, ,DPAL DUS KYI 'KHOR LO'I DKYIL 'KHOR YONGS RDZOGS KYI BSTOD PA BSTOD PA TZAM GYIS 'DOD PA'I DON THAMS CAD 'GRUB PA ZHES BYA BA BZHUGS SO, ,
, ,DPAL DUS KYI 'KHOR LO'I BSTOD PA, ,BSTOD PAS 'DOD PA'I DON THAMS CAD 'GRUB PA ZHES BYA BA, BLA MA DAM PA RNAMS DANG, DPAL DUS KYI 'KHOR LO LA PHYAG 'TSAL LO, ,GNAS BZHI'I SA BON RGYUD SDE BZHI YI CHU 'DZIN LAS BYUNG RNAM BZHI'I DBANG GI CHAR GYIS BRLAN, ,BSNYAN SGRUB BZHI YI DROD KYIS BSKYED PA'I DGA' BA BZHI YI SDONG PO SHIN TU CHER RGYAS SHING, ,SKAD CIG BZHI YI YAL 'DAB RAB RGYAS 'BRAS BU BZHI YI ME TOG DRI LDAN SKU BZHI'I 'BRAS, ,'PHRIN LAS RNAM BZHI'I GRIB BSIL DANG LDAN DPAL LDAN BLA MA RIN CHEN LJON SHING RGYAL GYUR CIG ,1 SHES RAB MA YIN THABS MIN PA'I, ,GNYIS MED DUS 'KHOR BDE BA CHE, ,SNA TSOGS YUM GYIS MGRIN 'KHYUD PA'I, ,MGON PO DE LA PHYAG 'TSAL NAS, ,2 DAD PA'I CHU LAS SKYES PA YI, ,BSTOD TSIG PAD MO DRI MED 'DIS, ,DUS KYI 'KHOR LO'I DKYIL 'KHOR GYI ,LHA RNAMS RTAG TU MCHOD PAR BGYI, ,3 PHYI NANG DUS KUN SGRIB MED PA'I, ,BDAG NYID 'KHOR 'DAS RO GCIG PA, ,MI 'GYUR BDE BA RDZOGS PA PO, ,DUS KYI 'KHOR LO LA PHYAG 'TSAL, ,4 DRI MED 'OD ZER 'PHRO BA'I SKU, ,RDO RJE YI NI RGYAN
, ,DANG LDAN, ,ZHAL RGYAS MCHE BA PHYED GTZIGS PA'I, ,MGON PO DE LA PHYAG 'TSAL LO, ,5 SKU MDOG SNGON PO NAM MKHA'I MDOG ,RIG BYED ZHAL DANG RGYAL BA'I PHYAG ,DPUNG PA BCU GNYIS PHRAG PA DRUG ,NYI MA'I SPYAN CAN LA PHYAG 'TSAL, ,6 DBUS KYI MGRIN PA SNGON PO STE, ,GA-YAS PA NYI MA DANG MTSUNGS DMAR, ,GA-YAS MIN DKAR PO ZLA BA'I MDOG ,MGRIN PA GSUM LDAN LA PHYAG 'TSAL, ,7 NAG PO MCHE GTZIGS DRAG PO SHAR, ,GA-YAS ZHAL PHYAG BCAS DMAR PO STE, ,GA-YON DKAR ZHI BA RGYAB ZHAL NI, ,SER PO TING 'DZIN GNAS LA 'DUD, ,8 DBU YI RAL PA'I COD PAN LA, ,SNA TSOGS RDO RJE ZLA PHYED DANG, ,RIGS KYI BDAG PO DBU RGYAN DU, ,'DZIN PA DE LA PHYAG 'TSAL LO, ,9 RDO RJE NOR BU RNA RGYAN DANG, ,MGUL RGYAN GDU BU SKA RAGS DANG, ,RKANG GDUB DAR DBYANGS RDO RJE'I PHRENG, ,STAG LPAGS NA BZA' 'DZIN LA 'DUD, ,10 SNGO DANG DMAR DANG DKAR BA YI, ,PHRAG PA GSUM DANG DPUNG PA DRUG ,NAG DMAR DKAR BA'I PHYAG BCU GNYIS, ,GA-YAS GA-YON GNAS LA PHYAG 'TSAL LO, ,11 MTHE BONG SER LA MDZUB MO DKAR, ,GUNG MO DMAR LA MING MED
NAG, MTHE CHUNG LJANG KHU TSIGS PHRENG GSUM, ,NAG DMAR DKAR LA PHYAG 'TSAL LO, ,12 SOR GDUB RNAMS KYIS MDZES PA YI, ,GA-YAS KYI NAG PO'I PHYAG BZHIN, ,RDO RJE RAL GRI RTZE GSUM DANG, ,GRI GUG 'DZIN LA PHYAG 'TSAL LO, ,13 DMAR PO'I PHYAG GI MTHIL BZHI YIS, ,ME MDA' RDO RJE LCAGS KYU DANG, ,SGRA DANG BCAS PA'I dA MA RU, ,THO BA 'DZIN LA PHYAG 'TSAL LO, ,14 DKAR PO'I PHYAG BZHIS RIM PA BZHIN, ,'KHOR LO MDUNG DANG DBYUG PA DANG, ,BZHI PAS DGRA STA 'DZIN PA YI, ,'JIGS PA DE LA PHYAG 'TSAL LO, ,14 GA-YON GYI NAG PO'I PHYAG BZHIN, ,RDO RJE DRIL BU PHUB DANG NI, ,KHA t'Am RNAM PAR RGYAS PA'I KHA, ,THOD KHRAG 'DZIN LA PHYAG 'TSAL LO, ,16 DMAR PO YI NI PHYAG BZHI YIS, ,GZHU DANG RDO RJE ZHAGS PA DANG, ,NOR BU RIN CHEN PAD MA DKAR, ,'DZIN PA DE LA PHYAG 'TSAL LO, ,17 DKAR PO'I PHYAG GIS DUNG DANG NI, ,ME LONG RDO RJE LCAGS SGROG DANG, ,TSANGS MGO GDONG BZHI PAD MA YIS, ,SPRAS PA 'DZIN LA PHYAG 'TSAL LO, ,18 ZE 'BRU'I PHRENG LDAN BSIL ZER CAN, ,'OD STONG LDAN DANG DUS ME'I STENG, ,SHIN TU BSGYINGS PA'I GA-YAS BRKYANG GI ,STABS KYIS BZHUGS LA PHYAG 'TSAL LO, ,19 ZHABS GA-YAS DMAR POS 'DOD PA'I LHA, ,DMAR PO GDONG GCIG LAG BZHI PA, ,ME TOG MDA' LNGA GZHU DANG ZHAGS, ,LCAGS KYU 'DZIN PA MNAN LA 'DUD, ,20 DRAG PO DKAR PO MIG GSUM PA, ,
, ,GDONG GCIG LAG BZHI RTZE GSUM DANG, ,CANG TE THOD PA KHA tV'Am 'DZIN, ,ZHABS GA-YON DKAR POS GNON LA 'DUD, ,21 BDUD KYI LHA MO DGA' MA DANG, ,DRAG PO'I LHA MO DKA' BZLOG MAS, , GDONG DMAN ZHABS LA 'DZIN BZHIN DU, ,BDUD DANG DRAG PO GNON LA 'DUD, ,22 SNA TSOGS YUM NI GSER GYI MDOG ,RTZA ZHAL GSER MDOG GA-YAS PA DKAR, ,GA-YON PA DMAR PO RGYAB ZHAL SNGO, ,ZHAL BZHI LDAN LA PHYAG 'TSAL LO, ,23 GA-YAS KYI PHYAG BZHIS RIM PA BZHIN, ,GRI GUG RDO RJE LCAGS KYU DANG, ,SGRA DANG BCAS PA'I dA MA RU, ,BGRANG PHRENG 'DZIN LA PHYAG 'TSAL LO, ,24 GA-YON NA THOD PA ZHAGS PA DANG, ,PAD MA DKAR PO 'DAB BRGYA PA, ,MCHOG GI RIN CHEN 'DZIN MDZAD PA'I, ,PHYAG BRGYAD LDAN LA PHYAG 'TSAL LO, ,25 GA-YON BRKYANG STABS KYIS YAB LA 'KHYUD, ,RDO RJE SEMS DPA'I COD PAN CAN, ,PHYAG RGYA LNGA YIS RGYAS BTAB LA, ,NYI MA'I SPYAN CAN LA PHYAG 'TSAL, ,26 SHAR GYI PAD MA'I 'DAB MA LA, ,NAG MO 'BAR MA SKU MDOG NAG ,NAG DMAR SER DANG DKAR BA'I ZHAL, ,NYI MA'I SPYAN LDAN LA PHYAG 'TSAL, ,27 GA-YAS KYI PHYAG BZHIS SPOS KYI SNOD, ,TZAN DAN SNOD DANG GUR GUM SNOD, ,GA BUR GLA RTZI SBYAR BA'I SNOD, ,'DZIN PA DE LA PHYAG 'TSAL LO, ,28 GA-YON NA DRIL BU PAD MA DANG, ,LHA SHING GI NI ME TOG DANG, ,ME TOG SNA TSOGS PHRENG BA 'DZIN, ,PHYAG BRGYAD LDAN LA PHYAG 'TSAL
LO, ,29 LHO YI PAD MA'I 'DAB MA LA, ,DMAR MO 'BAR MA SKU MDOG DMAR, ,DMAR SER DKAR SNGO'I ZHAL BZHI PO, ,SPYAN GSUM LDAN LA PHYAG 'TSAL LO, ,30 PHYAG GA-YAS MAR ME DO SHAL DANG, ,COD PAN GDU BU GA-YON NA GOS, ,SKA RAGS RIN CHEN RNA RGYAN DANG, , RKANG GDUB 'DZIN LA PHYAG 'TSAL LO, ,31 BYANG GI PAD MA'I 'DAB MA LA, ,DKAR MO 'BAR MA SKU MDOG DKAR, ,DKAR NAG DMAR DANG SER BA'I ZHAL, ,RE RE'ANG SPYAN GSUM LDAN LA 'DUD, ,32 PHYAG GA-YAS 'O MA CHU MCHOG SMAN, ,CHANG SNOD GA-YON PA BDUD RTZI'I SNOD, ,GRUB PA'I RO DANG BDUD RTZI'I 'BRAS, ,ZAN SNOD BSNAMS LA PHYAG 'TSAL LO, ,33 NUB KYI PAD MA'I 'DAB MA LA, ,SER MO 'BAR MA SKU MDOG SER, ,SER DKAR SNGO DANG DMAR BA'I ZHAL, ,MDZES PA'I SPYAN GSUM LDAN LA 'DUD, ,34 PHYAG GA-YAS DUNG DANG GLING BU DANG, ,NOR BU CANG TE GA-YON RGYUD MANG, ,RNGA DANG SGRA SGROG 'KHAR BA DANG, ,ZANGS DUNG 'DZIN LA PHYAG 'TSAL LO, ,35 ME YI MTSAMS SU DU BA MA, ,NAG MO 'BAR MA LTA BU STE, ,PHYAG BRGYAD KYIS NI RNGA YAB 'DZIN, ,LHA MO DE LA PHYAG 'TSAL LO, ,36 BDEN BRAL MTSAMS SU SMIG RGYU MA, ,DMAR MO 'BAR MA LTA BU YI, ,ZHAL DANG SKU MDOG DANG LDAN PA, ,PHYAG BRGYAD RNGA YAB 'DZIN LA 'DUD, ,37 DBANG LDAN MTSAMS SU MKHA' SNANG MA, ,DKAR MO 'BAR MA LTA BU'I ZHAL, ,SKU MDOG DKAR MA PHYAG BRGYAD KYIS, ,RNGA YAB 'DZIN LA PHYAG 'TSAL LO, ,38 RLUNG GI MTSAMS SU MAR ME MA, ,SER MO 'BAR MA LTA BU STE, ,ZHAL BZHI PHYAG BRGYAD RNGA YAB 'DZIN, ,GSER MDOG MA LA PHYAG 'TSAL LO, ,39 KUN KYANG PHYAG RGYA LNGA YIS BRGYAN, ,MNYAM PA'I STABS KYIS MDZES PAR BZHUGS, ,RDO RJE SEMS DPA'I PHYAG RGYA MO, ,PHA ROL PHYIN MA RNAMS LA 'DUD, ,40 DBANG LDAN SRIN PO ME RLUNG DU, ,CHOS KYI DUNG DKAR GAndI DMAR, ,NOR BU NAG PO DPAG BSAM SHING, ,SER PO RDO RJE BZHI LA 'DUD, ,41 BDE GSHEGS 'PHAR MA'I SHAR PHYOGS
, ,SU, ,DON YOD GRUB PA SKU MDOG NAG ,NAG DANG DMAR DANG DKAR BA'I ZHAL, ,SPYAN DGU PA LA PHYAG 'TSAL LO, ,42 PHYAG GA-YAS RAL GRI GRI GUG DANG, ,RTZE GSUM GA-YON NA PHUB THOD PA, ,KHA t'Am GA NI DKAR PO 'DZIN, ,SPYAN MAS 'KHYUD LA PHYAG 'TSAL LO, ,43 LHOR NI RIN CHEN 'BYUNG LDAN DMAR, ,DMAR DANG DKAR DANG NAG PA'I ZHAL, ,M'A MA K'I YIS 'KHYUD PA YI, ,BDE GSHEGS DE LA PHYAG 'TSAL LO, ,44 PHYAG GA-YAS ME MDA' LCAGS KYU DANG, ,SGRA DANG BCAS PA'I dA MA RU, ,GA-YON NA GZHU DANG RDO RJE'I ZHAGS, ,RIN CHEN RTZE DGU 'DZIN LA 'DUD, ,45 BYANG DU SNANG BA MTHA' YAS DKAR, ,DKAR DANG NAG DANG DMAR BA'I ZHAL, ,GOS DKAR MO YIS MGRIN 'KHYUD PA'I, ,'OD DPAG MED LA PHYAG 'TSAL LO, ,46 PHYAG GA-YAS THO BA MDUNG DANG NI, ,RTZE GSUM GA-YON NA PAD DKAR NI, ,'DAB BRGYA PA DANG ME LONG DANG, ,BGRANG PHRENG 'DZIN LA PHYAG 'TSAL LO, ,47 NUB TU RNAM PAR SNANG MDZAD NI, ,SGROL MAS 'KHYUD PA'I SER PO STE, ,SER DANG DKAR DANG NAG PA'I ZHAL, ,SGRIB BRAL GZUGS LA PHYAG 'TSAL LO, ,48 PHYAG GA-YAS 'KHOR LO DBYUG PA DANG, ,'JIGS BYED RDO RJE GA-YON NA DUNG, ,RDO RJE LCAGS SGROG SGRAR BCAS PA'I, ,DRIL BU 'DZIN LA PHYAG 'TSAL LO, ,49 KUN KYANG PAD DKAR NYI MA'I STENG, ,RDO RJE'I GDAN GYIS BZHUGS PA LA, ,SHES RAB PAD MA'I GDAN GYIS 'KHYUD, ,SGRIB BRAL PHUNG PO LA PHYAG 'TSAL, ,50 ME MTSAMS SGROL MA DON GRUB BZHIN, ,RNAM SNANG MDZAD KYIS KUN NAS 'KHYUD, ,RLUNG KHAMS SGRIB BRAL DU GYUR PA'I, ,'KHOR BA SGROL MDZAD LA PHYAG 'TSAL, ,51 SRIN PO'I MTSAMS SU GOS DKAR MO, ,RIN CHEN 'BYUNG LDAN LTA BU LA, ,'OD DPAG MED KYIS MNGON PAR 'KHYUD, ,SGRIB BRAL ME LA PHYAG 'TSAL LO, ,52 DBANG LDAN MTSAMS SU M'A MA K'I, ,SNANG BA MTHA' YAS LTA BU LA, ,RIN CHEN 'BYUNG BAS 'KHYUD PA YI, ,CHU KHAMS SGRIB BRAL
LA PHYAG 'TSAL, ,53 RLUNG GI MTSAMS SU SANGS RGYAS SPYAN, ,RNAM PAR SNANG MDZAD LTA BU LA, ,DON YOD GRUB PAS 'KHYUD PA YI, ,SA KHAMS SGRIB BRAL LA PHYAG 'TSAL, ,54 KUN KYANG PAD DMAR ZLA BA'I STENG, ,PAD MA'I GDAN GYIS BZHUGS PA LA, ,THABS RNAMS RDO RJE'I GDAN GYIS 'KHYUD, ,GSHEGS MA BZHI LA PHYAG 'TSAL LO, ,55 BAR GYI LE TSE LA GNAS PA, ,SHAR DU RKANG DANG LHO RU KHRAG ,BYANG DU GCI BA NUB TU BSHAD, ,SGRIB BRAL BUM PA BRGYAD LA 'DUD, ,56 SHAR SGO'I GA-YAS SU MKHA' SNYING PO, ,DON YOD GRUB PA LTA BU LA, ,DRI YI RDO RJE MA YIS 'KHYUD, ,RDO RJE'I SNA LA PHYAG 'TSAL LO, ,57 LHO SGO'I GA-YAS SU SA SNYING PO, ,RIN CHEN 'BYUNG LDAN LTA BU LA, ,GZUGS KYI RDO RJE MA YIS 'KHYUD, ,RDO RJE'I MIG LA PHYAG 'TSAL LO, ,58 BYANG SGO'I GA-YAS SU 'JIG RTEN DBANG, ,SNANG BA MTHA' YAS LTA BU LA, ,RO YI RDO RJE MA YIS 'KHYUD, ,RDO RJE'I LCE LA PHYAG 'TSAL LO, ,59 NUB SGO'I GA-YAS SU SGRIB RNAM SEL, ,RNAM PAR SNANG MDZAD LTA BU LA, ,REG BYA RDO RJE MA YIS 'KHYUD, ,RDO RJE'I LUS LA PHYAG 'TSAL LO, ,60 SHAR SGO'I GA-YON DU KUN BZANG SNGO, ,SNGO DANG DMAR DANG DKAR BA'I ZHAL, ,CHOS DBYINGS RDO RJE MA YIS 'KHYUD, ,RDO RJE'I YID LA PHYAG 'TSAL LO, ,61 PHYAG GA-YAS RDO RJE GRI GUG DANG, ,DGRA STA GA-YON NA DRIL BU DANG, ,THOD PA DANG NI TSANGS PA'I MGO ,BSNAMS PA DE LA PHYAG 'TSAL LO, ,62 LHO SGO'I GA-YON DU PHYAG RDOR LJANG, ,LJANG DANG DMAR DANG DKAR BA'I ZHAL, ,SGRA YI RDO RJE MA YIS 'KHYUD, ,RDO RJE'I RNA BA LA PHYAG 'TSAL, ,63 GA-YAS KYI PHYAG GIS RDO RJE DANG, ,GRI GUG DANG NI DGRA STA 'DZIN, ,GA-YON NA DRIL BU THOD PA DANG, ,TSANGS MGO 'DZIN LA PHYAG 'TSAL LO, ,64 KUN KYANG PAD DKAR NYI MA'I STENG, ,RDO RJE'I GDAN GYIS BZHUGS PA LA, ,YUM RNAMS PAD MA'I GDAN GYIS 'KHYUD, ,SKYE MCHED DRUG LA PHYAG 'TSAL LO, ,65 ME MTSAMS REG BYA RDO RJE MA, ,SGRIB RNAM
, ,SEL DANG MNYAM PAR SBYOR, ,SKU MDOG PHYAG MTSAN SGROL MA BZHIN, ,RDO RJE'I REG LA PHYAG 'TSAL LO, ,66 SRIN POR RO YI RDO RJE MA, ,NA BZA' DKAR MO LTA BU LA, ,'JIG RTEN DBANG PHYUG GIS 'KHYUD PA'I, ,RDO RJE'I RO LA PHYAG 'TSAL LO, ,67 DRAG POR GZUGS KYI RDO RJE MA, ,RDO RJE M'A MA K'I LTA BU, ,SA YI SNYING POS 'KHYUD PA YI, ,RDO RJE'I GZUGS LA PHYAG 'TSAL LO, ,68 RLUNG DU DRI YI RDO RJE MA, ,SANGS RGYAS SPYAN MA LTA BU LA, ,NAM MKHA'I SNYING POS 'KHYUD PA YI, ,RDO RJE'I DRI LA PHYAG 'TSAL LO, , 69 BYANG SGO'I GA-YON DU SGRA RDO RJE, ,KUN TU BZANG PO LTA BU LA, ,PHYAG NA RDO RJES 'KHYUD PA YI, ,RDO RJE'I SGRA LA PHYAG 'TSAL LO, ,70 CHOS KYI DBYINGS KYI RDO RJE MA, ,PHYAG RDOR LTA BU NUB SGO'I GA-YON, ,KUN TU BZANG POS 'KHYUD PA YI, ,RDO RJE'I CHOS LA PHYAG 'TSAL LO, , 71 KUN KYANG PAD DMAR ZLA BA'I STENG, ,PAD MA'I GDAN GYIS BZHUGS PA LA, ,YAB RNAMS RDO RJE'I GDAN GYIS 'KHYUD, ,SEMS MA DRUG LA PHYAG 'TSAL LO, ,72 SHAR SGO'I KHRO BO SHIN TU STOBS, ,DON YOD GRUB PA LTA BU LA, ,SPYAN MA LTA BU'I RENGS BYED MAS, ,'KHYUD PA'I RDO RJE'I NGAG LA 'DUD, ,73 LHO SGOR KHRO BO RMUGS BYED NI, ,RIN CHEN 'BYUNG LDAN LTA BU LA, ,M'A MA K'I 'DRA'I KHENGS BYED MAS, ,'KHYUD PA RDO RJE'I PHYAG LA 'DUD, ,74 BYANG SGOR KHRO BO KHENGS BYED NI, ,SNANG BA MTHA' YAS LTA BU LA, , GOS DKAR LTA BU'I RMUGS BYED MAS, ,'KHYUD PA'I RDO RJE'I ZHABS LA 'DUD, ,75 NUB SGOR KHRO BO LAS BYED NI, ,RNAM PAR SNANG MDZAD LTA BU LA, ,SGROL MA LTA BU'I RAB BRTZON MAS, ,'KHYUD PA SRIN PO'I ZHABS LA 'DUD, ,76 STENG DU RDO RJE GTZUG TOR CAN, , PHYAG NA RDO RJE LTA BU LA, ,SHIN TU SNGON MOS 'KHYUD PA YI, ,MI BSKYOD DBANG PO LA PHYAG 'TSAL, ,77 STENG DANG BYANG DANG SHAR RNAMS SU, ,PAD MA DMAR DANG ZLA BA'I GDAN, ,LHO NUB PAD DKAR NYI MA LA, ,BZHUGS PA RNAMS LA PHYAG 'TSAL LO, ,78 KUN KYANG
ZHAL GSUM PHYAG DRUG PA, ,GA-YAS BRKYANG STABS KYIS GNAS PA LA, ,GA-YON BRKYANG BA YI KHRO MOS 'KHYUD, ,STOBS RNAM LNGA LA PHYAG 'TSAL LO, ,79 STENG DANG 'OG GI GNAS GNYIS SU, ,BYANG SEMS DKAR DMAR RNAM DAG PA, ,RGYAL DANG RNAM PAR RGYAL BA YI, , BUM PA GNYIS LA'ANG PHYAG 'TSAL LO, ,80 SGO YI PHYI ROL KHA KHYAR LA, ,SHAR DU DRI MA PHRENG BA MA, ,LHO RU SPOS MA MAR ME MA, ,BYANG DU BSHOS MA 'BRAS BU MA, ,81 NUB TU SGEG MO BZHAD MA DANG, ,STENG DU ROL MO GAR MKHAN MA, ,'OG TU GLU MA 'DOD MA STE, ,MCHOD PA'I LHA MO RNAMS LA 'DUD, ,82 GSUNG GI DKYIL 'KHOR SNAM BU YI, ,SHAR DU YI DVAGS DMAR PO'I STENG, ,PAD DMAR 'DAB MA BRGYAD PA LA, ,BZHUGS PA'I LHA MO LA PHYAG 'TSAL, ,1 LTE BAR LHA MO TZ'A MUn dI, ,NAG MO ZHAL GCIG SPYAN GSUM MA, ,DBANG PO SER POS 'KHYUD PA YI, ,TZAR TZI KA LA PHYAG 'TSAL LO, ,2 'DAB MAR 'JIGS MA DRAG MO DANG, ,DUS KYI MCHE BA ME 'BAR GDONG, ,RLUNG SHUGS RAB GTUM DRAG CAN MA, ,SNA CHEN MA LA PHYAG 'TSAL LO, ,3 PHYAG GA-YAS GRI GUG RTZE GSUM 'DZIN, ,GA-YON NA THOD PA KHA tV'Am GA ,NAG MO ZHAL GCIG SPYAN GSUM PA'I, ,LHA MO DGU LA PHYAG 'TSAL LO, ,4 ME MTSAMS NAM MKHA' LDING GI STENG, ,PAD DKAR 'DAB BRGYAD LTE BA LA, ,TSANGS PAS 'KHYUD PA'I KHYAB 'JUG MA, ,GTZO MO DE LA PHYAG 'TSAL LO, ,5 'DAB MAR GA-YANG MO SGYU MA DANG, ,GRAGS MA DPAL MO RNAM RGYAL MA, ,DPAL LDAN RGYAL MA RGYAL BYED MA, ,DPAL LDAN 'KHOR LO CAN LA 'DUD, ,6 KUN KYANG NAG MO ZHAL GCIG MA, ,SPYAN GSUM PHYAG BZHI GA-YAS PA NA, ,'KHOR LO BE CON GA-YON PA NA, ,PAD DUNG 'DZIN LA PHYAG 'TSAL LO, ,7 GSHIN RJE'I PHYOGS SU MA HE'I STENG, ,PAD DMAR 'DAB BRGYAD LTE BA LA, ,DRAG POS 'KHYUD PA'I PHAG MO LA, ,BDAG NI GUS PAS PHYAG 'TSAL LO, ,8 'DAB MAR KENG RUS DUS MTSAN MA, ,RAB TU KHROS GDONG DUS KYI LCE, ,GTZIGS MA NAG MO 'JIGS RUNG MA, ,
, ,GZUGS NGAN MA LA PHYAG 'TSAL LO, ,9 THAMS CAD GA-YAS NA DBYUG PA DANG, ,RAL GRI GA-YON NA LCAGS SGROG PHUB, ,DMAR MO ZHAL GCIG PHYAG BZHI MA, ,SPYAN GSUM LDAN LA PHYAG 'TSAL LO, ,10 BDEN BRAL MTSAMS SU RMA BYA'I STENG, ,PAD DKAR 'DAB BRGYAD LTE BA LA, ,BGEGS KYI MGON POS 'KHYUD PA YI, ,GZHON NU MA LA PHYAG 'TSAL LO, ,11 'DAB MAR PAD MA LUS MED MA, ,GZHON NU RI DVAGS BDAG 'GRO MA, ,RIN CHEN PHRENG BA MIG BZANG MA, ,RUL MA BZANG MO LA PHYAG 'TSAL, 12 THAMS CAD DMAR MO SPYAN GSUM DANG, ,LDAN PA'I ZHAL DRUG PHYAG GA-YAS NA, ,MDUNG THUNG LCAGS KYU GA-YON PA NA, ,RIN CHEN ZHAGS PA 'DZIN LA 'DUD, ,13 BYANG GI PHYOGS SU KHYU MCHOG STENG, ,PAD MA DMAR PO 'DAB BRGYAD KYI, ,LTE BAR GSHIN RJES 'KHYUD PA YI, ,DRAG MO DE LA PHYAG 'TSAL LO, ,14 'DAB MAR GOO RI GANG G'A MA, ,RTAG MA MYUR MA TO TA LA, ,MTSON BYED MA DANG DMAR SER MA, ,NAG MO RNAMS LA PHYAG 'TSAL LO, ,15 KUN KYANG DKAR MO ZHAL GCIG MA, ,SPYAN GSUM PHYAG BZHI GA-YAS RTZE GSUM, ,CANG TE'U GA-YON NA KHA tV'Am GA, ,SBRUL 'DZIN PA LA PHYAG 'TSAL LO, ,16 DBANG LDAN MTSAMS SU SENG GE'I STENG, ,PAD MA DKAR PO 'DAB BRGYAD KYI, ,LTE BAR GDONG DRUG GIS 'KHYUD PA'I, ,DPAL MO DE LA PHYAG 'TSAL LO, ,17 'DAB MAR DPAL LDAN DKAR ZLA'I RI, ,RI BONG 'DZIN GDONG DANG PA'I MDOG ,'DZIN MA PAD DBANG SKAR MIG MA, ,DRI MED RI BONG 'DZIN LA 'DUD, ,18 KUN KYANG DKAR MO ZHAL GCIG MA, ,SPYAN GSUM PHYAG BZHI GA-YAS PA NA, ,PAD MA BGRANG PHRENG GA-YON PAD MA, ,RIN CHEN BSNAMS LA PHYAG 'TSAL LO, ,19 NUB KYI PHYOGS SU GLANG PO'I STENG, ,PAD MA 'DAB BRGYAD DMAR PO YI, ,LTE BAR SRIN POS 'KHYUD PA YI, ,DBANG MO DE LA PHYAG 'TSAL LO, ,20 RDO RJE 'OD DANG RDO RJE LUS, ,GSER LDAN AUR SH'I BKRA RI MO, ,RAm BHA ZUG RDU MED SHIN SGROL, ,'DAB MAR GNAS LA PHYAG 'TSAL LO, ,21 KUN KYANG
SER MO ZHAL GCIG MA, ,SPYAN GSUM PHYAG BZHI GA-YAS RDO RJE, ,MDA' DANG GA-YON NA DRIL BU GZHU, ,BSNAMS PA DE LA PHYAG 'TSAL LO, ,22 RLUNG GI MTSAMS SU NGANG PA'I STENG, ,PAD MA DKAR PO 'DAB BRGYAD KYI, ,LTE BAR KHYAB 'JUG GIS 'KHYUD PA'I, ,TSANGS MA DE LA PHYAG 'TSAL LO, ,23 'DAB MA RA S'A BI TRI DANG NI, ,PAD MIG CHU SKYES CAN MA BLO, ,NGAG GI DBANG PHYUG G'A YA TRI, ,GLOG DANG DRAN MA LA PHYAG 'TSAL, ,24 THAMS CAD SER MO ZHAL BZHI MA, ,SPYAN GSUM PHYAG GA-YAS PAD MA DANG, ,TSANGS DBYUG GA-YON NA SPYI BLU GAS SNOD, ,PHYAG BZHIS 'DZIN LA PHYAG 'TSAL LO, ,25 LTE BAR GTZO MO SA GA'I STABS, ,YAB NI SA GA'I STABS KYIS 'KHYUD, ,'DAB MA'I LHA MO ROL PA YI, ,STABS KYIS BZHUGS LA PHYAG 'TSAL LO, ,26 GSUNG GI DKYIL 'KHOR PHYI ROL GYI, , STEGS BU YI NI SHAR PHYOGS SU, ,SGROL MA LAS SKYES DBYE 'DOD MA, ,REG SKYES GOS 'DOD MA LA 'DUD, ,27 TZA MUn dA SKYES LUS 'PHRUG 'DOD, ,MCHIL MA 'DOR 'DOD KHYAB 'JUG MA, ,RAB BRTZON MA LAS SKROD 'DOD MA, ,GA-YAS SU GNAS LA PHYAG 'TSAL LO, ,28 SNGON MO LAS SKYES KUN GDUNG 'DOD, ,LCAGS SGROG MA LAS REG BYA 'DOD, ,KHYI GDONG MA LAS SKYES PA YIS, ,YAN LAG KUN BSKYOD 'DOD MAR 'DUD, ,29 BYA ROG GDONG MA LAS SKYES PA'I, ,LHAG MA ZA BAR 'DOD MA STE, ,SGO YI GA-YON PHYOGS LA GNAS PA'I, ,LHA MO BZHI LA PHYAG 'TSAL LO, ,30 LHO YI SGO YI GA-YAS PHYOGS SU, ,GOS DKAR LAS SKYES SKYED 'DOD MA, ,RO LAS ZAS 'DOD PHAG MO LAS, ,LUS KYI DRI MA 'DOD LA 'DUD, ,31 GZHON NU MA LAS GAR 'DOD MA, , RMUGS BYED MA LAS SKEMS 'DOD MA'O, ,GA-YON DU 'GUGS 'DOD KHRO GNYER CAN, ,RGYUGS 'DOD DRAG CAN MA LA 'DUD, ,32 PHAG GDONG MA LAS SKYES PA YI, ,BSHANG GCI ZAG PAR 'DOD MA DANG, ,BYA RGOD GDONG LAS GA-YUL 'DOD MA, ,LHA MO BZHI
, ,LA PHYAG 'TSAL LO, ,33 BYANG SGO'I GA-YAS KYI KHA KHYER LA, ,M'A MA K'I LAS RGYAS 'DOD MA, ,GZUGS LAS SKYES PA'I RGYAN 'DOD MA, ,DRAG MOS STAN 'DOD MA LA 'DUD, ,34 DPAL MO LAS SKYES RGYAL SRID 'DOD, ,'JAM PAR SMRA 'DOD NGA RGYAL MA'O, ,GA-YON DU SGRA SKYES ROL MO 'DOD, ,TZUN DAS 'CHING BAR 'DOD MAR 'DUD, ,35 STAG GDONG MA LAS RTZOD MANG 'DOD, ,'UG GDONG MA LAS SKYES PA YI, ,BYIS PA KHRO BAR 'DOD MA STE, ,'DOD MA RNAMS LA PHYAG 'TSAL LO, , 36 NUB SGO'I GA-YAS SU SPYAN MA LAS, ,RENGS 'DOD MA DANG DRI 'DOD DRI, ,MAL STAN SNYES 'DOD DBANG MO LAS, ,SKYES PA DE LA PHYAG 'TSAL LO, ,37 CHU LAS RGYAL 'DOD TSANGS MA STE, ,RENGS BYED MA LAS GNYEN 'DOD MA'O, ,GA-YON DU CHOS LAS 'KHRIG 'DOD MA, ,'OD CAN PHUR 'DEBS 'DOD LA 'DUD, ,38 LCE SPYANG GDONG MA LAS SKYES PA'I, ,SEMS CAN BSLU BAR 'DOD MA DANG, ,MKHA' LDING GDONG PA LAS SKYES PA'I, ,SPRUL 'CHING 'DOD MA LA PHYAG 'TSAL, ,39 RDO RJE DBYINGS KYI DBANG PHYUG MAS, ,BSKYED PA'I GSOD PAR 'DOD MA DANG, ,SNA TSOGS YUM LAS SKYED 'DOD MA, ,KUN GYI KHYAB BYED LA PHYAG 'TSAL, ,40 SKU YI SNAM BU'I SHAR SGO YI, ,GA-YAS SU YI DVAGS DMAR PO'I STENG, ,PAD DMAR LTE BAR SRIN MO YIS, , 'KHYUD PA'I BDEN BRAL LA PHYAG 'TSAL, ,1 RIM GSUM BZHI BRGYAD BCU DRUG PA'I, ,'DAB MAR NYA NYI RDO RJE SOGS, ,LHA MO NYI SHU BRGYAD KYIS BSKOR, ,SKU MDOG NAG LA PHYAG 'TSAL LO, ,2 ZHAL GCIG PHYAG GSUM PHYAG BZHI PA, ,GA-YAS NA RAL GRI GRI GUG DANG, ,GA-YON NA PHUB DANG THOD PA 'DZIN, ,NAG PA'I ZLA BA'I TSES LA 'DUD, ,3 ME YI MTSAMS SU RI DVAGS STENG, ,BAD DKAR LTE BAR RAB GTUM MAS, ,'KHYUD PA'I RLUNG LTA 'DAB MA LA, ,TZA TZI RDO RJE SOGS PHYAG 'TSAL, ,4 NAG PO PHYAG
BZHI DPAG BSAM SHING, ,YONGS 'DU'I ME TOG GA-YAS NA STE, ,GA-YON NA DBANG SNGON AUTPAL SNGO, ,SA GA'I ZLA BA'I TSES LA 'DUD, ,5 LHO SGO'I GA-YAS SU LUG GI STENG, ,PAD DMAR LTE BAR CHU LHA MOS, ,'KHYUD PA'I ME LHA 'DAB MA LA, ,nA nI RDO RJE SOGS PHYAG 'TSAL, , 6 DMAR PO ZHAL GCIG PHYAG BZHI STE, ,GA-YAS NA SHA KA TI DBYUG PA 'DZIN, ,GA-YON NA PAD MA SPYI BLUG BSNAMS, ,SNRON GYI ZLA BA'I TSES LA 'DUD, ,7 BDEN BRAL MTSAMS SU RMA BYA'I STENG, ,PAD DKAR LTE BAR DPAL MO YIS, ,'KHYUD PA'I GDONG DRUG 'DAB MA LA, ,t'A t'I RDO RJE SOGS PHYAG 'TSAL, ,8 DMAR PO ZHAL DRUG PHYAG BZHI PA, ,GA-YAS NA SHA KTI MDUNG 'DZIN CING, ,GA-YON NA RIN CHEN ME LONG BSNAMS, ,CHU STOD ZLA BA'I TSES LA 'DUD, ,9 BYANG SGO'I GA-YAS SU CHU SRIN STENG, ,PAD DMAR LTE BAR PHAG MO YIS, ,'KHYUD PA'I RGYA MTSO 'DAB MA LA, ,MA MI RDO RJE SOGS PHYAG 'TSAL, ,10 DKAR PO ZHAL GCIG PHYAG BZHI PA, ,GA-YAS NA ZHAGS PA RIN CHEN 'DZIN, ,GA-YON NA SBRUL ZHAGS CHU SHEL BSNAMS, ,GRO BZHIN ZLA BA'I TSES LA 'DUD, ,11 DBANG LDAN MTSAMS SU BYI BA'I STENG, ,PAD DKAR LTE BAR GZHON NU MAS, ,'KHYUD PA'I TSOGS BDAG 'DAB MA LA, P'A P'I RDO RJE SOGS PHYAG 'TSAL, ,12 DKAR PO ZHAL GCIG PHYAG BZHI PA, ,GA-YAS NA DGRA STA RDO RJE 'DZIN, ,GA-YON NA ZHAGS PA RIN PO CHE, ,KHRUMS KYI ZLA BA'I TSES LA 'DUD, ,13 NUB SGO'I GA-YAS SU GLANG PO'I STENG, ,PAD DMAR LTE BAR RLUNG LHA MOS, ,'KHYUD PA'I DBANG PO 'DAB MA LA, ,NA NI RDO RJE SOGS PHYAG 'TSAL, ,14 THAMS CAD SER PO ZHAL GCIG PA, ,PHYAG BZHI GA-YAS NA RDO RJE MDA', ,GA-YON NA DRIL BU GZHU 'DZIN PA'I, ,THA SKAR ZLA BA'I TSES LA 'DUD, ,15 RLUNG GI MTSAMS SU NGANG PA'I STENG, ,PAD DKAR LTE PAR GLOG MA YIS, ,'KHYUD PA'I TSANGS PA 'DAB MA LA, ,T'A T'I RDO RJE SOGS PHYAG 'TSAL, ,16 KUN KYANG SER PO ZHAL BZHI PA, ,PHYAG BZHI GA-YAS NA
, ,KHAB BGRANG PHRENG, ,GA-YON NA PAD MA SPYI BLUG 'DZIN, ,SMIN DRUG ZLA BA'I TSES LA 'DUD, ,17 BYANG SGO'I GA-YON DU KHYU MCHOG STENG, ,PAD DMAR LTE BAR RI SRAS MAS, ,'KHYUD PA'I DRAG PO 'DAB MA LA, ,KA KI RDO RJE SOGS PHYAG 'TSAL, ,18 THAMS CAD ZHAL GCIG PHYAG BZHI SNGO, ,GA-YAS NA RTZE GSUM MDA' GA-YON NA, ,SGRUL BCAS KHA tV'Am GA DANG GZHU, ,MGO YI ZLA BA'I TSES LA 'DUD, ,19 NUB SGO'I GA-YON DU GLANG CHEN STENG, ,PAD DMAR LTE BAR NOR DBANG MOS, ,'KHYUD PA'I GNOD SBYIN 'DAB MA LA, ,S'A S'I RDO RJE SOGS PHYAG 'TSAL, ,20 THAMS CAD SNGON PO ZHAL GCIG PA, ,GA-YAS NA NOR BU BE CON 'DZIN, ,GA-YON NA NE LE PAD MA BSNAMS, ,RGYAL GYI ZLA BA'I TSES LA 'DUD, ,21 SHAR SGO'I GA-YON DU MKHA' LDING STENG, PAD DMAR LTE BAR DPAL MO YIS, ,'KHYUD PA'I KHYAB 'JUG 'DAB MA LA, ,NGA NGI RDO RJE SOGS PHYAG 'TSAL, ,22 LJANG KHU ZHAL GCIG PHYAG BZHI GA-YAS, ,'KHOR LO DBYUG THO GA-YON PA NA, ,PAD MA SKYE BA LNGA PA'I DUNG, ,MCHU YI ZLA BA'I TSES LA 'DUD, ,23 LHO SGO'I GA-YON DU MA HE'I STENG, ,PAD DMAR LTE BAR GSHIN RJE MAS, ,'KHYUD PA'I GSHIN RJE 'DAB MA LA, ,K'A K'I RDO RJE SOGS PHYAG 'TSAL, ,24 LJANG KHU ZHAL GCIG PHYAG BZHI PA, ,GA-YAS NA DBYUG PA RAL GRI 'DZIN, ,GA-YON NA LCAGS SGROG ZHAGS PA BSNAMS, ,DPO YI ZLA BA'I TSES LA 'DUD, ,25 PAD MA'I LTE BAR GTZO BO RNAMS, ,RDO RJE'I GDAN GYIS GNAS PA STE, ,'DAB MA'I LHA MO ROL PA YI, ,STABS KYIS BZHUGS LA PHYAG 'TSAL LO, ,26 SHAR SGOR PHAG BDUN SHING RTA'I STENG, , 'OD ZER CAN MA SKU MDOG SER, ,GA-YAS NA 'KHOR LO DBYUG PA GA-YON, ,DUNG DANG RIN CHEN 'DZIN PHYAG 'TSAL, ,27 DE YIS 'KHYUD PA DBYUG SNGON CAN, ,SKU MDOG NAG PO PHYAG BZHI PA, ,GA-YAS NA RAL GRI RDO RJE GA-YON, ,PHUB SBRUL
BSNAMS LA PHYAG 'TSAL LO, ,28 LHO SGOR RTA BDUN SHING RTA'I STENG, ,TZUN DA DKAR MO PHYAG BZHI PA, ,GA-YAS PAS THO BA MDUNG GA-YON NA, ,PAD MA ME LONG 'DZIN LA 'DUD, ,29 DE YIS 'KHYUD PA'I 'DOD RGYAL PO, ,SKU MDOG DMAR PO PHYAG BZHI PA, ,GA-YAS NA MDA' DANG LCAGS KYU GA-YON, ,GZHU DANG ZHAGS PA 'DZIN LA 'DUD, ,30 BYANG SGOR SENG BDUN SHING RTA'I STENG, ,'DOD RGYAL LTA BU'I KHRO GNYER MAS, ,'KHYUD PA'I KHRO BO MI GA-YO BA, ,TZUN DA LTA BU LA PHYAG 'TSAL, ,31 NUB SGOR GLANG BDUN SHING RTA'I STENG, ,DBYUG SNGON LTA BU'I LCAGS SGROG MAS, ,'KHYUD PA'I KHRO BO STOBS PO CHE, ,'OD ZER CAN 'DRA LA PHYAG 'TSAL, ,32 STENG DU MKHA' LDING SHING RTA'I STENG, ,SHIN TU SNGON MO PHYAG BZHI MA, ,GA-YAS NA GRI GUG RDO RJE GA-YON, ,THOD PA DRIL BU 'DZIN LA 'DUD, ,33 DE YIS 'KHYUD PA'I GTZUG TOR CAN, ,LJANG KHU PHYAG BZHI GA-YAS DGRA STE, ,RTZE GSUM GA-YON NA SBRUL ZHAGS DANG, ,KHA tV'Am GA 'DZIN LA PHYAG 'TSAL, ,34 'OG TU SENG GE RKANG BRGYAD PA, ,SHING RTA'I STENG DU DRAG CAN MA, ,GTZUG TOR LTA BUS 'KHYUD PA YI, ,GNOD MDZES SNGON MO 'DRA LA 'DUD, ,25 KUN KYANG ZHAL GCIG PHYAG BZHI PA, ,KHRO BO GA-YAS BRKYANG STABS KYIS GNAS, ,KHRO MO GA-YON BRKYANG GIS 'KHYUD PA'I, ,SGO SKYONG RNAMS LA PHYAG 'TSAL LO, ,36 SKU YI DKYIL 'KHOR KHA KHYER LA, ,PHYIR 'DOD MA NI SUM CU DRUG ,GSOD DANG BSKYED PA PHYIR 'DOD NI, ,KHYAB BYED BCAS LA PHYAG 'TSAL LO, ,37 SHAR GYI RTA BABS KA BA'I 'OG ,GA-YON GA-YAS RLUNG LA PAD MA DANG, ,STOBS RGYU NAG PO LCE SPYANG GDONG, ,MKHA' LDING GDONG MAS 'KHYUD LA 'DUD, ,38 LHO RU ME YI DKYIL 'KHOR LA, ,NOR RGYAS BU DANG DUNG SKYONG DMAR, ,STAG GDONG MA DANG 'UG GDONG MA, ,DKAR MOS 'KHYUD LA PHYAG 'TSAL LO, ,39 BYANG DU CHU YI DKYIL 'KHOR STENG, ,MTHA' YAS RIGS
, ,LDAN DKAR PO LA, ,PHAG GDONG MA DANG BYA RGOD GDONG, ,DMAR POS 'KHYUD LA PHYAG 'TSAL LO, ,40 NUB TU SA YI DKYIL 'KHOR LA, ,'JOG PO DANG NI PAD CHEN SER, ,KHYI GDONG MA DANG BYA ROG GDONG, , NAG MOS 'KHYUD LA PHYAG 'TSAL LO, ,41 STENG DU NAM MKHA'I DKYIL 'KHOR LA, ,SBRUL MGO BDUN GYI GDENGS KA CAN, ,RGYAL BA LJANG KHU RDO RJE'I MIG ,SNGON MOS 'KHYUD LA PHYAG 'TSAL LO, ,42 'OG TU YE SHES DKYIL 'KHOR LA, ,GDENGS KA BDUN DANG LDAN PA YI, ,RNAM PAR RGYAL BA SNGON PO LA, ,SNGON MOS 'KHYUD LA PHYAG 'TSAL LO, ,43 KLU BRGYAD GDENGS KA LNGA DANG LDAN, ,YAB RNAMS ZHAL GCIG PHYAG BZHI PA, ,GA-YAS NA BDUD RTZI'I BUM PA DANG, ,RDO RJE BA SNAMS LA PHYAG 'TSAL LO, ,44 GA-YON NA PAD MA RIN CHEN BSNAMS, ,RDO RJE'I GDAN GYIS BZHUGS PA LA, ,YUM RNAMS PAD MA'I GDAN GYIS 'KHYUD, ,RDO RJE'I RKANG SOR LA PHYAG 'TSAL, ,45 RLUNG DANG ME YI DKYIL 'KHOR GYI, ,DBUS SU DUR KHROD CHEN PO'I SHAR, , BSE STENG 'KHOR LO DMAR PO YI, ,LTE BA'I GTUM MO LA PHYAG 'TSAL, ,46 KHYI GDONG MA NI SKU MDOG NAG ,'JOG PO SER POS RAB TU 'KHYUD, ,GCER BU PHYAG RGYA LNGA DANG LDAN, ,GTUM MO DE LA PHYAG 'TSAL LO, ,47 ME MTSAMS BE RU ndA YI STENG, ,'KHOR LO DKAR PO'I LTE BA LA, ,BYA ROG GDONG MA SKU MDOG NAG ,PAD MA CHEN POS 'KHYUD LA 'DUD, ,48 LHO YI PHYOGS SU DOM GYI STENG, ,'KHOR LO DMAR PO'I LTE BA LA, ,PHAG GDONG MA NI SKU MDOG DMAR, ,MTHA' YAS DKAR POS 'KHYUD LA 'DUD, ,49 BDEN BRAL MTSAMS SU KHRUNG KHRUNG STENG, ,'KHOR LO DKAR PO'I LTE BA LA, ,BYA RGOD GDONG MA DMAR MO LA, ,RIGS LDAN DKAR POS 'KHYUD LA 'DUD, ,50 BYANG GI PHYOGS SU 'BRI YI STENG, ,'KHOR LO DMAR PO'I LTE BA
LA, ,STAG GDONG MA NI DKAR MO LA, ,NOR RGYAS BU YIS 'KHYUD LA 'DUD, ,51 DBANG LDAN MTSAMS SU BSHANG GDONG STENG, ,'KHOR LO DKAR PO'I LTE BA LA, ,'UG GDONG MA NI SKU MDOG DKAR, ,DUNG SKYONG DMAR POS 'KHYUD LA 'DUD, ,52 NUB KYI PHYOGS SU SENG GE'I STENG, , 'KHOR LO DMAR PO'I LTE BA LA, ,LCE SPYANG GDONG MA SKU MDOG SER, ,PAD MA NAG POS 'KHYUD LA 'DUD, ,53 RLUNG GI MTSAMS SU MIG SNGON STENG, ,'KHOR LO DKAR PO'I LTE BA LA, ,MKHA' LDING MA NI SKU MDOG SER, ,STOBS RGYU NAG POS 'KHYUD LA 'DUD, ,54 SA 'OG RKANG PA BRGYAD PA YI, ,SHING RTA'I STENG DU RDO RJE MIG ,SKU MDOG SNGON MO RGYAL BA YIS, ,'KHYUD PA DE LA PHYAG 'TSAL LO, ,55 NAM MKHAR MKHA' LDING MDOG LNGA PA, ,MIG GSUM LDAN PA'I SHING RTA'I STENG, ,SNGON MO LJANG KHU RNAM PAR RGYAL, ,SNGON POS 'KHYUD LA PHYAG 'TSAL LO, ,56 KUN KYANG ZHAL GCIG PHYAG GNYIS MA, ,GA-YAS GA-YON GRI GUG THOD PA 'DZIN, ,GCER BU PHYAG RGYA LNGA YIS BRGYAN, ,RDO RJE'I LAG SOR LA PHYAG 'TSAL, ,57 KUN KYANG MGO PHRENG DO SHAL CAN, ,ZLUM PO'I STABS KYIS BZHUGS PA LA, ,YAB RNAMS ZLUM PO'I STABS KYIS 'KHYUD, ,GTUM MO RNAMS LA PHYAG 'TSAL LO, ,58 DAG PA'I YE SHES GCIG LAS NI, ,DNGOS SU LHA RU SNANG BA'I GRANGS, ,DRUG BRGYA SUM CU RTZA DRUG DANG, ,MTSAN MA BUM PAR BCAS LA 'DUD, ,59 PHYI ROL RLUNG GI 'KHOR YUG LA, ,RDO RJE ZLA BA NYI MA DANG, ,MIG DMAR LHAG PA PHUR BU DKAR, ,SPEN PA MJUG RING LA PHYAG 'TSAL, ,60 RDO RJE SGRA GCAN DUS KYI ME, ,BRTAN PA DANG NI RI BYI DANG, ,RGYU SKAR KUN DANG BCU GNYIS KHYIM, ,CHA SHAS BCU DRUG LA PHYAG 'TSAL, ,61 PHYOGS BCU SKYONG BA RNAMS DANG NI, ,RDO RJE DGA' BYED DBANG PHYUG DANG, ,RDO RJE NAG PO CHEN PO DANG, ,DRIL BU'I RNA BA CAN LA 'DUD, ,62 BHRING GI nA DANG ZHING SKYONG KUN, ,PHO NYA MO DANG 'PHROG MA'I TSOGS, ,GRUB PA RNAMS DANG 'BYUNG PO'I TSOGS, ,BYE BA PHYED DANG BZHI
, ,PHYAG 'TSAL, ,63 RTA BABS SO SO LA GNAS PA'I, ,LHA MO'I TSOGS RNAMS THAMS CAD DANG, ,'DOD YON SNAM BU LA GNAS PA'I, ,GZUNGS MA'I TSOGS LA'ANG PHYAG 'TSAL LO, ,64 SKU YI DKYIL 'KHOR RTA BABS SHAR, ,BRTZEGS MA DANG PO'I DBUS SU NI, ,CHOS 'KHOR NAG PO GA-YAS GA-YON DU, ,RI DVAGS PHO MOS BRGYAN LA 'DUD, ,65 LHO YI PHYOGS KYI RTA BABS LA, ,DBUS SU BUM PA DMAR PO STE, ,GA-YAS GA-YON DUNG DANG PAD MAS BRGYAN, ,RNAM DAG GSUNG LA PHYAG 'TSAL LO, ,66 BYANG GI PHYOGS KYI RTA BABS LA, ,RNGA BO CHE NI DKAR PO'I MDOG ,GA-YAS GA-YON DBYUG PA THO BAS BRGYAN, ,RNAM DAG SKU LA PHYAG 'TSAL LO, ,67 NUB TU BYANG CHUB SHING SER PO, ,GA-YAS DANG GA-YON DU MI'AM CI, ,MI'AM CI MOS BRGYAN PA YI, ,RNAM DAG YE SHES LA PHYAG 'TSAL, ,68 DPAL LDAN BLA MA DAM PA DANG, ,DKYIL 'KHOR 'KHOR LO'I LHA TSOGS DANG, ,RGYAL BA SRAS BCAS MA LUS KUN, ,MCHOD SPRIN RGYA MTSOS RTAG TU MCHOD, ,1 ROL MO GAR MA DRI MA PHRENG, ,BDUG SPOS MAR ME LHA BSHOS MA, ,MA NYAMS 'BRAS BU SGEG BZHAD GLU, ,'DOD MA NAM MKHA' GANG BAS MCHOD, ,2 NOR BU DBANG SNGON LA SOGS DANG, ,RIN CHEN GSER GYI ME TOG GIS, ,RAB 'BYAMS ZHING RNAMS YONGS BKANG STE, ,BLA MA DKYIL 'KHOR LHA LA 'BUL, ,3 KHA DOG LNGA YIN BZA' DANG, ,DRI DANG SPOS DANG MAR ME DANG, ,DRIL BU ME LONG BLA RE DANG, ,RNAM MANG 'BRAS BU RNAMS KYANG 'BUL, ,4 KHA DOG LNGA YI BA DAN DANG, ,GAR DANG ROL MO RNAM BKRA BA, ,RIN CHEN BUM PA GANG BA YANG, ,RAB TU DANG BAS DBUL BAR BGYI, ,5 NANG GI RDZAS BCU RNAM DAG PA'I, ,MCHOD YON LA SOGS MCHOD PA BCU, ,ZAG MED 'BYOR PA LAS BYUNG BAS, ,SRID GSUM MTHA' DAG BKANG STE 'BUL, ,6 BDUD RTZI LNGA DANG SGRON MA LNGA, ,SHES RAB RANG BZHIN MYOS BYED LDAN, ,ZAG MED BDE BA RGYAS PA'I RGYUR, ,DMIGS MED
TSUL GYIS BZHES SU GSOL, ,7 GSANG BA'I PHYAG RGYA GANG YIN PA, ,MCHOG GI PHYAG RGYAR RAB TU SBYOR, ,LAS DANG CHOS KYI PHYAG RGYAR LDAN, ,RDO RJE'I MCHOD PAS RTAG TU MCHOD, ,8 DE LAS GZHAN YANG MCHOD PA'I TSOGS, ,RAB 'BYAMS ZHING NA GANG YOD PA, , BLO YIS BLANGS NAS DBUL BAR BGYI, ,BZHES NAS BYIN GYIS BRLAB TU GSOL, ,9 THOG MED DUS NAS DA LTA'I BAR, ,CHAGS DANG ZHE SDANG GTI MUG GIS, ,BGYIS DANG BGYID STZAL YI RANG BA'I, ,SDIG PA THAMS CAD SO SOR BSHAGS, ,10 MI SHES PA LA SOGS PA'I RGYUS, ,RANG BZHIN KHA NA MA THO DANG, ,BCAS PA DANG 'GAL LTUNG BA DANG, ,NYES BYAS THAMS CAD SO SOR BSHAGS, ,11 DPAL LDAN BLA MA'I THUGS SUN PHYUNG, ,DE YI BKA' 'GONGS SPUN LA KHROS, ,BYAMS PA BTANG DANG BYANG SEMS SPANGS, , GRUB MTHA' SMAD DANG GSANG BA BYIN, ,12 PHUNG PO NYON MONGS DAG CHOS LA, ,MA DAD SGYU YI BYAMS LA DANG, ,MING SOGS BRAL BA'I BDE LA RTOG ,DAG PA'I SEMS CAN LA SKYON BRJOD, ,13 TSOGS KYI 'KHOR LO DAM TSIG SPONG, ,BUD MED THAMS CAD LA SMOD PA'I, ,RTZA LTUNG BCU BZHI GANG BGYIS PA, ,RAB TU 'GYOD PAS SO SOR BSHAGS, ,14 GZHAN YANG YAN LAG NYES PA DANG, ,SBOM PO'I LTUNG BA LA SOGS PA, ,RDO RJE THEG DANG 'GAL BA YI, ,NYES BYAS THAMS CAD SO SOR BSHAGS, ,15 RDZOGS SANGS RGYAS DANG BYANG CHUB SEMS, ,'PHAGS PA RNAMS KYI DGE TSOGS DANG, ,GZHAN YANG DGE BA THAMS CAD LA, ,MNGON PAR DGA' BAS YI RANG NGO, ,16 NYON MONGS NAD KYIS GDUNGS PA YI, ,SKYE BO BDE BA GSO BYA'I PHYIR, ,RDO RJE THEG PA'I BDUD RTZI YI, ,CHOS KYI 'KHOR LO BSKOR DU GSOL, ,17 MA RTOGS 'KHOR BA'I SDUG BSNGAL LAS, ,MYA NGAN 'DA' BZHED SPANGS NAS NI, ,RMONGS MED 'KHOR BA DAG TSUL GYIS, ,BSKAL PA MTHA' YAS BZHUGS SU GSOL, ,18 SANGS RGYAS SLOB DPON
, ,DBANG MCHOG THOB, ,DES BSTAN THABS SHES DBYER MED CHOS, ,DER GNAS DGE 'DUN RNAM GNYIS LA, ,RAB TU DANG BAS SKYABS SU MCHI, ,19 BLA MA SANGS RGYAS SRAS BCAS LA, ,BDAG NYID RNAM PA KUN DU 'BUL, , YON GNAS DAM PA KHYED RNAMS KYIS, ,BRAN DANG 'BANGS SU GZUNG DU GSOL, ,20 BDAG GI DUS GSUM DGE BA RNAMS, ,RANG DON DRI MAS MA GOS PAR, ,SRID GSUM SEMS CAN MA LUS PA, ,SANGS RGYAS THOB PA'I RGYUR GYUR CIG ,21 DUS 'DI NAS BZUNG BYANG CHUB BAR, ,BYANG CHUB SEMS NI BSKYED BGYI ZHING, ,BSAM PA RNAM PAR DAG PAR BSKYED, ,BDAG DANG BDAG GIR 'DZIN PA SPANGS, ,22 SBYIN DANG TSUL KHRIMS BZOD BRTZON 'GRUS, ,BSAM GTAN SHES RAB THABS SMON LAM, ,STOBS DANG YE SHES PHA ROL PHYIN, ,TSOGS GSUM DON DU BSGRUB PAR BGYI, ,23 SEMS CAN BDE DANG LDAN PA DANG, ,DU: KHA DANG NI BRAL BA DANG, ,BDE LA RTAG TU GNAS PAR DGA', ,MNYAM NYID BTANG SNYOMS BSGOM PAR BGYI, ,24 SBYIN PA'I GA-YAB MOS LEGS BOS TE, , SNYAN PAR SMRA BA'I GTAM BYAS NAS, ,DON SPYOD PA YI BAG PHAB STE, ,DON MTHUN GROS CHEN GDAB PAR BGYI, ,25 LUS KYI LAS NI RNAM PA GSUM, ,NGAG GI RNAM PA BZHI DAG DANG, ,YID KYI LAS NI RNAM GSUM STE, ,MI DGE BCU PO SPANG BAR BGYI, ,26 BSLAB PA GSUM LA SGRIB PA YI, ,'GYOD DANG RMUGS PA GNYID DANG NI, ,RGOD PA DANG NI THE TSOM STE, ,SGRIB PA LNGA PO SPANG BAR BGYI, ,27 'DOD CHAGS DANG NI ZHE SDANG DANG, ,GTI MUG DANG NI NGA RGYAL TE, ,SRID PA'I RTZA BAR GYUR PA YI, ,NYON MONGS BZHI PO SPANG BAR BGYI, ,28 'DOD PA'I ZAG DANG SRID PA'I ZAG ,MA RIG PA YI ZAG PA DANG, ,LTA BA'I ZAG STE 'KHOR BA'I RGYU, ,ZAG PA BZHI PO SPANG BAR BGYI, ,29 STONG PA NYID DANG MTSAN MA MED, ,SMON MED MNGON PAR 'DUS MA BYAS, ,RNAM PAR THAR PA SGO BZHI
YIS, ,RDZOGS PA'I SANGS RGYAS BSGRUB PAR BGYI, ,30 'DOD PA'I RDO RJE'I RIGS LA NI, ,RDO RJE DRIL BU'I PHYAG RGYA DANG, ,SANGS RGYAS KUN MTSUNGS BLA MA DAG, ,SPYI BOS DUS KUN GZUNG BAR BGYI, ,31 RIN CHEN LCAGS ZANGS BA GLANG RTA, ,GLANG CHEN BU MO NOR 'DZIN DANG, ,'DOD PA'I CHUNG MA RANG GI SHA, ,RIN CHEN RIGS LA RTAG TU SBYIN, ,32 RNAM PAR SNANG MDZAD RIGS MCHOG LA, ,SHA LNGA BDUD RTZI LNGA BZA' BA, ,PHUNG PO LNGA DANG DBANG PO'I TSOGS, ,BSRUNG BA'I DAM TSIG BSKYANG BAR BGYI, ,33 RAL GRI'I RIGS LA GNAS PA YIS, ,BLA MA SANGS RGYAS BYANG CHUB SEMS, ,DE LAS GZHAN PA RNAMS LA YANG, ,YO BYAD KUN GYIS MCHOD PAR BGYI, ,34 PAD MA'I RIGS MCHOG LA GNAS PAS, ,RIGS DANG RIGS MIN MNGON BGROD KYANG, ,BYANG SEMS 'DZAG PA MED PA YI, , TSANGS SPYOD SDOM PA BSKYANG BAR BGYI, ,35 RDO RJE SEMS DPA' RIGS MCHOG LA, ,STONG NYID SNYING RJE'I BDAG NYID CAN, ,PHYAG RGYA CHEN PO'I DNGOS GRUB MCHOG ,BYANG CHUB BDAG GIS BSKYED PAR BGYI, ,36 BDAG NI DUS 'DI NAS BZUNG STE, ,JI SRID BYANG CHUB SNYING PO'I BAR, ,SDOM PA 'DI RNAMS DUS KUN DU, ,NYAMS PA MED PAR 'GRUB GYUR CIG ,37 'TSE RDZUN GZHAN GYI BUD MED 'PHROG ,GZHAN NOR LEN DANG CHANG 'THUNG STE, ,RANG GI DGE BA 'JOMS BYED PA'I, ,SDIG PA LNGA PO SPANG BAR BGYI, ,38 CHO LO KHA NA MA THO'I ZAS, ,TSIG NGAN KLOG DANG 'BYUNG PO'I CHOS, ,LHA MIN CHOS TE NYE BA YI, ,SDIG PA LNGA PO SPANG BAR BGYI, ,39 BA LANG BYIS PA BUD MED DANG, ,SKYES PA GSOD DANG LHA MI YI, ,BLA MA MCHOD RTEN SKU GZUGS SOGS, ,BSHIG PA RNAMS KYANG SPANG BAR BGYI, ,40 GROGS PO DANG NI RJE BO DANG, ,SANGS RGYAS DANG NI DGE 'DUN DANG, ,YID BRTAN PA LA 'KHU BA STE, ,RNAM PA LNGA PO MI BYA'O, ,41 DBANG PO LNGA RNAMS YUL LNGA LA, ,CHAGS PA DAG KYANG SPANG BGYI STE, ,SNA TSOGS GTZO BOS GSUNGS PA
, ,YI, ,BRTUL ZHUGS NYI SHU RTZA LNGA BSRUNG, ,42 RGYAL BAS DGONGS TE GSUNGS PA YI, ,DRANG BA'I DON DANG NGES DON GYI, ,DAM TSIG DRUG NI DUS KUN TU, ,BDAG GIS RTAG TU BSRUNG BAR BGYI, ,43 RDO RJE THEG PAR GSUNGS PA YI, ,DAM TSIG SDOM PA MA LUS PA, ,BDAG GIS DUS 'DI NAS BZUNG STE, ,BYANG CHUB BAR DU BSKYANG BAR BGYI, ,44 DE LTAR BDAG GIS PHYAG 'TSAL DANG, ,MCHOD DANG SDIG BSHAGS YI RANG DANG, ,BSKUL DANG GSOL GDAB SKYABS SU 'GRO ,BDAG NYID DBUL DANG DGE BA BSNGO, ,45 DE BZHIN LAM LA BRTEN PA DANG, ,SDOM PA BRTUL ZHUGS DAM TSIG GZUNG, ,GZHAN YANG DUS GSUM DGE BA'I TSOGS, ,MA LUS GCIG TU BSDUS PA'I MTHUS, ,46 NAM MKHA'I MTHA' KLAS SEMS CAN RNAMS, ,RDO RJE THEG PA'I SNOD GYUR TE, ,RIM PA GNYIS KYI LAM BSTEN NAS, ,DUS KYI 'KHOR LO NYID 'GYUR SHOG ,47 BSKYED PA'I RIM LA LEGS GNAS SHING, ,SNGAGS KYI NUS PA MTHAR PHYIN TE, ,ZHI SOGS 'PHRIN LAS BCU GNYIS PO, ,THOGS PA MED PAR 'GRUB PAR SHOG ,48 RAL GRI REG PA BCUD KYI DBANG, ,BDUD RTZI'I 'BRAS BU RIL BU DANG, ,RO TZAN DANG MIG SMAN DANG, ,RKANG MGYOGS GRUB CHEN BRGYAD THOB SHOG ,49 'OG MIN GNAS KYI MTHAR THUG PA, ,'JIG RTEN PA YI DNGOS GRUB MCHOG ,PHUN SUM TSOGS PA THAMS CAD KUN, ,'BAD PA MED PA 'GRUB PAR SHOG ,50 DES KYANG CHOG PAR MI 'DZIN CING, ,LTOS MED BZHI DANG LDAN PA YIS, ,YID CHES GSUM LDAN ZAB MO'I LAM, ,RDZOGS PA'I RIM PA SGOM PAR SHOG ,51 THUGS KYI RDO RJE NAM MKHAR BZHAG ,YUL DANG YUL CAN 'BREL BA BCAD, ,STONG NYID MNGON SUM GYUR PA YI, ,SO SOR SDUD PA SGOM PAR SHOG ,52 SHES RAB RTOG DANG DPYOD PA DANG, ,DGA' DANG GA-YO MED BDE BA YIS, ,STONG GZUGS RTAG TU BRTAN PAR SGOM, ,BSAM GTAN YAN LAG MNGON
GYUR SHOG ,53 GA-YAS GA-YON NYI ZLA'I RGYU BA GNYIS, ,BKAG NAS DBU MA'I LAM DU ZHUGS, ,DUS MIN 'CHI LAS RNAM RGYAL BA'I, ,SROG RTZOL YAN LAG MNGON GYUR SHOG ,54 LTE BA SNYING GA MGRIN PA DANG, ,DPRAL BA THIG LE'I GNAS RNAMS SU, , SROG NI 'GRO 'ONG MED PAR 'DZIN, ,'DZIN PA'I YAN LAG MNGON GYUR SHOG ,55 GTUM MO YE SHES ME 'BAR BAS, ,'DOD PA'I LHA MTHONG GZUGS RTOG BRAL, ,'OD 'PHRO'I GZUGS LAS KHAMS GSUM SPRO, ,RJES DRAN YAN LAG MNGON GYUR SHOG , 56 'DOD PA'I LHA LA RJES CHAGS PAS, ,SHES DANG SHES BYA DBYER MED PA'I, ,MI 'GYUR BDE BA RTZE GCIG PA, ,TING 'DZIN YAN LAG MNGON GYUR SHOG ,57 'BYUNG BZHI RIM GYIS STONG PAR THIM, ,STONG PA MTSAN MA RNAM BCUR 'GYUR, ,MTSAN MA RNAM PA KUN LDAN GZUGS, ,GZUGS KYANG MI 'GYUR BDE 'GYUR SHOG ,58 MI 'GYUR BDE BA'I YE SHES LAS, ,NAM MKHAR 'GRO SOGS RDZU 'PHRUL DANG, ,KHAMS GSUM DBANG PHYUG DNGOS GRUB MCHOG ,TSE 'DI NYID LA 'GRUB PAR SHOG ,59 RNAL 'BYOR GSUM GYI LAM LA BSLAB, ,LUS NGAG YID GSUM SGRIB PA SBYANGS, ,SPYOD PA GSUM GYIS MTHAR PHYUNG STE, ,RDO RJE GSUM PO MNGON GYUR SHOG ,60 BSNYEN SGRUB YAN LAG BZHI SBYANGS SHING, ,RDO RJE BZHI YI DAM TSIG BSTEN, ,GNAS SKABS BZHI YI 'KHRUL PA ZAD, ,SKU BZHI MNGON DU 'GYUR BAR SHOG ,61 LAM LNGA MA LUS LEGS PAR BGROD, ,SPYAN LNGA RIM GYIS MNGON DU GYUR, ,PHUNG PO LNGA YI SGRIB PA ZAD, ,YE SHES LNGA PO THOB PAR SHOG ,62 YAN LAG DRUG LA LEGS PAR SBYANGS, ,RIGS DRUG DAM TSIG SDOM PA BSTEN, ,KHAMS DRUG SGRIB PA DANG BRAL BA'I, ,RIGS DRUG DBYER MED MNGON GYUR SHOG ,63 RNAL 'BYOR GNAS SKABS BCU PO BGROD, ,PHA ROL PHYIN PA BCU LA BSLAB, ,DBANG BCU STOBS BCU MNGON GYUR NAS, ,PHYI NANG RNAM BCU DAG PAR SHOG ,64 'PHO BA BCU
, ,GNYIS RGYU BA 'GAG, RTEN 'BREL YAN LAG BCU GNYIS ZAD, ,RAB DGA' LA SOGS BCU GNYIS SA, ,TSE 'DI NYID LA BGROD PAR SHOG, ,65 BDEN DON RNAM PA BCU GNYIS LDAN, ,DE NYID RNAM PA BCU DRUG RIG, ,YON TAN KUN LDAN SANGS RGYAS NYID, ,TSE 'DI NYID LA MYUR THOB SHOG, ,66 RANG GI SNGON GYI NYES PA YIS, ,TSE 'DIR BYANG CHUB MA THOB NA, ,RGYAL DANG RGYAL SRAS THUGS RJE YIS, ,'PHOS MA THAG TU THOB PAR MDZOD, ,67 'CHI TSE SANGS RGYAS BYANG SEMS DANG, ,DPA' BO RNAL 'BYOR MA TSOGS KYIS, ,MCHOD PA RNAM PA DU MA YIS, ,BSUS NAS MKHA' SPYOD 'KHRID PAR SHOG, ,68 DE MA THAG TU TING 'DZIN THOB, ,SGRIB PA KUN SPANGS YON TAN RDZOGS, ,SA RNAMS MTHAR PHYIN SANGS RGYAS NYID, ,SKAD CIG DE LA THOB PAR SHOG, ,69 CIS KYANG SKYE BA BDUN GYI BAR, ,RDO RJE 'CHANG GI GO 'PHANG NYID, ,GDON MI ZA BAR 'GRUB GYUR CIG, ,DE NAS GZHAN DU MA GYUR CIG, ,70 BDAG KYANG SKYE BA THAMS CAD DU, ,BLO LDAN RIGS BZANG NGA RGYAL MED, ,BLA MA LA GUS SNYING RJER LDAN, ,DUS 'KHOR DAM TSIG LA GNAS SHOG, ,71 RDO RJE DRIL BU RTAG TU 'CHANG, ,ZAB CING RGYA CHE'I CHOS 'DON CING, ,DAM TSIG BZHI PO BSTEN PA DANG, ,RIM GNYIS ZAB LAM SGOM PAR SHOG, ,72 'DI NAS BYANG CHUB SNYING PO'I BAR, ,BLA MA DUS KYI 'KHOR LO DANG, ,RMAD BYUNG RDO RJE THEG PA DANG, ,MI 'BRAL TSUL BZHIN SGRUB PAR SHOG, ,73 SGRUB LA BAR CHAD MI 'BYUNG BAR, ,'DI NAS SKYE BDUN LA SOGS PAR, ,BLA MA DPAL LDAN DUS 'KHOR GYI, ,ZHABS RDUL SPYI GTZUG GNAS PAR SHOG, ,74 GANG TSE MGON LA LTA BA DANG, ,CUNG ZAD DRI BAR 'DOD NA YANG, ,BCOM LDAN DUS KYI 'KHOR LO NI, ,GEGS MED PAR YANG MTHONG BAR SHOG, ,75 PHYOGS BCU NAM MKHA'I MTHAS GTUGS PA'I, ,SEMS CAN MA LUS DON GYI PHYIR, ,THUB DBANG SPYOD PA JI LTA BA, ,BDAG GI SPYOD PA'ANG DE LTAR SHOG, ,76 BDAG
GI LUS DANG LONGS SPYOD DANG, ,DUS GSUM DGE BA THAMS CAD KYANG, ,SEMS CAN KUN LA SBYIN PAR BYA, ,'PHRAL DANG YUN DU BDE BAR SHOG, ,77 SEMS CAN RNAMS KYI MI DGE'I TSOGS, ,DU: KHA RGYA MTSO'I RGYUR GYUR PA, ,DE KUN BDAG LA SMIN GYUR NAS, ,DU: KHA RIN CHEN DBANG POR SHOG, ,78 GANG ZHIG BDAG NI MTHONG BA DANG, ,BDAG MING THOS DANG DRAN PA DANG, ,DAD DANG DGA' BAR BYED PA KUN, ,TSE 'DIR RDO RJE 'CHANG THOB SHOG, ,79 GANG DAG BDAG LA SMOD PA DANG, ,BRDEG 'TSOG MI SNYAN BRJOD PA DANG, ,PHRAG DOG NGAN SEMS 'CHANG BA KUN, ,TSE 'DIR SANGS RGYAS MYUR THOB SHOG, ,80 BDAG LA BRTEN NAS NAM DU YANG, ,GZHAN LA GNOD PAR MA GYUR CIG, ,SGO GSUM GANG DANG GANG BRTZAMS PA, ,GZHAN LA PHAN PAR 'GYUR BAR SHOG, ,81 BUM PA BZANG PO DPAG BSAM SHING, ,YID BZHIN NOR BU JI LTA BAR, ,SEMS CAN RNAMS KYI 'DOD PA'I DON, ,THAMS CAD BDAG LA 'BYUNG BAR SHOG, ,82 GAL TE GZHAN LA PHAN GYUR NA, ,RANG GI DON LA LTOS MED PAR, ,NGAN SONG GSUM GYI DU: KHA YANG, ,GZHAN GYI DON DU BZOD PAR SHOG, ,83 MI BZAD LAS KYI MTHU STOBS KYIS, ,MI KHOM GNAS SKYES SU GYUR NAS, ,NYON MONGS NAD KYIS GDUNGS PA LA, ,CHOS KYI BDUD RTZI SBYIN PAR SHOG, ,84 BLA MA DKON MCHOG GSUM PO DANG, ,KHYAD PAR DPAL LDAN DUS 'KHOR LA, ,MA DAD BSOD NAMS DMAN PA'I MI, ,CHOS KYIS PHONGS PAR GYUR PA RNAMS, ,85 BDAG GIS SNA TSOGS THABS KUN GYIS, ,LEGS PAR KHRID DE BLA MA DANG, ,DKON MCHOG GSUM DANG DUS 'KHOR LA, ,DANG BYAS LAM LA 'GOD GYUR CIG, ,86 BLA MA LHAR BCAS BYIN RLABS DANG, ,ZAB LAM RIM GNYIS BSGOMS PA'I MTHUS, ,DNGOS GRUB RNAM PA GNYIS THOB NAS, ,SEMS CAN SMIN PA'I MTHU LDAN SHOG, ,87 BDAG NI 'CHI BA'I DUS KYI TSE, ,SDIG DANG 'GYOD PA MED PA DANG, ,DBANG PO RNAMS NI GSAL BA DANG, ,TING 'DZIN NGANG NAS 'PHO BAR SHOG, ,88 DPA' BO RNAL
, ,'BYOR MA TSOGS KYIS, ,ME TOG RGYAL MTSAN GDUGS THOGS TE, ,ROL MO SGRA SNYAN GLUS MCHOD CING, ,MKHA' SPYOD GNAS SU 'KHRID PAR SHOG, ,89 NGES PAR MCHOG TU MI 'GYUR BA'I, ,BDE BA TING NGE 'DZIN THOB NAS, ,KHYAB BDAG DBUGS KYI GRANGS 'PHEL BAS, ,GNAS DANG NYE GNAS SOGS BGROD SHOG, ,90 NOR BU'I RTZE MOR NYI RDUL BRTAN, ,GTZUG TOR BYANG SEMS ZLA BA NYA, ,MI GNAS MYA NGAN 'DAS PA MCHOG, ,RDZOGS PA'I SANGS RGYAS THOB PAR SHOG, ,91 RNAM SHES CHOS NYID LAS 'DAS PA, ,YE SHES DAG PA GOS PA MED, ,CHOS KUN RANG BZHIN 'OD GSAL BA'I, ,MI BSKYOD RDO RJER BDAG GRUB MDZOD, ,92 SANGS RGYAS SEMS CAN MTSAN MA MED, ,SKYES PA MA YIN PA YI CHOS, ,'DU BYED BRAL BA'I RANG BZHIN CAN, ,DON YOD RDO RJER BDAG GRUB MDZOD, ,93 RTAG DANG CHAD PA LAS GROL ZHING, ,DNGOS KUN MNYAM PA NYID GYUR PA, ,MI 'GYUR YE SHES LAS 'BYUNG BA'I, ,RIN CHEN RDO RJER BDAG GRUB MDZOD, ,94 AA LAS BYUNG BA'I MING YIG KUN, , MI 'GYUR CHEN PO'I GNAS THOB PA, ,MING DANG MING CAN 'DU SHES GROL, ,PAD MA'I RDO RJER BDAG GRUB MDZOD, ,95 STONG PA LA NI DNGOS PO'I TSOGS, ,BEM PO MA YIN RTAG PA SPANGS, ,PRA PHAB BZHIN DU GSAL BAR SNANG, ,RDO RJE 'KHOR LOR BDAG GRUB MDZOD, ,96 RNAM KUN MCHOG LDAN STONG NYID DANG, ,MI 'GYUR BDE BA DBYER MED PA'I, ,BDEN PA DE YIS BDAG CAG GI, ,'DOD PA THAMS CAD YONGS RDZOGS MDZOD, ,97 DPAL DUS KYI 'KHOR LO'I BSTOD PA BSTOD PA TZAM GYIS 'DOD PA'I DON THAMS CAD 'GRUB PA ZHES BYA BA, ,DPAL LDAN BLA MA DAM PA DUS KYI 'KHOR LO'I ZHABS PA CHEN PO RDO RJE RGYAL MTSAN DPAL BZANG PO'I ZHABS KYI RDUL SPYI BOS BLANGS SHING, ,GSUNG GI BDUD RTZI'I RO MYANGS PA DGE SLONG RIN CHEN GRUB GYIS RAB BYUNG GI LO
RGYAL GYI ZLA BA'I TSES GSUM LA YONGS SU RDZOGS PAR SBYAR BA'I YI GE PA NI DGE SLONG SH'A KYA DPAL BZANG PO'O, ,'DIS 'KHOR BA SDUG BSNGAL GYI RGYA MTSO CHEN PO MYUR DU SKEM PAR GYUR CIG, ,BDAG RO MNYAM RDO RJE SHU BHA S'A DHU RA TNA'I YI DAM BYED PA YIN NO, ,SHIN TU BKRA SHIS PAR GYUR CIG, ,,THUGS GYA GNYIS, GSUNG BZHI BCU, SKU RE BRGYAD, SMON LAM GO BDUN, TSIGS SU BCAD PA NYIS BRGYA DANG GYA DRUG GO, ,,MANG GA LAm, ,