` ,,NA MA: SHR'I BADZRA BHEE RA W'A YA, BRKYANG BSKUM ZHABS NI CUNG ZAD BRDABS PA TZAM GYIS DKYIL 'KHOR BZHIR BCAS RI DBANG SHIG SHIG POR 'GYUR ZHING, ,GTUM DRAG MA HE'I ZHAL NI RAB TU GDANGS PAS BSGRAGS PA'I GAD RGYANGS CHEN POS SA GSUM KUN 'GENGS PA, ,RGYAL BA'I YAB GCIG 'JAM PA'I DBYANGS GANG MA RUNGS 'DUL PHYIR DRAG PO'I SKUR BSTAN BCOM LDAN GSHIN RJE'I GSHED, ,GANG DER GUS PAS BTUD NAS GSHIN RJE'I RGYAL PO BSTOD KYI DA NI BGEGS RNAMS BAG YOD DUS LA BAB, ,RI BO RAL ZHING CHU GTER 'KHRUGS PA LTA BUR 'UR 'UR ZHES PA'I SGRA CHEN RGYUD MAR RAB SGROG PA, ,DRAG PO'I ME LCE GNAG PA'I DU BAS 'KHYUD PA'I TSOGS RNAMS 'BUM PHRAG GLOG PHRENG CHAR SPRIN NANG 'GYUG BZHIN, ,SHIN TU BZOD DKA'I REG BYA TSA BA'I NGAR LDAN KHA DOG LNGA YI PHRENG BAS ZLUM POR BSKOR BA'I DBUS, ,MUN PA BYE BAS BYUGS LTAR GNAG PA'I CHOS 'BYUNG CHAL CHIL GA-YO BA'I KHRAG ZHAG RGYA MTSOS GANG BA'I STENG, ,RTA BDUN BDAG PO'I GDAN LA
, ,GNOD BYED NAG PO GAN RKYAL BSGYEL BA'I STENG NA GSHIN RJE'I RGYAL PO NI, ,MIG SMAN LTAR GNAG THUNG LA SBOM PA'I LUS CAN GA-YAS BRKYANG GA-YON BSKUM SA CHEN GA-YO BA'I GOM STABS CAN, ,SER SKYA'I RAL PA GYEN DU 'DZINGS PA'I DBU LA THOD SKAM LNGAS BRGYAN DRAG PO'I RDO RJE SPYI BOR 'DZIN, ,KHRAG GIS SBAGS PA'I MGO RLON 'PHRENG BA MGRIN PAR 'PHYANG ZHING SPYAN GSUM BGRAD PA'I SDANG MIG GA-YO BA CAN, ,MCHE BA RNON PO GCIGS PA'I BGRAD PA'I ZHAL NAS DBUGS PHRENG GA-YO BA GDUG PA'I SBRUL GYI KHA RLANGS BZHIN, ,GA-YAS PAS 'BAR BA'I GRI GUG BDUD DPUNG KLAD LA 'PHYAR ZHING KHRAG LDAN THOD PA GA-YON GYIS BZUNG LA ROL, ,STAG LPAGS SMAD GA-YOG BGOS PA'I GTUM CHEN KHYOD KYIS GSHIN RJE'I GSHED LA JI LTAR ZHAL BZHES DE BZHIN DU, ,MA GA-YEL MA GA-YEL MYUR DU DRAN PAR MDZOD LA RNAL 'BYOR BDAG GIS GANG ZHIG BSGO BA THAMS CAD SGRUBS, ,GZHAN YANG KHYOD KYI PHYOGS BZHIR RVA DANG RMIG PA RAB TU RNO BA'I MA HE DRAG PO'I GDAN STENG NA, ,DKAR DANG SER DANG DMAR DANG GNAG PA'I GSHIN RJE CHEN PO DRAG TU KHROS PA'I MA HE'I GDONG PA CAN, ,BRKYANG BSKUM STABS KYIS RAB TU 'GYING ZHING DUR KHROD CHAS KYIS LEGS BRGYAN ZHAL GDANGS MIG RTZA KUN TU DMAR, ,BGEGS DPUNG 'JOMS LA RDO RJE'I THOG LTAR BSNGAGS PA DE DAG GIS KYANG ZHI RGYAS DBANG DRAG LAS KUN SGRUBS, ,MDOR NA RGYAL BA KUN GYIS YANG DANG YANG BSNGAGS 'JAM PA'I DBYANGS ZHES SA STENG KUN TU GRAGS PA DE'I, ,PHUN TSOGS GO 'PHANG MCHOG DE MKHA' MNYAM LUS
CAN KUN GYI DON DU JI SRID BDAG GIS MA MNAN PA, ,DE SRID GSHIN RJE'I GSHED KYI BKA' NI GUS PAS LHUR LEN CHOS RGYAL GSHIN RJE 'KHOR DANG BCAS PA YIS, ,YANG DAG LAM GYI NOR MCHOG 'PHROG LA BRTZON PA'I NAG PO'I RTZA LAG SDE DANG BCAS PA GZHOM PAR MDZOD, , CES GSHIN RJE CHOS KYI RGYAL PO LA NANG SGRUB KYI TSUL DU BSTOD PA BDUD DPUNG RNAM PAR 'THAG PA ZHES BYA BA 'DI NI SDOM BRTZON SDE SNOD 'DZIN PA 'JAM DPAL RGYA MTSO ZHES PA'I RANG GI SLOB MAS GSOL BA BTAB PA'I DON DU GSHIN RJE GSHED KYI RNAL 'BYOR PA MANG DU THOS PA'I RGYAL KHAMS PA BLO BZANG GRAGS PA'I DPAL GYIS SBYAR BA'O,,