An Explanation of Difficult Points in the Way of the Diamond

` ,,DPAL RDO RJE SEMS DPA' LA PHYAG 'TSAL LO, ,'PHAGS PA'I GTAM LAS DPAL LDAN 'DUS PA'I DON, ,RGYAL BAS RGYAS BTAB KHROL BAR MA GYUR NA, ,RDO RJE THEG PA'I GNAD DON RNYED MI 'GYUR, ,DE PHYIR KLU SGRUB GDAMS PA GCES PAR GZUNG, ,'DI LA CHES DKA'I GNAS NI GNYIS SU MTHONG, ,LAM 'DI'I THUN MONG MIN PA'I THOB BYA DANG, ,LAM DE PHYAG RGYA LA NI LTOS PA'O, ,JI SRID DANG PO NGES PAR MA GYUR PA, ,DE SRID DU NI LAM BZANG RTOGS MI 'GYUR, ,GANG TSE DANG PO

TSUL BZHIN NGES GYUR NA, ,DE CHE LAM DA BDE BLAG RTOGS PAR 'GYUR, ,DE NAS RIM GNYIS LAM DU 'JUG PA LA, ,THUN MONG MIN PA'I NGES PA RNYED 'GYUR ZHING, ,DE LA RDO RJE'I THEG LA GUS PA DANG, ,DGA' DANG SPRO BA RGYA CHEN SKYES PA YI, ,BLA MED THEG PA'I RIGS KYI NUS PA NI, ,YANG DANG YANG DU YONGS SU RGYAS PAR BYED, ,DE PHYIR BLO LDAN LAM 'DIR GUS PA KHYED, ,RTZA BA BAR NAS YAL GA MA 'TSOL BAR, ,THUN MONG MIN PA'I BSGRUB BYA GUS PAS TSOL, ,DE YANG KLU SGRUB LUGS LAS GZHAN DU MIN, ,PHYAG RGYA MCHOG DANG KUN TU 'DUS GYUR TE, ,RDO RJE PADMA SBYOR BA'I SNYOMS 'JUG GIS, ,BDE BA CHEN PO'I RANG BZHIN MA BTZAL NA, ,LAM BZANG MYUR BA'I MTHAR THUG GANG LAS YIN, ,DE PHYIR STONG PA BZHI YI TING NGE 'DZIN, ,PHYAG RGYA BZANG MO'I RJES SU 'GRO LDOG PAR, ,RNAM DAG RIGS PAS BSGRUB PAR MA NUS NA, ,PHO NYA'I LAM LA DGA' BA DGA' BA TZAM, ,'DOD YON LAM BYED LAM 'DI'I KHYAD CHOS TE, ,DE YI GTZO BO REG BYA DE YI YANG, ,PHUL DU BYUNG BA CHOS 'BYUNG REG BYA STE, ,DES BSKYED BDE BA LAM BYED LAM GYI PHUL, ,TSUL DE LAM DU BYED PA'I RTEN DANG DUS; ;YUL GYI KHYAD PAR MTHA' DAG MA 'TSOGS DA RA, ,DBANG PO GNYIS KYI BDE LA GTZOR 'DZIN PA, ,KYE MA NGAN 'GRO'I ME CHEN BUD SHING NGO, ,GANG ZHIG THUN MONG LAM GYIS RGYUD SBYANGS SHING, ,DBANG GIS LEGS SMIN SDOM PA YONGS SU DAG ,DRAN PA GCIG PA'I RNAL 'BYOR MTHAR PHYIN CING, ,RDO RJE GSUM GYI TING 'DZIN RNYED PA DES, ,SGYU MA 'OD GSAL BDEN PA GNYIS KYI LAM, ,CHOS DANG GZUGS SKU GNYIS NI MTHONG CHOS LA, ,MNGON DU 'GYUR BA'I NYER RGYUR 'JUG PA NA, ,PHYAG RGYA BZANG LAS BDE CHEN MTSON PAR

, ,BYA; ;RDO RJE THEG PA'I THOB PAR BYA BA DANG, ,MYUR DU 'THOB PA'I NYE RGYU PHYAG RGYA'I GNAD, ,GANG ZHIG NGES NA RGYUD KYI SNYING PO'I DON, ,MTHA' DAG NGES PA'I DKA' GNAD 'DIR GZUNG NGO, ,RNAL 'BYOR BLA NA MED PA'I THUN MONG MIN PA'I GNAD THAMS CAD NGES PA'I RGYU, THUN MONG MIN PA'I 'BRAS BU NGES PAR BYA BA DANG, DER BGROD PA PHYAG RGYA DANG 'DUS PA LA LTOS PA'I RGYU MTSAN NGES PAR BYA DGOS SO, ZHES DKA' BA'I GNAD BSTAN PA RJE RIN PO CHE NYID KYIS DGE LDAN DU BAR SKABS SU GSUNGS PA'O,,