` ,,NA MO MANYDZU GHO sh'A YA, GANG ZHIG ZHABS PAD GUS PAS RAB BSTEN NA, ,'DOD PA THAMS CAD BDE BLAG STZOL MDZAD PA, ,'DREN MCHOG BLA MA'I ZHABS LA PHYAG BYAS TE, ,MDOR BSDUS SMRA BA 'DI NI NYAN PAR GYIS, ,BZANG PO'I LAS MANG DAG GIS LEGS BSGRUBS PA'I, ,DAL BA'I RTEN BZANG 'DI 'DRA RNYED PA'I TSE, ,NYIN MTSAN KUN TU DGE LA MA 'BAD NA, ,DE LAS BSLUS PAR GYUR PA GZHAN GANG YOD, ,DENG BYA SANG BYA'I LE LOS G-YENGS GYUR NA, ,DON MA GRUB PAR STOBS CHEN 'CHI BDAG GIS, ,'JIG RTEN PHA ROL GNAS SU KHRID GYUR NA, ,DE TSE MYA NGAN GYUR KYANG CI BYAR YOD, ,DE PHYIR MYUR DU 'CHI BA'I TSUL BSAM ZHING, ,SHI NAS LUS KYI RJES SU GRIB MA BZHIN, ,LAS GNYIS 'BRANG BA YANG DANG YANG BSAMS NAS, ,SDIG SBYANG DGE BA BSAG LA GUS PAR BYA, ,SKYE DGU 'JIGS RUNG 'KHOR BA'I G-YANG SA RU, ,GROGS MED GCIG PUR KUN TU 'KHYAMS PA NA, ,DKON MCHOG GSUM DANG 'DRA BA'I
SKYABS GZHAN MED, ,DE PHYIR BSAM PA THAG PAS SKYABS SU SONG, ,SEMS CAN 'DI RNAMS BDAG GI GNYEN YIN TE, ,YUN RING DUS NAS PHAN PA DPAG MED BYAS, ,'DI DAG SDUG BSNGAL RGYA MTSOR LHUNG BA LA, ,RNAM PA KUN TU BRTZE BAR BYA BAR RIGS, ,DE DAG THAR PA'I LAM LA 'GOD PA'I PHYIR, ,RGYAL BA'I GO 'PHANG 'DOD PA'I SEMS BSKYED NAS, ,SNA TSOGS SGO NAS DGE BA GSAG BYA STE, ,PHYOGS RE TZAM GYIS TSIM PAR BYA BA MIN, ,MDOR NA GANG ZHIG KHAS BLANGS SDOM PA RNAMS, ,YONGS SU DAG PAR BYA BA GZHIR BZUNG NAS,, RANG GI STOBS DANG 'TSAM PAR NYAN PA DANG, ,SEMS DANG SGOM PA'I TSUL LA 'BAD PAR MDZOD, ,MI 'DOD SDUG BSNGAL DU MA'I RGYUR GYUR PA, ,SGO GSUM NYES SPYOD GSAR DU 'JUG PA NI, ,SDOM PAS BKAG STE SNGON GYI NYES SPYOD RNAMS, ,STOBS BZHI'I 'BAD PAS RTAG TU SBYANG BAR BYA, ,ZHES PA 'DI NI 'GRO MGON RDO RJE DPAL GYIS NYE BAR BSKUL BA'I NGOR, ,SH'AKYA'I DGE SLONG BLO BZANG GRAGS PA'I DPAL GYIS LCANG RING THANG DU SBYAR BA'O,,