'The Section on those Who Assert that Working Things Exist in Truth,' from the 'A Cherished Gem for Those Who Think Clearly, a Book which Unravels the Knots of Every Difficult and Crucial Point,’ being an Annotated Commentary to ‘The Great Book on the Schools of Philosophy’

, ,BLA MA THUB PA'I DBANG PO 'PHAGS PA'I 'KHOR TSOGS DANG BCAS PA LA PHYAG 'TSAL LO, ,'DIR BYE SMRA'I GRUB MTHA'I ZUR MCHAN DGOD PA LA; ''KA'' RIGS LDAN 'JAM DPAL GRAGS PAS RANG GI LTA BA'I 'DOD MA MDOR BSTAN PA LAS, ,BYE AARG SMRA DANG ZHES SOGS DANG, SBYAN RAS GZIGS GYI SPRUL PA RIGS LDAN PADMA DKAR PO'I 'GREL CHEN DRI MED 'OD DANG, PHYAG NA RDO RJES BDE MCHOG RTZA RGYUD DUS 'KHOR GYI LUGS SU BKRAL BA PHYAG RDOR BSTOD 'GREL DANG, BYANG SEMS RDO RJE SNYING POS KYE RDOR GYI BSDUS RGYUD DUS 'KHOR GYI LUGS SU BKRAL BA RDO RJE SNYING 'GREL TE GSUM KA DUS 'KHOR GYI LUGS SU BKRAL BA DANG, MDZAD BI PO BYANG CHUB SEMS DPA' YIN PAS SEMS 'GREL SKOR GSUM DU GRAGS PA'I NANG TSAN RDO RJE SNYING 'GREL LAS, ,DE NAS BYE BRAG SMRA BA'I GZHUNG, ZHES SOGS DANG, 'PHAGS PA LHA'I YE SHES SNYING PO KUN

, ,LAS BTUS PA LAS, SANGS RGYAS CHOS NI ZHES SOGS DANG, DE'I 'GREL BA SLOB DPON BYANG CHUB BZANG POS MDZAD PA LAS, YANG DAG PAR BSDUS NA ZHES SOGS TE, MU STEGS PA LTAR LUS NGAG GIS GROL BAM YIN PAR 'CHING GROL NI YID KYI DBANG GIS YIN PAR 'DOD PAS NAS SANGS RGYAS PA LA YID 'DOD CES PAR 'GREL BA DER BSHAD DO, ,/KHA/ DE KHO NA NYID BCU BA'I 'GREL BA SLOB DPON LHAN CIG SKYES PA'I RDO RJES MDZAD PA LAS, MDO SDE BYE BRAG CES SOGS DANG, MNGA' BDAG MEE TRI PA'AM GNYIS MED RDO RJE'AM AA WA DH'U T'I BA ZHES BYA BAS MDZAD PA'I DE KHO NA NYID RIN PO CHE'I PHRENG BA LAS, THEG PA NI GSUM STE ZHES SOGS BYUNG, 'DI GNYIS NI AA MA NA SE'I CHOS SKOR NYI SHU RTZA DRUG CES GRAGS PA'I NANG TSAN YIN NO,, ''GA'' DAM CHOS PAD DKAR DANG BDEN PO'I LE'U SOGS MDO BRGYAD DRANGS NAS

MTHAR THUG GI THEG PA GCIG TU GRUB PA'I 'PHROR, DE LTA MONG KYI ZHES PA NAS THEG PA GSUM DU MA ZAD DE, STONG PO BKOD PA'I RNAM PAR THAR BA LAS, RNAM PAR SNANG BYED DPAL GYI 'JIG RTEN GYI KHAMS NA DE BZHIN GSHEGS PA KUN NAS YE SHES RIN CHEN 'OD 'PHRO DPAL YON TAN GYI TOG GI RGYAL BO MNGON PAR RDZOGS PAR SANGS RGYAS MA THAG TU SEMS CAN DPAG TU MED PA DAG NI NYAN THOS KYIS LA BKOD, SEMS CAN DPAG TU MED PA DAG NI RANG BYANG CHUB LA BKOD, SEMS CAN DPAG TU MED PA DAG NI SHUGS DANG LDAN PA'I SPOBS PAS NGE PAR 'BYUNG BA'I BYANG CHUB LA BKOD, CES SOGS KYIS THEG PA BCU GSUM SOGS BSHAD DO,, /DA/ 'DI DANG PHAR PHYIN GYI YIG CHAR NANG PA SANGS RGYA PA YIN NA GRUB PA MTHA' SMRA BA YIN PAS KHYAB PAR GSUNGS PA LTA BUR SNANG LA, 'ON KYANG PHYI NANG GI KHYAD PAR SKYABS 'GROS 'BYED PA DANG, PHYI NANG GI GRUB MTHA' SMRA BA'I KHYAD PAR LTA BA BKAR BRTAGS PHYAG RGYA BZHI KHAS LEN MI LEN GYIS 'JOG PAR DENG SANGS GRAGS CHE BA DANG, LCANG SKYA'I GRUB MTHA' SOGS SU NANG PA SANGS RGYAS LA LAN DPA'I GRUB MTHA' SMRA BA YIN MI DGOS PAR BSHAD DO,, /CA/ MDO SDE SOGS SU MA BSDUS DANG, ,LAM GZHAN NYE BAR STON PHYIR YANG, ,THEG CHEN SANGS RGYAS GSUNG MIN TE,, RIG BYED MTHA' YI LTA BA BZHIN, ,ZHES PA LTAR, THEG CHEN GYI SDE SNOD CHOS CAN, ,SANGS RGYAS KYIS GSUNGS PA MA YON TE, SDE SNOS GSUM DU MA BSDUS PA'I PHYIR DANG, KHRUS DANG SMYUNG GNAS DANG

, ,SNGAGS BZLAS PAS 'DAG GROL THOB PA SOGS LAM GZHAN BSTAN PA'I PHYIR, DPER NA RIG BYED MTHA' PAS SMRA BA BZHIN, ZHES ZER BA DANG, CHAD PAR LTA BA JI BZHIN DU, , RGYU DANG 'BRAS BUR SKUR 'DEBS PAS, ,ZHES PA LTAR, DE CHOS CAN, SANGS RGYAS KYIS GSUNGS PA MA YIN TE, LAS 'BRAS DANG BDEN BZHI DANG DKON MCHOG GSUM SOGS THAMS CAD BDEN PAR MED CES SKUR BA 'DEBS PA'I PHYIR, RGYAR PHAN PAS SBRA BZHIN, ZHES ZER BA DANG, SDEB BCO BRGYAD KHONGS SU YANG, ,GTOGS PA MED PAS MA YIN NGES, ,ZHES PA LTAR, DE CHOS CAN, SANGS RGYAS KYIS GSUNGS PA MA YIN TE, SDEB BCO BRGYAD KYI GZHUNG DU MA BSDUS PA'I PHYIR, RIG BYED MTHA' BAS SMRA BA BZHIN, DE CHOS CAN, BCO BRGYAD KYI KHONGS SU GTOGS PA MA YIN TE, BKA' BSDU BA DANG PO'I SKABS SU MA BSDUS PA'I PHYIR DANG, PHYIS PHYE BAR GYUR PA NA YANG BKA' BSDU GNYIS BA BYED PA SOGS KYIS MA BSDUS PA'I PHYIR DANG, DE BZHIN GSHEGS PA RTAG PA YIN PAR STON PAS 'DUS BYAS THAMS CAD MI RTAG PA ZHES PA DANG 'GAL, DE BZHIN GSHEGS PA'I SNYING POS KHYAB PA DANG, LEN PA'I RNAM SHES STON PAS CHOS THAMS CAD BDAG MED CES BYA BA DANG 'GAL, SANGS RGYAS MYA NGAN YONGS MED 'DA', ZHES STON PAS MYA NGAN LAS 'DAS PA ZHIB BZHES BSHAD PA DANG 'GAL BA'I PHYIR DANG, NYAN THOS CHEN PO RNAMS LUNG BSTAN PA DANG, DGRA BCOM PA RNAMS LA SHIN

TU SMAD PA DANG, KHYIM PAL PHYAG BYA BAR STON PA DANG, DE BZHIN GSHEGS PA LAS BYANG CHUB SEMS DPA' LA LHAG PAR BSNGAGS PA BYED PA DANG, RNAM MKHA'I MDZOD LA SOGS PA'I BYANG CHUB SEMS PA'I SMON LAM RNAMS KYANG TSEG TZAM YIN PA'I PHYIR DANG, SH'AKYA THUB PA SPRUL BA YIN PAR SMRA BAS BSTAN PA THAMS CAD KYANG LOG PA YIN PAR 'GYUR BA'I PHYIR DANG, RTAG TU MNYAM GZHAG PA YIN ZHES PA YANG MA RIGS BA'I PHYIR DANG, MDO SDE MANG PO LAS 'BRAS BU MED PA'I BSNGAGS BSTON PA'I PHYIR DANG, SDIG PA SHIN TU CHE BA YANG RTZA BA NAS 'BYIN PAR SMRA BAS LAS LA 'BRAS BU MED PAR STON PA'I PHYIR DANG, SHIN TU RGYAS PA YANG GZHAN NYID STON PA'I PHYIR DANG, KRI DRI'I RMI LAM GYI DBYE BAR YANG MA BSTAN PA'I PHYIR THEG PA CHEN PO 'DI SANGS RGYAS KYIS GSUNGS PA MA YIN TE, NGES PAR BDUD KYIS SKYE BO BLO GROS NGAN PA DANG RMONGS PA RNAMS BSLU BA'I PHYIR SNA TSOGS MANG PO BRTZAMS PA YIN NO, ,ZHES ZER RO, , 'DI DAG LA GRUB MTHA' CHEN MOR BYANG SEMS BDE BAR 'GRO BAR BSHAD PAS ZAG BCAS THAMS CAD SDUG BSNGAL BA DANG 'GAL ZHES PA NI RTOG GE 'BAR BAR MA BYUNG BAS KHUNGS 'TSOL DGOS TE, RTOG GE 'BAR BA LAS, CHOS KYI PHYAG RGYA GSUM DANG 'GAL BA'I PHYIR DANG, ZHES GSUNGS PA'I PHYIR, NYAN THOS DGRA BCOM PA SANGS RGYAS PAR LUNG BTSAN PA DE MYANG 'DAS ZHI BA DANG 'GAL BA'I SHES BYED DU GSUNGS PA YANG RTOG GE 'BAR BA LAS DNGOS SU MA BYUNG NGO, ,LAS 'BRAS MED PA'I SNGAGS PA STON PA DANG ZHES PA NI YI GE NOR BAR MNGON ZHING, SHIN TU RGYAS PA'I MDOR YANG CHAD LTA STON PA DANG ZHES PA YANG YIG NOR YIN NAM DPYAD DGOS TE, RTOG GE 'BAR BAR, SHIN TU

, ,RGYAS PA YANG GZHAN NYID STON PA DANG, ZHES BYUNG ZHING, LAN GYI SKABS SU YANG, SHIN TU RGYAS PA YANG GZHAG NYID STON PA'I PHYIR, ZHES ZER BA YANG DON GYI RJES SU ZHUGS PA'I MING GIS SHIN TU RGYAS PA'I NGO BO NYID NI SHIN TU RGYAS PA ZHES BYA BA YIN PAS THEG PA CHEN PO LHAG PAR SHIN TU RGYAS PA YIN PA DE BZHIN DU NYAN THOS KYI THEG PA LA NI YOD PA MA YIN NO, ,GAL TA KHYOD SHIN TU RGYAS PA GZHAN ZHIG 'DOD NA NI MING TZAM 'DOD LA RAG GO, BDAG CAG NI THEG PA CHEN PO'I GSUNG RAB MA LUS PA RNAMS NI GZHUNG DANG DON SHIN TU RGYAS PA'I PHYIR SHIN TU RGYAS PA ZHES BYA BAR 'DOD DE, ZHES NYAN THOS KYI SDE SNOD LA SHIN TU RGYAS PA'I SDE MED PAR THEG CHEN GYI SDE SNOD 'BA' ZHIG SHIN TU RGYAS PA'I SDE YIN PAR GSUNGS PA LA RTZOD PAR SNANG BA'I PHYIR, KRI KRI'I RMI LAM GYI DBYE BA YANG MA BSTAN ZHES PA LA, DPE 'GA' ZHIG TU DBYE BAR YANG MA BSTAN ZHES BYUNG BA NI DAG STE, KRI KRI'I RMI LHAS LUNG BSTAN PA'I TSE SH'AKYA THUB PA'I BSTAN PA LA SDE BA BCO BRGYAD DU GYES PAR 'GYUR RO ZHES BSTAN PA'I DBYE BAR THEG PA CHEN PO STON DGOS BA LAM BSTAN PA'I PHYIR ZHES PA'O, ,GLANG GNYIS SPRE'U GNYIS TZAN DAN PHYE, ,LDU MAR KHRON PA 'THAB MO RAS, ,ZHES PA LTAR KRI KRI'I RMI LTAS BCU YOD PA GZHAN LAS SHES BAR BYA'O, ,GZUGS LA SOGS LA DMIGS PA'I BLO, ,RANG RIG NYID DU YOD PAS KYANG, ,MNGON SUM GNOD PA GANG YIN NGES, ,SKYE MED SMRA BA DE LA GNOD, ,CES PA LTAR, RANG GI RGYUD KYI GZUGS SOGS LA DMIGS PA'I DBANG PO'I MNGON SUM DANG 'JIG RTEN NA YANG DAG PAR GRAGS PAS KYANG BDEN PA'I SKYE BA MED PAR SMRA BA LA GNOD PA DANG, SRID PA RNAMS NI DE NYID DU, ,SKYE MED CES BYA'I KHYAD PAR GYIS, ,

MNGON SUM DANG NI GRAGS PA DAG ,GNOD PA 'DI LA MED CEN, ,ZHES PA LTAR, DE NYID DU'AM DON DAM PAR SKYE BA MED CES DON DAM PA'I KHYAD PAR SBYAR BAS GNOD PA YID CES ZER NA, BGROD MIN LA YANG YANG DAG TU, ,BGROD PAR BYA STE BUD MED PHYIR, ,BUD MED GZHAN BZHIN ZER BA YI, ,SKYON BCAS TSIG KYANG SKYON MED 'GYUR, ,ZHES PAS, BGROD BYA MIN PA'I BUD MED CHOS CAN, DON DAM PAR BGROD BYA YIN TE, BUD MED YIN PA'I PHYIR, DPER NA RANG GI CHUNG MA BZHIN, ,ZHES PA'I 'JIG RTEN NA GRAGS PA'I SKYON BCAS KYI TSOG KYANG SKYON MED PAR 'GYUR TE, DON DAM PA'I KHYAD PAR SBYAR BA'I PHYIR ZHES BZHAD GAD BYAS SO, ,GZHAN YANG, BDEN PA MTHONG BA DE NYID MIN, ,DE NYID MED PAR THAL BAR 'GYUR, ,NAM MKHA'I LHA YIS BSTAN PA LTAR, ,DE NYID YIN PA MI 'DOD DO, ,ZHES THEG CHEN GYI SDE SNOD DU SDUG BSNGAL LA SOGS PA'I BDEN PA MNGON SUM DU MTHONG BA DANG MTHONG ZIN SGOM PAS KYANG MYANG 'DAS THOB PAR MI 'GYUR ZHES PA'I TSIG YOD PAR GRAGS TE, THAL 'GYUR BAS MNGON PA NAS BSHAD PA'I MI RTAG SOGS BCU DRUG TZAM SGOM PAS BYANG CHUB MA THOB PAR BSHAD PA DE YIN NAM SNYAM MO, ,BDEN PA MTHONG BA DE DE KHO NA NYID MTHONG BA MIN NA DE KHO NA NYID MTHONG BA MED PAR THAL BAR 'GYUR BA'I PHYIR DANG, THEG CHEN SDE SNOD NAS BSTAN BA'I DE KHO NA NYID GZHAN ZHIG YOD DO ZHE NA, DE NI RIGS PA MA YIN TE, MI RTAG SOGS BCU DRUG LAS GZHAN YIN PA'I PHYIR, NAM MKHA'I LHAS BSTAN PA'I DE KHO NA NYID PA BZHIN TE, NAM MKHA'I LHAS GSER GYI SNOD DU GSER GYI KHAB KYIS GROG MA PHUG NAS GSOD NA 'KHOR BA LAS GROL BA DANG, GSOD PA PO YANG THAR BA'I SA BON BSAGS PA DANG, BA LANG SLOGS PA BAS DPA DANG SKYED PAR BYED PA'I

, ,MAL NYAL BO BYAS PA NI MTHO RIS LA SOGS PA'I RGYU YIN PAR BSTAN ZHES GRAGS PA DANG 'DRA'O, ,ZHES ZER RO,, //CHA// BDAG BSRUNG BA'I THBS STON PAR, GAR PHYIR RGYAL LAS CHES MKHAS GANG YIN 'JIG RTEN 'DI NA YOD MIN TE, ,MA LUS DENYID MCHOG NI TSUL BZHIN KUN MKHYEN GYIS MKHYEN GZHAN MIN PA, ,DE PHYIR DRANG SRONG RANG NYID KYI BZHAG MDO SDE GANG YIN DE MI DKRUG ,THUB TSUL BSHIG PHYIR DE YANG DAM CHOS LA NI GNOD PA BYED PAR 'GYUR, ,NYON MONGS RMONGS DAG RNAMS KYIS 'PHAGS LA SKUR BA DANG, ,DES GSUNGS CHOS LA BRNYAS GANG DE KUN ZHEN LTAS BYAS, ,DES NA ZHEN LTA'I DRI CAN DE LA BLO MI SBYAR, ,GOS GTZANG TSON GYIS RNAM 'GYUR SNUM GYIS GOS PA MIN, ZHES DANG, NYAMS PA'I RGYU STON PAR, BLO DMAN PHYIR DANG DKAR MOS BRAL PHYIR LOG PA'I NGA RGYAL LA BRTEN PHYIR, DAM CHOS PHONGS PAS SGRIB PA'I BDAG PHYIR DRANG DON DE NYID NGES 'DZIN PHYIR, ,RNYED LA BRKAM PHYIR LTA BA'I DBANG PHYIR CHOS SUN 'BYIN PA BRTEN PA'I PHYIR, CHOS 'DZIN BSRINGS PHYIR MOS PA DMAN PHYIR DGRA BCOM RNAMS KYI CHOS SPONG BYED, CES DANG, NYAMS PA'I 'BRAS BU STON PAR, JI LTAR ZAB MO'I CHOS RNAMS DE BZHIN MKHAS PA RNAMS KYIS ME DANG NI, ,MI BZAD SPRUL GDUG GSHEGS MA DANG NI THOG LA'ANG SHIN TU 'JIGS MI BYA, ,ME SPRUL DGRA DANG RDO RJE'I ME NI SROG DANG BRAL BTZAM BYED DE, ,DE LAS MNAR MED RNAMS KYI 'GRO BA SHIN TU 'JIGS PAR 'GRO MI 'GYUR, ,GANG ZHIG YANG YANG SDIG GROGS BSTEN PAS SANGS RGYAS NGAN SEMS LDAN GYUR DANG, ,PHA MA DGRA BCOM GSOD PAR BYA BA MIN BYED MCHOG TSOGS 'BYED PA'I MI, ,DE YANG

CHOS NYID NGES PAR BSAM NA MYUR DU DE LAS THAR 'GYUR GYIS, ,GANG ZHIG YID NI CHOS LA SNGAR BA DE LA THAR BA GA LA YOD,, CES GSUNGS TE, TSIG DON NI GO SLA'O,,MDO SDE RGYAN LAS, SNGAR LUNG MA BSTAN LHAN CIG BYUNG, ,SPYOD YUL MA YIN GRUB PA DANG, ,YOD DANG MED NA YOD MED DANG, ,GNYEN PO DANG NI SGRA GZHAN PHYIR, ,ZHES PA'I DON NI, THEG CHEN SANGS RGYAS KYIS GSUNGS PA YIN TE, DE LTA MIN PAR PHYIS 'GA' ZHIG GIS DAM PA'I CHOS KYI BAR CHAD BYAS PA YIN NA SANGS RGYAS KYIS SNGAR LUNG STON DGOS PA LA MA BSTAN PA'I PHYIR DANG, THEG CHEN DANG NYAN THOS KYI THEG PA LHAN CIG BYUNG BA YIN GYI, PHYIS 'GA' ZHIG GIS GSAR DU BYAS PA MA YIN PA'I PHYIR DANG, ZAB CING RGYA CHE BA'I CHOS NI RTOG GE B'I SPYOD YUL MA YIN PAS, PHYIS RTOG GE BA 'GA' ZHIG GIS GSAR DU BSHAD MI RUNG BA'I PHYIR DANG, GAL TE PHYIS GZHAN ZHIG GIS SANGS RGYAS NAS BSHAD PA YIN NA NGES 'DI SANGS RGYAS KYI BKA' YIN PAR GRUB PA'I PHYIR DANG, GAL TE THEG CHEN YOD NA THEG CHEN SDE SNOD 'DI BKA' YIN PAR GRUB STE, 'DI LAS GZHAN PA'I THEG PA CHEN PO MED PA'I PHYIR DANG, 'ON TE THEG CHEN MED NA NI NYAN THOS KYI THEG PA YANG MED PAS THEG CHEN DANG NYAN THOS KYI SDE SNOD LA BKA' YIN MIN GYI KHYAD PAR 'BYED MI RUNG BA'I PHYIR DANG, THEG CHEN 'DI BSGOMS NA RNAM PAR MI RTOG PA'I YE SHES KYI GNAS SU GYUR PA NYID KYIS NYON MONGS PA THAMS CAD KYI GNYEN POR 'GYUR BA'I PHYIR DANG, 'DI SGRA JI BZHIN PA MA YIN PAS SGRA JI BZHIN PAR BZUNG NAS BKA' MA YIN ZHES ZER MI RUNG BA'I PHYIR, ZHES PA'O,, RIN CHEN PHRENG BA LAS KYANG, DE BZHIN GSHEGS PAS THEG CHEN LAS, ,BYANG CHUB SEMS DPA'I TSOGS BTSAN NA, ,DE LA KUN TU

, ,RMONGS PA RNAMS, ,RAB TU SDANG BAS SMOD PAR BYED, ,YON TAN SKYON DAG MI SHES PA'AM, ,YANG NA YON TAN SDANG BA ZHIG, ,THEG PA CHE LA SMOD BYED GRANG, ,GZHAN LA GNOD PA SKYON DANG NI, ,GZHAN LA PHAN PA YON TAN TU, ,SHES NAS THEG PA CHEN PO LA, ,SMOD BYED YON TAN SDANG ZHES BRJOD, ,CES SOGS DANG, THEG PA CHEN PO GANG ZHIG LAS, ,SNYING RJE SNGON BTANG SPYOD PA DANG, ,YE SHES DRI MA MED BSHAD PA, ,SEMS YOD SU ZHIG DE LA SMOD, ,SHIN TU RGYA CHER RAB ZLA BA LA, ,SGYID LUG BDAG NYID MA SBYANGS PA, ,BDAG GZHAN DGRA RNAMS RMONGS PA YIS, ,'DI NA THEG PA CHEL SMOD, ,SBYIN DANG TSUL KHRIMS BZOD BRTZON 'GRUS, ,BASm GTAN SHES RAB SNYING RJE'I BDAG ,THEG CHEN YIN NA DE YI PHYIR, ,'DI LA NYES BSHAD CI ZHIG YOD,, CES SOGS DANG, THEG PA CHE LAS SKYE MED BSTAN, ,KHYED KYIS ZAD PA STONG PA NYID, ,ZAD DANG MI SKYE DON DU NI, ,GCIG PAS DE PHYIR BZOD PAR GYIS,, ZHES PA NAS, NYAN THOS THEG PA DE LAS NI, ,BYANG CHUB SEMS DPA' SMON LAM DANG, ,SPYOD PA YONGS BSDO MA BSHAD DES, ,BYANG CHUB SEMS DPAR GAL GYUR, ,BYANG CHUB SEMS DPAS BYANG CHUB PHYIR, ,RTEN RNAMS SANGS RGYAS KYIS MA BSHAD, ,DON 'DI LA NI RGYAL BA LAS, ,LHAG PA'I TSAD MA GZHAN SU YOD, ,RTEN DANG 'PHAGS PA'I BDEN DON DANG, ,BYANG CHUB PHYOGS MTHUN LDAN PA LI, ,LAM NI NYAN THOS THUN MONG LAS, ,SANGS RGYAS 'BRAS BU GANG GIS LHAG ,BYANG CHUB SPYOD LA GNAS PA'I DON, ,MDO SDE LAS NI BKA' MA STZAL, ,THEG PA CHE LAS BKA' STZAL BA, ,DE PHYIR MKHAS PA RNAMS KYIS GZUNG, ,ZHES SOGS KYIS THEG CHEN

BKAR SGRUB PA DANG, SPYOD 'JUG LAS KYANG, BDEN PA MTHONG BAS GROL 'GYUR GYI, ,STONG NYID MTHONG BAS CI ZHIG BYA, ,GANG PHYIR LUNG LAS LAM 'DI NI, ,MED PAR BYANG CHUB MED PAR GSUNGS, ,GAL TE THEG CHEN MA GRUB NA, , KHYOD KYI LUNG NI JI LTAR GRUB, ,GANG PHYIR GNYIS KA LA 'DI GRUB, ,DANG PO KHYOD LA 'DI MA GRUB, ,RKYEN GANG GIS NI DE'I YID CHES, ,DE NI THEG CHEN LA YANG MTSUNGS, ,GZHAN GNYIS 'DOD PAS BDEN NA NI, ,RIG BYED SOGS KYANG BDEN PAR GYUR, ,THEG CHEN RTZOD BCAS PHYIR ZHE NA, ,LUNG LA MU STEGS PA RNAMS DANG, ,LUNG GZHAN LA YANG RANG GZHAN DAG ,RTZOD BCAS PHYIR NA DOR BYAR 'GYUR, ,ZHES SOGS DANG, DAG GANG MDO SDE LA 'JUG DE, ,GAL TE SANGS RGYAS GSUNGS 'DOD NA, ,THEG CHEN PHAL CHER KHYED CAG GI ,MDO DANG MTSUNGS 'DOD MIN NAM CI, ,GAL TE MA GTOGS GCIG GIS NI, ,THAMS CAD SKYON DANG BCAS GYUR NA, MDO MTSUNGS GCIG GIS THAMS CAD NI, ,RGYAL BAS GSUNGS PA CIS MA YIN, ,NGAG GAGN 'OD SRUNG CHEN PO LA, ,SOGS PAS GTING DPOGS MGYUR PA, ,DE NI KHYOD KYIS MA RTOGS PAS, ,GZUNG BYA MIN PAR SU ZHIG BYED,, CES SOGS KYIS THEG CHEN BKAR SGRUB STE, TSIG DON NI PHAL CHER GO SLA BA DANG MANG DOGS NAS MA BRIS, DBU MA SNYING POR, THEG CHEN SANGS RGYAS GSUNG YIN TE, ,BDAG MED LA SOGS STON PA DANG, ,DKON MCHOG GSUM GYI BDAG NYID CHE, , STON PHYIR SLOB MA'I THEG PA BZHIN,, ZHES PA NI, THEG CHEN SDE SNOD CHOS CAN, SANGS RGYAS KYI GSUNGS PA YIN TE, BDAG MED LA SOGS PA STON PA'I PHYIR DANG, DKON MCHOG GSUM GYI CHE BA'I BDAG NYID STON PA'I PHYIR,

, ,DPER NA SLOB MA'I THEG PA STE NYAN THOS KYI SDE SNOD BZHIN, ZHES PA'I DON CAN NO,, 'DIR THEG PA ZHES PA NI BRJOD BYA'I DON DANG BRJOD BYED TSIG GI THEG PA GNYIS KA LA BYA STE, RTOG GE 'BAR BA LAS, 'BRAS BU DANG BCAS PA'I PHA ROL TU PHYIN PA DRUG CES BYA BA'I LAM DANG DE STON PAR BYED PA'I GTZUG LAG KYANG THEG PA CHEN PO ZHES BYA STE, ZHES PA LTAR RO,, PHYIR RGOL TSAD MAS GNOD PA'I PHYIR, ,DE YIS GTAN TSIGS MA GRUB NYID,, CES SDE SNOD GSUM DU MA BSDUS PA'I PHYIR, ZHES PA'I GTAN TSIGS MA GRUB STE, THEG CHEN SDE SNOD DE SDE SNOD GSUM DU BSDUS PA'I PHYIR TE, THEG CHEN SDE SNOD DU BSTAN PA'I BDEN PA BZHI DANG BYANG PHYOGS SO BDUN DANG, STOBS BCU, MI 'JIGS PA BZHI, SO RIGS BZHI, SANGS RGYAS KYI CHOS MA 'DRES SOGS 'DUL BA LA SOGS PA'I NANG DU BSTAN PA'I PHYIR DANG, DE RNAMS BSGOMS PAS NYON MONGS PA SPONGS BAR MTSUNGS SHING, KHYAD PAR NI THEG PA CHEN PO DE RNAMS MI DMIGS PAR BSGOMS PAS SHES SGRIB SPONGS BA DE TZAM YIN PA'I PHYIR, THEG CHEN SANGS RGYAS KYIS GSUNGS PA YIN TE, CHOS KYI PHYAG RGYA DANG MI 'GAL BA'I PHYIR DANG, 'PHAGS PA'I BDEN PA'I MDO SDE LA YANG 'JUG ,NYON MONGS PA 'DUL BA LA YANG SNANG, RTEN 'BYUNG GI CHOS NYID DANG YANG MI 'GAL BA'I PHYIR, YANG NA SDEB BCO BRGYAD SO S'I LUNG RNAMS RANG RANG GI MDO SDE LA 'JUG PA DANG'DUL BA LA SNAGN BA SOGS YIN KYANG, PHYAN TSUG 'GAL BA CHEN PO YOD PA LTAR, THEG CHEN THUN MONG MIN PA 'GA' ZHIG NI NYAN THOS KYI MDO SDEL MI 'JUG PA DANG, 'DUL BA LA NI RNANG BA SOGS YIN KYANG,

THEG PA CHEN PO'I MDO SDE LA 'JUG ,BYANG SEMS KYI BSLAB PA'I GNAS BDUN BRGYA LA SNANG, STONG PA NYID DU BSTAN PA'I CHOS NYID DANG MI 'GAL BA'I PHYIR TE, MDO SDE RGYAN LAS, RANG GI MDO LA 'JUG PA DANG, ,RANG GI 'DUL LA SNANG PHYIR DANG, ,ZAB PA'I PHYIR DANG RGYA CHE'I PHYIR, ,CHOS NYID DANG NI 'GAL BA MED,, CES GSUNGS SO,, BSDUD PA PO RNAMS KYIS MA BSDUS PA'I PHYIR ZHES PA'I GTAN TSIGS KYANG MA GRUB STE, THEG CHEN SDE SNOD NI KUN BZANG DANG 'JAM DPAL DANG GSANG BDAG DANG BYAMS PA LA SOGS PA RNAMS KYIS BSDUD PA'I PHYIR, THEG CHEN SDE SNOD BSDUD PA PO NI NYAN THOS MA YIN TE, THEG CHEN THUN MONG MIN PA'I DON RNAMS NYAN THOS KYI SPYOD YUL MA YIN PA'I PHYIR TE, SHING SHA PA'I TSAL KYI MDO LAS, KUN DGA' BO, SHING SHA BA'I TSAL 'DI LA 'DAB MA JI SNYED YOD BA BAS LHAG PAR MANG BA'I CHOS SANGS RTOGS PAR GYUR NA YANG KHYED LA NI NGAS MA BSTAN TE, ZHES GSUNGS PA'I PHYIR, DES NA KUN DGA' BO THEG DMAN GYI MDO SDE 'GA' ZHIG BSDUS PA YIN GYI, ,MDO SDE KUN GYI BSDUD PA BOR MI RUNG BA'I PHYIR, GZHAN YANG, BLA MA KUN DGA' BA TA LI, ,SDUG BSNGAL PHUNG PO SA BA DANG, ,'CHAR BYED STENG PA 'CHAR BA DANG, ,GANG BO SPANGS PA RAM PA DANG, ,MYA NGAN 'DAS DANG YUL 'KHOR SKYONG, ,ZHES BYA GZHAN YANG 'GRO BA'I MDO, ,RTZA BA'I BSDUD PAR MA TSANG BAS, ,RGYAS PAR MIN PAR RTOGS PAR BYA,, ZHES PA LTAR, BLA MA'I MDO LAS, STON PA'I NYAN THOS 'DZAM BU'I GLING NA GNAS PA RNAMS LAS CHOS KYI RNAM GRANGS 'DI 'DZIN PAR BYED PA NI BTZUN PA BLA MA MA GTOGS PA DGE SLONG GCIG KYANG MED PAR GSUNGS PA DANG, KUN DGA' PO'I MDO

, ,LAS KUN DGA' BOS CHOS PHUNG STONG PHRAG BRGYAD CU LHAG NI BCOM LDAN 'DAS LAS BZUNG, STONG PHRAG GNYIS NI DGE SLONG GZHAN DAG LAS BZUNG BAR BSHAD PAS, KUN DAG' PO MDO SDE THAMS CAD BZUNG BA MA YIN PAR GRUB STE, STON PAS LO BZHI BCU LHAG PAR CHOS GSUNGS SHING, KUN DGA' PO LO NYI SHU LHAG TZAM DU STON PA'I THAD DU CHOS PHUNG STONG PHRAG BRGYAD CU LHAG THOS PA DANG, RANG GI SNGON ROL LO NYI SHU LHAG TU GSUNGS PA'I CHOS PHUNG LAS STONG PHRAG GNYIS TZAM ZHIG DGE SLONG GZHAN DAG LAS THOS PAR GSUNGS PAS GZHAN MA BZUNG BAR SHES PA'I PHYIR DANG, LO NYI SHU SNGA MAR CHOS PHUNG GNYIS STONG LAS MANG PO GSUNGS DGOS PA'I PHYIR TE, LO NYI SHU SNGA MAR CHOS PHUNG GNYIS STONG TZAM GSUNGS PA DANG, LO NYI SHU PHYI MAR CHOS PHUNG BRGYAD KHRI LHAG GSUNGS PA YIN NA SNGA MA LA PHYI MA'I BZHI BCU'I CHA LAS KYANG NYUNG BA'I CHOS GSUNGS PAR GYUR BAS MI RIGS PAR RNAM BSHAD RIGS PA LAS BSHAD PA'I PHYIR, BA TA LI'I MDO LAS RTA CANG SHES BZANG PO'I RTE'U ZHES BYA BA'I CHOS KYI RNAM GRANGS BSTAN TE ZHES MING TZAM BYUNG BA'I MDO DENG SANG MI SNANG PA'I PHYIR DANG, SDUG BSNGAL GYI PHUNG PO BSTAN PA'I MDO LAS, BCOM LDAN 'DAS RI NGOS BZANGS LA GSHEGS PA'I TSE GCER BU BA DAG LA GDAMS PA'I MDO ZHIG YOD PAR GSUNGS KYANG DE DENG SANG MI SNANG BA DANG, DE BZHIN DU, SA PA'I MDO LAS BCOM LDAN 'DAS RGYAL PO'I KHAB NA ZHUGS PA'I TSE KUN TU RGYU LA GDAMS PA'I MDO ZHIG YOD PAR BSHAD PA DANG, 'CHAR BYED KYI MDO LAS TSOR BA BZHI BSTAN PA'I MDO ZHES MING TZAM BYUNG BA DANG, STONG PA NYID KYI MDO LAS NGA STONG BA NYID LA MANG

DU GNAS SO ZHES SOGS GSUNGS PA'I MDO ZHIG KUN DGA' BO BDAG GIS THOS PAR BSHAD PA DANG, 'CHAR BA'I MDO LAS DUS GCIG TU THAMS CAD SHES PA DANG THAMS CAD MTHONG BA'I DGE SBYONG NGAM BRAM ZE ZHES SOGS BSTAN PA'I MDO ZHIG YOD PAR BSHAD PA DANG, GANG BO'I MOD LAS KUN DGA' BOS BYAMS MA'I BU GANG PO SNGON GSAR BAR GYUR BA NA ZA BA CING ZAB PA'I CHOS KYI GTAM SMRA BAR BSHAD PA DANG, SPANGS PA'I MOD LAS BCOM LDAN 'DAS KYIS BSAM GTAN GYI BSNGAGS PA BSTAN PA'I MDO MDZAD PAR BSHAD PA DANG, RAM PA KA'I MDO LAS KHYIM NA GNAS PA'I NYES DMIGS BSTAN PA'I MDO MDZAD PAR BSHAD PA DANG, MYA NGAN LAS 'DAS PA CHEN PO'I MDO LAS SANGS RGYAS BCOM LDAN 'DAS RNAMS NI BSAM GTAN BZHI PA LA SNYOMS PAR ZHUGS SHING GA-YO BA MED PA'I ZHI BA RTOGS NAS ZHES SOGS KYI MDO KUN DGA' BOS BCOM LDAN 'DAS KYI THAD NAS MNGON SUM DU THOS PAR BSHAD PA DANG, YUL 'KHOR SKYONG GIS BCOM LDAN 'DAS KYIS SKYO BAR 'GYUR BA'I LAM BZHI PO BSTAN PAR BSHAD PA DANG, 'GRO BA'I MDO LAS KHYIM BDAG MGON MED ZAS SBYIN GYIS KUN DGA' RAB BYAS PA'I PHAN YON BSTAN PA'I MDO BCOM LDAN 'DAS KYI THAD NAS MNGON SUM DU THOS PAR BSHAD PA'I MDO DE DAG DENG SANG MI SNANG BA'I PHYIR DANG, DE BZHIN DU MI SMRA BA'I MDO LAS SNGAR MOO GAL GYI BUL 'PHAGS PA'I MI SMRA BA BSTAN PAR GSUNGS PA DANG, GNAS PAR BYA BA'I MDO LAS 'PHAGS PA'I GNAS PA BSTAN PA'I MDO GZHAN ZHIG YOD PAR GSUNGS PA RNAMS KYANG DENG SANG MI MTHONG BA'I PHYIR DANG, YONGS SU MYA NGAN LAS 'DAS PA CHEN PO LTA BU MDO GCIG BU YANG 'DON PA THA DAD PA MANG PO YOD PA'I PHYIR NANG LTA NYAN THOS SDE BA LA YOD PA'I MDO RNAMS NI SANGS RGYAS S+YI

, ,GSUNG RAB RGYAS PA MIN PA STE MA TSANG BA YIN PAR SHES PAR BYA'O,, RTZA BA'I BSDUD PA PO 'OD SRUNG LA SOGS PAS BYAS PA NI 'DI LTAR NYAMS TE, SDE BA SO SO'I MDO RNAMS 'DON PA THA DAD PA'I PHYIR DANG, LUNG GI TSIG DE DAG GI DON BSDUS RNAMS KYANG 'DON PA THA DAD PA DU MA YOD PA'I PHYIR, GZHAN YANG MA GTOGS SHING MI 'GAL BA MNGAL DU 'JUG PA DANG DGA' BCAN DANG TSE'I MTHAR THUG PA ZHES BYA BA'I MING CAN RNAMS NYE BAR MTHONG STE, DE LTAR NA BSDUD PAR BYED PA YANG 'CHOL BAR 'GYUR BSAD LTA SANGS RGYAS KYI BKA' TSANG BAR BZHUGS PAR JI LTAR YID CHES PAR NUS, THOS BA RGYUD PA LAS GCIG LAS 'PHROS PA YANG BRGYA'I BAR DU YOD DO ZHES THOS SO,, GZHAN YANG THEG PA CHEN PO YANG GSUNG RAB GZHAN YIN NA THEG DMAN GYI SDUD PAR BYED PAS GA LA BSDUD PAR 'GYUR TE, PHAN TSUN 'GAL BAS NA SDUD PAR BYED PA THA DAD PA'I PHYIR RO,, BDAG MED BSTAN PA'I MDO NI MANG BKUR BAS KHAS MI LEN, BAR SRID DANG SRID PA BDUN BSTAN PA'I MDO NI SA STON SDE PAS MI 'DOD, DE BZHIN DU 'DUL BA LAS KYANG DUS MIN PAR BU RAM BZA' BA NI GNAS MA'I BU LTAR NA BKAG PA DANG YOD SMRA LTAR NA GNANG NGO,, GZHAN YANG, KHA CIG NI DUS BYAS THAMS CAD SKAD CIG MA GCIG TU 'DOD, LA LA NI SKAD CIG MA GNYIS SU 'DOD, GZHAN DAG NI SA 'DI BSKAL BA'I BAR DU GNAS PAR 'DOD, KHA CIG NI MYANG 'DAS RDZAS YOD DU 'DOD, LA LA NI BTAGS YOD DU YOD, KHA CIG NI BDEN PA MNGON RTOG SKAD CIG MA GCIG TU 'DOD, LA LA NI SKAD CIG MA BCU DRUG TU 'DOD PA SOGS SDE BA SO SO'I GSUNG RAB RNAMS KYANG SNA TSOGS SU GYUR BA LTAR, THEG CHEN GYI SDE SNOD

KYANG NYAN THOS KYI SDE SNOD DANG TSIG ZIN 'GAL BA MANG PO YOD KYANG SANGS RGYAS KYI BKA' YIN PA MI 'GAL BA YIN NO,, ZHES BZHED DO, ,RNAM BSHAD RIGS PA LAS, BLA MA KUN DGA' 'OD SEL DANG, ,SDUL BSNGAL PHUNG STON SA STON DANG, ,'CHAR KA STONG NYID CHU LAS SKYES, ,GANG POS MTSO CHU SHING DANG, ,MYA NGAN 'DAS DANG YUL 'KHOR SKYONG, ,'GRO BA'I MDO DANG DE BZHIN GZHAN, ,YANG DAG BSDUS PA'I GZHI NYAMS PHYIR, ,MTHA' DAG MIN PAR RTOGS PA YIN,, ZHES GSUNGS PA NI SNGAR BSHAD PA DANG DON 'DRA'O,, GZHAN YANG, DE BZHIN GSHEGS PA DE RGYUN MA CHAD PAS RTAG PA ZHES BSTAN GYI MI 'GYUR PA'I RTAG PAR MA BSHAD LA, RGYUN LDAN GYI DNGOS PO LA YANG RTAG PA'I SGRA 'JUG STE, DPER NA CHU KLUNG NI RGYUN TU BAB, ME NI RTAG TU 'BAR ZHES PA BZHIN NO,, DE BZHIN GSHEGS PA NI KHYAB PA'O ZHES PA NI YE SHES KYIS SHES BYA THAMS CAD LA KHYAB PAS YIN GYI, KHYAB 'JUG LTAR THAMS CAD DU GNAS PA NI MA YIN LA, SEMS CAN THAMS CAD DE BZHIN GSHEGS PA'I SNYING PO CAN DU BSHAD PA NI, STONG NYID MTSAN MED SMON MED SOGS SEMS CAN THAMS CAD LA YOD PA'I PHYIR YIN GYI, NANG GI BYED PA'I SKYES BU RTAG PA THAMS CAD DU KHYAB PA LTA BU NI MA YIN ZHING, LEN PA'I RNAM PAR SHES PA YANG 'KHOR BAR 'JUG LDOG GI RGYUR GYUR BA, CHU KLUNG CHEN PO'I RGYUN LTAR RTAG TU 'JUG YANG, SKAD CIG MA YIN PAS RGYUN GYIS 'JUG PA YIN GYI ,BDAG RTAG PA DANG 'DRA BAR NI MA YIN NO,, SANGS RGYAS MYA NGAN YONGS MI 'DA', ,ZHES PA YANG, SEMS CAN THAMS CAD MTHAR THUG GI SAL BKOD PAR SMON LAM BTAB PA'I PHYIR NYAN THOS SDE BAS 'DOD PA LTAR GTAN DU MYA NGAN LAS

, ,'DAS PA NI MA YIN GYI, BUD SHING YOD MED KYI KHYAD PAR GYIS ME 'BAR BA DANG SHIB LTAR 'DUL BYA YOD MED KYI KHYAD PAR GYIS SKU BLTAMS PA DANG MYA NGAN LAS 'DAS PA'I MDZAD PA MI STON PA YANG MA YIN LA; SRID PA DANG ZHI BAL MI GNAS PA'I MYANG 'DAS MNGON DU MA MDZAD PA YANG MA YIN NO,, NYAN THOS CHEN PO RNAMS LUNG BSTAN PA YANG SANGS RGYAS KYI RIGS LA DGONGS NAS LUNG BSTAN PA YIN TE, DGRA BCOM PA RNAMS LAS DANG NYON MONGS SPANGS NA YANG CHOS NYID KYIS THOB PA'I SKYEB DU MAR BRGYUD NAS BYANG CHUB CHEN PO'I RGYU TSOGS GNYIS BSAGS NAS 'TSANG RGYA BAR 'GYUR BA'I PHYIR DANG, YANG NA BDAG NYID NYAN THOS SU SBRUL BA LUNG BSTAN PA'AM, NYAN THOS KYI CHA BYAD 'DZIN PA SH'A RI'I PU LA SOGS PA'I MING GIS BRJOD PA'I BYANG CHUB SEMS DPA' LUNG BSTAN PA YIN TE, JI SKAD DU, GCIG NI NGES PAR ZHUGS PA DANG, GZHAN DAG RJES SU BZUNG BA'I PHYIR, ,RDZOGS PA'I SANGS RGYAS RNAMS KYIS NI, ,MA NGES RNAMS LA THEG GCIG BSTAN,, ZHES BYUNG BA BZHIN NO,, ZHES RTOG GE 'BAR BA LAS BSHAD DE, GZHUNG 'DI NI 'GYUR KHYAD MA GTOGS PA MDO SDE RGYAN LAS KHA CIG DAG NI DRANGS PHYIR DANG, ,ZHES SOGS GSUNGS PA DE YIN NAM SNYAM ZHING, NYAN THOS KYI CHA BYANG 'DZIN PA'I SH'A RI'I BU'I MING CAN GYI BYANG SEMS ZHES PA NI DBU MA'I MTHA' DPYOD LTAR NA MCHOG ZUNG NANG GI SH'A RI'I BU YIN MIN LA DPYAD RGYU YOD, THEG CHEN GYI SDE SNOD LAS DGRA BCOM PA LA SMAD PA MED DE, MDO LAS YUNGS DKAR DANG RI RAB, ME KHYER DANG NYIN, ,WA KHYER DANG NYIM, ,WA DANG SENG GE, AE RAnAt BZHIN DU NYAM THOS DANG BYANG CHUB SEMS

DPA'I KHYAD PAR BSTAN PA NI RANG BZHIN BRJOD PA YIN GYI, SMAD PA MA YIN TE, BA LANG GI RMIG RJES KYI CHU DANG RGYA MTSO CHEN PO,, YUNGS DKAR GYI NANG SRIN BUS ZOS PA'I BU GA DANG NAM MKHA' TSAD MNYAM PAR SMRA NA BZHAD GANG DU 'GYUR BA BZHIN DU NYAN THOS DANG BYANG SEMS YON TAN MNYAM PAR SMRA BA YANG DE DANG 'DRA BA'I PHYIR, BYANG SEMS LA PHYAG BYA BAR BSHAD PA YANG MI RIGS PA MED DE, 'JIG RTEN DBANG PHYUG LA SOGS PA'I BYANG SEMS RNAMS KHYIM PA MA YIN TE, CHAGS PA THAMS CAD SPANGS PA DANG, SO THAR GYI SDOM PA BLANGS PA DANG, BYANG SDOM GYIS BYANG CHUB SNYING PO'I BAR DU BSDAMS PA'I PHYIR RO,, DE DAG KHYIM PA LA SOGS PA'I GZUGS 'DZIN PA NI SPRUL BSTON PA YIN TE, DPER NA RGYAL PO KA PI NA 'DUL BA'I PHYIR DU THUB DBANG GIS 'KHOR BSGYUR DU SPRUL BA DANG, NYAN THOS CHEN PO RNAMS KYANG BLON PO'I GZUGS 'DZIN BCING RGYAN SNA TSOGS THOGS PA DANG, MNYAN YOD DU BRAM ZE RGYU CAN 'DUL PHYIR DU BCOM LDAN 'DAS TSANGS PA GDONG BZHI PA RAL BA CAN DU SPRUL BA DANG, 'BA' SHI TA'I RIGS KYI BRAM ZE MO 'DUL PHYIR DU BRAM ZE'I GZUGS SU SPRUL NAS BUD MED SHI BA'I RO BZUNG STE, 'DI NI BDAG GI CHUNG MA'O ZHES GSUNGS PA DANG, KO SA LAR MGAR MKHAN 'DUL PHYIR DU MGAR MKHAN DU SPRUL NAS RDZA RNGA BRDUD BA DANG, RTZE LNGA'I DRI ZA 'DUL BA'I DON DU DRI ZA'I GZUGS SU SPRUL NAS PI WANG BLANGS SHING BRDUNG BA DANG; DE BZHIN DU RDZA MKHAN DANG, LCAGS MGAR DANG, STOBS 'GYED PA'I GZUGS DANG, RNGON PA MI SDUG PA SOGS KYI GZUGS DANG, SPYOD PA DANG, SMRA BA LTAR MDZAD NA YANG STON PA NYAN THOS DANG BCAS PA

, ,PHYAG BYA BA'I YUL MA YIN PAR MI 'GYUR BA BZHIN YIN PA'I PHYIR TE, JI SKAD DU, RGYAN GYIS BRGYAN PAR GYUR KYANG CHOS SPYOD CING, ZHES SOGS GSUNGS PA LTA BU'O,, GAL TE BYANG SEMS KHYIM PA LA KHYIM PA KHO NAS PHYAG BYA BA YIN GYI, RAB BYUNG GIS MA YIN NO ZHE NA, YON TAN GTZA BOR GYUR BA LA PHYAG BYA'I RTAGS LA NI MA YIN PAS YON TAN KHYAD PAR CAN DANG LDAN PA'I KHYIM PA LA YON TAN GYIS 'BUL BA'I RAB BYUNG DAG GIS PHYAG BYA BA KHO NA YIN TE, YON TA NA MED PA'I RTAGS 'DZIN NI CHAR BA MED PA'I SBRIN DANG CHU MED PA'I KHRON PA DANG MYU GU MI 'BYUNG BA'I SA BON BZHIN DU SMAD PA'I GNAS SU GSUNGS PA'I PHYIR DANG, SDEB BCO BRGYAD KYI GZHUNG LAS KYANG RAB BYUNG GIS BYANG SEMS LA PHYAG BYA BAR GSUNGS PA'I PHYIR TE, PHAL CHEN SDE BA'I NANG TSAN DON GRUB PA RNAMS RIG 'DZIN GYI SDE SNOD 'DON PA LAS; BYAMS PA LA PHYAG MCHOD BYED NANG LA PHYAG MCHOD BYAS PAR 'GYUR BA DANG, NGA STON PAR 'DZIN PA DAG GIS BYANG SEMS BYAMS PA LA PHYAG MCHOD BYA DGOS PAR BCOM LDAN 'DAS KYIS GSUNGS PA THOS NAS DGRA BCOM PA STONG NYIS BRGYA LNGA BCUS DUS GCIG DANG DBYANGS GCIG GIS RGYAL TSAB BYAMS PA LA BSTOD PHYAG BYAS BAR GSUNGS PA DANG, CHOS THAMS CAD NGO BO NYID KYIS MNYAM PAR RGYAS BA ZHES BYA BA'I TING NGE 'DZIN THOB PA'I BYANG SEMS KYIS SEMS CAN GYI SBYOD PA BRGYAD KHRI BZHI STONG YANG DAG PAR SHES SHING, DE DA MTHUN PAR CHOS STON PA DANG, NYAN RANG GI SBYOD YUL DU MA GYUR BA THAMS CAD SHES PAR

GSUNGS PA THOS NAS, 'PHAGS BA RAB 'BYOR GYIS BYANG SEMS RNAMS LA BSTOD PHYAG BYAS PAR PHAL CHEN SDE PA'I SHAR RIL GNAS PA, RNAMS KYI BYANG SEMS KYI SDE SNOD NAS BYUNG BA DANG, BYANG SEMS DRA BCAN GYI BSDAGS PA MDZAD PA THOS NAS, 'OD SRUNG CHEN POS BYANG SEMS RNAMS LA PHYAG BYAS PAR PHAL CHEN SDE PA'I NUB RIL GNAS PA RNAMS KYI BYANG SEMS KYI SDE SNOD LAS BYUNG BA DANG, STOBS DANG MNGON SHES DBANG THOB PA, ZHES SOGS DANG, SANGS RGYAS SKYOB PA GANG RNAMS KYI, ZHES SOGS KYIS MOO'U GAL GYI BU CHEN PO BYANG SEMS RNAMS LA PHYAG BYAS PAR PHAL CHEN SDE BA'I NANG TSAN NGA PO'I LAM PA PHO BRANG DPAL YON CAN NA GNAS PA RNAMS KYI SHIN TU RGYAS BA'I SDE SNOD LAS BYUNG BA DANG, SPYAN RAS GZIGS KYI BSNGAGS PA MDZAD PA THOS NAS KUN DGA' LOS DE LA PHYAG BYAS PAR PHAL CHEN SDE PA GANGS RI BA RNAMS KYI SKYES RABS KYI SDE SNOD LAS BYUNG BA DANG, 'ONG SRUNGS CHEN POS THUB PA'I SKYES RABS LA BSTOD PHYAG BYAS PAR PHAL CHEN SDE BA'I MDO SDE'I SDE SNOD LAS BYUNG BA DANG, SANGS RGYAS SRAS PO BYANG CHUB SEMS, ,'JIG RTEN KUN GYIS PHYAG BGYI'O, ,ZHES SOGS DANG, GO CHA CHEN PO'I GO BA GOS NAS, BSAM GYIS MI KHYAB DBANG THOB CING, ,ZHES PA NAS, SANGS RGYAS KUN MKHYEN MA GTOGS PA'I, ,LHA DANG BCAS PA'I 'JIG RTEN NI, ,'GAS KYANG PHYAG MI BYA BA MIN, ,ZHES BYANG SEMS LA SANGS RGYAS MA GTOGS PA THAMS CAD KYIS PHYAG BYA BAR GNAS BRTAN PA 'JIGS MED RI LA GNAS PA RNAMS KYI SANGS RGYAS KYI RIGS KHRI NYIS LTONG LAS BYUNG BA DANG, MNYAN YOD DU CHO 'PHRUL CHEN PO BSTAN PA MTHONG

, ,NAS SH'A RI'I BUS THUB PA'I SKYES RABS LA PHYAG BYAS PAR BTAGS PAR SMRA BA'I MANG DU THOS PA BA RNAMS KYIS CHO 'PHRUL GYI MDO DANG, DE'I TSE GANG POS DE LA PHYAG BYAS PAR MCHOD RTEN PA'I CHO 'PHRUL GYI MDO DANG, DE'I TSE 'OD SRUNGS GZHON NU DANG 'OD SRUNGS CHEN POS DE LA PHYAG BYAS PAR BA LANG GNAS CHEN PO MCHOD RTEN PA RNAMS KYI CHO 'PHRUL GYI MDO LAS BYUNG BA DANG, SH'A RI'I BUS THUB PA'I SKYES RABS LA PHYAG BYAS PAR 'ONG SRUNGS PA'I PHAR PHYIN GYI LAM LAS BYUNG BA DANG, TSE DANG LDAN PA RI BTAN DE LA PHYAG BYAS PAR GOS DMAR PA'I GSUNG RAB LAS DANG, KUN DGA' POS DE LA PHYAG BYAS PAR MANG POS BKUR BKU RU KU LIR GNAS PA RNAMS KYI GZHUNG LAS DANG, RANG 'BYOR GYIS DE LA PHYAG BYAS PAR SA STON PA'I TSOMS BRGYAD PA LAS DANG, NAG PO 'CHAR KAS DE LA PHYAG BYAS PAR RNAM PAR PHYE STE SMRA BA'I GSUNG RAB LAS DANG, MAR ME MDZAD KYIS LUNG BSTAN PA'I TSE STON PA DANG RGYUD CIG PA'I BYANG SEMS DA LA LHA DANG BCAS PA'I 'JIG RTEN GYIS PHYAG BGYIS BAR CHOS PAS PA NAMS KYI CHOS KYI RKANG BA LAS DANG, KUN DGA' BOS LTON PA DANG CHUD GCIG PA'I BYANG CHUB SEMS DPA' LA PHYAG BA GYIS BAR YOD SLA'I CHOS RMANG DU BYUNG BA LAS BYUNG BA'I PHYIR RO,, BYANG CHUB TU SEMS BSKYED PA TZAM GYI KHYIMS PA KUN LA RAB BYUNG GIS PHYAG BYA BA YIN NA MA ZHE NA MA YIN TE, GANG DAG SA LA ZHUGS PA DANG LUNG BSTAN THOB PA YIN NA RI BO DANG DANG BA'I RGYAL PO LA SOGS PA'I DUD 'GROR GYUR PA LA YANG PHYAG BYA BA YIN NA MI LA SOGS PAR GYUR PA LA LHA CI SMOS ZHES BSHAD DO,, SEMS BSKYED PA

TZAM GYI KHYIM PA KUN LA RAB BYUNG GIS PHYAG BYA BA MA YIN PAR BSHAD PA NI SEMS BSKYED DNGOS MA SKYES PA LA BYED DAM DPYAD DGOS TE, DE KHO NA NYID RTOGS PA MED DU ZIN KYANG DE'I RTEN BYANG CHUB KYI SEMS BRTAN PAR SONG NA PHYAG BYA GA KHON YIN NO,, ZHES RTOG GE 'BAR RAB LAS GSUNGS PA DANG, SPYOD 'JUG LAS KYANG, BYANG CHUB KYI SEMS SKYES PA TZAM GYIS 'JIG RTEN LHA MIR BCAS PA KUN GYIS PHYAG BYA BA'I YUL DU 'GYUR PAR GSUNGS PA'I PHYIR, //JA// DGE 'DUN PAL CHEN SDE NYID NI, ,ZHES PA NAS, SA BCU PA'I MDO LA SOGS PA PHAL CHER 'BYUNG STE, ZHES PA'I BAR SHER SGRON 'GREL BSHAD LAS BYUNG SHING, DGE 'DUN PHAL CHEN SDE SNOD DAG GI 'JIG RTEN SMRA PA'I SDE SNOD KYI GZHI CHEN PO ZHES PA NI YI GE MDAG STE, DGE 'DUN PHA' CHEN SDE BDAG GI 'JIG RTEN 'DES SMRA SDE'I SDE SNOD KYI GZHI CHEN PO LAS ZHES GZHUNG DU BYUNG BA'I PHYIR, ,STOBS DANG MNGON SHES DBANG THOB PA, ,ZHES SOGS DANG, GO CHA CHEN PO'I GO BGOS NAS, ,ZHES SOGS KYI GZHUNG TSAN GNYIS NI RTOG GE 'BAR BAR DRANG PA LAS BYUNG BA YIN PAS, 'DIR DGYUS GCIG TU SRANGS PA LA BAS MA NAS 'GREL BSHAD DU DRANG PA'I GZHUNG DU GO BAR MI BYA'O,,'' NYA'' SANGS RGYAS LAS BYANG SEMS LHAG PAR BSDAGS BA MDZAD PA'I DGOS PA NI, SANGS RGYAS KYI RGYU SHIN TU GCES PA DANG, RGYU BYANG SEMS LA MCHOD PAS KYANG 'BRAS BU SANGS RGYAS LA MCHOD PAR DON GYIS 'GRO BA DANG, SMAN GYI LJON SHING LTAR CHUNG NGU'I DUS SU LHAG PAR GCES SBRAS SU BYAS TE SKYONG DGOS PA DANG, 'KHOR DU NYE BA'I GDUL BYA RIGS CAN GSUM THEG CHEN LA SBYAR BA'I DGOS PA BZHI

, ,YOD PAR 'JUG PA'I t'IKA CHEN DU BSHAD DO,, NAM MKHA' MDZOD KYI SMON LAM SOGS KYANG TSEG TZAM MA YIN TE, 'BRAS BU MTHONG BA'I PHYIR, DA LTA MI MTHONG BA NI DGE BA'I RTZA BA DBUL BA RNAMS LA NYAMS PAR 'GYUR BA'AM PHYIN CI LOG TU MTHONG STE, YI DVAG RNAMS LA CHU BO GANG+GA SKAM PA'AM RANG GAM ME MAR MUR DU MTHONG BA BZHIN DU, BYANG SEMS KYI SMON LAM LAS NOR GYI CHAR PHAB KYANG DGE RTZA MA BSAGS BA RNAMS LA NAM MKHA' LA MED PAR 'GYUR BA'AM, THOG LA SOGS PAR GYUR NAS 'BAB PAR 'GYUR PA'I PHYIR, 'O NA SEMS CAN RANG GI LAS KHO NAS 'BYOR BA DANG RGUNG PAR GYUR NA BYANG SEMS LA GZHAN LA PHAN BA'I NUS PA MED DAM ZHEN DE LTAR MA YIN TE, DPER NA SA CHU ME RLUNG NAM MKHA' TSOGS PA LAS MYU GU 'BYUNG GI, DE DAG MTSANG NA MI 'BYUNG BLTAR, GTONG BA DANG, SER SNA SPANGS PA DANG, 'DOD PA MED BA MANG DU GOMS PA DANG, MNYAM PA'I SEMS DANG, 'DOD PA LA SBYIN PA RDZOGS PAR BYED PA DANG, LAN LA RE BA MED PA DANG, 'BRAS DU LA 'DOD PA MED PA DANG, SEMS CAN THAMS CAD DANG THUN MONG DU BYAS PA'I SBYIN PA LAS NI GZHAN BYANG SEMS KYI SMON LAM LAS NOR GYI CHAR 'BAB PA THOB PAR 'GYUR GYI, DE DAG MTSANG NA MI 'THOB PA'I PHYIR, SH'AKYA THUB PA YANG SPRUL PA KHO NA YIN TE, 'OG MIN NA ZHUGS PA'I LONGS SKU RNAM PAR SNANG MDZAD KYI SPRUL PA YIN PA'I PHYIR, RGYAL BU GZHON NU DON GRUB DE SPRUL PA MIN PAR SO SKYE MTSAN NYID PA YIN NA 'DZAM GLING BYE BA PHYAG BRGYAR MDZAD PA BCU GNYIS

STON PAR MI RUNG BA'I PHYIR DANG, BYANG SEMS SRID PA THA MA BAS 'DOD PA LA DGA' BA'I DPANG GIS SRAS KYANG BSKRUN PAR MDZAD NA TSUL KHRIMS 'CHAL BAR 'GYUR ZHING, TSUL KHRIMS KYI PHAR PHYIN MED NA PHYIN DRUG MED PAS SANGS RGYAS KYANG MED PAR 'GYUR BA DANG, THAMS CAD MKHYEN PA DANG NYE BAR GYUR ZHING MTHU PHUN SUM TSOGS PA SKU BLTAMS PA'I TSE 'JIG RTEN THAMS CAD DU SNANG BA CHEN POS GSAL BAR GYUR NA YANG THOS PA DANG TING NGE 'DZIN DANG SNYOMS 'JUG LA DBANG MA THOB PA DANG NYON MONGS MNGON GYUR BA MA SPANGS BA NI 'GAL BA DANG, SKU BLTAMS MA THAG TU GOM PA BDUN DU GSHEGS PA DANG BDAG GI SKYE BA THA MA 'DI YIN NO ZHES GSUNGS NA YANG SKU RGYAS SHING DBANG PO SMIN PA NA 'DOD PA'I DGA' BA LA LONGS SPYOD CING BAG MED PAR GYUR BA NI 'GAL BA DANG, RANG GZHIN GYI SKYE BA DU MA RJES SU DRAN PAS SANGS RGYAS 'OD SRUNGS LAS TSANGS PAR SPYOD PA SPYAD CING, BYANG CHUB KYI LAM GOMS PAR BYAS NAS DGA' LDAN DU LHA'I RIGS DRUG LA BOS NAS 'DIR BYON PA DANG, RANG GZHAN GYI NA RGA 'CHI BA'I CHOS NYID MI MKHYEN PA DANG, MU STEGS CAN LAS THAR LAM BTZAL BA DANG, DKA' THUB KYIS GDUNG BA LAM DU'DU SHES PA NI 'GAL BA SOGS DU MA YOD PA'I PHYIR, 'O NA DKA' BA SPYAD PA YANG TSUL BSTAN YIN NA, DA SDON BRAM ZE BLA MAR GYUR BA'I TSE SANGS RGYAS 'OD SRUNGS LA DGE SBYONG MGO DGA' BYANG CHUB GA LA YOD, BYANG CHUB NI SHIN TU DKA' BAS BSGUB BAR BYA BA YIN NO ZHES BRJOD PA'I LAS KYIS LO DRUG TU DKA' BA SPYAD PAR GSUNG PA DE CI ZHE NA, DE NI DGONGS PA CAN YIN TE, GANG KHYIM BDAG MGON MED ZAS SBYIN GYIS SANGS

, ,RGYAS ZHES PA'I SGRA THOS NAS BA SPU LANGS SHING MCHOG TU DGA' BA DANG BDE BA SKYES TE, SHIN TU MTHONG BAR 'DOD PAR BYUR TO ZHES GSUNGS PA DANG, BRAM ZE BLA MAS SANGS RGYAS LA SKUR BA BTAB PA YANG SKYE BA GSUM PA LA SANGS RGYAS PAR GYUR TO ZHES GSUNGS PA DANG, BDUD BZHI LAS RGYAL ZHID 'CHI BDAG KYANG PHAM PAR BYAS NA YANG MTHAR BYED PA'I DGRA BO'I GNOD PA DANG 'BREL TE MI RNAMS KYI TSE TSAD TZAM DU YANG MA GYUR BA DANG, BSKAL BA MTHA' YAS BAR SROG GCOD SPANGS TE PHYI NANG GI DNGOS PO MTHA' YAS PA GZHAN LA BTANG BAR MDZAD NA YANG, LHA DANG MI STONG PHRAG DU MA SMRE SNGAGS SNA TSOGS 'DON BZHIN DU SHIN TU GA-YO BA'I MAR ME'I RTZE MO LA RLUNG GI SHUGS KYIS BRGYAB BA LTAR MI RTAG PA'I RLUNG SHUGS DRAG POS BRGYAB NAS TSE'I MTHA' MI RTAG PA'I CHU SRIN GYI LTOR ZHUGS PA DANG, RDO RJE LTAR MI PHYED PA'I SKU MI DGE BA'I CHOS THAMS CAD SPANGS PA LA SNYUN MDA' NAS 'TSO BYED LA SMAN 'DRI BA SOGS KYANG 'GAL BA'I PHYIR DANG, GNAS BRTAN BA KU LA LO BRGYAD CU LHAG LON KYANG MGON BA TZAM YANG MA BYUNG BA NI NAD PA LA AA RU RA GCIG SPYIN PA'I 'BRAS BUR GSUNGS NA BCOM LDAN 'DAS SBYA NI PA'I KHAR PHYIR RDZOGS PA LA SNYUN MI MNGA' BA NI LTA SMOS KYANG CI DGOS PA'I PHYIR, SDE BA THA DAD KYI GZHUNG LAS KYANG, SANGS RGYAS KYI SPRUL BA STON PA YOD DE, PHYIN CI LOG TU ZHEN PA'I RDON PA 'DUL PHYIR DU RNGON PA'I

GZU GSU SPRUL BA DANG, MI DBANG PADMA SKYES 'DUL PHYIR 'DUL PHYIR DU NAN PO'I GZUG SU SPUL BA DAD, LHA'I MIG GIS CI MTHONG ZHES DRIS PA NA MA 'GAGS PAS, DE BZHIN GSHEGS PA'I SPRUL BA DANG SRID PA BAR MA'I SE NAm GRANGS MED PA MTHONG BAR GSUNGS PA'I PHYIR, DE BZHIN GSHEGS BRTAG TU MNYAM BZHAG PA YIN KYANG SNGON GYI SMON LAM GYI STOBS KYIS MDZAD PA LHUN GYIS GRUB BAR 'GYUR BA YIN LA, NYIN MTSAN DUS DRUG TU SEm NA THADm LA GZIGS PAR GSUNG PA NI 'JIG RTEN GYI RJES SU MTHUN PAR ZHUGS PA YIN NO, ,THEG CHEN GYI SDE SNOD LAS MTHONG CHOS LA PHAN YON MANG DU 'BYUNG BAR GSUNGS PA DE GANG ZAG 'GA' ZHIG LAM 'BYUNG BA NI NYI MA SHAR BA'I TSE SKAR MA SHIN TU MANG PO YOD KYANG MTHONG BAR MI 'GYUR BLTAR, DAD PA DAD LHAG BSAM NYAMS SHING MI DGE BA SHIN TU STOBS DANG LDAN BAS DGE RTZA ZIL GYIS GNON TE RE ZHIG 'BRAS BU MI 'BYUNG BA YIN LA, SDIG PA SHIN TU CHUNG DU LA YANG 'JIGS PAR LTA ZHING DGE RTZA STOBS DANG LDAN PAS THEG CHEN GYI SDE SNOD BRI BA DANG 'DZIN PA SOGS LA JI SKAD BSHAD PA'I PHAN YON RNAMS GDON MI ZA BAR 'BYUNG STE, SDE SNOD GSUM LA BRTEN NAS GOMS PAR BYAS PA LAS SKYE RGZHA 'CHI DANG BRAL BA'I BDUD RTZI'I GO 'PHANG THOB BAR NGES BA BZHIN NO, ,'O NA DE NI DPE DON MI MTSUNGS TE, SDE SNOD GSUM DU BYANG PHYOGS SO BDUN BSTAN PAS DE GOMS BAR BYA BAS BYANG CHUB THOB CING NYON MONGS ZAD PA YANG DKA' BA MA YIN LA, THEG CHEN GYI SDE SNOD DU YI GE DANG DON SHES PAR MI RUNG B'I GZUNGS SNGAGS LA SOGS PA PHAN YON MANG PO CAN BYIS PA BSLU BAR BYED BA BSTAN BA NI RIG BYED DANG 'DRA'O, ,MA BSGOM BAR SKYON ZAD PA MED DE, DE'I RTZA BA DANG MI 'GAL BA'I PHYIR, 'TSE BAL

, ,SOGS PA BZHIN NO,, GSANG SNGAGS KYIS KYANG SDIG PA ZAD BAR BYED PA MA YIN TE, SKAD GZHAN GYIS BRJOD PA'I PHYIR, KLA KLO LA SOGS PA'I SKAD BZHIN NO ZHE NA, THEG PA CHEN PO'I GZUNGS SNGAGS LA SOGS PA YI GE SBYAR BA TZAM DU 'DOD PA MI 'THAD DE, GZUNGS SNGAGS NI BSGOM PA'I RNAM PA NYID YIN PAR SGO MTHA' YAS PA'I GZUNGS DANG, KLU RGYAL RGYA MTSOS ZHUS PA'I MDO LAS GSUNGS PA'I PHYIR, DES SDIG PA ZHI BAR BYED NUS TE, BSGOM PA'I RNAM PA YOD PAS DE'I RTZA BA DANG 'GAL BA'I PHYIR, MI SDUG PA LA SOGS PA BSGOM PA BZHIN NO,, GSANG SNGAGS KYANG DE BZHIN GSHEGS PA'I YE SHES KYI GSANG BA STON PA'I SBAS PA'I YI GE SBYOR BA NGO BOS BSGOM PA LA RAB TU 'JUG PA RGYUD LA GNAS PAS JI LTAR 'DOD PA'I DON GRUB NUS TE, MTHU CHEN PO'I BDAG NYID YIN PA'I PHYIR, DPAG BSAM GYI SHING BZHIN, RIG SNGAGS KYANG PHYIN DRUG DANG BDEN PA BZHI DANG BYANG PHYOGS SO BDUN SOGS STON PA'I YI GE DANG DON GYIS NYON MONGS ZAD BA DANG MNGON RTOGS GSAL BAR BYED PA YIN TE, MA RIG PA DANG BRAL BAR BYED PA DANG RIG PA YE SHES BSKYED BA'I NUS PA DANG LDAN PA'I PHYIR, BYAMS PA LA SOGS PA BZHI NO,, RIG PA'I TSIG GANG DAG GI DON RTOGS PAR MA GYUR BA NI DE DAG 'JIG RTEN LAS 'DAS PA'I SKAD KYIS BSTAN PA DANG, LHA KLU GNOD SBYIN LA SOGS PA'I SKAD KYIS BSTAN PA'I PHYIR YIN LA, CHOS NYID STON PAR MI BYED PA YANG MA YIN PAS DAM TSIG RIG PA DANG GZUNGS THOB PA RNAMS KYI SPYOD YUL YIN TE, GSANG BA BLO GROS KYI

MDO LAS, GANG 'DI NA SDUG BSNGAL DANG, KUN 'BYUNG BA DANG, 'GOG PA DANG, LAM ZHES BYA BA RNAMS LA RGYAL CHEN BZHI'I RIS KYI LHA RNAMS KYIS NI, AE NE DANG, ME NE DANG, DMA PO DANG, DE DAM PO ZHES BYA BA LA SOGS BAR BRJOD DO,, ZHES BYUNG BA BZHIN NO,, DES NA GZUNGS SNGAGS SOGS KHYAD DE BZHIN GSHEGS PA'I MAN NGAG BZHIN DU NGAG TU BRJOD PA DANG, BSAM PA DANG, BSGOM PAS SDIG BA RGYU DANG BCAS BZHI BAR BYED PA YIN TE, LAM DANG RJES SU MTHUN PA YIN PA'I PHYIR, MDO SDE LA SOGS BA'I GSUNG RAB BZHIN NO,, SDIG PA SHIN TU CHEN PO YANG RTZA BA NAS 'BYIN PA YOD DE, LAS RNAMS BSKAL PA BRGYAR YANG NI, CHUD MI ZA BA'ANG, ZHES BSKAL PA BRGYAR YANG DANG, 'DA SGRAS NYAMS PA YOD PAR STON TE, STOBS BZHI DANG LDAN NA SDIG PA BYAS SHING BSAGS PA YANG ZIL GYIS GNON PAR MDO LAS GSUNGS PA'I PHYIR DANG, TSOGS DANG DUS NI RNYED GYUR NA, ZHES PA NI, DPER NA SA BON MA NYAMS PA DANG, SA CHU LA SOGS PA'I RKYEN TSOGS PA LAS DUS JI LTA BA BZHIN DU MYU GU 'BYUNG BA YIN GYI, SA BON NYAMS PA'AM RKYEN MA TSANG NA MI 'BYUNG BA LTAR, DGE MI DGE'I LAS MTHU MNYAMS PA DANG PHAN GNOD KYI SEMS CAN DANG YUL DANG LUS LA SOGS PA'I RKYEN TSOGS PA LAS MTHONG CHOS LA SOGS PA DUS JI LTA BA BZHIN DU BDE SDUG LA SOGS PA'I 'BRAS BU 'BYUNG BA YIN GYI, DGE BA NI LOG LTA DANG KHONG KHROS NYAMS PA DANG MI DGE BA NI STOBS BZHIS NYAMS PA'AM RKYEN MA TSANG NA BDE SDUG LA SOGS PA'I 'BRAS BU MI 'BYUNG BA'I PHYIR DANG, GANG YANG NGAN 'GROR 'GRO BA'I LAS RNAMS DE, ,'DIR NI MGO BO TSA BA TZAM DU

, ,'GYUR; ;ZHES PA LTAR, DAM CHOS 'DZIN PA'I STOBS KYIS DMYAL BAR MYONG NGES KYI LAS KYANG TSE 'DIR MGO BO TSA BA TZAM DU 'GYUR BA LTA BU SDUG BSNGAL YANG SHIN TU CHUNG NGUR 'GYUR ZHING DUS KYANG GZHAN DU 'GYUR NA RTZA BA NAS 'BYIN PAR YANG LEGS PAR GRUP STE, SDIG PA'I 'BRAS BU DMYAL BA'I SDUG BSNGAL MYONG DGOS PA LAS DE GTAN MA MYONG BAR GYUR BAS SHIN TU RTZAM NAS PHYUNG BA YANG YIN LA, MGO BO TSA BA LA SOGS PA TSE 'DI LA 'BYUNG BAS 'BRAS BU GTAN MED PAR 'GYUR BA YANG MA YIN PA'I PHYIR, 'O NA GNYEN BOS MYONG NGES KYI SDIG PA YANG ZAD PAR 'GYUR NA, SNGON GYI LAS KYI RNAM PAR SMIN PA NI MA GTOGS SO,, ZHES GSUNGS PA CI ZHE NA, DMUS LONG DANG MIG GCIG PA LA SOGS PA LTA BU RNAM SMIN GRUB PA'I GNAS SKABS NA DA LTAR GYI GNYEN POS SBYANG DKA' LA, 'BRAS BU MA GRUB PA'I RGYU'I SKABS NA BZLOG SLA BA LA DGONGS PAR BSHAD DE, MDOR NA GNYEN POS 'DAG PAR 'GYUR MA 'GYUR GNYIS GSUNGS PA NI BYE SMRA LTA MA NGES PA DANG NGES PA'I LAS KYI KHYAD PAR MA YIN GYI, RGYU DANG 'BRAS BU'I GNAS SKABS KYI KHYAD PAR YIN PA'I PHYIR TE, 'BRAS BU GRUB PA'I TSE NA MA NGES PA'I LAS KYANG BZLOG DKA' LA, 'BRAS BU MA GRUB BA'I RGYU'I SKABS NA NGES PA'I LAS KYANG BZLOG SLA BA'I PHYIR, DPER NA SOR PHRENG DANG MA SKYES DGRA DANG BDE BYED LA SOGS BA PA BZHIN NO,, 'O NA MA SKYES DGRA DANG BDE BYED LA GNYEN PO SKYES KYANG SDIG PA MA ZAD PAR MNAR MED DU SKYES BA CI ZHE NA, DE NI LAS 'BRAS LA YID CHES PA BSKYED PA'I PHYIR DE DER SKYE BAR BSTAN PA YIN GYI,

LAS RNAMS LHAG MA MA LUS PAR MA ZAD PA NI MA YIN TE, DAR GYI PHO LONG BRABS PA LAS 'PHAR BA BZHIN DU DER SKYES SHING THAR BA YIN LA, DMYAL BA'I ME LA SOGS PAS KYANG REG PA MA YIN NO,, DE LTAR NA SDIG PA RTZA BA NAS 'BYIN PA DANG, LHAG MA MA LUS PAR ZAD PA DANG, MA LUS PAR DAG PA SOGS YIN KYANG 'BRAS BU GTAN MED BAR 'GYUR MI DGOS TE, LAM RIM LAS, MA LUS PAR DAG PA'I DON NI 'BRAS BU YID DU MI 'ONG BA 'BYIN PA MA LUS PAR DAG PA YIN GYI, LAM GYI RTOGS PA SKYE BA SOGS NI CHES RING DU 'GRO BA YIN PAS DANG PO NAS MGOS PA LA 'BAD PAR BYA'O,, ZHES DANG, MI DGE BA 'DAG PA L'AD DE'I BYED PA GANG YIN THAMS CAD 'DAG MI DGOS PA DANG 'DRA BAR DGE BA BCOM PA L'AD DE'I BYED PA GANG YIN THAMS CAD 'JOMS MI DGOS SAM SNYAM MO,, ZHES GSUNGS PA'I PHYIR, 'ON KYANG RTOG GE 'BAR BA LAS MGO BO TSA BA TZAM GYI 'BRAS BU YOD KYANG RTZA BA NAS PHYUNG BA MI 'GAL BA DAD, MA SKYES DGRA'I MTSAMS MED KYI LAS KYANG MA LUS PAR ZAD PAR GSUNGS PA DANG, RJE GUNG THANG BAS MA SKYES DGRA MTSAMS MED KYI LAS KYI RNAM SMIN DMYAL BA'I SDUG BSNGAL MI MYONG YANG 'BRAS BU TZAM MA LUS PAR DAG BA MA YIN PA'I ZHIB CHA DGOS PAR GSUGNS PA SOGS LA DPYAD RGYU YOD KYANG MA SPROS, THABS LA MKHAS PA RNAMS LA SDIG BSHIN TU CHEN PO YANG ZAD PAR GYUR LA, THABS LA MI MKHAS BA RNAMS LA SDIG PA SHIN TU CHUNG DU LANG RNAM SMIN 'BYIN PAR BYED DE, CHU CHEN PO'I NANG DU TSVA SRANG GCIG BLUGS PA SHES PAR MI 'GYUR LA, KHYOR GANG CHU LA TSVA SRANG GCIG BLUGS PA BTUNG DU MI RUNG BA DANG 'DRA'O,, JI SKAD DU, RDZING CHEN

, ,NANG DU TSVA NI SRANG GCIG BLUGS, ,JI LTAR CHU DE BTUNG DU MI 'DOD MIN, ,KHYOR GANG CHU LA CHVA I SRANG GCIG BLUGS, ,KHYOR GAR CHU DE BTUNG DU 'DOD MI 'GYUR, ,DE BZHIN GANG GIS BSOD NAMS RGYA CHEN BSAGS, ,MI DE SDIG PA'I DUG NI CHUNG GYUR BAS, ,GANG PHYIR NGAN 'GRO DAG TU 'KHRID MI NUS, ,SGO DE NAS NI 'BRAS BU GANG ZHIG YIN, ,GANG DAG BSOD NAMS CHUNG DU MA BSAGS SHING, ,MI DGE MANG DU YANG YANG BSAGS PA'I MI, ,THE TSOM MED PAR SHIN TU CHUNG BAS KYANG, ,NYON MONGS DE NI 'OG TU 'KHRID PAR BYED,, CES GSUNGS SO,, 'O NA SEMS DANG PO BSKYED PAS KYANG SDIG PA THAMS CAD ZAD PAR BYED NA, BCOM LDAN 'DAS LA SENG LDENG GI TSAL BA ZUG PA LA SOGS PA'I LAS KYI RNAM SMIN BSTAN PA CI ZHE NA, DE NI THABS LA MKHAS PAS SEMS CAN 'DUL BAR MDZAD PA'I PHYIR BSTAN PA YIN GYI, BCOM LDAN 'DAS LA MI DGE BA'I RNAM SMIN CUNG ZAD KYANG MI MNGA' STE, SKRA'I RTZE MOS GZUGS PA'I TSAD KYIS BSTAN PA TZAM GYIS MI DGE BA'I RTZA BA DANG LDAN PA'I BYANG SEMS YANG BYANG CHUB KYI SHING DRUNG DU 'DUG PA NI GNAS MA YIN NA SKYON MTHA' DAG ZAD PA'I DE BZHIN GSHEGS PA NI LTA CI SMOS PAR THABS LA MKHAS PA'I MDO LAS GSUNGS PA'I PHYIR, THEG CHEN GYI SDE SNONG LAS GZHAN DON DU SROG GCOD SOGS GNANG BA YANG RIG BYED LAS 'TSE BA CHOS SU SMRA BA DANG MI 'DRA STE, GZHAN 'TSAMS MED LA SOGS PA BYED PA LA MNGON PAR PHYOGS PA MTHONG NAS, BDAG MYAL BAR SKYE BA NI GLA'I, 'DI SKUG BSNGAL BAR MA GYUR CIG SNYAM PA'I DGE SEMS KYIS KUN NAS BSLANG BA'I PHYIR

DGE BA YIN NO,, RIN CHEN TOG DANG ZLA BA'I SGRON MA LA SOGS PA THEG CHEN GYI MDO MANG POR SDIG PA SHIN TU CHEN PO YANG RTZA BA NAS 'BYIN PAR BSTAN LA, SDE BA GZHAN DAG GI MDO LAS KYANG SKU BTAMS PA'I MCHOD RTEN SOGS LA PHYAG SOGS BYED NA BDE 'GRO MTHO RIS KYI 'JIG RTEN LHA RNAMS KYI NANG DU SKYE BAR 'GYUR BA LA SRID PA THA MA BA MA GTOGS PA GZHAN MTSAMS MED BYAS PA LANG SKYE MI RUNG ZHES DMIGS KYIS GSAL ZHING BOR BA MED PAR GSUNGS PA DANG, 'DUL BA LAS KYANG LTUNG PA YE MI 'BYIN PA DANG, LHUNG BA BYUNG YANG CHOS BZHIN DU PHYIR BCOS PA'I GANG ZAG GNYIS NI LTUNG BA MED PAR TSE'I DUS BYAS PAR GSUNGS PAS SO,, GANG GNYEN PO'I PHYOGS NYE BA NA 'GRIB PA'I CHOS CAN YIN PA DE NI GNYEN PO STOBS LDAN DANG 'PHRAD NA GTAN ZAD PA YANG SRID PA YIN TE, DPER NA GSER GYI GA-YA' LA SOGS PA BZHIN, DAM PA'I CHOS KYI SGRIB PA LA SOGS PA YANG GNYEN PO'I PHYOGS NYE BA NA 'GRIB PA'I CHOS CAN YIN NO,, LAS RNAMS BSKAL BA BRGYAR YANG NI, ZHES SOGS GSUNGS PA NI GNYEN PO'I PHYOGS BSGOM PA MED NA DE LTAR YIN LA, MYONG NGES KYI LAS ZHES PA YANG GNYEN PO'I PHYOGS BSGOM PA MED NA MYONG BAR NGES PA'I DON YIN ZHING, MA NGES PA'I LAS SU GSUNGS PA NI GNYEN PO MA BSGOMS KYANG RNAM SMIN MYONG BAR MA NGES PA'I DON YIN PAR RGYAN SNANG DU BSHAD DO,, SHIN TU RGYAS PA GZHAN BSTAN KYANG SKYON MED DE, THEG CHEN GYI SDE SNOD NI GZHUNG DANG DON SHIN TU RGYAS PA'I PHYIR SHIN TU RGYAS PA ZHES BSHAD PA'I PHYIR DANG, BCOM LDAN 'DAS KYIS KYANG 'DI NI SHIN TU RGYAS PA YIN 'DI NI MA YIN ZHES DBYE BA MA MDZAD PAS

, ,KHO BO CAG GI PHYOGS LA LUNG RIGS KYI GNOD PA GANG YANG MED PA'I PHYIR, KRI KRI'I RMI LTAS BSTAN PA NA, SH'AKYA THUB PAI BSTAN PA LA SDE BA BCO BRGYAD DU BRGYAS PAR 'GYUR RO ZHES BSTAN GYI, THEG DMAN DANG THEG CHEN GNYIS SU GYES PAR 'GYUR ZHES MA BSTAN PA NI ZAB CING RGYA CHE BA LA MOS PA'I SEMS CAN GYI BSAM PA DANG LHAG PA'I BSAM PA'I DBANG DU BYAS NAS SDE BA BCO BRGYAD DANG THUN MONG DU BSTAN PA'AM, YANG NA THEG PA'I DBYE BA NI SANGS RGYAS THAMS CAD LA YOD PA'I PHYIR SH'AKYA THUB PA'I BSTAN PA LA THEG PA THA DAD DU GYES PAR 'GYUR RO ZHES STON MI DGOS PAS NA MA BSTAN LA, BSTAN PA THA DAD KYI DBYE BA NI SH'AKYA THUB PA KHO NA LA YOD PA'I PHYIR DE'I BSTAN PA LA SDE BA BCO RGYAD DU GYES PAR 'GYUR RO ZHES BSTAN PAS SKYON MED DO,, SHES PHYIN GYI MDO DANG BYANG SEMS KYI SDE SNOD DANG BLO GROS MI ZAD PA SOGS THEG CHEN GYI MDO SDE MANG POR YANG DAG PA'I LTA BA LA SOGS PA'I 'PHAGS PA'I LAM YAN LAM BRGYAD PO 'DI DAG SANGS RGYAS THOB PA'I RGYUR BSTAN PA YIN GYI LAM GZHAN BSTAN PA MED LA, GA'LANG G'A SOGS CHU BO BZHI LA KHRUS BYAS PA DANG, 'THUNGS PA DANG, ZHUGS NAS GNAS PAS BYANG CHUB KYI RGYUR 'GYUR BA NI BYANG CHUB SEMS DPA' KLU RGYAL MA DROS PA'I SMON LAM GYI MTHUS YIN GYI, KHRUS BYAS PAS 'DAG GROL THOB PAR 'DOD PA MA YIN ZHING, SMYUR GNAS LA SOGS PA YANG LUS LA SOGS PA SBYANGS NAS RIG SNGAGS BSGRUB PA'I PHYIR GSUNGS KYI, MU STEGS GCER BUB LTAR DKA' THUB TZAM GYIS GROL BAR 'DOD PA MA YIN

NA; ; //TA// DBU MA RGYAN RANG 'GREL LAS, RANG GI SDE BA GANG DAG CHOS THAMS CAD DNGOS PO MED PA LA SOGS PA'I MDO'I TSIG 'CHAD PA NA SMAD PA DANG NYUNG BA'I DON LA SOGS PA 'CHAD DE, DNGOS PO RNAMS DAN PA YIN PAS DNGOS PO MED PA STE, DBUS DANG DA LTAR GYI GNAS SKABS NA MI BRTEN PA'I PHYIR RO,, YANG NA DNGOS PO DAG NI DNGOS PO MED PA MANG BAS DNGOS PO MED PA STE, SNGON DANG PHYI MA'I THAR MA SKYES PA DANG 'DAS PAR RANG BZHIN MED PA'I PHYIR RO,, BSHAD PA 'DI YANG GAL TE SNGAR DPYAD PAR BYAS PA'I SPANGS PAS GZHAN GYI DBANG YANG DAG PAR YOD PAR GRUB NA NI KHO BO'I SEMS RANGS PAR 'GYUR RO,, GZHAN DU NI BYE BRAG TU SMRA BA DANG GNAS MA BU'I TSUL GYI RJES SU 'BRANG NAS, 'DI NI LHUR GRANGS CAN LA SOGS PA'I LUGS KYI DNGOS PO DGAG PA YIN NO ZHES 'DI BSHAD MI NUS PA CI YOD, YANG NA BSHAD PA 'DI NI 'DUL BA'I SKYE BO BLO MI ZHIB PA'I SKRAG PA BSAL BA'I PHYIR TE, DE DAG TU ZAD DO ZHES BYA BA NI MI SEMS SO,, ZHES GSUNGS PA'I DON NI, RANG GI SDE BA BTZUN PA DGE SRUNG LA SOGS PA'I MDO SDE BA DAG NA RE, SHER PHYIN GYI MDOR CHOS THAMS CAD DNGOS PO MED PA SOGS SU GSUNGS PA'I DGAG SGRA NI, YOD PA DAG NI 'GOG PA DANG, ZHES SOGS DGAG SGRA BDUN LAS SMAD PA'I DGAG SGRA LA BYED DE, BU NGAN PA LA BU MED CES PA BZHIN DU 'DUS BYAS RNAMS DNGOS PO NGAN PA YIN PAS DNGOS PO MED CES BSHAD DE, DE 'DAS MA 'ONGS KYI DBUS PA DANG LTAR GYI GNAS SKABS NA MI BRTAN PA STE MI RTAG PA YIN PAS NGAN PA'I DON BSHAD DU RUNG BA'I PHYIR, GZHUNG DU MI BRTEN ZHES BYUNG YANG

, ,DPE MA DGAG GAM SNYAM MO,, YANG NA DE NYUNG BA'I DGAG SGRA LA BYED DE, DNGOS PO YOD PA DANG MED PA'I DUS GNYIS LAS MED PA'I DUS MANG BA DANG YOD PA'I DUS NYUNG BAS DNGOS PO MED CES BSHAD PA'I PHYIR TE, DE SNGAR MA SKYES PA DANG PHYIS DE MA THAG TU 'DAS PA STE DGAG PAS DNGOS PO YOD PA'I DUS NYUNG BAS NA DE LA NYUNG BA'I DON BSHAD DU RUNG BA'I PHYIR, NOR NYUNG BA LA NOR MED CES PA BZHIN NO,, GZHUNG DU 'DAS PAR ZHES BYUNG YANG 'DAS PAS ZHES BSHAD NA DPE DAG PAR 'GYUR RAM DBYAD PAR BYA'O,, BSHAD TSUL 'DI YANG SNGAR DBU MPAS CHOS THAMS CAD BDEN PAR MA GRUB CES RIGS PAS DPYAD PAR BYAS PA'I DON SPANGS PA STE 'GOG NAS GZHAN DBANG GI DNGOS PO RNAMS BDEN PAR RIGS PAS LEGS PAR GRUB NA NI SHER PHYIN GYI MDO'I DGONGS PA LEN TSUL 'DI LA ZHI BA 'TSO KHO BO'I SEMS RANGS PA STE DGA' BAR 'GYUR GYI, GZHAN DU NA STE DE LTAR SGUB MI THUB KYANG DNGOS SMRA BA'I GRUB MTHA' LA ZHEN PA'I DBANG GIS DE LTAR BSHAD NA BYE SMRA DANG GNAS MA BU LTAR DNGOS PO MED CES PA NI GRANGS CAN LA SOGS PI'I MU STEGS PAS SGRO BTAGS PA'I RTAG PA'I DNGOS PO DGAG PA YIN ZHES BSHAD MI NUS PA'I RGYU MTSAN CI ZHIG YOD DE CI YANG MED PAS BSHAD TSUL GZHAN ZHIG BYAS PA'I DGOS PA MED DO, YANG NA BSHAD TSUL 'DI NI 'DUL BYA BLOD MAN PA'I SKRAG PA BSAL TE GZUGS MED SGRA MED CES SOGS KYI MDO MI RTAG PA'I GDAMS NGAG TU KHYER BAR BYA BA'I PHYIR DU 'DI LTAR BSHAD DU RUGNG BA YIN GYI,

MDO'I DGONGS DON NI BSHAD TSUL DE DAG TU ZAD DO ZHES MI SEMS SO,, ZHES PA'O,, //THA// TEHG CHEN BKAR KHAS LEN PA'I BYE SMRA YOD PAR JO BO'I GTAM RGYUD KYI SHES TUSL NI, KHYOD NI SDE BA BCO BRGYAD KYI, ,KUN GYI SPYI LA ZHUGS PAS NA, ,THAMS CAD KYI NI LUNG YANG LEN, ,ZHES PA LTAR SDE BA THAMS CAD KYIS PHYOGS RIS MED PAR GTZUG GYI RGYAN DU 'DZIN PAR GSUNGS PAS SHES PAR BYA STE, DE DAG THEG CHEN LA SNGAR BA ZHIG YIN NA SPYIR THEG PA CHEN PO DANG KHYAD PAR DU RDO RJE THEG PA LA YUN RING DU SBYANGS PA'I TZOD MED KYI THEG CHEN PA JO BO RJE LTA BU GTZUG IG RGYAN DU 'DZIN PAR MI RUNG PA'I PHYIR, //DA// RGYUD BLA MAR, CHOS LA KHONG KHRO BDAG LTA DANG, ZHES SOGS KYI 'GREL BAR, MDOR BSDUS NA SEMS CAN GYI TSOGS NA SEMS CAN GYI RNAMS 'DI GSUM YOD DE, SRID PA 'DOD PA DANG, SRID PA DANG 'BRAL BAR 'DOD PAR DANG, DE GNYIS KA MNGON PAR MI 'DOD PA'O, , DE LA SRID PA 'DOD PA NI RNAM PA GNYIS SU RIG PAR BYA STE, THAR BA'I LAM DANG ZHE 'GRAS PA YONGS SU MYA NGAN LAS MI 'DA' BA'I RIGS CAN GYI SEMS CAN 'KHOR BA NYID 'DOD KYI, MYA NGAN 'DAS PA NYID MA YIN PA GANG DAG YIN PA DANG, DER NGES PA'I LTUNG BA CHOS 'DI BA NYID DE DAG LAS KHA CIG THEG PA CHEN PO'I CHOS LA SNGAR BA STE, GANG GI DBANG DU MDZAD NA ZAD NAS, BCOM LDAN 'DAS KYIS NGAN NI DE DAG GI STON PA MA YIN LA, DE DAG KYANG BA'I NYAN THOS MA YIN NO,, SH'A RI'I BU DE DAG NI MUN PA BAS KYANG CHES MUN PA CHEN POR 'GRO BA CHUN PA CHEN PO DANG LDAN PA'O ZHES DA SMRA'O,, ZHES GSUNGS PA'O,, DE LA SRID PA DANG BRAL BAR 'DOD PA NI RNAM PA

, ,GNYIS TE, THABS MA YIN PA LA ZHUGS PA DANG, THABS LA ZHUGS PA'O,, DE LA THABS MA YIN PA LA ZHUGS PA YANG RNAM PA GSUM STE, 'DI LAS PHYI ROL TU GYUR BTZA RA KA DANG, KUN TU RGYU DANG, GCER BU BA LA SOGS PA RNAM PA DU MA'I MU STEGS PA MANG PO DANG, DE DANG MTHUN PAR SBYOR PA CHOS 'DI PA NYID DAD PA YOD KYANG, DES PAR GZUNG DKA' BA'I LTA BA 'DZIN PA STE, DE DAG KYANG GANG ZHE NA, 'DI LTA STE, DON DAM PA LA MI MOS PA GANG ZAG TU LTA BA STE, GANG LA BCOM LDAN 'DAS KYIS STONG PA NYID LA MOS PA MED PA NI MU STEGS PA DAG DANG KHYAD PAR MED PA YIN NO ZHES GSUNGS PA DANG, MNGON PA'I NGA RGYAL CAN STONG PA NYID DU LTA BA GANG DAG DE'I RNAM BAR THAR BA'I SGOL YANG STONG PA NYID DU LTA BAR 'GYUR BA GANG GI DBANG DU MDZAD NAS, 'DO SRUNG GANG ZAG TU LTA BA RI RAB TZAM NI BLO'I, MNGON PA'I NGA RGYAL CAN STONG PA NYID DU LTA BA NI DE LTA MA YIN NO,, ZHES GSUNGS PA YIN NO,, DE LA THABS LA ZHUGS PA LA YANG RNAM PA GNYIS TE, NYAN THOS KYI THEG PA DANG MTHUN PA YANG DAG PAR NGES PA NYID DU ZHUGS PA DANG, RANG SANGS RGYAS KYI THEG PA DANG MTHUN PA'O,, DE NYIS KA MNGON PAR MI 'DOD PA NI, THEG PA CHEN PO LA YANG DAG PAR GNAS PA MCHOG TU DBANG PO RNA NO PO'I SEMS CAN TE, GANG DAG 'DOD CHEN PO BZHIN DU 'KHOR BA YANG MI 'DOD CING, MU STEGS PA LA SOGS PA LTAR THABS MA YIN PA LA ZHUGS PA YANG MA YIN LA, NYAN THOS DANG RANG SANGS RGYAS LTAR THAMS CAD DANG LDAN PAR RTOGS PA YANG MA YIN TE, 'ON KYANG 'KHOR BA

DANG MYA NGAN LAS 'DAS PA MNYAM PA NYID THOB PA'I LAM DU ZHUGS PA STE, DE DAG MI GNAS PA'I MYA NGAS LAS 'DAS PA LA BRTEN PA'I BSAM PA CAN NYE BAR NYON MONGS PA MED PA'I 'KHOR BA LA BRTEN PA'I SBYOR BA CAN SNYING RJE DANG LHAG PA'I BSAM PA BRTEN PA RAB TU GNAS PA RTZA BA YONGS SU DAG PAR GYUR PA YIN NO,, DE LA SEMS CAN GAN DAG SRID PA 'DOD PA'I 'DOD CHEN PO DANG, DER NGES PAR LHUNG BA'I CHOS 'DI BA NYID DE, DE GNYIS NI LOG PA NYID DU NGES PA'I SEMS CAN GYI PHUNG PO ZHES BYA'O,, GANG DAG SRID PA DANG BRAL BAR 'DOD KYANG THABS MA YIN PA LA ZHUGS PA DE DAG NI MA NGES PA'I SEMS CAN GYI PHUNG PO ZHES BYA'O,, GANG DAG SRID PA DANG BRAL BAR 'DOD PA THAMS CAD LA ZHUGS PA DANG, DE GNYIS KA MNGON PAR MI 'DOD PA MNYAM PA NYID THOB PA'I LAM DU ZHUGS PA DE DAG NI YANG DAG PA NYID DU NGES PA'I SEMS CAN GYI PHUNG PO ZHES BYA'O ZHES BYUNG NGO,, 'DIR DRANGS PA LAS; NYES PAR BZUNG BA 'DZIN PA STE, ZHES PA NI YI GE NOR TE, GZHUNG DU NGES PAR GZUNG DKA' BA'I LTA BA 'DZIN PA STE, ZHES BYUNG ZHING, DE NI LTA BA LOGS PAR ZHUGS PAS RJE SU GZUNG DKA' BA'I DON YIN PA'I PHYIR; NYES PAR BZUNG BA 'DZIN PA STE, ZHES PA NI YI GE NOR TE, GZHUNG DU NGES PAR GZUNG DKA' BA'I LTA BA 'DZIN PA STE, ,ZHES BYUNG ZHING, DE NI LTA BA LOG PAR ZHUGS PAS RJES SU GZUNG DKA' BA'I DON YIN PA'I PHUNG PO GSUM NI, MDZOD LAS, 'PHAGS DANG MTSAMS MED BYED PA DAG ,YANG DAG LOG PA NYID DU NGES, ,ZHES PA DANG MI 'DRA LA, BE BA CAN DU YANG DAG PA NYID DU DES PA'I SEMS CAN SHA STAG SKYE BAR ZHING

, ,BKOD KYI MDO SOGS LAS GSUNGS PA YANG 'DIR BSHAD PA'I YANG DAG PA NYID DU NGES PA'I SEMS CAN LA BYED DE, MDZOD NAS BSHAD PA'I DE LA BYED NA RANG RE'I YIG CHAR BDE BA CAN DU SKYES PA'I SO SO SKYE BO YOD PAR GSUGNS PA 'GRIG DKA' BAR GYUR BAS SO SNYAM STE, 'ON KYANG GZHUNG MANG BSDUR NAS DPYAD DGOS PA ZHIG TU SNANG NGO,, //NA// SLOB DPON BYANG CHUB BZANG POS, 'DI NI SGO DRUG PA DANG, 'PHAGS PA BZANG PO SBYOD PA LA SOGS PA'I MDO SDE RNAMS SGRA JI LTA BAR KHAS LEN CING MDO DE DAG GI RJES SU 'JUG PAS NA MDO SDE BA STE, ZHES DANG, 'DI LTAR DAG PAR RDZOGS PA'I BYANG CHUB TU BSNGO BA DANG SMON LAM GYI MYA NGAN LAS 'DAS PA'I NYAN THOS YIN PAS LO BRGYAD KHRIS SLAR LDANG BA'I PHYIR MKHAS PA'O,, BYE BRAG TU SMRA BA DAG NI ZHI BA'I DBYINGS DER BSKAL BA GRANGS MED PA BYE PA KHRAG KHRIG BRGYA PHRAG DU MAR 'DA' BAR BYED DE, TING NGE 'DZIN GYI LUS THOB NAS, ,BSKAL BA'I RAB DU DE MI SAD, ,CES GSUNGS PAS SO, DE'I PHYIR 'DI DAG NI THEG PA CHEN PO BA ZHES KYANG BRJOD DE, LUNG DANG SNYING RJE CHEN PO DAG DANG LDAN PA'I PHYIR RO,, ZHES BSHAD PA NI DPYAD GZHI CHE STE, MDO SDE BA NI BYE SMRAS MNGON PA SDE BDUN BKAR KHAS BLANGS NAS DE'I RJES SU 'BRANG BA LTA BU MA YIN PAR MDO DNGOS GNAS PA'I RJES SU 'BRANG BA'I NYAN THOS SDE BA YIN PAS MDO SDE BA ZHES BYA BA YIN GYI, SGO DRUG PA DANG BZANG PO SPYOD PA SOGS THEG CHEN THUN MONG MA YIN PA'I SDE SNOD RNAMS SGRA JI BZHIN PAR KHAS LEN PA'I NYAN THOS SDE BA 'JOG DKA'

PA'I PHYIR DANG, BYE MDO GNYIS KA LHAG MED DBYINGS SU ZHUGS PA'I DGRA BCOM PAR BSHAD PA NI DGONGS PA TSOL DGOS PA YIN GYI SGRA JI BZHIN PAR KHAS LEN DU MI RUNG BA'I PHYIR TE, GRUB MTHA' GONG MAS DE GNYIS LA DGRA BCOM PA LTA ZHOG 'PHAGS P'ANG MED PAR 'DOD PA'I PHYIR, DES NA BSHAD TSUL 'DI DANG, RJE BTZUN ME TRI BAS BYE SBRA NYAN THOS DANG MDO SDE BA THEG CHEN BAR BSHAD PA GNYIS LA BOD STON SNGA PHYI MANG PO DANG KHYAD PAR LTAG LOS DGAG PA BYAS PA LA MDO SDE BA'I GRUB MTHAR ZUR MDZAD P'ANG DPYAD DGOS SO,, //PA// PHUNG PO LA SOGS BYE BRAG GIS, ,ZHES SOGS KYI TSIG DON NI SNGAR BSHAD ZIN LA, DON DE NYID SHER MDO'I DGONGS GZHIR MDO SEMS THUN DU 'DOD MI 'DOD SOGS LA BSHAD TSUL MANG PO YOD PA RNAMS SEMS TZAM PA'I SKABS SU 'CHAD DO,, //PHA// YE SHES SNYING PO KUN LA BTUS PA'I 'GREL BA LAS, DUS GSUM RDZAS KYI BYE BRAG TU YOD PAR SMRA BA'AM, ZHES SOGS BYUNG, DE'I DON NI, DUS GSUM NI RANG NYID GZHI GANG LA 'JOG PA'I RDZAS GRUB KYI DNGOS PO DE'I BYE BRAG YIN PAR 'DOD PA'I DON TE, DPER NA MYU GU LA DBYE NA RANG YIN PAR GYUR PA'I DUS GSUM YOD CING, MYU GU NI SPYI DANG DER GYUR BA'I DUS GSUM MIN DE'I BYE BRAG YIN PA LTA BU'O,, RGYA GZHUNG 'GA' ZHIG GI BSHAD TSUL LTAR NA, CHOS GANG YIN KYANG RANG GI NGO BO ZUR GZUNG DU YOD PA ZHIG DGOS GYI, CHOS GZHAN GYI LA BTAGS TZAM GYI DON 'JOG MI SHES PAS CHOS RNAMS YOD PAR 'JOG LUGS NI MU STEGS BYE BRAG PA'I YAN LAG CAN GYI RDZAS DANG MTHUN SHAS CHE BAS BYE BRAG TU SMRA BA ZHES BYA

, ,BAR BSHAD KYANG RUNG LTA BUR SNANG NGO, //BA// BYE BRAG BSHAD MTSO ZHES PA NI DON DPE'I GZUGS SU BKOD PA'I SNYAN NGAG GI GZUGS CAN GYI RGYAN YIN GYI, RGYA MTSO ZHES PA MING GI ZUR GCIG MA YIN PAR MKHAS PA KHA CIG BSHAD DO,, //MA// SHAR DANG NUB DANG GSANG RI RA GNAS, ,'JIG RTEN 'DAS PAR SMRA BA'I SDE, ,BTAGS PAR SMRA BA'I SDE BA DANG, ,LNGA TSAN DGE 'DUN PHAL CHEN PA, ,GZHI KUN PA DANG 'OD SRUNG STE, BA STON DE DANG CHOS SRUNG STE, MANG THOS GOS DMAR SLOB MA DANG, RNAM PAR PHYE STE SMRA BA'I SDE, ,THAMS CAD YOD PAR SMRA BA YIN, ,RGYAL BYED TSAL GNAS 'JIGS MED GNAS, , GTZUG LAG KHANG CHEN GNAS BRTEN PA, ,SA SGROGS RIS DANG SRUNG BA PA, ,GNAS MA BU YI SDE RNAMS NI, ,KUN GYIS BKUR BA RNAM PA GSUM, ,YUL DON SLOB DPON BYE BRAG GIS, ,THA DAD RNAM PA BCO BRGYAD GSUNGS, ,ZHES DUL LHAS MDZAD PA'I SDE BA THA DAD PA BSDUS PA LAS BYUNG ZHING, 'DI NI BTZUN PA DBYIG BSHES KYIS MDZAD BA'I GZHUNG LUGS THA DAD PA RIM PAR BKLAG PA'I 'KHOR LO ZHES BYA BA LAS BSDUS PA YIN PAS KHUNGS BZANG BAR BSHAD DO,, LO DRI MKHAN PO'I LUGS NI, 'OD SRUNGS SRUNG CHOS SRUNG DANG, ,GZHI KUN PA STE YOD SMRA BZHI, ,SHAR NUB GANGS RI RNAM PHYE SMRA, ,BTAGS SMRA 'DAS SMRA PHAL CHEN DRUG ,GOS MA MAR SRUNG BA GNAS M'I BU, ,MANG THOS KUR KUL MANG BKUR LNGA, ,RGYAL BYED TSAL DANG 'JIGS MED RE, ,GTZUG LAG KHANG GNAS GNAS BRTAN GSUM, ,ZHES GZUNG NGO,, DUL LHA

DANG LO DRI MKHAN PO'I LUGS GNYIS NI RTZA BA'I SDE BZHI LAS BCO BRGYAD DU GYIS TSUL YIN LA, RTZA BA'I SDE BA, GCIG LAS BCO BRGYAD DU GYES TSUL NI SNGON YOD SMRA GCIG BU YOD PAR LAS DUS PHYIS SKAD 'DON TSUL MI 'DRA BA'I DBANG GIS GZHAN RNAMS GYES PAR SLOB DPON SH'AKYA 'DO KYIS BSHAD DO,, TZA BA'I SDE BA GNYIS LAS BCO BRGYAD DU GYES TSUL LA BSHAD TSUL MI 'DRA BA GNYIS LAS DANG PO GYES PA'I DUS NI DPE 'GA' ZHIG LAS RGYAL BA 'DAS NAS LO DRUG BRGYA DANG, LA LAR LO BRGYA DANG DRUG CU DANG, KHA CIG LAS LO BRGYA DANG BCU DRUG NAS GYES PAR GSUNGS PA'I THA MA DAG PAR BSHAD DO,, PHAL CHEN THA SNYAD GCIG PA DANG, ,'DAS SMRA MANG THOS BTAGS SMRA DANG, ,MCHOD RTEN SHAR RI NUB RI BA, ,BRGYAD PO PHAL CHEN SDE BA YIN, ,GANGS RI YOD SMRA GNAS MA'I BU, ,CHOS MCHOG MANG STON BZANG PO'I LAM, ,CHOS SPAS 'DO SRUNG KUN GYIS BKUR, ,BLA MA BA STE GNAS BRTAN BCU,, ZHES GZUNG NGO,, BSHAD TSUL GNYIS PA'I SKABS SU GZHI SNGAS DGE 'DUN GYI DBYEN BSKYED PAR GSUNGS PA'I GZHI LNGA NI, RTOG GE 'BAR BA LAS, GZHAN LA LAN GDAB PA DANG, MI SHES PA DANG, YID GNYIS DANG, YONGS SU BRTAG PA DANG, BDAG NYID GSO BAR BYED PA NI LAM YIN TE, 'DI NI SANGS RGYAS KYI BSTAN PA YIN ZHES ZER RO,, ZHES GSUNGS SHING, GZHUNG LUGS KYI BYE BRAG BKOD PA'I 'KHOR LO LAS; GZHAN GYIS NYE BAR BSGRUB PA DANG, MI SHES PA DANG, SOM NYI DANG, GZHAN GYI RNAM PAR DPYOD PA DANG, LAM SGRA 'BYIN PA DANG BCAS PA 'DI NI SANGS RGYAS KYI BSTAN PA NI NO ZHES GNAS SNGA RJES SU BRJOD CING,

, ,ZHES BYUNG NGO,, PHAL CHEN THA SNYAD BA LANG GNAS, ,MANG THOS BTAGS SMRA MCHOD RTEN PA, ,DRUG NI PHAL CHEN SDE BAR BSHAD, ,GA NGAS RI YOD SMRA RNAM PHYE SMRA, ,MANG STON CHOS SPAS GOS DMAR BA, ,'OD SRUNG 'PHO BA GNAS MA'I BU, ,CHOS MCHOG LAM BZANG MANG BKUR BA, ,BCU GNYIS GNAS BRTAN SDE BAR GSUNGS, ,ZHES GZUNG NGO,, RTZA BA'I SDE BA GSUM LAS BCO BRGYAD DU PHYE BA'I DUS SOGS NI GNYIS LAS BCO BRGYAD DU PHYE BA'I BSHAD TSUL DANG PO DANG 'DRA ZHING, GRANGS 'DREN TSUL NI, THAMS CAD YOD SMRA MDO SDE BA, ,MANG BKUR CHOS MCHOG BZANG PO'I LAM, ,GRONG KHYER DRUG PA ZHES BYA BA,, GNAS BRTAN SDE BA RNAM BA DRUG ,PHAL CHEN SHAR RI NUB RI BA, ,RGYAL RI GANG RIM CHOD RTEN PA, ,DON GRUB PA DANG BA LANG GNAS, ,BRGYAD PO PHAL CHEN SDE BA YIN, ,SA STON 'OD SRUNGS CHOS SBAS PA, ,GOS DMAR BA STE RNAM PA BZHI, ,RNAM PHYE SMRA BA'I SDE BA STE, ,GSUM LAS BCO BRGYAD GYES PA'I LUGS, ,ZHES GZUNG NGO ,,//CA// RTOG GE 'BAR BAR RAB BYUNG GIS BYANG SEMS LA PHYAG BYA BA'I SHES BYED DU PHAL CHEN SDE BA'I NANG TSAN DON GRUB PA DANG, SHAR RI BA DANG, NUB RIB DANG, BZANG PO'I LAM PA DANG, GANGS RI BA SOGS KYI LUNG GIS GRUB PA'I RJES SU DE'I DON BSDUR, 'JIG RTEN 'DAS PA ZHI BA DANG, ZHES SOGS KYIS 'JIG RTEN LAS 'DAS PAR SMRA BA DANG, DON GRUB PA DANG, SHAR RI BA DANG, NUB RI BA DANG, BZANG PO'I LAM PA DANG, GANGS RI BA STE PHAL CHEN PA DRUG TU BSHAD PA NI DUL LHA DANG RTOG GE 'BAR BA'I BSHAD TSUL GSUM

GANG DANG YANG MI MTHUN PAS BSHAD TSUL GZHAN MED ZER MI RUNG BAR GSUNGS SHING, GZHUNG LUGS KYI BYE BRAG BKOD PA'I 'KHOR LO LAS KYANG DE DAG GANG GANG DANG YAD MI MTHUN PA'I BSHAD TSUL GZHAN ZHIG BYUNG YANG MANG DOGS NAS MA BRIS LA, GZHUNG 'DI BSTAN 'GYUR GYI DKAR CHAG DU MAR BTZUN PA DBYIG GI BSHES GNYEN GYIS MDZAD PAR GSUNGS LA, DUL LNGA'I SDE BA THA DAD PA BSDUS PA'ANG BTZUN PA DBYIG BSHES KYI MDZAD PA'I GZHUNG THA DAD PA RIM PAR BKLAG PA'I 'KHOR LO ZHES BYA BA LAS BSDUS PAR KHO RANG LAS GSUNGS KYANG GZHUNG 'DI DANG MI MTHUN PAS DBYIG BSHES KYI BSHAD TSUL LA YANG MI 'DRA BA DU MA YOD DAM DPYAD PAR BYA'O,, MKHAS PA KHA CIG, RTOG GE 'BAR BAR SDEB SO SO'I MING GI RNAM GRANGS BSHAD PA RNAMS DON GCIG MING GI RNAM GRANGS MA YIN TE, DPER NA GZHI THAMS CAD YOD PAR SMRA BA DANG RNAM PAR PHYE STE SMRA BA DANG RGYUR SMRA BA DANG MU RUN TA KA PA BZHI RNAM GRANGS SU BSHAD KYANG DON GCIG MA YIN PA'I PHYIR TE, DANG PO GSUM DON GCIG YIN KYANG, THA MA NI YOD SMRA'I BYE BRAG YIN PA'I PHYIR TE, RTOG GE 'BAR BA LAS, THAMS CAD YOD PAR SMRA BA NYID LA RNAM PAR PHYE STE SMRA BA DANG RGYUR SMRA BA DANG KHA CIG MU RUN TA KA BA ZHES KYANG ZER BA DANG, ZHES DANG PO GSUM DON GCIG YIN PAS KHA CIG CES MA SMOS LA THA MA NI DE'I BYE ZAG YIN PAS KHA CIG CES SMOS PA'I PHYIR DANG, SGRA BSHAD KYI SKABS SU' NGA DE NYID LAS; DE RNAMS NYID LAS KHA CIG MU RUN TA'I RI LA GNAS PA'I PHYIR DU MU RUN TAK PA ZHES BYA'O,, ZHES THA MAL KHA CIG DANG DGAR TSIG GI SGRA GNYIS KA BYUNG LA DANG PO GSUM LAS BYUNG BA'I PHYIR, ZHES BSHAD PA NI

, ,BDEN PA LTAR SNANG YANG 'DIR KHA CIG CES PA NI YOD SMRA'I BYE BRAG KHA CIG LA MING MU RUN TA KA PA ZER ZHES MING 'DOGS YUL LA SBYAR BA MA YIN PAR KHA CIG GIS YOD SMRA LA MU RUN TA KA PA ZER ZHES MING 'DOGS MKHAN LA SBYAR NA LEGS PAR SEMS SO,, ZHES PA'O ,, 'ON KYANG RNAM GRAGS SU BSHAD PA THAMS CAD DON GCIG TU BYED MI RUNG STE, DPER NA THAMS CAD YOD SMRA DANG RNAM PAR PHYE STE SMRA BA RNAM GRANGS SU BSHAD KYANG DON GCIG MA YIN PAR SGRA BSHAD KYIS SHES PA'I PHYIR TE, DUS GSUM THAMS CAD RDZAS YOD DU 'DOD PAS THAMS CAD YOD SMRA DANG 'BRAS BU MA PHYUNG BA'I 'DAS PA DANG NGA LTAR BA NI RDZAS YOD DANG 'BRAS BU PHYUNG ZIN PA'I 'DAS PA DANG MA 'ONGS PA NI BTAGS YOD CES RNAM PAR PHYE NAS SMRA BAS RNAM PAR PHYE STE SMRA BAR LEGS LDAN GYIS BSHAD PA'I PHYIR DANG, PHYI MA SNGA MA'I BYE BRAG YIN PAR DUL LHA SOGS KYIS BSHAD PA'I PHYIR, //CHA//LEGS LDAN LTAR RTZA BA'I SDEB GNYIS SU 'DOD MKHAN LA LUGS GNYIS LAS DANG POS PHAL CHEN PAR BRGYAD DANG, RTZA BA'I SDE BA GSUM DU 'DOD MKHAN GYIS DE DANG MI 'DRA BA BRGYAD DANG, RTZA BA'I SDE BA GNYIS SU 'DOD MKHAN GYI LUGS GNYIS PAS DRUG TU BYAS PA BZHIN ZHES GSUNGS PA YIN PAS, 'DIR SLOB DPON GNYIS SU 'DOD MKHAN ZHES PA YI GE MA DAG GO, RTOG GE 'BAR BAR SDE BA BCO BRGYAD KYI SGRA BSHAD GSUNGS PA NI RTZA BA'I SDE BA GNYIS SU 'DOD MKHAN DANG PO'I LUGS YIN LA, DER SDE BA SO SO'I 'DOD TSUL BSHAD PA NI RTZA BA'I

SDEB GNYIS SU 'DOD MKHAN GNYIS PA'I LUGS YIN PAS PHAN TSUN BSRES MI RUNG BA DANG, BZHI DANG GSUM DU 'DOD MKHAN SOGS LUGS GZHAN LA SPYAR DU MI RUNG BAR BSHAD DO,, //DZA// DER 'DUS TSUL YANG THEG CHEN GYI SDE SNOD DU RGYAS PAR BSHAD PA'I BDEN BA BZHI DANG BYANG PHYOGS SO BDUN DANG STOBS BCU DANG MI 'JIGS PA BZHI SOGS SDE BA BCO BRGYAD KYI GZHUNG DU'NG MDOR BSTAN PA'I TSUL GYIS BSTAN PA'I DON YIN GYI THEG CHEN GYI SDE SNOD DE SDE BA BCO BRGYAD KYI GZHUG DU RANG YIN PA'I TSUL GYIS BSDUS PA NI MA YIN NO,, //WA// MANG BKUR SDE LNGA BRJOD DU MED PA'I BDAG KHAS LEN ZHES DENG SANG RLUNG LTAR GRAGS KYANG DPYAD GZHI SHIN TU CHE STE, DUL LHA DANG LEGS LDAN GYI BSHAD TSUL GSUM GANG DANG YANG MI MTHUN ZHING, LO DRI MKHAN POS MANG BKUR SDE LNGA'I THA SNYAD GSUNGS KYANG DENG SANG YONGS SU GRAGS PA'I MANG BKUR SDE LNGA DANG 'DREN TSUL MI 'DRA BA'I PHYIR TE, LO DRI MKHAN POS, GOS DMAR BA DANG SRUNG BA PA DANG KU RU KU LLE BA DANG MANG THOS PA DANG GNAS MA'I BU LNGA LA MANG BKUR SDE LNGA ZHES BSHAD KYANG DE LDAS BRJOD DU MED PA'I BDAG KHAS LEN PAR MA BSHAD LA, RTZA BA'I SDE BA GNYIS SU 'DOD MKHAN DANG PO'I SKABS SU RTOG GE 'BAR BA LAS GNAS BRTAN PA'I SDE BA BCU LAS GNAS MA'I BU DANG BZANG PO'I LAM BA DANG KUN GYIS BKUR BA DANG CHOS SBAS PA DANG BLA MA PA LNGAS BRJOD DU MED PA'I BDAG KHAS LEN PAR BSHAD KYANG DE LNGA LA MANG BKUR SDE LNGA'I THA SNYAD MA SBYAR BA'I PHYIR RO,, //ZHA// MU STEGS PAS BDAG RTAG PAR SGRO BTAGS PA LTAR THAL BAR 'GYUR BA'I PHYIR GANG

, ,ZAG PHUNG PO LAS GZHAN MA YIN LA, GANG ZAG DU MAR THAL BA DANG SOGS SGRAS GANG ZAG MI RTAG PAR THAL BA DANG PHUNG PO BZHIN DU 'CHI TSE RGYUN CHAD PAR THAL BA DANG LAS BYAS PA CHUD ZOS PAR THAL BAR 'GYUR BA'I PHYIR GANG ZAG PHUNG PO DE NYID MA YIN NO,, DE'I PHYIR GANG ZAG PHUNG PO LAS DE NYID DANG GZHAN NYID DU BRJOD DU MED PAR KHAS LEN PA NI LEGS PA YIN NO,, ZHES PA 'DI NI RIGS PAS SGRUB PA'O,, LUNG GIS SGRUB PA NI, LUS SROG RDZAS GCIG GAM THA DAD YIN ZHES ZHUS PA LA BCOM LDAN 'DAS KYIS LAN LUNG MA BSTAN PA DANG, RDZUS TE BYUNG BA'I SEMS CAN YOD PAR GSUNGS PA DANG, 'DI SHES BYED DU 'GRO LUGS NI MDO SNGA MA'I SKABS SU KHYAD GZHI MED PA'I DRI BA YIN PAS LUNG MA BSTAN PA YIN ZER NA MDO PHYI MA DANG 'GAL ZHES PA'O,, DE LTAN SDE BA 'DI DAG GIS RDZAS YOD KYI BDAG KHAS BLANGS PA YIN NAM SNYAM MO,, KHUR NI PHUNG PO LNGA DANG KHUR KHYER BA NI GANG ZAG TU GSUNGS PA DANG, 'DI SHES BYED DU 'GRO LUGS NI GANG ZAG PHUNG PO DE NYID YIN NA KHUR NI KHUR KHYER BAR 'GYUR BA'O,, DE LA GSAL BYED PAS SMRAS PA, BDAG MED NA DE BZHIN GSHEGS PAS GZUGS BDAG MA YIN, TSOR BA BDAG MA YIN ZHES SOGS GSUNGS PA DANG 'GAL TE, GZUGS BDAG MA YIN ZHES SOGS GSUNGS PA NA DE DAG MA YIN PA'I BDAG YOD PAR GO BA'I PHYIR TE, DPER NA MIG GA-YON PAS MI MTHONG ZHES BRJOD PA NA GA-YAS PAS MTHONG BA GO BA BZHIN NO,, BDAG MED NA BDAG MED DO ZHES SPYIR

'GOG DGOS KYI, GZUGS BDAG MA YIN ZHES KHYAD PAR SBYAR NAS DGAG PA LA DGOS PA MED PA'I PHYIR TE, DPER NA MIG GIS MA MTHONG NA MIG GA-YON PAS MA MTHONG ZHES GA-YON PA'I KHYAD PAR SBYOR BA DGOS PA MED PA BZHIN NO,, DES NA BRJOD DU MED PA'AM GZHAN YIN PA GANG YIN KYANG RUNG, BDAG NI DES PAR YOD DO ZHES ZER, //ZA//TSAD CHEN DKA' 'GREL LAS, 'DI LTAR DGE BA DANG MI DGE BA'I LAS THA DAD PA RNAMS KYI BYED PA BO DANG, RANG GIS BYAS PA'I LAS KYI 'BRAS BU 'DOD PA DANG MI 'DOD PA'I ZAB BO DANG, GANG YANG PHUNG PO SNGA MA YONGS SU DOR NAS PHUNG PO GZHAN LEN PAS 'KHOR BA PO DANG GROL BA BO GANG YIN PA DE BDAG YIN NO,, ZHES PA 'DI NI BDAG GI MTSAN NYID DO,, 'DI THAMS CAD KYANG GANG ZAG LA 'DOD PA'I PHYIR MING LA RTZOD PA 'BA' ZHIG TU ZAD DO,, ZHES BYUNG ZHING, GNAS MA BU LA SOGS PA DAG GIS NI ZHES SOGS KYI GZHUNG YANG TSAD CHEN BKA' 'GREL LAS BYUNG NGO,, //'A// GAL TE GANG ZAG PHUNG PO LAS GZHAN DU BRJOD DU MED NA 'DAS SOGS GSUM DANG DUS MA BYAS DANG BRJOD BYA MA YIN PA STE SHES BYA LNGAR BSHAD PA MI RIGS PAR 'GYUR TE, BRJOD BYA MA YIN PA NI 'DAS SOGS LAS GZHAN DU BRJOD DU MED PAS SHES BYA LNGA BAR MI RUNG BA'I PHYIR, //YA// BDAG SMRA LEGS LDAN SOGS KYIS KYANG MA BSHAD CES GSUNGS KYANG GANG ZAG TU SMRA BA ZHES PAS BDAG SMRA BAR BSTAN PA'I PHYIR ZHES SNGAR GSUNGS PA DANG SHER SGRON 'BREL BSHAD DANG RGYUD BLA DAR t'IKA LAS GANG ZAG GI BDAG KHAS LEN PAR GSUNGS PA RNAMS SHES BYED DU

, ,DRANGS SO,, //RA// GANG ZAG RNAM SHES DRUG GI SHES BYAR 'DOD TSUL NI MDZOD 'GREL LAS, GANG ZAG RNAM PAR SHES PA GANG GIS RNAM PAR SHES PAR BYA BA YIN, DRUG CAR GYIS KYANG SHES PAR BYA BA YIN NO ZHES BYA'O,, JI LTAR BYAS PAS SHE NA, GAL TE MIG GI RNAM PAR SHES PAR BYA BA'I GZUGS RNAMS LA BRTEN NAS GANG ZAG DMIGS PAR BYED NA NI, GANG ZAG MIG GIS RNAM PAR SHES PAR BYA BA YIN NO ZHES BRJOD PAR BYA LA, ZHES PA NAS, DE BZHIN DU YID KYI RNAM PAR SHES BAR BYA BA'I CHOS RNAMS KYI BAR SHES PAR BYA BA'I CHOS RNAMS KYI BAR LA BRTEN NAS GANG ZAG DMIGS PAR BYED NA NI GANG ZAG YID KYIS RNAM PAR SHES PAR BYA BA YIN NO ZHES BRJOD PAR BYA LA, ZHES GSUNGS PA LTAR RO,, MANG BKUR SOGS SDE BA LNGAS GANG ZAG GI BDAG DANG GANG ZAG RDZAS YOD DU KHAS LEN MI LEN LA MKHAS PA RNAMS KYI BSHAD TSUL MANG STE, MKHAS GRUB CHEN PO 'JAM DBYANGS BZHAD PA'I RDO RJES, DE DAG NI BRJOD DU MED PA'I BDAG TZAM 'DOD KYI GANG ZAG GI BDAG MI 'DOD DE, CHOS THAMS CAD BDAG MED PAR 'DOD PA'I PHYIR DANG, GANG ZAG KYANG RDZAS BTAGS GANG DU'ANG KHAS MA BLANGS PA'I PHYIR, RTAGS ZUR DANG BO NI DE DAG GIS GANG ZAG PHUNG PO LAS NGO BO THA DAD DU BRJOD NA, BCOM LDAN 'DAS KYIS CHOS THAMS CAD BDAG MED PAR GSUNGS PA DANG 'GAL LA, PHUNG PO DANG GCIG TU BRJOD NA BDAG DU MAR 'GYUR BAS GNOD PAS NA, BDAG BRJOD DU MED PA BSTEN PA MDZES ZHES SMRA BAR TSAD MA'I DE NYID RTZA 'GREL LAS BSHAD PAS GRUB LA, RTAGS ZUR PHYI MA NI,

MDZOD 'GREL LAS, GANG GNAS MA'I BU RNAMS GANG ZAG YOD PAR 'DOD PA JI LTA BU, 'DI NI RE ZHIG DPYAD PAR BYA BA YIN TE, CI DE DAG RDZAS SU 'DOD DAM, 'ON TE BTAGS PAR 'DOD, CES PA NAS, DE NI RDZAS SU YOD PA KHO NA'ANG MIN LA, BTAGS PAR YOD PA YANG MA YIN NO,, ZHES GSUNGS PAS GRUB BO,, DES NA MANG BKUR SDE LNGAS LAS 'BRAS KYI RTEN GANG ZAG NI BRJOD DU MED PAR KHAS LEN GYI GANG ZAG GI BDAG KHAS MI LEN LA, RTOG GE 'BAR BA SOGS LAS KYANG GANG ZAG TU SMRA BA ZHES GSUNGS KYI, GANG ZAG GI BDAG TU SMRA BA ZHES MA GSUNGS PA'I PHYIR RO,, DE'I PHYIR 'JUG PA LAS, KHA CIG DE NYID GZHAN NYID RTAG MI RTAG, LA SOGS BRJOD MED GANG ZAG RDZAS YOD 'DOD, CES GSUNGS PA NI, THAL 'GYUR BA LTAR NA RDZAS YOD KHAS BLANGS PAR SONG BA'I DON YIN GSUNG NGO,, 'JAM MGON SA PAn DANG RJE BTZUN RED MDA' BA DANG RJE MKHAS GRUB RIN PO CHE DANG LCANG SKYA ROL PA'I RDO RJE SOGS KYIS DE BA DE DAG GIS GANG ZAG GI BDAG DANG GANG ZAG RANG SKYA THUB PA'I RDZAS YOD DU 'DOD CING, LTA BA BKAR BTAGS PHYAG RGYA BZHI KHAS MI LEN PAS LTA BA'I SGO NAS NANG PA SANGS RGYAS PAR MI 'JOG KYANG SKYABS GNAS DANG TSUL KHRIMS SOGS KYI SGO NAS SANGS RGYAS PAR 'JOG PAR BSHAD PA DANG, KHYAD PAR DU LCANG SKYA GRUB MTHAR, SDE LNGAS CHOS THAMS CAD BDAG MED PAR GSUNGS PA'I LUNG GIS PHUNG PO LAS NGO BO THA DAD PA'I GANG ZAG KHAS MI LEN PAR BSGRUBS PAS NI GANG ZAG GI BDAG MED PAR 'DOD PAR BSGRUB MI NUS TE, DES CHOS THAMS CAD BDAG MED PAR

, ,GSUNGS PA'I DON MU STEGS PAS BTAGS PA LTAR GYI PHUNG PO LAS DON GZHAN DU GYUR BA'I BDAG MED PA'I DON DU BKRAL BA'I SHUGS KYIS LUNG DES SPYIR GANG ZAG GI BDAG YOD PA TZAM DU 'DOD PA LA MI GNOD PAR 'DOD PAR SNANG BAS, CI NAS GANG ZAG GI BDAG YOD PAR 'DOD PA'I SGRUB BYED DU SNANG BA'I PHYIR RO,, DBU MA RGYAN LAS KYANG, CHOS THAMS CAD BDAG MED PAR GSUNGS PA'I DON GRANGS CAN LA SOGS PA'I LUGS KYI DNGOS PO DGAG PA'I DON DU GNAS MA BU PAS 'DOD PAR BSHAD DO,, MDZOD 'GREL LAS, DE NI RDZAS SU YOD PA KHO NA'ANG MIN LA, BTAGS PAR YOD PA YANG MA YIN NO,, ZHES GNAS MA BU PA'I 'DOD PA BRJOD SKABS GSUNGS PAS KYANG LUGS DES GANG ZAG RDZAS BTAGS GANG DU 'ANG KHAS MA BLANGS PAR BSGRUB MI NUS TE, DE NI DE'I GONG DU KHYOD KYIS RDZAS SU YOD PAR 'DOD DAM, BTAGS PAR YOD PAR 'DOD, CES DRIS NAS PHYOGS GNYIS KA LA SKYON BRJOD PA NA DES RDZAS BTAGS GANG YANG MA YIN PAR SMRAS NA YANG 'GOG TSUL 'DI LTAR BYED CES GSUNGS PA YIN GYI, GNAS MA BU PA'I RTZA BA'I KHAS LEN LA GANG ZAG RDZAS BTAGS GANG DU'ANG KHAS MI LEN PAR BSTAN PA MA YIN PA'I PHYIR DANG, TSIG DE KA'I RDZAS SU YOD PA LA KHO NA'I SGRA SBYAR LA, BTAGS PAR YOD PA LA KHO NA'I SGRA MA SBYAR BA LA'ANG NUS PA 'DON LUGS SHIG YOD PA'I PHYIR RO,, GZHAN DU NA, ,MDZOD 'GREL LAS LUNG DE KA'I 'OG TU, GANG ZAG RDZAS SU YOD PA 'GOG PA'I LUNG DANG RIGS PA DU MA ZHIG

GSUNGS PA RNAMS PHYOGS SNGA MA LA GNOD PA MA YIN PAR 'GYUR RO,, DER MA ZAD, MDZOD 'GREL DU GANG ZAG BTAGS YOD DU STON PA'I GZUNGS CAN SNYING PO'I MDO LA SOGS PA'I LUNG MANG DU DRANGS PA'I RJES SU; DE DAG NI GZHUNG 'DI TSAD MAR MI BYED PA NYID DO,, CI'I PHYIR ZHE NA 'DI KHO BO CAG GI SDE BA MI 'DON TO,, ZHES ZER RO ZHES GSUNGS PAS KYANG DE DAG GIS GANG ZAG RDZAS YOD DU 'DOD PAR 'GRUB LA, 'JUG PA RTZA 'GREL GYI LUNG DON, THAL 'GYUR BA'I RIGS PAS PHUL NAS GANG ZAG RDZAS YOD KHAS BLANGS PAR SONG BA'I DON DU BYED PA'ANG 'THAD PAR MI SEMS TE, TSUL DE NI MANG BKUR SDE LDAR MA ZAD BYE SMRA KUN LA'ANG MTSUNGS PA'I PHYIR TE, BYE BRAG SMRA BA THAMS CAD KYIS GANG ZAG BDEN PAR 'DOD PAS, BDEN BA'I DON TSUGS TSUB DANG, DE YANG GZHAN LA RAG MA LAS PA'I RDZAS YOD DU DBU MA THAL 'GYUR BA'I RIGS PAS 'PHUL NUS PAS, MANG BKUR SDE LNGA KHO NA DMIGS KYIS BKAR BA DON MED PAR 'GYUR BA'I PHYIR, DER MA ZAD, 'DIS GANG ZAG RDZAS YOD 'DOD PAR RJE THAMS CAD MKHYEN PAS GSAL BAR BSHAD DE, 'JUG PA'I RNAM BSHAD CHEN MO LAS, 'DI DAG GI 'DOD PA BRJOD PA'I SKABS SU GANG ZAG DE RDZAS SU YOD PAR YANG 'DOD DE, LAS GNYIS KYI BYED PA PO DANG, DE GNYIS KYI 'BRAS BU BDE SDUG GI ZAB BO NYID DU BRJOD PA'I PHYIR DANG, 'KHOR BAR BCINGS PA DANG MYANG 'DAS KYI SKABS SU THAR BA PO'AM GROL BA BO YIN PA'I PHYIR RO,, ZHES GSUNGS PA'I PHYIR, DBU MA 'JUG PA LAS KYANG, GANG ZAG RDZAS YOD 'DOD, CES DANG,

, ,RANG 'GREL LAS KYANG, RDZAS SU YOD PAR SMRA BA BSAL BA'I PHYIR BSHAD PA ZHES GSUNGS KYI RDZAS YOD DU THAL LO ZHES DANG, RDZAS YOD DU 'GYUR RO ZHES MA GSUNGS PA'I PHYIR DANG, DE YANG PHYOGS SNGA MAR BRJOD PA'I GZHUNG NYID DU 'BYUNG BA'I PHYIR DANG, PHYOGS GZHAN 'GOG PA'I RIGS PA'I SKABS SU KHONG NA GNAS PA'I DOGS PA SLONG BA DANG, MTHA' GZHAN 'GOG PA SOGS BYED KYI PHYOGS SNGA'I GZHUNG 'GOD PA'I TSE KHO RANG GI 'DOD TSUL KHO NA DRANG POR SMRA BA NI RGYA GAR MKHAS PA'I LUGS SROL YIN PA'I PHYIR, THAL 'GYUR PA'I RIGS PAS 'PHUL 'TSAMS TZAM MIN PAR SHIN TU GSAL LO,, GZHAN YANG GNAS MA BU BA'I LUGS LA, GANG ZAG DE PHUNG PO SOGS KYI LEN PA PO DANG 'DOR BA PO'I RDZAS SU 'DOD PAS DON DAM PAR GRUB PAR 'DOD LA, PHUNG PO RNAMS RGYUR BYAS NAS GANG ZAG 'JOG KYANG DES GANG ZAG BTAGS YOD DU MI 'GYUR BAR 'DOD PA LA KUN MKHYEN DBYIGS GNYEN GYIS NANG 'GAL BSTAN NAS GANG ZAG BTAGS YOD DU BSGRUBS PA MDZOD 'GREL GYI GNAS DGU PA NA GSAL BAR YOD PAS KYANG, LUGS 'DIS GANG ZAG RANG SKYA THUB PA'I RDZAS YOD DU 'DOD PA GSAL BAR 'GRUB PO,, YANG BCOM LDAN 'DAS KYIS GANG ZAG GI BDAG YOD PAR GSUNGS PA NI GDUL BYA YUN RING POR MU STEGS KYI LTA BA LA GOMS PAS BDAG MED PA'I CHOS BSTAN PA LA SKRAG NAS YANG DAG PA'I LAM LA MI 'JUG PA RNAMS LA RE ZHIG GANG ZAG GI BDAG YOD PAR BSTAN PAS DE DAG GI DON DU 'GYUR

PAR DGONGS TE GSUNGS PAR KLU SGRUB YAB SRAS DANG RJE THAMS CAD MKHYEN PAS BSHAD PAS GANG ZAG GI BDAG KHAS LEN PA'I NANG BA YOD PAR GRUB CING, DE YANG GANG ZAG RANG SKYA THUB PA'I RDZAS YOD KYI BDAG YOD PA LA BYED DGOS PA NI 'JUG PA'I RNAM BSHAD CHEN MO LAS, JI SKAD DU, DGE SLONG DAG PHUNG PO LNGA NI KHUR RO,, KHUR 'KHUR BA PO NI GANG ZAG GO, ZHES GSUNGS PA LTA BU'O,, 'DI NI GANG ZAG RANG SKYA THUB PA'I RDZAS YOD DU 'DZIN PA RNAMS KYIS ZHUS PA'I NGOR DE MED PAR MA BSTAN PAR , KHUR 'KHUR BA'I GANG ZAG YOD PAR GSUNGS PAS, TSIG LA DNGOS SU MED KYANG DON NI RDZAS YOD DO,, ZHES GSAL BAR GSUNGS SHING, GNAS MA BU PAS GANG ZAG GI BDAG KHAS LEN PA YANG DRANGS MA THAG PA'I LUNG DE LA RTEN PAR MDZOD 'GREL GYIS SHES SO,, ZHES PA NAS, SDE BA 'DI DAG RANG SDE TZAM DANG NANG PA TZAM YIN KYANG NANG PA'I GRUB MTHA' SMRA BA DNGOS MIN NO ZHES SMRA BA LA, DNGOS SU DBYUG PA SOGS KYI GNOD BYED MA BYUNG PHYIN RIGS PAS GNOD PA 'BAB DKA' BAR 'DUG GO, ZHES BSHAD DO,, DE LTAR GNYIS LAS RE ZHIG LUGS SNGA MA LA DPYAD RGYU YOD DE, MANG BKUR SOGS SDE LNGAS LTA BA BKAR BTAGS PHYAG RGYA BZHI KHAS LEN DGOS NA 'DUS BYAS THAMS CAD MI RTAG PAR 'DOD DGOS LA, DE LTA NA 'JUG PAR, KHA CIG DE NYID GZHAN NYID RTAG MI RTAG ,LA SOGS BRJOD MED GANG ZAG RDZAS YOD 'DOD, ,CES GANG ZAG RTAG MI RTAG GANG DU YANG BRJOD DU MED PAR GSUNGS PA DANG 'GAL BAR 'GYUR BA'I PHYIR DANG, GAL TE DE DAG GIS GANG ZAG 'DUS BYAS MA BYAS GANG DU YANG MI

, ,'DOD ZER NA, TSAD CHEN DKA' 'GREL LAS, JI SKAD DU 'JIG RTEN SKYE BA GANG ZAG GCIG SKYE STE, 'DI LTA STE DPER NA DE BZHIN GSHEGS PA BZHIN NO ZHES BSHAD PA LTA BU'O,, ZHES SDE BA, DE DAG GI LUGS LA GANG ZAG SKYE BAR BSHAD PA DANG 'GAL BAR 'GYUR PA'I PHYIR ZHES KHA CIG ZER, KHA CIG GIS, SDE BA DE DAG GANG ZAG 'DUS BYAS SU MI 'DOD DE, MDZOD 'GREL LAS, GANG ZAG 'DUS BYAS YIN NO ZHES BRJOD PAR BYA STE, SKYE BA DANG LDAN PA NYID DU KHAS BLANGS PA'I PHYIR RO,, ZHES MI 'DOD PA'I THAL BA 'PHANG PA'I PHYIR, ZHES ZER, LUGS PHYI MAS SDE BA DE DAG SANGS RGYAS PA'I LTA BA KHAS MI LEN PAS NANG BA'I GRUB MTHA' SMRA BA MA YIN PAR BSHAD PA'ANG DPYAD DGOS TE, DE DAG GIS GANG ZAG MI RTAG PAR MI 'DOD PA DANG, 'DUS BYAS LA SKAD CIG MA DANG SKAD CIG MAM YIN PA'I DBYE BA 'DOD KYANG 'DUS BYAS THAMS CAD MI RTAG PAR MI 'DOD PAR BSHAD PA MED LA, BRJOD DU MED PA'I BDAG KHAS LEN KYANG CHOS THAMS CAD BDAG MED DU 'DOD PA'I PHYIR TE, BDAG PHUNG NGO BO THA DAD DU 'DOD NA CHOS THAMS CAD BDAG MED DU GSUNGS PA DANG 'GAL BAR 'DOD PA'I PHYIR TE, DE LTAR TSAD CHEN DKA' 'GREL LAS GSAL BAR BSHAD PA'I PHYIR, BYAS PA LA KHA CIG NA RE, DE DAG GIS CHOS THAMS CAD BDAG MED DU 'DOD KYANG GANG ZAG CHOS SU MI 'DOD PAS DE BDAG MED DU 'DOD MI DGOS TE, MDZOD 'GREL LAS, DE DAG LA CHOS THAMS CAD NI BDAG MED PA'O ZHES BYA BA'I MDO 'DI YANG MED DAM, GANG ZAG NI CHOS

ZHES KYANG MI BYA LA CHOS LAS GZHAN ZHES KYANG MI BYA'O ZHES BYA BAR 'DOD PAR 'GYUR NA, DE LTA NA NI YID KYI RNAM PAR SHES PAR BYA BA MI 'GRUB STE, GNYIS LA BRTEN NAS RNAM PAR SHES PA SKYE'O NGES PAR GSUNGS PA'I PHYIR RO,, ZHES PA'I LUNG GIS GANG ZAG CHOS SU MI 'DOD NA RNAM SHES DRUG GI SHES BYAR 'DOD PA DAD NANG 'GAL YIN TE, YID DANG CHOS LA BRTEN NAS YID KYI RNAM SHES SKYE BAR MDO LAS GSUNGS PA'I PHYIR RO ZHES BSHAD PA'I PHYIR DANG, RNAM SHES DRUG GI SHES BYAR 'DOD PA'I SKABS SU 'ANG GANG ZAG CHOS MA YIN PAR BSHAD PA'I PHYIR, ZHES ZER, GZHAN YANG, SDE BA DE DAG GIS GANG ZAG RDZAS YOD DU 'DOD PAR 'JUG PA RTZA 'GREL DANG 'JUG t'IKA CHEN MO SOGS LAS BSHAD MOD, 'ON KYANG DE DAG GIS GANG ZAG BCOM PA'AM MA BLOS CHA SHAS SO SOR BSAL BA NA RANG 'DZIN GYI BLO MI 'DOR BA'I RDZAS YOD DU 'DOD DAM, RANG BLO YUL DU 'CHAR BA RANG DANG MTSAN NYID MI MTHUN PA'I GZHI GZHAN GYI RNAM PA SHAR BA LA MI BLTOS PAR RANG DBANG DU 'CHAR BA'I RDZAS YOD DU 'DOD PA GANG YIN DPYAD PAR BYA STE, DANG PO LTAR NA GANG ZAG CHA MED KYANG 'DOD DGOS PAR 'GYUR LA, GNYIS PA LTAR NA SNGAR MDZOD 'GREL DRANGS PA LTAR GANG ZAG RNAMS SHES DRUG GI SHES BYAR 'DOD TSUL DANG 'GAL BA'I PHYIR ZHES KHA CIG ZER RO,, //LA// RNAM RIG MA YIN PA'I GZUGS NI, GA-YENG DANG SEMS MED PA YI YANG, ,DGE DANG MI DGE RJES 'BREL GANG, ,'BYUNG BA CHE RNAMS RGYUR BYAS PA, ,DE NI RNAM RIG BYED MIN BRJOD, ,CES PA LTAR, GNAS

, ,SKABS KYI KHYAD PAR NI SEMS GA-YENG MA GA-YENG DANG SEMS YOD MED DE GNAS SKABS BZHIR YOD PA DANG, NGO BO'I KHYAD PAR NI DGE MI DGE GANG RUNG YIN PA DANG, RGYUN GYI KHYAD PAR NI RJES 'BREL TE RGYUN CHAGS PA DANG, RGYU'I KHYAD PAR NI 'BYUNG BA CHEN PO BZHI RGYUR BYAS PA STE KHYAD PAR GZHI LDAN GYI CHOS KYI SKYE MCHED PA'I GZUGS DANG LAS KYI GZHI MTHUN YIN PA'O,, SGRA BSHAD KYI KHYAD PAR RANG KUN NAS SLONG BA'I SEMS GANG ZAG GZHAN LA RNAM PAR RIG PAR MI BYED PA ZHES BSNAN NAS KHYAD PAR LNGA LDAN DU BSHAD PA'ANG YOD DO,, 'DI LA MDZOD KYI 'GREL BA 'GREL BSHAD KYI BSTAN TSUL GO DKA' BA DANG KHA CHE'I DUS BZANG GIS DGAG BZHAG BYAS TSUL DANG DE LA DGAG LAN BYAS TSUL SOGS SPRO BYA MANG PO YOD KYANG MANGS PAS 'JIGS NAS MA BRIS SO,, //SHA// DNGOS PO DU MA GCIG TU SPUNGS PA'AM 'DUS PAS NA PHUNG PO ZHES BRJOD DE, GZUGS 'DAS SOGS GSUM DANG, PHYI NANG DANG, RAGS PHRA DANG, NGAN PA GYA NO MA DANG, THAG NYE RING NA YOD PA THAMS CAD GCIG TU BSDUS TE GZUGS PHUNG GI GRANGS SU 'GRO BAR MDO LAS GSUNGS PA'I PHYIR, DE 'DRA BA'I GZUGS BCU GCIG GI NGOS 'DZIN LA BSHAD TSUL MANG ZHING, PHUNG PO'I DON LA BYE MDO SEMS TZAM PA'I RTZOD TSUL MANG LA, BYE SMRAS GZUGS DANG GZUGS PHUNG YIN KHYAB MNYAM DANG, PHUNG PO RDZAS YOD DU 'DOD PA DANG, MDO SDE BAS GZUGS DANG GZUGS PHUNG YIN KHYAB MNYAM MA YIN ZHING, PHUNG PO BTAGS YOD DU

'DOD PA SOGS DANG, PHAN TSUN RTZOD LAN BYAS TSUL SOGS MANG PO YOD PA RNAMS MDZOD RANG 'GREL 'GREL BSHAD GNYIS DANG BCAS PA ZHIB TU LTAS NAS SHES DGOS SO,, GZUGS SOGS YUL DRUG NI DMIGS RKYEN DANG MIG SOGS DBANG PO DRUG NI BDAG RKYEN BYED PA'I SGO NAS RANG RANG GI RNAM SHES SNGAR MED SKYE ZHING MCHED PA RGYAS PA STE RGYUN GNAS PAR BYED PA'I SGOR GYUR BAS NA SKYE MCHED CES BRJOD CING; LUGS 'DIR YUL GYI RDUL PHRA RAB RE RE NAS DBANG PO'I YUL DANG, DBANG PO'I RDUL PHRA RAB RE RE NAS DBANG SHES KYI RTEN DU BSHAD DO,, CHOS DE DANG DE'I RIGS YIN PAS NA KHAMS ZHES BYA LA, RIGS ZHES PA 'BRAS BU 'BYUNG BA'I RGYU 'AM SA BON GYI DON DU MDZOD KYI MTHA' DPYOD DU BSHAD KYANG KHAS LEN PAR RUNG MI RUNG DPYAD DGOS TE, LUGS 'DIR MIG DANG MIG KHAMS DON GCIG YIN PAS NA DGRA BCOM THA MA'I MIG KYANG MIG KHAMS SU 'DOD DGOS KYI, DE GNYIS LA MU BZHI YOD PAR KUN BTUS SU BSHAD PA LTAR MI 'DOD PA'I PHYIR, SEMS BYUNG LA PHUNG PO GSUM DU PHYE BAS NA SEMS BYUNG GCIG GAM RIL 'DZIN GYI RMONGS PA BZLOG PA DANG DAD SOGS DBANG PO LNGA RNON PO RNAMS RJES SU 'DZIN PA DANG TSIG GI SPROS PA BSDUS PA LA 'DOD PA STE DGA' BA RNAMS RJES SU 'DZIN PA STE DGOS PA GSUM GYI CHED DU PHUNG PO LNGA DANG; GZUGS LA SKYE MCHED BCUR PHYE BAS NA GZUGS GCIG GAM RIL 'DZIN GYI RMONGS PA BZLOG PA DANG DAD SOGS DBANG PO LNGA 'BRING PO RNAMS RJES SU 'DZIN PA DANG TSIG GI SPROS PA 'BRING PO LA 'DOD PA STE

, ,DGA' BA RNAMS RJES SU 'DZIN PA STE DGOS PA GSUM GYI CHED DU SKYE MCHED BCU GNYIS DANG, SEMS LA KHAMS BDUN DU PHYE BAS NA SEMS GCIG GAM RIL 'DZIN GYI RMONGS PA BZLOG PA DANG DAD SOGS DBANG PO LNGA RTUL PO RNAMS RJES SU 'DZIN PA DANG TSIG GI SPROS PA RGYAS PA LA 'DOD PA STE DGA' BA RNAMS RJES SU 'DZIN PA STE DGOS PA GSUM GYI CHED DU KHAMS BCO BRGYAD CES MDO LAS BSTAN TO; ;TSA NGMYAL BRGYAD DANG YI DVAGS DUD 'GRO GNYIS DANG GLING BZHI'I MI DANG 'DOD LHA RIGS DRUG STE 'DOD PA NYI SHUR MDZOD LAS BSHAD CING, DE'I STENG DU GRANGS BMYAL BRGYAD DANG GLING PHRAN BRGYAD BSNAN NAS 'DOD PA SO DRUG CES MNGON PA GONG MAR BSHAD LA, MNGON PA GONG 'OG GNYIS KAR GZUGS KHAMS GNAS RIGS BCU BDUN DANG SA SDER BCO BRGYAD DU BSHAD DO,, LHA MA YIN 'GRO BA GNYIS SAM GSUM DU BSDUS PAR BSHAD TSUL GNYIS YOD LA, MI DANG DUD 'GRO LA SKYE GNAS BZHI DANG, LHA DANG DMYAL PA DANG BAR SRID PA NI RDZUS SKYES KHO NA DANG, YI DVAGS LA MNGAL SKYES RDZUS SKYES GNYIS YOD CING, KHAMS KYI ZAS NI 'DOD PA KHO NA DANG ZAS GZHAN GSUM NI KHAMS GSUM NA YOD PAR BSHAD DO,, LAM BDEN DU MA GTOGS PA'I 'DUS BYAS DANG ZAG BCAS DON GCIG YIN LA, ZAG MED KYI 'DUS BYAS DANG LAM BDEN DON GCIG YIN ZHING, LAM BDEN LA PHUNG PO LNGA YOD PAR 'DOD DO,, //SA// 'DIR 'GOG BDEN YANG ZAG MED DU 'DOD PA'ANG YOD, CES PA'I TSIG GI NUS PAS 'GOG BDEN ZAG

BCAS SU 'DOD PA'I RANG SDE BA YOD PA LTA BUR GYUR BAS DPE DAG MA DAG DPYAD DGOS TE, 'GOG BDEN ZAG BCAS SU 'DZIN PA NI LOG 'DZIN BCU DRUG GANG RUNG YIN PAS NA DE LTAR 'DOD PA'I RANG SDE BA GTAN MI SRID PA'I PHYIR, GZUGS CAN GZHAN LA PHAR MI SGRIB PAR MA ZAD GZUGS GZHAN GYIS TSUR MI SGRIB PA'I RTAG RDZAS NI NAM MKHA' YIN GYI THOGS REG RNAM PAR BCAD TZAM NI MA YIN LA, GONG 'OG ZHI RAGS SAM BDEN BZHI LA SO SOR BRTAGS PA'I STOBS KYIS RANG GI NGO SKAL GYI SPANG BYA 'GOG PA'I RTAG RDZAS NA SO SOR BRTAGS 'GOG DANG, SHES RAB KYIS SO SOR BRTAGS PA MA YIN PAR RKYEN MA TSANG PA'I STOBS KYIS MA 'AONGS PA SKYE BA LA GTAN DU BGEGS BYED PA'I RTAG RDZAS NI SO SOR BTAGS MIN GYI 'GOG PA YIN NO,, //HA// NAM MKHA' DANG NAM MKHA'I KHAMS DON GCIG YIN LA, DE GNYIS KA 'DUS MA BYAS YIN KYANG, KHAMS DRUG CU RTZA GNYIS KYI NANG NAS DRUG TSAN DANG PO'I NAM MKHA'I KHAMS DE SNANG MUN GANG RUNG GI BDAG NYID DU GYUR BA'I GZUGS KYI SKYE MCHED DU BYE SMRAS 'DOD LA SLOB DPON GYIS DE LTAR MI BZHED PA'I DON YIN GYI BYE SMRAS NAM MKHA' DANG NAM MKHA'I KHAMS DON MI GCIG PAR 'DOD PA MA YIN NO,, //AA// TSAD MA KUN BTUS LAS RTZOD SGRUB SLOB DPON GYI MA YIN PAR BSHAD PA NI RTZOD SGRUB DBYIG GNYEN GYIS MDZAD PA MA YIN ZHES BA MIN GYI, DER BSHAD PA'I DON RNAMS BYE SMRA SNGA RABS PA'I LUGS YIN PAS NA SLOB DPON GYI RANG LUGS MA YIN ZHES PA YIN ZHING, RTZOD SGRUB PHYOGS SNGAR BYAS NAS DGAG

, ,PA'ANG MDZAD DO,, //KA// DAG BCOM PA'I RGYUD KYI ZAD PA SHES PA DANG MI SKYE BA SHES PA NI BYANG CHUB YIN LA, DE THOB PA DANG RJES SU MTHUN PA'I RGYU YIN PA'I PHYIR CHOS SO BDUN NI BYANG CHUB KYI PHYOGS MTHUN DU BSHAD DO,, //KHA// GONG 'OG GI DAD PA ZHES PA YI GE CHAD PA YIN TE, GONG 'OG GI THA DAD PA RNAMS RDZAS RIGS SO SO BA MIN PAS NA RDZAS BCUR 'DUS PAR BSHAD PA YIN PA'I PHYIR, RDZAS BCU NI, DAD DANG BRTZON 'GRUS DRAN PA DANG, ,SHES RAB TING 'DZIN BTANG SNYOMS DGA', ,RTOG DANG TSUL KHRIMS SHIN TU SBYANGS, ,ZHES PA LTAR RO,, RDZAS GANG DU CHOS GANG 'DUS TSUL SOGS NI MDZOD KYI 'GREL BA 'GREL BSHAD RNAMS DANG SKABS BZHI PA'I MTHA' DPYOD SOGS LAS SHES PAR BYA'O,, BYANG PHYOGS SDE TSAN BDUN NI GO RIM BZHIN TE DRAN PA NYER BZHAG BZHI NI TSIGS LAM DANG, YANG DAG PAR SBONG BA BZHI NI SBYOR LA MA DROD DANG, RDZU 'PHRUL RKANG PA BZHI NI SBYOR LAM RTZE MO DANG, DBANG PO LNGA NI BZOD PA DANG, STOBS LNGA NI CHOS MCHOG DANG, BYANG CHUB YAN LAG BDUN NI SGOM LAM DANG, 'PHAGS LAM YAN LAG BRGYAD NI MTHONG LAM NAS THOB PAR BSHAD PA YIN PAS NA, MTHONG DANG SGOM LA RAB TU PHYE, ZHES DRANGS PA NI YI GE NOR ZHING, GNYIS KYIS MI SLOB YONGS SU RDZOGS, ZHES GZHUNG SNGA MA DANG DKYUS GCIG TU DRANGS PA'ANG DPE MA DAG PA YIN PAR MA ZAD 'BREL BA MED PA LTA BUR YANG SNANG BAS DPYAD DGOS TE, SNYOMS 'JUG DBANG PO 'BRAS RNAMS KYIS, ,SLOB PA YONGS RDZOGS ZHES BYA'O, ,GNYIS

KYIS MI SLOB YONGS SU RDZOGS, ,ZHES PA NI, SDE TSAN BDUN NI GO RIM BZHIN, ,ZHES SOGS KYI GZHUNG GI SNGAR BYUNG ZHING, SLOB PA RDZOGS BYED KYI CHOS GSUM DANG MI SLOB PA RDZOGS BYED KYI CHOS GNYIS BSHAD PA'I GZHUNG YIN PA'I PHYIR, DE LA SLOB PA LNGA DANG MI SLOB PA GSUM DU DBYE BA SOGS NI MDZOD RTZA 'GREL LAS SHES DGOS KYI 'DIR BRIS MA LANGS SO,, SKABS 'DIR MDZOD LUNG DRANGS KYANG BYANG PHYOGS SDE TSAN BDUN LAM DANG SBYOR TSE DANG PO GSUM TSOGS LAM CHUNG 'BRING CHE GSUM DANG, DBANG PO LNGA DROD RTZE DANG, STOBS LNGA BZOD MCHOG DANG, THA MA GNYIS RIM BZHIN MTHONG SGOM DANG SBYAR BA NI DBUS MTHA'I BSHAD TSUL DANG GRUB MTHA' GONG MA'I LUGS YIN GYI SKABS 'DIR MI RUNG BAS NA 'DI NI YI GE NOR BA YIN NAM DUS PHYIS MDZOD LUGS MI SHES SHING GRUB MTHA' GONG MA'I RGYUS YOD PA ZHIG GIS TSIG BCOS PA GANG RUNG DU NGES KYI, MKHAS GRUB CHEN PO 'JAM DBYANGS BZHAD PA'I RDO RJES DON RAGS PA 'DI LTA BU LA 'KHRUL BA GA LA SRID SNYAM MO,, //GA// BDEN PA MTHONG BAR 'DOD PAS DANG POR TSUL KHRIMS SRUNG BAR BYED, DE'I 'OG TU DE DANG RJES SU MTHUN PA'I THOS PA DANG, THOS PA'I DON TSUL BZHIN DU BSAM PA DANG, BSAM PA'I DON YANG DANG YANG DU BSGOM LA RAB TU SBYOR BAR BYED DO,, THOS SOGS KYI BLO NI RIM BZHIN MING KHON DANG MING DON GNYIS KA DANG, DON 'BA' ZHIG YUL DU BYED DE, DPER NA STONG RKYAL LEGS PAR MA SLOB PA'I TSE CHU'I NANG DU 'JU BAR BYA BA MI GTONG BA KHO NA DANG, CUNG ZAD SLOB PA'I TSE RES 'GA' GTONG ZHING RES

, ,'GA' 'JU BAR BYED PA DANG, LEGS PAR SLOB PA'I TSE 'JU BAR BYA BA LA MI LTOS PAR RGAL BA BZHIN YIN PA'I PHYIR, //NGA// NYAN THOS MYUR BA NI SA BON 'DEBS PA DANG, 'BRU SKYE BA DANG, 'BRAS BU CHAGS PA BZHIN DU TSE DANG POR THAR BA CHA MTHUN DANG, GNYIS PAR NGES 'BYED CHA MTHUN DANG, GSUM PAR 'PHAGS LAM BSKYED DE, CHOS NYID 'DI LA RGYUD RIM GYIS 'JUG PA DANG, YONGS SU SMIN PA DANG, RNAM PAR GROL BAR 'GYUR RO,, 'DI LA'ANG KUN DGA' BO'I TSA BO DPER BYED NAS DOGS PA GCOD DGOS PA YOD DO,, //CA// RTOG GE 'BAR BA LAS, RANG SANGS RGYAS KYI SA DAG NI, , RNAM PA LNGA STE RIGS DANG LAM, ,GZHAN YANG KUN NAS 'BYUNG BA DANG, ,GNAS DANG DE BZHIN BRJOD PA'O, ,ZHES PA LTAR RANG RGYAL LA RIGS SOGS KYI KHYAD PAR LNGA YOD PA'I DON YIN GYI RANG RGYAL LA DBYE BA LNGA YOD CES PA MIN NO,, /CHA/ BSHAD TSUL 'DI NI BSKAL BA'I 'DI'I DBANG DU BYAS KYI BSKAL BA GZHAN NA TSE LO BCU PA'I DUS SU'ANG SANGS RGYAS BYON PA YOD PAR BU STON CHO SA 'BYUNG DU MDO DRANGS NAS BSHAD DO,, //JA// STON PA DANG RGYUD GCIG PA'I BYANG SEMS KYIS SEMS CAN KUN LA MGO DANG RKANG LAG LA SOGS PA PHYI NANG GI DNGOS PO THAMS CAD LAN LA RE BA MED PAR SNYING RJES KUN NAS BSLANG STE SBYIN PAR BYED PAS SBYIN PA'I PHAR PHYIN RDZOGS PA DANG, 'DOD CHAGS DANG MA BRAL BA BZHIN DU GZHAN GYIS YAN LAG BCAD KYANG CUNG ZAD KYANG SEMS

'KHRUGS PAS TSUL KHRIMS DANG BZOD PA'I PHAR PHYIN RDZOGS PA DANG, SANGS RGYAS SKAR RGYAL LA ZHAG BDUN DU RKANG PA GCIG GIS 'GENG STE, SKYES BU KHYU MCHOG KHYOD 'DRA'I DGE SBYONG CHEN PO GZHAN DAG LHA YUL SA LA MED, ,CES SOGS TSIGS BCAD KYIS BSTOD PAS BRTZON 'GRUS KYI PHAR PHYIN RDZOGS SHING BSKAL BA DGU'I TSOGS KYANG 'DUM PA DANG, DE MA THAG PA RDO RJE LTA BU'I TING NGE 'DZIN GYI TSE BSAM GTAN DANG SHES RAB KYI PHAR PHYIN RDZOGS PAR 'DOD DO,, //NYA// BDEN BZHI LA LAN GSUM DU BZLAS SHING RNAM PA BCU GNYIS SU BSKOR TSUL NI, 'DI NI SDUG BSNGAL 'PHAGS PA'I BDEN PA'O,, DE YONGS SU SHES PAR BYA'O,, DE YONGS SU SHES SO,, ZHES PA NI BZLAS PA GSUM DANG, BZLAS PA DE RE RE LA MIG SKYES SO,, SHES PA SKYES SO,, RIG PA SKYES SO,, BLO SKYES SO,, ZHES PA NI RNAM PA BCU GNYIS TE, BDEN PA GZHAN RNAMS LA YANG 'DRA'O, ,SO SOR PHYE NA BZLAS PA BCU GNYIS DANG RNAM PA ZHE BRGYAD BYUNG YANG GSUM TSAN DANG BCU GNYIS SU CHOS MTHUN PA'I PHYIR, BZLAS PA GSUM DANG RNAM PA BCU GNYIS SU BSHAD DE, GNYIS DANG GNAS BDUN LA MKHAS PA'I DGE SLONG BZHIN NO,, BA ZLAS PA GSUM GYIS NI RIM PA BZHIN DU MTHONG LAM DANG SGOM LAM DANG, MI SLOB LAM BSTAN NO, , ZHES PA RNAMS LUGS 'DI'I CHOS 'KHOR GYI 'DOD TSUL TE, MDZOD RANG 'GREL DU BSHAD PA LTAR RO,, GRUB MTHA' GONG MA DAD MI 'DRA BA'I KHYAD PAR YANG 'DIS SHES PAR BYA STE, GRUB MTHA' GONG MAS BZLAS

, ,PA GSUM RE RE LA BDEN BZHI'I SGO NAS BZHI BZHI STE BCU GNYIS SU GYUR BA DE NYID RNAM GRANGS SU 'DOD KYI, BYE SMRA LTAR MIG SKYES SO ZHES SOGS LA RNAM GRANGS SU MI 'DOD PA'I PHYIR DANG, BZLAS PA BCU GNYIS DANG RNAM GRANGS ZHE BRGYAD MI 'DOD PA'I RGYU MTSAN YANG DE YIN PA'I PHYIR RO,, //TA// STON PA THUB PA'I DBANG PO DE LO RIL BU BRGYAD CU DANG LO NGO BRGYAD CU RTZA GCIG GI BAR DU GANG DU BZHUGS PA'I GNAS NI, BYE BRAG TU BSHAD PA CHEN PO LAS, CHOS 'KHOR GNAS DANG YANGS PA CAN, ,SA DKAR CAN DANG LHA YI GNAS, ,BYIS PA GSOD DANG KOO SHAMBHI, ,'BROG GNAS MCHOD RTEN RI DANG NI, ,'OD MA'I TSAL DANG DGRAR BCAS DANG, ,SER SKYA YI NI GRONG KHYER TE, ,'DI RNAMS SU NI THUB PA YI, ,SKYES MCHOG LO RE LO RE BZHUGS, ,'BAR BA'I PHUG GI GNAS SU GNYIS, , SMAN GYI NAGS SU LO BZHI STE, ,RGYAL PO'I KHAB KYI GRONG DU LNGA, ,DKA' BA SPYAD PA LO DRUG STE, ,NYI SHU RTZA GSUM MNYAN YOD DU, ,NYI SHU RTZA DGU KHAB GNAS SU, ,RGYAL BA DE LTAR BRGYAD CU LA, , THUB MCHOG DAM PA MYANG NA 'DAS, ,THAMS CAD MKHYEN PA BZHUGS PA YI, ,BSOD NAMS GNAS NI DE DAG LA, ,RTAG TU LUS DANG NGAG DANG YID, ,GUS PAS 'DUD DE PHYAG 'TSAL LO, ,ZHES PA LTAR RO; ; //THA// SEMS TZAM PAS 'GOG BDEN RDZAS YOD DU 'DOD PAR SHES RAB SGRON ME'I 'GREL BSHAD DU BSHAD PA LA DOGS PA GCOD TSUL RJE GUNG THAB PAS MDZAD PA'I BDEN BZHI'I RNAM BZHAG

LAS SHES BAR GYIS,, //DA// LHAG MED KYI TSE RIG PA 'DOD MKHAN GYI NYAN THOS SDE BA YOD PAR 'DI DANG PHAR PHYIN GYI MTHA' DPYOD GNYIS KAR BSHAD KYANG SHES BYED GSAL PO MI SNANG LA, BYE SMRAS RGYUN GYI MI RTAG PA 'DOD TSUL DANG YANG 'GRIG DKA' BAR SNANG BAS DPYAD GZHI SHIN TU CHE YANG MANG 'DOGS NAS MA SPROS,, //NA// BEM PO NI THOGS BCAS DANG LDAN MIN 'DU BYED LA THOGS MED KYI KHAMS YIN DGOS PAS NA DE GNYIS KYI GZHI MTHUN 'JOG DKA'O,, //PA// STAG MOS RANG GI PHRUG GU GNAS GZHAN DU 'KHYER PA'I TSE SO RGYAB DRAG NA MCHE BAS PHRUG GU'I LUS RMAS PAR 'GYUR LA, SO RGYAB ZHAN PAR GYUR NA PHRUG GUS LA LTUNG BAR 'GYUR BSAN DRAG ZHAN RAN PAS 'KHYER BA LTAR LUS SROG RDZAS GZHAN ZHES BSTAN NA BDAG LTA BRTAN PAR BYA BA'I PHYIR, RTAG PAR LTA BA'I MCHE BAS THAR LAM GYI LUS RMAS PAR 'GYUR LA, LUS SROG RDZAS GCIG CES BSTAN NA 'CHI TSE SROG RGYUN CHAD PAR BZUNG NAS LAS DGE MI DGE'I BLANG 'DOR GYI PHRUG GU 'JIG PAR 'GYUR BA'I PHYIR, 'DUL BYA'I BSAM PA LA LHOS NAS RGYAL BAS BSHAD TSUL RAN PAS CHOS STON PAR MDZAD DE, MDZOD 'GREL LAS, LTA BA'I MCHE BAS RNAMS BA DANG, ,LAS RNAMS 'JIG PA LA LTOS NAS, ,STAG MOS PHRUG GU 'KHYER BA LTAR, , RGYAL BAS CHOS NI STON PAR MDZAD, ,BDAG YOD NYID DU KHAS BLANGS NAS, ,LHA BA'I MCHE BAS RMAS PAR GYUR, ,KUN RDZO BA RTOGS PAR MGYUR NAS, ,DGE BA PHRUG GU NYAMS BYED 'GYUR, ,ZHES DANG,

, ,MED PHYIR BCOM LDAN 'DAS KYIS SROG ,DE NYID GZHAN DU MA GSUNGS SO,, BTAGS PA'ANG MED DU 'GYUR 'ONG BAS, ,MED DO ZHES KYANG MA GSUNGS SO, ,PHUNG PO'I RGYUN NI GANG LA DGE, MI DGE'I 'BRAS BU YOD PA NYID, ,DE LA SROG CES BYA STE DE, ,SROG MED BSTAN PAS MED PAR 'GYUR, ,SROG CES BYA BA PHUNG PO LA, ,BTAGS TZAM ZHES KYANG MA GSUNGS TE, ,DE TSE'I SKYE BO DE 'DRA STE, , STONG NYID RTOGS PA'I SKAL LDAN MIN, ,'DI LTAR GNAS PAS BDAG YOD DAM, ,MED CES DRI BA 'DRI BA YI, ,BSAM PA LA LTOS MA GSUNGS TE, ,YOD NA CI PHYIR YOD MI GSUNGS, ,ZHES GSUNGS SO, , //PHA// SDE BDUN RGYAN DU BYE SMRA BA LTAR NA MIG DBANG GIS GZUGS MTHONG LA MIG SHES KYIS GZUGS MA MTHONG BA DANG, MDO SDE BA LTAR NA MIG DBANG GIS DE MA MTHONG LA MIG SHES KYIS DE MTHONG BAR BSHAD KYANG, 'DI DANG MDZOD KYI MTHA' DPYOD GNYIS KAR MIG DBANG GIS KYANG DE MTHONG BAS MIG SHES KHO NAS MTHONG BA MIN ZHES KHO NA'I SGRA SBYAR BAS NA MIG DANG MIG SHES GNYIS KAS GZUGS MTHONG BAR BSHAD PA LTA BUR SNANG LA, DBU PHAR GYI MTHA' DPYOD DAG LAS KYANG RTOG GE 'BAR BA DANG BRGYA BA'I 'GREL BA DRANGS NAS MIG GIS GZUGS MTHONG BAR GSAL BAR BSHAD DO,, 'ON KYANG MIG GIS GZUGS MTHONG BAR BYE MDO GNYIS KAS 'DOD PA MTHUN NA SLOB DBON GYI LO ZHES MA RANGS BA'I TSIG BKOD PA DON MED PAR 'GYUR BAS NA MI 'DRA BA'I KHYAD PAR ZHIG 'JOG DGOS SO,,

DE LA RTZED TSUL MANG YANG MDO SDE BA'I SKABS SU 'CHAD DO,, 'DIR MIG GA-YAS GA-YON LA RNAM SHES SO SO BA GNYIS 'DOD PAR BSHAD KYANG, MDZOD KYI MTHA' DPYOD DU MIG GA-YAS GA-YON LA RNAM SHES SO SO BA GNYIS BRTEN PA MA YIN TE, RTEN DBANG PO SO SOR CHAD KYANG BRTEN PA RNAM SHES NI YUL NA MI GNAS PA'I PHYIR SO SOR CHAD MI DGOS PAR GSUNGS PA NI MDZOD 'GREL DANG MTHUN PAS LEGS PAR SNANG NGO,, //BA// LHAG MTHONG CHEN MOR, RANG SDE 'GA' ZHIG YAN LAG DANG CHA SHAS 'DUS PA TZAM YOD KYI, DE DAG LAS THA DAD PAR MA DMIGS PA'I PHYIR LAN LAG CAN DANG CHA SHAS CAN MED PAR SMRA BA DANG, DE BZHIN DU LAS 'BA' ZHIG YOD KYI BYED PA PO MED PA DANG, NYE BAR LEN PA LAS THA DAD PAR MA DMIGS PA'I PHYIR NYE BAR LEN PA YOD KYI NYE BAR LEN PA PA BO MED DO,, ZHES SMRA BA DE DAG NI 'JIG RTEN BA'I KUN RDZOB LA PHYIN CI LOG TU SMRA BA YIN TE, ZHES GSUNGS BA'I PHYOGS SNGA SMRA BA NI SKABS 'DI'I BYE SMRA DE YIN LA, DE DAG GIS RDUL PHRA RAB DU MA BSAGS PA'I TSE RAGS PA ZHES BTAGS TZAM GYI DON 'JOG MI SHES LA, BYE BRAG PA LTAR RAGS PA ZHES PA'I RDZAS DON GZHAN SKYE BAR MI 'DOD PA'I PHYIR BU MA'I 'DZIN DBANG MNGON GYIS BUM PA'I TSOGS PA NA YOD PA'I RDUL PHRA RAB DU MA SNANG BAR 'DOD DGOS TE, GZHAN DU NA RDUL DU MA BSAGS PA'I TSE YAN LAG CAN MED PA'I PHYIR DBANG MNGON 'DI'I YUL MED PAR 'GYUR RO,, MDO SDEBS SNGO RDUL PHRA RAB BSAGS PA DES SNGON 'DZIN DBANG MNGON LA RANG 'DRA'I RNAM PA

, ,BTAD NAS DGAG PAS DBANG MNGON DES RANG DUS NA DGAG NAS MED PA'I SNGON PO DE RGYUD NAS RIG CING DNGOS SU SNGON PO'I 'DRA RNAM DE RIG PAR 'DOD PA DE LTAR MA YIN ZHING, 'DRA RNAM GYIS BAR MA CHOD BAR DNGOS SU RJEN CHER TE GCER BUR RIG PA'I DON YIN TE, DZE T'A RES, RNAM PA MED PA'I DBANG SKYES BLO, ,RDUL PHRAN BSAGS PA DNGOS SU RIG ,NES PA'I RANG 'GREL LAS, DBANG PO STE DBANG BYED PA RNAMS LAS SKYES PA'I BLO MNGON SUM ZHES BYA BA'I BLO GROS YUL GYI RNAM PA MED BAS, DE DAG GI BZHIN DU RNAM PAS BAR DU CHOD PA BRTAGS PA LTAR MA YIN PAR DNGOS SU RDUL PHRAN TE RDUL PHRA RAB BSAGS PA PHUNG PO'I RIGS STE SHES PA YIN GYI, GZHAN GYI BZHIN DU YAN LAG CAN NI MA YIN TE, RDUL PHAR RAB RNAMS NI DBANG PO LAS 'DAS PA YIN NA JI LTAR DE DAG SNANG DU RUNG ZHE NA, DE DAG RE RE NI DBANG PO LAS 'DAS PA YIN LA, ZHES SOGS 'DIR DRANGS PA LTAR GSUNGS PA'I PHYIR, 'DI LA RNAM 'GREL LAS, NYE RING LA SOGS BYAD PAR GYIS, GSAL DANG MIG SAL MI RUNG NGO, ,ZHES SOGS MDO SDE BAS 'GOG TSUL DANG, DE LA BYE SMRAS SNANG BA'I KHYAD PAR GYIS SKYON SPONG BYED PA DANG, NYE RING GI KHYAD PAR GYIS SKYON SPONG BYED PA DANG, SNANG BA GSAL MI GSAL GYI KHYAD PAR GYIS SKYON SPONG BYED PA DANG, SGRIB RDUL GYI KHYAD PAR GYIS SKYON SPONG BYED PA DANG, LAS GZUGS KYI KHYAD PAR GYIS SKYON SPONG BYED PA DANG, MTHONG MED LAS KYI KHYAD PAR GYIS SKYON SPONG

BYED PA'I TSUL DANG DE DAG SO SOR 'GOG TSUL RNAMS RNAM 'GREL LE'U GSUM PAR BSHAD PA'I DON DBU MA'I MTHA' DPYOD DU'ANG MDOR BSDUS TZAM BSHAD KYANG GO DKA' BAR SNANG BAS SHES DGOS PA ZHIG YIN NA YANG SKABS 'DIR MA SPROS SO,, //MA// THAL 'GYUR BA MA GTOGS PA NANG BA'I GRUB MTHA' SMRA BA THAMS CAD KYIS GZHI GANG LA DE DANG DE ZHES LO MING GIS BTAGS PA'I DON BTZAL NAS RNYED RGYU ZHIG YOD NA YOD PAR 'JOG PA YIN GYI BTAGS DON BTZAL NAS RNYED RGYU MED NA YOD PAR 'JOG MI NUS PA NI 'DRA YANG MDO SDE BA LA SOGS PA GZHAN RNAMS KYIS RANG DBANG PA'I RDZAS LOGS SU MA GRUB PAR GZHAN GYI CHAL BTAGS PA'I YOD PA 'JOG NUS LA, BYE SMRA HA CANG BTAGS DON 'TSOL CHE BA YIN PAS DE 'DRA BA'I YOD PA 'JOG MI NUS PAR THAMS CAD RDZAS GRUB TU 'DOD CING, YAN LAG 'DUS PA TZAM LAS MA GTOGS PA'I YAN LAG CAN DANG CHA SHAS CAN DANG DGAG BYA RNAM PAR BCAD TZAM GYI MED DGAG MI 'DOD PA SOGS KYANG 'DI LA THUG GO, //TZA// MDZOD NAS BSHAD PA'I SEMS BYUNG NI ZHE DRUG STE, NGES PA'I SEMS BYUNG SDE TSAN LNGA DANG, MA NGES PA'I SEMS BYUNG BRGYAD YOD PAS SO, SDE TSAN LNGA'I DANG PO SEMS KYIS MANG NI, TSOR DANG SEMS PA 'DU SHES DANG, ,'DUN DANG REG DANG BLO GROS DRAN, ,YID LA BYED DANG MOS PA DANG, , NYID NGA 'DZIN SEMS THAMS CAD LA, ,ZHES BA LTAR DANG, GNYIS PA DGE BA'I SA MANG NI, DAD DANG BAG YOD SHIN TU SBYANGS, ,BTANG SNYOMS NGO CHE SHES KHREL YOD, ,RTZA BA GNYIS RNAM MI 'TSE DANG, BTZON

, ,'GRUS RTAG TU DGE LA 'BYUNG, ,ZHES PA DANG, GSUM PA NYON MONGS PA'I SA MANG NI, RMONGS DANG BAG MED LE LO DANG, ,MA DAD PA DANG RMUGS DANG RGOD, ,NYON MONGS CAN LA RTAG TU 'BYUNG,, ZHES PA DANG, MI DGE BA'I SA MANG NI, MI DGE LA NI KHREL MED DANG, NGO TSA MED PA'O,, ZHES PA DANG, NYON MONGS CHUNG DU'I SA BA NI, KHRO BA DANG, 'KHON DU 'DZIN DANG GA-YO DANG NI, ,PHRAG DOG 'TSIG 'CHAB SER SNA DANG, ,SGYU DANG RGYAGS DANG RNAM 'TSE NI, ,NYON MONGS CHUNG DU'I SA BA RNAMS, ,ZHES PA LTAR RO, ,SA ZHES PA NI GO SKABS KYI YUL TE, SEMS BYUNG GANG ZHIG SEMS GANG GI GO SKABS KYI YUL YIN PA DE NI DE'I SA BA ZHES BYA'O,, SDE TSAN DANG PO BZHI LAS MANG ZHES MANG PO'I SBYAR LA, NYON MONGS CHUNG DU'I SA BA LA MANG PO'I SGRA MA SBYAR BA NI, DANG PO BZHI 'KHOR DU LDAN PA'I SEMS NGOS 'DZIN PA'I TSE RIM PA BZHIN SEMS THAMS CAD DANG, DGE SEMS THAMS CAD DANG, NYON MONGS CAN GYI SEMS THAMS CAD DANG, MI DGE BA'I SEMS THAMS CAD CES PA LTA BU MANG PO'I SGRA SBYAR DGOS LA, NYON MONGS CHUNG DU'I SA BA LA DE LTAR BSHAD MED PA'I RGYU MTSAN GYIS YIN GYI, SEMS BYUNG KHO RANG GRANGS MANG NYUNG GI RGYU MTSAN GYIS DE LTAR BSHAD PA MA YIN NO,, KHRO SOGS BCU NI RTZA NYON DRUG GI NANG NAS MA RIG PA TZAM DANG MTSUNGS LDAN YIN PAS GROGS CHUNG BA DANG, SGOM SPANG KHO NA YIN PAS SPANG BYA CHUNG BA DANG, YID SHES KHO NA YIN PAS RTEN CHUNG BA'I PHYIR CHUNG DU ZHES BYA LA,

NYON MONGS CHEN PO'I SA MANG DRUG NI DE LAS BZLOG PA'I PHYIR CHEN PO ZHES BSHAD DO,, SDE TSAN LNGA NI LHAN CIG TU BSHAD RGYU'I KHYAD PAR THUNG MONG BA ZHIG YOD PAS NA NGES PA'I SDE TSAN DU BYAS LA, 'DOD CHAGS KHONG KHRO NGA RGYAL THE TSOM RTOG PA DPYOD PA GNYID 'GYOD PA STE BRGYAD NI GZHAN DANG LHAN CIG TU BSHAD RGYU'I KHYAD PAR THUNG MONG BA MED PAS NA SDE TSAN DU MA NGES PAR BSHAD PA'I SEMS BYUNG ZHE DRUG GI STENG DU BRJED NGES DANG SHES BZHIN MA YIN PA DANG RNAM GA-YENG DANG LTA BA NYON MONGS CAN DANG GTI MUG MED PA STE LNGA BSNAN NA SA SDE DANG PHUNG PO LNGA'I RAB BYED DANG KUN BTUS SOGS LAS BSHAD PA'I SEMS BYUNG LNGA BCU RTZA GCIG TU 'GYUR ZHING, MDZOD LUGS LA BRJED NGES LA SOGS PA LNGA NI DRAN PA DANG TING NGE 'DZIN DANG SHES RAB RNAMS SU RANG YIN PA'I TSUL GYIS BSDUS PAS LOGS SU MA BSHAD DO,, 'DIR SEMS BYUNG NGA GCIG CES BSHAD KYANG, NYON MONGS CHEN PO'I SA MANG DRUG GI RMUGS PA MA GTOGS LNGA DANG BRJED NGES DANG SHES BZHIN MA YIN PA DANG RNAM GA-YENG DANG TSUL MIN YID BYED DANG, LOG PAR MOS PA STE NYON MONGS PA'I SA MANG BCUR CHOS MANG NA PA LAS BSHAD CES MDZOD 'GREL DU BYUNG ZHING, SEMS KYI SA MANG DANG NYON MONGS PA'I SA MANG YIN MIN LA MU BZHI BRTZIS NAS, RMUGS PA SPYOD PA NI TING NGE 'DZIN SHIN TU MYUNG DU SKYED PAR 'GYUR GYI RGOD PA NI DE LTA MA YIN PAS RMUGS PA MA GRANGS PAR GRAGS ZHES BSHAD PA MA GTOGS, LNGA BCU RTZA GCIG TU BSHAD PA MED LA,

, ,NYON MONGS CHUNG NGU'I SA BA BCU GCIG CES 'DIR BYUNG YANG KHRO SOGS BCU'I STENG DU GANG BSNAN PA YANG MI GSAL ZHING, DER MA ZAD BRJED DES SOGS SEMS KYI SA MANG YIN PAS LOGS SU GRANGS MI DGOS PAR MDZOD 'GREL DU BSHAD PA'I PHYIR 'DIR SEMS BYUNG LNGA BCU RTZA GCIG TU BSHAD PA NI MDZOD RANG LUGS MA YIN ZHING, GANG NAS BSHAD PA'I KHUNGS NI 'TSOL DGOS PA LTA BUR SNANG NGO, ,//CHA// THOB PA DANG, MA THOB PA DANG, SKAL MNYAM DANG, 'DU SHES MED PA BA ZHES BYA BA'I RDZAS DANG, 'DU SHES MED PA'I SNYOMS 'JUG DANG, 'GOG PA'I SNYOMS 'JUG DANG, SROG DBANG DANG, SKYE BA DANG, RGA BA DANG, GNAS PA DANG, 'JIG PA DANG, MING GI TSOGS DANG, TSIG GI TSOGS DANG, YI GE'I TSOGS TE LDAN MIN 'DU BYED BCU BZHI BSHAD PAS 'DIR LDAN MIN 'DU BYED BDUN ZHES PA DPE MA DAG PA YIN NAM, YANG NA SEMS MED GSUM GCIG DANG, 'DUS BYAS KYI MTSAN NYID BZHI GCIG DANG, TSOGS GSUM GCIG TU BGRANG BA YIN NAM SNYAM, MNGON PA GONG MAR SNGAR GYI BCU BZHI'I STENG DU 'JUG PA DANG, SO SOR NGES PA DANG, 'BYOR 'BREL DANG, 'GYOG PA DANG, GO RIM DANG, DUS DANG, YUL DANG, GRANGS DANG, TSOGS PA STE DGU BSNAN NAS LDAN MIN 'DU BYED NYER GSUM DU BSHAD CING, MA THOB PA SO SKYE DANG, SKAL MNYAM RIS MTHUN GYI MING GIS BSTAN LA, DE DAG KYANG CHOS GZHAN GYI CHA LA BTAGS TZAM DU GSUNGS SO, ,LUGS 'DIR DE DAG

CHOS GZHAN GYI CHA LA BTAGS PA TZAM MA YIN PAR RANG GI NGO BO ZUR DU GZUNG DU YOD PAR 'DOD DE, DPER NA THOB PA ZHES PA THOB BYA'I CHOS LAS LOGS SU RANG GI NGO BO GZUNG DU YOD PA THOB BYA'I CHOS DE LDAN BYED KYI RDZAS LA 'DOD PA DANG, SKAL MNYAM ZHES PA PHAN TSUN THA DAD PA'I SEMS CAN RNAMS LA BYE BRAG MED PAR SEMS CAN ZHES BYA BA'I BLO 'JUG PA DANG SEMS CAN ZHES THA SNYAD 'DOGS PA'I GZHIR GYUR BA'I RDZAS SEMS CAN DE DAG LAS LOGS SU BZUNG DU YOD PA ZHIG LA 'DOD PA LTA BU'O, ,PHUNG SOGS CHOS KYI SKAL MNYAM KYANG 'DIS RIGS 'GRES SHING, 'DOD TSUL DE DAG SHES NA BYE BRAG TU SMRA BA'I SGRA BSHAD LA GO BA STER RO, ,'ON KYANG BYE BRAG PA'I TSIG GI DON DRUG GI NANG TSAN GYI SPYI NI GCIG YIN LA, 'DI'I SKAL MNYAM NI SEMS CAN SO SO LA RE RE YOD PAS MI 'DRA'O ZHES 'DOD DO, ,MTSAN NYID BZHI NI, SKYE BAS MTSAN GZHI 'DUS BYAS DE SKYED PAR BYED PA DANG, GNAS PAS DE GNAS PAR BYED PA DANG, RGA BAS DE RNYINGS PAR BYED PA DANG, MI RTAG PAS DE 'JIG PAR BYED PA'I RDZAS 'DUS BYAS DE DANG DUS MNYAM DU SKYES SHING RANG GI NGO BO 'DUS BYAS DE LAS LOGS SU GZUNG DU YOD PA'I RDZAS GRUB TU 'DOD DO, ,'O NA MDO LAS, 'DUS BYAS SKYE BAR YANG MNGON NO, ,'JIG PAR YANG MNGON NO, ,GNAS PA GZHAN DU 'GYUR BA NYID DU YANG MNGON NO, ,ZHES MTSAN NYID GSUM DU GSUNGS PA CI ZHE NA, DE NI GNAS PA DANG RGA BA BSDUS TE MTSAN NYID GCIG TU GSUNGS SO, ,DE'I DGOS PA NI, GNAS PA NI CHAGS PA'I GZHI YIN PAS DE LA MA CHAGS PAR BYA

, ,BA'I DON DU DPAL DANG 'DRA BA'I GNAS PA DANG RNA NAG MA DANG 'DRA BA'I RGA BA GNYIS LHAN CIG TU BSTAN PAR 'DOD DO,, KHA CIG GNAS PA GZHAN DU 'GYUR BA NI RGA BA'I RNAM GRANGS YIN PAS 'DUS BYAS KYI MTSAN NYID NI GSUM KHO NA STE, GNAS PA NI GZHI DE 'DUS BYAS SU MTSON PA'I MTSAN NYID MA YIN PA'I PHYIR TE, 'DUS MA BYAS KYANG RANG GI MTSAN NYID LA GNAS PA YOD PA'I PHYIR, MDO LAS YID 'BYUNG BAR BYA BA'I PHYIR CHOS GANG DAG 'DUS BYAS RNAMS KYI DUS 'PHO BAR BYED PA DE DAG MTSAN NYID DU GSUNGS TE, SKYE BAS 'DUS BYAS RNAMS MA 'ONGS PA NAS DA LTAR BAR 'PHO BAR BYED PA DANG; RGA BA DANG MI RTAG PAS DA LTAR BA NAS 'DAS PAR 'PHO BAR BYED DE, RGA BAS NYAMS CHUNG BAR BYED CING, MI RTAG PAS 'JOMS PAR BYED PA'I PHYIR, DPER NA NAGS THIBS POR ZHUGS PA'I MI GCIG LA DGRA GSUM YOD PA LAS, GCIG GIS THIBS PO NAS 'BYIN PAR BYED, GNYIS KYIS RDEG PA LA SOGS PAS NYAM CHUNG BAR BYAS TE GSOD PA DANG 'DRA'O, ,ZHES ZER RO, ,SKYE SOGS BZHI YANG 'DUS BYAS YIN PAS SKYE SOGS GZHAN YOD PAR 'GYUR BA'I PHYIR MTSAN NYID THUG MED DU 'GYUR RO ZHE NA, SKYE BA'I SKYE BA DANG, GNAS PA'I GNAS PA DANG, RGA BA'I RGA BA DANG, 'JIG PA'I 'JIG PA STE RJES MTHUN GYI MTSAN NYID BZHI YANG YOD MOD KYANG, RTZA BA'I SKYE BAS MTSAN GZHI 'DUS BYAS DANG RANG MA GTOGS PA'I MTSAN NYID GSUM DANG RJES MTHUN GYI MTSAN NYID BZHI STE CHOS BRGYAD SKYED PAR

BYED CING, SKYE BA'I SKYE BAS RTZA B'A SKYE BA GCIG BU SKYED PAR BYED LA, GNAS PA LA SOGS PA GZHAN RNAMS KYANG DES RIGS 'GRES PA'I PHYIR THUG MED DU THAL BA'I SKYON MED CES 'DOD DO,, MDO SDE BAS, MA RIG PAS LDONGS PI' BYIS PA RNAMS 'DU BYED KYI RGYUN LA BDAG DANG BDAG GIR MNGON PAR ZHEN PA BZLOG PA'I PHYIR DU BCOM LDAN 'DAS KYIS 'DU BYED KYI RGYUN DE 'DUS BYAS DANG RTEN 'BYUNG DU BSTAN BZHED NAS; GSUM PO 'DI DAG NI 'DUS BYAS KYI MTSAN NYID YIN NO ZHES GSUNGS KYI, SKAD CIG MA GCIG LA SKYE SOGS BZHI RDZAS GZHAN SKYES PAR MI GSUNGS TE, 'DUS BYAS KYI RGYUN DANG PO NI SKYE BA YIN, RGYUN CHAD PA NI 'JIG PA YIN, RGYUN DE NYID RJES SU 'JUG PA NI GNAS PA YIN, RGYUN SNGA PHYI'I BYE BRAG NI GNAS PA GZHAN DU 'GYUR BA'I RGA BA YIN ZHING, DE YANG SKYE BAR BYA BA DANG 'JIG PAR BYA BA ZHES SOGS BYA BA DANG SBYAR NAS 'DUS BYAS DE LA BTAGS PA TZAM DU BSHAD DGOS KYI, BYE SMRAS SKYED PAR BYED PA DANG 'JIG PAR BYED PA ZHES SOGS BYED PA PO DANG SBYAR NAS 'DUS BYAS DE LAS RDZAS GZHAN DU GRUB PAR BSHAD PA LTAR NI MIN NO ZHES 'DOD DE, MDZOD 'GREL LAS, SNGON MED LAS BYUNG SKYE BA STE, ,RGYUN GNAS DE CHAD 'JIG PA YIN, ,RGYUN GYI SNGA PHYI'I BYE BRAG NI, ,GNAS PA GZHAN DU 'GYUR BAR 'DOD, , GNAS PA MED NA 'JIG PAR 'GYUR, ,DE YANG 'JIG 'GYUR DE YI PHYIR, ,DE YI DER RTOG DON MED DO, ,ZHES GSUNGS SO, ,'DUS BYAS SKAD CIG MA GCIG LA SKYE SOGS BZHI RDZAS GZHAN SKYES BAR MI 'DOD KYANG

, ,'DUS BYAS SKAD CIG MA GCIG GI SKYE SOGS BZHI BZHAG TU YOD TE, SKAD CIG RE RE LA SNGAR MED PA BYUNG BA NI SKYE BA DANG, DUS GNYIS PAR MI SDOD PA NI 'JIG PA DANG, SNGA MA'I RIGS 'DRA GNAS PA NI GNAS PA DANG, SKAD CIG SNGA MA LAS PHYI MA MTSAN NYID MI 'DRA BA NI RGA BA YIN PA'I PHYIR, ,'O NA SKAD CIG SNGA PHYI 'DRA BAR SKYE BA 'ANG YOD PAS THAMS CAD LA GZHAN DU 'GYUR BA YOD PAS MA KHYAB PO ZHE NA, SNGA PHYI 'DRA YANG KHYAD PAR MED PA MA YIN TE, DPER NA RDO RJE PHA LAM LTA BU 'PHANGS PA DANG MA 'PHANGS PA DANG, PHANGS PA LA 'ANG STOBS CHE CHUNG GIS MYUR BA DANG CHES MYUR BA DANG BU LA BA DANG CHES BUL BA'I DUS KYI BYE BRAG GIS DE'I 'BYUNG BA RNAMS GZHAN DU 'GYUR BA'I BYE BRAG 'GRUB PA'I PHYIR ZHES 'DOD DO, ,MDO SDE BA'I LUGS LA SKYE SOGS BA ZHI 'JOG LUGS GNYIS BYUNG BA NI, SNGA MA NI RGYUN LA 'JOG PA DANG, ,PHYI MA NI SKAD CIG LA 'JOG PA'I DBANG DU BYAS SO, ,BYE SMRAS MTSAN NYID BZHI NI SKYED PAR BYED PA DANG GNAS PAR BYED PA ZHES SOGS BYED PA PO LA 'DOD PAS NAS DE DAG GIS GZUGS SOGS 'DUS BYAS SU MTSON BA NA SKYE BA SOGS YIN PAS MI MTSON GYI, RANG SKYED BYED SOGS DON GZHAN YOD PAS 'DUS BYAS SU MTSON LA, ,MDO SDE BAS MTSAN NYID BZHI 'DUS BYAS KYI CHOS RNAMS KYI SKYE BA'I BYA BA DANG 'JIG BA'I BYA BA SOGS LA 'DOD PAS NA DE DAG GIS GZHI 'GA' ZHIG 'DUS BYAS SU MTSON PA NA RANG SKYED BYED SOGS DON GZHAN YOD PAS MI MTSON PAR RANG

SKYE BA SOGS YIN PAS MTSON TE, ,MDO SDE BAS GZUGS SOGS KYI MTSAN NYID BZHI GZUGS SOGS LAS RDZAS GZHAN YIN PA BGAG PA NA BYE SMRAS MTSAN GZHI'I CHOS DE NYID DE'I MTSAN NYID DU JI LTAR RUNG ZHES BRTZAD BA'I LAN DU, ,MDO SDE BAS NOG SOGS 'DUS PA DANG SRA BA NI BA LANG DANG SA'I KHAMS LAS RDZAS GZHAN MIN KYANG MTSAN NYID YIN PA LTAR SKYE BA LA SOGS PA YANG DE DANG 'DRA BAR MDZOD 'GREL LAS BSHAD PA'I PHYIR, RTZA BA'I MTSAN NYID BZHI DANG RJES MTHUN GYI MTSAN NYID BZHI STE BRGYAD 'DOD PA NI KHA CHE BYE SMRA'I LUGS YIN LA, SKYE BA DANG LDAN BA DANG GNAS PA DANG RGA BA DANG MI RTAG PA DANG LOG PA'I RNAM GROL YANG DAG PA'I RNAM GROL GANG RUNG DANG NGES 'BYUNG NGES 'BYUNG MA YIN PA GANG RUNG STE RTZA BA'I MTSAN NYID BDUN DANG, SKYE BA'I SKYE BA SOGS MTHUN PA'I MTHUN PA'I MTSAN NYING BDUN STE BCU BZHI 'DOD PA NI MANG POS BKUR BA BA'I LUGS YIN PAR SHES RAB SGRON ME DANG RTZA SHE'I t'I KA CHEN LAS BSHAD DO, ,RTZA BA'I SKYE BAS MTSAN GZHI 'DUS BYAS DANG RANG GTOGS PA'I RTZA BA'I MTSAN NYID DRUG DANG MTHUN PA'I MTSAN NYID BDUN TE CHOS BCU BZHI SKYED PAR BYED LA, SKYE BA'I SKYE BAS RTZA BA'I SKYE BA GCIG BU SKYED PAR BYED PA SOGS KHA CHE BA'I LUGS KYIS RIGS 'GRES BYAS NAS SHES BAR BYA'O; ;GZUGS SOGS RANG GI NGO BO BZUNG YANG JI SRID DU SNGAR MED PA'I SKYE BA DANG PHYIS MED PA'I 'JIG PA LA SOGS PA MI SHES PA DE SRID DU GZHI DE 'DUS BYAS SU MI SHES PA'I PHYIR SKYE SOGS MTSAN

, ,NYID BZHIS GZUGS SOGS 'DUS BYAS SU MTSON PA YIN GYI, GZUGS SOGS RANG GI NGO BO MTSON PA YANG MA YIN LA, GZUGS SOGS DANG DE DAG GI SKYE SOGS RNAMS RDZAS GZHAN PA YANG MA YIN NO, GAL TE BYE SMRA'I 'DOD PA LTAR KHAS LEN NA CHOS GCIG BU DUS GCIG TU SKYES PA DAD GNAS PA DAD GNAS PA DANG RGAS PA DANG 'JIG PAR THAL PAR 'GYUR TE, CHOS DE'I SKYED PAR BYED PA PO SOGS BZHI DUS MNYAM DU GRUB PA'I PHYIR, ZHES ZER BA LA, BYE SMRA NA RE, BYED PA PO BZHI GCIG CHAR GRUB KYANG BYA BA BYED PA'I DUS THA DAD PA'I PHYIR SKYON MED DE, DANG POR SKYE BAS SKYED PAR BYED, DE'I RJES SU GNAS PAS GNAS PAR BYED, DE'I RJES SU RGA BAS RGA BAR BYED, DE'I RJES SU MI RTAG PAS 'JIG PAR BYED PA'I PHYIR TE, SKYE BA NI MA 'ONGS PAS BYA BA BYED LA, GNAS BA LA SOGS PA GSUM NI DA LTAR BAS BYA BA BYED PA'I PHYIR, ZHES ZER, DE LA MDO SDE BAS, SKYE BA MA 'ONGS BYA BA BYED PA MA YIN TE, MA 'ONGS PA RDZAS SU MED PA'I PHYIR DANG, GAL TE RDZAS SU YOD NA YANG SKYE BA MA 'ONGS PAS BYA BA BYED NA RANG GI GRUB MTHA' DANG 'GAL BAR 'GYUR BA'I PHYIR TE, 'DUS BYAS GANG ZHIG BYA BA NI MA 'ONGS PA DANG, BYA BA BYED BZHIN PA NI LTAR BA DANG, BYA BZHIG PA NI 'DAS PA ZHES BYA BA NI KHYED RANG GI GRUB MTHA' LAS BYUNG BA'I PHYIR TE, GSUM PA BZANG STE BYA BA YIS, DUS RNAM RNAM BZHAG, CES GSUNGS PA'I PHYIR, GZHAN YANG, SKYE BA DE MA

'ONGS PA'I GNAS SKABS NA BYA BA BYED NAD LTAR BA'I GNAS SKABS NA BYA BA ZHIG PAR 'GYUR BAS NAD LTAR BA'I MTSAN NYID DANG 'GAL BA'I PHYIR DANG, SKYE SOGS BZHI DUS MNYAM DU RANG GI BYA BA LA 'JUG NA NI 'DUS BYAS SKAD CIG MA GCIG BU DE DUS GCIG TU GNAS PA DANG GZHAN DU 'GYUR BA DANG 'JIG PAR THAL BAR 'GYUR BA'I PHYIR DANG, DE BZHI RIM GYIS BYA BA LA 'JUG NA NI MTSAN GZHI 'DUS BYAS DE SKAD CIG MA MA YIN PAR 'GYUR BA'I PHYIR ZHES ZER BA LA, BYE SMRA NA RE, KHO BO CAG GI SKAD CIG MA NI SKYE BA LA SOGS PAS BSKYED PAR BYA PA LA SOGS PA'I BYA BA BZHI YONGS SU RDZOGS PAR GRUB ZIN PA'I SKAD CIG DE LAS LHAG TU MI SDOD PA'I DON YIN GYI SKYES MA THAG TU 'JIG PA'I DON MIN PAS KHYED KYIS BRJOD PA'I SKYON MI 'JUG CES ZER NA, MDO SDE BAS SKYE SOGS BYED PA PO BZHI DUS MNYAM DU GRUB KYANG BYA BA BZHI RIM GYIS BYED PA'I RGYU MTSAN GANG YIN ZHES DRIS PA LA, BYE SMRAS STOBS CHE CHUNG GI DBANG GIS RIM GYIS BYED DE, DANG POR SKYE BA STOBS LDAN DANG DE'I RJES GNAS PA STOBS LDAN SOGS YIN PA'I PHYIR ZHES ZER, DE LA MDO SDE BAS DE LTAR GNAS PA STOBS LDAN YIN PA LAS PHYIS STOBS DANG MI LDAN PAR 'GYUR NAS MTSAN GZHI 'DUS BYAS DANG LHAN CIG TU MI RTAG PAS 'JOMS PAR 'GYUR BA'I RGYU MTSAN GANG YIN ZHES DRIS PA DANG, DE LA BYE SMRA NA RE, GNAS PAS RANG GI BYA BA BYAS ZIN PA'I TSE NUS PA ZAD NAS GTAN DU GNAS PAR MI BYED PA YIN TE, DPER NA SKYE BAS

, ,RANG GI BSKYED PAR BYA BA BSKYED ZIN NA NUS PA ZAD PAS SLAR YANG SKYED PAR MI BYED BA BZHIN NO, ,ZHES ZER BA LA, MDO SDE BA NA RE, DE GNYIS MI MTSUNGS TE, SKYES ZIN SLAR YANG SKYE BA MED PAS NA SKYE BAS RANG GI BSKYED BYA SLAR MI BSKYED KYANG, GNAS PAS MTSAN GZHI 'DUS BYAS DE GTAN DU GNAS PAR BYA BA LA SKYON MED PA'I PHYIR TE, GNAS PA NI 'JIG PA'I BGEGS BYED YIN PA'I PHYIR DANG, GNAS PA LA BGEGS BYED GZHAN MED PA'I PHYIR ZHES ZER, DE LA BYE SMRAS GNAS PA LA BGEGS BYED MED PA MA YIN TE, GNAS PA LA RGA BA DAR MI RTAG PAS BGEGS BYED PA'I PHYIR ZHES ZER BA LA, MDO SDE BAS DE LTAR RGA BA DANG MI RTAG PA STOBS LDAN YIN NA SNGON DU GNAS PAS BYA BA BYED DU MI STER BA ZHIG DGOS KYI, GNAS PA'I BYA BA LOG PA'I TSE RGA BA DANG MI RTAG PA YANG MI GNAS LA MTSAN GZHI 'DUS BYAS KYANG MI GNAS NA SU GANG LA BYA BA JI LTAR BYED PAR 'GYUR, YANG NA RGA BA DANG MI RTAG PAS CI ZHIG BYA STE, GNAS PAS YONGS SU GZUNG BA'I TSE 'DUS BYAS DE GNAS LA YAL BAR BTANG BA'I TSE MI GNAS PA YIN PAS NA MI GNAS PA 'DI NYID DE'I 'JIG PA YIN GYI 'JIG PAR BYED PA PO LOGS SU MI DGOS PA'I PHYIR, GZHAN YANG, CHOS SKYES PA GCIG LA MI 'JIG PA NI GNAS PA DANG 'JIG PA NI MI RTAG PA YIN LA, GCIG LA RGA BA NI RNAM PA THAMS CAD DU MI SRID DE, RGA BA ZHES PA NI CHOS DE GZHAN DU 'GYUR PA LA 'JOG

DGOS LA, GZHAN DU 'GYUR BA NI CHOS DE NYID YIN PA 'GAL ZHING CHOS DE NYID YIN PA NI GZHAN DU 'GYUR BA DANG 'GAL BA'I PHYIR TE, MDZOD 'GREL LAS, DE BZHIN NA NI RGA MI 'GYUR, ,GZHAN DU 'GYUR NA DE GZHAN NYID, ,DE LTA BAS NA DNGOS GCIG LA, ,RGA ZHES BYA BA MI 'THAD DO, ,ZHES GSUNGS SO, ,MANG BKUR SDE BA NA RE, ,GZUGS NI 'JIG PA'I RGYU DANG PHRAD NAS MI RTAG PA NYID KYIS 'JIG PAR BYED DE, DU MA PA LA SOGS PA NI THO BA LA SOGS PAS 'JIG PAR BYED PA LTA BU'O, ,DES NA GZUGS NI DUS GZHAN GYI BAR DU GNAS LA, SEMS SEMS BYUNG NI SKAD CIG MA NYID YIN NO, ,ZHES ZER RO, ,DE LA MDO SDE BA NA RE, BUM PA LA SOGS PA'I 'JIG PA NI THOB LA SOGS PA'I 'JIG RGYU GZHAN GYIS BYED DGOS NA DE'I MTSAN NYID MI RTAG PA'I DGOS PA MED PAR 'GYUR ZHING, SEMS SEMS BYUNG RNAMS SKAD CIG SKAD CIG GIS 'JIG NA GNAS PA DANG 'JIG PA GCIG CHAR BYED PAR THAL BAR 'GYUR BA'I PHYIR MI 'THAD DO, ,DES NA 'DUS BYAS KYI MTSAN NYID 'DI DAG RGYUN LA 'JOG PA NI 'THAD PA YIN ZHING MDO'I DON LEGS PAR DRANGS PA YIN NO, GZHAN YANG, SKYE BA MA 'ONGS PAS MA 'ONG PA BSKYED NA MA 'ONGS PA THAMS CAD GCIG CHAR BSKYED PAR 'GYUR RO ZHEN, BYE SMRAS, RGYU DANG RKYEN DAG MED PAR NI, ,SKYE BAS BSKYED BYA SKYED BYED MIN, ,ZHES RGYU RKYEN TSOGS PA MED PAR SKYE BA KHO NAS MA 'ONGS PA MI BSKYED ZER, DE LA MDO SDE BAS RGYU RKYEN TSOGS PA YOD NA 'BYUNG LA

, ,MED NA MI 'BYUNG BA'I PHYIR RGYU RKYEN KHO NA'I MTHU YIN GYI SKYE BAS BSKYED PA MA YIN NO ZHES ZER, DE LA BTZUN PA GO CHA MTHA' YAS NA RE, MIG NI GZUGS SOGS MED PAR MIG SHES MI BSKYED KYANG MIG SHES KYI RGYU YIN PA LTAR SKYE BA NI RGYU RKYEN MED PAR CHOS MI BSKYED KYANG CHOS DE'I RGYU YIN NO ZHES ZER BA LA, MDO SDE PA NA RE, DE GNYIS MI MTSUNGS TE, GZUGS SOGS YOD KYANG LONG BA DANG LONG BA MA YIN PA LA MIG SHES SKYE MA SKYE'I KHYAD PAR GYIS MIG DBANG GI NUS PA DPOG NUS KYANG SKYE BA RDZAS GRUB NI DE LTAR DPOG TU MI RUNG BA'I PHYIR TE, DE NI GZUGS SGRA LTA BU MNGON SUM GYI YUL MA YIN ZHING, MIG RNA LTA BU DNGOS PO'I STOBS THUGS KYI RIGS PA'I SPYOD YUL MA YIN LA, CHOS KYI RANG BZHIN PHRA MO 'GA' ZHIG LTA BU LUNG GIS GRUB PA MA YIN PA'I PHYIR RO ZHES ZER, DE LA BYE SMRA NA RE, SKYE BA RDZAS GRUB RIGS PA'I SPYOD YUL MA YIN PAR 'DOD PA MI 'THAD DE, SKYE BA'I RDZAS DON GZHAN DU GYUR BA ZHIG MED NA SKYE BA'O SNYAM PA'I BLO DON MTHUN MED PAR 'GYUR BA'I PHYIR TE, GZUGS LA GZUGS SO SNYAM PA'I BLO SKYE BA NI RANG GI MTSAN NYID LA LTOS PA YIN GYI, GZUGS LA SKYE BA'O SNYAM PA'I BLO SKYE BA NI RANG GI MTSAN NYID LA LTOS PA MA YIN TE, TSOR BA LA SOGS PA LA YANG DE YOD PA'I PHYIR, DES NA SKYE BA'O SNYAM PA'I BLO NI NGES PAR SKYE BA'I RDZAS DON GZHAN DU GYUR BA LA LTOS PA YIN NO,

GZHAN YANG, SKYE BA DZAS GZHAN MA YIN NA GZUGS KYI SKYE BA ZHES DRUG SGRAS STON PAR YANG MI 'GYUR TE, DPER NA GZUGS KYI GZUGS ZHES MI BRJOD PA BZHIN NO, ,DE BZHIN DU GNAS PA DANG RGA BA DANG MI RTAG PA LA YANG DE LTAR SBYAR BAR BYA'O, ,ZHES ZER BA LA, MDO SDE BAS, 'O NA DE LTAN BDAG MED PA'O SNYAM PA'I BLO 'GRUB PA'I PHYIR BDAG MED PA NYID CES BYA BA'I RDZAS DON GZHAN GCIG KYANG 'DOD DGOS PAR 'GYUR LA, GCIG LA SOGS PA'I GRANGS DANG, CHEN PO LA SOGS PA'I BONGS TSAD DANG, THA DAD PA DANG, LDAN PA DANG, RNAM DBYE DANG, GZHAN DANG, GZHAN MA YIN PA NYID DANG, GZUGS YOD PA LA SOGS PA MU STEGS BYE BRAG PAS KUN BTAGS PA LTAR KHAS BLANGS DGOS PAR 'GYUR TE, DE DAG GI BLO 'GRUB PA'I PHYIR DANG, DE DAG GZUGS KYI GRANGS DANG GZUGS KYI BONGS TSAD CES BYA BA LA SOGS PA DRUG SGRAS STON PA YOD PA'I PHYIR, GZHAN YANG, GZUGS KYI RANG BZHIN ZHES DRUG SGRAS STON MI RUNG BAR 'GYUR TE, ,GZUGS KYI RANG BZHIN DE GZUGS LAS RDZAS GZHAN YIN PAR BYE SMRA KHYOD KYIS KYANG MI 'DOD PA'I PHYIR, DE BAS NA MA BYUNG BA LAS BYUNG BA KHO NA SHES PAR BYA BA'I PHYIR SKYE BA ZHES BTAGS PA TZAM YIN GYI RDZAS GZHAN MA YIN LA, TSOR BA LA SOGS PA'I SKYE BA LAS BYE BRAG TU BYA BA'I PHYIR GZUGS KYI SKYE BA ZHES DRUG SGRA SMOS TE, DPER NA TZAN DAN GYI DRI DANG MCHI GU'I LUS ZHES PA BZHIN NO, ,GNAS PA LA

, ,SOGS PA LA YANG CI RIGS PAR SBYAR BAR BYA'O, ,GAL TE BYE SMRAS SKYE BA MED PAR SKYE NA 'DUS MA BYAS KYANG SKYE BAR 'GYUR RO ZHE NA, MDO SDE BA NA RE, SKYE BA NI MA BYUNG BA LAS BYUNG BA YIN NA 'DUS MA BYAS NI RTAG TU YOD PA'I PHYIR MI SKYE'O, ,YANG NA KHYOD RANG GI LUGS LA 'ANG 'DUS BYAS KHO NA SKYE BA DANG LDAN GYI 'DUS MA BYAS DE DANG MI LDAN PA NI CHOS NYID MA GTOGS PA GTAN TSIGS GZHAN MED PA LTAR, SKYE BA RDZAS GZHAN MED KYANG 'DUS BYAS KHO NA SKYE BAR 'GYUR GYI 'DUS MA BYAS MI SKYE BA NI DE DANG 'DRA'O, ,YANG KHYOD RANG GI LUGS LA'ANG SKYE BA DANG LDAN PAR MTSUNGS KYANG GZHAN GYI RGYU RKYEN GYIS GZHAN BSKYED PAR MI NUS PA LTAR, SKYE BA MED PAR MTSUNGS KYANG RKYEN THAMS CAD KYIS KYANG 'DUS MA BYAS BSKYED PAR MI NUS PA YIN NO ZHES ZER RO,, DE LA BYE SMRA NA RE, SKYE SOGS RDZAS SU GRUB PA YIN TE, RI DAGS DAG YOD CES TE NAS MI RMO BA MA YIN PA DANG, SBRANG BU DAG YOD CES TE LA DU MI BZA' BA MA YIN PA LTAR SUN 'BYIN PA DAG YOD CES TI LUNG DOR DU MI RUNG BAS NA, SKYON BRJOD PA RNAMS LA LAN GDAB PAR BYA LA, GRUB MTHA'I RJES SU 'BRANG BAR YANG BYA DGOS SO ZHES ZER, //DZA// TSIG GAM MING YIN DE DAG NI, ,GZUGS DANG 'DU BYED DAG TU 'DUS, ,ZHES PA'I GANG SPEL DU MING TSIG KYANG MTSON PA TZAM STE, GNYIS KAS KYANG MID TSIG NYI GE'I TSOGS GSUM KA BKA'I RANG BZHIN DU 'DOD PA,,

DANG; DE GNYIS KYANG RIM PA LTAR LDAN MIN MED PA DANG YOD PAR 'DOD PA'I YIN NO ZHES BSHAD DO, ,DE'I DON NI TSOGS GSUM BKA'I RANG BZHIN DU 'DOD PA GNYIS KA MTHUN KYANG GCIG NI TSOGS GSUM SGRA SPYI'I PHRENG BAR 'DOD PAS LDAN MIN DANG, GCIG NI DE GSUM NGAG GI RIG BYED KYI SGRA RANG MTSAN LA 'DOD PAS GZUGS KYIS BSDUS PA'O, ,DES NA MING YIN NA 'DU BYED DANG, TSIG YIN NA GZUGS SU 'DUS ZHES NGES PAR MI BYA'O, ,RGYAL PO SRAS SU YANG GANG SPEL DANG MTHUN PA LAS KHYAD PAR DU CHOS MNGON PA BA RNAMS BKA'I NGO BO GZUGS DANG 'DU BYED GNYIS KAR 'DOD CES 'CHAD DO, ,DE GNYIS LAS SNGA MA BYE SMRA DANG PHYI MA MDO SDE BA'I 'DOD PA DANG MTHUN TE, SDE BA 'DI GNYIS KAS KYANG, ,BKA'I NGO BO TSOGS GSUM DU 'DOD DGOS LA, ,DE GSUM YANG BYE SMRA LDAN MIN RDZAS GRUB DANG, MDO SDE BA SGRA RANG MTSAN PA LA 'DOD PAR BSHAD PAS SO, ,LUGS DE GNYIS KYIS NI BSTAN BCOS BEMS BO'I NGO BOR 'DOD LA, RTOG GE BA RNAMS NI DNGOS KYI RJED BYED SGRA SBYI DANG ZHEN PA'I RJOD BYED SGRA RANG MTSAN PAR 'DOD DO, ,ZHES GSER PHRENG LAS GSUNGS SO, ,MDZOD KYI MTHA' DPYOD DU GSER PHRENG SOGS LA ZHIB CHA DGOS ZHES BSHAD PA LA, RJE GUNG THANG BAS ZHIB CHA GANG YIN ZHES THUGS RTOG MDZAD KYANG MRNYED PAR SNANG BAS DPYAD DGOS SHING, MTHA' DPYOD DER MDO SDE BA'I LUGS LA SANGS RGYAS KYI GSUNG GZUGS SU BSHAD KYI PHUNG PO'I CHAR MA BSHAD CES PA'ANG DPYAD DGOS TE, PHUNG PO

, ,BTAGS YOD DU 'DOD PA LTAR NA RNGUL PHRA RAB PHUNG PO GCIG GI PHYOGS YIN PAR BYE BRAG TU BSHAD PA LAS GSUNGS SHING, DE'I DON NI RDUL PHRA RAB GZUGS PHUNG GI CHA YIN PAR BSTAN ZHES MTHA' DPYOD DE LAS BSHAD PA'I PHYIR DANG, PHAR PHYIN MTHA' DPYOD LAS BKA' BSTAN BCOS GZUGS PHUNG YIN PAR YANG BSHAD PA'I PHYIR RO, //WA// GO ZHES PA LTA BU YI GE DANG BA LANG GI MING LA'ANG 'JUG PAS MING DANG YI GE MI 'GAL BAR BZHED CING, ZHES DANG, MDZOD KYI MTHA' DPYOD DU'ANG DBYANGS SROG TU BZHUGS PAS GSAL BYED MING BYED PAR BSHAD PA DANG; DE'I SHES BYED DU GANG SPEL LAS DE DAG GIS DER YI GE KA LA SOGS PA'I MING SKYED PAR BYED PA'I PHYIR ZHES PA'I LUD DRANGS SO, ,'DI NI DPYAD PAR BYA DGOS TE, GANG SPEL LAS, GOO ZHES BYA BA LA SOGS PA LA YI GE GA DANG YI GE AOO DANG TSIG DRAG GI BDAG NYID CAN GYI SGRA NI GO RIMS 'DIS DON DGU DAG LA MTSAMS BCAD PA ZHES TSIG DRAG YOD PA LTA BUR GSUNGS SHING, DE DAG GIS DER YI GE LA SOGS PA'I MING ZHES SOGS KYANG RANG 'GREL LAS, YI GE RNAMS KYANG YI GE 'BRU'I YAN LAG DAG GI MING DAG MA YIN NAM ZHE NA, YI GE 'BRU'I YAN LAG RNAMS GO BAR BYA BA'I PHYIR YI GE RNAMS BYAS PA MA YIN GYI, JI LTAR NA MING THOS PA BRIS PAS GO BAR 'GYUR ZHES YI GE RNAMS GO BAR BYA BA'I PHYIR NI YI GE'I 'BRU RNAMS BYAS PA YIN PAS, YI GE RNAMS

NI DE DAG GI MING MA YIN NO, ,ZHES PA'I 'GREL BSHAD YIN PAS NA PHYOGS SNGA'I 'DOD TSUL BKOD PA YIN NAM SNYAM PAS SO, ,BYE SMRAS MING TSIG YI GE GSUM NI LDAN MIN RDZAS GRUB YIN ZHING, DE DAG GI TSOGS GSUM YANG LDAN MIN RDZAS GRUB TU 'DOD PA LA, MDO SDE BAS MING TSIG YI GE GSUM NI LCE RGAN SOGS PHRAD PA LAS BYUNG BA'I DAG SGRA YIN PA'I PHYIR GZUGS MA YIN NA MA CI'I PHYIR LDAN MIN ZHES BYA ZHE NA, BYE SMRAS DE GSUM DAG SGRA MA YIN TE, DE GSUM NGAG SGRA TZAM YIN NA BRJOD BYA'I DON GO BYED DU MI 'GYUR BAR THAL BA'I PHYIR, 'O NA CI ZHE NA, DAG SGRA NI MING LA 'JUG PA STE MING TSIG YI GE GSUM GSAL BAR BYED PA'AM SKYED PAR BYED LA, MING SOGS KYIS DON BRJOD PAR BYED DO, ,ZHES ZER, MDO SDE BA NA RE, KHO BO CAG KYANG DAG SGRA TZAM KHO NA DON GO BYED DU MI 'DOD KYIG LA SOGS PA'I YI GE'I BDAG NYID SGRA GANG GIS DON GO BAR 'GYUR BA'I DAG SGRA DE NYID DON GO BYED KYI NGAG YIN PAR 'DOD DE, DPER NA SMRA BA POS GOO ZHES PA DON DGU LA MTSAMS BCAD PAS NA GOO ZHES PA'I NGAG SGRA DON DGU'I GO BYED DU 'GYUR BA LTA BU LA 'DOD PA'I PHYIR, MING TSIG YI GE GSUM NI DON GO BAR BYED PA'I SGRA TZAM KHO NA'I KHYAD PAR YIN GYI SGRA LAS ZUR DU GZUNG DU YOD PA'I RDZAS SU 'DOD PA'I DGOS PA MED DO, ,GZHAN YANG, DAG NI MING LA 'JUG CES PA'I DON GANG YIN, NGAG SGRAS DON GO BYAD KYI MING SKYED BAR BYED DAM GSAL BAR BYED, GAL TE SKYED PAR

, ,BYED NA KHYU MCHOG LA SOGS PA LA YOD PA'I DAG SGRAS KYANG MING BSKYED PAR 'GYUR LA, 'ON TE DAG SGRA TZAM GYIS MING MI BSKYED KYI DAG SGRA KHYAD PAR CAN YI GE'I BDAG NYID CAN GYI SGRA SMRA BA POS BRDAR BTAGS PAS KHYAD PAR DU BYAS PA DES MING BSKYED DO ZHE NA, 'O NA YI GE'I BDAG NYID GYUR BA'I DAG SGRA KHYAD PAR CAN DE NYID DON RJOD BYED DU 'JOG DGOS KYI DE LAS DON GZHAN PA'I LDAN MIN GYI RDZAS 'TSOL BA'I DGOS PA MED LA, GAL TE GSAL BAR BYED DO ZHE NA, SPYIR DAG SGRA TZAM GYIS RJOD BYED KYI MING GSAL BAR BYED NA NI KHYU MCHOG LA SOG SPA LA YOD PA'I DES KYANG DE GSAL BAR BYED PAR 'GYUR LA, BYE BRAG TU NGAG SGRA KHYAD PAR CAN GYIS DE GSAL BAR BYED NA NI DAG SGRA DE NYID DON BRJOD BYED DU 'GYUR GYI RDZAS GZHAN BRTAG PA'I DGOS PA MED DO,, ZHES ZER, GZHAN YANG LDAN MIN 'DU BYED BCU BZHI'I SKOR LA SPRO BYA MANG PO YOD KYANG MANG 'DOGS NAS MA BRIS TE, BLO GROS KYI MIG YOD NA MDZOD KYI 'GREL BA 'GREL BSHAD RNAMS ZHIB TU LTOS SHIG DANG SHES PAR 'GYUR RO, //ZHA// YUL DBUS KYI BYE BRAG TU SMRA BA DAG NI 'DUS MA BYAS BZHIR 'DOD PAS, GAL TE DE TLA YIN NA NYAN THOS BYE BRAG TU SMRA BA KHO BO CAG GI PHYOGS LA YANG SKYE BA MED PA LA SOGS PA'I KHYAD PAR DANG LDAN PA'I RTEN CING 'BREL BAR 'BYUNG BA 'DUS MA BYAS NYID YOD PAR GRUB STE, 'DI LTAR 'DUS MA BYAS BZHI NGO DAG NI, ZHES SOGS 'DIR

DRANGS PA LTAR BYUNG BA'I 'PHROR, 'DI DAG GE DE BZHIN NYID NI JI LTAB YIN MOD KYI SNYING RJE DANG BRAL BAR ZAD DO, ,ZHES GSUNGS PA'I DGONGS PA BTZAL DGOS SAM SNYAM MO, ,//ZA// PHAR PHYIN MTHA' DPYOD LAS, GZUGS KYI SKU NI SANGS RGYAS MA YIN TE, ZHES DRANGS PA NI DPE MA DAG STE, GZHUNG DU 'DIR DRANGS PA LTAR BYUNG BA'I PHYIR RO, ,'DI'I SKABS KYI GZUGS SKU NI GZUGS LUS LA BYED DAM GANG ZAG LA BYED, SKABS 'DI'I BYE SMRAS BDAG CAG GI STON PA SHA' KYA THUB PA SANGS RGYAS SU 'DOD MI 'DOD GANG YIN ZHE NA, 'DI'I GZUGS SKU NI t'I KA CHEN DRANGS PA LTAR GZUGS LUS LA BYED KYI GANG ZAG LA MI BYED DE, STON PA SH'KYA THUB PA SANGS RGYAS SU MI 'DOD PA'I NANG BA'I GRUB MTHA' SMRA BA MED PA'I PHYIR DANG, RANG GI STON PA SANGS RGYAS SU MI 'DOD NA RANG NYID SANGS RGYAS PAR 'DOD MI RIGS PAR 'GYUR BA'I PHYIR DANG, 'DUL BA LUNG SOGS LAS STON PA SHA'KYA THUB PA SANGS RGYAS SU BSHAD PA SHIN TU MANG PO YOD PA MTHONG BZHIN DU SANGS RGYAS MA YIN ZHES 'DOD MI RUNG BA'I PHYIR DANG, DRANG SRONG RNAMS KYIS SKU BLTAMS PA'I DUS SU KHYIM NA GNAS NA 'KHOR BSGYUR DANG KHYIM NAS KHYIM MED PAR RAB TU 'BYUNG NA SANGS RGYAS SU 'GYUR BAR LUNG BSTAN PA DE BYE SMRA LTA ZHOG, 'JIG RTEN PHAL BA DANG PHYI NANG KUN LA RLUNG LTAR GRAGS PA'I PHYIR DANG, STON PA SHA'KYA THUB PA SANGS RGYAS MA YIN NA MDZOD 'GREL LAS, 'JIG RTEN PA'I SEMS LA GNAS PA SANGS RGYAS KYANG MA YIN

, ,PAR 'GYUR, DGRA BCOM PA YANG MA YIN PAR 'GYUR LA, DGE SLONG DU BYED PA'I TSUL KHRIMS KHO NA YANG DGE SLONG DU 'GYUR RO, ,ZHES SKABS 'DI'I BYE SMRA LA MI 'DOD PA'I THAL BA 'PHANGS BA DON MED DU 'GYUR BA'I PHYIR RO, ,DE LA KHA CIG NA RE, SKABS 'DI'I SANGS RGYAS YIN MIN RTZOD PA'I GZHI GZUGS LUS KHO NAR 'DOD PA MI 'THAD DE, DE LA PHUNG PO LNGA YOD PAR 'GREL BSHAD RGYAL SRAS MAR BSHAD PA'I PHYIR DANG, GSER PHRENG LAS KYANG, SANGS RGYAS DANG DGE 'DUN GNYIS KA'I RTEN LUS NI SDUG BDEN YIN PAS SANGS RGYAS DANG DGE 'DUN MIN LA, ZHES GSUNGS PA'I PHYIR, KHYAB STE, SDUG BDEN YIN NA SANGS RGYAS MA YIN PAS KHYAB PAR BSHAD PA'I PHYIR DANG, ,DES NA STON PA SHA'KYA THUB PA YANG SDUG BDEN YIN PAS SANGS RGYAS MA YIN PAR 'DOD DGOS PA'I PHYIR ZHES ZER NA, SKABS 'DI'I SANGS RGYAS YIN MIN RTZOD PA'I GZHI LA PHUNG PO LNGA YOD KYANG, MDZOD 'GREL LAS, GZUGS KYI SKU NI SNGA MDANG PHYI MAR YANG BYE BRAG MED PA'I PHYIR, ZHES PA'I DNGOS BSTAN GYI GZUGS SKU NI GZUGS LUS KHO NA YIN ZHING, GSER PHRING GI DGONGS PA NI LAS NYON GYI 'PHANGS 'BRAS YIN NA GRUB MTHA' GONG 'OG RTZOD MED DU SDUG BDEN DU 'DOD DGOS PAS DE'I DBANG DU BYA BA'I PHYIR SKYON MED DO, //'A// 'GYUR MI 'DRA BA MANG PO YOD KYANG RKANG PA DANG PO DRUG

LA DON BSHAD TSUL MI 'DRA BA CHER MED DE, 'DUS MA BYAS GSUM RTAG PA YIN ZHING, DE LAS GZHAN PA'I 'DUS BYAS THAMS CAD SKAD CIG MDANG MI RTAG PA YIN LA, DE DAG GANG ZAG GI BDAG GIS STONG ZHING LAS LAS GZHAN PA'I BYED PA PO DBANG PHYUG LA SOGS PA MED PA DANG, DBANG PO'I RNAM PAR SHES PA NI YUL GYI 'DRA RNAM MA SHAR BAR RDUL PHRA RAB BA SAGS PA'I DON DNGOS SU RJES CHER DU RIG CES BSHAD PA YIN PA'I PHYIR, RKANG PA THA MA GNYIS LA 'GYUR MI 'DRA BA MANG PO YOD PA LTAR DON BSHAD TSUL MI 'DRA BA'ANG MANG PO YOD DE, KHA CHE'I GZHUNG GI CHU GTER GYI, , BYE BRAG SMRA BA'I GZHUNG 'DOD 'GYUR, ,ZHES PA 'DI DANG, YE SHES KUN LAS BTUS PA LO TZA' BA CHOS KYI SHES RAB KYIS BSGYUR BA LAS, BLO LDAN ZHES BYA KHA CHE YI, ,BYE BRAG SMRA BA'I GZHUNG DU BSHAD; ;CES DANG, ,'GREL PAR, 'DI LTA BU NI PHYI ROL BA LA LTOS TE BLO DANG LDAN PA ZHES BYA BAR BGRANG PA, ZHES BLO LDAN ZHES PA BYE SMRA KHO RANG LA SBYAR RO, ,'DIR CHOS BSHES 'GYUR LAS ZHES PA DANG, BLO LDAN ZHES BYA MKHAS PA YIS, ,ZHES SOGS DPE MDAG GO, BDER GSHEGS GZHUNG RTZA BA'I 'GYUR LAS, ,BA CHE BYE BRAG SMRA BA YI, ,GZHUNG 'DI YIN PAR MKHAS RNAMS BZHED, ,CES DANG, 'GREL BAR RTZA TSIG DRANGS PA LAS, KHA CHE BYE BRAG SMRA BA'I GZHUNG, ,DE LTAR BLO DANG LDAN RNAMS BZHED, ,CES DANG, 'GREL BA RANG LAS KYANG, KHA CHE BA RNAMS KYI

, ,GZHUNG STE MNGON PAR DE LTA DE LTA BU'I NGO BOR BLO DANG LDAN PA MKHAS PA RNAMS BZHED DE 'DOD PA YIN NO, ZHES KHA CHE BYE SMRA'I GZHUNG NI DE LTAR YIN PAR BLO LDAN MKHAS PA RNAMS BZHED CES BLO LDAN NAM MKHAS PA ZHES PA GZHUNG DON 'CHAD MKHAN LA SBYAR GYI BYE SMRA KHO RANG DANG MA SBYAR BA'I PHYIR DANG, SNGAR LTAR CHU GTER YOD MED KYI BSHAD PA GNYIS KYANG BYUNG BA'I PHYIR RO, SKABS 'DIR DZE T'A RIS SKAD CIG MA'I DON MDO SDE BA LTAR BSHAD PA'I DGONGS PA GANG YIN BTZAL DGOS SO, , //YA// SDEB SO SO'I THUN MONG MA YIN PA'I 'DOD TSUL NI RTOG GE 'BAR BA LAS, DE LA THA SNYAD GCIG PA RNAMS KYI DAM TSIG GI RTZA BA NI, SANGS RGYAS BCOM LDAN 'DAS RNAMS NI 'JIG RTEN LAS 'DAS PA STE, ZHES PA NAS, SNGAR BYAS PA'I BSGOM PAS SBANG BAR BYA BA'I LAS THAMS CAD NI LAS KYI RNAM PAR SMIN PAR 'GYUR RO ZHES BYA BA'I BAR TE, ZHES GSUNGS PA DANG, GZHUNG LUGS KYI BYE BRAG BKOD PA'I 'KHOR LO LAS, DE DAG GI GZHI'I GZHUNG LUGS DANG, BAR GYI GZHUNG LUGS RNAMS RNAM PAR BSHAD PAR BYA'O, ,DE LA DGE 'DUN PHAL CHEN PO'I SDE ZHES BYA BA THA SNYAD GCIG PA'I SDE DANG, 'JIG RTEN 'DAS SMRA'I SDE DANG, BYA GAG RIS KYI SDE ZHES BYA BA RNAMS KYI GZHI'I GZHUNG LUGS DAG YOD DE, ZHES PA NAS, LHAG MA RNAMS NI THAMS CAD YOD PAR SMRA BA'I SDE'I LUGS DAG YIN

NO;; ZHES GSUNGS PA DANG, DUL LHA'I SDE BA THA DAD PA BSDUS PA LAS, DE LA 'JIG RTEN LAS 'DAS PAR SMRA BA'I SDE BA RNAMS NI 'DI SKAD ZER TE, THUB PA NI 'JIG RTEN LAS 'DAS PA, ZHES PA NAS, SHES PAR BYA BA NI BRJOD DU YOD PA DANG, BRJOD DU MED BA'O ZHES ZER TE, ZHES GSUNGS SO, DE GSUM NANG PHAN TSUN BSHAD TSUL MI 'DRA BA MANG PO YOD PA RNAMS SHES PAR 'DOD NA GZHUNG DE DAG TU BLTA BAR BYA ZHING, DUS GSUM 'DOD TSUL GYI SGO NAS YOD SMRA LA BZHIR PHYE BA DANG, GZHAN YANG, RKYEN 'DOD TSUL MI 'DRA BA DANG, BDEN PA MNGON RTOGS 'DOD TSUL MI 'DRA BA SOGS NANG SES KYI KHYAD PAR PHRA MO RTOG GE 'BAR BAR BYUNG BA RNAMS DANG, 'DIR DRANGS PA'I RTOG GE 'BAR BA'I GZHUNG LA'ANG YI GE CHAD PA DANG YI GE NO RAB 'GA' ZUNG BYUNG BA RNAMS RTOG GE 'BAR BA DANG SDE BA THA DAD PAR BYED PA GNYIS DANG BSDUR NAS ZHUS DAG BYA DGOS LA, GONG SMOS KYI GZHUNG GSUM LA'ANG GCIG LA MED KYANG GCIG SHOS LA YOD PA DANG GCIG LA MI GSAL YANG GCIG SHOS LA GSAL BA RNAMS GZHUNG DE RNAMS LAS SHES PAR BYA STE, 'DIR YI GE'I KHUR HA CANG CHE BAR 'GYUR ZHING DGOS PA'ANG DE TZAM MI CHE BAS MA BRIS SO, ,DA NI RANG SDE BYE SMRA MDO SEMS DBU MA PA ZHES SOGS KYI TSIG DON 'CHAD DE, SANGS RGYAS PA RANG GI SDE BA LA BYE SMRA DANG MDO SDE BA DANG SEMS TZAM PA DANG DBU MA PA BZHIR GRANGS DES PA YIN TE, SH'AKYA THUB PA'I BSTAN PA LA GRUB MTHA'

, ,LNGA PA DANG, THEG PA BZHI BA MED PAR MDO RGYUD DU MA DANG MKHAS GRUB DU MAS GSUNGS PAS SO, ,DBYE BA NI BSHAD MA THAG PA'I 'DI BZHI DANG BSDU BA NI BYE MDO GNYIS THEG DMAN DANG DBU SEMS GNYIS THEG CHEN GRUB MTHA' SMRA BAR BSDUS PA STE DBYE, BSDU'I TSUL GNYIS BSHAD PA LTAR YIN GYI, BOD KHA CIG BYE MDO GNYIS NYAN THOS DANG SEMS TZAM PA RANG RGYAL DANG DBU MA PA THEG CHEN PA STE THEG PA GSUM DU BSDUD PA DANG, GRUB MTHA' KUN SHES MKHAN POS, MDO SDE BA BYE SMRA'I NANG DU BSDUS NAS GRUB MTHA' GSUM DU 'DOD PA DANG; KHA CIG GNAS MBU BYE SMRA LAS GZHAN DU BYAS TE GRUB MTHA' LNGAR DBYE BA RNAMS 'KHRUL BAR SHES PAR BYA'O, ,NYAN THOS SDE BA GNYIS KAS THEG CHEN GYI SDE SNOD NAS BSHAD PA'I KUN GZHI NYON YID DANG BDEN MED DANG GZUNG 'DZIN GNYIS SU MED PA'I CHOS KYI BDAG MED DANG, BYANG SEMS BCU DANG THEG CHEN NAS BSHAD PA'I CHOS LONGS SPRUL PA'I SKU GSUM DANG DE DAG GI YON TAN MANG PO DANG, SOGS SGRAS DE NYID NAS BSHAD PA'I GZUNGS DANG TING NGE 'DZIN GYI SGO MTHA' YAS PA SOGS MI 'DOD PA DANG, THEG CHEN GYI MDO RNAMS SNGON DUS KYI NYAN THOS SDEBS BKAR MI 'DOD LA NYAN THOS SDE BA PHYI RABS PA RNAMS KYIS BKAR 'DOD PAR GRAGS PA LTAR YIN NO, ,GZHUNG BYE BRAG BSHAD MTSO GTZO BOR RJES SU 'BRANG NAS GRUB MTHA' SMRA BA'I PHYIR DANG

DUS GSUM RDZAS KYI BYE BRAG YIN PAR SMRA PA'AM, MU STEGS BYE BRAG PA LTAR RDZAS GRUB KYI CHOS MANG DU SMRA BAS NA BYE BRAG TU SMRA BAR BTAGS PA DE LA SDE BA BCO BRGYAD GYES TSUL NI, RTZA BA'I SDE BA BZHI LAS BCO BRGYAD GYIS TSUL DANG GNYIS LAS BCO BRGYAD GYIS TSUL GNYIS DANG, SOGS SGRAS RTZA BA'I SDE BA GCIG DANG GSUM LAS GYES TSUL YOD PAR BSHAD DO, ,RTZA BA'I SDEB BZHI LAS BCO BRGYAD GYIS TSUL LA'ANG DUL LHA DANG LO DRI MKHAN PO'I LUGS GNYIS LAS, DUL LHA'I BSHAD TSUL NI, GZHI THAMS CAD YOD PAR SMRA BA DANG, PHAL CHEN PA DANG, GNAS BRTAN PA DANG, MANG POS BKUR BA STE RTZA BA'I SDE BA BZHI LA RIM PA BZHIN DU SDE BA BDUN DANG LDA DANG GSUM DANG GSUM DU GYES PAR SDE BA THA DAD PA BSDUS PA LAS GSUNGS SHING, YANG NA RTZA BA'I SDE BA GNYIS LAS GYES TSUL LA'ANG BSHAD TSUL GNYIS LAS DANG PO NI DGE 'DUN PHAL CHEN PA LA BRGYAD DANG GNAS BRTAN PA LA BCUR GYES PA NI SDOMS LOGS SU GSAL BA LTAR YIN NO, STAG LOS SDE BA BCO BRGYAD PO DE KUN BYE BRAG SMRA BA'I SDE BAR KHAS BLANGS PA DANG, SA STON PA DANG DPE STON PA SOGS MDO SDE BAR KHAS BLANGS GNAS SDE BA BCO BRGYAD DU NYAN THOS SDE BA GNYIS KA 'DUS PAR 'DOD PA NI 'GAL BA DANG, MDO SDE BA BYE SMA'I NANG DU BSDUS TSUL NI, MDO SDE BAR GYUR BA'I DGE TSUL DGE SLONG RNAMS RTZA BA'I SDE BA BZHI PO GANG RUNG GI DGE TSUL DGE SLONG DU 'DUS PA TZAM LA BYED NA BSDU

, ,BYA HA CANG RGYA CHUNG BA'I SKYON 'BYUNG STE, DBU MA DANG SEMS TZAM PAR GYUR PA'I DGE TSUL DGE SLONG RNAMS KYANG RTZA BA'I SDE BA BZHI PO GANG RUNG GI DGE TSUL DGE SLONG DU BSDUS PA'I PHYIR DANG, DER MA ZAD THEG CHEN GYI SDE SNOD KYANG SDE BA BCO BRGYAD KYI GZHUNG DU 'DUS PAR LEGS LDAN 'BYED DANG SPYAN RAS GZIGS RTUL ZHUGS KYIS BSHAD PA'I PHYIR PA'I PHIR YANG BSDU BYA RGYA CHUNG PA'I SKYON 'BYUNG NGO, ,RTOG GE 'BAR BAR RTZA BA'I SDE BA GNYIS LAS BCO BRGYAD DU GYES TSUL DANG PO'I SKABS SU BSHAD PA'I GNAS BRTAN PA BCU'I NANG TSAN GYI MANG POS BKUR BA LA SOGS PA'I SDE BA LNGAS RDZAS BTAGS DANG RTAG MI RTAG DANG PHUNG PO LAS NGO BO GCIG DANG THA DAD SOGS GANG DU YANG BRJOD DU MED PA'I BDAG YOD PAR SMRA NA YANG, MI 'JIG PA'I RTAG PA DANG CHA SHAS MED PA'I GCIG BU DANG GZHAN LA MI LTOS PA'I RANG DBANG CAN TE KHYAD CHOS GSUM LDAN GYI BDAG MED PAR 'DOD CING, THUB PA'I LUNG RTOGS KYI BSTAN PA GCES PAR 'DZIN PA NI RANG SDE'I GRUB MTHA' SMRA PA KUN DANG MTSUNGS PAS GZHAN SDE BA GTAN MIN LA NAM MKHA' SOGS 'DUS MA BYAS RNAMS RDZAS DANG DNGOS POR 'DOD PA'I RANG SDE BA YIN PAS BYE SMRA LAS GRUB MTHA' GZHAN PA YANG MA YIN NO, ,GZHI YUL GYI RNAM BZHAG NI, KUN RDZOB DANG DON DAM BDEN PA GNYIS DANG, GZUGS DANG, TSOR BA DANG, 'DU SHES DANG, 'DU BYED DANG, RNAM SHES KYI PHUNG PO

STE LNGA DANG, MIG DANG, RNA BA DANG, SNA DANG, LCE DANG, LUS DANG, YID KYI SKYE MCHED DANG, GZUGS DANG, SGRA DANG, DRI DANG, RO DANG, REG BYA DANG, CHOS KYI SKYE MCHED DE BCU GNYIS DANG, MIG NAS YID KYI BAR RTEN DANG, GZUGS NAS CHOS KYI BAR YUL DANG, MIG GI RNAM PAR SHES PA NAS YID KYI RNAM PAR SHES PA'I KHAMS KYI BAR BRTEN PA STE BCO BRGYAD DANG, DMYAL BA DANG, YI DVAGS DANG; DUD 'GRO DANG, MI DANG, LHA STE 'GRO BA LNGA DANG, KHAMS DANG, REG PA DANG, SEMS PA DANG, SEMS KYI ZAS TE BZHI DANG, DMIGS MTSUNGS GANG RUNG GI SGO NAS ZAG PA RGYAS SU RUNG MI RUNG GIS ZAG BCAS ZAG MED GNYIS DANG, 'DUS BYAS GZUGS SOGS PHUNG PO LNGA DANG, 'DUS MA BYAS NAM MKHA' DANG SO SOR BRTAG DGOG DANG SO SOR BRTAG MIN GYI DGOG PA STE GSUM DANG, KHAMS RE GNYIS KYI NANG GI DRUG TSAN DANG PO'I NAM MKHA'I KHAMS NI SNANG MUN GANG RUNG GI BDAG NYID DU GYUR BA'I GZUGS KYI SKYE MCHED DANG, RDZAS RDUL PHRA RAB NI CHA BCAS MIN ZHING PHAN TSUN REG PA MIN PAR 'DOD DO, ,YUL CAN MNGON SUM DANG RJES DPAG TSAD MA DANG, LAM NI TSOGS SBYOR MTHONG SGOM MI SLOB LAM LNGA DANG, SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB KYI PHAR PHYIN TE DRUG DANG, 'BRAS BU'I RNAM BZHAG NI, 'PHAGS PA BRGYAD PA DANG, CHAGS BRAL SNGON SONG GI ZHUGS PA DBANG PO RTUL RNO GNYIS

, ,DANG; DE'I 'BRAS GNAS GNYIS DANG, LHA DANG MI'I RIGS NAS RIGS SKYE GNYIS DANG, TSE GCIG PAR CHAD GCIG PA DANG, PHYIR MI 'ONG BAR 'DA' BA DANG, SKYES TZAM NYID NAS 'DA' BA DANG, 'DU BYED DANG BCAS TE 'DA' BA DANG, 'DU BYED MED PAR 'DA' BA DANG, 'PHAR BA GSUM DANG, SRID RTZE'I MTHAR THUG 'GRO DANG, GZUGS MED NYER 'GRO DANG, MTHONG CHOS ZHI DANG, LUS MNGON BYED DANG, BSE RU LTA BU STE DGE 'DUN NYI SHU DANG, RGYUN ZHUGS ZHUGS 'BRAS GNYIS DANG, PHYIR 'ONG ZHUGS 'BRAS GNYIS DANG, PHYIR MI 'ONG ZHUGS 'BRAS GNYIS DANG; DGRA BCOM ZHUGS 'BRAS GNYIS TE BRGYAD DANG, DGA'LDAN GYI GNAS NA ZHUGS PA LA SOGS PA'I MDZAD PA BCU GNYIS LA KHYIM PA DANG RAB BYUNG GI MDZAD PA DANG, DANG 'PHAGS PA'I MDZAD PA DANG, BYANG SEMS DANG SANGS RGYAS KYI MDZAD PA'I CHA GNYIS GNYIS PHYE BA RNAMS RDZOGS PA NA SANGS RGYAS KYI SKU DNGOS KYI MDZAD PA RNAMS TSAR PHYIN PA YIN LA, NYAN THOS DANG RANG RGYAL DANG SANGS RGYAS KYIS SDUG BSNGAL GYI PHUNG BA'I LHAG MA MED PA'I MYANG 'DAS MNGON DU MDZAD PA GSUM KAR BA MA RIG GI RGYUN CHAD DE ZHI BA'I DBYINGS 'BA' ZHIG LUS PAR 'DOD PA NI 'BRAS BU'I RNAM BZHAG YIN NO, DNGOS SU BCOM PA'AM GZHIG PA STE BLOS CHA SHAS SO SOR BSAL BA NA RANG 'DZIN PA'I BLO 'DOR BA DANG MI 'DOR BA'I CHOS NI RIM BZHIN KUN RDZOB DANG DON DAM BDEN

BA'I DON YIN LA, MNGON PA SDE BDUN BKA' MA YIN NA MNGON PA'I SDE SNOD MED PAR 'GYUR BA LAS, DGE SLONG SDE SNOD GSUM PA ZHES GSUNGS PA'I PHYIR SDE BDUN BKA' YIN PA DANG, LUNG DANG BSTAN BCOS RNAMS MING TSIG YI GE GSUM TSOGS PA'I SGRA SPYI YIN PAS NA LDAN MIN 'DU BYED YIN ZHING, MNGON SUM GYI TSAD MA LA DBANG MNGON YID MNGON RNAL, 'BYOR MNGON SUM GSUM YOD PA YIN NA'ANG RANG RIG MNGON SUM MED PA DANG, MTSUNGS LDAN DANG LHAN CIG 'BYUNG BA'I RGYU 'BRAS SOGS DUS MNYAM PA'I RGYU 'BRAS MTSAN NYID PA DU MA YOD CING, RNAM PAR RIG BYED MA YIN PA'I GZUGS NI GZUGS MTSAN NYID PA YIN LA, DBANG SHES RNAMS 'DRA RNAM MED PAR YUL LA DNGOS SU RIG, YIN NO, ,SNANG BA GZUGS KYI GZHI DANG, GTZO BO SEMS KYI GZHI DANG, 'KHOR SEMS BYUNG GI GZHI DANG, GNAS SKABS LDAN PA MA YIN PA'I 'DU BYED KYI GZHI DANG, 'DUS MA BYAS KYI GZHI STE LNGA KA DNGOS BE DANG RDZAS SU GRUB PA YIN ZHING, SANGS RGYAS KYI GZUGS PHUNG DE SANGS RGYAS MA YIN PA DANG, GANG LA SKYABS SU 'GRO BA'I YUL DU GYUR BA'I SANGS RGYAS NI MI SLOB PA'I CHOS KHO NAR 'DOD DO, ,SDE BA SO SO'I THUN MONG MA YIN PA'I 'DOD TSUL NI SLOB DPON LEGS LDAN 'BYED KYI GZHUNG DBU MA SNYING PO RTZA 'GREL DANG SOGS SGRAS SHER SGRON 'GREL BSHAD DANG GZHUNG LUGS KYI BYE BRAG BKOD PA'I 'KHOR LO DANG SDE BA THA DAD PA BSDUS PA RNAMS LTOS SHIG DANG SHES PAR 'GYUR RO ZHES

, ,PA'O, ,'DIR SMRAS PA, KHA CHE BYE SMRA'I GZHUNG LUGS RDZING CHEN PO, ,KHA CHUNG GTING ZAB 'JIGS SU RUNG BA DER, ,KHA CIG SKRAG NAS DKYIL DU MI 'JUG PAR, ,KHA NAS GANG THON CHAB KYIS CHOG SHES BYAS, ,DE PHYIR RNAM DPYID LUS RTZAL MI DMAN ZHING, ,GUS DANG RTAG SBYOR BRTZON PA MI LHOD PA'I, ,GROGS DAG THOS BSAM RTA LA LEGS BSKYON NAS, ,CHOS MNGON SKYED MO'I TSAL DU PHYIN PAR GYIS, ,MKHAS BYA'I GNAS DRUG GTZO BYAS CHOS RNAMS LA, ,MKHAS PAR 'DOD NA GYI NAR MI SDOD PAR, ,MKHAS MCHOG DBYIG GNYEN GZHUNG DE NYON CIG CES,, MKHAS DBANG DU MA MGRIN DA BYANGS GCIG GIS 'DOMS, ,ZHES GRUB MTHA' CHEN MO'I MCHAN 'GREL DKA' GNAD MA DUD GROL BLO GSAL GCES NOR ZHES BYA BA LAS BYE BRAG TU SMRA BA'I SKABS BYAS ZIN TO,, ,,STON PA THUB PA'I DBANG PO BSTAN PA'I BTANG RABS BDUN PHYOGS GLANG CHOS GRAGS SOGS RTZA BRGYUD KYI BLA MA DAM PA RNAMS LA PHYAG 'TSAL LO, ,DUS DANG GNAS SKABS KUN TU RDZES SU GZUNG DU GSOL, 'DIR MDO SDE BA'I GRUB MTHA'I ZUR MCHAN DGOD PA LA, //KA// SGO DRUG PA DANG 'PHAGS PA BZANG PO SBYOD PA ZHES SOGS KYI GZHUNG 'DI LA BRTAG DPYAD BYE SMRA'I SKABS SU BYAS ZIN, //KHA// DPE STON SDE BA NA RE ZHES GSUNGS PA'I ZHES PA NI YIG NOR YIN PAR MNGON NO,, //GA// MDO SDE BA LA SGONG PHYED TSA LA BA YOD ZER BA MI 'THAD PAR

'DIR BSHAD PA LTAR LCANG SKYA'I GRUB MTHAR YANG BSHAD MOD KYANG, RJE'I GSUNG BZHIN RGYAL TSAB CHOS RJES MDZAD PAR GRAGS PA'I DBU MA RGYAN GYI BRJED BYANG LAS, MDO SDE BA LA SGO NGA PHYED TSAL BA SAGS GSUM YOD PAR BSHAD PA DANG, KHYAD PAR DU DBU MA RGYAN LAS, DKAR PO DAG LA SOGS PA LA, ,SHES PA DE NI RIM 'BYUNG STE, ,MGYOGS PAR 'BYUNG PHYIR BLUN PO DAG ,GCIG CHAR SNYAM DU SHES PA YIN, ,ZHES PAS DER GYUR BA'I SGONG PHYED TSAL BA'I 'DOD PA BKOD PA DANG, LCUG MA'I SGRA LA SOGS PA'I BLO, ,ZHES SOGS TSIG BCAD DRUG GIS DE'I 'DOD PA DGAG PAR BSHAD PAS DPYAD DGOS SO, ,DE DAG LA SPRO BYA MANG YANG 'OG TU RIM GYIS 'CHAD PAR 'GYUR RO,, //NGA// RI MO RKYANG BA STE RAS KHRA BO BKRAM PA MTHONG BA'I TSE KHRA BO DE LA YOD PA'I KHA DOG GI GRANGS DE BZHIN DU RIGS MTHUN PA'I SEMS MANG PO, JI STE GCIG CHA'I TSUL GYIS SU STE GAL TE GCIG CHAR 'BYUNG BAR 'GYUR BAR 'DOD NA ZHES PA'O, ,PHYOGS SNGA 'DI NI MDO SDE BA YIN TE, 'DI NI PHYI DON DANG SHES PA RNAM BCAS SU 'DOD MKHAN ZHIG YIN PAR 'GREL BSHAD LAS BSHAD PAS BYE SMRA DANG SEMS TZAM PA MA YIN LA, NGO BO NYID MED PAR SMRA BA NI RGYAN RTZA 'GREL LAS MA BKAG PA'I PHYIR DANG, GZHAN SDE'I LUGS NI GZHUNG 'DI'I RJES SU, PHYI GZHUNG RNAMS LA'ANG RNAM SHES NI, ,ZHES SOGS KYIS BKAG PA'I PHYIR RO, ,'DIR GZHAN DE'I LUGS NI ZHES PA YI GE NOR BAR SHES PA

, ,BYA'O; ;//CA// BDER GSHEGS GZHUNG GI RANG 'GREL DU, ,RI MO RKYANG PA MTHONG BA'I TSE, ,ZHES SOGS KYI LUNG DRANGS PA MI SNANG BAS NA, RDZE TA RIS LUNG 'DI DAG SEMS TZAM PA LA YANG SBYAR BAR 'DIR BSHAD PA'I DGONGS PA 'TSOL DGOS SO,, //CHA// 'JUG 'GREL GYI GZHUNG 'DI'I SKABS SU LUGS GSUM BYUNG BAR 'DIR BSHAD PA LTAR DBU MA'I MTHA' DPYOD DU 'ANG BSHAD MOD KYANG, MYONG BA THUG MED DU THAL BA DANG YUL GZHAN MI GCOD PAR THAL BA SOGS MTHA' GZHAN 'GOG PA'I RIGS PAS MYONG BA DON GZHAN BKOG PA MA GTOGS LUGS GSUM BSHAD PA NI 'JUG PA RANG 'GREL DANG 'JUG t'I KA CHEN MO GNYIS KAR MI GSAL BAS DPYAD GZHI SHIN TU CHE'O, ,//JA// RAS KHRA BO'I STENG GI DKAR PO LA SOGS PA 'DZIN PA'I MIG GI RNAM SHES DU MA RIM GYIS 'BYUNG YANG MGYOG PAR 'BYUNG PA'I PHYIR SO SKYE BLUN BO DAG GCIG CHAR 'BYUNG NGO SNYAM DU SEMS PA YIN ZHES PA'O, ,LUGS 'DI NI RNAM 'GREL LAS PHYOGS SNGAR BYAS NAS BKAG PA YIN TE, RIM BZHIN 'BAB PA DE NYID LA, ,JI LTAR RIM MIN 'DZIN MI 'GYUR, ,ZHES SOGS KYIS RNAM SHES RIGS MTHUN DU MA RIM GYIS SKYE YANG 'JUG PA MYUR BAS GCIG CAR SKYE BAR SNANG ZHES PA'I 'DOD PA BKAG PA'I PHYIR TE, RNAM SHES KYI 'JUG PA MYUR BA GCIG CHAR DU 'KHRUL BA'I RGYU YIN PA RNAM 'GREL DU BKAG CES 'JUG t'I KA CHEN MOR GSUNGS BA'ANG TSAD MA'I

MDO'I DAR t'IKA TU BSHAD PA LTAR, RIM BZHIN 'BAB PA DE NYID LA, ,ZHES SOGS KYI GZHUNG DE LA BYED DGOS KYI, RTOG BCAS RTOG PA MED PA'I YID, ,GCIG CAR DU NI 'JUG PHYIR RAM, ,ZHES SOGS DANG, MGAL ME LA SOGS MYUR 'JUG PA'I, ,RJES SU 'GRO BA'I GNOD PA CAN, ,ZHES SOGS KYI GZHUNG LA MI BYED PA'I PHYIR TE, GZHUNG PHYI MA DES 'JUG PA MYUR BA GCIG CAR DU 'KHRUL BA'I RGYUR BSHAD PA YIN GYI BKAG PA MA YIN PA'I PHYIR, t'IKA CHEN DANG RNAM BSHAD SOGS SU LTAS NA GSAL LO, ,'DI DAG ZHI BA CHA DANG BCAS PA KHO BOS GZHAN DU BSHAD ZIN PAS 'DIR MA SPROS SO, ,//NYA// NGO BO'I KHYAD PAR DON BYED NUS PA DANG, SNANG TSUL GYI KHYAD PAR THUN MONG MA YIN PAR SNANG BA DANG, YUL CAN GYI KHYAD PAR SGRA RTOG GI SNANG YUL LAS 'DAS PA DANG, BYED LAS KYI KHYAD PAR RANG 'DZIN SHES PA BSKYED PA STE BZHI NI RANG MTSAN GYI KHYAD CHOS DANG, DE LAS LDOG PA BZHI NI SPYI MTSAN GYI KHYAD CHOS YIN TE, RNAM 'GREL LAS, GZHAL BYA GNYIS PHYIR TSAD MA GNYIS, ,DON BYED NUS DANG MI NUS PHYIR, ZHES DANG; 'DRA DANG MI 'DRA NYID PHYIR DANG, ,SGRA YI YUL DANG YUL MIN PHYIR, ,RGYU MTSAN GZHAN NI YOD PA NA, ,BLO NI YOD DANG ME BA PHYIR RO, ,ZHES GSUNGS PA'I PHYIR, RGYAS PAR T'IKA CHEN SOGS LAS SHES DGOS SHING, KHO BOS KYANG GZHAN DU BSHAD ZIN TO, ,//TA// THA DAD DNGOS RNAMS LA BRTEN NAS, ,DON GCIG TU NI SNANG PA'I BLO, ,GANG GI RANG GI NGO BO YIS, ,GZHAN GYI NGO BO SGRIB

, ,BYED PA, ,SGRIB BYED DES BDAG THA DAD KYANG, ,THA DAD PA NYID SGRIB PA YIS, ,DNGOS RNAMS NGO BO 'GA' ZHIG GIS, ,THA DAD MIN PA LTA BUR SNANG, ,ZHES SHING MA YIN PA LAS THA DAD PA'I SHING GSAL GYI DNGOS PO RNAMS LA BRTEN NAS SHING GSAL GYI DON RNAMS RIGS GCIG TU SNANG BA'I BLO SHING GI SPYI 'DZIN DE, GANG GI RANG GI NGO BO SHING MA YIN PA LAS LOG PAR SNANG BA'I SGRA DON SNANG YUL DU BYAS PA DE YIS, GZHAN SHING GSAL RNAMS KYI THUN MONG MA YIN PA'I NGO BO GZUNG YUL DU BYAS NAS MTHONG BA LA SGRIB PAR BYED PA'I PHYIR BLO KUN RDZOB PA YIN ZHING, DES SHING GSAL RNAMS BDAG NYID THA DAD YIN KYANG THA DAD PA NYID BSGRIBS PAS NA SHING GSAL GYI DNGOS PO RNAMS SHING MA YIN PA LAS LDOG PA'I NGO BO 'GA' ZHIG GIS RANG BZHIN THA DAD MIN PA LTA BU STE RANG BZHIN 'DRES BAR SNANG BA YIN NO ZHES BSHAD DO, ,//THA// GAL TE NGO BO NYID MED PAR SMRA BAS DNGOS PO THAMS CAD LA DON DAM PAR 'BRAS BU BSKYED PA'I NUS BA MED ZER NA, DE MI 'THAD DE, SA BON LA SOGS PA NI MYU GU LA SOGS PA LA PHAN 'DOGS NUS PAR MNGON SUM GYIS MTHONG BA'I PHYIR, GAL TE DE KUN RDZOB TU 'JOG 'DOD DO ZHE NA, KUN RDZOB YIN NA CI STE MNGON SUM GYIS DNGOS SU DMIGS PA DE LTAR 'GYUR TE, YUL RDZUN PA NI BLO MA 'KHRUL PA LA MI SNANG BA'I PHYIR ZHES 'CHAD PAR, GAL TE THAMS CAD NUS MED NA, ZHES

SOGS BYUNG, GAL TE SPYI MTSAN GYIS KYANG RANG 'DZIN SHES PA BSKYED PAS NA RANG SPYI KUN LA DON BYED PA'I NUS PA DE YOD DO ZHE NA, SPYI YI MTSAN NYID LA RANG YOD MED KYI RJES SU 'GRO LDOG MI 'KHRUL BA'I SGO NAS RANG 'DZIN BLO LA PHAN 'DOGS PA'I NUS PA TSAD MAS MA MTHONG BA'I PHYIR NA RANG 'DZIN SHES PA BSKYED PA MIN NO, ,SPYI 'DZIN SHES PA SPYI LAS SKYE NA SPYI LA RJES SU 'GRO LDOG MI 'KHRUL BA ZHIG DGOS TE, DPER NA GZUGS 'DZIN MIG BLO DE MIG DANG GZUGS SOGS LA RJES SU 'GRO LDOG MI 'KHRUL BA BZHIN NO, ,ZHES 'CHAD PAR, GAL TE KUN LA DE YOD NA, ZHES SOGS BYUNG, RIGS PA DES 'CHAD 'GYUR GYI BLO DE DAG BRDA BYAS PA DANG KUN SLONG GI RTZOL BA SOGS NANG GI YAN LAG TZAM GYI RJES SU 'JUG GI YAN LAG CAN GYI RDZAS DON GZHAN SOGS LA RJES SU 'GRO SDOG BYED PA MA MTHONG BA'I PHYIR BUM PA'O SNYAM PA'I BLO NI BUM PA'I YAN LAG RNAMS LAS RDZAS THA DAD PA'I YAN LAG CAN LAS SKYES PA DANG, 'DEGS 'JOG SOGS BYA BA LA RTOG PA'I BLO NI BUM PA SOGS LAS RDZAS THA DAD PA'I BYA BA DON GZHAN LAS SKYES PA DANG, BA GLANG NGO SNYAM DU RTOG PA'I SPYI BLO NI BA GLANG GI GSAL BA RNAMS LAS RDZAS THA DAD PA'I BA SPYI LAS SKYES PA DANG, BRGYA STONG SOGS SU RTOG PA'I BLO NI PHRENG BA SOGS LAS RDZAS THA DAD PA'I GRANGS SOGS KYI YON TAN LAS SKYES PAR 'DOD PA DAG MI 'THAD PAR BSHAD PA YIN NO ZHES STON PAR, DES NI BRDA' DANG RTZOL BA SOGS, ZHES

, ,SOGS BYUNG NGO, ,'DI'I PHYOGS SNGA SMRA BA'I BSAM TSOD LEGS PAR SHES PA NI STONG PA NYID KYI DGAG BYA NGOS 'DZIN PA LA GAL CHE BAR SNANG BAS BYE BRAG PA'I GRUB MTHA'I SKABS SU RGYAS PAR BSHAD ZIN TO, ,//DA// GRANGS CAN GYI LUGS KYI KUN RDZOB DANG DON DAM PAR GRUB PA'I DON NI, RKYEN GYIS MNGON PAR GSAL BA'I SHES BYA DE MTHAR 'JA' TSON RI MO NAM MKHA'I DBYINGS SU YAL BA LTAR SPYI GTZO BO'I DAD DU THIM PA'AM ZHI BAR 'GYUR DU RUNG BAS NA KUN RDZOB DANG, RTAG TU MI GSAL BA'I NGO BOR GNAS PA'I SHES BYA DE RNAM PA GZHAN DU 'GYUR BA MED PAS NA DON DAM PAR GRUB PA ZHES BYA ZHING, BYE SMRA'I LUGS KYI KUN RDZOB DANG DON DAM PAR GRUB PA'I DON NI, BCOM PA'AM BLOS CHA SHAS SO SOR GSAL BA NA RANG 'DZIN GYI BLO 'DOR DU RUNG BA'I CHOS DE, THAG RING BO NAS MTHO YOR LA MIR 'DZIN PA'I BLO THAG NYE BAR 'GYUR BA N 'DOR BLTAR DE YIN NO SNYAM DU YID BRTAN DU MI RUNG BAS NA KUN RDZOB DANG, BCOM PA'AM BSAL BA NA RANG 'DZIN GYI BLO 'DOR DU MI RUNG BA'I CHOS DE DE LAS LDOG PAS NA DON DAM PAR GRUB PA ZHES BYA LA, MDO SDE BA'I LUGS KYI KUN RDZOB DANG DON DAM PAR GRUB PA'I DON NI, RANG LAS GZHAN PA'I YID BYED SOGS SGRA DANG RTOG PAS BZHAG TZAM DU GRUB PA DE KUN RDZOB DANG, SGRA DANG RTOG PAS BTAGS PA LA MA LTOS PAR RANG GI SDOD LUGS KYI NGOS NAS RIGS PAS DPYAD BZOD DU GRUB PA DE DON DAM PAR GRUB PA ZHES BYA'O,,

DES NA 'OG MAS KUN RDZOB TU GRUB ZER MOD KYANG, GONG MAS GZHAL BA NA DON DAM PAR GRUB PA'I DON DU SONG BA DANG, DON DAM PAR GRUB PA 'GOG YUL GYI PHYOGS SNGA SMRA BAR 'GYUR BAS NA GONG 'OG LTA BA MTHO DMAN 'CHOL BA'I SKYON MED PA NI RJE BDAG NYID CHEN PO'I DGONGS PAR SNANG NGO, ,//NA// GZHAN STONG SOGS MI 'DOD CES PA YI GE CHAD PA'AM, YANG NA GZUNG 'DZIN RDZAS GZHAN GYIS STONG BA LA BSHAD DGOS SO, ,//PA// KUN BTUS SU BYANG SEMS SRID PA THA MA BA DE SA BCU BA PAR BSHAD MA GTOGS SO SKYER BSHAD PA MI SNANG BAS NA 'DIR SRID PA THA MA PA'I BYANG SEMS SE SKYE BSHAD GSUNGS PA DANG, NYAN THOS DANG BYANG SEMS KYI MNGON RTOGS KYI KHYAD PAR BCU BSHAD PA'I SKABS SU LONGS SKU'I 'KHOR DU SKYE BA DANG MI SKYE BA'I KHYAD PAR BSHAD PAS NA LONG SKU MA BSHAD CES PA'ANG DPYAD PAR BYA'O;, ,//PHA// GSUNG RAB YAN LAG BCU GNYIS SDE SNOD GSUM D BDUS TSUL LA BSHAD PA MI 'DRA BA DU MA BYUNG BA NI RTEN GZHI MDO'I DBANG GIS YIN PAR PHAR PHYIN MTHA' DPYOD DU GSUNGS PA DANG 'DIR YANG DE LTAR GSUNGS PA'I DON PHAR PHYIN GYI MCHAN 'GREL DAG LAS SHES PAR BYA ZHING, 'PHAGS PA THOGS MED KYIS MDZAD PA'I THUN MONG GI MDO'I DGONGS PA GTZO BOR 'GREL BA'I BSTAN BCOS YOD PAR 'JAM DPAL RTZA RGYUD LAS, BSTAN PA YUN RING GNAS BYA'I PHYIR, ,MDO YI DE NYID DON BSDUD BYED, ,CES GSUNGS PAS KYANG SHES SO, ,//BA// SHING GI SPYI 'DZIN GYI BLO DE YIS JI LTAR

, ,KUN BTAGS PA SHING MA YIN PA LAS LDOG PAR SNANG BA DE NI, DAM PA'I DON DU MED DE, DON DAM PAR YOD NA DE 'DZIN GYI SPYI BLO DE SNANG YUL LA MA 'KHRUL BAR 'GYUR LA, DE LTA NA SHING GI SPYI BLO DE LA SHING GSAL RNAMS RANG BZHIN 'DRES PAR SNANG BAS SHING GSAL RNAMS RANG BZHIN 'DRES DGOS NA'ANG, SHING GSAL RNAMS NI PHAN TSUN GCIG LA GCIG RJES SU MI 'GRO ZHING RANG BZHIN MA 'DRES PAR GNAS PA'I PHYIR ZHES 'CHAD PAR, DE YIS JI LTAR KUN BTAGS PA, ZHES SOGS DANG, ME TOG 'DI AUDPAL SNGON PO'O ZHES BRJOD PA DE'I TSE ME TOG DE'I KHYAD CHOS AUDPAL DANG SNGON PO GNYIS RDZAS KYI CHA SO SOR MED KYANG RTOG PA LA AUDPAL MA YIN PA LAS LOG PA DAD SNGON PO MA YIN PA LAS LOG PA GNYIS THA DAD PAR SNANG BA'I SGO NAS ME TOG DE AUDPAL DANG SNGON PO'I GZHI MTHUN DU GZHAG NUS PA NYID DU 'GYUR GYI, MNYAN BYA DANG RTAG PA LTA BU NGO BO THA DAD PA DANG BYAS PA DANG BYAS PA LTA BU RTOG PA LA'ANG SO SOR MI SNANG BA'I LDOG PA GCIG LA GZHI MTHUN DU BZHAG MI NUS PAR STON PA LA, DE TSE BLO YI NGOR BYAS NAS, ,GZHI MTHUN PA NI NYID DU 'GYUR, ,ZHES SOGS DANG, SGRA RNAMS KYIS NI RANG GANG LA BRDA BTAGS PA'I DON DE STON LA, BRDA DE NI THA SNYAD KYI DUS SU DON GO BA'I CHED DU BYAS PA YIN PA'I PHYIR DKAR ZAL LA BA LANG GI BRDA SBYAR BA'I TSE NOG SOGS 'DUS BA'I GONG BUM YIN PA RNAM PAR BCAD PA'I GZHAN SEL LA

BRDA MA BYAS PAR DKAR ZAL GYI RDZAS GCIG BU DE LA BA LANG GI BRDA SBYOR BA YIN NA BRDA DUS KYI DKAR ZAL GYI RDZAS GCIG BU DE NYID PHYIS THA SNYAD KYI DUS SU'ANG 'ONG DGOS PA LA, THA SNYAD KYI DUS DE'I TSO SNGAR BRDA BYED BA'I DUS KYI DKAR ZAL RANG GI MTSAN NYID DE 'GAGS NAS MED PA'I PHYIR NA GZHAN SEL BRDA'I YUL DU MED PAR GSAL BA KHO NA LA BRDA SBYOR BA MA YIN NO, ,ZHES 'CHAD PAR, SGRA RNAMS KYIS NI BRDAR BTAGS STON, ZHES SOGS DANG, SPYI DANG GZHI MTHUN SOGS DNGOS PO'I GNAS LUGS LA MA GRUB KYANG RTOG PA LA JI LTAR GRAGS PA LTAR KUN RDZOB TU RNAM BZHAG BYAS PA'I DGOS PA NI, SGRA BYAS MI RTAG SOGS CHOS DAD CHOS CAN SO SOR PHYE BA'I RNAM BZHAG DANG THA DAD CI 'DRA BA GZHI MTHUN DANG THA DAD MIN PA CI 'DRA BA SPYI'I RNAM BZHAG DE DAG DNGOS PO'I GNAS LUGS SAM DNGOS PO'I DE KHO NA NYID KYI DON LA NI MA BRTAG PAR 'JIG RTEN RTOG PA LA JI LTAR GRAGS PA DE LA BRTEN NAS BZHAG PA YIN ZHING, RTOG PA LA SNANG BA DE BZHIN KHO NAR BRTEN NAS NI BSGRUB BYA SGRUB PA KUN RNAM PAR BZHAG PA DE GNAS SKABS DANG MTHAR THUG GI DAM PA'I DON LA 'JUG PAR BYA BA'I PHYIR DU MKHAS PA RNAMS KYIS BYAS PA YIN NO, ,ZHES 'CHAD PAR, CHOS DANG CHOS CAN RNAM BZHAG DANG, ZHES SOGS GSUNGS SO, ,//MA// SGRUB BYED THUGS RJE GOMS LAS DE, ZHES THAMS CAD MKHYEN PA SGRUB PAR BYED PA LA 'GRO BA MTHA' DAG SDUG BSNGAL LAS GROL BAR 'DOD PA'I THUGS RJE CHEN PO DANG POR

, ,SNGON DU 'GRO DGOS SHING, THUGS RJE CHEN PO DE YANG RGYU MID DANG MI MTHUN PA'I RGYU LAS 'BYUNG BA MIN PAR 'GRO BA MTHA' DAG SDUG BSNGAL BA LA MI BZOD PA'I RNAM PA CAN GYI SNYING RJE SKYE BA DU MAR GOMS PAR BYAS PA LAS 'GRUB LA, THUGS RJE CHEN PO DE NYID KYANG SKYE BA DPAG TU MED PAR GOMS PAR BYAS PA LAS MTHA' MED DU 'O PHEL TE, KUN MKHYEN THOB PA NA'ANG 'GRO BA MTHA' DAG RGUD PA THAMS CAD LAS SKYOB PA LA DUS NAM YANG YOL BA MI MNGA' BA'I THUG RJE CHEN PO MTHAR PHYIN PA 'GRUB PA YIN NO ZHES BSHAD DO, ,THOS BSAM GIS GTAN LA PHAG PA'I BDAG MED PA'I DON DE NYID LAN GRANGS KYI RNAM PA DU MAR SNYING RJE DANG SPYIN PA LA SOGS PA'I THABS MANG PO DANG 'BREL BAR BYAS NAS BSKAL BA GRANGS MED GSUM LA SOGS PA YUN RING PO'I DUS SU GOMS PAR BYAS PA LAS GANG ZAG DE LA SKYON DANG YON TAN DAG RAB TU GSAL BAR MKHYEN PA'I MTHAR THUG PA'I YE SHES MNGON DU 'GYUR RO, ,DES NA SHES BYA MTHA' DAG LA THUGS KYANG GSAL BA MTHAR THUG PA'I PHYIR SDUG BSNGAL GYI RGYU NYON MONGS SPANGS PAR MA ZAD, NYON MONGS KYI RGYU'I BAG CHAGS SHES SGRIB DANG BCAS PA SPANGS PA YIN ZHING, GZHAN DON LA 'JUG PA CAN GYI THUB PA CHEN PO SANGS RGYAS DANG BSE RU LTA BU'I RANG SANGS RGYAS SOGS KYI KHYAD PAR NI SHES SGRIB SPANGS MA SPANGS 'DI YIN PAR SHES PAR BYA'O, ,ZHES 'CHAD PAR, RNAM PA DU MAR THABS MANG PO, ,YUN RING DUS SU GOMS

PA LAS, ,DE LA SKYON DANG YON TAN DAG ,RAB TU GSAL BA NYID DU 'GYUR, ,DES NA THUGS KYANG GSAL BA'I PHYIR, ,RGYU YI BAG CHAGS SPANGS PA YIN, ,THU BA CHEN GZHAN DON 'JUG CAN GYI, ,BSE RU LA SOGS KHYAD 'DI YIN, ,ZHES GSUNGS SO, ,THEG CHEN GZHAN DON 'JUG CAN GYI, ,ZHES 'DIR DRANGS PA NI DPE MA DAG GO, STONG NYID LTA BAS GROL 'GYUR GYI, ,SGOM PA LHAG MA DE DON YIN, ,ZHES BDAG DANG BDAG GI BAS STONG PA'I STONG NYID RTOGS PA'I LTA BA BSGOM PAS 'KHOR PA LAS GROL BAR 'GYUR GYI, SGOM PA LHAG MA MI RTAG PA DANG SDUG BSNGAL PA BSGOM PA LA SOGS PA NI GROL BYED KYI LAM DE BSKYED PA'I DON DU NGES PAR BSGOM DGOS PA'I SMIN BYED KYI LAM YIN NO ZHES BSHAD DO, ,BDEN PA TO NGE BAS GROL 'GYUR GYI, ,STONG NYID MTHONG BAS CI ZHIG BYA, ,ZHES BDEN PA BZHI DANG DE'I KHYAD CHOS MI RTAG SOGS BCU DRUG MNGON SUM DU MTHONG BA DANG MTHONG ZIN GOMS PAR BYAS PAS NYON MONGS ZAD NAS 'KHOR BA LAS GROL BAR 'GYUR GYI, DE DAG TU MA BSDUS PA'I RANG BZHIN MED PA'I STONG NYID MTHONG ZHING GOMS PAS CI ZHIG BYA STE DGOS PA MED CES NYAN THOS SDEBS 'DOD PAR BSHAD DO, ,GNAS PA BSDUS PA'I GZHUNG GI DON 'OG TU 'CHAD DO, ,//TZA// SLOB DPON BYANG BZANG GIS BYE SMRA NYAN THOS DANG MDO SDE BA NYAN THOS DANG THEG CHEN PA GNYIS KAR BSHAD CING, RNAL 'BYOR SBYOD PA BA THEG PA GANG DANG SBYAR BA MI GSAL LA, DBU MA PA THEG CHEN PAR BSHAD DO, ,AA WA DHUTI PA'AM MEE TRI PAS NYAN THOS LA MCHOG 'BRING THA

, ,GSUM YOD PA'I THA MA NI BRJOD DU MED PA'I BDAG 'DOD MKHAN DANG, ,'BRING NI LTA BA SNGAR DANG 'DRA ZHING GZHAN DON CUNG ZAD BYED PAR 'DOD PA DANG, MCHOG NI KHA CHE BYE SMRA YIN ZHING, THA MA NI NYAN THOS KYI BYANG CHUB NYID DU 'GYUR, ,'BRING NI RANG SANGS RGYAS NYID DU 'GYUR, ,MCHOG NI SANGS RGYAS NYID DU 'GYUR BAR BSHAD CING, RANG SANGS RGYAS RNAMS KYI LTA BA NA NYAN THOS MCHOG RNAMS DANG 'DRA BSKAL BA GRANGS MED BZHI 'DAS BAS SANGS RGYAS PAR BSHAD LA, PHAR PHYIN THEG PA'I RNAL 'BYOR BA LA GSUM LAS CHUNG DU NI MDO SDE BA, 'BRING NI RNAL 'BYOR SBYOD PA BA STE, DE LA RNAMS BCAS RNAM MED GNYIS YOD, CHEN PO NI DBUM PA STE, DE LA SGYU MA LTA BU GNYIS SU MED PA DANG, RAB TU MI GNAS PAR YOD PA GNYIS BSHAD DO, ,DE LTAR BSHAD PA RNAMS LA STAG LO SOGS BOD STON MANG POS GRUB MTHA' DANG THEG PA GCIG TU NOR ZHES DGAG PA BYAS SHING, MKHAS GRUB CHEN PO 'JAM DBYANGS BZHAD RDOR GYIS 'PHAGS YUL GYI GRUB THOB MCHOG RNAMS DGAG PAR MDZAD PA'I THUGS STOBS MI BSKYED CING, GZHUNG DE DAG SGRA JI BZHIN PAR BSHAD DU MI RUNG BA DANG, DGONGS PA GZHAN DU BKRAL THABS KYANG MA RNYED PAR MA 'ONGS PA NA GRUB CHEN DE DAG GI DGONGS PA JI LTA BA BZHIN RTOGS PA'I MCHOG SLONGS PA'I DON DU, YAB GCIG MKHYEN GTER DANG DBYANG SCAN ZHABS, ZHES SOGS TSIGS BCAD GCIG GIS LHAG PA'I LHA LAG SOL BTAB MDZAD PAR SNANG NGO, ,//TSA//

MDO SDE RGYAN LAS, MCHANG BA DANG 'GAL BA DANG, ,THABS MIN DE LTAR MA BSTAN PHYIR, ,NYAN THOS KYI NI THEG PA 'DI, ,THEG CHEN CHOS ZHES BYA BA MIN, ,ZHES BYUNG BAS NA 'DIR DRANGS PA'I GZHUNG GI YI GE NOR BA'I 'GYUR MI 'DRA BA YIN NO, ,GZHUNG 'DI'I DON NI SNGAR BSHAD PA LTAR GTAN TSIGS BRGYAD KYIS THEG CHEN BKAR SGRUB PA NA, NYAN THOS SDE BA NA RE, THEG CHEN BKA' MA YIN KYANG SANGS RGYAS MED PA'I SKYON MED DE; NYAN THOS KYI THEG PA 'DI DBANG RNON GYIS BSGOMS NA SANGS RGYAS DANG, DBANG 'BRING GIS BSGOMS NA RANG RGYAL DANG, DBANG BRDUL GYIS BSGOMS NA NYAN THOS SU 'GYUR BA'I PHYIR THEG CHEN GYI CHOS YIN NO ZHES ZER NA, NYAN THOS KYI GHEG PA 'DI THEG CHEN GYI CHOS MA YIN TE, 'DI LAS BDAG NYID 'DOD CHAGS DANG BRAL BA DANG RNAM PAR GROL BAR 'GYUR BA'I THABS TZAM BSTAN GYI, GZHAN DON GYI BYA BA MTSAR BA'I PHYIR GSUNGS PA LA, NYAN THOS SDE BA NA RE, BDAG NYID GROL BAR 'GYUR BA'I LAM DE NYID GZHAN LA BSHAD NA GZHAN DAG KYANG GROL BAR GYUR BAS GZHAN DON GYI BYA BA MA TSANG BA MED CES ZER NA, GANG NYAN PA'I GANG ZAG DE DAG KYANG BDAG NYID GROL BAR BYA BA'I PHYIR SBYOR GYI, GZHAN DON DU SANGS RGYAS THOB PA MI SRID PAS 'DI LA GZHAN DON TSANG BA 'GAL GSUNGS PA DANG, DE LA NYAN THOS SDEBS, ,NYAN THOS KYI THEG PA 'DI LA 'TSANG RGYA BA'I THABS CHANG BAR YOD DE, 'DI NYID BKSAL PA GRANGS MED GSUM DU BSGOMS NA SANGS RGYAS DANG, BSKAL PA BRGYAR BSGOMS NA RANG SANGS RGYAS DANG, TSE GSUM DU BSGOMS NA NYAN

, ,THOS KYI BYANG CHUB 'THOB PA'I PHYIR ZHES ZER NA, 'DI BLA MED BYANG CHUB THOB BYED KYI THABS YONGS SU RDZOGS PA MA YIN TE, THABS SHES KHYAD PAR CAN GYI NYAMS LEN 'DI LA MED PA'I PHYIR DANG, THABS MA YIN PA YUN RING BOR BSGRUBS NA 'ANG 'DOD PA'I 'BRAS BU MI 'BYUNG BA'I PHYIR TE, DPER NA RVA LA YUN RING POR BZHOS NA YANG 'O MA MI 'BYUNG BA DANG, BYE MA LA YUN RING POR BRDZIS NA YANG MAR MI 'BYUNG BA BZHIN YIN BA'I PHYIR GSUNGS, DE LA NYAN THOS SDE BA NARE, NYAN THOS KYI THEG PA LAS BYANG SEMS KYI SBYOD PA DNGOS SU GSAL BAR MA SHAD KYANG YI GE DANG TSIG GZHAN GYIS RNAM PA GZHAN DU BSHAD PAS NA NYAN THOS KYI THEG PA 'DI THEG CHEN GYI CHOS YIN NO ZHE NA, THEG PA CHEN PO LAS SA DANG PHA ROL TU PHYIN PA LA SOGS PA'I BYANG CHUB SEMS DPA'I SBYOD PA JI LTAR BSHAD PA DE LTAR NYAN THOS KYI THEG PA LAS CUNG ZAD KYANG MI 'BYUNG BA'I PHYIR 'DI THEG CHEN GYI CHOS GTAN MA YIN NO, ,ZHES GSUNGS PA'O, ,DBYIG GNYAN LEGS LDAN SOGS KYIS DE LTA BU'I SGO NAS THEG CHEN BKAR SGRUB PA NI SHIN TU GRAGS CHE ZHES GSUNGS PA YIN PAS NA CHAGS CHE ZHES PA YI GE NOR RO, ,NYAN THOS THEG PA DE LAS NI, ZHES SOGS KYI TSIG DON GO SLA'O, ,//DZA// RANG SANGS RGYAS KYI SEMS BSKYENG LA SANGS RGYAS THOB 'DOD YOD PAR 'DIR BSHAD PA LTAR GZHUNG GZHAN NAS KYANG BSHAD PA YOD MOD, 'ON KYANG RANG SANG SRGYAS KYIS RANG GI LAM DE THEG CHEN GYI LAM DU NOR BA DANG RANG NYID THEG CHEN GANG ZAG TU NOR BA,,

SOGS YIN NAM ZHEN ZHIB CHA JI LTAR YIN DPYAD DGOS SO, ,//WA// GSANG BA GRUB PA LA SOGS PA GRUB PA SDE BDUN DANG, DO HA MDZOD LA SOGS PA SNYING PO'I SKOR DRUG DANG, LTA BA DAN SEL LA SOGS PA AA MA NA SE'I CHOS SKOR NYER DRUG STE BON NA GRUB SNYING AA MA NA SE'I CHOS SKOR ZHES GRAGS PA LAS, ,SNYING PO'I SKOR DRUG GI NANG TSAN GNAS PA BSDUS PA ZHES BYA BA SLOB DPON LHAN CIG SKYES PA'I RDO RJES MDZAD PA LAS; 'PHAGS PA BDEN PA BZHI PO YANG, ,'DI LA BLO DANG LDAN PAS BSGOM, ,YANG DAG RDZOGS PA'I BYANG CHUB SEMS, ,TSOGS MA RDZOGS NA YOD MA YIN, ,MNGON DU BYED PA MI BYA STE, ,BYAS NA THEG PA DMAN PAR 'GYUR, ,ZHES MDO SDE BA'I LUGS LA THEG PA GSUM GYI SHES RAB KYI RTOGS RIGS MI 'DRA BA MED PAS NA BDEN BZHI DANG DE'I KHYAD CHOS MI RTAG SOGS BCU DRUG PO BLO LDAN BYANG CHUB SEMS DPAS KYANG BSGOM DGOS MOD, 'ON KYANG GRANGS MED GSUM GYI TSOGS MA RDZOGS PAR BLA MED BYANG CHUB THOB PA MI SRID PAS, TSOGS BSAGS PA GTZO BOR MA BYAS PAR MI RTAG SOGS BCU DRUG GTZO BOR BSGOM NAS BAR SKABS SU NYON MONGS SBANGS PA'I MYANG 'DAS MNGON DU MI BYA STE, DE LTAR BYAS NA THEG PA DMAN PAR LTUNG BA 'GYUR BA'I PHYIR ZHES BSHAD PA DANG, ,ZAB MO'I RIM LA GOMS PA YIS, ,BYANG CHUB RTZA BA SNYING RJE YIN, ,SNYING RJE RTZA, BA RAB SBYOR BAS, ,BYE BRAG SMRA BA'ANG DE BZHIN TE, ,THEG CHEN RIM PAS GOMS PA YIS, ,RDZOGS PA'I BYANG CHUB CIS MI 'GYUR, ,GZHAN DU MDO SDE BAS RTOGS PA'I, ,BLO DE JI LTAR THEG CHEN YIN, ,

, ,GANG PHYIR DANG DBU MA DANG BRAL BAS, ,DE LA'ANG SANGS RGYAS YOD MA YIN, ,ZHES ZAB MO'I LAM GYI RIM PA GOMS PAS BLA MED BYANG CHUB THOB PA NI RTZA BA SNYING RJE CHEN PO LA RTEN DGOS SHING, BYAMS SNYING RJE'I RTZA BA CAN GYI BYANG CHUB KYI SEMS KYIS KUN SLONG BYAS NAS SBYIN PA LA SOGS PA'I SBYOD PAS BSDUS PA'I THEG CHEN GYI LAM DE RIM PAS GOMS NA BYE BRAG SMRA BA YANG RDZOGS BYANG THOB PAR CIS MI 'GYUR TE THOB PAR 'GYUR ZHING, GZHAN DU STE DE LTA BU'I THEG CHEN GYI LAM GOMS NA MDO SDE BA'I LTA BA TZAM BSGOM PAS JI LTAR THEG CHEN DU ZHUGS NAS SANGS RGYAS THOB PAR 'GYUR TE DBU MA'I LTA BA MA RNYED PAR SANGS RGYAS THOB PA MI SRID PA'I PHYIR ZHES BSHAD DE, DE NI DE KHO NA NYID RIN PO CHE'I PHRENG BAR BSHAD PA LTAR NYAN THOS BYE BRAG TU SMRA BA LA RAB 'BRING THA GSUM DU PHYE BA'I THA MA NI NYAN THOS KYI BYANG CHUB BDANG, 'BRING NI RANG RGYAL GYI BYANG CHUB THOB PAR 'GYUR GYI, ,SANGS RGYAS SU SU 'GYUR BA MED LA, NYAN THOS BYE SMRA RAB DANG RANG RGYAL BYE SMRA DANG THEG CHEN THA MA MDO SDE BA DANG 'BRING RNAL 'BYOR SBYOD PA DANG RAB DBU MA BAR NAMS SANGS RGYAS SU 'GYUR ZHES PA'I 'DOD TSUL LA DGAG PA MDZAD PA LTA BUR SNANG YANG, SLOB DPON LHAN SKYES RDO RJE DE MEE TRI BA'I SLOB MA YIN PAR 'DIR BSHAD CING, DE KHO NA NYID BCU BA'I 'GREL BA MDZAD MKHAN KYANG DE NYID YIN PA NI RJE BDAG NYID CHEN PO'I DGONGS PA YIN BAS NA SLOB DPON DES RJE BTZUN ME TRI PA'I DE NYID RIN PHRENG LA DGAG PA BTANG BA YIN

MIN DPYAD DGOS SHING, GANG LTAR YANG GRUB MTHA'I DBANG GIS THEG PA SO SOR PHYE BA LA DGEG PA MDZAD PA NI GDON MI ZA'O, ,GNAS PA TZAM GYI BYE BRAG GIS, ,THEG PA NGES PA MED PA'I PHYIR, ,SHES RAB 'BA' ZHIG DGRA BCOM DANG, ,DBU MA BAS KYANG MTHONG BA'O, ,THEG CHEN SNYING RJE SBYOR BA LAS, ,SBYIN SOGS LAM NI LHAG PAR 'GYUR, ,SDUG SNGAL LA SOGS BDN PA RNAMS, ,GNAS PA'I DBYE BAS GZHAN DU 'GYUR, ,ZHES GNAS PA STE GRUB MTHA'I DBANG GIS THEG PA SO SOR PHYE BA MA YIN PA DANG, SHES RAB 'BA' ZHIG BSGOM NAD BU MA PAS KYANG DGRA BCOM PAR 'GYUR BA MAG TOGS SANGS RGYAS PAR MI 'GYUR BA DANG; THEG CHEN GYI LAM DE LAM GZHA LAS KHYAD PAR 'PHAGS CHOS DANG, GRUB MTHA' SO SOS BDEN BZHI 'DOD TSUL MI 'DRA BA RNAMS BSHAD DO, ,'DIR DRANGS PA LA DE'I RKANG BA BZHI BA CHAD PA DANG, GONG 'OG TU DRANGS PA'I GZHUNG DE DAG LA YIG NOR BYUNG BA RNAMS DRANGS MA THAG PA'I GZHUNG DE DAG DANG BSDUR NAS DAG PAR BYA'O, ,//ZHE// RGYANG PHAN GYI MYANG 'DAS ZHES PA NI GANG ZAG SHI NAS RIG PA RGYUN CHAD PA LA 'DOD KYI, DES THAR BA KHAS BLANGS PA MA YIN ZHING, RGYANG PHAN PAS MYANG 'DAS RDZAS SU MED PAR 'DOD PAR SPYAN RAS GZIGS BRDUL BZHUGS KYIS BSHAD PA NI GTAN MED PA'I DBANG DU BYAS PAR RJE GUNG THANG PAS GSUNGS KYANG SNGAR BSHAD PA LTAR LEGS TE, MYANG 'DAS LUS SEMS ZAD TZAM GYI DNGOS MED YIN PAR 'DIR RGYANG PHAN PO'I GRUB MTHA'I SKABS SU GSUNGS PA'I PHYIR, //ZA// GZHUNG TSAN LNGA PO

, ,DE NI 'GYUR BA ZANG NGAN SNA TSOGS KYI DBANG GIS TSIG MI 'DRA BA SNA TSOGS SU GYUR PA MA GTOGS DON 'DRA BA DANG RGYA DPE YANG PHAL CHER TSIG 'DRA BA YIN NAM SNYAM TSING, DE DAG GI DON 'OG TU RGYAS PAR 'CHAD PAR 'GYUR BAS, 'DIR MDOR SDUS TZAM PHYOGS GCIG TU BSHAD PAR BYA STE, MDO LAS MIG DANG GZUGS LA BRTEN NAS MIG GI RNAM PAR SHES PA SKYE BAR GSUNGS PA LTAR GZUGS DANG GZUGS 'DZIN DBAR MNGON GNYIS RGYUB 'BRAS YIN PAS NA DE GNYIS DUS MNYAM DU MED KYANG GZUGS 'DZIN DBANG MNGON GYIS GZUGS DES BZHAG PA'I 'DRA RNAMS MNGON SUM SDU SNANG BA'I SGO NAS GZUGS MNGON SUM DU SNANG BAR 'JIG RTEN NA THA SNYAD 'DOGS SHING GDAGS PA LTAR DU KHAS LEN DGOS PA YIN GYI, BYE BRAG SMRA BA LTAR GZUGS 'DZIN DBANG MNGON GYIS GZUGS DE RNAM MED RJESN CHAR MNGON SUM DU SNANG BA MA YIN NO ZHES 'CHAD PAR, SHES PA RNAM BCAS SKYED BYED NI, ,DBANG PO'I SBYONG YUL SNANG BA MIN, ,ZHES RANG 'DZIN DBANG PO'I RNAM PAR SHES PA 'DRA RNAM DANG BCAS PA RKYED BYED KYI RGYU DBANG PO'I SBYOD GZUGS SOGS LNGA PO RNAMS DBANG PO'I MNGON SUM LA RNAM MED RJEN CHER SNANG BA MIN BAR BSHAD PA'I PHYIR, GZHUNG TSAN PHYI MA BZHI'I RKANG BA DANG PO DANG GNYIS PA RNAMS KYANG 'DIR DANG DON DANG 'DRA BAR MNGON NO, ,'ON KYANG 'JAM DPAL ZHAL LUNG GI 'GREL PA SMAN ZHABS KYIS MDZAD PAR, RANG GI RIG PA SKYED BYED PA, ,BLTA BYA SBYOD YUL RNAM PAR NI, ,ZHES

PA'I DON SNGAR BSHAD PA DANG MI 'DRA BAR BSHAD CING, RTZA TSIG LA YANG DGAG SGRA MA BYUNG BAS DPYAD PAR BYA DGOS LA, GRUB MTHA' CHEN MO 'DRI DBANG PO GZUGS CAN PA TSAD MA MA YIN PAR, MTHONG BA DBANG PO'I YUL MIN TE, ,ZHES PA RTZA 'GREL GYIS SGRUB PA RNAMS 'OG TU DBYAD PAR BYA'O, ,'DUS MA BYAS GSUM MO GSHAMS BU DANG 'DRA BAR RDZAS SUM MED PAR STON PA NI, MO GSHAMS BU DANG NAM MKHA' MTSUNGS,, 'GOG PA'ANG NAM MKHAR MTSUNGS PA'O, ,ZHES GSUNGS SHING, GZHUNG PHYI MA BZHI'I RKANG BA GSUM PA DANG BZHI PA RNAMS KYANG 'DI DANG DON 'DRA'O, ,SEMS DANG MI LDAN PA'I 'DU BYED NI BEM PO LTE RDZAS SU MED CES STON PAR, 'DU BYED BEM PO YOD MA YIN, ,ZHES GSUNGS SO, ,GZHUNG PHYI MA BZHI'I RKANG BA LNGA PA RNAMS KYANG 'DI DANG DON 'DRA BAR BSHAD DGOS TE, DZE TA' RIS, RIGS MIN 'DU BYED YOD MA YIN,, ZHES PA'I 'GREL BAR, RIGS MIN TE SHE SPA MA YIN PA'I 'DU BYED KYI PHUNG PO RDZAS SU YOD PA MIN PAR BSHAD PA'I PHYIR, RTZA BA'I DPE 'GA' ZHIG TU, SEMS DANG MI LDAN 'DU BYED MED, CES BYANG 'BYUNG BA'I PHYIR LDAN MIN 'DU BYED RDZAS SU MED PA NI GZHUNG DE DAG GI RKANG PA LNGA BA'I DON YIN PAR MNGON NO, ,'ON KYANG TA'I KA CHEN DE NYID SNAG BAR 'DU BYED BEM PA YOD MA YIN ZHES PAS NMDO SDE BA'ILUGS LA SDAN MIN 'DU BYED DANG BEM PO'I GZHI MTHUN MED PAR BSTAN PA DANG, SHUGS LA BYE SMRA'I LUGS LA DE GNYIS KYI GZHI MTHUN YOD PAR BSTRAN ZHES GSUNGS MDO KYANG, MDZOD RTZA 'GREL SOGS DANG DZE TA'RI DANG BYANG BZANG

, ,DANG SMAN ZHABS SOGS KYIS RANG RANG GI RTZA TSIG GI DON BKRAL BA'I TSE DE 'DRA BA'I BSHAD PA ZUR TSAM YANG MA BYUNG BAS DPYAD GZHI CHE'O, ,DNGOS KPO GZHAN ZHIG SKYES ZIN SLAR DGAG PA NI 'DAS PA DANG, DNGOS PO GZHAN ZHIG SKYE BA'I RGYU YOD KYANG RKYEN MA TSANG BA'I DBANG GIS YUL DUS 'GA' ZHIG TU RE ZHIG MA SKYES PA'I CHA NI MA 'ONGS PA DANG, SKYES LA MA DGAG PA NI DA LTAR BZHES 'JOG DGOS KYI, BYE SMRA LTAR MA 'ONGS PA NAS DA LTAR BA DANG DA LTAR BA NAS D'AS PAR 'PHO BA MED CES STON PAR, DUS GSUM RJES SU 'GRO BA'ANG MED, CES GSUGNS HING, GZHUNG PHYI MA RNAMS KYI RKANG PA DRUG PA'I DON NI 'DI DANG 'DRA'O, ,RNAM PAR RIG BYED MA YIN PA ZHES BYA BA'I BSTAN MED THOGS MED KYI GZUGS LA GZUGS MTSAN NYID PA YOD PA MIN ZHES STON PAR, THOGS PA MED PA'I GZUS YOD MIN, , ZHES GSUNGS SHING, GZHUNG LHAG MA RNAMS KYI RKANG BA BDUN PA'I DON YANG 'DI DANG 'DRA'O, ,DMAN MIN THOGS MED GZUGS SU NI, ZHES PA'I 'GREL BAR, DMAN MIN NI RDUL PHRA RAB DANG DE NYID THOGS PA DANG BRAL YANG SEMS CAN GYI LAS KYIS 'DUS PA'I GZUGS SU MNGO SDE BAS 'DOD PAR BSHAD KYANG, RTZA 'GREL 'DI GNYIS KYI 'GYUR NOR RAM SNYAM STE, 'DI 'I RGYU DPE LA DGAG TSIG GNYIS YOD PAR MNGON LA, DGAG TSIG DE GNYIS KYI YOD SA NOR BAS DE LTAR GYUR BA'I PHYIR DANG, RDUL THOGS MED PA'I GZUGS YOD MIN, ZHES PA LTA BUR 'GYUR NA LEGS PA'I PHYIR RO, ,BSAGS PA'I GZUGS

MED MIN ZHES PA, ,ZHES PA'I 'GYUR YANG DGAG TSIG YOD SA NOR TE, BSAGS PA MIN PA'I GZUGS YOD MIN, ,ZHES PA LTA BUR 'GYUR NA SNGAR BSHAD PA DANG DON 'DU BAR 'GYUR BA'I PHYIR SNYAM YANG, SLOB DPON BYANG BZANG GIS GZHAN DU BSHAD DE, DE'I 'GREL BAR, SHES PA RNAM PA DANG BCAS PAR SKYE NA DE'I TSE RNAL SBYOR SBYOD PA BA DAG DANG KHYAD PAR CI ZHIG YOD CE NA, DE'I KHYAD PAR YANG BSGA PA'I GZUGS MING MIN ZHES SMOS TE, RNAM PAR SHES PA LAS GUD NA RDUL PHRA RAB BSAGS PA GONG BU'I GZUGS MED PA NI MIN NO ZHES 'DOD PA STA, ZHES SHES PA RNAM BCAS SU 'DOD KYANG RDUL BSGA PA'I PHYI DONJ KHAS LEN PAS NA SEMS TZAM PA DANG MI 'DRA ZHES PA GZHUNG DE'I DON YIN PAR BHSA DPA'I PHYIR, 'ON KYANG SLOB DPON DE'I BSHAD PA THAMS CAD TSIG ZIN LTAR KHAS LEN DGOS PA'I NGES PA MED DE, 'DUS BYAS BEM PO YOD MIN LA, ,ZHES PA'I 'GREL BAR; DNGOS PO RNAMS SHES PA DANG BEMS PO 'DRES PAR SNANG GI, RE RE ZHIG SNANG BAR MI NUS PAS NA, 'DUS BYAS BEMS PO YOD MIN LA, ,DUS GSUM DAG KYANG KHAS MI LEN, ,ZHES SMROS SO, BEMS PO NI 'DUS NAS BYAS PAR MI 'THAD DE, DE DAG LA'DU BA'I RNAM PAR RTOG PA MED PA'JI PHYIR, ,DPER NA RDUL DANG RDUL LTA BU'O ZHES BYA BA'I DON TO, ,ZHES BSHAD PA DANG, SGO DRUG PA DANG BZANG PO SBYOD PA SOGS SGRA JI BZHIN PAR 'DOD PAS NA MDO SDE BAR BHSA DPA DANG, MDO SDE BZHI BA'I DBYINGS LAS LO BRGYAD KHRIS SLAR LDANG BA DANG BYE SMRA DER BSKAL PA GRANGS MED PA BYE BA KHRAG KHRIG BRGYA PHRAG DU MA DA BAR BYED PAR BSHAD PA LTA BU TSIG

, ,ZIN LTAR KHAS LEN MI RUNG BA'I BSHAD PA DU MA YOD PA'I PHYIR RO, ,'DU BYED THAMS CAD BEM SDOGS DANG, ZHES PA LA'ANG RTZA PA'I DPE 'GA' ZHIG TU, BEM RIG DANG ZHES BYUNG BA DANG, 'GREL BAR, 'DU BYED THAMS CAD NI BEM PO DANG SDIG PO'I NGO BO BRTAGS PA MA YIN PAS NA DUS GSUM RGYU BA MA YIN PA DANG, ZHES BSHAD PA SOGS SNA TSOGS YOD KYANG SNGAR BSHAD PA LTAR GZHUNG SNGA PHYI DE DAG DGONGS PA GCIG YIN NAM SNYAM TE BLO LDAN RNAMS KYIS DPYAD PAR BYA'O, ,BDE GSHEGS GZHUNG GI RAB BYED RTZA BA'I 'GYUR LAS, RANG GI RNAM PAR SHES PA'I RIGS, ,DBANG PO RNAMS KYI SPYOD YUL MIN, ,ZHES SOGS 'DIR DRANGS PA LTAR YANG YOD MOD, 'ON KYANG CO NE'I BAR MA'I RTZA BA LAS, RANG GI RNAM PAR SHES PAS RIG ,DBANG GIS YUL DU SNANG BA MIN, ,NAM MKHA' MO GSHAM BU DANG MTSUNGS, ,'GOG PA GNYIS KYANG NAM MKHA' BZHIN, ,SEMS DANG MI LDAN 'DU BYED MED, ,DUS GSUM DU NI RJES 'JUG MED, ,THOGS BCAS GZUGS MIN YOD MA YIN, ,MDO SDE BA YI MKHAS ZHES BYA,, ZHES BYUNG ZHING, RKANG PA BDUN PA'I DGAG TSIG DANG PO'I YOD SA NOR BAS, THOGS BCAS MIN P'I GZUGS YOD MIN, ,ZHES 'DON DGOS PA MA GTOGS 'GYUR YANG BZANG SNANG NGO, ,//'A// 'DI DAG DZE T'A RI'I BSHAD TSUL BKOD PAR SNANG YANG RGYA GZHUNG DE LAS KYANG GO DKA' BAR SNANG BAS 'DI LTAR SHES PAR BYA STE, RGYU RKYEN TSOGS SHING 'DUS NAS BYAS PA'I DNGOS PO 'DI DAG NI, SKAD CIG MA YIN TE, SKYES

PA'I SKAD CIG KHO NAR GNAS PA'I PHYIR, GZUGS SOGS 'DUS BYAS RNAMS 'JIG PA'I KHONG SU GTOGS PAR MTHONG LA, DE DAG NGO BO GANG GI SGO NAS MTHAR 'JIG PAR 'GYUR BA'I NGO BO DE NI 'DUS BYAS DE SKYES TZAM NYID NAS YOD PAS NA SKYES PA'I DE MA THAG KHO NAR 'JIG PAR 'GYUR BA'I PHYIR DE DAG SKAD CIG MAR GSAL LO, ,SKYE BA'I NGO BO YANG GZHAN YIN LA MTHAR 'JIG PA'I NGO BO YANG GZHAN YIN NO ZHES KYANG BRJOD PAR MI NUS TE, NGO BO DE GNYIS DNGOS PO LAS THA MI DAD YIN NA THA MI DAD PAR THAL BA DANG, DNGOS PO DE NGO BO DE GNYIS LAS THA MI DAD YIN NA THA DAD PAR THAL BA'I SKYON YOD PA'I PHYIR, DANG PO LTAR NA RANG GI KHAS BLANGS DANG 'GAL ZHING, ,GNYIS PA LTAR NA DE SKAD CIG MA MIN PA NI NYAMS SO, ,GAL TE RI LA SOGS PA RE ZHIG GNAS PA RNAMS RE ZHIG GNAS PA'I RANG BZHIN CAN DU RANG GI RGYUS BSKYED PA YIN NO ZHE NA, DE SKYES DUS SU RANG BZHIN JI LTA BU YIN PA DE KHO NA LTAR MTHAR YANG DE LTAR YIN PAS NA NAM YANG MI GNAS PAR MI 'GYUR RO, ,DE'I PHYIR SKAD CIG GNYIS SU GNAS PA'I RANG BZHIN CAN DU SKYES PA YIN NA DE SKAD CIG DANG PO'I TSE SKAD CIG GNYIS SU GNAS PA'I RANG BZHIN CAN YIN PA LTAR SKAD CIG GNYIS PA'I TSE YANG SKAD CIG GNYIS SU GNAS PA'I RANG BZHIN CAN YIN DGOS PAS NA NAM YANG 'JIG PAR MI 'GYUR RO, ,GAL TE RI LA SOGS PA DE DAG BRTAN PA'I RANG BZHIN CAN DU RANG GI RGYUS BSKYED PAS MTHAR YANG NGO BO GZHAN DU MI 'GYUR MOD, 'ON KYANG 'GOG PAR BYED PA'I RGYU GZHAN GYIS 'JIG PAR BYED DO ZHE NA, DE NI RIGS PA MA

, ,YIN TE, DE MI 'JIG PA'I RANG BZHIN CAN YIN NA 'GOG BYED NYE BAR GNAS KYANG 'JIG PAR MI 'GYUR BA'I PHYIR DANG, 'JIG PA'I DAD CAN MA YIN YANG DES 'JIG PAR BYED DO ZHES PA NI LHAS BYIN MI 'CHI BA'I CHOS CAN YIN YANG 'CHI BAR 'GYUR RO ZHES PA LTAR RANG TSIG 'GAL BA'I PHYIR RO, ,GAL TE DANG POR 'JIG PA'I DANG CAN MA YIN YANG 'GOG BYED NYE BA NA 'JIG PA'I DANG CAN GYI NGO BO BSKYED DO ZHE NA, 'O NA SNGAR GYI MI 'JIG PA'I RANG BZHIN DE 'GOG BYED NYE BA DE'I TSE RJES SU 'GRO 'AM MI 'GRO, GAL TE 'GRO NA MI 'JIG PA YANG YIN LA 'JIG PA YANG YIN ZHES 'GAL BA 'DU BAR 'GYUR LA, RJES SU MI 'GRO NA RANG BZHIN DANG RANG BZHIN CAN GNYIS SKYE DGAG THA MI DAD PAS NA SNGAR GYI DNGOS PO YANG MED PAR 'GYUR BA'I PHYIR GANG LA 'JIG PA'I DANG CAN BSKYED PAR BYED DE, 'JIG P'I DANG CAN DU BSKYED PA'I GZHI MED PA'I PHYIR TE, NAM MKHA'I ME TOG 'JIG PA'I DANG CAN DU BSKYED MI RUNG BA BZHIN NO, ,DES NA 'JIG PA'I DANG CAN MI YIN 'JIG PAR MI RUNG BA DANG GZUGS SOGS 'DUS BYAS RNAMS 'JIG PA YANG MTHONG BA'I PHYIR NA, DE DAG RANG GI RGYU LAS 'JIG P'I DANG CAN KHO NAR SKYE BA'I PHYIR SKYES PA'I DE MTHOG KHO NAR 'JIG DGOS SHING, DE'I PHYIR SKAD CIG MAR 'GRUB PA YIN NO ZHES PA'O, ,DES NA 'DIR RI SOGS RE ZHIG GNAS PA DAG RGYU 'BRAS DE LTAR BSKYED ZER NA, 'O NA SKYE BA GNAS PA MI 'THAD PAR THAL, RGYU 'BRAS BSKYED PA TZAM DE KHO NA MTHAR YANG YIN PA'I PHYIR

ZHES PA NI YI GE SHIN TU NO RAB YIN TE, RI SOGS RE ZHIG GNAS PA DAG RGYUS DE LTAR BSKYED ZER NA, 'O NA DE NAM YANG MI GNAS PAR MI 'GYUR BAR THAL, RGYUS JI LTAR BSKYED PA DE KHO NA LTAR MTHAR YANG YIN PA'I PHYIR ZHES PA LTA BUR 'DON NA YI GE DAG PAR 'GYUR RO, , //YA// BREGS NAS SLAR SKYES PA'I SKRA SEN LA SNGAR GYI DE NYID 'DI'O SNYAM PA'I BLO, //RA// 'DIR DRANGS PA LA, YE SHES LA 'JUG K'A TYA'I BU, ,ZHES PA'I RKANG PA CHAD DO, ,DE DAG RTZOM PA PO 'PHAGS PA MIN PAR MDO SDE BA PHAL CHER GYIS 'DOD PAR THUB BSTAN BYI DOR LAS BSHAD MOD KYANG, GANG NAS BSHAD PA'I KHUNGS 'TSOL DGOS MI DGOS DPYAD PAR BYA'O, ,//LA// SHER MDO'I DGONGS PA BSHAD TSUL 'DI NI SNGAR BYE SMRA'I SKABS SU RGYAS BAR BSHAD ZIN TO, ,//SHA// BOD SDAS RABS PA'I LUGS KYI SEMS KYI GNAS LUGS 'TSOL TSUL SNA TSOGS YOD PA RNAMS DRI BA LHAG BSAM RAB DKAR DANG MKHAS GRUB RJE'I DBU MA'I LTA KHRID DANG PHYAG CHEN GYI KHRID SOGS SU LTAS NAS RJES BTZUN TZONG KHA BA CHEN PO'I BKA' DRIN RJES SU DRAN PAR BYA'O; ;NYON MONGS KYI MTSAN NYID SHES PA LA CHOS MNGON PA MNYAN, MTHA' PHUNG PO LNGA'I RAB BYED MNYAN ZHES DGON PA BAS GSUNGS PA DE LAM RIM CHEN MOR DRANGS SO, ,//SA// MU STEGS BYE BRAG PAS; RAGS PA'I RJES RTZOM BYED KYI RDUL PHRA RAB RNAMS PHAN TSUN PHRAD DE TSOGS NAS BUM PA LA SOGS PA'I RAGS PA RTZOM PAR 'DOD LA, SLOB DPON DGE BSRUNGS LA SOGS PA'I MDO SDE BA KHA CIG

, ,GIS; BUM PA LA SOGS PA'I TSOGS PA NA YOD PA'I RDUL PHRA RAB RNAMS KHAB LEN GYIS MA REG KYANG LCAGS GA-YO BAR BYED PA LTAR, PHAN TSUN RDZAS KYI MTHUS 'DZIN GYI 'BYAR BA MA YIN PAS NA BAR YOD CING BSKOR NAS GNAS PA TZAM DU 'DOD DE, THA DAD PHYOGS NAS MANG PO DAG ,ZHES SOGS GSUNGS PAS SO, ,DE'I TSIG DON NI, LCAGS GONG LTA BU NI THA DAD PHYOGS TE PHYOGS SO SO NAS RDUL MANG PO DAG DBUS RDUL 'GA' ZHIG LA KUN NAS BSKOR BA TZAM DU GNAS PAR ZAD KYI, RDUL PHRA RAB DE NI CHA SHAS DANG BCAS PA'I BDAG NYID NI MIN NO ZHES PA'O, ,'DIR BAR YOD CING MA 'BYOR LA PHAN TSUN GYI BSKOR TE GNAS PAR 'DOD CES PA NI YI GE GONG 'OG NOR RAM SNYAM TE, PHAN TSUN MA 'BYOR LA BSKOR TE GNAS PAR 'DOD CES 'DON NA GO BDE BA'I PHYIR, BTZUN PA'I MING CAN LA SOGS PA'I MDO SDE BA KHA CIG GIS, BUM PA LA SOGS PA'I TSOGS PA NA YOD PA'I RDUL PHRA RAB RNAMS PHAN TSUN MA REG KYANG BAR MED PAS REG PAR 'DU SHES SO ZHES 'DOD DE, DBU MA RGYAN RANG 'GREL LAS, YANG NA MANG PO DAG PAR MED DE, JI LTAR RDUL PHRA RAB RNAMS MI REG KYANG BAR MED PAS REG PAR 'DU SHES SO ZHES BYA BA LTA BU, ZHES DANG, 'GREL BSHAD LAS KYANG, BTZUN PA NA RE, RDUL RNAMS NI MI REG KYANG BAR MED PAS REG PAR 'DU SHES SO ZHES ZER BA LTA BU'O, ,ZHES GSUNGS PA'I PHYIR, DES NA 'DIR DRANGS PA'I GZHUNG GI YIG NOR DAG PAR BYA ZHING, 'BYOR BA DANG NI BSKOR

BA'AM, BAR MED RNAM PAR GNAS KYANG RUNG, ,ZHES PA NI SNGAR GYI LUGS GSUM DANG RIM BZHIN SBYAR BAR GSUNGS SO, ,//HA// DMIGS BRTAG RTZA 'GREL LAS 'DI LTAR BSHAD PA MI SNANG ZHING, DUL LHA'I 'GREL BSHAD LAS, RDUL PHRA RAB RNAMS NI YANG DAG PA'I DON DU NA RDZAS SU YOD PA MA YIN TE, CHA SHAS DANG BCAS PA NYID DU RTOG NA NI KUN RDZOB TU YOD PA NYID DU THAL BAR 'GYUR LA, CHA SHAS MED PA NYID DU RTOG NA YANG GRIB MA DANG SGRIB PA LA SOGS PA MED PA NYID DU THAL BAR 'GYUR TE, DE'I PHYIR 'DI DAG RGYU NYID LTA GA LA YIN, ZHES PA TZAM LAS MI GSAL ZHING, 'DI NI RIGS PAS MTHA' GZHAN BKAG PA'AM RDUL PHRA RAB CHA SHAS SU 'DOD PA'I MDO SDE BA'I LUGS BKAG PA GANG YIN DPYAD RGYU YOD DAM SNYAM MO, , //AA// RDUL PHRAN GYI TSOGS PA NA RDUL PHRA RAB BDUN, LCAGS RTUL GYI TSOGS PA NA DE ZHE DGU, CHU RDUL GYI TSOGS PA NA DE GSUM BRGYA ZHE GSUM, RI BONG GI RDUL GYI TSOGS PA NA DE NYIS STONG BZHI BRGYA DANG NYAG MA GCIG, ,LUGS RDUL GYI, TSOGS PA NA DE KHRI DRUG STONG BRGYAD BRGYA RTZA BDUN, GLANG RDUL GYI TSOGS PA NI DE 'BUM PHRAG GCIG KHRI PHRAG GCIG STONG PHRAG BDUN BRGYA PHRAG DRUG DANG BZHI BCU RTZA DGU, NYID ZER RDUL GYI TSOGS PA NA DE 'BUM PHRAG BRGYAD DANG NYI KHRI SUM STONG LNGA BRGYA BZHI BCU RTZA GSUM YOD PA SOGS SU SBYAR RO, ,//KA// THAL MO SBYOR BA LTA BU LUS KYI RNAM PAR RIG BYED NI MIG SHES LA BSTAN DU YOD PA'I DBANG GIS RANG KUN NAS BSLANG BA'I SEMS DE

, ,GANG ZAG GZHAN LA REG PAR BYED PA DANG, DAG GI RNAM PAR RIG BYED NI BSTAN DU MED KYANG THOGS BCAS KYI GZUGS RNA BA'I RNAM SHES LA MNYAN DU YOD PA'I SGO NAS RANG KUN NAS BSLANG BA'I SEMS DE GZHAN LA RIG PAR BYED PA YIN LA, RNAM RIG MIN PA'I GZUGS NI DE GNYIS GANG YANG MIN PAS NA RANG KUN NAS BSLANG BA'I SEMS DE GZHAN LA RNAM PAR RIG PAR MI BYED PA'I PHYIR RNAM RIG MA YIN PA ZHES 'DRA BA STON PA'I DGAG TSIG GIS BSTAN TO, ,//KHA// RDZAS LAS BYUNG BA'I BSOD NAMS BDUN NI BSKUL BYED KYI MDO LAS, KUN DGA' RAB GTZUG LAG KHANG; ;MAL STAN 'TSO BA NAR MA DANG, ,BLO BUR NAD PA NAD GA-YOG DANG, ,YUL NGAN BYUNG TSE SBYIN PA NI, ,RDZAS LAS BYUNG BA'I BSOD NAMS BDUN, ,ZHES DGE 'DUN LA KUN DGA' RA BA DANG, GTZUG LAG KHANG DANG; MAL STAN DANG, NAR MA'I 'TSO BA PHUL BA DANG, BLO BUR GYI MGRON PO LA BSNYEN BKUR BYAS BA DANG, NAD PA LA NAD GA-YOG BYAS PA DANG, YUL NGAN PA MU GE LA SOGS PA BYUNG BA'I YUL DE'I SLONG BA PO LA SBYIN PA BTANG BA STE BDUN GSUNGS SO, ,RDZAS LA BYUNG BA MA YIN PA'I BSOD NAMS BDUN NI MDO DE NYID LAS, BZHUGS DANG GSHEGS RTZOM LAM ZHUGS DANG, ,PHYIN PA THOS DANG MTHONG BA DANG, ,CHOS THOS BSLAB P'I GZHI 'DZIN LA, ,DGA' DANG DAD PA BSKYED PA NI, ,RDZAS LAS MA BYUNG BSOD NAMS BDUN, ,ZHES SANGS RGYAS BYANG SEMS SOGS YON TAN GYI ZHING KHYAD PAR

CAN DE GNAS CHE GE MO DER BZHUGS YOD CES PA'I GTAM THOS NAS DGA' BA DANG DAD PA BSKYED PA DANG, DE BZHIN DU SBYAR TE YON TAN GYI ZHING KHYAD PAR CAN DE NYID GNAS DE LAS GNAS GZHAN DU GSHEGS PAR RTZOM BA'I GTAM DANG, GSHEGS LAM DU ZHUGS PA'I GTAM DANG, GSHEGS NAS GNAS GZHAN DU PHYIN PA'I GTAM THOS NAS DPA' BA DANG DAD PA BSKYED PA DANG, YON TAN GYI ZHING KHYAD PAR CAN DE NYID RANG GIS MNGON SUM DU MTHONG NAS DGA' BA DANG DAD PA BSKYED PA DANG, CHOS MANG DU THOS PA'I GANG ZAG LA DGA' BA DANG DAD PA BSKYED PA DANG, BSLAB PA'I GZHI 'DZIN PA STE BSRUNG BA'I GANG ZAG LA DGA' BA DANG DAD PA BSKYED PA STE BDUN GSUNGS SO, ,//GA// RIGS PA LNGA BA'I DON NI, MDO LAS GZUGS CAN GYI SKYE MCHED BCU LA GZUGS CAN GYI KHYAD PAR SBYAR ZHING, YID KYI SKYE MCHED LA GZUGS CAN MIN PA'I KHYAD PAR SBYAR LA, CHOS KYI SKYE MCHED LA GZUGS CAN MIN PA'I KHYAD PAR MA SBYAR BA NI DE LA GZUGS MTSAN NYID PA YOD PA'I RGYU MTSAN GYIS YIN PA MA GTOGS GZHAN RGYU MTSAN 'GOD RGYU MED PA'I PHYIR ZHES PA'O, ,//NGA// RIGS PA BRGYAD KYI DANG PO BZHI NI RTZA BA'I TSIG ZIN LA THON ZHING PHYI MA BZHI NI SOGS SGRAS BSDUS PA'I DON 'GREL BAS GSAL BAR BSHAD DO, ,//CA// RGYUD GZHAN ZA BA PO RNAMS KYI YON TAN DANG PHAN BTAGS PA'I KHYAD PAR GYIS YID GZHAN DANG LDAN PA'I SBYIN PA PO'I RGYUD YONGS SU 'GYUR BA'I KHYAD PAR JI LTAR 'THOB CES BYE SMRAS RTZOD PA'I LAN DU MDO SDE BA SOGS KYIS

, ,RGYUD GZHAN GYI KHYAD PAR GYIS RGYUD GZHAN LA CHOS GZHAN RNAM RIG MIN PA JI LTAR SKYE ZHES MGO MTSUNGS BYAS SO, , LNGA BA'ANG SNGA MA DANG 'DRA LA ZHES PA NI, RIGS PA LNGA B'I LAN DU PHYOGS SNGA MA DANG 'DRA BAR CHOS KYI SKYE MCHED LA BSTAN MED THOGS MED KYI GZUGS YOD PAS NA DE LA GZUGS CAN MIN PA'I KHYAD PAR MA SBYAR ZHES 'DOD MOD KYANG, DE GZUGS MTSAN NYID BA YIN MIN LA KHAS LEN MI MTHUN NO ZHES PA'O, , //CHA// THOG PA STE RANG GI YUL DU GZHAN 'BYUNG BA'I BGEGS BYED PA GANG LA MED PA RNAM PAR RIG BYED MA YIN PA ZHES BYA BA'I GZUGS DE YANG YOD PA MA YIN TE MED PA YIN LA, ZHES 'GYUR BCOS NA GO BDE'O, ,//JA// GZUGS SOGS DBANG PO'I YUL MA YIN PA'I SHES BYED DU, MTHONG BA DBANG PO'I YUL MIN TE,, ZHES PA'I GZHUNG 'GREL BDANG BCAS PA DRANGS PA NI DPYAD RGYU CHE BAR SNANG STE, GZHUNG DE DAG GI DON NI SNGAR BSHAD PA LTAR SHES PA YUL GYI 'DRA RNAM DANG BCAS PAR SKYE BA'I RTAGS KYIS GZUGS SOGS DBANG MNGON GYIS RNAM MED RJEN CHER DU SNANG BA MIN PAR SGRUB BA YIN PA'I PHYIR DANG, GZUGS SOGS DBANG PO'I YUL MIN PAR SGRUB PA YIN NA SHES PA RNAM PA DANG BCAS PAR SKYE BA'I PHYIR ZHES PA'I SGRUB BYED DE 'BREL MED DU 'GYUR BA'I PHYIR DANG, BEM PO SNANG DU MI RUNG PHYIR, ,ZHES PA YANG, MIG SOGS DBANG PO LNGA BEM PO YIN PAS YUL SNANG MI RUNG ZHES PA MIN GYI, GZUGS

SOGS LNGA BEM PO YIN PAS RANG NYID GSAL BA'I NGO BO MA YIN PA'I PHYIR DBANG MNGON GYIS RNAM PA MED PAR KHO RANG GSAL BAR SNANG MI RUNG BA'I SHES BYED DU, BEM PO SNANG DU MI RUNG PHYIR, ,SHES PA RNAM PA BCAS PA SKYE; ;ZHES 'GREL BA DER DRANGS PA'I GZHUNG TSIG YIN PA'I PHYIR DANG, 'GREL BAR LUNG DE DRANGS MA THAG TU, DE LTAR NA MDO SDE BA 'DI DAG NI SHEL DAG PA DANG DUNG GI TSON GYI KHA DOG TU BSGYUR BA LA SKYES BUS LTA BA'I TSE ZHES SOGS 'OG TU 'CHAD PAR 'GYUR BA LTAR SHEL DANG TSON GNYIS DPER BYAS NAS DBANG MNGON GYIS 'DRA RNAM PA DNGOS SU STE BAR CHAD MED PAR SNANG BA DANG GZUGS SOGS YUL RNAMS GZUGS BRNYAN GYI TSUL DU SNANG BAR BSHAD PA'I PHYIR DANG, GZHUNG PHYI MA 'DI SNGAR GZHAN LUGS BKAG PA'I GRUB DON MIN NA DE LTAR NA ZHES PA'I TSIG 'BREL MED DU GYUR BA'I PHYIR SNYAM MO, ,'ON KYANG 'DI NI BLO GSAL RNAMS KYIS DPYAD PA 'JUG CHED DU DOGS PA BKOD PA YIN GYI, 'DI KHO NA LTAR 'THAD DO SNYAM DU RMONGS ZHEN BYAS PA MIN PAS GZUR GNAS MKHAS PAS THUGS 'KHREL MA GNANG BAR LEGS PAR RTOG DPYOD GNANG STE TSAR GCOD RJES 'DZIN GANG 'OS PA'ANG GNANG RTOGS MDZOD, ,//NYA// 'DIR MDZOD LAS ZHES PA YIG NOR YIN TE, DE'I SKABS KYI MDZOD 'GREL LAS, 'O NA GANG MDO LAS, GANG MIG GIS GZUGS RNAMS MTHONG NAS ZHES GSUNGS SO, ,DER NI DGONGS PA NI DE LA RTEN DE ZHES BYA BA 'DI YIN TE, DPER NA YID KYIS CHOS RNAMS RNAM PAR SHES PAR BYAS NAS ZHES GSUNGS PA LTA

, ,BU'O, ,YID NI 'DAS PA YIN PA'I PHYIR CHOS RNAMS RNAM PAR MI SHES SO, ,ZHES MDO DRANGS NAS DGONGS PA LEN PA LTAR YIN GYI, SLOB DPON DBYIG GNYEN RANG NYID KYI DGONGS PA LEN PA MA YIN PA'I PHYIR DANG, BYE SMRAS KYANG MIG GIS GZUGS MI MTHONG NA MDO DANG 'GAL ZHES RTZOD KYI, MDZOD DANG 'GAL ZHES RTZOD MI RUNG BA'I PHYIR, //TA// KHA CHE BYE SMRAS, MIG GIS GZUGS MTHONG ZHING GZUGS LA LTA BA YIN LA, RNAM SHES KYIS GZUGS RNAM PAR SHES PA YIN PAS MTHONG BA DANG SHES PA GNYIS LA KHYAD PAR YOD DO ZHES ZER BA DANG, MDO SDE BAS, MTHONG BA DANG SHES PA GNYIS LA KHYAD PAR MED DE, GANG GIS GZUGS RNAM PAR SHES PA DE NYID KYIS GZUGS MTHONG BA'I PHYIR ZHES SOGS MTHONG BA DANG SHES PA GNYIS KHYAD PAR YOD MED LA MDO SDE BA DANG LA CHE BYE SMRAS RTZOD PI' DON RNAMS MDZOD KYI 'GREL BSHAD RNAM LAS RGYAS PAR BSHAD YOD PAS DE DAG TU LTOS SHIG DANG SHES PAR 'GYUR RO, ,//THA// LONG BA LA RGYU RKYEN GZHAN YOD KYANG GZUGS MI MTHONG BAS NA GZUGS MTHONG BA LA LHAG PAR DBANG BYED PA'I MIG DBANG YOD PAR BYED LAS KYI SGO NAS RJES SU DPOG STE, RANG GI DON DANG THAMS CAD LA, ,DMIGS PAR DBANG BYED PHYIR DBANG DRUG ,CES PA'I DON TO, ,//NGA// 'GOG BDEN SOGS 'DUS MA BYAS RNAMS RDZAS SU YOD MED SOGS LA RTZOD TSUL

MANG PO BYUNG BA RNAMS NI, 'DUS BYAS 'BRAL BCAS 'BRAS BU YIN, ,'DUS MA BYAS LA DE DAG MED, ,CES PA'I 'GREL PA 'GREL BSHAD DANG BCAS PA LAS SHES PAR BYA STE, 'DIR TSIG GI KHUR CHE BAS 'JIGS NAS MA BRIS SO, ,//NA// 'JIG RTEN BRTAG PA'I GZHUNG 'DI'I DON NI, BDAG MED LTA BU MED DGAG DNGOS YUL DU BYED PA'I SGRA RTOG 'DI NI DGAG BYA'I BDAG YOD PA 'GOG BA TZAM YIN GYI DE LAS GZHAN PA'I BDAG MED YOD PA DE DNGOS SHUGS GANG DU YANG YUL DU BYED PA MIN TE, DPER NA DUNG GI KHA DOG NAG PO MIN ZHES BRJOD PA'I SGRAS NAG PO 'GOG PA TZA MA YIN GYI DKAR PO YIN ZHES MA BRJOD PA BZHIN NO ZHES PA'O, ,DES NA LEGS BSHAD SNYING PO'I DPE 'GA' ZHIG DANG GRUB MTHA' CHEN MO 'DIR, DKAR PO MIN ZHES MA BRJOD BZHIN, ,ZHES BYUNG BA YI GE NOR ZHING, BDEN PAR MED BYAS PA'I TSE BDEN GRUB BKAG TZAM LAS SPYIR MED PAR MI SGRUB KYANG BDEN MED DU SGRUB PA MI 'GAL LO, ,ZHES PA YANG BYE SMRA MED DGAG MED PAR KHAS LEN PA 'GOG CHED DU DE LTAR GSUNGS KYI GZHUNG LA SBYOR TSE BDEN MED YOD PAR MI GRUB KYANG BDEN MED DU SGRUB PA MI 'GAL LO ZHES PA LTA BUR BSHAD DGOS TE, RTZA SHE'I tA'I KA CHEN LAS, 'DI NAG PO MIN ZHES BRJOD PA NA NAG PO BKAG PA TZAM YIN GYI DE LAS GZHAN PA'I DKAR POR MA BRJOD CES GSUNGS PAS DKAR POR BRJOD PA BKIG NAG PO BKAG PA TZAM DE MA BRJOD CES 'GOG PA GA LA YIN, DE BZHIN DU RANG BZHIN

, ,MED CES PA 'DI NI YOD PA 'GAG PA TZAM YIN GYI DE LAS GZHAN PA'I RANG BZHIN MED PA YOD CES YONGS SU 'DZIN PA MIN NO ZHES BSHAD DGOS PAS, RANG BZHIN YOD PA BKAG TZAM DE TSIG DES MA BRJOD PA DANG BLO DES YUL DU MI BYED PA DANG RTAGS KYIS MI SGRUB CES STON PA MIN NO, ,ZHES GSUNGS PA'I PHYIR, SLOB DPON LEGS LDAN 'BYED KYIS, 'DI NI YOD NYID 'GOG PA STE, ,ZHES SOGS DE KLU SGRUB KYI GZHUNG DU BSHAD PA LTAR LEGS BSHAD SNYING POR YANG GSUNGS SHING, RTZA SHE'I tA'IK CHEN DU 'JIG RTEN BRTAG PA LAS ZHES DRANGS PA DANG, LEGS BSHAD SNYING POR, LUNG 'DI 'JIG RTEN BRTAG PA NA YOD CES SPYAN RAS GZIGS BRTUL ZHUGS GSUNG NGO, ,ZHES GSUNGS SO, ,'JIG RTEN BRTAG PA ZHES BYA BA NI DENG SANG BSTAN 'GYUR NA MI SNANG ZHING BOD DU 'GYUR MA 'GYUR MI SHES SO, ,GZHAN SEL GYI RNAM BZHAG NI RTZA 'JUG GI RNAM BSHAD CHEN MO DANG LEGS BSHAD SNYING POR GSAL BAR GSUNGS 'DUG PAS DE DAG TU LTOS SHIG, //BA// BUM PA MA YIN PA LAS LOG PA NI BLOS DNGOS SU DGAG BYA GZHAN BUM PA MA YIN PA SEL BA'I GZHI 'AM DGAG GZHI YIN PAS GZHAN SEL LAM DGAG PA ZHES BYA LA, RTOG PA LA BUM PA MA YIN PA LAS LOG PAR SNANG BA NI DGAG BYA GZHAN BUM PA MA YIN PA SEL BYED DAM 'GOG BYED YIN PAS GZHAN SEL DANG DGAG PA ZHES BYA BA YIN ZHING, TSAD MA'I

BSTAN BCOS MDZAD PA POS BUM PA ZHES BRJOD PA'I SGRA'I DNGOS KYI BRJOD BYA YIN PAR BZHED PA 'DI YIN NO, ,BUM PA MA YIN PA RNAM PAR BCAD TZAM DE NI DGAG BYA GZHAN BUM PA MA YIN PA SEL BA'I CHA'AM BKAG CHA YIN PAS GZHAN SEL DANG 'GAG PA ZHES BYA STE, SNGON GYI SLOB DPON DAG GIS MED 'GAG THAMS CAD DGAG BYA RNAM PAR BCAD TZAM DU KHYAD PAR MED PAR RNAM PAR BZHAG GO, ZHES PA NI 'DIR DRANGS PA'I SH'AKYA BLO'I GZHUNG GI DON YIN LA, DER BSHAD PA'I GZHAN SEL GSUM LA DGAG BYA MI 'DRA BA'I KHYAD PAR MED KYANG RIM BZHIN DGAG GZHI DANG 'GOG BYED DANG BKAG CHA YIN PAS NA GZHAN SEL MI 'DRA BA GSUM DU PHYE BA YIN NO, ,SPYIR DGAG PA NI BLOS DGAG BYA DNGOS SU BCAD NAS RTOGS PAR BYA BA YIN PAS RANG MA YIN PA BCAD PA LTA BU DNGOS PO LA DGAG BYA BCAD PA TZAM DGAG PA MIN LA, CHOS NYID DANG DON DAM BDEN PA LTA BU SGRAS DGAG BYA DNGOS SUM BCAD KYANG DE'I DON BLO LA 'CHAR BA NA SBROS PA BCAD PA'I RNAM PA CAN DU 'CHAR BA RNAMS DGAG PA YIN NO ZHES RJE BDAG NYID CHEN POS BZHED DO, ,'ON KYANG 'DI NI NGO BO NYID MED PAR SMRA BA'I GZHUNG YIN PAS SKABS 'DIR DON DAM BDEN PA DGAG PA MA YIN PAR KHAS LEN DGOS PA SOGS KYANG SHES PAR GYIS SHIG, //PHA// DE DAG GSAL BA YIN NA SNGON PO SOGS BZHIN DU SHES PA LAM LTOS PAR YANG GSAL BAR 'GYUR BA'I PHYIR, ZHES PA 'DI DZE T'A RI'I GZHUNG LTAR BKOD PA YIN LA, DE'I DON NI, DPER NA AUDPAL

, ,SNGON PO DE SNGON PO NYID DU GYUR BA NI RANG 'DZIN SHES PA LA MA LTOS PA LTAR GZUGS SOGS GSAL BA'I BDAG NYID YIN NA DE DAG RANG 'DZIN SHES PA LA MA LTOS PAR GSAL BAR 'GYUR ZHES PA'O, ,//BA// RDZE T'A RA DING tA'IKA MAN DE NYID SNANG BA SOGS KYANG DE DANG 'DRA ZHES PA NI SHES PA RNAM BCAS SU SGRUB TSUL SOGS 'DRA ZHES PA YIN GYI, 'DU BYED BEM PO YOD MA YIN, ZHES SOGS RKANG PA GSUM GYI DON BSHAD TSUL SLOB DPON BYANG BZANG DANG MI 'DRA BAR SNGAR BSHAD ZIN TO, ,SHES PA RNAM BCAS SU 'DOD PA'I NYAN THOS SDE BA'I LUGS LA SNGON PO DANG SNGON 'DZIN DBANG MNGON GNYIS RDZAS THA DAD YIN KYANG SNGON PO DANG SNGON PO DES BZHAG PA'I SHES PA'I BDAG NYID DU GYUR BA'I GZUGS BRNYAN TE SNGON PO'I RNAM BA GNYIS 'DRA BA STE RGYU 'BRAS YIN PAS NA 'BRAS BU 'DRA RNAM GSAL BAR SNANG BA LA RGYU SNGON PO GSAL BAR SNANG BAR 'JIG RTEN NA THA SNYAD GDAGS PA TZAM GYIS DON TSOR BA STE MYONG BAR GDAGS SU RUNG ZHES STON PAR, SHES PA RNAM BCAS PHYOGS LA NI, ,ZHES SOGS GSUNGS, PHYI ROL DON GYI RNAM PAR SKYES PA'I RNAM SHES GRUB MTHA' SMRA BA SU ZHIG MI 'DOD PA DE'I LUGS LA GANG GSAL BAR SNANG BAS PHYI DON GSAL BAR SNANG BAR THA SNYAD GDAGS SU RUNG BA'I 'DRA RNAM 'DI YANG YOD PA MA YIN PAS NA PHYI DON RIG PAR 'JOG LUGS MED CES TON PAR, DON GYI RNAM PAS BSGYUR LDAN PA'I, ,ZHES SOGS,

'BYUNG NGO, ,//MA// DON RIG GANG YIN SO SOR RIG, MNGON DUM GANG YIN DE NYID DO, ,DE NI GANG GIS DON RIG YIN, ,DE 'DRA LAS YIN, ZHES PA LTAR MDO SDE BAS SNGON 'DZIN DBANG MNGON DE SNGON PO DANG RNAM BA 'DRA BAR SKYES PA'I RGYU MTSAN GYIS SNGON PO DE SNGON 'DZIN DBANG MNGON GYI RGYU YIN PAR GRUB CING, DES PHYI DON YOD PAR GRUB STE, SNGON PO DANG SNGON 'DZIN DBANG MNGON GNYIS RGYU 'BRAS YIN PAS RDZAS THA DAD YIN PA'I PHYIR ZHES PA LA, SEMS TZAM BAS, DE LTAN KHRA 'DZIN MIG SHES DE KHRA BO'I KHA DOG DANG RNAM PA 'DRA BAR SKYE DGOS BAS KHRA BO'I STENG GI SNGO SER DKAR DMAR SOGS KYI GRANGS DANG MNYAM PA'I 'DRA RNAM GDON MI ZA BAR 'BYUNG DGOS PA LA, DE NI RIGS PA MA YIN TE, KHRA 'DZIN MIG SHES LA SHAR BA'I 'DRA RNAM DE KHRA BO 'DZIN PA'I RNAM PAR SHES PA GCIG DANG RDZAS THA DANG MA YIN PA STE DE'I RNAM PA YIN PA'I PHYIR NA DE LA RNAM PA MI 'DRA BA MANG PO YOD PA NI RIGS PAR MI 'GYUR TE, DE'I PHYIR RNAM PA DE YI MTHU STE RGYU MTSAN GYIS PHYI DON YOD PAR SHES PAR 'GYUR ZHES RNAM PAR GZHAG PA MED DE MI 'THAD DO, ,ZHES RNAM PAR, SHES GCIG THA DAD MA YIN PHYIR, ZHES SOGS BYUNG, TZA// KHRO BO LA LTA BA'I TSE RNAMS SHES RIGS MTHUN DU MA GCIG CAR SKYE BA DE LTA YIN NA DKAR PO LA SOGS PA KHA DOG SNA GCIG SHES PA LA'ANG THOG MA STE TSU ROL DANG DBUS DANG PHA ROL GYI MTHA' THA DAD PAS NA DMIGS PA SNA TSOGS SNANG BA'I RNAM SHES RIGS MTHUN DU MA GCIG

, ,CAR SKYE BAR THAL BAR 'GYUR ZHES STON PAR, DE LA YIN NA DKAR LA SOGS, ,ZHES SOGS BYUNG, //TSA// SNA TSOGS GNYIS SU MED PA LA SDANG NA ZHES SOGS KYI DON NI, SNA TSOGS GNYIS MED LTAR MI 'DOD NA GNAS SKABS GANG DU YANG RNAM SHES RIGS MTHUN GCIG BU SKYE BA MED PAR 'GYUR ZHES PA'O, ,//DZA// AUDPAL LA'I 'DAB MA 'BIGS PA'I DPE 'GOD MKHAN DANG 'GAL ME'I 'KHOR LO'I DPE 'GOD MKHAN GNYIS LUGS THA DAD PA YIN TE, ZER ZHES LAN GNYIS SU SO SOR SMOS SHING DPE DON SBYOR TSUL SO SOR BKAG PA'I PHYIR ZHES DBUS MA'I MTHAL DPYOD DU BSHAD DO, ,'ON KYANG BSHAD TSUL DE NI DPYAD GZHI CHE STE, DBU MA RGYAN RANG 'GREL DU ZER ZHES LAN GNYIS SU SMOS KYANG SNGA MA LA LHAG BCAS DANG PHYI MA LA RDZOGS TSIG SBYAR BAS TSIG SNGA MAS DPE PHYI MA 'DREN PAR SNANG BA'I PHYIR TE, DE NYID LAS, AUDAP LA'I 'DAB MA BRGYA 'BIGS PA BZHIN DU SHIN TU MYUR BA'I PHYIR RIM GYIS DNGOS PO LA YANG GCIG CA'O SNYAM DU SHES SO ZHES 'DZER TE, DPER NA MGAL ME'I 'KHOR LO MTHONG BA BZHIN TE, MTHONG BA DE NI MYUR DU SKOR BA'I PHYIR RO ZHES ZER RO, ,ZHES BYUNG BA'I PHYIR DANG, SNGA MA NI SHIN TU MYUR BA'I DPE DANG PHYI MA NI GCIG CAR DU 'KHRUL BA'I DPER BKOD PA YIN PAS SO SOR BKAG PA YIN GYI LUGS THA DAD PA'I RGYU MTSAN GYIS MA YIN PA'I PHYIR ZHES ZHES PA NI SNGAR BZHIN BLO GSAR RNAMS LA RTOG DPYOD SKYE BA'I CHED DU

DOGS PA BKOD PA'O, ,DBU MA RGYAN GYI BRJED BYANG DU BSHAD PA LTAR 'DOD TSUL 'DI SGO NGA PHYED TSAL BA'I 'DOD PAR KHAS LEN BA'I DBANG DU BYAS NA, 'DI LA SGO NGA PHYED TSAL BA ZHES BRJOD PA'I RGYU MTSAN NI; SNA TSOGS GNYIS MED PA'I KHAS LEN GYI PHYOGS GCIG RNAM SHES RIGS MTHUN DU MA GCIG CHAR MI SKYE BAR 'DOD PA DANG, GZUGS 'DZIN GRANGS MNYAM PA'I KHAS LEN GYI PHYOGS GCIG KHRA 'DZIN MIG SHES KYIS KHRA BO LA LTAS PA'I TSE KHRA BO'I TSIGS PA NA YOD PA'I DKAR DMAR SOGS KYI GRANGS DANG MNYAM PA'I RNAM SHES RIGS MTHUN DU MA SKYE BAR 'DOD PAS NA SGONG PHYED TSAL LAM PHYED BSHAGS KYI THA SNYAD 'DAGS PAR KHAS LEN DGOS SO, ,//WA// MIG GIS RNAM SHES GTZO BOR DU MA ZHES PA YIG NOR YIN PAS MIG SHES GTZO 'KHOR DU MA ZHES 'DON PAR BYA'O, ,//ZHA// RGYU 'BRAS DUS MNYAM PA YIN NA RGYU NI 'BRAS BU'I SNGA ROL TU MED PAS DE'I TSE 'BRAS BU LA PHAN BA'I NUS PA MED PA'I PHYIR DANG DUS PHYIS KYANG 'BRAS BU GRUB ZIN PAS DE'I TSE PHAN PA NYE BAR MI SBYOR BA'I PHYIR NA RGYU RNAMS THAMS CAD RANG RANG GI 'BRAS BU'I SNGO ROL TU YOD PAR GRUB BO,, RGYU MTSAN DE'I PHYIR RANG 'DZIN BLO DANG BCAS PA STE DUS MNYAM YIN NA BLO DE'I GZUNG DON MIN NO ZHES 'CHAD PAR, MED PA SNGAR NUS MED PHYIR DANG, PHYIS KYANG NYE BAR MI SBYOR PHYIR, ,RGYU RNAMS THAMS CAD SNGAR YOD YIN, ,DE PHYIR RANG BLO BCAS DON MIN, ,ZHES BYUNG, DE GNYIS DUS THA DAD PAS JI LTAR 'DZIN ZHE NA RIGS PA SHES

, ,PA YIS SHES PA'I RNAM PA 'JOG NUS PA'I RGYU NYID NI SHES PA DE'I GZUNG DON GYI 'JOG BYED YIN PAR SHES PAR BYA'O ZHES STON PAR, DUS THA DAD PAS JI LTAR 'DZIN, ,ZHES SOGS TSIGS BCAD GCIG BYUNG NGO, ,//ZA// 'BRAS BU BAR BA GNYIS LAS NYAMS PA YOD KYANG THOG MTHA' GNYIS LAS NYAMS PA MED PAR 'DOD DO, ,SPANGS SLAR MI LDOG PA'I RGYU MTSAN RGYAS PAR TSAD MAS GRUB PA'I LE'U LAS, BSHAD ZIN LAM DE GOMS PA LAS, ,GNAS GYUR GAL TE GNAS GYUR KYANG, ,LAM BZHIN SKYON NI 'BYUNG ZHE NA, ,MA YIN NUS PA MED PHYIR RO,, ZHES SOGS DANG, 'TSE BA MED DANG YANG DAG DON, ,NGO BO NYID LA PHYIN LOG GIS, ,'BAD DU 'DZIN KYANG MI BZLOGS TE, ,BLO NI DE PHYOGS 'DZIN PHYIR RO, ,ZHES SOGS DANG, NYES PA RNAM PAR 'GAG PA NI, ,SRA ZHING SLAR YANG SKYE MED DE, ,DE BDAG NYID KYIS 'BRAL MED DANG, ,THAL BA BZHIN DU MA NGES PHYIR, ,ZHES SOGS RTZA 'GREL LAS SHES PAR BYA'O, ,//'A// BSAM GTAN DANG PO GSUM KA'I YAN LAG GI BDE BA NI LUS TSOR YIN TE, MDO LAS, BDE BA LUS KYIS MYONG LA, ZHES GSUNGS PA'I PHYIR DANG, BZHI PA NA SHIN SBYANGS KYI BDE BA MANG ZHING 'PHEL CHE BA YOD KYANG BDE BA YAN LAG TU MA BZHAG PA'I RGYU MTSAN YOD PA'I PHYIR DANG, DE LA TSOR BA BDE BA DANG MTHUN PA'I SHIN SBYANGS MED PA'I PHYIR SHIN SBYANGS KYI BDE BA YAN LAG TU MA BZHAG GO ZHE NA,

BSAM GTAN GSUM PA NA DE 'DRA BA'I SHIN SBYANGS YOD PAS DE'I YAN LAG GI BDE BA SHIN SBYANGS SU 'GYUR BAS NA BYE SMRA KHYED RANG GI KHAS BLANGS DANG 'GAL BAR 'GYUR BA'I PHYIR DANG, BTANG SNYOMS KYIS BCOM PAS DE YAN LAG TU MA BZHAG GO ZHE NA, BTANG SNYOMS KYIS BSAM GTAN GSUM PA'I SHIN SBYANG KYI BDE BA 'PHEL BAR 'GYUR BA'I PHYIR MI 'THAD DO, ,DES NA LUS TSOR KHO NAR GRUB BO,, DE'I PHYIR LUGS 'DIR GONG MA'I LUS SHES DE 'OG MA'I LUS DBANG LA BRTEN PA DANG 'OG MA'I LUS DBANG GIS GONG MA'I GZUGS YUL DU BYED PA DANG, BSAM GTAN DANG PO GSUM KA'I SAS BSDUS KYI DBANG SHES YOD PA DANG, LUS SHES DANG REG BYA LA ZAG BCAS KYIS MA KHYAB PA DANG, BSAM GTAN DANG PO'I YAN LAG LNGA GCIG CAR MI 'BYUNG BA SOGS MDZOD KYI BSHAD TSUL DANG MI 'DRA BA DUM YOD PA RNAMS SHES DGOS PA YIN KYANG, TSIG MANG SU 'DOGS NAS RGYAS PAR MA BRIS PAS MDZOD 'GREL DANG 'GREL BSHAD RNAMS SU LTA BAR BYA'O, ,//YA// SA STON PA SOGS BYED LA ZHES PA NI, RGYAL SRAS MAR, 'DI NI DPES STON PA RNAMS KYI PHYOGS YIN NO ZHES GRAGS STE, ZHES PA LTAR DPES STON PA SOGS ZHES BSHAD DGOS PA LA YIG NOR BYUNG BA YIN NAMS STON PA SOGS KYANG DE LTAR 'DOD PA YIN DPYAD DGOS SO, ,//RA// 'DI LA MDO SEMS LTAR NA TSOR BA GCIG DGOS LA ZHES PA NI, TSIG GONG 'OG GI 'BREL BA LA BRTAG NA BSAM GTAN GYI YAN LAG GI

, ,DGA' BA LA BSHAD PA LTAR SNANG YANG BYE SMRAS DE SHIN SBYANGS SU MI 'DOD PAS MA 'GRIG PA'I PHYIR, BDE BA ZER RGYU LA 'DI LA ZHES YI GE NOR BAR SHES PAR GYIS, DGA' BA DANG DANG PA GNYIS LA MU BZHI 'JOG TSUL MDZOD 'GREL DU BSHAD PA LTAR BSAM GZUGS CHEN MOR YANG BSHAD YOD DO, ,//LA// SNANG YUL RANG SPYI GNYIS SU DES PAS TSAD MA GNYIS SU DES PAR SGRUB PA DANG, 'JUG YUL MNGON LKOG GNYIS SU NGES PAS TSAD MA GNYIS SU NGES PAR SGRUB PA GNYIS LAS, DANG PO NI, TSAD MA'I SNANG YUL DU GYUR PA'I GZHAL BYA THAMS CAD RANG SPYI GNYIS SU DES PA'I PHYIR TSAD MA THAMS CAD MNGON RJES GNYIS SU GRANGS DES PA YIN NO, ,ZHES STON PAR, GZHAL BYA GNYIS PHYIR TSAD MA GNYIS, ,ZHES BYUNG, GNYIS PA STON PAR, GANG LA DON GYI NUS PA LAS, ,RJES 'GRO LDOG PA CAN GYI BLO, ,ZHES PA NAS, MNGON SUM LKOG TU GYUR BA LAS, ,GZHAL BYA GZHAN NI YOD MA YIN, ,DE PHYIR GZHAL BYA GNYIS NYID KYIS, ,TSAD MA GNYIS SU BZHED BA DANG, ,ZHES BYUNG NGO, ,//SHA// MING DANG ZHES PAS MING SBYOR RTOGS PA DANG, ,RIGS SOGS ZHES PAS DON SBYOR RTOG PA NGOS BZUNG ZHING, ,YANG SNGA MA RANG LUGS KYI RTOG PA'I MTSAN NYID DANG, PHYI MA GZHAN GYIS BTAGS PA NGOS BZUNG NAS DE DANG 'DRA BAR STON PA'O, ,GZHAN GYIS BTAGS PA'I RTOG PA'I BDAG RKYEN RIGS KYI SGRA BA LANG DANG, ,YON TA GYI SGRA

DKAR PO DANG, BYA BA'I SGRA 'TSED PA DANG, RDZAS KYI SGRA 'BYOR 'BREL DANG 'DU 'BREL GNYIS KYIS DBYE BAS NGA BYUNG PA CAN RVA CAN ZHES PA LTA BU'O, ,GZHAN DAG GIS RIGS DANG YON TAN SOGS DON GZHAN GYIS KHYAD PAR DU BYAS NAS SGRAS BRJOD CING DBANG SHES KYIS KYANG DE LTAR 'DZIN PAS DBANG SHES RTOG PAR 'DOD DO, ,RANG LUGS LA SGRA DE DAG GI BDAG RKYEN LA BRTEN NAS RTOG PAS BTAGS PA'I KHYAD GZHI KHYAD CHOS GZUNG YUL DU BYED CING, DE YANG MING DANG BSRES NAS 'DZIN PAS MING SBYOR RTOG PA'O, ,BRDAL BYANG BA'I RTOG PA DANG BRAL BAR MA ZAD BRDA LA MA BYANG PA RNAMS KYI BRJOD BYA DANG BRJOD BYED 'DRER RUNG BA 'DZIN PA'I RTOG PA DANG BRAL BA YANG BSTAN TO, ,RTZA TSIG 'DI LTAR NA, SNGON 'DZIN DBANG SHES LTA BU RTOG BRAL DU BSGRUB NAS DE DANG MA 'KHRUL BA TSOGS PAS MNGON SUM DU MTSON PAS MTSAN NYID RJES BRJOD KYI SGRA DANG MTSON BYA SGRUB PA'I SGRAS BSTAN PA YIN NO, ,RNAM DES LAS, MNGON SUM RTOG BRAL MA 'KHRUL BA, ,ZHES PA LTAR NA, MTSAN GZHI GRUB ZIN RJES SU BRJOD NAS MTSAN NYID MA 'KHRUL BA SGRUB PAR BYED PA SGRUB PA'I SGRAS BSTAN PA YIN NO, ,DBANG SHES RTOG PAR 'DOD PA'I LUGS RNAM 'GREL LE'U GSUM PAR RGYAS PAR BKAG PA RNAMS MANGS PAS 'JIGS NAS MA BRIS SO, ,//SA// DU BA'I RTAGS LAS ME YOD PAR RTOGS ZIN MA BRJED PAR YANG YANG SHES PA'ANG TSAD MA PHUNG GSUM PA MA YIN TE, DE LTAR NA SHES PA THAMS CAD TSAD MAR

, ,'GYUR PAS TSAD MA'I GRANGS THUG PA MED PAR 'GYUR BA'I PHYIR, DPER NA, DRAN PA DANG 'DOD PA DANG ZHE SDANG SOGS TSAD MA PHUNG GSUM PA MIN PA BZHIN NO ZHES PA'O, ,//HA// GRUB BA DANG BDE PA THA MI DAD PA'I DON NI BLO RIG GI MCHAN 'GA' ZHIG TU DE DAG GI 'BRAS BU DES SHES SAM DRAN SHES 'DREN TSUL THA MI DAD PA'I DON DU BSHAD PA LTAR YANG RUNG MOD, 'ON KYANG SH'A KYA BLOS, GRUB PA NI CHOS MA THOB PA LAS 'BREL BA'O, ,BDE BA NI THOB BA RJES SU 'JUG PA'O, ,ZHES GRUB PA NI SNGAR MED PA SKYE BA DANG BDE BA NI RGYUN GNAS PA'I DON DU BSHAD PA LTAR, TSAD MA DANG DE'I RGYUN PHYI MAR GYUR PA'I DPYAD SHES GNYIS NI RGYUN DANG PO'I SKYE BA DANG RGYUN RJAS SU 'JUG PA'I GNAS PA DANG RGYUN CHAD PA'I 'JIG PA RNAMS DON SO SO BA MED PAS DE'I DBANG DU BYAS NA GRUB PA DANG BDE BA THA MI DANG PAR BSHAD PA YIN TE, DE GNYIS LA SKAD CIG RE RE LA SNGAR MED PA'I SKYE BA DANG SNGA MA'I RGYUN GNAS PA DANG RANG DUS GNYIS PAR MI SDOD PA'I 'JIG PA RNAMS SO SOR 'JOG LUGS YOD KYANG, RGYUN GYI DBANG DU BYA BA'I SKYE GNAS 'JIG GSUM SO SOR 'JOG RGYUN MED PA'I PHYIR TE, ,DPER NA LUS RTEN GCIG PA'I GANG ZAG SNGA PHYI GNYIS KYI SKYE GNAS SU NYID 'TSAMS SBYOR BA'I SKYE BA DANG SROG DBANG GI RIS MTHUN MA DGAG PA'I GNAS PA DANG RIS MTHUN 'DOR BA'I 'CHI BA GSUM SO SOR 'JOG RGYU MED PA BZHIN NO, ,SHES PA GANG YUL GANG LA LTOS TE SGRA DON 'DZIN PA DE NI

SNANG YUL DE LA RTOG PA YIN PA'I 'JOG BYED YIN NO ZHES STON PAR, SHES GANG GANG LA SGRA DON 'DZIN, ,DE NI DE LA RTOG PA YIN, ,ZHES SO, ,//AA// SGRA DON 'DRES PAR SNANG BA DANG 'DRER RUNG DU SNANG BA'I KHYAD PAR BSHAD PA 'DI NI RNAM DES DAR t'IK LAS, BRJOD BYA RJOD BYED 'DRES PA'I DON DANG 'DRER RUNG BA'I DON GANG YIN, RUNG BA SMOS PA LA DGOS PA CI YOD CE NA, ,BRDA LA MA BYANG BA'I GANG ZAG GI RTOG PA GCIG GI GZUNG YUL DU SGRA SBYI DANG DON SBYI GNYIS KA DUS GCIG TU TSOGS PA STE, BUM PA ZHES BRJOD PA NA SGRA RANG MTSAN PA DE'I RJES SU 'GAGS KYANG GRAG PA'I RNAM PA CAN SHAR BA DE NYID SGRA SBYI DANG SGRA SPYI GZUNG YUL DU BYED PA'I RTOG PA DE NYID LA LTO LDIR ZHABS ZHUM PA'I DON SPYI SHAR BA DANG, YANG THOG MAR DON SPYI SHAR NAS RTOG PA DE LA SGRA SBYI SHAR BA STE GZHI GCIG GI SGRA SBYI DANG DON SPYI GNYIS RTOGS PA GCIG GI GZUNG YUL DU GYUR PA NI BRJOD BYA BRJOD BYED 'DRES PA'I DON YIN LA, DE GNYIS GANG RUNG RE RE SHAR BA BRDA LAM BYAD PA DANG BYIS PA'I RTOG PA SOGS NI 'DRER RUNG PA YIN LA DE DAG SDUD PA'I DON DU RUNG BA SMOS SO, ,BRDA LA BYANG BA'I RTOG PA GANG YIN THAMS CAD LA SGRA DON GYI SBYI GNYIS KA GZUNG YUL DU 'CHOGS PA'I DES PA MED DE, MI RTAG PA DANG BDAG MED LA SOGS PA'I DON LEGS BAR GOMS BA 'GA' ZHIG LA SGRA SBYI LA BLTOS PA MED PAR DON SPYI LEGS PAR 'CHAR BA YIN NO, ,ZHES GSUNGS PA'I DGONGS PA YIN NO, ,BSHAD TSUL 'DI LA SDE BDUN RGYAN DU BKAG PA MDZAD PA LTAR LCANG SKYA GRUB

, ,MTHAR YANG, SGRA DON ZHES PA GANG LA BYA SNYAM NA, BUM 'DZIN RTOG PA'I MDUN NA 'DUG PA LTA BUR SNANG BA'I GSER BUM BUM PAR SNANG BA DE DANG SNANG BA DE NYID BUM PA MA YIN LAS LOG PAR SNANG BA GNYIS KA'O, ,ZHES DANG, SGRA DON ZHES PA SNGAR BSHAD PA LTAR YIN GYI SGRA SBYI DANG DON SBYI ZHES SO SOR PHRAL NAS 'CHAD RGYU MIN PAR RJE YAB SRAS RNAMS KYIS LAN DU MAR BSHAD LA, PHYIS DUS KYI RANG RE'I MKHAS PA PHAL MO CHES SGRA DON 'DZIN PA'I ZHEN RIG RTOG PA'I MTSAN NYID DU SMRAS PA LA BRDA LA MA BYANG BA'I BYIS PA'I RGYUD KYI RTOG PAS MA DES PA'I SKYON SMRAS NAS RANG LUGS 'JOG SKABS SGRA DON 'DRES RUNG DU 'DZIN PA'I ZHEN RIG RTOG PA'I MTSAN NYID DU 'JOG PA'I ZHIB CHA MDZAD PA NI DON CHUNG BAR SEMS TE, ,GZHUNG CHEN MO RNAMS LAS MTSAN NYID DANG MTSAN GZHI SOGS KYI RNAM BZHAG GSUNGS PA RNAMS NI DON GYI NGO BO DANG KHYAD PAR SOGS KYI DON LDOG SHES PA'I PHYIR DU GSUNGS PA YIN GYI GANG ZAG GI GSAL BA'I DBYE BA MTHA' DAG GI 'DZIN TSUL THUN MONG MA YIN PA MTHA' DAG MTSAN NYID KYI ZUR LA TSANG MI DGOS PA'I PHYIR DANG, GZHAN DU NA KHYED RANG RNAMS KYIS BUM PA'I SGRA DON 'DRES RUNG DU 'DZIN PA'I ZHEN RIG BUM 'DZIN RTOG PA'I MTSAN NYID DU SMRAS PA'ANG MI 'THAD PAR 'GYUR TE, LTO LDIR BA LA BUM BA'I THA SNYAD MA GRAGS SHING THA SNYAD GZHAN GYIS BRJOD PA'I YUL DUS KYI DBANG DU BYAS PA'I GANG ZAG GI RGYUD KYI RTOG

PAS MNGES PA'I PHYIR RO, ,GZHAN YANG BRDA LA MA BYANG BA'I BYIS PA LA BUM PA RANG GI NGO BO DANG KHYAD PAR DU SGRO 'DOGS PA'I THA SNYAD KYI GZHIR SNANG BA DANG, DE 'DRA'I THA SNYAD KYI GZHIR ZHEN PA'I 'DZIN TSUL YOD PAR NI GDON MI ZA BAR KHAS LEN DGOS TE, DE'I RGYUD KYI BUM PA DE 'DRA'I THA SNYAD KYI GZHIR RANG GI MTSAN NYID KYIS SNANG BA'I SNANG TSUL DE DON SMRA LTAR NA 'THAD LDAN DANG, RNAM RIG PAR LTAR NA 'KHRUL BA YIN PAR DRANG DES RNAM 'BYED DANG DE'I MTHA' DPYOD RNAMS KYIS LAN GCIG MA YIN LAR BSHAD PA'I PHYIR RO, ,ZHES PA NAS, GSUNG RAB DE DAG KYANG RDO RJE'I TSIG LTA BUR GYUR TO, ,ZHES PA'I BAR GYIS BKAG PA RGYAS BAR MDZAD DO, ,'ON NA BSHAD TSUL MI 'DRA BA DE GNYIS KYI GANG 'THAD PA YIN ZHE NA, ,SRAS MCHOG RNAMS KYI BZHED PA YIN KYANG RJE BDAG NYID CHEN PO'I GSUNG ZIN DANG TSIG ZIN MTHUN MI MTHUN GYI BRTAG DPYAD BYAS NAS MI MTHUN PA 'DOR BA LA MI RIGS PA MED PAR SEMS MOD, 'ON KYANG DON 'DI RJE BDAG NYID CHEN POS GSAL BAR GSUNGS BA MI SNANG BAS, RANG STOBS KYIS THUGS SRAS DAM BA GNYIS KYI BZHED PA LA 'THAD MI 'THAD KYI RNAM DBYE BYED PA NI BDAG LTA BU LA 'OS PA MIN ZHING, LHAG TU BSHAD TSUL DE GNYIS RJE BDAG NYID CHEN PO'I LJAGS BSHAD GNANG BA LA MA BRTEN PA'I DES PA MED DAM SNYAM PAS RE ZHIG BZHAG GO, GZHUNG CHEN MO RNAMS SU SGRA DON ZHES BYUNG BA'I DON SGRA SBYI DANG DON SPYI ZHES SO SOR PHRAL NAS 'CHAD MI 'CHAD GANG

, ,YIN KYANG RUNG, RTOG PA'I SNANG YUL LA SGRA SPYI DANG DON SBYI ZHES SO SOR 'JOG RGYU MED PA MA YIN TE, LEGS BSHAD SNYING PO LAS, RTOG BA LA RJOD BYED SGRA SBYI DANG BRJOD BYA DON SPYI SNANG BA NI KUN BTAGS KYI MIG, CES DANG, DNGOS KYI BRJOD BYA DANG RJOD BYED DON BYI DANG SGRA SPYI, ,DNGOS MED DU DON SMRA RNAMS LA GRUB ZIN BAS, ZHES SOGS RTOG PA LA BRJOD BYED KYI SGRAR SNANG BA SGRA BYI DANG BRJOD BYA'I DON DU SNANG BA DON SPYIR LAN GCIG MA YIN PAR BKA' STZAL BA'I PHYIR DANG, SDE BDUN LA 'JUG SGO LAS KYANG, SGRA SPYI'I MTSAN NYID, RTOG PA LA MING DU SNANG BA GANG ZHIG DNGOS PO MA YIN PA, DPER NA RTOG PA LA BUM PA ZHES PA'I SGRAR SNANG BA LTA BU'I, ,ZHES GSUNGS PA'I PHYIR RO, ,RIGS DANG MING SOGS BRJOD PA'I SGRA DON GYI 'JUG TSUL ZHES SOGS BYUNG BA 'DI YI GE NOR BA YIN MIN GZUR GNAS RNAMS KYIS DPYAD DGOS TE, 'DI'I SOGS SGRA YOD SA NOR BAR SNANG ZHING, MING SOGS BRJOD PA'I SGRA DON ZHES PA DANG SGRA DON GYI 'JUG TSUL ZHES PA'I THA SNYAD KYANG GZHUNG LUGS CHEN MO RNAMS SU MA GRAGS PA DANG, SGRA BYUNG TSAD MA 'GOG PA ZHES PA LE'U DE'I MING MA YIN PA DANG, MTHAR 'DZIN GDUNG SEL ZHES PA'ANG DAR tA'IK DE'I MING MA YIN PA'I PHYIR DANG, MING DANG RIGS SOGS SBYOR BA'I SGRA RTOG GI 'JUG TSUL RGYAS BAR TSAD MA'I MDO'I GZHAN SEL BRTAG PA'I DAR tA'IK MTHAR 'DZIN GDUNG 'JOMS SU LTA BAR BYA'O, ,ZHES PA LTA BUR

'DON DGOS PA'I PHYIR, RTOG PA LA SBYOR TSUL GYI SGO NAS DBYE NA, SGRA SBYOR RTOG PA DANG DON SBYOR RTOG PA GNYIS, DANG BO'I MTSAN NYID BRDA DUS KYI MING DANG THA SNYAD KYI DON GNYIS SBYAR NAS 'DZIN PA'I SHES PA, ,DPER NA YAL 'DAB CAN NI, SHING NGO SNYAM PA'I BLO LTA BU'O, ,GNYIS PA'I MTSAN NYID, KHYAD GZHI KHYAD CHOS SBYAR NAS 'DZIN PA'I SHES PA, DPER NA SKYES BU DBYUNG PA CAN NO SNYAM DU 'DZIN PA'I BLO LTA BU'O, ,RTOG PA LA SNANG YUL GYI SGO NAS DBYE NA, SGRA SPYI RKYANG BA LA SNANG BA DANG, DON SPYI RKYANG BA LA SNANG BA DANG, GNYIS KA SNANG BA'I RTOG PA GSUM, ,DPE RIM BZHIN BRDA LA MA BYANG PA'I RGYUD KYI BUM PA'I SGRA SBYI SNANG BA'I BLO LTA BU DANG, BRDA LA MA BYANG BA'I SKYES BU'I RGYUD KYI BUM PA'I DON SPYI SNANG BA'I BLO LTA BU DANG, BRDA LA BYANG BA'I SKYES BU'I RGYUD KYI BUM 'DZIN RTOG PA LTA BU'O,, ZHES SDE BDUN LA 'JUG SGO LAS BSHAD DO, ,//KA// RANG GI DMIGS RKYEN GZUGS DANG DE MA THAG RKYEN DBANG MNGON GNYIS KA 'DAS MA THAG TU SKYE BA'I DON NO, ,//KHA// DBANG MNGON YID MNGON GNYIS SKAD CIG RE RES SPEL MAR SKYE BAR 'DOD PA DANG, DBANG MNGON SKAD CIG GNYIS PA PHYIN CHAD YID MNGON DU 'DOD PA DANG, DBANG MNGON SKAD CIG GNYIS PA DANG DUS MNYAM DU YID MNGON SKYE BAS DE PHYIN CHAD DBANG YID RANG RIG MNGON SUM STE 'GROS GSUM PAR 'DOD PA DANG, DBANG MNGON GYI RGYUN MTHAR YID MNGON DUS MTHA'I SKAD CIG MA'I YUN TSAD CAN SKYE BAR 'DOD PA STE TSAD MA STE BDUN RJES 'BRANG

, ,GI RGYA BOD KYI MKHAS PA'I BSHAD TSUL BZHI LAS, RJE RGYAL TSAB KYIS BSHAD TSUL BZHI BA 'THAD PAR BZHED CING DENG SANG PHAL CHER DE'I RJES SU 'BRANG NGO, ,RJE MKHAS GRUB KYIS BSHAD TSUL GSUM PA 'THAD PAR BZHED CING, MNGON SUM LE'U LAS, BYA BA BSRUBS CAN LAS LA NI, ,KHYAD PAR CUNG ZAD MI BYED LA, DBANG PO CAN NAM GZHAN DAG NI, ,SGRUB PAR BYED PA JI LTAR 'DOD, ,ZHES PAS 'GROS GSUM PA GSAL BAR BSTAN ZHES RNAM 'GREL tA'IK CHEN DU BSHAD DO, ,'GROS GSUM 'DOD MI 'DOD KYI DBANG GIS GZHUNG 'DI'I TSIG DON MI 'DRA BAR BSHAD TSUL MANGS DOGS NAS MA BRIS SO, ,LUNG GI RJES 'BRANG GI SEMS TZAM BAS DBANG MNGON YID MNGON GCIG CHAR SKYE BAR 'DOD PA DANG, THAL 'GYUR PAS DBANG MNGON GYIS DRANGS PA'I NGES SHES YID MNGON DU 'DOD PA SOGS 'DIR BSTAN YID MNGON 'DOD TSUL MANG NGO, ,//GA// YUL DU SNANG LAS GZHAN GYUR PA'I, ,ZHES SOGS 'DI DBU MA SNYING PO'I GZHUNG YIN PAS, 'DIR YE SHES SNYING BOS ZHES PA DANG 'GREL BSHAD DANG BCAS PA ZHES PA YI GE NOR RAM SNYAM MO, ,//NGA// RNAM DES LAS ZHES PA YI GE MA DAG STE, ,'DI TSAD MA KUN BTUS KYI GZHUNG YIN PA'I PHYIR; DE'I DON NI YUL SHES RTOGS PA'I RNAM PA'I BYE BRAG LAS TSUL GNYIS PA CAN DU SGRUB PAR MA ZAD SDO SER SOGS 'DZIN PA'I DBANG SHES DU MA DE DUS PHYIS MI 'DRA BAR DRAN PA LAS

KYANG DNGOS SU BLO GZUNG RNAM DANG 'DZIN RNAM GYI TSUL GNYIS PA CAN DU GRUB PA DANG SHUGS LA RANG RIG KYANG GRUB STE, GZUNG PA'I RNAM PA 'DZIN RNAM GYIS MA MYONG BAR YUL CAN DRAN PA 'DI SKYE BA MED PA'I PHYIR RO, ,ZHES PA'O, ,//CA// RNAL 'BYOR RNAMS KYI BLA MA SANGS RGYAS BCOM LDAN 'DAS KYIS BSTAN PA'I 'PHAGS PA'I BDEN PA BZHI BSGOM PA YONGS SU RDZOGS NAS SGRA SPYI DANG DON BYI GANG DANG YANG MA 'DRES PA'I DON TZAM GSAL BAR MTHONG BA'I SHES PA NI, RNAL 'BYOR MNGON SUM YIN TE, ZHI LHAG ZUNG 'BREL GYI TING NGE 'DZIN LA BRTEN NAS YANG DAG PA'I DON RTOGS PA'I RTOG BRAL MA 'KHRUL BA'I SHES PA YIN PA'I PHYIR, ZHES STON PAR, RNAL 'BYOR RNAMS KYI ZHES SOGS BYUNG, 'DIR RNAL 'BYOR MNGON SUM STE, ZHI LHAG ZUNG 'BREL LA BRTEN PA'I RTOG BRAL MA 'KHRUL BA'I BLO YI MA PA'I PHYIR ZHES PA NI YI GE CHAD PA YIN TE, GZHAN DU NA PHYI ROL PA'I RGYUD KYI MNGON SHES DANG PO LNGA YANG RNAL 'BYOR MNGON SUM DU THAL BA'I SKYON YOD PA'I PHYIR DANG, 'DI NI TSAD MA'I MDO'I DAR t'IK LAS BSHAD PA LTAR BKOD PAR SNANG LA, DER YANG DAG PA'I DON ZHES PA'I KHYAD PAR SBYAR BA'I PHYIR, 'DIR RNAL 'BYOR MNGON SUM DU GYUR PA'I MTHONG LAM TSAD MA KHO NAR GSUNGS PA'I DGONGS PA BTZAL BAR BYA ZHING, DE LA SNANG BCAS SNANG MED GA LA RUNG ZHES PA NI LUGS 'DIR RNAL 'BYOR MNGON SUM DE RANG MTSAN SNANG DGOS PAS DE LA GNYIS SNANG NUB PA YANG MI SRID NA

, ,SNANG BA MED PA GA LA RUNG STE, MNYAM BZHAG SNANG MED DU 'DOD PA NI THAL 'GYUR BAR KHAS CHES BA'I BOD SNGA RABS PA'I LUGS YIN PA'I PHYIR ZHES PA'O, ,//CHA// GNYIS MED KYI SHES PA YONGS GRUB TU 'DOD PA'I SEMS TZAM PA KHA CIG GIS MNGON SUM GYI SNANG YUL DNGOS POR 'DOD DE RNAM 'GREL t'IK CHEN LAS KYANG LUGS DE RANG LUGS SU MDZAD DO, ,RGYAS PAR tA'I KA CHEN DE NYID DANG RJE GUNG THANG BA'I BDEN BZHI'I RNAM BZHAG LAS SHES PAR GYIS SHIG, //JA// BUM PA'I RDUL RJAS BRGYAD KYI TSOGS PA LA BRDA LA BRTEN NAS BUM PA'O SNYAM DU SGRO 'DOGS PA'I RTOG PA 'JUG PAS, BRDA'I RTEN CAN GYI SHES PA KUN RDZOB TU YOD PA 'JIN PA'I SHES PA DANG, ZHES TSAD MA KUN BTUS KYI DAR t'IK LAS BSHAD DO, ,//NYA// PHYOGS CHOS DANG PHYOGS KYI MING CAN GYI CHOS CAN DE'I CHA STE BSGRUB BYA'I CHOS KYIS RTAGS LA KHYAB PA'I TSUL GSUM TSANG BA NI GTAN TSIGS YANG DAG GI MTSAN NYID YIN NO, ,GTAN TSIGS YANG DAG DE NI 'BRAS RANG MA DMIGS PA'I GTAN TSIGS RNAM PA GSUM DU GRANGS NGES TE, RTAGS CHOS MED NA MI 'BYUNG BA'I 'BREL BA NI PHYOGS CHOS CAN GYI GTAN TSIGS GSUM PO DE KHO NA LA NGES PA'I PHYIR, 'BRAS RANG MA DMIGS PA GSUM LAS GZHAN PA'I GTAN TSIGS NI GTAN TSIGS LTAR SNANG YIN NO, ,ZHES STON PAR, PHYOGS CHOS DE CHES KHYAB PA YI, ,ZHES SOGS TSIGS BCAD GCIG BYUNG NGO, ,'DIR 'GAL MA

DES MA GRUB PA'I RTAGS GSUM ZHES PA LA BZHI ZHES YI GE NOR BA BYUNG NGO, ,//TA// TSAD MA KUN BTUS LAS, SGRA RTAG BYAS PA'I PHYIR LUS CAN, ,PHYIR DANG GZHAL BYA MIN PHYIR RO, ,LUS CAN MIN PHYIR MNYAN BYA PHYIR, ,MIG GIS GZUNG BYA PHYIR MI RTAG ,CES PA LTAR DRUG LAS, DANG PO NI PHYOGS CHOS GCIG BU CAN YIN PAR GO SLA'O, ,GNYIS PA NI, BYE BRAG PA'I 'DOD PA LA LTOS NAS PHYOGS CHOS MA GRUB CING, LDOG KHYAB DON LA YANG MA GRUB PAS TSUL GNYIS MED PA DANG, THAMS CAD DU SONG BA MIN PA'I RDZAS KYI TSAD LA, DNGOS MING DANG, RDUL PHRA RAB RTAG PA LA YANG YOD PAR 'DOD PAS RJES 'GRO GCIG BU CAN NO,, ZHES DAR t'IK LAS BSHAD DO, ,GSUM PA NI TSUL GZHAN GNYIS MA GRUB LA, LDOG PA GCIG BU CAN NO, ,TSUL GNYIS GNYIS PA'I DANG PO NI, BYE BRAG BA'I 'DOD PA LA LTOS NAS PHYOGS CHOS DANG RJES 'GRO TZAM GNYIS GANG LA THUN MONG GRUB CING, LNGOG PA MA GRUB BA'O ZHES DAR t'IK LAS BSHAD DO, ,GNYIS PA NI PHYOGS CHOS DANG MI MTHUN PHYOGS LA MA MTHONG BTZAM GYI LDOG PA CAN DANG, THA MA NI TSUL GZHAN GNYIS GRUB CING PHYOGS CHOS MA GRUB PAR GO SLA'O, ,PHYOGS CHOS CAN GYI GTAN TSIGS DGU'I 'KHOR LO GZHAN LAS SHES PAR BYA ZHING, RIGS GTER RTZA 'GREL NAS BSHAD PA'I TSUL BZHI DANG LDA'I GTAN TSIGS 'DOD TSUL DE RGYA GZHUNG GANG NAS BSHAD PA'I KHUNGS 'TSOL DGOS SAM SNYAM, GZHAN RNAMS SNGAR BSHAD ZIN TO, ,//THA// NYAN SA LAS, DE LA GANG DAG TSE 'DI LA 'JIG RTEN

, ,LAM KHO NAS 'GRO BAR 'GYUR ZHING 'JIG RTEN LAS 'DAS PA'I LAM GYIS MA YIN PA'I GANG ZAG DU YOD CE NA, SMRAS PA BZHI STE, 'DI LTA STE, 'DI LAS PHYI ROL BA THAMS CAD DANG; CHOS 'DI PA YIN KYANG SNGON ZHI GNAS SPYOD SPYOD PA DBANG PO RTUL PO DANG, DE BZHIN DU DBANG PO RNO YANG DGE BA'I RTZA BA YONGS SU MA SMIN PA DANG, BYANG CHUB SEMS DPA' PHYI MA LA BYANG CHUB THOB PAR 'DOD CING TSE 'DI LA MA YIN PA STE, ZHES GSUNGS PA'I DON LAM RIM CHEN MO'I ZHI GNAS KYI SKABS SU GSAL BAR BKA' STZAL 'DUG PAS DER LTA BAR BYA'O, ,//DA// SANGS RGYAS KYI CHOS MA 'DRES PA BCO BGYAD LA 'DOD TSUL GNYIS TE, THEG CHEN PA RNAMS SPYOD PA MA 'DRES BA DRUG DANG RTOGS PA MA 'DRES PA DRUG DANG YE SHES MA 'DRES PA GSUM DANG 'PHRIN LAS MA 'DRES PA GSUM STE BCO BRGYAD LA 'DOD PA DANG, NYAN THOS SDE BAS STOBS BCU MI 'JIGS PA BZHI DRAN PA NYER BZHAG GSUM THUGS RJE CHEN PO STE BCO BRGYAD LA 'DOD PA'O, ,STOBS BCU NI, GNAS DANG GNAS MIN MKHYEN PA'I STOBS DANG, LAS DANG RNAM SMIN MKHYEN PA'I STOBS DANG, BSAM GTAN RNAM THAR SOGS MKHYEN PA'I STOBS DANG, DBANG PO MCHOG DMAN MKHYEN PA'I STOBS DANG; MOS PA SNA TSOGS MKHYEN PA'I STOBS DANG, KHAMS SNA TSOGS MKHYEN PA'I STOBS DANG, KUN 'GRO'I LAM MKHYEN PA'I STOBS DANG, SNGON GYI GNAS MKHYEN PA'I STOBS DANG,

'CHI 'PHO SKYE BA MKHYEN PA'I STOBS DANG, ZAG ZAD MKHYEN PA'I STOBS TE BCU'O, ,DE DAG GI NGO BO DANG SA'I KHYAD PAR RNAMS NI, MDZOD LAS, GNAS DANG GNAS MIN SHES PA BCU'O, ,ZHES SOGS LAS SHES PAR BYA'O, ,RANG NYID RTOGS PA PHUN TSOGS SU ZHAL GYIS BZHES PA DANG, RANG NYID SPANGS PA PHUN TSOGS SU ZHAL GYIS BZHES PA DANG, BAR DU GCOD PA'I CHOS GSUNGS PA DANG, NGES PRA 'BYIN PA'I LAM GSUNGS PA LA MI 'JIGS PA STE BZHI PO DE DAG GI KHYAD PAR YANG, MDZOD LAS, JI LTAR STOBS NI DANG PO DANG, ,BCU PA GNYIS PA BDUN PA BZHIN, ,ZHES PA LTAR RO, ,SLOB MA GUS PAR NYAN PA LA MI CHAGS PA DANG, GUS PAR MI NYAN PA LA MI SNGANG BA DANG, ,GUS MA GUS 'DRES PAR 'BYUNG BA LA CHAGS SNGANG 'DRES PAR MI 'BYUNG BA'I DRAN PA NYER BZHAG GSUM DANG, THUGS RJE CHEN PO KUN RDZOB BLO ZHES SOGS KYI KHYAD PAR DANG LDAN PA'I THUGS RJE CHEN PO NI KHYAD PAR BRGYAD KYI SGO NAS SNYING RJE CHEN PO DANG DON THA DAD PAR PHYE'O, ,SANGS RGYAS THAMS CAD TSEGS DANG NI, ,CHOS SKU 'GRO BA'I DON SPYOD PAS, ,MNYAM PA NYID DE SKU TSE DANG, ,RIGS DANG SKU BONG TSOD KYIS MIN, ,ZHES PA'I RGYU PHUN TSOGS KHYAD PAR BZHI DANG LDAN TE, TSOGS GNYIS MTHA' DAG YANG DANG YANG DU GOMS FPA DANG, YUN RING POR GOMS PA DANG, BAR CHAD MED PAR GOMS PA DANG, GUS PA SHUGS DRAG POS GOMS PA STE BZHI DANG LDAN PA'I PHYIR, DE'I 'BRAS BU PHUN TSOGS KHYAD PAR BZHI DANG LDAN TE,

, ,YE SHES PHUN TSOGS DANG, SPANGS PA PHUN TSOGS DANG, MTHU PHUN TSOGS DANG, GZUGS SKU PHUN TSOGS TE BZHI DANG LDAN PA'I PHYIR, DE'I PHAN 'DOGS PA PHUN TSOGS KHYAD PAR BZHI DANG LDAN TE, NGAN SONG GSUM DANG 'KHOR BA'I SDUG BSNGAL LAS 'GRO BA RNAMS GTAN DU THAR BAR MDZAD PA BZHI 'AM, YANG NA 'GRO BA RNAMS THEG PA GSUM DANG BDE 'GRO LA 'GOD PAR MDZAD PA BZHI DANG LDAN PA'I PHYIR, DE LTAR MDZOD 'GREL DANG 'GREL BSHAD DAG LAS GSAL BAR BSHAD PA BZHIN DU MDZOD KYI MTHA' DPYOD LAS KYANG BSHAD PAS NA, 'DIR DE GSUM RE RE'ANG GSUM GSUM ZHES PA YI GE NOR BAR MNGON NO, ,YE SHES PHUN TSOGS KHYAD PAR BZHI DANG LDAN TE, MA BSTAN PAR MKHYEN PA DANG, MA LUS PAR MKHYEN PA DANG, RNAM PA THAMS CAD MKHYEN PA DANG, MA 'BAD PAR MKHYEN PA STE BZHI DANG LDAN PA'I PHYIR, SPANGS PA PHUN TSOGS KHYAD PAR BZHI DANG LDAN TE, NYON MONGS PA THAMS CAD SPANGS PA DANG, GTAN DU SPANGS PA DANG, BAG CHAGS DANG BCAS TE SPANGS PA DANG, SNYOMS 'JUG GI SGRIB PA DANG BCAS TE SPANGS PA STE BZHI DANG LDAN PA'I PHYIR, MTHU PHUN TSOGS KHYAD PAR BZHI DANG LDAN TE, MED PA SPRUL PA DANG, YOD PA BSGYUR BA DANG, YUN RING DU GNAS PAR BYIN GYIS RLOB PA DANG, SKU TSE GTONG 'JOG LA MNGA' BRNYES PA STE BZHI 'AM, YANG NA BSGRIBS PA LA GSHEGS PA DANG, NAM MKHA' LA GSHEGS PA

DANG; SHIN TU RING BA LA MYUR DU GSHEGS PA DANG, CHUNG DUR MANG PO 'JUG PAR MDZAD PA STE BZHI DANG LDAN PA'I PHYIR, GZUGS SKU PHUN TSOGS KHYAD PAR BZHI DANG LDAN TE, MTSAN SO GNYIS DANG, DPE BYAD BRGYAD CU DANG, SRID MED KYI BU'I STOBS DANG, SKU GDUNG RDO RJE LTAR SRA BA STE BZHI DANG LDAN PA'I PHYIR RO, ,SANGS RGYAS KYI YON TAN MTHA' YAS PA YIN KYANG SNGAR BSHAD PA'I PHUN TSOGS GSUM DU BSDUS NAS YID LA BYED CING DAD PA DANG GUS BAR BYED NA, 'BRAS BU 'BYIN PAR NGES PA DANG, 'BRAS BU YID DU 'ONG BA DANG, 'BRAS BU MCHOG TU MANG BA DANG, 'BRAS BU MCHOG TU MYUR BA STE MTHONG CHOS LA SOGS PAR MYONG BA DANG, 'BRAS BU MTHA' BZANG BA STE MYANG 'DAS THOB PAR 'GYUR BA'I PHYIR SANGS RGYAS BCOM LDAN 'DAS RNAMS NI BSOD NAMS KYI ZHING BLA NA MED PA YIN NO ZHES BSHAD DO, ,DA NI MDO SDE TSAD MAR SMRA BAS MDO SDE BA ZHES SOGS KYI TSIG DON 'CHAD DE, GTZO BOR MDO SDE TSAD MAR BYAS NAS GRUB MTHA' SMRA BA'I NYAN THOS SDE BA YIN PAS NA MDO SDE BA ZHES THA SNYAD 'DAGS PA DE LA, DBYE NGO NI MDZOD RTZA 'GREL SOGS SU BSHAD PA'I LUNG GI RJES 'BRANG DANG MDO DANG SDE BDUN SOGS SU BSHAD PA'I RIGS PA'I RJES 'BRANG GNYIS DANG, GZUNG 'DZIN GRANGS MNYAM GCIG CAR BA DANG, RIM 'BYUNG BA DANG, SNA TSOGS GNYIS MED PA STE RNAM PA 'DOD TSUL GYI SGO NAS GSUM YOD DO, ,GZHI'I 'DOD TSUL NI, DON DAM PA DANG KUN RDZOB KYI BDEN PA GNYIS NI RIM BZHIN

, ,DON DAM PAR DON BYED NUS PA DE DANG DE LTAR MI NUS PA'I CHOS SO, ,PHUNG PO LNGA DANG KHAMS BCO BRGYAD DANG SKYE MCHED BCU GNYIS KYI 'DOD TSUL PHAL CHER BYE SMRA DANG MTHUN KYANG, PHUNG PO BTAGS YOD DU 'DOD PAS GZUGS DANG GZUGS PHUNG YIN KHYAB MNYAM MA YIN PA DANG, MIG DANG MIG KHAMS GNYIS LA MU BZHI YANG 'DOD DAM SNYAM MO, ,'DUS BYAS PHUNG BLO DANG 'DUS FMA BYAS GSUM MA MA BZHI'I THA SNYAD KYANG YOD MOD KYI, DE DAG TU GRANGS NGES PA MA YIN TE, SGRA SPYI DON SPYI DANG SPYI DANG GZHI MTHUN DANG, GCIG DANG THA DAD DANG 'DAS PA DANG MA 'ONGS BA SOGS 'DUS MA BYAS MAD PO YOD PAS SO, ,ZHES PA NI GZHI'I RNAM BZHAG GO, ,LUS DANG TSOR BA DANG SEMS DANG CHOS DRAN PA NYER BZHAG BZHI DANG, KUN NYON SKYES PA SPONG BA DANG, MA SKYES PA MI SKYED PA DANG, RNAM BYANG SKYES PA 'PHEL BAR BYED PA DANG, MA SKYES BA SKYED BAR BYED PA'I YANG DAG PAR SPONG BA BZHI DANG, 'DUN PA DANG BRTZON 'GRUS DANG SEMS DANG DPYOD PA'I RDZU 'PHRUL GYI RKANG PA BZHI DANG, DAD PA DANG BRTZON 'GRUS DANG DRAN PA DANG TING NGE 'DZIN DANG SHES RAB KYI DBANG BO LNGA DANG, DANG PO NAS SHES RAB KYI STOBS LNGA DANG, DRAN PA DANG CHOS RAB TU RNAM 'BYED DANG BRTZON 'GRUS DANG DGA' BA DANG SHIN SBYANGS DANG TING NGE 'DZIN DANG BTANG SNYOMS YANG DAG BYANG CHUB KYI YAN LAG BDUN DANG, YANG DAG PA'I LTA BA DANG RTOG PA DANG DAG DANG LAS MTHA' DANG 'TSO BA DANG RTZOL BA DANG DRAN PA DANG TING NGE

'DZIN YANG DAG 'PHAGS LAM YAN LAG BRGYAD DE BYANG PHYOGS SO BDUN DANG, GZUGS CAN GZUGS LA BLTA BA DANG GZUGS MED GZUGS LA BLTA BA DANG GZUGS SDUG PA DANG NAM MKHA' MTHA' YAS DANG RNAM SHES MTHA' YAS DANG CI YANG MED DANG SRID RTZE DANG 'GOG PA'I RNAM THAR TE BRGYAD DANG, BSAM GTAN DANG PO'I SNYOMS 'JUG NAS 'GOG PA'I SNYOMS 'JUG GI BAR MTHAR GNAS SNYOMS 'JUG DGU DANG; RTOGS RIGS MI 'DRA BA MED KYANG BRTZE BA SNYING RJE CHEN PO SOGS DANG SA DANG PHAR PHYIN SOGS KYIS THEG CHEN MCHOG TU BYED PA NI LAM GYI RNAM BZHAG STE, PHAL CHER MDZOD DANG MTHUN NO, ,NYAN RANG GNYIS LA ZHUGS GNAS BRGYAD DANG NYAN THOS LA DGE 'DUN NYID SHU DANG RANG RGYAL LA TSOGS NA SPYOD PA DANG BSE RU LTA BU GNYIS DANG RDZOGS PA'I SANGS RGYAS KYANG MDZOD LTAR 'DOD PA NI 'BRAS BU'I RNAM BZHAG YIN NO, ,RGYU RKYEN TSOGS SHING 'DUS BYAS PA'I DNGOS PO RNAMS SKAD CIG MA DANG, MNGON PA SDE BDUN BKA' MA YIN BAR BYAS SHING, MNGON PA'I SDE SNOD DU GYUR BA'I BKA' NI MDO SDE DANG 'DUL BA'I SDE SNOD KYI NANG DU GNAS PA'I CHOS RNAMS KYI RANG DANG SPYI'I MTSAN NYID THOR BU THOR BUR 'CHAD PA'I MDO RNAMS YIN LA, BKA' BSTAN LA SOGS PA'I LUNG NI TSIG GI RANG BZHIN YIN PAS GZUGS SU 'DUS SO, , PHRA RAB RDUL LA PHYOGS CHA YOD PAR 'DOD PA DANG MED PAR 'DOD PA GNYIS DANG, RNAM RIG MIN PA'I GZUGS RDZAS SU MED CING MIG DBANG GZUGS CAN TSAD MA MIN PA DANG, 'DUS MA BYAS KYI CHOS RNAMS

, ,DNGOS POR MED CING LDAN MIN 'DU BYED BEM PO STE RDZAS SU MED PA'I BTAGS YOD DANG, DBANG PO'I SHES PA NI YUL GYI 'DRA RNAM DANG LDAN ZHING, DE LA LUGS GSUM STE, KHRA BO LA LTAS BA'I TSE SNGO SER DKAR DMAR SOGS GZUNG BA'I RNAM PA DANG GRANGS MNYAM PA'I MIG GI RNAM SHES RIGS MTHUN DU MA GCIG CAR SKYE BAR 'DOD PA DANG, DE'I TSE DE DANG GRANGS MNYAM PA'I RNAM SHES RIGS MTHUN DU MA RIM GYIS SKYE BAR 'DOD PA DANG, DE'I TSE KHRA BO'I STENG GI KHA DOG SNA TSOGS PA RNAM SHES GCIG LA 'CHAR BA MI 'GAL BAS NA KHRA BO'I RNAM CAN GYI RNAM SHES GCIG BU SKYE BAR 'DOD PA DANG GSUM MO, ,DE DAG LAS DANG PO LA LUNG RIGS KYI RJES 'BRANG GNYIS KA YOD LA, BAR BA NI LUNG GI RJES 'BRANG GI MDO SDE BA KHO NA'I LUGS SU BSHAD DE, SGRUB BYED GSAL BAR MA BSHAD PAS NA BRTAG DGOS SO, ,RGYU 'BRAS MTSAN NYID BA LA DUS MI MNYAM PA ZHIG DGOS LA, DGRA BCOM PA YIN NO SPANGS RTOGS LAS MI NYAMS PAS KHYAB CING, BSAM GTAN DANG PO GSUM GYI YAN LAG GI BDE BA NI LUS SHES SU GYUR BA'I TSOR BA YIN PAS NA SGOM STOBS KYIS BSKYED PA'I LUS SHES NI BSAM GTAN GYI YAN LAG TU RUNG NGO, ,MNGON SUM LA DBANG MNGON YID DNGON RNAL 'BYOR MNGON SUM RANG RIG MNGON SUM BZHI DANG, SEMS CAN GYI MNGON SUN GYI SNANG YUL LA MI RTAG PA YIN DGOS PA'I PHYIR, BDAG MED RTOGS PA'I RNAL 'BYOR

MNGON SUM GYIS BDAG GIS DBEN BA'I 'DU BYED DNGOS SU DANG BDAG MED SHUGS LA RTOGS SO, ,BYANG 'PHAGS LA MNYAM BZHAG PA YIN DGOS PA NI MDZOD LUGS DANG MTHUN KYANG, SANGS RGYAS KYI CHOS SKU DANG GZUGS PHUNG GNYIS KA SANGS RGYAS SU 'DOD PA NI MI 'DRA BA'I KHYAD PAR YIN NO, ,ZHES BA'O, ,'DIR SMRAS PA, MDO SDE TSAD MA KHA BA'I RI SUL DU, ,MDO DANG SDE BDUN RIGS PA'I KshE tI TAS, MDO DON SGRUB BYED MKHAS MANG 'PHROG BYED RNAMS, ,MDO TZAM MIN PAR LAN BRGYAR BSNGAGS PAR 'OS, ,DE SLAD SEMS KYI DBUL 'PHONGS SEL BYED DNGOS, ,'KHOR LO DANG PO'I DGONGS DON YID BZHIN NOR, ,'TSOL PHYIR RNAM DBYOD BRTZON PA'I GRUR ZHUGS TE, ,RIGS GZHUNG 'O MTSO'I PHA MTHAR 'GRO BAR GYIS, ,BDAG NYED CHEN POS RNAM 'GREL GSAR GZIGS TSE, ,DAD PA SHUGS DRAG 'KHRUNGS SHING SPYAN CHAB KYANG, ,RGYUN MI CHAD PAR RTAG TU 'ONG ZHES PA'I, ,RMAD BYUNG RNAM THAR MCHOG DE DRAN PAR RIGS, ,ZHES GRUB MTHA' CHEN MO'I MCHAN 'GREL DKA' GNAD MDUD GROL BLO GSAL GCES NOR ZHES BYA BA LAS MDO SDE BA'I SKABS BYAS ZIN TO,, ,,STON PA THUB PA'I DBANG PO RGYAL TSAB MI PHAM MGON PO SLOB DPON THOGS MED SKU MCHED SOGS FRTZA BRGYUD KYI BLA MA DAM PA RNAMS LA PHYAG 'TSAL LO, ,TSE RABS KUN TU RJES SU GZUNG DU GSOL, 'DIR SEMS TZAM PA'I GRUB MTHA'I ZUR MCHAN DGOD PA LA, //KA//

, ,GRUB MTHA' BZHI THUB PA'I DGONGS PA YIN KYANG DE DAG GIS SGRO BTAGS PA'I PHYOGS RNAMS THUB PA'I DGONGS PA MA YIN TI, MDO GANG YANG RUNG BA ZHIG GI DON YIN NA STON PA'I DGONGS DON YIN MI DGOS PA'I PHYIR DANG, MDO GANG YANG RUNG BA ZHIG GI DNGOS ZIN GYI DON LA TSAD MA'I GNOD PA 'JUG PA YOD KYANG, STON PA'I DGONGS PA YIN NA KHYOD LA TSAD MA'I GNOD PA MI 'JUG PAS KHYAB PA'I PHYIR; DPER NA GANG ZAG GI BDAG YOD PA DE MDO GANG YANG RUNG BA ZHIG GI DON YIN KYANG STON PA'I DGONGS PA YIN PAR KHAS LEN MI RIGS PA BZHIN YIN PA'I PHYIR TE, DE LTAR YANG LEGS BSHAD SNYING PO LAS, GSUNG RAB KYI DON YANG YIN LA GSUNG BA PO'I DGONGS PA YANG YIN PA DANG, GSUNG BA PO'I DGONGS MIN KYANG GSUNG RAB KYI DON DU BZHAG DGOS PA GNYIS YOD DO, ,ZHES GSUNGS PA'I PHYIR RO, ,GZHAN YANG, MDO GANG YANG RUNG BA ZHIG GI DON YIN NA THUB PA'I DGONGS PA YIN PAS MA KHYAB STE, MDO SDE DGONGS 'GREL GYI DON YIN KYANG STON PA'I DGONGS PA YIN MI DGOS PAR THAL 'GYUR BA'I SKABS KYI LEGS BSHAD SNYING POR GSUNGS PA'I PHYIR TE, DE NYID LAS, RANG GI MTSAN NYID KYIS MA GRUB PAR MTHONG NA MTSAN NYID GSUM GA LA SKUR 'DEBS KYI LTA BA SKYE BAR DGONGS 'GREL LAS GSUNGS PA NI, DE LTAR GANG MTHONG THAMS CAD LA MIN GYI BLO MCHOG DANG MI LDAN PA'I GDUL BYA LA YIN NO, ,DE'I PHYIR GDUL BYA'I BSAM PA'I DBANG GIS DE LTAR GSUNGS KYI

STON PA'I BZHED PA MIN TE, ,ZHES GSUNGS PA'I PHYIR, DE YANG THAL 'GYUR BA'I LUGS LA, RANG GI MTSAN NYID KYIS MA GRUB PAR MTHONG NA MTSAN NYID GSUM GA LA SKUR 'DEBS SU 'GYUR BA NI MDO SDE DGONGS 'GREL GYI DON YIN KYANG STON PA'I BZHED PA MIN LA, GDUL BYA SEMS TZAM PA LA LTOS TE RANG GI MTSAN NYID KYIS MA GRUB PAR MTHONG NA MTSAN NYID GSUM GA LA SKUR 'DEBS SU 'GYUR BA NI MDO'I DON DANG STON PA'I BZHED PA GNYIS KA YIN TE, DPER NA RKYEN LA LTOS TE SROG GCOD GNANG BA MED PA DE THEG DMAN GYI SDE SNOD KYI DON YIN KYANG STON PA'I DGONGS PA MIN LA, GDUL BYA THEG DMAN LA LTOS TE SROG GCOD NAM YANG GNANG BA MED PA NI MDO'I DON DANG STON PA'I DGONGS PA GNYIS KA YIN PA BZHIN DU KHAS LEN DGOS PA'I PHYIR TE, LEGS BSHAD SNYING PO LAS, GAL TE RNAM RIG PAS BKRAL BA DE MDO'I DON YIN NA DE DANG MI MTHUN PAR DBU MA BAS BKRAL PA YANG MDO'I DON YIN PAS, GSUNGS BA PO LA NANG 'GAL YOD PAR 'GYUR ZHING MDO'I DON BKAG PAR YANG 'GYUR RO SNYAM NA, ,'O NA RKYEN LA LTOS TE SROG GCOD LA GNANG BA MED PA DE NYAN THOS KYI SDE SNOD KYI DON YIN NAM MIN, MIN NA THEG PA CHE CHUNG GI SDE SNOD LA SROG GCOD LA GNANG BKAG GI KHYAD PAR MED PAR 'GYUR RO, ,YIN NA DGOS PA 'GA' ZHIG LA LTOS NAS SROG GCOD LA GNANG BA YOD PA YANG THEG CHEN GYI SDE SNOD KYI DON YIN PAS GSUNG BA PO LA NANG 'GAL YOD PAR 'GYUR RO ZHES SMRAS NA LAN CI YOD, GDUL BYA THEG DMAN LA LTOS TE SROG GCOD LA NAM YANG GNANG BA

, ,MED LA, THEG CHEN GYI KHYAD PAR 'GA' ZHIG LA LTOS TE GNANG BA YOD PA GSUNG PA PO'I DGONGS PA YIN PAS MI 'GAL LO ZHE NA, THEG PA CHEN PO'I RIGS CAN RE ZHIG ZAB MO'I DON RDZOGS PAR BSHAD PA'I SNOD DU MI RUNG GDUL BYA'I BLO LA LTOS TE RANG GI MTSAN NYID KYIS GRUB PA YOD LA, ZAB MO'I DON RDZOGS PAR GO BA'I SNOD RUNG GI GDUL BYA LA LTOS TE CHOS THAMS CAD RANG GI MTSAN NYID KYIS GRUB PA MED PA LA CI ZHIG 'GAL, ZHES GSUNGS PA'I PHYIR RO, ,//KHA// JI LTAR NAD PA NA BA LA, ,SMAN PA SMAN RNAMS GTONG BA LTAR, ,SANGS RGYAS DE BZHIN SEMS CAN LA, ,SEMS TZAM DU YANG RAB TU GSUNGS, ,ZHES NAD PA SO SO LA SMAN STER BA NI SMAN PA'I RANG DBANG GIS MA YIN GYI, NAD PA'I NAD KYI TSUL DANG BSTUN DGOS PA BZHIN DU SANGS RGYAS KYIS SEMS TZAM DU GSUNGS PA YANG STON PA'I RANG LUGS KYI DBANG GIS MIN GYI, GDUL BYA'I BSAM PA'I DBANG GIS YIN PAR GSUNGS TE, 'DI LA DOGS GCOD THAL 'GYUR BA'I SKABS SU 'CHAD DO, ,BRDA SPROD PA DAG JI LTA BAR, ZHES SOGS KYI TSIG DON SNGAR BSHAD ZI NA, DE KHO NA NYID 'TSOL ZHING DON DU GNYER BA'I GANG ZAG LA THOG MA KHO NAR PHUNG KHAMS SKYE MCHED SOGS THAMS CAD YOD CES BRJOD PAR BYA ZHING, DUS PHYIS NI DON 'DUS BYAS RNAMS SKYE 'JIG BYED PAR RTOGS SHING 'KHOR BA LA CHAGS PA MED PAR 'GYUR BA LA PHUNG KHAMS SKYE MCHED THAMS CAD RANG

BZHIN GYIS DBEN PA'I STONG NYID BSTAN PAR BYA'O ZHES 'CHAD PAR, RIGS PA DRUG CU PA LAS, DE NYID 'TSOL LA THOG MAR NI, ,THAMS CAD YOD CES BRJOD PAR BYA, ,DON RNAMS RTOGS SHING CHAGS MED LA; ;PHYIS NI THAMS CAD DBEN PA'O, ,ZHES BYUNG NGO, ',DIS 'DIR DRANGS PA'I GZHUNG GI YIG NOR DAG PAR GYIS, BZHI BRGYA BA LAS, BSOD NA MAS 'DOD PAS STONG PA NYID, ,KUN TSE BRJOD PAR BYA MIN TE, ,GNAS MIN GNAS LA SBYAR BA'I SMAN, ,DUG TU 'GYUR BA MA YIN NAM, ,ZHES DANG, YOD DANG MED DANG YOD MED DANG, ,GNYIS KA MIN ZHES KYANG BSTAN TE, ,NAD KYI DBANG GIS THAMS CAD KYANG, ,SMAN ZHES BYA BAR 'GYUR MIN NAM, ,ZHES GSUNGS TE, TSIG DON NI GO SLA'O, , //GA// 'JAM DPAL RTZA RGYUD KYI LUNG 'DIS 'PHAGS PA KLU SGRUB 'BYUNG DUS DANG MTSAN DANG CHOS SGRA DANG PO SGROG PA SOGS KYIS BSTAN PA LA PHAN 'DOGS PA DANG, SHER PHYIN GYI MDO KLOG PA'I STOBS KYIS SA DANG PO'I RTOGS PA BRNYES TSUL DANG SKU TSE TSAD DANG RIG SNGAGS GRUB PA'I MTHUS 'GRO DON BYED TSUL DANG GTAM TSOGS DANG BSTOD TSOGS DANG SMAN DBYAD DANG LUGS KYI BSTAN BCOS SOGS SNA TSOGS DANG KHYAD PAR DU RIGS TSOGS KYI SGO NAS ZAB MO STOD PA NYID KYI DON GSAL BAR MDZAD TSUL DANG, MYA NGAN LAS 'DAS NAS BDE BA CAN DU 'BYON PA DANG MA 'ONGS BA NA SPRUL PA'I SKUS 'DOD KHAMS SU 'TSANG RGYA TSUL RNAMS LUNG BSTAN PA YIN TE, RGYAS PAR NI RNAM MTHAR DANG CHOS 'BYUNG SOGS LAS SHES

, ,PAR BYA'O, ,LANG GSHEGS LAS, SO SO RANG RIG THEG PA NI, ,RTOG GE PA YI SPYOD YUL MIN, ,MGON PO 'DAS PA'I 'OG TU NI, ,'DZIN PAR SU 'GYUR BSHAD DU GSOL, , ZHES MNYAM BZHAG SO SO RANG GIS RIG BA'I YE SHES KYI YUL, SGRA RTOG GI SPROS PA ZHI BA'I THEG PA, ,STON PA MYA NGAN LAS 'DAS NAS SU ZHIG GIS 'DZIN ZHUS PA'I LAN DU, BDE GSHEGS MYA NGAN 'DAS PA'I 'OG ,TSUL RNAMS 'DZIN PAR 'GYUR BA DE, ,DUS DAG 'DAS NAS 'BYUNG BA NI, ,BLO GROS CHEN PO KHYOD SHES BYOS, ,ZHES BDE GSHEGS MYA NGAN LAS 'DAS PA'I 'OG TU BSTAN PA'I SNYING PO ZAB MO STONG PA NYID KYI TSUL RNAMS 'DZIN PAR 'GYUR BA'I GANG ZAG LO BZHI BRGYA'I DUS DAG 'DAS NAS 'BYUNG BA DE NI, MTSAN GZHAN BLO GROS CHEN PO ZHES PA BYANG CHUB SEMS DPA' 'JAM DPAL KHYOD KYIS SHES PAR BYOS SHIG DANG BDAG GSI BSHAD PAR BYA'O GSUNGS, ,LTO PHYOGS PE DA'I YUL DU NI, ,DGE SLONG DPAL LDAN CHER GRAGS PA, ,DE MING KLU ZHES 'BOD PA STE, ,YOD DANG MED PA'I PHYOGS 'JIG PA, ,NGA YI THEG PA 'JIG RTEN DU, ,BLA MED THEG CHEN RAB BSHAD NAS, ,RAB TU DGA' BA'I SA BSGRUBS TE, ,BDE 0BA CAN DU DE 'GRO'O, ,ZHES RGYA GAR LHO PHYOGS BE DAR BHA STE 'JAG MA SKYE BA'I YUL DU NI SKYES NAS RAB TU BYUNG ZHING DGE SLONG DU GYUR BA'I MING DPAL LDAN ZHES GRAGS PA, DE'I MING GZHAN 'JIG RTEN NA KLU ZHES 'BOD PA STE ZHES PA'AM, SGRON GSAL CHAG

'GYUR LAS, DE'I MING YANG NA KLU SGRUB STE, ZHES PA LTAR GYIS, GANG DU BZUNG NA PHUNG BAR 'GYUR BA'I YOD PA DANG MED BA'I PHYOGS TE MTHA' GNYIS 'JIG PA STE SPANGS PA'I NGA YI THEG PA RNAMS KYI NANG NAS BLA STE GONG NA MED PA'I THEG CHEN GYI LAM MTHAR THUG 'JIG RTEN 'DIR RAB STE GSAL BAR BSHAD NAS RAB TU DGA' BA'I SA DANG PO BSGRUBS TE BDE BA CAN GYI ZHING DU 'GRO BAR 'GYUR BAR GSUNGS SO, ,LANG GSHEGS KYI LUNG SGRON GSAL DU DRANGS PA NI 'DI DANG 'GYUR CUNG ZAD MI 'DRA ZHING, ,DON BSHAD TSUL YANG MCHA NA 'GREL LAS, TSIG RKANG GONG MA GNYIS KYIS DRI BA NI DE KHO NA NYID KYI DON MTHAR THUG PA'I LTA BA DANG SNGAR BSHAD PA'I ZUNG 'JUG GNYIS KA LA BSAM NAS DRIS SO, ,ZHES DANG BLA MED THEG CHEN RAB BSHAD NAS, ZHES PA NI MDO SDE DANG RGYUD SDE'I PHYOGS GNYIS KA LA DGONGS NAS GSUNGS PA'O, ,ZHES PA LTAR RO, , SLOB DPON BYANG BZANG GI GZHUNG DRANGS PA 'DIR LO BZHI BRGYA LON PA NA ZHES PA YIG NOR YIN TE, GZHUNG RANG LAS LO BRGYAD CU LON PA NA ZHES BYUNG BA'I PHYIR RO, ,//NGA// LUNG 'DI'I TSIGS BCAD DANG POS 'PHAGS PA THOGS MED 'BYUNG DUS DANG MTSAN DANG THEG PA CHEN PO'I SDE SNOD LA MKHAS PAR BSTAN LA, ,DE NAS GCIG GIS MDO LA DRANG NGES 'BYED PA DANG RGYA CHE BA'I LAM GYI RIM PA GSAL BAR BYED BA'I BSTAN BCOS RGYAS PAS SDE LNGA SOGS RTZOM PAR BSTAN ZHING, ,DE NAS GCIG GIS LHAG BA'I LHA'I RIG SDAGS KYI MTHUS BLO GROS RGYAS PAR BSTAN PA DANG, DE NAS GCIG GIS BSTAN PA YUN RING DU

, ,GNAS PA LA SOGS PA'I DON DU THEG PA CHE CHUNG GI SDE SNOD KYI DON BSDUS PA'I BSTAN BCOS SDOM RNAM PA GNYIS RTZOM PA DANG SKU TSE TSAD DANG PHYI MAR YUL GANG DU 'KHRUNGS TSUL BSTAN NAS, TSIGS BCAD THAMS BYANG CHUB KYI SEMS KYI STOBS KYIS 'KHOR BAR GNAS KYANG 'KHOR BA'I SKYON GYIS MA GOS PAR DUS YUN RING POR BDE BA MTHA' YAS PA MYONG STE MTHAR BLA MED BYANG CHUB THOB PAR BSTAN TO, ,DA NI MYA NGAN 'DAS 'OG TU, ,LO NI DGU BRGYA LON PA NA, ,ZHES PA'I RKANG PA 'DI GNYIS GZHUNG RANG LAS MA BYUNG ZHING, ,RJE YAB SRAS KYI GZHUNG DU DRANGS PA MI SNANG LA, ,DGONGS 'GREL 'GREL CHEN DU GZHUNG 'DI DRANGS NAS SLOB DPON THOGS MED LO DGU BRGYA LON PA'I TSE BYON PA'I BSHAD PA BYAS KYANG 'GREL CHEN DE'I BSHAD PA THAMS CAD TSIG ZIN LTAR KHAS LEN DGOS PA'I NGES BA MED DE, ,DPER NA DER 'PHAGS PA KLU SGRUB STON PA 'DAS NAS LO NYIS BRGYA LON PA NA BYON PAR BSHAD PA DANG, ,RNAL 'BYOR SPYOD PA'I SA RJE BTZUN BYAMS PAS MDZAD PAR BSHAD PA LTA BU DE YIN PA'I PHYIR, GAL TE SLOB DPON THOGS MED DE STON PA 'DAS NAS LO GU BRGYA LON PA'I DUS SU BYON PAR KHAS LEN NA, STON PA 'DAS NAS LO BDUN BRGYA LON NAS BRGYAD BRGYAR MA LON PA'I DUS SU BRTZAMS PA'I 'GREL CHEN DRI MED 'OD DU, NGO BO NYID LONGS RDZOGS BCAS DANG, ZHES SOGS MNGON RTOGS RGYAN GYI LUNG DRANGS PA DANG MA 'GRIG PA'I PHYIR DANG, PHYI SNOD KYI RNAM BZHAG LA MDZOD DANG

MI 'DRA BA'I SKYON SPONG MDZAD PA DANG YANG 'GRIG DKA' BA'I PHYIR ZHES KHA CIG 'DOD PA BDEN PA LTAR SNANG YANG, GRUB MTHA' RTZA 'GREL 'DIR DGONGS 'GREL 'GREL CHEN LTAR BSHAD CING, KUN BZHI DKA' 'GREL DU 'ANG 'GREL CHEN DE'I BSHAD PA BKOD NAS DGAG PA MA MDZAD PA'I PHYIR DPYAD GZHI CHE'O, , //CA// DRANG NGES 'DI LTAR MDZAD PA MDO SDE DANG ZHES PA YI GE MA DAG STE, MDO 'DI ZHES NYE TSIG SMOS TE BSHAD MA THAG PA'I BLO GROS MI ZAD PA'I MDO STON PA YIN PA'I PHYIR, //CHA// BOD KYI MKHAS PA KHA CIG NA RE, ,DA LTA BSTAN 'GYUR GYI NANG NA YOD PA'I YUM GSUM GZHUNG 'GREL GNOD 'JOMS DE DBYIG GNYEN GYI GZHUNG 'GREL YIN TE, DBYIG GNYEN GYI GZHUNG 'GREL LAS ZHES MAN NGAG RJES 'BRANG DU LUNG DRANGS PA RNAMS YUM GSUM GZHUNG 'GREL DER SNANG BA'I PHYIR TE, MAN NGAG RJES 'BRANG DU, BLA MA'I MAN NGAG LAS, BZHUNG 'GREL GNOD 'JOMS GSAL BAR BYA BAR 'DOD, ,CES DRANGS PA DANG, ,YUM GSUM GZHUNG 'GREL LAS, BLA MA'I LUNG GIS BDAG PHAN PA'I PHYIR; ;'DI YI GZHUNG 'GREL GNOD 'JOMS BYA BAR 'DOD, ,CES PA GNYIS 'GYUR MI 'DRA BA MA GTOGS PA GZHUNG GCIG YIN PA'I PHYIR, ZHES BZHED DO, ,MAN NGAG RJES 'BRANG MKHAN PO ZHI BA 'BYUNG GNAS KYIS KYANG DBYIG GNYEN GYI DGONGS PA DBU MAR BKRAL BA DANG, YUM GSUM GZHUNG 'GRAL DE DBYIG GNYEN GYI GZHUNG 'GREL DU BSHAD DE, ,DON DE LTAR GSER PHRENG LAS BSHAD PA'I PHYIR TE,

, ,DE NYID LAS, ,MAN NGAG RJES 'BRANG DU NI, ,NYI KHRI GZHUNG 'GREL DU KLU SGRUB KYI LUNG SHES BYED DU DRANGS NAS 'CHAD PAS DE'I LUGS DANG 'GAL BA SMRA MI NUS LA, ,RNAM RIG TZAM LA MA ZHEN PAR STONG NYID KYI RGYA MTSO 'DZIN MI NUS PAS, SANGS RGYAS KYIS SEMS TZAM DU BZUNG BA BZHIN DU 'PHAGS PA RNAMS KYIS RNAM PAR SHES PA'I TSUL BSHAD PA YANG DRANG DON YIN NO ZHES PA LA SOGS PA BSHAD NAS, NANG GI SHES BYA LA BRTEN NAS, DBYIG GNYEN GYIS NI RNAM PAR BKROL, ZHES BYA BA SUN PHYUNG BA'O, ,ZHES SOGS DBYIG GNYEN DGONGS PA DBU MAR BSKRAL BA'I BSHAD TSUL BKOD PA'I RJES SU, DES NA SLOB DPON SKU MCHED DANG PHYOGS GLANG LTA BU LTA ZHOG, GANG ZAG PHAL PAR GRAGS PA RNAMS LA YANG 'DIS 'DI RTOGS 'DIS 'DI LAS MA RTOGS ZHES RANG DBANG DU RGYUD TSOD GZUNG BAR GA LA NUS, ,DE LTA NA YANG DE DAG GIS GZHUNG LUGS NAS BSHAD TSED NI RNAM RIGS TZAM DU BKRAL NAS DE NYID DBU MA'I DON DU 'CHAD PAR RGYA BOD KYI MKHAS PA PHAL MO CHE LA GRAGS SHING GRAGS PA LTAR YANG SNANG STE, ,ZHES ZUR ZA MDZAD PA'I PHYOGS SNGA NI ZHI 'BYUNG GNAS YIN PA'I PHYIR DANG, ,DES NYID KHRI GZHUNG 'GREL DU KLU SKRUB KYI LUNG DRANGS PAR BSHAD PA YANG, YUM GSUM GNOD 'JOMS SU, BDAG LAS MA YIN GZHAN LAS MIN, ZHES SOGS DANG, DNGOS PO KUN GYI SKE BA DAG ,MI 'THAD PA NI GANG YIN PA, ,ZHES SOGS GZHUNG TSAN PA GNYIS DRANGS PA DE LA

BSAM PA'I PHYIR RO, ,DBYIG GNYEN GYI GZHUNG 'GREL DE BOD DU 'GYUR BA MI SNANG BAS DE'I NANG DU KLU SGRU KYI LUNG SHES BYED DU MA DRANGS PA NI BA DAG LTA BU'I MNGON SUM GYI SPYOD YUL MA YIN MOD KYANG RIGS PAS SGRUB TU YOD DE, DBYIG GNYEN GYI GZHUNG 'GREL DU RGYA CHE BA'I LAM LTA BU DBU SEMS THUN MONG DU KHAS LEN PA'I DON 'GA' ZHIG LA KLU SGRUB KYI LUNG SHES BYED DU DRANGS PA LA 'GAL BA MED MOD KYANG, DE DRANGS PA'I RGYU MTSAN GYIS KLU SGRUB BA DANG LTA BA'I 'GANGS MTHUN PA'I SHES BYED DU 'GRO NGES KYI YUNG DER DRANGS PAR MI RIGS PA'I PHYIR TE, ,DBYIN GNYEN GYI GZHUNG 'GREL GYIS YUM GYI MDO'I DON SEMS TZAM DU BKRAL BAR TSIG GSAL DANG RTOGS DKA'I SNANG BA DANG SHER 'BYUNG DANG DHA SH'IS BSHAD PA LTAR RJE BDAG NYID CHEN POS KYANG RANG LUGS SU ZHAL GYIS BZHES PA'I PHYIR, ,'DI LA KHYAB PA YOD DE, ,SLOB DPON DBYIG GNYEN NI 'GRAN ZLA DANG BRAL BA'I MKHAS PA CHEN PO YIN PAS, ME 'BAR PA'I 'BOG 'BYIN DU CHU BLUG PA LTAR RANG NYID MDO'I DON SEMS TZAM DU BKRAL BA'I SHES BYED DU KLU SGRUB KYI LUNG DE 'DRA DRANG PAR MA MDZAD PA'I PHYIR RO, ,'O NA MAN NGAG RJES 'BRANG DU YUM GSUM GNOD 'JOMS DE DBYIG GNYEN GYI GZHUNG 'GREL YIN PAR BSHAD PA YIN NA, GSER PHRENG LAS, MAN NGAG RJES 'BRANG DU YANG NYID KHRI'I GZHUNG 'GREL ZHES GRAGS KYI YUM GSUM GZHUNG 'GREL ZHES PA MI SNANG BA DANG, ZHES GSUNGS CI ZHE NA, DE'I DON NI, MAN NGAG RJES 'BRAN

, ,DU DBYIG GNYEN GYI GZHUNG 'GREL DU BSHAD PA DE NYI KHRI'I GZHUNG 'GREL YIN GYI YUM GSUM GZHUNG 'GREL MIN ZHES PA MA YIN GYI, DBYIG GNYEN GYI GZHUNG 'GREL NI NYI KHRI'I GZHUNG 'GREL ZHES GRAGS KYI YUM GSUM GZHUNG 'GREL ZHES 'PHAGS YUL BA SU LA YANG MA GRAGS PA'I SHES BYED YIN PA'I PHYIR TE, MAN NGAG RJES 'BRANG DU YANG ZHES PA'I YANG SGRA'I DON BSHAD TSUL YOD PA'I PHYIR RO,, //JA// BRGYAD STONG DON BSDUS KYI SKABS SU STONG NYID BCU DRUG BSHAD TSUL NI DBUS MTHA'I RJES SU 'BRANG PA DANG, RNAM GA-YENG GI RTOG BA BCU'I GNYEN POR SGRUB PA LA GDAMS PA'I MDO'I 'GREL TSUL DANG NGO BO NYID GSUM GYIS MDO 'GREL TSUL RNAMS THEG BSDUS KYI RJES SU 'BRANG BA NI GSER PHRENG GI DON YIN PAS NA, STONG NYID BCU DRUG RNAM GA-YENG GI RTOG PA BCU'I GNYAN POR SGRUB PA LA GDAMS PA'I MDO'I 'GREL TSUL DBUS MTHA'I RJES SU 'BRANG ZHES SBYAR BA GTAN MIN NO, ,DON DE DAG GSAL BAR BSHAD DGOS KYANG YI GE MANGS BAS 'JIGS NAS MA BRIS TE, RGYAS PAR GZHUNG DE RNAMS SU LTA BAR BYA'O, ,DE'I PHYIR DE DAG PHAR PHYIN MTHA' DPYOD DU BSHAD PA LHAR KHAS LEN MI RUNG BAS NA MTHA' DPYOD KYI TSIG NOR BA YIN NAM DPYAD PAR GYIS SHIG, //NYA// LNGA BRGYA THA MA ZHES PA GNOD 'JOMS MKHAN POS RTAGS TZAM 'DZIN PA'I DUS DANG, ZHI BA 'TSOS TSUL KHRIMS KYI

LU'U MAN CHAD KYI LNGA BRGYA PHYI MA LNGA LA 'DOD PA NI GSER PHRENG GI DON YIN PAR MA ZAD, GNOD 'JOMS RANG LAS KYANG SHIN TU GSAL BAR BSHAD YOD PAS NA, PHAR PHYIN SKABS DANG PO'I MCHAN DU BSHAD TSUL 'DI LA BKAG PA MDZAD PA'I DGONGS PA BTZAL BAR BYA'O,, //TA// 'DI'I GZHAN STONG GI TSUL GRANGS CAN LTAR YIN ZHES PA'ANG DPYAD DGOS TE, LEGS BSHAD SNYING POR, GNOD 'JOMS KYIS BSHAD PA NI RTOG PA LA RJOD BYED SGRA SPYI DANG BRJOD BYA DON SPYI SNANG BA NI KUN BRTAGS KYI MIG DANG, GZUNG BA GZUGS KYI SKYE MCHED LA DE 'DZIN PA'I BDAG NYID KYI MIG TU SNANG BA NI RNAM BTAGS KYI MIG DANG, SGU DON GYI SPYIR GYUR BA'I BRJOD PAR BYA BYED DANG BRAL BAS BRJOD DU MED CING, MIG GI GZUNG 'DZIN DU SO SOR SNANG BAR GYUR BA DANG BRAL TE MNYAM BZHAG SO SO RANG RIG GIS RIG PA'I YONGS GRUB NI CHOS NYID KYI MIG TU 'DOD PAS, MIG GI CHOS NYID DE 'PHAGS PA'I MNYAM GZHAG GIS RIG PA'I DON BRJOD BYA RJOD BYED DANG GZUNG 'DZIN DU SNANG BA'I GNYIS SNANG DANG BRAL BA LA NGO BO NYID GZHAN GNYIS GYIS MNYAM GZHAG GI YUL DE STA NGO ZHES BYA STE GNYIS SNANG SNGA MA NI KUN BRTAGS DANG PHYI MA NI RNAM BTAGS YIN PA'I PHYIR RO, ,ZHES PA NAS, 'PHAGS PA'I MNYAM GZHAG GI DON GNYIS SNANG MED PA LA BSHAD PA'I PHYIR RO, ,ZHES DANG, GZUGS NAS RNAM MKHYEN GYI BAR RE RE LA GSUM GSUM GYI RNAM GZHAG BYAS NAS STONG GZHI RNAM BTAGS DGAG

, ,BYA KUN BRTAGS KYIS STONG PA CHOS NYID YONGS GRUB TU BSHAD PAS RNAM BTAGS KYI MIG KUN BRTAGS KYI MIG GIS STONG PA NI CHOS NYID DU BSHAD DGOS PA'I PHYIR, MNYAM GZHAG GI BON SNGA MA GNYIS KYIS PHYI MA STONG PA MDO'I DON DU 'CHAD PA YANG LEGS PAR MI SNANG NGO, ,ZHES GSUNGS PA'I PHYIR DANG, GAL TE GRANGS CAN GYI GZHAN STONG LTAR BSHAD PA YIN NA RJE BDAG NYID CHEN POS PHYOGS SNGA NGOS MA ZIN PA DANG BKAG PA MDZAD PA YANG 'BREL MED DU 'GYUR BA'I PHYIR RO,, //THA// LUS KYI RNAM RIG NI MIG SOGS KHAMS LNGA, LUS CAN GYI RNA MA RIG NI NYON YID, ZA BA PO'I RNAM RIG NI YID KHAMS, DES NYE BAR SPYAD PAR BYA BA'I RNAM RIG NI GZUGS SOGS YUL GYI KHAMS DRUG DANG, DE LA NYE BAR SPYOD PA'I RNAM RIG NI RNAM SHES KYI KHAMS DRUG DANG, DUS KYI RNAM RIG NI 'KHOR BA'I RGYUN BAR MA CHAD PAR 'JUG PA, GRANGS KYI RNAM RIG NI BGRANG BA, YUL GYI RNAM RIG NI SNOD KYI 'JIG RTEN, THA SNYAD KYI RNAM RIG NI MTHONG BA LA SOGS PA'I THA SNYAD BZHI, BDAG NI RNAM RIG NI BDAG DANG BDAG GI BA DANG, GZHAN GYI RNAM RIG NI GZHAN DANG GZHAN GYIR 'DZIN PA'I YUL, BDE 'GRO'I RNAM RIG NI LHA DANG MI, NGAN 'GRO'I RNAM RIG NI NGAN SONG GSUM, 'CHI 'PHO BA'I RNAM RIG NI 'CHI BA'I RTEN 'BREL DANG, SKYE BA'I RNAM RIG NI SKYE BA'I RTEN 'BREL TE RNAM RIG BCO LNGA'O, ,DE DAG GI NGOS 'DZIN BSHAD SBYAR LAS

'DI DANG CUNG ZAD MI 'DRA BAR BSHAD KYANG, BSHAD MA THAG PA 'DI NI DBYIG 'GREL GYI DGONGS PA STE THEG BSDUS DANG MTHUN NO, ,RNAM RIG BCO LNGA LAS DANG PO DGU NI MNGON BRJOD KYI BAG CHAGS DANG, DE LAS GNYIS NI BDAG LTA'I BAG CHAGS DANG, THA MA BZHI NI SRID PA YAN LAG GI BAG CHAGS KYI RGYU LAS BYUNG ZHING, RNAM RIG BCO LNGAS KHAMS GSUM DANG 'GRO BA LNGA DANG SKYE GNAS BZHI THAMS CAD BSDUS PA GZHAN DBANG GI BDAG NYID YANG DAG PA MA YIN PA KUN TU RTOG PA BSTAN PA DANG, RNAM RIG BCO LNGA'I RNAM PAR RIG PA TZAM NYID YANG DAG PA MA YIN PA KUN TU RTOG PAS BSDUS PA YOD PA MA YIN PA DANG, NOR BA'I DON SNANG BA'I GNAS GANG YIN PA 'DI NI GZHAN GYI DBANG GI MTSAN NYID DU THEG BSDUS LAS BSHAD DO, ,SEMS TZAM PA'I GZHUNG DU GZHAN DBANG NGOS 'DZIN PA'I SKABS DU MAR, YANG DAG PA MA YIN PA'I KUN RTOG CES PA GZHAN DBANG SPYI'I MING LTA BUR BSHAD PA NI, MA DAG PA'I GZHAN DBANG RNAMS GNYIS SNANG 'KHRUL RTOG GI SNANG CHA YIN PAS DE LTAR BSHAD DAM, DAG MA DAG GI GZHAN DBANG THAMS CAD GNYIS SNANG 'KHRUL RTOG GIS GZUNG 'DZIN GYI DNGOS POR 'JOG PAS DE LTAR BSHAD PA GANG YIN DPYAD PAR BYA'O, ,YOD PA MA YIN PA DANG NOR BA'I DON SNANG BA'I GNAS ZHES PA NI PHYI DON MED KYANG YOD PAR 'KHRUL PA'I GZHI YIN PA'I DON TO, ,RNAM RIG DANG PO GSUM NI NANG GI KHAMS DRUG DANG, DES NYE BAR SPYAD BYA'I RNAM RIG NI PHYI'I KHAMS DRUG DANG, DE LA NYE BAR SPYOD PA'I RNAM RIG NI RNAM SHES

, ,KYI KHAMS DRUG DANG, RNAM RIG LHAG MA BCU NI DANG PO LNGA'I RAB TU DBYE BA YIN PAR THEG BSDUS LAS BSHAD DO, ,DES NA SHES BYA THAMS CAD RNAM RIG BCO LNGAR BSDUS SHING, KHYAD PAR DU RNAM RIG DANG PO LNGAR BSDUS PA YIN PAS, 'DIR SHES BYA THAMS CAD RNAM RIG DGU'I BDAG NYID DU 'DOD CES PA NI DE 'DRA ZHIG LA DGONGS PA YIN GYI NANG SEMS GYI BDAG NYID DU GRUB CES PA DANG MI 'DRA'O,, //DA// BYANG CHUB SEMS DPA' DBANG THOB DANG, ZHES SOGS LTAR BYANG CHUB SEMS DPA' DANG BSAM GTAN PA SEMS LA DBANG THOB PA RNAMS LA JI LTAR MOS PA'I DBANG GIS SA GSER DU SNANG BA LA SOGS PA DANG, ZHI LHAG GI RNAL 'BYOR BA RNAMS LA DON GCIG PU YANG JI LTAR YID LA BYAS PA DE LTAR SNANG BA DANG, RNAM PAR MI RTOG PA'I YE SHES LA GNAS PA RNAMS LA DON THAMS CAD MI SNANG BAR MDO LAS GSUNGS PA STE, DE LTA BU'I SHES PA RNAM PA GSUM GYI RJES SU MTHUN PA DANG, YI DAGS DUD 'GRO MI RNAMS DANG, ZHES SOGS KYI GTAN TSIGS DANG, 'DAS SOGS DE BZHIN RMI LAM DANG, ZHES SOGS LTAR PHYI ROL GYI DMIGS PA MED PA'I SHES PA YOD PA DANG, DON NI DON DU 'GRUB GYUR NA, ZHES SOGS KYI RIGS PA LA RTEN NAS DON MED PAR GRUB PA YIN NO ZHES 'CHAD PAR, YI DAGS DUD 'GRO MI RNAMS DANG, ,LHA RNAMS JI LTAR RIGS RIGS SU, ,DNGOS GCIG YID NI THA DAD PHYIR, ,DON MA GRUB PAR 'DOD PA YIN, ,'DAS SOGS DE BZHIN

RMI LAM DANG, ,GZUGS BRNYAN BRNYAN RNAM PA GNYIS PO YANG, ,DMIGS PA YOD PA MA YIN PAS, ,DE LA DMIGS PAR RUNG PHYIR RO, ,DON NI DON DU GRUB GYUR NA, ,SHES PA RTOG PA MED MI 'GYUR, ,DE MED PAS NA SANGS RGYAS NYID, ,'THOB PAR 'THAD PA MA YIN NO, ,BYANG CHUB SEMS DPA' DBANG THOB DANG, ,RNAL 'BYOR PA LA 'DI LTAR YANG, ,MOS PA'I DBANG GIS SA LA SOGS, ,DNGOS PO DE LTAR DMIGS PAR 'GYUR, ,'DI LA SU ZHIG BLO LDAN ZHING, ,ZHI BA GRUB PA THOB PA YI, ,CHOS KUN YID LA BYED PA LA, ,DE LTAR DON RNAMS SNANG PHYIR DANG, ,MI RTOG YE SHES RGYU BA LA, ,DON KUN SNANG BA MED PHYIR YANG,, DON MED KHONG DU CHUD PAR BYA, ,DE MED PAS NA RNAM RIG MED, ,CES GSUNGS SO, ,GZUGS BRNYAN RNAM PA GNYIS NI, ME LONG NANG GI BYAD BZHIN GZUGS BRNYAN DANG MI SDUG PA'I TING NGE 'DZIN GYI SPYOD YUL GYI GZUGS BRNYAN GNYIS SO, ,SHES BA RTOG BA MED MI 'GYUR, ,ZHES PA LA, 'GA' ZHIG TU, MI RTOG YE SHES MED PAR 'GYUR, ,ZHES 'GYUR BA BZANG NGO, ,BLO LDAN ZHES PA BYANG SEMS DANG, ZHI BA NI ZHI GNAS DANG GRUB PA NI LHAG MTHONG DANG, CHOS KUN NI GSUNG RAB YAN LAG BCU GNYIS DANG, DE MED PAS NA RNAM RIG MED, CES PA NI, PHYI ROL GYI DON MED PAS NA RNAM PAR RIG PA TZAM LA DON DU BYAS PA YANG MED CES PA STE, GZHAN RNAMS GO SLA'O,, //NA// SLOB DPON BYANG BA BZANG GI BSHAD TSUL DANG PO LTAR NA RGYA MTSO NI SHES BYA MTHA' YAS PA'I DPE DANG, BSHAD TSUL GNYIS PA LTAR NA PHYI ROL

, ,PA NAS MDO SDE BA'I BAR GYI BLO 'KHRUL BA 'JIGS SU RUNG BA'I DPE DANG, DZE T'A RI'I BSHAD TSUL LTAR NA SEMS TZAM PA'I GZHUNG ZAB CING GTING DPAG DKA' BI'I DPE YIN NO,, //PA// RNAM SHES KYI TSANGS PA SMRA BA RIG BYED GSANG BA BAS SHES BYA THAMS CAD RNAM SHES KYI TSANGS PA'I BDAG NYID DU 'DOD PA DE SEMS TZAM PA YIN PA 'GOG PA'I CHED DU RANG SDE ZHES SMOS PA YIN ZHES PA'O,, //PHA// RNAM PA DANG BCAS PA NI SLOB DPON PHYOGS KYI GLANG PO LA SOGS PA RNAMS KYI 'DOD PA STE, RNAM PA GZHAN GYI DBANG DU STON PAS JI SKAD DU, NANG GI SHES BYA'I NGO BO NI, ,PHYI ROL LTAR SNANG GANG YIN TE, ,DON YIN ZHES BYA BA LA SOGS PA STE, RNAM SHES TSOGS DRUG TU SMRA BA'O, ,RNAM PA DE MED PA NI SLOB DPON 'PHAGS PA THOGS MED LA SOGS PA STE, DE DAG RNAM PA KUN TU BTAGS PA RAB RIB CAN GYIS SKRA BSHAD LA SOGS PA LTAR SMRA BAS, DON NI DON DU GRUB 'GYUR NA, ,MI RTOG YE SHES MED PAR 'GYUR, ,DE MED PAS NA SANGS RGYAS NYID, ,THOB BAR 'THAD PA MA YIN NO, ,DE DE BZHIN DU, MI RTOG YE SHES RGYU BA LA, ,DON KUN SNANG BA MED PHYIR YANG, ,DON MED KHONG DU CHUD PAR BYA, ,DE MED PAS NA RNAM RIG MED, ,CES BRJOD CING RNAM PAR SHES PA'I TSOGS BRGYAD DANG, KHA CIG GCIG PUR SMRA BA STE, GCIG BU NYID NI RNAM PA DANG BCAS PA DAG LA YANG KHA CIG GO, ZHES BYUNG BAS, 'DIR

DRANGS PA NI GZHUNG TSIG GAM BSDUS TSIG CHAD DO,, //BA 'DIR 'KHOR LO GSUM GA LA KHYAD PAR DRUG DRUG SBYAR BAR BSHAD KYANG 'KHOR LO DANG PO'I STON TSUL GYI KHYAD PAR GSAL BAR BSHAD PA MI SNANG NGO, ,GAL TE STON TSUL GYI KHYAD PAR SBYOR DGOS NA BDEN PAR YOD MED MA PHYE BAR THAMS CAD YOD PAR STON PA ZHES SBYAR RO, ,RJE GUNG THANG BA'I DRANG NGES DKA' 'GREL DU STON TSUL GYI KHYAD PAR MA BGRANG BAR BSKOR BA PO DANG NGO BO DANG CHE BA'I KHYAD PAR BGRANG STE KHYAD PAR BRGYAD LDAN DU BSHAD DE, BCOM LDAN 'DAS KYIS ZHES BSKOR BA BO, DANG POR ZHUS DUS, YUL BA RA n'A SIR ZHES SOGS KYIS GNAS, NYAN THOS KYI THEG PA LA ZHES SOGS KYIS GDUL BYA, BDEN PA BZHI ZHES SOGS KYIS BRJOD BYA, CHOS KYI 'KHOR LO ZHES NGO BO, ,NGO MTSAR ZHES SOGS KYIS CHE BA, ,BLA NA MCHIS PA ZHES SOGS KYIS DRANG NGES TE 'KHOR LO DANG PO KHYAD PAR BRGYAD LDAN DANG, PHYI MA GNYIS LA GNAS DANG DUS DNGOS SU MA GSUNGS KYANG SNGA MA'I SHUGS KYIS SBYOR DGOS PAR BSHAD DO,, LEGS BSHAD SNYING POR DUS DANG SKOR BA PO'I KHYAD PAR DNGOS SU MA BGRANG BAR KHYAD PAR GZHAN DRUG SBYAR ZHING, 'PHAGS PA'I ZHES PA NAS BSKOR TE ZHES PA'I BAR GYIS 'KHOR LO'I NGO BO BSTAN PAR GSUNGS SO, ,DE LA BAR n'A SI ZHES PA'I SGRA DON LA BSHAD TSUL GSUM, DRANG SRONG LHUNG BA ZHES PA LA BSHAD TSUL GNYIS, DRANG SRONG SMRA BA ZHES PA LA BSHAD TSUL GNYIS, RI DVAGS KYI NAGS ZHES

, ,PA LA BSHAD TSUL GSUM YOD PA RNAMS RJE GUNG THANG BA'I DKA' 'GREL DU GSAL LO, ,'KHOR LO BAR BA NI BYA RGOD PHUNG PO'I RI LA SOGS PA GNAS BZHIR 'DUS PA BCU DRUG TU GSUNGS PAS DGONGS 'GREL LAS GNAS GCIG TU NGOS MA BZUNG NGO, ,DE LA RGYAL PO'I KHAB CES PA NI GRONG KHYER DE DANG POR BRTZIG PA'I TSE MI MA YIN PA RNAMS RGYAL PO'I KHAB MA GTOGS PA GZHAN THAMS CAD 'JIG PAR BYED PAS, RGYAL PO RGYAL PA'I SHING RTAS KHYIM THAMS CAD LCAGS RIS GCIG GIS BSKOR NAS 'DI DAG THAMS CAD BDAG GI KHYIM ZHES SMRAS SO, ,DE PHYIN CHAD MA BSHIG PAS MING MA 'PHOS PAR GRONG KHYER SPYI'I MING RGYAL PO'I KHAB CES GRAGS PAR MAN NGAG RJES 'BRANG DU BSHAD DO, ,YANG LO RGYUS 'GA' ZHIG TU SNGON GRONG KHYER DE LA ME'I 'JIGS PA MANG PO BYUNG BAS GRONG KHYER DE'I RGYAL POS KHYIM GANG NAS ME'I 'JIGS PA 'BYUNG BA'I KHYIM DE DUR KHROD KYI GNAS SU 'DZUGS DGOS PA'I KHRIMS BYAS PA NA, RING PO MA LON PAR RGYAL PO RANG GI KHANG PA NAS ME'I 'JIGS PA BYUNG BAS SNGAR GYI KHRIMS MA BSHIG PAR RGYAL PO'I KHANG PA BYA RGOD PHUNG PO'I RI ZHES BYA BA'I DUR KHROD KYI GNAS SU BTZUGS SO, ,DE'I TSE DE LA RGYAL PO'I KHAB CES GRAGS PA PHYIS RIM GYIS GRONG KHYER DU GYUR KYANG SNGAR GYIS MING MA 'PHOS PA YIN ZHES BSHAD DO, ,BYA RGOD PHUNG PO'I RI ZHES PA LA BSHAD TSUL GSUM YOD PA GUNG THANG DKA' 'GREL LAS BYUNG

BA LTAR RO, ,KHYIM PA DANG RAB BYUNG GI PHYOGS GNYIS KA BSDUS PA'I PHYIR DANG GZUGS SKU DANG CHOS SKUS PHAN 'DOGS PAR BSTAN PA'I PHYIR GNAS GNYIS SMOS PAR RGYA 'GREL RNAMS SU BSHAD CING, BYANG SEMS RNAMS SRID ZHI LA MI GNAS PAR BSTAN PA'I PHYIR GNAS GNYIS SMOS PAR BSHAD PA YANG THOS SO, ,'KHOR LO THA MA NI YANGS PA CAN LA SOGS PA'I GNAS BDUN DU 'DUS PA BRGYAD LA GSUNGS PAS GNAS GCIG KHO NAR MA NGES PAR BSHAD DO,, 'ON KYANG DGONGS 'GREL LAS 'KHOR LO DANG PO LA GNAS KYI MING GSUNGS LA PHYI MA GNYIS LA MA GSUNGS PA NI GNAS GCIG TU GSUNGS PA DANG MA GSUNGS PA'I RGYU MTSAN GYIS MIN NAM SNYAM STE, GZHAN DU NA PHAR PHYIN MTHA' DPYOD LAS BDEN BZHI'I CHOS 'KHOR LTA BU YANG SANGS RGYAS TSUL BSTAN PA NAS MYA NGAN LAS 'DA' TSUL GYI BAR DU GSUNGS PAR LUNG SDE BZHIS GRUB PAR BSHAD PA MI 'THAD PAR 'GYUR BA'I PHYIR DANG, RGYAL PO CHEN PO GZUGS LA SKYE BA YANG YOD, 'JIG PA YANG YOD CES SOGS KYI MDO DE MA GA DHA'I MCHOD RTEN RAB BRTAN GYI SMYUG MA'I TSAL DU GSUNGS PA LTA BU MANG PO YOD PA'I PHYIR RO,, GZHAN YANG, PHYI MA GNYIS LA DUS KYI KHYAD PAR DNGOS SU MA GSUNGS PA'ANG MIN NAM SNYAM STE, GRUB DON GYI MDO LAS, CHOS KYI 'KHOR LO GNYIS PA BSKOR TE, ZHES DANG, GSUM PA BSKOR TE, ZHES PAS PHYI MA GNYIS KYI DUS KYI KHYAD PAR DNGOS SU BSTAN PA'I PHYIR DANG, DE'I GNYIS PA

, ,DANG GSUM PA ZHES PA DUS LA MA SBYAR NA DUS KYI RIM PA'I SGO NAS 'KHOR LO GSUM BZHAG PA DANG 'GAL BAR 'GYUR BA'I PHYIR RO,, LEGS BSHAD SNYING POR, DGONGS 'GREL LAS 'KHOR LO RIM PA GSUM GSUNGS PA NI 'KHOR GYI 'DU THEBS DANG STON PA'I SKU TSE'I TSIGS LA SOGS PAS 'JOG PA MIN GYI BRJOD BYA'I NGOS NAS YIN NO,, DE YANG BDAG MED PA'I DON GTAN LA 'BEBS PA'I DBANG DU BYAS PA STE, ZHES PA LA BRTEN NAS LCANG SKYA GRUB MTHAR, DUS KYI RIM PA'I SGO NAS 'KHOR LO GSUM BZHAG PA BKAG NAS RANG LUGS RGYUD SDE SPYI RNAM LTAR BRJOD BYA PHYOGS MTHUN GYI SGO NAS 'KHOR LO GSUM BZHAG PA YANG MKHAS PA'I BSHAD PA'I RNAM GRANGS TZAM YIN TE, GZHAN DU NA DGONGS 'GREL LAS DUS DANG POR ZHES PA DANG, 'KHOR LO GNYIS PA BSKOR ZHES PA DANG, GSUM PA BSKOR TE ZHES PA RNAMS KYI DON BSHAD DU MI RUNG BAR 'GYUR BA'I PHYIR TE, DE DAG GI DON 'KHOR LO GSUM BSKOR BA'I DUS LA MA SBYAR NA GZUNGS RGYAL GYIS ZHUS PA NAS GSUNGS PA LTAR GANG ZAG GCIG KHRID PA'I RIM PA LA YANG SBYOR MI RUNG BAS DON BSHAD TSUL MED PAR 'GYUR BA'I PHYIR TE, LEGS BSHAD SNYING PO LAS, 'DI NI GANG ZAG GCIG DANG POR THEG DMAN DU KHRID DE, DE NAS SANGS RGYAS KYI YUL THEG CHEN LA BTZUD NAS MTHAR SANGS RGYAS THOB PAR BYED PA'I RIM PA YIN LA, CHOS 'KHOR GSUM NI THEG PA CHE CHUNG GI

GDUL BYA RGYUD THA DAD KYI DBANG DU MDZAD PA'I PHYIR, ZHES GSUNGS PA'I PHYIR, DES NA GONG GI LUNG DON NI 'KHOR LO GSUM GYI DRANG NGES KYI KHYAD PAR RNAMS DUS KYI RIM PAS 'JOG PA MIN PHYI BRJOD BYA'I SGO NAS YIN ZHES PA'I DON YIN PA'I PHYIR TE, GONG DU DRANGS PA'I LUNG DE'I 'PHROR, DANG POR WAR n'A SIR GANG ZAG GI BDAG MED GSUNGS SHING PHUNG PO LA SOGS PA'I CHOS NYUNG SHAS GCIG MA GTOGS PA BDEN PAR GRUB PA MA BKAG CING BDEN PAR YOD PA MANG DU GSUNGS PA'I SKOR GCIG GO, DE NAS RNAM DBYE MA MDZAD PAR PHUNG SOGS KYI CHOS THAMS CAD BDEN PAR GRUB PA BKAG PA'I SKOR GCIG GO, DE NAS DE LA NGO BO NYID DANG PO RANG GI MTSAN NYID KYIS MA GRUB CING GZHAN GNYIS RANG GI MTSAN NYID KYIS GRUB PA'I TSUL SO SOR PHYE BA'I SKOR GCIG BYUNG BAS DE'I DBANG DU MDZAD PA STE; STON TSUL DE DAG LAS GZHAN DU STON PA'I MDO SDE GZHAN RNAMS 'DI'I DRANG NGES DPYOD PA'I GZHIR 'ONG DON MED DO, ,ZHES GSAL BAR GSUNGS PA'I PHYIR DANG, KHA CIG GIS MDO 'DI LA BRTEN NAS DUS GSUM PAR GSUNGS PA'I MDO THAMS CAD NGES DON DU BSGRUBS NAS GZHAN SDE'I RIGS CAN BDAG TU SMRA BA LA ZHEN PA RNAMS DRANG BA'I PHYIR DU GSUNGS PA 'GA' ZHIG SGRA JI BZHIN PAR 'DOD CING, ZHES DANG, DE LA GZHAN DAG GIS MDO 'DIS DRANG NGES PHYE BA LTAR YIN PHYOGS SNGA MA NAS SMRA BA LTAR 'GYUR RO SNYAM NAS DRANG NGES KYI TSUL DE SGRA JI BZHIN PA MIN NO ZHES 'GOG GO,

, ,DE GNYIS KAS KYANG MDO 'DIR MDO SDE LA 'GAL SPONG GI DI BA BYUNG LUGS DANG DE LA STON PAS LAN BTAB LUGS DANG DE LA BRTEN NAS DRANG NGES SU BZHUG LUGS RNAMS LA ZHIB TU MA BRTAGS PAR DRANG NGES KYI RNAM DBYE BYAS PA'I SKABS TZAM ZHIG LA RTZOD PAR MI SNANG NGO,, ZHES GZHAN LUGS BKAG PAS KYANG SHES PA'I PHYIR RO,, LUNG SNGA MA'I PHUNG PO LA SOGS PA'I CHOS NYUNG SHAS GCIG MA GTOGS PA BDEN PAR GRUB PA MA BKAG CING BDEN PAR YOD PA MANG DU GSUNGS PA'I SGOR GCIG GO, ZHES PA'I DON LA, PAn CHEN BSOD GRAGS KYIS GRUB MTHA' GONG MA'I SHAN SHOR PAR BSHAD PA NI MNYAN BAR MI 'OS PA'I GTAM YIN LA, DRANG NGES RNAM 'BYED KYI MTHA' DPYOD DU'ANG PHUNG SOGS KYI CHOS NYUNG SHAS GCIG STE 'GREL RKANG BDUN BRTZAMS GZHIR BYAS NAS BDEN PAR GRUB PA MA BKAG PAR BDEN PAR YOD PAR GSUNGS PA'I DON DU BSHAD PA YANG SNGA MA'I BSHAD RGYUN BKOD PA YIN NAM DPYAD DGOS TE, PHUNG SOGS KYI CHOS NYUNG SHAS GCIG MA GTOGS PA BDEN PAR GRUB PA MA BKAG CES PA'I DON DU PHUNG SOGS KYI CHOS NYUNG SHAS GCIG BDEN PAR GRUB PA MA BKAG PA'I DON DU BSHAD NA MA GTOGS ZHES PA'I TSIG SBYAR BA'I DGOS PA GTAN MED DU 'GYUR BA'I PHYIR DANG, LUNG DE'I DON NI PHUNG SOGS KYI CHOS NYUNG SHAS GCIG LA BDEN GRUB BKAG PA MA GTOGS GZHAN PHAL CHER BDEN PAR YOD PAR GSUNGS ZHES PA'I DON YIN PA'I

PHYIR DANG, PHUNG SOGS KYI CHOS NYUNG SHAS GCIG GI STENG DU 'GOG RGYU BDEN GRUB NI GANG ZAG GI BDAG LA BYED PA'I PHYIR TE, RJE NYID KYIS GNANG BA'I LTA KHRID BSDUS PA LAS, MDO SDE MANG POR GANG ZAG BDEN PA BA 'GOG CES PA DANG, GZHI BSDU BAR DON DAM PA DANG, RNAM PAR GTAN LA DBAB PA BSDU BA DANG, MDO RGYAN DANG MDZOD 'GREL RNAMS SU RDZAS YOD 'GOG CES PA KUN DON GCIG PAS, ZHES DANG; LEGS BSHAD SNYING PO LAS KYANG, JI SRID DU GANG BDEN PA MED PAR BSTAN PA DE LA BCINGS GROL SOGS KYI RNAM GZHAG THAMS CAD BZHAG PAS MI CHOG PA DE SRID DU KHA CIG MI BDEN LA KHA CIG BDEN PA'I RNAM DBYE MDZAD DGOS TE, BDAG MED PA'I PHYOGS RE BSTAN NAS RIM GYIS 'KHRID DGOS LA RGYU 'BRAS 'JOG PA'I GZHI MED NA NYI TSE BA'I STONG PA DE YANG GZHAG TU MI RUNG BA'I PHYIR RO, , DE'I PHYIR GANG ZAG LA RANG BZHIN BKAG NAS PHUNG PO LA PHEL CHER MA BKAG PA DANG, GZUNG 'DZIN RDZAS GZHAN BKAG NAS GNYIS STONG LA RANG BZHIN MI 'GOG PA'I TSUL GSUNGS SO,, ZHES GSAL BAR GSUNGS PA LTAR YIN PA'I PHYIR RO,, GZHAN YANG, BDEN BZHI'I CHOS 'KHOR DNGOS SAM DE DANG BRJOD BYA STON TSUL PHYOGS MTHUN PA'I THEG DMAN GYI MDO DE 'KHOR LO DANG PO'I 'JOG BYED DU BSHAD PA YANG KHAS LEN PAR MI BYA STE, DE LTA NA BDEN BZHI'I CHOS 'KHOR DE 'KHOR LO DANG POR 'JOG BYED MED PAR 'GYUR BA'I PHYIR TE, DE NYID BDEN BZHI'I CHOS 'KHOR DNGOS YIN PA'I RGYU MTSAN GYIS

, ,'KHOR LO DANG POR SGRUB MI RUNG BA'I PHYIR TE, RTZOD GZHI SGRUB BYED DU MI RUNG BA'I PHYIR RO,, GZHAN YANG, 'KHRO LO GSUM DUS KYI RIM PA'I SGO NAS 'JOG PA NI RJE BDAG NYID CHEN PO'I DGONGS PA YIN TE, LEGS BSHAD SNYING PO LAS, SHUGS LA GNAS PA'I DON DE NYID DUS KYI RIM PA'I SGO NAS 'KHOR LO GSUM DANG SBYAR BA'I DRANG NGES SU 'GYUR TSUL, ZHES DANG, DUS SNGA PHYIR GSUNGS PA'I 'KHOR LO GSUM KYI DRANG NGES ZHUS PA, ZHES SOGS LAN GCIG MA YIN PAR BKA' STZAL BA'I PHYIR RO,, DE'I SGRUB BYED RGYAS BAR DKA' 'GREL RTZOM 'PHRO LAS SHES PAR BYA'O,, SHUGS LA GNAS PA'I DON ZHES PA LA, RJE GUNG THANG PA'I BAR PHYIN DANG LEGS BSHAD SNYING PO'I MCHAN 'GREL GNYIS KAR 'KHOR LO GSUM ZHES PA'I THA SNYAD DE DRIS LAN GYI MDO'I SHUGS BSTAN GYI DON YIN ZHES PA DANG, DKA' 'GREL RTZOM 'PHRO LAS, 'KHOR LO GSUM ZHES PA'I THA SNYAD DANG MDO TSAN GSUM MING DON SBYOR DGOS PA NI SNGAR GYI MDO'I SHUGS BSTAN YIN ZHES PA'I DON DU BSHAD DO,, DE NI PHAR PHYIN MTHA' DPYOD DU BKA' THAMS CAD 'KHOR LO GSUM DU GRANGS NGES PA DANG, 'KHOR LO DANG PO GNYIS LA DRI BA DNGOS SU BSTAN NAS THA MA SHUGS LA BSTAN PA'I SHES BYED DU SHUGS LA GNAS PA'I DON ZHES SOGS DRANGS PA'I 'BREL BA SGRUB PA'I CHED DU DE LTAR BSHAD PA YIN GYI, RJE GUNG THANG BA RANG GI BZHED BA

MA YIN NAM SNYAM STE, SHUGS BSTAN GYI DON DE 'KHOR LO GSUM DANG SBYAR BA'I DRANG NGES SU 'GYUR TSAL STON PA LA ZHUS PA'I TSIG NI GRUB DON GYI MDO DE YIN PAR LEGS BSHAD SNYING POR GSUNGS PA LA SUS KYANG BSNYON MI NUS LA, DES NA 'KHOR LO GSUM GYI THA SNYAD DE 'KHOR LO GSUM DANG SBYAR ZHES PA DANG, 'KHOR LO GSUM GYI THA SNYAD DANG MDO TSAN GSUM MING DON SBYOR DGOS PA DE NYID 'KHOR LO GSUM DANG SBYAR BA'I DRANG NGES SU 'GYUR TSUL ZHES BSHAD DGOS PAR 'GYUR BA LA DE MI RIGS PA'I PHYIR DANG, CHOS THAMS CAD BDEN PAR YOD PAR STON PA DANG BDEN PAR MED PAR STON PA'I MDO SDE GNYIS DRANG DON DANG, CHOS RNAMS LA BDEN PAR YOD MED LEGS PAR PHYE BA'I MDO SDE GCIG NGES DON YIN PA NI SNGAR GYI DRIS LAN GYI MDO'I SHUGS BSTAN YIN ZHES PA'I DON YIN PA'I PHYIR TE, LEGS BSHAD SNYING PO LAS, MDO SDE GNYIS DRANG DON DANG GCIG NGES DON DU SNGAR BSHAD PA RNAMS KYI SHUGS KYIS SHES PAR 'GYUR RO,, SHUGS LA GNAS PA'I DON DE NYID, CES SOGS GSUNGS PA'I PHYIR RO,, MDO SDE GNYIS DRANG DON DANG GCIG NGES DON YIN PAR DNGOS SU BSHAD PA'I SHUGS KYIDON GZHAN ZHIG SHES RGYU YOD PAR BSAHD CES PA YANG LEGS PAR MI SNANG STE, SHUGS KYIS SHES RGYU'I DON MA SMOS PAR SHUGS KYIS SHES PAR 'GYUR RO ZHES BSHAD NA GZHI MED KYI BSHAD PAR 'GYUR BA'I PHYIR RJE BDAG NYID CHEN PO LTA ZHOG BDAG LTA BUS KYANG DE LTA'I BSHAD PA MI BYED PA'I PHYIR DANG,

, ,MDO SDE GNYIS DRANG DON DANG GCIG NGES DON YIN PAR DE YAN CHAD DU DNGOS SU MA GSUNGS PA'I PHYIR TE, DE YAN CHAD DU CHOS THAMS CAD NGO BO NYID MED PA DANG MA SKYES PA SOGS SU GSUNGS PA'I MDO'I DGONGS GZHI DANG DNGOS YA GNOD BYED GNYIS DNGOS SU GSUNGS KYANG DRANG DON ZHES PA'I THA SNYAD DNGOS SU SBYAR BA MED LA, GZHAN GNYIS LA DRANG NGES KYI KHYAD PAR DNGOS SU BSHAD DAM SNYAM PA'I DOGS GNAS TZAM YANG MED PA'I PHYIR TE, GZHAN DU NA NGO BO NYID YOD PAR GSUNGS PA'I MDO LA DRIS LAN DNGOS SU MDZAD PAR THAL BAR 'GYUR BA'I PHYIR DANG, LEGS PHYE NGES DON DU DNGOS SU BSHAD NA RANG NYID KYIS CHA PHYE NAS STON PA'I NGES DON GCIG YOD PAR DON GYIS 'GRUB PAR BSHAD PA DANG 'GAL BA'I PHYIR DANG, DRIS LAN GYI MDO'I SKABS SU BDEN PAR YOD MED LEGS PAR MA PHYE BA'I MDO SDE GNYIS DRANG DON DANG BDEN PAR YOD MED LEGS PAR PHYE BA'I MDO SDE GCIG NGES DON DU DONG YIS BSHAD PA DE NYID GRUB DON GYI SKABS SU MDOS DE GSUm LA RIM BZHIN DUS KYI RIM PA'I SGO NAS BZHAG PA'I 'KHOR LO GSUM GYI THA SNYAD SBYAR NAS 'KHOR LO DANG PO GNYIS DRANG DON DANG THA MA NGES DON DU DNGOS SU GSUNGS PA NI LEGS BSHAD SNYING PO'I DGONGS PA YIN PAR CHES SHIN TU GSAL BA'I PHYIR RO,, DES NA PHAR PHYIN MTHA' DPYOD DU SHUG LA GNAS PA'I DON ZHES SOGS DRANGS PA YANG BKA' THAMS CAD 'KHOR LO GSUM DU GRANGS NGES PA NI MDO

SDE DGONGS 'GREL GYI GRUB DON GYI GZHUNG GI SHUGS BSTAN YIN PAR STON PA'I CHED DU YIN PA'I PHYIR, 'O NA BKA' THAMS CAD 'KHOR LO GSUM DU GRANGS NGES PAR DGONGS 'GREL DRIS ZHUS KYIS SHUGS LA BSTAN PAR BSHAD PA'I DGONGS PA GANG YIN ZHE NA, DE'I DGONGS PA 'DI LTAR SHES PAR BYAS TE, DRIS LAN GYI MDO'I SKABS SU DRANG DON GYI MDO GNYIS DANG NGES DON GYI MDO GCIG STE MDO TSAN GSUM SHUGS LA BSTAN PA DE LA GRUB DON GYI SKABS SU DUS KYI RIM PA'I SGO NAS 'KHOR LO GSUM GYI THA SNYAD DNGOS SU SBYAR BAS NA, DUS THOG MTHA' BAR GSUM DU GSUNGS PA'I MDO GZHAN RNAMS LA YANG 'KHOR LO GSUM GYI THA SNYAD SBYOR BA DON GYIS BSTAN PA LA DGONGS PA'I PHYIR, BDEN BZHI'I CHOS 'KHOR DANG MTSAN NYID MED PA'I CHOS 'KHOR DANG LEGS PHYE'I CHOS 'KHOR DU BRJOD BYA STON TSUL GYI SGO NAS 'JOG DGOS KYANG, DE GSUM LA 'KHOR LO DANG PO BAR THA'I THA SNYAD SBYOR BA NI DUS KYI RIM PA KHO NAS 'JOG DGOS KYI, BRJOD BYA'I SGO NA 'JOG NA DANG PO ZHES PA 'KHOR LO DANG PO'I BRJOD BYA LA BYED PA SOGS 'BREL MED KYI GTAM SMRA DGOS PAR 'GYUR BA'I PHYIR RO,, //MA// RIGS MED LA MNGON MTHO'I 'KHOR LO ZUR DU BSKOR BA MIN KYANG DE LA MNGON MTHO THOB PA'I THABS MA GSUNGS PA MIN TE, GZHAN DU NA RIGS CHAD RNAMS MNGON MTHO THOB PA MED PAR 'GYUR BA'I PHYIR RO, DE LTA NA LOG SRED CAN LA SANGS RGYAS KYIS CHOS GSUNGS PA YIN KYANG CHOS 'KHOR BSKOR BA

, ,MIN PA DANG, 'ON KYANG DE LA GSUNGS PA'I BKA' RNAMS SKABS 'DIR CHOS 'KHOR DU 'DOD DGOS PA SOGS KYI ZHIB CHA YOD DAM SNYAM MO,, RANG SANGS RGYAS KYI 'KHOR LO ZUR DU BSKOR BA MIN TE, NYAN THOS KYI SDE SNOD LAS ZUR DU RANG RGYAL GYIS DE SNOD MED PA'I PHYIR TE, RANG RGYAL GYIS KYANG NYAN THOS KYI SDE SNOD LA DMIGS NAS LAM SGRUB PAR KUN BTUS LAS GSUNGS PA'I PHYIR RO,, //TZA// DUS DANG POR MDO SDE SA BCU PA GSUNGS KYANG DE NI THUN MONG GI SNANG BA GTZO CHE BA'I DBANG DU BYAS NAS DUS THA MAR GSUNGS PA'I MDOR 'JOG DOG SLA, DE BZHIN DU MDO GZHAN RNAMS LA YANG RIGS 'GRES, //TSA// PHYOGS MTHUN RDOR GCOD CES GSUNGS PA DPYAD DGOS TE, RDO RJE GCOD PA SHER PHYIN GYI MDO YIN PA'I PHYIR TE, ZHES ZER MKHAN KYANG YOD DO,, //DZA// GZHAN NA ZHES PA YIG NOR YIN TE, DBU MA PAS GZHAL NA LANG GSHEGS ZHES SOGS 'DON DGOS SO,, //WA// GANG ZAG LA MI RTON ZHES PA'I GANG ZAG LA MCHOG DMAN SNA TSOGS YOD KYANG, GTZO CHER TSUL 'CHOS CAN NGAN PA BZANG LTAR BRDZUS PA'I RJES SU 'BRANG MI RIGS PA DANG, RGYANG PHAN LA SGRAS BRJOD RIGS KYI SGO NAS GSUM DU PHYE BA'I NANG TSAN 'JIG RTEN PA'I GSANG TSIG GI DBANG DU BYAS PA'I RGYANG PHAN MU STEGS PA'I GSANG TSIG 'DON PA KHO NA LHUR LEN PA LTAR TSIG KHO NA LHUR LEN PAR MI RIGS PA DANG, GAL TE

'JIG RTEN TSAD MA YIN NA NI, ,'JIG RTEN DE NYID MTHONG BAS 'PHAGS GZHAN GYIS, ,CI DGOS 'PHAGS PA'I LAM GYIS CI ZHES BYA, ,BLUN PO TSAD MAR RIGS PA MA YIN NO,, ZHES PA LTAR, RANG LTA MCHOG 'DZIN TE RANG GI DBANG MNGON LA JI LTAR SNANG BA LTAR DU GNAS LUGS MTHAR THUG TU 'DZIN PAR MI RIGS PA DANG, THOS PA LHUR LEN PA'I GANG ZAG LTAR THOS BYUNG GI SHES RAB TZAM GYIS CHOG PAR 'DZIN PA MI RIGS PAR BSHAD DO,, //ZHA// CHOS KUN CHUB PAR BYED PAS TE THOS PA BYED PA'I DUS SU GANG BSHAD PA THAMS CAD BDEN PAR BZUNG NAS TSIG DON LA BRTAG DPYAD MA BYAS NA YANG DAG LTAR SNANG GI RNAM DBYE MI SHES PAS NA, DER DUS SU CHUNG MI ZA BAR BYA BA'I PHYIR DU RTON PA DANG PO DANG, DE MI BRJED PAR 'DZIN PA'I DUS SU TSIG 'BA' ZHIG LHUR LEN NA DON MI BRJED PAR 'DZIN PA LAS NYAMS PAR GYUR BAS NA, DER DUS SU CHUNG MI ZA BAR BYA BA'I PHYIR RTON PA GNYIS PA DANG, DON LA NYE BAR RTOG PA STE TSUL BZHIN YID LA BYED PA'I BSAM BYUNG GI TSE KUN RDZOB TZAM YID LA BYED NA DON DAM LA BSAM BYUNG GI NGES PA MI RNYED PAS NA, DER DUS SU CHUD MI ZA BAR BYA BA'I PHYIR RTON PA GSUM PA DANG, CHOS KYI RJES SU MTHUN PA'I CHOS TE THAR LAM BSGRUB PA'I SKABS SU THOS BSAM DANG BSGOM BYUNG GI RTOG PA TZAM GYIS CHOG PAR 'DZIN NA YANG DAG PA'I DON LA GSAL SNANG MTHAR PHYIN PA'I ZAG MED KYI YE SHES RNYAD PAR MI 'GYUR BAS NA, DER DUS SU

, ,CHUD MI ZA BAR BYA BA'I PHYIR RTON PA BZHI PA RNAM PAR BZHAG PA YIN NO,, //ZA// RIGS PA TSAD MA NI CHOS LA RTON PA DANG, DON TSAD MA NI DON LA RTON PA DANG, STON PA TSAD MA NI NGES DON LA RTON PA DANG, YE SHES TSAD MA NI YE SHES LA RTON PA DANG GO DON GCIG YIN TE, TSAD MA ZHES PA NI MI BSLU BA'I DON YIN PAS SO, ,MI BSLU ZHES PA YANG SKABS STOBS KYIS SO SOR SHES DGOS KYI, SNANG TSUL DANG GNAS TSUL MTHUN PA KHO NA LA MI BYA'O,, //'A// SNAR THAR PAR MA LAS, 'DI NI STON PA RNAMS KYI MTSAN NYID BSHAD DE, DES TSAD MA DANG LDAN PA'I DON NI STON PA TSAD MAR MDZAD PAS NGES PAR BYAS SHING RNAM PAR PHYE BA GANG YIN PA'O, ,ZHES 'DIR DRANGS PA DANG CUNG MI 'DRA BAR BYUNG NGO,, //YA// GANG LA RTON PA BZHI NI, GTZUG LAG STE GSUNG RAB DANG, SGRAS ZIN GYI DON MIN PA'I DGONGS DON DANG, LOG PAR SHES PA MA YIN PAR YANG DAG PAR NGES PA'I DON DANG, DE RTOGS PA'I ZAG MED KYI YE SHES TE BZHI DANG, GANG LA MI RTON PA BZHI NI, GTZUG LAG GI CHOS SPONG BA'I GANG ZAG DANG, SGRA JI BZHIN PA'I DON DANG, LOG PAR BSAMS PAS DON PHYIN CI LOG TU DRANGS PA DANG, SO SO RANG RIG PA'I YE SHES MA GTOGS PA'I SHES PA BZHI LA MDO SDE RGYAN LAS BSHAD DO,, //RA// DON LA RTON ZHES PA'I DON GYI DBYE BA'ANG RIGS PA BZHI PO DER 'DUS SO,, //LA// NYID DANG ZHES PA YI GE

NOR PA YIN PAS, 'DI BA'I SKABS SGRA JI BZHIN PA RNAMS NGES DON DANG ZHES 'DON DGOS SO,, //SHA// SO SO SKYE BO'I DGE BA'I GANG ZAG CES PA NI BYANG SEMS SO SKYE LA BYED DAM SNYAM STE, SKYES RABS SOGS SU BYANG SEMS LA DGE BA'I SGRAS BSHAD PA MANG BA'I PHYIR RO,, //SA// SHES PA'I GANG ZAG NI 'DUL BA NAS BSHAD PA'I GANG ZAG KHYAD PAR CAN LNGA'I NANG TSAN KUN GYIS SHES PA'I GANG ZAG LA BYED DAM SNYAM MO,, //HA// LAS ZHES PA YIG NOR YIN PAS, HA CANG DE TZAM LA MCHOG TU MI 'DZIN ZHES 'DON DGOS SO,, //AA// DRANG NGES RNAM 'BYED KYI MTHA' DPYOD DU BLO GROS MI ZAD PA'I MDO DRANGS PA LAS, YI GE ZHES BYA BA NI GANG THOG MAR SEMS BSKYED PA NAS BZUNG STE BYANG CHUB KYI SNYING PO LA THUG GI BAR GYI BYANG CHUB SEMS DPA'I YON TAN GYI TSOGS BSTAN PA'O, ,DON ZHES BYA PA NI GANG SEMS KYI SKAD CIG MA GCIG DANG LDAN PA'I SHES RAB KYIS THAMS CAD MKHYEN PA'I YE SHES MNGON PAR RDZOGS PAR 'TSANG RGYA BA STE, MDOR NA GANG CHOS KYI PHUNG PO, ZHES PA NAS, BRJOD DU MED PA'I DON DE NI DON TE, ZHES GSUNGS PA LTAR NA, BYANG CHUB SEMS DPA'I YON TAN GYI TSOGS BSTAN PA'I GSUNG RAB LA YI GE DANG, MTHAR THUG SANGS RGYAS KYI SA'I YON TAN LA DON DU BYAS PA'AM, GDUL BYA'I KHAMS BSAM PA BAG LA NYAL DANG MTHUN PAR GSUNGS PA'I BKA' LA YI GE DANG, RNAM MKHYEN GYIS GZIGS PA JI LTA BA BZHIN DU MING TSIG YI GES BRJOD

, ,DU MED PA'I CHOS LA DON DU BYAS PA YIN NAM SNYAM MO,, //KA// TSIG LA MI RTON PA DANG DRANG DON LA MI RTON PA GNYIS MI ZLOS TSUL NI, SKABS 'DIR TSIG LA MI RTON ZHES PA GTZO CHER TSIG 'DON PA TZAM GYIS CHOG PAR MI 'DZIN PA LA BYED LA, DRANG DON LA MI RTON ZHES PA SGRA JI BZHIN PA'I DON TZAM GYIS CHOG PAR MI 'DZIN PA LA BYED PA DANG, SNGA MA NI MI BRJED PAR 'DZIN PA'I GNAS SKABS DANG, PHYI MA NI TSUL BZHIN YID LA KHYED PA'I GNAS SKABS YIN PAS MI ZLOS ZHES BSHAD DGOS SO, ,'ON KYANG SEMS TZAM PA'I LUGS LA; GZHI GRUB NA NGES DON GYIS KHYAB, DRANG DON MED ZER BA SHAS CHE BAS DE'I DBANG DU BYAS PA YIN GYI, GRVA TSANG GZHAN GYI YIG CHA 'GA' ZHIG LAS, SEMS TZAM PA'I SKABS SU YANG NGO BO NYID MED PAR SMRA BA LTAR DRANG DON KUN RDZOB DANG DES DON DAM DU BSHAD PA LTAR NA DOGS PA MED DO,, //KHA// 'DI NI 'PHEN BYED BSOD NAMS KYI LAS DANG 'PHEN BYED MI GA-YO BA'I LAS DANG TSAR GCIG PA'I RGYU DUS KYI RNAM SHES LA BYED DE, 'BRAS DUS KYI RNAM SHES NI LUNG MA BSTAN YIN PAS DE LA SGOM BYUNG MED PA'I PHYIR SNYAM MO,, //GA// PHAN YON NI, LUNG GI CHOS LA MOS PA DANG, ,THUB PA'I DGONGS DON DPYOD PA DANG, ,GZHAN LAS DON PHYIN CI LOG PAR THOS PA DANG, 'JIG RTEN LAS 'DAS PA'I YE SHES TE BZHI LAS BRTAN PA STE BYANG SEMS

RNAMS NYAMS PAR MI 'GYUR BAR BSHAD DO, ,SPYOD PA ZHES PA YI GE NOR BAS, DGONGS PA ZAB MO DPYOD PA LAS MI NYAMS PA DANG, ZHES DANG, MOS DANG RNAM PAR DPYOD PA DANG, ZHES 'DON DGOS SO,, //NGA// RIGS PA DNGOS NI YUL CAN TSAD MA LA BYED PAR KUN BTUS DAR d'IKA LAS BSHAD KYANG, LAM RIM LAS, LTOS PA'I RIGS PA NI 'BRAS BU RNAMS 'BYUNG BA RGYU DANG RKYEN LA LTOS PA'O,, 'DI YANG KUN RDZOB DANG DON DAM DANG DE DAG GI GZHI RNAMS SO SO'I SGO NAS TSOL BA'O, ,BYA BA BYED PA'I RIGS PA NI MES SREG PA'I BYA BA BYED PA SOGS CHOS RNAMS KYIS RANG RANG GI BYA BA BYED PA'O, ,'DI YANG 'DI NI CHOS SO, ,'DI NI BYED PA'O, ,CHOS 'DIS NI BYA BA 'DI BYED DO ZHES TSOL BA'O, ,'THAD PAS SGRUB PA'I RIGS PA NI TSAD MA DANG MI 'GAL BAR DON SGRUB PA'O, ,'DI YANG CI 'DI LA MNGON SUM DANG RJES DPAG DANG YID CHES PA'I LUNG GI TSAD MA GSUM PO YOD DAM MED SNYAM DU TSOL BA'O, ,CHOS NYID KYI RIGS PA NI ME TSAB DANG CHU RLAN PA SOGS LA DE DAG GI CHOS NYID DU 'JIG RTEN NA GRAGS PA'I CHOS NYID DANG BSAM GYIS MI KHYAB PA'I CHOS NYID DANG, GNAS PA'I CHOS NYID LA MOS PAR BYED CING DE LTAR YIN PA'I RGYU MTSAN GZHAN SEMS PAR MI BYED DE, DE LTAR TSOL BA'O,, ZHES GSUNGS SO,, //CA// GSER PHRENG LAS, SANGS RGYAS LA BRNYAS PA'I GNYEN POR NI DGONGS PA DANG PO BSHAD PA DANG, LUNG GI CHOS LA BRNYAS PA'I GNYEN POR NI GANG+G'A'I KLUNG GI BYE MA RNYES DANG MNYAM PA'I SANGS RGYAS LA BSNYEN

, ,BKUR BYAS NA GZOD THEG CHEN GYI RTOGS PA SKYE'O ZHES GSUNGS PA LTA BU'O, ,'DI THEG BSDUS SU DON GZHAN LA DGONGS PA LA BSHAD LA, DE'I DON BSHAD SBYAR DU LUNG LAS DON GZHAN THEG CHEN GYI RTOGS PA'I CHOS LA DGONGS NAS GSUNGS PAR BSHAD DO, ,LE LO'I SGRIB PA'I GNYEN POR NI, DUS GZHAN LA DGONGS PAR BSHAD PA DANG, DE BZHIN GSHEGS PA ZLA 'OD DRI MED KYI MTSAN SMOS PA TZAM GYIS BLA NA MED PA'I BYANG CHUB TU NGES PA YIN NO ZHES PA LTA BU'O, ,CUNG ZAD TZAM GYIS CHOG PAR 'DZIN PA'I GNYEN POR NI, LA LAR SBYIN SOGS SMAD LA GZHAN DU BSNGAGS PA LTA BU'O, ,'DOD CHAGS LA SPYOD PA'I GNYEN POR SANGS RGYAS KYI ZHING GI 'BYOR BA BSNGAGS PA LTA BU'O, ,NGA RGYAL LA SPYOD PA'I GNYEN POR SANGS RGYAS LA LA'I PHUN TSOGS BSNGAGS BA LTA BU'O, ,'GYOD PA'I GNYEN POR GANG DAG SANGS RGYAS BYANG SEMS LA GNOD PA BYED PA DE DAG MTHO RIS SU 'GRO'O ZHES PA LTA BU'O, ,MA NGES PA LDOG PA'I SGRIB PA'I GNYEN POR NYAN THOS RNAMS LUNG BSTAN PA DANG, THEG PA GCIG TU BSHAD PA LTA BU'O, ,ZHES GSUNGS SO, //CHA// SEMS RNAM PAR GA-YENG BA MED PAR RTZE GIG TU GNAS PA LA MCHOG DANG DAM PA DANG GTZO BO YIN NO SNYAM DU RTOGS PA NI SNYING PO MED PA LA SNYING POR SHES PA ZHES BYA STE, 'DIS THEG CHEN GYI SBYOR LAM DROD SOGS BZHI BSTAN TO, ,GTZANG BID RTAG BDAG TU

'DZIN PA LAS PHYIN CI LOG PA MI RTAG PA LA SOGS PAR MNGON SUM DU RTOGS PA LAS MI NYAMS PA NI PHYIN CI LOG PA LA RAB TU GNAS PA ZHES BYA STE, 'DIS THEG CHEN GYI MTHONG LAM BSTAN TO, ,BSGOM PAS SPANG BAR BYA BA RNAMS SPANG BA'I PHYIR DU DKA' SPYOD DU MAS BDAG NYID SHA THANG BAR BYAS PA NI NYON MONGS PAS RAB TU NYON MONGS PA ZHES BYA STE, 'DIS SA GNYIS PA NAS BCU PA'I BAR GYI SGOM LAM BSTAN TO, RKANG PA THA MAS DE LTAR BYAS NA BYANG CHUB DAM PA THOB PAR 'GYUR BAR GSUNGS STE, DON 'DI LTAR BLO LDAN 'GREL BSHAD DU BSHAD DO,, //JA// 'DI LA DGONGS TE GSUNGS SO ZHES DGONGS GZHI STON PA'I CHA NAS DGONGS PA DANG, 'DI'I CHED DU GSUNGS SO ZHES DGOS PA STON PA'I CHA NAS LDEM DGONGS ZHES SGRA JI BZHIN MIN PA'I MDO GCIG LA 'JOG TSUL THA DAD PAS BZHAG PA YIN PAS DGONGS LDEM DGONGS DON GCIG TU KHAS LEN DGOS SO,, DGONGS GZHI NI STON PAS THUGS LA BZHAG PA TZAM YIN GYI GDUL BYA PHA ROL PO LA MI LTOS SHING, DGOS PA NI GZHAN RJES SU GZUNG BA'I CHED DU YIN PAS GDUL BYA PHA ROL BO LA NGES PAR LTOS DGOS PA YIN ZHES PA'O,, //NYA// SGRA JI BZHIN PA MIN PA'I MDO YIN NA BSGYUR BA LDEM DGONGS DANG DON GZHAN DGONGS PA GNYIS KA YIN PAS KHYAB STE, GSER PHRENG LAS, 'O NA THAMS CAD BSGYUR BA LDEM DGONGS SU 'GYUR ZHE NA, 'DOD PA YIN NO,, 'O NA JI LTAR PHYE ZHE NA LDOG PA TZAM GYIS YIN TE DE LTAR MIN NA

, ,DGONGS LDEM DGONGS KYANG 'GAL BAR 'GYUR LA, DGONGS PA DANG PO YANG DON GZHAN LA DGONGS PA MA YIN PAR 'GYUR NA DE YANG MIN TE, RGYAN 'GREL LAS, SGRA JI BZHIN PA MIN PAR BSHAD PA RNAMS DE'I DPER MDZAD PA'I PHYIR RO, ,ZHES GSUNGS PAS SO, MA NGES PA LDOG PA'I GNYEN PO LDEM DGONGS DANG DON GZHAN LA DGONGS PA DANG MTSAN NYID LDEM DGONGS GSUM SEMS TZAM PA KHO NA'I 'DOD PAR GSER PHRENG LAS GSUNGS PA NI, DANG PO'I MTSAN GZHIR THEG PA GCIG TU BSTAN PA DANG, PHYI MA GNYIS KYI MTSAN GZHIR CHOS THAMS CAD NGO BO NYID MED PAR BSTAN PA BZHAG PA DE SEMS TZAM PA KHO NA'I 'DOD PA YIN ZHES PA'O,, //TA// GZUGS SNANG BYED KYI SA BON DANG GZUGS SU SNANG BA YOD PA LA DGONGS TE PHYI ROL DON DU GRUB PA'I MIG DANG GZUGS KYI SKYE MCHED YOD PAR GSUNGS TE, GZUGS DANG DE 'DZIN MIG SHES RGYU 'BRAS SU GSUNGS PAS GZUNG 'DZIN RDZAS THA DAD DU GSUNGS PAR 'GYUR TE, RGYU 'BRAS MTSAN NYID PA LA RDZAS THA DAD KYIS KHYAB PA'I PHYIR, DPER NA PHUNG PO KHUR DANG GANG ZAG KHUR MKHAN DU GSUNGS PAS GANG ZAG DANG PHUNG PO NGO BO THA DAD DU GSUNGS PAR 'GYUR PA BZHIN NO, ,DGOS PA NI, CHOS KYI BDAG MED STON PA'I SNOD DU MI RUNG BA'I NYAN THOS RNAMS BSTAN PA LA GZHUG PA'I DON DU SKRAG PA SPANG BA'I PHYIR SOGS PHYI ROL DON DU

GRUB PAR GSUNGS PA STE, DPER NA CHAD LTA CAN RNAMS LA LAS 'BRAS KYI 'BREL BA'I RTEN GYI GANG ZAG YOD PAR STON PA'I DON DU BAR SRID KYI SEMS CAN LA DGONGS TE BRDZUS TE SKYES PA'I SEMS CAN RDZAS SU YOD PAR GSUNGS PA BZHIN NO,, MIG DANG GZUGS LA BRTEN NAS GZUGS MTHONG BA'I MIG SHES 'BYUNG BAR BSTAN PAS, MIG SHES KYIS GZUGS MTHONG BA LA GANG ZAG GIS GZUGS MTHONG BAR BTAGS PA TZAM YIN GYI, MIG SHAS LAS RDZAS LOGS SU GZUNG DU YOD PA'I GZUGS MTHONG BA PO'I GANG ZAG GI BDAG MED PAR RTOGS PA'I DGOS PA'ANG YOD PAR BSHAD DO,, //THA// NGO BO NYID MED PAR GSUNGS PA LA SKRAG NAS 'DI NI SANGS RGYAS KYI BKA' MA YIN NO ZHES CHOS SPONG GI LAS SGRIB GSOG BAR GSUNGS PA 'DI PHYI ROL GYI DON DU GRUB PA'I GZUGS SOGS MED PAR GSUNGS PA LA YANG SBYOR DU RUNG BAS DGONGS 'GREL GYI LUNG 'DI DRANGS SO,, //DA// GANG LA DGONGS NAS PHYI DON GYI SKYE MCHED YOD PAR GSUNGS PA'I DGONGS PA'I DON NI THEG DMAN GYI MDO DE DAG GI BRJOD BYA'I DON DU MI RUNG LA, PHYI DON GYI SKYE MCHED YOD PA THEG DMAN GYI MDO'I DON YIN PAR LEGS BSHAD SNYING POR GSUNGS 'DUG PAS, 'DI DGONGS GZHI DANG DGONGS PA MI GCIG PA'I SHES BYED DU MA 'GRIG PA'I PHYIR, SKABS 'DI'I DPE DAG MA DAG DBYAD PAR BYA'O,, //NA// KUN BRTAGS NI RANG GI MTSAN NYID KYIS MA GRUB PAS MTSAN NYID NGO BO NYID MED PAR BSHAD DE,

, ,RANG GI MTSAN NYID KYIS MA GRUB PA'I DON YANG MING DANG BRDAL LTOS MED DU MA GRUB PA LA BYED PA YIN GYI, NGO BO NYID MED PAR SMRA BA LTAR RANG NGOS NAS MA GRUB PA LA MI BYED DO,, GZHAN DBANG NI RANG DBANG GIS MI SKYE BAS SKYE BA NGO BO NYID MED PAR BSHAD DE, RANG DBANG GIS MI SKYE BA'I DON YANG RGYU RKYEN MED PAR MI SKYE BA LA BYED DO,, YONGS GRUB NI DON DAM PA YANG YIN LA DGAG BYA'I BDAG GI NGO BO NYID MED PAS RAB TU PHYE BA TZAM YIN PAS DON DAM PA NGO BO NYID MED PAR BSHAD DO,, //PA// MYU GU MA 'ONGS PA RANG DBANG GIS MI SKYE BA DANG, MYU GU 'DAS PA BSKYAR NAS MYU GU'I BDAG NYID DU MI SKYE BA DANG, MYU GU DA LTAR BA RANG GRUB PA'I DUS GNYIS PAR MI SDOD PA DANG, BYIS PAS GTZANG BDE RTAG BDAG TU ZHEN PA LTAR MED PA DANG, GZUNG 'DZIN RDZAS THA DAD DU ZHEN PA LTAR MED BA STE BRGYAD LA DGONGS PAR MDO SDE RGYAN LAS GSUNGS SHING, DE DAG DANG NGO BO NYID MED PA GSUM STE BCU GCIG LA DGONGS PAR KUN BTUS LAS GSUNGS SO,, //PHA// GZHAN DBANG YONGS GRUB RANG GI MTSAN NYID KYIS MA GRUB NA GZHAN DBANG YONGS GRUB GNYIS MED PAR 'GYUR LA, DE GNYIS MED NA KUN BRTAGS KYANG MED PAR 'GYUR TE, KUN BRTAGS 'DOGS PA'I GZHI DANG 'DOGS PA PO'I THA SNYAD KYANG MED PA'I PHYIR RO,, MED PAR LTA BA ZHES PA MDOR BSTAN PA STE, CHOS THAMS CAD BDEN STONG DU LTA BA LA BYED CING,

MTSAN NYID MED PAR LTA BA ZHES PA RGYAS BSHAD DE, BTAGS PA DANG KUN RTOG DANG DE KHO NA NYID LA SKUR BA 'DEBS PA'I LTA BA GSUM LA BYED PA'I PHYIR RO,, //BA// LAN GYI MDO'I SKABS SU SKYE BA NGO BO NYID MED PA DE MA SKYES PA SOGS SU GSUNGS PA'I DGONGS GZHIR DNGOS SU MA GSUNGS TE, DE'I RGYU MTSAN YANG LEGS BSHAD SNYING PO LAS, GZHAN DBANG LA RANG GI MTSAN NYID KYIS SKYE BA DANG 'GAG PA YOD PAS SKYE 'GAG MED PAR GSUNGS PA GZHAN DBANG LA DGONGS PA MIN LA, GZHAN DBANG PHAL CHER KUN NYON GYIS BSDUS PAS TSIG PHYI MA GNYIS KYI GZHIR MA MDZAD PA NI MDO 'DI'I DGONGS PA'O,, ZHES GSUNGS PA LTAR YIN NO,, 'DI LA DRANG DES RNAM 'BYED KYI MTHA' DPYOD DU SKYE BA NGO BO NYID MED PA DANG GZHAN DBANG GNYIS LA MA SKYES PA SOGS SU GSUNGS PA'I DGONGS GZHIR DNGOS SU BSTAN MA BSTAN GYI KHYAD PHYE BA DANG, SKYE BA NGO BO NYID MED PA DE MA SKYES PA SOGS SU GSUNGS PA'I DGONGS GZHIR LAN GYI MDO'I SKABS SU DNGOS SU MA BSTAN KYANG DGONGS 'GREL LAS DNGOS SU MA BSTAN PA YIN TE, DE BZHIN GSHEGS PA NI NGO BO NYID MED PA RNAM PA GSUM PO 'DI DAG NYID LA DGONGS NAS ZHES SOGS DON DAM YANG DAG 'PHAGS KYI LE'U LAS BYUNG BA'I GZHUNG 'DIS NGO BO NYID MED PA GSUM KA MA SKYES PA SOGS SU GSUNGS PA'I DGONGS GZHIR DNGOS SU GSUNGS PA'I PHYIR, DE LTAR MA YIN NA JO NANG BA LA SKYON BSTAN PA DAG GIS KYANG GNOD PA

, ,GSUNGS PA'I DON DKA' 'GREL TZOM 'PHRO LAS SHES PAR BYA STE, 'DIR MANGS SU 'DOGS NAMS BRIS SO,, //MA// 'DUS BYAS MA 'ONGS PA RANG DBANG GIS SKYE BA'I NGO BO NYID MED, 'DUS BYAS DA LTAR BA RANG DBANG GIS MA SKYES PA, 'DUS BYAS 'DAS PA RANG DBANG GIS SKYES NAS MA 'GAGS PA, RANG DBANG GIS SKYES PA'I DRI MA GDOD MA NAS MED PAS GZOD MA NAS ZHI BA; RANG DBANG GIS SKYES PA'I DRI MA DE RANG BZHIN GYIS MED PAS RANG BZHIN GYIS MYANG 'DAS ZHES SBYAR BAR BYA'O, ,'DIR DRANGS BA'I RGYAN GYI LUNG LA, NGO BO NYID NI MED PA YIS, ,ZHES PA'I RKANG PA CHAD DO,, //CA// SKYE MED BRGYAD NI, 'KHOR BA LA THOG MA'I SKYE BA MED PA DANG PO DANG, DE NYID NI SNGA MA STE SNGAR SKYES ZIN PA SLAR DE'I NGO BOR SKYE BA MED PA GNYIS PA DANG, GZHAN NI 'KHOR BA NA SNGON MED PA'I SEMS CAN MI SKYE BA DANG SNGAR 'GAGS PA DANG RIGS MTHUN PA SKYE BAS CHOS SNGON MED PA MI SKYE BA GNYIS GCIG TU BYAS NAS GSUM PA ZHES BGRANG RGYU YIN PA LA, 'DIR GNYIS PA DE CHAD PA DANG, GSUM PA DE GNYIS SU PHYE NAS SO SOR BGRANGS PA DANG, SKYE BA MED PA ZER RGYU LA 'GAG PA MED CES PA RNAMS DPE MA DAG PAR SHES PAR BYA STE, MKHAS PA'I DBANG PO 'DI NYID KYIS DE TZAM LA 'KHRUL BA MI SRID PA'I PHYIR DANG, DRANG NGES RNAM 'BYED KYI MTHA' DPYOD DU YANG DE LTAR MA BSHAD PA'I PHYIR RO, ,LAS DANG PO BAS SKYE MED

BRGYAD LA 'JIGS SKRAG SKYE TSUL MED PAS DE DAG LA BZOD PA THOB TSUL JI LTAR YIN ZHE NA, CHOS LA NGES SEMS LA MOS PA'I BZOD PA SGOM TSUL NI, DAD PA'I YUL DKON MCHOG GSUM DANG; MNGON DU BYA YUL BDAG MED GNYIS DANG, 'DOD PA'I YUL SANGS RGYAS BYANG SEMS KYI MTHU CHEN PO DANG, BLANG DOR GYI YUL LEGS SPYAD NYES SPYAD KYI RGYU DANG, DE DAG GI 'BRAS BU DANG, BSGOM PA'I YUL THOB BYA'I DON BYANG CHUB DANG, DE 'THOB PA'I THABS BYANG SEMS KYI BSLAB PA'I LAM DANG, THOS BSAM GYI YUL GSUNG RAB YAN LAG BCU GNYIS SOGS KYIS DAM CHOS TE, DE RNAMS LA PHYOGS RIS MED PAR MOS PA SPYOD PA'O, ,ZHES LAM RIM LAS GSUNGS PA LTAR MI MOS PA DANG YID MI CHES PA BSAL BA LA BZOD PA THOB PAR GSUNGS PA'ANG YOD PAS, NGES PAR SNGAR 'JIGS SKRAG YOD PA SEL BA ZHIG MI DGOS KYANG, SKYE MED BRGYAD LA 'JIGS SKRAG KYANG SKYE RUNG STE, SKYE MED DANG PO DANG GSUM PA LA THOG MA MED TSUL BLOR MA SHONG BA'I DBANG GIS DANG, GNYIS PA LA SNGA PHYI GCIG 'DZIN DANG RTAG 'DZIN LHAN SKYES KYI DBANG GIS DANG, BZHI PA DANG DRUG PA LA CHOS KYI BDAG TU ZHEN PA'I DBANG GIS DANG, LNGA PA LA LAS 'BRAS LA RMONGS BA'I DBANG GIS DANG, BDUN PA LA BDAG CHAD PAR 'DU SHES PA'I DBANG GIS DANG, BRGYAD PA LA SANGS RGYAS KYI GSANG BA BSAM GYIS MI KHYAB PA'I YON TAN BLOR MI SHONG BA'I DBANG GIS 'JIGS

, ,SKRAG SKYE BA YOD PA'I PHYIR, DE LTA NA SNGAR BSHAD PA'I NGO BO NYID MED PA'I DGONGS GZHI BRGYAD DAM BCU GCIG DANG SKYE MED BRGYAD PO DE DAG LAS 'BRAS DANG MI RTAG SOGS BCU DRUG DANG GZUNG 'DZIN GNYIS STONG GI DE KHO NA NYID KYI PHYOGS SU BSDUS PAS DE DAG STON PA'I GDAMS NGAG TU 'KHYER DGOS KYI, 'KHOR LO BAR MTHA' GNYIS LA 'GAL BA SPONG BA'I LAN KHO NAR GO BAR MI BYA'O,, //CHA// GANG ZAG GSUM GYI CHOS DBYINGS MTSUNGS PA DANG, GANG ZAG GSUM BDAG MED PAR MTSUNGS PA DANG, THEG PA GSUM GYI 'BRAS BU RNAM GROL MTSUNGS PA DANG, RIGS THA DAD PA GNYIS KYANG LAM GCIG TU ZHUGS PA DANG, BSAM PA GNYIS THOB PA DANG, SANGS RGYAS KYI SPRUL PA NYAN THOS KYI THEG BAS LAN DU MAR MYA NGAN LAS 'DA' TSUL BSTAN PA DANG, THEG CHEN DE LAS KHYAD PAR DU 'PHAGS PA'I THEG PA GZHAN MED PA STE MTHAR THUG THEG PA GCIG TU GSUNGS PA'I DGONGS GZHI BDUN NO,, 'DIR DGUR GSUNGS PA DPE MA DAG GAM SNYAM STE, BSAM PA GNYIS THOB BA SO SOR BGRANGS KYANG DGUR MI 'GYUR BA'I PHYIR DANG, 'GREL BSHAD DANG GSER PHRENG GNYIS KAR BSAM PA GNYIS THOB PA GCIG TU BYAS NAS BDUN DU GSUNGS PA'I PHYIR RO, ,DE'I DON NI GSER PHRENG LAS, BSAM PA GNYIS THOB PA NI DE BZHIN GSHEGS PAS SA DANG PO NAS BDAG DANG SEMS CAN GYI RANG

BZHIN LA GNYIS SU MED PA'I MNYAM PA NYID KYI DGONGS PA BRNYES PA DANG NYAN THOS SU RIGS NGES PA KHA CIG RE ZHIG BYANG SEMS KYI SPYAD PA SPYOD PA NA DE BTANG NAS NYAN THOS KYI THEG PAR ZHUGS TE DE'I MYANG 'DAS THOB PA NA, DE BZHIN GSHEGS PAS SNGON BDAG GIS BYANG SEMS KYI SPYOD PA SPYAD PAS SANGS RGYAS SO, ,ZHES DGONGS PA BZHIN DU DE LA YANG SANGS RGYAS KYI MTHUS BDAG SNGON BYANG SEMS KYI SPYOD PA SPYAD PAS 'TSANG RGYA BAR 'GYUR RO SNYAM PA'I BSAM PA MTSUNGS PA THAD CIG TZAM RNYED PA DANG, ZHES GSUNGS PA LTAR RO,, //JA// NYAN THOS RIGS MA NGES PA KHA CIG KHA DRANGS PA DANG BYANG SEMS RIGS MA NGES PA GZHAN DAG RJES SU GZUNG BA'I CHED CES 'DON DGOS PAS, KHA DRANG BA'I ZHES PA YI GE NOR RO,, //WA// MED PA'I RNAM GRANGS KYIS KUN BRTAGS DANG; SGYU MA LA SOGS PA'I DPE BRGYAD KYIS GZHAN DBANG DANG, RNAM BYANG BA ZHIS YONGS GRUB BSTAN PAR THEG BSDUS LAS BSHAD PA'I DON NI, SHER PHYIN GYI MDOR NGO BO NYID MED PA SOGS LNGAS KUN BRTAGS BSTAN PA NI SGRAS ZIN LA MED RGYU'I KUN BRTAGS BSTAN PA DANG DGONGS DON LA RANG RANG GI DGAG BYA KUN BRTAGS 'GOG PA GNYIS KA'I DBANG DU BYAS SO, ,DPE BRGYAD KYIS GZHAN DBANG BSTAN TSUL NI, PHYI ROL GYI DON MED NA YUL DU JI LTAR DMIGS SNYAM BA ZLOG PA'I PHYIR SGYU MA DANG, DON MED NA SEMS DANG SEMS BYUNG JI LTAR SKYE SNYAM BA BZLOG PA'I PHYIR SMIG RGYU DANG,

, ,DON MED NA YID DU 'ONG MI 'ONG LA JI LTAR SPYOD SNYAM PA BZLOG PA'I PHYIR RMI LAM DANG, DON MED NA DGE MI DGE'I 'BRAS BU 'DOD PA DANG MI 'DOD PA JI LTAR 'GRUB SNYAM PA BZLOG PA'I PHYIR GZUGS BRNYAN DANG, DON MED NA RNAM SHES SNA TSOGS JI LTAR 'BYUNG SNYAM PA BZLOG PA'I PHYIR MIG YOR DANG, DON MED NA THA SNYAD SNA TSOGS JI LTAR BRJOD SNYAM PA BZLOG PA'I PHYIR BRAG CHA DANG, DON MED NA YANG DAG PA'I TING NGE 'DZIN GYI SPYOD YUL JI LTAR 'BYUNG SNYAM PA BZLOG PA'I PHYIR CHU ZLA DANG, DON MED NA BYANG SEMS RNAMS BSAM BZHIN DU SRID PAR JI LTAR SKYE SNYAM DU SOM NYI ZA BA BZLOG PA'I PHYIR SPRUL BA LTA BUR BSTAN TO, ,RNAM BYANG BZHI NI, RANG BZHIN GYI RNAM BYANG DE BZHIN NYID DANG, DRI MA MED PA'I RNAM BYANG MYANG 'DAS DANG; DE THOB PA'I LAM RNAM BYANG LAM BDEN DANG, DE BSKYED PA'I DMIGS PA RNAM BYANG THEG CHEN GYI SDE SNOD DO, ,DANG PO GNYIS NI YONGS GRUB DNGOS YIN LA, PHYI MA GNYIS NI DE RTOGS PA'I YUL CAN DANG RGYU YIN PAS DER BTAGS SO, ,BCOM LDAN 'DAS KYIS CI LA DGONGS TE 'KHOR 'DAS MI DMIGS PAR GSUNGS SHE NA, 'KHOR 'DAS GNYIS BYE BRAG MED PA LA DGONGS NAS BSTAN TE, GZHAN DBANG GI NGO BO NYID DE NYID KUN TU BRTAGS PA'I CHOS NI 'KHOR BA'O, ,YONGS SU GRUB PA'I CHOS NI MYANG 'DAS SO,, CHOS MNGON PA'I MDO LAS CHOS NI GSUM STE, KUN NYON DANG RNAM BYANG

DANG DE GNYIS KA'I CHAR GTOGS PA'O, ,ZHES GANG LA DGONGS NAS GSUNGS SHE NA, GZHAN DBANG LA KUN BRTAGS PA'I NGO BO NYID YOD PA NI KUN NYEN GYI CHAR GTOGS, YONGS SU GRUB PA'I NGO BO NYID YOD PA NI RNAM BYANG GI CHAR GTOGS, GZHAN DBANG NI GNYIS KA'I CHAR GTOGS PA STE, 'DI LA DGONGS NAS GSUNGS STE, DPER NA SA KHONG NA GSER YOD PA'I TSE SA'I KHAMS LA MED PA'I SA DMIGS LA, YOD PA'I GSER MI DMIGS TE, DE LA MES REG NA GSER NI SNANG LAS NI MI SNANG NGO, ,SA'I KHAMS SAR SNANG BA NI LOG PA DANG GSER DU SNANG BA NI YANG DAG PA'O, ,DE BAS NA SA'I KHAMS NI GNYIS KA'I CHAR GTOGS PA DE BZHIN DU, RNAM PAR RIG PA LA YE SHES KYI MES MA REG PA'I TSE DE YANG DAG PA MA YIN PA KUN TU BRTAGS PA'I NGO BO NYID DU SNANG GI, YANG DAG PA YONGS SU GRUB PA'I NGO BO NYID DU MI SNANG LA; RNAM PAR SHES PA LA RNAM PAR MI RTOG PA'I YE SHES KYI MES REG PA NA DE YANG DAG PA YONGS SU GRUB PA'I NGO BO NYID DU SNANG GI, ,LOG PAR KUN BRTAGS PA'I NGO BO NYID DU MI SNANG NGO, ,DE LTA BAS NA YANG DAG PA MA YIN PA KUN TU RTOG PA'I RNAM PAR RIG PA GZHAN DBANG GI NGO BO NYID DE NI GNYIS KA'I CHAR GTOGS PA YIN NO, ,BCOM LDAN 'DAS KYIS LA LAR CHOS THAMS CAD RTAG GO ZHES BSTAN, LA LAR MI RTAG GO ZHES BSTAN, LA LAR RTAG MI RTAG GNYIS KA MA YIN NO ZHES BSTAN PA DE GANG LA DGONGS SHE NA, GZHAN DBANG GI NGO BO NYID YONGS SU GRUB PA'I CHOS RTAG PA'O, ,KUN BRTAGS PA'I CHOS MI

, ,RTAG PA'O, ,GNYIS KA'I CHOS RTAG MI RTAG GNYIS KA MA YIN PA STE, 'DI LA DGONGS NAS BSTAN TO, ,DE BZHIN DU BDE BA DANG SDUG BSNGAL DANG GNYIS SU MED PA DANG, DGE BA DANG MI DGE BA DANG GNYIS SU MED PA DANG, STONG PA DANG MI STONG PA DANG GNYIS SU MED PA DANG, BDAG DANG BDAG MED PA DANG GNYIS SU MED PA DANG, ZHI BA DANG MA ZHI BA DANG GNYIS SU MED PA DANG; NGO BO NYID YOD PA DANG MED PA DANG GNYIS SU MED PA DANG, SKYES PA DANG MA SKYES PA DANG GNYIS SU MED PA DANG, 'GAGS PA DING MA 'GAGS PA DANG GNYIS SU MED PA DANG, GZOD MA NAS ZHI BA DANG MA ZHI BA DANG GNYIS SU MED PA DANG, RANG BZHIN GYIS MYA NGAN LAS 'DAS PA DANG MA 'DAS PA DANG GNYIS SU MED PA DANG, 'KHOR BA DANG MYANG 'DAS DANG GNYIS SU MED PA SOGS THAMS CAD RTAG SOGS GSUM LA BSTAN PA BZHIN DU NGO BO NYID GSUM DU KHONG DU CHUD PAR BYA'O, ,'DI NI THEG BSDUS KYI TSIG BSDUS NAS BKOD PA'O, ,'DI DAG LA ZHIB CHA YANG DGOS SO,, //ZHA// GDUL BYA 'GA' ZHIG GI BSAM NGOR BCOM LDAN 'DAS DES DE KHO NA NYID STON PA RE ZHIG BTANG SNYOMS SU MDZAD PA CAN PHYI DON MED PAR MKHYEN KYANG MA MKHYEN PA LTAR GLANG CHEN GZIGS STANGS NYID MDZAD NAS 'JIG RTEN LA THUGS NI BRTZE BA 'BA' ZHIG GIS PHYI ROL DPYOD LA 'JUG PAR MDZAD PA YIN NO, ,ZHES PA NI d'IK CHEN GYI BSHAD PA'O, ,THAR LAM GSAL BYED LAS NYAN THOS KYI

RIGS CAN LA SOGS PA'I 'JIG RTEN PA RIL POR 'DZIN PA'I GANG ZAG GI BDAG 'DZIN LDOG PA'I THUGS DGONGS 'GA' ZHIG GIS ZHES BSHAD DO,, //ZA// DNGOS PO RNAMS SKYE BA LA SOGS PAR THA DAD DU 'BYED PA NI RANG RIG PA TZAM GYIS MIN GYI GNYIS SU SNANG BA'I SHES PA NYID KYIS 'BYED DO, ,GNYIS SNANG YANG SLOD PA STE BRDZUN PA YIN PAS DES RNAM PAR BZHAG PA YANG BRDZUN PAR 'GYUR LA, GZUNG 'DZIN GYI RNAM PA LAS DON GZHAN PA'I MTSAN NYID KYANG MED CING, GNYIS SU SNANG BA'I MTSAN NYID KYANG JI LTAR SNANG BA BZHIN DU MED PAS RANG BZHIN MED DO ZHES BSHAD DO ZHES LEGS BSHAD SNYING POR GSUNGS SHING, CHOS THAMS CAD RGYU 'BRAS MTSAN MTSON BSKYED BYA SKYED BYED SOGS SU GNYIS CHOS SO SOR PHYE BA'I SGO NAS DNGOS RNAMS THA DAD GNAS PA 'DI DNGOS PO'I GNAS TSUL GYI SGO NAS 'ONGS PA MA YIN GYI, DE LTA BU'I THA DAD DU SNANG BA'I RTOG PA LA BRTEN PA STE, RTOG PA DES BZHAG PA YIN LA, RTOG PA DE NI BSLAD PA'AM 'KHRUL BA NYID YIN PAS NA CHOS DE DAG GI THA DAD PA'I RNAM BZHAG RNAMS KYANG BSLAD PA'AM SGRO BTAGS SU 'GYUR RO, ,DES NA GZUNG DANG 'DZIN PA'I RNAM PA LAS MTSAN NYID GZHAN NI YOD PA MA YIN PA STE, GZUNG 'DZIN GNYIS SU SNANG BA'I RTOG PAS BZHAG PA'I GNYIS CHOS KYIS CHOS THAMS CAD LA KHYAB CING RTOG PAS BZHAG PA'I GNYIS MOS KYI RNAM BZHAG THAMS CAD SGRO BTAGS YIN PA DES NA CHOS THAMS CAD GNYIS CHOS SO SOR PHYE BA'I

, ,MTSAN NYID DAM RNAM BZHAG DE LTAR DU BDEN PAS STONG PA'I PHYIR CHOS THAMS CAD RANG BZHIN MED PAR RAB TU BSHAD DO ZHES RNAM 'GREL t'IK CHEN DU BSHAD LA, DNGOS PO RNAMS KYI YUL YUL CAN RDZAS THA DAD DU GNAS PA'I SNANG ZHEN NI GZUNG 'DZIN RDZAS THA DAD DU SNANG ZHING ZHEN PA LA BRTEN BA STE DE TZAM DU ZAD PA YIN PA'I PHYIR, GZUNG 'DZIN RDZAS THA DAD DU SNANG ZHING ZHEN PA DE NI MA RIG PAS BSLAD PA NYID YIN NA GZUGS SOGS RANG SNANG MKHAN GYI SHES PA LAS RDZAS THA DAD DANG, RNAM SHES RANG YUL GZUGS SOGS LAS RDZAS THA DAD DU SNANG ZHING ZHEN PA DE DAG KYANG MA RIG PAS BSLAD PA TZAM DU 'GYUR DGOS SO, ,MTSAN NYID KYIS MTSON BYA MTSON PA'I TSE MTSON BYA GZUGS SOGS GZUNG BYA'I PHYOGS SU PHAR CHAD PA DANG, MTSAN NYID GZUGS RUNG SOGS 'DZIN BYED KYI BLO'I PHYOGS SU TSUR CHAD PA LTA BUR SNANG BA'I GZUNG BA DANG 'DZIN PA'I RNAM PAR SNANG BA LAS MA GTOGS PA'I MTSAN NYID KYIS MTSON BYA MTSON PA'I TSUL GZHAN YOD PA MA YIN LA, DES NA GZUNG 'DZIN RDZAS THA DAD DANG MTSAN NYID BDEN GRUB KYIS STONG PA'I PHYIR SHER MDO LAS CHOS THAMS CAD BDEN GRUB KYI RANG BZHIN MED PAR BSHAD PA YIN NO, ,ZHES PA NI THAR LAM GSAL BYED KYI TSIG BSDUS NAS BKOD PA'O,, //'A// RNAM 'GREL 'DI'I LUGS LA'ANG 'KHOR LO THA MA SGRA JI BZHIN PA'I NGES

DON YIN ZHES PA'O,, //YA// PHUNG PO LA SOGS BYE BRAG GIS, ZHES SOGS KYI TSIG DON SNGAR LE'U DANG PO'I SKABS SU BSHAD ZIN TO,, //RA// DNGOS POS THAMS CAD CES PA YI GE NOR TE, RGYAN MKHAN POS, DNGOS RNAMS THA DAD CES SOGS KYI SHO LO KA GSUM DE DBUS SEMS MDO SDE BA GSUM DANG SBYAR BA'I DON YIN PA'I PHYIR RO, ,DE'I DBU MA PA NI SEMS TZAM PA RNAM RDZUN PA LA DBU MA PAR BYAS PA DE NYID YIN PAR THAR LAM GSAL BYED LAS BSHAD DO, ,'DIR BSHAD PA DANG MI MTHUN PAR LCANG SKYA GRUB MTHAR BSHAD PA NI, THEG CHEN GYI MDO BKAR KHAS LEN PA'I NYAN THOS SDE BA YOD PAR RGYUD BLA DAR t'IKA DANG SPYOD 'JUG DAR t'IK SOGS SU GSUNGS PA LTAR YIN KYANG, PHUNG PO LA SOGS BYE BRAG GIS, ,ZHES SOGS MDO SDE BAS SHER MDO'I DGONGS PA 'GREL TSUL DU 'CHAD PA NI 'THAD PAR MA MTHONG STE, GZHUNG 'DI DON SMRA DANG THUN MONG BAR GSUNGS PA NI TSIGS BCAD 'DIS BSTAN PA'I DON TZAM MDO SDE BAS KYANG KHAS LEN PA LA DGONGS PA YIN PAR RJE YAB SRAS KYIS GSUNGS SHING, YA MA RIS THEG PA THA SHAL BA'I 'DOD TSUL DU BSHAD PA MKHAS GRUB RJES BKAG PA'I PHYIR DANG, DES KYANG ZHES PAS SEMS TZAM PAS BSHAD PA'I RNAM GRANGS GNYIS PA ZHIG YIN PAR BSTAN ZHES RGYAL TSAB MKHAS GRUB GNYIS KAS BSHAD PA'I PHYIR DANG, KHYAD PAR DU RJE'I GSUNG BZHIN RGYAL TSAB RJES BKOD PA'I TSAD MA'I BRJED BYANG CHEN MOR GZHUNG 'DI MDO SDE PA LA SBYOR BA

, ,MI 'THAD PAR GSAL BAR GSUNGS PA'I PHYIR, ZHES PA NI LCANG SKYA GRUB MTHA'I TSIG BSDUS NAS BKOD PA'O,, //LA// RIGS KYI RANG BZHIN LA KHYAD PAR BZHI GSUNGS PA'I DANG PO NI, LUS LAS KHYAD PAR DU GYUR BA STE, DE'I DON GSAL BAR BSHAD PA MI SNANG BAS TSOL BAR GYIS SHIG ,GNYIS PA SKYE MCHED DRUG GIS ZIN PA NI GDAGS GZHI DANG, GSUM PA CHOS NYID KYIS 'THOB PA NI THOB TSUL DANG, BZHI PA THOG PA MED PA NAS RGYUD DE 'ONGS PA NI RGYUN NAM DUS KYI KHYAD PAR TE GO SLA'O,, //SHA// DE LTAR GSUNGS KYANG THEG BSDUS DANG NYAN SA GNYIS KUN GZHI BSHAD MA BSHAD KYI DBANG GIS GDAGS GZHI LA KHYAD PAR YOD PA NI RJE BDAG NYID CHEN PO'I DGONGS PAR SNANG NGO, ,RIGS KYI RNAM BZHAG LA KHYAD PAR GSUM LAS, PHRA BA DANG RAGS PA GNYIS NI 'DIR BSHAD PA LTAR YIN LA, RGYUD GCIG TU GTOGS PA NI GDAGS GZHI LAS RDZAS LOGS SU GZUNG DU MED PA'I DON YIN NAM SNYAM MO, ,RIGS YOD KYANG MYANG 'DAS MA THOB BA'I RGYU BZHI STE, MI KHOM PAR SKYES PA DANG, BAG MED PA DANG, LOG PAR ZHUGS PA DANG, SGRIB PA'I NYES PA'O, ,DE'I THA MA LA RNAM SMIN DANG LAS DANG NYON MONGS PA'I SGRIB PA GSUM YOD DO, ,MYANG 'DAS THOB PA'I RKYEN GNYIS TE, GTZO BO DANG, DMAN PA'O, ,DANG PO LA GNYIS TE, GZHAN GYI SGRA DANG, TSUL BZHIN YID LA BYED PA'O, ,RKYEN DMAN PA NI MANG PO

YOD DE, RANG 'BYOR LNGA DANG, GZHAN 'BYOR LNGA DANG, DGE BA'I CHOS LA 'DUN PA DANG, RAB TU 'BYUNG BA DANG, TSUL KHRIMS KYI SDOM PA DANG, DBANG PO SDOM PA DANG, ZAS KYI TSOD RIG PA DANG, NAM GYI CHA STOD SMAD LA MI NYAL BAR BTZON PA DANG, SHES BZHIN DU SPYOD PA DANG, DBEN BAR GNAS PA DANG, SGRIB PA LNGA RNAM PAR DAG PA DANG, TING NGE 'DZIN LA YANG DAG PAR GNAS PA'O, ,RIGS LA GNAS PA'I RTAGS DRUG NI 'DIR BSHAD PA LTAR RO, ,GANG ZAG NYER GSUM LAS, MA ZHUGS PA NI SKYES BU DAM PA LA BRTEN PA DANG DAM PA'I CHOS NYAN PA SOGS MA BYAS PA DANG, ZHUGS PA LA NGES PAR BYUNG MA BYUNG NI 'PHAGS LAM SOGS THOB MA THOB PA DANG, DBANG PO BRTUL 'BRING RNO GSUM NI SPYI LTAR DANG, 'DOD CHAGS SPYOD PA SOGS GSUM NI DE GSUM SHAS CHE BA DANG, MI KHOM PAR SKYES BA SOGS BRGYAD NI SNGAR BSHAD PA'I MI KHOM PAR SKYES PA SOGS BZHI DANG DE'I BZLOG PHYOGS BZHI STE BRGYAD DANG, THAG NYE RING NI MYANG 'DAS THOB PA LA NYE RING DANG, YONGS SU SMIN MA SMIN NI TSE 'DIR 'PHAGS LAM THOB PAR NUS MI NUS DANG, RNAM PAR DAG MA DAG NI MYANG 'DAS MNGON DU BYAS MA BYAS GNYIS SO,, //SA// 'DIR RANG RGYAL GYI KHYAD PAR BCUR BSHAD LA, GSER PHRENG LAS DBANG PO DANG ZHUGS GNAS DANG SDE SNOD KYI KHYAD PAR MA BGRANG BAR BDUN DU GSUNGS TE, DBANG PO NI RIGS KYI KHYAD PAR DU BSDUS SHING, ZHUGS GNAS DANG SDE SNOD NI YANG DAG PAR 'GRUB PA'I NANG DU BSDUS PA'I PHYIR RO,, //HA//

, ,SA'I DNGOS GZHIR BZOD PA 'DI LA GSAL KHA MED KYANG BLA MA RNAMS BZOD 'BRING MAN CHAD BSKYED PA LA BZHED DE, DE YANG BZOD CHEN NAS CHOS MCHOG DANG MTHONG LAM BAR MA CHAD DU SKYE LA, 'DIS TSE DE LA MTHONG LAM SKYED MI NUS PAS SO SNYAM PA'O, ,ZHES GSER PHRENG LAS GSUNGS SO,, //AA// 'DI DANG DBU MA'I MTHA' DPYOD SOGS SU SANGS RGYAS LAS CHOS THOS PA'I TSE DE LA PHYIR MI 'ONG THOB PA YOD PAR BSHAD DE, RGYU MTSAN NI 'BRAS BU THOB LA DGRA BCOM MA THOB CES DGRA BCOM GCIG BU DMIGS KYIS BSAL BA'I PHYIR, ,ZHES BZHED DO,, GSER PHRENG LAS, 'BRAS BU NI DANG PO GNYIS GANG RUNG YIN GYI PHYIR MI 'ONG MIN TE, MNGON PA'I SPYI SKAD LA PHYIR MI 'ONG THOB NAS 'DOD PAR NYON MONGS KYI DBANG GIS SKYE MI SRID LA, 'DI SPANG BYA LHAG MA'I DBANG GIS 'DOD PAR SKYE DGOS PAS SO, ,ZHES GSUNGS SO,, //KA// RANG BZHIN GYIS DBANG PO RNO 'BRING BRTUL GSUM LA RIGS NGES ZHES SBYAR BA'I DGOS PA MED PAS, SKABS 'DI'I DPE NGAG MA DAG DPYAD DGOS SO,, //KHA// 'DIR TSOGS SPYOD LA BSKAL CHEN BRGYA'I TSOGS GSOG MA GSOGS GNYIS YOD PAR BSHAD LA, GSER PHRENG LAS TSOGS SPYOD GNYIS KYANG BSKAL CHEN BRGYA'I TSOGS GSOGS DGOS PAR BSHAD DAM SNYAM TE, DE NYID LAS, DE GSUM GYIS TSOGS GSOG PA'I DUS NI MDZOD LAS, BSE RU BSKAL PA BRGYA YI RGYUS,

ZHES DANG, SA LAS KYANG DE LA BSKAL BA BRGYAR TSOGS SOGS PAR GSUNGS NAS GZHAN GNYIS LA BSHAD PA MED DO, ,SNGA MA RNAMS NA RE, PHYI MA GNYIS LA BRGYA YI SUM GNYIS DANG SUM CHA ZHES ZER LA, KHA CIG NI NYIS BRGYA DANG SUM BRGYA'O ZHES ZER TE, ZHES PA NAS, SGRUB BYED MED PAS DOR BAR BYA'O, ,'O NA GANG ZHE NA, SA LAS MI 'DRA BA'I KHYAD PAR PHRA MO RNAMS KYANG BSTAN LA TSOGS GSOG PA'I DUS BSE RU LTA BU LA BSHAD NAS GZHAN GNYIS LA MI 'DRA BA MA BSHAD PA DANG, DRIN LAN BSAB PA LAS, RANG SANGS RGYAS RNAMS NI BSKAL PA CHEN PO RGYAS CHAR PHYIN PAR 'GYUR RO ZHES SPYIR GSUNGS PAS THAMS CAD KYANG DUS MTSUNGS GSUNG PA LTAR 'THAD DO, ,ZHES GSUNGS PA'I PHYIR, //GA// RTAG TU KHYIM NAS KHYIM MED PAR RAB TU BYUNG BA'I NGANG TSUL CAN DU BSHAD PAS 'DOD PA'I RTEN CAN YIN PAR GRUB LA, DE'I PHYIR DE LA DGE 'DUN NYI SHU'I DBYE BA MI RUNG ZHES PA STE, KUN BTUS LAS KYANG NYAN THOS KHAMS GSUM KA DANG, BYANG SEMS 'DOD GZUGS GNYIS DANG, RANG RGYAL DANG SANGS RGYAS GNYIS 'DOD RTEN CAN DU BSHAD PAS SO, ,GSER PHRENG LAS GZUGS MED KYI RTEN CAN GYI BYANG SEMS YOD PAR BSHAD PA'I RIGS PA DE RANG RGYAL LA SBYOR DGOS MI DGOS DPYAD PAR BYA'O,, //NGA// SGRA BSHAD NI MTSAN NYID KYI KHONGS SU GTOGS PAS LOGS SU MA BGRANG BAR, GSER GYI RIGS KYI DPE DANG RIN PO CHE'I RIGS KYI

, ,DPE GNYIS SU PHYE NAS DGUR BYAS SHING, DE RE RE LA BZHIR PHYE NAS BZHI TSAN DGU TSIGS BCAD RE RES BSTAN PAR 'GREL PAR BSHAD DO, ,RGYU KHAMS THA DAD PA DANG, RKYEN MOS PA THA DAD PA DANG, NGES PAR SGRUB MI SGRUB THA DAD PA DANG, 'BRAS BU BYANG CHUB THA DAD PA'I PHYIR THEG PA GSUM GYI RIGS THA DAD PAR BSGRUBS PA YIN PAS NA, 'DIR RIGS THA DAD PAS 'BRAS BU THA DAD PAR BSGRUBS PA LTA BUR BSHAD PA DPYAD DGOS SO,, //CA// BZHI TSAN GSUM PA NI, RANG BZHIN DANG RGYAS RIGS DANG, RTEN DANG BRTEN PA'I NGO BO DANG, RGYU 'BRAS KYI DNGOS POR YOD MED DANG, YON TAN SGROL ZHING 'BYUNG BAS NA RIGS ZHES PA'I SGRA BSHAD DE BZHI YIN NAM SNYAM STE, RANG BZHIN DANG NI RGYAS PA DANG, ,DE NI RTEN DANG BRTEN PA DANG, ,YOD MED NYID DANG YON TAN NI, ,SGROL BA'I DON DU SHES PAR BYA, ,ZHES SO,, //CHA// BZHI PA NI, SBYOR BA'I SNGON ROL NAS SEMS CAN LA SNYING RJE BA DANG, THEG CHEN GYI CHOS LA MOS PA DANG, DKA' SPYAD LA BZOD PA DANG, SBYIN SOGS KYI DGE BA LA SPYOD PA STE BZHI YIN NO, ,'DIR THEG CHEN LA MOS PAR ZHES PA YI GE NOR RO, ,GZHAN RNAMS GO SLA ZHING, NYES DMIGS BSTAN PA'I GZHUNG NI; NYON MONGS GOMS DANG GROGS NGAN DANG, ,'PHONGS DANG GZHAN GYI DBANG NYID DANG, ,MDOR NA RIGS KYI NYES DMIGS NI, ,RNAM PA BZHI RU SHES PAR BYA, ,ZHES SO,, //JA//

GNAS SKABS RIGS CHAD BZHI NI, GCIG TU NYES BAR SPYOD PA DANG, ,DGE RTZA KUN TU CHAD PA DANG, ,THAR BA CHA MTHUN GYI DGE RTZA MED PA DANG, DGE RTZA DMAN PA YONGS SU MA RDZOGS PA'O,, //NYA// KHA CIG SMRA SOGS PHYIR NA SKYON, ZHES SOGS DANG, RTAG NYID PHYIR RAM THABS MED PHYIR, ZHES SOGS KYI TSIG DON NI KHYAB DPYOD DGAG PA'I SKABS SU BSHAD ZIN TO,, //TA// GZUGS NAS RNAM MKHYEN GYI BAR GYI CHOS THAMS CAD LA DE DANG DE'O ZHES MING DANG BRDA' BYAS PA DANG DE DANG DE'O ZHES RTOG PAS BTAGS PA RNAMS CHOS DE DANG DE'I SDOD LUGS SU MA SONG BA YIN PAS NA, CHOS DE DAG MING DANG BRDA' BYAS PA DANG RTOG PAS BTAGS PA'I NGO BOR RANG GI SDOD LUGS SU MA GRUB PA NI, CHOS DE DAG SGRA RTOG GI 'JUG GZHIR RANG GI MTSAN NYID KYIS MA GRUB PA'I DON YIN LA, DE'I PHYIR SGRA RTOG GI 'JUG GZHIR RANG GI MTSAN NYID KYIS GRUB PA NI SGRO 'DOGS KYI MTHA' DANG, DER 'DZIN PA'I BLO NI SGRO 'DOGS KYI MTHAR 'DZIN YIN NO,, //THA// 'DOGS PA'I TSIG GI NGO BO NYID CES PA NI TSIG GIS BTAGS PA'I NGO BO NYID LA BYA'I, 'DOGS BYED KYI TSIG LA MI BYA BAR LEGS BSHAD SNYING POR GSUNGS SO,, //DA// GZHAN YANG ZHES PA DPE MA DAG PAS, GZHAN DBANG YONGS GRUB CES 'DON DGOS SO,, //NA// DE LTAR BRJOD PA'I SGRA NI SKUR 'DEBS KYI TSIG DANG DE LTAR GZUNG BA'I RTOG PA NI SKUR 'DEBS DNGOS YIN PA'I ZHIB CHA DGOS SO,, //PA//

, ,BTAGS PA'I TSIG GI MTSAN MA'I GZHI NI BTAGS PA'I TSIG GI MTSAN MA'I RTEN ZHES PAS BSHAD DE KUN BRTAGS KYI GDAGS GZHI'O ZHES LEGS BSHAD SNYING POR GSUNGS SHING, DER BRJOD DU MED PA'I BDAG NYID KYIS DON DAM PAR YOD PA YANG DAG PA'I DNGOS PO LA ZHES DRANGS PAS, 'DIR YOD PA ZHES PA'I TSIG CHAD DO,, //PHA// SHES BYA BZHIN DU ZHES PA NI PHYI DON BZHIN DU ZHES PA STE, PHYI ROL GYI DON BDEN PAR MED PA BZHIN DU RNAM SHES KYANG BDEN PAR MED CES PA NI THAL 'GYUR BA SOGS DANG, RNAM SHES BDEN PAR YOD PA BZHIN DU PHYI DON YANG BDEN PAR YOD CES PA NI NYAN THOS SDE BA'I 'DOD PA'O,, //BA// SGRO SKUR GYI MTHA' GNYIS PO GANG RUNG LA MED PAS KHYAB PA DANG, RIGS PA YANG DAG NI 'THAD PA DANG RIG PA YANG DAG NI BLO YIN PAS DON MI 'DRA ZHES PA'O,, //MA// GZHAN DBANG DON DAM PAR YOD PA DANG, KUN BRTAGS DON DAM PAR MED PA DANG, YONGS GRUB DON DAM PAR YOD PAS NA; DE DAG GI BZLOG PHYOGS KYI MTHA' DANG BRAL BA'I LAM DE NI DBU MA'I LAM YIN NO ZHES PA YIN PAS, 'DIR YOD PAS MED PAS YOD PAS MIN ZHES PA YI GE NOR BA YIN NO, ,CHOS RNAMS MTHA' GNYIS SPANGS PA'I TSUL GYIS YOD TSUL JI LTAR YIN ZHE NA, KUN BRTAGS DON DAM PAR YOD PA MA YIN PA LA DER YOD PAR SGRO 'DOGS NAS DGAG BYA'I MTSAMS LEGS

PAR MA ZIN PA SPANGS PA DANG, GZHAN DBANG YONGS GRUB DON DAM PAR YOD PA YIN PA LA DER MED CES SKUR BA BTAB NAS DGAG BYA'I MTSAMS LEGS PAR MA ZIN PA SPANGS PA'I TSUL GYIS YOD PA NI MTHA' GNYIS SPANGS PA'I TSUL GYIS YOD TSUL YIN NO, ,DNGOS PO SNGA MA NI SGRO 'DOGS KYI MTHA' DANG DNGOS PO MED PA NI SKUR 'DEBS KYI MTHA' YIN LA, DE LTA BU'I YOD MTHA' DANG MED MTHA' LAS GROL BA NI GNYIS SU MED PA'I RAB TU PHYE BA YANG YIN ZHING, 'DI 'DRA BA'I STONG NYID NI DON DAM PA'I MTHAR THUG YIN MI SHES PAR SGRA JI BZHIN PAR GZUNG NAS CHOS PA DE MED PA LAS GROL ZHES PA GTAN MIN PA SHES DGOS SO,, //TZA// SHES PAR DKA' BA'I SHER MDO'I TSIG THOS NAS DGONGS GZHI CAN DU MI SHES PAR SGRA JI BZHIN PAR GZUNG NAS CHOS THAMS CAD NI RTOG PAS BTAGS PA TZAM MA GTOGS RANG BZHIN GYIS MED LA, RANG BZHIN GYIS MED PA 'DI NI DE KHO NA NYID YIN PAS, RANG BZHIN GYIS MED PAR LTA BA NI YANG DAG PA'I LTA BA YIN NO ZHES PA NI, GDAGS GZHI MED NA 'DOGS PA YANG MED PAS CHOS THAMS CAD BTAGS PA TZAM YIN PA DANG DE NYID DE KHO NA'I DON DU BYED PA GNYIS KA MI SRID PAS CHAD LTA'I GTZO BOR 'GYUR RO ZHES PA'O,, //TSA// LDOG BYA MTHA' NYER DRUG DANG BRAL BA'I DBU MA'I LAM BCU GSUM ZHES DENG SANG RLUNG LTAR GRAGS PA 'DI NI, SNYIGS DUS KYI THAMS CAD MKHYEN

, ,PA 'JAM DBYANGS BZHAD PA'I RDO RJES SKABS 'DIR DBU MA'I LAM BCU GSUM GYI BGRANG TZAM GSUNGS PA DANG 'OG NAS LAM BCU GSUM RE RE LA DBUS MTHA' NAS BSHAD PA'I MTHAR 'DZIN GNYIS GNYIS SBYOR DGOS PAR GSUNGS PA'I RKYEN GYIS, BDAG LTA BU'I RMONGS BRTUL GYIS KYANG RGYA GAR KHA SBU CAN GYI GZHUNG LUGS ZAB CING GTING DPAG DKA' BA'I MTSO CHEN POR RNAM DPYOD GRU CHUNG GIS BAG TSA BA MED PAR 'JUG PA'I SKAL LDAN DU GYUR BAS BKA' DRIN GZHAL BAR DKA' BA YIN MOD, 'ON KYANG DBUS MTHA' RTZA 'GREL DANG 'GREL BSHAD DANG 'OD SRUNGS KYI LE'U'I RNAM BSHAD DANG BSDUR NAS GZU POR GNAS PA'I BLOS CUNG ZAD DPYAD PA LA, DBUS MTHA' LAS, THA DAD PA DANG GCIG MTHA' DANG; ;MU STEGS NYAN THOS GNYIS KA DANG, GANG ZAG CHOS LA SGRO 'DOGS DANG, ,SKUR 'DEBS MTHA' RNAM GNYIS GNYIS DANG, ,MI MTHUN PHYOGS DANG GNYEN PO'I MTHA', ,RTAG DANG CHAD PAR 'DU SHES DANG, ,GZUNG DANG 'DZIN DANG KUN NYON MONGS, ,RNAM PAR BYANG LA GNYIS DANG GSUM, ,RNAM PAR RTOG PA GNYIS KYI MTHA', ,DE NI RNAM PA BDUN DU 'DOD, ,DNGOS YOD DNGOS MED ZHI BYA DANG, ,ZHI BYED SKRAG BYED DE LA 'JIGS, ,GZUNG DANG 'DZIN DANG YANG DAG NYID, ,LOG PA NYID DANG BYED DANG MIN, ,SKYE BA MED DANG MNYAM PA'I DUS, ,DE NI RNAM RTOG GNYIS

KYI MTHA', ,ZHES BDAG PHUNG NGO BO THA DAD PA'I MTHA' DANG BDAG PHUNG LDOG PA GCIG PA'I MTHA' GNYIS DANG, GANG ZAG GI BDAG RTAG GO ZHES PA MU STEGS CAN GYI MTHA' DANG GANG ZAG GI BDAG MI RTAG GO ZHES PA NYAN THOS KYI MTHA' GNYIS DANG, BDAG RDZAS SU YOD CES PA GANG ZAG LA SGRO 'DOGS PA'I MTHA' DANG BTAGS PA'I GANG ZAG MED CES PA GANG ZAG LA SKUR BA 'DEBS PA'I MTHA' GNYIS DANG, SEMS JI LTAR SNANG BA DANG BRJOD PA LTAR YANG DAG PA'O ZHES PA CHOS LA SGRO 'DOGS PA'I MTHA' DANG SEMS YANG DAG PA MA YIN NO ZHES PA CHOS LA SKUR BA 'DEBS PA'I MTHA' GNYIS DANG, MI DGE BA LA SOGS PA'I CHOS RNAMS JI LTAR SNANG BA DANG BRJOD PA LTAR KUN NAS NYON MONGS PA'O ZHES PA MI MTHUN PHYOGS KYI MTHA' DANG DGE BA LA SOGS PA'I CHOS RNAMS JI LTAR SNANG BA DANG BRJOD PA LTAR RNAM PAR BYANG BA'O ZHES PA GNYEN PO'I MTHA' GNYIS DANG, GANG ZAG DANG CHOS GNYIS SHES BYA DANG BRJOD BYA'I NGO BOR DON DAM PAR YOD DO ZHES PA RTAG PA'I MTHA' DANG DE GNYIS SHES BYA DANG BRJOD BYA'I NGO BOR GTAN NAS MED DO ZHES PA CHAD PA'I MTHA' GNYIS DANG, KUN BYANG GI RTEN 'BREL YAN LAG BCU GNYIS PO RE RE LA GZUNG BA DANG 'DZIN PA'O ZHES PA'I MTHA' GNYIS DANG, CHOS DBYINGS LA SOGS PA'I RANG BZHIN LA NYON MONGS KYI DRI MA ZHUGS PA'I KUN NYON KYI MTHA' DANG GDOD MA NAS BLO BUR BA'I DRI MAS KYANG MA BSLAD PA'I RNAM BYANG GI MTHA' GNYIS TE MTHA' GNYIS

, ,RNAM PA BRGYAD DO, ,RNAM PAR RTOG PA'I MTHA' GNYIS RNAM PA BDUN NI, BDAG GNYIS KYI NGO BOR YOD DO ZHES PA DNGOS POR RNAM PAR RTOG PA'I MTHA' DANG BDAG MED GNYIS KYI NGO BOR MED DO ZHES PA DNGOS POR MED PAR RNAM PAR RTOG PA'I MTHA' GNYIS DANG, KUN NYON GSUM JI LTAR SNANG BA DANG BRJOD PA LTAR SPANG BAR BYA BA'O ZHES PA ZHI BAR BYA BAR RNAM PAR RTOG PA'I MTHA' DANG STONG PA NYID JI LTAR SNANG BA DANG BRJOD PA LTAR SPONG BAR BYED PA'O ZHES PA ZHI BAR BYED PAR RNAM PAR RTOG PA'I MTHA' GNYIS DANG, STONG PA NYID SKRAG PA'I GNAS SO ZHES PA SKRAG BYED DU RNAM PAR RTOG PA'I MTHA' DANG STONG PA NYID LA 'JIGS PAR 'OS SO ZHES PA DE LA 'JIGS PAR RNAM PAR RTOG PA'I MTHA' GNYIS DANG, GZUGS SOGS PHYI DON GYI GZUNG BA'O ZHES GZUNG BAR RNAM PAR RTOG PA'I MTHA' DANG MIG SHES SOGS PHYI DON RIG PA'O ZHES PA 'DZIN PAR RNAM PAR RTOG PA'I MTHA' GNYIS DANG, DE KHO NA NYID LA SO SOR RTOG PA'I NGES 'BYED CHA MTHUN LA MTHA' GCIG TU YANG DAG PA NYID DU RNAM PAR RTOG PA'I MTHA' DANG MTHA' GCIG TU LOG PA NYID DU RNAM PAR RTOG PA'I MTHA' GNYIS DANG, YE SHES NI MI SHES PA SPONG NGO SNYAM PA'I BLO SNGON DU BTANG NAS 'JUG GO ZHES PA BYED PAR RNAM PAR RTOG PA'I MTHA' DANG YE SHES NI BLO SNGON DU MA BTANG BAR 'JUG PAS MI SHES PA SPONG BA'I MTHU MED DO ZHES PA

MI BYED PAR RNAM PAR RTOG PA'I MTHA' GNYIS DANG, MI SHES PA NI YUN RING POR GNAS PAS GNYEN PO YE SHES SKYE BA'I MTHU MED DO ZHES PA SKYE BA MED PAR RNAM PAR RTOG PA'I MTHA' DANG GAL TE SKYES KYANG YUN RING DU GNAS PA'I MI SHES PA DES BSAL MI NUS PAS YE SHES DANG MI SHES PA GNYIS DUS MNYAM DU GNAS PAR 'GYUR RO ZHES PA DUS MNYAM PA NYID DU RNAM PAR RTOG PA'I MTHA' GNYIS TE BDUN NO, ,DE LTA NA SNGAR BSHAD PA'I MTHA' GNYIS RNAM PA BRGYAD DANG RNAM PAR RTOG PA'I MTHA' GNYIS RNAM PA BDUN TE MTHA' GNYIS BCO LNGA BSTAN TE, 'GREL BSHAD LAS, BCO LNGA PO 'DI DAG NI MTHA' GNYIS KYI DBYE BA STE, 'DI DAG SPANGS PAS DE RIG PAR BYA'O, ,ZHES GSUNGS PA'I PHYIR, MTHA' GNYIS SO SOR PHYE NAS SUM CU DANG, DE DAG SPANGS BA'I DBU MA'I LAM NI BCO LNGA YIN TE, DE LANG BDAG PHUNG NGO BO GCIG DANG LDOG PA THA DAD DU RTOGS PA'I DBU MA'I LAM DANG, DE BZHIN DU GANG ZAG GI BDAG RTAG MI RTAG GANG YANG MIN PAR RTOGS PA DANG, GANG ZAG RDZAS SU MED PA'I BTAGS YOD DANG, SEMS YANG DAG PA YIN KYANG JI LTAR SNANG BA DANG BRJOD PA LTAR YANG DAG PA MA YIN PA DANG, KUN BYUNG JI LTAR SNANG BA DANG BRJOD PA LTAR GNYIS SU MED PA DANG, GANG ZAG DANG CHOS SHES BYA DANG BRJOD BYA'I NGO BOR DON DAM PAR MED KYANG THA SNYAD DU YOD PA DANG, KUN BYANG GI RTEN 'BREL GZUNG 'DZIN RDZAS GZHAN DU MED PA DANG, CHOS DBYINGS LA SOGS PA'I

, ,DON BLO BUR BA'I DRI MAS SGRIB KYANG RANG BZHIN GYIS DRI MAS BDEN PAR RTOGS PA'I DBU MA'I LAM STE BRGYAD DANG, CHOS RNAMS BDAG GNYIS KYI NGO BOR MED KYANG BDAG MED GNYIS KYI NGO BOR YOD PAR RTOGS PA'I DBU MA'I LAM DANG, DE BZHIN DU KUN NYON DANG STONG PA NYID JI LTAR SNANG BA DANG BRJOD PA LTAR ZHI BYA DANG ZHI BYED DU GNYIS SU MED PA DANG, STONG NYID SKRAG PA'I GNAS MA YIN ZHING DE LA 'JIGS PAR MI 'OS PA DANG, GZUGS SOGS DANG GZUGS 'DZIN DBANG MNGON SOGS RDZAS THA DAD DU MED PA DANG, DE KHO NA NYID LA SO SOR RTOG PA'I RIGS SHES RTOG BCAS MTHA' GCIG TU YANG DAG PA DANG LOG PA MA YIN PA DANG, YE SHES NI BLO SNGON DU MA BTANG YANG MI SHES PA SPONG BA'I MTHA YOD PA DANG, MI SHES PA NI YUN RING POR BA NAS KYANG RGYAB RTEN TSAD MA MED PAS GNYEN PO YE SHES SKYE RUNG ZHING YE SHES DES SEL NUS PAR RTOGS PA'I DBU MA'I LAM RNAM PA BDUN TE BCO LNGA YOD PA'I PHYIR RO, ,DE LTAR DBU MA'I LAM BCO LNGA DANG MTHAR 'DZIN SUM CU BSHAD PA MA GTOGS DBU MA'I LAM BCO LNGA DE BCU GSUM DU BSDUS PA DANG MTHAR 'DZIN SUM CU DE NYER DRUG TU BSDUS PAR DBUS MTHA' RTZA 'GREL SOGS LAS MA BSHAD PAR SNANG+NGO,, 'OD SRUNGS KYI LE'U'I 'GREL PAR, 'DI LTAR DBU MA'I LAM NI RNAM PA BCU GSUM DU STON TE, GANG ZAG STONG PA NYID DU STON PA DANG, GANG ZAG LA BDAG MED PA DANG, CHOS STONG PA NYID

DANG; CHOS LA BDAG MED PA DANG, SGRO 'DOGS PA'I MTHA' DANG, SKUR BA 'DEBS PA'I MTHA' DANG, CHOS MNGON PAR RTOGS PA DANG, DE YANG BYANG CHUB CHEN POR YONGS SU BSNGO BA DANG, DE LTAR ZHUGS BA NYON MONGS PA DANG SDUG BSNGAL GNYIS KYIS SEMS MA ZIN PA DANG, BDAG MED GNYIS LA MOS PA'I KHYAD PAR DANG, BDAG MED PA SNGA MA DE BDAG MED PA PHYI MA'I RGYUR GYUR PA DANG, STONG PA NYID KYI MTHAR THUG PA DANG, DE NYID KYI MTHU STON PA'O, ,ZHES GSUNGS PA LTAR, 'DIR YANG, GZHI LAM DANG BYA BYED CI RIGS KYI MTHA' GNYIS LAS BZLOG PA'I DBU MA'I LAM BCU GSUM, ZHES DANG, 'OD SRUNG GI LE'US SNGAR LTAR DBU MA'I LAM BSDUS NA BCU GSUM BSHAD PA'I DON 'DIR YANG BSHAD PA'I DBU MA'I LAM RE RE'I LDOG BYA MTHAR 'DZIN GNYIS GNYIS TE NYER DRUG DANG, ZHES GSUNGS KYANG, 'DI NI DBU MA'I LAM GYI KHYAD PAR BCU GSUM BSTAN PA LA DGONGS SAM 'DZIN STANGS MI 'DRA BA'I DBU MA'I LAM BCU GSUM BSTAN PA YIN ZHES SHIN TU DPYAD DGOS PA'I GNAS YIN TE, GANG LTAR YANG DBUS MTHA' NAS BSHAD PA'I MTHA' GNYIS GNYIS DANG RIM BZHIN SBYOR TSUL MED DE, DBUS MTHA' NAS BSHAD PA'I GCIG THA DAD KYI MTHA' GNYIS NI 'DIR BSHAD PA'I GANG ZAG STONG PA NYID DU STON PA DANG SBYAR BA DANG, DER BSHAD PA'I MU STEGS DANG NYAN THOS KYI MTHA' GNYIS DANG, GANG ZAG DANG CHOS LA SGRO SKUR GYI MTHA' BZHI DANG, MI MTHUN PHYOGS DANG GNYEN

, ,PO'I MTHA' GNYIS TE BRGYAD NI, 'DIR BSHAD PA'I BYE BRAG TU SGRO 'DOGS PA'I MTHA' BRGYAD YIN LA, DBUS MTHA' LAS, RTAG DANG CHAD PAR 'DU SHES DANG, ZHES PA'I RTAG MTHA' NI, 'DIR BSHAD PA'I NGO BO NYID DU SGRO 'DOGS PA'I MTHA' YIN PAS, DBUS MTHA' NAS BSHAD PA'I MTHA' DGU PO DE 'DIR SGRO 'DOGS KYI MTHA' STON PA DANG SBYAR ZHING, DER BSHAD PA'I CHAD MTHA' NI 'DIR SKUR 'DEBS KYI MTHA' STON PA DANG SBYAR BA'I PHYIR RO, ,GANG ZAG STONG PA NYID DU STONG PA'I DBU MA'I LAM YOD DE, ,PHUNG KHA MES SKYE MCHED RNAMS SU STEGS PAS SGRO BRTAGS PA'I RANG SKYA BA'I BDAG GIS STONG PAR RTOGS PA'I LAM DE YIN PA'I PHYIR TE, BDAG MED PAR SO SOR RTOG PA DANG, SEMS CAN DANG, SROG DANG, GSO BA DANG, SKYES BU DANG, GANG ZAG DANG, SHED LAS SKYES DANG, SHED BU MED PAR SO SOR RTOG PA 'DI NI DBU MA'I LAM YIN PAR BSTAN PA'I PHYIR, GANG ZAG LA BDAG MED PAR STON PA'I DBU MA'I LAM YOD DE, RANG SKYA BA'I BDAG GIS STONG PA'I DE BZHIN NYID YOD PAR RTOGS PA'I LAM DE YIN PA'I PHYIR TE, 'GREL BA LAS, JI LTAR GANG ZAG LA BDAG MED PAR STON CHE NA, RNAM PA GCIG GIS DMIGS PAR YONGS SU STON TE, ZHES CHAD MTHA' BKAG PAR SNANG BA'I PHYIR, CHOS STONG PA NYID DU STON PA'I DBU MA'I LAM YOD DE, PHUNG SOGS KYI CHOS RNAMS BYIS PAS DE DANG NGA'O ZHES

SGO BTAGS PA LTAR RANG BZHIN GYIS MED PAR RTOGS PA'I LAM DE YIN PA'I PHYIR, CHOS LA BDAG MED PAR STON PA'I DBU MA'I LAM YOD DE, CHOS KYI BDAG GIS DBEN PA'I DE BZHIN NYID DE RNAM PAR MI RTOG PA'I YE SHES KYIS GZIGS TSUL LTAR DU GRUB PAR RTOGS PA'I LAM DE YIN PA'I PHYIR TE, 'GREL BA LAS, DE NI RNAM PA DRUG GIS BYIS PAS YONGS SU BRTAGS PA'I THA SNYAD KYI NGO BO NYID DAG DANG MI 'DRA BAR DMIGS TE, ZHES DPYAD DU MED PA LA SOGS PA'I TSIG DRUG GIS DE BSTAN PAR BSHAD PA'I PHYIR, TSIG DRUG GI DON YOD DE, RANG GI RTOG PAS JI LTA BA BZHIN BRTAG TU MED PAS DBYAD DU MED PA DANG, GZHAN LA JI LTA BA BZHIN BSHAD DU MED PAS BSTAN DU MED PA DANG, DBANG SHES KYI SPYOD YUL MA YIN PAS RTEN MA YIN PA DANG, PHYI ROL GYI DON DU GZUNG DU MED PAS SNANG BA MED PA DANG, RNAM PAR RIG PA TZAM DU GZUNG DU MED PAS RNAM PAR RIG PA MED PA DANG, NYON MONGS PA'I GNAS SU MA 'GYUR BAS GNAS MED PAR BSHAD DO, ,'GREL BAR, SGRO 'DOGS PA'I MTHA' DANG, ZHES PAS DBU MA'I LAM LNGA PA DANG, SKUR BA 'DEBS PA'I MTHA' DANG, ZHES PAS DBU MA'I LAM DRUG PA BSTAN PA YIN MIN DPYAD DGOS TE, DANG PO LA RTAG MI RTAG, BDAG YOD MED, SEMS YANG DAG PA YIN MIN, KUN NYON RNAM BYANG, YOD MTHA' STE MTHA' RNAM PA DGU SBYAR BA DE LA SKUR 'DEBS KYI MTHA' MANG PO YOD PA'I PHYIR DANG,

, ,KHYAD PAR DU DE'I MTHA' RNAM PA DGU'I THA MA YOD MTHA' DANG, SKUR 'DEBS KYI MTHA' STON PA DANG SBYAR BA'I MED MTHA' GNYIS DBU MA'I LAM GCIG DANG SBYOR DGOS KYI; 'DZIN STANGS MI 'DRA BA'I DBU MA'I LAM SO SO DANG SBYOR MI RUNG BAR SNANG BA'I PHYIR, DES NA DE GNYIS SGRO SKUR GYI MTHA' GNYIS DANG BRAL BA'I DBU MA'I LAM ZHES GCIG TU BYAS NAS, DE'I MTSAN GZHIR DBUS MTHA' NAS BSHAD PA'I DBU MA'I LAM GNYIS PA NAS DRUG PA'I BAR LNGA GZHAG CING, 'OG NAS 'CHAD PA'I BDAG MED SNGA MA DE BDAG MED PHYI MA'I RGYUR GYUR PA'I DBU MA'I LAM DE LA SGYU MA MKHAN ZOS PA'I DE BAS BSTAN PA'I DBU MA'I LAM DANG, GTZUB SHING TSIG PA'I DPES BSTAN PA'I DBU MA'I LAM GNYIS SU PHYE NAS BCU GSUM DU BYED NA DBUS MTHA' RTZA 'GREL SOGS DANG YANG MTHUN PAS SHIN TU LEGS PAR SNANG NGO, ,'ON KYANG KHO BO'I RMONGS GTAM GYIS TSIM MI SNGA BAR BLO LDAN RNAMS KYIS ZHIB TU DPYOD CIG ,'DIR SEMS CAN ZHES PA YIG NOR YIN PAS, SEMS YANG DAG PA ZHES SOGS 'DON DGOS SO, ,MTHA' DE DAG MNGON PAR ZHEN PA'I TSUL GYIS KHAS MI LEN, GZHAN 'DZIN DU 'JUG PA'I TSUL GYIS MI BRJOD, GZHAN LA KUN TU BSNYAD PA'I TSUL GYIS MI SMRA ZHES 'GREL BAR BSHAD DO, ,CHOS MNGON PAR RTOGS PA'I DBU MA'I LAM YOD DE, KUN BYANG GI RTEN 'BREL YAN LAG BCU GNYIS BYIS PAS GZUNG

'DZIN DU SGRO BTAGS PA LTAR MED PAR RTOGS PA'I LAM DE YIN PA'I PHYIR, 'DI NI DBUS MTHA' NAS BSHAD PA'I LAM BDUN PA DANG DON GCIG YIN NO, ,MI MTHUN PHYOGS DANG 'DUS BYAS DANG GNYEN PO DANG 'DUS MA BYAS SU ZHES 'DON DGOS TE, RNAM BYANG GI RTEN 'BREL BCU GNYIS LA 'DUS MA BYAS ZHES BSHAD PA YIN PA'I PHYIR RO, ,CHOS MNGON RTOGS ZHES PA TSOGS LAM GYI MING YIN KYANG RANG RGYAL GYI KHYAD PAR BSHAD PA'I SKABS KYI CHOS MNGON RTOGS ZHES PA MTHONG LAM LA BYED MKHAN YOD PA LTAR, 'DI'I CHOS MNGON RTOGS KYANG 'PHAGS LAM LA BYED DAM SNYAM STE, 'GREL BAR SO SOR RANG RIG PAR BSHAD PA DANG, 'DIR YANG GOMS PA YANG DAG PA JI LTA BA BZHIN SHES PAR BSHAD PAS SO, ,BYANG CHUB CHEN POR YONGS SU BSNGO BA'I DBU MA'I LAM YOD DE, BYANG CHUB SEMS DPA'I SRID ZHI'I MTHA' GNYIS DANG MA 'BREL BA'I DBU MA'I LAM DE YIN PA'I PHYIR, 'DI NI STONG PA NYID KYIS CHOS RNAMS STONG PAR MI BYED DE, CHOS RNAMS NYID STONG PA NYID DANG, DE BZHIN DU MTSAN MA MED PA DANG; SMON PA MED PA DANG, MNGON PAR 'DU BYED PA MED PA DANG, SKYE BA MED PA DANG, 'BYUNG BA MED PA DANG, NGO BO NYID MED PAS CHOS RNAMS NGO BO NYID MED PAR MI BYED DE, CHOS RNAMS NYID NGO BO NYID MED PA ZHES PA'I TSIG BDUN GYIS BSTAN TE, STONG PA NYID KYIS CHOS RNAMS STONG PAR MI BYED CES BYA BAS SNYING RJES 'KHOR BA LAS MI GROL BAR BSTAN, CHOS RNAMS NYID STONG PA NYID CES PAS SHES RAB

, ,KYIS SRID PAR MA BCINGS PAR BSTAN NAM SNYAM MO, ,DE LTAR ZHUGS PA NYON MONGS PA DANG SDUG BSNGAL GNYIS KYIS SEMS MA ZIN PA'I DBU MA'I LAM YOD DE, SHES BYA STONG PA NYID LA SOGS PA'I CHOS RNAMS GLO BUR BA'I DRI MAS SGRIB KYANG RANG BZHIN GYIS DRI MAS DBEN PAR RTOGS PA'I LAM DE YIN PA'I PHYIR, 'DI NI DBUS MTHA' NAS BSHAD PA'I LAM BRGYAD PA DANG GNAD GCIG GO, BDAG MED GNYIS KYI KHYAD PAR STON PA'I DBU MA'I LAM YOD DE, CHOS RNAM BDAG GNYIS KYI NGO BOR MED KYANG BDAG MED GNYIS KYI NGO BOR YOD PAR RTOGS PA'I LAM DE YIN PA'I PHYIR, 'DI NI DBUS MTHA' NAS BSHAD PA'I LAM DGU BA DANG DON GCIG GO, MDO LAS KHYAD PAR BZHIS 'DI BSTAN TE, BDAG GNYIS KYI NGO BOR MED KYANG BDAG MED GNYIS KYI NGO BOR YOD PAR RTOGS PA MTHONG BA'I KHYAD PAR DANG, BDAG MED CES PA'I DON GTAN MED PA'I DON DU BZUNG NA BDAG TU LTA BAS KYANG DMAN PA'I KHYAD PAR DANG, 'DIR BDAG TU LTA BAS KYANG DAM BCA'I KHYAD PAR ZHES BYUNG BA DPE MA DAG GO, NAM MKHA' LA 'JIGS SKRAG PA'I DPES GANG ZAG GI BDAG MED RTOGS KYANG CHOS KYI BDAG MED LA 'JIGS SHING SKRAG PA NI, SPONG BA RNAM PAR 'KHRUL PA'I KHYAD PAR DANG, RI MO MKHAN GYIS GNOD SBYIN GYI GZUGS 'JIGS SU RUNG BA BRIS NAS DE LA 'JIGS SKRAG SKYES PA'I DPES GANG ZAG GI BDAG MED RTOGS KYANG RANG GI RNAM RTOG

LAS BYUNG BA'I YUL RNAMS LA CHOS KYI BDAG TU 'DU SHES PA NI SEMS RNAM PAR 'KHRUL BA'I KHYAD PAR DE BZHIS BSTAN PA'I PHYIR RO, ,BDAG MED PA SNGA MA DE BDAG MED PHYI MA'I RGYUR GYUR BA'I DBU MA'I LAM LA GNYIS LAS, DANG PO SGYU MA MKHAN GYIS SPRUL PAS SGYU MA MKHAN ZOS PA'I DPES BSTAN PA'I DE YOD DE, GANG ZAG GI BDAG MED RTOGS PA LA BRTEN NAS SKYES PA'I CHOS KYI BDAG MED RTOGS PA'I YE SHES KYI NGES NGOR GANG ZAG GI BDAG MED DU SNANG BA MED PAR RTOGS PA'I LAM DE YIN PA'I PHYIR, 'DI DBUS MTHA' NAS BSHAD PA'I LAM BCU GNYIS PA DANG GNAD GCIG YIN MOD KYANG DON GCIG MA YIN TE, DBUS MTHA' RTZA 'GREL LAS PHYI ROL GYI YUL LA LTOS PA'I GZUNG 'DZIN RDZAS GZHAN MED PAR RTOGS PA LA BRTEN NAS NANG SHES PA LA LTOS PA'I GZUNG 'DZIN RDZAS GZHAN MED PAR RTOGS PA'I YE SHES 'BYUNG BA LA BSHAD PA'I PHYIR RO, ,GNYIS PA GTZUB GTAN DANG GTZUB SHING GNYIS LAS BYUNG BA'I MES SHING GNYIS TSIG PA'I DPES BSTAN PA'I DE YOD DE, STONG NYID DON SPYI'I TSUL DU RTOGS PA'I NGES 'BYED CHA MTHUN LA BRTEN NAS SKYES PA'I RNAM PAR MI RTOG PA'I YE SHES KYI NGOR DON SPYI'I SNANG BA MED PAR RTOGS PA'I LAM DE YIN PA'I PHYIR, 'DI NI DBUS MTHA' NAS BSHAD PA'I LAM BCU GSUM PA DANG GNAD GCIG GO, STONG PA NYID KYI MTHAR THUG PA'I DBU MA'I LAM LONG DE, DBUS MTHA' NAS BSHAD PA'I LAN BCU BZHI PA DE YIN PA'I PHYIR, STONG PA NYID

, ,KYI MTHU STON PA'I DBU MA'I LAM YOD DE, DBUS MTHA' NAS BSHAD PA'I LAM BCO LNGA PA DE YIN PA'I PHYIR RO,, 'DI NI KHYAD PAR BCU GSUM GYIS DBU MA'I LAM MI 'DRA BA BCU GSUM BSTAN PA'I DBANG DU BYAS PA'I BSHAD TSUL YIN LA, DES DBU MA'I LAM MI 'DRA BA BCU GSUM MA BSTAN PAR DBU MA'I LAM GYI KHYAD PAR BCU GSUM BSTAN PA'I DBANG DU BYAS NA YANG BSHAD DU RUNG STE, DPER NA, BDAG GNYIS KYIS STONG PAR RTOGS PA'I LAM LA KHYAD PAR THA MA BZHI TSANG BA LTA BU YIN PA'I PHYIR TE, GANG ZAG DANG CHOS KYI BDAG MED RTOGS PA'I LAM GNYIS LA SNGA MA LA BSTEN NAS PHYI MA BYUNG BA DANG, PHYI MA'I NGOR SNGA MA'I SNANG BA NUB PA DANG, DE GNYIS LA BLO SNGON DU MA BTANG YANG MI SHES PA 'JOM PA'I NUS PA YOD PA DANG, THOG MA MED PA NAS BSAGS PA'I MI SHES PA'I MUN PA YE SHES SKAD CIG MA GCIG GIS SEL BA'I MTHU RNAMS TSANG BAR YOD PA'I PHYIR RO,, //DZA// RDUL PHRA RAB NI CHAR PHYE BA'I RIGS PAS DPYAD BZOD DU GRUB PAS DON DAM PAR YOD LA, BUM PA LTA BU CHA SHAS DU MA 'DUS PA RNAMS CHAR PHYE BA'I RIGS PAS DPYAD MI BZOD PAS NA DON DAM PAR MED PAR BYE SMRAS 'DOD DO,, BYE SMRA'I LUGS LA, GZHI GRUB NA BDEN PAR GRUB PAS KHYAB KYANG DON DAM PAR GRUB PAS MA KHYAB CES ZHIB CHA BYED MKHAN KYANG YOD DO,, 'DUS BYAS YIN NA DON DAM BDEN PA MA YIN PAS

KHYAB PA DANG, MTSAN NYID GSUM GYI NANG NAS YONGS GRUB GCIG BU DON DAM BDEN PA YIN ZHES PA'O,, MDO SDE RGYAN LAS, YOD MIN MED DE BZHIN MIN GZHAN MIN, ,SKYE DANG 'JIG MED 'BRI BAR MI 'GYUR TE, ,'PHEL BA MED CING RNAM PAR DAG PA'ANG MED, ,RNAM PAR DAG 'GYUR DE NI DON DAM MTSAN, ,ZHES YOD MED KYI MTHA' DANG BRAL BA DANG, GCIG THA DAD KYI MTHA' DANG BRAL BA DANG, SKYE 'JIG MED PA DANG, 'BRI 'PHREL MED PA DANG, DRI MAS DAG MA DAG STE DON DAM BDEN PA KHYAD PAR LNGA LDAN DU GSUNGS SO,, BSDU BA LAS RGYU MTSAN DANG RNAM RTOG 'JOG TSUL GNYIS PA'I KUN RDZOB TU YOD PAR BSHAD PA DANG, MDO LAS LAS DANG RNAM SMIN RDZAS SU YOD LA BYED PA BO GANG ZAG RDZAS SU MED PAR GSUNGS SHING, RNAM BSHAD RIGS PAR GANG ZAG 'JOG TSUL GNYIS PA'I KUN RDZOB TU YOD CING RDZAS SU MED PAR BSHAD DO,, //WA// SEMS TZAM PAS KUN RDZOB CES PA'I DON GANG YIN PA BRJOD DGOS SO,, GAL TE BDEN PAR MED PA NI DE'I DON YIN ZER NA, DE NI MI RIGS TE, DE LTA NA KHYOD KYIS KUN RDZOB TU SKYE'O ZHES PA MI 'THAD PAR 'GYUR BA'I PHYIR TE, KUN RDZOB DANG SKYE BA 'GAL BA'I PHYIR TE, KUN RDZOB NI DON BYED MI NUS SHING, SKYE BA NI DON BYED NUS PA'I PHYIR DANG, MED PA'I SGO NAS YOD PA 'GRUB PAR MI RUNG BA'I PHYIR, ZHES BKAG PA'I PHYOGS SNGA SMRA BA NI THAL 'GYUR BAS STOD PAS MED MTHA' SEL BAR 'DOD PA DE YIN NAM SNYAM MO, ,GAL TE

, ,DNGOS PO'I NGO BO NYID NI KUN RDZOB YIN NO ZHE NA, RANG CAG GNYIS LA TZONG PA MED DE, KHYOD KYIS NGO BO NYID MED PAR DAM BCA' BA NYAMS PAR 'GYUR ZHING, KUN RDZOB TU SKYE'O ZHES PA SKYE BA SKYE'O ZHES PAR GYUR BA DANG, DON DAM PAR SKYE BA MED DO ZHES PA SKYE BA MED PA SKYE BA MED DO ZHES PAR 'GYUR ZHING, DE LTA NA BRJOD PA 'BREL MED DU 'GYUR RO ZHES BKAG PA'I PHYOGS SNGA DNGOS SU 'DOD MKHAN YOD NA DE RANG RGYUD PA ZHIG YIN NA MA DPYAD DGOS SO,, 'ON TE MA BRTAG PA'I DON KUN RDZOB KYI DON YIN NO ZHE NA, MA BRTAG PA ZHES PA RTOG PA GTAN MED LA BYED NA DE'I SGO NAS JI LTAR 'GRO BA LA GRAGS PAR 'GYUR, RTOG MED KYI SHES PAS RTOGS PA LA BYED NA JI LTAR NGO BO NYID MED PA YIN, ZHES BKAG PA'I PHYOGS SNGA NI THAL 'GYUR BAS THA SNYAD DU YOD PA NI BTAGS DON BTZAL NAS MI 'JOG PAR 'DOD PA DE YIN NAM SNYAM MO,, CI STE 'JIG RTEN NA GRAGS PA KUN RDZOB YIN NO ZHE NA, 'JIG RTEN ZHES PA BSTAN BCOS RTZOM MKHAN LA BYED NA PHAN TSUN 'GAL BA'I DON KHAS LEN PAR 'GYUR LA, SKYE BO PHAL BA LA BYED NA BDAG MED DANG LAS 'BRAS SOGS KHAS MA BLANG BAR 'GYUR RO ZHES BKAG PA'I PHYOGS SNGA NI THAL 'GYUR BAS THA SNYAD PA'I RNAM GZHAG NI 'JIG RTEN NA JI LTAR GRAGS PA LTAR KHAS LEN DGOS PAR 'DOD PA DE YIN NO,, 'ON TE SGYU MA'I DON KUN RDZOB KYI DON YIN NO ZHE NA, SGYU MA ZHES

PA BDEN STONG SGYU MA LTA BU LA BYED NA SNGAR BSHAD PA'I NYES PAR 'GYUR LA, GNYIS STOD SGYU MA LTA BU LA BYED NA SEMS TZAM PA DANG KHYAD MED DU 'GYUR RO ZHES BKAG PA'O,, CI STE KUN RDZOB NI SGRA TZAM YIN ZER NA, LEGS BSHAD NYES BSHAD KYI KHYAD PAR MED PAR 'GYUR TE, BSTAN BYA'I DON MED NA SGRA TZAM LA KHYAD PAR MED PA'I PHYIR ZHES BKAG PA NI, CHOS THAMS CAD MING TZAM MO ZHES PA'I TSIG TZAM LA RTZOD PAR SNANG NGO,, CI STE KUN RDZOB ZHES PA SGRA'I DON YIN NO ZHE NA, CI YANG KHYAD PAR MED PAR JI LTAR 'GYUR ZHES BKAG PA NI 'DIR SGRA SPYI LA BSHAD PA LTAR NA, KUN RDZOB NI SGRA DON GYI SPYI YIN NA CHOS THAMS CAD KHYAD PAR MED PAR KUN RDZOB TU YOD CES JI LTAR RUNG STE, GZHAN DBANG YONGS GRUB GNYIS SGRA DON GYI SPYI MA YIN PA'I PHYIR ZHES BKAG PA YIN NO,, 'ON TE SNANG BA DANG RNAM PAR BRTAG PAR BYA BA'I DON DE DAG GCIG TU BYAS NAS SPYI'I RNAM PA GZUNG STE, DE SKAD DU BRJOD DO ZHES BYA BAR 'DOD NA NI, DE'I TSE DON DAM PA LA YANG THAL BAR 'GYUR TE, ZHES SNANG BRTAG GCIG TU BYAS NAS GNYIS KA KUN RDZOB YIN ZER NA NI, DON DAM BDEN PA YANG KUN RDZOB TU THAL BAR 'GYUR TE, DE SGRA RTOG GI YUL YIN PA'I PHYIR ZHES PA'O,, 'ON TE GZUGS DANG TSOR BA LA SOGS PA LA KUN RDZOB KYI BDEN PA ZHES MING DU 'DOGS NA NI 'DOD DGUR THOGS SHIG DANG, DES DON DAM PAR YOD PA LA MI GNOD PAS BRTZOD PA MED DO,, ZHES PA DANG,

, ,CI STE MI BRTAN PA'I DON NI KUN RDZOB KYI DON YIN NO ZHE NA, GRUB ZIN SGRUB PA YIN TE, KHO BO CAG KYANG DNGOS PO RNAMS SKAD CIG MA DANG DON DAM BDEN PA RTAG PAR 'DOD PA'I PHYIR, ZHES PA DANG, 'ON TE MI BDEN PA'I DON KUN RDZOB YIN NO ZHE NA, DE KUN RDZOB KYI BDEN PAR JI LTAR 'GYUR TE, GZHI GCIG LA BDEN MI BDEN GNYIS 'GAL PA'I PHYIR ZHES PA DANG, KUN RDZOB TSAD MA'AM TSAD MA MIN PA ZHIG YIN, TSAD MA YIN NA NI JI LTAR KUN RDZOB YIN, TSAD MA MIN NA NI 'DI LAS JI LTAR BDAG MED PA 'GRUB PAR 'GYUR ZHES PA NI, KUN RDZOB BDEN PA ZHES PA'I TSIG ZUR GYI KUN RDZOB DE MA RIG PAR 'DOD PA LA BRTZAD PA YIN NAM DPYAD DGOS SO,, DE LTAR KUN RDZOB PA'I DON LA RTZOD TSUL BCU GNYIS BSHAD PA'I LNGA PA DANG DGU PA NI GRUB MTHA' CHEN POR MA BYUNG ZHING, DON DAM LA RTZOD TSUL GCIG BGRANG NAS BCU GCIG TU BSHAD KYANG DBU MA SNANG BA RANG LAS KUN RDZOB LA BCU GNYIS BSHAD DAM SNYAM MO,, DON DAM LA RTZOD TSUL NI, DON DAM PA GYIN STE NGAN PA ZHIG YIN NA NI, GANG GI DON DU DE SGRUB PAR BYED PA'I CHED DU BYA BA MYANG 'DAS NI DON DAM PAR MI 'GYUR ZHING, DON DAM PA DE YE SHES DAM PA'I GZHAL BYA MA YIN PAR 'GYUR LA, DON DAM PAR MED CES PA NGAN PA BKAG PA YIN PAS DNGOS PO RNAMS DON DAM PAR YOD PAR KHAS BLANGS PAR 'GYUR RO,, ZHES BKAG PA NI, NGO BO NYID MED PAR SMRA BA'I DGAG BYA DON

DAM DANG DON DAM BDEN PA GNYIS KYI KHYAD PAR MA PHYED PAR BKAG PA YIN NAN SNYAM MO,, //ZHA// RNAM BSHAD RIGS PAR LAS DANG RNAM SMIN BDEN PA GNYIS KAR YOD PAR GSUNGS PA'I DON DAM PAR YOD TSUL NI 'JOG TSUL SNGA MA DANG KUN RDZOB TU YOD TSUL NI PHYI MA'I DBANG DU BYAS PAR LEGS BSHAD SNYING POR GSUNGS SO,, //ZA// RNAM DAG LAM GYI DMIGS PA MTHAR THUG LA DON DAM DANG KUN NAS NYON MONGS PA SLONG DU RUNG BA'I DMIGS PA LA KUN RDZOB TU YOD PAR BSHAD PA NI KUN BTUS DANG MTHUN PAR LEGS BSHAD SNYING POR GSUNGS SHING, 'KHRUL PA'I SHES PA YUL DANG BCAS PA THAmD RNAM GRANGS PA'I KUN RDZOB TU YOD PA DANG, CHOS THAMS CAD DON DAM PAR YOD PA'I RANG BZHIN LAS GZHAN MA YIN PAS RNAM GRANGS PA'I DON DAM PAR YOD PAR DAR t'IKA LAS BSHAD DO,, //'A// GZHAN DBANG NI PHYI ROL GYI GZUNG BA MED PAR RANG GI BAG CHAGS KHO NA LAS 'BYUNG BA DANG, DON DAM PAR YOD PA DANG, 'DI BA'I LUGS KYI DON DAM PAR SGRA RTOG GI SPROS PA THAMS CAD KYI YUL MIN PA'I RANG BZHIN DU YOD DO,, //YA// YOD DE ZHES PA DPE MA DAG PAS RGYU MTSAN DER YOD PAR BSHAD PA LTA BU ZHES 'DON DGOS SO,, //RA// KUN RDZOB TU YOD PAR 'JOG TSUL GSUM BSHAD DU YOD DE, MING BRDAS BZHAG TZAM DU YOD PA DANG, KUN NYON SLONG DU RUNG PA'I DMIGS PA DANG, MING DANG BRDA'I THA SNYAD KYIS BTAGS PA'I NGO BO NYID DANG THA SNYAD 'DOGS PA'I MTSAN MA'I GZHIR GYUR BA DANG GSUM MO,,

, ,BSDU BA LAS DE BZHIN NYID RTOGS PA'I MNYAM GZHAG 'PHAGS PA'I YE SHES NI DON DAM PAR YOD PAR GSUNGS TE, KUN RDZOB TU YOD PAR 'JOG PA'I RGYU MTSAN SNGA MA GNYIS MED PA LA DGONGS SO,, ZHES LEGS BSHAD SNYING POR GSUNGS SO,, //LA// TZAM SGRAS ZHES PA YIG NOR YIN PAS, DON DAM PAR YOD PAR GSUNGS PA TZAM YIN GYI RNAM DAG LAM GYI DMIGS PA'I DON DAM DNGOS MA YIN TE ZHES 'DON DGOS SO,, 'ON KYANG MDO SDE BA'I RIGS PA LA BRTEN PA'I SEMS TZAM PA KHA CIG GIS RNAL 'BYOR MNGON SUM GYI DNGOS GZHAL DNGOS POR 'DOD PA YOD CES PA'O,, //SHA// 'DI LA BSHAD SROL MI 'DRA BA GNYIS YOD PA LAS, RE ZHIG YIG CHA'I BSHAD TSUL NI, 'PHAGS PA RNAMS KYIS SO SO RANG GIS RIG PAR BYA BA DON DAM PA'I DNGOS PO NI GDON MI ZA BAR YOD DO ZHES SOGS RNAL 'BYOR MNGON SUM GYI DNGOS YUL DNGOS POR BSHAD PA'I SEMS TZAM PA'I GZHUNG MANG PO YOD PA LA 'KHRUL NAS, KHA CIG NA RE, SEMS TZAM PA'I LUGS 'DIS 'PHAGS PA'I MNYAM GZHAG RNAM PAR MI RTOG PA'I YE SHES RANG NYID RTOGS PAS NA SO SO RANG RIG PAR BZHED PAS YE SHES RANG NYID KYANG YE SHES DAM PA'I DON NAM YUL YIN PAS 'JOG TSUL GNYIS PA'I DON DAM PAR 'GYUR RO SNYAM NA, YUL GANG LA LTOS NAS DE KHO NA NYID KYI DON RTOGS PA'I YUL DE BZHIN NYID DE LA DGONGS NAS SO SO RANG RIG

PAR BSHAD PA YIN PAS YE SHES DE 'JOG TSUL GNYIS PA'I DON DAM DU 'GYUR BA'I SKYON MED CES PA'I DON DU BSHAD DO,, LCANG SKYA GRUB MTHA'I BSHAD TSUL LTAR NA, DOGS PA SKYE BA'I GZHI NI RNAL 'BYOR MNGON SUM GYI DNGOS YUL DNGOS POR BSHAD PA'I GZHUNG MANG PO DANG, SLOB DPON SH'AKYA BLOS BYANG SEMS CHOS BDAG MED DU MKHYEN PAS GNYIS KYIS STONGS PA'I RANG RIG PA KHO NA MKHYEN NO ZHES GSUNGS PA SOGS SO,, DOGS PA SKYE LUGS NI, KHA CIG GIS, SEMS TZAM PA'I LUGS 'DIS RNAM PAR MI RTOG PA'I YE SHES DE 'JAL BA'I RANG RIG ZAG MED KYI SHES PAR BZHED PAS, YE SHES KYANG ZAG MED KYI SHES PA'I DNGOS KYI YUL YIN PAS 'JOG TSUL GNYIS PA'I DON DAM DU 'GYUR RO SNYAM NA, YE SHES DAM PA'I DON NAM YUL YIN PAS DON DAM PA'O ZHES PA NI ZAG MED KYI SHES PA'I YUL YIN PA TZAM GYIS MI 'JOG GI, ZAG MED KYI SHES PA DE YUL GANG LA LTOS NAS DE KHO NA NYID KYI DON RTOGS PA'I YUL DE BZHIN NYID DE LA DGONGS NAS YE SHES DAM PA'I DON NAM GZHAL BYAR BZHED PA YIN PAS YE SHES DE 'JOG TSUL GNYIS PA'I DON DAM DU 'GYUR BA'I SKYON MED CES PA'I DON DU BSHAD DO,, //SA// BYANG SEMS RNAMS KYI RNAM PAR MI RTOG PA'I YE SHES TE SHES RAB KYI GNAS TE RTEN NI PHYI ROL GYI DON LA MI SEMS PA'I SEMS KHO NA STE, 'DI NI DON LA MI SEMS SHING SEMS KYI RGYU LAS BYUNG BA'I PHYIR TE, BYANG CHUB SEMS DPA' RNAMS KYI SHES, ,RNAM PAR RTOG PA MED PA'I

, ,GNAS, ,SEMS MIN SEMS NI KHO NA STE, ,DON LA MI SEMS RGYUS BYUNG PHYIR, ,ZHES GSUNGS SO,, MI ZHIG MIG BTZUM PA LTAR RNAM PAR MI RTOG PA'I YE SHES KYIS GZUGS SOGS MI SNANG BA DANG, MI ZHIG MIG BYE BA LTAR RJES THOB KYI YE SHES KYIS GZUGS SOGS SNANG BAR BSHAD DO,, //HA RTZA 'GREL GNYIS KAR MTHONG LAM GYIS DE BZHIN NYID MNGON SUM DU RTOGS PAR BSHAD DO,, //AA// YOD MED KYI MTHA' DANG BRAL BA'I BDAG MED GSUNGS KYANG DGAG BYA RNAM PAR BCAD TZAM GYI MED DGAG MNGON SUM GYI DNGOS YUL DU 'GYUR TSUL BLOR MA SHONG BA'I DBANG GIS MNGON SUM GYI SNANG YUL DNGOS PO KHO NAR MNGON PAR ZHEN PA RNAMS KYI SKRAG PA SPANGS PA'I CHED DU 'PHAGS PA'I YE SHES KYI DNGOS YUL DNGOS POR BSTAN TO,, ZHES PA'O,, //KA// CHOS GANG ZHIG BLO'I YUL DU 'CHAR BA NA RANG DANG MTSAN NYID MI MTHUN PA'I GZHI GZHAN GYI RNAM PA SHAR BA LA MI LTOS PAR RANG DBANG DU 'CHAR BA NI RDZAS YOD KYI DON NO,, //KHA// CHOS THAMS CAD KYANG RANG GI NGO BO NYID KYIS YOD PAS RNAM GRANGS PA'I RDZAS SU YOD PA'O,, //GA// CHOS GANG ZHIG BLO'I YUL DU 'CHAR BA NA RANG DANG MTSAN NYID MI MTHUN PA'I GZHI GZHAN GYI RNAM PA SHAR BA LA NGES PAR BLTOS PA NI BTAGS YOD GYI DON NO,, //NGA// CHOS THAMS CAD KYANG MING DANG THA SNYAD 'DOGS SU YOD PAS RNAM GRANGS PA'I BTAGS

YOD DO,, //CA// SO SO SKYE BO 'PHAGS DBYE BAS, ,SEMS CAN RDZAS DANG BTAGS YOD PAR, ,ZHES PA NI BDAG MED MNGON SUM DU MA RTOGS PA DANG RTOGS PA'I KHYAD PAR YIN NAM SNYAM MO,, RIGS PAS 'GRUB PA'I RDZAS YOD NI SHES BYA THAMS CAD DANG, BRTAN PA MI 'GYUR BA'I RDZAS YOD NI 'DUS MA BYAS KYI CHOS DANG, DON BYED NUS PA'I RDZAS YOD NI DNGOS PO THAMS CAD DANG, TSUGS THUB KYI RDZAS YOD NI RDZAS YOD MTSAN NYID PA RNAMS SO,, DE LAS BZLOG PA'I BTAGS YOD BZHI NI GO SLA'O,, //CHA// KUN TU RTOG PAS JI LTAR KUN TU RTOG CES PA NI MDOR BSTAN DANG, DMIGS PA GANG DANG, ZHES PA NAS, SGRO 'DOGS PA GANG GIS KUN TU RTOG CE NA ZHES PA NI RGYAS BSHAD DE DRIS PA'O,, MING GIS DMIGS PA DANG, GZHAN GYI DBANG GI NGO BO NYID LA DER MTSAN MAR 'DZIN PA DANG, LTA BAS DE LA MNGON PAR ZHEN PA DANG, RNAM PAR RTOG PA RNAMS KYIS RAG KUN NAS SLONG BA DANG, MTHONG BA LA SOGS PA THA SNYAD BZHI PO DAG GIS THA SNYAD 'DOGS PA DANG, MED PA'I DON LA YOD DO ZHES SGRO 'DOGS PAS KUN TU RTOG GO, ZHES PA NI DRIS PA DRUG GI LAN TE GO RIM BZHIN NO,, DE YANG MING MA THOS PAR DON LA DE'O ZHES KUN TU RTOG PAR BYED MI NUS PAS SPRUL LA SOGS PA'I MING GIS DMIGS PA DANG, GZHI THAG PA LA SOGS PA LA SPRUL LA SOGS PAR MTSAN MAR 'DZIN PA'I 'DU SHES PHYIN CI LOG DANG, NGES PAR DE YIN NO ZHES MNGON PAR ZHEN PA'I LTA BA PHYIN CI LOG DANG, DE GZHAN LA STON 'DOD PA NA RTOGS [*INCOMPLETE TEXT; MISSING PAGES 123A - 127B (.061)]

, ,MDZOD PA'I LUGS KYIS GLING BZHI PA'I 'JIG RTEN RE RE LA DKYIL 'KHOR DE DAG BRTZEGS PA RE RE YOD PAR 'DOD PA DANG, MDZOD DU, 'DI 'OG STENG PHRAG NYI SHU NA; ;MNAR MED PA'O DE TZAM MO, ,ZHES BSHAD LA, SA'I DNGOS GZHIR, 'DI NAS 'OG TU DPAG TSAD KHRI PHRAG DRUG PHYIN PA NA MNAR MED KYI GNAS YOD PAR BSHAD CING, MDZOD PA'I LUGS KYIS TSA DMYAL CHEN PO BRGYAD GRANG DMYAL BRGYAD KYI GNAS THAD SO THAD SOR GNAS PAR 'DOD LA, SA'I DNGOS GZHIR TSA DMYAL DANG PO DANG GRANG DMYAL DANG PO MTHO DMA' THAD MNYAM ZHING, DE NAS TSA DMYAL RNAMS 'OG TU DPAG TSAD BZHI STONG BZHI STONG GIS CHOD PA NA RIM PA BZHIN GNAS LA, GRANG DMYAL RNAMS DPAG TSAD NYID STONG NYIS STONG GIS TSOD PAN GNAS PAR BSHAD PA DANG ZHES DE NYID SNANG BA LAS BSHAD KYANG, MDZOD LUGS LA RLUNG DKYIL GCIG DANG CHU DANG GSER DKYIL THA DAD PAR 'DOD DGOS SAM SNYAM ZHING, KHA CIG GIS DE GNYIS KYI MNAR MED KYI GNAS TSAD MTHUN PAR BSHAD PA YANG MTHONG NGO,, //ZHA// DUS 'KHOR NAS 'JIG RTEN GYI KHAMS KYI TSAD DANG DBYIBS SOGS KYI RNAM GZHAG GSUNGS PA DGONGS PA CAN DU BSHAD PA DANG, SGRA JI BZHIN PAR BSHAD PA'I SROL GNYIS LAS, PHYI MA NI RJE BDAG NYID CHEN PO'I DGONGS PA YIN KYANG, GAL TE DGONGS PA CAN DU 'CHAD NA JI LTAR BSHAD CE NA, DE'I TSUL NI t'IK CHEN

DE NYID SNANG BA LAS, DE YANG SGRA JI BZHIN DU MI 'CHAD PAS NI 'DI LTAR GSUNGS PA'I DGONGS GZHI DANG DGOS PA DANG DNGOS LA GNOD BYED GSUM BRJOD PAR BYA DGOS SO, ,DE LA DGONGS GZHI NI 'DI LTAR, NANG SKYES BU'I LUS LA KHRU BZHI YOD PA LA DGONGS NAS PHYI ROL 'JIG RTEN GYI KHAMS LA YANG DPAG TSAD 'BUM PHRAG BZHI YOD PAR GSUNGS PA YIN TE, DPER NA PHYI ROL TU ZLA BA'I DKAR CHA 'PHEL BA BCO LNGA LAS LOGS PA'I DKAR PO'I CHA BCU DRUG PA DANG, MUN PA ZHUGS PA'I CHA BCO LNGA LAS LOGS PA'I NAG PHYOGS KYI CHA BCU DRUG PA GNYIS DNGOS PO LA YOD NA ZLA BA RE LA TSES ZHAG SO GNYIS RE NGES CAN DU YOD PAR 'GYUR BAS DE 'DRA BA'I CHA BCU DRUG PA GNYIS DNGOS PO LA ZUR BA MED KYANG, NANG DU SKYES BU KHAMS DRUG LDAN MNGA' SKYES KYI MI'I LUS LA DKAR CHA 'PHEL BA'I CHA BCU DRUG DANG NYAMS PA'I CHA BCU DRUG DNGOS GNAS LA YOD PA LA DGONGS NAS DE DANG PHYI NANG CHOS MTHUN SBYAR BA'I CHED DU LDOG PA THA DAD TZAM LA BTAGS NAS PHYI ROL TU'ANG CHA BCU DRUG PA GNYIS GSUNGS PA BZHIN NO, ,'DIS MTSON NAS MI MTHUN PAR BSTAN PA'I CHA GZHAN DE DAG PHAL CHE BA'I YANG DGONGS GZHI NI NANG GI CHOS SO SO'O, ,DGOS PA NI, 'DIR 'JIG RTEN GYI KHAMS KYI TSAD GANG YIN PA DE NI JI LTAR PHYI ROL DE BZHIN LUS ZHES GSUNGS PA'I PHYIR, ZHES SOGS DANG, 'DIR BSREGS BCAD CES PA LA SOGS PAS BCOM LDAN 'DAS KYIS

, ,DAM BCAS PA NI MA YIN TE, ZHES SOGS GZHUNG SNGA PHYI DE DAG GIS STON TO, ,'DIR 'JIG RTEN GYI KHAMS KYI RNAM GZHAG GSUNGS PA NI BSREGS BCAD BRDAR BAS GSER BZHIN DU TSAD MAS LEGS PAR BRTAGS PA NA 'DIR JI SKAD BSHAD PA LTAR DNGOS GNAS LA YANG YOD PAR TSAD MAS GRUB NAS BCOM LDAN 'DAS KYIS DAM BCAS PA NI MA YIN GYI, 'ON KYANG 'DI LTAR DAM BCAS PA NI PHYI NANG SBYAR BA'I SGO NAS NANG JI LTAR GNAS PA LEGS PAR RTOGS TE, DE DANG CHOS MTHUN PAR BSOD NAMS KYI TSOGS BSKYED RIM BSGOM PA DANG, DE LA GNAD DU BSNUN PA'I YE SHES KYI TSOGS RDZOGS RIM BSGOM PA'I YUL LA GDUL BYA 'JUG PA'I PHYIR DU GSUNGS PA YIN NO ZHES BYA BA STE, 'JIG RTEN GYI KHAMS DKYIL 'KHOR GYI DON DANG ZHES SOGS KYI DON YANG DE LTAR RO, ,RNAM PA GZHAN DU NA JI LTAR PHYI ROL DE BZHIN LUS SU MA 'I 'GYUR TE, MI MNYAM PA'I PHYIR RO ZHES PA NI MNGON PA NAS BSHAD PA'I RNAM GZHAG DE MI 'THAD PA'I RGYU MTSAN STON PA MA YIN GYI, DE DANG MTHUN PAR 'DIR MA BSTAN PA'I RGYU MTSAN 'CHAD PA YIN TE, MNGON PA NAS BSHAD PA'I 'JIG RTEN GYI TSAD DE LTAR BSHAD NA NANG GI LUS TSAD DANG SGRIG TSUL 'DI LTAR BYAR MED PAS DKYIL 'KHOR GYI TSAD LA SOGS PA DANG, CHOS MTHUN SGRIG TSUL YANG 'DIR BSHAD PA LTAR BYAR MI RUNG BA'I PHYIR MNGON PA NAS BSHAD PA LTAR

MA BSTAN NO ZHES BYA BA'I DON TO, ,DGOS PA GZHAN YANG RIG BYED KYI GZHUNG LAS TSANGS PA'I YUL SA GCIG NI DPAG TSAD BYE BA'I KHYON NO ZHES BSHAD PA'I RDZUN DU SMRA BA'I TSIG LA MNGON PAR ZHEN PA'I DRANG SRONG NYI MA'I SHING RTA LA SOGS PA'I MNGON ZHEN DE BZLOG PA'I CHED DU GZA' DANG RTZIS DANG KHYIM GYI 'KHOR LO DANG LDAN PA'I 'JIG RTEN GYI TSAD 'DI GSUNGS SO, ,ZHES DANG, SANGS RGYAS PA'I MDZOD DANG 'GAL BAS SANGS RGYAS RDZUN GSUNG BA YIN NAM SNYAM PA'I DGOS PA'I LAN DU, SEMS CAN GYI BSAM PA'I DBANG GIS SO, ,ZHES PA NI GDUL BYA'I SEMS CAN NYI MA'I SHING RTA LA SOGS PA'I MU STEGS KYI LUGS LA ZHEN PA'I BSAM PA LDOG PA'I DGOS PA'I DBANG GIS SO, ,ZHES BYA BAR BSHAD NAS, DGOS PA KHYAD PAR CAN GYI DBANG GIS DNGOS GNAS LA MA GRUB PA GRUB PA LTAR BCOS NAS MI BDEN PA GSUNG YANG SKYON MED PA'I KHUNGS SU, SEMS CAN KHAMS LAS MI BDEN PA, ,BSOD NAMS TSOGS KYI RGYU YIN TE, ,ZHES SOGS DRANGS PAR BYA DGOS SO, ,'O NA DNGOS GNAS LAM GRUB PAR MTSUNGS PA LA RIG BYED PA 'DOD PA'I TSANGS PA'I GNAS LA SOGS PA 'GOG CING 'BUM PHRAG BZHI PA'I 'JIG RTEN 'CHAD PA CI ZHE NA, 'BUM PHRAG BZHI PA'I 'JIG RTEN BSHAD PA LTAR DNGOS GNAS LA MA GRUB KYANG DE LTAR 'CHAD PA'I DGONGS GZHI DANG DGOS PA BSHAD MA THAG PA LTAR KHYAD PAR CAN YOD LA, RIG BYED KYI LUGS DE LA DE 'DRA GANG YANG MED PA'I PHYIRO,,

, ,TSUL DE LTA BU NI PHA ROL TU PHYIN PA'I MDO NA'ANG MANG STE, THA SKAD DU 'ANG MED PAR MTSUNGS KYANG MDO 'GA' ZHIG LAS SHES PA BDEN GRUB BSTAN LA, RTAG GCIG RANG DBANG CAN GYI GANG ZAG LAN GCIG KYANG MA BSTAN PAR BKAG PA LTA BU'O, ,DNGOS LA GNOD BYED JI LTA BU ZHE NA, 'JIG RTEN GYI KHAMS KYI TSANG DUS 'KHOR NAS GSUNGS PA'I SGRA JI BZHIN PA LTAR DNGOS PO LA NGES NA LE'U 'DIR 'JIG RTEN GYI TSAD DPAG TSAD 'BUM PHRAG BZHIR BSHAD KYANG, YE SHES LE'UR 'JIG RTEN GYI TSAD 'BUM PHRAG LNGAR BSHAD PAS DE GNYIS KA 'JIG RTEN GCIG GI STENG DU KHAS BLANG BAR BYA'AM JI LTAR 'DOD GRANG, 'BUM PHRAG LNGA NI LUS DNGOS LA KHRU BZHI DANG RAL BA GYEN DU 'GRENG BA'I TSAD LA KHRU GANG STE LNGA YOD PA LA DGONGS NAS GSUNGS PA'I DGONGS PA CAN NO ZHEN DE LTAR SMRAS PA NYID KYIS 'BUM PHRAG BZHIR BSHAD PA'ANG LUS LA KHRU BZHI YOD PA LA DGONGS PA'I DGONGS PA CAN YIN NO ZHES GSAL BAR GRUB PO, ,'DIR PHUG KHRU LNGA BA'I TSAD GANG DU ZHES SOGS GRONG DU BSTAN PA'I DPE'ANG PHUG DE NA DNGOS GNAS LA 'KHOR LO BSGYUR BA'I RGYAL PO SDE DANG BCAS DOG PA MED PAR SHONG BA'I GO SA MED KYANG, GDUL BYA GDUL PA'I DGOS PA'I DBANG GIS GDUL BYA DAG GI BSAM PA'I SNANG NGOR 'DOD CHAGS DANG BRAL BA'AM BYANG CHUB SEMS DPA' MTHU THOB PAS BSTAN PA YIN PAS,

DON DAM PAR STE DNGOS PO'I GNAS TSOD LA 'DIR BSTAN PA'I 'JIG RTEN GYI TSAD KYANG DE LTAR RIG PAR BYA'O, ,ZHES SBYAR RO, ,DE BZHIN DU GLING BCU GNYIS LA KLA KLO 'JUG PA DANG, DE NYID RIGS LDAN 'KHOR LO CAN GLING BCU GNYIS SU RIM GYIS BYON PAS 'JOMS PA LA SOGS PA GANG GSUNGS PA YANG DGONGS PA CAN TE, DGONGS GZHI NI NANG LE'U MDOR BSDUS GSUM PA'I THOG MAR 'KHOR LO CAN NI RDO RJE CAN TE LHA MCHOG BDAG RNAMS YAN LAG BCU GNYIS 'GOG, CES SOGS KYIS RGYAS PAR BSTAN PA LTAR, BYAMS PA LA SOGS PA TSAD MED PA BZHI LA DGONGS NAS GLANG PO LA SOGS PA'I DMAG GI DBUNG TSOGS YAN LAG BZHIR GSUNGS SO ZHES SOGS SU SBYAR BA'I TSUL GYIS SO, ,DE LTAR NA DGONGS BA CAN DU 'CHAD PA'I PHYOGS LA NI TSUL DE LTAR BSHAD DGOS PAR SNANG MOD, CES PA LTAR RO,, //ZA// 'DIR NYI GRIB YIN PA NYAN THOS MNGON PA PA'I LUGS DANG RANG GRIB YIN PA RANG LUGS SU BSHAD DO, ,RJE MKHAS GRUB RIN PO CHES, NYI GRIB YIN PA NI GDAGS PA DANG MDZOD KYI 'GREL PA 'GREL BSHAD DANG BCAS PA'I LUGS YIN PAR BSHAD NAS, RANG GRIB YIN PAR SMRA BA BKAG PAR MDZAD DE, t'AIKA CHEN LAS, MDZOD KYI LUGS LA NYI MA STENG ZLA BA 'OG TU GNAS PA'I MTHO DA MA'I KHYAD YOD PA DANG, GNAM GANG LTA BU'I TSE ZLA NYI STENG 'OG THAD KAR 'BAB PA NA, NYI MA'I 'OD ZLA BA'I MTHIL THAMS CAD LA

, ,'PHOG CING, CUNG ZAD CUNG ZAD SHAR NUB LA BSNOL BA TZAM GYIS 'OG GZHI LA NYI MA PHOG PA JE CHUNG DANG, RANG GI LOGS KYI GRIB MA 'BAB PA JE CHER GYUR PA'I NYI MA'I 'DO PHOG PA RNAMS 'OD DES ZIL GYIS MNAN PAS MI MTHONG LA GRIB MA PHOG PA RNAMS KYI ZLA BA'I RANG MDOG GSAL BAR MTHONG BA YIN NO, ,ZHES SMRA BA DAG NI LUGS DE LA YANG BYUNG RGYAL SMRA BA STE RANG GI GRIB MAS 'GRIB PAR BSHAD PA'I GZHUNG GI DON NYI MA'I 'OD KYIS 'GRIB PAR SNANG BA DANG, RANG GI GRIB MAS GSAL BAR SNANG BA LA BSHAD NAS BZLOG STE SMRA BA'I PHYIR DANG, GANG SBEL LAS DE NAS PHA ROL GYI NGOS SU RANG GI GZHAL MED KHANG GI 'OD LA GNOD PA BYED PA'I GRIB MAS MTHONG BA LA BSGRIB PAR BYAS PA NA, ZLA BA DKYIL 'KHOR MA RANGS PAR SNANG NGO, ,DES NA DE'I PHA ROL GYI DGOS SU GRIB MA 'BAB PAS DKYIL 'KHOR MA RANGS PAR SNANG STE, GRIB MA BAB PA NI MI SNANG LA, MA BAB PA NI SNANG NGO, ,ZHES BSHAD PA SOGS LA BLTA BA'I BYA BTZAM YANG MA BYAS PAR RANG DGAR SMRA BA LA ZHUGS PA'I PHYIR RO, ,ZHES SO, ,SA'I DNGOS GZHI'I GZHUNG DON YANG DE NYID LAS, ZLA BA'I DKYIL 'KHOR GYI MTHA' SKOR ZLUM PO MAndAL LTAR YOD PA DE NYID GNAM GANG GI TSE MI RNAMS KYI PHYOGS LA MAndAL GYI MTHA' ZUR LTA BU DE NYID THUR DU BSTAN PA'I TSUL DU GNAS PA YANG NGO'I TSES

GCIG NAS, YID TZAM STE BA GTZAM STENG DU BTEG PA NA ZLA KHAM PHRA MO SNANG BA DANG, DE NAS RIM GYIS RIM GYIS STENG DU BTEG PAS MTHIL RDZOGS PAR MTHONG BA NA NYA GANG BAR SNANG BA DANG, SLAR YANG MAR NGOL ZUR DE CUNG ZAD CUNG ZAD THUR DU 'DZUR ZHING NGOS STENG DU PHYOGS PAS BRI BAR SNANG BA'I DON NO, ,ZHES SO,, //'A// t'IKA CHEN DU JO NANG PHYOGS LAS PA'I GSUNG LTAR DOGS PA BKOD NAS LAN MA MDZAD PAR MA ZAD, NYI GRIB TU 'DOD PA LA PHYOGS LAS PAS BKOD PA'I SKYON 'JUG PAR DGONGS NAS RANG LUGS LA ZLA BA'I 'PHEL 'GRIB NI LAS TSUL BSAM GYIS MI KHYAB PAS SPRUL BA'I RTEN 'BYUNG GI CHOS NYID YIN GYI RGYU MTSAN GZHAN MED PAR GSUNGS SO,, //YA// 'DOD PA NYID SHU DANG SO DRUG NI 'DIR GSAL ZHING, DMYAL BA BCO BRGYAD DANG, YI DVAGS DANG DUD 'GRO LA GNAS NA GNAS PA DANG KHA 'THOR BA GNYIS GNYIS SU PHYE BAS BZHI DANG, MI LA BCU GNYIS DANG, LHA MIN LA SGRA GCAN DANG MGUL PHRENG DANG RAB GNON DANG THAG BZANGS RIS TE BZHI DANG, 'DOD LHA DRUG STE BZHI BCU RTZA BZHIR BSHAD PA YANG YOD DO, ,BSOD NAMS MA YIN PA'I LAS KYIS 'KHRID PA'AM, DGA' BAR MI BYED PA'I PHYIR DMYAL BA STE NA RA KA'I DON TO,, DMYAL BA BCO BRGYAD PO SO SO'I SGRA DON NI SHES PAR SLA'O, ,ZAS SKOM YID LA BTAGS PA'AM, DER SONG BA RNAMS PHYIR MI LDOG PAS SAM, SKOM PA DANG LDAN PAS YI DVAGS TE PHRE TA'I

, ,DON TO, ,DUD CING 'GRO BAS NA DUD 'GRO STE TI RYA KA'I DON TO, ,YID SHAS CHE BAS NA MI STE MA NU SHA'I DON TO, ,SHING 'DZAM BUS MTSON PA'I GLING YIN PAS 'DZAM GLING DANG, GLING GZHAN LAS SHING TSAL BDUN SRID KYIS 'PHAGS PA'AM, DE'I MI RNAMS 'DZAM GLING PA LAS NYIS 'GYUR GYIS LUS CHE BAS LUS 'PHAGS DANG, GLING DE NA GTZO BOR BA LANG DANG RIN PO CHEL LA LONGS SPYOD PAS BA LANG SPYOD DANG, DE'I MI RNAMS 'CHI BA'I ZHAG BDUN GYI GONG DU KHYOD 'CHI'O ZHES PA'I SGRA MI SNYAN PA NAM MKHA' LAS THOS PA'I PHYIR RAM, BI SHA TZI STE 'DRE'I SKAD DU SMRA BA'I PHYIR SGRA MI SNYAN DANG, KHA CIG LHA NGAN PA DANG KHA CIG LHA DANG 'DRA BAS NA LHA MA YIN DANG, 'JIG RTEN SKYONG BA BZHI YOD PAS NA RGYAL CHEN RIS BZHI DANG, NOR LHA BRGYAD DANG, DRAG PO BCU GCIG DANG, NYI MA BCU GNYIS DANG, THA SKAR GYI BU GNYIS TE LHA SO GSUM GNAS PAS SAM, RNAM PAR MNYAM 'PHRUL LA SOGS PA'I GNAS SO GSUM YOD PA'I PHYIR SUM CU RTZA GSUM DANG, LHA MA YIN GYI 'THAB MO DANG BRAL BAS 'THAB BRAL LAM LHA'I BU DANG BU MO GNYIS GNYIS LHA MO RE RE'I BANG DU BRDZUS TE SKYE BA'I PHYIR MTSE MA DANG; CHOS KYI DGA' BA DANG LDAN PAS DGA' LDAN DANG, RANG GIS SBRUL PA'I 'DOD YON GYIS DGA' BA'I PHYIR 'PHRUL DGA' DANG, GZHAN GYIS SBRUL BA'I 'DOD YON LA YANG

DBANG BYED PAS GZHAN 'PHRUL DBANG BYED DE, DE DAG NI 'KHRIG PA'I 'DOD CHAGS DANG BCAS SHING 'DOD YON LNGAS RAB TU PHYE BA'I KHAMS YIN PAS 'DOD KHAMS ZHES BYA'O, ,GUS SBYOR RTAG SBYOR GYI BRTZON 'GRUB GNYIS KA STOBS CHUNG BA DANG, DE GNYIS GANG YANG RUNG BA GCIG STOBS CHE BA DANG, DE GNYIS KA STOBS CHE BA'I RGYU SNYOMS 'JUG CHUNG 'BRING CHE GSUM GYI DBANG GIS BSAM GTAN DANG PO DANG GNYIS PA DANG GSUM PA DANG BZHI PA'I SO SKYE'I GNAS GSUM GSUM STE, TSANGS PA'I SDER GTOGS PAS TSANGS RIS DANG, TSANGS PA'I MDUN NA RIG BYED 'DOD PA LTAR GNAS PAS TSANGS MDUN DANG, TSANGS PA'I GTZO BO YIN PAS TSANGS CHEN DANG, GONG MA LAS 'OD CHUNG BAS 'OD CHUNG DANG, 'OD TSAD MED PAS TSAD MED 'OD DANG, 'OD SHIN TU GSAL BAS 'OD GSAL DANG, GONG MA LAS SEMS KYI BDE BA CHUNG BAS BDE CHUNG DANG, BDE BA TSAD MED PAS TSAD MED BDE DANG, BDE BA SHIN TU RGYAS PAS BDE RGYAS ZHES SBYOR DGOS PA LA, KU SHAL ZHES PA BDE BA DANG DGE BA GNYIS KA LA 'JUG PAS LO TZTSA BA RNAMS KYIS DGE CHUNG SOGS SU BSGYUR RO, ,'OG GZHI 'DAB CHAGS PAR MI GNAS PAS SBRIN MED DANG, MI GA-YO BA'I BSOD NAMS LAS SKYES BAS BSOD NAMS SKYES DANG, BSAM GTAN SAS BSDUS KYI DGE BA'I 'BRAS BU CHE SHOS YIN PAS 'BRAS BU CHE DANG, GONG MA LAS DMAN PAS MI CHE BA DANG, NYON MONGS PA'I GDUNG BA

, ,MED PAS MI GDUNG BA DANG, CHOS MTHONG BA BZANG BAS GYA NOM SNANG BA DANG, LTA BA BZANG BAS SHIN TU MTHONG BA DANG, DE'I GONG NA 'KHOR BA'I GNAS GZHAN MED PAS 'OG MIN TE, DE DAG NI GZUGS LA 'DOD CHAGS DANG BCAS PA'I KHAMS GONG MA YIN PAS GZUGS KHAMS PA ZHES BYA'O, ,THEG CHEN GYI LUGS LA, 'OG MIN GYI STENG NA LONGS SKU'I ZHING KHAMS DBANG PHYUG CHEN PO'I GNAS ZHES BYA BA'I 'OG MIN CHEN PO YOD DE, DBANG PHYUG CHEN PO ZHES BYA BA NI CHOS KYI SPRIN LA CHOS KYI DBANG PHYUG THOB PA'I PHYIR ZHES STOD 'GREL LAS BSHAD PA LTAR RO, ,MDO LAS, TSANGS RIS DANG, TSANGS LHA NYE PHAN DANG, TSANGS PA KUN 'KHOR DANG, TSANGS CHEN ZHES SOGS SA RE RE LA GNAS BZHI BZHIR GSUNGS PA'I DANG PO RNAMS SPYI'I MING DANG PHYI MA GSUM GSUM NI SNGAR BSHAD PA DANG MING GI RNAM GRANGS SU GO RIMS BZHIN DU SBYOR DGOS PAR MKHAS PA KHA CIG GIS BSHAD PA LTAR RO,, //RA// SBYOR BA'I TSE NAM MKHA' MTHA' YAS SO ZHES DANG, RNAM SHES MTHA' YAS SO ZHES DANG, GZUNG BYA CI YANG MED DO ZHES BYA BAR SBYOR BA DANG, 'DU SHES RAGS PA MED PA DANG 'DU SHES PHRA MO MED PA MA YIN PAS NA NAM MKHA' MTHA' YAS SOGS SU BRJOD PA'I GZUGS MED PA'I KHAMS BZHI'O, , //LA// GZHI DRUG NI GO RIMS BZHIN DU SEMS CAN

RNAMS THUR DU MI LHUNG BA'I RGYU DANG, GNOD BYED KYIS MI GNOD PA'I RGYU DANG, KHAM ZAS KYI RGYU DANG, MTSON CHA SOGS KYIS MA RUNG BAR MI 'GYUR BA'I RGYU DANG, GZUGS SNANG BA'I RGYU DANG, LUS GNAS PA DANG RTON PAR BYED PA'I RGYU YIN PA'I PHYIR GZHI ZHES BYA BAR GSUNGS SO, ,DE'I PHYIR GZHI BZHI PA NI BDE BA TZAM LA MI BYED KYI, 'JIG RTEN BDE ZHING LO LEGS DANG, ZHES PA LTA BU DMAG 'KHRUG SOGS KYI GNOD PA MED PA LA 'JIG RTEN BDE ZHES THA SNYAD BTAGS PA DE YIN NAM SNYAM MO, ,DUS TSIGS DANG, LO DANG, ZLA BA DANG, ZLA PHYED DANG, NYIN MO DANG, MTSAN MO DANG, SKAD CIG DANG, DE'I SKAD CIG DANG, THANG CIG DANG, YUD TZAM STE DUS RNAM PA BCU'O, ,YONGS SU BZUNG BA'I DNGOS PO BDUN NI, PHA MA SOGS DANG, ZHING DANG, KHYIM DANG, ZONG DGRAM PA DANG, BSOD NAMS BYA BA DANG, LAS KYI MTHA' LA SBYOR BA DANG, NOR SOGS PA'I DNGOS PO DANG BDUN NO, ,LUS KYI YO BYAD BCU? NI, ZAS DANG, SKOM DANG, GZHON PA DANG, GOS DANG, RGYAN DANG, BZHAD GANG DANG GLU BRO DANG ROL MO'I SGRA DANG, SPOS DANG ME TOG PHRENG BA DANG BYUG PA DANG, SNOD SPYAD DANG, SNANG BA DANG, SKYES PA DANG BUD MED DGA' DGUR SPYOD PA RNAMS SO, ,'DOD PA LA SPYOD PA BCU NI SA'I DNGOS GZHIR DNGOS SU MA BGRANG ZHING, LUNG BAR MA LAS 'BYUNG BAR GSUNGS SO, ,RGYUN MI CHAD PAR RJES SU SPYAD PA RNAM PA BRGYAD NI, PA CHAR GYIS DKRI BA DANG, LUS KYI BSNYEN BKUR BYA BA DANG,

, ,SPYOD LAM GZHAN LA YONGS SU BRTAG PA DANG, KHA ZAS PA BZA' BA DANG, GNYID LOG PA DANG, 'KHRIG PA DANG, DE DANG LDAN PA'I BRTZAL BA DANG, DE DANG LDAN PA'I GTAM RNAMS SO, ,'JIG RTEN GYI CHOS BRGYAD NI GRAGS CHE BAS GO BAR SLA'O, ,PHYOGS GSUM NI, MDZA' MI MDZA' THA MAL BA'I PHYOGS GSUM MO, ,'JIG RTEN GYI SPYOD PA GSUM NI, SMRA BA DANG; GTAM BYED PA DANG, SO SOR MGU BAR BYED PA DANG, BAG MA GTONG BA DANG, DE LEN PA DANG, 'BOD PA DANG, GA-YAR 'DREN PA DANG, LHAG PAR ZA BA DANG, 'DUS SHING ZA BA DANG, RTZOD PA 'BYUNG BA RNAMS LA GCIG GIS GCIG GI GROGS BYA BA RNAMS SO, ,ZHES GSUNGS TE, GSUM DU BSDUD LUGS GANG YIN DPYAD DO, ,GTAM RNAM PA GSUM NI, CHOS DANG LDAN MI LDAN DE LAS GZHAN PA'I GTAM GSUM MO, ,NYES RTZOM NYER GNYIS NI, GZHAL BLUG LA SGYU BYED PA DANG, SRANG LA SGYU BYED PA DANG, GZHAL BA LA SGYU BYED PA DANG, LOG PA'I LAS LA SBYOR BA DANG, 'THAB BA DANG, 'TSANG 'BRU BA DANG, RTZOD PA DANG, 'GYED PA DANG, GSHE BA DANG, KHRO BA DANG, DAM 'CHA' BA DANG, BSDIGS PA DANG, RDEG PA DANG, GSOD PA DANG, 'CHING BA DANG, GO RAR 'JUG PA DANG, GCOD PA DANG, SPYUG PA DANG, GA-YO BYED PA DANG, 'DRID PA DANG, DRAG SHUL DANG, RDZUN ZER BA RNAMS SO, ,SEMS CAN GYI RIS DRUG CU RTZA BZHI NI, 'GRO BA

LNGA DANG, RIGS BZHI DANG, SKYES PA BUD MED MA NING GSUM DANG, BZANG NGAN 'BRING GSUM DANG, KHYIM PA RAB BYUNG GNYIS DANG, DKA' THUB DRAG PO CAN YIN MIN GNYIS DANG, SDOM PA DANG BAR MA LA GNAS PA GNYIS DANG, CHAGS BCAS CHAGS BRAL GNYIS DANG, PHUNG PO GSUM DANG, SO THAR LA GNAS PA BDUN DANG, SPONG BA DANG KHA 'DON PA GNYIS DANG, ZHAL TA BYED PA DANG, GNAS BRTAN DANG, BAR MA DANG, GSAR BU DANG, MKHAN SLOB GNYIS DANG, LHAN CIG GNAS PA DANG, NYE GNAS DANG, BLO BUR DU LHAG PA DANG, DGE 'DUN GYI LAS BYED PA DANG, RNYED BKUR 'DOD PA GNYIS DANG, YO BYAD BSNYUNGS PA DANG, MANG DU THOS PA DANG, MKHAS SHING BSOD NAMS DANG LDAN PA DANG, CHOS KYI RJES SU MTHUN PA'I CHOS LA ZHUGS PA DANG, SDE SNOD 'DZIN PA GSUM DANG, SKYE 'PHAGS GNYIS DANG, SLOB MI SLOB GNYIS DANG, NYAN RANG BYANG SEMS SANGS RGYAS BZHI DANG, 'KHOR BSGYUR RNAMS SO, ,ZHES BSHAD DO, ,'DI RNAMS RE BZHIR GCIG GIS MA LANGS PAS, SDOM MIN CAN DANG, LHA MA YIN DANG, BSNYEN GNAS LA GNAS PA DANG, NYUG MAR GNAS PA RNAMS LAS GANG YANG RUNG BA GCIG 'DREN NAM GZHAN ZHIG 'DREN DPYAD PAR BYA'O, ,DUS BRGYAD NI, MNGAL NA GNAS PA'I DUS DANG, BTZAS PA DANG, BYIS PA DANG, GZHON NU DANG, LANG TSO DANG, DAR LA BAB PA DANG, RGAS PA DANG, 'KHOGS PA'I DUS SO, ,MNGAL DU 'JUG PA BZHI NI MDZOD

, ,LTAR RO, ,'TSO BA DRUG NI, ZHING RMO BA DANG, TSONG BYA BA DANG, PHYUGS BSO BA DANG, RGYAL PO LA ZHO SHAS 'TSO BA DANG, YI GE DANG, GRANGS DANG, SHOD RGOD PA DANG, RTZIS DANG, LAG RTZIS DANG, DE LAS GZHAN PA'I GZO'I GNAS RNAMS SO, ,ZHES GSUNGS TE, DRUG TU BSDUD LUGS GANG YIN DPYAD DGOS SO, ,SRUNG BA DRUG NI, GLANG PO CHE'I TSOGS DANG, RTA PA'I TSOGS DANG, SHING RTA'I TSOGS DANG, DBUNG BU CHUNG GI TSOGS DANG, NOR GYI STOBS DANG, MDZA' BSHES KYI STOBS SO, ,SDUG BSNGAL BDUN NI, SKYE RGA NA 'CHI BZHI DANG, MI SDUG PA DANG PHRAD PA DANG, SDUG PA DANG BRAL BA DANG, 'DOD PAS 'PHONGS PA RNAMS SO, ,NGA RGYAL BDUN NI, NGA RGYAL DANG, CHE BA'I NGA RGYAL DANG, NGA RGYAL LAS KYANG NGA RGYAL DANG, NGA'O SNYAM PA'I DANG; MNGON PA'I DANG, CUNG ZAD SNYAM PA'I DANG, LOG PA'I NGA RGYAL LO, ,RGYAGS PA BDUN NI, NAD MED PA DANG, LANG TSO DANG, GSON PA DANG, RIGS DANG, GZUGS DANG, DBANG PHYUG DANG, THOS PAS RGYAGS PA'O, ,THA SNYAD BZHI NI, MTHONG THOS BYE BRAG PHYED PA RNAM PAR SHES PA'I THA SNYAD DO, ,'GRO BA LNGA DANG SKYE GNAS BZHI DANG SPYOD LAM BZHI RNAMS GO BAR SLA'O,, THA SNYAD KYI GZHI MANG PO NI MANGS SU DOGS NAS MA BRIS TE, SA'I DNGOS GZHI LAS SHES PAR BYA'O,, //SHA// 'BYUNG BA BZHI RE RE LA'ANG 'BYUNG BZHI'I RDUL YOD DGOS PA NI MDZOD LUt

YIN GYI, GRUB MTHA' GONG MAS 'BYUNG BA BZHI RE RE LA 'BYUNG BZHI'I KHAMS YOD DGOS KYANG, 'BYUNG BZHI'I RDUL YOD MI DGOS PAR 'DOD PA'I PHYIR TE, KUN BTUS LAS, GZUGS GANG YIN PA CI YANG RUNG STE, DE DAG THAMS CAD 'BYUNG BA CHEN PO BZHI DAG DANG, 'BYUNG BA CHEN PO BZHI DAG RGYUR BYAS PA'O, ,ZHES GSUNGS PA DE CI LAS DGONGS TE GSUNGS SHE NA, SRID PA LA DGONGS NAS GSUNGS SO, ,PHYOGS GCIG LA BRTEN PA'I DNGOS PO'I DON NI RGYUR BYAS PA'I DON TE, 'DUS PA GANG LA 'BYUNG BA GANG DMIGS PA DE NI DE NA YOD DO ZHES BRJOD PAR BYA'O, ,'BYUNG BA GCIG LAS GYUR BA'I 'DUS PA YANG YOD, 'BYUNG BA GNYIS LAS GYUR BA YANG YOD PA NAS 'BYUNG BA THAMS CAD LAS GYUR BA YANG YOD DO, ,RGYUR BYAS PA'I GZUGS LA YANG RGYUR BYAS PA'I GZUGS GANG 'DUS PA GANG LA DMIGS PA DE NI DE NA YOD PA'O ZHES RIG PAR BYA'O, ,ZHES DANG, SA'I DNGOS GZHI LAS, GANG LA GANG DMIGS PA DE NI DE'I MTSAN NYID KYIS YOD LA GANG MI DMIGS PA DE NI MED DO, ,SGRA NI GZUGS 'DUS PA THAMS CAD LA KHAMS KYI TSUL DU YOD DO, ,ZHES GSUNGS PA'I PHYIR RO, ,'DI LA BYE SMRAS, KHAB DANG SDONG BU LA REG BYA DANG, PHYE DANG LAN TSA LA RO LTAR DMIGS MA DMIGS NI SHAS CHE CHUNG YIN GYI 'BYUNG BA RE RE LA 'BYUNG BA TSANG BAR YOD DE, THOGS PA DANG SDUD PA DANG SMIN PA DANG GA-YO BA'I BYED LAS DANG LDAN PA'I PHYIR ZHES ZER,, //SA//

, ,SA CHU ME RLUNG RNAMS NI RANG BZHIN GYIS MED DE, RE RE'ANG NGO BO NYID DU GRUB PA MED PA'I PHYIR TE, GANG ZHIG GSUM MED PAR RE RE MED LA, GCIG MED PAR YANG GSUM MED PA'I PHYIR RO, ,'ON TE 'BYUNG BZHI SO SOR RANG GI NGO BOS YOD NA 'BYUNG BA GSUM GYI BDAG NYID CAN GYI BUD SHING MED PAR ME RGYU MTSAN CIS MED DE YOD PAR THAL BA DANG, DE BZHIN DU GA-YO THOGS SMIN GSUM MED PAR CHU DANG, THOGS SMIN BSDUS GSUM MED PAR RLUNG DANG, GA-YO SMIN BSDUS GSUM MED PAR SA YOD PAR THAL BAR 'GYUR RO, ,ZHES THAL 'GYUR BAS 'DOD DO, ,'DI YANG KHAMS BZHI BRAL MI RUNG BA LA DGONGS SA MA BYE SMRA LTAR 'BYUNG BZHI'I RDUL BRAL MI RUNG DU 'DOD PA GANG YIN PA DPYAD DGOS SO, , //HA// TSE TSAD DANG LUS TSAD NI PHAL CHER MDZOD DANG MTHUN ZHING, CUNG ZAD MI MTHUN PAR BYUNG BA RNAMS NI SA'I DNGOS GZHI LAS SHES DGOS LA, 'GA' ZHIG DPE MA DAG PA YIN NAM SNYAM PA YANG YOD PAS ZHIB TU DPYOD DGOS SO,, //AA// NGES PA'I LAS DAG TSUL SOGS NI BYE SMRA'I SKABS SU BSHAD ZIN TO,, //KA// KHYAD PAR BCU LA DPE'I KHYAD PAR MA BGRANG BAR 'BRAS BU'I KHYED PAR LA GNYIS SU PHYE BA NI RTZA BA DANG MTHUN NO,, //KHA// MI DGE BA'I RTZA BAR GYUR BA'I GTI MUG GCIG BU'AM, RMONGS SDANG GNYIS SAM CHAGS RMONGS GNYIS DANG MTSUNGS LDAN DU SONG BA YOD KYI, MI DGE BA'I RTZA BA

GSUM GA DANG MTSUNGS LDAN DU SONG BA MI SRID DO,, //GA// MI DGE BA'I 'BRAL 'BRAS MED PAS BZHI YIN NO, ,SRID RTZE'I TSE TSAD BSKAL CHEN BRGYAD KHRI DANG MNAR MED KYI TSE TSAD BAR BSKAL GCIG YIN PAS 'DI LTAR BSHAD MOD KYANG, LAS GCIG GIS LUS DU MA 'PHEN PA DANG, RGYAL PO DPA' BAS BYIN GYIS BYANG SEMS ME TOG ZLA MDZES BKRONGS PA LA 'GYOD DE, MCHOD RTEN BYAS NAS MCHOD PA SHIN TU RGYA CHE BA BYAS SHING, NYIN RE LA DUS GSUM DU SDIG PA BSHAGS PA LO STONG PHRAG BYE BA PHRAG GO LNGAR BYAS TE TSUL KHRIMS YANG DAG PAR BSRUNGS KYANG, TSE 'PHOS NAS MNAR MED DU SKYES PA DANG BSKAL BA BYE BA KHRAG KHRIG RE GNYIS SU MIG BCAR BA SOGS SDUG BSNGAL MTHA' YAS PA MYONG BAR TING NGE 'DZIN RGYAL PO LAS GSUNGS SO, ,ZHES LAM RIM CHEN MO LAS BYUNG BA SOGS LA 'PHEN RDZOGS KYI KHYAD PAR GYIS ZHIB CHA BYED DAM DPYAD DGOS SO, ,MDZOD LAS, DGE 'DUN DBYE PHYIR BRDZUN SMRA BA, ,KHA NA MA THO RAB CHER 'DOD, ,'JIG RTEN PA YI DGE BA LA, , SRID RTZE'I SEMS BA 'BRAS RAB CHE, ,ZHES PA NI THUN MONG BA'I LUGS YIN GYI, THEG CHEN THUN MONG MIN PA'I LUGS LA DBYEN GYI MTSAMS MED LAS LCE BA'I MI DGE BA'I LAS MANG PO BSHAD DAM SNYAM MO, , //NGA// SANGS RGYAS RANG BYUNG RANG RGYAL MKHAN SLOB MED, ,YE SHES KHONG CHUD TSUR SHOG SKYABS 'GRO DANG, ,STON PAR KHAS BLANGS DRIS MNYES LCI CHOS BLANGS,,

, ,'PHRIN DANG GSOL BZHI'I LAS DANG SNGON CHOG BCU'O, ,ZHES PA'O,, //CA// SA THOB PA'I BYANG SEMS KYIS RAB BYUNG GI SDOM PA GZHAN LAS LEN PA DANG, SKYES TZAM NYID NAS CHOS NYID KYIS THOB PA DANG, SPRUL PA RAB BYUNG GI CHA LUGS STON PAR BYED PAS THOB PA DANG GSUM YOD PA'I THA MA'I SHES BYED DU BYANG SEMS SPRIN LTA BU'I SEMS BSKYED YOD PAR BSTAN PA'I GZHUNG DRANGS PA NI SPRIN LTA BU'I SEMS BSKYED THOB NA MDZAD PA BCU GNYIS MDZAD DGOS PA'I GNAD KYIS YIN NO, ,'ON KYANG SA RNAMS KUN LA ZHES GSUNGS PAS NA SA RE RE LA DE GSUM KA YOD PAR 'DOD DAM DPYAD DO,, //CHA// KHYIM PA ZHES PA KHYIM BDAG GI MING YIN TE, RTA PA ZHES PA RTA BDAG GI MING YIN PA BZHIN NO, ,DE YANG BSKAL PA DANG POR MI TSANGS PAR SPYOD PA'I CHED DU KHYIM 'BUB BA DAG LA KHYIM PA ZHES THA SNYAD BTAGS PA YIN PAS, PHYI ROL BA'I RAB BYUNG LTA BU NI RAB BYUNG MA YIN PA'I GANG ZAG YIN KYANG KHYIM PA MTSAN NYID PA MA YIN ZHING, DER MA ZAD 'GRO BA GZHAN LA'ANG KHYIM PA ZHES PA'I THA SNYAD SBYAR BA MI SNANG NGO,, //JA// THA SNYAD 'DOGS PA'I RGYU DANG, LTOS PA'I RGYU DANG, 'PHEN BA'I RGYU DANG, YONGS SU 'DZIN PA'I RGYU DANG, MNGON PAR 'GRUB PA'I RGYU DANG, PHYI MA 'DREN PA'I RGYU DANG, SO SOR NGES PA'I RGYU DANG, LHAN CIG BYED PA'I RGYU DANG, MI MTHUN PA'I RGYU DANG, MI MTHUN PA MED PA'I

RGYU STE BCUR GSUNGS SO,, //NYA// MIG LA BCU TSAN MA GTOGS PA GCIG NAS BCU GCIG GI BAR DU DBYE BAS LNGA BCU RTZA DRUG NI 'DIR GSAL ZHING, RNA SOGS BZHI LA YANG DE LTAR DBYE BA'I GZHAN 'DRA ZHING, GSUM DANG BZHI TSAN LA NI KHYAD PAR YOD DE, RNA BA GSUM NI, SHA LA GRUB PA DANG, LHA'I DANG, RNA BLAGS PA'O, ,BZHI NI, BRTAN MA BRTAN GNYIS DANG, SKAD BSKYED NA THOS PA DANG, MA BSKYED PAR THOS PA'O, ,SNA DANG LCE LA GSUM NI, GSAL MI GSAL NYAMS PA'O, ,BZHI NI, BRTAN MI BRTAN RNAM SHES YOD MED BZHI'O, ,LUS LA GSUM NI, RO YOD MED GNYIS DANG, DBANG PO THAMS CAD KYI RJES SU 'JUG PA'I PHYIR KUN TU 'GRO BA'O, ,BZHI NI, BRTAN MI BRTAN GNYIS DANG, 'OD 'BYUNG MA 'BYUNG GNYIS TE BZHI'O, ,YID KYI DBYE BA DRUG CU RTZA BRGYAD NI 'DIR BSHAD PA LTAR YIN LA, GZUGS SOGS LNGA LA GCIG NAS BCU TSAN GYI BAR DU DBYE BAS RE RE LA LNGA BCU RTZA LNGA YOD PA RNAMS MANGS SU DOGS NAS MA BRIS TE, SA'I DNGOS GZHI'I YID KYI SA LAS SHES PAR BYA'O, ,CHOS LA BRGYAD CU RTZA BDUN DANG, YANG GCIG NAS BCU TSAN GYI BAR DU DBYE BAS LNGA BCU RTZA LNGAR BSHAD DO, ,DE LA DANG PO NI, YID LA BYED PA NAS RTOG DPYOD KYI BAR LNGA BCU RTZA GSUM DANG, SDOM PA NAS TSOGS PA MA YIN PA'I BAR DANG, 'DUS MA BYAS BRGYAD DE GYA BDUN DU BSHAD KYANG DPYAD DGOS TE, YID BYED NAS RTOG DPYOD KYI BAR

, ,ZHES PA NI SNGAR BSHAD PA'I SEMS BYUNG LNGA BCU RTZA GCIG LA BYED PAR SNANG BAS LNGA BCU RTZA GSUM ZHES PA DPE DAG MA DAG DANG, KUN BTUS NAS BSHAD PA'I BTAGS YOD NYER GSUM GYI STENG DU SDOM BA SDOM MIN DANG TING NGE 'DZIN GYI SPYOD YUL GYI GZUGS DANG TSOGS PA MIN PA BSNAN PAS DE LA SDOM PA SDOM MIN PAR MA GSUM SO SOR BGRANG NA NYER BRGYAD DU 'GYUR DGOS SHING, NYER DRUG CES PA'I THA SNYAD SA'I DNGOS GZHIR DNGOS SU MA GSUNGS PA'I PHYIR RO, ,'DUS MA BYAS BRGYAD NI, NAM MKHA' DANG, SO SOR BRTAGS 'GOG DANG, BRTAGS MIN GYI 'GOG PA DANG, DGE SOGS KYI DE BZHIN NYID GSUM DANG, MI GA-YO BA DANG, TSOR 'DU 'GOG PA'O,, DE DAG SO SOR BGRANG NA BDUN BRGYA DRUG CU RTZA LNGA 'GYUR BA'I PHYIR PHYI NANG GI SKYE MCHED KYI DBYE BA DRUG BRGYA DRUG BCUR SA'I DNGOS GZHI LAS GSUNGS PA'ANG DPYAD DGOSO,, //TA// BZOD PA ZHES PA DPE MA DAG STE, SA'I DNGOS GZHIR BRJOD BA RNAM PA SNA TSOGS LA 'DRIS PAS, ZHES BYUNG BA'I PHYIR RO,, //THA// DGE BA BCU GSUM NI, NGO BO NYID DANG, 'BREL BA DANG, RJES 'BREL DANG, SLONG BA DANG, DON DAM PA DANG, SKYES THOB DANG, SBYOR BA DANG, MDUN DU BYAS PA DANG, PHAN 'DOGS PA DANG, YONGS SU 'DZIN PA DANG, GNYEN PO DANG, NYE BAR ZHI BA DANG, RGYU MTHUN PA'O, ,MI DGE BA BCU GNYIS NI,

NGO BO NYID NAS MDUN DU BYAS PA'I BAR BRGYAD DANG, GNOD PAR BYED PA DANG, YONGS SU 'DZIN PA DANG, MI MTHUN PHYOGS DANG, BAR DU GCOD PA'O, ,LUNG MA BSTAN BCU BZHI NI, DGE BA LTAR SBYAR BA'I BCU GSUM GYI STENG DU NYE BAR SPYAD PA'I LUNG MA BSTAN BSNAN PA'O, ,DGE BA DANG PO BDUN NI GRANGS CHE ZHING MCHOD RTEN SOGS KYI MDUN DU MCHOD PA BYED PA DANG, BSDU BA'I DNGOS PO BZHIS SEMS CAN LA PHAN 'DOGS PA DANG, MTHO RIS SU SKYE BA YONGS SU 'DZIN PA'I DGE BA SOGS DANG, RNAM PAR SUN 'BYIN PA LA SOGS PA'I GNYEN PO BRGYAD DANG, MYA NGAN LAS 'DAS PA DANG, NYER ZHI THOB PA'I RGYUD KYI YON TAN KHYAD PAR CAN RNAMS NI RIM PA BZHIN DU MDUN DU BYAS PA'I DGE BA SOGS SU 'JOG GO ,'DIS GZHAN RNAMS KYANG RIGS 'GRES, DGE BA DANG MI DGE BA NI PHUNG PO LNGA DANG KHAMS BCU DANG SKYE MCHED BZHI'I PHYOGS DANG, LUNG MA BSTAN NA KHAMS BRGYAD DANG SKYE MCHED BRGYAD BREL PO DANG, PHUNG PO LNGA DANG KHAMS BCU DANG SKYE MCHED BZHI'I PHYOGS SU KUN BTUS LAS GSUNGS TE MDZOD DANG MTHUN NO,, //DA// MDZOD NAS BSHAD TSUL NI, MI DGE GZUGS DANG 'DOD GTOGS PA'I, ,DGE BA RNAMS NI RIM BZHIN DU, , NAG DANG DKAR DANG GNYIS KA'I LAS, ,ZHES PA LTAR RO, ,KUN BTUS LTAR NA BSAM SBYOR GNYIS KA DKAR PO DANG, DE GNYIS KA NAG PO DANG, BSAM SBYOR DKAR NAG 'DRES MA LA BYA

, ,STE GRAGS CHE'O, ,//NA// SBYIN PA'I SGO NAS GZHAN DON RGYA CHEN PO BYED PA'I TSE DON DANG BYA BA NYUNG BA'I DBANG DU BYAS PA'I BCAS PA RNAMS BTANG SNYOMS SU BYED PA LTA BU LA SBYIN PA'I DUS SU TSUL KHRIMS BRTUL BAR BSHAD DAM SNYAM MO, ,MI DGE BA BCU'I GZHI LA ZHUGS KYANG NYES PA MI 'BYUNG BAR GSUNGS PA'I DGONGS PA TSOL DGOS SAM SNYAM STE, BYANG SA DANG RNAM SNANG MNGON BYANG GNYIS KAR LUS NGAG GI BDUN MA GTOGS PA YID KYI GSUM LA GNANG PA'I SKABS MA BSHAD LA, CHOS LDAN RAB 'BYOR GYIS YID KYI GSUM MA GTOGS PA'AM LOG LTA MA GTOGS PA DAG RJES SU GNANG BAR BSHAD KYANG GSUNG RAB KYI KHUNGS SHIG DGOS PAR SNANG NGO, ,ZHES RJE BDAG NYID CHEN POS GSUNGS PAS SO, ,'DI NI THEG BSDUS KYI SKABS GZHAN DU BSHAD PA LTAR MI DGE BA BCU'I GZUGS BRNYAN LA DGONGS PAR BSHAD DU MI RUNG STE, 'DI'I SROG GCOD PA NI SROG GCOD DNGOS GNAS PAR BSHAD SBYAR LAS BSHAD PA'I PHYIR RO,, //PA// LHA SBYIN GYI 'KHOR DBYE BA LTA BU NI NYAN THOS LA GNANG YANG NYAN THOS LA PHRA MA GNANG BA MA YIN PA'I ZHIB CHA DGOS SO, , //PHA// PHYAG 'TSAL BA'I TSE LUS SGUR TZAM BYAS PA DANG THOD PA SA LA MA GTUGS PA'I LAS DES 'BRAS BU NGAN PA BSKYED PA NI KUN SLONG LA SKYON CHAGS PA'I DBANG GIS YIN TE, BSAm PA

DKAR PO 'BA' ZHIG YIN NA MI DGE BA'I LAS SU MI 'GYUR BA'I PHYIR TE, GZHAN DU NA, BSAM PA BZANG POS MCHIL LHA MA NI, ,THUB PA'I DBU LA BZHAG PA DANG, ,DE NYID GZHAN GYIS BSAL BYAS PA, ,GNYIS KAS RGYAL SRID THOB PAR 'GYUR, ,ZHES PA DANG 'GAL BA'I PHYIR SNYAM YANG, DON 'DI NI DNGOS STOBS KYI RIGS PA'I SPYOD YUL MA YIN PAS LUNG TSAD MA DANG SBYAR NAS DPYOD DGOS SO,, //BA// MED SNANG DAG LAS GANG RUNG ZHIG ,ZHES PA NI, GZUNG 'DZIN RDZAS GZHAN DU MED PA DANG KUN RDZOB SNA TSOGS SU SNANG BA DAG LAS GANG YANG RUNG BA ZHIG CES PA'O,, //MA// BDEN GNYIS NGO BO THA DAD NA SKYON BZHI 'BYUNG BAR DGONGS 'GREL LAS GSUNGS PA'I DANG PO NI, BDEN PA MTHONG BAS 'DU BYED KYI MTSAN MA DANG MA BRAL BAR THAL BA 'DI YIN LA, 'DI'I DON NI BDAG MED RTOGS PA'I BLOS BDAG 'DZIN ZIL GYIS MI GNON PAR THAL ZHES PA'O, ,'DI LA 'DOD NA, MTSAN MA'I 'CHING BA STE BDAG 'DZIN MNGON GYUR BA DANG GNAS NGAN LEN GYI 'CHING BA STE BDAG 'DZIN GYI SA BON LAS GROL BA MED PAR THAL BA DANG, 'DI LA 'DOD NA, THAR BA DANG RDZOGS BYANG THOB PA MED PAR THAL BAR 'GYUR ZHES BA YIN PAS DE GSUM NI SKYON DANG POR BSDUS SO, ,BDEN GNYIS LDOG PA GCIG YIN NA SKYON BZHI 'BYUNG BAR GSUNGS PA'I DANG PO NI, SO SO SKYE BOS BDEN PA MNGON SUM DU MTHONG BAR THAL BA DANG, 'DI LA 'DOD NA,

, ,'BAD MED DU MYANG 'DAS THOB PAR THAL BAR 'GYUR ZHES PA YIN PAS 'DI GNYIS KYANG SKYON GCIG TU BSDUS SO, ,SKYON BZHI TSAN GNYIS PO 'OG TU 'CHAD DO, , //TZA// DE DAG TSUL BZHIN MA YIN ZHUGS PA YIN, ZHES PA YIN PAS MIN ZHES PA YI GE NOR RO,, //TSA// DBUS MTHA' NAS BSHAD PA'I DE KHO NA BCU'I NANG TSAN GYI RAGS PA'I DE KHO NA LA BTAGS PA'I KUN RDZOB DANG, SHES PA'I KUN RDZOB DANG, BRJOD PA'I KUN RDZOB GSUM DU PHYE STE NGO BO NYID GSUM DANG SBYAR RO,, //DZA// GZHAN MIN PHYIN CI LOG MA YIN, , DE 'GOG 'PHAGS PA'I SPYOD YUL DANG, ,'PHAGS PA'I CHOS KYI RGYU YI PHYIR, ,RNAM GRANGS DON DE GO RIM BZHIN, ,ZHES SO,, //WA// DBUS MTHA' NAS, ZAB BZA' DANG DE YI LUS, ZHES SOGS KYIS STONG NYID BCU DRUG TSAN PA GSUM DU BYAS TE, KUN NYON PHYOGS DANG RNAM BYANG PHYOGS GNYIS LA MNGON ZHEN 'GOG PA'I DBANG DU BYAS PA DRUG DANG, LAG RJES MI 'DRA BA'I DBANG DU BYAS PA BRGYAD DANG, STONG PA NYID KYI NGO BO LA SGRO SKUR BSAL BA'I DBANG DU BYAS PA GNYIS BSHAD PA'I PHYIR, DANG PO DRUG YOD DE, ZAB PO MIG SOGS NANG GI SKYE MCHED DRUG, BZA' BYA GZUGS SOGS PHYI'I SKYE MCHED DRUG ,DBANG POS MA BSDUS PA DANG RGYUD KYIS BSDUS PAS PHYI NANG GNYIS KAR BSHAD PA'I DBANG PO DE YI LUS TE DBANG RTEN KHOG PA, SKYE MCHED DE DAG GI

GNAS GZHI SNOD KYI 'JIG RTEN, STONG NYID BLO GANG GIS JI LTA BA BZHIN DU MTHONG BA'I YE SHES, GANG GI PHYIR STONG NYID BSGOM PA'I THOB BYA MYANG 'DAS DRUG LA MNGON ZHEN 'GOG PA NANG DANG PHYI DANG GNYIS KA DANG CHEN PO STONG PA NYID DANG, STONG PA NYID STONG PA NYID DANG, DON DAM PA STONG PA NYID DE DRUG YOD PA'I PHYIR, DE NYID LAS, ZAB BZA' DANG DE YI LUS, ,GNAS KYI GZHI NI STONG PA NYID, ,DE YANG GANG GIS JI LTAR MTHONG, ,GANG PHYIR DE YANG STONG PA NYID, ,CES SO,, STONG NYID SGOM PA'I LAG RJES MI 'DRA BA 'BYUNG TSUL GYIS DBYE BA BRGYAD YOD DE, LAM DANG 'BRAS BU'I DGE BA GNYIS SGRUB PA'I PHYIR DU RIM BZHIN 'DUS BYAS DANG 'DUS MA BYAS STONG NYID GNYIS, RTAG TU SEMS CAN GYI DON SGRUB PA'I PHYIR MTHA' LAS 'DAS PA, 'KHOR BA MI 'DOR BA'I PHYIR DU THOG MA DANG THA MA MED PA, LHAG MED KYI TSE GZHAN YAL BAR MI 'DOR BA'I DON DU DOR BA MED LA, RANG BZHIN GNAS RIGS SBYONG BA'I DON DU RANG BZHIN STONG PA NYID, MTSAN DPE SGRUB PA'I PHYIR DU RANG GI MTSAN NYID STONG PA NYID, STOBS SOGS SANGS RGYAS KYI CHOS RNAMS SGRUB PA'I PHYIR DU CHOS THAMS CAD STONG PA NYID BRGYAD DE BYANG CHUB SEMS DPAS THABS KHYAD PAR CAN GYIS ZIN PA'I SGO NAS SGOM PAR BSHAD PA'I PHYIR, DBUS MTHA' LAS, DGE GNYIS THOB PAR BYA BA'I PHYIR, ,RTAG TU SEMS CAN PHAN BYA'I PHYIR, ,'KHOR BA GTANG BAR MI

, ,BYA'I PHYIR, ,DGE BA MI ZAD BYA BA'I PHYIR, ,RIGS KYANG RNAM PAR DAG BYA'I PHYIR, ,MTSAN DANG DPE BYANG THOB BYA'I PHYIR, ,SANGS RGYAS CHOS RNAMS DAG BYA'I PHYIR,, BYANG CHUB SEMS DBAS SGRUB PAR BYED, ,CES GSUNGS PA'I PHYIR, STONG PA NYID KYI NGO BO LA SGRO SKUR BSAL BA'I DBANG DU BYAS PA GNYIS NI, DBYE GZHI BDAG MED GNYIS DANG DBYE CHOS STONG NYID BCU BZHI PO DE RANG GI NGO BO DGAG BYA BCAD TZAM DU MI 'JOG PAR SGRUB PA RANG DBANG PAR 'DZIN PA'I SGRO 'DOGS BSAL BA'I PHYIR DNGOS PO MED PA STONG PA NYID DANG, DE DAG DGAG BYA RNAM PAR BCAD TZAM LA BZHAG PA NA GTAN MED DU 'GYUR SNYAM PA'I SKUR 'DEBS BSAL BA'I PHYIR DNGOS PO MED PA'I NGO BO NYID STONG PA NYID BSHAD PA YIN PA'I PHYIR RO,, //ZHA// MNGON DU ZHES PA DPE MDAG STE, DA LTAR RAM SNGON DU MTHONG BA'I MTSAN MA 'GA' ZHIG LAS ZHES 'DON DGOS SO, ,DUS ZHES PA YI GE NOR TE, RU MTSON LAS SHING RTA ZHES PA'O, , NAG PO ZHES PA YI GE NOR TE, NOG DANG RVA LAS BA LANG ZHES PA'O, ,MNGON GYUR GYI NGO BO NYID KYIS LKOG GYUR GYI NGO BO NYID DPOG PA NI, DA LTAR BA LAS 'DAS PA DBOG PA LTA BU'O, ,NGO BO NYID KYI PHYOGS GA GIS PHYOGS LHAG MA DBOG PA NI, ,BZA' BTUNG SOGS BZAD BA LAS LHAG MA BZANG BAR DBOG PA LTA BU'O,, ,PHYED PAS RTEN GANG YIN DPOG PA NI, MI 'GUL PA

LAS SDONG DU MA DANG YAN LAG BSKYOD PA LAS MIR DA BOG PA LTA BU'O,, //ZA// MTHAR RGUD PA'I NGANG CAN GYI MI RTAG PA LAS SDUG BSNGAL BA RJES SU DBOG PA ZHES SBYAR RAM DPYAD DO,, //'A// RGYU LAS 'BRAS BU DBOG PA LA ZHIB CHA DGOS ZHES PA STE, RNAM 'GREL LE'U DANG PO RTZA 'GREL LAS SHES PAR BYA'O, ,//YA// MNGON PAR BRTAGS ZIN PA MA YIN PA DANG, MNGON PAR BRTAG PAR BYA BA MA YIN PA DANG, GZUNG BA TZAM DU GRAGS PA'I DMIGS RTEN DANG, YUL LA GNAS PA'I DMIGS RTEN LA MNGON GYUR ZHES BYA STE, DPER NA, SMAN PAS NAD PA LA SMAN STER BA NA SMAN GYI KHA DOG DRI RO NI MNGON PAR BRTAGS ZIN PA MA YIN ZHING, MNGON PAR BRTAG PAR BYA BA YANG MA YIN LA, GZUNG BA TZAM DU GRAGS PA'I DMIGS RTEN ZHES BYA'O, ,SMAN GYI NUS MTHU NI NAD MED PAR MA BYAS KYI BAR DU MNGON PAR BRTAG PAR BYA BA DANG, NAD MED PAR BYAS PA'I 'OG TU MNGON PAR BRTAGS ZIN PA YIN PA BZHIN NO, ,RNAL 'BYOR BAS CHU LA SA SBRUL BA NI MNGON PAR BRTAGS ZIN PA DANG BRTAG PAR BYA BA MA YIN PAR YUL LA GNAS PA'I DMIGS RTEN DU BSHAD DO, ,MUN NAG LTA BU SGRIB GA-YOG DANG, SMAN DANG SNGAGS DANG RDZU 'PHRUL GYIS MI SNANG BAR BYED PA DANG, NYI MA'I 'OD KYIS SKAR MA'I GZUGS ZIL GYIS GNON PA LTA BU DANG, RAB RIB DANG GNYID LOG PA LA SOGS PA LTA BU RMONGS PA'I SGRIB PA DANG BZHI'O, ,YUL THAG RING BA DANG, DUS THAG RING BA DANG,

, ,CHA PHRABS THAG RING BA STE GSUM DU BSHAD PAS NA, PHRA BA'AM ZHES PA'I 'AM SGRA NOR BA YIN NO,, //RA// KUN GZHI RNAM SHES NI RTZA BA'I RNAM RTOG STE, RNAM RTOG SKYE BA'I RTZA BA YIN PAS SO, ,GZUGS SOGS YUL DRUG NI MTSAN MA'I RNAM RTOG STE, RNAM RTOG SKYE BA'I DMIGS PA YIN PAS SO, ,MIG SOGS KHAMS DRUG DANG RNAM SHES KYI KHAMS DRUG NI MTSAN MAR SNANG BA'I RNAM RTOG STE, RNAM RTOG DNGOS SAM DE SKYE BA'I RGYU YIN PAS SO, ,MTSAN MA'I RNAM RTOG GNAS SKABS GZHAN DU GYUR BA NI MTSAN MA 'GYUR BA'I RNAM RTOG DANG, MTSAN MAR SNANG BA'I RNAM RTOG GNAS SKABS GZHAN DU GYUR BA NI MTSAN MAR SNANG BA 'GYUR BA'I RNAM MA RTOG CES BYA STE, DE GNYIS NI RNAM PAR BRTAG GYA'I YUL YIN PAS SO; ,DE DAG NI KUN NYON PHYOGS LA BRTEN PA'I RNAM RTOG LNGA'O, ,GZHAN GYIS BSTAN PA'I RNAM RTOG NI, DAM PA DANG DAM PA MIN PA'I CHOS MNYAM PA'I RJES SU 'GRO BA'I RNAM RTOG GO, , TSUL BZHIN MA YIN PA'I RNAM PAR RTOG PA NI, DAM PA MA YIN PA'I CHOS MNYAN PA LAS BYUNG BA'I PHYI ROL BA'I RNAM RTOG RNAMS SO, ,TSUL BZHIN GYI RNAM RTOG NI, DAM PA'I CHOS MNYAM PA LAS BYUNG BA'I CHOS 'DI BA'I RNAM RTOG RNAMS SO, ,MNGON PAR ZHEN PA'I RNAM RTOG NI, LTA NGAN DRUG CU RTZA GNYIS MTSUNGS LDAN DANG BCAS PA'O, ,RNAM PAR GA-YENG BA'I

RNAM RTOG NI, BYANG SEMS RNAMS KYI DNGOS MED KYI MTSAN MA'I RNAM GA-YENG LA SOGS PA STE, RNAM BYANG PHYOGS LA BRTEN PA'I RNAM RTOG LNGA'O, ,DE LNGA NI NGO BO DANG DBYE BA DANG NYES DMIGS KYI DBANG DU BYAS PA STE GCIG DANG GNYIS DANG GNYIS TE GO RIM BZHIN NO,, //LA// LTO LDIR BA CHOS CAN, BUM PA'I MING BTAGS PA'I SNGON ROL NAS KHYOD LA BUM PA'O SNYAM PA'I BLO SKYE BA YOD PAR THAL, KHYOD BUM PA'I THA SNYAD KYI GZHIR RANG RI SDOD LUGS KYI DBANG GIS GRUB PA'I PHYIR, KHYAB STE, DE LTAR GRUB NA LHO LDIR BA BUM PA'I THA SNYAD KYI GZHI YIN PA DE BRDA'I DBANG GIS MA BZHAG PAR 'GYUR PAS BRDA'I YUL CAN GYI BLO YANG BRDA LA MI LTOS PAR SKYE BAR 'GYUR BA'I PHYIR, 'DOD MI NUS TE, BUM BRDA MA SHES PA LA BUM PA'I BRDA SBYOR DGOS PA MNGON SUM GYIS GRUB PA'I PHYIR, DE LTA NA BUM PA'I MING BTAGS PA'I SNGON ROL NAS BUM PA'O SNYAM PA'I BLO SKYE BA MED PA'I PHYIR BUM PA ZHES BRDA BYAS PA DE LTO LDIR BA'I BDAG NYID DAM SDOD LUGS SU SONG BA 'GAL BA'O, ,SUM CU RTZA GSUM GYI BDAG PO CHOS CAN, DU MA YIN PAR THAL, KHYOD LA BRGYA BYIN DANG LHA DBANG DANG GRONG 'JOMS SOGS MING DU MA DNGOS DBANG GIS 'JUG PA'I PHYIR TE, KHYOD MING DE DAG GI 'JUG GZHIR RANG GI MTSAN NYID KYIS GRUB PA'I PHYIR RO, ,MING DE DAG DNGOS DBANG GIS 'JUG NA RTOG PA LA JI LTAR SNANG BA LTAR

, ,DNGOS PO LA GNAS DGOS PA'I PHYIR DON DE DU MAR 'GYUR RO, ,SHAR NUB KYI NYER SBAS GNYIS CHOS CAN, GCIG TU THAL, KHYOD LA NYER SBAS ZHES PA'I MING GCIG DNGOS DBANG GIS 'JUG PA'I PHYIR TE, KHYOD DE'I 'JUG GZHIR RANG GI SDOD LUGS KYIS GRUB PA'I PHYIR RO, ,NYER SPAS ZHES PA'I MING DE GNYIS LA DNGOS DBANG GIS 'JUG NA RTOG PA LA JI LTAR SNANG BA LTAR DNGOS PO LA GNAS DGOS PA GANG ZHIG ,DE GNYIS KA NYER SBAS SO SNYAM PA'I RTOG PAS DE GNYIS KYI RANG BZHIN 'DRES PAR SNANG BA'I PHYIR DE GNYIS 'DRES PAR 'GYUR RO, , //SHA// RNAM GA-YENG GI RNAM RTOG BCU NI RNAM PA GNYIS SU BSDUS TE, GANG ZAG GI BDAG LA BRTEN PA GNYIS DANG, CHOS KYI BDAG LA BRTEN PA BRGYAD YOD PA'I PHYIR, DANG PO GNYIS NI, PHUNG PO MED PAR ZHEN PA DNGOS PO MED PA'I RNAM RTOG DANG, RTAG GCIG RANG DBANG CAN GYI BDAG YOD PAR ZHEN PA DNGOS PO'I RNAM RTOG GNYIS SO, ,GNYIS PA BRGYAD NI, GZUNG 'DZIN RDZAS THA DAD DU ZHEN PA DANG, GZHAN DBANG MED PAR ZHEN PA SGRO SKUR GYI RNAM RTOG GNYIS DANG, GZHAN DBANG DANG DE'I CHOS NYID LDOG PA GCIG DANG, NGO BO THA DAD DU 'DZIN PA GCIG THA DAD KYI RNAM RTOG GNYIS DANG, GZUGS ZHES PA'I MING GI BRJOD BYA GZUGS KYI NGO BO NYID DU DON DAM PAR GRUB PAR 'DZIN PA DANG, SKYE 'GAG LA SOGS PA'I MING GI BRJOD BYA GZUGS

KYI KHYAD PAR DU DON DAM PAR GRUB PAR 'DZIN PA NGO BO NYID DANG KHYAD PAR DU RNAM PAR RTOG PA GNYIS DANG, GZUGS ZHES PA'I MING JI LTAR BTAGS PA DE DAG THOS PA NA BRJOD BYA'I DON DU SNANG BA'I BLO 'KHRUL MED DU 'DZIN PA DANG, GZUGS LA SOGS PA'I DON DMIGS PA NA JI LTAR DMIGS PA BZHIN DU DE'I MING DU SNANG BA'I BLO 'KHRUL MED DU 'DZIN PA MING JI LTA BA BZHIN DU DON DANG, DON JI LTA BA BZHIN DU MING DU RNAM PAR RTOG PA GNYIS TE BRGYAD DO, ,DON 'DI LTAR KUN BTUS DAR t'IKA LAS BSHAD DO, ,DE DAG GI GNYEN PO RNAM PAR MI RTOG PA GSUM YOD DE, SO SKYE'I MI RTAG SOGS RTOGS PA'I YE SHES NI CHOG PAR 'DZIN PA'I RNAM PAR MI RTOG PA, NYAN THOS RNAMS KYI MI RTAG SOGS MNGON SUM DU RTOGS PA'I YE SHES NI PHYIN CI MA LOG PA'I RNAM PAR MI RTOG PA, BYANG SEMS RNAMS KYI CHOS KYI BDAG MED MNGON SUM DU RTOGS PA'I YE SHES NI SPROS PA MED PA'I RNAM PAR MI RTOG PA STE GSUMO, ,RNAM RTOG THA MA BZHI'I ZHEN YUL MED PA DON SPYI'I TSUL DU RTOGS PA'I BLO NI TSOL BA BZHI DANG, MNGON SUM DU RTOGS PA'I YE SHES NI SHES PA BZHIR 'JOG GO ,MING DANG DON DAG PHAN TSUN DU, ,BLO BUR BA NI NYID DU TSOL, ,ZHES LTO LDIR BA LA BUM PA ZHES MING DANG BRDA' BYAS PA DE LTO LDIR BA'I SDOD LUGS SU MA SONG BAS MING DON LA BLO BUR BA DANG, LTO LDIR BA DE BUM PA ZHES BRDAR BTAGS PA'I NGO BOR RANG GI SDOD LUGS SU MA GRUB PAS DON MING LA

, ,BLO BUR BA ZHES BYA STE, DPER NA DRI MA DE SEMS KYI RANG BZHIN LA MA ZHUGS PAS BLO BUR BA ZHES PA'I THA SNYAD THOB PA BZHIN NO,, //SA// GSER PHRENG LAS RNAM PA CHOS CAN DU 'DZIN PAR GSUNGS KYANG, SRAS MCHOG RNAM GNYIS KYIS RNAM PA CHOS CAN DU 'DZIN PA BKAG PA NI RJE'I DGONGS PA YIN NAM SNYAM MO, ,BYE SMRA LA MA GRUB PA'I RTAGS SU BSHAD PA YANG, SNGON PO'I RNAM PA CHOS CAN, SNGON 'DZIN DBANG SHES DANG RDZAS GZHAN MA YIN TE, SNGON 'DZIN DBANG SHES DANG LHAN CIG DMIGS NGES YIN PA'I PHYIR, DPER NA SGRA DANG MNYAN BYA BZHIN, ZHES DGOD NA MDO SDE BA LA GRUB ZIN SGRUB PA DANG, BYE SMRA LA CHOS CAN GYI NGO BO MED NAS MA GRUB PA'I GTAN TSIGS SU 'GYUR ZHES PA YIN GYI, RTZOD GZHI RTAGS DER MA GRUB PAR 'GYUR ZHES PA TZAM MA YIN TE, GZHAN DU NA LHAN CIG DMIGS NGES KYI RTAGS SBYOR RNAM DAG YIN NA KHYOD KYI RTZOD GZHI DE RTAGS DE YIN PAR BYE MDO GNYIS KAS KHAS BLANGS PAS KHYAB PAR THAL BA'I PHYIR DANG, RTZOD GZHI DE RTAGS DE YIN PAR GRUB KYANG MA GRUB PA'I GTAN TSIGS SU 'GYUR BA SHIN TU MANG PO YOD PA'I PHYIR RO, ,KHA CIG MDO SDE BAR SNGOR SNANG DANG DE'I DBANG SHES RTZOD GZHIR BYED PA YANG SGRUB CHOS TSAD BSAL LO, ,ZHES PA'I DON NI, SDE BDUN RGYAN LAS, KHA CIG SNGON POR SNANG BA CHOS CAN DU 'DOD PA MI 'THAD DE,

SNGON POR SNANG BA CHOS CAN DU 'DZIN SNGON 'DZIN MIG SHES DANG LHAN CIG DMIGS NGES YIN PA'I RTAGS MA GRUB STE, YID SHES LA SNGON POR SNANG BA YOD PA'I PHYIR, ZHES PA LTAR YIN NA MDO SDE BA DMIGS KYIS BKAR BA'I DGOS PA MED LA, YANG DE NYID LAS, SNGON 'DZIN MIG SHES LA SNGON POR SNANG BA CHOS CAN DU 'DZIN NA BYE BRAG SMRA BA'I DOR CHOS CAN MI 'GRUB STE, BYE BRAG SMRA BA NI DBANG POS YUL 'DZIN PAR 'DOD PA YIN GYI, MIG SHES KYIS YUL 'DZIN PAR MI 'DOD PAS MIG SHES LA SNGON POR SNANG BA ZHES BYA BA KHAS MI LEN PA'I PHYIR RO, ,ZHES PA LTAR YIN NA MDO SDE BA ZHES PA MI 'THAD PAR 'GYUR ZHING, MDZOD KYI MTHA' DPYOD DU DBANG POS GZUGS MTHONG BAR BSHAD PA DANG NANG 'GAL DU 'GYUR BA'I PHYIR, YANG DE GNYIS GANG RUNG DANG MTHUN MI DGOS TE; RANG NYID KYIS SNGON PO DANG SNGOR SNANG DBANG SHES LHAN CIG DMIGS NGES YIN PA BKAG PAS, DE'I DBANG DU BYAS ZER NA, DE LTA NA MDO SDE BA DMIGS KYIS BKAR BA'I DGOS PA GANG YIN DPYAD DGOS SO, ,YANG 'DIR SNGON PO DANG SNGOR SNANG DBANG SHES LHAN CIG DMIGS NGES MA YIN PAR BSHAD KYANG, RGYAL TSAB MKHAS GRUB GNYIS KAS SNGON PO DANG SNGOR SNANG DBANG SHES LHAN CIG DMIGS NGES YIN PAR GSUNGS SHING, KHYAD PAR DU MKHAS GRUB RJES, SEMS TZAM PAS YUL SHES LHAN CIG DMIGS NGES KYI RTAGS KYIS RDZAS GZHAN MA YIN PAR SGRUB PA NI,

, ,YUL GANG RANG 'DZIN GYI SHES PA GANG DANG RDZAS GZHAN MA YIN PAR MA GRUB NA, NGES PAR YUL DE PHYI ROL GYI DON YIN PAR KHAS LEN DGOS PA'I YUL DE RNAMS, YUL CAN SHES PA RNAMS DANG RDZAS GZHAN MA YIN PAR SGRUB PA YIN LA, DE YANG GZUGS SGRA SOGS RNAMS NI RANG 'DZIN TSUR MTHONG DBANG SHES LAS RDZAS GZHAN MA YIN PAR MA GRUB NA; TSUR MTHONG DBANG SHES LA GZUGS SGRA SOGS RANG LA RGYAD CHAD LTA BUR SNANG BA LTAR DU GRUB PAR KHAS LEN DGOS LA, DE LTAR GRUB NA SHES PA LAS PHYI ROL TU GYUR BA'I DON GRUB PAR 'DOD DGOS PAS, DE'I PHYIR DE DAG RANG 'DZIN TSUR MTHONG DBANG SHES DANG RDZAS GZHAN MA YIN PAR, LHAN CIG DMIGS NGES KYI RTAGS KYIS SGRUB DGOS PA YIN GYI, LHAS BYIN GYI SEMS LTA BU LHAS BYIN GYI SEMS SHES PA'I MNGON SHES LTA BU LAS RDZAS GZHAN MA YIN PAR SGRUB MI NUS SHING, ZHES PA NAS, DE BZHIN DU SNGON PO SOGS KYANG RANG GI YUL CAN SNGON 'DZIN MIG SHES SOGS DANG RDZAS GCIG TU MA GRUB NA, PHYI ROL DON DU 'DOD DGOS PAR 'GYUR BAS RDZAS GCIG TU LHAN CIG DMIGS NGES KYI RTAGS KYIS SGRUB PA YIN GYI, SNGON PO SOGS RANG GI YUL CAN GYI SHES PA GANG YIN THAMS CAD DANG RDZAS GCIG TU SGRUB PA MA YIN TE, ZHES GSAL BAR GSUNGS PA'I PHYIR DANG, LHAN CIG DMIGS DES KYI RTAGS KYI

BSGRUB BYA NI, SNGON PO DE SNGOR SNANG DBANG SHES DANG RDZAS THA DAD RNAM PAR BCAD TZAM GYI MED PAR DGAG PA SGRUB PA YIN GYI, MA YIN DGAG DANG RDZAS GCIG PA SOGS DNGOS KYI BSGRUB BYAR 'DZIN PA MIN PAR RGYAL TSAB RJES GSUNGS PA'I PHYIR RO, ,DES NA 'DIR, LA LA SNGON PO DANG DE SNANG DBANG SHES RTZOD GZHI ZER BA MI 'THAD DE ZHES SOGS NI PHYOGS SNGA SMRA BA'I NANG 'GAL 'GOG PA'I CHED DU DA LTAR GSUNGS KYI, RANG LUGS LA SNGON PO DANG SNGOR SNANG DBANG SHES LHAN CIG DMIGS NGES MA YIN PAR BSHAD PA MIN ZHES KHAS LEN DGOS SO, ,RNAM NGES DAR t'IKA LAS, KHA CIG SNGON POR SNANG BA YANG RTZOD GZHIR 'DZIN PA MI RIGS TE, NYES PA DE DAG YOD PA'I PHYIR RO, ,ZER BA MI RIGS TE, NYAN THOS SDE GNYIS KAS DBANG SHES MA 'KHRUL PA LA SNGON POR SNANG BA SNGON PO NYID DU KHAS BLANGS PA'I PHYIR, DE NI SNGON PO SNANG BA DANG, SNGON POR SNANG BA KHYAD MA PHYED PA'I GTAM MO, ,DE LTA NA YANG SNGON PO RTZOD GZHIR BZUNG NGO, ,ZHES SNGAR BSHAD PA DANG MI 'DRA BAR BSHAD DO, , LHAN CIG DMIGS NGES KYI DON YOD DE, PHAN TSUN THA DAD GANG ZHIG ,GCIG DMIGS BYED KYI TSAD MA SKYES NA DE DANG DUS MNYAM DU GCIG SHOS DMIGS BYED KYI TSAD MA SKYES PAS KHYAB PA DE YIN PA'I PHYIR, SNGON PO DANG SNGON 'DZIN SHES PA LHAN CIG DMIGS NGES YIN PAR 'DIR BSHAD KYANG SKABS LNGA BA'I MTHA' DPYOD DU BKAG PA DANG, LHA SBYIN DANG MCHOD SBYIN GNYIS KA'I

, ,BLTA BYA THUN MONG GI SNGON PO DE GNYIS KA'I MIG SHES LA SNANG YANG GCIG LA SNANG BA'I CHA DE GCIG SHOS LA MI SNANG BAR RIGS RGYAN DU BSHAD PA LTAR 'DIR BSHAD LA, GCIG LA SNANG BA'I SNGON PO DE GCIG SHOS LA YANG SNANG BAR SDE BDUN RGYAN DU BSHAD PA LTAR SKABS LNGA BA'I MTHA' DPYOD DU BSHAD DO,, //HA// 'DI'I DON NI, DBANG SHES GCIG GI GZUNG YUL DU RUNG ZHING GZUGS SNANG BAR MA CHAD PA'I GZUGS DANG SNANG BA DAG LA NI CHOS CAN, 'BREL BA MED PA MA YIN TE, GZUGS DE 'DZIN PA'I DBANG PO'I SHES BA BSKYED PAR RUNG BA'I MTSAN NYID DAM MIG GI DBANG PO GZUGS 'DZIN DBANG SHES SKYED BYED DU RUNG BAR BSKYED PA'I MTSAN NYID KYI 'BREL BA YOD PA'I PHYIR, DE MA GRUB NA, GZUGS DMIGS PA SNANG BA LA BLTOS PA'I SKYES BU CHOS CAN, SNANG BA MED PAR GZUGS DMIGS PAR MI 'GYUR TE, 'BRAS BU GZUGS 'DZIN DBANG SHES BSKYED PA'I GZUGS DANG MIG RGYU SNANG BA LA 'KHRUL BA MED PA'I PHYIR RO, ,'DI DAG GIS LHAN CIG DMIGS DES SU GYUR BA'I SNANG GZUGS RGYU 'BRAS SU STON PA MA YIN TE, RGYU 'BRAS RDZAS GCIG PA GRANGS CAN GYI LUGS YIN GYI SEMS TZAM PA DANG DON SMRA BA'I MKHAS PA SU YANG MI 'DOD PA'I PHYIR RO, ,DES NA SNANG

GZUGS BAR MA CHAD PA LHAN CIG DMIGS NGES SU STON PA NA DE GNYIS RDZAS GCIG PA DGOS LA, GZUGS SNANG BA'I NGO BOR SKYE BA LA SNANG BA SNGA MAS PHAN BTAGS PA LA BLTOS DGOS PAS DE LTAR SGRUB PA'I DON YIN NO, ,LHAN CIG DMIGS NGES SU GYUR BA'I SNANG GZUGS KYI KHYAD PAR 'CHAD PA NI STENG GI DU BA DANG 'OG GI ME LTAR BAR DU CHOD PA LHAN CIG DMIGS NGES SU MI RUNG BAS SNANG BA DANG BAR CHAD MED PA'I GZUGS DES GZUGS 'DZIN DBANG SHES BSKYED PA DANG RO GZUGS LTAR SKYE MCHED THA DAD YIN NA YANG DBANG SHES GCIG GI GZUNG YUL DU MI 'GYUR BAS GZUGS DANG SNANG BA LHAN CIG GZUGS 'DZIN DBANG SHES KYIS GZUNG BA'I MTSAN NYID CAN YIN PA'I PHYIR, DBANG SHES DES GNYIS KA GZUNG BAR 'GYUR RO, ,ZHES RNAM NGES DAR tIKA LAS BSHAD PA LTAR RO,, //AA// GANG ZAG BYED PA PO NAS DBANG PHYUG BYED PA POR SMRA BA RNAMS KYI BYED PA PO NI DE RNAMS MIN GYI, SEMS TZAM ZHIG BYED PA POR NGAS BSHAD DO ZHES PA YIN PAS, DE'I RKANG BA BZHI PA LA, SEMS TZAM DU NI NGAS BSHADO, ,ZHES BYUNG BA NI 'GYUR BZANG NGO, ,DE BDUN GYI MTSAN GZHI YANG 'JUG PA'I t'IKA CHEN LAS, SANGS RGYAS PA DAG GIS KYANG GANG ZAG DANG RGYUN LA SOGS PA BYED PA POR BTAGS PA KHO NA'O, ,ZHES DANG, BSAM GTAN PA DKAR PO ZHES PA'I RANG SDE PHUNG PO RDZAS YOD BYED PA POR SMRA BA

, ,CIG GO ,ZHES GSUNGS PA LAS GZHAN GSAL BAR MA BSHAD LA, GTZO BO DANG DBANG PHYUG BYED PA POR SMRA BA NI GRAGS CHE ZHING, TSIG DON GZHAN NI GO SLA'O, , //KA// RKANG PA GSUM PA'I RDUL RNAMS DANG, ZHES PA DANG, RIGS PAS RNAM PAR BRTAGS NA NI, ZHES PA'I RKANG PA BDUN PA'I DON NI ZHES PA YIN PAS, GZHAN ZHIG NA NI ZHES PA DPE MA DAG GAM SNYAM MO,, //KHA// 'BYAR BA DANG NI SKOR BA 'AM, ZHES PA DBU MA RGYAN GYI GZHUNG YIN PAS, DBUS MTHA'I LAS ZHES PA DPE MA DAG GO ,DE'I DON MDO SDE BA'I SKABS SU BSHAD ZIN, //GA// CHOS BZHI NI, YI DVAGS DUD 'GRO MI RNAMS DANG, ZHES SOGS LTAR DNGOS PO GCIG LA RNAM SHES MI MTHUN PA SKYE BA'I RIGS PA DANG, 'DAS SOGS DE BZHIN RMI LAM DANG, ZHES SOt LTAR PHYI ROL GYI DMIGS PA MED KYANG SHES PA YOD PA'I DPE DANG, DON NI DON DU 'GRUB GYUR NA, ZHES SOGS LTAR RNAM PAR MI RTOG PA'I YE SHES MED PAR THAL BA'I RIGS PA DANG, BYANG CHUB SEMS DPA' DBANG THOB DANG, ZHES SOGS LTAR SHES PA RNAM PA GSUM GYI RJES SU MTHUN PAR SHES PA STE BZHIS PHYI DON MED PAR GRUB PO, ,'DI DAG NI SNGAR BSHAD ZIN, //NGA// 'JIG RTEN DAG NA GZUGS NAS RNAM MKHYEN GYI BAR GYI CHOS GANG DANG GANG LA DE DANG DE'O ZHES MING DANG BRDAR BTAGS PA GANG CI YOD PA THAMS CAD NI KUN RDZOB CES BYA STE, MING DANG BRDAR BTAGS PA

DE THAMS CAD CHOS DE DANG DE'I SDOD LUGS YIN PAR THUB PAS ZHAL GYIS MI BZHES ZHES PA'O,, //CA// SA ZHES MING DANG BRDAR BTAGS PA DE SA'I SDOD LUGS YIN PAR SGOM PAR MI BYED CES PA'O,, //CHA// MTSAN NYID NI GZUNG 'DZIN GNYIS DANG NGO BO DANG KHYAD PAR DU GDAGS PA'I RTEN YANG DAG PA MA YIN PA'I KUN TU RTOG PA'O, ,GRUB PA NI GZUNG 'DZIN GNYIS SU MED PA DANG GZUNG 'DZIN SNA TSOGS SU SNANG BA DAG LAS GANG YANG RUNG BA ZHIG MED NA KUN BYANG GNYIS MI 'THAD PAR 'GYUR BAS NA, DE GNYIS KA KHAS BLANGS PAS 'BRAS BU DANG BCAS PA GRUB PA'O, ,CHOS DANG CHOS NYID NI LDOG PA GCIG DANG NGO BO THA DAD MIN PA DANG, GANG 'KHOR BA SEMS CAN GYI KHAMS DANG GANG DU 'KHOR BA 'JIG RTEN GYI KHAMS NI GNAS YIN LA, DE YANG 'JIG RTEN GYI KHAMS NI THUN MONG BA DANG, SEMS CAN GYI KHAMS NI RANG GZHAN GNYIS KA'I RNAM SHES BSKYED PA'I BDAG RKYEN GYI CHA NAS THUN MONG BA DANG, GZUNG YUL GYI CHA NAS THUN MONG MA YIN PA'O, ,RNAM PAR SHES PA LA PHYI ROL TU GYUR PA'I GZUNG DON MED LA, DE LTA NA DE 'DZIN PA YANG MED DO ZHES GZUNG 'DZIN GNYIS SU MED PAR 'JUG PA DANG DRUG GIS CHOS LA 'JUG PA'O, ,GZUNG 'DZIN DANG BRJOD BYA RJOD BYED KHYAD PAR MED PA'I DE BZHIN NYID NI CHOS NYID KYI MTSAN NYID DANG, GZUGS SOGS CHOS THAMS CAD DANG GSUNG RAB YAN LAG BCU GNYIS NI GNAS DANG, CHOS NYID DON SPYI'I TSUL DU RTOGS PA'I SBYOR LA

, ,NI NGES PAR RTOG PA DANG, DE MNGON SUM DU RTOGS PA'I MTHONG LAM NI REG PA DANG, MTHONG ZIN YANG YANG GOMS PA'I SGOM LAM NI RJES DRAN DANG, MTHAR THUG PA'I LAM NYID DRI MA THAMS CAD DANG BRAL BA'I DE BZHIN NYID DANG NGO BO DBYER MED DU GYUR BA NI DE'I BDAG NYID DU NYE BAR SON PA STE RNAM PA DRUG GIS CHOS NYID LA 'JUG PA'O, ,DBUS MTHA' NAS BSHAD PA'I DE NYID BCU LA RIM BZHIN ME LONG LTA BU'I DE KHO NA NYID LA SOGS PA'I MING GIS BSTAN PAR DBUS MTHA'I 'GREL BAR GSUNGS SHING, 'DI DAG GI DON CUNG ZAD PHYE STE BSHAD PA LA BCU LAS, DANG PO NI, NGO BO NYID GSUM CHOS CAN, RTZA BA DANG ME LONG LTA BU'I DE KHO NA NYID CES BYA STE, DE KHO NA NYID LHAG MA RNAMS DER BSDUS PA DANG, MTSAN NYID KYI DE KHO NA NYID LA SOGS PA GSUM DER SNANG BA'I PHYIR, GNYIS PA NI, DE GSUM CHOS CAN, MTSAN NYID DANG NGA RGYAL MED PA SNANG BA'I DE KHO NA NYID CES BYA STE, GANG GI MTSAN NYID JI BZHIN SHES NA RIM BZHIN CHOS DANG GANG ZAG DANG, GZUNG BA DANG 'DZIN PA DANG, YOD PA DANG MED PAR SGRO 'DOGS PA DANG SKUR BA 'DEBS PA'I LTA BA DAG MI 'BYUNG ZHING, NGA'O SNYAM PA'I NGA RGYAL ZAD PAR 'GYUR BA'I PHYIR, GSUM PA NI, DE GSUM CHOS CAN, PHYIN CI MA LOG PA'I DE KHO NA NYID DANG PHYIN CI LOG GI GNYEN PO SNANG BA'I DE KHO NA NYID CES BYA STE, KHYOD RE RE'I STENG DU MI RTAG PA DANG

SDUG BSNGAL BA DANG STONG PA DANG BDAG MED PA'I DON BSHAD DU RUNG BAR SHES NA GTZANG BDE RTAG BDAG GI PHYIN CI LOG BZHI'I GNYEN PO BYED TSUL DER TSANG BA'I PHYIR, NGO BO NYID GSUM MI RTAG SOGSU BSHAD TSUL DBUS MTHA' RTZA 'GREL LAS SHES PAR BYA'O, ,BZHI PA NI, DE GSUM CHOS CAN, 'BRAS BU DANG RGYU'I DE KHO NA NYID DANG NYAN THOS KYI THEG PAS NGES PAR 'BYUNG BA'I DE KHO NA NYID CES BYA STE; KHYOD RE RE'I STENG DU KUN NAS NYON MONGS PHYOGS KYI RGYU 'BRAS SDUG KUN GNYIS DANG, RNAM BYANG GI RGYU 'BRAS 'GOG LAM GNYIS KYI DON BSHAD DU RUNG BAR SHES NA NYAN THOS KYI THEG PAS 'KHOR BA LAS NGES PAR 'BYUNG BA'I THABS SU 'GYUR BA'I PHYIR, DE GSUM RE RE'I STENG DU BDEN BZHI'I DON BSHAD TSUL SHES DGOS SO, ,LNGA PA NI, NGO BO NYID GSUM CHOS CAN, KHYOD LA RAGS PHRA'I DE KHO NA NYID DANG THEG PA CHEN POS NGES PAR 'BYUNG BA'I DE KHO NA NYID KYI DON BSHAD DU YOD DE, DE GSUM RIM BZHIN KUN RDZOB GSUM GYI YUL DU GRUB PAS RAGS PA DANG, YONGS GRUB GCIG BU NI CHOS RNAMS KYI GNAS LUGS MTHAR THUG YIN PAS PHRA BA YIN LA, THEG PA CHEN POS 'KHOR BA PHRA RAGS LAS NGES PAR 'BYUNG BA YANG DE GSUM JI LTA BA BZHIN DU SHES PA LA RAGS LAS PA'I PHYIR, DRUG PA NI, DE GSUM CHOS CAN, GRAGS PA'I DE KHO NA NYID DANG PHAS RGOL TSAR GCOD PA SNANG BA'I DE KHO NA NYID CES BYA STE, KUN BRTAGS NI BLO

, ,'JIG RTEN PA'I NGOR GRAGS PA DANG, NGO BO NYID GSUM KA RIGS PA BZHI PO CI RIGS KYIS GRAGS SHING GRUB PA'I DON YIN LA, PHAS RGOL TSAR GCOD PA LA DE DAG LA MKHAS DGOS PA'I PHYIR, BDUN PA NI, BDAG MED GNYIS CHOS CAN, RNAM PAR DAG PA'I SPYOD YUL GYI DE KHO NA NYID DANG THEG PA CHEN PO MNGON PAR BRJOD PA SNANG BA'I DE KHO NA NYID CES BYA STE, GANG LA DMIGS NAS BSGOM PAS SGRIB PA DAG PAR 'GYUR BA'I RNAM DAG LAM GYI DMIGS PA MTHAR THUG YIN LA, RIGS DANG DBANG PO DANG TSOGS KYI KHYAD PAR GYIS THEG PA THA DAD PAR GYUR TSUL DANG DE DAG LAS THEG PA CHEN PO MCHOG TU GRUB TSUL RNAMS DE GNYIS BSGOM TSUL GYIS 'BYED PA'I PHYIR, BRGYAD PA NI, MING, RGYU MTSAN, RNAM RTOG ,DE BZHIN NYID, YANG DAG PA'I YE SHES LNGA CHOS CAN, BSDU BA'I DE KHO NA NYID DANG SHES BYA RNAM PA THAMS CAD LA 'JUG PA SNANG BA'I DE KHO NA NYID CES BYA STE, CHOS THAMS CAD DER BSDUS SHING, KUN NYON DANG RNAM BYANG LA 'JUG PA'I RIM PA'ANG DES STON PA'I PHYIR, MING SOGS LNGA NGO BO NYID GSUM DU BSDUS TSUL YOD DE, MING NI KUN BRTAGS DANG RGYU MTSAN DANG RNAM RTOG GNYIS GZHAN DBANG DANG, DE BZHIN NYID DANG YANG DAG PA'I YE SHES GNYIS NI YONGS GRUB KYIS BSDUS PAR DBUS MTHAR GSUNGS SHING, BSDU BAR MING LDAN MIN DANG

RGYU MTSAN LA 'DUS MA BYAS KYANG YOD PAR BSHAD CING, KUN BRTAGS CHOS LNGA'I KHONGS SU MI GTOGS PAR BSHAD DE, LEGS BSHAD SNYING POR, SHES RAB SGRON ME LAS, KUN BRTAGS MING DANG RGYU MTSAN DANG RNAM PAR RTOG PA DANG YANG DAG PA'I YE SHES DANG DE BZHIN NYID LNGA PO GANG GI YANG KHONGS SU MI GTOGS PAS MTSAN NYID NGO BO NYID MED PA'O ZHES PHYOGS SNGA BLANGS PA NI, BSDU BA LAS DE LNGA'I KHONGS SU MI GTOGS PAR BSHAD PA YIN LA, DER MING LDAN MIN DU BSHAD LA RGYU MTSAN KUN BRTAGS KYI GDAGS GZHIR BSHAD CING, KUN BRTAGS DNGOS POR MED PAS CHOS BZHI MA YIN LA, RTOG PAS BTAGS PA TZAM DU ZAD PA'I DE BZHIN NYID KYANG MA YINO, ,DBUS MTHA' LAS MING KUN BRTAGS SU BSHAD PA NI MING GIS BTAGS PA'I DON YIN GYI, MING GI NGO BO MIN PAR BLO BRTAN GYIS BSHAD DO, ,DER RGYU MTSAN GZHAN DBANG DU BSHAD PA YANG 'DU BYED KYI RGYU MTSAN LA DGONGS TE DE LA 'DUS MA BYAS KYANG BSDU BA LAS BSHAD PAS SO, ,ZHES GSUNGS PA'I PHYIR, 'DIR DPYAD GZHI YOD DO,, DGU PA NI, 'JUG PA'I DE BZHIN NYID, GNAS PA'I DE BZHIN NYID, LOG PAR SGRUB PA'I DE BZHIN NYID, MTSAN NYID KYI DE BZHIN NYID; RNAM PAR RIG PA'I DE BZHIN NYID, RNAM PAR DAG PA'I DE BZHIN NYID, YANG DAG PAR SGRUB PA'I DE BZHIN NYID BDUN PO CHOS CAN, RAB TU DBYE BA'I DE KHO NA NYID DANG MA NOR BA'I

, ,DE BZHIN NYID MNGON PAR BRJOD PA SNANG BA'I DE KHO NA NYID CES BYA STE, DGONGS 'GREL LAS BSHAD PA'I DE BZHIN NYID KYI RAB TU DBYE BA DANG DE DAG JI LTA BA BZHIN DU SHES NA, MA NOR BA'I DE BZHIN NYID LA SOM NYI BZLOG PAR 'GYUR BA'I PHYIR, DE DAG NGO BO NYID GSUM DU BSDUS TSUL YOD DE, DANG PO GSUM NI KUN BRTAGS DANG GZHAN DBANG GNYIS KYIS BSDUS SHING; PHYI MA BZHI YONGS GRUB KYIS BSDUS PAR DBUS MTHAR GSUNGS SO, ,DE LA 'KHOR BA THOG MTHA' MED PA NI 'JUG PA'I DE BZHIN NYID DANG, GANG ZAG DANG CHOS LA BDAG MED PA GNYIS NI MTSAN NYID KYI DE BZHIN NYID DANG, CHOS THAMS CAD SEMS KYI BDAG NYID TZAM DU ZAD PA NI RNAM PAR RIG PA'I DE BZHIN NYID DANG, SDUG KUN 'GOG LAM BZHI NI GNAS PA'I DE DANG LOG PAR SGRUB PA'I DE DANG RNAM PAR DAG PA'I DE DANG YANG DAG PAR SGRUB PA'I DE BZHIN NYID BZHI DANG RIM BZHIN SBYAR DGOS SHING, BLO BRTAN GYIS MTSAN NYID KYI DE BZHIN NYID NGO BO NYID GSUM KA DANG SBYAR BAR SNANG NGO, ,DE DAG KYANG MDO SDE DGONGS 'GREL DANG, RGYAN LAS, DE BZHIN NYID NI RNAM BDUN LA, ,BRTEN NAS BDEN PA RNAM PAR BZHAG ,CES PA RTZA 'GREL RNAMS LAS RGYAS PAR SHES PAR BYA'O, ,BCU PA NI, PHUNG PO DANG, KHAMS DANG, SKYE MCHED DANG, RTEN 'BREL DANG, GNAS DANG GNAS MIN DANG, DBANG PO DANG, DUS DANG, BDEN PA DANG, THEG PA DANG, 'DUS

BYAS DANG 'DUS MA BYAS KYI CHOS TE BCU PO CHOS CAN, MKHAS PA'I DE KHO NA NYID DANG BDAG TU 'DZIN PA'I GZHI LA DGONGS PA THAMS CAD RTOGS PA SNANG BA'I DE KHO NA NYID CES BYA STE, 'DI DAG MKHAS PAR BYA BA'I GNAS KYANG YIN LA, DE BCU LA MKHAS NA GO RIM BZHIN DU GCIG BU'I BDAG TU 'DZIN PA SOGS BDAG 'DZIN BCU BZLOG PAR 'GYUR BA'I PHYIR, BDAG TU LTA BA BCU YOD DE, DBUS MTHA' LAS, GCIG DANG RGYU DANG ZA BA DANG, ,BYED PA DANG NI DBANG BSGYUR DANG, ,BDAG PO'I DON DANG RTAG PA DANG, ,NYON MONGS PA DANG DAG PA'I GNAS, ,RNAL 'BYOR CAN DANG MA GROL GROL, ,'DI DAG LA NI BDAG TU LTA, ,ZHES PHUNG PO LA GCIG BU'I BDAG TU 'DZIN PA, KHAMS LA RGYU'I BDAG TU 'DZIN PA, SKYE MCHED LA ZAB PO'I BDAG TU 'DZIN PA, RTEN 'BREL LA BYED PA PO'I BDAG TU 'DZIN PA, GNAS DANG GNAS MIN LA DBANG BSGYUR BA'I BDAG TU 'DZIN PA, DBANG PO LA BDAG PO'I DON GYI BDAG TU 'DZIN PA, DUS LA RTAG PA'I BDAG TU 'DZIN PA, BDEN PA LA KUN BYANG GI GNAS KYI BDAG TU 'DZIN PA, THEG PA LA RNAL 'BYOR CAN GYI BDAG TU 'DZIN PA, 'DUS BYAS DANG 'DUS MA BYAS KYI CHOS LAM GROL BA DANG GROL BA'I BDAG TU 'DZIN PA DANG BCU YOD PA'I PHYIR, DE DAG KYANG RGYAS PAR SHES DGOS KYANG TSIG MANG BAS 'JIGS NAS MA BRIS SO,, //JA// DBUS MTHAR BSHAD PA'I SGRIB PA BCU YOD DE, KHYAB PA'I SGRIB PA NI BYANG SEMS KYI SPANG BYA'I SGRIB GNYIS DANG,

, ,NYI TSE BA'I SGRIB PA NI NYAN THOS KYI SPANG BYA'I NYON SGRIB DANG, LTAG PA'I SGRIB PA NI NYON MONGS SHAS CHE PA DANG, MNYAM PA'I SGRIB PA NI NYON MONGS CHA MNYAM PA'I DE DANG, LEN PA DANG SPONG PA'I SGRIB PA NI SRID ZHI'I MTHAR LTUNG BYED KYI SGRIB PA DANG, NYON MONGS PA'I SGRIB PA NI KUN SBYOR DGU DANG, DGE SOGS BCU LA SGRIB PA NI SBYOR BA MED PA LA SOGS PA'I SGRIB PA SUM CU DANG, BYANG PHYOGS SO BDUN LA SGRIB PA NI GZHI LA MI MKHAS PA LA SOGS PA BDUN DANG, PHAR PHYIN BCU MA SGRIB PA NI PHYUG PO LA SGRIB PA LA SOGS PA BCU DANG, SA BCU LA SGRIB PA NI NYON MONGS PA CAN MA YIN PA'I MI SHES PA STE BCU YOD PA'I PHYIR, DE'I THA MA LA KUN RMONGS NYER GNYIS DANG GNAS NGAN LEN BCU GCIG YOD PAR GRAGS KYANG DBUS MTHA' RTZA 'GREL SOGS SU MI GSAL LO, ,GANG LTAR YANG MDO LAS GSUNGS PA'I KUN RMONGS NYER GNYIS NI GSER PHRENG LAS, 'DI LTAR SA DANG PO LA GANG ZAG DANG CHOS LA MNGON ZHEN DANG NGAN SONG BA'I NYON MONGS PA DANG, GNYIS PA LA LTUNG BA PHRA MO'I 'KHRUL BA DANG LAS KYI RNAM PA SNA TSOGS LA DANG, GSUM PA LA 'DOD CHAGS KYI DANG THOS PA'I GZUGS YONG SU RDZOGS PA LA DANG, BZHI PA LA SNYOMS 'JUG LA SRED PA DANG CHOS LA SRED PA DANG, LNGA PA LA 'KHOR PA LA GCIG TU MI PHYOGS SHING MNGON DU PHYOGS PA YID LA BYED PA DANG MYA NGAN 'DAS LA GCIG TU MI

PHYOGS SHING MNGON DU PHYOGS PA YID LA BYED PA DANG, DRUG PA LA 'DU BYED KYI 'JUG PA MNGON SUM DU BYA BA LA DANG MTSAN MA MANG PO 'BYUNG BA DANG, BDUN PA LA MTSAN MA PHRA MO 'BYUNG BA DANG MTSAN MED YID LA BYED PAS THABS DANG, BRGYAD PA LA MTSAN MED LA RTZOM PA DANG MTSAN MA RNAMS LA MI DBANG BA DANG, DGU BA LA CHOS BSTAN PA DANG CHOS KYI TSIG DANG YI GE DPAG TU MED PA DANG GONG NAS GONG DU SHES RAB DANG SPOBS PA LA GZUNGS KYI DBANG LA DANG SPOBS PA'I DBANG LA DANG, BCU PA LA MNGON SHES CHEN PO LA DANG GSANG BA PHRA MO LA 'JUG PA LA DANG, BCU GCIG PA LA SHES BYA THAMS CAD LA CHAGS PA SHIN TU PHRA MO DANG THOGS PA SHIN RMONGS GNYIS SO, ,ZHES GSUNGS PA LTAR RO, ,GNAS NGAN LEN BCU GCIG NI SA BCU GCIG GI NGO SKAL GYI SPANG BYAR GYUR BA'I NYON MONGS CA NA MA YIN PA'I MI SHES PA'I SA BON LA BYED DAM SNYAM MO,, //NYA// STONG PA NYID NI MDOR BSDU NA, ,MTSAN NYID DANG NI RNAM GRANGS DANG, ,ZHES SOGS KYI SKABS NAS BSTAN PA'I STONG NYID BCU DRUG GI BZLOG PHYOGS SU 'DZIN PA'I CHOS DANG GANG ZAG GI BDAG 'DZIN BCU DRUG RE DANG, ZHES PA YIN NAM SNYAM, GANG LTAR YANG STONG NYID DE ZHES PA DPE MA DAG GO , YI GE DON DANG YID BYED DANG, ,MI 'PHRO BA DANG MTSAN NYID GNYIS, ,MA DAG DAG DANG BLO BUR DANG, ,MI DNGANG BA DANG KHENGS PA MED, CES YI GE 'BREL BA DANG 'DRES PA LA DON YOD PA DANG MA 'BREL BA

, ,DANG MA 'DRES PA LA DON MED PAR RTOGS PA NI YI GE LA PHYIN CI MA LOG PA DANG, GZUNG 'DZIN GNYIS SU SNANG PA LTAR MA GRUB PAR RTOGS PA NI DON LA PHYIN CI MA LOG PA DANG, GZUNG 'DZIN GNYIS SU SNANG BA'I RGYU KUN GZHI'I STENG GI SA BON JI LTA BA BZHIN RTOGS PA NI YID LA BYED PA LA PHYIN CI MA LOG PA DANG, CHOS RNAMS GNYIS STONG SGYU MA LTA BUR MTHONG NAS RTAG CHAD KYI MTHA' GNYIS LA SEMS MI GA-YENG BA NI MI 'PHRO BA LA PHYIN CI MA LOG PA DANG, SKYE MCHED BCU GNYIS PO DE MING DANG BRNGAR BTAGS PA'I NGO BOR RANG GI MTSAN NYID KYIS MA GRUB PAR MI BRDAS BZHAG TZAM DU RTOGS PA NI RANG GI MTSAN NYID LA PHYIN CI MA LOG PA DANG, CHOS KYI BDAG TU GRUB PA MED PAS CHOS KYI BDAG MED NI CHOS THAMS CAD KYI SPYI'I MTSAN NYID DU RTOGS PA NI SPYI'I MTSAN NYID LA PHYIN CI MA LOG PA DANG, PHYIN CI LOG GI YID BYED MA SPANGS PA DANG SPANGS PA LAS CHOS DBYINGS RNAM PAR MA DAG PA DANG DAG PAR RTOGS PA NI RNAM PAR MA DAG PA DANG DAG PA LA PHYIN CI MA LOG PA DANG, CHOS DBYINGS SNGAR RNAM PAR MA DAG PA DANG PHYIS RNAM PAR DAG PA GNYIS KA BLO BUR BAR RTOGS PA NI BLO BUR BA LA PHYIN CI MA LOG PA DANG, GNYEN PO'I STOBS KYIS KUN NYON 'GRIB PA DANG RNAM BYANG 'PHEL BA'I TSE CHOS DBYINGS LA 'GRIB PA YANG MED 'PHEL BA YANG MED PAR RTOGS PA NI MI SKRAG PA DANG

MA KHENGS PA LA PHYIN CI MA LOG PA'O, ,'DI GNYIS SO SOR BGRANG PA 'AM RNAM PAR MA DAG MA DAG GNYIS SO SOR BGRANG NAS PHYIN CI MA LOG BCUNG BYED DO, ,DE DAG GI BZLOG PHYOGS KYI PHYIN CI LOG BCU YOD DE, YONGS SU GRUB PA'I SGRA DANG DON 'BREL BAR LTA BA'I PHYIN CI LOG DANG, DON RNAMS JI LTAR SNANG BA LTAR YOD PAR MTHONG BA'I PHYIN CI LOG DANG, DON DE 'BYUNG BA'I RGYU LA LOG PAR LTA BA'I PHYIN CI LOG DANG, DON LA SGRO SKUR GYI MTHA' GNYIS SU LTA BA'I PHYIN LOG DANG, MING JI LTA BA BZHIN DU DON GYI NGO BO NYID DU LTA BA'I PHYIN CI LOG DANG, DNGOS PO RNAMS KYI SPYI'I MTSAN NYID LA LOG PAR LTA BA'I PHYIN CI LOG DANG, BKRA SHIS PA DANG BKRA SHIS MA YIN PA KUN TU SPYOD PA LAS RNAM PAR MA DAG PA DANG RNAM PAR DAG BAR LTA BA'I PHYIN CI LOG DAG, GCIG KHO NA LA RNAM PAR MA DAG PA RNAM PAR DAG PAR LTA PA'I PHYIN CI LOG DANG, KUN NYON DANG RNAM BYANG SPANGS PA DANG 'THOB PA 'GRIB PA DANG 'PHEL BAR LTA BAS SKRAG PA DANG NGA RGYAL 'BYUNG BA'I PHYIN CI LOG STE SNGAR BZHIN BDUN PA'AM THA MA GNYIS SU BGRANG BA'I BCU YOD PA'I PHYIR, KHA CIG BRGYAD STONG DON BSDUS SU RNAM GA-YENG GI RTOG PA BCU BSHAD PA DBUS MTHA'I RJES 'BRANG DU 'DOD PA'I DBANG GIS PHYIN CI LOG BCU BO 'DI RNAM GA-YENG GI RTOG PA BCU DANG SBYAR BA NI MI 'THAD BAR GO BAR BYA'O,, //TA// RGYAL BA'I SRAS RNAMS KYIS NI YOD DANG MED PA DANG, ,SGRO 'DOGS SKUR BA'I RTOG DANG GCIG DANG

, ,DU MA NYID, ,RANG DANG KHYAD PAR RTOG DANG MING DON JI BZHIN DU, ,MNGON PAR ZHEN PA'I RTOG PA YANG DAG SDANG BAR BYA, ,ZHES PA NI THEG BSDUS DANG 'DRA'O, ,YID LA 'DZIN PA RNAM PA LNGA, ZHES PA DPE MA DAG STE, CHOS DANG CHOS NYID RNAM 'BYED DU, MED PAR 'DZIN PA RNAM PA LNGA BSHAD PA DANG, YID LA MI BYED PA LA SOGS PA RNAM PA LNGA BSHAD PA MA GTOGS PA GZHAN MI SNANG BA'I PHYIR RO, ,DANG PO'I DON NI 'GREL PA LAS, MED PAR 'DZIN PA RNAM PA LNGA NI, MED PA'I CHOS 'DZIN PA DANG, MED PA'I GANG ZAG 'DZIN PA STE, DON DAM PAR 'DZIN PA'O, ,MED PA'I YONGS SU GYUR BA 'DZIN PA STE, CHOS RNAMS SKYE BA DANG 'GAG PAR 'DZIN PA GANG YIN PA'O, ,MED PA THA DAD PA 'DZIN PA NI CHOS DANG CHOS NYID DAG SO SO BAR MNGON PAR ZHEN PA'I PHYIR, MED PA'I SKUR BA NYID 'DZIN PA NI CHOS DANG GANG ZAG DAG BTAGS PAR YOD PA LA YANG SKUR BA 'DEBS PA'I PHYIR RO, ,ZHES PA LTAR RO, ,PHYI MA LNGA YANG DBUS MTHA' LAS; MTSAN NYID YONGS SU SHES PA NI YID LA MI BYED PA DANG, YANG DAG PAR 'DAS PA DANG, NYE BAR ZHI BA DANG, NGO BO NYID KYI DON DANG, MNGON RTAGS SU 'DZIN PA STE RNAM PA LNGA SPANGS PA'I RANG GI MTSAN NYID KYIS SO, ,ZHES RNAM PAR MI RTOG PA'I YE SHES KYI MTSAN NYID SHES PA LA DE DAG SPANGS DGOS BAR BSHAD DO,, //THA// RNAM BDEN RDZUN GYI KHYAD PAR

LA THOG MAR 'DI LTAR SHES PAR BYA STE, GZHI GCIG LA MTSON NA, BUM PA DE RANG GI CHA SHAS SU GYUR BA'I RDUL DU MA BSAGS PA'I YAN LAG CAN YIN PAR PHYI NANG GI GRUB MTHA' SMRA BA KUN GYIS 'DOD PA MTHUN ZHING, DE'I CHA SHAS SU GYUR BA'I RDUL DU MA NI YAN LAG DANG, BUM PA NI YAN LAG CAN YIN PAR YANG 'DOD PA MTHUN LA, 'ON KYANG BUM PA ZHES BYA BA'I YAN LAG CAN GYI NGOS 'DZIN LA 'DOD TSUL SNA TSOGS YOD DE, MU STEGS BYE RIG GNYIS KYIS BUM PA'I CHA SHAS SU GYUR BA'I RDUL MANG PO 'DAB 'BYOR DU PHRAD PA NA THOG MAR LDAN PA ZHES PA'I YON TAN DON GZHAN SKYE BA DANG, DE'I 'OG TU BUM PA ZHES PA'I YAN LAG CAN GYI RDZAS DON GZHAN SKYE BAR 'DOD PA DANG, NYAN THOS SDE GNYIS KYIS YAN LAG CAN GYI RDZAS DON GZHAN LA RIGS PAS GNOD PAR MTHONG NAS, BUM PA'I CHA SHAS SU GYUR BA'I RDUL MANG PO'I TSOGS PA TZAM BUM PA YIN GYI, TSOGS PA DE MA YIN PA'I YAN LAG CAN MED PAS BUM PA BTAGS YOD DU 'DOD PA DANG, SEMS TZAM PAS TSOGS PA DE BUM PA MA YIN GYI, BAG CHAGS SAD STOBS KYI DBANG GIS BUM PAR SNANG BA'I SNANG CHA BUM PA YIN PAS, BUM PA SEMS KYI RDZAS SU GRUB PAR 'DOD PA DANG, MDO SDE SPYOD PA'I DBU MA RANG RGYUD PAS MDO SDE BA DANG MTHUN ZHING, RNAL 'BYOR SPYOD PA'I DBU MA RANG RGYUD PAS SEMS TZAM PA DANG MTHUN PAR 'DOD LA, THAL 'GYUR BAS BUM PA'I CHA SHAS SU GYUR BA'I RDUL DU MA TSOGS PA LA BRDA DANG RTOG PAS

, ,BUM PA ZHES PHAR BTAGS TZAM BUM PAR 'DOD DO, ,DE LA MDO SDE BA'I LUGS LA DBANG SHES LA RAGS PA'I RNAM PA MI SNANG BAR RJE RGYAL TSAB MKHAS GRUB GNYIS KAS BSHAD CING, KHYAD PAR DU MKHAS GRUB RJES, DBANG SHES LA SNGON PO RAGS PA'I RNAM PAR SNANG BA MDO SEMS SU YANG KHAS MI LEN PAR BSHAD DO, ,RGYAL TSAB RJES, KHA DOG GI RNAM PAR SNANG BA DANG, CHA DU MA 'DUS PA'I GO SA GNON PA'I TSUL DU SNANG BA RNAMS RNAM BDEN RDZUN RTZOD PA'I GZHI DANG, BDEN RDZUN GYI DON NI MA RIG PAS BSLAD PA'I DBANG GIS BZHAG PA MIN PA'I SHES PA'I GZUNG YUL DANG, MA RIG PAS BSLAD PA'I DBANG GIS BZHAG PA'I SHES PA'I GZUNG YUL NI RIM BZHIN SKABS 'DI'I BDEN RDZUN GYI DON YIN GYI, SNGO SER SOGS KHAS LEN MI LEN DANG, SNGO SER SOGS RTOG PAS BTAGS TZAM YIN MIN DANG, DBANG SHES KYI GZUNG RNAM DNGOS POR YOD MED LA RTZOD PA MA YIN TE, RNAM BDEN RDZUN GNYIS KAS SNGO SER SOGS BDEN GRUB KYI DNGOS PO DANG, DBANG SHES KYI GZUGS RNAM DBANG SHES YIN PAR 'DOD PA MTHUN PA'I PHYIR, ZHES BSHAD CING, BSHAD TSUL DE NI RJE BDAG NYID CHEN PO'I DGONGS PA YIN PAR GSUNGS SO, ,YANG RNAM NGES DA RA tIKA LAS, SLOB DPON CHOS MCHOG GIS DBANG SHES LA RAGS PAR SNANG BA BDEN PAR GRUB PA BYE BRAG PAS 'DOD PA'I YAN LAG CAN GYI RDZAS

DANG MTSUNGS PAS LEGS PAR BKAG PA'I PHYIR DANG, LUS CAN ZHES BYA BA RVA ZENG DE BA MED KYI ZHES GSUNGS PA NI RAGS SNANG BDEN PAR GRUB NA PHYI ROL GYI DON MED PA MING TZAM DU GSUNGS PA'O, , ZHES RNAM RDZUN PA'I LUGS LA DBANG SHES LA RAGS PAR SNANG BA BDEN PAR MA GRUB PAR GSUNGS PA DANG, YANG DE NYID LAS, SEMS TZAM RNAM RDZUN PA RNAMS DBANG PO'I MNGON SUM LA RAGS PA GSAL PAR SNANG BA DANG, GSAL BAR SNANG BA DE YANG SHES PA'I RDZAS SU BZHED PAS DNGOS POR YOD MED SOGS SKABS 'DI'I BDEN RDZUN GYI KHYAD PAR MA YIN PA SHES PAR BYA'O, , 'THAD LDAN DU, RAGS PAR SNANG BA RNAM PAR RTOG PAS SPRUL BAR YANG RIGS PA MA YIN TE, GSAL BAR SNANG BA'I PHYIR DANG, RNAM PAR RTOG PA RNAMS NI GSAL BAR SNANG BA MA YIN PA'I PHYIRO, , ZHES SOGS GSUNGS SO, ,ZHES DBANG MNGON LA RAGS PA GSAL BAR SNANG BA DNGOS POR BSHAD PA GNYIS MI 'GAL TSUL GANG YIN DANG, GZHUNG DE GNYIS KYI RJES SU 'BRANG STE LCANG SKYA GRUB MTHAR; RAGS PA GSAL BAR SNANG BA SHES PA'I RDZAS YIN KYANG DE LTA BU'I RAGS PAR SNANG BA'I CHA NI MA RIG PAS BSLAD PA'I DBANG GIS SNANG BA'I 'KHRUL BA 'BA' ZHIG TU 'DOD DO, ,ZHES ZHIB CHA MDZAD PA YANG DPYAD GZHI CHE'O, ,DENG SANG RNAM DES DAR tIKA LTAR KHAS LEN PA SHAS CHE ZHING, GRUB MTHA' CHEN MO'I BSHAD TSUL YANG DAR t'IKA DE'I RJES SU 'BRANG BAR SNANG BAS,

, ,'DOD TSUL DE ZHIB TU BSHAD NA 'DI LTAR YIN TE, RNAM RDZUN PA'I LUGS LA, DBANG SHES LA SNGO SER SOGS RAGS PAR SNANG BA DANG, GO SA GNON PA'I GZUGS SU SNANG BA NI MA RIG PAS BSLAD PA'I 'KHRUL SNANG YIN PAS NA, SNGO SER SOGS RAGS PA MA YIN PA DANG, KHA DOG MA YIN PA DANG, GO SA GNON PA'I GZUGS MA YIN PAR 'GYUR RAM SNYAM PA'I HA CANG THAL CHE BA'I DPYAD PA BYA MI DGOS TE, SNGO SER RAGS PA DANG KHA DOG DANG GO SA GNON PA'I GZUGS MA YIN NA RAGS SOGS GSUM MI SRID PAR 'GYUR BA'I PHYIR DANG, DBANG SHES LA SNGO SER RAGS PA SOGS SU SNANG BA DE 'KHRUL SNANG YIN KYANG SNGO SER RAGS PA SOGS SU KHAS LEN PA MI 'GAL BA'I PHYIR TE, SO SKYE'I DBANG SHES LA SNGON PO RAGS PA SOGS SU SNANG BA DE 'KHRUL SNANG YIN ZHES PA NI DBANG SHES DES RANG LAS RDZAS LOGS SU GRUB PA'I SNGON PO RAGS PA SOGS SU SNANG BAS DE 'KHRUL SNANG YIN ZHES PA YIN GYI, SNGON PO RAGS PA MA YIN BZHIN DU RAGS PAR SNANG BAS RAGS SNANG DE 'KHRUL SNANG YIN ZHES BSHAD PA GTAN MA YIN PA'I PHYIR TE, DPER NA, DUNG DKAR SER POR SNANG BA'I DBANG SHES DUNG GI DBYIBS LA 'KHRUL ZHES PA NI DE DUNG SER KYI DBYIBS SU SNANG BAS DBYIBS LA 'KHRUL ZHES PA YIN GYI, DUNG GI DBYIBS LAS DBYIBS GZHAN DU

SNANG BAS DBYIBS LA 'KHRUL ZHES PA MA YIN PA BZHIN NO, ,RNAM BDEN RDZUN GYI KHYAD PAR NI SNGAR BSHAD PA LTAR YIN GYI, SNGOR SNANG DBANG SHES KYI GZUNG RNAM DANG SNGON PO'I RNAM PA DNGOS POR 'DOD MI 'DOD KYIS RNAM BDEN RDZUN DU PHYE BA MA YIN TE, RNAM BDEN RDZUN GNYIS KAS DBANG SHES KYI GZUNG RNAM DBANG SHES SU 'DOD PA MTHUN PA'I PHYIR ZHES PA NI RGYAL TSAB RJE'I BZHED PA'O; ;MKHAS GRUB RJE'I BZHAD PA LTAR NA, RNAM BDEN RDZUN GYI KHYAD PAR NI DBANG SHES KYI GZUNG RNAM DNGOS POR 'DOD MI 'DOD KYIS BYED DE, RNAM BDEN PA DANG MDO SDEB GNYIS KA'I LUGS LA SNGON 'DZIN MIG SHES KYI GZUNG RNAM ZHES PA'I GZUNG BA NI SNGON PO DANG, RNAM PA ZHES PA NI SNGON 'DZIN MIG SHES DE GZUNG BA SNGON PO'I RNAM PAR SKYES PA LA BYED CING, RNAM RDZUN PA'I LUGS LA SNGON 'DZIN MIG SHES KYI GZUNG RNAM ZHES PA RAB RIB CAN LA SNANG BA'I NAM MKHA'I SGRA SHAD LTAR SGRO BTAGS SU 'DOD PA'I PHYIR TE, SDE BDUN RGYAN LAS, SEMS TZAM PA LA YANG SHES PA'I GZUNG RNAM RDZAS GRUB TU 'DOD PA RNAM BDEN PA DANG, GZUNG RNAM SGRO BTAGS SU 'DOD PA RNAM RDZUN PA GNYIS YOD CING, ZHES DANG, MIG SHES KYI GZUNG RNAM NI MIG SHES NYID YIN LA, MIG SHES LA RNAM PA SHAR ZHES PA'I DON RANG RGYU LAS RANG NYID YUL GYI RNAM PAR SKYES PA LA BYA'I, RANG LAS GZHAN PA'I RNAM PA 'CHAR RGYU YOD PA MA YIN NO, ,

, ,ZHES DANG, RNAM PA SHAR BA'I DON DE LTAR 'DOD PAR MDO SEMS GNYIS KA MTHUN KYANG, MDO SDE BA MIG SHES GZUGS KYI RNAM LDAN DU RANG RGYU PHYI ROL GYI GZUGS LAS SKYES PAR 'DOD LA, RNAM RIG PA BAG CHAGS KYI DBANG GIS RNAM PA'I NGO BOR SKYES PAR 'DOD PA KHYAD PAR YIN LA, 'ON KYANG DE LTAR 'DOD PA'I RNAM RIG PA NI RNAM BDEN PA'I DBANG DU BYAS PA YIN NO, ,ZHES GSUNGS PA'I PHYIR, BSHAD TSUL 'DI NI GSER PHRENG DANG LEGS BSHAD SNYING PO DANG LAM RIM CHEN MO LAS RNAM BDEN RDZUN GYI KHYAD PAR ZUR TZAM BYUNG BA DANG MTHUN SHAS CHE ZHING, GZHUNG CHEN MO RNAMS SU RNAM BDEN RDZUN DANG RNAM PA DNGOS PO DANG DNGOS MED DU 'DOD PA DANG RNAM BCAS RNAM MED KYI THA SNYAD BTAGS PA RNAMS KYI SGRA DON BSHAD SLA ZHING, RGYA GZHUNG 'GA' ZHIG GI TSIG ZIN DANG YANG MTHUN TSABS CHE BAR SNANG YANG, RNAM NGES DAR tIKA GI BSHAD TSUL DE YANG RJE BDAG NYID CHEN PO'I BZHED PA RNAM PAR DAG PA YIN PAR RGYAL TSAB RJES DNGOS SU ZHAL GYIS BZHES BAS NA, RMONGS RTUL BDAG LTA BUS 'THAD MI 'THAD KYI RNAM DBYE BYAR MI RUNG ZHING, DGONGS PA GCIG TU 'CHAR BAR YANG MI SPOBS SO, ,MDO DANG SDE BDUN GYI BSKOR LA RJE BDAG NYID CHEN POS LJAGS BSHAD GNANG BA MA GTOGS DNGOS SU 'GREL BA MA MDZAD PAS, DENG SANG TSAD MA'I GZHUNG GI BSHAD TSUL MI 'DRA BA SNA TSOGS BYUNG BA LA DPAG NA, RJE MKHAS GRUB

DGE LEGS DPAL BZANG POS, MI ZAD DUS MTHA' 'DI 'ONGS TSE, ,KHYOD KYIS MA BZUNGS DAM CHOS KUN, ,CHU DANG BRAL BA'I PADMO NI, ,BA MOS REG PA LTA BUR GYUR, ,ZHES GSUNGS PA NI RANG BZHIN BRJOD PA'O,, //DA// RNAM RDZUN PA NA RE, GAL TE DBANG SHES GZUNG BA'I RNAM PAR SKYES NA RAGS PA GCIG YIN PA 'AM RDUL PHRA RAB DU MA YIN GRANG NA, GNYIS KA LTAR YANG PHYI DON 'GOG BYED KYI RIGS PAS GNOD PAR SMRAS PA LA, RNAM BDEN PA NA RE, PHYI ROL GYI RDUL BSAGS PA'I LUS CAN LA SKYON DE DAG 'BYUNG BAR 'GYUR GYI, LUS CAN MA YIN PA'I RNAM PAR SHES PA RDUL MANG PO'I RNAM PAR SKYES PA LA SKYON DE DAG MI 'BYUNG NGO, ,ZHES ZER RO, ,DE LA (RNAM) RDZUN PA NA RE, PHYI ROL GYI LUS CAN (ZHES PA) RVA ZENG NGE BA MED KYI, RDUL MANG PO PHAN TSUN PHRAD NAS BONG TSAD RGYAS PAR GYUR BA LA LUS CAN ZHES BYA LA; RNAM PAR SHES PA RDUL MANG PO'I RNAM PAR SKYES NA LUS CAN YIN PAR THAL BA'I PHYIR TE, RDUL MANG PO'I RNAM PAR SKYES NA PHYI DON YIN NA LUS CAN DANG SHES PA YIN NA LUS CAN MA YIN PA'I KHYAD PAR MI 'THAD PA'I PHYIR, ZHES ZER TE, MANGS SU DOGS NAS GZHUNG MA DRANGS PAS BDE GSHEGS GZHUNG 'GREL LAS SHES PAR BYA'O,, //NA// GAL TE DBANG SHES KYI GZUNG RNAM DE RDUL MANG PO'I RNAM PAR SKYES PA MIN GYI, RDUL CHA MED GCIG GI RNAM PAR SKYES PA YIN ZER NA, CHA MED KYI GCIG YIN NA PHYOGS KYI CHA BCAS YIN PA 'GAL BA DANG, PHYOGS KYI CHA BCAS

, ,YIN KYANG CHA MED KYI GCIG YIN NA BYE BRAG PAS BTAGS PA'I YAN LAG CAN GYI RDZAS CI'I PHYIR MI 'DOD DE KHYAD PAR CI YOD, //PA// RNAM PAR SHES PA RAGS PA'I RNAM PAR SKYES PA MA YIN ZHING, RDUL MANG PO'I RNAM PAR SKYES KYANG RAGS PA'I RANG BZHIN MA YIN NO ZHE NA ZHES PA'O,, //PHA// DBANG SHES KYI GZUNG RNAM BDEN PAR MED NA RIG PA YANG BDEN PAR GANG GIS RTOGS PAR BYED, DBANG SHES KYIS MI BDEN PA GSAL BAR BYED NA BDEN PA YANG GSAL BAR BYED DGOS TE, BDEN PAS NYES PA CUNG ZAD KYANG MA BYAS PA'I PHYIR, ZHES RNAM BDEN PAS BRTZAD PA NA, RNAM RDZUN PAS, GZUNG RNAM RDUL CHA MED KYI RNAM PAR SKYES NA PHYOGS KYI CHA BCAS YIN PA 'GAL ZHES SOGS SNGAR LTAR RO, ,'DIR CHED DAM ZHES PA DPE MA DAG STE, CHA MED DAM GCIG BUR MI RUNG ZHES 'DON DGOS SO,, //BA// BDEN PA RNAMS DE DANG CHOS MTHUN PAR MI 'GRUB PO ZHES SOGS 'DI SAD PA DANG RMI LAM GYI SNANG BA GNYIS LA BDEN MI BDEN GYI KHYAD PAR YOD MED LA PHYI DON KHAS LEN MKHAN DANG SEMS TZAM PA GNYIS BRTZAD PA'I GZHUNG DU SNANG BAS NA 'DIR RNAM BDEN RDZUN GNYIS KYI RTZOD TSUL DU BSHAD PA DPYAD DGOS SO,, //MA// RGYUN CES BYA BA NI DON DAM PAR YOD PA MA YIN NO ZHES SOGS KYI GZHUNG 'DI CHOS MCHOG GI RNAM NGES KYI 'GREL BSHAD LAS BYUNG BAS, YANG DE NYID LAS ZHES PA LA BRTEN NAS DRANGS

MA THAG PA'I DZE T'A RI'I GZHUNG DU 'KHRUL BAR MI BYA'O, ,SKAD CIG SNGA PHYI MANG PO RANG GI CHA SHAS SU LDAN PA'I CHA CAN LA RGYUN DANG, RDUL MANG PO RANG GI CHA SHAS SU LDAN PA'I CHA CAN LA RAGS PA ZHES BYA BA YIN KYANG, RAGS RGYUN SPYI LDOG MA 'DUS MA BYAS SU BSHAD PA'ANG YOD PAS DON DAM PAR MED CES PA YIN NAM, YANG NA RDZAS SU MED CES PA YIN DPYAD DGOS SO, ,SKAD CIG SNGA PHYI 'AM YAN LAG DU MA LA KHA BSGYUR MA BSGYUR DANG, GA-YO MI GA-YO DANG, BSGRIBS MA BSGRIBS KYI 'GAL BA'I CHOS DU MA DANG LDAN PAS NA RAGS RGYUN CHA MED KYI GCIG TU MI RUNG ZHES PA'O, ,GAL TE DE LTAN DBANG SHES KYI GZUNG RNAM CHA MED KYI RDUL DU MA'I RNAM PAR SKYES ZER NA, 'DI LA YANG PHYI ROL GYI RDUL CHA MED LA DRUG GIS GCIG CHAR BSKOR BA'I RIGS PAS GNOD PA LTAR RNAM PAR SHES PA'I RDUL CHA MED KYANG DES 'GOG NUS PAR BSHADO, ,DE LA RNAM BDEN PAS LUS CAN NYID LA SKYON 'DIR 'GYUR GYI ZHES SOGS SKYON SPONG SNGAR LTAR DANG, RNAM RDZUN PAS LUS CAN ZHES BYA BA RVA ZENG NGE BA MED KYI, TSAD CHUNG NGU MANG PO PHAN TSUN PHRAD NAS YUL RGYAS PAR GYUR BA NI LUS CAN YIN LA, DBANG SHES CHA MED KYI RDUL MANG PO'I RNAM PAR SKYES NA LUS CAN NAM RAGS PAR 'GYUR BA LA KHYAD PAR MED PA'I PHYIR KUN RDZOB BAM BTAGS PA'I YOD PAR THAL BAS NA, RDUL DU MA'I RNAM PAR SKYES PA YANG MI RIGS SO,, //TZA// DBANG SHES LA RAGS PA GSAL BAR SNANG BAR NYAMS SU MYONG BA DE'I PHYIR GANG DANG

, ,LDAN PAS YOD PA MA YIN PA'I RAGS PA'I RNAM PA STON PAR BYED PA'I SHES PAS MED PA GSAL BAR BYED NUS PA YANG YIN NO, ,RAGS PA'I RNAM PA MED NA RNAM PAR SHES PA'I RDUL PHRA RAB KHAS LEN PA'I DGOS PA MED DE, DBANG SHES RAGS PA'I RNAM PAR MI SKYES NA RDUL MANG PO'I RNAM PAR SKYE MI RUNG BA'I PHYIR, //TSA// GSAL BAR SNANG BA'I YUL THAMS CAD YOD PA ZHIG DGOS NA TSANGS PAS KYANG DBANG SHES 'GA' ZHIG 'KHRUL BAR SGRUB MI NUS PAR 'GYUR TE, DBANG SHES THAMS CAD GSAL SNANG CAN YIN PA'I PHYIR RO, , //DZA// GZUNG RNAM MI BDEN YANG SHES PA'I RDZAS SU YOD NA BRGYA BYIN GYIS KYANG SHES PA MI BDEN PA 'GOG MI NUS SHING, GSAL BAR SNANG BAR NYAMS SU MYONG BA THAMS CAD BDEN PAR SUS KYANG BZHAG PAR MI NUS SO, ,ZHES PA'O, ,'DI NI DBANG SHES KYI GZUNG RNAM SGRO BTAGS SU KHAS LEN PA'I DBANG DU BYAS PA'I BSHAD TSUL YIN NO, ,RNAM RDZUN PA'I LUGS LA YANG DBANG SHES KYI GZUNG RNAM SHES PA'I RDZAS SU 'DOD NA SNGAR GYI GZHUNG DE DAG GI DON LA BSHAD TSUL GZHAN BYA DGOS SO,, //WA// RNAM BDEN RDZUN GYI KHYAD PAR SNGAR BSHAD PA'I RGYAL TSAB RJE'I BZHED PA LTAR 'DOD NA DBANG SHES KYIS RAGS PA SOGS SU SNANG BA LTAR BDEN PAR YOD MED NI DBANG SHES KYI GZUNG RNAM BDEN PA DANG RDZUN PA'I DON YIN GYI, GZUNG RNAM

KHO RANG BDEN PAR YOD MED LA MI BYED DE, DBANG MNGON GYIS RAGS SOGS LA 'KHRUL BA NI DBANG MNGON MI BDEN PA'I DON DANG, YUL LNGA DBANG SHES LA SNANG BA LTAR DU MA GRUB PA NI YUL MI BDEN PA'I DON YIN PAR 'DIR BSHAD PA'I PHYIR RO, ,CHOS MCHOG GI RNAM NGES 'GREL BSHAD LAS, DE'I PHYIR MA RIG PA'I NUS PA DANG LDAN PA'I SHES PA MI BDEN PA'I RANG BZHIN GSAL BA'I BYED PA YIN PA'I PHYIR MA RIG PA'I DBANG GIS GSAL BA YIN NO ZHES BRJOD PA LA NI KHA NA MA THO BA YOD PA MA YIN NO, ,DE'I PHYIR DE LTAR DON MED PAR 'DZIN PA'I SHES PA THAMS CAD MI BDEN PA GSAL BAR BYED PA'I MA RIG PA'I BDAG NYID DU BLTA BAR BYA'O, ,ZHES MED PA GSAL BAR SNANG BA'I DBANG MNGON THAMS CAD MA RIG PA'I DBANG GIS 'KHRUL PA'I PHYIR MA RIG PA'I GZHAN DBANG CAN DU BSHAD DO, , //ZHA// GSAL BAR SNANG BAR 'DRA YANG SNANG TSUL LTAR DU GRUB PA LA RIGS PA'I GNOD PA YOD MED KYIS SLU MI SLU 'KHRUL MA 'KHRUL SOGS SU BSHAD DO,, //ZA// GNOD PA ZHES BYA BA 'DI CI YIN ZHES SOGS KYI GZHUNG NI PHYI DON YOD MED BRTZAD PA'I SKABS SU BYUNG LA, DON NI, RMI LAM GYI SHES PA'I YUL LA SAD PA'I SHES PAS GNOD ZER BA LA, GNOD PA ZHES PA CI YIN, MI BDEN PAR SHES PA NI GNOD PA'I DON YIN ZER NA, RANG GI YUL SGRUB PA NI SHES PA'I CHOS YIN LA GZHAN GYI YUL 'PHROG PA NI MI'I BDAG PO RNAMS KYI CHOS YIN NO, ,DES NA SAD PA'I SHES PAS RMI LAM GYI

, ,YUL MED PA JI LTAR SGRUB PAR BYED ZHES PA'O,, //'A// PHYI ROL GYI DON DU SNANG BA LTAR YOD PA MIN TE, SEMS NI BAG CHAGS KYI DBANG GIS YUL SNA TSOGS SU SNANG ZHING; LUS DBANG PO DANG LONGS SPYOD DBANG YUL DANG GNAS DBANG RTEN DANG SNOD KYI 'JIG RTEN GYI RNAM PAR SKYES PAS NA, CHOS THAMS CAD SEMS KYI BDAG NYID TZAM DU NGAS BSHAD DO, , ZHES PA'O, ,GNAS PA BSDUS PA'I GZHUNG GI RKANG PA DANG PO GNYIS KYIS GZUGS SOGS SO SOR SNANG BA'I SEMS DE BAG CHAGS KYI DBANG GIS GZUNG BA'I RNAM PAR SKYES PAR BSTAN, DE NAS GNYIS KYIS RNAM PA DE PHYI ROL GYI YUL LAS MI SKYE BAR BSTAN, THA MA GNYIS KYIS GZUNG 'DZIN GNYIS SU MED PAR SEMS KYI RDZAS GCIG TU ZAD PA NI RI DAGS BSE RU GROGS MED PAR GCIG BUR GNAS PA DANG 'DRA BAR GSUNGS SO, ,SNAR THANG BAR MAR, BSE RU LTA BUR THUB PAS GSUNGS, ZHES BYUNG BAS, 'DIR BE BUR ZHES PA YI GE NOR RAM SNYAM MO, ,BYANG CHUB SEMS 'GREL LAS, GZUNG DANG 'DZIN PA'I TSUL GYIS NI, ,RNAM PAR SHES PA SNANG BA STE, ,RNAM SHES LAS NI LOGS SHIG NA, ,PHYI ROL DON NI CUNG ZAD MED, ,DE PHYIR PHYI ROL DON RNAMS NI,, DNGOS PO'I NGO BOR NAM YANG MED, ,RNAM SHES SO SOR SNANG BA NI, ,GZUGS KYI RNAM PAS SNANG BAR 'GYUR, ,ZHES PAS PHYI DON MED PA GSAL BAR BSTAN PA MA GTOGS RNAM BDEN RDZUN GYI

KHYAD PAR BSTAN PAR RTOGS DGA' BAS NA, 'DIR TSIGS BCAD DANG PO RNAM BDEN PA DANG, RKANG PA THA MA GNYIS RNAM RDZUN PA DANG SBYAR BA'I DGONGS PA BTZAL BAR BYA'O,, //YA// KHA CIG STE RNAM BDEN PAS SHES RAB RTZAL TE RIGS PAS GZUNG BA STE GZUGS SOGS PHYI DON GYIS STONG BAR RAB TU SHES SHING, 'DZIN PA STE NANG SHES PA'I RDZAS SU GRUB PAR LTA BA STE 'DOD DO, ,ZHES PA'O, ,KHA CIG CHOS KUN ZHES SOGS KYI GZHUNG 'DI NI, KHA CIG RNAM PA 'KHRUL BAR SMRA, ,DPER NA MKHA' LA GZUGS MTHONG BZHIN, ,SEMS NYID SNANG MED MKHA' 'DRA BA, ,DON DAM NYID DU GRUB PAR 'DOD, , KHA CIG CHOS KUN RANG RIG LUS, ,SNA TSOGS BRTAGS BAS RNAM PAR DBEN, ,DPER NA RMI LAM NYAMS MYONG BZHIN, ,GNYIS MED YE SHES GRUB PAR 'DOD, ,CES RNAM RDZUN PA'I GZHUNG DANG DGYES GCIG TU BYUNG ZHING, DON YANG YUL GYI RNAM PAS KHA BSGYUR BA'I SHES PA MI 'DOD PAS RANG GI BDAG NYID RIG PA'I SHES PA 'BA' ZHIG LUS SHING, YUL GYI RNAM PA SNA TSOGS SU SGRO BTAGS PAS DBEN ZHING YUL YUL CAN GYI GNYIS SNANG NUB PA'I YE SHES TE SHES PA BDEN PAR GRUB PAR 'DOD CES PA LTA BUR SNANG BAS NA, 'DIR RNAM BDEN PA'I SKAB SU DRANGS PA YANG DPYAD DGOS SO, , //RA// NANG GI SHES BYA'I NGO BO YIN KYANG PHYI ROL LTA BUR SNANG BA'I SNGO SOGS NI SNGOR SNANG DBANG SHES SOGS KYI DON TE DMIGS RKYEN YIN TE, DBANG SHES DE'I RNAM PAR SHES PAR BYA BA'I NGO BO YIN

, ,BA'I PHYIR DANG, DE DE'I RKYEN NYID KYANG YIN PA'I PHYIR RO, ,MDOR NI DE DO'I DMIGS PA YANG YIN RKYEN YANG YIN PA'I CHOS GNYIS DANG LDAN PAS NA DE DE'I DMIGS RKYEN YIN NO ZHES 'CHAD PAR, NANG GI SHES BYA'I NGO BO NI, ZHES PA NAS, DE RKYEN NYID KYANG YIN PHYIR RO, ,ZHES SO, ,DMIGS PA YIN MOD RKYEN JI LTAR YIN ZHE NA, GCIG CHA 'ANG MI 'KHRUL PHYIR NA RKYEN; ZHES DBANG SHES LA SNANG BA'I SNGON PO DE DBANG SHES GCIG PO DE'I BDAG NYID DU GYUR BA'I CHA YIN KYANG, SNGON PO YUL DU YOD NA SDOR SNANG DBANG SHES SKYE, MED NA MI SKYE BA'I RJES SU 'GRO LDOG MI 'KHRUL BA'I PHYIR NA RKYEN ZHES BSHAD DO, ,'DI SNANG BA'I DMIGS RKYEN DANG DMIGS RKYEN BTAGS PA PAR RNAM NGES DAR tIKA LAS BSHAD CING, SDE BDUN RGYAN DU RGYU 'BRAS DUS MNYAM SRID PA DANG RGYU 'BRAS LA RDZAS GZHAN GYIS MA KHYAB PAR 'DOD PA'I CHOS MNGON PA BA'I SLOB DPON DBYIG GNYEN LA SOGS PA SNGA MA DAG GI 'DOD PA YIN GYI, PHYOGS GLANG NYID KYI RANG LUGS MIN PAR BSHAD DO, ,'ON KYANG BSHAD TSUL PHYI MA 'DI DPYAD NA DKA' STE, SNGON PO DANG SNGOR SNANG DBANG SHES RDZAS GZHAN MA YIN PAR 'DOD PA'I NYAN THOS SDE BA 'JOG DKA' BA'I PHYIR RO, ,YANG NA, NUS PA 'JOG PHYIR RIM GYIS YIN, ZHES SHES PA SNGA MA SNGA MA'I STENG GI DBANG SHES PHYI MA YUL GYI RNAM LDAN DU BSKYED PA'I NUS PA DE, RIM GYIS DBANG SHES PHYI MA PHYI MA'I DMIGS RKYEN YIN TE,

DE DAG LA RNAM PA 'JOG PA'I RKYEN YIN PA'I PHYIR ZHES BSHAD DO, ,DES NA NUS PA CHOS CAN DU BYAS NAS, 'JOG PHYIR ZHES PA SGRUB BYED DU SBYAR BA YIN GYI, NUS PA 'JOG PA'I PHYIR ZHES SPREL NAS SGRUB BYEDU 'GOD PA NI MA 'BREL BAR SDE BDUN RGYAN DU BSHAD DO, ,'DI LA NUS PA 'JOG PA'I DMIGS RKYEN ZHES RNAM NGES DAR t'IKA LAS BSHAD KYANG, RNAM PA 'JOG PA'I DMIGS RKYEN ZHES PA'I THA SNYAD 'DOGS NA LEGS PAR KHA CIG BSHAD PA YANG YOD DO, ,'DIR DBANG SHES KYI DMIGS RKYEN DU BSHAD PA'I GZUNG RNAM NI GZUNG RNAM BTAGS PA PA LA BYED DGOS TE, SNGON PO DANG SNGON 'DZIN MIG SHES RIM BZHIN GZUNG RNAM 'DZIN RNAM BTAGS PA BA DANG, MIG SHES DANG DE MYONG BA'I RANG RIG RIM BZHIN GZUNG RNAM 'DZIN RNAM MTSAN NYID PAR TSAD 'BRAS KYI RNAM GZHAG CHEN MOR BSHAD PA'I MTSAN NYID PA LA BYAS NA DBANG SHES KYI DMIGS PAR MI RUNG BA'I PHYIR RO, ,DE LTA NA RNAM BDEN PA THUN MONG MA YIN PA'I LUGS SU JI LTAR 'GYUR DPYAD DGOS SO, ,DUL LHA'I GZHUNG 'DI YANG, SHES BYA'I NGO BO ZHES BYA BA NI YUL GYI RNAM PA GZUNG BA'I CHA ZHES BYA BA'I THA TSIG GO ,ZHES PA NAS, GZUNG BA'I CHA DE NI DMIGS PA'I MTSAN NYID DU RUNG BA'I PHYIR DMIGS PA'I RKYEN NYID DU BSHAD DO ZHES BSHAD PA YIN NO, , ZHES SHES PA'I GZUNG CHA 'DZIN MKHAN RNAM SHES KYI DMIGS RKYEN DU BSHAD LA, ZHES 'DON NA YI GE DAG PAR 'GYUR RO,, //LA// SHES PA SNGO SOGS SNA TSOGS PA, ,SHES PA'I KHYAD PAR

, ,GZHAN BRTEN MED, ,MTHONG NUS MA YIN DE YI TSE, ,RNAM DBYE DON LA 'JUG PAR 'GYUR, ,SHES GANG JI LTAR SNANG BA DE, ,DE LTA NYID DU MYONG BA YIN, ,DE LTAR SEMS KYI RNAM PA NI, ;SNA TSOGS GCIG GI NGO BOR 'GYUR, ,ZHES DBANG SHES LA SNGO SER SOGS SNA TSOGS PA SNANG BA'I TSE, ,SHES PA DE'I KHYAD PAR TE CHA SHAS RNAM PA DE RNAMS SHES PA DE LAS RDZAS GZHAN DU BRTEN PA MED DE, GZHAN DU YOD NA RANG RIG GIS SO SOR MTHONG DGOS PA LA DE LTAR MTHONG BAR NUS PA MA YIN PA'I PHYIR RO, ,DE'I TSE RJES KYI RTOG PAS THA DAD DU RNAM DBYE BYED PA NI SGRA DON LA 'JUG PAR 'GYUR BA TZAM YIN PA'I PHYIR, SNGAM LA KHYAB PA YOD DE, SHES PA GANG LA RNAM PA JI LTAR SNANG PA DE LTA NYID DU RANG RIG GIS MYONG BAS KHYAB PA YIN PA'I PHYIR, DE LTAR NA SEMS KYI RNAM PA NI SNA TSOGS GCIG GI NGO BOR 'GYUR BA LA 'GAL BA MED DO, ,ZHES BSHAD CING, GANG TSE SHES CHA DON DU NI, ,BZHAG PHYIR SHES PA YUL BCAS PA, ,DE TSE BDAG NYID NYAMS MYONG GANG, , DE NYID DON DU RNAM PAR NGES, ,ZHES SHES PA RANG GI RDZAS KYI CHA SNGON PO DE NYID RANG LA RGYANGS CHAD DU SNANG BA LA 'KHRUL GZHI BYAS NAS RJES KYI RTOG PAS PHYI ROL GYI DON DU NI BZHAG PA'I PHYIR, GANG GI TSE SNGOR SNANG DBANG PO'I SHES PA YUL SNGON PO DANG BCAS PA DE'I TSE RANG GI BDAG NYID DU GYUR BA'I SNGON PO NYAMS SU MYONG BA GANG YIN PA DE NYID LA BLO 'KHRUL BAS PHYI ROL GYI DON DU RNAM PAR NGES

SHING ZHEN PA YIN NO, ,ZHES BSHAD LA, DE DGAG YANG DE LTA'I DNGOS, ,BKAG MED GSAL BAR SNANG BA NYID, ,SHES PA'I NGO BO'I DON NYID PHYIR, ,SKRA SOGS ZHES BYA'I BLO DAG NI, ,SBYI YI SPYOD YUL CAN YIN LA, ,SKRAR SNANG DON MED CAN YIN NO, ,GAL TE SPYI NI SHES NGO BO'I, ,DON NYID YIN NA THAL BAR 'GYUR, ,DE LTAR 'DOD PHYIR SKYON YOD MIN, ,ZHES PA'I BKAG MED YAN CHAD KYIS RTOG PA LA SBRA SOGS SU SNANG BA SPYI MTSAN DU BSTAN, DE NAS RKANG PA PHYED DANG GNYIS KYIS SKRAR SNANG DBANG SHES KYI NGO BOR GYUR BA'I GZUNG RNAM RANG MTSAN DU BSTAN, DE NAS GNYIS KYIS SKRA SOGS LA RTOG PA'I BLO SPYI'I SPYOD YUL CAN DU BSTAN, DE NAS GCIG GIS SKRAR SNANG DBANG SHES LA GZUNG DON MED PAR BSTAN, DE NAS GSUM GYIS DON SPYI'I RNAM BA SHES PA'I NGO BO YIN NA RANG MTSAN DU THAYA ZHES RTZOD PA'I LAN DU ,DON SPYI SHES PA'I NGO BO MA YIN KYANG DON SPYI'I RNAM PA SHES PA'I NGO BO YIN PAS RANG MTSAN DU 'DOD PA'I PHYIR SKYON MED CES BSHAD DO,, //SHA// SGONG PHYED TSAL BA 'DI BYE BRAG SMRA BA DANG CHOS MTHUN TE, BYE SMRAS GZUNG BA RTOGS PA'I BLO DANG 'DZIN PA RTOGS PA'I BLO RIM CAN DU SKYES PA DANG RDZAS THA DAD DU 'DOD PA LTAR, 'DIS KYANG GZUNG RNAM DANG 'DZIN RNAM RIM CAN DU SKYES SHING RDZAS THA DAD DU 'DOD PA'I PHYIR RO, ,ZHES PA'O, ,'ON KYANG 'DI'I 'DZIN RNAM ZHES PA 'DZIN PA RTOGS PA'I BLO LA BYED KYI RANG RIG LA MI BYED DE, LUGS 'DIS RANG RIG MI 'DOD

, ,PAR RNAM NGES DAR tIKA LAS BSHAD PA'I PHYIR RO, ,GANG PHYIR SHES CHA DON DU NI, ZHES SOGS KYI DON SNGAR BSHAD ZIN PA DANG, GANG SNANG DE 'DIR RANG YIN TE, ZHES SOGS KYIS SHES PA LA GANG SNANG BA DE SKABS 'DIR SHES PA RANG GI BDAG NYID YIN TE, RANG LAS RDZAS GZHAN PA'I YUL GANG YIN PA DE NI MI SNANG BA NYID DO ZHES BSHAD PA LTA BUR SNANG BAS NA SGONG PHYED TSAL BA'I SHES BYED DU 'GRO LUGS JI LTAR YIN DPYAD DO,, //SA// YUL YUL CAN GNYIS KA SHES PA'I BDAG NYID YIN PAS RANG RIG GIS MYONG BAR BYA BA'I NGO BO TZAM YIN PA'I PHYIR DANG, KUN GZHI'I NGO BO RANG RIG GI MYONG BYA TZAM DE'I STOBS LAS BYUNG BA'I RTOG PAS ZHES SOGS 'DI NI, BDE GSHEGS GZHUNG 'GREL LAS, NANG DU SNANG BA'I SHES PA 'DI GZHAN YIN LA, PHYI ROL TU SNANG BA YANG GZHAN KHO NA'O, ,GNYIS PO DE LA YANG GNYIS MED PA YIN TE, RANG RIG PA TZAM YIN PA'I PHYIR RO, ,DE'I STOBS KYIS BYUNG BA'I RNAM PAR RTOG PAS NI DE DAG LA GZUNG BA DANG 'DZIN PA'I NGO BOR SGRO 'DOGS PA DE LA DES SGRO BTAGS PA'I GNYIS KYI NGO BO RDZUN PA YIN LA, GNYIS MED PA NI RDZUN PA MA YIN TE, DE SKAD DU, RTOG PA GCIG NI NANG DU SNANG, , GZHAN NI PHYI ROL SNANG BA STE, ,DE DAG MAR ME GNYIS BZHIN DU, ,GSAL BYA GSAL BYED NYID MA YIN, ,DKAR DANG BDE SOGS RIG PA YIN, ,RIG BYA RIG BYED NGO BO NI, ,DE YI NUS PA LAS BYUNG

BA'I; ;RTOG PA TZAM GYIS SBRUL BA YIN, ,ZHES BSHAD PA YIN NO, ,ZHES PA'I DON BKOD PAR SNANG YANG DPYAD PAR BYA STE, LUGS 'DIS RANG RIG MI 'DOD PAR RNAM NGES DAR t'IKA LAS BSHAD PA DANG, 'JUG t'IKA CHEN MO LAS KYANG 'DOD TSUL 'DI RANG RIG 'DOD PA'I MDO SEMS KYI LUGS SU 'JOG DKA' BAR GSUNGS PA'I PHYIR DANG, LUNG DON YANG GZHAN DU BSHAD CHOG PA'I PHYIR TE, NANG DU SNANG BA'I SHES PA NI SNGON 'DZIN RTOGS PA'I BLO DANG, PHYI ROL TU SNANG BA NI SNGON 'DZIN MIG SHES LTA BU LA BYED CING, DE GNYIS RIM CAN DU SKYES PAS RDZAS GZHAN YIN KYANG, DE GNYIS KA RANG GI BDAG NYID DU GYUR BA'I YUL RIG PA TZAM YIN PAS NA GZUNG 'DZIN RDZAS GZHAN DU MA GRUB PA DANG, DE GNYIS KA'I STOBS KYIS BYUNG BA'I RJES KYI RTOG PAS SNGON PO DANG SNGON 'DZIN LA PHYI ROL GYI, GZUNG BA DANG 'DZIN PA'I NGO BOR SGRO 'DOGS PA DANG, DES SGRO BTAGS PA LTAR DU MA GRUB PAS RDZUN PAR BSHAD PA'I PHYIR, ZHES PA NI BLO GSAR BA RNAMS DPYAD PA 'JUG CHED DU DOGS SLONG GI TSUL DU BKOD PA YIN GYI, BSHAD TSUL SNGA MA DE MTHA' GCIG TU MI RUNG ZHES DGAG PA BTANG BA MIN NO,, //HA// SNGON PO DANG SNGON 'DZIN GRUB DUS MI GCIG PAR 'DOD PA LA SKYON BRJOD PA MIN GYI, GRUB DUS GCIG MI GCIG GANG YIN KYANG RUNG DMIGS DUS MI GCIG PAR 'DOD PA LA SNGON 'DZIN DANG DE RTOGS PA'I BLO PHAN TSUN LKOG TU 'GYUR ZHES SKYON BRJOD PA YIN PA'I PHYIR TE, RNAM NGES RANG

, ,'GREL LAS, YUL NI RNAM PAR SHES PA'I RGYUR GNAS PA'I PHYIR SNGAR DMIGS LA RIG PA NI PHYIS YIN NO ZHE NA, ZHES DANG, DE'I DAR t'IKA LAS KYANG, SNGON PO DANG DE 'DZIN PA'I DBANG SHES LHAN CIG DMIGS NGES SU MA GRUB STE, YUL SNGON PO NI SNGO 'DZIN RNAM PAR SHES PA'I RGYUR NYE BAR GNAS PA'I PHYIR, DE LAS SNGAR DMIGS LA SNGON PO RIG PA NI PHYIS DMIGS PA YIN NO ZHE NA, ZHES GSUNGS PA'I PHYIR DANG, SGO NGA PHYED TSAL BAS SNGON PO DANG SNGON 'DZIN GRUB DUS MI GCIG KYANG DMIGS DUS GCIG TU 'DOD PAR DENG SANG RLUNG LTAR GRAGS KYANG, 'DI NI RANG RIG KHAS LEN PA'I MDO SDE BA'I 'DOD PA YIN LA, SGONG PHYED TSAL BAS SNGON PO DANG SNGON 'DZIN GRUB DUS GCIG TU 'DOD MI 'DOD GANG YIN KYANG RUNG DMIGS DUS ME GCIG PAR 'DOD PA DANG RANG RIG MI 'DOD PA ZHIG YIN PAR RNAM NGES DAR t'IKA LAS BSHAD PA'I PHYIR TE, DE NYID LAS, 'DI MDO SDE BA'I 'DOD PA MIN TE, SNGON PO DANG SNGON 'DZIN SNGA PHYI BA YIN KYANG DMIGS BYED GNYIS GRUB PA DE RDZAS GCIG PAR 'DOD PAS GRUB DUS MI GCIG KYANG DMIGS DUS GCIG TU 'DOD PA YIN LA, 'OG NAS 'CHAD PA'I RIGS PAS DE YANG 'GOG PA YIN NO, , 'DOD PA 'DI NI SNGON PO DANG SNGON 'DZIN BYE BRAG SMRA BA LTAR GRUB DUS GCIG PA DANG MDO SDE BA LTAR GRUB DUS MI GCIG PAR 'DOD PA YIN KYANG RUNG DMIGS DUS MI GCIG PAR RANG RIG KHAS MI

LEN PA'I 'DOD PA'O, ,ZHES MDO SDE BA DANG LUGS 'DIS SNGON PO DANG SNGON 'DZIN DMIGS DUS GCIG TU 'DOD MI 'DOD KYI KHYAD PAR YOD PAR BSHAD PA'I PHYIR RO, ,LUGS 'DIS GZUNG 'DZIN RDZAS GZHAN DU 'DOD PAR THAL, YUL YUL CAN RGYU 'BRAS SU BSHAD PA'I PHYIR, ZHES ZER NA 'DI NI, GCIG CHA'ANG MI 'KHRUL PHYIR NA RKYEN, ZHES PA LTAR RGYU 'BRAS BTAGS PA PA LA BYED DAM, YANG NA RGYU 'BRAS MTSAN NYID PA LA BYAS NAS RDZAS THA DAD DU 'DOD PA GANG YIN DPYAD DGOS TE, RNAM NGES DAR t'IKA LAS KYANG, SNGON PO DANG SNGON 'DZIN BYE BRAG SMA BA LTAR GRUB DUS GCIG PA DANG MDO SDE BA LTER GRUB DUS MI GCIG PAR 'DOD PA YIN KYANG RUNG, ZHES MTHA' GCIG TU GSAL BAR MA MDZAD PA'I PHYIRO,, //AA// 'DI LA SNA TSOGS GNYIS MOD PA SOGS NA RE, SNGON 'DZIN DANG DE RTOGS PA'I BLO CHOS CAN, PHAN TSUN LKOG TU 'GYUR BAR THAL, DE GNYIS RDZAS THA DAD PA'I SHES PA YIN PA'I PHYIR, 'DOD NA, NGAS SNGON PO 'DI MTHONG NGO ZHES MI DRAN PAR THAL, SNGON 'DZIN DE RANG RTOGS PA'I BLO LA LKOG TU 'GYUR BA'I PHYIR, ZHES ZER BA LA, 'DI BA NA RE, THAL 'GYUR PHYI MA LA KHYAB PA MED DE, DE GNYIS PHAN TSUN LKOG 'GYUR YIN KYANG, DE GNYIS KA'I NUS PA LAS BYUNG BA'I DRAN SHES KYIS NGAS SNGON PO 'DI MTHONG NGO ZHES DRAN PA MI 'GAL BA'I PHYIR, ZHES ZER, DE LA SNA TSOGS GNYIS MED PA NA RE, RGYUD GZHAN LA YANG DE 'DRA'I DRAN SHES SKYE BAR THAL, SNGON

, ,'DZIN DANG DE 'DZIN GNYIS PHAN TSUN LKOG TU GYUR BA YIN KYANG DE LTAR DRAN SHES SKYE BA MI 'GAL BA'I PHYIR ZER NA, 'DI BA NA RE, DE LA KHYAB PA MED DE, RGYUD GZHAN LA DE LTAR DRAN SHES BSKYED PA'I NUS PA MED LA RGYUD GCIG LA YOD PA'I PHYIR TE, KUN GZHI RNAM SHES GCIG LAS SKYES PA'I PHYIR ZER, DE LA SNA TSOGS GNYIS MED SOGS NA RE, DE GNYIS KYI YUL RTOGS PA PO GCIG GI SPYOD YUL DU MI 'GYUR THAL, DE GNYIS PHAN TSUN LKOG GYUR YIN PA'I PHYIR, KHYAB STE, SPYIR BDAG MED PAR SMRA BA DANG, KHYAD PAR DU RNAL 'BYOR SPYOD PA'I LUGS LA RNAM SHES LAS RDZAS THA DAD PA'I LTA BA PO GCIG MI SRID PA'I PHYIR, GZHAN YANG, RIG PA NI MYONG BA'I BDAG NYID KHO NAR GSAL BAR THAL, GSAL BA'I BDAG NYID YIN PA'I PHYIR TE, RIG PA YIN PA'I PHYIR, 'DOD NA, RANG RIG KHAS LEN RIGS PAR THAL, 'DOD PA'I PHYIR, SOGS SO,, //KA// GZUNG 'DZIN RIG GSUM RIM GYIS BYUNG YANG 'JUG PA MYUR BAS GCIG CHAR SNANG BAR 'KHRUL BA YIN ZHES 'DOD MKHAN YOD PAR BSHAD DO,, //KHA// BDE BA LA SOGS PA NI RANG MYONG BYED KYI TSOR BA'I BDAG NYID KHO NA YIN PA LTAR SNGON PO LA SOGS PA'I RNAM PA YANG RANG MYONG BA'I SHES PA'I BDAG NYID KHO NA YIN ZHES PA'O,, //GA// MTHONG BA THA DAD PA MED PAR SNANG NA NI BDE BA'I RNAM PA NYID DU SNANG BAR 'GYUR NA, SNANG BA NI MA YIN NO, ,'DI BDE BA'I BDAG NYID DU SNANG

BA NI MA YIN NO ZHES BYA BA DE GA LAS SHE NA, MTHONG BA'I SNGON PO BDE BA'I BDAG NYID DU MA NGES PA'I PHYIR RO, ,ZHES SOGS RNAM RDZUN PAS BKAG GO, //NGA// t'IKA CHEN LAS, RNAM PAR SHES PA SNGA MA DE RNAMS RIGS MTHUN PA'I RNAM PAR SHES PA RE RE KHO NA NYID SKYE BA LA NUS PA NGES PAR 'GYUR BA YIN TE, 'DI LTAR RNAM PAR RTOG PA RNAMS RIM GYIS 'BYUNG BAR YANG DAG RTOGS KYI RTOG GNYIS GCIG CAR SKYE MI SRID PA'I PHYIR RO, ,ZHES GSUNGS SO, ,'DI'I RTZA TSIG GI RKANG PA DANG PO GNYIS NI, DE RNAMS RIGS MTHUN PA NYID LA, NUS PA NGES PAR 'GYUR BA YIN, ZHES BYUNG NGO,, //CA// SNGO SER SOGS THA DAD PAS DE DAG GI GRANGS DANG MNYAM PA'I RNAM SHES RIGS MTHUN DU MA GCIG CHAR SKYE BA LA GNOD BYED MED NA, LUS DBANG PO LNGA DANG, LONGS SPYOD DON LNGA DANG, GNAS DBANG RTEN SOGS THA DAD PAS DE DAG GI GRANGS DANG MNYAM PA'I KUN GZHI RNAM SHES DU MA GCIG CHAR SKYE BA LA GNOD BYED MED PAR 'GYUR RO,, //CHA// GONG DU LUNG RIGS KYI RJES 'BRANG RE RE LA RNAM BDEN RDZUN GNYIS GNYIS YOD PAR BSHAD PA DANG, SKABS 'DIR GZUNG 'DZIN GRANGS MNYAM PA LA KUN GZHI 'DOD MKHAN YOD PAR BSHAD KYANG, SNA TSOGS GNYIS MED PA LA KUN GZHI MI 'DOD PAS KHYAB PAR BSHAD DIM SNYAM MO,, //JA// RNAM SHES LAS RDZAS THA DAD PA'I GZUNG DON MED LA, GZUNG DON DE NI RNAM SHES DANG NGO BO GCIG YIN KYANG PHYI NANG DU GYUR BA NA, MA RIG PA'I DBANG GIS GZUNG 'DZIN RDZAS THA DAD

, ,DU SNANG NGO, ,DE LA GZUNG 'DZIN RDZAS THA DAD DU SGRO BTAGS PA DE BDEN PAR MED LA, DES STONG PA'I RNAM RIG NI BDEN PAR YOD PAR 'DOD DE, RNAM 'GREL t'IKA CHEN LAS, DBANG SHES RANG NYID MYONG BA'I SGO NAS YONGS SU GCOD BYED GSAL RIG GI CHA NI NANG 'DZIN PA'I RNAM PA YIN ZHING, RANG LA SNANG BA PHYI ROL LTAR GNAS PA'I RNAM PA 'DI NI CHA GZHAN GZUNG RNAM YIN LA; ZHES PA NAS, SHES PA'I GZUNG RNAM DANG 'DZIN RNAM THA DAD DU BDEN PAR MED PA CAN YIN YANG, THA DAD DU BDEN PA LTA BUR SNANG ZHING ZHEN PA NI BSLANG PA'AM 'KHRUL BA YIN NO, ,ZHES BSHAD PA YIN NO,, //NYA// RNAM SHES GCIG SMRA 'DI DBU MA RGYAN DU GZUNG 'DZIN GRANGS MNYAM PA DANG PHYOGS GCIG TU BSHAD PA DANG, 'GREL BSHAD LAS KYANG SNGA MA GZUNG 'DZIN GRANGS MNYAM PA NI RNAM SHES GCIG BUR MI 'DOD LA TSOGS BRGYAD 'DOD PAS 'DI DANG KHYAD PAR YOD PAR BSHAD PA'I PHYIR RNAM BDEN PAR GRUB CING, RNAM SHES GCIG SMRA LA RNAM RDZUN PAR MA ZAD RNAM BDEN PA YANG YOD PAR BYANG BZANG GIS KYANG BSHAD DO, ,'DI BAS RNAM SHES MI RTAG PAR 'DOD LA, NAM MKHA'I GOS CAN GYIS RTAG PAR 'DOD PA MA GTOGS 'GRO BA SO SO LA RNAM SHES RE RE LAS MED PAR 'DOD PA NI MTSUNGS PA YIN NO,, //TA// RNAM 'GREL GYI BSHAD PA MDZAD MKHAN 'GA' ZHIG RANG NYID SHES RAB MCHOG DANG LDAN PAR RLOM NAS RNAM 'GREL RANG LUGS RNAL 'BYOR SPYOD PA'I LUGS SU

SGRUB PA NA DE LTAR GSUNGS TE, SNA TSOGS GNYIS MED KHO NA SEMS TZAM PA'I GTZO BO YIN PAS RNAM 'GREL RANG LUGS NI DE'I LUGS YIN ZER ZHES GZHAN LUGS BKOD NAS, DZE T'A RI RANG NYID RNAM 'GREL DBU MA'I LUGS SU BSHAD DO,, //THA// BLO GCIG GIS DON DU MA GCIG CAR 'DZIN PA CAN DU GRUB STE, BLO GCIG GIS KHRA BO GCIG CAR MTHONG BA GANG ZHIG ,YAN LAG CAN DON GZHAN KHEGS PA DE'I PHYIR, ZHES 'CHAD PAR, DE PHYIR GCIG DON DU MA CAN, ZHES SO, ,GAL TE DBANG PO LA SOGS BZHIN, ZHES PA'I RKANG PA 'DI NI 'OG NAS DRANGS PA'I, KHYAD PAR SKYES GYUR MANG PO DAG ,CES P'I MGOR BYUNG BAS 'DIR BYUNG BA NI YI GE NOR TE, SPYIR KUN MKHYEN 'JAM DBYANGS BZHAD PA'I MTSAN NYID KYI YIG CHA THAMS CAD DANG KHYAD PAR DU GRUB MTHA' CHEN MO LA BYED TSIG YOD SAR BDAG SGRA DANG BDAG SGRA YOD SAR BYED TSIG SBYAR BA SOGS YIG NOR PHRA MO SHIN TU MANG PO YOD KYANG, 'DIR BRIS MA LANGS PAS PHAL CHER BTANG SNYOMS SU BYAS SO, ,SHES PA SNGO SOGS SNA TSOGS PA, ZHES SOGS KYI TSIG DON SNGAR BSHAD ZIN TO,, //DA// GAL TE DBANG PO LA SOGS BZHIN, ,KHYAD PAR SKYES GYUR MANG PO DAG ,GCIG CAR BLO YI RGYUR 'GYUR YANG, ,'GAL BA DAG NI CI ZHIG YOD, , CES GAL TE BYE BRAG PA KHYOD RANG GI LUGS LA DBANG PO DANG LA SOGS PAS DON DANG BDAG YID RNAMS RE RES DBANG SHES MI SKYED CING, DI RNAMS LA YAN LAG CAN RDZAS GZHAN MED KYANG DE RNAMS PHRAD PAS

, ,DBANG SHES SKYED PAR 'DOD PA BZHIN DU, RDUL PHRA RAB RE RES DBANG SHES MI SKYED CING YAN LAG CAN RDZAS GZHAN MED KYANG RDUL PHRA RAB PHAN TSUN 'DAB 'BYOR DU PHRAD PA'I KHYAD PAR SKYES PAR GYUR PA'I SGO NAS RDUL PHRA RAB MANG PO'I TSOGS PA DAG GCIG CAR DBANG BLO'I RGYUR 'GYUR YANG 'GAL BA DAG CI ZHIG YOD DE MED DO ZHES BSHAD PA YIN NO,, //NA// RGYU YI DNGOS PO MA GTOGS PA, ,GZUNG BA ZHES BYA GZHAN CI'ANG MED, ,DE LA BLO NI GANG DU SNANG, ,DE NI DE YI GZUNG BAR BRJOD, ,CES RGYU YIN PAS GZUNG DON DU 'GYUR NA, DBANG PO YANG DER THAL LO ZHE NA, RANG GI RNAM LDAN DU SKYED BYED KYI RGYU'I DNGOS PO MA GTOGS PA DBANG SHES KYIS GZUNG BA ZHES BYA GZHAN CI'ANG MED PAS NA, DBANG SHES KYI RGYU TSOGS DE LAS BLO DBANG SHES NI GANG DU SNANG BA'I RNAM PAR SKYES PA'I RNAM PA DE NYID GTOD BYED DE NI DBANG SHES DE'I GZUNG BAR BRJOD KYI, RGYU GZHAN RNAMS NI MA YIN NO ZHES BSHAD DO, ,GZHUNG DE GNYIS KYIS MDO SDE BA'I 'DOD PA BSHAD MOD KYANG RIGS MTHUN PA'I RNAM SHES DU MA GCIG CAR MI SKYE BAR 'DOD PA MTHUN PAS 'DIR DRANGS SAM SNYAM MO,, //PA// GZUNG 'DZIN GRANGS MNYAM PAS, KHRA BO'I KHA DOG LA LTAS PA'I TSE DE'I STENG GI SNGO SER DKAR DMAR GYI GRANGS DANG MNYAM PA'I MIG GI RNAM SHES GCIG CAR SKYE BAR MA ZAD DE DAG DANG GRUB BDE RJES GCIG PA'I RDUL JI SNYED YOD PA DE SNYED KYI RNAM SHES RIGS MTHUN DU MA

GCIG CAR SKYE BAR 'DOD PA LTAR NA, KHRA BO'I STENG NA PHYI DANG NANG STE PHA ROL DANG TSU ROL GYI RDUL DANG, SNGA MA DANG PHYI MA STE DBUS DANG MTHA' SKOR GYI RDUL DANG, SNGON PO DANG SNGON PO MA YIN PA STE SER DKAR DMAR PO SOGS YUL SNA TSOGS YOD PA LTAR, RNAM PAR SHES PA YANG PHYI DANG NANG DANG SNGA MA DANG PHYI MA DANG SNGON PO DANG SNGON PO MA YIN PA'I RNAM CAN SOGS DU MA GCIG CAR SKYE BAR 'GYUR DGOS LA, SNA TSOGS GNYIS MED PA NI DE DANG MI 'DRA BAR PHYI NANG DANG SNGA PHYI DANG SNGON PO DANG SNGON PO MIN PA'I RNAM PAR DBYE BA MED PAR YUL SNA TSOGS PA'I RNAM PAR SKYES PA'I RNAM SHES GCIG BU DON DAM PAR YOD PAR 'DOD CES PA STE, DBU MA RGYAN GYI 'GREL BSHAD LAS, SHES PA RNAMS NI LUS CAN MA YIN PA'I PHYIR YUL GYIS BYAS PA'I SNGA MA DANG PHYI MA MED PA MA YIN NAM, JI LTAR NA SHES PA RNAMS RDUL PHRA MO BZHIN DBUS NA GNAS PAR 'GYUR, ZHES GSUNGS SO, ,PHYI DANG NANG ZHES BYA BA NI, KHRA BO 'DZIN PA'I RNAM PAR SHES PA GCIG LA MTSON NA, PHA ROL DANG TSU ROL GYI RDUL GYI RNAM PAR SKYES PA'I CHA LTA BU YUL LA LTOS PA DANG, THOG MTHA' DBUS GSUM GYI CHAR PHYE BA LTA BU DUS LA LTOS PA GNYIS YOD PA YIN LA, DE DAG NI RANG GI NGO BO BDEN PAR YOD PA MA GTOGS, YUL DANG DUS KYIS BYAS PA'I THA DAD NI BDEN PAR YOD PA 'THAD PA MA YIN NO,, //PHA// 'DIR SNGA MA DANG PHYI MA LA SOGS PA THA DAD PA YANG BRTAGS PA KHO NA YIN LA, RTOGS PA YANG RANG GI NGO BOR MYONG BA YIN PAS NA SHES PA'I

, ,BDAG NYID YIN PA'I PHYIR, DE LA YANG DON DAM PAR NA THA DAD PAR SNANG BA MA YIN NO, ,RTOG PA DANG GCIG SHOS KYI RNAM PAR DBYE BA NI 'GAS KYANG RTOGS PA MA YIN NO, ,GANG GI PHYIR RANG RIG PA'I KHONGS SU MA 'DUS NA NI THA DAD PA RTOGS PA MA YIN TE, RTOGS PA NI RANG RIG PA'I MTSAN NYID CAN YIN PA'I PHYIR RO, ,DE'I KHONGS SU 'DUS NA YANG MA YIN TE, RANG LAS THA DAD PA 'GAL BA'I PHYIR RO, ,ZHES 'DIR DRANGS PA DANG CUNG MI 'DRA BAR BYUNG NGO, ,DE'I DON YANG KHRA BO 'DZIN PA'I RNAM PAR SHES PA YUL SNA TSOGS PA'I RNAM PAR SKYES PA'I CHA DU MA DE MNGON SUM LA THA DAD PAR MI SNANG BAS DON DAM PAR THA DAD PA MA YIN PAR BSHAD PA YIN NAM DPYAD DO, ,SHES DANG DON GYI THA DAD MIN, ZHES SOGS KYI DON NI, MIG SHES YUL SNA TSOGS PA'I RNAM PAR SKYES PA'I CHA DU MA NI CHA CAN SHES PA DANG DON GYI STE NGO BO THA DAD MIN ZHING, SNGON TE DBUS DANG MTHA' LA SOGS PA'I YUL GYIS BYAS PA'ANG MIN LA, SNGON DANG PHYI MA STE DBUS DANG MTHA'I RNAM PAR SKYES PA'I CHA NI MNGON SUM GYIS THA DAD PAR SGRUB PAR MI 'GYUR BAR BSHAD DO, ,DE LA RTZOD PA NI, SHAS LAS THA DAD MA YIN PHYIR, ,RNAM PA MANG POR MI 'GYUR ZHING, ,RNAM PA LAS NI GZHAN MIN PHYIR, ,YANG NA SHES PA DU MAR 'GYUR, ,ZHES BKAG PA LA, KUN RDZOB TU RNAM PA SNA TSOGS SU BRJOD PA YIN LA, DON DAM PAR GNYIS SU MED PA KHO NA YIN ZHES ZER RO,, //BA// LANG GSHEGS KYI LUNG

DE'I RKANG PA DANG PO GNYIS KYIS BYIS PAS KUN BTAGS PA LTAR GYI PHYI DON MED PA DANG, DE NAS GNYIS KYIS BAG CHAGS KYI DBANG GIS PHYI ROL GYI DON DU SNANG TSUL DANG, DE NAS GNYIS KYIS GNYIS SNANG 'KHRUL TSUL DANG, THA MA GNYIS KYIS GNYIS SNANG NUB PA'I YE SHES DPE DANG BCAS PA BSTAN TO,, //MA// DER KUN BRTAGS PA TZAM SNYING POR ZAD KYI PHYI ROL GYI DON DU MA GRUB STE, SEMS TZAM DU ZAD PA, SEMS LAS LOGS SU GRUB PA'I RDZAS MED PA DANG, SNANG YANG SNANG BA LTAR DU MED PAS RTZA BA MED PAR BSHAD DO,, //TZA// DMIGS RKYEN BSTAN PA'I GZHUNG DE DAG GI DON SNGAR RNAM BDEN PA'I SKABS SU BSHAD ZIN, //TSA// RNAM SHES SO SOR SNANG BA NI, ZHES 'DON NO,, //DZA// KHA CIG RNAM PA 'KHRUL BAR SMRA, ZHES SOGS KYI DON NI RNAM RDZUN PA'I 'DOD PA SNGAR BSHAD PA LTAR GO SLA'O,, //WA// NANG NA YOD PA MIN, ZHES PAS RNAM RDZUN PA'I 'DOD PA BSTAN TE, DBANG SHES SNGO SER SOGS KYI RNAM PAR MI SKYES PA'I DON NO,, //ZHA// SNA TSOGS SNANG CAN DON RNAMS LA, ,GAL TE GCIG NYID MI RIGS NA, ,RE SHIG GCIG BU'I BLO DE NYID, ,SNA TSOGS SU NI JI LTAR SNANG, ,ZHES GAL TE SNA TSOGS SU SNANG BA CAN GYI DON RNAMS LA SNA TSOGS DE DAG YAN LAG CAN GCIG GI BDAG NYID YIN PA NYID MI RIGS NA, RE SHIG GCIG BU'I BLO DE NYID SNA TSOGS SU NI JI LTAR SNANG, ZHES PA STE, SNA TSOGS GCIG PA'I RANG BZHIN MIN, ZHES SMRAS PA LA, SNGO SER SOGS SNA TSOGS YAN LAG CAN GCIG GI BDAG NYID YIN PAR [*MISSING TEXT; PAGES 168A - 17? (.070,.071)]