` ,,SVASTI PRADZNYA BHYA: 'PHRAL DANG YUN GYI BDE BA YID BZHIN DU, ,LEGS PAR 'GRIG PA'I RTEN 'BREL RTZA BA NI, ,GSUNG RAB KUN NAS BLA MAR GSUNGS BAS NA, ,SKYABS GSUM NGO BOR BSGOMS LA GSOL BA THOB, ,TSE 'DI'I PHUN TSOGS JI TZAM SPYAD GYUR KYANG, ,'CHI BA'I DUS SU CHOS MIN KUN GYIS BSLU, ,DKAR NAG LAS KYI 'BRAS BUS MI BSLU BAS, ,SDIG SPONG DGE BA BSGRUB LA 'BAD PAR BYA, ,NYES MED SROG CHAGS GSOD PA'I LAS RNAMS NI, ,MYUR DU MYONG ZHING NGES PAR MYONG 'GYUR LA, ,RANG LA SMIN NA BZOD PA'I THABS MED PAS, ,'DI LA SHIN TU SHIN TU 'DZEM PAR BYA, ,'DI NI 'DI 'DRA'I TSUL LA RAB MOS PA, ,YA RABS SPYOD TSUL RGYAN GYIS MDZES DE LA,, NGES MED GNAS SU 'KHYAMS PA'I RGYAL KHAMS PA, ,BLO BZANG GRAGS PA'I MCHID NAS DE SKAD LO, ,ZHES PA 'DI 'OL KHAR DANG POR BYON DUS STOD LUNGS PA DPON YON TAN RGYA MTSO LA GDAMS PA'O,,