*, ,SDOM PA GONG MA GNYIS KYI PHYIR BCOS BYED TSUL RJE'I PHYAG LEN BZHIN BKOD PA BZHUGS SO, ,
, ,THAMS CAD KYIS PHYAG GSUM BTZAL TE, PHYOGS BCU NA BZHUGS PA'I SANGS RGYAS DANG, BYANG CHUB SEMS DPA' THAMS CAD DANG SLOB DPON BYANG CHUB SEMS DPA'I ZHAL SNGA NAS GTZO MDZAD DGE 'DUN BYANG CHUB SEMS DPA' RNAMS LTUNG BA PHYIR BCOS KYI CHO GA LA THUGS GTAD PAR ZHU, (ZHES BRJOD PA'I RJES SU 'DUG STE,) PHYOGS BCU NA BZHUGS PA'I (NAS) BYANG CHUB SEMS DPA' RNAMS (ZHES PA'I BAR SNGAR DANG 'DRA BA LA,) DGONGS SU GSOL, ,BDAG MING 'DI ZHES BGYI BA LA, JI SKAD YONGS SU BRJOD PA'I PHAM PA'I GZHI LAS BYANG CHUB SEMS DPA'I 'DUL BA DANG 'GAL BA'I NONGS PA RTZA LTUNG DANG PO NAS RTZA LTUNG BCO BRGYAD PA'I BAR GYI DNGOS GZHI DANG ZAG PA CHUNG 'BRING GI NONGS PA, RNYED DANG BKUR STIS CHAGS PA YIS, ,BDAG BSTOD GZHAN LA SMOD PA DANG, ,SDUG BSNGAL MGON MED GYUR PA LA, ,SER SNAS CHOS NOR MI STER DANG, , GZHAN GYIS BSHAGS KYANG MI NYAN PAR, ,KHROS NAS GZHAN LA 'TSOG PA DANG, ,THEG PA CHEN PO SPONG BYED CING, ,DAM CHOS 'DRAR SNANG STON PA'O, ,DKON MCHOG GSUM GYI DKOR 'PHROG DANG, ,DAM PA'I CHOS NI SPONG BYED PA, ,TSUL KHRIMS 'CHAL BA'I DGE SLONG LA'ANG, ,NGUR SMRIG 'PHROG DANG BRDEG PA DANG, ,BTZON RAR 'JUG PAR BYED PA DANG, ,RAB TU BYUNG LAS PHAB PA DANG, ,MTSAMS MED LNGA PO BYED PA DANG, ,LOG
, ,PAR LTA BA 'DZIN PA DANG, ,GRONG LA SOGS PA 'JIG PA DANG, ,BLO SBYANG MA BYAS SEMS CAN LA, ,STONG PA NYID NI BRJOD PA DANG, ,SANGS RGYAS NYID LA ZHUGS PA DANG, ,RDZOGS PA'I BYANG CHUB BZLOG PA DANG, , SO SOR THAR PA YONGS SPANGS TE, ,THEG PA CHE LA SBYOR BA DANG, ,SLOB PA'I THEG PAS CHAGS LA SOGS, ,SPONG BAR 'GYUR BA MIN ZHES 'DZIN, ,PHA ROL DAG KYANG 'DZIN 'JUG DANG, ,RANG GI YON TAN BRJOD PA DANG, ,RNYED PA DANG NI BKUR STI DANG, ,TSIGS BCAD RGYU YIS GZHAN SMOD DANG, ,BDAG NI ZAB MO BZOD PA'O ZHES, ,LOG PA NYID NI SMRA BA DANG, ,DGE SBYONG CHAD PAS GCOD 'JUG DANG, ,DKON MCHOG GSUM GYI SBYIN BYAD DANG, , SBYIN PA LEN PAR BYED PA DANG, ,ZHI GNAS 'DOR BAR BYED PA DANG, ,YANG DAG 'JOG GI LONGS SPYOD RNAMS, ,KHA TON BYED LA SBYIN PA DANG, ,BYANG CHUB SEMS GNYIS SPANGS PA LA SOGS PA JI SKAD YONGS SU BRJOD PA PHAM PA'I GZHI LAS BYANG CHUB SEMS DPA'I 'DUL BA DANG 'GAL BA'I RTZA LTUNG DANG PO NAS BCO BRGYAD PA'I BAR GYI DNGOS GZHI DANG, ZAG PA CHUNG 'BRING GI NONGS PA DPAG TU MED PA BYUNG STE, BDAG MING 'DI ZHES BGYI BA'I NONGS PA DE RNAMS PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD DANG, SLOB DPON BYANG CHUB SEMS DPA'I ZHAL SNGA NAS GTZO MDZAD DGE 'DUN BYANG CHUB SEMS DPA' RNAMS KYI
SPYAN SNGAR BSHAGS SHING MTHOL TE, MI 'CHAB BO, ,BSHAGS SHING MTHOL BAS BDAG BDE BA LA GNAS PAR 'GYUR GYI ,MA MTHOL ZHING MA BSHAGS NA NI BDE BA LA GNAS PAR MI 'GYUR BA LAGS SO, ,(ZHES LAN GSUM BRJOD PA'I RJES SU YUL GYIS) KHYOD KYIS DE RNAMS LA NYES PAR GZIGS SAM, PHYIS KYANG SDOM PAR BYED DAM (ZHES DRI, RTEN GYIS,) MTHONG LAGS (DANG,) SHES BZHIN MTHONG NA CHOS BZHIN 'DUL BA BZHIN SHIN TU LEGS PAR SPYI BOS NOD PAR BGYI'O, ,(DRI LAN GSUM BRJOD, YANG BYANG SEMS KYI NYES BYAS PHYIR BCOS TSUL NI,) DGONGS GSOL (SNGAR LTAR BYAS LA,) BDAG MING 'DI ZHES BGYI BA LA JI SKAD YONGS SU BRJOD PA'I NYES BYAS KYI GZHI LAS, BYANG CHUB SEMS DPA'I 'DUL BA DANG 'GAL BA'I NYES BYAS KYI NONGS PA, GZHAN LA CHOS DANG ZANG ZING GIS 'BYOR PAR BYA BA'I PHYIR BRTZON PAR BYA DGOS PA'I TSE, BRTZON PAR MA BYAS PA DANG, GZHAN GYIS PHAN BTAGS PA DANG, GNOD PA BSKYAL BA'I MTSAN MA ZHE LA BZUNG NAS RIS SU BCAD PA DANG, PHYOGS YONGS SU BZUNG BA'I BSAM PAS CHAGS PA DANG, SDANG BA DANG, BTANG SNYOMS KYI YAL BAR 'DOR BA'I BLO SKYES PA DANG, ,DAM PA NYE BAR MA BSTEN PA DANG, BYANG CHUB SEMS DPA'I ZAB PA DANG RGYA CHE BA'I SDE SNOD LA THOS BSAM MA BYAS PA DANG, ZAS GOS GNAS KHANG SOGS LA LONGS SPYOD PA'I TSE, GZHAN DON GYI BLOS ZIN PAR MA BYAS PA DANG, SBYIN SOGS PHAR PHYIN DRUG LA SLOB PA'I TSE, BYANG CHUB KYI SEMS KYIS ZIN PAR MA BYAS PA DANG, GZHAN YANG BYANG CHUB KYI SEMS NYAMS PAR BYED PA NAG PO'I CHOS BZHI MA SPANGS PA DANG, 'PHEL
, ,BAR BYED PA DKAR PO'I CHOS BZHI LA MA BSLABS PA DANG, GZHAN GYI PHAN BDE SGRUB PA DANG SDUG BSNGAL SEL BA'I SBYOR BA LA BRTZON PAR MA BYAS PA DANG, DKON MCHOG GSUM LA GSUM MI MCHOD, ,'DOD PA'I SEMS KYI RJES SU 'JUG ,RGAN PA RNAMS LA GUS MI BYED, ,DRIS PA LA NI LAN MI 'DEBS, ,MGRON POS BDAG GIR MI BYED DANG, ,GSER LA SOGS PA LEN MI BYED, ,CHOS 'DOD PA LA SBYIN MI BYED, ,TSUL KHRIMS 'CHAL RNAMS YAL BAR 'DOR, ,PHA ROL DAD PHYIR SLOB MI BYED, , SEMS CAN DON LA BYA BA CHUNG, ,SNYING BRTZER BCAS PAR MA BYAS DANG, ,'TSO BA LOG PA DANG DU LEN, ,'PHYAR NAS RAB TU RGOD LA SOGS, ,'KHOR BAR GCIG BU BGROD PAR SEMS, ,GRAGS PA MA YIN MI SPONG DANG, ,NYON MONGS BCAS KYANG 'CHOS MI BYED, ,GSHE LA LAN DU GSHE LA SOGS, ,KHROS PA RNAMS NI YAL BAR 'DOR, ,PHA ROL BSHAD KYIS CHAGS PA SPONG, ,KHRO BA'I SEMS KYI RJES SU 'JUG ,RNYED BKUR 'DOD PHYIR 'KHOR RNAMS SDUD, ,LE LO LA SOGS SEL MI BYED, ,CHAGS PAS BRE MO'I GTAM LA BRTEN, ,TING NGE 'DZIN GYI DON MI 'TSOL, ,BSAM GTAN SGRIB PA SPONG MI BYED, ,BSAM GTAN RO LA YON TAN LTA, ,NYAN THOS THEG PA SPONG BAR BYED, ,RANG TSUL YOD BZHIN DE LA BRTZON, ,BRTZON MIN PHYI ROL BSTAN BCOS BRTZON, ,BRTZON PAR BYAS KYANG DE LA DGA', ,THEG PA CHEN PO SPONG BAR BYED, ,BDAG LA BSTOD CING GZHAN LA SMOD, ,CHOS KYI DON DU 'GRO MI BYED, ,DE LA SMOD DANG YI GE RTEN, ,DGOS PA'I GROGS SU 'GRO MI BYED, ,
NAD PA'I RIM GRO BYA BA SPONG, ,SDUG BSNGAL SEL BAR MI BYED DANG, ,BAG MED RNAMS LA RIGS MI STON, ,BYAS LA LAN DU PHAN MI 'DOGS, ,GZHAN GYI MYA NGAN SEL MI BYED, ,NOR 'DOD PA LA SBYIN MI BYED, ,'KHOR RNAMS KYI NI DON MI BYED, ,GZHAN GYI BLO DANG MTHUN MI 'JUG ,YON TAN BSNGAGS PA SMRA MI BYED, ,RKYEN DU 'TSAM PAR TSAR MI GCOD, ,RDZU 'PHRUL SDIGS LA SOGS PA MA BYAS PA'I BYANG CHUB SEMS DPA'I 'DUL BA DANG 'GAL BA'I NYES BYAS KYI NONGS PA DPAG TU MED PA BYUNG STE, BDAG MING 'DI ZHES BGYI BA'I NONGS PA DE RNAMS (ZHES SOGS DANG, MTHONG SDOM SNGAR DANG 'DRA'O, ,) PHYOGS BCU NA BZHUGS PA'I SANGS RGYAS DANG BYANG CHUB SEMS DPA' THAMS CAD DANG, SLOB DPON RIG PA 'DZIN PA'I ZHAL SNGA NAS GTZO MDZAD, DGE 'DUN RIG PA 'DZIN PA RNAMS LTUNG BA PHYIR BCOS KYI CHO GA LA THUGS GTAD PAR ZHU, (ZHES BRJOD PA'I RJES SU 'DUG STE,) PHYOGS BCU (NAS) DGE 'DUN RIG PA 'DZIN PA RNAMS (YAN SNGAR DANG 'DRA BA LA,) DGONGS SU GSOL, ,(GSANG MTSAN BRJOD NAS,) BDAG CHE GE RDO RJE ZHES BGYI BA LA ,JI SKAD YONGS SU BRJOD PA'I PHAM PA'I GZHI LAS, RDO RJE THEG PA'I 'DUL BA DANG 'GAL BA'I RTZA LTUNG DANG PO NAS RTZA LTUNG BCU BZHI PA'I BAR GYI PHYOGS MTHUN GYI NONGS PA, DPAL LDAN BLA MA DAM PA LA, ,NYIN RE BZHIN DU DUS DRUG TU, ,MAndAL ME TOG BCAS PHUL NAS, ,PHYAG NI 'TSAL BAR MA BYAS DANG, ,DPON SLOB 'BREL PA MA BRTAGS PAR, ,CHOS LA NYAN BSHAD BYAS PA DANG, ,BLA MA LA BRNYAS SMAD PA DANG, ,BLA MA'I THUGS NI DKRUGS PA DANG, ,YID 'ONGS YON NI MA PHUL DANG, ,RTAG TU
, ,DAM TSIG MA BSRUNGS DANG, ,RTAG TU BDE GSHEGS MA MCHOD DANG, ,RTAG TU BLA MA MA MCHOD DANG, ,BLA MA DANG NI RDO RJE 'DZIN, ,THA DAD PAR NI BSAMS PA DANG, ,BLA MA'I GRIB MA LHAm DANG STAN, ,BZHON PA SOGS LA 'GOMS PA DANG, , BKA' BSGO GUS PAS MA NYAN DANG, ,MI NUS BSHAD SBYANG 'OS PA LA, ,BSHAD SBYANG DAG NI MA BYAS DANG, ,BLA MA'I RDZAS LA SROG BZHIN DANG, ,'KHOR LA GNYEN BZHIN MA BSAMS DANG, ,DRUNG DU MAL STAN LA 'DUG DANG, ,BSGO BA MA THOB SNGON 'GRO DANG, BLA MA LAS SNGAR STAN GYI STENG, ,RKANG PA 'JOG DANG GLU RGYANGS BYED, ,BLA MA BZHENGS TSE NYAL DANG 'DUG ,BZHUGS PA DAG NA NYAL BA DANG, ,BLA MA'I DRUNG DU MCHIL MA SOGS, ,DOR DANG RKANG PA RKYONG BA DANG, ,'CHAG DANG KHA STOBS 'GYED PA DANG, ,YAN LAG MNYE DANG GAR DAG DANG, ,GLU DANG ROL MO BYAS PA DANG, ,BRE MO'I GTAM RNAMS SMRAS PA DANG, ,LDANG 'DUG GUS PAR MA BYAS DANG, ,BLA MA'I DRUNG DU LUS GCU DANG, ,KA BA SOGS LA BRTEN PA DANG, ,SOR MO'I TSIGS NI 'THEN PA DANG, ,DRIL PHYI SKU MNYE LA SOGS LA, ,THOG MTHAR PHYAG NI MA BYAS DANG, ,ZHAL SNGA LDAN PA MA SBYAR BAR, ,BLA MA'I MTSAN NAS SMOS PA DANG, ,GZHAN DAG GUS PAR BYA BA'I PHYIR, ,KHYAD PAR CAN GYI TSIG MA BRJOD, ,RGOD DANG LUD PA LA SOGS LA, ,LAG PAS KHA NI MA BKAB DANG, ,BYA BA ZIN NAS 'JAM PA YI, ,TSIG GI BRDA' NI MA SBYAR DANG, ,MDUN DU DUL BAS MA 'DUG DANG, ,GOS SOGS TSUL NI MA BSNGAMS DANG, ,GSANG SNGAGS DAM CHOS NYAN PA'I TSE, ,PUS BTZUGS THAL MO SBYAR BYAS NAS, ,GSOL BA
LAN GSUM MA BTAB DANG, ,NGA RGYAL SGEG CHOS KUN SPANGS NAS, ,DUL ZHING BAG YOD MA BSTEN DANG, ,BLA MA'I GNANG BA MA THOB PAR, ,BLA MA GNAS PA'I SA PHYOGS DER, ,RAB GNAS DKYIL 'KHOR SBYIN SREG DANG, ,SLOB MA SDUD DANG 'CHAD PA DANG, ,BLA MA'I SLOB MA SLOB MAR BYAS, ,SPYAN 'BYED SOGS LA CI THOB PA, ,DE KUN BLA MAR MA PHUL DANG, ,DE YIS BSTABS PA BLANGS NAS NI, ,GZHAN LA CI BDER MA BYAS DANG, ,SLOB DPON LA NI GANG PHUL DANG, ,BLA MAS KYANG NI GANG STZAL BA, ,DE LA BTUD DE LAG GNYIS KYIS, , LEN PA SOGS NI MA BYAS DANG, ,BLA MA'I DRUNG DU GZHAN DAG GIS, ,PHYAG SOGS BYED PA MA BZLOG DANG, ,RANG GI KUN SPYOD LA BRTZON PAS, ,SPUN GYI RANG SPYOD LAS 'DAS PA, ,DGA' BAS PHAN TSUN MA BZLOG DANG, ,BDE GSHEGS BLA MA'I BKA' 'DAS DANG, , SPUN LA KHROS NAS SKYON SMRAS DANG, ,SPUN GYI CHOS LDAN NGAG BCAG DANG, ,SEMS CAN RNAMS LA BYAMS PA SPANGS, ,SEMS CAN LA NI KHROS PA DANG, ,BYANG CHUB SEMS GNYIS SPANGS PA DANG, ,RANG GZHAN GRUB MTHA' LA SMAD DANG, ,MA SMIN PA LA GSANG BA BSGRAGS, , PHUNG PO LA BRNYAS SMAD PA DANG, ,STONG PA NYID NI SPANGS PA DANG, ,GDUG PA CAN LA BYAMS PAR BYAS, ,RGYU YIS BYAMS PA BSTEN PA DANG, ,RGYUN PAR STONG NYID MA BSGOMS DANG, ,BDE BA CHEN PO'I GDAMS NGAG DANG, ,STONG NYID 'TSOL BAR MA BYAS DANG, ,DAD LDAN SUN PAR BYAS PA DANG, ,RNAL 'BYOR PA YI SKYON SMRAS DANG, ,DAM RDZAS TSUL BZHIN MA BSTEN DANG, ,BUD MED LA NI SMAD PA LA SOGS PA'I NONGS PA DPAG TU MED PA BYUNG STE, (GSANG MTSAN BRJOD NAS) BDAG CHO GA RDO RJE ZHES BGYI BA'I NONGS PA DA RNAMS PHYOGS
, ,BCU (NAS) SLOB DPON (NAM) GNAS BRTAN RIG PA 'DZIN PA'I SPYAN SNGAR BSHAGS SHING MTHOL TE MI 'CHAB BO, ,BSHAGS SHING MTHOL BAS BDAG BDE BA LA GNAS PAR 'GYUR GYI MA 'THOL ZHING MA BSHAGS NA NI BDE BAR GNAS PAR MI 'GYUR BA LAGS SO, ,(ZHES LAN GSUM BRJOD PA'I RJES SU, YUL GYIS,) KHYOD KYIS DE RNAMS LA NYES PAR GZIGS SAM, PHYIN CHAD LEGS PAR SDOM MAM, (ZHES SMOS PA'I TSE, RTEN GYIS) MTHONG LAGS DANG, SHES BZHIN MTHONG NA CHOS BZHIN 'DUL BA BZHIN SHIN TU LEGS PAR SPYI BOS NOD PAR BGYI'O, ,(DRI LAN GSUM BYA, SBOM PO PHYIR BCOS NI) DGONGS GSOL (SNGAR BZHIN BYAS PA'I RJES SU,) BDAG CHE GE RDO RJE ZHES BGYI BA LA, JI SKAD YONGS SU BRJOD PA'I SBOM PO'I GZHI LAS, RDO RJE THEG PA'I 'DUL BA DANG 'GAL BA'I NONGS PA, SHES RAB STOBS KYIS LEN PA DANG, ,DE YI BDUD RTZI STOBS KYIS LEN, ,SNOD MIN LA NI MI GSANG DANG, ,TSEGS KYI NANG DU RTZOD PA DANG, ,DAD LDAN LA GZHAN CHOS STON DANG, ,NYAN THOS NANG DU ZHAG BDUN GNAS, ,RDZUN GYIS RNAL 'BYOR NGA RGYAL BYED, ,DAD PA MED LA CHOS STON DANG, ,SBYOR BA LEGS PAR MA BYAS PAR, ,SKAL MIN GSANG BA STON PA DANG, ,BSNYEN SOGS DAG PAR MA BYAS PAR, ,DKYIL 'KHOR LAS LA 'JUG PA DANG, ,SDOM PA GNYIS KYI BCAS PA LAS, ,DGOS PA MED PAR 'DAS PA DANG, ,RTZA LTUNG SBOM PO'I LTUNG BA LA, ,SDOM SEMS DUS DRUG MA BTANG DANG, ,TSUL KHRIMS GSUM DANG 'GAL BA DANG, ,SKYABS 'GRO DUS DRUG MA GRUB DANG, ,
RDO RJE DRIL BU PHYAG RGYA YI, ,DAM TSIG BSTEN PAR MA BYAS DANG, ,ZANG ZING MI 'JIGS CHOS DANG BYAMS, ,SBYIN PA DUS DRUG MA BYIN DANG, ,PHYI DANG GSANG BA THEG PA GSUM, ,DAM CHOS 'DZIN 'DOD MA BSKYED DANG, ,SDOM PA DANG NI MCHOD PA LA, ,DUS DRUG BRTZON PAR MA BYAS DANG, ,SEMS CAN 'DUL PHYIR MA GTOGS PAR, ,BYA BA MA YIN MA SPANGS DANG, ,RNAL 'BYOR PA RNAMS MA MCHOD DANG, ,DGE BCU BSGRUB LA MI BRTZON DANG, ,THEG PA DMAN LA 'DOD BYAS DANG, ,SEMS CAN DON LA RGYAB PHYOGS DANG, , 'KHOR BA DAG KYANG SPANGS PA DANG, ,RTAG TU MYA NGAN 'DAS CHAGS DANG, ,LHA DANG LHA MIN GSANG BA PA, ,DE DAG RNAMS LA BRNYAS PA DANG, ,PHYAG RGYA BZHON PA MTSON CHA DANG, ,MTSAN MA 'GOMS DANG ZOS PA DANG, ,DE BZHIN DMAN MA LHA YI GRIB, ,RKANG PA DAG GIS BRDZIS PA LA SOGS PA RDO RJE THEG PA'I 'DUL BA DANG 'GAL BA'I SBOM PO'I NONGS PA DPAG TU MED PA BYUNG STE, BDAG CHE GE RDO RJE ZHES BYA BA'I SBOM PO'I NONGS PA DE RNAMS (ZHES BRJOD NAS SNGAR BZHIN BSHAGS, MTHONG SDOM YANG SNGAR DANG 'DRA'O, ,YAR LANGS TE PHYAG GSUM BTZAL NAS,) PHYOGS BCU (NAS) SLOB DPON (NAM) GNAS BRTAN RIG PA 'DZIN PAS GTZO MDZAD DGE 'DUN RIG PA 'DZIN PA RNAMS LTUNG BA PHYIR BCOS KYI CHO GA LA THUGS GTAD PA BKA' DRIN CHE, (ZHES BRJOD, YUL GYIS) CHOS BZHIN 'DUL BA BZHIN NGO MTSAR CHE (ZHES BRJOD,) 'DIS KYANG THUB PA'I BSTAN PA YUN RING DU GNAS PAR GYUR CIG ,SARBA MANGGA LAm,,