` ,,NA MA: SHR'I GU RU MANYDZU GHO sh'A YA, MNYES GSHIN BYAMS PAS RTAG TU BRLAN YANG NAG PO'I RTZA LAG SREG ,SHIN TU BCAD DKA'I 'CHING BA BCAD KYANG SNYING RJES DAM DU BCINGS, ,ZHI BA'I BTANG SNYOMS RGYUN DU LDAN YANG BDAG PAS GZHAN LA GCES, ,'JAM DBYANGS ZHABS LA GUS PAS BTUD NAS MI PHAM MGON LA BSTOD, ,GDONG BZHIS MANG PO'I ZHAL NAS RAB TU BSNGAGS, ,SPYAN STONG LDAN PAS DANG BAS RGYUN DU LTA, ,DGA' MA'I BDAG POS DREGS PA BTANG NAS BTUD, ,RGYAL TSAB ZHABS LA GUS PAS PHYAG BGYI'O, ,DANG BA'I MTSO LA 'DAB BRGYA PA STE DE NYID LA YANG NYIN BYED 'OD, ,DAG PA'I MKHA' LA RGYU SKAR MGON TE DES KYANG KUN DA'I TSAL LA BZHIN, ,MTSAN DPE'I PHRENG BAS GANG SKU MTHONG MA THAG TU 'GRO BA'I YID 'PHROG PA, ,BYAMS MGON ZHABS PAD SKYE ZHING SKYE BAR BDAG GI GTZUG NA MDZES GYUR CIG ,BDUD 'JOMS 'KHOR DU 'JIGS PA KUN DANG BRAL, ,MTSUNGS MED DPA' BO SRID GSUM STON PA MCHOG ,NYAM NGAR LHUNG BA'I 'GRO LA RTAG TU GZIGS, ,RNAM 'DREN KHYOD KYI ZHABS LA PHYAG 'TSAL LO, ,MTHA' YAS SHES BYOR THOGS PA MED 'JUG PA'I, ,MKHYEN PA'I STOBS KYIS MA RUNGS BDUD KYI SDE, ,GNAM LCAGS BAB PA'I ME TOG GZHON NU BZHIN, ,PHAM MDZAD STOBS BCU'I DPAL GYIS BRJID PA KHYOD, ,PHAS RGOL GLANG PO DREGS PA'I KLAD 'GEMS SHING, ,LEGS BSHAD SGRA CHEN 'KHOR DBUS BSGRAGS PA YIS, ,SMRA BA NGAN PA'I WA SKYES MTHAR MDZAD PA'I, ,MI 'JIGS BZHI LDAN MI YI SENG GE KHYOD, ,KHENGS
, ,PAS MTHO BA'I 'JIG RTEN MES PO DANG, ,NYAG PHRAN BDAG PO DGE SBYONG BRAM ZE SOGS, ,GANG GIS SMRA BAR MA NUS 'KHOR LO MCHOG ,BSKOR BAS 'GRO LA BYAMS PA'I MGON PO KHYOD, ,SKU DANG GSUNG LA 'KHRUL PA'I MING YANG MED, ,DRAN PA MA NYAMS RTAG TU MNYAM PAR BZHAG ,THA DAD 'DZIN PA MA BRTAGS BTANG SNYOMS KYIS, ,DBEN PHYIR KHYOD KYI SPYOD PA YONGS SU DAG ,'DUN PA DANG NI BRTZON 'GRUS DRAN PA DANG, ,TING 'DZIN SHES RAB RNAM PAR GROL BA LA, ,NYAMS PA'I GO SKABS MA LUS RING DU MDZAD; ;DE PHYIR KHYOD KYI RTOGS PA BLA NA MED, ,DUS GSUM THAMS CAD CHAGS THAGS MED PAR MKHYEN, ,SKU GSUNG THUGS KYI 'PHRIN LAS RNAM PAR DAG ,SRID PA'I PHYI MTHA' JI SRID 'GRO BA'I DON, ,MDZAD PA'I KHUR GYIS DGYES BZHIN 'JUG PA KHYED, ,RGYA CHE'I YON TAN PHUNG PO RAB RDZOGS PAS, ,PHRA MO'I SKYON YANG 'JUG PA'I SKABS BCOM PA, ,KHYOD KYI BRTZE BA'I YUL DU GYUR PA ,SMRA SNGAGS SGO NAS SMRA LA YUD TZAM DGONGS, ,SDUG BSNGAL RGYA MTSO CHE LAS SGROL BA'I GRU ,DAL 'BYOR TSANG BA'I RTEN 'DI YIN NA YANG, ,BAG MED LE LO GNYID DANG BRE MO'I GTAM, ,RNYED BKUR 'DOD PA'I SKYON GYIS SBAGS PA YIS, ,DON MED PHYOGS SU BKOL BAS DON CHEN PO, ,BDE BLAG SGRUB PA'I LUS BZANG CHUD BSON PA, ,MI YI SHA CHUGS PHYUGS KYI 'DU SHES CAN, ,BDAG LA KHYOD KYI THUGS RJES GZIGS SU GSOL, ,RNYED DKA' DON CHE'I DAL 'BYOR THOB PA YANG, ,STOBS KYIS MI BZLAG 'BROS PAR MI NUS PA'I, ,STOBS LDAN 'CHI BDAG PHO NYA BKYE BA DANG, ,NA DANG RGA BAS ZIN PAR MTHANG NA YANG, ,NAM 'CHI NGES MED 'CHI BA'I DUS KYI TSE, ,THAMS CAD BOR NAS 'GRO
BA MA DRAN PAR, ,LO ZLA ZHAG RNAMS DON MED 'DA' BYED PA'I, ,RAB RMONGS BDAG LA BRTZE BA'I DUS LA BAB, ,NGES PAR LEGS PA'I GO 'PHANG SMOS CI DGOS, ,LAM GYI RTEN DU THUB PAS BSNGAGS PA YI, ,MTHO RIS TZAM YANG THOB PA'I GDENG MED PA, ,BDAG LA KHYED KYIS BTANG SNYOMS MDZAD LAGS SAM, ,MTHO RIS DPAL DANG LDAN PA'I LUS THOB KYANG, ,GSUNG RAB TSUL BZHIN 'BYED PA'I SHES RAB KYIS, ,MA NOR LAM BZANG RNYED PAR MA GYUR NA, ,SLAR YANG 'KHOR BA'I RGYA MTSO NYID DU LHUNG, ,DE PHYIR GTI MUG MUN PA'I SMAG CHEN GYIS, ,YUN RING DUS SU BSGRIBS PAS BLANG DOR GNAS, ,JI BZHIN 'BYED LA KUN NAS 'THOMS GYUR PA, ,BDAG LA SHES RAB SGRON ME STZAL DU GSOL, ,RAB 'BAR LCAGS KYIS GZHIR ME LCES SREG CING LUS LA MTSON CHA'I CHAR PA 'BAB, , GSHIN RJE'I SKYES BUS GSAL SHING LA BSKYON ZANGS ZHUN LDUD CING PHUR BUS LCE LA 'DEBS, ,GANGS RIS BSKOR BA'I 'KHYAG PA'I SBUBS CHUD BU YUG 'TSUBS PA'I RLUNG GIS BTAB PA YIS, ,LA LAR CHU BUR BRGYA BYUNG LA LAR RDOL ZHING LUS NI TSAL PA DU MAR GAS, ,GDONG NI SKRAS KHEBS KHA NI SKAMS SHING CHU KLUNG MTHONG STE GTUNG PHYIR RGYUG PA NA, ,RAL GRI MDUNG RNAMS THOGS PA'I SKYES BUS 'GEGS SHING CHU YANG RNAG KHRAG NYID DU MTHONG, ,KHA NI KHAB KYI MIG TZAM BLA BAS MGRIN 'GAGS ZAS SKOM RNYED KYANG SPYOD MI NUS, ,ZOS SHING 'THUNG RNAMS 'BAR NAS TSIG CING BSHANG GCIS 'TSO LA RANG SHA BCAD DE ZA, ,RMONGS PA'I MUN CHEN 'THIBS PAS LAM DANG LAM MIN 'BYED LA BLO YI NUS PA BRAL, ,GCIG LA GCIG GSOD LHA MI'I GZHAN
, ,DBANG GYUR PAS RDEG DANG BKOL BA'I SDUG BSNGAL 'BAB, ,LHA RNAMS DPAL LA 'KHRUG PA'I PHRAG DOG ME CHEN 'BAR BAS YID BDE'I GO SKABS BCOM, ,'THAB RTZOD LAS BYUNG LUS BCAD DRAL CING GA-YO SGYUS BSLAD PAS BDEN MTHONG SKAL BA MED, ,DE LTAR MTHONG BA LTA ZHOG THOS NA YANG, ,SNYING LA 'JIGS SKYED SKYI NI GA-YA' BA YI, ,DMYAL BA YI DVAGS DUD 'GRE LHA MIN GYI, ,GA-YANG SA CHEN PO DAG TU LTUNG 'GYUR BA'I, ,DAM PAS SMAD PA'I MI BZAD SDIG PA'I LAS, ,THEG MED DUS NAS BSAGS SHING GSOG 'GYUR BA, ,GA-YANG SA CHEN POR MNGON PHYOGS NYAM THAG BDAG ,NGAN 'GRO'I 'JIGS LAS SGROL BA'I DUS LA BAB, ,MI YI GNAS NA'ANG LONGS SPYOD DBANG PHYUG GIS, ,MNGON PAR MTHO NA NYAMS KYI DOGS PA DANG, ,MTHE RIS YON TAN 'BYOR BAS PHENGS PA NA, ,'DOD BDE 'TSOL BAR 'GYUR BAS SHA THANG NGO, ,BDE BAR 'DOD NAS DE YI THABS BSGRUBS PAS, ,BDE BA THOB PA DE LAS CHES LHAG PA'I, ,LUS KYI SDUG BSNGAL SEMS KYI YID MI BDE, ,RNAM PA DU MAS KUN NAS MNAR PAR 'GYUR, , LUS MDZAS RIN CHEN RGYAN GYIS RAB BRGYAN NAS, ,KHANG BZANG DGA' BA'I TSAL DU GNAS BCAS SHING, ,YUN RING 'DOD PA'I BDE LA LONGS SPYOD PA, ,MTHO RIS DPAL LA ROL BA'I LHA RNAMS KYANG, ,MI 'DOD 'CHI BA'I LTAS KYIS ZIN PA NA, ,YID 'PHROG SNYING LA GCAGS PAR GYUR BA YI, ,LHA YI MDZES MA YID 'ONG SKYED MOS TSAL, ,BDUD RTZI'I KHA ZAS GOS BZANG MDZES PA'I RGYAN, ,LHA BU GZHON NU RNAMS DANG MYUR DU BDAG, ,MI 'DOD BZHIN DU 'BRAL BAR MTHONG BA'I TSE, ,GNAS DER SKYES PA'I LUS KYI BDE
BA LAS, ,CHES CHER LHAG PA'I YID KYI SDUG BSNGAL GYIS, ,BSKYED PA'I MYA NGAN ME LCE 'BAR BAS BSREG ,TSE RABS MANG POR LEGS PAR SPYAD PA'I LAS, ,'BAD PAS BSGRUBS PA'I 'BRAS BU SPYAD PAS ZAD, ,BAG MED DBANG GIS NGAN 'GRO'I RGYU BSGRUBS PAS, ,SLAR YANG NGAN SENG GNAS SU LHUNG BAR 'GYUR, ,'DOD LA 'DUN PA'I RNAM RTOG GNOD SEMS MED, ,GNYID DANG YID LA MDUR BA'I SPYOD PA SPANG, ,LUS DANG SEMS LA GNOD PA'I SDUG BSNGAL BRAL, ,TING 'DZIN STOBS KYIS YUN RING BDER GNAS PA, ,GZUGS DANG GZUGS MED LHA YI GNAS THOB KYANG, ,'DU BYED SDUG BSNGAL 'CHING LAS MA GROL BAS, ,SNGON GYI TING 'DZIN 'PHEN PA ZAD PA NA, ,PHYIR YANG 'OG TU LHUNG NAS BRGYUD MAR 'KHOR, ,DE LTAR 'KHOR BA'I GTZO BO LHA MI YANG, ,SKYE 'CHI NA DANG RGA LA SOGS PA YI, , SDUG BSNGAL CHU BOS SRID BA'I MTSOR KHYER NA, ,SRID PA'I BDE LA CHAGS PAR MI RIGS MOD, ,'ON KYANG SRED PAS BLO MIG BSGRIBS PA YIS, ,SDUG BSNGAL BDE BAR 'DZIN PA'I LOG SHES CAN, ,PHYIN CI LOG GI RTOG PAS BSGRIBS PA BDAG ,SRID PA'I CHU BO CHE LAS BSGRAL DU GSOL, ,'DOD PA'I 'DAM DU BYING BAS THAR BA'I LAM LAS GOL, ,MA RIG 'THIBS POR ZHUGS PAS SHES RAB MIG DANG BRAL, ,SPROS PA'I GZEB TU TSUD PAS 'KHOR BA'I BTZON RAR BCINGS, ,LAS KYIS MNAR BA BDAG NI KHYED KYI THUGS RJE'I GNAS, ,'JIGS RUNG 'KHOR BA'I GA-YANG SA 'GEGS PA LA, ,DRI MED MANG DU THOS LA BRTEN PA YI, ,TSUL BZHIN DPYOD PA'I RNAM DAG RIGS STOBS KYIS, ,MTHA' YAS GSUNG RAB RNAMS KYI DRANG NGES TSUL, ,JI BZHIN PHYED PAS GZHAN DRING MI 'JAG PA'I, ,
, ,MKHAS PA'I GO 'PHANG NGES PAR RNYED DGOS KYANG, ,RGYAL BA'I DGONGS PA PHRA MO SMOS CI DGOS, ,'JUG LDOG GNAS NI SHIN TU RAGS PA LA'ANG, ,BDAG GI BLO MIG CHES CHER GSAL MA GYUR, ,DA DUNG RAB RMONGS DGRA 'DIS BDAG GI SNYING, ,RING DU BSGRIBS NA GROL BA'I SKABS MED PA, ,TSUL 'DI DGONGS LA SNYING GI MUN PA SOL, ,RGYAL BA RGYAL SRAS SPYAN SNGAR RIG GNAS LA, ,MANG THOS RGYA MTSOS SKYE BA DU MA RU, ,YANG YANG SBYANGS PA'I BAG CHAGS LEGS SAD PA, ,'GRO LA Lm BZANG MTSON PA'I MIG GCIG PU, ,SNGON GYI DAM PA RNAMS KYIS YAL BAR DOR, ,DE PHYIR MGON DANG BRAL BA'I PHONGS PA BDAG ,PHYOGS RNAMS BSLAD PA'I 'GRON PO BZHIN GYUR PAS, ,BRTZE CHEN KHYOD KYIS RJES SU BZUNG BA'I DUS, ,YANG DANG YANG DU GUS PAS BSTEN PA'I SKYABS, ,BYAMS PA BYAMS PAS 'GRO BA SGROL BA KHYOD, ,MYUR BA MYUR BAR BYON NAS BDAG GI NI, ,SKYE BA SKYE BAR THEG MCHOG BSHES GNYEN MDZOD, ,RTAG TU BRTZE BAS LUS CAN MTHA' DAG LA, ,RGYUN MI CHAD PAR GZIGS PA KHYED DRUNG DU, ,KHYOD KYI YON TAN DRAN PAS DANG BA'I YID, ,NYIN RE BZHIN DU SLAB PAR BGYIS NA YANG, ,GNAS KYIS BSKAL ZHING SLAR YANG DBEN PA'I RO, ,RAB TU MYANG PHYIR THAG RING GNAS SU NI, ,'JUG PAR 'DOD PAS LUS KYIS BGROD MI NUS, ,DES NA BSOD NAMS ZHING GI DAM PA KHYOD, ,MNYES PAR BGYI SLAD LHAG BSAM DAG PA YIS, ,RIN CHEN SA LE SBRAM DANG LHA YI DAR, ,DGE SLONG RNAMS LA THUB PAS BSNGAGS PA YI, ,CHOS GOS GSUM DANG GSIL BYED DRANG SRONG SNAD, ,
GZHAN YANG TING 'DZIN SMON LAM GYIS SGRUL BA'I, ,BKOD LEGS YID 'PHROG MCHOD PA NAM MKHA'I KHYON, ,YONGS SU BKANG STE RKANG GNYIS GTZO BO LA, ,ZHEN MED MA CHAGS BLO YIS DBUL BAR BGYI, ,DE LAS 'ONGS PA'I RAB DKAR DGE BA'I TSOGS, , GANG DES SRID PAR YUN RINGS 'KHYAMS PA NA, ,SDUG BSNGAL BYE BAS MNAR ZHING BDE BAS PHONGS, ,MA LUS 'GRO BA'I SKYABS SU BDAG GYUR CIG ,'JIG RTEN 'DREN PA'I GO 'PHANG DAM PA LA, ,REG PAR MA GYUR SKYE BA THAMS CAD DU, ,TSANGS SPYOD YONGS SU DAG PA'I RAB BYUNG RTEN, , RTEN NAS THEG MCHOG RIGS NA SAD PAR SHOG ,BZOD LDAN DRANG ZHING GYA GYU MED PA DANG, ,MZHUM SNYING STOBS SHUGS DRAG DAD PA DANG, ,GUS DANG RTAG TU SBYOR BA'I BRTZON 'GRUS DANG, ,RNAM DPYOD SHES RAB PHUL BYUNG THOB PAR SHOG ,RGYAL BA'I DGONGS PA RNAM DAG RIGS STOBS KYIS; ;JI BZHIN RNYED NAS RANG GIS DGONGS PA LTAR, ,BRTZE BAS DRANGS PA'I THABS MKHAS SPYOD PA YIS, ,GZHAN LA STON LA MKHAS PA'I MTHAR SON PA'I, ,BSHES GNYEN BSTEN NAS MANG THOS RGYA MTSO LA, ,RING DU SBYANGS PAS THE TSOM KUN BCAD NAS, ,THOS PA'I DON RNAMS TSUL BZHIN BSGRUBS PA YIS, ,BDE BAR GSHEGS RNAMS MNYES PAR BYED PAR SHOG ,THUB PAS BCAS PA'I MTSAMS LAS MI 'DA' ZHING, ,RGYAL BA'I GDUNG 'TSOB DGE BA'I BSHES LA GUS, ,DBANG PO RAB RNO LOG SGRUB SKYON DANG BRAL, ,YONGS SU DAG PA'I 'KHOR DANG LDAN PAR SHOG ,NAG PO'I PHYOGS KYIS YID NI BSKYOD PA YIS, ,TSOGS PA'I CHOS SPYOD DGA' STON MYONG BA'I GEGS, ,BDUD KYI GNYEN DU GYUR BA'I SDIG GROGS DANG, ,SKAD CIG TZAM YANG PHRAD PAR MA GYUR CIG ,THUB DBANG RJES SU GUS PAS SLOB PA'I TSE, ,RLABS
, ,CHAN SPYOD PA RDZOGS PAR BYED PA'I GEGS, ,SKAL BA NGAN PA'I RJES 'GRO BDUD KYI LAS, ,BAR DU GCOD PA'I MING YANG MED PAR SHOG ,GANG DANG LDAN NA DAM PA DGA' BYED PA, ,DGE SBYONG RGYAN DU 'DREN PAS BSNGAGS PA YI, ,BYANG CHUB SPYOD PA'I RJES SU MTHUN PA'I RKYEN, ,MA LUS THOGS PA MED PAR 'GRUB PAR SHOG ,BYANG CHUB SPYOD TSE GDUL BYA'I GNAS KUN YANG, ,RNAM DAG BSLAB PAS BSDAMS PA'I RAB BYUNG LA, ,'GOD CING DE LA 'OS PA'I YO BYAD RNAMS, ,BSAMS PA TZAM GYIS MA LUS STZOL BAR SHOG ,DENG NAS BRTZAMS TE TSE RABS THAMS CAD DU, ,LUS NGAG YID KYIS RTZOM PA GANG BGYIS PA, ,DE DAG THAMS CAD MTHA' YAS 'GRO BA LA, ,GNAS SKABS KUN TU PHAN PA'I RGYUR GYUR CIG ,BU SDUG SHI BA'I DUS KYI MA BZHIN DU, ,SDUG BSNGAL KUN GYIS MNAR BA'I 'GRO BA KUN, ,RTAG TU YID LA GCAGS PA'I BRTZE BA YIS, ,BDOG PA THAMS CAD DE LA GTONG PAR SHOG ,MOS SPYOD SA YI DRI MA SBYONG BA NA, ,'DAS DANG MA 'ONGS DA LTAR BYUNG BA YI, ,TSU ROL MTHONG BA'I RGYAL SRAS NANG NA BDAG ,GSER GYIS 'DZIN DBUS NA LHUN PO BZHIN, ,SPYAN DANG MNGON SHES MANG DU THOS PA SOGS, ,YON TAN KUN GYIS RAB TU MTHO BA DANG, ,BYIS PA'I RGUD PA KUN LAS 'DAS GYUR TE, ,GZHAN DRING MI 'JOG SPOBS PA THOB PAR SHOG ,RGYAL SRAS 'PHAGS PA'I SA LA SLOB PA NA, ,SAR GNAS DPA' BO DUS GSUM THAMS CAD DU, ,YONGS SU GSHEGS PA RNAMS KYI KHROD NA BDAG ,BYA LAM BGROD LA 'DAB BZANG DBANG PO BZHIN, , RGYAL SRAS GZHAN GYIS DPAG PAR DKA' BA YI, ,SHIN TU RGYA CHE'I SHES BYA'I GNAS RNAMS LA, ,DRI MED MKHYEN PA THOGS PA MED 'JUG CING, ,RLABS CHEN SPYOD PA'I GTER DU 'GYUR BAR SHOG ,DE LTAR SPYAD PA'I 'BRAS BU GRUB PA NA, ,DUS GSUM RGYAL BA
RNAMS KYI SKU DANG ZHING, ,'KHOR DANG MDZAD PA SKU TSE SMON LAM RNAMS, ,GANG YIN GCIG TU BSDOMS PA DE DAG KUN, ,THABS MKHAS SPYOD PAS YONGS SU RDZOGS GYUR NAS, ,RING NAS YID LA BRNAGS PA'I 'GRO BA 'DI, ,DAM CHOS BDUD RTZI'I CHAR CHEN PHAB PA YIS, ,SKAD CIG GCIG LA BDAG GIS SGROL BAR SHOG ,LHA DANG BCAS PA'I 'JIG RTEN KUN GYI SKYABS GCIG PU RGYAL BA BYAMS PA MGON PO LA SMRE SNGAGS KYI SGO NAS BSTOD PA TSANGS PA'I COD PAN ZHES BYA BA 'DI NI, MANG DU THOS PA'I RGYAL KHAMS PA BLO BZANG GRAGS PA'I DPAL GYIS LHO BRAG STONG RI NYI SHAR GYI DBEN GNAS SU SBYAR BA DGE LEGS SU GYUR CIG ,