` ,,NA MO GU RU MANYDZU GHO sh'A YA, ZAB YANGS MKHYEN PA MKHA' LTAR PHA MTHA' YAS, ,DMIGS MED THUGS RJES 'GRO KUN RJES SU 'DZIN, ,SKYON BRAL MDZAD PAS GDUL BYA BAD LA 'GAD, ,MI PHAM CHOS RJE'I ZHABS LA GSOL BA 'DEBS, ,SHES BYA KUN LA RMONGS PA ZAD PA DANG, ,LUS CAN KUN LA MA LTAR BRTZE BA DANG, ,SDUG BSNGAL RGYA MTSO SKEMS PAR BYED PA'I MTHU, ,BDE BLAG NYID DU 'GRUB PAR BYIN GYIS RLOBS, ,RGYAL BA KUN GYIS BSNGAGS PA'I YON TAN GTER, ,RGYAL BA'I DAM CHOS RGYAL SRID LEGS SKYONG ZHING, ,RGYAL SRAS KUN GYI GTZUG NA MDZES GYUR
PA; ;MI PHAM CHOS RJE'I ZHABS LA GSOL BA 'DEBS, ,JI SRID NAM MKHA' GNAS PA DE SRID DU, ,LUS CAN THAR LAm 'TSOL BA'I MIG GCIG PU, ,THUB PA'I GSUNG RAB LEGS BSHAD BDUD RTZI'I RGYUN, ,MA LUS 'DZIN CING SPEL BAR BYIN KYIS RLOBS, ,BDUD BZHI'I GA-YUL LAS RGYAL BA'I MI PHAM MGON, ,RGYAL SRAS SPYOD PA MTHAR PHYIN 'PHAGS PA'I MCHOG ,THUB PA'I RGYAL TSAB DAM PAR DBANG BSKUR BA, ,MI PHAM CHOS RJE'I ZHABS LA GSOL BA 'DEBS, ,BDUD SDE BYAMS PA'I DPUNG GIS 'JOMS PA DANG, ,TSEGS GNYIS THABS MKHAS LAM GYIS RDZOGS PA DANG RGYAL BA MNYAS PA'I KUN SPYOD 'BA' ZHIG GIS, ,NYIN MTSAN GA-YEL BA MED PAR BYIN GYIS RLOBS, ,BDE GSHEGS SNGA MAS BTANG SNYOMS MDZAD PA YI, ,GRANGS MED 'GRO LA BRTZE BAS MA BZOD NAS, ,ZHING 'DIR BYANG CHUB SNYING POR GSHEGS 'GYUR PA, ,MI PHAM CHOS RJE'I ZHABS LA GSOL BA 'DEBS, ,MGON PO KHYOD KYIS BYANG CHUB MCHOG BRNYES NAS, ,SKAL LDAN 'GRO LA CHOS 'KHOR BSKOR BA'I TSE, ,THOG MA KHO NAR KHYOD GSUNG BDUD RTZI'I ROS, ,NYON MONGS NAD KUN SEL BAR BYIN GYIS RLOBS, ,DGA' LDAN GNAS NAS GRANGS MED LHA RNAMS LA, , THEG MCHOG GTAM GYIS DGA' BA BSKYED MDZAD CING, ,PHUN TSOGS CHOS SKU'I GO 'PHANG MCHOG STZOL BA, ,MI PHAM CHOS RJE'I ZHABS LA GSOL BA 'DEBS, ,TSE 'DI'I PHUN TSOGS RTZVA RTZE'I ZIL PA BZHIN, ,MI RTAG SNYING PO MED PAR RTOGS PA DANG, ,LAN CIG TZAM ZHIG RNYED PA'I DAL 'BYOR 'DI, ,RTAG TU DON LDAN BYED PAR BYIN GYIS RLOBS, ,'BAD PAS BSGRUBS KYANG NGES PAR 'DOR DGOS PA'I, ,RNYED DANG BKUR STI'I CHOS LA YID LOG STE, ,GTAN GYI BDE BA SGRUB BYED DAM PA'I CHOS, ,RTZE GCIG NYAMS SU LEN PAR BYIN GYIS RLOBS, ,
, ,CES RJE BTZUN BYAMS PA MGON PO LA BSTOD PA'I TSIGS SU BCAD PA 'DI NI, RGYAL KHAMS PA BLO BZANG GRAGS PA'I DPAL GYIS CHOS GRVA CHEN PO SKYOR MO LUNG DU SBYAR BA DGE LEGS SU GYUR CIG,