` ,,SVASTI, NYI GZHON 'CHAR KA'I MDANGS DANG LI KHRI LTAR, ,YID 'ONG DMAR SER DRA BAS KHEBS PA YI, ,'DAB STONG GE SAR RTZE NA ZLA GDAN LA, ,HR'I: LAS BYUNG BA'I MGON PO TSE DPAG MED, ,PADMA R'A GA'I LHUN PO DBANG PO'I GZHUS, ,KUN NAS KLUBS PA JI BZHIN KHYOD KYI SKU, ,SNA TSOGS GOS DANG NOR BU'I RGYAN MANG GIS, ,KUN NAS MDZES PAR BYAS LA PHYAG 'TSAL LO, ,'KHRI SHING GZHON NU'I YAL 'DAB LTAR MNYEN PA'I, ,PHYAG GNYIS DBUS NA 'CHI MED BDUD RTZI YIS, ,LEGS PAR GANG BA'I LHUNG BZED RAB BSNAMS NAS, ,TSE YI DNGOS
GRUB STZEL LA PHYAG 'TSAL LO, ,BUNG BA LTAR NAG RAL PA'I THOR COG NI, ,SPYI BOR MDZES PA'I LAN BU RING DU 'PHYANG, ,'JAM MNYEN SNA TSOGS DAR GYI SMAD GA-YOGS CAN, ,MTSAN DPE'I GZI BRJID 'BAR LA PHYAG 'TSAL LO, ,SHUGS DRAG DAD PAS BSKYOD PA'I THAL SBYAR ZHING, ,YID 'DROG SHIN TU SNYAN PA'I NGA RO YIS, ,KHYOD KYI YON TAN LEGS PAR BRJOD PA LA, ,LEGS TSOGS THAMS CAD STZOL LA PHYAG 'TSAL LO, ,YE SHES MTSON GYIS MI SHES DRA BA BCAD, ,SEMS CAN KUN LA THUGS RJE RGYUN CHAD MED, ,'GRO KUN 'DREN PA'I KHUR GYIS MI NGAL BA, ,GTAN GYI SKYABS GNAS KHYOD LA PHYAG 'TSAL LO, ,MTSAN TZAM BZUNG BAS DUS MIN 'CHI BA 'JOMS, ,YID LA DRAN PAS SRID PA'I 'JIGS LAS SKYOB, ,SKYABS SU BSTEN NA GTAN GYI BDE STER BA, ,KHYOD LA RNAM PA KUN TU PHYAG 'TSAL LO, ,SKYON BRAL KHYOD LA GUS PAS BSTEN PA BDAG ,GNAS SKABS MI 'DOD NYER 'TSE ZHI BA DANG, ,MTHAR THUG BDE BA CAN DU PADMO LA, ,BRDZUS TE SKYES NAS KHYOD MNYES BGYID PAR SHOG ,CES PA 'DI YANG RGYAL KHAMS PA SHAR TZONG KHA PA BLO BZANG GRAGS PA'I DPAL GYIS SBYAR BA'O,,