` ,,SVA STI, BDAG GIS TSE RABS KUN TU BSTEN PA, ,LHAG PA'I LHA MCHOG MI GA-YO MGON
, ,PO, ,KHYOD KYIS MKHYEN PAR MDZAD DU GSOL GYI, ,DRI MED SMON LAM BDAG GIS GDAB BO, ,BDAG NI GANG DU SKYES PAR GYUR KYANG, ,LHA MCHOG KHYOD KYI BSGOM BZLAS DRI MED, ,SGO GSUM GUS PAS NYAMS SU LEN LA, ,NAM YANG GA-YEL BA MED PAR GYUR CIG ,LHAG PA'I LHA KHYOD BSGRUBS PA'I MTHU YIS, ,MNOR LAM STON BSHES GNYEN BZANG POS, ,BRTZE BA'I THUGS KYIS RJES SU BZUNG STE, ,ZAB MO'I LAM RNAMS STON PAR GYUR CIG ,GANG TSE SHIN TU ZAB PA'I NYE LAM, ,BDAG GIS GUS PAS SGRUB PA DE TSE, ,KHRO BA'I RGYAL PO KHYOD KYI MTHU YIS, ,'GAL BA'I RKYEN RNAMS ZHI BAR GYUR CIG ,BDAG NI BDAG 'DZIN ZHAGS PA DAM POS, ,'KHOR BA'I BTZON RVAR BSDAMS PA DE TSE, ,BU GCIG PA LA MA YIS BRTZE BZHIN, ,SDUG BSNGAL MTSO LAS SGROL BAR GYUR CIG ,LAS NGAN RLUNG GI SHUGS KYIS BDAS TE, ,NGAN 'GRO'I GA-YANG LA LHUNG BA DE TSE, ,THUGS RJE'I PHYAG NI LEGS PAR BRKYANGS NA, ,NGAN 'GRO'I 'JIGS LAS SKYOB PAR GYUR CIG ,MDOR NA 'PHRAL DU NAD GDON BAR CHAD, ,MA LUS ZHI ZHING MTHAR THUG RGYAL BA'I, ,SKU BZHI'I 'BRAS BU DKA' BA MED BAR, ,MYUR DU BDAG GIS THOB PAR GYUR CIG ,BCOM LDAN MI GA-YO MGON PO'I SGO NAS, ,SMON LAM 'DEBS TSUL TSIGS BCAD BDUN 'DI, ,MYUR BA MYUR BAR RTZOMS ZHES BSKUL TSE, ,DE LTA DE LTAR BDAG GIS SBYAR RO, ,ZHES PA 'DI YANG DPON DPAL 'BYOR BZANG POS BSKUL BA'I TSE BLO BZANG GRAGS PAS JA'I GRAL DU SMRAS PA'O,,