` ,,NA MA: SHR'I GU RU MANYDZU GHO sh'A YA, BDE GSHEGS KUN GYIS BSNGAGS PA'I BDE BA CAN,
RNAM DAG ZHING GI DBANG PHYUG BCOM LDAN 'DAS, ,LHA MI'I STON PA MGON PO TSE DPAG MED, ,RGYAL BA'I DBANG POS 'GRO LA 'CHI MED STZOL, ,SNA TSOGS SNOD KYI DBYE BA MTHA' YAS PA'I, ,DANG BA'I CHU LA SPRIN BRAL ZLA GZUGS BZHIN, ,SKAL LDAN GRANGS MED 'GRO LA CIG CAR DU, ,RNAM PA DU MAR STON PA KHYOD KYI SKU, ,MTHA' YAS GDUL BYA'I SOM NYI'I DRA BA RNAMS, ,SKAD CIG NYID LA SO SOR GCOD MDZAD CING, ,YANG DAG DON LA BLO GROS MIG 'BYED PA'I, ,RGYUN MI 'CHAD PAR SGROG PA KHYOD KYI GSUNG, ,SHES BYA KUN LA RAB 'BYAMS MKHYEN PA 'PHRO, ,RGYUD LNGA'I 'GRO LA THUGS RJE'I GZHAN DBANG GYUR, ,MKHYEN BRTZE'I NUS PAS SRID ZHI'I 'JIGS LAS SKYOB, ,'BAD RTZOL MTSAN MAS MI GA-YO KHYOD KYI THUGS, ,NYIN BYED ZER GYIS LHA YI LAM LA BZHIN, ,DPAG YAS ZHING KUN MTHA' MED 'OD DPUNG GIS, ,YONGS SU 'GENGS PA'I GZI BRJID PHUNG PO'I SKUS, ,SKAL LDAN BDAG GI MIG GI DGA' STON BSGRUBS, ,SNYAN PA'I 'BRUG SGRAS RMA BYA'I SNYING LA BZHIN, ,THOS PA TZAM GYIS BDE BA'I MCHOG STER BA'I, ,YAN LAG LNGA DANG LDAN PA'I TSANGS DBYANGS KYIS, ,RNA BA'I LAM DU BDUD RTZI'I ZEGS MA 'THOR, ,NAM MKHA'I DBYINGS SU SPRIN PHUNG ZHI BA BZHIN, ,STONG PA'I NGANG DU RIG PA ZHUGS GYUR PAS, ,SPROS KUN NYER ZHI ZHI BA'I THUGS MCHOG GIS, ,KUN RTOG YID KYI DMIGS GTAD THAMS CAD ZHI, ,RGYAL BA KUN GYIS DPAG MED BSKAL PA RU, ,BRJOD KYANG PHA MTHA' RNYED PAR MI SLA BA'I, ,KHYOD KYI YON TAN PHUNG PO CI 'DRA BA, ,DE 'DRA BDAG GIS BRJOD PA'I YUL LAS 'DAS, ,DE PHYIR MI ZAD YON TAN GTER GYUR CING, ,NYES PA'I
, ,SA BON MTHA' DAG GTAN SPANGS PA, ,KHYOD DANG MTSUNGS PA'I STON PA GZHAN YOD MIN, ,DE SLAD KHYOD NYID GCIG PU 'GRO BA'I SKYABS, ,SKYOB PA KHYOD KYI SMON LAM BYE BA BRGYAS, ,LEGS PAR BSGRUBS PA'I ZHING MCHOG DAM PA GANG, , SDUG BSNGAL RNAMS KYI MING YANG MI 'BYUNG BAS, ,BDE BA CAN ZHES YONGS SU GRAGS PA DER, ,TSE 'DI'I SNANG BA NUB PAR GYUR TZAM NA, ,'DAB STONG PADMA'I SBUBS SU SKYES MA THAG ,CHU SKYES DBUS NAS THOGS PA MED BYUNG STE, ,KHYOD SKU MTHONG NAS GSUNG GIS TSIM PAR SHOG ,MGON PO KHYOD LA THEG MCHOG GTAM THOS NAS, ,SRID PA'I 'DAM DU BYING RNAMS BSGRAL PHYIR DU, ,SPYAN RAS GZIGS DANG MTHU CHEN THOB GNYIS KYIS, ,JI LTAR SPYOD PA DE LTAR BDAG GYUR CIG ,CES MGON PO 'OD DPAG MED KYI BSTOD PA ZHING MCHOG SGO 'BYED CES BYA BA 'DI NI MANG DU THOS PA'I RGYAL KHAMS PA BLO BZANG GRAGS PA'I DPAL GYIS GANGS CAN KHROD KYI GANGS RI'I DBANG PO 'O DE GUNG RGYAL GYI LHA ZHOL DU SBYAR BA'O,,