*, ,ZHU LAN SMAN MCHOG BDUD RTZI'I 'PHRENG BA BZHUGS SO, ,
, ,GSANG BA'I BDAG PO PHYAG NA RDO RJE LA PHYAG 'TSAL LO, ,DUS GSUM SANGS RGYAS THAMS CAD KYI THUGS KYI NGO BO, GANGG'A KLUNG GI BYE MA SNYED KYI SANGS RGYAS RNAMS KYIS BYIN GYIS BRLABS PA'I GSANG BDAG RDO RJE 'CHANG CHEN PO KHYED NI, GLANG PO CHE'I RNA BA CAN YIN PAS, THEG PA'I YANG RTZE ZHIG BSTAN DU GSOL, KHYED NI BZANG PO'I RGYAN DANG LDAN PA YIN PAS, LTA BA MI MTHUN PA ZING ZING PA THAMS CAD SPANGS PA'I YANG DAG PA'I LTA BA ZHIG BSTAN DU GSOL, KHYED NI RNAM PAR GNON PA YIN PAS, LTA SGOM SPYOD GSUM LA THE TSOM GYI DRA BA GCOD PA'I CHOS SHIG BSTAN DU GSOL, KHYED NI RIN PO CHE'I 'BYUNG KHUNGS YIN PAS, ZHI GNAS DANG LHAG MTHONG ZUNG DU 'BREL
, ,BA'I TING NGE 'DZIN BSAM GYIS MI KHYAB PA RGYUD LA SKYE BA'I CHOS SHIG BSTAN DU GSOL, KHYED NI BDEN PA'I SPRIN YIN PAS NYON MONGS PA RNAM PAR RTOG PA'I MI 'BAR BA GSOD PA'I CHOS KYI CHAR CHEN PO DBAB PA'I GDAMS PA ZHIG BSTAN DU GSOL, KHYED NI 'BAR BA'I ME LCE CAN YIN PAS, DNGOS PO DANG MTSAN MAR 'DZIN PA'I BUD SHING BSREG PA'I GDAMS PA ZAB MO ZHIG BSTAN DU GSOL, KHYED NI GZUGS MDZES PA YIN PAS, ZAG MED KYI BDE BA SKYE BA'I GDAMS NGAG MTHONG BAS MIG MCHI MAS GANG BA'I GDAMS PA ZHIG BSTAN DU GSOL, KHYED NI YID BZHIN GYI NOR BU RIN PO CHE YIN PAS, DBANG PO RNON PO'I RTEN GYI GANG ZAG GIS THE TSOM CHOD CING DON RTOGS PA, BLUN PO BA GLANG RDZIS KYANG TSIG ZIN CING DON RTOGS PA'I CHOS KHA GSAL LA TSIG NYUNG BA DON RGYA CHE BA SANGS RGYAS KYI CHOS KYI SKU MYUR DU RTOGS PA'I CHOS CAN, MA TI BHA DRA SHR'IS ZHUS PA DANG, BDAG LAS KYI RDO RJES GSOL BA BTAB PA'I DON DU GDAMS PA THUN MONG MIN PA ZHIG BSTAN DU GSOL, ZHES ZHUS PA DANG, BDAG LA RO THUN MONG MIN PA
SO PHRAG NAS BABS, LCE'I STENG DU 'KHYIL TE MID TSAD BYUNG BAS, DE BLA MA KHYOD KYI THUGS RJE YIN PA 'DRA, SKU GZUGS MI STON PA'I GZHOM MED KYI SGRA 'DI SKAD GSUNG, LAS KYI RDO RJE, MA TI BHA DRA SHR'I LA NGA'I GSANG TSIG 'DI RNAMS RNA BAR SKYOL, YAB KUN TU BZANG PO'I DGONGS PA, YUM KUN TU BZANG MO'I SNYING GTAM, RDO RJE 'DZIN PA BDAG GI GSANG TSIG THEG PA'I YANG RTZE, SMAN MCHOG CHEN PO'I SGRUB PA LA SEMS NYID 'OD GSAL GYI RTZAD CHOD GSUNG, LAS KYI RDO RJE BDAG GIS ZHUS PA, 'OD GSAL GYI NGO BO JI LTA BU LAGS ZHUS PAS, LAS KYI RDO RJE 'OD GSAL GYI NGO BO RANG BZHIN THUGS RJE GSUM DU 'DUS GSUNG, LAS KYI RDO RJES ZHUS PA, 'OD GSAL BSGOM PA'I DUS SU, GOL SA MCHIS SAM MA MCHIS ZHUS PAS, KHYOD KYI DRI BA DE SHIN TU LEGS, GANG ZAG GIS MA GO NA GOL SA YOD, DE LA BZHI YOD, GOL LUGS, GOL RTAGS, NYES SKYON, GOL BA'I 'BRAS BU'O, ,NGO BO'I GOL LUGS NI, SPYIR NGO BO ZHES BYA BA STE, RANG GI RIG PA'I GNAS LUGS CIR YANG GRUB PA MED PA'I STONG GSAL DU YE GDOD MA NAS, DA LTA'I SHES PA BCOS LHAD DANG BRAL BA 'DI GA LTAR YOD PA YIN TE, DE GA'I STENG DU MI 'JOG PAR GANG ZAG GIS STONG NYID DU BSGOMS PAS, STONG 'DZIN GYI BLO DANG MA BRAL BAS, STONG PA RGYANG CHAD BYA BAR GOL BA YIN GSUNGS, GOL BA'I RTAGS SU YAR SANGS RGYAS MED, MAR DMYAL BA MED, THAMS CAD MA GRUB PA STONG PA NYID YIN ZER DU 'ONG, GOL BA'I NYES SKYON NI THAMS CAD STENG BAR 'DUG SNYAM PA'I BLOS, YAR MOS GUS DAG SNANG, SKYABS
, ,'GRO SEMS BSKYED, BYAMS SNYING RJE LA SOGS PA'I CHOS SPYOD THAMS CAD BAR NAS, TSE 'DI'I BYA BA LA 'JUG, MAR MI DGE BA'I CHOS LA 'JOL NYOG TU SPYOD, DER BDEN PA LOG PAR SPYAD PAS 'GROS RDO RJE DMYAL BA LAS MED, DE LTAR LOG PAR SPYAD PA'I 'BRAS BUS NI, YAR DGE BA'I PHYOGS SU BDEN PA LOG PAS MU STEGS KYI CHAD PAR LTA BAR SKYE, MAR RGYU 'BRAS KYI PHYOGS SU BDEN PA LOG PAS, SDUG BSNGAL GYI RGYA MTSOR 'KHYAMS, LAS KYI RDO RJE, STONG NYID RTOGS TSER BA MANG BAR GDA' STE, DON DAM PA'I GNAS LUGS RTOGS PA NYUNG BAR GDA', LAS KYI RDO RJE, RANG BZHIN LA GOL SA BZHI YOD DE, DE LA DANG PO RANG BZHIN KYI GOL SA NI, RIG PA STONG PA'I RANG MDANGS SKU DANG YE SHES SU GSAL BA 'DI LA, SKU LA ZHAL PHYAG DANG, YE SHES LA KHA DOG GAM, MTSAN MA'I RIGS CAN DU GRUB PA MED DE, STONG PA'I RANG MDANGS GSAL BA'I CHA TZAM DU GSAL STONG DBYER MED DU BZHUGS PA LA GANG ZAG GIS GSAL STONG DBYER MED ZUNG 'JUG TU MA SHES PAS, RIG PA SNANG BAR GOL BA BYA BA YIN GSUNGS, GOL BA'I RTAGS SU CHOS SKAD THAMS CAD YA BRAL DU 'ONG, ZUNG 'JUG GI CHOS SKAD BSTAN NA, KHO'I BLOR MI SHONG, GOL BA'I NYES SKYON NI, THAMS CAD SNANG BA DNGOS PO CAN DU 'DUG SNYAM PA'I BLOS SEMS CHOS PHYOGS KYI CHOS LA BLO MI 'JUG, GRUB MTHA' KHA 'DZIN CHES PAS, THAMS CAD MKHYEN PA'I LAM DANG BRAL, SNANG BA AA 'THAS PAS GROL RGYU MED PA YIN, GOL BA'I 'BRAS BU NI, PHYI SNANG BA'I 'OD GSAL
LA CHAGS PAS, GZUGS NA SPYOD PA'I KHAMS SU SKYE, NANG RIG PA GSAL STONG DU MA SHES PAS BLO PHYOGS GCIG TU 'KHOR TE GROL BA'I DUS MA MCHIS, LAS KYI RDO RJE, 'OD GSAL ZIN ZER BA MANG BAR GDA' STE, GSAL STONG ZUNG 'JUG TU 'BYONGS PA NYUNG BAR GDA', LAS KYI RDO RJE, THUGS RJE LA YANG GOL SA BZHI YOD, GOL LUGS NI, RIG PA STONG GSAL GYI RANG MDANGS MI 'CHAR DGU 'CHAR GYI RNAM RTOG 'DI, JI LTAR SHAR KYANG RIG STONG LAS MA 'DAS TE, GANG ZAG GIS DE LTAR MA GO BAS, RIG PA STONG PAR GOL BA BYA BA YIN GSUNGS, GOL RTAGS SU LUS NGAG YID GSUM TSE 'DI'I BYA BA 'BA' ZHIG LA SPYOD, GOL BA'I NYES SKYEN NI, GANG ZAG GI RTOG PA CHOS SKUR MA SHAR BA'I BLOS GANG SHAR RNAM RTOG GI DRA BAS BCINGS NAS DGE SBYOR DRED, BAG CHAGS NGAN GOMS GTZO CHE BAS TSE 'DI KHO NA SGRUB, GNYIS 'DZIN THE TSOM RE DOGS KYI SGROG GIS BCINGS PAS RANG GIS RANG BCINGS PA YIN, GOL BA'I 'BRAS BU NI, RNAM RTOG GI GOL SA MA SHES PAS BAG CHAGS SU AA 'THAS, RGYU 'BRAS KYI NYES DMIGS MA SHES PAS YENGS MA LAM LA MI TSE ZAD, SHI NAS KHAMS GSUM DU GOL BA YIN, LAS KYI RDO RJE, RTOG PA MED ZER BA MANG BAR GDA' STE, SHAR GROL GYI MTSAD RTOGS PA NYUNG BAR GDA' GSUNGS, LAS KYI RDO RJES ZHUS PA, GOL SA GSUM PO DE MCHOD NA DON MI 'DUG PAS GOL SA GSUM PO JI LTAR GCOD ZHUS PAS, GSANG BDAG GI GSUNG NAS, LAS KYI RDO RJE, RIG PA'I NGO BO STONG PA 'DI, SUS KYANG MA BCOS PA, RGYU MED PA, RKYEN MED PA, ,
, ,YE GDOD MA NAS GNAS PA YIN GSUNGS, 'DI LA BCAS BCOS MA BYED PAR KHO RANG GANG 'DUG GI STENG DU ZHOG DANG GO LAS MED PA DE KA DAG GI KLONG DU 'TSANG RGYA BA YIN GSUNGS, DE BZHIN DU RANG BZHIN 'OD GSAL BA 'DI, YE NAS STONG PA DANG DBYER MED DU LHUN GYIS GRUB, DE'I RTZAL THUGS RJE 'GAG MED, GANG SHAR KYANG RANG BZHIN GYIS MA GRUB PAS GSUM GA ZUNG 'JUG CHEN POR SHES PAR GYIS DANG, DBYER MED DU 'TSANG RGYA BA YIN GSUNG, LAS KYI RDO RJE BDAG GIS YANG ZHUS PA, LTA SGOM SPYOD GSUM GYI GOL SA GANG LAGS ZHUS PAS, GSANG BDAG GI GSUNG NAS, LAS KYI RDO RJE YANG NYON CIG, DANG PO LTA BA'I GOL SA LA LNGA STE, LTA BA NYID KYI GOL SA, GNAS KYI GO SA, GROGS KYI GOL SA, NYON MONGS KYI GOL SA, PHYOGS 'DZIN GYI GOL SA'O, ,DANG PO LTA BA NYID KYI GOL SA NI, CHOS SPYI'I LTA BA STONG PA MTHA' BRAL DU 'DOD PA LAS, GSANG SNGAGS 'DI'I LUGS KYI RNAL 'BYOR PA MNGON SUM RJEN PAR 'DOD, DE GNYIS YANG DON DAM PA RTOGS NA DBYE BA MED DE, MA RTOGS NA SPYI'I LTA BA NI, YID DPYOD KYI TSIG GI LTA BA LA DON RANG THOG TU MI 'BEBS TE, GOL BA'I LTA BA YIN, MNGON SUM GYI LTA BA LA YID MI CHES PAR YID DPYOD TSIG GI LTA BA LA GDENG DU BYAS NAS, THAMS CAD GTAD MED YIN, BYAR MED MTHA' BRAL YIN ZER NAS DGE SDIG CHOS LA 'JOL NYOG TU SPYOD CING, LAS LA BZANG NGAN MED, DGE BA BYAS PAS PHAN MA BTAGS, SDIG PA BYAS PAS GNOD MA BSKYAL, THAMS CAD MNYAM NYID ZANG THAL YIN ZER
NAS THA MAL NYID DU SDOD DE, DE RNAMS NAG PO KHA 'BYAMS KYI LTA BA ZHES BYA STE, LTA BA THAMS CAD KYI GOL BA'I RTZA BA YIN, MA TI BHA DRA SHR'I MNGON SUM GNYIS MED RANG GSAL GYI LTA BA DANG RGYU 'BRAS ZAB MO ZUNG 'JUG TU SPYOD DGOS, GNAS KYI GOL SA NI, SPYIR GNAS SKABS KYI LTA BA RTOGS PA'I GANG ZAG DES MTHAR THUG GI LTA BA KLONG DU GYUR PAR BYED PA LA RI KHROD LA SOGS PA DBEN ZHING DVANGS PA'I GNAS SU 'GRO DGOS, GNAS SKABS KYI LTA BA YOD KYANG DE SKYONG BA LA RI KHROD 'GRIM DGOS, GNAS NGAN PAS LTA BA GOL BA YIN, MA TE BHA DRA SHR'I, GNAS SKABS KYI LTA BA RI KHROD DU SKYONG DGOS, GROGS KYI GOL SA NI, GNAS SKABS KYI LTA BA YOD PA'I GANG ZAG DE, CHOS DANG MTHUN PA NYON MONGS PA MI 'PHEL BA'I GROGS DANG 'GROGS DGOS, GROGS NGAN DANG 'GREGS NA NGAN PA'I SPYOD PAS MI GOS PA MI SRID, DES TSE 'DIR KHRID NAS LTA BA SKYONG DU MI STER, NYON MONGS PA 'PHEL BA GOL BA'I RTZA BA YIN, LAS KYI RDO RJE DANG MA TI BHA DRA SHR'I, DER MA GOL BAR 'DOD NA, 'BREL MED KYI GROGS LA 'PHRENG THAG CHOD LA GCIG PUR SDOD GSUNGS, BZHI PA NYON MONGS PA'I GOL SA NI, GNAS SKABS KYI LTA BA YOD PA'I GANG ZAG DES, NYON MONGS PA 'BUR 'JOMS LAM DU MI SLONG, PHYI ROL GYI RKYEN GANG YANG RUNG BAS NYON MONGS PA SLONG, DER SKAD CIG MAS KYANG LAS GSOG PAS, YUN DU LON NA LAS NGAN PA SPYOD, TSOGS DRUG GI SNANG BA LA DUG LNGAS LAS NGAN SO SOR GSOG, DE YANG GNAS SKABS DANG MTHAR THUG TU, DE DAG GI 'BRAS BU 'BYUNG BAS, NYON MONGS PA GANG SKYES KYANG, SKAD CIG MA LA DRAN PAS BZUNGS NAS SHES PA
, ,LHOD KYIS GLOD, NYON MONGS PA DE LAS GRUB PA'I SEMS CAN THAMS CAD LA BYAMS PA DANG SNYING RJE BSGOM, NYON MONGS PA LAM DU SLONGS PAR BYIN GYIS RLOB PA'I GSOL BA GDAB, KHYAD PAR BLA MA LA SNYING THAG PA NAS GSOL BA GDAB, NYON MONGS PA'I SA BON DE SNGAGS KYI SBYANGS NAS YI DAM DU BSGOMS LA SNYING PO BGRANG, DE'I RJES LA LTA BA'I NGANG DU GLOD LA BSNGO BA SMON LAM RGYA CHER GDAB, DE LTAR LAM DU SLONGS NA YON TAN NI GNAS SKABS DANG MTHAR THUG TU DE DAG GI 'BRAS BU THOB, DE LTAR LAM DU MA SLONGS NA NYON MONGS PA'I 'DAM DU SONG NAS LTA BA KLONG DU MI 'GYUR TE, GOL BA'I RTZA BA CHEN PO YIN, LAS KYI RDO RJE DANG MA TI BHA DRA SHR'I MA GOL BAR 'DOD NA, NYON MONGS PA GANG SKYES PA'I GNYEN PO BSTEN, LAM DU SLONGS PAR GYIS, LNGA PA PHYOGS MTHUN GYI GOL SA NI GNAS SKABS KYI LTA BA YOD PA'I GANG ZAG THAMS CAD KYANG GRUB MTHA' RANG GZHUNG GI LTA BA SHA STAG TU GOL NAS LUNG SKYABS DANG, BDAG GZHAN DANG, MTHO DMAN DANG, PHYOGS RIS DANG, BZANG NGAN DU PHYE NAS SANGS RGYAS KYI LTA BA MTHA' BRAL CHEN PO LA GANG ZAG GIS SBAR TSOD BLO TSOD BYED PA GOL BA'I RTZA BA YIN, LAS KYI RDO RJE DANG MA TI BHA DRA SHR'I, DAR MA GOL BAR 'DOD NA, LTA BA MTHA' BRAL STONG YANGS CHEN POR SHES PAR GYIS, DON GNYIS PA SGOM PA'I GOL SA LA BZHI, SGOM NGO BO'I GOL SA, GNAS KYI GOL SA DANG GROGS KYI GOL SA, SKYON GYI GOL SA, NYON MONGS KYI GOL SA'O, ,DANG PO SGOM NGO BO'I GOL SA NI, BLA MAS NGO BO RANG BZHIN
THUGS RJE GSUM RJEN PAR NGO SPRAD KYANG SLOB MAS MA GO STE, NGO BO RANG BZHIN THUGS RJE GSUM LA 'PHRIG MA TSUD DE, GSAL STONG DBYER MED DU MA SHES PAS GOL STE, DE YANG BLA MA'I GDAMS NGAG GI LUGS LTAR NYAMS SU GLANGS PAS LUS SEMS KYI BDE BA BAG TZAM LA ZHEN NAS 'DONG KHAMS KYI MIR GOL, SEMS GANG DU'ANG MI RTOG PA TZAM DU CHAGS NA, GNAS GTZANG MA'I LHAR GOL, GSAL LA RTOG PA MANG PA TZAM LA CHAGS NA, GZUGS KHAMS KYI LHAR GOL, BDE BA LA MI RTOG PAR CHAGS NA 'DOD KHAMS KYI LHAR GOL, STONG PA LA MI RTOG PAR CHAGS NA, GZUGS MED KHAMS KYI LHAR GOL, DE DAG NI KHAMS GSUM DU GOL BA YIN, DBANG PO'I YUL RGYUN DU 'GAGS NA, NAM MKHA' MTHA' YAS SKYE MCHED DU GOL, GNYID 'THUG PO LOG PA LTAR BYUNG TSOR MED PAR 'GAGS NA, CI YANG MED PA'I SKYE MCHED DU GOL, SHES DO LA GSAL SNANG 'GAGS NA, RNAM SHES MTHA' YAS SKYE MCHED DU GOL, GSAL DO LA BDE BA'I MDANGS TZAM, SNANG NGO LA CI YANG MED PA RGYUN CHAGS SU SKYES NA, YOD MIN MED MIN GYI SKYE MCHED DU GOL, 'DI DAG NI ZHI GNAS PHYOGS GCIG TU LHUNG BA ZHES BYA STE, 'DI NAS SHI 'PHOS NAS KHAMS GSUM DANG RIGS DRUG TU 'KHOR, LAS KYI RDO RJE DANG MA TI BHA DRA SHR'I, SGOM GYI GOL SA GCOD MA SHES NA, GLEN SGOM GYI KHAMS LDOG 'KHOR BAS DGOS PA MED, GZHAN YANG LUS SEMS SO SO SKYE BOS MTHONG BA LTAR 'DOD NA, THA MAL RANG RGYUD DU GOL, YOD MED PHYOGS GCIG TU 'DZIN NA, MU STEGS RTAG CHAD DU GOL, SEMS
, ,LAS MA GTOGS YUL GUD DU 'DOD NA, NYAN THOS RANG RGYAL DU GOL, SNANG BA SEMS SU 'DOD NA SEMS TZAM DU GOL, SNOD BCUD LHA RU 'DOD NA SNGAGS SU GOL, GOL PA'I MTHA' MA CHOD PA'I SGOM GYIS CI BYED GSUNG, 'O NA GOL SA GCOD PA'I THABS SHIG ZHU DANG BYAS PAS, GSANG BDAG GI ZHAL NAS, DE RAM ROL BAR 'DOD NA, MA TI BHA DVA SHR'I BZHIN, DANG POR THOS PAS RGYA BSKYED, BAR DU NGO SPROD KYI GDAMS PAS GNAD DU BSNUN PAR BYA, THA MAR NYAMS SU LEN PA'I DUS SU GONG GI GOL SA DE RNAMS BSAM GTAN LA ZHEN CING CHAGS PA YIN MOD, DPE NI RI BONG KHRA TSANG DU NYAL BA DANG, MDA' MKHAN GYI BSAM GTAN DANG 'DRA BAS GOL DU MED, NYAMS KYI SNANG BA LA CI SHAR YANG GANG SHAR GYI THOG TU BCOS BCOS DANG RE DOGS DGAG SGRUB MED PAR GLOD LA ZHOG DANG, GANG SHAR LA 'DZIN PA MANG NA GOL SAR LHUNG DU MED GSUNGS, GNYIS PA GNAS DANG GROGS KYI GOL SA BSTAN PA NI, SGOM YOD PA'I GANG ZAG DE, GNAS MI MED MTSAN NYID DANG LDAN PAR BSGOM DGOS, GNAS DGON 'DU 'DZI CAN DANG, NYON MONGS PA GRVA RGYAS PA'I SAR BSDAD NA, GRIB DANG, DKOR DANG, CHAGS SDANG DBANG GIS GOL 'GRO, GROGS NGAN DANG 'GROGS NA, SGOM 'PHEL 'PHRO 'CHAD, RANG SDUG RANG GIS NYOS PA YIN, LAS KYI RDO RJE DANG MA TI BHA DRA SHR'I, CHOS GSHA' MA GCIG BYED NA GNAS NGAN DANG GROGS NGAN GYI 'KHRI BA BTZAN CHOD DU SPONG BA ZAB BO GSUNG, GSUM PA SGOM GYI GOL SA BSTAN PA NI, SGOM SKYONG BA'I DUS SU, BYED
PA, RGOD PA, 'BYAMS PA GSUM YIN TE, BYING BA LA GNAS KYIS BYING BA, GROGS KYIS BYING BA, DUS KYIS BYING BA, ZAS KYIS BYID BA, 'DUG STANGS KYIS BYING BA, SGOM GYIS BYING BA'O, ,DANG PA GNAS KYIS BYING BA NI, NAGS RANG DMA' BA'AM, YUL DGON NYAMS PA DANG GRIB CAN DU BSDAD PAS SHES PA RMONGS, THIG LE MI GSAL, RIG PA 'THUM, GNYID CHE, LUS LCI, DE LA KHRUS DANG BSHAGS PA BYA, GNAS DVANGS SHING MTHO BA'I SAR 'GRO, 'DUGS GSAL BAR BSGOM, GLO DKANG GYI BSER BU 'BUG ,DMIGS PA GANGS KYI RTZE MO DANG, LUS GCER BUR BSDAD NAS BSGOMS PAS SEL LO, ,GNYIS PA, GROGS KYIS BYED BA NI, MI GRIB CAN DANG LHAN CIG TU BSDAD PAS 'BYUNG BA YIN, BSHAGS PA DANG KHRUS BYA, MI DAM NYAMS DANG GRIB CAN BSRUNGS PAS SAL LO, ,GSUM PA, DUS KYIS BYING BA NI, DPYID DANG DBYAR GYI DUS SU 'THIBS SHING BYINGS NA GANGS RI LA SOGS PA MTHON POR PHYIN LA BSGOMS PAS SEL LO, ,BZHI PA, ZAS GOS KYIS BYING BA NI, MI'I ZAS GOS GRIB CAN GYIS BYING 'GRO BAS, SGRUB PA'I DUS SU MI'I ZAS GOS GRIB CAN LA 'DZEMS PAS SEL LO, ,LNGA PA 'DUG STANGS KYIS BYING BA NI, LAS DANG PO PAS 'GRO 'DUG DANG NYAL PO LA SOGS PA BYAS NA BYING 'GRO BAS SGOM PA'I DUS SU BZHUGS STANGS GSUM MAM, RDO RJE SKYIL KRUNG BCAS LA SHES PA HUR 'DON DBANG PO LA MDANGS BTON LA SENG YER RE BSGOMS PAS SEL LO, ,DRUG PA SGOM GYIS BYING BA NI, BSGOM PA'I DUS SU SHES PA SMAD NAS BSGOMS PAS MUR THOM ME MCHIS PA ZHIG
, ,'ONG, DE BYENG BA YIN PAS SGRON ME'I GSAL TSOD SBYAR BA'I DBANG PO MKHA' LA BTEG PAS SEMS NYED GSAL HRIG GIS RIG PA LA NGAR BTANG BAS SEL LO, ,LAS KYI RDO RJE, SGOM GYI BGEGS SEL GANG ZAG BRTZON 'GRUS CAN MIN PAS MI SEL, NYON MONGS PA'I GOL SA NI, SGOM SKYONG BA'I GANG ZAG LA NYON MONGS PA'I DGRA RKUN MANG BAS RTZA BA DUG LNGA POS BSKYED NAS, NYON MONGS PA BRGYAD KHRI BZHI STONG 'CHAR BAS, DES SGOM GNAS SU MI STER 'KHOR BAR 'KHRID, DE DAG LA MA BU GCIG PA STOR BA LTA BU'I 'DU SHES KYIS MA YENGS PAR BYAS NAS, PANG DU DUG SPRUL BYUNG BA BZHIN DU SPANGS SHING SHES BZHIN GYI DRAN PAS BZUNGS LA LTA BA'I SKABS KYI LAM KHYAR DE LTAR NYAMS SU BLANG NGO, ,DE LTAR MA BYAS NA SKAD CIG MA LA LAS NGAN GSOG GO ,DE LTAR MA GOL BAR 'DOD NA, SHES BZHIN GYI MEL CHE DANG MA BRAL BAR SPONG LEN LA BRTZON PAR GYIS GSUNG, LAR LTA SGOM LA BRTAN PA MA THOB KYI BAR LA, RI DVAGS RMAS MA BZHIN DU GCIG PUR BYOL ZHIG ,NYON MONGS PA LA DUG SBRUL MTHONG BA LTAR 'BROS PA GNAD CHE, RGOD PA'I SKYON LA GNYIS, GNAS DANG RKYEN GYIS RGOD PA'O, ,GNAS KYIS RGOD PA NI, GNAS MTHO ZHING DVANGS PAR BSGEMS PAS RIG PA DVANGS NAS SHES PA MI GNAS PA RNAM RTOG RGOD CING 'PHRO BAR 'ONG, GANG 'PHROS PA LA RANG DGAR BTANG NA NYON MONGS PA'I DBANG DU 'GRO BAS RIG PAS MTSAMS SU PHAB LA GTAD, DES MA NON NA NYAN THOS KYI GZIGS STANGS SAM LTA STANGS LA 'JUN, RAS 'GA' STAN LA SHES PA GTAD LA 'JUN, NUB MO RKANG
MTHIL GYI RTZA BZHAG GOR LTA BU'I NANG DU THIG LE NAG PO'I NANG DU SEMS ZHUGS LA NYAL LO, ,RNAM RTOG SIB KYIS BYUNG BA DANG, NGOS BZUNGS LA PHAt BYA STE, RLUNG BTHUNGS, DE'I RJES LA LHOD KYIS GLOD LA BZHAG, YANG NA RTOG PA RKYANG DED BYAS LA MA RNYED PA'I NGANG LA BZHAG PAS SEL LO, ,GNYIS PA RKYEN GYIS RGOD PA NI, PHYI ROL GYI RKYAN GANG YANG RUNG BA RTOG PAS BLANGS NAS NYON MONGS PA'I PHYOGS SU BLO RGOD CING 'PHRO NA, CI BYED DGOS PA MI 'DUG SNYAM PA'I 'DUN PA BTANG LA, BYAMS PA DANG SNYING RJE ZHEN LOG THABS SHES RAB MOS GUS KYIS NYAMS SU BLANGS, DES NA LTA BA'I SKABS KYI LAM SLONG BA LA NAN TAN BYA'O, ,DON GSUM PA 'BYAMS PA'I SKYON LA GNYIS TA, MA GO BAS 'BYAMS PA DANG, RKYEN GYIS 'BYAMS PA'O, ,DANG PO MA GO NAS 'BYAMS PA NI, SGOM THUN DU GCOD MA SHES PAS JI TZAM BSGOMS KYANG THEGS MED, GDAMS PA DANG BLA MA LA LOG LTA SKYE, NYAMS RTOGS DANG GO SHAN MA PHYED PAS, BLUN SGOM DU SONG, DE LA BLA MA LA GSOL BA GDAB, GDAMS PA LA NGES SHES SKYED, SGOM THUN DU BCAD LA GRANGS MANG BAR BYA'O, ,BYA BA DANG MA 'DRES PAR SENG YE RE BA SGOM, GSAL DUS SU 'PHRO BCAD LA BSGOM, DES 'BYAMS PA CHOD NAS NYAMS LEN GONG NAS GONG DU 'PHEL BAR 'GYUR, GNYIS PA RKYEN GYIS 'BYAMS PA NI, PHYI ROL GYI RKYEN GYIS DUG LNGA TSOGS DRUG GI SNANG BAR 'BYAMS TE, GA-YENGS NAS DRAN PAS MA ZIN PA'O, ,DE LA GNYEN POS 'PHRAL DU SLEB PAR BYAS NAS SNANG BA'I 'DZIN PA DU MA BUR BCAD, SGYU MA LTA BUR SHES PAR BYA'O, ,LAS KYI RDO RJE GEL SA DE DAG CHOD PAR 'DOD NA, PHAG SNA LA
, ,GTUN PO THONG GSUNG, YANG GSANG BA'I BDAG PO LA, LAS KYI RDO RJES ZHUS PA, GSANG SNGAGS PA NYON MONGS LAM DU 'KHYER BA MA LAGS SAM ZHUS PAS, GSANG BDAG GI ZHAL NAS, NYON MONGS LAM DU 'KHYER BA AA CANG CHEE STI, DUG GIS LTO YONG BA RMA BYA LAS MED, NYON MONGS MA SPANGS PAR LAM DU 'KHYER NUS PA'I GANG ZAG DE, AU DU MA WA RA'I ME TOG LAS KYANG DKON, GANG ZAG DBANG PO RAB LA NYON MONGS PA GROGS SU 'CHAR TE, THA MA LA DUG TU 'GYUR BAS SPONG BA ZAB, DANG PO SPANGS PA JI TZAM NA KLONG DU GYUR NAS NYON MONGS DANG 'DOD PA'I YON TAN THAMS CAD SGYU MAR SHAR NAS ZHEN CHAGS GANG YANG MI SKYE, BYUNG YANG DGAG MI DGOS, GNOD PA MED, MA BYUNG YANG SGRUB BLO MI SKYE, RE BA MED, DE TZAN LAM DU SLONGS PA'I TSAD YIN, MNGON ZHEN MA LOG GI BAR DU NYON MONGS LAM DU 'KHYER BAS SBRANG BU RTZI'I BCUD LA 'KHOR BAS 'BYAR BA DANG 'DRA, LAS KYI RDO RJE DANG MA TI BHA DRA SHR'I, SA LAM GYI CHOD LUGS DE LTAR GYIS DANG GSUNG, DON GSUM PA SPYOD LAM GYI GOL SA LA GNYIS, SPYOD PA DUS MIN GYI GOL SA DANG, SPYOD PA SPYI'I GOL SA GNYIS, DANG PO DUS MIN GYI GOL SA NI, BUNG BA LTA BU'I SPYOD PA THOS BSAM SGOM GSUM SNGON DU 'GRO BAS TE, LAS DANG PO PA'I SPYOD PA YIN PA LA, BRTUL ZHUGS KYI DUS SU SPYAD NA LOG PA'O, ,RI DVAGS LTA BU'I SPYOD PA NI, NYAMS LEN GYI DUS KYI SPYOD PA YIN PA LA, BRTUL ZHUGS KYI DUS SU SPYAD NA TING NGE 'DZIN GZHAN GYI DBANG DU 'GYUR BAS LOG PA'O, ,LKUGS PA LTA BU'I SPYOD PA NI, NYAMS
LEN GNAD DU BSNUN PA'I SPYOD PA LA, BUNG BA LTA BU'I DUS SU SPYOD NA TSIG GI DON MA PHYED PAS LOG PA'O, ,THI BYA TSANG DU 'JUG PA LTA BU'I SPYOD PA NI, RANG NYAMS SKYES PA'I DUS SU SPYOD PA LA, TING NGE 'DZIN LA BAR CHAD DU 'GYUR LA, DROD MED NAS LOG PA'O, , SMYON PA LTA BU'I SPYOD PA NI, NYAMS BSTEN PA'I DUS SU SPYOD PA LA, NYAMS BAG RE SKYES PA'I DUS SU SPYAD NA, DON GYI MTHA' MI RNYED PAS LOG PA'O, ,SENG GE LTA BU'I SPYOD PA NI, LTA BA KLONG DU GYUR PA'I DUS SU SPYOD PA LA, NYAMS LEN GYI DUS SU SPYAD NA LOG PA'O, ,DE NYID KYI STENG DU MA GYUR CING SNANG BA GZHAN GYIS LOG PAR 'GYUR BAS LOG PA'O, ,KHYI PHAG LTA BU'I SPYOD PA NI, DBANG GI DUS SU SPYOD PA LA, DUS MIN GYI TSE SPYAD NA d'A KI'I CHAD PA 'ONG BAS LOG PA'O, ,SPYOD PA MA LOG PAR SPYAD NA RANG SNANG CHOS NYID DU 'CHAR BAS, GZHAN SNANG MA DAD PA BSGYUR NUS, GSANG BA GOL NUS, RDZU 'PHRUL GANG YANG SGRUB NUS TE, SNANG BA 'BYUNG BA LA DBANG BSGYUR NUS PA'O, ,GONG GI SPYOD PA DE RNAMS LOG NA SPYOD PA'I GOL SAR SHES PAR BYA STE 'BRAS BU MI 'BYUNG NGO, ,LAS KYI RDO RJE DANG MA TI BHA DRA SHR'I, SPYOD PA CHOS SPYI'I GZHUNG DANG MTHUN PAR GYIS, GNYIS PA CHOS SPYI'I SPYOD PA'I GOL SA NI, 'PHRAL GYI SPYOD PA GZO YANG CHOS DANG MI MTHUN NA, SANGS RGYAS KYI LAM DU MI 'GRO BAS TSUL 'CHOS ZHES BYA STE, SPYOD PA'I GOL SA YIN, LAS KYI RDO RJE, LAR SPYOD PA'I DUS SU MA GOL BAR 'DOD NA, SPYOD PA CI LTA BU BYED KYANG SANGS RGYAS KYI LAM DU 'GRO BA ZHIG GYIS DANG GSUNG, DON BZHI PA 'BRAS BU'I GOL SA LA GNYIS TE, GNAS SKABS DANG MTHAR THUG
, ,GO, DANG PO GNAS SKABS KYI GOL SA NI, GDAMS PA ZAB MO NYAMS SU BLANGS PA'I THUN MONG GI 'BRAS BU LA MCHOG TU BZUNGS NAS, NGA RGYAL DANG RLOM PA SKYES NA MTHAR THUG GI 'BRAS BU 'GAG PA'I GOL SA YIN, 'BRAS BU THOB KYANG RE DOGS MA ZHIG NA 'BRAS BU RGYUR GOL BA YIN, LAS KYI RDO RJE DANG MA TI BHA DRA SHR'I, RE DOGS KYI RGYU GZHI MED DU SHES PAR GYIS DANG GSUNG, YANG LAS KYI RDO RJES ZHUS PA, MNGON SUM DU RIG PA'I GNAD 'DI RTOGS NA, SEMS BSKYED DGOS SAM MI DGOS ZHUS PAS, GSANG BDAG GI ZHAL NAS, THEG PA CHEN PO'I GSANG SNGAGS SEMS BSKYED KYIS KHYAD PAR CHE BA YIN MONG, 'CHI BA DANG MI RTAG PA LAS RGYU 'BRAS 'KHOR BA'I NYES DMIGS DUS BZHIR MA DRAN NA, TSE 'DI PAR DA LTA RANG 'GRO, SEMS CAN THAMS CAD LA BYAMS PA DANG SNYING RJE DUS RTAG TU MA BSGOMS NA, MING THEG PA CHEN POR KHAS LEN KYANG NYAN THOS DANG RANG RGYAL DU GOL ZIN, RGYU 'BRAS CHA PHRA MO LA SKAD CIG GIS 'DOR LEN MA SHES NA, RTOGS PA MTHO YANG MI DGE BA SNA TSOGS 'BYUNG, LAS KYI RDO RJE CHOS GSHA' MA ZHIG BYED NA RTOGS PA DANG GANG GI DE RNAMS 'BREL BA ZHIG DGOS GSUNG, YANG LAS KYI RDO RJES ZHUS PA, LAM NYAMS SU LEN PA LA BAR CHAD GANG CHE ZHUS PAS, GSANG BDAG GI ZHAL NAS, DANG PO LAM LA 'JUG PA'I DUS SU BLO PHYIN CI LOG TU 'KHRID PA'I RKYEN GANG BYUNG YANG BAR CHAD YIN, KHYAD PAR DU SKYES PA LA BUD MED BDUD DU CHE, BUD MED LA SKYES PA BDUD DU CHE, THUN MONG DU LTO GOS BDUD DU CHE GSUNG, YANG ZHUS
PA, DA LTA'I GSANG SNGAGS PA PHAL CIG PHYAG RGYA MA BSTEN PA BOGS CHE ZER BA GDA' BA DE, JI LTAR LAGS ZHUS PAS, GSANG BDAG GI ZHAL NAS, LAM GYI BOGS 'DON PA'I PHYAG RGYA MA GSER LAS DKON, BUD MED NGAN PA MOS GUS BYI PHO LA BYED, DAG SNANG SNYING SDUG LA BYED, TSOGS GSOG BYI PHO LA 'BUL, ZHEN LOG LHA CHOS LA BYED, NYAN NA KHYI LA YANG SPYOD, DAD PA KHA NAS SKYE, LDOG NA SNYING NAS LDOG ,SER SNA MIG SER CHE, YAR 'GRO BA'I LAS MI GSOG PAR, MAR 'DREN PA'I LCAGS KYU BYED, CHOS 'PHEL BA'I BOGS 'DON PA MI YONG BAR CHAGS SDANG DANG SDUG BSNGAL GYI SNA BSU BYED, CHAGS PAS GROL DU RE NAS BSTEN PAR GDA' STE, NYON MONGS 'PHEL BA'I RGYUR SONG, KHAMS RGYAS PA'I RTEN YONG DU RA TZA NA, NYAMS GRIB KYI THUM PO KHYER YONG, DAM TSIG MI BSRUNG BA'I BUD MED 'PHYON MA BDUD MO YIN GSUNG, BSTEN DU RUNG TZAM DE GANG LAGS ZHUS PAS, GSANG BDAG GI ZHAL NAS, GONG GI SKYON DE RNAMS LAS LOG PA ZHIG YIN, KHYAD PAR DU CHOS LA MOS PA, BLO CHE BA, NGANG RGYUD RING PA, DAD PA DANG SNYING RJE CHE BA, PHA ROL TU PHYIN PA DRUG RGYUD LA TSANG BA, BLA MA'I BKA' STZAL MI LCOG PA, SGRUB PA PO LA GUS PA, SNGAGS KYI DAM TSIG MIG 'BRAS BZHIN DU BSRUNG BA, DBANG GI DUS MIN PAR GA-YEM MI 'CHOR BA, GTZANG SBRA LA GNAS PA ZHIG BYUNG NA LAM GYI GROGS SU 'GRO STE, DE LTA BU SHIN TU DKON PAS, DE LTA BU YANG CHAGS PA CAN DRANGS PA'I DON YIN CING, DBANG PO RAB KYI CHOS SKAL YIN, THA MAL PA RNAMS LA NYON MONGS PA RANG DGAR 'GRO BAS DE
, ,LAS LDOG DGOS SNGAGS KYI SGOR ZHUGS NAS DAM TSIG MA BSRUNGS NA, SANGS RGYAS PA LA RE BA MA BYED ANG, YANG LAS KYI RDO RJES ZHUS PA, CHOS SPYOD PA LA LTO GOS DANG LUS KYI BDAG 'DZIN 'DI GAS LAN KYANG 'JIG PA YIN, TSE TSAD KYANG SNGON NAS BSKOS TSAR TE YOD, PAS, GSANG BDAG GI ZHAL NAS, LAS KYI RDO RJE, LUS 'DI RNAMS KYANG 'JIG PA YIN, TSE TSAD KYANG SNGON NAS BSKOS TSAR TE YOD, RGAN GZHON LA NGES PA MED, THAMS CAD 'CHI BA LAS MA 'DAS PAS, GZUGS LEGS KYANG DE LA CHAGS PAS MA SHI PAR 'DUG PA NGAS MA MTHONG, LUS KYI GCES 'DZIN THAMS CAD BLOS THONG LA RI KHROD 'GRIMS, GOS NI DUG PO GYON KYANG CHOG ,LTO NI RDO DANG CHUS KYANG 'ONG STE, MI RNAMS KYIS CHOS BYED MA NUS PA YIN, DA BYAMS SNYING RJE BYANG CHUB KYI SEMS KYIS KUN NAS BSLANGS NAS DGE BA BYAS NA STOBS CHE BA YIN TE, DE YANG SHIN TU DKON PAR 'DUG ,NGA'I GSANG TSIG GI CHOS 'DI RNAMS MKHA' GRO'I SNYING GTAM YIN, RDO RJE 'DZIN PA BDAG GI GSANG TSIG 'DI NI, PHYI LTAR GYI LHA MO DBYANGS CAN MA, NANG GI LHA YE SHES GSANG BA'I DBANG PHYUG MAS BYIN GYIS BRLABS PA'I MA TI BHA DRA SHR'I LA BDAG GIS BSTAN TO, ,GDAMS PA 'DI LO GSUM GYI BAR LA GZHAN LA MI SMRA BAR RGYAS GDAB BO, ,GDAMS PA 'DI'I MING NI ZHU LAN SMAN MCHOG BDUD RTZI'I 'PHRENG BA ZHES BYA STE, SMAN 'DI DANG PO GDUL BYA RNAMS KYI DANG KHAR MI 'GRO BA'I DPE YOD, DANG KHAR SONG YANG SKYUGS PA'I DPE YOD, SMAN SBYOR 'DI 'KHOR BA'I
GCONG NAD SEL BA LA 'DI LAS LEGS PA MED GSUNG, SMAN 'DI DANG POR GSOL NAS BAR DU MI SKYUG PAR ZHU, DE LTAR BYAS NA 'KHOR BA'I GCONG NAD DAM PA 'DI GROL BAR 'GYUR RO, ,YANG GSANG BA'I BDAG PO LA, LAS KYI RDO RJES ZHUS PA, MA TI DHA DRA SHA'I 'DI'I RGYUD TSED GANG LAGS, 'TSANG NAM RGYA, YI DAM GANG GIS RJS SU GZUNGS, SKYE BA SNAG MA GAR 'KHRUNGS ZHUS PAS, GSANG BA'I BDAG PO'I ZHAL NAS, BLO BZANG GRAGS PA 'DI NI TSOGS GNYIS RGYA CHEN PO BSAGS PA'I GANG ZAG YIN TE, SKYE BA SNGA MA SKYE BA BDUN GYI BAR, PAndI TA'I TSUL BSTAN NAS SEMS CAN GYI DON MDZAD, 'DI KHA'I SKYE BA SNGA MA KHA CHE'I GRIB STAN GYI YUL DU PAndI TA MA TI BHA DRA SHR'I ZHES BYA BAR SKU 'KHRUNGS TE PHUN SUM TSOGS PA'I 'KHOR LNGA BRGYA 'DUS, SO SO SKYE BO'I SNANG NGOR SBYOR LAM LA GNAS PAR GRAGS, KHO BO PHYAG NA RDO RJES KYANG 'DI'I YON TAN DPAG PAR MI NUS SHING, LHAG PA'I LHA PHYI NANG GI LHA MOS RJES SU BZUNGS SHING, RIGS GSUM MGON POS KYANG RJES SU BZUNGS TE, LHAG PA'I LHA YIN, 'TSANG NAM RGYA NGAS MI STON, 'JAM DPAL DANG SPYAN RAS GZIGS KYIS LUNG STON PAR 'GYUR RO, ,MTHONG THOS DRAN REG GSUM GYIS PHAN YON THOB PA'I GANG ZAG YIN PAS, KHO'I RGYUD TSED GZHAN GYIS RTOGS PAR MI NUS SO, , YANG GSANG BDAG LA LAS KYI RDO RJES ZHUS PA, KHA BA CAN GYI LJONGS SU BSTAN PA JI TZAM GNAS ZHUS PAS, DA PHYIN CHAD DA LTA LUNG GI DUS YIN, DE'I NANG NAS KYANG MDO SDE'I DUS YIN, 'DUL BA DANG BCAS PA LA LO STONG TSO GCIG DANG BRGYA R
, ,TSO GSUM GNAS GSUNG, YANG GSANG BDAG LA LAS KYI RDO RJES ZHUS PA, BOD KHA BA CAN 'DIR BDE SDUG CI 'ONG ZHUS PAS, NAG PO'I PHYOGS RNAMS RGYAS SHING DKAR PO'I PHYOGS RNAMS PHAM PAS MTHA' MI THAMS CAD DBUS SU LHAGS, DE'I STOBS KYIS MTHA'I LHA 'DRE THAMS CAD KYANG DBUS SU LHAGS, DBUS KYI MI THAMS CAD MTHA' 'KHOB TU LHAGS, DBUS KYI LHA 'DRE THAMS CAD MTHA' 'KHOB TU LHAGS, DE'I STOBS KYIS LHA 'DRE LHA 'DRER MA 'CHAM, MI MANG PO LA MU GE DANG YAMS NAD 'BYUNG, SEMS CAN LA BDE SKYID MED, KHYED SDE GOG 'DZIN PA'I SLOB DPON RNAMS SNYING RE RJE GSUNG, MTHA' NAS DMAG LHAGS TE 'JOMS PA'I DUS NI DE LTA YIN MOD, DBUS KYI SDE PA DANG RAB BYUNG RNAMS KYIS BSTAN PA SPYI'I RIM GRO BAG TZAM BYAS PA'I STOBS KYIS PHYIR NUR, DA DUNG KYANG BZLOG THABS BYAS NA PHYIR NUR SRID, SEMS CAN GYI LAS KYI DBANG GIS LO BCU MA 'GYANGS PAR 'BYUNG, DGE 'DUN SDE 'KHRUGS NA NI, MYUR DU 'BYUNG BA'I RTAGS YIN, THEG PA MCHOG GI MI RTOG PA LA SOGS PA'I TING NGE 'DZIN BSKYANGS PAS LHAG MTHONG GI MYONG BA SKYES TE THABS ZAB MO SNYING RJE KHYAD PAR DU BYAS PAS MYUR DU SKYE, SNGAGS KYI BZLAS THABS ZAB MOS LUS LA GNAD DU BSNUN PAS SEMS THOG TU RTOGS PA RANG DBANG MED PAR SKYE BA'I DON, SNYING RJE CHEN PO THABS ZAB MO 'KHRID MCHOG BSAM GYIS MI KHYAB PA YOD PAS SKYE BAR 'GYUR RO, ,THOS PA MED NA GOL SA GSANG SNGAGS KHO NA MANG BAS LAS DANG PO PA'I SKABS SU THOS PA SHIN TU GAL CHE
GSUNG, DA LTA'I BSAM GTAN PA BYINGS KYIS SEMS BSKYAD LUGS 'DIS KYANG LHAG MTHONG GI MYONG BA BAG RE SKYE BA LAS 'OS CI YOD, GSANG SNGAGS ZAB MO'I GZUNGS SNGAGS BZLAS PAS THUN MONG GI DNGOS GRUB BAG RE 'BYUNG GI YOD, DE BAS MCHOG GI DNGOS GRUB RGYUN CHAGS GTING NAS SKYE, DES NA THAMS CAD LA DAG PA'I SNANG BA SKYED DGOS, LHAG MTHONG RNAM DAG GI MYONG BA SKYE BAR BYED PA LA, BLA MA LHAG MTHONG RNAM DAG SKYES PA ZHIG LA BRTEN DGOS, LHAG MTHONG RNAM DAG MI SKYE NA, NGA'I GSANG TSIG TU LTOS, GOL SA RNAMS GCOD DGOS PA LAGS SO, ,ZHI GNAS MED PA LA LTA BA'I GO YUL GCIG BKAB PAS LHAG MTHONG GIS ZIN PAR 'DOD PA RNAMS NI RGYAL BA RNAMS KYIS MA GSUNGS SO, ,DE LTA BU MI 'BYUNG GSUNG, LHAG MTHONG GI MYONG BA THON PA'I THABS KHYAD PAR CAN GSANG SNGAGS KYI GDAMS PA THUN MONG MIN PA SBYOR DRUG DANG RDZOGS CHEN YIN GSUNG, SPYIR THAR PA DANG THAMS CAD MKHYEN PA'I RGYU'I GSAL BA'I DBYE BA BSAM GYIS MI KHYAB MOD, RIGS BSDU NA GSUM DU 'DUS, NGA'I GSANG TSIG RNAMS LA MANG DU YOD, CHOS BYAS PA LAM DU SONG MA SONG GI KHYAD PAR BYANG CHUB KYI SEMS THUN MONG MIN PA RGYA CHE CHUNG GI KHYAD PAR YIN, BYANG CHUB KYI SEMS KYI NGO BO SNYING RJE CHEN PO, BYED LAS SEMS CAN GYI DON SGRUB PA STE, THUN MONG MIN PA YIN, DE GSUM GYI GO YUL DANG MYONG BA RNAM DAG SKYES PA'I TSAD RANG DON GYI 'KHRI BA CHOD NAS, GZHAN DON 'BA' ZHIG SEMS SHING SGRUB PA ZHIG 'ONG GSUNG, RDZOGS PA CHEN PO 'DI LTA BA RNAM DAG LAGS SAM ZHUS
, ,PAS, RDZOGS PA CHEN PO YANG LTA BA MTHON PO YIN MED, LTA BA'I PHYOGS LA SLOB DPON KLU SGRUB DANG ZLA GRAGS KYIS BKRAL BA 'DI 'KHRUL MED YIN, DE LA MA BRTEN PA'I LHAG MTHONG SKYE BA MI SRID GSUNG, DA LTA DBUS GTZANG NA SANGS RGYA BA'I LAM MA NOR BA LUNG RIGS KYI STOBS KYIS SGRO 'DOGS CHOD NAS GZHAN LA LAM RNAM DAG 'KHRID THUB PA YANG BSAM GYIS MI KHYAB, 'KHRID THUB PA RNAMS KYIS 'KHRID PA'I NGES PA YANG MED, 'KHRID MI THUB PAS KHRID NA SLOB DPON DANG BCAS PA THAMS CAD NGAN SONG DU 'GRO BAS SNYING RE RJE GSUNG, YANG GSANG BDAG LA LAS KYI RDO RJES ZHUS PA, BLO BZANG GRAGS PA'I SKU TSE'I TSAD JI TZAM, 'KHOR KHYAD PAR CAN JI TZAM, GNAS GANG DU 'GRO DON 'PHEL, SKYE BA PHYI MA GANG DU 'GRO DON BYED BSTAN DU GSOL ZHUS PAS, GSANG BA'I BDAG PO'I ZHAL NAS, GNAS GZHI GCIG TU MA BZHUGS NA 'GRO DON 'PHEL, SKU TSE'I TSAD BZHI BCU ZHE LNGA LAS MI THUB, SGRUB PA 'BA' ZHIG MDZAD NA, BDUN CU DON GCIG THUB, 'GRO DON BYED NA SGROL MA DKAR MO'I SGRUB PA DANG TSE DPAG MED KYI SGRUB PA, 'JAM DPAL DANG 'BREL PA YOD PAS, 'JAM DPAL GSHED DMAR GYI SGRUB PA MDZAD NA SKU TSE RING, DE MA MDZAD NA NAG PO'I PHYOGS KYIS BAR CHAD 'BYUNG (GCIG NA DON GSUM) NYEN YOD, GONG GI SGRUB PA DE SHIN TU GCES, 'KHOR KHYAD PAR DU 'PHAGS PA GSUM 'BYUNG, TSOGS KYI LAM LA 'JUG PA'I 'KHOR MANG DU 'BYUNG, LAM NI TSE SNGA MA'I LUNG BSTAN LAS 'PHAGS PAS TSAD MI ZIN, GONG DU BSTAN PA'I YI DAM LHA MYUR DU
ZHAL GZIGS, GZIGS LUGS RNAM PA GSUM, RAB DNGOS SU ZHAL GZIGS, 'BRING NYAMS LA GZIGS, THA MA RMI LAM DU ZHAL GZIGS PA'O, ,YI DAM LHA ZHAL GZIGS PA'I SNGON LA CHO 'PHRUL GDUG RTZUB CHE BAR 'BYUNG NGO, ,BDUD CHE RIGS NYID YI DAM DU SPRUL NAS 'BYUNG, DE LA RANG NYID KYIS TING NGE 'DZIN BRTAN PA DANG YE SHES PA SPYAN DRANGS NAS DE LA BSTIMS PAS, YI DAM YIN NA GZI BRJID CHER BSKYED 'ONG, BDUD YIN NA YAL TE 'GRO, DE LA SOGS PA BSAM GYIS MI KHYAB PA 'DUG NA'ANG, DED LA DE KA GO BDE BA DANG SLA BAR BYUNG, JI TZAM DU YI DAM LHA'I ZHAL GZIGS KYANG SPRO DGA' MI 'TSAL, DE BYAS NA BDUD KYIS 'KHYER BA 'DUG GSUNG, YANG ZHUS PA, BLO BZANG GRAGS PA 'DI NYID SKYE BA RTING MA GAR 'KHRUNGS ZHUS PAS, DGA' LDAN DU BYAMS PA'I DRUNG DU BYANG CHUB SEMS DPA' 'JAM DPAL SNYING PO ZHES BYA BAR SKYE, DE NAS DGA' LDAN NAS 'DZAM BU'I GLING GZHAN DU SEMS CAN GYI DON LA DGONGS TE, CHOS RGYAL NYID DU SKYE BA BZHES TE SEMS CAN GYI DON DPAG TU MED PA 'BYUNG, GSUM PA 'DZAM BU'I GLING 'DIR, RGYA GAR SHAR PHYOGS SU RI TZA BYA BA'I GTZUG LAG KHANG DU PAndI TA DZNY'A NA SHR'I ZHES BYA BAR 'KHRUNGS, 'KHOR NYIS STONG DU 'DU ZHING, 'KHOR RNAMS KYANG TSOGS LAM CHEN PO DANG, SBYOR LAM LA GNAS PA SHA STAG 'BYUNG NGO, ,GSANG BDAG NYID KYIS GSUNGS PA'I TSIG RNAMS GZHAN GYI BLOR MI SHONG SRID PAS SPED PAR MDZAD PA ZHU, KHYED KYI SKU'I CHE BA DANG YON TAN 'GA' ZHIG GSUNG NA'ANG, YI GA LA 'DEBS LONG MA BYUNG BAS PHYOGS TZAM
, ,YI GER BKOD PA YIN LAGS, DRI BA RNAMS LA'ANG GANG DRIS DRIS LA, DE YANG KHO RANG RANG RGYUS CHE GSUNGS NAS, PHYOGS 'DI TZAM LAS MI GDA' BAS DE BKOD PA LAGS SO,, ,,MANGGA LAm, BHA WANTU, ,, *, ,(SKABS 'DIR BRJOD PAR BYA BA NI, SPYIR GYI GRUB THOB RNAMS KYIS MDZAD TSUL DANG, GDAMS NGAG RNAMS LUGS RNAM DAG MANG DU YOD MOD, DE BZHIN DU RJE BTZUN 'DI'I SNYAN BRGYUD RNAMS KYI LTA BA'I SKABS RNAMS LA YANG, PHYAG RGYA CHEN PO DANG MTHUN PA'I LUGS GCIG DANG, DBU MA CHAN PO DANG MTHUN PA'I LUGS GCIG DANG, RDZOGS PA CHEN PO DANG MTHUN PA'I LUGS GCIG STE, MI MTHUN PA GSUM GSUNGS PA NI, GDUL BYA'I DBANG GIS DGONGS PA CAN DU NGES SHING, KHYAD PAR DU SMAN MCHOG BDUD RTZI 'DI, RJE TZONG KHA PA NYID LA GNANG BA'I GDAMS PA'I MCHOG YIN TE, MKHA' 'GRO RNAMS KYIS KYANG, BDUD RTZI SMAN MCHOG CHOS KYI MCHOG, CES SOGS GSUNGS LA, RJE TZONG KHA PA NYID KYIS KYANG, 'PHAGS PA LAG NA RDO RJE'I GSANG TSIG, LHAG CHAD NOR GSUM GYI SKYON DANG BRAL BA, BDUD RTZI SMAN MCHOG CES SOGS KYIS BSNGAGS PA MANG DU GSUNGS YOD PA LA, DUS PHYIS KYI RNAL 'BYOR PA ZHIG GIS CHOS 'DI NYID DPAL RDZOGS PA CHEN PO'I ZHU LAN GSER 'PHRENG DANG 'O MA DANG CHU BSRES PA LTAR BYAS TE, DE YANG 'GAL 'DU DANG DKA' BA'I GNAS RNAMS LA, BRTAG DPYAD CHER MA ZHUGS LAGS, RDZOGS CHEN LA MOS PA ZHIG GIS BSRUNG PAR NGES SO, ,DE'I RGYU MTSAN YI DAM GYI ZHAL NAS KYANG, RDZOGS PA CHEN PO YANG LTA PA MTHON PO YIN MOD, KHYOD RANG KLU SGRUB DANG ZLA GRAGS KYIS BKAL BA'I LUGS BZHIN GYIS, ZHES SOGS DU MA ZHIG GSUNGS LA, GONG GI LTA BA MTHON PO YIN MOD CES PA'I TSIG 'DI LA, DPYAD GZHI BYA BAR
RIGS LA, 'DI'I NGO BO, RANG BZHIN, THUGS RJE ZHES PA RNAMS LTA SGAM SPYED GSUM DANG SBREL NA, KLU SGRUB ZLA GRAGS KYI ZHA LHAG, MNYAM RJES SOGS DANG MI 'DRA BA DU MA ZHIG 'DUG PA 'DI LTAR NA, GANG GI YI DAM GYI GSUNG YANG 'GAL BA CAN DU 'GYUR LA, RJE TZONG KHA PA NYID KYIS THUGS NGES PA CHEN PO DE LTA BU 'DREN PA LA 'GAL 'DU DANG BRAL ZHING, LTA SPYOD KYI SKABS KYANG ZHIB ZHIB 'DRA LA RTZING BAR MA SONG BA DGOS YOD, DE SOGS KYI DPYAD GZHI BYA RGYU MI 'DUG PAS, PHYIS 'BYUNG CHOS 'DIR 'JUG 'DOD RNAMS, DPE CHA MTHONG BA TZAM DANG GSUNG BA PO DANG ZHU BA PO BZANG ZER BA TZAM LA DAG PA SBYAR NAS GZHAN GYIS BSLAD PA MI GO BAR MA BYED, SPYIR BSTAN PA 'GAL MED DU RTOGS SHING, GZHUNG LUGS GDAMS NGAG TU 'CHAR BA DGOS MOD, DE LA 'GAL 'DU DANG BCAS BZHIN DU MA YIN TE, RNAL 'BYOR PAS NYAMS MYONG LA BCAR NAS SGOM DUS THE TSOM GYI SGROG GIS 'CHID ? ZHING SKYON GYI SGO DU MA 'BYUNG BAS SO, ,'DIR MA PHYI LHAD MED GTAN MA RNYED PAS, RJE PHYAG RDOR BAS MDZAD PA'I MDZAD PA LA SKYON SEL BA'I PHYIR YIG CHA NGA 'DI BKOD PA'O,,) ZHUS DAG@0,