE RIN PO CHE'I RTZA RGYUD RNAMS YIN LA DE GO BA LA BLA MA DGOS SHING BLA MAS KYANG GANG BYUNG BYUNG NAS BSHAD PAS MI CHAG GI BSHAD RGYUD RNAMS KYI RJES SU 'BRANGS NAS RTZA RGYUD BSHAD SHES PA CIG DGOS PAR GSUNGS SO, ,DE'I PHYIR MAN NGAG NI RTZA RGYUD RNAMS KYI DON BSHAD RGYUD KYI RJES SU 'BRANGS NAS PHYIN CI MA LOG PAR BSHAD DE SLOB MA'I RGYUD LA GO BA BDE BLAG TU SKYED PA'I THABS

LA ZER BAS ZHAL LAS SHES LUGS KYANG DE LTAR DU GO BAR BYA'I, RGYUD RNAMS SU BRI BAR PHANGS NAS DE DAG TU MA BKOD PAR RNA KHUNG RIM PA BZHIN BRGYUD PA LA MI GZUNG NGO, ,DES NA MAN NGAG MCHOG TU GYUR PA TZAM GYIS DE LA RING DU SBYANGS NAS RGYUD SDE SOGS KYI CHAD LDAN GYI GZHUNG LA BLTAS PA NA RGYUD DON DU MA ZHIG LA NGES PA STER BA DGOS KYI GDAMS NGAG KHYER NAS RGYUD DON LA DPYAD PA NA NGES PA CI YANG STER MI NUS PAR SNANG NA BLO SKYON DANG DAN SKYON GANG RUNG CIG BYUNG BA'I RTAGS SO, ,SNGAGS DANG MTSAN NYID GANG GI LUGS LA YANG RTA RGYUG PA'I SNGON DU GANG DU RGYUG PA'I RGYUG SA STON PA BZHIN DU DANG POR THOS BSAM GYIS GANG NYAMS SU LEN RGYU RNAMS SHES PAR BYAS NAS DE NAS DE LTAR GTAN LA PHAB PA'I DON NYAMS SU LEN PA YIN MOD KYANG SNYING NAS SGRUB PA BYED 'DOD PAS SNGAGS KYI GZHUNG CHE BA RNAMS LA SBYANGS NA BZHAD GAD KYI GNAS SU LTA ZHING RGYUD SDE LA MANG DU SBYANGS PA DANG MA SBYANGS PA GNYIS NYAMS LEN LA MANG NYUNG CI YANG MI 'ONG BA'I DUS SU SNANG BAS THAR PA 'DOD PA DAG GIS BLO ZHIB MOS LEGS PAR BRTAG PAR BYOS SHIG ,GNYIS PA LA BZHI, RIM GNYIS PHYOGS RE BA NYAMS SU BLANGS PAS 'TSANG RGYA BAR 'DOD PA DGAG PA DANG, RIM GNYIS YA MA BRAL BAR NYAMS SU BLANG PA'I TSUL DANG, DE GNYIS LA BOGS 'BYIN PA'I THABS SPYOD PA DANG, DE DAG GANG ZAG GSUM GYI LAM DU JI LTAR 'GRO BA'I TSUL LO, ,DANG PO LA GNYIS, RDZOGS RIM DANG BRAL BA'I BSKYED RIM GYIS 'TSANG RGYA BAR 'DOD PA DGAG PA DANG, BSKYED RIM DANG BRAL BA'I RDZOGS RIM GYIS 'TSANG RGYA BAR

, ,'DOD PA DGAG PA'O, ,DANG PO LA GNYIS, 'DOD PA BRJOD PA DANG, DE DGAG PA'O, ,DANG PO NI, SNYING PO RGYAN LAS, DRANG SRONG CHAN PO BI SHVA MI TRA DANG RIG SNGAGS 'CHANG GI SLOB DPON GZHON NU'I SDE DANG RGYAL BA'I ZHABS DANG RIN CHEN LDAN DANG BRAM ZE BZANG PO'I BSHES GNYEN LA SOGS PA RNAMS CHOS THAMS CAD RANG BZHIN GYIS RNAM PAR DAG PA NI RNAM PAR RTOG PA DGAG PA LAS BLANG BA'I BYA BA NYID YIN TE SANGS RGYAS NI BSOD NAMS KYIS NYE BAR BSGRUBS PAS SO; ;LAM BSKYED PA'I RIM PAS THA MAL PA'I DNGOS PO SPANGS TE GZUGS KYI SKUS SEMS CAN RNAMS KYI DON BYED PA NI YANG DAG PAR RDZOGS PA'I SANGS RGYAS NYID DU 'GYUR BAS LHA'I RNAM PA DANG SPYOD PA PHYIN CI MA LOG PAS BSGRUB PAR BYA'O ZHES ZER BA DANG, ZHES SLOB DPON 'JAM DPAL GRAGS PAS PHYOGS SNGAR MDZAD DO, ,DE DAG GI BSAM PA NI 'DI YIN TE THEG PA CHEN PO PA'I BZHED DON NI SEMS CAN GYI DON YIN LA DE DNGOS SU SGRUB PA NI GZUGS KYI SKU YIN PAS DE THOB PA NA SANGS RGYAS SU 'GYUR RO, ,DES NA LHA'I RNAL 'BYOR DANG DAM TSIG DANG SDOM PA LA SOGS BA'I SPYOD PA PHYIN CI MA LOG PAS BSGRUB PAR BYA STE BSKYED RIM GYIS THA MAL PA'I LUS SPANGS NAS MTSAN DPE'I SKU 'GRUB PA'I PHYIR RO, ,CHOS THAMS CAD RANG BZHIN GYIS RNAM PAR DAG PA'I STONG PA NYID KYI SHES RAB DGOS PAR GSUNGS PA NI DE KHO NA NYID KYI DON LA PHYIN CI LAG TU 'DZIN PA'I RNAM RTOG DGAG PA'I PHYIR DU BLANG BAR BYA BA YIN TE SANGS RGYAS NI BSOD NAMS KYI TSOGS KYIS NYE BAR BSGRUBS PA'I

'BRAS BU YIN PAS SO, ,DES NA STONG NYID KYI LTA BA MA NOR BA RNYED NA DE KHO NA NYID KYI DON LA PHYIN CI LOG TU RTOG PA'I LOG RTOG LDOG PAS YIN LUGS LA MI 'KHRUL LA, DE DANG LHA'I RNAL 'BYOR DANG SPYOD PA RNAMS YOD NA THABS SHES YA MA BRAL BAS CI'I PHYIR 'TSANG MI RGYA SNYAM PA'O, ,'DI DAG GIS LTA BA RNAM DAG SKYED PAR 'DOD KYANG DE SGOM PA'I GOMS PA GONG NAS GONG DU SPEL BA MI 'DOD PA'I RGYU MTSAN NI, DBU MA LA SOGS PA'I GZHUNG NAS STONG PA NYID GTAN LA PHAB PA NI RANG GZHAN GYI SDE BA'I LOG RTOG BZLOG BA'I PHYIR DU GSUNGS PAS MA NOR BA'I LTA BA RNYED NA LOG RTOG DE DAG LDOG BAS STONG NYID BSGOMS NAS BZLOG PAR BYA BA'I LOG RTOG MED PA'I PHYIR RO SNYAM DU BSAMS SO, ,LUNG YANG SNGAR GUR GYI LUNG DRANGS PA'I TSIG ZIN LA STONG PA NYID KYI LTA BA 'TSANG RGYA BA'I THABS YIN PA BKAG NAS RGYAL BAS STONG NYID BSTAN PA'I DGOS PA PHYIN CI LOG GI RTOG PA BZLOG PA'I CHED KHO NA YIN PAS DKYIL 'KHOR GYI 'KHOR LO'I LHA'I RNAL 'BYOR GYIS BSGRUBS NA MYUR DU 'TSANG RGYA BAS THABS DES BSGRUB PAR BYA'O ZHES GSUNGS PA LTA BU'I LUNG LA BRTEN PAR MNGON NO, ,'DI RNAMS RGYUD SDE LA MA 'DRIS PAR YANG MI SNANG LA RGYUD SDE RNAMS NAS RTZA RLUNG LA SOGS PA'I RNAL 'BYOR YANG MANG DU GSUNGS PA RNAMS LA SGOM MI SGOM GYI GSAL KHA MI SNAD YANG DE DAG SPYOD PHYOGS SU BSDUS NAS BYED PAR GSAL LO, ,GNYIS PA NI, 'DI RNAMS LA SNGAGS KYI LAM GZHAN SGOM DGOS PAR SGRUB MI DGOS PAS STONG NYID SGOM PA'I GOMS PA GONG NAS GONG DU SPEL BA BSGRUB PAR BYA'O, ,SEMS CAN GYI DON DNGOS SU BYED PA'I

, ,SANGS RGYAS NA GZUGS SKU YIN GYI CHOS SKU MA YIN PA DANG GZUGS SKU BSOD NAMS KYI TSOGS KYIS BSGRUB PAR BYA BA YANG BDEN MOD KYANG CHOS SKU MA THOB PAR NI GZUGS SKU THOB TU MED PAS NA CHOS SKU YANG THOB BYAR BYA DGOS SO, ,DE LTA NA BSOD NAMS KYI TSOGS STEN PA BZHIN DU YE SHES KYI TSOGS KYANG CI PHYIR MI STEN TE RGYU MTSAN KHYAD PAR MED PA'I PHYIR RO, ,GAL TE YE SHES KYI TSOGS STEN PA YIN TE BDAG MED PA'I DE KHO NA NYID RTOGS PA'I LTA BA YOD PA'I PHYIR RO SNYAM NA, DE NI MI RIGS TE KHYED BDAG MED KYI LTA BA SGOM PA MI 'DOD NA DE TZAM GYIS 'TSANG RGYA BA'I YE SHES KYI TSOGS MI RDZOGS PA'I PHYIR TE DE LTA MA YIN NA BSKYED RIM LA YANG RTAN BRTEN PA'I DKYIL 'KHOR GYI GO BA RNYED PAR BYAS NAS DE MA BSGOMS KYANG BSOD NAMS KYI TSOGS RDZOGS PAR 'GYUR RO, ,GAL TE LTA BA SGOM PA NI DE KHO NA NYID KYI DON LA LOG RTOG BZLOG PA'I PHYIR YIN NA LTA BA MA NOR BA RNYED PA DE'I RGYUD LA DE KHO NA NYID KYI DON LA PHYIN CI LOG TU 'DZIN PA'I LOG RTOG MED PA'I PHYIR RO ZHE NA, 'DI NI KUN BTAGS KYI LOG RTOG DANG LHAN SKYES KYI LOG RTOG GNYIS KYI KHYAD MA PHYED PA YIN TE, TSAD MAS DRANGS PA'I DE KHO NA NYID KYI LTA BA'I BYED PA JI SRID MA NYAMS PA DE SRID DU DE LA GRUB MTHAS BTAGS PA'I LOG RTOG MED MOD KYANG THOG MA MED PA NAS ZHUGS PA GRUB MTHAS BLO BSGYUR BA LA MA LTOS PA'I LHAN SKYES KYI BDAG TU 'DZIN PA NI LDOG PA MA YIN TE, DE LTA MA YIN NA GNAS LUGS GO BA'I LTA BA RNYED MA THAG TU MTHONG SPANG DANG SGOM SPANG THAMS

CAD SPANGS PAR 'GYUR BAS BSKYED RIM YANG BSGOM MI DGOS PAR 'GYUR RO, ,DES NA SGRIB PA DE DAG SPONG BA LA BDAG MED PA GO BA TZAM GYIS MI CHOG GI LTA BAS GTAN LA PHAB PA'I BDAG MED KYI DON BSGOMS NAS MNGON SUM DU BYA DGOS SO, ,DBU MA LA SOGS PA'I GZHUNG NAS BDAG MED PA'I DON GTAN LA 'BEBS PA NA RANG GZHAN GYI SDE PA PHYOGS SNGAR BYAS NAS 'GOG PA NI GRUB MTHA' SMRA BA'I LOG RTOG TZAM 'GOG PA MIN NO, ,'O NA CI ZHE NA, THAR PA LA GEGS BYED PA NI BDAG TU 'DZIN PA LHAN SKYES NYID YIN TE GRUB MTHAS BTAGS PA'I KUN BTAGS KHO NAS GEGS BYED NA GRUB MTHAS BLO MA BSGYUR BA RNAMS LA THAR PA'I GEGS MED PAR 'GYUR BA'I PHYIR RO, ,BDAG 'DZIN LHAN SKYES KYI YUL 'GOG PA NA DNGOS POR SMRA BA'I GRUB MTHA' DAG DGAG DGOS TE DE DAG GI GRUB MTHAS NI DE YOD PAR SGRUB PAS SO, ,DES NA DBU MA LA SOGS PA'I GZHUNG NAS RANG GZHAN GYI SDE PA DNGOS POR SMRA BA RNAMS KYI 'DOD PA 'GOG PA NI BDAG 'DZIN LHAN SKYES KYI YUL 'GOG PA'I YAN LAG YIN PAS, DE DAG NAS BDAG MED GTAN LA PHAB PA YANG BDAG 'DZIN LHAN SKYES KYI 'DZIN STANGS SUN PHYUNG BA'I BDAG MED YIN PAS LTA BA DE RNYED PA TZAM GYIS BDAG 'DZIN DE MI LDOG KYANG GOMS PAR BYAS NA LDOG PA YIN NO, ,GNYIS PA LA GNYIS, 'DOD PA BRJOD PA DANG, DE DGAG PA'O, ,DANG PO NI, SNYING PO RGYAN LAS, GZHAN YANG BRAM ZE STONG NYID BLO DANG KHA CHE'I MKHAN PO RAB SNANG BYED DANG, A'A NANTA BADZRA DANG DGE BSNYEN SI TI KA RA DANG MKHAS PA CHEN PO DPAL GYI SENG GE DANG, SNANG MDZAD RDO RJE DANG DGE SLONG THEG CHEN DPAL DANG LEGS SBYIN BZANG PO DANG DPAL

, ,SHAM THABS SNGON PO CAN DANG, RGYAL BA'I ZHABS DANG RIN CHEN LDAN DANG BRAM ZE BZANG PO'I BSHES GNYEN DANG DGE SLONG MA DGA' MO LA SOGS PA BSKYED PA'I RIM PA DANG SPYAD PA'I TSUL GSUNGS PA NI CHAD PAR SMRA BA DGAG PA DANG, RTEN 'BREL GYIS RTEN 'BREL GYI 'BRAS BU BSGRUB PA DANG ZAB MO'I DON GYIS 'JIGS PA'I 'JIG RTEN PA RNAMS RE SHIG GZUNG BA'I THABS SU GSUNGS PA LAS, YANG DAG PAR RDZOGS PA'I SANGS RGYAS NI GNYIS SU MED PA'I YE SHES BSAM GYIS MI KHYAB PA STE, DE MI MTHUN PA'I RGYU LAS SKYES PA MA YIN PAS, 'DIR STONG PA NYID MTSAN MA MTHONG BA BSAM GYIS MI KHYAB CING SPROS PA RNAM PAR CHAD PA NI RNAL 'BYOR PAS BSAM PA'I TSUL GYIS 'JIG RTEN NA 'BRAS BU MCHOG DANG LDAN NO ZHES ZER BA NI, ZHES PHYOGS SNGAR MDZAD DO, ,RGYAL BA'I ZHABS LA SOGS PA GSUM PHYOGS SNGA GONG MA 'DOD MKHAN DU BYUNG BAS 'DIR YANG BYUNG BA NI DPE MA DAG PA YIN NAM DPYAD PAR BYA'O, ,'DI DAG GIS BSKYED PA'I RIM PA DANG SPYOD PHYOGS RNAMS DER NAS SANGS RGYAS 'DOD PAS RDZOGS PA'I RIM PA TZAM ZHIG SGOM PAR 'DOD PA 'DI RGYU MTSAN CI ZHIG MTHONG NAS YIN SNYAM NA, YANG DAG PA'I RGYU MTSAN MED MOD 'ON KYANG RIGS PA LTAR SNANG DANG LUNG GI DGONGS PA MA RNYED PAR TSIG TZAM LA BRTEN PA YIN TE DE LA RIGS PA NI, THOB BYA YANG DAG PAR RDZOGS PA'I SANGS RGYAS NI GNYIS SU MED PA'I YE SHES RNAM PAR MI RTOG PA YIN LA DE'I PHYIR DE THOB PA'I THABS KYANG RNAM PAR MI RTOG PA SGOM PAR RIGS KYI BSKYED RIM LA SOGS PA RNAM PAR RTOG PA BSGOMS PAS NI DE MI 'THOB STE, RNAM RTOG NI SPANG PAR BYA DGOS PA'I PHYIR

DANG RNAM RTOG GOMS PA LAS RANG DANG RJES SU MTHUN PA'I 'BRAS BU RTOG PA TZAM ZHIG LAS MI 'GYUR BA'I PHYIR RO SNYAM DU BSAMS PA'O, ,'O NA STON PAS BSKYED RIM DANG SPYOD PHYOGS BSGRUB PAR GSUNGS PA MI 'THAD DO BYAS PA LA, KHO NA RE DE DAG GANG LA GSUNGS PA'I GDUL BYA NI ZAB MO STONG PA NYID KYI DON BSHAD NA 'JIGS PA'I 'JIG RTEN PA STE GDUL BYA RNAMS RE SHIG GZUNG BA'I THABS SU GSUNGS SO, ,DE LA YANG SPYOD PHYOGS GSUNGS PA'I DGOS PA NI KUN NAS NYON MONGS DANG RNAM BYANG GI RGYU 'BRAS LA SKUR PA 'DEBS PA'I CHA NGA LTA DGAG PA'I PHYIR YIN LA, BSKYED RIM GSUNGS PA'I DGOS PA NI LHA'I RNAL 'BYOR DANG SNGAGS BZLAS PA DANG SBYIN SREG DANG RDZAS LA SOGS PA'I RTEN 'BREL GYIS 'BRAS BU ZHI SOGS DANG RAL GRI DANG RI LU'I DNGOS GRUB LA SOGS PA'I RTEN 'BREL BSGRUB PA'I PHYIR YIN NO, ,DES NA DRI MA MTHA' DAG GI GNYEN PO NI STONG PA NYID SPROS PA THAMS CAD DANG BRAL BA RTOGS PA YIN LA RNAL 'BYOR PAS DE TZAM ZHIG GOMS PAR BYAS NA GOMS PA MTHA' MED DU 'PHEL NAS 'BRAS BU MCHOG 'THOB PAS NA, DE TZAM ZHIG BSGOM PAR BYA YIS, SGOM PA GZHAN GYIS CI BYA SNYAM PA'O, ,LUNG YANG RDO RJE MKHA' 'GRO'I LNGA BCU PA LAS, GANG YANG SGRA SHES BSTAN BCOS RNAMS, ,DRANG SRONG RNAMS KYIS BYAS PA LTAR, ,RANG GI SEMS NI 'JUG BYED PA'I, ,SKYES BU'I BCOS MA'I BYA BA RNAMS, ,RGYUD KYI RJES SU 'BRANGS NAS NI, ,'BAD PAS SDUG BSNGAL SLONG BAR BYED, ,DE'I PHYIR DKYIL 'KHOR LA SOGS PA, ,BYA BA'I CHO GA LA 'BAD PA, ,THAR PA DANG BRAL PHYI ROL TE, ,SKYES BU NYON MONGS 'BA' ZHIG

, ,BYED, ,CES DANG, KHA SKYOR GYI BRTAG PA GNYIS PA'I RAB BYED BZHI PA LAS, THUN MONG DNGOS GRUB SKYED PA YI, ,BSGOM PA DANG NI DAM TSIG DANG, ,SKU GZUGS DANG NI NGA RGYAL DANG, ,SNGAGS DANG PHYAG RGYAS CI ZHIG BYA, ,RANG 'DOD LHA YI SBYOR BA YIS, ,SANGS RGYAS NYID KYI MTHAR THUG PA, ,MTSON BYA'I MTSAN NYID MNGON BYAS NA, ,SA GSUM NAM MKHA' LTA BUR 'GYUR, ,ZHES GSUNGS PA DANG DE 'DRA BA'I LUNG RNAMS LA BRTEN PAR MNGON TE SNGA MA NI BSKYED RIM 'GOG PA RNAMS KYIS SHES BYED DU SDOM 'BYUNG 'GREL PAR DRANGS SO, ,GZHAN YANG BSKYED RIM GYIS SANGS RGYAS 'GRUB PA LTA ZHOG TING NGE 'DZIN YANG MI 'GRUB STE 'DI NI RNAM PAR RTOG PA DU MAS RGYUD 'KHRUGS PAR BYED LA TING NGE 'DZIN SEMS RTZE GCIG PA'I MTSAN NYID CAN YIN PA'I PHYIR RO, ,BSGOMS PAS CUNG ZAD GSAL BAR 'GYUR MOD KYANG CHAGS CAN LA 'DOD MA'I RNAM PA GSAL BA LTAR SKAD CIG TZAM GNAS PAR 'GYUR GYI YUN RING POR MA YIN NO, ,BRTAGS PA'I RNAL 'BYOR NI 'JIG RTEN PA'I CHOS BRTAGS PA RNAMS LAS KYANG SHIN TU RDZUN PA YIN TE KENG RUS SGOM PA BZHIN NO, ,DE'I PHYIR 'KHRUL PA YIN PAS MCHOG 'GRUB PA LA MI PHAN NO ZHES PA NI RATNA RAKshI TAS PHYOGS SNGA BRJOD PA'O, ,'DI LA YANG MCHOG GRUB PA LA BSKYED RIM YE MI DGOS PAR 'DOD PA DANG DBANG RNON LA MI DGOS KYANG DBANG RTUL LA DGOS PAR 'DOD PA'I LUGS GNYIS SO, ,GNYIS PA LA GNYIS, DGAG PA DNGOS DANG, BKAG PA LA RTZOD PA SPANG BA'O, ,DANG PO NI, SPROS PA THAMS CAD DANG

BRAL BA'I DE KHO NA NYID RTOGS PA'I SHES RAB NI SANGS RGYAS KYI GNYIS SU MED PA'I YE SHES KYI NYER LEN GYI RGYU YIN MOD KYANG DE 'BA' ZHIG LA GOMS PAR BYAS NA NI YUN CI TZAM ZHIG 'DOD KYANG RAB KYI MTHAR THUG PAR 'GRO MI NUS TE, THABS KYI YAN LAG DANG BRAL BA'I PHYIR TE DPER NA SA BON MYU GU'I NYER LEN YIN MOD KYANG CHU LUD LA SOGS PA'I RKYEN DANG BRAL NA MYU GU SKYED MI NUS PA BZHIN NO, ,DES NA STONG PA NYID RTOGS PA'I SHES RAB KYI MTHAR THUG PAR 'GRO BA THABS LA RAG LAS SHING THABS RAB KYI MTHAR THUG BAR 'GRO BA SHES RAB LA LTOS PA NI THEG PA CHEN PO PA SPYI'I LUGS YIN LA KHYAD PAR DU SNGAGS KYI THEG PA'I LUGS KYIS SKU GNYIS KYI RGYUR DE GNYIS KYI RNAM PA CAN GYI LAM STONG NYID DANG LHA'I RNAL 'BYOR SGAM DGOS PA SNGAR YANG MANG DU BSHAD ZIN TO, , GZHAN YANG RTOG PA GOMS PAS RTOG BRAL DU 'GRO MI SRID NA RTOG PA GOMS PAS GOMS YUL GSAL BAR SNANG BA MI SRID DGOS TE, YUL DE SHIN TU GSAL BAR SNANG BA DANG DE LA RTOG PA YIN PA GNYIS 'GAL BA'I PHYIR TE RIGS PA'I DBANG PHYUG GIS, RNAM RTOG RJES SU 'BREL BA LA, ,DON GSAL SNANG BA CAN MA YIN, ,ZHES GSUNGS PA LTAR RO, ,YUL DUS MA 'DRES PAR SHIN TU GSAL BAR SNANG BAS RTOG BRAL DU SGRUB MI NUS NA MU STEGS BYED DBANG PO'I SHES PA RNAMS RTOG PAR 'DOD PA GTAN MI KHEGS PAR 'GYUR RO, ,RTOG PA GOMS PAS GSAL SNANG MI 'BYUNG NA NI CHAGS LDAN GYIS CHAR YUL YANG YANG YID LA BYAS PA NA DE'I RNAM PA GSAL BAR MTHONG NAS DE LA REG PAR RTZOL BA SOGS BYED PA DANG ,'DRE LA SOGS PA LA SHIN TU SKRAG PA'I YID CAN

, ,GYIS YANG YANG DE YID LA BYAS PA NA DE DANG DE'I RNAM PA SHIN TU GSAL BAR SHAR BA SOGS MI SRID DO ZHES SKUR BA GDAB DGOS LA RIGS PA'I RGYAL POS, MI SDUG ZAD PAR SA LA SOGS, ,YANG DAG MIN PA'ANG BSGOMS PA YI, ,STOBS KYIS SPRUL PA RTOG MED DANG, ,GSAL BAR SNANG BA CAN DU GSUNGS, ,ZHES GSUNG RAB LAS 'BYUNG BAR BSHAD PA'I BDE BAR GSHEGS PA'I GSUNG YANG SPANGS PAR 'GYUR ZHING, THAR PA MI SRID PAR 'DOD PA'I PHYI ROL PA LA RNAL 'BYOR MNGON SUM 'BYUNG RUNG DU SGRUB PA'I RTAGS KYI KHYAB PA NGES PA'I GZHIR GYUR PA'I DPE PHYI ROL PAS KYANG MI BSNYON PA LA BSNYON BTING BAS GZHAN SDE LA 'PHAGS PA'I GANG ZAG SOGS YOD PAR SGRUB PA'I SGRUB BYED KYI RTZA BA BCAD PA YANG YIN NO, , DES NA GOMS YUL LA GSAL SNANG 'ONG BA LA NI YANG DAG PA DANG LOG PA'I DON GANG GOMS KYANG 'DRA STE GOMS PA TZAM GYI RJES SU BYED PA LA DGONGS NAS RIGS PA'I DBANG PHYUG GIS, DE PHYIR YANG DAG YANG DAG MIN, ,GANG GANG SHIN TU GOMS GYUR PA, ,GOMS PA YONGS SU RDZOGS PA NA, ,DE GSAL MI RTOGS BLO 'BRAS CAN, ,ZHES GSUNGS LA, KUN SPYOD KYI BCU GCIG PA LAS KYANG, DNGOS PO GANG DANG GANG GIS NI, ,MI RNAMS YID NI YANG DAG SBYOR, ,DE YIS DE YI DNGOS 'GYUR TE, , SNA TSOGS GZUGS CAN NOR BU 'DRA, ,ZHES GSUNGS SO, ,GAL TE RTOG PA GOMS PAS GOMS YUL LA GSAL SNANG 'BYUNG BA 'DOD NA NI RTOG BRAL GYI DON GRUB PAS DE LA MI RTOG PA'I THA SNYAD MI BYED NA MING TZAM LA RTZOD PA'O, ,GAL TE YUL

GSAL BAR SNANG NA SGRA DON 'DZIN PA'I RTOG BRAL YIN MOD KYANG GNYIS SU SNANG BA'I RTOG PA DANG MA BRAL BAS RTOG PA YIN NO SNYAM NA, GNYIS SNANG GI RTOG PA LAS RTOG BRAL GYI BLO SKYE MI SRID NA 'PHAGS PA'I GO 'PHANG MA THOB TSUN CHAD KYI BLO THAMS CAD GNYIS SNANG GI RTOG PA YIN PAS, TSOGS SBYOR GYI LAM LAS 'PHAGS PA'I RNAM PAR MI RTOG PA'I YE SHES SKYE BA MI SRID PAR 'GYUR TE DBUS MTHA' LAS, YANG DAG MA YIN KUN RTOG NI, ,SEMS DANG SEMS 'BYUNG KHAMS GSUM PA, ,ZHES GSUNGS PA'I PHYIR RO, ,BYANG SEMS 'PHAGS PA RNAMS KYI RJES THOB KYI YE SHES LA YANG GNYIS SNANG YOD PAS DE DAG KYANG 'TSANG RGYA BA'I LAM MA YIN PAR 'GYUR RO, ,MI MTHUN PA'I RGYU LAS 'BRAS BU MI MTHUN PA MI 'BYUNG ZHES PA'I RGYU 'BRAS MTHUN LUGS KYANG 'BRAS BU MI RTOG PA YIN NA RGYU YANG MI RTOG PA CIG SNGON DU NGES PAR 'GRO BA LA 'DOD NA NI 'KHOR BA THOG MA MED PA NAS MI RTOG PA YOD PAR KHAS BLANG DGOS SO, ,SANGS RGYAS KYI MI RTOG YE SHES KYI RGYUR LAM DUS SU DE KHO NA NYID RTOGS PA'I MI RTOG PA SNGON DU 'GRO DGOS PAS BSKYED RIM SGOM PA'I BLOS DE KHO NA MA RTOGS PAS 'GOG GO SNYAM NA, BSKYED RIM GYI SKABS SU DE KHO NA NYID RTOGS PA'I BLO MED PAR 'DOD NA NI SHIN TU MI RIGS TE 'CHAD PAR 'GYUR RO, ,'ON KYANG SNANG PHYOGS KHA DOG DANG DBYIBS KYI RNAM PA CAN SGOM PA'I BSKYED RIM GYIS DE KHO NA NYID MA RTOGS PA'I RGYU MTSAN GYIS MCHOG SGRUB PA'I THABS SU MI 'GYUR NA STONG NYID MA RTOGS PA'I 'TSANG RGYA BA'I THABS MI SRID PAR 'GYUR BAS HA CANG THAL LO, ,BSKYED RIM GYIS TING NGE 'DZIN MI 'GRUB PAR

, ,SMRA BA NI DGE BA'I SEMS RTZE GCIG PA CAG BYUNG NA YUN RING THUNG GANG YIN KYANG TING NGE 'DZIN YOD PA YIN PAS TING NGE 'DZIN TZAM ZHIG MI 'GRUB PAR 'DOD PA NI MI RIGS LA ZHI GNAS MI 'GRUB PA LA BYED NA NI RGYU MTSAN DES 'TSANG RGYA BA'I LAM YIN PA 'GOG PA SHIN TU 'KHRUL TE, BYAMS PA DANG SNYING RJE DANG BYANG CHUB KYI SEMS LA RNAM PA DU MAR DPYAD NAS SKYONG PA BZHIN TE DE 'DRA SHIN TU MANG NGO, ,'ON KYANG BSKYED RIM SGOM PA LA SO SOR RTOG PAS DPYAD NAS SKYONG PAS MA KHYAB PAS DPYOD PA DANG 'JOG PA'I SGOM GNYIS KA YOD DE 'DI DANG GSAL SNANG SKYES PA RING DU GNAS PA'I TSUL NI 'OG TU BSHAD PAR BYA'O, ,RDO RJE MKHA' 'GRO'I LNGA BCU PA LAS, RNAL MA'I SBYOR PA RTOGS BYA'I PHYIR, ,BCOS MA YI NI SGOM PA DANG, ,BCOS MA YI NI BZLAS PA BYA, ,RNAL MA'I SBYOR BA RTOGS GYUR NA, ,BCOS MA'I SBYOR BA PHYIR ROL PAS, ,RNAL MA'I SBYOR BA RTOGS GYUR PAS, ,BCOS MA DAG NI MI BYA'O, ,DPER NA GZINGS LA 'JUS NAS NI, ,CHU YI PHA ROL 'GRO BAR BYED, ,PHA ROL PHYIN NAS 'DOR BA LTAR, ,BCOS MA DAG KYANG DE BZHIN NO, ,DKYIL 'KHOR LA SOGS LAS GANG NI, ,BCOS MA'I SEMS KYIS GANG BYED PA, ,PHYI ROL LAS RNAMS GSAL BYED PAS, ,DANG PO'I LAS CAN RNAMS LA BSNGAGS, ,DNGOS GRUB DE KUN 'DIR GNAS PAS, ,RGYAL BA'I DNGOS NYID RIG LA MIN, ,ZHES GSUNGS PA'I 'OG TU, GANG YANG SGRA SHAS BSTAN BCOS RNAMS, ZHES SOGS GSUNGS PAS MA BCOS PA'I RDZOGS RIM GYI RTOGS PA BRTAN PO MA RNYED PAR DU BCOS MA BSKYED RIM BYA DGOS LA DE NAS 'JOG PA'I KHUNGS YIN GYI MCHOG SGRUB PA'I LAS DANG PO PAS BSKYED

RIM SGOM MI DGOS PA'I KHUNGS SU 'DOD PA NI MUN SPRUL LO, ,GZINGS KYI DPAS KYANG SHES TE CHU'I PHA ROL NAS 'JOG KYANG DER SLAB SLEB TU NGES PAR BSTEN DGOS PA BZHIN NO, ,RDZOGS RIM YANG STONG BA DANG LHA'I RNAL 'BYOR BSKYED RIM PA LTAR BCOS NAS BYA MI DGOS PAR MA BCOS PAR NUS PA'I RTOGS PA BRTAN PO YIN GYI RLUNG DANG GTUM MO'I RNAL 'BYOR TZAM ZHIG SGOM PA LA RDZOGS RIM PAR THA SNYAD 'DOGS PA LTA BUS BSKYED RIM 'JOG PA MA YIN TE, RGYAL BA'I DNGOS NYID RIG LA MIN, ZHES GSUNGS PA'I DON NO, ,DANG PO'I LAS CAN LA BSKYED RIM BSNGAGS PAR GSUNGS PAS LAS DANG PO PA LA DE GAL CHE LA RIM LNGA DANG SPYOD BSDUS LAS BSKYED RIM MTHAR PHYIN GYI BAR THAMS CAD LAS DANG PO PAR BSHAD DO, ,DKYIL 'KHOR LA SOGS PA LA 'BAD PAS THAR PA DANG BRAL BA DANG SKYES BU NYON MONGS 'BA' ZHIG BYED CES PA NI STONG NYID LA SOGS PA'I RDZOGS RIM MI SGOM PAR RTEN DANG BRTEN PA'I LHA'I RNAL 'BYOR TZAM ZHIG LA GOMS PAR BYED NA MCHOG MI 'GRUB PAS NGAL BA 'BA' ZHIG GO ZHES PA'I DON TE, KHA SBYOR GYI LUNG DANG DE 'DRA BA GZHAN RNAMS KYI DON YANG DE LTAR DU SHES PAR BYA'O, ,GZHAN YANG RGYUD SDE DU MA LAS BSKYED RIM GYI LHA SGOM PA'I TSUL RE RE'I YON TAN STON PA NA, DE LTAR RNAL 'BYOR PAS BSGOMS PAS, ,RDO RJE SEMS DPA' MNYAM PAR 'GYUR, ,ZHES KHA SBYOR GYI BRTAG PA GNYIS PA LAS GSUNGS PA LTAR BSKYED RIM GOMS PAS MCHOG STER BA'I KHUNGS MTHA' YAS PA CIG SNANG BAS LUNG TZAM LA BRTEN NAS SGRUB NA NI SNGA MA CHES CHER RGYAS PAS BZLOG NAS SMROS SHIG ,BSKYED RIM SGOM MI

, ,DGOS SAM SNYAM PA'I DOGS PA BCAD NAS GSAL BAR BSTAN PA NI BRTAG GNYIS KYI PHYI MA'I LE'U GNYIS PA LAS, RDZOGS PA'I RIM PA'I RNAL 'BYOR 'DI, ,DE YI BDE BA BDE CHEN BRJOD, ,RDZOGS PA SGOM PA MED PA STE, ,BSKYED PA YIS NI CI ZHIG 'TSAL, ,BCOM LDAN 'DAS KYIS BKA' STZAL PA, ,AE MA BYANG CHUB SEMS DPA' CHE, ,DAD PA'I SHUGS KYIS RAB TU NYAMS, ,LUS KYI DNGOS MED GA LA BDE, ,BDE BA SMRA BAR MI NUS SO, ,KHYAB DANG KHYAB BYED TSUL GYIS NI, ,BDE BAS 'GRO BA KHYAB PA NYID, ,JI LTAR ME TOG LA GNAS DRI, ,ME TOG DNGOS MED SHES MI 'GYUR, ,DE BZHIN GZUGS SOGS DNGOS MED PAS, ,BDE BA NYID KYANG DMIGS MI 'GYUR, ,ZHES GSUNGS SO, ,DES NI LAS DANG PO PAS RDZOGS RIM SGOM PA MED PAR BSKYED RIM SGOM PA LA DGOS PA MED DE BDE BA CHEN PO LHAN CIG SKYES PA'I DON NI RDZOGS RIM GYI RNAL 'BYOR YIN PA'I PHYIR RO, ,ZHES RGYU MTSAN BKOD NAS ZHUS PA'I LAN DU, KHYOD RDZOGS RIM LA DAD PA'I SHUGS KYIS BSKYED RIM LAS NYAMS SO ZHES GSUNGS NAS BSKYED RDZOGS GNYIS ME TOG DANG DE'I DRI BZHIN DU RTEN DANG BRTEN PAR BSGRUBS SO, ,DE YANG THUGS DNGOS PO'I DE KHO NA NYID LA ZHUGS PA NI RDZOGS RIM GYIS SGRUB LA LUS GZUGS KYI SKUR GNAS PA NI BSKYED RIM GYIS SGRUB CING SKU NI THUGS KYI RTEN YIN PA LA DGONGS NAS RTEN DANG BRTEN PAR GSUNGS TE LAM DUS SU MTHUN PA'I RTEN DANG BRTEN PA YOD DO, ,GANG ZAG RAB TSE 'DI LA 'CHANG RGYA BA LA YANG LAS DANG PO PA'I SKABS SHIG MI 'DOD NA NI RGYA NAG GI MKHAN PO LTAR GDUL BYA RNAMS CIG CAR BAR 'DOD DGOS LA, LAS

DANG PO PA'I SKABS SHIG 'DOD NA NI DE 'TSANG RGYA BA LA RIM PA DANG PO MI DGOS PAR 'DOD PA SNGAGS KYI GZHUNG MTHA' DAG DANG 'GAL LO, ,SKYE BA SNGA MA MANG POR SNGAGS LA SBYANGS SBYANGS PA'I GANG ZAG LA GANG ZAG RAB TU BYAS NAS DE LA RIM PA DANG PO NAS 'KHRID MI DGOS PAR SMRA NA NI SKABS LAS NYAMS PA'I GTAM YIN TE, 'DIR SNGAGS LA 'JUG PA'I LAS DANG PO LA LAM RIM GYIS BGROD PA'I SKABS SU RIM PA DANG PO DGOS MI DGOS DPYOD PA YIN PA'I PHYIR DANG DE 'DRA BA'I GANG ZAG LA NI RDZOGS RIM MANG BA ZHIG KYANG BZHAG NAS KHRID PAS CHOG PA'I SKABS KYANG SRID PA'I PHYIR RO, ,'DI NI 'TSANG RGYA BA LA TSOGS LAM NAS BGROD DGOS MI DGOS DPYOD PA NAS DANG PO THOB NAS TSOGS LAM NAS BGROD MI DGOS SO ZHES SMRA BA DANG 'DRA'O, ,LOG RTOG 'DI LA NI DMIGS PHUG PA'I DGAG PA 'PHAGS PA LHAS KYANG MDZAD DE SPYOD BSDUS LAS, RDO RJE SLOB MAS GSOL PA, BDAG CHAG LTA BU'I SO SO'I SKYE BO THOG MA MED PA NAS PHYI ROL GYI DNGOS PO RNAM PA SNA TSOGS PA LA MNGON PAR ZHEN PAS YOD PA DANG MED PA DANG GCIG DANG DU MA DANG GNYIS DANG GNYIS MA YIN PA DANG YOD PA MA YIN MED PA YANG MA YIN PA STE, RTAG PA DANG CHAD PA LA SOGS PA'I RANG BZHIN GYI BAG CHAGS KYI RGYUS RNAM PAR RTOG PA LA MNGON PAR ZHEN PA LA ZHUGS PA RNAMS KYIS RDZOGS PA'I RIM PA'I TING NGE 'DZIN LA SLOB PA NA GO RIM JI LTA BA BZHIN BSLAB PAR BGYI 'AM, YANG NA BLA MA'I MAN NGAG TZAM GYIS DE DAG SKAD CIG TZAM GYIS SO SOR SNANG BAR BGYI, RDO RJE SLOB DPON GYIS SMRAS PA, RIM GYIS 'JUG PAS BSLAB PAR BYA'I CIG CAR NI MA YIN NO, ,ZHES SHES BYED MANG POS RIM CAN NAS 'KHRID DGOS PAR BSGRUBS SHING SANGS RGYAS

, ,KYI THEG PA'I BSAM PA LA BSLABS TE DE NAS BSKYED RIM LA SLOB DGOS PAR GSUNGS SO, ,MDOR NA RIM PA DANG PO 'TSANG RGYA BA LA NGES PAR DGOS PA'I LAM MIN PAR SMRA NA RGYUD SDE 'OG MA GSUM LA PHAR PHYIN GYI THEG PA DANG THUN MONG MA YIN PA'I SNGAGS KYI LAM KHYAD PAR CAN CI YANG MED DO ZHES RGYUD SDE GSUM DANG BLA MED KYI RGYUD KYI GZHUNG PHAL MO CHE LA SKUR PA 'DEBS PA YIN PAS DE 'DRA BA'I SNGAGS PA DE NI NGO MTSAR RO, ,PHAR PHYIN GYI THEG PA LA GDUL BYA RAB SBYIN SOGS PHAR PHYIN GYI SPYOD PA LA SLOB MI DGOS PAR 'CHANG RGYA BA'I LAM DANG SNGAGS KYI THEG PA LA RIM PA DANG PO LA MI LTOS PAR GDUL BYA RAB SANGS RGYAS SU 'GRO BA'I LAM YOD DO ZHES SMRA BA GNYIS NI KHYAD PAR MED CING LOG RTOG KYANG SHIN TU KHAM CHE BAR SNANG BAS GSUNG RAB KYI DBU ZHABS LEGS PAR BSGRIGS NAS DPYOD SHES PA DAG GIS RGYANG RING DU DOR BAR BYA STE, DE NI THA NA SGRUB THABS SOGS LA BDE MCHOG GI SGRUB THABS DANG KYI RDOR GYI SGRUB THABS ZHES PA LA SOGS PA GRUB CHEN RNAMS KYIS BRTAGS PA'I MING DON TZAM YANG MI SHES PAR SNANG BA'I PHYIR RO, ,SLOB DPON CHEN PO NGAG GI DBANG PHYUG GRAGS PA DANG PAndI TA RATNA RAKshI TAS YAN LAG BDUN LDAN GYI RANG 'GREL DANG SDOM 'BYUNG GI 'GREL PAR LOG PAR SMRA BA DE DAG RGYAS PAR BKAG MOD KYANG MANGS PAS 'JIGS NAS MA BRIS SO, ,GNYIS PA NI, GAL TE BSKYED RIM 'TSANG RGYA BA'I LAM YIN NA DRI MED 'OD LAS, SNA TSOGS RNAM RTOG LA SOGS LAM GYI NI, ,DE NYID DE BZHIN GSHEGS PAS GANG GSUNGS PA, ,BCU DRUG BZHI YI RAB TU DBYE BA CAN,

LAM DANG BRAL BAS THOB PA MA YIN NO, ,BSKYED PA'I RIM PAR GSUNGS PA'I H'Um DANG NI, ,PHAt YIG LA SOGS RTOG PA DANG BRAL BA, ,RDZOGS PA'I RIM PA'I RNAL 'BYOR DE NYID DA, ,DE NYID KYI NI SGRUB THABS GZHAN YOD MIN, ,ZHES DANG, GZUGS LA SOGS PAR RTOG PA DKYIL 'KHOR GYI, ,'KHOR LO SGOM PA GOMS PAR GYUR BAS NI, ,GRUB PA 'JIG RTEN PA DAG 'GRUB 'GYUR TE, ,'DOD PA'I DNGOS GRUB CHEN PO GA LA ZHIG ,CES RDZOGS RIM LAS GZHAN PA'I SANGS RGYAS SGRUB PA'I LAM MED PA DANG BSKYED RIM GYIS 'JIG RTEN PA'I DNGOS GRUB 'GRUB KYI MCHOG GI DNGOS GRUB MI 'GRUB PAR GSUNGS PA DANG, GTZO BO SGOM PA'I TSE SHAR LA SOGS PA'I LHA MED CING DE BZHIN DU ZHAL DANG PHYAG MTSAN RNAMS MED PAR BSHAD PA'I MTHAR, DE'I PHYIR RNAL 'BYOR PAS PHYAG RGYA CHEN PO'I DNGOS GRUB KYI DON DU RNAM PAR RTOG PA'I SGOM PA MI BYA'O, ,ZHES RNAM PAR RTOG PA'I SEMS LA DKYIL 'KHOR GYI 'KHOR LO GNAS PA MED PA'I GTAN TSIGS KYIS 'TSANG RGYA BA'I PHYIR DU BSKYED RIM BSGOM PAR MI BYA'I ZHES GSUNGS PA RNAMS DANG 'GAL BAR 'GYUR RO SNYAM NA, DE DAG NI KHYED KYIS LUNG DON MA GO BAR SMRA BA YIN TE 'DI LTAR TSIGS BCAD DANG POS NI DGA' BA BCU DRUG GI BDE BA CHEN PO'I LAM RDZOGS RIM DANG BRAL NA BSKYED RIM GYIS SANGS RGYAS MI 'THOB PAR GSAL BAR GSUNGS KYI 'TSANG RGYA BA LA BSKYED RIM SGOM MI DGOS PAR STON PA MA YIN LA, DE'I PHYIR TSIGS BCAD GNYIS PAS SGRUB THABS GZHAN MED PAR GSUNGS PA YANG DE BZHIN DU SHES PAR BYA'O, ,BSKYED RIM GYIS 'DOD PA'I

, ,DNGOS GRUB CHEN PO MI 'GRUB CES GSUNGS PA NI RTEN DANG BRTEN PA'I LHA'I SKU MDOG ZHAL PHYAG SOGS SGOM PA'I GOM PA GONG NAS GONG DU 'PHEL NAS RTAN DANG BRTEN PA'I DKYIL 'KHOR MNGON SUM DU GSAL BA BRTAN PAR DE TZAM GYIS SANGS RGYAS BAR 'DOD PA BKAG NAS, DE 'DRA BA DES THUN MONG GI DNGOS GRUB 'GRUB KYI MCHOG MI 'GRUB CES PA'I DON YIN PAS 'TSANG RGYAB LA BSKYED RIM MI DGOS PAR STON PA MIN TE DRI MED 'OD LAS, 'DIR GAL TE ZAD BAR GYI KHAMS SAM DKYIL 'KHOR GYI 'KHOR LO GCIG MNGON SUM DU BYAS PAR GYUR NA KHAMS GSUM PO MNGON SUM DU BYAS PAR 'GYUR ZHING THAMS CAD MKHYEN PA NYID LA SOGS PAR YANG 'GYUR NA DE'I TSE THAMS CAD MKHYEN PA'I GO 'PHANG THOB PA'I SLAD DU THAMS CAD MKHYEN PA NYID DANG LAM MKHYEN PA NYID DANG LAM GYI RNAm PA MKHYEN PA NYID MNGON SUM DU BYAD BA ZHES BYA BAR MI 'GYUR TE ZANG BAR LA SOGS PA'AM DKYIL 'KHOR GYI 'KHOR LO GCIG MNGON SUM DU BYAS NAS YANG DAG PAR RDZOGS PA'I SANGS RGYAS NYID DU 'GYUR ZHING NYAN THOS DANG RANG SANGS RGYAS DANG GRUB PA NYID CES BYA BAR MI 'GYUR RO, ,ZHES DANG, 'DIR GAL TE RNAL 'BYOR PA RNAMS KYI BSOD NAMS DANG YE SHES KYI TSOGS MA GTOGS BAR SGOM PA GOMS PA'I DBANG GIS PHUNG PO DANG KHAMS DANG SKYE MCHED LA SOGS PA DKYIL 'KHOR GYI 'KHOR LO'I RNAM PAR 'GYUR ZHING RNAM PAR RTOG PA BSGOM PA'I DBANG GIS SANGS RGYAS NYID DU YANG 'GYUR NA, DE'I TSE BSOD NAMS DMAN PA GZHAN ZHIG NGA NI RGYAL PO ZHES SEMS PAR BYAD

PA PO YANG GOMS PA LAS BSOD NAMS KYI TSOGS MA GTOGS PAR RGYAL POR 'GYUR TE 'DI NI MTHONG BA YANG MED DO, ,ZHES BSOD NAMS DANG YE SHES KYI TSOGS GZHAN MA BSAGS PAR BSKYED RIM TZAM ZHIG LA GOMS PA LAS DKYIL 'KHOR MNGON SUM DU BYAS PA NA SANGS RGYAS PAR 'DOD PA BKAG PA YIN PAR SHIN TU GSAL BAR GSUNGS PA'I PHYIR RO, ,DES NA LAM GZHAN MA BSGOMS PAR BSKYED RIM GOMS PA TZAM ZHIG GIS THUN MONG GI DNGOS GRUB 'GRUB KYI SANGS RGYAS MI 'GRUB CES 'GOG PA 'GREL CHAN GYIS YANG YANG GSUNGS PA LA DUS 'KHOR BA'I LUGS KYIS BSKYED RIM 'TSANG RGYA BA'I LAM YIN PA BKAG GO ZHES MA SMRA ZHIG ,SANGS RGYAS NYID DU YANG 'GYUR NA ZHES PA NI DUS DER SANGS RGYAS SU 'DOD NA ZHES PA'I DON YIN GYI DE LA BRTEN CAS SANGS RGYAS SU 'GYUR BA 'GOG PA MIN TE 'GREL CHEN LAS, BSGOM PA GOMS PA'I DBANG GIS PHUNG PO DANG KHAMS DANG SKYE MCHED LA SOGS PA DKYIL 'KHOR GYI 'KHOR LO'I RNAM PAR 'GYUR TE, DE NYID KYIS NA SANGS RGYAS NYID DU YANG DE BZHIN GSHEGS PAS GSUNGS PA MA YIN NAM ZHES 'GA' ZHIG GIS BSAM PA 'BYUNG BAR 'GYUR TE, ZHES DANG, 'ON KYANG THAMS CAD MKHYEN PA'I LAM NYAMS PA DE NI LOG PA'I NGA RGYAL GYIS ZIL GYIS MNAN PAR GYUR NA BDAG KYANG RDO RJE SEMS DPA' STOBS BCU PA'O ZHES DE LTAR RLOM PAR BYED DO, ,'DI NI STOBS BCU PA MA YIN TE STOBS BCU PA'I 'GAL ZLA NYI TSE BA RMONGS PA CHEN PO'O, ,'DIR RNAL 'BYOR PA 'DI'I SANGS RGYAS NYID NI SNGON MED BA SHIN TU RMAD DU BYUNG BA CHEN PO STE SGRIB PA THAMS CAD DANG LDAN PA'I PHYIR RO, ,

, ,ZHES SKABS DAR SANGS RGYAS THOB PAR RLOM PA DE NI SANGS RGYAS KYI MI MTHUN PHYOGS SU GYUR PA'I RMONGS PA CHEN PO YIN PAS SGRIB PA DANG BCAS BZHIN DU SANGS RGYAS SU 'DOD PA NI SNGON MED PA'O ZHES BZHAD GAD KYI GNAS SU MDZAD DO, ,'GREL CHEN LAS PHYAG CHEN GYI DNGOS GRUB KYI DON DU BSKYED RIM GYI RTOG BSGOM MI BYA BA'I RGYU MTSAN DU GTZO BO SGOM PA'I DUS SU SHAR LA SOGS PA'I LHA SGOM PA MED PA RGYU MTSAN DU BKOD PA'I DON LA BOD RNAMS RGYU MTSAN DE NYID KYIS BLO GCIG LA LHA'I YAN LAG GI RNAM PA RNAMS TSANG BAR SNANG BA MED CING DKYIL 'KHOR GYI 'KHOR LO RDZOGS PAR SGOM PA YANG MED PAS MCHOG 'GRUB PA'I THABS MIN PAR SMRA BA NI SHIN TU MI RIGS TE DE NI LTAG CHOD 'BA' ZHIG YIN PA'I PHYIR RO, ,'DI LTAR DE LTA YIN NA SOR SDUD LA SOGS PA'I YAN LAG RE RES KYANG GCIG SGOM PA'I TSE GZHAN SGOM PA MED PAS YAN LAG DRUG RDZOGS PAR SGOM PA MED PAR 'GYUR LA, DE'I PHYIR PHYAG CHEN GYI DNGOS GRUB KYI DON DU BSGOM PAR BYA BA MA YIN PAR 'GYUR BA DANG RANG GIS DE 'DRA BA'I SGRUB BYED BKOD NAS 'GOG PA LA YANG DAM BCA' BRJOD PA'I DUS SU RTAGS BKOD PA MED PA SOGS KYI SUN 'BYIN RNAM PA KUN NAS MTSUNGS PA'I PHYIR RO, ,GZHAN YANG TSUL DE LTA BU 'DOD PA NI RGYAL BA'I YUM DANG DE'I MAN NGAG MNGON RTOGS RGYAN RTZA 'GREL NAS SEMS BSKYED PA SNGA MA'I DUS NA PHYI MA LA SNANG BA'I DKAR CHOS RNAMS MED LA, PHYI MA'I DUS SU YANG SNGA MA LA SNANG BA'I DKAR CHOS RNAMS MED PAS BYANG CHUB

'THOB PAR MI RIGS SO ZHES PA'I PHYOGS SNGA BKOD PA DANG GNAD GCIG TU SNANG NGO, ,DES NA GTAN TSIGS KYI DON NI 'GREL CHEN NYID LAS SKAD CIG GANG LA GTZO BO SGOM PA'I SKAD CIG DE LA SHAR GYI LHA LA SOGS PA SGOM PA MED PAR GSUNGS PA LTAR GA-YAS ZHAL 'DI'O SNYAM DU SGOM PA'I DUS SU GA-YON ZHAL 'DI'O SNYAM DU SGOM PA MED PAR STON PA YIN GYI GA-YAS ZHAL SNANG BA'I BLO LA GA-YON ZHAL LA SOGS PA MI SNANG BAR STON PA MIN TE RIGS PA'I DBANG PHYUG GIS, RTOG GNYIS GCIG CAR MTHONG BA MED, CES GSUNGS PA LTAR RTOG PA GNYIS GCIG CAR MI SKYE LA RTOG PA GCIG LA GZUNG RNAM MI 'DRA BA GNYIS SNANG BA MNGON SUM GYIS 'GRUB PA'I PHYIR TE KHRA BO LA RTOG PA'I BLO BZHIN NO, ,DE LTA MA YIN NA SPYAN SNANG BA NA SHANGS SNANG BA 'GAL ZHING SPYAN GYI DBUS SNANG BA NA MTHA' GNYIS SNANG BA YANG 'GAL DGOS PAS RTOG PA LA GANG YANG SNANG BA MED PAR 'GYUR RO, ,'DI LTAR 'DOD PA NI YAN LAG BDUN LDAN GYI RANG 'GREL LAS SKYES BU'I MDUN MTHONG BA NA RGYAB DANG NANG KHROL LA SOGS PA MA MTHONG BAS BUD MED LA SOGS PA MTHONG BA MED PA DANG, KHYIM RTZIG PA'I KA BA 'JUGS PA LA SOGS PA LA YANG MTSUNGS PAS KHYIM LA SOGS PA ZIN PA MED PAR 'GYUR BA SOGS MANG POS BKAG CING SDOM 'BYUNG 'GREL PAR YANG BKAG GO ,GAL TE GA-YAS ZHAL LTA BU SGOM PA NA GA-YON ZHAL LTA BU SGOM PA MED PA YIN DU CHUG KYANG RGYU MTSAN DES BSKYED RIM MCHOG GI DNGOS GRUB KYI DON DU BSGOM PAR BYA BA MA YIN PA JI LTAR 'GRUB SNYAM NA, BDEN TE 'DI'I

, ,DON NI DNGOS PO'I DE KHO NA NYID RTOGS PAR 'DOD PAR RGYUD DE DAG GIS 'GOG PA YIN GYI PHYAG CHEN GYI DNGOS GRUB KYI THABS TZAM DU SGOM PA BKAG PA MIN NO, ,DE 'GOG DGOS PA YANG SNGAR BSHAD PA LTAR 'GREL BAR DGAG PAR MDZAD PA'I PHYOGS SNGA KHAS LEN MKHAN GYIS LHA'I 'KHOR LO SGOM PA GOMS PAS GSAL BAR SNANG STE MNGON DU GYUR PA NA PHUNG PO RNAMS RIGS LNGA KHAMS RNAMS YUM RNAMS SU GYUR NAS SANGS RGYAS BAR 'DOD DO, ,DE'I LUGS LA NI DNGOS PO'I DE KHO NA NYID SGOM PA'I LAM GZHAN YOD PAR YANG MI 'DOD LA DNGOS PO'I DE KHO NA NYID MA RTOGS PAR 'TSANG RGYA BA YANG MI 'DOD PAS LHA'I 'KHOR LO SGOM PA TZAM DE KHO NA NYID KYI DON SGOM PAR YANG 'DOD DGOS PAS DE 'GOG PA YIN NO, ,DE LTA NA PHYAG CHEN GYI DNGOS GRUB KYI DON DU DKYIL 'KHOR GYI 'KHOR LO SO SOR RTOG PA'I RTOG PAS SGOM PA NI DON DAM PA'I DE KHO NA NYID SGOM PA MA YIN NO ZHES PA NI DAM BCA' BA'I DON NO, ,THAMS CAD MED PA DE'I PHYIR ZHES PA'I RTAGS KYI DON NI RANG GI BSGOM BYA'I DON DE SGOM PA NA RIM CAN KHO NAR BSGOM PAR BYA DGOS KYI DUS GCIG CAR DU SGOM MI NUS PA'I PHYIR ZHES PA'I DON TO, ,DE SGRUB PA NI GTZO BO SGOM PA NA SHAR LA SOGS PA'I LHA DANG GA-YAS ZHAL SGOM PA NA GA-YON ZHAL SOGS SGOM PA MED PA RNAMS 'GOD LA, KHYAB PA SGRUB PA NI BDAG MED PA'I DE KHO NA NYID SGOM PA LA BSGOM BYA'I DON DUS GCIG TU BSGOMS PAS CHOG PAS 'GRUB PO, ,GZHAN YANG DE LTAR 'DOD PA DE DUS 'KHOR GYI LUGS SU SMRA BA NI 'GREL CHEN LAS LE'U RNAMS KYI GO

RIM BSGRUBS PA DANG 'GAL, DGOS 'GREL GYI DGOS PA DANG NYID DGOS NGOS 'DZIN DANG 'GAL, DBANG BDUN BSKUR BA'I 'BRAS BU BSHAD PA NA DKYIL 'KHOR GYI 'KHOR LO MNGON SUM DU BYED NA LUS 'DI NYID KYIS SA BDUN GYI DBANG PHYUG 'GRUB LA DE LTA MIN PAR MI DGE BA BCU DANG BRAL BAR SHI NA SKYE BA GZHAN DU DE LTAR 'GYUR TE BSOD NAMS KYI TSOGS KYIS SO ZHES GSUNGS PA DANG 'GAL BAR 'GYUR TE KHUNGS RNAMS TSIG MANGS SU DOGS NAS MA BRIS SO, ,GAL TE GNYIS SU MED PA'I YE SHES MI RTOG PAR RIGS MI MTHUN GYI RGYU RTOG PA LAS MI SKYE BAS BSKYED RIM GYI RTOG PA'I RNAL 'BYOR SANGS RGYAS KYI RGYUR MI RUNG BA RDO RJE SNYING 'GREL LAS KYANG BSHAD PAS DE 'GOG PA JI LTAR 'THAD DE, RGYU 'DRAR DE LAS SKYES PA YI, ,'BRAS BU THAMS CAD DU MTHONG GI ,KO tA BA YI SA BON LAS, ,SA LU'I 'BRAS BU 'BYUNG BA MED, ,RNAM RTOG SA BON LAS BYUNG BA'I, ,'BRAS BU RNAM RTOG BCAS PAR 'GYUR, ,RNAM PAR MI RTOG LAS SKYES PA'I, ,'BRAS BU RNAM PAR MI RTOG 'GYUR, ,ZHES GSUNGS PA'I PHYIR RO SNYAM NA, SKYON MED DE DE'I DON NI KO tA BA'I SA BON 'BRAS SA LU'I SA BON DU MI RUNG BA BZHIN DU RTEN DANG BRTAN PA'I LHA'I RNAM PA TZAM ZHIG SGOM PA'I BSKYED RIM NI MI RTOG YE SHES KYI NYER LEN MIN PA LA DGONGS KYI BSKYED RIM MI RTOG YE SHES KYI LHAN CIG BYED RKYEN DU DGOS PA 'GOG PA MIN TE, DPER NA CHU LUD DANG SA RNAMS NAS KYI MYU GU'I NYER LEN MIN YANG DE DAG SKYE BA LA NGES PAR DGOS PA BZHIN NO, ,'GREL PA DE NYID LAS KYANG, DANG POR ZHING RNAMS SBYANG DON DU, ,KO tA BA RNAMS

, ,'DEBS BYED CING, ,PHYI NAS SBYANGS PA'I ZHING LA NI, ,SA LU'I SA BON 'DEBS PA BZHIN, ,ZHES DANG POR KO tA BA BTAB NAS LEGS PAR SBYANGS PA'I ZHING LA DE'I 'OG TU 'BRAS SA LU 'DEBS PA DPER MDZAD NAS, MI YI SKYE BA DAG ZHING LA, ,DMIGS MED SNYING RJE'I SA BON NI, ,BTAB PAS GANG PHYIR DE YI PHYIR, ,STONG NYID DPAG BSAM LJON SHING 'BYUNG, ,ZHES BSKYED RIM GYIS ZHING DAG PAR BYAS PA LA DMIGS MED SNYING RJE BDE BA CHEN PO'I RDZOGS RIM BSGOMS PAS 'BRAS BU BDE BLAG TU SKYE BAR BSHAD PAS BSKYED RIM SNGON DU 'GRO DGOS PA'I KHUNGS SO, ,DE LTAR NA RTOG PA YANG GANG RUNG RUNG MIN LA MI RTOG PA YANG CI YANG MI SEMS PA TZAM LA MI ZER GYI SANGS RGYAS KYI GNYIS SU MED PA'I YE SHES KYI RGYUR BDAG GNYIS KYI MTSAN MAR MI RTOG PA BDAG MED KYI DE NYID RIG PA'I LAM SNGON DU 'GRO DGOS PAS RIGS MTHUN GYI RGYU DGOS ZHES PA'I DON NO, ,DES NA 'GREL PA DE LAS, ZAB CING RGYA CHE'I CHOS RNAMS LA, ,SKAL PA BRAL BA'I BDAG NYID LA, , PHYAG RGYA DKYIL 'KHOR SNGAGS SOGS GANG, ,YID 'ONG BDAG GIS BSTAN PA YIN, ,PHYAG RGYA DKYIL 'KHOR SNGAGS SOGS KYIS, ,SANGS RGYAS RDO RJE SEMS DPA' SOGS, ,STON PAR BYED PA MA 'ONGS PA'I, ,SLOB DPON RNAMS NI BDUD KYI RIS, , ZHES GSUNGS PA DANG YANG MI 'GAL BAR SHES PAR BYA STE TSIGS BCAD SNGA MA'I DON NI SNGAGS KYI GDUL BYA RE SHIG RDZOGS RIM GYI SKAL BA DANG BRAL BA RNAMS LA BSKYED RIM BSTAN PAR BYA BA YIN GYI BSKYED RIM GANG LA STON PA'I GDUL BYA THAMS CAD

RDZOGS RIM TSE DE LA SKYE BA'I SKAL BA DANG BRAL BAR STON PA MIN LA, GNYIS PAS NI SNGAR DRI MED 'OD DRANGS PA LTAR LHA'I 'KHOR LO'I RNAL 'BYOR TZAM ZHIG GOMS PAR BYAS PAS DE GSAL BA NA SANGS RGYAS PAR STON PA'I SLOB DPON BDUD KYI PHYOGS YIN PAR STON PA YIN NO, ,KYEE RDOR RTZA RGYUD KYI LUNG RDO RJE SNYING PO'I 'GREL PAR DRANGS PA LAS KYANG, RNAM RTOG RGYA RU CHUD PA YI, ,'GRO BA GSUM PO RNAM GZIGS NAS, ,JI LTA JI LTAR GROL 'GYUR BA'I, ,DE DANG DE YI THABS BSTAN TO, ,RNAM RTOG BAG CHAGS KYIS BCINGS LA, ,THOG MAR RTOG PA'I CHO GA BSTAN, ,RNAM RTOG RANG BZHIN SHES PA NA, ,MI RTOG PA LA RNAM 'JUG BYA, ,DKYIL 'KHOR 'KHOR LO'I KHANG PA DANG, ,LHA RNAMS JI LTAR BSKYED PA DANG, ,YE SHES DGUG DANG DBANG BSKUR DANG, ,DE BZHIN 'KHOR LO RTZA DANG NI, ,KHU BA RLUNG RNAMS GANG BSTAN TE, ,BYIS PA RNAMS NI GZHUG PA'I PHYIR, ,'JIG RTEN MGON POS BSTAN PA YIN, ,MA YIN NGES DON GZHAN DU DPYAD, ,DKYIL 'KHOR TSUL DANG LHA DAG DANG, ,YE SHES DGUG DANG DBANG BSKUR DANG, ,KHU BA RLUNG DUS SU LTA BA, ,KYEE YI RDO RJE DES MI SHES, ,ZHES DANG POR BSKYED RIM DANG DE NAS RDZOGS RIM SGOM PA'I SA MTSAMS GSAL BAR MDZAD DO, ,DE LTA MA YIN PAR BSKYED RIM DRANG DON DANG SPROS PA'I CHOS SU GSUNGS PA'I LUNG RE RE TZAM LA BRTEN NAS DE SGOM PA 'DOR NA NI, KHU BA RLUNG RNAMS ZHES PA NAS KYEE YI RDO RJE DES MI SHES, ZHES GSUNGS PA LTAR RTZA RLUNG DANG THIG LE'I RNAL 'BYOR RNAMS KYANG DRANG PA'I DON SPROS PA'I CHOS SU GSUNGS PA'I RGYUD DANG BSTAN BCOS DU MA ZHIG SNANG BAS GANG ZAG RAB KYI DBANG DU BYAS PA MIN PAR 'DOD

, ,PA SNGAR YANG MANG PO BYUNG SNANG BA BZHIN DU DE DAG KYANG SNGAGS KYI LAM GYIS 'TSANG RGYA BA LA NGES PAR SGOM DGOS PA MA YIN PAR 'GYUR BAS, MTHAR GTUGS PA NA BSGOM DGOS KYI LAM GANG YIN THAMS CAD SEMS CIR YANG MI RTAG PA'I TZOM 'JOG TZAM ZHIG TU SANG NAS GSUNG RAB MTHA' DAG SPANGS PAR 'GYUR RO, ,DE'I PHYIR MKHAS PAS NI PHA ROL TU PHYIN PA'I THEG PA LA SPYOD PHYOGS RNAMS DRANG DON SPROS BCAS YIN PAS STONG PA TZAM ZHIG BSTEN PAR BYA'O ZHES PA DANG, SNGAGS LA BSKYED RIM GYI BSGOM BZLAS SOGS RTOG BCAS DANG SPROS BCAS DANG DRANG DON YIN PAS NGES DON GO NA MI DGOS SO ZHES SMRA BA GNYIS LA SNYING PO MED PA'I GTAM DU SHES PAR BYAS NAS RGYANG RING DU DOR TE THABS SHES ZUNG DU 'BREL BA DANG BSKYED RDZOGS ZUNG DU 'BREL BA'I LAM LA RIM CAN DU SLOB PA DANG, SPROS BRAL DBU MA'I DON SHES PAR BYAS NAS DAM TSIG RNAMS BSTEN TE TSUL GNYIS DANG LDAN PA'I SHING RTA CHEN PO'I LAM DU 'JUG PAR BYA STE SNYING PO RGYAN LAS, RE SHIG PHYOGS TZAM MTHONG BAS ZHUGS PA STE YANG DAG PAR RDZOGS PA'I SANGS RGYAS KYI LAM NGES PAR RNYED PA MA YIN PAS DE'I PHYOGS SU RNAM PAR LTA BA DANG BRAL BAS GNAS PAR BYA STE, LTA BA'I TSUL SPROS PA DANG BRAL BA RTOGS PA DANG BSKYED PA'I RIM PA DANG RDZOGS PA'I RIM PA'I TING NGE 'DZIN LA RIM GYIS 'JUG PA DANG DAM TSIG RNAMS NYE BAR BSTEN PA DANG RIM GYIS 'JUG PAS SPYOD PA'I TSUL SHES PA RNAMS NI THEG PA MCHOG LA NGES PAR SKYES PA STE, RDO RJE 'DZIN PA'I LAM GYIS DE NYID MNGON SUM DU RTOGS NAS 'DOD PA'I YON TAN

DANG LDAN PAR 'GYUR BAS LAM GYI RIM PA DANG SBYAR TE TSUL GNYIS DANG LDAN PA 'DI NYE BAR GZUNG BAR BYA'O, ,ZHES SNGAR GYI PHYOGS SNGA GNYIS SMOS PA'I 'OG TU RANG GI LUGS GSUNGS PA LTAR BYA'O, ,GNYIS PA LA BZHI, RIM PA GNYIS KYI SGRA'I DON DANG, RIM PA GNYIS KYI GRANGS NGES PA DANG, RIM PA GNYIS KYI GO RIM NGES PA DANG, RIM GNYIS SO SO'I BSLAB TSUL LO, ,DANG PO NI, BOD KYI BLA MA SNGA MA KHA CIG 'PHAGS PA YAB SRAS KYI LUGS KYIS THA MAL PA'I SKYE BA BLANGS PA DANG SHI BA NI BSKYED PA DANG RDZOGS PA YIN LA DE DAG RIM GYIS GRUB PA DANG RIM GYIS THIM PA NI RIM PA YIN PAS SBYANG GZHI NI BSKYED RDZOGS DNGOS YIN LA RIM PA DE BZHIN DU BSGOMS NAS SBYONG BA'I SBYONG BYED KYI LAM GNYIS NI BSKYED RDZOGS BTAGS PA BA YIN TE, SPYOD BSDUS LAS, SKYE BA KUN RDZOB BDEN PA ZHES BYA STE, ,'CHI BA'I MING YANG DON DAM BDEN PA YIN, ,RIM GNYIS DE DAG BLA MA'I DRIN GYIS NI, ,RNYED PA 'DI NI MA 'ONGS SANGS RGYAS YIN, ,ZHES BSHAD PA'I PHYIR RO ZHES GSUNG NGO, ,DE NI 'PHAGS PA YAB SRAS KYI BZHED PA MA YIN TE BSKYED RIM GYI BSKYED PA ZHES PA'I DON THA MAL PA'I LUS RANG GI RGYUS BSKYED PA LA MI BZHED PA'I PHYIR DANG SPYOD BSDUS KYI LUNG GIS KYANG SKYE BA BSKYED RIM DU STON PA MIN PA'I PHYIR TE, 'DI LTAR SGRON GSAL LAS, BTAGS PA DANG RDZOGS PA'I RIM PA'I SGRUB PA'I THABS SO SOR STON ZHING, ZHES GSUNGS PA LTAR BSKYED RIM NI BRTAGS PA'I RIM PAR LAN MANG DU GSUNGS PAS BLOS BRTAGS PA'AM BLOS BSKYED PA YIN GYI 'BYUNG BA SOGS KYIS BSKYED PA MIN NO, ,SPYOD BSDUS SU LUNG DE'I GONG DU BSKYED RIM MTHAR

, ,PHYIN NAS RDZOGS RIM THOB PA CIG SPYOD PA BYED PA MA BYUNG NA 'CHI BA'I DUS SU DON DAM BDEN PA MNGON DU BYA SHING SHI NAS SKYE BA'I DUS SU DE KUN RDZOB BDEN PA SGYU LUS SU LDANG BAR BYA'O SNYAM DU 'PHEN PA BTANG BAS DE BZHIN DU GYUR NAS 'TSANG RGYA BA'I DON TSIGS BCAD DES STON PA YIN PAS SEMS CAN GZHAN GYI SKYE 'CHI STON PA MA YIN LA, RIM GNYIS DE DAG CES SNGAR RIM GNYIS BSHAD PA LA SNYEG PA YIN GYI SKYE 'CHI GNYIS RIM GNYIS SU STON PA MIN NO, ,DE LTA MA YIN NA RIM GNYIS BLA MA'I DRIN GYIS RNYED PA MA 'ONGS PA'I SANGS RGYAS YIN PA'I BSNGAGS PA DON MED DE SEMS CAN THAMS CAD KYIS DE 'DRA BA'I RIM GNYIS RNYED ZIN PA'I PHYIR RO, ,LUNG DE SHES BYED DU 'DREN NA NI RNAL 'BYOR PA DES 'CHI BA DANG 'OD GSAL BSRE ZHING SKYE BA SGYU LUS SU BYED PAS DE GNYIS KA RDZOGS RIM DU 'DOD DGOS PA YIN NO, ,YANG KHA CIG BYANG CHUB SEMS DPA'I 'GREL PA RNAMS KYI LUGS KYIS RDZOGS PA NI BOGS DBYUNG DU MED PA STE MCHOG GI DNGOS GRUB YIN LA DE SGRUB PA'I RIM PA NI RDZOGS RIM DANG, MCHOG LA BROD BSKYED PAS THUN MONG GI DNGOS GRUB LA BSKYED PA ZHES BYA LA DE SGRUB PA'I RIM PA NI BSKYED RIM DU BZHED PAS 'BRAS BU'I SGO NAS BTAGS PA'O ZHES GSUNG MOD KYANG, DE DAG GI GZHUNG DU RDZOGS RIM MCHOG SGRUB BYANG DANG BSKYED RIM THUN MONG GI DNGOS GRUB SGRUB BYED DU LAN DU MANG GSUNGS KYANG BSKYED RDZOGS KYI SGRA DE LTAR BSHAD PA MI SNANG NGO, ,DES NA BI ? RA BA PA DANG dOm BI BA'I RJES SU 'BRANG BAS GTZO BOR LAM LA MING 'DOGS GSUNG BA LTAR LAGS PAS BSKYED RIM DANG LAM DUS KYI RDZOGS RIM GYI SGRA BSHAD PA'I RGYU

MTSAN NI LAM KHO NA LA GZHAG STE SHANTI PAS, RIM PA DANG RNAM PA DANG CHA DANG PHYOGS ZHES BYA BA NI RNAM GRANGS SO, ,GANG GI RIM PA ZHE NA RNAL 'BYOR GYI'O ZHES GSUNGS PA BZHIN NO, ,RIM GNYIS KYI SGRA GANG LA 'JUG PA'I GZHI RNAMS NGES PA DANG SGRA BSHAD PA'I RGYU MTSAN NGES PA GNYIS NI PHYI MA CHES DKA' STE, 'DI NGES NA BSKYED RDZOGS KYI THUN MONG MA YIN PA'I KHYAD PAR RNAMS PHYED PAS DON SHIN TU ZAB CING SKRA BSHAD PA'I RGYU MTSAN NYID LA SGOS SU CHEN PO DAG GIS BSHAD PA MI GSAL ZHING MI RGYAS PA'I PHYIR RO, ,RIM PA GNYIS LA MING GZHAN BCOS MA DANG RNAL MA'I RNAL 'BYOR ZHES KYANG RDO RJE MKHA' 'GRO LAS GSUNGS SHING DPYID KYI THIG LE LAS KYANG, BCOS MA'I DKYIL 'KHOR SPANG BYAS NAS, ,BCOS MA'I SBYIN SREG LAS DAG DANG, ,BCOS MA'I SGOM PA'I LAS DAG DANG, ,BCOS MA'I BZLAS PA NYID DANG NI, ,DE LA SOGS PA'I BCOS MA KUN, ,RANG BZHIN RNAL 'BYOR TSUL GYIS SPANG, ,PHYI ROL BCOS MA RAB BYA BA, ,RANG BZHIN RTOGS PAR BYA PHYIR TE, ,ZHES GZINGS KYI ? DANG BCAS PAS GSUNGS SO, ,DES NA BSKYED PA'I RIM PA DANG BRTAGS PA'I RIM PA DANG BCOS MA'I RNAL 'BYOR ZHES BYA BA NI RIM PA DANG PO'I MING YIN LA, RDZOGS PA'I RIM PA DANG MA BRTAGS PA'I RIM PA DANG RNAL MA'I RNAL 'BYOR NI RIM PA GNYIS PA'I MING NGO, ,BSKYED PA SOGS GSUM NI BLOS BSKYED CING BRTAGS LA BCOS PA YIN PAS DE'I ZLAS DRANGS PA NA RDZOGS PA NI BLOS BTAGS PA MA YIN PAR RDZOGS PA'AM GRUB PA'O, ,'O NA BLOS BCOS PA'I DBANG GIS GRUB MA GRUB 'DI'I DON GANG YIN SNYAM NA, 'DI LA RIM PA

, ,RANG GI SKABS KYI THABS RE LA BRTEN NAS LHA'I SKUR RDZOGS PAR BYED PA 'DRA MOD KYANG BYED TSUL MI 'DRA STE, 'DI LTAR BSKYED RIM PAS NI DBYANGS GSAL GYI YI GE DANG DE LAS BYUNG BA'I ZLA NYI DANG SA BON GYI YI GE DANG PHYAG MTSAN SOGS KYI THABS LAS RANG NYID LHA'I SKUR RDZOGS PAR BYED DE BLOS BSKYED CING BRTAGS PA TZAM MO, ,RDZOGS RIM PAS NI DBYANGS GSAL GYI YI GE DANG ZLA NYI SOGS KYIS MTSON PA'I DON BYANG SEMS DKAR DMAR DANG RLUNG LAS SU RUNG BA'I MTHUS SNANG MCHED THOB GSUM GYI YE SHES MNGON DU BYAS PAR DBANG GIS RLUNG SEMS TZAM LAS SGYU MA LTA BU'I LHA'I SKUR LDANG BA YIN PAS BLOS MA BRTAGS SHING MA BCOS PAR LHA'I SKUR RDZOGS PA'O, ,DES NA BSKYED RIM PA'I SKU RDZOGS PA'I THABS KYANG BLOS BCOS PA YIN LA THABS DE LAS BYUNG BA'I LHA SKU YANG BCOS MA'O, ,RDZOGS RIM PA'I LHA SKU RDZOGS PA'I THABS RTZA RLUNG THIG LE'I RNAL 'BYOR LA SOGS PA YANG BLOS MA BCOS PA YIN LA THABS DES STONG PA NYID MNGON DU BYAS PA DANG DE'I MTHAR LHA'I SKUR LANGS PA YANG BLOS MA BRTAGS PA'O, ,DE LA DGONGS NAS SPYOD BSDUS LAS, BSKYED BA'I RIM PA NAS BRTZAMS TE LUS RNAM PAR DBEN PA'I MTHAR THUG PA'I BAR DU RDO RJE GSUM LA SOGS PAS KYANG MTSAN NYID LA LHAG PAR MOS PA TZAM LAGS TE DE BAS NA LUS RNAM PAR DBEN PA LA YANG LHA'I GZUGS MED DE, ZHES SGYU LUS MA THOB PA'I GONG DBEN GSUM DANG BSKYED RIM GYI SKABS SU BLOS MOS PA TZAM GYI LHA SKU LAS GZHAN MED PAR GSUNGS LA DE BAS NA DBEN GSUM GYI LHA SKU NI RDZOGS RIM PA'I

KHUNGS SU 'DU BA TZAM YIN GYI YE SHES KYI SKU DNGOS MIN NO, ,GAL TE DE LTA YIN NA YI GE LA SOGS PAS MTSON PA'I DON RLUNG DANG THIG LE'I RNAL 'BYOR LA SOGS PA'I RDZOGS RIM GYI THABS KHO NAS LHA'I SKU BSKYED PAR BYA'I YI GE DANG PHYAG MTSAN DANG ZLA NYI LA SOGS PA'I THABS KYIS LHA'I SKUR SKYED PA'I BCOS MAS CI ZHIG BYA SNYAM NA, DE NI MA YIN TE THABS BCOS MA LA GOMS PAR MA BYAS PAR MA BCOS PA'I THABS RDZOGS PAR BYA MI NUS LA DE'I PHYIR THABS LAS BYUNG BA YANG BCOS MA LA GOMS PAR MA BYAS PAR MA BCOS PA'I THABS LAS BYUNG BA MNGON DU BYA BAR MI NUS SO, ,DE LA DGONGS NAS SNGAR DRANGS PA LTAR GZINGS KYI DPE GSUNGS TE, DPER NA CHU'I PHA ROL GYI GNAS GCIG NA BZA' BTUNG GI LONGS SPYOD SPYAD PAR 'DOD PA 'GA' ZHIG CHUS BAR BCAD NAS LONGS SPYAD PAR MA NUS PA NA GZINGS LA BRTEN NAS PHAR 'GRAM DU PHYIN PAR BYED PA BZHIN DU, RDZOGS RIM GYI LONGS SPYOD LA LONGS SPYOD PAR 'DOD PA YANG THA MAL BA'I SNANG ZHEN GYI CHUS BAR BCAD NAS LONGS SPYAD PA'I DBANG MA BYUNG BA NA BSKYED RIM GYI GZINGS LA BRTEN NAS THA MAL GYI SNANG ZHEN LOG PA'I 'GRAM DU PHYIN PAR BYED DO, ,JI LTAR GZINGS PHAR 'GRAM DU PHYIN PA'I THABS YIN GYI BZA' BTUNG GI LONGS SPYOD SGRUB PA'I THABS GZHAN ZHIG DGOS PA LTAR BSKYED RIM YANG RDZOGS RIM SKYE BA LA RGYUD SMIN BYED YIN GYI RDZOGS RIM GYIS STONG PA DANG LHA SKU'I LONGS SPYOD KYI THABS RLUNG DANG THIG LE'I RNAL 'BYOR LA SOGS PA GZHAN CIG DGOS SO, ,'DIS NI BSKYED RIM MTHAR PHYIN PAR BYA DGOS PA DANG BSKYED RIM TZAM GYIS MI CHOG PA GNYIS KA BSTAN NO, ,DES NA LHA SKYED PA'I RNAL 'BYOR LA YI GE DANG PHYAG

, ,MTSAN DANG ZLA BA LA SOGS PA'I THABS LAS LHA'I SKUR SKYED PA TZAM ZHIG YOD PAR 'DRA YANG THABS DE DAG GI SGO NAS DE DAG GI MTSON DON GTUM MO DANG THIG LE'I RNAL 'BYOR LA SOGS PA SKYE BA LA RGYUD SMIN PAR BYED PA'I RTEN 'BREL KHYAD PAR CAN SGRIG PAR NUS PA NI BLA MED MIN PA LA MED CING, DE 'DRA ZHIG LA BSKYED RIM DU GSUNGS PAS NA RGYUD SDE 'OG MA RNAMS LA BSKYED RIM MED PA YIN TE, DE DAG GI RTZA BA'I RGYUD LA BSKYED RIM STON PA YOD NA RDO RJE'I TSIG DE LA DRANG NGES KYI BSHAD PA GNYIS KYANG BYAR YOD PAS BSKYED RDZOGS GNYIS KA YOD PAR 'DOD DGOS TE 'DI NI YE SHES RDO RJE KUN LAS BTUS KYI BSHAD SROL SGRON ME GSAL BA LAS SHES PAR BYA'O, ,RIM GNYIS KYI SGRA DON LA KYEE RDOR GYI 'GREL PA MU TIG PHRENG BA LAS, SNGAGS DANG MTSAN MA LA SOGS PA'I RIM GYIS LHA'I RNAM PAR SKYED PA NI RNAL 'BYOR PA'I BSKYED PA STE DE GANG LA YOD PA DE NI BSKYED PA'I RIM PA'O, ,RDZOGS PA NI LHAN CIG SKYES PA STE SGRUB PA PO LA SOGS PA'I RANG BZHIN LHAN CIG SKYES PA DE NYID LA SOGS PA DE KHO NA NYID KYI RANG BZHIN DU MOS TE GANG DU RNAL 'BYOR PAS BSGOM PAR BYA BA DE RDZOGS PA'I RIM PA'O, ,ZHES GSUNGS TE SNGA MA NI SNGAR BSHAD PA LTAR YIN LA PHYI MA NI RDZOGS RIM GYI PHYOGS GCIG YIN PAS LHA'I SKU YANG DGOS SO, ,RIM PA NI 'GREL PA DE LAS RNAM PA 'AM CHA 'AM PHYOGS LA BSHAD PA LTAR BYA'I DUS KYI RIM PA MIN NO, ,SKAL BZANG RDO RJES BSKYED PA NI ZLA BA LA SOGS PA BSKYED PAS NA BSKYED PA'O, ,GZHAN NI RIM PA'O, ,RDZOGS PA NI STONG PA CHEN PO'I YE SHES TA DE NI THABS LA RDZOGS

PAR YOD PA'AM YANG NA DE RDZOGS PAS YON TAN RDZOGS PA'I PHYIR RDZOGS PA'O, ,GZHAN NI RIM PA'O, ,ZHES 'CHAD MOD KYANG SNGAR BSHAD PA NYID 'THAD DO, ,GNYIS PA NI, 'DUS PA'I RGYUD PHYI MA LAS, SANGS RGYAS RNAMS KYIS CHOS BSTAN PA, ,RIM PA GNYIS LA YANG DAG GNAS, ,BSKYED PA YI NI RIM PA DANG, ,RDZOGS PA YI NI RIM NYID DO, ,ZHES LAM RIM PA GNYIS SU NGES PAR GSUNGS PA'I RGYU MTSAN CI ZHIG SNYAM NA, RIM PA GNYIS KA LA SNANG PHYOGS LHA'I 'KHOR LO DANG STONG PA NYID SGOM PA GNYIS GNYIS YOD PAS LHA DANG STONG PA'I DBANG DU BYAS PA'I GRANGS NGES MIN NO, ,DES NA RIM GNYIS SU NGES PA'I RGYU MTSAN NI 'DUS PA'I RGYUD PHYI MA LAS, THUN MONG MCHOG GI DBYE BA YIS, ,BSNYEN PA RNAM PA GNYIS SU 'DOD, ,THUN MONG BA NI RDO RJE BZHI, ,MCHOG NI YAN LAG DRUG GIS SO, ,ZHES GSUNGS PA LTAR THOB BYA LA GNAS SKABS DANG MTHAR THUG GI DNGOS GRUB GNYIS YOD PAS DE SGRUB BYED LA YANG RIM PA GNYIS SU NGES SO, ,DE LA THUN MONG BA LA GNYIS LAS RGYU THUN MONG BA NI RIM PA DANG PO MCHOG SGRUB PA DANG GRUB PA BRGYAD LA SOGS PA SGRUB PA GNYIS KA'I RGYUD LA BSKYED DGOS PA'O, ,'BRAS BU THUN MONG BA GRUB PA BRGYAD LA SOGS PA'I DNGOS GRUB NI RIM PA GNYIS KA'I YANG 'BRAS BUR 'GYUR BA'O, ,RGYUD DE'I DON NI SGRON GSAL LAS, DE LTAR SBYOR BA BZHI'I RIM GYIS RDO RJE SEMS DPA' MNYES PAR BYA BA BSTAN NAS DE NI YAN LAG DRUG GI RIM GYIS RDO RJE 'CHANG CHEN PO RDZOGS PAR BYA BA GSUNGS TE, ZHES GSUNGS PAS RDO RJE SEMS DPA' MNYES PAR BYA BA DANG RDZOGS PAR BYA BA GNYIS SU NGES PAS RIM

, ,PA GNYIS SU NGES PA'O, ,DANG PO'I DON YANG SGRON GSAL LAS, DE LTAR RTAG PA NYID KYIS THUN BZHIR BSLAB PAR BYAS NA DGE BA'I RTZA BA YONGS SU SMIN PAS RDO RJE LTA BU'I TING NGE 'DZIN MNGON PAR RTOGS NAS TSE 'DI NYID LA PHYAG RGYA CHEN PO'I DNGOS GRUB THOB PAR 'GYUR RO, ,ZHES GSUNGS PAS SNGAR BSHAD PA LTAR GYI RTEN 'BREL KHYAD PAR CAN DU MA ZHIG BSGRIGS NAS RGYUD SMIN PAR BYED PA'O, ,SBYOR BA BZHI NI BSNYEN BSGRUB YAN LAG BZHI'O, ,GSUM PA NI, BSKYED RIM GYIS SMIN PAR BYAS PA'I RGYUD LA RDZOGS RIM SKYE'I DES MA SMIN NA RDZOGS RIM GYI CHA SHAS 'GA' ZHIG SKYE YANG LAM BGROD NUS PA'I RDZOGS RIM MI SKYE BAS THOG MAR BSKYED RIM DANG DE NAS RDZOGS RIM SGOM PAR MANG DU GSUNGS TE, RDO RJE MKHA' 'GRO LAS GZINGS KYI DPES GSUNGS PA BZHIN DU GROL BA'I THIG LE DANG DPYID KYI THIG LE LAS KYANG DE LTAR DU BSHAD LA, BRTAG GNYIS KYI BRTAG PA PHYI MA'I GNYIS PA LAS KYANG, BSKYED PA'I RIM PA'I RNAL 'BYOR GYIS, ,BRTUL ZHUGS CAN GYIS SPROS PA BSGOM, ,SPROS PA RMI LAM LTAR BYAS NAS, ,SPROS PA NYID NI SPROS MED BYA, ,ZHES DANG RIM LNGA LAS KYANG, BSKYED PA'I RIM LA LEGS GNAS SHING, ,RDZOGS PA'I RIM PA 'DOD RNAMS LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ,ZHES DANG, SPYOD BSDUS LAS KYANG, SEMS CAN DANG PO'I LAS CAN RNAMS, ,DAM PA'I DON LA 'JUG PA LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR BZHAG ,CES DANG, dOm BI HE RU

KAS KYANG BLO BZANG DANG POR BSKYED PA'I RIM PA SGOM PAR BYED DANG LAG PA'I PHYAG RGYA DANG, ,SNGAGS NI RNAM DAG GUG SKYED GO CHA THAMS CAD NGES PAR DRAN PA 'BRAL MI BYA, ,PHYA NAS BLO BZANG RINGS SHING SKAD CIG RGYUN DU DE NYID GCIG GI SEMS DANG LDAN, ,RDZOGS BA'I RIM PA BSGOMS PAS SRID PA RNAM SPANG LHAN CIG SKYES PA RTAG TU BSAM, ,ZHES GSUNGS SO, ,DE'I PHYIR RIM PA DANG PO LA MA KHRID PAR RIM PA GNYIS PAS 'KHRID PA GZHUNG MTHA' DAG DANG 'GAL BAS SNYING NAS RNAL 'BYOR CHEN PO'I LAM LA SGRUB BA BYED PAR 'DOD PAS NI THOG MAR RIM PA DANG PO'I KHRID BSKYED BAR BYA'O, ,'O NA RIM PA DANG PO MA BRTAN BAR DU RIM PA GNYIS PA MI SGOM PA YIN NAM THUN STOD LA RIM PA DANG PO BSGOMS NAS THUN SMAD LA RIM PA GNYIS PA SGOM PA YAN SNYAM NA, 'PHAGS PA YANG SRAS NI SNGA MA BZHED DE SPYOD BSDUS LAS, GANG GI TSE SANGS RGYAS KYI THEG PA'I BSAM PA LA LOBS PAR GYUR PA DE'I TSE THEG PA GSAR LA DRAN PA GCIG PA'I TING NGE 'DZIN GYIS SLOB BO, ,GANG GI TSE THEG PA GSAR LA DRAN PA GCIG PA'I TING NGE 'DZIN LA LOBS PA DE'I TSE RTOG PA'I RNAL 'BYOR LA SLOB PO, ,GANG GI TSE RTOG PA'I RNAL 'BYOR LA LOBS PA DE'I TSE LAS DANG PO PA'I TING NGE 'DZIN LA RAB TU GNAS PAR 'GYUR RO, ,GANG GI TSE LAS DANG PO PA'I TING NGE 'DZIN LA GNAS PA DE'I TSE RIGS BRGYA'I DBYE BA LA 'JUG GO ,GANG GI TSE RIGS BRGYA'I DBYE BAS LUS RNAM PAR DBEN PA SHES PA DE'I TSE SKU RDO RJE'I TING NGE 'DZIN LA GNAS PAR 'GYUR RO, ,LUS RNAM PAR DBEN PA LA GNAS NAS A'A LI K'A LI' SGO NAS NGAG RNAM PAR DBEN PA LA 'JUG GO ,GANG GI

, ,TSE RDO RJE BZLAS PA'I RIM GYIS SROG DANG RTZOL BA SHES PAR GYUR PA DE'I TSE GSUNG RDO RJE'I TING NGE 'DZIN LA RAB TU GNAS PAR 'GYUR RO, ,ZHES SOGS KYIS RIM PA DANG PO LA LOBS PAR NA RIM PA GNYIS PA DANG RIM PA GNYIS PA'I YANG SNGA MA SNGA MA LA LOBS PA NA PHYI MA PHYI MA LA SLOB PA GNAD DU 'GRO BAR BSHAD DO, ,DRIL BU PA DANG LVA BA'I NA BZA' CAN GYIS KYANG BDE MCHOG SGRUB THABS SU DE LTAR GUS PA DANG BCAS PAS RGYUN MI 'CHAD PAR BSGOMS PAS SEMS BRTAN PAR GYUR PA DANG RDZOGS PA'I RIM PA'I TING NGE 'DZIN BSGOM PAR BYA'O, ,ZHES GSUNGS SHING MAR ME MDZAD BZANG PO YANG DE LTAR DU BZHED DE LAS DANG PO PA LA LOBS PA BZHIR PHYE BA'I SKABS LAS SHES SO, ,BOD KYI SNGAGS PA CHEN PO RJE 'GOS DANG DE'I RJES 'BRANG RNAMS KYANG DE LTAR BZHED LA RJE MYU GU LUNG PA DANG RJE MAR PA'I RJES SU 'BRANG PA'I RGYUD SDE LA SBYANGS PA RNAMS NI THUN STOD LA BSKYED RIM DANG THUN SMAD LA RDZOGS RIM SGOM PAR BZHED DO, ,DE LA LAM GYI GO RIM 'DI SHIN TU GNAD CHE PAR MTHONG STE 'DI LEGS POR MA ZIN PAR 'CHUGS NA CI TZAM 'BAD KYANG GTAN MI SKYE BA'AM, YANG NA DE DNGOS MIN PAR DE DANG 'DRA BA ZHIG BYUNG BA LA 'KHRUL NAS DUS 'DA' LA, GO RIM MA 'CHUGS NA GANG BSGOMS GNAD DU 'GRO BAS THAD KA DE'I LAm YANG MYUR DU SKYE LA DE'I MTHUS GONG MA YANG SHIN TU SKYE MYUR BA YIN PA'I PHYIR RO, ,SPYIR LAS DANG PO PAS SGOM PAR MI NUS PA DANG NUS PA'I RDZOGS RIM GNYIS SNANG BA'I PHYI MA NI BSKYED RIM MI BRTAN YANG BSGOMS NA RJES MTHUN PA'I YON TAN MI SKYE BA MA

YIN MOD KYANG, RIM PA DANG POS RGYUD SMIN PAR BYAS PA LA SKYE BA 'DRA BA DE DAG LA MI SKYE BAS RIM PA DANG PO DOR NAS RLUNG DANG GTUM MO LA SOGS PA'I YON TAN RJES MTHUN PA SKYE BAR MTHONG NAS DE DAG LA 'DRIL NA LAM GYI GNAD 'CHUG PAS MI RUNG NGO, ,'ON KYANG RIM PA DANG PO MA BRTAN PAR DU DE LA GTZO BOR SGOM PA'I KHOG NAS RLUNG DANG GTUM MO SOGS SKABS KYI DGOS PA DANG BSTUN NAS ZHAR LA NYAMS SU LEN NA NI DGAG BYA CHUNG BAR MNGON NO, ,STONG NYID SGOM PA TZAM ZHIG NI PHAR PHYIN GYI THEG PA DANG THUN MONG BA YIN ZHING LHA'I RNAL 'BYOR DANG SPREL NAS SGOM PA YANG RGYUD SDE 'OG MA GSUM KA LA YOD KYANG DE DAG LA RDZOGS RIM MED PAS STONG NYID SGOM PA TZAM LA RDZOGS RIM SGOM PAR 'DOD PA NI HA CANG YANG RNAM PAR MA BRTAGS PA'O, ,DES NA RIM PA DANG PO'I SKABS SU YANG STONG PA NYID SGOM PA NI SHIN TU YANG DGOS SO, ,RNAM DPYOD BRTZON PA'I GRU GZINGS NYAMS CHUNG ZHING, ,DED DPON MKHAS PA'I BSHES GNYEN MA BSTEN PAS, ,GSANG SNGAGS GZHUNG LUGS RGYA MTSO MA MTHONG BAR, ,PHYOGS RE'I LAM GYIS BGROD PAR 'DOD PA'I LUGS, ,LEGS PAR BKAG NAS MKHAS PA DGYES PA'I LAM, ,RIM GNYIS RIM BZHIN BSKYED NAS RGYAL BA'I SAR, ,MA TSANG MED PA'I LAM GYIS BGROD DGOS ZHES, ,SHING RTA CHEN PO'I SROL BZANG GSAL BAR BYAS, ,RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR PHYE BA LAS, RIM GNYIS ZUNG 'BREL GYIS BYANG CHUB SGRUB DGOS PAR BSTAN PA STE LE'U BCU GCIG PA'O,, ,,BZHI PA RIM GNYIS SO SO'I BSLAB TSUL LA GNYIS, BSKYED RIM LA BSLAB TSUL

, ,DANG, RDZOGS RIM LA BSLAB TSUL LO, ,DANG PO LA GNYIS, BSKYED RIM SPYI'I RNAM GZHAG DANG, MNGON PAR RTOGS PA'I RIM PA BSHAD PA'O, ,DANG PO LA GSUM, GANG GI GNYEN POR BSKYED RIM SKYED PA'I TSUL DANG, BSKYED PAR BYA BA BSKYED RIM GYI RNAM DBYE DANG, DE'I SKABS SU STONG NYID JI LTAR BSGOM PA'O, ,DANG PO LA GNYIS, SPANG BYA NGOS GZUNG ZHING DE 'GOG TSUL BSTAN PA DANG, GSAL SNANG DANG GNAS PA SGRUB LUGS BSTAN PA'O, ,DANG PO NI, BSKYED RIM GYI THUN MONG MA YIN PA'I SPANG BYA NI RTEN DANG BRTEN PA THA MAL PA'I SNANG BA DANG RTEN DANG BRTEN PA THA MAL PAR ZHEN PA'I NGA RGYAL YIN TE GUR GYI BCU BZHI PA LAS, THA MAL RNAM PA GZHOM DON DU, ,YANG DAG BSGOM PA RAB BSGRAGS KYI, ,ZHES DANG SPYOD BSDUS LAS, YANG 'DI LTAR PHUNG PO DANG KHAMS SKYE MCHED RNAMS KYI THOG MA MED PA NAS THA MAL PA'I NGA RGYAL GYIS GNAS PA RNAMS NI, 'DI LTAR DE BZHIN GSHEGS PA THAMS CAD KYI RDUL PHRA RAB LAS BSGRUBS PA'I NGO BO NYID DU BSTAN TE, ZHES PHUNG SOGS LA THOG MA MED PA NAS THA MAL PA'I NGA RGYAL GYIS GNAS PA'I GNYEN POR PHUNG PO SOGS SANGS RGYAS SU SGOM PAR RGYUD DU BSTAN PAR GSUNGS SO, ,'DI LUS DBEN GYI SKABS YIN KYANG DE DANG BSKYED RIM GNYIS KYI THUN MONG MA YIN PA'I SPANG BYA GNYIS 'DRA'O, ,'DI 'DRA BA'I SNANG ZHEN BZLOG PA'I DON DU RTEN DANG BRTEN PA LA KHYAD PAR CAN GYI SNANG BA BSKYED NAS SGOM PA PHAR PHYIN GYI THEG PA PA LA MED PAS SNGAGS KYI THEG PA KHO NA'I KHYAD CHOS SO, ,THA MAL PA'I SNANG ZHEN DE GNYIS KYI GNYEN POR RTEN GZHAL YAS KHANG DANG BRTEN PA LHA SGOM PA'I BSKYED RIM

GSUNGS BAS RTEN GZHAL YAS KHANG DANG BRTEN PA LHAR 'CHAR BA'I SNANG BA GOMS PAS THA MAL PA'I SNANG BA DANG, MI BSKYOD PA'O RNAM SNANG NGO SNYAM PA LA SOGS PA'I NGES PA'I 'DZIN STANGS GOMS PAS THA MAL PA'I NGA RGYAL BZLOG PAR BYA'O, ,THA MAL PA'I NGA RGYAL LOG NAS LHA'I NGA RGYAL DU 'PHOS BA NI DPER NA YE SHES LEGS PAR PHEBS PA NA SNGAR GYI RANG NYID GANG YIN PA'I 'DZIN STANGS DE DOR NAS LHA YIN NO SNYAM PA'I BSAM PA 'GYUR 'GRO BA BZHIN DU MI BSKYOD PA DANG RNAM SNANG LA SOGS PA'O SNYAM PA'I BSAM PA BCOS MA DE 'GYUR NAS LHA'I NGA RGYAL DU 'PHOS PA LA BYA'O, ,'DI LA KHA CIG LA LHA'I NGA RGYAL MA BCOS PA SKYE YANG RTEN DANG BRTEN PA'I SNANG BA GSAL PO MED PA DANG KHA CIG LA RTEN DANG BRTEN PA'I SNANG BA GSAL PO YOD KYANG BCOS MIN GYI NGA RGYAL MED PA DANG KHA CIG LA GNYIS KA YOD PA DANG GNYIS KA MED PA STE MU BZHI 'ONG BAR SNANG NGO, ,MDO BSRO LAS, DE LTAR LAS DANG PO PA RNAMS RAB TU 'JUG PA'I DAM TSIG DANG SDOM PA DANG DBANG BSKUR BA THOB PAS THA MAL PA'I NGA RGYAL DANG BRAL BAS THUN BZHIR LHA'I RNAL 'BYOR BSGOMS PAS, ZHES GSUNGS SHING GZHUNG GZHAN LAS KYANG THA MAL BA'I NGA RGYAL BSAL BA ZHES MANG DU GSUNGS PAS THA MAL PA'I NGA RGYAL GYI GNYEN POR RTEN DANG BRTEN PA'I DKYIL 'KHOR BA'I NGA RGYAL SGOM PA NI GTZO BO YIN LA, THA MAL PA'I SNANG BA BZLOG PA'I RTEN DANG BRTEN PA'I SNANG BA KHYAD PAR CAN SGOM PA NI DE'I YAN LAG GO ,SPANG BYA THA MAL PA'I SNANG BA NI DBANG PO'I SHES PA LA SNANG BA'I SNOD BCUD MIN GYI YID KYI SHES PA LA THA MAL GYI SNOD BCUD SNANG BA YIN LA DE DANG THA MAL PA'I NGA RGYAL GNYIS BSKYED RIM GYIS 'GOG TSUL

, ,NI, 'JIG RTEN LAS 'DAS PA'I LAM GYIS SPONG BA LTAR SA BON SPONG BA SKABS 'DIR 'ONG DON MED LA 'JIG RTEN PA'I LAM GYIS SPONG BA LTAR SA BON NYAMS SMAD NAS MNGON GYUR SPONG BA YANG MIN NO, ,'O NA JI LTAR 'GOG SNYAM NA, GLO BUR BA'I 'GAL RKYEN GZHAN MED PA NA RTEN DANG BRTEN PA'I DKYIL 'KHOR DE DANG DE'I NGA RGYAL BZUNG BA'I TSE SNGAR BSHAD PA LTAR GYI NGA RGYAL DU 'PHO NUS PA DANG DKYIL 'KHOR GNYIS GSAL BTAB PA'I TSE GSAL GANG BTAB PA BZHIN DU SHIN TU GSAL BAR SNANG BA SKYES NAS YID NGO'I THA MAL BA'I SNANG BA BZLOG PA'I TSUL NGES THA MAL PA'I SNANG ZHEN GNYIS ZLOG PA YIN NO, ,'DI YANG CUNG ZAD RE'I BAR DU ZLOG NUS PAS MI CHOG GI SHIN TU BRTAN PA CIG DGOS SO, ,'DI 'DRA BA'I TSUL GYIS SNGON DU BSNYEN PA LAS SU RUNG BAR BYAS PA'I RDO RJE SLOB DPON RNAMS LA NI SA CHOG GI BGEGS LA BKA' SGO BA LA SOGS PA'I TSE NGA NI DPAL LDAN RDO RJE 'CHANG, ZHES SOGS KYIS RANG NYID RDO RJE 'CHANG LA SOGS PA'I NGA RGYAL BYAD PA NA DE DANG DE'I NGA RGYAL BCOS MIN SKYE LA DE LTA BU MIN PA RNAMS LA NI TSIG TZAM GYI NGA RGYAL DU 'GRO BAS SNGON DU BSNYEN PA GAL CHE BAR GSUNGS SO, ,TSIG TZAM MIN PA'I KHYAD PAR CAN GYI NGA RGYAL DANG SNANG BA YANG DANG POR TSIG TZAM GYI BCOS MA'I NGA RGYAL DANG SNANG BA SGOM PA GOMS PA LAS SKYE DGOS PAS THOG MAR DE LA 'BAD DO, ,GOMS PA CHE BAS LHA'I RNAL 'BYOR LA MNYAM PAR BZHAG PA NA MIG GI SHES PA LA SOGS PA'I SNANG BA GZHAN MI 'CHAR BA NI, YID KYI SHES PA DON DE LA RJES SU ZHUGS DGAS PAS MIG LA SOGS PA'I SHES PA SKYE BA'I DE MA THAG

RKYEN GYI NUS PA NYAMS PAS DE DAG RE SHIG MA SKYES PAS KHA DOG LA SOGS PA'I SNANG BA GZHAN MA SHAR BA YIN GYI SNANG BA DE DAG BSKYED RIM GYIS BKAG PA MIN TE, RIG PA'I RGYAL POS, RNAM SHES DON GZHAN CHAGS PA YIS, ,NUS MED DON GZHAN MI 'DZIN PHYIR, , ZHES GSUNGS PA BZHIN NO, ,DES NA KHYAD PAR CAN GYI SNANG BAS YID SHES KYI NGOR THA MAL PA'I SNANG BA 'GOG PA'I NUS PA THOB NA DES DGOS PA 'GRUB LA DNGOS PO LA LHAR MA SONG YANG LHA'I BCOS MIN GYI NGA RGYAL SKYES NA'ANG DES DGOS PA 'GRUB BO, ,GNYIS PA LA GSUM, MNGON RTOGS CI TZAM ZHIG BSGOM PAR BYA BA DANG, GSAL SNANG 'DON TSUL DANG, GNAS PA SGRUB LUGS SO, ,DANG PO NI, 'O NA BSKYED RIM LA SLOB PA DES RDZOGS RIM LA SLOB PA BZHIN DU DMIGS SKOR RE RE NAS BSGOMS PAS SNGA MA BRTAN PA NA PHYI MA LA 'PHO BA YIN NAM 'ON TE SGRUB THABS GCIG GI MGO MJUG THAMS CAD THUN GCIG LA SGOM PA YIN SNYAM NA, 'DI LA LAM SGOM PA'I GANG ZAG GCIG NYID LAM RGYUD LA SKYES PA'I GNAS SKABS KYI DBYE BAS BZHIR BSHAD NAS DE DAG GIS JI TZAM ZHIG DANG JI LTAR SGOM PA'I RNAM DBYE GSUNGS PA SHES DGOS PAS MAR ME MDZAD KYIS, NANG PAR LANGS NAS SNGAR BZHIN NI, ,LEGS ZLOS DANG PO'I LAS CAN YIN, ,YE SHES CUNG ZAD BABS GYUR PAS, ,SNGAGS GYI TSUL KHRIMS BRTUL ZHUGS LDAN, ,MIG DANG SKU SOGS BYIN GYIS BRLAB, ,THUN MTSAMS SU NI RAB BSGRIMS BZLAS, ,RNAM PA KUN TU RAB RDZOGS PAR, ,SPRO DANG BSDU BA BYED PA PO, ,YE SHES DBANG BA CUNG ZAD THOB, ,NYIN MTSAN RNAL 'BYOR YANG DAG BSTEN, ,YANG DAG YE SHES DBANG THOB SGOM, ,KHAMS KYI

, ,RDUL GANG 'KHOR GSUM MCHOG ,GZUGS BRNYAN BDAG NYID SKU CAN GYIS, ,'GRO BA'I DON GYI BYA BA BYED, ,CES GSUNGS PA'I LAS DANG PO PA DANG YE SHES LA CUNG ZAD DBANG THOB PA'I PHYOGS GCIG NI BSKYED RIM GYI SKABS YIN LA YE SHES LA YANG DAG PAR DBANG THOB PA NI RDZOGS RIM MTHON POR SONG BA'I SKABS SO, ,DE LA GNAS SKABS DANG PO'I DUS SU NI RANG GI SGRUB THABS NAS 'BYUNG BA'I BSKYED RIM GYI CHO GA THAMS CAD RDZOGS PAR SGOM DGOS TE SH'ANTI PAS, LEGS ZLOS DANG PO'I LAS CAN YIN, ZHES BYA BA NI LAS DANG PO PAS CHO GA MA LUS PAS YANG DAG PAR BZLA BAR BYA BA STE, ZHES DANG, DPAL 'DZIN GYIS KYANG BZHIR PHYE NAS GNAS SKABS DANG POR RNAL 'BYOR BZHI KA BSGOM DGOS PAR GSUNGS SHING SNYE MA BCU GNYIS PA LAS KYANG, DE LTA KHO NAR THAMS CAD MA TSANG BA MED PAR LAS DANG PO PAS BYA'O, ,ZHES MTHUN PAR GSUNGS PA'I PHYIR RO, ,'O NA JI TZAM ZHIG GI BAR DU LAS DANG PO BAR 'JOG SNYAM NA, DGRA NAG GI BCU BDUN PA'I 'GREL PA RIN CHEN SGRON ME LAS, DE YANG LAS DANG PO BA'I RNAL 'BYOR PA JI SRID LHA'I YAN LAG RAGS PAR SNANG BA TZAM MNGON SUM LTAR GYUR GYI BAR DU NI THUN MTSAMS GSUM DU RNAL 'BYOR BZHI CHAR BSGOM STE, ZHES DANG BZHI BRGYA LNGA BCU PA'I 'GREL BA LAS, RAGS PA'I SKU'I DKYIL 'KHOR YUD TZAM GYIS MNGON DU BYED NUS PA NAS YE SHES CUNG ZAD BABS PAR BZHAG PAS DANG PO SGOM PA NAS BZUNG STE RAGS PA'I DKYIL 'KHOR YUD TZAM RES THAMS CAD GSAL BAR 'CHAR MI NUS PA'I BAR THAMS CAD LAS

DANG PO BAR BYA'O, ,RIM LNGA DANG SPYOD BSDUS SU BSKYED RIM MTHAR PHYIN GYI BAR THAMS CAD LA LAS DANG PO PAR BZHAG PA NI RDZOGS RIM LA LTOS PA'I LAS DANG PO PA YIN LA 'DIR GSUNGS PA NI RIM PA DANG PO NYID LA GNAS SKABS KYIS PHYE BA'I LAS DANG PO PA YIN PAS MI 'GAL LO, ,YE SHES CUNG ZAD BABS PA NI BZHI BRGYA LNGA BCU PA'I 'GREL PA LAS, GANG RAGS PA'I SKU'I DKYIL 'KHOR NI YUD TZAM GYIS MNGON DU BYED NUS LA PHRA BA'I SA'I SNYING PO LA SOGS PA DANG SKU RDO RJE LA SOGS PA MNGON DU BYED MI NUS PA, SNGAGS KYI TSUL KHRIMS DANG BRTUL ZHUGS DANG YANG LDAN PA DAG NI DE'I MTHU THOB PAS DE NI YE SHES LA CUNG ZAD DBANG BA ZHES BYA STE, ZHES GSUNGS TE RTZA BAR YE SHES CUNG ZAD BABS PA ZHES PA DANG DON GCIG GO ,'DIR RAGS PA NI DKYIL 'KHOR LA BKOD PA'I LHA YIN LA PHRA BA NI DE DAG GI MIG LA SOGS PA LA BKOD PA'I LHA'O, ,RAGS PA YUD TZAM GYIS MNGON DU BYED TSUL NI LAS DANG PO PA'I SKABS SU DE DAG GSAL 'DEBS PA NA RIM PA BZHIN DU GSAL BTAB NA 'CHAR GYI DE LTA MA YIN NA GSAL BAR 'CHAR MI NUS PA LTA BU MIN PAR LHA DE NAM GSAL BTAB PA NA YAN LAG DANG NYID LAG YAN THAMS CAD DUS GCIG TU GSAL BAR 'CHAR THUB PA'O, ,DE YANG RE RE TZAM LA DANG SKABS RER 'DI BAS MI CHOG PAS BRTAN PA DGOS TE SNYE MA BCU GNYIS PA LAS, GANG ZHIG JI SKAD BSHAD PA'I MTSAN MA THOB PA DANG PO'I RNAL 'BYOR LA SEMS BRTAN PA DE DAG NI CUNG ZAD YE SHES LA DBANG BAS YUD KYIS DKYIL 'KHOR SPRUL TE BSGOM MO, ,ZHES GSUNGS SO, ,MNGON RTOGS SGOM PA NA LHA PHRA RAGS GNYIS LA SGOM PA MANG NYUNG BYAS PA MIN YANG RAGS PA 'CHAR SLA ZHING PHRA BA

, ,'CHAR DKA' BA YIN TE DPER NA GTZO BO 'JAM RDOR GYI SPYAN GSAL BA DANG DE'I NANG DU SA SNYING YONGS RDZOGS GSAL BA GNYIS KYI DKA' SLA BZHIN NI, ,SKABS 'DIR GZHAL YAS KHANG LA GSAL KHA MI SNANG YANG YUD TZAM RES MNGON DU BYED NUS PA DGOS SO, ,GAL TE SA SNYING SOGS MNGON DU BYED MI NUS PA'I BAR YE SHES CUNG ZAD BABS PAR 'JOG NA DGRA NAG GI 'GREL PA LAS, GANG GI TSE RAGS PA'I YAN LAG MTHONG NAS SKU RDO RJE LA SOGS PA PHRA MO MNGON SUM DU 'GYUR GYI BAR DU NI DE YE SHES CUNG ZAD BABS PA ZHES BYA STE, ZHES PHRA BA'I SKU MTHONG BA TSUN CHAD LA BSHAD PA DANG 'GAL LO SNYAM NA, MI 'GAL TE PHRA BA'I SKU RIM GYIS GSAL BTAB PA NA GSOL BAR 'CHAR LANG DUS GCIG TU GSAL BA LA BRTAN CHA MA RNYED NA YE SHES CUNG ZAD BABS PAR 'JOG PA'I PHYIR RO, ,'O NA 'DI DANG LAS DANG PO BA GNYIS KYI MNGON RTOGS SGOM TSUL LA KHYAD YOD DAM MED CE NA, YOD DE PHYED BCAS BZHI BRGYA PA'I 'GREL PA LAS, DES NI THUN MTSAMS THAMS CAD LA YUD TZAM GYIS DKYIL 'KHOR MNGON DU BYAS LA DE LA MIG LA SOGS PA DANG SKU LA SOGS PA BYIN GYIS BRLAB PA BYAS TE RJES SU MNYES PAR BYA BA DANG MCHOD PA DANG BSTOD PA DANG BDUD RTZI MYANG BA SNGON DU 'GRO BA DANG BAG YOD PAS BZLAS PA BYA'O, , ZHES GSUNGS PA LTAR RO, ,'DI'I SKABS SU YANG THUN SO SOR BCAD NAS SGOM DGOS PAS THUN MTSAMS THAMS CAD LA ZHES GSUNGS SO, ,THUN RE RE'I DUS SU SKYED TSUL JI LTAR BYED PA NI YUD TZAM GYIS ZHES GSUNGS PAS RTEN DANG BRTEN PA'I DKYIL

'KHOR DE LTAR MNGON DU BYAS LA SKYE MCHED BYIN GYIS BRLAB PA LA SOGS PA BYED PA'O, ,DE YANG SGRUB THABS KYI NGO BO RNAMS LAS DANG PO PA DANG 'DRA MOD KYANG KHYAD PAR NI MI BSKYOD PA LTA BU SKYED PA NA ZHAL GSUM PHYAG RNAMS DANG ZHABS DANG SPYAN DANG SHANGS LA SOGS PA YAN LAG DANG NYID LAG RNAMS RIM GYIS BRJOD NAS GSAL 'DEBS MI DGOS PAR DE DAG DUS GCIG TU LAMS KYIS DRAN PAR BYED PA YIN PAS NGAG TU BRJOD PA'I CHO GA DANG DE'I RJES SU 'BRANG BA'I SGOM TSUL LA MANG NYUNG KHYAD CHEN PO YOD DO, ,'ON KYANG PHRA BA'I LHA SKU SGOM PA NA DAL BUS RIM CAN DU GSAL BTAB NAS SGOM DGOS SO, ,RJES SU MNYES PA'I BYA BA NI YAB YUM SNYOMS PAR ZHUGS NAS DKYIL 'KHOR RGYAL MCHOG SKYED PA'O, ,YE SHES PA GZHUG PA MA GSUNGS KYANG DGOS SO, ,'O NA DGRA NAG GI 'GREL PA LAS, DES NI THUN MTSAMS BZHIR BSRUNG BA NAS BRTZAMS TE SHIN TU SBYOR BA'I BAR DU YUD TZAM GYIS BSAMS LA RNAL 'BYOR CHEN PO LA NI GUS PAS BSGOM PAR BYA'O, ,ZHES GSUNGS PA JI LTAR YIN SNYAM NA, 'JAM RDOR LA 'BRAS BU RDO RJE 'DZIN PA BSKYED ZIN PA DANG DE'I MIG SOGS BYIN GYIS RLOB LA DGRA NAG LA DKYIL 'KHOR RGYAL MCHOG BSKYED ZIN PA'I 'OG TU LHA RNAMS KYI MIG SOGS BYIN GYIS RLOB PA'I KHYAD YIN PAS PHRA BA'I LHA LA NAN TAN BYED PA LA 'DRA'O, ,YE SHES LA CUNG ZAD DBANG THOB PA NI PHYED BCAS BZHI BRGYA BA'I 'GREL BA LAS, GANG RNAM PA THAMS CAD DU RAB TU RDZOGS PAR SPRO BA DANG SDUD PAR BYED PA'I SBYOR BAS DKYIL 'KHOR YUD TZAM GYIS MNGON DU BYED PAR NUS PA DE NI YE SHES LA DBANG THOB PA ZHES BYA STE, 'DI YANG YE SHES BABS PA THOB PA NYID LAS 'GYUR GYI

, ,MA THOB PA LAS NI MA YIN TE DE NYID KYI NA CUNG ZAD CES SMOS PA YIN NO, ,ZHES GSUNGS SO, ,'DI NI PHRA BA'I SKU RNAMS LA YANG YUD TZAM RES MNGON DU BYED NUS PA NAS BZUNG STE YE SHES LA YANG DAG PAR DBANG THOB PA LA MA SLEB PA'I BAR THAMS CAD LA BYA STE 'DI LA RIM PA GNYIS KA'I SKABS YOD DO, ,'DI YANG ZHES SOGS KYIS NI LAS DANG PO PA LA SOGS PA 'DI DAG SNGA MA SNGA MA SNGON DU SONG BA LAS PHYI MA PHYI MA 'BYUNG DGOS PAR STON PAS RGYA GAR BA KHA CIG GIS DBANG PO RNON PO'I 'JUG PA LA RIM PA 'DI DAG MI DGOS PAR 'DOD PA 'GOG PA'O, ,SDOM 'BYUNG GI GSUM PA LAS, BSKYED PA'I RIM PA'I DKYIL 'KHOR BSGOM, ,RTUL 'BRING DAG GIS BSAM PAR BYA, ,RNON PO SKAD CIG RNAM PA YIS, ,SEMS TZAM NYID KYI DKYIL 'KHOR TE, ,SKAD CIG RNAM PA'I RNAL 'BYOR GYIS, ,RDZOGS PA'I RIM PA BSGOM PAR BYA, ,ZHES GSUNGS PA YANG DE'I 'GREL PAR RGYUD GCIG LA DANG PO RIM CAN DU GSAL 'DEBS DGOS PA'I TSE DBANG RTUL DANG DE NAS LAN RES RDZOGS PAR SNANG BA'I TSE DBANG 'BRING DANG DE NAS RDZOGS RIM GYI DKYIL 'KHOR SGOM NUS PA NA DBANG RNON TE, GANG ZAG GCIG NYID KYI BYIS PA DANG DAR MA DANG RGAN PO'I GNAS SKABS BZHIN DU RNAL 'BYOR BA GCIG GI GOMS PA CHE CHUNG GI RIM PAS DE LTAR BZHAG PAR GSUNGS TE JI SKAD DU, 'DI DAG KYANG RTUL PO LA SOGS PA'I DBYE BAS GCIG GI YANG GOMS PA 'JUG PA'I RIM PAS 'GYUR TE GCIG NYID KYI GNAS SKABS KYIS PHYE BA'I BYIS PA LA SOGS PA BZHIN NO, ,GANG ZAG GI DBYE BA THA DAD PA YANG GANG ZAG

THA DAD PAR GSAL BA'I BYIS PA LA SOGS PA BZHIN NO, ,ZHES SO, ,DE 'DRA BA'I RIGS GZHAN YANG MANG STE DE DAG MA GO NA LAS DANG PO PA DBANG RNON LA BSKYED RIM MI DGOS SNYAM DU BZUNG NAS RIM PA DANG PO 'DOR BAR BYED PA YIN NO, ,DES NA MCHOG DANG THUN MONG GI DNGOS GRUB GANG 'GRUB LA BRTAN NAS BZHAG PA'I DBANG PO'I RIM PA GANG ZAG RE RE LA YANG RTOGS PA SKYES PA'I GNAS SKABS LA BZHAG PA'I DBANG PO'I RIM PA RNAMS MA 'DRES PAR PHYED PAR BYA'O, ,PHRA BA'I LHA RNAMS KYI YAN LAG DANG NYID LAG SOGS YUD TZAM RES SNANG NUS KYANG MI BRTAN NA GNYIS PA'I SKABS YIN LA BRTAN PA NAS GSUM PAR 'JOG PA YIN TE SNYE MA BCU GNYIS PA LAS, GANG YANG GOMS PA'I DKYIL 'KHOR MTHA' DAG LA SEMS BRTAN PA DE NI YE SHES LA DBANG BA CAN TE SPRO BA DANG SDUD PA LAS 'GRO BA'I DON RGYAS PAR BYED CING CHOS NYID RJES SU RTOGS PA LAS BYANG CHUB SEMS SNGON DU BYAS TE DRI MA PHRA MO'I PHRA MO RNAMS BSAL BAR BYA'O, ,ZHES BRTAN PA DGOS PAR GSUNGS SHING DGRA NAG GI 'GREL PA LAS KYANG, DES SKU RDO RJE LA SOGS PA LAG MTHIL GYI SHING THOG LTAR RANG DBANG DU MTHONG BA NA DE YE SHES LA DBANG THOB PA YIN PAS THUN MTSAMS NGES PA MED PAR BYAS LA, 'CHAD PAR BYED PA'I RDZOGS PA'I RIM PA BSGOM PAR BYA'O, ,ZHES RANG DBANG DU MTHONG BA DGOS PAR GSUNGS LA BYANG CHUB KYI SEMS MNGON DU BYAS NAS DRI MA PHRA MO SEL BA DANG RDZOGS RIM BSGOM PAR BYA'O ZHES PA GNYIS DON 'DRA'O, ,'DIR SLEB NAS THUN MTSAMS SO SOR GCOD MI DGOS PAR GSUNGS PAS NYIN ZHAG RE LA MNGON RTOGS GSAR DU MGO

, ,BTZUGS NAS SGOM PA MANG PO MI BYED PAR SKYED THEBS RES CHOG GO ,'DIR SLEB NAS KYANG BSKYED RIM SGOM DGOS PAR PHYED BCAS BZHI BRGYA PA'I 'GREL PA LAS, RNAL 'BYOR PA DES NI 'BRAS BU'I MTHAR THUG BAR BSTOD PAR BYA BA'I PHYIR RNAL 'BYOR DE NYID NYIN DANG MTSAN DU BYA'O, ,ZHES LHA SKU PHRA RAGS THAMS CAD YUD TZAM RES MNGON DU BYED NUS PA'I RNAL 'BYOR DE NYID BSGOM PAR BYA BAR GSUNGS SO, ,'DIR SLEB PA TZAM GYIS BSKYED RIM MTHAR PHYIN PA MIN PAS DA DUNG BSKYED RIM MTHAR DBYUNG DGOS LA DE NAS RDZOGS RIM SGOM PA YIN NO, ,YE SHES LA YANG DAG PAR DBANG THOB PA NI RANG GI DON MTHAR THUG PAR SON PA BSAM GTAN TZAM GYIS 'GRO BA'I DON BYED PAR NUS PA LA PHYED BCAS BZHI BRGYA PA'I 'GREL PA LAS BSHAD LA SNYE MA BCU GNYIS PA LAS PHYAG RGYA CHEN PO'I DNGOS GRUB RTOGS NAS MU MED PA'I GZHAN GYI DON SGRUB NUS PA LA BSHAD PA'I DON DGRA NAG GI 'GREL PA LAS, DE NAS DES STONG PA NYID LA NGES PAR GNAS SHING LANGS PA NA JI LTAR 'DOD PAR SNANG BA BYIN GYIS BRLAB NUS PA NA DE YE SHES LA YANG DAG PAR DBANG THOB PA ZHES BYA BA STE BYA BA NGES PA LAS GROL BA RANG DBANG DU GYUR PA GRUB PA'I SKYES BU ZHES BYA BAR GNAS PA'O, ,ZHES GSUNGS PA DE NYID YIN NO, ,DE LTAR BSHAD PA LA NI BSKYED RDZOGS RIM CAN DU SKYED PA'I TSUL SHIN TU GSAL LA TSAD LDAN GYI GZHUNG GZHAN DU YANG THOG MAR BSKYED RIM BSGOMS PA'I MTHAR RDZOGS RIM SKYE TSUL BSTAN PA SHIN TU MANG BAS RIM GNYIS KYI LAG LEN NI DE LTAR BYA'O, ,

GNYIS PA NI, BSKYED RIM GYI RTOGS PA RGYUD LA SKYED TSUL LA BOD KYI BLA MA KHA CIG DANG POR LHA GCIG LA GSAL BAR SNANG BA'I ZHI GNAS BRTAN PO BSGRUBS NAS DE NAS MNGON PAR RTOGS PA RIL PO SGOM PAR BZHED LA, KHA CIG MNGON RTOGS RDZOGS PA THUN BZHIR SGOM ZHING BZLAS PA TSANG BAR BYAS PA'I 'OG TU LHA GCIG GI CHA GCIG LA DMIGS NAS GSAL SNANG RIM GYIS SGRUB PA YIN GSUNG NGO, ,SGRUB THABS RNAMS NAS MNGON RTOGS RDZOGS PAR SGOM PAR BSHAD PA TZAM MA GTOGS PA BZHED PA SNGA MA GNYIS MI SNANG NGO, ,RIM PA DANG PO 'DI LA GSAL SNANG SKYED LUGS CIG DANG DE BRTAN PAR BYED PA'I GNAS PA SGRUB LUGS CIG STE GNYIS SO SOR SHES DGOS SO, ,DE LA SPYIR YUL GYI RNAM PA GSAL BAR SNANG BA NI YUL DE YANG DANG YANG DU YID LA BYAS PA NYID KYIS 'GRUB PAS GOMS PA TZAM GYI RJES SU BYED PA YIN TE RIGS PA'I DBANG PHYUG GIS, 'DOD 'JIGS MYA NGAN GYIS BRLAMS DANG, ,RKUN PO RMI SOGS KYIS BSLAD PAS, ,MDUN NA GNAS PA BZHIN DU NI, ,YANG DAG MIN PA MTHONG BAR 'GYUR, ,ZHES CHAGS LDAN GYIS CHAGS YUL YANG DANG YANG DU YID LA BYAS PA NYID KYIS YUL DE MDUN NA YOD PA BZHIN DU MNGON SUM DU MTHONG BAR GSUNGS SO, ,DES NA GSAL SNANG SKYE BA LA SNGON DU GNAS PA SGRUB DGOS PA YANG MIN LA CHA RE RE NAS MA GOMS NA MI SKYE BA YANG MIN NO, ,GSAL SNANG SKYE BA LA YANG DAG PA'I DON GOMS PA YANG MI DGOS TE PHYIN CI LOG MA LOG GI DON GANG YIN YANG GOMS PAR BYAS NA GSAL SNANG SKYE BA CHOS NYID YIN PA'I PHYIR TE RIGS PA'I DBANG PHYUG GIS,

, ,DE PHYIR YANG DAG YANG DAG MIN, ,GANG GANG SHIN TU GOMS GYUR PA, ,GOMS PA YONGS SU RDZOGS PA NA, ,DE GSAL MI RTOG BLO 'BRAS CAN, ZHES GSUNGS SHING RGYUD LAS KYANG YID DNGOS PO GANG DANG GANG LA SBYAR BA DE DANG DE'I RNAM PAR 'GYUR BA SHEL GYI NOR BU'I DPES GSUNGS TE SNGAR DRANGS ZIN TO, ,DE LA LAS DANG PO PAS NI SBYOR BA TSOGS BSAG NAS BZUNG STE NYE BAR BSDU BA'I BAR RNAMS SGOM PA NA RE RE NAS ZHIB TU GSAL BTAB NAS SGOM PA DANG RNAM PA SHAR BA TZAM MIN PAR BLO'I NGES PA'I 'DZIN STANGS SHUGS CAN BSKYED NAS BYA STE, RNAM PA GSAL BA DANG NGA RGYAL 'DZIN PA GNYIS KA DGOS PA'I PHYIR RO, ,DANG PO JI LTAR RIGS PAR DUM BUR BCAD NAS DE'I MGO NAS MJUG GI BAR DU SEMS BYING BA DANG 'PHRO RGOD KYI DBANG DU MI BTANG BAR BSGOM BYA GANG YIN GYI BLO DE NYID BAR MA CHAD PAR 'JUG PA LA 'BAD PA CHEN POS BSLAB LA JE RING JE RING DU BTANG NAS MTHAR THUN RE RE'I MGO NAS MJUG GI BAR DU BYING BA DANG 'PHRO RGOD KYIS BAR GCOD MI NUS PAR SONG SONG DU BSLAB BO, ,DE'I SKABS SU DUS RING POR MA BSGOMS PAS BLO'I MTHU CHE BAR MA SONG BA'I RING LA PHAL CHER GSAL BAR MI MTHONG BA YIN YANG MOS PA GTZO CHE BAS LHAG PAR MOS PA'I SGO NAS BSGOM DGOS TE, BZHI BRGYA LNGA BCU PA'I 'GREL PA LAS, RNAL 'BYOR GSUM PO 'DI RNAMS LHAG PAR MOS PA GTZO BOR GYUR PA YIN GYI MTHONG BA GTZO BO NI MA YIN TE DUS CUNG ZAD DAM CHUNG PA'I PHYIR RO, ,DE BAS NA LHAG PAR MOS PA ZHES SMOS PA YIN NO, ,ZHES

GSUNGS PA BZHIN NO, ,SNANG BA DANG NGA RGYAL GNYIS KA SO SOR RTOG PA'I SHES RAB KYIS DPYAD NAS BSKYANGS PAS RIM GYIS SKYES PA DGOS KYI NYAMS LA BRTEN NAS GLO BUR DU BYUNG BA LA YID BRTAN MI BYA STE BSKYED RIM LAS SU RUNG BA NI RANG GIS GSAL GANG BTAB 'CHAR LA MA BTAB PA MI 'CHAR BA DANG, JI TZAM ZHIG GSAL BTAB PA DE'I TSAD LAS MA 'DAS PA 'CHAR BA DGOS PA LA NYAMS 'DRAS PA LA NI DA LTA BU'I CHAD LA PHAB NA DPYAD MI BZOD PA'I PHYIR RO, ,DES NA TSUL 'DI LTAR BSGOM MO SNYAM PA'I 'PHEN PA SNGON DU BTANG NAS GSOL BTAB NA TSAD DE LAS CHAD LHAG MED PAR 'CHAR THUB NA SGOM PA LAS SU RUNG BA YIN LA, DE YANG THOG MA NAS TSAD LA PHAB KYIN BYAS KYANG GNAD DU MI 'GRO BAS BLO GOMS PA CHER SONG BA NA DE LTAR BYA STE NGA RGYAL LA YANG DE'I RIGS PA SBYAR RO, ,DE LTAR BYA DGOS PA YANG DPER NA MI RTAG PA DANG SNYING RJE SOGS SGOM PA LA YANG DANG RANG GI DMIGS RNAM LA DRIL NAS BSKYANGS PA LAS RIM GYIS SKYES PA'I MYONG BA YIN NAM 'DOD PA'I CHE DMIGS RNAM GSAL BTAB NAS BSGOMS PA NA BSKYED NUS LA, NYAMS DANG 'DRES NAS GLO BUR DU DE DAG GI BSAM PA SHUGS CAN SKYE BA NI RANG NAM 'DOD DU BSKYED SA MAD PA DANG 'DRA'O, ,SPYIR BSKYED RIM GYI DGOS PA RANG LA LHAR DMIGS PA NA NGA RGYAL DANG SNANG BA KHYAD PAR CAN DU 'PHOS PA TZAM TE DE TZAM YIN NA RGYUD SDE 'OG MA THAMS CAD LA YANG BSKYED RIM GYI GNAD RDZOGS PA YOD PAR 'GYUR ZHING LHA GCIG GIS KYANG CHOG PAS DKYIL 'KHOR GYI 'KHOR LO SGOM PA DON MED PAR 'GYUR BA'I PHYIR RO, ,DE'I PHYIR SBYANG GZHI THA MAL GYI SNOD

, ,BCUD SBYONG BA'I RTEN DANG BRTEN PA'I DKYIL 'KHOR RGYUD KYI DON MKHAS GRUB KYIS BKRAL BA'I CHA TSANG ZHIG BSGOMS PAS SBYANG GZHI DANG SBYONG BYED KYI RTEN 'BREL KHYAD PAR CAN DU MA ZHIG 'GRIG NAS RDZOGS RIM GYI RTOGS PA PHUL DU BYUNG BA RNAMS SKYE PA'I DGE RTZA RNAMS YONGS SU SMIN PAR 'GYUR BAS NA RGYUD SMIN PAR BYED PA'I NUS PA NI DKYIL 'KHOR GYI 'KHOR LO THUN BZHIR SGOM PA LA YOD PAS SGRUB THABS TSANG BA LA YANG DANG YANG DU BSLAB PA'I GSAL SNANG TSANG BA DGOS SO, ,GSAL SNANG 'DON TSUL YANG CHEN PO DAG GI GZHUNG GI LUGS BZHIN THAMS CAD LA CHA MNYAM DU BYAS NAS SBYANGS PA NA GSAL SNANG THAMS CAD PHYOGS GCIG TU SKYE BA DE NYID STOBS CHE STE, 'DI LTAR SGRUB THABS TSANG BA LA SLOB BA NI SO SO LA GSAL SNANG MA RNYED PA'I DUS SU YANG RGYUD SMIN PAR BYED PA'I TSIG RNAMS TSANG BA YIN PAS STOBS CHE LA RNYED PA NA NI RAGS PA THAMS CAD LA GSAL SNANG SKYE BAS SO, ,LHA'I SKYED CHOG GI SKOR ZIN PA'I 'OG TU DE NAS BSGOM PAR BYA LA BSGOMS PAS SKYON BZLAS PA BYA'O ZHES RGYA GZHUNG DU MA LAS 'BYUNG BA LA SO SOR RTOG PAS DPYAD NAS SKYONG BA DANG LHA SKU LA SEMS RTZE GCIG TU 'JOG PA GNYIS GANG YIN KHUNGS THUB RNAMS KYIS GSAL BAR MA BSHAD KYANG, SKABS 'DI DAG TU DA DUNG LHA'I GSAL SNANG BSGRUB DGOS PAS SO SOR RTOG PA'I DBYAD SGOM GYIS YANG DANG YANG DU GSAL 'DEBS PA GTZO CHE BA YIN NO, ,DE LA YANG DANG PO SKYED CHOG BYED PA DANG BZLAS PA'I SNGON DU SKYED CHOG GI SKOR RNAMS ZIN PA'I SKABS GNYIS KAR RTEN

DANG BRTEN PA GANG LA YANG RNAM PA GSAL BTAB PA'I 'OG TU DE DANG DE DNGOS YIN NO SNYAM PA'I NGA RGYAL RE YANG BSKYED DGOS PAS GNYIS KA BYA LA, SKABS 'DI RNAMS 'BRAS BU'I SKABS KYI ZHING DANG 'KHOR DANG STON PA SOGS KYI NGA RGYAL LAM DU BYED PA DANG SANGS RGYAS RJES SU DRAN PA'I MCHOG TU GSUNGS PAS RNAM SNANG DANG MI BSKYOD PA SOGS LA SKU MDOG DANG ZHAL PHYAG SOGS KYI RNAM PA TZAM ZHIG DRAN PA DANG DE TZAM GYI NGA RGYAL BYED PA MIN GYI SGRIB PA THAMS CAD ZAD PA DANG YON TAN KUN LA MNGA' BRNYES PA'I SANGS RGYAS DNGOS SU MOS PA BYA DGOS SO, ,DE LTAR GOMS PAS KHYAD PAR CAN GYI SNANG BA DANG NGA RGYAL GNYIS GZHUNG GOMS PAS 'DON PA BZHIN DU RANG GI NGANG GIS 'JUG PA CIG DGOS TE MU TIG PHRENG BA LAS, DNGOS GRUB NI SEMS BRTAN PA STE BDAG NYID LHA'I RNAM PAR SNANG BA DANG DE'I NGA RGYAL BDAG LA NYI MA RE RE ZHING RANG GI NGANG GIS 'JUG PA DE THOB PA'O, ,ZHES GSUNGS SO, ,DE BAS NA GNYIS KA BSGOMS PAS THUN CHE BA RE'I MGO NAS MJUG GI BAR DU KHYAD PAR CAN GYI SNANG BA DANG NGA RGYAL DU 'PHOS PA'I DBANG GIS THA MAL PA'I SNANG ZHEN 'GOG NUS PA THOB NA DE TZAM NAS SEMS BRTAN PAR GZHAG DGOS TE LUS SEMS LA GLO BUR BA'I 'GAL RKYEN MED PA'I DBANG DU BYAS PA'O, ,DE LA NI RANG LHA DE'O SNYAM PA'I RIGS 'DRA BAR MA CHAD DU MI DGOS KYI BCOS MIN GYI NGA RGYAL DANG POR BSKYED PA DE'I BYED PAS THA MAL PA'I NGA RGYAL 'GOG NUS PAS CHOG STE, DPER NA 'GA' ZHIG LA MI MA YIN BABS PA NA NGA MI MA YIN DE YIN NO SNYAM PA'I RTOG PA MED PAR YID GZHAN DU GA-YENGS PA NA YANG DE'I BYED PA MA NYAMS PA'I RING LA

, ,SNGAR GYI MI DE YIN SNYAM PA'I 'DU SHES MI SKYE BA BZHIN NO, ,YUN JI TZAM ZHIG GI BAR DU BSGOMS NA LHA RNAMS MNGON SUM DU GSAL BAR SNANG BA SKYE BA NI DE NYID BSDUS PA'I STONG 'GREL LAS, DE LTAR JI SRID RDO RJE DBYINGS KYI DKYIL 'KHOR CHEN PO MNGON SUM DU MTHONG BAR 'GYUR BA DE SRID KYI BAR DU NYIN RE ZHING BSGOM PAR BYA'O, ,YANG NA TING NGE 'DZIN GSUM SNGON DU 'GRO BAS ZLA BA DRUG GAM LO GCIG GI BAR DU BSGOM PAR BYA'O, ,ZHES GSUNGS SHING SGOM PA'I YUN TSAD BSTAN PA GZHAN GYI SKABS SU YANG LO GCIG LAS RING BA MA BSHAD PAS SKYONG TSUL LEGS PAR SHES SHING DAM TSIG DANG SDOM PA LA GNAS PAS BRTZON PA CHEN POS BAR MA CHAD DU 'BAD NA YUN HA CANG RING PO MI DGOS PAR DKYIL 'KHOR PA'I LHA RNAMS LA GSAL SNANG RDZOGS PAR 'GYUR RO, ,GTZUB SHING GTZUB PA NA DRAG LA RGYUN RING BA MA BYAS PAR BAR SKABS SU NGAL SO BA MANG PO BYAS NA ME MI PHYIN PA'I DPES RGYUN CHAGS PAR BYA DGOS PAR DPAL LDAN DPA' BOS GSUNGS TE PHAR PHYIN BSDUS PA LAS, RGYUN MI 'CHAD PA'I RNAL 'BYOR GYIS, ,BSAM GTAN SGRUB LA BRTZON PAR BYA, ,YANG DANG YANG ZHING NGAL SOS NA, ,GTZUBS PAS ME PHYIN MI 'GYUR TE, ,RNAL 'BYOR TSUL LA'ANG DE BZHIN DU, ,KHYAD PAR MA THOB GTANG MI BYA, ,ZHES GSUNGS SO, ,GSUM PA LA GNYIS, GNAS SKABS DANG PO GNYIS SU PHRA THIG SGOM TSUL DANG, GNAS SKABS GSUM PAR PHRA THIG SGOM TSUG LO, ,DANG PO NI, RIM PA DANG PO'I SKABS SU RTEN DANG BRTEN PA'I DKYIL 'KHOR PHRA RAGS RNAMS LA YANG YANG YID LA BYED PA GOMS

PA'I GSAL SNANG BSGRUBS NA DE TZAM GYIS CHOG GI ZHI GNAS BSGRUB MI DGOS TE, RIM PA GNYIS PA'I SKABS SU RTZA RLUNG DANG GTUM MO LA SOGS PA'I RNAL 'BYOR GYIS SEMS GNAS PA'I TING NGE 'DZIN BRTAN PO SGRUB PA'I THABS MANG DU GSUNGS PA'I PHYIR RO, ,GZHAN YANG 'DIR ZHI GNAS SGRUB NA PHRA THIG LA SOGS PA'I RNAL 'BYOR GYIS BYA DGOS NA DE DAG KYANG MDOR BYAS DANG SGRUB THABS KUN BZANG SOGS TSAD LDAN GYI GZHUNG RNAMS SU DKYIL 'KHOR RGYAL MCHOG GI 'OG BZLAS PA'I SNGON DU BYED PAR BSHAD PAS YANG YANG RNAM PA YID LA BYED PA'I DPYAD SGOM DANG BSRES NAS BYED PAR GSUNGS PA'I PHYIR, DE DAG GIS ZHI GNAS MI 'GRUB STE SNGAR SGOM RIM DANG BSAM GTAN PHYI MA'I 'GREL PA LA SOGS PA NAS BSHAD PA LTAR ZHI GNAS MTSAN NYID PA RNYED PAS KYANG DPYAD SGOM MANG DRAGS NA GNAS CHA CHUNG DU 'GRO BAS DE'I TSE ZHI GNAS SGOM PAR GSUNGS NA ZHI GNAS MA RNYED PA'I SKABS SU LTA CI SMOS PA'I PHYIR RO, ,DPAL LDAN DPA' BOS KYANG, ,DMIGS PA GCIG LA BRTAN TSUL DU, ,YID KYI BSAM PA BRTAN PAR BYA, ,DMIGS PA MANG PO BRGYUD PA LAS, ,YID NI NYON MONGS 'KHRUG PAR 'GYUR, ,ZHES BSAM GTAN SGRUB PA NA DMIGS PA GCIG LA DMIGS NAS BRTAN PAR MA BYAS PAR DMIGS PA MANG PO LA BRGYUD NA MI RUNG BAR GSUNGS PA'I PHYIR RO SNYAM NA, 'DI LA BSHAD PAR BYA STE RNAM PA YANG DANG YANG DU YID LA BYED PA GOMS NA DE TZAM GYIS GSAL SNANG SKYE MOD KYANG BRTAN POR GNAS PA DES MI RNYED DE 'DOD 'JIGS GOMS PA'I

, ,GSAL SNANG BZHIN NO, ,DES NA KHYAD PAR CAN GYI SNANG BA DANG NGA RGYAL DU 'PHOS PA TZAM GYIS MI CHOG GI BRTAN CHAGS PAR GNAS PA DGOS TE, DE MED NA THA MAL PA'I SNANG ZHEN 'GOG NUS PA'I GNYEN PO MI RNYED PA'I PHYIR DANG BSKYED RIM SGOM PA DE 'GOG PA'I CHED YIN PA'I PHYIR DANG PHRA RAGS GNYIS KA'I RTEN DANG BRTEN PA'I DKYIL 'KHOR RDZOGS PA'I GSAL SNANG GIS SEMS LAS RUNG THOB PA LA NGES PAR ZHI GNAS RNYED DGOS PA'I PHYIR RO, ,DES NA RIM PA DANG PO'I SKABS SU GDON MI ZA BAR ZHI GNAS BSGRUB DGOS LA DE YANG PHRA THIG GI RNAL 'BYOR GYIS BYA DGOS SO, ,PHYAG MTSAN PHRA MO 'AM THIG LE PHRA MO'I NANG DU RTEN DANG BRTEN PA'I DKYIL 'KHOR RDZOGS PAR SGOM PA NI LAS DANG PO PA DANG YE SHES CUNG ZAD BABS PA GNYIS KYI SKABS SU SGOM PA MIN GYI GNAS SKABS GSUM PA NAS SGOM PA YIN TE, MIG SOGS LA BKOD PA'I LHA RNAMS YUD TZAM RES MNGON DU BYED NUS PA PHYIN CHAD NAS GNAS SKABS GSUM PAR 'JOG CING PHRA MO'I DKYIL 'KHOR LA SPRO BSDU NUS PA NI YE SHES LA CUNG ZAD DBANG THOB PAR GSUNGS PA'I PHYIR TE, RNAM PA KUN TU RAB RDZOGS PAR, ,SPRO DANG BSDU BA BYED PA'O, ,YE SHES DBANG BA CUNG ZAD THOB, ,CES GSUNGS PA'I PHYIR RO, ,THIG LE'I RNAL 'BYOR NI RANG GI YE SHES SEMS DPA'I THUGS KA'I PHYAG MTSAN LA GNAS PA'I TING NGE 'DZIN SEMS DPA' SGOM PA LA YE SHES ZHABS YAB SRAS KYIS BSHAD DE DE NI LAS DANG PO BAS KYANG SKABS DE NYID DU SGOM PA YIN LA DE'I DGOS PA NI SLOB DPON DPAL 'BRAS RDO RJES,

DE LTAR SGOM PA LA MNGON PAR BRTZON PA'I RNAL 'BYOR PA GAL TE SEMS RGOD PA 'AM ZHUM PAR GYUR NA DE'I TSE THIG LE'I RNAL 'BYOR LA SOGS PA BSGOM PAR BYA BA YIN PAS DE'I PHYIR DE LTAR BRTAGS NAS ZHES BYA BA LA SOGS PA SMOS TE, ZHES DKYIL 'KHOR RGYAL MCHOG SOGS LA SGOM PA LA BRTZON PA'I TSE SEMS BYING RGOD KYI DBANG DU 'GRO BA DGAG PA'I PHYIR DU THIG LE'I RNAL 'BYOR SGOM PAR GSUNGS PAS, THIG LE'I RNAL 'BYOR LAS DANG PO PAS SGOM PA NI SKABS DER ZHI GNAS SGRUB PA MIN GYI BSKYED RIM SGOM PA'I SEMS BYING RGOD DU SONG NAS DMIGS PA RNAMS LA RGYUN LDAN DU 'JUG MI NUS PA'I MI BRTAN PA DE BKAG NAS RGYUN LDAN DU 'JUG NUS PA'I SEMS BRTAN PO SGRUB PA'I DON DU YIN PAS, SKABS DE DAG TU DMIGS PA GCIG LA RGYUN RING DU SDOD PA'I TING NGE 'DZIN MA RNYED KYANG MNGON RTOGS SGOM PA'I SEMS KYI BYING RGOD 'GOG PA LA KHYAD CHE BA YIN NO, ,GZHAN YANG 'DIR PHRA THIG LA SEMS 'DZIN PAS NI RLUNG PHYI ROL TU GA-YO BA 'GAGS NAS NANG DU GNAS PA'I RGYU BYED DE DE BZHIN GSHEGS PA'I RDO RJES, LTE BAR PHRA BA'I A'A LI K'A LI'I SBYOR BA 'AM THUGS LA SOGS PA LA THIG LE LA SOGS PA'I SBYOR BA'I BSAM GTAN GANG DE YANG SROG 'THON PA BZLOG PA'I DON GYIS SROG RTZOL ZHES BRJOD DO, ,ZHES GSUNGS PA BZHIN NO, , DES NA STENG 'OG GI SNA SGO GNYIS SAM LTE BA 'AM SNYING KHA SOGS SU YI GE DANG THIG LE PHRA MO SOGS LA SEMS BTZAN THABS SU BZUNG NA SGOM SA'I GNAS DANG DMIGS RTEN GYI GNAD KYIS RIM GYIS RLUNG NANG DU GNAS PA'I RKYEN BYED PAS DPYAD SGOM GYI

, ,DMIGS PA MANG PO DANG BSRES KYANG, RLUNG RIM GYIS DUL PA'I MTHUS SGOM PA SNGA MA'I RGOD PA SOGS MYUR DU DGAG NUS PAS GZHUNG GZHAN NAS BSHAD PAS TING NGE 'DZIN SGRUB LUGS DANG MI 'DRA'O, ,'O NA LAS DANG PO BA DANG YE SHES CUNG ZAD BABS PA'I SKABS SU PHRA THIG SGOM TSUL JI LTAR BYA SNYAM NA, BZHI BRGYA LNGA BCU PA LAS, SNYING PO'I 'OD KYIS SPRUL MGON POS, ,RANG GI LOG RTOG RNAM SPANGS TE, ,'GRO BA SANGS RGYAS BDAG NYID BYAS, ,SNYING PO'I SA BON NANG DU GZHUG ,SNYING KHAR MTSAN MA'I LTE NANG GNAS, ,ZLA SNYING THIG LE'I GZUGS CAN DU, ,RANG YID 'OD LDAN BSGOMS NAS NI, ,YE SHES SEMS DPA' RAB TU BSGOMS, ,THUGS GSUNG SKU YI RDO RJE YANG, ,'OD KYI PHRENG BAS RAB SAD BYA, ,DE NI SNYING KHAR ZHUGS BSAM PA, ,RANG GI YE SHES BDUD RTZI 'BAB, ,DE NAS NANG GI LUS THAMS CAD, ,BA SPU LAS BYUNG 'OD ZER TSOGS, ,DE YIS KUN NAS SNANG BYAS LA, ,'GRO BA'I DON NI RAB RDZOGS BYA, ,ZHES PA 'DIS THIG LE'I RNAL 'BYOR SGOM PA GSUNGS SO, ,DE'I RIM PA NI 'DI YIN TE RANG GI THUGS KA'I YE SHES SEMS DPA'I THUGS KA'I PHYAG MTSAN GYI LTE BAR CHUD PA'I ZLA BA LA GNAS PA'I SA BON GYI 'OD ZER GYIS SPRUL PA'I MGON PO SANGS RGYAS RNAMS KYIS SEMS CAN GYI LOG RTOG SGRIB GNYIS SPANGS NAS 'GRO BA SANGS RGYAS SU BYAS PA SPYAN DRANGS PA DANG GCIG TU GYUR PA'I SA BON DANG SA BON DE'I THIG LE DANG RANG GI YID DBYER MED PAR BYAS TE SNANG BA CHEN PO DANG BCAS PAR BSAM MO, ,DE NAS

DE'I 'OD ZER GYIS PHYAG MTSAN GYI NANG DANG PHYI DANG YE SHES SEMS DPA' DANG DE'I GNAS DANG SKU GSUNG THUGS RDO RJE GSUM DANG DE DAG GI GNAS PHYI NANG DANG BCAS PA RIM GYIS GSAL BAR BYAS PA'I MTHAR JI LTAR GSAL BAR BYAS PA'I RIM PA DE LTAR SLAR LOG NAS SNGAR GYI THIG LE LA 'DUS NAS YE SHES KYI BDUD RTZI 'BAB PAR BSAM MO, ,DE'I 'OG TU RANG GI LUS THAMS CAD SNANG BAR BYAS NAS BA SPU'I BU GA RE RE NAS BYUNG BA'I 'OD ZER GYIS 'GRO BA RNAMS SNANG BAR BYA'O, ,SEMS BYING NA 'OD KYI SNANG PA DE LTAR SGOM PA BYING BA SANGS SANGS KYI BAR DU BYA BA DANG, RGOD NA THIG LE NYID LA DMIGS PA RTZE GCIG TU GTAD NAS RGOD PA ZHI BA'I BAR DU SGOM PAR DPAL 'BRAS RDO RJES BSHAD DO, ,BYING BA SEL BA'I DUS SU DBUGS RDUB PA DANG 'BYIN PA BCU BGRANG BA'I SPRO BSDU BYAS PA'I RIM GYIS YE SHES SEMS DPA' SAD PAR BYA BAR SLOB DPON DES GSUNGS PA NI MAN SNYE LAS DBUGS 'BYUNG BA RNAMS KYI TSE 'OD SPRO BA DANG 'JUG PA RNAMS KYI TSE SDUD PAR BSHAD PA BZHIN BYA'O, ,THA GA NAS SNGAGS YONGS SU GYUR PA'I THIG LE DANG SNGAGS NYID SGOM PA'I THIG LE'I RNAL 'BYOR GDAM NGA CAN DU BSHAD DO, ,MDOR BYAS LAS KYANG, DKYIL 'KHOR THAMS CAD BSKYED NAS NI, ,'KHOR LO'I DBUS SU GNAS GYUR NAS, ,DE NAS PHRA MO'I RNAL 'BYOR BRTZAM, ,ZHES DKYIL 'KHOR RGYAL MCHOG ZIN PA DANG GTZO BO'I SNA RTZER PHRA MO'I RNAL 'BYOR SGOM PAR BSHAD PA'I DAN NI STENG GI SNA RTZER PHYAG MTSAN PHRA MO DANG GSANG GNAS KYI SNA RTZER THIG LE PHRA MO SGOM PA DANG PHYI MA'I NANG DU RTEN DANG BRTAN PA'I DKYIL 'KHOR SGOM PAR SGRAN GSA

, ,LAS BSHAD DO, ,'DI YANG GNAS SKABS DANG PO GNYIS SU NI PHYAG MTSAN DANG THIG LE PHRA MO NYID SGOM LA GNAS SKABS GSUM PA NAS PHRA MA'I NANG GI DKYIL 'KHOR GNYIS KYANG BSGOM PAR BYA'O, ,SPYOD BSDUS SU DRAN PA GCIG PA LA LOBS PA'I 'OG TU RTOG PA'I RNAL 'BYOR LA BSLAB PAR GSUNGS LA SGRON GSAL LAS, YUNGS KAR 'DI NYID LA RTOG PA'I RNAL 'BYOR SLOB PA NA RGYUB DANG NI MI RGYU BA RDO RJE SEMS DPAR BSAM MO, ,ZHES GSUNGS PAS PHYAG MTSAN PHRA MO DANG THIG LE PHRA MO'I NANG DU RGYU BA BCUD KYI LHA DANG MI RGYU BA SNOD KYI GZHAL YAS KHANG SGOM PA NI DRAN PA GCIG PA LA LOBS ZIN PA'I 'OG TU BYA DGAS TE, 'PHAGS LUGS PA'I DRAN PA GCIG PA LA LOBS PA DANG YE SHES ZHABS LUGS KYI GNAS SKABS GSUM PAR SLOB PA GNYIS DON 'DRA'O, ,'PHAGS LUGS PAS NI GNAS SKABS DANG PO GNYIS SU STENG SGO'I PHRA MO SGOM NA GTZO BO'I PHYAG MTSAN RDO RJE SNGON PO RTZE LNGA PA YUNGS KAR GYI TSAD TZAM PA CIG SNA RTZER BSAMS LA DE LA RTZA GCIG GZUNG 'OG SGO'I PHRA MO SGOM NA YAB YUM SNYOMS PAR ZHUGS PA'I BYANG CHUB KYI SEMS ZHU BA SNA RTZER THIG LE PHRA MO YUNGS 'BRU TZAM ZHIG BSGOM MO, ,'DI YANG BYING BA SHAS CHE NA STENG GI SNA RTZER BSGOM LA RGOD PA SHAS CHA NA 'OG GI SNA RTZER BSGOM MO, ,SEMS BRTAN PA'I THABS SU THIG LE'I RNAL 'BYOR SGOM PA'I TSUL GNYIS BSHAD ZIN LA SNYING KHAR SGOM PA'I TSUL GZHAN NI TING NGE 'DZIN SEMS DPA'I 'OD ZER AA BA DH'U T'I NAS SANG NAS SPYI BO'I BDE CHEN GYI 'KHOR LOR GNAS

PA'I BYANG SEMS ZHU BA LAM DE NAS 'ONGS NAS SNYING KHA'I H'Um LA SOGS PA TING NGE 'DZIN SEMS DPA' GANG YIN GYI THIG LE LA THIM PAR BSAMS NAS SEMS 'DZIN PA'O, ,LTE BAR THIG LE'I RNAL 'BYOR SGOM PA'I TSUL NI LTE BA DANG SNYING KHA DANG MGRIN PA DANG SPYI BO'I RTZE 'KHOR BZHI'I LTE BA'I RTZA MDUD KYI BU GA BZHI'I RIM PA BZHIN DU Am H'Um AOm Hm BZHI GSAL GDAB BO, ,DE NAS GSANG GNAS KYI 'KHOR LOR GNAS PA'I RLUNG GIS ME BSKUL BA'I GTUM MO'I RANG BZHIN AA YIG 'BAR BA'I 'OD ZER GYIS YI GE GONG MA GSUM ZHU NAS LTE BAR Am YIG LA BABS TE DE DANG DBYER MED PAR GYUR TE LHAN CIG SKYES DGA'I RANG BZHIN GYI THIG LER BLTAS LA SEMS GZUNG NGO, ,THIG LE'I GZUGS SU SGOM PAR SH'AKYA SRUNG PAS KYANG BSHAD DO, ,LA BA PAS 'KHOR LO BZHI DANG YI GE'I KHA DOG DANG GNAS TSUL NI MAS RIM BZHIN KHA DOG SNA TSOGS PA GYEN LTA DANG SNGON PO THUR LTA DANG DMAR PO GYEN LTA DANG DKAR PO THUR LTAR GSUNGS LA, RTZA 'KHOR YI GE DANG BCAS PA SHIN TU GSAL BAR BSGOM PAR BSHAD DE BSKYED RIM GYI YAN LAG NYID DU BZHED DO, ,DE LTAR SGOM PA YONGS SU SMIN PAR MOS NAS ZHES 'BYUNG YANG SH'AKYA SRUNG BAS SGOM PA YONGS SU RDZOGS PA LA BSHAD PA LTAR YIN PAS DMIGS PA SNGA MA LA SEMS ZIN PA NA THIG LE DE LAS 'OD ZER GYI RE KHA PHRA MO ME LCE GCIG TU 'BAR BA LTAR GNAS PAR BSGOM MO, ,DE'I 'OD KYIS ZHU BA'I BDUD RTZI 'DZAG PAS THIG LE GANG ZHING 'OD KYI RE KHA YANG BSIL BAR GYUR TE DE NAS THIG LE LA SEMS RTZE GCIG PAS JI SRID

, ,DU BRTAN PA THOB PA'I MTSAN MA MTHONG BA DE SRID DU BSGOM MO, ,BRTAN PA'I MTSAN MA MTHONG BA NA 'OD ZER GYI RE KHA DE'I SNANG BAS SNA TSOGS PA RNAMS GSAL BAR BYED PAR BSAM STE THAMS CAD LAG MTHIL GYI SKYU RUNG BZHIN DU BLTA'O, ,TING NGE 'DZIN YANG MYUR DU RDZOGS PAR 'GYUR RO, ,SNYING KHA'I THIG LE'I RNAL 'BYOR GNYIS DANG LTE BA'I THIG LE'I RNAL 'BYOR NI AA BHYAS BSHAD DE YE SHAS ZHABS LUGS KYI THIG LE'I RNAL 'BYOR MA RGYUD LA YANG SPYAD PA NA DANG PO'O, ,GSUM PA NI Sm BHU tA DANG RDO RJE MKHA' 'GRO SOGS LA BRTEN PA STE DE YANG RTZA 'KHOR BZHI LA YI GE RGYAS PA MA BKOD PAR GTZO BO BZHI BKOD PA'I LUGS SO, ,GNYIS PA NI, DE LTAR GNAS SKABS DANG PO GNYIS SU PHRA THIG GI RNAL 'BYOR GYIS SEMS BRTAN PAR BYAS NAS DKYIL 'KHOR PA'I LHA DANG DE DAG GI MIG SOGS LA BKOD PA'I LHA RNAMS LA GSAL SNANG LEGS PAR THON THON DU SBYANGS PA'I MTHAR PHRA MO'I NANG DU DKYIL 'KHOR RDZOGS PAR SGOM TSUL NI BZHI BRGYA LNGA BCU PA LAS, YANG NA RANG RTAGS PHRA BSGOM PA, ,RIG PA'I SNA YA RTZE MOR GNAS, ,THUB PA'I 'KHOR LO RANG RIG PA, ,ZHES SOGS KYIS GSUNGS TE YUM GYI SNA RTZER GTZO BO'I PHYAG MTSAN NAS 'BRU TZAM GYI DBUS SU DKYIL 'KHOR RDZOGS PAR SGOM PAR GSUNGS SO, ,DPAL 'BRAS RDO RJES YAB YUM GYI GSANG GNAS KYI SNA RTZE GNYIS GDAM NGA CAN DU BSHAD LA SMAN ZHABS KYIS KYANG RDO RJE NOR BU'I BUM PAR MTSAN MA'I DBUS SU DKYIL 'KHOR BSGOMS NAS SEMS BYING NA STENG GI SNA RTZER SGOM PA MAN NGAG YIN PA DANG, RIG MA'I PADMAR PHYAG MTSAN GYI NANG DU BSGOMS PA NA SEMS BYING NA

RANG GI RDO RJE RTZE LNGA PA'I DBUS MA LCAGS GYUR GYUR PAS DRANGS NAS YUM GYI SNA RTZER SGOM PAR GSUNGS PAS GNAS GCIG TU MA NGES SO, ,'DI LA SMAN ZHABS KYIS THUGS KA'I SA BON GYI 'OD ZER GYIS SANGS RGYAS RNAMS BKUG PA BYANG SEMS SU ZHU NAS GSANG GNAS SU BAB PA PHYAG MTSAN DU GYUR PA'I DBUS SU SGOM PAR BSHAD LA, MAN SNYE LAS DE DANG SNGAR BSHAD PA'I LTE BA'I THIG LE GSANG GNAS SU PHAB PA'I DBUS SU DKYIL 'KHOR RDZOGS PAR SGOM PA GNYIS KA PHRA MO'I RNAL 'BYOR DU BSHAD CING GNAS KYANG RDO RJE DANG PADMA'I SNA RTZE GANG RUNG DU BYA BAR BSHAD DO, ,SGRON GSAL GYI BSHAD PA'I TSIG ZIN LA THIG LE PHRA MO'I NANG DU SGOM PA DANG YUM GYI PADMAR SGOM PA GSAL YANG GSANG GNAS GNYIS 'DRA BAR MNGON NO, ,DPAL 'BRAS RDO RJE THIG LE'I RNAL 'BYOR SGOM PA'I SGOM PA RDZOGS NAS PHYAG MTSAN GYI NANG DU LHA SGOM PA'I PHRA MO SGOM PAR BSHAD CING SMAN ZHABS KYIS KYANG, YANG NA ZHES PA'I DON THIG LE'I RNAL 'BYOR BSGOMS NAS SLAR YANG SEMS BRTAN PA'I DON DU PHRA MO SGOM PAR BSHAD PAS GNAS SKABS GSUM PAR SLOB PA DANG THIG LE'I RNAL 'BYOR LA DRIL NAS SEMS BRTAN PO RNYED PA'I 'OG TU PHRA MO SGOM PA YIN NO, ,DE'I PHYIR 'PHAGS LUGS LA'ANG SKABS DE NAS STENG SGO'I MTSAN MA PHRA MO LA SEMS BRTAN PAR BSLAB DE BRTAN NAS MTSAN MA'I SBE BSDU LA BSLAB, DE LA LOBS NAS MTSAN MA LTAR BSKYED PA'I LHA'I SPRO BSDU LA BSLABS ZIN PA'I 'OG TU GSANG GNAS KYI SNA RTZER LHA RDZOGS PAR SGOM PA'I PHRA MO BSGOM PA'AM, YANG NA STENG GI PHYAG MTSAN PHRA MO LA SEMS BRTAN PA DANG 'OG GI LHA RDZOGS PAR SGOM PA'I

, ,PHRA MO BSGOM LA DE BRTAN PA NA STENG SGO NAS PHYAG MTSAN SPRO BA DANG 'OG SGO NAS LHA SPRO BA DANG BSDU BA BYA'O, ,PHRA MO'I DKYIL 'KHOR SKYED TSUL NI MAN SNYE LAS YUD TZAM GYIS SKYED PAR BSHAD DE KRONGS SKYED DO, ,DE MA BRTAN GYI PAR ? SPRO ZHING BRTAN PA'I MTSAN MA RNYED NAS SPRA BSDU BYED PA NI THAMS CAD 'DRA'O, ,MTSAN MA NI SH'ANTI PA DANG SMAN ZHABS DANG DPAL 'BRAS RDO RJE DANG THA GA NA LA SOGS PAS SMIG RGYU DANG DU BA LA SOGS PA'I RTAGS LNGA MTHONG BA LA BSHAD LA, SGRON GSAL LAS BRTAN PA NI BSGOMS PA'I RDO RJE SOGS MI 'GYUR BAR GNAS PA LA BSHAD DO, ,DE NYID BSDU BA'I RGYUD KYI DGONGS PA'ANG RAGS PA'I LHA'I RNAL 'BYOR GYI SGOM PA RDZOGS PA'I 'OG TU PHRA MO SGOM PA YIN LA DE'I TSAD NI DE NYID SNANG BA LAS, PHRA MO BRTAN PA LA ZLA BA LA GNYIS DANG SPRO BSDU LA ZLA BA GCIG BYA BAR BSHAD DE 'DI PHRA MO LA DMIGS NAS ZHI GNAS SGRUB PA'I DBANG DU MDZAD PA'O, ,DES NA LAS DANG PO PA DANG YE SHES CUNG ZAD BABS PA'I SKABS GNYIS SU PHRA THIG SGOM PA NI GTZO CHER THUN BZHI'I MNGON RTOGS SGOM PA LA BYING RGOD GCOD PA'I CHED YIN LA PHRA THIG LA DRAL NAS SEMS BRTAN PAR BYED PA'I GNAS BSGRUB NA NI GNAS SKABS GSUM PA NAS BYED PA'I SKABS RNAMS PHYED PAR BYA STE, PHRA THIG BSGOMS PA'I DGOS PA DANG SA MTSAMS DANG JI LTAR SGOM PA 'DI RNAMS RIM PA DANG PO'I GDAM NGAG PHUL BYUNG DU SNANG BA'I PHYIR RO, ,STENG SGO'I PHRA MO BRTAN PA NA LUS SEMS SHIN TU SBYANGS PA 'THOB PAR SH'AKYA BSHES GNYEN GYIS BSHAD LA DE SA SDE LA SOGS PA'I GZHUNG CHE BA MANG POR ZHI GNAS

RNYED PA'I SKABS LA BSHAD PAS DE'I TSE ZHI GNAS GRUB PA YIN NO, ,DE NAS SO SOR RTOG PA'I SHES RAB KYIS SPRO BSDU YANG YANG BYED PA NI GZHUNG GZHAN DANG BSTUN NA JI SNYED PA LA DMIGS PA'I LHAG MTHONG SKYONG BA DANG 'DRA BAS DE LTAR BYAS PA DES ZHI LHAG ZUNG DU 'BREL BA'I TING NGE 'DZIN PHUL PHYIN RNYED DO, ,DE LTA BU'I RNAL 'BYOR BRTAN PA NA BSKYED RIM MTHAR PHYIN PAR 'JOG PA NI GSANG 'DUS PA GNYIS KYI LUGS SO, ,BLA MED KYI PHRA THIG GI SKABS SU SEMS LEGS PAR ZIN PA'I TSE GA-YAS GA-YON GYI RLUNG PHYIR RGYU BA LOG NAS NANG DU GNAS SHING DE LA BRTEN NAS SPYI BO NAS KHAMS BABS TE BDE BA CHEN PO SKYE ZHING SEMS KYANG BYING RGOD DANG BRAL BA'I NGANG NAS DMIGS PA LA BRTAN CHAGS PAR GNAS PA'I TING NGE 'DZIN SKYES NAS DUS RING POR 'DA' NUS PA LA SOGS PA'I NYAMS SKYE TSUL RNAMS MANGS BAS 'JIGS NAS MA BRIS TE BLA MA LAS SHES PAR BYA'O, ,GNYIS PA LA GNYIS, YAN LAG BZHI DANG RNAL 'BYOR BZHI'I CHINGS DANG, YAN LAG DRUG DANG TING NGE 'DZIN GSUM GYI CHINGS BSTAN PA'O, ,DANG PO NI, BSKYED RIM SDUD PAR BYED PA'I SPYI'I CHINGS KYI DBYE BA LA GSANG 'DUS NAS BSNYEN SGRUB YAN LAG BZHIR GSUNGS TE, 'DUS PA PHYI MA LAS, RNAL 'BYOR RGYUD NI THAMS CAD DU, ,RNAL 'BYOR PA YIS RTAG PAR BSNGAGS, ,BSNYEN PA'I CHO GA DANG PO STE, ,NYE BAR SGRUB PA GNYIS PA YIN, , SGRUB PA YANG NI GSUM PA YIN, ,SGRUB PA CHEN PO BZHI PA'O, ,ZHES SO, ,DE LA BSNYEN PA'I YAN LAG NI 'DUS PA'I RTZA RGYUD LAS, BSNYEN PA'I TING 'DZIN RAB SBYOR BA, ,BYANG CHUB MCHOG NI BSGOM PAR BYA, ,ZHES PAS STON NO, ,RIM PA GNYIS KA LA BSNYEN PAR

, ,GSUNGS PA'I BSNYEN PA'I DON NI SGRON GSAL LAS, BSNYEN CING THAR PA 'DOD PA RNAMS KYIS BSLAB PAR BYA BAS NA BSNYEN PA'O, ,ZHES GSUNGS PA LTAR YIN LA SMAN ZHABS KYIS NYE BA'I DON DU BSHAD DO, ,THUN MONG GI BSNYEN PA LA BZHIR PHYE BA'I BSNYEN PA NI BSNYEN PA'I SKAD DOD LA NGES TSIG GI BSHAD PA BYAS PAS BSNYEN PAR BYA BA DANG DMIGS PAR BYA BA LA 'JUG PA'I DON SGRON GSAL LAS MDOR BSTAN DU DE BZHIN NYID LA BSHAD KYANG RGYAS BSHAD DU BYANG CHUB KYI SEMS LA DMIGS PA LA BSNYEN PAR BSHAD PAS 'DIS DMIGS PAR BYA ZHES PA'I DON YIN GYI 'DI DMIGS PAR BYA ZHES PA'I DON MIN NO, ,DES NA BYANG CHUB KYI SEMS STONG PA NYID LA DMIGS PA NI BSNYEN PA YIN LA DE NYID LA RTZE GCIG TU BYED CING SEMS LA 'JOG PAS NA TING NGE 'DZIN ZHES BYA'O, ,BYANG CHUB MCHOG NI SH'U NYA T'A'I SNGAGS DON DPYAD PA LAS BYUNG BA'I DE BZHIN NYID LAS BYANG CHUB PA YIN LA DE SGOM PA NI BSNYEN PA'O, ,DE KHO NA NYID LA DMIGS PA'I BSNYEN PA NI BSRUNG 'KHOR GYI 'OG TU STONG NYID SGOM PA LA YANG THUGS RJE ZHABS 'CHAD PA LTAR BYA DGOS PAS LHAG MOS 'OD GSAL DU SDUD PA'I STONG NYID SGOM PA KHO NAR MA NGES SO, ,RAB SBYOR BA NI SA'I CHA SKYED PA NAS LHAG MOS LUS LA BSDU BA'I BAR TE BSNYEN PA'I TING NGE 'DZIN DANG DE DAG RAB TU SBYOR BA'O, ,SGRON GSAL GYI DGONGS PAS BSNYEN PA'I TING NGE 'DZIN SNGAR LTAR BYAS TE BAR PA RNAMS DE'I YAN LAG TU BSDUS NAS BSNYEN PA'I YAN LAG TU 'JOG PA YIN NAM DPYAD DO, ,DE LTAR NA YE SHES KYI SA NAS LHAG MOS LUS LA BSDUS PA YAN CHAD BSNYEN PA'I YAN LAG TU 'JOG

PAR RGYUD PHYI MA'I 'GREL PA DANG THUGS RJE ZHABS KYIS BSHAD PA NYID SGRON GSAL GYI DGONGS PA'O, ,'DI DANG BSTUN NAS GZHUNG GZHAN LA SBYAR NA STONG NYID SGOM PA NAS GZHAL YAS KHANG GDAN BCAS SKYED PA'I BAR NI BSNYEN PA'I YAN LAG GO ,NYE BAR SGRUB PA'I YAN LAG NI, 'DUS PA'I RTZA RGYUD LAS, NYE BAR SGRUB PA GRUB MCHOG LA, ,RDO RJE'I SKYE MCHED RNAM PAR DPYAD, ,ZHES PAS STON NO, ,DE NAS NYI MA SGOM PA SOGS BYAS NAS SKU RDZOGS PA LAS PHYAG RGYA CHEN PO'I GZUGS SU BSKYED PA NI NYE BAR SGRUB PAR SGRON GSAL LAS BSHAD CING N'A RO PAS KYANG DE LTAR RO, ,DE LA NYER SGRUB CES GSUNGS PA'I DON NI THUGS RJE ZHABS KYIS NYE BAR TE GAM DU ZHES PA NI YONGS SU DAG PA'I PHYAG RGYA CHEN PO DANG NYE BAR DANG PO'I MGON PO YONGS SU DAG PA TZAM LA LTOS PA'I PHYIR PHYAG RGYA CHEN PO'O, ,ZHES BSHAD DE GANG LA NYE BA'I NYE SA NI YONGS SU DAG PA'I LHA'I SKU PHYAG RGYA CHEN PO YE SHES KYI SKU ZHES PA YIN LA DE LA NYE BA NI DANG PO'I MGON PO'I SKU STE 'DI NYID RDZOGS RIM GYI SKABS SU RLUNG SEMS LAS BSGRUBS PA'I LONGS SKUR 'GYUR BAS YONGS SU DAG PA NA RDZOGS RIM PA'I YE SHES KYI SKU YIN LA, MA DAG PA NA SNGAGS KYI SKU YIN PAS DAG MA DAG GI KHYAD PAR TZAM MO, ,'O NA DE'I LHAG MA RNAMS NYER SGRUB TU MI 'JOG GAM SNYAM NA, SKAL LDAN GRAGS PA LA SOGS PAS GZHAN DU BSHAD KYANG THUGS RJE ZHABS KYIS SHIN TU RNAL 'BYOR GYI BAR THAMS CAD NYER SGRUB TU 'CHAD DE SGRON GSAL GYI MDOR BSTAN DANG SHIN TU MTHUN NO, ,DE LTA NA LHAG MA RNAMS LA NYER SGRUB KYI SGRA BSHAD PA JI LTAR YOD SNYAM NA, DANG PO'I MGON PO

, ,SKYED PA NYER SGRUB DAD DE'I LHAG MA DE'I YAN LAG TU BYA BA'I YANG NA NYER SGRUB KYI GTZO BO DANG PHAL BA'I DBANG DU BYAS NAS NYER SGRUB TU BSDU BAR BYA'O, ,GRUB PA NI PHYAG RGYA CHEN PO'I SKU GRUB PA STE GRUB PA DE LA BKOD LA ZHES TSIG GI LHAG MA GDON PAR THUGS RJE ZHABS KYIS BSHAD PA LTAR BYA'O, ,RDO RJE NI RNAM SNANG NAS GNOD MDZES KYI BAR SO GNYIS SO, ,DE'I SKYE MCHED NI GZUGS PHUNG NAS RKANG MTHIL GYI BAR YIN TE DE DAG GIS YI GE 'GOD PA'I GNAS BSTAN PAR THUGS RJE ZHABS 'CHAD DO, ,RNAM PAR DPYAD PA NI LUS DKYIL DGOD PA'I RGYU DANG 'BRAS BU SHES NAS 'GOD PA'O, ,DANG PO'I MGON PO'I SKU LA 'GOD PA 'DRA BA CIG GSUNGS KYANG SPRUL SKUR BSGYUR BA'I LUS LA DGAD DGOS SO, ,'DI GZHUNG GZHAN LA SBYAR NA MNGON BYANG LNGAS GTZO BO BSKYED PA NAS SKYE MCHED BYIN GYIS BRLAB PA'I BAR RO, ,SGRUB PA'I YAN LAG NI, RTZA RGYUD LAS, SNGAGS KYIS BDAG PO BSGOMS PA YIS, ,SGRUB PA'I TSE NA SKUL BAR GSUNGS, ,ZHES PAS STON NO, ,SNGAGS NI AOm LA SOGS PA'O, DE'I BDAG PO NI SEMS DPA' SUM RTZEG STE DE DAG SGOM PA DANG SKU GSUNG THUGS BYIN GYIS BRLAB PA'I DON DU RDO RJE GSUM PO BSKUL NAS RANG DANG RDO RJE GSUM RO MNYAM PAR SPYOD PA'I DAM TSIG NI SGRUB PA'O, ,'DIS SGO GSUM RDO RJE GSUM SO SO DANG DBYER MED PA DANG SEMS DPA' GSUM RTZE TU SGRUB PAS NA SGRUB PA'O, ,SGRUB PA CHEN PO'I YAN LAG NI, RTZA RGYUD LAS, SGRUB PA CHEN PO BYED PA'I TSE, ,RANG SNGAGS RDO RJE CAN GYI GZUGS, ,DBU RGYAN LA NI BDAG PO BSAM, ,YE SHES RDO RJE 'GRUB

PAR 'GYUR, ,ZHES PAS STON NO, ,YE SHES RDO RJE NI RANG GI LHA'I RNAL 'BYOR DANG LDAN PA'I SNGAGS PAS RDO RJE DANG PADMA 'DU BYA BA SNGON DU 'GRO PA'I SNYOMS 'JUG BYAS LA RANG GI SNGAGS BADZRA DHRI KA LA SOGS PA LAS BYUNG BA'I LHA RNAMS NI RDO RJE CAN NO, ,DE RNAMS KYI GZUGS TE PHYAG RGYA CHEN PO BSGOMS NAS RANG GI RIGS BDAG GIS RGYAS BTAB NAS BSAMS NA DNGOS GRUB THOB PAR 'GYUR RO, ,SGRON GSAL LAS DKYIL 'KHOR RGYAL MCHOG DANG LAS RGYAL MCHOG RNAMS GZHAN DON CHEN PO SGRUB PAS SGRUB CHEN DU GSUNGS PAS LAS RGYAL MCHOG KYANG DES MTSON NAS SGRUB CHEN DU SHES PAR BYA'O, ,DE LTAR GSUNGS PA'I SHUGS KYIS YAN LAG DANG PO GSUM DANG PO SBYOR BA DANG RANG GI DON SGRUB PA'I YAN LAG DU BYA'O, ,DE LTAR BYAS NA 'PHAGS LUGS KYIS SBYOR BA TSOGS BSAG DANG BSRUNG 'KHOR GNYIS SGRUB THABS DNGOS KYI YAN LAG YIN PAS DE MA GTOGS PA'I RTEN DANG BRTEN PA'I RNAL 'BYOR THAMS CAD SDUD PA LA BSNYEN SGRUB BZHI DGOS PAS RTEN PA RKYANG PA DANG LHA RE RE LA YAN LAG BZHI MI SBYOR RO, ,YE SHES ZHABS LUGS PA RNAMS GTZO BO DANG YUM DANG DKYIL MCHOG GI LHA RNAMS LA SO SOR BSNYEN SGRUB YAN LAG BZHI BZHI SBYOR ZHING DE DAG KYANG RIM PA BZHIN DU YAN LAG BZHI CHUNG NGU DANG 'BRING DANG CHEN POR BZHED LA LAS RGYAL MCHOG GI SKABS SU YANG CHUNG 'BRING CHE GSUM SBYOR RO, ,BSNYEN PA NI DAM TSIG PA BSKYED PA DANG NYER SGRUB NI SKYE MCHED BYIN GYIS RLOB PA DANG SGRUB PA NI SKU GSUNG THUGS BYIN BRLABS DANG SGRUB CHEN NI DBANG BSKUR NAS RIGS BDAG GIS RGYAS BTAB PA LA MDZAD

, ,DO; ;DE YANG SRID ZHIR MI GNAS PA LA NYE BAS NA BSNYEN PA DANG SGRUB PA DANG NYE BAS NYER SGRUB DANG SGO GSUM SKU GSUM DU SGRUB PAS SGRUB PA DANG KHAMS GSUM GYI CHOS KYI RGYAL POR DBANG BSKUR BA NI SGRUB CHEN TE SGRUB PA LAS KHYAD PAR DU 'PHAGS PA'I PHYIR RO, ,ZHES SMAN PA'I ZHABS KYIS BSHAD DO, ,DE DAG GI BZHED PA LTAR NA LHA RE RE BA'I BSKYED RIM LA YANG BSNYEN SGRUB YAN LAG BZHI YOD DO, ,'ON KYANG BSNYEN SGRUB YAN LAG BZHI RDZOGS PA LA CHUNG 'BRING CHEN PO GSUM KA DGOS PAS DE LA NI DKYIL 'KHOR GYI 'KHOR LO'I BSKYED RIM DGOS SO, ,DE RNAMS NI RNAL 'BYOR RGYUD NAS BSHAD PA'I BSKYED RIM SDUD PA'I SPYI CHINGS KYI DBYE BA YIN LA PHA RGYUD DANG PHYOGS MTHUN PA'I DGRA NAG GI RGYUD LAS NI BSKYED RIM SDUD PA'I SPYI CHINGS BZHIR MDZAD DE JI SKAD DU, DANG POR SGOM PA RNAL 'BYOR TE, ,GNYIS PA RJES KYI RNAL 'BYOR YIN, ,GSUM PA SHIN TU RNAL 'BYOR TE, ,BZHI PA RNAL 'BYOR CHEN PO'O, ,ZHES SO, ,DE DAG GI RGYAS BSHAD KYANG RGYUD DE NYID LAS, ,RDO RJE SEMS DPA' RDZOGS PA NI, ,RNAL 'BYOR YIN PAR 'DI LTAR 'DOD, ,DE YI RGYU MTHUN LHA YI SKU, ,RJES KYI RNAL 'BYOR YIN PAR GRAGS, ,'KHOR LO THAMS CAD YONGS RDZOGS PA, ,SHIN TU RNAL 'BYOR YIN PAR 'DOD, ,SKU DANG GSUNG DANG THUGS RNAMS DANG, ,LHA YI MIG SOGS BYIN BRLAB DANG, ,YE SHES 'KHOR LO GZHUG PA DANG, ,MCHOD DANG BSTOD PA CHEN PO NI, ,RNAL 'BYOR CHEN PO ZHES BYA'O, ,ZHES GSUNGS TE DMAR PO'I RGYUD LE'U BCU DGU PA

LAS KYANG DE KHO NA BZHIN DU GSUNGS SO, ,DE LA SPYIR RNAL 'BYOR GYI DON NI 'DUS PA PHYI MA LAS GSUNG BA LTAR THABS SHES DANG DBYER MED DU SBYOR BA YIN LA 'DIR NI MNGON BYANG LNGA LAS BSGRUBS PA'I CHOS DBYINGS YE SHES KYI RANG BZHIN CAN RGYU RDO RJE 'DZIN PA'I TING NGE 'DZIN NO, ,RJES SU RNAL 'BYOR NI RJES SU'I DON 'DRA BA LA SHANTI PAS BSHAD PAS RNAL 'BYOR SNGA MA DANG 'DRA BA LA BYA STE 'BRAS BU RDO RJE 'DZIN PA'I RNAL 'BYOR RO, ,DE DAG LAS KYANG LHA'I RNAL 'BYOR SHIN TU RGYAS PAR GYUR PA NI SHIN TU RNAL 'BYOR TE YAB YUM SNYOMS PAR ZHUGS NAS PADMAR BSKYED PA'I LHA'I 'KHOR LO SPROS NAS RANG GNAS SU BKOD PA'I 'KHOR LO RDZOGS PA'O, ,DE NAS SKU GSUNG THUGS LA SOGS PA BYIN GYIS RLOB CING YE SHES PA GZHUG PA DANG DBANG BSKUR RGYAS GDAB DANG MCHOD BSTOD BDUD RTZI MYANG BA DANG BZLAS PA BYAS NAS YE SHES KYI 'KHOR LO GSHEGS SU GSOL ZHING DAM TSIG PA BSDUS PA'I BAR LA RNAL 'BYOR CHEN POR DPAL 'DZIN GYIS BSHAD DE THUN MTSAMS KYI RNAL 'BYOR MA BSDUS LA SBYOR BA TSOGS BSAG DANG BSRUNG 'KHOR DANG RTEN SKYED PA RNAL 'BYOR BZHIR MA BSDUS SO, ,GZHON NU ZLA PAS TSOGS ZHING SPYAN 'DREN NAS RGYU RDO RJE 'DZIN PA'I BAR RNAL 'BYOR DU BSDUS SO, ,MDOR BYAS LAS NI DANG PO SBYOR BA NYID LA RNAL 'BYOR BZHIR MDZAD DE RGYUD RDOR 'PHRENG GI LUGS SO, ,'DI YANG LHA RE RE BA LA MI 'JUG PAS PHAL CHER DKYIL 'KHOR GYI 'KHOR LO SGOM PA'I DBANG DU MDZAD DO, ,GNYIS PA NI, MA RGYUD KYI LUGS KYIS BSKYED RIM SDUD PA'I SPYI CHINGS KYI DBYE BA BYED LUGS NI GUR GYI BDUN PA LAS, SANGS

, ,RGYAS GNAS GZHI RDZOGS BYAS LA, ,KUN TU BZANG PO BDEN PA'I DNGOS, ,RNAM PA LNGA PO BSGOM BYAS TE, ,RANG LHAG LHA YI SGRUB THABS BYA, ,DE BZHIN DKYIL 'KHOR RNAM BKOD LA, ,MCHOD BSTOD BDUD RTZI LA SOGS PAR, ,RIM PA 'DI YIS BSGOM BYAS NA, ,YAN LAG DRUG GI SBYOR BAR 'DOD, ,CES YAN LAG DRUG TU BSDUS LA DE'I DON NI GRUB THOB MI THUB ZLA BAS, RDO RJE RJES SU CHAGS BYED DANG, ,SANGS RGYAS GZHAL MED BYE BRAG BSGOM, ,DBANG BSKUR BDUD RTZI MYANG BA DANG, ,MCHOD BSTOD YAN LAG DRUG PA BSGOM, ,YAN LAG DRUG SGOM RNAL 'BYOR GANG, ,DES NI MYUR DU DNGOS GRUB 'THOB, ,PHO BRANG SANGS RGYAS RNAM SNANG MDZAD, ,DBANG NI MI BSKYOD DE BZHIN GSHEGS, ,BDUD RTZI MYANG BA 'OD DPAG MED, ,BSTOD PA RIN CHEN 'BYUNG LDAN DPAL, ,MCHOD PA DON YOD YANG DAG MCHOD, ,RJES CHAGS RDO RJE SEMS DPA'O, ,ZHES RIGS DRUG GI SGO NAS YAN LAG DRUG TU MDZAD DO, ,DE LA GUR LAS, CHOS KYI 'BYUNG GNAS RNAM PAR BSGOM, ,DE LA SANGS RGYAS GNAS BSAM STE, ,ZHES DANG, RGYAL CHEN RNAM PAR SNANG MDZAD DE, ,CHOS DBYINGS YI GE LAS SKYES PA, ,DES NI SANGS RGYAS GNAS DGOD BYA, ,ZHES GSUNGS PAS RNAM SNANG LAS BYUNG BA'I SANGS RGYAS KYI GNAS GZHAL YAS KHANG SGOM PA NI YAN LAG DANG PA'O, ,DE'I RGYU MTSAN NI GZUGS LUS SEMS KYI RTEN YIN LA RNAM SNANG YANG DE BZHIN GSHEGS PA RNAMS KYI GZUGS PHUNG GI NGO BO YIN PAS DES RTEN GZHAL YAS KHANG SKYED PA'O, ,

YAN LAG GNYIS PA NI GUR LAS, ,RNAM PA LNGA PO BSGOM PAR BYA, ,DANG POR SKYES BU BSAM DE NAS, ,MKHA' 'GRO MA YI 'KHOR LO SPRO, ,DRI ZA RAB TU ZHUGS PA NI, ,LHUNG STE ZHU BA RJES DRAN PA, ,MTSAMS KYI LHA MO RNAMS KYIS BSKUL, ,BSKUL NAS 'KHOR LO'I 'DREN PA NI, ,MIG LA SOGS LA GTI MUG SOGS, ,RDO RJE GSUM PO GNAS GSUM DGOD, ,DE NAS RDO RJE RJES CHAGS TE, ,YE SHES DNGOS PO RAB BCUG LA, ,ZHES GSUNGS PA'I BAR GYIS BSTAN NO, ,YAN LAG DRUG PAR MNGON BYANG LNGA LAS RGYU RDO RJE 'DZIN PA YAB YUM BSKYED PA'I 'OG TU GSANG GNAS GNYIS BYIN GYIS BRLABS NAS RJES CHAGS KYI NGA RGYAL BYAS PA'I 'OG TU 'KHOR GYI LHA MO PHYUNG NAS GNAS SU BKOD ,ZHU BA GLUS BSKUL TE BZHENGS PA LA YE SHES PA BCUG NAS MIG SOGS BYIN GYIS RLOB BA MDZAD KYANG DE RNAMS RJES CHAGS KYI YAN LAG TU 'DU BAR MI BZHED PA MIN NO, ,DE LTAR NA RTEN PA'I LHA SKYED PA'I DANG PO MNGON BYANG LNGA SGOM PA NAS DAM TSIG PA'I 'KHOR LO RDZOGS PAR BSKYED PA LA YE SHES PA BCUG NAS BYIN GYIS BRLABS PA'I BAR THAMS CAD NI RDO RJES SEMS DPA' DANG DES RJES SU CHAGS PA'I NGA RGYAL MDZAD NAS RANG LAS PHYUNG BA'I 'KHOR LO YIN PAS YAN LAG GNYIS PA'O, ,RJES CHAGS RDO RJE SEMS DPA'I SGO NAS MDZAD PA'I RGYU MTSAN NI, RJES CHAGS MDZAD PA NI SKABS 'DIR 'KHOR GYI LHA YAB YUM GYI BYANG SEMS LAS SPRUL PA'I CHED YIN LA DE'I PHYIR GTZO BOS RJES CHAGS BYA DGOS SHING DE NYID KYANG RDOR SEMS SU BZHED PA'I PHYIR RO, ,YAN LAG BZHI NI GUR LAS, RIG MA BRGYAD RNAMS KYIS DBANG BSKUR, ,BDUD RTZI YANG NI

, ,MYANG BYA ZHING, ,LHA MO BRGYAD RNAMS KYIS MCHOD NYID, ,'KHOR LO'I 'DREN PA LA BSTOD BYA'O, ,ZHES GSUNGS PA'I RKANG PA RE RES BSTAN NO, ,DBANG BSKUR BA MI BSKYOD PA'I SGO NAS BYED PA NI 'DI'I DBANG CHU DBANG YIN LA DE MI BSKYOD PA'I NGO BO YIN PA'I PHYIR RO, ,BDUD RTZI MYANG BA 'OD DPAG MED KYI SGO NAS BYED PA NI 'OD DPAG MED GSUNG RDO RJE YIN LA BDUD RTZI MYANGS PAS GSUNG RDO RJE TSIM PAR BYED PA'I PHYIR RO, ,MCHOD PA DON GRUB KYI SGO NAS BYED PA NI DON GRUB LAS KYI RIGS YIN PAS SANGS RGYAS MCHOD PA DANG SEMS CAN GYI DON BYA BA'I LAS RNAMS LA DE DBANG BA YIN PA'I PHYIR RO, ,BSTOD PA RIN 'BYUNG GI SGO NAS BYED PA NI YON TAN BRJOD PA YIN LA SKU GSUNG THUGS DANG 'PHRIN LAS DANG YON TAN LNGAR BYAS PA'I TSE RIN 'BYUNG YON TAN YIN PA'I PHYIR RO, ,DE LNGA DBYER MI PHYED PA RDO RJE SEMS IN PAS RIGS DRUG GI SGO NAS RTEN DANG BRTEN PA'I RNAL 'BYOR THAMS CAD BSDUS TE LHAG MA BZLAS PA LA SOGS PA YANG DE DAG GIS MTSON NAS DE DAG TU 'DU BA'I PHYIR RO, ,RNAL 'BYOR DANG RNAL 'BYOR MA'I RGYUD GNYIS KA'I THUN MONG GI BSHAD RGYUD RDO RJE 'PHRENG BA LAS NI BSKYED RIM SDUD PA'I SPYI CHINGS KYI DBYE BA DANG PO SBYOR BA DANG DKYIL 'KHOR RGYAL MCHOG DANG LAS RGYAL MCHOG STE TING NGE 'DZIN GSUM DU BSDUS TE JI SKAD DU, RNAL 'BYOR RJES SU RNAL 'BYOR DANG, ,SHIN TU RNAL 'BYOR RNAL 'BYOR CHE, ,DANG PO'I SBYOR BA MDOR BSDUS PAS, ,DE BZHIN DKYIL 'KHOR RGYAL PO MCHOG ,LAS KYI RGYAL MCHOG RNAL 'BYOR MCHOG ,CES GSUNGS TE RGYAL MCHOG GNYIS KYI RNAL

'BYOR GNYIS RNAL 'BYOR BZHI LA BSNAN PAS RNAL 'BYOR DRUG YIN LA, DANG PO BZHI DANG PO SBYOR BAR BSDUS PAS TING NGE 'DZIN NAM RNAL 'BYOR GSUM ZHES BYA'O, ,TING NGE 'DZIN GSUM PO 'DIS SGRUB THABS KYI CHINGS BYAS PA NI MA RGYUD LA'ANG DU MA ZHIG YOD DO, ,DE DAG KYANG RNAL 'BYOR RGYUD DANG MA RGYUD DANG THUN MONG GI RGYUD NAS THA SNYAD DE DAG DNGOS SU SBYAR BA'I DBANG DU BYAS KYI BSNYEN SGRUB BZHI DANG YAN LAG DRUG LA SOGS PA'I DON RNAMS PHAN TSUN RJES SU MI 'GRO BA NI MA YIN NO, ,TING NGE 'DZIN GSUM LA BLA MED KYI DBANG DU BYAS NA DANG PO SBYOR BA NI DKYIL 'KHOR PA'I LHA SPRUL PA PO GTZO BO YANG YUM GYI TING NGE 'DZIN TE LHAG MA GNYIS KYI THOG MAR BYUNG BAS DANG PO DANG THABS SHES GNYIS MED DU SBYOR BAS SBYOR BA'O, ,'DI YANG GTZO BO SMOS KYI RTEN SKYED PA NAS YAB YUM SKYED PA'I BAR THAMS CAD 'DIR BSDU'O, ,DE GNYIS KYIS BYANG CHUB KYI SEMS LAS SPRUL PA'I DKYIL 'KHOR PA'I LHA RDZOGS NAS RANG GNAS SU BKOD PA NI DKYIL 'KHOR LA DGOD BYA'I 'KHOR LO YONGS SU RDZOGS PAS DKYIL 'KHOR GYI RGYAL PO MCHOG GO ,DE'I 'OG TU LHA RNAMS KYIS ZHING SBYONG BA SOGS KYI MDZAD PA MDZAD PA NI LAS KYI RGYAL PO MCHOG GO ,DE LA 'PHAGS LUGS PA LTAR NA DANG PO SBYOR BA YAN CHAD LA SKU GSUM GYI SKYED CHOG RGYAS PAR YOD PAS RANG GI DON PHUN TSOGS SU GSUNGS TE BSNYEN SGRUB YAN LAG BZHI'I DANG PO GSUM YANG DER BSDUS SO, ,RGYAL MCHOG GNYIS NI SANGS RGYAS NAS KYI MDZAD PA YIN LA SGRUB CHEN YANG DE NYID DO, ,DE'I PHYIR 'BRAS DUS KYI ZHING DANG SKU DANG MDZAD PA RNAMS LAM DU BYED PA'I

, ,DBANG DU BYAS NAS TING NGE 'DZIN GSUM DANG BSNYAN SGRUB YAN LAG BZHI'I SGO NAS CHINGS MDZAD DE SBYANG GZHI SBYONG BA DANG RDZOGS RIM SGRUB PA LA BLTOS NAS KYANG BZHAG PA'I GNAD RNAMS RGYAS PAR NI RNAM GZHAG RIM PA'I RNAM BSHAD DU BSHAD ZIN TO, ,SH'ANTI PA LA SOGS PA MANG POS TING NGE 'DZIN GSUM RIM PA BZHIN DU NGO BO NYID KYI SKU DANG LONGS SKU DANG SPRUL SKU DANG SBYAR TE DE DAG GI LTAR NA SKU GSUM LAM DU BYA BA'I PHYIR TING NGE 'DZIN GSUM NYAMS SU LON PA'O, , DE YANG DANG PO SBYOR BA NI RANG GI DON THOG MAR GRUB PA LHA'I TSOGS SPRUL BYED YIN PAS NGO BO NYID SKU 'AM CHOS SKUR BYAS LA DE'I DBANG GIS BYUNG BA'I GZHAN DON SGRUB BYED KYI GZUGS SKU THOG MAR BYUNG BA RNAMS YIN PAS DKYIL 'KHOR RGYAL MCHOG LONGS SKU DANG DES RANG GNAS NA GNAS BZHIN DU RANG RANG LAS SPROS PA'I LHA'I TSOGS KYIS PHYOGS BCUR SEMS CAN GYI DON MDZAD PAS LAS RGYAL MCHOG SPRUL SKUR BZHAG PA'O, ,RIM PA DANG PO'I RNAL 'BYOR RNAMS RIGS DRUG GI DBANG DU BYAS PA LAS MI 'DA' BAR SHES PA'I DON DU YAN LAG DRUG GI CHINGS MDZAD DO, ,BSKYED RIM DNGOS GZHI'I RNAL 'BYOR THAMS CAD RNAL 'BYOR BZHIR BSDUS PA NI RNAL 'BYOR DANG PO GNYIS GTZO BO YAB YUM SGRUB PA CHUNG NGU DANG DE'I STENG DU LHA'I 'KHOR LO RDZOGS PAR SGRUB PA BSNAN PAS RNAL 'BYOR GSUM PA RNAL 'BYOR 'BRING DANG, THA MAS YE SHES PA DANG RO MNYAM DU SGRUB CING MIG SOGS BYIN GYIS RLOB PA SOGS BYED PAS RNAL 'BYOR CHEN POR BZHAG STE, RIM PA DANG PO LA RANG GI MI

MTHUN PHYOGS SEL BA'I NUS PA CHUNG 'BRING CHE GSUM YOD PA SHES PA'I DON DU'O, ,YE SHES ZHABS LUGS KYIS CHUNG 'BRING CHE GSUM BZHAG PA YANG SNGA MA SNGA MA'I STENG DU PHYI MA PHYI MA BSNAN PAS MI MTHUN PHYOGS RAGS PA DANG 'BRING DANG CHUNG NGU SEL BA'I DBANG DU BYAS PAR SMAN ZHABS KYIS BSHAD PA DANG 'DRA'AM SNYAM MO, ,YAN LAG BDUN LDAN LAM DU BYED PA'I SGO NAS BSKYED RIM GYI RNAM DBYE MDZAD PA'I YE SHES ZHABS LUGS KYANG GNAS SHIN TU CHE STA SNGAR BSHAD ZIN NO, ,DE DAG NI RIM PA DANG PO'I CHINGS RMAD DU BYUNG BA RNAMS YIN PAS DE DAG LA GZHI BYAS NAS DPYAD NA RIM PA DANG PO'I GNAD RDZOGS MA RDZOGS KYI MTSIMS RNAMS SHES PAR 'GYUR RO, ,GSUM PA NI, 'O NA RIM PA DANG PO'I SKABS SU SNANG PHYOGS LHA'I 'KHOR LO TZAM ZHIG BSGOMS NAS STONG NYID RIM PA GNYIS PA'I SKABS SU GTZO BOR BSGAM DGOS PAS DES CHOG GAM MI CHOG SNYAM NA, BSHAD PAR BYA STE RIM PA DANG PO'I SKABS SU STONG NYID SGOM PA NI SHIN TU DGOS TE RIM PA DANG PO NI RDZOGS RIM GYI RTOG PA YONGS RDZOGS SKYE BA'I THABS KYI RGYUD SMIN BYED YIN LA STONG NYID MA BSGOMS NA DE LTA BU'I SMIN PA SGRUB MI NUS PA'I PHYIR RO, ,SNGAGS KYI THEG PAR NI RGYUD SDE DU MA NAS SNANG PHYOGS LHA'I 'KHOR LO SKYED PA'I SNGA RAL TU SVA BH'A WA LA SOGS PA'I SNGAGS BRJOD NAS SNGAGS KYI DON BDAG MED PA'I DON DAM PA SGOM PAR GSUNGS PAS THOG MA NAS BYA DGOS PAR GSUNGS PA'I PHYIR DANG, RIM PA DANG PO'I SKABS SU SKU GSUM KA LAM DU BYA DGOS PAS CHOS SKU LAM BYED LA STONG NYID SGOM DGOS PA'I PHYIR DANG SBYANG GZHI SKYE 'CHI BAR DO

, ,GSUM KA SBYANG DGOS PAS 'CHI BA SBYONG BA LA STONG NYID SGOM DGOS PA'I PHYIR DANG, RTEN DANG BRTEN PA'I RNAL 'BYOR LA SOGS PA THAMS CAD SGYU MA LTA BU'I NGANG NAS BYA DGOS PAR RGYUD DANG BSTAN BCOS MTHA' YAS PA LAS LAN GCIG MA YIN PAR GSUNGS PA'I PHYIR RO, ,DE LTAR YANG RIM LNGA LAS, SNGAGS DANG PHYAG RGYA'I SBYOR BA DANG, ,DKYIL 'KHOR LA SOGS RNAM RTOG DANG, ,SBYIN SROG GTOR MA'I BYA BA KUN, ,RTAG TU SGYU MA BZHIN DU BYA, ,ZHI BA DANG NI RGYAS PA 'AM, ,DE BZHIN DBANG DANG MNGON SPYOD DANG, ,DGUG SOGS GANG YANG RUNG BA KUN, ,DBANG PO'I GZHU DANG MTSUNGS PAR BYA, ,SGEG SOGS NYE BAR SPYOD PA DANG, ,KLU DANG ROL MO SOGS STEN DANG, ,SGYU RTZAL RNAMS LA RAB 'JUG PA, ,CHU ZLA BZHIN DU RAB TU BYA, ,GZUGS DANG SGRA DANG DE BZHIN DRI, ,RO DANG REG BYA NYID DAG LA, ,MIG LA SOGS PA RAB 'JUG PA, ,SGYU MA LTA BUR NYE BAR BRTAG ,'DIR NI MANG DU BSHAD CI DGOS, ,RDO RJE THEG PAR RNAL 'BYOR PAS, ,DE NYID GANG GANG DMIGS BYA BA, ,DE DE SGYU MA KHO NAR GSUNGS ZHES GSUNGS SO, ,KHYAD PAR DU LAM 'DIR NI LTA BA RNYED NAS RGYUN LDAN DU DRAN PAR MA BYAS NA THUGS KYI DAM TSIG NYAMS PAR 'GYUR BAR DZNY'A NA SHR'IS MTHA' GNYIS SEL BA LAS GSUNGS SHING RTZA LTUNG BCU BZHI PA LAS KYANG, ,MING SOGS BRAL BA'I CHOS RNAMS LA, ,DER RTOG PA NI BCU GCIG PA, ,ZHES GSUNGS PAS BYAS KYANG CHOG PA TZAM MIN GYI MA BYAS NA NYES PA SKYED PA YIN NO, ,RIM PA DANG PO'I SKABS SU DKYIL 'KHOR GYI 'KHOR LO'I RNA BA CAN GYI SNANG BA DANG BDAG MED PA'I DON RTOGS PA'I SHES RAB GNYIS DBYER MED PAR SBYOR LUGS DANG DES SRID PA'I SDUG BSNGAL GYI RTZA

BA BDAG 'DZIN 'GOG LUGS NI YE SHES ZHABS LUGS GSAL TE SGRUB THABS KUN BZANG LAS, THA MAL RNAM RTOG RGYUN LAS GZHAN PA YI, ,SRID PA'I SDUG BSNGAL GZHAN CI'ANG YOD MA YIN, ,DE DANG RNAM PA 'GAL BAR GYUR PA'I SEMS, ,'DI NI MNGON SUM DU NI RTOGS PAR 'GYUR, ,ZAB CING RGYA CHE BA YI BDAG NYID CAN, ,GANG YIN DER NI KUN RTOG SNANG MI 'GYUR, ,ZHES GSUNGS SO, ,'DIS DOGS PA GANG GCOD PA NI DE'I 'GREL PAR THA GA NAS SNGAR LHA'I RNAL 'BYOR SGOM PA'I TSUL RGYAS PAR BSHAD PA LA 'BAD PA BYAS PA 'DI THAMS CAD 'KHOR BA LAS GROL BA'I CHED YIN NA KHYED KYI RIM PA DANG PO'I LAM 'DI BSGOMS PAS 'KHOR BA LAS GROL BAR MI 'GYUR TE BDAG MED SGOM PA MI 'DUG PA'I PHYIR RO SNYAM DU BSAMS NAS RGOL BA'I LAN DU GZHUNG DE DAG GIS RIM PA DANG PO 'KHOR BA'I RTZA BA DANG 'GAL LUGS STON PAR BSHAD DO, ,SMAN ZHABS KYIS KYANG, DE NI RAB TU BYED BA MDOR BSDUS NAS BSTAN PA'I PHYIR GONG DU GSUNGS PA'I DKYIL 'KHOR GYI 'KHOR LO BSAM GYIS MI KHYAB PA'I RANG BZHIN DE NYID SRID PA'I SDUG BSNGAL GYI GNYEN POR GSUNGS PA, ZHES GSUNGS TE YE SHES ZHABS LUGS KYI 'GREL PA GZHAN RNAMS DANG YANG 'DRA'O, ,'DIR THA MAL GYI RNAM RTOG CES GSUNGS PA'I DON NI BOD DANG RGYA GAR BA KHA CIG GIS LHA'I RNAM PAR MI SNANG BA'I SNANG BA RANG DGA' BA'I RTOG PA TZAM LA 'CHAD PA NI YE SHES ZHABS KYI BZHED PA GTAN MA YIN TE 'DI'I 'GREL BAR THAG NAS, THA MAL PA'I RNAM PAR RTOG PA NI BDAG DANG BDAG GIR RNAM PAR RTOG PA'O, ,ZHES DANG BZHI BRGYA LNGA BCU PA'I 'GREL PAR

, ,SH'ANTI PAS KYANG, 'DIR THA MAL PA'I KUN TU RTOG PA ZHES BYA BA NI BDAG DANG BDAG GI DANG GZUNG BA DANG 'DZIN PA'I RNAM PA CAN GYI YID KYI BRJOD PA LA BYA BAR BSHAD NA SRID PA'I BDAG NYID CAN GYI SDUG BSNGAL ZHES BYA BAR NYE BAR GDAGS PAS SRID PA'I BDAG NYID CAN GYI SDUG BSNGAL GYI RGYU'I GTZO BO YIN NO ZHES BYA BA'I THA TSIG GO ,ZHES GSUNGS SHING DPAL 'BRAS RDO RJE DANG SMAN ZHABS DANG KUN TU BZANG PO RNAMS KYIS KYANG BDAG 'DZIN LA GSAL BAR BSHAD LA SKABS KYIS KYANG SHES SO, ,DES NA BDAG 'DZIN NI THA MAL GYI RNAM RTOG SRID PA'I SDUG BSNGAL GYI RTZA BA YIN PAS SRID PA'I SDUG BSNGAL DU BTAGS SO, ,DE DANG 'GAL BA'I SEMS NI DKYIL 'KHOR LO'I RNAM PA CAN GYI SEMS LA 'GREL PA THAMS CAD KYIS BSHAD LA 'GAL LUGS NI RNAM PA 'GAL BA STE 'DZIN STANGS GNYIS DNGOS SU 'GAL BA DGOS SO, ,'KHOR LO'I RNAM PA CAN GYI SEMS DE YANG SGOM PA PO RANG GIS MNGON SUM DU RTOGS PAR 'GYUR RO, ,DE DANG 'GAL BA'I RGYU MTSAN NI SGRUB THABS KUN BZANG LAS, ZAB CING ZHES SOGS KYIS STON TE 'KHOR LO'I RNAM PA CAN GYI SEMS DE SKYES PA'I DUS NA THA MAL GYI RNAM RTOG DE MI SNANG BA'I DON NO, ,DE SKYES PA'I TSE BDAG 'DZIN MA MTHONG BAS DES DE 'GOG MI NUS TE NAM MKHA' MTHA' YAS SKYE MCHED BSGOMS PAS KYANG LDOG PAR 'GYUR RO ZHES PA'I LAN DU, SH'ANTI PAS, DKYIL 'KHOR GYI RNAM PA CAN GYI SEMS NI MI BDEN PA'I RNAM PAR RTOG PA THAMS CAD BSAL BA LA 'JUG

PA YIN PA'I PHYIR RO, ,DE YANG LHAN CIG MI SNANG BA TZAM GYIS NI MA YIN NO, ,ZHES DANG NAM MKHA' MTHA' YAS SKYE MCHED LA SOGS PA NI BDAG MED PA'I RNAM PAR 'JUG PA MA YIN TE DE BDAG TU LTA BA LAS MI LDOG PA'I PHYIR DE'I RGYU CAN SDUG BSNGAL YANG LDOG PA MA YIN NO, ,DE YANG 'DI NA SKYE BA NAS SKYE BAR RGYUD PA'I RGA BA DANG 'CHI BA LA SOGS PA NI SDUG BSNGAL GYI BDEN PA'O, ,DE'I RGYUR GYUR PA BDAG TU LTA BA LA SOGS PA NI KUN 'BYUNG GI BDEN PA'O, ,DE'I GNYEN POR GYUR PA DKYIL 'KHOR GYI 'KHOR LO NI LAM GYI BDEN PA'O, ,SDUG BSNGAL 'BYUNG BA SHIN TU MED PAR BYA BA'I PHYIR SEMS KYI RGYUN GYI MTSAN NYID CAN GNAS YONGS SU GYUR PA NI 'GOG PA'I BDEN PA STE 'DI NI 'DIR DON DAM PA'O, ,ZHES NAM MKHA' MTHA' YAS NI BDAG MED LA BLO KHA MA PHYOGS PAS DE BSGOMS PAS BDAG 'DZIN LA MI GNOD PA'I PHYIR DE BSGOMS KYANG SRID PA LAS MI GROL BA DANG, 'KHOR LO'I RNAM PA CAN GYI SEMS NI BDAG TU 'DZIN PA'I YUL BKAG PA'I BDAG MED LA 'JUG PAS DES BDAG 'DZIN LDOG NUS PA'I TSUL LEGS PAR PHYE NAS GSUNGS SO, ,BDAG 'DZIN BDAG MED RTOGS PA'I SHES RAB KYIS RNAM PA 'GAL BA'I SGO NAS 'JOMS PA YANG PHYIN CI LOG GI BLO YIN MIN GYI SGO NAS YIN LA DE SGRUB PA YANG RGYAB RTEN TSAD MA YOD MED LA THUG PA YIN TE RIGS PA'I DBANG PHYUG GIS, DE DAG GANG LA TSAD MA YOD, ,DE NI GZHAN LA GNOD BYED 'GYUR, ,ZHES GSUNGS PA DANG 'DRA'O, ,RTOG LDAN MKHAS PA LA SKYE BA'I DOGS PA'I GNAS 'CHING BA'I RTZA BA BDAG 'DZIN DANG RNAM PA

, ,'GAL BA'I BDAG MED KYI LTA BA MED NA 'KHOR BA LAS GROL BYED KYI LAM GYI SNYING PO STOR BAR RTZOD BA 'DI DANG 'DI'I LAN BYAS TSUL 'DI RNAMS RIM PA GNYIS KA LA DGOS PA YIN PAR SHES RAB CAN GYIS SHES PAR BYOS SHIG ,DE 'DRA BA'I SGO NAS GNOD BYA GNOD BYED DU LAN CIG MTHONG BA DE NI GNYEN PO GOMS PAR BYAS NA DE'I GOMS PA JI LTAR 'PHEL BA BZHIN MI MTHUN PHYOGS RIM GYIS 'GAG PAS MTHAR RTZA BA NAS 'BYIN PA YIN TE SGRUB THABS KUN BZANG LAS, GANG ZHIG GANG DANG MI MTHUN PA DAG TU, ,LAN CIG 'GYUR BA'ANG DE BGROD RGYAS 'GYUR BAR, ,MTHONG DANG BSLABS PA RNAM PAR 'PHEL BA DAG ,RANG GI MI MTHUN SHIN TU 'GAG PAR BYED, ,CES GSUNGS TE RNAM 'GREL LAS, 'GRIB DANG PHUL BYUNG RTEN PA KUN, ,MI MTHUN PHYOGS DANG BCAS NYID PHYIR, ,DE GOMS PA LAS BDAG 'GYUR PAS, ,LA LAR ZAG PA ZAD PAR 'GYUR, ,ZHES GSUNGS PA'I DON YIN NO, ,'DIR SH'ANTI PAS GNAS GYUR MI LDOG PA RNAM 'GREL GYI 'TSE BA MED DANG ZHES SOGS KYIS BSGRUBS SHING DPAL 'BRAS RDO RJES, BDAG YOD NA NI GZHAN DU SHES, ZHES SOGS KYIS 'KHOR BA'I RTZA BA BDAG 'DZIN DU BSGRUBS LA SGRUB THABS KUN BZANG GI LTA BA GTAN 'BEBS KYI SKABS SU THA GA NA DANG DPAL 'BRAS RDO RJES RNAM 'GREL GYI LUNG MANG DU DRANGS NAS LTA BA GTAN LA PHAB CING, SNGAGS KYI PAndI TA GZHAN MANG POS KYANG RNAM 'GREL GYI LUNG KHUNGS SU BYAS NAS BSGRUBS PA MANG BAS RIGS PA'I DBANG PHYUG RNAM GNYIS KYI GZHUNG RNAMS SPYIR NANG RIG

GI SKABS DANG KHYAD PAR DU SNGAGS KYI SKABS SU DON MED DO SNYAM DU LTA ZHING DE SKAD GZHAN LA SMRA BA NI, RIGS PA'I LAM DU 'GRO BA'I BLO NYAMS CHUNG NGUS GTING DPAG PAR DKA' BA'I BLO GROS KYI 'JUG PA'I LAM NAS DRANGS PA'I DRI MA MED PA'I RIGS PA'I RNAm GZHAG MA LCIGS PA YIN PAS LUNG DON RIGS PA PHRA MOS 'BYED PAR NUS PA'I MKHAS PA'I MDUN SAR DBYUNG BAR MI NUS PA'I BAB COL LO, ,'KHOR LO'I RNAM PA CAN GYI SEMS BDAG MED PA'I DE KHO NA NYID LA ZHUGS PA'I RNAL 'BYOR DE NI TING NGE 'DZIN GSUM KA'I SPYI 'GROR DPAL 'BRAS RDO RJES BSHAD PA LTAR YE SHES ZHABS KYI'ANG DGONGS PA YIN PAS RIM PA DANG PO'I SKABS SU SNANG PHYOGS LHA'I 'KHOR LO GTZO BOR SGOM PA YIN MOD KYANG CHOS RNAMS KYI RANG BZHIN MED PA'I DON LA NGES PA SHUGS DAG DRANGS NAS THAMS CAD SGYU MA BZHIN DU 'CHAR BA LA BSLAB CING LHA'I 'KHOR LO BSGOMS PA'I 'OG TU DMIGS PA LHA LA DMIGS NAS RNAM PAR RANG BZHIN MED PA'I DON NGES PA'I BLO NGES SHES KYI 'DZIN STANGS STONG NYID LA ZHUGS SHING GZUNG RNAM RTEN DANG BRTEN PA'I LHA'I RNAM PAR SHAR BA'I ZAB GSAL GNYIS MED KYI RNAL 'BYOR YANG MNGON RTOGS SGOM RES KYIS BYA'O, ,DON GYI DBANG 'DI GZIGS NAS KYE RDOR RTZA RGYUD LAS, BSKYED PA'I RIM PA'I RNAL 'BYOR GYIS, ,BRTUL ZHUGS CAN GYIS SPROS PA BSGOM, ,SPROS PA RMI LAM LTAR BYAS NAS, ,SPROS PA NYID KYIS SPROS MED BYA, ,ZHES DANG, DE'I BSHAD RGYUD GUR LAS KYANG, ,DPER NA CHU NANG ZLA BA NI, ,GROGS DAG BDEN MIN RDZUN PA'ANG YIN, ,DE BZHIN DKYIL 'KHOR 'KHOR LO 'DIR, ,DANG

, ,ZHING GSAL BA'I RANG BZHIN NO ,ZHES GSUNGS SO, ,DES NA STONG NYID SGOM PA NI RIM PA GNYIS KA'I SKABS SU DGOS PAS SNGAGS KYI SKABS SU'ANG STONG NYID GANG SGOM THAMS CAD RDZOGS RIM MA YIN LA LHA'O SKU CHU NANG GI ZLA BA'AM NAM MKHA'I 'JA' TSON BZHIN SNANG LA RANG BZHIN MED PA'I SGYU MA DANG 'DRA BA'I RNAL 'BYOR BSKYED RIM GYI SKABS SU SHIN TU YANG 'ONG BAS DE DANG BDAG BYIN GYIS BRLAB PA'I SGYU MA'I LUS KYANG PHYED DGOS TE SPYOD BSDUS LAS, GANG MDO SDE'I TSU7L LA ZHUGS PA DANG BSKYED PA'I RIM PA LA GNAS PA'I SGOM PA PO RNAMS KYANG CHOS THAMS CAD SGYU MA LTA BU DANG RMI LAM LTA BU DANG GZUGS BRNYAN LTA BU'O ZHES DPER BRJOD CING LHAG PAR MOS KYANG DE RNAMS DPES BDAG LA BYIN GYIS RLOB PA'I MAN NGAG YE SHES TZAM GYIS YID KYI RANG BZHIN GYI LHA'I SKU RDZOGS PAR 'GYUR BA SHES PAR MI 'GYUR RO, ,ZHES GSUNGS SO, ,DE LTAR NGES PA STONG NYID LA DRANGS SHING GZUNG RNAM LHAR SHAR BA'I ZAB GSAL GNYIS MED KYI RNAL 'BYOR YE SHES ZHABS KYIS BSHAD PA 'DI NYID RGYA GAR BA'I GRUB CHEN DAG GIS KYANG KHUNGS SU BYAS NAS BSHAD DE, DGRA NAG GI SGRUB THABS LAS, 'DI LAS DE NYID GZHAN DU MED, ,YE SHES ZHABS SOGS MCHOG RNAMS KYIS, ,'DI DAG NYID NI GSAL BAR BSHAD, ,CES GRUB THOB DPAL 'DZIN GYIS GSUNGS TE 'DI'I RJES 'BRANG GZHAN YANG MANG NGO, ,GNYIS PA LA GSUM, THUN GYI NGO BO'I RNAL 'BYOR DANG, THUN MTSAMS KYI RNAL 'BYOR DANG, RNAL 'BYOR DE DAG RGYA CHE BAR 'JOG LUGS

SO, ,DANG PO LA GSUM, RNAL 'BYOR DNGOS KYI SNGON 'GRO DANG, RNAL 'BYOR DNGOS GZHI YAN LAG DANG BCAS PA DANG, MJUG GI BYA BA'O, ,DANG PO LA GNYIS, MTHUN RKYEN SGRUB PA TSOGS BSAG PA DANG, 'GAL RKYEN SEL BA BSRUNG BA'I 'KHOR LO'O, ,DANG PO NI, SGRUB THABS KUN BZANG LAS, DAL 'BYOR 'DI NI SHIN TU GA-YO BA DANG, ,'JIG RTEN SKYE BO DAM PA PHRAD RNYED DKA', ,DE BAS SHES RAB THABS LA GZHOL BA YI, ,YID LA BYED PA'I MCHOG DE BSGRUB PAR BYA, ,ZHES GSUNGS PA LTAR DAL 'BYOR SHIN TU RNYED DKA'I ZHING DE YANG CHES CHER GA-YO BA DANG DAM PA'I MGON DANG PHRAD NAS RNAM PAR DAG PA'I LAM SGRUB PA SHIN TU RNYED DKA' TSUL LA NGES PA RNYED PAS SGRUB PA SNYING POR BYA DGOS LA, SGRUB PA YANG MCHOG TU GYUR PA RDO RJE THEG PA YIN ZHING DE YANG RIM PA DANG PO NAS BYA DGOS PAR MTHONG BA DES GANG DU SGRUB PA'I GNAS NI DE NYID LAS, LA LAR DRI MED CHU NI PHUN TSOGS SHING, ,SHING MCHOG MDZES PAS RNAM PAR BRGYAN PA YI, ,RI BO'I PHYOGS GCIG TU NI BCOM LDAN 'DAS, ,'JAM PA'I DBYANGS ZHES BYA BA BSGRUB PAR BYA, ,ZHES GSUNGS PAS DBEN ZHING NYAMS DGA' BA'I GNAS SU 'JAm PA'I RDO RJE LA SOGS PA BSGRUB PAR BYA STE GNAS KHANG DU TZAN DAN LA SOGS PAS BYUGS SHING ME TOG GCAL DU BKRAM PAR RDO RJE DRIL BU LA SOGS PA'I CHAS RNAMS DANG LDAN PAR BYA'O, ,DER THUN GYI DANG POR TING NGE 'DZIN GYI GROGS SU 'GRO NA KHRUS BYA LA KHYAD PAR MED NA BZHAG KYANG CHOG GO ,SNGON DU GTOR MA SBYIN PAR MTSO SKYES DANG NAG PO SPYOD PAS GSUNGS PAS DANG POR GTOR MA DANG DAM TSIG NYAMS CHAG SKONG BA'I DON

, ,DU RDOR SEMS BSGOMS NAS YIG BRGYA BZLA BAR BLA MA SNGA MA RNAS BZHED PA BZHIN BYA'O, ,LUS GNAD NI BSAM GTAN GYI KHANG PAR BDE BA'I STAN LA RDO RJE SKYIL KRUNG GIS 'DUG CING LAG PA GNYIS MNYAM GZHAG BYA BAR GUR 'GREL LAS GSUNGS LA MIG SNA RTZER DBAB CING SO CUNG ZAD MA 'BYAR BAR LUS MI GA-YO BAR GNAS PAR BYA BAR BRAM ZE BRING GA RAS BSHAD DO, ,KHA LTA PHYOGS LA GSANG 'DUS LA NI SHAR DU PHYOGS PAR SMAN ZHABS KYIS BSHAD LA BDE MCHOG LA LHOR LTA BA SOGS GZHUNG DANG MTHUN PAR BYA'O, ,DE NAS SNYING KAR SA BON 'GOD PA LA RANG NYID LHAR SKYED PA GSAL BAR MA BSHAD PA MANG NA'ANG SKABS SO SO'I GTZO BO GANG YIN GYI SA BON BKOD PA SHIN TU MANG BAS SKABS KYI GTZO BOR BSKYED CING DE YANG STONG PA NYID DU SBYANGS NAS YUM DANG BCAS PA BKRONG BSKYED BYED PAR MAN SNYE LAS GSUNGS LA, SNYING KA'I SA BON GYI 'OD ZER GYIS LUS KYI NANG NAS BA SPU'I RTZE MO'I BAR KHYAB PAR BYAS PAS RANG NYID 'DOD PA'I LHAR GYUR PA'I NGA RGYAL BYA BAR LVA BA PAS BSHAD PAS GANG RUNG GIS CHOG GO ,THUGS KA'I SA BON LAS BYUNG BA'I PHYAG MTSAN LA SA BON GYIS MTSAN PA DPAL 'BRAS RDO RJES BSHAD LA GZHAN MANG POS PHYAG MTSAN MED PA'I SA BON BSHAD PA YANG GANG RUNG GIS 'GRUB BO, ,SA BON GYI 'OD ZER GYI RTZE LAS SPRUL PA'I TSOGS ZHING DPAL 'BRAS RDO RJE DANG 'OD ZER GYIS TSOGS ZHING GSAL BAR BYAS PA LVA BA PA LA SOGS PA DANG 'OD ZER GYIS TSOGS ZHING SPYAN 'DREN PA AA BHYA LA SOGS PA MANG POS BSHAD PAS SGO GCIG TU MA NGES SO, ,SPYAN

'DREN PA LA 'GO MIN NAS MAR ME GCIG LAS GNYIS CHAD KYI TSUL GYIS RANG DANG NYE BA'I MDUN GYI NAM MKHAR 'GUGS SHING BKUG ZIN PA DANG 'OD ZER SA BON LA SDUD PAR SNYE MA BCU GNYIS PA LAS 'BYUNG NGO, ,TSOGS ZHING NI GANG BSGOM PAR BYA BA'I DKYIL 'KHOR GYI 'KHOR LO'I RNAM PA CAN DU LVA BA PA DANG MAN SNYE LA SOGS PA MANG POS BSHAD LA YE SHES ZHABS LA SOGS PAS SANGS RGYAS DANG BYANG SEMS SPYI'I DBANG DU MDZAD PAS GCIG TU MA NGES SO, ,RDO RJE GUR LAS, BLA MA RDO RJE CAN MCHOD CING, ,BDUN PO RNAM PAR DAG PA BYA, ,BYANG CHUB TU NI SEMS BSKYED DE, ,ZHES TSOGS ZHING LA TSOGS BSAG PAR GSUNGS SHING DER BLA MA YANG TSOGS ZHING DU BSHAD PA LA BLA MA DANG DKYIL 'KHOR GYI GTZO BO THA MI DAD DU BYED PA GUR 'GREL LA SOGS PA MANG POS BSHAD CING LVA BA PAS DKYIL 'KHOR GYI SHAR GYI DUR KHROD KYI DBANG PO'I MDUN NA RIN PO CHE'I KHRI PADMA DANG BCAS PA'I STENG NA RDO RJE SEMS DPA' LTAR RGYAN THAMS CAD KYIS BRGYAN NAS BZHUGS PAR SGOM PAR BSHAD DO, ,BDUN RNAM DAG NI SDIG PA BSHAGS PA DANG YI RANG DANG BSNGO BA DANG SKYABS 'GRO DANG ZHU BA DANG GSOL BA GDAB PA DANG LAM LA BRTEN PA LA 'GREL PAS BSHAD DO, ,DE DAG GI SNGON DU MCHOD PA BYED PA NA RANG GI SNYING KA'I SA BON LAS SPRUL PA'I LHA MO RNAMS KYIS PHYI NANG LA SOGS PA'I MCHOD PA BYED PAR GZHUNG DU MA LAS BYUNG NGO, ,SKYABS 'GRO NI THEG PA CHEN PO GNYIS THUN MONG BA'I SKYABS 'GRO BSHAD PA MANG LA LVA BA PA DANG MTSO SKYES KYI SGRUB THABS LAS DKYIL 'KHOR GYI GTZO BO LA SANGS RGYAS DANG DES GSUNGS PA'I SNGAGS DANG PHYAG RGYA SOGS

, ,CHOS DANG 'KHOR GYI LHA RNAMS DGE 'DUN DKON MCHOG TU BYAS PA LA SKYABS SU 'GRO BAR BSHAD DO, ,RDO RJE MKHA' 'GRO'I BCU GNYIS PA DANG KHA SBYOR GYI BRTAG PA GSUM PA'I RAB BYED BZHI PA LAS SKABS 'DI DAG TU RIGS LNGA'I SDOM GZUNG BYA BAR GSUNGS PAS THUN MONG BA DANG THUN MONG MA YIN PA'I SDOM PA GNYIS KA DMIGS PHYED PA GZUNG BAR BYA STE BLANGS PA'I SDOM PA BRTAN PA'I THABS SU BYA DGOS PAR SANGS RGYAS GSANG BAS BSHAD DO, ,DE NAS BRTAG GNYIS LAS GSUNGS PA LTAR TSAD MED PA BZHI YANG BSGOM PAR BYA ZHING MTHAR DE RNAMS KYIS BYIN GYIS RLOB PAR BSAMS LA YIG BRGYA GDON PAR LVA BA PAS BSHAD DO, ,DE NAS DPAL 'DZIN SOGS KYIS TSOGS ZHING GSHEGS SU GSOL BA DANG LVA BA PAS MI DMIGS PAR SEMS PAR BSHAD LA GZHAN YANG PHAL MO CHES JI LTAR BYA BA MI GSAL LO, ,MAN SNYE LAS, DE DAG GI DON MNGON DU BYED CING BKLAG PAR BYA'O, ,ZHES BSHAD PAS BYING RGOD KYI DBANG DU YE MA SONG ZHING SKABS DE NYID KYI RTOG PA RNAMS MA GTOGS PA RNAM RTAG GZHAN GYIS BAR MCHOD PAR RGYUN LDAN DU 'JUG THUB PA DANG DE DAG GI DON RNAMS YID LA LEGS PAR SHAR BA'I RNAM PA CAN GYIS TSIG SPYI TZAM DU MA SONG BAR BYA'O, ,DE LTAR 'ONG BA LA DANG POR SGOM RGYU'I GRANGS DANG GO RIM NGES PA CAN BYA LA DE LAS GZHAN DU MI GTANG NGO SNYAM PA'I 'PHEN PA DRAG PO BTANG NAS BYED PA DGOS KYI GANG ZIN ZIN NAS BSKYANGS NA MI RUNG LA, YUN THUNG DE LA BCAD CING DE NAS YANG LHAG MA DE BZHIN DU SKYANG BA NI THAMS CAD LA SHES PAR BYA'O, ,DE RNAMS BSOD NAMS KYI TSOGS GSOG

PA DANG STONG NYID SGOM PA YE SHES KYI TSOGS GSOG PA YIN PAR SH'ANTI PA'I DGRA NAG GI MNGON RTOGS DANG MAN SNYE LA SOGS PAS BSHAD PAS YE SHES KYI TSOGS NI SH'U NA-YA T'A LA SOGS PA'AM SVA BH'A BA LA SOGS PA'I SNGAGS DON SGOM PA'O, ,'DIR SNGAGS PAS SEMS CAN RNAMS LTA BA'I DRA BAS DAM DU BCINGS PA LA DMIGS NAS KYI MA GTI MUG GI MUN PA GANG GIS SEMS CAN 'DI DAG MYA NGAN LAS 'DAS PA'I RANG BZHIN CAN YIN YANG BDAG NYID KYIS RTOGS PAR MA GYUR NA 'DI DAG GIS RANG GI RANG BZHIN RTOGS PAR BYA'O SNYAM DU BSAMS LA DON DAM PA'I BYANG CHUB KYI SEMS BSGOM PA KUN BZANG LAS, SNYING RJES 'JIG RTEN 'DI NI MA LUS PA, ,LTA BA'I DRA BAS BCINGS LA DMIGS NAS NI, ,YANG DAG BYANG CHUB SEMS NI MNYAM MED PA, ,SNGAGS PAS CHO GA 'DI LTAR BSGOM PAR BYA, , ZHES SO, ,DE LA SH'U NA-YA T'A NI STONG PA NYID DE CHOS RNAMS RANG BZHIN DANG RGYU DANG 'BRAS BU DANG BRAL BAS DE DAG GIS STONG PA'O, ,DZNY'A NA NI STONG NYID DANG MTSAN MED DANG SMON MED KYI STONG NYID DE DANG RO GCIG PA'I SEMS SO, ,BADZRA NI YUL STONG NYID DANG YUL CAN YE SHES GNYIS DBYER MED PA DE KHO NA RDO RJE STE MI MTHUN PHYOGS KYIS MI PHYED PA'I PHYIR DANG MI MTHUN PHYOGS 'JOMS PA'I PHYIR DANG THOG MA DANG THA MA MED PA'I PHYIR RO, ,CHOS DBYINGS THOG MTHA' MED PA BZHIN DU DE LA DMIGS PA'I SEMS LA YANG DE SKAD CES BTAGS TE DE BZHIN NYID LA DMIGS PAS DE'I RNAM PA CAN YIN PA'I PHYIR RO, ,SVA BH'A BA NI RANG BZHIN STE RANG BZHIN GYIS RNAM PAR DAG PA NYID GLO BUR BA'I DRI MA DANG BRAL BA'I RANG BZHIN DU GNAS OPAS SO, ,A'ATMA KA NI BDAG NYID DANG AA HAm NI NGA'O ZHES PA STE RANG BZHIN GYIS DAG PA'I

, ,BDAG NYID GANG YIN PA DE NYID NGA'O ZHES PA'O, ,DE BAS NA STONG NYID KYI YE SHES KYI SGRAS NI RANG GIS STONG NYID RTOGS PA SPYI'I YUL CAN YIN YANG CHOS NYID KYI RANG GI MTSAN NYID KYI MTHAR THUG PAR LHAG PAR MOS PA YIN LA RDO RJE'I SGRAS NI DE YANG RNAM PAR DAG PA MTHAR THUG PAR MOS SHING RANG BZHIN GYI SGRAS NI, MTHAR THUG PA'I DUS NA YANG RANG BZHIN RNAM DAG LA LHAG PO MED PA DANG BDAG NYID DANG NGA'I SGRAS NI RNAM PAR DAG PA DE RANG LA RANG BZHIN GYIS RNAM PAR DAG PA NYID DU GRUB PAR STON PA YIN TE SH'ANTI PA'I BZHED PA BKOD PA'O, ,AOm YIG LA AA DANG AU DANG MA YIG GSUM YOD PA RANG GI LUS NGAG YID GSUm YIN LA DE GSUM GYI STONG NYID SNYING RJE RO GCIG PA'I NGO BOR BDAG NYID 'JOG PA'O, ,KUN BZANG LAS KYANG, NGO BO NYID DANG BRAL PHYIR STONG PA STE, ,DE BZHIN RGYU DANG BRAL BAS MTSAN MA MED, ,RTOG PA RNAMS DANG BRAL PHYIR DNGOS PO NI, ,MA LUS SMON PA LAS NI NGES PAR GROL, ,ZHES RNAM THAR GSUM BSHAD PA'I MTHAR SNGAR GYI SNGAGS BRJOD DE TSIGS BCAD DES SNGAGS DE'I DON BSTAN PA'O, ,SH'U N+YA LA SOGS PA'I SNGAGS DON SGOM PA 'DI LA RNAM THAR SGO GSUM GYI DON SGOM PA YOD TSUL NI, SMAN ZHABS KYIS STONG NYID DANG MTSAN MED DANG SMON MED GSUM BRJOD PA SGRA'I DBANG GIS THA DAD DU BZHAG GI DON DAM PAR NGO BOS STONG PA KHO NAR GZHAN GNYIS 'DUS PAR GSUNGS PA NI BYANG CHUB KYI TSOGS LAS, RANG BZHIN MED PAS STONG LA STONG PA NI, ,YIN DANG MTSAN MAS CI ZHIG BYED PAR 'GYUR, ,MTSAN MA THAMS CAD LOG PAR GYUR PA'I PHYIR, ,MKHAS PA CI PHYIR

SMON LAM 'DEBS PAR 'GYUR, ,ZHES MGON PO KLU SGRUB GYIS GSUNGS PA DANG MTHUN PAS GSUM BSHAD KYANG STONG NYID KYI RNAM THAR NYID DU GZHAN GNYIS 'DUS SO, ,DE YANG GCIG DANG DU BRAL GYI RIGS PAS CHOS RNAMS RANG BZHIN MED PAR GTAN LA PHAB PA'I DON LA SMAN ZHABS DANG DPAL 'BRAS RDO RJES BSHAD PAS, CHOS RNAMS RANG BZHIN MED PA'I DON LA PHU THAG CHOD PA'I LTA BA SKABS 'DIR DRAN PAR BYAS PA'I YUL NI SH'U N+YA T'A YIN LA YUL CAN NI DZNY'A NA'O, ,DE NYID MA RIG PA'I DBANG GIS YUL YUL CAN SO SOR 'BYED PA'I NUS PA LOG NAS CHU LA CHU BZHAG PA LTAR DBYER MI PHYED PAR SONG BA NA BADZRA'O, ,SHES PA DES CHOS RNAMS KYI RANG BZHIN DBYER MED SPROS BRAL RTOGS PA GSAR DU BSKYED DGOS KYANG YUL DANG YUL CAN GNYIS DE KHO NAR SO SOR DBYE BAR MI NUS PA'I RANG BZHIN RNAM DAG 'BRAS BU DANG RGYU DUS LA KHYAD PAR MED PAR YOD PA NI SVA BH'A BA'O, ,DE BDAG NYID LA RANG BZHIN GYIS GNAS SHING RANG YANG DE LAS LOGS SHIG NA MED PA NI A'ATMA KA DANG AA HAm GI DON NO, , DE NI RNAM THAR GSUM SNGAGS DON DU BSHAD PA YIN LA YANG NA RDO RJE GSUM GYI SNGAGS SU BSHAD DE AOm NI SKU RDO RJE'O, ,STONG NYID YI SHES RDO RJE'I RANG BZHIN ZHES PA 'DIS THUGS RDO RJE BSTAN TE SLA'O, ,NGA'O ZHES PA GSUNG RDO RJER 'JOG PA'I RGYU MTSAN NI BDAG NI RDZAS SU MED PAS TSIG TU BTAGS PA TZAM YIN PA'I PHYIR RO, ,YANG NA SNGAGS DON RIGS LNGAR BSHAD DE AOm GYIS ME LONG LTA BU'I YE SHES SO, ,STONG NYID KYIS MNYAM PA NYID KYI YE SHES SO, ,YE SHES KYIS SO SOR RTOG PA'I

, ,YE SHES SO, ,RDO RJES BYA BA SGRUB PA'O, ,RANG BZHIN GYIS SHIN TU RNAM DAG YE SHES SO, ,THA MA GNYIS KYIS YE SHES LNGA'I BDAG NYID RDO RJE 'DZIN PA CHEN PO'I NGO BOR BDAG NYID NGES PAR STON PA'O, ,BSHAD PA DE GNYIS NI SNGAGS DON SNGA MA'I STONG NYID LA GTUGS PA'I YE SHES KYI STENG NAS LDOG PA SO SOR PHYE BAS GO BAR ZAD DO, ,BSHAD PA GSUM PO DE YANG RGYUD RNAMS SU BCOM LDAN 'DAS NYID KYIS GSUNGS PA MAN SNYER GSAL BAR BYAS PAR BSHAD DO, ,KHA SBYOR DANG GDAN BZHI LAS 'DI'I SKABS SU, DANG POR STONG NYID RNAM BSAMS PAS, ,LUS CAN RNAMS KYI DRI MA BKRU, ,ZHES SOGS KYIS KHAMS BCO BRGYAD RANG BZHIN MED PAR GTAN LA DBAB PAR GSUNGS SHING RGYA GZHUNG GI BSTAN BCOS DU MA LAS KYANG BDAG MED PA'I LTA BA SKABS 'DIR BSTAN PAS NA, SVA BH'A BA LA SOGS PA'I SNGAGS DON SEMS PA NA RANG BZHIN MED RTOGS KYI LTA BA MED PA'I GNYIS SNANG RAGS PA 'JA' YAL BA BZHIN SGOM PA 'DI'I DON DU 'DOD PA NI RGYUD DANG TSAD LDAN GYI GZHUNG GANG GI YANG DGONGS PA MIN NO, ,SH'ANTI PAS, BYIN GYIS BRLAB PA'I SNGAGS GZHAN DAG LA YANG BADZRA SVA BH'A BA A'ATMA KONYA HAm ZHES BYA BA'I SGRA'I DON 'DI BZHIN DU SHES PAR BYA'O, ,ZHES GSUNGS PA LTAR SVA BH'A BA SHUDDHA LA SOGS PA STONG NYID STON PA'I SNGAGS RNAMS LA TSIG MI 'DRA YANG DON SNGAR BSHAD PA BZHIN DU DRAN PAR BYA'O, ,SH'ANTI PA DANG SMAN ZHABS LA SOGS PA MANG POS SNGAGS 'DI BRTAN BYED DANG BYIN GYIS RLOB BYED DU BSHAD PAS SNGAGS DON SNGON DU GSAL BTAB PA'I 'OG TU SNGAGS

DES BYIN GYIS BRLAB PAR BYA'O, ,SO SOR RTOG PA'I SHES RAB KYIS 'KHOR 'DAS KYI CHOS THAMS CAD DON DAM PAR MA GRUB PAR GTAN LA PHAB PA'I TSE BLO DE'I SNANG YUL DU GNYIS SNANG MI LDOG KYANG NGES SHES KYI DON GNYIS SNANG LDOG PAS GNYIS SNANG NYE BAR ZHI BA'I DMIGS PA ZUR PA YANG MI DGOS SO, ,DE LTAR CHOS THAMS CAD MTHA' GNYIS DANG BRAL BA RANG BZHIN MED PA NYID KYI MTSAN NYID CAN SPROS PA THAMS CAD DANG BRAL BA'I CHOS KYI DBYINGS SO SNYAM DU NGES PAR BYED PAS, GANG TSE DNGOS DANG DNGOS MED PA, ,BLO YI MDUN NA MI GNAS PA, ,DE TSE RNAM PA GZHAN MED PAS, ,DMIGS PA MED PAR RAB TU ZHI, ,ZHES SPYOD 'JUG LAS GSUNGS PA LTAR CHOS THAMS CAD MI DMIGS PA'I BDAG NYID CAN STONG PA NYID LA RAB TU GZHUG GO ,'O NA 'DIR STONG NYID SGOM PA'I DGOS PA GANG YIN SNYAM NA, DGRA NAG GI SGRUB THABS KU MU TA KHA BYE BA LAS, SNGAR GYI BSOD NAMS KYI TSOGS DANG PHYIS KYI YE SHES KYI TSOGS GNYIS KYIS GTZO BO SKYED PAR GSUNGS LA, KA MA LA RAKshI TAS BGEGS BSRUNG BA'I MCHOG TU BSHAD DO, ,DE DAG KYANG DGOS PA PHYOGS RE BA YIN MOD KYANG GTZO BO'I DGOS PA NI 'OG NAS 'CHAD PA LTAR SGOM PA RNAMS GZUGS SKU'I NGA RGYAL 'DZIN PA YIN LA DE'I NGA RGYAL GZUNG BA YANG CHOS SKU MNGON DU BYAS PA'I MTHUS BYA DGOS PA DE'I DON DU YIN TE GRUB THOB dO BI BAS, RANG BZHIN STONG PA NYID DU RNAM SGOM MNGON GYI NI, ,RNAL 'BYOR BAS NI SMON LAM RJES SU DRAN PAR BYA, ,ZHES STONG NYID LA ZHUGS PA NA SNGON GYI SMON LAM RJES SU DRAN PAS LDANG BAR BSHAD PA'I PHYIR DANG MTSO SKYES KYI SGRUB THABS DANG

, ,DRIL BU PA'I KYEE RDOR GYI SGRUB THABS SOGS LAS KYANG DE BZHIN DU GSUNGS PA'I PHYIR RO, ,GZHAN YANG SNANG BA THAMS CAD 'OD GSAL DU BSDUS TE LHAR BYA BA'I PHYIR DANG SNGON DU LTA BA SHUGS DRAG GI NGES PA BSKYED PA'I MTHUS RJES SU SNANG PHYOGS SGOM PA RNAMS SGYU MA LTA BUR 'CHAR BA SOGS KYI DGOS PA YANG YOD DO, ,STONG NYID DU ZHUGS PA'I SNANG MED NI RNAM PAR MI RTOG PA'I YE SHES DANG DE LAS BSRUNG 'KHOR SGOM PA'I SNANG BAR LANGS PA NI DAG PA 'JIG RTEN PA'I YE SHES KYI RANG BZHIN DU KYEE RDOR GYI SGRUB THABS 'KHRUL SPONG LAS BSHAD PA'I BSRUNG 'KHOR NI MTSON PA TZAM YIN PAS RTEN DANG BRTEN PA'I SNANG BA THAMS CAD KYANG GNYIS SU MED PA'I YE SHES KYI GZUNG BA DE DANG DER SHAR BA'I RNAM PA CAN DU MOS PAR BYA BA'I DON TE 'DI GAL CHE'O, ,DES NA 'DIR STONG NYID SGOM PA LA DGOS PA MANG BAS YUN HA CANG THUNG BA MIN PA'I NGES PA DRAG PO RNYED KYI BAR DU BSGOM PAR BYA'O, ,GNYIS PA NI, DE LTAR STONG NYID BSGOMS PA'I MJUG THOGS SU BSRUNG 'KHOR MA BSGOMS PA'I BAR DU BAR SRID MTSON BYED KYI YI GE SGOM MI SGOM GNYIS KYI DANG PO LA NI TSUL GSUM STE SNYEM BCU GNYIS PA LAS, KHA CIG TU HO: YIG DMAR PO GNYIS KYI NANG DU CHUD PA'I SA BON GYI YI GE'I GNAS SKABS SAM YI GE GSUM GYI GNAS SKABS SAM KHA CIG TU N'A DA TZAM STE RNAM PA GSUM GANG YANG LUS DANG NGAG DANG SEMS RNAMS SKYED PA'I PHYIR RO, ,ZHES GSUNGS PAS HO: YIG GNYIS KYI BAR GYI YI GE H'Um DANG AOm A'A: H'Um GSUM DANG N'A DA TZAM ZHIG BZHAG PA'O, ,

SKABS 'DIR DE LTAR ME SGOM PA RNAMS KYIS KYANG 'OG TU GTZO BO SKYED PA'I SKABS SU YI GE DE DAG CI RIGS PAR 'JUG PAR BSHAD LA LO A'I PA'I RJES SU 'BRANG BA RNAMS KYIS NI BSRUNG 'KHOR GYI 'OG RTEN MA BSKYED PA'I SNGA ROL TU N'A DA TZAM ZHIG 'JOG PAR BSHAD DO, ,BSRUNG 'KHOR THUN MONG BA NI RAm LAS BYUNG BA'I NYI MA DANG DER H'Um LAS BYUNG BA'I SNA TSOGS RDO RJE'I LTE BA H'Um GIS MTSAN PA LAS SPROS PA'I 'OD ZER NI 'JIG DUS KYI ME BZHIN DU BYA BA DANG RDO RJE'I RA BA 'BAR BA'I RANG BZHIN DU BSHAD DE GUR LA SOGS PA LA YANG 'DRA'O, ,SPROS PA 'OD ZER NYID RDO RJER GYUR NAS RVA BA SOGS BYED BPAR AA BHYA DANG KUN TU BZANG P BZHED CING DE THAMS CAD KYANG SNA TSOGS RDO RJER PHYI MAS BSHAD PA NI BRTAG GNYIS LAS, NYI DER H'Um BYUNG SNA TSOGS RDO RJE DANG, , RDO RJE DE NYID KYI SA NI RVA BA DANG, ,GUR BCING PA YANG RNAM PAR BSAM PAR BYA, ,ZHES GSUNGS PA DANG MTHUN TE BAR MTSAMS MED PAR DUM BU GCIG TU GYUR PA DANG RTZE LNGA PAR AA BHYA BZHED DO, ,STENG 'OG MIN DANG 'OG GSER GYI SA GZHI LA THUG PAR SGOM PAR AA BHYA BZHED LA RGYAR SGRUB PA PO JI TZAM 'DOD PA DANG RVA BA'I DBYIBS GRU BZHI PAR LVA BA PAS GSUNGS SO, ,STENG DU GUR DANG DE'I 'OG RVA BA'I STENG DU BLA RE DANG PHYI'I STENG DANG LOGS SU MDA'I DRA BA BYA'O, ,RDO RJE RTZE LNGA PA'I RNAM PA'I MDA'I DRA BA BYA BAR PRADZNY'A RAKshI TAS BSHAD PA NI MDO 'U'I DBYIBS SU MNGON NO, ,KUN GYI PHYI ROL TU ME'I RVA BA BSAM PAR BYA'O, ,BSRUNG 'KHOR KHYAD PAR BA 'KHOR LO SER PO RTZI BAS BCU PA'I LTE BA LA H'Um MDZAD DANG RTZIBS BCU LA KHRO BO BCU

, ,BKOD PA'I BSRUNG 'KHOR NI AA BHYAS PHAL MO CHE'I THUN MONG DU BZHED DO, ,RTZIBS KYI LTE BA'I NANG DU BSRUNG 'KHOR GYI GTZO BO SGOM PA YIN TE SNYE MA BCU GNYIS PA LAS, RTZIBS BCU PA'I LTE BA'I DBUS KYI BAR SKABS SU GNAS PA'I BDAG NYID CES DANG, 'KHOR LO'I LTE BA'I NANG DU BDAG NYID KYI 'OG TU, ZHES DER 'BYUNG BZHI SKYED PAR GSUNGS PAS LTE BA LA BAR STONG YOD DO, ,DES NA LTE BA'I NANG GI YAR RTZE DANG MAR RTZE GNYIS STENG 'OG GI RTZIBS SU BYAS NAS DE GNYIS SU STENG 'OG GI KHRO BO GNYIS BKOD NAS GZHAN BRGYAD PHYOGS MTSAMS KYI RTZIBS LA MA REG PAR DGOD PAR BYA'O, ,'KHOR LO SER PO GA-YAS SKOR DU CUNG ZAD KYANG MI SDOD PAR DRAG PO'I 'GROS KYIS 'KHOR ZHING ME 'BAR BA'I 'OD 'PHRO BAR AA BHYA BZHED LA, dOm BI BAS BSRUNG BA'I 'KHOR LO'I GTZO BO H'Um MDZAD DU BZHED DE 'KHOR LO BSKOR BA MA BSHAD LA PHYIR ZLOG GI GTZO BO GTZUG TOR 'KHOR LOS SGYUR RGYAL LA MDZAD CING 'KHOR LO YANG GA-YON DU SKOR, NAM: SA MANTA LA SOGS PA'I SNGAGS 'DON ZHING NYAL BA'I DUS SU BSGOMS NAS LAN BDUN BZLA BAR DE KHO NA NYID BCU PA LAS GSUNGS SO, ,BGEGS KYI GNOD PA CHUNG NA THUN MONG BA BYA ZHING CHE NA KHRO BCU 'KHOR LO DANG BCAS PA BSGOMS NAS BGEGS DGUG PA DANG PHUR BUS GDAB PA SOGS BYA'O, ,BGEGS KYI CHO 'PHRUL CHE NA STONG NYID DANG BSRUNG 'KHOR LA NAN TAN CHE BAR BYA LA BSRUNG BYA BSRUNG 'KHOR GYI NANG DU 'DZUD NA BRIS PA'I DKYIL 'KHOR RTZIBS KYI LTE BA'I NANG DU 'DZUD PA'I RIGS PA SBYOR BA NI

SNGAR BSHAD ZIN TO, ,GNYIS PA LA GSUM, RTEN GZHAL YAS KHANG BSKYED PA DANG, RTEN PA LHA BSKYED PA DANG, RDZOGS PAR BYED PA'I YAN LAG GO ,DANG PO NI, RTZIBS BCU PA'I 'KHOR LO SOGS SGOM MI SGOM GYI LUGS GNYIS LAS SGOM PA'I PHYOGS LA NI 'PHAGS LUGS KYIS BSRUNG 'KHOR GYI 'OG TU STONG NYID DU SBYANGS NAS RLUNG ME CHU SA'I DKYIL 'KHOR BZHI BSKYED DE DE RNAMS GCIG TU 'DRES PA LAS RDO RJE'I SA BSKYED PA'I STENG DU BHRUm LAS GZHAL YAS KHANG SKYED PAR BZHED DO, ,MDOR BYAS LAS, NAM MKHA' DBYINGS KYI DBUS GNAS PAR, ,H'Um GNYIS SA BON Ym LAS BYUNG, ,RLUNG GI DKYIL 'KHOR BSGOM PAR BYA, ,ZHES GSUNGS PA'I NAM MKHA'I DBYINGS NI CHOS 'BYUNG DANG DBUS ZHES PAS PADMA DANG 'BYUNG BZHI GCIG TU 'DRES PA LAS SNA TSOGS RDO RJE SKYED PAR PHRENG BA LAS BSHAD PA BZHIN DU CHOS 'BYUNG DANG PADMA'I LTE BAR 'BYUNG BA ZHI LAS SNA TSOGS RDO RJE SKYED LA GZHAL YAS KHANG DE LAS MI SKYED DO, ,'DI LA YAB SRAS GZHAN GYI GZHUNG DU MI GSAL YANG KLU BYANG GIS, RTA BABS RDO RJE'I RTZE MO CAN, ,DE YI PHYI ROL KHOR YUG STE, ,RDO RJE'I PHRENG PA 'OD BZANG LDAN, ,ZHES RDO RE RE GSAL BAR GSUNGS PAS GUR DANG BLA RE DANG RDO RJE'I SA GZHI DANG 'OD KYI PHRENG BA RNAMS KYANG BSKYED PA'I DBUS SU CHOS 'BYUNG SOGS BSGOM MO, ,SNYE MA BCU GNYIS BA LAS RTZIBS BCU KHRO BO DANG BCAS PA MI SDUD PAR RTEN SKYED DE, DE YANG LTE BA'I NANG DU 'BYUNG BZHI RI RAB DANG BCAS PA BSKYED PA CIG DANG RANG BSRUNG 'KHOR GYI GTZO BOR GNAS PA RDO RJE 'DZIN PAR 'GYUR NAS DE YONGS SU GYUR PA LAS CHOS 'BYUNG BSKYED

, ,PA'I NANG DU PADMA DANG DE'I STENG DU SNA TSOGS RDO RJE BSKYED PA'I STENG DU GZHAL YAS KHANG SKYED DO, ,BSRUNG 'KHOR KHYAD PAR BA MI SGOM PA'I PHYOGS LA NI LO A'I PAS BDE MCHOG LA BSRUNG 'KHOR GYI RJES SU STONG NYID BSGOMS PA LAS LANGS NAS RLUNG ME CHU SA RI RAB DANG SNA TSOGS RDO RJE'I STENG DU PADMA DANG DER MNGON BYANG LNGA LAS RTEN DANG BRTEN PA THAMS CAD CIG CAR DU SKYED DO, ,AA BH+YAS DE'I DGONGS PA PADMA'I STENG DU RDO RJE SKYED PA LA BLANGS TE CHOS 'BYUNG MED DO, ,JO BO CHEN POS CHOS 'BYUNG SGOM PAR BSHAD DO, ,LO A'I BA RJES 'BRANG DANG BCAS PA RNAMS KYIS RTEN DANG BRTEN PA DUS GCIG TU SKYED LA GSANG 'DUS GNYIS DANG LVA BA PA DANG MTSO SKYES DANG dOm BI PA LA SOGS PAS SNGA PHYIR BYAS NAS SKYED DO, ,dOm BI PA DANG MTSO SKYES KYIS BDAG MED PA DANG KYEE RDOR GYI SGRUB THABS SU BSRUNG 'KHOR THUN MONG BA'I NANG DU CHOS 'BYUNG DANG DER 'BYUNG BZHI SA CHU ME RLUNG GI RIM PAS BSKYED DE RANG GI SHES PA DANG GCIG TU 'DRES PA LAS GZHAL YAS KHANG SKYED PAR BSHAD KYANG PADMA DANG SNA TSOGS RDO RJE MI BZHED PA MIN TE, dOm BI PA'I DNGOS SLOB MI THUB ZLA BAS YAN LAG DRUG PAR DE BZHIN DU BSHAD LA BZANG PO YONG BZUNG LAS CHOS 'BYUNG GI NANG DU HRI: LAS PADMA DANG AA: LAS SNA TSOGS RDO RJE'I STENG DU 'BYUNG BZHI DANG DE'I STENG DU BHRUm LAS 'KHOR LO SGOM PAR BSHAD PA'I PHYIR RO, ,'DI DANG 'KHRUL SPONG GIS KYANG 'BYUNG BZHI RNAMS 'DRES PA LAS GZHAL YAS KHANG SGOM PAR BSHAD PAS 'BYUNG BA ZHU BA LAS GZHAL YAS KHANG SKYED PA RNAL 'BYOR GYI RGYUD KHO NAR MA NGES LA DE'I 'ANG PHYOGS RE LA

YIN GYI THAMS CAD LA MA YIN NO, ,BSRUNG 'KHOR GYI NANG DU CHOS 'BYUNG DANG PADMA DANG SNA TSOGS RDO RJE'I STENG DU GZHAL YAS KHANG SKYED PA MIN PA 'BYUNG BA RIM RTZEG MI SGOM PA NI GSANG 'DUS YE SHES ZHABS LUGS DANG DPAL 'DZIN GYI LUGS SO, , CHOS 'BYUNG SKYED TSUL LA YE SHES ZHABS LA SOGS PA DU MAS KUN TU BZANG PO MING GZHAN RDO RJE 'DZIN PA ZHES BZHU BA LAS SKYED PA DANG LVA BA PA LA SOGS PAS AE LAS SKYED PA DANG, 'KHRUL SPONG LA SOGS PAS RDO RJE 'DZIN PA'I RANG BZHIN LA CHOS 'BYUNG GI RNAM PA CAN DU DKRONGS BSKYED BYED PA YOD PAS DE DAG GANG RUNG GIS CHOG GO ,DE YANG KHA DOG DKAR PO DBYIBS ZUR GSUM PA'I 'OG PHRA BA STOD YANGS PA NANG STONG PAR YOD PAR MAN SNYE SOGS MANG POS BSHAD PAS ZUR GSUM BSLANG BA'I RNAM PA CAN GYI NANG DU GZHAL YAS KHANG BSGOM PAR BYA'O, ,GZHAL YAS KHANG YANG BHR'Um LAS SKYED PA GSANG 'DUS 'PHAGS LUGS DANG LVA BA PA LA SOGS PA MANG LA BH'Um LAS 'KHOR LO DANG DE LAS BYUNG BA'I RNAM SNANG GYUR NAS SKYED PA YANG YE SHES ZHABS LA SOGS PAS BSHAD DE DE GNYIS RGYAS BSDUS SU MNGON NO, ,'BYUNG BA 'DRES PA LAS SKYED PA DANG RTEN DANG BRTEN PA GNYIS KA MNGON BYANG LNGA LAS SKYED PA'ANG BSHAD ZIN PA LTAR RO, ,DE LTAR NA GZHAL YAS KHANG SKYED PA LA 'BYUNG BA RIM RTZEG SKYED MI SKYED GNYIS DANG SKYED PA LA RTZIBS BCU PA'I LTE BA'I NANG DU SKYED MI SKYED GNYIS DANG MI SKYED PA'I PHYOGS LA 'BYUNG BA ZHU MI ZHU GNYIS DANG ZHU BA LA 'BYUNG BA LUGS 'BYUNG DANG LUGS ZLOG TU SGOM PA GNYIS DANG, 'BYUNG BA

, ,ZHU NAS SNA TSOGS RDO RJE SKYED PA DANG GZHAL YAS KHANG SKYED PA GNYIS TE RI RAB SKYED MI SKYED KYANG GNYIS SU SNANG NGO, ,DE YANG GZHAL YAS KHANG SKYED PA NI GCIG CAR DU SKYED PA YIN LA GSAL NI RIM CAN DU GDAB PAR BYA STE GDAN DANG BCAS PA SO SO'I DON SPYI LHONGS PAR BYA'O, ,GNYIS PA LA GSUM, LHA SKYED PA'I TSUL DNGOS DANG, SBYANGS ZHI DANG LAM LA SBYAR BA DANG, DON GYI GNAD BSDU BA'O, ,DANG PO LA GNYIS, MNGON BYANG LNGAS SKYED TSUL DANG; ZHU BA GLUS BSKUL NAS SKYED TSUL LO, ,DANG PO NI, MNGON BYANG LNGA NI DE BZHIN NYID LAS BYANG CHUB PA DANG ZLA BA DANG SA BON DANG PHYAG MTSAN DANG SKU RDZOGS PA LAS BYANG CHUB PA LNGA LA 'PHAGS PA YAB SRAS BZHED PA GZHAN DU SHES PAR BYA'O, ,DE LAS GZHAN PHAL MO CHES KHA SBYOR GYI BRTAG PA GSUM PA LAS, ZLA BA ME LONG YE SHES LDAN, ,DE BZHIN MNYAM NYID YE SHES NYID, ,RANG LHA'I SA BON PHYAG MTSAN NI, ,SO SOR RTOG PAR BRJOD PAR BYA, ,THAMS CAD GCIG GYUR BYA NAN TAN, ,GZUGS BRNYAN RDZOGS PA DAG PA'O, ,MKHAS PAS CHO GA GSUNGS PA NI, ,RNAM PA LNGA PO BSGOM PAR BYA, ,ZHES GSUNGS PA LTAR YE SHES LNGA LAS BYANG CHUB PA LA BZHED DE 'ON KYANG GSAL BYED LAS NYI MA SKYED PA'I NGES PA MED DE DE NYID LAS, ZLA BA'I DKYIL 'KHOR DBUS SU NI, ,BYANG CHUB ZLA BA GNYIS PA CAN, ,ZHES RDO RJE SEMS DPA'I SKYED CHOG GI SKABS SU ZLA BA GNYIS SGOM PAR GSUNGS PA'I PHYIR RO, ,KHA SBYOR GYI SKABS DE NYID DU A'A LI BCU DRUG DANG K'A LI SO BZHI LAS MA BSHAD DO, ,NYIS

'GYUR DU BYED PA NI YE SHES ZHABS KYIS GSAL BAR MA BSHAD LA, MAR ME MDZAD BZANG POS, DBYANGS YIG MTSAN DANG YANG DAG LDAN, ,KA SOGS DPE BYAD 'OD ZER CAN, ,ZHES GSUNGS PAS NYIS 'GYUR BYA DGOS NA'ANG HA CANG MI GSAL BAS DE'I 'GREL PA LAS SH'ANTI PAS GZHAN DAG NYIS 'GYUR MI 'DOD PA'I LUGS BKOD DE RANG LUGS KYIS NYIS 'GYUR DU MDZAD DO, ,DPAL 'DZIN GYIS KYANG NYIS 'GYUR DU BSHAD DO, ,MA RGYUD LA LVA BA PA DANG LO A'I PA'I SGRUB THABS SOGS LAS NYIS 'GYUR DU BSHAD CING SH'ANTI PAS KYEE RDOR YAB YUM GYI SGRUB THABS LAS NYIS 'GYUR MED PA'I DBYANGS GSAL LAS SKYED PAR BSHAD LA, dOm BI PA'I BDAG MED MA DANG MI THUB ZLA BA'I KYEE RDOR GYI SGRUB THABS LAS NYIS 'GYUR BYED MI BYED GNYIS KA MI GSAL LO, ,NYIS 'GYUR SGOM NA LO A'I PAS BSHAD PA LTAR RE RE YANG GA-YAS SKOR DANG GA-YON SKOR DU DGOD LA DPAL 'BRAS RDO RJES DBYANGS DKAR PO NANG DANG GSAL BYED DMAR PO PHYI RU DGOD CING SMAN ZHABS KYIS DBYANGS 'OG DANG GSAL BYED STENG DU DGOD PAR BZHED DE SNGON DU DBYANGS GSAL BKOD NAS DE NAS SKYED PA'I LUGS SO, ,DPAL 'DZIN GYIS DBYANGS KYIS BSKYED PA'I ZLA BA'I STENG DU GSAL BYED 'GOD DE GANG YANG RUNG NGO, ,GSAL BYED LAS ZLA BA SKYED PAR YE SHES ZHABS LUd PA DANG DPAL 'DZIN DANG LO A'I PAS BSHAD LA NYI MA SKYED PAR KYEE RDOR YAB YUM GYI SGRUB THABS PHAL CHE BA DANG LVA BA PAS BDE MCHOG BCU GSUM MA'I SGRUB THABS SU MDZAD DO, ,ZLA BA GNYIS PA NI DMAR POR SGOM PAR DPAL 'DZIN DANG AA BHYAS BSHAD

, ,LA PHYI MAS ZLA BA NYA GANG BA'I RNAM PA CAN DU SGOM PAR GSUNGS SHING KHA SBYOR LAS ZLA BA'I SKABS SU, GRU GSUM RGYA CHE'I RANG BZHIN CAN, ,ZHES GSUNGS PA'I DON AA YIS MTSON PA'I ZLA BA KUN TA LTA BU CHOS 'BYUNG GRU GSUM DU SKYES PA LA RGYU'I MING GIS BTAGS PAR BSHAD DO, ,DBYANGS NYIS 'GYUR BYED PA'I RGYU MTSAN NI A'A LI BCU DRUG GIS NANG DU LUS KYI GNAS RNAMS KYI KHU BA'I CHA BCU DRUG MTSON LA DE LA THABS SHES SU PHYE BAS SO GNYIS SU YOD PA'I RGYU MTSAN GYIS DBYANGS YIG RNAMS KYANG NYIS 'GYUR DU BYAS PAR MAN SNYER BSHAD DE, BCOM LDAN 'DAS KYIS, AA YIG MTHEB CHEN RTZA BAR 'GYUR, ,A'A YIG BYIN BA DAG LA NYID, ,AI YIG KYANG NI BRLA ZUNG LA, ,A'I YIG GSANG BA'I PHYOGS SU 'O, ,AU YIG LTE BA'I RTZA BAR TE, ,A'U YIG LTE BA MCHOG LA'O, ,Ri YIG NU MA'I DBUS SU STE, ,R'i YIG DE BZHIN LAG PA LA'O, ,Li YIG MGRIN PA'I PHYOGS SU STE, ,L'i YIG KYANG NI MCHU LA GNAS, ,AE YIG 'GRAM PA'I PHYOGS SU STE, , AEE YIG KYANG NI MIG LA'O, ,AO YIG RNA BA'I RTZA BAR TE, ,AOO YIG MGO BOR YANG DAG GNAS, ,AAm AA: SPYI GTZUG TU LUS LA, ,MKHAS PAS 'DI LTAR BSAM PAR BYA, ,DKAR PO'I PHYOGS LA 'DI LTAR GNAS, ,NAG PO BZLOG PAS DE LTAR RO, , BUD MED LA 'DI RDO RJE SEMS, ,SKYES PA RNAMS LA'ANG DUS KUN TU'O, ,ZHES DRANGS TE SDOM 'BYUNG SOGS LAS KYANG DE DANG MTHUN PAR GSUNGS SO, ,SDOM 'BYUNG 'GREL PA LAS GA-YON PA ZHES PA DKAR PO'I PHYOGS LA MTHE BONG NAS SPYI BOR LUS KYI

GA-YON LA BRTEN NAS 'DZEG PAR BYED CING NAG PO'I PHYOGS LA NI SPYI BO NAS MTHE BONG DU LUS KYI GA-YAS LA BRTEN NAS 'BAB PAR BYED DE, ZHES GSUNGS PAS BYANG CHUB KYI SEMS KYI CHA BCU DRUG GO ,THABS SHES GNYIS SU BYED PA'I SHES BYED DU, ,BRTAG GNYIS LAS, KHU BA'I RNAM PA BCOM LDAN 'GYUR, ,DE YI BDE BA 'DOD MAR BSHAD, ,CES PA DRANGS TE A'A LI'I MTSON DON BCU DRUG LA THABS SHES GNYIS SU YOD PAS A'A LI BCU DRUG LA YANG GNYIS SU 'BYED CES PA'I DON NO, ,MAN SNYER KHU BA MIN PA DANG BDE BA MIN PA LAS LDOG PA'I CHA BCU DRUG YOD PAS SO GNYIS SU 'BYED PAR GSUNGS PA YANG SNGAR BSHAD PA'I LUS KYI GNAS DE DANG DE'I SGO NAS 'BYED DGOS SO, ,DE NAS KA NAS KshA'I BAR GSAL BYED SO BZHI'I STENG DU dDHA YA RA LA WA DRUG LHAG PAR BYAS PAS BZHI BCU YIN LA DE NYIS 'GYUR DU BYA STE GSAL BYED SO BZHI'I STENG DU YI GE SNON LUGS MI 'DRA BA MANG PO YOD DO, ,GSAL BYED BRGYAD CUR BYED PA'I RGYU MTSAN YANG K'A LI LA KHAMS LNGAR BSDUS TE DE RE RE LA BZHI BZHIR PHYE NA NYI SHU STE SA NAS RLUNG GI KHAMS KYI BAR BZHI LA GANG NA GCIG YOD PA DER BZHI RNAMS SO ZHES PA'I LUNG LAS BZHI PO RE RE LA BZHI BZHI YOD CING DGA' BA NAM MKHA'I KHAMS LA DGA' BA BZHIR YOD PA'I PHYIR RO, ,KHAMS NYI SHU PO DE RE RE YANG RDUL DANG LDAN PAS BZHI BCU'O, ,DE LA STONG PA DANG BDE BA'I THABS SHES GNYIS GNYIS SU PHYE BAS BRGYAD CUR MAN SNYE LAS GSUNGS TE K'A LIS MTSON PA'I DON RDUL YIN LA DE'I KHAMS LNGA DANG RDUL GYI CHA RNAMS SO SOR BRTZIS PA'I LUGS YIN

, ,LA DE'I PHYIR MTSON BYED KYI YI GE YANG DE LTAR DU 'BYE ZHES PA'I DON NO, ,YANG NA MAN SNYE LAS, AA YIG LA SOGS PA'I YIG 'BRU 'DI RNAMS KYANG GZHAN ZHIG TU BRJOD PAR BYA BA DANG RJOD PAR BYED PA DAG THA MI DAD PAR NYE BAR BRTAGS PAS KYANG RNAM PAR GZHAG PAR BYA STE DPER NA AA YIG NAM MKHA'I KHAMS ZHES PA LA SOGS PA BZHIN NO, ,ZHES GSUNGS PA LTAR BRJOD BYA RJOD BYED THA MI DAD DU MOS PA'I DBANG DU BYAS NAS KYANG SHES PAR BYA'O, ,YI GE RNAMS KHAMS LNGAR SDUD LUGS NI, KA NGA NYA nA NA MA HA KshA RNAMS NAM MKHA'I GSAL BYED DO, ,GHA DZHA dHA DHA DHA BHA YA YA SHA RNAMS RLUNG GI'O, ,GA DZA dA dA DA BA RA RA shA RNAMS ME'I 'O, ,KHA TSA THA THA PHA WA WA RNAMS CHU'I 'O, ,TZA tA TA PA LA LA SA RNAMS SA'I GSAL BYED KYI YI GE'O, ,DE NAS DBYANGS GSAL GYIS BSKYED PA'I ZLA BA GNYIS GCIG TU GYUR BAR DPAL 'DZIN DANG SMAN ZHABS KYIS BSHAD LA MAN SNYE SOGS MANG POS DE MA BSHAD DO, ,DE NAS ZLA BA GNYIS SAM NYI ZLA'I BAR DU SKABS KYI SA BON GANG YIN LAS PHYAG MTSAN DU GYUR PA LA SA BON GYIS MTSAN PA BSGOM MO, ,PHYAG MTSAN SKYED PA LA YAB YUM GNYIS KA'I PHYAG MTSAN GNYIS SKYED PAR MI THUB ZLA BA DANG SHAnTI BAS KYEE RDOR YAB YUM GYI SGRUB THABS LAS GSUNGS LA SGRUB THABS KUN BZANG SOGS LAS PHYAG MTSAN GCIG LAS MA BSHAD PA YANG YOD DO, ,DE NAS PHYAG MTSAN GYI SA BON LAS 'OD ZER SPROS BAS SEMS CAN KUN GYI DON BYAS NAS SLAR 'DUS TE GCIG TU 'DRES PAR BLTA STE 'OD ZER GYI

SPRO BSDU MI BYED PAR GCIG TU 'DRES PA TZAM BSHAD PA YANG MANG NGO, ,DE LAS YAB YUM GYI SKU YONGS SU RDZOGS PAR BLTA'O, ,DE DAG LA YE SHES LNGAR 'JOG TSUL NI DBYANGS GSAL GYI RNAM SMIN DANG RGYU MTHUN GYI 'BRAS BU NI RIM PA BZHIN DU ME LANG LTA BU DANG MTSAN SO GNYIS DANG MNYAM PA NYID DANG DPE BYAD BRGYAD CU DANG PHYAG MTSAN SA BON GYIS MTSAN PA SOR RTOG DANG SPRO BSDU BYAS TE GCIG TU 'DRES PA BYA BA SGRUB PA DANG SKU RDZOGS PA CHOS DBYINGS YE SHES SU MAN SNYE LAS BSHAD LA, GNYIS PA NYI MAR 'DOD NA'ANG 'DRA STE LUGS 'DI BSHAD PA MANG NGO, ,DPAL 'DZIN GYIS ZLA BA GNYIS ME LONG DANG DE GNYIS GCIG TU GYUR PA MNYAM NYID DANG SA BON SOR RTOG DANG PHYAG MTSAN BYA SGRUB DANG SKU RDZOGS PA SNGAR LTAR BSHAD DO, ,ZLA BA GNYIS GCIG TU BYED PA LA MNYAM NYID DU SMAN ZHABS KYIS KYANG BSHAD DO, ,ZHU BA GLUS BSKUL MED NA MNGON BYANG DANG PO BZHI RGYU RDO RJE 'DZIN PA DANG LNGA PA 'BRAS BU RDO RJE 'DZIN PA DANG, YOD NA LNGA KAS RGYU RDO RJE 'DZIN PA RDZOGS PAR BYED PA DANG BAR SRID MTSON PA'I YI GE RNAMS LAS SA BON RDZOGS PA RGYU RDO RJE 'DZIN PA'I SKABS SU MI BYED DE MAN SNYE'I LUGS SO, ,GNYIS PA NI, DE LTA BU'I RGYU RDO RJE 'DZIN PA ZHU NAS GLUS BSKUL TE 'BRAS BU RDO RJE 'DZIN PA SKYAD NA, SPYIR ZHU BA GLUS SKUL SKABS 'DIR BYED PAR GZHAN MANG PO LAS GSUNGS KYANG MDOR BYAS LAS LAS RGYAL MCHOG GI SKABS SU GSUNGS LA ZHU PA YANG BAR SRID KYI YI GE ZHUGS NAS ZHU BA MIN LA ZHU LUGS KYANG 'OD GSAL DU 'JUG PA YIN NO, ,'ON KYANG DANG PO SBYOR BA'I SKABS 'DIR

, ,ZHU BA NI GUR LAS, DRI ZA RAB TU ZHUGS PA NI, ,LHUNG STE ZHU BA RJES DRAN PA, ,MTSAMS KYI LHA MO RNAMS KYIS BSKUL, ,ZHES GSUNGS PA LTAR BAR SRID MTSON BYED KYI YI GE ZHUGS PAS ZHU BAR BZHED PA LTAR NA HO: YIG GNYIS KYI BAR DU 'BRU GSUM BCUG PA YE SHES ZHABS LUGS DANG DPAL 'DZIN DANG MI THUB ZLA BA SOGS KYIS BSHAD LA SNGAR BSHAD PA LTAR SA BON DANG N'A DA SOGS 'JUG PA'ANG YOD DO, ,LO A'I PA'I DGONGS PAS N'A DA TZAM SNGAR GYI MNGON BYANG GI SKABS SU 'JUG PAR BZHED DO, ,'JUG LUGS LA DPAL 'BRAS RDO RJES DANG PO NAS YUM GYI PADMA NAS 'JUG PAR BZHED LA SMAN ZHABS KYIS YAB KYI ZHAL DU ZHUGS PA RDO RJE'I LAM NAS BRGYUD DE YUM GYI PADMAR 'JUG PAR BZHED PA DANG GZHAN YANG SPYI GTZUG NAS 'JUG PA YANG BSHAD PAS SGO GCIG TU MA NGES SO, ,DE ZHUGS PA NA DES RKYEN BYAS NAS YAB YUM GNYIS CHAGS PA CHEN POS BZHU NAS THIG LE'I GZUGS SU GNAS PAR BYED DO, ,DE LA SPYAN LA SOGS PA'I LHA MO'I GLUS BSKUL NAS THIG LE LAS SA BON DANG PHYAG MTSAN LAS LHAR RDZOGS PA MANG STE CHO GA GSUM SKYED GYI LUGS SO, ,MAN SNYE LAS RNAM PA LNGA MNGON PAR BYANG CHUB PA LAN GNYIS NI RGYU LA DANG 'BRAS BU LA YANG BDE BA CHEN PO YOD PA KHO NA'O ZHES RTOGS PA'I DON DU'O, ,ZHES SKABS 'DIR YANG MNGON BYANG LNGA LAS SKYED PA CIG BSHAD DO, ,'KHOR SKYED PA'I SKABS LA MI THUB ZLA BAS RGYU RDO RJE 'DZIN PA YAB YUM SNYOMS PAR ZHUGS NAS LHA MO

BRGYAD 'BYIN PAR BSHAD DE GUR LAS, RNAM PA LNGA PO BSGOM PAR BYA, ,DANG POR SKYES BU BSAM DE NAS, ,MKHA' 'GRO MA YI 'KHOR LO SPRO, ,ZHES GSUNGS PA'I RJES SU 'BRANGS PA'O, ,'KHRUL SPONG SOGS LAS 'BRAS BU RDO RJE 'DZIN PA'I SKABS SU MNGAL NAS 'BYIN PAS KYEE RDOR LA YANG MTHA' GCIG TU MA NGES LA YE SHES ZHABS LUGS SOGS NAS 'BRAS BU RDO RJE 'DZIN PA YAB YUM GYIS MNGAL NAS 'KHOR SKYED PA'I TSUL SHIN TU MANG NGO, ,RGYU 'BRAS RDO RJE 'DZIN PA'I SKU MDOG KYANG KYEE RDOR LA MI THUB ZLA BAS SNGA MA DKAR PO DANG PHYI MA SNGON POR BSHAD LA 'KHRUL SPONG LAS GNYIS KA KHA DOG MTSUNGS PAR BSHAD CING 'JAM RDOR LA KHA DOG DANG PHYAG MTSAN MI 'DRA ZHING ZHAL PHYAG GI GRANGS 'DRA BAR BSHAD PA SOGS SNA TSOGS PA CIG YOD PAS MTHA' GCIG TU MI GZUNG NGO, ,GNAS SKABS KYI GDUL BYAR RUNG BA MED PA'I TSE NA BDE BA CHEN PO'I SKU KHO NAS GNAS LA YOD PA'I TSE GZUGS KYI SKUR SNANG NAS DON MDZAD BA DANG BSTUN NAS ZHU BA GLUS BSKUL BA DANG GZHAN GYI DON LA SKAD CIG KYANG SKU'I SNANG BA MI SDUD PAR GNAS PA LA BRTEN NAS ZHU BA MED PA YIN PAR MAN SNYE LAS 'CHAD DO, ,GNYIS PA NI, DUS 'KHOR RTZA 'GREL DANG RNAM GZHAG RIM PAR SBYANG GZHI DANG MTHUN PAR LHA SKYED PA'I RNAM GZHAG GSAL PAR YOD LA GZHAN RNAMS LAS DE TZAM DU MI GSAL LO, ,SNGAR DRANGS PA LTAR GUR NAS RGYU RDO RJE 'DZIN PA'I YUM GYI MNGAL DU BAR DO 'JUG TSUL ZUR TZAM GSUNGS PAS SBYANG GZHI GZHAN YANG MTSON PA MAN SNYE RGYAS PAS DE NAS GSUNGS PA BZHIN DU

, ,BSHAD PAR BYA'O, ,DE LA SNGON DU MNGAL DU SKYE BA 'DZIN PA'I RGYU LAS BSAGS PA CIG SHI NAS BAR DO GRUB STE DE NAS BAR SRID MA'I MNGAL DU ZHUGS SHING DER GNAS NAS MTHAR PHYI ROL TU BTZAS TE CHUNG MA BLANGS NAS BU BU MO SKYED PA SOGS BYED PA CIG YOD PA CHOS MTHUN PA'I YUL DU BYAS NAS DE DANG MTHUN PAR BSKYED RIM SGOM MO, ,DE YANG TSOGS KYI ZHING LA DMIGS NAS TSOGS MANG DU GSOG PA NI SRID PAR SKYE BA'I RGYU LAS GSOG PA DANG 'DRA ZHING DE NYID TSOGS LAM DANG YANG SBYAR BAR BYA BA YIN TE MAN SNYE LAS, DE LTAR NI 'DAS PA'I SRID PA'I GNAS SKABS BZHIN DU BYANG CHUB SEMS DPA' RNAMS KYI TSOGS KYI SA STE YANG DAG PAR SOGS BAR CHOS MTHUN PA NYID KYI PHYIR RO, ,'DIR NI SBYIN PA LA SOGS PA BSOD NAMS GSOG CING SNGA MAR NI DGE BA DANG MI DGE BA RNAMS SO, ,ZHES SO, ,SKABS 'DI'I SMON 'JUG GNYIS LA SOGS PA'I LAM RNAMS PHAR PHYIN GYI THEG PA DANG THUN MONG BA YIN LA SPYOD BSDUS LAS KYANG DANG POR SANGS RGYAS KYI THEG PA LA BSLAB PAR GSUNGS PA DANG DON 'DRA BAS LAM THUN MONG BA RNAMS BSGOM DGOS PA'I DON NO, ,BSRUNG 'KHOR GYI 'OG TU TSOd ZHING LA TSOd GSOG PA LO A'I PAS GSUNGS KYANG DE'I SNGON DU BYED PA MKHAS GRUB DU MAS BSHAD PAS 'DIR MANG BA'I LUGS SU BSHAD LA STONG NYID SGOM PA YANG BSRUNG 'KHOR GYI 'OG TU BYED PA MDOR BYAS DANG LO AI PAS GSUNGS KYANG 'DIR SNGON DU SGOM PA MANG BA'I LUGS SU BSHAD DE, ,DE NAS STONG NYID SGOM PA NI 'CHI BA DANG 'DRA STE BDAG DANG BDAG GI BAR 'DZIN PA'I GZHI PHUNG

PO RANG BZHIN MED PAR GTAN LA PHABS PA NA DE'I SNANG BA RNAMS NYE BAR ZHI BAR 'GYUR BAS PHUNG PO RNYING PA 'DOR BA DANG 'DRA BA'I PHYIR RO, ,DE NAS BZUNG STE BAR SRID KYI YI GE MA ZHUGS TSUN CHAD THAMS CAD KYI LAM RNAMS SBYOR LAM DANG SBYAR TE MAN SNYE LAS; 'TSO ? BA LA MNGON PAR PHYOGS PAR SBYOR BA'I GNAS SKABS BZHIN DU MOS PAS SPYOD PA'I SA STE DE KHO NA NYID NGES PAR 'BYED PA'I SBYOR BA'I NGO BO YIN PA NYID KYI PHYIR RO, ,DE'I RJES SU 'DAS PA'I SRID PA 'GOG PA LAS BAR DO'I SRID PA'I GNAS SKABS BZHIN DU SBYOR BA'I GNAS SKABS KYI MTHA' NYE BA'I SKAD CIG GI MTHAR THUG PA 'GOG PA LAS MTHA'I SKAD CIG GI NGO BO RAB TU DGA' BA'I SA'I BAR CHAD MED PA'I LAM GYI GNAS SKABS SO, ,ZHES SO, ,SA DANG PO'I BAR CHED MED LAM NI SBYOR LAM GYI MTHA' CHOS MCHOG CHEN PO LA BYA STE 'OG NAS SA BCU MNGAL GYI GNAS SKABS DANG 'DRA BAR SBYAR BA'I PHYIR DANG MDO SDE RGYAN LAS, DE TSE BAR TSAD MED PA YI, ,TING NGE 'DZIN LA MYUR DU REG ,CES CHOS MCHOG LA DE LTAR GSUNGS PA'I PHYIR RO, ,'ANG SRID KYI YI GE ZHUGS NAS LHA'I SKU MA RDZOGS TSUN CHAD THAMS CAD MTHONG SGOM GYI LAM SA BCU DANG SBYAR TE MAN SNYE LAS, DE'I RJES SU BAR DO'I SRID PA'I JI LTA BA BZHIN GYIS GZUGS 'GAGS PA'I RJES KYI MNGA' GYI GNAS SKABS BZHIN DU BYANG CHUB SEMS DPA' RNAMS KYI BAR CHAD MED PA'I LAM 'GAGS PA'I RJES LA SA BCU PA'I GNAS SKABS RIG PAR BYA STE SA 'DI RNAMS SGRIB PA DANG BCAS PA NYID KYI PHYIR RO, ,ZHES SO, ,'DI LA GNYIS LAS DRI ZA

, ,ZHUGS NAS ZHU BA MED PA LTAR NA N'A DA LA SOGS PA BAR SRID KYI NGO BO'I YI GE DKYIL 'KHOR GNYIS KYI BAR DU ZHUGS PA NAS MNGAL GYI SKABS YIN TE SA BON DANG PHYAG MTSAN DANG SPRO BSDU'I BAR RO, ,BAR DO'I YI GE ZUR NAS 'JUG PAR MA BSHAD PA RNAMS LA NI DKYIL 'KHOR GNYIS KYI BAR GYI SA BON GYI YI GE DANG POR BYUNG BA NYID BAR DOR BYA'O, ,DE LA ZLA BA DANG PO NI KHU BA MTSON BYED DANG ZLA BA GNYIS PA NI RDUL MTSON BYED YIN TE BUD MED RNAMS KYI ZLA MTSAN MANG BA LAS BYUNG BA NYI MA BZHIN NO, ,DES NA SKABS GZHAN DU K'A LI LAS NYI MA SKYED PAR GSUNGS LA ZLA BA DMAR PO BYED PA YANG DE LA DGONGS SO, ,DE GNYIS KYI DBUS SU BAR DO MTSON PA'I YI GE 'JUG PA NI PHA MA'I PHU KHRAG 'DRES PA'I NANG DU BAR SRID 'JUG PA DANG 'DRA'O, ,DE NAS SA BON LAS PHYAG MTSAN SKYED PA'I RDO RJE RTZE LNGA PA LA MAN SNYER PHYOGS GCIG GI RTZE LNGA NI RKANG LAG BZHI DANG MGRIN PA YAN CHAD KYI MGO BO DANG, PHYOGS GCIG GI RTZE LNGA NI RKANG LAG LA SOR MO LNGA LNGA DANG MGO LA DBANG PO LNGA YOD PA LA BSHAD DE LNGA TSAN DU BSDUS NAS SO, ,PHYAG MTSAN LA KYI RDOR LA THOD PA DANG GSHED DMAR LA DBYUG PA BYED PA LTA BU RNAMS LA NI MNGAL DU LAS GRUB PA TZAM GYI MTSON BYED DU BYAS PAS CHOG GAM SNYAM MO, ,ZHU BA YOD PA LTAR NA MNGON BYANG LNGA LAS RGYU RDO RJE 'DZIN PA RDZOGS PA NI PHA MA LTA BU YIN LA DE NAS BAR SRID ZHUGS NAS SKU MA RDZOGS TSUN CHAD MNGAL GYI SKABS DANG SBYAR RO, ,DE LA N'A DA NI YI GE

GSUM BSDUS PA'I RANG BZHIN DU BSHAD LA YI GE GSUM NI RGYAS PA YIN TE BAR SRID MTSON PA LA 'DRA'O, ,HO: YIG DMAR BO GNYIS KYI BAR DU 'DZUD PA NI BAR DO'I CHAGS PA SHAS CHE BAS BSGRIBS PA MTSON PA'I DON DU BZHED PA DANG PHA MA LAS BYUNG BA'I THABS SHES KYI RANG BZHIN GYI BDE BA'I CHAGS PA MTSON PA'I DON DU BZHED PA'I LUGS GNYIS MAN SNYER BKOD LA, ZAB PA DANG RGYA CHE PA GNYIS KYIS BCINGS PA'I DON DU YANG RGYA GZHUNG 'GA' ZHIG LAS BSHAD DO, ,BAR SRID KYI YI GE 'JUG TSUL NI MAN SNYE LAS, DE NYID KYI PHYIR 'DI LA DGONGS NAS LHA 'GA' ZHIG LA GSER GYI SGO NAS DRI ZA'I SEMS CAN 'JUG PA DANG 'GA' ZHIG LA KHA NAS DANG 'GA' ZHIG LA RNAM PA GZHAN DU'O, ,ZHES BCOM LDAN 'DAS KYIS RGYUD SDE RNAMS SU RTOGS PAR MDZAD DO, ,ZHES GSUNGS TE GSER GYI SGO NI SPYI GTZUG STE RNAM GZHAG RIM PA LAS RNAM SNANG GI SGO NAS BAR SRID 'JUG PAR BSHAD PA DANG DON GCIG GO ,RNAM PA GZHAN DU'O ZHES PA NI MNGON PA NAS MNGAL SGO NAS 'JUG PAR BSHAD PA YIN TE 'JUG PA'I SGO GSUM MO, ,DE DAG NAS 'JUG PA'I RGYU YANG MCHU'I SPRANG RTZI 'JIB PAR 'DOD NAS KHA DANG SKRA NAS 'DZIN PA SOGS BYED 'DOD NAS RNAM SNANG GI SGO NAS 'JUG PA DANG DE YANG SKYES PA LA CHAGS NAS BYED NA PHA'I DANG BUD MED LA CHAGS NAS BYED NA MA'I SGO DE DAG TU 'JUG PA DANG, KHA CIG NI MA'I KHO NAR 'DOD PA'I LUGS GNYIS DANG MTHAR SKYE GNAS NAS 'JUG PA 'DRA BAR MAN SNYE LAS GSUNGS SO, ,RGYUD RDOR PHRENG DANG PHYAG CHEN THIG LE LAS PA'I KHA

, ,NAS 'JUG PAR BSHAD CING SDOM 'BYUNG GI DGONGS PA YANG DE LTAR BKRAL LO, ,BAR SRID 'JUG LUGS SNA TSOGS SHIG YOD PAS GZHUNG RNAMS SU'ANG SKYED CHOG DUM ZHIG GSUNGS SO, ,BAR SRID MNGAL DU 'JUG BA NA PHA MA GNYIS BDE BAS BRGYAL BLTAR GYUR PA YOD PA DANG MTHUN PAR 'DIR YANG BAR SRID KYI YI GE YUM GYI MNGAL DU ZHUGS PA NA YAB YUM GNYIS ZHU BAR MDZAD DO, ,DE NAS ZHU BA LA GLUS SKUL BA NI 'BRAS BU DANG SBYAR NA TSAD MED BZHIS 'GRO BA'I DON LA BSKUL NAS SKAL LDAN LA GZUGS KYI SKUR LDANG BA YIN LA, SBYANG GZHI DANG SBYAR NA LHA MO BZHI PO DE 'BYUNG BA BZHI YIN PAS BAR DO ZHUGS PA'I MER MER PO SAS 'DZIN CHUS SDUD MES MA RUL BAR SMIN PAR BYED LA RLUNG GIS RGYAS BAR BYED PAR RTEN 'BREL GYI MDO LAS GSUNGS PA'I DON NO, ,KA MA LA RAKshI TAS GLUS BSKUL ZIN PA DANG SKUL MKHAN GYI LHA MO YANG THIG LE DER SDUD PAR BSHAD DO, ,SNGON DU DKYIL 'KHOR BA'I LHA MO BZHI MA BSKYED KYANG ZHU BA'I DUS SU DE BZHIS BSKUL BA CHEN PO DAG GIS MANG DU MDZAD PAS 'GAL BA MED DO, ,DE NAS GTZO BO YAB YUM GYI SKUR RDZOGS PA NI MNGAL NAS PHYI ROL TU BTZAS PA DANG YAB YUM GNYIS KYIS DKYIL 'KHOR RGYAL MCHOG GI LHA PHO MO SKYED PA NI BU BU MO SKYED PA'I SKABS DANG 'DRA STE MAN SNYE LAS, 'BRAS BU YONGS SU RDZOGS PA NYE BAR BZUNG NAS SPYOD YUL THAMS CAD SO SOR NYAMS SU MYONG BA'I PHYIR TE BCOS PA NI DBANG PO THAMS CAD KYI SPYOD YUL SO SOR NYAMS SU MYONG BAS SO, ,DE NAS BU LA SOGS PA SKYED PAR BYED PA'I GNAS SKABS DANG

'DRA NI SPRUL PA'I SKU LHA SBRO BA'I GNAS SKABS SO, ,ZHES GSUNGS TE MI SLOB PA'I SA DANG SBYAR RO, ,DE 'DRA BA'I 'BRAS BU RDO RJE 'DZIN PA NI BU LTA BU YIN LA SNGAR BSHAD PA'I MNGON BYANG DANG PO GNYIS RDO RJE 'DZIN PAR BSHAD PA'I RGYU 'BRAS NI PHA MA DANG BU LTA BU YIN PA 'DI DANG 'DRA LA MNGON BYANG BAR PA GNYIS RGYU RDO RJE 'DZIN PAR BSHAD PA LTAR NA NI RGYU 'BRAS BU 'GRO LUGS DE DANG CUNG MI 'DRA STE GO SLA'O, ,DE LTAR SBYOR BA'I SHES BYED DU, ,ZLAB BCU RNAMS SA BCU STE, ,SEMS CAN SA BCU'I DBANG PHYUG GO , ZHES KHA SBYOR LAS GSUNGS PA 'DI MAN SNYER DRANGS TE DE'I DGONGS PA NI MANG LA DU ZHUGS PA NAS BZUNG STE PHYIR MA BTZAS PA'I BAR SA BCU DANG SBYAR BAS DE'I BAR RNAMS MTHONG SGOM DANG BTZAS NAS MI SLOB LAM DU GZHAG DGOS LA MNGAL DU MA ZHUGS PA'I GANG YAN CAD SBYOR LAM DU 'JOG STE DE YANG TSOGS ZHING LA TSOGS GSOG PA TSOGS LAM YIN PAS STENG NYID SGOM PA NAS SBYOR LAM DU GZHAG DGOS SO SNYAM DU DGONGS SO, ,DPAL 'BRAS RDO RJES KYANG SKYE 'CHI BAR DO GSUM GYI GNYEN POR BSGRUB THABS KUN BZANG MDZAD PAS DE GSUM DANG MTHUN PAR SGOM TSUL BSHAD PA YANG 'DI'I NANG DU 'DU BAR YOD DO, ,GSUM PA NI, BSKYED RIM LA SBYAR GZHI DANG SPYOD BYED DO 'PHROD DGOS LA NGO 'PHROD LUGS KYANG SKYE 'CHI BAR DO GSUM JI 'DRA BA DE BZHIN DU SGOM PA YIN PAS 'DIR YANG SKYE BA LEN TSUL BRJOD DGOS SO, ,DE LA SKYE BA LEN PA BO NI LAM SGOM PA'I SNGAGS PA'O, ,DES LUS CI 'DRA BA ZHIG GI SKYE BA LEN PA NI 'BRAS BU RDO RJE 'DZIN PA GTZO BO YAB YUM GYI SKUR SKYE BA 'DZIN

, ,TO, ,GNAS GANG DU SKYE BA 'DZIN PA NI RDOR RVA NAS GZHAL YAS KHANG GDAN BCAS KYI NGAR TE DNGOS SU NA GZHAL YAS KHANG GI GDAN DBUS MA'I STENG DER RO, ,LAS CI 'DRA PA ZHIG BSAGS PAS SKYE BA LAN PA NI ZHING KHYAD PAR CAN LA DMIGS NAS PHYAG DANG MCHOD PA DANG SEMS BSKYED CING SDOM PA BZUNG BA SOGS KYI TSOGS KYIS SO, ,DE LTAR LHA'I LUS KHYAD PAR BA LEN PA LA THA MAL PA'I PHUNG PO MA DOR BAR BLANG DU MI RUNG BAS STONG NYID KYIS THA MAL BA'I SNANG ZHEN NYE BAR ZHI BAR BYAS NAS LEN NO, ,SNGA MA'I THA MAL PA'I PHUNG PO DOR NAS PHYI MA'I LHA'I SKU KHYAD PAR CAN MA THOB PA'I BAR MDO'I LAM MED PAR LHA'I SKUR MI SKYE BAS STONG PA BSGOMS PA'I 'OG 'BRAS BU RDO RJE 'DZIN PA MA RDZOGS PA'I GANG DU N'A DA LA SOGS PA'I RNAM PAR GNAS PA'I RNAL 'BYOR RNAMS DGOS SO, ,'DIR DPAL 'BRAS RDO RJES STONG NYID BSGOMS PA'I DE MA THAG TU LHA'I SKU BZUNG NAS 'GRO BA'I DON MI BYED PAR HO: YIG LA SOGS PA'I YI GE LNGAR GNAS PAR CI'I PHYIR BYED CES RTZOD PA BKOD PA'I LAN DU SGRUB THABS 'DI SRID PA GSUM GYI GNYEN POR MDZAD PAS BAR SRID DANG MTHUN PAR SGOM PA CIG KYANG DGOS PAR GSUNGS TE LEGS PA YIN NO, ,DE NAS MNGON BYANG LNGA LAS RGYU RDO RJE 'DZIN PA YAB YUM RDZOGS PA GNYIS SNYOMS PAR 'JUG PA BAR SRID KYI RNAM PA CAN GYIS MTHONG BA NA YUM GYI MNGAL DU 'JUG PA YIN TE 'DI YANG GSAL BAR DPAL 'BRAS RDO RJES, DE YANG DPAL RDO RJE SEMS DPA' BDE BA CHEN PO NYAMS SU BSTAR BA LA ZHUGS SHING SEMS CAN MA LUS PA GDON PA LA

RAB TU ZHUGS PAR MTHONG NAS 'GRO BA DANG YUL BZANG PO YANG DAG PAR THOB PA'I PHYIR 'DOD PA SKYES SHING 'DI LTA BU'I NGES PA SKYE STEN ,CHOS 'BYUNG BA'I PHYAG RGYA SGOM PA 'DIR SEMS CAN GANG NYON MONGS PA DANG SHES BYA'I SGRIB PA DANG LDAN PA DE YANG ZHUGS PA TZAM GYI SI 'TSANG RGYA BA NYID THOB PA YIN LA, DE BAS NA NGAS KUN TU BZANG PO NYID THOB PAR BYA BA'I PHYIR GNAS 'DI NYID DU ZHUGS PAR BYA'O ZHAS DE LTA BU'I SEMS BRTAN POR BYAS NAS SRID PA BAR MA YI GE LNGA'I GZUGS SHES RAB KYI GSANG BA'I PADMA'I NANG DU MAR ME LTAR ZHUGS PAR GYUR PA'O, ,ZHES GSUNGS PA LTAR DGOS PA CI ZHIG GZIGS NAS JI LTAR DU 'JUG PA BSTAN PA LTAR GO DGOS SO, ,DE NAS ZHU BA LA GRUS ? BSKUL NAS BZHENGS PA NI SKYE BA YONGS SU RDZOGS PAR THE ? PA'I SKABS YIN TE BSHAD ZIN TO, ,ZHU BA GLUS BSKUL 'DI'I RGYU MTSAN RNAMS LEGS PAR SHES NA SANGS RGYAS KYI SA NA GZUGS SKU MED PA'I CHOS SKU TZAM LAS GDUL BYA'I DON 'BYUNG BAR 'DOD PA RNAMS KYANG MI 'THAD PA DANG SEMS CAN GYI DE DNGOS SU SGRUB PA LA GZUGS SKU MED ME RUNG YIN PAS THEG PA CHEN PO PAS DE'I RGYU THABS KYI CHA RNAMS LA GTZO BOR BYA DGOS PA RNAMS SHES PAR 'GYUR RO, ,DE 'DRA BA'I SKYE BA BLANGS NAS CI ZHIG BYA BA NI DE MAN CHAD KYIS STON TE DKYIL 'KHOR RGYAL MCHOG GI LHA RNAMS RDZOGS PAR SKYED PA DANG BSKYED ZIN PA RNAMS SO SO'I LAS LA SBYOR BAS 'GRO BA'I DON SGRUB PA'O, ,GAL TE MNGON BYANG LNGA TZAM LAS GTZO BO YAB YUM SKYED KYI ZHU BA MI BYED NA 'ANG DE LA DPE BLANGS NAS SBYOR LUGS SHES PAR BYA STE

, ,GO SLA'O; ;DE LTAR SBYANG GZHI DANG 'DRA BSGRIGS NAS 'DRA CHOS 'GRIG PA TZAM LA SBYANG GZHI DANG SBYONG BYED NGO 'PHROD PAR 'DOD PA'I BSHAD PA DOR NAS SNGAR BSHAD PA LTA BU'I GO BA CHAGS PA NI 'JAM RDOR BDE DGYES DANG GSHIN RJE GSHED LA SOGS PA'I SKOR RNAMS LA MED DU MI RUNG BA YIN LA, 'PHAGS LUGS LA NI SKYE SHI BAR DO GSUM DANG BSTUN PA'I SBYONG GZHI DANG SBYONG BYED NGO SPROD PA'I TSUL BLA NA MED PA DPAL KLU'I BYANG CHUB KYI GZHUNG NAS 'BYUNG BA'I DON LEGS PAR BSHAD PA NI RNAM GZHAG GI RNAM GZHAG GI, RNAM PA SHAD DU RGYAS PAR BSHAD ZIN PAS MA SPROS SO, ,THA MAL PA'I PHUNG PO BRJES NAS LHA'I SKUR SGRUB PA'I RIM PA LA SKYE SHI BAR DO GSUM DANG MTHUN PAR SGOM DGOS PA BYUNG BA YIN LA, DE 'DRA BA'I SGO NAS SGRUB PA NI RDZOGS RIM GYI LAM RNAMS MCHOG YIN PAS RIM PA GNYIS PA'I SKABS SU YANG RTZA RLUNG DANG THIG LE'I RNAL 'BYOR SOGS KYI MTHU LA BRTEN NAS 'CHI RIM DANG 'DRA BA'I STONG NYID KYI RTOGS PA RGYUD LA BSKYED PA'I MTHAR DE LAS LANGS NAS ZLA BA DANG PHYAG MTSAN LA SOGS PA'I DOD YE SHES GSUM RLUNG DANG BCAS PA'I RGYU LAS SGYU MA DANG ZUNG 'JUG GI SKUR LDANG BA'I LHA'I SKYED CHOG SHES DGOS TE, GZHAN DU NA RDZOGS RIM GYI LAM GYIS SBYANG GZHI SBYONG BA'I GNAD RNAMS CHAD PAR 'GYUR BAS SBYANG GZHI DANG BSGRIGS NAS RIM GNYIS KYI GNAD RNAMS SHES PAR BYAS TE RIM PA DANG POS GNYIS PA'I RGYU BYED TSUL RNAMS LA NGES PA BRTAN PO BSKYED PAR BYA'O, ,'DI NI GSANG 'DUS 'PHAR PA'I LUGS LAS SHIN TU GSAL BAR BSHAD PAS DE NAS SHES DGOS SO, ,GSUM PA LA GNYIS, YE SHES PA GZHUG CING RGYAS

BTAB NAS MCHOD CING BSTOD PA DANG, BDUD RTZI MYANG ZHING BSGOM BZLAS BYA BA'O, ,DANG PO NI, DE LTAR GTZO BO SKYED PA'I CHO GA RNAMS KYI GNAD ZIN NA 'KHOR SKYED TSUL RNAMS GO SLA STE DAM TSIG PA RDZOGS PAR BYA'O ,DE LA THA MAL PA'I NGA RGYAL GSAL BA RANG GI SEMS KYI SNANG BA'I NGO BO ZHAL PHYAG GIS RNAM PAR MDZES PA'I LHA'I SKU NI DAM TSIG SEMS DPA'O, ,MAN SNYE LAS KHA CIG TU SA BON YANG GSUNGS SHING KHA CIG TU SA BON KHO NA'O, ,ZHES GSUNGS PAS LHA'I SKU SA BON DANG BCAS PA LA DAM TSIG SEMS DPAR BYAS PA DANG SA BON TZAM LA DAM TSIG SEMS DPAR BYAS PA'I LUGS GNYIS SO, ,DAM TSIG SEMS DPA' ZHES ZER BA'I SGRA BSHAD NI 'DI'I SKAD DOD SA MA YA STVA LA SA ME TI YANG DAG PAR 'GRO BA DANG MI LA TI 'DU BA'O, ,DE LTAR NA MAN SNYE LAS DA'I BDAG NYID DU BYAS PA'I GNYIS SU MED PA'I YE SHES KYI NGO BO NYID KYI PHYIR YE SHES SEMS DPA' YANG DAG PAR 'GRO'O 'DU'O ZHES PA DAM TSIG GO ,ZHES GSUNGS TE DAM TSIG DANG SEMS DPA' GNYIS KYI DANG PO'I SGRA DON TO, ,SEMS DPA'I SGRA DON NI YANG DE NYID LAS; SEMS DPA' YANG STE SEMS CAN GYI DON BYED PA NYID KYI PHYIR DANG RNAM PAR DAG PA'I SEMS CAN GYI THA SNYAD KYI YUL NYID KYI PHYIR RO, ZHES GSUNGS PA LTAR RO, ,'O NA SA BON GYI YI GE LA SEMS CAN GYI SGRA DON JI LTAR YOD SNYAM NA DE NYID LAS SA BON KHANG NUR NUR PO BZHIN DU SEMS CAN NO ZHES GSUNGS TE ZHAL PHYAG GI RNAM PA MED KYANG SEMS CAN GYI THA SNAYD 'JUG PA'I DPE BSTAN PA'O, ,DKYIL 'KHOR LA DGOD PA'I LHA LA MANG NYUGN SNA TSOGS SHIG YOD KYANG NYUNG BA RNAMS LA YANG SKYE MCHED DANG SKU GSUNG

, ,THUGS BYIN BRLAB KYI LHA LA SOGS PA RNAMS BRTZIS NA DKYIL 'KHOR GYI 'KHOR LO'I MNGON PAR RTOGS PA TSAD LDAN PHAL MO CHE RNAMS LA SBYANG GZHI DANG BSTUN PA'I DE SBYONG BYED KYI LHA RNAMS KYI GRANGS KYANG TSANG BA YIN NO, ,DE BAS NA DKYIL 'KHOR GYI 'KHOR LO'I SGRUB THABS TSAD LDAN GYIS MDZAD PA RE MA BSGOMS NA MCHOG SGRUB PA'I BSKYED RIM GYI GNAD TSANG BA DKA' BA YIN NO, ,DE LA YE SHES SEMS DPA' 'JUG PA NA DAM TSIG PA'I MIG LA SOGS PA RNAMS DANG YE SHES PA'I MIG LA SOGS PA RNAMS RDUL PHRA RAB KYI BAR DU THA MI DAD DU 'DRES PAR BYED PAR DE NYID BSDUS PA LAS GSUNGS PA LTAR RO MNYAM DU SONG BA'I MOS PA BRTAN PO BYA'O, ,DE LTAR DE BZHIN GSHEGS PA THAMS CAD DANG GCIG BA NYID DU LHAG PAR MOS PA NI MNYAM BA NYID DU YID CHES PA'I DON DANG SKABS 'GAR 'GRO BA RNAMS DANG YANG GCIG PA NYID DU MOS PA NI RANG BZHIN GYIS RNAM PAR DAG PA'I DE BZHIN NYID MTSUNGS PAR RTOGS PA'I CHED YIN PA DANG, DES NA RANG GI SEMS RGYUN LA 'BYUNG 'GYUR GYI YE SHES SEMS DPA' DANG BDAG NYID GCIG TU MOS PAR BYEED LA GZHAN RGYUD KYI YE SHES SEMS DPA' DANG MNYAM PA NYING KYI MOS PAR BYED DO ZHES MAN SNYE LAS GSUNGS SO, ,YE SHES PA BCUG PA LA DBANG BSKUR BA NI GZHUNG PHAL MO CHE NAS CHU DBANG SKUR BAR GSUNGS LA DE YANG BYANG SEMS KYI RANG BZHIN GYI CHU RGYUN PHAL CHE BAR BUm PA NAS DANG KHA CIG TU THOD PA'I NANG NAS SKUR BA GSUNGS TE YES KYI CHUS BAG CHAd DANG BCAS PA'I DRI MA THAMS CAD 'KHRUD PA'O, ,DE'I PHYIR DBANG BSKUR BA'I KHU BA SPYI BOR GNAS PAS RGYAS 'DEBS TE DE YANG RId KYI DBYE BAS 'GYUR RO, ,MTSO SKYES KYI SGRUB THABS DANG

LO A'I PA'I MNGON RTOGS KYI 'GREL PAR JO BOS DBANG BZHI BSKUR NAS RGYAS 'DEBS PA'ANG BSHAD DO, ,'DIR MAN SNYE LAS RGYAS GDAB KYI TSUL GSUNGS PA RNAMS SHES NAS RGYAS 'DEBS SPYI LA GO BA RNYED PAS DE DAG BSHAD PAR BYA'O, ,GUS PA'I SGO NAS SPYI BOR 'DZIN PA NI RGYAS GDAB PA DANG DES KYANG DE RNAMS SDUG BSNGAL BAR BYED PA MIN GYI TSIM PAR BYED PA KHO NA'O, ,RIGS BDAG GIS RGYAS 'DEBS PA NI BU PHA'I RJES SU 'BRANG BAS DE LAS SKYES PAR SHES PA'I DON NO, ,DE LA SANGS RGYAS DRUG GI PHAN TSUN GYI RGYAS GDAB LA MI BSKYOD PAS RNAM SNANG LA SOGS PA BZHI LA RGYAS 'DEBS PA NI MI BSKYOD PA SEMS YIN LA GZUGS TSOR BA 'DU SHES 'DU BYED BZHI SEMS TZAM GYI LUS SU ZAD PA'I PHYIR BZHI SEMS SU SHES PAR BYA BA'I DON DU'O, ,AA BHYA NI PHYI ROL MI BZHED CING TSOR BA SOGS GSUM YANG SEMS KYI GNAS SKABS LA BZHED PA'I LUGS TE RANG BZHIN CAN LA RANG BZHIN GYIS RGYAS BTAB PA'O, ,SEMS BYANG CHUB KYI SEMS STONG PA LAS 'BYUNG BAS MI BSKYOD PAS RDO RJE 'CHANG LA RGYAS 'DEB PA NI RGYU LA 'BRAS BU'I RGYA DANG RDO RJE 'CHANG GIS MI BSKYED PA LA RGYAS 'DEBS PA NI 'BRAS BU LA RGYU'I RGYAS GDAB BO, ,RDO RJE 'CHANG RIGS LNGA'I COD PAN DU GSUNGS PA NI YE SHES LNGAR DE'I BDAG NYID KYI NANG DU 'DUS PA'I PHYIR RO ZHES 'BYUNG NGO, ,RIGS DRUG GI LHAG MA'I RGYAS GDAB LA GTI MUG RDO RJE SOGS SA SNYING LA SOGS PA'I MING CAN RNAMS DE BZHIN GSHEGS PA LNGA'I TING NGE 'DZIN GYI PHYOGS RE YIN PAS DE BZHIN GSHEGS PA LNGAS RGYAS GDAB PO, ,'O NA SA SNYING SOGS LNGA DANG GZUGS RDO RJE

, ,SOGS LNGA DANG SPYAN MA SOGS BZHI PO THAMS CAD LA RNAM SNANG GIS RGYAS GDAB PAR RIGS TE DE RNAMS GZUGS PHUNG GI PHYOGS RE YIN PA'I PHYIR RO SNYAM NA, SKYON MED DE PHUNG PO LNGA DE BZHIN GSHEGS PA LNGAR BZHAG PA'I LNGA PO RE RE LA YANG SANGS RGYAS LNGA LNGAR YOD PA'I PHYIR NA GZUGS PHUNG LTA BU PHUNG PO GZHAN LA PHUNG PO GZHAN GYI DE BZHIN GSHEGS PA RIGS BDAG TU MI 'GAL BA'I PHYIR RO, ,SKYE MCHED BCU GNYIS KYI LHA LA RGYAS 'DEBS LUGS NI MIG GI LHA LA RNAM SNANG GIS RGYAS GDAB STE SHIN TU DANG BA'I PHYIR RO, ,RNA BA LA NI MI BSKYOD PAS TE NAM MKHA' DANG MNYAM PA'I PHYIR RO, ,BAR SRID DANG SKABS GZHAN DU YANG DRI LA DMIGS NAS TSOR BA LA DGA' BA SKYE BA'I PHYIR SNA LA RIN 'BYUNG GIS SO, ,RO LA DMIGS PA'I CHAGS PA NI STOBS DANG LDAN PAS LCE LA 'DOD CHAGS KYI NGO BO 'OD DPAG MED KYIS SO, ,LUS DBANG LA DON GRUB KYIS TE DON GRUB KYI NGO BO'I RLUNG NI LUS THAMS CAD LA RGYU BA'I PHYIR RO, ,DBANG PO THAMS CAD LA YID RJES SU 'GRO BA'I PHYIR YID LA MI BSKYOD PAS SO, ,DBANG PO'I RJES SU 'BRANGS NAS GZUGS LA SOGS PA'I RGYAS 'DEBS SGRUB THABS KUN BZANG LAS GSUNGS LA MDOR BYAS SU RNAM PA GZHAN DU GSUNGS SO, ,GZUGS KYI LHA GZUGS RDO RJE LA NI RNAM SNANG GIS TE GZUGS NI GTI MUG GI GZHI YIN PAS SO, ,SGRA LA RIN 'BYUNG GIS TE BSTOD PA SOGS KYI SGRAS NGA RGYAL SKYED PA'I PHYIR RO, ,DRI LA 'OD DPAG MED KYIS TE GUR GUM SOGS KYI DRI LA DMIGS NAS CHAGS PA SKYE BA'I PHYIR RO, ,RO LA DON GRUB

KYIS TE YAN LAG THAMS CAD TSIM PAR BYED CING DE DAG TU RGYU BA'I PHYIR RO, ,REG BYA LA MI BSKYOD PAS TE DBANG PO THAMS CAD LA KHYAB PAS SO, ,CHOS LA YANG DE LTAR RO, ,KHAMS BZHI'I SA KHAMS KYI LHA LA RNAM SNANG GIS TE SRA ZHING MKHREGS PAS GTI MUG CHEN PO'I GZHI'I PHYIR RO, ,CHU LA MI BSKYOD PAS TE NAM MKHA' DANG 'DRA ZHING CHAD PA DANG PHUG PA YANG SNGA MA BZHIN DER 'DU BAS SO, ,'OD DANG BCAS PAS ME LA SNANG MTHA' DANG RNAM PAR RGYU BA'I PHYIR RLUNG LA DON GRUB KYIS SO, ,SPYAN LA SOGS PA LA GTI MUG RDO RJE SOGS KYIS TE GTI MUG DGA' MA LA SOGS PA'I NGO BO YIN PAS SO, ,KHRO BO LA RGYAS 'DEBS LUGS NI SHAR NAS BRTZAMS TE BYANG SHAR GYI BAR GYI KHRO BO GNYIS GNYIS DANG STENG 'OG GI GNYIS LA RIM PA BZHIN DU RNAM SNANG RIN 'BYUNG 'OD DPAG MED DON GRUB MI BSKYED PA STE RIM PA BZHIN DU GTI MUG NGA RGYAL 'DOD CHAGS PHRAG DOG ZHE SDANG LNGA PO RE RE LA LONGS SPYOD CING DE ZAD PA'I NGO BO YIN PA'I PHYIR RO, ,GSANG 'DUS 'JAM RDOR DU KHRO BO BRGYAD LA MI BSKYED PAS TE SEMS LAS SKYE BA'I KHYAD PAR GYI NGO BO YIN PA DANG KHRO BO'I NGO BO YIN PA'I PHYIR RO, ,'ON KYANG GSHIN RJE GSHED DANG PADMA MTHAR BYED NI SNGAR LTAR RO, ,GZHUNG KHA CIG TU RIGS BDAG LNGA BYANG SEMS KYI NANG DU BSDUS PA NI DE DAG NGO BO THA MI DAD DU BSTAN PA'I DON DU YIN NO, ,GSANG 'DUS GNYIS LTA BUR RIGS LNGA DANG YUM BZHI GSUNGS PA'I DOD BDE MCHOG LA GTZO BO DANG MKHA' 'GRO MA SOGS LNGA DANG LTUNG BYED MA LA SOGS PA BZHI DANG, KYEE RDOR LA GTZO BO DANG GOO RI LA SOGS PA BZHI DANG PUKKA SI LA SOGS PA BZHI DANG GSHED DMAR LA ZHE SDANG GSHIN RJE GSHED LA SOGS

, ,PA LNGA DANG TZA RA CI KA LA SOGS PA BZHI YIN LA, SA SNYING LA SOGS PA'I DOD GTI MUG RDO RJE LA SOGS PA YIN PAS RGYAS GDAB DANG RNAM DAG RNAMS KYANG DE BZHIN DU CI RIGS PAR RIG PAR BYA'O, ,DE NAS PHYI DANG NANG LA SOGS PA'I MCHOD PA DANG BSTOD PA RNAMS RANG RANG GI GZHUNG NAS 'BYUNG BA BZHIN BYA STE MCHOD BSTOD BYA BA'I YUL DANG BYED PA PO DANG MCHOD BSTOD RNAMS RANG BZHIN MED BZHIN DU SNANG BA SGYU MA LTA BU'I BLOS BYA BAR MANG DU GSUNGS PA LTAR BYA'O, ,GNYIS PA NI, DE NAS BDUD RTZI MYUNG ZHING LHA'I RNAL 'BYOR BSGOM PAR BYA LA SKYON BZLAS BA BYED PA LA PHRENG BA'I RGYU NI, KHA SBYAR GYI SUM CU PA LAS, SA DANG NYA PHYIS MU TIG DANG, ,KHAMS NI DKAR PO LA SOGS GZHAN, ,ZHI BA'I LAS LA KHYAD PAR DU, ,PHRENG BA YI NI MTSAN NYID DO, , GSER DANG DNGUL DANG ZANGS DAG DANG, ,PADMA'I SA BON KHYAD PAR DU, ,RGYAS PA LA NI PHRENG BA NYID, ,RNAM PAR MKHAS PAS BGRANG BAR BYA, ,GUR GUM LA SOGS DRI SOGS KYI, ,DRI NI THAMS CAD KHYAD PAR DU, ,BSGRUBS SHING RI LU BYAS NAS NI, ,DBANG LA YONGS SU RAB TU GRAGS, ,RU RAK SHA DANG LUNG THANG DANG, ,DE BZHIN SKYES PA'I RUS NYID DANG, ,DRAG PO'I LAS LA SBYAR BAR BYA, ,ZHES GSUNGS PA LTAR RO, ,KHAMS DKAR PO NI RUS PA DANG SOGS KYI SGRAS RDO'I KHYAD PAR DKAR PO DANG GZHAN NI NOR BU DKAR POR BSHAD DO, ,GDAN BZHI LAS, GUR GUM YANG NA DRI LA SOGS, ,BYE BRAG TU YANG THAMS CAD DU, ,RI LUR BYAS SHING TSOS BYAS PA, ,DBANG DU BYAS PAR YONGS SU GRAGS, ,ZHES 'BYUNG NGO, ,RDO RJE MKHA' 'GROR BYU RU DANG TZAN DAN DMAR PO YANG BSHAD DO, ,

SKYES PA NI MI'O, ,THAMS CAD LA THUN MONG DU SHIS PA NI DE NYID LAS, ZHI RGYAS DBANG DANG MNGON SPYOD LA, ,BO DE TZAM NI LAS KUN BYED, ,CES GSUNGS SO, ,PHRENG RDOG GI GRANGS KYANG DE NYID LAS, ,SNGAGS KYI SGRUB PA LNGA BCU STE, ,DBANG LA DE YI PHYED NYID DO, , BRGYA PHRAG GCIG NI ZHI BA LA, ,DE BZHIN RGYAS LA LHAG PAR BRGYAD, ,MNGON SPYOD LA NI DRUG CU NYID, ,KHYAD PAR DU NI LAS LA SBYAR, ,ZHES SO, ,SNGAGS KYI SGRUB PA NI KHYAD PAR GYI LAS DANG RJES SU MTHUN PAS LAS THAMS CAD PA'I SNGAGS SGRUB PA'I DON DU'O, ,PHRENG THAG NI GSER GYI SKUD PA'AM GZHON NU MA YAN LAG MA NYAMS PAS BKAL BA'I RAS PAL GYI SKUD PA LA BYA BAR RDO RJE MKHA' 'GRO LAS BSHAD DE DGU SGRIL BYA'O, ,DE NAS RANG NYID RDO RJE 'CHANG GI NGA RGYAL GYIS LAG PA GA-YAS PA'I SOR MO RNAMS RDO RJE RTZE LNGA PA'I NGO BOR SKAD CIG GIS BSGOMS PA LA YI GE AA: LAS SKYES PA'I NYI MA AA: YIS BYIN GYIS BRLABS PA DANG, LAG PA GA-YON PA'I SOR MO RNAMS PAD MA'I 'DAB MA'I RNAM PAR SKAD CIG GIS BSAMS PA LA AA: LAS SKYES PA'I ZLA BA DES BYIN GYIS BRLABS PA BSGOMS NAS DE DAG GI DBUS SU BZUNG BA'I PHRENG BA'I THAG PA'I DBUS KYI SKUD PA RDO RJE SEMS DPA'I RANG BZHIN DU DANG, PHYOGS DANG MTSAMS KYI SKUD PA BRGYAD PHYAG NA PADMA DANG BYAMS PA DANG NAM MKHA' MDZOD DANG KUN TU BZANG PO DANG PHYAG NA RDO RJE DANG 'JAM DPAL DANG SGRIB PA THAMS CAD RNAM PAR SEL BA DANG SA'I SNYING PO'I BDAG NYID DANG PHRENG RDOG RNAMS RNAM PAR SNANG MDZAD LA SOGS PA RIGS LNGA'I RANG BZHIN DU DANG, MDO 'DZIN NI STOBS DANG MI 'JIGS PA LA SOGS PA'I CHOS KYI

, ,PHUNG PO'I MCHOD RTEN DU SKAD CIG GIS BSAMS NAS SNYING KHA'I SA BON GYI 'OD ZER GYIS BKUG PA'I RDO RJE SEMS DPA' LA SOGS PA RNAMS RANG NYID JI LTA BA LA BCUG STE, AA KKHA RU K'A RA nU RU AA SO HI AA MA NA TA BI S'A RU GA nI AA, AA SAm KHU AA Li KA KU SI DZDZA AI TANG TA BI SA RU, AOm PA DE PA DE MAH'A DZNY'A N'm SARBA BUD DHA MAH'A BHA BE H'Um H'Um H'Um HO HO HO A'A: KHm SV'A H'A, ZHES BYA BA'I SNGAGS KYIS BYIN GYIS BRLAB BO, ,BUM PA'I CHUS KYANG DBANG BSKUR ZHING MCHOD PAR BYA'O, ,AOm BA DE ZHES PA MAN CHAD RNAMS KHA SBYOR GYI BRTAG PA BRGYAD PA LAS 'BYUNG NGO, ,DE DAG NI PHRENG BA DANG MAN SNYE NAS BSHAD PA STE KHA SBYOR DANG GDAN BZHI'I LUGS KYI RAB GNAS SO, ,RAB GNAS MDOR BSDUS BYED NA PHRENG BA LA GSUNG RDO RJE BSGOMS NAS YE SHES SEMS DPA' DANG GCIG TU BYAS TE GZUGS DE YONGS SU GYUR PA LAS PHRENG BA'I RNAM PAR BSAMS LA BUM PA'I CHUS GTOR TE MCHOD NAS GSUNG RDO RJE'I SNYING PO BRGYA RTZA BRGYAD BZLAS SO, ,ZHES PHRENG BA LAS GSUNGS SO, ,BGRANG BA'I TSUL NI RDO RJE MKHA' 'GRO LAS, ZHI BA LA NI MDZUB MOR BZHAG ,RGYAS LA GUNG MOR DGAL BAR BYA, ,DBANG DU BYA BA SRIN LAG GSUNGS, ,MTHA' MA LA NI MNGON SPYOD BYA, ,MTHE BONG LCAGS KYUR BYAS NAS NI, ,LHA RNAMS THAMS CAD 'GUGS PAR BSAM, ,SHIN TU MNYAM BZHAG SNGAGS BZLAS NA, ,'GRUB 'GYUR 'DIR NI THE TSOM MED, ,CES GSUNGS TE KHA SBYOR LAS KYANG NGO, ,KHA SBYOR LAS, DE NYID LAS NI 'GRUB PAR 'GYUR, ,KUN TU GSAL BAR MED NA RING, ,ZHES GSUNGS TE

'GREL BAR LAG PA RDO RJE PAD MAR BSGOMS PA STONG PA DANG SNYING RJE DBYER MED PAR BSGOMS NAS LAG PA GA-YAS PAS BGRANG BA DANG LHA'I SKU RANG BZHIN MED PAR SHES PA'I DE NYID YOD NA 'GRUB KYI GZHAN MI 'GRUB PAR GSUNGS SO, ,MTHE BONG LCAGS KYU DANG DES LHA 'GUGS PA'I DMIGS PAS PHRENG BA DBAB PA NI KHA SBYAR DANG GDAN BZHI LAS KYANG GSUNGS LA SHIN TU MNYAM PAR BZHAG PA SEMS GZHAN DU MA YENGS PA STE GZHUNG DU MA ZHIG LAS DE LA NAN TAN CHE BAR BSHAD PAS SEMS MA YENGS PA GAL CHE'O, ,BZLAS PA'I MYUR BU LA SOGS JI LTAR BYA BA NI DPAL 'BRAS RDO RJES, GSAL BAR ZHES BYA BA NI GUG SKYED DANG TSAD DANG YONGS SU MA BRAL BA STE, RINGS PAR MA YIN DAL BAR MA YIN DBUGS RDUB PA DANG 'BYIN PAS KYANG GNOD PAR MA GYUR PA DANG, DBANG PO DANG RTZOL BAS BSKYOD PA'I SGRA CHE BAS GSAL BA MA YIN PA STE, ZHES GSUNGS PA BZHIN DU SH'ANTI PA DANG KA MA LA RAKshI TAS KYANG BSHAD PAS DE BZHIN DU BYA'O, ,TSAD CES PA NI YI GE RING THUNG GI TSAD DO, ,NGAG TU 'DON MI 'DON NI KYEE RDOR GYI SGRUB THABS 'KHRUL SPONG DANG DRIL BU PA DANG LVA BA PA'I BDE MCHOG GI SGRUB THABS LAS RDO RJE'I BZLAS PA DANG KHRO BO'I BZLAS PA GNYIS KA BYA BAR GSUNGS LA, DGRA NAG GI SGRUB THABS SU SH'ANTI PA DANG KA MA LA RAKshI TAS KHRO BO'I BZLAS PA KHO NA DANG YID BZLAS MI BYA BAR GSUNGS TE GSHIN RJE GSHED KYI KHYAD CHOS SU MNGON NO, ,BZLAS PA GNYIS NI, RDO RJE'I TSIG GIS BZLAS BYA STE, RDO RJE'I TSIG NI SGRA SPANGS PA, ZHES DANG 'DUS PA LAS, KHRO BO'I DAM TSIG YE SHES KYIS, ,RANG GI RDO RJE DKYIL 'KHOR GRAGS, ,SNGAGS KYI

, ,YI GE TSIG THOS PA, DE NI KHRO BO'I BZLAS PAR BSHAD, ,CES GSUNGS PA GNYIS DPAL 'BRAS RDO RJE DRANGS PA LTAR RO, ,SGRON GSAL LAS KHRO BO NI GSHIN RJE GSHED LA SOGS PA'I SNGAGS DANG DAM TSIG YE SHES NI BSKRAD PA SOGS KYI CHO GA SHES PA DANG DKYIL 'KHOR NI RANG GI LUS DANG RDO RJE NI LCE STE DES BSGRAGS PA RANG NGAM GZHAN GYIS THOS PAR ZLOS PA LA BSHAD DO, ,BZLAS PA'I DMIGS PA NI DRIL BU PA DANG LVA BA PAS BZLAS BYA'I SNGAGS THUGS KA'I SA BON LAS 'THON NAS GSANG GNAS KYI RDO RJE'I RTZE MO NAS YUM GYI BHA GAR BTON NAS LHA MO'I ZHAL NAS RANG GI ZHAL DU ZHUGS RANG GI SA BON LA ZHUGS NAS SNGAR BZHIN 'KHOR BAR BSGOM LA, ZHAL THAMS CAD DANG RNAL 'BYOR MA THAMS CAD KYIS SNGAGS ZLO BAR BSAMS NAS BZLA BAR GSUNGS LA, MTSO SKYES KYIS DANG POR LHA MA'I ZHAL NAS RANG GI ZHAL DU ZHUGS NAS 'KHOR BAR BSHAD DO, ,MAN SNYE LAS SNGAGS KYI BZLAS PA BZHIR GSUNGS TE KHYOGS KYI BZLAS PA NI CHOS THAMS CAD MNYAM PA NYID KYI NGA RGYAL GYIS SNGAGS PHRENG RANG GI ZHAL DU ZHUGS RDO RJE NAS 'THON TE PAD MAR SONG ZHING RTZA DBU MA LAS GYEN DU BYUNG STE YUM GYI ZHAL NAS BYUNG BA RANG GI ZHAL DU ZHUGS NAS 'KHOR BAR SGOM ZHING YI GE LHOD CING ZHI BA'I PHRENG SNGAGS ZLOS PA'O, , DANG POR YUM GYI ZHAL DU ZHUGS NAS SNGAR BZHIN 'KHOR BA STUG CING RTZUB PA'I YI GE CAN NI KHROS PA'I BZLAS PA'O, ,SNYING PO LA SOGS PA DRAG TU BRJOD PA NI KHRO BO'I BZLAS PA'O, ,THUGS KA'I SA BON LA SNYING PO DANG NYE SNYING GI SNGAGS BRJOD CING

DKYIL 'KHOR GYI LHA TSOGS SPROS TE 'GRO BA'I DON BYAS NAS SNGAGS DANG LHAN CIG TU PHRENG BA'I SKUD PA 'DREN PA'I TSUL GYIS 'JUG PA'I RLUNG GIS SNYING KHA'I SA BON LA GZHUG CING LHA SO SO'I SNGAGS BRJOD PA RDZOGS PA NA SO SOR SPRO BA DANG SDUD PA NI DAM TSIG GI BZLAS PA'O, ,DE'I LTAR NA DANG PO GNYIS NI PHRENG SNGAGS 'JAM RTZUB GNYIS DANG, GSUM PA NI PHRENG SNGAGS DANG SNYING PO DANG NYE SNYING GSUM KA'I DANG BZHI PA NI SNYING PO'AM NYE SNYING GI BZLAS PA'O, ,BZHI PA NI SGRUB THABS KUN BZANG LAS KYANG GSUNGS TE SPROS PA'I LHAS NAM MKHA'I KHYON 'GENGS PAR BSHAD DO, ,'DI LA MAR ME MDZAD BZANG POS, YE SHES SKU NI SPRO ZHING BZLAS, ,BRJOD CING SROG GIS SPRO BYA ZHING, ,SNGAGS NI RTZOL BAS BSDU BAR BYA, ,ZHES DBUGS 'BYIN PA'I TSE SPRO BA DANG RDUB PA'I TSE LHA RNAMS SDUD PAR GSUNGS PA LA SH'ANTI PAS SNGAGS KYI TSAD DANG BSTUN NAS GCIG GAM GNYIS SAM MANG PO BRJOD NAS DBUGS RING DU 'BYIN PA NI SROG YIN TE DES BSDUS PA NI BRJOD PA DANG SPRO BA'I DUS SO, ,DE LTAR BZLAS NA SEMS MI GA-YENG NGO ZHES PA'I RANG LUGS DANG GZHAN DAG SNGAGS RE RE BZLAS PA NA SPRO BA'I DUS DANG DE'I MTHAR BSDU BA'I DUS YIN PAR 'DOD PA'I LUGS BKOD DO, ,GTZO BO LTA BU LA ZHAL DU YOD KYIS 'DON PA DANG 'KHOR GYI LHA THAMS CAD KYIS 'DON PAR MOS PA DRIL BU PA DANG LVA BA PAS GSUNGS PA LTAR BTON NA DE DAG GI GRANGS KYI 'GYUR YOD PAR GSUNGS TE 'KHRUL SPONG LAS, ZHAL THAMS CAD DANG LHA MO'I ZHAL THAMS CAD NAS SNGAGS 'DON PAR MOS PAR BYA'O, ,'DI NYID NI LHA MO THAMS CAD KYI

, ,BZLAS PA LAS LHA RANG NYID KYIS BZLAS PA BRGYAD 'GYUR DU BYAS PAR 'GYUR RO, ,ZHES GSUNGS SO, ,DE LTAR NA YAB YUM GYI ZHAL NAS 'KHOR BA LA DMIGS PA'I BZLAS PA DANG SNGAGS LAS LHA SPRO BA DANG BSDU BA LA DMIGS NAS ZLO BA'I DMIGS PA GSUM DANG, SH'ANTI PA DANG DAM TSIG RDO RJES KYEE RDOR SGRUB THABS LAS BSHAD PA BZHIN DU THUGS KA'I SA BON LA SNGAGS RNAMS MGO GYEN BSTAN ZLUM POR BSKOR BA MAR ME'I 'PHRENG BA BZHIN DU 'BAR BA YID KYIS BKOD LA SEMS KYIS BRIS PA BZHIN DU ZLO BA DANG ZHAL THAMS CAD DANG LHA THAMS CAD KYIS BTON PAR DMIGS NAS ZLO BA GNYIS TE LNGA'O, ,DE'I SNGA MA LA GONG BU'I BZLAS PA DANG PHYI MA LA DAM TSIG GI BZLAS PA ZHES DZA LAN DHA RI PAS BSHAD DO, ,'DI DAG GI SKABS SU RLUNG LA DMIGS NAS YI GE GSUM GYI RDOR BZLAS BYED PA'ANG MAN SNYE DANG PADZNY'A RAKshI TA LA SOGS PA MANG POS BSHAD KYANG MA BRIS SO, ,DA LTAR THUN NGO BO LA BZLAS PA'I SKYON DANG BRAL BA'I SEMS RTZE GCIG PAS BZLAS PA RNAMS GRANGS SU GZHUG PAR BYA'I THUN NGO BO BTANG NAS THUN MTSAMS SU GANG BYUNG BZLAS PA NI GRANGS SU MI 'JUG KYANG BZLAS PA LA 'GAL BA MED DE MI BSKYOD RDO RJES, LANGS NAS KYANG GSANG SNGAGS SKU LA DMIGS SHING GRANGS LA PHAN MI MDOGS PA BZLAS PAR BYA'O, ,ZHES DGRA NAG GI SGRUB THABS LAS GSUNGS PA BZHIN NO, ,SNGAGS KYI KHA DOG NI LAS KYI KHA DOG GIS DBYE BAR MTSO SKYES KYI BSHAD PA NI ZHI RGYAS DBANG DRAG LA DKAR SER DMAR NAG GO ,SNGON DU BSNYEN PA'I SKABS SU LHA RNAMS KHA DOG SGYUR MI DGOS PA BZHIN DU SNGAGS KYI KHA

DOG KYANG LHA DANG MTHUN PA SNA TSOGS BYA BA'AM YANG NA BOD KYI BLA MA DAG LHA DBANG DU SDUD PAS DMAR POR BYA GSUNG BA LTAR BYA'O, ,SKAL BZANG RDO RJES, BZLAS PA'I DUS SU THABS NI 'GAL MI BSKOR BA LTA BU 'AM THAG MDUNG 'PHEN PA LTA BU 'AM SGRO'I CHUN PO LTA BU'AM THE GU BSGRIL BA LTA BU'AM LCAGS SGROG SBREL BA LTA BU SKABS KYI STOBS KYIS SHES PAR BYA'O, ,ZHES BSHAD PA LA BOD KYI BLA MA DAG DANG PO ZHI BA DANG GNYIS PA DRAG PO DANG GSUM PA RGYAS PA DANG THA MA GNYIS DBANG LA SBYAR NAS SNGAGS KYI YI GE DANG 'OD ZER GNYIS KYI RNAM PA LA 'CHAD MOD KYANG GZHAN GYIS GSAL BAR BSHAD PA MA MTHONG LA, ZHAL NAS ZHAL DU 'KHOR BA 'GAL ME LTA BUR 'KHOR BA LA MTSO SKYES KYIS LAS ZHI KA'I KHA DOG GIS DBYE BAR GSUNGS SHING PRADZNY'A AINDRA RU TZIS KYANG, DE NAS MKHAS PAS SNGAGS BZLAS TE, ,YAB YUM ZHAL NAS MGAL ME YI, ,'KHOR LO BZHIN DU BSKOR BAR BYA, ,KHA DOG LAS KYI DBYE BAS DBYE, ,ZHES RIN CHEN 'BAR BA LAS GSUNGS PA'I PHYIR DE LA LAS BZHI KA YOD DO, ,DE LTAR NA YE SHES PA GZHUG PA NAS BZLAS PA'I BAR NI BSKYED PA'I LHA RNAMS KYI RDZOGS BYED KYI YAN LAG YIN LA DAG PA DRAN PA NI PHAL CHER MI THUB ZLA BAS GSUNGS PA BZHIN DU BSAM GTAN MI NUS NA DAG PA DRAN PAR GSUNGS PAS LHA'I RNAL 'BYOR GYIS SKYO BA'I TSE BYA LA DE YANG SH'ANTI PA DANG MI THUB ZLA BA DANG dOm BI PAS BSHAD PA BZHIN DU THUN GYI DNGOS GZHI'I SKABS SU BSHAD PA MANG BAR SNANG NGO, ,MTSO SKYES DANG DZA YA SE NAS GTOR MA'I RJES S

, ,DAG PA DRAN PA BSHAD DE DE'I LTAR NA THUN MTSAMS SU BYED DO, ,LO A'I PA'I SGRUB THABS KYI DGONGS PA PRADZNY'A RAKshI TA LA SOGS PAS BKRAL PA DANG, MTSO SKYES KYI SGRUB THABS LAS BSHAD PA BZHIN DU RIM GYIS 'OD GSAL DU SDUD PA RIM LNGA LAS GSUNGS PA'I RJES GZHIG GI DON DU BZHED PA SHIN TU MANG PO SNANG BAS DE BYED NA NI DE'I TSE LTA BA DRAN PAR BYAS NAS BSKYANG NGO, ,PHRA THIG KYANG RANG RANG GI SKABS GANG DU SGOM PAR BSHAD PA'I SKABS SU BSGOM ZHING KHYAD PAR DU DE LA DMIGS PA'I SEMS GNAS BRTAN PO SGRUB PA'I BYING RGOD 'GOG LUGS DANG DRAN PA DANG SHES BZHIN GYI SKYONG LUGS DANG, ZHI GNAS RNYED PA'I TSAD LA SOGS PA NI SNGAGS PHAR PHYIN GNYIS THUN MONG BA YIN PAS THEG PA THUN MONG BA'I LAm GYI RIM PAR RGYAS PAR BSHAD ZIN PA LAS NGES PAR SHES DGOS PAS DER BLTA BAR BYA'O, ,LHA DANG STONG NYID SGOM PA'I SKABS NI DE BZHIN GSHEGS PA'I RDO RJES, 'DI LA YANG SNGA DRO'I THUN NAS MTSAN MO'I PHYED KYI THUN GYI BAR DU LHA KHO NA SGOM ZHING GNAS PAR BYA'O, ,DE NAS STONG NYID BSGOM PAR BYA STE, ZHES BSHAD DE STONG NYID LOGS SU SGOM PA'I DBANG DU BYAS SO, ,GSUM PA LA GNYIS, LUGS RTAS ZHING GTOR MA SKYED PA'I CHO GA DANG, MGRON BSKYED CING DBUL BA'I CHO GA'O, ,DANG PO NI, DE LTAR BSGOMS PAS LUS SEMS DUB NA RTAS PAR BYED PA'I CHOG NI MAR ME MDZAD BZANG POS, SPYI BOR ZLA BA AOm RLAN CAN, ,DAM PA'I SEMS KYI CHU 'DZAG PAS, ,SKU GSUNG THUGS NI TSIM BYED PA, ,CHO GA BZHIN DU DBAB PAR BYA, ,ZHES 'DUS PA'I

RGYUD LAS GSUNGS PA'I THABS DES NGAL BSO 'O, ,DE'I TSUL NI SPYI BOR MTHO GANG TZAM GYI BAR SNANG LA ZLA BA'I DKYIL 'KHOR AOm GYIS MTSAN PA BSAMS LA DE LAS BDUD RTZI BABS PA DES RANG GI LUS KYI RKANG PA'I BAR DU RDUL PHRA RAB RE RE NAS BRLAN PAR BYA'O, ,DE YANG 'BYUNG 'JUG GI RLUNG GI 'OD ZER GYIS BDUD RTZI BKUG NAS SPYI BOR BABS PA LAS 'DZAG PAR BSAM PAR DPAL 'BRAS RDO RJES BSHAD DO, ,SHANTI PAS AOm GYI 'OD ZER GYIS PHYOGS BCU NAS DRANGS TE SROG DANG RTZOL BAS KYANG NANG DU CHUD PAR BYAS LA RTZA'I TSOGS LA RGYU BAS LUS LA KHYAB PAR BYA'O, ,ZHES 'CHAD DE SROG RTZOL TE 'JUG GI RLUNG GIS NANG DU 'BEBS PA'I LUGS SO, ,DES NGAL SOS PA NA YANG BZLAS BSGOM GYI 'PHRO BYA BAR BSHAD PAS NAM MNGA' BA'I TSE BYAS PAS CHOG GI MJUG KHO NAR MA NGES SO, ,DE NAS THUN GTONG BAR 'DOD NA DKYIL 'KHOR LA SLAR YANG MCHOD BSTOD DANG BDUD RTZI MYANG BA BYAS NAS DKYIL 'KHOR GSHEGS SU GSOL BAR SGRUB THABS KUN BZANG RTZA 'GREL LAS BSHAD DE DKYIL 'KHOR PA'I LHA RNAMS GTZO BO LA BSDUS PA'I GSHEGS GSOL YIN GYI GZHAN DU GSHEGS PA MIN NO, ,'DIR GRUB NA THUN BZHI KA'I MTHAR GTOR MA BYA STE MNGON BRJOD BLA MA LAS, CHO GA 'DI YI RIM PA YIS, ,THUN MTSAMS BZHI RU SBYIN PAR BYA, ,ZHES GSUNGS TE GZHAN LA'ANG 'DRA'O, ,MA GRUB NA THUN THA MA'I MTHAR GTOR MA SBYIN PAR BYA'O, ,DE YANG DKYIL 'KHOR PA RANG LA NYE BAR BSDUS PA'I 'OG TU BYED PA MTSO SKYES KYIS

, ,BSHAD LA GTOR MA BYAS NAS DKYIL 'KHOR PA RANG LA SDUD PA YANG MAN SNYE LAS BSHAD PAS THUN PHYI MA'I MTHA' NYID DU 'AM THUN MTSAMS GANG BDE LA BYA'O, ,GTOR MA'I CHO GA LA SNA TSOGS PA CIG YOD KYANG KHA SBYOR DANG GDAN BZHI DANG RDO RJE MKHA' 'GRO'I DGONGS PA RNAMS PHAL CHER 'DRA LA, KHA SBYOR GYI DGONGS PA MAN SNYE LAS GSUNGS PA BZHIN DU BSHAD PAR BYA'O, ,GTOR MA NI RGYUD RNAMS LAS BGEGS NYE BAR ZHI BA DANG DNGOS GRUB BSGRUB PA'I PHYIR DU THOG MA DANG THA MAR GAL CHE BAR GSUNGS PAS BYA DGOS LA DE'I DUS NI KHA SBYOR GYI BRTAG PA DGU PA LAS, ZLA BA MAR NGO'I BCU BZHI DANG, ,KHYAD PAR DU NI BRGYAD PA DANG, ,YAR GYI NGA YI BCU PA LA, ,ZHES GSUNGS PA NI KHYAD PAR GYI DUS YIN LA GZHAN NI NYI MA RE RE ZHING GTONG BAR GSUNGS SO, ,GTONG BA PO'I LHA'I RNAL 'BYOR NI GSANG 'DUS MI BSKYOD PA LA MNGON RTOGS RDZOGS PA 'AM YAN LAG BZHI'I CHO GAS RIM GYIS SAM SKAD CIG GIS RDO RJE SEMS DPAR SKYED PA GDAM NGA CAN DU GSUNGS TE DE GZHAN LA 'ANG SHES PAR BYA'O, ,DES GTAR MA'I CHOG SGRUB PA LA GSUM LAS RGYAS PA LA BDUD RTZI SGRUB PA'I GTOR MA'I SNOD NI KHA SBYOR LAS, PADMA'I SNOD CES GSUNGS PA LTAR THOD PA'I SNOD DANG MAN SNYE LAS GZHOD PA LA SOGS PA'I SNOD KYANG RUNG BAR GSUNGS TE GSHED DMAR GYI RGYUD LAS KYANG KHYOGS SAM ZANGS GZHONG GI SNOD DU BYA BAR BSHAD LA PHRENG BAR KHAM PHOR DANG KHYAR BAR YANG SBYIN PA BSHAD PAS CI RIGS PA'O, ,GTOR MA'I RDZAS NI ZAN DANG

SRAN MA DANG SHA DANG NYA SHA DANG CHAN THUG DANG KHUR BA DANG CHANG DANG CHU DANG BTZONG DANG SGAG SKYA DANG 'O MA LA SOGS PA 'AM MA 'BYOR NA ZAN DANG CHU LA SOGS PA TZAM YANG RUNG BAR PHRENG BA DANG MAN SNYE LAS BSHAD DO, ,GTOR MA DANG MCHOD RDZAS RNAMS BSHAM TSUL NI KHA SBYOR LAS, MCHOD YON MCHOD SOGS RIM 'GRO DANG, ,NYA DANG SHA SOGS BZA' BA DANG, ,CHANG DANG MYOS BYED SPRO BA YANG, ,GA-YON DU NYE BAR DGOS PA KUN, ,GA-YAS PA DAG TU CHU YI SNOD, ,MDUN DU MCHOD YON DAG GI SNAD, ,RDZAS NI 'DI DAG THAMS CAD RNAMS, ,BDUD RTZI LNGA YIS SBYANG BAR BYA, ,ZHES GSUNGS TE RKANG PA GSUM PA LA, ,CHANG NI DGA' BYED 'DOD PA STE, ,ZHES 'GREL PAR 'BYUNG NGO, ,SHA DANG NYA SHA SOGS LAS BYAS PA'I GTOR MA GNYIS YOD NA RANG GI GA-YAS GA-YON DU SHOM PAR GSUNGS LA BDUD RTZI LNGAS SBYONG BA NI BDUD RTZI RIL BU BTAB NAS SAM YANG NA BSGOMS NAS SBYANG BAR MAN SNYE LAS GSUNGS SO, ,GTOR MA'I SKYED CHOG NI PHRENG BAR BSHAD PA KHA SBYOR GYI DGONGS PA YIN PAR MAN SNYER YANG BKRAL LA, ,SKYED CHOG DE NYID PHRENG BA LAS GSANG 'DUS DANG BAD DGYES GSUM LA 'DRA BAR MDZAD DO, ,DE YANG YAm LAS BYUNG BA'I RLUNG GI STENG DU RAm LAS SKYES PA'I ME LA AA: LAS SKYES PA'I THOD PA DKAR PO 'BRU GSUM LAS SKYES PA'I MAG PA GSUM LA GNAS PA DER, H'Um LA SOGS PA'I SA BON BCU LAS SKYES PA'I BDUD RTZI LNGA DANG SHA LNGA SA BON DE DAG GIS BYIN GYIS BRLABS PA STE MTSAN PAR BSKYED DO, ,SA BON NI H'Um BUm A'Am HRi: KHAm DANG, BRUm H'Um HRi: TRAm NGO, ,PHRENG BA DANG

, ,MAN SNYE GNYIS KAR PHYOGS MTSAMS GANG DU SKYED MI GSAL ZHING KHA SBYOR DANG GDAN BZHI DANG SDOM 'BYUNG LAS KYANG GSAL BAR MA BYUNG NGO, ,GSHED DMAR GYI RGYUD LAS GO KU DA HA NA'I MING CAN GYI SHA LNGA RIM PA BZHIN DU RNAM SNANG LA SOGS PA'I RANG BZHIN DU BYAS NAS SHAR NAS RIM PA BZHIN DU DBUS GYI BAR DU 'GOD DE BRUm Am DZRAm KHAm H'Um GI YI GE LAS BYUNG BA'O, ,BI RA SHU MA MU'I MING CAN GYI BDUD RTZI LNGA RIM PA BZHIN SPYAN MA LA SOGS PA'I RANG BZHIN ME NAS BRTZAMS TE DBUS KYI BAR DU 'GOD DE LAm MAm PAm TAm BAm GYI YI GE LAS BYUNG ZHING DE DAG GIS MTSAN PAR BSHAD DO, ,PHRENG BA DANG MAN SNYER BDUD RTZI LNGA DANG SGRON MA LNGA ZHES GO RIMS DE LTAR 'BYUNG YANG MAN SNYE LAS, RNAM PA DE LTA BU'I YE SHES KYI RANG BZHIN DE BZHIN GSHEGS PA LNGA NYID DU MOS PA RNAMS NI SGRON MA LNGA RNAMS DANG LCAGS KYU LNGA RNAMS SO, ,ZHES SGRON MA LNGA DANG LCAGS KYU LNGA DE BZHIN GSHEGS PA LNGAR BSHAD LA, ,MI BSKYOD PA DANG RNAM SNANG DANG RIN 'BYUNG DANG SNANG MTHA' DANG DON GRUB RNAMS LCAGS KYU LNGA ZHES GO RIMS KYANG DE LTAR 'BYUNG BAS SA BON DANG PO LNGA LAS SHA LNGAR SKYED PAR MNGON TE DE LTAR NA DBUS NAS GA-YAS SKOR DU PHYOGS BZHIR RIM PA BZHIN DU H'Um LA SOGS PA LAS SHA CHEN SOGS YI GE DE DAG GIS MTSAN PA BSKYED LA, ME NAS DBANG LDAN GYI BAR DU RIM PA BZHIN DU BRUm LA SOGS PA LAS DRI CHEN SOGS YI GE DE DAG GIS MTSAN PA BSKYED DE SHA CHEN NI THUN MONG BA YIN PAS BZHI LAS MA SMOS PA'O, ,BDUD RTZI DE BZHIN GSHEGS PA LNGAR

BSHAD PA 'ANG YOD DE PHYAG CHEN THIG LE LAS, RIN CHEN DBANG PO KHRAG CES BSHAD, ,SNANG BA MTHA' YAS KHU BAR BRJOD, ,DON YOD GRUB PA SHA CHEN TE, ,MI BSKYOD PA NI DRI YI CHU, ,RNAM PAR SNANG MDZAD RTUG PAR BSHAD, ,'DI RNAMS BDUD RTZI LNGA MCHOG GO ,ZHES GSUNGS SO, ,DE LTAR BYAS PA NI DRIL BU PA'I BDE MCHOG LHA LNGA'I SGRUB THABS SU 'ANG BSHAD DO, ,H'Um AOm KHAm A'Am TR'Am, DRI CHU DRI CHEN SHA CHEN PO, ,BYANG CHUB SEMS RANG 'BYUNG ME TOG ,LAm MAm PAm TAm, BA LANG KHYI DANG GLANG PO CHE, ,RTA SGRON KUN LA SA BON LDAN, ,ZHES BSHAD LA LVA BA PAS KYANG DE JI BZHIN DU GSUNGS TE PHYOGS GA-YON SKOR DANG MTSAMS GA-YAS SKOR GYI LUGS SO, ,SA BON GYI KHA DOG KYANG DBUS DANG PHYOGS BZHI NI SNGO DKAR SER DMAR LJANG DANG MTSAMS BZHI'I KHA DOG DKAR SNGA DMAR LJANG DU PHYI MAS BSHAD LA, RLUNG LA BA DAN DANG ME LA 'BAR BAS MTSAN ZHING THOD PA DUM BU GCIG PA NANG DMAR POR BSHAD DO, ,DE GNYIS KYIS BDUD RTZI LA DE BZHIN GSHEGS PA DANG SHA RNAMS YUM GYI NGO BOR MDZAD PA YIN TE SA BON LAS SHES SO,, RGYA GZHUNG GI GTOR MA'I SKYED CHOG PHAL CHE BA LAS RIGS LNGA DANG YUM RNAMS KYI SA BON LAS RDZAS BCU SKYED PA MANG NGO, ,RDZAS BCU PO RANG RANG GI MING YIG DANG PO LAS SKYED PA YANG DGRA NAG GI 'GREL PA RIN CHEN SGRON ME DANG JO BOS MDZAD PA'I LO A'I PA'I 'GREL BA DANG DZA YA SE NAS BSHAD LA, PHYI MAS SHAR LHO NAS GA-YAS SKOR GYIS DBUS BAR DU RIM PA BZHIN GO KU DA HA NA DKAR SNGO DMAR LJANG SNGO BA RNAMS LAS BA LANG KHYI GLANG PO CHE RTA MI'I SHA LA DE DAG GIS MTSAN PA DANG, SHAR NAS GA-YON SKOR DU

, ,DBUS KYI BAR DU BI MU MA RA AA DKAR LJANG DMAR SER DKAR PO LAS DRI CHEN DRI CHU SHA CHEN RAKTA KHU BA RNAMS DE DAG GIS MTSAN PAR BYED DO, ,SNGA MA GNYIS KYIS RIGS LNGA'I SA BON KYANG DE DAG GI STENG DU 'GOD DE RANG GI MING YIG LAS SKYED PA'I LUGS LA DE LEGS SO, ,MDOR NA GTOR SNOD KA P'A LA DANG GTOR RDZAS RNAMS RDZAS BCUR SKYED LA DE LA SA BON GYI SGO NAS PHYA NA RIGS LNGA DANG YUM RNAMS KYI SA BON LAS SKYED PA DANG RANG GI MING YIG DANG PO LAS SKYED PA GNYIS DANG, GANG DU SKYED PA'I GNAS KYI SGO NAS PHYE NA DGRA NAG GI 'GREL PA RIN CHEN SGRON ME LAS BSHAD PA LTAR DBUS DANG PHYOGS BZHI STE LNGA KHO NAR RDZAS BCU DANG RIGS LNGA'I SA BON 'GOD PA DANG, PHYOGS DANG MTSAMS GNYIS KAR BYED PA GNYIS SO, ,PHYI MA LA DBUS DANG PHYOGS BZHIR SHA DANG MTSAMS BZHIR BDUD RTZI SKYED PA DANG DE LAS BZLOG NAS SKYAD PA GNYIS DANG, SHA GSHEGS PA DANG BDUD RTZI GSHEGS MAR BYAS PA DANG DE LAS BZLOG NAS BYAS PA GNYIS RNAMS TE GTZO CHER MI BSKYOD PA DBUS NA YOD PA'I LUGS SU MDZAD DO, ,BDUD RTZI LNGA LA DRI CHEN DRI CHU KHAMS DKAR DMAR BZHI 'DRA LA LNGA PA LA BSHAD PA MANG STE N'A RO PA DANG SMAN ZHABS LA SOGS PAS SHA CHEN LA BSHAD GDAN BZHI'I 'GREL PAR BH'A BA BHA TRAS LUD SKAM DANG NGAR SNABS LA BSHAD LA SDOM 'BYUNG LAS SHA LAS SKYES PA'I TSIL DANG SBUBS LAS SKYES PA'I RKANG MAR DANG GZHUNGS PA DANG, MGO LAS SKYES PA'I KLAD PA STE THA 'BRING RAB GSUM DU BSHAD DO, ,SHA LNGA LA LCAGS KYU LNGA DANG SGRON

MA LNGA ZHES KYANG GSUNGS TE DNGOS GRUB 'GUGS PA DANG GSAL BAR BYED PA'I PHYIR RO, ,DE NAS GTOR MA'I NANG DU HA HO HRI: BSAMS LA RIM PA BZHIN DU THA MAL BA'I KHA DOG DANG DRI DANG NUS PA BSAL NAS KHA DOG LA SOGS PA PHUN SUM TSOGS PAR BSAM MO, ,MAN SNYE DANG PHRENG BAR GTOR MA'I SKYED CHOG LA LHA GSUM SKYED PA MA BSHAD LA KHA SBYOR DANG GDAN BZHI LAS HA LAS SNANG MTHA' DANG HO LAS RNAM SNANG DANG HRI: LAS MI BSKYOD PA SGOM PAR GSUNGS PA BYED NA HA HO HRi: LAN GSUM BRJOD NAS SKYON BSAL BA'I KHA DOG DRI RO GSUm LHA GSUm DU SKYED PAR GDAN BZHI'I 'GREL PA LAS BSHAD DO, ,RLUNG GIS BSKYOD PA'I MA 'BAR BAS GDUNGS PAS YI GE LA SOGS BA ZHU BA NYI MA 'CHAR KHA'I MDOG CAN GYI KHU BA'I LBU BA CAN DU BLTA'O, ,DE'I RLANGS PA LAS YONGS SU GYUR PA'I H'Um YIG LAS SKYES PA'I RDO RJES MTSAN PA'I KHA tR'Am GA ZHU NAS DER LAN GSUM DU PHAB PAS BDUD RTZIR GYUR PA DE'I STENG DU, AOm LAS BYUNG BA'I ZLA BA LA GNAS PA'I AOm A'A: H'Um GI YI GE STENG NAS STENG DU GNAS PA LAS 'PHROS PA'I 'OD ZER GYIS PHYOGS BCU NA BZHUGS PA'I SANGS RGYAS RNAMS KYI BYANG CHUB SEMS KYI BDUD RTZI DANG RGYA MTSO LA SOGS PAR GNAS PA'I BDUD RTZI BKUG NAS YI GE GSUM DANG ZLA BAR BCUG STE YI GE GSUM ZLA BA DANG BCAS PA DER THIM PAR BSAM MO, ,DE NAS YI GE GSUM LAN GSUM BRJOD PAS DNGUL CHU'I RANG BZHIN DANG BAR BYIN GYIS BRLAB BO, ,PHRENG BAR DE BZHIN DU BSHAD LA MAN SNYE LAS A'A LI DANG K'A LI LAS 'BRU GSUM DU GYUR PAR BSHAD DE LA BA PA DANG

, ,DRIL BU BAS KYANG SNGAR BZHIN GSUNGS PA NI SDOM 'BYUNG GI DGONGS PA'O, ,BDUD RTZI MYANG BA'I CHO GA YANG LVA BA PA DANG DRIL BU PA LA SOGS PAS DE LTAR BSHAD PAS DE BZHIN DU BSKYED LA LHA RNAMS KYI LJAGS PA H'Um LAS SKYES PA'I RDO RJE DKAR PO NAS 'BRU TZAM BSAM LA DE'I 'OD ZER GYI SBU GUS DRANGS NAS BDUD RTZI GSOL BAS TSIM PAR BSAMS LA MTHOB SRIN GYIS 'THOR BAS DBUL TE LCE RTZE DANG SMIN MTSAMS DANG SPYI BO'I GNAS GSUM DU 'THOR BAR GDAN BZHI'I 'GREL PAR BSHAD DO, ,GNYIS PA NI, KHA SBYOR LA SOGS PA'I RGYUD GSUM KAR GRU GSUM PHYI DKAR PO DANG NANG DMAR PO KHRU GANG BA BYA BAR GSUNGS PA NI 'GREL PA DAG GIS GUR GUM DANG TZAN DAN DMAR POS NANG DMAR POR BYA BAR GSUNGS PAS PHYI YANG TZAN DAN DKAR PO SOGS KYIS BYA BA 'AM YANG NA TSON GYIS KYANG DE LTAR BYA'O, ,DE'I DBUS SU THIG BZHI BTAB PAS LE'U TSE DGU'O, ,LE'U TSE DBUS MA LA DKYIL 'KHOR BA'I LHA TSOGS GANG YIN YUD TZAM GYIS BSKYED DO, ,PHRENG BAR GSANG 'DUS KYI GTOR CHOG LA YANG DRI'I DKYIL 'KHOR BYA BAR GSUNGS PAS GSUNG 'DUS LA YANG SBYAR BAR BYA'O, ,LE'U TSE GZHAN BRGYAD LA PHYOGS SKYONG MA MO'I 'KHOR GYIS BSKOR BA MAN SNYER BSHAD KYANG 'DIR PHYOGS SKYONG RNAMS BSHAD PAR BYA STE, SHAR DU DZUm LAS DBANG PO SER PO MIG STONG PA SA SRUNGS DKAR PO LA ZHON PA RDO RJE 'DZIN PA, LHOR KAm LAS GSHIN RJE NAG PO MA HE'I GDAN LA GA-YAS BRKYANG GIS BZHUGS PA SKRA GYEN DU 'BAR

ZHING KHROS PA DBYUG PA DANG SDIGS MDZUB 'DZIN PA, NUB TU BAm LAS CHU LHA DKAR PO GDENGS KA BDUN DANG LDAN PA SBRUL ZHAGS 'DZIN PA, BYANG DU BHEE LAS LUS NGAN SER PO MI LA GNAS SHING SBOM PA NE'U LE DANG BI DZA P'U RA 'DZIN PA, MER RAm LAS ME LHA DMAR PO SMIN MA DANG RAL PA'I THOD DANG SMA RA 'BAR ZHING 'KHRUG PA SHIN TU TSO BAR LA GNAS PA SKYABS SBYIN DANG BGRANG PHRENG DANG RIL BA DANG DBYUG GU 'DZIN PA, BDEN BRAL DU YUm LAS BDEN BRAL NAG PO RA LA GNAS PA GTZOR BU MI RUS KYIS BRGYAN ZHING MCHE BA GTZIGS BGRI GUG DANG THOD PA 'DZIN PA, RLUNG DU YAm LAS RLUNG LHA LJANG KHU AE nA YA SER PO LA GNAS PA RLUNG RAS 'DZIN PA, DBANG LDAN DU A'A: LAS DBANG LDAN DKAR PO KHYU MCHOG LA GNAS BA RAL PA'I THOR TSUGS DANG RUS BA'I RGYAN DANG LDAN PA RTZE GSUm PAS MTSAN PA'I KHA tR'Am GA DANG CANG TI'U 'DZIN PA, DBANG PO'I GA-YAS SU H'Um LAS NYE DBANG KHYAB 'JUG NAG PO MKHA' LDING LA GNAS PA 'KHOR LO DANG DBYUG THO DANG DUNG DANG KOOSTU PA 'DZIN PA, LUS NGAN GYI GA-YAS SU SHOO LAS TSOGS BDAG DKAR PO GLANG PO CHE'I GDONG PA CAN BYI BA LA GNAS PA LA PHUG DANG DBYUG PA LA DU DANG PHRENG BA 'DZIN PA, STENG DU A'A: LAS NYI MA DMAR PO SHING RTA LA GNAS PA BZOD PAR DKA' BA'I 'OD ZER CAN PADMA 'DZIN PA, DE'I GA-YON DU Am LAS ZLA BA DKAR PO 'KHOR LO LA GNAS PA KU MU TA DANG BGRANG PHRENG 'DZIN PA, AOm LAS TSANGS PA SER PO NGANG PA LA GNAS PA PADMA DANG SKYABS SBYIN DANG BGRANG PHRENG DANG DBYUG PA 'DZIN PA, 'OG TU BAm LAS THAGS BZANG RIS NAG PO SHING RTA LA GNAS PA RAL GRI

, ,'DZIN PA, LAM LAS SA'I LHA MO SER MO PADMA LA GNAS PA PADMA 'DZIN PA, RGYAN LA SOGS PA'I KHYAD PAR BSHAD PA MA GTOGS PA THAMS CAD KYANG RIN PO CHE'I COD PAN DANG LDAN ZHING SGOG PA'I NYAMS CAN NO, ,DBANG PO CHU BDAG RLUNG LHA TSOGS BDAG GNOD SBYIN ZLA BA TSANGS PA SA'I LHA MO RNAMS LA ZLA BA'I GDAN DANG LHAG MA RNAMS NYI MA'I GDAN LA GNAS PA'O, ,TSANGS PA DANG SA'I LHA MO SKU'I RIGS DANG NYI MA RIN PO CHE'I RIGS DANG LUS NGAN DANG DBANG LDAN DANG CHU BDAG RNAMS GSUNG GI RIGS DANG RLUNG LHA DON YOD GRUB PA'I RIGS YIN LA LHAG MA RNAMS MI BSKYOD PA'I RIGS SO, ,DBANG PO LA SOGS PA THAMS CAD KYANG RANG DANG 'DRA BA'I SHES RAB MA DANG BCAS PA STE SA'I LHA MO NI RANG DANG 'DRA BA'I THABS DANG BCAS PAR SO SO'I PHYAG MTSAN LAS KYANG BSKYED DO, ,DE DAG GI PHYI ROL TU KLU'I DBANG PO LA SOGS PA DANG SEMS CAN THAMS CAD KYANG BSAM MO, ,DE NAS RANG RANG GI SKABS KYI SPYAN 'DREN PA'I TSOGS 'JIG RTEN LAS 'DAS PA DANG 'JIG RTEN PA RNAMS SPYAN DRANGS TE DAM TSIG PA DANG GCIG TU BYA'O, ,DE NAS MCHOD YON DANG ZHABS BSIL LA SOGS PA SNGON DU 'GRO BAS YANG DAG PAR MCHOD DE GTOR MA PHUL BA'I MTHAR DKYIL 'KHOR BA RNAMS MNYES PA'I DON DANG CHAD LHAG GI SKYON ZHE BA'I CHED DANG BYA BA THAMS CAD 'GRUB PA'I DON DU DRIL BU DKROL BA SNGON DU 'GRO BAS YI GE BRGYA PA 'DON PAR BYA'O, ,DE NAS BAD KOR GYI PHYAG RGYAS MNYES PAR BYAS TE PHYAG RGYA SDUD PA NA 'KHYUD PA'I TSUL BYAS TE LAG PA

GA-YON PA'I RDO RJE KHU TSUR SNYING KHAR GZHAG CING GA-YAS PA BRKYANG NAS RI'U MIG GI SA LA BZHAG NAS LHA RNAMS KYI ZHABS LA 'JUS PAR MOS PAS BYA BA SGRUB PA LHUR LEN PA'I YE SHES PA 'KHOR BCAS RNAMS, AOm A'ATMA TIshthA H'Um SV'AH'A ZHES BRJOD CING RI'U MIG NAS BZHANGS SU GSOL LO, ,DE'I RJES SU 'JUG PA'I DBUGS KYIS BCUG STE RANG DANG RO GCIG TU BYAS NAS MCHOD PAR BYA'O, ,DE NAS 'KHYUD PA'I PHYAG RGYAS SE GOL GSUM BYA ZHING, AOm SARBA DUshtA GRiHnA GRiHnA GATZTSA H'Um PHAt CES BRJOD CING PHYOGS SKYONG LA SOGS PA RNAMS GNAS JI LTA BAR GSHEGS SU GSOL TE DE NI GTOR MA RGYAS PA'O, ,RI'U MIG TU DAM TSIG PA BSKYED PA MED PAR YE SHES PA SPYAN DRANGS NAS GZHAN SNGAR BZHIN 'BUL BA NI 'BRING PO'O, ,PHYOGS SKYONG SOGS KYANG RANG GI LHA'I GZUGS SU MOS NAS GNAS JI LTA BAR GNAS PA LA RANG GI 'DOD PA'I GTOR MA SBYIN PA NI BSDUS PA STE DE'I TSE NI GRU GSUM LA SOGS PA'I DKYIL 'KHOR DANG DAM TSIG PA SKYED PA DANG YE SHES PA DGUG PA SOGS KYANG MI DGOS SO, ,DE NI BSKYED RIM PA'I GTOR MA'I CHO GA YIN LA RDZOGS RIM PA LA NI SHES RAB DANG THABS LAS MA GA-YOS PA'I SEMS KYIS BSAMS PA TZAM GYIS SPYAN DRANGS PA'I SHES RAB DANG THABS KYI NGO BO KHO NA'I RANG GI 'DOD PA'I LHA DANG BCAS PA'I DBANG PO LA SOGS PA RNAMS LA YE SHES KYI NGO BOS THA MI DAD PA'I GTOR MA 'BUL BA'O, ,GTOR MA'I RJES SUM ? MCHOD BSTOD KYI MTHAR BZANG PO SPYOD PA LA SOGS PA'I SMON LAM GDAB PAR SH'ANTI PAS BSHAD CING THUN GYI MTHAR YI GE BRGYA

, ,PA GDON PAR MKHAS PA DU MAS BSHAD PA LTAR BYA STE THUN DANG PO'I RIM PA'O, ,DE LA THUN BZHIR BYA BA KYEE RDOR DANG MNGON BRJOD BLA MA SOGS KYI RGYUD MANG PO DANG MDO BSRE SOGS KYI BSTAN BCOS MANG PO LAS GSUNGS LA THUN BZHI NI DZA LAN DHA RI PAS, THUN BZHIR BYIN GYIS BRLABS PA'I RIM PA ZHES BYA BA NI THE RANGS DANG NYI MA GUNG DANG PHYI DRO DANG MTSAN MO STE BSGOM PA'I RIM PA'O, ,ZHES BSHAD PA LTAR SMAN ZHABS KYIS KYANG BSHAD PAS THUN BZHI'I BYED TSUL DE LTAR RO, ,THUN DANG PO THO RANGS KYI THUN LA SNGAR BSHAD PA LTAR BYAS NAS THUN GZHAN GSUM LA RGYAS BSDUS KHYAD MED PAR BYA 'AM MI BYA SNYAM NA, LVA BA PAS THUN DANG PO LA CHO GA THAMS CAD SPYAD NAS GUNG DANG PHYI DRO'I THUN MTSAMS LA RANG NYID 'OD DU GYUR PA H'Um DU GYUR TE DE YONGS SU GYUR PA LAS RTEN DANG BRTEN PA'I DKYIL 'KHOR GSAL BAR DMIGS NAS DBANG BSKUR BA PHYIN CHAD TSANG BAR DANG THUN THA MA LA CHO GA THAMS CAD BYED DE DRIL BU PAS KYANG DE BZHIN DU BSHAD DO, ,MU TIG PHRENG BA LAS THUN GZHAN LA RANG NYID BDAG MED MAR BSGOMS NAS SNYING KHA'I SA BON LAS 'KHOR GYI LHA MO BCU BZHI PHYUNG STE GNAS SU BKOD NAS RNAM DAG DANG SKU GSUNG THUGS BYIN BRLAB DANG DBANG BSKUR BA MAN CHAD RNAMS RDZOGS PAR BYED PAR BSHAD PA BZHIN DU NAG PO SPYOD PA DANG DAM TSIG RDO RJES KYANG THUN GZHAN LA SNYING KHA'I SA BON LAS 'KHOR LO SPROS TE 'GOD PA DANG YE SHES PA GZHUG PA DANG DBANG BSKUR BA MAN CHAD RDZOGS PAR BYED PAR BSHAD DE DAG GI BZHED PAS GZHAL YAS KHANG MA BSDUS PAR YOD PAS DE'I SKYED CHOG DANG BSRUNG 'KHOR DANG TSOGS

GSOG BZHAG NAS DANG PO SBYOR BA DRAN RDZOGS BYAS DKYIL 'KHOR RGYAL MCHOG THUGS KA NAS SPRO BA TZAM BYAS PA'I LUGS SO, ,PHYED BCAS BZHI BRGYA PA'I 'GREL BA LAS KYANG, THUN 'TSAMS SU YANG ZHES BYA BA NI NYI MA GUNG DANG NYI MA'I MTHA' DANG MTSAN PHYED LA YONGS SU RDZOGS PA'I DKYIL 'KHOR YUD TZAM GYIS MNGON DU BYAS LA MCHOD PA DANG BSTOD PA LA SOGS PA YANG SNGA MA BZHIN BYAS NAS GNYID LDOG PA'I DUS SU NYAL BAR BYA'O, ,ZHES GSANG 'DUS LA YANG DE LTAR BYA BAR GSUNGS TE SNGA MA DANG 'DRA'O, ,SNYE MA BCU GNYIS PA LAS, BREL BAS NI THUN GZHAN GYI CHO GA RJES SU BSGRUB BO, ,SKABS YOD NA NI MTHA' DAG BSGRUB BO, ,ZHES THUN DANG PO LA DAL NA CHO GA THAMS CAD DANG BREL NA THUN GZHAN GYI CHO GA STE CHO GA BSDUS PA BYA BAR BSHAD LA SMAN PA'I ZHABS KYIS BREL NA THUN DANG PO LA TSANG BAR BSGOMS NAS THUN GZHAN LA RANG GI GDAN LA LHA'I NGA RGYAL GYIS GNAS TE YI GE GSUM GYIS DKYIL 'KHOR GYI LHA SPROS NAS DBANG BSKUR MCHOD BSTOD BDUD RTZI MYANG BA BYA ZHING PHRA THIG GANG RUNG LA GNAS NAS BZLAS PA BYAS TE BSDUS NAS SNGA MA LTAR BYA BAR GSUNGS TE DAM TSIG RDO RJES BSHAD PA LTAR YE SHES PA GZHUG DGOS PA 'DRA'O, ,DE LTAR NA THUN THOG MTHA' GNYIS RGYAS LA BAR PA GNYIS BSDUS PA'I LUGS GCIG DANG DANG PO RGYAS LA GZHAN GSUM BSDUS PA NI DAL BREL GYIS MA YIN GYI RGYUN PA'I BYED LUGS SO, ,BREL BAS KYANG DANG PO RGYAS PA DANG THA MA GSUM BSDUS TE BYED PA DANG THUN DANG PO LA YANG DAL BREL GNYIS KYI DBANG GIS RGYAS BSDUS GNYIS BYED LA GZHAN GSUM BSDUS TE BYED PA MAN SNYE'I LUGS RNAMS LAS

, ,GANG RUNG BYA LA DAL NA LVA BA BA LA SOGS PA'I LUGS SU BYAS NA LHA SGOM PA'I YUN RING BA LA KHYAD CHE ZHING SBYANG GZHI SBYONG BA'I BSKYED RIM GYI GNAD RNAMS KYANG MI 'CHAD PAR SNANG NGO, ,GNYIS PA NI DE LTAR THUN SNGA MA BTANG NAS PHYI MA MA ZUG BA'I BAR SKABS RNAMS KYANG DGE BA'I BYA BAS 'DA' DGOS PAS DE'I TSUL LA LONGS SPYOD YONGS SU DAG PA'I RNAL 'BYOR NI RANG NYID GTZO BO GANG YIN GYI NGA RGYAL DRAN PAR BYAS LA DBANG PO RNAMS YUL LA 'JUG PA NA YUL RNAMS LHA'I RANG BZHIN DU BLTAS NAS DE DAG GIS MCHOD PAR MOS PA'O, ,DE YANG SPYI'I RNAM DAG GI DBANG DU BYAS NA THAMS CAD KYANG GNYIS SU MED PA'I YE SHES KYI BDAG NYID RDO RJE 'CHANG GI RNAM PAR BLTA BAR BYA'O, ,SO SO'I RNAM DAG NI GZUGS RNAM SNANG SGRA MI BSKYOD BA DRI RIN 'BYUNG RE 'OD DPAG MED REG DON GRUB TU BLTA STE THABS KYI DAG PA'O, ,SHES RAB KYI DAG PA'I DBANG DU BYAS NA YUL LNGA RNAMS GZUGS RDO RJE LA SOGS PA'I LHA MO LNGAR BLTAS LA MCHOD PAR BYA'O, ,DE YANG 'KHOR GSUM MI DMIGS PA'I SHES RAB KYIS ZIN PAR BYAS NAS DUS KUN TU DRAN PA BSTEN NA TSOGS GNYIS PA DE BLAG TU RDZOGS PA'I THABS YIN TE SGRUB THABS KUN BZANG LAS, PHYIN CI LOG GI RTOG PA SPANGS PA YIS, ,BYA BA MA LUS PA NI RDZOGS PAR BYA, ,DE YIS THUB PA'I 'KHOR LO MA LUS PA, ,MCHOD PA 'DI NI KUN TU MCHOG YIN NO, ,ZHES GSUNGS PA LTAR RO, ,DE LTAR SHES NAS RANG GANG LA LONGS SPYOD PA DANG GZHAN LA SBYIN PA LA SOGS PA YANG DE'I SGO NAS BYA'O, ,LAS RNAM PAR DAG PA'I RNAL 'BYOR NI, RANG GTZO

BOR GSAL BA'I DRAN PAN RE BSTEN NAS 'GRO BA DANG 'DUG PA DANG 'CHAG PA LA SOGS PA'I LUS KYI LAS DANG SMRA BA'I NGAG GI LAS BYAS PA THAMS CAD PHYAG RGYA DANG SNGAGS SU 'GYUR BA'I TSOGS GSOG PA YIN TE SGRUB THABS KUN BZANG LAS, LUS LA SOGS PA'I LAS RNAMS DE DANG DE, ,RTAG TU LEGS PAR MNYAM PAR GZHAG RTOGS BYA, ,RNAM PA DE 'DRA'I SEMS LDAN LUS DANG NI, ,DAG YID LAS RNAMS GANG YANG RUNG BA DAG ,PHYAG RGYA DANG NI SNGAGS KYI RNAM PA RU, ,RDZOGS PA'I SANGS RGYAS KUN GYIS DE GSUNGS SO, ,ZHES DANG RDO RJE SNYING PO RGYAN GYI RGYUD LAS KYANG, ,MNYAM PA NYID KYI GNAS 'DUG NA, ,LUS KYIS CI TZAM BSKYOD PA DANG, ,TSIG TU RAB TU 'PHRO BA'I RNAMS, ,DE DAG SNGAGS DANG PHYAG RGYAR 'GYUR, ,ZHES GSUNGS SO, ,DE YANG THOG MAR LUNG MA BSTAN DU 'GRO BA'I LUS NGAG GI KUN SPYOD RNAMS DGE BAR SGYUR NUS LA DE NAS RIMS KYIS STOBS RGYAS PA NA GZHAN LA MI DGE BAR 'GYUR BA RNAMS KYANG TSOGS CHEN PO 'PHEL BA'I THABS SU 'GYUR RO, ,DAM TSIG NYAMS NA DAG PAR BYA BA'I RNAL 'BYOR NI, SGRUB THABS KUN BZANG LAS, DAM TSIG NYAMS LA SNYING KHA'I ZLA BAR NI, ,SNYING PO SNA TSOGS RDO RJE JI BZHIN BSAM, ,DPAL LDAN DAM TSIG RDO RJE'I RNAL 'BYOR BAS, ,'GRO BA RANG BZHIN GYIS DAG RNAM BSAMS LA, ,SNA TSOGS PADMA 'DAB MA'I DBUS SU NI, , SNGAR GYI RIM PAS DBANG SKUR KUN TU BLANG, ,ZHES GSUNGS SO, ,DE'I DON NI DPAL 'BRAS RDO RJES RANG GI SNYING KHAR DBANG CHEN GYI DKYIL 'KHOR GYI STENG DU SNA TSOGS PADMA LA GNAS PA'I ZLA BA'I DBUS SU H'Um LAS BYUNG BA'I SNA TSOGS RDO RJE'I GDAN GYI STENG

, ,DU KHAM LAS RAL GRI DE YONGS SU GYUR BA LAS DON YOD GRUB PA THABS DANG SHES RAB KYI BDAG NYID BSGOM PAR BYA'O, ,DE NAS CHOS THAMS CAD RANG BZHIN GYIS RNAM PAR DAG PAR BSAMS LA YE SHES SEMS DPA'I THUGS KA'I SA BON GYI 'OD ZER GYIS BSKUL BA'I NAM MKHA' LA BZHUGS PA'I DE BZHIN GSHEGS PA RNAMS KYI 'OD ZER LAS BYUNG BA'I SPYAN LA SOGS PA'I LHA MO PHYAG NA BDUD RTZIS GANG BA'I BUM PA BSNAMS PA RNAMS KYIS BDAG NYID KYI PHRA RAB RNAMS BRLAN ZHING DBANG BSKUR BAR BSAM MO, ,'DI NI LHA SGOM PA SNGON DU 'GRO BAS BDUD RTZI LNGA BSTEN PA LA SOGS PA RGYUD LAS GSUNGS PA'I GSANG SNGAGS KYI SPYOD PA SKYONG BA'I DAM TSIG NYAMS PA'I GNYEN PO YIN NO ZHES RANG GI LUGS BKOD CING, BDAG NYID ZHU BA LAS DON GRUB TU DAM TSIG PA'I RNAM PAR BSKYED NAS DBANG BSKUR BAR BYA'O ZHES 'DOD PA'I GZHAN LUGS BKAG GO ,BZHI BRGYA LNGA BCU PA LAS, ,DAM TSIG NYAMS LAS BSLANG BA NI, ,DON YOD RDO RJE'I 'KHOR LO BZANG, ,SNYING KHAR LAS KYI RDO RJE KHAM, ,BSAMS NAS THAMS CAD BDAG DBANG BSKUR, ,ZHES GSUNGS PA'I 'GREL BAR SH'ANTI PAS BDAG NYID DON GRUB TU BSKYED PA DKYIL 'KHOR GYI GTZO BOR BYAS PA'I THUGS KAR SNA TSOGS RDO RJE LA YI GE KHAM BSAMS NAS RANG NYID DBANG SKUR BA GSUNGS PA'I DE GNYIS GANG RUNG GIS BYA STE BLA MA LA BRNYAS PA LA SOGS PA'I NYES PA SBYONG BA LA NYE BAR MKHO BA YIN NO, ,ZAS KYI RNAL 'BYOR NI, BTUNG BA SOGS KYI KHA ZAS STEN PA'I TSE NA'ANG RANG NYID LHAR DRAN ZHING KHA ZAS BDUD RTZI LTAR BYIN

GYIS BRLABS NAS LHA MCHOD PA'I BSAM PAS LONGS SPYAD PAR BYA'O, ,KHRUS KYI RNAL 'BYOR NI DBANG BSKUR BA'I SKABS LTAR BYA'O, ,NYAL BA'I RNAL 'BYOR NI, STONG PA NYID KYI RANG BZHIN LHAN CIG SKYES DGA'I NGO BOR BDAG NYID KYANG 'OD GSAL BA'I RANG BZHIN DU LHAG PAR MOS NAS SHES RAB DANG THABS KYI BDAG NYID KYIS NYAL BAR BYA'O, ,ZHES MAN SNYE LAS GSUNGS PA LTAR BSHAD PA SHIN TU MANG BAS DE BZHIN DU BYA'O, ,LDANG BA'I RNAL 'BYOR NI, d'A MA RU'I SGRA GRAG PA'I RNAM PA 'AM LHA MO'I GLUS BSKUL NAS LDANG BAR BYA'O, ,GSUM PA NI, BLO RANG GI DE KHO NA NYID LA ZHUGS PA'I GOMS PA 'PHEL NAS MA RIG PA THAMS CAD ZAD PA NA SEMS KYI DE KHO NA NYID KYI CHOS CAN GZUGS LA SOGS PA'I PHUNG PO'I 'PHRUL SNANG RNAMS LOG NAS SANGS RGYAS KYI SKUR 'GYUR PAS NA CHOS CAN THA MAL PA'I LUS NI 'KHRUL RGYUS BSLAD PA'I GLO BUR PA'I CHOS CAN YIN LA, SANGS RGYAS KYI SKU NI NAM MKHA' JI SRID PAR GNAS PAS 'BRAL MI RUNG GI CHOS CAN NO, ,YE SHES RDO RJE KUN LAS BTUS KYI LUNG ZHAL LUNG GI 'GREL PAR DRANGS BA LAS KYANG, GSANG BA PA'I BDAG PO THAG PA'I SBRUL GANG YIN PA DE NI YOD PA MA YIN NO, ,'ON KYANG RAB RIB KYIS DE LTAR SNANG BA YIN NO, ,SKYES BU GANG GIS RAB RIB SPANGS TE BRTAGS NA THAG PAR MTHONG ZHING DON GZHAN MED DO, ,GSANG BA'I BDAG PO DE BZHIN DU RTAG PA LA SOGS PA LA GZUGS LA SOGS PAR 'KHRUL PA DE NI YOD PA MA YIN NO, ,'ON KYANG GZUGS LA SOGS PAR ZHEN PA'I BAG CHAGS KYI PHYIR RO, ,SKYES BU GANG GIS NGES PAR BSTAN PA'I LAM LA GZHOL ZHING KUN BTAGS DE

, ,BZLOG NA RTAG PA LA SOGS PAR MTHONG ZHING DON GZHAN MED DO, ,ZHES GSUNGS TE RTAG PA NI RNAM SNANG GI MTSAN GYI RNAM GRANGS SO, ,GROL BA'I THIG LE LAS KYANG, RAB RIB SPANGS BAS THEG PA LA, ,GZHAN NI CUNG ZAD RNYED MI 'GYUR, ,DE BZHIN SPROS SPANGS DKYIL 'KHOR LA, ,'KHOR BA CUNG ZAD RNYED MI 'GYUR, ,DES NA ZAB GSAL DKYIL 'KHOR BAS, ,NGA NI RTAG TU MYA NGAN 'DAS, ,ZHES GSUNGS SO, ,DES NA THA MAL PA'I PHUNG PO SAMS KYI DE KHO NA NYID KYI CHOS CAN YIN PA NI MA RIG PAS BSLAD PA KHO NA'I DBANG GIS YIN PAS THUGS DE KHO NA NYID LA DUS KUN TU ZHUGS PA'I GNYIS SU MED PA'I YE SHES SU SONG BA NA LUS THA MAL PA GTAN LOG NAS DE'I RTEN DU MI RUNG BAR MTSAN DPE'I SKUS DE'I RTEN BYED PA YIN NO, ,DE'I PHYIR MA RIG PAS MA BSLAD PA'I CHOS CAN NI RNAM SNANG LA SOGS PA'I SKU RNAMS YIN PAS CHOS THAMS CAD STONG PA NYID DU GTAN LA PHEBS PA'I BLOS SVA BH'A WA LA SOGS PA'I SNGAGS DON BSGOMS NAS LUS KYI RNAM PAR LDANG BA NA RNAM SNANG LA SOGS PA'I SKUR LDANG BA YIN NO, ,DE LTAR MA BSLAD PA'I CHOS CAN DANG CHOS NYID KYI DANG TSUL JI LTAR YIN PA'I RJES SU 'BRANGS NAS SNGAGS PAS LAM SGOM PA'I LHA'I 'KHOR LO DE NYID RGYA CHE BAR YANG 'JOG STE PHYED BCAS BZHI BRGYA PA LAS, SBYIN BYA LA SOGS MI DMIGS KYANG, ,SBYIN SOGS THA MAL BDAG NYID CAN, ,BDAG MED THA MAL MI 'JOMS KYI, ,'KHOR LO MCHOG LA DE YOD MIN, ,ZHES GSUNGS SHING DE'I 'GREL PAR SH'ANTI PAS KYANG, SBYIN PAR BYA BA LA SOGS

PA MA DMIGS SU ZIN KYANG SBYIN PA LA SOGS PA DE DAG THA MAL PA'I BDAG NYID CAN YIN TE YUL DANG DUS KYI RNAM PA YONGS SU GCOD PA'I PHYIR BDAG MED PAS TSAD CAN 'JOMS PAR MI BYED KYI, ZHES DANG PHYOGS DANG DUS YONGS SU BCAD PA MED PA GANG YIN PA DE NI CHEN PO YIN PAS RGYA CHE BA YIN LA, GANG RANG GI YUL DANG DUS KYI RNAM PA NGES PA'I BDAG NYID CAN DE NI CHUNG BA NYID YIN PA'I PHYIR THA MAL PA ZHES BSHAD DO, ,ZHES PHAR PHYIN GYI THEG PA LA BDAG MED RTOGS PA'I ZAB MO YOD KYANG THA MAL PA'I SNANG BA DANG RNAM PA 'GAL BA'I LHA'I 'KHOR LO MED PAS RGYA CHUNG LA SNGAGS LA DE YOD PAS RGYA CHE BAR GSUNGS SO, ,'O NA YUL DUS TSAD CAN YIN MIN GYIS RGYA CHE CHUNG DU 'JOG PA'I DON DE GANG YIN SNYAM NA, CHOS RNAMS KYI DE KHO NA NYID RO GCIG PA DANG DE'I CHOS CAN MA BSLAD PA'I DBANG DU BYAS NAS LHA'I RNAL 'BYOR SGOM PA NA DE BZHIN GSHEGS PA THAMS CAD KYI GZUGS KYI SKU LA SOGS PA'I YON TAN YUL DUS PHYOGS RE BA'I SGO NAS RGYA YONGS SU CHAD PA MED PAS THAMS CAD KYI DBANG DU BYAS NAS SGOM PAS NA RGYA CHE BA YIN LA, DE 'DRA BA'I LHA'I RNAL 'BYOR MED NA CHOS THAMS CAD KYI DE BZHIN NYID THA MI DAD PA'I ZAB MO'I RNAL 'BYOR YOD KYANG CHOS CAN GYI NGOS NAS RGYA MA CHAD PA'I SGOM PA MED PAS RGYA CHUNG BA YIN NO, ,DE LTAR YANG SH'ANTI PAS, BDAG NYID KYI DNGOS PO SHIN TU RNAM PAR DAG PA'I SA DANG PHA ROL TU PHYIN PA'I RANG BZHIN CAN DU BSGOMS PA DE'I STOBS KYIS SANGS RGYAS THAMS CAD KYI PHA ROL TU PHYIN PA LA SOGS PAS BDAG NYID KYI PHA ROL TU PHYIN PA LA SOGS PA SEMS KYI SKAD CIG MA THAMS

, ,CAD LA YONGS SU RDZOGS PAR BYED PA DANG, BDAG DANG GZHAN LA MCHOD PAS KYANG SANGS RGYAS THAMS CAD LA MCHOD PAR 'GYUR BA DANG, DNGOS PO DMAN PA RNAMS KYIS KYANG PHUL DU BYUNG BA'I MCHOD PA BYED PAS BYANG CHUB RNYED PAR SLA BA YIN PAS 'DI NI BYANG CHUB KYI LAM GYI RANG BZHIN DU GYUR PA YIN NO, ,DE BAS ZHES BYA BA 'DIS NI SHIN TU MYUR BA KHO NAR BYANG CHUB 'THOB PAR BYED PA'I KHYAD PAR BSTAN PA YIN TE, RNAL 'BYOR DAG NI 'DI NYID KYIS, ,MYUR DU SANGS RGYAS NYID THOB 'GYUR,, ZHES JI SKAD BSHAD PA LTA BU'O, ,ZHES GSUNGS SO, ,'DI YANG SNGAR BSHAD PA LTA BU'I SBYANG GZHI SBYONG LUGS DANG SANGS RGYAS KYI CHOS MTHA' YAS PA'I NGO BOR MOS NAS SGOM ZHIGN RDZOGS PA'I RIM PA MTHA' DAG SKYE BA'I DGE RTZA SMIN BYED YIN PAS RGYUD SDE 'OG MA GSUM LA'ANG STONG PA DANG LHA SKU TZAM ZHIG SGOM PA YOD KYANG KHYAD PAR SHIN TU CHE BAS DE DAG DANG MI 'DRA'O, ,'DI'I SGO NAS RGYA CHE BA PHUL DU BYUNG BA NI RDZOGS RIM GYI SKABS SU YOD DO, ,PHA ROL TU PHYIN PA'I THEG PA LA CHOS SKU DANG RJES SU MTHUN PA'I LAM SGOM PA YOD KYANG THA MAL BA'I LUS KYI SNANG BA DANG RNAM PA 'GAL BA'I GZUGS SKU DANG RJES SU MTHUN PA'I LAM SGOM PA MED PAS GZUGS SKU'I RGYU'I TSOGS RDZOGS PA DUS SHIN TU RING NGO, ,SNGAGS KYI THEG PA LA DE RNAMS YOD PAS TSOGS RDZOGS PAR SLA BAR GSUNGS PAS MA BSLAD PA'I CHOS DANG CHOS CAN GYI DBANG DU BYAS NAS ZAB GSAL GNYIS SU MED PA'I DON SGOM PAR 'GRO BA'I 'GRO LUGS LEGS PAR SHES NA SEMS KYI SKAD CIG RE RE ZHING TSOGS DPAG MED

RDZOGS PA LA SOGS PA BSHAD PA RNAMS 'BYUNG NGO, ,THEG PA GZHAN NAS GRANGS MED BSKAL PA YIS, ,RLABS CHEN BSOD NAMS TSOGS RNAMS RDZOGS DGOS PA'I, ,GZUGS SKU'I RGYU RNAMS 'BAD PA CHUNG NGU YIS, ,YONGS SU RDZOGS PAR BYED PA'I THABS MKHAS MCHOG ,BSKYED PA'I RIM PAS SBYANG GZHI SBYONG TSUL DANG, ,RGYUD LA JI LTAR SKYED PA'I RIM PA RNAMS, ,DRI MED LUNG DANG RIGS PA'I RJES 'BRANGS NAS, ,RANG BZOS MA BSLAD SHIN TU GSAL BAR BSHAD, ,RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR PHYE BA LAS, BSKYED PA'I RIM PA BSTAN PA STE LE'U BCU GNYIS PA'O,, ,,GNYIS PA RDZOGS PA'I RIM PA LA BSLAB PA LA GNYIS, RDZOGS RIM SPYI'I RNAM GZHAG DANG, ,THOG MAR SGOM PA'I RDZOGS RIM NGOS GZUNG BA'O,, DANG PO NI, BLA MED KYI LAM RIM PA GNYIS LAS GTZO BO NI RDZOGS RIM YIN LA DE'I TSUL SHING RTA CHEN PO RNAMS KYIS BSHAD PA'I SROL BZANG PO MI 'DRA BA RNAMS LA LAM 'GROD LUGS KYI GO BA CHAGS NA RGYUD DON LA GTING TSUGS PA'I NGES PA RNYED NAS LAM LTAR SNANG GIS BKRI MI NUS SHING LUGS BZANG PO DE DAG RING DU GNAS PA'I RKYEN DU YANG 'GYUR BAS DMIGS PA ZHIB MO'I SGO NAS 'KHRID PA'I RIM PA SLA BAS 'DIR SPYI'I GO BA 'CHAGS PA'I THABS BRJOD PAR BYA'O, ,'DI LA GNYIS, PHA RGYUD PA'I RDZOGS RIM GYI RNAM GZHAG DANG, MA RGYUD PA'I RDZOGS RIM GYI RNAM GZHAG GO ,DANG PO LA GNYIS, 'PHAGS LUGS PA'I RDZOGS RIM GYI RNAM GZHAG DANG, YE SHES ZHABS LUGS KYI RDZOGS RIM GYI RNAM GZHAG GO, ,DANG PO LA GNYIS, DBYE BA DANG BDEN PA GNYIS KYI RDZOGS

, ,RIM BSTAN PA DANG, DBEN PA GSUM GYI RDZOGS RIM BSTAN PA'O, ,DANG PO NI, RDZOGS RIM GYI LAM YONGS SU RDZOGS PAR 'GROD PA LA BSKYED RIM SHIN TU BRTAN PA CIG DGOS PA NI THAMS CAD LA SHES DGOS TE SNGAR BSHAD ZIN TO, ,'DI LA 'DUS PA'I RTZA RGYUD KYI BCU GNYIS PA LAS, BSNYEN PA YE SHES NYID BDUD RTZI, ,THAMS CAD DU NI BRTAG PAR BYA, ,'DI NI SNGAGS RNAMS THAMS CAD KYI, ,SNGAGS KYI DE NYID DON SGRUB PA'O, ,ZHES GSUNG SPA'I DON MCHOG GI BSNYEN PA YAN LAG DRUG GI BDUD RTZIS BSGRUB DGOS PAR SGRON GSAL LAS GSUNGS LA DE YANG RGYUD PHYI MA LAS, RNAL 'BYOR YAN LAG DRUG GIS NI, ,BSNYEN PAR BYAS NAS BSGRUB PA MCHOG ,BSGRUB PAR BYA STE GZHAN DU NA, ,DNGOS GRUB MCHOG NI THOB MI 'GYUR, ,ZHES GSUNGS PA'I DON NO, ,YAN LAG DRUG PO DE NYID DANG RIM PA LNGA NI DON LA MI 'DRA BA MED PAS MGON PO KLU SGRUB KYIS, RLUNG GI DE NYID RIMS KYIS NI, ,SNGAGS KYI DE NYID YANG DAG 'JUG ,SNGAGS KYI DMIGS PA RTOGS NAS NI, ,RDO RJE BZLAS PA RNAMS LA SLOB, ,RDO RJE BZLAS GNAS RNAL 'BYOR PA, ,SEMS LA DMIG SPA THOB PAR 'GYUR, ,SGYU MA LTA BU'I TING 'DZIN GNAS, ,YANG DAG MTHAS NI RNAM PAR SBYANG, ,YANG DAG MTHA' LAS LANGS NAS NI, , GNYIS MED YE SHES THOB PAR 'GYUR, ,ZUNG 'JUG TING 'DZIN LA GNAS NAS, ,SLAR ZHING GANG LA'ANG MI SLOB BO, ,ZHES GSUNGS TE RDO RJE BZLAS PA 'AM NGAG DBEN DANG SEMS LA DMIGS PA 'AM SEMS DBEN DANG, BDAG BYIN GYIS BRLAB

PA SGYU LUS SAM KUN RDZOB BDEN PA DAN GYANG DAG PA'I MTHA' 'OG GSAL LAM MNGON PAR BYANG CHUB PA DANG, GNYIS SU MED PA'I YE SHES SAM ZUNG 'JUG STE RNAM PA LTAR 'GYUR RO, ,SPYOD BSDUS SU LUS DBEN KYANG BSHAD NAS BSKYED RIM NAS ZUNG 'JUG GI BAR SNGA MA SNGA MA LA LOBS NAS PHYI MA PHYI MA LA SLOB PA DANG, LUS DBEN SOGS SNGA MA MED NA PHYI MA MI SKYE BA'I GO RIMS NGES PA YANG MDZAD DO, ,DE LTAR NA DBEN GSUM DANG DBEN PA GNYIS SO SO BA DANG ZUNG DU 'JUG PA'I RDZOGS RIM GSUM MO, ,DE LA SPYIR THUN MONG MA YIN PA'I 'BRAS BU BSGRUB BYA DE CI 'DRA BA ZHIG YIN PA NGOS MA ZIN NA BSKYED RDZOGS KYI LAM RNAMS 'CHUG LA NGOS ZIN NA DE LA DBES NAS DE SGRUB PA'I LAM SHES PA YIN NO, ,DES NA ZUNG 'JUG LA RIM LNGA LAS, ,SLOB BZHIN PA YI RNAL 'BYOR CHE, ,ZUNG DU 'JUG PA BSGOMS GYUR PAS, ,ZHES GSUNGS PA LTAR SLOB PA'I ZUNG 'JUG KYANG YOD LA MI SLOB PA'I ZUNG 'JUG KYANG YOD MOD KYANG DE GNYIS RIGS GCIG PAS THUN MONG DU NGOS BZUNG NA ZUNG DU 'JUG RGYU LA MANG DU BSHAD KYANG GTZO BO NI KUN RDZOB DANG DON DAM PA GNYIS YIN TE RIM LNGA LAS, KUN RDZOB DANG NI DON DAM DAG ,SO SO'I CHA NI SHES GYUR PA, ,GANG DU YANG DAG 'DRES GYUR PA, ,ZUNG DU 'JUG PAR DE BSHAD DO, ,ZHES SO, , ZUNG DU 'JUG TSUL NI RIM LNGA LAS, ,DE NYID SHES PAS RIM PA BZHIN, ,RANG BYIN BRLAB DANG 'OD GSAL SHES, ,DE DAG KHO NA 'DUS PA GANG, ,'DI NI ZUNG 'JUG RIM PA'O, ,ZHES GSUNGS PAS LUS RANG BYIN BRLAB DAG PA'I 'JA' LUS SU SNANG

, ,BA DANG SEMS DON DAM PA'I DE KHO NA NYID LA RO GCIG TU ZHUGS PA'I THUGS GNYIS GCIG YOD PA'I TSE GCIG SHOS MED PA'I RES 'JOG MA YIN PAR DUS GCIG TU TSOGS PA'I YE SHES KYI SKU THOB PA'O, ,DE LA MI SLOB PA'I SKABS SU NI THUGS KYANG DE KHO NA NYID LA RTAG TU BZHUGS SHING SKU YANG MTSAN DPE MTHAR THUG PA'I SKU YIN LA SLOB PA'I ZUNG 'JUG GI SKABS SU NI DE LAS BZLOG PA'O, ,DE GNYIS KA'ANG SEMS SNANG BA GSUM DANG RLUNG 'OD ZER LNGA LAS BSGRUBS PA'I SKU YIN GYI RNAM SMIN GYI LUS SBYANGS PAS DER SONG BA NI MA YIN NO, ,'ON KYANG RNAM SMIN GYI LUS DA DUNG RE SHIG LA 'DZIN PA'I TSUL DANG 'DI DANG SGYU LUS KYI KHYAD PAR LA SOGS PA ZHIB PA'I MTHA' GCOD RNAMS NI 'DIR MA NGAS SU DOGS PA DANG GZHAN DU 'CHAD PAR 'DOD PAS RE SHIG BZHAG GO ,DE 'DRA BA'I SLOB PA'I ZUNG 'JUG GI THUGS DANG SKU NI SANGS RGYAS KYI THUGS DANG SKU'I NYER LEN MCHOG TU GYUR PA YIN PAS RDZOGS RIM GYI BZANG SHOS YIN NO, ,DES NA GZHAN RNAMS LA'ANG 'DI DANG DON GCIG PA 'AM 'DI DANG RIGS 'DRA BA'I RDZOGS RIM MCHOG TU GYUR PA CIG ,'BRAS BU LA NYE BAR SLOB PA'I SKABS SU MA GRUB NA THOB BYA MTHAR THUG PAR 'GROD MI NUS SO, ,DE LTAR SLOB PA'I ZUNG 'JUG GI GO 'PHANG DE YANG SO SOR CHA NI SHES GYUR ZHES GSUNGS BA BZHIN DU SNGON DU BDEN GNYIS RE RE BA'I RDZOGS RIM MED NA YA MED PA'I ZUNG MI 'ONG BAS SGYU MA DANG 'OD GSAL GNYIS SO SOR SGRUB DGOS SO, ,DE YANG SGYU LUS NI STONG PA GSUM GYI

MTHONG 'GRUB LA ZUNG 'JUG NI STONG PA BZHI'I MTHAR LUGS BZLOG TU SHAR BA'I RLUNG SEMS TZAM LAS 'GRUB PA YIN TE, RIM LNGA LAS, RANG BZHIN BCAS 'OD DE DANG DE, ,RNAM SHES DRUG DANG LDAN PA YI, ,BDAG BYIN BRLAB PA'I RIM GYIS KYANG, ,SEMS CAN DON DU'ANG LAN 'GA' 'GYUR, ,JI LTAR DANG BA'I CHU KLUNG LAS, ,NYA DAG MYUR DU LDANG BAR 'GYUR, ,DE BZHIN THAMS CAD STONG PA LAS, ,SGYU 'PHRUL DRA BA 'BYUNG BAR BSHAD, ,CES GSUNGS PA LTAR SPYOD BSDUS DANG SGRON GSAL LAS KYANG YANG YANG GSUNGS SO, ,DES NA DE'I SNGON DU STONG PA BZHI'I MTHAR GNYIS SNANG PHRA MO YANG DAG PA'I 'OD GSAL DU ZHUGS PA DGOS TE DER 'JUG PA LA SEMS GSUM GYI SNANG BA DAG DGOS PAR YANG YANG BSHAD PAS MNGON SUM DU RTOGS PA DGOS SO, ,DE 'GRUB PA LA SNGUN DU RANG BYIN BRLAB SGYU MA'I LUS KUN RDZOB KYI BDEN PA ZHES PA DE THOB DGOS TE RIM LNGA LAS, BDAG BYIN BRLAB PA'I TING 'DZIN DANG, ,DE BZHIN 'OD GSAL BA YI GNAS, ,RGYU DANG 'BRAS BU'I KHYAD PAR GYIS, ,BDEN PA GNYIS SU BSTAN PA YIN, ,BDAG BYIN BRLAB PA'I RIMS KYIS NI, ,'OD GSAL BA NI THOB PAR 'GYUR, ,DE BAS RDO RJE SLOB DPONG YIS, ,DANG POR BDAG LA BYIN BRLAB BSTAN, ,ZHES SO, ,SGYU LUS NI STONG PA GSUM GYI MTHAR LUGS BZLAG TU SHAR BA'I SEMS GSUM RLUNG DANG BCAS PA'I RLUNG SEMS TZAM LAS RANG NYID RDO RJE SEMS DPAR SHAR BA'I SKU YIN TE RIM LNGA LAS, DE NYID RLUNG DANG YANG DAG LDAN, ,RNAM SHES GSUM PO SLAR YANG NI, ,RNAL 'BYOR PA YI LUS SU 'BYUNG, ,SGYU MA'I LUS ZHES DE LA BSHAD, ,CES GSUNGS SO, ,'DI RMI LAM GYI YID LUS

, ,DANG 'DRA BA CIG TU SPYOD BSDUS LAS GSUNGS PAS RNAL 'BYOR BA'I BSAM DON DE 'DRA BA'I SKU THOB PAR SNANG BA'I YE SHES KYI SKU YIN GYI DNGOS PO LA DE LTA BU THONG BA MIN PAS DNGOS PO LA GNAS PA'I SLOB PA'I ZUNG 'JUG GI SKU DANG RLUNG SEMS LAS BSGRUBS PA'I SKUR 'DRA YANG KHYAD PAR CHE STE RMI LAM GYI LUS DANG 'DRA BA'I 'DRA LUGS SHES DGOS PA NI GZHAN DU BSHAD PAR 'DOD DO, ,DES NA RIM LNGA LAS, ME LONG NANG GI GZUGS BRNYAN GYIS, ,SGYU MA'I LUS NI SHAS PAR BYA, ,KHA DOG RNAMS NI 'JA' LTA BU, ,KHYAB PA CHU YI ZLA BAS SO, ,ZHES GSUNGS PA NI SNGAR LTAR RLUNG SEMS TZAM LAS RDO RJE SEMS DPA'I SKUR RANG NYID SNANG BA'I LUS DE DPE DE DAG DANG 'DRA BAR SHES PAR BYA BA'I DON YIN GYI SHA RUS LA SOGS PA'I GDOS BCAS KYI SKU MIN PAR CHU NANG GI ZLA BA LA SOGS PA BZHIN DU DANG ZHING THOGS PA MED PA'I SKUR RANG NYID SHIN TU GSAL BAR SNANG BA TZAM LA MI BYA STE, BSKYED RIM YANG DE LTAR SGOM PAR GSUNGS PAS BSKYED RIM BRTAN POR MA SONG BA LA YANG MIG GIS MTHONG BA LAS KYANG LHAG PA'I GSAL SNANG DANG DE YANG DANG ZHING THOGS PA MED PA 'JA' TSON BZHIN DU SNANG BA DU MA YOD PA'I PHYIR DANG, SGYU LUS NI BSKYED RIM NAS BZUNG STE DBEN GSUM GYI BAR DU YANG MED PAR SPYOD BSDUS LAS GSUNG SPA'I PHYIR RO, ,DES NA BSKYED RIM MTHAR PHYIN PA NA NYUNGS 'BRU TZAM RE'I NANG DU YANG RTEN DANG BRTEN PA'I DKYIL 'KHOR YONGS SU RDZOGS PA CHES SHIN TU GSAL BA BRTAN PO 'BYUNG BAR PHRA THIG GI SKABS SU BSHAD KYANG SGYU LUS MI 'THOB

BAS NA DE 'DRA'I RIGS LA SGYU LUS KYI DON MED DO, ,DE BZHIN DU LHA SKU 'JA' TSON BZHIN DU DANG ZHING THOGS PA MED PA'I SKUR SNANG BA'I TSE LTA BA DRAN PAR BYAS NAS RANG BZHIN MED BZHIN DU SNANG BA'I SGYU MA LTA BU'I RNAM PAR SHAR BA LA YANG SGYU LUS KYI DON MED DE SPYOD BSDUS SU BSKYED RIM PAS SGYU MA LA SOGS PA'I DPES CHOS THAMS CAD SGYU MA BZHIN DU MOS PAR BYED KYANG BDAG BYIN GYIS BRLAB PA MI SHES ZHES DE LA SGYU LUS SU 'DZIN PA LA SGOS SU DGAG PA MDZAD PA'I PHYIR TE LUNG DE NI SNGAR DRANGS ZIN NO, ,GZHAN YANG BSKYED RIM GYI SKABS SU SNOD BCUD RIM GYIS BSDUS NAS STONG NYID DU BCUG PA'I TSE KHA DOG LA SOGS PA'I YUL SNANG RAGS PA THAMS CAD ZHI NAS SEMS GSAL TZAM ZHIG GNAS PA'I MTHAR DE LAS LDANG BA NA BLO SNGON DU SONG BA MED PAR YANG LHA'I SKUR 'CHAR LA, DE YANG DANG ZHING THOGS PA MED PAR SNANG BA YOD KYANG DE DAG LA YANG SGYU LUS KYI DON MED DE, SGYU LUS NI RIM PA DANG PO LUS DBEN DANG BCAS PA MTHAR PHYIN NGAG DBEN GYIS RLUNG LA DBANG THOB PAR BYAS NAS SEMS DBEN BSGOMS TE STONG PA GSUM GYI YE SHES BSKYED PA'I MTHAR SKYED DGOS PA'I PHYIR RO, ,'DI PA'I LUS KYI SGYU LUS 'GRUB LUGS NI SHIN TU DKA' BAR YOD LA SEMS DBEN GYI STONG PA GSUM GYI MTHAR SGYU LUS 'GRUB LUGS MA SHES NA 'OD GSAL DANG DE'I MTHAR ZUNG 'JUG GI SKU 'GRUB TSUL GTAN MI SHES PAS DE DAG RTOGS PA LA 'BAD PAR BYA'O, ,SGYU MA'I LUS 'OD GSAL DU 'JUG PA'I THABS SU RIL 'DZIN DANG RJES GZHIG GI BSAM GTAN GYIS CIG CAR DU SNANG BA RNAMS

, ,'OD GSAL DU SDUD PA DANG RIM CAN DU SDUD PA'I TSUL GNYIS GSUNGS SO, ,'OD GSAL DU 'JUG PA LA SGYU LUS DGOS PA'I RGYU MTSAN LA KHA CIG CHOS CAN SGYU MA LTA BU'I DON MA RTOGS PAR CHOS NYID 'OD GSAL MNGON DU BYED MI NUS GSUNG BA DANG, GZHAN DAG SGYU LUS PA LA SGYU 'DZIN GYI DRI MA CIG YOD PA 'OD GSAL GYIS SBYONG BAS SGYU MA 'OD GSAL DU 'JUG DGOS PA YIN ZHES SMRA BA NI SGYU LUS NGOS MA ZIN PA'I GTAM YIN TE, RANG BZHIN MED BZHIN DU SNANG BA NI SGYU MA LTA BU'I DON YIN MOD KYANG SGYU LUS KYI PHYOGS NA'ANG MED DE 'PHAGS PA LHAS PHAR PHYIN GYI THEG PA DANG BSKYED RIM PAS DE LTAR GTAN LA PHAB NAS SGOM YANG RANG BYIN BRLAB KYI DON MI SHES ZHES DE LA SGYU LUS SU 'DZIN PA BKAG PA'I PHYIR DANG, SGYU LUS 'OD GSAL DU 'JUG PA'I THABS THUN MONG MA YIN PAR MTHONG NAS CHED DU BSKYED PA YIN GYI SGYU LUS SGYU 'DZIN GYI DRI MA YANG MIN LA SGYU LUS KYI DBANG GIS GYUR 'DZIN GYI DRI MA DRANGS PA'ANG MIN PA'I PHYIR RO, ,DES NA SGYU LUS NI STONG PA GSUM GYI MTHAR RLUNG SEMS LAS GRUB PA'I SKU YIN LA STONG PA GSUM GYI YE SHES MNGON DU MA BYAS BAR NI STONG PA BZHI PA LA 'JUG MI NUS SHING, STONG PA GSUM GYI MTHAR RLUNG SEMS LAS GRUB PA'I SKU SGRUB MA NUS NA STONG BA BZHI'I MTHAR YANG SKU DE SGRUB MI NUS BAS STONG PA GSUM SGYU LUS DANG BCAS PA 'DI GSAL GYI SNGON DU 'GRO DGOS PA NI ZUNG 'JUG DANG GNYIS KA LA DGOS PA'I DBANG DU MDZAD KYI 'OD GSAL GCIG BU'I CHED MIN NO, ,GNYIS PA NI, DE LTA BU'I

SGYU LUS 'GRUB PA LA SEMS DBEN STONG PA GSUM GYI YE SHES BSKYED DGOS LA DE YANG PHYAG CHEN THIG LE'I LNGA PA LAS, GANG PHYIR DGA' BA DE SNANG BA, ,SNANG BA MCHED PA MCHOG TU BSHAD, ,KHYAD DGA' NYE BAR THOB PAR SHES, ,LHAN CIG SKYES DE 'OD GSAL BA'O, ,ZHES GSUNGS TE MAN SNYER 'DI BZHIN DU BSGYUR BA LEGS SO, ,DE LTAR DGA' BA BZHI DANG STONG PA BZHI DON GCIG TU BSHAD PA NI SPYI'I DBANG DU BYAS PA YIN TE DPER NA LHAG MOS STONG NYID DU BSDUS PA LA 'OD GSAL DU BSDUS PAR BSHAD PA BZHIN NO, ,DES NA 'OD GSAL SGOM PA TZAM DANG RIM LNGA'I YA GYAL GYI 'OD GSAL KHYAD SHIN TU CHE BA LTAR SPYIR SNANG BA GSUM DANG SEMS DBEN GYI SNANG BA GSUM YANG KHYAD SHIN TU CHE STE, 'DI NI RIM PA DANG PO DANG LUS DBEN MTHAR PHYIN CING DAG DBEN RLUNG 'BYONGS PA'I MTHAR SKYE BA'I SNANG BA GSUM YIN PA'I PHYIR TE SPYOD BSDUS LAS LUS DBEN LA SOGS PA DRUG SNGA MA MED PAR PHYI MA MI 'BYUNG BAR GSUNGS PA'I PHYIR RO, ,SEMS DBEN GYI YE SHES DE YANG PHYI'I RKYEN NI, SGYU MA DAG NA THAMS CAD LAS, ZHES SOGS SNGAR DRANGS PA LTAR RIG MA LA BRTEN NAS SKYE MOD KYANG DE'I SNGON DU NANG GI RKYEN RTZA DANG THIG LE LAS RUNG DU SGRUB PA'I THABS KHYAD PAR CAN BSTEN DGOS LA, DE YANG RGYUD SDE RNAMS LAS DU MA ZHIG GSUNGS KYANG 'PHAGS PA YAB SRAS KYI BZHED PAS RLUNG LAS RUNG DU SGRUB PA NYID GNAD DAM PA YIN PAS GTUM MO DANG THIG LE'I RNAL 'BYOR LA SOGS PA'I DMIGS PA RIM PA MANG PO MA MDZAD PAR RLUNG GI RNAL 'BYOR NYID GSUNGS SO, ,DE YANG RIM LNGA LAS,

, ,SEMS CAN KUN GYI SROG GYUR PA, ,RLUNG ZHES BYA BA LAS KUN BYED, ,'DI NI RNAM SHES BZHON PA STE, ,LNGA YI BDAG NYID BCU YANG YIN, ,ZHES GSUNGS PA LTAR BZHI DUS SU YANG RLUNG GIS 'GRO BA LA DBANG BYED LA DE'I PHYIR DE DBANG DU 'DUS NA LAM GYI YON TAN RNAMS BDE BLAG TU SKYED NUS PAS DE LA DGONGS SO, ,RLUNG DBANG DU BYED PA'I RNAL 'BYOR YANG RGYUD DAG LAS MI 'DRA BA MANG PO GSUNGS KYANG RDO RJE'I BZLAS PA NYID LA MDZAD DE DE'I DGONGS PA NI SNGAGS KYI THEG PAR SGRUB PA POS RANG GI SGO GSUM DE BZHIN GSHEGS PA'I SKU GSUNG THUGS DANG DBYER MI PHYED PAR BYAS NAS LAM SGRUB DGOS PAR LAN DU MAR GSUNGS PAS, RANG GI LHAS LA THA MAL PA'I NGA RGYAL BSAL NAS RGYAL BA'I SKUR SGRUB PA NI RIM PA DANG PO DANG LUS DBEN GNYIS KYIS BYED CING, DE YANG SA BON LA SOGS PA LAS LHA'I SKUR BSKYED NAS SGRUB PA NI RIM PA DANG POS BYED DO, ,CHOS RNAMS KYI RANG BZHIN GYIS STONG PA'I DE KHO NA NYID DBYER MI PHYED PA'I RE GCIG TU RTOGS NAS DE DANG GNYIS SU MED PAR ZHUGS PA'I YE SHES NYID LHAR SHAR BA'I SKU GSANG CHEN RDO RJE 'CHANG GI RIGS GCIG DANG, DE LAS SKU GSUNG THUGS RDO RJE'I RIGS GSUM DANG DE LAS RIGS LNGA DANG DE LAS RIGS BRGYAR 'GYUR BA'I LUS RNAM PAR DBEN PA'I TING NGE 'DZIN GYI THA MAL PA'I NGA RGYAL SBYANGS TE LHA'I SKU SGRUB PA NI LUS DBEN NO, ,DE LA DGONGS NAS LUS DBEN LA SKU RDO RJE'I TING NGE 'DZIN DU GSUNGS SO, ,'DI DANG BSKYED RIM GNYIS SPANG BYA THA MAL GYI NGA RGYAL DU 'DRA YANG SBYONG BYED LA

KHYAD PAR SHIN TU CHE'O, ,DE LTAR BSGOM BYA LHA'I SKUR SGOM PA'I TING NGE 'DZIN MTHA' YAS KYANG MTHAR GTUGS NA GSANG CHEN RDO RJE 'CHANG GI RIGS GCIG LA THUG PA BZHIN DU, BZLAS BYA'I SNGAGS MTHA' YAS SHING BZLAS PA'I PHAN YON YANG DU MA CIG BSHAD PA'I SNGAGS LA DRANG NGES GNYIS SU BSHAD PA NA NGES DON GYI BZLAS PA NI RDOR BZLAS NYID DU GSUNGS PAS NGAG GI RTZA BA RLUNG DBANG DU SDUD PA YANG RDO RJE'I BZLAS PA NYID BSNGAGS PAR DGONGS PA YIN NO, ,DE'I PHYIR DE LA GSUNG RDO RJE'I TING NGE 'DZIN DU GSUNGS SHING BZLAS PA THAMS CAD MTHAR DE LA GTUGS LUGS NI SPYOD BSDUS LAS GSUNGS SO, ,DE LTAR BSKYED RIM NAS LUS DBEN GYI BAR GYIS SKU GRUB PAS SNGAGS ZLOS PA PO MTHAR PHYIN PAR GRUB LA DES BZLAS PA'I MTHAR THUG PA LA BZLAS PA BYAS PAS LAS KUN BYED PA'I RLUNG DBANG DU 'DUS PA NA, KHAMS 'DZIN PA DANG 'DREN PA LA SOGS PA THAMS CAD RLUNG GI MTHUS NUS PAS PHYI'I PHYAG RGYA DANG SBYAR BAS GTUM MO'I ME 'BAR NAS BYANG SEMS BZHU BA PHYIR MI 'PHO BAR BZUNG BA LAS RANG BZHIN BRGYAD CU'I RNAM RTOG 'GAGS NAS STONG PA GSUM GYI YE SHES BSKYED DE THUGS RDO RJE'I TING NGE 'DZIN MNGON DU BYED NA ,DE'I MTHAR SGYU MA'I SKUR LDANG BA YIN NO, ,STONG PA CHEN PO'I YE SHES RDZOGS PAR BSKYED PA'I MTHUS THAMS CAD STONG PA 'OD GSAL DU 'JUG NUS LA STONG CHEN GYI MTHAR RLUNG SEMS TZAM LAS SGYU MA'I SKUR LDANG BA RDZOGS PA'I MTHUS THAMS CAD STONG PA'I MTHAR ZUNG 'JUG GI SKU MNGON DU BYED NUS SO, ,DE NAS ZUNG 'JUG GI DON GOMS PAR BYAS PAS DE'I RIGS 'DRA NYID KYIS SANGS RGYAS KYI SAR BGROD PA 'DI NI 'PHAGS PA

, ,YAB SRAS KYI GZHUNG GI GNAD DAM PA'O, ,'DI DAG KYANG RIM PA GNYIS KA'I SBYANG GZHI SKYE SHI BAR DO GSUM LA BYAS NAS DE GSUM SKU GSUM DU 'CHAR BA'I TSUL LA NGES PA RNAM DAG RNYED DGOS PAR YOD PAS, RIM PA DANG PO'I SBYANG GZHI DANG SBYONG BYED NGO SPROD LUGS RGYAS PAR RNAM GZHAG RIM PA'I RNAM BSHAD DU BSHAD ZIN PAS MA SPROS SO, ,'PHAGS LUGS KYI GZHUNG SHIN TU BRLING BAS GSAL POR THON DKA' BAR SNANG NA'ANG GO YUL DANG NYAMS MYONG PHRAN TSOGS KYIS CHOG SHES MA BYAS PAR LHA DANG BLA MA LA GSOL BA RING DU BTAB NAS SHIN TU MKHAS PA'I GZHUNG LA BRTEN TE SBYANGS NA GZHUNG GDAMS NGAG TU 'CHAR THUB PA YIN NO, ,DE LTAR NA TSUL 'DIR ZHUGS NAS SGRUB PA SNYING POR BYED NA RIM PA DANG PO LA 'BAD NAS LUS DBEN BSKYED DE SROG RTZOL RDO RJE BZLAS PA'I GNAD LA MKHAS PAR BYAS NAS RLUNG NYID LA SBYONG BA GNAD YIN TE RTZA RLUNG THIG LE'I RNAL 'BYOR GZHAN RNAMS KYI 'ANG DGOS PA 'DIS 'GRUB PAR DGONGS PA'O, ,GNYIS PA NI, RJE BTZUN ' 'JAM DPAL DBYANGS KYIS SLOB DPON CHEN PO YE SHES ZHABS DNGOS SU RJES SU BZUNG NAS GDAMS PA'I BDUD RTZI BSTZAL BA 'JAM DPAL GYI ZHAL GYI LUNG DANG, GSUNG GI GNANG BA BYUNG BA LA BRTEN NAS SLOB DPON DES MDZAD PA'I GROL PA'I THIG LE GNYIS NI RDZOGS PA'I RIM PA GTAN LA 'BEBS SO, ,LUGS 'DI LA 'PHAGS YUL DU PAn GRUB KYI RJES 'BRANG DU MA ZHIG BYUNG ZHING NYI ZLA LTAR GRAGS PA'I SHING RTA CHEN PO'I SROL DU SNANG BAS DE'I LUGS KYI RDZOGS RIM GYI RNAM GZHAG MED TZAM DU

BRJOD NA, GROL BA'I THIG LE LAS, DES NA ZAB GSAL BYANG CHUB NI, ,GNYIS MED RTOGS PAS DE GROL LO, ,ZAB MO KHO NA RTOGS PAS MIN, ,GSAL BA DAG KYANG DE BZHIN NO, ,DE BZHIN THAL BYUNG ZAB MO YIS, ,GROL 'DOD DE LA NGA MA DANG, ,DE BAS GNYIS MED RANG BZHIN DU, ,RTOGS PAS TSE 'DIR 'BRAS THOB NGES, ,RNAM PAR RTOG PA KUN BRAL BAS, ,BSAM BRJOD YUL LAS SHIN TU 'DAS, ,MKHA' BZHIN DRI MED KUN 'BYUNG BA, ,BRTAGS BRAL ZAB MO NYID CES BYA, ,PHYAG RGYA CHEN PO'I GZUGS 'CHANG BA, , SGYU MA 'JA' TSON LTA BU RU, ,RANG DANG GZHAN GYI RGYUD SBYONG BAS, ,YANG DAG GSAL BA ZHES BYA'O, ,ZHES SGYU MA LTA BU'I LHA SKU PHYAG RGYA CHEN PO'I LUS DANG DE KHO NA NYID LA ZHUGS PA'I THUGS GNYIS NGO BO DBYER MED DU SBYOR BA'I ZAB GSAL GNYIS SU MED PA'I YE SHES NI RDZOGS RIM GYI GTZO BO'O, ,BSKYED RIM PA'I LHA SKU NI SNGAGS KYI SKU DANG RDZOGS RIM PA'I LHA SKU NI YE SHES KYI SKU YIN LA DE LA YANG YE SHES DANG DAG PA'I SKU GNYIS YOD DE DE NYID LAS, RIM PA GNYIS KYI BYE BRAG GIS, ,SNGAGS KYI SKU DANG YE SHES SKU, ,YE SHES SKU LA YE SHES DANG, ,RNAM PAR DAG PA'I SKU GNYIS SO, ,ZHES SO, ,DE'I 'GREL PAR YE SHES NI YE SHES LA CUNG ZAD DBANG THOB PA'I RNAL 'BYOR PAS RTOGS PA'I CUNG ZAD DAG PA'I SGYU MA LTA BU'I SKU DANG DAG PA LA MTSAN NYID KYI TSUL DU GNAS PA MI SLU BA'I SKU DANG DE JI BZHIN PA'I 'BRAS BU'I SKU GNYIS SU BSHAD DE SNGA MA NI SGYU LUS DANG GNYIS PA NI SLOB PA'I ZUNG 'JUG DANG GSUM PA NI MI SLOB PA'I ZUNG 'JUG DANG 'DRA BA'O, ,DE DAG KYANG ZHAL LUNG LAS, ,CHOS RNAMS GZUGS LA

, ,SOGS PA YI, ,KUN MKHYEN PAR GYI RANG BZHIN NO, ,NAM MKHA'I DKYIL LTAR RNAM DAG PA'I, ,ZAB GSAL GNYIS MED YE SHES TE, ,ZHES DANG, RTOG PA KUN LAS RAB DBEN PA, ,PHUN SUM TSOGS RGYU DPAG DKA' BA, ,PHYAG RGYA CHEN POR RAB SNANG BA, ,ZER GYIS RANG GZHAN SMIN BYED PA'I, ,DE GNYIS MED PA'I RANG BZHIN MCHOG ,CES RTOG PA ZHES PA'I RKANG PA GNYIS KYIS ZAB PA DANG DE NAS GNYIS KYIS GSAL BA BSTAN PA'I DGONGS PA'O, ,DES NA RDZOGS RIM GYI GNAD MTHAR GTUGS PA NA BDEN GNYIS DBYER MED DAM ZAB GSAL GNYIS MED DAM BDE STONG GNYIS MED CES GSUNGS PA'I DON DBYER MED LUGS SNGAR BSHAD PA 'DRA BA ZHIG GIS SANGS RGYAS KYI NYE RGYU BYED PA 'DI SHING RTA CHEN PO'I RDZOGS RIM THAMS CAD LA GO DGOS SO, ,DE'I GNAD KYIS BSKYED RIM GYI SKABS SU YANG SVA BH'A BA LA SOGS PAS STONG NYID DU ZHUGS PA'I NGANG NAS LHA'I SKUR LDANG BA'I RIM PA BSHAD PA YIN LA RDZOGS RIM GZHAN RNAMS KYIS KYANG ZUNG DU 'JUG PA'I YE SHES KYI SKU DE BSGRUB DGOS PAS DE SGRUB PA'I THABS SU JI LTAR 'GYUR TSUL BSAMS NAS RDZOGS RIM GYI GNAS RNAMS ZIN PAR BYA'O, ,SNGAGS DANG YE SHES KYI SKU'I RNAM GZHAG DE BZHIN DU 'PHAGS LUGS PAS KYANG BZHED DO, ,DE 'DRA BA'I MTHA'I RDZOGS RIM DE SGRUB PA LA BSKYED PA'I RIM PA PHRA THIG GI RNAL 'BYOR GYI BAR MTHAR PHYIN PA RNAL 'BYOR GSUM PA YE SHES LA CUNG ZAD DBANG THOB PA'I RNAL 'BYOR PAS RDZOGS RIM BSGOMS NAS BYED PA YIN

NO, ,DES BSGOM PAR BYA BA'I RDZOGS RIM NI DGA' BA PA ZHI'I SGO NAS DON CHEN BZHIR BSDUS PA'I LAM ZHIG GO ,DE LA LHAN SKYES KYI DGA' BA'I DBANG DU BYAS PA'I RDZOGS RIM NI SNYING KHA'I YE SHES SEMS DPA'I MTSAN MA'I DBUS SU DKYIL 'KHOR YONGS RDZOGS SGOM PA SNGAR BSKYED RIM DU BSTAN PA BZHIN DU BYAS PA'I GTZO BO DE'I THUGS KHA'I MI SHIGS PA'I THIG LE LAS SKYES BA'I 'OD ZER GYIS SNOD BCUD DANG DKYIL 'KHOR PA RNAMS RIM GYIS BSDUS PA'I MTHAR THIG LE LA SEMS NUS TSAD DU 'DZIN ZHING, SNGAR BSDUS PA'I RIM PA BZHIN DU SLAR YANG DE DAG GSAL BTAB NAS SNANG PHYOGS KYI TING NGE 'DZIN SGOM PAR BYED PA'I TSUL GNYIS LA YANG DANG YANG DU GOMS PAS SA CHU LA THIM PA LA SOGS PA'I RTAGS LNGA 'CHAR ZHING DE DAG GI MTHAR ZAB GSAL GNYIS SU MED PA'I YE SHES KYI SKU 'GRUB LA, DE NAS SPYOD PA BYAS TE 'TSANG RGYA BAR ZHAL LUNG LAS GSUNGS SO, ,'OD GSAL DU 'JUG TSUL LA RIM LNGA LAS, MGO BO NAS NI RKANG PA'I BAR, ,JI SRID SNYING KHAR PHYIN GYI BAR, , RNAL 'BYOR YANG DAG MTHA' LA 'JUG ,RIL POR 'DZIN PA ZHES BSHAD DO, ,RGYU BA DANG NI MI RGYU NYID, ,DANG PO 'OD GSAL BAR BYAS TE, ,PHYI NAS DE BZHIN BDAG NYID BYED, ,RJES SU GZHIG PA'I RIM PA YIN, ,DBUGS KYI RLUNG NI ME LONG LA, ,JI LTAR KUN NAS THIM 'GYUR BA, ,DE BZHIN RNAL 'BYOR YANG DAG MTHAR, ,YANG DANG YANG DU 'JUG PAR BYED, ,CES BSAM GTAN GNYIS GSUNGS PA'I RJES GZHIG GI RIM PA DANG ZHAL LUNG NAS GSUNGS PA GNYIS 'DRA'O, ,'ON KYANG MI SHIGS PA'I THIG LE'I

, ,'OD ZER GYIS SDUD TSUL LA KHYAD PAR MANG PO SNANG NGO, ,ZHAL LUNG LAS 'OD GSAL LAS SEMS DANG DE LAS RLUNG ME CHU SA SOGS PA 'KHOR BAR 'JUG PA'I RIM PA DANG LDOG PA NA 'ANG SA CHU LA THIM PA LA SOGS PA 'PHAGS LUGS PA DANG 'DRA BAR GSUNGS LA, MI SHIGS PA'I THIG LE NI ZHAL LUNG GI 'GREL PA LAS, GNYIS MED YE SHES ZHES PA NI ZAB MO DANG GSAL BA GNYIS SU MED PA'I YE SHES NAM MKHA' LTAR DAG PA GANG YIN PA'O, ,DE KUN RDZOB KYI GZUGS SU JI LTAR GNAS ZHE NA, THIG LE KHA DOG LNGA PA TZA NA KA'I 'BRU TZAM DU RNAM PAR GNAS TE DE BRTAN NAS ZHES PA NI DE LAS RLUNG LA SOGS PA'I DKYIL 'KHOR BYUNG NAS, ZHES 'BYUNG BA BZHIN DU RTZA BAR YANG BSHAD PAS RLUNG 'OD ZER LNGA DANG DBYER MED PAR 'JUG PA'I SEMS MTSON PA'I THIG LA YIN PAS SKYE BA NI DE LAS RLUNG ME CHU SA SOGS SKYE BA BZHIN DU SDUD PA NA'ANG DE LA 'DU BAS SBYANG GZHI DANG MTHUN PAR BYAS PA YIN TE, SEMS DPA' GSUM RTZEG BYAS NAS TING NGE 'DZIN SEMS DPA'I SKABS KYI 'OD GSAL DU 'JUG TSUL 'PHAGS LUGS PAS BZHED PA DANG BSTUN NAS GO DGOS SO, 'DI SNOD BCUD SKYED PA'I GZHI YIN PAS RIM PA DANG PO'I SKABS SU 'DI NYID YI GE'I GZUGS SU GNAS PAR YANG GSUNGS TE ZHAL LUNG LAS, RANG NYID DAM TSIG PHYAG RGYA YI, ,THUGS KAR MTSAN MA LA GNAS PA, ,DE BZHIN GSHEGS KUN YE SHES MCHOG ,RIM PA DANG PO BA RNAMS LA, ,YI GE'I GZUGS SU RAB SNANG BA, ,GZHOM DU MED PA RANG LHA

YI; ;SA BON 'OD ZER LNGA 'BAR BAS, ,ZHES GSUNGS SO, ,DES NA SNGAGS KYI THEG PAR RTEN DANG BRTEN PA SKYED PA PHAL CHE BA'I RGYUR YI GE RE BSGOMS NAS SKYED PA'I GNAD KYANG 'DIS SHES PAR BYA'O, ,GZHAN GANG GIS KYANG DE MI CHOMS PAS NA MI SHIGS PA DANG MA SPROS PAS NA THIG LE ZHES GSUNGS LA DE NI SNYING KHAR GNAS TE ZHAL LUNG LAS, GANG GIS KYANG NI MI SHIGS PA, ,JI SRID DE YI LUS GNAS PA, ,LAS DANG LAS MIN RAB BYED PAS, ,ZHES GSUNGS PA'I 'GREL PAR JI SRID 'DI NI LUS GNAS PAS ZHES PA NI BCUD KYI SEMS CAN RNAMS KYI SNYING PADMA KHA SBYAR GYI DBUS NA THIG LE GNAS PA'O, ,ZHES BSHAD DE 'DIS NI SNYING KHAR YI GE'AM THIG LE BKOD NAS SGOM PA RNAMS KYI GNAD KYANG SHES PAR BYA'O, ,DE LTAR NA THUN MONG MA YIN PA'I 'KHOR BA LDOG 'JUG GI RIM PA DANG 'CHI RIM BZHIN DU 'OD GSAL DU SDUD PA'I SDUD LUGS DANG, DE'I SPRO BSDU MANG DU BYAS PA'I MTHAR MI SHIGS PA'I THIG LE'I DON RLUNG 'OD ZER LNGA DANG BCAS PA'I GZHI LAS ZAB GSAL GNYIS MED KYI YE SHES KYI SKU BSGRUB PAS NA RDZOGS RIM GYI GNAD MTHAR GTUGS PA RNAMS 'PHAGS LUGS PA DANG SHIN TU MTHUN NO, ,ZAB GSAL GNYIS MED SGRUB PA'I LHAN SKYES KYI DGA' BA'I RDZOGS RIM DE'I SNGON DU SPRUL PA'I THIG LE SGOMS PA YIN TE DE NI RLUNG RDO RJE'I BZLAS PA'O, ,'DI LA YANG 'PHAGS LUGS PA DANG MI 'DRA BA'I KHYAD PAR MANG PO YOD LA DE BSGOMS PA'I MTHUS CHOS THAMS CAD SGYU MA LA SOGS PA BZHIN DU RTOGS PAR GSUNGS SO, ,DE'I SNGON DU GSANG BA'I THIG LE SGOM STE SNYING KHA'I

, ,THIG LE GSANG GNAS SU PHAB NAS NOR BUR BZUNG BA'I NANG DU RTEN DANG BRTEN PA'I DKYIL 'KHOR RDZOGS PAR BSGOMS PA'I GTZO BO'I THUGS KAR THIG LE LA SEMS 'DZIN PA DANG SPRO BSDU KHYAD PAR CAN MANG PO YOD PAS DE RNAMS BYED PA'O, ,'DIR YANG RTAGS LNGA 'CHAR BAR GSUNGS LA RTAGS LNGA JI LTAR SNANG BA NI ZHAL LUNG GI 'GREL PA LAS, THIG LE DE'I 'OD ZER GSAL BA DANG MI GSAL BA'I DPE SMIG RGYU DANG 'DRA BA 'BYUNG STE, ZHES DANG, DU BA LTA BU ZHES PA NI SMIG RGYU LAS GSAL BSTE SNGO BA'AM DKAR BA LA SOGS PA NI MA YIN NO, ,ZHES SMIG RGYU SOGS KYI SNANG BA 'BYUNG BA MA YIN GYI SNGA MA SNGA MA LAS PHYI MA PHYI MA GSAL BA'I DPER BSHAD DO, ,SEMS DNGOS PO MED PA'I GNAS SU 'GYUR BA NI GZUNG BA'I YAN LAG DANG DE'I MTHAR PHYAG MTSAN DANG LHA LA SOGS PA SPRO BA NI RJES DRAN GYI YAN LAG DANG THIG LE LA SEMS 'DZIN PA NYID DBUGS 'GOG PA'I YAN LAG TU GSUNGS TE DER SEMS BZUNG BAS RLUNG DBU MAR TSUD PA LA DGONGS SO, ,DE'I SNGON DU SNYING KHAR SNGAR BSHAD PA BZHIN GYI DKYIL 'KHOR YONGS RDZOGS KYI DBUS SU GTZO BO'I THUGS KAR MI SHIGS PA'I THIG LE LAS SPRO BSDU KHYAD PAR CAN MANG DU BYAS NAS THIG LE LA SEMS 'DZIN PAR BSHAD DE LUNG RNAMS NI MANGS SU DOGS NAS MA BRIS SO, ,RDZOGS RIM GYI SKABS SU YANG SGOM PA'I THIG LE'I RNAL 'BYOR RNAMS LA NI BSKYED RIM GYI PHRA THIG DANG MI 'DRA BA'I KHYAD PAR CHEN PO YOD PAS YE SHES ZHABS LUGS KYIS GZHAN RNAMS GYI RIM PA DANG PO'I SKABS

KYI PHRA THIG LA RDZOGS RIM DU BYED CES ZER BA NI LUGS DE'I RGYUS ZHIB PO MED BZHIN DU SMRA BA'O, ,SNYING KHAR MI SHIGS PA'I THIG LE DANG NOR BUR GSANG BA'I THIG LE DANG STENG GI SNA RTZAR SPRUL PA'I THIG LE SGOM PA GSUM NI RIM PA BZHIN DU DGA' BA DANG MCHOG DGA' DANG DGA' BRAL GYI DGA' BA'I DBANG DU BYAS LA, SLAR YANG MI SHIGS PA'I THIG LE KHYAD PAR CAN BSGOMS NAS RJES GZHIG GIS RIM PA BZHIN DU SDUD PA DANG SPRO BA BYED PA NI LHAN SKYES KYI DGA' BA SGOM PA'O, ,DON BSDU NA DANG PO GNYIS KYIS THIG LE'I RNAL 'BYOR DANG GSUM PAS RLUNG GI RNAL 'BYOR SBYANGS NAS RLUNG DANG THIG LE LAS RUNG DU BYAS PA'I DBANG GIS 'OD GSAL DU LUGS 'BYUNG GIS SDUD PA DANG LUGS BZLOG TU LDANG BA YANG YANG GOMS PAS ZAB GSAL GNYIS MED KYI DAG PA'I YE SHES KYI SKU BSGRUBS TE DE'I RIGS 'DRA NYID KYIS 'BRAS BU LA NYE BAR SBYOR BA YIN NO, ,GNYIS PA LA GNYIS, DUS 'KHOR BA'I LUGS KYI RDZOGS RIM DANG, SLOB DPON GZHAN GYI MA RGYUD KYI RDZOGS RIM MO, ,DANG PO LA GSUM, THOB BYA'I BDE STONG DBYER MED NGOS GZUNG BA DANG, DE SGRUB PA'I LAM GYI GRANGS DANG GO RIM NGES PA DANG, MI 'GYUR BA'I BDE BA BYE BRAG TU BSHAD PA'O, ,DANG PO NI, THOB BYA MTHAR THUG GI BDE STONG DBYER MED KYI GO 'PHANG NI SNGAR DBANG BZHI PA'I SKABS SU BSHAD PA BZHIN DU BDE BA THUGS DANG STONG PA GZUGS KYI SKUR BYAS SHING DE GNYIS NGO BO DBYER MED PA'I GNYIS SU MED PA'I YE SHES DRI MA THAMS CAD ZAD PA YIN NO, ,'DI YANG LE'U LNGA PA'I 'GREL CHEN LAS BRGAL LAN MED

, ,PA MDZAD NAS BSGRUBS PA LAS SHES DGOS PAS DE NYID LAS, PHUNG PO DANG KHAMS DANG SKYE MCHED MED NA DBANG PO GNYIS KYI SBYOR BA DANG BRAL BA NI SHES RAB YE SHES RANG RIG PAR MI 'GYUR TE 'PHO BA MED PA NYID KYI PHYIR RO, , ZHES DE BZHIN GSHEGS PAS GSUNGS PA MA YIN NAM, JI LTAR RNAL 'BYOR PAS RANG GI SEMS KYI SNANG BA LA RANG GI SEMS KYIS RJES SU CHAGS PAR BYAS NAS RANG GI SEMS SGRIB PA MED PAR BYED CING MI 'GYUR BA'I BDE BA CHEN PO'I YE SHES LONGS SPYOD PAR BYED DE RDUL PHRA RAB TSOGS PA'I LUS MED PA'I PHYIR RO, ,'DI NYID NI SHIN TU PHYIN CI LOG PA STE LHAS BYIN BDAG NYID KYI PHRAG PAR ZHON NAS GRONG DU 'GRO'O ZHES PA'I NGAG BZHIN NO ZHES 'GA' ZHIG GI BSAM PA 'BYUNG BAR 'GYUR TE, ZHES RTZOD PA BKOD PAS RE SHIG PHYOGS SNGA MA BSHAD PAR BYA'O, ,DE YANG GONG DU DNGUL CHU'I DPES BYANG CHUB KYI SEMS BCINGS PAS PHUNG PO LA SOGS PA SGRIB PA MED PAR BYED PA DANG DE YANG RANG GI SEMS KYI SNANG BA TZAM GYI STONG GZUGS KYI PHYAG RGYA BSGOMS PAS 'GRUB PAR GSUNGS PA LA RGOL BA YIN TE, PHYAG RGYA CHEN MO BSGOMS NAS RDUL PHRA RAB TSOGS PA'I PHUNG PO TSOGS PA MED PAR BYED NA RNAL 'BYOR PAS RANG GI SEMS KYI SNANG BA'I STONG GZUGS KYI YUM DANG SNYOMS PAR ZHUGS NAS MI 'GYUR BA'I BDE BA CHEN PO'I YE SHES LONGS SPYOD PAR MI RIGS TE RDUL PHRAN TSOGS PA'I LUS MED PA'I PHYIR RO, ,DE'I KHYAB PA SGRUB PA NI DE BZHIN GSHEGS PAS GSUNGS

PA MA YIN NAM ZHES SOGS KYI LUNG GIS STON TE RDUL TSOGS PA'I PHUNG SOGS MED NA PHO MO'I DBANG PO GNYIS SBYOR BA MED PAS KHAMS 'DZAG PA 'AM 'PHO BA MI RUNG LA KHAMS MA BABS NA SHES RAB YE SHES KYIS RANG GI YUL RIG PA MED PAR DE BZHIN GSHEGS PAS GSUNGS PAS SO SNYAM PA'O, ,RTAGS SNGAR PHUNG PO LA SOGS PA SGRIB PA MED PAR BYED CES PA'I SKABS SU RDUL PHRA RAB TSOGS PA'I LUS 'BRAS BU'I SKABS SU LDOG PAR BSHAD PAS DER KHAS BLANGS PA'O, ,MDOR BSDU NA RDUL PHRA RAB TSOGS PA'I LUS MED NA STONG GZUGS KYI LHA YAB YUM DU SNANG BA DES MI 'GYUR BA'I BDE BA LONGS SPYOD PA 'GAL SNYAM DU RTZOD PA YIN LA 'GREL PAS KYANG 'DOD LAN DANG RTAGS MA GRUB KYI LAN MA BTAB KYI KHYAB MA GRUB KYI LAN BTAB BAS NA 'BRAS BU'I SKABS LA RTZOD PA YIN TE, 'BRAS BU'I BDE STONG MA THOB BAR DU PHUNG KHAMS SKYE MCHED KYI BEMS PO'I KHAMS ZAD PAR MI NUS PA'I PHYIR RO, ,RANG GIS RANG GI PHRAG PA LA ZHON NAS 'GRO BA DANG KHYED KYI NGAG 'DI 'DRA'O ZHES PA NI SEMS LA STONG GZUGS SU SNANG BA'I SNANG BA DE SNANG MKHAN GYI SEMS DE'I BDAG NYID DU BSHAD PA LA RTZOD PA YIN TE, RTZOD PA DE'I GONG DU YANG ME LONG GI GZUGS BRNYAN GYI DPES GSUNGS LA RGYUD DANG 'GREL PA'I DBU ZHABS THAMS CAD DU, SHES DANG SHES BYA GCIG PA'I SKU, ,ZHES SOGS KYIS LAN DU MAR DE GNYIS NGO BO GCIG TU GSUNGS SO, ,RDUL PHRA RAB TSOGS PA'I LUS ZAD PA'I TSE STONG GZUGS KYI THABS LA STONG GZUGS KYI RIG MAS 'KHYUD CING DE GNYIS NGO BO GCIG TU 'DOD NA LHAS BYIN

, ,KHO RANG GI PHRAG PA LA KHO RANG GIS ZHON NAS 'GRO ZHES PA YANG SKYON MED PAR 'GYUR RO ZHES MGO MTSUNGS BYED PA'O, ,DE'I LAN YANG 'GREL CHEN LAS, 'DIR RDUL PHRA RAB TSOGS PA'I BDAG NYID KYI PHUNG PO DANG KHAMS DANG SKYE MCHED RNAMS MA GTOGS PA SEMS TZAM GYIS SHES RAB YE SHES RANG RIG PAR MI 'GYUR BA RMONGS PA RNAMS KYIS BRJOD PAR BYA BA GANG YIN PA DE NI MA YIN TE, GANG GI PHYIR GLO BUR PA'I SEMS KYI BAG CHAGS KYI DBANG GIS SO, ,'DIR PHUNG PO DANG KHAMS DANG SKYE MCHED CES BYA BA NI GLO BUR BA'I SEMS KYI BAG CHAGS SO, ,DE'I DRIN GYIS SEMS LA BDE BA DANG SDUG BSNGAL GYI TSOR BA RAB TU 'JUG STE DON DAM PAR DPYAD NA LUS 'DI'I NYE BAR 'TSE BA PHRAN TSOGS KYIS NI MA YIN NO, ,ZHES SOGS RGYAS PAR GSUNGS SO, ,DE'I DON NI RDUL PHRA RAB TSOGS PA'I PHUNG SOGS MED PAR SEMS TZAM GYIS BDE BA MYONG BAR MI 'GYUR ZHES BRJOD PA DE MI RIGS TE SEMS KYI BAG CHAGS KYI DBANG TZAM GYIS BDE SDUG MYONG BA'I PHYIR ZHES PA'I DON NO, ,RDUL TSOGS PA'I BDAG NYID KYI PHUNG KHAMS ZHES GSUNGS PAS SNGAR PHUNG KHAMS SKYE MCHED MED NA ZHES SPYIR BSHAD KYANG KHYAD PAR DE SBYAR DGOS LA RDUL TSOGS PA'I LUS MED NA SHES RAB YE SHES MI MYONG NGO ZHES GSUNGS KYANG RDUL TSOGS PA'I LUS MYONG BA DANG BDE SDUG MYONG BA GNYIS MI 'GAL BAR BSTAN CHOG GO ,PHUNG KHAMS SKYE MCHED SEMS KYI BAG CHAGS SU BZHED PA MIN GYI LUNG SNGA MAS BSHAD PA LTAR SEMS KYI BAG CHAGS KYI DBANG GIS PHUNG SOGS 'GRUB CES PA'I DON NO, ,DON DAM PAR DPYAD NA ZHES PA YANG BDEN PA GNYIS KYI DON DAM LA

BYAS NA RTZOD LAN MI 'BREL BAS RIGS PAS DPYAD PA TZAM GYI DON NO, ,RMI LAM GYI SKABS SU RDUL TSOGS PA'I LUS MAL NA GNAS PA LA PHAN GNOD CI YANG MA BYAS KYANG RMI LAM GYI LUS YUL GZHAN DU PHYIN PAR SNANG BA LA PHAN GNOD 'BYUNG BAR SNANG BA NA BDE SDUG SKYE BAR MTHONG BAS BDE SDUG MYONG BA LA RDUL PHRAN TSOGS PA MI DGOS SO ZHES RNAM PA DU MAS BSGRUBS SO, ,SPYIR BDE BA MYONG BA LA RDUL TSOGS PA'I LUS MI DGOS PAR GRUB NA BYE BRAG TU MI 'GYUR BA'I BDE BA MYONG BA LA YANG DE MI DGOS PA 'GRUB PA'I DON NO, ,DE LTAR 'BAD PA DU MAS BSGRUBS PA'I DGOS PA NI 'BRAS BU'I DUS SU BEMS PO'I KHAMS MA LUS PAR ZAD KYANG MCHOG MI 'GYUR GYI BDE BA MYONG BA'I RTEN GYI LUS NI STONG GZUGS KYI SKUS BYED PA 'GRUB PA'I DON YIN NO, , 'GREL PA SKOR GSUM DU LAN GCIG MA YIN PAR STONG GZUGS SGRUB PA LA BSNGAGS PA MDZAD LA DE CI ZHIG BYED 'DOD NAS DE LTAR GSUNGS PA'I DGONGS PA NI DE YIN PAR SHES PAR BYOS SHIG ,STONG GZUGS KYANG RANG GI SEMS TZAM DU BSTAN PAS SEMS LAS DON GZHAN PA'I RTAG PAR 'DOD PA NI MUN SPRUL LO, ,DE LTAR YANG RGYUD KYI LE'U LNGA PA LAS , LUS NI DANG ZHING RDUL PHRAN NYAMS PA NAM MKHA' DANG MTSUNGS MTSAN LA SOGS PA RNAMS KYIS RAB RDZOGS 'GYUR, , SNA TSOGS 'JIG RTEN GSUM PO NYID NI DANG ZHING SGRIB PA RNAM PAR BRAL BA RMI LAM BZHIN DU SNANG, ,SKAD NI KUN NAS CHAD PA MED CING DU MA'I SKAD GZHAN DAG GIS GZHAN GYI SNYING LA 'JUG PA STE, ,SEMS NI DAM PA'I BDE BAS GANG ZHING MI GA-YO THAMS

, ,CAD DUS SU LHAN CIG SKYES PAS 'KHYUD PA'O, ,ZHES SKU GSUNG THUGS NGOS BZUNG BA NA RDUL PHRA RAB TSOGS PA NYAMS PA STE ZAD CING DANG ZHING THOGS PA MED PAS NAM MKHA' DANG 'DRA BA'I STONG GZUGS MTSAN DPES SPRAS PA SKU DANG MI 'GYUR BA'I BDE BA THUGS SU BSHAD DO, ,DES NA DU BA LA SOGS PA'I STONG GZUGS GZHAN RNAMS KYANG GONG NAS GONG DU GNAS GYUR TE MTHAR YE SHES KYI SKU DE SGRUB PAR YANG LE'U DE LAS GSUNGS TE, SA NI CHU LA RAB TU 'JUG CING CHU YANG 'BAR BYED LA STE GTZANG BAR BYED PA RLUNG LA'O, ,RLUNG NI STONG PA LA STE STONG PA NGES PAR MTSAN MA RNAM PA BCU RU 'GYUR ZHING MTSAN MA NI, ,RNAM PA THAMS CAD PA RU 'GYUR TE MI ZAD MCHOG GI BDE BA GZHOM DU MED PA YE SHES SKU, , YE SHES LAS NI RDZU 'PHRUL DNGOS GRUB TU 'GYUR MI BDAG SKYES BU RNAMS KYIS SKYE BA 'DI NYID LA'O, ,ZHES GSUNGS SO, ,DES NA GSANG 'DUS 'PHAGS LUGS PAS BDAG BYIN BRLAB DANG SGYU LUS DANG KUN RDZOB BDEN PA ZHES PA RNAMS ZUNG 'JUG GI 'JA' LUS KYI SKU'I RGYU THUN MONG MA YIN PAR 'DOD CING DE LA BSNGAGS PA CHE BA BZHIN DU 'GREL PA SKOR GSUM NAS STONG GZUGS LA BSNGAGS PA YANG DE'I DOD YIN TE BDE MCHOG STOD 'GREL LAS, SLAR YANG RANG BYIN BRLAB PA STE, , RJES MTHUN CHO GA'I RIM PA YIS, ,PHYI NAS MTSAN MA MTSON PAR BYA, ,ZHES GUR LAS GSUNGS PA'I DON BKRAL BA NA 'DIR RANG BYIN GYIS BRLAB PA ZHES BYA BA NI SO SOR SDUD PAS KUN RDZOB KYI BDEN PA MTHONG BA'O, ,MTSAN MA ZHES BYA BA

NI SPRIN DANG DU BA LA SOGS PA LTAR RAB TU SNANG BA STE DE YANG SGRON MA'I MTHAR THUG PAR DANG PO MTHONG BA'O, ,ZHES RANG BYIN BRLAB DANG KUN RDZOB BDEN PAR GSUNGS LA N'A RO PAS KYANG, GANG ZHIG BSGOM BYA NA SO SOR SDUD DANG BSAM GTAN GYI YAN LAG GIS BRTAN PAR BYAS PA KHAMS GSUM PA RAB TU GSAL BA'I BDAG NYID KUN RDZOB KYI BDEN PA STE, RJES DRAN PAS DE'I RNAL 'BYOR YANG DAG SPRO, DE'I RNAL 'BYOR NI KUN RDZOB KYI BDEN PA'I RNAL 'BYOR TE YANG DAG SPRO NI NAM MKHA'I MTHIL MTHA' DAG KHYAB PAR BLTA BAR BYA'O, ,ZHES GSUNGS PA BZHIN DU STONG GZUGS NI MTHAR MTSAN DPES SPRAS PA'I SKUR 'GYUR LA DE'I PHYIR STONG GZUGS KYI RANG BZHIN MED PA'I STONG PA DON DAM BDEN PA YIN YANG STONG GZUGS NI KUN RDZOB KYI BDEN PA NYID YIN PAS, SGRUB PA RANG DBANG BA'I RTAG PAR SMRA BA NI STONG GZUGS BSGRUBS PAS CI ZHIG BYED PA MA SHES PA'I BAB COL LO, ,DE YANG SNGAR BSHAD PA LTAR DU BA LA SOGS PA'I STONG GZUGS RNAMS GONG NAS GONG DU GNAS GYUR TE, YAN LAG DRUG PA'I SKABS KYI STONG GZUGS KYI 'DOD LHA YAB YUM DU SNANG BA NI 'BRAS BU'I RDO RJE'I SKU'I THUN MONG MA YIN PA'I NYA RGYU YIN LA, DE'I TSE NA DE LTAR SNANG BA TZAM YIN GYI LUS DNGOS PO LA STONG GZUGS KYI SKUR SONG BA MED DE BEMS PO'I KHAMS RNAMS MA ZAD PA'I PHYIR RO, ,DES NA SKU DE 'GRUB PA LA RDUL PHRA RAB TSOGS PA'I LUS NYAMS PAR BYA DGOS PAS DE NI GSER 'GYUR GYI RTZIS LCAGS GSER DU SGYUR BA BZHIN DU LUS LA BYANG CHUB KYI SEMS 'DZAG MED DU BCINGS PAS BEMS PO'I KHAMS RNAMS ZAD PAR BYED

, ,DE LE'U LNGA PA'I 'GREL CHEN LAS, JI LTAR MI YIS DNGUL CHU BCINGS PAS LCAGS THAMS CAD GSER DU BYED DO, ,DE BZHIN DU CHOS 'BYUNG GI SBYOR BAS BYANG CHUB KYI SEMS BCINGS PAS PHUNG PO DANG KHAMS DANG SKYE MCHED LA SOGS PA SGRIB PA MED PAR BYED DO, ,ZHES DANG, JI LTAR DNGUL CHU BSKOL BA NI LCAGS DANG RIN PO CHE RNAMS ZOS SHING DE RNAMS KYI TSON CHEN PO BZUNG NAS GNAS TE BEMS PO'I KHAMS NYID NI MA YIN NO, ,TSON CHEN PO DES LCAGS GANG LA REG PA'I LCAGS DE NI DRI MA DANG BRAL BAR 'GYUR ZHING RDO RNAMS RIN PO CHER 'GYUR RO, ,DE BZHIN DU BYANG CHUB KYI SEMS BSGOMS PA NI PHUNG PO DANG KHAMS DANG SKYE MCHED SROG DANG BCAS PA RNAMS ZOS SHING DE RNAMS KYI TSON CHEN PO BZUNG NAS GNAS TE BEMS PO NYID NI MA YIN NO, ,ZHES GSUNGS SO, ,'PHAGS LUGS PAS SEMS 'OD GSAL LA BSHAD PA'I DOD NI MI 'GYUR BA'I BDE BA YIN NO, ,BDE STONG KHYAD PAR BA'I STONG PA KUN RDZOB PA'I SKU DANG BDE BA DON DAM PA LA ZHUGS PA'I YE SHES YIN PAS GZHUNG GZHAN NAS BSHAD PA'I BDE STONG GI NGOS 'DZIN DANG CUNG MI 'DRA'O, ,BYANG CHUB KYI SEMS LUS LA 'DZAG MED DU BCINGS PAS MI 'GYUR BA'I BDE BA RDZOGS PA NA BEMS PO'I KHAMS THAMS CAD ZAD PAR 'GYUR BAS KHU BA NYID KYANG MI GNAS TE, DE'I TSE KHU BA BDE BA'I RTEN DANG BDE BA DE LA BRTEN PA'I 'BREL PA 'JIG DGOS PA'I PHYIR TE DBANG MDOR BSTAN LAS, RTEN DANG BRTEN PA'I 'BREL BA NI, ,JI SRID MI 'GYUR NYID DU 'GYUR, ,SEMS KYI MI 'GYUR NYID THOB NA, ,RTEN DANG BRTEN PA'I 'BREL

PA MED, ,CES GSUNGS TE GTZUG TOR DU KHU BA MA RDZOGS KYI BAR DU RTEN DANG BRTEN PA'I 'BREL PA YOD LA RDZOGS NAS 'GYUR MED THOB PA'I TSE MED PA'O, ,DES NA STONG GZUGS KYI RDO RJE'I SKUR 'JA' TSON BZHIN DU SONG BA LA GROD PA 'O MAS BKANG BA BZHIN DU MA 'DZIN CIG ,GNYIS PA NI, CI'I PHYIR RDZOGS RIM LA YAN LAG DRUG TU BZHAG GI MANG BA DANG NYUNG BAR MA BZHAG SNYAM NA, THOB BYA SANGS RGYAS LA SKU GSUNG THUGS GSUM YOD PAS DE SGRUB BYED KYI RDZOGS RIM YANG YAN LAG DRUG TU NGES TE, SOR BSAM GNYIS KYIS MA GRUB PA SGRUB CING GRUB ZIN BRTAN PAR BYAS PA'I STONG GZUGS KYIS SNGAR BSHAD PA LTAR RGYAL BA'I MTSAN DPE'I SKU SGRUB LA, SROG 'DZIN GNYIS KYIS NGAG GI RTZA BA RLUNG LA DBANG THOB PAR BYAS NAS RGYAL BA'I RNAM PA THAMS CAD PA'I GSUNG SGRUB CING, RJES DRAN NI MI 'GYUR BA'I BDE BA'I NYE RGYU DANG TING NGE 'DZIN MI 'GYUR BA'I BDE BA'I NGO BO YIN PAS RGYAL BA'I THUGS SGRUB BYED YIN PA'I PHYIR RO, ,DES NA GNYIS TSAN DE DAG RE RE LA RIM PA BZHIN DU SKU RDO RJE DANG GSUNG RDO RJE DANG THUGS RDO RJE'I TING NGE 'DZIN DU YANG GSUNGS SO, ,SLOB PA'I SKABS SU RDO RJE GSUM GYI TING NGE 'DZIN KHYAD PAR BA DUS GCIG TU TSOGS PA NI TING NGE 'DZIN GYI YAN LAG THOB NAS 'ONG NGO, ,YAN LAG DRUG GI GRANGS NGES PA DE LTAR YIN NA GO RIM NGES PA'I RGYU MTSAN JI LTAR YIN SNYAM NA, SNGAR BSHAD PA'I 'BRAS BU'I BDE STONG DBYER MED NI RANG DANG RJES SU MTHUN PA'I RGYUS SGRUB DGOS LA DE YANG RANG NYID STONG GZUGS KYI 'DOD LHA YAB YUM DU SNANG BA'I YUM LA

, ,RJES SU CHAGS PA LAS RANG GI SEMS GZUNG 'DZIN GYIS STONG PA'I DE KHO NA NYID LA ZHUGS PA'I MI 'GYUR BA'I BDE BA THOB PA GNYIS ZUNG DU SBREL NUS PA'I TING NGE 'DZIN GYI YAN LAG YIN TE BDE MCHOG STOD 'GREL LAS, TING NGE 'DZIN ZHES BYA BA NI 'DOD PA'I LHA LA RJES SU CHAGS PA LAS GANG ZHIG 'GYUR BA MED PA'I BDE BA THOB PA STE, DE LA GCIG TU 'GYUR BA'I SEMS GZUNG BA DANG 'DZIN PA DANG BRAL BA NI DE BZHIN GSHEGS PA RNAMS KYIS TING NGE 'DZIN GYI YAN LAG TU BRJOD DO, ,ZHES GSUNGS SO, ,DE SKYE BA NI RJES DRAN LA RAG LAS TE RJES DRAN GYI SKABS KYI GTUM MOS BZHUS PA'I BYANG SEMS SPYI BO NAS NOR BU'I BAR DU 'ONGS PA LAS DGA' BA BZHI SKYE BA'I BZHI PA LHAN CIG SKYES DGA' NI MI 'GYUR BA'I BDE BA TING NGE 'DZIN GYI YAN LAG YIN PA'I PHYIR RO, ,DE'I TSE YANG MA BRTAGS PA'I STONG GZUGS KYI LHAR SNANG BA 'BYUNG STE BDE MCHOG STOD 'GREL LAS, DE NAS LHA'I GZUGS BRNYAN SGRUB PA LA ZHES PA 'DZIN PA'I STOBS KYIS LTE BA'I GNAS SU GTUM MO 'BAR BA RNAL 'BYOR PAS MTHONG STE SGRIB PA THAMS CAD DANG BRAL BA PRA PHAB PA LTA BU PHYAG RGYA CHEN PO SANGS RGYAS KYI 'OD ZER GYI SPRIN MTHA' YAS PA SPRO BAR BYED PA 'OD KYI DKYIL 'KHOR GYIS RNAM PAR SPRAS PA DE'I RJES SU DRAN PA'I YAN LAG SGRUB PAR BRJOD DO, ,ZHES GSUNGS SO, ,RJES DRAN GYI SKABS SU SGRUB THABS LE'U LAS, GANG ZHIG MKHA' YI SHES RAB LA 'KHYUD LHAN SKYES BDE BAR GNAS PA'I RANG SEMS DE NI THAR PA STER, ZHES GSUNGS SHING

GTZO BO'I SGRUB THABS DBANG PO'I SGO NAS GSUM DU PHYE BA'I PHYAG RGYA CHEN MO NI STONG GZUGS GANG BYUNG MIN GYI SNA TSOGS YUM LTA BU'I RIG MAR SHAR BA DGOS LA 'ON KYANG DES BDE BA SPEL MA NUS NA THABS GZHAN GYIS KYANG BYA DGOS TE 'GREL CHEN LAS, CI STE GZUGS KYI SGO NAS DGA' BAR MA GYUR NA DE'I TSE PADMAR RDO RJE DAG GI SGRA 'AM ZHES PA DAL BU DAG GIS BYA'O, ,ZHES GSUNGS PA BZHIN NO, ,DE 'DRA BA'I RJES DRAN SKYE BA NI 'DZIN PAS DBU MA'I NANG DU RLUNG GA-YO MED DU 'DZIN PA LA RAG LAS TE DE'I MTHUS MO SBAR NAS KHAMS BZHU DGOS PA'I PHYIR RO, ,'DZIN PA DE YANG SROG RTZOL GYI RNAL 'BYOR GYIS RO RKYANG GI RLUNG DBU MAR TSUD PA LA LTOS TE DER MA TSUD NA DE'I NANG DU GZUNG BAR MI NUS PA'I PHYIR RO, ,GA-YAS GA-YON GYI RLUNG DBU MAR TSUD PA YANG SOR BSAM GYIS DBU MA SBYANGS PA LA LTOS TE DE'I PHYIR GO RIM NGES SO, ,DBU MA SBYANGS PA'I GO BA NI SOR SDUD KYIS RTAGS BCU GCIG PO BSGRUBS PA BSAM GTAN GYIS BRTAN PAR BYAS PAS RLUNG CUNG ZAD LAS SU RUNG NAS GA-YAS GA-YON GYI RLUNG RANG SHUGS KYIS DBU MAR 'GRO BA RTZOM PA YIN LA, MTSAMS DE NAS GA-YAS GA-YON GYI RGYU BA 'GOG PA'I SBYOR BA BYAS NA GNAD DU 'GRO'I DE'I GONG DU BYAS KYANG MI 'GRO BAS YAN LAG DANG PO GNYIS NI SROG RTZOL SGOM PA'I TSAD 'DZIN NO, ,DE'I PHYIR RTAGS BCU GCIG PO MA BYUNG BA 'AM BYUNG YANG MI BRTAN NA YAN LAG DANG PO GNYIS LA 'BAD DGOS KYI BYUNG NAS BRTAN NA DE NYID KYIS NUS PA RDZOGS PAS MTSAMS DE NAS SROG RTZOL BSGOM DGOS PA YIN GYI SLAR YANG DE TZAM

, ,ZHIG LA GOMS PAR BYED NAS TSIGS MA PHYED PA YIN NO, ,DE BZHIN DU GA-YAS GA-YON GYI RLUNG GI RGYU BA BKAG NAS DBU MAR TSUD PA BRTAN PO CIG BYUNG NA SROG RTZOL GYI NUS PA DES RDZOGS PAS DE NAS 'DZIN PA SGOM DGOS TE DBU MA'I NANG DU BRTAN PAR GNAS PA NA SROG RTZOL GYI LAG RJES MIN GYI 'DZIN PAS BSGRUB DGOS PA'I PHYIR RO, ,DE NAS RLUNG DBU MAR TSUD PA DANG BTZUD PA DER GNAS PA BYUNG BA NA RJES DRAN GYI GTUM MO'I RNAL 'BYOR GYI MTHUS GTUM MO 'BAR, NAS KHAMS ZHU BA RDO RJE'I RTZE MO'I BAR DU 'ONGS NAS PHYIR MA 'PHOS PA NA LHAN SKYES MI 'GYUR BA'I BDE BA 'GRUB BO, ,DE DAG GI DON BSDU NA YAN LAG DANG PO GNYIS KYIS RDO RJE'I SKU'I RGYU GZUGS BSGRUBS PA'I SGO NAS DBU MA SBYANGS GSUM PAS SBYANGS PA'I DBU MA'I NANG DU GA-YAS GA-YON GYI RLUNG GNYIS BCUG BZHI PAS BCUG PA DE DER PHYI NANG DU 'BYUNG 'JUG MI BYED PAR BZUNG, LNGA PAS BZUNG BA DE LA BRTEN NAS PHYAG RGYA GSUM GANG RUNG BSGOMS PAS BYANG SEMS BZHUS NAS PHAB PA PHYIR MA 'PHOS PAR BZUNG BAS 'GYUR MED KYI BDE BA BSGRUBS, DRUG PAS YAN LAG SNGA MA GNYIS KYIS BSGRUBS PA'I GZUGS DE LAS RANG 'DOD LHA YAB YUM GYI STONG GZUGS KYI SKUR BYAS TE PHYAG CHEN LA RJES SU CHAGS NAS, MI 'GYUR BA'I BDE BA THOB PA DE GONG NAS GONG DU SPEL BAS MTHAR BEMS PO'I PHUNG SOGS THAMS CAD ZAD DE, LUS STONG GZUGS RDO RJE'I SKU DANG THUGS DNGOS PO'I DE KHO NA NYID LA DUS KUN TU MNYAM PAR BZHAG PA'I MI 'GYUR BA'I BDE BA GNYIS ZUNG DU 'JUG

PA'I SKU 'THOB PA 'DI 'GREL PA SKOR GSUM GYI GNAD BSDUS PA'I SNYING POR SHES PAR GYIS SHIG ,SNGAR BSHAD PA LTAR 'DI'I STONG GZUGS KYI SKU DANG MI 'GYUR BA'I BDE BA GNYIS DANG 'PHAGS LUGS PA'I SGYU LUS DANG 'ONG GSAL GNYIS PHAN TSUN DU DOD RTZI NA RUNG GI 'DI'I SOR SDUD KYI MTHONG SNANG DANG 'PHAGS LUGS PA'I SGYU LUGS GNYIS DON GCIG TU 'DOD PA MI 'THAD DE, 'DI'I SOR SDUD NI RLUNG GI RNAL 'BYOR GYI SNGON 'GRO YIN LA SGYU LUS NI NGAG DBEN GYIS RLUNG LA DBANG THOB NAS STONG PA GSUM GYI MTHAR RLUNG SEMS LAS GRUB PA'I SKU YIN PAS NGO BO DANG GNAS SKABS GNYIS GANG YANG DON MI GCIG PA'I PHYIR RO, ,DE BZHIN DU 'DI'I MI 'GYUR BA'I BDE BA YANG MTHONG LAM GYI SNGON DU 'THOB LA 'OD GSAL NI BDEN PA MNGON SUM DU RTOGS PA NAS 'JOG PA'I PHYIR TE SEMS GSUM DAG PAR BSHAD PAS GNYIS SNANG PHRA MO YANG DAG PA'I PHYIR RO, ,RGYUD KYI RDO RJE'I TSIG RE RE LA YANG BSHAD PA MI 'DRA BA DU MA YOD PAS DON GCIG TU BSHAD DGOS PA YANG MIN LA PHAN TSUN 'GAL BA YANG MIN NO, ,DE'I PHYIR N'A RO PAS KYANG DBANG MDOR BSTAN GYI 'GREL PAR 'DUS PA'I RGYUD PHYI MA'I SBYOR DRUG RNAMS DUS 'KHOR JI BZHIN DU BSHAD LA, 'DUS PA'I RGYUD PHYI MA'I 'GREL PAR NI SGRON GSAL JI BZHIN DU BSHAD DO, , GSUM PA LA GNYIS, MI 'GYUR BA'I BDE BAS BDAG MED RTOGS PA'I TSUL DANG, CIR YANG MI 'DZIN PA'I BSAM MED DUS 'KHOR BA'I LUGS YIN PA DGAG PA'O, ,DANG PO NI, MI 'GYUR BA'I BDE BA ZHES GSUNGS PA'I MI 'GYUR BA NI RGYU RKYEN GYIS

, ,BSKYED PAR MI NUS PA MIN GYI KHAMS PHYI ROL TU 'PHO BA NI 'GYUR BAR LA NA MANG POR GSUNGS PAS, KHAMS 'DZAG MED DU BCINGS PA NI MI 'GYUR BA'O, ,DE LAS SKYES PA'I BDE BA YANG THIG LE LUS LA BCINGS PA'I TSE LUS KYI NANG GI REG BYA YID DU 'ONG BA LAS LUS TSOR BDE BA DANG DES DE MA THAG RKYEN BYAS PAS YID TSOR SIM PA MYONG PA'I TSOR BA'I BDE BA TZAM DANG TSOR BA'I BDE BA RGYUR BYAS PA LA BRTEN NAS SKYES PA'I MI RTOG PA TZAM GYI TING NGE 'DZIN MIN GYI, CHOS RNAMS LA RANG BZHIN MED PAR PHU THAG CHOD PA'I LTA BAS NYER LEN GYI RGYU BYAS KHAMS 'JOG MED DU BCINGS PAS LHAN CIG BYED PA'I RKYEN BYAS PA LAS SKYES PA'I DE KHO NA NYID KYI DON RTOGS PA'I BDE BA YIN NO, ,DE'I PHYIR RGYUD 'DIR BDE BA LA DMIGS MED DU GSUNGS SHING STONG GZUGS DMIGS BCAS SU GSUNGS LA LE'U LNGA PA'I 'GREL CHEN LAS KYANG, STONG PA NI CHOS RNAMS LA SKYE BA DANG 'GAG PA MED PA'I RANG GI SEMS KYI SNANG BA'O, ,YE SHES NI DE RAB TU RTOGS PA MI 'GYUR BA'I BDE BA'O, ,ZHES STONG GZUGS DE KHO NAR SKYE 'GAG GI NGO BOS STONG PA'I RANG BZHIN MED PA'I CHOS NYID RTOGS PA LA MI 'GYUR BA'I BDE BAR GSUNGS SO, ,GZHAN YANG SHING RTA CHEN PO'I LUGS GANG LA 'ANG DON GANG RTOGS NAS GOMS PAR BYAS PAS 'KHOR BAR 'CHING BA'I RTZA BA BAG CHAGS DANG BCAS PA MA LUS PAR DAG PAR BYED NUS PA'I RTOGS BYA'I DON DE RTOGS PA LA ZAB DON DANG DMIGS MED KYI DON RTOGS PAR 'JOG PA YIN LA, 'DI PA'I LUGS KYIS KYANG

'KHOR BAR 'CHING BA'I RTZA BA BDAG 'DZIN DU BZHED PAS DES BZUNG BA'I BDAG MED PA'I DON RTOGS PA NYID KYIS 'KHOR BA'I 'CHING BA BAG CHAGS DANG BCAS PA DAG PAR BYA DGOS PA'I PHYIR RO, ,DE LTAR YANG LE'U LNGA PA'I 'GREL CHEN LAS 'DOD CHAGS KYI 'PHO BA'I BAG CHAGS KYI DBANG GIS 'KHOR BAR 'KHOR NA MA RIG PA'I DBANG GIS 'KHOR BAR GSUNGS PA 'GAL LO ZHES PA'I LAN DU, MA RIG PA NI 'DIR SEMS CAN RNAMS KYI THOG MA MED PA'I 'DOD CHAGS KYI BAG CHAGS SO, ,ZHES GSUNG RAB GZHAN NAS MA RIG PA DANG RGYUD 'DIR 'DOD CHAGS KYI 'PHO BA'I BAG CHAGS 'KHOR BA'I RTZA BAR BSHAD PA GNYIS DON GCIG TU GSUNGS LA LE'U GNYIS PAR, SGYU MAS RMONGS PAR BYAS PA'I MTHA' DAG 'GRO BA 'DI NI SDUG BSNGAL DAG LAS SDUG BSNGAL 'DZIN PAR BYED, CES GSUNGS PA'I 'GREL CHEN LAS, 'DIR 'KHOR BA'I RGYU MA NGAR 'DZIN PA DANG NGA YIR 'DZIN PA'I BDAG NYID CAN GYIS RMONGS PAR BYAS PA NI DMYAL BA DANG YI DVAGS DANG DUD 'GRO'I SDUG BSNGAL DAG LAS SDUG BSNGAL 'DZIN PAR BYED PA'O, , ZHES BDAG DANG BDAG GIR 'DZIN PAS RMONGS PAR BYAS PAR GSUNGS PAS 'JIG LTA LA BZHED PA YIN TE DE NYID SRED PA'I SA BON YIN PAS 'DOD CHAGS KYI BAG CHAGS SU YANG GSUNGS SO, ,'KHOR BA'I RTZA BA BDAG 'DZIN YIN PA 'DI THEG PA CHE CHUNG SNGAGS MTSAN NYID THAMS CAD KYI LUGS YIN PAS BDAG MED RTOGS PA'I SHES RAB NI 'KHOR BAR 'CHING BA'I RTZA BA GCOD BYED DU CHES SHIN TU GSAL BA YIN NO, ,DE BAS NA LE'U BZHI PA'I 'GREL CHEN LAS, DE NAS RTZA BA GSUM DRAN PAR BYA STE

, ,BYANG CHUB TU SEMS BSKYED PA DANG BSAM PA RNAM PAR DAG PA DANG BDAG TU 'DZIN PA DANG BDAG GIR 'DZIN PA YONGS SU SPONG BA'O, ,ZHAS BDAG 'DZIN SPONG BA'I LAM BDAG MED RTOGS PA'I SHES RAB LAM GYI RTZA BAR GSUNGS LA, DBU MA PA RNAMS KYIS 'GYUR BA MED PA'I GNYIS SU MED PA'I YE SHES SGOM PA NA BDAG MED PA GNYIS KYI SGO NAS SGOM PAR YANG GSUNGS TE LE'U LNGA PA'I 'GREL CHEN LAS, DBU MA PA RNAMS LA RMI LAM LTA BUR 'GYUR BA MED CING GNYIS SU MED PA'I YE SHES SGOM PA STE DE LTAR GANG ZAG LA BDAG MED PA DANG CHOS LA BDAG MED PA'O, ,ZHES GSUNGS SO, ,GANG ZAG GI BDAG 'GOG PA NI LE'U GNYIS PA LAS GSUNGS SHING CHOS BDAG 'GOG PA'I RIGS PA YANG LE'U GNYIS PA'I 'GREL CHEN LAS, DE'I PHYIR DBU MA PAS SMRAS PA, ,RNAM PAR SHES PA DON DAM YOD, ,DE YANG MKHAS RNAMS MI 'DOD DE, ,GCIG DANG DU MA'I RANG BZHIN DANG, ,BRAL BAS NAM MKHA'I PADMO BZHIN, ,YOD MIN MED MIN YOD MED MIN, ,GNYIS KA'I BDAG NYID MIN PA 'ANG YIN, ,MTHA' BZHI RNAM PAR GROL BA YI, ,DE NYID DBU MA PA YIS RIG ,CES GCIG DU BRAL GYI RIGS PA DANG, ,DE'I PHYIR 'BRAS BU NI RANG LAS MA YIN GZHAN LAS MA YIN GNYIS KA LAS MA YIN RGYU MED PA CAN YANG MA YIN NO, ,ZHES RDO RJE GZEGS MA'I RIGS PA LA SOGS PA DBU MA'I GZHUNG RNAMS NAS 'BYUNG PA BZHIN DU GSUNGS LA, RGYUD DANG 'GREL PAR BDAG MED MDOR BSDUS NAS GSUNGS PAS GZHUNG GZHAN LAS SHES DGOS PAR YANG GSUNGS TE LE'U GNYIS PA'I 'GREL

CHEN LAS, BDAG MED PA LA SOGS PA GRUB PA'O, ,'DI NI MDOR BSDUS PAS GSUNGS PA STE RGYAS PAR LUNG RGYA CHEN PO LAS SHES PAR BYA'O, ,ZHES GSUNGS SO, ,GZHAN YANG 'GREL CHEN LAS, RDO RJE NI MI PHYED PA DANG MI CHOD PA CHEN PO YIN LA DE NYID THEG PA YIN PA NI RDO RJE THEG PA STE, SNGAGS KYI TSUL DANG PHA ROL TU PHYIN PA'I TSUL 'BRAS BU DANG RGYU'I BDAG NYID GCIG TU 'DRES PAR GYUR PA'O, ,ZHES GSUNGS LA DBANG MDOR BSTAN SNGAR DRANGS PA LTAR SNGAGS KYI TSUL 'BRAS BU NI MI 'GYUR BA'I BDE BA YIN LA PHA ROL TU PHYIN PA'I TSUL NI SNANG LA RANG BZHIN MED PA NGES PA'I STONG PA YIN PAS, DUS 'KHOR BA'I LUGS KYIS RIGS PAS GTAN LA PHAB PA'I STONG NYID MI 'DOD CES PA DANG DBU MA RIGS TSOGS DANG MTHUN PA'I LTA BA MI 'DOD CES PA NI RGYUD 'GREL GYI DON LOG PAR 'CHAD PA YIN NA, ,DE'I PHYIR SHES RAB CAN GYIS NI STONG GZUGS YOD MED DANG RTAG CHAD KYI MTHA' DANG BRAL BA DANG SGYU MA DANG RMI LAM LA SOGS PA BZHIN DU LAN GCIG MA YIN PAR GSUNGS PA RNAMS KYI DON 'PHAGS PA YAB SRAS KYI DBU MA'I GZHUNG NAS 'BYUNG BA BZHIN DU, DON DAM PAR MTHA' THAMS CAD DANG BRAL BA DANG THA SNYAD DU RANG BZHIN MED PA LA BCINGS GROL LA SOGS PA'I BYA BYED THAMS CAD 'THAD PA SGYU MA LTA BU'I TSUL GYIS MTHAR 'DZIN GYI 'CHING BA BCAD NAS THAR PAR BGROD PAR BYA'I CHOS KYI BDAG TU 'DZIN PA'I BDEN 'DZIN BRTAN DU MI GTONG NGO, ,GNYIS PA NI, DE LTAR BDAG MED PA'I GO BA BTZAL NAS LTA BAS GTAN LA PHAB PA'I DON NGES PA'I NGES SHES KYI RGYUN SKYONG RGYU MED PAR, GANG DU BZUNG

, ,YANG RTOG PA'I 'DZIN STANGS YIN PAS CIR YANG MI BSAM PA NI DUS 'KHOR BA'I LUGS YIN NO ZHES SMRA BA NI RGYUD 'GREL GYI DON LOG PAR 'CHAD PA YIN TE LNGA PA'I 'GREL CHEN LAS DE LA SGOS SU DGAG PA MDZAD PA'I PHYIR RO, ,DE YANG THOG MAR 'DOD PA DE'I PHYOGS SNGA GSUNGS PA NI, JI SKAD DU, DE LTAR SHES RAB KYI PHA ROL TU PHYIN PA LAS DE BZHIN GSHEGS PA'I YE SHES BSAM PA MED PA NI YANG DAG PAR RDZOGS PA'I SANGS RGYAS NYID THOB PA'I SLAD DU BCOM LDAN 'DAS KYIS GSUNGS PA'O, ,BSAM PA NI MA YIN TE GANG GI PHYIR CHAGS PA DANG CHAGS PA DANG BRAL BA'I RANG BZHIN GYI PHYIR RO, ,'DIR GANG GI TSE SEMS CAN RNAMS KYI BSAM PA RAB TU 'JUG PA DE'I TSE MCHOG TU 'DOD PA'I DNGOS PO RNAMS LA CHAGS PA DANG MI 'DOD PA'I DNGOS PO RNAMS LA CHAGS PA DANG BRAL BAR 'GYUR TE DE DAG GIS 'KHOR BA'O, ,GANG GI TSE BSAM PA MED PAR RAB TU 'JUG PA DE'I TSE 'DOD PA'I DNGOS PO RNAMS LA CHAGS PA MED CING MI 'DOD PA'I DNGOS PO RNAMS LA CHAGS PA DANG BRAL BA MED DE DE LTAR CHAGS PA DANG CHAGS PA DANG BRAL BA MED DO, ,DE DAG MED PA'I PHYIR 'KHOR BA MED PA NYID DO, ,'KHOR BA MED PA'I PHYIR YANG DAG PAR RTOGS PA'I SANGS RGYAS NYID DU 'GYUR RO, ,DE'I PHYIR SANGS RGYAS SGRUB PAR BYED PA NI DE BZHIN GSHEGS PA'I YE SHES BSAM PA MED PA STE GZHAN RNAM PAR RTOG PA'I TING NGE 'DZIN NI MA YIN NO, ,ZHES GSUNGS PA'O, ,DE LA GSUNGS SO ZHES DRANG NGO, ,GANG GIS NA BCOM LDAN 'DAS KYIS SO, ,GANG NA DE BZHIN GSHEGS PA'I

YE SHES BSAM PA MED PA SGOM PA NI'O, ,GANG GI DON DU NA SANGS RGYAS THOB PA'I DON DU'O, ,GANG LAS NA SHER PHYIN GYI MDO LAS TE YOD MED DANG STONG MI STONG SOGS GANG DU SPYOD KYANG MTSAN MA LA SPYOD KYI SHER PHYIN LA MI SPYOD CES GSUNGS PA'I TSIG TZAM LA 'KHRUL PA'O, ,BSAM RGYU YOD PA NI SANGS RGYAS THOB PA'I LAM ZAB MO SGOM PA MA YIN TE GANG GI PHYIR NA BSAMS PHAN CHAD RTOG PA YIN LA RTOG PA NI YANG NA 'DOD PA'I RNAM PAR 'JUG CING YANG NA MI 'DOD PA'I RNAM PAR 'JUG PAS CHAGS PA DANG CHAGS BRAL TE SDANG BA SKYED LA DES 'KHOR BAR 'CHING BA'I PHYIR RO, ,DES NA CI YANG MA BSAMS PA LAS 'DOD MI 'DOD KYI RNAM PAR 'JUG PA'I RNAM RTOG LDEG LA DE LOG NA 'KHOR BA LDOG PAS 'TSANG RGYA'O, ,DE'I PHYIR SANGS RGYAS SGRUB PA'I LAM NI CI YANG MI SEMS PA'I BSAM PA MED PA YIN LA DE LAS GZHAN PA'I RNAM RTOG GI TING NGE 'DZIN NI MA YIN NO, ,ZHES DON BSDUS SO, ,'DIR DE BZHIN GSHEGS PA'I YE SHES ZHES GSUNGS PA NI SANGS RGYAS SGRUB PA'I LAM LA GSAL BAR BSHAD PAS 'BRAS BU'I SKABS MIN GYI DE BZHIN GSHEGS PA'I YE SHES SGRUB BYAD LNGA DE'I MING GIS BTAGS PA YIN NO, ,'GREL CHEN LAS DE 'GOG PA DANG BKAG PA LA RTZOD SPANG GNYIS GSUNGS PA'I DANG PO LA GNYIS LAS RIGS PAS 'GOG PA NI DE NYID LAS, 'DIR GAL TE BSAM PA MED PA'I YE SHES SANGS RGYAS NYID STER BAR BYED PA YIN NA DE'I TSE SEMS CAN THAMS CAD SANGS RGYAS SU CI'I PHYIR MA GYUR, 'DI RNAMS KYI 'ANG GNYID 'THUG PO LA BSAM PA MED PA'I YE SHES RAB TU 'JUG CING 'DOD PA'I DNGOS PO RNAMS LA CHAGS PA MED LA MI 'DOD PA'I DNGOS PO RNAMS LA CHAGS

, ,PA DANG BRAL BA MED DO, ,ZHES PA'O, ,DE'I DON NI CIR YANG MI SEMS PAR 'JOG PA'I SGOM GYIS 'TSANG RGYA NA GNYID 'THUG POR NAM SONG BA NA DE 'BYUNG LA DE YANG 'KHOR BA THOG MA MED PA NAS YOD PA'I PHYIR SEMS CAN THAMS CAD SANGS RGYAS PAR 'GYUR RO ZHES PA'O, ,MDOR NA LTA BAS GTAN LA PHAB PA'I BDAG MED KYI DON SKYONG RGYU MED PAR MTHA' GANG DU'ANG MA BZUNG BAR BZHAG PA TZAM SANGS RGYAS 'THOB BYED KYI MI RTOG PA YIN NA GNYID 'THUG LA YANG MTSUNGS TE, MTHA' GANG DU'ANG MI 'DZIN PA TZAM ZHIG NI GNYID 'THUG LA 'ANG YOD LA LTA THOG TU BZHAG PA NI GCIG SHOS LA 'ANG MED PA'I PHYIR RO SNYAM DU DGONGS PA STE, MTHAR MA BZUNG BA DANG MTHA' BRAL RTOGS PA GNYIS MI GCIG PA'I GNAD KYIS SKYON BRJOD PA 'JUG PA YIN TE KA MA LA SH'I LAS KYANG HVA SHANG 'GOG PA NA, PHYOGS SNGA YANG DE LTAR BLANGS SHING DE 'GOG PA YANG BRGYAL BA'I MI RTOG PAS MDZAD DE 'DRA'O, ,LUNG GIS DGAG PA NI, 'DIR GAL TE RIN CHEN SGRON MA BSAM PA 'AM RAB TU SNANG BA MED PA YIN NA DE'I TSE RIN CHEN SGRON MA ZHES BYA BA'I TING NGE 'DZIN DU JI LTAR 'GYUR, DE BZHIN DU TING NGE 'DZIN GZHAN RNAMS KYANG BSAM PA MED PAR MI 'GYUR TE RANG RIG PA'I MTSAN NYID KYI PHYIR DANG BEMS PO DANG STONG PA NYID MA YIN PA'I PHYIR RO, , ZHES YUM GYI MDO NYID DRANGS NAS BKAG GO ,GAL TE GZHUNG 'DIS RANG LUGS KYI TING NGE 'DZIN LA SNANG BA YOD PAR GSUNGS PAS SNANG BA 'CHAR RGYU MED PA'I MI RTOG PA BKAG GI STONG GZUGS KYI SNANG BA SHAR NAS CIR YANG MI 'DZIN NA BDAG MED KYI

DON GTAN LA PHAB PA'I LTA BA'I NGES PA MA BSKYANGS KYANG ZAB DON SGOM PA YIN NO SNYAM NA, DE NI RIGS PA MA YIN TE PHYOGS SNGAS NI CIR YANG MI 'DZIN PAR SEMS 'JOG PA'I MI RTOG PA SGOM DGOS PAR 'DOD LA DE LTAR BZHAG NA NYI MA GCIG TSUN CHAD LA STONG GZUGS 'CHAR BAR 'GREL CHEN LAS GSUNGS SHING KHYED RANG YANG 'DOD LA MYONG BAS KYANG GRUB PAS, PHYOGS SNGAS 'DOD PA'I SGOM DE YANG ZAB DON SGOM PAR 'GYUR RO, ,DES NA 'GREL PA'I DGONGS PA DE MIN PA NI RTZOD SPANG GIS SHIN TU GSAL BAR GSUNGS TE LUNG GIS BKAG PA'I MJUG NYID DU CI STE BYIS PA RNAMS KYI TSIG 'DI NI GAL TE DE BZHIN GSHEGS PA'I YE SHES RANG RIG PA YIN NA JI LTAR CHOS THAMS CAD RANG BZHIN MED PAR DE BZHIN GSHEGS PAS GSUNGS ZHE NA, 'DI LA BRJOD PAR BYA STE 'DIR DE BZHIN GSHEGS PA'I YE SHES NI CHOS THAMS CAD KYI RANG BZHIN MED PA NYID RTOGS PAR BYED PA STE DNGOS PO MED PA'I MTSAN NYID SHIN TU GNYID LOG PA'I SEMS NI MA YIN NO, ,ZHES RTZOD SPANG GSUNGS SO, ,DE LA SNGAR BSAM MED MIN PA'I RGYU MTSAN DU RANG RIG PA'I MTSAN NYID KYI PHYIR DANG ZHES GSUNGS PA LA DE BZHIN GSHEGS PA'I YE SHES RANG RIG PA YIN NA CHOS THAMS CAD RANG BZHIN MED PAR GSUNGS PA DANG 'GAL SGRIG PA STE DE BZHIN GSHEGS PA'I YE SHES NI SANGS RGYAS SGRUB PA'I ZAB DON SGOM PA LA SNGAR BSHAD PA BZHIN NO, ,RANG RIG PA'I MTSAN NYID CES PA'I DON NI RIG TZAM DANG RANG GI NGO BO RIG PA LA BYED NA CIR YANG MI SEMS PHA MA YIN PA'I RGYU MTSAN DU BSHAD DU MI RUNG BAS BSGOM BYA'I DON NGES PA'I RIG RGYU YOD PA'O, ,DE 'DRA BA'I RIG RGYU YOD NA RANG BZHIN MED PA 'GAL ZHES ZER BA NI

, ,BSGOM BYA'I DON DE RANG BZHIN MED NA CIR YANG MA GRUB PAS 'DI'O SNYAM DU GZUNGS MED LA DE LTA NA BSGOM BYA'I ZAB DON BLOS RIG RGYU MED SNYAM NAS RTZOD PA'O, ,DE'I LAN DU RANG BZHIN MED PA'I DON NI DNGOS PO THAMS CAD MED PA'I MTSAN NYID MA YIN NO ZHES GSUNGS TE, RANG BZHIN MED NA DNGOS MED DU 'DOD PA'I LUGS STONG PA DANG RTEN 'BREL 'GAL BAR 'DZIN PA'I CHAD STONG 'GOG PAS RANG LUGS NI RANG BZHIN MED KYANG BCINGS GROL GYI DON BYED PA'I DNGOS PO'I BYA BYED THAMS CAD 'THAD PA DBU MA PA'I LUGS SO, ,ZAB DON SGOM PA'I YE SHES NI CHOS THAMS CAD KYI RANG BZHIN MED PA RTOGS PA YIN GYI SHIN TU GNYID LOG PA'I SEMS NI MA YIN NO ZHES GSUNGS PAS, RANG BZHIN MED PA YANG MI 'DZIN PA GNYID LAG PA LTA BU'I SEMS LA ZAB DON SGOM PAR MI 'JOG CES PA'O, ,DES NA RANG BZHIN MED PA'I DON NGES PA'I LTA BA SKYONG RGYU MED PAR STONG GZUGS SHAR BA TZAM LA CI YANG MI SEMS PAR 'JOG PA ZAB DON SGOM PAR 'DOD PA DANG, RANG GI BLO GROS NGAN PAS RANG BZHIN MED PA LA MED PA'I KHYAB PA BCAS NAS YOD NA BDEN PAR YOD SNYAM DU BZUNG STE KHA CIG GANG DU 'ANG GZUNG SA MED PAR SMRA LA, GZHAN DAG CHOS KYI 'KHOR LO BSKOR BAR DON DU YOD CES SOGS YOD CES GSUNGS PA THAMS CAD KYI DON BDEN PAR YOD PA YIN NO ZHES SGROG CING DBU MA RIGS TSOGS LA SOGS PAS NI CHAD STONG BSTAN TO ZHES 'DOD PA RNAMS NI DUS KYI 'KHOR LO'I LUGS LAS PHYI ROL TU GYUR CING DRI MA MED PA'I GZHUNG RNAMS LA SKUR BA 'DEBS PA'O, ,GAL TE RANG BZHIN MED PAR LUNG RIGS KYIS GTAN

LA PHAB PA'I DON NGES PA'I LTA BA SKYONG BA ZAB DON SGOM PA YIN NA RANG GI LTA BA'I 'DOD PA MDOR BSTAN PA LAS, PHUNG PO RNAM DPYAD STONG PA NYID, ,CHU SHING JI BZHIN SNYING PO MED, ,RNAM PA THAMS CAD MCHOG LDAN PA'I, ,STONG NYID DE LTAR 'GYUR MA YIN, ,ZHES GSUNGS PA JI LTAR DRANG SNYAM NA, ,LUNG RIGS KYIS GTAN LA PHAB STE SGRO 'DOGS LEGS PAR BCAD PA'I DON SGOM NA SNYING PO MED PA'I SGOM DU 'DOD PA KHYOD NI SNGON MED PA ZHIG GO ,DES NA LUNG DES NI PHUNG PO RANG BZHIN MED PAR DPYAD PA'I STONG NYID BSGOM DU MI RUNG BAR STON PA MIN TE DE LTA MA YIN NA CHOS THAMS CAD KYI RANG BZHIN MED PA RTOGS NAS SGOM PAR NI GSUNGS LA, CHOS THAMS CAD RANG BZHIN MED PA'I NGES PA LUNG RIGS KYIS DPYAD NAS MA BTZAL NA DAM BCA' TZAM GYIS SGOM PA BLUN PO'I 'JUG PA YIN PA'I PHYIR DANG, GCIG DU BRAL GYI RTAGS DANG NAM MKHA'I ME TOG GIS DPES RNAM SHES KYI PHUNG PO RANG BZHIN MED PAR DPYAD PA'I SGO NAS DBU MA PAS DE KHO NA NYID RIG PAR GSUNGS PA DANG 'GAL BA'I PHYIR RO, ,'O NA LUNG DE'I DON GANG YIN SNYAM NA CHOS RNAMS RANG GI NGO BOS STONG PA'I RANG BZHIN MED PA'I STONG NYID NI CHOS CAN THAMS CAD LA KHYAD PAR MED KYANG DE GANG DANG SBREL NAS SGOM PA'I CHOS CAN NI RDUL PHRAN TSOGS PA'I PHUNG PO LA MI BYED KYI STONG GZUGS KYI SNANG BA LA BYED DE, DE'I RGYU MTSAN NI STONG NYID NGES PA'I BLO DANG DE'I SNANG BA STONG GZUGS GNYIS SKU DANG THUGS SU DBYER MED BYAS NA YE SHES KYI SKU 'GRUB KYI RDUL PHRA RAB TSOGS PA'I LUS YE SHES KYI SKUR MI 'GYUR PA'I PHYIR RO, ,DE BZHIN DU DPYAD PA'I STONG PA GANG YIN LA MI BYED KYI DPYOD LUGS MA LEGS

, ,PAS THAMS CAD DNGOS MED DU GO BA'I CHAD STONG 'GOG PA YIN NO, ,DE LTAR YANG LE'U LNGA PA'I 'GREL CHEN LAS, RDUL PHRA RAB TSOGS PA'I BDAG NYID KYI CHOS RNAM PAR DPYAD PA'I STONG PA CHAD PA'I STONG PA LAS RING DU BYAS PA, ZHES PHUNG PO YANG BYE BRAG PA DANG DPYAD PA'I STONG PA YANG BYE BRAG PA LA GSUNGS SO, ,DE LTAR NA BDAG MED PA'I DON GTAN LA PHAB PA'I LTA BA SKYONG MI SKYONG GIS MA PHYE NA PHYOGS SNGA'I LUGS DE ZAB DON SGOM PA YIN PA KHEGS PA MI SRID DO, ,MDOR NA BDAG 'DZIN CUNG ZAD KYANG KHA MA BRI BA'I BDAG MED MNGON SUM DU RTOGS PA 'DOD PA NI MKHAS PA'I BZHAD GAD KYI GNAS YIN PAS SO SO SKYE BO LA BDAG MED LKOG GYUR YIN LA, DE'I TSE BDAG MED DON SPYI'I SGO NAS NGES PA YANG MI 'DOD NA LAM DES BDAG 'DZIN LA CI GNOD SOMS SHIG ,THEG CHEN GYI SBYOR LAM CHOS MCHOG CHEN PO PAS RANG BZHIN MED PA'I DON DON SPYI'I SGO NAS NGES PA KHAS LEN ZHING DA LTA'I LAS DANG PO BAS BDAG MED PA'I NGES SHES KYI 'DZIN STANGS BSKYED NAS BSGOMS NA RTOG PA'I 'DZIN STANGS SU SONG BAS DE KHO NA NYID SGOM PA MIN NO ZHES SMRA BA NI SEMS RNAL DU MI GNAS PA'I GTAM MO, ,GAL TE DBU MA LA SOGS PA'I GZHUNG NAS MI RTOG PA'I YE SHES KYI NGON GNYIS SNANG THAMS CAD DAG NAS 'GRO BAR BSHAD LA, RGYUD DANG 'GREL PA 'DIR MI RTOG BSGOM PA'I TING NGE 'DZIN GYI NGON SNA TSOGS PA'I STONG GZUGS KYI SNANG BA 'CHAR BAR GSUNGS PAS DE DAG 'GAL LO SNYAM NA, DE YANG 'THAD PA MA YIN TE STONG GZUGS KYI SNANG BA DANG DE RANG BZHIN MED PAR RTOGS PA'I SHES PA GNYIS NGO BO DBYER

MED YIN PAS YUL YUL CAN SO SO BAR SNANG BA NI SNANG TSUL DANG YIN TSUL JI LTA BA BZHIN MTHUN PA MA YIN NO, ,DES NA SO SO SKYE BO'I SA LA YUL SNANG DANG SHES PA DE GNYIS LOGS SHIG NA SO SOR SNANG BAS SHES PA DANG SHES BYA SO SO BA'I 'BREL PA CAN YIN LA RANG BZHIN MED PA'I DON MNGON SUM DU RTOGS PA NA DE 'DRA BA'I 'BREL PA ZHIG NAS RO MNYAM DU 'GRO BA YIN TE LE'U LNGA PA'I 'GREL CHEN LAS, SKYE BA DANG 'JIG PA MED PA'I RANG GI SEMS KYI SNANG BA DE LA YE SHES RNAM PAR BSRES PA'O, ,RANG GI SEMS KYI SNANG BA LA RO MNYAM PA GCIG TU GYUR PA STE SHES PA DANG SHES BYA'I 'BREL PAS NI MA YIN NO, ,ZHES GSAL BAR GSUNGS SO, ,DE YANG 'PHAGS PA'I MI RTOG YE SHES KYI SHES DO DE NA STONG GZUGS KYI SNANG BA MI 'CHAR BA YIN GYI DE'I DUS NA STONG GZUGS MED PA MIN TE DPER NA GSANG 'DUS PA'I LUGS LA, YANG DAG MTHA' LAS LANGS NAS NI, ,GNYIS MED YE SHES THOB PAR 'GYUR ZHES GSUNGS PAS ZUNG 'JUG GI SKU 'JA' TSON LTA BU DANG THUGS 'OD GSAL DU ZHUGS PA GNYIS NGO BO GNYIS SU DBYER MED PA YIN LA 'OD GSAL DU ZHUGS PA'I SHES NGO DER SNANG BA GSUM RNAM PAR DAG PAR BSHAD PAS GNYIS SNANG MED KYANG DE DUS SU SKU'I SNANG BA MI LDOG PA BZHIN NO, ,DE LTA MA YIN NA STONG GZUGS DMIGS BCAS DANG MI 'GYUR BA'I BDE BA DMIGS MED DU GSUNGS PA MI RIGS TE SNA TSOGS PA'I SNANG BA YOD PAS DMIGS BCAS SU GSUNGS PA YIN PA'I PHYIR DANG 'PHAGS RGYUD KYI MI 'GYUR BA'I BDE BA'I SNGON YANG SNA TSOGS PA'I SNANG BA 'CHAR DGOS PA'I PHYIR RO, ,DES NA MI RTOGS

, ,YE SHES KYI NGON MED PA DANG DE'I DUS NA YOD PA GNYIS MI 'GAL BAR SHES PAR BYOS SHIG ,'DI DAG LA LOG RTOG SHIN TU MANG PO SNANG BAS RGYUD DANG 'GREL BA'I KHUNGS RNAMS DRANGS NAS BRGAL LAN ZHIB MOS GTAN LA DBAB DGOS PAR SNANG NA'ANG MANGS PAS 'JIGS NAS DE TZAM LAS MA SPROS SO, ,RNAL 'BYOR RGYUD DANG RNAL 'BYOR MA'I RGYUD GNYIS THABS SHES GNYIS MED KYI RGYUD DANG 'GAL BAR 'DOD PA NI LNGA PA'I 'GREL CHEN LAS BKAG LA DUS 'KHOR MA RGYUD YIN PAR NANG GI LE'U LAS DBU MA'I LO GSUM GYI ZHAG GIS RNAL 'BYOR MA'I RGYUD KYI LHA GRANGS BSTAN PA'I SKABS SU 'GREL CHEN LAS, LO GSUM GYI DBYE BAS RNAL 'BYOR MA'I RGYUD KYI NGES PA'O, ,ZHES SOGS KYIS GSAL BAR GSUNGS SO, ,MDOR NA TSUL 'DIR ZHUGS NAS SGRUB PA SNYING POR BYED NA NI DAM TSIG DANG SDOM PA SRUNG BA GZHIR BYAS TE THUGS KYI DKYIL 'KHOR TZAM ZHIG GI BSKYED RIM BRTAN PAR BYAS NAS YAN LAG DRUG SNGAR BSHAD PA BZHIN RIM GYIS BSKYED DGOS LA, 'GREL CHEN LAS LAM GYI RTZA BA GSUM DU BSHAD PA LTAR BDAG MED KYI GO BA RNAM PAR DAG PA CIG DANG BYANG CHUB KYI SEMS KYI MYONG BA BRTAN PAR BYA BA CIG MED THABS MED PAS DE GNYIS DANG LDAN PAR BYAS NAS BSGRUB DGOS SO, ,GNYIS PA LA GNYIS, BDE MCHOG GI RDZOGS RIM DANG, , KYEE RDO RJE'I RDZOGS RIM GYI RNAM GZHAG GO ,DANG PO NI, GRUB CHEN LO AI PAS, A'A LI K'A LI MDUN BSAMS NAS, ,RNAL 'BYOR CHEN PO NGAL BSO STE, ,ZLA BA'I DKYIL 'KHOR RDZOGS PA NI, ,LTE BA'I RTZA BAR GNAS PAR BSGOM, ,YI GE MCHOG GI GNAS

GYUR PA, ,DE YI DBUS SU RNAM PAR BSGOM, ,SKU GSUNG THUGS KYI RDO RJE CAN, ,LHA YI SKU NI BSGOM PAR BYA, ,DE NI GZUGS LAS 'DAS PA STE, ,DNGOS PO MED PA'I CHOS NYID YIN, ,DE YANG BSAM GYIS MI KHYAB BSAM, ,SEMS NYID BRTAG PAR MI BYA'O, ,BSAM GYIS MI KHYAB DE BSAMS NA, ,DE LAS GZUNGS NI THOB PAR 'GYUR, ,KHA tV'Am GA NI LHA YI SKU, ,SHES RAB d'A MA RU YI SGRA, ,NYIN MO BCOM LDAN RDO RJE CAN, ,RNAL 'BYOR MA NI MTSAN MOR BSHAD, ,MYA NGAN 'DAS BYUNG DPA' BO RNAMS, ,DRUG PA SEMS KYI SPRUL PA STE, DAG PA CHOS KYI SPRUL PA NI, ,PHAG MO'I GZUGS SU BSTAN PA YIN, ,SHR'I YIG GNYIS MED YE SHES TE, ,HE NI RGYU SOGS RNAM PAR SPANGS, ,RU YIG TSOGS DANG BRAL BA NYID, ,KA NI GANG DU'ANG MI GNAS PA'O, ,ZHES SO, ,'DI LA MNGON RTOGS KYI GZHUNG NAS BSKYED RDZOGS GANG YIN GSAL BAR MA BYUNG YANG LVA BA PAS, DE LTAR GUS PA DANG BCAS PAS SEMS BRTAN PAR GYUR PA DANG RDZOGS PA'I RIM PA'I TING NGE 'DZIN BSGOM PAR BYA'O, ,RNAL 'BYOR CHEN PO NGAL BSO BA, ,A'A LI K'A LI SNGON BSAMS NAS, ,ZHES PA NAS DE LAS GZUNGS NI THOB PAR 'GYUR, ,DANG PO RI DVAGS SRID BZHIN SNANG BA STE, ,MTSAN MA GNYIS PA DUD KHA'I RNAM PA CAN, ,GSUM PA SRIN BU ME KHYER SNANG 'DRA BA, ,BZHI PA SGRON MA 'BAR BA LTA BUR GSAL, ,MTSAN MA LNGA PA RNAM PAR MA BRTAGS PAR, , SPRIN BRAL NAM MKHA' LTA BUR SNANG BA YIN, ,DE LTA BU YI MTSAN MA THOB NAS NI, ,PHYAG RGYA CHEN PO THOB PAR 'GYUR BA YIN, ,SHR'I NI ZHES PA NAS MI GNAS PA'O, ,ZHES PA'I BAR DU GSUNGS PA DANG, NAG PO SPYOD PAS KYANG, DE NAS RDZOGS PA'I RIM PA'I TING NGE 'DZIN

, ,GYIS SEMS BRTAN PAR 'DOD PAS, A'A LI K'A LI SNGON BSAMS NAS, ZHES PA NAS DE LAS GZUNGS NI THOB PAR 'GYUR, ZHES GSUNGS PAS BSKYED RIM BRTAN PA'I 'OG TU RDZOGS RIM SGOM PA LA YANG NGES PAR SBYAR DGOS SO, , JO BO CHEN PO'I 'GREL PAR YANG A'A LI K'A LI ZHES PA'I GONG YAN CHAD KYIS BSKYED RIM RDZOGS PAR BYAS NAS DE PHYIN CHAD KYIS RDZOGS RIM STON PAR BSHAD DO, ,PRADZNY'A RAKshI TA DANG DE BZHIN GSHEGS PA'I RDO RJE'I 'GREL PAR BSKYED RDZOGS GANG YIN MI GSAL LA; LO A'I PA'I SGRUB THABS KYI 'GREL PA'I t'I KA KHYAD PAR GSAL BYED DU DE BZHIN GSHEGS PA'I RDO RJES RDZOGS RIM LA SBYAR ZHING DE YANG BSKYED RIM THUN BZHI'I THUN THA MA'I DUS SU SGOM PAR BSHAD DO, ,GZHUNG DE DAG GIS BSTAN PA'I DON NI RJES GZHIG GI RIM PA YIN LA DE NI RIM PA GNYIS KA'I SKABS SU SGOM PA YOD KYANG 'DIR BSKYED RIM BRTAN NAS RDZOGS RIM GYIS SKABS SU SGOM PAR LVA BA PAS BSHAD PA BZHIN BYA'O, ,DE LA BDE MCHOG GI RDZOGS RIM LA DRIL BU ZHABS KYIS RIM PA LNGA MDZAD PA'I LNGA PA BSAM GYIS MI KHYAB PA'I RIM PA NI GZHUNG 'DI DAG GIS STON PAS 'DI RDZOGS RIM GYI GTZO BO YIN NO, ,DE'I DON JO BO CHEN POS 'DI LTAR BSHAD DE ZLA BA NI RDO RJE SEMS DPA'I GDAN NO, ,YI GE MCHOG NI TING NGE 'DZIN SEMS DPA', ,SKU GSUNG THUGS KYI RDO RJE CAN NI YE SHES SEMS DPA'O, ,GZUGS LAS 'DAS PA NI SEMS SNANG BA GSUM RIM GYIS THIM PA STE DE'I MTSAN NYID NI DNGOS PO MED CES PA'O, ,BSAM MI KHYAB BSAM PA NI 'OD GSAL SGOM PA DANG SEMS NYID MI BRTAG PA NI SEMS GZHAG

THABS SO, ,DE'I MAN NGAG NI RGYU KUN RDZOB 'BRAS BU DON DAM LA GZHUG PA'I PHYIR TING NGE 'DZIN SEMS DPA' LAS 'OD ZER 'PHROS PAS 'DUS BYAS THAMS CAD 'OD LNGAR BZHUS, DE BSRUNG 'KHOR DANG GZHAL YAS KHANG DANG SGO MTSAMS MA BRGYAD DANG SKU DANG GSUNG DANG THUGS 'KHOR DANG, LHA MO BZHI DANG GTZO BO'I ZHAL BZHI LA SNGA MA SNGA MA RNAMS PHYI MA PHYI MA LA THIM NAS GTZO BO YAB YUM DANG YE SHES SEMS DPA' DANG TING NGE 'DZIN SEMS DPA' YANG DE BZHIN DU THIM NAS DE YANG JE PHRA JE PHRAR BSAMS LA DE LA SEMS BSGRIMS NAS PHRA BA LA SEMS GTAD DE BSGOM PAR BYA'O, ,SEMS DE YANG RNAM PAR SHES PA GSUM DANG BRAL BA'I 'OD GSAL BA LA GZHAG GO ,GNYIS MED KYI ZUNG 'JUG NI DE LTAR BSAM MI KHYAB 'OD GSAL GYI NGANG LAS SGYU MA'I SKUR LANGS PA NI GZUNGS THOB PA STE SGYU MA LTA BU'I LHA'I SKU'I DRAN PA THOB PAS SO, ,KHA tV'Am GA ZHES PA BZHI NI SPYOD PA'I MAN NGAG GO ,SNGA MA RGYAS PAR BSHAD PA NI MYA NGAN 'DAS PA NI 'OD GSAL YIN LA DE LAS BYUNG BA NI DPA' BO NYER LNGA'O, ,YAN LAG NI SHES RAB KYI LHA RNAMS TE THABS SHES KYI LHA RE GNYIS SO, ,DE DAG NI SEMS GSUM RLUNG DANG BCAS PA LAS SPRUL PA'O, ,YAN LAG SEMS KYI SPRUL PA ZHES 'DON NO, ,DE YANG DAG PA'I CHOS DON DAM BDEN PA'I SPRUL PA NI PHAG MO'I GZUGS SU BSTAN LA KUN RDZOB BDEN PA'I SPRUL PA NI GTZO BO LA SOGS PA'O, ,DE GNYIS MED DU STAN PA NI SHR'I NI GNYIS MED YE SHES ZHES PA STE ZUNG 'JUG GO ,RGYU SOGS NI BDAG GZHAN GNYIS KA RGYU MED LAS SKYE BA SPANGS PA'O, ,TSOGS NI GNAS PA 'JIG PA'I TSOGS DANG BRAL BA'O, ,GANG DU'ANG MI

, ,GNAS PA NI PHYAG CHEN ZUNG 'JUG GO ,MAN NGAG NI NUS TSAD KYIS 'OD GSAL LA SEMS GTAD DE BSGOMS LA DE'I NGANG LAS SKAD CIG GIS SGYU MA LTA BU'I LHAR LANGS LA DE LA SHES RAB KYIS DPYAD CING BSGOM PAR BYA'O ZHES GSUNGS TE RKANG PA DANG PO GNYIS LA BSHAD PA MA MDZAD DO, ,'DI LA PRADZNY'A RAKshI TAS A'A LI K'A LI'I PHRENG BA 'OD ZER LNGA DANG LDAN PA 'KHOR LO GSUM GYI LHA RNAMS 'PHRO BA CAN BRJOD CING GA-YAS PA'I RLUNG DANG 'GROGS NAS BYUNG STE 'GRO BA 'KHOR LO GSUM GYI BDAG NYID DU BYAS NAS THOG MED NAS GRUB PA'I DPA' BO DANG DPA' MO RNAMS DANG RO GCIG TU GYUR TE, SNA PHUG GA-YON NAS ZHUGS LTE BAR ZLA BA'I DKYIL 'KHOR DU GYUR PAR BSAM, MDUN NI THOG MA'O, ,ZLA BA DE'I DBUS SU MCHOG GI GNAS RDO RJE 'DZIN PA'I SA BON H'Um LAS RDO RJE CAN GYI LHA BDE MCHOG DKAR PO GA-YAS BRKYANGS PA ZHAL GCIG PHYAG GNYIS PA RDOR DRIL BA BSNAMS PA 'JA' TSON LTA BU, RDO RJE PHAG MO DMAR PO ZHAL GCIG MA PHYAG GNYIS KYIS RDO RJE DANG THOD PA 'DZIN PA DANG SNYOMS PAR ZHUGS PA'I SGYU MA'I SGRAS BKUG NAS KHAMS GSUM PO RNAMS DUR KHROD DANG DE PHYI'I 'KHOR LO DANG DE SKU DANG DE GSUNG DANG DE THUGS 'KHOR LO LA BSDU'O, ,THUGS 'KHOR GYI PHYOGS NA GNAS PA RNAMS MKHA' 'GRO MA LA SOGS PA DANG MTSAMS NA GNAS PA RNAMS GZUGS CAN MA LA SOGS PA DANG DE BZHI YANG ZHAL BZHI LA DANG, GTZO BO YAB YUM ZHAL GCIG PHYAG GNYIS MA SHES RAB MA DANG BCAS PA DE DAG KYANG CHAGS PA CHEN POS ZHU BA LAS SIN DU RA DANG MU TIG DMAR PO'I MDOG

LTA BU'I H'Um YIG GO ,DE'I A'U NI HA DANG HA NI MGO BO DANG MGO BO ZLA PHYED DANG DE THIG LE DANG DE N'A DA DANG N'A DA NI SKRA RTZE BRGYA STONG DU BGOS PA'I CHA RU BLTA STE GZUGS 'DAS SO ZHES PA'I DON TO, ,DBANG PO RNON POS DE YANG MI DMIGS PA NI DNGOS MED SEMS NYID DO, BSAM GYIS MI KHYAB PA NI SNGA MA NGES PAS BSTAN TO, ,SEMS NYID MI BRTAG PA NI BSAM MI KHYAB TU YANG MI BRTAG PA'O, ,DE BRTAG PA NI BSAM GYIS MI KHYAB PA DE BSAMS NA ZHES PA'O, ,GZUNGS NI PHYAG CHEN GYI DNGOS GRUB BO, ,LHA'I SKU NI HE RU KA'I 'O, , YANG NA SGAL TSIGS KHA t'Am GA'I RANG BZHIN DU BLTA'O, ,SHES RAB STONG PA NYID d'A MA RU'I SGRA BRAG CHA LTA BUR RTOGS PAR BYA'O, ,DMIGS PAS NYIN MO'O, ,MI DMIGS PAS MTSAN MO'O, ,MYA NGAN 'DAS PA NI SHI BA'O, ,DE LAS BYUNG BA NI BAR SRID MNGON SHES DANG MTSAN GYIS BRGYAN PA'I YE SHES KYI LUS CAN NO, ,DPA' BO NI BCOM LDAN 'DAS TE DE'I GZUGS SU BSGOM MO, ,YANG NA MYANG 'DAS CHOS DBYINGS LAS BYUNG BA'I SEMS CAN GYI DON MDZAD PA'I YE SHES KYI SKU DRUG PA STE CHOS KYI DBYINGS 'JAL ZHING GCOD PA'I SEMS GDUL BYA'I SEMS CAN LA LTOS NAS DE BZHIN DU SO SOR SNANG BAS NA SEMS KYI SPRUL PA'O, ,DAG PA ZHES PA GNYIS NI SNGAR BZHIN NO, ,'OD GSAL DU ZHUGS PAS SKYON LHA'I SKUR LANGS NAS RDO RJE'I BZLAS PA SOGS BYED PAR BSHAD DE DE BZHIN GSHEGS PA'I RDO RJE YANG DE DANG 'DRA'O, ,DE LA A'A LI K'A LI ZHES PA NAS GZUNGS NI THOB PAR 'GYUR ZHES PA'I BAR NI KUN SPYOD KYI BCU GNYIS PA DANG, KHA tV'm GA NI ZHES PA BZHI NI DE'I BCO LNGA PA DANG SHR'I NI ZHES PA BZHI NI

, ,DE'I DGU PA DANG MYA NGAN 'DAS BYUNG ZHES PA BZHI NI DE'I BCU BDUN PA LAS 'BYUNG NGO, ,PHYI MA LA KUN SPYOD LAS, DE NAS HE RU KA DPAL RGYU, SEMS NI DRI MED YIN PAR BSHAD, DAG PA'I CHOS ZHES SOGS GSUNGS TE DON 'DRA'O, NAG PO SPYOD PA DANG LVA BA PAS BSKYED RIM RDZOGS PA'I 'OG TU SNGAR LTAR BSHAD CING DRIL BU PA DANG LVA BA PA GNYIS KAS BSKYED RIM GYI THUN THA MA LA RIM PA BZHIN DU SDUD PA BSHAD KYANG DE 'DRA BA'I BSKYED RIM BRTAN NAS RDZOGS RIM BSGOM PAR BYA'O ZHES ZUR DU GSUNGS PAS BSKYED RIM GYI SKABS SU SDUD PA'I RIM PA SGOM PA DANG RDZOGS RIM GYI SDUD RIM GNYIS RIGS 'DRA YANG SNGA MA RDZOGS RIM DU 'DOD PA MI 'THAD DO, ,DRIL BU PAS SDUD PA'I RIM PA CAN GYI KUN SPYOD KYI GZHUNG DE DAG MA DRANGS KYANG DON NI DE LTAR BYED DE DE'I LHAN SKYES KYI SGRUB THABS LAS, DES NI RGYA CHEN YID LA BYED, ,'DUS BYAS SPROS PA'I RGYUN 'DI NI, ,'DI LTAR RTAG TU SGOM PA POS, ,'OD GSAL RJES SU DRAN PAR BYA, ,SNA TSOGS PAD MA NYI MA DANG, ,'JIGS BYED DANG NA DUS MTSAN MO, ,SDUG MA BDAG MO MKHA' NOR BU, ,DE BZHIN GSHEGS PA LNGA YI 'OG ,SKU DANG YAN LAG MCHOG DANG NI, ,ZLA BA THIG LE N'A DA RNAMS, ,'DI RNAMS RIM GYIS MI SNANG GZHUG ,JI LTAR ME LONG DBUGS KYI RLUNG, ,THAMS CAD THIM PAR GYUR PA LTAR, ,YANG DAG MTHA' RU YANG NAS YANG, ,DE BZHIN RNAL 'BYOR RAB TU GZHUG ,CES GSUNGS PAS RGYA CHE BA'I LHA SKU RJES GZHIG GI RIM PAS 'OD GSAL DU 'JUG CING DE YANG GSANG 'DUS RIM LNGA'I GZHUNG BZHIN DU MDZAD DO, ,DER BYIN

GYIS BRLABS PA DANG RAB TU BRTAGS PA DANG BSAM GYIS MI KHYAB PA'I GZUGS RDZOGS PA'I RNAL 'BYOR GSUM SANGS RGYAS KYIS GSUNGS PA'I RNAM DBYE MDZAD NAS SA BON LA MI LTOS PAR SKAD CIG GI RDZOGS PA'I BDE MCHOG LHAN SKYES 'OD GSAL DU 'JUG PA'I RTEN DU BSTAN PA NI BSKYED RIM MIN GYI RDZOGS RIM GYI LHA SKU YIN LA, DE'I PHYIR RIM PA LNGA PA BSAM MI KHYAB KYI RIM PA LA, DE NYID LNGA PA RDZOGS RIM NI, ,ZAD MED LHAN CIG SKYES PA NI, ,ZHES GSUNGS PA YANG 'OD GSAL KHO NA SGOM PA LA MI BYA STE DE'I RIM LNGA LAS KYANG, GZUGS SOGS RNAMS KYIS DRANGS GYUR TE, ,NGO BO NYID KYIS GANG GA-YO BA'I, ,SEMS NI SNYING KHAR BRTAN BYAS NAS, ,BLO DANG LHAN CIG DBANG DU BYA, ,GZUNG 'DZIN DANG NI BRAL BAS NA, ,DMIGS PA KUN DANG BRAL BA'I SEMS, ,BSAM DU MED PA'I RANG BZHIN PHYIR, ,CI YANG BSAM PAR MI BYA'O, ,SEMS NI STONG PA LA GZHUG CING, ,STONG PA SEMS SU RNAM GZHUG BYA, ,ZHES GSUNGS PAS SEMS STONG PA LA 'JUG PA NI SNGAR BSHAD PA'I SDUD RIM YIN LA STONG PA SEMS SU 'JUG PA NI DE NAS SLAR LDANG BA'I RIM PA'O, ,YE SHES SEMS DPA' YAB YUM SGOM SA NI LTE BA DANG SNYING KHA GDAM NGA CAN DU AA BHYAS LO A'I PA'I RJES SU 'JUG PA'I BDE MCHOG GI SGRUB THABS SU BSHAD LA DRIL BU PA DANG LVA BA PA'I SGRUB THABS SU YANG SNYING KHA NAS SPROS PA'I 'OD ZER GYIS RIM PA BZHIN BSDUS PA'I MTHAR DER SDUD PAR BSHAD PAS, SEMS NI SNYING KHAR BRTAN BYAS NAS, ZHES PA DANG MI 'GAL LO, ,DE LTAR BSDUS NAS 'OD GSAL DU BCUG STE SEMS GZUNG BA NAS CHU LA THIM

, ,PA SOGS KYI RTAGS LNGA 'BYUNG BAR BSHAD PA NI LVA BA PAS DANG POR RI DVAGS SRED BZHIN SNANG BA STE, ZHES SOGS GSUNGS PA'I DON YIN NO, ,MDOR NA RJES GZHIG GI BSAM GTAN GYIS DAG MA DAG GI SNOD BCUD RNAMS RIM GYIS BSDUS NAS 'OD GSAL DU 'JUG LDANG YANG YANG GOMS PAR BYAS NAS ZUNG 'JUG GI SKU SGRUB PA NI LO A'I PA DANG DRIL BU PA DANG LVA BA PA DANG NAG PO SPYOD PA RNAMS KYI BZHED PA YIN PAS 'OD GSAL DU 'JUG TSUL DANG DE LAS LDANG BA NA SEMS GSUM RLUNG DANG BCAS PA LAS GRUB PA'I LHA'I SKU SKYED PA DANG, SHR'I YIG GI DON GNYIS SU MED PA'I YE SHES ZUNG 'JUG LA JO BO CHEN POS BSHAD PA RNAMS LEGS PAR RTOGS SO, ,'O NA DE 'DRA BA'I RDZOGS RIM DE BSKYED RIM BRTAN MA THAG NAS BYED DAM BAR DU GZHAN 'GA' ZHIG BRGYUD DGOS SNYAM NA, RJES GZHIG GI RIM PAS SGOM PA NI DANG POR BSKYED RIM SGOM PA'I DUS SU YANG BYED PAR SNGAR BSHAD ZIN LA 'ON KYANG DE 'DRA BA DE RDZOGS RIM GYI SKABS SU BYED PA NI BSKYED RIM BRTAN MA THAG NAS MA YIN GYI BAR DU RDZOGS RIM GZHAN SGOM DGOS TE DE NI BSAM MI KHYAB KYI RIM PA YIN PA'I PHYIR RO, ,DE YANG DRIL BU PAS DE'I SNGON DU RIM PA BZHI BSHAD LA NAG PO SPYOD PAS KYANG SNGAGS KYI RIM PA LA SOGS PA BSHAD DO, ,BDE MCHOG RIM LNGA'I 'GREL PA DPE KHA CIG LAS DRIL BU PAS MDZAD ZER BA DER, RANG BYIN BRLAB KYI RIM PA NAS BDE MCHOG LHA LNGA THIG LE LNGA LAS BSKYED PA RIM GYIS 'OD GSAL DU 'JUG PA DANG, SNA TSOGS RDO RJE'I RIM PA'I SKABS SU H'Um LAS BDE MCHOG SKYED

PA SOGS BSHAD PA NI DRIL BU PAS SA BON LA MI LTOS PAR SKAD CIG GIS SGOM PA DANG DE 'OD GSAL DU 'JUG PA'I TSUL NI BSAM MI KHYAB KYI RIM PAR BSHAD PA DANG 'GAL LO, RIM LNGA RE RE LA BSKYED RIM RE SGOM PAR BSHAD PA YANG DRIL BU PAS LHA LNGA'I SGRUB THABS SU BSKYED RIM BRTAN NAS RDZOGS RIM SGOM PAR BSHAD CING RDO RJE MKHA' 'GRO LAS GZINGS KYI DPES RDZOGS RIM BRTAN PA NAS BSKYED RIM MI BYED PAR GSUNGS PA DANG 'GAL LO, ,DE LTAR 'DOD PA NI LHA SGOM PA THAMS CAD BSKYED RIM YIN SNYAM DU BZUNG NAS RIM GNYIS KYI LHA SGOM TSUL MA PHYED PA'I SKYON NO, ,YANG DER SO THAR GYI SDOM LDAN GYIS BYANG CHUB TU SEMS BSKYED PA NA SDOM PA DE BYANG SEMS KYI TSUL KHRIMS SU GNAS GYUR TE GNAS PA DANG SNGAGS KYI DAM TSIG NYAMS NA SDOM PA GSUM KA 'JIG CES 'DOD PA YANG MI 'THAD DE, SDOM PA PHYI MA BLANGS PA'I TSE SNGA MA GNAS GYUR DGOS NA SDOM PA GSUM GCIG CHAR DU LDAN PA MI SRID PA DANG SNGAGS SDOM BLANGS PA DE'I RTEN LA SDOM PA GZHAN GNYIS GNAS GYUR PAS NA SNGAGS KYI RTZA LTUNG GZHAN GNYIS KYI 'JIG RGYUR 'DOD PA RANG GI KHAS BLANGS DANG 'GAL ZHING SDOM PA RNAMS KYI THOB PA DANG GTONG BA'I RGYU SO SO BA YIN PA'I PHYIR RO, ,DES NA DPE KHA CIG LAS 'DI DON YOD DO RJE ZHES PA CIG GIS BYAS ZHES 'BYUNG BA DAG GO ,RDZOGS RIM PA'I SKABS KYI BSAM GTAN GNYIS SGOM PA LA NI GSANG 'DUS LUGS GNYIS NAS BSHAD PA BZHIN DU RLUNG DANG THIG LE'I RNAL 'BYOR MANG PO ZHIG LA NUS PA THON PA'I SKABS SU BYED PA YIN TE, RLUNG DANG THIG LE LAS RUNG SNGON DU MA BTANG NA SNOD BCUD

, ,'OD GSAL DU SDUD PA BSKYED RIM PA'I SKABS SU BYED PA DE LAS NUS PA LHAG PO CI YANG MI THON PA'I PHYIR DANG MOS PA YID BYED KYIS DE LTAR SBYONG BA NI BSKYED RIM GYI SKABS SU ZIN PA'I PHYIR RO, ,DES NA RANG BYIN GYIS BRLAB PA'I RIM PA DANG SNA TSOGS RDO RJE'I RIM PA DANG NOR BU 'GENGS PA'I RIM PA DANG DZA LAN DH'A RA'I RIM PA STE BZHI NI RLUNG DANG THIG LE DANG GTUM MO'I RNAL 'BYOR GYIS RTZA RLUNG THIG LE RNAMS SHIN TU DUL BAR BYAS NAS 'OD GSAL DU 'JUG PA'I THABS SO, ,DE LA RJES GZHIG GIS RIM GYIS SNOD BCUD 'OD GSAL DU YANG YANG SDUD PA'I DMIGS PA BYAS PA'I SGO NAS 'CHI RIM BZHIN DU 'OD GSAL DU 'JUG NUS PA LA GA-YAS GA-YON GYI SROG GI RLUNG DBU MAR BCINGS NAS GTUM MO 'BAR BA'I DBANG GIS BYANG SEMS ZHU BA LA BRTEN PA'I DGA' BZHI BSKYED DGOS LA DE NI DZA LAN DH'A RA'I RIM PAS BYED DE DRIL BU PAS, LTE BA CHU SO'I MTSAMS SU NI, ,MDOG LNGAR LDAN PA'I THIG LE NI, ,SANGS RGYAS LNGA RNAMS KYIS MTSON PA, ,'KHOR LO GRU GSUM DKAR DMAR NI, ,SROG 'GOG PA DANG LDAN BSGOMS NAS, ,SKAD CIG DE LA 'BAR 'GYUR BAS, ,ZHES GSUNGS TE 'DIS GTUM MO 'BAR BAR BYED PAS 'BAR BA 'DZIN ZHES PA DANG, YANG DE NYID LAS, BU GA GZHAN NAS 'BYUNG 'GYUR ZHING, ,KHAMS GZHAN NAS NI MYUR DU 'JUG ,CES GSUNGS PAS SANGS RGYAS RNAMS KYI BDUD RTZI BKUG PA SPYI GTZUG NAS 'JUG PAS DZA LAN DH'A RA'I RIM PA'O, ,SPYI GTZUG GI KHUNG BU NI RTZA STONG PHRAG DON GNYIS KYI DRA BA 'BYUNG BA'I GNAS SU SGRON MA BZHI'I 'GREL PA LAS BSHAD DE

DE'I LTAR NA DRA BA 'DZIN PA'I DON TO, ,DE LA SNGON DU PHYAG RGYA LA BRTEN PA'I DGA' BZHI SKYED PA NI NOR BU 'GENGS PA'I RIM PA YIN LA DE LA PHYAG RGYA BZHI GSUNGS PA'I DAM TSIG GI PHYAG RGYA NI BSGOMS PA'I YE RGYA LA BRTEN NAS DGA' BA SKYED PAS SNGON 'GRO DANG LAS KYI PHYAG RGYA NI RIG MA DNGOS LA BRTEN NAS BDE BA SKYED PA DNGOS GZHI DANG, CHOS KYI PHYAG RGYA NI JI LTAR MYONG BA DRAN PAR BYAS NAS BDE BA SKYONG BAS RJES DANG PHYAG RGYA CHEN PO NI DE DAG LA BRTEN NAS DE KHO NA NYID KYI DON SGOM PA'O, ,DE'I SNGON DU 'GRO BA'I SNA TSOGS RDO RJE'I RIM PA GNYIS NI THIG LE'I RNAL 'BYOR YIN LA DE'I SNGON DU 'GRO BA'I SA BON MED PA'I RANG BYIN BRLAB NI RLUNG GI RNAL 'BYOR YIN TE 'DI GNYIS KYIS RLUNG DANG THIG LE LAS SU RUNG BA NA PHYAG RGYA DANG SBYOR BAR NUS PA'I PHYIR RO, ,SA BON DANG BCAS PA'I RANG BYIN BRLAB NI SNYING KHA SOGS KYI THIG LE LA SEMS BTZAN THABS SU GZUNG BA'I THABS SO, ,DE LTAR NA DANG POR BSKYED RIM BRTAN PAR BYAS NAS YUL LNGA LA GA-YO BA'I SEMS SNYING KHA'I THIG LE LA BKUG NAS BZUNG DE BRTAN NA SNA RTZER RLUNG 'GRO 'ONG LA DMIGS PA'I RLUNG GI RNAL 'BYOR BYAS, DE NAS 'KHOR LO BZHI'I LTE BAR THIG LE'I RNAL 'BYOR BRTAN PAR BYAS DE NAS PHYI NANG GI PHYAG RGYA GNYIS LA BRTEN NAS BYANG SEMS ZHU BA'I DGA' BZHI LA SBYANGS PA'I MTHAR SNOD BCUD RIM GYIS 'OD GSAL DU SDUD PA DANG DE LAS LDANG BA'I RNAL 'BYOR MANG DU BYAS PA'I MTHUS SNGAR BSHAD PA LTAR GYI GNYIS SU MED PA'I YE SHES KYI SKU 'GRUB CING DE'I RGYUN NYID KYIS 'BRAS BU LA NYE BAR SBYOR BA'O, ,DRIL BU PA'I RIM LNGA DANG NAG PO SPYOD

, ,PA'I DE KHO NA NYID KYI SGRON ME DANG DPYID KYI THIG LE GNYIS SU RDZOGS RIM MANG DU GSUNGS PA'I DON RNAMS RIM PA BZHIR BSDUS PA GNYIS LA NGES PA RNYED NA BDE MCHOG GI RDZOGS RIM MKHAS GRUB KYIS MDZAD PA MTHA' DAG GI GNAD RTOGS PAR 'GYUR RO, ,KHUNGS RNAMS DRANGS NAS RGYAS PAR BSHAD PA NI MANGS PAS 'JIGS NAS MA BRIS SO, ,GNYIS PA NI, KYEE RDO RJE'I RDZOGS RIM DBANG GSUM GYI LAM DU BSDUS NAS NYAMS SU LEN PA'I TSUL RNAL 'BYOR KYI DBANG PHYUG BIR WA PA'I GDAMS PA LAM 'BRAS BU DANG BCAS PA'I GNAD RNAMS NI GDAMS PA DE 'DZIN PA'I MKHAS PA'I SKYE BO RIM PAR BYON PA RNAMS KYIS SHIN TU GSAL BAR BSHAD ZIN PA LAS SHES PAR BYA STE 'DIR NI CHEN PO DAG GI GZHUNG LAS 'BYUNG BA'I RDZOGS RIM GYI SPYI'I 'GROS SHIN TU MI GSAL BA GSAL BA DANG, LOG RTOG MANG DU SNANG BA RNAMS GSAL BAR 'DOD PA YIN LA GDAMS PA DE LA NI DE GNYIS KA MI DGOS PAR SNANG BA'I PHYIR RO, ,GRUB CHEN tOm BI PAS MDZAD PA'I BDUD RTZI 'OD KYI SGRUB THABS SU DPYID KYI THIG LE'I RDZOGS RIM GTUM MO'I RNAL 'BYOR GSUNGS LA DE'I SLOB MA MI THUB ZLA BAS, DNGOS GRUB 'DI NI NYE BA YI, ,YAN LAG DRUG GIS BSKYED PA NI, ,DANG PO SPRIN DANG 'DRA BAR MTHONG, ,GNYIS PA DU BA 'DRA BA STE, , GSUM PA GLOG GI RNAM PA'O, ,BZHI PA MAR ME 'BAR BA DANG, ,LNGA PA THAMS CAD SNANG BA STE, ,SPRIN MED NAM MKHA' 'DRA BA'O, ,PHYIS NI SGYU MA'I RNAM PA MTSUNGS, ,RMIN LAM RNAM PA SKAD CIG GO ,LTE BAR GTUM MO 'BAR BA YIS, ,DE

BZHIN GSHEGS PA LNGA BSREGS TE, ,SPYAN LA SOGS PA YANG BSREGS PA, ,BSREGS PAS HAm LAS RI BONG 'BYUNG, ,ZHES GSUNGS SO, ,DE LA YAN LAG DRUG BSGOMS PAS SPRIN DANG 'DRA BA SOGS SKYED PAR BSHAD PA'I YAN LAG DRUG NI PHO BRANG SKYED PA'I YAN LAG SOGS MIN GYI BDUD RTZI 'OD KYI SGRUB THABS LAS GSUNGS PA'I YAN LAG DRUG GO ,DE YANG DE NYID LAS, DANG POR NAG PO BSGOM PAR BYA, ,GNYIS PA DMAR PO BSGOM PAR BYA, ,GSUM PA LA NI SER POR BSGOM, ,DE BZHIN BZHI PAR LJANG KHU STE, ,LNGA PA KHA DOG SNGON PO NYID, ,DRUG PA DKAR BA'I TSUL CAN TE, ,YAN LAG DRUG BSGOM RNAL 'BYOR PAS, ,PHYI NAS KHA DOG RNAM PAR SPANG, ,ZHES GSUNGS PA LTAR RO, ,SH'ANTI PA'I 'KHRUL SPONG LAS KYANG, ,DE NAS YAN LAG DRUG GI RNAL 'BYOR GYIS MNYAM PA NYID BSGOM PAR BYA STE, NAG PO DMAR PO DE NAS SER, ,LJANG SNGO DKAR PO RIM PA LAS, ,LHAN CIG SKYES DGA' TZAM DU NI, ,'KHOR LO GTZO BCAS BSAM PAR BYA, ,ZHES GSUNGS SO, ,SGOM TSUL NI MTSO SKYES KYI SGRUB THABS KYI 'GREL PA DZA LAN DH'A RI PAS MDZAD PA LAS GTZO BO'I THUGS KA'I H'Um YIG NAG PO DANG DE GYUR PA LAS THIG LE'O, ,DE'I 'OD ZER GTZO BO'I BA SPU'I BU GA LAS 'THON NAS RTEN BRTEN PA THAMS CAD NAG POR BYAS PAR SEMS SHING DE BZHIN DU KHA DOG GZHAN LA'ANG BYED PAR BSHAD DE GZHUNG NA DNGOS SU MI SNANG YANG 'GREL PAS YAN LAG DRUG SGOM PA KHA BSKANGS SO, ,KHA DOG BZHIG TSUL GNYIS YOD KYANG 'OD GSAL DU 'JUG PA'I THABS BRJOD PA YIN ZHES BSHAD

, ,PAS KHA DOG DRUG DANG MTHAR 'OD GSAL DU 'JUG THABS BYAS TE SEMS BZUNG NA SPRIN DANG 'DRA BA SOGS KYI RTAGS 'BYUNG BA YIN NO, ,KHA DOG BSHIG NAS 'OD GSAL DU 'JUG THABS NI MTSO SKYES KYI SGRUB THABS LAS DE NAS BCOM LDAN 'DAS KYI THUGS KA NA GNAS PA'I ZLA BA DANG NYI MA'I DBUS KYI H'Um LAS 'PHROS PA'I, A'A LI K'A LI'I 'OD ZER GYI TSOGS 'BYUNG BA DANG 'JUG PA'I DBUGS KYIS SPRO BA DANG BSDU BAS RANG GI DE NYID DU ZHUGS NAS GCIG TU GYUR TE ZLA BA DANG NYI MA'I KHA SBYOR BA'I NANG SA BON GYI LUS KYIS GNAS PA DE'I TSE 'DI LTAR BSAM MO, ,THOG MA THA MA MED PA YI, ,'KHOR MIN MYA NGAN 'DAS MA YIN, ,GZHAN MIN BDAG NYID MA YIN PA, ,'DI NI MCHOG TU BDE CHEN YIN, ,DE BZHIN DU SA BON YI GE DANG ZLA BA DANG NYI MA 'DRES BAR 'GYUR BA'I BDUD RTZI'I RANG BZHIN GYI 'OD KYI GONG BU'I RNAM PA DANG MAR ME'I RTZE MO LTA BU'I RIM PAS JI SRID MI DMIGS KYI BAR DU BYA'O, ,ZHES GSUNGS PA 'DIS BSTAN PAR 'GREL PAR BSHAD DO, ,DE'I DON YANG 'GREL PA LAS RANG GI DBUGS 'BYUNG BA'I LAM NAS A'A LI K'A LI 'THON NAS DE'I 'OD BAR GYIS 'JIG RTEN GSUM PO GCIG TU BYAS TE DKYIL 'KHOR LA BSDUS SHING RIM PA BZHIN DU DKYIL 'KHOR GYI LHA MO BRGYAD ZHAL BRGYAD DANG YUM YANG YAB LA BSDUS PA'I MTHAR NYI ZLA KHA SBYOR GYI BAR GYI SA BON GNAS PA'I TSE THOG MA THA MA ZHES SOGS KYI DON RIM PAR BYAS NAS, GTZO BO YANG 'OD GSAL DU 'JUG STE YI GE DANG ZLA NYI GSUM 'DRES PA NI SNANG MCHED THOB GSUM GYI YE SHES DAG PA'O, ,BDUD RTZI'I RANG BZHIN NI 'OD GSAL

DANG MAR ME'I RTZE MO NUB NAS 'GRO BA BZHIN DU 'OD ZER GYI PHUNG PO'I RNAM PA RNAMS GCIG LA GCIG THIM NAS MTHAR RNAM SHES NAM MKHA' DANG 'DRA BA'I 'OD GSAL LA THIM ZHING DE NAS SLAR YANG LDANG BA'I RIM PA BSHAD DO, ,'GREL PA LAS BYANG CHUB MA THOB KYI BAR DU LDANG 'JUG DE LTAR BYA BAR BSHAD PA LTAR RDZOGS RIM GYI SKABS SU YANG 'OD GSAL DU 'JUG PA DANG LDANG BA'I RIM PA DE BZHIN DU BYAS NAS, SNGAR BDE MCHOG PA DANG YE SHES ZHABS LUGS KYI SKABS SU BSHAD PA BZHIN DU DER SEMS BZUNG BA'I TSE SPRIN DANG 'DRA BA SOGS KYI RTAGS RNAMS 'CHAR BA tOm BI PA DANG MI THUB ZLA BA'I YANG BZHED PAR SNANG NGO, ,DE YANG tOm BI PA'I LUNG SNGAR DRANGS PA BZHIN DU BSKYED RIM BRTAN PA SNGON DU BTANG NAS MTHAR RDZOGS RIM ZUNG 'JUG SGRUB PA'I SKABS SU RJES GZHIG GI RIM PAS SGRUB PA YIN NO, ,DE'I SNGON DU SGOM PA'I RDZOGS RIM NI GTUM MO DPYID KYI THIG LA SGOM PA LA BSHAD PAS NA RIM PA DANG PO DANG GTUM MO GNYIS LA DRIL NAS BSKYED RIM BRTAN PA DANG RLUNG DANG THIG LE LAS SU RUNG BA NA KHA DOG BSHIG PA ZHES PA 'AM GZUGS LAS 'DAS PA ZHES PA'I RIM PA RJES GZHIG GIS 'OD GSAL DU 'JUG LDANG BYED PA'I LUGS SO, ,DE LTAR NA GSANG 'DUS GNYIS DANG BDE DGYES KYI RDZOGS RIM LA MTHAR ZUNG 'JUG GI YE SHES KYI SKU BSAM GTAN GNYIS GANG RUNG GIS SNOD BCUD 'OD GSAL DU BSDUS NAS 'JUG LDANG BYED PA'I RIM PAS SGRUB PA DANG, DANG PO BSKYED RIM MTHAR DBYUNG DGOS PA LA 'DRA ZHING RLUNG DANG THIG LE LAS RUNG DU BYAS NAS 'OD GSAL DU 'JUG LDANG BYA DGOS PA YANG 'DRA MOD KYANG, RLUNG DANG THIG LE LAS RUNG DU SGRUB LUGS LA

, ,SGO MANG PO BSHAD DE 'PHAGS LUGS PAS NI RDOR BZLAS NYID LA 'DRIL ZHING, YE SHES ZHABS LUGS PA DANG BDE MCHOG PAS THIG LE'I RNAL 'BYOR MANG PO DANG GTUM MO DANG RLUNG GI RNAL 'BYOR GYIS SGRUB LA dOm BI PA LA SOGS PAS GTUM MO LA GNAD DU BSNUN PAR SNANG NGO, ,RDZOGS PA'I RIM PA GZHAN YANG MANG DU YOD MOD KYANG SNGAR BSHAD PA RNAMS LA NGES PA RNYED NA GO BAR NUS PAS MA BRIS SO, ,'DIR SMRAS PA, DPAL LDAN 'DUS PA DUS KYI 'KHOR LO DANG, ,'KHOR LO SDOM PA DGYES PA RDO RJE YIS, ,RDZOGS RIM LAM GYIS JI LTAR BGROD PA'I TSUL, ,SPYI YI RNAM GZHAG TSIG SPYIR MA LUS SHING, ,LUNG DON RIGS PA PHRA MOS LEGS DPYAD NAS, ,DON GYI KHOG RNAMS LEGS PAR DPYIS PHYIN PAR, ,TSIG ZUR PHYIN PAR GSAL BAR BSHAD PA LA, ,GNAS GSUM MKHA' 'GROS BRTZE BAS BZOD PA MDZOD, ,RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR PHYE BA LAS, RDZOGS RIM SPYI'I RNAM GZHAG BSTAN PA STE LE'U BCU GSUM PA'O,, ` ,,GNYIS PA THOG MAR SGOM PA'I RDZOGS RIM NGOS GZUNG BA LA GSUM, SGOM PA'I RTEN RTZA DANG RLUNG LA SOGS BSTAN PA DANG, DE LA JI LTAR GNAD DU BSNUN PA DANG, DE LA BRTEN NAS STONG NYID SGOM PA'I TSUL LO, ,DANG PO LA GNYIS, RTZA BSHAD PA DANG, RLUNG BSHAD PA'O, ,DANG PO NI, LUS LA RTZA BDUN KHRI NYIS STONG GNAS LA DE'I NANG NAS GTZO BO BRGYA NYI SHU, DE'I NANG NAS GTZO BO NYER BZHI DE LAS KYANG GTZO BO GSUM YIN TE SDOM 'BYUNG GI BDUN PA LAS, BDUN CU

GNYIS KYI STONG PHRAG RNAMS, ,LUS KYI RJES 'GRO RTZA RU 'GYUR, ,RTZA DANG NYE BA'I RTZA RNAMS TE, ,DE RNAMS GNAS NA BRTEN PA'O, ,NYI SHUS LHAG PA'I BRGYA YIS NI, ,RTZA YI GTZO BO BRJOD PAR BYA, ,RTZA YI GNAS DANG YUL RNAMS NI, ,NYI SHU RTZA BZHI'I GRANGS YIN TE, ,DE RNAMS DBUS NA RTZA GSUM NI, ,RTEN DANG KUN TU 'GRO BA'O, ,ZHES SO, ,DE'I 'GREL PAR RLUNG GI BZHON PA DANG RNAM SHES KYI RTEN BYED PA'I RTZA'I GTZO BO NI SNYING KHA CHOS DANG MGRIN PA LONGS SPYOD DANG SPYI BO BDE CHEN DANG LTE BA SPRUL PA'I 'KHOR LO'I RTZA BRGYAD DANG BCU DRUG DANG SO GNYIS DANG RE BZHI YIN LA, DE RNAMS LAS KYANG SEN MO DANG SO LA SOGS PA LUS KYI KHAMS NYER BZHI RGYAS PA DANG GNAS PA'I RGYU BYED PAS SPYI BO LA SOGS PA'I GNAS NYER BZHI'I RTZA RNAMS GTZO BO YIN PAR BSHAD DO, ,SDOM 'BYUNG GI LE'U DE NYID LAS, LA LA N'A LA SOGS PA'I RTZA, ,RTZA RNAMS KUN GYI GTZO BO STE, ,DE NYID PHYIR NA GZHAN GYI RTEN, ,GANGG'A SINDHU RA GZHAN 'JUG BZHIN, ,ZHES RTZA GSUM GTZO BO YIN PA'I TSUL GSUNGS SO, ,DE LA KHA SBYOR GYI BRTAG PA DRUG PA LAS, ,SNYING GI NANG SON PAD MA NI, ,'DAB MA BRGYAD PA SNYING POR BCAS, ,ZHES DANG, 'DAB MA RNAMS KYI BZHI LA YANG, ,'BYUNG BA BZHI YI RTZA RNAMS NI, ,MAR ME'I RANG BZHIN LTA BUR NI, ,PHYOGS BZHI LA NI RNAM PAR GNAS, , RTZA RNAMS BZHI YANG MTSAMS RNAMS SU, ,RNAM PAR GNAS SHING DER SON PA, ,BDUD RTZI LNGA NI 'BAB PA STE, ,DE MCHOD RANG GI GZUGS GNAS PAS, ,DE YI DNGOS PO'I NGO BO LAS, ,MCHOD PA BZHI NI RNAM PAR BSHAD, ,LUS KYI SNYING GI NANG DU NI, ,RTZA RNAMS

, ,LNGA NI RNAM PAR GNAS, ,SKU GSUNG THUGS KYI DBYE BA YIS, ,NYI SHU RTZA BZHIR NYE BAR BRJOD, ,CES SNYING KHA'I RTZA 'DAB BRGYAD KYI PHYOGS BZHI LA 'BYUNG BZHI'I RTZA DANG MTSAMS BZHI LA MCHOD PA BZHI'I RTZA GNAS PAR BSHAD DO, ,DE LA MNGAL DU RTZA 'CHAGS PA'I RIM PA NI MAN SNYE LAS, MNGAL GYI GNAS SKABS SU DANG POR SNYING GI RTZA LNGA RNAMS SKYE'O, ,DE'I RJES SU SKYES PA GSUM RNAMS SOGS ZHES PA BRGYAD RNAMS SO, ,ZHES GSUNGS PA'I DON SUM SKOR MA LA SOGS PA LNGA DANG POR CHAGS NAS GTZO MO GSUM RJES SU SKYE BAR STON PA MIN TE SDOM 'BYUNG LAS DE GSUM RTZA GZHAN THAMS CAD KYI RTEN DU GSUNGS PAS SO, ,DES NA SNYING KHAR GTZO MO GSUM DANG BCAS PA'I LNGA GRUB PA'I RJES SU KHYIM MA LA SOGS PA 'CHAGS PAR BYA DGOS SO, ,RTZA SO GNYIS KYI SUM SKOR MA LA SOGS PA THA MA LNGA DANG RO RKYANG DBU MA GSUM STE BRGYAD MA GTOGS PA NYI SHU RTZA BZHI NI SPYI BO LA SOGS PA'I GNAS NYER BZHI'I SKU GSUNG THUGS KYI RTZA YIN PAS BRGYAD RNAMS SO ZHES PA NI LHAG MA BRGYAD PO'O, ,BDUD DRAL MA NI AA BA DH'U T'I DANG 'DRES PAS DBUS NA GNAS TE MAN SNYE LAS, SUM CU GNYIS PA BDUD DRAL MA NI AA BA DH'U T'I DANG 'DRES PA KHO NA STE LCE'I RTZE MO JI SRID PAR LTE BA NAS LANGS PA DUS KYI RTZA RNAL 'BYOR MA RNAMS KYI 'GOG PA'I MTSAN NYID CAN GYI CHOS 'BAB PO, ,ZHES SO, ,YANG MAN SNYE LAS, SUM SKOR MA NI GZUGS SO, ,'DOD PA MA NI SGRA'O, ,KHYIM MA NI DRI'O, ,GTUM MO NI RO'O, ,BDUD DRAL MA NI CHOS SO, ,ZHES DANG, DE LA 'DAB MA

RNAMS KYI BZHI YIS 'BYUNG BA'I RTZA RNAMS RNAM PAR GZHAG GO ,PHYOGS RNAMS SU BZHI RNAMS NI 'BYUNG BA BZHI RNAMS DANG DE'I RANG BZHIN RNAMS 'BAB BO ZHES BYAS NAS SO, ,ZHES GSUNGS LA SDOM 'BYUNG 'GREL PA LAS, LNGA PO 'DI RNAMS NI CHOS KYI 'KHOR LOR RIM PAS SA LA SOGS PA'I KHAMS KYI RANG BZHIN NI, ,DE'I PHYIR DKYIL 'KHOR LAS DKYIL 'KHOR GZHAN DU 'PHO BAR MTSON PAR BYA'O ZHES PA'O, ,ZHES BSHAD DE BDUD BRAL MA NI DER YANG RTZA DBU MA LA BRTEN PAR BSHAD PAS SUM SKOR MA LA SOGS PA BZHI PHYOGS BZHI'I RTZA'O, ,SNYING KHA'I MTSAMS KYI RTZA BZHI NI MAN SNYE LAS, MTSAMS SU BZHI RNAMS NI SO SOR BSHAD PA DANG GCI BA DANG BAD KAN DANG KHRAG DANG KHU BA RNAMS 'BAB PA 'BYUNG BA'I RTZA RNAMS KYI LHAN CIG BYED PA GZUGS DANG DRI DANG RO DANG REG BYA RNAMS 'BAB PA'I PHYIR MCHOD PA'I RANG BZHIN TE, DE'I RANG BZHIN YANG DNGOS POR NA 'BYUNG BA DANG 'BYUNG BA LAS GYUR PA THA DAD MED PA'I PHYIR RO, ,ZHES 'BYUNG BA DANG 'BYUNG 'GYUR DNGOS PO LA THA DAD MED PAR GSUNGS PAS PHYOGS KYI 'BYUNG BA'I RTZA BZHI DANG MTSAMS KYI MCHOD PA'I RTZA BZHI KA NAS 'BYUNG BA 'AM GZUGS LA SOGS PA 'BAB PA 'DRA BAR BZHED PA'O, ,SUM SKOR MA LA SOGS PA BZHI PO RE RE GNYIS GNYIS SU GYES PAS RTZA BRGYAD DO, ,DE NAS RTZA BRGYAD LAS RTZA NYER BZHIR 'GYUR TE MAN SNYE LAS, 'DI LTAR AA BA DH'U T'I DANG LHAN CIG RTZA LNGA RNAMS DANG PO STE DE'I RJES SU GSUM DANG DE NAS NYI SHU RTZA BZHI ZHES PA'O, ,ZHES GSUNGS SO, ,MU TIG PHRENG BA LAS SNYING KHA'I PAD MA'I LTE BA DANG PHYOGS KYI

, ,'DAB MA RNAMS LA GO RIM BZHIN DU, 'KHRIS GSUM 'DOD MA KHYIM MA DANG, ,GTUM MO DANG NI BDUD MA MO, ,ZHES BSHAD CING DE LNGA LA SNYING KHA'I RTZA LNGAR BSHAD PA YANG PHYOGS BZHI DANG DBUS LA GRANGS BZHIN DU MDZAD DAM BRTAG GO ,KU MU tI LAS KYANG RTZA LNGA GZUGS SOGS DANG SBYAR LA BH'A BA BHA DRAS BDUD RTZI LNGA 'BAB PAR BSHAD PAS, DE DAG 'BAB PA NI RTZA BRGYAD KA LA 'DRA BAR MNGON NO, ,RTZA SO GNYIS LAS BYANG SEMS SO GNYIS 'BAB PAR GSUNGS PA SPYI'I YIN LA SO DANG SEN MO SOGS 'BAB PA NI SO SO'I DBANG DU BYAS PA'O, ,'ON KYANG BDUD DRAL MAR MI 'BAB PAS KYEE RDO RJER, ,'BAD PAS KUN GYI LHAG MA SPANG, ,ZHES RTZA RNAL 'BYOR MA'I NGO BO STON PA'I SKABS SU DE SPONG BAR GSUNGS LA RTZA DE'I DBANG GIS 'JIG RTEN BDE BA'I RANG BZHIN DU SKYES KYANG DE'I DKYIL 'KHOR MI MTHONG ZHING 'CHI BAR YANG BYED DO, ,DE YANG SGRIB BCAS KYI SKABS SU YIN GYI SGRIB BRAL GYI TSE DE YANG BYANG CHUB KYI SEMS KYIS GANG NGO ZHES MAN SNYE LAS BSHAD DO, ,MU TIG PHRENG BA LAS, DER PADMA'I 'DAB MA LA BRTEN PA'I GRANGS BRJOD PAR 'DOD PA NI MA YIN TE 'DAB MA LA BRTEN PA'I GRANGS SU 'GRO BA'I TSIG MED PA'I PHYIR DANG, SNYING KHA'I PADMA'I DBUS KYI RTZAR BRJOD PA'I YANG PHYIR RO, , ZHES KHA SBYOR LAS, BYANG CHUB SEMS KYI RANG BZHIN RTZA, ,SUM CU RTZA GNYIS DAM PA YIN, ,ZHES GSUNGS PA'I RTZA SO GNYIS SPYI BO'I RTZA 'DAB YIN PA BKAG PA'I RGYU MTSAN DU RGYUD DER SO GNYIS PO RTZA 'DAB KYI GRANGS SU STON PA'I TSIG MED PA'I

PHYIR DANG SNYING KHA'I PADMA'I DBUS KYI RTZAR BSHAD PA'I PHYIR ZHES PA'I PHYI MA NI, KHA SBYOR LAS SNGAR DRANGS PA LTAR SNYING KHA'I RTZA BRGYAD BSHAD PA'I 'OG TU SKU GSUNG THUGS KYI DBYE BAS RTZA NYER BZHIR BRJOD CES GSUNGS PA'I BRGYAD TSAN BZHI NI RTZA SO GNYIS YIN LA BRGYAD TSAN DANG PO SNYING KHA'I 'DAB MA LA BSHAD PAS NA SPYI BO'I 'DAB MA MIN NO SNYAM DU DGONGS SO, ,DES NA LUNG DE'I 'PHRO NAS, GNAS SOGS DBYE BA LA GNAS NAS, ,GNAS DANG GNAS LA RNAM PAR GNAS, ,SPYI BOR YANG DAG 'BYUNG BA YI, ,RTZA NI SPYI BOR SKYES ZHES BRJOD, ,CES GSUNGS PAS KYANG SPYI BO'I RTZA 'DAB STON PA MIN TE GZHAN DU NA GNAS DANG NYE BA'I GNAS LA SOGS PA'I RTZA NYER BZHI PO THAMS CAD SPYI BO'I RTZA 'DAB TU 'GYUR BAS RTZA'I RGYUD GCIG PA LA DGONGS SO, ,RTZA GSUM JI TZAM ZHIG TU DANG JI LTAR GNAS PA NI MAN SNYE LAS, RTZA NI AA BA DH'U T'I STE GTZUG TOR NAS NOR BU'I MTHA' DANG RKANG MTHIL GYI MTHA' JI SRID PAR GNAS PA'O, ,'ON KYANG GTZUG TOR DANG SPYI BO DANG MGRIN PA DANG SNYING KHA DANG LTE BA DANG GSANG BA DANG NOR BU'I DBUS SU CHUD PA'I RIM PA JI LTA BAR BZHI DANG SUM CU RTZA GNYIS DANG BCU DRUG DANG BRGYAD DANG DRUG CU RTZA BZHI DANG SUM CU RTZA GNYIS DANG BRGYAD KYI GRANGS CAN PADMA NYID DANG BHA GA NYID DANG 'KHOR LO NYID DU BSTAN PAR BYA BA RNAMS KYI DBUS SU MDUD PA'I GZUGS SO, ,ZHES DANG, LA LA N'A DANG RA SA N'A'I RTZA DAG NI MGO BO'I 'KHOR LO NAS GSANG BA'I 'KHOR LO JI SRID BAR MDUD PA RNAMS SU LCAGS SGROG GI RNAM PAS AA BA DH'U T'I LA 'KHYUD NAS GNAS PA DAG GO ,ZHES 'KHOR LO DRUG GI LTE

, ,BAR AA BA DH'U T'I LA 'KHYUD NAS GNAS TE DE YANG MGO BO NAS NOR BU'I RTZE DANG RKANG MTHIL GYI BAR DU GNAS PAR BSHAD DO, ,DES NA KHA SBYOR LAS, MGRIN PA NAS BRTZAMS GA-YON PA'I RTZAR, ,LONGS SPYOD RDZOGS PA'I SKU CAN MA, ,LTE BA'I NANG DU NGAL BSOS SHING, ,KHA NI 'OG TU MYOS BYED 'BAB, ,GANG ZHIG LTE BA LAS STENG RTZA, ,DE BZHIN KHA NI STENG DU 'BAB, ,MGRIN PA'I NANG DU NGAL BSOS SHING, ,KHRAG 'BAB PAR NI RAB TU GRAGS, ,MYOS BYED ZLA BA ZHES BYAR BSHAD, ,KHRAG NI NYI MA ZHES SU GSUNGS, ,ZHES LTE BA DANG MGRIN PA'I NANG DU NGAL GSO BAR GSUNGS PA NI DE PHAN CHAD DU RTZA DE DAG MI 'GRO BA MIN TE 'GREL PA LAS BSHAD DO, ,RKYANG MA NI KHRAG DANG CUNG ZAD 'DRES SHING SHAS CHER LUS DANG SNYING STOBS DANG ZLA BA 'BAB PA'I PHYIR LUS KYI DANG SNYING STOBS KYI DANG ZLA BA'I DANG THABS KYI RTZA ZHES THA SNYAD BYA STE DE DAG GI LAM ZHES KYANG BYA'O, ,RO MA NI KHU BA CUNG ZAD DANG SHAS CHER NGAG DANG RDUL DANG NYI MA 'BAB PAS NGAG GI DANG RDUL GYI DANG NYI MA'I DANG SHES RAB KYI RTZA ZHES BYA STE PHAL CHE BA'I DBANG DU BYAS SO, ,DBU MA NI SHAS CHER KHU KHRAG DANG SEMS DANG MUN PA DANG DGRA CAN 'BAB PA'I PHYIR SEMS KYI DANG MUN PA'I DANG DGRA CAN GYI DANG MA NING GI RTZA ZHES BYA BAR MAN SNYE LAS GSUNGS SO, , KHA SBYOR LAS KYANG, RTZA GNYIS SKYE GNAS DBUS SU NI, ,GA-YON DANG GA-YAS SU DE BZHIN DU, ,GA-YON DU KHU BA RNAM SHES BYA, ,GA-YAS PA NAS NI KHRAG NYID DE, ,DE YI PHAN TSUN BSDU BA YANG, ,CHOS KYI DBYINGS NYID SDUD PA YIN, ,SNYING STOBS SKU DANG RDUL

DAG BCAS, ,MUN PA SEMS KYI RANG BZHIN LAS, ,SNYING STOBS KHU BA RIN CHEN RDUL, ,MUN PA SKYED PAR BYED PA NYID, ,CES GSUNGS SO, ,LTE BA'I 'OG TU NI RKYANG MA BSHAD PA DANG RO MA GCI BA DANG DBU MA KHU BA 'BAB PAR MAN SNYE LAS GSUNGS SO, ,DE YANG GA-YAS SU KHU BA GA-YON DU DRI CHU DBUS SU DRI CHEN 'BAB PA'O, ,RO RKYANG GNYIS KA LA STENG 'OG GI BUG PA'I SGO GNYIS GNYIS YOD PAR 'DRA BA LA RKYANG MA KHA THUR LTA DANG RE MA KHA GYEN LTAR BSHAD PA'I RGYU MTSAN NI SDOM 'BYUNG GI 'GREL PA LAS, 'OG GI KHA ZHES PA GAL TE YANG 'DI'I BU GA GNYIS KA YANG KHA YIN PA DE LTA NA 'ANG BLANG BA DANG DOR BAR BYED PA NYID KYIS 'OG GI LTE BA'I RTZA NI KHA BZHIN DU 'DI'I KHA'O ZHES PA 'OG GI KHA'O, ,DE BZHIN DU STENG GI KHA YANG NGO ZHES KHU KHRAG 'PHEN 'DZIN BYED MI BYED KYI SGO NAS GSUNGS SO, , DE BZHIN DU SDOM 'BYUNG LAS, RAB TU 'JUG PA RTZA GA-YON NAS, ,GA-YAS PA 'BYUNG BA'I LAM YIN NO, ,ZHES RTZA GA-YON PA 'JUG PA'I LAM DANG GA-YAS PA 'BYUNG BA'I LAM DU GSUNGS PA NI DE'I 'GREL PA LAS, RAB TU 'JUG PA ZHES PA GA-YAS NAS 'THON TE YUL BZUNG NAS DE MA THAG RLUNG LA ZHON PA'I RNAM PAR SHES PA LA LA N'A NAS 'JUG PA'I PHYIR RO, ,ZHES GSUNGS PA BZHIN DU SHES PAR BYA'O, ,MNGAL DU KHU KHRAG GNYIS YONGS SU GYUR PA LAS LUS 'DI 'GRUB PAS NA LUS GZHAN RNAMS DE'I RNAm 'GYUR DU GSUNGS PAS BYANG SEMS DKAR DMAR GNYIS LUS KYI KHAMS KYI GTZO BO YIN LA DE YANG SPYI BO'I PAD MAR DKAR PO SHAS CHE ZHING DMAR PO CHUNG LA LTE BAR BZLOG NAS GNAS TE MAN SNYE LAS, 'ON KYANG BAR GYI GNAS SKABS SU MGO BO'I CHU SKYES SU KHU BA

, ,SHAS CHE BA RDUL SHAS CHUNG BA STE GSANG BA'I CHU SKYES SU BZLOG PA'O, ,ZHES GSUNGS TE GSANG BA NI LTE BA LA GO DGOS PA MANG DU YOD DO, ,KHAMS DKAR PO NI 'KHOR LO GZHAN DU RES 'GA' GNAS KYI DUS THAMS CAD DU GNAS PA BDE CHEN GYI 'KHOR LO'I DBUS YIN TE MAN SNYE LAS, RTAG TU ZHES PA THAMS CAD KYI TSE STE 'KHOR LO GZHAN DU RES 'GA' GNAS KYI DUS THAMS CAD DU MA YIN NO ZHES DGONGS PA'O ZHES GSUNGS TE 'DI'I RIGS PA NI LTE BA'I DMAR CHA LA 'ANG MTSUNGS SO, ,DE'I PHYIR 'BAR 'DZAG GI DMIGS PA GNAS DE GNYIS SU GTOD PA YIN NO, ,RO RKYANG GI RTZA GNYIS KYANG DBU MA DANG KHOG 'BREL BAR BLA MA KHA CIG BZHED DE GA-YAS GA-YON GYI RLUNG DANG THIG LE DBU MAR 'JUG PA SOGS LA DE BDE'O, ,MAN SNYE LAS 'BYUNG BA BZHI RIM GYIS THIM PA'I MTHAR RLUNG SNANG BA LA DE SNANG BA MCHED PA LA DE SNANG BA NYER THOB LA DE 'OD GSAL DU THIM PA NI THAMS CAD STONG PA 'OD GSAL TE SHI BA'O, ,DE LAS STONG CHEN NYER THOB STE DRI ZA'I SEMS SO, ,DE LAS THABS SNANG BA MCHED PA 'DOD PA NYE BAR LEN PA'I SEMS SO, ,DE LAS SHES RAB SNANG BA STE SKYE BA GZUNG BA'I SEMS SO, ,DE NAS BAR DO SGO GSUM GANG RUNG NAS ZHUGS NAS MI'I SKYE GNAS SU NYING MTSAMS SBYAR BA LAS RLUNG DE LAS ME DE LAS CHU DE LAS SA DE LAS PHUNG PO SOGS 'GRUB PA'I SHES BYED DU PHYAG CHEN THIG LE LAS, RNAM SHES NGO BO LA BRTEN NAS, ,DANG POR 'BYUNG BA BZHI PO LA, ,RANG BZHIN NGES PAR BSKRUN PA YIS, ,DE TSE RANG GI GNAS NAS THIM

RNAM SHES LAS NI RLUNG SKYE STE, ,DE LAS ME NI YANG DAG 'BYUNG, ,'DI LAS CHU RNAMS YANG DAG 'BYUNG, ,DE LAS SA NI YANG DAG 'BYUNG, ,'DI RNAMS LAS KYANG PHUNG PO 'BYUNG, ,DE LAS SKYE MCHED RNAMS KYANG NGO, ,DE LAS SHES PA'I RANG BZHIN CAN DRUG CU LHAG PA'I BRGYA RIM PAS, JI LTAR SKYES PA DE LTAR 'DIR, ,THIM PAR 'GYUR RO RANG BZHIN LAS, ,ZHES PA DANG 'PHAGS PA LHAS, ,SA LA SOGS PA BZHI RNAMS DANG, ,DE BZHIN STONG PA RNAM PA BZHI, ,DNGOS PO BRGYAD DU SHES PAR BYA, ,'JIG DANG SKYE BA'I RGYU RNAMS SO, ,'OD GSAL BA LAS STONG PA CHE, ,STONG PA LAS KYANG THABS 'BYUNG ZHING, ,DE LAS SHES RAB SKYE BAR BYED, ,DE LAS RLUNG NI YANG DAG 'BYUNG, ,RLUNG LAS ME NI YANG DAG 'BYUNG, ,ME LAS CHU NI YANG DAG 'BYUNG, ,CHU LAS KYANG NI SA SKYE STE, ,SEMS CAN RNAMS KYI 'BYUNG BA 'DI'O, ,SA YI KHAMS NI CHU LA THIM, ,CHU NI ME LA THIM PA'O, ,ME YANG PHRA BA'I KHAMS LA'O, ,RLUNG NI SEMS LA RNAM PAR THIM, ,SEMS NI SEMS LAS BYUNG LA THIM, ,MA RIG PA LA SEMS BYUNG NGO, ,DE YANG 'OD GSAL BA LA 'GRO ,'DI NI SRID GSUM 'GOG PA'O, ,THOG MA MED PA'I DUS CAN GYI, ,SRID PA'I 'KHOR LA 'DI 'JUG STE, ,JI SRID SGYU LTA'I TING 'DZIN GYIS, ,BDAG NYID MA MTHONG BAR DU'O, ,ZHES GSUNGS PA RNAMS DRANGS NAS DE ZLOG PA LA RIM GNYIS KYIS SGYU MA LTA BU'I TING NGE 'DZIN SKYED PAR BSHAD DO, ,DE LTAR NA RTZA LA SOGS PA'I SGO NAS LUS 'CHAGS TSUL BRJOD PA'I 'GAG MDOR BSDU NA 'DI YIN TE 'PHAGS PA THOGS MED KYIS BAR DO'I SHES PA DANG PO GANG DU ZHUGS PA'I GNAS DE

, ,NYID SNYING KHAR GSUNGS PAS, KHAMS DKAR DMAR GYI DBUS SU RNAM SHES ZHUGS PA DE LAS PHUNG PO LA SOGS PA RDZOGS PAR 'GYUR ZHING MTHAR 'CHI BA'I TSE YANG RIM GYIS BSDUS NAS DER THIM STE 'CHI BA BZHIN DU, ,LAM GYI SKABS SU YANG SNYING KHA'I TING NGE 'DZIN SEMS DPA' 'AM DE'I DOD THIG LE'I 'OD KYIS SNOD BCUD BSDUS TE MTHAR SHI BA'I 'OD GSAL DANG 'DRA BA'I 'OD GSAL DU RIM GYIS BSDUS PA NA SA CHU LA THIM PA SOGS KYI RTAGS RNAMS BYUNG NAS 'OD GSAL DU CHU LA CHU BZHAG PA BZHIN DU 'JUG PAR 'GYUR LA, DE NAS BAR DO RLUNG SEMS TZAM GYI LUS 'GRUB PA DANG 'DRA BA'I 'JA' LUS 'GRUB PA DGONGS TE 'DI RNAL 'BYOR RGYUD NAS SHIN TU MANG BA BSHAD LA MA RGYUD PHYAG CHEN THIG LE LAS KYANG GSUNGS SHING SNGAR BSHAD PA LTAR MA RGYUD PA'I RDZOGS RIM RJES GZHIG GI BSAM GTAN BSHAD PA RNAMS LA GAL CHE STE DGONGS PA GCIG GO ,DGOS PA GNYIS PA NI RTZA GSUM GYI CHAGS TSUL DANG DE DAG GI GNAS STOD SMAD NA BYANG SEMS DKAR DMAR YOD TSUL SHES PA NA JI LTAR 'CHI BA LA NYE BA'I TSE DMAR CHA GYEN DU DANG DKAR CHA THUR DU 'ONGS PA'I 'DU 'PHROD LAS SNANG BA RNAMS RIM GYIS SDUD PA'I 'CHI RIM 'BYUNG BA BZHIN DU RNAL 'BYOR BAS KYANG DMAR CHA'I ME 'PHEL BAR BYAS PAS DKAR CHA THUR DU 'DREN PA'I 'DU 'PHROD LA BRTEN NAS SNANG BA RNAMS RIM GYIS 'OD GSAL DU SDUD PA'I RDZOGS RIM BSKYED NAS DE'I MTHAR SGYU MA'I SKUR LDANG BA SHES PA'I GNAD CHEN PO YOD DO, ,GNYIS PA NI, RGYUD RDOR PHRENG LAS RLUNG BRGYA RTZA BRGYAD BSHAD KYANG DGONGS

PA LUNG STON LAS, SROG DANG THUR SEL GYEN RGYU DANG, ,KHYAB DANG MNYAM GNAS ZHES BSHAD DANG, ,KLU DANG RUS SBAL RTZA NGAS PA DANG, ,LHAS BYIN DANG NI GZHU LAS RGYAL, ,ZHES BCUR GSUNGS LA RDO RJE SGO'I RGYUD LAS NI SROG 'DZIN SOGS LNGA DANG RGYU BA DANG RNAM PAR RGYU BA DANG YANG DAG PAR RGYU BA DANG RAB TU RGYU BA DANG NGES PAR RGYU BA ZHES BCUR GSUNGS PAS KLU DANG RUS SBAL SOGS NI RGYU BA LA SOGS PA'I MING GIS GSUNGS SO, ,DE DAG GI GNAS NI SPYOD BSDUS LAS, SNYING KHA DANG 'DOMS DANG LKOG MA DANG LTE BA DANG LUS KYI TSIGS THAMS CAD NI RIM PA BZHIN DU SROG 'DZIN DANG THUR SEL DANG GYEN RGYU DANG MI MNYAM DANG KHYAB BYED KYI GNAS DANG MIG SOGS LNGA NI RGYU BA SOGS KYI RLUNG LNGA'I GNAS SU BSHAD DO, ,DE'I BYED LAS LA GNYIS YOD PA'I SO SO'I BYED LAS NI, DBANG PO'I SGO YI RGYUN LAS NI, ,SROG DANG RTZOL BAR RGYU BA DANG, ,RTAG PA'I DUS SU RGYU BA NI, ,SROG CES BYA BA YIN PAR BSHAD, ,RLUNG DANG GCIN DANG PHYI SA DANG, ,DE BZHIN DU NI KHU BA RNAMS, ,'OG 'DREN 'DI NI THUR SEL BAR, ,RTAG TU RNAL 'BYOR PAS SHES BYA, , MYANG DANG ZA DANG BLDOG ? PA DANG, ,KUN TU 'THUNG DANG 'JIB PAR NI, ,GANG ZHIG RTAG TU MNYAM GNAS PA, ,MNYAM DU GNAS SHES BYA BA YIN, ,GYEN DU 'GRO ZHING SDUD PA DANG, ,BZA' DANG MYANG SOGS ZA BA NI, ,SHES DANG LHAN CIG 'BYOR PA DAG ,GYEN RGYU'I LAS SU SHES PAR BYA, ,KHYAB DANG 'DZIN PA NYID DANG NI, ,'GRO DANG DE BZHIN LDOG PA DANG, ,TSIGS RNAMS KUN TU KHYAB PAS NA, ,KHYAB BYED CES NI BYA BAR BSHAD, ,CES SPYOD BSDUS SU DRANGS PA NI RTZA BA'I RLUNG LNGA'I LAS SO, ,MAN SNYER SROG SEMS DANG

, ,RTZOL BA RING DU BYED CING RGYAS PAR BYED PA DANG SROG TU BYED DBUGS SU BYED PAS SROG STE RLUNG RNAM PA BCUR 'GYUR RO ZHES DANG, LTE GNAS BZA' BTUNG LA SOGS RNAMS, ,MNYAM PAR 'DREN PHYIR MNYAM GNAS SO, ,ZHES DANG GYEN DU 'GRO BA SNA BUG LA SOGS PA NAS GYEN DU 'GRO BA DANG SDUD PA NANG DU 'JUG PA DANG SHES PA DANG 'BYOR PA NI RLUNG BCU PO 'BAB PAR BYED PA LA BSHAD DO, ,YAN LAG GI RLUNG LNGA'I BYED LAS NI MAN SNYE LAS MIG LA BRTEN NAS GZUGS KYI RNAM SHES SKYED PA RGYU BA'I LAS DANG GZHAN BZHI YANG DE BZHIN DU BSHAD DE 'DI NI RIM LNGA LAS, RLUNG RNAMS PHRA BA'I GZUGS KYIS NI, ,SHES DANG YANG DAG 'DRES GYUR NAS, ,DBANG PO'I LAM NAS BYUNG NAS NI, ,YUL RNAMS LA NI DMIGS PAR BYED, ,CES GSUNGS PA DANG MTHUN BAS SPYOD BSDUS SU YAN LAG GI RLUNG LNGA YUL LNGAR BSHAD PA'I DGONGS PA YANG DE BZHIN DU SHES PAR BYA'O, ,RIM LNGA LAS, SEMS CAN KUN GYI SROG GYUR PA, ,RLUNG ZHES BYA BA LAS KUN BYED, ,'DI NI RNAM SHES BZHIN BA STE, ,LNGA YI BDAG NYID BCU YANG YIN, ,ZHES GSUNGS PA LTAR RLUNG GIS LAS KUN BYED PA'I BYED LUGS LA NGES PA THOB PAR BYAS NAS DE NAS RLUNG DBANG DU BYED PA'I RNAL 'BYOR BYA DGOS PAS RLUNG DANG YI GE GSUM GYI BYED LAS THUN MONG BA DANG THUN MONG MA YIN PA RNAMS SPYOD BSDUS LAS SHES PAR BYA'O, ,LNGA YI BDAG NYID BCU YANG YIN, ,ZHES GSUNGS PAS NGO BO'I SGO NAS RTZA BA'I RLUNG LNGA LAS MED PAS YAN LAG GI RLUNG NI DE DAG GI GNAS SKABS SO, ,DE YANG SNGAR DRANGS

PA LTAR SOG 'DZIN GYI RLUNG DBANG PO'I SGO RNAMS SU RGYU BAR GSUNGS PAS PHAL CHER DE'O, ,DE LTAR NA RTZA BA'I RLUNG LNGAR BSDUS TE DE LA YANG STENG GI SNA NAS RGYU BA'I RLUNG BZHI DANG 'CHI BA'I DUS MA GTOGS PA STENG GI SNA SGOR MI RGYU BA'I RLUNG DANG, SNA BUG GA-YAS GA-YON RE RE NAS RGYU BA GNYIS DANG GNYIS KA NAS RGYU BO GNYIS DANG DE DAG RIGS LNGA DANG SBYOR TSUL NI BSHAD RGYUD RDO RJE PHRENG BA LAS, ,SANGS RGYAS LNGA YI RIGS GNAS PA, ,SNA RTZE'I BU GA LAS BYUNG BA, ,RLUNG LNGA STENG DU YANG DAG RGYU, ,LUS LA RTAG TU RGYU BAR 'GYUR, ,KUN RDZOB SNAR NI SPYOD PA YI, ,SGO DE LAS NI RNAM PAR BYUNG, ,GA-YON DANG GA-YAS DANG GNYIS KA DANG, ,DAL BAR RGYU DANG RNAM PA BZHI, ,GA-YAS PA NAS NI 'BYUNG BA'I KHAMS, ,ME YI DKYIL 'KHOR NYID YIN TE, ,KHA DOG DMAR BA'I MCHOG 'DI NI, ,PAD MA MGON PO RGYU BA'O, ,GA-YON PA NAS NI 'BYUNG BA'I KHAMS, ,RLUNG GI DKYIL 'KHOR BYUNG BA DAG ,LJANG SER DAG TU SNANG BA STE, ,LAS KYI MGON PO RGYU BA'O, ,GNYIS KA LAS NI 'BYUNG BA'I KHAMS, ,GSER GYI MDOG TU SNANG BA STE, ,DBANG CHEN GYI NI DKYIL 'KHOR NYID, ,RIN CHEN MGON PO RGYU BA'O, ,DAL ZHING RGYU BA MED PA'I KHAMS, ,DAG PA SHEL LTAR SNANG BA STE, ,SKAD CIG CHU YI DKYIL 'KHOR TE, ,RDO RJE MGON PO RGYU BA'O, ,KHAMS KUN YANG DAG 'BYUNG BA NI, ,RTEN DANG BRTEN PAR GZUNG BA NI, ,RNAM SNANG MDZAD CHEN SKU YIN TE, ,'CHI BA'I MTHAR NA 'BYUNG PAR 'GYUR, ,ZHES GSAL BAR GSUNGS SO, ,DE LA SNA RTZE'I BU GA LAS BYUNG BA ZHES PA'I RKANG PA GNYIS KYI DON NI SKYES PA'I RDO RJE DANG BUD

, ,MED KYI PAD MA'I SNA RTZE LAS RLUNG GI 'OD ZER RNAMS BYUNG NAS STENG DU SONG STE STENG GI SNA SGO LAS 'BYUNG BA'I DON DU SPYOD BSDUS LAS GSUNGS SO, ,RLUNG GI KHAMS KYI RANG BZHIN SGROL MA'I YAB NYID KYIS DON GRUB KYI RLUNG THOG MAR BSHAD RIGS PA LA 'OD DPAG MED KYI RLUNG THOG MAR BSHAD PA'I RGYU MTSAN NI RDOR BZLAS GSUNG RDO RJE'I DBANG DU BYAS NAS YIN ZHES SDOM 'BYUNG 'GREL PAR BSHAD DE 'DI SGOM PA'I RIM PA LA DGOS SO, ,SDOM 'BYUNG LAS KYANG RLUNG BZHI'I RGYU BA RDOR PHRENG JI BZHIN DU BSHAD DO, ,DE LA GA-YAS GA-YON DANG GNYIS KA'I RGYU BA NI BOD KYI BLA MA KHA CIG SNA BUG RE RE'I GA-YAS GA-YON SOGS LA 'DOD PA NI MI 'THAD DE SPYOD BSDUS LAS SNA GA-YON PA DANG SNA GA-YAS PA DANG SNA GNYIS KA LAS RGYU BA'I RLUNG LA BSHAD PA'I PHYIR RO, ,SNA GA-YAS LAS RGYU BA NI GYEN RGYU DANG GA-YON NAS RGYU BA NI MNYAM GNAS YIN LA DE'I KHA DOG NI SPYOD BSDUS LAS LJANG SER 'OD ZER NAG PO'I NGO BO CAN DU BSHAD DO, ,SNA GNYIS KA NAS RGYU BA'I SER PO NI THUR SEL LO, ,DAL ZHING RGYU BA MED PA NI RGYU BA DAL BA LA SPYOD BSDUS SU BSHAD DE SDOM 'BYUNG LAS KYANG DE LTAR RO, ,KHA SBYOR LAS ME NYID GANG DANG RLUNG DANG NI, ,DBANG CHEN DANG NI DE BZHIN CHU, ,'KHOR LOR SEMS KYI KUN SPYOD PA, ,STENG DANG NGOS DANG BRANG 'OG 'GRO, ZHES GSUNGS PAS ME STENG DANG RLUNG GSEGS DANG SA THAD KAR DANG CHU 'OG TU 'GRO'O, ,SPYOD BSDUS LAS, KHYAB BYED KYI NI KHAMS KYI DKYIL 'KHOR BZHI CHAR LA KHYAB PA'I RLUNG STE MI 'BYUNG ZHING KHYAB PA'I 'OD ZER CAN NI DE

BZHIN GSHEGS PA DPAL RNAM PAR SNANG MDZAD DE NAM MKHA' DANG MNYAM PA'I NGO BO NYID DO, ,DE LTA MOD KYI 'OD ZER RE RE 'BYUNG BA NA 'ANG 'OD ZER LNGA LNGA NGES PAR 'BYUNG STE KHAMS KYI DKYIL 'KHOR GCIG GIS KYANG KHAMS BZHI LA KHYAB PAR BYED PA YIN NO, ,ZHES KHYAB BYED KYI RLUNG DA LTA SNA SGOR MI RGYU BA DANG DKYIL 'KHOR BZHI LA KHYAB PA NAM MKHA'I RLUNG DU GSUNGS SO, ,KHYAB PA NI SNA SGOR RGYU BA'I DUS KYI RLUNG LA MA KHYAB KYANG LUS KYI NANG NA GNAS PA'I DKYIL 'KHOR BZHI LA KHYAB PA MI 'GAL LO, , 'BYUNG BA LNGA PA NAM MKHA'I KHAMS KYI RLUNG NI DKYIL 'KHOR BZHI PO RGYU BA'I TSE NA RGYU BAS RGYUD DU LOGS SU MA GSUNGS PA DANG DE YANG BDE BA SKYED PA'I RLUNG LA BZHED CING DBU MA NAS RGYU BA'I RLUNG YANG DKYIL 'KHOR BZHI'I RLUNG LAS LOGS SU MED PAR MAN SNYER BSHAD DO, ,YANG MAN SNYE LAS DGONGS PA LUNG STON NAS THUN PHYED PA NYER BZHI BSHAD PA'I TSE YANG NAM MKHA'I RLUNG LOGS SU MA GSUNGS LA RDO RJE PHRENG BA LAS KYANG NAM MKHA'I RLUNG NANG DU 'DUS PA KHO NAS DKYIL 'KHOR BZHI KHO NA BSHAD PA DANG, GNYIS MED RNAM RGYAL DU YANG DKYIL 'KHOR BZHI LA RANG RANG GI GTZO BO'I LAS RE DANG LAS GZHAN GSUM PHAL PA STE GNYIS 'GRUB PAR GSUNGS NAS NAM MKHA'I RLUNG LA LAS 'DI 'GRUB LOGS PA MA GSUNGS PAS NAM MKHA'I RLUNG LOGS PA MED LA, DUS 'KHOR NAS LOGS PA GSUNGS PA NI MU STEGS ? GZHUG PA'I PHYIR YIN NO ZHES 'CHAD DO, ,SDOM 'BYUNG DANG KHA SBYOR DANG RDO RJE PHRENG BA DANG GNYIS MED RNAM RGYAL DANG DGONGS PA LUNG STON RNAMS DKYIL 'KHOR BZHI'I RLUNG LAS GZHAN PA DKYIL 'KHOR GYI RLUNG

, ,DU MI RGYU BA LA 'DRA BAR SNANG NGO, ,DE LA THABS MGON PO BZHI RE RE'I RLUNG LA SHES RAB LHA MO BZHI RE RE'I RLUNG NYIS BRGYA NYI SHU RTZA LNGA RE YOD LA DE RDZOGS PA NA 'PHO BA RE RE BYED DE RLUNG DGU BRGYA RES 'PHO BA BYED BA'I LUGS YIN TE DGONGS PA LUNG STON LAS, GOS DKAR LA SOGS BZLAS BSHAD PA, ,BRGYA PHRAG GNYIS DANG NYI SHU LNGA, ,BZHI PO LEGS PAR BSGRES PA YIS, ,SBYOR BZHIS BSDUS PAS BRGYA PHRAG DGU ,DGU BRGYA DAG TU GANG BSTAN PA, ,NYI SHU RTZA BZHI RIM GYIS NI, ,DE NI SO SOR 'BYUNG BA LAS, ,NYI KHRI CHIG STONG DRUG BRGYA'O, ,ZHES SO, ,GOS DKAR LA SOGS ZHES PA NI PADMA MGON PO'I RLUNG LA ME'I ME GOS DKAR MO DANG ME'I RLUNG SGROL MA DANG ME'I SA SPYAN MA DANG ME'I CHU M'A MA K'I'I RLUNG NYIS BRGYA NYER LNGA RE YOD PA'I DBANG DU BYAS LA DES GZHAN GSUM YANG SHES PAR BYA'O, ,'DI LA THUN PHYED PA NYER BZHI ZHES MAN SNYE LAS GSUNGS SO, ,DE LTAR THABS KYI 'BYUNG BA BZHI'I RLUNG RE RE LA SHES RAB KYI 'BYUNG BA BZHI'I RLUNG BZHI BZHI'I SGO NAS GRANGS JI TZAM RGYU BSHAD PA'I SGO NAS ZHAG GCIG LA NYI KHRI DANG CHIG STONG DRUG BRGYA'I RLUNG RGYU TSUL RNAL 'BYOR RGYUD NAS GSUNGS KYI RTZA 'KHOR RNAMS KYI GANG NAS RGYU GSAL BAR MA MDZAD DO, ,RNAL 'BYOR MA'I RGYUD LAS NI RTZA 'KHOR BZHI'I RTZA 'DAB KYI NANG NAS ZHAG RE'I RLUNG JI TZAM RGYU BA'I TSUL GSUNGS TE SDOM 'BYUNG LAS, MEL CHE THUN DU BRJOD PAR BYA, ,THUN BZHI NYON MOR RIG BYA STE, ,DE BZHIN MTSAN MO'ANG THUN BZHI'O, ,'PHO BA'I YAN LAG BCU DRUG GI ,RLUNG NI NYIN ZHAG GCIG GIS 'GYUR, ,SNA YI BU GA LA RTAG TU, ,THUN NI PHYED PHYED YANG DAG RGYU, ,

ZHES DANG, RTZA NI SUM CU GNYIS ZHES BYA, ,THUN GCIG GI NI BZHI CHA RNAMS, ,RTZA DANG CHU TSOD CES KYANG BRJOD, ,NYIN DANG MTSAN MOS DBYUG GU'I TSAD, ,DRUG CU RTZA BZHI DAG TU 'GYUR, ,RTZA BYED CHU TSOD PHYED DBYUG GU ,THUN NI BRGYAD CHA ZHES PAR GRAG ,RLUNG CI SNA SGOR 'BYUNG 'JUG LA, ,DBUGS SU YONGS SU GRAGS PA STE, ,ZHES GSUNGS TE 'BYUNG 'JUG GNYIS LA DBUGS GCIG TU BYAS PA'I NYI KHRI CHIG STONG DRUG BRGYA ZHAG GCIG LA RGYU BA'I TSE LTE BA'I RTZA 'DAB RE BZHI RE RE LA DBUGS SUM BRGYA DANG SUM CU SO PHYED DANG BRGYAD RE RGYU STE DBYUG GU RE'I DBUGS SO, ,SPYI BO'I RTZA 'DAB SO GNYIS KYI RE RE LA NI DBYUG GU RE'I DBUGS NYIS 'GYUR RGYU STE CHU TSOD RE'I DBUGS SO, ,MGRIN PA'I RTZA BCU DRUG GI RE RE LA CHU TSOD RE RE'I DBUGS NYIS 'GYUR RGYU STE 'PHO BA RE'I DBUGS SO, ,SNYING KHA'I RTZA 'DAB BRGYAD KYI RE RE LA NI 'PHO BA RE'I DBUGS NYIS 'GYUR RGYU STE THUN TSOD RE'I DBUGS SO, ,'DI KYE RDO RJE'I LUGS DANG 'DRA BAR SDOM 'BYUNG 'GREL PA LAS BSHAD DE 'PHO BA BCU DRUG GI LUGS SO, ,DUS 'KHOR LAS 'PHO BA BCU GNYIS SU YANG GSUNGS SO, ,MAN SNYE LAS THAMS CAD 'DOD PA NI RTZA GSUM RNAMS SU NYIN MTSAN GYI DRUG BRGYA LHAG PA'I STONG PHRAG NYI SHU RTZA GCIG GI DBUGS RNAMS SU 'GYUR RO ZHES PA'O, ,ZHES GSUNGS PA LTAR KHAMS MNYAM PA RNAMS LA ZHAG RE LA RTZA GSUM GYI SGO NAS DBUGS NYI KHRI CHIG STONG DRUG BRGYA RGYU BA NI THUN MONG GI 'DOD PA'O, ,GNYIS PA LA GNYIS, RLUNG GI RNAL 'BYOR DANG, GTUM MO'I RNAL 'BYOR RO, ,DANG PO NI, KHA SBYOR DANG

, ,SDOM 'BYUNG LAS DKYIL 'KHOR BZHI'I RLUNG GI RGYU BA'I TSUL DANG DBYE BA TZAM GSUNGS KYI RDO RJE'I BZLAS PA JI LTAR BYA BA GSAL BAR MA BSTAN KYANG 'GREL PA DAG GIS RDOR BZLAS BYA BAR BSHAD LA, RNAL 'BYOR GYI RGYUD RNAMS LAS NI RDO RJE'I BZLAS PA GSAL BAR GSUNGS TE RGYUD RDO RJE PHRENG BA LAS, DKYIL 'KHOR BZHI PO 'DI DAG NI, ,MNYAM PAR BZHAG PAS RTAG TU ZLOS, ,SNGAGS PA BZLAS PA'I GRANGS KYIS NI, ,NYIN DANG MTSAN DU RTAG PAR ZLOS, ,ZHES DANG DGONGS PA LUNG STON LAS KYANG RLUNG LA BZLAS PA BYA BAR GSUNGS SO, ,DE YANG SPYAD BSDUS LAS, 'DI NYID KYIS RDZOGS PA'I RIM PA BSHAD PA NI A'A LI K'A LI RNAMS KYIS BUD MED DANG SKYES PA DANG MA NING GI TSUL GYIS YI GE GSUM SKYED LA YI GE GSUM YANG 'JUG PA DANG GNAS PA DANG LDANG BAR NGES PAR SBYAR LA DKYIL 'KHOR BZHI'I RIM GYIS SROG DANG RTZOL BA'I BDAG NYID CAN GYI RDO RJE'I BZLAS PA BYA'O, ,ZHES DANG, DE LA SBRUL LA SOGS PA'I SNGAGS RNAMS NI A'A LI K'A LI LAS YANG DAG PAR BYUNG BA RNAMS SO, ,DE RNAMS KYI DE KHO NA NYID NI MI SHIGS PA LAS BYUNG BA'I YI GE GSUM STE, ZHES SNGAGS KYI DE KHO NA NYID BSHAD LA, MI SHIGS PA YANG DE NYID LAS, LHAN CIG SKYES PA'I YI GE YIN PAR GSUNGS TE RDO RJE DKYIL 'KHOR RGYAN ZHES BYA BA'I RGYUD LAS AA GSAL BAR BSTAN PA'I PHYIR, SNYING GI DBUS NA MI SHIGS PA, ,GSAL ZHING MAR ME DAG DANG MTSUNGS, ,MI 'GYUR MCHOG TU PHRA BA STE, ,AA NI GTZO BO DAM PA'O, ,ZHES GSUNGS SO, ,ZHES BSHAD DO, ,DE LTAR RDOR BZLAS KYI GNAD SHES

NAS DE'I RNAL 'BYOR BYA DGOS LA DE YANG SNGAGS THAMS CAD KYI BDAG PO YI GE GSUM DU 'GRO TSUL DANG DE GSUM MI SHIGS PA LAS 'BYUNG BA'I DON DANG, DE GSUM RLUNG DANG SBYOR BA NGO BO NYID KYIS GNAS PA'I GRUB ZIN GSAL 'DEBS PA'I RNAM PA CAN DU BSLAB TSUL LA SOGS PA RNAMS MTHA' DAG PAR SHES DGOS PAR YOD CING, RDOR BZLAS KYI RNAM GZHAG TZAM RE BSHAD PA MANG YANG GNAD RNAMS BSHAD PA SPYOD BSDUS LAS 'BYUNG YANG TSIG SHIN TU BRLING BAR YOD PAS BLA MAS DE'I GNAD RNAMS RGYAS PAR SLOB MA LA BSHAD PAR BYA'O, ,BZLAS PA 'DIS RLUNG DANG THIG LE LAS RUNG DU SGRUB LUGS NI MAN SNYE LAS, RDOR BZLAS BSTAN PA NA GA-YAS GA-YON GYI RLUNG GI RGYU BA 'GAGS NAS DBU MAR TSUD LA DE'I TSE GTUM MO RANG BZHIN GYIS 'BAR NAS KHAMS BZHUS TE BDE CHEN GYI DKYIL 'KHOR MNGON DU 'GYUR BAR BSHAD DE, ,'PHAGS PA YAB SRAS KYI GZHUNG LAS 'BYUNG BA'I DGOS PA GZHAN NI GZHAN DU SHES PAR BYA'O, ,DBUGS BGRANG BA'I BZLAS PA NI DUS MA YIN PA'I 'CHI BA 'JOMS PAR YANG GSUNGS TE SDOM 'BYUNG LAS, MNYAM PAR BZHAG PA'I RNAL 'BYOR BAS, ,JI SRID 'BUM LA SOGS PA'I GRANGS, ,'DI NI SGRA MED RTAG TU BZLAS, ,SGRA MED BZLAS PA 'BUM PHRAG NI, ,YONGS SU RDZOGS PAS SGRUB PA PO, ,TSE ZAD PA YANG LO LNGA RU, ,'TSO BA 'DI LA THE TSOM MED, ,RTAG TU THE RANGS LANGS NAS RLUNG, ,STONG PHRAG GCIG NI BGRANG BYA STE, ,DE PHYIR RLUNG GI RNAL 'BYOR GYIS, ,RTAG TU MNYAM GZHAG GNAS PAR BYA, ,ZHES GSUNGS TE LHA'I RNAL 'BYOR SNGON DU BTANG NAS THO RANGS STONG PHRAG RE MCHAG PAR

, ,BYAS NA DUS MA YIN PA'I 'CHI BA 'JOMS SO, ,BUM PA CAN RAB 'BRING THA GSUM GYIS KYANG 'CHI BA SLU BAR GSUNGS TE DE NYID LAS, YANG NA BUM PA CAN SBYOR BAS, THAMS CAD DU NI 'CHI LAS RGYAL, ,BDAG NYID RIG PAS RKANG MTHIL BAR, ,THAMS CAD RLUNG GIS KUN BKANG STE, ,BUM PA CAN LA BRTEN BYAS NAS, ,DBYE BA GSUM GYIS GZHOM PAR BSHAD, ,THA MA SUM CU RTZA DRUG TZAM, ,DE LAS NYIS 'GYUR 'BRING YIN TE, ,SUM 'GYUR MCHOG TU SHES PAR BYA, ,BUM PA CAN DE RGYAL BAR 'GYUR, ,BUM PA CAN SNGAR SHES BYAS NAS, ,BDAG NYID SKYIL MO KRUNG BCAS TE, ,LAG PA LAN GSUM MNYES NAS NI, ,DE NAS LAN DRUG SE GOL BRDAB, ,JI SRID SUM CU RTZA DRUG TZAM, ,DE SRID BUM PA CAN BYA STE; ;SUM 'GYUR MCHOG GIS GZHOM PAR NI, ,BRGYAD LHAG PA YI BRGYA TZAM MO, ,ZHES SO, ,'DI LA YANG LHA'I RNAL 'BYOR SNGON DU 'GRO BAS BYA STE 'DI NI YON TAN SKYED PA'I RLUNG GI RNAL 'BYOR CHEN POR RGYUD GZHAN DU YANG GSUNGS SO, , LHA'I RNAL 'BYOR SNGON DU 'GRO BAS SNYING KHAR PAD MA'I LTE BAR ZLA GDAN LA GNAS PA'I H'Um YIG DKAR PO LA SEMS BRTAN PAR BYAS TE STENG 'OG GI RLUNG KHA SBYAR BSGOMS NA'ANG 'CHI BA SLU STE, SDOM 'BYUNG LAS, SNYING KHA'I CHU SKYES SON PA'I RLUNG, ,H'Um YIG DKAR PO DANG MTSUNGS PA, ,BSAM BYA MNYAM PAR BZHAG PA DANG, ,DE LAS YUL SOGS KYIS MI 'CHING, ,'KHOR BA'I STENG DU 'GRO BA'I RLUNG, ,MYA NGAN 'DAS PA'I 'OG TU BGROD, ,RAB TU MI GNAS MYA NGAN 'DAS, ,

SNYING KHA'I CHU SKYES ZE 'BRUR GNAS, ,STENG DANG 'OG TU 'GRO BA'I RLUNG, ,YID KYIS KHA SBYOR DU BYA STE, ,DE YIS RNAL 'BYOR GOMS PA YIS, ,DE NI BRTAN PA'I GO 'PHANG 'THOB, ,CES SO, ,DE GSUM NI DBANG PO RTUL 'BRING RNON PO'I DBYE BAS 'CHI BA SLU BA'I THABS SU 'GREL PAR GSUNGS TE 'CHI SLU KHO NAR MA ZAD KYI YON TAN SKYED PA'I RLUNG GI RNAL 'BYOR KHYAD PAR BA YIN PAS BSGOM PAR BYA'O, ,DE LTAR YANG SDOM 'BYUNG LAS, RLUNG GI RNAL 'BYOR MI SHES DANG, ,GANG ZHIG SHES KYANG MI BYED PA, ,DE NI SDUG BSNGAL SNA TSOGS KYIS, ,NYER 'TSE 'KHOR BA'I SRIN BUR 'GYUR, ,ZHES SO, ,DE DAG KYANG BLA MAS SLOB MA LA ZHIB TU BSHAD PAR BYA'O, ,GNYIS PA NI, KHA SBYOR LAS, SNGAR DRANGS PA'I 'DAB MA BRGYAD PA SNYING POR BCAS, ZHES PA DE'I MJUG TU, DE YI NANG DU SEN PA'I RTZA, ,MAR ME'I RANG GI NGO BO CAN, ,CHU SHING GI NI ME TOG LTAR, ,BRKYANG ZHING KHA NI 'OG TU'O, ,DE YI NANG GNAS DPA' BO NI, ,NYUNGS DKAR GYI NI SBOM PHRA TZAM, ,MI SHIGS H'Um GI SA BON NI, ,KHA BA LTA BUR 'DZAG PA NYID, , LUS CAN RNAMS KYI SNYING DGA' BA, ,DPYID CES BYA BAR RNAM PAR BSHAD, ,RGOD MA'I ME YI GZUGS KYIS NI, ,BDAG MED MA NI THIG LER BRJOD, ,LAS KYI RLUNG GIS BSKUL BA YIS, ,LTE BA'I DKYIL 'KHOR DU NI 'BAR, ,DPYID THOB PA YIS CHOG SHES PAS; ;SNYOMS PAR 'JUG PAS RNAM PAR GNAS, ,DPA' BO SHR'I NI HE RU KA, 'DI NI DPYID DANG THIG LER BRJOD, ,ZHES DPYID KYI THIG LE MDOR BSTAN PA DANG RGYAS PAR BSHAD PA GNYIS KYIS GSUNGS PA NI GTUM MO'I RNAL 'BYOR GYI GZHUNG GI

, ,RTZA BA YIN NO, ,DE LA RKANG PA DANG PO BZHIS NI RTZA DBU MA STON LA DE YANG SNYING KHA'I RTZA 'DAB KYI PAD MA DE'I NANG NGAM DBUS SU SON PA ZHES PA NI GNAS SO, ,KHA DOG NI GTUM MO ME 'BAR BA'I DUS NA TIL MAR GYI MAR ME'I NGO BO DANG 'DRA BAR 'OD ZER GYI RANG BZHIN CAN YIN PA DBYIBS NI CHU SHING GI ME TOG LTAR CUNG ZAD KHA BYE ZHING RTZA MDUD KYI NANG DU SON PA'I CHA LA LTOS NAS BZHAG PA'I KHA NI 'OG TU BRKYANG PA'AM 'PHYANG BA'O, ,DE NAS BZHIS NI RTZA DBU MA'I NANG GI YI GE STON PAS DBU MA DE'I NANG NA GNAS PA MI MTHUN PA'I RTOG PA 'JOMS PAS NA DPA' BO NI H'Um YIG GO ,DE'I TSAD NI YUNGS KAR ZHES PA'O, ,MI SHIGS PA NI MNGON PAR 'DOD PA'I DON SGRUB PA LA GZHAN GYIS GZHOM DU MED PA'O, ,DE NI GTUM MO LA BRTEN NAS BDE BA SKYE BA'I SA BON NO, ,KHA BA BZHIN DU BSIL BA'I 'OD CAN GYI BDUD RTZI'I 'OD 'DZAG PA'O, ,DE NI LUS CAN RNAMS KYI BDE BA'I DGA' STON 'BAR BAR BYED PAS NA DPYID CES BYA STE DE DANG 'DRA BAS DER BTAGS PA'O, ,DE NAS GNYIS KYIS THIG LE STON LA DE YANG DPER NA RGOD MA KHA'I MAS RGYA MTSO'I MA LUS PA'I CHU ZA BAR BYED PA DE LTAR PHUNG PO LA SOGS PA'I BUD SHING MA LUS PA SREG PAR BYED PA'I LTE BA'I ME'I GZUGS BDAG MED MA SPROS PA THAMS CAD LAS LDOG PA'I THIG LE'O, ,DE NI LTE BA'I 'OG GI RLUNG GIS BSKYED CING RGYAS PAR BYAS PAS LTE BA'I DKYIL 'KHOR DU 'BAR BAR 'GYUR RO, ,LAS NI GTUM MO BSGOMS PA LAS

BYUNG BA'I SEMS KYI BYA BA STE DES RLUNG DE BSKUL BA'I MTHU LAS SO, ,'GREL PAR LAS KYIS BSKUL BA'I RLUNG GIS BSKYOD PA'I 'BRU NON MDZAD DO, ,DPYID BYANG SEMS 'DZAG PA THOB PAS CHOG SHES PA STE TSIM PA'I DGA' BA BSKYED PA'I PHYIR DU DE GNYIS 'KHYUD PA NI SNYOMS PAR ZHUGS PA YIN LA DE NI DPYID DANG THIG LE GNYIS KAR BRJOD DE BA SAN TA DANG TI LA KLAR YANG NGO, ,DE RGYAS PAR BSHAD PA NI KHA SBYOR LAS, LTE BAR AA YI GZUGS KYIS NI, ,THUNG NGU RU NI RAB TU GRAGS, ,SNYING LA 'ANG NI H'Um NYID NI, ,RING PO MA MO GNYIS DANG BCAS, ,MGRIN PAR AOm GYI GZUGS KYIS NI, ,MA MO GSUM BRJOD BA LU TA, ,DPRAL BAR Hm GI RNAM PA 'DI, ,SGRA DANG THIG LE MI SHIGS PA, ,ZHES SOGS LA DPYID THIG LAS, ,SNYING GA LA NI YI GE H'Um, , RING PO TSAD NI GNYIS DANG GNAS, ,MGRIN PAR AOm YIG GZUGS KYIS TE, ,TSAD NI GSUM DU BRJOD PA YIN, ,ZHES BSGYUR BAS THUNG NGU DANG RING PO DANG BLU TA STE SHIN TU RING PO GSUM LA THUNG NGU GCIG DANG GNYIS DANG GSUM GYI YUN YOD PA'O, , DE YANG NANG GI BRJOD PA'I DUS GSAL BAR BYAS KYI NGAG GI BRJOD PA MIN TE GTUM MO SGOM PA LA DE MED PA'I PHYIR RO, ,YI GE BZHI BRIS PA RDZOGS RIM LA 'JUG PA'I THABS BSKYED RIM SGOM PA'I YIN GYI RDZOGS RIM LA NI AA THUNG RDUL GYI RI MO PHRA MO'I NGO BO DANG H'Um NI SEMS DANG AOm NI NGAG DANG Hm NI Hm GI DBYIBS CAN GYI RTZA DANG 'BREL BA'I BYANG SEMS YIN PAR MAN SNYE LAS BSHAD DO, ,YI GE THOG MTHA' GNYIS KYIS KHU RDUL MTSON PAS LUS YIN LA GZHAN GNYIS DANG

, ,BCAS PAS LUS NGAG YID GSUM NI YI GE BZHI'I MTSON DON TO, ,KHA SBYOR LAS, BDUD RTZI'I GZUGS KYIS 'DZAG PAR NI, ,NYIN DANG MTSAN DU RNAM PAR GNAS, DE NYID KYIS NI SGRA 'BYED CING, ,ME NI DGA' PAR BYED PA STE, ,ZHES GSUNGS PA'I DON 'GREL PAS, Hm YIG NI GSAL BA DANG MI GSAL BA'I NGO BO GANG YANG RUNG BA'I GTUM MOS GUS PA DANG BCAS PAR BAR MA CHAD PAR GOMS PA NI CHUNG NGU GOMS PA NI BDUD RTZI 'DZAG PA'O, ,BAR MA NA CHER 'DZAG GO ,CHEN POR NA RGYUN MI 'CHAD PAR CHES CHER 'DZAG GO ,THABS KYI RGYUD KYI NGO BO'I RDZOGS PA'I RIM PA'I DKYIL 'KHOR SGOM PAS NI YID BRTAN PA NA GTUM MO NGES PAR SPRO BA LAS 'BAR ZHING DES GDUNGS PA'I RI BONG CAN YANG 'DZAG GO ,DE'I TSE YANG DE KHO NA STE Hm YIG 'DZAG PA CAN GYI N'A DA GTUM MO RDUL GYI RI MO 'BYED CING KHYAD PAR DU 'PHAGS PAR BYED DO, ,ZHES GSUNGS PA LTAR RDZOGS RIM GYI SKABS SU LAM BGROD PA NI GTUM MO'I MES Hm YIG BZHU BA'I BDE BA LAM DU BYAS PA LA BRTEN NAS BYED PA NI THAMS CAD LA 'DRA'O, ,DE LA RIM PA MI 'DRA BA MANG PO YOD KYANG 'DIR KHA SBYOR GYI 'GREL PA'I RJES SU 'BRANGS NAS GANG ZAG GI DBANG GIS BZHI DANG GNYIS SU SHES PAR BYA'O, ,DE LA DANG PO NI SNGAR PHRA THIG GI SKABS SU BSHAD PA BZHIN DU SEMS SHIN TU BRTAN PAR BSGOMS PA'I DBANG GIS LHAN SKYES GYI SHES RAB GTUM MO RDUL GYI RIM MO RANG BZHIN GYIS 'BAR NAS SKRA'I RTZE MO BRGYA STONG GI LUS

YAN LAG RNAMS DANG 'DRA BA'I GLOG GI 'OD LTA BU RNAMS KYIS YONGS SU SBYANGS PA'I RTZA RNAMS BYANG SEMS ZHU BAS GANG BAR BYED DE KHA SBYOR LAS, DE YI SHES RAB LHAN CIG SKYES, ,DE PHYIR GNAS PA'I GZUGS CAN MA, ,LAS KYI RLUNG GIS BSKUL BA YIS; ;LTE BA'I DKYIL 'KHOR DU NI 'BAR, ,BDAG MED MA ZHES RNAM PAR BSHAD, ,DPYID KYI THIG LE NYID DU BRJOD, ,SKRA YI RTZE MO BRGYA STONG LUS, ,GLOG GI ZER MA MNYAM PA'I 'OD, ,CES GSUNGS SO, ,DE LA MI MOS PAS NI RDO RJE'I BZLAS PAS SROG RTZOL GYI RLUNG BRTAN PAR BYAS NAS THUR SEL GYI RLUNG LTE BAR THEN NAS LTE BAR PHYAG RGYA CHEN PO LA DMIGS NAS RLUNG BZLOG PA NA GTUM MO 'BAR ZHING DE LAS KYANG BDE BA CHEN PO GSAL BAR 'GYUR RO, ,DE LTAR MI NUS PAS NI DBUGS GYEN DU 'GRO BA NA RDUL GYIS RI MO DRANG PO 'BAR PA DANG RLUNG NANG DU 'JUG PA NA Hm YIG ZLA BA 'DZAG PA THIG LE'I GZUGS KYIS LTE BAR 'ONG BAR BSAM STE DE YANG GA-YAS GA-YON GYI RLUNG PHYI NANG DU RGYU BA LOG PA'I BAR DU YANG YANG BYA'O, ,RLUNG 'BYUNG 'JUG DE LTAR SGOM PAR MI NUS PAS NI LHAG PAR MOS PA TZAM KHO NAS 'BAR 'DZAG GI DMIGS PA BYA'O, ,YI GE SGOM PA LA LHAG PAR MOS PA LA GNYIS LAS BSDUS PA LA DGA' NA LTE BA NAS MGO BO'I 'KHOR LO'I BAR BZHI'I LTE BA LA AOm DMAR PO GYEN DANG H'Um NAG PO THUR DANG AOm DMAR PO GYEN DANG Hm DKAR PO THUR DU BSTAN PA RNAMS BSGOM LA Am GI NGO BO BCOM LDAN 'DAS MA GTUM MO 'BAR DU GZHUG GO ,DES KYANG YI GE GONG MA GNYIS GDUNGS TE Hm ZHU BAR BYAS PA 'OG TU 'DZAGS

, ,PA YI GE BAR PA GNYIS DANG RO MNYAM PA SNGAR BSHAD PA BZHIN DU LTE BAR GNAS PAR BYA'O, ,RGYAS PA LA DGA' BAS NI LTE BAR STENG DU KHA PHYOGS PA'I PAD MA DMAR PO'I LTE BAR ZLA BA LA Am NGO, SHAR LA SOGS PA'I PHYOGS KYI 'DAB MA RNAMS LA GA-YAS SKOR DU RIM PA BZHIN AA KA CA tA TA PA YA SHA STE SDE TSAN BRGYAD DO, ,KHA CIG TU YI GE BRGYAD DGOD PAR GSUNGS PA NI GDUL BYA'I NGOR YIN NO, ,LTE BA'I NANG SKOR LA BZHI DE NAS BRGYAD DE NAS BCU DRUG DE NAS RE BZHI YOD PAR BSHAD DO, ,SNYING KHAR KHA 'OG TU PHYOGS PA'I PAD MA DMAR PO'I LTE BA LA ZLA BAR H'Um NGO, ,SHAR LA SOGS PA'I 'DAB MA RNAMS LA AA AI AU AE BZHI DANG DBANG LDAN LA SOGS PA'I MTSAMS BZHIR YA RA LA WA RNAMS SO, ,MGRIN PAR GYEN DU PHYOGS PA'I CHU SKYES DKAR PO'I LTE BAR ZLA BA LA AOm MO, ,SHAR LA SOGS PA'I PHYOGS SU A'A A'I A'U A'A DANG DBANG LDAN LA SOGS PA'I MTSAMS SU Y'A R'A L'A W'A RNAMS SO, ,MGO BOR 'OG TU KHA PHYOGS PA'I RTZA 'DAB SO GNYIS PA'I SNA TSOGS PAD MA'I LTE BA'I ZLA BAR Hm NGO, ,SHAR LA SOGS PA'I 'DAB MA RE RES BAR DU CHOD PA RNAMS LA RIM PA BZHIN DU DBYANGS BCU DRUG GO ,AA DANG KA LA SOGS PA'I YI GE THAMS CAD KYANG ZLA PHYED DANG THIG LA DANG N'A DA DANG BCAS PA BA MO 'DZAG PA RNAMS SU BSGOM ZHING Am GI NGO BO GTUM MO'I ME 'BAR DU GZHUG GO ,DE YANG GYEN DU 'GRO ZHING YI GE THAMS CAD ZHU BAR BYED ZHU BA DANG RO GCIG PA 'OG TU SON PA NI LTA

BAR SNGAR BZHIN DU NGAL BSO'O, ,BSKYED RIM PAS KYANG SNGAR BSHAD PA BZHI PO GANG RUNG LA DMIGS NAS RNAL 'BYOR MA'I 'KHOR LO MTHA' DAG GI RANG BZHIN GTUM MO'I NGO BO 'BAR DU GZHUG GO ,DE 'BAR BA YANG DBU MA NAS SONG STE BA SPU'I BU GA DANG RTZE MO DANG DPRAL BA'I MTSAMS RNAMS KHYAB PAR BYAS SHING 'KHOR LO GSUM DANG PHUNG PO LA SOGS PA RNAMS GDUNGS NAS SNA BUG GA-YAS DANG MDZOD SPU'I KHUNG DU LAS BYUNG NGO, ,DE NAS GLOG GI 'OD BZHIN DU PHYOGS BCUR KHYAB NAS 'KHOR BA PA DANG NYAN RANG DANG BYANG SEMS RNAMS LA REG PAS SANGS RGYAS SU BYAS TE DE RNAMS DANG RANG BZHIN GYIS GRUB PA'I SANGS RGYAS RNAMS KYI SNA BUG GA-YON NAS ZHUGS NAS BDE CHEN GYI 'KHOR LO GDUNGS TE DE THAMS CAD 'DOD CHAGS CHEN PO'I ME'I 'OD KYIS BSKUL ZHING, RANG GI SMIN MTSAMS KYI MDZOD SPU'I BU GA NAS ZHUGS NAS BDE CHEN GYI 'KHOR LOR GNAS PA NA BYANG SEMS DANG LHAN CIG ZHU BAR BYAS NAS DE ZHU BA DANG RO GCIG PA 'OG TU 'DZAGS PA THABS SHES RO GCIG PA'I BDE BA CHEN PO'I NGO BOR LTE BAR GNAS PAR BLTA'O, ,DE LTAR BYAS PAS SANGS RGYAS KYI BYIN RLABS PHUN SUM TSOGS PAR 'GYUR RO, ,MAN SNYER 'DI BSKYED PA'I RIM PA LA SBYAR LA SLOB DPON GZHAN GYIS RDZOGS RIM GYI SKABS SU SBYOR RO, ,GTUM MO'I RNAL 'BYOR 'DI DAG LA RLUNG LA SBYOR BZUNG NAS BYED PA MA BSHAD PAR DMIGS PA SHIN TU BRTAN PAR GNAS NAS ME SPOR BA'I LUGS SU BSHAD LA GDAMS PA GZHAN LAS BUM PA CAN BZUNG BA DANG SBREL NAS BYED DO, ,GTUM MO'I RNAL 'BYOR GYI GTZO BO DE DAG NI MAN NGAG GIS

, ,RE RE GNYIS GNYIS KHA BSKANG BA TZAM MA GTOGS PA KHA SBYOR DANG RDO RJE MKHA' 'GRO SOGS KYI RGYUD NA GSAL BAR BZHUGS SHING NAG PO SPYOD PA LA SOGS PA'I GRUB THOB KYI RGYA GZHUNG MANG PO NA'ANG GSAL BAR YOD PAS SHIN TU YID CHES PA'I GNAS SU BZUNG BAR BYA'O, ,DE LTAR RLUNG DANG GTUM MO'I RNAL 'BYOR LAS SU RUNG BA NA GTUM MO SBAR BAS BYANG SEMS BZHUS PA 'CHINGS PA LA BRTAN NAS YAS BABS DANG MAS BRTAN GYI DGA' BZHI'I RTOGS PA BSKYED NAS DE DAG GI MTHAR RANG RANG GI LHA'I SKUR LDANG DGOS TE, STONG PA'I NGANG NAS LHA'I SKUR LDANG BA NI, SPYIR RIM PA BZHIN GNYIS KA DANG KHYAD PAR DU RDZOGS RIM LA GNAD CHE BA'I PHYIR RO, ,DE DAG KYANG BLA MAS SLOB MA LA ZHIB TU BSTAN PAR BYA'O, ,GSUM PA NI, DE LTAR RTZA RLUNG DANG THIG LE'I CHAGS TSUL GYI GNAD SHES NAS DE DAG LA GNAD DU BSNUN PA'I RNAL 'BYOR GYIS RLUNG DANG THIG LE LAS RUNG DU BYA BAR NUS PA NA KHAMS DANG BZLOG LA BRTEN PA'I DGA' BZHI'I TING NGE 'DZIN BDE GSAL MI RTOG PAS BRGYAN PA SKYED NUS MOD KYANG DE TZAM ZHIG SGOM PA MIN GYI BDAG MED PA'I DON GTAN LA PHAB PA'I LTA BA RNAM PAR DAG PA BSKYED PA DE THABS DE DAG LA BRTEN NAS SKYONG DGOS TE, GZHAN DU NA DE 'DRA BA'I TING NGE 'DZIN GYIS SRID PA LAS RGAL BAR MI NUS PA'I PHYIR RO, ,DE LTAR YANG BYANG CHUB SEMS 'GREL LAS, GANG DAG STONG NYID MI SHES PA, ,DE DAG THAR PA RTEN MA YIN, ,'GRO DRUG SRID PA'I BRTZON RAR NI, ,RMONGS PA DE DAG 'KHOR BAR 'GYUR, ,ZHES GSUNGS PA LTAR RO, ,DE

NA BSAM GTAN GYI KHANG BUR ZHUGS NAS BDAG MED PA'I DON SGOM DGOS TE KHA SBYOR LAS, DE NAS BSAM GTAN GNAS 'DUG NAS, ,CHOS RNAMS THAMS CAD BDAG MED PA, ,YANG DAG RJES SU BLTA BAR BYA, ,ZHES DANG DE'I RGYUD PHYI MA LAS KYANG, YANG 'DIR STONG PA NYID GANG ZHE NA, ,CHOS DANG GANG ZAG GI DON DNGOS PO MED PA STONG PA NYID DE, ZHES BSGOM PAR BYA BA'I STONG NYID NI BDAG MED PA GNYIS SU BSDUS NAS GSUNGS LA, RDO RJE SNYING PO RGYAN GYI RGYUD LAS KYANG, RNAL 'BYOR GCIG GCIG SHES BYAS NAS, ,DBEN PAR SONG STE RAB 'BAD NA, ,SDIG DAG TSE 'DIR SANGS RGYAS 'GRUB, ,CHOS BDAG MED PAR RAB BSGOMS PAS, ,THAMS CAD MKHYEN PA KHONG DU CHUD, ,CES DBEN PAR SONG NAS RNAL 'BYOR GCIG LA 'BAD NA 'TSANG RGYA BA'I RNAL 'BYOR NI CHOS RNAMS BDAG MED PAR SGOM PA LA GSUNGS TE DE 'DRA BA RGYUD LAS GSUNGS PA MTHA' YAS SHIG YOD DO, ,DE LTA BU'I LTA BA RGYUD LA SKYED TSUL YANG LUNG DANG RIGS PA LA BRTEN PA'I SO SOR RTOG PA'I SHES RAB KYIS DPYAD NAS BSKYED DGOS PAR GSUNGS TE BYANG CHUB SEMS 'GREL LAS, BYANG CHUB SEMS DPA' GSANG SNGAGS KYI SGO'I SPYAD PA SPYOD PA RNAMS KYIS DE LTAR KUN RDZOB KYI RNAM PAS BYANG CHUB KYI SEMS SMON PA'I RANG BZHIN CAN BSKYED NAS DON DAM PA'I BYANG CHUB KYI SEMS BSGOMS PA'I STOBS KYIS BSKYED PAR BYA BA YIN TE DE'I PHYIR DE'I RANG BZHIN BRJOD PAR BYA'O, ,ZHES GSUNGS NAS DE'I 'OG TU GZHAN SDE 'DOD PA'I GANG ZAG GI BDAG DANG RANG SDE GNYIS KYIS 'DOD PA'I CHOS KYI BDAG RIGS PAS BKAG NAS BDAG MED GTAN

, ,LA PHAB STE, DON DAM BYANG CHUB KYI SEMS BSGOMS STOBS KYIS SKYED PA LA SNGON DU BDAG MED PA'I LTA BA 'TSOL LUGS DE LTAR MDZAD DO, ,'DI GSANG 'DUS SU DE BZHIN GSHEGS PA DRUG GIS BYANG CHUB KYI SEMS RE RE GSUNGS PA'I NANG NAS RNAM SNANG GIS, DNGOS PO THAMS CAD DANG BRAL BA, ,PHUNG PO KHAMS DANG SKYE MCHED DANG, ,GZUNG DANG 'DZIN PA RNAM SPANGS PA, ,CHOS BDAG MED PA MNYAM NYID PAS, ,RANG SEMS GDOD NAS MA SKYES PA, ,STONG PA NYID KYI RANG BZHIN NI; ;ZHES GSUNGS PA DRANGS NAS DE'I DON BKRAL BAS NA BYANG CHUB SEMS KYI 'GREL PA ZHES BYA BA YIN NO, ,DE LTAR MGON PO KLU SGRUB KYIS BDAG GNYIS RIGS PAS LEGS PAR BKAG STE BDAG MED NGES PA'I LTA BA BSKYANGS NAS DON DAM BYANG CHUB KYI SEMS SGOM PA DE GSANG SNGAGS KYI SGO NAS SPYAD PA SPYOD PA'I BYANG CHUB SEMS DPAS BYED PAR GSUNGS PAS NA, SO SOR RTOGS PA'I SHES RAB KYIS DPYOD PA'I LTA BA SKYONG BA PHAR PHYIN THEG PA'I LUGS YIN GYI SNGAGS KYI LUGS MA YIN NO ZHES SMRA BA NI LEGS PAR BKAG PA YIN NO, ,RDO RJE SNYING PO RGYAN GYI RGYUD LAS KYANG, ,SEMS KYIS RDUL PHRAN CHA DRUG RNAMS, ,PHYOGS BCU DAG TU PHYE NAS SU, ,CHOS KYI DON RNAMS DES GSAL NAS, ,SHIN TU DRI MED SEMS DAG PA, ,'DAS DANG MA 'ONGS PA YI SEMS, ,DE LTAR YANG NI DMIGS SU MED, ,GNYIS MED DE LA GNYIS MED MED, ,NAM MKHA' ZHES PA'ANG GNAS PA MED, ,DE LTAR KUN TU BRTAGS NAS SU, ,'GRO BA THAMS CAD SHIN TU STONG, ,DRI MED RNAL 'BYOR NYID KYI YIN, ,DNGOS

PO MED PAR RANG SEMS BSAM, ,ZHES RDUL LA PHYOGS BCU'I CHA'I DPYAD PA BYAS NAS STONG NYID SGOM PAR GSUNGS LA, BH'A BA BHA DRAS KYANG RDO RJE MKHA' 'GRO'I 'GREL PAR DBU MA RGYAN NAS RDUL LA PHYOGS BCU'I DPYAD PA BYAS NAS STONG NYID GTAN LA PHAB BA BZHIN DU MDZAD DO, ,GRUB THOB DPAL 'DZIN GYIS KYANG, ,DNGOS PO THAMS CAD BDEN PA MIN, ,THOG MA BAR DANG MTHA' SPANGS PA, ,'DI LTAR DPYAD NA 'KHOR LO LA, ,DAM PA YANG DAG RTOG PA SPANGS, ,PHUNG PO KHAMS NI BDAG MED PA, ,BSGOM BYA BDE BA DAM PA'I GZUGS, ,ZHES THOG MTHA' BAR GSUM GYI DUS KYI CHA SA SER PHYE NAS GTAN LA PHAB PA'I BDAG MED SGOM PAR GSUNGS TE RIN CHEN PHRENG BA LAS, JI LTAR SKAD CIG MTHA' YOD PA, ,DE BZHIN THOG MTHA' DBUS BRTAG DGOS, ,DE LTAR SKAD CIG GSUM BDAG PHYIR, ,'JIG RTEN SKAD CIG GNAS PA MIN, ,THOG MA DBUS DANG THA MA YANG, ,SKAD CIG BZHIN DU BSAM BYAS NA, ,THOG MA DBUS DANG THA MA NYID, ,RANG GZHAN LAS KYANG MA YIN NO, ,ZHES GSUNGS PA DANG 'DRA'O, ,TSUL DE YANG; YE SHES ZHABS SOGS MCHOG RNAMS KYIS, ,'DI DAG NYID NI GSAL BAR BSHAD, ,CES GSUNGS PAS YE SHES ZHABS KYIS KYANG SGRUB THABS KUN BZANG DANG BDAG SGRUB PA'I THABS LA 'JUG PA RNAMS SU GCIG DANG DU BRAL LA SOGS PA'I RIGS PAS DBU MA NAS 'BYUNG BA BZHIN DU SNGAGS SU YANG GTAN LA PHAB BO, ,RGYUD SDE 'OG MA GSUM NAS KYANG TSUL DE LTAR RGYUD LA SKYAD PA SNGAR MANG DU BRJOD ZIN TO, ,DE'I PHYIR RDO RJE THEG PA BAS BDAG MED PA'I LTA BA'I GO BA RGYUD LA SKYED PA

, ,NI MTSAN NYID KYI THEG PA BZHIN DU BYA DGOS SO, ,LTA BA DES CHOS RNAMS KYI DE KHO NA NYID KHONG DU CHUD KYANG THOG MA MED PA NAS BDAG TU 'DZIN PA GNYIS KYIS BSLAD PAS YUL DE LA YUL CAN DE CHU LA CHU BZHAG PA BZHIN DU RO, MNYAM DU 'JUG MI NUS PAR GNYIS SNANG GIS SO SO BAR RING DU RGYANG CHAD PAR BYED PAS DES NA GTUM MO'I MES BYANG SEMS BZHUS PA PHYIR MA 'PHOS PAR BZUNG BA NA DE'I MTHUS GNYIS SNANG RAGS PA RNAMS BSDUS NAS ZHI BAR 'GYUR LA, DE'I TSE LTA BA DRAN PAR BYAS NAS LTA THOG TU BZHAG NAS BSKYANGS PA NA SHES RAB DE DE KHO NA NYID LA JE NYER SONG NAS YUL DANG YUL CAN RO GCIG TU 'GYUR BA YIN NO, ,'DI YANG BDAG MED LA BLO KHA MA PHYOGS NA BDAG MED DAM GNAS LUGS KYI DON SGOM PAR MI 'GYUR LA BLO KHA PHYOGS NA NI MNGON GYUR DANG LKOG GYUR GYI SGO NAS PHYOGS PA GNYIS LAS MI 'DA'O, ,SO SO SKYE BOS BDAG MED MNGON GYUR DU RTOGS PAR SMRA BA NI GZU LUM YIN PAS LKOG GYUR RO, ,DE'I TSE DE DAG GIS BDAG MED RTOGS PA NI DON SPYI'I SGO NAS RTOGS DGOS PAS SO SO SKYE BOS RTOG BRAL GYI SHES PAS DE KHO NA NYID SGOM PAR 'DOD PA 'THAD PA MA YIN NA, ,DE YANG MI RTOG YE SHES KYI RJES SU MTHUN PA'I RGYU DAM PA YIN PAS DE KHO NA NYID LAM ZHUGS PA'I RTOG PA YANG MIN LA BDAG MED PA'I DON LA DON SPYI'I SGO NAS DPYOD PAS NA CIR YANG MI RTOG PA YANG MIN NO, ,GSANG 'DUS KYI 'GREL BA SNYIM PA'I ME TOG LAS, YANG DAG PA LA SO SOR RTOG PA YANG RNAM PAR RTOG PA

MA YIN ZHING RNAM PAR MI RTOG PA MA YIN NA, ,CI'I PHYIR RNAM PAR RTOG PA MA YIN ZHE NA, RNAM PAR MI RTOG PA SKYED PA DANG RJES SU MTHUN PA NYID KYI PHYIR RO, ,CI'I PHYIR RNAM PAR MI RTOG PA MA YIN ZHE NA, YANG DAG PA'I DON LA RNAM PAR RTOG PA'I PHYIR RO; ;RNAM PAR MI RTOG PA NYID LAS RNAM PAR MI RTOG PA SKYE BA MA YIN TE, BYIS PA RNAMS LA DE MED PA'I PHYIR RO, ,RANG BZHIN GYI RNAM PAR RTOG PA LAS KYANG SKYE BA MA YIN TE DE NI DE'I GNYEN PO NYID YIN PA'I PHYIR RO, ,'ON KYANG YANG DAG PA'I DON NYID LA MNYAM PAR 'JIG PA'I SO SOR RTOG PA RNAMS TE, SGOM PA'I RJES SU 'GRO BAS 'BAD RTZOL MED PAR CHOS KYI DBYINGS SPROS PA MED PA LA SEMS MNYAM PAR BZHAG PAR 'GYUR RO, ,DE LA SPROS PA MED PA'I RNAM PAR MI RTOG PA'I YE SHES ZHES BYA'O, ,DE SKAD DU YANG RNAM PAR MI RTOG PAR 'JUG PA'I GZUNGS LAS, DE YANG YANG DAG PAR SBYOR BA DE BSTAN PAS RJES SU 'GRO'O, ,BSGOMS PAS RDZAS SU 'GRO'O, ,MANG DU BYAS PAS RJES SU 'GRO'O, ,YANG DAG PA'I YID LA BYED PAS RJES SU 'GRO BAS NA MNGON PAR 'DU BYED PA MED CING LHUN GYIS GRUB PAS RNAM PAR MI RTOG PA'I DBYINGS LA REG STE ZHES GSUNGS PA DANG, TSAD MA RNAM PAR NGES PA LAS KYANG, BSAM PA'I RANG BZHIN CAN GYI SHES RAB LA GOMS PAR BYAS NA DON DAM PA'I YE SHES 'KHRUL PAS DBEN PA DRI MA MED PA 'JIG PA MED PA MNGON SUM DU BYED PAR 'GYUR RO ZHES BSHAD DO, ,DE BAS NA BCOM LDAN 'DAS KYIS GSUNGS PA'I YANG DAG PA LA SO SOR RTOG PA NYID RNAM PAR MI RTOG PA BYANG CHUB

, ,RTOGS PAR 'DOD PA RNAMS KYIS BSTEN PAR BYA'O ZHES BYA BA NI GRUB PA'I MTHA' YIN NO, ,ZHES MI RTOG YE SHES KYI RGYUR MI RTOG PA RIGS MTHUN DGOS NA BYIS PA LA DE MED PA'I GNOD PA BRJOD CING BSAM BYUNG GI SO SOR RTOG PA'I SHES RAB GOMS PA LAS MI RTOG YE SHES SKYE BAR CHOS KYI GRAGS PAS BSGRUBS PA YANG DRANGS NAS SHANTI PAS BSHAD DO, ,MAN NGAG SNYE MA LAS KYANG SO SOR RTOG PA RTOG PA YIN KYANG MI RTOG YE SHES KYI RJES SU MTHUN PAR BSHAD DE RJES SU MTHUN PA NI DE'I NYER LEN GYI RGYU'O, ,BRTAG GNYIS LAS KYANG, RNAM RTOG LAS NI RNAM RTOG DANG, ,SRID PA NYID KYIS SRID PA DAG ,CES GSUNGS TE DE'I DON NI SHANTI PAS YANG DAG PA'I DON LA SO SOR RTOG PA'I RNAM RTOG NYID SGOM PA'I STOBS BSKYED PA BRGYUD PAS MI RTOG YE SHES SKYED PA DANG DRAN PA NYER GZHAG SOGS 'JIG RTEN PA'I LAM KHO NAS BYANG CHUB YAN LAG SOGS 'JIG RTEN LAS 'DAS PA'I LAM SKYED PAS RNAM RTOG GIS RNAM RTOG DANG SRID PAS SRID PA ZAD PAR BYED CES BSHAD CING MAN SNYE LAS KYANG DE LTAR BSHAD DO, ,SO SOR RTOG PA GOMS PA LAS MI RTOG PA SKYED PA NI 'OD SRUNGS KYIS ZHUS PA LAS KYANG SHING GNYIS DRAG TU DRUG PA NI ME 'BYUNG BAS SHING DE NYID SREG PA'I DPES GSAL BAR GSUNGS SO; ;YANG MAN SNYE LAS, GANG SHES RAB KYI MIG GIS NGES PAR DPYAD PA LAS YANG DAG PA'I YE SHES KYI SNANG BA SKYES PA NA CHOS RNAMS THAMS CAD MA MTHONG BA'O, ,DE'I PHYIR DE KHO NA NYID KYI RNAL 'BYOR PA SPYOD LAM THAMS CAD LA GNAS

PA RNAMS KYIS CHOS RNAMS THAMS CAD MTHONG YANG MTHONG BA MED PA'O, ,'DI 'DRA BA KHO NA MTHONG BA MED PAR MNGON PAR DGONGS KYI GNYID LOG PA DANG MIG BTZUMS PA DAG GIS BZHIN DU GANG YID LA MI BYED PAS NI MA YIN NO, ,THE TSOM GYI SA BON DANG BRAL BA KHO NA LAS GZUGS LA SOGS PAR MNGON PAR ZHEN PA GSAL BAR BYA'I TSER MA 'DON PAR BYA BA BZHIN DU NI MA YIN NO ZHES PA NGES PA'O, ,ZHES SO SOR RTOG PA'I SHES RAB KYIS DPYAD NAS SPROS PA'I CHOS CI YANG MA RNYED PA'I DON LA 'JOG PA DGOS KYI YID BYED BSDUS PA'I MI RTOG PA TZAM DE KHO NA NYID SGOM PA MIN PA DANG, BLO'I SKYON LDOG PA NI PHYI'I TSER MA 'DON PA BZHIN BYAR MED KYI 'DZIN STANGS KYI BZLOG PHYOGS BZUNG BAS SGRO 'DOGS DANG THE TSOM LDOG DGOS PAR BSHAD DE SGOM RIM DU KA MA LA SH'I LAS GSUNGS PA DE DANG KHYAD MED DO, ,DES NA SNGAGS KYI GDUL BYA DANG PHAR PHYIN GYI THEG PA'I GDUL BYA LA 'KHOR BAR 'CHING BA'I RGYU SO SO BA MED LA 'CHING BYED KYI GTZO BO BDAG 'DZIN YANG BZLOG PHYOGS BDAG MED BZUNG BA'I SGO NAS LDOG DGOS TE RIGS PA'I RGYAL POS, 'DI YUL SUN PHYUNG MED PAR NI, ,DE SPONG BAR NI NUS MA YIN, ,YON TAN SKYON DANG RJES 'BREL BA'I, ,'OD DE DANG SDANG SOGS SPONG BA NI, ,DE DAG YUL LAM MTHONG BAS, ,YIN GYI PHYI TSUL DAG GIS MIN, ,ZHES DANG 'PHAGS PA LHAS, ,YUL LA BDAG MED MTHANG NA NI, ,SRID PA'I SA BON 'GAG PAR 'GYUR, ,ZHES GSUNGS SO, ,'O NA KHA SBYOR LAS, STONG PA BSGOM PAR MI BYA STE, ,STONG MIN BSGOM PAR MI BYA'O, ,STONG PA MI SPANG RNAL 'BYOR PAS, ,STONG MIN

, ,YONGS SU MI SPANG NGO, ,STONG DANG STONG MIN BZUNG BA LA, ,RTOG PA NYUNG MIN SKYE BAR 'GYUR, ,ZHES DANG BYANG CHUB SEMS 'GREL LAS, ,SKYE MED DANG NI STONG NYID DANG, ,BDAG CES BYA BAR STONG PA NYID, ,BDAG NYID DMAN PAR GANG SGOM BA, ,DE DE SGOM PAR BYED PA MIN, ,ZHES STONG MI STONG GANG DU YANG MI 'DZIN PAR GSUNGS PA JI LTAR YIN SNYAM NA, ,SKYON MED DE LUNG SNGA MA NI KUN RDZOB TU YANG MA GRUB PA'I CHAD STONG DANG DON DAM PAR MI STONG PA'I RTAG PA GNYIS SGOM PA BKAG PA YIN GYI RANG BZHIN MED PA'I STONG NYID DU YANG GZUNG DU MI RUNG BAR STON PA MIN TE LUNG DE'I GONG NYID DU, CHOS DBYINGS SHIN TU MNYAM PA NYID, ,CHU SHING LTA BUR YONGS SU GZUNG, ,ZHES SNYING PO 'AM RANG BZHIN MED PA NYID DU GZUNG BAR GSUNGS PA'I PHYIR DANG DE'I 'GREL PA LAS KYANG, CHU SHING LTA BUR ZHES PA MA RIG PAS SGRO BTAGS PA'I DON DAM PAR YOD PA'I RANG BZHIN MED PA'I PHYIR SNYING PO MED PA NYID DU RTOGS KYI KUN RDZOB TU YANG MED PAR NI MA YIN NO, ,CI'I PHYIR ZHE NA GANG GI PHYIR CHOS KYI DBYINGS DANG RANG BZHIN MED PA NYID DU MNYAM ZHING MTSUNGS PA'I RANG GI NGO BO CAN GZUGS LA SOGS PA RNAMS TE DE RNAMS KYI MTSAN NYID THA DAD PA DNGOS PO BA NI MA YIN NO,, MI MNYAM PA RNAMS KYANG STE KUN RDZOB TU SO SO THA DAD PA'I PHYIR RO, ,DE NYID KYI PHYIR CHAD PA DANG RTAG PA'I RANG GI NGO BO DAG DANG MI LDAN PA'I PHYIR STONG PA DANG MI STONG PAR SGOM PA BKAG STE, ZHES BSHAD PA'I PHYIR RO, ,KUN RDZOB TU

MED PA DANG DON DAM DU YOD PA'I RTAG CHAD GNYIS BSGOM BYA YIN PA BKAG PA NA DON DAM PAR RANG BZHIN MED PA'I STONG PA DANG DE NYID THA SNYAD DU GZUGS LA SOGS PAR YOD PA'I MI STONG PA GNYIS MI SPONG PA YIN TE, MAN SNYE LAS, DON DAM PAR RANG BZHIN MED PA DE NYID KHO NA KUN RDZOB TU YOD PA'I GZUGS LA SOGS PA'I RANG BZHIN ZHES PAS STONG PA DANG MI STONG PA'I RANG GI NGO BO SPONG BA RIGS PA MA YIN NO, ,ZHES BSHAD DE RNAM RTOG MANG PO SKYE BAR 'GYUR BA'I STONG PA DANG STONG MIN DU BZUNG BA NI RTAG CHAD KYI MTHAR 'DZIN PA'I RNAM RTOG YIN PAS RNAM RTOG GANG YIN THAMS CAD LA BYED PA MIN NO, ,DE LTA MA YIN PAR STONG PA MI SGOM ZHES PA'I TSIG TZAM LA BRTEN NAS SMRA NA NI RGYUD DE DANG RGYUD GZHAN DU STONG NYID SGOM PA DU MA ZHIG GSUNGS PA DANG 'GAL BAR 'GYUR LA RDZOGS RIM GYI MTHON PO'I SKABS SU YANG BSAM GTAN GNYIS KYI SGO NAS RTOG PA'I SPRO BSDU DU MA ZHIG BYAS NAS 'OD GSAL DU 'JUG PAR MGON PO KLU SGRUB SOGS DU MAS GSUNGS PA DANG YANG 'GAL BAR 'GYUR TE, KHYED LTAR NA SO SOR RTOG PA'I SGOM THAMS CAD 'OD GSAL MNGON DU BYED PA'I GEGS YIN PA'I PHYIR RO, ,LUNG GNYIS PA'I DON NI 'JIG RTEN LAS 'DAS PAR BSTOD PA LAS, KUN RTOG THAMS CAD BSAL BA'I PHYIR, ,STONG NYID BDUD RTZI STON MDZAD NA, ,GANG ZHIG DE LA ZHEN GYUR PA, ,DE NYID KHYOD KYIS SHIN TU SMAD, ,CES GSUNGS PA LTAR STONG NYID BDAG MED PA'I DON LA BDEN PAR 'DZIN NA MI RUNG BAR STON PA YIN GYI RANG BZHIN MED DO SNYAM DU YANG GZUNG DU

, ,MI RUNG BAR STON PA GTAN MIN TE, ,RANG BZHIN MED PAR GZUNG DU MI RUNG NA CHOS RNAMS RANG BZHIN MED PA YIN PA DGAG DGOS LA DE BKAG NA RANG BZHIN GYIS GRUB PAR 'GYUR BAR RTZOD ZLOG LAS, RANG BZHIN MED PA NYID LOG NA, RANG BZHIN NYID DU GRUB PAR 'GYUR, ,ZHES GSUNGS PAS SO, ,MDOR NA RANG BZHIN MED PAR 'DZIN PA DON DAM PAR 'GOG NA NI DE MI 'DOD PAS 'GOG PA DON MED LA THA SNYAD DU YANG RANG BZHIN MED PA DANG BDAG MED PA BLOS NGES SU MI RUNG BAS DE DAG TU MI 'DZIN NO ZHES SMRAN NI DE KHO NA NYID RTOGS PA MI SRID PAR 'DOD DGOS PAS THAR PA DANG THAMS CAD MKHYEN PA THAMS CAD LA SKUR PA GDAB DGOS SO, ,DE 'DRA BA'I LOG RTOG NI DBU MA'I RTAGS KYI DGAG BYA JI LTAR YIN MA PHYED PAS RTOG PA'I 'DZIN STANGS THAMS CAD BDEN 'DZIN DU 'DOD PA'I LUGS YIN LA DE DGAG PA NI RGYAS PAR GZHAN DU BRJOD ZIN TO, ,DES NA SHES RAB CAN GYIS NI RDO RJE THEG PAR YANG THOS BSAM GYIS BDAG MED PA GNYIS KYI LTA BA DBU MA'I GZHUNG BZHIN DU BTZAL LA MA NOR BA'I LTA BA RNYED NAS KYANG RANG BZHIN MED PA'I DON NGES PA'I NGES SHES KYI RGYUN BSKYANG BAR BYA STE, NGES SHES DANG SGRO 'DOGS GNYIS GNOD BYA GNOD BYED DU 'GRO'I BDAG MED PAR YANG MI 'DZIN PA NI BDAG MED LA BLO KHA MA PHYOGS PAS BDAG 'DZIN LA CI YANG MI GNOD PA'I PHYIR RO, ,DE LA DGONGS NAS MI GA-YO BA'I RTOG PA LAS, ,BYANG CHUB SEMS NI BRTAN BYAS NAS, ,SNGAGS KYI DNGOS GRUB GSUNGS PA STE, ,GZHAN DU SNGAGS

GRUB CHO GA YI, ,BYA BA THAMS CAD 'BRAS BU MED, ,DNGOS PO THAMS CAD MDOR BSDUS PAS, ,RANG BZHIN MED NYID BSAM PA LAS, ,BYANG CHUB SEMS NI NGES PAR 'THOB, ,GZHAN DU 'BA' ZHIG 'GYUR BA MIN, ,ZHES GSUNGS TE 'DI MAN SNYER DRANGS SO,, GSUM PA NI, SPYOD PA NI 'DOD PA'I YON TAN LA RANG BZHIN YONGS SU SHES PA'I SGO NAS THABS MKHAS KYIS SPYOD PA YIN LA DE TZAM ZHIG NI SNGAGS PA LAS DANG PO BA NAS KYANG YOD MOD KYANG 'DIR NI RIM GNYIS LA BOGS 'BYIN PA'I KHYAD PAR CAN GYI SPYOD PA STE SPROS BCAS DANG SPROS MED DANG SHIN TU SPROS MED KYI SPYOD PA GSUM YIN NO, ,'DI GSUM NI RIM PA DANG PO BRTEN PA'I MTHAR YANG BYED PA YOD DE SGRON GSAL LAS, ,SGRUB PA MCHOG DANG THA MAL PA GNAS SHING SPROS PA DANG BCAS PA LA SOGS PA'I SPYOD PA GSUM LA GOMS PA NYAMS 'OG TU CHUD PA'I RNAL 'BYOR PAS, ZHES GSUNGS PA'I PHYIR RO, ,DE NI THUN MONG GI DNGOS GRUB CHEN PO RNAMS SGRUB NA RIM PA DANG PO'I SKABS SU BYAD PA YIN PAR BLA MA RNAMS GSUNGS NGO, ,MCHOG SGRUB PAS NI RDZOGS RIM GYI SKABS SU BYED LA DE YANG SEMS DBEN THOB NAS BYED PA DANG SGYU LUS THOB NAS BYED PA DANG SLOB PA'I ZUNG 'JUG THOB NAS BYED PA STE SKABS GSUM DU 'DOD PA'I LUGS YOD DO, ,DE LA SPROS BCAS NI GNAS KHYAD PAR CAN DU RIG MA NYI SHU DANG LHAN CIG TU LAG PA'I PHYAG RGYA DANG GLU'I MCHOD PA DANG GAR LAM SOGS PA'I SBYOR PAS NYIN DANG MTSAN DU ROL NAS PHYAG RGYA CHEN PO'I GO 'PHANG SGRUB PA STE RGYAL PO AIN'A BO TI SA 'DI LA BRTEN

, ,NAS PHYAG RGYA CHEN PO GRUB PAR SPYOD BSDUS LAS GSUNGS SO, ,SPROS PA MED PA NI, RIG MA LNGA'AM YANG NA GCIG DANG YANG RUNG STE DE DAG LA BRTEN NAS 'DOD YON LAM DU BYAS PAS PHYAG RGYA CHEN PO'I DNGOS GRUB SGRUB PA'O, ,SHIN TU SPROS PA MED PA NI SNYING KHAR GNAS PA'I YE SHES KYI PHYAG RGYA DANG LHAN CIG SNYOMS PAR ZHUGS NAS PHYAG RGYA CHEN PO'I GO 'PHANG RDZOGS PAR BYED PA'O, ,DE GSUM NI SHES RAB DANG YO BYAD DANG NA TSOD KYI SGO NAS BYAD DE ZLA BA DRUG LA SOGS PAR RGYUN MA CHAD DU SPYOD PA SPYAD PAS DBANG PHYUG GI YON TAN SNGON DU GRUB NAS DE NAS PHYAG RGYA CHEN PO'I DNGOS GRUB 'GRUB PA YIN TE SPYOD BSDUS LAS, DE LTAR CHUNG NGU DANG 'BRING DANG CHEN PO'I DBYE BA DANG NA TSOD DANG RJES SU MTHUN PAR SPYOD PA RNAM PA GSUM ZLA BA PHYED DAM ZLA BA GCIG GAM ZLA BA DRUG BSLABS PAR GYUR PAS PHYAG RGYA CHEN PO'I DNGOS GRUB THOB PA'I MTSAN MA NYE BAR 'BYUNG BAR 'GYUR TE DE LA MTSAN MA NI 'DI DAG YIN NO, ,GZUGS PHRA BA DANG REG PA YANG BA DANG KHYAB PA DANG YANG DAG PAR THOB PA NYID DANG RAB TU SNANG BA NYID DANG BRTAN PA DANG DBANG DU GYUR PA DANG 'DOD DGUR SGYUR BA ZHES BYA'O, ,ZHES GSUNGS SO, ,TSE 'DI LA MCHOG SGRUB NA NI GDON MI ZA BAR 'DI GSUM GANG RUNG GIS LAM LA BOGS BTON NAS BYA DGOS PAR GSUNGS TE RGYAS PAR SPYOD BSDUS LAS SHES PAR BYA'O, ,BZHI PA NI, DE LTAR RNAL 'BYOR BLA MED KYI LAM THAMS CAD GDUL BYAS 'BRAS BU 'GRUB PA'I

RIM PA DANG BSTUN NA GSUM DU 'DU STE MCHOG 'DI LA 'TSANG RGYA BA DANG, 'BRING GZHAN LA BAR DO 'GRUB PA'I DUS SU 'TSANG RGYA BA DANG THA MA SKYE BA BRGYUD NAS 'TSANG RGYA BA'I LAM MO, ,DE LA LAM THUN MONG BA LA SBYANGS BA DANG DBANG RNAM PAR DAG PA BSKUR ZHING DAM TSIG SRUNG BA NI THAMS CAD LA 'DRA'O, ,KHYAD PAR NI DANG POS RIM GNYIS SPYOD PA DANG BCAS PA LA SLOB NUS PA YIN LA DE YANG SGYU LUS THOB NA TSE DE LA 'TSANG RGYA BAR NGES TE RIM LNGA LAS, BDAG LA BYIN GYIS BRLABS PA'I RIM, ,GANG GIS RNYED PAR MA GYUR PA, ,MDO SDE RGYUD DANG RTOG PA LA, ,DE YI NGAL BA DON MED 'GYUR, ,BDAG LA BYIN BRLABS RIM THOB PA'I, ,GTZO BO SANGS RGYAS KUN BDAG NYID, ,TSE 'DI NYID DU SANGS RGYAS NI, ,THE TSOM MED PAR THOB PAR 'GYUR, ,ZHES GSUNGS PA'I PHYIR RO, ,GNYIS PA NI, BSKYED RIM MTHAR BYIN ZHING RDZOGS RIM SEMS DBEN GYI BAR THOB PA ZHIG GIS TSE DE LA SPYOD PA GSUM GANG RUNG BYED RGYU MA BYUNG NA 'CHI BA'I DUS SU 'CHI BA 'OD GSAL DON DAM PA'I BDEN PA MNGON DU BYA LA SHI BA'I MTHAR SGYU MA'I SKUR LDANG BAR BYA'O SNYAM PA'I 'PHEN PA BTANG NAS SHI NA, 'CHI BA'I RIM PA RNAMS 'OD GSAL DU 'JUG PA'I RIM PAR BYAS NAS 'CHI BA 'OD GSAL DU 'CHAR BAR 'GYUR LA DE'I MTHUS GZHAN LA BAR DO 'GRUB PA'I TSE BAR DO'I DOD LA SGYU LUS 'GRUB PAR 'GYUR TE SPYOD BSDUS LAS, GAL TE SGRUB PA PO BDEN PA MTHONG YANG SNGON GYI BAG CHAGS LA GOMS PA'I STOBS KYIS ZHING LAS DANG TSONG DANG BSNYEN BKUR BA LA SOGS

, ,PAS GA-YENGS PAS SPYOD PA RNAM PA GSUM SPYOD PAR MI BYED PA DANG, SGRUB PA PO GZHAN DAG 'BYOR PA MA TSANG BA RGYUD LAS JI SKAD GSUNGS PA'I CHO GA RDZOGS PAR BYED MI NUS PA'I PHYIR MI SPYOD PA DE DAG NI 'CHI BA'I DUS BYAS NA YANG SRID PA GZHAN DU 'GRO BAR 'GYUR RAM YANG NA RDO RJE 'CHANG BA NYID THOB PAR 'GYUR, ZHES DRIS PA'I LAN DU, RDZOGS PA'I RIM PA RTOGS PAR GYUR PAS KYANG THAMS CAD BYAS NAS 'JIG RTEN DU MYA NGAN LAS 'DA' BAR 'GYUR BA 'DI LA SOM NYI MI BYA'O, ,DE BAS NA DE KHO NA NYID SHES PA NI RKYEN MA TSANG BAS JI SKAD DU BSHAD PA'I SPYOD PA GAL TE MA SPYAD DU ZIN KYANG LTA BA THAMS CAD RNAM PAR SPANGS NAS, 'CHI BAR 'GYUR BA NI DON DAM PA'I BDEN PA YIN LA SKYE BA NI KUN RDZOB KYI BDEN PA'O, ,ZHES YANG DAG PAR MNGON PAR RTOGS NAS BRGYA LAM NA 'OD GSAL BAR ZHUGS NAS THA MAL PA'I PHUNG PO BOR NAS BDAG LA BYIN GYIS BRLABS PA'I RIM GYIS LDANG BAR BYA'O ZHES BRTAN PA'I SEMS BSKYED DE, DE YID LA BYED PAS GNAS PAR BYED NA DE SKYE BA GZHAN DU YID LA BYED PA DE DOR BAR MI 'GYUR RO, ,DE BAS NA THAMS CAD MKHYEN PAR 'GYUR RO, ,ZHES GSUNGS SO, ,SGYU LUS THOB NA TSE DE LA NGES PAR 'TSANG RGYA BAR GSUNGS PAS 'DIS SGYU LUS MA THOB LA 'OD GSAL MNGON SUM DU RTOGS NA RGYUD BLA MA LAS, 'PHAGS PAS 'CHI DANG RGA BA DANG, ,NA BA'I SDUG BSNGAL RTZAD NAS SDANGS, ,LAS DANG NYON MONGS DBANG GIS SKYE, ,DE LA

DE MED PHYIR DE MED, CES THEG CHEN 'PHAGS PA RNAMS KYIS LAS KYI DBANG GIS 'CHI BA SPANGS PAR GSUNGS PA DANG BYANG SAR SA THOB NAS YO BYAD KYIS PHONGS PA MI SRID PAR GSUNGS LA, 'DIR LAS DBANG GIS 'CHI BA MA SPANGS SHING YO BYAD MA CHANG BAS DE LTAR BYED PAR GSUNGS PAS SGYU LUS MA THOB PA'I SO SO SKYE BO YIN NO, ,'DIS SHI BA'I 'OG TU SGYU LUS THOB PA DE DE THOB PA'I DANG PO YIN LA 'DI PA'I 'OD GSAL MNGON SUM DU RTOGS PA LA SGYU LUS THOB PA SNGON DU 'GRO DGOS PAS 'CHI BA'I DUS SU 'OD GSAL MNGON DU BYAS PA YANG MNGON SUM DU RTOGS PA'I MNGON DU BYAS PA MIN NO, ,SHI BA'I MTHAR BAR DE 'GRUB PA'I DOD SGYU LUS 'GRUB PA YIN PAS RLUNG SEMS LAS GRUB PA'I RDO SEMS DPA'I RNAM PA CAN GYI SKU ZHIG 'GRUB PA YIN GYI BAR DO RANG DGA' BA ZHIG GRUB NAS DE'I RTEN LA SGYU LUS DA GZOD SGRUB DGOS PA MIN NO, ,'DIS SGYU MA'I LUS DE THOB NAS DE NAS LAM LHAG MA SBYANGS TE RTEN DE LA SANGS RGYA BA YIN NO, ,ZHAL LUNG LAS KYANG TSE 'DI LA 'TSANG RGYA BA'I Lm BSHAD NAS, DA NI RANG NYID BYIN BRLAB PA'I, ,RIM PA 'DI NI RNAL 'BYOR PA, ,BYA BAS BSKAL BA 'GA' ZHIG LA, ,YANG DAG TU NI BSHAD PAR BYA, ,ZHES GSUNGS PA'I MTHAR, BDAG SEMS DBYINGS SU ZHUGS PA'I TSE, ,GSAL ZHING RAB DGA' MKHA' 'DRA RTOGS, ,DE NAS RDZU 'PHRUL SHUGS LDAN PA'I, ,LO LNGA LON PA'I BYIS PA'I GZUGS, ,'GRUB TSE DPE MED BDE RDZOGS RTOGS, ,DE LAS SKYE GNAS GZHAN DU NI, ,'PHEN PAR BYED TSE SPRUL PA'I GZUGS, ,YANG DAG TU NI RAB RTOGS

, ,'GYUR, ,ZHES GSUNGS PA YANG SPYOD BSDUS DANG 'DRA BAR YOD PAS DE'I BAR DO 'GRUB PA'I DPE MED BDE RDZOGS TE LONGS SKU 'GRUB PAR GSUNGS PA YANG LAM DUS KYI SKU GSUM DANG SBYAR TE RIM LNGA LAS SGYU LUS LA LONGS SKUR BSHAD PA'I PHYIR DANG, DER MA ZAD RIM PA DANG PO'I SKABS SU YANG 'GREL BAS 'OD GSAL DU BSDUS PA CHOS SKU DANG DANG PO'I MGON PO LA LONGS SKU SOGS SU GSUNGS PA'I PHYIR RO, ,DES NA MTHA'I SKU GSUM MIN NO, ,ZHAL LUNG LAS 'PHO BAS DE LTAR 'GYUR BAR GSUNGS KYANG 'PHO BAS DE LTAR 'GRUB MI 'GRUB GNYIS GSUNGS PAS 'GRUB PA NI, LO LNGA LON PA'I BYIS PA'I GZUGS, ,'GRUB TSE, ZHES GSUNGS PAS BAR DO 'GRUB PA'I SA TSIGS DER SGYU MA'I LHA SKUR LDANG NUS PA YIN GYI BAR DO GRUB NAS DE NAS SGYU LUS 'GRUB PA MIN NO, ,DES NA SPYOD BSDUS SU GSUNGS PA LTAR GYI RTOGS PA TSE 'DIR THOG PA DGOS SHING DE GRUB NA LAM LHAG MA BGROD PA YANG SNGAR BSHAD PA BZHIN NO, ,GAL TE DE 'DRA BA'I SKU GSUM MA GRUB NA RIG 'DZIN GYI GTZO BOR SKYES NAS RIM GYIS PHYAG RGYA CHEN PO'I DNGOS GRUB 'GRUB PAR GSUNGS TE ZHAL LUNG LAS, GAL TE SKU GSUM MA GRUB NA, ,RIG PA 'DZIN PA'I GTZOR GYUR TE, ,RIM GYI PHYAG RGYA CHEN MO 'GRUB, ,DE LTAR RNAM PA GSUM GYIS NI, ,DNGOS GRUB DE NI 'GRUB PAR BSHAD, ,CES TSE 'DI DANG BAR DO DANG SKYE BA BRGYUD NAS 'TSANG RGYA BA GSUM BSHAD LA BAR DOR 'TSANG RGYA BA NI SNGAR BSHAD PA BZHIN DU THABS DANG BRAL NA BAR DOR 'ONG

RGYU DE THABS MKHAS PA'I MAN NGAG CAN LA RDO RJE SEMS DPA'I RNAM PA CAN GYI LHA SKUR SHAR BA GRUB NAS RTEN DE LA 'TSANG RGYA BA LA BYED DO, ,DE LTAR NA TSE 'DIR 'TSANG RGYA BA DANG BAR DOR 'TSANG RGYA BA GNYIS SPYOD PA BYED PA BYUNG MA BYUNG GI DBANG GIS 'BRAS BU LA NYE RING BYUNG BA MA GTOGS PA LAM RNAMS 'DRA LA, SKYE BA BRGYUD NAS 'TSANG RGYA BA NI DBANG THOB NAS DAM TSIG DANG, SDOM PA SRUNG PA TZAM ZHIG BYAS KYI LAM CHER MA BSGOMS PA DANG, BSGOMS PA LA'ANG BSKYED RIM MAN CHAD DANG, SEMS DBEN GYI RTOGS PA MA THOB TSUN CHAD KYI RDZOGS RIM THOB PA YOD DE 'DIS MTSON NAS GZHAN GYI LAM RNAMS LA'ANG SHES PAR BYA'O, ,'PHO BA NI TSE 'DI LA 'TSANG RGYA BA'I LAM MIN GYI ZHAL LUNG LAS BAR DOR 'TSANG RGYA BA DANG SKYE BA BRGYUD NAS 'TSANG RGYA BA GNYIS KA'I THUN MONG GI LAM DU GSUNGS SO, ,'PHAGS LUGS DANG YE SHES ZHABS LUGS KYI GZHUNG NAS BAR DO LONGS SKU'I RNAM PA CAN DU 'CHAR BA LA SNGAR BSHAD PA'I LAM GYIS SGRUB PA MA GTOGS PA GZHAN MA GSUNGS SHING, LONGS SKU'I RNAM PA CAN DU GRUB PA'I RTEN DES LAM LHAG MA BGROD TSUL GSAL BAR MA BSHAD KYANG TSE 'DI LA 'TSANG RGYA BA'I LAM GYI SKABS NAS SGYU LUS THOB NAS, 'OD GSAL MNGON DU BYED TSUL GYIS GDAMS PA BSHAD PA RNAMS LA BRTEN NAS GO BAR NUS PA LA DGONGS SO, ,GZHAN YANG 'CHI BA'I DUS SU 'CHI BA'I 'OD GSAL NGOS ZIN NAS DE DANG BSRE NUS PA DANG BAR DO'I

, ,DUS SU BAR DE NGO SHES NAS DER BAR DO'I GDAMS NGAG SKYONG NUS PA DANG, SKYE BA LEN PA'I DUS SU PHO MO SBYOR BA BYED PA LA CHAGS SDANG SKYE BA BKAG NAS GNAS BZANG POR SKYE NUS PA'I PHYIR DU DA LTA STONG NYID KYI LTA BA PHU THAG CHOD PA BSKYED NAS LAM GYI 'OD GSAL LA SBYONG BA DANG, BSKYED RIM LHA'I SKU LA DMIGS PA GSAL ZHING BRTAN PAR BYAS NAS SGYU MA'I GDAMS NGAG SBYONG BA DANG GROL LAM PAS GTUM MO DANG CHAGS LAM PAS LAS RGYA LA BRTEN NAS BDE STONG GI NYAMS DANG MI 'BRAL BAR BYED PA RJE MAR PA'I THUGS KYI BCUD PHYUNG BA'I GDAMS PA YIN ZHES, RJE BTZUN MID LA GSUNG NGO, ,DA GZOD 'CHI BA'I 'OD GSAL NGOS ZIN PA'I DON DU DA LTA 'CHI RIM DANG SHIN TU MTHUN PA'I GNYID KYI 'OD GSAL LA SBYONG BA NI THABS LA MKHAS PA YIN PAS DE'I SA MTSAMS NAD NI SNANG BA RIM GYIS BSDUS TE JE PHRAR SONG NAS GNYID DU THIM GYIS SONG STE DRAN RGYU MED PA'I MI RTOG PA THUG PO ZHIG 'BYUNG BA NI NYER THOB YIN LA DE LA DPAGS NAS SNANG MCHED GNYIS NGOS BZUNG NGO, ,DE NAS DRAN MED KYI MI RTOG PA 'THUG PA SANGS SHING RMI LAM GYI SNANG BA MA SHAR BA'I BAR SKABS SPRIN MED PA'I NAM MKHA' LTAR SNANG PA'I DUS DE GNYIS KYI 'OD GSAL DNGOS GZHI YIN TE SPYOD BSDUS LAS, DE NAS SKYE BA GCIG NAS GCIG TU GOMS PAS BDAG MED PA'I CHOS LA BSLABS PAS RNAM PAR DAG PA'I SBYOR BA KHONG DU CHUD NAS RANG BZHIN GYI SNANG BA DANG GCIG TU 'DRI BAR BYA STE RIM PA 'DIS DON DAM PA'I BDEN PA LA DMIGS PAR BYA'O, ,DE'I RIM

PA NI 'DI YIN TE PHUNG PO LA SOGS PA NI KHAMS PHRA BA LA GZHUG GO, KHAMS PHRA BA NI YANG SEMS LA GZHUG GO ,SEMS NI YANG SEMS PA LA GZHUG GO, SEMS PA NI YANG MA RIG PA LA GZHUG STE DE LTAR SBYAR NAS GNYID LOG PAR BYED DO, , DE LA DUS 'DIR NI SEMS DANG SEMS PA MA RIG PA LA RAB TU ZHUGS PA'I SKAD CIG LA DRAN PA BRJOD PA'O, ,PHYIS NI BRJOD PA YANG MED PA'I YE SHES KYI NGO BO NYID NI 'OD GSAL PA'O, ,YANG GROL BA NA RLUNG GI RANG BZHIN RNYED DE GANG GI TSE RMI LAM GZHAN DAG 'BYUNG BA NA JI SRID DU RNAM PAR SHES PA MI GA-YO BA DE SRID DU GNYID LOG NAS 'OD GSAL BA LA BLTA STE, DE NI SO SOR RANG GI RIG PA LUS DANG NGAG DANG BRAL BA'I DON DAM PA'I BDEN PA NANG GI MNGON PAR BYANG CHUB PA ZHES BYA'O, ,ZHES GSUNGS TE GNYID KYI 'OD GSAL DNGOS GZHI'I SA TSOGS 'DI BZHIN DU MA SHES NA MI BYED PA YIN TE DRAN MED DU SONG BA'I MI RTOG PA 'THUG PO BYUNG BA LA GNYID 'THUG GI 'OD GSAL DU 'DOD PA DANG RMI LAM GYI SKABS SU MI RTOG PA SKYONG BA'I TING NGE 'DZIN LA GNYID KYI 'OD GSAL DU 'DOD PA MANG PO SNANG BA'I PHYIR RO, ,'DI RIM PA DANG PO MTHAR PHYIN PA DANG DBEN PA GSUM LA SOGS PA'I RDZOGS RIM STOBS LDAN GRUB NAS SHIN TU SPROS MED KYI SPYOD PA BYED PA'I SKABS SU GSUNGS PA YIN MOD KYANG, DE TZAM DU MA SLEB PA LA YANG, DE DANG RJES SU MTHUN PA SKYONG DU RUNG NGO, ,GNYID KYI 'OD GSAL DNGOS GZHI DE YANG RLUNG GIS MA GA-YOS BAR DU 'BYUNG GI RLUNG GIS GA-YOS NAS RMI LAM DU 'GRO BAS DE ZIN PA'I TSE RMI LAM LA MI 'TSOR BAR DA NYID LA

, ,'DZIN PA'I 'PHEN PA DRAG PO BTANG NAS SKABS DE NYID DU SEMS GZUNG DGOS PA NI JI SRID DU ZHES SOGS KYI DON NO, ,DE YANG DE'I TSE LTA BA DRAN PAR BYAS NAS LTA BA'I NGES PA SKYONG DGOS KYI SPRIN MED PA'I NAM MKHA' 'DRA BA'I NYAMS DE GCIG PU SKYONG BA MIN NO, ,DE NAS TING NGE 'DZIN DE LA GNAS MI NUS PAR LDANG DGOS PA'I TSE NI DE'I MTHAR RMI LAM RANG DGA' BAR MA SHOR BAR BYAS NAS RDO RJE SEMS DPA'I SKUR LDANG BA LA 'BAD DGOS TE RIM PA DANG PO'I SKABS SU STONG PA'I MTHAR LHA SKUR LDANG BA DU MA ZHIG 'BYUNG BA DANG RDZOGS RIM GYI SKABS SU YANG DE LTAR BSHAD PA'I GNAD KYIS SO, ,DES SNANG BA RIM GYIS BSDUS NAS SPRIN MED PA'I NAM MKHA' BZHIN DU SNANG BA NI 'CHI BA DANG RJES SU MTHUN LA DE'I PHYIR DE LAS LANGS PA BAR DO DANG SHIN TU 'DRA BAS 'CHI BA CHOS SKUR 'KHYER NA BAR DO LONGS SKUR NGES PAR 'KHYER DGOS PA'I PHYIR RO, ,'DI GNYID KYI 'OD GSAL 'DZIN PA'I GDAMS NGAG GZHAN LA MA BRTEN KYANG RMI LAM ZIN NA BYAR YOD LA DE 'DRA BA'I 'OD GSAL DANG RMI LAM GYI LUS SU LDANG LUGS NI 'CHI BA'I 'OD GSAL DANG BAR DO DANG SRE BA'I GDAMS PA'I SNYING PO YIN TE ZHIB TU BLA MAS BSHAD PAR BYA'O, ,BZHI PA NI, DE LTAR RIM GNYIS SPYOD PA DANG BCAS PA NYAMS SU BLANGS PA'I 'BRAS BU NI RAB SANGS RGYAS KYI GO 'PHANG DANG 'BRING GRUB PA BRGYAD DANG THA MA ZHI RGYAS DBANG DRAG GI 'PHRIN LAS 'GRUB PA GSUM YIN TE SGRON GSAL LAS, DGOS PA YANG NI BSHAD BYA STE, ,ZHI SOGS BYA BA'I CHO GA DANG, ,DE BZHIN GRUB PA BRGYAD DANG

NI, ,SANGS RGYAS KYANG NI MCHOG YIN NO, ,ZHES SO, ,DE LA BSKYED RIM SHIN TU BRTAN PAS DNGOS GRUB DANG PO GNYIS SGRUB PAR GSUNGS PA NI DE DAG JI LTA BA BZHIN 'GRUB NUS PA LA DGONGS PAS JI BZHIN PA SGRUB MA NUS KYANG LAS DANG PO PA'I SNGAGS PAS KYANG BSGRUBS NA CHA MTHUN 'GRUB PA MANG DU YOD CING DMIGS PA DANG BZLAS PA DANG RDZAS LA BRTEN PA DANG SBYIN SREG GIS SGRUB PA'I SGO MANG PO YOD PAS NUS PA DANG SKABS KYI DGOS PA DANG BSTUN NAS BSGRUB PAR BYA'O, ,DKYIL 'KHOR GYI 'KHOR LO GCIG LA BZLAS PA DANG BSGOM PA TSAD DU SONG NA DE NAS LHA'I RNAL 'BYOR DE NYID LA SGYUR LUGS RE BYAS PAS NAD DANG BGEGS ZHI BA DANG TSE DANG SHES RAB 'PHEL BA DANG BSTAN PA LA MI DAD PA LA SOGS PA DBANG DU BYA BA DANG DRAG PO MIN PAS MI 'DUL BA RNAMS MNGON SPYOD KYI TSAR GCOD PA LA SOGS PA GANG YANG BYAS PAS CHOG PAS TSE SGRUB DANG BLO 'PHEL SOGS KYI GDAMS PA RNAMS ZUR NAS BTZAL MI DGOS SO, ,MCHOG 'GRUB LUGS LA SA'I RNAM GZHAG NI RDO RJE SNYING PO RGYAN GYI RGYUD LAS, KUN TU 'OD DANG BDUD RTZI 'OD DANG NAM MKA'I 'OD DANG RDO RJE'I 'OD DANG RIN CEN 'OD DANG PAD MO 'CHANG DANG, LAS KYI 'OD DANG DPE MED PA DANG DPE DANG BRAL BA DANG SHES RAB 'OD DANG THAMS CAD MKHYEN PA DANG SO SO'I BDAG NYID RIG PA'I SA STE SA BCU GNYIS SU ;BSHAD LA, MNGON BRJOD BLA MA LAS, RAB DGAR SOGS BCU'I STENG DU, ,DPE MED PA DANG YE SHES LDAN, ,RDO RJE'I SA STE BCU GSUM PA, ,ZHES SA BCU GSUM DU BSHAD DO, ,SA BCU GSUM LA 'JOG TSUL GNYIS MAN SNYER BSHAD DE, DE LTAR NA SA BCU GCIG RNAMS TE

, ,MOS PAS SPYOD PA'I SA DANG LHAN CIG BCU GNYIS DANG LAS DANG PO BA'I SA DANG LHAN CIG BCU GSUM RNAMS SO, ,YANG NA KHYAD PAR GYI LAM GYI NGO BO DPE MED PA'I SA DANG LHAN CIG BCU GNYIS TE SANGS RGYAS KYI SA'I BAR CHAD MED PA'I LAM GYI BDAG NYID YE SHES LDAN PA'I SA DANG LHAN CIG BCU GSUM MO, ,ZHES GSUNGS TE PHYI MA NI SA BCU PA LA BCU PA TZAM DANG KHYAD PAR GYI LAM DANG RGYUN MTHA'I LAM GSUM DU PHYE NAS MNGON BRJOD BLA MA'I DGONGS PA BKAL BA'O, ,YONGS SU GRAGS PA'I BCU GCIG GI STENG DU SO SO SKYE BO'I SA GCIG BSNAN PA NI, KYEE RDOR LAS, 'DI DAG SA NI BCU GNYIS SO, ,ZHES PA'I DON DU SHANTI PAS BSHAD PAS RDO RJE SNYING PO RGYAN GYI RGYUD KYI SA BCU GNYIS KYANG DE DANG 'DRA'O,, DE BZHIN DU BSHAD RGYUD RDO RJE PHRENG BA LAS SNGAR DRANGS PA LTAR SA BCU BZHIR YANG BSHAD MOD KYANG YONGS SU GRAGS PA'I RAB DGA' SOGS BCU DANG SO SKYE'I SA LA DBYE BSDU BYAS PA YIN GYI PHAR PHYIN GYI THEG PA NAS BSHAD PA'I BCU GCIG KUN TU 'OD KYI SA LAS KHYAD PAR DU 'PHAGS PA'I SA STON PA MIN NO, ,SA DE DAG RIM GYIS BGROD NAS 'CHANG RGYA TSUL LA PHA ROL TU PHYIN PA'I THEG PA NAS GZUGS KHAMS SU LHA'I RTEN LA 'TSANG RGYA BA DANG 'DOD KHAMS SU MI'I RTEN LA 'CHANG RGYA BA'I TSUL GNYIS BSHAD LA, NYAN THOS SDE PA DAG SNGA MA MI 'DOD CING PHYI MA LA SRID PA THA MA PA'I DUS DANG PO'I TSE SO SO SKYE BOR 'DOD DE MDZOD LAS, 'PHAGS PA MIN YANG PHA MA DANG, ,NAD PA DANG NI CHOS SMRA DANG, ,SKYE MTHA'I BYANG CHUB SEMS DPA'

LA, ,YON NI GZHAL DU MED PA YIN, ,ZHES GSUNGS PA LTAR RO, ,RGYA CHER ROL PA'I DKA' BA SPYAD PA'I LE'U LAS KYANG, SA 'DI RNAM BRGYAR 'THOR BAR 'GYUR YANG SRID, ,RIN CHEN RTZE MO LHUN PO CHUR 'PHYO SRID, ,NYI BLA SKAR SOGS SA LA LTUNG 'GYUR SRID, ,SO SO'I SKYE BO YIN YANG NGA MI 'CHI, ,ZHES GSUNGS PAS THEG PA CHEN PO'I MDO SDE NAS KYANG BYANG SEMS SRID PA THA MA'I SKABS SU SO SO SKYE BO DANG GZHAN NAS SA BCU PA'I BYANG SEMS SU GSUNGS PA YOD CING, DE DAG LA BRTEN NAS RGYA GAR BA LA 'DOD TSUL MANG PO SNANG MOD KYANG 'DI DAG NI SPRUL PA YIN PAR TSAD LDAN DU MAS RGYAL BA'I DGONGS PA BKRAL BAS SGRA JI BZHIN PA MA YIN TE, RGYUD BLA MA LAS, THUGS RJE CHEN POS 'JIG RTEN MKHYEN, ,'JIG RTEN KUN LA GZIGS NAS NI, ,CHOS KYI SKU LAS MA GA-YOS PAR, ,SPRUL PA'I RANG BZHIN SNA TSOGS KYIS, ,SKYE BA MNGON PAR SKYE BA DANG, ,DGA' LDAN GNAS NAS 'PHO BA DANG, ,ZHES DGA' LDAN DU SKYES PA SOGS SNGON SANGS RGYAS ZIN PA'I MDZAD PAR GSUNGS LA, RTOG GE 'BAR BAR MDO DRANGS PA LAS KYANG, RDZOGS SANGS RGYAS RNAMS 'OG MIN GYI, ,PHO BRANG DGYES PA SDIG PA KUN, ,RNAM SPANGS DER NI 'TSANG RGYA ZHING, ,SPRUL PA DAG GIS 'DIR 'TSANG RGYA, ,ZHES GSUNGS PA LTAR RO, ,DES NA BYANG SEMS 'TSANG RGYA BA'I RTEN NI PHAR PHYIN GYI THEG PA LTAR NA 'OG MIN GYI LHA'I RTEN KHO NAR BZHED DO, 'JUG 'GREL LAS, THUGS BSKYED PA BCU PA BRNYES PAS RANG NYID SANGS RGYAS KYI CHOS BRNYES NUS PAR MKHYEN NAS DUS PHYIS SANGS RGYAS KYI SA LA 'BAD PA BRTZAMS PAR GYUR LA, GANG GI DON DU 'BAD PA 'DI BRTZAMS

, ,PA BLA NA MED PA'I YE SHES DE YANG BCOM LDAN 'DAS KYIS 'OG MIN GYI GNAS KHO NAR BRNYES SO, ,ZHES GSUNGS TE 'DI'I KHUNGS MANG NGO, ,SA'I DNGOS GZHI LAS GTZANG MA'I GNAS RNAMS LAS 'DAS PA NA DBANG PHYUG CHEN PO'I GNAS YOD PAR GSUNGS PA YANG NYAN THOS 'PHAGS PA RNAMS SKYE BAR NUS PA'I 'OG MIN LAS 'DAS PA'I 'OG MIN GNYIS PA'O, ,BCOM LDAN 'DAS KYIS SKAD CIG MA GCIG KHO NA LA THAMS CAD MKHYEN PA'I YE SHES BRNYES PA'I TSUL NI 'JUG PA LAS, JI LTAR SNOD KYI DBYE BAS MKHA' LA DBYE BA MED DE LTAR, ,DNGOS BYAS DBYE BA 'GA' YANG DE NYID LA MED DE YI PHYIR, ,RO MNYAM NYID DU YANG DAG THUGS SU CHUD PAR MDZAD GYUR NAS, ,MKHYEN BZANG KHYOD KYIS SKAD CIG GIS NI SHES BYA THUGS SU CHUD, ,CES GSUNGS PA LTAR TE GNYIS SU SNANG BA'I 'KHRUL PA'I BAG CHAGS THAMS CAD DRUNG PHYUNG BAS CHOS THAMS CAD KYI DE KHO NA NYID RO GCIG PA DANG YE SHES GNYIS DBYER MI PHYED PAR ZHUGS NAS CHOS KYI SKU DE LAS NAM YANG GA-YO BA MED PAR BZHUGS PA'O, ,DUS DE NYID KYI TSE LUS GANG LA GNAS NAS DE MNGON DU BYAS PA'I LUS DE LONGS SKUR 'GYUR BA YIN TE, 'JUG 'GREL LAS, DE BZHIN GSHEGS PA RNAMS NI GZUGS KYI SKU GANG LA BZHUGS NAS CHOS KYI DBYINGS MNGON SUM DU MDZAD PA'I SKU BSOD NAMS BRGYAS ZIN PA BSAM GYIS MI KHYAB PA SNA TSOGS PA MNGA' BA DE NI NGO BO DE DAG DER BYANG CHUB SEMS DPA' RNAMS KYI CHOS KYI LONGS SPYOD KYI RGYU NYID DU YONGS SU 'GYUR

BA YIN TE, ZHES GSUNGS SHING RTOG GI 'BAR BAR MGON PO KLU SGRUB KYI BZHED PA BKOD PA DANG YANG MTHUN NO, ,SKU DE 'PHAGS PA RDO RJE SDES RNAM SMIN GYI SKUR BSHAD LA, 'PHAGS PA THOGS MED KYIS DE LONGS SKU DANG STOBS LA SOGS PA'I CHOS KYI GZHIR GYUR PA CHOS SKU DANG 'DZAM BU'I GLING DU BYANG CHUB PA SPRUL SKUR BSTAN NO ZHES RTOG GE 'BAR BAR BSHAD DE LUGS 'DI CHEN PO DU MAS BZHED DO, ,RNAL 'BYOR BLA NA MED PA'I LUGS KYIS TSE GCIG GIS 'TSANG RGYA BA'I RTEN DE MI'I RTEN YIN PAR GSUNGS TE DRI MED 'OD LAS, SKYE BA 'DI LA SANGS RGYAS NYID KYI 'BRAS BU RAB TU STER, ,CES PA NI SKYE BA 'DI MI'I SKYE BA LA SANGS RGYAS NYID KYI 'BRAS BU RAB TU STER BA RGYUD KYI RGYAL PO'O, ,LHA LA SOGS PA 'GRO BA LNGA'I SKYE BA LA NI MA YIN NO; ;ZHES DANG, RDO RJE SNYING 'GREL LAS, SKYE BA 'DI NYID LA SANGS RGYAS NYID STER BA ZHES BYA BA NI YANG DANG YANG DU MI'I SKYE BA BLANGS NAS 'GRUB PA LA BYA'I LHA DANG LHA MA YIN LA SOGS PA NI MA YIN NO, ,ZHES GSUNGS LA, RNAM GZHAG RIM PAR YANG 'DZAM BU GLING PA'I MI'I RTEN LA BSHAD DO, ,'ON KYANG SNGAR BSHAD PA BZHIN DU GANG ZAG 'BRING PO 'TSANG RGYA BA'I RTEN KHYAD PAR CAN DE 'DRA YANG DMIGS BSAL LA YOD DE, DE YANG SNGON MI'I RTEN LAM BGROD PA'I DBANG GIS YIN NO, ,SNGAGS KYI LAM GYIS TSE GCIG DANG BAR DOR 'TSANG RGYA BA'I RTEN DE LTAR YIN GYI SNGAGS NAS BSHAD PA'I SANGS RGYAS LA DE'I NGES PA MED DE 'OG MIN GYI RTEN LA 'TSANG RGYA BA YANG SNGAGS NAS GSUNGS PAS SO, ,DE'I 'TSANG RGYA TSUL NI LAM BSGOMS PA'I MTHAR

, ,LUS GZUGS KYI SKU DANG SEMS CHOS KYI SKU LA RTAG TU BZHUGS PA'I ZUNG 'JUG TU 'GYUR TSUL SNGAR MANG DU BSHAD ZIN TO, ,BDAG CAG GI STON PA 'DI NI SNGON DU SANGS RGYAS ZIN ZIN PA 'DIR 'TSANG RGYA BA'I TSUL BSTAN PAR THUN MONGS MA YIN PA'I GSANG BA'I RGYUD DANG DRI MED 'OD LAS KYANG GSUNGS LA, SNGAGS GZHAN NAS BSHAD PA YANG MANG BAS DE 'DRA RNAMS GSAR DU 'TSANG RGYA BA MIN PAR SPRUL PA YIN PAR BZHED PA NI SNGAGS DANG PHAR PHYIN GYI THEG PA GNYIS 'DRA'O, ,STON PA 'DI'I BSTAN PA LA RGYAL PO AINTRA BH'U TIS BYANG CHUB BRNYES PA LTA BU BYUNG YANG BSTAN PA GCIG LA STON PA GNYIS SU 'GYUR BA'I SKYON MED DE DE DAG DNGOS PO LA SANGS RGYAS KYANG SANGS RGYAS PA'I MDZAD PA GDUL BYA RNAMS LA THUN MONG DU MI STON PA MI 'GAL BA'I PHYIR TE ZHING 'DIR STON PA'I 'KHOR DU BYON PA'I BYAMS PA LA SOGS PA BZHIN NO, ,SPYOD BSDUS LAS, 'DIR SGRUB PA PO NI KUN RDZOB KYI BDEN PA RTOGS PA'O, ,SGRUB PA NI DON DAM PA'I BDEN PA'O, ,BSGRUB PAR BYA BA NI GNYIS SU MED PA'I YE SHES SO, ,DE RGYU DANG 'BRAS BU DAG GNYIS SU MED PAR BYA BA YONGS SU SHES PA NI 'DIR BSGOM PA NYID DU BSHAD DO, ,JI SKAD DU, THAMS CAD GSANG BA'I RGYUD LAS, 'BRAS BU RGYUS NI RGYAS GDAB CING, ,RGYU YANG 'BRAS BUS RGYAS GDAB PAR, ,BSGOM GYI GZHAN DU DNGOS GRUB NI, ,BSKAL PA BYE BAR 'GRUB MI 'GYUR, ,ZHES GSUNGS PAS SO, ,ZHES KUN RDZOB SGYU MA DANG DON DAM 'OD GSAL DANG GNYIS MED ZUNG 'JUG GI RDZOGS RIM

MED NA BSKAL PA BYE BA BRGYAR YANG MI 'GRUB PA'I KHUNGS DRANGS PA DANG 'DUS PA PHYI MA LAS KYANG SNGAR DRANGS PA LTAR YAN LAG DRUG GI RDZOGS RIM MED NA MCHOG MI 'GRUB PAR GSUNGS SHING, GZHAN YANG RGYUD DANG DGONGS 'GREL GYI BSTAN BCOS DU MA NAS RDZOGS RIM GYI GNAD RNAMS MED NA BSKYED RIM GYIS MCHOG MI 'GRUB PAR MTHA' YAS PA CIG GSUNGS PAS NA, RGYUD SDE 'OG MA GSUM GYI LAM TZAM GYIS TSE 'DIR SANGS RGYAS MI 'GRUB STE DE DAG LA SNGAGS KYI THUN MONG MA YIN PA'I LAM BLA MED KYI BSKYED RIM LAS LHAG PA MAD PA'I PHYIR RO, ,'O NA RGYUD DE DAG LAS TSE GCIG LA 'TSANG RGYA BAR MANG DU BSHAD PA CI YIN SNYAM NA, RGYUD DE DAG LAS DE LTAR BSHAD NA DER BSTAN PA'I LAM LA TSE GCIG LA 'TSANG RGYA BA'I LAM GYI CHA TSANG DGOS PA'I NGES PA CI YANG MED DE DE LTA MA YIN NA MDO DANG DGONGS 'GREL CHAD LDAN DAG LAS KYANG 'DI LA BRTEN NAS 'TSANG RGYA'O ZHES BSHAD NA DE NYID DU 'TSANG RGYA BA'I LAM THAMS CAD TSANG BAR BSTAN DGOS PAR 'GYUR RO, ,DE BZHIN DU BSKYED RIM DANG RDZOGS RIM GYI CHA 'GA' RE BSTAN PA'I SKABS SU YANG 'DIS TSE 'DI LA SANGS RGYAS STER RO ZHAS BSHAD KYANG DE TZAM ZHIG GIS TSE GCIG GI SANGS RGYAS MI 'GRUB PA BZHIN DU DE DAG LA YANG SHES PAR BYA'O, ,DES NA DE DAG GI GDUL BYAS GRANGS MED KYI BSKAL PA LA MI LTOS PAR 'TSANG RGYA BA LA NI RNAL 'BYOR BLA MED KYI SGOR 'JUG DGOS SO, ,MDOR NA SNGAGS KYI LUGS KYIS SANGS RGYAS GSAR DU 'GRUB PA'I RTEN LA GZUGS KHAMS KYI LHA DANG 'DOD PA'I MI'I RTEN GNYIS DANG, 'DOD PA'I RTEN LA SNGON SANGS RGYAS ZIN ZIN PA 'TSANG RGYA BA'I TSUL STON PA GCIG

, ,STE 'TSANG RGYA BA'I RNAM GZHAG GSUM YOD LA, SANGS RGYAS PA'I TSE YANG SKU TZAM DANG YE SHES TZAM DANG DE GNYIS KA NYE BAR ZHIB SOGS KYI 'DOD LUGS MANG DU NGAG DBANG GRAGS PAS BSHAD PA LTAR MANG PO YOD KYANG MTSAN DPES SPRAS PA'I GZUGS SKU DANG DE YANG BEM PO MIN PAR YE SHES KYI SKU DANG, DE DANG NGO BO DBYER MED PA'I JI LTA BA DANG JI SNYED PA'I YE SHES RNAMS LA MNGA' 'BYOR BA'I TSUL GYIS 'TSANG RGYA'O, ,'BRAS BU'I SKABS SU BLO GROS CAN LA DPYAD PA'I SGO TZAM BSTAN GYI DPYAD PA'I GNAS MANG DU YOD KYANG MANGS PAS 'JIGS NAS MA BRIS SO, ,DE LTAR NA THOG MAR LAM THUN MONG BA LA SBYANGS NAS RGYUD 'OS SU GYUR PA NA BLA MA MNYES PAR BYAS TE RNAM PAR DAG PA'I DBANG ZAB MO'I RTEN DU SGRUB PAR NUS NGO SHES PA BLANGS NAS DAM TSIG DANG SDOM PA GZUNG, DE NAS SKABS DE DANG GZHAN DU BLANGS PA'I SDOM PA GSUM LA GCES SPRAS SU BYAS TE TSUL BZHIN DU BSRUNG BA GZHIR BZHAG NAS THUN BZHI'I RNAL 'BYOR GYIS RIM PA DANG PO BSGOMS LA RDZOGS RIM GYI RTOGS PA KHYAD PAR CAN SKYE BA'I DGE RTZA SMIN PAR BYA, ,DE NAS RDZOGS PA'I RIM PA KHYAD PAR CAN RIM GYIS BSKYED NAS ZUNG 'JUG GI SKU BSGRUBS NA MDO SDE DANG RGYUD SDE MTHA' DAG GI GNAD RNAMS GANG ZAG GCIG 'TSANG RGYA BA'I CHA RKYEN DU 'GYUR BA LA NGES PA RNYED NAS, THUB PA'I BSTAN PA YONGS SU RDZOGS PA RANG GIS 'DZIN ZHING GZHAN LA'ANG SPEL NUS PA YIN NO, ,'DIR SMRAS PA, BSHES GNYEN DAM PA RING DU BSTEN PA YIS, ,PHYOGS RES MA TSIM GZHUNG LUGS GDAMS PAR SHAR, ,LUNG DON RIGS PA PHRA MOS 'BYED NUS SHING,,

THOS PA'I DON LA SGRUB PA SNYING POR BYED, ,SMIN BYED DBANG DANG GROL BYED LAM DANG NI, ,BSGRUBS PA'I 'BRAS BU KUN LA MA RMONGS PAS, ,RDO RJE THEG PA'I LAM GYIS BGROD BYED PA, ,DE LA MKHAS RNAMS GSANG SNGAGS PA ZHES SMRA, ,RDO RJE 'CHANG CHEN PO'I LAM GYI RIM PA GSANG BA KUN GYI GNOD RNAM PAR PHYE BA LAS, THOG MAR SGOM PA'I RDZOGS RIM SPYOD PA DANG BCAS PA DANG LAM GYI 'BRAS BU BSTAN PA'I RIM PA STE LE'U BCU BZHI PA'O,, ` ,,RNAM DPYOD YANGS PA'I MKHA' LA RAB 'PHAGS TE, ,LEGS BSHAD 'OD STONG PHYOGS BCUR SPROS PA YIS, ,RAB 'BYAMS SNGAGS GZHUNG PAD TSAL KHA 'BYED PA'I, ,GSANG DON KUN GSAL NYI MA DENG NAS SHAR, ,RDO RJE THEG PA'I SBRANG RTZI'I BCUD BLANGS NAS, ,DNGOS GRUB GNYIS KYI DGA' STON BYED 'DOD PA'I, ,SKAL LDAN BLOGS LA RKANG DRUG LDAN PA'I TSOGS, ,DGA' BA'I DANG DER PHYOGS BCUR DE SGROGS SHIG ,RGYUD SDE RIN CHEN BZHI LAS LEGS BSGRUBS SHING, ,SMIN BYED DBANG GI BANG RIM BZHI DANG LDAN, ,RIM GNYIS GZI BRJID LTA BAS MI NGOMS LA, ,'BRAS BU SKU BZHI'I LCOG GIS RAB MDZES PA, ,SNA TSOGS KHAMS DANG LDAN PA'I GSUNG RAB MTSE, ,BLO GROS BRTZON PA'I MGYOGS 'GROS BSRUBS PA LAS, ,GANGS CAN GSER GYI SA GZHI'I KHYON YANGS SU, ,THUB BSTAN RGYA MTSO'I RGYAN DU BSKRUN PA 'DI, ,MANG DU GSAN PA'I THOS PAS RMONGS PA BCOM, ,TSUL BZHIN BSGRUBS PA'I RTOGS BAS RANG RGYUD BTUL, ,LHAG BSAM DAG PA'I THUGS KYIS BSTAN LA DGONGS, ,BSTAN PA'I RTZA LAG DAM PA MANG PO DANG, ,RLABS CHEN BSOD NAMS STOBS LAS RIGS MTHOR 'KHRUNGS, ,RMAD BYUNG MDZAD PA BZANG POS 'GRO BA SKYONG, ,THUB BSTAN RGYAS PA'I KHUR GYIS

, ,MI NGAL BA'I, ,GSANG SNGAGS 'DZIN PA DE YIS BSKUL LAS YIN, ,LHAG PA'I LHA LA RTAG TU GSOL BTAB CING, ,YONGS 'DZIN MKHAS PA'I GSUNG GIS RJES ZHUGS NAS, ,RIG SNGAGS 'CHANG GI GZHUNG LUGS RGYA MTSO LA, ,ZHIB TU BRTAGS NAS SBYAR MOD DE LTA NA'ANG, ,BLO GROS SBYANGS PA DRAN PA'I STOBS DMAN PAS, ,NONGS PAR GANG GYUR RGYAL DANG RGYAL SRAS LA, ,BSAM PA THAG PAS SO SOR BDAG 'CHAGS PAS, ,NONGS PA RGYU BCAS BYANG ZHING DAG PAR MDZOD, ,GSANG CHEN LAM GYI RIM PA 'DIR 'BAD PAS, ,RLABS CHEN TSOGS GNYIS MANG DU BSAGS PA RNAMS, ,MAR GYUR 'GRO BA KUN GYI RE SKONG BA'I, ,ZUNG 'JUG RDO RJE 'CHANG DBANG THOB PHYIR BSNGO, ,DES NI TSE RABS KUN TU DNGOS GRUB GZHI, ,THEG MCHOG BSHES GNYEN 'BAD PAS MNYES BYAS NAS, , TSUL BZHIN BSKUR BA'I RNAM DAG DBANG BZHI YIS, ,ZAB MO'I LAM GYI SNOD DU 'GYUR BAR SHOG ,DE TSE BLA MA DPA' BO DPA' MO'I TSOGS, ,DBANG DU BZHAG NAS LEGS PAR KHAS BLANGS PA'I, ,BSRUNG DANG BZA' DANG BSTEN PA'I DAM TSIG GI ,BCAS PA'I MTSAMS LAS 'DA' BAR MA GYUR CIG ,RIM GNYIS SPYOD DANG BCAS PA'I RGYUD DON LA, ,GTUGS PA MED PA'I DRI MED RIGS PA YIS, ,MA RTOGS LOG RTOG THE TSOM KUN BCAD NAS, ,BRTZON PAS SGRUB PA SNYING POR BYED PAR SHOG ,DE LTAR SLOB PA'I RLABS CHEN SPYOD PA LA, ,MTHU LDAN RNAMS KYIS RTAG TU GROGS MDZAD PAS, ,BAR DU GCOD PA'I MING YANG MED PA DANG, ,'DOD PA'I RKYEN RNAMS YID BZHIN 'BYOR BAR SHOG ,BSTAN PA KHO NA LHAR BCAS 'GRO BA YI, ,BDE LEGS KUN GYI RTZA BAR YID CHAS NAS, ,LUS SROG YAL

BAR GYUR KYANG MI GTONG BA'I, ,SNYING STOBS CHEN POS DAM CHOS 'DZIN GYUR CIG ,GSANG DON LEGS PAR PHYE BA 'DI YIS KYANG, ,THEG PA MCHOG GIS BGROD PA MTHA' YAS LA, ,GZHUNG LUGS GDAMS PAR 'CHAR BA'I RKYEN BYAS NAS, ,BSTAN PA'I SNYING PO RING DU GSAL BYED SHOG ,MTSAMS SPRIN GZHON NUS 'KHYUD PA'I GSER GYI RIS, ,AINDA N'I LA'I THOR COG BCINGS PA BZHIN, ,DMAR SER SKU YIS YID 'PHROG GANG GI GTZUG ,MTHON MTHING RAL PA'I ZUR PHUNG LNGAS MDZES PA'I, ,'JAM DBYANGS DE YIS TSE RABS KUN TU BDAG ,DGYES BZHIN RJES SU BZUNG BA'I DRIN LAS NI, ,GTING DPAG DKA' BA'I CHOS TSUL RGYA MTSO LA, ,BLO GROS THOGS PA MED PAR 'JUG PAR SHOG ,CES RDO RJE 'CHANG CHEN PO'I LAM GYI RIM PA GSANG BA KUN GYI GNAD RNAM PAR PHYE BZHES BYA BA 'DI NI, MDO SNGAGS KYI GZHUNG RAB 'BYAMS LA MKHAS PAR SPYANGS SHING MANG DU THOS PA'I DON LA TSUL BZHIN DU SGRUB PA, GCIG TU BSTAN PA RIN PO CHE'I KHUR 'KHYER BA LA MI MNYAM PA'I BRTUL ZHUGS CAN YONGS SU RDZOGS PA'I BSHES GNYEN CHEN PO SKAD GNYIS SMRA BA SKYABS MCHOG DPAL BZANG PO'I GSUNG GIS MANG DU BSKUL BA'I BKA' STZAL DANG DU BLANGS SHING, RDO RJE THEG PA'I LAM GYIS BGROD PA'I TSUL RNAMS LEGS PAR SHES PA SNGON DU 'GRO BA CAN GYI SGRUB PA SNYING POR BYED 'DOD PA'I DAM PA MANG POS RGYUD SDE BZHI'I DBANG DU BAS PA'I LAM GYI BGROD LUGS KYI GNAD RNAMS RGYAS PA CIG GYIS ZHES NAN TAN GYIS BSKUL BA DANG, KHYAD PAR DU GANGS RI'I KHROD KYI SGRUB BRGYUD KYI BSTAN PA 'DZIN PA RNAMS KYI GTZUG NA RGYAL MTSAN GYI TOG LTAR MTHO BA, 'JIG RTEN MGON PO DPAL PHAG

, ,MO GRU PA'I RGYAL TSAB RJE SPYAN SNGA RIN PO CHE'I GDUNG BRGYUD DU 'KHRUNGS SHING, BSTAN PA DANG BSTAN PA 'DZIN PA LA MI PHYED PA'I DAD PA BRTAN PO CAN, RDO RJE THEG PA'I BSTAN PA PHYOGS KUN TU RGYAS PA'I KHUR CHEN PO 'DZIN PA LA SOGS PA'I YON TAN MANG PO'I DPAL GYIS MNGON PAR MTHO BA'I GSANG SNGAGS 'CHANG BA BSOD NAMS BZANG PO'I GSUNG GIS RDO RJE THEG PA'I LAM GYI RIM PA SHIN TU RGYAS PA CIG GYIS ZHES YANG YANG BSKUL BA'I DON DU, LUNG DANG MNGON PAR RTOGS PA'I YON TAN PHUL DU BYUNG BA MNGA' BA, DON GYI SLAD DU MTSAN NAS SMOS TE DON GRUB RIN CEN GYI ZHAL SNGA NAS KYI SKU DRIN GYIS RDO RJE THEG PA'I SGOR THOG MAR SMIN PAR MDZAD CING, RGYAL BA'I RING LUGS PA CHEN PO GSUNG RAB RNAM PAR 'BYED PA LA GZHAN DRING MI 'JOG PA'I MKHYEN PA CAN CHOS KYI SPYAN LDAN CHEN PO KU M'A RA MA TI LA SOGS PA'I RJE BTZUN DAM PA THUGS RJE CHEN PO DANG LDAN PA RNAMS KYI ZHABS KYI RDUL SPYI BOS LEN PA SH'AKYA'I DGE SLONG RDO RJE 'DZIN PA SHAR BTZONG KHA PA BLO BZANG GRAGS PA'I DPAL GYIS BSHES GNYEN MKHAS PA RNAMS KYIS GSUNG GI BDUD RTZI BSTZAL BA RNAMS LA BRTEN NAS RDO RJE THEG PA'I GZHUNG RGYA MTSO LTA BU RNAMS KYI DON LA ZHIB TU DPYAD NAS GANGS CAN KHROD KYI GANGS RI'I DBANG PO 'O DE GUNG RGYAL GYI LHA ZHOL BYAMS PA GLING MING GZHAN GSANG SNGAGS NANG ZHES PAR SBYAR BA'I YI GE PA NI DKA' BZHI 'DZIN PA GA-YAG SDE BA BSOD NAMS DPAL BZANG NGO, ,'DIS KYANG BSTAN PA RIN PO CHE PHYOGS KUN TU RGYAS PAR BYED NUS PAR GYUR CIG ,BKRA SHIS,, ,,