` ,,NA MO GU RU MANYDZU GHO sh'A YA, GANG GI GSUNG GIS SKAL BZANG 'GRO BA'I TSOGS, ,LEGS PAR DBUGS 'BYIN MDZAD PA RGYAL BA'I SRAS, ,'JAM PA'I DBYANGS ZHES BLA MA'I ZHABS KYI RDUL, ,BSAM PA THAG PAS SPYI BOR GZUNG BAR BGYI, ,MDZES LDAN PADMA DRI MED RI BONG CAN, ,DE STENG SGEG PA'I NYAMS KYIS YID 'PHROG CING, ,GZI BYIN NYI MA 'BUM LTAR RAB TU BRJID, ,PHYAG GI MTHIL NA TSE DPAG MED BZHUGS SHING, ,BDUD DANG NYON MONGS DGRA LAS LAGS RGYAL BAS, ,'JIG RTEN GSUM NA RNAM PAR RGYAL MA ZHES, ,GANG GI SNYAN PA RAB TU GSAL BA CAN, ,BCOM LDAN 'DAS MA DE LA MGOS PHYAG 'TSAL, ,DE YI KUN TU BZANG PO'I 'PHRIN LAS RNAMS, ,DGONGS PA JI BZHIN SKONG BA'I PHUN TSOGS 'KHOR, , RJE BTZUN THUGS RJE'I GTER DANG GSANG BA'I BDAG ,DPAL LDAN KHRO BO'I DBANG PO BZHI LA 'DUD, ,'CHI BDAG STOBS 'PHROG BDUD RTZI'I RGYUN 'BEBS SHING, ,RDO RJE'I TSE YI DPAL RAB STER MDZAD PAS, ,RAB MCHOG LHA YI BU NI ZUNG GCIG LA, ,RGYUN DU DANG BAS BDAG NI
, ,PHYAG 'TSAL LO, ,PHUL BYUNG GZUGS MDZES YID 'PHROG RGYAN GYIS SPUD, ,LANG TSO RAB RGYAS GLU DANG GAR LA MKHAS, ,DBANG PO DRUG LA RMAD BYUNG BDE BA STER, ,KUN GYI DGA' SKYED MCHOD PA'I LHA MO NI, ,KHA CIG TOG SNA TSOGS SKON BU THOGS, ,GZHAN DAG DRI ZHIM BDUG PAS PHYOGS KUN 'GANGS, ,LA LA SNANG GSAL DRI DANG BDUD RTZI 'DZIN, ,DE 'DRA'I MCHOD PA'I SPRIN GYIS BDAG MCHOD NA, ,'KHOR DANG BCAS PA'I BRTZE LDAN BCOM LDAN MAS, ,BDAG GI BSOD NAMS SPEL SLAD BSHAMS PA DANG, ,YID KYIS SPRUL PA'I RAB 'BYAMS MCHOD PA'I TSOGS, ,DGYES SHING BZHES TE MCHOG RNAMS STZAL DU GSOL, ,BDAG CAG TSU ROL MTHONG BA'I BYIS PA STE, ,DE PHYIR MA RIG DBANG DU GYUR PAS NA, ,THUB PAS BCAS PA'I MCHAMS RNAMS DRAL BA DANG, ,DE BZHIN NYES SPYOD GZHAN GANG BGYIS PA DANG, , LHAG PAR RJE BTZUN MA KHYOD 'KHOR BCAS KYI, ,SKU GSUNG THUGS DANG 'GAL BA SMAD PA'I LAS, ,CUNG ZAD BGYIS PA DE DAG BDAG 'CHAGS KYIS, ,BRTZE LDAN RNAMS KYIS BZOD PA DAM PA MDZOD, ,'DI NA BYIS PA CHUNG DUS ME RIGS PA, ,BYED PAR MTHONG MOD DE LA 'JONGS PA'I CHA, , MI DGA' MED NA 'GRO BA KUN GYI YUM, ,KHYOD LA MI DGYES MED PA SMOS CI 'TSAL, ,'ON KYANG RANG GI NONGS PA SBYONG BA'I PHYIR, ,KHYOD LA BDAG GI NYES PA GSOL BA NA, ,BRTZE BAS NONGS PA BSHAGS PA'I ZHING MDZAD NAS, ,NYES SPYOD MA LUS BYANG BAR MDZAD DU GSOL, ,BDAG PHAN THABS LA LOG PAR SGRUB PA YI, ,BYIS PA'I NYES SPYOD DU MAS MI SKYO BAR, ,'GRO BA MA LUS SGROL BA'I KHUR 'KHYER BA'I, ,KHYOD KYI RLABS CHEN SPYOD LA YI RANG NGO, ,MTHO RIS THAR PA'I LAM NI LTA BA'I MIG ,RGYAL BA'I CHOS TSUL RNAM PAR 'PHEL BA'I PHYIR, ,'GRO BA KUN LA ZAB
DANG RGYA CHE BA'I, ,CHOS KYI 'KHOR LO MA LUS BSKOR DU GSOL, ,KHYOD MI BZHUGS NA 'JIG RTEN GSUM PO RNAMS, ,DE MA THAG TU MUN KHROD CHEN POR LTUNG, ,DE PHYIR NAM MKHA' JI SRID GNAS KYI BAR, ,MYA NGAN MI 'DA' RTAG TU BZHUGS SU GSOL, ,BDAG LA LEGS PAR SPYAD PA JI SNYED CIG ,MCHIS PA DE KUN THUB PA'I BSTAN PA MCHOG ,NYAMS PA MED PAR CHE CHER 'PHEL BA'I RGYUR, ,BSAM PA THAG PAS YONGS SU BSNGO BAR BGYI, ,DES NI THOG MTHA' BAR DU DGE ,THUN MONG MA YIN YONGS SU RDZOGS, ,SH'AKYA'I RGYAL PO'I SKYON BRAL LUGS, ,PHYOGS RNAMS KUN TU RGYAS PA'I RTEN, ,BSHES GNYEN DAM PA GANG YIN KUN, ,'KHOR BA SRID DU ZHABS BRTAN ZHING, ,DE YI LEGS PAR BSHAD PA NI, ,SKYE BO KUN GYIS 'DZIN GYUR CIG ,BSTAN PA GZHAN LAS KHYAD ZHUGS PA'I, ,THUB PA'I BSTAN PA'I GNAD RNAMS KUN, ,JI BZHIN RNYED NAS RGYAL BA RNAMS, ,TSUL BZHIN SGRUB PAS MNYES BYED SHOG ,RANG GIS KHONG DU CHUD PA BZHIN, ,MA RTOGS RNAMS LA BRTZE BA YIS, ,LAGS PAR 'DOMS PAR BYAD PA LA, ,NAM YANG SKYO BAR MA GYUR CIG ,DAM PA CHOS NYAG GCIG 'GRO KUN GYI, ,PHAN BDE'I GTER DU YID CHES NAS, , LUS DANG SROG LA MI LTA BAR, ,RGYAL BA'I DAM CHOS 'DZIN PAR SHOG ,DE CHE RGYAL BA RGYAL SRAS DANG, ,RANG RGYAL NYAN THOS RNAMS DANG NI, ,DE BZHIN MTHU CHEN KUN GYIS KYANG, ,RTAG TU GROGS NI MDZAD GYUR CIG ,DE LTAR RGYAL DANG RGYAL SRAS DANG, ,DE YI 'PHRIN LAS KYIS BSKRUN PAS, ,RGYAL BA'I DAM CHOS GZUNG BA'I PHYIR, ,TSUL 'DI BLO BZANG GRAGS PAS SBYAR,,