` ,,RJE BTZUN MI GA-YO MGON PO LA BSTOD PA BYIN RLABS KYI CHU GTER ZHES BYA BA, GANGG'A'I BYE SNYED GRANGS MNYAM PHYOGS BCU'I RGYAL RNAMS KYIS, ,YAN LAG DRUG CU'I DBYANGS KYIS RTAG TU MGON PO KHYOD, ,MCHOG TU BSTOD MOD 'ON KYANG BDAG GIS GUS PA YIS, ,LHAG PA'I LHA KHYOD BSTOD DO RJES SU BZUNG DU GSOL, ,SRID PA'I SKYON SPANGS MTSE SKYES 'DAB MA BRGYAD, , LOG LTA'I MUN SEL 'OD STONG LDAN PA CAN, ,DRI MED PAD NYI'I GDAN LA RAB BRJID PA'I, ,BRKYANG BSKUMS ZHABS KYIS BZHUGS LA PHYAG 'TSAL LO, ,'KHOR 'DAS KUN GYI GSHIS LUGS STONG PA NYID, ,RANG BZHIN 'OD GSAL DRI MED CHOS KYI SKU, ,MI 'GYUR 'GYUR BA MED PA MTSON PA'I PHYIR, ,AIN DRA N'I LA'I MDOG CAN KHYOD PHYAG 'TSAL, ,KHAM SER RAL PA'I SKRA LO GYEN DU BRDZES, ,DMAR ZLUM SPYAN GSUm GDANGS STABS TSUL GYIS BGRAD, ,'JIGS PA'I KHRO GNYER DPRAL BA'I DBUS SU BSDUS, ,BDUD DPUNG BRLAG PAR MDZAD LA PHYAG 'TSAL LO, ,BGEGS DANG LOG 'DREN GDUG PA CAN RNAMS KYI, ,MGUL BRTZAD NAS 'BREG PAR MDZAD PA'I PHYIR, ,GA-YAS PA'I PHYAG GIS 'BAR ZHING RAB 'BAR BA'I, ,RAL GRI 'PHYAR BAR MDZAD LA PHYAG 'TSAL LO, ,SRID NA DREGS PAR RLOM PA'I DREGS PA CAN, ,
, ,TSANGS DANG DBANG PO KHYAB 'JUG LA SOGS KYANG, ,SDIGS MDZUB PHYAG GIS RENGS PAR MDZAD PA'I PHYIR, ,GA-YON PAS SDIGS MDZUB MDZAD LA PHYAG 'TSAL LA, ,BDUD BZHI'I 'JIGS PAS BSKYOD PAR MI NUS PHYIR, ,GA-YAS BSKUM ZHABS KYI MTHIL GYIS NYI GDAN LA, ,SHIN TU BRTAN PA'I TSUL GYIS BZHUGS GYUR PA, ,BDUD 'JOMS DPA' BO KHYOD LA PHYAG 'TSAL LO, ,MI 'GYUR BDE BA CHEN PO'I SKU BRNYES KYANG, ,RANG NYID ZHI BDE'I 'DOD PA SPANGS GYUR NAS, ,RTAG TU GZHAN GYIS DON DU GSHEGS MDZAD PHYIR, ,GA-YON ZHABS BRKYANG PAR MDZAD LA PHYAG 'TSAL LO, ,NANG GI DUG GSUM RTZAD NAS BCAD PA'I MTHUS, ,PHYI ROL DBYIG DUG SBYAR BA'I DUG LA SOGS, ,'GAL RKYEN KUN GYIS BRDZI BAR MI NUS PHYIR, ,SBRUL GDUG DO SHAL MDZAD LA PHYAG 'TSAL LO, ,MKHYEN BRTZE'I DPUNG GIS 'KHOR BA'I GA-YUL NGO BZLOG ,BDAG 'DZIN DGRA CHEN MA RUNGS PHAM PAR BYAS, ,RGYAL DKA'I GA-YUL LAS LEGS PAR RGYAL BA'I PHYIR, ,DPA' BO'I STAG LPAGS MAN BAS LA PHYAG 'TSAL LO, ,GANG GI KHYOD BSGOM SNYING PO BZLAS PA DANG, ,RTZE GCIG YID KYIS KHYOD LA DAD BYED NA, ,DE LA GANG 'DOD 'BRAS BU STZOL BA'I PHYIR, ,RIN CHEN DU MAS BRGYAN LA PHYAG 'TSAL LO, ,DMAR NAG RAB TU 'KHYUG PA BSKAL PA'I ME, ,GDON BGEGS THAL BAR SREG PA'I TSE ZER CAN, ,SHIN TU BZOD DKA' BLTA BAR MI NUS PA'I, ,ME DPUNG DBUS NA BZHUGS LA PHYAG 'TSAL LO, , NAD DANG GDON SOGS PHYI NANG 'TSE BA NI, ,RNAM PA DU MAS SHIN TU NYAM THAG CHE, ,LHA MCHOG KHYOD LA GUS PAS SKYABS BCOL NA, ,BAR CHAD ZHI MDZAD KHYOD LA PHYAG 'TSAL LO, ,GANG TSE GNAS LUGS DON LA RMONGS PA YI, ,GTI MUG MUN PAS BLO MIG KHEBS PA'I TSE, ,YE SHES
SNANG BA BSKYED PAR GSOL BTAB NA, ,SHES RAB MIG SBYIN KHYOD LA PHYAG 'TSAL LO, ,GANG TSE TSE YI 'PHEL RKYEN ZAD PA'I MTHUS, ,MI 'DOD 'CHI LTAS DU MA SHAR BA'I TSE, ,LO MANG BYE BA GNAS PHYIR GSOL BTAB NA, ,TSE DPAG MED STER KHYOD LA PHYAG 'TSAL LO, ,DNGOS SAM RMI LAM DUS SU TSABS CHEN GDON, ,SHIN TU DBRAL? DKAS BTAB PA'I LTAS BYUNG BYUNG TSE, ,LHA MCHOG DRAN ZHING RIG SNGAGS BGRANGS GYUR NA, ,GDON GYI 'JIGS LAS SGROL MDZAD KHYOD PHYAG 'TSAL, ,MDOR NA MI 'DOD 'DOD SNA TSOGS ZHI PA DANG, ,MTHUN RKYEN TSE DANG DPAL 'BYOR RGYAS LA SOGS , ,GANG GANG 'DOD PA DE KUN GSOL BTAB NA, ,MA LUS STZOL BAR MDZAD LA PHYAG 'TSAL LO, ,DE LTAR LHAG PA'I LHA MCHOG BCOM LDAN 'DAS, KHRO BO'I RGYAL PO 'PHAGS MCHOG MI GA-YO MGON, ,KHYOD LA DANG BA'I YID KYIS BSTOD PA'I MTHUS, ,BDAG GI BSAM PA'I DON RNAMS 'GRUB PAR MDZOD, , JI SRID KHYOD KYI GO 'PHANG MA THOB PA, ,DE SRID BDAG NI TSE RABS THAMS CAD DU, ,LHA MCHOG KHYOD BSGOMS RIG SNGAGS BZLAS PA LA, ,SKAD CIG TZAM YANG GA-YEL BAR MGYUR CIG ,ZAG BCAS LUS 'DI RNAM SHES DANG BRAL ZHING, ,TSE 'DI'I SNANG BA NUB PAR GYUR MA THAG ,BCOM LDAN KHYOD KYI ZHABS KYI DUNG DU BDAG ,SKYES NAS KHYOD MNYES KHO NA BGYID PAR SHOG ,GANG ZHIG BSTOD PA 'DI YIS LHAG PA'I LHA, ,KHRO RGYAL MI GA-YO MGON LA BSTOD BYED PA, ,DE YI SNYING LA BCOM LDAN MI GA-YO MGON, ,RTAG TU 'BRAL BA MED PAR GNAS GYUR CIG ,RIGS RUS PHUN TSOGS DPAL GYIS RAB MTHO ZHING, ,RNAM THOS BU YI 'BYOR PA'ANG ZIL GNON PA, ,LHAG BSAM BZANG PO CAN DES BSKUL BA'I NGOR, ,DKA' BZHI SMRA BA BLO BZANG GRAGS PAS SBYAR,,