'The Key to a Treasure of Cherished Jewels,' which Opens Up the Profound Import of the Various Classes of the Secret Teachings

, ,RGYUD SDE'I ZAB DON SGO 'BYED RIN CHEN GCES PA'I LDE MIG CES BYA BA BZHUGS SO, ,

, ,DPAL DUS KYI 'KHOR LO'I RGYUD KYI RGYAL PO'I BSHAD THABS KYI YAN LAG RNAM PAR BZHAG PA RGYUD SDE RIN PO CHE THAMS CAD KYI ZAB DON GYI SGO 'BYED PAR BYED PA RIN PO CHE GCES PA'I LDE MIG CES BYA BA, BLA MA DAM PA RNAMS DANG DPAL DUS KYI 'KHOR LO'I ZHABS LA GUS PAS PHYAG 'TSAL LO, ,GANG ZHIG TSOGS GNYIS RIN CHEN 'BYUNG GNAS BRTZON 'GRUS SRUB SHING GIS BSRUBS PAS, ,SKYE RGU KUN GYI RGA SHI SEL BA'I BDUD RTZI'I MCHOG DES TSIM MDZAD CING, ,MKHYEN PA'I SPYAN STONG RAB TU RGYAS SHING BRTZE BAS 'CHI MED GDUL BYA SKYONG, ,NUS PA MTHA' GNYIS LHA MIN 'JIGS PA 'JOMS MDZAD RDO RJE 'DZIN LA 'DUD, ,DPAL LDAN BLA MA DAM PA DANG,, MI 'GYUR BDE CHEN DUS 'KHOR LO, ,RNAM KUN STONG NYID SNA TSOGS YUM, ,RO GCIG MNYAM PA NYID LA 'DUD, ,RGYUD 'GREL RIN CHEN BSHAD PA LA, ,'JUG PA'I YAN LAG RNAM GZHAG PA, ,RIN CHEN GCES PA'I LDE MIG 'DI, , BSHES GNYEN DAM PAS BSKUL PHYIR BRI, ,'DIR DPAL DUS KYI 'KHOR LO'I RGYUD 'GREL 'CHAD PA LA, GNYIS TE, RGYUD 'GREL BSHAD THABS KYI YAN LAG RNAM PAR GZHAG PA DANG, RGYUD 'GREL DNGOS LA 'JUG PA LAS,

, ,DANG PO LA, BLA MA RVA PA'I BSHAD SROL GYIS, GANG ZHIG GANG LAS YON TAN MCHOG BRNYES PA'I, ,STON PA'I MCHOG GYUR SKU BZHI LA PHYAG 'TSAL, ,ZHES PA'I GSUNG GIS GSUNG BA PO STON PA GTAN LA DBAB PA DANG, THUN MONG KHYAD PAR BLA NA MED PA YI, ,BSTAN PA'I SNYING PO DUS 'KHOR LA PHYAG 'TSAL, ,ZHES PA'I GSUNG GIS DES GSUNGS PA'I CHOS GTAN LA DBAB PA DANG, SANGS RGYAS RIGS LDAN RIM PAR BRGYUD, ,DPAL GYI BRGYUD PA LA PHYAG 'TSAL, ,ZHES PA'I GSUNG GIS SANGS RGYAS NAS RIGS LDAN DANG BLA MA RNAMS KYI BAR BRGYUD PA'I TSUL BSTAN PA DANG, DPAL GYI BLA MA SLOB MAS BSTEN, ,BSHAD PA DON GRUB LA PHYAG 'TSAL, ,ZHES PA'I GSUNG GIS BRGYUD PA'I RGYUD 'GREL LA BSHAD NYAN JI LTAR BYA BA'I TSUL DANG RNAM PA BZHIR 'CHAD DO, ,DE LA DANG PO LA, GANG ZAG GANG ZHIG LAM GANG LAS 'BRAS BU YON TAN GYI MCHOG MNGA' BRNYES SHING SANGS RGYAS PA'I TSUL NI, GANG ZAG RIGS DANG LDAN PAS LAM BYANG CHUB MCHOG TU SEMS BSKYED CING TSOGS BSAGS TE, SEMS CAN YONGS SU SMIN PAR BYAS, ZHING YONGS SU DAG PAR BYAS,

SMON LAM YONGS SU RDZOGS PAR BYAS NAS 'BRAS BU YON TAN GYI MCHOG DON GNYIS MTHAR THUG PA'I SANGS RGYAS MNGON SUM DU BYED PA YIN NO, ,SANGS RGYAS DE NYID GDUL BYA'I NGOR SNANG TSUL LA GNYIS TE, DAG PA DANG, MA DAG PA'I GDUL BYA LA SNANG TSUL LO, ,DANG PO LA, ZHING DAG PA LONGS SKU'I ZHING KHAMS 'OG MIN LA SOGS PAR, 'KHOR BYANG SEMS 'PHAGS PA'AM SA BCU'I BYANG CHUB SEMS DPA' RNAMS LA, DUS THOG MA SANGS RGYAS PA NAS BZUNG STE RTAG TU RGYUN MI 'CHAD PAR THEG PA CHEN PO'I CHOS STON CING, GDUL BYA DAG PA'I DON MDZAD PA YIN NO, ,GNYIS PA LA GSUM STE, SPYIR BSKAL PA GANG LA SANGS RGYAS BYON TSUL, KHYAD PAR BSKAL PA BZANG PO'I SANGS RGYAS BYON TSUL, KHYAD PAR DU MI MJED 'JIG RTEN DU THUB PA'I DBANG PO BYON TSUL LO, ,DANG PO LA, SPYIR BSKAL PA LA SGRON ME'I BSKAL PA DANG, MUN PA'I BSKAL PA GNYIS LAS, SGRON BSKAL LA SANGS RGYAS 'BYUNG GI MUN BSKAL LA MI 'BYUNG NGO, ,SGRON BSKAL BSKAL PA BZANG PO LA, SANGS RGYAS STONG DAM STONG DANG LNGA, DE NAS MUN BSKAL BSKAL PA CHEN PO DRUG CU RTZA LNGA, DE NAS SGRON BSKAL BSKAL PA SNYAN PA CHEN PO LA SANGS RGYAS KHRI, DE NAS MUN BSKAL BRGYAD KHRI 'DAS PA DANG BSKAL PA SKAR MA LTA BU ZHES BYA BA'I SGRON BSKAL LA SANGS RGYAS BRGYAD KHRI, DE NAS MUN BSKAL SUM BRGYA, DE NAS SGRON BSKAL YON TAN BKOD PA LA SANGS RGYAS BRGYAD KHRI BZHI STONG 'BYUNG BAR BSKAL BZANG NAS BSHAD DO, ,GNYIS PA LA, SNYING

, ,RJE PAD DKAR LAS BSKAL BZANG LA SANGS RGYAS STONG DANG LNGA 'BYUNG BAR BSHAD CING, LUNG GI 'GREL PA LAS SANGS RGYAS LNGA BRGYA 'BYUNG BAR BSHAD PA YOD KYANG, 'DIR GSANG BA BSAM GYIS MI KHYAB PA DANG, BSKAL BZANG LA SOGS PAR BSKAL PA BZANG PO'I SANGS RGYAS STONG DU BSHAD PAS DE'I RJES SU 'BRANGS NA, 'JIG RTEN 'DI CHU YIS 'JIG PA'I TSE, MTSO NAS GSER GYI PAD MA STONG BYUNG BA LA LHA RNAMS KYIS BRTAGS PAS SANGS RGYAS STONG 'BYUNG BA'I LTAS SU SHES TE, KYE MA BSKAL PA 'DI NI BZANG PO ZHES BRJOD PAS BSKAL PA BZANG POR GRAGS LA, DE'I GNAS BSKAL GYI MAR 'GRIB KYI BRGYAD KHRI NAS BRGYA BA'I BAR LA SANGS RGYAS 'BYUNG, BRGYAD KHRI BAS SNGA BAR MI 'BYUNG STE, SKYO SHAS CHUNG ZHING CHOS DON DU MI GNYER BAS SO, ,BRGYA PA BAS 'PHYI BAR MI 'BYUNG STE, SNYIGS MA LNGA HA CANG SHAS CHE BAS SO, ,YAR 'PHEL LA MI 'BYUNG STE, MI DGE BA NGANG GIS SPONG ZHING DNGOS PO RNAMS 'PHEL BAS SKYO BA MI SKYE BA'I PHYIR RO ZHES NYAN THOS 'DOD KYI THAMS CAD DU DE'I NGES PA MED DO, ,'DI YI TSE LO BZHI KHRI'I DUS SU 'KHOR BA 'JIG ,GSUM KHRI'I DUS SU GSER THUB, NYI KHRI'I DUS SU 'OD SRUNG, BRGYA BA'I DUS SU SH'A KYA THUB PA, BRGYAD KHRI PA'I DUS SU BYAMS PA 'BYUNG NGO, ,MDO BSKAL BZANG DU SANGS RGYAS RE RE'I YUL DANG RIGS DANG 'OD DANG YAB DANG YUM DANG SRAS DANG RIM GRO PA DANG SHES RAB CAN DANG RDZU 'PHRUL CAN GYI MCHOG GNYIS DANG 'KHOR 'DUS PA DANG TSE TSAD DANG BSTAN

PA GNAS PA'I TSAD DANG SKU GDUNG STE, MCHOG ZUNG SO SOR BGRANGS PA'I DON BCU GSUM BCU GSUM GYIS BSTAN CING, KHA CIG GIS GDUNG SMOS TE BCU BZHI'O, ,'KHOR 'DUS PA'ANG KHA CIG LA RE RE DANG KHA CIG LA MANG PO DANG, SKU GDUNG LA RGYAS PAR 'GYUR BA DANG RIL PO GCIG TU 'DUS PA GNYIS SO, ,STON PA 'DI LA DPER BRJOD NA, MCHOG TU DGA' BA'I RGYAL PO, NGA SKYE BA'I YUL NI SER SKYA'I GNAS ZHES BYA'O, ,RIGS NI RGYAL RIGS SO, ,GDUNG NI GO'U TA MA'O, ,'OD NI 'DOM GANG NGO, ,YAB NI ZAS GTZANG MA ZHES BYA'O, ,YUM NI SGYU 'PHRUL ZHES BYA'O, ,SRAS NI SGRA GCAN 'DZIN ZHES BYA'O, ,RIM GRO BA NI KUN DGA' BO ZHES BYA'O, ,SHES RAB CAN RNAMS KYI MCHOG NI NYE RGYAL ZHES BYA'O, ,RDZU 'PHRUL CAN RNAMS KYI MCHOG NI PANG NAS SKYES SHES BYA'O, ,'DUS PA DANG PO LA DGE SLONG STONG NYIS BRGYA LNGA BCU'O, ,SKU TSE'I TSAD NI LO BRGYA'O, ,DAM PA'I CHOS NI LO LNGA BRGYA'I BAR DU GNAS SO, ,LO LNGA BRGYA'I BAR DU NI DAM PA'I CHOS LTAR SNANG NGO, ,SKU GDUNG NI RGYAS PAR 'GYUR RO, ,ZHES GSUNGS SO, ,GSUM PA LA, NYAN THOS KYI LUGS DANG, THEG CHEN THUN MONG GI LUGS DANG, RDO RJE THEG PA'I LUGS DANG GSUM LAS, DANG PO LA, GSUM STE, DANG POR SEMS BSKYED TSUL, BAR DU TSOGS BSAGS TSUL, THA MAR SANGS RGYAS TSUL DANG GSUM LAS, DANG PO NI, SNGON RGYAL PO 'OD LDAN DU GYUR PA NA, SANGS RGYAS RNAMS KYI STOBS DANG BRTZON 'GRUS THOS NAS, SBYIN PA DAG BYIN, BSOD NAMS DAG BYAS TE, BLA NA MED PA'I BYANG CHUB TU SMON LAM BTAB PA, SBYIN PA RGYA CHEN GYUR PA 'DI YIS SU, ,ZHES SOGS KYI SMON LAM BTAB STE DANG POR SEMS BSKYED DO, ,GNYIS PA NI, SANGS RGYAS SH'A KYA THUB PA BSNYEN BKUR BA NAS BZUNG STE RIN CHEN GTZUG TOR CAN BSNYEN BKUR BA YAN CHAD SANGS RGYAS BDUN KHRI LNGA STONG BSNYEN BKUR TE BSKAL PA GRANGS MED DANG PO RDZOGS, DE NAS MAR ME MDZAD YAN CHAD SANGS RGYAS BDUN KHRI DRUG STONG BSNYEN BKUR TI GRANGS MED GNYIS PA RDZOGS, DE NAS SANGS RGYAS RNAM GZIGS YAN CHAD BDUN KHRI

, ,BDUN STONG BSNYEN BKUR TE GRANGS MED GSUM BRDZOGS, DE NAS BSKAL PA CHEN PO BRGYAR MTSAN GYI RGYU BSGRUB DGOS PA LA, SANGS RGYAS SKAR RGYAL LA TSIGS SU BCAD PA GCIG PAS ZHAG BDUN DU BAR MA CHAD PAR BSTOD PAS BRTZON 'GRUS RDZOGS SHING BSKAL PA CHEN PO DGU'I TSOGS 'DUM STE, BSKAL PA 'DI'I SANGS RGYAS 'OD SRUNG LA BSNYEN BKUR BA YAN CHAD BSKAL PA CHEN PO DGU BCU RTZA GCIG GIS MTSAN GYI RGYU RDZOGS TE, MDZOD LAS, RNAM GZIGS MAR ME RIN CHEN GTZUG ,GRANGS MED GSUM GYI THA MAR BYUNG, ,DANG PO SH'A KYA THUB PA YIN, ,ZHES SO, ,DE NAS, DGA' LDAN DU DAM PA TOG DKAR POR 'KHRUNGS PA LA SOGS PA MDZAD PA BCU GNYIS BSTAN PAR 'DOD DO, ,GSUM PA NI, DGA' LDAN NAS 'PHOS DON GRUB GZHON NUR SKU 'KHRUNGS SHING 'DZAM BU'I GRIB MA LA BSAM GTAN BZHI MNGON DU MDZAD PA'I BAR NI, SO SO SKYE BO 'CHING BA MTHA' DAG DANG BCAS PA YIN LA, DE TSUN CHAD 'CHING BA PHYOGS BRAL YIN NO, ,DE NAS BTZUN MO'I 'KHOR SPANGS NAS RAB TU BYUNG, DKA' BA SPYAD, BYANG CHUB KYI SNYING POR GSHEGS TE BDUD BTUL NAS BSAM GTAN BZHI PA'I DNGOS GZHI LA BRTEN NAS TSOGS LAM GYI LHAG MA DANG SBYOR LAM DANG MTHONG SGOM GYI LAM GYI SKAD CIG MA SO BZHIS THO RANGS SKYA RENGS 'CHAR KHAR MNGON PAR RDZOGS PAR SANGS RGYAS PA LA 'DOD DE, MDZOD LAS, STON DANG BSE RU BYANG CHUB PAR, ,BSAM GTAN MTHA' RTEN GCIG LA KUN, ,ZHES SO, ,DE NAS KUN SHES NAS RAB BZANG GI BAR LA CHOS KYI 'KHOR LO BSKOR TE LHAG MED DU MYA NGAN LAS 'DAS PAR 'DOD DO, ,GNYIS PA LA, GSUM LAS, DANG POR THUGS BSKYED TSUL NI, STON PA 'DI SNGON RIGS LA GNAS PA'I DUS NA LAS KYI NUS PAS DMYAL BA'I LCAGS BSREGS KYIS GZHI LA SHING RTA 'DREN PA'I GYAD CIG TU SKYES SO, ,DE'I TSE ZLA BO STOBS CHUNG BA LA SRUNG MA AA WANG GIS YANG YANG BSNUN PAS SHIN TU BRTZE BA SKYES TE, DE'I RKYEN GYIS BYANG CHUB TU SEMS BSKYED DO, ,DE

NAS AA WANG LA 'DI LA SNYING RJE'I SEMS CUNG ZAD SKYED CIG CES SMRAS PAS DE RAB TU KHROS NAS MDUNG RTZE GSUM PA BSNUN PAS TSE'I DUS BYAS TE ME'I SHING RTA'I DMYAL BA LAS THAR TE BSKAL PA BRGYAD KYI SDIG PA BYANG BAR GYUR TO, ,ZHES DRIN LAN BSAB PA LAS 'BYUNG NGO, ,GNYIS PA TSOGS BSAGS TSUL LA, BSKAL PA GRANGS MED SUM CU SO GSUM DANG BCU DANG BDUN DANG MANG POR BSHAD PA YOD KYANG, GRANGS MED GSUM DU BSHAD PA MANG ZHING GRAGS CHE BAS DE'I LUGS BYANG CHUB SEMS DPA'I SDE SNOD BZHIN DU BSHAD NA, DANG PO RGYAL PO'I PHO BRANG RNAM PAR RGYAL BA'I RGYAL MTSAN DU RGYAL PO TSE RNAM PAR RGYAL BA'I SRAS GZHON NU BRTZON 'GRUS SPYOD CES BYA BAR GYUR PA'I TSE, DE BZHIN GSHEGS PA PHUNG PO CHEN PO 'JIG RTEN TU BYON PA LA BSNYEN BKUR BYAS SHING, DGE BA'I RTZA BA BSKRUN PA NAS BRTZAMS NAS BSKAL PA GRANGS MED GCIG TU TSOGS BSAGS PAS SA DANG PO THOB PAR GYUR TO, ,DE NAS GRONG KHYER 'DZAM BU CHU BO'I GSER DU RGYAL PO MDZES PAR SNANG BA'I SNA CHAN PA TSONG DPON SHES RAB BZANG DU GYUR PA'I TSE, DE BZHIN GSHEGS PA DKON MCHOG YAN LAG 'JIG RTEN DU BYON PA LA BSNYEN BKUR ZHING RJES SU BSTAN SA MNOS PA NAS BZUNG STE, GRANGS MED GCIG TU TSOGS BSAGS PAS SA BDUN NON PAR GYUR TO, ,DE NAS BRAM ZE'I KHYE'U SPRIN ZHES BYA BAR GYUR PAS BRAM ZE RIN PO CHE LA RIG BYED BSLAB NAS BSNYEN BKUR BYA BA'I RGYU BTZAL BA'I PHYIR YUL DBUS KYI GRONG KHYER DAG TU LJONGS RGYUR SONG STE MTHAR GYIS RGYAL PO DGRA THUL GYI PHO BRANG PAD MA CAN ZHES BYA BA'I TSONG 'DUS SU PHYIN TO, ,DE'I TSE BRAM ZE MAR ME'I BDAG PO'I SRAS DE BZHIN GSHEGS PA MAR ME MDZAD 'JIG RTEN DU BYON TE, NAM MKHA' LA LHA RNAMS ME TOG DANG ROL MO'I SIL SNYAN GLU DBYANGS DANG BCAS TE BZHUGS PA MTHONG NAS KHYED CI ZHIG BYED DRIS PAS KHYED KYIS MI SHES SAM, 'DI NA SANGS RGYAS MAR ME MDZAD BZHUGS SO ZHES ZER RO, ,DE SKYI BUNG ZHES BYED CING KYE MA SANGS RGYAS 'BYUNG BA NI RNYED PAR DKA' BAS BDAG GIS SLOB

, ,DPON GYI YON PHYIS BSAB PAR BYA STE, KA RsHA PA NI LNGA BRGYA PA 'DI SANGS RGYAS LA MCHOD PAR BYA'O SNYAM DU DGONGS NAS BRAM ZE'U BU MO BZANG LEN LDAN LA RNGAN PAR SKYE BA THAMS CAD DU KHYIM THAB TU KHAS BLANGS SHING AUTPA LA LNGA NYOS NAS SANGS RGYAS LA GTOR TE KRI nA SA RA'I PAGS PA BTING NAS MAR ME MDZAD DE BZHIN GSHEGS PA KUN NAS SPYAN BDAG GI LHAG PA'I BSAM PA THUGS SU CHUD PAR MDZOD LA RI DVAGS KYI PAGS PA 'DI LA ZHABS BZHAG PAR MDZOD CIG CES PA DANG, DE BYON PAS MNYES PAR BYAS TE RAL PA GSER GYI MDOG CAN STAN DU BTING NAS MAR ME MDZAD KUN NAS SPYAN 'DI LA ZHABS MI 'JOG CING LUNG MI STON NA 'DI NYID DU LUS BSKAM PAR BYA'O ZHES YI DAM BRTAN POR BCAS PA DANG, STON PAS ZHABS BZHAG STE, DGE SLONG DAG KHYED KYI KHYE'U 'DI'I SKRA LA RDOG PA MA 'JOG CIG, DE CI'I PHYIR ZHE NA, 'DI NI LHA DANG BCAS PA'I 'JIG RTEN GYI MCHOD GNAS YIN TE, MA 'ONGS PA'I DUS SU SH'A KYA THUB PA ZHES BYA BAR 'GYUR RO ZHES LUNG BSTAN PA DANG, DGA' CHES TE SHING TA LA BDUN SRID DU 'PHAGS NAS TING NGE 'DZIN BRGYA STONG YANG MNGON DU BYAS NAS SA BRGYAD PA THOB STE, JI SKAD DU, ,SANGS RGYAS MAR ME MDZAD LA AUTPA LA LNGAS, ,GTOR TE RAL BSTAN DU BTING BYAS PAS, ,MI SKYE'I CHOS LA BZOD PA THOB GYUR NAS, ,SH'A KYA'I RGYAL PO 'GYUR ZHES NGA LUNG BSTAN, ,ZHES SO, ,DE NAS BZUNG STE BSKAL PA GRANGS MED GCIG TU TSOGS BSAGS PAS, BSKAL PA 'DI'I TSE LO NYI KHRI PA LA GRONG KHYER NYER LDAN DU SANGS RGYAS 'OD SRUNG BYON PA'I TSE, BRAM ZE'I KHYE'U BLA MAR GYUR PA'I BAR DU TSOGS BSAGS TE SA BCU BRNYES SO, ,GSUM PA SANGS RGYAS TSUL NI, YAB SRAS MJAL BAR, SNGON BSKAL PA DPAG TU MED PA'I SNGON ROL TU SANGS RGYAS DBANG PO'I TOG CES BYA BAR SANGS RGYAS PAR GSUNGS LA, RNAM BSHAD RIGS PAR, BRAM ZE'I KHYE'U BLA MAR GYUR PA NAS BZUNG STE SANGS RGYAS KYI SPRUL PA YIN PAR 'DOD DO, ,LANG KAR GSHEGS PA

DANG, RGYUD BLA MA LA SOGS PA NAS, 'OG MIN DU MNGON PAR RDZOGS PAR SANGS RGYAS NAS 'DOD PA KHAMS SU MDZAD PA BCU GNYIS STON PAR GSUNGS PAS, MDZAD PA BCU GNYIS PO THAMS CAD SANGS RGYAS KYI MDZAD PA YIN PAR 'DOD DO, ,'DIR THEG PA THUN MONG BA'I RNAM GZHAG DANG BSTUN NAS BYANG CHUB BRNYES TSUL NI, BRAM ZE'I KHYE'U BLA MA NAS 'PHOS TE DGA' LDAN DU DAM PA TOG DKAR POR 'KHRUNGS NAS LHA RNAMS LA CHOS STON PA NI, DGA' LDAN NA GNAS PA'I MDZAD PA ZHES BYA'O, ,DE NAS ROL MO'I SGRAS BSKUL NAS RIN PO CHE'I COD PAN MA PHAM PA'I DBU LA BCINGS LHA RNAMS LA CHOS STON PAR BSKOS NAS GLANG CHEN THAL KHA'I GZUGS KYIS GSHEGS TE, YUM GSO SBYONG LA GNAS PA'I LHUMS SU ZHUGS NAS, YUM GYI LHUMS RGYAL SRAS KYI NYE BAR SPYAD PA RIN PO CHE'I BKOD PA ZHES BYA BAR BYIN GYIS BRLABS NAS ZLA BA BCUR ZAG MED KYI BDE BA LONGS SPYAD, LHA DANG MI'I SKYE RGU KHRAG KHRIG PHRAG SUM CU SMIN PAR BYAS SO, ,DE NAS LUM BI'I TSAL DU YUM GYI GLO GA-YAS NAS NA BZA' DANG BCAS TE BTZAS, BTZAS MA THAG TU PHYOGS RNAMS SU GOM PA BDUN POR ZHING DAM BCA' PA MDZAD, MTSAN MKHAN LA BSTAN PAS 'KHOR LOS BSGYUR PA'AM, SANGS RGYAS SU 'GYUR BAR LUNG BSTAN, MA MA SUM CU SO GNYIS LA GTAD DE BSKYED BSRINGS, CHER SONG BA DANG KUN GYI BSHES GNYEN LA YI GE SLOB PA LA SOGS PA NAS BZUNG STE SGYU RTZAL DRUG CU RTZA BZHI LA MKHAS PAR BYAS SO, ,DE NAS NAGS RGYUR SONG BA'I TSE SHING 'DZAM BU'I GRIB MA LA BSAM GTAN BZHI MNGON DU MDZAD, SHING GZHAN GYI GRIB MA 'PHOS KYANG DE'I MA 'PHOS PAS YAB DAD DE, PHYAG BTZAL LO, ,DE NAS NYE DUS RNAMS KYIS KHAB BZHES PAR GSOL BAS, 'DOD YON GYI NYES PA MTHA' YAS PA GZIGS KYANG SNGON GYI SANGS RGYAS RNAMS BTZUN MO'I TSOGS SPANGS NAS RAB TU BYUNG BAS, DE'I RNAM THAR LA BSLAB PA'I PHYIR BUD MED KYI YON TAN YI GER BRIS NAS BSKUR, SA TSO MA LA YON TAN DE DAG LDAN PAR SHES NAS, DE'I PHYIR SH'KYA GZHON NU

, ,RNAMS DANG SGYU RTZAL 'GRAN PAS THAMS CAD LA BYANG CHUB SEMS DPA' RGYAL TE, SA 'TSO MA KHAB TU BZHES, BUD MED BRGYAD KHRI BZHI STONG GI MCHOG TU DBANG BSKUR TE, DE DAG DANG RTZE DGA' LA LONGS SPYAD DO, ,DE NAS SANGS RGYAS RNAMS KYIS SIL SNYAN GYI SGRA LAS TSIGS SU BCAD PA, SDUG BSNGAL BRGYAS GANG SEMS CAN MTHONG NAS NI, ,'GRO BA'I MGON DANG SKYABS DANG GNAS GYUR CING, ,PHAN BYED MGON DANG DPUNG GNYEN GYUR CIG CES, ,KHYOD KYIS SNGON NI SMON LAM DE SKAD BTAB, ,DGE BA DPA' BO SNGON GYI SPYOD PA DANG, ,'GRO PHAN BYA ZHES SMON BTAB DRAN PAR BYOS, ,'DI NI KHYOD KYI DUS DANG TSOD YIN GYI, ,DRANG SRONG MCHOG RAB KHYIM NAS 'BYUNG BAR BYOS, ,ZHES BSKUL ZHING, KHAB KYI PHYOGS BZHIR RGA BA DANG NA BA DANG SHI BA DANG DGE SLONG GZIGS TE, YAB LA RAB TU 'BYUNG BAR ZHUS SHING, SH'A KYA RNAMS KYIS DMAG GIS BSRUNGS KYANG MA THUB PHAR MTSAN PHYED NAS RTA BSNGAGS LDAN LA CHIBS TE, TSANGS PA DANG BRGYA BYIN GYIS LAM BSTAN, RGYAL CHEN RIGS BZHIS CHIBS BTEGS NAS MCHOD RTEN RNAM DAG GI DRUNG DU NYID KYI DBU SKRA NYID KYIS BCAD NAS RAB TU BYUNG NGO, ,DE NAS RING 'PHUR DANG, LHAG SPYOD LA CI YANG MED PA DANG SRID RTZE'I SEMS DAG MNGON DU MDZAD NAS CHU BO NE RAN DZA NA'I 'GRAM DU MKHA' KHYAB KYI TING NGE 'DZIN LA BZHAG STE, TIL 'BRU GCIG RGYA SHUG 'BRU GCIG 'BRAS 'BRU GCIG GIS LO DRUG TU DKA' BA SPYAD DE DBUGS 'GYU BA BCAD NAS BZHUGS SO, ,DE NAS LEGS SKYES MA LAS 'O THUG BZHES TE GSOL NAS BDUD GZHOM PA'I PHYIR BYANG CHUB KYI SNYING POR GSHEGS TE, RTZVA TSONG BKRA SHIS LA RTZVA BLANGS TE KHYER NAS BYANG CHUB SHING LA LAN GSUM BSKOR NAS RTZVA'I RTZE MO NANG DU BSTAN RTZA BA PHYIR BSTAN PA'I STENG DU ZHAL SHAR DU PHYOGS PAS BZHUGS NAS BYANG CHUB MA THOB BAR DU SKYIL KRUNG MI BSHIG PA'I DAM BCA' MDZAD DO, ,DE NAS 'OD BKYE STE BYANG SEMS MANG PO 'KHOR DU BSDUS, BDUD SDIG CAN GYIS BDUD KYI DPUNG MI 'KHRUGS

PHRAG GCIG BSDUS TE, CHO 'PHRUL SNA TSOGS BSTAN, MTSON CHA SNA TSOGS 'PHANGS PA ME TOG GI CHAR DU GYUR, RGYU BSOD NAMS LA SKUR PA BTAB PA DANG, SA'I LHA MO LA DPANG GSOL TE SA'I LHA MOS DPANG PO BYAS PAS BDUD THAMS CAD BYER BAR GYUR, BDUD KYI BU MOS GA-YO SGYU BSTAN PAS BSLUR MA TSUGS SHING BDUD KYI DPUNG RNAMS 'THOR NAS ZHAG BDUN DU 'PHRAD PAR MA GYUR TO, ,DE NAS BYANG CHUB SEMS DPA'I BSAM GTAN BZHI DANG, RIG PA GSUM BSKYED NAS NAM GYI CHA SMAD SKYA RENGS 'CHAR KHAR RNGA BRDUNG PA'I TSOD TZAM NA, RTEN 'BREL BCU GNYIS DANG BDEN BZHI SHES NAS SKAD CIG GCIG DANG LDAN PA'I SHES RAB KYIS MNGON PAR SANGS RGYAS SO, ,DE NAS SHING TA LA BDUN TZAM DU 'PHAGS TE LAM GYI RGYUD NI CHAD DO ZHES PA LA SOGS PA CHED DU BRJOD PA BRJOD DO, ,LHA RNAMS KYIS KYANG ME TOG PUS NUB TZAM GTOR TE MCHOD, 'JIG RTEN SNANG BAR BYAS, ,SA GA-YOS PHYOGS BCU'I SANGS RGYAS KYI CHOS KYI DGA' BA BSKUR, PHYAG BRKYANG STE, BDAG CAG JI LTAR BYANG CHUB THOB LTAR KHYOD SANGS RGYAS, ,DPER NA MAR DANG MAR GYI NYID KHU MTSUNGS 'DRA ZHING, ,ZHES GSUNGS SHING STON PAS CHED DU BRJOD PA MDZAD DO, ,GSUM PA LA, BYA BA DANG SPYOD PA'I RGYUD KYI LUGS KYI SANGS RGYAS TSUL NI, PHAL CHER PHYI MTSAN NYID DANG MTHUN PAS LOGS SU MI GSUNG, RNAL 'BYOR GYI RGYUD KYI LUGS KYI BYANG SEMS DON GRUB BYANG CHUB KYI SNYING POR BZHUGS PA LA SANGS RGYAS RNAMS KYIS BSKUL NAS MI GA-YO BA'I TING NGE 'DZIN LAS BZHENGS TE, SEMS BSKYED BSKYED CING, DE BZHIN GSHEGS PA THAMS CAD KYIS DBANG BSKUR NAS, MNGON PAR RDZOGS PAR SANGS RGYAS PAR DE NYID BSDUS PA'I RGYUD NAS GSUNGS PA LA, SH'A KYA BSHES GNYEN LA SOGS PA RNAMS ZAS GTZANG GI SRAS PO DON GRUB CHU BO NE RAN DZA NA'I 'GRAM DU DKA' THUB MDZAD PA'I TSE SANGS RGYAS KYIS BSKUL BAS YE SHES KYI LUS 'OG MIN DU BYON TE, SANGS RGYAS RNAMS KYIS DBANG BSKUR NAS SANGS RGYAS PAR BZHED PA LA, SLOB DPON KUN DGA' SNYING POS BSKAL PA

, ,GRANGS MED GSUM DU SKYE BA SNA TSOGS BZHES TE BSOD NAMS DANG YE SHES KYI TSOGS YONGS SU RDZOGS PAR MDZAD NAS, BSAM GTAN DANG GZUGS MED PA'I SNYOMS PAR 'JUG PA BSKYED DE, BSAM GTAN BZHI PA'I CHEN PO'I YANG CHEN PO BSKYED NAS TING NGE 'DZIN GYI STOBS KYIS YID KYI RANG BZHIN GYI LUS CAN GYI SRID PA THA MAR MDZAD NAS, DE BZHIN GSHEGS PA THAMS CAD LA COD PAN DANG DAR DPYANGS KYI DBANG BSKUR BA THOB NAS, SEMS CAN THAMS CAD LA PHAN PA DANG BDE BA'I PHYIR 'TSANG RGYA BAR BYA'O, ,ZHES DGONGS NAS DBUGS RDUB PA DANG 'BYUNG BA BKAG STE, BCOM LDAN 'DAS DON THAMS CAD GRUB PA 'OG MIN GYI GNAS BYANG CHUB KYI SNYING PO NA BZHUGS PA GANG NA BA DER GSHEGS SHING BZHUD NAS 'DI SKAD GSUNGS PA YIN NO, ,BCOM LDAN 'DAS BSKAL PA BSAM GYIS MI KHYAB PAR MNGON PAR RDZOGS PAR SANGS RGYAS NAS SH'A KYA'I RIGS SU SKYE BA STON PAR MDZAD DO ZHES GSUNGS PA NA, SH'A KYA'I RIGS SU SKYE BA BZHES NAS ZHES BYA BA 'DI DE LA MI RIGS SO, ,ZHES ZAS GTZANG GI SRAS SU SKYES NAS GDOD BYANG CHUB PA MA YIN GYI DE'I SNGON ROL DU BYANG CHUB PAR BSHAD DO, ,DE BZHIN DU GSANG BA 'DUS PA BA KHA CIG KYANG, SH'A KYA BSHES GNYEN DANG MTHUN PAR 'DOD DE, DE NI DRANG DON DU TSUL BSTAN PA YIN GYI NGES PA'I DON DU SNGON DU SANGS RGYAS KYI GO 'PHANG BRNYES NAS, SPRUL PA'I SKUS 'DUL BA'I SEMS CAN GYI DON DU ZAS GTZANG GI SRAS DON GRUB TU SKYES NAS BYANG CHUB PA'I TSUL BSTAN PA YIN TE, SGRON GSAL DU, THUN MONG MA YIN PA'I GSANG BA NAS LUNG DRANGS PAR, DE NAS GZHAN YANG THAMS CAD MKHYEN PA'I 'KHOR PHUN SUM TSOGS PAR BSHAD PAR BYA'O,, 'DI LTA STE, 'JAM DPAL NI RGYAL PO CHEN PO ZAS GTZANG MAR GYUR TO, ,'JIG RTEN DBANG PHYUG NI LHA MO CHEN MO SGYU 'PHRUL DU GYUR TO, ,DPAL LHA MO NI GRAGS 'DZIN NO, ,RDO RJE SEMS DPA' NI SGRA GCAN 'DZIN NO, ,SGRIB PA THAMS CAD RNAM PAR SEL BA NI SH'A RI'I BU'O, ,KUN

TU BZANG PO NI GNAS BRTAN KUN DGA' BOR GYUR TO, ,LHA'I DBANG PO BRGYA BYIN NI GNAS BRTAN LHA SBYIN NO, ,RNAM PAR SNANG MDZAD CHEN PO NI YANG DAG PAR RDZOGS PA'I SANGS RGYAS SH'A KYA THUB PAR GYUR TO, ,ZHES GSUNGS SO, ,'O NA, RNAM GZHAG RIM PAR, SKYE BA GCIG GIS THOGS PA'I BYANG CHUB SEMS DPA' DGA' LDAN NAS YUM GYI LHUMS SU 'JUG CES PA DANG 'GAL ZHE NA, DE NI TSUL BSTAN PA LA DGONGS PA YIN NO, ,DE BZHIN DU RNAL 'BYOR MA RGYUD RNAMS KYIS KYANG SNGON DU SANGS RGYAS PA NYID 'DIR 'TSANG RGYA BA'I TSUL STON PAR BZHED DE, RI GI AA RA LI'I RGYUD LAS, RGYAL PO CHEN PO ZAS GTZANG MA, ,AA RA LIR NI YANG DAG BSHAD, ,DER NI RIG GI SGYU MA CHE, ,'GRO BA SHES RAB THABS BDAG NYID, ,DON GRUB YANG NI RDO RJE SEMS, ,MCHOG TU DGA' BA BDE BA CHE, ,ZHES GSUNGS SO, ,DE NAS RNAL 'BYOR DANG RNAL 'BYOR CHEN PO'I RGYUD THUN MONG BA'I LUGS KYIS, GANG ZAG SRID PA THA MA PA'I BYANG CHUB SEMS DPA' DE, GNAS 'OG MIN CHEN POR, LAM ZAB LAM THUN MONG MA YIN PA'I LAM LA BRTEN NAS MNGON PAR BYANG CHUB PA RNAM PA LNGAS LONGS SPYOD RDZOGS PA'I SKUR MNGON PAR RDZOGS PAR SANGS RGYAS NAS, 'BRAS BU MI 'PHROG YON TAN GYI CHOS DPAG TU MED PA DANG LDAN PA YIN NO, ,KHYAD PAR DUS KYI 'KHOR LO PA'I LUGS KYIS, RTEN KHAMS DRUG DANG LDAN PA'I SKYES BU CHEN PO GANG ZAG NYID, LAM NI, DUS KUN TU NI BYANG CHUB SEMS KYANG 'GRO BA DANG NI 'GRO BAR 'DOD PA RNAM PA GNYIS SU 'GYUR, ,ZHES PAS, SMON 'JUG BYANG CHUB MCHOG TU SEMS BSKYED, DBANG BSKUR BDUN PO 'DI DAG NI, ,DKYIL 'KHOR BZHENGS NAS SBYIN PAR BYA, ,ZHES PA LTAR BYIS PA 'JUG PA'I DBANG BDUN DANG, 'DIR NI DBANG BSKUR RNAM PA GNYIS KYANG BU YI YON TAN DBANG GIS 'JIG RTEN 'JIG RTEN 'DAS PA'O, ,ZHES PA LTAR DBANG GONG MA RNAM PA GNYIS LEGS PAR BLANGS, 'DUS PA'I RGYUD PHYI MA LAS, RDO RJE RNAM BZHI 'DI DAG NYID, ,THA MAL SGRUB PA BSNYEN PA BYA, ,ZHES BSHAD PA LTAR, BSKYED PA'I RIM PA LA BRTEN NAS

, ,'OG MIN GYI MTHAR THUG PA'I 'JIG RTEN PA'I DNGOS GRUB BSGRUBS SHING BSOD NAMS KYI TSOGS BSAGS, LAS KYI PHYAG RGYA YONGS SU DOR, ,YE SHES PHYAG RGYA RNAM PAR SPANGS, ,ZHES PA LTAR, LAM DMAN PA RNAMS SPANGS, PHYAG RGYA CHE LA YANG DAG SKYES, ,LHAN SKYES GZHAN DANG 'GROGS PA MIN, ,ZHES PA LTAR, PHYAG RGYA CHEN PO'I LAM LA BRTEN TE, 'DUS PA'I RGYUD PHYI MAR, MCHOG GI YE SHES BDUD RTZI NYID, ,SBYOR BA DRUG GIS BYA BA YIN, ,ZHES PA LTAR, LAM SBYOR BA YAN LAG DRUG LA LEGS PAR BSLAB STE, DUS SBYOR BCU GNYIS KYI RLUNG 'GAG PA BCU GNYIS RDZOGS PAR BYAS TE, GNAS 'OG MIN NAM, CHOS KYI DBYINGS BDE BA CHEN PO'I GNAS SU, 'BRAS BU, SHES RAB MA YIN THABS KYANG MIN PA 'DI NI LHAN CIG SKYES PA'I SKU DE CHOS KYI SKUR GYUR PA, , ZHES PA LA SOGS PA'I SKU BZHI'I BDAG NYID DU SANGS RGYAS TE, YON TAN GYI CHOS BDE BA CHEN PO LHAN CIG SKYES PA THABS SHES RAB GNYIS SU MED PA'I YE SHES DANG LDAN PAR SANGS RGYAS PA YIN NO, ,DE NAS SPRUL SKUS GDUL BAR BYA BA'I DON DU, 'DZAM BU'I GLING DU SANGS RGYAS PAR STON PA NI, 'DI RNAMS GROL BA'I SLAD DU SRAS DANG BCAS PA RGYAL BA'I BDAG PO LAS KYI SAR NI RAB ZHUGS TE, ,MNGAL NI RAB TU BZUNG BA MDZAD CING MCHOG GI THUGS RJE DAG GIS BYANG CHUB BSKYED PA MDZAD NAS NI, ,NYON MONGS DANG NI BDUD RNAMS BCOM NAS SA YI STENG GI GNAS SU CHOS KYI 'KHOR LO RAB BSKOR TE, ,SPRUL PA SGYU MA MDZAD NAS SLAR YANG BCOM LDAN 'DAS NI DAG PA'I SKU CAN DE NYID KHO NA'O, ,ZHES GSUNGS SHING, DRI MED 'OD LAS KYANG, SANGS RGYAS BCOM LDAN 'DAS, SNGAR SA BCU GNYIS KYI DBANG PHYUG TU GYUR PA MKHAS PA SGYU 'PHRUL CHEN PO 'CHANG BA SGYU 'PHRUL CHEN PO'I MIG 'PHRUL DANG LDAN PA'I 'PHAGS PA'I YUL LUM BI NIR, SH'A KYA'I RIGS MI'I DBANG PO ZAS GTZANG MA'I LHA MO SGYU 'PHRUL CHEN MO'I LHUMS NAS BLTAMS PA NI, GZHON NU DON GRUB PA

YIN LA, ZHES GSUNGS PAS SANGS RGYAS NYID ZAS GTZANG GI SRAS SU SKU SKYE BA BSTAN, KHAB BZHES PA DANG KHAB NAS 'BYUNG BA DANG DKA' BA SPYAD PA DANG BDUD 'JOMS PA'I TSUL BSTAN NAS, 'PHAGS PA'I YUL DU SA GA'I ZLA BA'I NYA'I SKYA RENGS 'CHAR BA'I TSE MNGON PAR RDZOGS PAR SANGS RGYAS PA'I TSUL BSTAN TO, ,GNYIS PA LA, GNYIS TE, CHOS JI LTAR GSUNGS PA'I TSUL DANG, GSUNGS PA'I CHOS KYI DON RNAM PAR DBYE BA'O, ,DANG PO LA, GSUM STE, NYAN THOS KYI LUGS, THEG CHEN THUN MONG GI LUGS, RDO RJE THEG PA'I LUGS SO, ,DANG PO LA, GSUM STE, STON PAS GSUNGS TSUL, SDUD PA POS BSDUS TSUL, BSDUS PA'I BSTAN PA GNAS TSUL LO, ,DANG PO NI, SANGS RGYAS NAS ZHAG BDUN PHRAG BDUN SONG BA'I RJES SU GNAS W'A RA nA SIR 'KHOR LNGA SDE BZANG PO LA BDEN BZHI'I CHOS BSTAN PA NAS BZUNG STE, GRONG KHYER RTZVA MCHOG TU MYA NGAN LAS 'DAS KYI BAR DU THEG CHUNG GI SDE SNOD GSUNGS PAR 'DOD DO, ,GNYIS PA BKA' BSDU BA DANG PO NI, DUS NI STON ZLA THA CHUNG GI TSES BRGYAD LA SKU 'DAS PA'I PHYI DE DBYAR RIL PO DBYAR GYI NANG DU, GNAS SHING NYA GRO DHA'I PHUG TU, DGOS PA LHA RNAMS KYI 'PHYA BA BSAL BA DANG, BSTAN PA YUN RING DU GNAS PA'I CHED DU, BKA' SDUD PA PO KUN DGA' BOS MDO SDE, NYE BAR 'KHOR GYIS 'DUL BA, 'OD SRUNG GIS MNGON PA BSDUS SO, ,BKA' BSDU BA GNYIS PA NI, DUS STON PA 'DAS NAS LO BRGYA DANG BCU LON PA NA, GNAS YANGS PA CAN GYI KU shMA PU RI'I GTZUG LAG KHANG DU, DGOS PA RUNG BA MA YIN PA'I GZHI BCU BSAL BA'I PHYIR, SBYIN BDAG CHOS RGYAL MYA NGAN MED KYIS BYAS TE, SDUD PA PO GRAGS PA LA SOGS PA DGRA BCOM PA BDUN BRGYAS BSDU BA GNYIS PA BYAS SO, ,BSDU BA GSUM PA LA MI MTHUN PA 'GA' RE SNANG ZHING, DGOS PA GYES PA BCO BRGYAD BKA' MA YIN PA'I DOGS PA BSAL BA'I PHYIR, DUS STON PA 'DAS NAS LO SUM BRGYA NA, GNAS KHA CHE'I YUL KUN PA NA ZHES BYA BA'I DGON PAR, SBYIN BDAG DZ'A LAN DHA RA'I RGYAL PO KA NI KAS BYAS TE, SDUD PA PO PU RnI

, ,KA LA SOGS PA DGRA BCOM PA LNGA BRGYA, BA SU MI TRA LA SOGS PA'I BYANG CHUB SEMS DPA' LNGA BRGYA, SO SO SKYE BO'I PAndI TA NYIS BRGYA LNGA BCU'AM KHRI DRUG STONG 'DUS NAS BSDU BA GSUM PA MDZAD DE, SDE BA BCO BRGYAD BKAR BSGRUBS SO, ,ZHES GRAG GO, GSUM PA NI, LUNG PHRAN TSEGS LAS BSTAN PA LO STONG DU GNAS PAR GSUNGS SHING, MDZOD KYI RANG 'GREL DU'ANG LO STONG DU GNAS PAR GSUNGS, MDZOD KYI MDO t'IK TU GSER PHRENG CAN GYI RTOGS PA BRJOD PA'I LUNG DRANGS NAS LO STONG DU GNAS SHING MTHAR 'THAB MOS NUB PAR GSUNGS SO, ,GNYIS PA LA, GSUM STE, DANG POR GSUNGS TSUL, BAR DU BSDUS TSUL, MTHAR GNAS TSUL LO, ,DANG PO SANGS RGYAS NAS ZHAG BDUN PHRAG DANG PO LA SKYIL KRUNG MA BSHIG PAR BYANG CHUB KYI SHING LA GZIGS, GNYIS PA LA STONG GSUM RGYANG RING DU 'CHAG , GSUM PA LA BYANG CHUB KYI SNYING BOR SPYAN MI 'DZUM PAR GZIGS, BZHI BA LA SHAR NUB TU RGYANG MI RING BAR 'CHAG ,LNGA BA LA KLU BTANG BZUNG GI GNAS SU BZHUGS, DRUG PA LA SHING NYA GRO DHA SKYONG DU BZHUGS, BDUN PA LA SHING SGROL RGYU'I DRUNG DU BZHUGS TE, TSONG PA GA GON DANG, BZANG POS SBRANG RTZI LA SOGS PA PHUL BA RGYAL CHEN RIGS BZHIS PHUL BA'I RDO'I LHUNG BZED GCIG TU BYIN GYIS BRLABS PAR BZHES TE, DE GNYIS KYI BSOD SNYOMS KYANG GSOL NAS SHIS PA BRJOD DE, SBRANG RTZI 'BYUNG BA ZHES BYA BA'I RGYAL BAR LUNG BSTAN TO, ,DE NAS STON PA THUGS LAS CHUNG NGUR BZHUGS TE, ZAB ZHI RDUL BRAL 'OD GSAL 'DUS MA BYAS, ,BDUD RTZI'I CHOS 'DI BDAG GIS THOB PAR GYUR, ,BDAG GIS BSTAN KYANG GZHAN GYIS MI SHES TE, ,MI SMRA NAGS 'DABS GNAS PAR BYA BA SNYAM, ,ZHES DGONGS PA DANG, TSANGS PA GTZUG PHUD CAN GYIS, YE SHES CHEN PO MCHOG GI DKYIL 'KHOR BSGRUBS NAS NI, ,PHYOGS BCU DAG TU 'OD ZER RNAM PAR BKYE MDZAD DE, ,YE SHES ZER GYIS MI YI PAD MA KHA 'BYED PA, ,SMRA BA'I NYI MA DE RING CI SLAD BTANG SNYOMS BZHUGS, ,ZHES PA LA SOGS PAS

BSKUL BAS CAD MI GSUNG BAS GNANG ZHING, YANG THUGS LAS CHUNG BA LA GZHOL BAS, BRGYA BYIN DANG TSANGS PAS NAN TAN DU BSKUL BAS ZHAL GYIS BZHES TE W'A RA nA SIR BYON PA DANG, LNGA SDES 'OG KHRIMS BCAS PA RANG ZHIG TU GYUR TE, 'KHOR LNGA SDE BZANG BO DANG LHA'I 'KHOR RNAMS LA CHOS BDEN PA BZHI LAN GSUM BZLAS PA RNAM PA BCU GNYIS BSKOR TE, DGOS PA LNGA SDES DGRA BCOM PA THOB CING, BRGYUD PA'I GDUL BYA RNAMS KYI GANG ZAG TU 'DZIN PA BZLOG PA'O, ,DE NI BKA' DANG PO BDEN PA BZHI'I RNAM PAS BSTAN PA'I CHOS KYI 'KHOR LO'O, DE NAS GNAS BYA RGOD PHUNG PO'I RI LA SOGS PAR, 'KHOR THEG PA CHEN PO LA YANG DAG PAR ZHUGS PA RNAMS LA, CHOS CHOS THAMS CAD NGO BO NYID MED PA LAS BRTZAMS TE BSTAN PA NI, BKA' BAR BA STONG BA NYID SMOS PA'I RNAM PAS BSTAN PA'I CHOS KYI 'KHOR LO'O, ,DE NAS GNAS RI MA LA YA LA SOGS PAR, 'KHOR THEG PA THAMS CAD LA YANG DAG PAR ZHUGS PA RNAMS LA, CHOS CHOS THAMS CAD NGO BO NYID MED PA LAS BRTZAMS TE BSTAN PA NI, LEGS PA RNAM PAR PHYE BA DANG LDAN PA'I CHOS KYI 'KHOR LO'O, ,DE LTAR 'KHOR LO GSUM DU BZHAG PA NI, PHYOGS GCIG NAS MTSON PA'AM GTZO CHE BA TZAM YIN GYI RNAM PA THAMS CAD DU DE'I NGES PA MED PAR SHES PAR BYA'O, ,GNYIS PA NI, RGYAL BO'I KHAB KYI LHO PHYOGS BI MA LA SVA BH'A WA ZHES PA'I RI LA, RGYAL SRAS 'BUM PHRAG BCU 'DUS TE, 'JAM DPAL GYIS MNGON PA, BYAMS PAS 'DUL BA, PHYAG NA RDO RJES MDO SDE BSDUS SO, ,ZHES GRAGS GO, ,RTOG GE 'BAR BA LAS, THEG PA CHEN PO SANGS RGYAS KYIS GSUNGS PA YIN TE, RTZA BA'I SDUD PAR BYED PA PO KUN TU BZANG PO DANG 'JAM DPAL DANG GSANG BA'I BDAG PO DANG BYAMS PA LA SOGS PA RNAMS KYIS BSDUS PA'I PHYIR RO, ,ZHES 'BYUNG ZHING, 'BUM t'IK TU'ANG, PHYAG RDOR SANGS RGYAS STONG GI BKA' SDUD PA POR GSANG BA BSAM GYIS MI KHYAB PA'I MDO NAS BSHAD CING, PHYAG NA RDO RJE DBANG BSKUR BA'I RGYUD DU'ANG, PHYAG NA RDO RJE BKA'

, ,SDUD PA POR BSHAD PAS PHYAG RDOR GYIS BYAMS PA LA SOGS PA RNAMS LA, 'DI SKAD BDAG GIS THOS PA ZHES BKA' BSDU BA BYAS PAR BZHED DE, ,BRGYAD STONG 'GREL BAR SHER PHYIN GYI MDO SDE KUN DGA' BOS BSDUS PAR BZHED DO, ,ZLA BA GRAGS PAS KUN DGA' BO DANG PHYAG RDOR GCIG PAR BZHED DO, ,GSUM PA LA, BLO GROS MI ZAD PAS BSTAN PA'I MDO'I 'GREL BAR BSTAN PA LO STONG DU GNAS PAR GSUNGS, SNYING RJE PAD DKAR DU PHYED DANG NYIS STONG, RDO RJE GCOD PA'I 'GREL BAR PHYED DANG SUM STONG, ZLA BA SNYING PO'I MDO LAS LO NYIS STONG GNAS PAR GSUNGS SO, ,'BUM t'IK TU LO LNGA STONG GNAS PA LAS STONG PHRAG RE RE LA PHYED PHYED DU BCAD PAS LNGA BRGYA PHRAG BCU LA LE'U BCUR 'GYUR TE, DE LA LNGA BRGYA DANG PO DANG GNYIS PA DANG GSUM PA RNAMS LA, GO RIM BZHIN DU LHAG MTHONG DANG PHYIR MI 'ONG BA DANG RGYUN DU ZHUGS PA MANG DU 'BYUNG BAS, DGRA BCOM PA'I LE'U DANG PHYIR MI 'ONG BA'I LE'U DANG RGYUN DU ZHUGS PA'I LE'U ZHES BYA STE, KHONG DU CHUD PA'I LE'U GSUM DANG, DE NAS LNGA BRGYA BZHI PA DANG LNGA PA DANG DRUG PA RNAMS LA, GO RIM BZHIN DU LHAG MTHONG DANG TIG NGE 'DZIN DANG TSUL KHRIMS DANG LDAN PA MANG MANG DU 'BYUNG BAS, LHAG MTHONG GI LE'U DANG TING NGE 'DZIN GYI LE'U DANG TSUL KHRIMS KYI LE'U ZHES BYA STE, SGRUB PA'I LE'U GSUM DANG, DE NAS LNGA BRGYA BDUN PA DANG BRGYAD PA DANG DGU PA LA RIM PA LTAR CHOS MNGON PA DANG MDO SDE DANG 'DUL BA STON PA MANG DU 'BYUNG BAS, MNGON PA'I LE'U MDO SDE'I LE'U 'DUL BA'I LE'U STE, LUNG GI LE'U GSUM DANG, LNGA BRGYA BA BCU BA NI, RAB TU BYUNG BA'I RTAGS TZAM LAS LTA SPYOD RNAL MA DANG MI LDAN PAS, RTAGS TZAM 'DZIN PA'I LE'U STE, 'DI NYID LA LNGA BRGYA THA MA, ZHES BSHAD DO, ,DE'I LUGS KYIS SA MO SBRUL KYIS MO SBRUL GYI LO YAN CHOD LA SUM STONG BZHI BRGYA DRUG CU RTZA GNYIS 'DAS, THUB PA 'BRUG LO BAR BZHED PA'I LUGS YIN, GLANG LOR BZHED PA'I LUGS KYIS DE BAS GSUM GYIS SANG, DGA' BA'I BSHES GNYEN GYI RTOGS

BRJOD LAS, SKYE RGU'I TSE LO DRUG BRGYA BA'I BAR DU GNAS PA YANG GSUNGS SO, ,ZLA BA'I SNYING POS ZHUS PA LAS NI, BSTAN PA LO NYIS STONG DU GNAS SHING, DE'I MJUG TU RGYAL BO DANG, RAB TU BYUNG BA RNAMS CHOS BZHIN MI SPYOD PA'I RGYU MTSAN GYIS 'JIG RTEN DU BKRA MI SHIS PA SNA TSOGS 'BYUNG, DE'I TSE RGYA GAR DANG RGYA MA YIN PA'I RGYAL BO YA BA DANG BA LA BA DANG SHAm KHU NA ZHES BYA BA GSUM SRID GCIG TU BYAS TE GANG GA'I TSUR ROL MA H'A DE SHA LA SOGS PA'I YUL 'DZIN PAR 'GYUR RO, ,DE'I TSE GANG GA'I PHA ROL LHO PHYOGS NA KO'U SHAm BHI ZHES BYA BAR RGYAL BO MA HEN DRA SE NA ZHES BYA BA LA BU DU PRA SA RA ZHES BYA BA SMIN MTSAMS NA LCAGS KYI SME BA YOD PA, LAG PA GRU MO MAN CHAD KHRAG GIS BYUGS PA 'DRA BA ZHIG BYUNG, DE DANG DUS MNYAM DU BLON PO'I BU LAG PA'I MKHRIG MA MAN CHAD KHRAG GIS BYUGS PA 'DRA BA LNGA BRGYA DANG, RTE'U SMRA SHES PA GCIG KYANG BTZAS SO, ,DE LO BCU GNYIS SONG BA DANG SNGAR GYI RGYAL BO GSUM GYI DMAG BYUNG BA DANG 'THAB PAS LCAGS KYI SME BA 'PHEL NAS LUS RIL LCAGS SU SONG STE, RGYAL BO GSUM GYI DMAG BCOM NAS 'DZAM BU'I GLING GI RGYAL BO RGYUR TE, DE'I SDIG SBYONG GI THABS SU GRONG KHYER SKYA BO'I BU NAS SDE SNOD 'DZIN PA SLOB MA CAN SPYAN DRANGS TE SDIG SBYONG ZHUS PAS, LO BCU GNYIS SU DKON MCHOG GSUM MCHOD NA SDIG 'BYUNG NGO ZHES THOS NAS 'DZAM BU'I GLING GI DGE SLONG THAMS CAD BKUG STE YUL GZHAN DU CHOS SPYOD DU MI STER BAR GYUR TO, ,DE NAS DGE SLONG 'BUM TZAM 'DUS TE PHAN TSUN GTAM BYAS PAS, 'BREL BA RNAMS SHI BA'I MYA NGAN LANGS TE DUS PAS, RGYAL BO MA DGA' NAS SMON LAM BTAB PAS, LHAS LUNG BSTAN NAS DGRA BCOM PA DES PA SPYAN DRANGS NAS PHYAG DANG MCHOD PA BYAS SO, ,DE NAS TSES BCU BZHI'I NUB MO DGE 'DUN 'DUS PA'I NANG NAS DGE SLONG GSAR BU RNAMS KYIS MKHAN PO SLOB BA CAN LA 'DUL BA BSHAD PAR GSOL BA DANG, DES CHOS KHRIMS MI BSRUNG BA LA 'DUL BA BSHAD PAS CI LA PHAN ZER BA DANG, DGRA BCOM PA DES PAS CHOS KHRIMS MNOS NAS DE'I BAR

, ,DU RTZVA MCHOG TZAM YANG MA NYAMS NA DE SKAD MA ZER BAR 'DUL BA SHOD CES GLENG BAS, SLOB MA CAN GYIS DE DGRA BCOM PA YIN PAR SHES NAS GNONG STE CANG MI SMRA BAR 'DUG GO, ,DE NAS SLOB MA CAN GYI SLOB MA DGE SLONG DPUNG RGYAN ZHES BYA BAS DGRA BCOM PA LA, KHYOD NGA'I MKHAN PO LA CI'I PHYIR BRNYAS ZHES ZER NAS BRDEG STE BSAD, GNOD SBYIN ZHO GDONG GIS DPUNG RGYAN BSAD, DGE SLONG GI RANG KYIS SLOB MA CAN BSAD, DE NAS PHAN TSUN GCIG GIS GCIG BSAD DE GCIG KYANG MA LUS, DKAR BO'I PHYOGS LA DGA' BA'I LHA RNAMS DUS PA'I MCHI MA KHRAG DANG RME'I CHAR DU BAB, GOS TSON CAN RNAMS LHA'I YUL DU GDAN DRANGS BAR GYUR TO, ,DE NAS RGYAL BO MYA NGAN DU GYUR TE, DGRA BCOM PA NI NGA'I MA, SDE SNOD GSUM PA NI CHOS KYI MDZOD DE, 'DI GNYIS 'DAS PAS DA PHYIN CHAD SROG KYANG GCES PA MED, RGYAL SRID KYANG SU 'DOD PA LA SBYIN NO ZHES SMRAS NAS, MIG BTZUM STE MI LTA BAR GYUR BA DANG, BLON PO RNAMS KYIS, MYA NGAN SANGS PA'I PHYIR MI LNGA BRGYA'I SKRA DANG KHA SPU BSPREGS, PHYUGS DMAR PO'I KO BA BSKON NAS RAB TU BYUNG BA LNGA BRGYA 'ONGS SO ZHES GSOL BAS RGYAL BO DGA' STE, DE RNAMS LA MCHOD NAS CHOS DRIS PAS CHOS TSIG GCIG KYANG MA SHES NAS RGYAL BO MYA NGAN LANGS TE DU BAR GYUR TO, ,DE'I TSE 'DZAM BU'I GLING GI CHOS RIL PO NUB PAR GYUR TO, ,ZHES 'BYUNG NGO, ,GSUM PA LA, GSUM STE, DANG BOR GSUNGS PA'I TSUL NI, BYA BA DANG SPYOD PA'I RGYUD NI, DUS BSKAL BA BZANG BO 'DI NYID LA CI RIGS PAR, STON PA SPRUL SKU MCHOG GIS, GNAS RI RAB KYI RTZE MO LA SOGS PAR, 'KHOR RANG RANG GI DKYIL 'KHOR LA BKOD PA'I 'KHOR DANG NYAN PA'I 'KHOR SANGS RGYAS DANG BYANG CHUB SEMS DPA' DPAG TU MED PA LA, CHOS BYA SPYOD KYI CHOS KYI 'KHOR LO GSUNGS SO, ,RNAL 'BYOR GYI RGYUD NI, STON PA BCOM LDAN 'DAS KYIS 'OG MIN DU SANGS RGYAS THAMS CAD KYIS DBANG BSKUR NAS SANGS RGYAS TE RING BOR MA LON PAR, GNAS RI RAB KYI RTZE MOR GZHAL YAS

KHANG SPRUL NAS, 'KHOR DKYIL 'KHOR LA BKOD PA'I 'KHOR SANGS RGYAS DANG BYANG CHUB SEMS DPA'I TSOGS, NYAN PA'I 'KHOR SKAL BA DANG LDAN PA'I GDUL BYA DPAG TU MED PA LA, CHOS DE NYID 'DUS PA LA SOGS PA RNAL 'BYOR GYI RGYUD GSUNGS SO, ,RNAL 'BYOR CHEN PO BLA NA MED PA'I RGYUD NI, STON PA BCOM LDAN 'DAS RDO RJE 'CHANG GIS, SNGON NYID DU GSUNGS NA YANG, RGYUD KHA CIG PHYIS ZAS GTZANG GI SRAS DON GRUB SANGS RGYAS PA'I TSUL BSTAN NAS BZLAS TE GSUNGS PA YOD DE, DPER NA RGYUD SDE 'OG MA PHYAG NA RDO RJE DBANG BSKUR BA'I RGYUD LTA BU'O, ,DES NA RNAL 'BYOR CHEN PO'I RGYUD GSANG BA 'DUS PA LA SOGS PA NI, DUS BCOM LDAN 'DAS MNYAN YON NA BZHUGS PA'I TSE, GNAS DE NAS DPAG TSAD SUM BRGYA NA AU RGYAN ZHES BYA BA'I YUL NA RGYAL BU AIN DRA BHU TI ZHES BYA BA YOD, DES SNGA DRO'I DUS GCIG GI TSE DGE SLONG GI GZUGS DU MA NAM MKHA' LA 'GRO BA MTHONG STE, DE DAG CI YIN BLON PO LA DRIS KYANG MA SHES PAR YUL 'KHOR GYI MI RNAMS LA DRIS PAS, DE DAG SANGS RGYAS SH'KYA THUB PA'I NYAN THOS SO ZER BA THOS NAS DAD DE, DE'I PHYOGS SU PHYAG 'TSAL ME TOG DANG BCAS PA'I THAL MO SBYAR TE 'DUG PAS MNYAN YOD NA BCOM LDAN 'DAS 'KHOR DANG BCAS PA BZHUGS PA MTHONG NGO, ,DE DAD PA SKYES NAS BCOM LDAN 'DAS THAMS CAD MKHYEN PA THUGS RJE CAN RDZU 'PHRUL GYI ZHABS MNGA' BAS NANG PAR GDUGS TSOD LA GSHEGS SU GSOL ZHES GSOL BA BTANG PAS, SANG BCOM LDAN 'DAS 'KHOR DANG BCAS PA BYON PA LA, RGYAL PO 'KHOR DANG BCAS PAS MCHOD DE GSOL BA BTAB PA, BDAG CAG SRID PA'I SDUG BSNGAL LAS THAR BAR MDZAD DU GSOL ZHES ZHUS PAS, BKA' STZAL PA, KHYIM NAS KHYIM MED PAR RAB TU BYUNG ZHIG THABS YOD DO, ,ZHES GSUNGS PAS, BDAG CAG NI 'DOD PA'I YON TAN GYIS GDUNGS PA CHE BAS 'DOD YON MA SPANGS PAR SANGS RGYA BA'I THABS ZHU'O, ,ZHES GSOL BA DANG, BCOM LDAN 'DAS KYIS SKYE BO 'DOD CHAGS CAN RJES SU GZUNG BA'I DON DU, RDO RJE BTZUN MO'I BHA GA CHOS 'BYUNG GI DBUS SU LUGS GZHAL YAS KHANG PHUNG KHAMS SKYE MCHED LHA LHA MO NANG,

, ,SPRUL PA'I DKYIL 'KHOR DU, DKYIL 'KHOR LA BKOD PA'I 'KHOR SANGS RGYAS DANG BYANG CHUB SEMS DPA'I TSOGS ZHU BA PO'I 'KHOR RGYAL PO AIN DRA BHU TI LA SOGS PA LA RIG PA'I DBANG DBANG BZHI PA, BSKUR BA BYIN NAS CHOS RIM PA GNYIS KYI BDAG NYID CAN RNAL 'BYOR CHEN PO'I RGYUD GSUNGS NAS RDO RJE CHOS LA RGYUD GTAD DO, ,ZHES GRAG GO ,KHA CIG NA RE, DE NI CHOS BSDUS PA'I DUS KYI GTAM YIN GYI GSUNGS PA NI SNGON NYID DU'O, ,ZHES ZER RO, ,RNAL 'BYOR MA RGYUD BDE MCHOG 'KHOR LO NI, SNGAR NYID DU GSUNGS PAR BDE MCHOG RTZA RGYUD KYI 'GREL PA LAS CHOS KYI RNAM GRANGS 'DI NI THOG MA MED PA'I RGYU CAN YIN TE, BCOM LDAN 'DAS SH'KYA THUB PA LAS SNGA BA NYID DU GNAS SO, ,DUS KYI DBANG GIS BSREGS PA'I BSKAL BA LA SOGS PAS SHES RAB KYI PHA ROL TU PHYIN PA LA SOGS PA NUB PA NA, BCOM LDAN 'DAS SH'KYA THUB PAS SLAR YANG GSUNGS PA YIN NO, ,DAL BDE MCHOG DE NI DE LTA MA YIN TE, SANGS RGYAS KYI ZHING MA BRJOD DU MED PA NA DPA' BO DANG DPA' MO LA SOGS PAS NYAMS SU BLANGS TE GNAS PA'I PHYIR MA NUB BO, ,ZHES BSHAD PA LTA BU'O, ,SLOB DPON RDO RJES MDZAD PA'I BDE MCHOG NYUNG NGU'I RGYUD KYI 'GREL PA LAS, BDE MCHOG NYUNG DU'I RGYUD KYI DBANG DU MDZAD NAS DUS GNYIS LDAN GYI DUS SU DRAG PO 'JIGS BYED BTUL BA'I TSE, GNAS 'DZAM BU'I GLING GRU GSUM NA BZHUGS TE, STON PA SPRUL PA'I SKU 'BRAS BU'I HE RU KAS, GDUL BYA'I 'KHOR DRAG PO 'JIGS BYED DANG, NYAN PA'I 'KHOR SANGS RGYAS DANG BYANG CHUB SEMS DPA' DANG, SPRUL PA'I 'KHOR RIGS LNGA'I DPA' PO DANG DPA' MO DANG, SDUD PA PO'I 'KHOR LCANG LO CAN GYI BDAG PO LA, CHOS DBANG BSKUR BA SNGON DU 'GRO BA'I RNAL 'BYOR GSANG MTHA'I RGYUD BSTAN PAR BSHAD DO, ,GNYIS SU MED PA'I RGYUD DUS 'KHOR BA'I LUGS KYIS, STON PAS GSUNGS TSUL LA, PAD MA CAN NAS BCOM LDAN 'DAS 'PHAGS PA'I YUL DU MYA NGAN LAS 'DA' BA'I TSUL BSTAN NAS, SHAM BHA LA'I YUL DU RTZA BA'I RGYUD GSUNGS SO, ,ZHES PA NI, MI 'THAD DE, BCOM

LDAN 'DAS MYA NGAN LAS 'DAS NAS SPRUL PA GZHAN GYIS BSTAN PA YIN NA, ZAS GTZANG GI SRAS LHA MO SGYU 'PHRUL CHEN MO'I LHUMS NAS BLTAMS PA'I SH'KYA THUB PA RGYUD KYIS STON PA PO DANG, MNGAL SKYES KYI ZLA BZANG RGYUD KYI ZHU BA POR MI RUNG BA'I RTZOD PA DANG LAN THAMS CAD DON MED PAR 'GYUR BA'I PHYIR DANG, SHAM BHA LA'I YUL DU RTZA RGYUD GSUNGS PAR 'DOD PA LA, RTZA BA'I RGYUD LA, DE NAS SHAM BHA LAR GRAGS NAS, ,PHYAG NA RDO RJE'I SPRUL BA NI, ,MI BDAG ZLA BZANG RDZU 'PHRUL GYIS, ,RANG NYID DPAL LDAN CHOS DBYINGS BYON, ,DANG POR GA+YAS SU BSKOR BYAS NAS, ,STON PA'I ZHABS KYI CHU SKYES GNYIS, ,RIN CHEN ME TOG RNAMS KYIS MCHOD, ,YANG DANG YANG DU PHYAG 'TSAL TE, ,THAL MO SBYAR BA BYAS GYUR NAS, ,RDZOGS SANGS RGYAS KYI SPYAN SNGAR 'DUG ,ZLA BZANG RGYUD KYI GSOL 'DEBS DANG, ,STON PA SDUD PAR BYED PA PO, ,ZHES PA DANG, STON PAS BYA RGOD PHUNG PO RU, ,SHES RAB PHA ROL PHYIN TSUL BZHIN, ,CHOS BSTAN DPAL LDAN 'BRAS SPUNGS SU, ,DE BZHIN GSANG SNGAGS TSUL RAB GSUNGS, ,GANG LA GANG GNAS STON PA NI, ,SU YIS RGYUD KYANG CI ZHIG BSTAN, ,GNAS NI GANG DU 'JIG RTEN PA'I, ,'KHOR NI SU YIS RGYU CI YIS, ,BYA RGOD PHUNG PO RI CHEN POR, ,THEG PA CHEN PO BLA NA MED, ,SHES RAB PHA ROL PHYIN PA'I TSUL, ,BYANG CHUB SEMS DPA' RNAMS LA BSTAN, ,DE NAS GCIG SKU MCHOD RTEN CHER, ,CHOS KYI DBYINGS KYI DKYIL 'KHOR DU, ,BYANG CHUB SEMS DPA' SOGS RNAMS KYIS, ,THABS CIG DE BZHIN GSHEGS PA BZHUGS, ,NAM MKHA' 'BEM RLUNG MIN ME TU DANG, GO CHU SKABS MED PAR RAB TU GSAL, ,SNA TSOGS RDO RJE'I KHANG PA GNAS, ,CHOS KYI DBYINGS DANG YID 'ONG BAR, ,RGYUD BSTAN SKYES BU RNAMS KYIS NI, ,BSOD NAMS YE SHES DGOS PA'O, ,ZHES GSUNGS SO, ,DE NI SPYIR GSANG SNGAGS DER BSTAN PA YIN GYI DUS 'KHOR RTZA RGYUD NI MA YI NO SNYAM NA, DE NI MA YIN TE, MDOR BSDUS DANG PO'I 'GREL BA SNYING BO SNANG BA LAS, SNGON SHAM BHA LA'I YUL NAS RNAG NYID 'ONGS TE ZLA BA BZANG BO NYI MA'I 'OD KYI LHA MO RNAM

, ,PAR RGYAL MA'I MNGAL NAS BYUNG BA PHYAG NA RDO RJE'I SPRUL PA'I SKU GRONG KHYER BYE BA PHRAG DGU CU RTZA DRUG NA GNAS PA'I RGYAL PO RNAMS KYIS RJES SU BGROD BZHIN PAS DPAL 'BRAS SPUNGS SU DPAL DUS KYI 'KHOR LO'I RGYUD BSTAN PA'I CHED DU DANG, SEMS CAN MTHA' DAG GI NYE BA'I SKAL BA DANG LDAN PA NYID MTHONG NAS 'JIG RTEN PA DANG 'JIG RTEN LAS 'DAS PA'I DNGOS GRUB BSGRUB PA'I DON DU GSOL BA BTAB PA NI, ZHES GSUNGS SHING, MTSAN BRJOD 'GREL PA NYI MA DPAL YE SHES KYIS MDZAD PA LAS KYANG, 'DIR NGES PAR DPAL LDAN 'BRAS SPUNGS RGYAL BA'I MCHOD RTEN CHEN POR SANGS RGYAS BCOM LDAN 'DAS SH'A KYA SENG GE ZHES BYA BA LA RGYUD SNA TSOGS PA NYAN PAR 'DOD PA RNAMS KYIS GSOL BA BTAB PAS, DPYID ZLA 'BRING PO'I NYA LA DPAL CHOS KYI DBYINGS GSUNG GI DBANG PHYUG GI DKYIL 'KHOR DANG, DE'I STENG DU DPAL LDAN RGYU SKAR GYI DKYIL 'KHOR DANG PO'I SANGS RGYAS RNAM PAR SPROS NAS, DER NYI MA DE NYID LA LHA LA SOGS PA RNAMS LA SANGS RGYAS KYIS DBANG BSKUR NAS, RGYAS PA DANG BSDUS PA'I DBYE BAS GSANGS SNGAGS KYI TSUL THAMS CAD BSTAN TO, ,ZHES GSUNGS PA'I PHYIR RO, ,'O NA, 'GREL PAR, DE BZHIN GSHEGS PAS KYANG CHU BO SHI TA'I BYANG PHYOGS SHAM BHA LA LA SOGS PA'I YUL RNAMS KYI GRONG BDE BA PHRAG DGU BCU RTZA DRUG NA GNAS PA RNAMS KYI SEMS CAN RNAM PAR DAG PA SKAL BA DANG LDAN PA NYID DU GZIGS NAS, ZHES PA DANG 'GAL ZHE NA, DE NI NYAN PA PO'I 'KHOR SHAM BHA LA LA SOGS PA NAS 'ONGS PA RNAMS KYI SKAL BA GZIGS NAS GSUNGS BAR BSHAD PA YIN GYI, SHAM BHA LA'I YUL DU BYON NAS GSUNGS PAR BSHAD PA MED DO, ,YANG KHA CIG ,'BRAS SPUNGS SU SKU MYA NGAN 'DA' KHA'I LO DE LA GSUNGS PA NI MI 'THAD DE, 'GREL PA LAS, SA GA'I NYA'I SKYA RENGS 'CHAR KHA BA'I TSE, BCOM LDAN 'DAS SH'A KYA THUB PA MNGON PAR RDZOGS PAR SANGS RGYAS TE, DE NAS CHOS KYI 'KHOR LO BSKOR ZHING THEG PA GSUM BSTAN PA MDZAD NAS, ZLA BA BCU GNYIS PA NAG PA'I NYA LA SHRA'I DHA NA KA tA KAR ZHES

SANGS RGYAS PA'I ZLA BA BCU GNYIS PA LA BSHAD PA'I PHYIR RO, ,ZLA BA BCU GNYIS PA LO RE BZHIN YONG BAS SKYON MED DO SNYAM NA, DE MI RUNG STE NAG PA'I ZLA BA NI, SPYIR ZLA BA DANG PO YIN PA'I PHYIR RO, ,'O NA LO 'DI NAS NI DRUG BRGYA'I LO, ZHES PA DANG, YE LE LAS, MYA NGAN LAS 'DAS NAS LO DRUG BRGYA NA, ZHES BSHAD PA DANG 'GAL ZHE NA, SKYON MED DE, DE NI MYA NGAN 'DAS YAN CHAD CHOS BSTAN PA YIN PAS, CHOS BSTAN ZIN PA'I LO NAS DRUG BRGYA DANG, MYA NGAN LAS 'DAS NAS DRUG BRGYA GNAD GCIG TU GSUNGS PA'AM, YANG NA 'PHAGS PA'I YUL DU CHOS PHYI MA RNAMS STON PA'I BAR THAMS CAD KYI TSE, 'BRAS SPUNGS SU RGYUD BSTAN PA'AM, YANG NA 'DI TSIG MA 'ONGS PA LA 'JUG PAS MA 'ONGS PAS CHOS BSTAN ZIN PA'I LO 'DI NAS ZHES DGONGS PA YIN PAS SKYON MED DO, ,DES NA RANG LUGS NI, DUS SANGS RGYAS NAS ZLA BA BCU GNYIS PA NAG PA'I NYA LA, GNAS DPAL LDAN 'BRAS SPUNGS KYI MCHOD RTEN GYI NANG DU STENG 'OG TU RGYANG GRAGS LHAG PA'I DPAG TSAD DRUG YOD PAR 'OG TU CHOS DBYINGS GSUNG DBANG GI DKYIL 'KHOR DANG, STENG DU DPAL LDAN RGYU SKAR GYI DKYIL 'KHOR SPROS TE, BDE BA CHEN PO'I GNAS RDO RJE DBYINGS KYI DKYIL 'KHOR CHEN POR, RDO RJE SENG GE'I KHRI LA BZHUGS NAS, STON PA SH'A KYA THUB PA DUS KYI 'KHOR LO'I TING NGE 'DZIN LA SNYOMS PAR BZHUGS PAS, DKYIL 'KHOR LA BKOD PA'I 'KHOR SANGS RGYAS DANG BYANG CHUB SEMS DPA' DANG KHRO BO DANG LHA DANG KLU DANG LHA MO'I TSOGS KYIS YONGS SU BSKOR BA, NYAN PA PO'I 'KHOR RGYAL PO DGU BCU RTZA DRUG LA SOGS PA SKAL BA DANG LDAN PA'I GDUL BYA RNAMS DANG, ZHU BA PO'I 'KHOR ZLA BA BZANG POS GSOL BA BTAB PA LAS, 'JIG RTEN DANG 'JIG RTEN LAS 'DAS PA'I DBANG BYIN NAS, LHA DANG LHA MA YIN LA SOGS PA RNAMS SANGS RGYAS NYID DU LUNG BSTAN TE, CHOS RTZA BA'I RGYUD STONG PHRAG BCU GNYIS PA BKA' STZAL TO, ,MDOR BSDUS DANG PO'I 'GREL PAR RTZA BA'I RGYUD KYI LUNG DRANGS PA LAS, STON PA GO'U TAM STON PA'O, ,GNAS NI DPAL LDAN CHOS KYI DBYINGS, ,'KHOR NI

, ,BYANG CHUB SEMS DPA' SOGS, ,MI BDAG ZLA BZANG ZHU BA PO, ,RGYUD BSTAN PA NI MI RNAMS KYI, ,BSOD NAMS YE SHES DGOS PA CAN, ,ZHES SO, ,GNYIS PA BSDUS TSUL NI, YE SHES KYI THIG LE'I RGYUD LAS, MA 'ONGS PA'I DUS SU YANG DAG PAR GSANG BA'I RGYUD 'DI SKAL BA DANG LDAN PA'I SEMS CAN LA SUS 'CHAD PAR 'GYUR, BCOM LDAN 'DAS KYIS BKA' STZAL PA, PHYAG NA RDO RJE MGON POS BSHAD PA BYED DO, ,ZHES PA DANG, GSANG BA SGRON MA'I RGYUD LAS, GSANG BA CHEN MO'I RGYUD 'DI NI, ,SHES PA DANG NI BSHAD PA SU, , BCOM LDAN 'DAS KYIS BKA' STZAL PA, BYANG PHYOGS SU DPAL RDO RJE CHEN PO'I GNAS, AU RGYAN DU RGYAL PO AIN DRA BHU TI ZHES BYA BAS SHES PA DANG BSHAD PA DANG, SEMS CAN LA GSAL BAR BYED DO, ,LHA MOS GSOL PA, KYE BCOM LDAN 'DAS, RGYAL PO AIN DRA BHU TI DE SA DU'I DBANG PHYUG LAGS BKA' STZOL CIG ,BCOM LDAN 'DAS KYIS BKA' STZAL PA, DPAL YE SHES THIG LE'I RGYUD KYI RGYAL PO LAS, GANG ZHIG NGAS BSTAN PA'I PHYAG NA RDO RJE'I RGYAL PO DE NYID AIN DRA BHU TI SPRUL PA'I SKU SA BCU'I DBANG PHYUG YE SHES KYI SKU SA BCU BZHI'I DBANG PHYUG GO ,ZHES BSHAD PAS, RGYUD SDE GZHAN GYI LUGS KYIS GNAS AU RGYAN DU SDUD PA PO PHYAG NA RDO RJES, DUS BCOM LDAN 'DAS BZHUGS PA'I DUS NYID DU, SNGAGS KYI RGYUD SDE MTHA' DAG BSDUS NAS RGYAL PO AIN DRA BHU TI 'KHOR DANG BCAS PA LA BYIN TE, DE DAG GIS KYANG DNGOS GRUB THOB PAR GYUR PAS RANG BZHIN GYIS GRUB PA'I DPA' BO DANG RNAL 'BYOR MA ZHES BYA'O, ,DE NAS AU RGYAN GYI YUL DE STONGS TE, MTSO CHEN PO KLUS GANG BA ZHIG TU GYUR TE, DE NAS YANG PHYAG NA RDO RJES RGYUD MTHA' DAG GLEGS BAM DU BRIS TE MTSO'I KLU DE RNAMS SMIN PAR MDZAD NAS DE RNAMS LA GTAD DO, ,DE NAS KLU DE RNAMS RIM GYIS MI'I GZUGS SU BSGYUR TE MTSO'I 'GRAM DU GRONG KHYER BYAS NAS RDO RJE THEG PA NYAMS SU BLANGS PAS PHAL CHER GRUB PA BRNYES PAR GYUR TE, SKYES PA RNAMS NI DPA' BO DANG, BUD MED RNAMS NI MKHA' 'GRO MAR GYUR TO, ,GRUB PA MA

THOB PA RNAMS NI MIR GYUR TE, YUL DE LA MKHA' 'GRO MA'I GNAS SU GRAGS LA, DE'I RGYAL PO RNAMS KYANG CHOS DANG LDAN PA SHA STAG STE, DE NAS RIM GYIS YUL DBUS LA SOGS PAR SNGAGS 'PHEL LO ZHES LHAN CIG SKYES GRUB KYI 'GREL PA LAS 'BYUNG NGO, ,ZHES GRAG GO ,RNAL 'BYOR MA RGYUD BDE MCHOG LA SOGS PAR SDUD PAR BYED PA RDO RJE PHAG MOS BSDUS PAR BSHAD DO, ,DUS 'KHOR BA'I LUGS KYIS SDUD BA PO PHYAG RDOR GYI SPRUL PA ZLA BZANG GIS DUS 'KHOR RTZA RGYUD LA SOGS PA'I RGYUD SDE RNAMS LEGS PAR BSDUS SHING, RTZA RGYUD LA 'GREL BSHAD STONG PHRAG DRUG CU PA MDZAD NAS, SHAM BHA LAR DUS KYI 'KHOR LO'I DKYIL 'KHOR BZHENGS TE, LHA'I DBANG PHYUG STON PA POR BSKOS NAS MYA NGAN LAS 'DAS PAR GSUNGS SO, ,DE DAG KYANG GDUL BYA LA STON PA PO DANG SDUD PA PO THA DAD DU SNANG BA DANG TSUL BSTUN NAS GSUNGS PA YIN GYI, NGES PA'I DON DU STON PA PO NYID KYIS 'DI SKAD BDAG GIS THOS ZHES SOGS KYIS GSUNGS SHING BSDUS PA LA, DBANG PO RNON PO RNAMS KYIS RGYUD THAMS CAD KYI DON MDOR BSDUS NAS BSTAN PAR GO LA, DBANG PO DMAN PA RNAMS KYIS SDUD PA PO'I GLENG GZHI GSUNGS PAR GO BA YIN GYI SDUD PA PO GZHAN YOD PA MA YIN TE, GSANG BA GRUB PA LAS, 'DI YI SDUD PAR BYED PA PO, ,GZHAN DAG YOD PA MA YIN ZHES, ,BDAG NYID 'BA' ZHIG SMRA BAR BYED, ,RGYUD MDZAD PA NI THUGS RDO RJE, ,ZHES GSUNGS SO, ,GSUM PA GNAS PA'I TSUL NI, GSANG 'DUS KYI 'GREL PA SGRON GSAL LAS, JI SRID 'JIG RTEN DU CHOS GNAS PA DE SRID KYI BAR DU RDO RJE THEG PA LA RNAL 'BYOR CHEN PO'I RGYUD KYI LUNG LA BRTEN NAS, ZHES GSUNGS PAS, BSTAN PA JI SRID GNAS KYI BAR DU RDO RJE THEG PA'ANG GNAS PAR GSUNGS SO, ,ZHAL LUNG LAS KYANG, 'DI DON RNAM PAR 'PHO BYED PA, ,GANG GI DUS SU GNAS PA DER, ,SANGS RGYAS BSTAN PA RIN CHEN YANG, ,GNAS PAR RAB TU BSHAD PA YIN, ,BRGYUD PA'I RIM PA 'DI CHAD NAS, ,SANGS RGYAS BSTAN PA NUB PA RU, ,KUN GYIS RAB TU SHES PAR BYA, ,ZHES DANG, DUS 'KHOR BA'I LUGS KYIS,

, ,SA DUM BU BCU GNYIS SU BSTAN PA LO NYI KHRI CHIG STONG DRUG BRGYA GNAS SHING, DE LA RDZOGS LDAN LNGA STONG BZHI BRGYA, DE BZHIN DU GSUM LDAN GNYIS LDAN RTZOD LDAN RNAMS LNGA STONG BZHI BRGYA RE GSUNGS SHING, GLING BCU GNYIS PO SO SOR BGOS PAS GLING RE RE'I THUN MONG MA YIN PA'I BGO SKAL STONG BRGYAD BRGYA RE GNAS PAR GSUNGS SO, ,GNYIS PA LA, GSUM STE, THEG PA DANG, SDE SNOD DANG, GDUL BYA'I SGO NAS DBYE BA'O, ,DANG PO NI, SANGS RGYAS KYI CHOS KYI PHUNG PO BRGYAD KHRI BZHI STONG GSUNGS PA THAMS CAD KYANG, GTZO BO THEG PA GSUM DU 'DUS LA, DE LA YANG RANG SANGS RGYAS KYI THEG PA LA SDE SNOD LOGS NA MED PAS, DMAN PA NYAN THOS KYI SDE SNOD DANG, THEG PA CHEN PO'I SDE SNOD GNYIS SU 'DUS TE, MDO SDE RGYAN LAS, SDE SNOD DAG NI GSUM MAM GNYIS KYANG RUNG, ,ZHES SO, ,GNYIS PA LA, CHOS THAMS CAD BSDU NA SDE SNOD GSUM MAM BZHIR 'DU STE, GSUM NI, MDO SDE, 'DUL BA, MNGON PA'O, ,DE LA GSANG SNGAGS NI, ZAB MO'I DON BSDUS TE STON PAS MDO SDE'O, ,ZHES SH'AN TI PA BZHED CING, DPUNG BZANG LAS KYANG, GSANG SNGAGS MDO SDE'I TSUL DU BSHAD KYI NYON, ZHES PA DANG, MDO SDE 'DI NI NYAN BYED NA, ,ZHES DANG, RGYUD MANG PO LA MDO ZHES BSHAD PA'I PHYIR RO, ,SLOB DPON AA BHYAS NI, SNGAGS KYIS BSLAB PA GSUM GA STON PAS SDE SNOD GSUM GA'O, ,ZHES BZHED DO, SDE SNOD BZHIR BYED NA, RGYUD SDE NI RIG PA 'DZIN PA'I SDE SNOD CES TE, SDE SNOD BZHI PAR A'A RYA DE WA BZHED CING, DPUNG BZANG LAS KYANG, LHA DANG LHA MIN RNAMS LA PHAN GDAGS PHYIR, ,GSANG SNGAGS RIG SNGAGS RNAM PA SNA TSOGS DANG, BYED BA PHRAG GSUM DANG NI 'BUM PHRAG LNGA, ,RIG 'DZIN SDE SNOD DU NI RGYAL BAS GSUNGS, ZHES SO, ,RGYUD RDZUN MA BYED PA KHA CIG ,GSANG SNGAGS NANG GI MNGON PA YIN, ,ZHES 'DOD PA YANG YOD DO, ,GSUM PA LA, GDUL BYA DMAN PA LA MOS PA LA NYAN THOS KYI SDE SNOD DANG, RGYA CHE BA LA MOS PA LA THEG PA CHEN PO'I SDE SNOD GNYIS YIN LA, THEG CHEN LA YANG

DBANG PO RTUL PO RGYU LA MOS PAS RGYU LAM DU BYED PA LA RGYU MTSAN NYID KYI THEG PA DANG, DBANG PO RNON PO RGYU 'BRAS LHUN GRUB LA MOS PA LA 'BRAS BU LAM DU BYED PA 'BRAS BU SNGAGS KYI THEG PA GNYIS YIN TE, MDO SDE GDAMS NGAG 'BOGS PA'I RGYAL PO LAS, 'JAM DPAL GYIS, 'DREN PA'I THEG PA GSUM PO DAG ,BCOM LDAN NGES PAR GSUNGS LAGS NA, RGYU 'BRAS LHUN GRUB TU SPYOD CING, ,SANGS RGYAS GZHAN NAS MI TSOL BA'I, ,NGES PA'I THEG PA CIS MA GSUNGS, ,ZHES ZHUS PA DANG, RGYU LA MOS PA RGYU CHOS KYI, ,'KHOR LO RAB TU BSKOR BYAS NAS, ,RDO RJE THEG PA NYE LAM ZHIG ,MA 'ONGS DUS NA 'BYUNG PAR 'GYUR, ,ZHES SO, ,'DI'I MTHA' DPYAD PA LA, GSUM STE, RDO RJE THEG PA SANGS RGYAS KYI BKA' BSGRUB PA DANG, SNGAGS MTSAN NYID KYI KHYAD PAR BSTAN PA DANG, SNGAGS KYI RGYUD SDE'I DBYE BA BYE BRAG TU GTAN LA DBAB PA'O, ,DANG PO NI, KHA CIG GSANG SNGAGS KYI THEG PA SANGS RGYAS KYIS GSUNGS PA'I BKA' MA YIN NO SNYAM NA, DE NI MI RIGS TE, MYA NGAN LAS 'DAS PA'I MDO LAS, BSTAN BCOS SAM RIG SNGAGS SAM GSANG SNGAGS GANG CI YANG RUNG BA DE DAG THAMS CAD NI RDZOGS PA'I SANGS RGYAS KYIS GSUNGS PA YIN PAR SHES PAR GYIS SHIG ,CES GSUNGS SHING, LHAG PA'I BSAM PA BSKUL BA'I MDO LAS KYANG, BYANG CHUB SEMS DPA' DRUG CU MA 'ONGS PA'I DUS NA, BSTAN BCOS DANG GSANG SNGAGS LA MKHAS PA 'BYUNG BAR 'GYUR, ZHES PA DANG, GSANG BA LUNG BSTAN PA'I MDO LAS KYANG, RGYU LA SBYOR BA RGYA YI CHOS, ,'KHOR LO SHIN TU BSKOR BYAS NAS, ,ZHES SOGS SNGAR BZHIN GSUNGS PAS PHYI MTSAN NYID KYI LUNG GIS KYANG GSANG SNGAGS BKAR GRUB PO, ,RIGS PAS KYANG GRUB STE, DE KHO NA NYID GRUB PA LA SOGS PAR SHES PAR BYA'O, ,GNYIS PA NI, SLOB DPON DZNY'A NA SHR'IS MDZAD PA'I RDO RJE THEG PA'I MTHA' GNYIS SEL PA LAS, SNGAGS MTSAN NYID KYI KHYAD PAR BCU GCIG GSUNGS TE, DMIGS PA BLA NA MED PA LA DMIGS PA'I THABS

, ,DANG, SGRUB PA BLA NA MED PA DANG, YE SHES BLA NA MED PA DANG, BRTZON 'GRUS BLA NA MED PA DANG, GDUL BYA MA LUS PA 'DZIN PAR NUS PA DANG, NYON MONGS PA BYIN GYIS RLOB PA DANG, BYIN GYIS RLOB PA MYUR BA DANG, MYUR DU 'BYUNG BA DANG, NYON MONGS PA SPONG BA DANG, BSAM PA BLA NA MED PA DANG, SPYOD PA BLA NA MED PA'I THABS MKHAS PA STE, DE LTAR THABS LA MKHAS PA NYID RNAM PA BCU GCIG GIS KHYAD PAR DU 'PHAGS SO, ,ZHES GSUNGS SO, ,TSUL GSUM GYI SGRON MA LAS KYANG, DON GCIG NA YANG MA RMONGS DANG, THABS MANG DKA' BA MED PHYIR DANG, ,DBANG PO RNON PO'I DBANG BYAS PAS, ,SNGAGS KYI BSTAN BCOS KHYAD PAR 'PHAGS, ,'DI LTAR GNYIS SU MED PA'I RNAM PA THAMS CAD MKHYEN PAR BSHAD PA'I 'BRAS BU NI, SNGAGS DANG PHA ROL PHYIN PA'I THEG PA CHEN PO GNYIS LA KHYAD PAR MED PA YIN MOD KYI, 'ON KYANG RAB TU DBYE BA BZHI PO 'DI DAG GIS PHA ROL TU PHYIN PA'I THEG PA CHEN PO LAS SNGAGS KYI THEG PA CHEN PO KHYAD PAR DU 'PHAGS PA NYID YIN NO, ,ZHES GSUNGS SO, ,DE LA MA RMONGS PA'I KHYAD PAR NI, MGO BO LA SOGS PA SBYIN PA'I PHYI'I SBYIN PA LA SOGS PA LA 'JUG PA NI MCHOG MA YIN GYI, THABS SHES RAB DBYER MED KYI TING NGE 'DZIN PHA ROL TU PHYIN PA DRUG SGRUB PA NI PHAR PHYIN DRUG LA MA RMONGS PA'I KHYAD PAR TE, DE NYID LAS, MKHAS PA SNYING RJE CHER LDAN PA, ,DPYAD DE THABS KYI MCHOG LEN CING, ,THA MAL PA YI THABS SMAD NAS, ,MI 'PHO BA YI GNAS THOB BO, ,ZHES SO, THABS MANG BA NI, ,DANG POR ME TOG BABS PA LA SOGS PA'I SGO NAS RIGS NGES PAR BYAS NAS, PHRA BA SEMS DANG SEMS BYUNG THAMS CAD LHA'I RANG BZHIN DU BSGOMS NAS MCHOD PA THUGS RDO RJE'I TING NGE 'DZIN DANG, DE MI NUS PA NGAG GIS SPROS PA MNGON PAR ZHEN PA LA RAGS PA SNGAGS KYI BZLAS BA STON PA GSUNG RDO RJE'I TING NGE 'DZIN DANG, RAGS PA'I YUL LA MNGON PAR ZHEN PA PHRA BA LA SBYOR MI NUS PA LA RTEN DANG BRTEN PA'I DKYIL 'KHOR STON

PA SKU RDO RJE'I TING NGE 'DZIN DANG, CHOS THAMS CAD RANG BZHIN GYIS RNAM PAR DAG PAS MTHA' BRAL YANG DAG PA'I DON MTHONG NA GROL BAR 'GYUR BA'I PHYIR THABS DE RNAMS RGYUD SDE BZHIR SPROS NAS GSUNGS TE, DE NYID LAS, SEMS CAN KUN DON LEGS GRUB PHYIR, ,BLO CHEN LA NI THABS THAMS CAD, ,DBYE BA RNAM BZHIR TSUL GYI MCHOG ,'GRO BA'I STON PAS GSUNGS PA YIN, ,ZHES SO, ,DKA' BA MED PA NI, SEMS CAN GANG DANG GANG YUL DUS GANG DU JI LTAR MNGON PAR 'DOD PAR 'GYUR BDE DANG DE NYID LA NGES PAR SBYOR ZHING THABS BDE BA NYID KYIS BYANG CHUB THOB PAR MDZAD PA STE, 'CHING BYED NYID THABS KYI GROL BYED DU 'GYUR BA DANG, DBANG PO'I DBYE BAS PHYAG RGYA CHEN MO DANG YE SHES DANG LAS DANG DAM TSIG GI PHYAG RGYA LA BRTEN NAS DKA' BA SPYAD PA MED PAR BYANG CHUB THOB PA'I PHYIR TE, DE NYID LAS, GANG ZHIG GANG DU JI LTAR 'DOD, ,DE NYID DE LA NGES SBYOR ZHING, ,'DOD PA'I DON THOB MDZAD PA YI, ,DAM PA'I DON NI THUB PAS GSUNGS, ,ZHES SO, ,DBANG PO RNON PO'I DBANG DU BYAS PA NI, NYAN RANG NI DBANG PO RTUL PO YIN LA, PHA ROL TU PHYIN PA'I THEG PA NI THABS LA 'KHRUL PA'I PHYIR DBANG PO 'BRING PO YIN LA, GSANG SNGAGS PA NI GZHAN GYIS BYAS NA DMYAL BAR 'GRO BA'I LAS KYANG THABS MKHAS PAS BYANG CHUB KYI RGYUR SGYUR BAR BYED PAS THABS LA GANG DU'ANG RMONGS PA MED PA'I PHYIR DBANG PO RNON PO STE, A'A RYA DE WAS, DMAN PA RNAMS NI GZUGS LA CHAGS, ,BAR PA RNAMS NI CHAGS BRAL 'GYUR, ,GZUGS KYI RANG BZHIN SHES PA YI, ,MKHAS PA RNAMS NI RNAM PAR GROL, ,ZHES SO, ,YANG THABS MYUR BA DANG SLA BA DANG MANG BA DANG MKHAS PA ZHES BYA BA BZHI YIS KHYAD PAR DU 'PHAGS PA DZA NYA' NA SHR'IS MTHA' GNYIS SEL BAR GSUNGS TE, DE LA MYUR BA'I KHYAD PAR NI, PHA ROL TU PHYIN PA BAS BSKAL PA GRANGS MED SUM CU RTZA GSUM DANG GSUM LA SOGS PAR TSOGS BSAGS PAS SANGS RGYAS BAR GSUNGS LA, SNGAGS KYIS NI SKYE BA BCU DRUG DANG BDUN DANG TSE

, ,GCIG LA SOGS PAR DBANG PO THA MA DANG 'BRING DANG MCHOG GIS 'GRUB STE, GSANG BA 'DUS PA LAS, 'DI YIS CHOS KYI BDAG NYID CHE, ,SKU GSUM MI PHYED LAS BYUNG BA, ,YE SHES RGYA MTSOS RNAM PAR BRGYAN, ,TSE 'DI NYID LA 'GRUB PAR 'GYUR, , ZHES GSUNGS SHING, SKYE BA BDUN LA 'GRUB PAR, GSANG BA'I RGYUD MDZOD LAS, DBANG BSKUR YANG DAG SBYIN LDAN NA, ,SKYE ZHING SKYE BAR DBANG BSKUR 'GYUR, ,DE YIS SKYE BA BDUN NA NI, ,MA BSGOMS PAR YANG DNGOS GRUB THOB, ,CES SO, ,BCU DRUG NA 'GRUB PA'ANG, DAM TSIG LNGA PA LAS, GAL TE LTUNG BA MED GYUR NA, ,SKYE BA BCU DRUG DAG NA 'GRUB, ,CES GSUNGS SO, ,DE LTAR 'GRUB PA DE DAG GANG ZAG MCHOG LA DGONGS PA MA YIN NAM, SO SO'I SKYE BO RNAMS KYIS 'GRUB BAM SNYAM NA 'GRUB STE, RDO RJE RTZE MO LAS, BSKAL PA GRANGS MED PA RU BYUNG, SA YI PHA ROL PHYIN PA MCHOG ,GANG PHYIR GSANG BA MTHO BA THOB, ,RAB TU DGA' BA SGRUB PAR 'GYUR, ,GAL TE RNAL 'BYOR PA DE BRTZON, ,TSE 'DI LA NI MYA NGAN 'DAS, ,RAB TU DGA' BA'I SA THOB CING, ,RDO RJE NYID NI THE TSOM MED, ,YANG NA MTHONG BA TZAM GYIS NI, ,SKYE BA BCU DRUG MYA NGAN 'DAS, ,RAB TU DGA' BA THOB PA'AM, ,YANG NA RDO RJE NYID KYANG NGO, ,SA LA NYI ZLA LHUNG BYED CING, ,DE NI NAM MKHA'I RANG BZHIN 'GYUR, ,SO SO SKYE BOS SANGS RGYAS NYID, ,'GRUB PAR 'GYUR TE GZHAN DU MIN, ,ZHES GSUNGS SO, ,DE LA TSE 'DI NYID LA 'GRUB PA NI, DRI MED 'OD LAS, SKYE BA 'DI MI'I SKYE BA LA SANGS RGYAS KYI 'BRAS BU RAB TU STER BRGYUD KYI RGYAL PO'O, ,LHA LA SOGS PA 'GRO BA LNGA'I SKYE BA LA NI MA YIN NO, ,DE CI'I PHYIR ZHE NA, LAS KYIS MA YIN PAR SKYES PA'I PHYIR RO, ,ZHES GSUNGS PAS KHAMS DRUG LDAN PA'I SKYES BU CHEN PO TSOGS GNYIS DANG LDAN PA'I SKYE BA LA SANGS RGYAS 'GRUB PAR BSHAD DE, RDO RJE SNYING 'GREL LAS, SKYE BA 'DI NYID LA SANGS RGYAS NYID STER ZHES BYA BA NI, YANG DANG YANG DU MI'I SKYE BA BLANGS NAS 'GRUB PA LA BYA'I LHA DANG LHA MA YIN LA SOGS PA NI MA YIN NO, ,

ZHES GSUNGS SO, ,'DI LA SLOB DPON DPAL DBYANGS LA SOGS PA'I BZHED PAS, GSANG SNGAGS SPYOD PA'I CHO GA YIS, ,TSE LA DBANG BA'I RIG 'DZIN THOB, ,RIG PA 'DZIN PA'I TSE NYID KYIS, ,SANGS RGYAS 'GRUB PAR BSHAD PA YIN, ZHES GSUNGS PAS DANG POR BCUD LEN LA SOGS PAS TSE DPAG TU MED PA BSGRUBS NAS, DE NAS LAM BSGOMS TE SANGS RGYA BAR BZHED DE, RDO RJE MKHA' 'GRO LAS, BCUD LEN GRUB PAR GYUR PA'I TSE 'GRUB BO, ,ZHES GSUNGS LA, GSANG BA 'DUS PA LAS, BYANG CHUB SEMS NI RGYAL RGYA MTSO, ,RDO RJE SEMS DPA'I TSE DES THOB, ,CES DANG, DE'I 'GREL PA SGRON GSAL DU, RDO RJE SEMS DPA'I TSE NI NAD MED PA DANG 'TSO BA DANG LDAN PA DANG BAR CHAD MED PA'O ZHES GSUNGS PA DANG MTHUN NO, ,KHA CIG NA RE, SKYE BA GCIG LA 'GRUB CES, PA DE SANGS RGYAS DNGOS GRUB PA MA YIN GYI, BRTZON 'GRUS KYI STOBS KYIS MTHONG LAM 'THOB TU RUNG BA YIN LA, DE NAS SANGS RGYAS TSEGS MED DU THOB PA LA DGONGS PA YIN NO ZHES ZER, YANG GANG ZAG TSE DE LA GRUB PAR MA GYUR BRTZE GCIG TU BSGOM PAR MA NUS PAS 'PHO BA'I MAN NGAG GIS 'CHI KHAR 'GRUB STE, SAMBU tA LAS, TSIGS DGU LAS NI YAR BTEGS NAS, ,MDO LA 'PHO BAR SHES PAR BYA, ,NYIN RE BRAM ZE GSOD PA DANG, ,MTSAMS MED LNGA NI BYED PA DANG, ,RKU 'PHROG GIS NI LTO 'BYID PA'ANG, ,LAM 'DI YIS NI DAG 'GYUR TE, ,SDIG PAS GOS PAR MI 'GYUR ZHING, ,SRID PA'I SKYON LAS RING DU 'GRO ,'DI LTAR 'DAM NAS SKYES PA YI, ,PAD MA DRI MED YID 'ONG BA, ,DE BZHIN LUS KYI 'DAM LAS NI, ,YE SHES SKU NI 'DOD BZHIN 'GRO, ,ZHES SO, ,GAL TE 'PHO BAS MCHOG MA GRUB NA RIG 'DZIN GRUB CING, DE NAS MCHOG 'GRUB PAR GSUNGS TE, 'JAM DPAL ZHAL LUNG CHEN MO LAS, GAL TE SKU GSUM MA GRUB NA, ,RIG PA 'DZIN PA'I GTZOR 'GYUR TE, ,RIM GYIS PHYAG RGYA CHEN POR 'GYUR, ,BSDUS RGYUD LAS KYANG, ZUNG GI RLUNG DAG 'GAG PA NA NI GTZUG TOR PHUG NAS MCHOG GI GRONG KHYER DAG TU

, ,'GRO BAR 'GYUR, ,DE LTAR YID LA RDO RJE RAB TU SAD PAS YUL DANG BCAS PA MKHA' LA SPYOD PA NYID DU 'GYUR, ,ZHES SO, ,YANG 'PHO BA DANG BAR DO'I MAN NGAG LA BRTEN NAS 'CHI KHAR 'OD GSAL CHOS SKU LAS BAR DO ZUNG 'JUG LONGS SKUR BZHENGS NAS SKYE BA SPRUL SKU 'GRUB PAR GSUNGS TE, ZHAL LUNG CHEN MO LAS, BDAG SEMS DBYINGS SU ZHUGS PA'I TSE, ,GSAL ZHING RAB DGA' MKHA' 'DRA RTOGS, ,DE NAS RDZU 'PHRUL SHUGS LDAN PA'I, ,LO LNGA LON PA'I BYIS PA'I GZUGS, ,'GRUB TSE DPE MED BDE RDZOGS RTOGS, ,DE LAS SKYE GNAS GZHAN DU NI, ,'PHEN PAR BYED TSE SPRUL PA'I GZUGS, ,YANG DAG TU NI RTOGS PAR 'GYUR, ,ZHES PA DANG, DE'I 'GREL PA LAS, BDAG SEMS DBYINGS SU ZHUGS PA'I TSE, ,ZHES PA NI, KHYAB PAR BYED PA GNAS LAS GA-YOS PA'I TSE NA, RNAM PAR RTOG PA THAMS CAD BRAL BA'I BDE BA'I RO MYONG BAS DE'I DUS SU CHOS KYI SKU GSAL ZHING RAB DGA' MKHA' 'DRA RTOGS SHES SO, ,SEMS KYI RANG BZHIN MA SHES PA'I LAS SU SMRA BAS DE LA SHI BA'I SRID PA ZHES 'DOGS PAR BYED DO, ,DE PHYIN CHAD NYI MA BDUN LA SOGS PA'I DUS SU LAS SU SMRA BAS BAR MDOR 'DOGS PAR BYED, LAS KYI RDZU 'PHRUL GYI SHUGS DANG LDAN PA BYIS PA LO LNGA LON PA TZAM DU GNAS SHING, RDO RJES KYANG MI BZLOG PA DRI ZA'I ZAS LA LONGS SPYOD PA DE 'GRUB PA'I TSE NA, GONG GI RKYEN GYIS DPE MED BDE RDZOGS RTOGS ZHES TE, LONGS SPYOD RDZOGS PA'I SKU MNGON DU BYED DO, ,DE LAS LAS SU SMRA BA RNAMS KYIS SKYE GNAS GZHAN DU 'PHEN PAR BYED TSE ZHES PA NI, SRID PA GNYIS KYIS BSDUS PA'I CHOS 'GRUB PA'I TSE NA SPRUL PA'I GZUGS, YANG DAG TU NI RTOGS PAR 'GYUR, ZHES SO, ,DE BZHIN DU A'A RYA DE WAS SPYOD PA BSDUS PA'I SGRON MA LAS KYANG SHIN TU GSAL BAR GSUNGS TE, MANG BAS 'JIGS PAS MA BRIS SO, ,YE SHES THIG LE LAS KYANG, BLO GROS CHE LANG THEG CHEN GZHAN GYIS, ,GRANGS MED GSUM GYIS SANGS RGYAS YIN, ,SNGAGS KYI THEG PA LA MOS NA, ,TSE 'DI LA NI

SANGS RGYAS SO, ,YANG NA RDO RJE 'DZIN PA NYID, ,RNAL 'BYOR MA KHYOD SMOS CI DGOS, ,YANG NA LUS NI SPANGS MA THAG ,BLA NA MED PA'I YE SHES DANG, ,BRTZON PAR MI LDAN PAS KYANG RNYED, ,BRTZON 'GRUS LDAN PAS SMOS CI DGOS, ,SHES SO, ,BLA MA GONG MA'I ZHAL NAS, SANGS RGYAS LA KHAMS DRUG LDAN GYI SKYES BU CHEN PO'I GANG ZAG RTEN DU DGOS BAS BAR DOR MCHOG 'GRUB PA NI, SANGS RGYAS DNGOS MA YIN GYI THUN MONG GI MKHA' SPYOD LA SOGS PA 'GRUB PA LA DGONGS PA YIN NO, ,ZHES KYANG GSUNG NGO, ,SKYE BA BRGYUD NAS 'GRUB PA NI, BRTZON 'GRUS DANG MI LDAN PA LTUNG BA MI DGE BA BCU DANG BRAL BA DAG BAG CHAGS DANG SMON LAM GYI STOBS KYIS SKYE BA BCU DRUG GAM BDUN NA 'GRUB STE, BSDUS RGYUD LAS, RDZU 'PHRUL KUN MKHYEN PA DANG SRID GSUM BLA MA NYID NI RNAL 'BYOR RNAMS KYI SKYE BA 'DI LA STE, ,GAL TE LAM DU RAB ZHUGS 'CHI BAR GYUR NA DE TSE DE YI 'DZIN PAS SKYE BA GZHAN LA'O, ,ZHES SO, ,LAM 'DI 'GRUB PA'I YAN LAG NI, SMON LAM GTZO BOR GYUR PA'I DAM TSIG DANG SDOM PA YIN NO, ,ZHES GSUNG NGO, ,THABS SLA BA DANG MANG PO DANG MKHAS PA NI, SNGAR GYI RIGS PAS SHES SO, ,DE LA MTSAN NYID KYI THEG PA NI, RNAM PA'I MCHOG THAMS CAD DANG LDAN PA'I STONG PA NYID GTZO BOR STON PAS RGYU'I THEG PA ZHES BYA, SNGAGS NI, MI 'GYUR BA'I BDE BA CHEN PO GTZO BOR STON PAS 'BRAS BU'I THEG PA ZHES BYA STE, NANG GI LE'UR YANG, RIG PA NANG GI RIG PA DANG NI 'GYUR MED KYANG STE, ZHES PA'I 'GREL PAR DE LTAR GSUNGS SHING, RDO RJE SNYING 'GREL LAS, CHOS KUN STONG PA NYID DU NI, RGYAL BAS GSUNGS PA GNAS GZHI LA, ,DE BAS GZHI DE RGYU YIN PHYIR, ,DE NAS SMON LAM DBANG GIS NI, ,DMIGS PA MED PAR 'GYUR YIN YANG, , SNYING RJE'I BDAG NYID 'BRAS CHEN TE, ,ZHES GSUNGS SO, ,KHA CIG NA RE, RGYU LA DKA' BA SPYOD PAS RGYU'I THEG PA DANG, 'BRAS BU MYUR BA DANG, RGYU 'BRAS LHUN GRUB TU MOS PA DANG, 'BRAS BU'I RNAM PA NYID LAM DU BYED PA'I PHYIR 'BRAS BU'I THEG PA ZHES ZER RO, ,GSUM PA LA,

, ,GSUM STE, RGYUD SDE'I DBYE BA'I RNAM GRANGS SPYIR BSTAN PA DANG, RGYUD SDE BZHIR DBYE BA BYE BRAG TU BSHAD PA DANG, RGYUD SDE GNYIS SU BSDU BA'O, ,DANG PO NI, SLOB DPON SANGS RGYAS GSANG BAS, RNAL 'BYOR SPYOD DANG BYANG BYE BAS, ,RGYUD SDE RNAM PA GSUM DU 'DOD, ,CES GSUNGS PAS BYA BA'I RGYUD, ,SPYOD PA'I RGYUD, RNAL 'BYOR GYI RGYUD DANG GSUM DU BZHED DO, ,ZHES ZER TE BDEN MI BDEN BRTAG GO ,YE SHES RDO RJE KUN LAS BTUS PA'I RGYUD LAS, RTOG PA'I DANG, BYA BA DANG, GNYI GA DANG, SPYOD PA DANG, RNAL 'BYOR CHEN PO'I RGYUD DANG LDAR BSHAD DE, BTZUN MO'I 'KHOR GYI DBUS SU 'KHOR LOS BSGYUR BA'I GZUGS KYIS BDE BA CHEN PO'I TING NGE 'DZIN GYIS BTZUN MO'I BHA GA LA YANG DAG PAR ZHUGS TE, 'JIG RTEN GYI SPYOD PA DANG, BYANG SEMS 'PHO BA MED PAR 'DZIN 'GAL BA RMAD DU BYUNG BA'I RDO RJE'I TSIG GI MTHA' DRUG GANG GIS RAB TU SPYAD DE SGRUB PAR BYED PA NI, RNAL 'BYOR CHEN PO'I RGYUD LA BZHUGS SO, ,RIG PA'I LHA MO RNAMS DANG LHAN CIG DKYIL 'KHOR GYI 'KHOR LOR DGOD PA DANG, DE LAS BYED PA DANG LAS DANG SGRUB PA LA SOGS PA DE KHO NA NYID RNAM PA BCU RAB TU SPYAD DE SGRUB PAR BYED PA NI, GNYIS KA'I RGYUD LA BZHUGS SO, ,LAS KYI BYA BA SNA TSOGS RGYA CHEN PO BYA BA'I RGYUD KYI PHYAG RGYA DMIGS PA'I MTSAN NYID RAB TU SPYAD PAS BSGRUB PAR BYA BA DANG SGRUB PAR BYED PA NI, SPYOD PA'I RGYUD LA BZHUGS SO, ,'JIGS PAR DMIGS SHING SHIN TU GTZANG SBRA BYED PA DANG, YE SHES SEMS DPA' BDE BA DAM PA MED PA DANG, BDAG NYID LHA'I SNYEMS PA MED PA DANG, RMAD DU BYUNG BA'I SPYOD YUL MA YIN PA DANG, SKYON GYI RGYU'I RTOG PAS RAB TU SPYOD PAS SGRUB PAR BYED PA NI, BYA BA'I RGYUD LA BZHUGS SO, ,SNGAGS DANG, SMAN DANG, SBYIN SREG DANG, PHYE MA DANG, MIG SMAN DANG, RKANG MGYOGS LA SOGS PA DNGOS GRUB CHEN PO BRGYAD RAB TU SPYOD PA SGRUB PAR BYED PA NI, RTOG PA'I RGYUD LA BZHUGS SO, ,ZHES GSUNGS SO, ,YANG BRTAG GNYIS LAS, RGOD DANG LTA BA DAG GIS KYANG, ,'KHYUD DANG DE BZHIN

GNYIS GNYIS KYIS, ,RGYUD KYANG RNAM PA BZHI RNAMS KYIS, ,DGONGS PA'I SKAD NI MA BSGRAGS PA, ,BCOM LDAN NGES PAR GSUNG DU GSOL, ,ZHES RGYUD SDE BZHIR MA GSUNGS BA ZHIG ZHUS PAS SHUGS LA RGYUD SDE LNGA PAR GSUNGS PAR 'DOD DE, BYA BA, SPYOD PA, RNAL 'BYOR, RNAL 'BYOR BLA MA, RNAL 'BYOR BLA MED DANG LNGAR BA'I WA BA LA SOGS PA BZHED CES GRAG GO ,SLOB DPON BHA BYA KI RTIS MDZAD PA'I RAB TU SGRON GSAL LAS KYANG, RDO RJE 'CHANG CHEN POS BSAM PA DANG BAG LA NYAL DANG KHAMS DANG BAG CHAGS KYI DBYE BA LAS SNGAGS KYI BSTAN BCOS RNAM PA LNGA RU GSUNGS TE, BYA BA DANG, SPYOD PA DANG, RNAL 'BYOR DANG, RNAL 'BYOR GYI BLA MA DANG, RNAL 'BYOR MA'I RGYUD KYI DBYE BAS SO, ,ZHES GSUNGS SO, ,YE SHES LE'U YI TSIGS BCAD ZHE BZHI PA'I 'GREL PAR, THUN DANG PO'I SNGON MTSAMS LA RGOD PA'I RGYUD DO, ,ZHES PA LA SOGS PAS RGYUD SDE LNGAR BSHAD DO, ,YANG BDE MCHOG RGYUD NYUNG NGU'I RGYUD LAS, JI SRID MDO BYA SPYOD PA NI, ,RNAL 'BYOR GSANG MTHA'I DBYE BA LAS, ,SEMS CAN MOS PA SNA TSOGS PA, ,DE DANG DE LA DGA' BA YIN, ,ZHES PA'I RJES SU 'BRANGS NAS SLOB DPON LVA BA PAS, MDO SDE RTOG PA'I RGYUD DANG, BYA BA DANG, SPYOD PA DANG, RNAL 'BYOR DANG, RNAL 'BYOR GSANG BA STE GSANG 'DUS LA SOGS PA DANG, RNAL 'BYOR GSANG MTHA' STE, MA RGYUD BDE MCHOG LA SOGS PA DANG DRUG TU BZHED DO, ,ZHES GRAGS TE, SLOB DPON DES MDZAD PA'I BDE MCHOG GI 'GREL PA LA SOGS RTZA RGYUD KYI 'GREL PA GANG NA'ANG DE'I GSAL KHA MI SNANG NA'ANG, GUR NAS, RNAL 'BYOR MA'I RGYUD NI DRUG PAR GRAGS PA YIN ZHES MA RGYUD RGYUD SDE DRUG PAR GSUNGS SO, ,GNYIS PA LA, RGYUD SDE BZHIR GRANGS NGES PA DANG, RGYUD SDE BZHI'I NGES TSIG DANG, RGYUD SDE'I DBYE BA GZHAN DANG 'GAL BA'I RTZOD PA SPANGS PA DANG, RNAL 'BYOR BLA MED KYI RGYUD KYI DBYE BA BYE BRAG TU BSHAD PA DANG, RGYUD SDE'I GZHUNG TSAD DANG DBYE BA BSTAN PA DANG LNGA LAS, DANG PO LA MU STEGS PA RJES SU BZUNG BA

, ,LA LTOS NAS DANG, SANGS RGYAS PA'I GRUB MTHA' BZHI LA LTOS NAS DANG, 'DOD CHAGS BZHI LA LTOS NAS DANG, DBANG PO'I RIM PA LA LTOS NAS RGYUD SDE BZHIR GRANGS NGES PA'O, ,DANG PO NI, MU STEGS GTI MUG CAN TSANGS PA'I RJES SU 'BRANGS NAS GTZANG SGRA DANG SBYIN SREG DANG, KHRUS DANG SMYUNG GNAS LA SOGS PA'I DKA' THUB CHOS SU SMRA BA'I RIGS LA MNGON PAR ZHEN BDE RNAMS GDUL BA'I PHYIR BYA BA'I RGYUD GSUNGS, ZHE SDANG CAN KHYAB 'JUG GI RJES SU 'BRANGS NAS 'TSE BA CHOS SU SMRA BA RNAMS GDUL BA'I PHYIR SPYOD PA'I RGYUD DRAG PO'I LAS SHAS CHER STON PA'I RGYUD GSUNGS, 'DOD CHAGS CAN DBANG PHYUG CHEN PO LA LHAR 'DZIN PA, 'DOD CHAGS DANG SHA LNGA BDUD RTZI LNGA ZA BA, KHYI DANG BA LANG GI BRTUL ZHUGS LA SOGS PA DE DAG GIS GROL BAR LTA PA GDUL BA'I PHYIR RNAL 'BYOR CHEN PO BLA NA MED PA'I RGYUD GSUNGS, YANG RKYEN MNYAM PA SKABS KYI STOBS KYIS GSUM GA'I RJES SU 'BRANG BA'I RIGS SLOB DPON DE GANG STON PA DANG PHRAD PAS DE DANG RJES SU MTHUN PAR SLOB PA DE DAG GDUL BAR BYA BA'I PHYIR RNAL 'BYOR GYI RGYUD GSUNGS TE, DE NYID 'DUS PA'I DUM BU DANG POR, 'DOD CHAGS CAN RJES SU GZUNG BA'I PHYIR LTA CHAGS PA'I NYAMS CAN DANG, DUM BU GNYIS PAR ZHE SDANG CAN RJES SU GZUNG BA'I PHYIR LHA KHRO BA'I NYAMS CAN DANG, DUM BU GSUM PAR GTI MUG CAN RJES SU GZUNG BA'I PHYIR LHA ZHI BA'I NYAMS CAN DANG, DUM BU BZHI PAR SNA TSOGS PA LA DGA' BA RJES SU GZUNG BA'I PHYIR LHA SNA TSOGS PA'I NYAMS CAN RNAMS BSTAN PA'I PHYIR RO, ,ZHES RAB 'BYOR BSKYANGS DANG, KUN DGA' SNYING PO LA SOGS PA RNAMS BZHED DO, ,ZHES BOD KYI BLA MA RNAMS GSUNG NGO; ;GNYIS PA LA SANGS RGYAS PA'I GRUB MTHA' BZHI STE, BYE BRAG TU SMRA BA'I PHYI ROL GYI DON BDEN PA DANG, BRJOD DU MED PA'I BDAG 'DOD PA BZHIN DU MDUN DU RAS BRIS BKRAM, YE SHES SEMS DPA' SPYAN DRANGS, DE'I THUGS KAR SNGAGS PHRENG BKOD DE, BDAG

KHRUS DANG GTZANG SBRA DANG LDAN PAS SNGAGS BZLAS SHING DNGOS GRUB LEN PA BYA BA'I RGYUD DANG, YANG MDO SDE BA SNANG BA THAMS CAD SHES PA YIN YANG GZUNG 'DZIN GNYIS 'DOD PA LTAR BDAG DAM TSIG SEMS DPAR BSKYED, MDUN DU YE SHES SEMS DPA' SPYAN DRANGS, DE'I THUGS KAR SNGAGS BKOD DE BZLA BA LHA GROGS PO LTA BU LA DNGOS GRUB LEN PA SPYOD PA'I RGYUD DANG, YANG SEMS TZAM PA PHYI ROL GYI DON BDEN PA MED KYANG GZUNG 'DZIN GNYIS MED KYI RANG RIG BDEN PAR 'DOD PA LTAR BDAG DAM TSIG SEMS DPAR BSKYED, YE SHES PA BCU SNGAGS BZLAS NAS MJUG YE SHES SEMS DPA' GSHEGS SU GSOL BA RNAL 'BYOR GYI RGYUD DANG, DBU MA PAS KUN RDZOB TU GZUNG 'DZIN GNYIS SU SNANG YANG DON DAM PAR GANG YANG BDEN PAR MI 'DOD PA LTAR DAM TSIG PA BSKYED, YE SHES PA BCU GNAS GSHEGS SU GSOL BA'I CHO GA MI BYED PA RNAL 'BYOR CHEN PO'I RGYUD DE, SKYED CHOG MI 'DRA BA BZHIS RGYUD SDE BZHIR BZHAG GO ,ZHES BOD KYI BLA MA DAG GSUNG NGO, ,GSUM PA NI, SPYIR GSANG SNGAGS 'DOD CHAGS CAN GYI DON DU GSUNGS TE, SGRON GSAL LAS, SKYE BO 'DOD CHAGS CAN DON DU, ,ZHES PAS SO, ,'DOD CHAGS LA 'DOD PA'I KHAMS NA RIGS BZHI STE, MDZOD LAS, GNYIS GNYIS 'KHYUD DANG LAG BCANGS DANG, ,RGOD DANG BLTAS PAS 'KHRIG PA YIN, ,ZHES BZHIR BSHAD PAS, DE SPYOD BYED LA RGYUD SDE BZHI STE, GZHAN 'PHRUL DBANG BYED PA BLTAS PA TZAM GYIS CHAGS PA TSIM LA DE SBYONG BYED DU BLTAS PA TZAM GYIS BDE BA SNANG BA NI, BYA BA'I RGYUD DE, CHO GA ZHI BA MO'I BAM PO NYER BZHI PAR, GA-YON DU LHA MO SGROL MA'O, ,GA-YAS SU GOS DKAR MO SDE ME TOG SNA TSOGS THOGS PA BCOM LDAN 'DAS KYI ZHAL DU BLTA BA, ZHES SO, ,'PHRUL DGA' BA RGOD PA TZAM GYIS CHAGS PA TSIM PA BZHIN DU, SPYOD PA'I RGYUD LA PHAN TSUN RGOD PA TZAM GYIS BDE BA SNANG STE, RNAM SNANG MNGON BYANG LAS, DBU LA 'OD DPAG MED BZHUGS PA, ,BZHIN NI BAG TZAM 'DZUM PAR

, ,PRI, ,ZHES SO, ,DGA' LDAN PA DANG 'THAB BRAL BA LAG PA BCANGS SHING 'KHYUD PA TZAM GYIS CHAGS PA TSIM PA BZHIN, LAG PA BCANGS PA TZAM GYIS BDE BA SNANG BA RNAL 'BYOR GYI RGYUD GSUNGS TE, DPAL MCHOG DANG PO LAS, DKYIL 'KHOR GYI NI LHA RNAMS KUN, ,DPUNG PA YID TZAM BSDAMS PAR GZHAG ,CES PA DANG, RDO RJE RTZE MO LAS, MNGON 'DOD RIG MA SDUG GANG YIN, ,DE LA RNAL 'BYOR PAS MCHU SBYIN, ,LAG PAS PHYAG RGYA CHER GYUR NAS, ,DPUNG PA DAM DU BSDAM PAR BYA, ,ZHES GSUNGS PAS SO, ,SUM CU RTZA GSUM PA MAN CHAD DBANG PO GNYIS SPRAD PAS CHAGS PA TSIM PA BZHIN DU, DBANG PO GNYIS SBYOR GYIS BDE BA SNANG BA BLA MED KYI RGYUD DE, KYE RDO RJE LAS, PO LA KA KO LA SBYOR BAS, ,DE YI BDE BA SHES PAR 'GYUR, ,ZHES SO, ,DE LTAR CHAGS PA BZHI'I GNYEN POR RGYUD SDE BZHI GSUNGS TE, SAMBHU tA LAS, RGOD DANG LTA DANG LAG BCANGS DANG, ,GNYIS GNYIS 'BYUNG DANG RNAM PA BZHI, ,SRIN BU'I TSUL GYIS RGYUD BZHIR GNAS, ,ZHES SO, ,BZHI PA NI, RDO RJE GUR LAS, DMAN PA RNAMS LA BYA BA'I RGYUD, ,BYA MIN RNAL 'BYOR DE LTAG LA, ,SEMS CAN MCHOG LA RNAL 'BYOR MCHOG ,RNAL 'BYOR BLA MED DE LTAG LA, ,ZHES GSUNGS PAS GANG ZAG DBANG PO THA MA BLO DMAN PA RNAMS PHYI'I BYA BA KHRUS LA SOGS PA LA DGA' BA YIN LA, DE'I DON DU PHYI'I BYA BA STON PA BYA BA'I RGYUD, GANG ZAG DE BAS MCHOG PHYI LUS NGAG GI BYA BA DANG, NANG TING NGE 'DZIN GNYIS KA LA SPYOD PA LA SPYOD PA'I RGYUD, DE BAS KYANG GANG ZAG BLO RNO BA NANG TING NGE 'DZIN KHO NA LA GTZO BOR SPYOD PA LA RNAL 'BYOR GYI RGYUD, DE LAS KYANG GANG ZAG MCHOG TU GYUR CING DBANG PO RNO BA TING NGE 'DZIN GYI KHYAD PAR GONG NA MED PA LA SPYOD PA DE'I DON DU RNAL 'BYOR BLA NA MED PA'I RGYUD GSUNGS SO, ,YANG NYON MONGS RAB 'BRING GI BYE BRAG GIS KYANG RGYUD SDE'I DBYE BA GSUNGS TE, RAB TU SGRON GSAL LAS, DE LA RAB DANG 'BRING GI GTI MUG GI RIGS

CAN LA DGONGS TE BYA BA'I RGYUD BSTAN TO, ,GTI MUG DMAN PA'I RIGS CAN RNAMS LA SPYOD PA'I RGYUD BSTAN TO, ,DMAN PA DANG BAR MA'I 'DOD CHAGS DANG ZHE SDANG DANG GTI MUG GI RIGS CAN RNAMS LA RNAL 'BYOR GYI RGYUD BSTAN TO, ,'DOD CHAGS DANG ZHE SDANG DANG GTI MUG RAB KYI RIGS CAN RNAMS LA RNAL 'BYOR GYI BLA MA'I RGYUD DO, ,RAB KYI RAB KYI 'DOD CHAGS DANG ZHE SDANG DANG GTI MUG GI RIGS CAN RNAMS LA RNAL 'BYOR MA'I RGYUD BSTAN TO, ,ZHES GSUNGS SO, ,GNYIS PA NI, PHYI LUS NGAG GI BYA BA GTZO BOR STON PAS NA BYA BA'I RGYUD DE, RNAM SNANG MNGON BYANG GI TSIG 'GREL LAS, BYA BA'I RGYUD RNAMS KYANG PHYI'I SPYOD PA GTZO BOR GYUR PA YIN MOD KYI NANG GI SPYOD PA'ANG MED PA MA YIN TE, ZHES DANG, RAB TU SGRON GSAL LAS, KHRUS DANG GOS DUS GSUM DU BRJE BA DANG SMYUNG BAR GNAS PA LA SOGS BRJOD PAR BYED PA'I RGYUD NI BYA BA'I RGYUD DE, SGRON MA 'BYUNG BA LA SOGS PA'O, ,ZHES SO, ,LUS NGAG GI BYA BA DANG TING NGE 'DZIN CHA MNYAM PAR SPYOD PAS SAM PHYI'I GTZANG SBRA LA SOGS PA LA SMAD NAS 'JIG RTEN DANG 'GAL BAR SPYOD PAS NA SPYOD PA'I RGYUD DE, RAB TU SGON GSAL LAS, BRTUL ZHUGS DANG DNGOS GRUB DANG RDZU 'PHRUL GTZO BOR GYUR PA LA SOGS PA SPYOD PA'I RGYUD DE, ZHES SO, ,'DI NYID LA LUS NGAG GI BYA BA DANG NANG TING NGE 'DZIN GNYIS KA STON PAS GNYIS KA'I RGYUD CES KYANG ZER RO, ,NANG TING NGE 'DZIN GYI RNAL 'BYOR GTZO BOR STON PA'I PHYIR RNAL 'BYOR GYI RGYUD DE, DE NYID SNANG BA LAS, RGYUD 'DI NI SGOM PA GTZO BOR GYUR PA YIN PAS, ZHES GSUNGS PAS SO, ,GSANG BA'I YE SHES BLA NA MED PA STON PAS SAM RGYUD THAMS CAD KYI GONG MAR GYUR PAS NA RNAL 'BYOR CHEN PO BLA NA MED PA STE, GSANG BA 'DUS PA LAS, SKU DANG GSUNG DANG THUGS KYI MCHOG ,DE BZHIN GSHEGS PA KUN GYI GSANG, ,BYANG CHUB SEMS NI BLA NA MED, ,SNYING PO BCOM LDAN BSHAD DU GSOL, ,ZHES PA DANG, SAMBHU tA LAS, GSANG

, ,BA'I YE SHES BLA NA MED, ,SNYING PO BCOM LDAN BSHAD DU GSOL, ,ZHES PA DANG, TSUL GSUM GYI SGRON MA LAS, SKYE BA GZHAN DU GOMS PA'I STOBS KYIS BYA BA THAMS CAD DNGOS PO THAMS CAD LA GNYIS KYI 'DU SHES 'JUG PAR MI BYED PA'I BDAG NYID CHEN PO DE RNAMS LA BYA BA'I NGES PA MA GSUNGS TE, THAMS CAD BYED PA DANG THAMS CAD SPYOD PA LA YANG DGAG PA MED PA RGYUD THAMS CAD KYI GONG MAR GYUR PA RNAL 'BYOR CHEN PO'I RGYUD BCOM LDAN 'DAS KYIS GSUNGS PA YIN NO, , ZHES GSUNGS PAS SO, ,GSUM PA LA, RGYUD SDE BZHIR NGES PA YIN NA SNGAR GYI GSUM DANG LNGA DANG DRUG LA SOGS PAR BSHAD PA DANG 'GAL ZHE NA, SKYON MED DE, GSUM DU BYAS PA'I RNAL 'BYOR LA RNAL 'BYOR DANG RNAL 'BYOR CHEN PO GNYIS SU DBYER YOD CING, GNYIS KA'ANG TING NGE 'DZIN GTZO BOR STON PA TZAM LA DGONGS NAS GCIG TU BSDUS PA YIN PA'I PHYIR SKYON MED DO, ,YANG YE SHES RDO RJE KUN LAS BTUS SU LNGA PHYE BA NI, ,RNAL 'BYOR CHEN PO BLA MED YIN LA, GNYIS KA'I RGYUD NI, RNAL 'BYOR GYI RGYUD YIN LA, RTOG PA'I RGYUD NI, 'DOD PA'I DNGOS GRUB BYE BRAG TU BSGRUB PA'I BYA BA STON PAS BYA BA'I RGYUD LAS LOGS SU PHYE BA YIN GYI NGO BO BYA BA'I RGYUD DU 'DUS PAS SKYON MED DO, ,YANG MA RGYUD RGYUD SDE LNGA PAR BYAS PA NI, MA RGYUD KYI CHE BA BRJOD PA YIN GYI RANG GI NGO BO GSANG BA YE SHES BLA NA MED PAR 'DU BAS SKYON MED DO, ,BDE MCHOG RGYUD SDE DRUG PAR GSUNGS PA NI, THOG MAR SANGS RGYAS KYIS GSUNGS PA LAS MA BCOS PAS BRDA DANG, SGRA RTOGS DKA' BA DANG, YUL NYI SHU RTZA BZHI NA SPRUL PA'I SKU DNGOS SU BZHUGS PAS SGRUB THAG NYE BA TZAM LA BRTEN NAS CHE BA 'BYUNG BA'I PHYIR DRUG PAR GSUNGS KYI RANG GI NGO BO RNAL 'BYOR BLA MED DU 'DUS SO, ,YANG TSUL GSUM GYI SGRON MA LAS, BYA BA DANG, RTZA BA'I RGYUD DANG, SPYOD PA'I RGYUD DANG, RNAL 'BYOR CHEN

PO'I RGYUD DANG BZHIR BSHAD PA DANG 'GAL ZHE NA, SKYON MED DE, RTZA BA'I RGYUD NI SPYOD PA'I RGYUD YIN LA, SPYOD PA'I RGYUD NI RNAL 'BYOR GYI RGYUD DO, ,DES NA GANG ZAG DBANG PO RAB 'BRING BZHI, SPANG BYA 'DOD CHAGS KYI DRI MA BZHI, GNYEN PO SPYOD BYED DBANG BZHI, GNYEN PO LAM BZHIR NGES PA'I PHYIR RGYUD SDE BZHIR NGES SO, ,GANG ZAG BZHIR NGES PA NI, GUR GYI LUNG GIS BSHAD ZIN LA, SPANG BYA BZHIR NGES PA NI, SAMBHU tA LAS, RGOD DANG LTA DANG LAG BCANGS DANG, ,GNYIS GNYIS 'KHYUD DANG RNAM PA BZHI, ,SRIN BU'I TSUL GYIS RGYUD BZHIR GNAS, ,ZHES PA DANG, DE'I 'GREL PA MAN SNYER, RGOD PA'I RGYUD NI 'PHRUL DGA' BA RNAMS KYI BDE BA LTA BA LTA BU'O ZHES PA LA SOGS PA THAMS CAD RGYUD DGA' BA BZHI, 'BRAS BU'I RGYUD SRIN BU'I DPES CHAGS PA DANG CHAGS BRAL SGRIB BRAL DU ZA BAR 'DOD DO, ,BZHI PA LA, GNYIS TE, DRANG DON DU RNAL 'BYOR PHA RGYUD DANG MA RGYUD GNYIS SU MED PA'I RGYUD DANG GSUM DU DBYE BA DANG, NGES DON DU THAMS CAD GNYIS MED KYI RGYUD DU BSTAN PA'O, ,DANG PO LA, SGRA DANG, DON DANG, GDUL BYA'I KHYAD PAR DANG GSUM LAS, DANG PO NI, NAG PO PAS MDZAD PA'I GSANG BA'I DE KHO NA NYID GSAL BA LAS, RNAL 'BYOR RGYUD DU DE BZHIN GSHEGS, ,'DI SKAD LA SOGS GANG GSUNGS PA, ,DE NYID RNAL 'BYOR MA RGYUD DU, ,GSANG BA MCHOG GI DBYES PA NI, ,THAMS CAD BDAG NYID RTAG TU BZHUGS, ,SHES GSUNGS PAS GTZO CHE BA 'DI SKAD BDAG THOS LA SOGS PA BYUNG BA NI THABS KYI RGYUD, GSANG BA MCHOG GI DBYES PA LA SOGS PA BYUNG BA NI SHES RAB KYI RGYUD, THAMS CAD MKHYEN SOGS KYIS THOG DRANGS PA NI GNYIS SU MED PA'I RGYUD DO, ,GNYIS PA LA, BSKYED RIM RDZOGS RIM RNAM DAG GI KHYAD PAR RO, ,DANG PO NI, 'BYUNG BA RIM BRTZEGS ZHU BA LAS GZHAL YAS KHANG BSKYED PA THABS RGYUD, 'BYUNG BA RIM BRTZEGS RI RAB DANG BCAS PA'I STENG DU GZHAL YAS KHANG BSKYED PA SHES RAB KYI RGYUD

, ,CES DRI MED 'OD KYI DBANG LER BSHAD LA, 'BYUNG BA RIM BRTZEGS ZHU NAS YANG 'BYUNG BA RIM BRTZEGS RI RAB DANG BCAS PA BSKYED PA'I STENG DU GZHAL YAS KHANG BSKYED PA GNYIS SU MED PA'I RGYUD DO, ,ZHES DON GYIS THOB BO, ,YANG YE SHES DGUG PA LA SOGS PA'I LAS THAMS CAD LA RNAL 'BYOR MA RNAMS YANG DAG PAR RGYU ZHING THABS MI GA-YO BA SHES RAB KYI RGYUD, THABS GA-YO ZHING SHES RAB MI GA-YO BA THABS RGYUD DE, YE LE'I TSIGS BCAD DGU PA'I 'GREL PAR GSUNGS SHING, RDO RJE SNYING 'GREL LAS, RNAL 'BYOR MA RNAMS KUN SPYOD PA, ,GANG DER THABS KYIS RAB TU GNAS, ,BYIS PA RNAMS LA RNAL 'BYOR MA'I, ,RGYUD CHEN NGA YIS MING DU BTAGS, ,GANG DU THABS KYIS KUN SPYOD PAR, ,SHES RAB KYANG NI GNAS GYUR PAS, ,THABS KYI RGYUD CHEN BSHAD PA DANG, , DE NYID THA DAD JI LTA'O, ,ZHES GSUNGS SO, ,YANG NYIN MTSAN MNYAM PA DAG PAS YAB YUM ZHAL PHYAG MNYAM PA NI, THABS RGYUD, SNGA PHYI'I THUN MTSAMS MI MNYAM PA DAG PAS YAB YUM ZHAL PHYAG MI MNYAM PAS 'KHYUD PA NI, SHES RAB KYI RGYUD CES YE LE'I TSIGS BCAD ZHE BZHI PAR GSUNGS SO, ,YANG LHA RNAMS GTZO 'KHOR BZHENGS PA NI, SHES RAB KYI RGYUD, BZHUGS PA NI, THABS KYI RGYUD DU SGRUB LER DON GYI SHUGS KYIS GSUNGS SO, ,YANG DE BZHIN GSHEGS PA MKHA' 'GRO MA'I SKUR STON CING MO YIS GTZO BYAS PA'AM, 'KHOR MO'I TSOGS KYIS BSKOR BA NI, MA RGYUD, SANGS RGYAS YAB KYIS GTZO BYAS SHING, 'KHOR LO'I TSOGS SHAS CHE BAS BSKOR BZHI BRGYUD DE, GUR LAS, 'DI DE SANGS RGYAS THAMS CAD KYI, ,MKHA' 'GRO MA NI DAM PA'I TSOGS, ,MKHA' 'GRO LNGA NI RAB BSGRUB PHYIR, ,MKHA' 'GRO MA YI RGYUD CES BSHAD, ,CES SO, ,GZHAN YANG GDAN RIN PO CHE'I KHRI DANG PHYAG MTSAN GYI STENG DANG SENG GE LA SOGS PA'I KHRI LA BZHUGS PA DANG, RGYAN RIN PO CHE'I RGYAN, PHYAG MTSAN 'KHOR LO DANG RIN PO CHE LA SOGS PA SHAS CHE BA

DANG, LHA KHRO BO BZHENGS PA RNAMS GA-YON BRKYANG, ZHI BA BZHUGS PA RNAMS GA-YON 'GYING DANG, NA BZA' DAR LA SOGS PA GSOL BA NI, THABS KYI RGYUD, GDAN RO DANG THOD PA LA SOGS PA, RGYAN RUS RGYAN DANG MGO PHRENG DANG MI LPAGS LA SOGS PA DANG, PHYAG MTSAN GRI GUG DANG THOD PA KHA tV'Am KA DANG dA MA RU LA SOGS PA DNAG, LHA GA-YAS BRKYANG DANG GA-YAS 'GYING DANG, NA BZA' MI LPAGS DANG GLANG LPAGS DNAG NA BZA' MED PA'I GCER BU RNAMS MA RGYUD DO, ,ZHES DANG, DKYIL 'KHOR LA DUR KHROD YOD PA MA RGYUD DO, ,ZHES DANG, MED PA PHA RGYUD CES BLA MA DAG GSUNG NGO, ,GNYIS PA LA, SHES RAB KYI THABS DKYIL 'KHOR 'KHOR LO'I RDZOGS RIM STON PA MA RGYUD DE, GUR LAS, SHES RAB PHA ROL PHYIN PA'I THABS, ,'DI NI RNAL 'BYOR MAR BRJOD DE, ,PHYAG RGYA CHEN PO RAB SBYOR BAS, ,GANG PHYIR DE NYID LA 'JUG PA, ,RNAL 'BYOR MA YI RGYUD CES BYA, ,ZHES SO, ,BDAG BYIN BRLAB DANG, MNGON PAR BYANG CHUB PA'I RIM PA GTZO BOR STON PA NI, PHA RGYUD DO, ,YANG RTZA GTZO BOR STON PA MA RGYUD, RLUNG GI DE NYID GTZO BOR STON PA PHA RGYUD DE, 'JAM DPAL ZHAL LUNG GI 'GREL PA LAS, RNAL 'BYOR BLA NA MED PA'I RGYUD RNAMS KYI MAN NGAG STE, MKHA' 'GRO MA'I RGYUD RNAMS RTZA GTZO BOR BYED PA'I RGYUD DE, DES RTOGS PA'O, ,RNAL 'BYOR THABS GTZO BOR BYED PA'I RGYUD NI, RLUNG GI DE NYID GTZO BO DES RTOGS PAR BYED PA'O, ,ZHES SO, ,GSUM PA NI, PHUNG PO LNGA DAG PA'I YE SHES LNGA'I CHA NAS SANGS RGYAS LNGAR STON PA PHA RGYUD, KHAMS LNGA DAG PA LHA MO GTZO BOR STON PA CHA NAS MA RGYUD DU DRI MED 'OD DU BSHAD LA, GSANG BA 'DUS PA LAS KYANG, MDOR NA PHUNG PO LNGA RGYAL BA, ,DE BZHIN GSHEGS PA THAMS CAD YIN, ,ZHES GSUNGS, RLUNG RNAM PAR DAG PA YE SHES LNGAR STONG PA PHA RGYUD DE, RGYUD RDO RJE PHRENG BA LAS, DE BZHIN GSHEGS PA LNGA RANG BZHIN, ,PHUNG PO LNGA YI RANG NGO BO, ,PHUNG PO LNGA NI RNAM DAG PA, ,RLUNG LNGA DAG NI RGYU BAR BYED, ,CES PA DANG, RLUNG GI DE NYID GSAL

, ,PA 'DI, ,YE SHES LNGA YI RANG BZHIN CAN, ,ZHES SO, ,RTZA RNAM PAR DAG PA MKHA' 'GRO MAR STON PA MA RGYUD DE, BDE MCHOG LAS, 'DI DAG GNAS SU MKHA' 'GRO MA, ,RTZA GZUGS MDZES PAS YANG DAG GNAS, ,SHES DANG, KYE RDO RJE LAS, RTZA NI GNYIS GNYIS RNAL 'BYOR MA, ,RE RE'I RNAM PA RNAMS SU BRJOD, ,CES PAS SO, ,GSUM PA NI, GDUL BYA SKYES BA BUD MED GDUL BA'I DON DU PHA RGYUD DANG MA RGYUD DE, GUR LAS, SKYES BU 'DUL BAR MDZAD DON DU, ,RNAL 'BYOR RGYUD RNAMS RAB BSHAD LA, ,BTZUN MO RNAMS NI BSDU BA'I PHYIR, ,RNAL 'BYOR MA YI RGYUD RAB BSHAD, ,CES SO, ,ZHU BA PO LHA PHO YIS ZHUS PA PHA RGYUD, MO YIS ZHUS PA MA RGYUD DE, DGONGS PA LUNG STON LAS, DE NAS SA SNYING LA SOGS PA, ,BYANG CHUB SEMS DPA' SEMS DPA' CHE, ,MGON PO RNAM SNANG CHEN PO LA, ,DE DAG GIS NI ZHUS GYUR PA, ,ZHES DANG, MKHA' 'GRO RGYA MTSO LAS, RNAL 'BYOR MA 'KHOR LO DBUS SU, ,PHAG MO BDAG NI 'DRI BA'O, ,ZHES PAS SO, ,DE RNAMS KYANG SHAS CHE BA DANG PHYOGS RE TZAM MTSON PA YIN GYI, KHYAD PAR RE RES NGES PA CAN DU DBYE BAR NI MI NUS SO, ,KHYAD PAR DE RNAMS GNYIS KA DANG LDAN PA DANG, GNYIS KA MA YIN PA ZHIG BRJOD BYA'I GTZO BOR STON NA GNYIS SU MED PA'I RGYUD CES BYA'O, ,GNYIS PA NI, DE LA GDUL BYA DRANG BA'I DON DU THABS KYI RGYUD DANG SHES RAB KYI RGYUD CES SO SOR PHYE NAS GSUNGS KYANG, DON LA THAMS CAD THABS SHES RAB GNYIS SU MED PA'I RGYUD YIN TE, RNAL 'BYOR GYI GO DON THABS SHES RAB GNYIS MED DU SBYOR BA YIN LA, DE MED NA RNAL 'BYOR DANG RNAL 'BYOR MA'I RGYUD DU MI 'GYUR BA'I PHYIR, DANG PO'I SANGS RGYAS LAS, RNAL 'BYOR THABS KYI LUS KYIS MIN, ,SHES RAB GCIG PUS 'GYUR MA YIN, ,THABS DANG SHES RAB SNYOMS 'JUG PA, ,DE BZHIN GSHEGS PAS RNAL 'BYOR GSUNGS, ,ZHES DANG, GSANG 'DUS RGYUD PHYI MA LAS THABS DANG SHES

RAB SNYOMS 'JUG PA, ,RNAL 'BYOR CES PAR MNGON PAR BRJOD, ,'DUS PA SBYOR BA RAB GSUNGS TE, ,SANGS RGYAS THAMS CAD MNGON RJOD BYED, ,CES DANG, BRTAG GNYIS LAS KYANG, SHES RAB THABS KYI BDAG NYID RGYUD, ,DA NI BDAG GIS BSHAD KYI NYON, ,ZHES PA DANG, NGES BRJOD BLA MA LAS, SHES RAB THABS KYI CHO GA'I RIM, ,PHYAG RGYA CHE LA NGES PAR ROL, ,GOMS PA MNGON DU GYUR PA YIS, ,DMIGS PA THAMS CAD LAS SGROL BA, ,SKYE BA 'DI LA DNGOS GRUB 'GYUR, ,ZHES PA DANG, NGES BRJOD RGYUD KYI RIM PA YIS, ,DE NYID RTAG TU GSANG BAR BYA, ,GNYIS MED YE SHES SBYOR BA YIS, ,RNAL 'BYOR MA MCHOG BSGOMS NAS NI, ,ZHES SO, ,DES NA, DRI MED 'OD LAS, RANG GI NGO BOS NI THAMS CAD SHES RAB THABS KYI BDAG NYID CAN RNAL 'BYOR GYI RGYUD NYID DO, ,ZHES SO, ,LNGA PA NI, RGYUD KYI DBYE BA, ,BSDU BA, TSAD BSTAN PA'O, ,DANG PO NI, RTZA BA'I RGYUD, RGYUD PHYI MA, PHYI MA'I PHYI MA, BSDUS PA'I RGYUD, BSHAD PA'I RGYUD, 'PHROS PA'I RGYUD, CHA MTHUN GYI RGYUD DANG BDUN LAS, RTZA RGYUD NI, BDE MCHOG LE'U 'BUM PA LTA BU, PHYI MA NI SHO LO KA 'BUM PA LTA BU, PHYI MA'I PHYI MA NI LE'U LNGA BCU RTZA GCIG PA LTA BU, BSUDS RGYUD NI RNAL 'BYOR MA'I KUN SPYOD LTA BU, BSHAD RGYUD RDO RJE MKHA' 'GRO LTA BU, 'PHROS RGYUD SANGS RGYAS THOD PA LTA BU, CHA MTHUN SANGS RGYAS MNYAM SBYOR LTA BU'O, ,JI LTAR RGYUD KYI RIM PAS BZHUGS, ,DPAL DANG LDAN PA'I RIN CHEN RGYUD, ,'BUM BDUN GYIS NI MTSAN ZHES BYA, ,DE NI GTZO BO'I RTZA BA'I RGYUD, ,SKU BRGYAD BDAG NYID RANG KYI MCHOG ,DE BRTAG KYE YI RDO RJE NI, ,'BUM LNGA YIS NI MTSAN ZHES BYA, ,DPAL LDAN PHYAG RGYA CHEN THIG LE, ,DE YI PHYI MA RGYUD DU DRAN, ,YE SHES SNYING POR GRANGS PA'I RGYUD, ,DE YI PHYI MA'I PHYI MA'O, ,DGA' MO YE SHES THIG LE'I SGRA, BSHAD PA'I RGYUD NI GSANG BA CHE, ,GRUB PA'I NGES BSTAN THIG LE NI, ,ZHAL BZANG MO DE SNYING PO DANG, ,DE KHO NA NYID SGRON MA'I MTSAN, ,'BRAS BU'I RGYUD GRAGS 'CHAD PAR 'GYUR, ,DE MDUN DU NI BDAG GIS BSHAD, ,

, ,SHIN TU RMAD DU BYUNG BA'I RGYUD, ,LHA MO BRGYAD PA SKU DANG BRAL, ,DE PHYIR SMRA PAR MI BTUB PA, ,ZHES YE SHES THIG LE'I RGYUD LAS SO, ,GNYIS PA NI, DBANG MDOR BSTAN LAS, RGYUD LA MDOR BSTAN RNAM GSUM DANG, ,RGYAS PAR BSHAD PA GSUM DU 'GYUR, ,ZHES GSUNGS PAS, BSDUS RGYUD NI MDOR BSTAN PA YIN LA, DE'I DKA' 'GREL NI RAB TU MDOR BSTAN DANG, RGYA CHER 'GREL NI MDOR BSTAN CHEN PO'O, ,RTZA BA'I RGYUD NI RGYAS BSHAD YIN LA, DE'I DKA' 'GREL NI RAB TU RGYAS BSHAD, RGYA CHER 'GREL NI RGYAS BSHAD CHEN PO STE, 'GREL PA DE DAG KYANG SA BCU'I DBANG PHYUG GIS MDZAD PA STE, DE LTAR RGYUD THAMS CAD RTZA BA'I RGYUD DANG, BSDUS PA'I RGYUD GNYIS SU 'DUS TE, DANG PO NYID DU GSAL BAR GSUNGS PA NI RTZA BA'I RGYUD YIN LA, PHYIS DE NYID GDUL BYA'I DBANG GIS BSDUS TE GSUNGS PA NI BSDUS RGYUD DAM NYUNG NGU'I RGYUD DO, ,YANG BOD KYI BLA MA DAG RGYUD THAMS CAD BSHAD GZHI RTZA BA'I RGYUD DANG, 'CHAD BYED BSHAD PA'I RGYUD GNYIS SU 'DUS PAR GSUNGS TE, RTZA BA'I RGYUD LA RGYAS 'BRING BSDUS GSUM MAM RGYAS BSDUS GNYIS TE, BDE MCHOG GI LE'U 'BUM PA DANG, SHO LO KA 'BUM PA DANG, LE'U LNGA BCU RTZA GCIG PA LTA BU DANG, GSANG 'DUS RTZA RGYUD STONG PHRAG NYI SHU RTZA LNGA PA DANG, BSDUS RGYUD SHU LO KA STONG BRGYAD BRGYA PA LTA BU'O, ,RGYUD PHYI MA LA SNGAR GYI DON BSDUS NAS STON PA'I PHYI MA DANG, PHYI MA'I PHYI MA NI, RTZA RGYUD GYI NANG DU 'DUS SO, ,DNGOS GRUB STON PA'I PHYI MA NI, DE NYID 'DUS PA'I RGYUD PHYI MA LTA BU STE, DE NI RTZA RGYUD KYI PHYI MA YIN NA RTZA RGYUD DU 'DUS, BSHAD RGYUD KYI PHYI MA YIN NA BSHAD RGYUD DU 'DUS SO, ,RGYUD SNGA MA'I MA TSANG BA KHA SKONG BA'I PHYI MA NI, BRTAG GNYIS KYI BRTAG PA PHYI MA LTA BU STE, DE YANG SNGAR DANG 'DRA'O, ,RGYUD SNGA MA'I BSHAD PA'I 'PHRO 'CHAD PA'I PHYI MA NI, NGAN SONG SBYONG RGYUD KYI BRTAG PA PHYI MA LTA BU STE, DE YANG SNGAR DANG 'DRA'O, ,RGYUD SNGA MA'I SNYING PO'I DON BSDUS TE STON PA'I PHYI MA NI, DUS KYI

'KHOR LO'I RGYUD KYI SNYING PO PHYI MA LTA BU STE, DE YANG SNGAR DANG 'DRA'O, ,RGYUD SNGA MA'I DON 'CHAD CING GTAN LA 'BEBS PA'I PHYI MA NI, GSANG BA 'DUS PA'I RGYUD PHYI MA LTA BU STE, DE NI RGYUD SNGA MA'I DON GTAN LA 'BEBS SHING 'CHAD PA'I PHYIR BSHAD PA'I RGYUD NYID DU 'DUS SO, ,BSHAD PA'I RGYUD LA GNYIS, ,BSHAD RGYUD THUN MONG BA DANG, THUN MONG MA YIN PA GNYIS, THUN MONG BA NI, RGYUD SDE DU MA'I DON GSAL BAR BYED PA SAMBHU tA LTA BU'O, ,THUN MONG MA YIN PA NI, RANG RANG GI RGYUD KYI DON GSAL BAR BYED PA STE, GSANG 'DUS KYI BSHAD RGYUD DGONGS PA LUNG STON LTA BU'O, ,SPYIR BSHAD PA'I RGYUD DU 'GRO BA LA MI GSAL BA GSAL BAR BYED PA DANG, MA TSANG BA KHA SKONG BA DANG, TSUL MI 'DRA BA DANG, DON BSDUS PA DANG, CHA MTHUN PAS NGES SHES BSKYED PA DANG, TSIG DANG DON RNAM PAR PHYE BAS BSHAD PA'I RGYUD DU 'GYUR PA'O, ,DANG PO NI, GSANG 'DUS RTZA RGYUD NA LHA SO GNYIS MI GSAL BAR GSUNGS PA LA, RGYUD RDO RJE PHRENG BAR, MI BSKYOD SKU MDOG PHYAG RGYA SOGS, ,RIGS NI DBUS SU DGOD PAR BYA, ,ZHES PA NAS, GNOD MDZES DE BZHIN GTZUG TOR NI, ,'OG DANG STENG DU RNAM PAR DGOD, ,CES PA'I BAR GYIS GSAL BAR GSUNGS PA LTA BU'O, ,GNYIS PA NI, GSANG 'DUS RTZA RGYUD DU CHO GA NYI SHU TSANG BAR MA GSUNGS PA LA, RGYUD RDO RJE PHRENG BAR, DE NAS BCOM LDAN RDO RJES GSUNGS, ,RNAM PA NYI SHU'I MING CAN NI, , SLOB DPON LAS NI YONGS SU BSHAD, ,CES PA LA SOGS KYIS TSANG BAR GSUNGS PA LTA BU'O, ,GSUM PA NI, RDO RJE SNYING PO RGYAN GYI RGYUD LAS SNGAGS DANG PHYAG MTSAN LA SOGS PA CUD ZAD MI 'DRA BAR GSUNGS PA LTA BU'O, ,BZHI PA NI, SNGAR GYI SNYING PO'I DON BSDUS PA GSANG 'DUS KYI RGYUD PHYI MA LTA BU'O, ,LNGA PA NI, GSANG 'DUS RTZA RGYUD DU SNGAGS KYI SKU BSKYED PA DANG, YE SHES KYI SKU BSKYED PA GSUNGS PA LA, SGYU 'PHRUL DRA BA'I RGYUD DU DE NYID GSAL BAR GSUNGS PAS NGES SHES BSKYED PA LTA BU'O, ,DRUG PA

, ,NI, TSIG RNAM PAR 'BYED PA RGYUD BSHAD THABS KYI YAN LAG GI RGYAN BDUN GSAL BAR STON PA YE SHES RDO RJE KUN LAS BTUS LTA BU DANG, DON RNAM PAR 'BYED PA 'DI SKAD BDAG GIS THOS PA'I DUS GCIG NA ZHES PA LA, DGONGS PA LUNG STON LAS, DE NYID 'DI SKAD BDAG GIS THOS, ,SHIN TU GSAL BA'I DUS GCIG NA, ,ZHES SOGS KYIS SHIN TU GSAL BA LTA BU'O, ,'PHROS PA'I RGYUD NI, BSHAD PA'I RGYUD NYID MA YIN YANG DE DANG RIGS 'DRA ZHING CHOS SKAD MTHUN PA TZAM LA 'GROS RGYUD CES BYA STE, 'DUS PA LA LTOS NAS GSHIN RJE DGRA NAG PO'I RGYUD LTA BU STE, DGRA NAG LAS, RGYUD KYI MTHAR THUG 'DUS LA STE, ,MA BYUNG 'BYUNG BAR MI 'GYUR RO, ,ZHES GSUNGS PA LTA BU'O, ,GSUM PA NI, YE SHES KUN LAS BTUS PA'I RGYUD LAS, RNAL 'BYOR CHEN PO'I RGYUD KYI MING STONG PHRAG BCU BZHI PA ZHES BYA STE, RGYAS PAR BYE BA GRANGS MED DO, ,GNYIS KA'I RGYUD STONG PHRAG DRUG GO, ,SPYOD PA'I RGYUD STONG PHRAG BRGYAD DO, ,BYA BA'I RGYUD STONG PHRAG BZHI'O, ,RTOG PA'I RGYUD STONG PHRAG BZHI'O, ,ZHES GSUNGS PA LA DER RNAL 'BYOR MA RGYUD KYI GRANGS MA GSUNGS SHING, SDOM BYUNG LAS, RNAL 'BYOR RGYUD RNAMS KYI NI TSAD, ,BYE BA PHRAG NI DRUG TU NGES, ,DE BZHIN RNAL 'BYOR MA RGYUD GRANGS, ,BYE BA PHRAG NI BCU DRUG GRAGS, ,ZHES GSUNGS SO, ,RNAL 'BYOR CHEN PO THABS KYI RGYUD LA'ANG, RDO RJE SNYING PO RGYAN GYI RGYUD LAS, DE LAS GZHAN YANG BSHAD BYA BA, ,'DOD CHAGS THABS CHEN PO YI RGYUD, ,GANG GIS LEGS PAR SHES NAS NI, ,TSE 'DIR DNGOS GRUB SBYIN PAR BSHAD, ,GSANG BA 'DUS PA STONG PHRAG GCIG ,RDO RJE PHRENG BA 'BUM PHRAG GSUM, ,DGONGS PA LUNG STON STONG PHRAG BZHI, ,LHA MO BZHIS ZHUS BRGYA BDUN CU, ,AU RAD TANTRA NYIS BRGYA BRGYAD, ,DE YI NYE BAR BSHAD PA'I RGYUD, ,DAM TSIG CHEN PO LNGA BCU LNGA, ,RDO RJE LNGA 'DUS STONG PHRAG GCIG ,KUN LAS BTUS PA 'BUM PHRAG GCIG, MNYAM NYID RNAM RGYAL NYIS BRGYA BCU, ,ZLA GSANG THIG LE STONG

BDUN BRGYA, ,RDO RJE SA 'OG BRGYA NYI SHU, ,COD PAN RDO RJE BDUN BRGYA LNGA, ,KHRO ZLA THIG LE 'BUM PHRAG LNGA, ,RDO RJE RNAM RGYAL BRGYA DGU BRGYA, ,MNYAM NYID GSANG BA STONG PHRAG LNGA, ,RDO RJE GANGS RGYAN STONG PHRAG LNGA, ,RDO RJE GANGS MDZOD STONG PHRAG BDUN, ,NOR BU GANGS THIG 'BUM PHRAG GCIG ,SNANG MDZAD SGYU 'PHRUL STONG DANG BRGYA, ,RDO RJE GSANG RGYAN STONG PHRAG GCIG ,RDO RJE THOD PA NYIS BRGYA BRGYAD, ,DE NYID BRGYA STONG BRGYA STONG BDUN, ,DAM TSIG MNGON BRGYAN STONG PHRAG 'BUM, ,'JAM DPAL DPA' BO 'BUM PHRAG GCIG ,GSANG CHEN BSDUS PA BRGYA LNGA BCU, ,RIN CHEN SDONG PO DGU BRGYA BDUN, ,DUS KYI THIG LE BRGYA BRGYAD CU, ,LHA MO BSTAN BCOS LNGA BRGYA BDUN, ,'DI RNAMS DGONGS PA'I BYE BRAG GIS, ,NGA YIS YANG DAG BSTAN PAR BYA, ,'DI NI GNYIS PO 'KHYUD PA YI, ,RGYUD KYI DBYE BA BSTAN PA'O, ,DE BZHIN DU NI ,DE BZHIN DU NI LAG BCANGS DANG, ,RGOD DA G BLTAS PAR SHES PAR BYA, ,ZHES SO, ,DE DAG KYANG SHO LO KA'I GRANGS TSAD NI MA YIN GYI RGYUD KYI MING GI GRANGS YIN PAR SHES PAR BYA'O, ,RDO RJE GUR LAS, MKHA' 'GRO BDE DANG RGYA MTSO SDE DANG NAM MKHA' DANG, ,GSER GYI CHAR PA DANG NI DGA' CHE NA ZA NUS DANG, ,BDE CHEN DGYES PA DANG NI GSANG BA YID BDE DANG, ,RGYUD DE RNAMS LA PHAN PA'I RDO RJE MKHA' 'GRO DANG, ,SANGS RGYAS THAMS CAD DGYES PA'I RDO RJE'I DKYIL 'KHOR DANG, ,GSANG BA'I MDZOD DANG RDO RJE BDUD RTZI LAS BYUNG BA, ,'KHOR LO BDE MCHOG GUR DANG PHUN SUM TSOGS PA RNAMS, ,RNAL 'BYOR MA YI RGYUD NI DRUG PAR GRAGS PA YIN, ,ZHES GSUNGS SO, ,DE DAG TU THAMS CAD 'DUS SHING GRANGS NGES PA NI MA YIN GYI GTZO CHE BA TZAM SMOS PAR ZAD DO, ,GSUM PA NI, RGYUD SDE DE THAMS CAD KYANG, PHYI NANG GNYIS SU 'DUS TE, BYA SPYOD RNAL 'BYOR NI PHYI, RNAL 'BYOR CHEN PO NI NANG NGO, ,PHYI NANG GI KHYAD PAR NI, RAB TU SGRON GSAL LAS, BSKYED RDZOGS GNYIS KA STON PA NI NANG, BSKYED RIM 'BA' ZHIG STON PA NI PHYIR BSHAD DO, ,GZHAN YANG

, ,LHA DBANG PO GNYIS SBYOR YOD MED DANG, SHA LNGA BDUD RTZI LNGA BSTEN MI BSTEN GYIS PHYI NANG DU 'BYED, ,CES SO, ,GZHAN YANG BUM DBANG DNGOS SU STON LA GZHAN MTSON PA TZAM LAS MI STON PA PHYI BA, DBANG BZHI TSANG BAR STON PA NANG NGO, ,YE SHES THIG LE'I RGYUD LAS, RGYUD SDE BZHI'I DBANG GI RIM PA NI, CHU YI DBANG BSKUR DBU RGYAN DAG ,BYA BA'I RGYUD LA RAB TU GRAGS, ,RDO RJE DRIL BU DE BZHIN MING, ,SPYOD PA'I RGYUD LA RAB TU GSAL, ,PHYIR MI LDOG PA YI NI DBANG, ,RNAL 'BYOR RGYUD DU GSAL BAR BYAS, ,DE NI DRUG GI BYE BRAG DBANG, ,DE NI SLOB DPON DBANG ZHES BYA, ,RNAL 'BYOR BLA MA YI NI MTSAN, ,GSANG BA YI NI DBANG RGYAL BSHAD, ,SHES RAB YE SHES BLA NA MED, ,BZHI BA DE LTAR DE BZHIN NO, ,ZHES GSUNGS SO, ,SLOB DPON AA BHYAS, MAN SNYER, PHYI DANG GSANG BA THEG PA GSUM, ,ZHES PA'I 'GREL PAR, BYA SPYOD PHYI, RNAL 'BYOR RNAL 'BYOR CHEN PO GNYIS GSANG BA ZHES GNYIS SU BZHED DO, ,GSUM PA LA, GSUM STE, RIGS LDAN RIM PAR BRGYUD PA'I TSUL, ,DE LAS 'PHAGS PA'I YUL DU JI LTAR BYON TSUL, DE NAS BOD YUL DU BYON TSUL LO, ,DANG PO NI, BCOM LDAN 'DAS KYIS RTZA BA'I RGYUD ZLA BA BZANG PO LA GSUNGS NAS, ZLA BZANG GIS KYANG RTZA BA'I RGYUD BSDUS, 'GREL BSHAD SDEB SBYOR RJES SU BSNGAGS PA'I STONG PHRAG DRUG CU PA MDZAD CING GLEGS BAM LA BRIS NAS, SHAMBHA LA LA SOGS PA'I YUL GYI MI RNAMS LA BSTAN, DUS KYI 'KHOR LO'I DKYIL 'KHOR RIN PO CHE SNA LNGA LAS BZHENGS TE RDZU 'PHRUL BSTAN NAS MYA NGAN LAS 'DAS SO, ,DE NAS LHA DBANG GZI BRJID CAN DANG, ZLA BAS BYIN DANG, LHA'I DBANG PHYUG DANG, SNA TSOGS GZUGS DANG, LHA'I DBANG LDAN RNAMS KYIS LO BRGYA BRGYAR CHOS BSTAN TO, ,DE NAS 'JAM DBYANGS GRAGS PAS LO BRGYAR RTZA BA'I RGYUD BSTAN TE, DE YAN CHAD RTZA RGYUD RTZA 'GREL LA 'CHAD NYAN BYED PA YIN NO, ,RTZA RGYUD LAS, LO 'DI NAS NI DRUG BRGYA'I LO, ,ZHES PA LA

CHOS BSTAN PA'I LO STE ZHES DANG, NGA MYA NGAN LAS 'DAS NAS LO DRUG BRGYA NA ZHES GSUNGS PA DANG, ZLA BZANG MYA NGAN LAS 'DAS NAS LO DRUG BRGYA RNAMS GNAD GCIG TU RTOGS DGOS SO, ,DE NAS GRAGS PAS LO BRGYAR RTZA RGYUD BSTAN PA'I RJES SU, NYI MA'I SHING RTA LA SOGS PA RNAMS SAD PAR MDZAD PAS, DRANG SRONG RNAMS KYIS DBANG BSKUR ZHING BSDUS RGYUD SDUD PAR GSOL BA BTAB PAS, ZLA BA BZANG POS BZHENGS PA'I DKYIL 'KHOR DU NAG PA'I NYA LA DRANG SRONG RNAMS LA DBANG BSKUR ZHING, BSDUS PA'I RGYUD ME TOG PHRENG 'DZIN GYI TSIGS BCAD RTZA BA'I RGYUD LAS BTUS PA STONG SUM CU PA MDZAD DO, ,DE LA YE LE'I TSIGS BCAD NYIS BRGYA LNGA BCU RTZA GNYIS PA MAN CHAD BCU DANG, NANG LE'I TSIGS BCAD GSHAM MA STE, BCU GCIG PO DE GRAGS PA DANG NYI MA'I SHING RTA'I GSUNG YIN GYI RTZA RGYUD LAS BTUS PA MA YIN PAS LHAG MA STONG SUM CU'O ZHES KHA CIG BZHED DO, ,YANG BLA MA DAG GI GSUNG GIS, 'JIG RTEN KHAMS LE'I TSIGS BCAD BRGYA BZHI BCU RTZA BRGYAD PA DANG, DGU BCU RTZA GSUM PA DANG, YE LE'I TSIGS BCAD DGU BCU RTZA BZHI PA STE GSUM RTZA RGYUD LAS BTUS PA MA YIN PAS DE'I DE NAS RGYU SKAR RNAMS KYIS NYIN ZHAG GCIG NI BSGYUR BAR 'GYUR TE CHU TSOD DRUG CU RNAMS KYIS KYANG, TSAB MAR 'JIG RTEN KHAMS LE'I TSIGS BCAD BRGYAD BCU RTZA DGU PA'I RJES LA TSIGS BCAD GCIG RTZA BAR MA TSUD PA DANG, MCHOG MI 'GYUR DU DRANGS PA'I TSIGS BCAD RTZA BANG MTSUD PA GNYIS TE STONG SUM CU'O ZHES BZHED PAS DPYAD PAR BYA'O, ,DE NAS DRANG SRONG RNAMS KYIS SA GA'I NYA LA PHYAG RGYA CHEN PO MCHOG GI DNGOS GRUB THOB BO, ,GRAGS PAS KYANG PAD DKAR LA RGYUD STON CING 'GREL BSHAD RTZOM PAR BSKOS SHING MYA NGAN LAS 'DAS SO, ,DE NAS PAD DKAR GYIS 'GREL BSHAD STONG PHRAG BCU GNYIS PA MDZAD CING CHOS BSTAN NO, ,DE NAS BZANG PO DANG, RNAM RGYAL DANG, BSHES GNYEN BZANG PO DANG, PHYAG DMAR DANG, KHYAB 'JUG

, ,SBAS PA DANG, NYI MA GRAGS DANG, SHIN TU BZANG DANG BRGYAD POS LO BRGYA BRGYA CHOS BSTAN PAR GSAL TE, RIGS LDAN RIGS KYI DBUS SU LAG PAS BSGYUR PA'I DUS KYI BU DANG TSA BO DAG NI 'DAS GYUR PA, ,DE YI DUS SU NGES PAR MA KHA'I YUL DU KLA KLO'I CHOS NI RAB TU 'JUG PA DAG TU 'GYUR, ,ZHES GRAGS PA'I BU NAS BGRANGS PA'I MI RABS BRGYAD 'DAS PA NA KLA KLO'I CHOS 'JUG PAR GSUNGS LA, YANG DE NAS KLU'I LO BRGYA RNAMS KYIS ZHES PA NI, GRAGS PA MYA NGAN LAS 'DAS PA DE NAS KLU ZHES PA LO BRGYAD BRGYA NA, NGES PAR ZHES PA GDON MI ZA BAR MA KHA'I YUL DU KLA KLO'I CHOS DAG RAB TU 'JUG PAR 'GYUR TE, ZHES GSUNGS PA'I PHYIR RO, ,DE NAS RGYA MTSO RNAM RGYAL DANG, RGYAL DKA' YIS KYANG LO BRGYA BRGYA CHOS BSTAN PAR GSAL TE, KLA KLO BYUNG NAS LO BRGYA BRGYAD CU RTZA GNYIS NA RGYAL DKA' YIS RTZIS GZHI BRTZAMS LA, BRGYA NI RGYA MTSO RNAM RGYAL GYI DUS YIN LA, RGYAL DKA' YIS CHOS BSTAN NAS BRGYAD CU RTZA GNYIS NA BSDUS RGYUD KYI RTZIS GZHI MDZAD DAM SEMS SO, ,DE NAS NYID MA DANG, SNA TSOGS GZUGS DANG, ZLA BA'I 'OD DANG, MTHA' YAS DANG, SA SKYONG DANG, DPAL SKYONG DANG, SENG GE DANG, RNAM GNON DANG, STOBS PO CHE DANG, MA 'GAG PA DANG, MI YI SENG GE DANG, DBANG PHYUG CHEN PO DANG, MTHA' YAS DANG, RNAM RGYAL DANG, DRAG PO 'KHOR LO CAN TE, DES KLA KLO'I STOBS 'JOMS PAR BYED DO, ,DE YI DBUS SU GDAN NI NYI SHU RTZA LNGA RIM PAR YONGS SU BGRANGS PA DAG GI DUS KYI MTHAR, ,ZHES RIGS LDAN NYI SHU RTZA LNGA'I RJES THOGS SU DRAG PO 'BYUNG BAR BSHAD PA'I PHYIR, RIGS LDAN NYI SHU RTZA DRUG ,SH'KYA'I RIGS KYI RGYAL PO BDUN TE, SPRUL PA'I RGYAL PO SUM CU RTZA GSUM MO, ,ZHES GONG MA DAG BZHED DO, ,YANG NA MTHA' YAS RNAM RGYAL LA GCIG TU BYAS NAS, NYI SHU RTZA LNGA'I GDAN GYI MTHA' MA NYI SHU RTZA LNGA PA RIGS LDAN DRAG POR BYAS NA, PAD

DKAR GYI RJES LA SPRUL PA'I RGYAL PO NYI SHU RTZA GSUM LUNG BSTAN PA DANG MTHUN NO, ,BI BH'U TI TZANDRA NA RE, SENG GE RNAM GNON GCIG ,MTHA' YAS RNAM RGYAL GCIG TU BYAS NAS, DE NAS GRAGS PA DANG DRAG PO THA DAD DU BYAS NAS NYI SHU RTZA LNGAR 'DOD DE, BRTAG GO, RIGS LDAN PHYI MA RNAMS KYI SKU TSE'I TSAD GSAL BAR MA GSUNGS SHING, BLA MA MKHAN CHEN LO TZTSA BA'I GSUNG GIS THAMS CAD LO BRGYA BRGYAR MNYAM PAR BYED DE, DE'I LUGS LTAR NA RGYAL DKA' YIS RTZIS GZHI BRTZAMS NAS LO LNGA BRGYA DANG NYER GSUM SONG BA'I PHYIR, DPAL SKYONG YOD DGOS PAR MNGON TE, SNGON GYI GTAM RGYUD DANG MI MTHUN PAR SNANG NGO, ,GNYIS PA LA, RVA LUGS DANG, 'BRO LUGS GNYIS LAS, DANG PO NI, DUS KYI 'KHOR LO LA SOGS PA BYANG CHUB SEMS DPA'I SKOR DU GRAGS PA 'DI RNAMS RGYA GAR DU RGYAL PO GSUM GYI RING LA BYUNG STE, DE YANG RDO RJE GDAN DBUS SU BZHAG PA'I SHAR PHYOGS NA GA DZA PA TI GLANG PO CHE SKYONG BA'I RGYAL PO DE HA P'A LA, LHO PHYOGS NA NA RA PA TI MI SKYONG BA'I RGYAL PO DZA'U GANG GA PA, NUB PHYOGS NA AA SHVA PA TI RTA SKYONG BA'I RGYAL PO KA NA'U DZA ZHES PA YOD PA'I TSE BYUNG NGO, ,DE LA RGYA GAR SHAR PHYOGS NA YUL SDE LNGA YOD PA'I NANG NAS AOR BI PA RA SKU 'KHRUNGS PA'I SLOB DPON CHEN POS DE SNOD THAMS CAD LA THUGS SBYANGS PA'I TZI LU PAntI TAS, RTNA GI R'I BI H'A RA DANG, BI KRA MA SH'I LA DANG, N'A LEN DRA RNAMS SU SDE SNOD KYI PO TI THAMS CAD GZIGS SHING, KHYAD PAR DU RU KHA'I GNOD PA MED PA RIN CHEN RI BOR GZIGS PAS, SPYIR SANGS RGYAS TSE GCIG GIS 'GRUB PA LA SNGAGS KYI THEG PA DGOS SHING KHYAD PAR DU BYANG CHUB SEMS DPA'I 'GREL PAS GSAL BAR BYAS PA DGOS LA, DE SHAMBHA LAR YOD PA MKHYEN NAS YI DAM GYI LHAS LUNG BSTAN PA LA BRTEN NAS RGYA MTSOR NOR BU LEN PA'I TSONG PA DANG 'GROGS TE, RGYA MTSO LA BRGAL BA'I TSONG PA RNAMS DANG ZLA BA DRUG GIS

, ,'DZOMS DUS BYAS TE LAM SO SOR ZHUGS SO, ,DE NAS SLOB DPON GYIS RIM GYIS BYON NAS RI GCIG GI STENG DU 'DZEGS PA DANG, MI ZHIG DANG PHRAD PAS, DE NA RE, KHYOD GAR 'GRO ZER PA LA SHAMBHA LAR BYANG CHUB SEMS DPA'I SKOR TSOL DU 'GRO BYAS PAS, DER SHIN TU BGROD DKA' STE SHES PA BYUNG NA 'DIR YANG MNYAN PAS CHOG MOD GSUNG PA DANG, 'JAM DPAL GYI SPRUL PAR SHES TE, PHYAG BYAS MAndAL PHUL GSOL BA BTAB PAS, DBANG RGYUD 'GREL MAN NGAG GNANG ZHING RJES SU BZUNG NAS ME TOG GCIG SPYI BOR BZHAG STE BYANG CHUB SEMS DPA'I SKOR MA LUS PA KHONG DU CHUD PAR GYUR CIG ,CES BYIN GYIS BRLABS PAS CHU SNOD GCIG NAS GCIG TU BYO BA LTAR BYANG CHUB SEMS DPA'I SKOR MA LUS PA KHONG DU CHUD PAR GYUR TE TSUR BYON PA DANG TSONG PA RNAMS DANG 'DZOMS TE, SLAR RGYA GAR SHAR PHYOGS SU BYON NO, ,YANG LUGS GCIG LA TZI LU PAndI TA DE RNAL 'BYOR PA ZHIG GI BU YIN PAS PHA YIS SHAMBHA LAR KHRID NAS SPYAN RAS GZIGS KYI SPRUL PA DGE SLONG SHIN TU GZUGS BZANG BA ZHIG DANG MJAL TE, DES BYIN GYIS BRLABS PAS ZHAG RE LA SHO LO KA STONG STONG ZIN PAR GYUR TE, RGYUD 'GREL THAMS CAD THUGS LA BZUNG NAS RGYA GAR DU BYON TE RAB TU BYUNG BA'I MTSAN TZI LU PA ZHES GRAGS SO, ,DE NAS SLOB DPON KA TA KA'I RGYAL PO'I SAR BZHUGS PAS, SLOB MA GSUM BYUNG, DE RNAMS KYIS RGYUD 'GREL RNAMS GLEGS BAM LA 'BRI BAR ZHUS TE BRIS SO, ,SLOB MA GCIG THA MAL PA ZHIG BYUNG, GCIG RGYAL BA'I 'BYUNG GNAS SBAS PA ZHES PA GRUB PA BRNYES PA ZHIG BYUNG, GCIG SHAR PHYOGS BHA GA LAR SKU 'KHRUNGS PA'I PI dO A'A TZA RYA 'AM PIndI A'A TZA RYA ZHES PA MKHAS PA ZHIG BYUNG STE, DES BYANG CHUB SEMS DPA'I SKOR MA LUS PA THUGS SU CHUD CING THUGS NYAMS SU BZHES SO, ,DE NAS YUL DER RGYAL PO GZHAN GYI DMAG

BYUNG STE, RGYUD 'GREL GYI DPE THAMS CAD DONG DU SBAS TE BROS, ,DMAG GYES NAS BLTAS PAS, BDE DGYES GNYIS KYI 'GREL PA'I SMAD MI 'DUG NAS 'BRI BAR ZHUS PAS, MKHA' 'GRO MAS SBAS PAR BRIR MI RUNG GSUNG NAS MA GNANG, TZI LU PA SLAR RGYA GAR SHAR PHYOGS SU GSHEGS SO, ,DE NAS PIndI A'A TZA RYA DES, PA RENDRAR SKU KHRUNGS PA'I SLOB DPON DUS ZHABS PA CHEN PO LA GSUNGS SHING, DES KYANG SNGAR BZHIN DU MKHYEN CING THUGS NYAMS SU BZHES SO, ,KHA CIG NA RE, DUS ZHABS PA DE SGROL MA'I ZHAL MTHONG NAS CI 'DOD PA ZHU RU YOD PAS SGROL MAS LUNG BSTAN NAS SHAMBHA LAR BYON TE SPYAN RAS GZIGS GYIS LAM NAS BSUS NAS, MA LA YA'I TSAL GYI DKYIL 'KHOR GYI KHANG PAR KHRID DE DBANG BSKUR RGYUD SDE BA'I RNAMS BSHAD NAS DPE THAMS CAD KYANG GNANG STE BYON NO, ,DE NAS RGYA GAR SHAR PHYOGS ME TOG KHYIM ZHES BYA BAR BZHUGS PAS SLOB MA'I MCHOG BZHI BYUNG STE, DUS ZHABS PA CHUNG NGU DANG, 'DUL BA 'BYUNG GNAS BLO GROS DANG, SENG GE RGYAL MTSAN DANG, MTHA' YAS RNAMS SO, ,DE LA DUS ZHABS PA CHUNG BA NI, MNYDZU HA STE, SHAR PHYOGS SU SKU 'KHRUNGS, MTSAN BHO DHI BA ZHES KYANG ZER NA, N'A LENDRA PA ZHES KYANG ZER RO, ,KHA CIG, DHA RM'A KA RA DANG GCIG TU 'DOD PA NI, MI 'THAD DE, DE NI S'A DHU PU TRA'I SLOB MA YIN PAS NA 'PHYI BAS SO, ,RVA PA NA RE, DUS ZHABS PA CHUNG BAS RTAN A'A KA RA LA GSUNGS, DES N'A LENDRAR DAR BAR BYAS SHES GSUNG PA LA, BLA MA GONG MA'I ZHAL NAS DE GNYIS GROGS MCHED YIN ZHING, DUS ZHABS PA CHUNG BA N'A LENDRAR BYON, DUS 'KHOR GYI LHA TSOGS BZHENGS, PANtI TA MANG PO SLOB MAR BCUG PA YIN PA'I PHYIR DANG, BRGYUD PA GZHAN DANG GUNG YANG 'GRIG PAS RTNA A'A KAR MI DGOS GSUNGS, DUS ZHABS PA CHUNG BA DES, MA GA DHAR RAR NA THAMS CAD DU DANG BAR 'GYUR SNYAM DU DGONGS NAS, MA GA DHA'I RGYAL PO SHING STAN CAN GYIS BYED CING, SENDHA PAS AO TNTA PU RI'I

, ,GTZUG LAG KHANG 'DZIN PA'I DUS SU, N'A LENDRAR BYON NAS, GTZUG LAG KHANG GI SGO GONG DU RNAM BCU DBANG LDAN GYI SNGAGS BRIS, DE'I 'OG TU, GANG ZHIG DANG PO'I SANGS RGYAS MI SHES PA DE RNAMS KYIS MTSAN YANG DAG PAR BRJOD PA MI SHES SHES PA NAS RDO RJE 'DZIN PA'I LAM DANG BRAL PA STE 'KHOR BA PA'O ZHES PA'I BAR BRIS PAS, PAntI TA LNGA BRGYA TZAM BZHUGS PA RNAMS MA RANGS PAR BRTZOD PAS CHOS KYI RANG BZHIN ZAB CING RGYA CHE BAS THAMS CAD BTUL NAS SLOB MAR GYUR TE, KHYAD PAR DU MNYDZU KI RTI DANG, AA BHI YU KTA DANG, PAntI TA RI BO PA DANG, D'A BYANG CHUB SEMS DPA' DANG, AA BHYA DANG, P'U nYA CHEN PO DANG, KHA CHE GAMBH'I RA DANG, SHNTA GU PTA DANG, GU nA RKshI TA DANG, ZLA MGON DANG, RTZA MI LA SOGS PA'I MKHAS PA MANG DU BYUNG ZHING, RGYAL RIGS, RJE RIGS, TSONG PA LA SOGS PA RNAMS KYANG DAD NAS DPE 'BRI ZHING BAG CHAGS 'JOG PA MANG DU BYUNG STE, SHIN TU DAR BAR GYUR TO, ,DE NAS BAL PO YE RANG DU SKU 'KHRUNGS PA'I PAntI TA SA MNTA SHR'I BHA DRAS MKHAS PA LNGA LA GSAN CING KHYAD PAR MNYDZU KI RTI'I RJES SU 'BRANG NGO, ,GNYIS PA NI, RIGS LDAN DPAL SKYONG, SENG GE, RNAM ROL RIGS LDAN GCIG TU MDZAD PA NI, MI 'THAD DE, DPAL SKYONG DANG SENG GE DANG RNAM ROL RNAMS RGYA DPE LAS RNAM DBYE THA DAD DU GSUNGS PA'I PHYIR THA DAD DU 'THAD DO, ,DES NA RGYAL PO DPAL SKYONG CHOS 'CHAD PA'I DUS SU, GSHIN RJE GSHED KYI RNAL 'BYOR PA YAB YUM GNYIS KYIS, GSHIN RJE GSHED KYI RGYUD NAS 'BYUNG BA BZHIN DU SRAS RIGS KYI SRAS BSKRUN PA'I CHO GA BYAS PAS KHYE'U GCIG 'KHRUNGS TE, CHER SKYES PA DANG LHO PHYOGS NA BYANG CHUB SEMS DPA' DNGOS SU CHOS STON PA YOD PAR GRAGS PAS NYAN DU BYON PA LA, KHYE'U'I LHAG PA'I BSAM PA RNAM PAR DAG PA DANG, CHOS LA 'DUN PA DANG, SHAMBHA LAR 'ONGS NA TSE'I BAR CHAD DU 'GRO BAR MKHYEN

NAS, DPAL SKYONG BYON TE, DER KHYED KYIS 'GRO BAR MI NUS, CHU MED PA'I MYA NGAN GYI THANG LA ZLA BA BZHI 'GRO DGOS PAS SROG GI BAR CHAD DU 'GRO, NGA YIS 'ONGS LA BSHAD GSUNGS NAS ZLA BA BZHI GSUNGS, DONG PA GANG BYO'I TSUL DU MKHYEN, NANG BYANG CHUB SEMS DPA'I SKOR GSUM LA SOGS PA RGYUD SDE MANG PO THUGS LA BZUNG NAS BYON PAS 'JAM DPAL GYI SPRUL PA YIN PAR GRAGS SHING, DE'I MTSAN YANG DUS 'KHOR ZHABS SHES ZER RO, ,DE'I DUS NA RGYA GAR NA DGE SLONG BLO SHIN TU RTUL BA ZHIG GIS BRTAN PA'I RMI LAM LA BRTEN NAS, BYI RU LA LHA MO KU RU KU LA LE'I SKU BYAS TE BUD MED KYI RO'I KHAR BCUG NAS RGYAB TU SKYIL KRUNG BCAS TE ZHAG BDUN BSGRUBS PAS KHA GYEN DU BLTAS TE CI 'DOD ZER BA LA, MTHONG TSAD ZIN PAR 'DOD BYAS KYANG 'ONG BA YIN PA LA, BLO RTUL PAS ZHUM PAS BRIS TSAD ZIN PAR 'DOD BYAS PAS, DE LTAR BYUNG BAS PAntI TA NGAG GI DBANG PHYUG GRAGS PA ZHES BYA BA KHA SRPA nI'I GTZUG LAG KHANG DU BYUNG, DES SLOB DPON DUS 'KHOR ZHABS LA RGYUD DU SHES DRIS, SLOB DPON GYIS LAN GSUNGS PAS RGYUD KYI MTSAN TZAM YANG 'DZIN PAR MA NUS SKAD, DE LA SLOB MA MANG PO BYUNG BA LAS, PHAL CHER RNAL 'BYOR PAR GYUR NAS BSHAD PA'I SROL 'DZIN PA, SRAS N'A LENDRA PA DUS 'KHOR ZHABS CHUNG BAR GRAGS, SNGA MA LTA BU'I YON TAN DANG LDAN PA YIN SKAD, DE'I DUS KHA CHER BRAM ZE ZHIG GI BU ZLA MGON ZHES BYA BA BLO SHIN TU RNO BA ZHIG BYUNG BAS YAB MU STEGS BYED KYI CHOS RNAMS LO BCU GNYIS LA SHES, ,YUM SANGS RGYAS PA YIN PAS NGA'I CHOS SLOB DGOS ZER NAS, KHA CHER BRAM ZE ZHABS SHES BYA BA'I PAntI TA LA NYAN DU BCUG PAS, ZLA MGON DE GZUGS MDZES PAR YOD PAS PAntI TA'I SRAS MO NA RE, NGA DANG LHAN CIG 'GROGS NA CHOS BSHAD ZER, DE LTAR KHAS BLANGS NAS NANG PA'I CHOS MANG PO GSAN, DE NAS DBANG MDOR BSTAN GYI DPE GZIGS, SHIN TU MOS TE MA GA DHAR BYON

, ,PA DANG, DUS 'KHOR BA YAB SRAS DANG MJAL, BYANG CHUB SEMS DPA'I CHOS SKOR RNAMS ZHUS SO, ,MKHAS PA KHA CHE RIN CHEN RDO RJE DANG RTZOD PAS ZLA MGON MA THUB, RIN CHEN RDO RJE NA RE, NGA LA SLOB MA MI DAD PAR 'ONG GZHAN DU BYON GSUNG, DE NAS CHOS 'DI BOD DU SPEL DGONGS NAS BOD DU BYON NO, ,GSUM PA LA, 'BRO PA'I LUGS DANG, RVA PA'I LUGS SO, ,DANG PO NI, DE NAS KHA CHE ZLA MGON BOD DU BYON KHA RAG GNYOS LA BABS, 'GREL PA DRI MA MED PA'I 'OD BSGYUR, GSER SRANG BRGYA RDZONG BAR CHAD, PAntI TA MA MGU BAR 'GREL PA PHYED LAS MA BSGYUR, 'GYUR BYED 'PHRO BA BSNAMS NAS 'PHAN YUL GRAB TU BYON, ,ZHANG PHO CHUNG BAS BLA MAR BZUNG, 'BROS LO TZTSA BA BYAS NAS YONGS SU RDZOGS PAR BSGYUR, GNYOS KYIS ZHANG STON LA KHYOD KYIS NGA'I BLA MA 'PHROG PA YIN PAS SBRA GSEB TU YUNGS KAR RTZANG DE BA ZHIG BYA YI ZER BA LA, KHRO BO BRGYA YIS BSDIGS KYANG MI 'JIGS, LHA MO BRGYA YIS 'DZUM BSTAN KYANG MI CHAGS PA YIN ZER NAS ZHABS TOG MDZAD, GNYOS STON YE SHES MCHOG GIS GSER SRANG BCO BRGYAD PHUL, GRA PA MNGON SHES KYIS LO GSUM CHOS STON DRANGS, NAM MJAL DUS PHYAG RTEN MA CHAD PAR BYAS, JO BTZUN TSUL KHRIMS RIN CHEN GYIS GSER SRANG DRUG PHUL, GA-YO RU 'GAR STON, MANG YUL STON MA SRI DAR, SMON 'GRO'I 'JAM SGOM LA SOGS PAS ZHABS TOG CHE BAR BYAS KYANG, SO SOR SPONG TZAM MA GTOGS PA GZHAN MA GNANG, 'PHAN YUL GRAB TU SKU 'KHRUNGS PA, SGOM PA DKON MCHOG SRUNG GIS 'BYOR PA THAMS CAD BSDUS PAS GSER SRANG DRUG BYUNG STE PHUL, DAR YUG GCIG SKE LA BTAGS TE LUS PHUL NAS ZHABS TOG MDZAD DO, ,MNGON PA DANG, SA SDE DANG, SMAN LA SOGS PA YON TAN CHE ZHING JI LTAR GSUNGS PA BZHIN BSGRUBS PAS GZHUNG GDAMS NGAG MA LUS

PA GNANG, DE NAS SNOR BZANG GI SGRO GNAM LA BRTZEGS KYIS LO NYI SHU RTZA DRUG NAS LNGA BCU RTZA BRGYAD KYI BAR DU, SPU SDE'I DGE BSHES LO RO PA'I DRUNG DU GA-YU PHUL GANG RGYAGS SU BSNAMS NAS SLOB GNYER MDZAD, LO RO BA'I ZHAL NAS, MCHIMS SNGAGS PA CHEN PO ZHIG YOD PA LA 'DI RDO RJE 'DZIN PA DANG 'DRA, NGA BA LANG DANG 'DRA BA YIN, DA ZER NGA YANG LENG 'BROG 'GOS GSUM DANG THUGS PAS RDO RJE 'DZIN PA DANG 'DRA, DUS 'KHOR SHES PA ZHIG BYUNG NA NGA BA LANG DANG 'DRA BAR 'DUG GSUNGS PAS BLA MA GNAM BRTZEGS SHIN TU DAD STE, PAntI TA LA GSER SRANG BCU GNYIS DANG, RTA NAG PO GCIG PHUL, ZHABS TOG YUN RING PO MDZAD KYANG, SO SOR SPONG MA GTOGS PA MA GNANG, DE'I DUS SU BLA MA DKON MCHOG SRUNG LA GSER PHRA MO PHUL NAS ZHUS KYANG MA GNANG, PAntI TA RGYA GAR GSHEGS PA DANG SHUL DU LO GSUM GO BTEG MDZAD DE ZHUS PAS GZHUNG MAN NGAG MA LUS PA GNANG, PAntI TA PHYIS BOD DU BYON PA LA SLOB MA KUN GYIS, SGOM PAS SGRO LA GDAMS NGAG MA LUS PA BYIN BYAS TE ZHUS PAS, PAntI TAS SGRO LA GDAMS NGAG SBYIN GSUNGS PAS, GZHON PA'I DUS SU GNANG DU MA 'DOD, DA RGAS PAS MI ZHU BYAS PAS, KHYOD DKON MCHOG SRUNG GI MAN NGAG GIS NGOMS 'DUG STE, DE NGA LAS MA BYUNG NA SU LAS BYUNG GSUNGS NAS PHYAG PHAB, DE MAD LAGS, BLA MA CHEN PO'I BKA' DRIN LAGS BYAS PAS, GANG BYIN GSUNGS PA LA, 'DI RNAMS BYIN ZHES BSNYAD PAS, DE RNAMS LAS NGA LA'ANG MED, THAMS CAD TSANG 'DUG PAS SU LA'ANG MA STER, STER RI MAN'ANG SKYOL GSUNGS NAS MGUL LA PHRENG BA BCUG PA DANG BLA MAS NI MA GNANG, BLA MA DKON MCHOG SRUNG LA ZHUS PA LAGS MOD BYAS PAS, NGAN PA 'DI GSUNGS NAS DBU LA BYE MA BRGYAB STE, DA CHUD MA GSAN GSUNG BA LA, DE GSUNG MI 'TSAL, CHUD CI LA GSON ZHES ZHUS, DE LTAR PAntI TA DANG BLA MA DKON MCHOG SRUNG LA

, ,GZHUNG MAN NGAG DANG BCAS PA MA LUS PAR GSAN NO, ,DE NAS GANGS TE SE'I RTZAR SKU 'KHRUNGS PA RNGAM KHROM PA DAD PA RGYAL PO ZHES BYA BA ZHIG LA SRAS BZHI YOD PA LAS, CHUNG BA BLA MA YU MOS DON MO RI'I SE STON SGRA GCAN 'DZIN DANG, BAR STON THOS PA DGA'I DRUNG DU CHOS GSAN, MTSAN YU MO ZHES KHONG NYID KYIS BTAGS, RMA DGE MTHONG DANG GNYAGS LA DBU TSAD GSAN, DE DUS NA 'DUL BA 'DZIN PA LA SOGS PAS CHE BA MED PAR BYED PAS DER BYON TE MDO RTZA THUGS LA BSHAD, SPYOD PHYOGS RNAMS KYANG GSAN, SNGAGS LA MOS PAS DGYES RDOR LA SOGS PA'I SNGAGS 'DRA BA GSAN CING YOD PA LA, GROGS ZHIG GIS DGUN CI BYED DRIS PAS, MTSAMS BYAS NAS SNGAGS KYI DPE CHA 'DRA 'BRI GSUNGS PAS, 'O NA BYAN KLAG TSANG NA RDO RJE SNYING POS MDZAD PA'I 'GREL PA 'DUG ZER BAS DE 'BRI'AM BYAS PAS, SNGON GYI BAG CHAGS SAD PAS SHIN TU MOS TE, DPE DE KHUGS SAM DRIS PAS KHUGS TE, DE 'DRI ZHING GZIGS PAS SHIN TU DAD DE, SUS SHES DRIS PAS, SO MA N'A THAS SHES ZER BA LA SNGON GYI MING YIN SNYAM NAS DBUS SU KHAMS PA LTE'U BA LA SPYOD PHYOGS NYAN GYIN BZHUGS PA NA PAntI TA ZLA MGON DKAR CHUNG NA BZHUGS ZER BA GSAN TE, RDO RJE SNYING PO SHES SAM BYAS PAS DE SHES, DER MA ZAD DPAL DUS KYI 'KHOR LO'I 'GREL PA CHEN MO YANG MKHYEN ZER, ZHUS NA GNANG NGAM DRIS PAS, SPYIR BKA' DOG STE DA LTA BAL YUL GSHEGS PA'I ZHABS TOG MED PAS 'GRO NUS NA GNANG 'OD ZER, PAntI TA DANG BLA MA GNAM LA BRTZEGS, DGYES RDOR GYI RTZA SNGAGS DANG YIG BRGYA LA ZHU DAG MDZAD KYIN BZHUGS, DUS GSUM PA RDO RJE GZHON NUS ZHU SNA BYAS NAS ZHUS PAS, GSER THIG PO DANG, GLA RTZI'I RKYAL PA MANG PO BSTAN NAS, 'DI TSO KHYOD LA BSKUR LA KHYOD BAL YUL DU SLEB TZA NA 'DI TSO MGO THON NA, NGA BOD NAS 'ONG, DE

NAS CHOS SBYIN GSUNGS NAS, SGOM PA TSUL KHRIMS GRAGS LA DPE CHA LEN DU BYON PAS, KHYOD GANG DU 'GRO ZER BA LA SNGAR GYI LO RGYUS BSNYAD PAS PAntI TA LA CHOS MI KHUGS, SNGAR GYI RNAMS KYIS KYANG MA KHUGS, DE BAS PAntI TA'I CHOS MA LUS PA MKHYEN PA NGED KYI BLA MA SNOR BZANG NA BZHUGS BYAS PAS, BLO NUR TE STON PA RGYAL PA 'OD, SGOM PA DBANG BSOD, SGOM PA TSUL GRAGS RNAMS KYIS ZHU SNA BYAS, ZHU RTEN DU GSER ZHO 'GA' ZHIG DANG, DUNG CHOS LEGS PA GCIG, KA P'A LA GCIG PHUL BAS, KHYOD KYI 'DI TSO LA NYE BZANG, SOG 'DUL BA 'DZIN PA DE BTZUN PA ZAS ZA MI SHES GOS GYON MI SHES PA THAMS CAD LA ZHAL CHOS PHA LTAR BYED PA YIN ZER, DE'I THUGS ZIN KHYOD YIN PAR 'DUG PAS, YON TAN ZHIG YOD PA YIN TE 'ONG GSUNGS NAS CHOS GNANG BAR ZHAL GYIS BZHES, BLA MA DGUNG LO BDUN CU RTZA GNYIS LON PA DANG ZHAL MJAL TE, LO BZHI BAR MED DU BZHUGS TE DUS 'KHOR DANG, MTSAN BRJOD MANG NGAG GI BSHAD PA DANG, SGRON GSAL LA SOGS PA GSAN, CHOS KYI GTAD SOR DGONGS NAS BSNYUNG BA BAG TZAM BYUNG BA NA, RTZANG STON 'DI'I CHOS MA TSAR BAR DU NGA MA BSAD CES MKHA' 'GRO MA LA GSOL BA BTAB NAS GDAMS PA THAMS CAD GNANG, DGUNG LO LNGA BCU NAS BRGYAD CU'I BAR DU BZHUGS NAS GSUNGS PAS DAR ZHING RGYAS PAR MDZAD, DE'I DGUNG LO LNGA BCU RTZA LNGA'I SRAS DHA RME SHVA RA SNGON GYI BAG CHAGS KYIS SLOB GNYER CHUNG NGU LA MDZAD, LO BCU GNYIS LON NAS DBANG MDOR BSTAN GSUNGS, LO BCU DRUG PA NAS 'GREL CHEN GSUNGS, GZHAN YANG SPYOD PHYOGS DANG LAM RIM DANG, SNGAGS KYI SGRUB THABS MANG PO RNAMS DGUNG LO SUM CU'I BAR DU SLOB GNYER MDZAD, GZHAN LA'ANG PHAN PA RGYA CHEN PO BYUNG, DE'I SLOB MA NAM MKHA' 'OD KYIS 'GOS DBANG BTZAN LA RIGS TSOGS LA SOGS PA GSAN, BLA MA DHA RME SHVA RA LA DUS 'KHOR 'GREL CHEN LA

, ,SOGS PA GDAMS PA DANG GZHUNG BSHAD MANG DU GSAN, SRAS DHA RME SHVA RA'I SRAS GRUB THOB NAM MKHA' RGYAL MTSAN GYIS KYE RDO RJE DANG, DUS 'KHOR SOGS GZHUNG GDAMS NGAGS DANG BCAS PA MA LUS PAR GSAN, DE LA PHAR TSAD MNGON PA LA SOGS LA MNGA' BRNYES PA 'JAM GSAR GYIS GA-YAS RU SMON MKHAR GYI GRONG CHUNG DGON PAR DBANG ZHUS, RGYUD 'GREL DANG CHA LAG GDAMS PA MA LUS PAR GSAN, DE LA BLA MA RGA LOS GSAN NO, ,GNYIS PA NI, SNYE GNAM SNANG YUL DU SKU 'KHRUNGS PA'I RVA LO TZTSA BA RDO RJE GRAGS KYI DPON PO RVA LO TZTSA BA CHOS RAB KYIS RVA LUGS KYI NAG 'JIGS SKOR GSUM, MNGON 'BYUNG RNAM GSUM, AA BHI DHA NA DANG SMPU tA LA SOGS PA'I RGYUD RNAMS DANG, CHOS BYUNG DRUG LA SOGS PA RVA BA'I CHOS SKOR MA LUS PA RNAMS THUGS SU CHUD NAS DUS KYI 'KHOR LO DON DU GNYER BAR GYUR TE BAL BO'I MTHIL DU BYON NAS, PAndI TA SA MANTA SH'RI LA LO LNGA ZLA BA BCU ZHAG LNGAR BAR MA CHAD BAR BSTEN NAS BSHAD BKA' DBANG BKA' MAN NGAG BKA' DANG BCAS PA ZHUS PAS LEGS PAR GNANG STE, PAndI TA BOD DU SPYAN DRANGS NAS RGYUD 'GREL YAN LAG DANG BCAS PA BSHAD, BSGYUR, GTAN LA PHAB, THAMS CAD KYIS BSNYEN BKUR CHER BYAS TE NYI MA GCIG LA GSER SRANG SUM BRGYA PHUL, GSHEGS SKYEL YANG SKYI RONG GI BAR DU MDZAD PAS, BLA MA YANG SHIN TU MNYES TE PAndI TA 'BUM PHRAG GSUM PA'I PROG ZHU, PHYAGS LHAM, RDO RJE DRIL BU DUS 'KHOR LUGS KYI PHYAG TSAD MA GNANG NGO, ,DE LA NYID KYI SRAS BLA MA YE SHES SENG GES GSAN CING, DES KYANG BUM PA GANG BYO'I TSUL DU THUGS LA MKHYEN CING THUGS NYAMS SU BZHES SO, ,DE LA NYID KYI SRAS RVA 'BUM SENG GES YONGS SU RDZOGS PAR GSAN CING THUGS NYAMS SU BZHES SO, ,DE LA BLA MA RGA LOS ZHUS SO, ,BLA MA RGA LO NI, BOD KYI RGYAL PO'I DUS SU BLON PO BSANG

SHI PHO NYAR BTANG STE RGYA NAG LAS HVA SHANG SPYAN DRANGS PA DANG 'BREL BAR MI NYAG BHA SHANG DU GYUR BA SPYAN DRANGS TE, RGYAL BO'I MCHOD GNAS SU GYUR CING THEG PA CHEN PO'I GZHUNG LUGS MA NYAMS PAR SPYOD PA'I SNGAGS 'CHANG SHA STAG TU GYUR BA'I RGYUD LAS, YAR 'BROG SGANG DU MI NYAG GZHON NU SNYING BO ZHES BYA BA BYUNG, DE'I SRAS GZHON NU SENG GE, DE'I SRAS RIG 'DZIN SNYING BO, DES RONG GI RGYA MA'I YUL DU BABS, DE'I SRAS RDO RJE SENG GES RONG MKHAR PHUG BZUNG, DE LA SRAS BZHI BYUNG BA'I GCEN PO YE SHES RDO RJE BYA BA MKHAS SHING GRUB PA BRNYES PA ZHIG BYUNG, DES PHYAG RGYA CHEN PO DBYUG CHOS SU GRAGS PA'I MAN NGAG LA GRUB PA THOB PA DBANG PHYUG RGYAL BO ZHES BYA BA'I GDAN SA DBEN DMAR BZUNG, DE'I SRAS RJE BTZUN RGA LO NI, YAB KYI MTSAN LTAS LA BRTEN NAS SNGON GYI KHAMS PA RGA LO TZTSA BA'I SKYE BAR DGONGS NAS MTSAN DU'ANG DE NYID BTAGS, LO GSUM TZAM BZHES PA NA, KHA CHE PAn CHEN NGUR SMRIG TU BYON PA'I TSE, MA GCIG JO SRAS MA SKYI MOS BSNAMS NAS CHOS DANG BYIN RLABS ZHU RU BYON PA LA GZHAN LAS KHYAD PAR DU 'PHAGS PAR SAm SKRi TA'I SKAD KYIS LUNG BSTAN, PHYAG GIS BZHES, DBUGS PHYUNG BAS SKYE BO 'DUS PA PHAL CHER GYIS SKYES BU DAM PAR RTOGS SHING, RJE BTZUN RANG GI GSUNG GIS KYANG, BYIS PA'I DUS NA KHA CHE BA'I, BLA MA PAn CHEN NYID DANG MJAL, ,LEGS SBYAR SKAD KYIS DBUGS DBYUNG MDZAD, ,CES SO, ,LUNG BSTAN BZHIN GZHON NUR GYUR BA'I TSE, 'DRI KLOG DANG, 'JIG RTEN BSTAN PA DANG, PHUNG BO LNGA'I RAB BYED DANG, SPYOD 'JUG DANG, MDO SDE LAS MANG DANG, DBU MA SDE PHRAN DANG, DON ZHAGS DANG, BAG CHAGS DBUGS 'DED KYI MAN NGAG LA SOGS PA CI RIGS PA LA YAB KYI DRUNG DU SBYANG BA MDZAD DO, ,DE NAS DPYAL CHOS KYI BZANG PO'I DRUNG DU BYON, LO GSUM GYI BAR DU, RGYA YIG DANG, RGYA KLOG DANG, SAm SKRi TA'I SKAD CI RIGS PA

, ,DANG, KHYAD PAR DU DGYES PHAG GNYIS LA SBYANGS NAS DGUNG LO BCU DRUG PA LA NGUR SMRIG TU LEGS PAR GSUNGS SHING BSHAD STON YANG RGYA CHER MDZAD, GZHAN YANG N'A RO 'GREL CHEN GDAMS NGAG DANG BCAS PA DANG, BDE MCHOG GZHUNG PHRAN GDAMS NGAGS DANG BCAS PA GSAN CING, BDE MCHOG GI DBANG ZHUS PA'I TSE, DKYIL 'KHOR GYI DBUS NAS NGO MTSAR BA'I SGRA THOS SHING, SHANGS KHRAG ZAGS SHING ZAG PAR RMIS NAS NAD DANG SDIG SGRIB BYANG, LUS BDE, SHES RAB GSAL BAR GYUR CING, GSHED DMAR GYI DBANG BSKUR ZHUS PA'I TSE BDUD KYI BAR CHAD LAS THAR BA YIN NO, ,DE YANG, SNGON DOL CHUNG NA BZHUGS PA'I TSE CUNG ZAD BSNYUNG BA NA BAR CHAD RTZOM STE, MGRON BTZUN RGYANG DPE SKONG TZE GANG KHUR BA GCIG MDUN DU 'ONGS NAS, PO TI PHYUNG NAS MIG SNGAR BSTAN TE, KHYOD MKHAS NA 'DI DAG GI DON SMRA BAR GYIS SHIG CES ZER BA LA, NGA NI NA BAS KHAMS BZI BA'I PHYIR RE SHIG SDOD CES GSUNGS PA LA, KHYAD PAR DU MIG SNGAR DU DPE RIS YAG YUG SHAD SHUD BYED CING, YI GE LA NI MA BRTEN PAR, DAM PA'I DON NI RTOGS MI 'GYUR, ,ZHES RGOL BA DANG, MTSAN MO GCER BUR BYAS NAS LHA KHANG GI RDZA'I DUM BU MGOR BZHAG NAS, NGA NI RDZA KHYUNG MGO ZHES BSDIGS PA SOGS BYED DO, ,DE'ANG DANG POR NGUR SMRIG TU BYON PA'I TSE RMI LAM DU BTZUN RGAN LHAM MTHIL RDOL GYI KHREL PO KHUR BA ZHIG 'ONGS TE, 'DI TZAM ZAD ZAD BTZAL KYANG MA RNYED PA'I GROGS PO DA GDOD RNYED PA AA RE DGA' ZER ZHING DGA' DGA' MGU MGU LTAR DRUNG NA 'KHOR BA NAS BRTZAMS TE PHYI BZHIN 'BRANG ZHING PHAN PA SGRUB PA LTAR TSUL 'CHOS SO, ,DE NAS RANG GI DGON PAR BYON PA'I TSE, YAB KYI GSUNG GIS, MDANGS NI 'BYUNG PO'I CHO 'PHRUL CHE BA LA DE RING DGE BSHES PA BYON, BGEGS KYI BAR CHAD 'ONG NYEN YOD PAS 'BYUNG PO'I PHAN PA LA THUGS MA GTAD

PAR, THUGS DAM LA GTZOR MDZOD CIG GSUNG PA DANG, NYID KYI THUGS KYIS KYANG, 'DI LTA BU'I 'BYUNG PO NI PHAN PA BYED PA LTA BUR STON KYANG GNOD PA BYED DO SNYAM DU 'JIG RTEN LA GA-YO BA MED PA'I THUGS KYI DAM PA BSKYED DE BZLAS PA DANG, 'THAB PA DANG, 'GRANG BA LTA BU BYAS KYANG ZHUM PA MED PAR RES 'GA' NI BSHES GNYEN GYI TSUL LTA BUR BSGYUR TE, SKYE BA MANG PO NAS GROGS SU GYUR BA YIN LA, SKYE BA 'DI DANG 'DIR YANG LEGS PA 'DI LTA BU BSGRUBS SO ZHES SKYE RGYUD SNA TSOGS KYI GLENG GZHI STON, RES 'GA' NI GTZUG LAG KHANG GI BDAG PO BCOL TE, BDAG GI GTZUG LAG KHANG NI 'DI'O, ,SNGON GYI RABS NI 'DI 'DRA'O, ,PHYIS KYI RGYUN NI 'DI 'DRA'O ZHES GTAM SNA TSOGS STON CING, KHYOD KYANG BDAG DANG MTHUN PAR BYAS TE 'DI 'DRA BA'I BDAG PO BYA BAR RIGS SO, ,ZHES STON NO, ,RES 'GA' NI MKHAS PA'I GZUGS SU BSGYUR TE, GZHUNG LUGS NI 'DI 'DRA'O SNGON NI 'DI 'DRAR GYUR TO, ,PHYIS NI 'DI 'DRAR 'GYUR RO, ,KHYOD KYIS KYANG 'DI LTAR BYA BAR RIGS SO, ,ZHES STON NO, ,RES 'GA' NI GRUB PA LTAR BCOS TE, RDZAS DANG SMAN DANG SNGAGS NI 'DI 'DRA'O, ,'DI LTA BU BSTEN NA 'DI 'DRAR 'GYUR RO ZHES 'CHAD CING, RES 'GA' NI BYA'I GZUGS SE BO CHEN PO MI YI SKAD DU SMRA BAR GYUR TE, BRTZE BRTZE LTAR 'GRAM DU 'DUG NAS THO RANGS KYI TSE 'DAB GSHOG BRDEBS PA'I SGRA DANG BCAS PAS ZLA 'OD GZHON NU, SENG GE RGYAL MTSAN, 'OD KYI SNYE MA ZHES 'BOD CING, YAR LA LONGS SHIG ,LTA RTOG MDZOD CIG ,THUGS DAM MDZOD CIG ,GZHUNG SHOD CIG CES CHOS LA BSKUL BA LTAR 'CHOS PA LAS, THAR BAR GSHED DMAR GYI DBANG ZHU BAR BRTZAMS PA NA, DA NI YUL DU 'GRO BAR RIGS SO, ,YAB DANG YUM LA SOGS PA NA'O, ,BLTA BAR BYA, PHRAD PAR BYA, DBANG BSKUR NI PHYIS ZHU BAR 'THAD DO ZHES SMRA'O, ,PHYIS ZHU BA DKA'O, ,DES NA DA LTA ZHU'O ZHES SMRAS PAS, NGAS DE TZAM DU KHYOD LA

, ,BSAM NAS, KHYOD 'DI LTAR BYED PA NI SHIN TU MI RIGS, DA LTA 'DENG ZHES SMRA ZHING, 'BRANG DANG KHREL PO'ANG RDEG PAR BYED DO, ,DE LTAR YANG NGES PAR ZHUS PA DANG, 'BRANG DANG KHREL PO'ANG SKAS 'OG TU BSKYUR, YUN RING 'GROGS PA'I GROGS POS BSLUS SO, ,KHYOD NYID CI BDER GYIS SHIG ,DA NI 'GRO BAR BYA'O, ,KHYOD KYIS SKYEL THUNG GYIS SHIG CES SMRA BA LA, THAR PA GLING GI MO DBEN SGANG KHAR SKYEL BAS DE NA 'DUG PA'I RTA LA ZHON NAS NAM MKHA' LA 'PHAGS TE, RTA DE SENG GE'I RNAM PAR BSGYUR TE, DPON GO RUB CES BYA BA'I GNAS BRTAN GYI RNAM PAS, LAG PAS 'GRAM PA BSKYOR TE GLU LEN CING, MGO SE YER RE RE LA RGAN BRGAL NAS SONG NGO, ,DE PHYIN CHAD BDUD KYI BAR CHAD KYIS MA TSUGS SO, ,GZHAN YANG SA SKYA PAndI TA GAN BYANG THANG DU CHOS GRVA LA BYON PA'I TSE MJAL TE GSOL BA BTAB PAS, RIGS BZANG LA NA SO GZHON CING SHES RAB CHE BAS KUN MKHYEN LTA BU ZHIG BSLAB PAR BYA'O ZHES ZHAL GYIS BZHES NAS, PHYIS GZHU DBU RGYAN DU, NAG PO PA'I DBANG DANG SGRUB SKOR, RNAM 'JOMS AA RA PA TZA NA'I DBANG DANG SGRUB SKOR DANG BCAS PA ZHUS SHING ZHAL GYIS BZHES PA BZHIN GRUB PO, ,GZHAN YANG BLA MA 'JAM GSAR BSTEN NAS PHAR TSAD DANG, PHYI MTSAN NYID PHYOGS KYI BKA' BSTAN BCOS DU MA DANG, D'A NA SH'I LA'I LUGS KYI GSHED DMAR DANG, SGROL MA'I DBANG BKA' SGRUB BKA', KHYAD PAR DUS 'KHOR 'DRO LUGS KYI DBANG BKA' BSHAD BKA' MAN NGAG GI BKA' RNAMS LEGS PAR NOS SHING MKHAS PA'I MCHOG TU GYUR TO, ,BLA MA RVA 'BUM SENG LEGS PAR BSTEN NAS, DUS 'KHOR GYIS GTZO BYAS PA'I RVA LUGS KYI DBANG MAN NGAG BKA' BYIN RLABS THAMS CAD YONGS SU RDZOGS PAR THOB NAS RGYUD SDE'I BANG MDZOD DU GYUR TO, ,CLE STON MDO SDE SENG GE BSTEN NAS, YO GA DANG, GSANG 'DUS DANG, 'JAM DPAL GSANG LDAN LA SOGS PA LEGS

PAR MNOS SO, ,PAndI TA BI BHU TI TZAN DRA DANG, KHRO PHU LO TZTSA BA BYAMS PA'I DPAL LA SOGS PA BSTEN NAS, MAN NGAG DANG ZAB CHOS MANG PO ZHUS SO, ,'GRO MGON CHOS RGYAL LA, DRIL BU PA'I DBANG DANG CHOS SKOR, MA H'A M'A YA'I CHOS SKOR, KYE RDO RJE LA SOGS PA'I RGYUD, NAG PO CHEN PO LA SOGS PA'I BSTAN SRUNG GI BKA' MAN NGAG, DAM CHOS PAD DKAR LA SOGS PA'I MDO DANG, SGOM RIM LA SOGS PA'I LUNG DANG, RIGS GTER RNAMS GSAN NO, ,GZHAN YANG, DPYAL AA MO GHA DANG, MKHAN PO PHAG DANG, SLOB DPON DHA RMA GZUGS DANG, 'BUM PA 'OD SHE DANG, MTSO YANGS PA SNYAN DAR MA RGYAL MTSAN DANG, SRIN PO RI BA MKHAN PO 'JAM DANG, MKHAN PO SENG GE ZIL GNON DANG, YAR 'BROG PA SNYAN STON LA SOGS PA BSTEN NAS ZAB PA DANG RGYA CHE BA'I CHOS KYIS PHYUG PAR GYUR BA YIN NO, ,GZHAN YANG NYID KYI SRAS THU BO RGYA GAR GRAGS PA DANG, SLOB MA GZHON NU RGYAL MTSAN GNYIS HOR DMAG GIS KHYER BA LA SGROL MA BTZON 'DON GYI CHO GA BYAS PAS, SGROL MA'I SKU NAM MKHA' GANG BA'I KHYON TZAM ZHIG GI LTE BA'I KHUNG NA, BYIS PA GNYIS PO MGO RUG GE 'DUG PA GZIGS NAS, DON 'GRUB PAR GZIGS PAS, ZHAG GSUM TZAM NA SRAS KYI THU BO THAR LA, ZLA GCIG TZAM NA SLOB MAS KYANG 'DUN PA BSGYUR TE THAR BAR BYAS SO, ,SNAR PHU'I DGON PA, MDZO SGANG NA, GANG ZAG BZA' MI GNYIS LA BU GCIG PO LO DRUG LON YANG LKUGS SHING 'GRO MI SHES PA ZHIG YOD PA LA, RTEN 'BREL GYI BYA BA MDZAD DE GOS BRJES MING BTAGS PAS, 'GRO 'DUG SMRA BRJOD SHES PAR BYAS TE, GZHAN YANG LKUGS 'PHYE MANG PO LA DE LTAR MDZAD DO, ,THAR BA GLING DU STON PA GZHON BRTZON ZHES PA RMA 'BRAS KYI RNAG KHRAG ZAG PAS GLO SNYING MTHONG BAR GYUR BA ZHIG LA STON PA RA TZE RA MING BTAGS NAS, STON PA GZHON BRTZON STON PAR TZER RED, ,STON BAR TZES MI KHAR THO BSAD, ,CES SGO GONG LA BRIS BAS NAD SOS PA DANG, DE

, ,BZHIN DU SON PA LA THAB KYI SER KHA BSUBS PAS PHAN PA DANG, KLAD GZER NA BA LA SGO'I GZER PHYUNG BAS PHAN PA DANG, SKED PA NA BA LA 'O DOD BOD CING DBYUG BRDUNGS BYAS PAS PHAN PA DANG, BU TSA MA THON PA THAD KA'I GYANG LA BUG PA PHUG PAS PHAN PA DANG, SMYO BA BTUL BA LA SOGS PA GZHAN PHAN MTHA' YAS PAR MDZAD CING, KHYAD PAR, DUS KYI 'KHOR LO'I BSHAD PA MDZAD PAS SLOB MA MKHAS PA SRAS RNAMS DANG, GRUB PA'I DBANG PHYUG MAN LUNG GU RU DANG, LHO PA GRUB SENG DANG, THANG STON LO TZTSA BA LA SOGS PA DUS 'KHOR MKHAS PA'I SLOB MA MANG PO BYUNG ZHING, GZHAN YANG, 'GRO MGON CHOS RGYAL DANG, MKHAN CHEN KHRO PHU BA LA SOGS PA MKHAS BTZUN BZANG GSUM 'DZOM PA'I SLOB MA MANG PO SMIN PAR BYAS SO, , BSAM YAS NAS RGOD DKAR LA LA BYON PA'I TSE CHOM RKUN MANG PO BYUNG BA LA, LTA STANGS DANG SDIGS MDZUB MANG PO MDZAD, 'JIGS PA MED PAR BYON PAS, SKU KHAMS KYI SNYUN DRIS TE BZHAD GAD BYED CING PHYOGS SU SONG BA LA SOGS PA GRUB PA'I MTSAN MA BSAM GYIS MI KHYAB PO, DE LTAR RANG GZHAN GYI DON BSAM GYIS MI KHYAB PA BSGRUBS NAS DGUNG LO BRGYAD CU BZHES NAS CHU PHO RTA LO, CHO 'PHRUL CHEN PO'I YAR NGO'I TSES GSUM GYI SNGA DRO SKU GSHEGS SO, ,DE'I SRAS THU BO RGYA GAR GRAGS PA RAB TU BYUNG BA'I MTSAN SLOB DPON NAM MKHA' DPAL GYIS DUS 'KHOR LA SOGS PA YAB KYI YON TAN RNAMS PHAL CHER THUGS SU CHUD NAS DBEN DMAR GYI GDAN SA BZUNG, GTZUG LAG KHANG BRTZIGS, CHOS KYI BYA BA RGYA CHEN PO MDZAD NAS 'DAS SO, ,SRAS BLA MA SHES RAB SENG GE LCAGS MO PHAG LA 'KHRUNGS, GZHON NU'I DUS NAS 'DRI KLOG LEGS PAR 'BYONGS NAS, DUS 'KHOR LA SLOB GNYER MDZAD DE, DGUNG LO BCU DRUG PA LA DUS 'KHOR GSUNGS SO, ,NYI SHU PA LA THAR BAR BYON NAS DPYAL BA'I CHOS RNAMS ZHUS, NYI

SHU RTZA GNYIS PA LA STAG SDE SENG RGYAL GYI DRUNG DU BYON TE LO LNGA'I BAR DU PHAR TSAD LA SBYANGS, KHYAD PAR DU TSAD MA LA MKHAS PAR GYUR TE DBUS GTZANG DU GRVA SKOR YANG MDZAD DO, ,SUM CU PA LA BLA MA CHOS RGYAL DANG, MKHAN PO MCHI MAS KYI DRUNG DU RAB TU BYUNG STE BSNYEN PAR RDZOGS NAS CHOS MANG DU ZHUS, LO TZTSA BA GRAGS PA RGYAL MTSAN GDAN DRANGS NAS, RDO RJE PHRENG BA'I DBANG DANG, 'JAM DPAL RTZA RGYUD LA SOGS PA'I RGYUD DANG, SMAN DPYAD YAN LAG BRGYAD PA LA SOGS PA GSAN, DBEN DMAR GYI GDAN SA BZUNG NAS DUS 'KHOR GYI BSHAD PA YUN RING DU MDZAD, GZHAN YANG THAR PA KHRO PHU, BSAM YAS, STAG LUNG, GZHU KUN DGA' RA BA, SHANGS RTZE GDONG, STON MO LUNG GA-YUS DGA' LDAN LA SOGS PA DGON PA SNA TSOGS PA RNAMS SU CHOS MANG PO GSUNGS, DGUNG LO BZHI BCU RTZA GCIG PA LA, DBEN DMAR GDAN SA BLA MA RDO RJE RGYAL MTSAN PA LA GTAD NAS, DMU RU PHYAG PHAB, SHANGS 'BAR RA BTAB NAS GTZUG LAG KHANG BZHENGS, RGYUD 'BUM DANG, 'DUL BA LUNG BZHENGS TE SEMS CAN MANG PO'I DON MDZAD DO, ,BLA MA TI SHRIS DBU MDZAD SA SKYA PA'I GDUNG RGYUD MANG PO DANG, GZHAN YANG MI CHE BA'I SLOB MA BSAM GYIS MI KHYAB PA BYUNG ZHING, LO TZTSA BA YAR THANG DPANG GSUM GYIS DBU MDZAD MKHAS PA DANG BZANG BA DANG BTZUN PA'I SLOB MA BSAM GYIS MI KHYAB PA BYUNG ZHING, KHYAD PAR DUS 'KHOR LA MKHAS PA'I SLOB MA MANG PO BYUNG NGO, ,DE LTAR RANG GZHAN GYI DON MTHAR PHYIN PAR MDZAD NAS, YOS LO ZLA BA DGU BA'I TSES BCU LA SHANGS 'BAR DU 'DAS SO, ,SRAS GCIG SLOB DPON RNAL 'BYOR GYIS YUL 'KHOR BSKYANGS, SRAS GCIG BLA MA A'A KAR SIDDHI, DUS 'KHOR RVA LUGS 'BRO LUGS DPYAL BA DANG SA SKYA BA'I CHOS SKOR MA LUS PA MKHYEN NO, ,DE'I SRAS BLA MA RDO RJE RGYAL MTSAN DPAL BZANG BO NI CHU MO LUGS LA 'KHRUNGS, GZHON NU'I DUS NAS 'DRI KLOG LA SBYANGS PA MDZAD DE, YI GE BOD KYI YI GE'I RIGS

, ,THAMS CAD MKHYEN NO, ,DE NAS DUS 'KHOR LA SBYANGS PA MDZAD NAS DGUNG LO BCU DRUG LA DUS 'KHOR GSUNGS, BLA MA 'JAM DBYANGS RIN RGYAL DANG, SLOB DPON SHER RGYAL LA MKHAN SLOB ZHUS NAS DGE TSUL MDZAD, DGUNG LO BCU DRUG NAS DBEN DMAR GYI GDAN SA BZUNG, DUS 'KHOR GYI BSHAD GRVA BSKYANGS, MKHAN CHEN BKA' BZHI PA DANG, MKHAN PO ZHAL SNGA PA LA MKHAN SLOB ZHUS NAS BSNYEN RDZOGS MDZAD, BLA MA MKHAN CHEN THAR PA LO TZTSA BA'I SPYAN SNGAR BYON NAS, SGRA TZANDRA PA BSLAB RGYA GAR DANG, SING GA GLING DANG, KHA CHE'I YI GE'I RIGS THAMS CAD MKHYEN, GZHAN YANG CHOS MNGON PA DANG, MAN NGAG DANG, SGRUB THABS MANG PO GSAN, BLA MA SHES RAB SENG GE'I DRUNG DU DUS 'KHOR GYIS GTZO BYAS PA'I DBANG GI BKA' THAMS CAD ZHUS SHING BUM PA GANG BYO'I TSUL DU MKHYEN, KHYAD PAR DU DUS 'KHOR LA BSHAD PA MDZAD PA'I TSE, DKA' BA'I GNAS MA BDE BA RNAMS, ZHU YIG TU BSKUR BA DANG DRIS LAN GYI SGO NAS GTAN LA PHAB NAS SHIN TU MKHAS PAR GYUR TO, GZHAN YANG MKHAN PO ZHAL SNGA PA'I DRUNG DU MDZOD 'DUL GSAN, BLA MA MDZO PO LHAS PA SANGS RGYAS SGOM PA LA SGANG LO TZTSA NAS BRGYUD PA'I RDO RJE PHRENG BA'I DBANG BKA', GSANG 'DUS, JO BO LUGS KYI BDE MCHOG ,LAM 'BRAS LA SOGS PA'I MAN NGAG ,GZHAN YANG RGYUD MANG PO ZHUS, BLA MA SRI'U CHUNG PA BLO LDAN SENG GE'I DRUNG DU YOG DANG, GSANG 'DUS DANG, 'JAM DPAL GSANG LDAN DANG, RDO RJE GDAN BZHI LA SOGS PA'I RGYUD MANG PO GSAN NO, ,BLA MA SHES RAB SENG GE SKU GSHEGS NAS SHANGS 'BAR DANG GNYIS KA BZUNG STE, DUS 'KHOR GYI BSHAD NYAN YUN RING PO MDZAD, DE NAS SNYAN PA'I GRAGS PAS PHYOGS THAMS CAD DU KHYAB PAR GYUR PA'I RGYUS, RGYAL PO CHEN POS GDAN DRANGS TE, KHYI'I LO LA RGYA NAG TU GSHEGS NAS RGYAL PO CHEN PO DANG BLON PO PHAL CHE BA DAD

PAR BYAS 'GRO PHAN RGYA CHEN PO MDZAD NAS GLANG LO ZLA BA BCU PA'I TSES GCIG LA BDE BAR GSHEGS SO, ,BLA MA DE'I DRUNG DU BDAG GIS ZLA BA DGU BAR MA CHAD PAR BSTEN NAS DUS 'KHOR YAN LAG DANG BCAS PA'I GSUNG GI BDUD RTZI CUNG ZAD MYANGS PA YIN NO, ,GZHAN YANG MKHAN PO LO TZTSA BA'I DRUNG DU, DUS 'KHOR GYI KHRID BKA' DANG, DBANG MDOR BSTAN LA SOGS PA'I PHRAN RNAMS DANG, 'GREL CHEN GYI DKA' BA'I GNAS MANG PO ZHUS SO, ,DE'I BAR DU DAM TSIG GI SEL MA ZHUGS, BSHAD PA LA LHAD MA ZHUGS, BLA MA'I MAN NGAG DANG LDAN PAR 'ONGS PA YIN NO, ,DUS 'KHOR LUGS GZHAN NI, DUS ZHABS PA'I SLOB MA SHR'I BHA DRA PO DHIS GYI JO ZLA BA'I 'OD ZER LA GNANG, ,DES DUS 'KHOR GYI BSHAD BKA' BTZUGS TE YUN RING DU GSUNGS KYANG, SLOB MA DUS 'KHOR SHES PA BZHI TZAM LAS MA BYUNG ZHING, DES KYANG DUS 'KHOR GYI BSHAD BKA' ZIN PA MA BYUNG NGO, ,D'A NA SHR'I'I SLOB MA DGE SLONG DANG, BLO GROS SNYING PO DANG, BYANG CHUB SHES RAB LA SOGS TE, DE DAG GIS KYANG BSHAD BKA' ZIN PA MA BYUNG, AA BHYA'I SLOB MA KHE RGAD 'KHOR LO GRAGS PA DANG, MI'I SLOB MA, RGA LO DANG, RONG BRLING LO TZTSA DANG, STENG PA LO TZTSA LA SOGS PAS KYANG BSHAD BKA' ZIN PA MA BYUNG, SE LO TZTSA BAS, RTZA MI LA BKA' RNAMS ZHUS NAS GNYOS 'OD MA LA GNANG, DE NAS RIM GYIS BRGYUD DE RTZA MI LUGS KYI BSHAD BKA' BYUNG BA YIN NO, ,DE LTAR NA DUS KYI 'KHOR LO LA 'GYUR MI GCIG PA BCO LNGA BCU DRUG TZAM YOD KYANG, BSHAD PA'I BKA' MAN NGAG DANG LDAN PA NI, ,GTZO CHE BA GSUM PO'I RGYUN LAS BYUNG BA YIN NO, BZHI PA LA, BZHI STE, 'CHAD PA PO SLOB DPON GYI MTSAN NYID, NYAN PA PO SLOB MA'I RANG BZHIN, TSOGS PAS BSHAD NYAN BYA TSUL, DE LTAR BSGRUBS PA'I 'BRAS BU LAS, DANG PO LA, BSTEN BYA DANG, SPANG BYA'I SLOB DPON GNYIS LAS, DANG PO NI, BRTAN ZHING DUL LA BLO GROS LDAN, ,BZOD

, ,LDAN DRANG LA GA-YO SGYU MED, ,SNGAGS DANG RGYUD KYI SBYOR BA SHES, ,SNYING BRTZER LDAN ZHING BSTAN BCOS PHYI MTSAN NYID, MKHAS, ,DE NYID BCU NI YONGS NANG SNGAGS LA SU SHES, ,DKYIL 'KHOR 'DRI BA'I LAS LA MKHAS, ,GSANG SNGAGS 'CHAD BYED SLOB DPON TE, ,DANG BA'I BDAG NYID DBANG PO THUL, ,ZHES GSUNGS PAS, NGA RGYAL LA SOGS PA'I SKYON DANG BRAL ZHING, BRTAN PA LA SOGS PA'I YON TAN DANG LDAN PA, DE NYID BCU SHES PA NI SLOB DPON TE, DE LA DE NYID BCU NI, PHYI'I DE NYID BCU NI, RDO RJE SNYING PO RGYAN GYI RGYUD LAS, DKYIL 'KHOR TING 'DZIN PHYAG RGYA DANG, ,STANG STABS 'DUG STANGS BZLAS BRJOD DANG, ,SBYIN SREG MCHOD PA LAS SBYOR DANG, ,SLAR SDUD PA YI RNAM PA NI, ,PHYI YI DE NYID BCU YIN NO, ,YANG DE NYID 'DUS PA'I RGYUD 'GREL LAS, DE KHO NA NYID NI RNAM PA BCU STE, BCU GANG ZHE NA, 'DI LTA STE, DKYIL 'KHOR DANG, SNGAGS DANG, PHYAG RGYA DANG, BDAG DANG GNAS LA SOGS PA BSRUNG BA DANG, LHA RNAMS SPYAN DRANG BA'I CHO GA DANG, BZLAS BRJOD DANG, SGOM PA DANG, PHYI NANG GI BDAG NYID CAN GYI SBYIN SREG DANG, NYE BAR BSDU BA PHYAG RGYA 'GROL BA DANG, GSHEGS SU GSOL BA'O, ,YANG SANGS RGYAS MNYAM SBYOR GYI 'GREL BA BRGYA BYIN SDONG POS MDZAD PAR, DKYIL 'KHOR TING 'DZIN PHYAG RGYA SNGAGS, ,DGUG MCHOD LAS SBYOR SRUNG BA CHE, ,NYER BSDU GSHEGS SU GSOL BA YI, ,DE NYID BCU YI LAS LA MKHAS, ,ZHES GSUNGS SO, ,GSANG BA'I DE NYID BCU NI, RDO RJE SNYING PO RGYAN GYI RGYUD LAS, PHYIR BZLOG GNYIS BRIS PA'I SRUNG 'KHOR DANG BSGOMS PA'I SRUNG 'KHOR YIN GSUNG KYI CHO GA DANG, ,GSANG DANG SHES RAB YE SHES DANG, ,KHA SBYOR DBYE BA'I CHO GA DANG, ,GTOR MA RDO RJE'I BZLAS PA DANG, ,DRAG SHUL SGRUB PA'I CHO GA DANG, ,RAB TU GNAS PA'I DKYIL 'KHOR SGRUB, ,GSANG BA'I DE NYID BCU YIN NO, ,ZHES GSUNGS SO, ,DKYIL 'KHOR CHO GA'I DE NYID BCU NI ,SANGS RGYAS MNYAM

SBYOR GYI 'GREL PAR RTZA RGYUD KYI LUNG DRANGS PAR, DKYIL 'KHOR DUS KYI CHO GA'I TSOGS, ,JI LTA'I TSUL GYIS 'JUG PA'I SA, ,SA NAS CHO GA LHAG MA'I BAR, ,MA 'DRES LAS KYI DON SPYOD PAS, ,SHES PA DANG, ,YANG RTOG PA BDUN PA'I LUNG DRANGS PAR, SA GZHI STA GON GNAS PA DANG, ,GZUGS BRNYAN DKYIL 'KHOR RTZOM SGRUB CING, ,GTOR MA SBYIN SREG SHIS PA'I LAS, ,'JUG PA DBANG BSKUR LA SOGS RNAMS, BDAG GZHAN SMIN CING GROL BA'I PHYIR, DAM PA'I LUNG BZHIN BSGRUB PAR BYA, ,ZHES DANG, MAN NGAG SNYE MAR, SRUNG BA DBANG BSKUR GTOR MA BZLAS BA DBYE, ,PHYIR BZLOG DAG DANG DKYIL 'KHOR SGRUB THABS DANG, ,BTZAN THABS SBYOR BA GSHEGS SU GSOL BA'O, ,ZHES PA DE NYID BCU RNAMS SU NI BSHAD, ,CES DE NYID BCU RNAMS GSUNGS SO, ,DE LTAR DE NYID BCU DANG LDAN PA'I SLOB DPON LA, DGE SLONG RAB, DGE TSUL 'BRING, DGE BSNYEN THA MA STE, DRI MED 'OD DU, ,DE NYID BCU NI YONGS SHES PA, ,GSUM LAS DGE SLONG MCHOG YIN 'BRING, ,DGE TSUL ZHES BYA DE DAG LAS, ,KHYIM NA GNAS PA THA MA'O, ,ZHES SO, ,GNYIS PA NI, DBANG LE'I 'GREL PA LAS, SNYING RJE MED CING KHRO LA GDUG ,KHENGS SHING CHAGS LA MA BSDAMS DANG, ,RANG BSTOD BLA MAR SLOB MA NI, ,BLO BZANG LDAN PAS MI BYA'O, ,ZHES PA DANG, BSDUS RGYUD LAS KYANG, NGA RGYAL DANG LDAN ZHES PA LA SOGS PA GSUNGS SO, ,BLA MA SKYON YON 'DRES PAR GYUR NA YON TAN SHAS CHE BA LA BSTEN PAR DON DAM BSNYEN PAR BSHAD DO, ,GNYIS PA LA, GNYIS LAS, BSTEN BYA'I SLOB MA NI, ZAB CING RGYA CHE LA SEMS SHES PA LA SOGS PA'I YON TAN DGU DANG LDAN PA'I SLOB MA NI MCHOG THOB PA'I RGYUR 'BAD PAS BSDU ZHING, YON TAN 'BRING DANG LDAN PA YANG BSOD NAMS KYI TSOGS KYI RGYUR RO, ,THA MA'ANG BLA MA BSTEN CING MI SMOD NA BSLAB PA'I GZHI LNGA LA SOGS PA'I RGYUR BSDU BAR GSUNGS SO, ,GSUM PA LA, GSUM STE, SLOB DPON GYI JI LTAR BSHAD

, ,PA'I TSUL, SLOB MAS JI LTAR MNYAN PA'I TSUL, THUN MONG GI BYA BA'O, ,DANG PO NI, SGRON GSAL LAS, YE SHES RDO RJE KUN LAS BTUS PA'I RGYUD KYI RJES SU 'BRANGS NAS BSHAD THABS KYI YAN LAG RGYAN BDUN GYI SGO NAS 'CHAD PA DANG, NAM MKHA' DANG MNYAM PA'I RGYUD LAS, YI GE DANG NI YAN LAG DANG, ,BSDUS PA'I DON DANG SPYI YI DON, ,SBAS DANG DE BZHIN MTHAR THUG PAR, ,RGYUD RNAMS NGES PA KHO NA YIN, ,ZHES GDAMS NGAG DRUG GIS 'CHAD PA DANG, YANG NAM MKHA' DANG MNYAM PA'I RGYUD LAS, SNGAGS DANG DBYIBS DANG CHOS BDAG NYID, ,SBYOR BA RNAM PA GSUM GYIS NI, ,SRID PA'I NYES PAS MI GOS SHING, ,RGYUD KYI DON LA 'JUG PAR BYA, ,ZHES BDAG NYID RNAM PA GSUM GYIS 'CHAD PA DANG, YANG DE NYID LAS, GONG BU CHU DANG GZUGS SU BCAS, , DE BZHIN GZUGS LAS 'DAS PA DANG, ,GNAS PA RNAM PA BZHI RU NI, ,RGYUD RNAMS NGES PA KHO NA YIN, ,ZHES GNAS PA BZHIS BSHAD PA DANG, SMBHU tA'I RGYUD PHYI MA LAS, GSANG BA NI MI GSAL BA'O, ,GSANG BA NI DE KHO NA NYID MDOR BSTAN PA'O, ,GSANG BA NI SA BON LNGA PA'O, ,GSANG BA NI DAM PA'I DNGOS PO SBAS PA'O, ,GSANG BA NI GSANG BA'I PAD MA'O, ,GSANG BA NI LTE BA'I DGA' BA'O, ,GSANG BA NI THAMS CAD DU 'GRO BA BSDUS PA'O, ,GSANG BA NI BDE BA MTHAS YAS PA STE, RGYUD KYI GZHUNG GIS BSHAD PA'O, , ZHES GSANG BA BDUN GYI SGO NAS BSHAD PA DANG, YANG RTZA BA'I RGYUD LAS, RDO RJE CAN GYIS CHOS BSTAN PA, ,RIM PA GNYIS LA YANG DAG BRTEN, ,BSKYED PA'I RIM PA NYID DANG NI, ,RDZOGS PA'I RIM PA NYID YIN NO, ,ZHES RIM PA GNYIS YAN LAG DANG BCAS PAS 'CHAD PA DANG, DE BZHIN DU BDEN PA GNYIS DANG, RGYUD GSUM GYIS 'CHAD PA DANG, JI LTAR PHYI ROL DE BZHIN NANG, ,NANG DE BZHIN DU DE BZHIN GZHAN, ,ZHES PHYI NANG GZHAN GYIS 'CHAD PA LAS, 'DIR PHYI NANG GZHAN GYIS 'CHAD PA GTZO BO STE, DE YANG, 'GREL

CHEN LAS, 'JIG RTEN DANG 'JIG RTEN LAS 'DAS PA'I BDEN PA LA BRTEN NAS RDZOGS PA'I BYANG CHUB PA RNAM PA BZHI DANG, RDO RJE RNAM PA BZHIS YONGS SU DAG PA, SKU BZHI DANG, RIGS DRUG DANG, BDEN PA BCU GNYIS DANG, DE KHO NA NYID BCU DRUG DANG, STONG PA NYID BCU DRUG DANG, SNYING RJE BCU DRUG GI BDAG NYID KYI, BRJOD PAR BYA BRJOD PAR BYED PA DANG, DBANG BSKUR BA 'JIG RTEN PA'I BCU DANG, 'JIG RTEN LAS 'DAS PA'I BCU GCIG PA RAB TU GSAL BAR BYED PA, LAS KYI PHYAG RGYA DANG, YE SHES KYI PHYAG RGYA DANG, PHYAG RGYA CHEN MO DANG, 'JIG RTEN DANG 'JIG RTEN LAS 'DAS PA'I DNGOS GRUB RAB TU GSAL BAR BYED PA, 'JIG RTEN GYI KHAMS DANG, NANG DANG, MNGON PAR DBANG BSKUR BA DANG, SGRUB THABS DANG, YE SHES TE, LE'U LNGA'I BDAG NYID DAM, BRTAG PA LNGA'I BDAG NYID NI ZHES GSUNGS PAS, LE'U LNGA BSDUS NA PHYI NANG GZHAN GSUM DU 'DU, DE BSDUS NA BDEN PA GNYIS DANG, LAM RIM PA GNYIS SU 'DU BA YIN NO, ,DE YANG, PHYI DANG NANG BSKYED PA'I CHA NI, BSKYED RIM GYI SBYANG GZHI, ,SDUD PA'I CHA NI RDZOGS RIM GYI SBYANG GZHI YIN PAS DE DAG TU 'DU LA, DBANG YANG BSKYED RIM DANG 'BREL PA DANG, RDZOGS RIM DANG 'BREL PA GNYIS SU 'DU ZHING, GZHAN LAM GYI YAN LAG RNAMS KYANG CI RIGS PAR 'DU STE, RGYAS PAR BLA MAS BSHAD PAR BYA'O, ,'O NA BSHAD THABS KYI YAN LAG SNGA MA RNAMS DANG 'GAL SNYAM NA, DE'I SKYON MED DE, DON GYIS 'DI LA THAMS CAD TSANG BAR YOD DE, RGYAN BDUN GYI GLENG BSLANG BA LNGA NI, MDOR BSDUS GNYIS PA DANG, BZHI PAS STON, RIGS PA, BSKYED RIM, RDZOGS RIM, DBANG SPYOD PA BZHI NI GZHUNG MTHA' DAG GIS STON, RJOD BYED MTHA' DRUG NI 'GREL PAR LUNG DRANGS PA'I SGO NAS GSAL BAR GSUNGS PA DAM TSIG DRUG GI BSHAD PA LTA BU, DRANG DON NGES DON GYI BSHAD PA DANG, RGYUD SDE DANG GRUB MTHA' DANG, 'GRO BA THAMS CAD ZHAL BZHI NAS SPROS PA

, ,LTA BU DGONGS PAS BSHAD PA DANG, MCHOG MI 'GYUR LTA BU DGONGS MIN DU BSHAD PA DANG, DKYIL CHOG SBYIN SREG LA SOGS SGRA JI BZHIN PAR BSHAD PA DANG, BUM SMAN LA, BUD MED KYI MING GI BSHAD PA LTA BU SGRA JI BZHIN PA MA YIN PAS BSHAD PA YOD PAS MTHA' DRUG BSHAD PA TSANG ZHING TSIG GCIG LA PHYI NANG GZHAN GSUM DU 'CHAD PA LTA BU LA, TSUL BZHI'I BSHAD PA TSANG STE, YI GE JI LTA BA BZHIN DU 'BRU MNAN PAS NI YI GE'I DON, GZHAN BSKYED RIM LA SBYAR NAS 'CHAD PA DANG, BYANG CHUB KYI PHYOGS LA SOGS PA LA SBYAR NAS 'CHAD PA NI SPYI'I DON, YANG DGA' BA MCHOG DGA' KHYAD PAR GYI DGA' BA LA SBYAR NAS 'CHAD PA NI SEMS GSUM GYI SBAS PA, DBANG PO GNYIS SBYOR LA 'CHAD PA NI 'DOD CHAGS CHOS KYI SBAS PA, GZUGS BRNYAN GYI LAM LA 'CHAD PA NI KUN RDZOB BDEN PA'I SBAS PA SBAS PA GSUM YANG TSANG LA, RDZOGS RIM YAN LAG THA MA GSUM STON PA RNAMS MTHAR THUG TU BSHAD PA YIN PAS TSUL BZHIR BSHAD PA TSANG NGO, ,RGYUD LA 'JUG PA'I GANG ZAG LNGA YANG TSANG STE, DBANG GONG MAS BSDU BYA'I SLOB MA NI RIN PO CHE LTA BU'I GANG ZAG YIN, ,DBANG BDUN GYIS BSDU BYA NI DBYE NA PAD DKAR LA SOGS PA BZHIR 'GYUR BA'I PHYIR RO, ,DES NA, SLOB MA MCHOG LA BSHAD PA NI SLOB MA LA BSHAD PA, DMAN PA LA BSHAD PA NI TSOGS BSHAD YIN PAS BSHAD PA GNYIS KYANG TSANG, DGOS PA BDEN PA GNYIS RNAM PAR NGES PA NI GSAL BAR GSUNGS PAS SO, ,GDAMS NGAG DRUG GI BSHAD PA'ANG DE NYID DU 'DUS TE, SPYI SBAS PA MTHAR THUG YAN LAG GI DON DANG BZHI SNGAR DANG 'DRA STE, YAN LAG GI DON NI SNGAR GYI YI GE'I DON YI GE PHRAL BA DANG, BSNAN PA DANG, BSGYUR BAS BSHAD PA RNAMS SO, ,BSDUS PA'I DON NI SNGAR GYI SGRA JI BZHIN PA MA YIN PA DANG 'DRA'O, ,BDAG NYID CAN GSUM GYI

BSHAD PA NI, 'DI NAS, SKU BZHI DANG RDO RJE BZHIR BSHAD PA'I NANG DU 'DUS TE, SKU RDO RJE DBYIBS, GSUNG RDO RJE SNGAGS, THUGS RDO RJE CHOS YIN LA, 'DIR RIGS BZHI'I DBANG DU BYAS NAS, YE SHES RDO RJE RNAM PAR DAG PA'I RNAL 'BYOR DANG BZHIR BSHAD PA'I PHYIR RO, , GNAS PA BZHIR BSHAD PA'ANG 'DIR, MNGON PAR RDZOGS PAR BYANG CHUB PA BZHI DANG SKU BZHIR 'DUS TE, LONGS SKU GONG BU, CHOS SKU CHU, SPRUL SKU GZUGS, NGO BO NYID SKU GZUGS LAS 'DAS PA'O, ,GSANG BA BDUN DU BSHAD PA'ANG 'DIR 'DUS TE, RTOGS BYA'I DON, RGYU'I RGYUD, MI GSAL BA'O, ,DBANG BCU GCIG NI DE KHO NA NYID MDOR BSTAN PA'O, ,BSKYED PA'I RIM PA NI SA BON LNGA'O, ,DE KHO NA NYID KYI DON RTOGS PA'I LTA BA NI DAM PA'I DNGOS PO SBAS PA'O, ,DKYIL 'KHOR 'KHOR LO'I THABS DBANG GSUM PA DANG 'GREL PA'I LAM NI, GSANG BA'I PAD MA'O, ,BDAG BYIN GYIS BRLAB PA'I RIM PA NI LTE BA'I DGA' BA'O, ,DAM TSIG DANG SDOM PA LA SOGS PA'I LAM GYI YAN LAG THAMS CAD NI THAMS CAD DU 'GRO BA'I BSDUS PA'O, ,BDE BA MTHA' YAS PA NI GSANG BA MI GSAL BRTOG PA YIN PAS SNGA MA LAS THA DAD DU MI 'BRANG NGO, ,ZHES BLA MA RNAMS GSUNG NGO, ,DE LTAR RGYUD GZHAN NAS BSHAD PA'I BSHAD THABS KYI YAN LAG THAMS CAD 'DIR 'DUS SHING, STONG CHEN YIG LNGA YIG DRUG, DE NYID BCU DRUG DANG, BDEN PA BCU GNYIS DANG, STONG PA DANG SNYING RJE BCU DRUG DANG, MNGON PAR BYANG CHUB PA BZHI LA SOGS PA PHYI NANG GZHAN GSUM DBYER MED DU BSTAN PAS GZHAN THAMS CAD LAS KHYAD PAR DU 'PHAGS PA YIN NO, ,SLOB DPON KHA CIG GIS, RGYUD DON YAN LAG LNGA'I BSHAD PA SNGON DU 'GRO BA DBANG GI YAN LAG ,LAM MNGON PAR RTOGS PA'I YAN LAG RIM PA GNYIS, GROGS DAM TSIG DANG SDOM PA, BRTAN BYED KYI YAN LAG SPYOD PA, 'BRAS BU'I YAN LAG DNGOS GRUB RAB 'BRING THA GSUM DU BSDUS TE 'CHAD PA'ANG 'DIR 'DUS PAS, BSHAD THABS KYI

, ,YAN LAG DE RNAMS KYI SGO NAS LEGS PAR BSHAD PAR BYA'O, ,GNYIS PA NI, 'GREL CHEN DU, RGYAL BAS GSUNGS PA'I CHO GAS DBANG MCHOG BLANGS NAS RGYUD 'DI'AM NI BSDUS PA YI, ,RGYUD RGYAL MA LUS THOS NAS YANG DAG YE SHES LAM LA GNAS PA'I RNAL 'BYOR PAS, ,KHENGS DANG LONGS SPYOD 'BYOR PA DU MA BTANG NAS SEMS NI BLA MAR GTAD BYAS TE, ,SANGS RGYAS NYID KYI SLAD DU GTZO BO'I 'GREL BSHAD GZHAN PHAN SPYOD PA MNYAN PAR BYA, ,DES GSUNGS PAS, MTSAN NYID DANG LDAN PA'I SLOB MA DBANG GIS SMIN PAR BYAS PA ZHIG DGOS TE, YE SHES THIG LE LAS, DBANG MED NA NI DNGOS GRUB MED, ,BYE MA BTZIR YANG MAR MED BZHIN, ,GANG ZHIG RGYUD LUNG NGA RGYAL GYIS, ,DBANG BSKUR MED PAR 'CHAD BYED PA, ,SLOB DPON SLOB MA SHI MA THAG ,DNGOS GRUB THOB KYANG DMYAL BAR SKYE, ,ZHES GSUNGS PAS SO, ,RGYUD GZHAN DANG GZHAN THOS DGOS PAR YANG, RDO RJE SNYING 'GREL LAS, KYE RDO RJES NI 'KHOR LO SDOM PA DANG, GDAN BZHI 'DI YANG SHES PAR BYED PA YIN, ,ZHES PA LA SOGS PA NAS, DE BZHIN RGYUD GZHAN GYIS NI RGYUD GZHAN TE, ,DON DE SHES BYA LA MA 'DOD RNAMS KYIS NI, ,RNAM BSHAD 'BAD DE MDO DANG RGYAS PAR BSHAD, ,CES GSUNGS PAS SO, ,SPANG BYA NGA RGYAL DANG LONGS SPYOD 'JIG PA'I CHOS CAN GYI RNAM GA-YENG DU MA SPANGS NAS GUS PA'I SPYOD LAM MNYAM PAR BZHAG PA DANG LDAN PAS, GZHAN DON DU SANGS RGYAS THOB PAR BYA BA'I PHYIR DU MNYAN PAR BYA'O, ,GSUM PA NI, RGYUD LAS, NAG PA'I MTHAR NI DKAR PO'I TSIG LA GZHAN LA PHAN PA'I BLA MAS DKYIL 'KHOR DAG NI BZHENGS BYAS NAS, ,SDIG PA'I DRI MA 'PHROG PA'I DBANG BDUN RNAMS NI BSOD NAMS DON DU BU RNAMS DAG LA SBYIN PAR BYA, ,YANG NA MTHA' DAG YON TAN GTER NI BSTAN PA'I SLAD DU RNAL 'BYOR MA RNAMS DAG LA MCHOD PAR BYA, ,MCHOD PAR MED NA LO GCIG TU NI RGYUD KYI RGYAL PO DAG LAS BLA

MAS BSTAN PAR MI BYA'O, ,ZHES GSUNGS PAS, DPYID ZLA 'BRING PO'I NYA LA DKYIL 'KHOR BZHENGS NAS, RNAL 'BYOR MA RNAMS MCHOD DE RGYUD BSTAN PAR BYA ZHING, MA GRUB NA NYA SO SO'AM BRGYAD DANG BCU BZHI LA RNAL 'BYOR MA MCHOD CING, CHOS THUN RE RE'I MGOR YANG MCHOD PA DBUL BA DANG, MAndAL DBUL BA DANG, GTOR MA BYIN PA SNGON DU 'GRO STE, 'GREL CHEN LAS, NYIN ZHAG SO SOR GTOR MA SBYIN PAR BYA BA DANG, SANGS RGYAS MCHOD PA DANG, DKYIL 'KHOR LA SOGS PA BYA ZHING, ZHES GSUNGS PAS SO, , MJUG TU BSNGO BA DANG YI GE BRGYA PA BZLAS LA BZOD PAR GSOL BA LA SOGS PA BYA'O, ,DE'ANG 'CHAD PA DANG NYAN PA THAMS CAD THA MAL GYI 'DU SHES SPANGS NAS, BLO RAB 'BRING GI BYE BRAG GIS BSKYED PA DANG RDZOGS PA'I RIM PA'I NGANG NAS BSHAD NYAN BYA'O, ,BYA BA THUN MONG BA RNAMS CHOS GZHAN DANG 'DRA BAS MA BRIS SO, ,BZHI PA LA, THUN MONG BA'I 'BRAS BU CHOS SPYI DANG MTHUN PAS MA BRIS, THUN MONG MA YIN PA'I 'BRAS BU CHAGS BRAL MED PA'I 'DOD CHAGS MTHA' YAS CHU LA ZHES SOGS KYIS 'GREL BSHAD NYON MONGS PA'I SGRIB PA'I GNYEN PO DANG, MA 'ONGS DUS NA ZHES SOGS KYI SHES BYA'I SGRIB PA'I GNYEN POR BSTAN PAS SGRIB GNYIS KYI GNYEN POR GYUR PA'I 'GREL BSHAD THOS PAS, LAM PHYIN CI LOG BSAL TE, RDO RJE SEMS DPA'I LAM MCHOG NI, ,GANG GIS RNAL 'BYOR PAS RIG BYED, ,CES BSHAD PAS LAM MCHOG PHYIN CI MA LOG PAR RIG NAS BSOD NAMS DANG YE SHES KYI TSOGS BSAGS NAS SKYE BA 'DI LA SANGS RGYAS NYID KYI 'BRAS BU 'GRUB PA NI 'BRAS BU STE, 'GREL CHEN LAS, MI LA SOGS PA'I SEMS CAN MTHA' DAG GIS YANG DAG PAR RDZOGS PA'I SANGS RGYAS NYID THOB PAR BYA BA'I PHYIR YANG DAG PAR BSTAN TO, ,ZHES GSUNGS PAS, RGYUD BSHAD PA'I DGOS PAR GSUNGS PA'I PHYIR MNYAN PA'I DGOS PAR SHUGS KYIS 'GRUB BO, ,GNYIS PA LA, GNYIS

, ,TE, RGYUD 'GREL GYI MTSAN GYI DON DANG, MTSAN CAN GZHUNG GI DON TO, ,DANG PO LA, GNYIS TE, MTSAN DON DNGOS KYI DON DANG, YI GE PA'I MCHOD BRJOD BSHAD PA'O, ,DANG PO LA, BZHI STE, MTSAN BSGYUR BA DANG, BSHAD PA DANG, 'DOGS PA'I RGYU MTSAN DANG, BTAGS PA'I DGOS PA'O, ,DANG PO NI, RGYA GAR SKAD DU ZHES PA NI, YUL RGYA GAR BA'I MI RNAMS LA SKAD RIGS BZHI YOD PA'I NANG NAS SAm SKRi TA LHA'I SKAD LA ZHES PA'O, ,BOD SKAD DU ZHES PA NI, BOD YUL GYI MI RNAMS KYI SKAD LA ZHES PA'O, ,PA RA MA NI MCHOG GI ,A'A DI NI DANG PO, BUDDHA NI SANGS RGYAS, AUD DHRID NI PHYUNG BA, SHR'I K'A LA TZA KRA NI DPAL DUS KYI 'KHOR LO, N'A MA NI ZHES BYA BA, TNTRA NI RGYUD, R'A DZA NI RGYAL PO'O, ,'GREL PAR YANG, BI MA LA NI DRI MA MED PA, PRA BHA NI 'OD, N'A MA NI ZHES BYA BA, M'U LA NI RTZA BA, TANTRA NI RGYUD, AA NU B'A RE n'I NI RJES SU 'JUG ,DVA DA SHA SA HA SRI K'A NI STONG PHRAG BCU GNYIS PA, LA GHU NI BSDUS PA, K'A LA TZA KRA TANTRA R'A DZA NI SNGAR BZHIN, t'IKA NI 'GREL BSHAD DO, ,GNYIS PA LA, RGYUD DANG, 'GREL PA'I MTSAN BSHAD PA GNYIS LAS, DANG PO NI, SKAD CIG GCIG DANG, RNAM PA LNGA DANG, RNAM PA NYI SHU DANG, SGYU 'PHRUL DRA BAS MNGON PAR RDZOGS PAR BYANG CHUB PA'I MTSAN NYID 'GYUR BA MED PA'I BDE BA NI MCHOG YIN LA, DES DANG POR SANGS RGYAS PA NI MCHOG GI DANG PO'I SANGS RGYAS TE, DANG PO'I SGRAS NI THOG MA DANG THA MA MED PAR BRJOD PAR BYED PA YIN LA, DES DBUS MED PA'ANG DON GYIS BSHAD DE, THOG MTHA' BAR GSUM DANG BRAL BA'I PHYIR DANG PO'ANG YIN LA SANGS RGYAS KYANG YIN PAS DANG PO'I SANGS RGYAS SO, ,BRJOD PAR BYA BA MCHOG GI DANG PO'I SANGS RGYAS RJOD PAR BYED PA'I PHYIR, BRJOD BYA'I MING RJOD BYED LA BTAGS NAS, MCHOG GI DANG PO'I SANGS RGYAS TE RTZA BA'I RGYUD DO, ,DE LAS PHYUNG BA NI DON YANG DAG PAR BSDUS PA YIN GYI LE'U GCIG LOGS SU PHYUNG BA LTA BU NI MA YIN NO, ,DPAL NI GZUNG 'DZIN

GNYIS SU MED PA'I YE SHES TE, DE NI THAMS CAD KYIS 'DOD CING BSTEN PAR BYA BA YIN PA'I PHYIR TE, JI SKAD DU, SHR'I NI GNYIS MED YE SHES TE, ZHES PA, DUS KYI 'KHOR LO NI, PHYI NANG GZHAN GSUM LA SBYOR BA'I DANG PO PHYI LA SBYAR NA, NYI MA DANG ZLA BA DANG NYIN MO DANG MTSAN MO'I DBYE BAS NYIN MTSAN NI DUS YIN LA, DE'I 'KHOR LO NI DBUGS NYI KHRI CHIG STONG DRUG BRGYA DANG, RTEN 'BREL YAN LAG BCU GNYIS KYI MTSAN NYID KYI KHYIM GYI 'KHOR LO STE, 'JIG RTEN KUN RDZOB KYIS SEMS CAN THAMS CAD KYI SKYE BA DANG 'JIG PA'I RGYUR GYUR PA'O, ,DE SKAD DU'ANG, DUS KYI 'BYUNG PO RNAMS SPRO ZHING, ,DUS KYIS RTAG TU SDUD PAR BYED, ,DUS NI BCOM LDAN RDO RJE CAN, ,NYIN MTSAN RANG BZHIN CAN YIN NO, ,ZHES SO, ,NANG LA SBYAR BA'ANG DES 'GRUB STE, NYIN MTSAN NI DUS YIN LA, 'KHOR LO NI DBUGS DANG DUS SBYOR BCU GNYIS YIN PAS SO, ,GZHAN YANG, DUS ZHABS PAS MDZAD ZER BA'I DBANG MDOR BSTAN GYI 'GREL PAR RTZA RGYUD KYI LUNG DRANGS PAR, PHYI DANG NANG GI DBYE BA YIS, ,DUS NI RNAM PA GNYIS SU 'DOD, ,DE BZHIN 'KHOR LO RNAM PA GNYIS, ,DUS KYI 'KHOR LOR RAB TU BRJOD, ,PHYI YI DUS NI RNAM PA LNGA, ,NANG GI STENG 'OG RAB DBYE BAS, ,RNAM PA GNYIS SU SHES BYA ZHING, ,MKHAS PA RNAMS KYIS RTOGS PAR BYA, ,DRUG CU DANG NI BCU GNYIS KHYIM, ,DE BZHIN NYIN DANG MTSAN MO DANG, ,BGROD PA GNYIS DANG DUS TSOD DE, , RNAM PA LNGAR NI YANG DAG BRJOD, ,STENG YANG GA-YAS DANG GA-YON PA DANG, ,'BYUNG 'JUG GNAS PA'I RAB DBYE DANG, ,DKYIL 'KHOR LNGA LNGA'I DBYE BAS YIS, ,RNAM PA GSUM DU RAB TU BSHAD, ,'OG GI 'BYUNG 'JUG BYE BRAG GIS, ,RNAM PA GNYIS SU BRTAG PAR BYA, , 'DI DAG PHYIR NI RTOGS PAR BYA, ,BZANG NGAN BSAM MI KHYAB PAR GSUNGS, ,BZUNG DUS GANG YIN DE BLANG ZHING, ,NGAN PA'I DUS NI SPANG BAR BYA, ,BSAM MI KHYAB PA KUN TU BLANG, ,RGYUD RNAMS KUN GYI DON 'DI YIN, ,'KHOR BAS 'KHOR LOR RAB TU BRJOD, ,CES

, ,GSUNGS PA BZHIN SBYAR LA BSHAD DO, ,GZHAN LA SBYAR BA LA, DUS NI MCHOG TU MI 'GYUR BA'I BDE BA CHEN PO'I MTSAN NYID DE, DE YIS GANG GI LUS PHUNG PO DANG KHAMS LA SOGS PA SGRIB PA MED PA'I 'KHOR LOR BSKYED PA DE NI DUS KYI 'KHOR LO, ,'DIS RGYU DANG 'BRAS BU DBYER MED PA NYID DU BSTAN NO, ,'GYUR MED BDE BA'I YE SHES SGRIB PA THAMS CAD ZAD PA'I RGYUR GYUR PA NI, DUS SHES BRJOD DE, THABS DANG SNYING RJE'I BDAG NYID MNGON PAR SHES PA DRUG GI BDAG NYID DO, ,SHES BYA KHAMS GSUM PA MTHA' YAS PA'I DNGOS PO'I MTSAN NYID CAN NI, 'KHOR LO STE, DE NYID SHES RAB STONG PA NYID RNAM PA THAMS CAD PA'I BDAG NYID DO, ,'DI DAG GCIG PA NYID NI DUS KYI 'KHOR LO STE, RGYUD LAS KYANG, MTHA' YAS SANGS RGYAS ZHING RNAMS ZHES SOGS GSUNGS SHING, DRI MED 'OD DU YANG, DUS NI 'GYUR MED BDE YE SHES, ,THABS DANG SNYING RJE'I BDAG NYID DE, ,'KHOR LO SHES BYA'I RNAM 'GRO DPAL, ,SHES RAB STONG NYID BDAG NYID DE, ,ZHES GSUNGS SO, ,'DIS SHES PA DANG SHES BYA DBYER MED PAR BSTAN TO, ,DMIGS PA MED PA'I SNYING RJE KUN RDZOB GZUGS CAN NI DUS, DMIGS PA DANG BCAS PA'I STONG PA NYID RDUL PHRA RAB MED PA'I NGO BO NI 'KHOR LO, DUS KYANG 'DI YIN 'KHOR LO'ANG 'DI YIN PAS DUS KYI 'KHOR LO STE, 'DI STONG PA DANG SNYING RJE DBYER MED PAR BSTAN NO, , 'GREL CHEN LAS, SNYING RJE DANG NI STONG NYID SKU, DUS NI KUN RDZOB GZUGS CAN MA, ,STONG NYID 'KHOR LO ZHES BRJOD DE, ,DUS KYI 'KHOR LO GNYIS MED 'DOD, ,CES GSUNGS SO, ,GZHAN YANG, DUS KYI 'KHOR LO'I MTSAN YI GE RE RE'I BSHAD PA NI, KA YIG GIS NI RGYU ZHI BA, ,LA YIG 'DI LA THIM PA NYID, ,TZA YIG GIS NI GA-YO BA'I SEMS, ,KRA YIG RIM PA BCINGS LAS SO, ,ZHES PAS, RGYU BYANG CHUB KYI SEMS SAD PA'I GNAS SKABS SKYED PAR BYED PA LUS KYI THIG LE, ZHI BA NI SGRIB BRAL DU ZAD PAS RNAM

PA DANG BRAL BA STE, DPRAL BAR LUS KYI THIG LE 'GAG PA SPRUL PA'I SKU'O, ,RMI LAM GYI GNAS SKABS SKYED PAR BYED PA SGRIB BRAL DU ZAD PA NI THIM PA STE, MGRIN PAR NGAG GI THIG LE 'GAG PA LONGS SPYOD RDZOGS PA'I SKU, GNYID MTHUG PO'I GNAS SKABS SKYED BYED GA-YO ZHING 'PHO BA'I CHOS CAN MUN PAS SHIN TU ZIL GYIS MNAN PA'I KHAMS BCO BRGYAD KYI RNAM 'GYUR DANG LDAN PA DE BCINGS PA NI MUN PO DANG BRAL BA'I SNYING GAR SEMS KYI THIG LE 'GAG PA CHOS KYI SKU'O, ,RIM PA NI LUS LA SOGS PA'I THIG LE 'PHO BA YIN LA, DE LHAN CIG SKYES PA'I BDE BAS BCINGS PA NI, LTE BAR YE SHES KYI THIG LE 'GAG PA LHAN CIG SKYES PA'I SKU'O, ,DE SKAD DU'ANG, K'A LA TZA KRA'I MNGON BRJOD KYIS, ,GANG LA RGYUD DANG MTSAN NYID MED, ,CES SOGS DANG, KA SOGS YI GE DE BZHIN GSHEGS PA RNAMS KYIS NI, ZHES SOGS GSUNGS SO, ,BRJOD PAR BYA BA DPAL DUS KYI 'KHOR LO RJOD PAR BYED PA'I PHYIR BRJOD BYA'I MING GIS NYE BAR BTAGS NAS BSDUS PA'I RGYUD LA YANG DPAL DUS KYI 'KHOR LO ZHES BYA'O, ,ZHES BYA BA ZHES PA NI, N'A MA ZHES PA 'CHI BA DANG MI BZOD PA LA SOGS PA'I DON BCU LA 'JUG PAR GSUNGS KYANG, 'DIR MING LA 'JUG PA STE, MING DE SKAD CES BYA'O, ,ZHES PA'I THA TSIG GO ,RGYUD NI, BRJOD BYA DON GYI RGYUD DANG, RJOD BYED TSIG GI RGYUD GNYIS LAS, DANG PO NI, GSANG BA 'DUS PA'I RGYUD PHYI MA LAS, RGYUD NI RGYUN ZHES BYA BAR BRJOD, ,RGYUN DE RNAM PA GSUM DU 'GYUR, ,GZHI DANG RANG BZHIN NYID DANG NI, ,MI 'PHROG PA YI RAB DBYE LAS, ,RANG BZHIN RNAM PA RGYU YIN TE, ,DE BZHIN MI 'PHROG 'BRAS BU'O, ,GZHI NI THABS ZHES BYA BA STE, ,GSUM GYIS RGYUD KYI DON BSDUS PA'O, ,ZHES, RGYU RGYUD, THABS RGYUD, 'BRAS BU'I RGYUD GSUM DU GSUNGS LA, DE'I DON, MAN SNYER, DNGOS PO RNAMS KYI STONG PA NYID KYI NGO BO NI RANG BZHIN DANG RNAM PA ZHES PA DON GZHAN MA YIN TE, RANG GI NGO BO

, ,ZHES PA'I DON TO, ,DE RGYUD DE NYE BAR LEN PA'I BYED PA PO RGYU'I RDO RJE 'DZIN PA STE, GANG 'DI RNAMS KYI THOG MA MED PA'I BAG CHAGS KYI DRI MAS MA GOS PA NGO BO NYID KYIS GRUB PA'I SANGS RGYAS NYID DE, DE KHO NA NI DRI MA MED PA NYID THOB PA'I MTSAN NYID CAN SANGS RGYAS NYID KYI RGYU'O ZHES PA'I DON TO, ,ZHES GSUNGS PAS, DNGOS PO RNAMS RANG GI NGO BO'ANG GSAL BAR THOG MA MED PA NAS RGYUN CHAGS PA NI RGYU'I RGYUD DE, RDO RJE RTZE MO LAS, RGYUD NI RGYUN CHAGS ZHES BYA STE, ,'KHOR BA RGYUD DU BRJOD PAR BYA, ,ZHES PA DANG, SGYU 'PHRUL DRA BA LAS KYANG, RGYUD NI RGYUN ZHES BYA BA STE, ,ZHES GSUNGS SO, ,'BRAS RGYUD NI, MAN SNYER, RGYUD LAS GLO BUR DRI MA DANG BRAL BA LAS GANG DRI MA DANG BRAL BA NYID THOB PA'I MTSAN NYID CAN GYI 'BRAS BU 'BRAS BU'I RDO RJE 'DZIN PA DE NI MI 'PHROG PAR BRJOD PAR BYA STE, BAG CHAGS KYI DRI MA RNAMS KYIS MI 'PHROG PA NYID KYI PHYIR TE, 'PHROG PA NI YANG DAG PAR 'PHROG PA STE 'GRIB PA'AM SDUD PA PO ZHES PAS, 'BRAS BU SANGS RGYAS KYI SKU BZHI 'PHRIN LAS DANG BCAS PA RGYUN CHAGS PA NI RGYUD DE 'BRAS RGYUD DO, ,YANG THABS RGYUD NI, MAN SNYER, DRI MA MED PA NYID THOB PA'I THABS TE LHAN CIG BYED PA'I RKYEN BSKYED PA DANG RDZOGS PA'I RIM PA'I NGO BO NI GZHI ZHES BRJOD PAR BYA STE, DE LA BRTEN NAS SKYE BA DANG GNAS PA'I PHYIR NA MYU GU'I SA GZHI BZHIN NO, ,ZHES SO, 'BRAS BU'I RGYUD THOB PA'I DNGOS KYI THABS RDZOGS PA'I RIM PA DANG, DE'I SNGON 'GRO BSKYED PA'I RIM PA DANG, DE DAG GI YAN LAG DBANG DANG DAM TSIG DANG SDOM PA DANG, LAS RAB 'BYAMS LA SOGS PA RNAMS, RGYUN CHAGS PAS NA RGYUD CES BYA STE, DBANG LA SOGS PA GDAMS NGAG GI BRGYUD PA BAR MA CHAD PA'I PHYIR DANG, LAM BSKYED RDZOGS KYI NYAMS LEN RGYUN CHAGS PAS NA RGYUD CES BYA'O, ,GNYIS PA NI, BSHAD SBYAR SNYING PO SNANG BAR, RGYUD CES PA KUN RDZOB DANG DON DAM PA'I BDEN PA LA BRTEN PA'I BCOM LDAN 'DAS DUS KYI 'KHOR LO 'DIS RGYUD DU BYA ZHING, BYE

BRAG TU RTOGS PAR BYED PAS NA RGYUD DE GZHUNG BSGRIGS PAR BRJOD PAR BYA'O, ,ZHES GSUNGS PA BZHIN BRJOD PAR BYA BA RGYUD GANG YIN PA DE GZHUNG GI TSOGS SU BSGRIGS NAS RGYUN CHAGS PAR RJOD PAR BYED PAS NA RGYUD DO, ,RGYAL PO ZHES PA NI, GZHAN PAS MCHOG TU GYUR PA DANG, GSAL BA DANG, GZHAN GYIS MI BRDZI BA DANG, MI MTHUN PHYOGS 'JOMS PA'I STOBS DANG LDAN PA DANG, RGYAL SRID LA DBANG SGYUR BAR BYED PA DANG, 'KHOR MANG PO'I PHYIR RGYAL PO ZHES BRJOD DE, RGYU'I RGYUD NI RANG BZHIN GYI 'OD GSAL BAS MCHOG, THABS RGYUD NI THABS MANG PO DANG DKA' BA MED PA LA SOGS PAS MCHOG ,'BRAS BU'I RGYUD NI STOBS BCU MI 'JIGS PA BZHI LA SOGS PA'I YON TAN GYIS CHE BAS NA MCHOG ,YANG RGYUD GSUM PO DE, NGO BO NYID DANG, THABS DANG, MI 'PHROG PA'I YON TAN GYIS MDZES SHING GSAL BAS NA RGYAL PO, RGYU RGYUD RANG BZHIN GYIS DAG PA GLO BUR GYI DRI MAS MI BRDZI BA DANG, THABS RGYUD GLO BUR GYI RNAM RTOG SPONG BAS RGYAL PO, 'BRAS RGYUD RNAM RTOG THAMS CAD SPANGS PAS DES MI 'PHROG PA'I PHYIR RGYAL PO, YANG RGYUD GSUM PO DE, MI MTHUN PHYOGS 'JOMS BYED KYI SA BON DANG, THABS DANG, MI MTHUN PA'I PHYOGS MA LUS PAR LEGS PAR BCOM PA'I PHYIR RGYAL PO'O, ,YANG RGYUD GSUM PO DE RGYUD KYI BRJOD BYA YAN LAG DANG BCAS PA THAMS CAD LA DBANG BYED PA'I PHYIR DANG, RE RE LA'ANG BRJOD BYA'I YAN LAG DU MA'I 'KHOR DANG BCAS PA'I PHYIR RO, ,RJOD BYED SGRA'I RGYUD NI RGYUD GZHAN RNAMS SU RDO RJE TSIG MI GSAL BA SBAS TE GSUNGS PA THAMS CAD 'DIS SHIN TU GSAL BAR STON PAR BYED CING, RDO RJE 'DZIN PA'I YE SHES KYI SKU MNGON DU GYUR PA'I MTSAN YANG DAG PAR BRJOD PAS 'KHYUD PA SANGS RGYAS RIN CHEN ZA MA TOG KHA 'BYED PA'I RGYUD YIN PA'I PHYIR RGYUD GZHAN THAMS CAD PAS MCHOG TU GYUR PAS RGYAL PO, ,THUN MONG BA NYI ZLA GZA' 'DZIN DANG SKAR RTZIS LA SOGS PA MTHUN SNANG DU GRUB PA DANG, DBANG BCU GCIG

, ,DANG BSKYED RIM LHA RNAM DAG RIGS PA DANG MTHUN PAR STON CING, RDZOGS RIM YID CHES PA'I MTSAN MA GSUM DANG LDAN PAR STON PA, GZHAN THAMS CAD PAS MDZES SHING GRAGS PA CHE BAS NA RGYAL PO, BDEN PA GNYIS DANG YID CHES GSUM LA BRTEN NAS TSAD MAS GRUB PA'I LAM STON PAS LTA BA NGAN PA DAG GIS BRDZI BAR MI NUS PA'I PHYIR DANG, THABS SHES RAB ZUNG 'BREL GYI LAM STON PAR BYED PAS CHAD STONG DANG, RTOG SGOM DANG 'DZAG BDE LAM DU 'DOD PA'I MI MTHUN PHYOGS 'JOMS PAR BYED PA'I PHYIR DANG, 'DIR RGYUD THAMS CAD KYI RDO RJE TSIG GSAL BAR STON PAS, 'DI SHES NA RGYUD THAMS CAD KYANG BDE BLAG TU SHES PAS RGYUD GZHAN THAMS CAD LA DBANG SGYUR BAR BYED PA'I PHYIR DANG, THUN MONG BRTZIS, DBYANGS 'CHAR 'PHRUL 'KHOR, SBRUM MA BDE BAR BTZA' BA, SPOS SBYOR BCUD LEN GSER 'GYUR LA SOGS PA DANG, THUN MONG MA YIN PA MNGON SHES SGRUB, GTER BRTAG ,'CHI MED SGRUB, NAD SEL 'CHI BA BLU BA LA SOGS PA DANG, ZAB LAM RDO RJE'I RNAL 'BYOR GYIS THABS YAN LAG GI 'KHOR MANG PO STON PAR BYED PA'I PHYIR RGYAL PO'O, ,GNYIS PA 'GREL PA'I MTSAN GYI BSHAD PA NI, MDOR BSDUS KYI MTSAN BSTAN PA'I SKABS SU BSHAD ZIN PAS MI BRI'O, ,GSUM PA LA, GNAS LA MTSAN DU BTAGS PA PO tA LA KA'I GZUNGS ZHES PA DANG, DPE LA MING DU BTAGS PA'I RDO RJE PHRENG BA'I RGYUD LTA BU, ZHU BA PO LA MING DU BTAGS PA LHA MO BZHIS ZHUS PA'I RGYUD LTA BU, BRJOD BYA LA MING DU BTAGS PA LA, 'BRAS RGYUD KYIS MING DU BTAGS PA GSANG BA 'DUS PA, BDE MCHOG 'KHOR LO LTA BU, THABS RGYUD KYI MING GIS BTAGS PA DE NYID 'DUS PA'AM, NGAN SONG SBYONG BA LTA BU'O, ,GZHUNG TSAD LA MING DU BTAGS PA, DGYES RDOR 'BUM PHRAG LNGA PA ZHES PA LTA BU LAS, 'DIR MCHOG GI DANG PO'I SANGS RGYAS ZHES PA BRJOD BYA 'BRAS RGYUD KYI MING GIS RJOD BYED LA BTAGS, PHYUNG

BZHES PA RANG MING NGAM DPE'I MING YIN, DPAL DUS KYI 'KHOR LO ZHES PA PHYI NANG LA SBYAR BA'I CHA NAS BRJOD BYA RGYU RGYUD KYI MING GIS RJOD BYED LA BTAGS, 'BRAS BU LA SBYAR BA'I CHA NAS BRJOD BYA 'BRAS RGYUD KYI MING GIS RJOD BYED LA BTAGS RGYUD KYI RGYAL PO ZHES PA'ANG BRJOD BYA'I MING GIS RJOD BYED LA BTAGS TE, DE'ANG GSUM DU SHES PAR BYA'O, ,'GREL PA'I MTSAN GYI 'DOGS PA'I RGYU NI, BSDUS PA ZHES PA RANG MING NGAM DPE LAS BTAGS, RGYUD KYI RGYAL PO DUS KYI 'KHOR LO ZHES PA SNGAR BZHIN, 'GREL BSHAD RTZA BA'I RGYUD KYI RJES SU 'JUG PA ZHES PA DON LAS MING DU BTAGS, STONG PHRAG BCU GNYIS PA ZHES PA GZHUNG TSAD KYI MING GIS BTAGS, DRI MA MED PA'I 'OD CES PA NI, ZLA BA CHA BCU DRUG SGRIB BRAL STON PA'I CHA NAS DON GYI MING, LOG SHES MUN PA'I TSOGS 'JOMS PAR BYED PA'I CHA NAS DPE'I MING NGO, ,BZHI PA NI, RGYA GAR GYI SKAD KYIS BTAGS PA'I DGOS PA SKAD DE'I BAG CHAGS 'JOG CING, DE'I MING DON BRDA 'PHROD PAR 'GYUR BA DANG, BOD SKAD DU BTAGS PAS, DBANG PO RNON POS RGYUD 'GREL GYI DON YONGS SU RDZOGS PAR SHES SHING, 'BRING POS RNAM PA GO ,RTUL POS KYANG MING DON BRDA 'BREL SHES PAR 'GYUR BA'O, ,GNYIS KA'I SKAD THOG MAR SMOS PAS SPYIR CHOS BTZAL SLA, SKAD GNYIS MING RNAM GRANGS PAR SHES PA LA SOGS PA'I DGOS PA YOD DO, ,GNYIS PA LA, PHYAG 'TSAL KHYAD PAR GYI GZHIR BZHAG NAS, GANG ZAG GANG GIS NA SGYUR BYED LO TZTSA BAS SO, ,DUS NAM GYI TSE NA, RGYUD 'GREL BSGYUR BA'I THOG MAR RO, ,DGOS PA CI'I DON DU NA, DAM PA RNAMS KYI SPYOD PA DANG MTHUN PAR BSTAN PAS RANG DAM PAR SHES PA DANG, GNAS SKABS BSGYUR BA'I BAR CHAD ZHI BA DANG, MTHAR THUG SANGS RGYAS KYI GO 'PHANG THOB PA'I DON DANG, GANG ZAG GZHAN YANG TSUL DE LTA BU LA GZHUG PA'I DON DU'O, ,YUL GANG LA NA, DPAL DUS KYI 'KHOR LO LA'O, ,TSUL JI LTAR NA, SGO GSUM GUS PA'I SGO NAS PHYAG 'TSAL BA STE, 'DI LA'ANG

, ,NGES DON, DRANG DON GNYIS SU SHES PAR BYA'O, ,DPAL LDAN DUS 'KHOR RGYUD 'GREL SOGS, ,ZAB DON NOR BU RIN CHEN GYIS, ,GANG BA'I RGYUD SDE'I KHANG BZANG SGO, ,MTHA' DRUG LCAGS KYIS RAB BSDAMS PA, ,BDE BLAG NYID DU 'BYED PA YI, ,RIN CHEN GCES PA'I LDE MIG 'DI, ,BSHES GNYEN DAM PAS BSKUL BA'I NGOR, ,DGE SLONG RIN CHEN GRUB KYIS SBYAR, ,DGE BAS MTHA' YAS SKYE RGU RNAMS, ,RGYUD SDE RIN CHEN SGO PHYE NAS, ,RIM GNYIS NOR BU RIN CHEN BLANGS, ,'DOD DON YID BZHIN 'GRUB PAR SHOG ,'DI LA NONGS PA'I TSOGS MCHIS NA, ,BLA MA LHAR BCAS MKHAS RNAMS KYIS, ,NONGS PA'I RGYU YI 'KHRI SHING DE, ,RTZA BA NAS NI DBYUNG BAR MDZOD, ,BSDUS PA'I RGYUD KYI RGYAL PO DUS KYI 'KHOR LO'I 'GREL BSHAD RTZA BA'I RGYUD KYI RJES SU 'JUG PA STONG PHRAG BCU GNYIS PA DRI MA MED PA'I 'OD CES BYA BA'I BSHAD THABS KYI YAN LAG RNAM PAR GZHAG PA, RGYUD SDE RIN PO CHE THAMS CAD KYI SGO 'BYED PAR BYED PA RIN PO CHE GCES PA'I LDE MIG CES BYA BA 'DI NI, MDO RGYUD THAMS CAD LA THUGS LEGS PAR SBYANGS SHING, RGYUD SDE RIN PO CHE THAMS CAD LA DBANG 'BYOR PA, KHYAD PAR DUS KYI 'KHOR LO'I PHYI NANG GZHAN GSUM LA MI 'JIGS PA'I SPOBS PA RNYED PA DGE BA'I BSHES GNYEN SMON LAM SHES RAB KYIS ME TOG DANG BCAS TE NAN TAN DU GSOL BA BTAB PA'I NGOR, MI 'PHROG PA'I MKHYEN RAB DANG THUGS RJE PHUN SUM TSOGS PA DANG LDAN PA'I DUS KYI 'KHOR LO'I ZHABS PA CHEN PO BLA MA DAM PA RDO RJE RGYAL MTSAN DPAL BZANG PO'I ZHABS KYI RDUL SPYI BOS BLANGS SHING, GSUNG GI BDUD RTZI'I RO MYANGS PA, SNYOMS LAS PA RIN CHEN GRUB KYIS, DKAR PO'I LO SA GA CAN GYI ZLA BA'I DKAR PO'I TSES GCIG LA YONGS SU RDZOGS PAR SBYAR BA'I YI GE PA NI BSTAN PA RIN CHEN NO, ,RIN CHEN GCES PA'I LDE MIG 'DI, ,NGES DON LONGS SPYOD DON GNYER BA'I, ,MKHAS PA'I SKYE BO DON GNYER CAN, ,KUN GYI LAG TU 'GRIM PAR

SHOG ,SLAN CHAD 'DI YI STENG NAS 'CHAD PA RNAMS KYIS, GZHAN RGYAS BSDUS JI LTAR MDZAD KYANG, BLA MA BRGYUD PA'I LO RGYUS NI, 'DI YI STENG DU YANG SGRO SKUR DANG BRAL BA'I RNAM THAR BSNAN CING BSHAD PAR BYA YI, CUNG ZAD KYANG MA 'BRID CIG ,'DIS 'KHOR BA SDUG BSNGAL GYI RGYA MTSO CHEN PO MYUR DU SKEM PAR GYUR CIG, ,,