` ,,NA MA: SHR'I GU RU MANYDZU GHO sh'A YA, ,RIN CHEN RI BO BRTZE GAS PA LTA BU YI, ,BSOD NAMS BYE BA BRGYAS BSKRUN GANG GI SKU, ,RAB BRJID YID 'PHROG 'OD 'BAR KHRI STENG NA, ,'GRO BA'I BSOD NAMS ZHING DU LHAM ME BA, ,SA BCU'I DBANG PHYUG MTHA' YAS 'GRO BA'I MGON, ,RGYAL SRAS GTZO BO BDE GSHEGS 'KHOR GYIS BRGYAN, ,MA BYON SANGS RGYAS BYAMS MGON CHOS KYI RJE, ,RGYAL BA'I RGYAL TSAB CUNG ZAD BDAG LA GSON, ,SH'AKYA'I DBANG POS RANG GI 'KHOR RNAMS LA, ,KUN GZIGS SPYAN GYIS LEGS PAR BRTAGS PA NA, ,KHYOD LAS LHAG PA'I RGYAL SRAS MA GZIGS NAS, ,RANG GI RGYAL TSAB NYID DU KHYOD DBANG BSKUR, ,DE PHYIR RI DVAGS KHROD NA SENG GE DANG; ;CHOS BZANG MDUN SAR MIG STONG LDAN PA BZHIN, ,BDE GSHEGS 'KHOR NA RGYAL BA'I DBANG PO KHYOD, ,KUN NAS PHUL DU BYUNG BAR RAB TU MTHONG, ,SA GSUM DAM CHOS 'OD KYIS RAB 'GENGS SHING, ,RNAM GROL 'BRAS BU MA LUS SMIN PAR MDZAD, ,
, ,SKAL LDAN PADMO'I TSAL KUN RGYAS BYED PA, ,THUB DBANG NYI MA'I DKYIL 'KHOR NUB LAGS NA, ,DGE LEGS CHA SHAS YONGS SU RDZOGS GYUR CING, ,'PHRIN LAS BSIL ZER PHYOGS BCUR RAB 'PHROS PAS, ,PHAN BDE KU MUD ZE'U 'BRU GSAL MDZAD PA, ,RGYAL TSAB ZLA BA BTANG SNYOMS MDZAD LAGS SAM, ,MA LUS SEMS CAN BDE LA DGOD PHYIR DU, ,RAB 'BYAMS ZHING GI RGYAL BA THAMS CAD KYIS, ,'OD ZER CHEN PO'I DBANG GIS MGON KHYOD LA, ,CHOS KYI RGYAL SRID GTAD PA DGONGS PAR RIGS, ,GANG TSE KHYOD KYI DBANG BSKUR SA BRNYES TSE, , GRANGS MED 'BUM PHRAG BCU YI TING 'DZIN DANG, ,KUN MKHYEN YE SHES NYID DU DBANG BSKUR BA'I, ,TING NGE 'DZIN RNAMS MNGON DU GYUR PA'I MTHAR, ,STONG GSUM 'BUM PHRAG BCU YI RDUL SNYED KYI, ,PADMO'I 'KHOR GYIS BSKOR BA'I PADMA NI, ,RTZA BA RIN CHEN LTE BA TZAN DAN MCHOG ,ZE'U 'BRU RDO YI SNYING PO LO MA NI, ,'DZAM BU CHU BO'I GSER LTAR KUN TU SNANG, ,RIN CHEN KUN GYIS RAB SPRAS 'DAB BRGYA 'BYED, ,RIN CHEN DRA BAS KUN NAS GA-YOGS PA LA, ,DE DANG 'TSAM PAR KHYOD SKU BZHUGS PA NI, ,'KHOR GYI PADMAR DE SNYED RGYAL BA'I SRAS, , KHYOD KYI ZHAL DU PHYOGS NAS 'KHOD PA RNAMS, ,'BUM PHRAG BCU YI TING NGE 'DZIN LA ROL, ,DE TSE KHYOD KYI ZHABS MTHIL PUS MO DANG, ,LTE BRTZI BAS LOGS PHYAG GI MTHIL GNYIS NAS, ,GRANGS MED 'BUM PHRAG BCU YI 'OD PHYUNGS NAS, ,NGAN SONG GSUM DANG MI DANG LHA MIN LHA, ,GNAS KUN SNANG BYAS SDUG BSNGAL ZHI BAR MDZAD, ,PHRAG PA RGYAB MGUL ZHAL GYI SGO RNAMS NAS, ,SNGAR GYI 'OD KYIS NYAN RANG SA DGU'I BAR, ,BYANG SEMS GNAS RNAMS SNANG MDZAD RIM BZHIN DU, ,CHOS SNANG TING 'DZIN THABS SHES TSUL RNAMS BSGRUBS; ;
SNGAR BZHIN MDZOD SPU NAS PHYUNGS 'OD ZER GYIS, ,PHYOGS BCU'I BDUD GNAS THAMS CAD ZIL MNAN NAS, ,DBANG BSKUR BRNYAS PA'I RGYAL BA'I SRAS RNAMS KYIS, ,SKU YI DKYIL 'KHOR DAG TU NUB PAR MDZAD, ,YAN LAG MCHOG LAS STONG GSUM 'BUM PHRAG BCU'I PHRA RAB RDUL SNYED 'OD ZER PHYUNGS NAS KYANG, ,BDE GSHEGS 'KHOR GYI DKYIL 'KHOR SNANG BYAS TE, ,'JIG RTEN LAN BCUR BSKOR NAS BAR SNANG LA, ,'OD KYI DRA BA'I DKYIL 'KHOR CHEN PO YI, ,KUN BZANG MCHOD SBYIN RGYA MTSO'I CHAR PHAB NAS, ,'JIG RTEN LAN BCUR BSKOR NAS RGYAL RNAMS KYI, ,ZHABS KYI MTHIL DU KUN NAS NUB PAR GYUR, ,DE NAS SRAS BCAS RGYAL BAS DPA' BO KHYOD, ,DBANG BSKUR DUS LA BAB PAR GZIGS GYUR NAS, ,DBANG BSKUR THOB PA'I RGYAL BA SRAS BCAS KYI, ,RDO RJE DPAL BE'U BKRA SHIS RI MO LAS, , GRANGS MED 'BUM PHRAG BCU YI 'OD ZER GYIS, ,'KHOR BCAS 'OD PHYUNGS PHYOGS KUN SNANG BYAS TE, ,MU MED CHO 'PHRUL BSTAN NAS KHYOD KYI NI, ,RDO RJE DPAL BE'U BKRA SHIS RNAMS SU NUB, ,DE NAS DE MA THAG TU KHYOD KYI STOBS, ,'BUM 'GYUR LAS KYANG LHAG PAR 'PHEL BA'I TSE, ,PHYOGS BCU'I RGYAL BA RNAMS KYI MDZOD SPU NAS, ,SNGAR BZHIN 'OD KYIS ZHING KUN SNANG BYAS NAS, ,'JIG RTEN LAN BCU BSKOR TE CHO 'PHRUL BSTAN, ,BYANG SEMS BYE BA MANG BSKUL ZHING KUN BSKYOD, ,NGAN 'GRO ZHI MDZAD BDUD RNAMS ZIL MNAN TE, ,BDE GSHEGS RNAMS KYI GDAN KUN RAB BSTAN NAS, ,'OD ZER GTZO BO KHYOD KYI SPYI BO DANG, ,'KHOR GYI 'OD ZER 'KHAR GYI SPYI BOR NUB, ,DE TSE BYANG SEMS RNAMS KYIS SNGON MED PA'I, ,STONG PHRAG BCU YI TING 'DZIN THOB PAR GYUR, ,DE LTAR GLANG PO RIN CHEN GSER KHRI
, ,YIS; ;BRGYAN PA'I STENG DU 'KHOR LOS SGYUR BA'I SRAS, ,RGYA MTSO BZHI YI CHUS BKANG GSER BUM GYIS, ,SPYI BE'I GNAS NAS RGYAS PAR DBANG BSKUR BA, ,DE BZHIN THUB PA'I CHOS KYI RGYAL TSAB TU, ,MNGON PAR DBANG BSKUR KHYOD KYIS 'KHOR BA RU; ;LAS KYIS KUN NAS MNAR BA'I SEMS CAN KUN, ,ZAG MED BDE BA'I DPAL LA 'GOD DU GSOL, ,PHUL BYUNG DAD PA'I MDZES SDUG LAG PA YIS, ,YON TAN ME TOG TSIG SNYAN SRAD BU LA, ,LEGS PAR BRGYUS PA'I BSTOD PA'I PHRENG BA 'DI, , KHYOD MNYES BGYID PA'I SLAD DU BDAG GIS DBUL, ,DE YIS MTSON NAS BDAG GIS DGE BA GANG, ,BGYIS DANG BGYID STZAL RJES SU YI RANG KUN, ,GCIG TU BSDOMS PA 'DI YIS KHYOD KYI ZHAL, ,MYUR DU MTHONG ZHING THE TSOM CHOD PAR SHOG ,BDE MED SDUG BSNGAL BRGYA YIS GTZES PA YI, ,'KHOR BA'I PHUN TSOGS YID LA DRAN TZAM GYIS, ,LCAGS KHANG 'BAR BA'I NANG DU TSUD PA LTAR, ,YID LA 'DOD PA TIL TZAM MED PAR SHOG ,MDZA' POS ZOL GYIS BSLUS NAS SROG 'PHROG LTAR, ,PHAN LTAR BCOS NAS YANG DAG LAM 'PHROG PA'I, ,RANG BDE 'DOD PA DUG BZHIN SPANGS NAS SU, ,BYANG CHUB SEMS DANG 'BRAL BAR MA GYUR CIG ,KUN NAS NYON MONGS RNAM PAR BYANG BA YI, ,MI 'DRA'I RGYU 'BRAS PHAN TSUN MI 'KHRUL BA, ,MTHONG BA TZAM GYIS MTHAR 'DZIN 'JIG 'GYUR BA'I, ,RTEN 'BREL ZAB MO'I DE NYID RTOGS PAR SHOG ,RNO ZHING CHE LA ZHIB PA'I SHES RAB KYIS, ,SRID GSUM STON PAS GRANGS MED GDUL BYA YI, ,BSAM PA JI BZHIN GSUNGS PA'I MDO RGYUD KYI, ,DRANG NGES MA LUS JI BZHIN RTOGS PAR
SHOG ;RGYAL BA'I GSUNG LA RNAM DAG RIGS PA YIS, ,YID CHES CUNG ZAD RNYED NAS MANG THOS DON, ,TSUL BZHIN BSGRUB PHYIR DPEN PA BSTEN 'DOD BDAG ,SGRUB PA'I BYA BA PHA MTHAR PHYIN GYUR CIG ,DENG NAS BZUNG STE SKYE BA THAMS CAD DU, ,BYANG CHUB SEMS GNYIS 'PHEL BA'I RJES MTHUN PA, ,MA GTOGS 'KHOR DANG RNYED BKUR GRAGS PA SOGS, ,SKAD CIG TZAM YANG 'BYUNG BAR MA GYUR CIG ,SGRUB PA SNYING POR BYED PA'I MTHUN PA'I RKYEN, ,BSHES GNYEN GNAS DANG GROGS DANG TSE DANG NI, ,'TSO BA'I YO BYAD RGYAL BAS GNANG BA RNAMS, ,GTUGS PA MED PAR BDE BLAG 'GRUB PAR SHOG ,RMAD BYUNG SRAS BCAS RGYAL BA'I BYIN RLABS DANG, ,RTEN 'BREL BSLU BA MED PA'I BDEN PA DANG, ,BDAG GI LHAG BSAM DAG PA'I MTHU STOBS KYIS, ,RNAM DAG SMON PA'I GNAS 'DI 'GRUB PAR SHOG , CES RJE BTZUN BYAMS PA MGON PO LA BSTOD PA RIN PO CHE GSAL BA'I SGRON ME ZHES BYA BA 'DI NI MANG DU THOS PA'I RGYAL KHAMS PA SHAR TZONG KHA PA BLO BZANG GRAGS PA'I DPAL GYIS, ,GANGS CAN KHROD KYI GANGS RI'I DBANG PO'O DE GUNG RGYAL GYI LHA ZHOL DU SBYAR BA'I YI GE PA NI SDE SNOD 'DZIN PA RIN CHEN RGYAL MTSAN GYIS BGYIS SO,,