` ,,RJE BTZUN 'JAM PA'I DBYANGS LA GUS PAS PHYAG 'TSAL LO, , RAB 'BYAMS GZHUNG LA DRI MED SHES RAB RGYAS, ,TSOGS GNYIS DPAL GYIS BSTAN 'DZIN KHROD NA MTHO, ,BZANG PO'I MDZAD PAS THUB STAN RGYAS MDZAD PA, ,BSHES GNYEN DE YIS BDAG LA 'DI SKAD DU, ,KHYAD KYIS JI LTAR NYAMS SU BLANGS PA'I TSUL, , NYUNG 'DUS YI GER BRIS LA BSKUR GSUNG BA, ,BDAG 'DRA'I RTOGS PA BRJOD PAS MKHAS PA KHYOD, ,RANGS PAR DKA' MOD 'ON KYANG KHYOD KYI GSUNG, ,BCAG PAR MA NUS RANG GIS GO BA'I TSUL, ,SGRUB BYED RGYAS PA DOR NAS MDOR BSDUS TE, ,GSOL BA 'DI
, ,LA RMAD BYUNG MKHYEN PA CAN, ,NYID KYIS ZHIB PA'I THUGS KYIS BRTAG PAR MDZOD, ,DE LA LAM GYI RNAM PAR BZHAG PA 'DI SHIN TU GAL CHE BA DANG, DA LTA LOG PAR RTOG PA YANG MTHA' YAS PA SNANG BAS, LUNG RIGS KYIS ZHIB TU DPYAD DE RGYAS PAR GTAN LA DBANG DGOS PAR SNANG NA YANG, NYUNG 'DUS SHIG BSKUR GSUNG BA 'DUG PAS, RANG GIS JI LTAR KHONG DU CHUD PA'I TSUL 'GA' ZHIG BRJOD PAR BYA'O, ,'DI NA DA LTA CHOS KYI RJE SNGAGS DANG PHA ROL TU PHYIN PA'I THEG PA GNYIS LA 'DOD YON LAM DU BYED MI BYED LA SOGS PA'I GNAD BKAG MI 'DRA BA 'GA' ZHIG GSUNGS PA LA CHOS CHER 'KHRUL NAS, LAM DE GNYIS TSA GRANG BZHIN DU MI MTHUN PAR BZUNG NAS, BYANG CHUB KYI MCHOG TU SEMS BSKYED DO, , RGYAL SRAS KYI SDOM PA BZUNG NAS SPYOD PA PHA ROL TU PHYIN PA DRUG LA SLOB PA'I TSUL THEG PA CHEN PO SPYI'I GZHUNG SHING, SNGAGS DANG PHA ROL TU PHYIN PA GNYIS KA NAS LAN DU MAR MTHUN PAR GSUNGS PA GSUNG RAB KYI DGONGS PA 'GREL PA LA CHOS KYI SPYAN DU GYUR PA'I MA PHAM PA DANG KLU SGRUB DANG THOGS MED KYIS RGYAL SRAS RNAMS KYI BGROD PA GCIG PA'I LAM DU LEGS PAR BKRAL BA LA SEMS BSKYED PA TZAM MA GTOGS PAR, LAM GZHAN RNAMS LA RTZIS CI YANG MED PAR BYAS NAS DOR TE, LAM GYI CHA SHAS PHRA MO 'GA' ZHIG LA GDAMS PA'I MCHOG TU BYED PAR SNANG MOD, KHO BO NI SNGAR SMOS PA'I LAM GYI TSUL DE SNGAGS DANG PHA ROL TU PHYIN PA'I THEG PA CHEN PO GNYIS GANG DU 'JUG KYANG LAM GYI GZHUNG SHING DU 'DOD PAS DE
LA MED DU MA RUNG BA'I NYAMS LEN DU BYED DO, ,GZHAN YANG BYANG CHUB KYI SEMS YANG GDAMS NGAG GI SNGON 'GRO TZAM DU BYAS TE, GDAMS PA'I MTHIL DU BYAS NAS MI SBYONG BAR SNANG MOD, 'DI YANG GTAN MA YIN TE STONG NYID RTOGS PA'I SHES RAB NI MA DANG 'DRA BAR SRAS BZHI KA'I THUN MONG GI SKRUN BYED YIN PAS YUM ZHES GSUNGS PA BYANG CHUB KYI SEMS NI SANGS RGYAS KYI RGYU THUN MONG MA YIN PA YIN PAS PHA YI SA BON DANG 'DRA BAR LAN CIG MA YIN PAR GSUNGS PAS NA, THEG PA DMAN PAR LTUNG BA 'GOG BYED GANG RGYUD LA SKYES PA NA GANG ZAG DE LA RGYAL BA'I SRAS ZHES THA SNYAD 'THOB PA'I GZHI NI, RIN PO CHE'I SEMS 'DI NYID YIN PAS 'DI MA SKYES PA SKYE BA DANG, SKYES PA GNAS PA DANG, GNAS PA 'PHEL BA LA SKYES BU'I RTZAL CI YOD KYIS 'BAD NAS, NYAMS LEN GYI MTHIL DU GZUNG DGOS TE, 'DI TSIG TZAM DU SONG NA THEG PA CHEN PO YANG TSIG TZAM TU 'GRO LA 'DI BCOS MA MA YIN PA CIG YOD NA THEG PA CHEN PO YANG BCOS MA MA YIN PAR 'GYUR RO, ,DE LTA BU'I SEMS DE SKYE BA LA YANG GZHAN GYI SDUG BSNGAL MI BZOD PA'I SNYING RJE SKYE DGOS LA, DE YANG SPYOD PA LA 'JUG PA LAS, SEMS CAN DE DAG NYID LA SNGON, ,RANG GI DON DU 'DI 'DRA'I SEMS, ,RMI LAM DU YANG MA RMIS NA, ,GZHAN GYI DON DU GA LA SKYE, ,ZHES GSUNGS PA LTAR RANG 'KHOR BAR 'KHAMS PA'I TSUL BSAMS PA NA BA SPU GA-YO 'GUL MED PA CIG LA, GZHAN 'KHOR BAR 'KHYAMS PA MI BZOD PA'ANG 'ONG SA MED PAS THOG MAR RANG SRED MTSOR LHUNG BA LA YANG DANG YANG DU BSAMS NAS 'JIGS SHING SKRAG LA SKYO ZHING YID 'BYUNG BA SKYES
, ,BU 'BRING DANG THUN MONG PA'I BSAM PA SKYED DGOS, DE NAS RANG GI NYAMS LA DPAGS NAS MAR GYUR PA'I 'GRO BA KUN KYANG RANG 'DRA BAR SRID MTSOR LHUNG BA LA BYAMS PA DANG SNYING RJE CHEN PO'I DBANG GIS SRID PA'I SKYON MTHA' YAS PA MTHONG NAS, THEG DMAN LAS 'BUM 'GYUR GYIS SKYO BA YOD KYANG RANG DON DU ZHI BA TZAM LA THOB 'DOD MED PA DE BYANG CHUB SEMS DPA'I KHYAD CHOS YIN GYI, SRID PA'I SKYON MTHONG BA'I SKYO BA CUNG ZAD KYANG MED PAR KHO BO CAG SEMS CAN GYI DON DU 'KHOR BAR SDOD DO BYAS KYANG TSIG TZAM DU ZAD DO, ,DE LTAR RANG NYID SRID PA LA SKYO BA SKYED PA LA YANG NGAN 'GROR LTUNG BA'I TSUL BSAMS PA NA SKYO BA MI SKYE BA CIG LA MTHO RIS SU 'KHOR BA'I TSUL BSAMS PAS SKYO BA SKYES MED PAS SNGON LA RANG NGAN 'GROR LHUNG NA JI 'DRA BAR 'GYUR SNYAM DU NGAN 'GRO'I NYES DMIGS SGOM DGOS LA, DE LA YANG MYUR DU 'CHI BA DANG SHI BA'I RJES SU LAS GNYIS LUS LA GRIB MA BZHIN DU 'BRANGS NAS 'BRAS BU BDE SDUG SKYED PA'I LAS 'BRAS LA NGES PA BRTAN PO SKYED DGOS PAS SKYES BU CHUNG NGU DANG THUN MONG PA'I BSAM PA SBYANG 'TSAL LO, ,DE LTAR RIM PA DES BYANG CHUB KYI SEMS RNAL MA SKYES KYANG RGYAL SRAS KYI SPYOD PA LA MA BSLABS NA SANGS MI RGYA BAR RIG NAS RGYAL SRAS KYI SPYOD PA LA SLOB PAR KHAS LEN PA BYANG CHUB SEMS KYI SDOM PA BZUNG BA DANG, KHAS BLANGS PA'I DON LA KHAS BLANGS PA LTAR SGRUB PA MED NA KHAS LEN LA DPA' BA TZAM NI NYES DMIGS KYI
PHYOGS SU 'GYUR BAR MTHONG NAS BYANG SEMS KYI BSLAB BYA PHYIN DRUG GAM TSUL KHRIMS GSUM LA SLOB DGOS PA DE GSUM LA SLOB PA LA YANG SDOM PA'I TSUL KHRIMS NI BYANG SAR SO THAR RIS BDUN LA GSUNGS SHING, THOG MAR SDOM PA'I TSUL KHRIMS KYIS MA BSGOMS NA TSUL KHRIMS GZHAN GNYIS DAG PAR MI 'GYUR BAR BYANG SA'I RNAM PAR GTAN LA DBAB PA BSDU BA LAS GSUNGS PAS GANG KHAS BLANGS PA'I SO SOR THAR PA LA 'BAD PA NI BYANG CHUB SEMS DPA'I BSLAB PA LA SLOB PA'I TSE NA YANG THOG MA'I GAL CHE SHOS SO, ,DE LTA BU'I LAM DE GZHIR BZHAG NAS TSOGS GNYIS BDE BLAG TU RDZOGS PAR 'DOD PAS RDO RJE THEG PA SPYI DANG KHYAD PAR RNAL 'BYOR BLA NA MED PA'I LAM DU 'JUG DGOS PAS, DBANG GI RGYUD SMIN PAR BYED PA'I SKABS SU SANGS RGYAS DANG BYANG SEMS MTHA' YAS PA BLA MA DANG BCAS PA DBANG DU BYAS NAS KHAS BLANGS SHING DNGOS GRUB RNAM PA GNYIS 'GRUB PA'I GZHI DAM TSIG DANG SDOM PA BSRUNG BA LA NAN TAN CHEN PO DGOS TE 'DI MED NA 'GRAM RTZA ZAD PA'I KHANG RUL DANG 'DRA BAS SNGAGS KYI LAM LA 'BAD BLO BYAS KYANG, RE ZHIG DAM TSIG NYAMS PA LA DNGOS GRUB THOB PA LTA ZHOG GO ,MI'I SKYE BA'ANG RNYED PAR DKA', ZHES SAR HAS GSUNGS PA LTAR 'GYUR LA, DAM TSIG DANG SDOM PA BSRUNGS NA NI THUN BZHI'I RNAL 'BYOR GYI LAM BSGOM PA TZAM MA BYUNG YANG, MA BSGOMS GYUR KYANG LTUNG MED NA, ,SKYE BA BCU DRUG DAG NA 'GRUB, ,CES GSUNGS PA'I PHYIR RO, ,DE LA RDO RJE THEG PA'I BSLAB BYA MTHA' YAS SHING
, ,BSTAN PA'I YANG SNYIGS SU SONG BAS, THABS CAD SRUNG DKA' NA'ANG SDOM PA GCOD PA'I RTZA LTUNG BSRUNG BA LA 'BAD PA DRAG PO BSTEN DGOS PAR GO ,DE LTAR RGYUD SMIN NAS LAM BSGOM PA'I TSE THOG MAR LUS DANG GNAS DANG LONGS SPYOD SPYOD DU SNANG BA LA THA MA LA DU 'DZIN PA BKAG NAS KHYAD PAR CAN DU BSGYUR BAS NYES SPYOD RNAMS DGAG PAR SLA ZHING TSOGS RNAMS RDZOGS PAR SHIN TU SLA BA'I LAM SANGS RGYAS RJES SU DRAN PA'I TING NGE 'DZIN RGYAL BA NYID KYIS NAN TAN DU MAS RGYUD SDE RNAMS SU YANG DANG YANG DU BKA' STZAL BA'I BSKYED PA'I RIM PA BSGOM PA NI ZAB BAR 'DOD PA'I GDAMS NGAG GZHAN DU MA ZHIG LAS KHYAD PAR 'PHAGS SHING RNAL 'BYOR BLA NA MED PA'I LAM GYI RTZA BA LTA BUR GO ,DE LA BRTEN NAS RDZOGS PA'I RIM PA BSGOM PA NA RGYUD SDE RNAMS NAS MANG DU GSUNGS KYANG SROG LTA BU NI, SNGAGS KYI THABS KHYAD PAR CAN GYIS ZIN PAR BYAS NAS SPROS PA DANG BRAL BA'I LTA BA SKYONG BA STE, DE NI MTHAR THAMS CAD DANG BRAL BA'I DBU MA'I DON LA RTAG CHAD DANG BRAL BA'I NGES PA RNYED PA KHO NA LA RAG LAS PAS STONG PA NYID LA LTA BAS PHU THAG CHOD NAS DE'I DON LA BZHAG SA MED PAR SEMS GNAS PA TZAM SGOM PA NI ZAB MO'I DON SGOM PA YIN SNYAM PA MED, DE YANG RGYUD SDE LA LA NA BZHUGS, LA LA NA SA BON TZAM SNANG BAS GANG DANG GANG DU MI RGYAS PA DE DANG DER RGYAS PAR BSHAD PA NAS BLANG DGOS KYI, THAD KA RE'I DON TZAM BZUNG BAS MI CHOG GO ,ZAB MO SPROS PA DANG BRAL BA'I DON LA NI SNGAGS DANG,
PHAR PHYIN KHYAD PAR MED PAR MKHAS PA GONG MA RNAMS BZHED PA LEGS PAR MTHONG BAS ZAB DON GYI GO BA NI DBU MA'I BSTAN BCOS LAS BTZAL NA SNGAGS LAS RTOGS PA SLA BAR MTHONG NGO, ,DE LTAR SNGAGS DANG MTSAN NYID KYI RGYAL BA'I BSTAN PA'I LUS YONGS SU RDZOGS ,SA PA'I GNAD DE 'DRA BA ZHIG TU MTHONG NAS RAGS RIM CHA TSANG RE LA NYAMS LEN CHUNG ZAD BGYIS SHING DNGOS SU 'JUG PAR MA NUS PA RNAMS SMON LAM GYI YUL DU BYAS TE YANG YANG 'DUN PA SPYAD, DE LTA BU'I BSTAN PA SPYI'I KHOG SGRIG MA SHES NA LAM GYI LUS YONGS SU RDZOGS PAR MTHONG BA'I SGO NAS NYAMS LEN GYI GNAD ZIN PA YANG MED, 'DI DAG LA BSTAN PA SPYI'I RGYUS YOD PA RNAM DPYOD DANG LDAN PA GZU BOR GNAS PA KHYAD PAR DU, NYAMS LEN LA BSKOR NAS RIGS PA PHRA MOS CHUNG GI DON DPYOD NUS PA CIG NGES PAR DGOS PAR MTHONG BAS, DAM PA KHYED 'DRA BAS DPYAD DGOS SHING, MED DU MI RUNG BA'I DPYAD GZHIR YANG SNANG BAS TSUL BZHIN DU DPYAD NAS RIGS PA GDA' NA DE'I SGO NAS RANG GZHAN GYI DON BGYID PAR ZHU, TSUL 'DI NI SDOM PA RTZON SDE SNOD 'DZIN PA RGYAL BA'I RING LUGS PA CHEN PO DKA' BZHI 'DZIN PA SHES RAB DPAL BZANG PO'I GSUNG LAN DU SH'AKYA'I DGE SLONG BLO BZANG GRAGS PA'I DPAL GYIS BYANG RVA SGRENG RGYAL BA'I DBEN GNAS SU SBYAR BA'O,,