` ,,NA MO GU RU MANYDZU GHO sh'A YA, RING NAS GOMS PA'I THUGS RJE'I CHAB KYIS RANG BDE 'DOD PA'I YID KYI ME DPUNG BCIL, ,ZAB MO'I RANG BZHIN JI BZHIN GZIGS PAS KUN TU RTOG PA'I SPROS PA'I DRA BA BCAD, ,NYID KYIS GZIGS GANG 'GRO LA BSKRUN PHYI GZHAN PHAN KHUR CHEN SKYO MED THUGS KYIS KHYER, ,LHAG PA'I LHA DER YID GTAD DANG PA'I RLUNG GIS BSKYOD PA'I BSTOD TSIG ME TOG LA, ,NYIN BYED 'CHAR KA'I MDANGS KYIS RAB 'KHYUD PA'I, ,LHUN STUG GSER GYI RI BO'I NGOS BZHIN DU, ,DMAR SER 'OD KYI PHUNG PO LHAM ME BA, ,'JAM DBYANGS MKHYEN PA'I GTER KHYOD YUD TZAM DGONGS, ,MA LUS ZHING DU 'BAD PAS BTZAL NA YANG, ,KHYOD LAS GZHAN PA'I SKYABS BZANG MA MCHIS PAS, ,BDAG YID KHYOD KYI RJES SU PHYOGS PA NI, ,NYI MAS GDUNGS PA'I GLANG CHEN PAD MTSOR BZHIN, ,DE PHYIR KHYOD KYI YON TAN BRJOD LA BDAG ,YID LA RE BA SKONG BAR BYED PA YI, ,GTONG BAS MDZES PA'I SBYIN BDAG MTHONG BA NA, ,'BYOR PAS DMAN PA'I SLONG MO BA BZHIN GYUR, ,KHYOD SKU RI DBANG JI BZHIN MTHO ZHING DRANG, ,N+YA GRO'I LJON PA RGYAS LTAR CHU ZHENG GAB, ,BTZO MA'I GSER LTAR DAG CING GSAL BA YI, ,PAGS PA'I MDOG NI LEGS SHING SRAB LA 'JAM, ,RGYAL MTSAN TOG LTAR SPYI GTZUG GNAS SU NI, ,RING 'JAM GNAG LA SNUM PA'I RAL PA YI, ,THOR COG MDZES PAR BCING PA'I ZAR BU NI, ,ZUR PHUD LNGA LDAN CUNG ZAD GA-YON DU 'PHYANG, ,RING CHEN RTZE PHRAN RNAMS KYIS MDZES BYAS PA'I, ,DBYIBS
LEGS GDUGS BZHIN KUN NAS RGYAS PA'I DBU, ,SKRA MTSAMS MTHO BA LEGS PAR PHYED PA YI, ,DPRAL BA'I DBYES NI ZLA BA RGYAS PA BZHIN, ,KUN DA DUNG DANG PADMA'I RTZA BA LTAR, ,DKAR GSAL GA-YAS SU 'KHYIL LEGS RI MO CAN, ,DAG PA'I DNGUL GYI 'BUR DANG 'DRA BA YI, , DRI MED MDZOD SPU SMIN MA'I DBUS NA MDZES, ,KHA DOG NAG CING CUNG ZAD GUG PA YI, ,'JAM SNUM SPU MNYAM SMIN TSUGS RING PO CAN, ,STUG CING 'JAM LA MA 'DZINGS SGRIG LEGS PA, ,KHYU MCHOG BZHIN DU RDZI MA YID DU 'ONG, ,AUD PAL MTHING KHA'I 'DAB MA JI BZHIN DU, ,SPYAN DKYUS RING PO CUNG ZAD ZUM PA YI, ,DKAR NAG CHA RNAMS MA 'DRES MDZES PA NI, ,'DAM SKYES 'DAB MA KUN NAS RENGS PA BZHIN, ,RIM PAR 'TSAM ZHING KUN TU MTHO BA'I SHANGS, ,BIMPA LTAR DMAR YID DU 'ONG BA'I MCHU, ,DKAR ZHING TSAD MNYAM THAGS BZANG BZHI BCU'I TSEMS, , 'GRAM PA ZLUM RGYAS RI DRAGS RGYAL PO BZHIN, ,SRAB MNYEN RO MCHOG MYONG BA'I LJAGS KYIS NI, ,ZHAL GYI DKYIL 'KHOR KUN TU KHEBS PAR MDZAD, ,SNYAN SHAL BZANG PO RING DU 'PHYANG BA'I RTZER, ,RIN CHEN DU MAS SPRAS PA'I RNA CHA GA-YO, ,GZI 'OD 'KHYUG PA'I RIN CHEN PHRENG BA'I RGYAN, ,GANG DU 'PHYANG BA'I DRI MED MGRIN PA NI, ,MDZES PA'I GSER GYI BUM PA'I MGRIN PA BZHIN, ,RTZA YI DRA BA MI MNGON ZLUM ZHING RGYAS, ,PHYAG ZHABS BOL DANG PHRAG GONG LTAG PA'I PHYOGS, ,YONGS SU GANG BAS MI MNYAM MED PA'I SKU, ,GDONG LNGA PA BZHIN KUN NAS RGYAS PA'I STOD, ,LHUN PO'I NGOS LTAR RAB TU YANGS PA'I BRANG, ,DPUNG PA'I MGO NI LEGS PAR ZLUM PA'I PHYAG ,GLANG PO'I RGYAL PO'I SNA LTAR RING ZHING MDZES, ,NYI SHU'I SOR MO MDZES PA'I DRA BA YIS, ,LEGS PAR 'BREL BA NGANG PA'I RGYAL PO BZHIN, ,
, ,MDOG SNUM DMAR BA'I MDANGS CHAGS SEN MO YI, ,PHRENG BAS RAB TU DNGAR BA'I SOR MO NI, ,DPAG BSAM YAL 'DAB GZHON NU'I LCUG PHRAN LTAR, ,RING ZHING RGYAS LA 'JAM ZHING GZHON SHA CHAGS, ,GSAL ZHING RDZOGS LA SO SOR MA 'DRES BA'I; ;RTZIBS STONG LDAN PA'I GSER GYI 'KHOR LO MCHOG ,PHYAG DANG ZHABS KYI MTHIL NA BKRA BA NI, ,RGYA LAS RGYA YI 'BUR NI GSAL BA BZHIN, ,DPUNG RGYAN GDU BUS MDZES PAR BYAS PA YI, ,GA-YAS PA'I PHYAG NA DNGOS 'DZIN 'KHRI SHING GI ,LJON PA DRUNGS NAS GCOD PA'I RAL GRI NI, ,'BAR BA'I 'OD KYI DRA BA 'GYED PA BSNAMS, ZHI SGO GNYIS SU MED PA RTEN 'BREL LAM, ,MA LUS GSAL BAR STON PA'I GLEGS BAM MCHOG ,AUTPA LA SNGON PO'I LTE BAR GNAS PA YI, ,SDONG BU GA-YON PA'I PHYAG GIS THUGS KAR 'DZIN, ,RAB 'BYAMS TSON GYIS KHA BSGYUR SRAB LA 'JAM, ,SNA TSOGS DAR GYI SMAD GA-YOGS GA-YO BA'I STENG, ,SIL SIL SGRA SGROG GSER GYI 'OG PAG GIS, ,YID 'ONG SKED SKABS KUN NAS MDZES PAR BSDAMS, ,RTA MCHOG BZHIN DU GSANG GNAS SBUBS SU NUB, ,'JAM ZHING PHRA BA PA SPU'I TSOGS RNAMS NI, ,ZLA MED RE RER BYUNG NAS GA-YAS PHYOGS SU, ,RIM GYIS 'KHYIL NAS SKU LA GYEN DU PHYOGS, ,BAGS KYIS PHRA ZHING ZLUM PA'I BYIN PA LEGS, ,ZHABS KYI MKHRIG MA LONG BU'I 'BUR GYIS DBEN, ,RUS SBAL LTO BZHIN ZHABS MTHIL KUN NAS MNYAM, ,ZHABS KYI BZHI CHA PHYIR 'PHAGS RTING PA YANGS, ,'DAB DRUG PAD DKAR DMAR SER LTE BA'I STENG, ,DKYIL 'KHOR YONGS RDZOGS RGYU SKAR BDAG PO'I GDAN, ,GANG DER SGRA LDAN GDU BUS MKHRIG MA'I PHYOGS, ,MDZES PA'I ZHABS GNYIS RDO RJE'I SKYIL KRUNG MDZAD,,
BSOD NAMS TSOGS RAB RAB 'BYAMS RGYU LAS 'KHRUNGS PA'I SKU MCHOG MCHOG TU MDZES PA KHYOD KYI SKU, ,NAM MKHA'I MTHAS GTUGS GTUGS PA MED PA'I ZHING MCHOG KUN DU DU MA'I 'GRO LA MIG 'PHRUL BZHIN, ,LA LAR BLTAMS ZHING ZHING GZHAN DU YANG BYANG CHUB TSUL STON STON PA KHYOD KYI SKU YI NI, ,BKOD PA MCHOG 'DI 'DI DANG GZHAN DU MA LUS 'GRO KUN KUN MKHYEN GYUR KYANG BRJOD MI NUS, ,LI KHRI'I RGYA MTSOR RTA BDUN 'OD STONG LHUNG BA BZHIN, ,LTA BAS MI NGOMS 'OD DPUNG PHYOGS BCUR 'PHRO BA'I SKU, ,GANG DE CUNG ZAD BSTOD PA'I BSOD NAMS DE YIS BDAG ,'JAM DBYANGS SKU MDZES MIG GI LAM DU 'BRAL MED SHOG ,NAM ZHIG KHYOD SKU MTHONG BAR GYUR MA THAG ,SRID PAR RING DU 'KHYAMS PAS DUB PA BDAG ,LOG PA'I LAM DU SONG BA'I MA RUNGS YID, ,BYANG CHUB SEMS KYI DBANG DU 'GYUR BAR SHOG ,GZHAN YANG GZUNGS DANG MNGON SHES RNAM THAR SGO, ,MU MTHA' YAS PA'I TING 'DZIN TSOGS THOB NAS, ,ZHING KHAMS BYE BAR RGYAL RNAMS BLTA BA'I PHYIR, ,DPAG MED LUS KYI BKOD PA STON PAR SHOG ,DER NI MANG DU THOS PA'I MTHAR SON TE, , MTHA' YAS 'GRO BA CHOS KYIS TSIM BYAS NAS, ,RING POR MI THOGS RGYAL BA KUN GYI GTZO, ,NGAG GI DBANG PO'I SKU MCHOG THOB PAR SHOG ,RJE BTZUN 'JAM PA'I DBYANGS LA BSTOD PA 'JAM DBYANGS MNYES PAR BYED PA'I BSTOD SPRIN RGYA MTSO LAS SKU LA BSTOD BA'I SKABS TE DANG PO'O,, ` ,,'OD STONG ZER GYIS PHYE BA'I GUR KUM GZUGS, ,DVANG BA'I ME LONG DKYIL NA SNANG BA BZHIN, ,'GYING LEGS DBANG PO'I GZHU BZHIN RAB BKRA BA, ,'JAM PA'I DBYANGS KYIS NGAG GI DBANG PHYUG STZOL, ,PHYOGS BCU'I ZHING
, ,KUN KUN NAS 'GENGS PA'I SGRA SKAD SKAD KYI DBYE BA MTHA' YAS PA, ,SEMS CAN KUN YID YID DANG MTHUN PAR 'TSIM BYED BYED PO'I GDANGS KYANG ZIL GNON PA, ,KHYOD KYI GSUNG DBYANGS DBYANGS KYI NGA RO'I DKYIL 'KHOR 'KHOR BA SRID DU RGYUN CHAGS PA'I,, SNYAN PA'I GSUNG GANG GANG GI RNA BA'I LAM DU LHUNG NA NA RGA 'CHI BA 'PHROG PAR BYED, ,GSUNG MNYEN 'JAM ZHING YID 'ONG YID DU 'THAD, ,DAG CING DRI MED 'OD GSAL SNYAN LA 'JEBS, ,MNYAN PAR 'OS SHING MI TSUGS SNYAN ZHING DUL, ,MI RTZUB MI BRLANG RAB DUL RNA BAR SNYAN; ;LUS SEMS SNYING NA'I TSIM BYED DGA' BDE BSKYED, ,GDUNG MED KUN TU SHES BYED RNAM RIG BYA, ,RNAM GSAL DGA' BYED MNGON PAR DGA' BYED CING, ,KUN SHES BYED CING RNAM PAR RIG PAR BYED, ,RIGS SHING 'BREL LA ZLOS PA'I SKYON DANG BRAL, ,SENG GE GLANG CHEN 'BRUG DANG LAG 'GRO'I DBANG, ,DRI ZA KA LA PING KA TSANGS PA DANG, ,SHANG SHANG TE'U DBANG PO'I DBYANGS LTAR SNYAN, ,RNGA SGRA MA KHENGS MI DMA' KUN RJES ZHUGS, ,TSIG ZUR PHYIN CING MA TSANG MED PA DANG, ,MA ZHUM MI ZHAN RAB DGA' KHYAB CING CHUB, ,RGYUN CHAGS 'BREL ZHING SGRA KUN RDZOGS PAR BYED, ,DBANG PO KUN TSIM MA SMAD MI 'GYUR LA, ,MA BRTAGS 'KHOR GYI DKYIL 'KHOR KUN TU GRAG ,DUG GSUM SEL BYED BDUD DPUNG TSAR GCOD CING, ,RNAM PA KUN GYI MCHOG DANG LDAN PAR 'BYUNG, ,DE LTAR BZHI YIS LHAG PA'I DRUG CU'I DBYANGS,, GSUNG GCIG NYID LA'ANG MA TSANG MED PAR NI, ,JI SRID NAM MKHA'I MTHAS KHYAB DE SRID PA'I, ,SKAL LDAN RNA BA'I LAM DU BDE BA STER, ,DE TSE NYE BAR GNAS LA HA CANG CHE BAR MI SNANG RING NA GNAS LA CHUNG MIN PAR, ,SNA TSOGS TSON DANG PHRAD PA'I SHEL BZHIN GRANGS MED GDUL
BYA'I RANG RANG SKAD DANG MTHUN PAR NI, ,SPYI GTZUG MDZOD SPU MGRIN PA LA SOGS KHYOD SKU'I CHA SHAS KUN NAS 'BYUNG BAR RAB STEN KYANG, ,DE DAG KUN LA RTOG PA NYER ZHI 'DI NI NAM MKHAS TSANGS DBYANGS SGROG NA MTSON PAR NUS, ,GLOG DMAR MDZES PA'I SKA RAGS BCINGS PA YI, ,TSAR SPRIN NANG GI 'BRUG SGRA ZAB MO BZHIN, ,'JAM DBYANGS GSUNG BSTOD BSOD NAMS 'DI YIS BDAG ,KHYOD GSUNG RNA BA'I LAM DU 'BRAL MED SHOG ,GSUNG RGYUN RNA BA'I BU GAR ZHUGS MA THAG ,SKAL LDAN RJES 'DZIN LOG SMRA CHER GCOD CING, ,SDE BA LEGS TSIG GIS BLO GSAL YID 'PHROG PA'I, ,'CHAD RTZOD RTZEM PA'I GNAS RNAMS MTHAR SON SHOG ,THA DAD 'GRO BA'I SKAD LA THOGS MED PA'I, ,NGES TSIG SO SO YANG DAG RIG PA MCHOG ,DE BLAG THOB NAS 'GRO BA THAMS CAD KYI, ,THE TSOM GCOD PA'I MCHOG TU BDAG GYUR CIG ,KHYOD KYIS JI LTAR RJES SU GDAMS PA YI, ,GSUNG GI MTSAMS LAS NAM YANG MI 'DA' BAR, ,GUS PAS RTZI GCIG NYAMS SU BLANGS PA YIS, ,GSUNG GI DBANG PHYUG MYUR DU 'GRUB PAR SHOG ,RJE BTZUN 'JAM PA'I DBYANGS LA BSTOD PA 'JAM DBYANGS MNYES PAR BYED PA'I BSTOD SPRIN RGYA MTSO LAS GSUNG LA BSTOD PA'I SKABS TE GNYIS PA'O,, ` ,,BYU RU'I MDANGS DANG 'DRES PA'I GSER BZANG MDOG ,MDOG LEGS SHES BYA MA LUS LHANG NGER MKHYEN, ,MKHYEN RAB DBANG PHYUG 'JAM DBYANGS 'GRO BA'I SKYABS, ,SKYABS MCHOG KHYOD KYIS RAB 'BYAMS SHES RAB STZOL, ,DNGOS 'DZIN CHANG GIS RAB TU MYOS PAS BLANG DOR DPYOD PA'I BLO GROS NYAMS, ,NYON MONGS GDUG PA'I SNA YI LAG PAS DGE BA'I LJON PA KUN TU 'JOMS, ,SRED PA'I ZHAGS PAS YID NI DRANGS PAS RNYED BKUR GLANG MO'I PHYIR 'BRANG
, ,BA, ,BAG MED NAGS KHROD KUN TU RGYU BA'I GDUL DKA'I YID KYI GLANG PO CHE, ,DRAN SHES BAG YOD THAG PAS DAM BCINGS NAS, ,YANG DAG RIGS PA'I LCAGS KYU RNON PO YIS, ,'PHAGS MCHOG BYE BAS BGROD CING BSNGAGS PA YI, ,RTEN 'BRAL DAM PA'I LAM BZANG SROL DU BCUD, ,TSUL DE SKYO MED BRTZON PA'I SHUGS DRAG GIS, ,DPAG MED BSKAL PAR YANG DANG YANG GOMS PAS, ,SGYU MA LTA BU'I TING 'DZIN RDO RJE YIS, ,MTHAR 'DZIN RI BO MING GI LHAG MAR MDZAD, ,SLAR YANG MTHA' YAS RGYAL BA'I DBANG PO RNAMS RAB MCHOG MCHOD SPRIN RGYA MTSOS MNYES BYAS PAS, ,DRI MED MGUR NAS CHANGS DBYANGS NGA RO YIS, ,DGONGS PA GCIG GIS GSUNGS PA'I GDAMS PA MCHOG ,SRID PA'I NAD BRGYA DRUNGS 'BYIN BDUD RTZI'I ZAS, ,RGYUN DU BSTEN PAS BGROD PAR CHES DKA' BA'I, ,RGYAL SRAS SPYOD PA RLABS CHE'I PHA ROL TU, ,BGROD PA'I BLO GROS LUS STOBS RGYAS PA NA, ,MTHA' DAG 'DZIN PAS NAM YANG MI RDZI ZHING, ,MA LUS 'KHRUL SNANG 'JOMS LA THAGS MED PA'I, ,TING 'DZIN KUN GYI GTZO BOR GYUR PA GANG, ,RDO RJE LTA BUR GRAGS PA'I TI NGE 'DZIN, , KHYOD KYIS MNGON DU MDZAD PA DE YI MTHUS, ,SGYU MA LTA BU'I YUL GYI SNANG BA DANG, ,RMI LAM LTA BU'I GSAL ZHING RIG PA'I BLO, ,MYONG SNANG MA LUS CHOS KYI DBYINGS SU ZHUGS, ,DE PHYIR RTZA BA NYAMS BA'I LJON PA BZHIN, ,MA LUS 'DZIN PA'I SA BON DRUNGS PHYUNG BAS, , SKYOB PA KHYOD LA NAM MKHA' JI SRID DU, ,CHOS KYI SKU LAS GA-YO BA GA LE ZHIG ,DE LTAR MGON KHYOD CHOS KYI DBYINGS PAS CUNG ZAD GA-YO BA MED BZHIN DU, ,DU MA'I SHES BYA GSAL BAR SNANG BA ME LONG NANG DU GZUGS BRNYAN NAM, ,NAM MKHA'I LAM NA 'JA' TSON
BZHIN DU SO SOR MA 'DRES RDZOGS PAR MKHYEN, ,MKHYEN BZANG KHYOD KYI MKHYEN PA DE YANG SKAD CIG NYID LA DE LTAR LAGS, ,SBYIN LAS 'BYOR LDAN GNAS YIN DBUL PO MIN, ,SER SNAS DBUL PO GNAS YIN 'BYAR LDAN MIN, ,DE SOGS RTEN 'BREL MI BSLU'I GNAS KUN MKHYEN, ,DE PHYIR KHYOD NI SMRA BA'I GTZO BO LAGS, ,THOGS MED SID PAR SONG BA THAMS CAD KYI, ,DGE DANG MI DGE'I LAS TSUL 'BRAS BUR BCAS, ,GANG DE KHYOD KYI MNGON DU MA GYUR MED, ,DE SLAD KHYOD GSUNG 'BRES MED MA MCHIS LAGS, ,CHAGS LA GNAS SHING SDANG LA MOS PA DANG, ,DE LAS LDOG SOGS MOS PA SNA TSOGS TSUL, ,MNGON SUM GZIGS PHYIR KHYOD KYI MDZAD PA KUN, ,'GRO LA DON DU MI 'GYUR YOD MA LAGS, ,BCO BRGYAD KHAMS KYI RAB DBYE MTHA' DAG LA, ,KHYOD LA LKOG TU GYUR PA GANG YANG MED, ,DE PHYIR KHYOD NI GDUL BYA'I GNAS RNAMS KYI, ,GDUL BA'I DUS LAS CUNG ZAD 'DA' MA LAGS, ,SRID PAR RGYU BA RNAMS KYI DANG SOGS KYI, ,DBANG PO RNO RTUL DBANG PO MED PA LA, ,MKHYEN PA THOGS MED 'JUG PA DE SLAD KHYOD, ,CHOS STON TSUL LA SHIN TU MKHAS PA LAGS, ,MNGON PAR MTHO ZHING NGES PAR LEGS PA DANG, ,NGAN SONG GNAS RNAMS KUN TU 'GROD PA'I LAM, ,KUN LA MKHYEN PA SGRIB PA MED PA'I PHYIR, ,KHYOD NI 'GRO BA'I BSHES GNYEN BZANG PO LAGS, ,BSAM GTAN GZUGS MED SENG GE RNAM PAR BSGYINGS, ,THOD RGAL LA SOGS TING 'DZIN MTHA' DAG GIS, ,'JUG LDANG KUN BYANG TSUL LA MA RMONGS PAS, ,SNYOMS 'JUG RNAMS KYI PHA ROL SON PA LAGS, ,THOG MED 'KHOR BAR YONGS SU 'DRIS BGYIS PA'I, ,RANG GZHAN TSE RABS DAN RTAGS DANG BCAS PAR, ,SKAD CIG TZAM GYIS KHONG DU CHUD PAS NA, ,KHYOD NI SNGON GYI MTHA' LA MKHAS PA LAGS, ,'DI TZAM DUS NA 'DI NAS SHI 'PHO ZHING, ,
, ,LEGS SPYAD NYES SPYAD LAS RNAMS JI LTA BAR, ,GANG DU SKYE BA'I GNAS KUN RAB MKHYEN PAS, ,KHYOD NI PHYI MA'I MTHA' LA MKHAS PA LAGS, ,GANG ZHIG ZAG PA ZAD PA'I MYANG 'DAS DANG, ,GANG GIS ZAD BYED 'PHAGS LAM BRGYAD KYI LAM, ,DE DAG KUN LA SGRIB MED MNGON SUM SPYAN, ,DE PHYIR KHYOD NI SKYABS KYI DAM PA LAGS, ,DE LTAR GNAS DANG GNAS MIN LAS KYI RNAM SMIN MOS PA 'JIG RTEN KHAMS, ,DBANG PO'I RIM PA KUN 'GRO'I LAM DANG NYON MONGS RNAM BYANG SNGON GYI GNAS, ,'CHI 'PHO SKYE DANG ZAG PA ZAD LA MKHYEN PA THOGS PA MED 'JUG PA, ,GANG LA MNGA' BA KHYOD KYI YUL DU MA GYUR SHES BYA'I GNAS DE GANG, ,SRID PAR 'KHYAMS PA RNAMS KYI THOG MED NAS, ,BDAG BDE'I PHYIR DU GZHAN LA GNOD PA'I LAM, ,DRAG PO'I RTZOL BAS KUN TU BSTEN NA YANG, ,NGAL BA 'BRAS BU MED PAS GOL BA LTAR,, GZHAN LA CUNG ZAD TZAM YANG MI 'TSE BAR, ,RANG NYID PHYIR DU NYIN MTSAN BAR MED PAR, ,BRGYA PHRAG BRTZON PAS THAR PA BSGRUB DE YANG, ,YANG DAG LAM LA RGYAB KYIS PHYOGS PAR GZIGS, ,DE PHYIR RGYAL BA KUN GYI LAM GCIG PU, ,LUS CAN MTHA' DAG RJES SU 'DZIN PA'I MA; ;RGYAL SRAS DPA' PO GA-YUL DU 'JUG PA'I GO ,SNYING RJE'I LAM BZANG RING NAS GOMS PAR MDZAD, ,SDUG BSNGAL RMI LAM DU YANG MI 'DOD CING, ,PHUL BYUNG BDE LA CHOG SHES MED PAR NI, ,'GRO BA 'DI KUN KHYAD PAR YOD MIN NA, ,GZHAN BDE YAL BAR 'DOR RNAMS CHES 'KHRUL BAR, ,BRTZE LDAN KHYOD KYIS GZIGS NAS BDAG DANG GZHAN, ,MNYAM PA NYID DU MTHONG BA'I BYANG CHUB SEMS, ,THOG MA NYID DU GOMS PAR MDZAD PA YIS, ,SEMS CAN THAMS CAD KHYOD KYIS BDAG GIR GZUNG, ,BDAG BDER SRED PA YANG DAG LAM GYI
GEGS, ,GZHAN NYID GCES 'DZIN YON TAN KUN GYI GTER, ,DE PHYIR KHYOD KYIS BDAG GZHAN BRJE BA'I TSUL, ,YANG YANG GOMS PAS 'GRO KUN BDAG TU MDZAD, ,DE LTAR SNYING RJE'I MA YIS LAN MANG DU, ,LUS STOBS RDZOGS PAR BSKYANGS PA'I BCOM LDAN KHYOD, ,PHUN TSOGS YON TAN RNAMS KYI MTHAR PHYIN YANG, ,ZHI BA'I BDE BAS 'PHROG PAR GA LA 'GYUR, ,'DAB BZANG DBANG PO LHA YI LAM ZHUGS PA, ,DER GNAS MA YIN 'DZIN MAR MI LTUNG LTAR, ,SRID ZHIR MI GNAS KHYOD THUGS BSTOD PAS BDAG ,'JAM DBYANGS MKHYEN BRTZE YID LA 'BRAL MED SHOG ,MTHAR 'DZIN GO SKABS 'PHROG PA'I LTA BA DANG, ,'GRO KUN BU SDUG LTAR MTHONG SNYING RJE GNYIS, ,YID LA BDE BLAG NYID DU 'GRUB GYUR NAS, ,LUS CAN THEG PA MCHOG LA 'KHRID PAR SHOG ,CHOS KUN TSIG DON MI BRJED DRAN PA'I GZUNGS, ,DRI BA KUN GYI LAN LDON SPOBS PA MCHOG ,MYUR DU BSKYED NAS CHOS KYI PHONGS RNAMS LA, ,LEGS BSHAD DGA' STON 'GYED PAR BDAG GYUR CIG ,SNA TSOGS GDUL BYA'I BSAM PA JI BZHIN DU, ,MI RTOG BZHIN DU RE BA SKONG BA YI, ,'JAM DBYANGS THUGS KYI DPAL GYIS MYUR DU BDAG ,STON ZLAS NAM MKHA' JI BZHIN MDZES GYUR CIG ,RJE BTZUN 'JAM PA'I DBYANGS LA BSTOD PA 'JAM DBYANGS MNYES PAR BYED PA'I BSTOD SPRIN RGYA MTSO LAS THUGS LA BSTOD PA'I SKABS TE GSUM PA'O,, ` ,,PHYOGS BCU'I ZHING NA MTHA' YAS RGYAL BAS RGYUN CHAD MED PAR RAB BSNGAGS PA, ,GANG GI SNYAN PAS 'JIG RTEN GSUM BKANG 'JAM PA'I DBYANGS ZHES RAB TU GRAGS, ,GANG DE'I YON TAN CUNG ZAD GUS PAS BRJOD PA'I BSTOD SPRIN RGYA MTSO 'DI, ,GANG ZHIG 'DZIN CING KLOG PA DE YI YID LA 'JAM DBYANGS MYUR
, ,'JUG SHOG ,CES RJE BTZUN 'JAM PA'I DBYANGS LA BSTOD PA 'JAM DBYANGS MNYES PAR BYED PA'I BSTOD SBRIN RGYA MTSO ZHES BYA BA 'DI NI, ,MANG DU THOS PA'I RGYAL KHAMS PA BLO BZANG GRAGS PA'I DPAL GYIS GANGS CAN KHROD KYI GANGS RI'I DBANG PO 'O DE GUNG RGYAL GYI LHA ZHOL DU SBYAR BA'I YI GE PA NI SDE SNOD 'DZIN PA BHA DRA P'A LA'O,,