, ,SGRA MI SNYAN GYI TSE SGRUB BZHUGS SO, ,
, ,RTZA BRGYUD BLA MA'I ZHABS BTUD NAS, ,TSE YI RIG 'DZIN SGRUB PA'I THABS, ,KUN MKHYEN BLA MA'I GDAMS PA BZHIN, ,'DIR NI GSAL BAR 'DRI BAR BYA, ,'CHI MED RANG GZUNGS NYAMS SU LEN PAR 'DOD PAS NANG PAR BYA ROG GIS SKAD MA BTON PA'I GONG DU GRUB NA RAB, GANG YIN KYANG SU LA'ANG NGAG MA SMRAS PA'I GONG DU BDE BA'I STAN LA 'KHOD DE, SKYABS 'GRO SEMS BSKYED SPYI 'GRO DANG MTHUN PAR YID KHUL NGES SHES PA BYA, KHYAD PAR DU 'DI NYID KYI RTZA BA DANG BRGYUD PAR BCAS PA'I BLA MA LA MOS GUS CHER BSKYED, SANGS RGYAS BSGRUB PA'I CHED DU CHOS SGRUB PA LA TSE RING BA GAL CHE BAS TSE'I RIG 'DZIN BSGRUB SNYAM DU SEMS BSKYED, DE NAS RANG NYID TSE DPAG MED DU GSAL BA'I SNYING GA'I HR'I: YIG GI 'OD ZER GYIS BDE BA CAN NAS TSE DPAG MED LA RTZA BRGYUD KYI BLA MA SOGS KYIS BSKOR BA MDUN GYI NAM MKHAR SPYAN DRANGS LA, MCHOD PA DANG YAN LAG BDUN PA BYA, TSAD MED BZHI BSGOM, TSOGS ZHING RNAMS MNYES TE RANG LA THIM PAS LUS 'OD DU GYUR, AOm SH'U N+YA T'A DZNY'A NA BADZRA SVA BH'A WA A'ATMA KONYA HAm, ZHES BRJOD LA STONG NYID BSGOM, STONG PA'I NGANG LAS PAm LAS LCAGS KYI PADMA 'DAB MA BRGYAD PA, SKYA KHROM ME BA ZHIG GI STENG DU AA LAS ZLA BA'I DKYIL 'KHOR BA ? GANG BA, DE'I STENG DU HR'I: DMAR PO TSEG DRAG RING CHA DANG BCAS PA LAS 'OD ZER 'PHROS, SEMS CAN THAMS CAD KYI SDIG SGRIB SBYANGS, KHYAD PAR DU TSE'I BAR CHAD SBYANGS NAS TSE DPAG MED KYI GO 'PHANG LA
, ,BKOD, SANGS RGYAS SRAS BCAS RNAMS LA MNYES PA'I MCHOD PA PHUL, THUGS RGYUD BSKUL, DE RNAMS KYI BYIN RLABS DANG 'JIG RTEN DANG 'JIG RTEN LAS 'DAS PA'I RDZAS SOGS SMAN BCUD KYI NUS PA THAMS CAD BSDUS, HR'I: YIG LA THIM YONGS SU GYUR PA LAS RANG NYID SANGS RGYAS TSE DPAG TU MED PA SKU MDOG DMAR PO BYU RU'I MDOG LTA BU ZHAL GCIG PHYAG GNYIS KYIS MNYAM GZHAG GI PHYAG RGYA MDZAD PA'I STENG DU 'CHI MED TSE'I BDUD RTZIS GANG BA'I RIN PO CHE GSER GYI BUM PA DPAG BSAM GYI SHING GIS KHA BRGYAN PA, LHA'I GOS KYIS MGUL CHINGS BYAS PA BSNAMS SHING, ZHABS GNYIS RDO RJE'I SKYIL KRUNG GIS BZHUGS PA, DAR DMAR PO'I CHOS GOS RNAM GSUM SKU LA GSOL ZHING, DBU'I GTZUG TOR LA SOGS PA MTSAN DANG DPE BYAD KYIS MDZES PA, ZLA BA NYA YONGS SU GANG BA'I RGYAB YOL DANG LDAN CING PHRAG GONG GA-YAS GA-YON DU NYI ZLA 'CHAR BA, 'OD DMAR PO 'BAR ZHING 'KHYIL BA'I DBUS SU BZHUGS PA DE'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO, KHONG PA'I NANG RGYAB LA NYE BAR LCAGS KYI SROG RTZA SBA DBYUG TZAM YAR SNA SPYI GTZUG ,MAR SNA GSANG GNAS SU ZUG PA DE'I NANG DU RTZA DBU MA MDA' SMYUG TZAM, MDOG SNGO SKYA LA DMAR BA'I MDANGS CHAGS PA'I NANG 'OD GSAL GYI RLUNG DMAR LJANG KHYUG GE BAS GANG BA, DE LA ME LONG LA GZUGS
BRNYAN SHAR BA LTAR GSAL BA'I SNGAGS PHRENG TSAR BRGYAD KYI PHYOGS BZHI'I MGO BO GYEN BSTAN, MTSAMS BZHI'I MGO BO THUR BSTAN TE, SNGAGS MGO MJUG 'BREL BAS, DBU MA'I YAR RTZE NAS MAR RTZE'I BAR MA LUS PA KHYAB PA, DBU MA'I MAR SNA'I NANG DU RANG 'DRA'I TSE DPAG MED DMAR PO DANG, YAR SNA'I NANG DU TSE DPAG MED DKAR PO CHA LUGS RANG DANG 'DRA BA 'OD KYI PHUNG PO CAN, MGO BO GYEN BSTAN DU BZHUGS PA, SNYING GA'I RTZA 'KHOR GYI DBUS KYI THAD KA'I DBU MA'I NANG DU RANG 'DRA'I TSE DPAG MED DMAR LA SNGO BA'I MDANGS CHAGS PA, DE'I SNYING GAR ZLA BA'I STENG DU 'CHI MED TSE'I BDUD RTZIS GANG BA'I BUM PA, DE'I NANG DU ZLA BA LA GNAS PA'I GSER GYI RDO RJE RTZE LNGA PA, DE'I LTE BA'I THAD DU ZLA GDAN LA 'OD KYI GA'U KHA SBYOR GYI NANG DU HR'I: YIG DMAR PO TSEG DRAG RING CHA DANG BCAS PA DANG, H'Um YIG SNGON PO GNYIS PHAN TSUN DU 'KHRIL BA, 'OD ZER LNGA 'PHRO BA YE SHES LNGA'I BDAG NYID CAN RANG GI SEMS KYI NGO BOR MOS, NANG GI HR'I: DANG PHYI'I H'Um GNYIS LAS 'OD ZER LCAGS KYU LTA BU 'PHROS, STENG PHYOGS YON TAN BKOD PA'I ZHING KHAMS NAS RANG DANG JI BZHIN DU 'DRA BA'I TSE DPAG MED YE SHES PA SPYAN DRANGS TE, RANG GI SPYI GTZUG GI RGYAB NGOS NA BZHUGS PAR BSGOMS LA, AOm AA PA RA MI TA A'A YUR DZNY'A NA SA PA RI W'A RA BADZRA SA M'A DZA: ZHES BRJOD, RDO RJE BSDU BA'I PHYAG RGYA BYA, 'JIG RTEN 'DREN PA'I ZHES SOGS SHO LO KA GCIG GIS BSTOD, MCHOD PAS MCHOD LA H'Um SKYE 'CHI RAB SPANGS RDO RJE'I TSE, ,BDAG LA TSE YI DNGOS GRUB STZAL DU GSOL, ,AOm BADZRA A'A YU
, ,shE SA RA HA KA RA RE SHA RA RI H'Um PHAt, CES LAN GSUM GYIS GSOL BA BTAB PAS STENG GI TSE DPAG MED KYI THUGS KA NAS 'OD ZER DMAR PO LCAGS KYU LTA BU PHYOGS BCUR 'PHROS PAS, RANG GI THOG MA MED PA NAS TSE DANG BSOD NAMS SOGS GZHAN GYIS BRKUS PA, YAR BA, 'THOR BA, BLA BKUG PA, GTAD DU BCUG PA SOGS GANG NA YOD PA THAMS CAD BCINGS PA RNAMS BKROL TE BKUG NAS 'CHI MED BDUD RTZI'I RNAM PAR STENG GI TSE DPAG MED KYI BUM PA'I NANG DU THIM BDUD RTZI KHOL TE LUD PA BUM PA PHYIR YO BA'I KHA NAS RANG GI SPYI GTZUG TU ZHUGS PAS LUS KYI RTZA THAMS CAD GANG, RANG GI TSE DANG BSOD NAMS NYAMS PA RNAMS GSOS, CHAD PA RNAMS 'THUD, ZAD PA RNAMS GSOS TE 'PHEL BAR BYAS NAS 'CHI MED TSE'I DNGOS GRUB THOB PAR BSAM, SLAR YANG SNGAR BZHIN GSOL BA BTAB PAS, STENG GI TSE DPAG MED KYI THUGS KA NAS 'OD ZER DMAR PO LCAGS KYU LTA BU PHYOGS BCUR 'PHROS PAS, RTZA BA DANG BRGYUD PA'I BLA MA SANGS RGYAS BYANG SEMS, DPA' BO DPA' MO, GRUB PA DANG RIG PA 'DZIN PA RNAMS KYI BYIN RLABS DANG NUS MTHU DANG, SNOD BCUD KYI 'JIG RTEN THAMS CAD KYI BCUD DANG NUS PA RNAMS 'CHI MED TSE'I BDUD RTZI'I RNAM PAR BSDUS, TSE DPAG MED KYI BUM PA'I NANG DU THIM, KHOL ZHING LUD PA BUM PA PHYIR YO BA'I KHA NAS SPYI GTZUG GI DBU MA'I NANG NAS BRGYUD DE, RIM GYIS BABS PAS NYI MA'I DKYIL 'KHOR KYIS GRIB MA DED PA BZHIN DU THOG MA MED PA NAS BSAGS PA'I SDIG SGRIB NAD GDON BAR CHAD RNAMS DANG KHYAD PAR DU TSE'I BAR CHAD
RNAMS RIM GYIS PHYIR DED, SEN MO NYI SHU DANG 'OG SGO GNYIS DANG BA SPU'I BU GA RNAMS NAS, SNAG TSE'I KHU BA LTA BUR NAG NYIL NYIL BA DON TE, SA RIM PA BDUN GYI 'OG TU SANG BAR BSAM, SEN MO NYI SHU'I BAR NAS, BDUD RTZI GYEN DU LUD PAS MKHRIG MA PHAN BRLA RTZA MAN BDUD RTZIS GANG BAR BSGOMS LA BUM PA CAN GCIG BZUNG, DE NAS GRU MO DANG LTE BA'I BAR GANG BA DANG, PHRAG PA DANG SNYING GA'I BAR GANG BA DANG, MGRIN PA MAN CHAD GANG BA DANG, SNA BUG MAN CHAD GANG BA DANG, SPYI GTZUG MAN CHAD GANG BAR BSGOMS LA BUM PA CAN RE RE BZUNG, LUS THAMS CAD 'CHI MED TSE'I BDUD RTZIS GANG BAR BSGOMS LA, BUM PA CAN GCIG STE BDUN BZUNG BAR BYA'O, ,DE NAS LHA DANG SNGAGS PHRENG GSAL BA'I NGANG NAS, RANG GI SEMS HR'I: YIG DANG DBYER MED PAS SNGAGS PHRENG KLOG PA'I TSUL GYIS SNGAGS 'DREN PAR BYA ZHING, SKABS SU DBU MA'I NANG GI TSE DPAG MED GSUM PO LA BRTEN PA'I SPRO BSDU BYA STE ZHAL LAS SHES, THUN 'JOG KHAR MCHOD BSTOD BYAS LA, STENG GI TSE DPAG MED GDAN LA SOGS PA DANG BCAS PA RNAMS, RANG GDAN BCAS SO SO LA THIM NAS, BYIN GYIS BRLABS SHING DNGOS GRUB THOB PA BRTAN PAR BYA BA'I DMIGS PA BYAS LA BUM PA CAN CI NUS BSGOM, DE RJES TSE DPAG MED KYI GZUNGS RING TSAR BDUN SOGS GANG 'PHROD 'DON, BSNGO BA SMON LAM RGYAS PAR BTAB, SPYOD LAM THAMS CAD DU TSE DPAG MED KYI NGA RGYAL BRTAN PAR BYA ZHING, THUN MTSAMS SU DKON MCHOG MCHOD PA, 'BYUNG PO LA GTOR MA, SKU GZUGS BZHED PA SOGS LA BRTZON PAR BYA'O, ,
, ,LONGS SPYOD CHE RU 'GRO BA YIN PAS 'DI ZHU BA'I DUS SU BLA MA LA 'BUL BA BZANG DGOS GSUNG, BLA MA'I ZHAL SNGA NAS NGA'I GONG GI 'DI'I BRGYUD PA LA LO DGU BCU MA BRGAL BA GCIG KYANG MED, LO RGYUS DANG BLA MA'I RNAM THAR RNAMS NI GZHAN DU SHES PAR BYA'O, ,BSDU BAR 'DOD NA, TSOGS ZHING MCHOD PA BZHAG KYANG CHOG ,DE LTAR DAM TSIG PA BSKYED ZIN MA THAG ,BDE BA CAN NAS YE SHES PA ZHIG SPYAN DRANGS LA BSTIM, DE NAS DKYUS BZHIN BYA GSUNG, SHIN TU BSDU NA, RDZAS DANG DMIGS MED KYI NGANG NAS SNGAGS TSAR NYI SHU RTZA GCIG RE, GZHAN DU NYIN RE BZHIN DU MA CHAG BAR BZLAS NA DES KYANG LO DGU BCU MI THUB MI SRID GSUNG, SNGAGS NI, NA MO BUD DHA YA, NA MO DHARM'A YA, NA MO SANGGHA YA, TADYA TH'A, AOm AAD TE, BHAD TE, BHID TE, BHI NAN TE, KU NAN TE, TA KE, THA KE, THA RA KE, TA RA KE, H'U RU MA TI, HI LI HI LI, MI LI MI LI, SAm BHA KshA, BHI BHA KshA, BHA MU NA, DZI DZ'A BA N'Am, SI SAN SA DHU, BHANDHA SV'A H'A, ,ZHES SO, ,KUN MKHYEN BLA MA'I ZHAL GYI BCUD, ,'DI NI BLO BZANG GRAGS PA YIS, ,BSHES GNYEN BLO GSAL DON GNYER CAN, ,SANGS RGYAS MGON POS BSKUL TE BKOD, ,ZHAL GDAMS YI GER BRIS PA LA, ,MA YIS BU GCIG PA LA BZHIN, ,CHOS BDAG RNAMS KYIS BZOD PAR MDZOD, ,DGE BAS 'GRO BA MA LUS PA, ,'CHI BDAG BDUD LAS RAB RGYAL TE, ,RDO RJE'I TSE NI THOB PAR SHOG ,'DI YANG MKHAS BTZUN BLA MA'I GSUNG BZHIN BKOD PA'O,, SHU BHA MASTU,,