` ,,RGYUD KYI RGYAL PO DPAL GSANG BA 'DUS PA'I BSHAD PA RDZOGS PA'I 'OG TU, ,RDO RJE SLOB DPON LA GTANG RAG GI MCHOD PA SOGS BYA BA'I TSUL NI, DPON SLOB RNAMS KYIS SNGON GSANG BA 'DUS PA'I RGYUD 'CHAD PA'I DUS BZHIN DU 'DUS PA'I RTEN DANG BRTEN PA'I DKYIL 'KHOR GSAL GDAB, DKYIL 'KHOR GYI DBUS SU RANG GI BLA MA RDO RJE 'CHANG DANG THA MI DAD PAR BZHUGS PAR BSAM, 'KHOR DU SANGS RGYAS DANG BYANG CHUB SEMS DPA' NAM MKHA'I DBYINGS THAMS CAD TIL GYI GANG BU BZHIN DU GANG BAR BSAm, SLOB MA RNAMS KYIS RANG DKYIL 'KHOR PA'I LHA GANG YIN GYI NGA RGYAL BZUNG, MCHOD GTOR RGYAS PAR BSHAMS NAS, PHYI'I MCHOD PA DANG, NANG DANG GSANG BA DANG, DE KHO NA NYID KYI MCHOD PA DANG BZHIS, BLA MA DANG RANG DANG RGYAL BA SRAS BCAS
, ,SRUNG MA DANG BCAS PA LEGS PAR MCHOD, DE NAS BSTOD PA NI, DUS GSUM RDO RJE'I THUGS YIN SRID DANG THAR GYUR GANG, ,ZHI ZHING SGRIB MED DAG PA NAM MKHA'I NGO BO NYID, ,SANGS RGYAS RNAM RGYAS BYANG CHUB DBANG PHYUG RDO RJE CAN, ,DE LA LUS NGAG YID KYIS RTAG TU PHYAG 'TSAL LO, ,GANG ZHIG GZUGS DANG TSOR BA 'DU SHES 'DU BYED DANG, ,RNAM PAR SHES DANG SKYE MCHED DRUG DANG DBANG PO DRUG ,SA CHU ME DANG RLUNG DANG NAM MKHA' THAMS CAD NI, ,BYANG CHUB SEMS 'DRA RGYA CHEN DE LA PHYAG 'TSAL LO, ,GTI MUG NYIS PA 'DOD CHAGS RDO RJE CHOS BCAS GANG, ,RIG PA'I SBYOR BA LAS BYUNG RTAG TU RAB 'BREL BAR, ,RNAM PA SNA TSOGS DGA' BAS MYOS PA'I DNGOS GYUR PA, ,BYANG CHUB SEMS 'DRA RGYA CHEN DE LA PHYAG 'TSAL LO, ,SDUD DANG DGA' DANG RNAM PA DE BZHIN MI 'GYUR DANG, , RGYU DANG 'BRAS BU'I RANG BZHIN SEMS SU RJES THOGS CHOS, ,RMONGS DANG ZHE SDANG 'DOD CHAGS SGRIB PA RDO RJE STE, ,BYANG CHUB SEMS 'DRA RGYA CHEN DE LA PHYAG 'TSAL LO, ,GANG ZHIG THOG MA MED DNGOS RNAM DAG 'DI SGOM PA, ,THABS DANG SHES RAB LAS BYUNG SPROS PA RNAM PAR BRAL, ,GSANG BA'I DBANG BSKUR BRTUL ZHUGS DAM TSIG SBYOR LA RTAG ,BYANG CHUB RDO RJE 'DRAR BLTA DE LA PHYAG 'TSAL LO, ,GANG ZHIG DNGOS GRUB MCHOG GI THABS NI 'DI SGOM ZHING, ,BSNYEN PA'I CHO GA NYE BAR SGRUB PA SGRUB PA DANG, ,SGRUB PA CHEN POS BLO MI 'GYUR BA'I SGRUB DBANG PO, ,BYANG CHUB RDO RJE 'DRAR BLTA DE LA PHYAG 'TSAL LO, ,GANG ZHIG THUN BZHI'I RDO RJE DAG NI SGRUB BYED PA, ,MI SNANG LA SOGS SNA TSOGS MCHOG DANG DMAN 'GRUB CING, ,BLA MA'I DRIN GYIS 'DI NA MA NOR LAM RTOGS PA, ,BYANG CHUB RDO RJE 'DRAR BLTA DE
LA BDAG PHYAG 'TSAL, ,GANG ZHIG RAB GSANG 'DUS PA'I RGYUD 'DI NYAN PA DANG, 'DON PAR BYED DANG KLOG PA DANG NI SEMS PA DANG, ,MCHOD PA BYED PA DANG NI 'DRI 'AM 'DRIR 'JUG PA, ,BYANG CHUB RDO RJE 'DRANG BLTA DE LA RTAG PHYAG 'TSAL, ,GANG DU ZHI SOGS LAS TSOGS SHIN TU BRTAGS PA YIS, ,'KHRUL 'KHOR SNGAGS KYI CHO GA DE BZHIN RGYAS 'DEBS PA'I, ,SGRUB BYA 'DI DANG LDAN PA'I SGRUB PA'I DBANG PO NI, ,BYANG CHUB RDO RJE 'DRAR BLTA DE LA RTAG PHYAG 'TSAL, ,GANG GIS GTZO BO SGRUB PA PO MTHONG REG PA DANG, ,LEGS PAR DRAN DANG MI BTZAM NGES PAR THOS PA DANG, ,DAD PAR BYED CIR PHYOGS GCIG TZAM ZHIG 'DZIN PA DAG ,BYANG CHUB RDO RJE 'DRAR BLTA DE LA RTAG PHYAG 'TSAL, ,AE MA HO KUN 'GRO KUN DBANG PHYUG ,NAM MKHA' DANG NI MTSUNGS PA BRNYES, ,AE MA HO DAM TSIG DE NYID GSUM, MCHOG TU RMAD BYUNG STON PAR MDZAD, ,KHAMS GSUM LAS NI RNAM PAR GROL, ,CHOS KYI DBYINGS KYI NGO BO NYID, ,'DOD PA RNAMS KYI MA GOS PA, ,DMIGS MED KHYOD LA PHYAG 'TSAL BSTOD, ,PHUNG PO RNAMS DANG KHAMS RNAMS DANG, ,SKYE MCHED RNAMS LA MI RTEN ZHING, ,SRID DANG MYA NGAN 'DAS LAS GROL, ,DMIGS PA MED LA PHYAG 'TSAL LO, ,JI LTAR NAM MKHA' GNAS MED CING, ,SPROS PA MED CING GOS PA MED, ,MKHA' DANG MNYAM PA'I THUGS MNGA' BA, ,DMIGS MED KHYOD LA PHYAG 'TSAL BSTOD, ,CES PAS BSTOD DO, ,DE NAS YI RANG BYA BA NI ,AE MA HO SANGS RGYAS AE MA HO CHOS, ,CHOS BSHAD PA NI NGO MTSAR CHE, ,YANG DAG DON NI DAG PA'I DON, ,BYANG CHUB SEMS LA PHYAG 'TSAL LO, ,ZHES PA'I CHED BRJOD BYED PA'O, ,RGYUD LEGS PAR BSHAD PA LA RAB TU DGA' BA'I YID KYIS LEGS SO GSOL BA NI
, ,'DUS PA GSANG BA LAS BYUNG BA, ,DE BZHIN GSHEGS PA KUN GYI GSANG, ,RGYUD KUN BDAG PO'I DBANG PO YI, ,RGYUD 'DI LEGS PAR GSUNGS PA YIN, ,MGON PO CHEN PO LEGS SO LEGS, ,THUB PA CHEN PO LEGS SO LEGS, ,CHOS RNAMS CHEN PO LEGS SO LEGS, ,THUGS RJE CHEN PO LEGS SO LEGS, ,ZHES PA'O, ,RKANG PA PHYI MA BZHI LA 'GYUR MI 'DRA BA 'GA' ZHIG 'DUG KYANG, SKABS 'DIR 'GYUR 'DI 'GRIG GO , ,RGYUD BSHAD PAS PHAN BTAGS PA'I DRIN DRAN PAR BRJOD PA NI, RNAM GROL 'BRAS BU 'TSAL BA YIS, ,'GRO BA MGON MED RNAMS DANG NI, ,BDAG CAG YANG DAG RDZOGS PA YI, ,BYANG CHUB THOB PA'I DON CHEN MDZAD, ,CES PA'O, ,DE NAS DKYIL 'KHOR BA'I GTOR MA PHUL BA'I RJES SU, SLOB DPON RNAMS KHRO BO 'JIG RTEN GSUM LAS RNAM PAR RGYAL BA, SNGO SER LJANG GU'I ZHAL GSUM GDANGS SHING MCHE BA GTZIGS PA, PHYAG DRUG PA'I DANG PO GNYIS KYIS RDO RJE DANG DRIL BU 'DZIN PA'I H'Um MDZAD KYI PHYAG RGYAS RANG 'DRA'I SHES RAB MA LA 'KHYUD NAS SNYOMS PAR 'JUG PA, ,GA-YAS LHAG MA GNYIS KYIS LCAGS KYU DANG ZHAGS PA, GA-YON LHAG MA GNYIS KYIS THOD PA DANG KHA tV'Am GA 'DZIN PA, H'Um GI SGRA DRAG TU SGROG CING RAB TU KHROS PA, SPYAN GSUM DMAR LA ZLUM PA, THOD PA LNGA'I DBU RGYAN DANG, KHRAG 'DZAG PA'I MGO 'PHRENG MGUL PAR 'PHYANG BA, STAG LPAGS KYI NA BZA' 'PHYANG BA, BSKAL PA'I ME LTA BU'I 'OD ZER 'BAR BA, GA-YAS BRKYANG GIS PADMA'I STENG DU 'JIGS BYED DANG DUS MTSAN MNAN PAR BSKYED LA, THUGS KA'I H'Um YIG LAS 'OD ZER 'PHROS PAS KHRO BO BCU SPYAN DRANGS PA LA MCHOD GTOR DBUL LA BKA' BSGO BA NI, SA YI PHYOGS NI 'DI NYID NI, GSANG
BA 'DUS PA MNGON BRJOD PA'I, RNAL 'BYOR CHEN PO'I DAM TSIG RGYUD, ,DUS KUN TU NI SPYOD 'GYUR ZHING, ,RGYUN DU DE DON SGRUB PA RNAMS, ,BSRUNG BA'I DON DU RTAG TU NI, ,GSHIN RJE GSHED SOGS KHRO BO BCUS, ,BGEGS KUN LA NI PHUR BUS THOB, ,CES BKA' BSGE BAR BYA'O, ,'DI RDO RJE PHRENG BA NAS 'BYUNG BA LA 'DON PA CUNG ZAD BRJES PA'O, ,DE NAS RGYUD BSHAD PA DANG NYAN PA'I KUN SLONG MA DAG PA SOGS KYI BSAM PA'I SKYON DANG, RGYUD DON JI LTA BA BZHIN DU MA BSHAD PA DANG, SNOD DU MI RUNG BA LA BSHAD PA SOGS KYI SBYOR BA'I SKYON TE, ,MDOR NA 'CHAD PA DANG NYAN PA'I TSUL JI LTAR GSUNGS PA BZHIN DU MA LCOGS PA'I NYES PA RNAMS SBYANG BA'I PHYIR DU YI GE BRGYA PA 'DEN PA DANG, BZOD PAR GSOL BAR BYA, DE NAS 'DUS PA'I LHA TSOGS KYI SPYAN SNGAR RGYUD BSHAD NYAN BYAS PA LAS BYUNG BA'I DGE BA'I RTZA BA RNAMS BSNGO ZHING, SMON LAM GDAB PA DANG SHIS BRJED BYA BA GZHAN DU BSHAD PA LTAR BYAS DE NAS DKYIL 'KHOR BA'I LHA THAMS CAD RNAM SNANG SNANG MTHA' MI BSKYOD PA STE RDO RJE GSUM DU BSDU, KHAMS GSUM GYI SEMS CAN THAMS CAD KYI LUS RNAM SNANG DANG, NGAG SNANG MTHA' DANG, YID MI BSKYOD PA DANG NGO BO DBYER MED DU MOS PA BYAS NAS RDO RJE GSUM GYI LHA RNAMS RANG LA BSDUS PAS RANG NYID RDO RJE GSUM DBYER MI PHYED PA RDO RJE 'CHANG GI NGO BOR BLTAS LA, MGRON GZHAN RNAMS RANG RANG GI GNAS SU BYON NAS SEMS CAN GYI DON BYED PAR BSAM MO, ,'DI LTAR BYA BA'I KHUNGS LA SOGS PA NI RGYUD 'GREL GYI MTHA' GCOD DU BSHAD ZIN TO, ,'DI NI DPAL GSANG BA 'DUS PA'I RNAL 'BYOR PA BLO BZANG GRAGS PA'I DPAL GYIS SBYAR BA'O,,