S05275E83 · GMLW-004628

Words of Instruction on the Practice of the Three Forms of Mixing, and the Practice of Transference, written at the Behest of the Dharma Lord Shakya Yeshe as He was Setting Out on a Journey to the Land of China

CHOS RJE SH'AKYA YE SHES RGYA YUL DU THEGS DUS BSRE BA GSUM DANG 'PHO BA'I SKOR GYI GDAMS PA ZHUS PA'I DON DU MDZAD PA

מחברauthor

JE TSONGKAPA LOBSANG DRAKPARJE TZONG KHA PA BLO BZANG GRAGS PA1357-1419

נמצא בfound inSECRET TEACHINGS (TANTRA)

מהדורהrecensionnot applicable - a collected works, not a canon edition

פוליוfolios187b–191a

צורהformprose

מצב תרגוםtranslationno English of the text

כיסוי המילון לכותרתdictionary coverage of the title100%

הקבציםThe files

S05275E83_CHOS RJE SH'AKYA YE SHES RGYA YUL DU THEGS DUS BSRE BA GSUM DANG 'PHO BA'I SKOR GYI GDAMS PA ZHUS PA'I DON DU MDZAD PA_Words of Instruction on the Practice of the Three Forms of Mixing, and the Practice of Transference, written at the Behe+.TXT/RGYUD_SECRET TEACHINGS (TANTRA)/SPYI_GENERAL TREATMENTS/BSRE BA_THE PRACTICE OF MIXING

הטקסטThe text

טיבטיתTibetanS05275E83_CHOS RJE SH'AKYA YE SHES RGYA YUL DU THEGS DUS BSRE BA GSUM DANG 'PHO BA'I SKOR GYI GDAMS PA ZHUS PA'I DON DU MDZAD PA_Words of Instruction on the Practice of the Three Forms of Mixing, and the Practice of Transference, written at the Behe+.TXT12,999 תוויםcharacters

` ,,BCOM LDAN 'DAS KHYAB BDAG RDO RJE 'CHANG CHEN PO LA GUS PAS PHYAG 'TSAL LO, ,BSRE BA'I GDAMS NGAG LA, LAM DUS KYI SKU GSUM DANG BSRE BA GSUM STE, 'DI LTAR LAM DUS KYI CHOS SKU DANG BSRE BA DANG, LAM DUS KYI LONGS SKU DANG BSRE BA DANG, LAM DUS KYI SPRUL SKU DANG BSRE BA STE GSUM MO, ,DANG PO LA GSUM STE, GNYID SAD DUS SU CHOS SKU DANG BSRE BA DANG, GNYID KYI DUS SU CHOS SKU DANG BSRE BA DANG, 'CHI BA'I DUS SU CHOS SKU DANG BSRE BA'O, ,DANG PO NI, LUS KYI GNAD CHE SAR GNAD DU BSNUN PA LA BRTEN

187b

NAS STONG PA BZHI BSKYED DE, 'OD GSAL STONG PA BZHI PA SHAR BA'I DUS SU LTA THOG TU BZHAG NAS SGOM PA YIN LA, GNAD DU BSNUN PA LA YANG SGO GSUM GSUNGS TE, 'OG SGOR NOR BU'I DBUS SAM NOR BU'I SNA RTZE DH'U T'I'I MAR SNAR RDZAS KYI THIG LE PHRA MO BSGOMS PA LA BRTEN NAS, DE BRTEN PA'I MTHAR RO RKYANG GI RLUNG DH'U T'IR ZHUGS SHING THIM PA LA BRTEN NAS, SMIG RGYU LA SOGS PA'I RTAGS BZHI SNGON DU 'CHAR ZHING DE'I 'OG TU STONG PA DANG SHIN TU STONG PA DANG STONG PA CHEN PO ZHES BYA BA MING GZHAN SNANG BA DANG, SNANG BA MCHED PA DANG SNANG BA NYER THOB CES BYA BA GSUM SHAR BA'I MTHAR, THAMS CAD STONG PA ZHES BYA BA 'OD GSAL CHEN PO 'CHAR BA NI SGO DANG PO'O, ,GZHAN YANG SNYING KHA'I SNA RTZER MI SHIGS PA SNGAGS KYI THIG LE BSGOMS PA LA BRTEN NAS, DE BRTAN PA'I MTHAR RO RKYANG GI RLUNG DH'U T'IR ZHUGS SHING THIM PA LA BRTEN NAS SMIG RGYU LA SOGS PA'I RTAGS BZHI SNGON DU 'CHAR ZHING, DE'I 'OG TU STONG PA DANG SHIN TU STONG PA DANG, STONG PA CHEN PO ZHES BYA BA MING GZHAN SNANG BA DANG, SNANG BA MCHED PA DANG SNANG BA NYE BAR THOB PA ZHES BYA BA GSUM SHAR BA'I MTHAR THAMS CAD STONG PA ZHES BYA BA 'OD GSAL CHEN PO 'CHAR BA NI SGO GNYIS PA'O, ,YANG GDONG GI SNA RTZER 'OD KYI THIG LE ZHES PA RLUNG 'OD ZER LNGA PA SNA BUG NAS RGYU BA'I 'JUG GNAS LDANG GSUM MA BCOS PA RDO RJE GSUM GYI RANG GDANGS SU 'CHAR BAR BSGOM ZHING, DE YANG DH'U T'I NAS BYED PAR MOS PA'I RDO RJE BZLAS PA GOMS PA'I MTHAR RO RKYANG GI RLUNG DH'U T'IR ZHUGS SHING THIM PA LA BRTEN NAS DANG PO SMIG RGYU LTA BU DANG, GNYIS PAR DU BA

188a

, ,LTA BU DANG, GSUM PAR ME KHYER LTA BU DANG, BZHI PAR MAR ME 'BAR BA LTA BU'I NYAMS 'BYUNG STE, RIM PA BZHIN SA CHU LA THIM PA DANG CHU ME LA THIM PA DANG ME RLUNG LA THIM PA DANG RLUNG RNAM SHES GSUM GYI SNANG BA DANG PO LA THIM PA LAS 'BYUNG NGO; ;DE NAS STONG PA DANG PO'I DUS SU SNANG BA GZHAN GANG YANG MI 'CHAR BAR YUL DU GANG SNANG THAMS CAD MTSAN MO'I NAM MKHA' DRI MA MED PA LA, ZLA BA'I 'OD ZER GYIS KHYAB PA LTA BU'I DKAR LAM GYI SNANG BA 'BYUNG, DE NAS SNANG BA DE YANG RIM GYIS BSDUS NAS, SNANG BA GZHAN GANG YANG MI 'CHAR BAR YUL DU GANG SNANG THAMS CAD MTSAN MO'I NAM MKHA' DRI MA MED PA LA NYI MA'I 'OD ZER GYIS KHYAB PA LTA BU'I DMAR LAM GYI SNANG BA 'BYUNG, DE NAS SNANG BA DE YANG RIM GYIS BSDUS NAS, SNANG BA GZHAN GANG YANG MI 'CHAR BAR YUL DU GANG SNANG THAMS CAD MTSAN MO SROD KYI NAM MKHA' DRI MA MED PA LA MTSAMS KYI SMAG GIS KHYAB PA BZHIN DU NAG LAM GYI NYAMS 'BYUNG, DE'I STOD SMAD LA DRAN PA MI NYAMS SHING, BAR DU THIM PA'I MTHUS DRAN PA CHER NYAMS PA 'BYUNG NGO, ,DE NAS SNANG BA DE YANG BSDUS NAS, MTSAN MO'I THO RANGS KYI NAM MKHA' ZLA NYI SMAG GI 'OD DANG BRAL BA'I NAM MKHA'I RANG MDOG JI LTA BA BZHIN SNANG BA BZHIN DU, 'OD GSAL MTHA' DBUS MED PA SHIN TU DVANGS PA'I NYAMS 'CHAR TE, DE DAG GI BSHAD PA NI SNGA MA RNAMS LA NYAN SHES PAR BYA'O, ,DE NI SGO GSUM PA'O, ,GNYIS PA GNYID KYI DUS SU CHOS SKU DANG BSRE BA'I TSUL NI, GONG GI SGO GSUM PO GANG RUNG CIG GIS STONG PA BZHI DRANG NUS PA'I MTSAMS NAS, MTSAN MO GNYID DU 'GRO KHAR SNYING KHAR MI

188b

SHIGS PA'I THIG LE SGOM PA'AM, RDO RJE BZLAS PA GNYIS PO GANG RUNG NYAMS SU BLANGS PA LA BRTEN NAS SNGAR BSHAD PA'I RTAGS BZHI DANG, STONG PA BZHI 'CHAR ZHING, DE'I 'OD GSAL SHAR BA'I DUS SU LTA THOG TU BZHAG NAS SGOM PA YIN TE, SPYIR GZHI DUS KYI GNYID DU 'GRO BA'I TSE RLUNG SNYING KHAR RANG SHUGS KYIS 'DUS PA LA BRTEN NAS STONG PA BZHI'I 'OL SPYI TZAM ZHIG 'CHAR BA YOD LA, DE SHES NAS GNYID KYI 'OD GSAL 'DZIN PA'I GDAMS NGAG GIS NYAMS SU BLANGS NA STONG PA BZHI 'CHAR SLA BA'I GNAD YOD DE, DE YANG GNYID KYI DUS LA RMI LAM MI 'CHAR BA DANG, 'CHAR BA'I DUS GNYIS LAS, RMI LAM MI 'CHAR BA'I DUS SU GNYID KYI 'OD GSAL 'DZIN PA YIN LA, DE YANG GNYID DU SONG BA'I THUN STOD KYI SKABS YIN NO, ,GSUM PA 'CHI BA'I DUS SU 'CHI BA'I 'OD GSAL CHOS SKU DANG BSRE BA'I TSUL NI DA LTAR GYI DUS SU GNYID SAD DUS DANG, GNYID KYI DUS SU SNGAR BSHAD PA BZHIN DU 'OD GSAL GYI CHOS SKU DANG BSRE BA LA BYANG BA CIG GIS, 'CHI BA'I DUS SU SA CHU LA THIM PA SOGS KYI RTAGS DANG PO SHAR BA'I DUS SU SNYING KHAR MI SHIGS PA'I THIG LE SGOM PA DANG, SNYING KHA'I DH'U T'I'I DBUS NAS RLUNG LDANG 'JUG GNAS GSUM GYI RDO RJE BZLAS PA BYAS NA, GZHI DUS KYI 'CHI BA'I DUS SU SNYING KHAR RLUNG RANG SHUGS KYIS 'DU BA YOD PA'I GNAD KYIS, SNGAR BSHAD PA'I RTAGS RNAMS DANG STONG PA BZHI SNGAR BSHAD PA BZHIN DU 'CHAR LA, DE LA 'CHI BA'I TSE STONG PA BZHI RANG SHUGS KYIS 'CHAR BA'I 'OD GSAL NI MA'I 'OD GSAL YIN LA, SNGAR GNYID SAD PA DANG GNYID DUS SU BSGOMS PA'I 'OD GSAL NI BU'I 'OD GSAL YIN ZHING, DE GNYIS 'CHI BA'I 'OD GSAL GYI DUS SU 'DRES PA LA 'OD GSAL MA BU

189a

, ,'DRES PA ZHES ZER BA YIN NO, ,GNYIS PA LAM DUS KYI LONGS SKU DANG BSRE BA LA GSUM STE, GNYID SAD DUS KYI SGYU MA'I LUS LONGS SKU DANG BSRE BA DANG, GNYID KYI DUS SU RMI LAM SHAR BA'I RMI LAM GYI SGYU LUS DANG BSRE BA DANG, 'CHI BA'I 'OD GSAL GYI MTHAR BAR DO DNGOS SAM BAR DO DANG RJES SU MTHUN PA'I SGYU LUS LONGS SKU DANG BSRE BA'O, ,DANG PO NI, SNGAR BSHAD PA'I SGO GSUM PO GANG RUNG GIS 'OD GSAL GYI TING NGE 'DZIN BSKYED PA'I DUS SU 'BAD PA BSKYED NAS 'OD GSAL LA JI TZAM GNAS GNAS SU MNYAM PAR 'JOG ,RLUNG THIM PA SLAR LANGS PA'I MTHUS TING NGE 'DZIN DE LAS LDANG BAR RTZOM PA'I TSE, DE'I MTHAR DANG PO'I MGON PO YAB YUM GYI SKUR LDANG BAR BYA'O SNYAM PA'I 'PHEN PA BTANG NAS CHU DVANGS PA LAS NYA LDANG BA'I TSUL DU 'OD GSAL GYI NGANG NAS SKU DER KRONG GIS LDAN STE, SGYU MA'I SKU DE LA, SEMS BZUNG STE CI TZAM GNAS KYI BAR DU MNYAM PAR 'JOG PA'O, ,GNYIS PA GNYID KYI DUS SU RMI LAM SHAR BA'I RMI LAM GYI SGYU LUS DANG BSRE BA NI, SNGAR BSHAD PA LTAR GYI GNYID KYI 'OD GSAL SHAR BA'I TSE 'BAD NAS JI TZAM GNAS GNAS SU MNYAM PAR 'JOG GO ,SNGAR RLUNG THIM PA SLAR LANGS PA'I MTHUS TING NGE 'DZIN DE LAS LDANG BAR RTZOM PA'I TSE DE'I MTHAR RMI LAM PHAL PA GZHAN DU MA SHOR BAR DANG PO'I MGON PO YAB YUM GYI SKUR LDANG BAR BYA'O SNYAM PA'I 'PHEN PA BTANG NAS, CHU DVANGS PA LAS NYA LDANG BA'I TSUL DU 'OD GSAL GYI NGANG NAS SKU DAR KRONG GIS LDANG STE, SGYU MA'I SKU DE LA SEMS BZUNG STE JI TZAM GNAS KYI BAR DU MNYAM PAR 'JOG PA'O, ,GSUM PA 'CHI BA'I 'OD GSAL GYI MTHAR BAR DO DNGOS SAM BAR DO DANG

189b

RJES SU MTHUN PA'I SGYU LUS LONGS SKU DANG BSRE BA NI, SNGAR BSHAD PA LTAR GYI 'CHI BA'I DUS SU 'OD GSAL MA BU BSRES NAS 'BAD DE 'OD GSAL JI TZAM GNAS GNAS SU MNYAM PAR 'JOG GO ,SNGAR RLUNG THIM PA LAS LANGS PA'I MTHUS TING NGE 'DZIN DE LAS LDANG BAR RTZOM PA'I TSE, DE'I MTHAR BAR DO THA MAL PA'I LUS SU MI LDANG BAR DANG PO'I MGON PO YAB YUM GYI SKUR LDANG BAR BYA'O SNYAM PA'I 'PHEN PA BTANG NAS CHU DVANGS PA LAS NYA LDANG BA'I TSUL DU 'OD GSAL GYI NGANG NAS SKU DER KRONG GIS LDANG STE, SGYU MA'I SKU DE LA SEMS BZUNG STE, JI TZAM GNAS KYI BAR DU MNYAM PAR 'JOG PA'O, ,'DI LA GNYIS YOD DE, SGYU MA'I LONGS SKUR SGOM PA TZAM MIN PAR GZHAN LA BAR DO 'GRUB PA'I DOD DU RANG GI LUS DON STENGS NAS SNGAR BSHAD PA'I SGYU MA'I SKUR SKYES PA YIN NA BAR DOR MCHOG 'GRUB PA YIN NO, ,DE LTAR MA NUS PAR BAR DO RANG KHA BA'I LUS BLANGS PA YIN KYANG YID KYI NGOR BAR DO'I LUS THA MAL PA'I SNANG BA RE ZHIG MI 'CHAR BAR DANG PO'I MGON PO YAB YUM DU SHAR BA'I LONGS SKU'I BSRE BA BYUNG NA'ANG KHYAD SHIN TU CHE BA YIN NO; ;GSUM PA LAM DUS KYI SPRUL SKU DANG BSRE BA LA GSUM LAS, DANG PO GNYID SAD PA'I DUS SU LAM DUS KYI SPRUL SKU DANG BSRE BA NI, SNGAR BSHAD PA LTAR GNYID SAD DUS KYI 'OD GSAL GYI NGANG NAS SGYU MA'I SKUR, RNAM SMIN GYI LUS 'DI LAS LOGS SU BYA STE, SGYU MA'I TING NGE 'DZIN BSGOMS PA'I MTHAR RNAM SMIN GYI PHUNG PO 'DI NYID LA ZHUGS TE, RNAM SMIN GYI PHUNG PO MI BSKYOD PAR GSAL BA'I THUGS KAR YE SHES SEMS DPA'I TSUL GYIS GNAS PA'O, ,DE NI 'BRAS BU'I LONGS SKU MA DAG PA'I SEMS

190a

, ,CAN GYI MIG GI LAM DU MI 'GYUR BA DE'I MTHUS, SGYU 'PHRUL CHEN MO LTA BU'I MNGAL DU LUS RAGS PA'I SKYE BA BZUNG BA NA SPRUL PA'I SKU DE SEMS CAN MA DAG PAS KYANG MTHONG BA DANG 'DRA BAR, LAM DUS KYI SGYU MA'I LONGS SKU SEMS CAN GZHAN GYI SHA'I MIG GIS MI MTHONG BA DE RAGS PA'I LUS LA ZHUGS PA NA, DES BZUNG BA'I MI BSKYOD PAR SNANG BA'I RAGS PA'I LUS SHA'I MIG GI YUL DU GYUR PA LA SPRUL SKU ZHES THA SNYAD BTAGS PA DANG, YANG SGYU MA'I LONGS SKU DES RAGS PA'I SKU SEMS CAN GZHAN GYI SHA'I MIG GIS MTHONG BA SPRUL PA LA SPRUL SKU ZHES THA SNYAD BYAS SO, ,GNYIS PA GNYID DU SONG NAS RMI LAM 'CHAR BA'I DUS SU SPRUL SKU DANG BSRE BA'I TSUL NI, SNGAR BSHAD PA BZHIN GNYID KYI 'OD GSAL GYI NGANG NAS LONGS SKUR LANGS TE SGYU MA LTA BU'I TING NGE 'DZIN BSGOMS PA'I MTHAR, SNGAR GYI RNAM SMIN GYI LUS LA ZHUGS NAS SNYING KHAR YE SHES SEMS DPA'I TSUL GYIS GNAS PA DANG, LONGS SKU DES RAGS PA'I SKU SPRUL PA NI SPRUL SKU DANG BSRE BA ZHES BYA STE, DE'I GO DON NI SNGAR BSHAD PA LTAR RO, , GSUM PA 'CHI BA'I 'OD GSAL GYI MTHAR SPRUL SKU DANG BSRE BA'I TSUL NI, 'CHI KHA'I 'OD GSAL SNGAR BZHIN BSGOMS PA CIG GIS 'CHI BA'I 'OD GSAL GYI MTHAR LONGS SKUR LANGS NAS, SGYU MA LTA BU'I TING NGE 'DZIN BSGOMS PA'I RJES SU GANG 'DOD PA'I SKYE GNAS KHYAD PAR CAN DU SKYE BA'I 'PHEN PA BTANG NAS SKYE GNAS GANG YIN PA DER BAR DOR SHI BA'I STONG PA BZHI SNGAR GOMS PA'I LAM DANG BSRES NAS SKYE BA LEN PA LA SPRUL SKU DANG BSRE BA ZHES BYA STE, DE'I GO DON YANG SNGAR LTAR RO, ,DE LTAR SNGAR BSHAD PA LTAR GYI RLUNG GI NUS

190b

PA THOB NA SHIN TU LEGS PAS DE LTAR BYA LA, DE LTA BU MA THOB NA YANG DA LTAR GYI DUS SU 'CHI BA'I TSE RTAGS BZHI DANG STONG PA BZHI 'CHAR BA RNAMS YID LA DRAN PAR BYA STE, YANG DANG YANG DU GOMS PAR BYA ZHING, 'OD GSAL GYI MTHAR BAR DO 'GRUB PA'I DUS SU BAR DO LONGS SKUR LDANG BA SOGS KYI MAN NGAG KYANG YANG DANG YANG DU GOMS PAR BYAS NA, DA GZOD 'CHI BA'I DUS KYI TSE RTAGS BZHI DANG STONG PA BZHI 'CHAR BA RNAMS NGES ZIN PA DANG, BAR DO'I DUS SU BAR DO ZIN PA SOGS LA KHYAD PAR SHIN TU CHE BAR MNGON NO, ,DE NI BSRE BA'I GDAMS NGAG GI GNAD BSDUS PA YIN NO, ,'PHO BA LA, GDAMS NGAG SO SO NAS MI 'DRA BA MANG DU YOD KYANG, DPAL SAMBHU tA, RDO RJE MKHA' 'GRO DANG, RDO RJE GDAN BZHI GSUM NAS GSUNGS PA RNAMS DON 'DRA BAR SNANG LA, BDE MCHOG SDOM 'BYUNG DANG, 'JAM DPAL GYI ZHAL GYI LUNG LAS GSUNGS PA GNYIS KYANG SNGA MA GNYIS DANG MTHUN SHAS CHE BAS YID CHES PA'I KHUNGS KHYAD PAR CAN NAS 'BYUNG BA 'PHO BA'I GDAMS PA LA RGYAS BSDUS GNYIS LAS RGYAS PA NI, SGO DGUR YI GE BKOD NAS DE LA GSAL SNANG BRTAN PO RNYED PA'I SGO NAS SGO DGU'I RLUNG RENGS PAR BYA BA SNGON DU BTANG NAS LTE BA'I BUM PA CAN LA NUS PA RNYED PA'I MTSAMS NAS, 'PHO BA'I DNGOS GZHI'I DMIGS PA SKYONG BA YIN NO, ,DE MA GRUB KYANG BSDUS PA BYED NA, RANG YE SHES MKHA' 'GRO MA'AM, YI DAM GYI LHA GANG RUNG DU GSAL BA'I NGANG NAS SNYING KHA CHOS KYI 'KHOR LO KHA THUR DU BLTA BA'I 'KHOR LO'I LTE BA'I DHU T'I'I NANG DU RNAM SHES KYI NGO BO H'Um YIG SNGON PO KHA THUR DU BLTA BA CIG BSGOM, DE'I MGO BO'I 'OG TU RNAM SHES KYI BZHON PA'I RLUNG GI NGO BO YUm YIG

191a

, ,SNGON PO MGO THUR DU BLTA BA ZHIG DANG, DE'I MGO BO'I 'OG TU HI DKAR PO MGO THUR DU BLTA BA ZHIG BSGOM, H'Um YIG GI ZHABS KYU'I STENG DU RNAM SHES KYI BZHON PA'I RLUNG GI NGO BO YUm YIG SNGON PO MGO GYEN DU BLTA BA ZHIG DANG, DE'I DBUS SU KA YIG DKAR PO MGO GYEN DU BLTA BA ZHIG BSGOMS TE, STENG 'OG GI HI KA GNYIS NI RNAM SHES RLUNG GI BZHON PA CAN SNYING KHA'I GNAS NAS GYEN DU SPYI GTZUG NAS 'BYIN PA'I THABS SO, ,DE NAS LUS GNAD BCAS NAS, RLUNG PHYI ROL TU 'GRO BA'I TSE SNYING KHA'I RTZA 'KHOR KHA GYEN DU PHYOGS PAR BYA STE, SNYING GA'I DH'U T'I'I NANG NAS H'Um YUm HI GSUM MGO GYEN DU BLTAS TE SNGON DU RGYU ZHING, YUm KA GNYIS H'Um GI GSHAM NAS MGO GYEN DU BLTAS TE RJES SU RGYU BA'I TSUL GYIS SPYI BO'I TSANGS BU GA LA REG PA'I BAR DU 'GRO BAR BSAMS LA; RLUNG NANG DU 'JUG PA'I TSE SNGAR GYI GO RIM DE LAS BZLOG STE SNYING KHAR 'ONGS NAS, SNYING KHA'I RTZA 'KHOR THUR DU PHYOGS PAR BSAM, DE LTA BU'I TSUL GYIS RLUNG 'GRO 'ONG GNYIS DANG, YI GE LNGA SBRAGS TE BSGOMS PA'I MTHAR CHED DU GTAD MI DGOS PAR RANG GI NGANG GIS RLUNG DH'U T'IR 'JUG THUB PA DANG, SPYI GTZUG TU ZA BA DANG 'PHRIG PA LA SOGS BYUNG BYUNG GI BAR DU SBYANGS LA, LAS SBYOR GYI DUS SU SPYI GTZUG TSANGS PA'I BU GZANG THAL GYIS BYE BAR BSAMS LA, DE'I STENG GI NAM MKHA' LA BLA MA DANG YI DAM DBYER MED DU BZHUGS PA'I THUGS KAR 'PHO BAR BYA'O, ,'DI NI 'CHI LTAS BYUNG NAS BZLOG PA'I THABS BYAS KYANG MI BZLOG PAR MTHONG NA, NAD KYIS MA PHOG PA'I GONG ZLA BA DRUG TZAM NAS BYA BAR GSUNGS SO, ,DE GNYIS NI BSRE BA DANG 'PHO BA

191b

ZHES PA'I MAN NGAG KHYAD CHOS SU GRAGS PA YIN LA, DE'I SNGA MA NI, PHA RGYUD GSANG BA 'DUS PA'I BSKOR NAS LEGS PAR SHES DGOS PA YIN LA PHYI MA NI RNAL 'BYOR MA'I RGYUD RNAMS NAS SHES DGOS PA YIN NO, ,'DI NI RJE RIN PO CHE PAS, CHOS RJE SH'AKYA YE SHES RGYA YUL DU THEGS DUS GDAMS PA 'DI GNYIS ZHUS PA'I DON DU MDZAD PA'O,,