Steps of the Path imparted by the Lord of the Dharma, the Buddha, the Conqueror, the Victor, the One filled with Great Compassion, in order to Benefit all Disciples

` ,,CHOS KYI RJE SANGS RGYAS BCOM LDAN 'DAS RGYAL BA THUGS RJE CHEN PO DANG LDAN PAS GDUL BYA PHAN BDE LA SBYOR BA'I RIM PA NI 'DI YIN TE, DANG POR NI MNGON PAR MTHO BA'I BDE BA DANG, ,PHYIS NI NGES PAR LEGS PA'I BDE BA LA 'GOD PA'O, 'DI TZAM GYIS NI SKYES BU'I GNAS SKABS DANG, ,MTHAR THUG GI 'DOD PA THAMS CAD YONGS SU RDZOGS PA'I PHYIR, DON DU GNYER BAR BYA BA NI 'DI DAG TU YONGS SU TSANG BAR LTA BAR BYA STE, LHAG PA DANG MA TSANG BA MED PA'O, ,DE'I PHYIR CI TZAM BSHAD KYANG RAN PA, GANG NAS BSHAD KYANG 'BREL BA, CHA SHAS PHRA MO RES KYANG SKYE DGU RNAMS LA 'PHRAL DANG YUN DU BDE BA TSAD MED PA STER BA'I GDAMS PA DANG RJES SU BSTAN PA JI SNYED CIG BKA' STZAL PA THAMS CAD KYANG MNGON PAR MTHO BA DANG NGES PAR

, ,LEGS PA LAS BRTZAMS PA SHA STAG STE, DE LA NI RIM PA BZHIN DU GSAL BA'I GTAM DANG ZAB PA'I GTAM ZHES KYANG GRAGS SO, ,DE LA MNGON PAR MTHO BA NI LUS DANG LONGS SPYAD PHUN SUM TSOGS PA'O, ,NGES PAR LEGS PA NI MYA NGAN LAS 'DAS PA'O, , 'DI GNYIS BSGRUB PA'I RJES SU MTHUN PA'I THABS KYANG MDOR NA GNYIS TE, LAS DANG 'BRAS BU LA YID CHES PA'I DAD PA DANG, DE KHO NA NYID KYI DON RIG PA'I SHES RAB BO, ,'DI GNYIS LA YANG SRID PA'I RTZA BA GCOD PAR NUS PA'I PHYIR SHES RAB NI GTZO BO DANG ,DAD PA NI PHAL PA'O, 'ON KYANG DAD PA SNGON DU 'GRO BA CAN GYI SHAS RAB SKYED PAR BYED KYI, DAD PA NI SRID PA'I 'BRAS BU CAN NO, ,SHES RAB NI THAR PA'I 'BRAS BU CAN YIN PA'I PHYIR SNYAM DU BSAMS NAS DAD PA LA RTZIS MED PAR BYAS TE, SHES RAB NAS 'JUG PAR BYA'O ZHES PA SKYE BO BLUN PO DGE BA'I BSHES GNYEN GYI DMIGS BU DANG BRAL BA, MANG DU THOS PA'I DON TSUL BZHIN DU DPYOD PA'I RIGS PA'I NOR GYIS DBUL BA, 'GRON PO PHYOGS BSLAD PA LTAR LAM DANG LAM MA YIN PA RNAM PAR 'BYED PA'I BLO YI NUS PA DANG BRAL BA RNAMS KYI 'JUG NGOGS SU NI NAM YANG 'GRO BAR MI BYA'O, ,'DI LA GTAN TSIGS BSTAN PA, ,SRID PA DU MAR GOMS PA LAS, ,RNYED PAR 'GYUR BA'I THAR PA NI, ,BDE 'GRO LAS YIN DE YANG NI, ,YANG DAG LTA BAS DRANGS PA YI, ,LUS NGAG YID KYI RTZOM PA RNAMS, ,KHA NA MA THO DANG BRAL BA'I, ,LEGS PAR SPYAD PA'I LAS RNAMS LA, ,RTAG TU 'JUG LAS 'THOB PHYIR DANG, SRID PAR 'GRO BA'I RIM PA RNAMS, ,JI BZHIN RTOGS PAR GYUR PA YIS, ,JI SRID YID SKYO MA GYUR PA, ,DE SRID ZHI GUS GA LA YOD, ,'DI NI RGYU MTSAN GTZO BO STE, ,MKHAS PAS 'DI LA DPAGS NAS NI, ,RIM PA 'DI LAS

MI 'DA' BA'I, ,RGYU MTSAN GZHAN YANG SHES PAR BYA, ,ZHES PA 'DI SH'AKYA'I DGE SLONG BLO BZANG GRAGS PA'I DPAL GYIS SKYAR BA'O,,