Response to a Question posed by the Lord Rendawa concerning the Explanation of a Work entitled 'Handful of Flowers'

` ,,RJE RED MDA' PAS SNYIM PA'I ME TOG GI 'CHAD NYAN AE TSUGS GZIGS GSUNG BA'I ZHU LAN SA SKYA PA NGAG DBANG GRAGS PA'I ZHU LAN DU GNANG BA, BSHES GNYEN SPA BA LA GNANG BA, BSNGO BA'I RIM PA RNAMS BZHUGS),, ` ,,BSTAN PA RIN PO CHE'I MNGA' BDAG 'DREN MCHOG RIN PO CHE'I SPYAN SNGAR, BLO BZANG GRAGS PAS ZHU BA, SKU KHAMS RIN PO CHE 'GRO BA'I BSOD NAMS KYI ZHING DU BRTAN PA'I SKABS NAS, BKA' SHOG GNANG BA 'PHROD PA THUGS LA BTAGS, 'DIR YANG BLA MA DKON MCHOG GI THUGS RJE LA BRTEN NAS BDE BAR GYUR LAGS, SKABS KYI ZHU BA DPAL GSANG BA 'DUS PA LA LUGS GSUM GYI RNAM DBYE

BYUNG BA'I TSUL DGONGS PA LTAR GNANG BAS SHIN TU YA MTSAN LAGS, MKHAS PA SH'ANTI PA'I LUGS DE SNGA GONG ZHUS PA BZHIN 'GREL PA DE'I LUNG TZAM YANG MA THOB PAS DE LA YIG 'JOG DANG BSHAD NYAN BYAS KYANG MANG PO'I KHA SMRA BA CIG DANG PHAN CHER MED PA CIG LAS MI YONG BAR SNANG BAS DE LTAR BYED PA MA BYUNG LAGS, SPYIR BKA' STZAL LA MA GUS PA MA LAGS, DE LTAR DGONGS PA THUGS LA 'DOGS PAR ZHU, RTZA RGYUD KYI LE'U DANG POS MDOR BSTAN PA'I DON LE'U PHYI MA BCU DRUG GIS RGYAS PAR BSHAD PA RNAMS BSNYEN SGRUB YAN LAG BZHIR BSDUS PA CIG 'PHAGS LUGS LA'ANG NGES PAR YOD LA, DE YANG YAN LAG BZHI RE RE LA LE'U BZHI BZHIR BYAS NAS 'CHAD PA'I TSUL 'PHAGS PA YAB SRAS DANG ZLA BA GRAGS PA NAS BRGYUD PA'I MAN NGAG LA BRTEN NAS N'A RO PA MING GZHAN SNYAN GRAGS BZANG PO'I RGYUD PHYI MA'I 'GREL PA 'DI SHIN TU LEGS PA CIG 'DUG PA, DE'I LUNG SKOR SNGAR THOB PAS DE'I STENG NAS YIG 'JOG CIG DANG BSHAD PA ZHIG AE YONG SNYAM PA SNGA RABS NAS YOD PAS DA DUNG RTZOL BA BYED PAR BDOG LAGS, SNYIM PA'I ME TOG GIS BSKYED RIM BSNYEN SGRUB YAN LAG BZHIR BSDUS PA'I RE RE'I DON RTZA RGYUD LE'U BZHI BZHIR 'CHAD PA YANG, DANG PO BSNYEN SGRUB BZHI'I SGRA DON LA BRTEN NAS SO SO'I MTSAN NYID RGYUD DANG 'GRIG PA'I NGES PA THOB PA RE BYUNG NAS, DE NAS RTZA RGYUD KYI LE'U BZHI BZHIS DE RNAMS STON PAR SBYAR BA NA, LE'U DE DAG LAS DON

, ,DE STON PAR SHIN TU GSAL BA RE'I NGES PA THOB DGOS PAR SNANG NA'ANG, 'GREL PA DE LAS NGES PA DE RNYED DKA' BAR SNANG ZHING, GZHAN LAS KYANG DE'I NGES PA STER BA MI SNANG BAS SHIN TU DKA' BAR SNANG, RDZOGS RIM BSNYEN SGRUB YAN LAG BZHIR SDUD PA'I SBYOR BA YAN LAG DRUG GI LAM SGOM TSUL DER BSHAD PA RNAMS LA'ANG LUGS DES RDZOGS RIM MTHAR THUG PAR NI 'DOD DGOS LA, DE LTA NA DES RDZOGS RIM GYIS LUS LA GNAD DU BSNUN PA'I TSUL MTHAR THUG PAR 'DI LTAR 'GYUR ZHES PA'I DON YANG GZHUNG DE LAS NGES PA SHIN TU THOB DKA' BAR SNANG NGO, ,DE PHYIR 'BRU NON RE TZAM DANG, BSKYED RIM GYI CHOG KHRIGS TZAM DANG, RDZOGS RIM GYI DMIGS PA JI LTAR 'DZIN PA'I TSUL TZAM SHES PAR SNANG YANG, LUGS DE'I GNAD MTHAR GTUGS PA BSHAD PA'I SGO NAS BLO GROS CHEN PO DANG LDAN PA RNAMS DGA' BA BSKYED NUS PA'ANG SHIN TU DKA' BAR SNANG LAGS PAS DGONGS PAR ZHU, RGYU MTSAN ZHIB PAR SGRUB PA DPAL BAS NGAG TU 'BUL BAR BDOG LAGS, ZLA BA GSUM PA'I TSES GCIG LA PHUL BA'I ZHU YIG GZIGS PA'I RTEN MTSON PAR JA DKAR ZHO GANG PHUL LAGS, ('DI NI RJE RED MDA' PAS SNYIM PA'I ME TOG GI 'CHAD NYAN ZHIG AE TSUGS GZIGS GSUNG BA'I LAN DU, RJE THAMS CAD MKHYEN PAS MDZAD PA'O),,