*, ,YE SHES MKHA' 'GRO'I SGRUB THABS, 'PHO BA, BKA' BSGO BCAS BZHUGS,,
, ,BLA MA DANG YE SHES MKHA' 'GRO'I ZHABS LA GUS PAS PHYAG 'TSAL LO, ,RANG NYID SKAD CIG GIS YE SHES MKHA' 'GROR GSAL BA'I NGANG NAS SNGON 'GRO GTOR MA MKHA' 'GRO SPYI GTOR GYIS BTANG, DE NAS MCHOD PA BSANG BA DANG, SBYANG BA DANG, BSKYED PA DANG BYIN GYIS BRLABS LA, SKYABS SU 'GRO BA DANG SEMS BSKYED PA BYA, DE NAS RANG NYID YE SHES MKHA' 'GRO ZHAL GSUM PHYAG DRUG PA'AM, ZHAL GCIG PHYAG GNYIS PAR GSAL BA'I THUGS KAR PADMA DANG ZLA BA LA GNAS PA'I H'Um DMAR PO LAS 'OD 'PHROS PAS, RANG BZHIN GYI GNAS NAS YE SHES MKHA' 'GRO LHA BCU GSUM GYI DKYIL 'KHOR LA SANGS RGYAS DANG, BYANG CHUB SEMS DPA' DPAG TU MED PAS BSKOR BA SPYAN DRANGS LA 'OD ZER SNYING KHAR BSDU'O, ,SNYING KHA'I SA BON LAS SPROS PA'I MCHOD PA'I LHA MO RNAMS KYIS MCHOD PAR BSAMS TE, CHU GNYIS SNGON DU 'GRO BA'I NYER SPYOD ROL MO DANG BCAS PAS MCHOD LA, NANG MCHOD KYIS KYANG MCHOD DE, THOG MAR AOm A'A: H'Um GIS BLA MA LA DBUL, DE NAS SNGAGS DE NYID KYIS TSOGS ZHING GI LHA LA DBUL LO, ,DE NAS, DKON MCHOG GSUM LA BDAG SKYABS MCHI, ZHES SOGS KYIS YAN LAG BDUN PA BYA, DE NAS, SEMS CAN THAMS CAD BDE BA DANG LDAN PAR GYUR CIG ,SDUG BSNGAL DANG BRAL BAR GYUR CIG ,BDE BA DANG MI 'BRAL BAR GYUR
, ,CIG ,SEMS CAN THAMS CAD LA CHAGS SDANG NYE RING THAMS CAD DANG BRAL BA'I BTANG SNYOMS LA YUN RING DU GNAS PAR GYUR CIG SNYAM PA'I CHED MED PA BZHI BSGOM, DE NAS, AOm SVA BH'A WA SHUD DHA SARBA DHARMA SVA BH'A WA SHUD DHO NYAHAm, ZHES BRJOD LA CHOS THAMS CAD RANG BZHIN GYIS RNAM PAR DAG PA'I STONG PA NYID DU BSAM LA, STONG PA'I NGANG LAS AOm H'Um SV'A H'A ZHES BRJOD PAS 'OG RDO RJE'I SA GZHI, AOm DZAm BHA NI H'Um PHAt ZHES BRJOD PAS RDO RJE'I RA BA GRU BZHI, AOm DZUm SV'A H'A ZHES BRJOD PAS RDO RJE'I GUR DANG BLA RE, AOm H'Um PHAt ZHES BRJOD PAS BGAGS ? RNAMS LA PHUR BUS BTAB PAR BSAM MO, ,DE NAS, RA BA'I NANG DU PAm LAS PAD MA AA LAS ZLA BA'I STENG DU RANG GI SEMS SU GYUR PA'I H'Um BSAM LA, DE LAS 'OD ZER 'PHROS 'PHAGS PA MCHOD SEMS CAN GYI DON BYAS SLAR 'DUS YONGS SU GYUR PA LAS, RANG NYID YE SHES MKHA' 'GRO MA SKU MDOG DMAR MO RTZA ZHAL DKAR LA BZHAD PA, GA-YAS ZHAL NAG LA KHROS PA, GA-YON ZHAL DMAR LA SGEG PA'I ZHAL GSUM PA CAN, PHYAG DRUG GI GA-YAS DANG POS MDA', BAR PAS LCAGS KYU, THA MAS RDO RJE NAM MKHAR GDENGS PA, GA-YON PA GSUM NA DPAG BSAM GYI LCUG MA DANG, THUGS KAR SDIGS MDZUB DANG BCAS PA'I ZHAGS PA DANG GZHU 'DZIN PA, DBU SKRA SHIN TU MDZES PA, RIN PO CHE'I RGYAN GYIS BRGYAN PA, ZHABS GNYES SEMS
DPA'I SKYIL MA KRUNG GIS BZHUGS PA, SKU'I 'OD ZER LAS SANGS RGYAS KYI TSOGS NAM MKHA' GANG BA 'PHRO BA'I THUGS KAR ZLA BA LA GNAS PA'I H'Um LAS 'OD 'PHROS, RANG BZHIN GYI GNAS NAS YE SHES MKHA' 'GRO MA 'KHOR DANG BCAS PA SPYAN DRANGS LA, RDO RJE KHU TSUR BCINGS PA'I GUNG MO GNYIS RTZE SPRAD PA'I DAM TSIG GI PHYAG RGYA BSTAN LA, MCHOD PAS MCHOD, DZA: H'Um BAm HO: ZHES PAS GNYIS SU MED PAR BSTIM, YANG THUGS KA NAS 'OD ZER 'PHROS, RIGS LNGA 'KHOR DANG BCAS PA SPYAN DRANGS, DE BZHIN GSHEGS PA RNAMS KYIS BDAG LA MNGON PAR DBANG BSKUR DU GSOL, ,ZHES GSOL BA BTAB PAS, DE BZHIN GSHEGS PA RNAMS KYIS, AOm SARBA TA TH'A GA TA AA BHI shE KA TA SA MA YA SHRI YE H'Um ZHES GSUNG ZHING DBANG BSKUR DRI MA DAG CHU LHAG MA YAR LUNG PAS MI BSKYOD PAS DBU BRGYAN PAR BSAMS LA, SNGAR LTAR MCHOD DE, DPAL LDAN RDO RJE MKHA' 'GRO MA, ,MKHA' 'GRO MA YI 'KHOR LO BSGYUR, ,YE SHES LNGA DANG SKU GSUM LDAN, ,'GRO BA SKYOB LA PHYAG 'TSAL LO, ,ZHES PAS BSTED LA NANG MCHOD KYIS KYANG MCHOD DO,, ` ,,'PHO BA'I GDAMS PA NI, DANG POR YE SHES MKHA' 'GRO MA'I BSKYED RIM LA BSLAB, DE NAS DBANG PO'I SGO RNAMS 'GOG PA'I YI GE LA GSAL SNANG 'DON, DE'I RJES SU LTE BA'I BUM PA CAN BYED, DE NAS GSANG GNAS SU STENG 'OG GI RLUNG GNYIS KHA SBYAR BA'I BUM PA CAN BYED, BUM PA CAN SGOM PAS SNA BUG GI RGYU BA LOG NAS SNANG MCHED THOB GSUM MAM, DGA' BA BZHI 'CHAR NA, 'PHO BA'I DMIGS PA SKYONG BA'I DUS YIN,
, ,DE SKYONG BA NA SNYING KHA'I YI GE RNAMS SPYI GTZUG GI 'OG BAR DU RLUNG PHYIR 'GRO BA DANG BSTUN NAS 'DREN, YANG NANG DU 'JUG PA DANG BSTUN NAS SNYING KHA BAR DU 'BEBS PA LA GOMS PAR BYED THUN GYI MTHAR SNYING KHAR SNGAR BKOD PA BZHIN 'JOG ,SKYONG BA'I CHE SPYIR YI GE KUN DANG KHYAD PAR DU SPYI GTZUG GI YI GES DAM PAR BKAG PAS NYEN YE MED, GOMS PAR BYAS PAS GRUB PA'I CHOD? NI, RLUNG 'BYUNG 'JUG GIS STENG 'OG TU 'DREN PA RANG GI NGANG GIS 'JUG PA THUB PA'I TSAD YIN, BUM PA CAN LA'ANG DRAG SHUL MI BYED PAR 'JAM RLUNG NYID 'DZIN CING, RLUNG PHYI NANG GI BZLAS PAS YAR MAR 'DREN PA LA'ANG 'JAM PO NYID BYAS PAS NYEN MED, DE LA NYAMS SKYE TSUL RNAMS ZHIB PAR DRI DGOS,, ,, ` SANGS RGYAS DANG CHOS DANG, DGE 'DUN TE BLA NA MED PA'I DKON MCHOG GSUM LA, SNGON BSNYEN BKUR MDZAD CING DGE BA'I RTZA BA RGYA CHER BSKYED PA, 'JIG RTEN NA LHA DANG MI RNAMS KYI CHOS DKAR PO'I PHYOGS RTAG TU RGYA CHER SPEL ZHING SRUNG BA, SEMS CAN RNAMS 'THAB PA DANG, RTZOD PA DANG 'GYED PA DANG, PHYI DGRA DANG, NANG 'KHRUG DANG, GNOD PA DANG NYAM NGA BA DANG, MI BDE BA DANG SDUG BSNGAL BA DANG, NAD DANG RIMS DANG ME NGAS DANG, PHYUGS NGAS DANG, MU GE DANG LO NYES DANG LTAS NGAN PA DANG MTSAN MA NGAN PA THAMS CAD RAB TU ZHI BAR MDZAD PA, SNGON SANGS RGYAS 'DAS PA CHEN PO'I TSE, THEG PA CHEN PO'I MDO SDE DANG, 'DUL BA DANG CHOS MNGON PA DANG, GZUNG SNGAGS DANG RIG SNGAGS
DANG SNYING PO DANG PHYAG RGYA LA SOGS PA ZAB CING RGYA CHE BA BSHAD PA'I TSE NA SANGS RGYAS BCOM LDAN 'DAS KYIS, YONGS SU MYA NGAN LAS 'DAS PA'I 'OG TU PHYI MA'I DUS KYI TSE, NGA'I BSTAN PA DAM PA'I CHOS DANG, DGE SLONG DANG DGE SLONG MA DANG DGE BSNYEN MA'I 'KHOR RNAM BZHI DANG, RGYAL PO DANG BLON PO DANG, RIGS BZHI DANG CHOS DANG LDAN ZHING CHOS SPYOD PA THAMS CAD DANG, LHA YUL DANG, YUL 'KHOR DANG, GRONG DANG GRONG KHYER LA SOGS PA LA, 'BYUNG PO'I TSOGS MI DGE BA RNAMS SRUNGS SHIG ,CES ZHAL GYIS BKA' STZAL ZHING, DE DAG GIS KYANG DAM TSIG MNOS TE, LHA DANG MI'I MGON MDZAD PA PHYAG BYA BA'I GNAS BKUR STI BYA BA'I GNAS BLA MAR BYA BA'I GNAS, BTZUN PAR BYA BA'I GNAS DPAL YE SHES KYI MGON PO RNAMS DANG, BENG ? CHEN PO LHAM DRAL DANG, RGYAL PO CHEN PO YUL 'KHOR BSRUNGS DANG 'PHAGS SKYES PO DANG SPYAN MI BZANG RGYAL PO CHEN PO RNAM THOS SRAS GNOD SBYIN RTA BDAG BRGYAD 'KHOR DANG BCAS PA BDAG NYID CHEN PO DAM TSIG CAN, SANGS RGYAS MTHONG BA, CHOS THOS PA, DGE 'DUN LA BRTEN PA, LHA DANG MI'I MGON MDZAD PA RTAG TU DKON MCHOG GSUM GYI ZHABS 'BRING MDZAD CING, BSTAN PA 'KHOR RNAM BZHI DANG, MCHOD RTEN DANG GTZUG LAG KHANG SRUNG BA, DAM PA'I CHOS SPEL BAR THUGS DAM BCAS PA RNAMS KYIS SNGON GYI THUGS DAM BZANG PO JI LTAR BCAS PA BZHIN MDZAD PA DANG, KHYAD PAR DU, SANGS RGYAS KYI ZHING YONGS SU DAG PA'I GZHAL MED KHANG CHEN PO CI 'DRA BA DE 'DRA BA'I PHO BRANG MCHOG MCHED PA'I RDZAS DANG STEN PA'I RDZAS PHUN SUM
, ,TSOGS PAS BRGYAN PA 'DIR 'KHOR BA JI SRID DU BZHUGS NAS SKU GSUNG THUGS KYI RTEN PHO BRANG DANG BCAS PA SRUNG BA DANG, JO BO RIN PO CHE'I 'PHRIN LAS PHYOGS DUS GNAS SKABS THAMS CAD DU DAR ZHING RGYUN MI 'CHAD PA DANG, RGYAL BA MA PHAM PA'I GSUNG RAB 'DZIN SKYONG SPEL BA'I DGE 'DUN GYI SDE CHEN PO 'PHEL BA DANG SBYIN PA'I BDAG PO LA SOGS PA YUL SPYOD PA RNAMS KYIS THOG DRANGS SEMS CAN THAMS CAD 'JIG RTEN DANG 'JIG RTEN LAS 'DAS PA'I DPAL 'BYOR THAMS CAD DANG LDAN ZHING MI MTHUN PA'I PHYOGS THAMS CAD LAS GNAS SKABS THAMS CAD DU SRUNG BA DANG SKYAB PA DANG, SBA BA LA SKAD CIG KYANG GA-YEL BA MED PAR MDZOD CIG ,MI PHAM MDUN SA RDZING SPYI DGA' LDAN GLING, ,GANG DER RGYAL BAS BSNGAGS PA'I TSANGS SPYOD MCHOG ,SKYON BRAL TSUL KHRIMS LHUR LEN SH'AKYA'I SRAS, ,NGUR SMRIG 'DZIN PA'I SDOM BRTZON SHA STAG GIS, ,YONGS SU GANG ZHING RAB 'BYAMS GZHUNG LUGS LA, ,CHOS BRGYAD RNAM RTOG MTSAN MAS MI GA-YO BAR, ,BSTAN DANG SEMS CAN KHRUNG CHEN KHYER BA YIS, ,MKHAS PA'I BYA BA RNAM GSUM MTHAR PHYIN SHOG , DZA YANTU,,