` ,,NA MO GU RU MANYDZU GHO sh'A YA, SDI PA GZHAN LA MI 'JIGS MCHOG BRNYES PAS, ,KHYU MCHOG BZHIN DU ZHAL GYIS 'CHES PA MCHOG ,'KHOR MANG DBUS NA SENG GE'I SGRA CHEN SGROG ,,BLA MED 'KHOR LO LEGS PAR BSKOR LA 'DUD, ,KHYOD KYIS DPAG YAS BSKAL PA RU, ,ZAB DANG RGYA CHE'I CHOS KUN LA, ,LEGS PAR SBYANGS PAS SHES BYA KUN, ,JI BZHIN MNGON DU BYAS SO ZHES, ,RMAD BYUNG MKHAS PA'I 'KHOR NANG DU, ,TSANGS PA'I DBYANGS KYIS BSGRAGS PA NA, ,PHAS KYI RGOL BA THAMS CAD KYI, ,SPOBS PA 'PHROG LA PHYAG 'TSAL LO, ,DE BZHIN BCAD DKA'I 'CHING BCAD CING, ,'DI NI LAM YIN 'DI DAG NI, ,BAR DU GCOD PA'I CHOS YIN ZHES, ,KUN LA ZHAL GYIS 'CHES PA NA, ,DON DANG LDAN PA'I RTZOD SMRA BA, ,'GA' YANG
, ,'DI NA MA GZIGS PAS, ,GANG GIS RE BA'I MCHOG BRNYES PA, ,'JAM DBYANGS DE LA GUS PHYAG 'TSAL, ,DE LTAR YANG DAG DAM BCA' BZHIS, ,PHAS RGOL KUN LAS LEGS RGYAL BAR, ,BSTOD PAS LUS CAN THAMS CAD NI, ,'JIGS PA MED PA'I GNAS THOB SHOG ,CES RJE BTZUN 'JAM PA'I DBYANGS LA BSTOD PA'I CHE GSU BCAD PA 'DI NI, shA'KYA'I DGE SLONG BLO BZANG GRAGS PA'I DPAL GYIS TE'U RA ZHES BYA BA'I GNAS MCHOG TU SBYAR BA'O,,