Response to a Question posed by the Venerable Rendawa

` ,,RJE BTZUN RED MDA' PA'I GSUNG NGAG DRIS LAN NI, NA MO MANYDZU GHO sh'A YA, RJE BTZUN MKHYEN PA'I GTER LA PHYAG 'TSAL LO, ,MI SLOB ZUNG 'JUG RDO RJE 'CHANG CHEN PO'I, ,GO 'PHANG SHIN TU MYUR DU THOB 'DOD NA, ,BLA MA YI DAM CHOS SKYONG LAM GYI SROG ,GRANGS NGES GO RIM SO SO'I GNAD RNAMS KYIS, ,SKAL BZANG HA CANG MYUR DU 'KHRID PA'I TSUL, ,RGYUD DANG RJE BTZUN BLA MA'I MAN NGAG BZHIN, ,LEGS PAR BSHAD DO SKU GSUM GO 'PHANG MCHOG ,MYUR DU THOB 'DOD DE DAG GUS PAS NYON, ,DE LA 'DIR THAMS CAD MKHYEN PA'I GO 'PHANG SHIN TU MYUR DU THOB PAR 'DOD PA'I GANG ZAG GIS 'DI LTAR BSAM PAR BYA'O, ,DE YANG RANG NYID SRID PA'I MTSOR LHUNG BA JI 'DRA BA DE BZHIN DU, MAR GYUR SEMS CAN KUN KYANG 'KHOR BA SDUG BSNGAL GYI MTSO CHEN POR YUN RING DU 'KHYAMS SHING, 'KHOR BA SPYI DANG KHYAD PAR NGAN SONG GSUM GYI SDUG BSNGAL DRAG LA RTZUB PA 'KHOR BA'I SNGON MTHA' MED PA DE SRID DU NYON MONGS PAS YID SHIN TU SKYO BA DANG, DA DUNG YANG MAR GYUR 'GRO BAS DE DAG GI GTING MA MTHONG ZHING LAM GYI SROG MTHAR THUG PA ZHIG MA THOB NA, MNGON MTHO RE TZAM

THOB PAS GANG DU MI PHYIN LA, DE YANG 'KHOR BA'I RTZA BA MA RIG PA MCHOD NA DE'I DBANG GIS DA DUNG 'KHOR BAR 'KHYAM ZHING SDUG BSNGAL BSAM GYIS MI KHYAB PA MYONG DGOS PA 'DI DAG MA BZOD NAS, 'DI LAS THAR PAR BYED PA'I MTHU NUS SANGS RGYAS MA GTOGS GZHAN GANG LA YANG MED LA, DE THOB PAR BYED PA'I THOB RGYU SA BCU DANG LAM LNGA'I GRANGS NGES GO RIM SOGS RGYAS PAR MTSAN NYID THEG PA NAS LAN GRANGS MANG POR GSUNGS KYANG, LAM DER 'GROD PA NI BSKAL PA GRANGS MED SUM CU RTZA GSUM MAM, GRANGS MED BDUN NAM, GRANGS MED GSUM DU NGES PAR TSOGS BSAG DGOS SO, ,DES NA LAM THUN MONGS BAS RGYUD LEGS PAR SBYANGS NAS NGES PA KHO NAR SKAL BZANG SKYE BO'I 'JUG NGOGS, THEG PA KUN GYI MCHOG TU GYUR PA CHE GCIG LA RDO RJE 'CHANG GI GO 'PHANG MNGON DU BPHYED NUS PA'I THABS MKHAS KYI LAM KHYAD PAR CAN GSANG SNGAGS RDO RJE THEG PA'I LAM LA 'JUG PAR BYA DGOS TE, LAM 'DI NI SKYE BA BCU DRUG GAM, BDUN NAM, BAR DO'I, TSA GCIG LA RDO RJE 'CHANG GI GO 'PHANG MNGON DU BYED NUS PAR RGYUD DANG RGYA GZHUNG DANG GRUB CHEN RNAMS KYIS YANG DANG YANG DU GSUNGS PA LA NGES SHES KHYAD PAR CAN SKYE DGOS, KHA CIG ,SNGAGS KYI SNOD LDAN DU MA GYUR PAS ZAB LAM 'DI LTA BU YOD BZHIN DU DE LA RANG GAR MTHONG NAS, RIGS LAM LA CHED DU GNYER NAS 'JUG PA NI LAM BZANG 'DI LTA BU LA 'JUG PA'I SKAL BA DANG BRAL NAS LAM 'DI NYAMS SU LEN PA LTA CI SMOS, 'DI 'DRA'I TSIG TZAM YANG MI THOS PAS BSKAL PA

, ,GRANGS MED BSAM GYIS MI KHYAB PAR RDO RJE 'CHANG THOB PA'I SKAL CHAD CAN NO, ,LAM THUN MONG BA GANG YANG RUNG GIS MI CHOG GIS, SKYES BU GSUM GYI LAM GYIS RGYUD SBYANG DGOS SHING, KHYAD PAR DU NGES 'BYUNG BYANG CHUB KYI SEMS LTA BA RNAM DAG CIG RGYUD LA CI SKYES BYA'O, ,LTA BA YANG, BCOM LDAN 'DAS KYIS MDO SNGAGS DU MAR LUNG BSTAN PA'I KLU SGRUB YAB SRAS KYI LTA BA LA CI NUS KYIS 'BAD PAR BYA'O, ,RDO RJE THEG PA'I LAM DU ZHUGS TZAM GYIS MI CHOG PAS, MYUR DU RDO RJE 'CHANG GI GO 'PHANG THOB BAR 'DOD NA BLA MA YI DAM CHOS SKYONG LAM GYI SROG THAMS CAD RANG GI THOB BYA 'AM LAM GYI 'GROS DANG MTHUN PA NGES PAR BYA DGOS SO, ,DE YANG RANG GI THOB BYA CHOS SKU 'AM GZUGS SKU'I RGYU THUN MONG MA YIN PA LEGS PAR SHES SHING RGYUD LA SKYE DGOS LA, DE LA'ANG SNGAGS BLA MED KYI DKYIL 'KHOR RE RES KYANG MNGAL SKYES KHAMS DRUG LDAN GYI SO SO SKYE BO 'CHING BA LNGA LDAN DE, TSE GCIG LUS GCIG LA 'TSANG RGYA BA'I RNAM GZHAG STON PA BLA MED KHO NA'I KHYAD CHOS YIN MOD, DE LTA NA'ANG SNGAGS BLA MED LA BRTEN PA'I NANG NAS KYANG CHES SHIN TU NAS KYANG MYUR BA'I RDO RJE 'CHANG GI GO 'PHANG MNGON DU BYED 'DOD NA GSANG BDE 'JIGS GSUM YA MA BRAL BAR NGES PAR BSTEN DGOS TE, DE DAG KYANG RIM PAS 'CHAD PAR 'GYUR RO, ,DE YANG ZUNG 'JUG SKU'I RGYU THUN MONG MA YIN PA LA SGYU LUS DANG 'OD GSAL BSRE 'PHO'I SKOR LEGS PAR SHES SHING RGYUD LA SKYE DGOS LA, 'DUS PA LA 'PHAGS

LUGS DANG, YE SHES ZHABS LUGS GNYIS LAS 'PHAGS LUGS LA SBYANG DGOS LA, 'DIS SGYU LUS DANG 'OD GSAL RGYAS PAR STON CING, 'DUS PA NI PHA RGYUD KYI GTZO BO YIN PAS SO, ,DE YANG SGYU LUS 'OD GSAL GYI SBYONG LUGS, SGYU LUS LDANG LUGS SOGS SHIN TU GAL CHE ZHING SHES PAR BYA'O, ,'JAM DPAL RDO RJE LA'ANG KHO RANG LA DKA' GNAD KHYAD PAR CAN GZHAN DANG MI 'DRA BA YOD PAS LOGS SU 'CHAD CING BAG CHAGS 'JOG PA SHIN TU GAL CHE'O CHOS SKU'I RGYU THUN MONG MIN PA NI, BDE STONG KHYAD PAR CAN YIN PAS SHES SHING RGYUD LA SKYE DGOS LA, BDE STONG GI RNAM GZHAG KYEE RDOR SOGS NAS DNGOS SU BSTAN KYANG, BDE BA DE GANG LAS BYUNG BA'I RGYU SHES DGOS LA, DE LA SPYIR BDE STONG SBYAR NAS NYAMS SU LEN PA LA BDE BA MTSAN NYID PA KHYAD PAR CAN 'BAR ZHING DZOG DGOS LA, BDE BA'I NGO BO LA CHE CHUNG DANG, GANG DU 'BAB PA'I TSAD DAM, MTSAMS GANG NAS DGA' BA BZHIR 'JOG CING, DGA' BA BZHI PO RE RE LA'ANG BZHI BZHIR YOD CING, YAS BABS KYI DGA' BA DANG MAS BRTAN GYI DGA' BA, BDE BA CHE CHUNG DANG LUGS 'BYUNG DANG LUGS LDOG 'ONG TSUL SO SO'I RNAM GZHAG RGYAS PAR SHES DGOS SHING, STONG PA LA MTSAN NYID THEG PA NAS BSHAD PA LAS ZUR DU MED KYI, DE STONG TSUL MTSAN NYID THEG PA NAS PHUL DU BYUNG BA'O, ,BDE BA'I NGO BO BYANG SEMS DE LTA BU 'BEBS BYED NI, NGES DON GYI MKHA' 'GRO MA GTUM MO RDUL GYI ME SBAR BAS 'BEBS DGOS SHING,

, ,DE 'BAR ZHING 'DZAG PA LA PHYAG RGYA DANG MNYAM PAR SBYAR DGOS PA PHYAG RGYA LA'ANG BZHIR YOD CING, DE BZHI PO SO SO'I NGO BO BSTEN TSUL, MNYAM PAR SBYOR TSUL, SBYAR NAS BDE CHEN BSTEN TSUL, BDE CHEN RE RES SPANG BYA JI LTAR SPONG ZHING GANG SPANGS PA'I RTAGS THOB PA, DGA' BA BZHI PO'I KHYAD PAR, GTUM MO'ANG RTZA GANG RUNG GI NANG 'BAR BAS SNYING KHA SOGS KYI RTZA MDUD GROL MI THUB PAS, RO RKYANG GI RLUNG DBU MAR NANG DU ZHUGS DGOS, ZHUGS GNAS THIM GSUM BYAS PAS, SPYI BO MGRIN PA SNYING KHA LTE BA SOGS KYI RTZA MDUD GROL 'ONG BA YIN NO, ,RTZA RLUNG DE DAG LAS RUNG DU 'GRO BA LA SPYI BO LA SOGS PA'I RTZA GNAS RNAMS SU YUL NYER BZHI'I DPA' BO DPA' MO BSGOMS PAS RTZA RLUNG LAS RUNG DU 'GYUR BA YIN NO, ,DES NA PHYAG RGYA BZHI'I SKOR, LUS KYI RTZA GNYIS PHRA RAGS KYI GNAS TSUL, DE DAG GI RLUNG DBU MAR 'JUG PA, RIG MA DANG SNYOMS PAR ZHUGS NAS BDE CHEN 'DREN LUGS SOGS DPAL 'KHOR LO BDE MCHOG GIS STON PAS, DES NA DPAL 'KHOR LO BDE MCHOG GI SKOR LA MKHAS PAR BYAS SHING RGYUD LA SKYE DGOS TE, RGYA GAR 'PHAGS YUL DANG BOD RNAMS SU LAM 'DI BRTEN PA'I GRUB CHEN SA'I RDUL LTAR SHIN TU MANG ZHING RNAL 'BYOR BYED PA SHA STAG GO ,DE YANG LHUN PO'I RTZE LA DNGOS SU BZHUGS TE BYIN RLABS MYUR BA'O, ,BDE GSANG GNYIS KYI BSKYED RDZOGS KYI LAM 'DI LTA BU RGYUD LA SKYE BA LA 'GAL RKYEN SEL ZHING MTHUN RKYEN MCHOG THUN MONG GI DNGOS GRUB MYUR DU SGRUB PAR BYED PA'I YI DAM RDO RJE 'JIGS

BYED LA BYED DGOS TE, 'DI LA GZHAN DANG MI 'DRA BA'I GNAD KHYAD PAR CAN LNGA YOD LA, GNAD GCIG NI DA LTA SNYIGS MA LAS KYANG CHES SNYIGS MA'I DUS SU SEMS CAN RNAMS LE LO CHE BA, SHES RAB CHUNG BA, DAM TSIG MI BSRUNG BA, SDOM PA DANG MI LDAN PA, LOG LTA CHE BA, GSUNG RAB KYI DON 'BYED PA LA RMONGS PA, BLA MA DANG GROGS LA MI GUS PA, SNYING RJE CHUNG BA, NGO TSA DANG KHREL MED PA, CHOS SPONG ZHING KHENGS PA CHE, 'JIG LTAS NGA RGYAL ZHING LTA NGAN GYI GCONG RONG DU LHUNG BA, 'DOD YON GYI MYOS PA, TSE THUNG BA, BSOD NAMS DANG MI LDAN PA, 'BYUNG PO DANG, RO LANGS DANG, GSHIN RJE DANG, MA MO DANG, BGEGS DANG LOG 'DREN GYI BAR CHAD HA CANG CHE BA'I DUS SU YI DAM 'DI DANG MI LDAN NA LAM ZAB MO MTHAR MI PHYIN PAS, DES NA DPAL RDO RJE 'JIGS BYED KYI NGA RGYAL DANG LDAN ZHING THUN BZHI'I RNAL 'BYOR LA GNAS NA BGEGS DE LTA BU DANG BRAL ZHING, 'BRAS BU RDO RJE 'CHANG GI GO 'PHANG MYUR DU THOB PAR, 'JAM DPAL RTZA RGYUD DANG, GSAD PA SPYI RGYUD DANG, PHYAG NA GTUM CHUNG GI RGYUD LA SOGS PAR MANG DU GSUNGS SO, ,DE'ANG, DPER NA RGYA MTSO'I GLING NAS NOR BU RIN PO CHE LEN PA'I TSE, LAM GRU LA BRTEN NAS 'GRO DGOS MOD KYANG DED DPON THABS MKHAS SHING SHES RAB CHE BA, NOR BU LEN PA'I SA LAM GNAD SNGON DU SONG BA, BSOD NAMS KYI DPUNG CHEN PO DANG LDAN PA ZHIG BSTEN DGOS TE, GRUR ZHUGS NAS LAM LA CHAS PA'I TSE, CHU'I 'GRO TSUL 'DI LTA BU, 'KHOR LUGS 'DI LTA BU, KHA DOG 'DI LTA BU, RGYANG RING THUNG 'DI LTA BU, SNGA PHYI 'DI LTA BU, RI DANG KLUNG 'DI LTA BU

, ,'DUG JI LTAR BGYI ZHES BRJOD NA, 'DI LTA BU GYIS ZHES 'DI LTA BU GDAMS PA DANG MTHUN PAR BGYIS PAS, DED DPON BSOD NAMS DANG LDAN PA'I STOBS KYIS NOR BU MYUR DU BLANGS NAS DBUL BA SEL BA SOGS RANG GANG 'DOD KYI 'BRAS BU 'GRUB PA BZHIN, YI DAM RDO RJE 'JIGS BYED KYI RNAL 'BYOR LA GNAS PAS LAM BDE GSANG GI BSKYED RDZOGS RGYUD LA SKYES NA 'BRAS BU RDO RJE 'CHANG GI GO 'PHANG MYUR DU MNGON DU BZHED DO ZHES DPE DANG BCAS NAS GSUNGS PA GNAD CHE'O, ,'O NA YI DAM RDO RJE 'JIGS BYED KYI RNAL 'BYOR LA GNAS NAS LAM BDE GSANG NAS BSHAD PA'I BSKYED RDZOGS KYI GNAD MTHAR THUG PA MED PA'AM, JI LTAR YIN SNYAM NA, 'DI LA NI DMAR SER 'OD KYI PHUNG PO'I TSA ZER GYIS KHO BO'I BLO GROS YAR NGO'I ZLA BZHIN DU RGYAS PAR BYAS PAS BSHAD PAR BYA'O, ,DE YANG, BDE GSANG 'KHOR CHEN, DUS 'KHOR, DGYES RDOR LA RANG RANG GI RGYUD GANG DU GTOGS PA'I KHYAD CHOS RE YOD MOD KYANG, BCOM LDAN 'DAS RDO RJE 'JIGS BYED NI PHA RGYUD MA RGYUD GNYIS KA NAS BSHAD LA, MA RGYUD KYANG SAMBHU tA NAS BSHAD DO, ,DES NA, 'DI LA PHA RGYUD MA RGYUD GNYIS KA'I GNAD MTHAR THUG PA YOD DE, 'DI'I PHYAG MTSAN 'CHAD PA'I SKABS SU, GNAD GCIG LA RGYU MA DANG ME THAB KYIS 'DUS PA NAS BSHAD PA'I SGYU LUS DANG 'OD GSAL STON PA'O, ,GNAD GCIG LA, KHA tV'Am GAS BDE PHA 'BAR 'DZAG STON LA, PHA RGYUD RKYANG PA LA PHYAG MTSAN DU KHA tV'Am GA MI 'ONG BAS, DES NA KHA tV'Am GAS 'KHOR LO BDE MCHOG

NAS BSHAD BA'I BDE STONG GI RNAM GZHAG STON PA'O, ,GNAD GCIG LA, RDO RJE 'JIGS BYED RANG GI KHYAD CHOS GNAD GZHAN LA MED PA'I THUN MONG MA YIN PA NI ME THAB SDIGS MDZUB, SKYES BU GSAL SHING LA BSKYON PA GSUM YIN LA, DE YANG ME THAB KYIS SHES RAB GZHAN LAS CHE BA MTSON PA'O, ,SDIGS MDZUB KYIS 'JIG RTEN DANG 'JIG RTEN LAS 'DAS PA'I LHA LA NYON CIG CES BKA' BSGOS PAS RGYUD GZHAN LA MED PA'I PHA RGYUD MA RGYUD GNYIS KA'I MTHAR THUG PA NGA LA YOD CES MTSON PA DANG, 'JIG RTEN LAS 'DAS PA'I LHA LA SDIGS NA 'JIG RTEN GYI STENG 'OG SOGS PHYOGS BCU'I GDON 'JOMS PA LTA CI SMOS PA'O, ,SKYES BU GSAL SHING LA BSKYON PAS NI MI DGE BA BCU DANG ,CHOS SPONG DANG, MTSAMS MED SOGS BYAS PA'I SDIG PO CHE BTZAN THABS SU 'TSANG RGYA BAR STON PA'O, ,DE YANG, DUR KHROD KYI GSAL SHING DANG DON MI GCIG STE, DUR KHROD KYI NI RO YIN LA, 'DI GANG ZAG GO ,GNAD GCIG NI, SPYIR RJE BTZUN SANGS RGYAS KUN GYI YAB YIN ZHING, 'TSANG RGYA 'GYUR GYI TSE RJE BTZUN LA BRTEN NAS 'TSANG RGYA BAR DGOS PA HA CANG CHE MED, KHYAD PAR DU RJE BTZUN RIM GYIS DMAR NAG 'JIGS GSUM DU KHROS PA'I RDO RJE 'JIGS BYED LA, RGYU DUS 'BRAS DUS, ,YE SHES SEMS DPA'I SKABS SU RJE BTZUN GYI ZHAL DNGOS SU YOD PA LAS, RJE BTZUN GYIS RJES SU 'DZIN PAS SHES RAB SNGA MA LAS LHAG PAR CHE BA YIN NO, ,'DI'I RVA GNYIS KYIS YUL BDEN PA GNYIS KYI GNAS

, ,TSUL, LAM THABS SHES GNYIS RGYUD LA JI LTAR BSKYED PA, DE BSGRUBS PA'I 'BRAS BU SKU GNYIS THOB TSUL GZHAN LA MED PA RGYAS PAR STON PA'O, ,DE LTA BU'I 'GAL RKYEN SEL ZHING MTHUN RKYEN SGRUB PA'I CHOS SKYONG LA MDO RGYUD GZHAN NAS GSUNGS PA'I BKA' SNGOD KHYAD PAR CAN SHIN TU MANG ZHING 'GANGS CHE MOD, DE LTA NA'ANG GONG DU BSHAD PA MYUR BA'I DBANG DU BYAS PA'I SKYES BU GSUM GYI LAM GYI RIM PA DANG MTHUN PA ZHIG NGES PAR DGOS PA YIN LA, DE LA SKYES BU CHUNG NGU'I BSAM PA NI 'JIG RTEN 'DIR YUN RING DU MI GNAS PAS, 'CHI BA MI RTAG PA, LAS RGYU 'BRAS, 'KHOR BA'I NYES DMIGS BSAM ZHING, DE LAS BSKYAB PA'I SKYABS 'GRO BSLAB BYA DANG BCAS PA BSAM ZHING RGYUD LA SKYE DGOS PAS, 'DI RGYUD LA BSKYED PA LA GSHIN RJE CHOS KYI RGYAL PO BSTEN DGOS TE, 'DI NI 'CHI BDAG GAM, DGE SDIG GI DBANG PO'AM, SDIG PA CAN GYI CHAD LAS MKHAN NAM, DGE BA CAN GYI STANGS 'DZIN PA'AM, LAS RGYU 'BRAS GSAL BYED KYI ME LONG, LEGS NYES TSUL BZHIN DU SPYOD PA'AM CHOS BZHIN DU SPYOD PAS CHOS RGYAL ZHES BYA ZHING, LAS DKAR NAG GI RJES SU 'JUG PAS NA, LAS KYI GSHIN RJE ZHES BYA'O, ,DES NA SKYES BU CHUNG NGU'I CHOS SKOR 'DI RNAMS LAM GSUM GA'I RTZA BA YIN PAS, 'DI RGYUD LA BSKYED PA'I PHYIR DU LAS GSHIN BSTEN PAR BYA'O, ,SKYES BU 'BRING GI BSAM PA NI, 'JIG RTEN PHYI MA BDE BA'I THABS SU MA

ZAD; 'KHOR BA MTHA' DAG ME 'OBS LTA BUR MTHONG NAS, DE DANG 'BRAL 'DOD KYI THAR PA DON GNYER GYI BLO NGES 'BYUNG GI BSAM PA CAN YIN LA, 'KHOR BA MTHA' DAG LA SNYING PO MED PAR MTHONG NAS, DE LA YID SKYO ZHING NGES PAR 'BYUNG BA'I BSAM PA NI TSUL KHRIMS KYI BSLAB PA'I GTZO BO YIN ZHING, 'DI GNYIS DON GCIG PAS SO, ,DES NA RGYAL PO CHEN PO RNAM THOS SRAS BSTEN DGOS TE, 'DI SDE SNOD GSUM GYI NANG NAS 'DUL BA'I SDE SNOD KYI SRUNG MA'AM, BSLAB PA GSUM GYI NANG NAS TSUL KHRIMS KYI BSLAB PA BSRUNG BA'O, ,SKYES BU CHEN PO'I BSAM PA NI, RANG NYID 'KHOR BA LAS THAR PA TZAM GYIS MI CHOG PAR, MAR GYUR SEMS CAN THAMS CAD 'KHOR BA SDUG BSNGAL GYI RGYA MTSO LAS THAR PA'I BYANG CHUB KYI SEMS SKYES PA YIN LA, DE RGYUD LA SKYE BA'I PHYIR DU 'PHAGS PA SPYAN RAS GZIGS KYI RNAM PAR SPRUL PA MYUR MDZAD YE SHES KYI MGON PO PHYAG DRUG PA BSTEN PAR BYA'O, ,YANG 'BRAS BU GZUGS SKU DANG CHOS SKU'I RGYU LAM THABS SHES GNYIS RGYUD LA SKYE DGOS PAS, BYANG CHUB KYI SEMS RGYUD LA BSKYED PA LA MYUR MDZED YE SHES KYI MGON PO PHYAG DRUG PA BSTEN DGOS TE, 'DI NI SNYING RJE CAN GYI CHOS SKYONG YIN PAS SO,, SHES RAB BAM LTA BA RNAM DAG RGYUD LA BSKYED PA LA GSHIN RJE CHOS KYI RGYAL PO BSTEN DGOS TE, 'DI NI SHES RAB CAN GYI CHOS SKYONG YIN PA'AM, RJE BTZUN 'JAM DPAL DBYANGS KYI BKA' SDOD YIN PAS SO, ,DE LTA BU'I

, ,LAM YONGS SU RDZOGS PAR STON PA'I BLA MA YANG YON TAN PHYOGS RE BRNYED PA TZAM GYIS MI CHOG GI ,SDOM PA GSUM MA NOS SHING, DE DAG RANG RANG GI NYES LTUNG DANG BRAL BA, SDE SNOD GSUM LA MKHAS SHING, DE'I BRJOD BYA BSLAB PA GSUM DANG LDAN PA, RGYUD SDE BZHI LA MKHAS SHING DBANG BZHI YONGS SU RDZOGS PAS RGYUD BSKYED RDZOGS KYI SNOD RUNG DU BYAS NAS LAM ZAB MO GNYIS NYAMS SU LEN CING, MYONG BA THON NAS GZHAN LA BRTZE BAS 'DOMS PA, MDOR NA RDO RJE 'CHANG GI GO 'PHANG MYUR BA LAS KYANG CHES MYUR BAR MNGON DU BYED PA'I ZAB LAM KHYAD PAR CAN PHYIN CI MA LOG PAR YONGS SU RDZOGS PAR STON PA'I BLA MA ZHIG BSAM SBYOR GNYIS KYI SGO NAS BSTEN PAR BYA'O, ,LAM TSUL BZHIN DU SGRUB PA'I GROGS KYANG BLA MA DANG CHA MTHUN ZHIG DGOS LA, GROGS RANG GI THUN MONG MA YIN PA'I GNAD LA, LAS 'BRAS LA DAD PA DANG, NGO TSA SHES SHING KHREL YOD PA, 'GRAN SEMS DANG CHAGS SDANG MED PA, PHAN SEMS CHE BA, GONG DU BSHAD PA'I BLA MA DANG YI DAM CHOS SKYONG LAM GYI SROG THAMS CAD DANG MTHUN PA ZHIG DGOS SO, ,YONGS SU RDZOGS PA'I LAM DE LTA BU MA THOB PA THOB PAR BYED PA, THOB ZIN BRTAN PAR BYED PA, BRTAN PA GONG 'PHEL DU BYED PA LA BLA MA YI DAM DBYER MED DU GSOL BA 'DEBS PA, TSOGS GSOG CING SGRIB PA SBYONG BA, GZHUNG CHEN MO LTA BA GSUM SUM DRIL DU BYED DGOS LA, DE LA TSOGS ZHING GSAL 'DEBS PA NI, RANG GI SPYI BOR RIN PO CHE'I KHRI'I STENG DU, NGO BO

RTZA BA'I BLA MA YIN PA LA RNAM PA RJE BTZUN 'JAM DPAL DBYANGS KYI RNAM PAR GSAL BTAB LA, DE'I SKU GSUNG THUGS LAS 'OD ZER 'PHROS PAS PHYOGS BCU'I RGYAL BA SRAS BCAS SPYAN DRANGS LA, DE LA BSTIMS NAS MAndAL PHUL LA, GDUNG SHUGS DRAG POS GSOL BA BTAB NAS LAM GYI LUS YONGS SU RDZOGS PA'I SMON SHUGS DRAG LA RGYUN RING DU GSOL BA BTAB, TING NGE 'DZIN GYI DBANG BZHI RDZOGS PAR LEN CING, BLA MA DANG YI DAM GYIS SMON LAM GYI 'BRAS DU 'GRUB PAR ZHAL GYIS BZHES PAR BSAMS LA, MTHAR BLA MA YI DAM RANG GI SNYING GAR THIG LE GA'U KHA SBYOR GYI DBUS SU BZHUGS PA'O, ,SGRIB PA SBYONG BA LA YANG LTUNG BSHAGS PHYAG DANG BCAS PA, YI GE BRGYA PA'I SGOM BZLAS, DAM TSIG RDO RJE'I BZLAS PA, ZA BYED MKHA' 'GRO'I SBYIN SREG LA SOGS PA MDOR NA STOBS BZHI TSANG BA'I SGO NAS SBYONG BA GNAD CHE, DE YANG SDIG PA'I 'BRAS BU RNAM SMIN YID DU MI 'ONG BA MTHONG NAS SNGAR BYAS LA 'GYOD SEMS DANG, PHYIN CHAD SROG LA BAB KYANG MI BYED BSAM PA'I SDOM SEMS BRTAN PAR BYED PA NI SDIG PA SBYONG BA'I THABS BLA NA MED PA'O, ,GZHUNG CHEN MO LA LTA BA YANG SNGAGS MTSAN NYID KYI GSUNG RAB DGONGS 'GREL DANG BCAS PA GANG LA YANG GZHUNG DE'I DNGOS BSTAN SHUGS BSTAN BSTAN BYA'I GTZO PO, ,DE'I CHED DU BYA BA'I GDUL BYA GONG 'OG GI 'GREL TSUL RNAMS NGES PAR BRTAG DGOS SO, ,MDOR NA BSHES GNYEN BSTEN TSUL NAS BZUNG STE

, ,'BRAS BU SKU GSUM GYI GO 'PHANG MNGON DU BYED PA'I BAR GYI LAM THUN MONG BAS RGYUD SBYANGS PA, DE'ANG SKU GSUM GYI LAM LA RIM GYIS 'KHRID TSUL, THUN MONG MA YIN PA SNGAGS LAM LA 'JUG PA YANG DBANG RNAM PAR DAG PA THOB PA, KHAS BLANGS PA'I DAM TSIG DANG SDOM PA TSUL BZHIN DU BSRUNG BA, RIM GNYIS RGYUD LA SKYED TSUL SOGS GRANGS NGES GO RIM SO SO'I NGO BO RNAMS MYONG BA RGYUD LA BSKYED CING GO BA CHAGS PAR BYED PA DANG, 'DI DAG GI BSHAR SGOM TZAM RE BYED PA LA YANG LAM GYI LUS YONGS SU RDZOGS PA'I NYAMS LEN GYI GNAD TSANG BA YIN PAS, SA CHOD DANG DGE SBYOR GYI BYED TSUL GTAN 'DRA BA MIN NO, ,DES NA RJE BTZUN LA ZHUS LA, MYONG BA LA BKAR BA'I DGE SBYOR BYED TSUL TSE THUNG 'DI LA BOGS CHE BA'I NYAMS LEN GYI GNAD RDZOGS PA ZHIG ZHUS LA BSKUR GSUNG BA'I GSUNG SHOG NAN CAN BSKUR BYUNG BAS, BDAG GIS RJE BTZUN 'JAM DPAL DBYANGS LA PHYI NANG GSANG BA'I MCHOD PA BSAM GYIS MI KHYAB PA PHUL NAS GSOL BA DRAG PO PHUR TSUGS SU BTAB PA LA BRTEN NAS, TSE GCIG LA RDO RJE 'CHANG GI GO 'PHANG CHES SHIN TU NAS KYANG MYUR BA MNGON DU BYED PA'I LAM GYI GNAD THAMS CAD MA TSANG BA MED PAR YONGS SU RDZOGS PA GCIG TU DRIL NAS NYAMS SU LEN TSUL 'DI BZHIN GYIS GSUNG BA'I RJE BTZUN GYI GSUNG NGAG YI GER BTAB NAS PHUL BA LAGS, NYAMS LEN GYI GNAD 'DI LTA BU CHES CHER NAS SHIN TU DKON CING

GSANG BA MTHAR THUG PAR 'DUG PA GZHAN LA GTAN NAS MI STON PA ZHU ZHU, 'DI DAG GI DON RE RE BZHIN ZHIB PAR GSUNG BA RNAMS MJAL DUS ZHU BAR SMON, ZHU YIG GI RTEN DU HAD KHRUD JA SER PO ZHO LNGA PHUL BA DGE LEGS 'PHEL BAR GYUR CIG ,RJE BTZUN RED MDA' PA'I ZHU YIG LAN, RJE THAMS CAD MKHYEN PA TZONG KHA PAS RJE BTZUN 'JAM DPAL DBYANGS LA ZHUS NAS PHUL BA'I NYAMS LEN GYI GNAD YONGS SU RDZOGS PAR DRIL NAS THUGS NYAMS SU BZHES TSUL LO,,