` ,,NA MA: SHR'I GU RU MANYDZU GHO sh'A YA, SA GSUM 'GRO BA'I RE SKONG DNGOS GRUB GTER, ,LEGS BSHAD 'OD STONG 'GYED PA'I NYIN MOR BYED, ,YON TAN CHA SHAS KUN RDZOGS 'OD DKAR CAN, ,DPAL LDAN BLA MA LUS CAN GTZUG NA RGYAL, ,GANG LA BRTEN NA BLO GROS MCHOG STER ZHING, ,'CHI BDAG BE CON RI MO'I DBYUG PA LTAR, ,GANG GIS MDZAD PA'I LHA MO 'GRO BA'I SKYABS, ,GTZUG TOR RNAM RGYAL CUNG ZAD BSTOD PAR BGYI, ,MIG BRAL SKYE BOS SNA TSOGS GZUGS LA BZHIN, ,KHYOD KYI NGANG TSUL BDAG LA RING DU BSKAL, ,'ON KYANG DAM CHOS YANG DAG SDUD PA'I PHUG ,BDE BA CAN GYI KHANG BZANG MCHOG NYID NA, ,'JIG RTEN RNAM 'DREN TSE DPAG MED MGON GYIS, ,KHYOD LA RGYA CHER BSNGAGS PA THOS PA LAS, ,'PHAGS MA'I ZHABS BZUNG RING NAS BSTEN PA BDAG ,'DI SKAD GLENG BA'I GO SKABS CUNG ZAD RNYED, ,YID 'PHROG 'OD ZER STONG GI DRA BA CAN, ,PHUL BYUNG CHU ZHENG GAB PA KHYOD KYI SKU, ,'O MA'I CHU GTER DBUS NA GANGS RI BZHIN, ,PAD ZLA'I STENG NA MDZES LA PHYAG 'TSAL LO, ,CHU SHEL BTZO MA'I GSER DANG AINDRA RNYIL; ;YONGS SU DAG PA'I 'OD LTAR RAB GSAL BA'I, ,DBUS DANG GA-YAS GA-YON ZHAL BZANG RGYAS PA NI, ,SGEG DANG ZHI DANG KHRO LA PHYAG 'TSAL LO, ,GDUGS MDZES TOG LA AINDRA N'I LA BZHIN, ,RAB RGYAS DBU LA RAL PA'I THOR COG CAN, ,DRI BRAL MKHA' LA 'KHYOG PA'I 'JA' TSON LTAR,
, ,MTHON MTHING SPYAN MCHOG SMIN MA RING POS MDZES, ,DBYIBS LEGS SHANGS KYI RGYUD NI YID DU 'ONG, ,MCHU SGROS MDZES PA'I ZHAL NI BLTA NA SDUG ,MNYEN LEGS SNYAN GYI BUG PAR RIN CHEN 'PHYANG, ,RMAD BYUNG NYAMS KYIS YID 'DZIN KHYOD LA 'DUD, ,SKAR PHRENG BKRA BA'I MDANGS LTAR RAB GSAL BA'I, ,DO SHAL MCHOG GIS MGRIN PAR RAB TU 'KHYUD, ,'O MA'I RGYUN 'DZIN NU 'BUR ZUNG GCIG GIS, ,RAB YANGS BRANG LA NGANG PAS PAD MCHOR BZHIN, ,RIN CHEN RGYAN GYIS MDZES PA'I 'JAM MNYEN PHYAG ,PADMA'I RTZA BA LTAR DKAR ZUNG BZHI YIS, ,DANG PO RDO RJE SDIGS MDZUB ZHAGS PA STE, ,GNYIS PA 'OD DPAG MED DANG MI 'JIGS SBYIN, ,GSUM PAS MDA' GZHU BZHI PA'I PHYAG ZUNG GIS, ,MCHOG SBYIN BUM PA BZUNG NAS 'GRO BA LA, ,'CHI MED TSE YI DPAL STER BCOM LDAN MA, ,TSE DPAG MED PA KHYOD LA PHYAG 'TSAL LO, ,YID BZHIN MTSO YI NGOGS KYI PAD SDONG BZHIN, ,DRANG ZHING LDEM PA'I SKED SKABS GSAL BA CAN, ,'JA' TSON GUR PHUB SHEL GYI MCHOD SDONG LTAR, ,DRI MED MDZES SKU BKRA BA'I GOS KYIS SPUD, ,MI PHYED SKYIL KRUNG MCHOG GIS LEGS GNAS SHING, ,BRGYAD GNYIS LANG TSO'I DPAL 'DZIN RGYAL BA'I YUM, ,MI 'DRA'I RNAM 'PHRUL DU MAS RNAM ROL BA, ,'GRO BA'I YID BZHIN 'JUG LA PHYAG 'TSAL LO, ,RNGA YAB DKAR PO BSNAMS PA'I RGYAL BA'I SRAS, ,PHYAG NA PADMA RDO RJE 'DZIN PA GNYIS, ,GA-YAS GA-YON GNAS NAS KHYOD SKUR MNGON PHYOGS TE, ,RTAG TU BSGRIMS TE BLTAS KYANG NGOMS PA MED, ,RAL GRI LCAGS KYU DBYUG PA RDO RJE GA-YAS, ,GA-YON PAS MA RUNGS 'DUL BA'I SDIGS MDZUB CAN, ,MI GA-YO 'DOD RGYAL DBYUG SNGON STOBS PO CHE, ,KHYOD KYI PHYOGS BZHIR
GNAS NAS BGEGS DPUNG 'JOMS, ,'CHI MED BDUD RTZI'I CHAR GYI RGYUN 'BEBS PA'I, ,GTZANG MA'I GNAS KYI LHA YI BU GNYIS NI, ,STENG GI PHYOGS NAS RIN CHEN BUM PA YIS, ,DAG PA'I CHU RGYUN 'BEBS LA MNGON PAR BRTZON, ,MA LUS SHES BYA MTHA' DAG MNGON DU GYUR, ,MU MED 'GRO LA RGYUN CHAD MED PAR BRTZE, ,ME MTSON DUG SOGS 'JIGS PA KUN LAS SKYOB, ,MI DANG LHA YI RNAM 'DREN KHYOD LA 'DUD, ,SHES BYA KUN LA RMONGS PA'I DRA BA BCAD, ,SEMS CAN KUN LA SNYOMS PA'I THUGS DANG LDAN, ,GNAS SKABS KUN TU PHAN DANG BDE STER BA, ,'JIG RTEN KUN GYI SKYABS LA PHYAG 'TSAL LO, ,SHIN TU BRTAN PA ZHES BYA LHA YI BUS, ,KHYOD KYI GZUNGS SNGAGS ZHAG DRUG BGRANGS PAS KYANG, ,'JIGS PA CHE LAS YONGS SU THAR GYUR TE, ,MCHOG GI TSE THOB NGAN 'GRO DAG GYUR NA, ,'DI NA KHYOD LA RTZE GCIG YID KYIS NI, ,RGYUN DU SKYABS SU BZUNG NAS TING 'DZIN DANG, ,BZLAS BRJOD MCHOD PAS DUS RNAMS 'DA' BA LA, ,CI LAGS RE BA MI SKONG BCOM LDAN MA, ,BRTZE BA'I MA YIS YID 'ONG BU LA BZHIN, ,YID LA KHYOD SEMS DAD PA'I BU YIS NI, ,YANG YANG BOS KYANG RJES SU MI 'DZIN NA, ,BRTZE BA'I GTER DU BDAG GIS CI LAS DPAG ,KHYOD NI 'GRO BA KUN GYI BSAM PA MKHYEN, ,SNGON TSE DE DAG DON DU THUGS KYANG BSKYED, ,JI LTAR 'DUL BA'I THABS LA SHIN TU MKHAS, ,SRID ZHI'I RGUD PA SEL BA'I MTHU DANG LDAN, ,DE PHYIR RTAG TU DAG PA'I SKYE BA 'DZIN, ,RGYAL DANG PHRAD CING RGYAL SRAS RIGS SU 'GYUR, ,BLO RNO TSE RABS DRAN ZHING NGAG NI BTZUN, ,DRAN DANG LDAN ZHING BDE BA CAN DU SKYE, ,DPAG MED TSE THUB 'BYUNG PO'I GNOD PA MED, ,DUS MIN 'CHI BA BRGYAD DANG NAD LAS GROL, ,KUN GYI MCHOD 'OS DGRA LAS RGYAL BA
, ,DANG; ;RAL GRI RIG 'DZIN MKHA' LA 'GRO BA SOGS, ,RGYAL BAS GSUNGS PA'I GZUNGS KYI PHAN YON KUN, ,SGRUB PA PO YIS JI LTAR GSOL BA BZHIN, ,THUGS RJE'I DBANG GYUR 'PHAGS MA'I DRIN GYIS NI, , YID LA RE BA YONGS SU RDZOGS PAR MDZOD, ,GZUNGS MCHOG GANG LA GTAD PA'I LHA DBANG DANG, ,GANG DE 'DZIN PA'I SLAD BZHIN 'BRANGS NAS NI, ,RTAG TU BSRUNG BAR ZHAL GYIS LEGS BZHES PA, ,CHOS KYI RGYAL PO GSHIN RJE CHEN POS KYANG, ,SNYIGS DUS SKYE BO'I NGANG TSUL MI LTA BAR, ,RGYAL BA'I SPYAN SNGAR DAM BCAS DGONGS MDZOD LA, ,GZUNGS KYI PHAN YON GANG YIN DE DAG KUN, ,MYUR DU MNGON DU 'GYUR BA'I 'PHRIN LAS MDZOD, ,DE LTAR 'GRO BA'I SKYABS GYUR RJE BTZUN MA, ,CUNG ZAD BSTOD LAS BYUNG BA'I DGE BA DES, ,'PHAGS MA'I GO 'PHANG MCHOG DE MYUR THOB NAS, ,NYAM CHUNG LUS CAN KUN GYI MGON BGYID SHOG ,MI BSRUN YID KYI BRAN DU GYUR PA'I MTHUS, ,MI 'DOD 'BRAS BU STER BA'I GNAG PA'I LAS, ,MI SHES DPANG GIS BGYIS PA GANG YIN PA, ,MA LUS BDE BLAG NYID DU ZHI GYUR CIG , MCHOG GI TSE DANG RLABS CHEN RNAM DPYOD DANG, ,DAD DANG SNYING RJE BRTZON 'GRUS TING 'DZIN SOGS, ,LUNG DANG RTOGS PA'I YON TAN JI SNYED PA, ,MTHA' DAG GONG NAS GONG DU RGYAS PAR SHOG ,BYANG CHUB SGRUB PA'I RJES SU RAB GZHOL BA, ,BDE GSHEGS DGYES PA'I RAB 'BYAMS DBANG GI LAS, ,DE DAG THAMS CAD JI LTAR SMON PA BZHIN, ,'DOD PA TZAM GYI RJES SU BYED PAR SHOG ,THOS BSAM SGOM PAS BDAG RGYUD 'DUL BA'I TSE, ,YANG DAG LAM GYI GEGS LA MNGON BRTZON PA, ,NAG PO'I RTZA LAG RNAMS KYI STOBS DANG DPUNG, ,MNGON SPYOD LAS KYI
THAMS CAD TSAR GCOD SHOG ,MTHONG THOS DRAN DANG RIGS PA TZAM GYIS KYANG, ,'GRO BA KUN GYI RE BA GANG YIN PA, ,MTHA' YAS YONGS SU RDZOGS PAR BYED PA LA, ,YID BZHIN NOR DANG DPAG BSAM SHING BZHIN SHOG ,MDOR NA BSHES GNYEN DAM PA MNYES BYAS NAS, ,THUB PA'I DGONGS PA RNYED PA'I MANG THOS KYIS, ,BSGRUB PA'I BYA BA LAGS PAR MTHAR PHYIN NAS, ,RGYAL BA'I BSTAN PA PHYOGS BCUR RGYAS BYED SHOG ,BCOM LDAN 'DAS GTZUG TOR RNAM PAR RGYAL MA LA BSTOD PA 'CHI MED GRUB PA ZHES BYA BA 'DI NI, MANG DU THOS PA'I RGYAL KHAMS PA BLO BZANG GRAGS PA'I DPAL GYIS, GSAL RJE GANGS KYI DBEN GNAS YAR 'DREN DU SBYAR BA'O,,