` ,,SVA STI, ,GANG GI MKHYEN PA NAM MKHA'I MTHAR SON PAS, ,DRI MED MKHYEN PA'I GTER DU RAB GRAGS PA, ,'JAM PA'I DBYANGS DE'I RNAM DKAR 'PHRIN LAS KYIS , ,DA DUNG BYANG
CHUB BAR DU SKYONG GYUR CIG ,LUS CAN KUN GYI BLA MED BSOD NAMS ZHING, ,PHONGS PA'I RE BA YID BZHIN SKONG BA'I GTER, ,THAR 'DOD RNAMS KYI GTZUG GI RGYAN GYI MCHOG, ,DKON MCHOG GSUM LA GUS PAS PHYAG 'TSAL LO, ,'GRO BA'I PHUN TSOGS KUN NAS NYAMS BYED PA'I, ,NAG PO'I RTZA LAG SDE DANG BCAS PA'I DPUNG, ,MA LUS RTZAD NAS GZHOM PHYIR RGYAL BA YIS, ,GANG SKU RDO RJE'I LUS SU BYIN BRLABS PA, ,DE NI GNOD SBYIN RNAMS KYI SDE DPON TE, ,DPAL LDAN RNAM PAR 'JOMS PA ZHES SU'ANG GRAGS, ,'BAR BA'I RDO RJE PHYAG NA BSNAMS PA YIS, ,BGEGS DPUNG RNAM PAR 'JOMS LA PHYAG 'TSAL LO, ,BSKAL BZANG RGYAL BA STENG GI BSTAN PA'I KHUR, ,GANG LA GTAD NAS SRUNG BAR ZHAL BZHES SHING, ,RIG SNGAGS 'CHANG BA KUN GYI RJER GYUR PA, ,RDO RJE GTUM PO CUNG ZAD BDAG LA GSON, ,NYID KYI KHUR DU BSNAMS PA'I BSTAN PA DE, ,RING DU GNAS PA BSHAD DANG SGRUB PA YIS, ,JI BZHIN 'DZIN PA NYID LA RAG LAS NA, ,'DI NA DE LTAR RJE SU SLOB PA LA, ,NAG PHYOGS 'BYUNG POS LHAG PAR 'TSE BAR BYED, ,TSUL 'DI YAL BAR DOR NA PHAN BDE'I GTER, ,BSTAN PA RIN CHEN PHYOGS RNAMS THAMS CAD DU, ,SRUNG BAR MDZAD PA'ANG TSIG TZAM SNYING POR ZAD, ,DE SLAD MTHU STOBS BDAG POS BRTZER DGONGS LA, ,BDAG CAG RNAMS KYI YID LA RE BA'I DON, ,MNGON PAR GSOL BA 'DI RNAMS BDE BLAG TU, ,MYUR DU 'BRAS BU MCHIS PAR MDZAD DU GSOL, ,MA RUNGS BDUD SDE 'JOMS LA THOGS MED CING, ,PHAS KYI RGOL BAS PHAM PAR MI NUS LA, ,'DOD DON MA GRUB SGRUB CING GRUB PA RNAMS, ,CHUD MI ZA BAR BYED PA'I RIG SNGAGS MCHOG ,TSUL BZHIN ZLOS PAS SDIG DANG SDUG BSNGAL SEL, ,TSE DANG BSOD NAMS THAMS CAD 'PHEL LA SOGS, ,MDOR NA 'DOD PA THAMS CAD SBYIN NO ZHES, ,BCOM LDAN KHYOD KYIS LEGS PAR BKA' STZAL PA, ,DE LA
, ,YID CHES RE BA CHER BCAS TE, ,KHYOD SKU DRAN NAS GZUNGS SNGAGS ZLOS PA LA, ,SKAL NGAN SKYE BO'I 'PHYAS KYI GNAS MED PAR, ,PHAN YON MNGON DU 'GYUR BAR MDZAD DU GSOL, ,MA NI NYAM THAG BU LA LHAG PAR BRTZE, ,DE BZHIN KHYOD KYI ZUGS RJE DMAN LA 'JUG ,BDUD DPUNG ZEL GYIS GNON PA'I TSUL LA MKHAS, ,MI MTHUN 'JOMS PA'I STOBS KYI PHUL DU BYUNG, ,DE SLAD KHYOD LA SKYABS SU BSTEN PA BDAG ,NYAM THAG NGA ROS 'BOD PA 'DI GSON LA, ,THABS MKHAS SPRUL PAS JI LTAR RIGS BA YIS, ,PHYI NANG NYAR 'TSE THAMS CAD BZLOG TU GSOL, ,GANG GANG MI BSRUN 'BYUNG POS GTZES GYUR PA, ,DE DANG DE YI SKYABS NI NGA YIN ZHES, ,GSUNG DE THOS NAS MGON DU KHYOD BSTEN NA, ,BDEN PA GSUNG BA KHYOD KYIS JI LTAR DGONGS, ,KHYOD KYI PHYAG BRNYAN THA MA ZHIG GIS KYANG, ,MANG PO'I BGEGS TSOGS RDUL DU BRLAG MDZAD NA, ,MTHU CHEN KHYOD LA RTAG TU BSTEN PA BDAG ,NYAM THAG GYUR PA 'DI NI KYE MA MTSAR, ,KHYOD NI MTHU STOBS BDAG POR RGYAL BAS BSNGAGS, ,TSUL DE RIG NAS RE BA 'CHA' BA 'DI'I, ,RMAD BYUNG DAD PA'I MYU GU SPEL SLAD DU, ,NYID KYI MTHU RTZAL MNGON SU BSTAN DU GSOL, ,MTSAMS SPRIN GZHON NUS YONGS SU BSKOR BA YI, ,RIN CHEN MAR GAD RI BO JI BZHIN DU, ,YE SHES ME CHEN 'BAR BA'I KLONG DKYIL NA, ,KHRO 'DZUM NYAMS KYIS BRJID LA PHYAG 'TSAL LO, ,SPROS BRAL CHOS SKU'I NGANG LAS MA GA-YOS PAR, ,GRANGS MED SPRUL PA PHYOGS BCUR SPROS PA YIS, ,SGRUB PA PO LA DNGOS GRUB MCHOG STZOL BA, ,DPAG YAS RDO RJE'I RIGS LA PHYAG 'TSAL LO, ,DE LTAR 'KHOR DANG BCAS PA'I BCOM LDAN GYIS, ,BGEGS TSOGS RNAMS KYI NYER 'TSE DE YI RGYU, ,LAS KYI SGRIB PA BAG CHAGS BCAS PA
KUN, ,MYUR DU BYANG ZHING DAG PAR MDZAD DU GSOL, ,TSE DANG TSUL KHRIMS TING 'DZIN SHES RAB SOGS, ,DKAR PHYOGS YAR NGO'I ZLA BZHIN RGYAS PA DANG, ,SNYING RJES DBANG DU BYAS NAS PHAN SKYED PA, ,DE DAG DGUG PA'I LAS KYIS BSDU BAR MDZOD, ,RE DES PA'I LAS KYIS MI 'DUL BA'I, ,MA RUNGS SKYE BO DE YANG BSAD BSKAD DANG, ,RMONGS RENGS MNAN PA LA SOGS THAMS MKHAS KYI, ,DRAG PO'I 'PHRIN LAS RNAMS KYIS GZHOM PAR MDZOD, ,MDOR NA GSANG BA'I BDAG PO MGON KHYOD KYIS, ,RJES SU BZUNG NAS BSTAN PA SPAL BA DANG, ,'GRO BA'I DON LA MTHU DANG LDAN PA DANG, ,BSGRUB PA'I BYA BA PHA MTHAR PHYIN PAR SHOG ,RGYAL BA'I BSTAN PA SPYI DANG KHYAD PAR DU, ,RIG SNGAGS 'CHANG BA'I BSTAN PA RGYAS MDZAD PA, ,BDAG GIS CUNG ZAD BSTOD PAS BSOD NAMS NI, ,GANG ZHIG BSKYED DES 'GRO BA KHYOD 'DRAR SHOG ,KHYOD KYI GO 'PHANG STZOL BA'I LAM GYI GTZO, ,BLO MCHOG RNAMS LA RMAD BYUNG DGA' SKYED PA, ,THUB PA'I LEGS BSHAD SNYING PO GSANG BA'I LAM, ,JI BZHIN RTOGS NAS TSUL BZHIN SGRUB PAR SHOG ,CES RDO RJE RNAM PAR 'JOMS PA ZHES BYA BA RJE BTZUN GSANG BA'I BDAG PO LA CUNG ZAD BSTOD PA 'DI NI, ,SDOM BRTZON SHES RAB RGYAL MTSAN LA SOGS PA MANG POS GSOL BA BTAB PA'I NGOR, ,THIG PA MCHOG LA BRTEN PA BLO BZANG GRAGS PA'I DPAL GYIS BYAMS PA GLING DU SBYAR PA'O, ,'DIS KYANG BSTAN PA RIN PO CHE PHYOGS KUN TU RGYAS PAR BYED NUS PAR GYUR CIG ,