` ,,NA MO GU RU MANYDZU GHO sh'A YA, SHES BYA KUN LA THOGS MED 'JAM PA'I DBYANGS, ,MTHA' YAS 'GRO BA'I MAR GYUR SPYAN RAS GZIGS, ,MA LUS BDUD DBUNG 'JOMS MDZAD GSANG BA'I BDAG ,RIGS GSUM 'DUS SKU BLA MA'I ZHABS LA 'DUD, ,SKYON BRAL TSUL KHRIMS CHU GTER DBUS NA MDZES, ,RGYAL SRAS SPYOD PA'I 'DAB STONG RAB TU RGYAS, ,GSANG BA'I DAM TSIG SBRANG RTZI'I DPAL 'DZIN PA, ,SDOM GSUM RGYAN GYIS MDZES LA GSOL BA 'DEBS, ,RGYAL BA'I GSANG BA'I MDZOD 'DZIN RDO RJE 'CHANG, ,DE YI GSUNG RGYUN BDUD RTZIS BLO GLOS LUS; ;LEGS PAR RGYAS PA'I RGYAL SRAS 'GRO BA'I MGON, ,SKYE DGU'I GTZUG GI RGYAN LA GSOL BA 'DEBS, ,ZAB MO JI BZHIN MKHYEN PA'I THUGS MNGA' ZHING, ,NYID KYIS GZIGS BZHIN 'GRO LA BSKRUN PA'I PHYIR, ,GZHAN PHAN SGRUB LA SKYO BA MI MNGA' BA, , 'GRO BA'I DED DPON KHYOD LA PHYAG 'TSAL LO, ,BYAMS PAS KHRO BA'I GO SKABS MED PAR MDZAD, ,BRTZE BAS GZHAN DON 'BA' ZHIG LHUR MDZAD CING, ,BSTEN PA TZAM GYIS DANG GIS DGE BA 'PHEL, ,YON TAN PHUNG PO KHYOD LA GSOL BA 'DEBS, ,MTHU CHEN KHYOD LA GSOL BA 'DEBS PA BDAG ,TSE RABS KUN TU KHYOD DANG MI 'BRAL ZHING, ,MI PHYED DAD PAS KHYOD MNYES BGYID PA DANG, ,ZAB MO'I GDAMS PAS RJES SU 'DZIN PAR SHOG ,GSANG BA'I BDAG PO DPAL LDAN BLA MA YIS, ,BRTZE BAS BZUNG TSE BLA MA'I YON TAN
KUN; ;LEGS PAR MTHONG ZHING YID CHES CHEN PO YIS, ,THE TSOM BRAL ZHING GSUNG BZHIN SGRUB PAR SHOG ,MDOR NA BDAG GI MNGON PAR 'DOD PA'I DON, ,THAMS CAD YID LA SMON BZHIN 'GRUB PA DANG, ,MI 'DOD DNGOS PO THAMS CAD NYER ZHI NAS, ,BSHES GNYEN DAM PAS 'BRAL MED 'DZIN GYUR CIG ,CES LHO BRAG MKHAN CHEN NAM MKHA' RGYAL MTSAN PA LA GSOL BA 'DEBS PA 'DI NI MANG DU THOS PA'I RGYAL KHAMS PA BLO BZANG GRAGS PA'I DPAL GYIS SBYAR BA'O,,