` ,,NA MO GU RU MANYDZU GHO sh'A YA, PHUN TSOGS DGE LEGS BYE BAS BSKRUN PA'I SKU, ,DMAR SER 'OD KYI DRA BA 'KHYUG PA YIS, ,SKAL LDAN RNAMS KYI MIG LA DPAL STER BA, ,RGYAL SRAS GZHON NUS RTAG TU SKYONG GYUR CIG ,LEGS PAR SPYAD NA GTAN GYI BDE STER BA'I, ,RJES SU BSTAN PA MTHUN PAR MI 'DZIN PA, ,DE DAG RNAMS LA'ANG LHAG PAR RJES BRTZE BA, ,
, ,KHYOD KYI RNAM PAR THAR PA DE RMAD DO, ,MA RUNGS 'GRO BA SGROL BA'I KHUR GYIS NI, ,GNAS SKABS 'GAR YANG NGAL BAR MI MDZAD PA, ,TSUL 'DI RIG NA SEMS DANG LDAN PA RNAMS, ,GNYEN KHYOD MGON DU MI BSTEN SU ZHIG YOD, ,GANG NAS ZHUS KYANG MI GSAN MED, ,'GRO BA KUN LA MTSUNGS PAR BYAMS, ,MCHOD SBYIN MDZAD PA'I DBANG PO STE, ,DE SGRUB PA'ANG GA-YEL BA SPANGS, ,DE PHYIR KHYOD LA SKYABS BCAS PA'I, ,SKYE BO 'DI YIS DA DUNG YANG, ,'DOD PA'I DON 'GA' GSOL BGYID NA, ,PHONGS PA'I RE BA 'BRAS LDAN MDZOD, ,BDE LEGS 'DOD KYANG CHED DU SPANGS PA BZHIN, ,PHYI PHYIR SDUG BSNGAL BRGYA YI RLABS 'PHRENG GIS, ,KUN NAS GA-YO BA'I SRED PA'I RGYA MTSOR LHUNG, ,DA DUNG GTING MTHA' MA MTHONG 'KHYAMS PA 'DI, ,DAM PA'I BSHES KYIS RJES SU BZUNG BA DANG, ,DE YI RMAD BYUNG GDAMS PA'I SNOD GYUR PA, ,'DI GNYIS DANG NI BRAL BA KHO NAS NONGS, ,DE PHYIR MGON PO KHYOD LA GSOL BA NI, ,BDAG CAG SRID NAS SRID DU RGYU BA NA, ,RING NAS SKYABS SU BZUNG BA'I LHAG PA'I LHA, ,RJE BTZUN KHYOD KYIS NAM YANG MI 'BRAL BAR, ,THEG PA MCHOG GI BSHES GNYIN MDZAD PA DANG, ,'DI NA BYED PO 'GA' YANG MED PAS NA, ,RANG GI RTOGS PA GZHAN LA SBYIN DU MED, ,DE PHYIR DAM PA'I MGON GYIS BZUNG BA NA, ,DE YI GDAMS PA'I SNOD DU 'GYUR BA'I PHYIR, ,BDAG GIS BGYIS DANG BGYID 'GYUR BSOD NAMS GANG , MA LUS BSAM PA DAG PAS YONGS SU BSNGO, ,BLO LDAN RNAMS KYI SMON LAM MCHOG GI GNAS, ,'DI NI BDE BLAG 'GRUB PAR MDZAD DU GSOL, ,KHYOD KYI SKU LA SEMS PA'I TING 'DZIN DANG, ,NYID KYI GSANG SNGAGS TSUL BZHIN BGRANG LA SOGS, ,NANG GI YAN LAG
GUS PAS RAB BSGRUB MOD, ,'ON KYANG BDAG CAG BSAM PA'I STOBS ZHAN PAS, ,PHYI YI YAN LAG GTZO BO LA GON KHYOD KYIS, ,BDAG LAM BSTAN NA NI LAM GYI SROG ,DRI MED RNAM DPYOD RNYED PAR MI 'GYUR BAS, ,RGYUN MI 'CHAD PAR RJES SU DGONGS PAR RIGS, ,RJE BTZUN KHYOD KYIS BDAG LA DGENGS PA'I MTHUS, ,SKYE DGU'I DON GNYIS 'GRUB PA'I LAM GYI GNAD, ,JI BZHIN RTOGS PA'I SHES RAB 'PHEL BAS DANG, ,DE DON SGRUB LA GA-YEL BA MED PAR SHOG ,MDOR NA RGYAL BA'I BSTAN PA'I GNAD, ,GSAL BAR MTHONG ZHI DE YI TSE, ,SNYENG RJE CHEN POS YID DRANGS NAS, ,KUN LA'ANG DE LTAR 'DOMS PAR SHOG ,'JAM PA'I DBYANGS LA BSTOD PA'I GTZO BO GNYIS, ,YONGS SU 'GRUB PAR GSOL BA'I TSIGS BCAD 'DI, ,'JAM DKAR ZHES GRAGS 'JAM DPAL CHOS BZANG GIS, ,GSOL BA BTAB PHYIR BLO BZANG GRAGS PAS SBYAR, ,