*, ,GSANG SNGAGS KYI TSUL KHRIMS KYI RNAM BSHAD DNGOS GRUB KYI SNYE MA ZHES BYA BA BZHUGS SO, ,
, ,NA MO GU RU MANYDZU GHO sh'A YA, BYANG CHUB SEMS DPA' GSANG SNGAGS KYI SGO NAS BYANG CHUB SEMS DPA'I SPYAD PA SPYOD PA RNAMS KYI TSUL KHRIMS KYI BSLAB PA YONGS SU DAG PAR BYA BA'I TSUL RNAM PAR BSHAD PHA DNGOS GRUB KYI SNYE MA ZHES BYA BA, RJE BTZUN DAM PA THUGS RJE CHEN PO DANG LDAN PA RNAMS KYI ZHABS LA GUS PAS PHYAG 'TSAL LO, ,GANG GI THUGS KYI BRTZE BAS NYER DGONGS TSE, ,SPYAN SOGS LHA MOS MCHOG GI DBANG BSKUR ZHING, ,BYANG SEMS RNAMS KYIS SHIS PA'I GDANGS SNYAN SGROG ,KHRO BO'I DBANG POS BGEGS DPUNG KUN BCOM NAS, ,DNGOS GRUB RAB 'BYAMS 'GRO LA STZOL MDZAD PA'I, ,KHYAB BDAG DPAL LDAN RDO RJE SEMS DPA' DES, ,BDAG LA BU BZHIN NYE BAR DGONGS MDZOD LA, ,BDE LEGS RGYA MTSO GEGS MED 'DU BAR MDZOD, ,SRAS BCAS RGYAL BAS RTAG TU BYIN RLOB CING, ,GNAS GSUM MKHA' GROS BRTZE BAS GROGS MDZAD PAS, ,RDO RJE THEG PA'I SGOR ZHUGS SGRUB PA PO'I, ,YON TAN YAR NGO'I ZLA BZHIN 'PHEL BA'I GZHI, ,DAM TSIG SDOM PA DAG PAR BYED PA'I TSUL, ,MKHAS PA'I RJES SU 'BRANGS NAS 'DIR BSHAD KYIS, ,ZAB MO RDO RJE THEG PAS
, ,'GRO 'DOD RNAMS, ,YID RAB BA TUD DE GUS PAS MNYAN PAR GYIS, ,JI SKAD DU BLA MA LNGA BCU PA LAS, DE NAS SNGAGS SOGS BYIN PA YIS, ,DAM CHOS SNOD DU BYAS NAS SU, ,RTZA BA'I LTUNG BA BCU BZHI NI,, BKLAG DANG 'DZIN PA NYID DU BYA, ,ZHES GSUNGS PA LTAR DRI MA MED PA'I DBANG BSKUR BAS RDO RJE THEG PA'I LAM GYI SNOD DU BYAS PA'I SGRUB PA PO RDO RJE THEG PA'I LAM NAS 'GRO BAR 'DOD PA RNAMS KYIS NI, THOG MAR DNGOS GRUB GNYIS KYI RTZA BA DAM TSIG DANG SDOM PA RNAM PAR DAG PAR BYA BA LA 'BAD DGOS TE BDE MCHOG RTZA RGYUD KYI LE'U DANG PO LAS, SHIN TU MNYAM GZHAG SGRUB PA POS, ,RTAG TU DAM TSIG BSKYANG BAR BYA, ,DAM TSIG NYAMS PAS DKYIL 'KHOR DU, ,DBANG BSKUR DNGOS GRUB THOB MI 'GYUR, ,ZHES DANG, DPAL SANGS RGYAS THAMS CAD DANG MNYAM PAR SBYOR BA MKHA' 'GRO MA SGYU MA BDE MCHOG GI BRTAG PA BDUN PA LAS KYANG, DKYIL 'KHOR DU NI MA ZHUGS SHING, ,DAM TSIG RNAMS NI SPANGS PA DANG, ,GSANG BA YANG DAG MI SHES PAS, ,BSGRUBS KYANG CI YANG MI 'GRUB BO, ,ZHES BSRUNG BYA LA SOGS PA'I DAM TSIG RNAMS MA BSRUNGS PAR YAL BAR BZHAG PA RNAMS
KYIS LAM BSGRUBS KYANG DNGOS GRUB CI YANG MI 'GRUB PAR GSUNGS PA'I PHYIR RO, ,DE'I PHYIR 'DIR RDO RJE THEG PA PA RNAMS KYI RTZA BA DANG YAN LAG GI DAM TSIG RNAMS BSHAD PAR BYA'O, ,'DI BSHAD PA LA GNYIS, THOG MAR DAM TSIG DANG SDOM PA JI LTAR KHAS BLANGS PA'I TSUL DANG, KHAS BLANGS PA'I SDOM PA DANG 'GAL BA'I LTUNG BA GTAN LA DBAB PA'O, ,DANG PO LA GSUM, SDOM PA BSGRAG PA BSHAD PA, SDOM PA GZUNG BA BSHAD PA, SDOM PA BZUNG MA BZUNG LA DBANG JI LTAR BSKUR BA'I TSUL LO, ,DANG PO LA GNYIS, RIGS LNGA SO SO'I DAM TSIG DANG, SPYI'I DAM TSIG GO, DANG PO LA LNGA, RNAM SNANG GI DAM TSIG DANG, MI BSKYOD PA'I DAM TSIG DANG, RIN 'BYUNG GI DAM TSIG DANG, 'OD DPAG MED KYI DAM TSIG DANG, DON YOD GRUB PA'I DAM TSIG GO, DANG PO NI, SANGS RGYAS CHOS DANG DGE 'DUN TE, ,DKON MCHOG GSUM LA SKYABS SU SONG, ,'DI NI SANGS RGYAS RIGS DGA' BA'I, ,DAM TSIG BRTAN PAR GYUR PA'O, ,ZHES GSUNGS TE, SANGS RGYAS DANG CHOS DANG DGE 'DUN TE DKON MCHOG GSUM LA SKYABS SU SONGS SHIG CES BSKUL NAS DE 'DRA BA 'DI NI SANGS RGYAS TE RNAM SNANG GI RIGS KYI DAM TSIG GO, DAG PA ZHES RGYA GZHUNG MANG PO NAS 'BYUNG YANG NAG PO SPYOD PA'I DKYIL CHOG GNYIS DANG MTSO SKYES SOGS KYI DKYIL CHOG TU, DKON MCHOG GSUM LA SKYABS SU SONG, ,'DI NI SANGS RGYAS RIGS YID 'ONG, ,ZHES GSUNGS PAS 'DI NI SANGS RGYAS RIGS DGA' BA'I ZHES 'BYUNG BA DAG PA YIN NO, ,BRTAN PA NI MI MTHUN PHYOGS KYIS PHYED PAR DKA' BA'I DON NO, ,GNYIS PA NI, RDO RJE DRIL BU PHYAG RGYA YANG, ,BLO CHEN GYIS NI GZUNG BAR GYIS, ,BYANG CHUB
, ,SEMS GANG DE RDO RJE, ,SHES RAB DRIL BU ZHES BSHAD DO, ,SLOB DPON DAG KYANG GZUNG BAR BYA, ,BLA MA SANGS RGYAS KUN DANG MNYAM, ,'DI NI RDO RJE'I RIGS DAG PA'I, ,SDOM PA DAM TSIG YIN PAR GSUNGS, ,ZHES GSUNGS TE, RDO RJE DANG DRIL BU DANG PHYAG RGYA DAG BLO GROS CHEN PO CAN KHYOD KYIS GZUNG BAR GYIS SHIG CES SGROG PA'O, ,GZUNG BAR BYA BA DE GANG YIN SNYAM NA, BYANG CHUB SEMS GANG ZHES SOGS KYIS STON TE 'DI GSUM NI SDOM PA GZUNG BA'I SKABS SU BSHAD PAR BYA'O, ,DE GSUM DU MA ZAD RDO RJE SLOB DPON DAG KYANG GUS PAS GZUNG BAR BYA STE BLA MA NI GUS PA DANG MA GUS PA'I PHAN YON DANG NYES DMIGS KYI ZHING DU SANGS RGYAS KUN DANG MNYAM PA STE 'DRA BA'I PHYIR RO, ,DE LTAR BZHI PO BZUNG BA 'DI NI RDO RJE STE MI BSKYOD PA'I RIGS YONGS SU DAG PA'I DAM TSIG DANG SDOM PA YIN PAR RGYAL BA RNAMS KYIS GSUNGS SO, ,'DI GNYIS KYI KHYAD PAR NI DKYIL CHOG BZHI BRGYA LNGA BCU PA'I 'GREL PAR SH'ANTI PAS, DAM TSIG NI 'DA' BAR BYA BA MA YIN PA'I PHYIR RO, ,SDOM PA NI BYA BA DANG MI BYA BA'I NGES PA'O, ,ZHES BYA RGYU MI BYED PA DANG MI BYA RGYU BYED PA 'GOG CING SDOM PA DANG JI LTAR BCAS PA LTAR 'DA' BAR MI BYA BAR NYAMS SU BLANGS PA LA BSHAD PA LTAR DKYIL CHOG RDO RJE MKHA' 'GRO'I 'GREL PAR YANG BSHAD PAS DE LTAR DU SHES PAR BYA'O, ,GSUM PA NI, RIN CHEN RIGS MCHOG CHEN PO LA, ,NYIN DANG MTSAN MO LAN GSUM DU, ,ZANG ZING MI 'JIGS CHOS DANG BYAMS, ,SBYIN PA RNAM BZHI RTAG TU SBYIN, ,ZHES GSUNGS TE, RIN CHEN NI RIN 'BYUNG STE DE'I RIGS LA
NYIN LAN GSUM DANG MTSAN MO LAN GSUM STE DUS DRUG TU ZANG ZING GI SBYIN PA SOGS SBYIN PA BZHI RTAG TU SBYIN PAR BYA'O, ,'DI NI RIN CHEN RIGS DAG PA'I, ,DAM TSIG SDOM PA YIN PAR GSUNGS, ,ZHES PA NI, RDO RJE RTZE MO NA MI SNANG ZHING DE NYID SNANG BA DANG DPAL MCHOG 'GREL CHEN SOGS NA'ANG MI SNANG STE RKANG PA DANG POS DE'I DON BSTAN PAS SO, ,DE BZHIN DU LAS RIGS LA'ANG SHES PAR BYA'O, ,BZHI PA NI, PHYI DANG GSANG BA THEG PA GSUM, ,DAM CHOS KHYOD KYIS GZUNG BAR BYA, ,'DI NI PADMA'I RIGS DAG PA'I,, DAM TSIG SDOM PA YIN PAR GSUNGS, ,ZHES GSUNGS TE, THAG PA GSUM LA SOGS PA'I DAM CHOS RNAMS KHYOD KYIS GZUNG BAR BYA STE, 'DI NI PADMA STE 'OD DPAG MED KYI RIGS YONGS SU DAG PA'I DAM TSIG DANG SDOM PA YIN PAR GSUNGS SO, ,LNGA PA NI, LAS KYI RIGS MCHOG CHEN PO LA, ,SDOM PA THAMS CAD LDAN PAR NI, ,YANG DAG NYID DU GZUNG BAR GYIS, ,MCHOD PA'I LAS KYANG TZA ? NUS BYA, ,ZHES GSUNGS TE, LAS NI DON GRUB PA STE DE'I RIGS LA SDOM PA THAMS CAD YANG DAG PAR GZUNG BA DANG MCHOD PA'I LAS KYANG BYA' ZHES PA'O, ,GNYIS PA RIGS LNGA SPYI'I DAM TSIG LA GSUM, RTZA BA'I DAM TSIG DANG, YAN LAG GI DAM TSIG DANG, DON BSDUS PAR, ,DANG PO NI, DE LAS GZHAN PA BCU BZHI NI, PHAS PAM PAR NI RAB TU BSHAD, ,SPANG ZHING DOR BAR MI BYA STE RTZA BA'I LTUNG BA ZHES BSHAD DO, ,NYIN DANG MTSAN MO LAN GSUM DU, ,NYIN RE ZHING NI BZLA BAR BYA, ,GANG TSE NYAMS GYUR RNAL 'BYOR PA, ,KHA NA MA THO SBOM POR 'GYUR, ,ZHES GSUNGS TE, RIGS LNGA SO SO'I DAM TSIG DE DAG LAS GZHAN PA THUN MONG GI DAM
, ,TSIG RNAMS KYANG YID KYIS SPANG ZHING LUS NGAG GIS DOR BAR MI BYA'O, ,DE DAG KYANG GANG ZHE NA, THOG MAR RTZA BA'I DAM TSIG STON PA NI, PHAS PHAM PAR RGYUD SDE RNAMS LAS RAB TU BSHAD PA'I BCU BZHI RNAMS KYI BCAS PA STE DE RNAMS LA MING GNYIS PA RTZA BA'I LTUNG BA ZHES KYANG BSHAD DO, ,DES SDOM PA GCOD PAS GNYEN PO'I PHYOGS PHAM PAR BYED CING DE YANG PHA ROL MI MTHUN PHYOGS NAS TSUR LA PHAM PAR BYAS PAS PHAS PHAM MO, ,SNGA MA KHA CIG RTZA LTUNG RNAMS SPANG ZHING DE DAG GI GNYEN PO DER BAR MI BYA ZHES 'CHAD DO, ,BCU BZHI PO DE DAG KYANG GANG ZHE NA, 'DI LA SNGON GYI YO GA PA KHA CIG RIGS DANG PO LA DKON MCHOG GSUM, GNYIS PA LA RDO RJE DRIL BU SLOB DPON GSUM, GSUM PA LA SBYIN PA BZHI, BZHI PA LA CHOS GSUM, THA MA LA MCHOD PA GCIG PU STE BCU BZHI PO DE DAG LAS 'DAS PA LA 'DOD PA DANG, KHA CIG SROG CHAGS GSOD MI BYA NAS CHANG SPONG BA'I BAR LAS LDOG PA LA LNGA, DAM PA BSTEN PA DANG RNAL 'BYOR PA BSNYEN BKUR BA LAS BZLOG PA GNYIS, LUS KYI LAS LA SOGS PA LAS LOG PA'I MI DGE BCU LA GCIG ,THEG DMAN 'DOD MI BYA LA SOGS PA LAS LOG PA BZHI, LHA SOGS BRNYAS PA DANG MTSAN MA 'GOM PA LA 'DOD PA NI MI RIGS TE RTZE MO NAS BSHAD PA 'DI RNAMS RNAL 'BYOR GYI RGYUD KHO NA'I MA YIN GYI, RNAL 'BYOR BLA MED KYI SDOM PA BSGRAG PA'I SKABS SU YANG BYA BA YIN PA'I PHYIR DANG, DE'I TSE DE LAS GZHAN PA BCU BZHI ZHES PA'I DON DE RNAMS LA BSHAD DU MI RUNG BA'I PHYIR RO, ,'O NA BLA MED KYI SKABS SU 'DIS SDOM PA BSGRAGS PA YOD DAM
SNYAM NA, YOD DE 'DUS PA'I DKYIL CHOG BZHI BRGYA LNGA BCU PA'I 'GREL PA DANG BDE MCHOG GI DKYIL CHOG TSIGS BCAD DGU BRGYA BA LAS RIM PA LTAR SH'ANTI PA DANG RGYAL BA BZANG POS SDOM PA BSGRAG PA RTZE MO NAS 'BYUNG BA BZHIN DU GSUNGS NAS DA NAS SDOM PA 'DZIN PAR GSUNGS SHING, GZHAN YANG SDOM PA GZUNG BA NI RTZE MO NAS GSUNGS PA DANG BLA MED NAS GSUNGS PA RNAMS CHO GA 'DRA BAR SNANG BAS GZUNG RGYU'I DAM TSIG BSGRAG PA RNAMS KYANG THUN MONG BA YIN NO, ,DE'I PHYIR RGYA GAR BA'I BLA MED KYI DKYIL CHOG RNAMS SU RTZE MO'I SDOM PA BSGRAG PA'I SKABS RNAMS TSAD MA CHED CI RIGS PAR DRANGS PA DU MA ZHIG SNANG NGO, ,GAL TE LUGS SNGA MA NI RIGS TE DE NYID BSDUS PA'I DUM BU DANG PO'I 'GREL CHEN LAS, DE BZHIN GSHEGS PA THAMS CAD KYI TSUL KHRIMS NI, JI LTAR DUS GSUM MGON PO RNAMS, ,BYANG CHUB TU NI NGES MDZAD PA, ,ZHES BYA BA LA SOGS PA PHAS PHAM PA BCU BZHI LAS LDOG PA'I MTSAN NYID CAN NO, ,ZHES DANG, DPAL MCHOG GI DUM BU GNYIS PA'I 'GREL CHEN LAS KYANG, BSAMS PA TZAM GYIS 'DI DAG THAMS CAD 'GRUB PA YIN TE PHYAG RGYA LA SOGS PA 'DI DAG GIS CI ZHIG BYA ZHES BYA BAS 'DI YONGS SU SPANGS NA PHAM PAR 'GYUR RO, ,ZHES RDO RJE DRIL BU PHYAG RGYA RNAMS, ,NAM YANG YONGS SU SPANG MI BYA, ,ZHES PA'I 'GREL PAR GSUNGS PA'I PHYIR RO ZHE NA, DE NI 'THAD PAR MI SNANG STE LUNG SNGA MA'I DON NI JI LTAR ZHES SOGS KYIS BSTAN PA'I RIGS LNGA'I SDOM PA DE BZHIN GSHEGS PA'I TSUL KHRIMS SU BSTAN NAS TSUL KHRIMS NI NYES SPYOD LAS LDOG PA YIN NA GANG LAS LDOG PA BSTAN PA'I PHYIR, PHAS
, ,PHAM PA BCU BZHI LAS LDOG PA ZHES STON PAS, DE TZAM GYIS RIGS LNGA'I DAM TSIG DE DAG GI BZLOG PHYOGS LA PHAM PAR STON MI NUS PA'I PHYIR DANG, NUS NA'ANG SEMS BSKYED PA'I BZLOG PHYOGS LA PHAM PAR STON DGOS PA LA BDE MA BGRANGS PA'I PHYIR DANG RTZE MOR, DE LAS GZHAN PA ZHES GSUNGS PA'I PHYIR RO, ,LUNG PHYI MAS NI PHYAG RGYA SPONGS BA'ANG PHAM PAR BSHAD PAS RDO RJE'I RIGS LA PHYAG RGYA MI 'DREN PA LA GNOD PA'ANG YIN, ,DPAL MCHOG GI DUM BU GNYIS PA LAS, DAM TSIG SDOM PA GRUB PA 'DI, ,KHYOD KYIS RTAG TU BSRUNG BAR BYA, ,SANGS RGYAS KUN GYIS MTHUN PAR GSUNGS, ,DAM PA RTAG PA'I BKA' YIN NO, ,GANG ZHIG BSKYED PA TZAM GYIS NI, ,SANGS RGYAS NYID DU DOGS MED PA'I, ,BYANG CHUB SEMS NI GTANG MI BYA, ,PHYAG RGYA RDO RJE GANG YIN PA'O, ,DAM PA'I CHOS NI MI SMAD CING, ,NAM YANG GTANG BAR MI BYA'O, ,MI SHES PA'AM RMONGS PA YIS, ,DES NI SMAD PAR MI BYA'O, ,RANG GI BDAG NYID YONGS SPANGS NAS, ,DKA' THUB RNAMS KYIS GDUNG MI BYA, ,CI BDE BAR NI BDE BAR BZUNG, , 'DI NI MA BYON RDZOGS SANGS RGYAS, ,RDO RJE DRIL BU PHYAG RGYA RNAMS, ,NAM YANG YONGS SU SPANG MI BYA, ,SLOB DPON SMAD PAR MI BYA STE, ,ZHES GSUNGS PA'I DAM TSIG RNAMS LA SNGAR DRANGS PA LTAR DAM TSIG GSUM SPANGS PA LA PHAM PAR BSHAD CING, DAM PA'I CHOS NI MI SMAD CING, ,ZHES PA'I 'GREL PA LAS KYANG, THEG PA GSUM GYI CHOS YONGS SU SPANG BAR MI BYA'O ZHES BYA BA JI LTAR SHES PAR 'GYUR ZHE NA, NYAN THOS KYI THEG PA LAS GSUNGS PA'AM RANG SANGS RGYAS KYI THEG PA LAS GSUNGS
PA'AM THEG PA CHEN PO LAS GSUNGS PA'I DAM PA'I CHOS LA SUN 'BYIN NA DGE BA'I RTZA BA THAMS CAD 'JIG PAR BYED CING PHAM PAR GYUR CING MNAR MED PA LA SOGS PA YIN NO ZHES 'PHAGS PA NAM MKHA'I SNYING PO'I MDO LAS GSUNGS PA'I PHYIR RO, ,ZHES THEG PA GSUM GYI CHOS SPANGS PA LA YANG RTZA LTUNG DU BSGRUBS PA LTAR SH'ANTI PAS KYANG MDZAD DO, ,DES NA DE DAG GI LHAG MA BYANG CHUB KYI SEMS BTANG BA DANG RANG GI PHUNG PO GZIR BA DANG BLA MA LA BRNYAS PA LA YANG RTZA LTUNG DU SHES PAR BYA'O, ,DPAL MCHOG GI DAM TSIG 'DI RNAMS KYANG BZHI BRGYA LNGA BCU PA LA SOGS PA'I BLA MED KYI DKYIL CHOG DU MAR GSUNGS PAS BLA MED DANG RNAL 'BYOR RGYUD GNYIS KYI BCAS PA THUN MONG BA YIN NO, ,SLOB DPON SANGS RGYAS GSANG BAS KYANG LHA THAMS CAD KYI DAM TSIG THUN MONG BA RGYUD GZHAN LAS BSHAD PA RNAMS KYANG DE NYID BSDUS PA DANG, DPAL RTZE GNYIS KYI DAM TSIG RNAMS KYI NANG DU 'DU BA'I SHES BYAD DU DPAL MCHOG GI GZHUNG DE RNAMS DRANGS NAS AA BA TA RA LAS BSHAD DO, ,RDOR DBYINGS DON BSDUS KYI 'GREL PAR YANG, DPAL MCHOG GI GZHUNG DE RNAMS KYIS BSHAD PA'I RTZA LTUNG DANG GZHAN NAS BSHAD PA'I RTZA LTUNG RNAMS SRUNG DGOS SO ZHES BSHAD DE 'DIS KYANG RGYUD SDE GONG MA GNYIS RTZA LTUNG 'DRA BAR BSAMS SO, ,DE LA DAM TSIG DANG SDOM PA NI BSHAD ZIN TE, ,GRUB PA NI RDO RJE SEMS DPA' LA SOGS PA'I DNGOS GRUB STZOL BAS NA RDZOGS PA'O, ,SH'ANTI PAS DON YOD PA LA BSHAD DE DON 'DRA'O, ,'DI ZHES PA NI 'CHAD 'GYUR GYI DAM TSIG RNAMS SO, ,KHYOD KYIS RTAG TU STE SKAD CIG RE RE LA BSRUNG ZHING BSKYANG NGO, ,MTHUN PAR
, ,GSUNGS PA NI DUS GCIG TU MGRIN GCIG GIS GSUNGS PA'O, ,DAM PA STE MCHOG TU DANG RTAG PA NI NGES PA'I DON TE DE BZHIN GSHEGS PA THAMS CAD KYIS, BYANG CHUB SEMS NI GTANG MI BYA, ,ZHES BYA BA LA SOGS PAS GANG GSUNGS PA'I DAM TSIG DANG SDOM PA KHYED LA RTAG TU GRUB PAS GUS PAS BSRUNG NGO, ,BYANG CHUB NI RANG GI SEMS JI LTA BA BZHIN DU SHES PA'I RDZOGS BYANG DE, ,SEMS NI DE'I RANG BZHIN CAN DANG DE THOB PA'I RGYU STE SMON PA DANG 'JUG PA'I BYANG CHUB KYI SEMS GANG ZHIG BSKYED PA TZAM GYIS PHYIR MI LDOG PA'I BAG CHAGS SKYED PAS DUS GSUM GYI DE BZHIN GSHEGS PA THAMS CAD DANG MNYAM PA NYID KYIS DA LTAR BA'I SANGS RGYAS NYID DU RNAL 'BYOR PAS SHES PAR BYA BA 'DI LA NI DOGS PA STE THE TSOM MI BYA'O, ,DES NA DE SRANG BAR MI BYA'O, ,SEMS DE JI LTAR DU BSKYED SNYAM NA, STONG NYID KYI RDO RJE ZHES BYA BA RDO RJE RTZE LNGA PA'I PHYAG RGYA GANG YIN PA DES YONGS SU BRTAGS NAS SNYING KHAR ZLA BA'I STENG DU BSKYED PA'O, ,DAM PA RNAMS KYIS THEG PA GSUM DU BSTAN PA'I CHOS LA 'DIS CI ZHIG BYA ZHES SMAD PAR MI BYA BA DANG BDAG LA 'DI DGOS PA MED PAS BDAG GIS 'DI SPANG BAR BYA ZHES NGAG GAM YID GANG GIS KYANG NAM YANG CHOS DE RNAMS SPANG BAR MI BYA'O, ,THOS PA'I SHES PAS CHOS KYI DON MA NGES PA'I MI SHES PA'AM THOS BSAM SGOM GSUM GYI SHES RAB MED PAS RTEN 'BREL GYI RANG BZHIN MA SHES PA'I RMONGS PA'I DBANG GIS THEG GSUM GYI CHOS LA SGRUB PA PO DES NI SMAD PAR MI BYA'O, ,BZHI BRGYA LNGA BCU PA LAS, MI SHES PA'AM RMONGS PA YIS, ,TSUL CHEN BSTAN PAR MI BYA'O, ,
ZHES 'BYUNG BA'I 'GREL PA LAS, DAM CHOS KYI TSIG DANG DON NYAN PA LA SKAL BA MED PA'AM SKAL BA DANG MI LDAN PAS THE TSOM DANG PHYIN CI LOG TU 'DZIN PA'I TSE DE LA YI GE'I DON BSTAN PAR MI BYA'O, ,ZHES 'CHAD DO, ,PHYI'I DNGOS PO YANG RANG GI SGRAS BRJOD PA YOD PAS DE GCOD PA'I PHYIR RANG GI DANG BDAG NYID CES GNYIS SMOS SO, ,RANG GI LUS SROG LA LTOS PA MED PAR YONGS SU SPANGS NAS BYA RGYUD LAS GSUNGS PA'I MI BZAD PA'I DKA' THUB BCO BRGYAD LA SOGS PA'I RNAL 'BYOR GYI GNYEN POR GYUR PA'I BZA' BA LA SOd PA'I DKA' THUB KYIS GDUNG BAR MI BYA'O, ,BCO BRGYAD NI 'JIG RTEN GSUM RGYAL GYI RTOG PA'I 'GREL PA LAS BLTA'O, ,'O NA JI LTAR GZUNG SNYAM NA, CI BDE BA NI DKA' THUB DANG DKA' SPYAD DE RNAMS MED PA'O, ,DES BZUNG BA'I RNAL 'BYOR SKYE BA DANG RJES SU MTHUN PA'I GNAS MAL DANG BZA' BTUNG LA SOGS PA RNAMS KYIS BDE BAR BZUNG NAS 'PHEL BAR BYA STE, 'DI NI PHYIR MI LDOG PAR NGES PA'I PHUNG PO LA GNAS PAS MA BYON PA'I SANGS RGYAS YIN PAS SO, ,SH'ANTI PAS, RNAL 'BYOR GYI SEMS YONGS SU SPANGS NAS RNAL 'BYOR DANG MI MTHUN PAS GZIR BAR MI BYA ZHES 'CHAD DO, ,RDO RJE NI BYANG CHUB KYI SEMS STON PAR BYED PA'I DANG PO'I RDO RJE'I RANG BZHIN CAN GYI PHYAG MTSAN NO, ,DRIL BU NI DANG PO'I RDO RJES MTSAN PA'I DRIL BU SHES RAB STON PAR BYED PA'I SGRA'I RJES SU 'GRO BA'I PHYAG MTSAN NO, ,DAM TSIG DANG CHES DANG LAS DANG PHYAG CHEN TE BZHI NI PHYAG RGYA'O, ,SPONG TSUL NI DE KHO NA NYID KYI DON BSGOMS PAS BYANG CHUB THOB PAR 'GYUR BA YIN NA RDOR DRIL SOGS KYIS BYANG CHUB DE THOB PA LA CI ZHIG BYA SNYAM PA LA SH'ANTI PAS BSHAD CING DE
, ,LTAR BYED PA LA DPAL MCHOG 'GREL CHEN LAS SNGAR DRANGS PA LTAR RTZA LTUNG DU GSUNGS PAS SHIN TU 'BYUNG NYE LA KHA NA MA THO BA CHE BA 'DI RNAMS LA GZAB PAR BYA'O, ,BLA MA LA SMOD PA NI TSUL 'CHAL LO ZHES SOGS KYIS SMOD PA'O, ,'DI NI RNAL 'BYOR RI DANG RNAL 'BYOR BLA MED KYI DKYIL CHOG DU MAR 'BYUNG BA'I DAM TSIG SLOB MA LA GO BAR BYA RGYU RNAMS YIN PAS, DPAL MCHOG 'GREL CHEN NAS 'BYUNG BA BZHIN DU GSAL BAR BSHAD DO, ,GAL TE SNGAR BSTAN PA'I LUGS DE DAG GIS BSHAD PA DE DE LAS GZHAN PA BCU BZHI ZHES PA'I DON MIN NA 'O NA GANG YIN SNYAM NA, RNAL 'BYOR RGYUD LA RTZA LTUNG BCU BZHI'I RNAM GZHAG YOD PA NI RDO RJE RTZE MO LAS GSUNGS MED KYANG BCU BZHI PO DE GRANGS 'DI LTAR YIN ZHES BSHAD PA NI RGYA GZHUNG KHUNGS MA GZHAN NAS BSHAD PA MI SNANG LA RDOR DBYINGS DON BSDUS KYI 'GREL PAR SNGAR BSHAD PA LTAR GSUNGS SHING DZ'A LANDHA RA'I RDO RJE SLOB DPON KA MA DHE NU PAS NGAN SONG SBYONG RGYUD KYI 'GREL PAR, DE NAS DE BAS RTAG TU ZHES BYA BA NAS, BDAG GI DE NYID DANG NI SNGAGS SOGS DE BZHIN NO, ,ZHES BYA BA'I BAR DU KHYAD PAR GYI SDEM PA THUN MONG BA PHOG LA, DE NAS RTZA BA'I LTUNG BA BCU BZHI YAN LAG DANG BCAS PA SLOB DPON DU 'OS PA LA SBYIN TE, ZHES GSUNGS NAS DAM TSIG BSGRAG PA'I SKABS SU, RDO RJE MA RNAMS NYID LA NI, ,ZHES BYA BA NI BCOM LDAN 'DAS MA SKUL BYED MA DANG RAL BA GCIG MA DANG M'A MA K'I DANG SGROL MA LA SOGS PA YE SHES RDO RJE LTA BUR MI PHYED PAS RNAL 'BYOR MA NYID DU BSTAN PA RNAMS LA'O, ,RNAL 'BYOR CAN GYIS ZHES BYA BA NI SNGAGS PAS SO, ,BRNYAS MA YIN ZHES BYA BA NI BUD MED DU GNAS PAS SMOD PA SRID PAS
DGAG PA STE, BUD MED SHES RAB RANG BZHIN PAS, ,DE LA BRNYAS PA BCU BZHI PA, ,ZHES RTZA BA'I LTUNG BAR YANG 'DI DAG LA BRNYAS PA NYID GZHAG GO ,ZHES BUD MED LA SMOD PA'I RTZA LTUNG RNAL 'BYOR RGYUD KYI RTZA LTUNG DU GSUNGS PAS GZHAN BCU GSUM YANG BLA MED DANG 'DRA BAR BZHED PAR GSAL LO, ,'DI NYID NI LEGS PA YIN TE RTZA LTUNG BCU BZHI NI RIGS LNGA'I SDOM PA BZUNG BA RNAMS KYI BCAS PA YIN LA RIGS LNGA'I SDOM GZUNG GI CHO GA NI RDO RJE RTZA MO DANG SAm BHU tA DANG RDO RJE MKHA' 'GRO NAS BSHAD PA RNAMS 'DRA BAR SNANG LA KHYAD PAR DU SDOM PA BSGRAG PA'I SKABS KYI RTZA LTUNG BCU BZHI BSGRAG PA THUN MONG BAR GSUNGS PA'I PHYIR RO, ,DES NA RGYUD SDE'I RIM PA THA DAD LA BRTEN NAS LTUNG BA'I NANG MTSAN 'GA' ZHIG LA MI 'DRA BA SNANG YANG SPYI'I MING GI RNAM GRANGS DANG SPYI'I NGO BO NI RTZA LTUNG BCU BZHI PA'I GZHUNG NAS 'BYUNG BA DANG MTHUN PAR BYA'O, ,GAL TE BLA MED DANG YE MI 'DRA BA'I RTZA LTUNG BCU BZHI YOD NA RNAL 'BYOR RGYUD LA MKHAS PA'I SLOB DPON GSUM LA SOGS PA'I MKHAS PA RNAMS KYIS THA NA'ANG MING 'DOGS KYI GRANGS GSAL PA TZAM ZHIG CI'I PHYIR MI 'CHAD DE, SPYIR DAM TSIG DANG SDOM PA SHES NAS 'JUG LDOG BYED PA DANG KHYAD PAR DU RTZA LTUNG NGOS ZIN NAS SRUNG BA NI THAMS CAD KYI THOG MAR MED DU MI RUNG BA YIN PA'I PHYIR RO, ,DE LTAR YANG SLOB DPON SANGS RGYAS GSANG BAS, DE NAS BLA MA MNYES PAR BYAS PA DE DES BSTAN PA'I DKYIL 'KHOR CHEN PO DANG DAM TSIG DANG CHOS DANG LAS KYI DKYIL 'KHOR DU CHO GA JI LTA BA BZHIN DU DBANG BSKUR BA THEG PA CHEN PO MNGON PAR RTOGS PA'I TSOGS, SDOM PA BZUNG BA YONGS SU BSRUNG BAR BYA BA'I DAM TSIG DANG 'DUL BA DANG SPYOD PA
, ,DANG SPYOD YUL RNAMS LA CHO GA JI BZHIN DU MKHAS PAR BYAS PAS, DE PHYIN CHAD DAM TSIG LA SOGS PA JI LTAR BLANGS PA BSRUNG BA'I PHYIR RTAG TU SPRO BA MI GLOD PAR BYA STE, BDAG DANG GZHAN GYI DON MA LUS PA 'GRUB PA LA DE THOG MAR 'GRO BA'I PHYIR RO, ,ZHES AA BA TA RA LAS GSUNGS SO, ,DE LTAR NA RNAL 'BYOR RGYUD KYI RTZA BA'I LTUNG BA BCU BZHI NI SHES RAB CAN RNAMS KYIS DE BZHIN DU NGES PAR 'DOD PAR BYA STE 'OG TU STON PAR 'GYUR RO, ,RTZA BA'I DAM TSIG RNAMS SKYONG TSUL NI NYIN MO LAN GSUM DANG MTSAN MO LAN GSUM DU NYI MA RE RE ZHING NI ZLA BA STE RANG RGYUD LA NYES PAS GOS MA GOS BSNGO BGRANG BYA'O, ,GANG GI TSE BSNGO BGRANG BYA BA'I DAM TSIG DE NYAMS PAR GYUR PA STE CHO GA NA DE'I TSE RNAL 'BYOR PA DA LA KHA NA MA THO BA STE, LTUNG BA SBOM PO 'BYUNG BAR 'GYUR RO, ,'DI YANG RTZA BA'I DAM TSIG LA MTSON PA TZAM YIN PAS RTZA BA DANG YAN LAG GI DAM TSIG THAMS CAD LA BYA DGOS TE SANGS RGYAS THOD PA'I DKYIL CHOG TU SA RA HAS, SEMS DAG THO RANGS DUS LANGS TE, ,BZA' DANG BSRUNG BA LA SOGS PA'I, ,SDOM PA'I BDAG NYID CAN BSRUNG DE, ,LUS DANG SROG LA MI LTOS PAR, ,DAM TSIG DANG NI SDOM PA BSRUNG, ,NYIN DANG MTSAN MO LAN GSUM DU, ,RTAG TU BZLAS LA GZHOL BAR BYOS, ,GANG TSE NYAMS NA RNAL 'BYOR PA, ,KHA NA MA THO SBOM POR 'GYUR, ,ZHES GSUNGS PA LTAR, LA BA PA DANG NAG PO SPYOD PAS KYANG BDE MCHOG GI DKYIL CHOG LAS BZA' BA DANG BSRUNG BA'I DAM TSIG SPYI LA GSUNGS PA'I PHYIR RO, ,DA LTAR LAS DANG PO PAS, ZHAG GCIG LA DUM BU DRUG TU BCAD NAS DRAN SHES BSTEN TE, DE RNAMS KYI NANG DU NYES PA BYUNG MA BYUNG
RTAG PA 'DI NI DAM TSIG BSRUNG BA'I THABS BLA NA MED PA YIN PAS SNGAGS PAS RDO RJE 'CHANG GI BCAS PA 'DI GNAD CHE BAR ZUNGS SHIG ,GNYIS PA YAN LAG GI DAM TSIG LA GSUM, SPONG BA'I DAM TSIG ,BSTEN PA'I DAM TSIG ,SPONG BA'I DAM TSIG GZHAN BSTAN PA'O, ,DANG PO NI, KHYOD KYIS SROG CHAGS GSANG MI BYA, ,MA BYIN PAR YANG MI BLANG NGO, ,'DOD PA LOG PAR MI SPYAD CING, ,BRDZUN DU SMRA BAR MI BYA'O, ,PHUNG KROL KUN GYI RTZA BA YI, ,CHANG NI RNAM PAR SPANG BAR BYA, ,SEMS CAN 'DUL PHYIR MA GTEGS PA, ,BYA BA MA YIN THAMS CAD SPANG, ,ZHES GSUNGS TE, SROG GCOD PA NAS RDZUN GYI BAR SPONG BA BZHI'I STENG DU CHANG 'THUNG BA SPONG BA'I BSLAB PA'I GZHI LNGA NI DNGOS GRUB 'GRUB PA'I GZHIR BSRUNG DGOS TE, RDO RJE RTZA MO LAS, GAL TE DNGOS GRUB MCHOG 'DOD NA, ,DKON MCHOG GSUM LA SKYABS SONG STE, ,BSLAB PA LNGA LA RNAM PAR GNAS, ,BYANG CHUB SEMS LA MCHOG BRTZON BYA, ,ZHES GSUNGS PA LTAR RO, ,CHANG 'THUNG BA PHUNG KROL TE NYES DMIGS KUN GYI RTZA BAR GSUNGS PA NI RNAL 'BYOR RGYUD KHO NA'I MA YIN GYI BLA MED DANG THUN MONG BA YIN TE, BLA MED KYI DKYIL CHOG CHANG LDAN DU MAR YANG RTZE MO NAS 'BYUNG BA LTAR GSUNGS PA'I PHYIR RO, ,GZHAN YANG SGO GSUM GYI BYA BA MA YIN PA NYES SPYOD THAMS CAD SPANG BAR BYA STE 'ON KYANG THEG PA MCHOG GI SDOM PA TSUL BZHIN DU BSRUNG ZHING BYANG CHUB KYI SEMS BRTAN PA'I RGYAL SRAS 'GA' ZHIG LA SEMS CAN 'DUL BA'I PHYIR DU RNAM SNANG MNGON BYANG NAS GSUNGS PA LTAR SROG GCOD PA SOGS LUS NGAG GI BDUN LA GNANG BA'I SKABS YOD PAS DE 'DRA BA'I CHE NI MA GTOGS SO, ,GNYIS PA NI, DAM PA NYE BAR BSTEN BYA ZHING
, ,RNAL 'BYOR PA RNAMS BSNYEN BKUR BYA, ,LUS KYI LAS NI RNAM GSUM DANG, ,NGAG GI RNAM PA BZHI RNAMS DANG, ,YID KYI RNAM PA GSUM DAG NI, ,CI NUS PAR NI RJES SU SKYONGS, ,ZHES GSUNGS TE, DAM PA'I BSHES LA NYE BAR BSNYEN NAS SNGAd KYI RIG PA BSGRUB PAR BYA STE, RTZE ME LAS RNAL 'BYOR RIG PA BSGRUB PA'I PHYIR, ,MKHAS PA RNAMS LA BSTEN PAR BYA, ,ZHES SO, ,RNAL 'BYOR PA RNAMS LA'ANG MI BRNYAS PAR BSNYEN BKUR BAR BYA'O, ,LUS LA SOGS PA'I SGO GSUM GYI DKAR PO'I LAS LAM BCU NUS PA CI YOD PAS NI, RJES SU SKYONG BA STE SPEL CIG CES PA'O, ,GSUM PA LA GNYIS, THEG CHEN LAS LDOG PA'I RGYU SPANG BA, BRNYAS PA DANG 'GOM PA'I NYES PA SPANG BA'O, ,DANG PO NI, THEG PA DMAN LA 'DOD MI BYA, ,SEMS CAN DON LA RGYAB PHYOGS MIN, , 'KHOR BA DAG KYANG SPANG MI BYA, ,RTAG TU MYA NGAN 'DAS MI CHAGS, ,ZHES GSUNGS TE, THEG PA DMAN PA NI CHED DU BYA BA GZHAN DON DANG 'BRAS BU BYANG CHUB DMAN PA NYAN RANG GI LAM STE, DE LA LAM DES RANG BGROD PAR 'DOD PA MI BYA BA YIN GYI THEG PA DMAN PA'I SDE SNOD KYIS BDAG LA CI BYA ZHES SPONG DU MI RUNG BAR SNGAR BSTAN ZIN TO, ,SEMS CAN GRANGS MED PA'I DON BYA BA'I KHUR 'KHUR BA LA SGYID LUG PA LA SOGS PA'I SGO NAS, RGYAB KYIS PHYOGS PA STE MI DGA' BAR MI BYA BAR SGRO BZHIN DU DE'I KHUR GZUNG NGO, ,'KHOR BA MI SPANG BA NI RTZE MO LAS, 'KHOR BA MTHAR THUG BAR DU NI, ,BDAG 'TSANG RGYA BAR MA GYUR CIG ,DE BZHIN SEMS CAN THAMS CAD NI, ,DE NYID SGRUB PAR BYED PAR SHOG ,CES GSUNGS PA LTAR 'KHOR BA JI SRID BAR 'KHOR BAR GNAS
NAS SEMS CAN GYI DON BYED PA'I GO CHA GYON PA'O, ,RTAG TU STE DUS NAM YANG SRID PA'I 'CHING BA LAS GROL BA TZAM GYIS MYA NGAN LAS 'DAS PA LA CHAGS PA STE THOB BYAR MI BYED PAR RDZOGS PA'I SANGS RGYAS DON DU GNYER BAR BYA'O, ,GNYIS PA NI, LHA DANG LHA MIN GSANG BA PA, ,KHYED KYIS BRNYAS PAR MI BYA ZHING, ,PHYAG RGYA BZHON PA MTSON CHA DANG, ,MTSAN MA 'GOM PAR MI BYA'O, ,ZHES GSUNGS TE, 'JIG RTEN LAS 'DAS MA 'DAS KYI LHA DANG LHA MA YIN RNAMS DANG GSANG BA PA GNOD SBYIN RNAMS LA BRNYAS PAR MI BYA'O,, RGYAL BA BZANG POS, GSANG BA GSUM GYI LHA RNAMS LA, ,BRNYAS PA NYID DU MI BYA'O, ,ZHES KYANG 'DON NO, ,PHYAG RGYA NI LHA'I GZUGS BRIS PA SOGS SO, ,BZHON PA NI LHA'I BZHON PA'I GZUGS SU BYAS PA DANG BLA MA'I BZHON PA'O, ,MTSON CHA NI LHA'I PHYAG MTSAN GYI RAL GRI SOGS SO, ,MTSAN MA NI LHA'I PHYAG MTSAN 'KHOR LO DANG RDO RJE SOGS 'GOM PAR MI BYA'O, ,RTZE MO LAS, 'KHOR LO RDO RJE PADMA SOGS, ,MTSAN MA'I PHYAG RGYA GANG YIN PA, ,'GOM PA NYID DU MI BYA ZHING, ,BZA' BAR YANG NI MI BYA'O, ,DE BZHIN DMAN MA LHA YI GRIB, ,RKANG PA DAG GIS BRJI MI BYA, ,DE YI STENG DU 'DU MI BYA, ,SLAR YANG GZHAG PAR MI BYA'O, ,LHA YI PHYAG MTSAN BZANG PO DANG, ,LHA YI BZHON PA'I MTSAN MA RNAMS, ,'GOM ZHING BRNYAS PAR MI BYA STE, ,SEMS CAN LA NI GNOD MI BYA, ,ZHES DANG, LHA YI SKU DANG PHYAG MTSAN DANG, ,LHA YI BZHON PA DAG DANG NI, ,DMAN MA LHA YI GRIB MA DANG, ,LHA YI MTSAN MA THAMS CAD DANG, ,BZA' BA DAG NI SNA TSOGS PA, ,MTSAN MA'I GZUGS SU BYAS PA DANG, ,'GOM PAR MI BYA BZA' MI BYA, ,
, ,BZA' BA DAG NI SNA TSOGS PA, ,MTSAN MA'I GZUGS SU BYAS PA DANG, ,NAM YANG BRDZI BAR MI BYA'O, ,ZHES GSUNGS TE DMAN MA NI MCHOD RDZAS PHUL BA RNYING PA'O, ,DE DAG GI STENG DU 'DUG PA DANG YO BYAD GZHAN DE DAG GI STENG DU BZHAG PA SOGS MI BYA'O, ,GRIB MA LA SOGS PA LA MI 'GOM DU MI RUNG BA BYUNG NA JI LTAR BYA BA NI AA BA TA RA LAS GSAL BAR GSUNGS TE, JI SKAD DU, YANG YUL DANG DUS KYI DBANG GIS MI 'GOM PA 'GOMS PA DANG BRDZIS PA LA SOGS PA YANG RDO RJE SHUGS DANG LDAN PA DANG PHYAG RGYA CHEN PO'I RNAL 'BYOR PA LA NI GNANG STE, DE BAS NA DE GNYIS DE LTA BU'I YUL DANG DUS KYI DBANG GIS BYAS NA MI 'GOM PA 'GOMS PA LA SOGS PA RNAL 'BYOR PA LA NYES PAR MI 'GYUR TE, JI SKAD DU GZHAN DAG LAS, MI SHES PA'AM GTI MUG DANG, ,DE BZHIN LE LO'AM MI DRAN PAS, ,RDO RJE RI MO LA SOGS BRDZIS, ,NGES PAR DAM TSIG NYAMS PAR 'GYUR, ,DE BAS NAN TAN THAMS CAD KYIS, ,RDO RJE SHUGS KYIS MA GA-YENGS PAR, ,SHES RAB CAN GYIS SHES PAR BYA, ,KHYAD PAR DU NI DKYIL 'KHOR DU'O, ,DMAN MA RDO RJE'I RI MO MTSAN, SANGS RGYAS PHYAG RGYA LA SOGS TSOGS, ,DMAN NAM BRDZIS PAR GYUR PA YANG, ,RDO RJE SHUGS LDAN NYES MI 'GYUR, ,ZHES GSUNGS SO, ,PHYAG RGYA'I RNAL 'BYOR GYI DBANG DU BYAS NAS KYANG DE BZHIN DU GSUNGS TE, RDO RJE SHUGS ZHES BYA BA'I SGRA'I GNAS SU PHYAG RGYA'I RNAL 'BYOR ZHES BYA BA'I SGRAR BRJOD PAR BYA'O, ,ZHES KHYAD PAR DU GZUNG NGO, ,DE LA RE SHIG 'DIR RDO RJE SHUGS KYI PHYAG RGYA DANG GSANG SNGAGS KYI RNAL 'BYOR DAG BSTAN PA 'DI LTAR,
RI MO'AM RDO RJE SRAD BU'ANG RUNG, ,YID KYIS GYEN DU BTEG NAS NI, ,'JUG CING 'BYUNG BAR BYED PA STE, ,DAM TSIG NYAMS PAR MI 'GYUR RO, ,ZHES GSUNGS SO, ,RDO RJE RI MO DANG RDO RJE'I SRAD BU SMOS PA YANG NYE BA'I MTSAN NYID DE, DE BAS NA PHYAG RGYA LA SOGS PA 'GOM PAR MI BYA BA GZHAN YANG 'DUS PAR BLTA'O, ,'DI NI YID KYI PHYAG RGYA STE DE'I SNGAGS NI 'DI'O, ,BADZRA BE GA AA KRA MA, ZHES SO, ,DE NYID BSDUS PA'I DUM BU GNYIS PA LAS NI, DE LA RDO RJE SHUGS KYI SNYING PO NI 'DI YIN NO, ,AOm BADZRA PE G'A KRA MA H'Um, DE BZHIN DU RDO RJE DBYINGS KYI DKYIL 'KHOR LA SOGS PA'I DKYIL 'KHOR THAMS CAD LA YANG SRAD BU LA BRGAL TE THAMS CAD DU 'GRO BAR BYA'O, ,DE NAS 'DI'I SNYING PO BSHAD DO, ,YID KYIS RI MO BTEG NAS NI, ,RDO RJE SRAD BU'AM GZHAN YANG RUNG, ,PHYIR BYUNG NANG DU ZHUGS KYANG NI, ,DAM TSIG 'GAL BAR DE MI 'GYUR, ,ZHES 'BYUNG NGO, ,RI MO NI TSON RTZI'I RI MO DANG RDO RJE'I SRAD BU NI TSON RTZI LNGA'I SKUD PA'I RI MO DANG BTEG PA NI DE DAG GI 'OG NAS 'DZUL BAR YID KYIS BSAM PA LA KUN SNYING GIS BSHAD DE, GZHAN YANG RUNG ZHES GSUNGS PAS DE RNAMS NI MTSON PA TZAM MO, ,DE LTAR NA NGAG TU SNGAGS DE BRJOD CING YID KYIS GANG LA 'GOM PA'I GZHI DE RANG GI STENG DU BTEG NAS DE'I 'OG NAS 'DZULC BAR BSAMS LA BYA'O, ,DE 'DRA BA'I SGO NAS DAM TSIG NYAMS PA'I 'JIGS PAS NYES MED DU 'GRO TSUL GSUNGS PAS KHA NA MA THO BA PHRA MO RNAMS BSRUNG BA LA'ANG 'BAD DGOS TE RTZE MO LAS, DE NAS RIG PA'I BRTUL ZHUGS BLANG, ,SDOM PA'ANG DOR BAR MI BYA ZHING, ,KHA NA MA THO RDUL TZAM LA'ANG, ,'GYOD PA RU NI BYA BA YIN, ,ZHES GSUNGS PA'I PHYIR RO,
, ,GSUM PA DON BSDUS PA NI, 'DI DAG DAM TSIG YIN PAR BSHAD, ,KHYOD KYIS RTAG TU BSRUNG BAR BYA, ,ZHES GSUNGS TE, 'DI NI SNGAR BSHAD PA'I THUN MONG GI DAM TSIG BSGRAG PA MAN CHAD THAMS CAD LA SBYAR BAR BYA STE RIGS LNGA SO SO'I DAM TSIG RNAMS LA RKANG PA GNYIS KYI DON YOD PAS SO, ,DE NAS RJES MTHUN SDOM PA RGYA CHER NI, ,GSANG BA'I RGYUD LAS RAB TU BSHAD, ,CES PA NI SNGAR BSHAD PA DE DAG DANG 'DRA BA'I SDOM PA STE BSLAB PA'I GNAS RGYA CHER NI RGYUD KUN LAS RAB TU BSHAD DO ZHES DNGOS SU SMOS PA DE TZAM DU ZAD DAM SNYAM PA SPANG BA'I PHYIR DU'O, ,DE RNAMS NI GANG KHAS BLANG RGYU'I DAM TSIG RNAMS SHES PA'I PHYIR DU BSGRAGS NAS, DE NAS DE RNAMS BSRUNG BA'I BSAM PAS 'OG NAS 'CHAD PA LTAR SDOM PA GZUNG BA'I CHO GAS 'DZIN PA STE MDOR NA SDOM PA LEN PA'I TSE, THAM THOM DU MA SONG BAR DMIGS PHYED PAR BYAS NAS 'DZIN PA'O, ,DKYIL CHOG 'GA' ZHIG TU SDOM PA BSGRAG PA'I GZHUNG MA GSUNG PA YANG YOD PAS DER YANG SLOB DPON GYIS SDOM GZUNG GI DON RAGS PA RNAMS SLOB MA LA BRDA PHRAD PAR BYAS LA 'DZIN DU GZHUG GO, SDOM PA BSGRAG PA'I GZHUNG DE RNAMS NI RDO RJE RTZE MO NA BZHUGS PA RNAMS 'DIR BKOD PA'O, ,GNYIS PA SDOM PA GZUNG BA BSHAD PA NI, SDOM PA GZUNG BA'I CHO GA 'DI SAm BHU tA'I BRTAG PA GSUM PA'I RAB BYED BZHI PA DANG RDO RJE MKHA' 'GRO'I RIM PAR PHYE BA BCU GNYIS PA DANG RDO RJE RTZE MO'I RDO RJE SLOB DPON GYI LAS KYI SKABS NAS 'BYUNG BA RNAMS LAS 'DIR NI RTZE MO'I GZHUNG LA BRTEN TE BSHAD PAR BYA'O, ,'DI LA GNYIS, GSOL BA GDAB PA DANG, SDOM PA GZUNG BA'O, ,
DANG PO NI, RDO RJE RTZE MO LAS, GTZO BO BDAG LA SDOM PA STZOL, ,THUB PA NYI MA MA LUS PA'I, ,SANGS RGYAS BDAG LA DGONGS SU GSOL, ,ZHES SOGS KYIS GSOL BA 'DEBS PA'I SLOB MA LA, GSANG BA CHEN PO'I RIGS DAG PA'I, ,GSANG BA YONGS SU 'DZIN PAR NI, ,BDAG NYID CHEN PO KHYOD 'DOD DAM, ZHES SDOM PA LA SNYING NAS LEN 'DOD YOD MED DRIS NAS, DE NAS SLOB MA DE LA DON GNYER 'DUG NA SNGON DU SDOM PA BSGRAG PA BYAS NAS DE'I RJES SU, DE NYID KYIS KYANG BRJOD PAR BYA, ,'DIR NI SLOB DPON BDAG LA GSON, ,ZHES SLOB DPON LA GSOL NAS, SDOM PA 'DZIN PA MDZAD DO, ,YANG RTZE MO LAS, SNGON LA SDOM PA 'DI DAG NI, ,JI LTAR 'DOD CING MOS PA RU, ,MKHAS PA YIS NI SBYIN BYA STE, ,RANG DBANG MED PAR SBYIN MI BYA, ,GAL TE DE NI DAD GYUR NA, ,DE LA SDOM PA SBYIN PAR BYA, ,SDOM PA GSUM LA BKOD NAS NI, ,DE NAS DKYIL 'KHOR BSTAN PAR BYA, ,ZHES SLOB MA LA LEN 'DOD MED BZHIN DU MI SBYIN PA DANG, LEN PAR 'DOD PA'I DAD PA YOD NA STER BAR GSUNGS LA SNGAR DRANGS PA LTAR SNYING NAS LEN 'DOD YOD MED 'DRI BAR YANG GSUNGS PAS, SPYIR DBANG BSKUR ZHU SNYAM PA TZAM GYIS GA-YAM LA RGYUGS MIN PAR SDOM PA LA DMIGS PHUG PA'I LEN 'DOD SLOB DPON GYIS BSKYED PA GAL CHE STE, 'DI MED NA SDOM PA MI SKYE BA'I PHYIR RO, ,SLOB MA LA SDOM PA LEN 'DOD YOD KYANG SLOB DPON LA RTZA LTUNG BYUNG BA'I SGO NAS SNGAGS KYI SDAM PA SNGAR THOB PA BTANG NAS DA LTA MED NA'ANG MI SKYE BAS RDO RJE SLOB DPON GYI MTSAN NYID DU RDO RJE GUR DANG SDOM 'BYUNG SOGS SU RTZA LTUNG DANG MI LDAN PA DGOS PAR GSUNGS SHING, GSANG BA THAMS CAD KYI SPYI'I CHOG SNYING PO RGYAN LAS KYANG,
, ,SDOM PA GSUM PO MI 'DZIN ZHING, ,RTZA BA'I LTUNG BA NYER GNAS DANG, ,CHOS LA SER SNA KUN SPYOD CANG, ,DMAN PA'I LAS LA SBYOR BYED PA'I, ,SLOB DPON RING NAS SPANG BAR BYA, ,DE BSTEN DMYAL SOGS 'BRAS LA SBYOR, ,ZHES 'JAM DPAL GRAGS PAS GSUNGS SO, ,GAL TE DE LTA YIN NA, RDO RJE THEG PA'I RTZA LTUNG NI GRANGS MANG LA 'BYUNG NYA BAR SNANG LA BSTAN PA 'GRIB PA LA NYE BAR SLEB PAS GONG MA GNYIS KYI THA NA RTZA BA'I BSLAB TSIGS TZAM YANG NGES PAR BYAS NAS BSRUNG BA SHIN TU DKON PAR SNANG BAS THEG PA MCHOG GI SDOM PA DANG LDAN PA MED PAR MI 'GYUR RAM SNYAM NA, DE'I SKYON MED DE SLAB MA DBANG BSKUR BA RNAMS LA SNGON DU SLOB DPON BDAG NYID DKYIL 'KHOR DU ZHUGS NAS DBANG DANG DAM TSIG DANG SDOM PA RNAMS LEN PA'I PHYAG LEN YOD LA, DE LTA NA DE'I TSE DAM TSIG DANG SDOM PA LEN 'DOD KYI BSAM PAS CHO GA TSUL BZHIN DU BYED PA RNAMS LA SNGON GYI SDOM PA NYAMS NA'ANG SLAR SKYE BAS SLOB MA LA DBANG BSKUR BA NA SDOM PA DANG LDAN PAR 'GYUR BA'I PHYIR RO, ,DES NA SLOB MA LA DBANG BSKUR BA'I SNGON DU BDAG NYID DKYIL 'KHOR DU 'JUG PAR GSUNGS PA'I DGOS PA YANG DE LTAR DU SHES PAR BYA STE DE NYID BSDUS PA'I 'GREL PA KO SA LA'I RGYAN DU SH'AKYA BSHES GNYEN GYIS, SLOB MA GZHUG PA'I DUS LA BAB PA DANG SLOB DPON 'JUG PA'I CHO GA DANG POR BYA DGOS TE, GANG GI PHYIR GANG LA LA DAG BRJED NGES BAS DAM TSIG DANG 'DAS PA 'GA' ZHIG 'BYUNG BA DAG SRID PAS NA DE'I PHYIR SLOB DPON NYID DANG POR 'JUG PAR BYA'O ZHES GSUNGS SO, ,RDO RJE MKHA' 'GRO LAS, SANGS RGYAS BYANG CHUB SEMS DPA' KUN, ,KUN
NAS BDAG LA DGONGS SU GSOL, ,ZHES GSOL BA GDAB PAR GSUNGS TE, SAm BHU tAR YANG DE DANG MTHUN PAR GSUNGS SO, ,DE'I DON NI SANGS RGYAS NI RDZOGS PA'I SANGS RGYAS DANG BYANG CHUB NI LHA'I TSOGS YIN LA DE DAG RANG GI SEMS SU SHES NAS LHA'I RNAM PA CAN GYI SEMS GANG LA YONG PA'I SGRUB PA PO RNAMS NI BYANG CHUB SEMS DPA'O, ,DGONGS SU GSOL ZHES PA'I DON NI RJES SU YI RANG BA DANG BCAS PAS BDAG LA BYIN GYIS RLOB CING BDAG GI BAR MDZOD CES PA LA BH'A PA BHA DRAS BSHAD DO, ,GNYIS PA NI, RTZE MOR GTZO BOS JI LTAR BKA' STZAL PA, ,DE BZHIN DU NI BGYID PAR 'TSAL ZHES BSDUS TE KHAS LEN PA ZHIG GSUNGS SO, ,'DI LA GSUM, SEMS BSKYED PA, SDOM PA GZUNG BA DNGOS, DON BSDUS TE KHAS BLANG PA'O, ,DANG PO NI, JI LTAR DUS GSUM MGON PO RNAMS, ,BYANG CHUB TU NI NGES MDZAD PA'I, ,BYANG CHUB SEMS NI BLA NA MED, ,DAM PA BDAG GIS BSKYED PAR BGYI, ,ZHES GSUNGS TE, JI LTAR TE DPER NA 'DAS MA 'ONGS DUS GSUM DU GSHEGS PA DANG GSHEGS BZHIN PA DANG MA BYON PA'I SANGS RGYAS NI SEMS CAN SKYOB PAS NA MGON PO DE RNAMS KYIS BYANG CHUB SEMS DPA'I GNAS SKABS NA BYANG CHUB TU NI STE DON GNYIS PHUN SUM TSOGS PA'I BYANG CHUB KYI CHAD DU SBYIN SOGS KYI TSOGS MA LUS PA SDUD PA'I BYANG CHUB KYI THUGS NGES PAR TE RTZE GCIG GIS BSKYED PA MDZAD PA DANG, BSKYED PA DANG BSKYED PAR 'GYUR BA DE BZHIN DU BDAG GIS KYANG BSKYED PAR BGYI'O, ,BSKYED BYA'I BYANG CHUB KYI SEMS NI SMON 'JUG GNYIS LA GSUNGS TE 'DI NI BH'A BA BHA TRA DANG AA BHYA KA RA GNYIS KA'I DGONGS PA'O, ,SKABS 'DI'I 'JUG
, ,SEMS LEN PA NI BYANG CHUB SEMS DPA'I SDOM PA LEN PA MA YIN GYI SNGAGS KYI SDOM PA LEN PA'I YAN LAG TZAM STE DPER NA SPYOD 'JUG TU 'JUG SDOM LEN PA'I CHO GAR SMON SEMS GSUNGS PA BZHIN NO, ,RDO RJE MKHA' 'GRO LAS, YANG DAG BYANG CHUB NGES MDZAD PA, ,DE BZHIN BLA MED BYANG CHUB SEMS, ,ZHES DANG, DPAL MCHOG 'GREL CHEN DU YANG DE LTAR BSGYUR BA BDE STE JI LTAR ZHES PA DANG SBYAR DGOS PAS SO, ,DE LA SMON PA NI BDAG RDO RJE SEMS DPAR GYUR NAS SEMS CAN THAMS CAD KYANG GO 'PHANG DE LA DGOD PAR BYA'O, ,SNYAM PA'I 'DOD PA DANG BCAS PA'I SMON LAM MO, ,'JUG PA NI DE'I LAM SBYIN SOGS NYAMS SU LEN PA'I RANG BZHIN TE DE GNYIS NI BLA NA MED PA'I 'BRAS BU SGRUB PAR BYED PAS BLA NA MED PA DANG DAM PA'O, ,'DI NI BH'A BA BHA TRA'I DGONGS PA'O, ,GZHUNG DE'I SNGON DU GANG GIS SEMS BSKYED PA'I MING SMOS NAS DUS JI SRID DU BSKYED PA'I DUS KYANG RDO RJE MKHA' GO LAS, BDAG MING 'DI ZHES BGYI BA NI, ,DUS 'DI NAS BZUNG JI SRID DU, ,BYANG CHUB SNYING POR MCHIS KYI BAR, ,ZHES GSUNGS PA LTAR SAm BHU tA LAS KYANG NGO, ,BYANG CHUB NI MI GNAS PA'I MYANG 'DAS TE SNYING PO NI BYANG CHUB RNAMS KYI DAM PA DANG MCHIS PA NI DE THOB PA DANG, BDAG MING 'DI ZHES BGYI BA ZHES RANG MING NAS SMOS PA NI SHIN TU YANG KHAS LAN PA'I DON DANG, DUS TE GNAS SKABS 'DI NAS BZUNG BA STE NYE BAR BRTZAMS NAS ZHES PA'AM YANG NA BZUNG BA'I DON SANGS RGYAS LA SOGS PAS BYIN GYIS BRLABS SHING RGYUR BYAS PA NAS BRTZAMS TE ZHES PA'I DON DU BH'A BA BHA TRAS BSHAD DO, ,RANG
GIS KHAS BLABS PA YAL BAR MI 'DOR BA'I DON DU RANG MING NAS SMOS PAR AA BHYAS BSHAD PA LTAR SNGA MA LA YANG SHES PAR BYA'O, ,GNYIS PA LA LNGA, RNAM SNANG GI SDOM PA GZUNG BA, MI BSKYOD PA'I SDOM PA GZUNG BA, RIN 'BYUNG GI SDOM PA GZUNG BA, 'OD DPAG MED KYI SDOM PA GZUNG BA, DON YOD GRUB PA'I SDOM PA GZUNG BA'O, ,DANG PO NI, SANGS RGYAS RNAL 'BYOR SDOM PA LA, ,TSUL KHRIMS KYI NI BSLAB PA DANG, ,DGE BA'I CHOS NI SDUD PA DANG, ,SEMS CAN DON BYED TSUL KHRIMS GSUM, ,BDAG GIS BRTAN POR GZUNG BAR BGYID, ,SANGS RGYAS CHOS DANG DGE 'DUN TE, ,BLA NA MED PA'I DKON MCHOG GSUM, ,DENG NAS BRTZAMS TE GZUNG BAR BGYI, ,ZHES GSUNGS SO, ,'DI LA RDO RJE MKHA' 'GRO LAS, ,SANGS RGYAS RNAL 'BYOR BSKYED SDOM PA, ,SANGS RGYAS CHOS DANG DGE 'DUN TE, ,BLA NA MED PA'I DKON MCHOG GSUM, ,DENG NAS BRTZAMS TE MCHOG TU GZUNG, ,BSLAB PA YI NI TSUL KHRIMS DANG, ,DGE BA'I CHOS NI BSDU BA DANG, ,SEMS CAN DON BYED TSUL KHRIMS GSUM, ,BDAG GIS SO SOR BRTAN POR BZUNG, ,ZHES TSUL KHRIMS GSUM GZUNG BA YANG RNAM SNANG GI SDOM PAR GSUNGS PA LTAR BH'A BA BHA TRAS KYANG DE BZHIN DU BSHAD LA AA BHYA KA RAS BSHAD PA LA GSAL KHA MI SNANG NGO, ,'DI NI SDA MA LEGS TE, RTZE MO DANG RDO RJE MKHA' 'GRO GNYIS LAS RNAM SNANG GI SDOM PAR GSUNGS SHING, DPAL MCHOG 'GREL CHEN DANG RDO RJE 'BYUNG BA DANG NAG PO SPYOD PA'I MI H'A M'A YA'I DKYIL CHOG DANG RGYAL BA BZANG PO'I BDE MCHOG GI DKYIL CHOG LA SOGS PAR YANG RTZE MO BZHIN DU GSUNGS PA'I PHYIR RO, ,'ON KYANG 'GYUR NI RDO RJE MKHA' 'GRO LTAR SHIN TU LEGS SO, ,RDO RJE SNYING PO RGYAN GYI
, ,LE'U BCU GNYIS PA LAS, BYANG CHUB TU SEMS BSKYED PA TZAM ZHIG DE BZHIN GSHEGS PA'I RIGS KYI DAM TSIG TU GSUNGS PA'ANG YOD DO, ,'O NA SDOM PA BSGRAG PA'I SKABS SU, DKON MCHOG GSUM LA SKYABS 'GRA TZAM ZHIG RNAM SNANG GI SDOM PAR GSUNGS PA CI YIN SNYAM NA, SDOM PA BSGRAGS PA'I SKABS SU THUN MONG GI DAM TSIG RNAMS BYUNG YANG GZUNG BA'I SKABS SU MA BYUNG BA DANG 'DRA BAS 'GAL BA MED DO, ,'JUG SEMS 'DZIN PA NI SNGAR GONG DU SONG ZIN PAS GZUNG GZHAN NAS 'BYUNG PA LTAR TSUL KHRIMS GSUM LA SLOB PA BYANG SEMS KYI 'JUG SDOM 'DZIN PA LA SBYOR BA MI RIGS SO, ,DES NA SLOB DPON MU NENTRA BHA TRAS JI LTAR ZHES PA'I TSIGS BCAD KYIS SMON SEMS BSKYED PA DANG, DE NAS SNGAGS KYI SGOR SPYOD PA'I BYANG SEMS KYIS THUN MONG PA'I PHAR PHYIN GYI SDOM PA GZUNG BA NI TSUL KHRIMS KYI BSLAB PA ZHAS SOGS KYI TSIGS BCAD KYIS BSTAN NAS THUN MONG MA YIN PA'I BYANG SEMS KYI SDOM BA BLANG BA NI SANGS RGYAS ZHES PA MAN CHAD KYIS BSTAN PAR 'CHAD PA YANG 'THAD PAR MI SNANG NGO, ,'DI LA THUB PA DGONGS RGYAN LAS, BYANG CHUB TU SEMS BSKYED PA TSUL KHRIMS GSUM GYI SDOM PA DANG, DE NYID KHYAD PAR DANG BCAS PA DBANG BSKUR GYIS SDOM PA DANG ZHES TSUL KHRIMS GSUM GYI SDOM PA KHYAD PAR DANG BCAS PA LA SNGAGS KYI SDOM PAR GSUNGS PA'I KHYAD PAR NI DKYIL CHOG RDO RJE 'PHRENG BA LAS RIGS LNGAS BSDUS PA LA GSUNGS PA LTAR RIGS LNGA'I SDOM PA'O, ,DE'I PHYIR TSUL KHRIMS GSUM GYI SDOM PA NI RIGS GZHAN GYI DAM TSIG DANG YANG SBYAR DGOS MOD KYANG RNAM SNANG RIGS KYI GTZO BO YIN
PA LA DGONGS NAS DE'I DAM TSIG TU GSUNGS, ,DA NI GZHUNG GI DON BSHAD PAR BYA STE, GZUNG ZHES BA BSHAD GZHI'O, ,'DI RNAMS LA DUS JI SRID DU GZUNG BA DANG DGOS PA GANG GI PHYIR DU GZUNG BA NI SNGAR BSHAD PA'I BYANG CHUB SNYING PO'I BAR DANG 'OG NAS SEMS CAN KUN GYI DON GYI PHYIR, ZHES PA GNYIS KYIS BSTAN NO, ,GANG GZUNG BA NI, SANGS RGYAS NI RNAM SNANG NGO, ,BSKYED PA'AM SKYES PA NI DE'I RIGS KYI RNAL 'BYOR DANG LDAN PA'I SGRUB PA PO'I SGO GSUM BYA BA MA YIN PA LAS ZLOG CING SDUD PAS NA SDOM PA STE DE'O, ,DE NI DE KHO NA NYID THUGS SU CHUD CING SGRIB GNYIS BAG CHAGS DANG BCAS PA SPANGS PAS NA SANGS RGYAS TE RNAM SNANG LA SOGS PA DANG 'DZIN PAS NA CHOS TE LUNG DANG RTOGS PA DANG 'DUS PAS NA DGE 'DUN TE 'JAM DPAL LA SOGS PA'I BYANG SEMS RNAMS DKON PA'I NANG NAS GTZO BO YIN PAS NA MCHOG YIN LA DES NA BLA NA MED PA STE DE GSUM LA SKYABS SU 'GRO BA LA SOGS PA'O, ,DUS JI SRID DU GZUNG BA NI DENG NAS BRTZAMS TE BYANG CHUB KYI SNYING PO'I BAR DU'O, ,TSUL JI LTAR NA MCHOG TU STE GTZO BOR RO, ,GZUNG BA'I DON NI BSKYED PAR BYA BA STE DANG POR SKYABS SU SONG NAS DE'I 'OG TU STE DE DAG MNGON SUM DU BYA BA'O, ,YANG GZUNG ZHES BYA'O, ,GANG GZUNG NA TSUL KHRIMS GSUM MO, ,DE GSUM GANG ZHE NA, BSLAB PA STE SDOM PA'I TSUL KHRIMS NI MI DGE BA LAS LDOG PA'O, ,DGE BA'I CHOS RNAMS SDUD PA'I TSUL KHRIMS NI, DGE BA LA 'JUG PA'O, ,SEMS CAN DON BYED KYI TSUL KHRIMS NI GZHAN GYI DON BYED PA'O, ,DANG POS SEMS GNAS PA DANG GNYIS PAS RANG RGYUD LA SANGS RGYAS KYI CHOS SMIN PA DANG GSUM PAS GZHAN RGYUD SMIN PAR BYED PAR MAN NGAG SNYE MA LAS BSHAD PA
, ,NI BYANG SA'I DON NO, ,MAN SNYER, DGE DANG CHOS NI BSDU BA DANG, ,ZHES PA'I LUGS SU BYAS NAS DGE BA NI MI DGE BA DANG BRAL BA'I SDOM PA'I TSUL KHRIMS LA BSHAD DO, ,GANG GIS GZUNG BA NI, BDAG GIS ZHES PA STE 'GRO BA RNAMS BSGRAL BA'I PHYIR, KHAS BLANG ZHING NGA RGYAL BYA'O ZHES 'CHAD DE SEMS KYI DPA' BSKYED PA'O, ,JI LTAR GZUNG BA NI, SO SOR TE YANG DANG YANG DU 'DZIN PA DANG BRTAN POR NI SEMS BSKYED LA SOGS PA KHAS BLANGS PA DE DAG LA MI SHES PA'I DBANG GIS SLAR LDOG PAR MI BYED PA'O, ,SO SOR BRTAN POR ZHES PA 'DI 'OG MA KUN LA SBYAR RO, ,DPAL MCHOG 'GREL CHEN LAS, SANGS RGYAS RNAL 'BYOR SDOM PA LA, ,SDOM PA YI NI TSUL KHRIMS DANG, ,ZHES 'BYUNG NGO, ,SAm BHU tA LA SOGS PA RNAMS SU SANGS RGYAS RNAL 'BYOR ZHES SOGS 'OG TU BTON NAS DE'I SNGON DU TSUL KHRIMS GSUM GZUNG BA GSUNGS PA RNAMS SU YANG DON NI DE BZHIN DU SHES PAR BYA'O, ,GNYIS PA NI, RDO RJE RIGS MCHOG CHEN PO LA, ,RDO RJE DRIL BU PHYAG RGYA YANG, ,YANG DAG NYID DU GZUNG BAR BGYI, ,SLOB DPON DAG KYANG GZUNG BAR BGYI ZHES GSUNGS TE, GZUNG BAR BYA'O, ,GANG GZUNG BA NI SNGA MA LA LTOS NAS YANG ZHES GSUNGS TE RDO RJE'I DAM TSIG DANG DRIL BU'I DAM TSIG DANG PHYAG RGYA'I DAM TSIG DANG DER MA ZAD SLOB DPON DAG KYANG GZUNG NGO, ,DE DAG GZUNG BA GANG GI DAM TSIG LA YIN ZHE NA, RDO RJE RIGS MTHO CHEN PO LA, ZHES RDO RJE MKHA' 'GROR GSUNGS PA'I DON RDO RJE MTHO BA NI MI BSKYOD PA DANG RIGS NI DE DANG 'BREL BA'I SGRUB PO LA BSHAD PAS DE DAG GI DAM TSIG LA'O, ,YANG NA SDOM PA NYID RDO RJE'I RIGS MTHO CHEN PO STE, MI BSKYOD PA'I RANG BZHIN NO
ZHES KYANG BSHAD DO, ,AA BHYAS RDO RJE CHEN PO'I RIGS BSDUS PA, ZHES BTON NAS RDO RJE CHEN PO NI MI BSKYOD PA DANG RIGS NI DE LAS SPRUL PA'I DPAG TU MAD PA'I LHA TSOGS TE, DE RNAMS MI BSKYOD PAS BSDUS PA LA BSHAD DO, ,JI LTAR GZUNG BA NI YANG DAG NYID DU STE YANG DANG YANG DU GZUNG BA'O, ,YANG SAm BHU tA LAS, DE NYID LAS NI SO SOR GZUNG, ,ZHES 'BYUNG BAS RDO RJE LA SOGS PA RNAMS DE KHO NA NYID KYI SGO NAS GZUNG BAR BYA'O, ,'DI DAG DE KHO NA NYID KYI SGO NAS 'DZIN TSUL JI LTAR YIN ZHE NA, DE LA RDO RJE MKHA' 'GRO'I RIM PAR PHYE BA SO GCIG PA LA SOGS PA NAS GSUNGS PA LTAR MTSAN NYID DANG LDAN PA'I RDO RJE DANG DRIL BU 'DZIN PA NI RTAGS KYI RDOR DRIL 'DZIN PA YIN LA, DES GANG MTSON PA'I DON SHES NAS RDO RJE 'DZIN ZHING DRIL BU DKO PA BA NI DE KHO NA NYID KYIS 'DZIN PA'O, ,DE YANG DE BZHIN GSHEGS PA THAMS CAD KYI GNYIS SU MED PA'I THUGS BYANG CHUB KYI SEMS NI GSANG BA'AM NANG GI RDO RJE YIN LA PHYI'I RDO RJE 'DZIN PA'I TSE, DE DRAN NAS 'DZIN PA NI DE KHO NA NYID KYIS 'DZIN PA'O, ,DE LTAR YANG DPAL MCHOG DUM MA BU GNYIS PA'I 'GREL CHEN LAS, RDO RJE GSANG BA'I DON SNGAR LTAR BSHAD PA'I RJES SU RDO RJE'I DON 'DI MNGON SUM DU BYAS SHING DE BZHIN GSHEGS PA'I RIGS KYI RNAL 'BYOR PAS DE BZHIN GSHEGS PA'I RDO RJE BLANGS TE GZUNG BAR BYA'O, ,DE LAR DE BZHIN GSHEGS PA'I RDO RJE DE KHO NA NYID KYIS GZUNG STE, ZHES GSUNGS TE DE BZHIN GSHEGS PA'I RNAL 'BYOR PA DANG DE'I RDO RJES NI RIGS GZHAN YANG MTSON NO, ,JI LTAR NAM MKHA' THOGS PA'I RDZAS THAMS CAD BKAG PA TZAM YIN PAS DNGOS PO'I RANG BZHIN MED PA DE BZHIN DU DNGOS PO
, ,THAMS CAD LA YANG RANG BZHIN MED DE DON DAM PAR GDOD MNAS MA SKYES PA'I PHYIR RO, ,NAM MKHA' DANG MNYAM PA'AM 'DRA BA NI DE BZHIN NYID YIN LA DE'I SBYOR BA NI RNAL 'BYOR BA'I SEMS DANG SEMS BYUNG RNAMS DA KHO NA NYID DANG RO GCIG TU GYUR PA'O, ,DES NA RNAL 'BYOR PA'I YE SHES DES KUN MCHOG MNYAM PA NYID KYI DE BZHIN NYID DE GSAL BA STE KHYAB PA'O, ,SHES RAB DRIL BU ZHES BRJOD DO ZHES PA LTAR DE LTA BU'I SHES RAB NI DON GYI DRIL BU YIN LA RTAGS KYI DRIL BU DKROL BA NA'ANG DE 'DRA BA'I SGRA SGROGS PAR BSAMS NAS DKROL BA NI DE KHO NA NYID KYIS 'DZIN PA'O, ,DE LTAR YANG DUM BU GNYIS PA'I 'GREL CHEN LAS, THAMS CAD NAM MKHA'I MTSAN NYID CAN, ,NAM MKHA' YANG NI MTSAN NYID MED, ,NAM MKHA' MNYAM PAR SBYOR BA YIS, ,KUN MCHOG MNYAM PA NYID DU GSAL, ,ZHES BYA BA DE LTA BU'I SGRA DRIL BUS SGROGS PA YIN NO ZHES BYA BAS DRIL BU DKROL ZHING DE'I SGRA LA LHAG PAR MOS PAR BYA BA YIN NO, ,ZHES GSUNGS SO, ,PHYAG RGYA'I DE KHO NA NYID 'DZIN PA NI RIGS GANG GI SGRUB PA PO GANG YIN PAS RNAM SNANG LA SOGS PA'I SKUR BSKYED NAS SEMS CAN GYI KHAMS SBYONG ZHING BZLAS SGOM BYED PA STE, DPAL MCHOG 'GREL CHEN LAS, DE BZHIN GSHEGS PA'I RNAL 'BYOR PA RANG GI DE BZHIN GSHEGS PA'I PHYAG RGYA CHEN PO SGRUB PAR 'DOD PAS, JI LTA BA BZHIN DU DE KHO NA NYID KYIS RDO RJE BZUNG LA CHOS KYI DRIL BU DKROL BAR BYA'O, ,DE NAS RANG GI DE BZHIN GSHEGS PA'I PHYAG RGYA CHEN PO BCINGS LA GZUGS GANG DANG GANG GIS SEMS CAN 'DUL BAR 'GYUR BA'I GZUGS DE DANG DE RNAMS KYIS RNAM PAR SBYANG BAR BYA'O, ,DE
NAS BDAG NYID BYA BA BYAS PA LTA BU'I DE BZHIN GSHEGS PAR BSAMS LA BZLAS PA'AM SGOM PA BYA BA YIN NO, ,ZHES GSUNGS TE, DE BZHIN GSHEGS PA'I RIGS NI MTSON PA TZAM MO, ,DE NYID KYIS NI RDO RJE BZUNG, ,CHOS KYI DRIL BU DKROL BAR BYA, ,DAM TSIG GI NI PHYAG RGYA CHER, ,BYIN GYIS BRLABS NAS SNYING PA BZLA, ,ZHES DPAL MCHOG NAS 'BYUNG BA 'DI GENG MA RNAMS SU YANG DAM TSIG GSUM SBYIN PA'I SKABS SU DRANGS PA'I DON NO, ,'DI RNAL 'BYOR RGYUD DANG BLA MED GNYIS KA'I DAM TSIG GSUM THUN MONG BA YIN PAS PHYAG RGYA'I DAM TSIG YAB YUM PHAN TSUN 'KHYUD PA'I RNAM PA CAN KHO NAR MI BYA LA, DE BZHIN DU PHYAG RGYA 'CHING BA YANG SHES PAR BYA LA SKABS DANG SBYAR RO, ,SLOB DPON NI RANG GI BLA MA LA BYED PA DENG SLOB DPON GYI DBANG BSKUR BA LA BYED PA GNYIS 'GREL PAR GSUNGS KYANG SNGA MA SDOM PA BSGRAG PA DANG MTHUN NO, ,DE 'DZIN TSUL NI DE KHO NA NYID KYI YE SHES 'CHAR BA'I RGYUR KHAS LEN PA LA MAN SNYER BSHAD DE DNGOS GRUB KYI 'BYUNG GNAS DAM PAR LTA BA'O, ,GSUM PA NI, RIN CHEN RIGS MCHOG CHEN PO YI, ,DAM TSIG YID DU 'ONG BA LA, ,NYIN RE ZHING NI DUS DRUG TU, ,SBYIN PA RNAM BZHI RAB TU SBYIN, ,ZHES GSUNGS TE, SBYIN ZHES DRANG NGO, ,GANG NA SBYIN PAR BYA BA RNAM PA BZHI'O, ,DE NI ZANG ZING DANG CHOS DANG MI 'JIGS PA DANG BYAMS PA'O, ,YANG NA GSER LA SOGS PA'I NOR DANG 'BRU DANG BRAN LA SOGS PA'I NOR GYI SNYING PO'AM NOR GYI DANG PO DANG RKANG PA LA SOGS PA'I YAN LAG DANG MGO DANG RKANG LA SOGS PA'I YAN LAG GI SNYING PO'AM YAN LAG GI DANG PO BZHI'O, ,MAN SNYER BYAMS PA'I DOD LA SNYAN PAR SMRA BA DANG PHYE MA BZHI LA NOR DANG YAN LAG DANG SHIN TU BA'I NOR DANG YAN LAG
, ,CES PA'I THA SNYAD MA GTAGS PA 'DRA'O, ,GANG GI DAM TSIG LA DE LTAR SBYIN ZHE NA, RIN CHEN NI MNYAM NYID YE SHES YIN LA, RIGS NI DE LAS BYUNG BAS NA RIN CHEN 'BYUNG LDAN NO, ,RNAL 'BYOR NI DE'I RNAM PAR SEMS RTZE GCIG GIS YANG DANG YANG DU SBYOR BA RIN 'BYUNG GI RIGS KYI SGRUB PA PO STE DE'I 'DA' BAR MI BYA BAR NYAMS SU BLANG BAR BYA BA'I DAM TSIG NI SBYIN PA LA DGA' BA RNAMS DE LA SBYOR BAS DE DAG DGA' BAR BYED PA'I PHYIR YID DU 'ONG BA DE LA'O, ,RDO RJE MKHA' 'GRO LAS, RIN CHEN RIGS CHEN RNAL 'BYOR GYI, ,DAM TSIG YID DU 'ONG BA LA, ,ZHES BSGYUR BA LTAR SAm BHU tAR YANG 'BYUNG NGO, ,MAN SNYER RNAL 'BYOR GYI DON NI RIN 'BYUNG GI SBYIN PAS SEMS CAN DGA' BAR BYED PA LA DBANG BA LA BSHAD DO, ,TSAL JI LTAR SBYIN PA NI, NYIN LAN GSUM DANG MTSAN LAN GSUM STE DUS DRUG TU RAB TU SBYIN NO, ,DE YANG NYIN RE ZHING BYA STE AA BA TA RA LAS, BDAG LA SBYIN PAR BYA BA'I DNGOS PO MANG DU MI BDOG GO ZHES NYIN RE ZHING SBYIN PA'I BAR CHAD MI BYA'I CI NUS PAR CHUNG NGAM NGAN KYANG BLA SBYIN PAR BYA STE YONG YE DES DE LAS 'DA' BAR MI BYA'O, ,ZHES GSUNGS PA LTAR RO, ,RAB TU ZHES RGYUD GZHAN GNYIS LAS KYANG 'BYUNG NGO, ,SDOM PA GZUNG BSGRAG GI SKABS SU RIN 'BYUNG GI DAM TSIG LA NYIN ZHAG RE LA GRANGS JI TZAM BYA BA GSUNGS NAS GZHAN LA MA GSUNGS PA CI YIN ZHE NA SNGAR BSHAD PA LTAR RTZA BA DANG YAN LAG GI DAM TSIG RNAMS LA BSNGO BGRANG BYED PA'I SGO NAS NYES PAS GOS MA GOS RTOG PA LA DRUG BYA BAR GSUNGS PA NI MIN TE 'DI NI NYIN RE LA SBYIN PA LAN DRAG GTONG BA'O, ,DE 'DRA BA'I RIN 'BYUNG GI DAM TSIG LAN
DRUG BYA BAR GSUNGS PA NI DAM TSIG GZHAN LA YANG MTSON PA 'DRA STE, RTZE MO LAS, SNGA DRO SDOM PA BLANG BYA STE, ,DE NYID NYI PHYED DANG MTSAMS SU, ,NYIN DANG MTSAN MO LAN GSUM DU, ,SANGS RGYAS RDO RJE NOR BU DANG, ,PADMA BYED PA'I RNAL 'BYOR GANG, ,RNAM PA BZHI PO DE LAS SBYOR, ,SANGS RGYAS CHOS DANG TSOGS BYANG CHUB, ,NYEN DANG MTSAN LA RNAM PA DRUG, RDO RJE DRIL BU TSOGS SLOB DPON, ,RDO RJE CAN RNAMS DE BZHIN DRUG, CES GSUNGS PA'I PHYIR RO, ,SANGS RGYAS CHOS TSOGS NI SKYABS 'GRO YIN LA BYANG CHUB NI BYANG CHUB KYI SEMS BSKYED PA'O, ,RDO RJE CAN NI PHYAG RGYA'I DAM TSIG GO, DE RNAMS NYIN LAN GSUM DANG MTSAN LAN GSUM DU BYED PA NI DRUG GO, DE DAG TU LAS RIGS MA SMOS PA NI GZHAN DU RIN PO CHE'I RIGS KYI NANG DU LAS RIGS BSDUS NAS BZHIR GSUNGS PA YOD PAS DE YIN NI BA RTAG PAR BYA STE DE LTAR YANG RIGS GZHAN GYI DAM TSIG LA DRUG TU BYAS NAS 'DI LA MI BYED PA MIN NO, ,'O NA LUNG DE'I 'PHRO NYID NAS, ZANG ZING MI 'JIGS CHOS DANG NI, ,BYAMS PA NYIN ZHAG KUN LA BRGYAD, ,CHOS GSUM TSANGS PA BZHI ZHES PA, ,RNAM PA BRGYAD DU BZLAS PAR BYA, ,ZHES GSUNGS PA'I DON CI YIN SNYAM NA, SBYIN PA BZHI LAN DRUG BYA BAR GSUNGS PA NI DUS KYI SGO NAS YIN GYI NANG TSAN GYI DBYE BA'I SGO NAS MA YIN TE DUS RE RER YANG BZHI BZHI BYED PAS SO, ,BRGYAD DU GSUNGS PA NI NYIN MO DANG MTSAN MO'I SBYIN PA LA NANG TSAN GYIS PHYE NA BZHI BZHI YOD PA LA DGONGS SO, ,CHOS GSUM NI 'OD DPAG MED KYI DAM TSIG GI SKABS SU GSUNGS PA'I PHYI DANG GSANG BA DANG THEG PA GSUM GYI CHOS YIN LA DE LA SNGA MA GNYIS GSANG SNGAGS KYI CHOS
, ,ZHES GCIG TU BYAS NAS, NYIN MTSAN RE RE'I CHOS 'DZIN PA LA NANG TSAN GYIS PHYE BA BRGYAD DU BYAD PA 'DRA STE BRTAG PAR BYA'O, ,TSANGS PA BZHI NI TSANGS PA'I GNAS BZHI RU GRAGS PA'I TSAD MED BZHI STE DON GRUB BYA SGRUB YE SHES YIN LA SEMS CAN GYI DON GYI BYA BA SGRUB PA'I THABS DAM PA NI TSAD MED BZHI YIN PAS DE NYIN DANG MTSAN DU SGOM PA LA NANG TSAN GYI BYA BA YIN NAM DPYAD PAR BYA'O, ,SBYIN PA BZHI'I CHOS DANG ZANG ZING SBYIN PA SLA LA PHYI MA GNYIS NI, RTZE MO LAS, DGRA DANG GROGS DANG BAR MA LA, ,SEMS SNYOMS MI 'JIGS RAB TU SBYIN, ,SNYAN CING BDEN PAR SMRA BA YIS, ,ZHE SDANG 'JOMS BYED BYAMS PA BSGOM, ,ZHES GSUNGS PA LTAR SHES PAR BYA'O, ,NYIN RE LA SBYIN PA BYED LUGS NI ZANG ZING DANG CHOS LA DNGOS SU BYED PA MA BYUNG BA'I TSE, RANG GI LUS DANG LONGS SPYOD GZHAN LA GTONG BA'I BSAM PA DANG RANG GI DGE BA'I CHAS GZHAN LA BSNGO BA'I BSAM PA SBYANGS TE, GTONG SEMS SPEL BA NYID SBYIN PA LA SLOB PA'I GTZO BO YIN PA'I PHYIR RO, ,BTANG SNYOMS DANG BYAMS PA BSGOMS NAS KYANG MI 'JIGS PA DANG BYAMS PA'I SBYIN PA BYA'O, ,DE BZHIN DU DAM CHOS 'DZIN PA DANG MCHOD PA LA YANG DNGOS DE CHOS DANG YID KYI SGO NAS BSGRUB PAR BYA STE RIGS GZHAN GNYIS KYI NI GO SLA'O, ,BZHI PA MI BYANG CHUB CHEN PO LAS BYUNG BA, ,PADMA'I RIGS CHEN DAG PA LA, ,PHYI DANG GSANG BA THEG PA GSUM, ,DAM PA'I CHOS NI GZUNG BAR BGYI, ,ZHES GSUNGS TE, GZUNG BAR BYA'O, ,GANG GZUNG BA NI, DAM PA NI SANGS RGYAS TE DE'I CHOS NI'O, ,DE YANG PHYI NI GANG DU KHRUS DANG GTZANG SBRA LA SOGS PA RNAMS KYI BYA
BA DANG PHYI ROL GYI BKOD PA DANG BRIS SKU LA SOGS PA'I LHA LA DMIGS PA STON PA BYA BA'I RGYUD DAM TSIG GSUM BKOD DANG 'BYUNG PO 'DUL BYED LA SOGS PA DANG, SPYOD PA'I RGYUD RNAM SNANG MNGON BYANG LA SOGS PA'O, ,GSANG BA LA GSUM LAS, RNAL 'BYOR GYI RGYUD NI DE NYID BSDUS PA SOGS SO, ,RNAL 'BYOR CHEN PO'I RGYUD NI GSANG 'DUS LA SOGS SO, ,RNAL 'BYOR BLA NA MED PA'I RGYUD NI RNAL 'BYOR MA'I RGYUD DO, ,THEG PA GSUM NI NYAN RANG GI THEG PA GNYIS DANG PHA ROL TU PHYIN PA'I MTSAN NYID KYI THEG PA STE SNGAGS KYI THEG CHEN NI PHYI DANG GSANG BAR GSUNGS PA'I PHYIR RO, ,ZHES MAN SNYER BSHAD DE BH'A BA BHA TRA YANG DE DANG DGONGS PA MTHUN PA'I SNANG NGE, ,'DI LA SLOB DPON MU NE NDRA BHA DRAS NYAN RANG GNYIS DANG PHA ROL TU PHYIN PA'I THEG PA CHEN PO DANG GSUM LA PHYI DANG BYA BA DANG SPYOD PA DANG RNAL 'BYOR GYI THEG PA LA GSANG BA'I THEG PA GSUM DU 'DOD PA LA CHOS 'DI PA ZHES GSUNGS PA DANG SKYABS GNAS 'DRA ZHING 'DU BYED THAMS CAD MI RTAG PA SOGS BZHI PO 'DOD MI 'DOD KYIS PHYI NANG DU 'JOG PAS NYAN RANG SOGS PHYI PAR 'JOG PA MI 'THAD CES SUN PHYUNG NAS, RANG LUGS NI RIG BYED LA SOGS PA PHYI ROL PA'I CHOS DANG NYAN RANG DANG THEG CHEN GSUM GSANG BA'I THEG PAR 'JOG STE, 'DIS NI GSANG BA'I THEG PA ZHES 'DON NO, ,DE LTAR NA 'GREL PA DAG GIS NI PHYI DANG GSANG BA ZHES BTON NAS BSHAD PA MDZAD LA RDO RJE SNYING PO RGYAN GYI BCU GNYIS PA LAS NI, PADMO SNANG BA'I RIGS DAG LA, ,PHYI DANG NANG GSANG BA YI, ,DAM TSIG RAB TU GZUNG BA YIS, ,BLA MED BYANG CHUB THOB PAR BYED, ,CES GSUNGS SO, ,'O NA DAM CHOS GZUNG BA DE
, ,GANG GI DAM TSIG LA BYA ZHE NA, BYANG CHUB CHEN PO NI CHOS THAMS CAD RANG BZHIN MED PA'O ZHES BYA BA LA SOGS PAR SO SOR RTOG PA'I YE SHES YIN LA DE LAS BYUNG BA NI PADMA CHEN PO SNANG BA MTHA' YAS SO, ,DE NI GZUNG 'DZIN LA SOGS PAR MNGON PAR ZHEN PA MED PAS NA DAG PA'O, ,RIGS NI SNANG BA MTHA' YAS KYI BDAG NYID CAN TE DE RNAMS KYI DAM TSIG LA'O, ,MAN SNYER 'OD DPAG MED KYI RIGS KYI SDOM PA NI KHA NA MA THO BA MED PA'I NGAG GI RANG BZHIN YIN PAS DAG PA'O, ,DES NA 'DI LAS SO SOR RTOG PA'I YE SHES 'BYUNG BAR 'GYUR RO ZHES 'CHAD DO, ,CHOS DE RNAMS 'DZIN LUGS NI SNGAR BSHAD PA LTAR 'DIS BDAG LA DGOS PA MED DO ZHES MI SPONG BAR 'DZIN PA'O, ,LNGA PA DON YOD GRUB PA'I SDOM PA GZUNG BA NI, LAS KYI RIGS MCHOG CHEN PO LA, ,SDOM PA THAMS CAD LDAN PAR NI, ,YANG DAG NYID DU GZUNG BAR BGYI, ,MCHOD PA'I LAS KYANG CI NUS BGYI, ,ZHES GSUNGS TE, BGYI'O ZHES BYA'O, ,GANG NA MCHOD PA'I LAS SO, ,DE STON PA NI, SDOM PA THAMS CAD LDAN PAR NI, ,ZHES PA STE PHYI DANG GSANG BA'I MCHOD PA THAMS CAD DANG LDAN PA'I MCHOD PA'O, ,DE NYID NI MAN SNYER, 'DIR SDOM PA NI DON YOD GRUB PA'I RIGS KYI MCHOD PA BYA BA NAN TAN GYI YE SHES KYI NGO BO'I PHYIR RO, ,ZHES GSUNGS PA LTAR SDOM PA STE, DE YANG DAG PA NYID DU GZUNG NGO, ,MAN SNYER NYER SPYOD LNGA PHYI'I MCHOD PA DANG BSGOMS PA'I DKYIL 'KHOR LA RANG GI SA BON LA SOGS PA 'DZIN PA RNAMS KYIS MCHOD PA GSANG PA'I MCHOD PA DANG YUM DANG SNYOMS PAR ZHUGS PAS DGA' BA BZHI'I RIMS KYIS NYON MONGS DAG PA'I GO 'PHANG MNGON DU BYAS PA DE KHO NA NYID KYI MCHOD PA DANG, MNGON BRJOD BLA MA LAS, RANG
BZHIN MED PA'I GNAS GOMS PAS, ,LHA YI SNYING PO SGOM BYED PA, ,DE NI MCHOD PA CHEN POR 'DOD, ,SANGS RGYAS THAMS CAD RTOGS BYED PA'O, ,ZHES GSUNGS PAS, RANG BZHIN MED PA NYID DU RANG GI LHA'I NGO BO'I RJES SU BYED PA'I BYANG CHUB KYI SEMS BSGOMS PAS MCHOD PA BLA NA MED PA'I DE KHO NA NYID KYI MCHOD PAR BSHAD DO, ,MCHOD PA'I DAM TSIG 'DI RGYUD SDE GNYIS THUN MONG BA YIN PAS RANG RANG GI SKABS DANG SBYAR RO, ,TSUL JI LTAR BYA BA NI, CI NUS ZHES TE RANG GI STOBS CI YOD PA BZHIN KHAS LEN PA'O, ,KYANG ZHES PA NI SNGA MA RNAMS LA LTOS PA'O, ,DE 'DRA BA DE SU'I DAM TSIG LA BYA SNYAM NA, LAS KYI RIGS MCHOG CHEN PO STE DON YOD GRUB PA'I BDAG NYID KYI DAM TSIG LA'O, ,GSUM PA DON BSDUS TE KHAS BLANG BA NI, BYANG CHUB SEMS NI BLA NA MED, ,DAM PA BDAG GIS BSKYED BGYIS NAS, , SEMS CAN KUN GYI DON GYI PHYIR, ,BDAG GIS SDOM PA MA LUS GZUNG, ,MA GROL BA NI DGROL BAR BGYI, ,MA BRGAL BA NI BSGRAL BAR BGYI, ,DBUGS MA PHYIN PA DBUGS DBYUNG ZHING, ,SEMS CAN MYA NGAN 'DAS LA DGOD, ,CES GSUNGS TE, RKANG PA DANG PO GNYIS NI SMON 'JUG GNYIS KYI DON BSDU DANG, DE NAS GNYIS NI SDOM PA LNGA'I DON BSDU'O, ,MA GROL PA NI GTI MUG SOGS SGRIB PA GNYIS KYI 'CHING BAS BCINGS PA'I TSANGS PA LA SOGS PA STE DE RNAMS DGROL BA DANG NYAN RANG SHES SGRIB LAS MA BRGAL BA RNAMS DE LAS BSGRAL BA DANG, DMYAL BA LA SOGS PA DBUGS MA PHYIN PA RNAMS DBUGS DBYUNG ZHING SEMS CAN KUN MI GNAS PA'I MYA NGAN LAS 'DAS PA LA DGOD DO ZHES PA NI MAN SNYE DANG RDO RJE MKHA' 'GRO'I RNAM BSHAD GNYIS KA'I DGONGS PA'O, ,TSIGS
, ,BCAD THA MA 'DI 'JUG SEMS BSKYED PA LA MAN SNYER BSHAD DO, ,DE LTAR RNAM SNANG GI SDOM PA MAN CHAD KYI BSHAD PA GSAL KHA MED PA RNAMS BH'A BA BHA TRA'I DGONGS PA BZHIN BSHAD PA'O, ,SLOB DPON MU NE NDRA BHA DRAS DE BZHIN GSHEGS PA'I RIGS LA DKON MCHOG GSUM GZUNG BA GCIG DANG RDO RJE'I RIGS LA RDO RJE DANG DRIL BU'I PHYAG RGYA DANG SLOB DPON GZUNG BA GSUM DANG RIN PO CHE'I RIGS LA SBYIN PA BZHI DANG, PADMA'I RIGS LA PHYI ROL GYI CHOS DANG THEG PA GSUM STE BZHI DANG LAS KYI RIGS LA SDOM PA THAMS CAD DANG LDAN PAR BYA BA DANG MCHOD PA'I LAS BYA BA STE BCU BZHIR 'CHAD DO, ,DRIL BU'I PHYAG RGYA ZHES GCIG TU BSDUS PA NI SLOB DPON KUN SNYING GIS DPAL MCHOG 'GREL PAR DE GNYIS SO SOR BSHAD PA DANG 'GAL BAS MI 'THAD LA, PADMA'I RIGS KYI PHYI ROL GYI BSHAD PA'ANG 'THAD SNYAM PA MED DO, ,'ON KYANG LAS RIGS LA GNYIS BYED PA NI, RDO RJE SNYING PO RGYAN GYI BCU GNYIS PA LAS, RNGA SGRA LAS KYI RIGS MANG PO, ,DAM TSIG DANG NI SDOM PAR LDAN, ,BSNYEN BKUR MCHOD PA SEMS CAN DON, ,BYAS PAS DE YI YON TAN 'THOB, ,CES GSUNGS PA DANG MTHUN LA, DER NI SEMS CAN GYI DON BYED PA YANG GSUNGS SO, ,DE LTA YIN NA'ANG SNGAR NI 'GREL PA GNYIS KYI LUGS SU BSHAD DO, ,DAM TSIG DE RNAMS THAMS CAD RIGS SO SO'I SGRUB PA PO THAMS CAD KYIS BSRUNG DGOS MOD KYANG RANG GI RIGS GANG YIN PA'I DAM TSIG LA LHAG PAR NAN TAN BYED DGOS PAR SANGS RGYAS GSANG BAS GSUNGS TE AA BA TA RA LAS, DE BAS NA GANG YANG RUNG BA'I RIGS LA RANG GI LTA
MNYES PAR BYED PAS KYANG RIGS KYI RJES SU MTHUN PAR BSTAN PA'I DAM TSIG GI BYE BRAG 'DI DAG THAMS CAD KYANG CI NUS PAR RJES SU 'JUG PAR BYA'O, ,MNYES PAR BYA BA RANG GI LHA'I RJES SU MTHUN PA'I DAM TSIG GANG YANG RUNG BA LA SHIN TU LHAG PAR NAN TAN DU BYA DGOS TE KHYAD PAR NI DE YOD DO, ,ZHES GSUNGS TE, DPER NA MI BSKYOD PA'AM DE'I RIGS LA ME TOG PHOG PA'I SGRUB PA PO YIN NA DAM TSIG GSUM DANG SLOB DPON GZUNG BA LA NAN TAN DU BYA DGOS PA LTA BU'O, ,'O NA SDOM PA BSGRAG PA'I SKABS SU THUN MONG GI DAM TSIG RNAMS BSKRAGS NAS 'DZIN PA'I TSE DE DAG GZUNG BA MI 'CHAD PA CI YIN SNYAM NA, 'DI LA SLOB DPON LVA BA PA LA SOGS PA 'GA' ZHIG GIS NI DE RNAMS KYANG RIGS LNGA'I SDOM PA GZUNG BA'I 'OG TU DNGOS SU 'DZIN PA MDZAD PA YOD DO, ,'ON KYANG SDOM PA 'BOGS PA'I TSE SLOB DPON GYIS RIGS LNGA SPYI DANG SO SO'I DAM TSIG RAGS RIM ZHIG BSHAD LA DE NAS RIGS LNGA DANG 'BRAL BA'I SGRUB PA PO RNAMS KYIS GANG LA BSLAB PAR BYA BA'I DAM TSIG THAMS CAD LA BSLAB BO SNYAM PA'I SDOM PA 'DZIN 'DOD BSKYED NAS PHOG PAS CHOG PAS ZUR PA MED KYANG CHOG CHAD PA'I SKYON MED DO, ,DE LTAR NA SDOM GZUNG GI GZHUNG RNAMS KYI DON BSDU NA 'DIR 'GYUR TE DKON MCHOG GSUM DANG BLA MA LA SKYABS SU 'GRO BA BYAS NAS RANG NYID LHA'I SKU PHYAG RGYA CHEN POR BSKYED LA RDO RJE DANG DRIL BU'I DE KHO NA NYID DRAN TE BZUNG NAS RANG LA MCHOD PA 'GYID CING THEG PA GSUM LA MKHAS PAR BYAS NAS NYES SPYOD MTHA' DAG LAS LDOG PA DANG, DGE BA'I CHOS MTHA' DAG BSDUS NAS SBYIN PA BZHI'I SGO NAS SEMS CAN GYI DON BYED PA'O, ,KLU BYANG
, ,GI DKYIL CHOG LAS, ,SLOB MA DANG NI BLA MA YIS, ,DANG POR LAN GSUM BRJOD NAS NI, ,ZHES SDOM PA GZUNG BA'I CHO GA DPON SLOB GNYIS KAS LAN GSUM GSUM BRJOD DGOS PAR GSUNGS PA LTAR SGRA GCAN 'DZIN DPAL BSHES GNYEN GYI DKYIL CHOG DANG DKYIL CHOG RDO RJE PHRENG BAR YANG LAN GSUM BYED PAR GSUNGS PAS LAN GSUM BYA DGOS LA, KHYAD PAR DU SDOM PA THOG MAR LEN PA DANG, NYAMS PA GSO BA YIN NA NGES PAR TSANG BA LAN GSUM BYA DGOS TE DE MA TSANG NA CHO GA MA TSANG BAS MI SKYE BA NI GZHAN DANG 'DRA BAR SEMS SO, ,'O NA SDOM PA THOB ZIN LA MA BTANG BAS KYANG YANG YANG LEN PAR GSUNGS PA CI YIN SNYAM NA, DE NI DAM TSIG RNAMS BSRUNG BA LA SEMS BRTAN PAR BYA BA'I PHYIR YIN TE, AA BA TA RA LAS, BCOM LDAN 'DAS KYI SPYAN SNGAR SPYI'I CHO GA BSTAN PA'I MTSAN NYID THEG PA CHEN PO'I SDOM PA SNGAR MNOS SU ZIN KYANG SEMS BRTAN PAR BYA BA'I PHYIR YANG BSKYED DO, ,ZHES GSUNGS SO, ,SDOM PA 'DI LEN PA'I SKABS NI CHO GA NYI SHU PA GNYIS DANG DKYIL CHOG ZUNG 'JUG GSAL BA DANG RDO RJE PHRENG BA SOGS MANG POR STA GON GYI SKABS SU LEN PA MDZAD LA, RDO RJE RTZE MO'I RJES SU 'BRANGS NAS SLOB DPON KUN DGA' SNYING PO LA SOGS PA DAG GIS DNGOS GZHI'I SKABS SU LEN PA MDZAD DO, ,MAR ME MDZAD BZANG POS, RMI LAM BZAD NGAN DRIS NAS NI,, MI DGE THABS SBYOR DAG GIS GZHOM, ,SLOB MA LEGS BSRUNGS SNOD GYUR PA, ,DE NAS SDOM PA 'DZIN DU GZHUG, CES SLOB MA LA RMI LAM BRTAGS PA'I 'OG DNGOS GZHI MA ZUG PA'I BAR DU LEN PAR MDZAD DE 'DI'I RJES SU 'BRANG BA YANG MANG NGO, ,DE LTAR NA DE DAG
NI GANG GI RJES SU ZHUGS NAS BLANGS KYANG SKYE BAR GSAL LO, ,SDOM PA SKYE BA NI 'BOGS PA'I CHO GA LAN GSUM BYAS PA'I MTHAR SKYE'I DBANG RDZOGS PA LA MI LTOS SO, ,DE DAG KYANG DKYIL 'KHOR GYI CHO GA DANG 'BREL PA'I DBANG DU BYAS KYI GZHAN NI MNGON RTOGS BSGOM PA'I DUS SU YANG LAN PA LTAR MA NGES SO, ,DUS KYI 'KHOR LO LAS NI GZHAN RNAMS DANG CUNG ZAD MI 'DRA BAR GSUNGS TE 'OG TU STON NO, ,SDOM PA GZUNG BA BSHAD ZIN TO, ,GSUM PA SDOM PA BZUNG MA BZUNG LA DBANG BSKUR MA BSKUR GYI TSUL LA GSUM SDOM PA MI 'DZIN PA LA DBANG MI BSKUR BA'I TSUL, DE LA RTZOD PA SPANGS TE DBANG BSKUR BAS SDOM PA 'DZIN TSUL BYA SPYOD KYI DBANG BSKUR BA LA SDOM PA GANG 'DZIN BSTAN PA'O, ,DANG PO NI, RDO RJE 'BYUNG BA LAS, GANG ZHIG SDOM PA 'DZIN PAR MI BYED PA DE LA NI DENG KHYOD CES BYA BA LA SOGS PA RNAMS BRJOD PAR MI BYA STE SLOB DPON DU RJES SU GNANG BA DANG DBANG BSKUR BAR MI BYA'O, ,'JUG PA TZAM ZHIG BYED DU GZHUG GO, ZHES SDOM PA MI 'DZIN NA ME TOG DOR NAS LHA NGO STON PA YAN CHAD 'JUG PA TZAM ZHIG BYED LA DBANG MA BSKUR ZHING 'JUG PA'I SKABS KYI YANG DAM GZHAG GI SKABS MI BYED PAR GSUNGS SO, ,DE 'DRA BA LA SDOM PA 'DZIN PA'I GSOL GDAB LA SOGS PA YANG GZHAG DGOS SO, ,GZHUG PA TZAM LA NI SNOD DANG LDAN MI LDAN BRTAG MI DGOS PAR GSUNGS TE RTZE MO LAS, DE BZHIN GSHEGS PA THAMS CAD KYI GSANG BA'I DKYIL 'KHOR GYI RGYAL PO CHEN PO 'DIR NI MA LUS SHING LUS PA MED PA'I SEMS CAN GYI KHAMS THAMS CAD 'JUG TU RUNG NGO, ,SNOD DANG SNOD MA YIN PA
, ,YONGS SU BRTAG PAR MI BYA STE, GZHUG PA LA MNGON PAR ZHEN PA YONGS SU GZUNG BAR BYA'O, ,DE CI'I PHYIR ZHE NA, SEMS CAN THAMS CAD KYIS MTHONG BA TZAM GYI MOD LA PHYIR MI LDOG PA NYID DU 'GYUR RO, ,DAD PA MED PA DANG DGE BA'I RTZA BA MA BSAGS PA DANG RGYUD YONGS SU MA SMIN PA DANG MOS PA MED PA MANG DU ZIN KYANG 'ON KYANG MTHONG BA TZAM GYIS SO, ,ZHES GSUNGS TE DKYIL 'KHOR DU GZHUG PA DANG ZHUGS PA LA DBANG BSKUR BA GNYIS LAS GZHUG PA NI SNOD DANG MI LDAN PA LA'ANG MA BKAG PA YIN GYI DBANG BSKUR BA MI 'GOG PA NI MIN TE, RTZE MO LAS, GAL TE DE NI SNOD MIN NA, ,DE LA GZHUG PA SBYIN PAR BYA, ,ZHES DANG, GZHUG PA TZAM ZHIG SBYIN BYA'O, ,RNAM PA THAMS CAD BYA BA MIN, ,ZHES SO, ,DES NA RTZA RGYUD DE NYID BSDUS PAR, DKYIL 'KHOR CHEN PO 'DIR GZHUG PA LA SNOD DU GYUR PA DANG SNOD DU MA GYUR PA BRTAG MI 'TSAL LO, ,ZHES GSUNGS PA'I DGONGS PA NI BSHAD RGYUD RTZE MO NAS BKRAL BA'I DON MKHAS PA KUN SNYING GIS GSUNGS PA DE'O, ,'O NA DBANG MI BSKUR BAR DKYIL 'KHOR DU 'JUG PA TZAM BYED PA DE RGYUD SDE GZHAN LA RUNG DAM MI RUNG ZHE NA, 'DI LA RNAM SNANG MNGON BYANG LAS, GSANG BA PA'I BDAG PO GANG DAG GIS SNGON THEG PA CHEN PO GSANG SNGAGS SBYONG BA'I TSUL SGO MTHA' YAS SGRUB PA LA GOMS PAR BYAS PA DE DAG NI RDO RJE SEMS DPA' YIN TE, DE RNAMS NYID KYI DON GYI PHYIR GRANGS KYI TSAD 'DI BYAS SO, ,'ON KYANG SLOB DPON SNYING RJE CHEN PO DANG LDAN PAS SEMS CAN GYI KHAMS MA LUS PA BSGRAL BAR YI DAM BCA' BA KHO NAR BYA STE, DES BYANG CHUB KYI SEMS KYI RGYUR 'GYUR BAR BYA BA'I PHYIR SEMS
CAN CHAD MED PA RNAMS YONGS SU BZUNG BAR BYA'O, ,ZHES GSUNGS SHING DE'I 'GREL PA LAS, GONG DU GRANGS SU BCAD PA NI SGRUB PA'AM SLOB DPON DU SMIN PAR BYA BA'I SLOB MA STE DE LAS GZHAN PA'I SEMS CAN LA'ANG SNYING RJE CHEN PO BSKYED DE, DKYIL 'KHOR DER BTZUD NA SLOB DPON NAM SGRUB PA POR MI 'GYUR YANG DKYIL 'KHOR DU BTZUD CING BYANG CHUB TU SEMS BSKYED NA BYANG CHUB KYI RGYU'I SA BON DU 'GYUR BA'I PHYIR TSAD DANG GRANGS CHAD PA MED PAR GZUNG NGO, ,ZHES 'CHAD CING SLOB MA DAM PA RNAMS LA GRANGS NGES MDZAD PA NI DE 'DRA STE DKON ZHING MANG DU MI 'BYUNG BA'I PHYIR RO, ,ZHES BSHAD DO, ,DE LTAR NA SLOB DPON SANGS RGYAS GSANG BA NI BYA SPYOD GNYIS LA YANG TSUL DE RUNG BAR BZHED DE, RNAM SNANG MNGON BYANG GI RGYUD NI THABS SHES GTZO BOR GYUR PA SBYOR BA'I RGYUD YIN YANG BYA BA'I RGYUD DAM GNYIS KA'I RGYUD LTA BUR SO SOR BRTAGS SHING GRAGS SO, ,ZHES BZHED PA'I PHYIR RO, ,DE NYID BSDUS PA'I STOD 'GREL LAS, JI LTAR BYA BA'I RGYUD LA SOGS PA DE LTAR 'DIR CI'I PHYIR MI BYA ZHES BYA BA'I GTAN TSIGS CI ZHIG GI YOD CE NA, 'DIR RGYUD NA CI'I PHYIR ZHE NA ZHES BYA BA LA SOGS PA SMOS TE, ZHES DANG KO SA LA'I RGYAN LAS KYANG, RGYUD GZHAN LAS SNOD DANG SNOD MA YIN PA RTOG PAR BYED PA DE BZHIN DU 'DIR SNOD DU GYUR PA DANG SNOD DU MA GYUR PA BRTAG NI MI 'TSAL LO, ,ZHES GSUNGS PA NI BYA SPYOD LA DKYIL 'KHOR DU 'JUG PA BRTAG DGOS PA LTAR 'DIR MI DGOS ZHES PA'I DON DU BYAS NA CHOS MI LDAN GYI GANG ZAG GSUM DANG CHOS LDAN GYI GANG ZAG ZHUGS NA DON CHE BA SGRUB BYED DU BKOD PA BYA SPYOD LA YANG MTSUNGS PAS MI 'THAD DO, ,DES NA BYA SPYOD LA DAM TSIG LA MI
, ,DGA' BA DANG SNGAR SPYAD MI NUS PA LA SOGS PA DBANG BSKUR BA'AM LAM GYI SNOD DU MI RUNG ZHING DE LAS BZLOG PA'I SNOD RUNG DGOS PA LTAR DKYIL 'KHOR DU 'JUG PA LA DE LTAR MI DGOS ZHES SBYAR DGOS PA 'DRA BAS SLOB DPON KUN SNYING SOGS KYANG, SANGS RGYAS GSANG BA DANG 'DRA BAR MNGON NO, ,DGRA NAG GI 'GREL PA RIN CHEN SGRON MAR DE NYID BSDUS PA'I LUNG DRANGS NAS SROG GCOD PA LAS LDOG NA GZHUG PA TZAM BYED PA DANG MI LDOG NA BTANG SNYOMS SU BZHAG PA'AM YANG NA NAN TUR GYIS GZHUG PAR BSHAD 'DIS NI TSUL DE BLA MED LA'ANG RUNG BAR BSHAD DE, ,GNYIS PA NI, 'O NA RDO RJE 'BYUNG BA DANG DE NYID BSDUS PA'I STOD 'GREL LAS, SDOM PA MI 'DZIN PA LA DBANG BSKUR BKAG PA DANG YANG 'GREL PA DE NYID LAS, ME TOG GI PHRENG BA'I DBANG BSKUR BA DANG PHYAG RGYA'I DBANG BSKUR BA DANG RDO RJE'I DBANG BSKUR BA DENG BDAG PO'I DBANG BSKUR BA DANG MING GI DBANG BSKUR BA GSUNGS PA 'DI DAG THAMS CAD KYIS KYANG PHYIR MI LDOG PA'I SA BON BSKYED PA'I PHYIR YIN PAS SDOM PA THAMS CAD GZUNG BA DANG MA GZUNG BA'I SPYI'I DBANG BSKUR BA YIN NO, ,ZHES SDOM PA MI 'DZIN PA LA'ANG DBANG BSKUR BAR BSHAD PA GNYIS 'GAL LO ZHE NA, MI 'GAL TE 'JUG PA TZAM ZHIG BYED DU GZHUG GO, ZHES TZAM GYI SGRAS DBANG BSKUR BA BCAD PA NI SNGAGS KYI SDOM PA MI 'DZIN PA'I CHOS MI LDAN GYI DBANG DU BYAS PA STE RTZE MO'I LUNG DRANGS PA LTAR RO, ,STOD 'GREL LAS GSUNGS PA NI SNGAGS KYI SDOM PA MI 'DZIN YANG SLOB MA'I DBANG GI SNOD DU RUNG BA SLOB MA'I DBANG TZAM BSKUR BA YIN, DES NA SNGAGS KYI SDOM PA MI 'DZIN PA LA RDO RJE SLOB DPON GYI DBANG MI BSKUR BAR
NGES KYANG SLOB MA'I DBANG BSKUR MI BSKUR GNYIS YOD DO, ,'O NA SLOB MA'I DBANG TZAM BSKUR BA'I SNOD DU RUNG BA DE CI 'DRA ZHIG YIN SNYAM NA, 'DI LA MKHAS PA KHA CIG SLOB MA'I DBANG BSKUR BA TZAM ZHIG BLANGS NAS DNGOS GRUB SGRUB PAR 'DOD PA'O, ,ZHES GSUNGS PA NI DON MIN PAS BZHI BRGYA LNGA BCU PA'I 'GREL PAR SH'ANTI PAS GSUNGS PA LTAR 'DOD PAR BYA STE, JI SKAD DU, YANG GANG ZHIG LA RIG PA'I DBANG BSKUR BA 'BA' ZHIG TZAM SBYIN ZHE NA, SLOB DPON DU DBANG BSKUR BA DON DU MI GNYER BA'AM DE DON DU GNYER BA SPYI'I SDOM PA NYI TSE TZAM LEN PAR BYED KYI SLOB DPON GYI SDOM PA NI MA YIN PA DAG LA'O, ,ZHES SLOB DPON GYI DBANG BSKUR DON DU GNYER MI GNYER GANG YIN YANG THUN MONG GI SDOM PA TZAM ZHIG 'DZIN GYI, SLOB DPON GYI SDOM PA MI 'DZIN PA LA SLOB MA'I DBANG TZAM BSKUR BAR GSUNGS SO, ,SDOM PA DE GNYIS KYANG 'GREL PA DE NYID LAS, DE LA SDOM PA GANG SLOB DPON DU MI BYED KYANG SBYIN PA DE NI SPYI'I YIN TE SKYABS SU 'GRO BA DANG BYANG CHUB TU SEMS BSKYED PA TZAM GYI MTSAN NYID SNGAR BSHAD PA YIN NO, ,DE LA SLOB DPON DU BYED PAR BYIN PA GANG YIN PA DE NI SLOB DPON GYI SDOM PA STE RIGS LNGAS BSDUS PA'O, ,ZHES SKYABS SU 'GRO BA SNGON DU 'GRO BA CAN BYANG CHUB KYI SEMS BSKYED PA'I SDOM PA NI SLOB DPON GYI DBANG DANG SLOB MA'I DBANG TZAM DON DU GNYER BA GNYIS KAS 'DZIN DGOS PAS SPYI'I SDOM PA'AM THUN MONG GI SDOM PA DANG, JI LTAR DUS GSUM ZHES SOGS KYIS GZUNG BA'I RIGS LNGA'I SDOM PA NI SLOB MA'I DBANG TZAM BSKUR BA LA MI STER GYIS, SLOB DPON GYI DBANG BSKUR BA LA STER BAS SLOB DPON GYI SDOM PA'AM THUN MONG MA YIN PA'I SDOM PAR GSUNGS SO, ,LUGS 'DI NI DKYIL CHOG RDO RJE PHRENG
, ,BAR YANG BKOD LA SDOM 'BYUNG GI BKA' 'GREL PADMA CAN DU YANG DE GNYIS KYI RJES SU 'BRANG BAR SNANG STE SHIN TU LEGS PA YIN NO, ,DE LTAR NA DKYIL 'KHOR DU 'JUG PA TZAM ZHIG BYED PA NI THUN MONG YIN MIN GYI SDOM PA GNYIS GANG YANG ME 'DZIN PA STE DE YANG MTSAMS MED LA SOGS PA'I SDIG PA CHEN PO BYED PA DANG RGYAL SRID DANG BZA' BTUNG DANG 'DOD YON LNGA LA CHAGS PA CHE ZHING, DAM GZHAG GI DAM TSIG SRUNG PA LA MI DGA' LA SNGAR SPYAD BCO BRGYAD MI NUS PA DANG DGE BSNYEN LA SOGS PA'I BSLAB PA'I GZHI 'DZIN PA LA SKRAG CING LHA CHEN PO LA SOGS PA'I 'JIG RTEN PA'I LHA'I DKYIL 'KHOR DU 'JUG PAR MOS PA LA DE NYID BSDUS PA RTZE 'GREL LAS GSUNGS PA RNAMS SO, ,KO SA LA'I RGYAN LAS DE RNAMS LA YANG SKYABS 'GRO DANG SEMS BSKYED BYED PA MI 'GAL BAS DE BYAS NAS DKYIL 'KHOR DU ZHUGS NA YON TAN THAMS CAD THOB PAR 'GYUR BAR GSUNGS PA'I SEMS BSKYED NI SMON SEMS TZAM YIN TE, 'JUG PA SEMS BSKYED TSOGS 'DZIN NA THUN MONG GI SDOM PA BZUNG BA YIN PAS SO, ,DES NA DE DAG LA THUN MONG GI SDOM PA 'DZIN PA'I SKOR RNAMS KYANG MI BYA'O, ,'DI NI SRUNG SDOM MI NUS SHING SNGAGS LA YANG MOS PA RNAMS LA SNGAGS KYI BAG CHAGS BSGOS PA'I THABS SHIN TU LEGS PA GCIG SNANG BAS SHES PAR GYIS SHIG, 'DIR SDOM PA GNYIS 'DZIN MI 'DZIN NI BZUNG PHAN CHAD NGES PAR BSRUNG DGOS PA'I DBANG DU MDZAD KYI, SRUNG SDOM MI BYED PAR CHO GAS 'DZIN PA TZAM GANG MANG LTA BA LA MIN PAS CI TZAM SRUNG NUS PA'I SDOM PA 'DZIN PA DANG SBYAR NAS DBANG YANG DE LA GANG 'TSAM BSKUR BAR GSUNGS PA'O, ,DES NA RIGS LNGA'I SDOM PA'AM SNGAGS KYI SDOM PA BLANGS NAS MI
SRUNG NA RDO RJE SLOB DPON GYI DBANG ZHU BAR 'DOD KYANG MI BSKUR BAR GSUNGS NA DE'I GONG MA RNAMS LTA CI SMOS, THUN MONG GI SDOM PA DE NI, DKON MCHOG GSUM LA SKYABS SU MCHI, ,SDIG PA THAMS CAD SO SOR BSHAGS, ,'GRO BA'I DGE LA RJES YI RANG, ,SANGS RGYAS BYANG CHUB YID KYIS GZUNG, ,ZHES PA'I TSIG GIS STER BAR SH'ANTI PAS GSUNGS BA LTAR AA BHYA KA RA DANG RATNA RAKshI TA LA SOGS PA MANG POS MDZAD DE 'DI'I RKANG PA DANG PO GSUM GYIS SNGON 'GRO BSTAN LA BZHI PAS DKYIL CHOG YON TAN KUN 'BYUNG NAS, SANGS RGYAS BYANG CHUB TU SEMS BSKYED, ,CES 'BYUNG BA LTAR SEMS BSKYED PA STON NO, ,DE YANG SMON SEMS TZAM NI SDOM PAR MI RUNG BAS 'JUG PA'I SEMS BSKYED PA YIN PAS BLA MAS LEGS PAR BRDA 'BYOR PA DGOS SO, ,SDOM PA 'DI'I CHO GA NI RDO RJE GUR LA SOGS PA NAS GSUNGS PA LTAR MANG BAS CHO GA'I TSIG MTHA' GCIG TU MA NGES LA SNGAR BSTAN PA 'DI 'DRA BA'I TSIG NYUNG DUS LEN PA NI DBANG PO SHIN TU RNO BAS DE TZAM GYIS SDOM PA LEN TSUL KHONG DU CHUD PA'I DBANG DU MDZAD PA STE, AA BHYA KA RAS, SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, ,ZHES PAS GZUGS KYI SKU DANG CHOS KYI SKU DANG PHYIR MI LDOG PA'I BYANG CHUB SEMS DPA'I DGE 'DUN GYI SKYABS LA BRTEN NAS, BDAG NYID YANG DAG PAR RDZOGS PA'I SANGS RGYAS SU GYUR TE, 'JIG RTEN 'DI THAMS CAD SDUG BSNGAL LAS BTON NAS YANG DAG PAR RDZOGS PA'I SANGS RGYAS NYID LA SBYAR BAR BYA'O, ,ZHES DBANG PO RAB KYI RAB MDOR BSDUS PAS BYANG CHUB KYI SEMS SDOM PA'I RANG BZHIN SKYED PAR BYED DO, ,ZHES GSUNGS PA LTAR, RDO RJE RTZE MO LAS, SROG
, ,GCOD RKU DANG 'KHRIG PA DANG, ,RDZUN DANG MYOS BYED RNAM PAR SPANG, ,KHYIM PA'I SDOM PA LA GNAS NAS, ,DE TSE RIG PA'I RGYAL PO BSGRUB, ,GAL TE DE NI RAB BYUNG GYUR, ,SDOM PA GSUM LA YANG DAG GNAS, ,SO SOR THAR DANG BYANG CHUB SEMS, ,RIG 'DZIN SDOM PA MCHOG YIN NO, ,ZHES SNGAGS SGRUB PA'I RTEN RAB BYUNG GIS SDOM PA GSUM DANG LDAN PAR BYA BAR GSUNGS KYANG SNGAGS SGRUB PA'I KHYIM PA LA SDOM PA GSUM MED PA NI MIN TE, DGE BSNYEN GYI BSLAB PA LA GNAS DGOS PAR GSUNGS LA SNGAGS KYI SDOM PA 'DZIN PA'I SNGON DU BYANG SEMS KYI SDOM PA 'DZIN DGOS PA'I PHYIR RO, ,'ON KYANG SO THAR GYI GTZO BO RAB BYUNG GI SDOM PA YIN PAS DE MED PA LA DGONGS TE, DE NYID LAS, SDOM PA GSUM LA BKOD NAS NI, ,DE NAS DKYIL 'KHOR BSTAN PAR BYA, ,ZHES GSUNGS PAS SO, ,DE LTAR NA RGYUD SDE GONG MA GNYIS KYI LAM SGRUB PA'I RTEN NI SO THAR GYI SNOD DU RUNG NA SDOM PA GSUM LDAN DU BYAS NAS SGRUB DGOS LA KHYAD PAR DU BYANG SEMS KYI SDOM PA 'DZIN PA NI SHIN TU GAL CHE BAS DKYIL 'KHOR GYI CHO GA RNAMS SU YANG MANG DU GSUNGS YOD PA LA JI LTAR YIN GYI THE TSOM TZAM YANG MI 'JUG CING RNAM GZHAG CHAGS PA NYUNG BAR SNANG BAS BSHAD PA YIN NO, ,SNGAR DRANGS PA'I TSIGS BCAD GNYIS PO DE RTZE MO 'GA' ZHIG LA MI SNANG YANG 'GA' ZHIG LA YOD PA DAG STE SANGS RGYAS GSANG BA LA SOGS PA MANG POS LUNG DE RGYUD DE NAS DRANGS PAS SO, ,SLOB DPON KUN SNYING GIS NI SDOM PA THUN MONG BA 'DZIN TSUL RNAMS STA GON GYI SKABS SU SEMS BSKYED NAS BYANG SEMS KYI SPYOD PA LA SLOB PAR KHAS LEN PA'I SGO NAS BSTAN NO, ,GSUM PA NI, DKYIL CHOG RDO RJE PHRENG BA LAS, PHRENG BA DANG CHU LA SOGS
PA DBANG DRUG PO 'DI RNAMS KYIS MA RIG PA'I GNYEN PO NUS PA NYID DU SGRUB PAR BYED PAS RIG PA'I DBANG ZHES BRJOD DO, ,DBANG 'DI RNAMS BSKUR BA'I SLOB MA BYA BA DANG SPYOD PA'I RGYUD DAG NYAN PA DANG BSHAD PA DANG SNGAGS SGRUB PA RNAMS LA DBANG BAR 'GYUR RO, ,ZHES GSUNGS SHING SDOM 'BYUNG GI BKA' 'GREL PADMA CAN LAS KYANG DE LTAR BSHAD DO, ,DE'I PHYIR AA BHYA'I BZHED PAS RGYUD SDE GONG MA GNYIS MA GTOGS PA'I 'BYUNG PO 'DUL BYAD LA SOGS PA'I DKYIL 'KHOR RDO RJE PHRENG BAR GSUNGS PA RNAMS KYI DBANG BSKUR BA NA RIGS LNGA'I SDOM GZUNG GIS SDOM PA 'DZIN PA DOR NAS SDOM PA THUN MONG BA TZAM BZUNG NAS DBANG BSKUR BAS CHOG STE SLOB MA'I DBANG TZAM GYIS BYA SPYOD KYI RGYUD 'CHAD NYAN DANG SGRUB PA LA DBANG BAR 'GYUR BA'I PHYIR DANG SLOB DPON GYI DBANG MI BSKUR BA LA RDO RJE SLOB DPON GYI SDOM PA MI STER BAR GSUNGS PA'I PHYIR RO, ,SLOB DPON LVA BA PA'I DKYIL CHOG LAS KYANG, DE LTAR RIG PA'I DBANG BSKUR BA LNGA PO TZAM 'DOD NA NI SNGAR BSTAN PA'I SLOB DPON GYI SDOM PA MI GZUNG BAR DBANG BSKUR BA LNGA BYAS PA'I DE MA THAG TU RJES SU GNANG BA DANG BRTUL ZHUGS SBYIN PA DANG LUNG BSTAN PA DANG DBUGS DBYUNG BA BZHI SBYIN PAR BYA'O, ,ZHES SLOB MA'I DBANG TZAM LAS MI BSKUR NA RIGS LNGA'I SDOM GZUNG MI BYED PAR GSUNGS, ,DE LTAR NA SLOB DPON KUN DGA' SNYING PO DANG LVA BA PA DANG SH'ANTI PA DANG AA BHYA KA RA DANG RATNA RAKshI TA RNAMS KYIS SLOB MA'I DBANG TZAM LAS MI BSKUR BA LA RIGS LNGA'I SDOM PA GZUNG BA MI BYED PAR BZHED PAS BYA SPYOD RNAMS LA RIGS LNGA'I SDOM PA 'DZIN PA MI 'THAD LA DE MED NA SNGAGS KYI SDOM PA THUN MONG MIN PA MED PAS BYA SPYOD GNYIS LA NI THUN MONG BA'I BYANG SEMS
, ,KYI SDOM PA DANG 'GA' ZHIG LA SO THAR YOD PAS SDOM PA GNYIS LDAN NO, ,NGAG DBANG GRAGS PA DANG SGRA GCAN 'DZIN DPAL BSHES GNYEN DANG DGA' BA'I RDO RJE RNAMS KYIS CHU DBANG SOGS LNGA DANG SLOB DPON GYI DBANG STE DRUG PO RNAMS BYA RGYUD RNAMS SU YANG MI 'GAL PAR GSUNGS PA'I SLOB DPON GYI DBANG NI, DE DAG GIS RIG PA'I DBANG LNGA'I MJUG TU YANG RJES GNANG RDO RJE'I BRTUL ZHUGS DANG BSTAN DANG DBUGS DBYUNG BZHI BYED PA'I TSUL GSUNGS LA, RNAM SNANG MNGON BYANG LAS 'KHOR LO DANG DUNG BYIN NAS CHOS BSHAD PA'I RJES GNANG BYA BAR GSUNGS PA NI SLOB DPON GYI DBANG BSKUR BAR SLOB DPON SANGS RGYAS GSANG BAS GSUNGS SHING GSANG BA SPYI RGYUD LAS KYANG, DE NAS 'DI SKAD BSGOM PAR BYA, ,DA NI DKYIL 'KHOR SLOB DPON GYUR, ,GSANG SNGAGS RGYUD KYANG 'DZIN PAR 'GYUR, ,SANGS RGYAS BYANG CHUB SEMS DPA' DANG, ,LHA RNAMS KYANG NI KUN GYIS BKUR, ,SEMS CAN RNAMS LA SNYING BRTZE'I PHYIR, ,KHYOD KYIS DKYIL 'KHOR CHO GA BZHIN, ,NAN TAN BSKYED DE BRI BAR BYA, ,SGRUB PA PO YANG RGYUD LA SBYOR, ,ZHES DKYIL 'KHOR BRI BSHAD BYED PAR RJES SU GNANG BA BYIN NAS DKYIL 'KHOR GYI SLOB DPON DU 'GYUR BAR GSUNGS PA DANG DE BZHIN GSHEGS PA'I RIGS KYI DKYIL 'KHOR DU DBANG BSKUR BA DE RIGS GSUM GA'I RDO RJE SLOB DPON DU 'GYUR BAR GSUNGS PAS, BYA SPYOD RANG RANG GI SLOB DPON DU BYED PA'I DBANG LA DGONGS SO, ,AA BHYA KA RA DANG RATNA RAKSHI TAS KYANG SLOB MA'I DBANG TZAM LAS MI BSKUR BA LA YANG MTHA' RTEN SNGAR LTAR BYED PA DANG DBANG DE TZAM GYIS BYA SPYOD KYI RGYUD 'CHAD NYAN DANG SNGAGS SGRUB PA LA DBANG NGO ZHES RGYUD GNYIS KA LA SPYIR GSUNGS KYI BYA SPYOD GNYIS SO
SOR DBANG GI KHYAD PAR MA MDZAD DO, ,YE SHES THIG LE'I RGYUD KYI LE'U BCU GNYIS PA LAS, RGYUD GSUM GYI NI RIM PA YIS, ,DBANG DRUG DBYE BA BSTAN PA'O, ,CHU YI DBANG BSKUR DBU RGYAN DAG, BYA BA'I RGYUD LAS RAB TU GRAGS, ,RDO RJE DRIL BU DE BZHIN MING, ,SPYOD PA'I RGYUD LAS RAB TU GSAL, ,PHYIR MI LDOG PA YI NI DBANG, ,RNAL 'BYOR RGYUD DU GSAL BAR BYAS, ,DE NI DRUG GI BYA BRAG DBANG, ,DE NI SLOB DPON DBANG ZHES BYA, ,ZHES BYA SPYOD LA DBANG MANG NYUNG GSUNGS LA RDO RJE SLOB DPON GYI DBANG MED PAR GSUNGS PA'I RDO RJE SLOB DPON GYI DBANG NI RIGS LNGA'I SDOM PA BZUNG BA LA BSKUR BA'I RDO RJE SLOB DPON GYI DBANG YIN GYI RDO RJE SLOB DPON TZAM ZHIG TU BYED PA'I DBANG MIN NO, ,DE NI DRUG GI ZHES PA'I DON LA MKHAS PA KHA CIG 'GREL PAS SNGA MA LNGA DANG SLOB DPON GYI DBANG DANG DRUG LA BSHAD PA MIN GYI PHYIR MI LDOG PA'I DBANG GSANG DBANG RJES GNANG LUNG BSTAN DBUGS DBYUNG GZENGS BSTOD DE SLOB DPON GYI DBANG RANG LA DRUG TU BYAS NAS SNGA MA LNGA DANG BCU GCIG DBANG GONG MA GSUM DANG BCU ZHI YIN TE, DE NYID LAS, BDUN GNYIS BYE BRAG TU NI YOD, CES CHU NAS BANG BZHI PA'I BAR LA BCU BZHIR GSUNGS PA'I PHYIR ZHES ZER RO, ,DE NAS DBANG BSKUR BA LA RDO RJE SLOB DPON DANG RDO RJE SLONG MA'I DBANG GNYIS BYED ,NI RGYUD SDE GONG MA GNYIS LA YOD KYI, 'OG MA LA NI GONG MA'I RDO RJE SLOB MA'I DBANG DU GRAGS PA'I CHU DBANG LA SOGS PA MTHA' RTEN DANG BCAS PA LAS MA GTOGS PA'I SLOB DPON GYI DBANG ZUR PA MED LA DE NYID LA SLOB DPON GYI DBANG YANG 'DUS SO, ,'ON KYANG MING 'DRA BA YIN GYI DON NI RGYUD SDE GONG MA GNYIS KYANG CHU DBANG LA SOGS PA MI 'DRA NA 'OG MA NI LTA CI SMOS, DE'I PHYIR PADMA LCAGS KYUS GDUGS DKAR GYI DKYIL CHOG
, ,TU RIGS LNGA'I SDOM GZUNG BYAS NAS RANG LUGS LA CHU COD PAN RDO RJE DRIL BU BZHI BLA MAD DANG 'DRA RUNG CIG BSKUR NAS MING DANG PHYIR MI LDOG GI DBANG BSKUR BA YANG YOD CES GZHAN LUGS BKOD PA DANG, GZHAN YANG RDO RJE GO CHA LA SOGS PA 'GA' ZHIG GIS RIGS LNGA'I SDOM PA 'JIN PA SOGS BSHAD PA NI CHEN PO RNAMS KYI GZHUNG DANG 'GAL BAS BYA SPYOD KYI SGRUB THABS DANG CHO GA MDZAD PA'I MKHAS PA GZHAN PHAL MO CHES RIGS LNGA'I SDOM PA 'DZIN PA MED PA'I BYANG CHUB KYI SEMS 'DZIN PAR GSUNGS PA DE BZHIN DU 'DOD PAR BYA'O,, DE LTAR NA BYA SPYOD KYI DBANG BSKUR BA LA THUN MONG MIN PA'I DAM TSIG MANG PO SNANG NA'ANG BCAS PA DANG 'GAL NA RTZA LTUNG SKYED PA'I THEG CHEN GYI SDOM PA NI BYANG SEMS KYI SDOM PA KHO NA YIN PAS SDOM PA DE'I RTZA LTUNG RNAMS SHES PAR BYAS LA BSRUNG NGO, ,DE LTA MIN PAR RIGS LNGA'I SDOM GZUNG GIS SDOM PA 'DZIN PAR 'DOD NA NI DBANG YANG SLOB DPON GYI DBANG MAN CHAD BSKUR DGOS LA RTZA LTUNG YANG BCU BZHI YOD DGOS TE SDOM PA DE BSGRAG PA'I SKABS SU RTZA LTUNG BCU BZHI BSGRAGS PA'I PHYIR RO, ,GANG YANG DAM TSIG BSDUS PA LAS, DE LA RKANG GRANGS NI THUN MONG GI RTZA BA'I LTUNG BA BZHI DANG PHA ROL TU PHYIN PA'I RTZA BA'I LTUNG BA BCU GNYIS DANG KRi YA'I RGYUD KYI RTZA BA'I LTUNG BA SUM CU DANG SPYOD PA'I RGYUD KYI RTZA BA'I LTUNG BA BCU BZHI DANG RNAL 'BYOR RGYUD KYI RTZA BA'I LTUNG BA BCU BZHI DANG RNAL 'BYOR CHEN PO BRGYUD KYI RTZA BA'I LTUNG BA BCU BZHI DANG YANG LNGA DANG YANG BZHI STE RTZA BA'I LTUNG BA BDUN CU THAM PA'O, ,ZHES 'BYUNG BA LA NI YID BRTAN MI SNANG STE, DE DAG LA GO BDUN 'DUG PA LA BDUN CU THAM PAR BYAS PAS GRANGS TZAM LA YANG 'KHRUL 'DUG PA DANG BLA MA'I DAM TSIG NYAMS NA DKYIL 'KHOR DU 'JUG LA SPUN GYI DAM TSIG NYAMS
NA DBANG MI DGOS PAR BSKANG THABS BSHAD PA'I PHYIR RO, ,'DI 'DOD PA GZHAN YANG SNANG STE 'OG TU 'GOG GO, YANG DE'I DPA ? KHA CIG LAS, BYA RGYUD LA RTZA LTUNG BCU GSUM ZHES KYANG 'BYUNG MOD, DE LTAR BYAS KYANG GRANGS 'GRIG PAR MI SNANG NGO, ,JO BO CHEN PO 'DAS RJES SU NAG PO DAM TSIG RDO RJE BOD DU BYON NAS LO TZTSA BA NAG TSA DANG GNYIS KYIS MANG DU BSGYUR BA YOD LA 'DI NA BDAG GI BLA MA RJE BTZUN DAM TSIG RDO RJE'I ZHAL NAS NA ZHIS ZER BA SNANG BAS PHAL CHER BLA MA DE'I GSUNG BGROS 'DRA DANG PHAR BSRE TSUR BSRE BYAS PA ZHIG TU MNGON NO, ,DAS NA 'DI JO BO CHEN POS MDZAD PA MIN NO, ,MKHAS PA KHA CIG 'DIS BSTAN PA'I RTZA LTUNG LA TSAD MAR BYAS NAS SPYOD RGYUD KYI RTZA LTUNG BCU BZHI LA RNAM SNANG MNGON BYANG NAS RTZA LTUNG DU GSUNGS PA BZHI DANG YANG DER MI DGE BA BCUS SDOM PA NYAMS SHING RTZA BA NAS CHAD PAR BSHAD PA RNAMS YIN GSUNG BA NI MI 'THAD DE RNAM SNANG MNGON BYANG LAS, BCOM LDAN 'DAS BYANG CHUB SEMS DPA' RNAMS LA DGE BA BCU'I LAS KYI LAM 'DI RNAMS KYI SDOM PA NYAMS PA DANG SHIN TU RTZA BA NAS CHAD PAR 'GYUR BA DANG, BCOM LDAN 'DAS BYANG CHUB SEMS DPA' RGYAL SRID KYI DBANG PHYUG DANG KHYIM PA DANG BU DANG BU MO DANG NYE DU DANG SNAG GI GNYEN MTSAMS RNAMS KYIS YONGS SU BSKOR ZHING LHA DANG MI'I BDE BA MYONG BAR BGYID KYANG JI LTAR LTUNG BAR MI 'GYUR BA BSHAD DU GSOL, ZHES DGE BCU'I SDOM PA NYAMS PA DANG RTZA BA NAS 'CHAD PAR 'GYUR BA'I RGYU KHYIM PA'I BYANG CHUB SEMS DPAS RGYAL SRID LA SPYOD KYANG LTUNG BAR MI 'GYUR BA'I TSUL JI LTAR YIN ZHUS PAS MI DGE BA BCU ZHES MA GSUNGS PA'I PHYIR DANG, DE'I 'GREL PAR YANG, DE LA DGE BCU'I LAS KYI LAM 'DI RNAMS KYI SDOM PA NYAMS PA DANG ZHES
, ,PA NI KHRIMS LNGA'I SDOM PA MNOS PA'I BYANG CHUB SEMS DPA' DGE BA BCU'I LAS KYI LAM RNAMS KYI SDOM PA JI TZAM GYIS MED PAR 'GYUR ZHES PA DE BSHAD DU GSOL ZHES PA'O, ,ZHES GSUNGS PA'I PHYIR RO, ,DE'I LAN DU DE NYID LAS, GSANGS BA PA'I BDAG PO DE'I PHYIR NYON LA LAGS PAR RAB TU YID LA ZUNGS SHIG DANG, BYANG CHUB SEMS DPA' RNAMS KYI 'DUL BA'I LTUNG BA RNAMS PAR NGES PAR LA MKHAS PA BSHAD DO, ,GSANG BA BA'I BDAG PO DE LA BYANG CHUB SEMS DPA' NI RNAM PA GNYIS TE, GNYIS GANG ZHE NA, 'DI LTAR KHYIM PA DANG RAB TU BYUNG BA'O, ,DE LA BYANG CHUB SEMS DPA' KHYIM PA NI KHYIM NA GNAS SHING BSLAB PA'I GZHI LNGA BZUNG STE, THABS DANG TSUL SNA TSOGS KYIS RGYAL SRID LA DBANG BYED DO, ,GSANG BA PA'I BDAG PO DE LA BYANG CHUB SEMS DPA' YUL DANG DUS KYI DBANG GIS THAMS CAD MKHYEN PA NYID THOB PAR 'DOD PA NI 'DI LTAR THABS KYIS YONGS SU ZIN PAR GLU DANG ROL MO DANG MIG 'PHRUL LA SOGS PA'I BZO GNAS RNAM PA SNA TSOGS STON CING THABS DANG TSUL DE DANG DE DAG GIS BSDU BA'I DNGOS PO BZHIS SEMS CAN RNAMS YONGS SU SDUD DO, ,DE YANG BLA NA MED PA YANG DAG PAR RDZOGS PA'I BYANG CHUB 'DOD PA'I PHYIR RO, ,DE LA SROG GCOD PA DANG MA BYIN PAR LEN PA DANG 'DOD PAS LOG PAR GA-YEM PA DANG BRDZUN DU SMRA BA DANG LOG PAR LTA BA RAB TU SPANGS PA YIN TE, BYANG CHUB SEMS DPA' KHYIM PAS BSLAB PA'I GZHI DE LNGA BZUNG NAS BSLAB PA JI SKAD BSTAN PA RNAMS LA SLOB CING DANG PAS SNGON GYI DE BZHIN GSHEGS PA RNAMS KYI RJES SU BSLAB PAR BYA'O, ,ZHES PAS NI DRI BA 'OG MA'I LAN MDZAD LA 'DUS MA BYAS PA'I TSUL KHRIMS KYI PHUNG PO BLA NA MED PA DE BZHIN GSHEGS PAS BSNGAGS PA LA
GNAS TE 'DUS BYAS KYI TSUL KHRIMS LA THABS DANG SHES RAB KYIS YONGS SU ZIN PAR SPYOD CING LTUNG BA'I RTZA BA BZHI NI SROG GI PHYIR YANG YONGS SU NYAMS PAR MI BYA'O, ,BZHI GANG ZHE NA, DAM PA'I CHOS SPONG BA DANG BYANG CHUB KYI SEMS GTONG BA DANG SER SNA BYAD PA DANG SEMS CAN LA GNOD PA BYED PA'O, ,DE CI'I PHYIR ZHE NA, 'DI DAG NI THABS DANG SHES RAB TU MI LDAN PA DANG RANG BZHIN GYIS NYON MONGS PA CAN TE SLAR GSOR MI RUNG BA'O, ,ZHES PAS NI DRI BA DANG PO'I LAN BSTAN NO, ,'DIR RAB BYUNG GI BSLAB PA MA GSUNGS PAR KHYIM PA'I BSLAB PA BSHAD PA NI RTEN DE GNYIS KA'I BYANG SEMS KYI SDOM PA GCOD PA'I RTZA LTUNG NI 'DRA BAS KHYIM PA LA BSHAD PAS GO NUS LA SO THAR GYI RTZA LTUNG 'DIR BSTAN MI DGOS SHING DRI BA 'OG MAS KHYIM PA LA DMIGS KYIS PHYE NAS DRIS PA'I LAN BSTAN DGOS PAS SO, ,'DI'I RTZA LTUNG THA MA GNYIS NI BYANG SA LAS BSHAD PA YIN LA, DANG PO NI NAM SNYING GI MDO DANG, GNYIS PA NI THABS LA MKHAS PA'I MDO NAS RTZA LTUNG DU GSUNGS PAS BYANG SEMS KYI SDOM PA'I RTZA LTUNG YIN LA, DE RNAMS NI RGYAS PAR BDAG GIS TSUL KHRIMS LE'U'I RNAM BSHAD DU GTAN LA PHAB PAS DER BLTA'O, ,DGE BCU'I SDOM PA NYAMS PA DANG RTZA BA NAS 'CHAD PA GNYIS ZHUS PA'I DANG PO NI KHRIMS LNGA GZHAN LAS MNOS PA DANG, GNYIS PA NI GZHAN LAS KHRIMS LNGA MA MNOS PAR RANG GIS YI DAM BCAS NAS SRUNG BA'I BYANG SEMS KHYIM PA'I DBANG DU BYAS PAR 'GREL PA LAS BSHAD DO, SNGA MA YIN NA RTZA LTUNG BZHIS BYANG SEMS KYI DGE BCU'I SDOM PA NYAMS KYANG SO THAR GYI SDOM PA YOD LA, PHYI MA YIN NA SDOM PA GNYIS GANG YANG MED PAS RTZA BA NAS CHAD PA ZHES GSUNGS PAR DGONGS SO, ,DES NA GZHUNG KHA CIG LAS RTZA BA NAS
, ,CHAD PAR MI 'GYUR BA ZHES 'BYUNG BA MA DAG GO, DAM CHOS SPONG BA NI CHOS DANG CHOS SMRA BA LA DBANG ZA ZHING SKUR BA 'DEBS LA LOG PAR LTA BA DANG, NYIN RE ZHING CHOS NYAN SEMS SGOM 'DRI KLOG MCHOD PA SOGS GANG RUNG GCIG MA BYAS PA'O, ,BYANG CHUB KYI SEMS GTONG BA NI SMON PA DANG 'JUG PA'I SEMS STONG NYID SGOM PA GTONG BA'O, ,SER SNA NI CHOS DANG NOR BDAG LA YOD LA GZHAN LA SBYIN RIGS PA LA MI SBYIN PA'O, ,SEMS CAN LA GNOD PA NI SGO GSUM GYIS SEMS CAN LA 'PHRAL DANG YUN GYI GNOD PA BYED PA LA 'GREL BAS BSHAD PA NI SPYI'I DBANG DU MDZAD PA YIN LA, RTZA LTUNG DU 'GYUR TSUL NI GZHAN DU SHES PAR BYA'O, ,SLAR GSOR MI RUNG BA NI SDOM PA BTANG BA SLAR BLANG DU MI RUNG BA MIN GYIS, SNGA MA GSUM DANG ZHE SDANG GIS KUN NAS BSLANGS PA'I GNOD PA BYED PA RNAMS LA RKYEN LA LTOS TE GNANG BA MANG BA'I RANG BZHIN GYI NYON MONGS CAN YIN PA'I DON NO, ,'DI DAG GI SDOM PA 'DZIN TSUL YANG RNAM SNANG MNGON BYANG LAS DUS GSUM DU SGRIB PA MED PA'I SDOM PA LA GNAS NA SANGS RGYAS BYANG SEMS RNAMS MNYES PAR 'GYUR BA'I SDOM PA GANG YIN ZHUS PA'I LAN DU DE NI RGYAL BA SRAS BCAS LA RANG GI LUS GTONG BA STE DE BTANG BAS LUS NGAG YID GSUM BTANG BAS NA BYANG SEMS KYIS RANG GI SGO GSUM BSDAM PAR BYA'O, ,ZHES GSUNGS PA'I DON SANGS RGYAS BYANG SEMS LA RANG NYID PHUL BA NA RANG LA DBANG MED KYI DE DAG DBANG LA DE DAG GI LUGS NI NYES SPYOD LA MI 'JUG PA YIN PAS DES NA SDOM PA BZUNG BAR 'GYUR BA DANG, SGRIB PA MED PA'I SDOM PA YANG MI DGE BA BCU SPONG BA'I SDOM PA LA 'GREL PAS BSHAD DO, ,GZHUNG GZHAN DU DE SDOM PA'I TSUL KHRIMS SU GSUNGS PAS
DES MTSON NAS DGE BA CHOS SDUD SOGS GSUM GYI SDOM PA LEN PA'O, ,BDAG PHUL BA'I SGO NAS SDOM PA 'DZIN PA'I CHO GA GSAL BAR NI DAM TSIG GSUM BKOD LAS, DE LA DAM TSIG DANG SDOM PA BLANG BA NI SANGS RGYAS DANG BYANG CHUB SEMS DPA' THAMS CAD BDAG LA DGONGS SU GSOL, BDAG CHE GE MO ZHES BGYI BA SANGS RGYAS DANG BYANG CHUB SEMS DPA' THAMS CAD LA BDAG 'BUL GYI THAMS CAD KYIS DUS THAMS CAD DU BDAG LA RAB TU GZUNG DU GSOL, SANGS RGYAS DANG BYANG CHUB SEMS DPA' RNAMS KYIS BDAG BYIN GYIS BRLAB TU GSOL, THUGS RJE CHEN PO DANG LDAN PA SEMS CAN GYI KHAMS THAMS CAD YONGS SU SKYOB PAR MDZAD PA RNAMS KYIS BDAG YONGS SU BSKYAB TU GSOL, LAS THAMS CAD GRUB PAR BYA BA'I PHYIR DAM TSIG CHEN PO BDAG LA STZAL DU GSOL, ZHES DE LTAR LAN GSUM GYI BAR DU BRJOD PAR BYA'O, ,ZHES DKYIL 'KHOR DU 'JUG PA'I DUS KYI SDOM PA 'DZIN PA'I SKABS SU GSUNGS SO, ,SGYU DRA'I 'GREL PAR KUN SNYING GIS KYANG, SANGS RGYAS BYANG CHUB YID KYIS GZUNG, ,ZHES BSTAN PA 'DIS NI BYANG CHUB TU SEMS BSKYED PA YIN LA DES NA BDAG DBUL BA BYAS PA YIN PAS LOGS SHIG TU MA GSUNGS PAR SHES PAR BYA'O, ,GANG GIS BYANG CHUB TU SEMS BSKYED PA DES NI THAMS CAD YONGS SU BTANG BA YIN NO ZHES GSUNGS PA'I PHYIR RO, ,ZHES DANG, GSANG BA SPYI RGYUD LAS KYANG, DE YI NUB MO CI NUS PAR, ,DE BZHIN SDOM PA 'DZIN DU GZHUG, CES GSUNGS NAS, DANG PO GSUM LA SKYABS SU BTANG, ,DE NAS BLA MAS BYANG CHUB SEMS, ,MA BSKYED PA NI BSKYED PAR BYA, ,BSKYED PA DAG KYANG DRAN PAR BYA, ,ZHES GSUNGS SHING TSIGS BCAD PHYI MA 'DI BZHI BRGYA LNGA BCU PAR BKOD PA'I 'GREL
, ,BAR SH'ANTI PAS THUN MONG GI SDOM PA 'DZIN PA'I CHOGS 'JIN PAR GSUNGS BA DANG 'JAM DPAL RTZA RGYUD LAS KYANG, CHOS GSUM DANG LDAN NA SNGAGS KYI SPYOD PA YONGS SU RDZOGS BAR 'GYUR TE GSUM PO GANG ZHE NA, SEMS CAN THAMS CAD YONGS SU MI GTONG PA NYID DANG BYANG CHUB SEMS DPA'I TSUL KHRIMS KYI SDOM PA BSRUNG BA DANG RANG GI SNGAGS YONGS SU MI GTONG BA NYID DO, ,ZHES GSUNGS PAS BYA SPYOD KYI RGYUD RNAMS KYI THEG PA MCHOG GI SDOM PA 'DZIN PA'I CHOG GA RNAMS NI 'JUG SDOM 'DZIN PA KHO NAR SNANG BAS RIGS LNGA'I SDOM PA MIN GYI BYANG SEMS KYI SDOM PA 'DZIN PA LA GDON MI ZA BAR GO BAR BYA'O, ,DES NA MDOR BYAS KYI 'GREL PA RIN PHRENG SH'ANTI PAS MDZAD ZER BA LAS RIGS PA'I SDOM GZUNG NI SLOB MA'I DBANG BSKUR BA LA SLOB MA'I SDOM PA 'DZIN PAR BYAS NAS SLOB DPON GYI SDOM PA 'DZIN PA'I CHO GA ZUR PA BSHAD PA NI CHEN PO RNAMS KYI GZHUNG DANG 'GAL BAS YID BRTAN PAR MI BYA'O, ,DA LTA SPYOD RGYUD KYI DBANG BSKUR MANG PO MI SNANG YANG BYA RGYUD KYI DBANG MANG PO BSKUR BAR SNANG LA DE NYID KYI SKABS SU SDOM PA JI LTAR 'DZIN DANG RTZA LTUNG GANG SRUNG RGYU YIN PA LA BLO KHA PHYOGS PA NYUNG BAS SDOM PA THOB MA THOB DANG, THOB PA RNAMS SHOR MA SHOR GYI SRUNG MTSAMS MI ZIN PAR MTHONG NAS GAL TE GANG ZAG DAM PA THOG PA MCHOG GI SDOM PA LA GCES SPRAS SU BYED PA RE RE TZAM BYUNG NA DE DAG GI DON DU BSAMS NAS BSHAD PA YIN NO, ,MDOR NA SDOM PA GANG YANG MI SRUNG MI SRUNG NA DKYIL 'KHOR DU 'JUG PA TZAM ZHIG BYED KYI CHU DBANG YAN CHAD YI MI BSKUR BA DANG, BYANG SEMS KYI SDOM PA BLANGS NAS BSRUNG YANG RIGS LNGA'I SDOM PA BLANGS TE MI BSRUNG NA CHU DBANG SOGS BSKUR
GYI, RDO RJE SLOB DPON GYI DBANG LA SOGS PA YAN CHAD BYAR MI RUNG STE, GUR GYI LE'U BCO LNGA PA LAS, DANG BOR CHU YI DBANG YIN TE, GNYIS PA LA NI COD PAN DBANG, ,GSUM PA RDO RJE'I DBANG GIS SO, ,BZHI PA RANG GI BDAG PO YIN, ,LNGA PA LA NI MING DBANG BSKUR, ,DRUG PA RDZOGS PA'I SANGS RGYAS NYID, ,BUM PA'I DBANG NI BDUN PA STE, ,BRGYAD PA GSANG BA'I DBANG YIN NO, ,DGU PA SHES RAB DBANG BSKUR TE, ,DE NYID RDO RJE'I SBYOR BA YIS, ,THAMS CAD RDO RJE BRTUL ZHUGS SBYIN, ,RANG NYID STON PA LUNG STON TE, ,'DI DAG DBANG CHOG RIM PA'O, ,ZHES DKYIL CHOG RDO RJE PHRENG BAR DRANGS PA LTAR DBANG GI GO RIMS NGES PAR GSUNGS SO, ,SDOM PA BZUNG MA BZUNG LA DBANG BSKUR MI BSKUR GYI RNAM GZHAG RNAMS BSHAD ZIN TO,, ,,GNYIS PA KHAS BLANGS PA'I SDOM PA DANG 'GAL BA'I LTUNG BA GTAN LA DBAB PA LA GSUM GANG GI RGYUD LA LTUNG BA SKYED PA'I RTEN NGOS GZUNG BA, RTEN DE LA BCAS PA'I LTUNG BA'I RAB TU DBYE BA, PHYE BA SO SO'I DON BSHAD PA'O, ,DANG PO NI, GSANG SNGAGS KYI THUN MONG MA YIN PA'I SDOM PA THOB NAS MA BTANG BA BSAM PA RANG BZHIN DU GNAS PA STE KHYAD PAR GNYIS DANG LDAN PA DGOS TE, SDOM PA DANG MI LDAN NA DE LA RANG BZHIN GYI KHA NA MA THO BA'I NYES SPYOD BSKYED KYANG BCAS PA DANG 'GAL BA'I LTUNG BA MI SKYED PA'I PHYIR DANG, SMYO BA SOGS KYIS DRAN PA RNAL DU MI GNAS NA LTUNG BA MI SKYED PAR BYANG SA LAS BYANG SEMS KYI SDOM PA'I SKABS SU GSUNGS PA 'DI LA'ANG 'DRA BA'I PHYIR RO, ,GNYIS PA NI RDO RJE PHRENG BA LAS, RDO RJE SEMS DPA' SDOM PA DANG LDAN PA 'DI'I LTUNG BA NI RIS RNAM PA GNYIS TE RTZA BA'I LTUNG BA DANG SLOB PO'I LTUNG BA'O, ,ZHES RIS SAM SDE TSAN GNYIS SU MDZAD PA LAGS TE DUS 'KHOR RTZA 'GREL DANG SDOM 'BYUNG DANG RDO RJE RTZEE
, ,MO RNAMS SU DE GNYIS KYI MING 'DOGS LAS GZHAN MA GSUNGS PA'I PHYIR RO, ,GSUM PA LA GNYIS, BLA MED GZHAN GYI LTUNG BA BSHAD PA DANG DUS 'KHOR NAS 'BYUNG BA'I LTUNG BA BSHAD PA'O, ,DANG PO LA GNYIS, RTZA BA'I LTUNG BA DANG, SBOM PO'I LTUNG BA BSHAD PA'O, ,DANG PO LA GNYIS, MTSAN GYI DON DANG, GZHUNG GI DON NO, ,DANG PO NI, RDO RJE THEG PA'I RTZA BA'I LTUNG BA ZHES GSUNGS TE, RDO RJE THEG PA NI GSANG 'DUS KYI LE'U BCO LNGA PA LAS, RDO RJE'I THEG PA BLA NA MED, ,CES PA'I 'GREL PAR SH'ANTI PAS, RDO RJE'I THEG PA ZHES BYA BA NI THEG PA CHEN PO MA LUS PA BSDUS PA NI PHA ROL TU PHYIN PA DRUG YIN LA, DE RNAMS BSDUS PA NI, THABS DANG SHES RAB YIN ZHING DE DAG KYANG BSDUS PA RO GCIG PA DE NI BYANG CHUB KYI SEMS YIN TE, DE YANG RDO RJE SEMS DPA'I TING NGE 'DZIN YIN LA, DE NYID NI RDO RJE YIN NO, ,RDO RJE YANG DE YIN LA THEG PA YANG YIN PAS NA RDOR RJE THEG PA STE SNGAGS KYI THEG PA ZHES BYA BA'I DON NO, ,ZHES GSUNGS PA LTAR THABS DANG SHES RAB DBYER MED PAR SBYOR BA'I RDO RJE SEMS DPA'I RNAL 'BYOR NI RDO RJE STE THEG PA YANG DE'O, ,DE LA 'DIS 'GRO BA RGYU'I THEG PA DANG 'DIR 'GRO BA 'BRAS BU'I THEG PA GNYIS SO, ,THEG PA DES 'GRO BA'I SNGAGS KYI SDOM LDAN RNAMS LA BCAS PA'I BCAS PA DANG 'GAL BA'I LAS KYI SGRIB PA NI GNAS 'OG MAR 'KHRID PA DANG, YON TAN GONG MA SKYE BA LA SGRIB PAS NA LTUNG BA YIN LA, DE LA RTZA BA'I ZHES KHYAD PAR SBYAR BA NI LTUNG BA GANG GIS GOS NA SDOM PA GCOD PA STE LTUNG BA'I MTHAR THUG SHOS YIN GYI, BSRUNGS NA DNGOS GRUB DANG MA BSRUNGS NA SDUG BSNGAL GYI RTZA BA ZHES MI BYA STE, RNAM SNANG MNGON BYANG DANG NAM SNYING GI MDOR LTUNG BA'I
RTZA BZHES KYANG BSGYUR BAS RTZA BA NI SPANGS BYA LA BYED DGOS PA'I PHYIR DANG BSRUNGS PA DNGOS GRUB KYI RTZA BAR SONG BAS LTUNG BA RTZA BAR 'GRO MI DGOS PA'I PHYIR RO, ,GZHAN YANG RTZA LTUNG GI RGYA CHER 'GREL LAS, YANG NA THABS SHES KYI RTZA BA NYAMS NA MI 'DOD PA'I 'BRAS BU MTHONG BA NI LTUNG BA'O, ,ZHES BSHAD PA NI DON MIN TE THABS SHES KYI RTZA BA DANG RTZA LTUNG GI RTZA BA GNYIS GCIG TU 'ONG DON MED PA'I PHYIR RO, ,GNYIS PA GZHUNG GI DON LA GSUM, BSHAD PA LA 'JUG PA'I BYA BA, BSHAD PA NYID NYE BAR DGOD PA, BSHAD PA MTHAR PHYIN PA'I BYA BA'O, ,DANG PO LA GNYIS, MCHOD PAR BRJOD PA DANG, BRTZAM PAR DAM BCA' BA'O, ,DANG PO NI, KUN NAS DANG BAS BLA MA YI, ,ZHABS KYI PADMAR RAB BTUD DE, ,ZHES GSUNGS TE, BTUD CES BYA'O, ,GANG LA NA, RTZOM PA PO RANG GI BLA MA'I ZHABS NYID PADMAR BKOD PA DER BTUD PA STE SKU'I CHA'I DMA' SHOS BZUNG BAS SHIN TU GUS PAR STON PA'O, ,TSUL JI LTAR NA, KUN NAS SGO THAMS CAD NAS DANG BA'I DAD PAS KUN NAS BSLANGS NAS RAB TU BTUD PA'O, ,DE LTAR MDZAD PA'I DGOS PA NI DAM PA RNAMS BYA BA CHEN PO LA 'JUG PA'I THOG MAR YUL KHYAD PAR CAN LA PHYAG DANG MCHOD PA MDZAD PAS DE DAG GI SPYOD PA DANG MTHUN PAR BYA BA DANG RTZOM PA'I BAR CHAD MI 'BYUNG BAR BYA BA'I PHYIR DU'O, ,DES NI RTZOM PAR MA ZAD CHOS LHAN GYI BYA BA SGRUB PA THAMS CAD KYI THOG MAR SKYABS KHYAD PAR CAN LA GUS PAS MCHOD PA SOGS BYA DGOS PA MTSON PAR BLA MA DAM PA GONG MA MANG PO GSUNG NGO, ,GNYIS PA NI, RTZA BA'I LTUNG BA BCU BZHI NI, RGYUD LAS GSUNGS PA BSHAD PAR BYA, ZHES GSUNGS TE, BSHAD PAR BYA'O, ,GANG NA RTZA BA'I LTUNG BA BCU BZHI PO NI'O, ,GAL TE KHYOD KYIS
, ,DE 'CHAD PA DE RANG GI BLOS BKOD PA TZAM YIN NA YID CHES KYI GNAS SU MI RUNG NGO ZHE NA, SKYON MED DE, RGYUN CHAGS PAS NA RGYUD DE DE LA RJOD BYED GZHUNG DANG, BRJOD BYA DON GNYIS LAS 'DIR NI RJOD BYED GZHUNG RNAM DAG RNAMS LAS GSUNGS PA 'CHAD PAS SO, ,DE YANG GSHED DMAR GYI RIM PAR PHYE BA BCO BRGYAD PA DANG DGRA NAG GI RIM PAR PHYE BA BCU BDUN PA DANG RDO RJE SNYING PO RGYAN GYI RGYUD KYI LE'U BCU GNYIS PA RNAMS NAS BCU BZHI TSANG BAR GSUNGS LA RDO RJE GUR GYI LE'UR CE LNGA PA LAS BCU GSUNGS SO, , GZHAN RE RE LA SOGS PA BSHAD PA'I RGYUD NI MANG NGO, ,DUS KYI 'KHOR LO LAS CHED PAR GSUNGS PA NI 'CHAD PAR 'GYUR RO, ,DE LTAR BRTZAM PAR DAM BCAS PA'I DGOS PA NI DAM PA RNAMS CI RUNG RUNG DU KHAS LEN MI BYED LA KHAS GANG BLANGS PA RNAMS KYI KHUR MI 'DOR BAS RTZAM PA MTHAR PHYIN PAR BYA BA'I PHYIR 'DIS SDOM PA KHAS BLANGS PA SOGS KYANG MTSON PAR GO DGOS ZHES DAM PA SNGA MA 'GA' ZHIG GSUNG NGO, ,GNYIS PA BSHAD PA NYID NYE BAR DGOD PA LA GNYIS, RTZA LTUNG GIS MA GAS PAR BYA BA DANG, NYAMS NA PHYIR BCOS PA'I THABS SO, ,DANG PO LA GSUM, RTZA LTUNG NGOS GZUNG BA DANG, DES MA GOS PAR BSRUNG BA'I SRUNG 'DOD BSKYED PA DANG, JI LTAR BSRUNG BA'I TSUL LO, ,DANG PO LA GNYIS, RTZA LTUNG SO SOR BSHAD PA, BSDUS TE BSTAN PA'O, ,DANG PO LA RTZA LTUNG BCU BZHI LAS, RTZA LTUNG DANG PO BSHAD PA LA GNYIS, RTZA LTUNG DNGOS DANG, YAN LAG MA TSANG BA'I LTUNG BA'O, ,DANG PO NI, GANG PHYIR RDO RJE 'DZIN PA YIS, ,DNGOS GRUB SLOB DPON RJES 'BRANG GSUNGS, ,DE BAS DA LA BRNYAS PA NI, ,RTZA BA'I LTUNG BA DANG POR BSHAD, ,CES SO, ,
'DI LA GSUM LAS YUL NI RANG GI SLOB DPON GANG YIN PA DE LA'O, ,'DI LA DBANG BSKUR BA DGOS PAR RTZA LTUNG GI 'GREL PA BDUD RTZI ZLA BA DANG LA KshI KA RA'I 'BREL PAR BSHAD KYANG, DGRA NAG GI DKA' 'GREL RIN CHEN SGRON ME LAS, CI DBANG BSKUR BA 'BA' ZHIG SLOB DPON YIN NAM ZHE NA, SLOB DPON YANG GANG GIS DBANG BSKUR BA DANG RGYUD BSTAN PA DANG GANG GI THAD NAS LAS KYI MAN NGAG MNOS PA DE YANG SLOB DPON YIN TE, GSUM PO 'DI DAG KYANG PHRAG DOG MED CING PHAN PAR 'DOD PA NI SLOB DPON YIN TE, ZHES BSHAD PA GZUNG NGO, ,DE BAS NA, GANG ZHIG DAM CHOS KLOG PA DANG, ,'CHAD DANG MAN NGAG STON PA DANG, ,DBANG BSKUR BA DANG LAS BYED PA, ,SLOB DPON ZHES NI BYA BA YIN, ,ZHES TSIGS SU BCAD CING, YANG TSIGS BCAD GCIG TZAM MNYAN PA LA, ,GANG GIS BLA MAR MI 'DZIN PA, ,KHYI YI SKYE GNAS BRGYAR SKYES NAS, ,SME SHA CAN DU SKYE BAR 'GYUR, ,ZHES GSUNGS SO, ,ZHES GSUNGS SHING, SLOB DPON KA MA DHE NUS KYANG SLOB DPON GYI DBYE BA DE LTAR DU BSHAD NAS DBANG BSKUR BA'I SLOB DPON NI DE GSUM GYI GTZO BOR 'CHAD PA LTAR 'THAD PAS SLOB DPON GSUM MO, ,DE GNYIS KYIS SLOB DPON GSUM GYI DBYE BA STON PA KHUNGS SU BYAS PA NI KO SA LA'I RGYAN NA YOD DE, ,DBANG LA SOGS PA GSUM NI RGYUD SDE GONG MA GNYIS MI DGOS KYI 'OG MA GNYIS LA YANG 'DRA'O, ,RGYUD DANG MAN NGAG STON PA LA RGYUD RDZEGS MA RDZOGS DANG LE'U LA SOGS PA'I GRANGS KYI SGO NAS SA MTSAMS MI ZIN PAS SNGAR DRANGS PA'I TSIGS BCAD GCIG TZAM 'DZIN PA DANG, ZHES PA DANG GSANG 'DUS LE'U LNGA PA'I SNYING NAS SLOB DPON SMOD PA DAG CES PA'I 'GREL PAR, 'DIR GANG LA SNGAGS SAM TING NGE 'DZIN YANG DAG PA ZHIG STON
, ,PA DE YANG DE'I SLOB DPON YIN NO, ,ZHES SH'ANTI PAS BSHAD CING SNGA MA NI RTZA LTUNG BSKYED PA'I YUL GYI SLOB DPON NGOS 'DZIN PA'I SKABS YIN LA, PHYI MA YANG DGRA NAG GI 'GREL PAR RTZA LTUNG STON PA'I SKABS SU GSUNGS PAS, SNGAGS KYI THUN MONG MA YIN PA'I BSKYED RDZOGS LA SOGS PA'I DON TSIGS BCAD GCIG TZAM YAN CHAD DU LONGS PA ZHIG BSTAN PA LA BYA'O, ,NAG PO PAS RGYUD 'CHAD PA SOGS GSUM GCIG LA LDAN PA DANG, GNYIS GCIG LA LDAN PA DANG RE RE LDAN PA GSUM GA 'DI'I SKABS KYI SLOB DPON DU GSUNGS PAS GSUM LDAN SOGS LA LCI YANG GI RIM PA YOD KYANG RTZA LTUNG BSKYED PA LA 'DRA'O, ,YUL DE LA BYA BA CI 'DRA BA ZHIG BYAS PAS RTZA LTUNG DU 'GYUR BA NI, SLOB DPON DE LA BRNYAS PA BYAS NA NI RTZA LTUNG NGO, ,'O NA DE'I TSAD CI TZAM ZHIG LA BYED SNYAM NA, 'DI YANG DGRA NAG GI DKA' 'GREL LAS, RDO RJE SLOB DPON NI GANG GIS DBANG BSKUR BA PO'O, ,NGED LA BSTI STANG MED PA NI DROD 'DZIN CING BRNYAS THABS BYED PA'O, ,ZHES BSHAD PA LTA BU STE DE SPANG NGO, ,'DIR DE MA SPANGS NA RTZA BA'I LTUNG BA YIN TE, JI SKAD DU, SNYING NAS SLOB DPON SMOD PA DAG ,BSGRUBS KYANG 'GRUB PAR YONG MI 'GYUR, ,ZHES BYA BA LA GANG GI THAD NAS DE NI GDAMS NGAG LA SOGS PA THOB PAS CI ZHIG DGOS ZHES PA NI SNYING NAS SLOB DPON SMOD PA'O, ,ZHES BSHAD PA LTA BU'O, ,DE BAS NA, BLA MA DKYIL 'KHOR STON PA NI, ,SPYOD PA NGAN PAR GYUR NA YANG, ,LUS SAM YANG NA YID KYIS KYANG, ,SHES PAS NAM YANG SMAD MI BYA, ,ZHES GSUNGS SO, ,ZHES LUNG SNGA MAR BSHAD PA'I BSTI STANG MED PAR BRNYAS THABS BYED PA'I SGO NAS SLOB DPON DE SPANGS NA RTZA LTUNG DU 'GRO BA'I BRNYAS PA BYED
TSUL LUNG 'OG MAS BSTAN PAR 'CHAD PA LTAR, SPYOD RGYUD KYI SLOB DPON LA BRNYAS PAR MI BYA BA'I 'GREL PAR KA MA DHE NUS KYANG BSHAD PAS DE LTAR DU BYA'O, ,DE LTAR DRANGS PA'I LUNG SNGA MA NI KO SA LA'I RGYAN NA YOD LA, PHYI MA NI GSANG 'DUS LE'U LNGA PA'I 'GREL PA SGRON GSAL NA YOD CING, BLA MA DKYIL 'KHOR ZHES SOGS NI LEGS GRUB KYI RGYUD NAS KA MA DHE NUS DRANGS SO, ,DES NA RDO RJE THEG PA'I BKA' DRIN MNOS PA'I SLOB DPON LA YON TAN CHE CHUNG GANG YIN KYANG BLA'I, SNGAGS KYI CHOS KYI 'BREL PA RGYU MTSAN DU GSUNGS NAS SGO GSUM GYI GUS PAS BSNYEN BKUR BA'I ZHING GONG MAR 'DZIN PA'I SGO NAS BLA MAR 'DZIN PA'I KHUR DE DA NI 'DIS CI ZHIG BYA SNYAM DU BOR BA NI BRNYAS PA'AM SMAD PAS RTZA LTUNG DU 'GRO BA'I TSID DO, ,RDO RJE SNYING PO RGYAN GYI RTZA LTUNG DANG PO'I MING 'DOGS LA YANG, SLOB DPON SNYING NAS SMOD PA DANG, ZHES GSUNGS PAS RTZA LTUNG DANG POR 'GRO BA'I BRNYAS PA'I TSAD 'DZIN TSUL LA MI 'DRA BA MANG PO SNANG NA'ANG SLOB DPON GNYIS PO DE'I LUGS LEGS SO,, SH'ANTI PAS DGRA NAG 'GREL PAR RTZA LTUNG DANG POR 'GRO BA LA YANG SNYING NAS SLOB DPON SMOD PA ZHES GSANG 'DUS NAS GSUNGS PA DE DGOS PAR GSUNGS LA, GSANG 'DUS 'GREL PAR SLOB DPON DES YANG DANG YANG DU SMOD PAR BYED PA DANG, DES KYANG DGA' BAR BYED KYI 'GYOD PAR NI MI BYED PA DANG CHOS BZHIN DU PHYIR 'CHOS PAR MI BYED PA GANG YIN PA DE NI SNYING NAS SLOB DPON SMOD PA STE, ZHES SNYING NAS SLOB DPON SMOD PA LA DGA' BAR BYED PA SOGS DE RNAMS DGOS PAR GSUNGS PAS RTZA LTUNG DU 'GYUR PA LA CHOS DE RNAMS KYANG TSANG DGOS SO, ,DE RNAMS NI BYANG SEMS KYI SDOM PA'I RTZA LTUNG LA KUN DKRIS CHEN PO
, ,DGOS PA'I CHOS RNAMS SU SNANG LA, KUN SNYING DANG SH'ANTI PAS NAM SNYING GI MDO DRANGS NAS THEG PA GSUM GYI CHOS SPYOD PA LA SNGAGS KYI SKABS SU RTZA LTUNG DU BSGRUBS SHING RTZA LTUNG DE LA KUN DKRIS CHEN PO'I CHOS RNAMS TSANG BA DGOS PAS NA RTZA LTUNG GZHAN LA'ANG RIGS PA MTSUNGS SO, ,DE LA YANG DANG YANG DU ZHES PA NI RGYUN MA CHAD PA'I DON TE SNGA MA SPYAD NAS DA DUNG SPYOD 'DOD MA LOG PA'O, ,DES KYANG DGA' BAR BYED PA NI BYA BA DES SEMS LA RANGS PA 'THOB PA'O, ,'GYOD PAR MI BYED PA NI YON TAN DU LTA BA ZHES GSUNGS PA'I DON NYES DMIGS SU MI LTA BA'O, ,PHYIR 'CHOS PAR MI BYED PA NI RANG LA LTOS PA'I NGO TSA SHES PA DANG GZHAN LA LTOS PA'I KHREL YOD KYIS NYES PA DE DANG DE DAG LA 'DZEM PA MED PA'O, ,'DI RNAMS NI KHO BOS TSUL KHRIMS LE'U'I RNAM BSHAD DU GTAN LA PHAB ZIN TO, ,DE RNAMS KYANG MED PA RNAMS NI LTUNG BA DE DAG GI KUN SLONG BRTZAMS PA'I SKAD CIG GNYIS PA NAS DNGOS GZHI RDZOGS PA'I DE MA THAG YAN CHAD DU MED DGOS LA, YOD PA RNAMS KYANG BAR DE DAG TU YOD PA DGOS PAS YOD MED DE DAG LAS GANG RUNG ZHIG MA TSANG NA'ANG PHAM PAR MI 'GYUR RO, , 'DI LTUNG BA DANG PO LA DGOS PAR GSUNGS PAS NA BYANG CHUB SEMS 'DOR MA GTOGS PA LHAG MA RNAMS LA 'OS MED KYI RIGS PAS SBYAR TE 'DI NI RTZA LTUNG RNAMS KYI YAN LAG THUN MONG BA'O, ,RJE RIN PO CHE 'GOS KYIS GSANG 'DUS STONG THUN DU DE DAG LA SBYOR BA LA NGO TSA MED DNGOS GZHI LA GNYEN POS MA SLEB PA RJES LA 'GYOD PA MED NA PHAM PA YIN ZHES BZHED PA YANG SNGA MA DANG DON 'DRA BAR SNANG NGO, ,GZHUNG 'DIR MING 'DOGS MDZAD PA LTAR DMAR NAG GI RGYUD DANG MAN NGAG SNYE MAR YANG MDZAD LA GUR DANG 'DUS PA'I RGYAN LAS SLOB DPON
SMOD PA ZHES 'BYUNG YANG DON NI 'DRA BA YIN NA, RGYA CHER 'GREL LAS, SLOB DPON 'TSO BA DANG PHRAL BA LA PHYIS TSAD LAS MA 'DAS PAR BSHAGS NA RTZA LTUNG YIN LA DE LAS 'DAS NA PHAM PA DANG 'TSO BA DANG MA BRAL NA SBOM PO'O, ,ZHES SLOB SPON BKRONGS KYANG PHAM PAR MI 'GYUR BA DANG PHAM PA DANG RTZA LTUNG SO SOR 'DOD PA NI CHES CHER RNAM PAR 'KHYAMS PA'O, ,RTZA LTUNG BKA' 'GREL LAS LTUNG BAR 'GYUR TSUL MANG DU BSHAD PA LA YANG MI 'THAD PA SNANG MOD KYI TSIG MNGAS SU DOGS NAS DGAG GZHAG MA BYAS SO, ,LTUNG BAR 'GYUR BA'I RGYU MTSAN NI DE LTAR SMAD PAS LTUNG BAR 'GYUR BA'I RGYU MTSAN GANG GI PHYIR NA SLOB MA'I RGYUD LA DNGOS GRUB GNYIS GANG 'GRUB PA NI RDO RJE SLOB DPON MNYES PAR BYAS PA KHO NA'I RJES SU 'BRANG BAR RDO RJE 'DZIN PA RDO RJE 'CHANG GIS GSUNGS PA DE BAS NA'O, ,DE LTA BU'I LTUNG BA NA RTZE BA'I LTUNG BA DANG POR RGYUD RNAMS LAS BSHAD DO, ,GNYIS PA NI, YUL SLOB DPON LA RTZA LTUNG GI TSAD DU MA SLEB PA'I BRNYAS SMOD SOGS BYAS PAS NI YAN LAG MA TSANG BAS RTZA LTUNG MIN YANG PHAM PA'I SDE TSAN DU GZHAG DGOS TE, DPER NA BYANG SEMS KYI SDOM PA'I SKABS SU ZAG PA CHUNG 'BRING PHAM PA'I SDE TSAN DU 'JOG PA DANG SO THAR GYI SKABS SU PHAM LHAG GI SKABS KYI SBOM PO DANG NYES BYAS RNAMS DE DAG GI SDE TSAN DU 'JOG PA BZHIN NO, ,'DI 'DRA RNAMS LA RTZA LTUNG GI 'GREL PA 'GA' ZHIG TU NYAS BYAS SU 'CHAD DE, DE LTA NA'ANG SDE TSAN NI SNGAR LTAR BYA STE PHAM PA DANG SBOM PO'I SDE TSAN GNYIS SU NGES LA PHYI MA MA YIN PA'I PHYIR RO, ,DE DAG NI 'OG MA RNAMS LA'ANG SHES PAR BYA'O, ,MTSAMS MED DANG DAM CHOS SPONG BAS KYANG RDO RJE THEG PA'I SGOR ZHUGS NAS BSGRUBS NA DNGOS GRUB MCHOG 'GRUB PA
, ,YOD KYANG SNGAR BSTAN PA LTAR GYI SLOB DPON SNYING NAS SMOD PAS NI BSGRUBS KYANG MI 'GRUB PAS MTSAMS MED SOGS LAS NYES DMIGS CHE BAR GSANG 'DUS LAS GSUNGS PAS RTZA LTUNG RNAMS KYI NANG NAS KYANG 'DAS MA GOS PA LA 'BAD DO, ,'DI YANG SLAR GSO BA'I THABS KYIS PHYIR BCOS TSUL BZHIN DU BYAS NA NGAN 'GROR 'GRO BA DGAG NUS KYANG DNGOS GRUB THOB PA LA CHES RING DU SONG BA'O, ,MTSAN NYID KYI THEG PA'I SDOM PA GNYIS STER MKHAN DANG STONG PA DANG SNYING RJE LA SOGS PA'I LAM RNAM PAR DAG PA 'CHAD PA'I BLA MA RNAMS LA SMAD PA LA RTZA LTUNG DU MA BCAS KYANG NYES DMIGS SHIN TU CHE MOD KYANG, LTUNG PA CHE CHUNG DANG NYES PA LCI YANG MI 'DRA STO LTUNG BA CHE CHUNG NI BCAS PA TZAM GYI RJES SU 'BRANG LA LCI YANG NI ZHING DANG BSAM PA DRAG ZHAN SOGS KYIS 'JOG PAR CHED LDAN RNAMS KYIS GSUNGS PA'I PHYIR RO, ,DES NA DE DAG LA YANG SHIN TU GZAB PAR BYA'O, ,PHYOGS MTHUN NAM SHAN 'DRA'I NYES PA NI SNYING PO RGYAN LAS, DE LA RDO RJE SLOB DPON SOGS, ,DOR BA'I KHA NA MA THO BA, LCE DANG YANG DANG DAG PA DANG, ,SHAN 'DRA BAR NI SHES PAR BYA, ,ZHES GSUNGS SHING, NAG PO BAS KYANG BSHAD MOD, YAN LAG MA TSANG BA'I LTUNG BA LAS GUD NA MED DO, ,RTZA LTUNG GNYIS PA BSHAD PA NI, BDE GSHEGS BKA' LAS 'DAS PA NI, ,LTUNG BA GNYIS PA YIN PAR BSHAD, ,CES SO, ,'DI LA GNYIS LAS YUL NI, RNAM 'GREL LAS, RGYU SDANGS YON TAN GSUM BDE GSHEGS, ,ZHES GSUNGS PA LTAR, SRID PA'I SDUG BSNGAL GYI RTEN MI BYED PAS LEGS PAR RAM MDZES PAR GSHEGS PA DANG BDAG LTA'I SA BON ZAD PAS SLAR MI LDOG PAR GSHEGS PA DANG SPANG BYA MTHA' DAG ZAD
PAS MA LUS PAR GSHEGS PAS NA BDE BAR GSHEGS TE SANGS RGYAS SO, ,DE'I BKA' NI NAG PA PAS THAG PA GSUM LA BSHAD DO, ,DE LA BYA BA CI ZHIG BYAS PAS LTUNG BAR 'GYUR BA NI, BKA' DE LAS 'DAS PAR BYAS NA'O, ,'DAS LUGS NI NAG PO PAS SDOM PA GSAM GYI BSLAB BYA RNAMS MI 'GAL BAR YAR LDAN DU NYAMS SU LEN PA LA BKA' LAS MI 'DA' BAR BSHAD PAS DE DAG LAS 'DAS PA LA 'DOD DO, ,DE YANG SANGS RGYAS KYI BCAS PA DANG 'GAL BAR BYAS PA TZAM LA BYAS NA LTUNG BA THAMS CAD RTZA LTUNG GNYIS PAR 'GYUR BAS NAG PO PA'I BZHED PA NI DE MIN NO, SH'ANTI PAS BKA' KHYAD DU GSOD PA LA BKA' 'DAS SU BSHAD DO, ,DES NA SANGS RGYAS KYIS GSUNGS PA'I SDOM GSUM GANG RUNG GI BCAS PA YIN PA, DE LA SHES BZHIN DU 'GAL BAR BYAS PA, KHYAD DU GSOD 'DOD KYI KUN SLONG YOD PA STE, CHOS GSUM DANG LDAN PA ZHIG LA BYAS NAS 'GREL PA GNYIS KA'I DGONGS PA GCIG TU BSDU'O, ,'GREL PA GZHAN RNAMS NAS BKA' DANG DE LAS 'DAS TSUL MI 'DRA BA KHO NA SNANG LA KHYAD PAR DU RGYA CHER 'GREL LAS LTUNG BA 'DI LA PHAM PA MED PAR BSHAD CING BKA' 'DAS LA RGYUD KYI LUNG GSAL GSAL 'DRA BA MANG DU GRANGS PA RNAMS LA NI YID BRTEN MI SNANG BAS MA BRIS SO, ,BOD KYI BLA MA KHA CIG BYANG SA'I PHAM PA BRGYAD DANG SO THAR GYI BZHI BKA' 'DAS KYI RTZA LTUNG DU 'CHAD PA NI RGYA GZHUNG GANG NAS KYANG BSHAD PA MI SNANG LA 'THAD PA YANG MIN TE, SDOM GSUM GANG GI LUGS LA'ANG SDOM PA DE'I RTZA LTUNG LA SDOM PA DE LA LTOS TA NAM YANG GNANG BA 'BYUNG MI SRID LA, SROG GCOD SOGS LA SDOM PA 'DI LA LTOS TE GNANG BA'I SKABS YOD PA'I PHYIR RO, ,DE LTA BU'I LTUNG BA DE NI RTZA LTUNG GNYIS PA
, ,YIN PAR RGYUD SDE LAS BSHAD DO, ,'DI DANG MTHUN PAR DMAR NAG GI RGYUD DANG GUR DANG RDO RJE SNYING PO RGYAN DANG 'DUS PA'I RGYAN DANG MAN NGAG SNYE MAR YANG BDE BAR GSHEGS PA'I BKA' 'DAS KYI GTZO BOR MDZAD DO, ,SDOM GSUM GYI BCAS PA LAS GZHAN PA'I CHOS LA KHYAD DU GSANG PA DANG MA SHES PAR KHYAD DU GSAD PA RNAMS NI YAN LAG MA TSANG BA'I LTUNG BA STE 'OG MA RNAMS SU YANG RANG RANG GI SKABS DANG SBYAR RO, ,RTZA LTUNG GSUM PA BSHAD PA NI, RDO RJE SPUN LA 'KHROS NAS NI, ,NYES PA BRJOD PA GSUM PA YIN, ,ZHES SO, ,'DI'I GNYIS LAS YUL NI, RDO RJE THEG PA'I SGO NAS SKYE GNAS GCIG PAS SPUN DU GYUR PA'O, ,'DI LA NAG PO DAM TSIG RDO RJES SLOB DPON DANG DKYIL 'KHOR DANG RIG PA'AM RIG MA RNAMS GCIG LAS DAM TSIG THOB PA NI KHYAD PAR GYI RDO RJE SPUN DANG DE RNAMS LA BYE BRAG STE SO SOR THOB PA NI BYE BRAG GI RDO RJE SPUN DANG THEG PA CHEN PO LA ZHUGS PA RNAMS NI NYE BA'I SPUN NO, ,DE'I DANG PO GNYIS LA RTZA LTUNG DU BZHAG LA GZHAN LA CHA MTHUN PA'O ZHES 'CHAD DO, ,'ON KYANG KO SA LA'I RGYAN LAS, RDO RJE SPUN LA MI MDZA' DANG, ,ZHES BYA BA NI SLOB DPON GCIG LAS DKYIL 'KHOR DU ZHUGS PA STE DE DANG MI MDZA' BA NI DE DANG YANG DED ZHE 'GRAS PA'O, ,ZHES DANG, SH'ANTI PAS, SPUN ZHES BYA BA NI GANG DANG SLOB DPON GCIG LAS DKYIL 'KHOR DU DBANG THOB PA STE DE LA PHRAG DOG LA SOGS PA'I RGYUS SKYON RNAMS BRJOD PAR MI BYA'O, , ZHES SLOB DPON GCIG PA DGOS PAR GSUNGS PA LEGS TE BLA MA MI GCIG NA SKYE GNAS MI CIG PAS SPUN GYI DON MED PA'I PHYIR RO, ,'DI LA YANG RGYUD NYAN PA SOGS KYI SPUN GSUM YOD MOD KYANG 'DIR NI SNGAR DRANGS PA LTAR DBANG GI SPUN YIN LA RGYUD SDE 'OG MA
GNYIS KYI DBANG GIS KYANG CHOG GO ,LA KAshI KAR SA DKYIL 'KHOR GCIG LA DBANG DANG DAM TSIG THUN MONG DU THOB PA DANG SGRUB PA SPYI LA BYAS PA DGOS PAR 'DOD PA NI DE DAG LA NYES PA LCI BAR 'GYUR YANG RTZA LTUNG SKYED PA LA DUS GCIG TU THOB PA DANG DKYIL 'KHOR GCIG TU THOB PA MI DGOS SO, ,DRI MED 'OD LAS, RDO RJE'I SPUN RGAN PO'AM GZHON NU BSLAB PA DANG LDAN PA LA RAB TU KHRO BAR BYED NA'O, ,ZHES SDOM LDAN DU GSUNGS LA SDOM PA YAB SKABS KYIS SNGAGS KYI SDOM PA LA BYA DGOS PAS DE NI 'DIR YANG 'DRA BAS SNGAGS KYI SDOM PA DANG LDAN PA'O, , NGAN SONG SBYONG RGYUD LAS, RDO RJE SPUN DANG SRING MO DANG, ,RDO RJE MA RNAMS NYID LA NI, ,RNAL 'BYOR CAN GYIS BRNYES MI BYA, ,ZHES SPUN DANG SRING MO SO SOR MDZAD PA'I SRING MO NI 'DIR SPUN DU BSDU STE, DE NYID BSDUS PA'I 'GREL PAR SLOB DPON GCIG LAS DKYIL 'KHOR DU ZHUGS PA LA SPUN DU GSUNGS PA'I SPUN NO, ,DE LA BYA BA CI ZHIG BYAS PAS LTUNG BAR 'GYUR BA NI, KHROS NAS TE YID 'KHRUGS NAS NYES PA STE MTSANG 'BRU BA LA SOGS PA'I SKYON BRJOD PA'O, ,'DIR 'GREL PA BDUD RTZI ZLA BA DANG LAKshI KA RAS SPUN PA ROL POS GO BA DGOS PAR BSHAD CING PHYI MAS SPUN DU 'DU SHES PA BSHAD PA 'DIR YANG DGOS SO, ,RGYA CHER 'GREL LAS LUS NGAG MI GCO BAS KHROS PA'I SEMS LA LTUNG BAR BYAS NAS NYES PA BRJOD PA SKYON BRJOD LA MI BYED PAR LTUNG BA LA 'CHAD CING BOD KYI MKHAS PA KHA CIG KYANG DE LTAR 'CHAD PA NI MI 'THAD DE DMAR NAG GI RGYUD GNYIS LAS, DE BZHIN SPUN LA KHRO BA DANG, ,NYES PA BSGRAG PAR MI BYA'O, ,ZHES GSUNGS SHING DPAL 'DZIN GYI DKYIL CHOG GNYIS SU YANG, DE BZHIN KHROS NAS SPUN ZLA YI, ,NYES PA BRJOD PAR MI BYA'O, ,ZHES 'BYUNG LA, DGRA NAG GI
, ,'GREL PA GNYIS SU YANG DE LTAR DU BKRAL BA'I PHYIR DANG, RDO RJE SNYING PO RGYAN LAS KYANG, ZHES SDANG GIS NI MCHED SUN 'BYIN, ,ZHES DANG MAN NGAG SNYEM DANG 'DUS PA'I RGYAN DU YANG DE LTAR 'BYUNG BA'I PHYIR RO, ,DES NA GUR LAS, SPUN LA MI SDANG PA NYID DANG,, ZHES 'BYUNG YANG SNGA MA RNAMS DANG 'DRA BAR BYA'O, ,GZHUNG KHA CIG LAS, RDO RJE SPUN LA KHROS PA NI, ,ZHES 'BYUNG BA LTAR 'DON NA'ANG KHROS PAS ZHES BYED TSIG GDON DGOS SO, ,MDOR BSDU NA BLA MA GCIG LAS DBANG BSKUR THOB PA'I RDO RJE SPUN YIN PA, SNGAGS KYI SDOM PA DANG LDAN PA, DER 'DU SHES NA, ZHE SDANG GIS KUN NAS BSLANGS NAS DE'I SKYON BRJOD PA, BRJOD PA DE THOS NAS DON GO BA STE CHOS LNGA TSANG BA NI RTZA LTUNG GSUM PA YIN NO, ,RTZA LTUNG BZHI PA BSHAD PA NI, SEMS CAN RNAMS LA BYAMS PA SPONG, ,BZHI PA YIN PAR RGYAL BAS GSUNGS, ,ZHES SO, ,'DI LA GNYIS LAS YUL NI, SEMS CAN RNAMS ZHES MANG TSIG TU 'BYUNG YANG SEMS CAN GANG YANG RUNG BA GCIG GO ,DE LA BYA BA CI ZHIG BYAS PAS LTUNG BAR 'GYUR BA NI, THEG CHEN PAS SEMS CAN THAMS CAD LA BU GCIG PA BZHIN DU BSAM ZHING DUS THAMS CAD DU GTANG BAR MI BYA STE SEMS CAN GYI ZHING DANG BRAL BA'I THEG CHEN PA NI SRIN BU ME KHYER LA NYI 'OD DANG LDAN PAR BTAGS PA DANG 'DRA BAR MING TZAM PA'O, ,ZHAS NAG PO PAS BSHAD PA DANG, BYAMS PA'I SEMS NI SEMS CAN LA BLA NA MED PA'I PHAN BDE BSGRUB PAR 'DOD PA STE DE NAM YANG DOR BAR MI BYA'O ZHES SH'ANTI PAS BSHAD PA GNYIS DON 'DRA BAS DE'I BZLOG PHYOGS NI BYAMS PA'I SEMS SPONG BA'O, ,SEMS CAN LA PHAN BDE SGRUB PA NI MI NUS PAR 'DUG SNYAM PA LA SOGS PA'I SGO NAS DE BTANG NA NI
SEMS BSKYED GTONG BAS 'OG MA DANG KHYAD MED DU 'GYUR RO, ,DES NA DE BTANG TSUL NI SEMS CAN DE LA KHONG KHRO SKYES PA DANG DE LA SGOS SU BYAMS PA'I SEMS MA BSKYED PA DANG BDE BA DANG MA PHRAD NA SNYAM PA RNAMS LAS GANG YIN SNYAM NA, DMAR PO'I RGYUD LAS, SEMS CAN KUN LA BYAMS PA'I SEMS, ,NAM YANG GTANG BAR MI BYA'O, ,ZHES DANG, RDO RJE SNYING PO RGYAN LAS KYANG, BYAMS SEMS MED PAR SEMS CAN SPANGS, ,ZHES BYAMS PA'I SEMS DOR BA LA GSUNGS PAS BDE BA DANG BRAL NA SNYAN PA'I SEMS BSKYED PA LA BYA'O, ,BYAMS PA SPONG MI SPONG NI BYAMS PA'I SEMS DOR MA DOR LA RGYUD DE DAG LAS GSUNGS PAS 'GREL PA BDUD RTZI ZLA BA DANG LAKshI KA RAS SDUG BSNGAL SEL BA'I SEMS CAN GYI SDUG BSNGAL SEL BA'I MTHU YOD BZHIN DU YAL BAR 'DOR BA LA 'CHAD PA SOGS DON DU MI SNANG NGO, ,'DI BYAMS PA DOR BA'I RTZA LTUNG DU GZHUNG 'DIR GSUNGS PA LTAR SNGAR BSHAD PA'I KHUNGS DE DAG NAS KYANG DE BZHIN DU GSUNGS SO, ,DE LTAR NA SEMS CAN GANG YANG RUNG BA GCIG LA DMIGS NAS 'DI BDE BA THAMS CAD DANG BRAL NA SNYAM PA'I SEMS BSKYED NAS BYAMS PA BTANG BA NI RTZA LTUNG BZHI PA YIN PAR RGYAL BA RNAMS KYIS GSUNGS SO, ,'DI DGRA NAG TU GRUB MTHA' LA SMOD PA'I 'OG TU 'BYUNG BA LTAR NAG PO PAS KYANG BSHAD CING SH'ANTI PAS NI 'DI DANG GO RIMS MTHUN PAR BSHAD DO, ,RTZA LTUNG LNGA PA BSHAD PA NI, ,CHOS KYI RTZA BA BYANG CHUB SEMS, ,DE SPONG BA NI LNGA PA YIN, ,ZHES SO, ,'DI LA GNYIS LAS YUL NI, BYANG CHUB KYI SEMS NI SEMS CAN GYI DON DU SANGS RGYAS THOB PAR BYA'O ZHES DAM 'CHA' BA STE, DE NI SDONG PO BKOD PA LAS, RIGS KYI BU BYANG CHUB KYI SEMS NI SANGS RGYAS KYI CHOS THAMS CAD KYI
, ,SA BON LTA BU'O, ,ZHES GSUNGS PA LTAR, SANGS RGYAS KYI YON TAN GYI CHOS THAMS CAD KYI RTZA BA'O, ,SH'ANTI PAS GZHAN SDUG BSNGAL RGYU BCAS DANG BRAL BAR 'DOD PA'I SNYING RJE LA BYANG CHUB KYI SEMS SU GSUNGS PA NI 'GRO BA SDUG BSNGAL LAS 'DON PA'I PHYIR DU SANGS RGYAS THOB PAR DAM 'CHA' BA'I PHYOGS GCIG GIS GZHAN YANG MTSON PAS NAG PO PA'I BZHED PA LTAR SMON SEMS LA BYA'O, ,'DI DANG BYAMS PA'I KHYAD PAR LA NAG PO PAS BYAMS PA NI SNGON DU 'GRO BA DANG BYANG CHUB KYI SEMS NI DE SNGON DU SONG BA'I DNGOS GZHI LA BSHAD DO, ,DE LA BYA BA CI ZHIG BYAS PAS LTUNG BAR 'GYUR BA NI, BDAG GIS SEMS CAN MTHA' YAS PA'I DON DU BYANG CHUB SGRUB PAR MI NUS SNYAM NAS SMON SEMS DE SPONG BA NA RTZA LTUNG LNGA PA YIN NO, ,NAG PO PAS SEMS DE DANG POR DAM BCAS PA LAS MI NYAMS PAR BYED PA MI GTONG BA'I DON DU BSHAD PAS SPANGS PA'I DON NI DE LTAR RO, ,'DI LA RTZA LTUNG GI 'GROL BA KHA CIG NAS KUN DA LTA BU GTONG BA LA YANG BSHAD PA NI DUS 'KHOR GYI SKABS SU BSHAD PAR BYA'O, ,LTUNG PA'I MING 'DOGS KYANG GUR MA GTOGS PA SNGAR BSTAN PA'I KHUNGS RNAMS DANG 'DRA'O, ,'DI NI DOR BA TZAM GYIS RTZA LTUNG DU 'GRO BAS YAN LAG GZHAN MA TSANG YANG PHAM PA'O, ,RTZA LTUNG DRUG PA BSHAD PA NI, RANG NGAM GZHAN GYI GRUB PA'I MTHA', ,CHOS LA SMAD PA DRUG PA YIN, ,ZHES SO, ,'DI LA GNYIS LAS YUL NI, NAG PO PAS RANG NI SANGS RGYAS PA DANG GZHAN NI MU STEGS CAN DANG CHOS NI MNGON PAR MTHO BA'I LAM LA BYAS NAS, MU STEGS CAN LA SMAD BYAS NA, ,RNAM PAR SNANG MDZAD RING BA'I RGYU, ,ZHES 'DREN NO, ,'ON KYANG MU STEGS LA SKYON GDAGS 'DOD KYIS SMAD NA NYES PA 'BYUNG YANG 'DIR RTZA
LTUNG GI YUL STON PAS MI BDE'O, ,DES NA RTZA LTUNG BKA' 'GREL LAS, RANG GI GRUB PA'I MTHA' GSANG SNGAGS DANG GZHAN GYI GRUB PA'I MTHA' PHA ROL TU PHYIN PA'I THEG PA LA BSHAD PA LTAR BYA'O, ,DAM ZHES PA NI SMOD PA'I YUL LA GANG RUNG ZHIG GIS CHOG PAR STON PA'O, ,MAN SNYE DANG SDOM 'BYUNG GI 'GREL PA DANG BSTAN PA'I NOR THAMS CAD PA'I SGRUB THABS DANG 'DUS PA'I RGYAN DU YANG THEG PA GSUM LA SMOD PA ZHES PA'I MING 'DOGS MDZAD PA'I DGONGS PA YANG 'DI DANG 'DRA'O, ,DMAR NAG GI RGYUD DANG 'DI GNYIS DON 'DRA LA, RDO RJE SNYING PO RGYAN LAS, BDAG GZHAN GRUB PA'I MTHA' SMOD BYED, ,CES GSAL BAR GSUNGS SO, ,GUR LAS, GZHAN GYI CHOS NI SUN MI 'BYIN, ,ZHES 'BYUNG BAS CHA GCIG BSTAN PA 'DRA'O, ,DE LA BYA BA CI ZHIG BYAS PAS RTZA LTUNG DU 'GYUR BA NI CHOS DE BKA' DE GNYIS LA SMOD PA'AM SUN 'BYIN PA BYAS NA'O, ,SMOD TSUL NI NAG PO PAS GSAL BAR MA BSHAD LA, BZHI BRGYA LNGA BCU PA'I 'GREL PA LAS, MI SPANG ZHING ZHES BYA BA NI NAM MKHA'I SNYING PO'I MDO LAS, JI SKAD DU, GANG YANG BYANG CHUB SEMS DPAS NYAN THOS KYI THEG PA BSHAD PA'AM RANG SANGS RGYAS KYI THEG PA BSHAD PA'AM, THEG PA CHEN PO'I CHOS BSHAD PA SPONG ZHING 'GOG TU 'JUG PA 'DI NI RTZA BA'I LTUNG BA GNYIS PA'O ZHES GSUNGS PA LTA BU'O, ,ZHES THEG PA GSUM GYI CHOS SPANGS PA LA RTZA LTUNG DU BSGRUBS SHING SLOB DPON KUN DGA' SNYING POS KYANG SNGAR BSTAN PA LTAR GSUNGS PAS THEG ? PA GSUM GYI BKA' GANG YANG RUNG BA LA DMIGS NAS 'DI NI SANGS RGYAS KYIS GSUNGS PA MIN NO ZHES BSAM PA THAG PA NAS SKUR PA 'DEBS PA'O, ,THEG CHEN GYI CHOS SPONG BA LA SNGAR BSHAD PA'I YAN LAG THUN MONG BA RNAMS MA
, ,TSANG NA PHAM PAR MI 'GYUR BAR 'PHAGS PA THOGS MED KYIS GSUNGS SO, ,'O NA SH'ANTI PAS DGRA NAG 'GREL PAR, SMAD MI BYA ZHES BYA BA NI RTZOD PAS SUN DBYUNG BAR MI BYA STE 'GRO BA DAG NI RANG RANG GI 'DUN PA'I THEG PA TZAM LAS RIM GYIS 'JUS SHING BYANG CHUB PAR 'GYUR GYI BTZAN THABS SU 'DUN PA BZLOG PA NI SDANG BA 'PHEL BA'I RGYU TZAM YIN PAS BZHAG STE, ZHES GRUB MTHA' 'DZIN PA SUN 'BYIN PA LA SMOD PAR GSUNGS PA JI LTAR YIN SNYAM NA, SNGAGS SAM MTSAN NYID KYI THEG PA LA SKYON BKAL NAS BKA' MA YIN NO, ,ZHES SUN PHYUNG BA NA DE DAG GI GRUB MTHA' 'DZIN PA'I YANG 'DUN PA LDOG PA LA BSHAD PAS SKYON MED DO, ,LAS DANG PO PAS GSUNG RAB MTHA' DAG LA MOS PA SKYE DKA' BAS, MOS PA MA SKYES KYANG SKUR PA MI 'DEBS NA NYES PA MED PAR BYANG SA LAS GSUNGS PA LTAR BDE MCHOG RTZA RGYUD DU YANG GSUNGS TE JI SKAD DU, MOS PA DU MA'I SEMS CAN LA, ,SPYOD PA SNA TSOGS STON MDZAD DE, ,SNA TSOGS TSUL GYIS GDUL BYA LA, ,THABS NI SNA TSOGS STON PA YIN, ,ZAB MO'I CHOS NI STON PA LA, ,GAL TE MOS PAR MA GYUR KYANG, ,SMOD PA DAG NI MI BYA STE, ,CHOS NYID BSAM MI KHYAB DRAN BYA, ,GANG GIS 'DI BDAG YUL MIN PA, ,BDAG GIS CHOS NYID MI SHES YIN, ,RDZOGS SANGS RGYAS DANG DE SRAS NI, ,BDAG NYID CHEN PO RNAMS KYIS MKHYEN, ,ZHES GSUNGS SHING MDO SDE RGYAN DANG RIN CHEN PHRENG BA LAS KYANG, BTANG SNYOMS SU BZHAG PA LA NYES PA MED PAR GSUNGS PA 'DI GNAD CHE'O, ,THEG PA GSUM GYI CHOS SDONG BA DE NI RTZA LTUNG DRUG PA YIN NO, ,RTZA LTUNG BDUN PA BSHAD PA NI, YONGS SU MA SMIN SEMS CAN LA, ,GSANG BA SGROG PA BDUN PA YIN, ,ZHES SO, ,'DI
LA GNYIS LAS YUL NI, DMAR NAG GI RGYUD GNYIS DANG MAN SNYE DANG 'DUS PA'I RGYAN RNAMS 'DI DANG 'DRA LA RDO RJE SNYING PO RGYAN LAS, SNOD MI RUNG LA GSANG BA BSTAN, ,ZHES DANG, GUR LAS, DE NYID SKAL MED LA MI SMRA, ,ZHES GSUNGS SO, ,DE LA MA SMIN PA'I SEMS CAN NI DBANG GIS RGYUD SNOD DU RUNG BAR MA BYAS PA STE SKAL MED CES KYANG GSUNGS PAS, RTZA LTUNG BKA' 'GREL DANG BDUD RTZI ZLA BA LAS 'BYUNG BA LTAR GSANG BA BSGRAGS NA MA DAD PA SKYE BA'O, ,'DI LA NAG PO PAS SNOD KYIS MA SMIN PA NI LOG SRED CAN NO, ,CHO GAS MA SMIN PA NI BUM DBANG MA THOB PA'O, ,CHO GA RDZOGS PAS MA SMIN PA NI GSANG BA DANG SHES RAB YE SHES MA THOB PA'O, ,NYAMS PAS MA SMIN PA NI RTZA LTUNG SOGS BYUNG BA PHYIR MA BCOS PA'O, ,ZAB MOS 'JIGS PAS MA SMIN PA NI DBANG ZHI PA'I DE NYID MA THOB PA STE MA SMIN PA SNGAR BSHAD NAS RTZA LTUNG GI YUL LA GSAL KHA MI SNANG NGO, ,SH'ANTI PAS MA SBYANGS PA NI SHES RAB MA BSAGS PA STE ZHES BSHAD DE GSANG DON GO NAS YID CHES PAR 'GYUR BA'I SHES RAB MED PA'O, ,DE LA BYA BA CI ZHIG BYAS PAS LTUNG BAR 'GYUR BA NI, DE LA GSANG BA SGROG PAR BYED NA'O, ,BSGRAG RGYU'I GSANG BA NI SH'ANTI PAS DE LA GSANG BA ZHES BYA BA STONG PA NYID DANG LDAN PA'I TSIG SMRA BAR MI BYA'O, ,ZHES GSUNGS PA NI STONG NYID TZAM MIN GYI STONG NYID DANG BCAS PA'I SNGAGS KYI GSANG BA'O, ,NAG PO PAS DKYIL 'KHOR DANG DAM TSIG GI PHYAG RGYA GCIG TZAM DANG BRDA GSANG BA'I DAM TSIG TZAM DANG TSOGS KYI 'KHOR LO LA SOGS PA 'DUS PA GCIG DANG ZUNG 'JUG GI YE SHES LA GSANG BAR BYAS NAS DE MI BSTAN PAR BSHAD DO, ,MDOR NA RIM PA GNYIS LA SOGS PA'I SNGAGS KYI GSANG BA'I
, ,DE KHO NA NYID KYI DON NO, ,GUR LAS, DE NYID CES 'BYUNG BA YANG DE LTAR BYA'O, ,LIKshIm KA RAS PHA ROL POS DON GO BA DANG DER 'DU SHES PA DANG DGOS PA KHYAD PAR CAN MED PA YANG DGOS PAR BSHAD DO, ,DGOS PA NI GZHAN 'DUL BA'I DGOS PA CHEN PO'O,, MKHAS PA KHA CIG RGYAN DRUG BRIS SKU GLEGS BAM CANG TE'U SOGS RDZAS GSANG BA BSTAN NA YANG RTZA LTUNG DU SMRA BA NI MI 'THAD DE RGYUD DANG 'GREL PA RNAMS LAS GSANG CHOS RNA BAR BSGRAGS PA'I NYES PAR BSHAD KYI RDZAS MIG LA BSTAN PA'I NYES PAR MA GSUNGS PAS SO, ,RGYUD SDE 'OG MA 'OG MA'I DBANG TZAM BSKUR BA LA GONG MA GONG MA'I THUN MONG MIN PA'I GSANG BA RNAMS BSTAN DU MI RUNG LA, RNAL 'BYOR BLA MED KYI SLOB MA'I DBANG NGAM BUM DPANG TZAM LAS MA THOB PA LA DBANG GONG MA GSUM DANG 'BREL PA'I THUN MONG MIN PA'I GSANG BA RNAMS BSTAN DU MI RUNG NGO, ,BYA RGYUD YAN CHAD KYI DKYIL 'KHOR DU ZHUGS NAS CHU DBANG YAN CHAD CIG MA THOB NA BDAG SKYED SOGS BYAS NAS LHA SGRUB PA SOGS BYAR GTAN NAS MI RUNG STE, DE NYID BSDUS PA'I DUM BU DANG PO LAS, KHYOD KYIS DKYIL 'KHOR CHEN PO MA MTHONG BA RNAMS LA MA SMRA ZHIG DAM TSIG NYAMS PAR GYUR TA RE, ZHES DANG, RDO RJE SEMS DPA' DENG KHYOD KYI, ,SNYING LA YANG DAG ZHUGS PAR GYUR, ,GAL TE TSUL 'DI SMRAS NA NI, ,DE MA THAG TU DRAL TE GSHEGS, ,ZHES STON MKHAN GYI DAM TSIG NYAMS PA DANG SNYING LA RDO RJE SEMS DPA' SNGAR ZHUGS PA MI BZHUGS PAR 'BYON PA SOGS KYI SGO NAS GZHUNG DU MAR GSANG BA MI BSGRAG PA LA NAN TAN CHE BAR GSUNGS SHING SAR MNYAM SBYOR GYI LUNG DRANGS PA LTAR DKYIL 'KHOR DU MA ZHUGS PAS BSGRUBS
KYANG CI YANG MI 'GRUB PAR GSUNGS PAS SLOB MA DES BSGRUBS KYANG DNGOS GRUB KHYAD PAR CAN GTAN MI 'THOB PAS DGOS PA MED PA'I PHYIR RO, ,SANGS RGYAS THOD PA'I LE'U GSUM PA LAS KYANG, DPER NA BU TSA MED PA'I KHYIM, ,SHI BA TZAM GYIS STONG PA NYID, ,DE BZHIN DBANG DANG BRAL NA NI, ,YE SHES KUN GYIS STONG PA NYID, ,DPER NA PI WAm SBYOR KUN TSOGS, ,RGYUD DANG BRAL NA BRDUNG MI RUNG, ,DE BZHIN DBANG DANG PRAL NA NI, ,SNGAGS DBANG BSAM GTAN 'GRUB MI 'GYUR, ZHES GSUNGS LA STON MKHAN DANG NYAN MKHAN LA YANG NYES SMId SHIN TU CHE STE DE NYID LAS, RMONGS PA GANG ZHIG DBANG MED PAR, ,BDAG NI DBANG BSKUR ZHES SMRA BA, ,JI SRID SANGS RGYAS BZHUGS KYI BAR, ,SLOB MAR BCAS TE DMYAL BAR 'GRO, ,ZHES GSUNGS TE MI 'JIGS PA'I GZHUNG 'GREL LAS DMYAL BA DA MA STONGS PA'I BAR DU GNAS PA LA BSHAD DO, ,TSIGS BCAD DE GSUM THOD PA'I BKA' 'GREL YE SHES LDAN DU DBANG GONG MA GSUM LA SBYAR BA NI MTSON PA TZAM STE MI 'JIGS PA'I GZHUNG 'GREL LAS, 'DIS NI DBANG BSKUR BA THAMS CAD GDON MI ZA BAR GZUNG BAR GSUNGS SO, ,ZHES SPYIR GSUNGS PA'I PHYIR RO, ,PHYAG CHEN THIG LE'I LE'U GNYIS PA LAS, GANG ZHIG RGYUD LUNG NGA RGYAL GYIS, ,DBANG BSKUR MED LA 'CHAD BYED PA, ,SLOB DPON SLOB MA SHI MA THAG ,DNGOS GRUB THOB KYANG DMYAL BAR 'GRO, ZHES THUN MONG GI DNGOS GRUB 'GA' ZHIG THOB KYANG DPON SLOB GNYIS KA DMYAL BAR SKYE BAR GSUNGS SO, ,DES NA MI GA-YO BA DKAR PO LA SOGS PA'I RJES GNANG NI BYA RGYUD YAN CHAD KYI DKYIL 'KHOR DU BCUG PA YAN CHAD CIG LA BYA DGOS LA SHES RAB GSAL BYED MA LA SOGS PA'I RJES GNANG NI BLA
, ,MED KYI DKYIL 'KHOR DU BCUG PA YAN CHAD CAG LA BYA DGOS KYI DBANG MA THOB PAR DE DAG GI RJES GNANG TZAM BYAS NAS LHA DE DAG SGRUB PA SOGS RNAM PA THAMS CAD DU MI RUNG NGO, ,DE LTAR NA DBANG BSKUR NAS SMAN PAR MA BYAS PA GSANG BA BSGRAGS PA LA MA DAD PA SKYE BA, DE LA DER 'DU SHES PA, THUN MONG MA YIN PA'I GSANG BA BSGRAGS PA, DE GO BA GZHAN 'DUL BA'I DGOS PA CHEN PO DANG MI LDAN PA'I CHOS DRUG TSANG NA RTZA LTUNG BDUN PA YIN NO, ,SNGAR BSHAD PA LTAR DBANG MA BSKUR YANG DKYIL 'KHOR DU GZHUG PAR RUNG BA NI, DE LA GNANG BA'I LAS YIN PAS GSANG SGROG GI NYES PA MED DE, 'DI 'DRA'I RIGS 'DUL BA LA YANG 'GA' RE YOD DO, ,MTSAN NYID THEG PA'I CHOS SNOD DU MI RUNG BA LA BYIN NA 'DI'I RTZA LTUNG DU MI 'GYUR YANG YAN LAG MA TSANG BA'I NYES PAR 'GYUR RO, ,RTZA LTUNG BRGYAD PA BSHAD PA NI, PHUNG PO SANGS RGYAS LNGA BDAG NYID, ,DE LA BRNYAS BYED BRGYAD PA YIN, ,ZHES SO, ,'DI LA GNYIS LAS YUL NI, GZUGS DANG TSOR BA DANG 'DU SHES DANG 'DU BYED DANG RNAM PAR SHES PA'I PHUNG PO LNGA RIM PA BZHIN DU RNAM SNANG DANG RIN 'BYUNG DANG 'OD DPAG MED DANG DON YOD GRUB PA DANG MI BSKYOD PA STE SANGS RGYAS LNGA'I BDAG NYID DE RANG BZHIN DU GSUNGS PA'O, ,DMAR NAG GI RGYUD GNYIS DANG GUR LAS RANG GI PHUNG PO LA GSUNGS PAS RTZA LTUNG GI YUL LA RANG GI PHUNG PO DGOS SO, ,BYA BA CI ZHIG BYAS PAS LTUNG BAR 'GYUR BA NI, DE LA BRNYAS PA'AM SMOD PAR BYED NA LTUNG BA'O, ,BRNYAS SMOD BYED LUGS NI NAG PO PAS PHUNG PO SANGS RGYAS KYI RANG BZHIN DU GNAS PA DANG SANGS RGYAS SU SKYED PA LA SOGS PA'I BYIN GYIS BRLABS PA'I MTHUS RNAM
SNANG LA SOGS PAR BYAS PA LA NANG GI SBYIN SREG GIS MCHOD CING BDE BAS BDE BA BSGRUB PAR BYA RGYU LA, 'GOG PA DANG GA-YANG SAR MCHOD BA DANG DMAN PA'I BRTUL ZHUGS DANG GNAS MIN GYI BZOD PA DANG YAN LAG NYID LAG GCOD PA DANG SMYUNG BAR GNAS PA DANG DKA' THUB DANG DKA' SPYAD SOGS BYED PA BRNYAS PA'I DON DU BSHAD DO, ,SH'ATNI PAS SNGAGS KYI TSUL 'DIS NI PHUNG PO LNGA PO 'DI NYID LA BYANG CHUB BRTZON 'GRUS KYIS GNAS PA'I PHYIR DANG, BDAG SMOD RO YIN SKYES BU'I SKYID PA 'JIG PAR BYED, CES BSHAD PA'I PHYIR SMAD DU MI RUNG BA LA KHUR GYI PHYIR NA PHUNG PO'O, ,ZHES SOGS KYIS SMOD PA LA BSHAD DE, MDOR NA RANG GI PHUNG PO LA RGUD PAR BYA BA'I BSAM PAS GDUNG BA'I THABS GANG YANG RUNG BA'I SGO NAS GDUNG BAR BYAS PAS SDUG BSNGAL BAR GYUR PA NI RTZA LTUNG BRGYAD PA'O, ,DMAR NAG GI RGYUD GNYIS DANG GUR LAS PHUNG PO SMAD PA TZAM LAS MA BYUNG LA, RDO RJE SNYIR MO RGYAN DANG MAN SNYE DANG 'DUS PA'I RGYAN DANG BKA' 'GREL PADMA CAN LAS, RGYAL BA'I BDAG NYID KYI PHUNG PO SMOD PA ZHES 'DI DANG 'DRA BAR 'BYUNG BA'I SANGS RGYAS LNGA'I BDAG NYID CES PA'I KHYAD PAR SBYAR BA'I DON NI PADMA CAN LAS GNYIS PA THAMS CAD RNAM PAR SPANGS PA NI PHUNG PO LNGA DANG DE BZHIN GSHEGS PA LNGA LA DBYE BA MI BYA'O, ,ZHES GSUNGS PA 'DIR MNGON PAS GTZANG MI GTZANG LA SOGS PA'I RGYU MTSAN GYIS PHUNG PO LNGA DE BZHIN GSHEGS PA LNGAR BSGOM DU MI RUNG NGO ZHES DE GNYIS SO SOR 'BYED PA'I BRNYAS PA BYAS NA RTZA LTUNG DU 'GRO BA'I SGO GCIG DANG SNGAR BSTAN PA LTAR GYI SGO GCIG STE PHUNG PO LA BRNYAS PA'I RTZA LTUNG DU 'DRA BA LA LTUNG BA'I SGO GNYIS YOD PAR SEMS SO, ,'DIR RTZA LTUNG BKA' 'GREL LAS DUG
, ,LA SOGS PAS RANG GI SROG BCAD NA RTZA LTUNG YIN LA, SBYOR BA LA NYES BYAS SU BSHAD PA NI NOR PA CHEN PO STE RANG SHI NA LTUNG BA BSKYED PA'I RTEN MED PA'I PHYIR RO, ,DES NA 'DI RTA DBYANGS KYIS MDZAD PAR MI SNANG NGO, ,RGYA CHER 'GREL LAS LUS MI GTZANG PA'I DRAN PA NYER GZHAG SGOM PA LA RTZA LTUNG DU BSHAD PA LTAR LUS LA SDUG BSNGAL DANG MI GTZANG BA SOGS SU 'DZIN PA RTZA LTUNG DU SMRA BA GZHAN YANG SNANG MOD KYANG 'THAD PA NI MA YIN TE, RTZE MO LAS, 'KHRIG PA BDUN DANG LDAN PA DAG ,MI SDUG BSGOMS PAS SPANG BAR BYA, ,ZHES MI GTZANG BSGOM PA GSUNGS SHING SPYOD BSDUS LAS, RIM PA 'DIS SHIN TU SPROS PA MED PA'I SPYOD PA LA 'JUG PAR BYA'O, ,DE'I RIM PA NI 'DI YIN TE, DE LA DANG PO KHO NAR SGRUB PA POS 'KHOR BA THOG MA MED PA CAN GYI SDUG BSNGAL DRAN PAR BYAS LA MYA NGAN LAS 'DAS PA'I BDE BA 'DOD PAS 'DU 'DZI THAMS CAD YONGS SU SPANG BAR BYA ZHING THA NA RGYAL SRID KYI DBANG PHYUG LA YANG SDUG BSNGAL GYI 'DU SHES BSGOM PAR BYA'O, ,ZHES MI GTZANG BA DANG SDUG BSNGAL SGOM PA DU MA SNGAGS KYI GZHUNG RNAMS LAS GSUNGS PA'I PHYIR RO, ,RTZA LTUNG DGU PA BSHAD PA NI, RANG BZHIN DAG PA'I CHOS RNAMS LA, ,SOM NYI ZA BA DGU PA YIN, ,ZHES SO, ,'DI LA GNYIS LAS YUL NI, CHOS RNAMS RANG BZHIN DAG PA STE, RANG BZHIN MED PA'I STONG PA NYID SPROS PA DANG BRAL BA'O, ,MAN NGAG SNYE MA LAS, CHOS THAMS CAD RANG BZHIN MED PAR RNAM PAR DAG PA LA THE TSOM ZA BA DANG, ZHES DANG, SH'ANTI PAS, DNGOS MED CHOS ZHES BYA BA NI SHES RAB KYI PHA ROL TU PHYIN PA STE DE LA NAM YANG MI SMAD DE, THOS NAS BLO CHUNG DE YIS 'DI NI SPONG BYED DE, ,SPANGS NAS SKYABS MED
GYUR PA DE NI MNAR MED 'GRO, ZHES GSUNGS PAS SO, ,RANG BZHIN DAG PA LA MI 'DRA BA'I BSHAD PA MANG PO SNANG NA'ANG SNGA MA LEGS SO, ,RDO RJE SNYING PO RGYAN LAS, MING 'DOGS 'BYUNG BA NI GZHUNG 'DI DANG 'DRA LA DGRA NAG LAS, GRONG BA'I CHOS NI SUN MI GDON, ,ZHES PA LTAR NAG PO PA'I 'GREL PAR YANG BYUNG NA'ANG DE LA GSAL KHA MI SNANG NGO, ,DPAL 'DZIN GYI NAG PO'I DKYIL CHOG TU, 'KHOR BA'I CHOS NI YONG MI SPANG, ,ZHES KYANG 'BYUNG NGO, ,'ON KYANG SH'ANTI PAS, DNGOS MED CHOS NI MI SMAD DO, ,ZHES 'DON PA DANG DPAL 'DZIN GYI DMAR PO'I DKYIL CHOG KHA CIG LAS KYANG, NGO BO'I CHOS RNAMS SUN MI DBYUNG, ,ZHES 'BYUNG BAS DMAR PO'I RGYUD LAS, BCOM LDAN CHOS NI SUN MI DBYUNG, ,ZHES PA'I DON NI SH'ANTI PA LTAR BYA'O, ,'DUS PA'I RGYAN LAS DAM CHOS DAG LA THE TSOM ZHES PA DANG, BDE MCHOG RTZA RGYUD KYI 'GREL PA SKAL LDAN GRAGS PAS MDZAD PA LAS, THEG CHEN LA THE TSOM ZA BA ZHES 'BYUNG YANG DON NI SNGAR LTAR BYA'O, ,BYA BA CI ZHIG BYAS PAS LTUNG BAR 'GYUR BA NI, DE LA SOM NYI ZA BA STE YID MA CHES NAS SPANGS PA YIN TE, DMAR NAG GI RGYUD LAS, SUN DBYUNG BA LA GSUNGS PA'I PHYIR RO, ,DE LTAR NA STONG NYID ZAB MO LA YID MA CHES NAS, SPONG BA NI RTZA LTUNG DGU PA YIN NO, ,'DI LA NAG PO PAS GRUB MTHAS BLO MA BSGYUR BA'I DRANG DON 'DOD PA LA NGES DON STON PA SOGS MANG PO ZHIG BSHAD NAS GZHAN GYI SEMS SUN 'BYIN PA'I LOG SGRUB BYED PA LA BSHAD KYANG SH'ANTI PA LTAR LEGS SO, ,RTZA LT'ANG BCU PA BSHAD PA NI, GDUG LA RTAG TU BYAMS LDAN PAR, ,BYED PA 'DI NI BCU PAR 'DOD, ,CES SO, ,'DI LA GNYIS LAS YUL NI, DKON MCHOG GSUM DANG BLA MA SMOD PA DANG BSTAN PA
, ,'JIG PA SOGS KYI SEMS CAN MNGON SPYOD BYA BA'I YUL GDUG PA CAN RNAMS TE NGAN SONG SBYONG RGYUD LAS, GLEN PAS DKON MCHOG GSUM SMOD DANG, ,SANGS RGYAS BSTAN LA GNOD BYED DANG, ,BLA MA SMOD LA BRTZON PA RNAMS, ,MKHAS PAS BSGRIMS TE GSAD PAR BYA, ,ZHES SOGS GSUNGS SO, ,BYA BA CI ZHIG BYAS PAS LTUNG BAR 'GYUR BA NI, DE LA MDZA' BOR BYAS NAS LUS NGAG GIS BYAMS PAR BYED NA'O, ,DE 'DRA BA DE LA MNGON SPYOD BYED PA'I TSE NA'ANG SNYING RJE CHEN PO SKYED DGOS PAR GSUNGS PAS SEMS KYIS BYAMS PAR BYED PA LA LTUNG BAR BCAS PA MIN NO, ,SNGAR BSHAD PA 'DI LA 'GREL PA GNYIS DGONGS PA 'DRA'O, ,'DI NI DE LA MDZA' BAR BYAS PA'I LTUNG BA YIN GYI DE LA MNGON SPYOD MA BYAS NA RTZA LTUNG DU STON PA MIN NO, ,'O NA GDONG DRUG GI RGYUD LAS, BLO LDAN SGRUB POS SEMS CAN LA, ,PHAN PA'I SEMS KYIS SROG MI GCOD, ,CES GSUNGS NAS, GDUG PA RNAMS LA BZLOG STE BYA, ,DNGOS SU'AM YANG NA SNGAGS DANG GZHAN, ,'KHRUL 'KHOR DANG NI TING NGE 'DZIN, ,SMAN GYIS KYANG NI BYA BA STE, ,DE LTAR MI BYED DE YI NI, ,DAM TSIG NGES PAR NYAMS PAR 'GYUR, ,ZHES GSUNGS PA JI LTAR YIN ZHE NA, DE NI BSAD NAS SANGS RGYAS KYI ZHING KHAMS RNAM DAG LA SOGS PAR SKYE BAR BYED NUS PA DANG, RNAM SHES SLAR YANG LUS LA 'JUG NUS SHING SNGON DANG PHYI MA'I MTHA' SHES PA'I MNGON SHES DANG LDAN PA SNYING RJE CHEN PO CAN RNAMS KYIS BYA BA MA YIN PA DE LAS THABS GZHAN GYIS BZLOG MA NUS NA DE'I NGAN 'GRO'I SDUG BSNGAL RGYUN RING MYANG BA DGAG PA'I PHYIR DU MNGON SPYOD BYA DGOS PAR STON PA YIN GYI GZHAN GYIS MNGON SPYOD MA BYAS KYANG NYES MED DU 'GRO BA TZAM DU MA ZAD
BYAS NA KHA NA MA THO BA CHEN PO SKYED DE, SDOM 'BYUNG GI 'GREL BA LAS, LAS DE DAG NI RNAL 'BYOR PAS LUS LAS 'PHO BAR BYAS NAS MTHO RIS SAM RNAM PAR DAG PA SANGS RGYAS KYI ZHING LA SKYE BAR BYED NUS PA'AM, RNAM PAR SHES PA KUN NAS GZHUG PAR NUS PA DANG LDAN PA KHO NA'O, ,'ON KYANG 'DI GAL TE DKON MCHOG GSUM LA GNOD PA BYED PA BKAG KYANG MI ZLOG NA, DE'I TSE SANGS RGYAS DANG BYANG CHUB SEMS DPA' RNAMS LA MKHYEN PAR GSOL BA BTAB LA, SNYING RJE CHEN PO BSKYED NAS GSUNGS PA BZHIN DU BSGRUB PAR BYA'O, ,ZHES GSUNGS LA SROG GCOD PA SOGS KYI GRANGS NGES KYI DAM TSIG RGYAS PAR DRI MED 'OD LAS SHES PAR BYA'O, ,'JAM DPAL RTZA RGYUD LAS KYANG, TZA NAG KYI ZHES BYA BA GSHIN RJE GSHED DNGOS SU GRUB PA ZHIG GIS MNGON SPYOD BAS PAS TSE 'PHOS NAS MNAR MED DU SKYE BA GSUNGS NA GZHAN GYIS LTA CI SMOS TE, JI SKAD DU, TZA NAG KYI ZHES RNAM BSGRAGS BA, ,BRAM ZE'I KHYE'US KHRO BO GRUB, ,GSHIN RJE'I GSHED CES BYA BA NI, ,BLO NGAN DES NI DE YANG GRUB, ,DES NI KHRO BAS ZIL GYIS NON, ,SROG CHAGS DAG GI 'TSO BA BCAD, ,DE TSE RGYAL PA GSUM GYI BAR,, SHIN TU MI BZAD SDIG PA BYAS, ,DE NI DUS RING 'TSO BA YI, ,BRAM ZE NGAN PA 'BYUNG BAR 'GYUR, ,DE YI SNGAGS KYI MTHU YIS NI, ,LUS DES LHA MIN STEN PAR BYED, ,LHA MIN LUS LA ZHUGS NAS NI, ,DE NI DUS RING 'TSO BAR BYED, ,DE NAS LUS DE ZHIG NAS KYANG, ,MNAR MED DMYAL PAR YANG DAG 'GRO, ZHES GSUNGS SHING, DE DE NAS SHI 'PHOS NAS KLU GDUG PA CAN ZHIG TU SKYE, DE NAS 'PHOS NAS RDZU 'PHRUL CHEN PHO DANG LDAN PA'I YI DVAGS KYI RGYAL POR SKYE BA SOGS GSUNGS PA'I MTHAR, DE BAS SNGAGS KYI SGRUB PA NI, ,MNGON
, ,SPYOD DAG NI YONGS MI BYA, ,SANGS RGYAS BYANG CHUB SEMS DPA' YIS, ,MNGON SPYOD RAB TU BKAG PA YIN, ,SNYING RJE MCHOG LDAN SANGS RGYAS DANG, ,BYANG CHUB SEMS DPA' RDZU 'PHRUL CHE, ,SNGAGS RNAMS MTHU BSTAN DON DU NI, ,LAS RNAMS THAMS CAD BSTAN PA YIN, ,ZHES SO, ,DES NA 'JAM PO GSUM MA GTOGS DRAG LAS RNAMS PHAL CHER BKAG PAS NA SNGAGS NAS GSUNGS PA TZAM LA SNYAD BTAGS NAS 'JUG PAR MI BYA'O, ,GZHUNG 'DIR GDUG PA LA BYAMS PAR BYAS PA LA LTUNG BAR BSHAD PA LTAR DMAR NAG GI RGYUD DANG RDO RJE SNYING PO RGYAN DANG MAN SNYER YANG 'BYUNG LA SDOM 'BYUNG GI 'GREL PAR, GDUG LA THOG MA BAR MTHAR BYAMS, ,ZHES BYAMS PAR BYED PA'I DUS KYI KHYAD PAR YANG GSUNGS SO, ,'DUS PA'I RGYAN LAS, SDANG LA BYAMS DANG DGA' BRAL BAS, ,ZHES DE LA RTZA LTUNG DU BSHAD LA, JO BOS MDZAD ZER BA'I GZHUNG 'DI'I 'GREL PAR YANG DE LTAR BYUNG MOD KYANG DON NI SNGAR LTAR BYA'O, ,BDUD RTZI ZLA BA DANG LAKshIm KA RA'I 'GREL PAR 'DI DANG RTZA TSIG MI MTHUN PA BYUNG YANG DE DAG NI GZHUNG 'DI'I 'GREL PA MA YIN NO, ,RTZA LTUNG BCU GCIG PA BSHAD PA NI, MING SOGS BRAL BA'I CHOS RNAMS LA, ,DER RTOG PA NI BCU GCIG PA, ,ZHES SO, ,'DI LA GNYIS LAS YUL NI,, DON DAM PAR MING DANG SOGS KYI SGRAS TSIG DANG NGAG GI BRJOD PA'I SPROS PA THAMS CAD DANG BRAL BA'I CHOS RNAMS TE MAN SNYE LAS,, THOG MA DANG THA MA DANG DBUS KYI CHOS THAMS CAD STONG PA LA THOG MA DANG THA MA DANG DBUS SU RTOG PA DANG, ZHES BCU GCIG PA'I NGOS 'DZIN LA GSUNGS SHING SDOM 'BYUNG GI 'GREL PAR YANG, KUN RTOG KUN LAS GROL BA NI THOG MA DANG BAR DANG THA MA STE CHOS
RNAMS STONG PA NYID LA THOG MA LA SOGS PA'I RTOG PA DANG BRAL BA'O, ,ZHES DANG, STONG NYID DE DANG DER RTOG PA, ,ZHES BCU GCIG PA'I SKABS SU GSUNGS PAS SO, ,RDO RJE SNYING PO RGYAN LAS KYANG, STONG PA THAL BYUNG LA RTOG PA, ,ZHES GSUNGS TE, STONG PA THAL BYUNG NI RANG BZHIN GYI STONG PA KHO NA'I CHOS RNAMS MA RTOG NA ZHES PA'I DON NO, ,BYA BA CI ZHIG BYAS PAS LTUNG BAR 'GYUR BA NI, CHOS RNAMS LA MING SOGS KYI MTSAN MA DER RTOG PA BYAS NA LTUB BA STE MAN SNYE DANG BSTAN PA'I NOR THAMS CAD PA DANG SDOM 'BYUNG GI 'GREL PA RNAMS KYI YOD DGONGS PA YIN NO, ,GAL TE CHOS RNAMS LA THOG MA MED PA'I BAG CHAGS KYI DBANG GIS CHOS KYI BDAG 'DZIN MI SKYE BA DGOS NA NI SGRUB PAR MI NUS LA, GRUB MTHA'I DBANG GIS BDEN PAR SGRO 'DOGS PA LA BYED NA NI CHOS KYI BDAG MED SUN PHYUNG NAS DOR BA DGU PA DANG KHYAD PAR MED PAR 'GYUR TE DGU PA STONG NYID STON PA'I BKA' LA SKUR PA BTAB PA'I LTUNG BA YIN NA DRUG PAR 'GYUR BAS SO ZHE NA, 'DI NI CHOS BDAG MED PA'I LTA BA RNYED NAS LTA BA DE RGYUN DU BSTEN DGOS PA LAS DE MA BSTEN NA LTUNG BAR BCAS PA YIN TE DZNY'A NA SHR'ISA MTHA' GNYIS SEL BA LAS, DE YANG SNGAGS PA DAG GIS THUGS LA SBYAR BA NI, DUS DANG GNAS SKABS THAMS CAD DU CHOS THAMS CAD BDAG MED PA SGYU MA DANG 'DRA BAR LTA BA DANG MI 'BRAL BAS GNAS PA YIN TE, JI SKAD DU, MANG DU SMRA BA 'DIR CI DGOS, ,RDO RJE THEG PAR DE NYID NI, ,RNAL 'BYOR PA YIS GANG GANG DMIGS, ,DE DANG DE NI SGYU MAR BLTA, ,ZHES GSUNGS PA LTA BU'O, ,DE LTAR KUN NAS NYON MONGS PA DANG RNAM PAR BYANG BA'I CHOS THAMS CAD LA SGYU MA DANG 'DRA BAR LTA BA DANG MA BRAL BAS NYON MONGS PA TSEGS MED PAR SPONG BA DANG DGE BA LA RLEM
, ,SEMS LA SOGS PA 'DOR LA, DE NYID KYIS DE'I 'JIG RTEN LAS 'DAS PA'I PHUN SUM TSOGS PA MA LUS PA 'THOB PAS NA THUGS LA GNAS PAS YON TAN THAMS CAD 'THOB PA'O, ,ZHES LTA BA DANG DUS RGYUN DU MI 'BRAL BAR BYA DGOS PAR GSUNGS NAS DE LTA YIN YANG DBU MA PA DANG KHYAD PAR STON PA NI, DE'I RJES NAS DE LTA BU DE NI DBU MA PAS KYANG 'DOD PA NYID DE BDAG NI MNYAM PAR BZHAG PA'AM LANGS ZHES RLOM SEMS MED, CES PA DANG, JI LTAR DUG DANG 'DRES PA'I KHA ZAS BZANG ZA BA, ,DKAR PO'I CHOS LA DMIGS PA'ANG DE 'DRAR RGYAL BAS GSUNGS, ,ZHES BYA BA LA SOGS PAS DUS DANG GNAS SKABS THAMS CAD DU KUN NAS NYON MONGS PA DANG RNAM PAR BYANG BA'I CHOS THAMS CAD SGYU MA DANG 'DRA BAR BLTA BAR GSUNGS KYI, DE LAS GZHAN DU MA YIN NO ZHE NA, DE NI BDEN MOD KYI 'ON KYANG LAM DER NI SDOM PA'I DBANG DU BYAS TE, DE LTAR MA BLTAS NA SDOM PA NYID NYAMS PA ZHES MA BZHAG LA, DE NYID KYIS DE SHIN TU GA-YEL BAS BRGYA LAM NA NYES PA DE 'BYUNG BA DANG 'BRAL BA YIN LA, LAM 'DIR NI SKU GSUNG THUGS KYI DAM TSIG LAS 'GAL TE, SHES PA DE DANG BRAL BA NA THUGS KYI DAM TSIG NYAMS PAR BZHAG PAS NA DES 'JIGS PAS BSKUL TE RTAG TU TING NGE 'DZIN DE DANG 'BRAL BAR MI BYED CING BRAL BAR SPYAD NA YANG BAG YOD PAS SDOM ZHING 'CHAGS LA YANG SBYOR BAS NA RTAG TU MA BRAL BA STE, DE BAS NA JI LTAR DE BZHIN GSHEGS PA'I THUGS DNGOS POR 'DZIN PA LAS RTAG TU DBEN PA LTAR SNGAGS PA'I SHES PA YANG RTAG TU DNGOS POR 'DZIN PA LAS GROL ZHING SGYU MA DANG 'DRA BAR RANG BZHIN GCIG PA LAS MI PHYED BAS 'DI NI RDO RJE'I THEG PA ZHES BYA BA, LAM GZHAN PAS MYUR BA YIN
NO, ,DE BAS NA THEG PA CHEN PO 'DI NI DBANG PO RNON PO'I DBANG DU BYAS PA YIN NO, ,ZHES SO, ,'DI LA STONG PA NYID KYI BLO RIGS 'DRA BAR MA CHAD DU DGOS NA HA CANG THAL BAS DE MA YIN GYI LTA BA'I RTZI NA RE BA ZHIG DGOS PA YIN LA, DE MED NA SPYIR DAM TSIG NYAMS PA'I NYES PA TZAM ZHIG YOD MOD KYANG RTZA LTUNG DU MI 'GYUR RO, ,DES NA RTZA LTUNG DU 'GRO BA'I TSAD NI GZHAN NAS BZUNG PA MI SNANG BAS JO BOS MDZAD ZER BA'I RTZA LTUNG GI 'GREL PAR, MING SOGS BRAL BA'I CHOS NI 'OD GSAL BA DANG ZUNG DU 'JUG PA'O, ,DER RTOG PA NI DE GNYIS KYI RANG BZHIN DANG MI MTHUN PAR GZHAN DU ROG PAS NYIN MTSAN 'DAS PA'O, ,ZHES GSUNGS PA 'DI NYID LEGS SAM SNYAM MO, ,DES NA SNGAGS KYI SDOM LDAN SBYANGS NA STONG NYID DO NUS PA'I SHES RAB DANG LDAN PA YIN NA CHOS BDAG MED KYI LTA BA MA BTZAL NA RTZA LTUNG MI 'BYUNG YANG NYES PA ZHIG 'BYUNG BAR GSAL LA LTA BA RNYED NAS NI SNGAR LTAR BYA DGOS SO, ,DE LTA MA YIN PAR LTA BA GO MA GO GANG YIN YANG SNGAGS KYI SDOM LDAN GYIS MTSAN 'DZIN GCOD PA'I LTA BA DANG MI 'BRAL BAR MA BYAS NA RTZA LTUNG DU 'GYUR RO ZHES BSLAB PA 'CHA' NA HA CANG THAL LO, ,'O NA DBU MA KHO NA'I LTA BA DGOS SAM SEMS TZAM GYI LTA BAS KYANG CHOG SNYAM NA, DE KHO NA NYID RIN PO CHE SNANG BA'I RNAM BSHAD LAS, SNGAGS KYI TSUL LA YANG RNAM PAR SHES PAR SMRA BA DANG DBU MA PA'I 'DOD GZHUNG GTZO BOR GYUR PA'I PHYIR RO, ,ZHES DPAL NGAG DBANG GRAGS PAS GSUNGS PA LTAR DBU SEMS GNYIS GANG RUNG GI LTA BAS CHOG GO ,'PHAGS PA'I YUL DU RNAL 'BYOR SPYOD PA'I LTA BA 'DZIN PA'I RDO RJE SLOB DPON MTSAN NYID TSANG BA DU MA ZHIG BYON SNANG BAS RTZA LTUNG DGU PA YANG SPYIR CHOS KYI BDAG MED TZAM SUN PHYUNG BA LA BYA'I DBU SEMS PHAN TSUN DU
, ,GRUB MTHA' LA SUN 'BYIN MDZAD PA RNAMS LA MI BYA'O, ,RTZA LTUNG 'DI LA 'DUS PA'I RGYAN LAS, CHOS LA MTHA' GNYIS SGRO 'DOGS PAS, ZHES 'BYUNG BA NI SNGA MA RNAMS DANG MTHUN ZHING DMAR NAG GI RGYUD LAS CHOS LA CHAD 'JAL BAR BYED PA LA GSUNGS SHING, GUR LAS KYANG, DE LTAR 'BYUNG BA LA SH'ANTI PAS NI CHOS KUN RDZOB KYI BDEN PA JI LTAR GSUNGS PA RNAMS LA LUNG DANG MAN NGAG MED PAR RANG DGAR RTOG GE TZAM LA BRTEN NAS 'JUG PA LA BSHAD DO, ,NAG PO PAS DON RANG GI MTSAN NYID RIG PA'I RTOGS PA'I CHOS MING TSIG YI GE DANG BRDA DANG BRJOD PA THAMS CAD DANG BRAL BA'I YE SHES LA YIN MIN RTZOD PA DANG YED MED DU RTOG PA DANG GZHAN LUNG RIGS KYIS BRID NAS THE TSOM ZAR 'JUG PA LA 'CHAD DO, ,'ON KYANG RGYUD SDE DE RNAMS KYI DON BSDUS PA'I GZHUNG 'DI MDZAD PA'I SLOB DPON GYI DGONGS PA NI AA BHYA KA RA DANG DRI MED SBAS PA DANG RATNA RAKshI TA LA SOGS PA MANG POS SNGAR LTAR BKRAL BA YIN PAR SNANG BAS 'DIR NI GZHUNG 'DIS BKRAL BA 'DI LA TSAD MAR BYA'O, ,DE LTAR NA CHOS BDAG MED PA'I LTA BA YOD BZHIN DU MA BSKYANGS PAR ZHAG GCIG 'DAS NA RTZA LTUNG BCU GCIG PA'O, ,RTZA LTUNG BCU GNYIS PA BSHAD PA NI, SEMS CAN DAD DANG LDAN PA YI, ,SEMS SUN 'BYIN PA BCU GNYIS PA, ,ZHES SO, ,'DI LA GNYIS LAS YUL NI, DMAR NAG GI RGYUD DANG RDO RJE SNYING PO RGYAN DANG MAN SNYE DANG 'DUS PA'I RGYAN RNAMS 'DI DANG 'DRA LA, GUR LAS, ? SKAL LDAN SEMS CAN ZHES 'BYUNG BAS LAM GYI SNOD DU RUNG BA'I SEMS CAN DAD PA DANG LDAN PA'O, ,DAD TSUL NI NAG PO PAS MA BSHAD LA SH'ANTI PAS, DAD LDAN SEMS CAN ZHES BYA BA NI BDAG GI PHA'I BGO SKAL GYI YUL LA RAB TU DAD PA STE, ZHES GSUNGS PAS RANG GI BLA MAS
SLOB MA LA BGO BSHA' BYED PA'I GDAMS PA LA RAB TU DAD PA'O, ,DE YANG SKABS KYI DBANG GIS THEG PA MCHOG GI LAM STON PA LA BYA'O, ,BYA BA CI ZHIG BYAS PAS LTUNG BAR 'GYUR BA NI, RDO RJE SNYING PO RGYAN DANG GUR DANG MAN SNYE DANG 'DUS PA'I RGYA NA DANG SDOM DBYUNG GI 'GREL PA RNAMS 'DI DANG 'DRA LA DMAR NAG GI RGYUD LAS SEMS CAN DE SLU BA LA BSHAD PA NI NAG PO PAS KYANG DE BZHIN DU MDZAD LA, SH'ANTI PAS DAD LDAN SEMS CAN BZLOG PA YIN, ZHES PAR 'DON ZHING DE'I SEMS ZLOG LUGS MA BSHAD DA, ,'ON KYANG 'DUN PA ZLOG 'DOD KYI BSAM PAS DE'I SEMS SUN 'BYIN PA BYAS NA'O, ,'DI LA 'DUN PA LOG PA DGOS SAM MI DGOS SHEN, 'GREL PA BDUD RTZI'I CHU RGYUN DANG BDUD RTZI ZLA BA DANG RGYA CHER 'GREL RNAMS LAS LOG PA'I DBANG DU BYAS NAS 'CHAD DE RTZA LTUNG DU 'GRO BA LA DE DGOS PA 'DRA'O, ,NAG PO PAS BRE SRANG SOGS LA GA-YO BYAD PA DANG SGYU MA DANG 'KHRUL 'KHOR GYI SBYOR BAS SLU BA DANG CHOS LOG BSTAN NAS SLU BA SOGS LA BSHAD NAS DE DAG GI NANG NAS RTZA LTUNG GANG LA SKYED PA'I GSAL KHA MA MDZAD DO, ,'ON KYANG SH'ANTI PAS GZHUNG 'DI DANG MTHUN PAR SEMS ZLOG PA NAG PO'I RGYUD GYI DON DU BSHAD PA LA MKHAS PA GZHAN YANG SHIN TU MANG BAR SNANG BAS SEMS SUN PHYUNG BA'I RTZA LTUNG DU BYAS NA LEGS PAR MNGON NO, DA LTAR NA THEG CHEN GYI SNOD RUNG GI SEMS CAN THEG PA MCHOG GI GDAMS PA 'GA' ZHIG LA DAD PA LA, DE'I 'DUN PA ZLOG 'DOD KYI SEMS SUN 'BYIN PA'I THABS BYAS NAS 'DUN BA LOG NA RTZA LTUNG BCU GNYIS PA'O, ,RTZA LTUNG BKA' 'GREL SOGS NAS DAD LDAN LA CHOS LOG PAR BSTAN PA 'DI'I DON DU 'CHAD KYANG DE NI SBOM POR GSUNGS PAS 'DI'I SKABS DON DU MI SNANG NGO, ,RTZA LTUNG BCU GSUM PA BSHAD PA NI, DAM TSIG LA NI
, ,JI BZHEN RNYED, ,MI BSTEN PA NI BCU GSUM PA, ,ZHES SO, ,'DI LA GNYIS, BLA MED KYI RTZA LTUNG DU 'GRO TSUL DANG, RNAL 'BYOR RGYUD KYI RTZA LTUNG DU 'GRO TSUL LO, ,DANG PO LA GNYIS LAS YUL NI, DAM TSIG CES BA STE SPYIR BZA' BSUNG GI DAM TSIG GNYIS YOD KYANG 'DIR BZA' BA DANG LONGS SPYOD PA'I DAM TSIG LA NG'A RI KA PAS GSUNGS PA LTAR BYA'O, ,SH'ANTI PAS BDUD RTZI LNGA'I DAM RDZAS BYIN GYIS BRLABS NAS MI SPYOD PA LA BSHAD PA NI PHYOGS GCIG MTSON PA TZAM MO, ,BYA BA CI ZHIG BYAS BAS LTUNG BAR 'GYUR PA NI, DAM TSIG GI RDZAS DE LA JI LTA BA BZHIN DU MI BSTEN NA'O, ,DAM RDZAS JI 'DRA BA ZHE NA, DAM TSIG CAN GYIS BSTOBS PA LAS RNYED PA'AM THOB PA'O, ,'DI NI TSOGS 'KHOR RAM DPA' BO'I STON MO'AM DPA' ME'I STON MI'I TSE GA TSUL BZHIN DU BYED PA'I TSE DAM RDZAS BZA' BTUNG SHA LNGA LA SOGS PA BSTABS PA'I TSE MI GTZANG BA'I BSAM PA'AM THE TSOM ZOS NAS DANG DU MI LEN PA'O, ,SNYING PO RGYAN LAS, 'DOD PA'I BSTAN BCOS LAS 'BYUNG LTAR, ,GNYIS KA'I LONGS SPYOD LA RAB GNAS, ,PHAN TSUN DAM TSIG GTAM SMRA ZHING, ,DGA' BA'I SEMS KYIS 'ONGS PA DANG, ,MDOR NA RTZA BA NYAMS 'GYUR BAS, ,'BAD PAS DAM TSIG LEGS DRAN BYA, ,ZHES TSOGS 'KHOR GYI SKABS SU RIG MAS 'DOD PA BSTABS PA DANG DU MA BLANGS NA RTZA LTUNG DU BSHAD DE RGYUD NAS BSHAD PA LTAR GYI RIG MA BSTEN PA'I NUS PA THOB PA DANG DGAG BYA GZHAN MID PA'I RTEN 'GA' ZHIG LA YIN NO, ,DE NI SKABS GZHAN DU'ANG DAM TSIG NYAMS PAR 'GYUR BAR SAm BH'U tA LAS GSUNGS SO, ,DE LTAR MI NUS PA DANG RAB BYUNG GIS NA YE SHES KYI PHYAG RGYA LA BRTEN PA COM BYA STE, DAM TSIG LNGA PA LAS, PHYI ROL DAM
PA'I PHYAG RGYAS 'KHYUD, ,RANG GI SLOB MAS YONGS SU BSKOR, ,DES KYANG RANG RIG MA LA 'KHYUD, ,MI NUS BSAM GTAN DAG GIS BYA, ZHES DMIGS BSAL GSUNGS PA'I PHYIR RO, ,RDO RJE SNYING PO RGYAN LAS, DAM TSIG DANG LDAN RTZE MI PHYED, ,CES GSUNGS PA YANG DE 'DRA BA LA DGONGS PA 'DRA'O, ,DAM TSIG RDO RJE DANG RGYA CHER 'GREL LAS, RTZA BA DANG YAN LAG GI BSRUNG BA'I DAM TSIG MI BSTEN PA LA BSHAD PA NI LEGS PAR MA MTHONG NGO, ,LTUNG BA 'DI'I MING 'DOGS NI MAN SNYE DANG 'DUS PA'I RGYAN DANG SDOM 'BYUNG GI 'GREL PAR YANG 'DI BZHIN DU 'BYUNG NGO, , GNYIS PA LA YUL NI, DAM TSIG CES PA STE RDO RJE DANG DRIL BU DANG LAG PA'I PHYAG RGYA LA SOGS PA RNAMS SO, ,CI ZHIG BYAS PAS LTUNG BAR 'GYUR BA NI, RDOR DRIL DANG PHYAG RGYAL SMAD NAS DE DAG MI BSTEN PAR DOR NA LTUNG BA'O, ,SMOD TSUL NI DPAL MCHOG DUM BU GNYIS PA'I 'GREL CHEN LAS, DAD PA MED PAS BZHAD GAD BYAD, ,CES GSUNGS PA LA RDO RJE LA SOGS PA 'DIS CI ZHIG BYA SGOM PA KHO NA GTZO BOR 'GYUR BA YIN TE, LAG PA RNAM PAR 'GYUR BA LA SOGS PA NI MA YIN NO ZHES SKYE BO'I TSOGS KYI NANG DU GNAS NAS SMAD PA GANG YIN PA 'DI NA DAM TSIG LAS 'DAS PA'O, ,ZHES GSUNGS PA LTAR YIN LA DE DAG LA PHAM PAR GSUNGS PA NI SNGAR DRANGS ZIN NO, ,GAL TE 'DI NI KHYAD GSOD YIN PAS DE'I LTUNG BA NI RTZA LTUNG GNYIS PA YIN GYI BCU GSUM PA MIN NO ZHE NA, SKYON MED DE RTZA LTUNG GNYIS PA NI 'DI TZAM LAS 'DAS KYANG NYES PA CIR YANG MI 'GYUR ZHES BCAS PA KHYAD DU GSAD NAS BCAS MTSAMS LAS 'DAS PA YIN LA, 'DI NI SNGAR DPAL MCHOG 'GREL PA'I LUNG DRANGS PA LTAR YID KYIS RNAL 'BYOR SGOM PA YOD NA DE TZAM GYIS RDOR DRIL SOGS KYI
, ,DGOS PA 'GRUB PAS DE DAG MI DGOS SO, ,ZHES DAM TSIG BSTAN PA DOR BA YIN PAS KHYAD PAR CHE BA'I PHYIR RO, ,SNGA MA NI 'OG MA LA BCAS PA'I RTZA LTUNG MIN YANG 'DI NI GNYIS KA LA RTZA LTUNG DU 'GYUR SNYAM MO, ,DMAR NAG GI RGYUD LAS, RTAG TU DAM TSIG BSTEN PAR BYA, ,ZHES DAM TSIG MI BSTEN PA'I LTUNG BAR BSHAD DO, ,SNGAR BSHAD PA DE 'DRA BA NI RTZA LTUNG BCU GSUM PA'O, ,RTZA LTUNG BCU BZHI PA BSHAD PA NI, SHES RAB RANG BZHIN BUD MED LA, ,SMOD PAR BYED PA BCU BZHI PA, ,ZHES SO, ,'DI LA GNYIS LAS YUL NI, BUD MED KYI TSUL 'DZIN PA'I RDO RJE PHAG MO SOGS 'JIG RTEN LAS 'DAS PA RNAMS DANG, BUD MED MTSAN NYID PA GANG YANG RUNG BA GCIG GO, SHES RAB NI BDE BA CHEN PO'I YE SHES YIN LA, RANG BZHIN NI 'DIR 'BYUNG BA'I DON TE RNAL 'BYOR PA LA DE SKYED PAR RE BYED PA'I BYED PA POR GSUNGS PA'O, ,BYA BA CI ZHIG BYAS PAS LTUNG BAR 'GYUR BA NI, DE LA SMOD PAR BYED NA'O, ,SMOD LUGS NI SNGA MA LA SKYON GDAGS 'DOD KYI KUN SLONG GIS SKYON GANG YANG RUNG BA BRJOD PA YIN LA, PHYI MA LA NI SKYON GDAGS 'DOD KYI KUN SLONG GIS BUD MED KYI RTEN SPYI LA SMOD TSIG TU 'GRO BA'I SKYON BRJOD BYAS PA STE, DE YANG BUD MED KYI GO BA DGOS PAR BDUD RTZI ZLA BA DANG LAKshIm KA RAS BSHAD PA NI PHYI MA LA DGOS SAM SNYAM MO, ,DUS 'KHOR DANG d'A RI KA PAS BUD MED SPYI LA BSHAD CING MAN SNYE DANG SDOM 'BYUNG GI 'GREL PAR YANG DE BZHIN DU 'BYUNG BA NI GZHUNG 'DI DANG MTHUN PAR SNANG LA, SNGAR KA MA DHE NU'I LUNG DRANGS PA LTAR DANG DGRA NAG GI 'GREL PA GNYIS LAS KYANG RDO RJE PHAG MO LA SOGS PA BUD MED KYI GZUGS 'DZIN PA LA SMAD PA RTZA LTUNG DU BSHAD PA NI
RGYUD SDE GNYIS KA'I THUN MONG NGO, ,'DIR DAM TSIG RDO RJES KU RU KU LLE LA SOGS PA DANG RANG GI PHYAG RGYA'I BUD MED LA SMAD PA LA RTZA LTUNG DANG BUD MED GZHAN LA SHAN 'DRA RU MDZAD CING 'DUS PA'I RGYAN LA SOGS PA 'GA' ZHIG LAS KYANG RANG GI RIG MA KHYAD PAR CAN LA SMAD PA LA BSHAD PA SNANG NA'ANG RANG GI LUGS NI RANG GI PHYAG RGYA LTA BU LA LCI BA'I KHYAD PAR YOD MOD KYANG RTZA LTUNG DU 'GRO BA'I MTSAMS SNGA MA LTAR RO, ,SH'ANTI PAS RTZOD PA'I DUS 'DIR 'GRO BA RNAMS BUD MED LA RAB TU ZHEN PAS, DE RNAMS GDUL PA'I PHYIR BUD MED DU SPRUL PA'I LHA RNAMS 'DI NA GNAS PAS MI SMOD CES SAM BUD MED KYI KHROD NA RDO RJE PHAG MO SOGS GNAS PAS DES NA GANG YIN MI SHES PAS BUD MED RNAMS LA MI SMOD PAR BZHED PA'I PHYIR BCAS PA'I SPYI MTSAMS 'DZIN PA LA BUD MED TZAM NAS BYED PAR GSAL LO, ,DES NA 'GREL PA DER GONG DU RDO RJE PHAG MO LA SOGS PA LA BUD MED DU BSHAD KYANG DE DAG KHO NA LA BZHED PA MIN NO, ,YANG SH'ANTI PAS DE LTAR 'GYUR BA'I SHES BYED DU 'DUS PA RIN PO CHE TOG LAS, TSANGS PA PHUN SUM TSOGS PA'I DBANG PHYUG CES BYA BA DE LUS BRGYAN TE BUD MED DU BSGYUR NAS RGYAL BA TSE DPAG MED KYI SPYAN SNGA NA 'KHOD PA LA, BRGYA BYIN GTZUG PHUD 'DZIN GYI SRING MO DE BZHIN GSHEGS PA'I SPYAN SNGAR MA 'DUG CIG, BAG MED PAR MA BYED CIG CES SOGS SMRAS PA NA, SANGS RGYAS DES LHA'I DBANG PO RTOGS LA SMROS SHIG, KHYOD LA DES MI SDUG PA'I 'BRAS BUR GYUR TA RE, 'DI NI DE BZHIN GSHEGS PA LA MCHOD PA'I PHYIR DU BUD MED DU SPRUL PA YIN GYI, 'DI LA BUD MED CES MA BRJOD CIG CES BKA' STZAL PA DANG, BRGYA BYIN GYIS DE LA BZOD PAR GSOL ZHING, DE SKAD SMRAS PA'I 'BRAS BU MI SDUG PA THOB PAR MA GYUR CIG ,CES SMRAS
, ,SO, ,DE NAS BYANG SEMS LTAD MO CAN GYIS BRGYA BYIN GYIS DE MA BSHAGS NA RNAM SMIN CI 'DRA BAR 'GYUR, ZHES ZHUS PA DANG, MA BSHAGS NA TSE RABS BRGYAD KHRI BZHI STONG DU BUD MED DU SKYE'O, ,DES NA NGAG GI LAS BSRUNG BAR BYA'O, ,ZHES GSUNGS PA 'DI DRANGS SO, ,DMAR NAG GI RGYUD DANG RDO RJE SNYING PO RGYAN LAS BUD MED LA SMOD PA'I NYES PAR BSHAD LA, GUR LAS BTZUN ME RNAMS LA BRNYAS PA ZHES KYANG 'BYUNG NGO, ,BUD MED RANG BZHIN PA LA SMAD PA'I RTZA LTUNG NI RNAL 'BYOR RGYUD LA MI SBYAR RO, ,'DIR KHA CIG BUD MED KYIS NI SKYES PA LA SMAD NA RTZA LTUNG DU SMRA BA NI RGYA GZHUNG KHUNGS MA GANG NAS KYANG MA BSHAD LA DON GYIS THOB PA YANG MA YIN TE, RGYUD DANG RGYA 'GREL KHUNGS MA DE DAG NAS SNGAR BSHAD PA LTAR 'BYUNG BA'I RTZA LTUNG DE DAG NI SKYES PA DANG BUD MED KYI RTEN SO SOR MA PHYE BAR SNGAGS KYI SDOM LDAN SPYI'I LTUNG BAR GSUNGS PA YIN PA'I PHYIR RO, ,SNGAR BSHAD PA DE 'DRA BA'I LTUNG BA DE NI RTZA LTUNG BCU BZHI PA'O, ,GNYIS PA NI, DA NI RTZA LTUNG RNAMS KYI BSDU BA BSHAD PAR BYA STE, LTUNG BA 'DI RNAMS GSUNGS PA NI KHA NA MA THO BA CHEN PO RNAMS DGAG PA'I PHYIR DU BCAS PA YIN LA, GANG LA BRTEN NAS NYES PA RNAMS 'BYUNG BA'I YUL GYI GTZO BO NI GSUM STE, 'DI LTAR RANG LA CHOS STON PA PO DANG, CHOS SGRUB PA'I GROGS DANG, NYAMS SU BLANG BYA'I CHOS SO, ,DANG PO LA DMIGS PA'I KHA NA MA THO BA 'GOG PA NI LTUNG BA DANG PO'I BCAS PA'O, ,GROGS LA GNYIS TE, YANG DAG PA'I GROGS DANG, PHYIN CI LOG GI GROGS SO, ,DANG PO LA LOG PAR SGRUB PA 'GOG PA NI LTUNG BA GSUM PA DANG BCU GNYIS PA'I BCAS PA'O, ,GNYIS PA LA MDZA' BAR BYED PA 'GOG PA NI BCU PA'I BCAS PA'O, ,CHOS LA
GNYIS TE LUNG DANG SGRUB PA'I CHOS SO, ,LUNG LA KHYAD GSOD KYIS 'JUG PA DANG BKA' MA YIN NO ZHES SKUR PA 'DEBS PA DANG, BSTAN PAR MI 'OS PA LA STON PA 'GOG PA NI LTUNG BA GNYIS PA DANG DRUG PA DANG BDUN PA'I BCAS PA'O, ,SGRUB PA'I CHOS LA GSUM STE, LAM GYI RTEN, LAM GYI NGO BO, LAM GYI YAN LAG GO, LAM GYI RTEN LA GANG GI CHED DU SEMS BSKYID PA'I SEMS CAN LA LOG PAR SGRUB PA DANG SEMS RANG GI NGO BO 'DIR BA 'GOG PA NI LTUNG BA BZHI PA DANG LNGA PA'I BCAS PA'O, ,LAM GYI NGO BO LA GNYIS TE, BSKYED PA'I RIM PA DANG, RDZOGS PA'I RIM PA'O, ,DANG PO NI GANG LHAR SGOM PA'I GZHI PHUNG PO LA BRNYAS PA 'GOG PA NI LTUNG BA BRGYAD PA'I BCAS PA'O, ,RDZOGS RIM LA GNYIS, STONG PA NYID DANG PO NAS SPONG BA DANG RTOGS KYANG YID LA BYED PA 'DOR BA'O, ,DE GNYIS 'GOG PA NI DGU PA DANG BCU GCIG PA'I BCAS PA'O, ,LAM GYI YAN LAG LA GNYIS, LAM GYI GZHI DAM TSIG DANG, LAM GYI GROGS BUD MED DO, ,DANG PO MI BSTEN PA DANG GNYIS PA LA SMOD PA 'GOG PA NI LTUNG BA BCU GSUM PA DANG BCU BZHI PA'I BCAS PA'O, ,JO BOS MDZAD ZER BA'I RTZA LTUNG GI 'GREL PA DANG LAKshIm KA RAS BYAS PA'I 'GREL PAR SDUD TSUL GZHAN YANG BSHAD DO, ,GNYIS PA SRUNG 'DOD BSKYED PA LA GNYIS, GSUNGS PA'I PHAN YON BSAM PA DANG, MA BSRUNGS PA'I NYES DMIGS BSAM PA'O, ,DANG PO NI SNGAGS PAS 'DI DAG SPANGS NA NI, ,DNGOS GRUB NGES PAR THOB PAR 'GYUR, ,ZHES GSUNGS TE, THOB PAR 'GYUR RO, ,GANG NA MCHOG DANG THUN MONG GI DNGOS GRUB THAMS CAD DO, ,GANG GIS NA GSANG 'DUS KYI BSHAD SBYAR SNYIM PA'I ME TOG GI LE'U BCO BRGYAD PA'I 'BREL PA LAS, SNGAGS NI RANG GI LTA'O, ,DE 'DI LA YOD PAS NA SNGAGS PA STE DE'I NGA RGYAL BRTAN PAR GNAS PA'O, ,ZHES GSUNGS
, ,PA LTAR RANG GI LHA'I TING NGE 'DZIN GYI SDAGS DANG LDAN PA'I SGRUB PA PO RNAMS KYIS SO, ,CI ZHIG BYAS NA 'THOB TZA NA, SNGAR BSHAD PA'I RTZA LTUNG 'DI DAG GIS MA GOS PAR BYAS NAS SPANGS NA NI 'THOB BO, ,DE LTAR BYAS NA NI THE TSOM MED PAR DNGOS GRUB 'THOB BSAN NGAS PAR ZHES SMOS PA STE RKANG PA GNYIS PO DE RDO RJE SNYING PO RGYAN NA SNANG NGO, ,DNGOS GRUB 'GRUB LUGS NI THOD PA'I BKA' 'GRAL DU SA RA HAS, DE YANG GSANG BA'I MDZOD LAS GSUNGS PA, DBANG BSKUR YANG DAG SPYAN LDAN NA, ,SKYE DANG SKYE BAR DBANG BSKUR 'GYUR, ,DE YIS SKYE BA BDUN LA NI, ,MA BSGOMS PAR YANG DNGOS GRUB 'THOB, ,GANG LA SGOM PA DANG LDAN ZHING, ,GAL TE DAM TSIG SDOM LA GNAS, ,SKYE 'DIR LAS DBANG GIS MA GRUB, ,SKYE BA GZHAN DU DNGOS GRUB 'THOB, ,RE SHIG DAM TSIG NYAMS PA LA, ,DNGOS GRUB THOB PA LTA ZHOG GI, MI YI SKYE PA'ANG RNYED PAR DKA', ,ZHES GSANG BA'I MDZOD KYANG LUNG DRANGS PA LTAR TE TSE 'DIR 'BAD PA CHEN POS MA BSGOMS KYANG SKYE BA BDUN NA DNGOS GRUB 'GRUB PA DANG DE YANG RNAL 'BYOR CUNG ZAD SGOM PA DANG DAM TSIG DANG SDOM PA DAG PAS 'GRUB KYI DAM TSIG NYAMS NA DNGOS GRUB 'GRUB PA LTA ZHOG NGAN 'GROR 'GRO BAS BDE 'GRO YANG RNYED DKA'O ZHES GSUNGS SO, ,DAM TSIG LNGA PA LAS, GAL TE LTUNG BA MED GYUR NA, ,SKYA BA BCU DRUG DAG LA 'GRUB, ,CES DANG, BE BH'U T'I TZANATRAS KYANG, MA BSGOMS GYUR KYANG LTUNG MED NA, ,SKYE BA BCU DRUG DAG NA 'GRUB, ,CES GSUNGS PAS RTZA BA DANG YAN LAG GI NYES PAS MA GOS PA'AM GOS KYANG PHYIR BCOS TSUL BZHIN DU BYAS NAS DAM TSIG DANG SDOM PA DAG PAR BSRUNG NA SKYE BA BCU DRUG TSUN LA MCHOG 'GRUB PAR GSUNGS SO, ,BDUN DANG BCU DRUG GI KHYAD PAR NI BI BH'U T'IS MA BSGOMS GYUR KYANG ZHES BSHAD PA LTAR LAM
SGOM PA'I BRTZON PA DANG LDAN MI LDAN YIN TE SNGA MA LA GANG YANG SGOM PA DANG LDAN ZHES GSUNGS PAS SO, ,DE YANG GAL TE LAS DBANG GIS MA GRUB, CES GSUNGS PA LTAR TSE 'DI LA MCHOG 'GRUB MI NUS PA'I LAM SGOM PA'I BRTZON BA CAN DAM TSIG DAG BAS SKYE BA BDUN TSUN CHAD LA 'GRUB PA'O, ,DE 'AD BA'I DAM TSIG DAG PAS RTZA LTUNG GIS DAG PA TZAM GYIS MI CHOG PAS YAN LAG GI LTUNG BA SBOM POS KYANG DAG DGOS TE, RDO RJE SNYING PO RGYAN LAS, DE LA SNGAGS PA YONGS 'DAS NA, ,NGES PAR BDUD DANG PHRAD PAR 'GYUR, ,NAD DANG SDUG BSNGAL 'PHEL 'GYUR TE, BSTING MED SPYI'U CHUGS DMYAL BAR 'GRO, SBOM PO LTUNG BYED NYES DMIGS KYANG, ,DE DANG 'DRA BAR SHES PAR BYA, ,ZHES GSUNGS LA DE LTA YIN NA DNGOS GRUB LTA ZHOG BDE 'GRO YANG RNYED DKA' BA'I PHYIR RO, ,GZHAN YANG RGYAL BA DANG RGYAL SRAS DPA' BO DANG DPA' MO'I CHOGS RNAMS KYIS DGYES BZHAN DU SRUNG BAS YON TAN GENG NAS GONG DU 'PHEL BA DANG BDUD LA SOGS PAS GLAGS MI RNYED PA LA SOGS PA SLOB DPON DZNY'A NA BO DHIS MANG DU DRANGS NAS GSUNGS PA LTAR 'BYUNG BAS PHAN YON DE RNAMS BSAMS NAS DAM TSIG DANG SDOM PA BSRUNG BA LA SPRO SHUGS CHE BAR BYA'O, ,GNYIS PA NI, GZHAN DU DAM TSIG LAS NYAMS NA, ,NYAMS PA BDUD KYIS BZUNG BAR 'GYUR, ,DE NAS SDUG BSNGAL MYONG GYUR ZHING, ,THUR DU BLTAS TE DMYAL BAR 'GRO, ZHES GSUNGS TE, LTUNG BA DE RNAMS SPANG BAR GSUNGS PA LAS GZHAN DU DAM TSIG STE BCAS MTSAMS LAS 'DAS SHING NYAMS NA NYAMS PA'I SNGAGS PA DE LA NYES DMIGS GNYIS 'BYUNG NGO, ,DE LA TSE 'DI'I NYIS DMIGS NI BDUD DANG LOG 'DREN LA SOGS PAS 'DZIN PAS DA DAG GI DBANG DU 'GYUR LA, DE NAS NI BKRA MI SHIS PA'I RNAM PA SNA TSOGS BYUNG NAS LUS DANG SEMS KYI SDUG BSNGAL MANG
, ,DU MYONG BAR 'GYUR BA'O, ,TSE PHYI MA'I NYES DMIGS NI MDZOD LAS, DMYAL BA YI NI SPYI CHUGS YIN, ,ZHES PA LTAR THUR DU BLTAS PA STE BAR DO'I SKABS SU SPYI'U CHUGS SU BYAS, SEMS CAN DMYAL BA CHEN PO RNAMS SU 'GRO BAR 'GYUR RO, ,ZLA GSANG THIG LE LAS KYANG, SNGAGS KYI DNGOS GRUB DON 'DOD PAS, ,DAM TSIG SRUNG LA BRTZON PAR BYA, ,GZHAN DU BYAS NA SNGAGS MKHAN GYIS, ,SNGAGS LA SOGS PA'I DON MI 'GRUB, ,LHA RNAMS KYANG NI DAM TSIG GI, GSOL YANG BZHES SU MI SNANG STE, ,'JIG RTEN 'DI RU SDUG BSNGAL CHE, ,'JIG RTEN PHA ROL DMYAL BA RNAMS, ,DAM TSIG SPYOD PA 'DAS PA YI, ,RMONGS PA'I BDAG NYID DE 'THOB BO, ,SLOB MA DE YANG DE BZHIN DU, ,BLO ZHAN SDUG BSNGAL 'THOB 'GYUR TE, ,DES NA SNGAGS KYI DON MI SMIN, ,LHA RNAMS KYI NI MCHOG TU BDE, ,DAM TSIG MED PA'I SLOB MA LA, ,NAM YANG SBYIN PAR MI 'GYUR RO, ,ZHES GSUNGS LA, LHA RNAMS KYANG NI ZHES SOGS KYI DON NI DZNY'A NA BO DHIS, SPOS DANG ME TOG LA SOGS PA, ,PHUL YANG BZHES PAR MI 'GYUR RO, ,ZHES DRANGS PA LTAR DAM TSIG RNAMS LAS 'DAS NA SANGS RGYAS DANG BYANG SEMS RNAMS LA MCHOD PA PHUL YANG MI BZHES PA'O, ,MKHA' 'GRO LA SOGS PAS DAM TSIG NYAMS PA LA 'TSE BAR BYED PA DANG DE LA SANGS RGYAS RNAMS KYIS MI SKYOB PAR YANG GSUNGS TE, BDE MCHOG RTZA RGYUD KYI SO BRGYAD PA LAS, DAM TSIG 'JOMS SHING NGAN SPYOD PA, ,BRAM ZE GSOD PAR THE TSOM MED, ,SDIG SPYOD RMONGS PA'I BDAG NYID CAN, ,BSLUS 'GYUR NGAN PA'I BDAG NYID DE, ,MKHA' 'GRO MA YIS ZES GYUR KYANG, ,DE LA NGA NI SKYOB MI BYED, ,GSANG BA PA YI NANG NA NI, ,SGRUB PO DA NI PHYUGS DANG 'DRA, ,ZHES SO, ,'DI NI MKHA' 'GRO'I SNGAGS BAG MED PAS 'DON PA LA GSUNGS KYANG DAM
TSIG GZHAN LAS 'DAS PA LA YANG 'DRA BAS DZNY'A NA BO DHIS SPYIR DAM TSIG NYAMS PA'I NYES DMIGS KYI KHUNGS SU DRANGS SO, ,DES NA RDO RJE 'CHANG GI BSLAB PA LA GNAS PAS BSHAD ZIN PA'I RTZA LTUNG DANG 'CHAD 'GYUR GYI YAN LAG GI LTUNG BA RNAMS SDOD PA LA BRTZON PAR BYA'I, JI LTAR SHING THOG KUN MAN DA PHYI MDZES KYANG NANG RUL BA BZHIN DU PHYI GSANG SNGAGS PA LTAR BCOS NAS NANG GI DAM TSIG DANG SDOM PA NYAMS PAR MI BYA BAR AA BHYA KA RAS GSUNGS PA LTAR BSLAB STE MAN NGAG SNYE MA'I SNYE MA LNGA PA LAS RTZA LTUNG DANG SPOM PO BSHAD ZIN PA'I DE MA THAG TU, RDO RJE SEMS DPA'I BSLAB PA LA GNAS PAS RNAM PA THAMS CAD DU YONGS SU SPANG BAR BYA'O, ,GZHAN YANG GNYIS SU MED PA SNGON DU BYED PA'I GNAS SKABS LAS 'DIR 'OG GI GNAS SKABS SU LHAN CIG SKYES PHA BSAM GYIS MI KHYAB PA LA SOGS PA'I SBYOR PA LA YID CHES PAS JI LTAR 'DOD PAR SPYOD PAS SHING THOG KUN MAN DA NANG RUL PA BZHIN DU PHYI ROL TZAM GYIS GNAS PAR MI BYA'O, ,ZHES SO, ,'DI NI BSTAN PA'I NOR THAMS CAD PA'I SGRUB THABS LAS KYANG GSAL BAR GSUNGS TE DE KHO NA NYID KYI DON MNGON DU MA GYUR PA'I 'OG MA'I SKABS SU LHAN SKYES KYI RNAL 'BYOR LA MOS PA TZAM GYIS YID CHES KYIS BYA BA MA YIN PA RNAMS LA CI RUNG RUNG DU 'JUG PAR MI BYA ZHES PA'I DON NE, ,SH'ANTI PAS KYANG DGRA NAG GI 'GREL PA LAS, DE'I PHYIR RTZA BA'I LTUNG BA BCU BZHI 'DI DAG NI SNGAGS PA RNAMS KYI GNAS KYI GNAS LTA BUR MI BZAD PA'I GNAS YAN PAS RAB TU YANG 'BAD PAS BSRUNG NGO, ,GAL TE NYAMS PA LTA NA 'CHAD PAR BYED PA LTAR GSO BAR BYA'O, ,GZHAN DU NA JI LTAR SHING TA LA YA THEG BSKAMS PA LTAR LHAG MA'I RNAL 'BYOR LA SOGS PAS 'BRAS BU 'BYIN PAR MI NUS
, ,SO, ,ZHES RTZA LTUNG SPONG BA'I DAM TSIG NI SNGAGS PA RNAMS KYI GNAD DAM PA YIN PAS 'BAD NAS BSRUNGS TE DANG PO NAS MA GOS PAR BYA BA DANG GAL TE NYAMS NA'ANG JI MI SNYAM PAR MI 'JOG PAR PHYIR BCOS TSUL BZHIN DU BYAS NAS GSO DGOS TE DE LTAR MA BYAS NA DE'I LHAG MA RNAL 'BYOR BZHI SGOM PA SOGS KYIS 'BRAS BU 'BYIN MI NUS PA TA LA YA THOG BSKAMS PA'I DPES GSUNGS SO, ,DE LA RTZOD PA SPANG BA YANG DER GSUNGS TE, JI SKAD DU, 'O NA SHIN TU TSUL KHRIMS 'CHAL DU ZIN KYANG BYANG CHUB KYI SEMS DANG LDAN PAS BSGRUBS NA 'GRUB PAR 'GYUR BAS YI CHAD PA MED PAR BSGRUB PAR BYA'O, ,ZHES GSUNGS PA JI LTAR DRANG ZHE NA, BSGRUB PA NYID DU LTUNG BA LAS BSLANG BA'AM DUS DANG PO'I DBANG DAM YID LA RE BA CHAD PA DAG THUGS RJES GZUNG BA NYID KYI PHYIR DE SKAD CES GSUNGS PAR GSAL LO, ,ZHES SO, ,SLOB DPON DZNY'A NA BO DHIS LAS DANG PO PA'I DAM TSIG BSDUS PA LAS KYANG GSUNGS TE, JI SKAD DU, GAL TE RIG SNGAGS BZUNG BA NYID DU NGES PAS NI, SDOM PA DANG DAM TSIG TSUL BZHIN MA BSRUNGS NA 'PHAGS PA RNAMS BSLUS PA BDAG NYID LA 'KHU BAR BYED PA DNGOS GRUB LA RGYAB KYIS PHYOGS PA DE NI GA-YO CAN SHING RUL PA LTA BU YIN NO, ,DAM TSIG LA MI GNAS PAR GSANG SNGAGS TSIG TZAM GYIS BDAG DANG GZHAN GYI DON DU LAS SNA TSOGS BYED PA NI DPER NA MDZE CAN NAD NA 'BUS RNYINGS PA LA PHYI ROL GYI GOS DANG RGYAN GYIS BKAB PA LTA BU YIN NO, ,DES NI BDAG GI DON YANG BYA BAR MI NUS NA GZHAN GYI DON LTA CI SMAS, DE NI LHA DANG BCAS PA'I 'JIG RTEN GYIS SMOD CING GSHUNG BA YIN NO, ,ZHES DANG, GSANG BA THAMS CAD KYI SPYI'I CHO GA SNYING PO RGYAN LAS JI SKAD DU, SBOM SOGS PHRA BA'I PRA
BA'I MTHAR, ,NYES PA RTAG TU BSAM PAR BYA, ,SGRA TZAM LA NI RAB GZHEL PA'I, ,SNGAGS PA MNAR MED SOGS 'GRO BAS, ,NGA NI SNGAGS PA ZHES SGROGS SHING, ,GSANG PA'I LAN LA BRTEN NAS KYANG, ,TSUL KHRIMS YAL BAR DOR MI BYA, ,DKAR PO'I GOS LA RAB GNAS TE, ,NGO TSA RNAM PAR DER NAS SU, ,LOG PAR GA-YEM LA MNGON PAR ZHEN, ,DU 'BOD SEMS CAN DMYAL BAR 'GRO, ZHES DANG, RDO RJE THEG PA LA RAB TU ZHUGS TE DNGOS PO LA MNGON PAR ZHEN PA DANG, RTEN CING 'BREL PAR 'BYUNG PA'I LAM KHYAD DU GSANG NAS DGE BA LA MI SBYOR BAR GNAS PA DANG, DUS DANG DGOS PA LA MI LTAS PAR RANG BZHIN DANG BCAS PA LAS 'DA' BAR BYED PA DANG GZHAN MA DAD PA BZLOG PAR MI NUS PAS, YUL GYI SPYOD PA DANG 'GAL BAR BYED PA DANG RANG DBANG MED PA DANG DON CHEN PO GTZO BOR BYAS PA LAS MA GTOGS PAR RANG GI RNAL 'BYOR DANG SPYOD PA'I TSUL 'DOD PA NI TUL MA YIN PA STE, DE BZHIN GSHEGS PA'I BKA' LAS 'DA' ZHING LTUNG BA DANG LHAN CIG PA ZHES BYA BAR 'GYUR BAS 'BRAS BU LAS NYAMS PA'I BDAG NYID YIN TE, 'BAD BAS DAM CHOG LAS MNYAMS PA'I TSUL GSUM GYIS 'GRO BAR BYA'O, ,ZHES GSUNGS SO, ,DE LTAR NA RGYUD SDE DANG DE'I DGONGS PA 'GREL BA'I MKHAS PA RNAMS KYIS BSRUNGS PA'I PHAN YON SDOM PA GZHAN LAS CHE BA DANG MA BSRUNGS PA'I NYES DMIGS KYANG GZHAN LAS CHE BAR GSUNGS PA RNAMS LA RING DU BSAMS NAS PHAN YON DANG NYAS DMIGS KYI RGYU 'BRAS LA NGES PA THOB PAR BYA STE, NGES PA GNYIS PO DE BCOS MA MA YIN PA YOD NA, DAM TSIG DANG SDOM PA BSRUNG BA YANG DE 'DRA ZHIG 'ONG LA, DE TSIG TZAM DU SANG NA DAM TSIG DANG SDOM PA BSRUNG BA YANG TSIG TZAM DU 'GRO BA'I PHYIR RO, ,GZHAN YANG SDE SNOD RGYA CHEN PO DANG RGYUD SDE
, ,RNAMS MA MTHANG BA DANG CUNG ZAD MTHONG YANG RGYUD SDE RNAMS KYI MDOR BSDUS PA'I TSIG 'KHRUL SA YOD PA RNAMS LEGS PAR GTAN LA 'BEBS PA'I BSHAD RGYUD RNAMS NGES PAR MA BYAS PAR RGYUD LA SGRA JI BZHIN PAR BZUNG NAS ZHIB TU MI RTOG PAR NYES SPYOD LA 'JUG PA RNAMS KYI RJES SU 'BRANG BAR MI BYA STE DENG SANG ZHIB TU BRTAGS NAS 'JUG DGAS SO, ,ZHES SH'ANTI PAS GSUNGS PA LTAR SHES RAB CAN RNAMS KYIS BYA DGOS TE JI SKAD DU, 'ON KYANG GANG DAG BCOM LDAN 'DAS KYI BKA' MDO SDE RIN PO CHE'I CHOGS LA SOGS PA STE SDE SNOD DU GTOd PA'I GSUNG RAB RGYA CHEN PO MA MTHONG ZHING MA THAS LA DE BZHIN DU BYA BA DANG RNAL 'BYOR LA SOGS PA'I RGYUD RTZA BA DANG PHYI MA DANG PHYI MA'I PHYI MA DANG BCAS PA 'KHRUL SA'I GNAS GTAN LA 'BEBS PA MA THOS SHING MA MTHONG BAR RGYUD MDOR BSDUS PA 'GA' ZHIG GI TSIG LA SGRA JI BZHIN PAR 'DZIN PAS PHA ROL TU PHYIN PA'I TSIG DANG, BYA BA'I RGYUD LA SOGS PA LAM DANG BYA BA RAB TU STON PA DE DAG LAS NI, LAM SDUG BSNGAL LA KHA ZAS LA SOGS PA BYE BRAG CAN BZA' BA YID LA GANG 'DOD PA SPYAD DU MED PA'O, ,RNAL 'BYOR CHEN PO'I RGYUD RGYA MTSO LTA BU 'DI LAS NI JI LTAR DGA' BAS LONGS SPYAD KYANG 'GA' YANG GANG DU YANG NAM YANG MI NYAMS TE, JI LTAR DGA' BA SPYOD LA RAG GO, BUD MED DANG CHANG DANG SHA LA SOGS PA 'DI DAG NI MCHOD PA CHEN PO MCHOD PA BZANG PO MYUR DU 'GRUB PAR BYED PA'O, ,ZHES SMRA BA DE DAG RAB TU MA RUNGS PA YIN TE, DE'I PHYIR BCOM LDAN 'DAS DUS GSUM SGRIB PA MED PAR MKHYEN PA'I ZHAL SNGA NAS TSUL 'DI 'DRA 'BYUNG BAR GZIGS TE, NGA YONGS SU MYA NGAN LAS 'DAS NAS LO BDUN BRGYA LON NAS BDUD SDIG CAN GYIS NGA'I BSTAN PA BYA ZHING 'CHAD PAR 'GYUR RO, ,ZHES GSUNGS SHING DE
NYID NGO SHES PAR BYA BA'I PHYIR NI CHOS RTAGS KYI PHYAG RGYA RNAM PA GSUM GYIS NYID KYI BSTAN PA RGYAS BTAB CING 'DAR MI RUNG BAR MDZAD LA NAG POR BSHAD PA DANG CHEN POR STON PA RNAM PAR DBYE BA MDZAD PAS NYID KYI BSTAN PA BRTAG PA DHO KA SHI LTA BU BZHAG PA MDZAD DE DE'I PHYIR DENG SANG BSTAN PA LA ZHUGS PA DAG GIS ZHIB PA'I BLOS BRTAG PAR BYA BA'I RIGS KYI MA BRTAGS PAR GZHAN GYI SDIG PA CAN LA 'JUG PAR MI BYA'O, ,ZHES SO, ,GANG YANG DE KHO NA NYID RTOGS PA'I RNAL 'BYOR PA LA GANG YANG GNANG BA YIN NO ZHES STONG NYID LA LCE RTEN BYAS NAS RANG GZHAN BAG MED PA LA SBYOR BA YANG GSANG SNGAGS KYI TSUL GYI SNANG PA LAS ZHIB PAR DGAG PA MDZAD DE, JI SKAD DU, 'ON TE DE NYID RNAL 'BYOR PA, ,BDAG CAG LA NI KHA ZAS DANG, ,SPYOD LAM SOGS KUN CI DGA' BAR, ,RNAL 'BYOR RGYUD LA SKYOB PAS GNANG, ,DE YANG DE NYID GSAL NYID DU,, ZLA GSANG THIG LE LA SOGS LAS, ,RNAL 'BYOR PA YIS MI BYA BA, ,CI YANG MAD CES GSUNGS PA YIN, ,ZHES SMRAS PA'I LAN DU, YANG DAG PA YI RNAL 'BYOR PA, ,DNGOS MED RTAGS SHING BRTZE LDAN PA, ,RGYAL BAS 'DI GSUNGS BDEN MOD KYI, ,DA LTAR 'DI 'DRA 'GA' MA MTHONG, ,RDZOGS SANGS RGYAS LTAR 'JIG RTEN 'DIR, ,CI BDER GNAS BYA GANG SMRA BA, ,KHYOD LA RDZOGS SANGS MTSAN MA'I CHA, ,YOD PAR CI YI PHYIR MI SNANG, ,GAL TE SNGAGS KYI BSTAN PA LA, ,SNOD DU GYUR PA KHYOD YIN NA, ,BDAG CAG DAM TSIG LA SDANG BAS, ,'GAL BA SMRA BAR GYUR PA YIN, ,GAL TE ZAS SGOM SGO NAS NI, ,RDZAS SOGS MNYAM PAR SLEB BYED NA, ,SBYIN LA SOGS PA'I LAM GYIS NI, ,MI SLOB CES PA NGO MTSAR CHE, ,GAL TE SGYU MA LTAR GNAS PA, ,'DI LA KHYOD KYIS RTEN BCAS NA, ,BKRES SKOM GRANG SOGS GNOD PA LA, ,KHYED KYI SGYU MA GANG DU SONG, ,'JIG
, ,RTEN GNYEN GYIS SNGAGS PA LA, ,CHOGS CAN KHYAD PAR CAN GSUNGS PA, ,DE CHA KHYOD LA YOD MIN PAS, ,RGYU MAD 'BRAS BU GANG LAS BYUNG, ,BDE BAS BYANG CHUB THOB 'GYUR DANG, ,DKA' BAR SPYOD PA'ANG SPANG BA NI, ,NYIN MTSAN BSGOM BRTZON RNAL 'BYOR PA, ,GANG YIN DE LA DE GSUNGS SO, ,ZHES SOGS KYIS NAN CHE BAR SLOB DPON MTHO BTZUN GTZO LEGS KYIS GSUNGS TE TSIG MANGS SU DOGS NAS DA TZAM LAS MA SPROS SO, ,GSUM PA JI LTAR BSRUNG BA'I TSUL NI, DE BAS NGA RGYAL NGAS BCOM NAS, ,BDAG NYID MA 'KHRUL SHES PAR BYA, ,ZHES SO, ,BSRUNGS NA PHAN YON SHIN TU CHE LA MA BSRUNGS NA NYES DMIGS KYANG SHIN TU CHE BAR GSUNGS PA DE BAS NA SNGAGS PAS 'BAD DE BSRUNG BAR BYA'O, ,JI LTAR ZHE NA, 'PHAGS PA THOGS MED KYIS LTUNG BA 'BYUNG BA'I SGO BZHIR BSDUS NAS GSUNGS PAS SGO BZHI 'GOG PA NI LTUNG BA LAS SOMS BSRUNG BA'I THABS BLA NA MED PA'O, ,DE LA LTUNG BAR 'GYUR MI 'GYUR GYI MTSAMS GANG YIN MA SHES NA MI SHES PA LTUNG BA 'BYUNG BA'I RGYU YIN PAS DE'I GNYEN POR RTZA BA DANG YAN LAG GI LTUNG BA RNAMS LEGS PAR SHES PAR BYA'O, ,SHES KYANG GROGS DANG BCAS PA SOGS LA MI GUS NA MA GUS PA LTUNG BA 'BYUNG BA'I RGYU YIN PAS NGA RGYAL NGAS PAR BTZOM NAS GUS PAR BYA'O, ,GUS KYANG BAG YOD DANG DRAN PA DANG SHES BZHIN NA RE MA BSTEN NA BAG MED PA LTUNG BA 'BYUNG BA'I RGYU YIN PAS BDAG NYID MA 'KHRUL BA STE SPYOD LAM KUN TU BAG YOD SOGS DANG LDAN PAR BYA'O, ,SHES SHING GUS LA BAG YOD PAR SPYOD KYANG NYON MONGS SHAS CHAN NYON MONGS MANG BA LTUNG BA 'BYUNG BA'I RGYU YIN PAS NGA RGYAL GYIS MTSON NAS NYON MONGS GZHAN
GANG SHAS CHE BA LA YANG GNYEN PO BSTEN LA MTHU CHUNG DU GTANG NGO, ,DE LTAR NA RDO RJE RTZE MO LAS, DAM TSIG NYID NI NYAMS GYUR NA, ,'BRAS BU 'DI NI THOB MI 'GYUR, ,'DI NI KHYOD KYI DMYAL BA'I CHU, ,DAM TSIG 'DAS NA SREG PAR BYED, ,DAM TSIG BSRUNGS PAS 'GRUB PAR 'GYUR,, 'THUNGS SHIG RDO RJE BDUD RTZI 'THUNG, ,RDO RJE SEMS DPA'I MNA' YI NI, ,SNYING PO 'DI YIS MNA' BSGAG GO, ZHES MNA' CHU BLUD NAS DAM TSIG SRUNGS SHIG CES GSUNGS PAS 'BAD DAGS TE, 'JIG RTEN NA MI THA MAL PA DAG KYANG MI MA YIN PHRA MO 'GA' ZHIG GI DRUNG DU MNA' DOR NA MTSAMS DE LAS MI 'DA' NA SPYIR THEG CHEN PA DANG KHYAD PAR DU RDO RJE THEG PA PAR KHAS 'CHES NAS RGYAL BA SRAS BCAS KYI SPYAN SNGAR DE LTAR BYAS NAS THA NA RTZA BA'I DAM TSIG TZAM LA YANG SRUNG SDOM MI BYED DU GA LA RUNG SNYAM DU BSAMS LA BSRUNG BAR BYA'O, ,DES NA DAM TSIG SPYI DANG KHYAD PAR DU RTZA BA'I DAM TSIG RNAMS LA 'BAD LUGS NI SDOM 'BYUNG NAS GSUNGS PA LTAR BYA STE, JI SKAD DU, CI STE DNGOS GRUB MCHOG 'DOD NA, ,SROG NI YONGS SU GTONG YANG BLA, ,'CHI BA'I DUS LA BAB KYANG BLA'I, ,RTAG TU DAM TSIG BSRUNG BAR BYA, ,ZHES SO,, SNGAGS KYI DAM TSIG TZAM DU MA ZAD SNGAGS PA RAB BYUNG GIS NI SO SOR THAR PA LA YONG 'BAD DGOS PAR GSUNGS TE, JI SKAD DU, MCHOG GI GSANG CHAN 'DIR ZHUGS NAS, ,RNAL 'BYOR SPYOD PA YIN ZER ZHING, ,BYA BA MA YIN KUN LA 'JUG ,'JIG RTEN SUN BYED RKUN PO 'BYUNG, ,ZHES MANG DU GSUNGS PA'I 'OG TU, LEGS PAR GSUNGS PA'I 'DUL BA LA, ,RAB TU MI GNAS SRUNG MI BYED, ,SANGS RGYAS RGYAL MTSAN SUN 'BYIN ZHING, ,PHAS PHAM LA SOGS RAB TU BYED, ,GANG GIS BTUNG BA'I MCHOG MI SHES, ,SA LI LA SOGS
, ,BCOS SBYAR BA'I, ,MYOS PA'I BTUNG BA 'THUNG BYED CING, ,DE YIS PHUNG KROL RAB TU BSKYED, ,CES RGYAL PO ZLA BA BZANG POS GSUNGS SO, ,ZHES D'A RI KA PA'I DBANG GI RAB BYED KYI 'GREL PAR DRANGS SO, ,SPYIR SNGAGS KYI GZHUNG DU MAR SNGAGS KYI SKABS SU YANG SO THAR DGOD PA MANG DU GSUNGS SHING, KHYAD PAR DU DGE SLONG RDO RJE 'DZIN PA SOGS GSUM GYI RDO RJE 'DZIN PA'I MCHOG DMAN DANG DGE SLONG DANG DGE TSUL DANG KHYIM PA LA SLOB DPON GYI DBANG BSKUR BA NA GDAN GYI SGO NAS KYANG MCHOG DMAN 'BYED PA LA SOGS PA DU MA'I SGO NAS SO SOR THAR PA LA GCES SPRAS SU BYED PA'I TSUL NA DUS KYI 'KHOR LO'I SKOR RNAMS GSAL BAR SNANG NGO, ,GNYIS PA NYAMS NA PHYIR BCOS PA'I THABS NI, MNYAM PAR BZHAG PAS BLA MA LA, ,CI 'BYOR PA YIS MCHOD BYAS LA, ,GSUM LA SKYABS 'GRO NAS BRTZAMS TE, ,BYANG CHUB SEMS SOGS SDOM PA NI, ,GAL TE BDAG LA PHAN 'DOD NA, ,SNGAGS PAS 'BAD DE GZUNG BAR BYA, ,ZHES SO, ,SNGAR BSHAD PA LTAR BSRUNGS KYANG PAG MED PA LA SOGS PA'I DBANG GIS BLA MA LA SMOD PA SOGS KYI RTZA LTUNG GANG RUNG BYUNG NA DES THOG MA NYID DU MNYAM PAR BZHAG PAS TE, YID RTZE GCIG TU BYAS NAS STON MO SNGON DU 'GRO BA'I 'BUL BA CI 'BYOR PA STE RANG GI NUS PA CHE CHUNG DANG 'TSAM PAS BLA MA LA MCHOD PA BYAS LA NYES PA DE RNAMS BLA MA'I MDUN DU BSHAGS PAR BYA'O,, DE NAS NI SNGAGS PA DES GAL TE BDAG LA 'PHRAL DANG YUN DU BDE ZHING PHAN PA ZHIG 'DOD NA SLAR YANG SDOM PA NI GZUNG BAR BYA'O, ,SDOM PA JI 'DRA BA SNYAM NA, DKON MCHOG GSUM LA SKYABS SU 'GRO BA NAS BRTZAMS PA STE SKYABS 'GRA SNGON DU 'GRO BA CAN GYI BYANG
CHUB SEMS DPA'I SDOM PA DANG SOGS KYI SGAS RDO RJE SEMS DPA'I SDOM PA'O, ,DE YANG GRUB NA'ANG LEGS MA GRUB NA'ANG DER BAS MOD SNYAM PA LTA BU MIN PAR 'BAD PA DRAG PO BYAS TE GZUNG GO, ,DKYIL CHOG RDO RJE PHRENG BA LAS KYANG, BLA MA SMOD PA LA SOGS PA'I NYES PA LA NUS PA JI LTA BAR STON MO SNGON DU 'GRO BA'I DBUL BA BYAS NAS ZLA MA'I MDUN DU BSHAGS PA SNGON DU 'GRO BAS SDOM PA SNGA MA BZHIN DU GZUNG BAR BYA'O, ,ZHES SO, ,NAG PO PAS BLA MA DANG RDO RJE SPUN LA TSOGS 'KHOR BSKOR TE SNGON LA NYES PA 'DI BYAS BRJOD NAS BSHAGS PA BYED PAR GSUNGS SO, ,'O NA SDOM PA BSGRAG GZUNG GI CHO GA TZAM ZHIG ZUR DU BLA MAS BYAS PAS CHOG GAM DBANG DANG SBREL DGOS SNYAM NA, SDOM PA SNGA MA BZHIN GZUNG BAR BYA'O ZHES PA'I DON NI DANG PO SDOM PA LEN PA'I TSE DKYIL 'KHOR GYI CHO GA DANG SBREL NAS BLANGS PA JI 'DRA BA DE BZHIN DU BYA DGOS PA'I DON NO, ,GZHUNG 'DIR SDOM PA BLANG ZHES PA TZAM LAS DBANG DGOS PA MI GSAL YANG NGES PAR DGOS TE, DUS 'KHOR GYI LE'U GSUM PA LAS, RTZA BA'I LTUNG BA BYUNG BA GANG ZHIG DAG PA'I SLAD DU SLAR YANG DKYIL 'KHOR 'DIR NI 'JUG BYA STE, ZHES GSUNGS SO, ,DGRA NAG GI BCU BDUN PA LAS KYANG, GAL TE BAG MED BYUNG GYUR PAS, ,BLA MA DAM TSIG LA GNOD NA, ,DES NI DKYIL 'KHOR BRIS BYAS LA, ,BDER GSHEGS RNAMS LA NYES PA BSHAGS, ,ZHES GSUNGS PA'I BLA MA DANG DAM TSIG SO SOR PHRAL NAS DAM TSIG NI BDE BAR GSHEGS PA'I BKA' LA SOGS PA LA BYAS NAS DE LA GNOD PA NA LTUNG BA BYUNG BA LA NAG PO PAS BSHAD DO, ,SH'ANTI PAS, BLA MA BRNYAS PAR GYUR PA'AM, ,ZHES BYA BA LA SOGS PAS NI RTZA BA'I LTUNG PA BYUNG NA SLAR DKYIL 'KHOR
, ,DU ZHUGS LA DBANG BLANG STE JI SKAD DU, RTZA BA'I LTUNG BA BYUNG BA LA, ,SBYANG PHYIR DKYIL 'KHOR ZHUGS NAS NI, ,BKA' THOB BYAS NA LTUNG BA YANG, ,CHUNG NGU DAG TU 'GYUR BA YIN, ,ZHES GSUNGS PAS SO, ,SDOM 'BYUNG GI LE'U NYER BDUN PA'I 'GREL PAR YANG, 'DI RNAMS GANG RUNG LTUNG BA LA, ,SLAR YANG DBANG BSKUR GYIS DAG BYA, ,ZHES GSUNGS LA, DZNYA NA BO DHIS KYANG DE BZHIN DU GSUNGS SO, ,'O NA DKYIL 'KHOR GYI CHO GA'I SDOM PA GZUNG BA'I SKABS SU SDOM PA THOB PA NA SOR TSUD PAS DBANG MI DGOS SAM SNYAM NA, DBANG BSKUR NAS SDIG PA SBYONG BA DANG SDOM PA GZUNG BA GNYIS KA TSOGS NAS RTZA LTUNG DAG PAR BYA DGOS KYI SDOM PA THOB PA TZAM GYIS MI CHOG PAS DBANG BSKUR BA DGOS SO, ,DES NA RTZA LTUNG DANG PO MA GTOGS PA RNAMS DBANG LA MI LTOS PAR DE DAG LAS LDANG BA'I THABS RTZA LTUNG RGYA CHER 'GREL DANG LAKshI KA RA DANG BDUD RTZI ZLA BA SOGS KYIS BSHAD PA NI RNAM PA THAMS CAD DU MI 'THAD DO, ,DE'I PHYIR 'GREL PA BDUD RTZI ZLA BA SH'ANTI PAS MDZAD ZER BA YANG DE LA KHA GA-YAR BAR SNANG NGO, ,RTZA LTUNG BKA' 'GREL LAS NI DBANG DGOS PAR 'CHAD DO, ,'O NA SLAR GSO BA 'DI LA NGES PAR BLA MA ZHIG LA DBANG ZHU BA DGOS SAM RANG GIS BDAG 'JUG BYAS PAS KYANG CHOG SNYAM NA, BLA MA MTSAN NYID TSANG BA MED PA'AM YOD KYANG LAM SHIN TU RING BA DANG BGROD DKA' BA'I 'TSE BA YOD NA BDAG 'JUG GIS KYANG CHOG STE, DKYIL CHOG RDO RJE PHRENG BA LAS, RANG NYID KYANG DAM TSIG NYAMS NA 'DI LTA BU'I DBANG NYID JI LTAR SLOB DPON 'JUG PA'I CHO GAR GZUNG BAR BSHAD PA DE LTAR BLANG BAR BYA'O, ,'ON KYANG GAL TE BLA MA DAM PA SHIN TU RING BA DANG LAM BGROD DKA' BA LA SOGS PA'I NYE BAR 'TSE BAS BGROD PAR MI NUS PA'I PHYOGS NA GNAS NA STA GZHAN DU MA YIN
NO, ,ZHES GSUNGS TE 'DI DANG SNGAR KO SA LA'I RGYAN DRANGS PA NAS 'BYUNG BA 'DI NGO MTSAR TE GZHAN DU NA LEN SA SDE MA LDAN YANG SHIN TU RNYED PAR DKA' BAS SO, ,SLAR GSOS NAS SOR TSUD PA 'DI YANG DBANG DANG BDAG 'JUG BYAS PAS SKYE BA YIN SNYAM NAS DE LTAR BYED KYI, SNYING THAG PA NAS PHYIN CHAD LTUNG BAS MA GOS PAR BYA SNYAM PA'I SDOM SEMS MED PA LA NI MA YIN PA DPE DANG BCAS PAS GSAL BAR GSUNGS TE D'A RIK PAS, DE YANG PHYES ME BYED PA'I DAM 'CHA' BA RNAMS LA YIN GYI PHYIS SDOM PA'I BSAM PA MED PA RNAMS LA NI MA YIN TE, 'DI LTAR SKYES BU 'GA' ZHIG DUG GIS ZIN NA SMAN PA 'GAS DE BZLOG PA'I PHYIR SMAN GYI LTUNG BA BLUD NAS SNGAR BZHIN DU DUG ZA BA DANG MTSUNGS SO, ,ZHES GSUNGS TE, DES NA SNGA MA LA 'GYOD PA DANG PHYIS MI BYED PA'I SDOM SEMS DRAG PO BSKYED NAS BLANGS NA SOR TSUD PA YIN PAS 'DI SHES PAR GYIS SHIG, DE LTA MOD KYI RTZA LTUNG BYUNG NAS GSO BA'I THABS TSUL BZHIN DU BYAS NAS SDOM LDAN DU SONG BA DANG, DANG PO NAS RTZA LTUNG GIS MA PHOG PA'I SDOM LDAN GNYIS KHYAD PAR SHIN TU CHE STE DPER NA BYANG SEMS KYI SDOM LDAN LA RTZA LTUNG BYUNG BA NA SLAR BLANGS PAS SDOM PA SKYE YANG TSE DE LA BSAM PA DAG PA'I SA DANG PO THOB MI SRID PAR BYANG SA LAS GSUNGS PA DANG, 'PHAGS PA RNAM PAR 'THAG PA BSDUS PA LAS, DE NAS BSHAD PA'I CHOS SPONG GI NYES PA BYUNG BA ZHIG GIS LO BDUN GYI BAR DU NYIN RE LA LAN GSUM GSUM BSHAGS PAS SDIG DE 'DAG KYANG BZOD PA 'THOB PA LA MYUR NA'ANG BSKAL PA BCU DGOS PAR GSUNGS PA LTAR RTZA LTUNG PHYIR MA BCOS NA DMYAL BA LA SOGS PAR SKYE BA SLAR GSO BA'I THABS TSUL BZHIN DU BYAS PAS DAG KYANG LAM GONG MA'I YON TAN SKYE BA
, ,CHES BUL BAR 'GYUR TE SNGAR RTZA LTUNG DANG PO'I SKABS SU BSHAD PA BZHIN NO, ,RTZA LTUNG DU MA ZAD LTUNG BA GANG LA'ANG 'OG MAR 'KHRID PA DANG GONG MA'I YON TAN SKYE BA GNYIS KA LA SGRIB PAR GSUNGS PAS DANG PO NAS MA GOS PA LA 'DZEM PAR BYA LA, KHYAD PAR DU RTZA LTUNG GIS PHOG NA YANG SDOM PA BLANGS NA SKYE MOD KYANG RGYUD CHUD ZOS NAS YON TAN SNGAR YOD NYAMS SLA BA DANG SNGAR MED SKYE DKA' BAS RTZA LTUNG LA NI SDOM 'BYUNG NAS GSUNGS PA LTAR SROG BSNGOS BYA'O, ,DON GYI DBANG 'DI GZIGS NAS DAM PA RNAMS LTUNG BA PHRA MO LA'ANG SROG GI PHYIR DU YANG MI 'JUG PAR GSUNGS KYI, DE LTA MIN PAR BSHAGS PAS DAG PA DANG DANG PO NAS MA BYUNG BA'I DAG PA GNYIS KHYAD MED NA DE TZAM BYED GA NA DGOS 'DI RNAMS GAL CHE BAS KHUNGS DE RNAMS DRANG DGOS NA'ANG TSIG MANGS SU DOGS NAS MA BRIS SO, ,CI TZAM NAS LTUNG BA'I MING RIGS BRJOD PA'I SGO NAS GANG ZAG GZHAN LA LTUNG BA PHYIR BCOS BYED PA 'DI SDOM PA DANG LDAN PA ZHIG GIS BYED LA RTZA LTUNG MIN PA'I LTUNG BA LA BYED PA YIN NA'ANG 'DIR NI RTZA LTUNG BYUNG BA DES BLA MA LA SNGON DU BSHAGS PAR AA BHYA DANG NAG NGO PO GNYIS KYIS BSHAD PAS SDOM PA BTANG BA RNAMS KYIS KYANG BLA MA LA YIN NA RAS ? DE MIN NA'ANG SNGAGS KYI SDOM LDAN LA BSHAGS PAR BYA'O, ,SBOM PO'I LTUNG BA BYUNG NA BSHAGS PAR BYA ZHES SLOB DPON KLU SGRUB DANG RTA DBYANGS GNYIS KAS GSUNGS PA LA BSHAGS PA BYED TSUL GZHAN DU YID CHES PA'I GSAL KHAM BYUNG LA RTA DBYANGS KYIS MDZAD ZER BA'I SBOM PO'I 'GREL PA LAS, DE LA PHYIR BCOS PA NI 'BYOR PAR GYUR NA TSOGS LA DPA' PO'I STON MO BYAS NAS DE DAG GI MDUN DU DNGOS PO BRNGOD PA SNGON DU SONG BA CAN GYI BSHAGS PA DANG RJES
SU GZUNG BAR GSOL BA GDAB PA BYAS NAS MUL DE DAG GIS KYANG KHYOD BA'I CHU LA YI GE BA RGYA BA LAN BDUN BZLAS PA SBYIN PAR BYA'O, ,DE'I ME'I SAR MING SPEL BAR BYA'O, ,ZHES 'BYUNG NGO, ,ME'I SAR MING SPEL BA NI SARBA SIDDHI ME ZHES PA LA SOGS PA ME GANG BYUNG BA DER PHA ROL BO DA'I MING GZHUG CES PA'I DON NO, ,SNYING PO RGYAN LAS KYANG, LTUNG SOGS NYES PA RIM PA LAS, ,DANG POR BDAG SEMS SUN DBYUNG STE, ,YUL MDUN SNYAN GSAN PHAB NAS KYANG, ,GSUM BSLANG GSUM 'GAL BSHAGS PA DANG, ,ZHES GANG ZAG LA PHYIR 'CHOS PA GSUNGS PA NI NGO TSA KHREL YOD SKYE SLA BA DANG BCAS PA'I MTSAMS PHRA RAG PA RNAMS PHYED PAR 'GYUR BA DANG NYES SPYOD PHYI MA LA 'JUG PA CHES NYUNG DU 'GRO BAR SLA BA SOGS KYI DGOS PA DU MA ZHIG 'DUG PAS LTUNG BA SBYANG BA'I SGO MANG DU SNANG NA'ANG 'DI GNAD CHE BAR SNANG NGO, ,SNGAGS KYI GZHUNG RNAMS LAS SDIG LTUNG SO SOR MA PHYE BAR RGYAL BA SRAS BCAS KYI SPYAN SNGAR NYES PA 'CHAGS PA'I TSIG DU MA 'DUG NA'ANG, GANG ZAG LA PHYIR 'CHOS PA'I LTUNG BA'I MING RIGS BRJOD PA'I GZHUNG KHUNGS THUB PA ZUR PA MA MTHONG BAS BSHAGS PA'I TSIG NI RJE BTZUN SA SKYA PA'I PHYAG LAN LA 'DUG PA LTAR BYANG SEMS KYI SDOM LDAN GYI LTUNG BA BSHAGS PA'I CHO GA NYID LA CUNG ZAD 'DON PA SPOS LA BYA'O, ,DE NI THOG MAR YUL SNGAGS KYI SDOM LDAN ZHIG LA RGAN NA PHYAG 'TSAL GZHON NA GUS BDUD KYI SPYOD LAM TZAM BYAS LA NYES PA 'DI DANG 'DI GYUR BA 'CHAGS PA LA THUGS GTAD PAR ZHU ZHES SNYAN GSAN PHAB NAS DMA' BA'I PHYOGS SU COG TZOG POR THAL MO SBYAR LA 'KHOD DO, ,DE NAS SLOB DPON YIN NA SLOB DPON ZHES DANG GROGS YIN NA RIG PA 'DZIN PA'AM BTZUN PA DGONGS SU GSOL, ,BDAG MING MI
, ,BSKYED RDO RJE ZHES BGYI BA LA JI SKAD YONGS SU BRJOD PA'I PHAM PA'I GZHI LAS RDO RJE THEG PA'I 'DUL BA DANG 'GAL BA'I NONGS PA BLA MA LA SMAD PA BYUNG STE DE DAG SLOB DPON NAM RIG PA 'DZIN PA LA 'CHAGS SHING MTHOL TE MI 'CHAB BO, ,BSHAGS SHING MTHOL BAS BDAG BDE BAR GNAS PAR 'GYUR GYI MA MTHOL ZHING MA BSHAGS NA BDE BAR GNAS PAR MI 'GYUR RO, ,ZHES LAN GSUM BRJOD PA'I MTHAR YUL GYIS KHYOD KYIS 'DI RNAMS NYES PAR MTHONG NGAM ZHES DRIS PA NA MTHONG NGO ZHES PA DANG PHYIS KYANG SDOM PAR BYED DAM ZHES DRIS PA NA CHOS BZHIN 'DUL BA BZHIN DU SHIN TU LEGS PAR SPYI BOS NOD PAR BGYI'O, ,ZHES LAN GSUM BYAS NAS YUL GYIS THABS YIN NO, ,BSHAGS PA BYED MKHAN GYIS LEGS SO ZHES LAN CIG BYA'O, ,RDO RJE 'BYUNG BA LAS BSHAGS PA BYED PA'I SKABS SU BDAG MING RDO RJE 'DI ZHES BYA BAS ZHES 'BYUNG BAS GSANG MTSAN NAS 'DON DGOS PAR MNGON NO, ,GZHAN YANG RIM PA GNYIS BSGOM PA DANG BZLAS PA DANG GTOR MA DANG MAndAL DANG RTEN GYI MDUN DU BSHAGS PA DANG SEMS CAN GYI SROG BSKYAB PA DANG, BKA' BKLAG PA DANG TSA TSA GDAB PA DANG SDIG PA'I GZUGS DMIGS TE TIL MER BSREG PA DANG NGAN 'GRO DGUG DRAL DANG PHUNG PO GSUM PA GDON PA LA SOGS PA'I SGO NAS SDIG LTUNG SBYANG BAR SNYING PO RGYAN LAS GSUNGS SHING, RTAG TU BAG MED PAR GNAS NA, ,NYES PA CHUNG NGU PHRA MO YANG, ,SPRUL GYI MCHE BAS BTAB BZHIN DU, ,LUS NGAG SEMS NI NYAMS PAR BYED, ,CES GAL TE BAG MED PAR BYAS NA NYES PA PHRA MO YANG RMA LA GOS PA'I DUG BZHIN DU 'PHEL BAR GSUNGS LA LTUNG BA BYUNG BA MI 'PHEL BAR BYED PA'I THABS KYANG GSUNGS TE DE NYID LAS, SANGS RGYAS KUN GYI SKU GCIG PU, ,PAD
DKAR ZLA BA'I DBUS GNAS SHING, ,RDO RJE DRIL BU RGYAN SPRAS PA'I, ,RDO RJE SEMS DPA' LEGS DMIGS SHING, ,YI GE BRGYA PA CHO GA BZHIN, ,NYI SHU RTZA NI RE RE BZLAS, ,LTUNG SOGS BYIN GYIS BRLABS GYUR PAS, ,'PHEL BA RU NI MI 'GYUR ZHES, ,GRUB PA MCHOG RNAMS KYIS BSHAD PAS, , THUN MTSAMS SU NI SPYAD PAR BYA, ,'BUM PHRAG TU NI BZLAS GYUR NA, ,RNAM PAR DAG PA'I BDAG NYID 'GYUR, ,ZHES SO, ,DON YOD GRUB PA LA NI DAM TSIG RDO RJE ZHES KYANG GSUNGS LA DE NI LHAG PAR DAM TSIG NYAMS PA RNAMS DAG PAR BYED PA'I LHAR GSUNGS PAS, DE'I SGO NAS BLA MA LA BRNYAS PA SOGS SPYOD PA'I GDAMS PA NI 'JAM PA'I DBYANGS KYI SRAS PO YE SHES ZHABS KYIS MDZAD PA'I SGRUB THABS KUN BZANG RJES 'BRANG DANG BCAS PA NA YOD PAS THUN MTSAMS SU DE YANG BYA STE 'DIR TSIG MANGS SU DOGS NAS MA BRIS SO, ,GSUM PA BSHAD PA MTHAR PHYIN PA'I BYA BA NI RDO RJE THAG PA'I RTZA BA'I LTUNG BA ZHES BYA BA SLOB DPON BHA BI LHAS MDZAD PA RDZOGS SO, ,ZHES PA STE 'DI NI RGYUD TSIG BTUS PA'I RTZA LTUNG GI MING TZAM ZHIG STON PAR SNANG LA, 'DI DANG MAN NGAG SNYE MA DANG SNGOM 'BYUNG GI 'GREL PA DANG BSTAN PA'I NOR THAMS CAD PA'I SGRUB THABS RNAMS RTZA LTUNG GI MING 'DOGS 'DRA BAR SNANG NGO, ,GZHUNG 'DI LA 'GREL PA TSAD LDAN MI SNANG LA 'GA' ZHIG 'DUG PA LA'ANG MI MTHUN PA MANG NGO, ,GSHED DMAR DANG RDO RJE SNYING PO RGYAN GYI RGYUD GNYIS LA 'GREL PA MI SNANG LA GUR 'GREL GNYIS DANG SHR'AI DHA RA DANG GZHON NU ZLA BA'I DGRA NAG GI 'GREL PA GNYIS LA RTZA LTUNG LA BSHAD PA MI SNANG BAS RTZA LTUNG DU 'GRE MI 'GRO'I TSAD ZHIB TU 'DZIN PA SHIN TU DKA' BAR SNANG NA'ANG BCU GCIG PA'I SKABS MA GTOGS PA SH'ANTI PA'I DGRA NAG GI 'GREL PA'I BSHAD PA RNAMS GZHIR BYAS SHING NAG PO BA'I 'GREL
, ,PA'I BSHAD PA YANG PHAL CHER DRANGS NAS, 'JAM DPAL GRAGS PA DANG RTA DBYANGS DANG SH'ANTI PA DANG JO BO DANG SNYING PO ZHABS LA KHA GA-YAR BA'I 'GREL BA RNAMS DANG LAKshI KA RA'I 'GREL PA LAS KYANG LAGS CHA 'GA' RE BLANGS SHING, GZHAN YANG SNGAGS KYI GZHUNG GZHAN RNAMS LAS KYANG BSDUS TE RTZA LTUNG BCU BZHI PA'I RNAM PAR BSHAD PA BGYIS SO,, ,,GNYIS PA SBOM PO'I LTUNG BA BSHAD PA LA GNYIS, MTSAN GYI DON DANG, GZHUNG GI DON NO, ,DANG PO NI, RDO RJE THEG PA'I SBOM PO'I LTUNG BA ZHES PA STE RDO RJE THEG PA DANG LTUNG BA'I DON NI BSHAD ZIN TO, ,SBOM PO NI 'GYUR 'GA' ZHIG LAS CHEN POR BSGYUR TE RDO RJE THEG PA'I SDOM PA LA LTOS TE PHAM PA'I SDE CHEN DU MI 'GYUR BA'I LHAG PA'I NYES PA'O, ,GNYIS PA LA GSUM, BSHAD PA LA 'JUG PA'I BYA BA DANG, BSHAD PA NYID NYE BAR DGOD PA, BSHAD PA MTHAR PHYIN PA'I BYA BA'O, ,DANG PO NI, BLA MA'I ZHABS KYI PADMA LA, ,KUN NAS DANG BAS PHYAG 'TSAL TE, ,SBOM PO'I LTUNG BA RNAM PA BRGYAD, ,RGYUD DU GSUNGS PA BRI BAR BYA, ,ZHES GSUNGS TE 'DI YANG SNGAR BSHAD PAS SHES PAR BYA'O, ,SPYIR SBOM PO'I LTUNG BA MTHA' YAS PA ZHIG YOD KYANG 'DIR SBOM PO GANG YIN THAMS CAD MI STON KYI, SBOM PO'I SKYE TSAN DU RTOGS PA'I KHA NA MA THO BA'I SGA CHE BA RNAMS BRGYAD DU BSDUS NAS STON NO, ,GNYIS PA LA BRGYAD LAS SPOM PO DANG PO BSHAD PA NI, SHES RAB STOBS KYIS LEN PA DANG, ZHES PA STE 'OG NAS 'DI RNAMS SBAM PO'I LTUNG BA BRGYAD CES PA DANG SBYAR LA BSHAD DO, ,SHES RAB NI BUD MED DO, ,LEN PA NI RIG MAR BSTAN PA'O, ,DE YANG STOBS KYIS TE RIG MA YONGS SU MA SBYANGS BAR RANG GI MTHU TZAM GYIS RIG MAR BSTEN PA'O, ,YONGS SU SBYONGS PA NA DBANG GIS SMIN PAR BYAS NAS DAM
TSIG DANG SDOM PA LA BKOD, SNGAGS DANG RGYUD LEGS PAR BSLABS PA LA BSHAD PA LTAR RO, ,SLOB DPON RTA DBYANGS KYIS, RNAL 'BYOR GANG ZHIG RIG MA NI, ,DAM TSIG MED LA'ANG STOBS KYIS SPOD, ,DE LA 'PHYE BAR BYED PA YANG, ,DE YI LTUNG BA DANG POR GSUNGS, ,ZHES PA'I 'GREL PAR DAM TSIG MED PA DBANG GIS MA SMIN PA DANG SMIN YANG NA BA DANG BRTUL ZHUGS LA GA NAS PA DANG RTUL MI PHONG BA LA SOGS PA LA BSTEN PA BDAG GIR MI BYED BZHIN DU NAN GYIS SPYOD PA DANG, YAN LAG LA SOGS PA'I SGO NAS 'PHYE ZHING DE'I SEMS ZHUM PAR 'GYUR PA'I BZHAD GAD BYED NA SBOM PO STE DE LA SBOM PO GSUM YOD PAR 'CHAD DO, ,RDO RJE SNYING PO RGYAN LAS, DAM TSIG MI LDAN PA RIG MAR BSTEN PA LA SBAM PAR GSUNGS SHING GZHUNG SNGA MA LA DAM TSIG MI LDAN PA ZUR DU MA BYUNG BAS STOBS KYI DON SNGAR LTAR BYA LA, SPYIR NI BSHAD PA PHYI MA LTAR YANG BYA'O, ,SBOM PO GNYIS PA BSHAD PA NI, ,DE YI BDUD RTZI STOBS KYIS LEN, ,ZHES GSUNGS TE, RIG MA DE'I BDUD RTZI STOBS KYIS LEN NA SBOM PO'O, ,'DI LA RTA DBYANGS KYIS, RGYUD LAS MA GSUNGS RIM NYID KYIS, ,GANG ZHIG BDUD RTZI BSTEN PA YANG, ,ZHES GSUNGS PA'I 'GREL PAR LHA'I NGA RGYAL MED PA DANG BYIN GYIS MA BRLABS PA DANG MA DAD PA'I MDUN DANG KHYAD PAR GYI DUS MA YIN PAR LONGS SPYAD PA LAS LTUNG BAR 'GYUR TE RGYUD LAS BKAG PA'I RIM PAS SO BSTEN PAS SO ZHES 'CHANG NGO, ,SBOM PO GSUM PA 'CHAD PA NI, SNOD MIN LA NI MI GSAD DANG, ,ZHES GSUNGS TE, AA BHYA DANG RATNA K'I RTIS GSAD BA MI SBED BA DANG ZHES GSUNGS PAS SNOD MIN TE DBANG MA THOB PA DANG THAB KYANG MI DAD PA LA DRIS SKU DANG GLEGS BAM DANG RGYAN DRUG SOGS GSANG BA'I RDZAS RNAMS MI GSANG BA STE MI SBED PAR
, ,STAN PA DANG PHYAG RGYA 'CHING BA STON NA SBOM PO'O, ,SAm BHU tA'I BRTAG PA DGU PA'I RAB BYED GSUM PA LAS, GLEGS BAM DANG NI BRIS SKU NYID, ,GAL TE SKAL BA MED MTHONG NA, ,SKYE BA 'DIR NI 'GRUB MI 'GYUR, ,'JIG RTEN PHA ROL SPYOD YUL MIN, ,ZHES GSUNGS SHING BSHAD RGYUD RDO RJE PHRENG BAR YANG NAN TAN CHE BAR GSUNGS TE BRIS SKU SNOD MIN LA STON PA SOGS KYIS KYANG DNGOS GRUB 'GRUB PA LA CHES RING DU BYED DO, ,BOD KYI MKHAS PA KHA CIG NA RE, RDOR DRIL GYIS NI KHYAB PAR SNANG BAS SGRUB PAR MI NUS PAS NA DAM TSIG RDOR DRIL ZUR PA MI STON PA ZHIG BCANG GSUNG STE LEGS PA 'DRA'O, ,DE NYID BSDUS PA'I DUM BU DANG PO LAS, KHYOD KYIS PHYAG RGYA MI SHES PA GZHAN SU YANG RUNG BA LA PHYAG RGYA GANG YANG RUNG BA BSTAN PAR MA BYED CIG ,CES GSUNGS SHING DE'I 'GREL PAR YANG, THA NA GCIG KYANG BSTAN PAR MI BYA'O, ,ZHES GSUNGS SO, ,PHYAG RGYA MI SHES PA NI DAM TSIG MA THOB PA YIN LA, GZHAN NI KO SA LA'I RGYAN LAS MU STEGS DANG DE NYID SNANG BAS DKYIL 'KHOR DU MA ZHUGS PA LA BSHAD DO, ,YAN LAG GI LTUNG BA 'GA' ZHIG LAS, PHYAG RGYA MI MKHAS PA LA PHYAG RGYA MI BSTAN PAR GSUNGS PA'I DON YANG DE'O, ,SBOM PO BZHI PA BSHAD PA NI, TSOGS KYI NANG DU RTZOD PA DANG, ,ZHES GSUNGS TE, TSOGS 'KHOR RAM DPA' BO DANG DPA' MO'I STON MO'I DUS SU RTZOD NA SBOM PO'O, ,DER ZHUGS PA NA LHA'I NGA RGYAL DANG SEMS CAN LA BRTZE BA DANG YON BDAG GI TSOGS BSAGS PA'I YID BYED KYIS GNAS DGOS PA LA PHAN TSUN NGAG RTZOD PA DANG LUS KYIS THA NA THAL MO RDEG PA TZAM BYED KYANG RUNG STE SBOM PO'O, ,ZHES SBOM PO'I 'GREL PA LAS SO, ,'DI LA RIM LNGA'I 'GREL PA GNYIS SU PHAM PAR 'CHAD PA DON MIN NO, ,SNYING
PO RGYAN LAS KYANG, BRE MO'I GTAM GYIS 'DU 'DZI'I SEMS, ,RNAM PA KUN TU MI BYA STE, ,BYAS NA DMYAL SOGS 'BRAS THOB 'GYUR, ,MCHOD TSE GSHUNG NA DU 'BOD DE, ,SRED PAS YI DVAGS NGES PAR 'GYUR, ,RANG GI BSAM GTAN BRAL GYUR NA, ,DUD 'GRO'I GNAS SU LTUNG PHYIR DANG, ,ZHES TSOGS 'KHOR GYI SKABS SU GZHAN LA SMOD PA LA SOGS PA'I NYES DMIGS GSUNGS SO, ,SBOM PO LNGA PA BSHAD PA NI, DAD LDAN LA GZHAN CHOS STON DANG, ,ZHES GSUNGS TE, DAD LDAN SNOD RUNG GI GANG ZAG GIS CHOS LA 'DRI BA NI CHOS GZHAN STON PA STE, DPER NA DON DAM PA'I MTSAN NYID 'DRI BA LA KUN RDZOB KYI MTSAN NYID STON PA LTA BU LA 'GREL PAS MCHAD DO, ,RTA DBYANGS KYIS KYANG, DAD LDAN CHOS LA 'DRI BA NA, ,CHOS NYID GZHAN DU STON PA NI, DE LA SBOM POR BSHAD PA YI, ,LTUNG BA LNGA PAR RGYAL BAS GSUNGS, ZHES SO, ,SBOM PO DRUG PA BSHAD PA NI, NYAN THOS NANG DU ZHAG BDUN GNAS, ,ZHES TE, GSANG SNGAGS LA SUN 'BYIN BYAD PA'I NYAN THOS KYI THEG PA BA'I NANG DU ZHAG DUG GNANG BA LA ZHAG BDUN GNAS NA SBOM PO'O, ,SPOG LA SOGS PA'I BAR CHAD DANG RGYAL PO'I BKA' SKYONG BA'I PHYIR YIN NA NYES MED DU 'CHAD DO, ,SBOM PO BDUN PA NI, RDZUN GYI RNAL 'BYOR NGA RGYAL BYED, ,CES GSUNGS TE, LHA'I SGRUB THABS TZAM ZHIG LA BRTEN NAS DE KHO NA NYID SHES PAR NGA RGYAL GYIS GNAS SHING STON NA SBOM POR 'GREL PA LAS BSHAD DO, ,AA BHYAS RNAL 'BYOR MI SHES PAR RNAL 'BYOR PAR MNGON PA'I NGA RGYAL BYAD PAR GSUNGS PA GNYIS DON 'DRA'O, ,SBOM PO 'DI DA LTA 'BYUNG NYE BAR SNANG NGO, ,SBOM PO BRGYAD PA NI, DAD PA MED LA CHOS STON PA, ,ZHES GGSUNGS TE, 'DI NI DBANG GIS MA SMIN PA'I SNGAGS LA MI NGAD PA LA DBANG BSKUR BA'AM SMIN YANG SNGAGS LA MI DAD PAR PHYI'I CHOS LA AMOS PA LA
, ,SNGAGS KYI GSANG BA BSTAN PA'I SBOM PO STE, RTA DBYANGS KYIS, GANG ZHIG SNOD MIN SEMS CAN LA, ,PHYI YI CHOS MOS DE LA YANG, ,GSANG BA'I CHOS NI YANG DAG STON, ,ZHES SO, ,MA SMIN PA LA SNGAGS KYI GSANG BA BSGRAGS PA'I NYES PA NI RTZA LTUNG GI SKABS SU BSHAD ZIN TO, ,'DI RNAMS SBOM PO'I LTUNG BAR BSHAD, ,CES PA NI BSHAD ZIN TO, ,RTZA LTUNG SBOM PO'I RIM PA DAG , CHO GA YIS NI SHES BYA ZHING, ,NYAMS PAR GYUR NA BSHAGS PAR BYA, ,ZHES PA NI RTZA LTUNG DANG SBOM PO RNAMS SHES PAR BYAS LA DE DAG GIS RANG RGYUD NYAMS PAR GYUR NA CHO GA BZHIN DU BSHAGS PAR BYA'O ZHES PA'I DON TE RTA DBYANGS KYIS, GAL TE BYUNG NA CHO GA BZHIN, ,BSHAGS NA DMYAL BAR MI 'GRO'O, ,ZHES SO, ,GSUM PA NI, RDO RJE THEG PA'I SBOM PO'I LTUNG BA SLOB DPON KLU SGRUB KYI ZHAL SNGA NAS MDZAD PA RDZOGS SO,, ZHES PA STE 'DI NAS JI LTAR BSHAD PA BZHIN DU MAN SNYE DANG BSTAN PA'I NOR THAMS CAD PA'I SGRUB THABS DANG SDOM 'BYUNG GI 'GREL PA RNAMS SU SBOM PO BRGYAD DU MDZAD LA RTA DBYANGS KYI SBOM PO'I GZHUNG DANG YANG MI MTHUN PA MI SNANG NGO, ,RDO RJE SNYING PO RGYAN GYI LE'U BCU GNYIS PA LAS, DAM TSIG MI LDAN RIG MAR BSTEN, ,TSOGS KYI 'KHOR LOR RTZOD PAR BYED, ,GSANG BA'I CHOS NI STON PA DANG, ,DAD LDAN RNAMS LA GZHAN DU STON, ,NYAN THOS NANG DU YUN RING GNAS, ,SNOD MI RUNG LA GSANG BA BSTAN, ,KHA NA MA THO SBOM 'GYUR TE, ,SNGAGS PA DE YI DAM SDOM ZAD, ,ZAD PAS 'GRUB PAR YONGS MI 'GYUR, ,DE BAS NYIN RE LAN GSUM DU, ,KHA TON GYIS KYANG BKLAG PAR BYA, ,ZHES SBOM PA'I LTUNG BAS KYANG DNGOS GRUB 'GRUB TU MI STAR BA DANG SNGAR DRANGS PA LTAR DMYAL BA CHEN POR 'PHEN PA RTZA LTUNG DANG 'DRA BAR GSUNGS SO, ,
'DIR SBOM PO DRUG LAS MA BSTAN YANG DANG PO'I NANG DU SNGAR BSHAD PA'I DANG PO GNYIS 'DUS TE STOBS KYIS SHES RAB LAN PA NI YUL MTSAN NYID DANG MI LDAN PA LA SPYAD PA'I LTUNG BA YIN LA STOBS KYIS DE'I BYANG CHUB KYI SEMS LEN PA NI YUL MTSAN NYID DANG LDAN YANG BSTEN TSUL RGYUD NAS GSUNGS PA LTAR MA BYAS PA'I LTUNG BA YIN PA'I PHYIR DANG, GSANG BA'I CHOS STON PA LA BRIS SKU DANG PHYAG RGYA SOGS STON PA DANG RNAL 'BYOR PA NGA RGYAL BYAS NAS STON PA GNYIS SU DBYER YOD PA'I PHYIR RO, ,SBOM PO DE RNAMS PHAL CHER RNAL 'BYOR RGYUD LA'ANG 'DRA BAR SHES PAR BYA'O, ,GZHAN YANG, DAM TSIG DAG DANG MI LDAN PA'I, ,RIG MA BSTEN PAR DGA' BA DANG, ,TSOGS KYI 'KHOR LOR RTZOD PA DANG, ,SEMS CAN DAD DANG LDAN PA LA, ,DAM CHOS GZHAN DU STON PA DANG, ,NYAN THOS DAG TU RLOM BYED PA'I, ,NANG DU ZHAG BDUN 'DAS PA DANG, ,SBYOR BA LEGS PAR MA BYAS PA'I, ,SKAL MIN GSANG BA STON PA DANG, ,GANG ZHIG PHYAG RGYA MI MKHAS LA, ,LUS KYI PHYAG RGYA STON PA DANG, ,BSNYEN SOGS DAG PAR MA BYAS PAR, ,DKYIL 'KHOR LAS LA 'JUG PA DANG, ,SDOM PA GNYIS KYI BCAS PA LA, ,DGOS PA MED PAR 'DA' BA DANG, ,ZHES PA LA LAKshIm KA RAS 'GREL PA MDZAD CING TSIG RE RE TZAM MI 'DRA BA MA GTOGS PA DAM TSIG KUN GYI CHO GA KUN LAS BTUS PA LAS KYANG 'BYUNG STE RGYUD GANG NAS BTUS MA SHES SO, ,SBYOR BA LEGS PAR MA BYAS PA NI DAM TSIG SNGAR THOB KYANG NYAMS NAS DE DANG MI LDAN PA LA DBANG DANG 'BREL BA GSUM DGOS PA KHYAD PAR CAN MED PAR BSTAN NAS GO BA LA LAKshIm KA RAS BSHAD LA, BSNYEN SOGS DAG PAR MA BYAS PA NI GRANGS DANG DUS DANG MTSAN MA GANG RUNG GI BSNYEN PA DANG SBYIN SREG DANG LHA'I RNAL 'BYOR SOGS DAG PAR MA BYAS PAR
, ,GZHAN LA DBANG BSKUR BA LA 'JUG PA LTA BU'O, ,SDOM PA GNYIS KYI BCAS PA LA DGOS MED DU 'DA' BA NI, DPER NA DGE SLONG RDO RJE 'DZIN PAS SBYIN SREG BYED PA NA ME REG GI DUS DRAN DANG 'BRU LA RUNG BA MI BYED PA LTA BU STE, DE 'DRA DE LA SNGAGS KYI SBOM PO DANG SDEM PA GZHAN GYI LTUNG BYED SOGS LTUNG BA GNYIS SKYED PAR STON PA'O, ,GZHAN RNAMS NI SNGAR BSHAD ZIN TO, ,RGYA CHER 'GREL LAS 'DI DANG CUNG ZAD MI 'DRA BA'I YAN LAG GI NYES PA BRGYAD DANG BCO LNGA DANG BDUN BSHAD LA, PHYI MA GNYIS DAM TSIG GI CHOG KUN LAS BTUS LAS KYANG 'BYUNG NA'ANG PHYI MA DER BCO LNGA PO DUS 'KHOR LAS GSUNGS PA'I RTZA BA'I DAM TSIG TU BSHAD SNANG BAS DE DAG LA RTZA BA'I DAM TSIG GI DON MED CING, KHUNGS LA YID BRTAN MI SNANG BA DANG MKHAS PA'I GZHUNG GZHAN LAS KYANG MA MTHONG BAS 'DIR MA BRIS SO, ,DES NA DAM TSIG GI CHO GA KUN LAS BTUS KYANG JO BO CHEN POS MDZAD PA MIN PAR GO'O, ,DE DAG NI BSRUNG BA'I DAM TSIG CHES CHE BA RNAMS YIN GYI, RGYAS PAR NI MTHA' YAS PA ZHIG RGYUD SDE RNAMS LAS BKA' STZAL TO, ,BZA' BA'I DAM TSIG SHA LNGA DANG BDUD RTZI LNGA BSTEN DGOS PAR RNAL 'BYOR BLA MED KYI SKABS SU GSUNGS PA RNAMS LA GRUB NA LAS DANG PO PAS RI LU BYAS NAS NYI MA RE RE ZHING BSTEN PAR GSUNGS PA LTAR BYA LA, MA GRUB NA BZA' BTUNG LA DE DAG BSAM GTAN TZAM GYIS BSKYED NAS LONGS SPYOD PAR BYAS PAS KYANG 'GRUB STE DAM TSIG LNGA PA LAS, GAR YANG DAG NI MI RNYED PA'AM, ,SNOD MA YIN PAS 'JIGS PA YANG, ,BDUD RTZI LNGA DANG SHA LNGA DAG ,BSAM GTAN GYIS NI YONGS SU BRTAG ,CES SO, ,DE BZHIN DU RDOR DRIL DANG BGRANG PHRENG LA SOGS PA GZUNG BA BSTEN PA'I DAM TSIG LA YANG GNAS DGOS TE, SNYING PO RGYAN
LAS, RI LU LA SOGS DAM TSIG DANG, ,RDO RJE PHRENG SOGS YO BYED RNAMS, ,GSANG BA'I RDZAS SU RNAMS BRTAGS TE, ,NAM DU YANG NI 'BRAL MI BYA, ,ZHES DANG, GUR LAS KYANG, RDO RJE DRIL BU BCAD BAR BYA, ,ZHES SOGS GSUNGS SO, ,GNYIS PA DUS 'KHOR NAS BSHAD PA'I LTUNG BA GTAN LA DBAB PA NI, DUS KYI 'KHOR LO'I RNAM GZHAG PHAL CHE BA NI SNGAGS GZHAN SPYI 'GRO DANG MI 'DRA BA MANG BAS GUD DU BSTAN PAR BYA'O, ,'DI LA GNYIS, THOG MAR SDOM PA GZUNG TSUL DANG, DE DANG 'GAL BA'I LTUNG BA DNGOS SO, ,DANG PO NI, DBANG LO LAS, 'DOD PA'I RDO RJE LA NI RDO RJE DRIL BU PHYAG RGYA BLA MA DAG KYANG SPYI BOS GZUNG BAR BGYI, ,RIN CHEN LA NI SBYIN PA SBYIN BGYI 'KHOR LO 'DI LA RGYAL BA MCHOG GI DAM TSIG BSKYANG BAR BGYI, ,RAL GRI LA NI MCHOD PA BGYI STE GSAL BAR CHU SKYES RIGS LA SDOM PA RNAMS NI BSKYANG BAR BGYI, ,SEMS CAN RNAMS NI THAR PA'I SLAD DU RGYAL BA SKYED MDZAD RIGS LA BYANG CHUB BDAG GIS BSKYED PAR BGYI, ,ZHES PA 'DIS DNGOS GZHI'I SKABS SU SDOM PA 'DZIN PA MDZAD DO, ,DE LA RDO RJE'I RIGS LA RDO RJE DRIL BU PHYAG RGYA BLA MA GZUNG BA BZHI RIN CHEN LA, RIN CHEN LCAGS ZANGS BA LANG RTA, , GLANG CHEN BU MO NOR 'DZIN DANG, ,'DOD PA'I CHUNG MA RANG GI SHA, ,SBYIN PA RNAM PA BCU RU 'DOD, ,CES PA LTAR SBYIN PA BCU SBYIN PA DANG 'KHOR LO'I RIGS LA SHA LNGA DANG BDUD RTZI LNGA DANG PHUNG PO DANG DBANG PO'I TSOGS PA BSRUNG BA DANG PADMA'I RIGS LA 'DZAG PA MED PA'I TSANGS SPYOD KYI SDOM PA SKYONG BA DANG RAL GRI'I RIGS LA DKON MCHOG SOGS MCHOD PA DANG RGYAL BA SKYED MDZAD RDO RJE RTZE GCIG PA'I RIGS LA STONG PA DANG SNYING RJE'I BDAG NYID KYI PHYAG CHEN GYI DNGOS GRUB BSKYED PAR BGYI, ZHES GSUNGS PAS SNGA MA 'GA' ZHIG LA GZHAN DANG MI 'DRA BA YOD LA PHYI MA 'DI
, ,GZHAN LA MED NA'ANG MI BSKYOD PA LA SOGS PA'I RIGS RNAMS KYI DAM TSIG SKYONG BAR KHAS BLANGS PA NYID KYIS SDOM PA 'THOB PAS SDOM PA SKYE BA LA 'DRA BA YIN NO, ,'GREL CHEN LAS, DE RNAMS BYED PAR KHAS LEN PA LA SMON LAM MO, ,ZHES GSUNGS PAS 'DI SDOM PA 'DZIN PA MIN PA DANG SNGAGS KYI SDOM PA DBANG THAMS CAD RDZOGS NAS SKYE'O ZHES KHA CIG SMRA BA NI RIGS PA MA YIN TE, 'DI SDOM PA LEN PA'I CHO GA MIN NA NI DUS 'KHOR BA'I LUGS LA RIGS LTA'I SDOM PA LEN PA'I CHO GA MED PAR 'GYUR PA'I PHYIR DANG, BRTUL ZHUGS NYER LNGA SBYIN PA SDOM PA LEN PA'I CHO GA'O SNYAM NA, DE NI MI RIGS TE DE NI SROG GCOD SOGS BZHI DANG CHANG LA SOGS PA LAS LDOG PAR BYA'O, ,ZHES SLOB DPON GYIS STON PA TZAM YIN PAS SLOB MAS LEN PA'I CHO GAR MA GSUNGS PA'I PHYIR DANG, DE DAG GI DON LA SNGAGS KYI THUN MONG MIN PA'I SDOM PA LEN PA'I TSUL MI SNANG BA'I PHYIR RO, ,SMON LAM ZHES GSUNGS PA NI DE RNAMS BDAG GIS BSKYANG BAR BYA'O SNYAM DU SMON PA BYAS NAS 'DZIN PA LA GSUNGS PAS DE TZAM GYIS SDOM PA LEN PAR 'GAL NA SDOM PA LEN PA'I CHO GA THAMS CAD KYANG RANG RANG GI BSLAB BYA RNAMS BSRUNG NGO SNYAM DU BYAS NAS 'DZIN PAS DE DAG KYANG SDOM PA'I CHO GA MA YIN PAR 'GYUR BA'I PHYIR RO, ,RGYUD LAS, RTZA BA'I LTUNG BA RNAM PAR DAG PAR 'GYUR TE YON TAN LDAN PA DBANG BDUN LA GNAS DAG GI'O, ,ZHES CHU DBANG SOGS BDUN TZAM THOB PA LA RTZA LTUNG 'BYUNG BAR GSUNGS LA SDOM PA MED NA RTZA LTUNG 'BYUNG MI SRID PA'I PHYIR RO, ,THUN MONG GI SDOM PA YANG BYANG CHUB TU SEMS BSKYED PA DANG PHAR PHYIN BCU'I LAM LA BRTEN PAR GSUNGS PA RNAMS KYIS STON PAS GZUNG DGOS SO, ,DKYIL
CHOG RDO RJE PHRENG BAR YANG DUS 'KHOR GYI DKYIL 'KHOR DU 'JUG PA RNAMS LA SDOM PA LEN CHUL ZUR PA MA BSHAD PAR SPYIR RIGS LNGA'I SDOM GZUNG RGYUD GZHAN NA YOD PAS 'DZIN PAR BZHED PAS NA SDOM GZUNG GI CHO GA RNAMS DON 'DRA BA BZHED PA YIN NO, ,'ON KYANG DBANG GONG MA RNAMS BSKUR TSUL MI 'DRA BA GNYIS MDZAD PA DANG CHU DBANG DKYIL 'KHOR GYI BYANG DU BSKUR BA LA SOGS PA PHYOGS SO SO'I NGES PA DANG DBANG BDUN TZAM BSKUR BA LA RIGS LNGA'I SDOM PA STER BAR MDZAD PA NI MI 'DRA BA'I KHYAD CHOS YIN PAS GZHAN RNAMS DANG 'DRA BA MA YIN NO, ,GNYIS PA NI, DBANG LE LAS, DPAL LDAN BLA MA'I THUGS DKRUGS PA LAS BU RNAMS KYI NI RTZA BA'I LTUNG BA RI BONG 'DZIN PAR 'GYUR, ,DE YI BKA' LA 'GONGS PAS GZHAN DU 'GYUR TE NGES PAR DE BZHIN SPUN LA KHROS PAS GSUM PA'O, ,BYAMS PA BTANG BAS BZHI BAR 'GYUR TE BYANG CHUB SEMS NI RAB TU NYAMS PA LAS KYANG MDA' RU 'GYUR, ,DRUG PA GRUB PA'I MTHA' LA SMOD PA'O RI BO DAG KYANG MA SMIN MI LA GSANG BA BYIN LAS SO, ,PHUNG PO NYON MONGS PA LAS KLU RU 'GYUR TE SLAR YANG DGU PA DAG PA'I CHOS LA MA DAD GANG, ,SGYU YI BYAMS PA DANG NI MING SOGS BRAL BA'I BDE BA STER LA RTOG PA PHYOGS DANG DRAG PO'O, ,DAG PA'I SEMS CAN DAG LA SKYON BRJOD PA LAS NYI MA'O DAM TSIG THOB PA GTONG BA BAS KYANG GZHAN, ,BUD MED THAMS CAD LA SMED NGAS PAR MA NUR 'GYUR TE RDO RJE THEG PAR GNAS PA RNAMS LA'O, ,ZHES SO, ,RDO RJE THEG PAR GNAS PA RNAMS LA ZHES PA NI LTUNG BA DE RNAMS BSKYED PA'I RTEN STON PA STE DBANG BSKUR ZHING SDOM PA BZUNG BA RNAMS SO, ,RI BONG 'DZIN PA NI GCIG GI MING STE BLA MA'I THUGS SUN PHYUNG BA'I LTUNG BA DANG PO'O, ,'DI LA BLA MA NI RANG GI RDO RJE SLOB DPON YIN LA, DE YANG RANG GI DON LA THUGS 'KHRUG PA NI
, ,DAM PAR MI RUNG BAS GZHAN GYI DON LA YIN LA, DE'I TSUL NI SLOB MA DES MI DGE BA LA ZHUGS PA'I SGO NAS BLA MA'I THUGS 'KHRUG PAR BYAS NA RTZA LTUNG DU GSUNGS LA, D'A RI KA PAS BLA MA DAM PAR SHES PA DANG DE MI DGYES PAR SHES PA DANG NYON MONGS PAS BSLANGS PA'I LUS NGAG GI LAS DANG GZHAN GYI DON MA YIN PA DANG RANG GI DON LHUR BLANG BA'I BSAM PA DANG SLAR SKAD BSAM MED PA DRUG TSANG NA RTZA LTUNG DU 'CHAD DO, ,GZHAN NI LTUNG BA GNYIS PA STE BLA MA DAM PA DE'I BKA' LA 'GONGS PA STE, BKA' BSGO MA NYAN PA'O, ,'DI BLA MA'I LKOG TU MI DGE BA BCU BYED PA LA GSUNGS PA TZAM LAS MI SNANG BA LA D'A RI KA PAS SNGA MA DRUG DANG LDAN PA LA BSHAD DE MI DGYES PAR SHES PA RANG LA CHED DU GTAD PA'I CHOS KYI BSGO BA BCAG NAS NYES SPYOD LA 'JUG PA LA BYA DGOS SO, ,DES NA SNGA MA NI RANG LA BLA MAS BSGO BA MIN YANG RANG NYES SPYOD LA 'JUG PA DE LA SLOB MA'I DON DU BLA MA MI DGYES PAR SHES BZHIN DU DE LA JI MI SNYAM PAR BYAS NAS RANG NYES SPYOD LA 'JUG PA YIN LA, 'DI NI BLA MA LA MI DGYES PA MED KYANG RANG GIS BLA MA'I BKA' DANG 'GAL BAR BYED PA LA JI MI SNYAM PAR BYAS NAS NYES SPYOD LA ZHUGS PA'O, ,SLAR SBYANGS BSAM MED PA'I DUS LA GSAL KHA MI SNANG YANG BYA BA DE'I 'GO BRTZAMS PA NAS YONGS SU RDZOGS PA'I DE MA THAG YAN CHAD DU MED PA LA BYA DGOS SO, ,SPUN LA KHROS PA NI RDO RJE SPUN BSLAB PA DANG LDAN PA LA KHROS PA ZHES PA TZAM LAS 'GREL CHEN DU MA GSUNGS KYANG DON DAM BSNYEN PA LAS, SPUN LA RAB TU KHROS NAS SMRAS PA GSUM PA STE, ZHES GSUNGS PAS SNGAR BSHAD PA RNAMS DANG 'DRA BAR MNGON NO, ,D'A RI KA PAS SNGAR GYI CHOS DRUG GI STENG DU RDO RJE SPUN YIN PA
STE CHOS BDUN LDAN DANG ZHE SDANG GIS SPUN GYI BKA' BSGO BA BCAG PA LA 'CHAD DO, ,DE'I LTAR NA DANG PO GNYIS GROGS DAM PAR SHES PA DANG DE'I BKA' BSGO BA BCAG PA ZHES PAS BRJE'O, ,D'A RI KA PAS BLA MA GCIG GIS BSDUS PA'I SPUN LA BSHAD PA TZAM MA GTOGS PA JI LTAR BSDUS TSUL MA BSHAD DO, ,BYAMS PA BTANG BA LA CHUNG NGU NI CHU LA RI MO BRIS PA LTAR SKAD CIG TZAM BRAL YANG DE NAS LDOG PA'O, ,'BRING NI BYE MA LA RI MO BRIS PA RLUNG GIS 'PHRAL LA NYAMS PAR BYED PA LTAR RO, ,CHEN PO NI SA GAS PA DBYAR GYI CHUS SLAR YANG MNYAM PAR BYED PA LTA BU'O, ,CHEN PO'I CHEN PO NI RDO SO SOR SONG BA SLAR MI 'BYOR PA LTA BU STE DE 'BRA BA'I BYAMS PA BTANG BA LA RTZA LTUNG DU GSUNGS NAS DUS KYI CHED MA GSUNGS PA LA D'A RI KA PAS NYIN ZHAG GCIG TSUN CHAD DU BYAMS PA SLAR MA BSKYED PA LA BSHAD DO, ,BYANG CHUB KYI SEMS NI KHU BA STE DE KHO NA NYID MED PA DANG PO GNYIS KYI BDE BAS 'TSANG RGYA BAR 'DOD PA LA RTZA LTUNG DU GSUNGS PAS BSAM PA DES KUN NAS BSLANGS NAS SA BON NYAMS PAR BYAS PA ZHIG DGOS PA 'DRA BA LA, D'A RI KA PAS NI MI 'GYUR BA'I BDE BA'I RANG BZHIN SHES PA DANG 'GYUR BA'I BDE BA TZAM DANG DU BLANG BA'I BSAM PA DANG DE LA LEGS PAR 'DZIN PA DANG GSANG DBANG DANG GZHAN GYI DON DANG RI LU LA SOGS PA'I CHED MA YIN PA STE BZHI DANG LDAN NA RTZA LTUNG DU 'CHAD DO, ,DRUG PA NI 'GREL CHEN LAS, GRUB PA'I MTHA' NI SHES RAB KYI PHA ROL TU PHYIN PA DANG SOGS KYI TSUL LA DE KHO NA NYID KYI LE'U'O, ,DE LA SMOD PA GANG YIN PA DE NI DRUG PA'O, ,ZHES GSUNGS PA'I SMOD TSUL NI, D'A RI KA PAS GRUB MTHA' NI SHES RAB KYI PHA ROL TU PHYIN PA'I THEG PA YIN LA, DE DANG SNGAGS KYI TSUL THA DAD PHAR 'DZIN PA NI RTZA BA'I LTUNG BA YIN ZHING ZHES
, ,'CHAD PA LTAR SNGAGS DANG PHAR PHYIN GYI THEG PA'I DE KHO NA NYID GNYIS LA MCHOG DMAN DU BZUNG NAS SMOD PA'O, ,DE YANG SNGAGS KYI THEG PA DANG DBYER MED PA'I SHER PHYIN GYI THEG PA DANG ZHE SDANG LA GNAS NAS SMOD TSIG SMRAS PA DANG GZHAN GYI DON MA YIN PA DANG LEGS PAR 'DZIN PA DANG 'GYOD PA MED PA LNGA TSANG NA RTZA LTUNG YIN LA, DE LAS GZHAN PA'I THEG PA LA SMAD PA LA RTZA LTUNG MED KYANG THUN MONG GI DNGOS GRUB 'PHROG PAR 'CHAD DO, ,DE YANG SMOD PA TZAM YIN GYI BKA' MA YIN NO ZHES SPANGS PA NI MA YIN NO, ,RI BO NI BDUN PA YIN LA MA SMIN PA'I MI NYAN THOS KYI LAM LA GNAS PA LA GSUNGS PA NI SNGAGS LA MI DAD PA'I MTSON BYED DO, ,SGROG PA'I GSANG BA NI BDE BA CHEN PO BYIN PA LAS SLOB DPON RNAMS LA LTUNG BA'O, ,ZHES GSUNGS PAS BDE STONG DBYER MED PA'I GSANG BA BSGRAGS PA'O, ,D'A RI KA PAS GSANG BA BSGRAGS NA MI MOS PA SKYE BA DANG GDUL BA'I DON MIN PA DANG BDE BA CHEN PO'I GSANG BA BSTAN PA STE, CHOS GSUM TSANG NA RTZA LTUNG YIN LA BDE BA CHEN PO'I GSANG BA LAS GZHAN BSTAN PA'I LTUNG BAS 'JIG RTEN PA'I DNGOS GRUB NYAMS PAR BYED PAR BSHAD DE DBANG THOB MA THOB KYI GSAL KHA MI SNANG NGO, ,'ON KYANG DBANG MA THOB PA DGOS PAR MNGON TE DON DAM BSNYEN PA LAS, SNGAGS PA MIN LA PHEBS PAR SMRA BAS RI, ,ZHES GSUNGS PAS SNGAGS PA MIN PA NI DBANG GIS MA SMIN PA'O, ,PHEBS PAR SMRA BA NI GSANG BA'I GNAS MI GSANG BAR 'CHAD PA SPYI LA GSUNGS PAS 'GREL CHEN LAS, BDE BA CHEN PO'I GSANG BA ZHES GSUNGS PA NI GTZO BO'I SGO NAS MTSON PA 'DRA'O, ,KLU NI BRGYAD PA STE PHUNG PO NYON MONGS PAR BYAS PA'I LTUNG BA'O, ,DE YANG SMYUNG BAR GNAS PA LA BKOD,
BA LA SOGS PA DANG LUS GCOD PA LA SOGS PA BYED PA LA GSUNGS TE, LUS LA RANG DGAR TSA GRANG DANG BZA' BTUNG GCOD PA DANG YAN LAG GCOD PA SOGS KYIS NYON MONGS PAR RAM SDUG BSNGAL BAR BYED PA'O, ,D'A RI KA PAS RANG GSOD PAR BYED NA SEMS BSKYED PA TZAM NAS RTZA LTUNG DANG PHUNG SOGS RGYAL BA DANG LHA MA DANG SEMS DPAR SHES PA DANG DE MNAR PAS BDE BA LAS NYAMS PAR SHES PA DANG, GZHAN 'DUL BA'I DON MIN PA GSUM TSANG NA RTZA LTUNG DU 'CHAD DO, ,KHA CIG RANG NYID LHAR SGOM PA'I RNAL 'BYOR BAS BZA' BTUNG GCOD PA'I SMYUNG GNAS BYAS NA RTZA LTUNG BSKYED DO ZHES ZER BA NI HA CANG MA BRTAGS PAR SMRA BA YIN TE, BYA SPYAD KYI SKABS SU YANG LHAR BSGOM PA DANG SMYUNG GNAS BYED PA GNYIS KA GSUNGS PA DANG RDOR DBYINGS LTA BU'I LHA'I SGOM BZLAS MTHAR PHYIN PAS BUM PA LA SOGS PA NAM MKHA' LA 'JOG NUS PA'I SLOB DPON GYIS KYANG SMYUNG BAR GNAS PA BYA BAR GSUNGS PA'I PHYIR TE, RDO RJE 'BYUNG BA LAS SLOB DPON GYIS SPON ? DU BSNYEN PA BYAS PA'I YON TAN SNGAR LTAR BSHAD NAS, DKYIL 'KHOR DU 'JUG PA'I ZHAG NI SLOB DPON SLOB MA DANG BCAS PA SMYUNG BAR GNAS PAR BYA'O, ,ZHES GSUNGS PAS SO, ,DES NA LTUNG BA BRGYAD PAR 'GRO BA'I SMYUNG GNAS NI RANG DGAR PHUNG PO GZIR 'DOD KYI BSAM PAS LUS SDUG BSNGAL BAR BYED PA LA 'JOG PAS SMYUNG GNAS KYI MING 'DRA YANG DON MI 'DRA'O, ,DAG PA'I CHOS NI STONG NYID YIN LA DE LA MA DAD PA NI 'DZIN PA THAMS CAD SPANGS PA'I STONG NYID ZAB MO SUN 'BYIN PA LA D'A RI KA PAS BSHAD PA LTAR YIN TE, DE YANG GDUL BA'I DON MA YIN PA DANG STONG NYID SPANGS NAS SPROS BCAS DANG DU BLANGS PA STE CHOS GNYIS TSANG NA RTZA LTUNG DU BSHAD DO, ,PHYOGS NI BCU
, ,PA STE SGYU YI BYAMS PA'O, ,DE NI KHA NAS TSIG GZHAN 'DON ZHING SNYING LA GZHAN SEMS PA LA GSUNGS SO, ,DON DAM BSNYEN PA LAS KYANG, GDUG PA DANG BCAS BYAMS PA BZUNG BAS PHYOGS ZHES GSUNGS PA'I DON ZHE LA GDUG PA 'DZIN ZHING KHA LA BYAMS PA BYAD PA 'DRA NA'ANG D'A RI KA PAS DAM TSIG LA SOGS PA DANG PA'I SGO NAS MI SRUNG BAR RNYED PA DANG TSIGS BCAD LHUR LEN PA'I TSUL GYIS SRUNG BA LTAR BYAS NAS LKOG TU MI DGE BA BYED PA LA BSHAD DO, ,'GREL CHEN LAS, MING SOGS BRAL BA'I BDE BA STER LA ZHES PA DE BZHIN GSHEGS PA'I DE KHO NA NYID LA RTOG PA GANG YIN PA DE NI DRAG PA ZHES PA STE BCU GCIG PA'O, ,ZHES PA TZAM LAS MA GSUNGS PA'I DON D'A RI KA PAS DE BZHIN GSHEGS PA THAMS CAD KYI SKU GSUNG THUGS KYI DE KHO NA NYID KYI RANG BZHIN SNGAGS KYI TSUL LA BYANG CHUB KYI SEMS ZLA BA'I BDE BA 'GYUR BA MED PA 'JIG RTEN GYI DPER BYA BA DANG BRAL BA BYIN PA LA THE TSOM DANG YID GNYIS KYI DBANG GIS DANG DU MI LEN ZHING RTAG PAR BYED NA RTZA LTUNG STE, DE YANG 'GYUR BDE MA YIN PA DANG MI 'GYUR BA'I BDE BA DPER BYA BA LAS 'DAS PA DANG GDUL BA'I DON MA YIN PA DANG GSUM TSANG BA LA 'CHAD PA'I DANG PO LA DGOS PA MI SNANG NGO, ,DON DAM BSNYEN PA LAS, DAM PA'I CHOS LA KUN RTOG DBANG GI DRAG PO ZHES 'BYUNG NGO, ,NYI MA NI BCU GNYIS PA STE DGE BA'I SEMS CAN RNAL 'BYOR PA LA SKYON BRJOD PA'O, , DE TZAM LAS MA GSUNGS PA LA D'A RI KA PAS RNAL 'BYOR BA RNAL 'BYOR GYI DANG TSUL DANG LDAN PA DANG PHRAG DOG GI DBANG GIS SMRAS PA DANG GZHAN GDUL BA'I DON MA YIN PA STE CHOS GSUM TSANG NA RTZA LTUNG DU 'CHAD DO, ,DON DAM BSNYEN PA LAS, DAG PA'I SEMS CAN SUN
'BYIN PA YIS NYI MA STE, ZHES GSUNGS PAS YUL DE'I MDUN DU SKYON BRJOD NAS DE'I SEMS SUN PHYUNG BA DGOS PAR MNGON NO, ,BCU GSUM PA NI TSOGS KYI 'KHOR LOR DAM TSIG THOB PA GTONG BA LAS 'GREL CHEN LAS GSUNGS PA'I DON, D'A RI KA PAS TSOGS 'KHOR DANG DPA' BO'I BZA' BA'I DUS LTA BU'I DAM TSIG GI DUS LA BAB PA DANG GZHAN GYI NGO BSRUNG BA MA YIN PA DANG GZHAN 'DUL BA'I DON MA YIN PAR DUS LA BAB PA'I BZA' BTUNG DANG BUD MED LA ME THUN BYA BA DANG DU MI LEN NA RTZA LTUNG DU 'CHAD DO, ,MI THUN NI RIG MA DANG SNYOMS PAR 'JUG PA STE 'DI NI DE LTAR BYED PA'I NUS PA THOB PA'I RNAL 'BYOR BA'I DBANG DU BYAS PA'O, ,MA NU NI BCU BZHI PA STE BUD MED LA SMOD PA'O, ,THAMS CAD LA SMOD CES PA NI SMOD SA GCIG YIN NA'ANG SMOD TSUL BUD MED KYI RTEN THAMS CAD LA SMOD TSIG TU 'GRO BAS SMAD NA NGES PAR TE GDON MI ZA BAR LTUNG BAR 'GYUR TE GZHAN 'DUL BA'I DON MA GTOGS PAR D'A RI KA PAS BSHAD PAS SKYON GDAGS 'DOD KYIS SMRAS PA DANG DES GO BA RNAMS DGOS SO, ,'GREL CHEN LAS, LTUNG BA SBOM PO RNAMS NI DU MA STE DE RNAMS LA CHAD PA SHIN TU CHUNG BAR 'GYUR RO, ,ZHES GSUNGS TE DE DAG NI SNGAR BSHAD ZIN TO, ,DE LTAR SNGAR BSHAD PA'I SNGAGS SPYI 'GRO DANG 'DI GNYIS LA 'DRA BA YANG SNANG MOD KYANG RTZA LTUNG DANG PO GNYIS DANG LNGA PA'I SMON SEMS GTONG BA DANG DRUG PA'I CHOS SPONG LTA BU DON GCIG TU BSHAD DU MI RUNG BA YANG SNANG NGO, ,'O NA 'DI LA BLA MED KYI SDOM LDAN GYIS JE LTAR BYA SNYAM NA, DUS 'KHOR DANG BLA MED GZHAN RNAMS DBANG BSKUR BA'I TSUL DANG DKYIL 'KHOR GYI RNAM GZHAG LA MI 'DRA BA MANG PO SNANG BAS, DPER NA BDE MCHOG PA LA LAG PA GA-YON PAS ZAS BLANGS TE ZA BA'I DAM TSIG SNANG BA BZHIN DU
, ,DUS 'KHOR NAS GSUNGS PA LTAR GYI DKYIL 'KHOR DU 'JUG PA DANG DBANG BSKUR BA'I CHO GA LTAR ZHUGS PA RNAMS DANG CHO GA GZHAN GYI SGO NAS DBANG BSKUR BA RNAMS KYI SO SO'I SKOS CHOS YIN NAM, YANG NA BYANG SA NAS PHAM PA BRGYAD LAS MA BSHAD PA DANG NAM SNYING GI MDO NAS DE DAG DANG MI 'DRA BA'I PHAM PA MANG DU BSHAD PA LA RGYAL SRAS ZHI BA LHAS GNYIS KA BSRES NAS BYANG SEMS KYI SDOM LDAN SPYI'I RTZA LTUNG DU GSUNGS PA BZHIN DU 'DI DAG GI MI 'DRA BA RNAMS PHAN TSUN MTSON PA'I DON DU BYAS NAS BLA MED KYI SDOM LDAN TZAM GYI RTZA LTUNG DU BYED PA GANG 'THAD SHES RAB CAN RNAMS KYIS DPYAD PAR BYA STE, KHO BOS NI GANG RUNG ZHIG GI SHED KHYER BYAS NAS CIG SHOS 'DOR BA DANG MI 'GRIG BZHIN DU DE RNAMS KYI DON GCIG TU 'CHAD PA MI BYED CING GDUL BYA SO SO LA LTOS TE BZHAG PA LA'ANG GDUL BYA'I KHYAD PAR NI 'DI 'DRA'O, ,DES NA DE LA BCAS PA 'DI 'JOG LA 'DI MI 'JOG GI SO SOR NGES PA'I RGYU MTSAN YANG DAG PA MA RNYED DO, ,'ON KYANG BLA MA LA MI DGYES PA MA BYUNG YANG SNGAR SNGAGS SPYI 'GRO'I SKABS KYI BLA MA LA BRNYAS LUGS DE 'DRA BYAS NA DUS 'KHOR BAS KYANG RTZA LTUNG DU 'DOD DGOS PA 'DRA ZHING KHYAD PAR DU SMON PA'I SEMS BTANG BA DANG DAM CHOS SPONG BA LA YANG RTZA LTUNG DU BZHAG DGOS PA 'DRA BAR SNANG BAS SGRUB BYED YANG DAG MA RNYED RING LA LAG LEN DOG PHYOGS NAS BYAS NAS DE GNYIS GANG GI LUGS YIN KYANG RTZA LTUNG GIS MA GOS SNYAM PA'I GDENG THOB PA BYAS NA 'THAD DAM SNYAM MO, ,RTZA BA'I DAM TSIG NYAMS PA'I NYES DMIGS DANG DE GSO BA'I TSUL DUS 'KHOR LAS JI LTAR GSUNGS PA NI DBANG GI LE'U LAS, GAL TE GA-YO SGYU'I DBANG
GIS RTZA BA'I LTUNG BA BYUNG NA DMYAL BAR 'GRO STE, 'DI DAG SDUG BSNGAL LO, ,ZHES GSUNGS SHING, DE'I 'GREL CHEN LAS, CI STE GA-YO SGYU'I DBANG GIS ZHES PA MI DGE BA BCU LA ZHUGS PA'I DBANG GIS 'CHAD PAR 'GYUR BA'I RTZA BA'I LTUNG BA BYUNG NA DE'I DBANG LA SOGS PA 'DI DAG MTHA' DAG DMYAL BAR SDUG BSNGAL DU 'GYUR TE PHYIN CI LOG GI DBANG GIS SO ZHES PA NI NGES PA'O, ,ZHES DANG, YANG 'GREL CHEN LAS, RTZA BA'I LTUNG BA BYUNG BA GANG ZHIG DAG PA'I SLAD DU SLAR YANG DKYIL 'KHOR 'DIR NI 'JUG BYA STE, ZHES PA NI 'DIR GANG GI TSE DBANG BDUN LA GNAS PA'AM BUM PA DANG GSANG BA'I DBANG LA GNAS PA LA RTZA BA'I LTUNG BA BYUNG BAR GYUR NA DE'I TSE DE DAG PA'I SLAD DU DKYIL 'KHOR 'DI BRIS NAS SLAR MI BYED PA'I DON DU SLAR YANG DKYIL 'KHOR DU 'JUG PA LA SOGS PA BYA'O, ,DE NAS RJES SU GNANG BA THOB NAS SLAR YANG TSOGS KYI 'DUS PAR ZHAS PA RIGS KYI DBUS SU SNGAR THU BO'I MING GANG YIN PA DE NI CHUNG BA NYID DU 'GYUR TE GZHON PA NYID DU 'GYUR RO ZHES PA SLAR MI BYED PA'I SDOM PA'I SLAD DU DE BZHIN GSHEGS PA'I NGES PA STE SLOB MA RNAMS KYIS GDON MI ZA BAR BYA'O, ,ZHES GSUNGS TE, KHYAD PAR DU SLAR GSO BA NI PHYIN CHAD MI BYED PA'I CHED DU BYA DGOS PAR GSUNGS PAS 'DI GAL CHE'O, ,'O NA DBANG BSKUR LA SOGS PA RNAMS DMYAL BA'I SDUG BSNGAL GYI RGYUR GSUNGS PA DE JI LTAR YIN SNYAM NA, 'DI NI DGE SLONG LA RAB TU GCES PA'I MDO LAS, LA LA'I TSUL KHRIMS BDE BA STE, ,LA LA'I TSUL KHRIMS SDUG BSNGAL YIN, ,TSUL KHRIMS LDAN PA BDE BA STE, ,TSUL KHRIMS 'CHAL BA SDUG BSNGAL LA, ,ZHES KHAS BLANGS PA'I SDOM PA BSRUNGS NA BDE BA DANG MA BSRUNGS NA SDUG BSNGAL BSKYED PA LA DGONGS NAS GSUNGS PA DANG, 'DI NI KHYOD KYI DMYAL BA'I CHU, ,ZHES
, ,SOGS KYIS DMYAL CHU DANG BDUD RTZI GNYIS KAR GSUNGS PA LTAR GO BAR BYA'O, ,DE LTAR NA DANG PO DBANG DANG DAM TSIG DANG SDOM PA RNAMS LAGS PAR THOB PA ZHIG GAL CHE LA, DE NAS MI NYAMS PAR BSRUNG BA LA 'BAD PA DANG, 'BAD KYANG RTZA BA'I DAM TSIG NYAMS NA SLAR GSO PA LA BRTZON PAR BYAS NAS DAM TSIG DANG SDOM PA DANG LDAN PAR BYAS TE, SNGAGS KYI LAM LA THOS BSAM SGOM GSUM BYED PA NI RDO RJE THEG PA'I GNAD KYI DON DU GZUNG BAR BYA'O, ,LAM SGOM PA LA GNYIS LAS JI LTAR SGOM PA NI 'DIR RE ZHIG MI STON LA LAM JI TZAM ZHIG BSGOM PAR BYA SNYAM NA, 'DI LA NI 'KHRUL SA CHE BAS SLOB DPON 'JAM DPAL GRAGS PAS JI LTAR GTAN LA PHAB PA DE NYID BSHAD PAR BYA'O, ,DE YANG SNYING PO RGYAN LAS, DRANG SRONG CHEN PO BI SHVA MI TRA DANG, RIG SNGAGS 'CHANG GI SLOB DPON GZHON NU'I SDE DANG, RGYAL BA'I ZHABS DANG, RIN CHEN LDAN DANG, BRAM ZE BZANG PO'I BSHES GNYEN LA SOGS PA RNAMS CHOS THAMS CAD RANG BZHIN GYIS RNAM PAR DAG PA NI LOG PAR RTOG PA DGAG PA LAS BLANG BA'I BYA BA NYID YIN TE, SANGS RGYAS NI BSOD NAMS KYIS NYE BAR BSGRUBS PAS SO, ,LAM BSKYED PA'I RIM PAS THA MAL PA'I DNGOS PO SPANGS TE, GZUGS KYI SKUS SEMS CAN RNAMS KYI DON BYED PA NI YANG DAG PAR RDZOGS PA'I SANGS RGYAS NYID DU 'GYUR BAS LHA'I RNAM PA DANG SPYOD PA PHYIN CI MA LDOG PAS BSGRUB PAR BYA'O ZHES ZER BA DANG, ZHES GSUNGS PA LTAR KHA CIG GIS STONG PA NYID BSTAN PA NI LOG RTOG DGAG PA TZAM GYI PHYIR BLANG BAR BYA BA YIN TE, SANGS RGYAS NYID NI BSOD NAMS KYI TSOGS KYIS BSGRUB PAR BYA BA YIN PAS SO, ,BSKYED RIM GYIS THA MAL PA'I DNGOS PO SPANGS NAS GZUGS
SKUS SEMS CAN GYI DON BYED PA NI SANGS RGYAS SU 'GYUR BAS LHA SGOM PA DANG SPYOD PHYOGS PHYIN CI MA LOG PAS SANGS RGYAS BSGRUB PAR BYA'O ZHES 'DOD PA DANG, YANG DE NYID LAS GZHAN YANG BRAM ZE STONG NYID BLO DANG, KHA CHE'I MKHAN PO RAB SNANG BYED DANG, A'A NANTA BADZRA DANG, DGE BSNYEN SI TI KA RA DANG, MKHAS PA CHEN PO DPAL GYI SENG GE DANG, SNANG MDZAD RDO RJE DANG, DGE SLONG THEG CHEN DPAL DANG, LEGS SBYIN BZANG PO DANG, DPAL SHAM THABS SNGON PO CAN DANG, RGYAL BA'I ZHABS DANG, RIN CHEN LDAN DANG, BRAM ZE BZANG PO'I BSHES GNYEN DANG, DGE SLONG MA DGA' MO LA SOGS PA BSKYED PA'I RIM PA DANG SPYOD PA'I TSUL GSUNGS PA NI CHAD PAR SMRA BA DGAG PA DANG, RTEN 'BREL GYIS RTEN 'BREL GYI 'BRAS BU BSGRUB PA DANG, ZAB MO'I DON GYIS 'JIGS PA'I 'JIG RTEN PA RNAMS RE ZHIG GZUNG BA'I THABS SU GSUNGS PA LAS YANG DAG PAR RDZOGS PA'I SANGS RGYAS NI GNYIS SU MED PA'I YE SHES BSAM GYIS MI KHYAB PA STE, DE MI MTHUN PA'I RGYU LAS SKYES PA MA YIN PAS 'DIR STONG PA NYID MTSAN MA MTHONG BA BSAM GYIS MI KHYAB CING SPROS PA RNAM PAR CHAD PA NI RNAL 'BYOR PAS BSAM PA'I TSUL GYIS 'JIG RTEN NA 'BRAS BU MCHOG DANG LDAN NO, ,ZHES ZER BA NI, ZHES GSUNGS PA LTAR KHA CIG BSKYED RIM DANG SPYOD PA RNAMS GSUNGS PA NI CHAD LTA DGAG PA DANG ZAB MO'I DON LA 'JIGS PA RNAMS RE ZHIG ZAB PA'I THABS SU GSUNGS PAS, SANGS RGYAS NI GNYIS SU MED PA'I YE SHES RNAM PAR MI RTOG PA YIN LA, DE NI MI MTHUN PA'I RGYU SPROS PA'I RTOG PA LAS MI SKYE'O, ,DES NA SPROS PA DANG BRAL BA'I STONG NYID TZAM ZHIG BSGOMS PAS SANGS RGYA'O ZHES 'DOD DE DE GNYIS NI PHYOGS RE
, ,RE BAS SANGS RGYA BAR 'DOD PA YIN NO, ,DE BKAG NAS LAM PHYIN CI MA LOG PA GSUNGS PA NI, LUNG SNGA MA'I 'PHRO NYID NAS, RE ZHIG PHYOGS TZAM MTHONG BAS ZHUGS PA STE YANG DAG PAR RDZOGS PA'I SANGS RGYAS KYI LAM NGES PAR SNYED PA MA YIN PAS DE'I PHYOGS SU RNAM PAR LTA BA DANG BRAL BAS GNAS PAR BYA STE, LTA BA'I TSUL SPROS PA DANG BRAL BA RTOGS PA DANG BSKYED PA'I RIM PA DANG RDZOGS PA'I RIM PA'I TING NGE 'DZIN LA RIMS KYIS 'JUG PA DANG, DAM TSIG RNAMS NYE BAR BSTEN PA DANG RIMS KYIS 'JUG PAS SPYOD PA'I TSUL SHES PA RNAMS NI THEG PA MCHOG LA NGES PAR SKYES PA STE, RDO RJE 'DZIN PA'I LAM GYIS DE NYID MNGON DU RTOGS NAS 'DOD PA'I YON TAN DANG LDAN PAR 'GYUR BAS LAM GYI RIM PA DANG SBYAR TE TSUL GNYIS DANG LDAN PA 'DI NYE BAR GZUNG BAR BYA'O, ,ZHES LAM PHYOGS RE BAR MA SONG BAR LTA SPYOD GNYIS KA LA GNAS DGOS PA DANG DAM TSIG RNAMS BSTEN NAS BSKYED RDZOGS GNYIS LA RIM CAN DU 'JUG PAR GSUNGS TE, 'DI NI GSUNG RAB SPYI DANG KHYAD PAR DU RGYUD SDE'I DON LUNG DANG RIGS PAS GTAN LA 'BEBS PA LA MKHAS PA'I THAR 'DOD BLO GROS CAN RNAMS KYI YID 'PHROG PA'I LAM GYI RNAM GZHAG YIN PAS, SKAL BA DANG LDAN PA RNAMS KYIS TSUL GNYIS KYI SHING RTA'I SROL CHEN PO 'DIR ZHUGS NAS RDO RJE 'CHANG GI SAR 'GRO BAR BYA'O, ,RGYAL BA'I GSUNG GI MCHOG GYUR RDO RJE'I THEG ,BLO CHEN LDAN LA RMAD BYUNG DGA' SKYED PA, ,DER ZHUGS RNAMS KYI DNGOS GRUB 'GRUB PA'I GZHI, ,DPAL LDAN RDO RJE SEMS DPA'I SDOM PA NI, ,THOG MAR LEN DANG BAR DU SRUNG BA DANG, ,THA MAR NYAMS NA SLAR YANG GSO BA'I TSUL, ,GSUNG RAB SPYI DANG KHYAD
PAR SNGAGS KYI GZHUNG, ,RAB 'BYAMS LTAS NAS SHIN TU GSAL BAR BSHAD, ,RDO RJE 'CHANG GI BCAS PA DOR BYAS NAS, ,RANG NYID JI LTAR 'DOD BZHIN 'JUG PA YI, ,BAG YANGS SPYOD PAS GROL BAR GANG SMRA BA, ,DE DAG RNAMS KYI THUGS LA MI 'BAB MOD, ,SRAS BCAS RGYAL BA'I SPYAN SNGAR KHAS BLANGS NAS, ,RNAM DAG DAM BCA'I KHUR CHEN MI 'DOR BAR, ,TSUL BZHIN SLOB PA'I DAM PA'I RJES 'JUG PA'I, ,SKAL BZANG SNGAGS PA'I DGA' STON CHED DU BYAS, ,RDO RJE 'DZIN PA'I BCAS PA SHIN TU ZAB, ,BDAG NI SHES RAB BRTZON 'GRUS SBYANGS PA DMAN, ,DE SLAD 'DI LA NONGS PA GANG MCHIS PA, ,SNYING NAS DAM PA RNAMS KYI SPYAN SNGAR 'CHAGS, ,GANG LA SKYABS SU BZUNG BAS BDAG 'DRAS KYANG, ,ZAB MO'I GZHUNG LA CUNG ZAD DPYOD NUS PA, ,RJE BTZUN 'JAM PA'I DBYANGS DANG BLA MA YI, ,ZHABS KYI PADMOR SLAR YANG MGOS PHYAG 'TSAL, ,'DIR NI 'BAD LAS MKHA' LTAR RGYA CHE BA'I, ,BSOD NAMS GANG ZHIG BDAG GIS BSAGS PA DES, ,LUS CAN RNAMS KYI PHAN BDE'I GTER GCIG PU, ,THUB BSTAN MA LUS KUN TU RGYA GYUR CIG, BSTAN PA NYAG GCIG 'GRO BA'I PHAN BDE'I GZHIR, ,GSUNGS PA'I DON LA SNYING NAS YID CHES TE, ,LUS SROG YAL BAR DOR NAS DAM PA'I CHOS, ,TSUL BZHIN BZUNG NAS RGYAL BA MNYES BYED SHOG ,TSUL 'DI BSGRUB PHYIR BSAM DANG SBYOR BA YIS, ,GROGS BGYID DE DAG RNAMS KYANG DUS KUN TU, ,RGYAL BA'I DAM CHOS MTHA' DAG 'DZIN PA LA, ,LDOG PA MED PA'I BRTZON 'GRUS RTZOM PAR SHOG, CES BYANG CHUB SEMS DPA' GSANG SNGAGS KYI SGO NAS BYANG CHUB SEMS DPA'I SPYAD PA SPYOD PA RNAMS KYI TSUL KHRIMS KYI BSLAB PA YONGS SU DAG PAR BYA BA'I TSUL RNAM PAR BSHAD PA DNGOS GRUB KYI SNYE MA ZHES BYA BA 'DI NI, RDO RJE THEG PA'I
, ,BSLAB BYA LA SNYING NAS SLOB PAR 'DOD PA MANG PO DANG, 'JIG RTEN MGON PO CHOS KYI RJE 'BRI KHUNG BA ZHES YONGS SU GRAGS PA'I GDUNG BRGYUD DU 'KHRUNGS NAS 'GRO BA DU MA'I 'DREN PAR GYUR PA GU SHRI CHEN PO DON GRUB RGYAL PO BA DANG, RIG PA 'DZIN PA'I SDE SNOD LA SBYANGS PA'I RDO RJE 'DZIN PA CHEN PO CHOS SGO BA BKRA SHIS RIN CHEN PA DANG, MDO SNGAGS KYI BSTAN PA MA LUS PA'I GNAD JI BZHIN DU MKHYEN NAS GCIG TU BSTAN PA RIN PO CHE'I KHUR CHEN PO 'KHYER ZHING BSLAB PA RIN PO CHE LA CHES CHER GCES SPRAS SU MDZAD PA'I YONGS SU RDZOGS PA'I BSHES GNYEN CHEN PO SKAD GNYIS SMRA BA SKYABS MCHOG DPAL BZANG PO'I GSUNG GIS NYE BAR BSKUL BA'I DON DU, SH'AKYA'I DGE SLONG RDO RJE 'DZIN PA BLO BZANG GRAGS PA'I DPAL GYIS SNGAGS KYI GZHUNG RAB 'BYAMS LAS BTUS NAS BYANG RVA SGRENG RGYAL BA'I DBEN GNAS KYI YANG DGON BRAG SENG GE'I ZHOL GYI RI KHROD DU SBYAR BA'I YI GE PA NI, NANG RIG PA'I SDE SNOD GSUM DANG GTAN TSIGS RIG PA'I TSUL LA SPOBS PA DGE BA CAN SDOM BRTZON DAR MA RIN CHEN NO, ,'DI LA BRTEN NAS KYANG BSTAN PA RIN PO CHE RGYAS PAR GYUR CIG, ,,SVA STI, RDZOGS RIM KHOR YUG GTING ZAB CING, ,BSKYED RIM RGYU SKAR GZUGS BRNYAN BKRA, 'PHRIN LAS DUS RLABS CI YANG GA-YO, ,RGYUD SDE RGYA MTSOR 'JUG PA YI, ,DON MTHUN 'GRO BA'I DED DPON CHE, ,DNGOS GRUB BSAM 'PHEL STZOL MDZAD PA, ,LAM GSUM DKAR BAS BRNYES PA'I THABS, ,'PHAGS YUL DPA' BOS GSAL BAR MDZAD, ,GANG DE'I BZHED GZHUNG PADMO'I TSAL, ,BLO BZANG GRAGS PA'I TSA ZER GYIS, ,SLAR YANG PHYE BAS SBRANG
RTZI'I BCUD, ,'PHEL ZHING RGYAS PA'I GE SAR GA-YO, ,ZE 'BRU'I PHRENG LDAN GSAL BA 'DI, ,GZHON NU BLO LDAN SENG GE YIS, ,YI GE'I RIN CHEN 'BYUNG GNAS BSKRUN, ,GANG DES 'DREN MCHOG CHOS KYI RJE'I, ,MKHYEN DGONGS DKAR PO 'O MA'I MTSO, ,SRID RTZE'I BAR DU LUD NAS KYANG, ,SRID GSUM KHONGS 'DIR 'KHYIL GYUR CIG, ,, ` SVA STI, SKU BZHI'I NGO BO RDO RJE 'CHANG DU, ,BGROD PA'I LAM ZAB RDO RJE THEG PA'I, ,SGOR ZHUGS MCHOG THUN DNGOS GRUB RNAM GNYIS, ,DAM TSIG SDOM PA RNAM PAR DAG LA, ,NGAG LAS BLANG DOR GSAL BYED RNAM BSHAD, ,CHOS SBYIN 'DZAD MED LHA LAM MDZOD 'GRAN, ,DGA' LDAN RNAM PAR RGYAL BA CHEN POR, ,PAR DU BSKRUBS PA'I RNAM DKAR DGE 'DIS, ,MTHUN RKYEN SGRUB PA'I GROGS DANG 'GRO KUN, ,MA RIG SGRIB GNYIS GA-YUL LAS RNAM RGYAL, ,RIM GNYIS THEM SKAS ZAB MOR SON NAS, ,ZUNG 'JUG GO 'PHANG THOB PA'I RGYUR BSNGO,, SARBA MANGGA LAm,,