,BLA MA LNGA BCU PA'I RNAM BSHAD SLOB MA'I RE BA KUN SKONG ZHES BYA BA BZHUGS SO, ,
, ,NA MO GU RU MNYDZU GHO sh'A YA, RGYAL BA KUN GYI YAB TU GYUR KYANG RGYAL SRAS GZHON NU'I SKU, ,'JAM PA'I GSUNG GIS 'GRO DBUGS 'BYIN KYANG BDUD SDE SKRAG PAR MDZAD, ,KUN GYI BLA NA RTAG TU BZHUGS KYANG 'GRO BA'I BRAN MDZAD PA'I, ,'JAM DBYANGS DE YI RMAD BYUNG MDZAD PAS RTAG TU SKYONG GYUR CIG, GANG ZHIG TSUL BZHIN BSTEN NA LEGS TSOGS KUN, ,BDE BLAG NYID DU STER BA'I SGO GCIG PU, ,BSHES GNYEN DAM PA'I BSTEN TSUL LNGA BCU PA, ,JI LTAR NUS BZHIN BDAG GIS BSHAD PAR BYA, ,JI SKAD DU RGYUD KYI RGYAL PO SGYU 'PHRUL DRA BA'I RIM PAR PHYE BA DANG PO LAS, RE SHIG DANG POR DNGOS GRUB NI, ,SLOB DPON RJES SU 'BRANG YIN PAS, ,SLOB DPON MED PAR GYUR NA NI, ,
, ,DNGOS GRUB THOB PAR MA 'GYUR BAS, ,SLOB DPON MTSAN NYID BSHAD PAR BYA, ,ZHES GSUNGS PA LTAR MCHOG DANG THUN MONG GI DNGOS GRUB KYI RTZA BA NI BSHES GNYEN DAM PA TSUL BZHIN DU BSTEN PA NYID LA RAG LAS PA'I PHYIR, BLA MA BSTEN PA'I TSUL TSEGS SU BCAD PA LNGA BCUS STON PA'I BLA MA LNGA BCU PA ZHES BYA BA 'DI BSHAD PAR BYA'O, ,'DI BSHAD PA LA GSUM, BSHAD PA LA 'JUG PA'I BYA BA, BSHAD PA NYID NYE BAR DGOD PA, BSHAD PA MTHAR PHYIN PA'I BYA BA'O, ,DANG PO LA GNYIS, MCHOD PAR BRJOD PA DANG, BRTZAM PAR DAM BCA' BA'O, ,DANG PO NI, DPAL LDAN RDO RJE SEMS DPA'I GNAS THOB RGYUR GYUR PA'I, ,BLA MA'I ZHABS KYI PADMAR JI BZHIN BTUD BYAS TE, ,ZHES BYA BAS STON TE, BTUD PAR BYAS ZHES DRANG NGO, ,GANG LA BTUD PA NI, BLA MA'I ZHABS NYID PADMAR BKOD PA DE LA STE SKU'I CHA'I DMA' SHOS BZUNG BAS SHIN TU GUS PAR STON PA'O, ,TSUL JI LTAR BTUD PA NI JI BZHIN ZHES PA STE BLA MA LA SGO GSUM GUS PA'I SGO NAS JI LTAR 'DUD PA'I TSUL GSUNG RAB NAS 'BYUNG BA JI LTA BA BZHIN DU BTUD PA'O, ,BLA MA
JI 'DRA BA ZHER, DPAL LDAN ZHES SOGS TE, KYE RDO RJE'I BRTAG PA DANG PO'I LE'U BDUN PA LAS, SHR'I NI GNYIS MED YE SHES TE, ZHES GSUNGS PA LTAR GNYIS SU MED PA'I YE SHES KYI DPA' RANG GI BDAG NYID DU LDAN PA'I RDO RJE SEMS DPA'I GNAS SAM GO 'PHANG THOB PA'I RGYU'I RTZA BAR GYUR PA'O, ,RDO RJE SEMS DPA' NI RDO RJE RTZE MO'I SEMS DPA' BCU DRUG GI BSHAD PA LAS, CI PHYIR RDO RJE SEMS DPA' YIN, ,BYANG CHUB MCHOG GI YE SHES GANG, ,DE NI RDO RJER NGES PAR BRJOD, ,YE SHES RDO RJE LAS BYUNG BA, ,DE NI RDO RJE SEMS DPAR BRJOD, ,CES GSUNGS PA LTAR BYANG CHUB GSUM GYI MCHOG DE KHO NA NYID DANG DBYER MED PAR ZHUGS PA'I CHOS KYI SKU'I YE SHES NI RDO RJE DANG DE LAS BYUNG BA'I GZUGS KYI SKU NI SEMS DPA' STE DE 'DRA PA'I RDO RJE SEMS DPA'O, ,GNYIS PA NI, TE ZHES PA 'DIR LHAG MA 'DREN PA YIN PAS BTUD NAS CI ZHIG BYED CE NA, DE BSTEN PA NI DRI MED RGYUD MANG LAS GSUNGS PA, MDOR BSDUS BSHAD PA 'DI NI GUS PAS MNYAN PAR GYIS, ZHES GSUNGS TE, DE BSTEN PA NI BSHAD CES PAS BLA MA DE BSTEN PA'I TSUL 'CHAD PAR BYED PAS DE 'DRA BA 'DI NI TSIG TZAM MIN PAR GUS PA CHEN POS MNYAN PAR GYIS ZHES NYAN PA PO RNAMS LA BSKUL BA'O, ,DE LA RANG BZO SPONG BA NI, GAL TE BLA MA BSTEN TSUL KHYED KYI BLO TZAM GYIS BKOD PA YIN NA YID CHES PA'I GNAS SU MI RUNG BAS KHYED KYIS 'CHAD PA 'DI CI 'DRA BA ZHIG YIN SNYAM NA, 'DI NI DRI MA MAD PA'I RGYUD MANG PO LAS GSUNGS PA 'DIR BKOD PA YIN PAS YID CHES PAR BYA'O, ,RGYUD GANG
, ,LAS GSUNGS PA NI 'OG TU STON PAR 'GYUR RO, ,DE LTA NA'ANG RGYUD DE DAG LAS SHES PAR BYAS PAS CHOG PAS KHYED KYIS RTZOM PA DON MED DO SNYAM NA, DE DAG NA YOD MOD KYANG SHIN TU RGYAS PA DANG GONG 'OG 'KHRUGS PA DANG SNA TSOGS SU 'THOR YOD PAS 'DIR MDOR BSDUS NAS 'KHRUGS BSDEBS TE BSHAD PAS NA DON MED PA MA YIN NO, ,'DIS NI LNGA BCU PA DANG RGYUD RNAMS ZLOS PAR BSAMS NAS 'DI RTZOM MI DGOS PAR DOGS PA SPONG BA YIN NO, ,GNYIS PA BSHAD PA NYID NYE BAR DGOD PA LA GSUM, BLA MA BSTEN PA'I TSUL, BSTEN TSUL BSHAD PA'I DUS, BSHAD NAS SNOD RUNG DU JI LTAR BYA BA'O, ,DANG PO LA GSUM, BSTEN TSUL SPYIR BSTAN PA, DE'I DMIGS BSAL, BSTEN TSUL GYI DON BSDU BA'O, ,DANG PO LA GNYIS, DNGOS KYI DON DANG, ZHAR BYUNG GI DON NO, ,DANG PO LA GNYIS, BLA MA BSTEN TSUL MDOR BSTAN PA DANG, RGYAS PAR BSHAD PA'O, ,DANG PO LA GSUM, BLA MA LA GUS PAR BYA BA'I 'BAD PA, GUS PA SGRUB PA'I TSUL, GUS PA'I YUL DANG RTEN BRTAG PA'O, ,DANG PO NI, DBANG BSKUR MCHOG THOB RDO RJE YI, ,SLOB DPON LA NI DE BZHIN GSHEGS, ,PHYOGS BCU'I 'JIG RTEN KHAMS BZHUGS PAS, ,DUS GSUM DU NI MNGON PHYAG 'TSAL, ,ZHES PA STE, DBANG BSKUR BA LA SMIN BYED RGYU'I DBANG DANG, GROL BYED LAM GYI DBANG DANG, GROL BA 'BRAS BU'I DBANG GSUM YOD KYANG, 'DIR NI DANG PO GZUNG STE SMIN BYED KYI DBANG THOB PA'I SLOB DPON LA SLOB MAS BSNYEN BKUR BYA BA'I SKABS YIN PA'I PHYIR RO, ,MCHOG NI RNAM PAR DAG PA
STE RGYUD SDE NAS JI LTAR GSUNGS PA LTAR BSKUR BA'I DBANG NGO, ,DE GANG LA THOB PA'I RDO RJE SLOB DPON NI MAN NGAG SNYA MA'I SNYE MA LNGA BA LAS, RDO RJE NI BYANG CHUB KYI SEMS LA DE'I RANG BZHIN GYIS 'JIG RTEN DANG 'JIG RTEN LAS 'DAS PA'I SPYOD PA STEN PA NI RDO RJE SLOB DPON TE BLA MA'O, ,ZHES GSUNGS PA LTAR RO, ,SLOB DPON DE LA NI SHAR LA SOGS PA'I PHYOGS BCU NA BZHUGS PA'I DE BZHIN NYID JI LTA BA BZHIN DU GSHEGS SHING THUGS SU CHUD PA'I DE BZHIN GSHEGS PA RNAMS KYIS KYANG, DUS SNGA DRO DANG PO DANG GUNG DANG PHYI DRO'I THA MA'I THUN MTSAMS GSUM DU BYON NAS PHYAG 'TSAL BAR BYED NA DE LAS GZHAN PA'I SLOB MA RNAMS KYIS LTA CI SMOS ZHES BLA MA LA GUS PAR BYA DGOS PA'I RGYU MTSAN BSTAN PA'O, ,'DI NI DPAL GSANG BA 'DUS PA'I LE'U BCU BDUN PA LAS, RIGS KYI BU MDOR BSTAN NA, PHYOGS BCU'I 'JIG RTEN GYI KHAMS NA SANGS RGYAS DANG BYANG CHUB SEMS DPA' JI SNYED 'KHOD CING 'TSE SKYONG BA DE DAG THAMS CAD DUS GSUM DU LHAGS NAS SLOB DPON DE LA DE BZHIN GSHEGS PA THAMS CAD KYI MCHOD PAS YANG DAG PAR MCHOD NAS SANGS RGYAS KYI ZHING DE DANG DER 'GRO ZHING DAG RDO RJE'I YI GE YANG 'DI SKAD DU 'BYIN TO, ,BDAG CAG DE BZHIN GSHEGS PA THAMS CAD KYI PHA'O, ,BDAG CAG DE BZHIN GSHEGS PA THAMS CAD KYI MA'O, , ZHES BYA BA NAS, BDAG CAG DE BZHIN GSHEGS PA THAMS CAD KYI STON PA'O, ,ZHES BYA BA'I BAR DU'O, ,ZHES GSUNGS PA'I DON BSDUS PA STE SGYU 'PHRUL DRA BA'I RIM PAR PHYE BA BCU PA LAS KYANG DE LTAR DU GSUNGS SHING, ZLA BA GRAGS PA, TZE LU PA, SH'ANTI PA, DRI
, ,MED SBAS PA LA SOGS PA MKHAS GRUB DU MAS KYANG DE'I 'GREL PAR SGRA SOR BZHAG GI BSHAD PA MDZAD PA DANG, LNGA BCU BA RTZOM PA PO'I BZHED PA GNYIS MTHUN PAR SNANG BAS 'DIR NI DE DAG GI RJES SU 'BRANGS BA YIN TE, DE BZHIN GSHEGS PA RNAMS KYANG SLOB DPON LA BSNYEN BKUR BAR MDZAD NA SLEB MA GZHAN RNAMS KYIS LTA CI SMOS ZHES CHES CHER GUS PAR BYA BA'I RGYU MTSAN DU SBYAR DGOS PA'I PHYIR RO, ,DPAL DUS KYI 'KHOR LO'I 'GREL CHEN DU DBANG BSKUR MCHOG CES PA'I TSIGS BCAD 'DI LA DRANG NGES KYI BSHAD PA GNYIS DANG, DE BZHIN GSHEGS PA'I DON GZHAN DU BSHAD PA MDZAD PA NI 'DI GNYIS GZHUNG GCIG YIN YANG SKABS MI GCIG STE 'DIR NI SNGAR BSHAD PA LTAR LAS DANG PO PA'I SLOB MAS GANG LA DBANG BSKUR BA ZHUS PA'I SLOB DPON LA CHES GUS PA'I RGYU MTSAN DU SBYAR DGOS PA LA DE BZHIN GSHEGS PA'I BSHAD PA GZHAN DU BYAS NA DE'I RGYU MTSAN DU MI RUNG BA'I PHYIR RO, ,SPYIR NI RGYUD KYI RDO RJE'I TSIG RE RE LA YANG BSHAD PA MI 'DRA BA DU MA SNANG BAS 'GAL BA YANG MED DO, ,MTSAN NYID TSANG BA'I BLA MA LA SANGS RGYAS RNAMS KYIS 'DUD PA MI RIGS PAR BZHED PA YANG MA YIN TE DON DAM BSNYEN PA LAS, YON TAN LDAN PA'I SRAS RNAMS LA NI 'KHOR BA 'JOMS, ,RANG LUS TSANGS PA'I 'JIG RTEN GNAS NI KUN TU STON, ,DE NI BLA MA DPAL TE BLA MA DPAL GZHAN MIN, ,DPAG MED SANGS RGYAS KYIS KYANG RTAG TU DE LA MCHOD, ,PHYOGS BZHUGS SANGS RGYAS SEMS DPAS RTAG TU DE LA 'DUD, ,CES GSUNGS PA'I PHYIR RO, ,MDO KUN LAS BTUS PA LAS KYANG, KUN DGA' BO
GAL TE BYANG CHUB SEMS DPA' SHING RTA'I NANG DU ZHUGS TE 'DOD PA'I YON TAN LNGAS RTZE DGA' ZHING DGA' MGUR SPYOD LA DES SHING RTA 'DREN PA GZHAN MED NA KUN DGA' BO BYANG CHUB SEMS DPA' DE'I SHING RTA NI DE BZHIN GSHEGS PA'I DBU LA YANG BSKUR RO, , ZHES RIN PO CHE'I PHUNG PO'I MDO DRANGS PA DANG YANG RIGS PA MCHUNGS PA YIN NO, ,GNYIS PA GUS PA BSGRUB PA'I TSUL LA GNYIS, BSNYEN BKUR BYA BA'I TSUL SPYIR BSTAN PA DANG, DMIGS KYIS BSAL PA'O, ,DANG PO NI, MCHOG TU DAD PAS DUS GSUM DU, ,DKYIL 'KHOR ME TOG BCAS THAL MOS, ,STON PA BLA MA BSNYEN BKUR ZHING, ,ZHABS LA SPYI BOS PHYAG BYA'O, ,ZHES PA STE, SNGA DRO LA SOGS PA'I DUS GSUM DU RANG LA RDO RJE THEG PA'I LAM STON PA'I BLA MA'I ZHABS LA SPYI BOS GTUGS PA'I PHYAG BYA BA'I SGO NAS BSNYEN BKUR BYA'O, ,CI PHYAG NYI TSE'AM SNYAM NA, DKYIL 'KHOR TE MAndAL ME TOG GI TSOM BU BKOD PA DANG BCAS PA DBUL BA SNGON DU BTANG NAS THAL MO SBYAR TE PHYAG BYA'O, ,'DIR CHAG 'GYUR LAS, DKYIL 'KHOR ME TOG THAL SBYAR DANG, ,ZHABS LA SPYI BOS PHYAG 'TSAL BAS, ,STON PA BLA MA BSNYEN BKUR BYA, ,ZHES 'BYUNG BA LTAR LEGS SO, ,DE YANG MCHOG TU DAD PA STE DANG BA'I DAD PA CHEN POS KUN NAS BSLANGS TE BYA'O, ,GNYIS PA NI, RANG NYID RAB TU BYUNG BA YIN PA'I TSE RDO RJE SLOB DPON KHYIM PA DANG RANG BSNYEN PAR RDZOGS PA YIN PA'I TSE SLOB DPON RAB TU BYUNG YANG BSNYEN PAR MA RDZOGS PA BSLAB PA GZHON PA'I GSAR PU YIN NA SNGAR BSHAD PA'I BSNYEN BKUR BYA'AM SNYAM NA, KHYIM PA'AM NI GSAR BU LA, ,'JIG RTEN
, ,SMOD PA SPANG BA'I PHYIR, ,DAM CHOS LA SOGS MDUN BDAR TE, ,BRTUL ZHUGS 'DZIN PAS BLOS PHYAG BYA, ,ZHES GSUNGS TE, RANG NYID RAB TU BYUNG BA DANG SLOB DPON KHYIM PA LA SOGS PA YIN LA DE DAG LA SPYIR BTANG LA PHYAG BYA BA LA SOGS PA'I SKABS DANG 'BREL BA'I TSE DAM CHOS GLEGS BAM DANG SOGS KYI SGRAS BSDUS PA SKU GZUGS LA SOGS PA MDUN DU BZHAG NAS DNGOS SU DE DAG LA LUS KYIS PHYAG BYA LA BLOS BLA MA LA PHYAG BYA STE, DE YANG DNGOS SU LUS KYIS PHYAG BYAS NA 'JIG RTEN GYIS BSTAN PA SMOD PA'I DGAG BYA YOD PA'I TSE DE SPANG BA'I PHYIR YIN GYI DGAG BYE MED NA DE LTAR MI BYA'O, ,BRTUL ZHUGS 'DZIN PA NI 'DIR RAB TU BYUNG BA'I BRTUL ZHUGS DGE TSUL LA SOGS PA'I BSLAB PA'I GZHI 'DZIN PA LA BYA'O, ,GAL TE KHYIM PA SOGS KYI SLOB DPON LA LUS KYIS DNGOS SU PHYAG MI BYED PA'I TSE BLA MA'I BSNYEN BKUR THAMS CAD MI BYA'AM SNYAM NA, GDAN BSTAB PA DANG LDANG BA DANG, ,DON GYI BYA BA SOGS BSNYEN BKUR, ,BRTUL ZHUGS CAN GYIS KUN BYA STE, ,PHYAG DANG DAM PA MIN LAS SPANG, ,ZHES GSUNGS TE, YAN LAG LNGAS PHYAG 'TSAL PA DANG DAM PA MIN PA'I LAS RKANG PA BKRU BA LA SOGS PA SPANG BA STE DE DAG MA GTOGS PA'I BSNYEN BKUR KUN BRTUL ZHUGS CAN GYI SLOB MAS BYA'O, ,DE YANG GANG ZHE NA, BLA MA DE DAG LA RANG GI GDAN BSTAB PA DANG SNGON DU LDANG BA DANG BLA MA'I DON GYI BYA BA DGOS PA SGRUB PA'I GROGS DANG NOR 'BUL BA LA SOGS PA RNAMS SO, ,'DIR BDE MCHOG STOD 'GREL DU KHYIM PA DANG DGE TSUL SLOB DPON YIN YANG GDAN BSTAB PA LA SOGS
BAS BSNYEN BKUR BYED KYI PHYAG 'TSAL BA DANG RKANG PA BKRU BA SOGS KYIS BSNYEN BKUR MI BYED DO, ,PHYAG MI 'TSAL BA NI CHOS BSHAD PA'I SKABS LAS GZHAN DU YIN PAS CHOS 'CHAD PA'I TSE NI PO TI LA SOGS PA MDUN DU BZHAG STE PHYAG BYA BAR BCOM LDAN 'DAS KYIS RGYUD LAS GSUNGS PAR BSHAD DO, ,DRI MED 'OD DU YANG GZHUNG DE GNYIS KYI BSHAD PA DE LTAR DU MDZAD LA BDE MCHOG STOD 'GREL LAS DGE SLONG RDO RJE 'DZIN PA'I BLA MA LA NI BSLAB PA GZHON YANG PHYAG LA SOGS PA'I BSNYEN BKUR THAMS CAD BYA BAR BSHAD DO, ,'DI LA NYAN THOS SDE PAS THEG CHEN GYI SDE SNOD LAS RAB TU BYUNG BAS KHYIM NA GNAS PA 'GA' ZHIG LA PHYAG BYED PAR BSHAD PA DANG, PHYAG BYA BA'I GNAS NI STON PA DANG RANG LAS BSLAB PA RGAN PA GNYIS SU NGES PAR 'DUL BA LAS BSHAD PA GNYIS 'GAL BAS THEG CHEN BKA' MA YIN NO ZHES RTZOD PA'I LAN DU RAB BYUNG GIS KHYIM PA'I BYANG SEMS LA PHYAG BYED PA'I KHUNGS KYI MDO MANG DU DRANGS NAS BRGAL LAN GYIS GTAN LA 'BEBS PA RTOG GE 'BAR BAR BSHAD PAS SPYIR DGE SLONG GIS SLOB DPON KHYIM PA RDO RJE 'DZIN PA LTA BU LA PHYAG BYA MI DGOS PA MA YIN MOD, 'ON KYANG DE LTAR BYED PA DE LA BSTAN PA'I RTZA BA 'DUL BA'I BSLAB KHRIMS LA GNOD PA'I DGAG BYA SHAS CHE BAS DE'I MTHA' 'GEGS SU PHYAG MI BYA BAR GSUNGS PA YIN GYI YUL 'GA' ZHIG NA DGAG BYA DE GTAN LOG 'DUG NA YUL DE 'DRA RNAMS SU PHYAG BYA DGOS PA YIN NO, ,DGE SLONG RDO RJE 'DZIN PA YOD BZHIN DU KHYIM PA RDO RJE 'DZIN PA BLA MAR MI BYA BAR DI MED 'OD LAS GSUNGS PA YANG 'DUL BA LA CHES CHER GUS PAR BYA M
, ,BA'I PHYIR TE DE LA BRTEN NAS BSTAN PA YUN RING DU GNAS PAR BYA BAR DGONGS PA'O, ,TSUL 'DI LA RDO RJE SLOB DPON CHEN PO KHA CIG NA RE KHYIM PA DANG GSAR BU NI RDO RJE SLOB DPON MIN PA'I GONG ROL RTOG PA'I DUS SU YIN GYI GZHAN DU NA RDO RJE SLOB DPON LA SANGS RGYAS RNAMS KYANG PHYAG 'TSAL BAR GONG DU GSUNGS PA DANG 'GAL LO ZHES GSUNG PA NI RIGS PA MA YIN TE, 'DI NI DGAG BYA CHE BA'I TSE GONG MA LA DMIGS BSAL GSUNGS PA YIN PA'I PHYIR DANG RDO RJE SLOB DPON LA MI SBYOR NA SKABS 'CHOL BAR 'GYUR BA'I PHYIR RO, ,GSUM PA GUS PA'I YUL DANG RTEN BRTAG PA LA GNYIS, PHAN TSUN BRTAG DGOS PA'I RGYU MTSAN DANG, BRTAGS NAS SPANG BLANG BYA BA'I TSUL LO, ,DANG PO NI, 'O NA DE LTAR GUS PAR BYA BA'I YUL BLA MA DANG GUS PAR BYED PA'I SLOB MA GNYIS KYI DPON SLOB KYI 'BREL PA DE MA BRTAGS PAR RAM BRTAGS NAS BYA SNYAM NA, BLA MA DANG NI SLOB MA DAG ,MTSUNGS PAR DAM TSIG NYAMS 'GYUR BAS, ,DPA' BOS DANG POR SLOB DPON DANG, ,SLOB MA'I 'BREL PA BRTAG PAR BYA, ,ZHES GSUNGS TE, DPA' BO NI 'DIR RDO RJE THEG PA'I BKA' DRIN NOD SA DANG NOD PA PO GNYIS KA LA BYA STE RDO RJE THEG PA'I BKA' DRIN MA MNOS PA'I DANG POR NOD SAS KYANG NOD PA PO SNOD DU RUNG MI RUNG BRTAG LA, NOD PA POS KYANG NOD SA DE MTSAN NYID DANG LDAN MI LDAN BRTAGS PA'I SGO NAS PHAN TSUN DU 'BREL PA BYA BAR 'OS MI 'OS BRTAG PAR BYA STE, 'DI LTAR MA BRTAGS PAR GANG RUNG RUNG DANG 'BREL PA BYAS NA, SNOD MIN LA GSANG BA BSTAN PAS BLA MA DAM TSIG NYAMS PAR 'GYUR LA SLOB
MAS KYANG DAM TSIG BLANGS PA RNAMS BSRUNG BAR ME NUS PAS NYAMS PAR 'GYUR BA'I PHYIR RO, ,DES NA GNYIS KA MTSUNGS PAR DAM TSIG NYAMS PAR 'GYUR BAS BRTAG DGOS LA BRTAGS PA'I TSE SNOD DANG MI LDAN PAR MTHONG NA GSANG BA'I CHOS MI BSHAD DE, BSHAD RGYUD RDO RJE PHRENG BA LAS, JI LTAR SENG GE'I 'O MA NI, ,SA YI SNOD DU GZHAG MI BYA, ,DE BZHIN RNAL 'BYOR CHEN PO'I RGYUD, ,SNOD MIN RNAMS LA SBYIN MI BYA, ,ZHES SO, ,MA BRTAGS PAR GANG RUNG RUNG LA DBANG BSKUR BA NYES DMIGS CHE BAR GZIGS NAS RGYUD DE LAS LO NI BCU GNYIS BAR DU BRTAG, ,CES MYUR POR SNOD MA SHES NA YUN RING POR BRTAG PAR GSUNGS SO, ,GNYIS PA LA GNYIS, SPANG BYA'I MTSAN NYID DANG, BSTEN BYA'I MTSAN NYID DO, ,DANG PO NI, GAL TE BLA MAR 'OS MI 'OS BRTAG DGOS NA MI 'OS PA DE JI 'DRA BA ZHIG YIN SNYAM NA, BLO LDAN SLOB MAS BLA MAR NI, ,SNYING RJE MED CING KHRO LA GDUG ,KHENGS SHING CHAGS LA MA BSDAMS DANG, ,SPYOMS DANG BCAS PA MI BYA'O, ,ZHES GSUNGS TE, BLO LDAN TE SHES RAB CAN GYI SLOB MAS BLA MAR MI BYA'O,, GANG LA BLA MAR MI BYA ZHE NA, SNYING RJE MED PA NAS SPYOMS PA'I BAR GYI SKYON DANG BCAS PA DE'O, ,DE LA SNYING RJE MED PA NI SEMS CAN RNAMS SDUG BSNGAL RGYU BCAS LAS BSGRAL BAR 'DOD PA MED PA YIN PAS THEG PA MCHOG GI BSHES GNYEN DU MI 'OS SO, ,KHRO BA NI ZHE SDANG SHIN TU SHAS CHE BA'O, ,GDUG PA NI LUS NGAG GIS GZHAN LA GNOD PA BYED PA LA DGA' BA'AM KHON 'DZIN DAM PA'O, ,KHENGS PA NI NGA RGYAL SHAS CHE BA'O, ,CHAGS PA NI YO BYAD LA KUN 'DZIN DAM PA'O, ,MA BSDAMS PA NI BSLAB PA'I GZHI RNAMS
, ,LA SGO GSUM LHOD PAR 'JUG PA'O, ,SPYOMS PA NI RANG GI YON TAN CUNG ZAD TZAM YANG GZHAN LA NGOM PA'O, ,GZHAN YANG RDO RJE MKHA' 'GRO'I RIM PAR PHYE BA SO GNYIS PA LAS, GANG YANG KHRO DANG SGYU CAN DANG, ,NGAG NI SHIN TU RTZUB PA DANG, ,YON TAN DAG GIS CHOG SHES PA, ,DE NI BLA MAR BSTEN MI BYA, ,ZHES GSUNGS SO, ,GNYIS PA NI, 'O NA BSTEN PAR BYA BA'I BLA MA DE JI 'DRA BA ZHIG CE NA, BRTAN ZHING DUL LA BLO GROS LDAN, ,BZOD LDAN DRANG LA GA-YO SGYU MED, ,SNGAGS DANG RGYUD KYI SBYOR BA SHIS, ,SNYING BRTZER LDAN ZHING BSTAN BCOS MKHAS, ,DE NYID BCU NI YONGS SU SHES, ,DKYIL 'KHOR 'DRI BA'I LAS LA MKHAS, ,SNGAGS BSHAD PA YI SBYOR BA SHES, ,RAB TU DANG ZHING DBANG PO DUL, ,ZHES GSUNGS SO, ,DE LA BRTAN PA NI LUS BSDAMS PA DANG, DUL BA NI NGAG BSDAMS PA DANG, BLO GROS LDAN NAS SGYU MED PA'I BAR GYIS NI YID BSDAMS PA BSTAN PAR SGYU 'PHRUL DRA BA'I 'GREL PAR SLOB DPON KUN DGA' SNYING POS BSHAD DE, BLO GROS DANG LDAN PA NI SHES RAB CHE BA'O, ,BZOD PA NI GNOD BYED DANG DKA' SPYAD DANG CHOS ZAB MO LA BZOD PA STE DE DANG LDAN PA'O, ,DRANG BA NI SEMS CAN LA LHAG PA'I BSAM PAS GNAS PA'O, ,GA-YO DANG SGYU NI RNYED BKUR LA CHAGS PA'I DBANG GIS BYUNG ZHING 'DOD CHAGS DANG GTI MUG GANG RUNG GE CHAR GTOGS PAR 'DRA BA LA RANG GI NYES PA THABS KYIS MI MNGON PAR BYAD PA DANG YON TAN MED BZHIN DU YOD PA LTAR STON PA STE DE MED PA'O, ,SNGAGS DANG RGYUD KYI SBYOR BA SHES ZHES PA LA SGYU 'PHRUL DRA BA'I 'GREL PAR GSANG SNGAGS RGYUD KYI SBYOR BA SHES, ZHES
GTON ? NAS SNGAGS DANG SMAN GYI SBYOR BAS BGEGS ZLOG NUS PA LA KUN SNYING GIS BSHAD DO, ,RDO RJE MKHA' 'GRO'I RIM PAR PHYI BA SO GNYIS PA'I SNGAGS DANG RGYUD KYI SBYOR BA SHES, ZHES PA'I 'GREL PAR BH'A BA BHA DRAS SNGAGS NI RKANG PA BRGYAD PA LA SOGS PA'O, , RGYUD NI SMAN RNAMS SO, ,SBYOR BA NI BYA BA'O, ,SHES PA NI MKHAS PA'O, ,ZHES SNGAGS DANG RDZAS KYIS RANG RANG GI BYA BA ZHI SOGS SGRUB PA SHES PA LA BSHAD DO, ,SNYING BRTZER LDAN PA NI SEMS CAN LA SDUG BSNGAL DANG BRAL BAR 'DOD PA'I BRTZE BA CHE BA'O, , BSTAN BCOS LA MKHAS PA NI RDO RJE GUR LAS, RIG PA'I GNAS RNAMS KUN LA MKHAS, ,ZHES GSUNGS PA LTAR NANG RIG PA SDE SNOD GSUM SHES PA LA SOGS PA'O, ,DE NYID BCU NI RNAL 'BYOR BLA MED KYI RGYUD RDO RJE SNYING PO RGYAN GYI LE'U THA MA LAS, PHYIR ZLOG GNYIS KYI CHO GA DANG, ,GSANG DANG SHES RANG YE SHES DANG, ,KHA SBYOR 'BYED PA'I CHO GA DANG, ,GTOR MA RDO RJE'I BZLAS PA DANG, ,BRAG SHUL SGRUB PA'I CHO GA DANG, ,RAB TU GNAS DANG DKYIL 'KHOR SGRUB, ,GSANG BA'I DE NYID BCU YIN NO, ,DKYIL 'KHOR TING 'DZIN PHYAG RGYA DANG, ,STANG STABS 'DUG STANGS BZLAS BRJOD DANG, ,SBYIN SREG MCHOG PA LAS SBYOR DANG, ,SLAR SDUD PA YI RNAM PA NI, ,PHYI YI DE NYID BCU YIN NO, ,ZHES GSUNG BA STE NANG GI DE NYID BCU DANG PHYI'I DE NYID BCU GSUNGS SO, ,DE LA PHYIR ZLOG PA GNYIS NI KHRO BO BCU LTA BU LA BSGOMS NAS PHYIR ZLOG PA DANG BRIS NAS 'DOGS PA SOGS BYAS PAS PHYIR BZLOG PA'O, ,GSANG BA DANG SHES RAB YE SHES KYI DBANG BSKUR BA GNYIS LAS MA GSUNGS KYANG GSANG DBANG BUM DBANG THOB PA LA
, ,BSKUR BAS DES BUM DBANG MTSON LA GSUM PAS BZHI PA MTSON PAS DE DER BSDU STE, DE KHO NA NYID BCU PA LAS DBANG BZHI GI GSUNGS SO, ,KHA SBYOR DBYE BA NI DGRA BO SRUNG MA DANG PHRAL NAS MNGON SPYOD BYED PA'O, ,GTOR MA NI PHYOGS SKYONG BCO LNGA'I GTOR MA LTA BU'O, ,RDO RJE'I BZLAS PA NI YID DANG NGAG GI RDO RJE'I BZLAS PA STE GZHAN YANG SNGAGS RNAMS SPEL NAS BZLAS LUGS MANG DU DE KHO NA NYID BCU PA LAS BSHAD DO, ,DRAG SHUL SGRUB PA NI DBANG THOB CING DAM TSIG DANG SDOM PA DANG LDAN PAS SGRUB THABS NAS 'BYUNG BA BZHIN ZLA BA BCO BRGYAD LA SOGS PAR BSGRUBS KYANG MA GRUB NA LHA LA DRAG PO'I SBYOR BAS PHUR BUS 'DEBS PA'O, ,RAB GNAS NI GO BAR ZAD LA DKYIL 'KHOR BSGRUB PA NI MDUN BSKYED KYI DKYIL 'KHOR BSGRUB PA DANG, DE LA MCHOD CING BSTOD PA DANG DER ZHUGS NAS DBANG LEN CING RJES SU GNANG BA NOD PA'O, ,RGYAS PAR NI DE KHO NA NYID BCU PA LAS SHES PAR BYA'O, ,PHYI'I DE NYID BCU'I DKYIL 'KHOR NI GZUGS CAN DANG GZUGS CAN MA YIN PA'I DKYIL 'KHOR RO, ,TING NGE 'DZIN NI LHA'I RNAL 'BYOR TE DANG PO SBYOR BA SOGS SO, ,PHYAG RGYA NI LHA LA RGYAS 'DEBS PA'I PHYAG RGYA SOGS SO, ,STANG STABS DANG 'DUG STANGS DANG LAS LA SBYOR BA DANG SLAR BSDU BA BZHI NI RIM PA LTAR GA-YAS BRKYANG LA SOGS PA DANG RDO RJE SKYIL KRUNG LA SOGS PA DANG, BSRUNG ZHING SPYAN DRANG BA SOGS DANG MCHOD BSTOD SOGS SNGON DU 'GRO BAS GSHEGS SU GSOL BA LA SLOB DPON RAB ZHI BSHES GNYEN GYIS SGYU 'PHRUL DRA BA'I 'GREL PAR BSHAD LA KUN SNYING GIS LAS LA SBYOR BA ZHI SOGS
KYI LAS LA SBYOR BA LA BSHAD CING GZHAN GSUM DON 'DRA'O, ,BZLAS BRJOD SOGS LHAG MA GSUM NI GO SLA'O, ,SGYU 'PHRUL DRA BA'I RIM PAR PHYE BA THA MAR DE NYID BCU GSUNGS PA YANG BCU TSAN PHYI MA DANG 'DRA'O, ,DE LTAR NA RGYUD SDE 'OG MA'I RDO RJE SLOB DPON YIN NA BCU TSAN 'OG MA DANG, BLA MED KYI RDO RJE SLOB DPON GYIS NI BCU TSAN DANG PO'I DE NYID BCU LEGS PAR SHES DGOS SO, ,DKYIL 'KHOR 'DRI BA'I LAS LA MKHAS PA NI THIG GIS BRI BA DANG TSON GYIS BRI BA LA SOGS PA'I BYA BA LA MKHAS PA'I,, DE DAG NI SGYU 'PHRUL DRA BA LAS, BRTAN ZHING DUL LA BLO GROS LDAN, ,BZOD LDAN DRANG ZHING GA-YO SGYU MED, ,GSANG SNGAGS RGYUD KYI SBYOR SHES PAS, ,DKYIL 'KHOR BRI BA'I LAS BYA'O, ,DE NYID BCU NI YONGS SHES SHING, ,SEMS CAN KUN LA MI 'JIGS SBYIN, ,THEG PA CHE LA RTAG DGA' BA, ,DE NI SLOB DPON YIN PAR GSUNGS, ,ZHES BSHAD PA BSDUS PA'O, ,SNGAGS BSHAD PA YI SBYOR BA SHES, ,ZHES PA LA CHAG 'GYUR DU, SNGAGS 'CHAD MKHAS PA'I SLOB DPON NI, ,ZHES 'BYUNG BA LTAR BDE STE GZHAN LA SNGAGS KYI LAM 'CHAD PA LA MKHAS PA'O, ,RAB TU DANG BA NI THEG PA CHE LA RTAG DGA' BA, ,ZHES GSUNGS PA LTAR THEG PA CHEN PO SPYI DANG KHYAD PAR DU SNGAGS KYI THEG PA LA RAB TU GUS PA'I DANG BA BRTAN PA'O, ,DBANG PO DUL BA NI DRAN SHES KYIS DBANG PO'I SGO BSDAMS PAS LOG PA'I YUL LA GA-YENG BA TSAR BCAD PA'O, ,DE DAG GI DON MDOR BSDU NA SNYING RJE CHE BA, THEG CHEN LA MI PHYED PA'I DAD PA BRTAN PA, THEG PA THUN MONG BA DANG THUN MONG MA YIN PA'I BSTAN BCOS
, ,LEGS PAR SHES PA, GDUL BYA 'KHRID PA'I RIM PA LA SHIN TU MKHAS PA, SGO GSUM GYI NYES SPYOD BSDAMS PAS DBANG PO DUL BA STE CHOS LNGA DANG LDAN PA ZHIG BLO DANG LDAN PA'I SLOB MAS BLA MAR BYA'O, ,RDO RJE GUR GYI LE'U BRGYAD PA LAS KYANG, RDO RJE SLOB DPON MTSAN LDAN NYID, ,DE YIS NYE BAR BSTAN PA'I SNGAGS, ,SGRUB PA PO LA 'GRUB BO KYE, ,BRTAN ZHING ZAB MO'I CHOS LDAN DANG, ,RIG PA'I GNAS RNAMS KUN LA MKHAS, ,SBYIN SREG DKYIL 'KHOR SNGAGS SHES SHING, , RAB GNAS GTOR MA'I PHA ROL SO ? NI, ,DE NYID BCU PO RNAM PAR RIG ,NYAN THOS SPYOD PA SKYONG BYED CING, ,SNGAGS KYI THEG PA'I RIM PAR GUS, ,GZUGS LDAN MTHONG NA DGA' BA DANG, ,DKYIL 'KHOR 'DRI MKHAS BZLAS BAR LDAN, ,RTZA BA'I LTUNG BA RAB 'JOMS SHING, ,SNGAGS DANG RGYUD KYI RAB SBYOR GYIS, ,'JIG RTEN RNAMS LA BDE STER BA, ,DE 'DRA'I BLA MA DNGOS BYAS NAS, ,GANG GIS KYANG NI SMAD MI BYA, ,ZHES RGYAS PAR GSUNGS TE KHYAD PAR DU RDO RJE SLOB DPON LA RTZA BA'I LTUNG BA DANG MI LDAN PA DGOS PAR 'DI DANG SDOM PA 'BYUNG BA LAS GSUNGS PA NI MED MI RUNG YIN PAS SNGAR BSHAD PA'I SGO GSUM GYI NYES SPYOD BSDAMS PA'I GTZO BOR GZUNG NGO, ,NYAN THOS SPYOD PA SKYONG BAR BYED PA NI BSHAD RGYUD RDO RJE PHRENG BA LAS SLOB DPON GYI MTSAN NYID KYI SKABS SU PHYI RU SA SAR THAR PA SPYOD CING NANG DU 'DUS PA'I DON LA DGA' BAR GSUNGS PA DANG DON GCIG PAS SO SOR THAR PA'I SDOM PA DANG LDAN PA STE DE YANG DGE SLONG RDO RJE 'DZIN PA MCHOG DANG DGE TSUL RDO RJE 'DZIN PA 'BRING DANG RAB BYUNG GI SDOM PA DANG MI
LDAN PA'I SNGAGS KYI SDOM LDAN KHYIM PA NI RDO RJE 'DZIN PA'I SLOB DPON THA MA'O, ,DE LTAR YANG DPAL DUS KYI 'KHOR LO'I DBANG GI LE'U'I 'GREL PAR DRANGS PA LAS, DE NYID BCU NI YONGS SHES PA, ,GSUM LAS DGE SLONG MCHOG YIN 'BRING, ,DGE TSUL ZHES BYA DE DAG LAS, ,KHYIM NA GNAS PA THA MA'O, ,ZHES GSUNGS SO, ,'DIS NI LEGS PAR GSUNGS PA'I CHOS 'DUL BA'I BSLAB PA LA TSUL BZHIN DU SLOB PA'I SNGAGS KYI SDOM LDAN DGE SLONG NI SNGAGS SGRUB PA'I LAM GYI RTEN MCHOG TU GSUNGS PAS SO SOR THAR PA GANG YIN THEG DMAN GYI YIN PAR BZUNG NAS GSANG SNGAGS DANG CHOS MI MTHUN PAR 'DOD PA NI RGYAL BA'I GSUNG RAB SPYI'I RNAM BZHAG MA CHAGS PA YIN PAR SHES PAR BYA'O, ,MTSAN NYID DU GSUNGS PA'I CHOS RNAMS YONGS SU RDZOGS PA MA RNYED NA JI LTAR BYA BA NI DPAL DON DAM PA'I BSNYEN PA LAS, RTZOD LDAN DBANG GIS BLA MA SKYON DANG YON TAN 'DRES, ,RNAM PA KUN TU SDIG PA MED PA YOD MA YIN, ,GANG ZHIG YON TAN LHAG PA YANG NI LEGS DPYAD NAS, ,BU RNAMS KYIS NI DE LA BRTEN PAR 'GYUR BA'O, , ZHES GSUNGS PA LTAR MTSAN NYID YONGS SU RDZOGS PA MA RNYED NA YON TAN SHAS CHE BA LA BRTEN PAR BYA'O, ,RDO RJE SLOB DPON NI DNGOS GRUB KYI RTZA BA YIN PAS RGYUD SDE DU MA NAS MTSAN NYID MANG DU GSUNGS PAS MTSAN NYID KYI CHOS RNAMS SHES PAR BYAS LA SLOB MA BSTAN PAR 'DOD PA RNAMS KYIS YON TAN DE DAG DANG LDAN PA LA 'BAD CING BLA MA BSTEN 'DOD PA RNAMS KYIS KYANG DE 'DRA BA 'TSEL BA LA 'BAD LA MA RNYED NA'ANG DE 'DRA BA'I MTSAN NYID CAN GYIS RJES SU 'DZIN PA'I RGYUR TSOGS GSOG PA DANG SMON
, ,LAM LA BRTZAN DGOS PAS BLA MA'I MTSAN NYID DE DAG SHES PAR BYA BA NI SHIN TU GAL CHE'O, ,BSTEN BYA'I SLOB MA JI 'DRA BA YANG SGYU 'PHRUL DRA BA'I RIM PAR PHYE BA DANG PO LAS, DE DGE DANG SGOM LA DGA' BA DANG, ,RTAG TU BLA MA LA GUS DANG, ,RGYUN DU LHA RNAMS MCHOD BYED PA'I, ,YON TAN LDAN NA SLOB MA YIN, ,ZHES GSUNGS PA LTAR SHES PAR BYA LA SPANG BYA'I SLOB MA NI, SNYING RJE MED CING KHRO LA GDUG ,CES SOGS KYI SKYON DANG LDAN PA DANG 'DIR BSHAD PA'I YON TAN CAN LAS BZLOG PA RNAMS SU SHES PAR BYA'O, ,SLOB MA'I SKYEN YON DE DAG KYANG SHES PAR BYAS LA SKYON SPONG BA DANG YON TAN DE DAG RANG LA LDAN PAR BYA BA LA 'BAD PAR BYA'O, ,GNYIS PA BSTEN TSUL RGYAS PAR BSHAD PA LA GNYIS, MA GUS BA SPANG BA DANG, GUS PA JI LTAR BSGRUB PA'O, ,DANG PO LA BZHI, BRNYAS PA DANG SMOD PA SPANG BA, THUGS DKRUG PA SPANG BA, MA MTHONG BA'I NYES DMIGS BSHAD PA, DE DAG GI DON BSDU BA'O, ,DANG PO LA GNYIS, SPYIR BSTAN PA DANG, BYE BRAG TU BSHAD PA'O, ,DANG PO NI, DE 'DRA'I MGON LA BSAMS BYAS NAS, ,SLOB MAR GYUR NAS BRNYAS NA NI, ,SANGS RGYAS THAMS CAD BRNYAS PAS NA, ,DES NI RTAG TU SDUG BSNGAL 'THOB, ,CES PAS STON NO, ,SNGAR BSHAD PA'I DE 'DRA BA'I MGON PO BLA MA LA BRNYAS SAM SMAD NA NI RTAG TU STE RGYUN DU TSOR BA SDUG BSNGAL 'THOB PAR 'GYUR RO, ,JI LTAR DU BRNYAS PAS 'THOB CE NA, BSAMS BYAS NAS TE BSAMS BZHIN DU BRNYAS SMOD BYAS NA'O, ,GANG GIS BRNYAS PAS SHE NA, DE'I SLOB MAR GYUR PA STE SLOB MA BYAS NAS DE
NAS DAS BRNYAS NA'O, ,BRNYAS SMOD BYAS TSUL NI DPAL MCHOG 'GREL CHEN LAS, GANG GIS RNAL 'BYOR PA DKYIL 'KHOR DU 'JUG PAR BYED PA'I SLOB DPON DE LA KHYOD TSUL KHRIMS 'CHAL BA DANG BRTZON 'GRUS ZHAN PA DANG, RMONGS PA YIN NO ZHES SMU PAR MI BYA'O, ,ZHES GSUNGS PA LTAR TSUL 'CHAL ZHES SOGS KYIS SMOD PA DANG BRNYAS PA'O, ,DKYIL 'KHOR DU 'JUG PAR BYED PA'I SLOB DPON ZHES BYA BA NI RGYUD DANG MAN NGAG 'CHAD PA'I SNGON DU DKYIL 'KHOR DU GZHUG DGOS PAS DE LA DGONGS PA YIN GYI DBANG BSKUR BA'I SLOB DPON KHO NA MA YIN PAS, BRNYAS PA DANG SMAD PA'I NYES DMIGS RNAMS NI RDO RJE SLOB DPON SPYI'I DBANG DU BYAS PAR SHES PAR BYA'O, ,YUL YANG RANG GI RDO RJE SLOB DPON YIN NA JI 'DRA ZHIG LA YANG MA GUS PA SPANG DGOS TE DKYIL CHOG BZHI BRGYA LNGA BCU PA'I 'GREL PAR SH'ANTI PAS, SMAD PAR MI BYA STE ZHES BYA BA NI BLA MA TSUL KHRIMS 'CHAL PA LA SOGS PAR MTHONG NA YANG MA GUS PAR MI BYA'O, ,ZHES GSUNGS PA LTAR RO, ,SANGS RGYAS THAMS CAD BRNYAS PAS NA, ZHES PA NI BRNYAS PAS RTAG TU SDUG BSNGAL 'THOB PA'I RGYU MTSAN STON PA STE RDO RJE SLOB DPON MCHOD NA SANGS RGYAS THAMS CAD LA MCHOD PAR GSUNGS PA BZHIN NO, ,GNYIS PA NI, 'O NA SLOB DPON LA BRNYAS SMOD BYAS PA DES SDUG BSNGAL JI 'DRA BA RNAMS 'THOB CE NA, SLOB DPON LA NI SMOD PA DE, ,YAMS DANG 'TSO BA'I NAD RNAMS DANG, ,GDON DANG RIMS DANG DUG RNAMS KYIS, ,RMONGS CHEN DE NI 'CHI BAR 'GYUR, ,RGYAL PO ME DANG SBRUL GDUG DANG, ,CHU DANG MKHA' 'GRO RKUN PO DANG, ,GDON DANG LOG
, ,'DREN RNAMS KYIS KYANG, ,BSAD NAS SEMS CAN DMYAL BAR 'GRO, ZHES GSUNGS SO, ,CHAG 'GYUR LAS, YAMS DANG NYER 'TSE NAD RNAMS DANG, ,GDON DANG RIMS DANG DUG GIS KYANG, ,BLA MA'I ZHABS LA SMOD PA YI, ,RMONGS CHEN DE NI 'CHI BAR 'GYUR, ,ZHES 'BYUNG BA BDE LA DE YANG MTHONG CHOS KYI NYES DMIGS DANG MA MTHONG BA SKYE BA PHYI MA'I NYES DMIGS GNYIS LAS, DANG PO NI, TSIGS BCAD DANG PO DANG RGYAL PO NAS LOG 'DREN RNAMS KYIS BSAD CES PA'I BAR GYIS BSTAN LA, GNYIS PA NI SEMS CAN DMYAL BAR 'GRO ZHES PAS BSTAN NO, ,DE LA YAMS NI RIMS LAS GZHAN PA'I 'OG NAD MI BZAD PA'O, ,NYE BAR 'CHE BA NI 'OG GI SEMS CAN GYI GNOD PA LAS GZHAN PA'I SROG CHAGS GTUM PO RNAMS KYI GNOD PA'O, ,NAD NI YAMS DANG RIMS LAS GZHAN PA'I NAD DE GUR GYI LE'U BRGYAD PA LAS, GA-YE DANG SGYU YI RAB SBYOR BAS, ,BSNYEN BKUR LOG PAS GSAL BYED NA, ,GLO KHRAG MDZE NAD NAD CHEN GYIS, ,SHI NAS DMYAL LA SOGS PAR 'GRO, ZHES GSUNGS PA LTAR RO, ,GDON NI LHA DANG KLU'I GDON LA SOGS PA'O, ,RIMS NI NYIN GCIG PA LA SOGS PA GSOR MI RUNG BA RNAMS SO, ,DUG CI SBYAR DUG LA SOGS PA STE DE DAG GIS 'CHI RKYEN BYAS NAS KHA NA MA THO BA PHUL DU BYUNG BA'I NYES DMIGS LA RMONGS PA'I RMONGS CHEN BLA MA LA SMOD PA DE NI 'CHI BAR 'GYUR RO, ,DE BZHIN DU RGYAL PO DANG DUG SBRUL DANG SHA ZA'I MKHA' 'GRO DANG CHOM RKUN PA DANG LOG 'DREN GTUM PO RNAMS KYIS KYANG GSOD LA ME DANG CHUR DUS MA YIN PAR 'TSE ZHING SHI BA'I
'OG TU YANG DMYAL BA RNAMS SU SKYE BAR 'GYUR RO, ,DE DAG NI DPAL MCHOG DANG PO'I DUM BU DANG PO LAS, SANGS RGYAS KUN MTSUNGS BLA MA YI, ,SLOB DPON LA NI GANG SMAD PA, ,DES NI SANGS RGYAS KUN SBAD PAS, ,RTAG TU SDUG BSNGAL THOB 'GYUR TE, ,RIMS DANG DUG DANG SBYAR DUG DANG, ,MKHA' 'GRO RNAMS KYIS GTZES PA DANG, ,GDON DANG LOG 'DREN GTUM PO YIS, ,BSAD NAS SEMS CAN DMYAL BAR LTUNG, ,ZHES GSUNGS PA RNAMS BSDUS PA'O, ,GNYIS PA THUGS DKRUG PA SPANG BA NI, NAM YANG SLOB DPON DAG GI NI, ,KUN TU SEMS DKRUG MI BYA STE, ,GAL TE RMONGS PAS BYAS GYUR NA, ,DMYAL BAR NGES PAR 'TSED PAR 'GYUR, ,ZHES GSUNGS TE, RANG GI KUN SPYOD GANG GIS RDO RJE SLOB DPON DAG GI SEMS DKRUG PA STE SEMS SUN DBYUNG BA DUS NAM YANG MI BYA STE GAL TE SLOB MA RMONGS PAS DE BYAS NA DMYAL BAR 'TSED CING SRAG PAR 'GYUR RO, ,LAS DE SHIN TU STOBS DANG LDAN PAS NGES PAR TE GDON MI ZA BAR 'BRAS BU 'BYIN PAR 'GYUR BA'O, ,MYONG NGAS KYI LAS YIN KYANG STOBS BZHIS 'DAG PAR BRGYAD STONG 'GREL TSAN DU GSUNGS PA NI LAM GYI RIM PAR RGYAS PAR BSHAD PA LAS SHES PAR BYA'O, ,TSIGS BCAD 'DI ZLA GSANG THIG LE LAS BSDUS PA'O, ,GSUM PA MA MTHONG BA'I NYES DMIGS BSHAD PA NI, MNAR MED LA SOGS 'JIGS RUNG BA'I, ,DMYAL BA BSTAN PA GANG YIN PA, ,SLOB DPON LA NI SMOD PA RNAMS, ,DER NI GNAS PAR YANG DAG BSHAD, ,CES PA'O, ,SNGAR BSHAD PA'I SEMS CAN DMYAL BAR 'GRO ZHES PA'I DMYAL BA NI MDO DANG RGYUD SDER MNAR MED DANG SOGS PAS BSDUS PA RAB TU TSA BA LA
, ,SOGS PA'I DMYAL BA 'JIGS SU RUNG BA STE SDUG BSNGAL CHE SHOS DE RNAMS SU SLOB DPON LA SMOD PA RNAMS GNAS NAS SDUG BSNGAL YUN RING POR MYOD DGOS PAR BSHAD DE, RDO RJE SNYING PO RGYAN GYI RGYUD KYI LE'U BCU BZHI PA DANG SGYU 'PHRUL DRA BA'I RIM PAR PHYE BA DANG PO LAS GSUNGS PA BSDUS PA'O, ,SRUNG MA RNAMS KYIS KYANG MI SRUNG STE RDO RJE SNYING PO RGYAN LAS, NGAN PA GTUM PO BLUN CHEN DE, ,PHYOGS BZHI DAG TU SONG GYUR KYANG, ,BLO LDAN RNAMS KYIS MI SRUNG BAR, ,MDUNG LA SOGS PA'I MTSON CHA YIS, ,KHA NA MA THO BYED PA GSOD, ,CES SO, ,'DUS PA'I LE'U LNGA PA LAS KYANG, SEMS CAN MTSAMS MED LA SOGS PA, ,SDIG PA CHEN PO BYED PA YANG, ,RDO RJE THEG PA RGYA MTSO CHE, ,THEG PA MCHOG NI 'DI LA 'GRUB, ,SNYING NAS SLOB DPON SMOD PA DAG ,BSGRUBS KYANG 'GRUB PAR YONG MI 'GYUR, ,ZHES GSUNGS SHING DE'I 'GREL PA SGRON GSAL LAS PHA MA DANG DGRA BCOM GSED PA DE BZHIN GSHEGS PA'I SKU 'JIG PA DAM CHOS SPONG BA STE SHI MA THAG DMYAL BAR LTUNG BA'I MTSAMS MED LNGA DANG SOGS KYIS BSDUS PA NYE BA'I MTSAMS MED DANG SDIG PA CHEN PO RTZA LTUNG BZHI SPYAD PA RNAMS KYANG BLA MA'I DRIN GYIS RDZOGS RIM THOB NA SANGS RGYAS 'GRUB PAR 'GYUR YANG, DANG POR SLOB DPON LA BSNYEN BKUR BYAS TE THOS BSAM GYIS DE KHO NA NYID RTOGS NAS DA NI 'DIS CI ZHIG BYA ZHES BLA MA LA BRNYAS PAR BYED PA NI, SNYING NAS SLOB DPON SMOD PA STE DE DANG LHAN CIG TU ZANG ZING GI LONGS SPYOD KYIS DGA' BAR BYED PAS KYANG MI 'GRUB NA DES MI 'GRUB PA SMOS CI
DGOS, ZHES CHOS SPONG DANG MTSAMS MED LAS KYANG SDIG CHE BAR GSUNGS SO, ,NGES NA NYES SPYOD DE DAG NI DNGOS GRUB THAMS CAD 'PHROG CING NGAN 'GRO SHIN TU NYAM NGA BA'I SDUG BSNGAL GYI RTZA BAR RGYUD SDE LAS YANG YANG NAN CHE BAR GSUNGS PAS GNAS 'DI LA NI SHIN TU GZAB PAR BYA'O, ,'DI YANG LAS 'BRAS SPYI RGYUN DU BSGOM PA DANG KHYAD PAR DU BLA MA LA BRNYAS SMOD DANG THUGS DKRUGS PA'I KHA NA MA THO BA'I 'BRAS BU GSUNGS PA RNAMS KYI DON LA BSAMS NAS NYES DMIGS LA SHIN TU SKRAG PA DANG DE YANG RGYU DE DAG LAS 'BYUNG BA LA NGES PA BRTAN PO RED PA LA RAG LAS TE DE GNYIS TSIG TZAM DU SONG NA NYES SPYOD DE DAG LA 'DZEM PA YANG TSIG TZAM DU 'GRO BA'I PHYIR RO, ,BLA MA LA BRNYAS PA LA SOGS PA'I LTUNG BA RNAMS LA JI MI SNYAM PAR 'JUG CING BSRUNG SDOM YAL BAR DER NAS LAM BSGOM PA SKAD BYAS KYANG NGAN 'GRO'I SGO 'BYED PAR GSUNGS PAS KHAS BLANGS PA'I DAM TSIG DANG SDOM PA BSRUNG BA NYID GZHIR BZHAG NAS LAM BSGOM PA DGOS TE, RDO RJE SNYING PO RGYAN GYI LE'U BCU BZHI PA LAS, GANG GIS SLOB DPON YANG DAG SMAD, ,DE YIS RGYUD KUN SGRUB PA'I MCHOG ,GNYID DANG 'DU 'DZI RNAM SPANGS TE, ,BSKAL PA STONG DU LEGS BSGRUBS KYANG, ,DMYAL SOGS SGRUB PAR BYED PA'O, ,ZHES DANG, BDE MCHOG RTZA RGYUD KYI LE'U DANG PO LAS KYANG, SHIN TU MNYAM BZHAG SGRUB PA POS, ,RTAG TU DAM TSIG BSKYANG BAR BYA, ,DAM TSIG NYAMS PAS DKYIL 'KHOR DU, ,DBANG SKUR DNGOS GRUB THOB MI 'GYUR, ,ZHES GSUNGS SO, ,BZHI PA DON BSDU BA NI, DE BAS 'BAD PA THAMS CAD KYIS, ,RDO RJE SLOB
, ,DPON BLO GROS CHE, ,DGE BA RAB TU MI SPYOMS PA, ,NAM YANG SMAD PAR MI BYA'O, ,ZHES SO, ,SLOB DPON LA SMAD PA'I NYES DMIGS SHIN TU CHE BA DE BAS NA NUS PA CI YOD THAMS CAD KYIS 'BAD NAS RDO RJE SLOB DPON BLO GROS TE MKHYEN PA CHE BA DANG DGE BA CHEN PO YANG MI SPYOMS PAR SBED PA LA DUS NAM YANG SMAD PAR MI BYA'O, ,ZHES SLOB MA SPYI DANG KHYAD PAR DU CHOS SHIN TU ZAB PA RNAMS GANG BYUNG BYUNG LA ZHU BA LA BRTZON ZHING GCIG LA YANG BSHES GNYEN BSTEN TSUL MI BYED PA RNAMS LA THUGS BRTZE BAS 'DOMS PA'O, ,DE LTAR RANG GI SLOB DPON LA MI SMOD PA TZAM DU MA ZAD GZHAN SMOD PA GROGS SU BYAS NA'ANG SNGAR BSHAD PA LTAR RANG GI DNGOS GRUB KYI GEGS CHEN POR 'GYUR BAS RNAM PA THAMS CAD DU SPANG BAR BYA STE, SGYU 'PHRUL DRA BA'I RIM PAR PHYE BA DANG PO LAS, SLOB DPON SMOD PAR BYAD PA DAG ,RMI LAM DU YANG MTHONG MI BYA, ,SLOB DPON SMOD PA GANG YIN DE, ,BGEGS DANG LOG 'DREN RNAMS KYIS BZUNG, ,NGAN PA GTUM PO'I LAS BYED PA, ,MKHAS PAS RTAG TU SPANG BAR BYA; ;ZHES SO, ,GNYIS PA GUS PA JI LTAR BSGRUB PA LA BRGYAD, YON DBUL BA, SANGS RGYAS SU BLTA BA, BKA' BSGRUB PA, BLA MA'I RDZAS DANG 'KHOR LA JI LTAR BYA BA, 'PHRAL GYI KUN SPYOD DAG PAR BYA BA, LUS NGAG GIS BSNYEN BKUR BA'I KHYAD PAR, NGA RGYAL SPANG BA, RANG DBANG DU MI 'JUG PA'O, ,DANG PO LA BZHI, MA GUS PA'I DAG BYED DU YON DBUL BA, YONGS SU BZUNG BA THAMS CAD 'BUL BA'I TSUL, DE LTAR BYED PA'I 'THAD PA, RGYUN GYI DAM TSIG GSUM BSRUNG TSUL LO, ,DANG PO
NI, BLA MA LA NI GUS BCAS YON, ,RJES MTHUN KHYOD KYIS SBYIN PAR BYA, ,DES NI RIMS SOGS GNOD PA RNAMS, ,PHYIR ZHING 'BYUNG BAR MI 'GYUR RO, ,ZHES GSUNGS TE, GAL TE BAG MED PAS BLA MA LA BRNYAS NA BLA MA DE LA NI SHIN TU GUS PA DANG BCAS PAS ZHAL ZAS BSTABS LA RJES SU MTHUN PA STE GANG YID DU 'ONG BA'I YON DE DANG DE KHYOD KYIS DBUL BAR BYA'O, ,DE LTAR BYAS PA DES NI SNGAR BSHAD PA'I RIMS LA SOGS PA'I GNOD PA RNAMS PHYIR ZHING STE SLAR YANG 'BYUNG BAR MI 'GYUR RO, ,'DI DPAL MCHOG 'GREL CHEN DANG BZHI BRGYA LNGA BCU PA'I 'GREL PAR BLA MA LA BRNYAS PA SLAR GSO BA'I THABS SU BSHAD DO, ,GNYIS PA NI, RANG GI DAM TSIG SLOB DPON NI, ,SBYIN MIN BU DANG CHUNG MA DANG, ,RANG SROG GIS RTAG BSTEN BYA NA, ,LONGS SPYOD GA-YO BAS SMOS CI DGOS, ,ZHES GSUNGS TE, RANG GI DAM TSIG SLOB DPON NI SNGA MA KHA CIG RANG LA DAM TSIG SBYIN PA DANG KHA CIG RANG GI DAM TSIG BSRUNG BA'I YUL GYI SLOB DPON ZHES 'CHAD KYANG, DPAL MCHOG 'GREL CHEN LAS, RTAG TU RANG GI DAM TSIG BSRUNG ZHES BYA BA NI RANG GI LHAG PA'I LHA'I SKU GSUNG THUGS KYI RDO RJE NI RANG GI DAM TSIG STA, ZHES GSUNGS LA SH'ANTI PAS KYANG RANG GI LHA'I RNAL 'BYOR LA BSHAD PAS RANG GI LHAG PA'I LHA'I SKU GSUNG THUGS DANG DBYER MI PHYED PAR BLTA BAR BYA BA'I SLOB DPON NI RANG GI DAM TSIG GI SLOB DPON NO, ,DE NI SBYIN MIN TE SBYIN PAR DKA' BA'I BU DANG CHUNG MA DANG RANG GI SROG YON DU PHUL BAS KYANG MNYES PAR BYA DGOS NA PHYI'I LONGS SPYOD GA-YO BA STE MI RTAG PA'I ZANG ZING GI RDZAS KYIS MNYES
, ,PAR BYA BA SMOS CI ZHIG DGOS, DE LTAR YANG SA BU tA'I BRTAG PA GNYIS PA'I RAB BYED DANG PO LAS, RANG GI CHUNG MA BU MO DANG, ,BRAN PHO BRAN MO SRING MO NYID, ,PHYAG 'TSAL NAS NI DNGUL BAR BYA, ,BDAG GI DNGOS PO THAMS CAD KYIS, ,BLO DANG LDAN PAS BLA MAR DBUL, ,DE RING TSUN CHAD BDAG BRAN DU, ,KHYOD LA BDAG NI 'BUL LAGS ZHES, ,DE LTAR ZHU BA BYAS GYUR PAS, ,ZHES GSUNGS SO, ,GSUM PA NI, 'O NA RANG NYID BRAN DU DBUL BA TSUN CHAD KYIS MNYES BAR BYA DGOS PA'I RGYU MTSAN CI YIN SNYAM NA, GANG PHYIR BSKAL PA BYE BA NI, ,GRANGS MED PAR YANG RNYED DKA' BA'I, ,SANGS RGYAS NYID KYANG BRTZON LDAN LA, ,TSE 'DI NYID LA STER BAR BYED, ,CES GSUNGS TE, GANG GI PHYIR GZHAN GYIS BSKAL PA BYE BA GRANGS MED PAS KYANG RNYED PAR DKA' BA'I SANGS RGYAS KYI GO 'PHANG RDO RJE THEG PA 'DIR TSE 'DI NYID LA STER NGAR BYED PA DE'I PHYIR DE LTAR MNYES PAR BYA DGOS SO, ,SU LA ZHE NA, BRTZON 'GRUS DANG RTZOL BA SHIN TU 'BAR BA DANG LDAN PA'I GDUL BYA MCHOG RNAMS LA STER BAR BYED DE BRTZON PA MED PAS BYANG CHUB PAR MA GYUR PA NI SLOB MA NYID KYI NYES PA'O, ,KYANG ZHES PAS THUN MONG GI DNGOS GRUB RNAMS TSE 'DI LA STER BAR MA ZAD CES PA'I DON NO, ,BZHI PA NI, RTAG TU RANG GI DAM TSIG BSRUNG, ,RTAG TU DE BZHIN GSHEGS PA MCHOD, ,RTAG TU BLA MA LA YANG DBUL, ,'DI NI SANGS RGYAS KUN DANG 'DRA, ,MI ZAD DE NYID 'DOD PA YIS, ,CUNG ZAD YID 'ONG GANG DANG GANG, ,SHIN TU KHYAD PAR GYUR PA NYID, ,DE DANG DE NI BLA MAR DBUL, ,DE BYIN SANGS RGYAS
THAMS CAD LA, ,RTAG TU BYIN PA NYID DU 'GYUR, ,DE BYIN BSOD NAMS TSOGS YIN TE, ,TSOGS LAS DNGOS GRUB MCHOG TU 'GYUR, ,ZHES GSUNGS SO, ,RANG GI LHAG PA'I LHA'I SKU GSUNG THUGS KYI RNAL 'BYOR NI DAM TSIG STE DE RTAG TU BSRUNG BAR BYA'O, , RTAG TU ZHES BYA BA MI ZAD PA'I DGE BA DANG BSRUNG BA'I DON SDOM PA LA GNAS SHING MI GA-YO BA LA SH'ANTI PAS BSHAD DO, ,RTAG TU RDO RJE SEMS DPA' LA SOGS PA'I DE BZHIN GSHEGS PA RNAMS LA TSOGS YONGS SU RDZOGS PAR BYA BA'I PHYIR PHYI NANG GI MCHOD PA RNAMS KYIS NAM MKHA' KHYAB PAR BYAS LA MCHOD PAR BYA'O, ,DE BZHIN DU RTAG TU BLA MA LA YON DBUL BAR BYA STE 'DI NI TSOGS BSAG PA'I ZHING DU SANGS RGYAS KUN DANG 'DRA BA'I PHYIR RO, ,YANG ZHES PAS DE BZHIN GSHEGS PA RNAMS MCHOD PA'I MCHOD PAS KYANG MCHOD PAR BYA BA SDUD DE MDOR NA SNGAR BSHAD PA LTAR MAndAL DANG PHYI NANG GI MCHOD PA THAMS CAD DANG ZANG ZING GI GTONG BA RNAMS KYIS RGYUN DU MCHOD PAR BYA'O, ,RDO RJE SNYING PO RGYAN GYI LE'U BZHI PA LAS KYANG, BLO LDAN RDO RJE SLOB MA YIS,, CI STE BDE BA KUN 'DOD NA, ,DAD MOS SEMS KYIS DBUL BAR BYA, ,YID LA GANG BSAMS MA PHUL LAM, ,KHAS BLANGS DE NI MA PHUL NA, ,YI DVAGS DMYAL BA RNAM GNYIS SU, ,NGES PAR SKYE STE BRLAG PAR 'GYUR, ,ZHES GSUNGS SO, ,MI ZAD PA'I DE NYID NI GANG THOB NA NAM MKHA' JI SRID PAR ZAD PA MED PA'I GO 'PHANG CHOS KYI SKU'O, ,DE 'DOD PA'I SLOB MA YIS RANG LA CHES YID DU 'ONG BA CUNG ZAD NAS SHIN TU KHYAD PAR DU GYUR PA'I BAR GYI YON GANG DANG GANG YIN PA DE DANG DE RNAMS BLA MA LA DBUL
, ,ZHING BLA MAS KYANG SLOB MA'I SRID PA BZLOG PA'I PHYIR DU BLANG BAR BYA STE, SAm BU tA'I BRTAG PA GNYIS PA'I RAB BYED DANG PO LAS, GANG DANG GANG ZHIG SDUG PA'I RDZAS, ,RE BA MED PA'I SEMS KYIS NI, ,DE DANG DE NYID BLA MAR DBUL, ,BLA MA'ANG SNYING RJE LDAN PAS NI, ,SLOB MA'I ZHEN PA BZLOG PA'I PHYIR, ,DE LA PHAN PA'I BSAM PAS GZUNG, ,ZHES GSUNGS SO, ,DE LTAR BYAS PA'I PHAN YON NI BLA MA DE LA RTAG TU BYIN PAS NI SANGS RGYAS THAMS CAD LA RTAG TU BYIN PA DANG 'DRA BA'I BSOD NAMS KYI TSOGS RDZOGS PAR 'GYUR LA TSOGS MANG DU BSAGS PA DE LAS NI DNGOS GRUB KYI MCHOG SANGS RGYAS MYUR DU 'THOB NA DNGOS GRUB GZHAN LTA CI SMOS, 'DIS NI SGRUB PA PO LA DNGOS GRUB 'GRUB PA NI RGYU MED DANG MI MTHUN PA'I RGYU LAS MI 'BYUNG BAS RJES SU MTHUN PA'I RGYU LA RAG LAS LA DE YANG TSOGS MANG DU GSOG PA NYID YIN ZHING TSOGS KYANG BLA MA LA BRTEN NAS BDE BLAG TU RDZOGS PAR 'GYUR BAS RDO RJE SLOB DPON NYID TSOGS GSOG PA'I ZHING MCHOG TU BSTAN PA YIN NO, ,RIM LNGA'I BDAG BYIN GYIS BRLAB PA'I RIM PA LAS KYANG, MCHOD PA THAMS CAD RNAM SPANGS NAS, ,BLA MA LA MCHOD YANG DAG BRTZAM, ,DE MNYES PAS NI KUN MKHYEN PA'I, ,YE SHAS MCHOG NI THOB PAR 'GYUR, ,BLA MED BYED PA SLOB DPON GYI, ,RDO RJE SEMS DPA' MCHOD BYAS PAS, ,DE YIS BSOD NAMS MA BYAS CI, ,DKA' THUB MA BSTEN GANG ZHIG YOD, ,CES GSUNGS SO, ,DE BAS 'BAD PA THAMS CAD KYIS, ,ZHES PA NAS, TSOGS
LAS DNGES GRUB MCHOG TU 'GYUR, ,ZHES PA'I BAR GYI TSIGS BCAD DRUG PA MA GTOGS PA RNAMS NI DPAL MCHOG DANG PO'I DUM BU GNYIS PA NAS 'BYUNG BA BSDUS PA STE TSIGS BCAD DANG PO DANG LNGA PA NI GUR GYI LE'U BCU GSUM PA LAS KYANG 'BYUNG NGO, ,GNYIS PA SANGS RGYAS SU BLTA BA LA GNYIS, DNGOS KYI DON DANG, GRIB MA SOGS LA'ANG MA GUS PA DGAG PA'O, ,DANG PO NI, DE BAS SLOB MA SNYING RJE GTONG, ,TSUL KHRIMS BZOD PA'I YON TAN LDAN, ,SLOB DPON DANG NI RDO RJE 'DZIN THA DAD PAR NI MI BRTAG GO ,ZHES GSUNGS TE, BLA MA DE NYID TSOGS GSOG PA'I ZHING DU SANGS RGYAS KUN DANG MNYAM PA DE BAS NA SLOB MA DAM PA RNAMS KYIS RDO RJE SLOB DPON DANG RDO RJE 'DZIN PA RDO RJE 'CHANG GNYIS THA DAD DU MI BRTAG PAR DE NYID RDO RJE 'CHANG DU MOS PAR BYA'O, ,SLOB MA DAM PA NI THEG CHEN GYI RTZA BA SNYING RJE DANG LUS DANG LONGS SPYOD DANG DGE BA RNAMS LA RANG DON GYI KUN 'DZIN DOR NAS SEMS CAN LA BSNGO BA'I GTONG BA DANG KHAS BLANGS PA'I SDOM PA YONGS SU DAG PA'I TSUL KHRIMS DANG SEMS CAN GYI LOG SGRUB DANG DKA' SPYAD LA MI SKYO BA'I BZOD PA'I YON TAN RNAMS DANG LDAN PA'O, ,BLA MA LA SANGS RGYAS SU BLTA BA 'DI NI RGYUD SDE DU MA LAS GSUNGS TE DPAL GSANG BA 'DUS PA'I LE'U BCU BDUN PA LAS, BCOM LDAN 'DAS DE BZHIN GSHEGS PA THAMS CAD KYI SKU DANG GSUNG DANG THUGS RDO RJE GSANG BA GSANG BA 'DUS PAS MNGON PAR DBANG BSKUR PA'I SLOB DPON LA DE BZHIN GSHEGS PA THAMS CAD DANG BYANG CHUB SEMS DPA' THAMS CAD KYIS JI LTAR BLTA
, ,BAR BGYI, RIGS KYI BU DE BZHIN GSHEGS PA THAMS CAD DANG BYANG CHUB SEMS DPA' RNAMS KYIS BYANG CHUB KYI SEMS RDO RJE BZHIN DU BLTA BAR BGYI'O, ,DE CI'I PHYIR ZHE NA, SLOB DPON NI BYANG CHUB KYI SEMS DANG MNYAM ZHING RNAM PA GNYIS SU DBYER MED DO, ,ZHES GSUNGS PA'I 'DUS PA'I DBANG BSKUR BAS NI RGYUD GZHAN GYI DBANG BSKUR BA YANG MTSON LA DBANG BSKUR BAS NI RDO RJE SLOB DPON GZHAN YANG MTSON NO, ,BYANG CHUB KYI SEMS RDO RJE NI RDO RJE 'CHANG GI MTSAN GYI RNAM GRANGS SO, ,CI LU PA'I GSANG 'DUS KYI 'GREL PA LAS, RNAM PA GNYIS SU DBYER MA MCHIS SA, ,ZHES PA NI BYANG CHUB KYI SEMS RDO RJE'I CHOS KYI SKU LAS LONGS SPYOD RDZOGS PA 'BYUNG ZHING DE NYID KYI SPRUL PA'I GZUGS RNAM PAR GNAS PA MTHONG BA'I LAM DU MI 'GYUR BA'I DUS SU DA'I LUS LA RNAM PAR GNAS NAS GZHAN GYI LAS KYI SGRIB PA LA SOGS SBYONG BAR BYED PAS NA'O, ,ZHES SANGS RGYAS DNGOS SU MTHONG MI NUS PA DA LTA 'DRA BA'I DUS SU SANGS RGYAS RNAMS RDO RJE SLOB DPON GYI LUS LA BZHUGS NAS SEMS CAN GYI DON MDZAD PAR GSUNGS SO, ,SANGS RGYAS DANG DBYER MED PAR LTA BA'I DGOS PA NI RDO RJE 'CHANG DANG BLA MA LA DAD PA MNYAM PAR BYA BA DANG RDO RJE 'CHANG GI NGA RGYAL BRTAN PAR BYA BA DANG TSEGS CHUNG NGUS TSOGS BSAGS PAS MYUR DU 'GRUB PA'I DON DU YIN PAR SH'ANTI PAS GSANG 'DUS KYI 'GREL PAR GSUNGS SO, ,RDO RJE 'CHANG NYID SEMS CAN LA PHAN PA'I CHED DU THA MAL PAR SPRUL NAS SLOB DPON GYI GZUGS 'DZIN PAR GUR GYI LE'U BCO LNGA PA LAS
GSUNGS TE JI SKAD DU, GANG NYID RDO RJE SEMS DPA' ZHAS, ,DE NYID SLOB DPON GZUGS SU 'DZIN, ,SEMS CAN PHAN GDAGS DMIGS NAS NI, ,THA MAL PA YI GZUGS SU GNAS, ,ZHES SO, ,BLA MA LA RIGS LNGA'I SANGS RGYAS SU BLTA ZHING YON TAN SEMS PA'I BLO RGYAS PAR BYED PA DANG SKYON RTOG PA'I BLO LA SDOM SEMS MANG DU BYA STE, YON TAN GANG YOD KYI NGOS NAS BRTAGS NA RANG LA DNGOS GRUB RGYAS PA'I RGYU BYED LA SKYON CUNG ZAD RE YOD PA'I NGOS NAS BRTAGS NA GDON MI ZA BAR DNGOS GRUB KYI GEGS SU 'GYUR BA'I PHYIR RO, ,DE LTAR YANG RDO RJE SNYING PO RGYAN GYI LE'U BCU BZHI PA LAS, RTAG TU BLA MA LA GUS PA'I, ,SLOB MAS BLA MA 'DI LTAR BLTA, ,BLA MA SANGS RGYAS KUN DANG MNYAM, ,DE NYID RTAG TU RDO RJE 'CHANG, ,DE BZHIN GSHEGS PA RIN CHEN 'BYUNG, ,DE NI YE SHES RGYA MTSO CHE, ,YID BZHIN NOR BU RIN CHEN SBYIN, ,DE YI YON TAN THAMS CAD GZUNG, ,SKYON KUN SEMS KYIS KYANG MI BSAM, ,YON TAN BZUNG NA DNGOS GRUB 'THOB, ,SKYON GYIS DNGOS GRUB NYAMS PAR BYED, ,CES GSUNGS TE SGYU 'PHRUL DRA BAR YANG DE BZHIN DU GSUNGS SO, ,CHED DU BYES NAS SKYON RTOG PA'I BLO LA SDOM SEMS MANG DU BSTEN ZHING DE LAS 'DAS NA BSHAGS BSDAM BYED PA DANG YON TAN GANG MTHONG BA'I PHYOGS BLOS YANG YANG 'DZIN PA 'DI NI BLA MA LA DMIGS PA'I DAD PA SBYONG THABS ZAB MO'O, ,BLA MA'I SKU LA YON TAN GYI RANG BZHIN DU BLTA TSUL KHYAD PAR CAN NI RDO RJE MKHA' 'GRO'I SO GNYIS PA LAS, SANGS RGYAS KUN GYI RANG BZHIN SKU, ,YAN LAG BYANG CHUB SEMS DPA' STE, ,BA SBU
, ,RNAMS NI DGRA BCOM NYID, ,SPYI GTZUG RIGS LNGA'I SANGS RGYAS TE, ,'JIG RTEN PA NI ZHABS KYI GDAN, ,'OD ZER GNOD SBYIN GSANG LA SOGS, ,DE LTAR YON TAN RANG BZHIN LUS, ,RNAL 'BYOR CAN GYIS RTAG TU BLTA, ,ZHES GSUNGS SHANG GDAN BZHI'I GSANG GDAN GYI RAB BYED DANG PO LAS KYANG DE DANG 'DRA BAR GSUNGS SO, ,DE LA SANGS RGYAS KUN NI RDO RJE 'CHANG STE BLA MA'I SKU NI DER BLTA'O, ,MIG DANG YAN LAG RNAMS SA'I SNYING PO LA SOGS PAR BLTA'O, ,BA SPU RNAMS DGRA BCOM PA BYE BA 'BUM PHRAG GI RANG BZHIN NO, ,GDAN BZHI LAS, DBU RGYAN RIGS NI LNGA NYID DE, ,ZHES GSUNGS SHING 'GREL PA RNAMS SU YANG DE LTAR BKRAL BAS RIGS LNGA NI DBU RGYAN NO, ,TSANGS PA DANG LHA CHEN PO LA SOGS PA'I 'JIG RTEN PA RNAMS NI ZHABS 'OG GI GDAN NO, ,GNOD SBYIN NI YONGS SU GRAGS PA DANG GSANG BA DRI ZA DANG SOGS KYI SGRAS 'BYUNG PO LA SOGS PA GZUNG NGO, ,ZHES GDAN BZHI'I 'GRAL PAR BH'A BA BHA DRAS BSHAD DO, ,SLOB DPON GYI GSANG BA'I RIS GNOD SBYIN LA SOGS PA'I RANG BZHIN NO ZHES DRAN PA YE SHES GRAGS PAS GDAN BZHI'I 'GREL PAR BSHAD LA RGYUD TSIG LA BLTAS NA BLA MA'I SKU'I 'OD ZER RNAMS GSANG BA GNOD SBYIN LA SOGS PA'I RANG BZHIN DU LTA BA 'DRA'O, ,'DI NI BLA MA'I RNAL 'BYOR RGYUD SDE NAS GSUNGS PA'I KHYAD PAR CAN ZHIG GO ,GNYIS PA GRIB MA SOGS LA'ANG MA GUS PA DGAG PA NI, MCHOD RTEN BSHIG 'DRA'I SDIG 'JIGS PAS, ,GRIB MA'ANG 'GOM PAR MI BYA NA, ,LHA MA DANG STAN DANG GZHON PA SOGS,,
'GOM MI BYA BA SMOS CI DGOS ZHES GSUNGS TE, MCHOD RTEN 'JIG PA NI NYE BA'I MTSAMS MED DU GSUNGS LA BLA MA'I GRIB MA BRDZI BA YANG DE DANG SDIG 'DRA BAS SDIG PA DE LA 'JIGS PAS GRIB MA LA YANG 'GOM PAR MI BYA NA LHAM LA SOGS PA SMOS CI DGOS, SGYU 'PHRUL DRA BA'I RIM PAR PHYE BA DANG PO LAS, DE YI GRIB MA MI GOM STE, ,MCHOD RTEN BSHIG DANG 'DRA BAR GSUNGS, ,ZHES 'DI GNYIS SDIG PA MNYAM PAR GSUNGS PA LTAR, RDO RJE SNYING PO RGYAN DANG RDO RJE MKHA' 'GRO DANG GDEN BZHI LAS KYANG GSUNGS SO, ,DE DAG GI NYES DMIGS NI GUR GYI LE'U BRGYAD PA LAS, BLA MA'I SDUG DANG GRIB MA DANG, ,BCANG LHAM STAN DANG SNGAS RNAMS LA, ,RMONGS CHEN GANG ZHIG 'GOM BYED NA, ,DES NI MI RNAMS SPU GRIR LTUNG, , ZHES DANG RDO RJE MKHA' 'GRO'I SO GNYIS PA LAS KYANG, SLOB DPON GYI NI MAL STAN DANG, ,LHAM DANG GDUGS DANG NA BZA' SOGS, ,NYE BA'I LONGS SPYOD THAMS CAD DANG, ,GRIB MA'ANG 'GOM PAR MI BYA ZHING, ,CO 'DRI BAR NI MI BYA'O, ,GAL TE BYAS NA DUS KUN TU, ,DE NI KUN TU GZIR 'GYUR ZHING, ,DON NYAMS DPAL LAS RING DU 'GYUR, ,ZHES SO, ,MI 'GOM DU MI RUNG BA BYUNG NA 'DUL BA MDO'I GNAS MAL GYI GZHI LAS, DKON MCHOG GI DON DU PHYAG BDAR BYAS PA DANG ZHAL ZHAL BYAS PA DANG DRI GTZANG KHANG DANG, SKU GZUGS DANG, MCHOD RTEN DANG SROG SHING GI GRIB MA LA GTZUG LAG GI TSIGS SU BCAD PA GDON ZHING BGOM MO, ,ZHES PA'I RIGS PA BSKRE BAR BYA'O, ,SNGAGS KYI LUGS KYIS NYES MED DU BYA TSUL NI
, ,SDOM PA BSGRAG PA'I BSHAD PAR 'DRI BAR 'GYUR RO, ,GSUM PA BKA' BSGRUB PA NI, BLO GROS CHEN POS DGA' SEMS KYIS, ,BLA MA'I BKA' NI 'BAD DE MNYAN, ,RIGS PA YIS NI MI NUS NA, ,MI NUS DE LA TSIG GIS SBYANG, ,BLA MA LAS NI DNGOS GRUB DANG, ,MTHO RIS DANG NI BDE BA 'THOB, ,DE BAS 'BAD PA THAMS CAD KYIS, ,BLA MA'I BKA' LAS 'DA' MI BYA, ,ZHES GSUNGS PA'O, ,BLO GROS CHEN PO STE SHES RAB CHE BA'I SLOB MAS RANG GI BLA MA'I BKA' STE BSGO BA NI 'BAD PA CHEN PO BYAS TE MNYAN CING BSGRUB PAR BYA'O, ,DE YANG MI 'DOD BZHIN DU MA YIN PAR SHIN TU DGA' ZHING RANGS PA'I SEMS KYIS BYA'O, ,'O NA BLA MAS BSGO BA THAMS CAD SGRUB DGOS SAM SNYAM NA, CHOS DANG LDAN PA'I BSGO BA YIN YANG RANG GIS JI LTAR BYAS KYANG MI NUS PA YIN NA MI NUS PA'I BSGO BA DE LA MI NUS PA'I RGYU MTSAN LEGS PAR BRDA SPROD PA'I TSIG GIS SHAD SBYANG BYAS NAS MA BSGRUBS KYANG NYES PA MED DO, ,GAL TE BYA BA DE RIGS PA DANG LDAN PA'I SGO NAS BSGRUB PAR NUS PA MIN PAR MI RIGS PA CHOS MI LDAN GYI BSGO BA YIN NA'ANG SNGAR LTAR SHAD SBYANG BYAS LA 'JUG PAR MI BYA STE, DPAL GSANG BA THAMS CAD KYI SPYI'I CHO GA SNYING PO RGYAN LAS 'JAM DPAL GRAGS PAS, MI DGE'I LAS SBYOR TSIG DAG LA, ,GDAS PAR GSOL TE BTANG SNYOMS GZHAG ,CES GSUNGS SO, ,'DUL BA MDO LAS KYANG, CHOS MA YIN PA SMRA NA BZLOG PAR BYA'O, ,ZHES GSUNGS PA DANG, DKON MCHOG SPRIN LAS KYANG, DGE BA'I CHOS LA DE DANG MTHUN PAR SPYOD
LA MI DGE BA LA MI MTHUN PAR SPYOD DO, ,ZHES GSUNGS PAS SDOM PA GSUM GYI BCAS PA DANG 'GAL BA LA SOGS PA BYA BA MA YIN PA LA NAN GYIS BSKUL NA DE LA NI 'JUG PAR MI BYED DE 'ON KYANG NGA RGYU MTSAN DU BYAS NAS MA DAD PA DANG SKYON BRJOD PA SOGS KYANG BYAR MI RUNG NGO, ,DE 'DRA BA MA YIN PA'I BLA MA'I CHOS LDAN GYI BKA' BSGO BA THAMS CAD LAS 'DA' BAR MI BYA BA LA 'BAD BA CI YOD THAMS CAD KYIS 'BAD DE DNGOS GRUB MCHOG THUN MONG GNYIS DANG MTHO RIS LHA MI'I RTEN DANG DE LA NYE BAR MKHO BA'I BDE BA THAMS CAD BLA MA LAS 'THOB LA DE YANG BLA MA'I GSUNG NYID SLOB MA LA BYIN RLABS 'JUG PA'I SGO'I GTZO BO YIN PA DE BAS NA GNAS DE LAS 'GAL BAR MI BYA'O, ,TSIGS BCAD PHYI MA 'DI ZLA GSANG THIG LE LAS BSDUS PA'O, , BKA' LAS 'DAS PA'I NYES DMIGS NI GUR GYI LE'U BRGYAD PA LAS, DE TSE DBANG BSKUR MCHOG THOB PA'I, ,SLOB MA'ANG BLA MA'I BKA' 'DAS NA, ,'JIG RTEN 'DIR YANG SDUG BSNGAL ZHING, ,'JIG RTEN PHA ROL DMYAL BAR 'GRO, ZHES SO, , BLA MA LAS DNGOS GRUB GNYIS 'GRUB TSUL YANG GUR GYI LE'U BCO LNGA PA LAS, 'GRO BA'I STON PA SLOB DPON DE, ,SANGS RGYAS KUN GYIS BSTOD BYAS PA, ,BDAG CAG GI NI PHA DANG MAR, ,'DI LTAR DE NI YID LA BSAM, ,DE CI'I PHYIR ZHE NA, DE BZHIN GSHEGS PA RNAMS KYIS GSUNGS PA, RDO RJE SEMS DANG SANGS RGYAS DANG, ,RDO RJE CHOS DANG GZI BRJID DANG, ,RTA YI RGYAL PO'I DNGOS GRUB NI, ,GANG PHYIR DES NI DKA' BA MIN, ,MIG SMAN DANG NI RKANG MGYOGS DANG, ,RAL GRI DANG NI SA
, ,'OG 'GRAB, ,RI LU DANG NI MKHA' SPYOD NYID, ,MI SNANG BA DANG BCUD KYIS LEN, ,GANG PHYIR DES NI RDO RJE CAN, ,MNYES PAR BYAS PAS MYUR DU 'THOB, ,DE PHYIR SLOB DPON MDUN BYON NAS, ,DE BZHIN GSHEGS RNAMS PHYAG 'TSAL LO, ,ZHES SO, ,BZHI PA BLA MA'I RDZAS DANG 'KHOR LA JI LTAR BYA BA NI, BLA MA'I RDZAS NI SROG JI BZHIN, ,DE YI SDUG PA'ANG BLA MA BZHIN, ,BLA MA'I 'KHOR NI GNYEN BZHIN DU, ,MNYAM PAR BZHAG BAS RTAG TU BSAM, ,ZHES GSUNGS TE, RANG GI SROG LA PHANGS BAR BLTAS NAS MA NYAMS PAR SKYONG BA JI LTA BA DE BZHIN DU BLA MA'I RDZAS LA YANG DE BZHIN DU BYA'O, ,BLA MA LA GUS PAR BYA BAR MA ZAD BLA MA DE'I SDUG PA BU DANG PHYAG RGYA SOGS LA'ANG DE BZHIN DU GUS PAR BYA LA BLA MA'I 'KHOR NYE BAR GNAS PA RNAMS LA YANG GNYAN LA BRTZE BA BZHIN DU BRTZE BAR BYED PA LA MNYAM PAR BZHAG PA STE SEMS RTZE GCIG PAS DUS RTAG TU BSAM PAR BYA'O, ,LNGA PA 'PHRAL GYI KUN SPYOD DAG PAR BYA BA LA GSUM, MI RIGS PA'I KUN SPYOD DGAG PA, RIGS PA'I KUN SPYOD BSTEN PA, MI RIGS PA'I SPYOD LAM 'GOG TSUL GZHAN BSTAN PA'O, ,DANG PO LA GNYIS, MTHONG BA'I NYE 'KHOR GYI BSLAB BYA DANG, THOS PA'I NYE 'KHOR GYI BSLAB BYA'O, ,DANG PO NI, MAL STAN 'DUG DANG SNGON 'GRO DANG, ,GTZUG TOR DAG DANG BCAS PA DANG, ,STAN LA RKANG 'JOG RKAD PAR NI, ,LAG BZHAG MNYE BAR MI BYA'O, ,BLA MA DAG NI LANGS PA NA, ,NYAL DANG 'DUG PAR MI BYA'O, ,RTAG TU DE YI BYA BA LA, ,LDANG MKHAS PHUN SUM TSOGS PAR BYA, ,MCHIL MA LA SOGS
'DOR BA DANG, ,STAN LA RKANG BA RKYONG BA DANG, ,'CHAG DANG RTZAD PAR SMRA BA DAG ,BLA MA'I MDUN DU MI BYA'O, ,YAN LAG MNYE DANG GAR DAG DANG, ,GLU DANG ROL MO MI BYA ZHING, ,ZHES TSIGS BCAD PHYED DANG BZHIS BSTAN NO, ,MAL STAN LA 'DUG PA BLA MA'I MDUN DU MI BYA'O ZHES SBYAR TE STAN TZAM LA 'DUG PA NI MA BKAG GO ,'GRO BA'I TSE BLA MA'I SNGON TE MDUN DU 'GRO BAR MI BYA STE RDO RJE SNYING PO RGYAN GYI RGYUD LAS, MDUN 'GRO BA DANG RKANG PA BRKYANG, ,YANG DAG NYID DU MI BYA'O, ,ZHES BSHAD DO, ,GTZUG TOR DAG DANG BCAS PA NI THOD BCING BA STE DE BLA MA'I MDUN DU MI BYA'O, ,DE LTAR YANG RDO RJE SNYING PO RGYAN GYI LE'U BCU BZHI PA LAS, MGO THOD BCING DANG MTSON DBYUG PA, ,BLA MA'I DRUNG DU MI BYA'O, ,ZHES SO, ,STAN LA RKANG 'JOG NI GDAN LA 'KHOD PA'I TSE BLA MA LAS SNGAR GDAN STENG DU 'GRO BA DANG BLA MA SA SRE BO LA GNAS PA'I TSE RANG STAN LA GNAS PA STE DE MI BYA'O, ,RKED PAR NI, LAG BZHAG MNYE BAR MI BYA BA LA CHAG LOS, LAG BZHAG DRUNG DU MI BYA'O, ,ZHES BSGYUR BA BDE STE YAN LAG MNYE BA 'GOG PA 'OG TU STON PAS SO, ,DES NA RKED PAR LAG PA GNYIS BZHAG NAS GRU MO BSNYUNG BSNYUNG POR BYED PA BLA MA'I DRUNG DU MI BYA'O, ,BLA MA DAG NI ZHES SOGS LA CHAG 'GYUR DU, BLA MA DAG NI BZHUGS BZHENGS NA, ,NYAL DANG 'DUG PAR MI BYA'O, ,ZHES 'BYUNG BAS, BLA MA BZHENGS PA'I TSE NYAL BA DANG 'DUG PA GNYIS DANG BZHUGS PA'I TSE NYAL BAR MI BYA'O, ,DUS RTAG TU BLA MA DE'I BSNYEN BKUR BA'I BYA BA LA LDANG MKHAS TE LDANG BA YANG PA DANG DE DAG SGRUB PA LA MKHAS PA PHUN SUM TSOGS PAR BYA'O,,
, ,MCHIL MA DANG SOGS KYIS BSDUS PA SNABS DANG LUD PA SOGS 'DOR BA DANG STAN LA 'KHOD PA'I TSE RKANG PA RKYONG BA DANG PHAN TSUN DU 'CHAG PA DANG RTZOD PAR SMRA BA STE KHA STOBS 'GYED PA RNAMS BLA MA'I SKU MDUN DU MI BYA'O,, YAN LAG LAG PA LA SOGS PA MNYE BA DANG GAR DANG GLU DANG ROL MO RNAMS TSOGS 'KHOR SOGS KYI SKABS RNAMS MA GTOGS PA BLA MA'I DRUNG DU MI BYA'O, ,GNYIS PA NI, GTAM GYI SPYIR BA MANG PO RNAMS, ,THOS PA'I NYE 'KHOR DU MI BYA, ,ZHES GSUNGS TE, BRE MO'I GTAM GYI SBYOR BA MANG PO RNAMS BLA MA DES THOS PA'I NYE 'KHOR DU MI BYA'O, ,MCHIL MA ZHES PA NAS NYE 'KHOR DU MI BYA, ZHES PA'I BAR PHAL CHE BA NI BSHAD RGYUD RDO RJE PHRENG BA LAS GSUNGS SO, ,RDO RJE SNYING PO RGYAN GYI RGYUD LAS KYANG, BRO BRDUNG BA DANG BA RKAM ? CHIG DAG ,THES PA'I YUL NAS MI BYA'O, ,ZHES SO, ,GNYIS PA RIGS PA'I KUN SPYOD BSTEN PA NI, BTUD DE STAN LAS LDANG BA DANG, ,GUS PA YIS NI 'DUG PAR BYA, ,MTSAN CHU 'JIGS BCAS LAM DU NI, ,BSGO BA THOB NAS MDUN 'GRO BYA, ,ZHES GSUNGS TE, STAN LAS LDANG BA DANG 'DUG PA LA GUS PA'I SPYOD LAM GYIS BYA STE BTUD DE ZHES PA YANG GUS PA'I SPYOD LAM MO, ,MTSAN MO DANG CHU BRGAL BA DANG 'JIGS PA YOD PA'I LAM DU 'GRO BA'I TSE NI SNGON DU SONG ZHIG CES PA'I BSGO BA BLA MA LAS THOB NAS MDUN DU 'GRO BAR BYA'O, ,'DI NI SNGON 'GRO MI BYA'O ZHES PA'I DMIGS BSAL LO, ,DE NI RDO RJE SNYING PO RGYAN GYI RGYUD LAS, MTSAN MO DANG NI CHU BRGAL DANG, ,GCOD RONG DAG TU
GNAS GYUR NA, ,BKA' LUNG GNYER DU DGUM PA'I PHYIR, ,MDUN DU 'GRO BA NYES ME 'GYUR, ,ZHES GSUNGS SO, ,GSUM PA MI RIGS PA'I SPYOD LAM DGAG PA GZHAN BSTAN PA NI, SLOB DPON GYIS MTHONG MDUN DU NI, ,BLO DANG LDAN PAS LUS BCU DANG, ,KA BA LA SOGS BRTEN MI BYA, ,SOR MO'I TSIGS NI BGRANG MI BYA, ,ZHES GSUNGS TE, SLOB DPON GYI MDUN DU BLO LDAN GYI SLOB MAS LUS PAN TSUN DU GCU BA DANG KA BA DAD RTZIG PA SOGS LA RGYAB BRTEN PA DANG SOR MO'I TSIGS BGRANG BAR MI BYA'O,, SNYING PO RGYAN LAS, TSIGS NYED PA DANG RKANG RKYOD DANG, ,ZHES 'BYUNG BAS, TSIGS 'THEN ZHING NYED PA MI BYA BA'I DON TE, GZHUNG KHA CIG LAS, SOR MO'I TSIGS GIS NI DRANG MI BYA, ,ZHES 'BYUNG BA DAG PAR SNANG NGO, ,DRUG PA LUS DAG GIS BSNYEN BKUR BA'I KHYAD PAR BSTAN PA LA GNYIS LAS, LUS KYIS BSNYEN BKUR BA'I KHYAD PAR NI, RKANG BKRU BA DANG LUS BKRU DANG, ,DRIL DANG MNYE BA LA SOGS LA, ,PHYAG NI SNGON DU 'GRO BAS BYA, ,DE BZHIN MTHAR YANG CI BDER BYA, ,ZHES GSUNGS TE, BLA MA'I ZHABS NYI TSE DANG SKU LUS RIL PO CHUS 'KHRU BA DANG SKU LA DRIL PHYIS BYED PA DANG SKU MNYE LA SOGS BYED PA LA PHYAG 'TSAL BA SNGON DU 'GRO BA STE SNGON DU BTANG NAS BYA ZHING SNGON DU PHYAG 'TSAL BA DE BZHIN DU BYA BA DE DAG ZIN PA'I MTHAR YANG PHYAG BYA'O, ,DE NAS NI RANG GI BYA BA LA CI BDER 'JUG PAR BYA'O, ,NGAG GIS BSNYEN BKUR BA'I KHYAD PAR NI, DE YI MTSAN SMOS BRJOD NA NI, ,MING MTHAR ZHAL SNGA LDAN PAR BYA, ,GZHAN DAG GUS PAR BYA BA'I PHYIR, ,KHYAD PAR CAN GYI TSIG DAG BRJOD,
, ,CES GSUNGS TE, BLA MA DE'I MTSAN NAS SMOS TE BRJOD DGOS PA BYUNG NA NI MING GI MTHAR ZHAL SNGA NAS ZHES PA LDAN PAR BYAS TE BRJOD PAR BYA'O, ,DE TZAM DU ZAD DAM SNYAM NA, KHYAD PAR CAN TE BKUR BA'I TSIG GZHAN YANG BRJOD PAR BYA STE DE NI GZHAN DAG BLA MA LA GUS PA BSKYED PA'I PHYIR RO, ,DPER NA BLA MA'I MTSAN RIN CHEN RDO RJE ZHES PA LTA BU YIN NA RJE BTZUN DAM PA RAN CHEN RDO RJE'I ZHAL SNGA NAS ZHES PA LTA BU'O, ,'DIS MIG 'DREN BYAS NAS GZHAN DAG BLA MA LA GUS PAR 'GYUR BA'O, ,CHAG LOS, DE MTSAN MDOR BRJOD GZUNG BYA MIN, ,MTSAN MTHAR ZHAL SNGA YANG DAG LDAN, ,GZHAN RNAMS GUS PAR BYA BA'I PHYIR, ,KHYAD PAR CAN GYI MTSAN RNAMS BRJOD, CES BSGYUR MOD KYI 'GYUR SNGA MA LEd PAR MTHONG NGO, ,BDUN PA NGA RGYAL SPANG BA LA GSUM, BSGO BA NYAN PA LA NGA RGYAL SPANG BA, CHOS NYAN PA SOGS LA NGA RGYAL SPANG BA, KUN SPYOD SPYI LA NGA RGYAL SPANG BAR BSTAN PA'O, ,DANG PO NI, BLA MA LA NI BKA' STZAL ZHU, ,BKA' BZHIN BGYID CES BRJOD PAR BYA, ,THAL MO SBYAR ZHING MA YENGS PAR, ,BLA MAS BSGO BA MNYAN PAR BYA, ,RGOD DANG LUD PA LA SOGS LA, ,LAG PAS KHA NI DGAB PAR BYA, ,BYA BA ZIN NAS 'JAM PA YI, ,TSIG DAG GIS NI GDAS PAR BYA, ,ZHES GSUNGS TE, BLA MA LA THOG MAR BDAG GIS GANG BGYID DGOS PA BKA' STZAL BAR ZHU ZHES ZHUS LA 'DI DANG 'DI GYIS ZHES BLA MAS BSGO BA NA LUS THAL MO SBYAR ZHING SEMS GZHAN DU MA YENGS PAR MNYAN PAR BYA ZHING NGAG RDZOGS
PA'I 'OG TU JI LTAR BKA' STZAL PA BZHIN BGYID DO ZHES BRJOD PAR BYA'O, ,DE NAS GANG GYIS GSUNG BA'I BYA BA DE BSGRUBS ZAN NAS SHIN TU 'JAM PA'I TSIG DAG GIS NI 'DI LTAR BGYIS LAGS ZHES GANGS PA STE GO BAR BYA'O, ,BSGO BA NYAN PA DANG SKABS GZHAN DU YANG LUNG PA LU BA DANG, RGOD PA DANG SOGS KYIS BSDUS PA GLAL PA LA SOGS PA'I TSE MI MI ZAS PA SPANG PA'I PHYIR LUG PAS KHA BKAB LA BYA'O, ,CHAG LOS, BLA MA YIS NI BKA' STZOL LA, ,BKA' STZAL LAGS ZHES MYUR DU BRJOD, ,CES BSGYUR PA NI DA LTA YANG YUL 'GA' ZHIG NA DE LTAR BYED PA SNANG MOD BYAD SNGA MA LEGS PAR RTOGS SO, ,RDO RJE SNYING PO RGYAN GYI RGYUD LAS KYANG, DE BAS BLA MA'I ZHABS DRUNG DU, ,BAG MA BZHIN DU NGO TSA BSRUNG, ,GLO DANG RGOD PA LUD PA SOd, KHA LA LAG PAS BKAB NAS SU, ,SHIN TU 'JAM PAR SMRA BAR BYA, ,ZHES DANG, LAS NI GANG DAG BYED PA'AM, ,MNYAN PA LA SOGS 'DOD DE LA, ,GZUNG PHYIR THAL MO MA BSHIG PAR, ,GNAS NAS LANGS TE MTHONG YUL DU, ,RGYAB KYIS PHYOGS PAR MI BYA STE, ,ZHES GSUNGS SHING BLA MAS MTHONG BA'I NYE 'KHOR 'DAS 'DAS SU RGYAB BSTAN TE MI 'GRO BAR YANG GSUNGS SO, ,GNYIS PA NI, MDUN DU DUL BAR 'DUG PA DANG, ,GOS SOGS TSUL NI BSDAMS PA DANG, ,PUS BTZUGS THAL MO SBYAR PA YIS, ,NYAN SOGS 'DOD PAS GSOL GSUM GDAB, ,CAS GSUNGS TE, CHES NYAN PAR 'DED PA'I SLOB MAS CHOS DE ZHU BA'I DUS SU GSOL BA LAN GSUM DU GDAB PO, ,SPYOD LAM CI 'DRA BAS SHEN, BLA MA'I MDUN DU 'GYING BA SPANGS TE DUL
, ,BAR 'DUG PA DANG GOS TSUL BZHIN DU BGO BA LA SOGS PA'I SGO NAS KUN SPYOD BAG MED DU MA SONG BAR BSDAMS PA DANG PUS MO SA LA BTZUGS SHING THAL MO SPYAR NAS GSOL BA GDAB BO, ,SOGS KYI SGRAS NI DBANG DANG SDOM PA ZHU BA LA SOGS PA RNAMS GZUNG STE NYAN PA NI CHOS KYI MTSAN NYID GTAN LA 'BEBS PA TZAM GYI PHYIR DU NYAN PA'O, ,GSUM PA NI, BSNYEN BKUR SPYOD PA THAMS CAD LA, ,YID NI NGA RGYAL MAD PAR BYA, ,NGO TSA 'JIGS SHING BSDAMS PA YIS, ,BAG MA GSAR PA'I TSUL GNAS BYA, ,SGEG PA LA SOGS BYA BA KUN, ,STON PA'I MDUN DU SPANG BAR BYA, ,GZHAN YANG DE 'DRA'I BYA BA NI, ,RANG GIS BRTAGS LA DOR BAR BYA, ,ZHES GSUNGS TE SNGAR BSHAD PAS MTSON NAS BLA MA BSNYEN BKUR BA'I RANG GI KUN SPYOD THAMS CAD LA YID NGA RGYAL DANG MA 'DRES PAR BYA STE YUL DAM PA LA NGA RGYAL BSKYED PA NI KHA NA MA THO BA CHES LCI BAR SHES RAB KYI PHA ROL TU PHYIN PA LAS GSUNGS PAS NYES DMIGS CHE BA'I PHYIR RO, ,DES NA GUS PAS 'DZAM PA'I NGO TSA SHES PA DANG BLA MA LA 'JIGS SHING KUN SPYOD SHIN TU BSDAMS PA'I SGO NAS BAG MA GSAR PA BZHIN DU GNAS PAR BYA'O, ,SGEG CHOS SU 'GRO BA LA SOGS PA'I BYA BA KUN RANG LA LAM STON PA'I BLA MA'I MDUN DU SPANG BAR BYA ZHING DE LAS GZHAN YANG NGA RGYAL DANG SGEG CHOS SU 'GYUR BA DE DANG 'DRA BA'I KUN SPYOD MI RIGS PA'I BYA BA KUN RANG GI BLOS BRTAGS LA 'DI MA RUNG NGAM SNYAM PA THAMS CAD DOR BAR BYA'O, ,BRGYAD PA RANG DBANG DU MI 'JUG PA LA BZHI, GZHAN DON LA 'JUG
PA'I TSE GNANG BA NOD PA, ZHUGS PA LAS BYUNG BA'I RNYED PA BSTAB PA, BLA MA'I SPYAN SNGAR GZHAN GYI BSNYEN BKUR BDAG GIR MI BYA BA, LUS KYI SPYOD LAM CHES GUS PAR BYED TSUL LO, ,DANG PO NA, RAB GNAS DKYIL 'KHOR SBYIN SREG DANG, ,SLOB MA BSDU DANG 'CHAD PA RNAMS, ,YUL DER BLA MA GNAS PA NA, ,RJES MA GNANG BAR MI BYA'O, ,ZHES GSUNGS TE, RAB GNAS DANG DKYIL 'KHOR TE DBANG BSKUR BA DANG SBYIN SREG BYED PA DANG SLOB MA BSDUS NAS TSOS 'CHAD PA RNAMS LA YUL DE NA BLA MA GNAS PA NA RJES SU GNANG BA ZHUS LA BLA MAS GNANG NA BYA'I MI GNANG BAR MI BYA'O, ,YUL DER BLA MA MED NA NI GNANG BA ZHU MI DGOS SO, ,GNYIS PA NI, SPYAN 'BYED SEGS LA CI THOB PA, ,DE KUN BLA MA DAG LA DBUL, ,DE YIS BSTABS PA BLANGS NAS NI, ,GZHAN DAG LA NI CI BDER BYA, ,ZHES GSUNGS TE, SPYAN 'BYED NI RAB GNAS KYI MING GI RNAM GRANGS TE DE DANG DBANG BSKUR SOGS BYAS PA LAS BYUNG BA'I YON CI THOB PA KUN RANG GI BLA MA LA DBUL LO, ,CHAG LOS, DE YIS DE LA 'DOD BLANGS NAS, ,ZHES BSGYUR BA LTAR BLA MA DES SLOB MAS BSTABS PA DE LAS RANG GANG 'DOD PA ZHIG BLANGS NAS LHAG MA GZHAN DAG LA NI SLOB MAS CI BDER LONGS SPYAD PAR BYA'O, ,GSUM PA NI, BLA MA'I SLOB MA SLOB MAR MIN, ,SLOB MA'ANG BLA MA'I MDUN DU MIN, ,BSNYEN BKUR DAG DANG LDANG BA DANG, ,PHYAG SOGS BYAD PA BZLOG PAR BYA, ,ZHES GSUNGS TE, BLA MA'I SLOB MA RANG GI SLOB MAR BYA BA MIN LA RANG GI SLOB MA LA'ANG BLA MA'I MDUN DU CHOS BSTAN PAR BYA BA MIN NO, ,BLA MA'I SLOB MA RANG GI SLOB MAR MI BYA BA LA PAndI TA KHA CIG DES RANG LA BSNYEN BKUR BYED KYI BLA MA LA BSNYEN
, ,BKUR CHUNG DU 'GRO NA SLOB MAR MI BYA BA YIN ZHES RJOG ZHE SDANG RDO RJE GSUNG YANG, GZHUNG DAG PA RNAMS LAS, SLOB MA'ANG BLA MA'I MDUN DU MIN ZHES 'ANG GI SGRA YOD PAS BLA MA'I SLOB MA BLA MA'I MDUN DU SLOB MAR MI BYA ZHES PA'I DON NO, , RANG GI SLOB MAS BLA MA'I MDUN DU GOS GA-YOG PA SOGS KYI BSNYEN BKUR DANG STAN LAS LDANG BA DANG PHYAG LA SOGS PA BYED PAR SNANG NA DE LTAR MA BYED CES BZLOG PAR BYA'O, ,BZHI PA NI, SLOB DPON LA NI GANG 'BUL DANG, ,BLA MAS KYANG NI GANG STZAL PA,, DE LA BTUD DE LAG GNYIS KYIS, ,BLO DANG LDAN PAS BLANG BAR BYA, ,ZHES GSUNGS TE, SLOB DPON LA YAR GANG 'BUL BA DE BLO DANG LDAN PA'I SLOB MAS GUS PAS BTUD DE LAG PA GNYIS KAS DBUL ZHING DER MA ZAD BLA MAS KYANG RANG LA GANG STZAL BA DE NI BTUD DE LAG PA GNYIS KYIS BLANG BAR BYA'O, ,CHAG 'GYUR LAS, DE NI BTUD DE LAG GNYIS KYIS, ,BLO DANG LDAN PAS DBUL ZHING BLANG, ,ZHES 'BYUNG BA BDE'O, ,SAm PU tA NAS, GANG ZHIG BYIN PA DE DANG DE, ,PHYAG BYAS NAS NI BLANG BAR BYA, ,ZHES BYIN PA LEN PA LA PHYAG BYED PAR GSUNGS SO, ,GNYIS PA ZHAR BYUNG GI DON NI, DRAN PA BRJED MED GYUR PA DANG, ,RANG GI KUN SPYOD LA BRTZON PAS, ,SPUN GYI RANG SPYOD LAS 'DAS PA, ,DGA' BAS PHAN TSUN BZLOG PAR BYA, ,ZHES GSUNGS TE, RANG GI DAM TSIG RNAMS LA DRAN PA BRJED PA MED PA NI MTSON PA STE DE DANG SHES BZHIN MA NYAMS PAR GYUR PA YIS RANG GI KUN SPYOD RDO RJE 'CHANG GI BCAS PA RNAMS LA BRTZON PAR BYAS PA'I SGO NAS SPUN TE BLA MA GCIG PA'I GROGS RNAMS KYI RANG GI KUN SPYOD BCAS
MTSAMS LAS 'DAS PA RNAMS KYANG BZLOG NAS BCAS PA DANG MI 'GAL BAR BYA'O, ,DE YANG DGA' BA'I BSAM PAS PHAN TSUN TE GCIG LA GCIG GIS CHOS KYI GROGS BYA'O, ,CHAG LOS, DRAN PA BRJED MED GYUR PA YIS, ,ZHES BSGYUR RO, ,'DI NI BLA MA LA JI LTAR SGRUB PA'I SKABS SU ZHAR LA GROGS LA JI LTAR BYA BA BSTAN PA'O, ,GNYIS PA DMIGS KYIS BSAL BA NI, NA BAS BLA MA'I BYA BA LA, ,BTUD DE RJES MA GNANG BA YANG, ,BKAG PA RNAMS NI SPYAD BYAS KYANG, ,DGE SEMS CAN LA SDIG MI 'GYUR, ,ZHES GSUNGS TE, 'DIS NAD PA LA NYES MED DU 'GRO TSUL STON NO, ,DE NI BLA MA LA BRNYAS PA DANG SMOD PA DANG THUGS DKRUG PAR BYED PA LTA BU LA RKYEN LA LTOS NAS GNANG BA YOD PA MA YIN GYI, MAL STAN 'DUG DANG SNGON 'GRO DANG, ,ZHES PA LTA BU'I BCAS PA RKYANG PA'I NYES PA 'GA' ZHIG NAD PA LTA BU LA RKYEN LA LTOS NAS GNANG BA YIN NO, ,DE YANG NAD PAS BLA MA'I BSNYEN BKUR BA BSGRUB PA'I BYA BA RNAMS LA BTUD DE ZHES PA GUS PAS SGRUB PAR 'DOD NA'ANG NAD KYI DBANG GIS SGRUB PAR MA NUS PA DANG BLA MA'I MDUN DU MAL STAN LA 'DUG PA LTA BU MIN PA'I TSE BKAG PA RNAMS NI SPYAD PAR BYAS KYANG SHIN TU DGE BA'I SEMS DANG LDAN PA LA BCAS PA'I SDIG STE LTUNG BAR MI 'GYUR RO, ,'O NA DE DAG LA BLA MA LA GNANG BA ZHU DGOS SAM SNYAM NA, DE'I TSE RJES SU MA GNANG BAR YANG ZHUGS PA LA NYES PA MED PAS GNANG BA GSOL MI DGOS SO, ,CHAG LOS, NA DANG BLA MA'I BYA BA LA, ,BTUD DE RJES SU GNANG BA YIS, ,BKAG PA RNAMS NI SPYAD BYAS KYANG, ,DGE SEMS CAN LA LTUNG MED 'GYUR, ,ZHES BSGYUR BA LTAR NA NAD PA
, ,MIN YANG BCAS PA RKYANG PA'I RIGS 'GA' ZHIG LA BLA MAS RJES SU GNANG NA'ANG NYES MED DU 'GYUR BAR STON PA'O, ,NYES MED DU 'GRO TSUL RGYAS PAR NI SNYING PO RGYAN LAS, NA DANG DBANG NYAMS BYA BA DANG, ,GZHAN GYI DON DANG DON CHEN DANG, ,SKYE MED BSTAN PA DGOS LDAN DANG, ,NUS PA RNYED DANG GNANG BA DANG, ,BKA' BSGO BA DANG BAR CHAD LAS, ,NYES PA MED PAR SHES PAR BYA, ,ZHES GSUNGS SO, ,GSUM PA BSTEN TSUL GYI DON BSDU BA NI, 'DIR MANG SMRA BA CI ZHIG DGOS, ,BLA MA DGYES BYED GANG YIN BYA, ,MI MNYES BYED KUN SPANG BA NI, ,DE DANG DE LA 'BAD DE BYA, ,DNGOS GRUB SLOB DPON RJES 'BRANG ZHES, ,RDO RJE 'DZIN PA NYID GSUNG BAR, ,SHES NAS DNGOS PO THAMS CAD KYIS, ,BLA MA YONGS SU MNYES PAR BYA, ,ZHES GSUNGS TE, BLA MA BSTEN PA'I SKABS 'DIR MANG PO SMRA CI ZHIG DGOS TE BLA MA BSTEN PA'I GNAD BSDUS PA GZUNG BAR BYA'O, ,DE NI BLA MA DGYES BYED GANG YIN PA DE SHES PAR BYAS NAS SGRUB PA DE DANG MI MNYES PA'I RGYA GANG YIN PA DE SHES PAR BYAS NAS SPONG BA DA LA NI 'BAD DE BYED PA YIN NO, ,DE LTAR BYED PA YANG DNGOS GRUB THAMS CAD RDO RJE SLOB DPON MNYES PAR BYAS PA'I RJES SU 'BRAD BA STE RJES SU 'GRO LDOG BYED DO ZHES RDO RJE 'DZIN PA NYID KYIS GSUNGS PAS DE SHES NAS SGO GSUM GYI DNGOS PO THAMS CAD KYIS BLA MA RDO RJE SLOB DPON MNYES PAR BYA'O, ,RDO RJE SNYING PO RGYAN GYI RGYUD LAS KYANG, DE BAS THABS NI THAMS CAD KYIS, ,RDO RJE 'DZIN PA BLA MA MCHOG ,RJES SU MTHUN PAS MNYES PAR BYA, ,DE MNYIS SANGS RGYAS THAMS CAD MNYES, ,ZHES SO, ,GNYIS PA
BSTEN TSUL BSHAD PA'I DUS NI, BSAM PA DAG PA'I SLOB MA NI, ,DKON MCHOG GSUM LA SKYABS SONG LA, ,BLA MA'I RJES SU 'JUG PA 'DI, ,KHA BTON BYA BAR SBYIN PAR BYA, ,ZHES GSUNGS TE, SBYIN PAR BYA ZHES BSHAD GZHIR BYA'O, ,GANG SBYIN NA RANG DBANG DOR NAS BLA MA'I RJES SU 'JUG PA'I BSTEN TSUL GYI GZHUNG 'DI'O, ,CI ZHIG GI DON DU SBYIN ZHE NA, KHA BTON BYA BAR SBYIN PA STE GZHUNG 'DI'I TSIG MI BRJED PAR YANG YANG 'DON PA DANG DON RNAMS SHES PAR BYAS NAS DE DAG LA DRAN SHES BSTEN TE 'JUG LDOG TSUL BZHIN DU BYA BA'I PHYIR DU SBYIN NO, ,GANG LA SBYIN NA SLOB MA LA NI'O, ,SLOB MA CI 'DRA BA ZHIG SNYAM NA, KHYAD PAR GNYIS DANG LDAN PA STE DANG PO NI, SANGS RGYAS DANG CHOS DANG DGE 'DUN TE DKON MCHOG GSUM LA SKYABS SU SONG BA STE SKYABS 'GRO THUN MONG MA YIN PA'I SDOM PA DANG LDAN PA'O, ,GNYIS PA NI, BSAM PA DAG PA STE SMON PA DANG 'JUG PA'I BYANG CHUB KYI SEMS RNAM PA GNYIS TSUL BZHIN DU BSKYED PA'O, ,'DIS NI SNGAGS DANG PHAR PHYIN GYI THEG PA GNYIS KYI THUN MONG BA'I LAM GYI RIM PAR LA BLO LEGS PAR SBYANGS PA LA GZHUNG 'DI 'CHANG PAR BSTAN NO, ,SKYABS 'GRO DANG BYANG CHUB KYI SEMS RNAM PA GNYIS LA MTHA' DAG PAR SLOB TSUL NI BDAG GIS BYANG CHUB LAM GYI RIM PAR RGYAS PAR GTAN LA PHAB ZIN NO, ,'DI'I 'OG NAS, DE NAS SNGAGS SOGS BYIN PA YIS, ,DAM CHOS SNOD DU BYAS NAS SU, ,ZHES BLA MA'I BSTEN TSUL BSLABS PA'I RJES DE NAS SNGAGS KYI LAM GYI SNOD DU BYED PAR GSUNGS PAS LAM THUN MONG BA LA SBYANGS TE SNGAGS KYI SGOR 'JUG 'DOD PA NA RDO RJE SLOB DPON RDO RJE SLOB MAS 'DI LTAR
, ,BSTEN DGOS SO ZHES 'CHAD PA NI GZHUNG GI DGONGS PA YIN NO, ,DES NA BLA CHEN 'BROG MI STA GON GYI SKABS SU SKYABS 'GRO SEMS BSKYED BYAS PA'I PHYI DE NYIN DNGOS GZHI'I GONG DU LNGA BCU PA 'CHAD PAR BZHED KYANG, MAL GYO LOTZTSA BA LAM THUN MONG BA LA SBYANGS NAS SNGAGS KYI DPON SLOB BYED 'DOD PA MA BYAS PA'I GONG DU GZHUNG 'DI 'CHAD PA N'A RO PA'I BZHED PA YIN GSUNG BA LEGS SO, ,GZHUNG 'DIS SLOB MA BKRI BA'I RIM PA 'DI NI SPYOD BSDUS DANG MTHUN LA GNAD KYANG SHIN TU CHE STE LAM RIM DU BDAG GIS BSHAD ZIN TO, ,GAL TE SNGAGS KYI DBANG MA BSKUR BA'I SNGON DU LNGA BCU PA 'CHAD PA MI RIGS TE GSANG BA SGROG PA'I NYES PAR 'GYUR BA'I PHYIR RO ZHE NA, SKYON MED DE, GZHUNG 'DIR SNGAGS KYI THUN MONG MIN PA'I CHOS SKAD SHIN TU NYUNG LA YOD PA RNAMS DANG DE DAG GI BSHAD PA RNAMS KYANG MDOR BSDUS PA'I MI GSAL BA TZAM LAS MED PA'I PHYIR DANG GZHAN YANG DPER NA SLOB MAS THOG MAR DBANG BSKUR BAR GSOL BA BTAB PA'I DUS SU YO BYAD MA 'TSOGS NA DE LA BSRUNG PA'I PHYIR DU LHA'I BSGOM BZLAS 'GA' ZHIG DBANG MA BSKUR BA'I SNGON DU BYED PAR GSUNGS PA GSANG SGROG TU MI 'GYUR BA DANG 'DRA BAR 'DIR YANG LAM THUN MONG BA LA SBYANGS NAS SNGAGS LA 'JUG 'DOD PA'I THOG MAR BYED KYI SU RUNG RUNG LA MI BYED DO, ,DE NI RDO RJE MKHA' 'GRO'I RIM PAR PHYE BA ZHE DRUG PA LAS, SLOB MA YI NI RKANG MTHIL DU, ,GZHU 'DRA'I RLUNG GI DKYIL 'KHOR BSAM, ,LTE BAR YE SHES ME 'BAR BA, ,DE YI 'OD ZER SNYING KHAR 'BAR, ,'BAR BAS KUN NAS 'KHRIGS PAR BSGOm,,
PA LAS BYUNG BA'I MI SDUG GZUGS, ,SDEG NI SNA YI SGO NAS NGA BYUNG, ,DE NAS KHRO BO'I GZUGS BSGOMS LA, ,DES NI KUN NAS ZA BAR BSGOM, ,ZHES DANG, BSGRUB BYA LHA GZUGS BSKYED NAS NA, ,BSRUNG BA DAG NI DGOD PAR BYA, ,ZHES GSUNGS SO, ,LHA NI KUN TU BZANG PO STE DE'I GZUGS SU BSKYED PAR GZHUNG MANG PO NAS GSUNGS SO, ,SLOB MA LA MI SMRA BAR SLOB DPON RANG GIS DMIGS PA DE LTAR BYED PA YANG MIN TE DKYIL CHOG RDO RJE PHRENG BA LAS, 'KHYIL PA'I SNGAGS KYANG BZLAS PA'I CHED DU 'DI LA SBYIN NO, , ZHES SLOB MA DE NYID LA BZLAS PA'I SNGAGS KYANG STER BAR GSUNGS SHING DE KHO NA NYID BCU PA LAS KYANG DE LTAR BSHAD PA'I PHYIR DPON SLOB GNYIS KAS BSGOM PA YIN NO, ,DE LTAR NA SPYIR THEG PA GANG GI SGOR 'JUG KYANG THOG MAR BLA MA'I BSTEN TSUL GAL CHE BAR MANG DU GSUNGS LA KHYAD PAR DU RDO RJE THEG PA PA RNAMS KYI DNGOS GRUB THAMS CAD NI BLA MA'I RJES SU BYED PAR RGYUD DU MA LAS NAN TAN SHIN TU CHE BAR GSUNGS PAS LAM GYI RTZA BA NI RDO RJE SLOB DPON LA BSTEN TSUL YIN LA DE YANG DMIGS PA THUN RE TZAM GYI BLA MA'I RNAL 'BYOR GYIS NI BSLAB BYA 'DI RNAMS MI SHES PAS GZHUNG 'DI'I DON LEGS PAR SHES PA LA 'BAD PA CHEN PO BYA'O, ,SHES PAR BYAS NAS KYANG RDO RJE 'CHANG GI BCAS MTSAMS RNAMS LA DRAN SHES BSTEN NAS BSRUNG BA LA 'BAD DGOS SO,, DE LTAR BYAS NA NYES PA DE RNAMS JE CHUNG NGU 'GRO ZHING BCAS MTSAMS LAS 'DAS PA RNAMS LA YANG 'GYOD PA SKYES NAS PHYIR 'CHOS PAR 'DOD PA 'BYUNG BAS TSE 'DI'AM SKYE BA GZHAN DU RING POR MI THOGS PAR BSHES GNYEN BSTEN PA LA MKHAS SHIN
, ,MKHAS PA LTAR DU NYAMS SU LAN NUS PA GZHAN NU NAR BZANG DANG DPA' BRTAG TU NGU LTA PUR 'GYUR LA, 'DI DAG SHES PAR MA BYAS PA'AM SHES KYANG SRUNG BA'I GO CHA MA BZUNG NA 'BYUNG NYE LA GRANGS MANG BA'I NYES PA 'DI RNAMS KYIS RGYUN DU GOS PAR 'GYUR ZHING TSE RABS MANG POR YANG BCAS PA DE DAG LA SLOB NUS PAR MI 'GYUR BAS SHES RAB CAN RNAMS KYIS GZHUNG 'DI BLA MA'I RNAL 'BYOR GYI GDAMS PA'I MCHOG TU SHES PAR GYIS SHIG ,GSUM PA BSHAD NAS SNOD RUNG DU JI LTAR BYA BA NI, DE NAS SNGAGS SOGS BYIN PA YIS, ,DAM CHOS SNOD DU BYAS NAS SU, ,RTZA BA'I LTUNG BA BCU BZHI NI, ,BKLAG DANG 'DZIN PA NYID DU BYA, ,ZHES GSUNGS TE, THUN MONG GI LAM RIM LA SBYANGS SHING BLA MA'I BSTEN TSUL LA BSLABS PA'I RJES DE NAS SLOB MA DE'I RGYUD SNOD RUNG DU BYA'O, ,GANG GI SNOD DU RUNG BAR BYA SNYAM NA, DAM PA NI SANGS RGYAS RNAMS SO, ,CHOS NI DES LEGS PAR GSUNGS PA'I RJOD BYED RGYUD SDE RIN PO CHE RNAMS DANG BRJOD BYA LAM RIM PA GNYIS LA SOGS PA STE DE DAG NYAN PA DANG SGRUB PA'I SNOD DU BYA'O, ,THABS GANG GIS SNOD DU BYA SNYAM NA, SNGAGS SOGS ZHES PA LA DAM TSIG GI CHO GA KUN LAS BTUS PAR, DE NAS GSANG SNGAGS BYIN PA YIS, ,ZHES 'BYUNG BAS GSANG ZHING SBAS PAS 'GRUB BA DANG SNOD MIN GYI YUL MIN PAS NA GSANG BA'O, ,SNGAGS NI DE'I SKAD DOD MANTRA LA MA NA YID DANG TRA YA SKYOB PA STE YID SKYOB PAS NA SNGAGS TE 'DUS PA'I LE'U BCO BRGYAD PA LAS, DBANG PO DANG NI YUL RNAMS KYI, ,RKYEN GYIS GANG DANG
GANG BYUNG YID, ,YID DE MAN ZHES BYA BAR BSHAD, ,TRA NI SKYOB PAR BYED PA'I DON, ,ZHES GSUNGS SO, ,YID SKYOB PA LA MANG DU YOD KYANG SKABS 'DIR NI DBANG BSKUR NAS YID SKYOB PA LA BYED DGOS PAS DE BYIN PA YI SGO NAS SNOD DU BYAS PA'O, ,YID GANG LAS SKYOB PA NI, NGAN 'GRO DANG SRID PA'I SDUG BSNGAL DANG THEG PA DMAN PA LAS BSRUNG BAS NA SKYOB PA'O, ,ZHES SH'ANTI PAS GSUNGS PA LTAR RO, ,DE LTAR SNOD RUNG DU BYAS NAS DE NAS CI ZHIG THOG MAR BYA ZHE NA, THOG MAR BYA BA NI DBANG BSKUR BA'I DUS SU THOB PA'I DAM TSIG DANG SDOM PA MA NYAMS PAR BYED PA SHIN TU GAL CHE STE SDOM PA BTANG NA DNGOS GRUB 'THOB PA'I RTZA BA CHAD PAR 'GYUR BAS DE NAS LAM BSGOM PA DANG RGYUD 'CHAD NYAN SOGS BYED PA NI RMAD MED PA'I THOG BYED 'DOD PA DANG 'DRA'O, ,DES NA DBANG BSKUR BA BYAS PA'I MJUG THOGS SU LTUNG BAR 'GYUR MA 'GYUR GYI MTSAMS NGES NAS BSRUNG BA DGOS PAS SNGAGS KYI SDOM PA'I BSLAB BYA RNAMS BLA MAS BSHAD NAS SLOB MAS SHES PAR BYA DGOS TE DBANG MA BSKUR PA'I SNGA ROL TU SNGAGS KYI BSLAB BYA TSANG BAR NYAN DU MI RUNG BA'I PHYIR RO, ,BSLAB BYA MANG DU YOD KYANG SDOM PA GCOD PA'I RGYU RTZA LTUNG RNAMS GZHAN DANG MI 'DRA BAS RTZA BA'I LTUNG BA BCU BZHI PA'I TSIG NGAG TU BKLAG PA DANG DON YID LA 'DZIN PA NYID DU BYAS TE, RTZA LTUNG GIS MA GOS PA LA CHES CHER 'BAD PAR BYA'O, ,'DI NI DPER NA SPYOD 'JUG LAS, ,NAM MKHA'I SNYING PO'I MDO SDE NI, ,THOG MA NYID DU BLTA BAR BYA, ,ZHES RTZA LTUNG RNAMS DE LAS BSTAN PAS BYANG SEMS KYI SDOM PA BZUNG BAS DE THOG MAR BLTA DGOS
, ,PAR GSUNGS PA DANG 'DRA STA BSLAB BYA GZHAN LA BSLAB MI DGOS PA NI MA YIN NO, ,'DI NA BLA NA MED PA'I THEG PA LA SNYING THAG PA NAS SLOB PAR 'DOD PA DAG KYANG DBANG BSKUR BA THOB PA'I 'OG TU THOG MAR RTZA LTUNG BCU BZHI LA SOGS PA'I BSRUNG MTSAMS SHES PAR BYAS NAS ME BSRUNGS PAR LAM BSGOM PA DANG RGYUD BSHAD NYAN BYED PA SKAD BYED PA NI RDO RJE THEG PA'I TSUL LAS RNAM BAR 'KHYAMS PA YIN PAS BDAG LEGS SU 'DOD PA DAG GIS NI DBANG THOB NAS DAM TSIG DANG SDOM PA BSRUNG BA GZHIR BYAS TE SNGAGS LA THOS BSAM SGOM GSUM BYA'O, ,GSUM PA BSHAD PA MTHAR PHYIN PA'I BYA BA NI, DE LTAR BLA MA'I RJES 'JUG SLOB MA NI, ,MA LUS PHAN SKYED SKYON MED 'DI BYAS PA'I, ,DGE BA MTHA' YAS BDAG GIS GANG BSAGS PA, ,DES NI 'GRO BA MYUR DU RGYAL GYUR CIG ,CES GSUNGS TE, LNGA BCU PA 'DI MTHA' YAS PA'I SEMS CAN GYI DON DU MTHA' YAS PA'I BYANG CHUB LA DMIGS NAS BYAS PA STE BRTZAMS PA'I DGE BA MTHA' YAS PA BHA BI LHA BDAG GIS GANG BSAGS PA DES NI, 'GRO BA THAMS CAD MYUR DU RGYAL BA'I GO 'PHANG THOB PAR GYUR CIG CES GZHUNG BRTZAMS PA'I NGAL BA LAS BYUNG PA'I BSOD NAMS MI ZAD CING SPEL BA'I PHYIR DU BSNGO BA'O, ,LNGA BCU PA JI 'DRA BA ZHE NA, SNGAR BSHAD PA DE LTAR RANG DBANG DOR NAS BLA MA'I RJES SU MTHUN PAR 'JUG PA'I SLOB MA LA NI 'PHRAL DANG YUN DU PHAN PA MA LUS PA SKYED PAR BYED CING MA BSHAD LOG BSHAD HA CANG BSHAD PA'I SKYON RNAMS MED PA STE DE DAG DANG BRAL BA'O, ,KHYED PAR 'PHAGS
BSTOD LAS, BSOD NAMS BYAS PA'I TSOGS DAG NI, ,SEMS CAN RNAMS LA YONGS BSNGO BA, ,BCOM LDAN KHYOD KYIS GANG GSUNGS PA, ,DE GZHAN BSTAN BCOS LAS MA BSHAD, ,CES GSUNGS PA LTAR GZHUNG BRTZAMS PA SOGS KYI DGE BA SEMS CAN KUN LA BSNGO BA 'DI NI PHYI ROL PA LA MED PAS THUB PA'I BSTAN PA'I KHYAD CHOS SU GYUR PA'I THABS MKHAS CHEN PO'O,, ,,SA GSUM 'DREN PA'I LEGS PAR BSHAD PA LAS, ,JI BZHIN BTUS PA'I BLA MA LNGA BCU PA, ,GUS LDAN SLOB MA'I YID LA RE BA'I DPAL, ,YONGS SU RDZOGS PAR SKONG BA'I GZHUNG MCHOG 'DI, ,ZAB MO'I RGYUD DANG DE LA RING MO NAS, ,SBYANGS BAS MKHAS PA'I GO 'PHANG MCHOG BRNYES PA'I, ,GZHUNG MANG BLTAS NAS SHIN TU GSAL BAR NI,, DAM PA'I GSUNG GIS BSKUL BAS LEGS PAR BSHAD, ,GANG DE BSHES GNYEN BSTEN TSUL MI MKHAS SHING, ,CUNG ZAD SHES KYANG DE DON BSGRUB PA YI, ,BRTZON PA CHEN POS RNAM PAR DMAN PA YIS, ,SGO GSUM BAG MED DBANG DU SONG GYUR PA, ,BDAG DANG BDAG 'DRA 'GA' YI YID LA NI, ,LAM BZANG 'DI LA GOMS PA BSKYED PHYIR YIN, ,'DI LAS BYUNG BA'I RAB 'BYAMS DGE TSOGS KYANG, ,MTHA' YAS 'GRO BA'I NYER 'TSO'I RGYU RU BSNGO, ,DES NI PHAN 'DOGS ZHING GI MCHOG GYUR PA, , BSHES GNYEN RNAMS LA LOG PAR BSGRUBS PA'I LAS, ,THOG MA MED NAS BGYIS DANG BGYID STZAL DANG, RJES SU YI RANG BGYIS PAR GYUR PA'I LAS, ,SKYE BO 'DI YIS GANG DANG GANG BSAGS PA, ,MA LUS MYUR DU BYANG NAS DAM PA'I MGON, ,
, ,TSUL BZHIN BSTAN LA DPA' ZHING RTUL PHOD PA'I, ,RTAG TU NGU DANG NOR BZANG 'DRA BAR SHOG, CES SLOB DPON MKHAS PA CHEN PO BHA BI LHAS MDZAD PA'I BLA MA LNGA BCU PA RGYA GAR GYI MKHAN PO PADMA KA RA WA RMA DANG, ZHU CHEN GYI LO TZTSA BA DGE SLONG RIN CHEN BZANG POS RGYA SKAD LAS BOD KYI SKAD DU BSGYUR ZHING TSIG DANG DON LA ZHU CHEN BYAS TE NYAN BSHAD KYIS GTAN LA BAB PA'I RNAM BSHAD SLOB MA'I RE BA KUN SKONG ZHES BYA BA 'DI NI, GZHUNG 'DI LA RGYA GAR BA'I 'GREL PA MI SNANG YANG 'DI GANG LAS GTZO CHER BTUS PA'I RGYUD DPAL GSANG BA 'DUS PA DANG RDO RJE PHRENG BA DANG RDO RJE SNYING PO RGYAN GYI RGYUD DANG SGYU 'PHRUL DRA BA DANG SAm PHU tA DANG RDO RJE GUR DANG, RDO RJE MKHA' 'GRO DANG DPAL MCHOG DANG PO LA SOGS PA RNAMS DANG, SNGAGS KYI BSTAN BCOS GZHAN RNAMS LA'ANG BRTEN NAS, BSHES GNYAN BSTEN TSUL NYAMS SU LEN PAR 'DOD PA'I DON GNYER CAN MANG PO DANG 'JIG RTEN MGON PO CHOS KYI RJE DPAL 'BRI GUNG PA ZHES YONGS SU GRAGS PA'I GDUNG RGYUD DU 'KHRUNGS NAS 'GRE BA MTHA' YAS PA'I 'DREN PAR GYUR PA GU SHRI CHEN PO DON GRUB RGYAL PO BA DANG, RIG PA 'DZIN PA'I SDE SNOD LA SBYANGS PA'I RDO RJE 'DZIN PA CHEN PO BLA MA CHOS SGO BA BKRA SHIS RIN CHEN PA RNAMS KYIS BSKUL ZHING, DUS PHYIS MDO SNGAGS KYI BSTAN PA YONGS SU RDZOGS PA'I GNAD RNAMS MKHYEN NAS GCIG TU BSTAN PA RIN PO CHE LA GCES SPRAS SU MDZAD PA'I GNAS BRTAN MKHAS PA CHEN PO SKYABS MCHOG DPAL BZANG PO'I GSUNG GIS NYE BAR BSKUL BA'I DON DU, DGE SLONG RDO RJE 'DZIN PA BLO BZANG GRAGS PA'I
DPAL GYIS BYANG RVA SGRENG RGYAL BA'I DPON GNAS KYI YANG DGON BRAG SENGGE'I ZHEL DU SBYAR BA'I YI GE PA NI, NANG RIG PA SDE SNOD GSUM DANG GTAN TSIGS RIG PA'I TSUL LA SPOBS PA DGE BA CAN SDOM BRTZON DANG MA RIN CHEN NO,, ,,'DI LA BRTEN NAS KYANG BSTAN PA RIN PO CHE RGYAS PAR GYUR CIG, ,,THEG PA GSAR PA'I SKYED TSAL DU, ,RIM GNYIS DGA' STON DON GNYER BA, ,DAD PA'I LANG TSO GA-YO BA CAN, ,RIG 'DZIN RGYAL BA'I MYU GU LA, ,MNGON 'DOD BSLAB PA'I DO SHAL DANG,, DAM TSIG NOR BU'I RNA LUNG RNAMS, ,RGYUD GZHUNG GSANG BA'I MDZOD PHYE NAS, ,MA KHOL MA MAS BRTZE BAS BYIN, ,DUS KYIS DRI MA'I SKYON CHAGS TE, ,BCAS MTSAMS GZUGS BRNYAN MI GSAL BA, ,BLO BZANG MKHYEN BRTZE'I 'OD STONG 'BAR, ,GRAGS PA ZLA LTAR RGYAS PA DES, ,GSAL MDZAD NOR BU'I PHRENG BA 'DI, ,RIG BYED MKHAS PA'I MTHAR SAN PA'I, ,THOG MA'I KHYU MCHOG SKYOB PA YIS, ,YI GE'I GZUGS BRNYAN MI ZAD PA, ,PAR DU BSKRUN PA'I RNAM DKAR 'DI, ,KHAMS GSUM RVA BA LAS 'GONGS TE, ,DPAL LDAN BLA MA CHOS RJE DE'I, ,BZHED DGONGS SNYING PO MTHAR PHYIN NAS, ,PHRIN LAS BDAN GA-YO BA CAN, ,SRID GSUM KUN LA 'KHYUD GYUR CIG, ,,AOm SVA STI, GANG GI DRIN GYIS SKU GSUM GO 'PHANG MCHOG ,YUD KYIS STZOL MDZAD RDO RJE SLOB DPON CHE, ,BSTEN TSUL RNAM BSHAD DO MTSAR RMAD BYUNG 'DI, ,DGA' LDAN RNAM PAR RGYAL BA'I CHOS GRVA CHER, ,SLAR YANG PAR DU BSKRUN PA'I RNAM DKAR MTHUS, ,YID CAN KUN GYIS GSUM LDAN RDO RJE 'DZIN, ,DNGOS GRUB KUN
, ,GYI RTZA BAR LEGS GO NAS, ,BSAM SBYOR DAG PAS TSUL BZHIN BSTEN PA DANG, ,NYES LTUNG PHRA MOS NAM YANG MI GOS SHING, ,RIM GNYIS ZAB MO'I LAM GYI MTHAR SON NAS, ,SKYON BRAL YON TAN KUN DANG LDAN PA YI, , RDO RJE 'CHANG GI GO 'PHANG MYUR THOB SHOG , ,,MANGGA LAm,, ,,