` ,,NAM: shR'I GU RU MNYDZU GHO sh'A YA, MTHU CHEN STOBS KYIS BGEGS DPUNG MA LUS 'JOMS, ,GRANGS MED SPRUL PAS RGYAL BA'I MDZAD PA BSGRUB, ,BDE GSHEGS KUN GYI GSANG BA'I MDZED 'DZEN PA, ,GNOD
, ,SBYIN SDE DPON CHEN POS RING DU SKYONGS, ,AINDRA? N'I LA'I RI BO BZHIN DU 'BAR, ,RIN CHEN LHUN PO LTA BUR RAB TU BRJID, ,'JIG DUS ME YI DPUNG BZHIN 'OD 'PHRO BA, ,MTHU STOBS BDAG PO KHYOD LA PHYAG 'TSAL LO, ,NUB RI'I RTZE LA MTAMS SPRIN GZHON NU BZHIN, ,DMAR SAR RAL BA'I KHUR 'DZIN DRAG TU KHROS, ,CHAR SPRIN STUG PO'I KHROD NA GLOG PHRENG BZHIN, ,SPYAN GSUM BGRAD PA'I KHRO GNYER CAN LA 'DUD, ,THUNG ZHING SBOM LA RAGS SHING GRIMS PA'I SKU, ,'BRUG GI SGRA LTAR RAB TU GSAL BA'I GSUNG, ,NA, MKHA'I DBYINGS BZHIN DPAG PAR DKA' BA'I THUGS, ,GDUL DKA' 'DUL MDZAD KHYOD LA PHYAG 'TSAL LO, ,MA RUNGS SKRAG MDZAD 'JIGS PA'I MCHE BA BZHI, ,RNAM PAR GCIGS NAS BGEGS KYI SROG LA RNGAM, ,MI SDUG SMIN MA SMA RA 'BAR BA LAS, ,MI YI TSA TSA 'PHRO LA PHYAG 'TSAL LO, ,YID 'PHROG RIN CHEN RGYAN GYIS RAB TU SGEG ,GDUG PA'I KLU YI TSOGS KYIS YAN LAG BRGYAN, ,RAB TU 'BAR BA'I RTZE MO CAN DBUS NA, ,'JIGS RUNG NYAMS KYIS BZHUGS LA PHYAG 'TSAL LO, ,NAM MKHA' 'GENGS PA'I BZHAD PA'I ZHING NA JI SNYED MCHIS PA RNAMS, ,GUS PA'I YID KYIS BDAG GIS DBUL BAR BGYI, ,RAB RMONGS CHAGS DANG MI BZOD ZHE SDANG GIS, ,KUN NAS BSLANG BA'I LUS DANG NGAG YID KYIS, ,NYES SPYOD JI SNYED BGYIS PA DE DAG KUN, ,'GYOD CING SDOM PA'I SEMS KYIS SO SOR
BSHAGS, ,RGYAL DANG RGYAL SRAS NYAN THOS RANG RGYAL DANG, ,LUS CAN RNAMS KYI LEGS PAR SPYAD PA'I TSOGS, ,MA LUS PA LA DBUL BOS GTER RNYED BZHIN, ,BSAM PA THAG PAS BDAG NI YI RANG NGO, ,SHING DBANG DRUNG DU BDUD RTZI'I MCHOG BRNYES NAS, ,RING DU MA LON RGYAL BA DE DAG LA, ,'GRO LA BDUD RTZI'I DGA' STON STZOL BA'I PHYIR, ,BLA MED 'KHOR LO BSKOR BAR BDAG BSKUL LO, ,ZHING KHAMS GANG NA 'GRO BA'I SGRON ME MCHOG ,MYA NGAN 'DA' BAR BZHED PA DE DAG LA, ,LUS CAN BSOD NAMS ZHING DU YUN RING DU, ,SRID MTHA' JI SRID BZHUGS PAR GSOL BA 'DEBS, ,DE LTAR BDAG GIS THOG MED SRID PA NAS, ,CUNG ZAD BSAGS PA'I DGE BA'I RTZA BA RNAMS, ,BZOD DKA'I SDUG BSNGAL GYIS MNAR 'GRO BA'I PHYIR, ,BLA MED BYANG CHUB MCHOG TU BSNGO BAR BGYI, ,DES NI RGYA CHE YONGS SU DAG GYUR PA, ,THEG PA MCHOG LA GZHOL BA SHA STAG GIS, ,YONGS SU GANG BA'I NGO MTSAR ZHING MCHOG TU, ,MYUR DU BDE GSHEGS GO 'PHANG THOB GYUR CIG ,STOBS BCU'I GO 'PHANG MNGON DU MA BYAS PA'I, ,TSE RABS KUN TU DAL 'BYOR RTEN RNYED NAS, ,THUB PA'I RJES SU RAB TU BYUNG GYUR TE, ,CHENGS SPYOD YON TAN BZHI LDAN MTHAR PHYIN SHOG ,RGYAL BA DGYES PA'I LAM LA MKHAS GYUR PA'I, ,BSHES GNYEN DAM PAS BRTZE BAS RJES 'DZIN ZHING, ,TSUL BZHIN BSTEN NAS LUNG RTOGS YON TAN KUN, ,YAR NGO'I ZLA BZHIN RAB TU RGYAS PAR SHOG ,SKYON BRAL RIGS MTHO YID 'ONG GZUGS MDZES SHING, ,DBANG PHYUG 'BYOR PA SHES RAB NAD MED TSE, ,MTHO RIS YON TAN MTSUNGS MED THOB PA DANG, DE YANG LAM BZANG SGRUB PA'I GROGS SU SHOG ,GANG DANG PHRAD NA GTAN GYIS BDE 'PHROG PA'I, ,BSHES GNYEN NGAN DANG LOG PA'I CHOS LUGS DANG, ,BDUD KYI PHO NYA SDIG PA'I GROGS RNAMS
, ,DANG, ,SKAD CIG TZAM YANG PHRAD PAR MA GYUR CIG ,SRID PAR GYUR TSE SKYES MA THAG TU NI, ,LAM BZANG SGRUB PA'I BSAM PA SKYE BA DANG, ,BSAM DON BDE BLAG NYID DU SGRUB PA LA, ,GEGS KYI MING YANG GTAN NAS MED PAR SHOG ,SKYE BA 'DIR YANG JI LTAR 'DOD PA BZHIN, ,YID LA BSAMS PA CHOS BZHIN 'GRUB PA DANG, ,MI 'DOD DNGOS PO MTHA' DAG ZHI GYUR NAS, ,NYIN MTSAN KUN TU CHOS KYIS 'DA' BAR SHOG ,TSE YI 'DU BYED BTANG BAR GYUR MA THAG ,ZHING GI MCHOG GYUR BDE BA CAN GYI ZHING, ,GANG DER SKYES NAS 'DREN PA 'OD DPAG MED, ,DE YI SRAS KYI THU BOR BDAG GYUR CIG ,RAB 'BYAMS ZHING GI RGYAL BA BYANG SEMS DANG, ,RANG RGYAL NYAN THOS RNAMS KYI BDEN STOBS DANG, ,NAM YANG BSLU BA MED PA'I RTEN 'BREL MTHUS, ,BDAG GI SMON LAM MYUR DU 'GRUB PAR SHOG ,CES RJE BTZUN GSANG BA'I BDAG PO LA BSTOD PA BDUN RNAM DAG SMON LAM DANG BCAS PA 'DI NI, ,NYE GNAS NAM MKHA' RDO RJES NAN CHER BSKUL BA'I DON DU MANG DU THOS PA'I RGYAL KHAMS PA BLO BZANG GRAGS PA'I DPAL GYIS STONG RI NYI SHAR GYI DBEN GNAS SU SBYAR BA'O,,