*, ,GTOR MA BRGYA RTZA'I RIM PA MTSUNGS MED CHOS KYI RJE BLO BZANG GRAGS PA'I PHYAG LEN BZHUGS SO, ,
, ,BLA MA DAM PA RNAMS LA PHYAG 'TSAL LO, ,GTOR MA BRGYA RTZA GTONG BA'I TSUL 'DI LA, SNGON 'GRO'I RIM PA, DNGOS GZHI'I CHO GA ,MJUG GI BYA BA GSUM GYI, DANG PO NI, GTOR MA'I SNOD BSHAM PA'I TSUL, GTOR MA'I MGRON GYI RIM PA, ZHAL ZAS KYI RIM PA, ZHAL ZAS 'BUL TSUL LO, ,SNOD BSHAM PA'I TSUL NI, GTOR SNOD LCAGS SAM BSE LA SOGS PA MA YIN PA, ZANGS SAM RIN PO CHE'I SNOD DAM MA 'BYOR NA SHING DAM RDZA LA SOGS PA GANG YANG RUNG STE, SNOD DE GANG YIN YANG, LEGS PAR BKRUS SHING BYI DOR BYAS LA, BSHAM PA'I DUS SU GTOR STEGS KYI STENG DU GRAL GYI RIM PA KHRIG GI YOD PAR BYA ZHING, YA YO 'GYAL 'GYEL MED PAR GTOR SNOD GCIG LA GCIG MA REG PAR BSHAM MO, ,BCUD BSHAM PA'I TSUL NI, GTOR MA'I YO BYAD CHANG LA SOGS PA MA DAG PA'I RDZAS MA YIN PA, PHYE PHUD GTZANG MA LA DKAR GSUM LA SOGS PA DANG LDAN PA'I GTOR ZAN LEGS PAR BSGRUBS LA, DE'I PHUD LA ZHAL ZAS BCAD DE LHA BSHOS BYA, GZHAN RNAMS DUM BU BCU GCIG TU BGOS LA, BCU PO RE RE 'ANG CHA BCU BCUR GSIL LA, BCU GCIG PA DE DUM BU BRGYAD DU BGOS LA BSHAM PA'I TSE, GTOR SNOD NANG DU ZAN RNAMS GCIG GIS GCIG LA MA REG PAR BSHAM ZHING, DE LA CHU GTZANG GTER ZAN GRANGS DANG MNYAM PA'I THIGS PA'AM, YANG NA GTOR SNOD,
, ,RE RE LA MTSAMS BCAD CING BSHAM MO, ,GTOR MGRON GYI GO RIM NI, BLA MA DGE BA'I BSHES GNYEN RNAMS KYI BZHED PAS, GTOR MGRON MI 'DRA BA 'GA' RE YOD KYANG, BYANG SEMS ZLA BA RGYAL MTSAN GYIS MDZAD PA'I GTOR MA'I RIM PA NI, DAM PA RNAMS KYIS PHYAG LEN DU MDZAD PA MANG ZHING, RNAM PAR DAG PA DANG 'JUG PA BDE BAS DE'I RJES SU 'BRANGS NAS BRJOD PA NI, BLA SOGS MKHA' SOGS DRANG SRONG SOGS, , LHAN SKYES GZHI BDAG 'PHROG MA SOGS, ,GNOD BYED RIGS DRUG YI DVAGS SOGS, ,LAN CHAGS LHAG MA'I 'BYUNG PO SOGS, ,ZHES PA'I NGOS 'DZIN NI, BLA SOGS DANG PO GTOR MA BCU TSAN DANG PO, BLA MA DKON MCHOG DANG SOGS KHONG NAS SANGS RGYAS BYANG CHUB SEMS DPA' SPYI LA 'BUL, MKHA' SOGS ZHES PA, BCU TSAN GNYIS PA MKHA' 'GRO CHOS SKYONG BSTAN PA SRUNG BA SPYI LA 'BUL, DRANG SRONG SOGS ZHES PA, GSUM PA BRI ZE DRANG SRONG BDEN TSIG DANG SMON LAM 'GRUB PA RNAMS LA 'BUL, LHAN SKYES ZHES PA, BZHI PA DE SPYIR NOR LHA THAMS CAD DANG, LHAN CIG SKYES PA'I LHA LA SOGS PA RANG GI SGOS KYI LHA SRUNG RNAMS LA 'BUL, GZHI BDAG CES PA, LNGA PA SPYI DANG BYE BRAG GI GZHI BDAG GNYUG MAR GNAS PA RNAMS LA 'BUL, 'PHROG MA SOGS ZHES PA, DRUG PA 'PHROG MA DANG 'BROG GNAS LA SOGS LHA SRIN SDE BRGYAD LA BSNGO, GNOD BYED CES PA,
BDUN PA GNOD BYED 'BYUNG PO GDON BGEGS SPYI LA BSNGO, RIGS DRUG CES PA, BRGYAD PA 'GRO BA RIGS DRUG GI SEMS CAN SPYI LA BSNGO, ,YI DVAGS SOGS ZHES PA, DGU PA KHA LA ME 'BAR MAS GTZO BYAS YI DVAGS SPYI LA BSNGO, ,BCU PA LAN CHAGS ZHES PA BU LON SHA KHO NA CHAGS PA THAMS CAD LA BSNGO'O, ,LHAG MA'I 'BYUNG PO SOGS ZHES PA, BCU GCIG PA LHAG MA DANG BSHAL CHU LA DBANG BA'I 'BYUNG PO THAMS CAD LA BSNGO, ,ZHAL ZAS 'BUL BA'I TSUL NI, THOGS MAR RANG GI LAG TU LHA BSHOS THOGS TE, RAB 'BYAMS RGYA MTSO DPAG MED NA, ZHES SOGS SNGAGS LA, AARGHAm GYI GNAS SU NEE WI DYE BCUG PA DANG, ,GZHAN YANG ZHAL ZAS PHAL CHER ZHAL ZAS BLA BRA DANG, ,ZHAL ZAS BKOD PA'I 'OD ZER RAB BKYE ZHING, ,ZHAL ZAS SNA TSOGS KUN TU BKRAM BYAS NAS, ,BDAG NYID CHEN PO RGYAL BA SRAS BCAS MCHOD, ,ZHAL ZAS RO BRGYA LDAN PA'I YID 'PHROG PA, ,ZHES SOGS BRJOD, AOm SARBA TA TH'A GA TA BADZRA NEE WI DYE A'A: H'Um ZHES PAS ZHAL ZAS 'BUL BAR BYA'O, ,DE DAG NI SNGON DU BYA BA'I RIM PA'O, ,DNGOS GZHI'I CHO GA LA DON GYI RNAM GRANGS BCU GNYIS TE, SKYABS 'GRO SEMS BSKYED, GTOR MA BSANG SBYANG, BYIN GYIS BRLAB PA, GTOR MGRON SPYAN 'DREN PA, BZHUGS GDAN 'BUL BA, DMIGS PA GSAL GDAB PA, GZUNGS SNGAGS ZLOS PA, MCHOD PA 'BUL BA, BSNGO BA'I RGYU BSTAN PA, MGRON LA STOB PA, PHRIN LAS 'TSAL BA, BDEN STOBS BRJOD PA'O, ,LNGA PA MAN CHAD LA GDAN 'BUL DANG MCHOD 'BUL MI DGOS, MCHOD 'BUL GYI GNAS SU DE BZHIN GSHEGS PA BZHI'I MTSAN BRJOD CING, BDEN STOBS KYI MJUG
, ,TU CHOS KYI SBYIN PA BTANG STE, DON GYI RNAM GRANGS BCU GNYIS KYIS TSANG BAR BYA'O, ,DE LA DANG PO NI, SKYABS 'GRO SEMS BSKYED SPYI DANG 'DRA BAR BYA ZHING, KHYAD PAR DU'ANG 'JUG PA SEMS BSKYED KYI SKABS SU SEMS CAN THAMS CAD KYI DON DU GTOR MA'I CHO GA LA 'JUG PAR BYA'O, ,ZHES PA'I SEMS BSKYED DANG, TSAD MED BZHI BSGOM PAR BYA'O, ,GNYIS PA BSANG SBYANG NI, AA MRi TA'I SNGAGS KYIS GTOR MA LA GNOD PA'I BGEGS BSAL, SVA BH'A WA'I SNGAGS KYIS GTOR MA'I SNOD BCUD STONG PAR BSAMS LA MA DAG PA SBYANG NGO, ,GSUM PA BYIN GYIS BRLAB PA NI, AOm A'A: H'Um GSUM BRJOD PA'I DANG POS GTOR MA'I NYES SKYON DANG DRI MA THAMS CAD DAG PAR BSAM, GNYIS PAS RIN PO CHE DANG BCUD LHA'I BDUD RTZIR BSAM MO, ,GSUm PAS 'DOD YON ZAD MI SHES PAR 'JIG RTEN GYI KHAMS THAMS CAD GANG BAR BSAM, BZHI PA GTOR MGRON SPYAN 'DREN PA NI, LAG PA GNYIS KYI MDZUB MO GNYIS LCAGS KYU'I TSUL DU BYAS LA, DPUNG PA'I THAD DU GA-YAS GA-YON GNYIS BSNOL TE SE GOL GDAB RDO RJE BSDU BA'I PHYAG RGYA BCAS LA, GTOR MGRON GANG YIN PA'I MING SBYAR LA, MCHOD SBYIN GYI GTOR MA'I MGRON LA BADZRAS M'A DZA: ZHES PAS RANG RANG GI GNAS NAS MDUN GYI NAM MKHAR BYON PAR BSAMS LA SPYAN DRANG NGO, ,LNGA PA BZHUGS GDAN 'BUL BA NI, PADMA KA MA LA YE STVAm ZHES PAS PADMA'I GDAN PHUL BAS MNYES BZHIN DU 'KHOD PAR BSAM MO, ,DRUG PA DMIGS PA GSAL GDAB PA NI, GTOR MA'I MGRON DE DAG GI LJAGS RDO RJE'I LAM NAS 'OD ZER GYI SBU GU BYUNG NAS GTOR MA
LA REG PAS YONGS SU DGYES SHING TSIM PAR LONGS SPYOD PAR BSAM PA NI GTOR MA LA LONGS SPYOD PA'I TING NGE 'DZIN NO, ,BDUN PA GZUNGS SNGAGS BZLA BA NI, NA MA: SARBA TA TH'A GA TA ZHES PA, BLA MA DKON MCHOG LA NYER GCIG ,CHOS SKYONG DRANG SRONG LHAN SKYES RNAMS LA BCU DGU ,LNGA PA MAN CHAD LA BDUN BDUN BRJOD PAS DAG PAR SEMS SO, ,GZUNGS SNGAGS BRJOD PA'I BAR LA GONG GI GTOR MA LONGS SPYOD PA'I TING NGE 'DZIN DE NYID BSGOM PA YIN NO, ,BRGYAD PA MCHOD PA 'BUL BA NI, AARGHAm LA SOGS PA'I SNGAGS BRJOD CING, MCHOD YON LA SOGS PA SO SO'I PHYAG RGYA DANG BCAS PA'AM ,YANG NA SNGAGS TZAM GYI SGO NAS MCHOD YON, ME TOG ,BDUG SPOS, SNANG GSAL, DRI CHAB, ZHAL ZAS, ROL MO RNAMS 'BUL LO, ,DGU PA BSNGO RGYU BSTAN PA NI, MCHOD SBYIN GYI GTOR MA GZUGS SGRA DRI RO REG BYA ZHES PA NAS BZUNG STE, LHA DANG MI'I DPAL 'BYOR LONGS SPYOD THAMS CAD DANG LDAN PA 'DI ZHES PA'I BAR NGAG TU BRJOD CING, BRJOD PA LTAR YID KYIS KYANG GTOR MA'I YO BYAD RNAMS BSAM GYIS MI KHYAB PAR BSKYED LA DE NYID BSNGO RGYU YIN PAR DMIGS KYIS BKAR TE SBYIN PAR BYA BA'I DNGOS PO NGOS BZUNG BA'I TSUL GYIS BRJOD DO, ,BCU PA MGRON LA STOB PA NI, GTOR MA 'BUL BAR BYA BA'I YUL 'OG NAS 'BYUNG BA LTAR, MGRON SO SO'I RNAM GRANGS RGYAS PAR BRJOD PAS, GTOR MA'I MGRON GANG YIN NGOS BZUNG LA 'BUL ZHING STOB PAR BYA'O, ,BCU GCIG PA 'PHRIN LAS 'CHOL BA NI, MGRON SO SO'I RANG RANG GI PHRIN LAS DANG MTHUN PA'I 'PHRIN LAS DE NYID ZHU ZHING, 'DOD PA'I DON GANG YIN PA DE NYID LA GSOL BA GDAB PAR BYA'O, ,BCU GNYIS PA BDEN STOBS BRJOD
, ,PA NI, BDAG GI BSAM PA'I STOBS DANG NI, ZHES PA NAS, THOGS PA MED PAR 'BYUNG GYUR CIG ,CES PA'I TSIG RKANG BZHI'I SKABS SU MGRON LA SOGS PA'I MING 'DON PA BRJE ZHING TSIG RKANG GZHAN KHYAD PAR MED PAR BRJOD PAR BYA'O, ,'DI DAG NI GTOR MA'I RNAM GZHAG GO SLA BAR BYA BA'I PHYIR SDOM TSIG GI GO DON NGOS 'DZIN CING SPYI TSINGS DANG RNAM GZHAG BSTAN PA YIN NO,, ` ,,DA NI 'JUG PA BDE ZHING LAG TU BLANG BA BDE PA'I PHYIR, NGAG 'DON GYI RAM PA BRJOD PAR BYA STE, BDAG DANG 'GRO BA KHAMS GSUM NAM MKHA'I MTHA' DANG MNYAM PA'I SEMS CAN THAMS CAD PHYOGS BCU DUS GSUM GYI DE BZHIN GSHEGS PA THAMS CAD KYI SKU GSUNG THUGS YON TAN 'PHRIN LAS THAMS CAD KYI NGO BO CHOS KYI PHUNG PO STONG PHRAG BRGYAD CU RTZA BZHI'I 'BYUNG GNAS 'PHAGS PA'I DGE 'DUN THAMS CAD KYI MNGA' BDAG RTZA BA DANG BRGYUD PAR BCAS PA'I DPAL LDAN BLA MA RNAMS DANG YI DAM DKYIL 'KHOR GYI LHA TSOGS RNAMS LA SKYABS SU MCHI'O, ,SANGS RGYAS LA SKYABS SU MCHI'O, ,CHOS LA SKYABS SU MCHI'O, ,DGE 'DUN LA SKYABS SU MCHI'O, ,AOm BADZRA AA MRi TA KUndA LI HA NA HA NA H'Um PHAt, AOm SVA BH'A WA SHUDDHA SARBA DHARM'A: SVA BH'A WA SHUDDHONYA HAm, STONG PA'I NGANG LAS RIN PO CHE'I SNOD YANGS SHING RGYA CHE BA'I NANG DU LHA RDZAS LAS GRUB PA'I GTOR MA YE SHES KYI BDUD RTZI'I RGYA MTSO CHEN POR GYUR, AOm A'A: H'Um, LAN GSUM BRJOD, RANG GI SNYING GA NAS 'OD ZER 'PHROS PAS DPAL LDAN BLA MA DAM PA RNAMS DANG, PHYOGS BCU'I SANGS RGYAS DANG BYANG CHUB SEMS DPA' THAMS
CAD MCHOD SBYIN GYI GTOR MA'I MGRON LA BADZRA SA M'A DZA: MDUN GYI NAM MKHA'I GNAS SU BYON, PADMA KA MA LA YE STVI, PADMA DANG ZLA BA'I GDAN LA MNYES BZHIN DU 'KHOD CING ,SPRIN GYI PHUNG PO GTIBS PA BZHIN DU NAM MKHA' BAR SNANG THAMS CAD GANG BAR BZHUGS SHING ,DE DAG GI LJAGS RDO RJE'I LAM NAS 'OD ZER GYI SPU GU BYUNG NAS, MCHOD SBYIN GYI GTOR MA LA REG PAS, YONGS SU DGYES SHING TSIM PAR LONGS SPYOD PAR GYUR, NA MA: SARBA TA TH'A GA TA AA WA LO KI TE, AOm SAm BHA RA SAm BHA RA H'Um LAN BDUN AARGHAm NAS SHA PTA'I BAR BRJOD, MCHOD SBYIN GYI GTOR MA GZUGS SGRA DRI RO REG BYA 'DOD PA'I YON TAN RNAM PA LNGA DANG LDAN PA 'DI DRIN CAN RTZA BA DANG BRGYUD PAR BCAS PA'I DPAL LDAN BLA MA DAM PA RNAMS DANG, SANGS RGYAS DKON MCHOG ,CHOS DKON MCHOG ,DGE 'DUN DKON MCHOG STE, SKYABS GNAS DKON MCHOG RIN PO CHE RNAM PA GSUM, YI DAM DKYIL 'KHOR GYI LHA TSOGS PHYOGS BCU'I RGYAL BA SRAS DANG SLOB MAR BCAS PA THAMS CAD LA 'BUL ZHING BSNGO BAR BGYI'O, ,BDAG DANG SEMS CAN THAMS CAD KYI SGRIB GNYIS BYANG ZHING TSOGS GNYIS RDZOGS NAS, RNAM MKHYEN SANGS RGYAS KYI GO 'PHANG RIN PO CHE MYUR DU THOB CING ,SANGS RGYAS MA THOB BAR DU BYANG CHUB SGRUB PA'I LAM GYI 'GAL RKYEN BAR CHAD ZHI BA DANG ,LAM GYI MTHUN RKYEN THAMS CAD CHOS BZHIN DU 'GRUB PAR BYIN GYIS BRLAB TU GSOL LO, ,BDAG GI BSAM PA'I STOBS DANG NI, DE BZHIN GSHEGS PA'I BYIN STOBS DANG, ,CHOS KYI DBYINGS KYI STOBS RNAMS KYIS, ,'PHAGS PA RNAMS LA MCHOD PA DANG, ,SEMS
, ,CAN RNAMS LA PHAN GDAGS PHYIR, ,DON RNAMS GANG DAG BSAM PA KUN, ,DE DAG THAMS CAD CI RIGS PAR, ,THOGS PA MED PAR 'BYUNG GYUR CIG ,DANG PO'I CHO GA'O,, ` ,,BCU TSAN GNYIS PA LA, SKYABS 'GRO SEMS BSKYED GONG DANG 'DRA, SPYAN 'DREN GYI SKABS SU 'JIG RTEN DANG 'JIG RTEN LAS 'DAS PA'I MKHA' 'GRO CHOS SKYONG BKA' SRUNG DAM CAN RGYA MTSO'I TSOGS DANG BCAS PA THAMS CAD MCHOD SBYIN GYI GTOR MA'I MGRON LA BADZRA SA M'A DZA: SKU'I MGON PO, GSUNG GI MGON PO, THUGS KYI MGON PO, YON TAN GYI MGON PO, PHRIN LAS KYI MGON PO, PHYOGS SKYONG BA BCU, LHA CHEN BRGYAD ,KLU CHEN BRGYAD, RGYAL CHEN BZHI, GZA' CHEN BRGYAD, RGYU SKAR NYI SHU RTZA BRGYAD, 'JIGS BYED CHEN PO DGU CHUNG MA DANG BCAS PA STE, GCANG RIS KYI MGON PO BDUN CU RTZA LNGA LA SOGS PA 'JIG RTEN DANG 'JIG RTEN LAS 'DAS PA'I MKHA' 'GRO CHOS SKYONG SRUNG MA YE SHES KYI SPYAN DANG LDAN PA, RDZU 'PHRUL GYI MTHU MNGA' BA, SANGS RGYAS KYI BSTAN PA GNYAN PO BSRUNG BAR ZHAL GYIS BZHES PA'I BKA' SRUNG DAM CAN RGYA MTSO'I TSOGS DANG BCAS PA THAMS CAD LA 'BUL ZHING BSNGO BAR BGYI'O, ,SANGS RGYAS KYI BSTAN PA DAR ZHING RGYAS PA, DKON MCHOG GI DBU 'PHANG MTHO BA, SEMS CAN THAMS CAD BDE ZHING SKYED PA, BDAG DANG SEMS CAN THAMS CAD KYI BSAM SBYOR DAM PA'I CHOS DANG MTHUN PA'I 'PHRIN LAS MDZAD DU GSOL, BDEN STOBS KYI TSIG RKANG BZHI'I SKABS SU, MKHA' 'GRO CHOS SKYONG MCHOD BYA'I PHYIR, ZHES 'DON PA SPO BA RNAMS MI 'DRA BA'I KHYAD PAR
YIN LA, CHO GA GZHAN THAMS CAD NI BCU TSAN DANG PO DANG 'DRA BAR BYA'O,, ` ,,BCU TSAN GSUM PA LA, BRAM ZE DRANG SRONG MNGON PAR SHES PA LNGA DANG LDAN ZHING, SMON LAM GYI SA LA DBANG BA BDEN PA'I TSIG GRUB PA RNAMS, MCHOD SBYIN GYI GTOR MA'I MGRON LA BADZRA SA M'A DZA: GTOR MA 'DI LHA'I DRANG SRONG RI RAB KYI KHONG GSENG NA GNAS PA, KLU'I DRANG SRONG RGYA MTSO'I NANG NA GNAS PA, MI'I DRANG SRONG GTZANG 'GRAM NA GNAS PA, BRAM ZE'I DRANG SRONG GTZANG SBRA DANG DKA' THUB LA GNAS BA, MNGON PAR SHES PA LNGA DANG LDAN ZHING, MTHU DANG SMON LAM LA DBANG BA, BDEN PA'I STOBS BRJOD PA, DRANG SRONG DMOD PA 'DOR NUS SHING RIG SNGAGS 'CHAD GRUB PA'I TSOGS THAMS CAD LA 'BUL ZHING BSNGO BAR BGYI'O, ,'JIG RTEN GYI KHAMS SU BKRA SHIS BDE LEGS PHUN SUM TSOGS PA 'BYUNG BA DANG, BDAG DANG SEMS CAN THAMS CAD KYI CHOS SPYOD BCU'I SGRUB PA 'PHEL ZHING RGYAS PA'I SMON LAM RNAM PAR DAG PA GDAB TU GSOL, ,BDEN STOBS BRJOD LA, BRAM ZE DRANG SRONG MCHOD BYA'I PHYIR, ZHES 'DEN PA BSGYUR RO,, ` ,,BCU TSAN BZHI BA, 'JIG RTEN DANG 'JIG RTEN LAS 'DAS PA'I NOR LHA KHYAD PAR CAN THAMS CAD DANG, KHYAD PAR DU BDAG GI STONG GROGS BYED PA'I LHA SRUNG THAMS CAD GTOR MA'I MGRON LA BADZRA SA M'A DZA: GTOR MA 'DI DZAMBHA LA, NOR RGYUN MA, RNAM THOS SRAS, TSOGS KYI BDAG PO, AA PA RA TZI TA LA SOGS PA'I NOR LHA KHYAD PAR CAN THAMS CAD DANG, BDAG CAG GI LHAN CIG SKYES PA'I LHA DANG, 'GO BA'I LHA, SRUNG BA'I LHA, SKYOB PA'I LHA, STONG GROGS
, ,BYED PA'I LHA SRUNG THAMS CAD LA 'BUL ZHING BSNGO BAR BGYI'O, ,BDAG DANG SEMS CAN THAMS CAD LA MI MTHUN PA'I PHYOGS THAMS CAD LAS BSRUNG ZHING SKYONG PA DANG, GNAS SKABS SU DAM PA'I CHOS DANG MTHUN PA'I 'DOD DGU'I DPAL 'BYOR NYER MKHO'I LONGS SPYOD BSAM GYIS MI KHYAB PA 'BYUNG BA'I STONG GROGS MDZAD DU GSOL, ,BDEN PA'I STOBS BRJOD LA, RNAL 'BYOR LHA SRUNG MCHOD BYA'I PHYIR ZHES BSGYUR RO,, ` ,,BCU TSAN LNGA PA LA, SPYAN 'DREN GYI TSE, LAG PA GNYIS RGYAB SBRAD PA'I MTHE'U CHUNG LU GU RGYUD DU SBREL LA, MDZUB MO GNYIS LCAGS KYU LTAR BYAS PA, H'Um MDZAD KYI PHYAG RGYA DANG, SPYI DANG KHYAD PAR GYI GZHI BDAG GNYUG MAR GNAS PA THAMS CAD MCHOD SBYIN GYI GTOR MA'I MGRON LA BADZRA SA M'A JA: DA BZHIN GSHEGS PA BZHI'I MTSAN BRJOD, GTOR MA 'DI ZHING SKYONG GI MKHA' 'GRO NYI SHU RTZA LNGA, BOD KHAMS SKYONG PA'I BRTAN MA BCU GNYIS LA SOGS PA, 'DZAM BU GLING GI LHA MTHU BO CHE, KLU MTHU BO CHE, BDUD MTHU BO CHE, BTZAN MTHU BO CHE LA SOGS PA 'JAM BU GLING SPYI DANG BYE BRAG GI GZHI BDAG THAMS CAD DANG, YUL PHYOGS 'DI'I LHA MGON, KLU MGON GNYUG MAR GNAS PA THAMS CAD LA SBYIN ZHING BSNGO BAR BGYI'O, ,YUL PHYOGS 'DI DAG THAMS CAD DU LO PHYUGS RTAG TU LEGS PA, CHAR CHU DUS SU 'BEBS PA MI NAD DANG PHYUGS NAD THAMS CAD RGYUN CHAD PA, SEMS CAN THAMS CAD BDE ZHING SKYID PA, BDAG CAG 'KHOR DANG BCAS PA THAMS CAD KYI BSAM PA YID BZHIN DU 'GRUB PA'I STONG GROGS MDZAD DU GSOL, ,GNAS BDAG GZHI BDAG MCHOD
BYA'I PHYIR SOGS DANG, CHOS RNAMS THAMS CAD RGYU LAS BYUNG, ZHES PA NAS, 'DI NI SANGS RGYAS BSTAN PA YIN, ZHES PA'I MJUG TU, 'DUS BYAS THAMS CAD MI RTAG CING, ,ZAG BCAS THAMS CAD SDUG BSNGAL YIN, ,MYA NGAN 'DAS PA ZHI ZHING BDE, ,CHOS RNAMS THAMS CAD BDAG MED PA'O,, ` ,,BCU TSAN DRUG PA, SNANG SRID KYI LHA SREN SDE BRGYAD MTHU BO CHE 'KHOR DANG BCAS PA THAMS CAD MCHOD SBYIN GYI GTOR MA'I MGRON LA BADZRA AAm KU SHA DZA: GTOR MA 'DI GNOD SBYIN 'BROG GNAS MCHED LNGA, 'PHROG MA DANG 'PHROG MA'I BU LNGA BRGYA 'KHOR DANG BCAS PA RNAMS DANG, NAM MKHA' LDING GI RGYAL PO GSER MIG CAN DANG, DRI ZA'I RGYAL PO ZUNG PHUD LNGA PA CAN DANG, MI'AM CI'I RGYAL PO LTON PA RTA MGO CAN LA SOGS PA SNANG SRID KYI LHA SRIN SDE BRGYAD THAMS CAD LA SBYIN ZHING BSNGO BAR BGYI'O, ,BDAG DANG SEMS CAN THAMS CAD LA GNOD PA GDUG RTZUB KYI BSAM PA ZHI ZHING, BYAMS SNYING RJE BYANG CHUB KYI SEMS DANG LDAN PA'I SGO NAS GNAS SKABS DANG MTHAR THUG GI DON SGRUB PA'I STONG GROGS GYIS SHIG ,LHA SRIN SDE BRGYAD MCHOD BYA'I PHYIR SOGS DANG, CHOS RNAMS THAMS CAD RGYU LAS BYUNG, ,DE RGYU DE BZHIN GSHEGS PAS GSUNGS, ZHES BRJOD DO,, ` ,,BCU TSAN BDUN PA LA, GNOD BYED 'BYUNG PO GDON BGEGS LOG PAR 'DREN PA BAR DU GCOD PA'I BDUD RIGS THAMS CAD GTOR MA'I MGRON LA BADZRA AAm: GTOR MA 'DI BGEGS KYI RGYAL PO BI NA YA KAS GTZE BYAS PA'I BGEGS RIGS STONG PHRAG BRGYAD CU, GDON RIGS SUM BRGYA DRUG
, ,CU, GTZO BO RIGS KYI GDON CHEN BZHI, BGEGS RIGS SDE DPON BCO BRGYAD, BYIS PA'I GDON CHEN BCO LNGA LA SOGS PA SNGON GYI LAS DANG, 'PHRAL GYI RKYEN LAS GYUR PA'I, BDAG DANG SEMS CAN THAMS CAD LA GNOD PA DANG 'TSE BAR BYED PA'I GDON DANG GNOD BYED 'BYUNG PO'I TSOGS THAMS CAD LA SBYIN ZHING BSNGO BAR BGYI'O, ,BDAG DANG SEMS CAN THAMS CAD LA GNOD PA DANG 'TSE BA SPONGS LA, PHAN PA DANG BDE BA SGRUBS, CHOS SGRUB PA RNAMS KYI CHOS KYI 'GAL RKYEN BAR CHAD MI BYED PA'I DAM TSIG LA GNAS PAR GYIS SHIG ,GNOD BYED 'BYUNG PO TSIM BYA'I PHYIR SOGS DANG, RGYAN GYIS BRGYAN PAR BYAS KYANG CHOS SPYOD CING, ZHES PA NAS, GZHAN LA GNOD PA MA BYED CIG ,CES BRJOD, ` ,,BCU TSAN BRGYAD PA LA, NAM MKHA'I MTHA' DANG MNYAM PA'I SEMS CAN 'GRO BA RIGS DRUG GIS BSDUS PA THAMS CAD GTOR MA'I MGRON LA BADZRA AAm KU SHA DZA: GTOR MA 'DI 'GRO BA RIGS DRUG LAM RGYUD LNGA, SKYE GNAS RNAM PA BZHI, KHAMS GSUM SA DGUS BSDUS PA'I SEMS CAN THAMS CAD LA SBYIN ZHING BSNGO BAR BGYI'O, ,DE LTAR BSNGOS PA LA BRTEN NAS, NAM MKHA'I MTHA' DANG MNYAM PA'I SEMS CAN THAMS CAD 'KHOR BA SPYI'I SDUG BSNGAL GSUM DANG, 'GRO BA SEMS CAN GYI SDUG BSNGAL DRUG DANG, PHYI NANG GI SDUG BSNGAL BRGYAD LA SOGS PA, SPYI DANG BYE BRAG GI SDUG BSNGAL THAMS CAD DANG BRAL ZHING, RIGS DRUG SO SO'I BDE BA KHYAD PAR CAN DANG LDAN PA'I SGO NAS SA LAM GYI YON TAN BDE BLAG TU BGROD DE, RNAM MKHYEN SANGS RGYAS KYI GO 'PHANG
RIN PO CHE THOB PAR GYUR CIG ,RIGS DRUG SEMS CAN TSIM BYA'I PHYIR, ZHES SOGS,, ` ,,BCU TSAN DGU PA LA, MKHA' LA RGYU BA DANG, GNAS NA GNAS PA'I YI DVAGS KYI RIGS GANGG'A'I KLUNG GI BYE MA SNYED KYI GRANGS DANG MNYAM PA THAMS CAD GTOR MA'I MGRON LA BADZRA AAm KU SHA DZA: GTOR MA 'DI YI DVAGS KYI RGYAL MO KHA LA ME 'BAR MAS GTZO BYAS PA'I YI DVAGS PHYI'I SGRIB PA CAN, NANG GI SGRIB PA CAN, ME LCE'I 'KHOR LO CAN, ZAS SKOM GYI SGRIB PA CAN, SPYI MTHUN GYI SGRIB PA CAN, SGOS GUD KYI SGRIB PA CAN LA SOGS PA, MKHA' LA RGYU BA DANG, GNAS NA GNAS PA'I YI DVAGS KYI RIGS SUM CU RTZA DRUG GRANGS TSAD GANGG'A'I KLUNG GI BYE MA SNYED KYI GRANGS DANG MNYAM PA THAMS CAD LA SBYIN ZHING BSNGO BAR BGYI'O, ,DE LTAR BSNGOS PA LA BRTEN NAS, YI DVAGS THAMS CAD SER SNA'I TSOGS KYI SGRIB PA BSAM GYIS MI KHYAB PA ZHI ZHING, ZAS SKOM DBUL PHONGS KYI SDUG BSNGAL THAMS CAD LAS GROL TE, ZAS SKOM 'DOD YON PHUN SUM TSOGS PAS TSIM NAS TSE RABS THAMS CAD DU 'DOD DGU'I DPAL 'BYOR ZAD MI SHES PA LA LONGS SPYOD CING, SBYIN PA'I PHA ROL TU PHYIN PA YONGS SU RDZOGS NAS, NAM MKHA' MDZOD LA MNGA' BRNYES PA'I SANGS RGYAS KYI GO 'PHANG RIN PO CHE THOB PAR GYUR CIG ,YI DVAGS RNAMS NI TSIM BYA'I PHYIR, ZHES SOGS,, ` ,,BCU TSAN BCU PA LA, TSE RABS THOG MA MED PA NAS LAN CHAGS BU LON SHA KHON CHAGS PA THAMS CAD GTOR MA'I MGRON LA BADZRA AAm KU SHA DZE: GTOR MA 'DI LAN CHAGS KYI MGRON DU GYUR PA, BSAD PAS TSE THUNG BA, BRDUNGS PAS NAD MANG BA, PHROGS PAS NOR DBUL
, ,BA LA SOGS PA, TSE 'KHOR BA THOG MA MED PA NAS DA LTA LA THUG GI BAR DU, BDAG LA BU LON SNYEG PA LAN CHAGS PA SHA KHON GNYER BA THAMS CAD LA SBYIN ZHING BSNGO BAR BGYI'O, ,DE LTAR BSNGOS PA LA BRTEN NAS, TSE RABS THOG MA MED PA'I ZAS SKOM GNAS MAL LUS LONGS SPYOD LA SOGS PA'I LAN CHAGS THAMS CAD DANG BRAL BU LON 'KHOR, SHA KHON THAMS CAD BYANG ZHING DAG NAS, GANG LA GANG DGA' BA DANG, JI LTAR MOS PA DANG, GANG GIS 'DUL BAR GYUR PA'I CHOS DANG ZANG ZING GI LONGS SPYOD BSAM GYIS MI KHYAB PA DANG MA 'BRAL BA'I NGANG NAS RDZOGS PA'I SANGS RGYAS KYI GO 'PHANG THOB PAR GYUR CIG ,LAN CHAGS ZHES PAS BSGYUR RO,, ` ,,BCU GCIG PA, LHAG MA LA DBANG BA, SKAL BA CHUNG BA, BSHAL CHUL RE BA'I 'BYUNG PO THAMS CAD CES PA DANG, GTOR MA 'DI 'BYUNG PO MA THOB MA SLEB PA, KHAS ZHAN PA DBANG CHUNG BA, GLO BUR DU LHAGS PA, DBANG PO MA TSANG ZHING BSOD NAMS DMAN PA, LHAG MA LA DBANG BA, BSHAL CHU LA RE BA'I 'BYUNG PO THAMS CAD LA SBYIN ZHING BSNGO BAR BGYI'O, ,DE LTAR BSNGOS PA LA BRTEN NAS, RANG RANG GI GNAS RIGS DANG MTHUN PA'I 'DOD YON LONGS SPYOD PHUN SUM TSOGS PA LA LONGS SPYOD CING, MNGON PAR MTHO BA DANG, NGES PAR LEGS PA RNAM PAR GROL BA'I SKAL BA PHUN SUM TSOGS PA DANG LDAN ZHING, RNAM MKHYEN SANGS RGYAS KYI GO 'PHANG THOB PAR GYUR CIG ,LHAG MA LA DBANG TSIM BYA'I PHYIR, ZHES SPO'O, ,'DI DAG NI BCU TSAN RE RE LA DON GYI RNAM GRANGS BCU GNYIS TSANG BA'I SGO NAS DON GYI RNAM GRANGS BRJOD PA DANG,
'DOD DON LA SOGS RGYAS PAR BRJOD PA YIN NO,, ` ,,MJUG GI BYA BA LA DON LNGA STE, NONGS PA BZOD PAR GSOL BA, GTOR MGRON GSHEGS PA, 'BYUNG PO'I BAR CHAD BSRUNG BA, MDO DANG BDUD BZLOG BYA BA, BSNGO BA SMON LAM GYIS RGYAS GDAB PA'O, ,YANG 'GA' ZHIG BSDUS PA LA DGA' BA'AM, SKABS 'GAR LONG MED PA'AM, NANG GI DON LA YID GZHOL BA'AM, KHA CIG BLO DMAN PAS RGYAS PAR BRJOD MI NUS PA, DE DAG GIS DON GYI RKANG GRANGS TSANG BA BYA ZHING, CHO GA BSDUS PAS MGRON LA STOB PA'I CHE, SPYAN 'DREN GYI SKABS SU BRJOD PA'I MGRON GYI MING POS NAS DE LA 'BUL ZHING, LAS 'CHEL GYI SKABS SU, BDAG DANG SEMS CAN THAMS CAD KYIS MTHAR THUG RDZOGS PA'I SANGS RGYAS KYI 'PHANG RIN PO CHE THOB CING, GNAS SKABS SU DAM PA'I CHOS KYI 'GAL RKYEN BAR CHAD ZHI ZHING, MTHUN RKYEN BSAMS PA YID BZHIN DU 'GRUB PAR BYIN GYIS BRLAB TU GSOL, ,DE BZHIN DU 'PHRIN LAS MDZAD DU GSOL, ,SMON LAM GDAB TU GSOL, ,STONG GROGS MDZAD DU GSOL, ,ZHES SOGS 'DON PA SPO ZHING, SBYIN BDAG LA SOd PA GZHAN GYI DON DU GTOR MA GTONG NA, LAS 'CHOL GYI SKABS SU SBYIN PA'I BDAG PO 'KHOR DANG BCAS PA'I ZHES SOGS 'DON PA SPO BA NI, GNAS SKABS SU RGYAS BSDUS THAMS CAD LA SBYAR BAR BYA'O, ,DE RNAMS RDZOGS NAS, CHU SBYIN BTANG BAR BYA'O,, RANG NYID SKAD CIG GIS HR'I: LAS 'PHAGS PA SPYAN RAS GZIGS SKU MDOG DKAR PO ZHAL GCIG PHYAG GNYIS PA, PHYAG GA-YAS MCHOG SBYIN, GA-YON PA SKYABS SBYIN MDZAD PA, GA-YAS PA'I SOR MO RNAMS LAS YE SHES KYI BDUD RTZI'I CHU RGYUN SKYA 'KHYIL
, ,BYUNG BAS, YI DVAGS RNAMS KYI KHA RU SIB SIB SONG BAS BKRES SKOM GYI DU: KHA ZHI BAR BSAMS LA, NGAG TU, HR'I: BAm AOm A'A: H'Um, AOm MA nI PADME H'Um, ZHES LAN BDUN NAM, BCU BZHI'AM, NYER GCIG BRJOD, SPYAN RAS GZIGS DBANG GTZUG TOR CAN, ,PHYAG MTHIL BDUD RTZI'I RGYUN BAB PAS, ZHES SOGS KYIS BSNGO'O, ,DE RNAMS NI DNGOS GZHI'I CHO GA'O, ,SNGAR BSTAN PA'I DON LNGA YOD PA'I NANG NAS, ,NONGS PA BZOD PAR GSOL BA NI, YI GE BRGYA PA DANG, MA 'BYOR PA DANG NYAMS PA DANG, ZHES SOGS DANG, GTOR MGRON GSHEGS SU GSOL BA NI, AOm KHYED KYIS SEMS CAN DON KUN MDZAD, CES SOGS DANG, BADZRA MU: SA 'DAS PA'I MGRON GSHEGS SO, ,'BYUNG PO'I BAR CHAD BSRUNG BA LA, BADZRA KRO DHA'I SNGAGS KYIS CHOS SKYONG GANG YANG RUNG BA'I NGA RGYAL GYIS DE'I SNGAGS BZLAS PA'I BGEGS BSAL LA 'BYUNG PO'I BAR CHANG BSRUNG NGO, ,MDO DANG BDUD BZLOG BYA BA LA SHES RAB SNYING PO 'DON, BDUD BZLOG MDO SGRUB LTAR BYA'O, ,BSNGO BA SMON LAM GYIS RGYAS GDAB PA LA, PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, SBYIN PA CHEN POR GYUR PA 'DI YIS NI, ,'GRO BA'I DON DU RANG BYUNG SANGS RGYAS SHOG ,SNGON GYI RGYAL BA RNAMS KYIS MA BSGRAL BA'I, ,SKYE BO'I TSOGS RNAMS BDAG GIS SGROL GYUR CIG ,'BYUNG PO GANG DAG 'DIR NI LHAGS GYUR TAM, ,SA'AM 'ON TE BAR SNANG 'KHOD PA'ANG RUNG, ,SKYE DGU RNAMS LA RTAG TU BYAMS BYAS TE, ,NYIN DANG MTSAN DU CHOS LA SPYOD PAR SHOG ,CES SOGS
DANG ,BLA MED BLA MA'I THUGS RJE DANG, ,RGYAL DANG RGYAL SRAS RANG RGYAL DANG, ,DGRA BCOM BDEN PA'I BYIN RLABS KYIS, ,BSNGO BA SMON LAM 'GRUB PAR SHOG ,CES SOGS KYIS BSNGO'O, ,CHOS RJE BLO BZANG GRAGS PA'I THUGS DAM PHYAG LEN, BLA MA DPAL LDAN MDZES PAS ZHUS PA LAGS SO,, ` ,,RANG GI SGOS KYI GZHI BDAG LA GTOR MA 'BUL BAR BYA STE, GONG GI BRGYA RTZA'I GZHI BDAG GI SKABS JI LTA BA BZHIN BYA, KHYAD PAR NI GTOR MA BSNGO BA'I YUL, GNAS 'DI NYID NA GNAS SHING, GZHI 'DI NYID NA 'KHOD PAR BYED PA'I, GNAS BDAG ,GZHI BDAG ,YUL BDAG ,GRONG BDAG GI RIGS SU GYUR PA RNAMS DANG, GZHAN YANG YUL PHYOGS SA PHYOGS 'DI DAG THAMS CAD DBANG ZHING SKYONG BAR BYED PA'I LHA KLU GNOD SBYIN SRIN PO'I TSOGS GNYUG MAR GNAS PA THAMS CAD LA SBYIN ZHING BSNGO BAR BGYI'O, ,BDAG CAG 'KHOR BCAS PHYOGS DUS GNAS SKABS KUN TU 'GRO 'ONG GNAS 'DUG SPYOD LAM RNAM BZHI GANG BYED KYANG RU NGA DANG PHRAG DOG MA BYED PAR GNAS MGRON GYI DAM TSIG GNYAN PO SRUNGS LA, CHOS SGRUB PA'I BAR CHAD THAMS CAD ZHI ZHING, MTHUN RKYEN BSAMS PA YID BZHIN DU 'GRUB PA'I STONG GROGS MDZAD DU GSOL, ,ZHES PAS SBYIN NO, ,PHAR PHYIN DRUG GI NANG NAS SBYIN PA'I PHAR PHYIN NI MCHOG TU GSUNGS, DE'I NANG NAS GTOR MA NI, SBYIN PA'I MCHOG YIN PAS, RAB TU BYUNG BA RNAMS KYIS RGYU CHUNG LA 'BRAS BU CHE BA SBYIN PA RNAM PA GSUM LDAN GYI NGO BO GTOR MA BRGYA RTZA LA BRTZON PAR BYA'O,, BKRIS ,,