,,RGYU RDO RJE 'DZIN PA'I DUS SU YUM GYI PADMA'I DKYIL 'KHOR DU SEMS CAN RNAMS BCUG PA LA DBANG BSKUR PA'I 'OG TU DE RNAMS KYI MIG SOGS ZHU NAS THIG LER GYUR PA SOGS LAS SA SNYING SOGS BSKYED PA DE, KshIm LA SOGS PA PHYUNG NAS MKHA' DKYIL GYI GTZO BO YAB YUM GYI MIG TU BKOD PA NAS LHA GZHAN RNAMS LHA SO SO LA THIM PA YIN NAM ZHES PA NI, SEMS CAN RE RE'I MIG SOGS NYER GCIG ZHU BA LAS BYUNG BA'I LHA NYER GCIG RE YOD PA DE, SNGAGS KYIS PADMA NAS PHYUNG NAS RANG RANG GI ZHING DU GSHEGS PAR BYED PA BZHI BRGYA LNGA BCU PA'I 'GREL PA'I BZHED PA YIN PAS, DE BZHIN DU BYED DGOS TE GZHAN DAG GIS BYED PA BZHIN DU MI 'DOD DO, ,MIG SOGS ZHU BA LAS LHA BSKYED PA'I SKABS 'DIR KHRO BO BSKYED PA MI DGOS SGRIB SEL GYI ZHU BA'I PHYAG RGYA NI RNAM SNANG SGYU DRAR, PHYAG GA-YON PA SA LA BRKYANGS NAS, PHYAG GA-YAS PA'I 'DZUB MO DANG MTHE BONG SPRAD PA LA BSHAD PA LTAR YIN LA, 'DIR GA-YAS
PA'I PHYAG RGYA MCHOG ,YAB BSKYED PA'I SKOR RNAMS ZIN PA'I 'OG TU, YUM MNGON BYANG LNGA LAS BSKYED PA SOGS SEMS CAN LA DBANG BSKUR BA MA GTOGS PA SNGAR BZHIN BYA, ZHES PA'I DON NI KUN BZANG LAS, YUM BSKYED PA'I SKABS SU DE BZHIN ZHES GSUNGS PA'I DON, SMAN ZHABS KYIS YAB KYI SKABS SU BSHAD PA BZHIN, SLAR YANG RGYU RDO RJE 'DZIN PA YAB YUM GNYIS BSKYED PA NAS ZHU BA GLUS BSKUL NAS YAB YUM SKYED PAR BSHAD DO, ,SH'ANTI PA'I BZHED PA YANG DE YIN PAS RGYU RDO RJE 'DZIN PA YAB YUM SKYED THABS GNYIS BYED PA YIN, THA GA NA'I BZHED PAS SNGAR RGYU RDO RJE 'DZIN PA YAB YUM ZHU BA'I DUS SU THIG LE CHA GNYIS SU GYUR PA'I CHA GCIG LAS YUM BSKYED PA YIN, BU STON RIN PO CHE'I SGRUB THABS SU BSHAD PA DE SNGA MA LTAR YIN, SPYIR LUGS 'DE LA YE SHES ZHABS KYI RJES 'BRANG RGYA GAR BA KHA CIG ,SNGAR 'BRAS BU RDO RJE 'DZIN PA BSKYED PA'I DUS SU RTZA PHYAG GNYIS KYIS RIG MA LA 'KHYUD PAR GSUNGS PA RGYU MTSAN DU BYAS NAS, SNGAR 'BRAS BU RDOR 'DZIN GYI YAB SKYED PA DANG DUS MNYAM DU BSKYED PA'I 'OG TU GSAL 'DEBS PAR 'DOD PA YANG YOD, SNGAR BSHAD PA BZHIN 'OG TU GSAR DU SKYED PAR 'DOD PA YANG YOD PAS SO SOR PHYED PAR BYA'O, ,RGYU RDO RJE 'DZIN PA SBYANG GZHI LA JI LTAR YIN ZHES PA NI, SLOB DPON RATNA RAKshI TAS PHA MA'I DOD DU BSHAD PA BZHIN DU 'DIR YANG 'DOD PA YIN, ZHU BA NI KUN GZHI RNAM SMIN GYI CHA DANG SBYAR DU RUNG NGAM ZHES PA NI, BAR SRID MTSON PA'I YI GE RNAMS YAB KYI RDO RJE'I LAM NAS YUM GYI PADMAR ZHUGS NAS ZHU BA'I SKABS DE MA'I MNGAL DU SKYE SRID KYIS NYING MTSAMS SBYAR BA'I DOD YIN PAS, KUN GZHI KHAS LEN
, ,PA'I LUGS LA DE DANG SBYOR NA SBYAR BAS CHOG ,YAB YUM GNYIS ZHU BA'I THIG LE DANG SBYOR NA MI 'GRIG GO ,DKYIL 'KHOR RGYAL MCHOG GI SKABS SU YUM GYI PADMAR LHA BSKYED TSUL NI THIG LE DANG SA BON SOGS LAS SO SOR SNGON LA SKYED, DE NAS 'BYIN SNGAGS KYIS 'BYIN PA YIN, SPRUL PA SPROS PA RNAMS SPROS PA'I RTZA BA'I LHA LA BSDUS NAS DE LHA SO SO LA THIM PA YIN, RIN PO CHE PA'I SGRUB THABS KYI LUGS KYI MKHA' NANG DU LHA RNAMS LA SKYE MCHED LA SOGS PA'I LHA RNAMS RANG CHAS SU YOD PA CIG GSAL GDAB DGOS SHING, PHYUNG NAS DKYIL 'KHOR GYI GNAS SO SOR BKOD PA'I 'OG TU YANG SKYE MCHED SOGS KYI LHA RANG CHAS SU YOD PAR BSGOM PA YIN TE, 'GREL PA GCIG NAS DE BZHIN DU BSHAD, THA GA NA DANG, SMAN ZHABS KYI LUGS KYIS PHYUNG BA'I LHA RNAMS DKYIL 'KHOR GYI GNAS SO SOR BKOD PA LA YE SHES PA BCUG PA'I 'OG TU SKYE MCHED DANG SKU GSUNG THUGS BYIN GYIS BRLAB PA MIN PA MKHA' NANG DU MI MDZAD DE KUN BZANG DANG MTHUN PAR YOD, ,SKABS 'DI DANG SKABS GONG MA GNYIS KAR BDUD RTZI MYANG PAR BYA ZHES PA LA NANG MCHOD BYIN GYIS BRLABS NAS YI GE GSUM BRJOD DE BDUD RTZI MYANGS PAS AE CHOG CES PA NI, RIN PO CHE PA'I SGRUB THABS KYI LUGS KYIS GONG MA LA YID KYIS BSGOM PAR CHOG PAR MNGON, 'OG MA LA YIN NA DKYIL 'KHOR BA'I LHA LA PHUL BA'I LUGS LTAR DGOS, 'ON KYANG MKHA' NANG GI DKYIL 'KHOR LA DBANG BSKUR BA DANG BDUD RTZI MYANG BA MI BYED PA 'GREL PA GZHAN GYI LUGS GZHUNG DANG MTHUN, DAM TSIG PA LA YE SHES PA BCUG PA NA ME LONG GI GZUGS
BRNYAN LTAR MA 'DRES PA YOD DAM, 'O CHU 'DRES PA BZHIN YIN ZHES PA NI, PHYI MA BZHIN DU BYED RGYU YIN, YE SHES PA SPYAN 'DREN PA LA RDO RJE BSDU BA'I PHYAG RGYA BYAR AE RUNG ZHES PA NI, LUGS 'DI LA LAG PA'I BSHAD PA KHUNGS THUB KYIS MA BSHAD PAS MI DGOS, DBANG LHA RNAMS LHA LA BCUG PAS CHU LUD PA LAS BYUNG PA'I RIGS BDAG GI RGYAS 'DEBS BYAS PAS AE CHOG CES PA NI, CHU DBANG BSKUR BA'I CHU LUD PA LAS RIGS BDAG BYUNG BA'I RGYAS 'DEBS 'DI LA BSHAD, DBANG LHA BSTIM PAR BSHAD PA'I GZHUNG RNAMS SU YANG RIGS BDAG GIS RGYAS BTAB ZIN PA'I RJES SU DBANG LHA BSTIM PAR BSHAD PA DE BZHIN DU BYA DGOS, DPAL LDAN RDO RJE THUGS 'CHANG BA, ZHES SOGS BZHI, SPRUL PA'I THUGS RDO RJE RNAMS LA GSOL BA GDAB PA DANG, PHYOGS BCUR BZHUGS ZHES PAS SPRUL PA DANG, YE SHES PA'I THUGS RDO RJE THAMS CAD SNYING KHA'I THUGS RDO RJE LA THIM PA AE YIN ZHES PA NI, TSIGS BCAD SNGA MAS SNYING KHA'I THUGS RDO RJE LA GSOL BA 'DEBS PA DANG, PHYI MAS SPYAN DRANGS PA'I THUGS RDO RJE LA GSOL BA 'DEBS PAR SMAN ZHABS DANG, SH'ANTI PAS BSHAD PA LTAR BYED DGOS KYI DRIS PA LTAR YIN NO, ,GTZO BO LA DNGOS DANG 'KHOR LA RANG SNANG GI YUM GYI KHYAD PAR GANG ZHES PA NI, RANG SNANG GI YUM NI RANG 'DRA'I YUM YIN LA, GTZO BO LA DE DANG 'DRA BAS KHYAD PAR DE MI DGOS, RJES KYI LDANG TSUL LA SRUNG 'KHOR DANG GZHAL YAS KHANG SDUD PA'I GSAL, BA MI SNANG YANG THUN GZHAN GYI CHO GA BSHAD PA'I SKABS SU GZHAL YAS KHANG BSKYED PA'I LUGS SU SNANG BAS BSDUS PAS CHOG ,GZHAL YAS KHANG DANG SRUNG 'KHOR
, ,GNYIS LA SDUD MI SDUD KYI KHYAD PAR MED, ZHAL GSUM PHYAG DRUG PA DANG, ZHAL GCIG PHYAG GNYIS PA GANG DU LANGS KYANG 'DRA, YUM YANG DE DANG 'DRA ZHING YUM BCAS SU LDANG BA LEGS, 'DI'I 'DAS GTOR 'BUL TSUL NI MI BSKYOD PA'I GTOR CHOG GI 'DON PA BSGYUR NAS LHA SO SO'I MTSAN SNGAGS KYI MTHAR SARBA DUshtI SOGS SBYAR BAS SHIN TU YANG CHOG STE, AA BH+YA KA RA'I DGONGS PA YIN, BSTOD PA LHA SO SO'I SGOS BSTOD TSANG BA 'AM, MED NA MI BSKYOD RDO RJE BYAS NA LEGS, 'DUD NYI SHU 'JAM DBYANGS KYI BSTOD PA YIN MOD KYANG SKABS SU PA BRGYU MED, SBYIN SREG BYED NA BZHI BRGYA LNGA BCU PA RTZA 'GREL LA GZHI BYAS, 'OD SNYES KHA BSKANGS NA LEGS, MI BSKYOD PA'I SBYIN SREG GI CHOGS BYED NA THAB 'BRIS LA SGO SO SO'I GA-YAS GA-YON GYI NGES PA MI DGOS, GZHAN SPYI KHOG 'DRA BA YIN, DKYIL CHOG LAS BUM PA BCU LA BSHAD PA GNYIS SU BSDUR AE RUNG ZHES PA NI, SHIN TU YANG RUNG STE AA BH+YAS KYANG BSHAD DO, ,BDAG 'JUG TSAR GCIG ZIN NAS NYIN RE ZHING BUM PA BSGRUB PA MA GRUB NA CHO GA CHAD PA'I NYES PAR AE 'GYUR ZHES PA NI, AA BH+YAS NYI MA GZHAN LA'ANG BUM PA RNAMS LA BZLAS PA DANG MCHOD PA SOGS THUN GSUM MAM, GCIG TU BYA'O ZHES GSUNGS SHING GZHAN KHUNGS MANG PO YANG YOD PAS RIN PO CHE PA DE BZHIN DU BZHAD LUGS DE LEGS PAR SEMS SO, ,YE THIG GI SKABS SU NAM MKHA'I THIG 'DEBS PA DANG SA LA 'DEBS PA GNYIS BSHAD DE YI THIG RANG GI DBANG DU BYAS PA YIN, NAM MKHAR BTAB PA'I DGOS PA PHYOGS BCU'I SANGS RGYAS SPYAN DRANGS
NAS THIG SKUD LA BSTIMS LA, DA NAS DES SA LA BTAB PA'I THIG BYIN GYIS RLOB PA YIN, NAM MKHA' LA THIG 'DEBS PA NA, BRI 'GYUR GYI DKYIL 'KHOR NAM MKHA' LA BYUNG BAR BSGOM PA 'DI, BOD KYI BLA MA 'GA' ZHIG BZHAD PAR GDA' YANG, BLA MED KYI SKABS SU DKYIL CHOG KHUNGS THUB RNAMS LAS SNGA MA LTAR BSHAD KYI PHYI MA LTAR MA BSHAD, SPYOD RGYUD RNAM SNANG MNGON BYANG GI 'GREL PAR DE'ANG GCIG BSHAD PA YOD DE, 'GREL PA DER RGYU MTSAN DE NYID KYIS DKYIL 'KHOR GZHAN DU LOGS SPYAD ZIN PAS, THIG SKUD DES SA LA GANG BA TU MI RUNG BAR BSHAD NAS SA LA 'DEBS PA'I TSON SNA LNGA'I THIG SKUD GNYIS PA GCIG MDZAD DE, RGYUD DE LAS TSON SNA LNGA'I THIG SKUD GNYIS BSHAD DO, ,'GREL PAS GSHER THIG MA BSHAD KYANG GO NUS GSUNG NAS SPYIR THIG SKUD CHA GSUM MDZAD DE 'DI'I RIGS PA BLA MED LA SBYOR DU MI RUNG NGO, ,THIG GI SKABS 'DI RNAMS LA DGAG SGRUB KYI GNAS MANG DU YOD KYANG, SKABS GZHAN DU RGYAS PAR BSHAD PA DANG, 'DIR DA RES NYUNG BAR BYAS PAS MA SPROS SO, ,BUM PA 'BUL LUGS 'DRI BA NI GANG BU MA LA ZER BA YIN MCHI BAS GANG BUM LHA LA 'BUL LUGS LHA RE RE LA BUM PA RE RE PHUL BA DANG, THUN MONG DU 'BUL BA GNYIS KA'I BSHAD PA YOD LA, 'BUL BA YANG MCHOD PA'I DON DU 'BUL BA YIN NO, ,DE YANG YID KYIS LHA SE SO LA BSNGOS PA TZAM BYED PA DANG, MCHOD PA GZHAN 'BUL BA BZHIN DNGOS SU TSIG GIS 'BUL PA'I TSUL GNYIS SO, ,SLOB DPON GYI SDOM PA 'DZIN NUS PAS BDAG 'JUG SPREL NAS BYED NA SDOM PA BSGRAGS PA NAS RIG PA'I DBANG LNGA DANG, DAM
, ,TSIG GSUM GYI BAR RNAMS BSKYAR NAS BYA AE DGOS ZHES PA NI, SDOM BSGRAG THAMS CAD LA 'ONG PA'I NGES PA MED PAS SKABS DANG BSTUN, SDOM PA BZUNG BA DANG RIG PA'I DBANG LNGA SNGAR THOB KYANG BRTAN PAR BYED PA'I DON DU SLAR YANG LEN PA YIN, DAM TSIG GSUM BZUNG BA LA DAm TSIG GZHAN GNYIS 'KHOR DU BYAS NAS GTZO BO PHYAG RGYA'I DAM TSIG LA BRTEN NAS SLOB DPON GYI DBANG DNGOS GZHI BSKUR BA KHUNGS THUB DU MA'I BZHED PA YIN PAS DE GSUM SLAR YANG LEN PA SHIN TU'ANG DGOS SO, ,BCOM LDAN 'DAS DPAL GSANG BA 'DUS PA 'JAM DPAL RDO RJE'I BSGRUB DKYIL GYI DRIS LAN RJE RIN PO CHE THAMS CAD MKHYEN PA SHAR TZONG KHA PA CHEN POS GNANG BA'O,,