'The Section on the Consequence and Independent Groups of the Middle-Way School,' from the 'A Cherished Gem for Those Who Think Clearly, a Book which Unravels the Knots of Every Difficult and Crucial Point,’ being an Annotated Commentary to ‘The Great Book on the Schools of Philosophy’

*, ,GRUB MTHA' CHEN MO'I MCHAN 'GREL DKA' GNAD MDUD GROL BLOGS LA GCES NOR ZHES BYA BA LAS DBUM THAL RANG GI SKABS BZHUGS SO, ,

, ,BLA MA BLO BZANG THUB DBANG 'JAM DBYANGS KLU SGRUB YAB SRAS DANG BCAS PA LA PHYAG 'TSAL LO, ,TSE RABS KUN TU RJES SU GZUNG DU GSOL, ,'DIR DBUM RANG RGYUD PA'I GRUB MTHA'I ZUR MCHAN DGOD PA LA, //KA// BSOD NAMS MIN PA DANG POR BZLOG ,BAR DU BDAG NI BZLOG PA DANG, ,THA MAR LTA ZHIG KUN BZLOG PA, ,GANG GIS SHES DE MKHAS PA YIN ZHES DANG POR LAS GSOGS PA DANG 'BRAS BU MYONG BA'I RDZAS YOD KYI BDAG YOD PAR BSTAN PA'I SGO NAS BSDOD NAMS MIN PA NGAN 'GRO'I RGYU BZLOG PA DANG, BAR DU RJAS YOD KYI BDAG 'GOG STE LAM GYI SNOD RUNG DU BYAS PA DANG, THA MAR LTA NGAN GYI SPROS PA THAMS CAD BZLOG PA'I STONG NYID PHRA MO BSTAN NAS GROL BAR BYED PA SOGS SO,, //KHA// NGAN SONG 'KHOR BA'I SDUG BSNGAL THAMS CAD DNGOS 'DZIN GYI 'JIGS PA YIN TE, RANG RGYU BDEN 'DZIN LAS 'BYUNG BA'I PHYIR TE, JI SRID PHUNG POR 'DZIN YOD PA, DE SRID DE LANG RA 'DZIN YOD, ,NGAR 'DZIN YOD NA YANG LAS TE, ,DE LAS YANG NI SKYE BA YIN, ,

, ,ZHES BDEN 'DZIN 'KHOR BA'I GZHI RTZA MTHA' THUG YIN PAR THAL RANG GNYIS KAS 'DOD PAS SO,, RJE BDAG NYID CHEN PO'I DGONGS PA YIN NO, ,'ON KYANG 'KHOR PA'I GZHI RTZA MTHAR THUG MA LOG PAR 'KHOR PA LAS GROL BA YOD MED LA THAL RANG GNYIS 'DOD PA MI MTHUN ZHING, DE'I DBANG GIS SNGAR GYI GZHUNG GI DON BSHAD TSUL L'ANG MI 'DRA BA YOD DO,, //GA// RTAG CHAD KYI MTHAR LHUNG BAS PHUNG BAR 'GYUR TSUL NI, BDEN PAR YOD PAR LTA BAS 'KHOR BA LAS MI GROL ZHING, GTAN NAS MED PAR LTA BAS NGAN 'GROR LTUNG BAR THAL 'GYUR BAS BZHED DE, YOD PA PAS NI BDE 'GROR 'GRO, ,MED PA PAS NI NGAN 'GROR 'GRO, ,ZHES DANG, YOD PAS RNAM PAD MI GROL TE, ,MED PAS SRID PA 'DI LAS MIN, ,ZHES SO,, RANG RGYUD PA LTAR NA 'DI DANG CHUNG MI 'DRA BAR BSHAD DGOS SO,, //NGA// MDO SDE DGONGS 'GREL GYI SKABS SU SKYE DGAG MED PAR GSUNGS PA SGRA JI BZHIN PAR 'DZIN PA BKAG PAS SKUR 'DEBS PAS LA, DON DAM PAR MTSAN NYID NGO BO NYID

MED PAR BSTAN PAS SGRO 'DOGS BAS LA NAS DBU MA'I LAM MTHA' GNYIS DANG BRAL BA RAB TU BSTAN PA'I PHYIR YUM GYI MDO NGAS DON YIN PA'I GZHUNG BTZUGS PAR MDZAD CES RNAL 'BYOR SPYOD PA'I DBU MA RANG RGYUD PAS 'DOD DO, //CA// STONG NYID DANG RTEN 'BYUNG DON GCIG MIN KYANG MYU GU LTA BU'I GZHI GANG YANG RUNG BZHIG BDEN PAS STONG PA DANG RTEN NAS 'BYUNG BA GNYIS DON GCIG YIN TE, GZHI 'GA' ZHIG BDEN PAR GRUB NA RTEN 'BYUNG MIN PAR 'GYUR ZHING, GZHI 'GA' ZHIG RTEN 'BYUNG MIN NA BDEN GRUB TU 'GRO BA'I PHYIR RO,, //CHA// BLO'I YONGS GCOD KYI YUL DU MI 'GYUR BAS RTEN MED PA, RANG MNGON SUM DU RTOGS PA'I DOR GNYIS SNANG MED PAS DMIGS PA MED PA, RTEN 'BYUNG YIN PAS RKYEN GYI DON NO,, //JA// MKHAS PAS DBUS L'ANG GNAS PAR YONGS MI BYED, CES PA'I DNGOS BSTAN GYI DBUS SA MA DBUM LA STONG NYID PHRA MO YOD MED DPYAD DGOS TE, 'DIR RNAM RIG PA LTAR YOD MED KYI MTHA'I PHYOGS NYI TSE BA RE BKAG PA'I DBUS ZHES RAGS PA'I STONG BA DMIGS KYIS BKAR BA'I PHYIR DANG, STONG NYID PHRA MO BDEN PAR 'DZIN PA'I BLO LHAN SKYES YOD KYANG KUN BTAGS MED PAR RGYAL TSAB RJES BSHAD PA'I PHYIR, KHYAB STE, BDEN 'DZIN LHAN SKYES YOD KYANG DE RGYU LNGA GYI GANG ZAG GIS BLO DE'I DBANG GIS GZHI DE BDEN GRUB TU DAM MI 'CHA' BA'I PHYIR TE, RGYUD BLA DAR tA'KA LAS; BDAG MED BDEN PAR 'DZIN PA YANG RAGS PA'I BDAG MED BDEN PAR 'DZIN PA YIN GYI, PHRA BA'I BDAG MED TSAD MAS RTOGS ZIN MA BRJED NA DE 'DRA'I BDAG BKAG PA'I BKAG PA BDEN GRUB LA GRUB MTHA'

, ,'CHA' BA MI SRID PA'I PHYIR RO,, GAL TE DGAG BYA PHRA MO BKAG PA'I BDAG MED BDEN PAR 'DZIN PA'I BLO MNGON GYUR DU SKYE NA LHAN SKYES SU SHES PAR BYA'O,, ZHES SO,, DE LA KHA CIG, STONG NYID BDEN PAR 'DZIN PA'I BLO KUN BTAGS DE, STONG NYID RTOGS PA'I GANG ZAG GI RGYUD LA MED PAR BSHAD KYI, SBYIR NA DE 'DRA'I BLO KUN BTAGS MED PAR BSHAD PA MIN TE, DE YOD PA'I PHYIR, DER THAL, YONGS GRUB BDEN PAR 'DZIN PA'I BLO KUN BTAGS YOD PA'I PHYIR, DER THAL, SEMS TZAM PA'I RGYU KYI GZHAN DBANG YONGS GRUB BDEN GRUB TU LTA BA DE BLO KUN BTAGS YIN PA'I PHYIR DANG, GZHAN YANG, DE YOD DE, BDEN STONG RGYU MA LTA BU BDEN PAR 'DZIN PA'I BLO KUN BTAGS YOD PA'I PHYIR, KHYAB STE, STONG NYID MA RTOGS PAR DU STONG NYID BDEN PAR 'DZIN PA'I BLO MI 'BYUNG BA'I RGYU MTSAN GYIS, DE LA BLO KUN BTAGS MED PAR KHAS BLANGS NA GCIG SHOS LA YANG MTSUNGS PA'I PHYIR, MA KHYAB 'TSAMS KYI RTAGS GRUB TE, RNAM BSHAD LAS, SKYES BU BDEN STONG SGYU MA LTA BU LA DMIGS NAS LONGS SPYOD PA POR BDEN PAR 'DZIN PA YANG BTAGS 'DZIN RTOG PA YIN LA; DE LA KUN BTAGS DANG LHAN SKYES GNYIS YOD PAR SHES PAR BYA STE, ZHES GSUGNS PA'I PHYIR ZER RO,, 'ON KYANG GRUB MTHAS BTAGS PA 'GOG PA NI LHAN SKYES 'GOG PA'I YAN LAG TZAM YIN PAS, MDO'I SKABS SU GTZO CHER LHAN SKYES KYI ZHEN TSUL STAR MA GRUB PA GTAN LA DBAB DGOS PAR LEGS BSHAD SNYING POR GSUNGS 'DUG PAS, GZHUNG 'DI'I DNGOS BSTAN GYI DBU MA YANG RAGS PA'I STONG NYID YIN MI DGOS SAM SNYAM MO,, //NYA//

LEGS BSHAD SNYING PO LAS, 'DI BA LTAR NA LEGS LDAN LA SOGS PA'I RANG RGYUD PA RNAMS DON DAM PAR DANG BDEN PAR GRUB PA'I DON KHAS LEN BAS DBU MA PAR MI 'JOG GAM SNYAM NA, LHO LDI NGES KYANG GZHI DE BUM PAR MNGES PA LA TSAD MAS GDOD SGRUB DGOS PAS DES GZHI DE BUM PAR 'DOD DO ZHES SMRA MI NUS BDANG, BYE BRAG PAS BUM PA LA RANG GI YIN LAG LAS RDZAS GZHAN PA'I YAN LAG CAN MED PA'I DON TSAD MAS GRUB KYANG YAN LAG CAN RDZAS GZHAN 'DOD PA'I GRUB MTHA' BA MIN NO ZHES SMRA NI NUS PA BZHIN DU, MKHAS BDE DAG KYANG CHOS BDEN PAR YOD PA'I GRUB MTHA' RIGS PA'I SGO DU MAS 'GOG CING BDEN MED DU LEGS PAR ZHA LA GYIS BZHES PAS DBU MA BA NI YIN NO,, DBUM PA YIN NA RANG RGYUD BYA MI RIGS PAR GSUNGS PA DANG MI 'GAL TE BCAS LDAN PHYI DGE SLONG GIS BCAS PA DANG 'GAL BAR MI RIGS KYANG DE DANG 'GAL BA TZAM GYIS DGE SLONG MIN MI DGOS PA BZHIN NO,, ZHES GSUNGS SO,, //TA// RANG RGYUD PAS THAL DANG GNYIS LA CHOS DANG GANG ZAG LA RANG BZHIN 'GOG PA'I DGAG BYA LA KHYAD PAR YOD PAR 'DOD MI 'DOD DPYAD GZHI YOD DE, LEGS BSHAD SNYING PO LAS, LEGS LDAN LA YANG SANGS RGYAS BSKYANGS DANG RANG NYID RANG RGYUD KHAS LEN MI LEN MI MTHUN SNYAM PA MI 'DUG GI RANG RGYU KHA LEN PA 'OS MED DU BYAS PA'I LUGS SU SLONG NGO,, DE'I GNAD KYIS KYANG RANG NYID DANG SANGS RGYAS BSKYANGS GNYIS LA CHOS DANG GANG ZAG LA RANG BZHIN 'GOG PA'I DGAG BYA LA YANG KHYAD PAR YOD PAR MI BZHED DO,, LEGS LDAN GYI RJES 'BRANG SBYAN RAS GCIG BRTUL ZHUGS LA 'GREL BA TSIGS LA GYI RGYUS 'DUG PAS, SHES RAB SGRON MER SANGS RGYAS BSKYABS BKAG PA'I 'GREL BSHAD KYI SKABS SU

, ,ZLA BAS LEGS LDAN LA SKYON BRJOD PA RNAMS 'JUG MI 'JUG GI BSHAD PA 'ONG RGYU SNANG ZHING, ZHI BA 'TSO DPON SLOB LA SOGS PAS KYANG ZLA BAS RANG RGYUD BKAG PA'I SKYON SPONGS MDZAD RGYUR SNANG YANG MA MDZAD DO,, DE LA SPYIR SLOB DPON GNYIS KYIS RANG GI MTSAN NYID KYIS GRUB PA THA SNYAD DU YAD BKAG PA'I RANG BZHIN MED PA LA RGYU 'BRAS LA SOGS PA'I RNAM GZHAG THAMS CAD CHES 'THAD PA DANG DE YANG 'JIG RTEN LAS 'DAS MA 'DAS KYI RTEN 'BYUNG NGES PAR KHAS BLANG DGOS PA'I RTEN 'BYING GI RGYU MTSAN NYID KYIS DGAG BYA DE 'GOG PAR BSHAD PA'I RIGS PA RNAMS RIGS PA RNAMS KYI ZAB LA PHRA BA'I MTHAR THUG TU SNANG LA, DE'I NANG NAS KYANG RANG RGYUD 'GOG PA 'DI RIGS PA PHRA BAR SNANG NGO,, ZHES GSUNGS PA LA DGONGS PA ZAB MO ZHIG YOD TSOD DU SNANG BA'I PHYIR RO,, //THA// KLU SGRUB LAS 'PHAGS PA LHA SNGAR GSHEGS PAR BSHAD PA'ANG YOD DO,, //DA// MDO KUN BTUS SU BSKAL BZANG DRANGS PA LAS, ,BSKAL BA BZANG PO 'DI'I 'OG TU MUN BSKAL DRUG CU 'BYUNG, ,DE NAS SNYAN PA CHEN PO ZHES BYA BAR SANGS RGYAS KHRI 'BYUNG, DE'I 'GO TU MUN BSKAL BRGYAD KHRI 'BYUNG, ,DE NAS SKRAR MA LTA BU ZHES BYA BAR SANGS RGYAS BRGYAD KHRI 'BYUNG, ,DE'I 'OG TU MUN BSKAL SUM BRGYA 'BYUNG, ,DE NAS YON TAN BKOD PA ZHES BYA BAR SANGS RGYAS BRGYAD KHRI BZHI STONG 'BYUNG BAR GSUNGS SO,, //NA// DE BZHIN GSHEGS PA DANG MING MTHUN PA'I DGE SLONG, ZHES PA DANG, NGA'I MING 'CHANG BA'I DGE SLONG, ZHES PA NI, SANGS RGYAS GNYIS PAR GRAGS PA LA BYED CES MKHAS PA 'GA' ZHIG GIS GSUNGS PA THOS SO,, //PA// THEG PA CHEN PO'I SDE SNOD LAS RANG BZHIN GYIS SKYE BA MED PA'I 'GOG PA BSTAN PA DANG,

GZHAN THEG DMAN GYI SDE SNOD LAS ZAD PA STONG PA NYID BSTAN PA GNYIS ZAD DAD MI SKYE DON TE RANG BZHIN GYIS ZAD PA DANG MI SKYE BA'I DON DU GCIG PA DANG, DE SHES BA ZAD MI SKYE SHES PA'I DON DU GCIG PA DE'I PHYIR THEG CHEN GYI SDE SNOD BKA' YIN PA LA BZOD PAR GYIS SHIG, CES PA'O,, //PHA// DE'I SKYON GSUM NI, BDAG SKYE MED PAR SGRUB NUS PA'I RTAGS DANG DPE GANG YANG MA BRJOD PAS DAM BCAS TZAM DU ZAD PA DANG, GRANGS CAN GYIS BDAG LAS ZHES PA'I DON 'BRAS BU GSAL BA'I BDAG NYID LAS YIN NA NI SGRUB ZIN SGRUB PA DANG RGYU MI GSAL BA NUS PA'I BDAG NYID LAS YIN NA NI SKYE LDAN THAMS CAD LES SKYE BA KHO NA YIN PAS KHYAB PA 'GAL BAR 'GYUR RO ZHES DAM BCA' LA BRTAGS NAS SKYON BRJOD PA MA BSAL BA DANG, RGOL BA GZHAN GYI KLAN KA'I GLAG DO PA'I TSIG YIN PA DANG GSUM MO,, 'GREL NGAG DANG PO'I TSIG ZIN GYI SBYOR BA NI, DNGOS PO RNAMS CHOS CAN, BDAG LAS SKYE BA MED DE, SKYE BA DON MED DANG THUG MED YIN PA'I PHYIR; ZHES PA'O,, LEGS LDAN GYIS SANGS RGYAS BSKYANGS KYI DGONGS TSOR BLANGS PA'I SBYOR BA NI, DNGOS PO RNAMS CHOS CAN, BDAG SKYE RNAM PAR BCAD PA TZAM MIN TE, SKYE BA DON BCAS DANG THUG BCAS YIN PA'I PHYIR; ZHES PA'O,, DE LA SKYON DANG PO GNYIS NI DNGOS ZIN GYI SBYOR BA LA BRJOD CING, GLAG YOD PA'I SKYON NI GTZO CHER DGONGS CHOS BLANGS PA'I SBYOR BA LA BRJOD DO,, GLAG YOD PAR 'GYUR TSUL NI RTZA SHE'I tA'IKA CHEN LAS, GLAG YOD PAR JI LTAR 'GYUR NA SKABS KYI DON SBYOR BA DE LA BZLOG PAS 'GYUR RO,, ZHES PA NAS, DON DANG THUG MED KYANG RTAGS MIN LA BDAG SKYE YOD NA DON DANG THUG MED KYANG RTAGS SU MI RUNG STE DE RTZOD GZHI'I STENG DU GRUB NA BSGRUB

, ,BYA GRUB DGOS PA'I PHYIR RO,, DES NA BZLOG DON GNYIS RTAGS SO,, DNGOS ZIN GYI RTAGS BZLOG DGOS NA DNGOS ZIN GYI DAM BCA' YANG BZLOG DGOS TE MTSUNGS PA'I PHYIR RO,, DE LA RTAGS BZLOG PA LTAR BYAR MED PAS BDAG SKYE RNAM PAR BCAD TZAM MIN PA BZLOG PA'I DON NO,, ZHES DANG, DE YI TSE SKYE BA DON DANG THUG BCAS YIN PA'I PHYIR DNGOS PO RNAMS BDAG SKYE RNAM PAR BCAD PA TZAM MIN NO ZHES PAS GZHAN LAS SKYE BAR 'GYUR RO,, DE LTA NA BDAG LAS MIN ZHES PA'I DON BDAG SKYE RNAM PAR BCANG TZAM YIN PA'I GRUB MTHA' DANG 'GAL LO,, ZHES GSUNGS PA LTAR RO,, /BA/ 'DIR KUN RDZOB DANG DON DAM GANG YIN 'DRI BA'I NYES PA MA BSAL BA DANG, ZHES PA NI GRANGS CAN LUGS KYI KUN RJOB DANG DON DAM GYI DBANG DU BYAS PA YIN PAS SNGAR BSHAD PA DANG GNANG GCIG GO, /MA/ MTHA' GZHAN 'GOG PA'I SBYOR BA LA SKYON BRJOD PA NI SNGAR BSHAD P'I RIGS PAS SHES SLABS MA BRIS SO,, /TZA/ ZLA GRAGS LTAR NA, DBU MA PAS RANG RGYUD KYI SBYOR BA KHAS LEN BA MI RIGS TE, RANG RGYUD KYI SBYOR BA MED PA'I PHYIR TE, RANG RGYUD KYI SBYOR BA DANG RANG DBANG BA'I SBYOR BA GNYIS DON GCIG PA'I PHYIR TE, PHYIR RGOL GYI KHAS BLANGS LA MA 'KHRIS PAR TSANG MAS DON GYI SDOD LUGS NAS RANG DBANG DU CHOS CAN GNYIS DANG RTAGS KYI TSUL RNAMS GRUB TSUL NGES PAR BYAS NAS BSGRUB BYA RTOGS PA'I RJES DPAG SKYED PA GCIG RANG RGYUD KYI DON YIN PAR LEGS BSHAD SNYING POR BSHAD PA'I PHYIR RO,, /TSA/ SANGS RGYAS BSKYANGS KYIS SNGAR BSHAD PA LTAR DAM BCA' LA BRTAGS NAS SKYON BRJOD PA BSAL MI DGOS TE, DNGOS PO RNAMS BDAG LAS SKYE BA

MED PA BSGRUB BYAR BYAS PA'I SBYOR NGAG MA BRJOD PA'I PHYIR DANG, GAL TE BRJOD NA YANG BSGRUB BYA MTHUN SNANG BA MED PAS DE 'DRA BA'I NYES PA BSAL MI DGOS PA'I PHYIR RO,, /DZA/ RANG RGYUD 'GOG TSUL NI LEGS BSHAD SNYING PO DANG LHAG MTHONG CHEN MO GNYIS KAR GSAL ZHING RGYAS PAR GSUNGS 'DUG PAS DE DAG TU SHES PAR BYA'O,, /WA/ SLOB DPON SNGA MA GNYIS PO DES 'GREL BA BYAS PA RNAM RIG TZAM GYI GZHUNG DANG MTHUN PA'I PHYIR RAM, SKABS KYI DON MA BRJOD CING RNAM RIG LA ZHEN PA MA SPANGS PA'I PHYIR, YUM DON JI LTA BA BZHIN BYAS PA MIN PAR MTHONG NAS DBU MAR GNAS PA'I BLOS MDO DANG RGYAN GYI DON RNAM PAR PHYE ZHES PA'O,, /ZHA/ GZUNG BA PHYI ROL DON 'DZIN GYI RTOG PA SPONG ZHING 'DZIN PA STE SHES PA BDEN PAR 'DZIN PA'I RTOG PA MI SPONG BA NI RANG RGYAL GYI LAM GYI KHYAD PAR DU BSHAD PA DANG, THEG CHEN GYI SBYOR LAM DES BDEN MED RTOGS PA'I RNAM PA'I SGO NAS NYAN RANG GI SBYOR LAM LAS KHYAD PAR DU 'PHAGS PAR GSUNGS SO,, //ZA// 'DI SEMS TZAM PA MA YIN T,E DANG POR SEMS TZAM PA'I GRUB MTHA' KHAS LEN DU BCUG NAS PHYIS DE 'DIR DU BCUG PAR 'DOD PA'I SEMS TZAM PA MED PA'I PHYIR RO,, //'A// BDE GRUB BKAG PA LA RGYU 'BRAS KHAS BLANGS PA'I SGO NAS LAN GDAB PAR 'DOD PA'I RGOL BA NGAN PA NI DNGOS POR SMRA BA RNAMS SO,, /YA/ DES NA KHYOD KYIS GANG SMRAS PA, ,BYIS PA DRID PA'I THABS YIN GYI, ,'GRO BA 'DUL BA'I BSAM PA YIS, ,BDEN PAR SMRA BDE MA YIN, ,ZHES SO,, LE'U BCU GSUM PA'I LUNG 'DI SNAR THAD DPAR MA LAS, RMONGS PAR GYUR BA MANG PO YANG, ,SPYOD PA DAG NI 'DI 'DRA BAS, ,BDE GSHEGS LAM NI KUN SPANGS TE, ,DMYAL BA'I LAM NI STEN PA SNANG, ,LONG BA'I MI NI LA LA ZHIG ,GZHAN DAG LA NI LAM

, ,STON BYED,,GANG DANG GANG BRTAGS DE DANG DE, ,'DRI BAR BYED RNAMS DE MI 'DRI, ,GAL TE RMONGS PA'I DBANG GIS LAM, ,MI MTHONG DON STON BYED KYANG, ,SDIG CAN GYI NI LAM DE YIS, ,BGRED PA NYAMS PA THOB PAR 'GYUR, ,ZHES BYUNG BA NI YI GE 'DAG GAM SNYAM MO,, YE SHES GRUB PA RTZOM MKHAN NI RGYAL PO AINDRA BH'U TI YIN PAR BSTAN 'GYUR GYI DKAR CHAG DANG PHYAG CHEN GYI 'GREL PA SOGS BOD GZHUNG MANG POR BSHAD KYANG, DE NI SANGS RGYAS DANG MJAL BA'I RGYAL PO AINDRA BH'U TI ZHES GRAGS CHE BA DE MIN GYI, DGE SLONG MA DPAL MO'I MING PO AINDRA BODHI ZHES PA PHYIS RAB TU 'BYUNG NAS WA PA'I NA BZA' GSOL BAS WA BA PA ZHES GRAGS BA DE YIN NO,, DE YANG DE LA PHRA MIN MA PADMA DE BA SOGS LNGA BRGYAS GNOD PA BYED 'DOD NAS BTZAL TSE WA BA TZAM LUS PA LA KHONG YIN PAR BSAM STE GTUB NAS SO SO SA ZOS TSE DMOD PA BOR BAS KUN LUG TU BSGYUR NAS SLAR WA BA SKYUG BCUG PA MTHUD DE GYON PAS WA BA PAR GRAGS SO,,MKHAS PA KHA CIG, 'DI MINDRA PHO TI MIN TE, DUS 'KHOR GYI RGYUD PHYI MAR DE GNYIS SO SOR GSUNGS PA'I PHYIR, ZHES ZER PA 'DANG YOD DO,, //RA// RDZOGS RIM GYI BOGS 'BYIN GYI SPYOD PA BYED PA'I SKABS SU SA DANG RDO DANG SHING LAS BYAS BA'I SKU GZUGS DANG GLEGS BAM SOGS LA PHYAG MI BYA BAR GSUNGS PA DANG, MNYAM BZHAG ZAG MED NA SEMS KYI RGYU BA STE RNAM RTOG LOG PAR GSUNGS PA RNAMS DBANG RNON LAS DANG PO PA'I NYAMS LEN DU 'KHRUL ZHES PA'O,, //LA// SPYIR NI LTA BA'I 'CHAR TSUL MTHA' YAS PA 'DI LTAR SNANG STE, 'GA' ZHIG NI RTOG PA YIN PHYIN CHAD BZANG NGAN GANG 'DUG DGAG RGYU YIN ZER BA'I TSAN PA GCIG DANG, YANG 'GA' ZHIG RTOG PA BZANG NGAN THAMS CAD DGAG RGYU MA YIN RTOG PA CI TZAM RGYAS BA TZAM GYIS NYAMS RTOG RGYAS PA YIN,

DPER NA BUD SHING JI TZAM MANG GIN ME LCE RGYAS 'OD BA YIN ZER BA'I TSAN PAG CIG STE DE GNYIS 'GAL BA LTAG SPRONG DO,, YANG 'GA' ZHIG RNAM RTOG MA RIG CHEN PO STE, ZHES GSUNGS PAS RNAM RTOG NI MA RIG PA YIN ZER BA'I TSAN PA GCIG DANG, YANG 'GA' ZHIG RNAM RTOG CHOS SKU YIN ZER BA'I TSAN PA GCIG STE DE GNYIS KYANG LTAG SBROD DO,, YANG 'GA' ZHIG YID 'DI MA 'PHROS PAR TZEN NE GNAS PA'I TSE SANGS RGYAS SAM MYANG 'DAS YIN, CUNG ZHIG 'PHROS PA'I TSE SEMS CAN NAM 'KHOR BA YIN ZER BA'I TSAN GCIG DANG, YANG 'GA' ZHIG RNAM RTOG 'PHROS PA'I TSE BRGYUD PA JI TZAM 'PHOS KYANG DE RNAMS KYI NGO LA CER CER BLTAS PAS CHOS SKUR LAM LAM 'CHAR ZER BA'I TSAN GCIG STE DE GNYIS KYANG 'GAL BA'O,, YANG 'GA' ZHIG MUN KHANG DANG, LUS GNAD DANG, RNAM RTOG BKAG PA TZAM LAS BYUNG PA'I MTHONG SNANG BA NA BUN DE CHOS SKU YIN, RNAM KUN MCHOG LDAN GYI STONG PA YIN PAS NA SO SO SKYE BOS KYANG CHOS SKU MNGON SUM DU MTHONG BAR RO NGO SPROD PA'I TSAN PA GCIG DANG, YANG 'GA' ZHIG DE LTA BU DE CHOS SKU YONGS SU RDZOGS PA MTHONG BA MIN GYI CHOS SKU'I SNA RTZE 'AM YAN LAG GAM CHA SHAS MTHONG BA YIN ZER BA'I TSAN GCIG, YANG 'GA' ZHIG DE LTA BU CHOS SKU YONGS RDZOGS DANG CHA SHAS GANG YANG MTHONG BA MIN GYI STONG PA TZAM MTHONG BA YIN, STONG PA LA YANG RANG STONG DANG BZHAN STONG GNYIS YOD PA'I NANG NAS ZLA GRAGS DANG SENG BZANG 'DOD PA'I RANG STONG NGAN PA DE MIN GYI, DBU MA PA CHEN PO THOGS MED 'DOD PA'I GZHAN STONG DE YIN ZHES PA'I TSAN GCIG DANG, YANG GZHAN RNAMS SNGA MA BZHIN LA, MTHONG SNANG DE RANG STONG YIN ZHES PA'I TSAN GCIG STE DE GNYIS KYANG 'GAL LO,, YANG 'GA' ZHIG STONG PA DNGOS MIN GYI

, ,STONG PA'I GZUGS SAM MDANGS YIN, CHOS SKU MA YIN GYI CHOS SKU'I RTAGS YIN, DPER NA ME 'ONG BA'I RTAGS LA DU BA MTHONG BA BZHIN NO ZER BA'I TSAN GCIG DANG, YANG 'GA' ZHIG PHYAG RGYA CHEN PO'I LTA BA DNGOS GZHI DE DANG SBYOR BA YAN LAG DRUG GI SOR SDUD GNYIS GNAD GCIG RANG STONG YIN, DE'I STENG DU SBYOR DRUG GI BSAM GTAN GYI LTA BA GZHAN STONG GI LTA BA 'PHAR RGYU YOD, DES NA PHYAG CHEN LAS SBYOR DRUG LTA BA MTHO ZER BA SOGS MTHA' YAS PA CIG SNANG ZHING, ZHES DRI BA LHAG BSAM RAB DKAR LAS GSUNGS PA LTAR RO,, //SHA// GSANG BA GRUB PA DANG, THABS SHES GRUB PA DANG, YE SHES GRUB PA DANG, GNYIS MED GRUB PA DANG, GSANG CHEN DE KHO NA NYID KYI MAN NGAG DANG, DE KHO NA NYID GRUB PA DANG, LHAN SKYES GRUB BA STE BDUN LA GRUB PA'I SDE BDUN ZHES BYA LA, DO HA MDZOD DANG, PHYAG RGYA BZHI GTAN LA DBAB PA DANG, SHES RAB YE SHES GSAL BA DANG, GNAS PA BSDUS PA DANG, BSAM GYIS MI KHYAB BA'I RIM PA'I MNANG GA DANG, SEMS KHI SGRIB SBYOR STE DRUG LA SNYING PO'I SKOR DRUG CES GRAGS SO,, LTA BDAN SEL DANG, DBU MA DRUG PA DANG, LTA BA NGAN SEL GYI DRAN PA DANG, LHAN SKYES GRUB PA DANG, RMI LAM NGES BSTAN DANG, SGYU MA NGES BSTAN DANG, RAB TU ME GNAS PA GSAL BAR BSTAN PA DANG, DE KHO NA NYID BCUB SOGS CHOS CHUNG NYI SHU RTZA DRUG LA AA MA NA SA'I CHOS SKOR ZHES BYA'O,, BOD SNGA RABS PA'I CI YANG YID LA MI BYED PA'I LTA BA NI GZHUNG DE DAG GI TSIG ZIN LA BRTEN PA YIN NO,, 'DIR YONGS GSANG BA ZHES PA DPE MA 'DAG STE, DPAL LDAN 'DUS PAR YONGS GSAL BA, ZHES GZHUNG DU BYUNG NGO,,'DI'I BSGOM BYA BZHIN NI, RIM LDA GSAL SGRON LA, LAM GYI RIM PA NI DANG POR YI GE 'GOD PA'I BSKYED RIM, GNYIS PA LAS RGYA LA BRTEN NAS RANG GI RANG BZHIN DE KHO NA NYID MTSON PAR BYED

PA; GSUM PA DE BRTAN PA'I DON DU YE SHES KYI PHYAG RGYA LA BRTEN NAS SGOM PA, BZHI PA PHYAG RGYA CHEN PO MNGON PAR BYANG CHUB PA SGOM PA BZHI SPYOD PA DANG BCAS PA STON NO,, ZHES GSUNGS PA LTAR RO,, //SA// MAR ME 'BAR BA BSAD RUNG GI ,ZHES SOGS NI, MDO LAS, BDAG TU LTA BA RI RAB TZAM DU GNAS PA NI BLA YI, MNGON BA'I NGA RGYAL CAN STONG PA NYID DU LTA BA NI DE LTA MA YIN NO,, ZHES GSUNGS PA DANG DON 'DRA BAS NA DE'I DNGOS MED DU 'DZIN PA NI BDEN MED DU 'DZIN PA LA MI BYED PAR STONG NYID BDEN PAR 'DZIN PA LA BYED DGOS SO,, DES NA GZHUNG DE'I GONG DU, GAL TE MING TZA THA DAD KYAGN, ,RTOG PA NYID DU DBYER MED PHYIR, ,MKHAS PAS DNGS 'DIZN YONGS BTANG STE, ,DNGOS MED PAR YANG MI BRTAG GO, ,ZHES PA NI RTOG PA YIN PAS KHYAD PAR MED CES PA MIN GYI, BDEN 'DZIN GYI RTOG PA YIN PAS KHYAD PAR MED CES BSHAD DGOS SO,, //HA// DE NYID MI SHES BRAM ZE NI, ,GYI NA RIG BYED BZHI DAG 'DON, ,SA CHU KU SHAS DAG BYED DANG, ,KHYIM NA GNAS SHING ME LA BSREG ,DON MED SBYIN SREG BYAS PA NI, ,DU BAS MIG LA GNOD PAR BAS, ,DBYU GU DBYUG GSUM LEGS LDAN GZUGS, ,ZHES PA NAS, 'GRO BA RNAMS NI BRDZUN PA NYID DU GOL, ,ZHES PAS BRAM ZE BA DANG, AE RA'I THAL BAS LUS LA BYUG NAS SU, ,ZHES PA NAS, DBANG RNAMS BSKUR ZHING BLA MA'I YON RNAMS LEN, ,ZHES PAS DBANG PHYUG PA DANG, SEN MO RING ZHING LUS LA DRI MAS GA-YONGS, ,ZHES PA NAS, THAR PA RNAM YANG YOD PA MA YIN ZER, ,ZHES PAS MCHOD 'OS BA BKAG PAR DO HA'I 'GREL PA DU MAR BSHAD PAS NA, 'DIR DU BYUG GU RTZE GSUM SOGS KYIS DBANG PHYUG PA DANG, AE NA RE THAL BAS SOGS KYIS KHYAB 'JUG PA BKAG PAR GSUNGS PAR BYAD DGOS SO,, LHAN SKYES KYI BDE STONG DANG BRAL ZHING DKA' THUB TZAM LA GNAS PA'I THEG DMAN PA DANG, THEG CHEN LA ZHUGS KYANG RGYU PHAR PHYIN THEG PA

, ,PA DANG, 'BRAS BU'I THEG PA LA ZHUGS KYANG RTOG PA'I RNAL 'BYOR LA GNAS PA RNAMS NI LA MA DE TZAM GYIS 'TSAD RGYA MI NUS PAR, BDE BA'I DE NYID DANG NI BRAL GYUR ZHING, ZHES SOGS KYIS BRHAN TO,, //AA// SNAR THANG DPAR MA LAS; GCIG DANG DU MA MA YIN ZHING, ,RLABS MED SNANG BA MED PA DANG, ,ZHES BYUNG SHE, RKANG PA HTA MA'I DON NI LHAN SKYES KYI BDE SHONG RANG DUS NA RNAM RHOG RAGS PA'I GA-YO BA MED PA DANG GNYIS SNANG RAGS PA MED PA LA BYED DAM SNYAM MO,, //KA// SDUG BSNGAL MA LUS ZAD BYA'I GO CHA BGOS NAS NI, ,RDZOGS SANGS RGYAS KYI BDE MCHOG THOB PAR 'DOD PA YI, ,SEMS NI BRTAN BYAS DE LA 'BAD DE DPYAD BYAS LA, ,DE YI RANG BZHIN BDAG GI RANG BZHIN NYID DU BYA, ,ZHES SNAR THANG DPAR MA LAS BYUNG NGO,, //KHA// 'DI'I RNAM BCAS RNAM MED NI DE KHON NYID BCU PA'I 'GREL PAR BSHAD PA LHAR YIN LA, BSAM DU MED PA'I RMONGS PA ZHES PA NI CI YANG YID LA MI BYED PA LA BYED DAM SNYAM MO,, //GA// RNAM BCAS MA YIN RNAM MED YIN; ZHES PA'I PHYOGS SNGA SMRA BA LA GTZO PHAL GNYIS LAS, PHAL BA NI DE NYID PA'I 'GREL BA LAS, RNAM PA DANG BCAS PA'I 'JUG PA NI RNAM PA DANG BCAS PA'I SHES PA'O,, RNAM PA BSAL BA NI RNAM PA MED PA'O,, RNAM PA DANG BCAS PA ZHES BYA PA'I SGRAS MDO SDE PA DANG RNAL 'BYOR SBYOD PA BDAG BZUNG BA'O,, RNAM PA MED PA ZHES BYA BA YANG BYE BRAG TU SMRA BA DANG RNAM 'BYOR PA'I BYE BRAG DAG BSDUS PA'O,, ZHES DANG, YANG RNAM BCAS MA YIN RNAM MED MIN, ZHES BYA BA NI RNAL 'BYOR SPYOD PA BA GANG NGAG GI 'DOD PA NYID BLANG BAR BYA BA MA YIN PA DE NYE BAR LEN PA'O,, ZHES SO,, GTZO BO NI DE NYID LAS, YANG NA, RNAM BSAM MA YIN RNAM MED MIN, ZHES BYA BA NI RNAM PA DANG BCAS PA'I DBU MA DANG RNAM PA MED PA'I DBU MA BSAL BAR BYA

BA'I GTZO BO 'DI DAG GO, ZHES DANG, 'DIR BCOM DLAN 'DAS MA BLA MA DAM PA'I MAN NGAG IG RGYAN GYIS BRGYA NA PA'I ZANG DU 'JUG PA'I DE BZHIN NYID KYI DGONGS PA NI MKHAS PA RNAMS KYI YID 'PHROG PAR BYED PA NYE BAR BSTAN TE, ZHES GSUNGS SO,, //NGA// PHUNG SOGS KYI CHOS RNAMS BDEN STONG RO GCIG TU BSTAN TO,, 'GREL BA'I LUNG 'DI LA SNANG THAD DBAR MAR, SO SOR BRTAGS TE NGES PA DAD DRANG BA'I DON LA NGES PAS YANG DAG PA'I DON BSGOM PAR BYA'O,, ZHES BYUNG DO,, //CA// DE LTAR NYES PA'I TSOGS GYUR BAS, ,DE BAS RNAM MED DE MA YIN, ,DE NAS SEMS MED DE NYID NI, ,DA NI RAB TU BSHAD PAR BYA, ,ZHES SNAR THAR DPAR MA LAS BYUNG BA LTAR NA, NYES PA'I TSOGS ZHES PA RNAM MED LA SBYAR BA YIN GYI SEMS MED LA MI SBYAR RO,, //CHA// DRI BA LHAG BSAM RAB DKAR LAS, 'BRAS BU MTHO NA 'DU SHES MED PA'I LHA, ,DMA' NA DUD 'GRO'I RGYU LA NYIN MTSAN DU, ,'BAD PA'I SGOM CHEN RNAMS LA MA BZOD NAS, ,ZUR TZAM ZHUS MOD NONGS NA BZOD PAR MDZOD, ,CES CI YANG YID LA MI BYED PA SGOM PA'I 'BRAS BU LA DUD 'GRO DANG 'DU SHES MED PA'I LHAR SKYE BAR GSUNGS PA MA GTOGS PA GZUGS MED DU SKYE BA DANG NYAN THOS KYI 'GOG PAR LHUNG BAR MA GSUNGS LA, GZUGS SNANG BKAG NAS MKHA' MTHA' YAS SO SNYAM PA NI CI YANG YID LA MI BYED PA MA YIN PAS NA RIGS PAS KYANG MI GRUB PA'I PHYIR SNYAM STE DPYAD PAR BYA'O,, //JA// MAN SNYE LAS RIM GNYS KYI PHYAG RGYA BZHI TSAN GNYIS DANG, RDZOGS RIM LA YANG LAM DANG 'BRAS BU'I PHYAG RGYA BZHI TSAN GNYIS SU BSHAD PAR NAMS SBAS DON KUN GSAL LAS SEHS PAR BYA'O,, DRIL BU ZHABS KYI RIM LNGA'I GSUM PA NOR BU 'GENGS PA'I RIM PAR BSHAD PA'I PHYAG RGYA BZHI DANG, DUS 'KHOR GYI BSDUS RGYUD SGRBU THABS KYI LE'UR BSHAD PA'I PHYIR RGYA BZHIN MAS SBAS DON LHA BA'I MIG 'BYED DANG 'GREL CHEN DRI MED 'OD SOGS LAS SHES DGOS SO,,

, ,BSHAD RGYUD RDO RJE PHRENG BA'I LUNG DE RNAMS KYI TSIG DON NI, DE'I RGYA CHER 'GREL PA PAndI TA AA KAK LA SHES MDZAD PA LAS SHES PAR BYA STE, 'DIR SKABS MA YIN PAS MA SPROS SO,, //NYA// LHAN SKYES KYI BDE CHEN GYIS STONG NYID KYI DON YUN RING POR BSGOMS PA ZHIG YIN NA, NANG GI RTZA'I GNAD RNAMS SU DMIGS PA YANG MED CING, PHYAG RGYA GZHAN GSUM DMIGS PA'I RTEN DU YANG MED PAR STONG NYID LA DMIGS PA TZAM GYIS LHAN SKYES KYI BDE BA SKYED NUS PAS NA STONG NYID LA PHYAG RGYA CHEN PO ZHES BLA MED KYI RGYUD SDE RNAMS SU BSHAD YOD DO,, //TA// STONG NYID KYI PHYAG RGYA MO LA GNYIS YOD PA'I RNAM BCAS STONG GZUGS KYI PHYAG CHEN GYIS LHAN SKYES KYI BDE BA 'DREN PA NI DUS 'KHOR GYI SKOR NAS GSAL BAR GSUNGS LA, RNAM MED DE KHO NA NYID KYI PHYAG CHEN GYIS LHAN SKYES KYI BDE BA 'DRN PA NI DRIL BU ZHABS KYI RIM LNGAR BSHAD PA MA GTOGS PA GZHAN DU MI GSAL BAR SBAS DON LTA BA'I MIG 'BYED DU GSUNGS PA 'DIR BKOD PAR SNANG BAS NA, RNAM MED LHAN SKYES KYI BDE CHEN ZHES PA DPE DAG MA DAG DPYAD DGOS SO,, //THA// PHYAG RGYAS BTAB CES PA NI RGYAL PO CHEN PO'I PHYAG RTAGS BTAB PA'I YI GE LTAR, DE LAS 'DAR MI RUNG BA DANG BDAG PO GANG GI YIN PA GO BAR BYED PA'I DON DANG, SKABS 'GAR NAGN GI GSANG YIG GZHAN LA MI STON PA'I CHED DU PHYIR ROL TU RTAGS BYAS PA LTAR MI MNGON PAR SBAS PA'I DON DU YANG BSHAD PA LAS, BKAR BRTAGS PHYAG RGYA BZHI LHA BU NI DE LAS 'DAR MI RUNG BADANG GANG GI YIN BGO BAR BYED PA GNYIS KA TSANG STE, NANG PA'I GRUB MTHA' PA KUN GYIS 'DUS BYAS MI RTAG PA SOGS SU 'DOD DGOS PA DANG, GANG LA DE BZHI'I TSIG YOD PA'I LUNG LA SANGS RGYAS KYI BSTAN PA YIN PAR GO BA GNYIS KA TSANG PA'I PHYIR RO,, //DA// AA LA SOGS PA LA LI GE BSNAN PA'I NGES TSIG GIS BSHAD NA DON DE

DAG STON PAR 'GYUR BAS NA, 'DI'I PHYAG RGYA ZHES PA NI DON DE DAG MI MNGON PAR SBAS NAS BSTAN PA'I 'DON YIN NAM DPYAD PAR BYA'O,, //NA// SNGAGS BLA MED NAS STONG NYID LA PHYAG CHEN GYI SGRAS BSTAN PA NI SNGAR BSHAD PA LTAR BUD MED KYI MING BTAGS PA YIN LA, PHAR PHYIN THEG PA'I GZHUNG DU STONG NYID LA PHYAG RGYA CHEN PO'I SGRAS BSTAN PA MED LA, PHYAG RGYA'I SGRAS BSTAN PA YOD KYANG DE NI CHOS RNAMS KYI GNAS LUGS DE KHO NA YIN GYI DE LAS GZHAN DU 'DAR MI RUNG BA'I DON DU BSHAD DGOS PAS NA PHYAG RGYA CHEN PO'I SGRA DON GANG YANG MED DO,, PHAR PHYIN HTEG PAR STONG NYID LA YUM GYI THA SNYAD BYAS PA YOD KYANG, DE NI MNGON RTOGS YUM DANG GANG ZAG SRAS SU 'JOG TSUL GSUM BSHAD PA LTAR RAM, YANG NA THUN MONG DANG THUN MONG MIN PA'I RGYU'I SGO NAS THABS SHES LA PHA MA'I THA SNYAD BYAS PA LTAR BSHAD DGOGS KYI, BDE CHEN SKYED PA'I CHUNG MA'I THA SNYAD BTAGS PA GTAN MIN LA, GZHAN YANG, PHYAG CHEN RTZA BA LAS, PHYI MA RDO RJE'I LUS NYID LA, ,GNAD DU BSNUN SOGS THABS MKHAS LAS, ,BYUNG BA'I BDE CHEN 'OD GSAL TE, ,SA RA HA DANG KLU SGRUB ZHABS, ,N'A RO MEE TRI'I PHYAG CHEN TE, ,GRUB SNYING SKOR NAS BSTAN PA YI, ,BLA MED RGYUD SDE'I YANG SNYING YIN, ,ZHES PA LTAR GRUB SNYING NAS BSHAD PA'I PHYAG CHEN NI RDO RJE'I LUS LA GNAD DU BSNUN PA SOGS PHYI NANG GI THABS MKHAS PAS RLUNG DBU MAR ZHUGS GNAS THIM GSUM BYAS PA LAS BYUNG BA'I LHAN SKYES KYI BDE BA CHEN PO'I YE SHES KYIS STONG NYID RTOGS PA'I DPE DON KYI 'OD GSAL LA BYED PA YIN GYI STONG PA NYID RKYANG BA LA MI BYED DO,, PHYAG CHEN THIG LE LAS; PHYAG NI STONG PA'I YE SHES TE, ,RGYA NI 'KHOR BA'I CHOS LAS GROL, ,CHEN PO ZUNG DU 'JUG PA STE,, PHYAG RGYA CHEN PO ZHES BRJOD DO,, ZHES GSUNGS 'DUG PAS NA, 'DIR PHYAG DANG RGYA SOGS PHRAL NAS BSHAD TSUL DE MDO SNGAGS GANG

, ,DANG YANG MI MTHUN ZHES GSUNGS PA'I DGONGS PA GANG YIN DPYAD DGOS SO,, 'DIR YANG STONG NYID LA PHYAG CHEN DU BSHAD PAS ZHES SOGS KYI DON NI, PHAR PHYIN THEG PAR STONG NYID LA PHYAG RGYA ZHES BSHAD PA DANG SNGAGS BLA MED NAS STONG NYID LA PHYAG CHEN DU BSHAD PAS DE GNYIS MTHUN SNYAM NA, NYAM THOS KYI SDE SNOD LAS SBYIN PA BSHAD KYANG SBYIN PA'I PHAR PHYIN MA BSHAD PA LTAR, PHAR PHYIN THEG PAR PHYAG RGYA ZHES MANG DU BSHAD KYANG PHYAG CHEN MA BSHAD PAS DON DE LA MDO SNGAGS GNYIS MI MTHUN ZHES PA YIN NAM SNYAM MO,, GRUB MTHA' CHEN PO'I DGONGS PA DE LTAR YIN MOD KYANG, PHYAG CHEN RTZA 'GREL LTAR NA, MDO LUGS LA CHOS THAMS CAD KYI RANG BZHIN STONG PA NYID NI PHYAG RGYA DANG, DE RTOGS NA RGUD PA THAMS CAD LAS GROL BAS CHEN PO 'AM MCHOG CES BSHAD LA, LHAN CIG SKYES SBYOR GA'U MA, ,LDA LDAN RO SNYOMS KYI GE BZHI, ,ZHI BYED GCOD YUL RDZOGS CHEN DANG, ,DBU MA'I LTA KHRID LA SOGS PA, ,SO SOR MING 'DOGS MANG NA YANG,, NGES DON LUNG RIGS LA MKHAS SHING, ,NYAMS MYONG CAN GYI RNAL 'BYOR PAS, ,DPYAD NA DGONGS PA GCIG TU 'BAB, ,CES SA RNYING BKA' DGE THAMS CAD DGONGS PA MTHUN PAR GSUNGS SO,, MKHAS PA KHA CIG, PHYAG CHEN RTZA 'GREL GYI BSHAD TSUL DE DGOS PA'I DBANG GIS LDEM DGONGS LHA BUR GSUNGS PA YIN ZER BA'ANG YOD DO,, //PA// LONGS SPYOD RDZOGS DANG KHA SBYOR BDE CHEN RANG BZHIN MED, ,SNYING RJES YONGS BKANG RGYUN MI CHAD DANG 'GOG PA MED, ,CES PA LTAR YAN LAG BDUN DANG, SKU YI DBANG PHYUG GSUNG GI DBANG PHYUG DANG, ,DE BZHIN DU NI THUGS KYI DBANG PHYUG DANG, ,RDZU 'PHRUL KUN 'GRO GNAS KYI DBANG PHYUG DANG, ,CI 'DOD SKYED DANG YON TAN BRGYAD PA'O, ,ZHES PA LTAR YON TAN GYI DBANG PHYUG

BRGYAD DE, DE GNYIS NI 'BRAS BU'I SKABS YIN LA, SNGAR BSHAD PA LTA BU'I DBANG PHYUG GI YON TAN BRGYAD NI SLOB PA'I ZUNG 'JUG THOB PA NAS 'BYUNG BAR BSHAD DO,, DE DAG RGYAS PAR SGRON GSAL GYI MCHAN LAS SHES PAR BYA'O,, //PHA// KHYOD LA DMIGS NAS SGOM PAS 'PHAGS CHOS KYI RGYU BYED PAS CHOS DBYINGS ZHES BYA LA, DE NI SNGON RANG BZHIN LA NYON MONGS ZHUGS PA DANG DE GDOD DE DANG BRAL BA GNYIS KA CES PA'O,, //BA// CHOS GANG YANG RANG GI NGO BO BDEN STONG YANG DE DANG 'DRA BAS ZHES PA NI DPE DAG MA DAG DPYAD BYA STE, JO NANG PAS DON DAM BDEN PA BDEN GRUB TU 'DOD PA'I PHYIR DANG, YONGS GRUB NI GZHAN DBANG KUN BRTAGS GNYIS MA YIN PA'I TSUL STONG PA ZHES PA YANG, YONGS GRUB DE GZHAN DBANG KUN BRTAGS GNYIS KYIS STONG PA ZHES SBYAR NA GO BDE'O,, //MA// KUN RDZOB TSAD MAS MA GRUB PAS RTOG NGO TZAM DU YOD PA NI THA THA SNYAD DU YOD PA'I DON DANG, JO NANG PA LHAT DON DAM BDEN PA BDEN GRUB DANG GANG LA YANG MA LHOS PA'I RDZAS YOD DANG, SGOM DUS STAG TSANG PA'I GRUB MTHAR KHRUL NAS GANG LA YANG MI SEMS PA NI SPROS BRAL SGOM PA YIN ZHES BSHAD CES PA'O,, //TZA// THAG KHRA SPRUL 'DZIN GYI 'JIGS PA SEL BA'I CHED DU THAG PA STONG GZHIR BYAS NAS DEL SBRUL DU 'DZIN PA'I RTOG PA'I ZHEN YUL DU GYUR PA'I SPRUL GYIS STONG PAR BSTAN PA LTAR YIN PAS NA, BUM PA KA BAS STONG PAR STON PA DANG MI 'DRA BA YIN NO,, //TSA// GCIG GIS GCIG STONG PA NYID GANG YIN PA DE NI DON DAM PA MIN GYI ZHES PA STE, YIN GYI ZHES PA YI GE NOR RO,, //DZA// STAG LO SHES RAB RIN CHEN GYIS TSE SMAD LA, RJE BDAG NYID CHEN PO LA MI PHYED PA'I DAD PA THOB 'DUG KYANG, BAR SKABS SU 'JIG RTEN MTHUN 'JUG GYA GYU'I SBYOR BA DANG MA RTOGS LOG GIS KUN NAS

, ,BSLANGS TE, RJE BTZUN TZONG KHA BA CHEN PO LA 'GAL BA'I KHUR CHEN BCO BRGYAD YOD PAR BSHAD DE, DE'I RTZOD YIG LAS, GANG NGAG DPAL LDAN ZLA BA'I RJES 'BRANG NAS, ,MDAG 'KHUL BA'I SNANG BA TSAD GRUB TU, ,RIGS PA DU MAS DPYAD NAS KHAS LEN PA, ,'DI LA 'GAL BA'I KHUR CHEN 'DI LTAR YOD, ,CES DANG, 'GAL BA BCO BRGYAD ZER BA NI, DE NYID LAS, YUL KUN BRDZUN DANG YUL CAN BSLU MED 'GAL ,YUL DER 'KHRUL DANG DE LA TSAD MA 'GAL, ,RJES DPAG YOD DANG BSGRUB NGAG MED PA 'GAL, ,MTHUN SNANG MED DANG CHOS CAN TSAD GRUB 'GAL, ,PHYI DON TSAD GRUB RDUL PHRAN CHA BCAS 'GAL, ,RIGS DRUG TSAD MA RDOS BCAS TSANG GRUB 'GAL, ,SKRA SHAD MED DANG KLUNG RNAG YOD PA 'GAL, ,RDZAS GRUB MED DANG DNGOS PO YOD PA 'GAL, ,GZHAN SKYE MED DANG SA MYUG RDZAS GZHAN 'GAL, ,BDEN BRDZUN YOD DANG YANG LOG MED PA 'GAL, ,YAN LAG LA DPYAD BUM PA MI RNYED DANG, SKAD CIG LA DPYAD ZHIG PA RNYED PA 'GAL, ,RANG RGYUD SMRA BAS RANG BZHIN SMRAS PA DANG, ,RANG BZHIN MED BLO DE NGOR GRUB PA 'GAL, ,NYON MONGS CAN MIN MA RIG YOD PA DANG, ,SHES PAR GYUR PA'I SHES SGRIB MED PA 'GAL, ,GZHUNG GZHAN NAS BSHAD KUN GZHI RANG RIG SOGS, ,'GOG NA DE DAG RANG LUGS MI 'DOD DANG, ,SDE BDUN NAS GSUNGS TSAD MA MI 'DOD KYANG, ,RANG LUGS TSAD MA'I RNAM GZHAN SHES PA 'GAL, ,MI RTAG SOGS RTOGS RNAL 'BYOR MNGON SUM DANG, ,DE YIS SBYOR LAM RTOGS PAR MI SLEBS 'GAL, ,GZHAN SEMS SHES PA YID MNGON YIN PA DANG, BDEN BZHI SHES PA RNAL 'BYOR MNGON SUM 'GAL, ,KUN MKHYEN YE SHES CHOS KUN 'JAL BA DANG, ,SHES BYA PHYED LA TSAD MA MIN PA 'GAL, ,RDZAS YOD BDAG SMRA GNAS MA'I BUR NGES

DANG; ;RNAM SHES BDAG SMRA'I DBU SEMS YOD PA 'GAL, ,ZHES PA LTAR RO,, RTZOD YIG DE'I MJUG TU, DE LTAR 'GAL BA'I KHUR CHEN YOD PA'I RGYU, ,RNAM DPYAD MED PAR 'JIG RTEN NYID LAS ZHES, ,YANG YANG SMRAS KYANG RTOG GER GOMS PA'I MTHUS,, 'THAD PA BCU GNAS DPYAD CING BSGRUBS PAS SO, ,ZHES KYANG SMRAS SO,, 'DI DAG NI PAn CHEN CHOS RGYAN GYIS, ,'DI LTAR RJE BTZUN BLA MA'I GSUNGS RAB LA, ,LTAR SNANG 'GAL BA BCO BRGYAD 'PHANGS BYAS TE, ,RE RES 'GAL KHUR BCO BRGYAD SDE NYO BA, ,KHYED DANG MTSUNGS PA'I TSONG DPON GZHAN YOD MIN, ,ZHES 'GAL BA LTAR SNANG GI ZONG BCO BRGYAD KYIS TSONG BYAS TE RIN BCO BRGYAD GRANGS DE SNYENG KYIS BSGYUR BA THOB PAR GSUNGS PA LTAR, ,STAG LO'I BSHAD TSUL LA 'GAL BA PHRA MO SHIN TU MANG PO YOD KYANG RAGS BA TZAM BSDUS NA 'GAL BA'I KHUR CHEN NYER BDUN YOD PAR 'DIR BSHAD DO,, //WA// 'JUG PA'I LUNG DE JI LTA BA'I DBANG DU BYAS TE, RNAM MKHYEN GYIS CHOS THAMS CAD KYI GNAS LUGS MNGON SUM DU RTOGS KYANG, SLOB PA'I MNGON SUM GCIG GIS CHOS THAMS CAD KYI GNAS LUGS MNGON SUM DU MA RTOGS ZER NA, KHYOD KYIS CHOS THAMS CAD KYI GNAS LUGS MTHAR THUG PHAN TSUN YIN KHYAB MNYAM DU BSHAD PA DANG 'GAL ZHES PA NI, GANG GIS DNGOS GCIG DE BZHIN NYID MTHONG BA, ,DE YIS DNGOS KUN DE BZHIN NYID DU MTHONG, ,ZHES PA DANG 'GAL BA LA DGONGS TE, BYAS PA MI RTAG PA YIN KHYAB MNYAM YIN KYANG GCIG RTOGS PA'I MNGON SUM GYIS GCIG SHOS RTOGS MI DGOS PA'I PHYIR SNYAM STENG DPYAD PAR BYA'O,, //ZHA// DUS 'KHOR NAS BSHAD PA'I SKU PHRA BA STONG GZUGS KYI SKU NI ZLA MED SPYI'I SGYU LUS KYI DOD THUB TU BSHAD LA, SGYU LUS JI BZHIN SHES PA LA NI GSANG BA 'DUS PA LA TSUL BZHIR BSHAD PA'I DON DANG, KHYAD

, ,PAR DU SPAS MTHA'I DON SHES DGOS PA'I DON TE, DE DAG SGRON GSAL GYI MCHAN DANG MTHA' DPYOD DAG LAS SHES PAR BYA'O,, //ZA// TSUGS THUB BAM RDZAS YOD KYI DON NI, ,BYE MDO LTAR NA CHA SHAS SO SOR 'PHRAL PA'I RIGS PA'I DPYAD BZOD DU GRUB PA DANG, SEMS TZAM PA DANG RANG RGYUD PA LTAR NA CHOS GZHAN GZUNG BA LA MA LTOS PAR RANG GI NGO BO GZUNG DU YOD PA DANG, THAL 'GYUR BA LTAR NA BDEN GRUB BAM GZHAN LA MA LTOS PAR GRUB PA LA BYED PAS TSUGS THUB MED PAR BZHED DO,, //'A// DE'I DON NI RTZA SHE'I t'IKA CHEN LAS, ,ME'I GNYUG MA'I NGO BO BCOS MA MIN PA SNGAR MED GSAR DU SKYES PA MIN PA DANG DUS GSUM DU YANG ME LA MI 'KHRUL BA, CHU'I TSA BA'AM TSU ROL DANG PHA ROL LAM RING THUNG LTAR RGYU RKYEN GZHAN LA LTOS PA MED PA DE NI ME'I RANG BZHIN DAG NI YIN PAR BRJOD DO,, ZHES GSUNGS PA LTAR RO,, YANG DE NYID LAS, 'JIG RTEN NA BCOS MA LA RANG BZHIN NAM GSHIS KYI THA SNYAD MI BYED PA NI 'DIR YANG KHAS LEN LA, DE LTA NA ME'I TSA BA ME'I RANG BZHIN NAM GSHIS SU 'JIG RTEN GRAGS MOD KYANG DE YANG ME'I GSHIS MA YIN TE, GSHIS KYI MTSAN NYID DANG BRAL BA'I PHYIR RO ZHES SMRA BA YIN TE, ME NI ME SHEL LA SOGS PA'I RGYU RKYEN LA LTOS PAR DMIGS LA DE'I TSA BA YANG DE DANG 'DRA BAS, BYAS PA'I PHYIR CHU'I TSA BA BZHIN DU RANG BZHIN MA YIN NO ZHES GSAL BAR NGES SO,, 'DIR CHU'I TSA BA DANG ME'I TSA BA GNYIS RGYU RKYEN GYIS BYAS PAR MTSUNGS KYANG BCOS MA YIN MIN MI MTSUNGS PAS RANG BZHIN YIN MIN KYANG MI MTSUNGS SO SNYAM DU 'JIG RTEN PA LA GRAGS MOD KYANG, DNGOS POR SMRA BA RNAMS NI CHU TSA BAR SKYES PA DANG ME TSA PAR SKYES PA LA RANG BZHIN GYIS SKYES MA SKYES

KYI KHYAD PAR MI 'DOD PAS, 'JIG RTEN NA BCOS MAR 'JOG NA RANG BZHIN DU THA SNYAD MI BYED PA'I TSUL DE KHAS MI LEN ZHING RANG LUGS LA DE LTAR KHAS LEN NO,, ZHES 'JIG RTEN NA GRAGS TSOD DE DANG THAL 'GYUR BA'I LUGS DANG DNGOS SMRA BA'I 'DOD TSUL GSUM MI 'DRA BA'I KHYAD PAR GSUNGS PA SHES PAR BYA STE, DE LTAR NA DNGOS SMRA BAS CHU'I TSA BA DE CHU'I RANG BZHIN DU 'DOD DAM DPYAD DGOS SO,, //YA// THAL 'GYUR BA KHYOD KYIS GZHAN DBANG RANG BZHIN GYIS GRUB PA SE LA PAR BYED NA SEMS TZAM PA KHO BOS KYANG MTHA' BZHI SKYE 'GOG LA SOGS PA'I RIGS PAS KHYOD LA GRAGS PA'I 'JIG RTEN GYI THA SNYAD SEL BAR BYED DO ZHES PA'I LAN DU, GAL TE KHYOD LA 'JIG RTEN MI GNOD NA, ZHES SOGS GSUNGS TE, TSIG DON NI GO SLA'O,, //RA// BSAM GYIS MI KHYAD PA LA GNYIS, THA MAL DU GNAS PA'I LAS PHRA BA DANG, MTHU KHYAD PAR CAN THOB PA'I GANG ZAG GI LAS PHRA BA BSAM GYIS MI KHYAB PA'O,, DANG PO LA GNYIS, BCUD DANG SNOD KYI 'JIG RTEN 'GRUB PA'I LAS PHRA BA'O,, DANG PO NI, LAS MI 'DRA BA DU MAS LUS MI 'DRA BA SNA TSOGS SU GYUR BA NI BSAM GYIS MI KHYAB PA YIN LA, DE YANG RGYUR GYUR BA'I LAS TSE RABS SNGA MA LA GNAS GANG DU DANG, SEMS CAN YIN MIN GYI DNGOS PO GANG LA BRTEN NAS DANG, RGYU'I KHYAD PAR CI 'DRA BAS DANG, RNAM SMIN GANG LA BRTEN NAS BYAS PA SOGS PA ZHIS BSAM GYIS MI KHYAB PAR BSHAD DO,, SNOD KYI 'JIG RTEN 'GRUB PA'I LAS PHRA BA NI, PHYI'I DNGOS PO MI 'DRA BA SNA TSOGS 'GRUB PA'I LAS PHRA BA DANG, NOR BU CHU SHEL LAS CHU 'BYUNG BA SOGS DANG, SMAN 'GA' ZHIG BZUNG BAS MI SNANG BAR 'GRO BA DANG, SNGAGS BTAB PAS MES MI 'TSIG PA DANG, LUNG PA GSUM GYI NANG NAS

, ,RDE'U GSUM BLANGS TE MTHO SAR PHYIN NAS BDUN PA MAN CHAD KYI RIMS RNAMS SONG SHIG CES BRJOD NAS 'PHANGS PAS RIMS ZHI BA LTA BU MA KHYUD SPYAD DANG LDAN PA'I LAS KYI RGYU'I NUS PA BSAM GYIS MI KHYAB PAR BSHAD DO;; MTHU KHYAD PAR CAN THOB PA'I GANG ZAG GI LAS PHRA BA NI, RNAL 'BYOR BA'I MNGON SHES KYI MTHUS SA GA-YO BA SOGS DANG, BYANG SEMS RNAMS KYI DBANG BCU'I LAS DANG, SANGS RGYAS KYIS DE BZHIN NYID LA SLAR MI LDANG BAR MNYAM PAR BZHAG BZHIN DU, 'KHOR BA JI SRID KYI BAR SEMS CAN GYI BSAM PA DANG MTHUN PA'I LAS MDZAD PA NI BSAM GYIS MI KHYAB PAR KUN BTUS RTZA 'GREL LAS BSHAD DO,, //LA// GANG PHYIR MYU GU SA BON LAS GZHAN MIN, ,DE PHYIR MYUG TSE SA BON ZHIG PA MED, ,GANG PHYIR GCIG NYID YOD MIN DE PHYIR YANG, ,MYUG TSE SA BON YONG CES BRJOD MI BYA, ,ZHES PA'I LUNG GIS, GANG GI PHYIR MYU GU SA BON LAS RANG GI MTSAN NYID KYIS GRUB PA'I GZHAN MIN PA'I PHYOGS LA SA MYUG GNYIS RGYU 'BRAS SU MI 'GAL BA DE'I PHYIR MYU BU'I TSE SA BON GYI RIGS BRGYUD CHAD PA'I ZHIG PA MED PA DANG, GANG GI PHYIR SA MYUG RANG BZHIN GCIG MIN PAS SA BON DE NYID MYU GUR 'PHOS PA MIN PA DE'I PHYIR MYU GU'I TSE SA BON YONG CES BRJOD DU MI RUNG BAR GSUNGS PA LTAR, GANG PHYIR RANG BZHIN GYIS DE MI 'GAGS PA, ,DE PHYIR KUN GZHI MED KYANG 'DI NUS PHYIR, ,ZHES PA YANG, GANG GI PHYIR LAS RANG BZHIN GYIS MA 'GAGS PA'I PHYOGS LA SKAD CIG DANG PO 'GAGS KYANG SKAD CIG PHYI MA GNAS PA MI 'GAL BA DE'I PHYIR RNAM SMIN 'BYUNG BA'I BAR DU LAS KYI RIGS BRGYUD CHAD PA'I ZHIG PA MED PAS NA,

LAS SKAD CIG DANG PO 'GAGS NAS YUN RING PO LON PA LAS KYANG RNAM SMIN 'BYUNG BAR SHES PAR GYIS SHIG CES PA YIN GYI, DGE MI DGE'I LAS KYI RIGS BRGYUD CHAD KYANG RNAM SMIN 'BYUNG BA YOD CES PA MIN TE, 'DIR YANG, SPYIR RGYU LAS 'GAG PA DANG 'BRAS BU RNAM SMIN 'BYUNG BA DUS MNYAM YANG, ZHES GSUNGS PA'I PHYIR, BYAS PA LA KHA CIG GIS, MDZOD LAS, LUNG BSTAN PHYIS 'BYUNG ZHES GSUNGS PA MI 'THAD PAR THAL, RNAM SMIN GYI RGYU 'GAG PA DANG RNAM SMIN GYI 'BRAS BU 'BYUNG BA DUS MNYAM PA'I PHYIR ZER NA, DE NI LUGS GZHAN YIN PA'I PHYIR DANG, DER YANG LAS BSAGS MA THAG TU RNAM SMIN MI 'BYUNG BA'I DON YIN PA'I PHYIR DANG, LUGS DER MI DGE BA NYON SGRIB YIN PAS DGRA BCOM PA'I RGYUD LA MI SRID KYANG DE'I RGYUD LA MI DGE PA'I RNAM SMIN GSAR DU SMIN PA YOD PA'I PHYIR RO,, //SHA// RANG BZHIN GYIS GRUB PA'I SA BON ZHIG PA LAS MYU GU 'BYUNG NA NI SA MYUG RGYUN THA DAD DU 'GYUR TE; RANG BZHIN GYIS ZHIG NA RIGS BRGYUD CHAD DGOS PA'I PHYIR RO,, RANG BZHIN GYIS GRUB PA'I SA BON MA ZHIG PA LAS MYU GU 'BYUNG NA NI RANG BZHIN GZHAN DU MI 'GYUR BAS SA MYUG DUS MNYAM DU YOD PAR 'GYUR RO,, //SA// SKYE 'CHI GNYIS KYI BAR NA BAR SRID YOD KYANG MA GSUNGS PA MANG BAR SNANG BAS ZHES 'JUG PA'I tA'IKA CHEN LAS GSUNGS LA, 'DIR BAR DO RGYU DUS SA YIN LA ZHES PAR SRID NI 'CHI BA'I PHUNG POR BSDUS PAR BSHAD DAM DPYAD DO,, SRID PA 'PHO BA'I MDO'I BSHAD TSUL GSAL BAR 'JUG PA'I t'IKA CHEN DU BKONG 'DUG PAS DER SHES DGOS SO,, 'DIR GNYING LOG PA'I RMI LAM LTAR DRAN P'ANG LAS DE DANG SNANG BA MUN PA LA BLO 'GRO BA TZAM YIN NO,,

, ,ZHES PA NI 'JUG PA'I tA'IKA CHEN LAS, PHUNG PO RIGS MTHUN TSE 'DIR GNAS PA'I LAS ZANG NAS, TSE 'DI'I RNAM SHES THA MA 'GAG PA'I TSE, CHAGS LDAN SANG MA THAG TU RMI LAM GYI MDZES MA DRAN TE, , YID DE LA PHYOGS PA BZHIN DU 'CHI KHA'I TSE TSE PHYI MAR GANG SMIN PA'I LAS KYI NUS PA SAD PA'I LAS DE LA YID PHYOGS PAR 'GYUR GYI DRAN PA MIN NO, ,ZHES PA'I DON BKOD PAR SNANG BAS NA, SNANG BA MUN LA BLO 'GRO BA ZHES PA DPE MA DAG PAR MNGON TE, LAS DE DANG SNANG BA MTHUN PA LA BLO 'GRO BA TZAM YIN NO ZHES 'DON NAM DPYAD PAR BYA'O,, //HA// 'BRAS BU'I DON DU MA DPYAD PHYIR, ,'JIG RTEN PA YI DNGOS MTHONG ZHING, ,ZHES PA'I DON NI, 'BRAS BU SANGS RGYAS THOB PA'I DON DU SBYIN SOGS LA BTAGS DON MA DPYAD PAR BRDZUN PA SGYU MA LTA BUR RTOGS PA'I SGO NAS 'JUG PA'I PHYIR DANG, DBU MA PA DANG DNGOS SMRA BA'I 'JIG RTEN PA GNYIS KAS ME LA SOGS PA'I DNGOS PO GTZO SREG LA SOGS PA'I DON BYED NUS PAR BSNYON MI NUS PAR MTHONG ZHING KHAS LEN PA YIN NA YANG, DNGOS SMRA BAS BDEN PAR SMRA ZHING, ,DBU MA PAS BRDZUN PA SGYU MA LTA BUR SMRA BAR BYED DO,, ZHES PA'O,, //AA// GZHAN DU STE 'JIG RTEN NA GRAGS TSAD THAMS CAD TSAD MA YIN NA, BUD MED MI GTZANG BAR RTOGS PA'I RNAL 'BYOR PA LA BUD MED GTZANG BAR ZHEN PA'I 'JIG RTEN GNOD PAR THAL BAR 'GYUR ZHES PA'O,, //KA// THAL SU'I LUGS LA YANG BRTAGS DON DPYAD NA MI RNYED PAR 'DRA YANG ZHES PA NI, THA SNYAD DU YOD PA DON DAM DPYOD BYED KYI RIGS PAS DPYAD DON LA MI 'JOG PA NI THAL RANG GNYIS KA

LA 'DRA BA'I DON NO,, //KHA// KHO BO CAG LA BDAG LAS SKYES BA MED DO SNYAM PA'I NGES PA 'GA' ZHIG DON DAM PAR YOD PAR 'GYUR NA ZHES PA DANG, BDAG LAS SKYE BA MED DO ZHES NGES PAR GYUR BA'I DGA' DI NI THA SNYAD PA'I SHES NGOR YOD KYI 'PHAGS PA'I MNYAM GZHAG GI NGOR YOD PA MA YIN NO ZHES PA DANG, 'PHAGS PA'I MNYAM GZHAG GI NGOR YOD PA'AM MED PA ZHES SMRAS PA'I THA SNYAD THAMS CAD DANG BRAL ZHES PA'I DON NO,, //GA// RIGS PA DRUG CU BA'I RLOM SEMS DANG ZHES PA NI DE NYID LAS, DE NYID MA MTHONG 'JIG RTEN DANG, ,MYA NGAN 'DAS PAR RLOM SEMS TE, ,ZHES SOGS LA BYED DO,, //NGA// NYON MONGS KYI RGYU TSUL MIN YID BYED KYI RNAM RTOG DE DAG NI SHES PA DANG SHES BYA SOGS SU BDEN PAR ZHEN PA'I SPROS PA LAS SKYE'O,, BDEN 'DZIN GYI SPROS PA NI YUL DE RNAMS STONG PA NYID DU LTA BA GOMS PAS 'GAG PAR 'GYUR RO,, ZHES PA DANG, DON DAM PAR BRJOD PAR BYA BA BZLOG PA STE MED PA SOGS SO,, //CA// RTZA SHE'I RNAM BSHAD CHEN MO LAS, DE LA LOG RTOG SEL BA LA LTOS NAS MTSAN NYID LNGA LDAN DU GSUNGS PA'I DANG PO GZHAN LAS SHES PA MIN PA NI, GANG ZAG GZHAN GYIS BSTAN PA TZAM LAS RTOGS PAR BYA MA MIN GYI RANG GIS ZAG PA MED PA'I YE SHES KYIS RTOGS PAR BYA BA'O, ,ZHES PA NA, 'PHAGS PA RNAMS KYIS SGRA BTAGS PA'I SGO NAS DE KHO NA NYID STON MOD KYANG, DE TZAM GYIS SO SO SKYE BO RNAMS KYIS DE'I RANG GI NGO BO ZAG MED KYI YE SHES KYIS GZIGS PA 'DRA BA ZHIG RTOGS MI NUS, ZHES DANG, GNYIS PA ZHI BA NI RAB RIB MED PAS SKRA SHAD MA MTHONG BA LTAR NGO BO NYID KYIS YOD PA'I RANG BZHIN DANG BRAL BA'O,, DE'I PHYIR DON RNAMS SPRO BAR BYED PA'I

, ,SPROS PA DAG GIS MA SPROS PA STE MA BRJOD PA NI GSUM BA'O,, BZHI BA RNAM RTOG MED PA NI RNAM PAR RTOG PA NI SEMS KYI RGYU BA YIN LA, DE KHO NA NYID DE MNGON DU GYUR BA'I DUS SU NI DE DANG BRAL BA STE, ZHES DANG, LNGA PA DON THA DAD PA MED PA NI CHOS GCIG DON DAM PAR JI LTA BU YIN PA DER CHOS GZHAN THAMS CAD KYANG MTSUNGS PAS DON DAM PAR DON SO SO BA MED PA STE, ZHES GSUNGS PA LTAR RO,, //CHA// RNAM MKHYEN GYIS JI LTA BA GZIGS NGOR PHYI NANG GI DNGOS PO RGYU RKYEN GYIS BYAS PA CAN DE MI SNANG BAR RANG BZHIN 'BA' ZHIG MNGON DU MDZAD CES PA DANG, CHOS RNAMS KYI RANG BZHIN YIN PAS DON DAM PA DANG BSLU BA MED PAS BDEN PA ZHES THAL 'GYUR BAS BZHED LA, DBU MA RANG RGYUD PAS 'DI DANG CUNG ZAD MI 'DRA BAR 'DOD DO,, //JA// RIM LNGA GSAL SGRON LAS, 'DIS NI BYANG CHUB SEMS 'GREL LAS, ,SKYE MED DANG NI STONG NYID DANG, ,BDAG MED CES BYAR STONG PA NYID, ,BDAG NYID DMAN PAR GANG SGOM PA, ,DE DE SGOM PAR BYED PA MIN, ,ZHES GSUNGS PA YANG SKYE MED DANG BDAG MED LA BDEN PAR BZUNG NAS SGOM PA 'GOG PAR SHES PAR BYA STE, 'JIG RTEN LAS 'DAS PAR BSTOD PA LAS, KUN RTOG THADm BSAL BA'I PHYIR, ,STONG NYID BDUD RTZI STON MDZAD NA, ,GANG ZHIG DE LA ZHEN GYUR PA, ,DE NYID KHYOD KYIS SHIN TU SMAD, ,CES GSUNGS PA LTAR RO,, DES NA DE 'DRA'I RIGS KYANG BKA' DANG DGONGS 'GREL LAS MANG DU GSUNGS LA, YANG STONG NYID DANG BDAG MED DANG SKYE MED SOGS SU BLHAS NAS SGOM PAR YANG MANG DU GSUNGS PA RNAMS MI 'GAL BA'I TSUL DE LTAR DU SHES PAR BYA'I, 'KHOR BA'I RTZA BA GCOD BYED BDAG

MED KYI NGES PA 'DREN PA LA BAR CHAD MI BYA'O,, ZHES GSUNGS SO,, //NYA// CHOS NYID SPROS DANG BRAL BA LA, ,SHES PA'ANG SPROS DANG BRAL BAR BZHAG ,CES PA'I LUNG DE GNYID DUS KYI SBYOD LAM LA'NG SBYOR DGOS PAS NYIN MO'I SGOM DANG MA 'BREL LA, ZHES PA YIN NAM SNYAM MO,, //TA// BSKYED RIM PA'I SNGAGS KYI SKU BLOS BTAGS NAS SGOM PAS BSKYED RIM RJES DPAG TSAD MA'I LAM DANG, ,RDZOGS RIM PA'I YE SHES KYI SKU NI DNGOS GNAS PAR GRUB PAS RDZOGS RIM MNGON SUM TSAD MA'I LAM DU BSHAD DAM SNYAM ZHING, DBU TSAD NAS RJES DPAG LONG BA LAG BRGYUD LTAR MI BRLING BAR BSHAD PA BZHIN DU 'DIR YANG BSKYED RIM PA'I SNGAGS KYI SKU NI SHI BA'I LUS BZHIN MI BRLING BAR BSHAD DAM SNYAM MO,, //THA// NAM MKHA' LA DNGOS PO STE STONG GZUGS BSGOM BYA NI RMI LAM GYI SNANG BA LTA BU STE, PHYI ROL GYI RNGUL PHRA RAB BSAGS PA'I BEM CHOS LAS 'DAS PA'O,, DE YONGS SU SHES PA NI, BDEN GRUB KYI DNGOS PO MED PAR BSGOM PAR BYA STE, DE YANG RNAM RTOG DANG BRAL BA'I RANG GI SEMS KYI SNANG BRNYAN YIN ZHES PA'O,, //DA// 'DI'I DBANG MNGON NI, STONG GZUGS BYA BA RGYA CHEN MO'I RGYU GZUGS MA GRUB PA SGRUB PAR BYED PA'I SOR BSDUD KYI SKABS KYI DU BA LA SOGS PA'I STONG GZUGS GSAL BAR SNANG BA'I BLO LA BYED DE, RGYAL TSAB RJE'I DUS 'KHOR GYI RIM GNYIS LAS, TSAD MA GANG YIN PA NI GZUGS BRNYAN DANG SGRA BRNYAN LA SOGS PA'I STONG GZUGS GSAL BAR SNANG ZHING, GNAS SKABS DANG MTHAR THUG GI 'BRAS BU LA MI BSLU BAS MNGON SUM STE, THA MAL BA'I DBANG SHES MA 'KHRUL BA DANG 'DRA BAS DBANG PO'I MNGON SUM TSAD MA'O,, ZHES PA LTAR RO,, GZUGS

, ,GRUB ZIN BRTAN PAR BYED PA'I BSAM GTAN GYI SKABS KYI TSAD MA YANG SNGA MA DANG 'DRA BAR BSHAD DO,, 'DI'I YID MNGON NI, SROG DBU MAR ZHUGS PA LAS RUNG DU BYED PA'I SROG RTZOL DANG ZHUGS NAS GNAS PA BRTAN PAR BYED PA'I 'DZIN BA'I YAN LAG GI SKABS KYI DBU MA'I NANG GI RLUNG GSAL BAR SNANG BA'I YID SHES LA BYED DE, DE NYID LAS, TSAD MA GANG YIN PA NI YID DBU MA'I NANG GI RLUNG LA DMIGS PA'I YID KYI SHES PA RTOG BRAL MA 'KHRUL BA YID KYI MNGON SUM MO,, ZHES SO,, 'DI'I RNAL 'BYOR MNGON SUM NI MCHOG TU MI 'GYUR BA'I BDE BA DNGOS SU SGRUB BYED KYI RJES DRAN GYI SKABS KYI GTUM MO'I MES BYANG SEMS BZHU BA'I DGA' BA NYAMS SU MYONG BA'I SHES PA LA BYED DE, DE NYID LAS, TSAD MA GANG YIN PA NI GTUM MO'I MES BYANG CHUB KYI SEMS BZHU BA LAS SKYES PA'I DGA' BA NYAMS SU MYONG BA'I SEMS RTOG BRAL MA 'KHRUL BA RNAL 'BYOR MNGON SUM MO,, ZHES GSUNGS SO,, 'DI'I RANG RIG MNGON SUM NI RNAM KUN MCHOG LDAN GYI STONG BA DANG MCHOG TU MI 'GYUR BA'I BDE BA GNYIS YUL YUL CAN DU GYUR BA'I SGO NAS RTZE GCIG TU MNYAM PAR BZHAG PA'I TING NGE 'DZIN GYI YAN LAG GI SKABS KYI MCHOG TU MI 'GYUR BA'I BDE BA MYONG BA'I SHES PA LA BYED DE, DE NYID LAS, TSAD MA GANG YIN PA NI MCHOG TU MI 'GYUR BA'I BDE BA NYAMS SU MYONG BA'I SHES PA RTOG BRAL MA 'KHRUL BA RANG RIG PA'I MNGON SUM MO,, ZHES GSUNGS PA LHAR RO,, 'DI'I SBYAN LNGA DANG MNGON SHES LNGA LA YANG BRJOD PAR BYA BA MANG PO YOD KYANG SKABS MA YIN PAS MA SPROS SO,, //NA// THAL 'GYUR BA'I SKABS 'DIR RANG

RGYUD PA'I GZHUNG 'DREN MI RIGS PA'I SHES BYED DU TSIG GSAL GYI RTZOM PAR DAM BCA'I GZHUNG DRANGS PA DANG, RANG NYID KYIS BDEN GNYIS DANG 'GREL CHUNG DAN GSAL GYI LUNG DRANGS PA NANG 'GAL DANG, 'PHAGS PA GROL SDE 'PHAGS PAR KHAS BLANGS PA DANG RANG RGYUD PAR BYAS PA 'GAL ZHES PA'O,, SO SKYE NI GTAN TSIGS LA TSAD DU GNYER NAS BRTEN PA DANG, DAM BA' GZHAN DU 'GYUR BAS MA NGES PA DANG, CHOS THAMS CAD YUL DU MI BYED PAS MKHYAB PA DANG; KUN RDZOB KYI MTSAN GZHI BUM PA DANG KA BA LTA BU ZHIG MNGON SUM DU MTHONG BA YIN GYI, DON DAM BDEN PA MNGON SUM DU MA MTHONG BA DANG, SBOBS PA YONGS SU GTUGS PAS SKYO BA CAN DU BSHAD DO,, 'DI'I THAM NI DRI BA THAMS CAD LA LAN DON MTHUN 'DEBS MI NUS PA'I DON NO,, //PA// MDO SDE KUN LAS BTUS DANG GTAM BYA RIN CHEN PHRENG DANG YANG DAG BSTOD BA DANG, 'BAD PAS SHIN TU YUN RING 'PHAGS PA'I BSTAN 'CHOS LAS BSTAN TSIG LE'UR BYAS DE DANG, RIGS PA DRUG CU ZHES BYA RNAM PAR 'THAG BYAS STONG NYID BDUN CU PA DE DANG, GANG YANG RTZOD PA RNAM PAR BZLOG PA BKOD PA DE DAG KYANG NI MTHONG GYUR ZHING, BRGYA PA LA SOGS DE DAG DANG NI, ZHES SOGS GSUNGS SO,, //PHA// CI STE ZHIB MOR DPYAD PA 'DIS CI ZHIG BYA STE, KHO BO CAG TSAD MA DANG GZHAL BYA'I THA SNYAD THAMS CAD BDEN PA YIN NO ZHES NI MI SMRA'I, 'ON KYANG 'JIG RTEN NA RAB TU GRAGS PA 'DI TSUL 'DIS RNAM PAR 'JOG PAR BYED PAR 'GYUR RO SNYAM NA, ZHES GSUNGS 'DUG PAS PHYOGS SNGA SMRA BA 'DI DNGOS SMRA BA YIN MIN DPYOD PAR GYIS, THA SNYAD DU YOD PAR 'JOG PA LA DE KHO NAR GRUB MGRUB DPYOD PA'I RIGS BA ZHIB MO CI DGOS

, ,ZHES THAL 'GYUR BA KHO BO CAG KYANG SMRA STE ZHES PA DANG, THAL 'GYUR PA KHO BO NI 'JIG RTEN PA'I PHYOGS TE 'JIG RTEN PA LTAR BTAGS DON LA MA BRTAGS MA DPYAD PAR TSAD MA DANG GZHAL BYA 'DI DANG 'DI YOD CES PA'I DAM BCA' LA GNAS TE, KUN RDZOB KYI PHYOGS GCIG STE MING GI PHAR BTAGS TZAM DU YOD PA BSAL BA'I PHYIR KHYOD KYIS BKOD PA'I 'THA PA STE RIGS PA LTAR SNANG DE 'THAD PA GZHAN TE BTAGS DON BTZAL NAS RNYED RGYU MED PA'I RIGS PAS BZLOG PAR BYED CES BA'O,, //BA// 'JUG 'GREL LAS, BSAM GTAN GYI PHA ROL TU PHYIN PA NYID CHES LHAG PAR 'GYUR RO,, BLO BZANG ZHES BYA BA NI 'PHAGS PA RNAMS SO,, DE DAG GI BDEN PA RNAMS NI BLO BZANG BDEN PA STE, 'PHAG PA'I BDEN PA RNAMS SO,, ZHES PA NAS, SHES PA ZHIB MOS KHONG DU CHUNG BAR BYA BA'I RANG BZHIN NI RANG BZHIN ZHIB MO STE, ZHES SO,, BYANG SEMS KYI SA LNGA BAR BDEN PA BCU BZHI LA MKHAS PAR GSUNGS PA RNAMS 'JUG 'GREL LAS SHES DGOS SO,, //MA// RTZOD BZLOG LAS, GAL TE KHYOD KYI DON DE RNAMS, ,TSAD MA NYID KYIS RAB BSGRUB NA, ,KHYOD KYI TSAD MA DE RNAMS KYANG, ,JI LTAR RAB TU 'GRUB PA SMROS; ;ZHES TSAD MA'I SGRUB BYED DRIS BA'I LAN DU, GAL TE TSAD MA GZHAN RNAMS KYIS, ,GRUB PO SNYAM NA THUG PA MED, ,DE YANG DANG PO 'GRUB MIN LA, ,BAR MA MIN ZHING THA MA'NG MIN, ,ZHES TSAD MA DON GZHAN GYIS 'GRUB BO SNYAM NA, TSAD MA THUG PA MED PAR 'GYUR ZHING, THUG MED DU GYUR NA DANG PO 'GRUB PAR MI 'GYUR LA, DANG BO MED NA PAR MA 'GRUB PA MIN ZHING, THA MA'ANG 'GRUB PA MIN NO,, ZHES PA STE, DON DE LHAR RTZOD

BZLOG RANG 'GREL LAS GSUNGS PAS NA, 'DIR TSAD M'I DON GSAR RTOGS BKAG PAR GSUNGS PA DPYAD PAR BYA'O,, 'ON TE TSAD MA MED PAR YANG, ,DE RNAMS SGRUB NA SMRA BA NYAMS, ,MI 'DRA NYID DE DE YIN NA, ,GTAN TSIGS KHYAD BAR SMRA BAR GYIS, ,ZHES TSAD MA MED PAR TSAD MA DE RNAMS 'GRUB NA, KHYOD KYIS TSAD MAS DON 'GRUB PAR SMRA BA NYAMS SHING, DON KHA CIG NI TSAD MAS 'GRUB PA DANG KHA CIG NI TSAD MAS MI 'GRUB PA'I MI 'DRA BA YIN NA, RGYU MTSAN GANG GIS DE LTAR MI 'DRA BA YIN PA'I GTAN TSIGS KYI KHYAD PAR SMRA BAR GYIS SHIG CES BKAG PA DANG, JI LTAR ME YIS GZHAN BDAG NYID, ,GSAL BYED DE BZHIN RANG BDAG LTAR, ,DE BZHIN TSAD MA RNAMS KYANG NI, , RANG GZHAN BDAG NYID SGRUB CE NA, ,ZHES RANG RIG 'DOD MKHAN PHYOGS SNGAR BKOD PA DANG, SMRAS PA DE NI MI MTHUN TE, ,MUN KHUNG NANG GI BUM PA BZHIN, ,DE LA MI DMIGS MA MTHONG BAS, ,ME NI RANG NYID GSAL BYED MIN, ,ZHES ME NI MUN PAS SGRIB PA MED PAS RANG NYID GSAL BYED DU MI 'THAD PAR GSUNGS PA DANG, GAL TE KHYOD KYI TSIG GIS NI, ,ME YIS RANG BDAG GSAL BYED NA, ,'O NA ME YIS GZHAN BZHIN DU, ,RANG NYID SREG PA'NG BYED PAR 'GYUR, ,ZHES MES GZHAN SREG PA BZHIN DU RANG SREG PAR THAL BA DANG, ,GAL TE KHYOD KYI TSIG GIS NI, ,ME YIS RANG GZHAN GSAL BYED NA, ,ME BZHIN DU NI MUN PA YANG, ,RANG GZHAN BDAG NYID SGRIB PAR 'GYUR, ,ZHES MES RANG GZHAN GNYIS KA GSAL BAR BYED PA BZHIN DU MUN PAS KYANG RANG GZHAN GNYIS KA SGRIB BYED DU THAL BAR GSUNGS SO,, //TZA// BRGYA PA'I 'GREL PA LAS, ,'JIG RTEN NA YUL KHO NA LA DNGOS KYI SGRA 'JUG PAS MNGON SUM YIN LA SHES PA NI BTAGS

, ,NAS SO,, GZHAN GYI LTAR NA NI SUM MNGON GYI SGRA SHES PA LA DNGOS SU YIN LA YUL LA BTAGS PA YIN NO,, ZHES THAL 'GYUR BA DANG GRUB MTHA' PA GZHAN GYI MNGON SUM GYI SGRA DNGOS SU DANG BTAGS NAS 'JUG BA'I KHYAD PAR GSUNGS PA LTAR, THAL 'GYUR BA'I LUGS LA DBANG PO'I YUL NI MNGON SUM DNGOS DANG YUL CAN DBANG SHES NI MNGON SUM BTAGS PA PA YIN TE, RTZA DANG SOGS MA'I ME ZHES PA LTAR MNGON SUM GYI RGYU CAN YIN PAS MNGON SUM ZHES BRJOD DO,, GRUB MTHA' SMRA BA GZHAN GYI LUGS LA, MDO LAS, MIG GI RNAM PAR SHES PAS SNGON PO SHES KYI SNGON PO'O SNYAM DU NI MA YIN NO,, ZHES PA'I DON DU BSAM NAS RTOG BRAL GYI SHES PA NI MNGON SUM DNGOS GNAS PAR 'DOD LA, MNGON SUM GYI SGRA BSHAD KYANG, THUN MONG MA YIN RGYU YI PHYIR, ,DE YI THA SNYAD DBANG POS BYAS, ,ZHES PA LTAR, DBANG PO SO SO LA BRTEN PAS NA MNGON SUM ZHES THUN MONG MIN PA'I RGYU'I SGO NAS BSHAD PA LA, THAL 'GYUR BAS SGRA BSHAD DE MI 'THAD PAR THAL, RNAM SHES SKAD CIG MA NI DBANG PO SO SO LA BRTEN PA MI RIGS PA'I PHYIR, ZHES BKAG PA DANG, DE LTAR BKAG PA LA RIGS PA'I GNOD PA MED DE, DBANG PO'I RDUL PHRA RAB RE RE LA RNAM SHES KYI RTEN BYED PA'I NUS PA MI SRID PAS RDUL PHRA RAB LA LTOS NAS KYANG GNOD PA MED LA, GDAGS GZHI RDUL PHRA RAB LA BRTEN NAS BTAGS PA'I DBANG PO DE YANG RNAm PAR SHES PA DANG LHAN CIG BKAG PAS DBANG PO SO SOL BRTEN PA 'GOG PA LA RIGS PA'I GCOD PA GAL SRID CES THAL 'GYUR BAS BZHED DO,, //CHA// SBYOR BA'I DUS SU SBYI'I MTSAN NYID BDAG MED SOGS SGOM NAS

MTHAR PHYIN PA'I TSE RANG MTSAN LA GSAL SNANG THOB PAR MDO SDE PAS SMRAS PA'I TSIG 'DI NI 'BREL BA MED PA KHO NA STE ZHES PA'O,, //DZA// DBANG SHES LNGA NI GZUGS SOGS YUL LNGA'I RANG MTSAN LA TSAD MAR SONG BA MIN TE, DE LNGAS GZUGS SOGS LNGA RANG MTSAN GYIS MA GRUB PAR GNAS PAL RANG MTSAN GYIS GRUB BAR SNANG BA'I PHYIR TE, MDO LAS 'DUS BYAS THAMS CAD BRDZUN BA BSLU BA'I CHOS SU GSUNGS PA'I PHYIR, KHYAB STE, RANG SNANG BA'I MNGON SUM LA RANG MTSAN GYIS MGRUB BZHIN DU RANG MTSAN GYIS GRUB PAR SNANG BA DE BSLU BA'I DON YIN PA'I PHYIR, ZHES PA YIN GYI, BSLU BA'I CHOS YIN NA MI BSLU BA'I SHES PA MA YIN PAS KHYAB CES PA MIN TE, RGYAS PAR LHAG MTHONG CHEN MOR BLTA BAR BYA'O,, GAL TE RANG GI MTSAN NYID RTEN GYUR NA, ZHES SOGS TSIGS BCAD GSUM GYI SKABS SU BSTAN PA'I RIGS PA GSUM GYI DON BSDU NA, STONG PA NYID MTHONG BA YANG DNGOS PO'I RANG BZHIN 'JIG PA'I RGYU DANG DE LA SKUR BA'I RGYU YIN PAR THAL, DNGOS PO RNAMS KYI RANG GI MTSAN NYID KYIS GRUB PA'I RANG BZHIN RGYUD RKYEN LA BRTEN NAS SKYE BA'I PHYIR, THA SNYAD BDEN PA DE MTHA' BZHI SKYE 'GOG GI RIGS PAS DPYAD BZOD DU THAL, DNGOS PO RNAMS RANG GI MTSAN NYID KYIS GRUB PA'I RGYU RKYEN GZHAN LA BRTEN NAS SKYE BA'I PHYIR ,MTHA' BZHI SKYE 'GOG GI RIGS PAS DON DMA PA'I SKRA BA MI KEGS PAR THAL, DES RANG GI MTSAN NYID KYIS GRUB PA'I SKYE BA MI KHEGS PA'I PHYIR, ZHES DBU MA RANG RGYUD PA PHYOGS SNGAR BYAS NAS BKAG GO, //WA// SEMS CAN GANG DAG DUD 'GROR BSKAL PA MANG POR TSE BRKYAL BAR GYUR BA DES KYANG, MU STEGS PAS BTAGS PA'I MA SKYES BA DANG RTAG PA'I BDAG DE MA MTHONG BDE DGAL

, ,YANG DAR 'DZIN 'JUG PAR MTHONG STE, DES NA PHUNG PO LAS NGO BO GZHAN PA'I BDAG 'GA' YANG MED DO ZHES PA'O,, //ZHA// MANG PO BKUR BA'I SDEB NA RE, PHUNG PO LAS NGO BO GZHAN PA'I BDAG GRUB PA MED PA'I PHYIR 'JIG LTA'I DMIGS YUL NI PHUNG PO KHO NA YIN NO ZHES ZER, DE LAS KYANG KHA CIG 'JIG LTA'I DMIGS PAR NI PHUNG PO LNGA CHAR YANG 'DOD CING, KHA CIG NI SEMS GCIG BU LA BDAG GO ZHES 'DOD DO,, //ZA// DE'I PHYIR PHUNG PO LAS NGO BO GZHAN PA'I BDAG MED DE, PHUNG PO GZUNG BA MA GTOGS PAR BDAG DE YAN GAR DU 'DZIN PA MA GRUB PA'I PHYIR ZHES PA'O,, //'A// GANG ZAG GI BDAG MED MNGON SUM DU RTOGS PAR 'DOD PA'I TSE NI, RTAG PA'I BDAG TZAM ZHIG MED PAR MTHONG ZHING, RTAG PA'I BDAG 'DI NI 'JIG LTA LHAN SKYES KYI DMIGS RNAM GANG GI YUL DU 'NG MI 'DOD PA DE'I PHYIR, RTAG PA'I BDAG TZAM MED DPAR MTHONG BA'I SHES PA GOMS PAS, 'JIG LTA LHAN SKYES DRUNGS NAS KYANG 'BYIN ZHES SMRA BA NI SHIN TU MTSAR RO,, ZHES PA'O,, //YA// BDAG DE BDE SDUG SOGS LA LONGS SPYOD PA PO DANG RTAG PA'I DNGOS PO DANG RNAM 'GYUR RNAMS KYI BYED PA PO MIN PA DANG RDUIL MUN SNYING STOBS KYI RANG BZHIN GYI YON TAN MED PA DANG BYA BA MED PAR MU STEGS GRANGS CAN RNAMS KYIS BRTAGS SO,, ZHES PA'O,, RANG RKYA THUB PA'I RDZAS YOD DU 'DZIN PA'I BLO LA PHRA RAGS GNYIS SU PHYE BA'I KHUNGS NI 'JUG PA'I RNAM BSHAD LAS, GANG ZAG RANG RKYA THUB PA'I RDZAS YOD DU 'DZIN PA NI GRUB MTHAS BLO MA SGRUR BA LA YANG YOD MOD KYANG, GANG ZAG PHUNG PO DANG MTSAN NYID MI MTHUN PA'I GZHAN DU YOD PAR 'DZIN PA NI GRUB MTHAS BLO

MA BSGYUR BAL MED DO,, ZHES PA DE YIN LA, LEGS BSHAD SNYING PO LAS, GANG ZAG GI BDAG MED NI, RANG SDE THEG PA CHE CHUNG GI GRUB MTHA' SMRA BA GZHAN GYI LTAR NA GANG ZAG PHUNG PO DANG MTSAN NYID MI MTHUN PA'I RANG RKYA THUB PA'I CHAS SU MED PA TZAM LA 'DOD DO,, ZHES GSUNGS PAS, RANG RGYUD PA'I LUGS LA, BDAG PHUNG PO DANG MTSAN NYID MTHUN PA'I RANG RKYA BAR 'DZIN PA'I BLO 'DOD MI 'DOD DANG, LOG SHES YIN MIN SOGS LA DPYAD RGYU YOD BAR SNANG NGO ,, BDAG PHUNG RJE KHOL LTAR 'DZIN PA LA DE GNYIS MTSAN NYID MI MTHUN PA'I GZHAN DU 'DZIN PAS MA KHYAB STE, BDAG PHUNG RJE KHO LA LTAR 'DZIN PA'I BLO LHAN SKYES YOD LA, DE GNYIS MTSAN NYID MI MTHUN PA'I GZHAN DU 'DZIN PA'I BLO LHAN SKYES MED PAR SNGAR BSHAD ZIN PA'I PHYIR, DANG PO GRUB STE, RTZA SHE'I t'IK CHEN LAS, BDAG DANG PHUNG PO RJE KHO LA LTAR 'DZIN NA DE GNYIS NGO BO THA DAD PAR 'DZIN PAR MI 'GYUR RAM SNYAM NA, DE GNYIS RDZAS GZHAN DU 'DZIN PA 'JIG RTEN GYI THA SNYAD LA MED DE,, GZHAN DU NA LHAS BYIN GYI LAG PA NA BA DANG GSOS PA LA LHAS BYIN NA BA DANG GSOS PAR MI 'JOG PAR 'GYUR TE, NYER SPAS NA BA DANG GSOS PAS BYAMS PA NA BA DANG GSOS PAR THA SNYAD MI BYED PA BZHIN NO; ZHES DANG, LEGS BSHAD SNYING PO LAS, BDAG DANG BDAG GI BA NI 'JIG RTEN NA RJE KHOL LTAR 'JOG PA'I PHYOR RO,, ZHES GSUNGS PA'I PHYIR, BDAG PHUNG MTSAN NYID MI MTHUN PAR 'DZIN PA YANG, DPER NA KHOL PO MDZES PA DANG MI MDZES PAS BDAG MDZES PA DANG MI MDZES PAR MI 'JOG PA LTAR, GZUGS PHUNG MDZES PA DANG MI MDZES PAS GANG ZAG MDZES PA DANG MI MDZES PAR MI 'JOG PA DANG, KHOL PO NA BAS RJE BO NA BAR MI 'JOG PA LTAR,

, ,GZUGS PHUNG NA BAS GANG ZAG NA BAR MI 'JOG PA DANG, DE BZHIN DU TSOR PHUNG BDE SDUG MYONG BAS GANG ZAG BDE SDUG MYONG BAR MI 'JOG PA DANG, MIG GIS GZUGS MTHONG BA DANG RNA BAS SGRA THOS PAS GANG ZAG GZUGS MTHONG BA DANG SGRA THOS PAR MI 'JOG PAR GZUGS SOGS LAS DON GZHAN PA'I DE DAG BYED PA PO YOD PAR 'DZIN TSUL TSANG BA ZHIG DGOS PA'I PHYIR TE, LEGS BSHAD SNYING PO LAS, 'DI LA PHYI ROL PAS MIG LA SOGS PA'I CHOS GANG ZAG TU 'JOG TU MI RUD BAR MTHONG NAS DE DAG LAS RDZAS GZHAN GYI MTHONG BA PO LA SOGS PA'I GANG ZAG KHAS BLANGS SHING, RANG SDE GZHAN GYIS RDZAS GZHAN LA GNOD PA MTHONG NAS RNAM SHES SAM PHUNG PO'I CHOS GZHAN GANG ZAG TU 'DOD LA, RGYAL BA'I GSUNG RAB PHYIN CIM LOG PAR KHONG DU CHUD PA RNAMS NI THA SNYAD DU BTAGS PA TZAM MA GTOGS PA'I NGO BO MED PAR RTOGS NAS GROL BAR 'JUG 'GREL LAS GSUNGS TE, BTAGS PA TZAM DE NYID LA LAS GSOG PA DANG 'BRAS BU MYONG BA SOGS LEGS PAR 'JOG SHES PA ZHIG DGOS SO,, ZHES GANG ZAG 'JOG LUGS GSUM YOD PAR GSUNGS PA'I DANG PO LTAR 'DZIN PA NI BDAG PHUNG PO DANG MTSAN NYID MI MTHUN PAR 'DZIN LUGS YIN PA'I PHYIR, //RA// RNAM PAR 'JIG PA 'GOG 'GYUR GYIS, ,'DUS BYAS SHES PAS MA YIN NA, ,DE NI SU LA MNGON SUM 'GYUR, ,ZHIG CES PA DE JI LTA BU, ,ZHES PA NI, PHUNG PO RGYUN CHAD PA'I CHE LHAG MED MYANG 'DAS MNGON DU BYAS KYI, DE KHO NA NYID MTHONG BA'I TSEM YIN PA'I 'DOD PA BKAG GO, //LA// STONG NYID MIN KYANG SPYIR 'PHAGS PA DANG KHYAD PAR DU BYANG 'PHAGS YAN CHAD MA GTOGS PA'I 'JUG MI

THUB PA'I SO SO RANG RIG GI SPYOD YUL BDEN BZHI'I KHYAD CHOS ZHES SOGS GSUNGS PA'I DGONGS PA GANG YIN DPYAD DGOS TE, RANG NYID KYIS SO SKYE'I RGYUD LA RNAL 'BYOR MNGON SUM YOD PAR SGRUB PA'I SKABS YIN PA'I PHYIR RO,, //SHA// 'JIG RTEN NA GZUGS SOGS RTAG PAR GRAGS KYANG MI RTAG PAR TSAD MAS MA GRUB PA'I NYES PA MED DE, MI RTAG SOGS RNAL 'BYOR BA'I KUN RDZOB THA SNYAD PA'I TSAD MAS GRUB PA'I PHYIR, 'O NA MI RTAG SOGS MTHONG BA DE NYID MTHONG BAR BSHAD PA DANG 'GAL ZHE NA, MI 'GAL TE, 'JIG RTEN PA GTZANG BDE RTAG SOGS SU ZHEN PA LA BLTOS NAS DE NYID MTHONG BAR BZHED PA TZAM YIN BA'I PHYIR RO,, //SA// RTZE SBYOR GYI NGO BO DANG RTAGS SOGS BSHAD PA DANG 'GAL ZHES PA NI, RNAL 'BYOR MNGON SUM THOB NA SBYOR LAM THOB DGOS PA YIN NA, RTZE SBYOR THOB NA MI KHOM PA BRGYAD DU SKYE BA ZAD PAR GSUNGS PA DANG 'GAL TE, RNAL 'BYOR MNGON SUM THOB KYANG DMYAL BAR SKYE BA YOD PAR MDO LAS GSUNGS PA'I PHYIR ZHES PA YIN NAM DPYAD DO,, //HA// KHYOD DGRA BCOM PAR 'DOD PA'I GANG ZAG DE'I RGYUD KYI SRED PA 'DI MNGON PA NAS BSHAD PA LTAR GYI NYON MONGS CAN MIN YANG MNGON PA NAS KUN RMONGS MA RIG PA LA NYON MONGS CAN YIN MIN GNYIS SU 'DOD PA BZHIN DU SRED PA LA'ANG MNGON PA NAS BSHAD PA LTAR GYI NYON MONGS CAN YIN PA ZHIG DANG MIN PA ZHIG KYANG CI STE MED DE 'DOD DGOS SO,, //AA// GANG ZAG DANG PHUNG PO RANG GI MTSAN NYID KYIS GRUB PAS STONG PA NYID DU RTOGS PA DANG NI BRAL BA'I SEMS LA NYON MONGS MNGON GYUR BA RE ZHIG 'GAGS PA YIN DU ZIN KYANG SLAR YANG MNGON GYUR DU SKYE BAR 'GYUR TE ZHES PA'O,, //KA// 'JUG BA'I t'IKA

, ,CHEN LAS, LUS LA LUS DBANG ZHES PA'I DPE NI, DBANG PO GZHAN BZHI LA LUS DBANG ZUR DU BZHAG PA'I RTEN MED PA BZHIN DU, NYON MONGS GZHAN THAMS CAD KYANG GTI MUG LA BRTEN NAS 'JUG CING, DE DANG MI 'BRAL BAR 'JUG PA'I DON NO,, ZHES GSUNGS PA LTAR YIN LA, BDEN 'DZIN GYI CHAGS SOGS 'JOG TSUL NI DKA' GNAS SU SNANG BAS 'JUG PA'I t'IKA CHEN SOGS ZHIB TU BLTAS NAS SHES PAR GYIS, //KHA// RGYU DANG RKYEN LAS SKYES PA'I DNGOS PO RNAMS LA DMIGS NAS YANG DAG PAR GRUB PAR 'DZIN PA 'KHOR BA'I RTZA BA'I MA RIG PAR GSUNGS TE, CHOS KYI BDAG 'DZIN DE LAS GANG ZAG GI BDAG 'DZIN GYI MA RIG PA 'BYUNG BAS, DE LAS YAN LAG BCU GNYIS 'BYUNG BAR BSHAD DO,, //GA// 'DOD CHAGS LA SPYOD PA'I GNYEN POR MI SDUG PA, ZHE SDANG LA SPYOD PA'I GNYEN POR BYAMS PA, NGA RGYAL SOGS LA SPYOD PA'I GNYEN POR KHAMS KYI RAB DBYE SOGS SGOM PAR GSUNGS PA RNAMS NI NYON MONGS MTHA' DAG GI GNYEN PO MIN LA, GTI MUG LA SPYOD PA'I GNYEN POR RTEN 'BYUNG SGOM PAR GSUNGS PA NI NYON MONGS MTHA' DAG GI GNYEN PO YIN ZHES PA STE, RGYAS PAR LHAG MTHONG CHEN MO SOGS LAS SHES PAR BYA'O,, BYAMS PA DANG MI SDUG PA LA SOGS PA BSGOM PA NI BDAG 'DZIN RMONGS PA DANG 'DZIN STANGS 'GAL BA MED PA'I PHYIR DE DAG SA BON DANG BCAS PA SPONG BA'I GNYEN PO MIN PAR BSHAD DO,, //DA// BYANG SEMS KYI SA DANG PO BDUN LA SKYE BA'I KHYAD PAR LA LTOS NAS MA DAG DAG PA DANG, SO SKYE DANG SANGS RGYAS LA LTOS NAS MDAG DAG PA'I KHYAD PAR GNYIS YOD DE, RGYUD BLA DAR t'IKA LAS,

LAS NYON GYI DBANG GIS SKYE BA SOGS KYIS DAG PA DANG, SNYING RJE'I DBANG GIS SKYE BA SOGS STON PAS MA DAG PA'AM, LAS NYON GYE SKYE BA ZAD PA'I CHA DE NYID KYANG SO SKYE LA LTOS NAS DAG PA DANG SANGS RGYAS LA LTOS NAS MA DAG PA'I DON NO,, ZHES GSUNGS SO,, GRUB MTHA' CHEN MO 'DIR RIGS NGES MA DAG SA BDUN GYI GNAS SKABS SU YID KYI RANG BZHIN GYI LUS BLANGS PA YOD KYANG, MA RIG BAG CHAGS KYI SA TZAM DANG ZAG MED KYI LAS LA BRTEN NAS YID LUS LEN PA MED PAR BSHAD PA LTA BUR SNANG NGO,, 'ON KYANG PHAR PHYIN GYI RNAM BSHAD LAS, SA BDUN PA MAN CHAD PAS KYANG 'BAD PAS BSGRUB NA MA RIG PA BAG CHAGS KYI SA DANG ZAG PA MED PA'I LAS LA BA RTEN NAS YID KYI RANG BZHIN GYI LUS LEN NUS MOD KYI, NGANG NGAM SHUGS KYIS GRUB PA NI NYAN RANG DGRA BCOM PA DANG DBANG THOB PA'I BYANG CHUB SEMS DPA' RNAMS LA YIN PAR SHES PAR BYA'O,, ZHES GSUNGS PAS NA, SNGA MA YANG SNYING RJE DANG SMON LA MA SOGS KYIS GROGS MA BYAS PAR MA RIG BAG CHAGS KYI SA TZAM DANG ZAG MED KYI LAS TZAM LA BRTEN NAS NGANG NGAM SHUGS KYIS YID LUS LEN BA MED PA LA DGONGS SAM SNYAM MO,, //CA// GANG ZHIG SHIN TU SNANG BA MED PAR GYUR BA THABS RGYA CHEN POS KHYAD PAR DU BYAS NAS STONG PA NYID KYI DON MNGON SUM GYIS RTOGS PAS LAS NYON GYI DBANG GIS NYID MTSAMS SBYOR BA'I SKYE BA SNANG BA MED PAS GCIG SHOS 'BRAS BU SDUG BSNGAL GYI ME GSUM GTAN 'BAR BA MED PAR RTOGS PA'O ZHES DAR t'IKA LAS BSHAD DE, ME GSUM NI, DUS MTHA' DMYAL BA THA MAL PA'I, ,ME GSUM 'CHI DANG NA BA DANG, RGA BA'I ME GSUM RIM BZHIN DU, ,DE DAG 'DRA BAR SHES BAR BYA, ,ZHES PA LTAR RO,, //CHA// YID LUS DE

, ,GSUM LA SNGA MA SNGA MA LA LTOS NA PHRA RAGS KYI KHYAD PAR YOD PAS, RIM BZHIN KHAMS GSUM PA'I GZUGS BRNYAN DU GSUNGS SHING, KHYAD PAR DU YID LUS GSUM PA NI MTHONG BAR BYIN GYIS RLABS PA'Am SBRUL PA MA GTOGS THA MAL BA'I DBANG MNGON GYI SPYOD YUL DU MA GYUR BAS GZUG SA MED PA'I GZUGS BRNYAN DU BSHAD DAM SNYAM STE, THOGS 'GREL LAS, 'KHOR BA NI 'DIR ZAG PA MED PA'I DBYINGS NA KHAMS GSUM PA'I GZUGS BRNYAN YID KYI RANG BZHIN GYI LUS GSUM YIN PAR 'DOD DO,, ZHES GSUNGS PA'I PHYIR RO,, //JA// MI DPOG PA ZHES PA MGO DKAR ZHING LUS SNGO BA'I RIN PO CHE'I MING DU BSHAD PA YOD ,'DIR KHA DOG DBYIBS SOGS DE 'DRA YIN ZHES MTHA' GCIG TU GZUNG DU MED PA LA BSHAD DAM DBYAD PAR BYA'O,, //NYA// THABS RGYA CHEN POS KHYAD PAR DU BYAS NAS KHAMS JI LTA BA BZHIN YANG DAG PA MNGON SUM DU MTHONG BA'I PHYIR LAS NYON GYI DBANG GIS SKYE SOGS RNAMS LAS 'DAS PAR GYUR KYANG, SMON LAM DANG SNYING RJE'I BDAG NYID KYIS SKYE BA DANG 'CHI BA DANG RGA BA DANG NA BAR STON PAR MDZAD DO ZHES DAR t'IK LAS BSHAD DO,, //TA// RTAGS NGAN GZHAN YANG SUN DBYUNG BYA, ZHES SOGS KYI DON NI, NGO SHES PA DANG YOD SBYOR SOGS, ,GANG YIN SGRUB BYED 'DOD NA NI, ,DPE MED CAN YIN DNGOS RNAMS NI, ,SKAD CIG GIS NI 'JIG PHYIR RO,, ZHES SNGONG MING DANG 'BREL BAR SHES PA DE YANG PHYIS MTHONG BA NA LHA SBYIN DE NYID 'DI YIN NO ZHES NGO SHES PA DANG, SGRA SNGAR NAS YOD PA ZHIG DON LA BRDA SBYOR BA STE, STE'U GRUB ZIN ZHING GCOD PA'I BYA BA LA SBYOR BA BZHIN, ZHES

BYA BA LA SOGS PA RIG BYED KYI SGRA RTAG DNGOS YIN PA'I SGRUB BYED DU 'DOD NA NI, DE DAG THAMS CAD MTHUN DPE MED PA CAN TE, DNGOS MED YIN NA DNGOS POR MI 'THAD LA, DNGOS PO RNAMS NI SKAD CIG GIS 'JIG PA'I PHYIR ZHES BKAG NAS, TSUL 'DIS RIG BYED KYI SGRA RTAG DNGOS YIN PAR SGRUB PA'I RTAGS NGAN PA GZHAN YANG SUN DBYUNG BAR BYA STE, DE NYID LA RTAGS SU GANG BKOD KYANG MTHUN DPE YANG DAG MI RNYED PA'I PHYIR RO,, ZHES PA DANG, GAL TE RIG BYED KYI YI GE GSAL BA'I DON NI YI GE DE THOS PA'I NYAN SHES NI LCE RKAN SOGS KYIS GSAL BAR BYAS PA LA 'DOD DO ZHE NA, DE LTA NA YI GE GSAL BA'I RIM PA NYID MA BYAS PA'I NGAG YIN PAR SMRAS PA'I PHYIR, RIG BYED KYI YI GE THOS PA'I NYAN SHES KYI GO RIMS MA BYAS PA'I NGAG RTAG PA YIN PAR 'GYUR LA, DE'I PHYIR NYAN SHES DE DAG KYANG MA BYAS RTAG PAR 'GYUR ZHING, DE LTA NA RIGS PA MTSUNGS PA'I PHYIR BLO THAMS CAD SKYES BU LA MI BRTEN PA'I RTAG PAR 'GYUR LA, DE LTAR BLO RNAMS NI SKYES BU'I RTEN CAN MIN PA'I RTAG PAR KHAS LEN PA LA, KHAS BLANGS MNGON SUM GRAGS PA DANG, RJES SU DPAG BAS CIG CAR GNOD BA 'BAB PAR 'GYUR RO,, JI LTAR 'BAB PAR 'GYUR ZHE NA, SPYOD PA PA RANG NYID KYIS, BLO THAMS CAD SKYES BU'I YON TAN YIN PAR GRUB PA'I MTHA' LAS KHAS BLANGS PA YIN LA, DE NI SKYE LDAN KUN GYI RGYU, ZHES PA DANG, SRID PA THAMS CAD DE LAS SKYE, ZHES PAS BLO THAmD KYANG SKYES BU NYI MA'I MDOG CAN GYIS BYAS PAR KHAS BLANGS PA'I PHYIR, 'DIR BLO SKYES BU LA MI BRTEN BAR DAM BCAS PA NI, KHAS BLANGS DANG 'GAL BA YIN NO,, YANG NA SNGAR NYES PA CHAGS SOGS THAMS CAD

, ,SKYES BU LA BRTEN PAR, NYES RNAMS SKYES BU LA BRTEN PHYIR, ZHES PA NYID DU KHAS BLANGS PA DE DANG KHAS BLANGS 'GAL BAS GNOD PAR 'GYUR BA YIN NO,, BLO NYAN SHES MA BYAS PAR KHAS BLANGS PA'I DON LA, MNGON SUM GYIS GNOD PAR 'GYUR TE, 'DI LTAR DBANG YID LA SOGS PA TSOGS PA'I SKABS LA LAR NYAN SHES SKYE LA, DE DAG MED PA'I SKABS LA LAR MI SKYE BA RANG RANG GI MYONG BAS GRUB PA'I PHYIR RO,, NYAN SHES MA BYAS PAR KHAS BLANGS PA'I THA SNYAD LA, RIG BYED KYI SGRA THOS PA'I NYAN SHES CHOS CAN, SKYES BUS BYAS TE, DBANG YID DANG LCE RKAN GYI RTZOL BA SOGS PHAN BYED DU YOD MED KYI RJES SU 'GRO LDOG BYED PA PA YIN PA'I PHYIR, ZHES PA'I RTAGS LA BRTEN PA'I DNGOS BO STOBS ZHUGS KYI RJES SU DPAG PAS GNOD PA YIN LA, RIG SGRA THOS PA'I NYAN SHES RTAG PA'I NGAG TU KHAS BLANGS PA LA, NGAG THAMS CAD 'DOD PA'I DBANG GIS DON THAMS CAD LA 'JUG TU RUNG BA ZHES BYA BA GRAGS PA'I RJES DPAG TSAD MAS GRUB PA'I DON GYIS GNOD PA YIN NO,, ZHES PA'O,, LUNG 'GAL DRUG SOGS KYI SGO NAS MI 'THAD PAR THAL BA DANG, ZHES PA NI, PHYOGS GLANG GI SLOB MA DBANG PHYUG SDE LA SOGS PA'I RANG SDE BAS, RTAGS MI MTHUN PHYOGS LA MA MTHONG BA TZAM LDOG KHYAB KYI DON YIN PA NI SLOB DPON PHYOGS GLANG GI BZHED PA YIN PAR 'DOD PA LA, DE LTAR 'DOD NA PHYOGS GLANG RANG GI LUNG DANG 'GAL BA DRUG YOD PAR BSHAD PA DE YIN TE, RNAM 'GREL LAS, 'KHRUL PA CAN GYI GNYEN POR NI, ,MI MTHUN CHOS BRJOD GANG YIN PA, ,ZHES PA NAS, MI LDAN 'KHRUL BA MED PA CAN, ZHES PA'I BAR

GYI TSIGS BCAD LDA RTZA 'GREL LAS SHES BAR BYA STE, TSIG GI KHUR CHE BAR 'GYUR BAS 'DIR MBRIS SO,, //THA// RANG SPYI'I KHYAD CHOS TSAN GNYIS DANG, ,MING DANG RIGS SOGS SBYOR BA YI, ,ZHES SOGS MDO SDE BA'I SKABS SU BSHAD ZIN TO,, //DA// BDAG DANG SA LA SHES YOD SOGS, ZHES SOGS NI, MI MTHUN PHYOGS LA MA MTHONG BA TZAM LDOG KHYAB KYI DON DU 'DOD PA'I GZHAN SDE LA KHAS BLANGS NANG 'GAL GYI GNOD PA BSTAN TE, t'IKA CHEN LAS, RTAGS MI MTHUN PHYOGS LA MA DMIGS PA GANG YIN PA DE KHO NA MI MTHUN PHYOGS LA MED PAR SGRUB BYED YIN NAM CI STE MA YIN PAR THAL, GSON LUS LA BDAG DANG SA LA SHES PA YOD PA DANG SOGS PAS RGYU 'O MA LA ZHO MA DMIGS KYANG DE DAG MED PAR SGRUB MI NUS PA'I PHYIR, DE YANG BYE BRAG BA GSON LUS LA BDAG MA MTHONG YANG YOD PAR 'DOD CING, SROG LDAN DE SGRUB KYI MI MTHUN PHYOGS LA MA MTHONG BAS MI MTHUN PHYOGS LA MED PA GRUB PAR 'DOD PA DANG, RGYANG PHAN 'BYUNG BA BZHI LA SHES PA MA MTHONG YANG YOD PAR 'DOD CING, TSIG SMRA BAS SKYES BU PHA ROL PO KUN MKHYEN MIN PAR SGRUB PA'I RTAGS MI MTHUN PHYOGS LA MA MTHONG BAS DE LA MED PAR GRUB PAR 'DOD PA DANG, GRANGS CAN 'O MA LA ZHO MA MTHONG YANG YOD PAR 'DOD PA DANG, 'DUS BSAGS MIG SOGS BDAG DON BYED PAR SGRUB PA'I MI MTHUN PHYOGS LA MA MTHONG BAS DE LA MED PA GRUB PAR 'DOD PA RNAMS NANG 'GAL ZHES BYA BA'I DON TO,, ZHES GSUNGS PA LTAR RO,, SKYES BU RTAG PA BYED PO NYID, ,DNGOS RNAMS RTAG DANG DBANG PO 'DAS, ,ZHES SOGS TSIGS BCAD GSUM GYI DON NI, DAR t'IK LAS, RIG BYED CHOS CAN,

, ,TSAD MAS BKAG PA'I DON BRJOD PAR THAL, SKYES BU RTAG PA LAS BYED PA PO NYID DANG RNAM SMIN LONGS SPYOD PA PO NYID DU BRJOD PA'I PHYIR, THAL CHOS SNGA MA LA, RTAGS RIM PA BZHIN DU DNGOS PO RNAMS RTAG PAR BSTAN PA'I PHYIR DANG, DBANG PO LAS 'DAS PA'I SPYI DON GZHAN DANG YON TAN DON GZHAN SOGS DBANG POS GZUNG BYANG BSTAN PA'I PHYIR DANG, DNGOS PO RNAMS RGYU MI MNYAM PA RTAG PA RGYUR BRJOD PA DANG, GNAS PA MI MNYAM PA GRUB ZIN RKYEN GYIS GNAS PA DANG, 'JIG PA MI MNYAM PA PHYIS BYUNG GI RGYUS 'JIG PAR BSTAN PA'I PHYIR, GZHAN YANG TSAD MA DANG 'GAL BDAG NI BRJOD PAR BYED PAR THAL, TSAD MA RNAM GNYIS KYIS RNAM PAR BSAL ZHING BKAG PA'I SPYOD YUL LAM, LUNG LA BLTOS PA'I RJES DPAG DANG 'GAL BA BRJOD PAR BYED PA'I PHYIR, BLO LKOG GYUR DU 'DOD PA LA MNGON SUM GYIS BSAL BA DANG, RIG BYED BDEN PA'I DON CAN LKOG GYUR DU 'DOD PA LA RJES DPAG GIS BSAL BA DANG, KHRUS LA SOGS PA SDIG PA 'DAG BYED DU STON PA LA KHAS BLANGS KYIS BSAL BA LTA BU'O,, DES NA RIG BYED DE BDEN PA'I NGOM CAN YIN NO ZHES KHAS LEN PA GA-YEM MA MU COR GYI BDAG PO LAS RGYAL BA DANG MTSUNGS TE, TSAD MA DANG 'GAL BA KUN TU MA BSAL ZHING, BSTAN BCOS KYI DON 'BREL BA DANG RJES SU MTHUN PA'I THABS DANG, SKYES BU'I GNAS SKABS DANG MTHAR THUG GI DON MA BSTAN PAR PHYOGS GCIG LA MI SLU BA TZAM GYIS BDEN PA'I DON CAN GYI BSTAN BCOS YIN NO ZHES KHAS LEN PA'I PHYIR, ZHES GSUNGS PA LTAR RO,, RIG BYED TSAD MA DANG NI 'GAL BYED SMRA, ,'KHRUS LAS

CHOS 'DOD DANG NI RIGS SMRAS DREGS, ,SDIG PA GZHOM PHYIR GDUNG BA RTZOM ZHES PA, ,BLUN PA SHES RAB 'CHAL BA'I RTAGS LNGA YIN, ,ZHES PA NI, DAR t'IKA LAS, SPYOD PA PA CHOS CAN, SHES RAB 'CHAL BA'I BLUN PO YIN TE, DE'I RTAGS LNGA TSANG BA YIN PA'I PHYIR, DER THAL, MA BYAS BA DANG PHYOGS GCIG LA MI SLU BA'I RTAGS KYIS 'GAL BA DU MA STON PA'I RIG BYED TSAD MAR SMRA BA'I PHYIR DANG, BDAG LA SOGS PA'I 'GAS 'BRAS BU BYED PAR SMRA BA'I PHYIR DANG, 'BAB STEGS KYI KHRUS LAS CHOS 'PHEL BAR 'DOD PA'I PHYIR DANG, YON TAN CUNG ZAD MED KYANG BRAM ZE'I RIGS SO ZHES SMRA BAS DREGS PA'I PHYIR DANG, SEMS KYI SDIG PA GZHOM PA'I PHYIR DU MER MCHONG BA SOGS GDUNG BDUNG MA RTZOM PA'I PHYIR, ZHES PA RNAMS SO,, ZHES GSUNGS PA LTAR RO,, BDAG MIN BYIN GYIS RLABS BA'ANG MIN, ,RGYU MIN BYIN GYIS RLOB PO MIN, ,RTAG PA JI LTAR SKYED BYED YIN, ,DE PHYIR GCIG LAS DU MIN, ,DUS THA DAD PAR SKYE MI 'GYUR, ,RGYU GZHAN DAG NI TSOGS NA YANG, ,'BRAS BU SKYE BA MED PA'I PHYIR, ,RGYU GZHAN RJES SU DPOG 'GYUR NA, ,DE NI RTAG RNAMS LA YOD MIN, ,ZHES PA'I DON NI, NYER LEN GYI PHUNG PO CHOS CAN, RANG GI NGO BO BDAG RANG DBANG MIN TE, MI RTAG PA DANG GZHAN DBANG CAN YIN PA'I PHYIR, DON GZHAN GYI BDAG GIS SHONG PA YIN TE, RANG DBANG CAN GYI BDAG GIS BYIN GYIS BRLABS PA'NG MIN PA'I PHYIR, BDAG RANG DBANG CAN DE KHYOD BYIN GYIS RLOBS BO MIN TE, DE KHYOD KYI RGYU MIN PA'I PHYIR, DER THAL, RTAG PA JI LTAR SKYED BYED YIN TE MI 'THAD PA'I PHYIR, RTAG PA DE'I PHYIR NA BDAG RANG DBANG BA GCIG

, ,LAS PHUNG PO DU MA NI DUS SNGA PHYI THA DAD PAR SKYE PAR MI 'GYUR BAS KHYAB PA'I PHYIR, GZHAN YANG RGYU GZHAN DAG NI TSOGS NA YANG 'BRAS BU DAG NI RES 'GA' SKYE BA MED PA'I PHYIR NA 'BRAS BU DAG LA RGYU GZHAN RJES SU DPOG PAR 'GYUR BA YIN NA, RGYU 'BRAS RJES SU 'GRO LDOG GI TSUL DE NI RTAG PAR RNAMS LA YOD PA MA YIN PA'I PHYIR RTAG PA LAS 'BRAS BU SKYE BA MI 'THAD DO,, ZHES PA'O,, GANG ZHIG BDAG MTHONG DE LA NI; ;NGA ZHES RTAG TU ZHEN PAR 'GYUR, ,ZHEN PAS BDE LA SRED 'GYUR TE, ,SRED PAS SKYON RNAMS SGRIB PAR BYED, ,YON TAN MTHONG BAS YONGS SRED PA, ,NGA'I ZHES DE YI SGRUB BYED LEN, ,DES NA BDAG LA MNGON CHAGS PA, ,DE SRID DE NI 'KHOR BAR 'GYUR, ,BDAG YOD NA NI GZHAN DU SHES, ,BDAG GZHAN CHA LAS 'DZIN DANG SDANG, ,'DI DAG DANG NI YONGS 'BREL LAS, ,NYES PA THAMS CAD 'BYUNG BAR 'GYUR, ,NGES PAR BDAG LA CHAGS PA NI, ,BDAG GI LA CHAGS MI 'BRAL ZHING, ,NYES MED BDAG LA CHAGS BA DANG, ,BRAL BA'I RGYU YANG YOD MA YIN, ,ZHES SOGS TSIGS BCAD SUM CU LHAG PA'I DON 'GREL PA DAG LAS SHES BAR BYA STE, 'DIR MNGAS BAS 'JIGS NAS MA BRIS SO,, BDAG GI NYID NI MI 'DOD NA, ZHES SOGS KYI DON NI, BDAG LTA MA SPANGS PAR BDAG GI BA LA CHAGS BRAL SRID NA GROL PA'I BDAG KHAS BLANGS PA DON MED DU THAL BA NI, GROL BA THOB PA NA BDAG GI BA NYID NI MI 'DOD NA DE'I ZA BA BO BDAG YANG MED PAR 'GYUR TE, BDAG DE NYID RGYU LAS GSOG PA'I BYA BA CAN DANG 'BRAS BU LONGS SPYOD PA'I MTSAN NYID CAN YIN PA'I PHYIR, 'DOD NA GROL BA THOB PA DE'I

TSE GROL BA DE'I BDAG KYANG MED PAR 'GYUR BAS GROL PA'I BDAG KHAS LEN PA NYAMS SO,, ZHES PA'O,, RTAG LA LTOS PA MED PA'I PHYIR, ,RIM GYIS SKYED PAR BYED PA DANG, ,BYED DANG MI BYED PA DAG NI, ,'DRA PA'I BDAG NYID BYED PAR 'GAL, ,RGYU DANG 'BRAS BU'NG GCIG BAR 'GYUR, ,DE DAG DE LAS THA DAD NA, ,BYED PO ZA BO NYAMS PAR 'GYUR, ,NUS PA YANG NI 'GRUB MA YIN, ,ZHES PA NI, BDAG RTAG PA LA BCINGS THAR GYI GNAS SKABS RIM GYIS SKYED PA 'GAL BAR THAL, RTAG BA RKYEN LA LTOS PA MED PA'I PHYIR, 'BRAS BU SKYED PAR BYED BA CAN YANG 'GAL BAR THAL, RTAG PA YIN NA 'BRAS BU BYED PA DANG MI BYED PA DAG NI GNAS SKABS THAMS CAD DU 'DRA BA'I BDAG NYID YIN DGOS KYI RES 'GA' BYED RES 'GA' MI BYED PA'I KHYAD PAR MI SRID PA'I PHYIR, RGYU DANG 'BRAS BU'NG GCIG PAR 'GYUR PAR THAL, BDAG RTAG PA DE NYID LAS GSOG PA PO DANG RNAM SMIN MYONG BA BO GNYI GA YIN PA'I PHYIR, LAS DANG 'BRAS BU DE DAG BDAG RTAG PA DE LAS RDZAS THA DAD DO ZHE NA, 'O NA BDAG RTAG PA DE NYID LAS BYED PA PO DANG RNAM SMIN ZAB PO YIN PA NYAMS PAR 'GYUR RO,, RTAG PAS 'BRAS BU LA PHAN 'DOGS P'I NUS PA YANG NI GRUB PA MA YIN PAR THAL, RTAG PA LA RJES SU 'GRO LDOG GI NUS PA MI SRID PA'I PHYIR, ZHES PA'O,, GAL TE RIGS NI THA DAD DAG ,CES SOGS DON NI, BDE BA PHYI'I BEM POR 'DOD PA'I GRANGS CAN GYIS, GAL TE BDE SOGS SHES PA YIN NA SDO SOGS DANG RIGS NI THA DAD DAG TU 'GYUR BAS GZUNG 'DZIN MA YIN PAR 'GYUR RO ZHE NA, SKYES BU NI BDE SOGS KUN GYI 'DZIN BYED MA YIN PAR 'GYUR TE, BDE SOGS BEMS PO

, ,YIN ZHING SKYES BU SHES PA YIN PAS RIGS THA DAD PA'I PHYIR RO,, KHYAB RTAGS KHAS TE, RTAGS RTZA BA'I GRUB PA'I MTHA' YIN PA'I PHYIR RO,, 'DOD NA SKYES BU DE BDE SOGS MYONG BA'I SGO NAS ZA BA PO NYID YIN PA NYAMS SO,, ZHES PA'O,, BDAG YID LDAN BA TZAM LAS NI, ,SKYE NA 'ANG GCIG CHAR SKYE BAR 'GYUR, ,GCIG LAS BYA BA GCIG YIN NA'NG, ,JI LTAR MAR ME DU MAS MTHONG, ,RIM GYIS KYANG NUS MED 'GYUR TE; ;PHYIS KYANG BYE BRAG MED PHYIR RO, ,'DI LUS SKYES BU BSHAD PA YIN, ,ZHES PA NI, BYE BRAG PA KHYOD RANG LTAR NA YANG SHES PA DU MA GCIG CAR SKYE BAR 'GYUR BAR THAL, BDAG YID RTAG PA PHRAD PA'I LDAN PA TZAM LAS NI DBANG SHES RNAMS SKYE PA KHYOD RANG GI GRUB MTHA' YIN PA GANG ZHIG, RTAG PA LA RES 'GA' PHRAD CING RES 'GA' MA PHRAD PA'I KHYAD PAR MI 'THAD PA'I PHYIR, GAL TE BYED PA GCIG LAS BYA BA GCIG YIN PAS KHYAB PA'I PHYIR, YING SHES GCIG GIS SHES PA DU MA SKYED PA MI SRID DO ZHEN, DE LTA NA'NG CI LTAR MAR ME GCIG GIS SKYES BU DU MAS GZUGS MTHONG BA'I BYA BA BYED PA MI 'THAD PAR THAL LO,, GZHAN YANG YID CHOS CAN; RIM GYIS KYANG SHES PA DU MA BSKYED PA'I NUS PA MED PAR 'GYUR BAR THAL, CIG CAR DU MA MI BSKYED PA GANG ZHIG, PHYIS KYANG SNGAR DANG NUS PA MI 'DRA BA'I BYE BRAG MED PA'I PHYIR RO ,, RTAGS GSAL THAMS CAD KHAS BLANGS, YID RTAG PAS SHES PA SKYED PA 'GOG PA'I RIGS PA 'DIS NI, RGYANG PHAG PA GANG DAG 'BYUNG BA'I RANG BZHIN GYI LUS RTAG PAS SHES PA BSKYED PA DANG, GRANGS CAN PA SKYES BU RTAG PAS YUL LA

LONGS SPYOD PAR 'DOD PA LA GNOD BYED BSHAD PA YIN TE, RTAG PAS BYA BA BYED PA KHEGS PA'I PHYIR RO,, ZHES PA'O,, NGES PA MED NA MI 'BYUNG YIN, ,NGES PA MED PA SGRUB BYED MIN, ,ZHES SOGS TSIGS BCAD BZHI BCU LHAG PAS, THA DAD MI 'KHRUL BA'I NGES PA YOD NA DE NYID MED NA MI 'BYUNG BA'I 'BREL BA NGES PA YIN LA, MI 'KHRUL BA'I NGES PA MED PA YIN NA SGRUB BYED KYI YAN LAG TU GYUR BA'I 'BRAL BA MIN ZHES BSHAD NAS, SROG LDAN DE GSON LUS BDAG BCAS SU SGRUB PA'I BSGRUB BYA'I CHOS MED NA MI 'BYUNG BA'I 'BREL BA GRUB PA MIN PAR BSHAD PA SOGS KYIS RTAG BDAG RGYAS PAR BKAG STE, 'GREL BDAG NAS SHES DGOGS KYI ,'DIR TSIG NYUNG NGUS 'GAR YANG MI PHYIR PAS MA BRIS SO,, LE'U DANG PO LAS, GAL TE BDAG NYID GCIG PA YI, ,DU MA 'BRAS BU GCIG BYED NA, ,ZHES SOGS TSIGS BCAD BZHI BCU LHAG PAS PHAL CHER GRANGS CAN GYI SPYI GTZO BO BKAG GO, //NA// JI LTA JI LTAR ZHES SOGS DANG, ,SHES PA SNGO SOGS SNA TSOGS PA, ,ZHES SOGS KYI DON NI PHAL CHER SEMS TZAM PA'I SKABS SU BSHAD ZIN TO,, PHYIR ROL DON NI YOD NA YANG, ,JI LTAR NYAMS SU MYONG NYID DE, ,NGES PA'I BDAG NYID RANG NGO BOS, ,MA YIN DU MA'I BDAG SKYON PHYIR, ,ZHES PA'I DON NI, MDO SDEBS NYE BAR BKOD PA'I DOGS PA GSUM STE, SDON PO GZHAL BYAR BYAS PA'I TSE RANG GI BDAG NYID RIG PA 'BRAS BUR MI 'THAD DE, SNGON PO SNGON 'DZIN MNGON SUM LA RANG MI NGO BOS RNAM PA GTONG BYED YIN PAS DE'I RGYU YIN PA'I PHYIR ZHES PA DANG, MDO SDE BAR RANG GI LUGS LA RANG LAS RDZAS GZHAN DU GYUR BA'I YUL

, ,RIG PA GZHAN RIG DANG, RANG GI BDAG NYID DU GYUR BA'I YUL RIG PA RANG RIG YIN PAS, RANG GI BDAG NYID GYUR BA'I SNGON PO RIG PA 'BRAS BU ZHES SMRAS PA NA, DE LTAR NA SDON PO GZHAL BYAR BYAS BA'I TSE GZUNG RNAM TSAD MAR MI RIGS KYI 'DZIN RNAM NYID TSAD MAR 'DOD DGOS TE, RANG RIG 'BRAS BU YIN BA'I PHYIR, ZHES PA DANG, TSAD 'BRAS YUL SO SOR 'GYUR TE, TSAD MAS SDON PO GZHAL ZHING, 'BRAS BU RANG RIG PA YIN PA'I PHYIR RO,, ZHES PA RNAMS SO,, DE LTA BU DOGS PA DANG PO LA BSTAN PA NI, MDO SDE BA KHYOD PHYI ROL DON DU 'DOD PA'I SNGON PO SOGS NI GZHAL BYAR YOD NA YANG, JI LTAR SNGON PO NYAMS SU MYONG BA NYID KYI DBANG SHES DE LA, SNGON PO 'DOD MI 'DOD SOGS SU SNANG BA NI, BAG CHAGS KYI DBANG GIS 'DOD MI 'DOD KYI RNAM PA SO SOR NGES PA'I BDAG NYID YIN GYI, SNGON PO RANG YI NGO BOS GTAD PA'I RNAM PA MA YIN TE, DE YIN NA SNGON PO GCIG NYID LHA SBYIN GYI MIG SHES LA 'DOD PAR SNANG, MCHOD SBYIN GYI MIG SHES LA MI 'DOD PAR SNANG BA'I TSE, SHES PA DE GNYIS LA SNGON PO'I RANG NGOS NAS RNAM PA SHAR BAR 'GYUR ZHING, DE LTA NA SNGON PO DE 'DOD PA YANG YIN, MI 'DOD PA YANG YIN PA'I SGO NAS MI MTHUN PA DU MA'I BDAG NYID DU GNAS PAR THAL BA'I SKYON YOD PA'I PHYIR, ZHES PA'O,, BLO BDAG RNAM PAR DBYER MED KYANG, ,MTHONG PA PHYIN CI LOG RNAMS KYIS, ,GZUNG DANG 'DZIN PA MYONG BA DAG ,THA DAD LDAN BZHIN RTOGS PAR 'GYUR, ,ZHES SDON PO 'DZIN PA'I BLO DBANG SHES RANG GI BDAG NYID LA GZUNG 'DZIN RIG

GSUM RDZAS THA DAD PA RNAM PAR DBYER MED KYANG GNYIS SNANG 'KHRUL BA'I BAG CHAGS KYIS BSLAD PA'I MTHONG BA PHYIN CI LOG RNAMS KYIS GZUNG BA DANG 'DZIN PA'I RNAM PA DANG MYONG BA RANG RIG PA THA DAD PA DANG LDAN PA BZHIN DU RTOGS PAR 'GYUR ZHES BSHAD NAS, GZUNG PA 'DZIN PA RIG PA DAG ,YOD PA MIN YANG GZHAL BYA DANG,, 'JAL BYED 'BRAS BUR GNAS PA 'DI, ,JI LTAR RJES SU SNANG BZHIN BYAS, ,DE LTA MIN NA SNA TSOGS KYI, ,NGO BOR SNANG CAN DNGOS GCIG LA, ,RNAM PA JI LTAR BDEN 'GYUR TE, ,GCIG PA NYID DE NYAMS PHYIR RO, ,ZHES SOGS KYIS GZUNG PA'I RNAM PA DANG, 'DZIN PA'I RNAM PA DANG, RANG RIG PA DAG DON DAM PAR TSED 'BRAS GZHAL GSUM DU THA DAD PAR YOD PA MIN YANG, DE GSUM GZHAL BYA DANG, 'JAL BYED DANG, 'BRAS BUR GNAS PA'I RNAM GZHAG 'DI NI GONG DU JI SKAD BSHAD PA LTAR GYI BLO 'KHRUL BA DE LA DE GSUM THA DAD DU RJES SU SNANG BA'I SNANG TSUL BZHIN DU KUN RDZOB TZAM LA BRTEN NAS BYAS SO,, ZHES BSHAD CING, DON DAM PAR RANG RIG GI TSAD 'BRAS BZHAG TU MED PA'I RGYU MTSAN NI, GZUNG 'DZIN RIG GSUM CHOS CAN, DON DAM PAR TSAD 'BRAS GZHAL GSUM DU GRUB PA'I DNGOS POR MED DE, GCIG TU YANG MI BDEN, DU MAR YANG MI BDEN PA'I PHYIR, ZHES PA'I RIGS PAS SGRUB PAR BYED DO,, 'DI NI MTSAN MTSON BYA BYED KYI CHA BDEN PAR MED PA MDO SEMS THUN MONG DU KHAS LEN PA LTAR MNGO SEMS THUN MONG DU KHAS LEN PA YIN NO,, BSHAD TSUL 'DI t'IK CHEN LHAR BKOD PA YIN LA, THAR LAM GSAL BYED LTAR GZUNG 'DZIN RIG GSUM RDZAS THA DAD 'GOG PA LA SBYAR NA YANG MDO SEMS THUN MONG DU

, ,KHAS LEN DGOS TE, GZUNG 'DZIN RIG GSUM RDZAS GCIG PAR MDO SEMS GNYIS KAS 'DOD PA'I PHYIR RO,, DES NA 'DIR GZUGS SOGS RAGS PAR SNANG BA LTAR MI BDEN PA LA SBYAR BA NI DPYAD BYA'O,, //PA// MYANG 'DAS LA MNGON DU PHYOGS BAR BYED PA'I SGO DANG, RANG SPYI'I MTSAN NYID YANG DANG DU MNGON PAR GTAN LA 'BEBS PA DANG, PHAS RGOL MNGON PAR ZIL GYIS GNON PA DANG, MDO'I DON MNGON PAR RTOGS PA STE BZHI'O,, KHYAD PAR BZHI KA DNGOS SU BSTAN PAL BYED NA KHYAB CHUNG DU DANG, BSTAN PA TZAM LA BYED NA KHYAB CHE BAR GSUNGS PAS RANG LUGS LA JI LTAR 'JOG DPYAD DGOS LA, BKA' THAMS CAD BDAG MED LA GZHOL ZHING 'BAB PAR GSUNGS PAS DE THAMS CAD BDAG MED STON DGOS NA, GANG ZAG GI BDAG YOD PAR BSTAN PA'I MDOS BDAG MED STON PA DANG, BDEN GRUB BSTAN PA'I MNGOS BDEN MED STON PAR 'DOD DAM DPYAD DGOS SO,, //PHA// MI SHES STON PAR BYED PA LA, ZHES SOGS NI, t'IK CHEN LAS, SDUG BSNGAL ZHI BA'I THABS MI SHES BZHIN DU STON PAR BYED PA'I GANG ZAG 'GA' ZHIG STON PA YANG DAG TU 'KHRUL BAR DOGS PA CAN GYI GROL BA DON GNYER RNAMS KYIS SDUG BSNGAL ZHI BA'I THABS LEGS PAR SHES PA DANG LDAN PA 'GA' ZHIG TSOL BAR BYED PA'I RGYU MTSAN YOD DE, DE 'DRA'I GANG ZAG DES BSHAD PA'I DON LA NAN TAN BYA BA'I PHYIR DU TSOL BA'I PHYIR, ZHES PA LTAR RO,, BLANG DANG DOR BYA 'DI NYID NI, ZHES SOGS NI, THUB PA BCOM LDAN 'DAS CHOS CAN, GROL BA DON GNYER KYIS TSAD MA NYID DU

'DOD RIGS TE, BLANG BYA DANG DOR BYA'I DE NYID 'KHOR BA 'JUG LDOG THABS DANG BCAS PA MNGON SUM DU RIG PA MTHAR PHYIN PAR MDZAD PA'I PHYIR, ZHES PA'O,, DE PHYIR GROL 'DOD CES SOGS KYI DON NI, GROL BA 'DOD PA DAG THOG MA MED PA'I RGYU CAN RIGS MTHUN SA BON LAS BYUNG BA'I 'JIG LTA RTZA BA NAS DBYUNG BAR GYIS SHIG CES PA'O,, BDAG YOD NA NI GZHAN DU SHES, ZHES SOGS NI, BDAG YOD NA NI GZHAN DU SHES SHING BDAG GZHAN CHA LAS RANG PHYOGS LA 'DZIN CING CHAGS PA DANG GZHAN PHYOGS LA SNGANG BAR 'GYUR LA, 'DI DAG DANG NI YONGS 'BREL LAS BDAG GI RANG PHYOGS BDE BA'I PHYIR DANG GZHAN PHYOGS SDUG BSNGAL BA'I PHYIR DU SROG GCID PA DANG MA BYIN PAR LEN PA LA SOGS PA NYES PA THAMS CAD 'BYUNG BAR 'GYUR RO,, ZHES PA'O,, MI SHES SRID PA'I RGYU YIN YANG, ZHES SOGS KYI DON NI, MI SHES PA'AM MA RIG PA CHOS CAN, KHYOD YANG SRID PHYI MAR SKYE BA'I RGYU YIN YANG RKYEN GYI RNAM PA'I SKABS 'DIR RGYU RU DNGOS SU MA BRJOD PA'I RGYU MTSAN YOD DE, DE'I DE MTHAG PA'I RGYU MIN PAS MA BRJOD PA YIN PA'I PHYIR, SRED PA NYID CHOS CAN, KHYOD YANG SRID PHYI MAR SKYE BA'I RGYU YIN PAR SKABS 'DIR DNGOS SU BSHAD PA'I RGYU MTSAN YOD DE, KHYOD RANG 'BRAS YANG SRID PHYI MA'I RGYUN NI BSKUL ZHING 'PHEN PAR BYED PA'I 'PHEN BYED KYI RGYU YIN PA'I PHYIR DANG, DE MTHAG 'GRUB PAR BYED PA'I 'GRUB BYED KYI RGYU 'ANG YIN PAS DE LTAR BSHAD PA'I PHYIR, LAS KYANG YANG SRID PHYI MA'I RGYU'I GTZO BO MIN TE, SRED PA DE YOD NA LAS DANG GIS YOD, SRED PA DE MED NA LAS YOD KYANG SRID PAR SKYE BA MED PA'I PHYIR, ZHES PA'O ,,BDEN PA BZHI LA BRTEN PA DANG,

, ,ZHES SOGS DANG, DE NYID LA NI DE 'GAL DON, ZHES SOGS TSIGS BCAD GNYIS NI, BDAG MED RTOGS PA NYID THAR BA'I GROL LAM YIN PAR GZUNG BAR RIGS TE, BDEN PA BZHI LA BRTEN PA DANG PO DE DANG NGA DANG NGA'I ZHES SOGS YANG DAG MIN PA RNAM PA BCU DRUG SGRO BTAGS NAS NI YONGS SU SRED CING SRED PA'I DBANG GIS 'KHOR BAR NYID MTSAMS SBYOR LA, BDEN BZHI DE NYID LA NI SGRO 'DOGS BCU DRUG DE DANG DNGOS SU 'GAL BA'I DON, BDEN BZHI DE NYID KYI RNAM PA BCU DRUG RJES SU RTOGS PA CAN LEGS BSGOMS YANG DAG LTA BA YIS SRED PA RJES 'BRAD DANG BCAS PA 'JOMS PAR BYED PA'I PHYIR, ZHES PA'O,, LUNG DANG RIGS PAS RNAM DPYOD PA, ZHES SOGS TSIGS BCAD NI, DANG POR SDUG BSNGAL ZHI BA'I THABS TSOL BA DES KYANG SLOB DPON GZHAN GYI LUNG LA BRTEN PA THOS PA'I SHES RAB DANG, DNGOS PO STOBS ZHUGS KYI RIGS PAL BRTEN PA BSAM PA'I SHES RAB KYIS RNAM PAR DPYOD PA SDUG BSNGAL RANG GI NGO BO LA RTOG PAR BYED CING, DE LTAR BRTAGS PAS 'BRAL BAR 'DOD PA NA, DE'I RGYU YOD MED DANG RGYU DE RTAG MI RTAG SOGS KYI RANG BZHIN LA RTOG PAR MDZAD DE, GANG GI PHYIR DE LTAR SDUG BSNGAL RGYU MED DAM RGYU RTAG PAR GNAS NA 'BRAS BU SDUG BSNGAL BZLOG TU MED PAR GZIGS PA'I PHYIR RO,, ZHES PA'O,, 'DU BYED SDUG BSNGAL LA DGONGS NAS; ZHES SOGS TSIGS BCAD PHYED DANG GNYIS KYI DON NI, SDUG BSNGAL GYI SDUG BSNGAL GYIS YID GDUNGS PA CHAGS BYA GYI RGYUR MI 'THAD CES BSHAD PA NA, DE'I PHYOGS SNGA SMRA BAS, 'O NA BCOM LDAN 'DAS

KYIS SDUG BSNGAL BSGOM PAR GSUNGS PAS KHYED RANG GI STON PA'I LUNG DANG 'GAL LO ZHE NA, TSOR BA SDUG BSNGAL GYI SDUG BSNGAL TSAM ZHIG BSGOM PAR GSUNGS PA MA YIN GYI 'DU BYED SDUG BSNGAL LA DONGS NAS SDUG BSNGAL BSGOM PAR GSUNGS PA YIN LA ,NGED KYI 'DU BYED KYI SDUG BSNGAL DE YANG KHYOD 'DOD PA LTAR BDAG RTAG PA LA BRTEN PA MA YIN TE, RANG RGYU LAS DANG NYON MONGS PA'I RKYEN LAS SKYES PA'I PHYIR, 'ON KYANG 'DU BYED KYI SDUG BSNGAL BSGOM BA'I BLO DE NI CHOS CAN, SRID PA LAS DNGOS SU GROL BYED KYI LAM YIN PAS BSGOM BYAR GRUNGS BA MA YIN TE, BDAG MED RTOGS PA'I LTA BA BSKYED PA'I RTEN NAM THABS DAM PA YIN PAS BSGOM BYAR GSUNGS BA TZAM YIN PA'I PHYIR, 'O NA SRID PA LAS DNGOS SU GROL BYED KYI LAM DANG DE'I THABS SMIN BYED KYI LAM GYI KHYAD PAR GANG ZHE NA, STONG NYID LTABS GROL 'GYUR GYI SGOM PA LHAG MA 'DUS BYAS MI RTAG PAR BSGOMS PA DANG, ZAG BCAS SDUG BSNGAL DU BSGOM PA SOGS NI BDAG MED RTOGS PA'I SHES RAB DE SKYED PA'I DON DU NGES PAR BSGOM DGOS PA'I SMIN BYED KYI LAM YIN NO,, ZHES PA'O,, BRTZE RANG SA BON LAS BYUNG BA, ,GAL TE RANG SA BON RGYU CAN, ,MI MTHUN PHYOGS KYIS GA NOD MED NA, ,SEMS LA DE BDAG NYID DU 'GYUR, ,'DI LTAR GOMS PA LNGA MA DANG, ,ZHES SOGS NI, SEMS CAN THAMS CAD LA SNYING RJE CHEN PO SKYE BAR THAL, BA RTZE BA LA THOG MA MED CING DE RANG GI RIGS 'DRA SNGA MA SNGA MAS 'PHEL NAS SNYING RJE CHEN POR 'GYUR BA'I PHYIR ZHE NA, SKYON MED DE, BRTZE BA RANG GI SA BON LAS BYUNG BA YIN KYANG, GAL TE RANG GIS BON GYI RGYU CAN BRTZE BA DE 'PHREL BA LA MI MTHUN PHYOGS ZHE SDANG SOGS

, ,KYIS GNOD PA MED PA NA SEMS LA DE BDAG NYID DU 'GYUR BA YIN PA LA ZHES SDANG GIS BCOM NAS MI 'PHEL BA'I PHYIR RO,, DES NA BRTZE BA MTHA' MED DU 'PHEL NAS SNYING RJE CHEN POR 'GYUR BA LA NI, 'GAL RKYEN ZHE SDANG MED PAR MA ZAD MTHUN RKYEN GOMS PA KHYAD PAR CAN DGOS TE, 'DI LTAR GOMS PA SNGA MA DANG SNGA MA RNAMS SEMS KYI CHOS BRTZE BA DANG CHAGS BRAL BLO SOGS GZHAN DAG GI GSAL BA YI NI RTZA BA YIN LA, DE LTAR 'GAL RKYEN GYIS MA BCOM PAR LEGS PAR GOMS PAR BYAS NA SEMS DE'I BDAG NYID DU 'GYUR BA YIN TE, DGRA BCOM PA LA CHAGS BRAL DANG, 'DOD PA CAN LA CHAGS PA DANG, MI SDUG BSGOM PA LA YID LOG GI BLO NGANG GIS 'BYUNG BA BZHIN NO,, ZHES PA'O,, RNAM PA DU MAR THABS MANG PO, ZHES SOGS KYI TSIG DON NI MDO SDE BA'I SKABS SU BSHAD ZIN TO,, //BA// RNAL 'BYOR SHES BSNGAR BSHAD PA, ZHES PA'I TSIGS BCAD NI, 'DI LTAR RTEN GYI GANG ZAG RNAL 'BYOR BA'I RGYUD KYI SHES PA YIN PA, YUL GYI KHYAD PAR SNGAR LE'U GNYIS PAR BSHAD PA'I BDEN PA BZHI PO DE DAG GI RNAM PA BCU DRUG PO DE 'AM, YANG NA SNGAR DBANG PO'I MNGON SUM DU BSHAD PA'I CHOS DE DAG GI DE KHO NA NYID GNYIS MED KYI MYONG BA DE LA DMIGS PA, DE YANG BDAG RKYEN GYI KHYAD PAR BSGOMS STOBS LAS BYUNG BA YIN PA, SNANG TSUL GYI KHYAD PAR RTOG PA'I DRA BA RNAM PAR BSAL BA'I DBANG GIS YUL GSAL BA NYID DU SNANG BA GANG YIN PA NI RNAL 'BYOR MNGON SUM YIN NO,, ZHES PA'O,, 'DOD 'JIGS MYA NGAN GYIS RLAMS DANG, ZHES SOGS TSIGS BCAD BZHI'I DON NI RGYANG PHAN TSAD BSAL GYI SKABS SU BSHAD ZIN, DE LA SNGAR DPYAD DNGOS PO

BZHIN, ,BSLU BA MED CAN GANG YIN DE, ,BSGOMS BYUNG MNGON SUM TSAD MAR 'DOD,, LHAG MA NYE BAR BSLAD PA YIN, ,ZHES PA'I DON NI, DE LTAR BSGOMS STOBS KYIS GSAL BAR SNANG BA'I RTOG MED SHES PA YUL YANG DAG PA DANG; YANG DAG PA MA YIN PA CAN GNYIS YOD PA DE LA SNGAR TSAD MA GRUB PAR BSHAD PA'I BDEN BZHI'I DNGOS PO MI RTAG LA SOGS BCU DRUG LTA BU YANG DAG PA'I DON RTOGS PA'I BSGOMS BYUNG GI SHES PA RTOG MED RANG GI GZHAL BYA LA SLU BA MED PA CAN GANG YIN PA DE BSGOMS BYUNG MNGON SUM TSAD MAR 'DOD KYI, DE LAS LHAG MA ZAD PAR LA SOGS PA NI GSAL BAR SNANG ZHING RTOG MED YIN KYANG, NYE BAR BSLAD CING 'KHRUL PA'I SHES PA YIN PA'I PHYIR MNGON SUM TSAD MA MA YIN NO,, ZHES PA'O,, //MA// MTSAN MTSON GZHI GSUM NI BTAGS DON LA MA DPYAD PAR PHAN TSUN BLTOS GRUB TZAM DU BZHAG PA MA YIN NA KUN RDZOB RNAMS DON DAM DPYOD BYED KYI RIGS PAS DPYAD BZOD DU MA GRUB PA MA YIN PAR 'GYUR LA, DES NA KUN RDZOB RNAMS DON DAM PAR GRUB PAR 'GYUR GYI KUN RDZOB TU GRUB PAR MI 'GYUR RO,, ZHES PA'O,, 'ON KYANG TSIG GSAL SNAR THANG DPAR MA DANG LEGS BSHAD SNYING PO BKRIS LHUN DPAR MA SOGS SU, KUN RDZOB 'THAD PA DANG LDAN PA MA YIN NAM, ZHES BYUNG BA LTAR NA, MTSAN MTSON GZHI GSUM BLTOS NAS GRUB PA DE LTA MA YIN NA KUN RDZOB RNAMS TSAD MAS GRUB PA MA YIN NAM, YANG NA DON DAM PAR GRUB PAR 'GYUR GYI KUN RDZOB TU GRUB PAR MI 'GYUR ZHES BSHAD DGOS SO,, DES NA DE GNYIS LAS GANG YI GE DAG PA YIN DPYAD PAR BYA'O,, LUNG DE'I 'PHROR, 'THAD PAS RNAM

, ,PAR DPYAD PA NA MCHI GU LA SOGS PA DAG KHO NA MI SRID PA NI MA YIN TE, 'O NA CI ZHE NA, 'CHAD PAR 'GYUR BA'I 'THAD PAS GZUGS DANG TSOR BA LA SOGS PA RNAMS KYANG YOD PA MA YIN PAS, ZHES SKABS 'DI'I 'THAD PA ZHES PA DON DAM DPYOD PA'I 'THAD PA LA GSUNGS PAS SNGA MA YI GE DAG PA YIN NAM SNYAM MO,, //TZA// DE NI YID KYI RANG BZHIN GYI, ,ZHES SOGS RKANG PA GNYIS RTAG PA DANG, BSAM MI KHYAB 'GYUR 'CHI 'PHO YIS, ,DE NI MI 'CHI BRTAN PA'I PHYIR, ,ZHES PA BRTAN PA DANG, BAG CHAGS PHRA MO ZHES SOGS ZHI BA DANG, ZAG MED MNGON PAR 'DU BYED KYIS, ,GA-YUNG DRUNG PHYIR NA RGA BA MED, ,CES PA GA-YUNG DRUNG DANG SBYAR RO,, MI ZAD YON TAN DANG LDAN PHYIR, ,GZHAN 'GYUR MIN BDAG RTAG PA'I DON, ,MTHA' YI MU DANG MTSUNGS PA'I PHYIR, ,SKYABS KYI BDAG NYID BRTAN PA'I DON, ,RNAM PAR MI RTOG RANG BZHIN PHYIR, ,GNYIS MED CHOS NYID ZHI BA'I DON, ,MA BCOS YON TAN NYID PHYIR NA, ,'JIG MED DON NI GA-YUNG DRUNG NYID, ,CES SO, ,DE DAG LA RTZA BA'I BSTAN BSHAD DANG MDO DANG SBYOR TSUL SOGS RGYUD BLA DAR t'IKA LAS SHES DGOS SO,, //TSA// DE LTAR STAG LOS, ,STON PAS SANGS RGYAS DANG K'U SGRUB ZLA GRAGS KYI DGONGS PA ZHES MTHAR THUG DANG DBYER MED PA'I RJE BDAG NYID CHEN PO'I LEGS BSHAD DRI MA MED PA'I NAM MKHA' LA SKYON GYI ME TOG 'TSOL BA NI, RJE BLA MAS, RNYED BKUR CHEN DU GZHAN DOR TSIG BRGYUD TZAM ZHIG 'DZIN, ,'KHOR LA SRED NA MYUR BAR SLOB MA'I TSOGS MANG BSDUD, ,YID BRTAN MED PAR KHA TSON BCAD DE NGAN RTOG 'DOMS, ,ZHES GSUNGS PA LTAR

GYUR MOD, ,'ON KYANG PHYIS SU RJE BLA MA'I LEGS BSHAD LA ZHIB TU GZIGS NAS MI PHYED PA'I DAD PA THOB STE, KHYOD BLO'I NYI MA GZHON NU'I DUS KYI TSE, ,MDO DANG RGYAN GYI PAD TSAL RGYAS MTHONG NAS, ,BDAG BLO KHENGS PA'I KU MUD LHAG PAR ZUM, ,ZAB YANGS MKHYEN PA'I GTER LA GSOL BA 'DEBS, ,ZHES DANG, MDO SNGAGS MTHA' DAG KHYAD PAR RDO RJE THEG ,RGYUD SDE MTHA' DAG KHYAD PAR BLA MED DON, ,RIM GNYIS MTHA' DAG KHYAD PAR SGYUR LUS LA, ,SNGON MED LEGS BSHAD GTER CHEN KHYOD LA 'DUD, ,CE SA SOGS BSNGAGS PA MDZAD PAS GO SH'A KA SOGS LAS KHYAD CHE'O,, //DZA// 'JUG PA LAS, DBYIBS ZHE NA DE GZUGS CAN LA YOD PHYIR, ,KHYOD LA DE DAG NYID BDAG CES 'GYUR GYI, ,SEMS SOGS TSOGS NI BDAG NYID 'GYUR MIN TE, ,GANG PHYIR DE DAG LA DBYIBS YOD MA YIN, ,ZHES DBYIBS GANG ZAG YIN PA BKAG PA NI BRTAG PA MTHA' BZUNG MTHA' GZHAN BKAG PA YIN NAM, GZUGS LA SOGS PA TSOGS PA'I DBYIBS KHYAD PAR BA BDAG TU BZHAG PA'I DBU MA RANG RGYUD PA SOGS DNGOS SU 'BYUNG BA YIN DPYAD DGOS TE, PHUNG PO LAS GZHAN BDAG GRUB MED PA'I PHYIR, ,BDAG LTA'I DMIGS PA PHUNG PO KHO NA'O, ,KHA CIG BDAG LTA'I RTEN DU PHUNG PO NI, ,LNGA CHAR YANG 'DOD KHA CIG SEMS GCIG 'DOD, ,CES MANG POS BKUR PA'I SDE BA KHA CIG 'JIG LTA'I DMIGS YUL LA PHUNG PO LNGA CHAR DANG, MANG BKUR BA KHA CIG SEMS GCIG PU 'DOD PAR GSUNGS LA, LEGS LDAN 'BYED KYIS YID KYI RNAM SHES GANG ZAG GI MTSAN GZHIR 'DOD PA LTAR KUN GZHI MI 'DOD PA GZHAN RNAMS KYANG DE DANG 'DRA ZHING, KUN

, ,GZHI 'DOD PAS KUN GZHI RNAM SHES NYID GANG ZAG GI MTSAN GZHIR 'DOD PAR 'JUG t'IKA CHEN MOR GSUNGS PA MA GTOGS PA GZHAN GSAL BAR BSHAD PA MI SNANG BA'I PHYIR RO,, 'JIG LTA'I DMIGS YUL LA PHUNG PO LNGA CHAR 'DOD MKHAN NI, GANG SU NGAG CIG BDAG GO SNYAM DU YANG DAG PAR RJES SU LTA BA DE DAG NI, NYE BAR LEN PA'I PHUNG PO LNGA PO 'DI KHO NA LA YANG DAG PAR RJES SU LTA'O,, ZHES PA'I MDO LA BRTEN CING, SEMS GCIG BU 'DOD PA NI, BDAG NI BDAG GI MGON YIN GYI, ,GZHAN NI SU ZHIG MGON DU 'GYUR, ,BDAG NYID LEGS PAR THUL BAS NI, MKHAS PAS MTHO RIS THOB PAR 'GYUR, ,ZHES BDAG DUL BAS MTHO RIS THOB PAR GSUNGS PA DANG, MDO GZHAN LAS, SEMS 'DUL BA NI LEGS PA STE, ,SEMS 'DUL BA NI BDE BA NI LEGS PA STE, ,SEMS 'DUL BA NI BDE BA 'DREN, ,ZHES SEMS 'DUL BAS BDE BA THOB PAR GSUNGS PA'I MDO GNYIS LA BRTEN PA'O,, LEGS LDAN GYIS KYANG LUNG NI MDO PHYI MA GNYIS DANG, RIGS PA NI, PHUNG PO LEN MKHAN NI BDAG YIN LA RNAM SHES KYIS YANG SRID LEN PA'I PHYIR RNAM SHES BDAG TU BZHAG GO, ZHES PA'O,, THAL 'GYUR BAS NI, GANG PHYIR STON PAS PHUNG PO BDAG GO ZHES, ,GSUNGS PA DE PHYIR PHUNG PO BDAG 'DOD NA, ,DE NI PHUNG LAS GZHAN BDAG 'GOG PA STE, ,GZUGS BDAG MIN SOGS MDO GZHAN GSUNGS PHYIR RO, ,ZHES MDO SNGA MAS SGRUB PHYOGS NAS PHUNG PO BDAG TU STON PA MIN GYI, DGAG PHYOGS NAS PHUNG PO LAS DON GZHAN PA'I BDAG 'JIG LTA LHAN SKYES KYI DMIGS YUL YIN PA KHA NO ZHES PA'I NGES GZUNG GIS 'GOG PA YIN TE, GZUGS BDAG MA YIN ZHES SOGS

PHUNG PO LNGA RE RE NAS BDAG MIN PAR MDO GZHAN LAS GSUNGS PA'I PHYIR RO,, ZHES PA DANG, PHUNG PO BDAG CES BRJOD TSE PHUNG RNAMS KYI, ,TSOGS PA YIN GYI PHUNG PO'I NGO BO MIN, ,MGON MIN 'DUL BA'AM DBANG PO NYID KYANG MIN, ,DE MED PHYIR DE TSOGS PA MA YIN NO, ,ZHES MJO'I DON SGRUB PHYOGS NAS YIN DU CHUG KYANG PHUNG PO RNAMS KYI TSOGS PA BDAG TU BRJOD PA YIN GYI, PHUNG PO RE RE BDAG TU STON PA MIN TE, TSOGS PA BDAG YIN NA BDAG NI MGON DANG 'DUL BA'AM DBANG PO NYID DU GSUNGS LA, KHYOD LTAR NA TSOGS PA RKYANG PA DE MGON MIN ZHING 'DUL BA'AM DBANG PO NYID KYANG MIN TE, TSOGS PA TZAM DE NI RDZAS SU MED PA'I PHYIR NA BDAG DE PHUNG PO'I TSOGS PA TZAM MIN NO,, ZHES PA DANG, DE TSE DE YI YAN LAG TSOGS GNAS RNAMS, ,SHING RTA NYID 'GYUR SHING RTA DANG BDAG MTSUNGS, ,MDO LAS PHUNG PO BRTEN NAS YIN GSUNGS PA, ,DE PHYIR PHUNG PO 'DUS TZAM BDAG MA YIN, ,ZHES PHUNG PO'I TSOGS PA BDAG TU 'DOD PA DE'I TSE SHING RTA'I YAN LAG GI TSOGS PA PHYOGS GCIG TU GNAS PA RNAMS SHING RTA NYID DU 'GYUR BA'I SKYON YOD DE, SHING RTA DANG BDAG GNYIS RANG GI YAN LAG GI TSOGS PA LA 'JOG MI 'JOG MTSUNGS PAR MDO LAS BSTAN PA'I PHYIR TE, JI LTAR YAN LAG TSOGS RNAMS LA, ,BRTEN NAS SHING RTAR BRJOD PA LTAR, ,DE BZHIN PHUNG PO RNAMS BRTEN NAS, ,KUN RDZOB SEMS CAN ZHES BYA'O, ,ZHES GSUNGS PA'I PHYIR; MDO LAS PHUNG PO'I TSOGS PA LA BRTEN NAS SEMS CAN DU GDAGS PA YIN PAR GSUNGS PA DE'I PHYIR, PHUNG PO 'DUS PA STE TSOGS PA TZAM BDAG MA YIN NO,, DON DE NYID YAN LAG LNGA LDAN GYI SGRUB DAG GIS GSAL BAR BYED PA NI

, ,RNAM BSHAD LAS, GANG ZHIG LA BRTEN NAS GANG BRTAGS PA DE NI BTAGS PA NYE BAR LEN PA'I YAN LAG TSOGS PA TZAM MA YIN TE, BRTEN NAS BTAGS PA'I PHYIR 'BYUNG BA LAS GYUR BA BZHIN NO,, JI LTAR 'BYUNG BA DAG RGYUR BYAS NAS, 'BYUNG BA LAS GYUR BA SNGON PO LA SOGS PA DANG MIG LA SOGS PA BTAGS MOD KYI DE GNYIS 'BYUNG BA 'DUS PA TZAM NYID NI MA YIN NO,, DE BZHIN DU BDAG PHUNG PO RGYUR BYAS NAS BTAGS PA'I RANG BZHIN CAN YANG PHUNG PO TSOGS PA TZAM YIN PAR MI RUNG NGO,, ZHES GSUNGS PA LTAR RO,, DON GYI SKABS SU TSOGS PA DNGOS SU MA BRJOD KYANG DON GYIS SBYOR DGOS PA NI, GAL TE MDO LAS PHUNG PO TSOGS PA LA BRTEN NAS ZHES GSUNGS NA TSOGS PA GANG ZAG TU MI RUNG YANG, DE BZHIN PHUNG PO RNAMS BRTEN NAS, ,ZHES PA TZAM LAS MED PAS PHUNG PO TSOGS PA GANG ZAG GI RTEN DU 'JOG PA'I KHUNGS MIN NO SNYAM NA, DE NI MA YIN TE DPE'I SKABS SU, JI LTAR YAN LAG TSOGS RNAMS LA, ZHES YAN LAG TSOGS PA LA BRTEN NAS SHING RTAR BSHAD LA, DE'I PHYIR SHING RTA DANG DPE DON DU SGRIG PA NA, DE BZHIN DU PHUNG PO RNAMS BRTEN NAS, ZHES PA'I SKABS SU TSOGS PA DNGOS SU MA BRJOD KYANG DE GDON DGOS PAR SHING TU GSAL BAS MKHAS PA'I DBANG POS, MDO'I TSIG ZUR RE'I NUS PA 'DON LUGS YIN PAS ZHIB PAR GO NA BLO LA DGA' BSKYED PA'O,, ZHES GSUNGS PA LTAR RO, PHYI RABS KYI MKHAS PA RNAMS KYI BSHAD TSUL NI, KHA CHE BYE SMRA DANG LUNG GI RJES 'BRANG MDO SDE PAS PHUNG PO'I RGYUN DANG, MDO SDE SPYOD PA'I DBU MA RANG RGYUD PA DANG RIGS PA'I RJES 'BRANG MDO SEMS GNYIS

KYIS YID KYI RNAM SHES DANG, LUNG GI RJES 'BRANG SEMS TZAM PAS KUN GZHI RNAM SHES DANG, RNAL 'BYOR SPYOD PA'I DBU MA RANG RGYUD PAS YID KYI RNAM PAR SHES PA'I PHUNG PO'I RGYUN GANG ZAG GI MTSAN GZHIR 'DOD PAR BSHAD DO,, GZHAN YANG, PHUNG PO LNGA CHAR GANG ZAG GI MTSAN GZHIR 'DOD MKHAN RNAMS KYIS KYANG, PHUNG PO LNGA'I GANG ZAG YIN ZER BA DANG, PHUNG PO LNGA RE RE NAS GANG ZAG YIN ZER BA MIN GYI, PHUNG PO LNGA TSOGS PA DANG BSDOMS PA GANG ZAG TU 'DOD PA'I DON YIN LA, YID KYI RNAM SHES GANG ZAG GI MTSAN GZHIR 'DOD MKHAN RNAMS KYIS KYANG, PHUNG PO LNGA'I TSOGS PA GANG ZAG MA YIN PAR 'DOD PA MIN GYI, SRID PA GSUM DU RGYUN MI CHAD PAR 'KHOR MKHAN LA GTZO BO YID KYI RNAM SHES 'JOG PA'I DON YIN PAR BSHAD DO,, BSHAD TSUL 'DI LTAR NA, GANG ZAG GI MTSAN GZHI LA RANG RGYUD PA MAN CHAD KYI NANG BA'I GRUB MTHA' SMRA BA PHAL CHER 'DOD PA MTHUN PAR 'GYUR RAM DPYAD DGOS SO,, RNAM SHES DANG RNAM SHES KYI RGYUN ZHES PA MI 'DRA STE, 'JIG PA LAS, RGYEN CAN RNAMS NGER PHAN TSUN THA DAD YOD, CES PA'I SKABS KYI RNAM BSHAD LAS, DE YANG RGYUN GYI BYINGS LAS TA NU MI RGYAS PA LA'O ZHES PA LA RKYEN BYIN PAS BRGYUD PAS NA RGYUN NO;; ZHES PAR 'GYUR TE, CHU GLUNG GI RGYUN LTAR RGYUN CHAGS PAR RGYU DANG 'BRAS BU 'BREL BAR 'JUG PA NA, SKYE 'CHI BRGYUD PAS BAR STONG MED PAR RNAM PAR MCHAD PAR GNAS PA, 'DU BYED KYI SKAD CIG DUS GSUM PA'I NYE BAR LEN PA CAN LA BYA STE, SKAD CIG MA RNAMS GANG GI CHA SHAS YIN PA'I CHA CAN YIN GYI SNGA PHYI BAR MA CHAD PA TZAM MIN NO,, DE NI RGYUN GYI CHA SHAS RDZAS KYI SKAD CIG MA RNAMS LA YOD PAS NA, RGYUN GYI YAN LAG RDZAS KYI SKAD CIG MA RNAMS

, ,LA RGYUN CAN ZHES BRJOD DE, RGYUN GYI CHA SHAS DANG YAN LAG RNAMS CHA CAN GYI RGYUN DE'I YIN PAS RGYUN LA DE'I NYE BAR LEN PA ZHES BRJOD DE, DPER NA BUM PA NI BUM PA'I MCHU DANG MGRIN PA LA SOGS PA'I NYE BAR LEN PA YIN PA BZHIN NO,, ZHES GSUNGS PA LTAR, RNAM SHES SKAD CIG MA RNAMS RGYUN CAN NAM MA CHA SHAS DANG, SKAD CIG MA ME RNAMS GANG GI CHA SHAS YIN PA'I CHA CAN LA RGYUN ZHES BRJOD PA'I PHYIR, PHUNG PO DANG PHUNG PO'I RGYUN ZHES PA LA 'ANG DE LTAR MI 'DRA BA'I KHYAD PAR SHES DGOS SO,, //WA// THAL 'GYUR BA DE DAG 'GOG TSUL NI, 'JUG PA LAS, GAL TE TSOGS TZAM SHING RTAR 'GYUR NA NI, ,SIL BUR GNAS LA SHING RTA 'DIR YOD 'GYUR, ,GANG PHYIR YAN LAG CAN MED YAN LAG DAG, MED PAS DBYIBS TZAM SHING RTAR RIGS MA YIN, ,ZHES PA LTAR, SHING RTA NI RANG GI YAN LAG TSOGS PA TZAM DU YANG MI 'THAD DO,, 'DI LA GNYIS LAS, RIGS PA DANG 'GAL BA NI, YAN LAG 'KHOR LO LA SOGS PA PHRAL NAS SIL BUR GNAS PA RNAMS MA TSANG BA MED PAR TSOGS PA NA 'ANG, SHING RTA YOD PAR 'GYUR TE YAN LAG TSOGS PA TZAM SHING RTA YIN PA'I PHYIR RO,, KHAS BLANGS DANG 'GAL BA NI, 'DIR RANG SDE DNGOS POR SMRA BA DAG YAN LAG CAN NI MED KYI, YAN LAG 'DUS PA TZAM ZHIG 'DOD PAS DE LTAR NA YAN LAG KYANG MED PAR 'GYUR TE YAN LAG CAN MED PA'I PHYIR RO,, DES NA YAN LAG 'DUS PA YANG MED PAS YAN LAG GI TSOGS PA SHING RTAR MI 'GYUR RO,, GAL TE YAN LAG TSOGS PA TZAM SHING RTAR MI 'DOD KYI, YAN LAG DE RNAMS BSGRIGS PA'I DUS KYI DBYIBS KHYAD PAR BA DE

SHING RTAR 'JOG GO SNYAM NA, 'DI LA SNGAR BSHAD PA LTAR YAN LAG CAN MED PAR 'DOD PAS YAN LAG KYANG MED PAR 'GYUR BA'I PHYIR, YAN LAG GI DBYIBS TZAM SHING RTAR 'JOGS PA MI RIGS SO,, ZHES PA'I SKYON NI KHAS BLANGS DANG 'GAL BA'O,, GZHAN YANG DE 'DRA BA'I DBYIBS SHING RTAR 'DOD NA YAN LAG SO SO BA'I DBYIBS YIN NAM, YAN LAG TSOGS PA'I DBYIBS SHING RTAR 'DOD, DANG PO LTAR NA SNGAR MA BSGRIGS PA'I DUS KYI DBYIBS DANG KHYAD MED PA'I DBYIBS YIN NAM, SNGAR GYI DBYIBS DANG MI 'DRA BA'I DBYIBS GZHAN ZHIG YIN, DANG PO LTAR NA, KHYOD DBYIBS YAN LAG RE RE SNGAR YOD GYUR, ,JI LTAR SHING RTAR GTOGS LA'ANG DE BZHIN NA, ,BYE BAR GYUR BA DE DAG LA JI LTAR, ,DE LTAR YANG NI SHING RTA YOD MA YIN, ,ZHES GSUNGS PA'I SKYON STON TO, ,DE YANG SNGAR MA BSGRIGS PA DANG PHYIS BSGRIGS PA'I DUS KYI 'PHANG PO LA SOGS PA'I DBYIBS LA MA 'DRA BA'I KHYAD PAR MED PAS, PHRAL BA'I TSE SHING RTA MED PA LTAR BSGRIGS PA'I TSE YANG SHING RTA MED PAR 'GYUR BA'O,, GAL TE SNGAR MA BSGRIGS PA'I DUS KYI 'PHANG LO LA SOGS PA LAS, PHYIS BSGRIGS PA'I TSE YAN LAG SNGA MDE DAG GI DBYIBS DANG MI 'DRA BA GZHAN ZHIG 'BYUNG PA LA SHING RTAR 'JOG NA NI, DA LTA GAL TE SHING RTA NYID DUS 'DIR, ,'PHANG LO SOGS LA DBYIBS THA DAD YOD NA, ,'DI BZUNG GYUR NA DE YANG YOD MIN TE, ,DE PHYIR DBYIBS TZAM SHING RTAR YOD MA YIN, ,ZHES GSUNGS PA'I SKYON YOD DE, SNGA PHYI'I 'PHANG LO DANG SROG SHING SOGS LA DBYIBS MI 'DRA BA'I KHYAD PAR GZHAN ZHIG YOD NA DE DMIGS DGOS PA LAS JI LTAR BLTAS KYANG DA 'DRA BA DMIGS PA MED PAS DBYIBS SNGA MA DANG MI 'DRA BA'I PHYIS KYI DBYIBS

, ,SHING RTAR MI RIGS SO,, GAL TE YAN LAG SO SO BA'I DBYIBS SO SO BA SHING RTAR MI 'DOD KYI, YAN LAG TSOGS PA'I DBYIBS KYI SPYI LA SHING RTAR 'JOG GO SNYAM NA, GANG PHYIR KHYOD KYI TSOGS PA CAD MED PAS, ,DBYIBS DE YAN LAG TSOGS KYI MA YIN NA, ,GANG ZHIG CI YANG MA YIN DE BRTEN NAS, ,'DIR NI DBYIBS SU LTA ZHIG JI LTAR 'GYUR, ,ZHES GSUNGS PA'I SKYON YOD DO, ,'DI LTAR TSOGS PA LA BRTEN PA'I DBYIBS SHING RTAR MI RIGS TE TSOGS PA RDZAS SU MA GRUB PAS TSOGS PA LA BRTEN NAS DBYIBS SU 'DOGS PA MI 'THAD PA'I PHYIR TE BTAGS YOD THAMS CAD 'DOGS PA'I GZHI RNAMS RDZAS YOD DU KHAS BLANGS PA'I PHYIR RO,, YAN LAG TSOGS PA LA RANG GI NGO BOS GRUB PA'I RANG BZHIN NAM RDZAS SU MED PA NI RANG BZHIN YOD NA TSOGS PA CAN YAN LAG RNAMS DANG, RANG BZHIN GCIG THA DAD GANG RUNG LAS MI 'DA' LA, DE DAG GANG 'DOD NA'ANG SNGAR SHING RTA LA BSHAD PA BZHIN DU DGAG PAR NUS PA'I PHYIR RO,, ZHES LHAG MTHONG CHEN MOR GSUNGS PA LTAR RO,, SHING RTA'I DPE 'DIS NI GZUGS LA SOGS PA'I RDUL BRGYAD 'DUS PA TZAM LA BUM PA LA SOGS PAR 'JOG PA YANG BSAL PA YIN LA, GZHAN YANG RDUL BRGYAD RDZAS SU GRUB PA LA BRTEN NAS, BUM PA LA SOGS PA RNAMS 'DOGS PA DANG BUM PA LA SOGS RNAMS RDZAS SU GRUB PA'I GZUGS LA SOGS PA'I DBYIBS KHYAD PAR BA LA 'DOD PA YANG BKAG STE, GZUGS LA SOGS PA LA RANG BZHIN GYIS SKYE BA MED PAS DE DAG RANG BZHIN MED PA YIN PA'I PHYIR NA RDZAS SU GRUB

PAR MI 'THAD PA'I PHYIR RO,, DE LTAR YANG, 'JUG PA LAS, 'DIS NI GZUGS SOGS DE LTAR GNAS RNAMS LA, ,BUM BLO ZHES BYA'NG RIGS PA MA YIN NYID, ,SKYE BA MED PAS GZUGS SOGS KYANG YOD MIN, ,DE YI PHYIR YANG DE DAG DBYIBS MI RIGS, ,ZHES SO,, GAL TE SHING RTA LTAR BUM PA RANG GI YAN LAG 'DUS PA'I DBYIBS MA YIN NA, LTO LDIR BA LA SOGS PA DE'I MTSAN NYID MA YIN PAR 'GYUR TE, DE DAG NI DBYIBS YIN PA'I PHYIR RO SNYAM NA, GANG GI LTO BA LDIR BA DANG MGRIN PA RING BA SOGS DE NI BUM PA YIN PAR 'DOD KYI, LTO BA LDIR BA SOGS KYI DBYIBS BUM PAR MI 'DOD DE, GZHAN DU NA LTO BA DANG MGRIN PAR YANG 'DOD DGOS PAR 'GYUR RO,, ZHES KYANG GSUNGS SO,, //ZHA// LUNG 'DI NI RANG RGYUD PAS RANG DOS NAS GRUB PA KHAS BLANGS PA'I KHUNGS GSAL SHOS KYANG YIN TE, LUNG 'DIS BA GLANG RDZI MO YAN CHAD KYI MTHONG BA LTAR KUN RDZOB TU YOD PAR GSUNGS PA GANG ZHIG, BA GLANG RDZI MO LTA BU SO SKYE RANG KHA BAS YUL GANG SNANG YANG RANG GI SDOD LUGS KYI NGOS NAS GRUB PAR SNANG BA LA SNYON DU MED PA'I PHYIR RO,, DON BSDU NA, CHOS CAN MTHUN SNANG BA'I DON NI, RGOL PHYIR RGOL GNYIS KA LA MTHUN SNANG DU RANG MTSAN LA MA 'KHRUL BA'I TSAD MAS GRUB PA'I CHOS CAN LA BYED DE, LHAG MTHONG CHEN MO LAS, MTHUN SNANG DU GRUB PA'I DON YANG PHYIR RGOL LA TSAD MA JI 'DRA BA ZHIG GIS GRUB PA'I TSAD MA DE 'DRA BA ZHIG GIS SNGA RGOL LA'NG GRUB PA'O,, ZHES GSUNGS PAS SO,, RANG RGYUD KYI SBYOR BA'I DON NI, PHYI RGOL GYI KHAS BLANGS LA MA 'KHRIS PAR RANG MTSAN LA MA 'KHRUL BA'I TSAD MAS SHES 'DOD DANG MTHUN DPE'I CHOS CAN GNYIS DANG RTAGS KYI TSUL

, ,GSUM GRUB TSUL SNGON DU NGES PAR BYAS RJES SU BSGRUB BYA RTOGS PA'I RJES DPAG SKYED PA'I SBYOR BA LA BYED DE, LEGS BSHAD SNYID PO LAS, PHYI RGOL GYI KHAS BLANGS LA MA 'KHRIS PAR TSAD MAS DON GYI SDOD LUGS NAS RANG DBANG DU CHOS CAN GNYIS DANG RTAGS KYI TSUL RNAMS GRUB TSUL NGES PAR BYAS NAS BSGRUB BYA RTOGS PA'I RJES DPAG SKYED PA CIG RANG RGYUD KYI DON YIN NO,, ZHES GSUNGS PA'I PHYIR RO,, PHYI RGOL GYI KHAS BLANGS LA MA 'KHRIS ZHES PA'I DON YANG, PHYI RGOL RANG LA GRAGS PA'I TSAD MAS GRUB PAS MI CHOG PA'I PA'I DON TE, LHAG MTHONG CHEN MO LAS, RANG RGYUD KHAS LEN NA RANG MTSAN LA TSAD MAR GYUR BA'I TSAD MA RGOL BA GNYIS KA'I MTHUN SNANG DU KHAS BLANGS NAS DES GRUB PA'I TSUL GSUM GNYIS KA LA GRUB PAS BSGRUB BYA BSGRUB DGOS LA, ZHES DANG, RANG RGYUD KHAS MI LEN NA PHA ROL DNGOS POR SMRA BA RANG LA TSAD MED 'DRA BAS GRUB PAS CHOG GI RANG LA TSAD MA DES GRUB MI DGOS SO,, ZHES GSUNGS PA LTAR RO,, //ZA// LAM RIM CHEN MOR DBU MA PA LA MDO SDE SPYOD PA DANG RNAL 'BYOR SPYOD PA'I DBU MA PA GNYIS SU PHYE BA BKAG PA YIN GYI, RANG RGYUD PA LA DE GNYIS SU PHYE BA BKAG PA MIN NO,, //'A// RNAM PA MED PA'I RNAM PAR SHES PA ZHES PA 'DI NI, 'KHRUL BA'I BAG CHAGS SMIN PA'I DBANG GIS SHAR BA'I RNAM PA MED PA LA BYED DAM SNYAM MO,, //YA// BSHAD TSUL 'DI KHYAD PAR DRUG GI SGO NAS SHES PAR BYA STE, SEMS TZAM PAS KUN BRTAGS MTSAN NYID NGO BO NYID MED CES PA'I KUN BRTAGS NI, GZUGS SO ZHES NGO BO DANG GZUGS

KYI SKYE BA'O ZHES SOGS KHYAD PAR LA KUN TU 'DOGS BYED KYI SGRA RTOG LA BYED NA GZHAN DBANG RANG GI MTSAN NYID KYIS MA GRUB PAR LTA BA'I SKUR 'DEBS SU 'GYUR BA DANG, GZUGS SO ZHES NGO BO DANG GZUGS KYI SKYE BA'O ZHES SOGS KHYAD PAR DU BTAGS PA'I BTAGS DON LA BYED NA 'JIG RTEN NA GRAGS PAS GNOD PAR 'GYUR BA DANG, NGO BO DANG KHYAD PAR DU BTAGS PA'I BTAGS DON DE NYID DON DAM PAR MTSAN NYID NGO BO NYID MED PAR BSHAD NA DBUM PA'I RJES SU 'BRANG BAR 'GYUR BA DANG, NGO BO DANG KHYAD PAR DU BTAGS PA'I BTAGS DON GANG LA BYED PA'I TSUL LA RANG RGYUD PA DANG SEMS TZAM PA'I LUGS MI 'DRA BA'I KHYAD PAR BSHAD PA DANG, DGONGS 'GREL LAS KUN BRTAGS MTSAN NYID NGO BO NYID MED PAR BSHAD PA'I KUN BRTAGS NGOS BZUNG BA'I SGO NAS MDO'I DON BSHAD PA DANG, BSHAD TSUL 'DI LA KUN BRTAGS BSHAD GZHI MA YIN PAR THAL BA'I RTZOD PA SPONG BA STE DRUG GI SGO NAS BSHAD PA'I PHYIR, DANG PO GRUB STE, LEGS BSHAD SNYING PO LAS, KUN BRTAGS LA MTSAN NYID NGO BO NYID MED DO ZHES SMRA BA'I KUN BRTAGS DE NGO BO DANG KHYAD PAR DU 'DOGS PA'I RTOG PA DANG MING LA BYED NA DE GNYIS PHUNG POR GTOGS PAS GZHAN DBANG LA MTSAN NYID NGO BO NYID MED PA'I SKUR 'DEBS SU BSHAD PAS GZHAN DBANG LA MTSAN NYID NGO BO NYID YOD PAR BZHED DO,, ZHES GSUNGS PA'I PHYIR, GNYIS PA GRUB STE, DE NYID LAS, GZUGS LA SOGS PA LA 'DI DANG 'DI'O ZHES NGO BO DANG KHYAD PAR DU BTAGS PA'I DON DE MTSAN NYID NGO BO NYID MED PA'I DPER THAG PA LA SBRUL LO SNYAM DU BTAGS PA'I BTAGS DON MED PA

, ,'JOG PA MI RIGS TE, DE LA PHA ROL POS THAG PA LA SBRUL LO SNYAM DU BZUNG BA DE'I DON MED KYANG SBRUL 'KHYIL BA LA SBRUL LO SNYAM DU BZUNG BA'I DON THA SNYAD DU YOD PA BZHIN DU GZUGS LA TSOR BA'O SNYAM DU BZUNG BA'I YUL MED KYANG GZUGS LA GZUGS SO SNYAM DU BZUNG BA'I YUL THA SNYAD DU YOD DO ZHES SMRA BAR NUS PA'I PHYIR RO,, 'DIR YOD MED NI MTSAN NYID NGO BO NYID YOD MED YIN PAS GZUGS SOGS LA NGO BO DANG KHYAD PAR DU BTAGS PA'I YUL THA SNYAD DU MTSAN NYID NGO BO NYID MED PA MIN ZHES PA'O,, CI STE THA SNYAD DU SBRUL 'KHYIL BA LA SBRUL MED NA NI GRAGS PAS GNOD PAR GSUNGS TE THA SNYAD DU SPRUL 'KHYIL BA LA 'DI SBRUL LO SNYAM DU BZUNG BA'I YUL DE MED NA ZHES PA'O,, ZHES GSUNGS PHYIR, GSUM PA GRUB STE, DE NYID LAS, DON DAM PAR DNGOS PO SEL NA DBU MA PA'I RJES SU SMRA BA YIN TE ZHES GSUNGS TE, SBRUL 'KHYIL BA LA SBRUL LO SNYAM DU BZUNG BA'I YUL DE DON DAM PAR MTSAN NYID NGO BO NYID MED PAR SGRUB NA DBU MA PA'I LUGS SU 'GYUR ZHES PA'O,, ZHES GSUNGS PAS SO,, BZHI PA GRUB STE, DE NYID LAS, DE YANG LTO LDIR BA LA BUM PA ZHES BTAGS PA'I BRDAS BZHAG PA'I YUL DON DAM PAR GRUB PA 'GOG PA LA DBU MA'I RIGS PA DGOS ZHES SMRA BA MIN TE, RTOG GE 'BAR BA LAS, LKUGS PA DANG 'ON PA LA SOGS PA BRDA MI SHES PAS KYANG BUM PA LA SOGS PA'I DON SHES

SHING, BA LAD LA SOGS PAS KYANG DRI DANG GZUGS LA SOGS PA LAS RANG GZHAN GYI BU SHES NUS PAS MING GI BRDAS BZHAG PA DNGOS PO'I DE KHO NA NYID DU MI GNAS PA RNAL 'BYOR SPYOD PA BA DANG DBU MA PA GNYIS KA LA 'DRA BAR BSHAD PAS SO,, ZHES GSUNGS PAS SO,, LNGA PA GRUB STE, DE NYID LAS, DES NA 'DI GZUGS SO 'DI GZUGS KYI SKYE BA'O ZHES SOGS SU 'DOGS PA'I ZHEN YUL NI DES BTAGS PA'I DON YIN LA, DE YANG THA SNYAD DU RANG GI MTSAN NYID KYIS YOD PAS MTSAN NYID NGO BO NYID MED PA MIN PA'I PHYIR DON DAM PAR YOD PA 'GOG PAS DON DAM PAR MTSAN NYID NGO BO NYID MED PAR STON PA MDO'I DON DU 'CHAD PA'O,, DE'I TSE KUN BRTAGS LA MTSAN NYID NGO BO NYID MED DO ZHES GSUNGS PA'I KUN BRTAGS NI ZHEN YUL DE DON DAM PAR KUN BRTAGS PA DE YIN LA, DE NYID MING DANG BRDAS BZHAG PAR GSUNGS PA NI SGRA RTOG GIS BTAGS BA TZAM DU ZAD PA'I DON NO,, ZHES GSUNGS PA'I PHYIR, DRUG PA GRUB STE, DE NYID LAS, DE LHA NA GZHAN DBANG MTSAN NYID NGO BO NYID MED PAR GSUNGS KYI KUN BRTAGS MA YIN NO SNYAM DU MI GZUNG STE, GZHAN DU NA RNAL 'BYOR SPYOD PA'I LUGS LA YANG GZHAN DBANG NGO BO DANG KHYAD PAR DU BTAGS PA'I NGO BOR RANG GI MTSAN NYID KYIS MA GRUB PA LA KUN BRTAGS MTSAN NYID NGO BO NYID MED PAR BSHAD DU MI RUNG BA'I PHYIR RO,, ZHES GSUNGS PA'I PHYIR; 'DI'I KHYAD PAR BZHI PA LA DOGS PA DGOD MKHAN KHA CIG NA RE, LTO LDIR BAL BUM PA ZHES BTAGS PA'I BRDAS BZHAG PA'I YUL DON DAM PAR GRUB PA 'GOG PA LA DBU MA'I RIGS PA MI DGOS PAR BSHAD

, ,PA MI 'A THAD PAR THAL, DE 'DRA BA'I BRDAS BZHAG PA'I YUL DON DAM PAR MA GRUB PA DE STONG NYID YIN PA'I PHYIR, ZHES ZER BA LA, LAN BRJOD MKHAN KHA CIG NA RE, DE LA KHYAB PA MED DE, GZHAN DUN, GZHI LAM RNAM GSUM BDEN GRUB KYI GCIG TU GRUB PA 'GOG PA LA DBU MA'I RIGS PA DGOS PAR THAL, DER MA GRUB PA DE STONG NYID YIN PA'I PHYIR, KHYAB PA BSGRIGS, 'DOD MI NUS TE, DE DNGOS SMRA BAS KYANG 'GEG NUS PA'I PHYIR, ZHES ZER, KUN MKHYEN 'JAM DBYANG BZHAD PA'I GSUNG NA RE, LEGS BSHAD SNYING PO'I LUNG DE'I DGONGS PA YOD DE, LTO LDIR BA LA BUM PA ZHES BTAGS PA'I BRDAS BZHAG PA'I YUL DE LTO LDIR BA'I SDOD LUGS SU DON DAM PAR GRUB PA 'GOG PA LA DBU MA'I RIGS PA MI DGOS PA'I DON YIN PA'I PHYIR, ZHES ZER TE, 'DI NYID LAS, 'O NA MING BRDAS BZHAG PA DNGOS PO'I SDOD LUGS YIN PA DANG MING BRDAS BZHAG PA'I YUL DON DAM PAR GRUB PA KHO LA MED PA LA DBU MA PA'I RIGS PA NGES PAR DGOS PAS KHYAB BA MA ZHE NA DE GNYIS KA MIN TE, ZHES GSUNGS PA'I PHYIR DANG, 'DI NI LEGS BSHAD SNYING PO'I LUNG DE'I DON BKOD PA YIN PA'I PHYIR, LTO LDIR BA LA BUM PA ZHES BTAGS PA'I BRDAS BZHAG PA'I YUL LTO LDIR BA'I SDOD LUGS SU MA GRUB STE, GZHAN DU NA, BRDA MI SHES NA DON MI SHES PAS KHYAB PAR THAL BA 'AM, DON SHES NA BRDA SBYOR SHES PAS KHYAB PAR THAL BA'I PHYIR TE, DANG PO LTAR NA, LKUG PA DANG 'ON PA LA SOGS PA BRDA MI SHES PAS KYANG BUM PA LA SOGS PA'I DON SHES PA DANG, BA GLANG LA SOGS PAS

KYANG DRI DANG GZUGS LA SOGS PA LAS RANG GZHAN GYI BU SHES NUS PAS GNOD LA, GNYIS PA LTAR NA, MING GI SNGA ROL BLO MED PHYIR, ZHES SOGS KYI RIGS PAS GNOD DO,, //RA// CHU GCIG BU LA PA NI YA DANG ZHES SOGS NI THEG BSDUS NAS BSHAD PA'I BDAG MANG 'GAL BA'I RIGS PA DANG GNAD GCIG YIN LA, RTOG GE 'BAR BA SNAR THANG DBAR MA LAS CHU LA BA NI YA DANG, AA BA DANG, SA NI LA DANG, NIR ZHES BYA BA LA SOGS PA; ZHES BYUNG NGO,, //LA// LUNG 'DI SNAR THANG 'BAR MA LAS, ,DNGOS RNAMS NGO BO NYID MED DE, ,MNGON BRJOD BDAG NYID STONG PHYIR RO, ,DE NYID KYIS DE SKYE MED PHYIR, ,MA SKYES PA DANG MA 'GAGS NYID, ,GANG PHYIR MNGON BRJOD LDAN DNGOS NI, ,JI LTAR BRJOD PA DE LTAR MED, ,DE PHYIR CHOS RNAMS DNGOS MED NYID, ,CES BYA LA SOGS GANG SMRAS DANG, ,GZHAN DBANG YOD PA NYID SMRAS PA, ,KUN RDZOB TU NI GRUB PA SGRUB, ,GAL TE DON DAM DPE MED CING, ,GTAN TSIGS 'GAL BA NYID DU 'GYUR, ,ZHES BYUNG BA NI DAG GO, DE YANG RKANG PA DANG PO DGUS SEMS TZAM PA'I 'DOD TSUL BSTAN NAS THA MA GSUM GYIS BKAG PA STE, 'GOG TSUL NI, GZHAN DBANG KUN RDZOB TU YOD PAR BSGRUB NA GRUB ZIN SGRUB PA DANG, DON DAM PAR YOD PAR BSGRUB NA DPE MED CING, MNGON PAR BRJOD PA'I BDAG NYID KYIS STONG PA'I PHYIR ZHES PA'I GTAN TSIGS 'GAL BAR 'GYUR ZHES PA'O,, GTAN TSIGS 'GAL TSUL NI, GZHAN DBANG BDEN PAR GRUB NA DE THA SNYAD KYI GZHIR YANG BDEN PAR GRUB DGOS TE, BDEN GRUB NI RNAM PA GZHAN DU 'GYUR DU MED PA'I PHYIR DANG, MNGON PAR

, ,BRJOD PA'I BDAG NYID KYIS STONG ZHES PA NI THA SNYAD KYI GZHIR RANG GI SDOD LUGS SU MA GRUB PA'I DON YIN PA'I PHYIR RO,, //SHA// GZHAN DBANG MED CING BRTAGS PA'NG MED, CES PA YIN NAM SNYAM MO,, //SA// SGRO BTAGS PA MA YIN PAR GNAS LUGS MTHAR THUG YIN PAS ZHES PA'O,, //HA// 'BUM t'IK TU'ANG PHYAG RDOR SANGS RGYAS STONG GI BKA' BSDUD PA POR GSANG BA BSAM GYIS MI KHYAB PA'I MDO LTAR BSHAD CING, PHYAG RDOR DBANG BSKUR BA'I RGYUD DU 'ANG PHYAG NA RDO RJE BKA' BSDUNG PA POR BSHAD DO,, DE YANG RGYAL PO'I KHAB KYI LHO PHYOGS BIM LA SV'A BH'A WA ZHES PA'I RIL RGYAL SRAS 'BUm PHRAG BCU 'DUS TE 'JAM DPAL GYIS MNGON PA, BYAMS PAS 'DUL BA, PHYAG RNGOR GYIS MDO SDE BSDUS ZHES GRAGS KYANG, MKHAS GRUB RJES 'DUS PA'I RGYUD KYI MGOR RDO RJE 'CHANG RANG GIS BSDUS PAR GSUNGS PAS DE MI 'THAD PAR BSHAD DO,, RGYAN SNANG DU SHER PHYIN GYI MDO KUN DGA' BOS BSDUS PAR LUNG RIGS GNYIS KYIS SGRUB PA NI PHAR PHYIN MTHA' DPYOD DU GSAL ZHING, GZHAN YANG, SDOM 'BYUNG PHYAG RDOR DANG, RTAG GNYIS RDO RJE SNYING PO DANG, RDO RJE MKHA' 'GRO PHAG MO DANG, DUS 'KHOR ZLA BA BZANG POS BSDUS PAR BSHAD PA DANG, KUN DGA' BO DANG KUN BZANG DANG PHYAG RDOR RNAMS RGYUD GCIG TU BSHAD PA YANG YOD DO,, GZHAN PHAL CHER THEG CHEN BKAR SGRUB PA'I SKABS SU BSHAD ZIN TO,, //AA// NYAN THOS KYI SDE SNOD DU CHOS KYI BDAG MED BSTAN PA YIN NA THEG CHEN GYI SDE SNOD LOGS SU GSUNGS

PA DON MED DU THAL BAR 'GYUR ZHES PA YIN PAS NA, 'DIR DRANGS PA'I 'GREL BA DANG 'GREL BSHAD GNYIS KAR DON DAM PA NYID DU ZHES PA DPE MA DAG GO, 'DI LA THAL 'GYUR BAS LAN BTAB TSUL NI, 'JUG PA'I t'IK CHEN LAS, DE LA SPYIR THEG CHEN BSTAN PA DON MED DU 'GYUR ZER RAM, THEG CHEN DU CHOS KYI BDAG MED BSTAN PA DON MED DU 'GYUR ZER, DANG PO LTAR NA NI, THAL BA DE LA KHYAB PA YOD NA NI, THEG CHEN BSTAN PA CHOS LA BDAG MED PA TZAM 'BA' ZHIG STON PAR 'GYUR NA, DE NI MA YIN TE THEG CHEN LAS NI, BYANG SEMS KYI SA RNAMS DANG, SBYIN PA LA SOGS PA'I PHAR PHYIN GYI SPYOD PA DANG, SMON LAM DANG BSNGO BA RLABS PO CHE RNAMS DANG, SNYING RJE CHEN PO SOGS DANG, TSOGS GNYIS RLABS PO CHE DANG, BYANG SEMS KYI MTHU RMAD DU BYUNG BA SO SKYE DANG NYAN RANG GIS BSAM GYIS MI KHYAB PA'I CHOS NYID KYANG STON PA'I PHYIR TE; RIN CHEN 'PHRENG BA LAS, NYAN THOS THEG PA DE LAS NI, ,BYANG CHUB SEMS DPA'I SMON LAM DANG, ,SPYOD PA YONGS BSNGO MA BSHAD DES, ,BYANG CHUB SEMS DPAR GA LA 'GYUR, ,BYANG CHUB SPYOD LA GNAS PA'I DON, , MDO SDE LAS NI BKA' MA STZAL, ,THEG PA CHE LAS BKA' STZAL PA, ,DE PHYIR MKHAS PA RNAMS KYIS GZUNG, ,ZHES GSUNGS PA'I PHYIR RO, ,'DI NI THEG DMAN GYI SDE SNOD NAS BSHAD PA'I LAM NYID KYIS SANGS RGYAS SU BGROD NUS PAS, THEG CHEN GZHAN MI DGOS SO SNYAM PA'I LOG RTOG SEL BA LA GSUNGS LA, KHYOD LTAR NA THEG CHEN LAS CHOS KYI BDAG MED GSUNGS PAS THEG DMAN GYI GZHUNG NAS BSHAD PAS MI

, ,CHOG CES GSUNG DGOS PA LA, DE MA GSUNGS PAR RGYA CHE BA'I PHYOGS GZHAN GSUNGS SO ZHES PA'O,, GAL TE PHYOGS GNYIS PA LTAR NA NI DE LA YANG KHYAB PA MED DE, NYAN THOS KYI SDE SNOD LAS NI CHOS KYI BDAG MED PA MDOR BSDUS PA TZAM LAS MI STON LA, THEG CHEN LAS NI CHOS KYI BDAG MED SGO DU MA NAS SHIN TU RGYAS PAR STON PA'I PHYIR RO,, DE YANG 'PHAGS PA'I BZHED PA YIN TE; 'JIG RTEN LAS 'DAS PAR BSTOD PA LAS, MTSAN MA MED PA MA RTOGS PAR, ,KHYOD KYIS THAR BA MED PAR GSUNGS, ,DE PHYIR KHYOD KYIS THEG CHEN LAS, ,DE NI TSAD BAR BSTAN PA LAGS, , ZHES GSUNGS PA'I PHYIR RO,, DE'I RKANG PA DANG PO GNYIS KYIS MTSAN MED KYI DE KHO NA NYID MA RTOGS PAR NYON MONGS ZAD PA MED PAS THAR BA THOB PA MED PAR BSTAN NO,, KHYOD KYIS ZHES SOGS KYIS THEG CHEN LAS MTSAN MED CHOS KYI BDAG MED TSANG BAR TE RDZOGS PAR BSTAN ZHES PAS THEG DMAN DU NI CHOS KYI BDAG MED RDZOGS PAR MA BSTAN PAR SHES SO,, 'O NA DE PHYIR ZHES PA RDZOGS PAR BSTAN PA'I RGYU MTSAN DU 'GRO TSUL JI LTAR YIN SNYAM NA, MTSAN MED MA RTOGS PAR NYON MONGS ZAD PA'I THAR BA MI 'THOB PAS NA, NYAN THOS KYI THEG PAR YANG CHOS KYI BDAG MED BSTAN DGOS LA, DE LA THEG PA CHE CHUNG GI KHYAD PAR YANG DGOS PA DE'I PHYIR ZHES BSHAD DGOS SO,, ZHES GSUNGS PA LTAR RO,, THEG DMAN GYI MDO LAS BDAG MED CES GSUNGS PA THAMS CAD NGO BO NYID MED PA'I DON DU 'GREL DGOS

PAR THAL 'GYUR BAS MI BZHED DE, GZUNGS RGYAL GYIS ZHUS PA LAS BSHAD PA'I RIM PA DANG PO'I MDOR RAGS PA'I BDAG MED BSTAN PAR THAL 'GYUR BAS KYANG BZHED PA'I PHYIR, RGYAS PAR LEGS BSHAD SNYING POR BLTA BAR BYA'O,, LEGS LDAN RANG LUGS NI, RANG RKYA BA'I BDAG DANG BDAG GI BA MED KYANG DE LTAR SNANG BA'I PHYIR, NYON SGRIB KYI GNYEN POR NYAN THOS KYI SDE SNOD LAS, GZUGS NI DBU PA RNGOS PA 'DRA, ZHES SOGS GSUNGS LA, 'DUS BYAS RNAMS BDEN PAR MED KYANG BDEN GRUB TU SNANG BA'I PHYIR, NYON SGRIB SHES SGRIB GNYIS K'I GNYEN POR THEG CHEN GYI SDE SNOD LAS, SKAR MA RAB RI BA MAR ME DANG, ZHES SOGS GSUNGS PAR BZHED DO,, //KA// DBU BA BRDOS PA NI 'BUR DU DOD PA LTA BUR SNANG YANG SO SOR PHYE NA MED PAR 'GYUR BA LTAR, GZUGS NI RIL PO GCIG LTA BUR SNANG YANG CHA SHAS SO SOR PHYE BA'I RIGS PAS DPYAD NA RIL 'DZIN GZHIG PAR 'GYUR BAS NA BRTAGS MI BZOD PA DANG, CHU BUR NI BYUNG BA'I MOD LA GZHIG PAR 'GYUR BA LTAR TSOR BA NI SKYES PA'I SKAD CIG GNYIS PAR 'JIG CID MED PAR 'GYUR BA'AM, YANG NA CHU BUR CHU'I RANG BZHIN CAN YIN PA LTAR ZAG BCAS KYI TSOR BA NI SDUG BSNGAL GYI RANG BZHIN CAN YIN PA DANG ,SMIG RGYU NI CHUR SNANG YAD DER MA GRUB PA LTAR 'DU SHES NI RANG RKYA BA'I BDAG GI BAR SNANG YANG DER MA GRUB PA DANG, CHU SHING NI RNAM PA DU MAR BSHIG KYANG SNYING PO MA 'BYUNG BA LHAR 'DU BYED NI RIGS PA'I RNAM GRANGS MANG POS DPYAD KYANG BDAG GI BA'I SNYING PO MA RNYED PA DANG, SGYU MA NI RTA GLANG SOGS SU SNANG YANG

, ,DER MA GRUB PA LTAR RNAM SHES NI RANG RKYA BA'I BDAG TU SNANG YANG DER MA GRUB PA ZHES SBYAR RO,, //KHA// DE LA RANG BZHIN GYI MTSAN NYID NI SKAR MA DANG, RAB RIB DANG, MAR ME'I DPE GSUM GYIS GTAN LA PHAB STE, SKAR MAS SNANG STONG GNYIS TSOGS KYI RANG BZHIN, RAB RIB KYIS STONG PA'I RANG BZHIN, MAR MES SNANG BA'I RANG BZHIN MTSON PA YIN, DANG PO NI, 'JUG PA LAS, DNGOS KUN YANG DAG BRDZUN PA MTHONG BA YIS, ,DNGOS RNYED NGO BO GNYIS NI 'DZIN PAR 'GYUR, ,GSUNGS PA LTAR, DNGOS BO THAMS CAD KYI STENG NA MI RTOG YE SHES LA SNANG TSUL DANG, THA SNYAD PA'I RNAM RTOG LA SNANG TSUL GYI RANG BZHIN GNYIS RE YOD PA'I SNGA MA NI GNAS LUGS MTHAR THUG DON DAM PA DANG, PHYI MA KUN RDZOB PA'I GNAS LUGS YIN, KHYAD PAR DE GNYI GA SKAR MA'I DPE GCIG BUS MTSON NUS TE, NYIN MO SKAR MA MI MTHONG BAR NAM MKHA' GYA' DAG SNANG BA BZHIN, 'PHAGS PA'I MNYAM GZHAG YE SHES KYIS KUN RDZOB PA'I SPROS PA CI YANG MA GZIGS PAR DGAG BYA RNAM PAR BCAD PA'I STONG PA KHO NA GZIGS MTSAN MUN PA 'THIBS PA NA SKAR MA'I TSOGS CHES GSAL BAR 'CHAR BA BZHIN, THA SNYAD PA'I SHES PA'I DOR KUN RDZOB KYI CHOS SNA TSOGS SU 'CHAR ZHING, KHYAD PAR DU MA RIG PA'I SGRIB GA-YOGS DANG BCAS PA LA MA DAG PA'I 'KHRUL SNANG SNA TSOGS SU 'CHAR BA YIN TE, ZUR PHYI MA 'DI LA THA SNYAD PA'I TSAD MA'I DOR 'JOG TSUL DON MTHUN GCIG DANG, PHYIN CI LOG GI 'KHRUL SNANG DON MI MTHUN GYI CHA GNYIS SU 'BYED DGOS,

MA RIG PA'I BAG CHAGS KYI DBANG GIS YUL RANG NGOS NAS BDEN GRUB TU SHAR BA'I SNANG BA DE NI BLO 'KHRUL BA DE'I NGO KHO NAR YOD KYI, DON LA MED PAS RAB RIB KYI DBES SNANG TSUL DE LTAR DU GRUB PAS STONG PA GTZO BOR MTSON PA YIN TE, 'JUG PA LAS, RAB RIB MED LA'ANG SKRA SHAD BLOR 'GYUR NA, ,DE LTA MA YIN DE PHYIR DE YOD MIN, ,ZHES PA LTAR, DON DAM PAR GRUB NA DE NYID DE'I GNAS LUGS MTHAR THUG TU 'GYUR DGOS SHING, DE LTAR NA GNAS LUGS TSOL BA'I RIGS SHES KYIS DPYAD MTHAR RNYED DGOS RGYU LA, DE'I DOR MA GRUB PA'I PHYIR TE, DPER NA RAB RIB CAN GYIS MTHONG BA'I SKRA SHAD DE NGES PAR YOD NA MIG LA SKYON MED PA'I GANG ZAG GIS LHAG TU GSAL BAR MTHONG DGOS RGYU LA DES MA MTHONG BA DE DON LA MA GRUB PA'I DBANG GIS YIN PA DANG 'DRA BA'I PHYIR RO,, YUL RANG GI NGO BOS MA GRUB KYANG SNANG PHYOGS KYI CHA RNAMS BSNYON MED DU 'JOG DGOS PA NI, RKONG BU LA MAR ME NGO BO NYID KYIS MI GNAS KYANG, MAR DANG SDONG BU SOGS DU MA 'DUS PA NA MAR ME 'BYUNG BA BSNYON MED PA BZHIN, LAS DANG NYON MONGS SOGS RGYU RKYEN SNA TSOGS 'DUS PA'I DBANG GIS SRID PA'I SKYE BA SOGS 'KHOR 'DAS THAMS CAD 'BYUNG BA YIN NO,, RO MYONG PA'I MTSAN NYID NI SGYU MA'I DPES BSTAN TE, DPER NA SPRUL GZHI RDO'U SHING TZAM LA SGYU MA MKHAN GYIS YID DU 'ONG MI 'AONG GI DNGOS PO SNA TSOGS SU SPRUL PA NA DE LA BRTEN NAS CHAGS ZHEN DANG, 'JIGS SKRAG SOGS SNA TSOGS SKYE'ANG DON DANG SO GNAS LA PHAN GNOD CI YANG 'BYUNG DU MED PA LTAR, SEMS CAN 'KHOR BA'I SDUG BSNGAL

, ,GYIS MNAR B'ANG DON RANG GI NGO BOS GRUB PA MED BZHIN DU BDEN 'DZIN GYI MA RIG PAS BSLANG PA'I BDANG GIS CHAGS SDANG SNA TSOGS SKYES TE SDUG BSNGAL NYAMS SU MYONG BAR BYED PA YIN PAS, BZHI BRGYA BA'I 'GREL PA LAS, SGYU MA LTA BU YIN PA DE NI MI BSLU BA MA YIN TE RNAM PA GZHAN DU GNAS PA'I DNGOS PO LA RNAM PA GZHAN DU SNANG BA'I PHYIR RO,, ZHES PA LTAR, KHYI RDO PHYIR 'BRANG BA'AM, BYIS PA LA SBAR MO STONG PA BCANG STE BSTAN PA BZHIN KHA KHRID NAS RE DOGS SNA TSOGS LA SBYOR BA DPER BYAS TE, DON LA DE'I RJES SU 'BRANG NAS RO MA MYANG BAR ZHEN PA LOG DGOS ZHES PA YIN NO, , NYES DMIGS KYI MTSAN NYID LA, MI RTAG PA'I TSUL GYIS NYES DMIGS SU LTA TSUL DANG, SDUG BSNGAL BA'I TSUL GYIS NYES DMIGS SU LTA TSUL GNYIS, SNGA MA ZIL BA'I DPES BSTAN TE, RTZVA RTZE'I ZIL BA PHRA MO DE NYI 'DO PHOG PA SOGS RKYANG CUNG ZAD TZAM GYI MOD LA SKAM PAR 'GYUR BA SHIN TU MI BRTAN PA'I RANG BZHIN CAN YIN PA BZHIN, 'DUS BYAS THAMS CAD RANG GRUB TZAM NAS PHYIS 'BYUNG GI RGYU LA MI LTOS PAR 'JIG PA'I NGANG TSUL CAN YIN PAS YID BRTAN CUNG ZAD KYANG MED DE, 'DI LA DGONGS NAS MDO DANG RGYAN DU MI RTAG PA LA MA MCHIS PA'I RNAM PA DANG MED PA'I RNAM PA ZHES GSUNGS SHING, DNGUS MTHAR YANG, MI RTAG DON NI MED DON DANG, ZHES SOGS GSUNGS PA YIN NO,, CHU BUR GYI DPES SDUG BSNGAL BA'I TSUL GYI NYES DMIGS BSTAN TE, CHU BUR NI RDOL BA N'ANG CHU'I RANG BZHIN,

YAL BA N'ANG CHU'I RANG BZHIN DU 'GRO BA LTAR, ZAG BCAS KYI TSOR BA NI MDO LAS, GANG CUNG ZAD TSOR BA 'DI NI 'DIR SDUG BSNGAL LO,, ZHES PA LTAR, TSOR BA SDUG BSNGAL SKYES TZAM NAS SDUG BSNGAL GYI RNAM PAR 'BYUNG, ZAG BCAS KYI BDE BA RNAMS 'GAGS PA NA SDUG BSNGAL GYI RNAM PAR 'GRO BAS 'GYUR BA'I SDUG BSNGAL DU BSHAD, BTANG SNYOMS NI SDUG BSNGAL KUN GYI GZHI BYED PAS KHYAB PA 'DU BYED KYI SDUG BSNGAL ZHES BSHAD DE, DE GSUM GA BYIS PA RNAMS KYI BSAM NGOR BDE SDUG DANG MCHOG DMAN GYI KHYAD PAR YOD KYANG, 'PHAGS PA'I GANG ZAG RNAMS KYI GZIGS NGOR, 'KHOR BA KHAB KYI RTZE MO NA, ,BDE BA NAM YANG YOD MA YIN, ,GSUNGS PA BZHIN BDE PA'I RANG BZHIN CUNG ZAD KYANG MED PAR SDUG BSNGAL LAS MA 'DAS PAS, SDUG BSNGAL 'PHAGS PA'I BDEN PA ZHES GSUNGS PA YIN NO,, NGES PAR 'BYUNG BA'I MTSAN NYID LA, 'DAS PA'I DNGOS PO, DA LTAR BA'I DNGOS PO, MA 'AONGS PA'I DNGOS PO RANG BZHIN MED PAR SGOM TSUL GSUM YOD PAS, DANG PO NI RMI LAM KYI DPES MTSON PA YIN TE, 'JUG PA LAS, RMI LAM DMIGS PA'I YUL DAG MTHONG NAS NI, ,ZHES SOGS LTAR, RMI LAM DU RMIS PA'I DNGOS PO DRAN PA LAS 'DOD CHAGS SOGS SKYE'ANG, DE'I TSE RMI LAM GYI DNGOS PO DE NYID MED PAR MNGON SUM DU GRUB PA BZHIN, 'DAS PA'I LAS KYI 'BRAS BU MYONG DU YOD KYANG LAS DE NGO BO NYID KYIS GRUB MI DGOS SO,, RTZA SHE RAB BYED BDUN PAR YANG, RMI LAM JI BZHIN SGYU MA BZHIN, ,DRI ZA'I GRONG KHYER JI BZHIN DU, ,DE BZHIN SKYE DANG DE BZHIN

, ,GNAS, ,DE BZHIN DU NI 'JIG PA GSUNG, ,ZHES DPE GSUM GSUNGS PA'I RMI LAM GYI DPE DES 'DAS PA MTSON PAR SHES RAB SGRON MER BSHAD P'ANG 'DI DANG 'DRA'O,, DA LTAR BA'I DNGOS PO RNAMS GLOG GI DPES GSUNGS TE, DE NI THOG MAR 'DI NAS BYUNG, BAR DU 'DI LA BRTEN TE GNAS THA MAR 'DIR 'GRO ZHES NGOS GZUNG RGYU MED PAR YUD TZAM ZHIG DKAR LAM GYIS SNANG NAS DE MA THAG MED 'GRO BA BZHIN, DA LTA BA'I DNGOS PO RNAMS KYANG SEMS KYI SNANG CHA TZAM LAS BYA BYED LAS GSUM DANG, RGYU 'BRAS NGO BO GSUM SOGS SGO GANG NAS BTZAL KYANG MI RNYED PA RIGS SHES KYIS BTAGS DON BTZAL BA TZAM NAS DMIGS PA'I GTAD SO ZHIG STE YAL 'GRO BA GLOG MI BRTEN PA DANG DPE SBYAR BA YIN NO,, MA 'AONGS PA'I DNGOS PO RNAMS SPRIN DANG DPE SBYOR TSUL NI, NAM MKHA' STONG SANG TZAM LA CHAR 'BEBS PA SOGS KYI NUS PA MED KYANG DER SPRIN TSOGS PA LAS CHAR 'BEBS PA DANG, DES LO TOG SMIN PA SOGS 'BRAS BU BRGYUD MAR 'BYIN THUB PA BZHIN, SEMS RANG BZHIN GYIS 'OD GSAL BA DER YANG LAS NYON DANG GNAS DAN LEN GYI BAG CHAGS SOGS DU MA TSOGS PA LAS MA 'ONGS PA NA RNAM SMIN GYI 'BRAS BU SNA TSOGS PA 'BYUNG RUNG LA, DE'ANG RTOG PAS BTAGS PA TZAM YIN GYI, MA 'ONGS PA'I DNGOS PO DE DAG DON DAM PAR GRUB NA GRANGS CAN GYI MNGON PAR MI GSAL BA'I MYU GU BZHIN RGYU DE LA 'BRAS BU THAMS CAD GNAS DGOS PAS, SPRIN LA'ANG LO TOG DANG

ZAN LA SOGS PA DE LA BRTEN PA'I 'BRAS BU THAMS CAD YOD PAR THAL BA'I SKYON DU 'GYUR RO,, RGYA 'BRAS THA SNYAD PA LA PHAN TSUN PHRAD PA MI DGOS KYANG, DON DAM PAR RGYU 'BRAS SU 'GRO BA LA BYA BYED PHRAD PA DGOS PAS 'DIR SPRIN GYIS 'BRAS BU MA 'ONGS PA SKYED PAR GSUNGS PA 'DIS MA 'ONGS PA'I DNGOS PO DE DAG DON DAM PAR GRUB PAR GO DGOS SO,, ZHES RJE GUNG THANG PAS GSUNGS TE, THAL 'GYUR BA'I LUGS SO,, //GA// BDAG MED RTOGS TSE RTAG PA'I BDAG SPONG ZHING, ,ZHES PA NAS, KYE MA GZHAN GYI GNAM POR 'GYUR NYID DO, ,ZHES PA LTAR, THAL 'GYUR BAS, GANG ZAG RANG RKYA THUB PA'I RDZAS YOD KYI BDAG MED CHOS CAN, KHYOD SGOM PAS NYON MONGS SA BON DANG BCAS PA SPONG PA MI 'THAD PAR THAL, KHYOD CHOS RNAMS KYI GNAS LUGS MTHAR THUG MA YIN PA'I PHYIR TE, 'GRO BA RNAMS CHOS KYI BDAG 'DZIN LHAN SKYES KYI DBANG GIS SRID PAR 'KHOR BA LA DE'I ZHEN YUL MED PA MA SGOM PAR RANG RKYA THUB PA'I RDZAS YOD KYI BDAG MED SGOM PAS 'KHOR BA LDOG PAR 'DOD PA NI 'BREL MED YIN PA'I PHYIR TE; DPER NA RANG GI KHYI MA DU SBRUL YOD PAR 'KHRUL BA'I 'JIGS PA SEL CHED DU KHYIM DER GLANG CHEN MED CES BRJOD PA BZHIN YIN PA'I PHYIR ZHES BKAG PA LA, RANG RGYUD PA RNAMS NA RE, 'GRO BA RNAMS CHOS KYI BDAG 'DZIN LHAN SKYES KYI DBANG GIS SRID PAR 'KHOR BA DANG, GANG ZAG BDAG MED DE CHOS RNAMS KYI GNAS LUGS MTHAR THUG TU MA SONG BA NI BDEN MOD KYI, 'ON KYANG 'KHOR BA LAS THAR BA LA CHOS

, ,KYI BDAG MED SGOM MI DGOS TE, SHING GI LCUGS MTHAG BA'I GNAS LUGS MIN KYANG, 'DI SHING GI LCUGS MA 'KHYIL BA YIN NO ZHES BSTAN PAS KYANG THAG KHRA SPUL 'DZIN GYI 'JIG PA SEL NUS PA LTAR, GANG ZAG GI BDAG MED CHOS RNAMS KYI GNAS LUGS MTHAR THUG MIN KYANG RE ZHIG KHYOD SGOM PAS 'KHOR BA RGYU DANG BCAS PA SPONG NUS PA MI 'GAL BA'I PHYIR ZHES 'DOD DO, , YANG DNGOS SMRA BAS, LAM SGOM PAS NYON MONGS ZLOG PA MI 'THAD PAR THAL, LAM BDEN PAR MA GRUB PA'I PHYIR TE, DE NI SDONG DU MA LA MI RA BZUNG BA BZHIN RDZUN PA YIN PA'I PHYIR ZHES ZER BA LA, RANG RGYUD PAS, LAM RDZUN PA YIN KYANG KHYOD SGOM PAS NYON MONGS SPONG BA MI 'GAL TE, THAG KHRA SHING GI LCUGS MA 'KHYIL BA YIN ZHES PA RDZUN TSIG YIN KYANG DE LTAR BSTAN PAS THAG KHRA SPRUL 'DZIN GYI 'JIGS PA SEL NUS PA MI 'GAL BA BZHIN YIN PA'I PHYIR DANG, SKYES BU 'GA' ZHIG DUG ZOS PAR 'KHRUL NAS SDUG BSNGAL BA LA SMAN PA THABS LA MKHAS PAS SKYUG SMAN BTANG NAS DUG 'BYIN PA LTAR BSLUS BAS DE'I SDUG BSNGAL BSAL BA BZHIN YIN PA'I PHYIR ZHES 'DOD DO,, //DA// DMIGS PA LA NI BRTEN BYAS NAS, ,MI DMIGS PA NI RAB TU SKYE, ,MI DMIGS PA LA BRTEN BYAS NAS, ,MI DMItA PA NI RAB TU SKYE, ,ZHES PA'I DON NI, NANG GI SEMS TZAM DU DMIGS PA LA BRTEN NAS PHYI DON GYI GZUNG BA MI DMIGS PAR RTOGS PA'I BLO DANG, DE LA BRTEN NAS DE SNANG BA'I 'DZIN PA MA 'KHRUL BA MI DMIGS

PAR RTOGS PA'I BLO SKYE BAR BSTAN ZHES SEMS TZAM PAS 'DOD PA LA, LEGS LDAN GYIS, KHO BO CAG GI GOMS BYA MI DMIGS PA NI GZHAN DU 'DOD DE, GZUGS SOGS BDEN PAS STONG BA DE YIN PA'I PHYIR TE, RGYU RKYEN GYI TSOGS THA DAD PA DAG LA YOD PA MIN PAS NGO BO NYID KYIS MA SKYED PA'I PHYIR DANG, 'DUS PA'I BDAG NYID YIN PAS RDZUS SU MED PA'I PHYIR DANG, YUN RING DU MI GNAS PAS 'JIG PA'I PHYIR, SGYU BZHIN DU DMIGS SU MED PAR GOMS PAS CHAGS MED DU 'GYUR GYI, PHYI DON NI RNAM PA THAMS CAD DU MED PA MIN NO ZHES BZHED DO,, //CA// 'JUG t'IKA CHEN MOR, SLOB DPON CHEN PO LEGS LDAN GYIS NI MDO DES KYANG SEMS LUS DANG LONGS SPYOD DANG GNAS DANG 'DRA BA STE DE'I RNAM PA GRI BA MA LTA BUS KHA BSGYUR BAR SKYE BA LA 'CHAD CING PHYI ROL MIN GYIS KYANG BLOS RNAM MED DU MTHONG BA 'GOG PAR BZHED PAS TZAM GYI SGRAS PHYI ROL 'GOG PA MIN PAR 'CHAD DO,, ZHES GSUGNS PA LTAR YIN PAS NA, SNGAR SEMS TZAM PA'I SKABS SU MDO 'DI'I DON BSHAD PA DANG KHYAD PAR CHE'O,, //CHA// SEMS LAS DON GZHAN PA'I LAS GSOGS PA'I BYED PA PO DANG RNAM SMIN MYONG BA'I ZAB PO'I BDAG MED PA DANG, RNAM SHES DRUG LAS DON GZHAN PA'I GZUGS MTHONG BA PO'I BDAG SOGS MED PAS NA SEMS TZAM DU BSHAD DE, TZAM SGRAS GANG ZAG GI BDAG LA SOGS PA DGAG PA YIN GYI PHYI DON DGAG PA MIN NO,, RTOG GE 'BAR BA SNAR THAD DPAR MA LAS, GZHAN MU STEGS CAN DAG GIS RNAM PAR SHES PA LAS GZHAN GYI BYED PA PO ZA BA PO YOD PAR BTAGS PA SEL BAR

, ,MDZAD PA'I PHYIR, SANGS RGYAS DANG BYANG CHUB SEMS DPA' RNAMS KYIS SEMS TZAM ZHES BSTAN PAR MDZAD PA YIN GYI, ZHES BYUNG BA NI YI GE DAG PA YIN NO,, 'DI'I BYUNG CHUB SEMS DPA' ZHES PA GANG LA BYED BA NI DPYAD BYAR SNANG STE, THOGS MED SKU MCHED SKABS 'DIR PHYOGS SNGAR BYAS NAS BKAG PAS DE MIN LA, KLU SGRUB YAB SRAS KYIS SEMS TZAM DU BSTAN PA MI SNANG BA'I PHYIR RO,, //JA// GZUGS SOGS LNGA NI DBANG SHES LNGA'I DMIGS RKYEN DANG DBANG SHES LNGA NI DE DAG GI DMIGS BYED YIN PAR SGRUB PA'I RIGS PAS GZUNG 'DZIN RDZAS THA DAD DU GRUB CING RGYU 'BRAS SU YANG GRUB CES PA YIN PAS, 'DIR DBANG SHES LNGA DE'I RNAM SMIN GYIS ZHES PA DPE DAG MA DAG DPYAD PAR BYA'O,, //NYA// SEMS TZAM PA KHO BO CAG GIS DMIGS BRTAGS KYI SKABS SU , PHYIR ROL DON NI MED NA YANG, ,NUS PA DANG NI YUL GYI DNGOS, ,GNYIS PO PHAN TSUN RGYUR 'GYUR BAS, ,THOG MA MED PA'I DUS NAS 'JUG ,CES BYA BAS, PHYI DON MED KYANG SNGON PO'I RNAM LDAN DU SKYED PA'I NUS PA DANG YUL SNGON PO'I RNAM PAR SKYES PA'I MIG SHES GNYIS PO PHAN TSUN RES 'GA' NUS PA RGYU DANG RES 'GA' MIG SHES RGYUR 'GYUR BA'I SGO NAS THOG MA MED PA NAS RGYUN MI CHAD PAR 'JUG PA'I PHYIR, DBANG SHES KYI DMIGS RKYEN DU GYUR BA'I NUS PA YOD PA'I PHYOGS 'DI RNAM PAR BZHAG ZIN TO ZHE NA, ZHES PA'O,, //TA// SEMS DANG SEMS BYUNG SBYOD YUL CAN TE SEMS SEMS GI CHA LA DMIGS NAS

GZUNG PA'O 'DZIN PA'O SNYAM PA'I RNAM RTOG GNYIS PO DAG NI SHES PA'I CHA DANG YUL YUL CAN DU 'BREL GYI GZUGS SOGS PHYI ROL GYI DON DANG YUL YUL CAN DU MA 'BREL BAR 'DOD NA, GZUGS SOGS PHYI ROL GYI DON BKAG PA BYAS KYANG GZUNG 'DZIN GYI RNAM RTOG 'JUG PAR MI RIGS PA MIN TE 'JUG PA STE SKYE BAR 'GYUR BA KHO NA YIN TE, SNGON DANG PHYIS KYANG GZUGS SOGS PHYI DON LA MA BLTOS PAR KHYAD PAR MED PA'I PHYIR, DE LTA NA RNAM RTOG BKAG NAS RNAM PAR MI RTOG PA'I YE SHES SKYE BAR MI 'GYUR RO,, ZHES PA'O,, SHER PHYIN BYAMS ZHUS KYI LE'U LAS, KUN BRTAGS PA'I GZUGS RDZAS SU MED, RNAM PAR BTAGS PA'I GZUGS RDZAS SU YOD, CHOS NYID KYI GZUGS RDZAS SU YOD MED GNYIS KA MA YIN PAR GSUNGS PA'I THA MA'I SGRUB BYED DU, RNAM PAR BTAGS PA'I DON GYIS STONG PA NYID DANG RNAM PAR SHES PA YOD PA'I PHYIR ZHES BKOD PAS NA, PHYI ROL GYI YUL GYI STONG PA'I RNAM SHES YOD PA MDO DE'I DGONGS PA YIN NO ZHES SEMS TZAM PAS 'DOD PA DE RTOG GE 'BAR BAR PHYOGS SNGAR BKOD DO,, LE'U 'DIS DGONGS 'GREL DANG 'DRA BAR SHER PHYIN GYI MDO DRANG DON DU 'GREL BAR SHER PHYIN MAN NGAG LAS BSHAD KYANG DE THOGS MED SKU MCHED KYI DGONGS PA MIN PAR LEGS BSHAD SNYING POR GSUNGS SHING, LE'U 'DIS MTSAN NYID GSUM GTAN LA PHAB PA NI SEMS TZAM PA DANG MI 'DRA BAR DBU MA PA'I MTSAN NYID GSUM GYI 'JOG LUGS YIN PAR YANG LEGS BSHAD SNYING POR ZHIB TU GSUNGS SO,, SNAR THANG DPAR MA

, ,LAS; GAL TE RNAM BTAGS DON STONG PAS, ,RNAM PAR SHES PA SGRUB BYED NA, ,BTAGS PA MA YIN DON YOD PHYIR, ,YUL MED PAR NI MI 'GYUR RO, ,ZHES DANG, 'GREL PAR YANG, RNAM PAR SHES PA LA RNAM PAR BTAGS PA'I DON GYIS STONG PA NYID YIN YANG, DE BZHIN GSHEGS PAS SO SO RANG RIG PAR BYA BA'I CHOS NYID KYI GZUGS KYI DON YOD PA'I PHYIR, SGRA JI BZHIN GYI NGO BO NYID MA YIN PA'I DNGOS PO GANG YIN PA DE YOD PAS BTAGS PA MA YIN PA'I DON YOD PA'I PHYIR YUL YOD PA KHO NA YIN PAR, RNAM PAR SHES PA THAMS CAD DU YUL GYIS STONG PA YIN PAR MI RIGS SO,, ZHES BYUNG NGO,, MDO'I DON NI, GZUGS BDEN PAR GRUB PA THA SNYAD DU MED, STONG GZHI GZUGS THA SNYAD DU YOD, STONG GZHI GZUGS BDEN PAR GRUB PA'I KUN BTAGS KYIS STONG PA'I CHOS NYID NI RNAM PAR BTAGS PA'I GZUGS KYIS STONG PAS NA RDZAS SU YOD PA YANG MIN LA, 'PHAGS PAS SO SO RANG RIG PAR BYA BA'I YUL CHOS NYID KYI GZUGS KYIS MI STONG PAS NA RDZAS SU MED PA YANG MIN PAR BSHAD PA'I PHYIR, DE LTA NA SGRO MA BTAGS PA'I YUL YOD PA'I PHYIR NA RNAM PAR SHES PA RNAM PA THAMS CAD DU PHYI ROL GYI YUL MED PA NI MDO DE'I DON YIN PAR MI RIGS SO,, ZHES PA STE, LEGS BSHAD SNYING PO LAS, TSUL 'DI NI 'JUG 'GREL LAS, SBRUL DE THAG PA LA MED PAS KUN BRTAGS DANG SBRUL DNGOS LA YONGS SU GRUB PA STE DE DE LA KUN TU MA BRTAGS PAS SO,, DE BZHIN DU RANG BZHIN YANG GZHAN

DBANG GI RTEN 'BREL BYAS PA CAN LA NI KUN BRTAGS YIN TE RANG BZHIN BCOS MIN DANG GZHAN LA MI LTOS PAR GSUNGS PAS SO,, SANGS RGYAS KYI SPYOD YUL LA NI DNGOS YIN TE KUN TU MA BRTAGS PA'I PHYIR, ZHES DANG, DE YANG GZHAN DBANG YIN LUGS SU YOD PA'I KUN BRTAGS KYIS STONG PA DE GZHAN DBANG GI YIN LUGS YIN PA DE NYID SANGS RGYAS RGYAS KYI DON DAM MKHYEN PA'I YUL NA YOD PAS YIN LUGS GCIG NYID GZHI SO SO LA LTOS NAS KUN BRTAGS DANG YONGS GRUB GNYIS SU 'JOG PA'O,, DES NA RANG GI MTSAN NYID KYIS GRUB PA'I RANG BZHIN DU DON DAM DANG KUN RDZOB PA'I CHOS GANG YANG MA GRUB KYANG CHOS NYID LA RANG BZHIN DU BZHAG PA DER NI KUN RDZOB PA'I CHOS MA GRUB KYANG DON DAM BDEN PA GRUB PA YIN PAS RANG BZHIN YOD MED RNAMS ZHIB TU RTOGS PAR BYA'O,, ZHES GSUNGS PA DANG DGONGS PA GCIG YIN PAS RGYAS PAR LEGS BSHAD SNYING POR BLTA PAR BYA'O,, //THA// RMI LAM LA YANG BRTAGS MIN PA'I, ,NGO BO NYID BLOS MA NGES 'GYUR, ,ZHES SNAR THANG DPAR MA LAS BYUNG NGO, ,DE'I 'GREL PAR, RMI LAM NA SGRO BTAGS PA'I YUL SKYES BU LA SOGS PA MED KYANG GANG GI CHA LA DMIGS PA SGRO BTAGS PA MA YIN PA'I YUL YOD PAS NA DPE MA GRUB PAR BSHAD CING, DE'I DON YANG RMI LAM GYI GLANG PO CHE NI GLANG PO CHER MA GRUB KYANG DE CHOS KYI SKYE MCHED DU GTOGS PA'I GZUGS YIN PAS NA, RMI LAM GYI SHES PA NI PHYI ROL GYI YUL MED PAR RNAM SHES 'BYUNG BA'I DPER MA GRUB CES PA STE, 'JUG PA'I

, ,RNAM BSHAD LAS, 'DIR SEMS TZAM PAS GAL TE GNYID NA ZHES SOGS KYIS BSHAD PA BZHIN DU RANG LUGS BZHAG PA LA, SLOB DPON LEGS LDAN GYIS KYANG DPE MA GRUB PA'I LAN MDZAD PA NA, CHOS KYI SKYE MCHED DU GTOGS PA'I GZUGS YID KYI SHES PAS GZUNG BAR BYA BA CIG RMI LAM NA YOD PAS RNAM PAR SHES PA NI YUL MED PAR 'GAR YOD PA MA YIN NO ZHES SMRA'O, ,ZHES GSUNGS PAS SO,, DES NA 'DIR DRANGS PA DANG RTOG GE 'BAR BA RANG NYID LAS KYANG CHOS NYID KYI GZUGS KYI DON LA DMIGS PA'I PHYIR, ZHES BYUNG BA DPE MA DAG GO, DE NYID CES PA YANG MDO LTAR DMIGS MED MIN PA'AM ZHES SOGS KYANG DPE DAG MA DAG DPYAD PAR BYA STE, GANG LTAR YANG RMI LAM GYI SHES PA NI DMIGS PA MED PA YANG MIN LA, RMI LAM NI YANG DAG PA'AM DON DAM PAR MED PAS NA PHYI ROL GYI YUL MED PA'I SHES PA DON DAM PAR YOD PA'I DPER MI RIGS ZHES PA YIN NAM SNYAM MO,, //DA// NYAN THOS SDE BAS RDUL PHRA RAB YAN GAR BA YANG DBANG SHES KYI YUL MIN LA; ZHES SOGS GSUNGS PA NI, YIG NOR HA CANG MANG PO BYUNG BA YIN NAM SNYAM ZHING, GANG LTAR YANG TSIG ZIN LTA NA GZHUNG CHEN MO RNAMS DANG MI MTHUN PAR 'GYUR BAS NA, 'DI LTAR SHES PAR BYA STE; DBU MA SNYING PO LAS, CI STE BLO YUL RNAM GNYIS TE, ,GCIG DANG 'DUS PA YIN SNYAM NA, ,RIGS PAS YONGS SU BRTAGS PA NA, ,DE NI GNYIS KAR MI RIGS SO,, ZHES PA LTAR, SEMS TZAM

PA NA RE , PHYI ROL GYI DON YOD PAR SMRA BA DAG DBANG SHES KYI SPYOD YUL RNAM PA GNYIS LAS, RDUL PHRA RAB YAN GAR BA DBANG SHES KYI SPYOD YUL DU 'DOD DAM, RDUL PHRA RAB DU MA 'DUS PA DBANG SHES KYI SPYOD YUL DU 'DOD PA YIN SNYAM NA, RIGS PAS YONGS SU BRTAGS NA DE GNYIS KA MI RIGS SO,, ZHES DAM BCAS NAS, GAL TE RDUL PHRA RAB YAN GAR BA DBANG SHES KYI SPYOD YUL YIN ZER NA, DE LA GZUGS RDUL GCIG BU NI, , GZUGS BLO'I SPYOD YUL MA YIN TE, ,DE SNANG NYID DU MI 'GYUR PHYIR, ,DBANG GZUGS SPYOD YUL MA YIN BZHIN, ,ZHES PA LTAR, GZUGS RDUL PHRA RAB CHOS CAN, GZUGS 'DZIN MIG SHES KYI SPYOD YUL MA YIN TE, GZUGS 'DZIN MIG SHES DE LA SNANG BAR MI 'GYUR BA'I PHYIR, DPER NA DBANG PO GZUGS CAN PA BZHIN, ZHES PA DANG, GAL TE RDUL DU MA BSAGS PA DBANG SHES KYI SPYOD YUL YIN ZER NA, PHRA RAB GZUGS NI DU MA STE, ,SEMS KYI SPYOD YUL YIN MI 'DOD, ,RDZAS SU YOD PA MA YIN PHYIR, ,DPER NA ZLA BA GNYIS BZHIN NO, ,ZHES PA LTAR, GZUGS RDUL DU MA BSAGS PA CHOS CAN, GZUGS 'DZIN MIG SHES KYI SPYOD YUL MA YIN TE, RDZAS SU YOD PA MA YIN PA'I PHYIR, DPER NA ZLA GNYIS BZHIN, ZHES BKAG PA LA, SLOB DPON LEGS LDAN GYIS LAN BTAB TSUL NI, DE LA GAL TE PHA ROL BO, ,BSAGS BA MIN PA'I GZUGS SEMS KYI, ,SPYOD YUL MIN PAR SGRUB BYED NA, ,DER NI GRUB PA NYID SGRUB 'GYUR, ,CI STE BSAGS PA'I GZUGS LA NI, ,GTAN TSIGS MA GRUB NYID 'GYUR TE, ,GZUGS GZHAN DAG GI BSAGS

, ,BA NI, ,DER SNANG BLO NI SKYE PHYIR RO, ,ZHES PA LTAR, RDUL PHRA RAB YAN GAR BA DBANG SHES KYI SBYOD YUL MA YIN PAR SGRUB NA NI GRUB ZIN SGRUB PA'I SKYON DANG, RIGS MTHUN PA'I RDUL DU MA GZHI GCIG LA BRTEN PA'I BSAGS PA'AM TSOGS PA DBANG SHES KYI SPYOD YUL MA YIN PAR SGRUB NA NI, RDZAS SU YOD PA MA YIN PA'I PHYIR ZHES PA'I GTAN TSIGS MA GRUB PA'I SKYON DU 'GYUR TE, KHO BO CAG GIS DE 'DRA BA'I BSAGS PA RDZAS YOD DU 'DOD PA'I PHYIR TE, 'DUS PA NI BTAGS YOD YIN KYANG BSAGS PA NI RDZAS YOD YIN PA'I PHYIR TE, 'DUS BSAGS GNYIS LA KHYAD PAR YOD PA'I PHYIR TE, RTOG GE 'BAR BA LAS, BSAGS PA DANG 'DUS PA ZHES BYA BA GNYIS LA KHYAD PAR CI YOD CE NA, RDUL PHRA RAB RIGS MTHUN PA DAG GZHI GCIG CIG LA BRTEN PA NI TSOGS PA ZHES BYA'O,, GLANG PO CHE DANG RTA LA SOGS PA SKYER BA DANG SENG LDENG LA SOGS PA'I RDZAS RIGS MI MTHUN PA GZHI THA DAD PA 'DUS PA LA DMIGS DANG NAGS TSAL LA SOGS PAR GDAGS GAS PA NI 'DUS PA ZHES BYA'O, ZHES GSUNGS PA'I PHYIR RO,, DE NI DMIGS NYID YIN 'DOD DE, ,DER SNANG BLO YI RGYUR 'GYUR PHYIR, ,'DOD CHAGS BZHIN TE DE YI PHYIR, ,KHYOD DAM BCAS LA RJES DPAG GNOD, ,CES PA LTAR, GANG DANG GANG RANG SNANG BA'I BLO'I RGYUR 'GYUR BA DE DANG DE NI BLO DE'I DMIGS PA YIN PAS KHYAB STE, DPER NA BUD MED KYI GZUGS LA SOGS PA BSAGS PA NI 'DOD CHAGS KYI DMIGS PA YIN PA BZHIN,

RDUL PHRA RAB DU MA BSAGS PA YANG RANG SNANG BA'I BLO'I RGYUR 'GYUR BA YIN NO,, ZHES PA'I RJES DPAG GIS RDUL BSAGS PA DBANG SHES KYI SPYOD YUL MIN ZHES PA'I ZHES PA'I KHYOD KYI DAM BCAS LA GNOD BAR 'GYUR RO;;MDO LAS, RNAM PAR SHES PA'I TSOGS LNGA'I GNAS DANG DMIGS PA NI BSAGS PA YIN NO,, ZHES GSUNGS PA'I LUNG DANG YANG 'GAL LO,, ZHES 'DOD DO,, DE LA MDO SDE BAS LUNG 'GAL SPONG TSUL NI, RNA MA NGES t'IKA CHEN LAS, RNAM 'GREL DU, BSAGS PA DAG NI TSOGS PA YIN, ZHES PA'I SKABS SU LUNG 'GAL SPONG BA NA, MDO SDE BA'I LUGS KYI DBANG SHES KYIS PHYI ROL GYI DON 'DZIN PA NA TSOGS PA'I SPYI DANG BYE BRAG GANG YANG GZUNG DON DU MI BYED LA RDUL PHRAN SIL LE BAR SNANG BA YANG MA YIN ZHING RAGS PA'I RNAM PA YANG MI SNANG LA SNGA MA'I RGYU RKYEN LA BRTEN NAS DBANG SHES BSKYED NUS KYI RDUL PHRAN KHYAD PAR CAN DU GYUR BA NA DE'I NANG GI RDUL PHRAN RE RE NAS KYANG BSAGS PA ZHES BYA BA'I SGRA 'JUG PAS RNAM PAR SHES PA'I TSOGS LNGA BSAGS PA LA DMIGS ZHES BSHAD PA YIN GYI SPYI'I SPYID YUL CAN MA YIN NO,, ZHES BSHAD DE, ZHES DANG, DBANG SHES RTOG PAR 'DOD PA DAG NA RE, KHYED RANG GI LUNG LAS RNAM PAR SHES PA'I KHAMS LNGA RDUL BSAGS PA LA DMIGS PAR BSHAD PAS DE LA DMIGS NA TSOGS PA LA DMIGS DGOS LA DE LTA NA SPYI LA DMIGS PAS RTOG PAR 'GYUR RO ZHES THAL BA RIM PA GSUM 'PHANGS PA'I DANG BO LA KHYAB PA MA GRUB PA'I LAN BTAB PA

, ,YIN NO,, ZHES GSUNGS PA LTAR RO,, DES NA 'DIR, NYAN THOS SDE BAS ZHES PA DANG, MDO SDE BA LTAR DE'I TSOGS PA NA YOD PA'I RDUL PHRA RAB RE RES KYANG DBANG SHES KYI DMIGS RKYEN BYED PA DE DAG MIN DANG, TSUL YANG MI 'THAD PA'I PHYIR ZHES PA RNAMS DPE DAG MA DAG DPYAD PAR BYA STE, LAM RIM CHEN MO LAS, RDUL PHRA RAB BSAGS PA'I RE RE NAS DBANG SHES KYI RGYU DANG DE YANG RDZAS YOD DU BZHED PA DANG RDUL PHRA BA'I YANG MTHAR THUG PAR YANG BZHED PAR SNANG BAS RDUL CHA MED DMIGS RKYEN DU BZHED DO,, DE'I PHYIR DBANG PO'I SHES PA PHYI NANG GI 'KHRUL RGYU SNGAR BSHAD PA RNAMS KYIS MA BSLAD PA MA 'KHRUL BAR BZHED CING THA SNYAD DU MDO SDE BA DANG MTHUN PA'I DMIGS RKYEN BZHED PA YIN NO,, ZHES SLOB DPON LEGS LDAN 'BYED KYI BZHED PA BKOD PA'I PHYIR RO,, //NA// GZUGS SOGS SHES PA'I MIG GIS MTHONG BA'I PHYIR DPE YANG MA GRUB LA, ZHES 'DON TE, DES YANG MA GRUB CES PA YIG NOR YIN PAS SO,, //PA// RANG RIG 'DOD MKHAN NAR, SHES PA LA RANG DU SNANG BA DANG YUL DU SNANG BA ZHES BYA BA'I NGO BO GNYIS YOD DE, RANG GI NGO BOR GNAS PA'I PHYIR DANG, GZHAN LTA BUR SKYES PA'I PHYIR, SHEL GYI NOR BU BZHIN TE, DPER NA SHEL GYI NOR BU NI RANG GI NGO BO NI DRANGS SHING GSAL LA, SNGON PO LA SOGS PA NYE BAR BZHAG PA'I KHYAD PAR LAS NI SNGON PO LA SOGS PA SNANG BA MTSON DU RUNG NGO,, DE BZHIN DU SHES PA YANG RANG DU SNANG BA'I NGO BO GSAL BA

DANG YUL DU SNANG BA'I NGO BO YUL GYI RNAM PAR SKYES PA GNYIS YOD DO ZHE NA, SLOB DPON LEGS LDAN GYIS, 'DOD TSUL 'DI NI MI 'THAD DE, DPE DON MI MTHUN PA'I PHYIR TE, NOR BU'I SHEL SDON PO DANG PHRAD PA'I TSE SNGO LAm PAR SNANG BA NI GZUGS BRNYAN YIN GYI SHEL GYI RNAM PA MIN LA, SHES PA YUL GYI RNAM PA LTAR SKYES PA NI SHES PA YIN PA'I PHYIR DPE DON MI MTHUN PA DANG, SHEL NI SNGON PO DANG BRAL BA'I TSE DRANGS SHING GSAL BAR SNANG BA YIN KYANG, SHES PA YUL DANG BRAL BA'I TSE RANG GI NGO BO DRANGS SHING GSAL BA ZHIG LHAG MAR LUS RGYU MED PA'I PHYIR TE, SHES BYA'I RNAM PA DANG BRAL PA'I SHES PA MI SRID PA'I PHYIR DPE DON MI MTHUN ZHES PA YIN NAM SNYAM YANG DPYAD DGOS TE, 'DIR BSHAD PA DANG RTOG GE 'BAR BA GNYIS 'GRIG DKA' BAR SNANG ZHING, YI GE DAG MA DAG KYANG THE TSEM GYI GZHIR SNANG BA'I PHYIR RO,, //PHA// RANG RGYUD PA'I LUGS KYI BDEN 'DZIN LHAN SKYES DANG DGAG BYA NGOS 'DZIN TSUL NI, DBU MA SNANG BA LAS, DNGOS PO YANG DAG PAR NGO BO NYID MED PA DAG LA YANG DE LAS LDOG PA'I RNAM PAR SGRO 'DOGS PA'I 'KHRUL BA'I BLO GANG YIN PA DE NI KUN RDZOB CES BYA STE, 'DI 'AM 'DIS DE KHO NA NYID SGRIB PA LTA BUR BYED, 'GEBS PA LTA BUR BYED PA'I PHYIR RO,, DE SKAD DU MDO LAS KYANG, DNGOS PO SKYE BA KUN RDZOB TU, ,DAM PA'I DON DU RANG BZHIN MED, ,RANG BZHIN MED LA 'KHRUL BA GANG, ,DE NI YANG DAG KUN RDZOB 'DOD, ,CES GSUNGS SO,, DE LAS BYUNG BA'I PHYIR DES NYE BAR BSTAN PA MTHONG BA'I DNGOS PO RDZUN PA THAMS CAD NI KUN RDZOB PA KHO

, ,NA YIN ZHES BYA'O, ,DE YANG THOG MA MED PA'I 'KHRUL BA'I BAG CHAGS YONGS SU SMIN PA'I DBANG GIS BYUNG LA, DES KYANG SROG CHAGS THAMS CAD LA YANG DAG PAR DNGOS PO'I BDAG NYID LTA BUR NYE BAR BSTAN PA MTHONG PAR 'GYUR TE, ,DE'I PHYIR DE DAG GI BSAM PA'I DBANG GIS DNGOS PO BRDZUN PA'I NGO BO THAMS CAD NI, KUN RDZOB TU YOD PA KHO NA'O ZHES BYA'O, ,ZHES GSUNGS PA'I DON NI, ,CHOS RNAMS DON DAM PAR RANG BZHIN MED PA LA YOD PAR SGRO 'DOGS PA'I DA DEN 'DZIN LHAN SKYES CHOS CAN, YANG GA STE GNAS LUGS KYI RANG BZHIN MTHONG BA LA KUN RDZOB PA BAM BYED CES BYA STE, BDEN 'DZIN 'DI RNA GNYID DE KHO NA NYID MTHONG BA LA MIG LING TOG GIS SGRIB PA LTA BUR BYE DE BDEN 'DZIN 'DIS BLO GZHAN DE KHO NA NYID MTHONG BA LA GOS KYIS 'GEBS PA LTA BUR BYED PA'I PHYIR STE, LANG GZHEGS LAS, DNGOS RNAMS SKYE BA KUN RDZOB TU, ZHES SOGS GSUNGS PA'I PHYIR KHYAB STE, MDO 'DI'I DON BSHAD PA'I SKABS KYI RNAM BSHAD LAS, DON DAM PAR DANG BZHI NI MED PA LA RANG BZHIN YOD PAR 'KHRUL BA'I BLO KUN RDZOB PA YIN PAR GSUNGS PA'I DON NO,, KUN RDZOB DE NI KUN RDZOB KYI SKAD DOD SGRIB LA YAN 'JUG PAS SGRIB BYED DO,, DES GNAG LA SGRIB NA YANG DAG KUN RDZOB 'DOD CES BAS YAN DAG PA'I DON LA SGRIB PAS KUN RDZOB BAM SGRIB BA BYED DU 'DOD CES PA STE, ,YANG LOG GNYIS KYI NANG NAS YANG DAG KUN RDZOB TU STON PA YIN NO, ,

RKANG PA DANG POS BSTAN PA'I KUN RDZOB DANG, RKANG PA PHYI MA GNYIS KYIS BSTAN PA'I KUN RDZOB GNYIS GCIG TU MI BYA STE , DANG PO NI, RANG GI DNGOS PO RNAMS SKYA BA SOGS SU GNAG DU KHAS LEN PA'I KUN RDZOB PA YIN LA; PHYI MA NI DNGOS PA RNAMS GANG GI NGOR BDEN PA'I BDEN 'DZIN GYI KUN RDZOB YIN PA'I PHYIR RO, ,ZHES GSUNGS PAS SO,, BDEN 'DZIN DE LAS BYUNG BA'I PHYIR BDEN 'DZIN DES PAR YOD PA STAR NYE BAR BSTAN PA MTHONG BA'I DNGOS SMRA BA'I RGYUD KYI BLO KUN BTAGS KYI DMIGS YUL GZUGS LA SOGS PA'I DNGOS PO BRDZUN PA THAMS CAD KUN RDZOB KHO NAR YOD PA YIN GYI DON DAM PAR YOD PA MIN NO,, BLO KUN BTAGS DE BDEN 'DZIN LAS BYUNG BAR MA ZAD BDEN 'DZIN DE YANG THOG MA MED PA'I 'KHRUL BA'I BAG CHAGS YONGS SU SMIN PA'I DBANG GIS BYUNG LA, BDEN 'DZIN DES KYANG SROG CHAGS GRUB MTHAS BLO BSGYUR MA BSGYUR THAMS CAD LA BDEN PRA GYUR BA'I DNGOS PO YOD PA LTA BUR STON PA DANG SROG CHAGS DE DAG GUS KYANG DE LTAR MTHONG BAR 'GYUR TE, DE'I PHYIR CHOS RNAMS BDEN 'DZIN LA SNANG BA'I DBANG KYIS YOD PAR 'JOMS MI RUNG BAS, BDEN 'DZIN GYI DBANG GIS SNANG ZHEN MA BSGYUR PA'I BLOGS, NOD MED LA LANG BA'I DBANG GIS BZHAG PA'I YID PA NI KUN RDZOGS TU YOD PA'I DON YIN NO; ;DES NA DGAG BYA BDEN GRUB DBANG SHES LA MI SNANG STE, RNAM BSHAD LAS, BDEN 'DZIN DES BDEN PAR YOD PA LTAR NYE BRA BSTAN PA MTHONG BA NI RTOG PA YIN GYI DBANG SHIS MIN TE, BDEN

, ,GNYIS KYI 'GREL PAR 'GREL PRA DGAG BYA DBANG SHIS LA MI SNANG BAR BSHAD 'DIR YANG 'DRA BA'I PHYIR RO, ,ZHES GSUNGS PA'I PHYIR, //BA// SPYIR NA DON DAM LA BSHAD TSUL DU MA YOD DE, ,DO NA DANG DAM PA GNYIS KA YUL LA SBYAR BA DANG, DON YUL DAN DAM PA YUL CAN LA SBYAR BA DANG, DON DANG DAM PA GNYIS KA YUL CAN LAS BYAR BA'I BSHAD TSUL GSUM YOD PA'I PHYIR, DANG PO NI, YUL CHOS NYID DE DON YANG YIN LA, DAM PA YANG YIN PAS NA DON DAM PA ZHES BYA STE, SHES PAR BYA BA'I DON MCHOG LA DON DAM PA ZHES BSHAD PA'I PHYIR, GNYIS PA NI, DAM PA MIN JI LTA BA MKHYEN PA'I MNYAM BZHAG RNAM PRA MI RTOG PA'I YE SHES DANG, ,DON NI DE'I SNYED DON LA BYED DO, ,GSUM PA NI, ,STONG NYID RTOGS PA'I THOS BSAM SGOM GSUM GYI RIGS SHES RTOG BCAS RNAMS DE KHO NA NYID RTOGS PAS NA DAM PA DANG, SGRIB PA SPONG PAR 'DOD PA RNAMS KYIS DON DU GNYER BYA YIN PAS DON YANG YIN PA'I PHYIR DON DAM PA ZHES BYA'O,, //MA// DON DAM BDEN PA ZHES PA'I DON DAM DANG, DON DAM PAR MED CES PA'I DON DAM GNYIS MI 'DRA STE, DANG PO NI SNGAR BSHAD PA LTAR YIN LA, PHYI MA LA GNYIS YOD PA'I PHYIR TE, DE YANG DANG PO NI DE KHO NA NYID DPYOD PA'I THOS BSAM SGOM GSUM GYI RIGS SHES RTOG BCAD LA DON DAM DU DU BYAS NAS DE'I DPYAD BZOD DU MED PA LA DON DAM PAR MED CES BZHAG PA DANG, GNYIS PA NI BLA GNOD MED PA SANG BA'I DBANG GIS BZHAG TZAM MI NI PAR DON GYI

SDOD LUGS SU YOD PA LA DON DAM PAR YOD PA DANG DER ME DPA LA DON DAM PAR CES BZHAG GO, ,DE LA 'JOG 'TSAMS DANG PA'I DON DAM DANG DE'I GRUB PA GNYIS KA YOD LA, ,'JOG 'TSAMS GNYIS PA'I DON DAM DAN SER GRUB PA GNYIS KA MED DO,, DE LTAR YANG, 'JUG PA'I TA'I KA CHEN LAS, DGAG BYA BA LA DON DAM GYI KHYAD PAR SBYAR BA'I DON DAM LA GNYIS SHES DGOS TE, THOS BSAM SGOM GSUM GYI RIGS SHES LA DON DAM DU BYAS NAS, ,DES SNGAR BSHAD PA LTAR MGRUB PA GCIG DANG, ,BLO'I DBANG GIS BZHAG PA MIN PAR DON GYI SDON LUGS SU YOD PA LA DON DAM DU YOD PAR BZHAG PA GNYIS KYI DANG PO'I DON DAM DANG DE'I DOR GRUB PA YANG YOD LA, ,PHYI MA'I DON DAM DANG DER YOD PA GNYIS KA YANG MI SRID DO, ,ZHES DANG, STONG THUN SKAL BZANG MIG 'BYED LAS KYANG, DON DAM PAR MED CES PA'I DON DAM LA 'JOG 'TSAMS GNYIS YOD PA THAL RANG GNYIS KA'I SKABS SU SHES PAR GNAD DU TSE STE ZHES SOGS GSUNGS PA'I PHYIR , ,'JOG 'TSAMS GNYIS PA'I DON DAM DER GRUB NA SNGA MA'I DON DAM DER GRUB PAS KHYAB STE, BDEN PAR GRUB NA GNAS LUGS MTHAR THUG TU GRUB DGOS SHING, GNAS LUGS MTHAR THUG GRUB NA GNAS LUGS MTHAR THUG 'DZIN PA'I RIG SHES KYIS RNYED DGOS PA'I PHYIR, SNGA MA'I DON DAM GYI NGOR GRUB PA LA PHYI MA'I DON DAM DER GRUB BAS MA KHYAB STE, ,RIGS SHES KYIS BDEN PAR GRUB PA MA DPYAD NAS BDEN PAR MA GRUB PA RNYED PA YIN GYI, BDEN GRUB MA RNYED PA'I PHYIR 'DI LEGS

, ,PAR SHES NA GSHIS LUGS SU MA GRUB PA DANG DON DAM PAR MA GRUB ZER BA DANG, DON DAM BDEN PA YOD PAR 'DOD CING DE NYID GSHIS LUGS DANG DON DAM YIN PAR SMRA BA MI 'GAL BAR SHES PAR 'GYUR RO, ,'DI MA PHYED PA'I DBANG GIS GANGS CAN GYI MIG GCIG BUR DOG LO, CHEN POS DON DAM BDEN PA SHES BYA MA YIN PAR GSUNGS PA DANG, RIGS BA'I DPANG PHYUG CHE BA CHOS SENG GIS DON DAM BDEN PA RIGS PAS DPYAD BZO KYI BDEN GRUB TU 'DOD PA DANG, ,GRO LUNG BA'I BSTAN RIM SOGS SU BLO GCIG BU DER LDOG CHA NAS PHYE STE RIGS SHES SU SONG BA'I YUL MED LA RJES DPAG TU SONG BA'I YUL YOD PAR BSHAD PA SOGS BYUNG BAR LEGS BSHAD SNYING PO SOGS LAS BSHAD DO,, //CA// 'DI NI DON PAR MED CES PA'I MED RGYU DON LA DGAG BYA'I DON DAM MA BZHAG CES PA MIN GYI, DGAG BYA'I DON DAM GYI NGO BOR GYUR PA'I DGAG SGRUB KYI SBROS PA MED PAR BSHAD PA TZAM YIN NO,, //CHA// DON DAM BDEN PA NI GNYIS SNANG CAN GYI BLA'I SPYOD YUL LAS 'DAS PAR BSHAD PA DANG RIGS SHES KYI DPYAD TSUL LTAR DU MED PA NI DON DAM PAR MED PA'I DON DU BSHAD PA GNYIS NANG 'GAL YIN PAR THAL, BDEN GRUB KYI NGO BO NYID DGAG PA NI YI GE'I YUL TE SGRA RTOG GIS BYED DGOS PAS NA, BDEN GRUB KYI NGO BO NYID DGAG MI RUNG BA'AM, DON DAM 'DZIN PA GNYIS SNANG CAN GYI BLO'I SPYOD YUL DU 'GYUR PA'I SKYON YOD PA'I PHYIR ZHES BRTZAD PA'I LAN DU , , RIGS SHES LA

RTOG BCAS RTOG MED GNYIS YOD PA LAS, RIGS SHES RTOG MED KYIS STONG NYID GZIGS TSUL LTAR DU GNYIS SNANG CAN GYI BLOS RTOGS MI NUS PAS DON DAM BDEN PA GNYIS SNANG CAN KYI BLO'I SPYOD YUL LAS 'DAS PAR BSHAD LA, RIGS SHES RTOG BCAS KYIS YIN TSUL JI LTAR YIN SNYAM DU TSUL BZHIN RNAMS PAR DPYAD PA NA DES DPYAD TSUL LTAR DU MED PA NI DON DAM PAR MED CES DAM BCA' BA'I DON YIN PAS SKYON MED CES PA STE, RTOG GE 'BAR BA DANG LHAG MTHONG CHEN MOR LUNG 'DI DRANGS PA SOGS SU, YI GE'I YUL ZHES BYUNG BAS NA YE SHES KYI YUL ZHES PA DPE MA DAG GO, //DZA// 'DI'I DON DAM PA YIN PA'I PHYIR ZHES PA NI, RIGS SHES RTOG BCAS 'DI'I DON TE 'JUG YUL NI DAM PA STE MCHOG YIN PA'I PHYIR ZHES PA'O,, //WA// DON DAM PAR MED CES PA'I DON NI RIGS SHES RTOG BCAS KYI DOR MED PA LA MI BYED DE, GZHAN DU NA, STONG NYID BDEN GRUB TU 'GYUR BA'I PHYIR DANG, RIGS SHES RTOG MED NI DAM PA MED CES PA 'I DAM BCA' KHYAD PAR DU SBYOR I RUNG BAR GSUGNS PA MI 'THAD PAR 'GYUR PA'I PHYIR RO,, RI SUL NA SENG GI MED CES PA BZHIN DU RIS SHES RTOG BCAS GNAS GZHIR BYAS NAS DE LA MED CES PA MIN TE, GZHAN DU NA, RIGS SHES RANG NYID BDEN GRUB TU THAL BA'I PHYIR RO, ,DES NA RIGS SHES RTOG BCAS KYI CHOS RNAMS KYI YIN TSUL JI LTAR YIN TSUL BZHIN DU RNAM PAR DPYAD PA'I DPYAD BZOD DU MA GRUB PA NI DON DAM PAR MED PA'I DON YIN TE, ,LHAG MTHONG CHEN MO LAS, ,DE LA DON DAM PAR MED

, ,CES PA'I DON NI YIN TSUL LA JI LTAR YIN TSUL BZHIN DU DPYOD PA'I RIGS PAS RNAMS PRA DPYAD NA DES YOD PAR MA GRUB PA LA BYE DPA NI SLOB DPON 'DRI THAMS CAD MTHUN PA YIN NO, ,ZHES GSUNGS PA'I PHYIR RO,, //ZHA// ZHES SA NI DON DAM PAR 'BYUNG BA'I NGO BO NYID MIN TE ZHES PA YIN PAS , , PA NI ZHES PA YIN GO NOR RO,, //ZA// CHOS CAN DANG CHOS BDUD PA NI PHYOGS YIN TE, ZHES RTOG GE 'BAR BA LAS BYUNG BA NI YI GE DAG GO, //WA// 'DI'I MTHUN DPE RTAGS CHOS GNYIS DANG LDAN PAR SGRUB SLA BA YIN TE, SHES PA MA BYAS PAR 'DOD PA'I BAR GRUB MTHA' SMRA BA MED LA SHES PA 'BYUNG BA BZHI PO GANG RUNG DU 'DOD PA'I PHYI NANG SU YANG MI SNANG BA'I PHYIR TE, RGYAD PHAN PAS KYANG SHES PA 'BYUNG 'GYUR DU 'DOD KYI 'BYUNG BA'I NGO BOR MI 'DOD PA'I PHYIR, //YA// RJES KHYAB DNGOS SU RJOD PA'I CHOS MTHUN SBYOR GYI SGRUB DAG DNGOS SU BSTAN NAS, DE'I MTHUN PHYOGS DON DAM PAR GRUB PA NI RDUL PHRA RAB TZAM YANG MED PAS NA, MI MTHUN DPE MED PA'I PHYIR LDOG KHYAB DNGOS SU BRJOD PA'I CHOS MI MTHUN, SBYOR GYI SGRUB DAG DNGOS SU MA BSTAN ZHES PA'O,, //RA// SA NI DAM PAR SA BA'I NGO BO MIN TE, ,'BYUNG BA'I YIN PHYIR , ,DPER NA RLUNG BZHIN, SA'I LAS NI DON DAM PAR 'DZIN PAR BYED PA MA YIN TE, BYAS PA YIN PA'I PHYIR, DPER NA CHUB BZHIN, GZUGS KYI SKYE MCHED NI DON DAM PAR MIG GIS BZUNG BA MIN TE , ,'BYUNG GYUR YIN PA'I PHYIR,

DPER NA MIG DBANG RANG GZUGS BZHIN, ,GZHAN RNAMS 'DRA BA LA, BDE PA LA SOGS PA 'BYUNG BA'I RGYU YIN PA'I PHYIR DANG, BRJOD BYA YIN PA'I PHYIR, DPER NA RO LA SOGS PA BZHIN, MIG DBANG NI DON DAM PAR GZUGS LA LTA BA'I BYED PA PO MA YIN TE, SEMS DANG SEMS BYUNG LAS GZHAN YIN PA'I PHYIR, DPER NA LCE'I DBANG PO BZHIN , ZHES BYA BA LA SOGS PA PHUNG PO LNGA DANG, MTSAN MTSON GZHI GSUM DANG, 'GRO 'ONG DANG, 'KHOR 'DAS DANG, BDAG PHUNG DANG, 'DOD CHAGS SDANG CHAGS PA DANG, GZHAN DANG GZHAN MIN DANG, 'DUS MA BYAS GSUM LA SOGS PA RNAMS DON DAM PAR YOD PA 'GAL ZLA DMIGS PA'I GTAN TSIGS NYID KYIS 'GOG TSUL RGYAS PAR DBU MA SNYING PO RTZA 'GREL DAG LAS SHES PAR BYA'O,, //LA// DON DAM PAR SRA BA DANG GZUGS LA LTA BA'I NGO BOR GRUB NA 'BYUNG BAR MTSUNGS PA LA SRA MI SRA'I KHYAD PAR DANG DBANG PAR MTSUNGS PA LA GZUGS LA LTA MO LTA'I KHYAD PAR MI RUNG STE, KHYAD PAR DE LTAR 'BYED PA'I GTAN TSIGS MI RNYED PA'I PHYIR RO SNYAM DU DGONGS TE, 'DI LTAR DON DAM PAR YOD NA NI JI LTAR SNANG BA BZHIN GYI BLO'I DBANG GIS BZHAG PA MIN PAR DON RANG NYID KYI GNAS LUGS KYI DBANG GIS YOD PA YIN LA , ,DE LHA NA RANG DBANG DU YOD PAR 'GYUR PAS GZHAN SU LA YANG MI LTOS SO,, DE'I PHYIR KHYAD PAR DE DAG DBYE BAR NUS PA'I TSAD MA MED DO,, DPER NA DU RGYU LA MI LTOS BAR 'BYUNG NA YANG NA THAMS CAD LA LTOS PA DANG YANG NA ME LA YANG MI LTOS PAR THAL BA 'PHEN PA LTA BU'O,, DES NA NGO BO NYID LAS

, ,YOD PA DO DAM DU YIN NA RGYU RKYEN DANG 'DUS PA'I NGO BO LAS LOGS SHIG NA RANG GI NGO BO NYID YAN GAR BAR 'BA' ZHIG PA GNAS DGOS NA 'BYUNG BA DANG 'BYUNG GYUR RNAMS NI RDZAS BRGYAD 'DUS PA DANG SEMS SEMS BYUNG NI PHAN TSUN MED PAR MED LA, DNGOS PO THAMS CAD KYANG RANG GI RGYU RKYEN TSOGS PA LAS 'BYUNG ZHING DE DANG BRAL NA CUNG ZAD KYANG MED PAS DON DAM PAR MED PA DANG RDZAS SU MED PAR 'CHAD DO,, 'DUS PA LAS LOGS SHIG NA NGO BO MED PAR BSTAN PA YANG DON DAM PAR YOD NA 'BA' ZHIG PAR YOD DGOS PAR BSTAN NAS DE LA GNOD PA STON PA SHAS CHE BAR BSTAN GYI; SLOB DPON GZHAN BZHED PA LTAR CHA DANG CHA CAN LA GCIG DANG DU MA'I BRTAG PA BYAS NAS 'GOG PA SHAS MI CHE'O,, ZHES LEGS BSHAD SNYING POR GSUNGS PA LTAR RO,, //SHA// KUN RDZOB BDEN PA LAS GZHAN DON DAM BDEN PA NI GNYIS SNANG CAN GYI BLO'I MNGON SUM GYI SPYOD YUL GYI GCIG SHOS TE DE'I MNGON SUM GYI SPYOD YUL DU MA 'GYUR PA'I CHOS YIN NO,, ZHES PA'O,, DON DAM PAR BDEN PA NI DON DAM PA'I DBEN PA STE , ,ZHES PA NI, BLO 'KHRUL BA'I NGO BDEN PA TZAM MIN PAR RIG SHES KYI DOR MI BSLU BA NI DON DAM BDEN PA YIN ZHES PA YIN GYIS, ,STONG NYID NI DON DAM PAR BDEN PA YIN ZHES PA MA YIN TE , ,DON DAM PAR BDEN PA GZHI MA GRUB PA'I PHYIR TE, DON DAM PAR YOD PA GZHI GRUB PA'I PHYIR TE, LAM RIM CHUNG DU LAS, DON DAM DON DU MI BDEN NA, KUN

RDZOB KUN RDZOB TU MI BDEN NI ZHES SMRA BA NI 'DOD PA YIN LA, SNGA MA SNGA MAR MA GRUB NA PHYI MA PHYI MAR MA GRUB PO ZHES SMRA NA NI, BDEN PA BKAG PA BDEN PAR MA GRUB NA DGAG GZHI CHOS CAN RNAMS BDEN GRUB TU 'GYUR RO ZHES PAR 'GYUR TE, DON DAM BDEN PA NI DGAG GZHI CHOS CAN LA BDEN PA BKAG PA TZAM LA 'JOG PA'I PHYIR DANG, CHOS CAN RNAMS KUN RDZOB TU MA GRUB PAR 'PHEN PA NI RDZUN PAR MA GRUB PAR 'PHEN PA'I PHYIR RO,, DE LTA NA NI SHIN TU YANG MA 'BREL BAR 'GYUR TE, CHOS CAN SNANG BA RNAMS BDEN GRUB TU MED PA BDEN PAR MA GRUB PA NYID KYIS DGAG GZHI RNAMS BRDZUN PAR 'GRUB DGOS PA'I PHYIR RO; ;ZHES GSUNGS PAS SO,, //SA// SAM BRI TTA NI DON GSUM LA 'JUG PA LAS, KUN RDZOB BDEN PA ZHES PA'I SKABS 'DIR SGRIB BYED LA BYAS NAS ZHES PA'O,, GANG ZHIG GIS SAM GNAG ZHIG LA, ZHES PA NI, SNGAR DBU MA SNANG BA'I LUNG DON BSHAD PA LTAR RO,, //HA// RTOG GE 'BAR BA'I LUNG 'DI LTAR NA, KUN RDZOB KYI BDEN PA ZHES PA'I SGRA BSHAD NI, THA SNYAD PA'I TSAD MA'I NGOR YOD PA LA YANG BSHAD DU RUNG DAM DPYAD DO , , //AA// THAMS CAD MKHYEN PA'I RGYUS LNGA'I SKABS LTAR ZHES SOGS GKYI DON NI, RTZA SHES LAS , ,THA SNYAD LA NI BRTEN PAR , ,DAM PA'I DON NI RTOGS MI NUS , ,DAM PA'I DON NI MA RTOGS PAR , ,MYA DAN 'DAS PA THOB MI 'GYUR , ,ZHES BDEN GNYIS BSTAN PA'I DGOS PA BSHAD PA'I DON THAL 'GYUR BA LTAR BSHAD DU MI RUNG BAS NA, SKABS 'DIR DON DAM MA RTOGS PAR SGRIB GNYIS SPANGS PA'I MYANG 'DAS DANG RNAM

, ,MKHYEN THOB MI 'GYUR ZHES BSHAD DGOS TE, GZUGS NI DBU BA RDOS PA 'DRA, ZHES SOGS DPE LNGA'I DON BSHAD PA'I SKABS SU LEGS LDAN GYIS MYANG 'DAS TZAM THOB PA LA DON DAM BDEN PA RTOGS MI DGOS PAR GSAL BAR BSHAD PA'I PHYIR ZHES PA LTA BU ZHIG YIN NAM GZHAN ZHIG YIN DPYAD PAR BYA'O,, //KA// YANG DAG PAR SKYE BA LA SOGS PA DANG SEMS TZAM GYI DON LNGA DANG SPYI GTZO BO DANG 'BYUNG 'GYUR GYI SEMS LA SOGS PA RIM BZHIN DNGOS SMRA BA DANG SEMS TZAM PA DANG GRANGS CAN DANG RGYANG PHAN LA SOGS PA'I GRUB MTHA'I DBANG GIS SGRO BTAGS PA'I DON GYIS DBEN PA'I DNGOS PO RGYU RKYEN LA BRTEN NAS SKYES PA GANG YIN PA DE NI YANG DAG PA'I KUN RDZOB KYI BDEN PA YIN PAR SHES PAR BYA ZHES PA'O,, BLO 'KHRUL BA'I DBANG GIS KUN BRTAGS PA'I DON YANG DAG PAR SKYE BA LA SOGS PA NI YANG DAG PA MA YIN PA'I KUN RDZOB KYI BDEN PA YIN ZHES PA'O,, LCANG SKYA GRUB MTHAR DE DAG LOG PA'I KUN RDZOB TZAM YIN KYANG LOG PA'I KUN RDZOB BDEN PA MIN PAR SHAD KYANG, BDEN GNYIS KYI 'GREL BAR DE DAG YANG DAG PA MA YIN PA'I KUN RDZOB KYI BDEN PA YIN PAR BSHAD DO,, //KHA// RANG GSAL BAR SNANG BA'I THA SNYAD PA'I SHES PA LA SNANG BAR 'DRA YANG SNANG TSUL LTAR DU GRUB MA GRUB GNYIS YOD PA'I PHYIR YANG DAG DANG YANG DAG PA MA YIN PA'I KUN RDZOB KYI DBYE BA BYAS SO,, ZHES PA STE, DNGOS ZIN LA SNANG TSUL LTAR DU DON BYED NUS MI NUS ZHES SBYAR BAR SNANG YANG, DE NI CHU

DANG SMIG RGYU LTA BU LA MTSON TZAM YIN TE, GZHAN DU NA, 'DUS MA BYAS KYI NAM MKHA' LOG PA'I KUN RDZOB TU KHAS LEN DGOS PAR 'GYUR BA'I PHYIR DANG, RTZA SHE'I t'IKA CHEN SOGS LAS KYANG, DBU MA RANG RGYUD PA GANG DAG SHES PA RANG GI MTSAN NYID KYIS GRUB PAR SNANG BA NI SNANG BA LTAR DU YOD PAR NGES PAS YUL CAN LA YANG DAG DANG LOG PA GNYIS MI 'BYED PAR, YUL DU SNANG BA LA JI LTAR SNANG BA LTAR GYI RANG GI MTSAN NYID KYIS YOD MED 'BYED PA RNAMS, ZHES SOGS GSUNGS PA'I PHYIR RO,, YANG DAG MIN NI KUN BRTAGS YIN, ZHES PA'I 'GREL BAR, NI ZHES BYA BA NI BRNAN PA'I DON TAM GO RIMS BZLOG PA'O,, ZHES GSUNGS SO,, DE'I DON NI YANG DAG PAR SKYE PA SOGS SGRO BTAGS PA RNAMS LOG PA'I KUN RDZOB KHO NA YIN GYI GZHAN MIN NO ZHES NGES PAR BZUNG BA'AM YANG DAG PAR SKYE BA LA SOGS PA'I KUN BTAGS NI YANG DAG PA MA YIN NO ZHES GO RIMS BZLOG PA'I DON DU BSHAD DO,, DPE KHA CIG TU BSNAN ZHES SA MGO CAN DU BYAS 'DUG KYANG BRNAN ZHES PA NI DAG PAR MNGON TE, BRNAN PA ZHES PA NGES BZUNG GI BRDA RNYING YIN PAR BSHAD PA'I PHYIR RO,, GZHUNG TSAN SNGA PHYI GNYIS KYI YANG LOG 'JOG TSUL THA DAD PAR RANG RGYUD PA'I GRUB MTHAR BSHAD KYANG, MTSAN NYID DANG MTSAN GZHI STON PA'I DBANG DU BYAS PAR BDEN GNYIS DAR tI KKA LAS GSUNGS SO,, DE GNYIS KYI MTSAN NYID NI MDO SDE SPYOD PA'I DBU MA RANG RGYUD PA LTER NA, RANG GSAL BAR SNANG BA'I THA SNYAD PA'I SHES PA LA JI LTAR SNANG BA LTAR DU

, ,'JIG RTEN NA YUL PHYIN CI MA LOG PAR GRAGS PA'I CHOS DE, YANG DAG KUN RDZOB KYI MTSAN NYID, RANG GSAL BAR SNANG BA'I THA SNYAD PA'I SHES PA LA JI LTAR SNANG BA LTAR DU 'JIG RTEN NA YUL PHYIN CI LOG TU GRAGS PA'I CHOS KYIS CHA NAS BZHAG PA'I DON DE, LOG PA'I KUN RDZOB KYI MTSAN NYID DU 'JOG DGOS LA, RNAL 'BYOR SPYOD PA'I DBU MA RANG RGYUD PA LTAR NA, RANG GSAL BAR SNANG BA'I THA SNYAD P'I SHES PA LA SNANG BA GANG ZHIG, 'JIG RTEN NA YUL PHYIN CI MA LOG PAR GRAGS PA'I DON DE, YANG DAG KUN RDZOB KYI MTSAN NYID, RANG GSAL BAR SNANG BA'I THA SNYAD PI' SHES PA LA SNANG BA GANG ZHIG, 'JIG RTEN NA YUL PHYIN CI LOG TU GRAGS PA'I CHA NAS BZHAG PA'I DON DE, LOG PA'I KUN RDZOB KYI MTSAN NYID DU 'JOG DGOS TE, LUGS 'DIS GZUGS SGRA SOGS DBANG SHES LA SNANG BA LTAR DU GRUB PAR MI 'DOD PA'I PHYIR RO,, 'DI LA KHA CIG NA RE, RNAL 'BYOR SPYOD PA'I DBU MA RANG RGYUD PA'I LUGS LA, GZUGS SOGS DON LNGA RANG 'DZIN PA'I DBANG SHES LA SNANG BA LTAR DU MA GRUB PAR BSHAD PA MI 'THAD DE, RNAM RDZUN PA DANG MTHUN PA'I DBU MA RANG RGYUD PA SENG BZANG DANG RDZE'A TA RI SOGS LTAR NA DE LTAR 'THAD KYANG, ZHI 'TSO BA SRAS SOGS RNAMS BDEN PA DANG MTHUN PA'I DBU MA RANG RGYUD PAS DE LTAR MI 'DOD PA'I PHYIR, RTAGS ZUR PHYI MA GRUB STE, DE DAG GIS GZUGS SGRA SOGS DBANG SHES LA SNANG BA LTAR DU GRUB PAR 'DOD PA'I PHYIR TE, DBU MA RGYAN RANG 'GREL LAS, BYIS PA'I GNAS SKABS NAS BZUNG STE, THAMS CAD

MKHYEN PA'I YE SHES KYI BAR DU MYONG BA GANG MA BRTAGS GCIG BU NA YID DU 'ONG BA'I RANG BZHIN KHO BOS BKAG PA MED DE, ZHES DANG, DBU MA'I YIG CHAR, 'DI DAG GIS BYIS PA YAN CHAD LA GZUGS SOGS SNANG BA LTAR GRUB PAR 'DOD LA, THAL 'GYUR BAS DE LTAR GRUB PA DGAG BYAR BYED PA'I PHYIR, ZHES DANG, GRUB MTHA' CHEN MOR, RNAL 'BYOR SPYOD PA'I DBU MA RANG RGYUD PA RNAM BDEN PA DANG MTHUN PA DANG MDO SDE SPYOD PA'I DBU MA'I 'DI LTAR SNANG BA LTAR DON BYED NUS KYANG, RNAM RDZUN PA DANG MTHUN PA DAG GI MI RUNG LA, ZHES GSUNGS PA'I PHYIR NA MA KHYAB STE, LUNG DANG PO GNYIS NI RANG MTSAN SNANG BAS LTOS TE 'KHRUL MA 'KHRUL GYI KHYAD PAR PHYE BA YIN LA, LUNG THA MA NI DBANG SHES LA RAGS PAR SNANG PA LTAR DU GRUB MA GRUB LA DGONGS PA'I PHYIR, RTZA BAR 'DOD MI NUS TE, ZHI BA 'TSOS GZUNG 'DZIN JI LTAR SNANG BA LTAR DU MA GRUB PAR 'DOD PA'I PHYIR, DER THAL, BDEN GNYIS KYI 'GREL BSHAD LAS GZUNG 'DZIN JI LTAR SNANG BA LTAR MA GRUB PA 'GOG PA'I RGYU MTSAN GYIS 'GREL BSHAD DE ZHI BA 'TSOS RTZOM PA MA YIN PA RJE BDAG NYID CHEN POS BSHAD PA'I PHYIR TE, LEGS BSHAD SNYING PO LAS, 'GREL BSHAD DE RTZOM PA PO ZHI BA 'TSO YIN ZHES PA YANG MING MTHUN PA'AM KHA GA-YAR BA YIN GYI DBU MA RGYAN LA SOGS PA RTZOM MKHAN NI MIN TE, 'DIS BSTAN BCOS RTZOM PA'I DGOS PA BSHAD PA TSAD MA'I DE KHO NA NYID BSDUS PA'I 'GREL BAR BKAG PA'I PHYIR DANG, GZUNG 'DZIN JI LTAR SNANG BA BZHIN DU MED PAR SMRA BA MNGON SUM DANG

, ,'GAL ZHING GRAGS PAS KYANG GNOD PAR BDEN GNYIS RANG 'GREL LAS BSHAD PA SGRA SOR BZHAG GI DON 'THAD PHYOGS SU 'GREL BA'I PHYIR RO, ,ZHES GSUNGS PA'I PHYIR, //GA// KUN GZHI'I MTHA' DPYOD DU THUB DGONGS RTZOM DUS KYI SLOB DPON AA BHYA KA RA KUN GZHI KHAS LEN PAR BSHAD KYANG, 'DIR KUN GZHI MI BZHED PAR BSHAD PA LTAR 'THAD DAM SNYAM STE, THUB DGONGS KYI LE'U DANG BOR, CHOS LNGA DAG DANG RANG BZHIN GNAS, ZHES SOGS DRANGS NAS RNAM SHES TSOGS BRGYAD KYI BSHAD PA BKOD KYANG, PHYI DON MED PA 'JUG PA RTZA 'GREL LTAR BKAG CING; KUN GZHI YANG THUB DGONGS LAS, KUN GZHI'I RNAM PAR SHES PA 'DI CI ZHE NA, YID KYI RNAM PAR SHES PA KHO NA STE, JI LTAR DE KHO NA BDAG DANG BDAG GI BAR SGRO 'DOGS PAS RAB TU 'JUG PA NA NYON MONGS PA CAN GYI YID DU THA DAD PAR RNAM PAR BZHAG PA DE BZHIN DU DE KHO NA GNAS NGAN LEN LA SOGS PA MTHA' DAG GI RTEN NYID KYIS DANG, CHAD PA DANG MTSAMS SBYOR BA DANG 'DOD CHAGS DANG BRAL BA DANG NYAMS PO DANG 'CHI 'PHO BA DANG SKYE BA LA SOGS PA'I RTEN NYID KYIS NA GNAS NGAN LEN LA SOGS PA RNAMS 'DIR GZHI 'CHA'O ZHES PAS KUN GZHI'I RNAM PAR SHES PA YANG NGO, ,ZHES SOGS KYIS DRUG PA YID KYI RNAM SHES KHO NA LA BDAG DANG BDAG GI BAR LTA BA'I GNAS SKABS NA NYON YID CES THA DAD PAR RNAM PAR BZHAG PA BZHIN DU, DRUG PA YID KYI RNAM SHES KHO NA LA BAG CHAGS BSGO BA'I GZHI DANG, DGE RTZA CHAD PA DANG MTSAMS

SBYOR BA LA SOGS PA'I RTEN YIN PAS KUN GZHI RNAM PAR SHES PA ZHES THA DAD PAR RNAM PAR BZHAG PA YIN GYI, TSOGS DRUG LAS NGO BO THA DAD PA'I KUN GZHI DANG NYON YID YOD PA MA YIN NO ZHES BZHED PA LTA BUR SNANG BA'I PHYIR DANG, LEN BA'I RNAM PAR SHES PA ZAB CING PHRA, ZHES SOGS KYI MDO GDUL BYA'I DBANG GIS GSUNGS PAR BZHED PA'I PHYIR DANG, GAL TE KUN GZHI'I RNAM PAR SHES PA YONGS SU RTOG NA BDAG KYANG YONGS SU RTOG CIG, CES KYANG GSUNGS PA'I PHYIR RO,, 'ON KYANG RJE GUNG THANG PA NI DON RAGS PA 'DI 'DRA LA 'KHRUL BA MI SRID PAS NA BLO GROS DANG LDAN PA RNAMS KYIS DPYAD PAR BYA'O,, //NGA// SA BDUN PAR NYON MONGS PA KUN TU RGYU BA MED PAS NYON MONGS PA DANG BCAS PA YANG MIN LA, DE BZHIN GSHEGS PA'I YE SHES 'DOD PA'I BSAM PA MA RDZOGS PAS NYON MONGS PA MED PA YANG MIN PAR BSHAD PA DANG, SA BRGYAD PAR SBYOR BYUNG GI SPYOD PA THAMS CAD RDZOGS PA DANG, NYON MONGS PA DANG BCAS PA'I SPYOD PA RDZOGS PA DANG BYUNG CHUB SEMS DPA'I GNAS PA ZAB MO DPEN PA LA GNAS PA DANG SANGS RGYAS KYIS MA BSKUL NA DE NYID DU MYA NGAN LAS 'DA' BAR 'GYUR BA DANG, MI SKYE BA'I CHOS LA BZOD PA THOB PA DANG 'DRA BCOM PA LTAR NYON SGRIB SPANGS PA DANG DBANG BCU THOB PA DANG BDUD BZHI LAS RGYAL BA DANG, SEMS CAN GYI DON LA RO GCIG PAR GYUR BA LA SOGS PAR BSHAD DO,, //CA// KHA CIG NA RE, CHOS SKU NI SPROS PA MED PA DANG RNAM PAR MI RTOG PA DANG THAMS CAD DU SONG BA YIN NA, JI LTAR NA DE BZHIN GSHEGS PA'I SKU YIN LA NYAN THOS

, ,LA SOGS PA GZHAN GYI MA YIN ZHES RGOL BA'I LAN DU, RTZA BAR, DE LAS DNGOS NYID MI GZHAN DANG, ,DES NI THUGS SU CHUD PA'I PHYIR, ,DE BZHIN GSHEGS PA'I SKUR 'DOD DE, ,GZHAN GYI MA YIN DE MA RTOGS, ,ZHES PA LTAR, MTSAN DPE MTHAR THUG MNGA' BA'I DE BZHIN GSHEGS PA DE LAS CHOS SKU DE NGO BO GZHAN MIN PAS DE NI DE BZHIN GSHEGS PA'I SKUR 'DOD DO ZHES PA DANG, YANG NA SKAD CIG MA GCIG LA CHOS KUN GCIG CHAR MKHYEN PA'I YE SHES MNGA' BA'I DE BZHIN GSHEGS PAS GZUGS LA SOGS PA DANG STOBS DANG MI 'JIGS PA DANG SANGS RGYAS KYI CHOS MA 'DRES PA LA SOGS PA'I CHOS 'DUS PA DAG JI LTAB BZHIN THUGS SU CHUD PA YIN GYI, NYAN THOS LA SOGS PA GZHAN GYIS DE DAG JI LTA BA BZHIN MA RTOGS PA'I PHYIR DE NI DE BZHIN GSHEGS PA'I SKUR 'DOD KYI GZHAN GYI YIN PAR MI 'DOD CES 'CHAD PAR, YANG NA YE SHES KYI SKAD CIG MA ZHES SOGS GSUNGS SO,, //CHA// 'OG MIN GYI PHA BRANG DU, ZHES PA NAS, ZHES PA NAS, SGRIB PA RNAMS PA GNYIS SPANGS PAS, ZHES PAS CHOS SKU DANG, THAMS CAD LA PHAN BTAGS PA'I PHYIR ZHES SOGS KYIS LONG SKU DANG, DE BZHIN GSHEGS PA'I SKU RNAM PAR MI RTOG PA DE LAS, ZHES PA NAS, SMON LAM GYI SHUGS KYI DBANG GIS SPRUL PA'I SKUS THAMS CAD LA PHAN 'DOGS PAR BZOD PA, ZHES PA NAS, BDUD 'DUL BA DANG, MNGON PAR RDZOGS PAR BYANG CHUB PA DANG, CHOS KYI 'KHOR LO BSKOR BAR BSKUL BA DANG, YONGS SU MYA NGAN LAS 'DAS PA CHEN PO LA

SOGS PA SANGS RGYAS KYI MDZAD PA KUN TU STON PA NYID 'BYUNG NGO,, ZHES PAS SPRUL SKU BSTAN TE, TSIG DON NI GO SLA'O,, //JA// DBU MA SNYING PO'I LE'U BZHI BAR THEG CHEN BKAR SGRUB PA'I SKABS SU, MI SKYE ZAD PAR SHES PA NI, ,JI BZHIN DON GYI DON DAM MIN, ,ZHES DANG, JI LTAR SGRIB PA YOD BZHIN DU, ,DGRA BCOM MYA NGAN 'DA' BAR RIGS, ,ZHES SOGS RTZA 'GREL GYI TSIG ZIN LA 'KHRUL NAS ZHES PA'O,, //NYA// NYAN RANG DGRA BCOM PA NI THEG CHEN LA LTOS NAS LAM GYI BGROD PA MA RDZOGS PA DANG LAM LA SLOB PA'I BYA BA DANG BCAS PA DANG, SGRIB PA THAMS CAD SPANGS PA'I MYANG 'DAS MA THOB PA SOGS SU BSHAD DO,, //TA// MDO LAS NYAN RANG GI ZAD PA DANG MI SKYE BA SHES PA DE MTHAR THUG GI BYANG CHUB TU BSTAN PA NI SGRA JI BZHIN A MIN ZHES PA'O,, //THA// SHER MDO LAS CHOS SKU DANG YE SHES KYI SKU BLTA BAR 'DOD PAS SHER PHYIN LA BSLAB PAR GSUNGS PA'I YE SHES KYI SKU NI CHOS SKU DANG CHOS KYI SKU NI GSUNG RAB YAN LAG BCU GNYIS LA BYED PAR RTOG GE 'BAR BA LAS BSHAD DO,, //DA// SKU GSUM PO DE NI LUS NGAG YID KYI SNGO MA PA GSUM LAS 'KHRUNGS ZHES PA'O,, //NA// MU STEGS CAN GYIS SGRO BTAGS PA'I DAG DAM PA YANG RNAM RTOG MED PA DANG RTAG PA DANG 'GYUR BA MED PA NYID DU 'DOD PAS NA DE DANG CHOS SKU LA KHYAD PAR CI YOD CES PA'I LAN DU, DE DAG NI PHRA BA DANG CHEN PO DANG GCIG PA'I YON TAN DANG LDAN PA'I 'PHYIR PHRA BA SOGS DANG, THAMS CAD DU SONG BA'I PHYIR NYE RING LA KHYAB PAR 'DOD LA, CHOS SKU NI PHRA BA LA SOGS PA MA YIN TE, DE LTA BU'I YON TAN CAN MA

, ,YIN PA'I PHYIR DANG, YUL NA MI GNAS PA'I PHYIR RO ZHES PA'O,, //PA// NYAN RANG DANG TSANGS DBANG DANG 'JIG RTEN SKYONG BA DANG DBANG PHYUG KHYAB 'JUG LA SOGS PAR SPRUL NAS, DE DAG LAS BYUNG BA'I CHOS KYIS 'JIG RTEN LAS 'DAS PA'I BDE BA BSKYED PAR BSHAD DO,, //PHA// DBANG PO CHEN PO'I GZHU 'DRA BA, ,'DOM GANG 'OD KYIS KUN TU BSKOR, ,GZUGS NAS 'BAR BA YONGS RDZOGS PA'I, ,MTSAN DANG DPE BYAD RNAMS KYI DPAL, ,ZHES SOGS KYIS LONGS SPRUL THUN MENG BA'I MTSAN DPE DANG CHO 'PHRUL GSUM DANG GSUNG DBYANGS YAN LAG DRUG CU SOGS BSHAD DO,, //BA// SANGS RGYAS KYI CHOS MTHA' DBUS MED PA BCU, SANGS RGYAS KYI YE SHES BCU, DE'I DUS LAS MI 'DA' BA BCU, DE'I YUL BSAM GYIS MI KHYAB PA BCU, DE'I BYIN BRLABS MNGON PAR SGRUB PA'I YE SHES BCU, GZHAL DU MED P'I KHONGS SU GTOGS PA BCU, CHE ZHING RGYAS PA'I CHOS BCU, BDAG NYID CHE BA NYID BCU, SHIN TU RNAM PAR DAG PA BCU, SANGS RGYAS KYI MDZAD PA BCU, YE SHES RGYA MTSO'I RIG PA BCU, SANGS RGYAS KYI 'DREN PHA BCU, CHOS BSTAN PA'I SGO MTHA' YAS PA BCU, SEMS CAN GYI SNYING PO BCU, SANGS RGYAS KYI MA CHAGS PAR GNAS PA BCU, SANGS RGYAS KYI RGYAN BCU, DE'I DBANG BCU, DE'I YONGS SU RDZOGS PAR MDZAD PA BCU, DE'I THABS LA MKHAS PA BCU, DE'I DGONGS PA BCU, DE'I STOBS BCU, CHOS KYI PHYUG PA'I CHOS BCU, DE BZHIN GSHEGS PA'I GNAS PA BCU, CHOS MA LUS PAR MKHYEN PA BCU,

THAMS CAD MKHYEN PA'I GNAS PA BCU, DE BZHIN GSHEGS PA RJES SU DRAN PA RNAM PAR DAG PA BCU, DE MYUR DU MTHONG BA'I CHOS BCU, DE'I TING NGE 'DZIN BCU, DE BZHIN GSHEGS PA RNAM PAR BZHAG PA BCU, SANGS RGYAS KYI RNAM THAR BCU STE, SANGS RGYAS KYI CHOS MA 'DRES PA SUM BRGYA PO 'DI DAG NIS BCU PA'I MDO LAS BSTAN PAR RTOG GE 'BAR BA LAS BSHAD DO,, //MA// RANG RGYAL GYI KHYAD PAR LNGA SNGAR BYE SMRA'I SKABS SU BSHAD ZIN TO,, //TZA// SLOB DBON LEGS LDAN GYIS PHYI ROL GYI DON MED PA MDO'I DON MIN PAR BSHAD KYANG, SLOB DPON ZLA GRAGS KYIS, SHES BYA MED NA SHES PA BSAL BA NI, ,BDE BLAG RNYED CES SANGS RGYAS RNAMS KYIS GSUNGS, ,SHES BYA MED NA SHES PA BKAG 'GRUB PAS, ,DANG POR SHES BYA DGAG PA MDZAD PA YIN, ,ZHES PA RTZA 'GREL GYIS PHYI DON MED PA MDO'I DON YIN PAR BSTAN TE, JI SKAD DU, BSOD NAMS BSAGS PA RNAMS CHOS NYID LA BDE BLAG TU 'JUG PA'I THABS SU JI LTAR THOG MAR SBYIN SOGS KYI GTAM SBYOR BAR MDZAD PA DE BZHIN DU ZAB MO'I DON RDZOGS PA THOG MA NAS RTOGS PAR MI NUS PA'I GDUL BYA RNAMS SANGS RGYAS RNAMS KYIS RIM GYIS RANG BZHIN MED RTOGS PA LA 'DZUD PAR MDZAD DO, ,DE 'DRA BA LA SNGON DU SHES BYA PHYI ROL MED PA BSTAN NA, DE'I 'OG TU SHES PA RANG BZHIN GYIS GRUB PA GSAL BA NI; BDE BLAG TU RNYED CES SANGS RGYAS RNAMS KYIS GSUNGS SO,, DE LTAR NA SHES BYA MED PA STE THOG MAR PHYI ROL BKAG PA YANG BDAG MED RDZOGS PAR RTOGS PA'I THABS YIN PA'I PHYIR, SANGS RGYAS RNAMS KYIS

, ,DANG POR SHES BYA PHYI ROL DGAG PAR MDZAD PA KHO NA GSUNGS PA YIN TE SHES BYA MED NA STE PHYI ROL GYI BDAG MED PA RIG PA RNAMS SHES PA BKAG PA STE DE'I BDAG MED PA BDE BLAG TU 'GRUB PA'I PHYIR RO, ,ZHES BSHAD DO, ,DE LTAR BSHAD PA MTHONG NAS ZHI BA 'CHOS PHYI DON MED PA 'THAD PAR GRUB PA'I DBU MA RANG RGYUD PA'I SROL PHYE BA YIN ZHES PA'O,, //CHA// RNAM BDEN RDZUN GYI DON DANG SNANG BA LTAR DU GRUB MA GRUB KYI DOGS GCOD SNGAR BSHAD ZIN TO, , //DZA// DNGOS SMRA BA NA RE, GZUGS SOGS KYI DNGOS PO RNAMS DON DAM PAR GRUB PA BKAG NAS KUN RDZOB KYI DNGOS POR BZHAG PA DE NI, MU STEGS PAS SGRO BTAGS PA'I DBANG PHYUG LA SOGS PA LTAR MING BRNGAS BZHAG TZAM MA GTOGS PA DON BYED PA'I NUS PAS STONG PA ZHIG YIN NAM, DON BYED PA'I NUS PAS MI STONG YANG 'JIG RTEN NA BRAM ZE'I KHYE'U LA SENG GE ZHES BRJOD PA LTAR BRDA'I DBANG GIS KUN RDZOB KYI SGRA BRJOD PA YIN, DANG PO LTAR NA, MNGON SUM LA SOGS PAS GNOD PA YIN TE, SA BON LAS MYU GU SKYE BA LA SOGS PA MNGON SUM GYIS MTHONG BA LTAR 'JIG RTEN NA YANG GRAGS PA'I PHYIR RO, ,GNYIS PA LTAR NA, DON DAM DANG KUN RDZOB GANG YIN ZHES RTZOD PA 'DI NI MING TZAM RTZOD PAR 'GYUR TE, KHO BO CAG GIS KYANG GZUGS LA SOGS PA'I DNGOS PO RNAMS BRDA'I DBANG GIS KUN RDZOB KYI SGRAR KYI SGRAR BRJOD DU RUNG BA'I PHYIR ZHES RGOL BA'I LAN DU, RANG RGYUD PA DAG NA RE, GZUGS LA SOGS PA'I DNGOS PO RNAMS DON DAM DPYOD

BYED KYI RIGS SHES KYIS RNAM PAR DPYAD PA NA DE'I DPYAD BZOD DU GRUB NA DE DAG LA KUN RDZOB KYI SGRAR BRJOD MI BRJOD CES BRTZOD PA NI MING TZAM LA BRTZAD PAR 'GYUR MOD KYANG, DE DAG GCIG DU BRAL LAS GSO BA'I RIGS PAS RNAM PAR DPYAD PA NA BRTAG MI BZOD PAS DON DAM PAR MED CES BYA LA, DON DAM DPYOD BYED KYI RIGS SHES KYIS MA BRTAGS MA DPYAD PAR 'JIG RTEN NA GRAGS PA'I DBANG DU BYAS NA GZUGS SOGS KYI DNGOS PO RNAMS RANG 'BRAS BSKYED PA'I DON BYED NUS PA NI BSNYON DU MED PAS NA DE'I DBANG DU BYAS PA'I YANG DAG PA YANG YIN PAS YANG DAG KUN RDZOB CES BYA'O ZHES 'CHAD PAR, MA BRTAGS GCIG BU NYAMS DGA' BA'I, ZHES SOGS RTZA 'GROL BYUNG NGO, ,MA BRTAGS PA NI RIGS SHES KYIS MA BRTAGS PA DANG, GCIG BU NI NYI TSE BA'AM KHO NA ZHES PA STE, DES MA BRTAGS PA KHO NAR YOD KYI DPYAD PA NA MED CES BSHAD DGOS PA'I PHYIR, NYAMS DGA' BA NI YID DU 'ONG BA'I DON TE, ZHING LAS STON THOG 'BYUNG BA LTA BU 'DOD PA'I DON SGRUB PAR BYED PAS NA DE LTAR BSHAD PA'I PHYIR TE, DBU MA RGYAN RANG 'GREL LAS, BYIS PA'I GNAS SKABS NAS BZUNG STE THAMS CAD MKHYEN PA'I YE SHES KYI BAR DU MYONG BA GANG MA BRTAGS GCIG BU NA YID DU 'ONG BA'I RANG BZHIN LA NI KHO BOS BKAG PA MED DO, ,ZHES PA LTAR RO, ,MU STEGS PAS RGYU MA SKYES PA DANG RTAG PAS KYANG 'BRAS BU BSKYED PAR 'DOD PA LTA BU MA YIN PAR SKYE BA DANG 'JIG PA'I CHOS CAN DANG RANG GI 'BRAS BU BSKYED PA'I DON BYED PAR NUS PA GZUGS SGRA LA SOGS PA'I DNGOS PO RNAMS NI YANG DAG

, ,KUN RDZOB YIN PAR RTOG PAR BYA'O ZHES PA'O, ,KUN RDZOB 'DI NI MU STEGS PAS SGRO BTAGS PA'I GTZO BO LTA BU SGRA DANG RTOG PAS BTAGS TZAM GYI LOG PA'I KUN RDZOB MIN GYI, MIG GI RNAM SHES SOGS KYIS GSAL BAR MTHONG BA LTAR 'JIG RTEN NA YANG DAG PAR GRAGS PA DANG, 'DOD PA'I DON TE RANG 'BRAS BSKYED PA'I DON BYED NUS PA'I DNGOS PO YIN PAS NA DE'I DBANG DU BYAS PA'I YANG DAG PA DANG, SNGAR BSHAD PA'I RIGS SHES KYIS BRTAGS MI BZOD PAS KUN RDZOB TU YOD PA YIN ZHES PA'O, , //WA//DGE MI DGE LAS BDE SDUG 'BYUNG BA'I RGYU DANG 'BRAS BUR GYUR BA YANG THA SNYAD DU SHES PA'I BDAG NYID KHO NA YIN TE, MDON SUM TSAD MAS NYAMS SU MYONG BA'I TSUL GYIS GRUB PA'I PHYIR, KHYAB STE, MNGON SUM TSAD MAS NYAMS SU MYONG BA'I TSUL GYIS GRUB NA SHES PA'I BDAG NYID DU GRUB PAS KHYAB PA'I PHYIR, DPER NA TSOR BA BDE BA BZHIN, ZHES PA'O, ,'GREL BAR, RANG GIS GRUB PA'I NGO BO BOR NAS SHES PA'I NGO BO GZHAN RTOG PA MED DO, ,ZHES BYUNG STE, RANG GIS NYAMS MYONG GI NGO BO BOR NAS GZHAN PHYI DON LKOG GYUR GZHAL BA'I NGO BO 'TSOL BA'I DGOS PA MED CES PA'I DON TO, ,DE LTA NA LUNG 'DI DAG GIS ZHI PA 'TSO RNAM BDEN PA DANG MTHUN PAR SGRUB LUGS JI LTAR YIN DPYAD PAR BYA STE, 'DI LAS KYANG GSAL BAR DBU MA RGYAN LAS, CI STE NGO BO NYID DU DE'I, ,RNAM PA 'DI DAG MED PA STE, ,YANG DAG TU NA RNAM MED PA'I, ,RNAM PAR SHES PAS NOR BAR SNANG, ,ZHES RNAM RDZUN PA'I 'DOD PA BRJOD PA DANG, GAL TE MED NA JI LTA BUR, ,DE DAG 'DI

LTAR GSAL BAR TSOR, ,ZHES SOGS TSIGS BCAD BRGYAD KYIS SNGO SER LA SOGS PA'I RNAM PA DNGOS POR MED PA'I KUN BRTAGS YIN PA BKAG PA'I GZHUNG 'DI DAG GIS SLOB DPON ZHI BA 'TSO RNAM BDEN PA DANG MTHUN PAR SHIN TU GSAL BAR SGRUB TU YOD PA'I PHYIR RO, ,DE YANG 'DI LTAR YIN TE, RNAM RDZUN PAS, DBANG SHES RNAMS SNGO SER LA SOGS PA'I RNAM PAR MA SKYES PA, DPER NA, TSON NYE BAR BZHAG PAS KHA MA BSGYUR BA'I SHEL SGONG DAG PA LTA BUR GNAS PA YIN KYANG, THOG MA MED PA NAS BZHAG PA'I PHYIN CI LOG GI BAG CHAGS SMIN PA'I MTHUS SNGO SER LA SOGS PA'I RNAM PA GSOL BAR SNANG PA YIN TE, DPER NA SNGAGS RDZAS KYI MTHUS 'JIM PA'I DUM BU RTA GLANG SOGS SU SNANG BA BZHIN NO, ,DES NA SNGO SER LA SOGS PA'I RNAM PA NI RAB RIB CAN LA SNANG BA'I SKRA SHAD LTAR DNGOS POR MED PA'I KUN BRTAGS YIN ZER NA, DE DGAG PA LA BRGYAD LAS, RNAM PA MYONG BA MI 'THAD PAR THAL BA NI, SNGO SER LA SOGS PA'I RNAM PA CHOS CAN, GSAL BAR TSOR ZHING MYONG BA MI 'THAD PAR THAL, DNGOS POR MED PA'I PHYIR, ,KHYAB STE, RNAM PA'I DNGOS PO LAS THA DAD PAS DE RNAM PAS DPEN PA'I SHES PA MAD DMIGS PA'I PHYIR, ZHES 'CHAD PAR, GAL TE MED NA JI LTA BUR, ,DE DAG 'DI LTAR GSAL BAR TSOR, ,DE YI DNGOS LAS MA DAD PA'I, ,SHES PA DE 'DRA MA YIN NO, ,ZHES GSUNGS SO, ,SHES PA MI 'THAD PAR THAL BA NI; SHES PA CHOS CAN, RNAM PA SHES PA MI 'THAD PAR THAL, KHYOD LA RNAM BA MED PA'I PHYIR, DPER NA SDUG BSNGAL LA BDE BA DANG DKAR PO LA SNGON PO BZHIN, ZHES 'CHAD PAR, 'DI LTAR GANG LA DNGOS GANG MED, ,DE LA DER

, ,SHES YOD MA YIN, ,BDE BA MIN LA BDE SOGS DANG, ,DKAR BA RNAMS LA MI DKAR BZHIN, ,ZHES GSUNGS SO, ,DNGOS SU MYONG BA MI 'THAD PA NI, RNAM PA CHOS CAN, DNGOS SU MYONG BA MI 'THAD PAR THAL, SHES PA'I RDZAS MA YIN PA'I PHYIR, NAM MKHA'I ME TOG BZHIN TE, RNAM PA 'DI LA SHES PA'I DON, ,DNGOS SU 'THAD PA MA YIN TE, ,SHES PA'I BDAG DANG BRAL BA'I PHYIR, ,NAM MKHA'I ME TOG LA SOGS BZHIN, ,ZHES SO, BRTAGS MYONG MI 'THAD PA NI, SHES PA CHOS CAN, RNAM PA BRTAGS NAS MYONG BA MI 'THAD PAR THAL, RNAM PA LA SHES PA RNAM LDAN DU BSKYED PA'I NUS PA MED PA'I PHYIR, RTA'I RVA BZHIN TE, MED PA NUS PA MED PAS NA, , BRTAGS PA'ANG MI RUNG RTA RU BZHIN, ,MED PA BDAG SNANG SHES BSKYED PAR, ,NUS BA RUNG BA MA YIN NO, ,ZHES SO, RNAM SHES 'BREL MED DU THAL BA NI, SHES PA MYONG BA'I TSE RNAM PA SNA TSOGS MYONG BA MI 'THAD PAR THAL, RNAM PA DANG SHES PA 'BREL BA MED PA'I PHYIR TE, BDAG GCIG DANG DE BYUNG GI 'BREL BA GANG YANG MED PA'I PHYIR TE, GANG PHYIR DE YOD NGES TSOR BA, ,SHES DANG 'BREL BCI ZHIG YOD, ,BDAG MED DE YI BDAG NYID DANG, ,DE LAS BYUNG BA MA YIN NO, ,ZHES SO, ,RIS 'GA' 'BYUNG BA MI 'THAD PA NI, RNAM PA CHOS CAN, KHYOD LA RGYU MED NA RES 'GA' 'BYUNG BA MI 'THAD PAR THAL, BLTOS PA MED PA'I PHYIR DANG, RGYU YOD NA GZHAN DBANG DU THAL, RGYU LAS SKYES PA'I PHYIR TE, RGYU MED NA NI GANG ZHIG GIS, ,RES 'GA' 'BYUNG BA 'DI RU 'GYUR, ,RGYU DANG GZHAN GANG ZHIG GIS, ,GZHAN GYI DBANG LAS BZLOG PAR 'GYUR, ,ZHES SO, ,

'DZIN RNAM 'BA' ZHIG PAR THAL BA NI, GAL TE GZUNG RNAM MED NA NI, SHES PA CHOS CAN, 'DZIN RNAM 'BA' ZHIG PAR THAL, GZUNG RNAM MED PA'I SHES PA YIN PA'I PHYIR, 'DOD NA, GZUNG RNAM GYIS BDEN PA'I SHEL SGONG DAG PA LTA BU'I 'DZIN RNAM MED PAR THAL, DE DMIGS RUNG MA DMIGS PA'I PHYIR TE, DE MED NA NI SHES DE YANG, ,RNAM PA MED PA NYID KYIS 'GYUR, ,SHEL SGONG DAG PA 'DRA BA YI, ,SHES PA RAB TU TSOR BA MED, ,CES SO, ,GZHAN DBANG DU THAL BA NI, KHO NA RE, DON LA MED KYANG 'KHRUL BA'I DBANG GIS RNAM PA SNANG BA YIN ZER NA, RNAM PA CHOS CAN, GZHAN DBANG DU THAL, 'KHRUL PA LA RAG LAS PA'AM 'KHRUL BA'I MTHU LAS BYUNG BA'I PHYIR TE, 'DI NI 'KHRUL BAS SHES ZHE NA, ,DE CI 'KHRUL LA RAG LAS SAM, ,DE YI MTHU YIS 'BYUNG NA NI, ,DE YANG GZHAN GYI DBANG NYID DO, ,ZHES GSUNGS PA'I PHYIR DANG, LEGS BSHAD SNYING PO LAS KYANG, LUGS 'DIS SNGO SER LA SOGS BA'I RNAM PA DNGOS POR 'DOD DE, CHOS KYI GRAGS PA'I BZHED PA YANG DE LTAR 'GREL BAS THA SNYAD DU RNAM BDEN PA LTAR 'DOD PA'I DBU MA PA'O, ,ZHES SNGO SER LA SOGS BA'I RNAM PA DNGOS POR 'DOD PA'I RGYU MTSAN GYIS RNAM BDEN PA DANG MTHUN PAR BSHAD PA YIN GYI, YANG DAG KUN RDZOB 'DOD TSUL KYIS RNAM BDEN PA DANG MTHUN PAR GRUB PA MA YIN PA'I PHYIR RO, ,CHOS KYI GRAGS PA'I BZHED PA YANG DE LTAR 'GREL ZHES PA 'ANG, DBU MA RGYAN RANG 'GREL DU, DE DAG RNAM PA LAS RIGS MTHUN PA'I, ZHES SOGS RNAM 'GREL GYI LUNG DRANGS NAS GZUNG 'DZIN GRANGS MNYAM PA BKAG PAS NA, RNAM 'GREL RANG LUGS SEMS TZAM PA SNA TSOGS GNYIS MED PA'I LUGS SU

, ,'GREL BAR BSHAD PA YIN GYI, RNAM 'GREL RANG LUGS RNAM BDEN PA DANG MTHUN PA'I DBU MA RANG RGYUD PA'I LUGS SU 'GREL BAR BSHAD PA MIN TE, DBU MA RGYAN 'GREL BAR, GANG GI DNGOS RNAMS NGES BRTAGS NA, ZHES SOGS DANG, JI LTA JI LTAR DON BSAM PA, ZHES SOGS RNAM 'GREL GYI LUNG DRANGS NAS BDEN GRUB KYI GCIG DANG DU BRAL DU GRUB PA LA, DBU MA RGYAN DKA' 'GREL LAS, DNGOS SU BSHAD PA MA YIN TE, TSAD MA RNAM 'GREL LA SOGS PAR RNAL 'BYOR SBYOD PA'I TSUL BSHAD PA'I SKABS YIN PA'I PHYIR RO, ,ZHES PA NAS, RIGS PA THUN MONG BA'I PHYIR SLOB DPON GYI TSIG 'DI THAMS CAD DU RUNG BA PHRENG LAS, KHA CIG NI BLA MA BZANG PO 'PHAGS PA GROL SDE LA PHRENG LAS, KHA CIG NI BLA MA BZANG PO 'PHAGS PA GROL SDE LA 'DOD PAR TSIG GSAL LAS SO, ,ZHES KHA CIG GI 'DOD PA BKOD KYANG DE ZHI BA 'TSO YIN PA RJE'I DGONGS PA YIN NAM SNYAM MO, , //ZA// LUNG 'DIS SENG BZANG RNAM RDZUN PA DANG MTHUN PAR GRUB PA YANG DPYAD GZHI SHIN TU CHE BA YIN TE, LUNG 'DI'I DON NI RNAM BSHAD SNYING PO CAN LAS; GZUNG BA RDZAS GZHAN MED NA GZUNG 'DZIN RDZAS THA DAD DU SNANG BA'I 'DZIN PA MA 'KHRUL BA MED DO SNYAM DU RJES KYI GNAS SKABS SU NGES PAR SEMS PAS 'DZIN PA'I RNAM PA'I MTSAN NYID RNAM PAR RIG PA MA 'KHRUL BAR 'DZIN PA TZAM DE YANG BSAL TE GZUNG 'DZIN GNYIS SU MED PA'I YE SHES 'BA' ZHIG 'DI YANG DAG PAR YOD PA'I NGO BO YIN NO SNYAM DU NGES PAR BYAS NAS YID LA BYED PA'O, ,'DI NI RTOGS PA DE'I

LAG RJES LA GNYIS MED KYI SHES PA BDEN 'DZIN MA SPANGS PA'I DON YIN GYI, BDEN ZHEN RANG STOBS KYIS 'DREN PA DANG, BDEN PAR GRUB PA LA GRUB MTHA' 'CHA' BA'I DON DU MI RUNG NGO, ,SNGAR BSHAD PA LTAR GZUNG 'DZIN RDZAS THA DAD DU SNANG BA'I 'DZIN PA 'KHRUL BAR KHONG DU CHUD CING, MA 'KHRUL BAR 'DZIN PA LDOG PA RJES KYI GNAS SKABS STON PA YIN NO, ,ZHES GSUNGS PA LTAR YIN PA'I PHYIR DANG, DE TZAM LA RNAM BDEN RDZUN GNYIS KA 'DOD PA MTHUN PA'I PHYIR DANG, GZUNG 'DZIN RDZAS THA DAD DU SNANG BA'I 'DZIN PA MA 'KHRUL BA YIN PAR RNAM PA DEN RDZUN GNYIS KAS MI 'DOD PA'I PHYIR RO, , //'A// SLOB DPON DZE TA RI'I DGONGS TSAD NI; GAL TE THAMS CAD NUS MED NA, ZHES SOGS KYIS CHOS GRAGS DBU MA PAR GRUB PAR MA ZAD, SNA TSOGS RNAM CAN DON RNAMS LA, ZHES SOGS KYI GZUNG 'DI LAS KYANG CHOS GRAGS DBU MA PAR GRUB STE, GZHUNG 'DIR GCIG DANG DU MA DANG BRAL BA'I RIGS PAS CHOS THAMS CAD BDEN MED DU GRUB PA'I PHYIR ZHES PA YIN LA, DE LTAR NA DZE TA RI'I LUGS LA, SNA TSOGS RNAM CAN DON RNAMS LA, ZHES SOGS KYI GZHUNG DE CHOS THAMS CAD BDEN MED DU BSHAD PA'I GZHUNG YIN GYI, DBANG SHES KYI GZUNG RNAM DNGOS MED DU BSHAD PA 'AM, DBANG SHES LA RAGS BAR SNANG BA LTAR DU MA GRUB PAR BSHAD PA'I GZUNG MIN TE, GZHAN DU NA, GZHUNG DES CHOS GRAGS DBU MA PAR SGRUB MI RUNG BA'I PHYIR TE, DBANG SHES KYI GZUNG RNAM DNGOS MED SOGS SU 'DOD PA'I SEMS TZAM PA YANG YOD PA'I PHYIR RO, ,DE'I PHYIR GZHUNG DE DRANGS NAS CHOS GRAGS DBU MA PAR

, ,GRUB PA'I RGYU MTSAN GYIS DZE TA RI RANG NYID RNAM RDZUN PA DANG MTHUN PAR SGRUB DKA' BAR SNANG ZHING, MKHAS GRUB RJE'I BSHAD TSUL LTAR NA, SNA TSOGS RNAM CAN DON RNAMS LA, ZHES SOGS KYI GZHUNG DE RNAM RDZUN PA'I SOGS KYI GZHUNG RTZOD MED MA YIN PA NI, GZHUNG DE'I TSIG DON SNGAR BSHAD PAS SHES PA'I PHYIR RO, ,'DI DAG KYANG BLO GSAR BA RNAMS LA DGOS SLONG GI TSUL DU BKOD PA YIN GYI, KUN MKHYEN MES PO 'JAM DBYANGS BZHAD PA'I RDO RJE'I BSHAD TSUL LA KLAN KA'I SKABS TSOL BA MIN PA'I TSUL 'DI GONG 'OG KUN TU SHES PAR BYA'O, , //YA// DNGOS POR MED PA RNAM RDZUN PA LTAR 'DOD PA'I ZHES 'DON DGOS PAS NA, 'DIR MED PA ZHES PI' TSIG CHAD DO,, //RA// GNAS TSOD LA BLO STE DBANG SHES NI SNGO SER LA SOGS PI' RNAM PAS KHA MA BSGYUR BAR SHES SGONG DAG PA TSON GYIS KHA MA BSGYUR PA LTAR GNAS MOD KYANG, NYER LEN LAS SKYES PA'I DRI MA STE THOG MA MED PA NAS BZHAG PA'I 'KHRUL BA'I BAG CHAGS YONGS SU SMIN PA LAS BYUNG BA'I MA RIG PAS SNGO SER LA SOGS PA'I RNAM PA DANG SHES PA'I BDAG NYID GNYIS SU MED CING DBYER PAR BSGRIB PA'I DBANG GIS SO SKYE THA MA LA BA RNAMS KYIS GZHAN GYI GZUGS TE SHES PA SNGO SOR LA SOGS PA'I RNAM PAS KHA BSGYUR BAR SNANG LA, , DE LA MKHAS PA RNAM PAR DPYAD PA NA SHES PA'I GNAS TSUL JI LTA YIN PA DE LTAR SNGO SER LA SOGS PA'I RNAM PA DANG SHES PA'I BDAG NYID NA GNYIS SU STE SO SOR MA 'DRES PAR SNANG NGO, , SEMS 'KHRUL BA'I DBANG GIS

SNGO SER LA SOGS PA'I RNAM PA DNGOS POR MED BZHIN DU SNANG BA YIN PA'I PHYIR GZUNG 'DZIN RDZAS THA DAD DU YANG SNANG STE, DPER NA RDZAS SDAGS KYIS BSLAD PA'I DBANG GIS SGYU MA'I RTA SNANG BAR MA ZAD DE NYID RTA YIN PAR YANG SNANG BA BZHIN NO, ,DE LTAR SHES PA'I GNAS TSOD RTOGS PA'I MKHAS PA LA NI SNGO SER LA SOGS PA'I RNAM PA DE DNGOS POR MED PA'I KUN BRTAGS YIN ZHES PA'O, ,SHER PHYIN TSIGS BCAD DGU PA BSGYUR MI 'DRA BA GNYIS DANG DE'I 'GREL BA RNAMS SU LUNG 'DI'I TSIG ZUR TZAM YANG MI SNANG BAS NA 'DI NI TSIGS BCAD DGU PA'I GZHUNG MIN NAM SNYAM MO, , //LA// MED PA'I DNGOS PO BDAG MED PA, , DE BZHIN NYID DANG CHOS GNAS DANG, ,RNAM PAR MI RTOG BLO'I GZUNG <DE, ,DE SHES PAR NI BYA BA YANG, ,DMIGS PA LA NI BRTEN BYAS NAS, ,MI DMIGS PA NI RAB TU SKYE, ,ZHES SOGS GSUNGS TE, GZUNG 'DZIN GNYIS SU MED PA'I DNGOS PO'I STENG GI BDAG MED RNAM PA GNYIS NA DE BZHIN NYID DANG CHOS RNAMS KYI GNAS LUGS DANG RNAM PAR MI RTOG PA'I BLO'I GZUNG YUL YIN TE, DE SHES PAR BYA TSUL YANG DMIGS PA LA NI BRTEN NAS SU ZHES SOGS SNGAR BSHAD PA LTAR GSUNGS SO, , //SHA// SKABS 'DI'I RTZA BA NI NAG TSO'I BSGYUR LAS, 'DIR BSHAD DE BZHIN GSHEGS BKA' KUN, ,KHO BO CAG GI TSAD MA YIN, ,TSAD MA YID CHES LUNG YIN PHYIR, ,BZANG PO DAG NI SGRUB PAR BYED, ,CES SOGS BYUNG STE, DE LA BRJOD BYA BSLU MED PA'I, ZHES PA MI SNANG BA NI BSGYUR KHYAD YIN NAM DPYAD DO, , //SA// TSAD MA DANG BCAS PA ZHES PA BDEN GRUB LTA BU

, ,DGAG BYA DON DAM MA YIN PAR TSAD MAS GRUB PA'I DON DAM BSTAN DGOS PA'I DON YIN GYI, SGRAS ZIN GYI DON TSID MAS GRUB PA'I DON MIN, ZHES BSHAD PA YOD KYANG, SGRA JI BZHIN PA LA BSHAD PA NI 'THAD PA YIN TE, GANG DU YANG ZHES PA'I TSIG GI NUS PAS TSAD MA DANG BCAS PA ZHES PA SGRA JI BZHIN PA LA BYED DGOS PA'I PHYIR DANG, RJE BDAG NYID CHEN POS KYANG TSAD MA DANG BCAS PA ZHES PA'I DON SGRA JI BZHIN PA'I DON DU 'GREL BA'I PHYIR TE, LEGS BSHAD SNYING PO LAS, JI LTAR BSTAN PA LTAR GYI DON YOD MED LA DRANG NGES SU BYED NA TSAD MA DANG BCAS PAS CHOG, CES DANG, ,DNGOS PO RNAMS LA BDEN PA'I SKYE BA MED PAR GSUNGS PA NI TSAD MA DANG YANG LDAN LA JI LTAR BSTAN PA'I DON DE CHOS DE'I DE KHO NA NYID MIN PAR DON GZHAN DU YANG DRANG MI NUS PA DE 'DRA BA'I MDO SDE RNAMS DES PA'I DON TE, 'DREN TSUL GNYIS GANG GI SGO NAS KYANG GZHAN DU DRANG BAR MI NUS PA'I PHYIR RO , ,ZHES DANG, ,DGAG BYA LA KHYAD PAR SKABS 'DIR MA SBYAR BA'I SKYE BA MED PA LA SOGS PA SGRA JI BZHIN MIN PAS NGES DON MA YIN NO SNYAM DU MI GZUNG STE DPER NA 'BUM LAS DE YANG 'JIG RTEN GYI THA SNYAD DU YIN GYI DON DAM PAR NI MIN NO, ,ZHES CHOS RNAMS KYI SKYOB SOGS LA SKABS GCIG TU SBYAR NA SKABS GZHAN DU DON GYIS SBYAR ZIN PAS DNGOS SU MA SMOS PA DE DAG KYANG SGRA JI BZHIN PA YIN NO, ,ZHES GSUNGS PA'I PHYIR, KHYAB STE, 'DI NI DON DAM GYI KHYAD PAR DON GYIS SBYAR BA'I MDO RNAMS SGRA JI BZHIN PA MA YIN PAS NGES DON GYI MDO MIN NO SNYAM PA'I DOGS PA SEL

PHYIR DU GSUNGS PA GANG ZHIG, DE 'DRA BA'I MDO RNAMS SGRA JI BZHIN PA MA YIN NA SGRA JI BZHIN MA YIN KYANG NGES DON YIN NO ZHES PA'I GSUNG GIS DOGS PA SEL DGOS KYI, SGRA JI BZHIN PA YIN NO ZHES PA'I GSUNG GIS DE 'DRA BA'I DGOS PA SEL MI NUS PAR MA ZAD, 'CHAD PA LA MI MKHAS PAR YANG 'GYUR PA'I PHYIR DANG, LHAG MTHONG CHEN MOR YANG, 'DI'I DON JI LTAR BSTAN PA LTAR GZUNG DU MI RUNG BAR DGONGS PA BSHAD NAS DON GZHAN LA DRANG DGOS PA'AM SGRA JI BZHIN PAR GZUNG BAS CHOG KYANG DE TZAM ZHIG NI MTHAR THUG PA'I DE KHO NA NYID MA YIN GYI DE LAS GZHAN DU DA DUNG DE'I DE KHO NA NYID BTZAL DGOS PAS NA DRANG PA'I DON NAM DON DRANG DGOS PA'I, ,ZHES SGRA JI BZHIN PA MIN PA DANG KUN RDZOB GTZO BOR BSTAN PA'I MDO GANG RUNG LA DRANG DON GYI MDO YIN PAS KHYAB PAR BSHAD PA'I PHYIR RO, ,//HA// MTSAN NYID GSUM LA BDEN PAR GRUB MA GRUB KYI KHYAD PAR PHYE BA 'GOG PAR BZHED NAS DE LTAR DRANG SO, ,ZHES 'DON PAR BYA'O, ,//AA// RDOR GCOD DANG DKON BA RTZEGS KYI LUNG 'DI GNYIS DGAG BYA LA DON DAM PA SOGS KYI KHYAD PAR DON GYIS SBYAR BA YIN TE, MNGO DE GNYIS KYI SKABS GZHAN DU DON DAM PA SOGS KYI KHYAD PAR DNGOS SU SBYAR BA'I TSIG YOD PA'I PHYIR, KHYAB PA LEGS BSHAD SNYING POS GRUB, CES MKHAS PA KHA CIG GIS DOGS PA BKOD PA YANG YOD LA, DKON BRTZEGS 'KHOR LO BAR BA YIN PAR BSHAD PA YANG DPYAD PA'I GZHI YIN NO, KHA CIG, RANG RGYUD PA'I LUGS LA, DGAG BYA LA DON DAM PA'I KHYAD PAR DNGOS SU SBYAR BA'I 'KHOR LO 'BAR BA NI 'DIR BSTAN

, ,'KHOR LO BAR BA MA YIN PAR THAL, 'DI NYID LAS, 'DIR BSTAN 'KHOR LO BAR BA'I MTSAN GZHIR DGAG BYA BA LA KHYAD PAR MA SBYAR BA DAG 'DZIN PAR GSUNGS PA'I PHYIR NAM KHYAB STE, DE NI MTSAN GZHI NGOS BZUNG BA TZAM YIN PA'I PHYIR, YANG KHA CIG, MDO DE NI 'DIR BSTAN 'KHOR LO BAR BA MA YIN PAR THAL, DE SEMS TZAM PA'I LUGS LA 'DIR BSTAN 'KHOR LO BAR PA MA YIN PA'I PHYIR, KHYAB STE, DBU SEMS KYI SHING RTA CHEN PO RNAMS YUM GYI MDO DRANG NGES KYI KHYAD PAR MI 'DRA YANG, 'DIR BSHAD PA'I 'KHOR LO GNYIS PA'I MTSAN GZHIR BZHED PA LA NI 'DRA'O, ,ZHES RNAM BSHAD SNYING PO CAN LAS GSUNGS PA'I PHYIR ZER NA, DE MI 'THAD PAR THAL, KHYAB PA SGRUB BYED KYI GZHUNG DE NI RTZA BA'I RTAGS MA GRUB PA'I SHES BYED YIN PA'I PHYIR RO, ,YANG KHO NA RE, ,SEMS TZAM PA'I LUGS LA, DON DAM PA'I KHYAD PAR DNGOS SU SBYAR PA'I 'KHOR LO BAR BA DE 'DIR BSTAN 'KHOR LO BAR BA MA YIN PAR THAL, ,DON DAM PAR MED PAR 'DZIN PA DE 'DIR BSTAN 'KHOR LO BAR BA SGRA JI BZHIN PAR 'DZIN PA MA YIN PA'I PHYIR TE, LEGS BSHAD SNYING PO LAS, DGONGS 'GREL LAS NGO BO NYID DANG SKYE 'GAG SOGS MED PAR GSUNGS PA LA DE KHO NA'O SNYAM DU 'DZIN PA'I SGRA JI BZHIN PAR 'DZIN PA BKAG KYANG, DON DAM PAR NGO BO NYID MED PA SOGS SU 'DZIN PA SGRA JI BZHIN PAR 'DZIN PA'I DON DU BYAS NAS DE 'GOG PA MA GSUNGS LA, ZHES GSUNGS PA'I PHYIR NA MA KHYAB STE, LUNG 'DI NI RANG RGYUD PA'I LUGS LA DON DAM PAR MED PA DE 'DIR

BSTAN 'KHOR LO BAR BA'I DNGOS LA GNOD PA 'JUG YUL GYI SGRA JI BZHIN PA MIN PAR BSHAD PA YIN PA'I PHYIR TE, RANG RGYUD PA'I LUGS LA 'DIR BSTAN 'KHOR LO BAR BA'I SGRAS ZIN SGRA JI BZHIN PA LA YOD MED GNYIS BZHAG PA'I PHYIR TE, 'DIR BSTAN 'KHOR LO BAR BA LA DRANG NGES GNYIS YOD PA'I PHYIR RO, ,YANG KHA CIG NA RE, ,SEMS RTZAM PA'I LUGS LA, ,DGONGS 'GREL LAS SKYE 'GAG SOGS DON DAM PAR MED PAR 'DZIN PA 'KHOR LO PAR BA SGRA JI BZHIN PAR 'DZIN PA'I DON DU BYAS NA DE 'GOG PA MA GSUNGS PAR THAL, RANG RGYUD PA'I LUGS LA DE LTAR MA GSUNGS PA'I PHYIR NA MA KHYAB STE, DE LA GRUB MTHA'I DBANG GIS 'DOD TSUL MI 'DRA BA'I PHYIR TE, DE GNYIS KYI LUGS LA DON DAM PAR GRUB PAR DANG RANG GI MTSAN NYID KYIS GRUB PA DON GCIG YIN MIN GYI KHYAD PAR YOD PA'I PHYIR RO, ,//KA// MI SKYE BA ZHES PA DPE MA DAG STE, SKYE BA SOGS MTHONG PA DANG CHOS GSUNGS PA MTHONG BA ZHES 'DON DGOS PA'I PHYIR, SKABS 'DIR RTZOD LAN GNYIS BYUNG STE, KHA CIG, SHER MDO LAS NGO BO NYID MED PA SOGS SU GSUNGS PA DRANG DON YIN TE; DGONGS 'GREL SOGS LAS DE DAG GI DGONGS PA BSTAN PA'I PHYIR ZHES BRTZAD PA'I LAN DU, DE'I PHYIR DGONGS PA BSTAN PA YANG ZHES SOGS BYUNG BA DANG, DE LA KHA CIG, DGONGS 'GREL LAS 'KHOR LO BAR BA DRANG DON DU GSUNGS PA MI 'THAD PAR THAL, DES DE NGES DON DU SGRUB PA'I PHYIR ZHES BRTZAD PA'I LAN DU, DE LA 'GAL SKYON MED DE, DES DRANG DON DU 'GREL RGYU'I 'KHOR LO BAR BA DANG NGES DON DU SGRUB

, ,RGYU'I 'KHOR LO BAR BA GNYIS MDO SO SO BA YIN PA'I PHYIR ZHES PA GNYIS YOD PA'I PHYIR, DANG PO NI DBU MA SNANG BAR BSHAD PA DANG GNYIS PA NI DER MA BSHAD PA'I RTZOD LAN YIN NO, , //KHA// DON DAM PA'I KHYAD PAR MA SBYAR BA'AM SGRA JI BZHIN PA YIN KYANG NGES DON GYI BSHAD PA MED PA NI DRANG DON YIN LA, ZHES PA'O, ,//GA// SEMS TZAM PA NA RE, CHOS THAMS CAD DON DAM PAR MED PAR 'DOD PA MI 'THAD DE, MDO LAS, DON YOD MA YIN SEMS NYID DE , ,PHYI ROL DON MTHONG LOG PA YIN, ,ZHES SOGS KYIS PHYI DON DAM PAR MED LA SEMS DON DAM PAR YOD PAR BSHAD PA DANG, DGONGS 'GREL DANG STUG PO BKOD PA SOGS LAS CHOS THAMS CAD SEMS TZAM GYI LUS SU BSTAN PA'I PHYIR DON GYIS NA SEMS KHO NA DON DAM PAR YOD KYI PHYI DON NI MIN NO ZHES SGRUB PA'I PHYIR ZHES BRTZAD PA LA, RANG RGYUD PAS, PHYI DON KYANG DON DAM PAR YOD PAR YOD THAL, MDO DE DAG LAS SEMS BZHIN DU PHYI'I GZUGS KYANG YOD PAR BSHAD PA'I PHYIR ZHES MGO MTSUNGS SU BRTZAD PA'I LAN DU, SEMS TZAM PA NA RE, DE LA KHYAB PA MED DE, PHYIR DON YOD PA TSAD MAS GNOD PA'I PHYIR DANG, MDO GZHAN LAS KYANG DE YOD PA BKAG PA'I PHYIR RO, ,DES NA MDO 'GA' ZHIG LAS PHYI DON YOD PAR GSUNGS PA NI GDUL BYA BLO DMAN PA RNAMS GANG ZAG GI BDAG MED LA ZHUGS PA'I CHED DU GSUNGS PA'I LDE MA DGONGS YIN NO ZHE NA, DE LA RANG RGYUD PAS, SEMS DON DAM PAR YOD PAR 'DOD PA MI 'THAD PAR THAL,

DE LA TSAD MAS GNOD PA'I PHYIR DANG, MDO GZHAN LAS KYANG DON DAM PAR YOD PA BKAG PA'I PHYIR RO, ,DES NA PHYI DON MED LA SEMS DON DAM PAR YOD PAR GSUNGS PA NI RE ZHIG CHOS THAMS CAD BDEN MED DU RTOGS MI NUS PA'I GDUL BYA RNAMS RIM GYIS DON DAM PA'I RGYA MTSO LA ZHUGS PA'I CHED DU GSUNGS PA'I LDE MA DGONGS YIN PAR ZUNGS SHIG, ,CES BSHAD DO, ,//NGA// GAL TE DNGOS SMRA BA KHYED RANG RNAMS KYANG DON DAM DPYOD BYED KYI RIGS PAS DPYAD PA MIN PAR, RANG MCHAN SNANG BA LA LTOS TE TSAD MA GZHAN GYIS GNOD PA MED PA'I BLO LA JI LTAR SANG BA BZHIN DU YOD PAR 'DOD NA NI'U BU CAG 'DOD TSUL MTSUNGS PA YIN LA, GAL TE DON DAM DPYOD PA'I RIGS PAS DPYAD NA NI RNAM BZHAG THAMS CAD 'KHRUG PAR 'GYUR RO ZHES PA DANG, CHOS RNAMS SNGAR BSHAD PA'I GNOD MED KYI BLO LA JI LTAR SNANG BA BZHIN DU GRUB PA'I PHYIR 'DI LA DON DAM PA'I DPYAD PA MI 'JUG GO, DES RNAMS PAR DPYAD PAR BYED NA DON GZHAN DU STE MED PAR SONG BAS MNGON SUM LA SOGS PAS GNOD PAR 'GYUR RO ZHES PA'O, ,DPYAD NA CHOS RNAMS MI RNYED DE, ZHES SOGS NI BDEN GNYIS KYI GZHUNG MIN PAS NA, GZHAN DU SONG BAS GNOD PAR 'GYUR, ZHES DPYAD NA MI RNYED PA'I TSUL BSHAD PA DE BZHIN DU, ZHES PA LTA BU TSIGS LHUG YIN PA LA YIG NOR BYUNG BA YIN NO, ,//CA// MA BRTAGS GCIG BU NYAMS DGA' BA, ZHES PA LTA BU DBU MA'I GZHUNG NAS BYUNG BA'I MA BRTAGS PA NI, DE KHO NA NYID LA BLO KHA MA PHYOGS PA'I THA SNYAD PA'I SHES PA LA BYA YI,

, ,RNAM PAR MI RTOG PA'I YE SHES KYANG MIN LA, ,RTOG PA MED PA TZAM YANG MIN NO ZHES PA'O, ,//CHA// BDEN GRUB 'GOG PA'I RIGS PA'I GTZO BO GANG LA BYED CE NA, ZHES PA YIN PAS NA 'DIR YE GE CHAD PAR MNGON NO, ,//JA// GCIG DANG DU BRAL GYIS 'DUS BYAS MA BYAS KYI CHOS THAMS CAD CES PA'O, ,//NYA// DKA' 'GREL LAS, KHYAB PA ZHES BYA BA NI THAMS CAD NA YOD PA STE, DPER NA BDAG DANG NAM MKHA' LA SOGS PA LTA BU'O, ,ZHES GSUNGS PA LTAR NA, DE'I KHYAB MA KHYAB NI MU STEGS BYE RIG GNYIS KYIS RDZAS DGU LAS SA CHU ME RLUNG YID KYI RDZAS NI YONGS SU CHAD PA'I PHYIR MA KHYAB PA'I RDZAS DANG, BDAG PHYOGS MKHA' DUS KYI RDZAS BZHI NI YONGS SU MA CHAD PA'I PHYIR KHYAB PA'I RDZAS SU 'DOD PA DE'I DBANG DU BYAS SAM SNYAM MO, ,'ON KYANG RGYAL TSAB RJE'I DBU MA RGYAN GYI BRJED BYANG LAS, GZHAN SDE BAS BTAGS PA'I RTAG DNGOS GTZO BO DANG, RANG SDES BTAGS PA'I RTAG DNGOS 'DUS MA BYAS GSUM DANG, GNAS MA'I BUS BTAGS PA'I BRJOD DU MED PA'I GANG ZAG GCIG BDEN DGAG PA RNAMS NI KHYAB PA'I GCIG BDEN DGAG CES PA'I SA BCAS KYI KHONG SU BSHAD PA LTAR LCANG SKYA GRUB MTHAR YANG BSHAD PAS NA DE DAG GI DGONGS PA GANG YIN DPYAD PAR BYA STE, DBU MA RGYAN RTZA 'GREL SOGS SU DE LTAR BSHAD PA MED CING, RJE RANG NYID KYIS MDZAD PA'I DBU MA RGYAN GYI BRJED BYANG LAS KYANG DE LHAR MA GSUNGS PA'I PHYIR RO, ,DBU MA RGYAN LAS, RDUL PHRAN RANG BZHIN MED

GRUB PA, ,DE PHYIR MIG DANG RDZAS LA SOGS, ,BDAG DANG GZHAN SMRAS MANG PO DAG ,RANG BZHIN MED PAR MNGON PA YIN, ,ZHES GSUNGS PA'I DON NI, SHES BYA CHOS CAN, RANG SDES SMRAS PA'I PHUNG KHAMS SKYE MCHED DANG, GZHAN SDES SMRAS PA'I YAN LAG CAN GYI RDZAS LA SOGS PA BDEN PA'I RANG BZHIN MED PAR MNGON ZHING GRUB PA YIN TE, RDUL PHRAN BDEN PA'I RANG BZHIN MED PA DE'I PHYIR, KHYAB PA YOD DE, RANG SDES GZUGS CAN BCU RDUL PHRA RAB BSAGS PA'I RANG BZHIN DU KHAS BLANGS PA'I PHYIR, GZHAN SDE BAS YAN LAG GI RDZAS RDUL PHRAN GYIS BRTZAMS SHING, GZUGS DRI LA SOGS PA DE'I YON TAN DANG; 'DEGS 'JOG LA SOGS PA'I LAS DANG, YOD PA NYID LA SOGS PA'I SPYI CHEN PO DANG, NYI TSE BA DANG, SNGON PO LA SOGS PA DE LA 'DU PA'I KHYAD PAR RNAMS RAGS PA YAN LAG GI RDZAS LA 'DU 'BREL GRUB PAR KHAS BLANGS PA'I PHYIR, DES NA 'DUS MA BYAS BDEN PAR GRUB PA YANG SNGAR BKAG ZIN PAS NA KHAMS BCO BRGYAD PO THAMS CAD BDEN GRUB KYI RANG BZHIN MED PAR SHIN TU GSAL LO ZHES PA'O,, //TA// GTAN TSIGS DE'I TSUL SGRUB LUGS GZHAN RNAMS SLA ZHING, PHYOGS CHOS SGRUB PA LA NI CHOS THAMS CAD CHA BCAS SU SGRUB PA DANG, CHA BCAS DANG BDEN GRUB KYI GCIG GI GZHI MTHUN 'GOG PA GNYIS CUNG ZAD DKA' BAS NA, RGYAS PAR DBU MA RGYAN RTZA 'GREL DANG RJE RANG GIS MDZAD PA'I DBU MA RGYAN GYI BRJED BYANG DANG LCANG SKYA GRUB MTHA' SOGS LAS SHES PAR BYA LA, MDOR BSDUS NA LEGS BSHAD SNYING PO LAS,

, ,PHA ROL LA 'GAL 'DU STON PA'I MTSAMS MTHAR THUG NI, RANG GZHAN SDE BAS JI 'DRA ZHIG KHAS BLANGS PA LA YANG DUS KYI RIM PA'AM YUL GYI CHA'AM SHES PA'I YUL GYI RNAM PA SOGS CHA DU MA MED PA'I CHA MED MI SRID PAR BSTAN NAS, ,CHA DU MA DANG LDAN PAR GRUB PA NA CHOS GCIG CHA DU MA'I BDAG NYID DU YOD PA THA SNYAD PA'I DON LA MI 'GAL MOD DON DAM PAR GRUB PA LA NI CHA DANG CHA CAN GNYIS NGO BO THA DAD NA 'BREL MED DANG NGO BO GCIG CHA RNAMS GCIG TU 'GYUR BA DANG CHA CAN DU MRA 'GYUR PA'I GNOD PA BSTAN NAS CHOS DON DAM PRA GRUB PA 'GOG STE, ZHES GSUNGS PA LTAR RO, , GTAN TSIG 'DI KHYAB BYED DANG RANG BZHIN MA DMIGS PA GNYIS KA YIN PAR BSHAD PA'ANG YOD PA NI PHAR PHYIN MTHA' DPYOD DU GSAL LA, RJE'I DBU MA RGYAN GYI BRJED BYANG LAS, DE YANG RGYU DANG, KHYAB BYED MI DMIGS PA LA, DON DANG THA SNYAD SGRUB BYED GNYIS GSUNGS PAS, ,'DI NI KHYAB BYED MA DMIGS PA'I THA SNYAD SGRUB YIN GYI, RANG BZHIN MA DMIGS PA MIN PAS, DON GRUB ZIN PA YANG DON LDOG GI DON DU MI BZUNG NGO, ,ZHES RANG BZHIN MA DMIGS PA MIN PAR GSUNGS PA DANG, DE YANG DON GRUB ZIN PA RTAGS SU BKOD NAS THA SNYAD SGRUB PA YIN MOD KYANG, MTSAN MO'I RGYA MTSOR CHOS CAN, ME MED DE, ,ME TSAD MAS MA DMIGS PA'I PHYIR ZHES PA LTA BU MTSAN NYID DU 'GRO RGYU RTAGS SU BKOD NAS MTSON BYAR 'GRO RGYU SGRUB PA DANG 'DRA BAR GO BAR MI BYA BAR GSUNGS SO,,

'DRI RTZOD PA SPANGS TSUL SOGS GZHAN DU SPROS ZIN ZHES PA NI 'JAM DBYANGS LEGS PA CHOS 'BYOR GYI BSHAD TSUL DBU MA'I MTHA' DPYOD DU BKAG PA DE YIN NO, ,//THA// DE'I RTAGS CHOS GNYIS LDAN GYI MTHUN DPE GZUGS BRNYAN GYI NGO BO LA PHYI NANG GI GRUB MTHA' SMRA BA RNAM KYI 'DOD TSUL MI 'DRA BA BYUNG BA RNAMS RGYAN RANG 'GREL DANG MDZOD KYI MTHA' DPYOD LAS SHES PAR BYA'O, ,LDOG KHYAB SGRUB TSUL NI, GCIG DANG DU MA MA GTOGS PAR, ZHES SOGS TE, GO SLA'O, ,//DA// DNGOS SMRA BA NA RE, GANG TSAD MA YIN NA YANG DAG PA'I DON GYI YUL CAN YIN PAS KHYAB STE, ,DPER NA DON DAM PA'I YUL CAN GYI TSAD MA BZHIN, GZUGS SOGS 'DZIN PA'I DBANG MNGON KYANG TSAD MA YIN NO, ZHES PA'I GTAN TSIGS 'DI LA GNOD PA CAN GYI TSAD MA MED PAS YANG DAG PA'I DNGOS PO YOD PAR SGRUB MI NUS LA, SER MA ZAD YANG DAG PAR NA NGO BO NYID MED PA'I THA SNYAD SGRUB PA'I GTAN TSIGS 'DI YANG YOD DE, ZHES PA'O, ,//NA// DE BAS NI SKYE BAS NGO BO NYID LA KHYAB PA'I PHYIR ZHES SOGS KYI GZHUNG 'DI NI SNAR THANG DPAR MA LAS 'DI DANG TSIG ZUG MI 'DRA BAR BYUNG NGO, ,GANG LTAR YANG DON NI 'DI LTAR YIN TE, ,DON DAM PAR KYE NA MTHA' BZHI GANG RUNG LAS SKYE BAS KHYAB PA'I PHYIR, ,MTHA' BZHI GANG RUNG LAS SKYE BA LDOG NA DON DAM PAR SKYE BA YANG LDOG PAR 'GYUR PAS, ,GTAN TSIG MA DES PA YANG MA YIN NO, SKYE NA MTHA' GCIG TU YANG, ,DAG PAR SKYE BAS MA KHYAB STE, ,MI LAM LA SOGS PA NA BU LA SOGS PA MI BDEN YANG SKYE PAR SNANG BA'I PHYIR

, ,ZHES PA'O,, SKYE BA NGO BO NYID KYIS KHYAB TU ZIN KYANG ZHES SOGS KYI DON NI, SKYE NA NGO BO NYID KYIS YOD PAS KHYAB KYANG, DE LA BDEN GRUB KYI NGO BO NYID YOD PAS KHYAB PAR SGRUB MI RUNG STE, KHYAB BYED NGO BO NYID YOD SGRUB PA LA KHYAB BYA BDEN GRUB KYI NGO BO NYID YOD PA SGRUB PAS KHYAB PA MED PA'I PHYIR TE, DPER NA SHING YOD PAR SGRUB PA LA SHING SHA BA YOD PAR SGRUB BSAM KHYAB PA BZHIN YIN PA'I PHYIR ZHES BA'O,, //PA// MYU GU SNGAR MED PA GSAR DU DON DAM PAR MI SKYE STE, SNGAR MED PA GSAR DU SKYE BA NI RGYU RKYEN LA LTOS DGOS PA'I RGYU MTSAN GYIS YIN LA, DON DAM PAR SKYE NA RGYU RKYEN LA LTOS PA MI RUNG BAS; DUS GCIG LA MED NA MO GSHAM GYI BU BZHIN DU DUS THAMS CAD DU MED DGOS SO,, SNGAR YOD NA SLAR YANG SKYE MI DGOS TE, RANG GI BDAG NYID GRUB ZIN PI' PHYIR, DPER NA SHES PA BZHIN ZHES PA'O,, //PHA// DNGOS PO RNAMS DON DAM PAR GZHAN LAS SKYE NA RTAG PA'I RGYU LAS SKYE 'AM MI RTAG PA'I RGYU LAS SKYE, DANG PO LTAR NA DNGOS PO RNAMS RIM CAN DU SKYE MI SRID PAR DNGOS PO RIL CIG CHAR DU SKYE BA DANG, DNGOS PO GCIG KYANG DUS THAMS CAD DU SKYE BA'AM YANG NA LAN GCIG KYANG MI SKYE BAR 'GYUR RO,, MI RTAG PA'I RGYU LAS SKYE NA 'BRAS BU'I DUS NA ZHIG PA'I RGYU LAS SKYE 'AM, 'BRAS DUS NA MA ZHIG PA LAS SKYE, DANG PO LTAR NA ZHIG PA DNGOS MED YIN PAS RGYUR MI 'THAD PA'I PHYIR 'BRAS BU RGYU MED DU SKYE BAR 'GYUR ZHING, GNYIS PA LTAR NA RGYU 'BRAS DUS MNYAM DU 'GYUR BAS BSKYED BYA SKYED BYED DU

'GAL LO,, 'ON TE, MIG SHES SKAD CIG DANG PO DA LTAR BA'I DNGOS PO YIN ZHING, DE LAS MIG SHES SKAD CIG GNYIS PAR SKYE BA YIN PAS 'BRAS DUS NA RGYU ZHIG KYANG RGYU DNGOS MED DU THAL BA'I SKYON MED DO ZHE NA, 'O NA SKAD CIG SNGA PHYI DE GNYIS BAR MA CHAD DU SKYE BA DE BDAG NYID THAMS CAD KYIS MA CHOD DAM PHYOGS GCIG GIS MCHOD, DANG PO LTAR NA DUS MNYAM DU THAL BA SO NA GNAS SO,, GNYIS PA LTAR NA CHA BCAS SU SONG BAS CHA MED NYAMS LA, DE'I PHYIR BDEN PAR GRUB PA NYAMS PAS RGYU 'BRAS DON DAM PAR GZHAN YIN PA KHEGS SO,, SKABS 'DIR STONG THUN LAS, YANG SNANG BA LAS, DE'I PHYIR SLOB DPON KHA CIG GIS, DON DAM PAR NANG GI SKYE MCHED GZHAN LAS MI SKYE STE, GZHAN YIN PA'I PHYIR ZHES BYA BA LA SOGS PA, ZHES PA NAS, KHA CIG 'DI LA MA NGES PA DANG MA GRUB PA NYID RJOD PAR BYED PA GANG YIN PA DE 'BREL BA MED PA NYID YIN NO,, MU STEGS CAN RNAMS RGYU GZHAN LA SOGS PA'I THA SNYAD KYI RGYU DNGOS SU GZHAN NYID LA SOGS PA'I DNGOS PO DE LTA YIN PA KHO NAR BRJOD PA DE DAG LA SLOB DPON GYIS, DNGOS PO RNAMS KYI RANG BZHIN NI, ,RKYEN LA SOGS PA YOD MA YIN, ,ZHES BYA BA LA SOGS PA SUN 'BYUNG BA BSHAD DE, DE'I PHYIR DE'I GZHUNG LUGS KYIS GZHAN NYID MA GRUB PAS GZHAN LAS MI SKYE'O ZHES BSTAN PAR 'GYUR RO,, CES THA SNYAD DU GZHAN SKYE YOD PA DANG, MU STEGS LA SOGS PA'I GZHUNG LUGS KYIS BTAGS PA LTAR GYI GZHAN SKYE MED PAS GZHAN LAS MI SKYE BAR BSHAD PA YIN NO ZHES GSAL BAR BSHAD

, ,CING; SLOB DPON KHA CIG GIS, CES PA NI LEGS LDAN 'BYED DANG, DE'I PHYIR KHA CIG 'DI LA MA NGES PA DANG MA GRUB PA NYID RJOD PAR BYED PA GANG YIN PA DE NI, CES PA ZLA BAS LAGS LDAN GYI RTAGS SBYOR DE LA TSIG GSAL DU SKYON BRJOD PA LA BSAMS PAR MNGON NO,, ZHES DANG, LEGS BSHAD SNYING PO LAS, ZHI BA 'TSO DPON SLOB LA SOGS PAS KYANG ZLA BAS RANG RGYUD BKAG PA'I SKYON SPONG MDZAD RGYUR SNANG YANG MA MDZAD DO,, ZHES GSUNGS PA GNYIS MI 'GAL TSUL LA ZHIB CHA CUNG ZHIG DGOS SO,, //BA// GTZO BO LAS SKYE BAS RANG LAS SKYE BA DANG DBANG PHYUG LAS SKYE BAS GZHAN LAS SKYE BA YIN ZHES PA LTA BU BDAG GZHAN GNYIS KA LAS SKYE BAR 'DOD PA DANG, DNGOS PO RNAMS RGYU MED PAR SKYE STE, DPER NA TSER MA'I RNO BA BZHIN ZHES PA'I 'DOD PA 'GOG TSUL SNGAR BSHAD ZIN PA DANG GO BAR YONG SLA'O,, //MA// MYU GU CHOS CAN, DON DAM PAR MI SKYE STE, RANG GI RGYU'I DUS SU YOD NA YANG DON DAM PAR MI SKYE, RANG GI RGYU'I DUS SU MED NA YANG DON DAM PAR MI SKYES BA'I PHYIR, ZHES PA'I YOD MED SKYE 'GOG GI SBYOR BA DE'I PHYOGS CHOS SGRUB TSUL NI, RANG GI RGYU'I DUS SU BDAG NYID THAMS CAD KYIS YOD PA'I MYU GU CHOS CAN, RGYU RKYEN GANG GIS KYANG MI SKYED DE, RGYU RKYEN GZHAN GYIS SNGON MED PA'I KHYAD PAR BYAR MED PA'I PHYIR, DPER NA NAM MKHA'I PADMA BZHIN NO,, ZHES PA DANG, DON DAM PAR SKYE BA'I MYU GU CHOS CAN, SNGAR MED GSAR DU DON DAM PAR MI SKYE STE, RANG GI RGYU'I DUS SU MED PA'I PHYIR, DPER NA NAM MKHA'I PADMA

BZHIN, KHYAB STE, DON DAM PAR SKYE NA DUS THAMS CAD DU YOD DGOS PA'I PHYIR TE, DUS GCIG LA MED NA DUS THAMS CAD DU DON DAM PAR MED DGOS PA'I PHYIR TE, DON DAM PAR GRUB PA RGYU RKYEN LA LTOS PA MI RUNG BAS NA RGYU RKYEN TSANG BA'I TSE SKYE LA RGYU RKYEN MA TSANG BA'I TSE MI SKYE BA'I KHYAD PAR MED PA'I PHYIR, ZHES PA'O,, GZHAN YANG, SA BON GYI DUS SU MYU GU YOD PAR THAL, SA BON GYI DUS SU MYU GU SKYE BA LA PHYOGS PA'I BYA BA YOD PA GANG ZHIG, MYU GU DANG MYU GU SKYE BA'I BYA BA NI DON DAM PAR GRUB PA'I RTEN DANG BRTEN PA YIN PA'I PHYIR, ZHES PA'I THAL 'GYUR GYIS KYANG 'GOG PAR BYED DE, 'JUG PA'I RNAM BSHAD LAS, 'DI LTAR 'BRAS BU SKYE BA'I BYA BA NI 'DI SKYE ZHES PA'I BYED PA PO MYU GU SOGS LA BRTEN DGOS PAS RTEN DANG BRTEN PA'O,, RTEN BRTEN PA DON DAM PAR GRUB NA NI RANG BZHIN GZHAN DU 'GYUR BA SOGS KYIS GNOD PAS DUS NAM GYI CHE YANG BYA BA RTEN DGOS PAS MYU GU SOGS SKYE BA LA PHYOGS PA'I DUS SU YANG, SKYE BA'I BYA BA'I RTEN DU MYU GU YOD DGOS PAS RGYU 'BRAS GNYIS DUS MNYAM DU 'GYUR BA SOGS KYIS GNOD PAS MI 'THAD DO,, THA SNYAD PA'I SKYE BA LA LAN CIG RTEN BRTEN PAR SONG NA DUS THAMS CAD DU 'GRO MI DGOS PAS MI MTSUNGS SO,, SA BON DANG DUS MNYAM PA'I MYU GU SKYE BA'I BYA BA NI, MYU GU SKYE BA LA PHYOGS PA'I BYA BA YIN LA, DE DANG MYU GU GNYIS SPYIR RTEN BRTEN PA YIN PA DANG, BYA BA DE'I DUS SU MYU GU MED KYANG BYA BA YOD PA MI 'GAL BA NI, DPER NA SPYIR 'BREL YUL KHEGS NA 'BREL PO LDOG PA DANG, SA BON 'BREL

, ,YUL DANG MYU GU 'BREL PO YIN PA DANG, MYU GU'I DUS NA SA BON LOG KYANG MYU GU MI LDOG PA MI 'GAL BA BZHIN NO,, ZHES GSUNGS PA LTAR RO, //TZA// MYU GU CHOS CAN, DON DAM PAR SKYE BA MED DE, DON DAM PAR RGYU GCIG KHO NA LAS 'BRAS BU GCIG KHO NA MI SKYE, DON DAM PAR RGYU GCIG KHO NA LAS 'BRAS BU DU MA MI SKYE, DON DAM PAR RGYU DU MA LAS 'BRAS BU GCIG KHO NA MI SKYE, DON DAM PAR RGYU DU MA LAS 'BRAS BU DU MA MI SKYE BA'I PHYIR, ZHES PA'I MU BZHI SKYE 'GOG GI PHYOGS CHOS SGRUB PA NI, RKYEN GSUM DANG SBYAR TE BSHAD NA, MU DANG PO 'GOG PA NI, MIG DBANG GIS MIG DBANG GNYIS PA KHO NA SKYED DAM MIG SHES GCIG BU KHO NA SKYED, DANG PO LTAR NA 'GRO BA THAMS CAD LONG BAR THAL, MIG DBANG LAS MIG SHES SKYE MI SRID PA'I PHYIR, GNYIS PA LTAR NA 'ANG 'GRO PA THAMS CAD LONG BAR THAL, MIG DBANG SKAD CIG GNYIS 'THUD NAS SKYE MI SRID PA'I PHYIR, MU GNYIS PA 'GOG PA NI, MIG SHES KYI MYONG BA'I CHA NI DE MA THAG RKYEN GYI LAG RJES DANG, YUL GYI RNAM PA SHAR BA'I CHA NI DMIGS RKYEN GYI LAG RJES DANG, YUL RIS SU CHAD PA 'DZIN NUS PA'I CHA NI BDAG RKYEN KYI LAG RJES MA YIN PAR THAL, DON DAM PAR RGYU GCIG KHO NAS 'BRAS BU DU MA SKYED PA'I PHYIR, MU GSUM PA 'GOG PA NI, RGYU DU MAS 'BRAS BU GCIG KHO NA SKYED NA MIG SHES KYI MYONG BA'I CHA DANG YUL GYI RNAM PA SHAR BA'I CHA DANG YUL RIS SU CHAD PA 'DZIN NUS KYI CHA GSUM PO'I NANG NAS GANG RUNG

GCIG KHO NA MIG SHES KYI RKYEN GSUM KA'I LAG RJES SU THAL BAS, MIG SHES KYI KHYAD CHOS GZHAN GNYIS MI SRID PA'AM RGYU MED DU SKYES BAR THAL LO,, MU BZHI PA DGAG PA NI, BSHAD MA THAG PA LTAR GYI MIG SHES KYI STENG GI RKYEN GSUM GYIS BZHAG PA'I KHYAD PAR GSUM PO DE DON DAM PAR RKYEN GSUM TSOGS PAS SKYED PA YIN NA, MIG SHES KYI RKYEN GSUM GYIS BZHAG PA'I LAG RJES GSUM PO DE DON DAM PAR THA DAD MED KYANG BLO LA THA DAD PAR SNANG BA TZAM YIN NAM, BLO GANG LA'ANG THA DAD PAR MI SNANG BA YIN NA, DON DAM PAR THA DAD PA YIN, DANG PO LTAR NA GNAS TSUL GZHAN DU GNAS NAS SNANG TSUL GZHAN DU SNANG PA'I PHYIR RDZUN PAR 'GYUR GYI BDEN PAR GRUB PA NYAMS SO,, GNYIS PA LTAR NA RKYEN GSUM GYI LAG RJES GSUM PO GCIG TU SONG BAS RGYU DU MAS 'BRAS BU DU MA BYED PA YIN PA NYAMS SO,, GSUM PA LTAR NA MIG SHES DANG MIG SHES KYI KHYAD CHOS GSUM PO YANG DON DAM PAR THA DAD DU THAL LO,, 'DOD NA MIG SHES DANG DE'I KHYAD CHOS GSUM PO CHOS CAN, DON DAM PAR THA DAD MED DE, DON DAM PAR THA DAD DU YOD NA 'PHAGS PA'I JI LTA BA MKHYEN PA'I YE SHES KYIS THA DAD DU GZIGS DGOS PA GANG ZHIG, DES THA DAD DU MA GZIGS PA'I PHYIR, ZUR DANG PO GRUB STE, DON DAM PAR GRUB NA GNAS LUGS SU GRUB DGOS PA'I PHYIR RO,, CES PA'I RTAGS KYIS DE DAG DON DAM PAR THA DAD KHEGS LA DE KHEGS PAS DON DAM PAR DU MA YIN PA KHEGS PA'I PHYIR DON DAM PAR RGYU DU MAS 'BRAS BU DU MA

, ,SKYED PA KHEGS SO,, //TSA// 'DI'I SA DGU NI PHAR PHYIN GYI RNAMS BSHAD LAS, 'GREL CHEN DU, SA DGU KHAMS GSUM SA DGU LA BYAS NAS, DE LAM GYI SEMS RTEN DU STON PA'I RANG LUGS DANG; SEMS RTEN SA DGUR BSHAD PA NI, BSAM GTAN SA DRUG DANG, GZUGS MED DANG PO GSUM YIN LA, 'DIR 'DOD PA SOGS DGU BSHAD PA NI, LAM SHER PHYIN KHAMS GSUM LA DON DAM PAR MI GNAS PAR STON PA'I GZHAN LUGS GNYIS BSHAD DO,, 'DOD PA DANG SRID RTZE'I SEMS LA MI BRTEN PAR BSHAD PA NI, NYAN THOS THABS MI MKHAS PA'I DBANG DU BYAS PA YIN NO, ZHES ZER TE, ,'GREL PA 'DI'I TSIG ZIN LTAR NA, SA DGU SPANG BYA'I RTEN DU MDZAD PAR GSAL LO,, ZHES GSUNGS PA LTAR RO, DA NI MTHA' BRAL DBUS SMRA DO BO NYID MED PAS, ZHES SOGS KYI GZHUNG GI TSIG DON BSHAD PAR BYA STE, CHOS RNAMS DON DAM PAR YOD PA'I RTAG MTHA' DANG, THA SNYAD DU MED PA'I CHAD MTHA' DANG BRAL BA'I DBUS 'THAD PAR SMRA BA DANG, BDEN GRUB KYI NGO BO NYID MED PAR SMRA BAS DBU MA PA DANG NGO BO NYID MED PAR SMRA BA ZHES BYA BA'I DBYE BA NI THAL 'GYUR BA DANG RANG RGYUD PA GNYIS SU YOD PA DANG, DE GNYIS LAS GZHAN PA'I DBU MA PAR KHAS 'CHE BA DAG NI MING DBU MA BAR BTAGS PA TZAM YIN GYI DON LA DBU MA PAR MI RUNG DO,, THA SNYAD DU YANG YOD PA MIN PA'I MED MTHA' DANG BDEN GRUB KYI DNGOS POR YOD PA'I RTAG MTHA' BKAG NAS RTEN 'BYUNG GI CHOS BDEN GRUB RNAM PAR BCAD TZAM GYI MED DGAG DBU MA YIN PAR 'DOD PA

MTSUNGS PAS THAL RANG GNYIS KA DBU MA PA YIN KYANG, RANG DOS NAS GRUB PA DANG PHYI ROL DON DU MA GRUB PA LTA BU RTAG CHAD PHRA MO'I MTHA' KUN DANG BRAL BA DE NI THAL 'GYUR BA'I LUGS YIN NO,, THEG CHEN GYI BSTAN PA SHER PHYIN GYI MDO'I DGONGS PA 'GREL MKHAN BYUNG BA'I RIM PA NI, STON PA THUB PA'I DBANG PO MYA NGAN LAS 'DAS PA'I RJES SU LO BZHI BRGYA'I DUS NA DPAL MGON 'PHAGS PA KLU SGRUB KYIS KLU'I YUL NAS THEG CHEN GYI MDO YUM 'BUM PA LA SOGS PA SPYAN DRANGS NAS YUM GYI MA DE'I DGONGS PA MTHA' GNYIS SPANGS PA'I DBU MAR BKRAL BA'I SHING RTA'I SROL PHYE PA'O,, LO DGU BRGYA LON PAR YUM GYI MDO'I DGONGS PA SEMS CAM DU BKRAL BA'I SHING RTA'I SROL PHYE BA NI 'PHAGS PA THOGS MED KYIS BYAS SO,, RTZA BA SHES RAB KYI DGONGS PA SLOB DPON SANGS RGYAS BSKYANGS KYIS THAL 'GYUR BA'I LUGS SU BKRAL, DE LA SLOB DPON BHA BYA KA RA STE LEGS LDAN 'BYED KYIS SKYON BZUNG NAS DGAG PA MDZAD DE RTZA SHE'I DGONGS PA DBU MA RANG RGYUD PA'I LUGS SU BKRAL BA'I SHING RTA'I SROL PHYE'O,, SLOB DPON ZLA BA GRAGS PAS LEGS LDAN GYI LUGS DE LEGS PAR BKAG NAS RTZA SHE'I DGONGS PA RANG RGYUD PA MAN CHAD DANG THUN MONG MIN PAR BSGRUB, DE'I RJES SU SLOB DPON ZHI BA 'TSOS RANG RGYUD GNYIS PA STE RNAL 'BYOR SPYOD PA'I DBU MA RANG RGYUD PA'I LUGS GSAL BAR BYAS SO,, KHA CIG RIGS SHES KYIS DPYAD BZOD DU MA GRUB PA LA 'KHRUL NAS CHOS THAMS CAD CI YANG MED ZER BA DANG, KHA CIG SNYING PO RTAG BRTAN STON PA'I MDO'I TSIG ZIN LA BRTEN

, ,NAS KUN RDZOB PA'I CHOS GZHAN GYIS STONG BA'I BDE GSHEGS SNYING PO ZHES BYA BA'I RTAG PA'I BDAG SMRA BA DANG, KHA CIG THA SNYAD DU YOD PAS YOD PA'I GO MI CHOD PAS NA BDEN PA GNYIS YOD PAR MI 'DOD ZER BA DANG, KHA CIG RANG RGYUD KYI DAM BCA' MED PAR GSUNGS PA LA 'KHRUL NAS THAL 'GYUR BA LA RANG LUGS MED ZER BA DANG, KHA CIG 'JIG RTEN PA'I BLO LHAN SKYES DE KHO NA NYID LA TSAD MA MIN PAR GSUNGS PA LA 'KHRUL NAS THAL 'GYUR BA'I LUGS LA TSAD MA MED PAS NA TSANG MAS GRUB PA MED ZER BA LA SOGS PA RTAG CHAD KYI MTHAR LHUNG BA RNAMS DBUM PAR RLOM KYANG DBU MA PA MIN NO,, KHYAD PAR DU ZLA BA GRAGS PA'I LUGS BZUNG BAR RLOM KYANG, KUN MKHYEN TZONG KHA PA CHEN PO LA KUN TU DGRAR 'DZIN PA'I STAG LO KHYOD RANG LA 'GAL BA DANG 'KHRUL BA MANG PO YOD DO,, DE DAG GANG ZHE NA SANGS RGYAS BCOM LDAN 'DAS THAMS CAD MKHYEN PA YIN YANG JI SNYED DE KUN RDZOB BDEN PA MI MKHYEN PAR 'DOD PA 'GAL LO,, SANGS RGYAS KYI SA SEMS MED ZER BA NI ZAD BYED PA DANG DPYOD PA BAS KUN MKHYEN MED PAR 'DOD PA'I LUGS NGAN PA DBU MA PA'I LUGS SU 'KHRUL LO,, DON DAM BDEN PA BRTEN NAS 'BYUNG BA DANG TSUGS THUB TU GRUB PAR 'DOD PA CHES CHER 'GAL LO,, DGE MI DGE'I LAS DANG DE DAG GI 'BRAS BU BDE SDUG 'DOD PA DANG RNAM SMIN TE YI DAGS KYI RANG KHRAG DANG LHA'I BDUD RTZI LA LONG SPYOD PA'I DBANG MNGON TSAD MA GTAN MED DU 'DOD PA 'GAL LO,, 'JUG PA LAS, GANG PHYIR MYU GU SA

'DIR RTZODE PA SPANGS TSUL SOGS GZHAN DU SPROS ZIN ZHES PA NI 'JAM DBYANGS LEGS PA CHOS 'BYOR GYI BSHAD TSUL DBU MA'I MTHA' DPYOD DU BKAG PA DE YIN NO,, //THA//DE'I RTAGS CHOS GNYIS SDAN GYI MTHUN DPE GZUGS BRNYAN GYI NGO BO LA PHYI NANG GI GRUB MTHA' SMRA BA RNAMS KYI 'DOD TSUL MI 'DRA BA BYUNG BA RNAMS RGYUN RANG 'GREL DANG MDZOD KYI MTHA' DPYOD LAS SHES PAR BYA'O,, LDOG KHYAB SGRUB TSUL NI, GCIG DANG DU MA MA GTOGS PAR, ZHES SOGS TE, GO SLA'O,, //DA// DNGOS SMRA BA NA RE, GANG TSAD MA YIN NA YANG DAG PA'I DON GYI YUL CAN PAS KHYAB STE, DPER NA DON DAM PA'I YUL CAN GYI TSAD MA BZHIN, GZUGS SOGS 'DZIN PA'I DBANG MNGON KYANG TSAD MA YIN NO, ,ZHES PA 'I GTAN TSIGS 'DI LA GNOD PA CAN GYI TSAD MA MED PAS YANG DAG PA'I DNGOS PO YOD PAR SGRUB MI NUS LA, DER MA ZAD YANG DAG PAR NA NGO BO NYID MED PA'I THA SNYAD SGRUB PA'I GTAN TSIGS 'DI YANG YOD DE, ZHES PA'O,, //NA// DE BAS NA SKYE BAS NGO BO NYID LA KHYAB PA'I PHYIR ZHES SOGS KYI GZHUNG 'DI NI SNAR THANG DPAR MA LAS 'DI DANG TSIG ZUR MI 'DRA BAR BYUNG NGO,, GANG LHAR YANG ODN NI 'DI LTAR YIN TE, DON DAM PAR SKYE NA MTHA' BZHI GANG RUNG LAS SKYE BAS KHYAB PA'I PHYIR, MTHA' BZHI GNG RUNG LAS SKYE BA LDOG NA DON DAM PAR SKYE BA YANG LDOG PAR 'GYUR BAS, GTAN TSIGS MA DES PA YANG MA YIN NO, ,SKYE NA MTHA' GCIG TU YANG DAG PAR SKYE BAS MA KHYAB STE, RMI LAM LA SOGS PA NA BU LA SOGS PA NI BDEN YANG SKYE BAR SNANG BA'I PHYIR

, ,KYI RIM PA LA RMONGS PA'I 'KHRUL BA YIN NO, ,LHAG MED MYANG 'DAS THOB PA'I SANGS RGYAS RANG SNANG LA GZUGS RIG GTAN NAS MED PA DANG SKU BZHI 'DOD PA 'GAL LO, 'DI DAG RIGS PA'I 'PHUL YIN NAM SNYAM STE, PHYOGS SNGA SMRA BAS, DE DAG SANGS RGYAS RANG SNANG LA MED MNYAM DANG, GZHAN NGOR YOD MNYAM DU 'DOD PA'I PHYIR, MNGON SUM DANG RJES DPAG GNYIS 'DOD PA DANG TSAD MA MI 'DOD PA 'GAL LO, , SGRUB BYED KYI RIGS PA YOD PA DANG TSAD MAS GRUB PA'I DNGOS PO MED PAR 'DOD PA 'GAL LO, ,'DI DAG KYANG RIGS PA'I 'PHUL YIN GYI DNGOS 'GAL MIN TE, PHYOGS SNGA SMRA BAS, DE DAG MA BRTAGS 'KHRUL BI' NGOR YOD MNYAM DANG THAL 'GYUR BA'I RANG LUGS LA MED MNYAM DU 'DOD PA'I PHYIR, PHAR PHYIN THEG PA NAS BSHAD PA'I SANGS RGYAS KYI CHOS MA 'DRIS PA BCO BRGYAD DANG STOBS BCU SOGS THOB PA DANG 'KHOR BA SHIN TU PHRA BA'I RTZA BA RNAM RTOG GI BZHON PAR GYUR BA'I LAS RLUNG NYI KHRI CHIG STONG DRUG BRGYA MA SPANGS PA'I RDZOGS PA'I SANGS RGYAS 'DOD PA 'GAL LO, ,KHYOD KYIS 'JIG LTA KUN BTAGS DANG LHAN SKYES KYI 'DZIN STANGS MI MTHUN PAR 'DOD PA BKAG PAS NA, NGA RTAG GCIG RANG DBANG CAN DU 'DZIN PA'I 'JIG LTA DANG NGA BDEN PAR GRUB PAR 'DZIN PA'I 'JIG LTA GNYIS 'DZIN STANGS MTHUN PAR 'DOD DGOS LA, DE LTAR NA SEMS TZAM PA MAN CHAD KYI RANG SDES 'JIG LTA'I ZHEN YUL SGRUB PA DANG 'GOG PA GNYIS KA YIN PAR THAL BAS 'GAL BA DANG, BDAG MED PHRA BA DANG RAGS

BRTOGS PA'I LTA BA GNYIS 'DZIN STANGS KYI YUL GCIG TU 'GYUR BAS NA 'GAL BA 'DU BAR 'GYUR RO, ,KUN GZHI RNAM SHES YOD PA DANG PHYI DON YOD PAR 'DOD PA 'GAL LO, ,DON DAM BDEN PA RIGS SHES KYIS GRUB PA'I DON YIN PA DANG 'PHAGS PA'I MNYAM GZHAG YE SHES KYI 'DZIN STANGS KYI YUL MED PAR 'DOD PA 'GAL LO, ,MNGON PA NAS BSHAD PA'I BDAG MANG MNGON SUM DU RTOGS PA'I BLO RTZAL 'BYOR MNGON SUM MIN PA DANG DE NAS BSHAD PA'I BDAG MED MNGON GYUR DU RTOGS PAR 'DOD PA 'GAL LO, ,'KHOR BA RAGS PA'I RTZA BA NYON MONGS CAN GYI MA RIGS PA DANG 'KHOR BA PHRA BA'I RTZA BA MA RIG PA'I BAG CHAGS KYIS DANG, 'KHOR BA SHIN TU PHRA BA'I RTZA BA LAS RLUNG DANG KHAMS 'PHO BA'I CHAGS PA ZHES 'KHOR PA'I RTZA BA GSUM 'DOD PA DANG, ZHI SGO GCIG PAR 'DOD PA 'GAL LO, ,TSAD MA'I MDO DANG SDE BDUN NANG RIGS PA'I BSTAN BCOS YIN PA BKAG PAS NA, DE DAG MU STEGS PA'I BSTAN BCOS SU 'DOD DGOS LA, DE LTA NA MU STEGS PA'I LUGS DE 'GOG PA'I BSTAN BCOS GANG YIN PA, MU STEGS PA DE'I LUGS KYI BSTAN BCOS YIN PAR 'DOD PA 'GAL LO, ,KUN RDZOB BDEN PA 'THAD PA DANG BRAL BA YIN YANG BDEN BZHI DANG ZHUGS GNAS SOGS RUNG BA DANG RIGS PAR 'DOD PA 'GAL LO, ,GZHI KUN MED PA STE GZHI MED RTZA BRAL DU 'DOD PA DANG MI RTAG PA SOGS KYI KHYAD GZHI DANG KUN BRTAGS SOGS KYI GDAGS GZHI KHAS BLANGS PA 'GAL LO, ,PHAR PHYIN THEG PA'I RDZOGS PA'I SANGS RGYAS YIN PA DANG DE NYID SNGAGS BLA MED KYI

, ,TSOGS LAM NAS SLAR 'JUG PAR 'DOD PA 'GAL LO, ,PHAR PHYIN THEG PA NAS BSHAD PA'I SHES SGRIB KUN ZAD PA'I GANG ZAG GI RGYUD LA KHAMS 'PHO 'GYUR GYI BAG CHAGS YOD PAR 'DOD PA 'GAL LO,, BRJOD BRAL DANG BLO LAS 'DAS PA DANG BLO'I YUL MA YIN PA SOGS KYI KHA BYANG DANG HVA SHANG GI YIG CHA DANG MTHUN PA'I SGOM YIG NGAN PA RNAMS KHYOD 'KHRUL BA'I RGYU YIN NO, ,RANG RGYUD KYI RTAGS SAM RANG DBANG BA'I RTAGS DON GCIG YIN PA'I PHYIR NA, RANG MTSAN SNANG BA LA LTOS TE GNOD MED KYI TSAD MAS RTAGS KYI TSUL GSUM DANG SHES 'DOD DANG DPE'I CHOS CAN RNAMS RGOL PHYIR RGOL GNYIS KA LA MTHUN SNANG DU DON GYI SDOD LUGS NAS RANG DBANG DU SNGAR BSGRUBS PA'I DBANG GIS BSGRUB BYA RTOGS DGOS PAR 'DOD CING, DE LTAR SGRUB PAR BYED PA'I RTAGS SBYOR 'GOD PA 'THAD PAR KHAS BLANGS PA'I DBU MA PA NI DBU MA RANG RGYUD PA'I DON NO, ,DE LA DBYE NA MDO SDE SPYOD PA'I DBU MA RANG RGYUD PA DANG RNAL 'BYOR SPYOD PA'I DBU MA RANG RGYUD PA GNYIS LAS, SNGA MAS PHYI ROL GYI DON 'THAD PAR SGRUB CING, PHYI MAS PHYI ROL GYI DON 'GOG PAR BYED DO, ,MDO SDE SPYOD PA'I DBU MA RANG RGYUD PAS, RANG MTSAN GYIS GRUB PA'I MTSAN NYID GSUM YOD PAR BZHED KYANG, BDEN PAR GRUB PA'I KUN BRTAGS MTSAN NYID NGO BO NYID MED PA DANG GZHAN DBANG DON DAM PAR SKYE BA NGO BO NYID MED PA DANG YONGS GRUB DON DAM PA YANG YIN LA CHOS RNAMS KYI CHOS BDAG GI NGO BO NYID MED PA TZAM GYIS RAB TU PHYE BA YANG YIN PAS DON DAM PA NGO BO NYID

MED PA STE, DE 'DRA BA'I NGO BO NYID MED PA GSUM LA DGONGS NAS SHER PHYIN GYI MDOR GZUGS NAS RNAM MKHYEN GYI BAR GYI CHOS DE DANG DE RNAMS NGO BO NYID MED PAR GSUNGS SO, ,STONG GZHI'I DNGOS PO DANG BDEN PAR GRUB PAR KUN BRTAGS BA'I CHA DANG BDEN GRUB DES STONG PA RNAMS CHOS CAN, RIM PA BZHIN DU GZHAN DBANG DANG KUN BRTAGS DANG YONGS GRUB TU 'JOG STE, RIM PA BZHIN DU RGYU RKYEN GZHAN GYI DBANG GIS SKYE BA YIN GYI, DON DAM PAR RAM RANG DBANG DU SKYE BA MIN PA'I PHYIR DANG, GNAS TSUL MA YIN PAR SGRO BTAGS PA'I CHA YIN PA'I PHYIR DANG, GNAS LUGS MTHAR THUG YIN PA'I PHYIR RO,, NYAN THOS KYI 'DU LA MNGON MDO SDE GSUM NYE BA 'KHOR 'OD SRUNGS KUN DGA' BO GSUM GYIS BSDUS KYANG, THEG CHEN GYI DE GSUM BYAMS PA 'JAM DBYANGS PHYAG RDOR GYIS BSDUS PAS NA, THEG PA CHE CHUNG GI BKA' BSDUD BA PO NYAN THOS SU MI GCIG STE, SEMS CAN GYI SPYOD PA BRGYAD KHRI BZHI STONG DANG DE RNAMS DANG MTHUN PAR GSUNGS PA'I CHOS PHUNG BRGYAD KHRI BZHI STONG GI DON TSANG BAR NYAN THOS RNAMS KYIS MI RTOGS PA'I PHYIR RO, ,THEG CHEN GYI SDE SNOD LOGS SU GSUNGS PA LA DON NAM DGOS PA YOD PA'I PHYIR NA THEG DMAN GYI MDOR CHOS KYI BDAG MED DNGOS SU BSTAN PA MIN NO, ,THAG KHRA 'KHYIL BA SBRUL DU 'DZIN PA'I 'JIGS SKRAG NI DE SBRUL MIN GYI SHING GI LCUG MA PHRA MO YIN NO ZHES 'DZIN PA'I BLOS BSAL NUS PA BZHIN DU, GANG ZAG GI BDAG MED MNGON SUM DU RTOGS NAS BSGOMS PAS NYON MONGS CAN GYI RMONGS PA SA BON DANG BCAS PA 'JOMS NUS PAS NA, NYON MONGS SA BON DANG BCAS PA

, ,SPANGS TE 'KHOR BA LAS SGROL BA LA NGES PAR CHOS RNAMS KYI GNAS LUGS MTHAR THUG CHOS KYI BDAG MED RTOGS DGOS PA MIN NO, ,PHYI ROL SNANG BA YOD MIN TE, ZHES DON DAM PAR PHYI ROL GYI DON MED PAR GSUNGS PA DANG, LUS DANG LONGS SPYOD GNAS 'DRA BAR, ,SEMS NI SNA TSOGS SNANG BAS NA, ,ZHES SEMS GCIG BU GNAS DANG LUS SOGS SU GYUR BAR GSUNGS PA NI, SEMS NI YUL DE DAG GI RNAM PA GRIB MA LTA BUS KHA BSGYUR BAR SKYE BA'O, ,SEMS TZAM DU NI NGAS BSHAD DO, ,ZHES DANG, KHAMS GSUM PO 'DI NI SEMS TZAM MO, ,ZHES PA'I SEMS TZAM GYI SGRAS SEMS LAS GZHAN PA'I LAS GSOG PA'I BYED PA PO DANG RNAM SMIN MYONG BA'I ZAB PO 'GOG PA YIN PA'I PHYIR NA PHYI ROL GYI GZUNG BA MED PA MDO'I DON MIN NO, ,DBANG SHES YUL GYI RNAM PA DANG LDAN ZHING GZUGS SGRA SOGS GZUNG BA DANG MIG DANG RNA B'I RNAM SHES SOGS 'DZIN PA NI RGYU 'BRAS YIN PAS NA RIM CAN DU GRUB PA YIN NO,, RDZAS RIGS MI MTHUN PA GZHI THA DAD PA 'DUS PA LA DMAG DANG NAGS TSAL LA SOGS PAR GDAGS PA RNAMS 'DUS PA DANG BTAGS YOD YIN LA, RDUL RE RE BA DANG RIGS MTHUN PA'I RDUL DU MA GZHI GCIG LA BSTEN PA'I BSAGS PA'ANG RDZAS YOD YIN ZHING, BSAGS PA DE'I RDUL PHRA RAB RE RE BA'ANG PHRA RAB RE RE BA'ANG DBANG SHES KY DMIGS RKYEN DU RUNG NGO, ,ZLA BA GCIG LA BRTEN PA STE SNANG GZHIR BYAS NAS ZLA GNYIS SNANG BA'I SHES PA LA SOGS PA YANG PHYI ROL GYI DON MED NA MI SKYE ZHING, DNGOS SU KHAMS BCO BRGYAD KYI SUM CHA GNYIS DANG DON GYIS SHES

BYA THAMS CAD LA SKUR BA 'DEBS PAR 'GYUR RO, ,YUL GZHAN SNANG BA MED PA'I PHYIR NA YUL CAN SHES PA NYAMS SU MYONG BA'I RANG RIG SHES PA MIN NO, ,CHOS RNAMS BDEN PAR GRUB NA RIGS SHES KYI NGOR YOD DGOS TE, RIGS SHES KYIS CHOS RNAMS BDEN PAR GRUB MA GRUB DPYAD PA GANG ZHIG, DE RNAMS BDEN PAR GRUB PA'I PHYIR, RTAGS PHYI MA KHAS, RIGS SHES KYI NGO DER YOD NA BDEN PAR GRUB MI DGOS TE, CHOS NYID DER YOD KYANG BDEN GRUB MA YIN PA BZHIN NO, ,RIGS SHES KYI RNYED DON YOD KYANG RIGS SHES DES DPYAD BZOD DU GRUB NA BDEN PAR GRUB PAR BZOD DE 'GYUR DGOS TE, RIGS SHES KYIS BDEN PAR GRUB BAM SNYAM DU DE LA DPYAD PA'I PHYIR, RIGS SHES KYI DPYAD BZOD DU GRUB PA NI BDEN PAR GRUB TSAD DANG SKABS 'DIR DGAG BYA CHOS BDAG TU GRUB TSAD YIN NO, ,RTAGS DANG BSGRUB BYA'I CHOS GNYIS LDAN GYI MTHUN DPE SGRUB PAR SLA BA'I PHYIR DBU MA SNYING PO RTZA 'GREL LAS PHAL CHER DGAG RTAGS 'GAL ZLA DMIGS PA'I RTAGS SBYOR 'GOD PAR MDZAD DE, DPER BRJOD NA, DBANG PO'I GZUGS CAN PA YIN PA'I PHYIR MIG DBANG NI DON DAM PAR GZUGS LA MI BLTA STE, DPER NA RNA DBANG BZHIN ZHES SOGS DGOD PA YIN NO, ,SHES BYA DBYE GZHIR BYAS NAS DE LA KUN RDZOB KYI BDEN PA DANG DON DAM PA'I BDEN PA GNYIS SU PHYE'O, ,DON DAM PA'I BDEN PA ZHES PA'I TSIG ZUR GYI DAM PA NI 'PHAGS PA'I MNYAM GZHAG ZAG MED KYI BLO DANG, DON NI ZAG MED KYI BLO DES RNYED PA'I DON YIN LA, DE NI SNANG TSUL DANG GNAS TSUL MTHUN PAS MI BSLU BA'I PHYIR BDEN

, ,PA STE; DE NI DON DAM BA'I BDEN PA YIN NO, ,KUN RDZOB KYI BDEN PA ZHES PA'I TSIG ZUR GYI KUN RDZOB NI, DE KHO NA NYID LA SGRIB PA'I PHYIR KUN RDZOB STE BDEN 'DZIN GYI MA RIG PA'O, ,GZUGS SOGS KYI CHOS THA SNYAD PA RNAMS BLO KUN RDZOB PA DE'I DOR BDEN PAS NA DON DAM LAS GZHAN KUN RDZOB KYI BDEN PA ZHES BYA'O, ,RANG GSAL BAR SNANG BA'I BLO LA SNANG BA LTAR DU DON BYED NUS PAS MTSON PA'I 'JIG RTEN NA YANG DAG PAR GRAGS PA'I CHOS DANG, DE LTAR SNANG BA LTAR DU DON BYED MI NUS PAS MTSON PA'I 'JIG RTEN NA PHYIN CI LOG TU GRAGS PA'I CHOS KYI CHA NAS BZHAG PA'I DON NI, THA SNYAD PA'I DBANG DU BYAS PA'I BDEN RDZUN GYI KHYAD PAR YOD PA'I PHYIR KUN RDZOB KYI BDEN PA LA YANG DAG DANG LOG PA'I KUN RDZOB KYI DBYE BA YOD DO, ,DANG PO'I MTSAN GZHI NI GZUGS SGRA LA SOGS PA'I DNGOS PO RNAMS DANG, GNYIS PA'I MTSAN GZHI NI GZUGS BRNYAN LA SOGS PA RNAMS YIN NO,, TSAD MA LA MNGON SUM DANG RJES DPAG GNYIS DANG, MNGON SUM LA DBANG YID RNAL 'BYOR MNGON SUM GSUM DANG, DE DAG DANG RANG RIG MNGON SUM BZHI 'DOD PA NI, RIM PA BZHIN DU MDO SDE SPYOD PA DANG RNAL 'BYOR SPYOD PA'I DBU MA RANG RGYUD PA'I KHYAD PAR RO, ,THEG CHEN RIGS DES KYIS SGRIB GNYIS KYI BAG CHAGS ZAD PAR SPANGS PA DANG RDZOGS BYANG THOB PA DUS MNYAM BA NI MDO SDE SPYOD PA'I DBU MA RANG RGYUD PA'I LUGS DANG, DES SGRIB GNYIS ZAD PAR SPANGS PA DANG RDZOGS BYAD THOB PA DUS MNYAM PA NI RNAL 'BYOR SPYOD PA'I DBU MA

RANG RGYUD PA'I LUGS SO, ,CHOS LONGS SPRUL BA'I SKU GSUM DANG SKU GSUNG THUGS KYI GSANG BA BSAM GYIS MI KHYAB PA'I YON TAN DANG, SANGS RGYAS KYI CHOS MA 'DRES PA SUM BRGYA LA SOGS PA NI 'BRAS BU'I CHOS YIN NO,, NYON MONGS DUG GSUM SA BON DANG BCAS PA NI NYON SGRIB DANG SHES SGRIB NI BDEN 'DZIN SKOR DGU SA BON DANG BCAS PA RNAMS YIN NO, ,NYAN RANG GI LAM STE RTOGS RIGS MTHUN ZHING MI 'DRA BA'I KHYAD PAR NI TSE GSUM DANG BSKAL CHEN BRGYA LTA BU'I DUS KYI YUN TSAD DANG, SRID PA'I THA MA'I TSE SLOB DPON GZHAN GYI MAN NGAG LA LTOS MI LTOS DANG, MTSAN DPE RJES MTHUN PA MA THOB PA DANG THOB PA'I KHYAD PAR DANG; GZHAN LA SGRA BCAS SGRA MED PAR CHOS STON PA SOGS 'BRAS BU THOB PA'I KHYAD PAR MI 'DRA BA RNAMS KYIS 'BYED DO, ,RANG RGYUD PA GNYIS PAR RNAM BDEN PA DANG MTHUN PA DANG RNAM RDZUN PA DANG MTHUN PA GNYIS YOD PA LAS, DAD PO NI ZHI BA 'TSO YAB SRAS TE SDO SER LA SOGS PA'I RNAM PA DNGOS POR 'DOD PA'O, ,GNYIS PA NI SDO SER LA SOGS PA'I RNAM PA DNGOS MED DU 'DOD PA'I SLOB DPON SENG GE BZANG PO LA SOGS PA'O, ,RNAM RDZUN PA DANG MTHUN PA LA YANG GNYIS LAS, RNAM RDZUN DRI BCAS DANG MTHUN PA NI SLOB DPON DZE T'A RI DANG, RNAM RDZUN DRI MED DANG MTHUN PA NI SLOB DPON KA MVA LA STE WA BA PA LA SOGS PA YIN NO, ,YUM 'BUM PA LA SOGS PA LTA BU DGAG BYA LA DON DAM PA SOGS KYI KHYAD PAR DNGOS SHUGS GANG RUNG DU SBYAR BA'I 'KHOR LO BAR PA NI NGES DON GYI MDO DANG, SHES RAB SNYING PO LTA BU DGAG BYA LA DON

, ,DAM PA LA SOGS PA'I KHYAD PAR DNGOS SHUGS GANG LA YANG MA SBYAR BA'I 'KHOR LO BAR BA NI 'KHOR LO GNYIS PA YIN PAR MTSUNGS KYANG DRANG DON GYI MDO YIN PA NI MDO SDE DGONGS 'GREL GYI LUGS YIN PAR 'DI BAS 'DOD DO, ,MTSAN NYID GSUM GYI 'JOG TSUL SNGAR BSHAD PA DANG 'DRA YANG PHYI DON MED PAR 'DOD PA NI SNGA MA DANG MI 'DRA BA'I KHYAD PAR YIN NO, ,RGYAN STUG PO BKOD PA DANG MDO SDE GONGS 'GREL DANG LANG KAR GSHEGS PA'I MDO LA SOGS PA'I SKABS SU BRJOD BYA'I DON STON TSUL RNAM PA GNYIS YOD PA LAS, CHOS THAMS CAD BDEN PAR MED PAR RTOGS NUS PA'I GDUL BYA'I GTZO BO LA CHOS THAMS CAD BDEN GRUB KYI NGO BO NYID MED PAR BSHAD PA'I SKABS DANG, RE ZHIG CHOS THASm CAD BDEN PAR MED PAR RTOGS MI NUS PAR RIM GYIS BKRI DGOS PA'I GDUL BYA PHAL BA LA PHYI DON MED CING SEMS BDE NA GRUB TU STON PA'I SKABS TE TSIG GI CHA GNYIS YOD PA NI, RIM PA BZHIN DU DBU MA PA DANG SEMS TZAM PA'I LUGS SU 'DI BAS 'DOD PA YIN NO, ,'DI NI MDO'I TSIG LA CHA PHYE BA'I BSHAD TSUL YIN LA, TSIG LA CHA MA PHYE BAR MDO GCIG GI BRJOD BYA'I DON LA CHA PHYE BA'I DBANG DU BYED NA, ZHI BA 'TSO YAB SRAS KYIS 'KHOR LO BAR BA'I DGONGS PA BKRAL TSUL NI MDO SDE DGONGS 'GREL SOGS KYI DNGOS BSTAN GTZO BO'I DON YIN PA DANG, SEMS TZAM PAS 'KHOR LO BAR BA'I DGONGS PA BKRAL TSUL NI MDO SDE DGONGS 'GREL SOGS KYI DNGOS BSTAN PHAL BA'I DON YIN PAR BSHAD DGOS SO, ,RANG MTSAN GYIS GRUB PAR

SNANG BA LA TSAD MA GZHAN GYIS GNOD PA MED PA'I BLO'I SNANG BA'I DBANG GIS BZHAG PA MIN PAR YUL RANG GI GNAS LUGS KYI DBANG GIS YOD PA NI BDEN MED KYI DGAG BYA YIN PAR 'DOD PA NI RANG RGYUD PA GNYIS KA MTHUN NO,, DBU MA RGYUN RANG 'GREL DU LANG GSHEGS DANG YAB SRAS MJAL BA'I MDO DRANGS PA LAS GCIG DU BRAL GYI RIGS PA GSUNGS PA'I PHYIR NA ZHI BA 'TSO YAB SRAS KYIS PHAL CHER 'BREL ZLA MA DMIGS PA'I RTAGS SBYOR 'GOD PAR MDZAD DO, ,DPER BRJOD NA, BDEN PAR GRUB PA'I GCIG DANG DU MA DANG BRAL BA'I PHYIR GZUGS LA SOGS PA NI BDEN PAR MED DE,, DPER NA ME LONG NAD GI BYAD BZHIN GZUGS BRNYAN BZHIN NO, ,BDEN PAR GRUB NA BDEN GRUB KYI GCIG DANG DU MA GNYIS PO DER NGES PAS NA RJES SU 'GRO LDOG GI KHYAB PA GNYIS GRUB PO, ,PHYOGS CHOS SGRUB TSUL NI, DE BDEN PAR GRUB PA'I GCIG MIN TE, CHAB CAS YIN PA'I PHYIR, BDEN PAR GRUB PA'I DU MA MIN TE, BDEN PAR GRUB PA'I GCIG MED PA'I PHYIR, GZHAN YANG, RDO RJE ZEGS MA DANG YOD MED SKYE 'GOG DANG MU BZHI SKYE 'GOG DANG RTEN 'BREL GYI RTAGS RNAMS LUGS 'DI'I BDEN GRUB 'GOG PA'I RIGS PA'I GTZO BO YIN NO, ,GANG ZAG GI BDAG MED DAD BDEN PA GNYIS KYI RNAM GZHAG RNAMS LA RANG RGYUD PA GNYIS KA 'DOD PA MTHUN NO, ,SHES SGRIB PHRA BA DANG RAGS PA NI RIM PA BZHIN DU BDEN 'DZIN SA BON DANG BCAS PA DANG GZUNG 'DZIN RDZAS GZHAN DU 'DZIN PA'I BLO SA BON DANG BCAS PA LA SOGS PA RNAMS YIN NO, ,BDEN BZHI'I RNAM PA BCU DRUG DANG GZUNG 'DZIN GNYIS STONG DANG BDEN PAR MED PA RNAMS

, ,RIM PA BZHIN DU NYAN THOS DANG RANG RGYAL DANG THEG CHEN LAM GYI RTOGS RIGS GSUM GYI GZHAL BYA YIN PAS NA THEG PA GSUM GYI RTOGS RIGS MI 'DRA BA'I KHYAD PAR DE YIN NO, ,MTHONG LAM SGOM LAM RE RE LA MNYAM GZHAG DANG RJES THOB YE SHES GNYIS GNYIS YOD PA LA SOGS PA'I KHYAD PAR RNAMS LA DBU MA RANG RGYUD PA GNYIS KA 'DOD PA MTHUN PA YIN NO, ,'DIR SMRAS PA, RANG MTSAN ZHAL GYIS BZHES PA'I RGYU MTSAN GYIS, ,RANG RGYUD 'THAD PAR SMRA BA'I DBU MA'I LUGS, ,RANG LUGS JI LTAR YIN PA DE LTAR DU, ,RANG BZO SPANGS TE MKHAS PA'I GZHUNG BZHIN BKOD, ,BLO LA SNANG BA'I DBANG GIS MA BZHAG PA'I, ,YUL GYI SDOD LUGS MED PAR RTOGS PA NI, ,RTAG CHAD MTHAR LTA'I MUN PA KUN SEL BA'I, ,ZAB LAM 'OD STONG 'CHAR BA'I SKYA RENGS YIN, ,THAL RANG LTA BA'I TZANDAN SHUG PA'I MES, , MTHAR 'DZIN GRANG REG SEL BA'I NUS MTHU LA, ,BZANG NGAN KHYAD PAR YOD MED GANG YIN CES, ,SAR GNAS 'PHAGS PA RNAMS KYANG 'PHYAD MO NYUG ,COS GRUB MTHA' CHEN MO'I MCHAN 'GREL DKA' GNAD MDUD GROL BLO GSAL GCES NOR ZHES BYA BA LAS DBU MA RANG RGYUD PA'I SKABS BYAS ZIN TO,, ,,RTZA BA'I BLA MA BLO BZANG THUB PA'I DBANG PO SRAS MCHOG 'JAM DPAL DBYANGS 'PHAGS MCHOG KLU SGRUB YAB SRAS MKHAS MCHOG ZLA GRAGS SLOB BRGYUD DANG BCAS PA LA GUS PAS PHYAG 'TSAL LO, ,TSE RABS KUN TU RJES SU GZUNG DU GSOL, 'DIR GRUB MTHA' SMRA BA KUN GYI YANG RTZE DPAL LDAN DBU MA THAL 'GYUR BA'I

GRUB MTHA'I MCHAN 'GOD PA LA, //KA// 'DI'I RANG RGYUD KYI RJES DPAG CES PA NI RANG NGOS NAS GRUB PA'I RTAGS SBYOR ZHES PA YIN LA, PHYOGS ZHES PA NI BSGRUB BYA 'AM NGAM BCA'I MING YIN ZHING, GZHAN ZHES PA NI RANG NGOS NAS MA GRUB PA LAS GZHAN PA'I DON YIN NO, ,DES NA LUNG 'DI'I DON NI, RANG NGOS NAS GRUB PA'I RTAGS SBYOR 'GOD PAR KHAS LEN PA MI RIGS TE, RANG NGOS NAS GRUB PA'I BSGRUB BYA'AM DAM BCA' KHAS MA BLANGS PA'I PHYIR ZHES PA STE, RGYAS PAR LHAG MTHONG CHEN MO LAS SHES PAR BYA'O, , //KHA// RANG NGOS NAS GRUB PA KHAS BLANG NA RANG NGOS NAS GRUB PA'I SKYE BA YANG RANG GI DANG GIS KHAS LEN DGOS LA, DE LTA NA MTHA' BZHI GANG RUNG LAS SKYE BA DANG MU BZHI GANG RUNG DU YOD PA NGES PAR KHAS LEN DGOS TE, DON DAM PAR SKYE NA SKYE TSE MTHA' BZHI GANG RUNG LAS SKYE BA DANG GNAS TSE MU BZHI GANG RUNG DU YOD DGOS PAR NANG PA'I GRUB MTHA' SMRA BA BZHI KA MTHUN PAR KHAS BLANGS PA'I PHYIR RO, ,DES NA MU BZHIR YOD PA DBU MA'I GZHUNG NAS BKAG PA'I PHYIR RANG RGYUD KYI DAM BCA' KHAS LEN MI RIGS PA'I SHES BYED DU, ,BZHI BRGYA PA LAS, YOD DANG MED DANG YOD MED CES, ZHES SOGS KYI LUD 'DI TSIG GSAL DU DRANGS SO, ,LUNG 'DI'I DON NI LHAG MTHONG CHEN MOR, BZHI BRGYA PA LAS, YOD DANG MED DANG YOD MED CES, ZHES SOGS GSUNGS PA NI DE'I 'GREL PA LAS, STONG PA NYID DU SMRA BA LA YUN RING POS KYANG SUN 'BYIN BRJOD MI NUS PAR BSTAN LA, KHYOD NI STONG PA NYID DU 'ANG MI 'DOD DO ZHES SMRA BAS NA 'DOD PA GANG YANG MED PA'I KHUNGS SU JI LTAR RUNG, 'JUG 'GREL LAS,

, ,GANG GI PHYIR BTAGS PAR YOD PAR SMRA BA RNAMS LA GNYIS SU SMRA BA 'DI MI RIGS PA DE NYID KYI PHYIR, GNYIS LA BRTEN NAS SUN 'BYIN PA DANG LAN SMRA BAS DBU MA PA LA THAMS CAD DU GLAGS MI RNYED DO, ,JI SKAD DU 'PHAGS PA LHAS, YOD DANG MED DANG, ZHES SOGS RKANG PA BZHI DRANGS SO, , DE LTAR DANG GI NGO BOS GRUB PA'I RDZAS YOD KHEGS PA'I BTAGS YOD DU 'DOD PA RNAMS LA DNGOS PO YOD PAR SMRA BA RANG GI NGO BOS GRUB PAR 'DOD PA DANG DNGOS PO MED PAR SMRA BA GZUGS SOGS KYI DNGOS PO RNAMS KYI DON BYED PA THAMS CAD KHEGS PAR 'DOD PA GNYIS KYIS SUN MI PHYIN PA'I SHES BYED DU DRANGS PAS NA RANG LUGS MED PA'I KHUNGS SU MI RUNG LA, YOD MED LA SOGS PA'I PHYOGS KYANG GNYIS SU SMRA BA'I PHYOGS LTA BU YIN PAR SHIN TU GSAL BAS SNGAR MU BZHI 'GOG PA DANG YOD MED DU SMRA BA SEL TSUL GYI SKABS SU BSHAD PA BZHIN NO, ,ZHES GSUNGS SO, ,YOD MED DU SMRA BA SEL TSUL GYI SKABS SU NI RANG BZHIN GYIS YOD PA DANG GTAN NAS MED PA BKAG PAS NA, MU BZHI 'GOG TSUL YANG RANG BZHIN GYIS YOD PA DANG GTAN NAS MED PA DANG, DE GNYIS KA YIN PA DANG DE GNYIS KA MA YIN PA'I PHUNG GSUM BDEN PAR GRUB PA 'GOG PA LA SBYOR DU RUNG LA, YANG NA DE NYID LAS, DBU MA'I GZHUNG RNAMS NAS DNGOS PO 'AM RANG BZHIN YOD PA DANG MED PA DANG NYIS KA DANG GNYIS KA MIN PA'I MU BZHI THAMS CAD BKAG LA DER MA 'DUS PA'I CHOS KYANG MED PAS RIGS PAS THAMS CAD 'GOG

GO SNYAM NA, 'DI NI SNGAR BSTAN PA LTAR DNGOS PO LA GNYIS LAS RANG GI NGO BOS GRUB PA'I DNGOS PO NI BDEN PA GNYIS GANG DU YOD PAR 'DOD KYANG 'GOG LA DON BYED NUS PA'I DNGOS PO NI THA SNYAD DU 'GAG PA MA YIN NO, ,DNGOS PO MED PA'ANG 'DUS MA BYAS RNAMS LA RANG GI NGO BOS GRUB PA'I DNGOS MED DU 'DOD NA NI DE 'DRA BA'I DNGOS MED KYANG 'GOG GO, ,DE BZHIN DU DE BA'I DNGOS PO YOD MED GNYIS KAR YANG 'GOG LA GNYIS KA MA YIN PA RANG GI NGO BOS GRUB PA'ANG 'GOG PAS MU BZHI 'GOG TSUL THAMS CAD NI DE LTAR DU SHES PAR BYA'O, ,DE 'DRA BA'I KHYAD PAR SBYAR RGYU MED PAR MU BZHIG 'GOG NA DNGOS PO YOD PA DANG DNGOS PO MED PA 'GOG PA'I TSE DE GNYIS KA MA YIN TE ZHES BKAG NAS SLAR YANG GNYIS KA MA YIN PA'ANG MA YIN ZHES BKAG NA NI KHAS BLANGS DNGOS SU 'GAL BA YIN LA DE LTAR YIN KYANG SKYON MED DO ZHE BSNYON NA NI KHO BO CAG SMYON PA DANG LHAN CIG TU MI RTZOD DO, ,ZHES GSUNGS PA LTAR RO, ,GZHAN YANG STONG THUN CHEN MO LAS, YOD PA YANG BDEN PAR GRUB PA MA YIN, MED PA YANG BDEN PAR GRUB PA MA YIN, GNYIS GA YIN PA'I PHUNG GSUM BDEN PAR GRUB PA MA YIN, GNYIS MA YIN PA'I PHUNG GSUM BDEN PAR GRUB PA MA YIN, ZHES BYA BA'I DON YIN PAS NA KHO BO CAG LA RGUD PA CI 'AD MED KYI MNGON PAR MTHOB 'BA' ZHIG 'BYUNG BAR 'GYUR RO, ,ZHES BSHAD PA YANG YOD DO,, //GA// GAL TE NGAS DAM BCA' 'GA' YOD, CES SOGS KYI DON NI, LHAG MTHONG CHEN MO LAS, DE LA RTZOD ZLOG LAS, DAM BCA' MED PAR GSUNGS PA NI, DNGOS PO RANG BZHIN MED DO ZHES

, ,DBU MA PAS SMRAS PO LA DNGOS SMRA BAS DE LTAR DAM 'CHA' BA'I TSIG DE LA RANG BZHIN YOD NA DNGOS PO THAMS CAD LA RANG BZHIN MED PA MI 'THAD LA, RANG BZHIN MED NA RANG BZHIN YOD PA 'GOG MI NUS SO ZHES BRTZAD PA LAS 'PHROS PA YIN LA, ZHES PA NAS, DES NA DAM BCA' YOD MED NI SPYIR DAM BCA' YOD MED RTZOD PA MA YIN GYI DNGOS PO THAMS CAD LA RANG BZHIN MED DO ZHES DAM BCAS PA'I TSIG LA RANG BZHIN YOD MED RTZOD PA YIN PAS DE 'DRA BA'I DAM BCAS PA'I TSIG DE LA RANG BZHIN YOD PAR KHAS BLANGS NA DNGOS PO THAMS CAD RANG BZHIN MED PAR DAM BCAS PA DANG 'GAL BA'I SKYON DE LA YOD NA 'ANG, NGED DE LTAR MI 'DOD PAS SKYON DE NGA LA MED CES PA'I DON YIN PAS DAM BCA' MED PA'I SGRUB PA BYED DU MI RUNG STE, ZHES GSUNGS PA LTAR RO,, //NGA// THAL 'GYUR NI GZHAN DON SKABS KYI RJES DPAG SKYE BA KUN LA 'GOD DGOS PAS KHYAB CHE LA, GZHAN GRAGS KYI SBYOR BA NI RGOL BA DBANG RNON 'GA' ZHIG LA 'GOD MI DGOS PAS KHYAB CHUNG NGUR BSHAD DO,, //CA// RKYEN NYID 'DI BA TZAM NI 'DUS BYAS KYI RTEN 'BYUNG GI MING YIN LA, RGYU 'BRAS BU LA LTOS PA NI THAL 'GYUR BA KHO NAS 'DOD CING, 'BRAS BU RGYU LA LTOS PA NI NANG PA'I GRUB MTHA' SMRAB KUN GYIS 'DOD PAR BSHAD DO,, //CHA// THUB PA'I DBANG POS CHOS THAMS CAD BDAG MED PAR GSUNGS PA LA, RGOL BA SUS KYANG CHOS DANG MTHUN PAR RGOL BA'I GLAGS MI RNYED PAS SENG GE'I SGRA CHEN LTA BU BSGRAGS PA YIN LA, DE YANG STONG PA NYID DANG DE

BZHIN NYID DANG YANG DAG MTHA' LA SOGS PA'I RNAM GRANGS MANG PO'I SGO NAS DANG, SGYU MA DANG RMI LAM DANG SMIG RGYU 'DRA BA LA SOGS PA'I DPE MTHA' YAS PA DANG, THEG PA SNA TSOGS TE MTHAR THUG THEG PA GSUM DU BSTAN PA LA SOGS PA'I THABS TSUL SNA TSOGS KYIS MTHA' PHRA RAGS KUN LA MI GNAS PA'I DBU MA'I DON NYE BAR MTSON PAR MDZAD DO ZHES PA'O,, //JA// RIM LNGA'I GNYIS PA DGONGS PA BLA NA MED PA'I RIM PA'I STOD 'PHAGS PAS MDZAD PA'I 'PHRO CIG SH'KYA BSHES GNYEN LA GNANG BA BYIN NAS RTZOM DU 'JUG PA YIN PAR RIM LNGA'I GSAL SGRON DU GSUNGS SO,, //NYA// 'DIR RANG RGYUD BKAG PAR GSUNGS PAS NA, RANG RGYUD PA SGYU MA RIGS GRUB YIN PAR GSUNGS PA LTAR BUR SNANG LA, SKABS 'DIR YANG, SGYU MA 'ANG SGYU MA TZAM MIN TE, ZHES SGYU MA LTA BU'I DBU MA PA BKAG PA'I GZHUNG GIS RANG GSUNGS PAS NA, RANG RGYUD PA SGYU MA RIGS GRUB YIN PA NI GRUB MTHA' CHEN MO'I DGONGS PA YIN NAM SNYAM YANG, RNAM BSHAD SNYING PO CAN DU SLOB DPON SENG BZANG SGYU MA RIGS GRUB YIN PAR 'DOD PA NI DBU MA PA CHEN PO LA SKUR BA 'DEBS PA YIN PAR GSUNGS PA DANG, LAM RIM CHEN MOR YANG, SGYU MA LTA BU DANG RAB TU MI GNAS PA'I THA SNYAD NI RGYU GAR BA'I SLOB DPON KHA CIG KYANG 'DOD DE, SPYIR DBU MA PAR KHAS 'CHE BA'I RGYA BOD KYI SLOB DPON 'GA' RE DE LTAR DU 'DOD PA YOD MOD KYANG, SLOB DPON KLU SGRUB KYI RJES SU 'BRANG BA'I DBU MA BA CHEN PO RNAMS KYI LUGS JI LTAR YIN GTAN LA DBAB PAR BYA YI PHRA MO RNAMS SU ZHIG GIS BSHAD PAR NUS, GZHAN YANG DON DAM 'DOD TSUL GYI SGO NAS

, ,GNYIS SU BZHAG PA NI RMONGS PA NGO MTSAR BSKYED PA'I RNAM GZHAG GO ZHES LO TZTSA BA CHEN PO BLO LDAN SHES RAB GSUNG BA NI SHIN TU LEGS TE, DE DAG GI 'DOD PA NI RIGS SHES RJES DPAG GIS GZHAL BYA'I DON TZAM DON DAM BDEN BAR 'DOD PAR SNANG LA RIGS SHES KYI GZHAL BYA NI DON DAM BDEN PA DANG MTHUN PAS DON DAM ZHES BTAGS PAR DBU MA RGYAN DANG SNANG BA GNYIS KA BKAG NAS GSUNGS PA'I PHYIR RO, ,DBU MA BA CHEN PO GZHAN RNAMS KYANG RIGS PAS SPROS PA BCAD PA'I DON DE TZAM NI DON DAM BDEN PAR MI BZHED PAS LEGS BAM YIN NO, ,ZHES RGYU MA RIGS GRUB PA'I DON DANG THA SNYAD GNYIS KA BKAG PAR SNANG PA'I PHYIR DANG, LAM RIM CHUNG DU LAS KYANG, SGYU MA RIGS GRUB PAS GZHI PHUNG PO LTA BU DANG BDEN STONG GI SNANG BA GNYIS TSOGS PA'I GAS SHES RJES DPAG GIS GRUB PA'I DON TZAM DON DAM BDEN PAR 'DOD PA NI, MTHUN PA'I DON DAM DU 'GYUR GYI DON DAM BDEN PA MIN NO, ,BDEN PA'I GCIG DANG DU BRAL GYI SNANG BAS MYU GU SOGS BDEN MED KYI SNANG BAR SGRUB PA YANG, GZHI DE BDEN PAR YOD MED THE TSOM MA CHED PA'I GANG ZAG RTOGS LDAN LA NI DE LTAR SGRUB PA'I DON MED LA, THE TSOM CHOD PA LA NI RTAGS DE RTAGS YANG DAG TU MI 'GYUR BA DANG, DBU MA SNANG BA LAS GCIG DU BRAL GYI RTAGS CHOS GNYIS KA RNAM BCAD TZAM DU GSUNGS SHING, GCIG DANG DU MA MIN PA DANG DE GNYIS SU MED PA GANG RTAGS SU BYAS KYANG 'DRA BAR GSUNGS PA NI, MA YIN DGAG LA MI BYED PAR DE NYID DPER BRJOD LAS SHES PAS, SLOB DPON ZHI BA 'TSO LAB SRAS DANG,

SLOB DPON SENG GE BZANG PO'I BZHED PA GTAN MIN NO, ,ZHES SGYU MA RIGS GRUB PAS GZHI PHUNG SOGS DANG BDEN MED KYI SNANG BA GNYIS TSOGS DON DAM BDEN PAR 'DOD PAR BSHAD PA'I PHYIR RO, GZHAN YANG, 'DI 'THAD PAR THAL, SGYU MA RIGS GRUB PAS SNANG STONG TSOGS PA RIGS SHES RJES DPAG GI GZHAL BYAS KHAS LEN PAR MA ZAD BAR CHAD MED LAM GYI GZHAL BYAR YANG KHAS LEN PA'I PHYIR TE, GSER PHRENG LAS, 'PHAGS GROL DANG SLOB DPON GNYIS KYI SA CHOS NYID TZAM MNYAM BZHAG GI YUL YIN PA DANG, MNYAM BZHAG GSUNG 'DZIN GYI RNAM PA CAN DANG, YUL DANG BRAL BA GNYIS KA'I LUGS DMIGS PA DANG YE SHES KYI TSOGS SKABS SU BKAG NAS BDEN DNGOS MED PA'I RTEN 'BREL SGYU MA LTA BU MA YIN DGAG MNYAM BZHAG GI DMIGS PAR BSHAD CING, ZHES GSUNGS PA'I PHYIR, KHYAB STE, 'DIR MNYAM BZHAG YUL SNANG MED DANG SNANG BCAS SU 'DOD PA'O, , LUGS GNYIS BKOD PA LAS DANG PO RAB TU MI GNAS PA DANG GNYIS BA SGYU MA RIGS GRUB YIN PA'I PHYIR, GSER PHRENG LAS KYANG LTA BA'I SKOR BOD SNGA RABS PA'I LUGS LTAR BSHAD PA'I PHYIR RO, ,YANG KHA CIG NA RE, DGAG BYA BDEN PA RNAM PAR BCAD TZAM DE DON DAM BDEN PA MA YIN PAR THAL, LAM RIM CHEN MO LAS, DBU MA PA CHEN PO GZHAN RNAMS KYANG RIGS PAS SPROS PA BCAD PA'I DON DE TZO MA NI DAM BDEN PAR MI BZHED PAS LEGS PA MA YIN NO, ,ZHES GSUNGS PA'I PHYIR NAM KHYAB STE, DE NI BRTAG SHING DPYAD PA NA CHOS THAMS CAD SNANG MI SNANG SKYE ME SKYE BDAG YOD MED LA SOGS PA'I SPROS PA MTHA' DAG DANG BRAL BA DE LA DON DAM

, ,ZHES GZHAN NGOR MING BTAGS PAR 'DOD PA'I LUGS KYI SBOS BRAL LA BYED KYI, RANG LUGS KYI MNYAM BZHAG RNAM PAR MI RTOG PA'I YE SHES KYI NGOR SPROS PA STE RTOG PA'I DRA BRAL B'I GNAS LUGS STONG NYID LA MI BYED PA'I PHYIR, DER THAL, SNGAR RABS PA'I LUGS DE NI MA BRTAGS MA DPYAD PA'I SHES NGOR SKYE DGAG KUN BYANG DGAG SGRUB SOGS MTSAN NYID MI 'DRA BA DU MAR SNANG ZHING SHES NGA DE LA LTOS TE RIGS PA'I GNOD PA MED PA'I SNANG CHA THAMS CAD KUN RDZOB BDEN PA DANG, BRTAGS SHING DPYAD PA NA SKYE DGAG SOGS CIR YANG MA GRUB PA DE LA GZHAN DOR DON DAM BDEN PA ZHES MING BTAGS TZAM YIN GYI DON DAM PA'I CHOS SHIG TU GRUB PA MA YIN ZHING BLOS KYANG GZUNG DU MED PAR 'DOD PA'I PHYIR TE, GSER PHRENG LAS, SKYE DGAG KUN BYANG DGAG SGRUB SOGS MTSAN NYID MI 'DRA BA DU MAR BLO LA SNANG ZHING THA SNYAD PA'I BLO NGO DER RIGS PA'I GNOD PA MED PA'I SNANG BA'I CHA JI SNYED BA NI KUN RDZOB KYI BDEN PA YIN LA, KUN RDZOB DE NYID DPYAD NA SNANG SKYE MI SKYE BDAG YOD MED LA SOGS PA'I SPROS PA'I DRA BA MA LUS PAS DBEN PAS DON DAM PA ZHES GZHAN YANG DAG PA'I LAM LA BKRI BA'I PHYIR DU DGOS PA'I DBANG GIS KHAS BLANGS PA RTZAM STE, SPROS BRA LA ZHES PA'ANG GZHAN NGOR MING BTAGS PA TZAM YIN GYI SPROS BRAL GYI CHOS SHIG TU GRUB PAR 'DOD PA MA YIN NO, ,ZHES GSUNGS PA'I PHYIR DANG, GSHIS LUGS DANG CHOS NYID DANG RANG BZHIN SBROS BRAL DON DAM PA'I BDEN PA RNAMS RTOGS ZHES

PA'I DON YE SHES LA 'DZIN PA MTHA' DAG NYE BAR ZHI BAS DE RNAM LA DMIGS PA'I SHES PA MI SKYE BA LA BYED KYI, DNGOS SU NA 'GA' ZHIG 'GA' ZHIG GIS DMIGS BYA DMIGS BYED DU BYAS PA MIN TE, DPER NA SHES PA YUL JI 'DRA BA DE'I RNAM PAR SKYES PA NA RANG DUS NA YUL DE MED KYANG DE RTOGS PAR 'JOG PA DANG 'DRA BAR MNYAM BZHAG GIS CHOS NYID MTHA' YANG DU YANG MI GNAS PA DANG RJES SU MTHUN PAR MTHA' GANG DU YANG MI 'DZIN PA NA DE DANG DE RTOGS PAR THA SNYAD BYAS PA STE, ZHES GSUNGS PA'I PHYIR, 'DI LA KHA CIG NA RE, RIGS PAS SBROS PA BCAD PA'I DON DE TZAM NI DON DAM BDEN PAR MI BZHED CES PA'I SKABS KYI SPROS PA BCAD PA'I DON SNGA RABS PA'I LUGS KYI CIR YANG MA GRUB PA'I STONG NYID LA BYED PA MI 'THAD PAR THAL, SNGA RABS PAS CIR YANG MA GRUB PA'I STONG NYID DE BLOS GA ZUNG DU MED PAR 'DOD LA, LUNG 'DI'I SPROS PA BCAD PA'I DON NI DGAG BYA'I SPROS PA RNAM PAR BCAD PA LA RNAM BCAD DANG YONGS GCOD GNYIS SU BYAS PA'I PHYI MA RJES DPAG GIS GZHAN BA'I DON LA BYE BA'I PHYIR TE, LAM RIM CHUNG DU LAS, SNANG PA LA NGAG BYA'I SBROS PA RNAM PAR BCAD PA LA RNAM BCAD DANG YONGS GCOD GNYIS SU BYAS PA'I PHYIR MA RJES DPAG GIS GZHAL BA'I DON DAM BDEN PAR 'DOD BA YANG DBU MA PA CHEN PO SU YANG MI BZHED DO, ,TSUL 'DIS LAM RIM RGYAS PAR 'DI DAG GI RNAM BZHAG BSHAD PA YANG ZHIB TU SHES PAR BYA'O, ,ZHES GSUNGS PA'I PHYIR KHYAD STE, 'DI'I PHYOGS SNGA SMRA BAS DON DAM NI DNGOS SU NA BLO GANG

, ,GI YANG YUL DU MI RUNG MOD, 'ON KYANG GCIG DU BRAL SOGS KYI RTAGS LA BRTEN PA'I RJES DPAG GIS CIR YANG MA GRUB PA'I SBROS BRAL GYI RNAM PA LA DON DAM DU SGRO BTAGS NAS 'DZIN PAR 'DOD PAS DE'I DBANG DU BYAS PA'I PHYIR, DER THAL, DE 'DRA'I SGRO BTAGS PA'I CHA DE LA SPROS PA RNAM PAR BCAD PA'I YONGS GCOD DANG RJES DPAG GI GZHAL BYAR 'DOD PA'I PHYIR, DER THAL, DE DAG GIS SPROS BRAL NI BLOS GZUNG DU MED PA DANG SGRAS BRJOD DU MED PAR 'DOD PAS STONG PA NYID KYI DON LA 'CHAD NYAN BYED PA MI SRID PAR THAL BA DANG GCIG DU BRAL SOGS KYI RTAGS LA RTEN PA'I RJES DPAG GI GZHAL BYA MI SRID PAR THAL BA'I SKYON SPONG DU SPROS BRAL GYI RNAM PA LA DON DAM DU SGRO BTAGS PA'I CHA DE LA 'CHAD NYAN SOGS BYED PAS CIR YANG MA GRUB PA'I STONG NYID LA 'CHAD NYAN SOGS BYED PAR SONG BA'I PHYIR TE; DPER NA SNANG BRTAGS GCIG TU BSRES PA'I RTOG PA'I SNANG BA LA BRDA SBYAR BAS RANG MTSAN LA BRDA BYED PAR SONG BA BZHIN YIN PA'I PHYIR, ZHES 'DOD DE, GSER PHRENG LAS, SPROS BRAL GYI RNAM PA LA DON DAM DU BTAGS NAS RNAM BZHAG BYED DE, RTOG PAS SNANG BA DANG BRTAGS PAR BYA BA'I DON GNYIS GCIG TU BSRES NAS RANG MTSAN LA BRDA BYED PA BZHIN NO,, MDO LAS KYANG, YI GE MED PA'I CHOS RNAMS LA, ,NYAN PA GANG DANG STON PA GANG, ,'GYUR BA MED LA SGRO BTAGS NAS, ,DE NYID NYAN CING STON PAR 'DOD, ,CES SO,, ZHES GSUNGS PA'I PHYIR RO,, KHA CIG NA RE, BSHAD TSUL DE DAG MI

'THAD PAR THAL, LAM RIM CHEN MO'I RIGS PAS SPROS PA BCAD PA'I DON ZHES PA DANG LAM RIM CHUNG DU'I SPROS PA RNAM PAR BCAD PA'I YONGS GCOD CES PA BDEN STONG SGYU MA LTA BU'I MA YIN DAG GA LA BYED PA'I PHYIR; DER THAL, 'JAM DBYANGS BZHAD PA'I RDO RJES LAM RIM CHEN MO'I MCHAN 'GREL DU DE LA MA YIN DGAG DANG BDEN STONG SGYU MA LTA BU'I BSHAD PA MDZAD PA'I PHYIR, ZER NA, 'O NA, DE GNYIS MED DAG GA YIN PAR THAL, STONG THUN CHEN MOR, SNANG BA LA BDEN PA BKAG PA'I MED DGAG DON DAM BDEN PAR 'DOD PA ZHES MED DGAG GI BSHAD PA MDZAD PA'I PHYIR, KHYAB PA SGRIG, DES NA RJE'I GSUNG DE LA RJES 'BRANG RNAMS KYIS SNA TSOGS BSHAD SNANG NGO,, RGYAS BAR KHO BOS BRIS PA'I BDEN GNYIS KYI RNAM GZHAG LAS SHES PAR BYA'O,, //TA// SLOB DPON DPA' BO'I DON DAM BYANG CHUB SEMS SGOM NI DBU MA'I BSTAN BCOS YIN KYANG LTA SGOM SPYOD GSUM DU PHYE BA'I LTA BA'I SKOR GYI GZHUNG MIN GYI SGOM YIG YIN PAS, LEGS BSHAD SNYING POR SLOB DPON DPA' BO'I DBU MA'I BSTAN BCOS 'GYUR BA MI SNANG BAR GSUNGS ZHES PA'O,, MKHAS PA KHA CIG DE RTZOM MKHAN NI SLOB DPON DPA' BO DANG MING MTHUN PA YIN GYI, 'PHAGS PA KLU SGRUB KYI DUS SU BYON PA'I SLOB DPON DPA' BO MIN ZHES BSHAD PA'ANG YOD DO,, //THA// GZHAN DU 'DREN PA LA DPE YOD KYANG DE DGOS PA'I SGO NAS DRANG TSUL TE ZHES PA DPE DAG MA DAG DPYAD PAR BYA STE, SGYU MA LA SOGS PA'I DPE DANG BTAGS DON BTZAL NA MI RNYED PA SOGS KYI RIGS PA

, ,DANG ZAB DON STON PA'I LUNG GSUM GYI SGO NAS GNAS LUGS GZHAN DU 'DREN PAR BSHAD PA'I SKABS YIN PA'I PHYIR RO,, //DA// BA RU RA'I MDO LAS BA RU RA'I PHUNG PO RI RAB TZAM LAS SEMS CAN 'DI'I KHAMS NI 'DI LTA BU'O ZHES BRJOD CING RE RE NAS DOR NA DE MYUR DU ZAD PAR 'GYUR GYI SEMS CAN GYI KHAMS ZAD PAR MI 'GYUR PAR GSUNGS PA DANG, DGONGS 'GREL LAS THEG PA GSUM GYI RNAM PAR DAG PA YANG GCIG PA DANG RNAM PAR DAG PA'I LAM YANG GCIG PA LA DGONGS NAS THEG PA GCIG TU BSTAN TE, RANG BZHIN GYIS DBANG PO RTUL 'BRING RNON PO'I RIGS SNA TSOGS PA MED PA MA YIN ZHES BSHAD DO,, //NA// RIGS GSUM BDEN GRUB KYI THA DAD DU GRUB NA MTHAR THUG THEG PA GSUM DU GRUB PAS KHYAB STE, SEMS CAN GYI RGYUD KYI THEG PA SO SO'I LAM DU BKRIR RUNG BA'I ZAG PA MED PA'I SA BON KYI RIGS SO SOR NGES PA KHA CIG KYANG, DON DAM PAR RIGS SO SOR NGES PA YIN PAS GNAS SKABS RKYEN GYI DBANG GIS MOS PA DANG BSAM PA CUNG ZAD BSGYUR DU RUNG YANG, DON DAM PAR NGO BO NYID KYIS SO SOR NGES PAS MTHAR THUG PA'I THEG PA YANG SO SO THA DAD GSUM DU NGES PA YIN NO,, //PA// 'KHOR BA'I SDUG BSNGAL LA 'JIGS PAR LTA BA'I DBANG GIS GZHAN DON GYI BYA BA DOR NA SANGS RGYAS KYI GDUNG NGAM RIGS CHAD PAR 'GYUR ZHES PA'O;; GA// NGA YANG THEG PA GCIG LA BRTZAMS NAS CHOS 'CHAD, DUS GSUM DANG PHYOGS CU'I SANGS RGYAS THAMS CAD KYANG THEG PA GCIG LA BRTZAMS NAS CHOS BSTON PAS NA, THEG PA MTHAR THUG

GNYIS SAM GSUM DU MED CES PA'O,, //BA// GAL TE DE BZHIN GSHEGS PAS, KHA CIG LA NI THEG PA CHEN PO STON PAR 'GYUR LA, KHA CIG LA NI NYAN THOS DANG RGYAL GYI THEG PA STON NA, DE NI DE BZHIN GSHEGS PA'I THUGS YONGS SU MA DAG PAR 'GYUR, MNGON PAR ZHEN PA'I NYES PAR YANG 'GYUR, THUGS RJE CHEN PO NYI TSE BAR YANG 'GYUR, 'DU SHES THA DAD PAR YANG 'GYUR, CHOS LA SLOB DPON GYIS DPE MA KHYUD BYAS PAR YANG 'GYUR RO ZHES RIGS CAN GSUM GA RGYU MTSAN LNGAS SANGS RGYAS NYID KYIS BRNYES PA'I GO 'PHANG LA 'GOD PAR GSUNGS PA'I PHYIR RO,, DE LNGA'I DON YANG RIM BZHIN RNAM RTOG MA 'GAGS PA DANG, 'KHOR BDUN PA DANG LDAN PA LA CHAGS PA DANG, SNYING RJE PHYOGS RIS CAN DANG, CHAGS SDANG CAN DANG, SER SNA CAN DU 'GYUR BA'I DON DU BSHAD DO,, //MA// BAR CHAD MI BYED PA NI RIGS LNGA DANG THEG PA GSUM DU MI SMRA BA'O,, KHYAD PAR DU 'PHAGS PA NI DGRA BCOM PA THOB PA STO, KHAMS GSUM GYI SPANG BYA SPANG BA'I PHYIR RO, ,SHIN TU KHYAD PAR DU 'PHAGS PA NI BSAM GYIS MI KHYAB PA GRUB PA'I SKYE BA LA BRTEN NAS SEMS BSKYED PAR BYED PA'O,, ZHES MDO KUN BTUS KYI 'GREL BAR BSHAD DO,, RTZA// LUNG GSUM ZHES PA NI, BA RU RA'I MDO DANG DGONGS 'GREL DANG SHER MDO'I LUNG GSUM LA BYED DO,, //TSA// NOR BU BKRU BA'I DPE GSUM NI PHAR PHYIN SPYI DON SOGS LAS SHES PAR BYA'O,, //DZA// PHYIR MI LDOG PI' 'KHOR LO'I MDO LAS SANGS RGYAS RNAMS KYIS CHOS BSTAN PA NI PHYIR MI LDOG PA'I CHOS 'KHOR DU MTHUN ZHING, MTHAR THUG THEG PA GSUM DU

, ,BSTAN PA NI SANGS RGYAS KYIS BLO DMAN PA RNAMS RIM GYIS BYANG CHUB CHEN POR KHRID PA'I THABS YIN PAR BSHAD DO,, DE YANG DBU MA LA 'JUG PA LAS, DE PHYIR MKHAS PAS RIN PO CHE YI GLING DU CHAS PA'I SKYE TSOGS KYI, DAL BA NYER SEL GRONG KHYER YID 'ONG BAR DU RNAM PAR BKOD PA LTAR, KHYOD KYIS THEG PA 'DI NI SLOB MA NYE BAR ZHI BA'I TSUL LA YID, SBYAR BA MDZAD CING RNAM PAR DBEN LA'ANG BLO SBYANGS RNAMS LA LOGS SU GSUNGS, ZHES DENG DPON THABS LA MKHAS PAS LA RING POS DUB PA'I 'GRON PO RNAMS DBUGS DBYUNG BA'I CHED DU, RGYA MTSO'I GLING DU GRONG KHYER SPRUL BAS DBUGS PHYIN PA DANG SLAR YANG RIN PO CHE'I GLING DU RIM GYIS PHYIN PAR BYED PAR LTAR, 'KHOR BA'I LAM GYIS DUB STE DANG POR THEG PA CHEN PO'I LAM LA 'JUG PAR MI 'DOD PA RNAMS LA, SBRUL PA'I GRONG KHYER DANG 'DRA BA'I MYA NGAN LAS 'DAS PA GNYIS BSTI BA'I DON DU BSTAN PA NI, DE BZHIN GSHEGS PA RNAMS KYI THABS LA MKHAS PA YIN NO, ZHES BSHAD DO,, //WA// DPAL PHRENG SENG GE'I DA RO'I MDO LAS, YONGS SU MYA NGAN LAS 'DAS PA ZHES BYA BA NI; DE BZHIN GSHEGS PA RNAMS KYI THABS SO,, ZHES SOGS SO,, //ZHA// LANG GSHEGS LAS NYAN RANG RNAMS BAG CHAGS KYI NYES PA DANG TING NGE 'DZIN GYIS MYOS PA MED PAR GYUR NAS ZAG MED KYI DBYINGS NAS SLAR SAD DE TSOGS BSAGS NAS SANGS RGYAS PAR BSHAD DO,, //ZA// RNAM PA DE LTA'I MDO STE GZHAN YANG NI, ZHES PA'I DNGOS BSTAN GYI DRANG DON DU 'GREL RGYU'I MDO YIN NA SEMS TZAM PAS DES DON DU KHAS BLANGS PAS KHYAB PA

DANG; MDO SDE DGONGS 'GREL GYI GZHUNG TSIG YIN PAS KHYAB STE, 'JUG PA'I RNAM BSHAD LAS, RNAM PA DE LTA BU'I MDO SDE NI DRANGS MA THAG PA'I LANG GSHEGS KYI LUNG TSAN PA GNYIS MIN TE, DE GNYIS KA RNAM RIG PAS NGES DON DU KHAS MA BLANGS PA'I PHYIR DANG, SNGAR 'GREL BAR DGONGS 'GREL LA GSAL BOR BSHAD PA'I PHYIR RO,, ZHES DANG, LEGS BSHAD SNYING PO LAS KYANG, RNAM PA DE LTA BU'I MNGO NI SNGAR DGONGS 'GREL LA BSHAD PA LTAR YIN GYI SNYING PO DRANG DON DU STON PA'I MDO LA RNAM RIG PAS NGES DON DU 'DOD PAR STON PA MIN TE DE LA NI GNYIS KA LA RTZOD PA MED DO,, ZHES SHIN TU GSAL BAR GSUNGS PA'I PHYIR RO,, DES NA SKABS 'DIR DRANG DON DU 'GREL RGYU'I MDO TSAN BZHI NI, MTSAN NYID GSUM LA BDEN PAR YOD MED PHYE BA DANG, KUN GZHI RNAM SHES YOD PAR BSTAN PA DANG, PHYI ROL BKAG PA DANG, MTHAR THUG THEG GSUM DU BSHAD PA STED DGONGS 'GREL GYI GZHUNG TSAN BZHI YIN NO,, 'ON SKABS 'DIR DRANG DON 'GREL RGYU MDO BZHIR GSUNGS PA BRJOD BYA'I DON GYI SGO NAS BZHIR BSDUS PA YIN GYI RJOD BYED KYI TSIG GI SGO NAS PHYE NA SHIN TU MANG PO YOD PAR GONG DU BSHAD PA DANG 'GAL ZHE NA, GONG DU DE LTAR BSHAD PA NI DGONGS 'GREL, GYI GZHUNG TSAN BZHI PO DRANG DON DU BSHAD NA DE DAG DANG BRJOD BYA STON TSUL MTHUN PA'I RGYAN STUG PO BKOD PA DANG LANG GSHEGS DANG PA RU RA'I MDO DANG SHER PHYIN GYI MDO'I GZHUNG TSIG RNAMS KYANG DON GYIS SGRA JI BZHIN PA MIN PAR GO BAR NUS PA LA DGONGS PAS MI 'GAL LO, KHA CIG NA RE, SKABS 'DIR DRANG DON DU 'GREL RGYU'I MDO YIN NA DGONGS 'GREL GYI GZHUNG TSAN BZHI GANG RUNG GIS KHYAB ZER BA MI 'THAD DE, RTAG BRTAN GYI SNYING PO STON PA'I MDO SKABS 'DIR DRANG DON DU 'GREL RGYU'I MDO YIN PAR STONG THUN CHEN MO DANG GRUB MTHA' RTZA 'GREL DANG DBU MA'I MTHA' DPYOD RNAMS LAS BSHAD PA'I PHYIR ZHE NAM KHYAB STE, DE LTAR GSUNGS PA NI

, ,RTAG BRTAN GYI SNYING PO STON PA'I MDO DRANG DON DU BSHAD PA'I LANG GSHEGS KYI LUNG SHES BYED DU BYAS NAS KUN GZHI STON PA'I MDO DRANG DON DU 'GREL BA LA DGONGS PA YIN GYI, RTAG BRTAN GYI SNYING PO'I MOD SKABS 'DIR DRANG DON DU 'GREL RGYA'I MDO MA YIN PA'I PHYIR TE, SEMS TZAM PAS KHYOD NGES DON DU KHAS MA BLANGS PA'I PHYIR, KHYAB PA RNAM BSHAD KYI LUNG SNGAR DRANGS PAS GRUB PA'I PHYIR DANG, SKABS 'DIR MDO DE DAG DRANG DU DON 'GREL BA'I DGOS PA NI SEMS TZAM PA'I LUGS 'GOG CHED DU YIN PA'I PHYIR, GZHAN YANG, SKABS 'DIR DRANG DON DU 'GREL RGYU'I MDO LA RTAG BRTAN GYI SNYING PO'I MDO 'JOG PA MIN TE, 'JUG tA'I KA CHEN MO LAS, LUGS 'DIS NI SNGAR BSHAD PA'I DON TSAN BZHIG DRANG DON DU 'GREL GYI, DE DAG GI GSEB NAS KHA CIG DRANG DON DANG HA CIG DES DON DU 'GREL BA LTAR NI MI MDZAD DO,, ZHES SKABS 'DIR DRANG DON DU 'GREL RGYU'I MDO BZHIR GSUNGS KYI, MDO LTAR GSUNGS PA NI RNAM BSHAD DGONGS PA RAB GSAL DANG LEGS BSHAD SNYING PO GNYIS KAR ZUR TZAM YANG MED PA'I PHYIR RO,, DE YANG DE 'DRA BA'I MDO TSAN BZHI GA DRANG DON DU 'GREL BA YIN GYI, ZHIB 'TSO YAB SRAS LTAR DRANG NGES KYI CHA PHYE BA MIN PAR BSHAD DO,, DES NA 'JUG PA'I LUD DE'I TSIG DON NI, RNAM PA DE LTA BU'I MDO SDE GZHAN SEMS TZAM PAS NGES DON DU KHAS BLANGS PA, DGONGS 'GREL LAS MTSAN NYID, GSUM LA BDEN PAR YOD MED PHYE NAS GSUNGS PA DANG, LEN PA'I RNAM PAR SHES PA ZAB CING PHRA, ZHES SOGS KUN GZHI RNAM SHES BSTAN PA DANG, MDO DER PHYI ROL BKAG BA DANG, MTHAR THUG THEG PA GSUM DU GSUNGS PA STE MOD BZHI LAS, DANG PO GSUM DRANG DON YIN PAR GI RIM JI LTA BA BZHIN DU, LANG SHEGS LAS RANG BZHIN MED PA'I MTSAN NYID SANGS RGYAS THAMS CAD KYI MDO SDE'I NANG DU

CHUD PAR BSTAN PA DANG, MDO DE LAS RTAG BRTAN SNYING PO BSTAN PA'I MDO DRANG DON DU GSUNGS PA DANG, MDO DE NYID LAS, JI LTAR NAD PAN BA LA, SMAN PA SMAN RNAMS GTONG BA LTAR, ,SANGS RGYAS DE BZHIN SEMS CAN LA, ,SEMS TZAM DU YANG RAB TU GSUNGS, ,ZHES PA'I LUNG GSUM PO 'DIS GSAL BAR BYED DO, ,ZHES PA'O,, MTHAR THUG THEG PA GSUM DU GSUNGS BA NI MDO KUN BTUS SU MTHAR THUG THEG PA GCIG TU BSGRUB PA LAS GO NUS PAS 'JUG 'GREL DUM BSHAD DO,, RTAG BRTAN GYI SNYING PO'I MDO DRANG DON DU STON PA'I LANG GSHEGS KYI LUNG GIS KUN GZHI BSTAN PA DRANG DON DU 'GREL TSUL NI, KUN GZHI YONG PAR BSTAN PA SGRA JI BZHIN PA MA YIN TE, RTAG BRTAN GYI SNYING PO BSTAN PA SGRA JI BZHIN PA MA YIN PAR LANG GSHEGS LAS GSUNGS PA'I PHYIR, KHYAB STE, RTAG BRTAN GYI SNYING PO DANG KUN GZHI RNAM SHES MING GI RNAM GRANGS YIN PA RGYAN STAG PO BKOD PA DANG LANG GSHEGS GNYIS KAR BSHAD PA'I PHYIR TE, SA RNAMS SNA TSOGS KUN GZHI STE, BDE GSHEGS SNYING PO DGE BA'ANG DE, ZHES SOGS GSUNGS PA'I PHYIR, DES NA SNGA MA DRANG DON DU BSTAN PA NYID KYIS PHYI MA YANG DRANG DON DU 'GRUB STE, MING GI RNAM GRANGS YIN NA YOD MED KYI KHYAD PAR MED PAS KHYAB PA'I PHYIR, GAL TE SGRAS ZIN GYI DON GNYIS MING GI RNAM GRANGS MIN KYANG GANG LA BSAMS NAS DE GNYIS GSUNGS PA'I DGONGS DON GNYIS MING GI RNAM GRANGS YIN NA MDO GNYIS KA 'BAD MI DGOS PAR SGRA JI BZHIN PA MIN PAR 'GYUR BA'I PHYIR TE, MDO GNYIS KA DGONGS GZHI GZHAN LA DGONGS NAS GSUNGS PA'I PHYIR TE; 'JUG tA'I KA CHEN MO LAS, KUN GZHI DRANG DON DU STON PA NI RTAG BRTAN GYI SNYING PO DRANG DON DU STON PA'I LUNG NGO,, RTAG BRTAN GYI SNYING PO YOD PAR BSTAN PA DRANG DON YIN PAS KUN GZHI DRANG DON DU JI LTAR 'GRUB CE NA, RGYAN LTUG PO BKOD PA LAS,

, ,SA RNAMS SNA TSOGS KUN GZHI STE, ,BDE GSHEGS SNYING PO DGE BA'ANG DE, ,SNYING PO DE LA KUN GZHI'I SGRAS, ,DE BZHIN GSHEGS RNAMS STON PAR MDZAD, ,SNYING PO KUN GZHIR BSGRAGS PA YANG, ,BLO GZHAN RNAMS KYIS MI SHES SO, ,ZHES GSUNGS SHING LANG GSHEGS LAS KYANG, DE BZHIN GSHEGS PA'I SNYING PO KUN GZHI RNAM PAR SHES PAR BSGRAGS PA RNAM PAR SHES PA BDUN DANG BCAS PA ZHES DE GNYIS MING GI RNAM GRANGS SU LAN DU MAR GSUNGS SO DE YANG DE GNYIS GCIG RTAG LA GCIG MI RTAG PAR BSHAD PAS SGRA ZIN GYI DON GNYIS GCIG TU BSTAN PA MIN YANG GANG LA BSAMS NAS SNYING PO BSTAN PA'I DON DE NYID LA DGONGS NAS KUN GZHI BSTAN PAS DGONGS PA'I DON LA LTOS TE MING GI RNAM GANGS YIN PAS DON GCIG GO, DE LTAR NA SNGA MA DRANG DON DU BSTAN PA NYID KYIS PHYI MA YANG DRANG DON DU 'GRUB BO, ,ZHES GSUNGS PA'I PHYIR RO,, LANG GSHEGS KYI LUNG GIS MTSAN NYID GSUM BDEN PAR YOD MED PHYE BA DRANG DON DU 'GREL TSUL NI, DGONGS 'GREL LAS MTSAN NYID GSUM LA BDEN PAR GRUB MA GRUB KYI KHYAD PAR GSUNGS PA SGRA JI BZHIN PA MIN TE, LANG GSHEGS LAS, BLO GROS CHEN PO STONG PA NYID DANG MI SKYE BA DANG MI GNYIS PA DANG RANG BZHIN MED PA'I MTSAN NYID 'DI NI MDO SDE GANG DU YANG RUNG STE DE DAG TU DON 'DI NYID KHONG DU CHUD PAR BYA'O,, ZHES GSUNGS PA'I PHYIR, KHYAB STE, RANG BZHIN MED PA'I STONG NYID RTOGS PA NI MDO SDE THAMS CAD KYI DGOS DON YIN PAR GSUNGS PA'I PHYIR DANG, DEBS NA SANGS RGYAS KYI BKA 'THAMS CAD STONG PA NYID LA GZHOL ZHING 'BABS PA SHA STAG YIN PAR GSUNGS PA'I PHYIR TE,

BKA' THAMS CAD GANG ZAG GCIG 'TSANG RGYA BA'I THABS YIN PA'I PHYIR RO, , JI LTAR NAD PA NA BA LA, ZHES SOGS KYI TSIG DON NI SNGAR SEMS TZAM PA'I SKABS SU BSHAD ZIN, DES PHYI ROL BKAG PA DRANG DON DU 'GREL TSUL NI GO SLA'O,, //'A// SEMS TZAM DU GSUNGS PA LA GNYIS BYED PA PO GZHAN 'GOG PHYIR DU SEMS TZAM DU GSUNGS PA DANG, PHYIR ROL 'GOG PHYIR DU SEMS TZAM DU GSUNGS PA'O,, DANG PO SA BCU PA LAS SEMS TZAM DU GSUNGS PA'I DGONGS PA BSHAD PA LA, RE ZHIG TZAM SGRAS PHYI DON MI 'GOG PAS BCU BZHI LUNG GIS BSGRUB PA NI, SA DRUG PA MNGON DU GYUR BA CHOS DBYINGS LA MNGON DU PHYOGS PA'I BYANG CHUB CHEN PO LA SEMS PA DE LA YOD PAS BYANG CHUB SEMS DPA' YIS, KHAMS GSUM SEMS TZAM DU RTOGS PAR GSUNGS PA GANG YIN PA DES, BDAG RTAG PA BYED PA PO YIN PA BKAG NAS, KUN RDZOB TU SEMS TZAM ZHIG KHO NA BYED PA PO YIN PAR RTOGS PA'I PHYIR DU, BYANG CHUB SEMS PA'I 'JIG RTEN GYI BYED PA PO NI SEMS TZAM ZHIG YIN PAR RTOGS PAR GSUNGS TE, MDO DER BYED PA PO DANG TSOR BA PO MED PA'I 'BA' ZHIG PA 'GRUB PA DANG, SEMS TZAM GYI DON BSHAD PAN YAN LAG BCU GNYIS SEMS GCIG LA BRTEN PAR GSUNGS PAS; TZAM SGRAS PHYI DON 'GOG PA MIN GYI, SEMS LAS GZHAN PA'I BYED PA PO 'GOG PA YIN NO,, ZHES 'CHAD PAR, MNGON GYUR MNGON PHYOGS ZHES SOGS TSIGS BCAD GCIG GO, DON DE NYID GZHAN GYIS KYANG BSGRUB PA NI; SA BCU PA'I DON SNGAR LTAR YIN PA DE'I PHYIR, DE KHO NA NYID RTOGS NUS PA'I BLO DANG LDAN PA RNAMS KYI BLO 'PHEL BAR BYA BA'I PHYIR, LANG KAR GSHEGS PA'I MDO LAS KUN MKHYEN GYIS, GANG ZAG RGYUN DANG PHUNG PO DANG

, ,DE BZHIN RKYEN DANG RDUL DAG DANG, ,GTZO BO DBANG PHYUG BYED PO RNAMS, ,SEMS TZAM DU NI NGAS BSHAD DO, ,ZHES MU STEGS PA LA SOGS PA'I RGYUD KYI BDAG DANG GTZO BO SOGS 'JIG RTEN GYI BYED PA POR 'DOD PA'I LTA BA NGAN PA'I RI BO SBO MTHON PO 'JOMS PA'I DAG GI RANG BZHIN GYI RDO RJE 'DI NI, MDO GZHAN DU SEMS TZAM ZHES GSUNGS PA'I DGONGS PA BCAS PA'I PHYIR DU STON PAS GSUNGS SO, ,JI LTAR RANG RANG GI BSTAN BCOS DE DANG DE LAS, MU STEGS PA LA SOGS PA RNAMS KYIS GNAG ZAG DANG SOGS PAS RGYUN DANG PHUNG PO BYED PA POR SMRAS PA DE DAG BYED PA POR MA GZIGS NAS, RGYAL BAS SEMS TZAM ZHIG 'JIG RTEN GYI BYED PA BOR GSUNGS SO,, ZHES STON PAR, DE PHYIR BLO LDAN ZHES SOGS TSIGS BCAD GNYIS GSUNGS SO,, //YA// GAL TE 'DI DAG SEMS TZAM ZHES MKHYEN NAS, ,DE LAS GZUGS NYID DGAG PAR MDZAD NA NI, ,SLAR YANG DE LAS BDAG NYID CHEN POS SEMS, ,GTI MUG LAS LAS SKYES PAR CI PHYIR GSUNGS, ,ZHES PA LTAR, GAL TE KHAMS GSUM PO 'DI DAG RANG BZHIN GYIS GRUB PA'I SEMS TZAM MO ZHES MKHYEN NAS SA BCU PA'I MDO LAS PHYI ROL GYI GZUGS NYID DGAG PAR MDZAD NA NI, SLAR YANG MOD DE LAS BDAG GNYID CHEN PO SANGS RGYAS KYIS, MA RIG PA'I RKYEN GYIS 'DU BYED, 'DU BYED KYI RKYEN GYIS RNAM SHES ZHES SEMS DE GTI MUG DANG LAS LAS SKYES PAR CI'I PHYIR GSUNGS TE MI RIGS SO, ,RTEN 'BYUNG DU YANG GSUNGS LA RANG MTSAN GYIS GRUB PAR YANG GSUNGS NA NI GSUNG BA PO 'KHRUL ZAD LA DE GNYIS KA RANG LUGS SU BZHED PA MI SRID PAS, GDUL BYA GZHAN BKRI BA'I PHYIR GZHAN NGOR

ZHAL GYIS BZHES PAR SHES PAR BYA'O ZHES PA YIN PAS, 'DRI MING GZUGS SOGS KYI BKAL BAR MI 'GYUR LA ZHES PA DPE MA DAG GO, SEMS NYID KYIS NI SEMS CAN 'JIG RTEN DANG, ,SNOD KYI 'JIG RTEN SHIN TU SNA TSOGS 'GOD, ,'GRO BA MA LUS LAS LAS SKYES PAR GSUNGS, ,SEMS SPANGS NAS NI LAS KYANG YOD MA YIN, ,ZHES 'JIG RTEN SNA TSOGS RANG GI SEMS KYIS BSAGS PA'I LAS LA RTEN NA SKYES PA'I RGYU MTSAN GYIS SEMS GTZO BOR BSHAD CES PA LTAR RO, ,PHYI ROL SNANG BA YOD MIN TE, ZHES SOGS KYI TSIG DON NI SEMS TZAM PA'I SKABS SU BSHAD ZIN PA LTAR RO, ,//RA// PHYI DON MED PAR SEMS TZAM DU GSUNGS PA'I DGONGS GZHI NI, RIGS PA DRUG CU PA LAS; 'BYUNG BA CHE LA SOGS BSHAD PA, ,RNAM PAR SHES SU YANG DAG 'DU, ,ZHES SOGS LTAR GZUGS SOGS KYI CHOS RNAMS RANG BZHIN GYIS MED PAR RNAM SHES KYI TSANGS PAS RNAM PAR BZHAG PA TZAM YIN PA LA DGONGS PAR MNGON TE, LUNG DE'I DON NI LEGS BSHAD SNYING PO LAS, GZUGS DANG SEMS SEMS BYUNG DANG LDAN MIN RNAMS NI RANG LA DMIGS PA'I RNAM SHES LA RANG GI RNAM PA BZHAG PA'I SGO NAS 'BYUNG BA LA SOGS PAR NYE BAR 'DOGS PAR BYED DE, RNAM PA MA BZHAG PA NI 'GAS KYANG YOD PAR GZHAG MI NUS PA'I PHYIR RO, ,DE NA 'BYUNG BA LA SOGS PA DE DAG NI RNAM SHES KYI KHONGS SU 'DU BA YIN TE, DES RNAM PAR BZHAG PA TZAM YIN PA'I PHYIR RO,, GANG GI TSE MA SHES KYI TSANGS PA DE RANG BZHIN GYI SKYE BA MED PAR MNGON SUM DU SHES PA DE'I TSE GZUGS 'GAGS NA GZUGS BRNYAN 'GAG PA BZHIN DU DES BZHAG PA'I DON SNA TSOGS PA DE DAG KYANG BRAL ZHING NUB PAR 'GYUR

, ,RO; ;ZHES PA'I DON DU DE'I 'GREL BA LAS BKRAL BA LTAR YIN PAS LUNG DES PHYI ROL 'GOG PA MIN NO, ,ZHES GSUNGS PA LTAR YIN PA'I PHYIR RO,, //LA// 'DI DAG THAMS CAD SEMS TZAM ZHES, ZHES SOGS DANG, BRDA SPROD PA DAG JI LTA PUR, ZHES SOGS KYI DON NI SNGAR GRUB MTHA'I SPYI BSHAD KYI SKABS SU BSHAD ZIN TO,, //SHA// LANG GSHEGS LAS RTAG BRTAN GYI SNYING PO'I MDO DRANG DON DU BKRAL BA'I DON NI LEGS BSHAD SNYING PO LAS RGYAS PAR BSHAD DO, ,LANG GSHEGS NAS DRANG DON DU BKRAL BA'I RTAG DNGOS KYI SNYING PO'I MDO DANG RGYUD BLA MA'I BSHAD BYA RTZA BAR GYUR BA'I DE BZHIN GSHEGS PA'I SNYING PO'I MDO GNYIS DON GCIG MA YIN PAR RGYUD BLA DAR tA'I KA DANG STONG THUN CHEN MO SOGS SU NAN CHER BSHAD MOD KYANG, MKHAS PA KHA CIG DA LTA YANG DOGS PA MA CHOD PAR YOD DE, YI GE MANGS PAR 'GYUR BAS 'DIR MA BRIS SO; ;//SA// STONG NYID NI CHOS THAMS CAD LA KHYAB PA DANG BYE BRAG GAM KHYAD PAR DU SHE PAR BYA BA'I DON YIN PAS NA KUN GZHI RNAMS SHES KYI SGRAS BTAGS LA, DER MA ZAD SEMS TZAM PAS KUN GZHI RNAM SHES SGRA BSTAN LA, DER MA ZAD SEMS TZAM PAS KUN GZHI RNAMS SHE 'KHOR 'DAS KUN GYI GZHI BYED PAR 'DOD PA LTAR, LUGS 'DIS SEMS BDEN PAR MA GRUB PA'I RANG BZHIN GNAS RIGS 'KHOR 'DAS KUN GYI RTEN GZHI BYED PAR BZHED DE, THOG MA MED PA'I DUS KYI KHAMS, ,CHOS RNAMS KUN GYI GNAS YIN TE, ,'DI YOD PAS NA 'GRO KUN DANG, ,MYA NGAN 'DAS PA'ANG THOB PA YIN, ,ZHES THEG BSDUS SU KUN GZHI RNAM SHES KYI SGRUB BYED DU DRANGS PA'I LUNG DE, RGYUD BLA THOGS 'GREL DU SEMS CAN LA

CHOS NYID KYI RIGS YOD PA'I SGRUB BYED DU DRANGS PA'I PHYIR DANG, GANG LA STONG PA NYID RUNG BA, ,DE LA THAMS CAD RUNG BAR 'GYUR, ,ZHES SOGS KYIS RANG BZHIN MED PA LA 'KHOR 'DAS DANG BYA BYED THAMS CAD RUNG BA DANG, RANG BZHIN YOD PA LA DE DAG MI RUNG BAR BSHAD PA'I PHYIR DANG, MDO BSDUD PA LAS, MKHA' LA RLUNG RTEN DE LA CHU YI PHUNG PO RTEN, ,DE LAS CHEN 'DI RTEN DE LA 'GRO BA RTEN, ,ZHES SOGS DANG, RGYUD BLA MA LAS, SA NI CHU LA CHU RLUNG LA, , RLUNG NI MKHA' LA RAB TU GNAS, ,ZHES PA NAS, SA DANG 'DRA BA PHUNG PO DANG, ,SKYE MCHED KHAMS RNAMS SHES PAR BYA, ,CHU KHAMS DANG 'DRA LUS CAN GYI, ,LAS DANG NYON MONGS SHES BYA STE, TSUL BZHIN MA YIN YID BYED NI, , RLUNG GI KHAMS DANG 'DRA BAR LTA, ,RANG BZHIN RNAM MKHA'I KHAMS BZHIN DU, ,DE BZHIN CAN MIN GNAS PA MED, ,CES SEMS RANG BZHIN GYIS RNAM PAR DAG PA'I NAM MKHA' LA TSUL MIN YID BYED KYI RLUNG DKYIL DANG, DE LA LAS DANG NYON MONGS PA'I CHU DKYIL DANG, DE LA PHUNG KHAMS SKYE MCHED KYI RI GLING SOGS CHAGS PAR BSHAD PA'I PHYIR DANG, DES NA SEMS RANG BZHIN GYIS DAG PA'I NAM MKHA' LA TSUL BZHIN YID BYED KYI RLUNG DANG, DE LA LHAG PA'I BSLAB PA GSUM GYI CHU DKYIL DANG, DE LA BYANG CHUB GSUM GYI RI GLING SOGS CHAGS PAR DON GYIS THOB PA'I PHYIR RO,, //HA// SNGAR BSHAD PA DE LTAR LUNG GI DRANG NGES KYI RNAM BZHAG SHES PAR BYAS TE, MDO SDE GANG DAG DE KHO NA NYID KYI DON MA YIN PA BSHAD PA'I BRJOD BYA CAN SKYE BA MED PA LA SOGS PAS KHYAD PAR DU BYAS PA'I RTEN 'BYUNG DNGOS SU GSAL BAR MI BYED PA'I DRANG DON GSUNGS PA'ANG DRANG DON DU RTOGS PAR BYAS NAS RANG BZHIN

, ,MED PA RTOGS PA LA 'JUG PA'I RGYUR 'GYUR BA DE LTAR BSHAD PAR BYA ZHING, MDO SDE GANG LAS GANG ZAG DANG CHOS RANG BZHIN GYIS STONG PA NYID KYI DON DNGOS SU BRJOD PAR BYED PA CAN DE NGES DON DU SHES PAR GYIS SHIG CES PA'O,, //AA// SHER PHYIN BYAMS ZHUS KYI LE'UR MTSAN NYID GSUM LA YOD MED GYI KHYAD PAR PHYE BA'I DON DANG, SBRUL DE THAG PA LA MED PA DANG SBRUL DNGOS LA YOD PA DANG 'DRA BAR RANG BZHIN YIN LUGS NI RGYU RKYEN GYIS 'DUS BYAS PA'I GZHAN DBANG KHYOD YIN PA KUN BRTAGS DANG SANGS RGYAS KYI SPYOD YUL GYI CHOS NYID KHYOD DU GYUR BA'I YONGS GRUB YIN PAS NA, YIN LUGS GCIG NYID GZHAN DBANG LA LTOS TE KUN BRTAGS DANG CHOS NYID LA LTOS TE YONGS GRUB TU 'JOG PA SOGS RANG RGYUD PA'I SKABS SU BSHAD ZIN PA LTAR TE, ZHIB TU LEGS BSHAD SNYING POR BLTA BAR BYA'O,, //KA// JI LTA BA NI 'JIG RTEN PA'I BLO LHAN SKYES KYI NGOR 'JOG PA'I DON NO,, //KHA// NAM MKHA' YANG NI MING TZAM YIN GYI RANG BZHIN GYIS MED PAR THAL, DGAG BYA THOGS BCAS KYI GZUGS KYI DNGOS BO MING TZAM DU ZAD PA'I PHYIR, THOGS BCAS KYI GZUGS RANG BZHIN GYIS YOD DO ZHE NA, GZUGS RANG BZHIN GYIS GRUB PA LTAG GA LA YOD DE MED BAR THAL, 'BYUNG BA RANG BZHIN GYIS GRUB PA MED PA'I PHYIR, MING TZAM NYID KYANG RANG BZHIN GYIS GRUB PA MED DE, MING CAN RANG BZHIN GYIS GRUB PA MED PA DE'I PHYIR ZHES PA'O,, RGYU TSUL MIN YID BYED KYI RTOG PA DANG, THAG KHRA LA SBRUL DU BTAGS PA LTAR RTOG PAS BTAGS PA MED

PAR 'DOD CHAGS LA SOGS PA'I KUN NAS NYON MONGS PA RNAMS LA YOD PA NYID RNYED PA YOD PA MIN NA DE DAG GI YOD PA LTOS NAS YOD PA KHO NAR ZAD KYI, NGO BO NYID KYIS GRUB PA MED PAS NGO BO NYID KYIS GRUB NA YANG DAG PAR GRUB PA'I DON DANG 'GAL BA RTOG PAS BTAGS PA ZHES BLO DANG LDAN PA SU ZHIG 'DZIN RTOG PAS BTAGS A DANG NGO BO NYID KYIS GRUB PA 'GAL BA'I PHYIR RO,, ZHES PA'O,, RANG 'DOGS BYED KYI RTOG PA YOD NA RANG NYID YOD PAR 'JOG NUS PA DANG, RANG 'DOGS BYED KYI RTOG PA MED NA RANG NYID YOD PA MI RNYED PA YIN NA, RANG GI NGO BOS MA GRUB PAS KHYAB STE, DPER NA THAG PA LA SBRUL DU BTAGS PA BZHIN, 'DOD CHAGS LA SOGS PA YANG DE 'DRA YIN NO, ,ZHES PA'O,, DE YANG 'DI LTAR SHES BAR BYA STE, DE LA KHRA BO'I MDOG DANG 'KHYIL LUGS SBRUL DANG 'DRA ZHING, YUL MI GSAL BAR SNANG BA NA THAG PA LA 'DI SBRUL LO SNYAM PA 'BYUNG NGO, ,DE'I TSE THAG PA LA THAG PA'I TSOGS PA DANG CHA SHAS SBRUL GYI MTSAN GZHIR 'JOG RGYU CUNG ZAD KYANG ZAD KYANG MED PAS, DE'I SBRUL NI RTAG PAS RTAGS MO,, DE BZHIN DU PHUNG PO LA BRTEN NAS NGO'O SNYAM PA 'BYUNG BA NA, PHUNG PO'I STENG NAS SNGA PHYI'I RGYUN GYI TSOGS PA DANG, DUS GCIG PA'I TSOGS PA DANG, DE'I CHA SHAS NGA'I MTSAN GZHIR 'JOG RGYU CUNG CUNG ZAD KYANG MED DO, ,DE'I PHYIR RANG PHUNG PO'I CHA DANG CHA CAN LAS NGO BO THA DAD PA'I DE'I GZHIR 'DZIN RGYU YANG CUNG ZAD KYANG MED PAS, DA DE NI RTOG PAS PHUNG PO LA BRTEN NAS BZHAG PA TZAM YIN GYI RANG GI NGO BOS GRUB PA MED DO,, ZHES PA'O,, //GA// NAG TSO'I 'GYUR LAS, KHAMS DRUG 'DUS PA, REG PA'I GZHI DRUG PA, YID KYI NYE BAR SPYOD PA BCO BRGYAD PA'O, ,ZHES BSGYUR BA LEGS

, ,SO; ;DE LA SKYES BU DANG GANG ZAG NI RNAM GRANG SO, ,KHAMS DRUG 'DUS PA DANG GZHI DRUG PA DANG, BCO BRGYAD PA'O ZHES PA GSUM PO NI LDAN PA'I CHOS YIN PAS CHOS DE DAG NI LDAN CHOS DANG, GANG ZAG NI DE DAG GANG LA LDAN PA'I LDAN GZHI DANG, GANG LA BRTEN NAS GANG ZAG TU 'DOGS PA'I GZHIR GSUNGS SO, ,YID KYI NYER RGYU BCO BRGYAD NI, ,YUL YID DU 'ONG BA DRUG LA TSOR BA BDE BA NYE BAR RGYU BA DRUG DANG; YID DU MI 'ONG BA DRUG LA TSOR BA SDUG BSNGAL NYE BAR RGYAB DRUG DANG, BAR MA DRUG LA TSER BA BTANG SNYOMS NYE BAR RGYU BA DRUG GO, TSOR BA BDE SDUG BTANG SNYOMS KYI DBANG GIS YID GZUGS SGRA SOGS LA YANG DANG YANG DU RGYU BAR BYED PA'I PHYIR, YID KYI NYE BAR RGYU BZHES BYA'O, ,ZHES BSHAD DO, ,//NGA// SKYES BU GANG ZAG NI KHAMS DRUG 'DUS PA LA BRTEN NAS BTAGS PA TZAM YIN GYI, KHAMS DRUG RE RE BA DANG 'DUS PA DANG DE LAS NGO BO THA DAD PA GANG YANG SKYES BUR MI RUNG STE, SA MIN CHU MIN PA DANG ME MIN RLUNG MIN NAM MKHA' MIN RNAM SHES MA YIN ZHES PA RNAMS KYIS KHAMS DRUG RE RE BA GANG ZAG MIN PAR BSTAN LA, KUN MIN NA ZHES PAS KHAMS DRUG 'DUS PA GANG ZAG MA YIN PA DANG, DE LAS GZHAN NA SKYES BU GANG ZHES DE DAG LAS NGO NO THA DAD PA GANG ZAG TU MI RUNG BAR BSTAN TO,, SKYES BU CHOS CAN, YANG DAG PAR GRUB PA MIN TE KHAMS DRUG 'DUS PA LA BRTEN NAS BTAGS PA'I PHYIR, GANG ZAG JI LTA BDE BZHIN DU KHAMS NI RE RE 'ANG CHOS CAN, YANG DAG NYID DU GRUB BA MIN TE, CHA DU MA 'DUS PA LA BRTEN NAS BTAGS PA'I PHYIR,

JI SKAD DU, SKYES BU KHAMS DRUG 'DUS PA'I PHYIR, ,YANG DAG MA YIN JI LTA BA, ,DE BZHIN KHAMS NI RE RE YANG, ,'DUS PHYIR YANG DAG NYID DU MIN, ,ZHES GSUNGS SO,, //CA// RANG RGYUD PA SOGS LTAR SHER MDO LTAR ZHES SOGS GSUNGS PA DPE DAG MA DAG DPYAD PAR BYA ZHING, GANG LTAR YANG SHAR MOD LAS CHOS KYI MCHOG MYANG 'DAS DANG STONG NYID SOGS KYANG MING DANG RTOG PAS PHAR BZHAG TZAM DU GSUNGS PA LTAR MA YIN PAR, RANG RGYUD PA MAN CHAD KYIS 'DOD PA LTAR GDAGS YUL GYI STENG NAS YOD PA DANG, DAGS GZHI'I NGOS NAS GRUB PA SOGS SKABS 'DIR DGAG BYAR BZHED PA'I DON NO, ,GDAGS GZHI'I NGOS NAS GRUB CES PA NI, DE DANG DE'O ZHES BRDA DANG RTOG PAS THA SNYAD 'DOGS PA 'DI LA THA SNYAD BTAGS PA'I GZHI DE GANG YIN SNYAM DU BTZAL BA NA, GDAGS GZHI'I CHA SHAD SAM, ,SNGA PHYI'I RGYUN GYI TSOGS PA'AM, DUS GCIG PA'I TSOGS PA RNAMS LAS GANG RUNG ZHIG DE'I MTSAN GZHIR 'JOG RGYU YOD PA'I DON NO, ,RDZAS YOD LA 'JOG TSUL MANG PO YOD KYANG, SKABS 'DI'I RDZAS YOD KYI DON NI, THA SNYAD KYI DBANG GIS BZHAG PA'I YOD PA MA YIN PAR RANG DBANG YOD PA'I DON YIN NAM SNYAM MO,, TSUGS THUB KYI DON YANG BRDA DANG THA SNYAD KYI DBANG GIS BZHAG PA MIN PAR RANG GI NGO BO'I SGO NAS YUL KYI STENG DU GRUB PA'I DON NO, RTEN 'BREL GYI BA ZLOG ZLA ZHES PA YANG RANG GI TSOGS PA LA BRTEN NAS BTAGS PA TZAM MA YIN PAR RANG GI NGO BO NYID KYIS GRUB PA'I DON TE, THAL 'GYUR BA THUN MONG MA YIN PA'I RTEN 'BYUNG GI DON NI RANG GI TSOGS PA LA BRTEN NAS BTAGS PA LA BYED PA'I PHYIR RO,, //CHA// LUNG 'DIS RANG GI NGO BO DANG RANG BZHIN DANG

, ,RANG DBANG DANG GZHAN LA RAG MA LAS PA ZHES PA RNAMS MING GI RNAM GRANGS SU GSUNGS SHING, DE LA GZHAN LA RAG MA LAS ZHES PA NI, RGYU RKYEN LA RAG MA LAS PA MA YIN GYI YUL CAN THA SNYAD PA'I SHES PA LA GZHAN ZHES BYAS STE DE'I DBANG GIS BZHAG PA MIN PAS GZHAN LA RAG MA LAS PA'O,, DES NA RANG DBANG BA ZHES BYA STE YUL DE DAG GI RANG RANG GI GNAS LUGS SAM SDOD LUGS THUN MONG MIN PA'I NGO BO'O, ,DE NYID LA RANG GI NGO BO DANG RANG BZHIN ZHES BYA'O, ,ZHES LTAG MTHONG CHEN MOR GSUNGS SO, ,'DIR RANG LAS MA GRUB PAS ZHES PA DPE MA DAG STE, GZHUNG DU, RANG LAS GRUB PAS RTEN CING 'BREL BAR 'BYUNG BA YOD PA MA YIN NO, ,ZHES BYUNG BA'I PHYIR DANG, RIGS PAS KYANG PHYI MA 'THAD PA'I PHYIR RO,, //JA// SO SOR RAM BRTAGS PAR BTANG SNYOMS SU BYED PA DANG SO SOR BRTAGS NAS BTANG SNYOMS SU BYED PA GNYIS KA BTANG SNYOMS SU BYED PAR 'DRA YANG, SNGA MA NI MA RIG PA'I KUN SBYOR DANG LDAN LA, PHYI MA NI SANGS RGYAS KYIS KUN TU BSTEN PA YIN PAS KHYED PAR CHE BA BZHIN DU, RGYANG PHAN GYIS SKYE BA SNGA PHYI RANG BZHIN MED PAR LTA BA NI MA RIG PAS KUN TU RMONGS PA'I DBANG GIS YIN LA, DBU MA PA SKYE BA SNGA PHYI RANG BZHIN MED PAR LTA BA NI RIGS SHES KYIS DPYAD PA SNGON BTANG BA YIN PAS, DE GNYIS LA RANG BZHIN MED PAR LTA BA ZHES PA'I TSIG TZAM 'DRA YANG DON LA KHYAD PAR SHIN TU CHE'O, ,ZHES PA'O, ,TSIG GSAL GYI LUNG 'DI'I DON YANG LHAG MTHONG CHEN MO LAS, ,'DI LTAR CHAD LTA BA NI LAS 'BRAS DANG 'JIG RTEN PHA ROL MED PAR 'DOD LA DBU MA PA NI DE DAG RANG BZHIN MED PAR 'DOD PAS DAM BCA' LA KHYAD PAR YOD DO, ,DBU MA PA NI

,LAS 'BRAS SOGS DE DAG RTEN 'BREL YIN PA'I RGYU MTSAN GYIS RANG BZHIN MED PAR SMRA LA MED PA PAS NI LAS 'BRAS SOGS DE DAG RTEN 'BREL YIN PAR MI 'DOD PAS DE RGYU MTSAN DU MI BYED KYI, DA LTAR GYI SEMS CAN 'DI 'JIG RTEN SNGA MA NAS 'DIR 'ONG BA DANG 'DI NAS PHYI MAR 'GRO BA MA MTHONG BA RGYU MTSAN DU BYAS NAS MED PAR SMRA BAS RGYU MTSAN LA KHYAD PAR CHE STE, ZHES GSUNGS PA LTAR RO, ,//NYA// DPYAD DU MED PA LA SOGS PA'I TSIG DRUG GI DON GZHAN RNAMS SEMS TZAM PA'I SKABS SU BSHAD PA LTAR YIN LA, RANG MNGON SUM DU RTOGS BA'I BLO'I DOR GNYIS SNANG NUB PAS SNANG BA MED PA, GNYIS SNANG CAN GYI BLOS JI LTA BA BZHIN RTOGS MI THUB PAS RNAM PAR RIG PA MED PA ZHES SBYOR DGOS SO, ,TZA SHE LAS KYANG, YOD CES BYA BA RTAG PAR 'DZIN, ,MED CE BYA BA CHAD PAR LTA, ,DE PHYIR YOD MED GNYIS KA LA, ,MKHAS PAS GNAS PAR MI BYA'O, ,ZHES 'OD SRUNG GI LE'U LTAR GSUNGS ZHES PA'O,, RANG BZHIN SBYAR NAS MED MTHA' YANG SEL ZHES SOGS KYI DON NO, GAN NAS MED PAR 'DOD PA MIN PAR DGAG BYAS LA RANG ZHIN GYI KHYAD PAR SBYAR BA YIN PAS MED MTHA' YANG SEL LA, DON MDAM PAR YOD PAR 'DOD PA MIN PAR MING GIS PHAR BTAGS TZAM DU 'DOD PA YIN PAS YOD MTHA' YANG SEL ZHES PA STE, MDOR BSDU NA SNANG BAS YOD MTHA' DANG STONG PAS MED MTHA' SEL ZHES THAL 'GYUR BA THUN MONG MA YIN PA'I KHAS BLANGS SU GRAGS PA DE YIN NO, ,'JIG RTEN PA'I BDEN RDZUN ZHES SOGS KYI DON NI, RTA DANG SGYU MA'I RTA GNYIS LA THA SNYAD DU BDEN RDZUN DANG SNANG BA LTAR DU GRUB MA GRUB DANG SNANG BA LTAR DU YOD MED KYI KHYAD PAR MI SRID KYANG, THA SNYAD PA'I DBANG DU BYAS

, ,PA'I BDEN BRDZUN DANG THA SNYAD PA'I SHES PA LA LTOS TE BDEN RDZUN DANG, 'JIG RTEN PA'I BLO LHAN SKYES LA LTOS TE BDEN RDZUN SOGS KYI KHYAD PAR YOD PA'I DON YIN LA, DE YANG 'JUG PA RTZA 'GREL LAS GSAL BAR BSHAD PA LTAR LAM RIM CHE CHUNG DANG RTZA 'JUG GI RNAM BSHAD CHEN MO RNAMS SU SHIN TU GSAL BAR BKA' DRIN MDZAD MOD KYANG, DU DUNG YANG BLO DMAN PA RNAMS STONG THUN CHEN MO SOGS KYI BSHAD TSUL DANG BSRES NAS RJE BDAG NYID CHEN PO'I DGONGS BZHED MA 'DRES PAR 'BYED MKHAN DKON PAR SNANG BAS 'GO TU RGYAS PAR BSHAD PAR BYA';O,, KHO BO CAG NI KUN RDZOB 'KHRUL BA'I SNANG BA RANG RGYUD LA BZLOG PA'I PHYIR SHIN TU TSEGS CHE BAS LAM SGOM PA LA GNAS PAR 'GYUR GYI, GAL TE KHYOD LA 'JIG RTEN GYIS MI GNOD NA, KHYOD KYIS 'JIG RTEN NYID LA LTOS NAS KUN RDZOB 'DI DGAG PAR GYIS SHIG, DE 'GOG NUS NA NGAS KYANG KHYOD LA GROGS BYA'O,, KHYOD DANG 'JIG RTEN PA GNYIS 'DIR RTZOD PA GYIS SHIG DANG, BRTZAD PA'I PHYI NAS GANG STOBS LDAN DE LA BDAG GIS BRTEN PAR BYA'O,, ZHES STON PAR, GAL TE KHYOD LA 'JIG RTEN MI GNOD NA, ZHES SOGS TSIGS BCAS GCIG BYUNG NGO, ,GZHAN SEMS TZAM PA'I 'DOD PA LTAR NA GZHAN DBANG GI RDZAS SHES PA TZAM LA BDEN PAR ZHEN PA'I SGO NAS PHYIR ROL GYI DON BKAG PAS NA, 'JIG RTEN NAG GRAGS PA'I RNAM BZHAG 'JIG RTEN KHO NA LAS GRUB PA 'DUG GCIG SONG ZHIG BYOS SHIG RTZES PA LA SOGS PA DANG, PHYI'I GZUGS DANG DMIGS PA LAS SKYES PA'I TSOR BA LA SOGS PA DE DAG KUN KYANG 'JIG PAR BYED DO, ,ZHES STON PAR, GZHAN GYI LTAR NA RDZAS LA CHAGS PA YIS, ,'JIG RTEN

,GRAGS PA'I RNAM BZHAG KUN KYANG BRLAG , CES DANG, 'JIG RTEN GRAGS PA'I KUN RDZOB MA BLAG CIG, CES BYUNG NGO,, BRDZUN PA MTHONG BA'I YUL CAN LA'ANG THA SNYAD PA'I TSAD MA LA LTOS TE YANG LOG GI DBYE BA RNAM PA GNYIS YOD PAR STON PA NI, MTHONG BA BRDZUN PA'ANG RNAM PA GNYIS 'DOD DE, ZHES SOGS GSUNGS SO,, //TA// 'DI'I GZHAN LA RAG MA LAS ZHES PA YANG SNGAR BSHAD PA LTAR GZHAN THA SNYAD PA'I SHES PA'I DBANG GIS BZHAG PA MIN PAR RANG GI NGO BO'I SGO NAS YUL GYI STENG DU GRUB PA LA BYED PA DANG DE LA BDAG GAM RANG BZHIN ZHES ZER BA YIN GYI, GANG ZAG RANG GI GDAGS GZHI PHUNG PO LA RAG MA LAS BTZAM NI NYAN THOS SDE BAS KYANG 'GOG NUS PA'I PHYIR DE SKABS 'DI'I DGAG BYA PHRA MO'I GO DON MIN LA, GZUGS SOGS YUL CAN SHES PA LA RAG MA LAS PA NI SEMS TZAM PA DANG RANG RGYUD PAS KYANG 'GOG BUS PAS NA, SKABS 'DI'I DGAG BYA CHOS BDAG GI GO MIN NO,, 'DI LA MKHAS PA KHA CIG NA RE, MDO SDE SBYOR PA'I DBU MA RANG RGYUD PAS GZUGS SOGS YUL CAN SHES PA LA RAG LAS PAR MI 'DOD DE, DES GZUGS DANG GZUGS 'DZIN MIG SHES GNYIS RGYU 'BRAS SU 'DOD PA GANG ZHIG, RGYU DE RANG GI 'BRAS BUL LTOS NAS GRUB PAR 'DOD PA NA THAL 'GYUR BA'I KHYAD CHOS YIN BA'I PHYIR ZER NANG DPYAD DGOS SO,, 'DI LA KHA CIG NA RE, MDO SDE SPYOD PA'I DBU MAR RANG RGYUD PA'I LUGS LA, GZUGS SOGS RANG 'DZIN PA'I BLO LA RAG LAS PA YIN TE, GZUGS SOGS KYI SDOD LUGS DE RANG GANG LA SNANG BA'I BLO'I DBANG GIS BZHAG PA'I SDOD LUGS YIN PA'I PHYIR ZHES ZER, YANG KHA CIG NA RE, MDO SDE BAS KYANG GZUGS SOGS 'GRUB PA RANG

, ,GANG LA SNANG BA'I BLO LA RAG LAS PAR 'DOD PAR THAL, TSAD MA'I DBANG GIS GZHAL BYA 'JIG PAR 'DOD PA'I PHYIR NA MA KHYAB STE, DE'I TSAD MA'I DBANG GIS GZHAL BYA 'JOG CES PA NI GZHAL BYA'I SDOD LUGS TSAD MAS RTOGS PA'I DON YIN GYI, DBU MA RANG RGYUD PA LTAR GZUGS SOGS RANG GANG LA SNANG BA'I BLO'I DBANG GIS RANG GI NGO BO RNYED PAR MI 'DOD PAS GTAN MI DRA BA'I PHYIR TE, RNAM BSHAD DGONGS PA RAB GSAL LAS, DES NA SPRUL GZHI RTA GLANG DU SNANG BAR 'JOG NUS PA DE, SGYUR MKHAN LTAR NA BLO 'KHRUL BA LA DE LTAR SNANG BA'I DBANG GIS 'JIG GI, DE LAR MIN PAR SPRUL GZHI RANG GI SDOD LUGS KYI DBANG GIS 'JOG PA MIN NO,, LTAD MO PA LA NA RTA GLANG DU SNANG BDE NANG GI BLO'I DBANG GIS BZHAG PAR MI 'CHAR GYI, GZHI GANG DU SNANG BA DER RTA GLANG MTSAN NYID PA CIG YUL GYI GO SA MNAN NAS BSAD PAR 'DZIN NO,, DE NI DPE'I STENG NAS BLO'I DBANG GIS BZHAG PA DANG MI BZHAG PAR 'DZIN PA'I TSUL TE, GZHI DER SNANG BA DE SHAR BA NA SNANG BA DE SHAR BA NA SNANG BA LTAR GYI SDOD LUGS SU 'GRO BA DANG MI 'GRO BA GNYIS YOD DO,, DE LEGS PAR GO NA TSAD MA'I DBANG GIS GZHAL BYA 'JUG PA LA, TSAD MA YANG BLO YIN PAS DES GZHAL BYA 'JUG PA YANG BLO'I DBANG GIS BZHAG PAR 'GYUR BAS, DNGOS POR SMRA BA RNAMS KYI LUGS KYIS KYANG BDEN GRUB KHEGS PAR 'GYUR RO SNYAM DU PHYOGS DE GNYIS 'DRES PA PHYED PAR 'GYUR TE, TSAD MA'I DBANG GIS GZHAL BYA 'JIG PA NI GZHAL BYA GNYIS KYI SDOD LUGS TSAD MAS RTOGS PA'I DON YIN PAS, DE DANG SNGA MA GNYIS PAS, DE DANG SNGA MA GNYIS GTAN MI 'DRA

,BA'I PHYIR RO,, ZHES GSUNGS PA'I PHYIR, YANG KHA CIG NA RE, RANG RGYUD PA'I LUGS LA, SGYU MA MKHAN GYIS SGYU MA'I RTA GLANG GI STENG GI STONG NYID RTOGS PAR THAL, DES SGYU MA'I RTA GLANG BLO 'KHRUL BA'I DBANG GIS BZHAG PAR RTOGS PA'I PHYIR NA MA KHYAB STE, DES DE BLO 'KHRUL BA'I DBANG GIS BZHAG PAR RTOGS KYANG BLO'I DANG GIS BZHAG PAR MI RTOGS PA'I PHYIR TE, DE NYID LAS, GRUB MTHAS BLO MA BSGYUR BA LA GRAGS PA'I BRDZUN PA NI DBU MA PA 'DOD PA'I BRDZUN PA DANG DON MI GCIG PAS BLOS BZHAG KYANG DE DAG LA GRAGS PA LTAR YIN GYI, RANG LUGS LA DE TZAM LA BLOS BZHAG TU MI 'DOD DO,, ZHES GSUNGS PA'I PHYIR, YANG KHA CIG NA RE, YANG KHA CIG NA RE, THAL RANG GI LUGS LA DGAG BYA PHRA RAGS KYI KHYAD PAR MED PAR THAL, DE GNYIS KAS GZUGS SOGS KYI CHOS RNAMS YUL CAN BLO'I DBANG GIS BZHAG PAR 'DOD PA'I PHYIR NA MA KHYAB STE, DE GNYIS KAS GZUGS SOGS CHOS RNAMS BLO'I DBANG GIS BZHAG CES PA'I TSIG TZAM MTHUN KYANG DON BLO'I NGOR 'CHAR TSUL LA MI 'DRA BA CHEN PO YOD PA'I PHYIR TE, BLO'I DBANG MI 'DRA BA'I KHYAD PAR YOD LA, BLO'I DBANG GIS BZHAG PA'I THA SNYAD PA'I SDOD LUGS YOD MED LA YANG 'DOD TSUL MI MTHUN PA'I PHYIR TE, LEGS BSHAD SNYING PO LAS, DBU MA RANG RGYUD PA RNAMS NI THA SNYAD 'DOGS PA'I BLO'I DBANG GIS GZUGS TSOR LA SOGS PA 'JOG MI NUS LA GNOD PA MED PA'I DBANG PO'I SHES PA LA SOGS PA LA SNANG BA'I DBANG GIS THA SNYAD DU YOD PA 'JOG NUS PAR 'DOD PAS BLO'I DBANG GIS BZHAG MA BLO LA YANG KHYAD PAR CHE'O,, ZHE DANG, 'JUG PA'I RNAMS BSHAD LAS, DE LTAR

, ,NA BLO LA SNANG BA'I DBANG GIS BZHAG PA MIN PA'I SDOD LUGS MED KYANG, DE'I DBANG GIS BZHAG PA'I SDOD LUGS MING DU BTAGS PA TZAM MIN PA CIG YOD PA LUGS 'DI LA MI 'GAL BAS, DBU MA PA GNYIS KYI DGAG BYA LA BLO'I NGO MI 'DRA BA CHEN PO 'ONG NGO,, ZHES GSUNGS PA'I PHYIR RO,, //THA// 'DIR SKYENG LDAN GYI DNGOS PO RTZOD GZHIR BZUNG BA'I DGOS PA NI, GZHAN SDE BAS RTAG PA'I DNGOS BO 'DOD CING, RANG SDE'I BYE SMRAS KYANG RTAG BA'I DNGOS PO DANG RGYU RKYEN LAS MA SKYES PA'I 'DUS BYAS KHAS BLANGS PAS NA, DE DAG GIS GRUB ZIN SGRUB PA'I SKYON BRJOD PA SEL PHYIR DU SKYE LDAN ZHES SMOS SO,, DE YANG JI SKAD DU RTZA SHE'I RNAMS BSHAD LAS, DE LA GZHAN SDE BYE BRAG PA LA SGO PAS NAM MKHA' RJE SU GRUB PAR SMRA LA RANG SDE LA NI BYE BRAG TU SMRA BAS NAM MKHA' DNGOS POR 'DOD DO,, DE YANG SGRIB PA STE THOGS PA'I REG BYA BKAG PA LA NAM MKHAR 'DOD PAR NI SANGS RGYAS PA RNAMS 'DRA MOD KYANG, THOGS PA'I REG BYA BKAG TZAM GYI MED BKAG YIN NA GZHAN LA GO 'BYED PA MI RUNG BAS, NAM MKHA' NI GZUGS CAN RNAMS LA GO 'BYED PAR BYED PAS DON BYED NUS PA'O SNYAM DU BSAMS NAS BYE BRAG TU SMRA BA RNAMS NAM MKHA' DNGOS POR 'DOD DO,, NAM MKHAS GO PHYE NA DE LTAR YIN YANG GZUGS CAN GZHAN LA GO PHYIR BA NI BUM PA LTA BU'I GZUGS CAN GCIG YUL GZHAN DU GOS 'PHOS PA'I DBANG GIS YIN GYI NAM KHAS PHYE BA MED DO,, GO BKAG PA YANG GZUGS CAN GCIG YOD PA'I GO SAR GZUGS CAN GZHAN MI TSUD PAS DE NYID KYIS GO BKAG LA, DER GZUGS CAN GZHAN

,TSUD LA SNGA MA GZHAN DU 'GRO DGOS PAS GO PHYE NA 'GRO 'ONG KHAS BLANG DGOS SO,, ZHES GSUGNS SO,, //DA// 'DI LA GRANGS CAN BA RNAMS RGYU RKYEN PHAN TSUN SOS SO THA PA RNAMS LA BRAS BU THUN MONG PA GCIG NI YOD LA, DE YANG RGYU RKYEN RNAMS LA RANG BZHIN GCIG PA'I GTZO BO GCIG RJES SU 'GRO BA MED NA MI RUNG BAS, RGYU NAS KYI RANG BZHIN GANG YIN PA YANG RKYEN CHU LUD SOGS KYI RANG BZHIN YIN LA, DE BZHIN DU MYU GU'I RANG BZHIN DANG DE'I RGYU RKYEN GYI RANG BZHIN RNAMS PHAR YIN TSUR YIN DU 'DOD DE, RNAM 'GYUR THAMS CAD KYI RANG BZHIN RNAMS DE LTAR DU 'DOD DO,, DE'I PHYIR SA MYUG PHAN TSUN THA DAD PA KHO NAR 'DOD PAS MYU GU MYU GU LAS SKYE BAR MI 'DOD KYANG, MYU GU NI SA BON DANG DE'I RANG BZHIN LAS SKYE BAR SMRA BA NA, RANG BZHIN GNYIS GCIG YIN PAS RANG GI RANG BZHIN LAS KYANG SKYE BA DANG MYU GU MI GSAL BA RGYU DUS NA YOD PA SKYE BA NI BDAG SKYE'I 'DOD TSUL LO,, GRANGS CAN GYI KHYAD PAR 'GA' ZHIG NI SKYE BAR MI SMRA BAR RGYU LAS SNGAR MI GSAL BA PHYIS GSAL BAR 'DOD MOD KYANG DON 'DRA'O,, 'DIS SBYI GSAL NGO BO GCIG TU 'DOD PA YANG DE LTAR YIN GYI, SANGS RGYAS PAS DNGOS PO DANG BUM PA NGO BO GCIG TU 'DOD PA DANG GTAN MI 'DRA'O,, ZHES 'JUG PA'I RNAM BSHAD LAS GSUNGS SO,, //NA// 'DIR MDO SDE BA YAN CHAD MTHUN ZHES PA NI, BYE SMRA'I LUGS LA, SA BON GYI DUS SU MYU GU MA 'ONGS PA YOD PA DANG, MYU GU'I DUS SU SA BON 'DAS PA YOD LA, MYUG U MA 'ONGS PA MYU GU DANG SA BON 'DAS PA SA BON YIN PAR 'DON YIN PAR 'DOD PAS NA, DE LAS DMIGS KYIS BKAR BA'I DON DU MDO SDE BA YAN CHAD CES SMOS PA YIN TE, RTZA SHE'I RNAMS BSHAD LAS, BYE BRAG TU SMRA BDAG NA RE DNGOS

, ,PO RNAMS SNGAR RAM BYUNG BA LAS SKYE BA NI MED DE GLO BAR BA RGYU MED PAR THAL BA'I PHYIR RO,, DE'I PHYIR 'BRAS BU NI RGYU RKYEN TSOGS PA'I SNGA ROL GI MA 'ONGS PA'I SKABS SU YANG GNAS PA YIN LA, RGYU RKYEN GI TSOGS PAS NI DE DA LTA BA'I GNAS SKABS SU SKYED PA YI8N GYI RDZAS NI SNGA PHYIR GNAS PA NYID DO ZHES ZER RO,, ZHES GSUNGS BA'I PHYIR RO,, //PA// RTZA SHE'I RNAM BSHAD LAS, DE 'GOG PA NA SKYE BA DON MED DU THAL BAS 'GOG BA NI, MYUG GU LA SOGS PA RNAMS SLAR YANG SKYE BA DON MED PAR 'GYUR TE RANG GI BDAG NYID THOB ZIN PA'I PHYIR NGO,, SKYE BA NI RANG GI BDAG NYIS THOB PA'I DON DU YIN NA DE THOB ZIN NAS SLAR YANG SKYE NA DGOS PA MED DO,, GAL TE RANG GI BDAG NYID THOB ZIN KYANG SKYE DGOS BA MI 'GAL LO ZHE NA THUG MED DU THAL KHAS 'GOG PA NI, DE LTA NA MYU GU LA SOGS PA DE NAM YANG SLAR MI SKYE BAR MI 'GYUR TE, GRUB ZIN KYANG YANG SKYE DGOS PA'I PHYIR RO,, DE LA PHA ROL POS NUS PA'I NGO BOR MI GSAL BAR YOD PA GSAL BAR SKYE DGOS PA DANG GSAL ZIN NAS SKYE MI DGOS PAS THAL BA SNGA PHYI GNYIS LA KHYAB PA MED CES SMRA MOD KYANG SKYON SPONG MI TE, GSAL BA SNGA NAS YOD NA DER SKYE MI DGOS LA SNGA NAS YOD KYANG SKYE NA THUG MED SO NA GNAS SHING GSAL BSNGAR MED NA RGYU LA SNGAR YOD KHO NA SKYE BA'I PHYOGS NYAMS SO,, GANGS CAN GYI KHYAD PAR 'GA' ZHIG SKYE BAR MI 'DOD KYI GSAL BAR 'DOD MOD KYANG RIGS PA DE DAG GIS DGAG PAR BUS SO,, ZHES GSUNGS PA LTAR RO,, //PHA// MYU GU SOGS 'BRAS BU'I RIGS 'DRA RNAMS GTAN NA MI SKYE BA DANG, SA BON SOGS RGYU'I RIGS 'DRA RNAMS RGYUN MI CHAD

,DU SKYE BAR THAL, SKYE ZIN SLAR YANG SKYE DGOS PA'I PHYIR, ZHES PA STE, MYU GU LA SOGS RNAMS KYI SKYE BA 'DIR RNYED MI 'GYUR ZHING, SA BON SRID MTHAR THUG PAR RAB TU SKYE BA NYID DU 'GYUR, ZHES GSUNGS PA'I PHYIR, DES NA 'DIR SA MYUG GNYIS KAR THUG MED SBYAR BA DAG MA DAG DPYAD PAR BYA'O,, //BA// MI MTHONG ZHES PA DPE MA DAG STE, 'BRAS BU MYUG GU MTHONG BA'I PHYIR ZHES 'DON YI GE DAG PAR 'GYUR BA'I PHYIR TE, GANG PHYIR RGYU ZHIG NA YANG DE YI 'BRAS BU MTHONG BA'I PHYIR, DE DAG GCIG PA YIN ZHES 'JIG RTEN GYIS KYANG KHAS MI LEN, ZHES 'JIG RTEN GYI THA SNYAD DU YANG BDAG SKYE MED PAR BSHAD PA'I PHYIR RO,, //MA// DE NI DE LAS BYUNG NA YON TAN 'GA' YANG YOD MA YIN; ZHES SOGS SNGAR LTAR BKAG PA LA, GRANG CAN PA NA RE, SA MYUG GNYIS RANG BZHIN GCIG YIN KYANG RNAM 'GYUR THA DAD PAS, RNAM 'GYUR GYI CHA NAS SA BON 'JIG CING MYU GU SKYE BA'I PHYIR SKYE BA'I PHYIR SKYON GNYIS MED CE NA, MYUG GUS SA BON 'JIG PAR MI BYED PAR THAL, SA MYUG RANG BZHIN GCIG PA'I PHYIR, DPER NA MYU GUS MYU GU 'JIG PAR MI BYED PA BZHIN, ZHES BKAG PA DANG, SA MYUG GNYIS RANG BZHIN GCIG RANG BZHIN GCIG PA DGAG PA NI, SA MYUG GNYIS LA DBYIBS DANG KHA DOG DANG RO DANG NUS PA DANG SMIN PA THA DAD PA STE MI 'DRA BA MED PAR THAL, SA MYUG GI RANG BZHIN GNYIS RNAM PA THAMS CAD DU GCIG PA'I PHYIR, ZHES BKAG PA LA, GRANGS CAN PA NA RE, SA MYUG GNYIS RANG BZHIN GCIG YIN KYANG GNAS SKABS THA DAD PAS, SA BON GYI GNAS SKABS BTANG NAS MYU GU'I GNAS SKABS SU 'GYUR ZHE NA, SA BON GYI RANG BZHIN DE MYU GU'I RANG BZHIN MA YIN PAR THAL, SA BON GYI GNAS SKABS KYI DNGOS PO BSAL NAS MYU GU'I

, ,GNAS SKABS KYI DNGOS POR 'GYUR BA'I PHYIR, KHYAB STE, SA BON GYI GNAS SKABS KYI DNGOS PO DES BON GYI DNGOS PO YIN PA'I PHYIR DANG, SA BON GI NGO BO LAS DON GZHAN PA'I SA BON GYI DNGOS PO MED PA'I PHYIR, ZHES BKAG PA YIN NO,, GNAS SKABS RE RER GNYIS KA 'DZIN MI 'DZIN MTSUNGS PAR THAL BA NI, MYU GU'I GNAS SKABS SU SA BON DBANG PO'I SHES PAS GZUNG DU MED PA BZHIN DU MYU GU YANG GZUNG DU MED PA DANG, MYU GU'I GNAS SKABS SU MYU GU DBANG PO'I SHES PAS GZUNG DU YOD PA BZHIN DU SA BON YANG GZUNG DU YOD PAR THAL, SA BON GI NGO BO DANG MYU GU'I NGO BO RNAM PA THAMS CAD DU GCIG YIN PA'I PHYIR, THAL BA DI GNYIS LA 'DOD MI BUS PA DE'I PHYIR SA MYUG RANG BZHIN GCIG PA 'DI KHAS BLANG BAR MI BYA'O,, ZHES BKAG GO, DE NAS 'JIG RTEN GYI THA SNYAD DU YANG BDAG SKYE ME DPAR BSHAD PA DANG, BDAG LAS SKYE BA BDEN PA GNYIS KAR MED PAR BSHAD NAS, BSKYED BYA SKYED BYED DANG LAS DANG BYED PA PO GCIG TU THAL BA'I RIGS PAS BDAG PAS SKYE BA BKAG PAR BYAS TE, RGYAS PAR 'JUG PA'I RNAM BSHAD LAS SHES PAR BYA'O,, //TZA// GZHAN SKYE DGAG PA LA, HA CANG THAL BAS DGAG PA NI, SEL BYED ME LCE LAS KYANG BSAL BYA MUN PA 'THUG PO 'BYUNG BA DANG, RGYU YIN MIN THAMS CAN LAS KYANG 'BRAS BU YIN MIN THAMS CAD SKYE BAR THAL, RANG GI NGO BOS GRUB PA'I RGYU GZHAN LA BRTEN NAS RANG GI NGO BO GRUB PA'I 'BRAS BU GZHAN 'BYUNG BA'I PHYIR, KHYAB STE, RGYU 'BRAS GNYIS RANG GI NGO BOS GRUB PA'I GZHAN YIN NA LTOS GRUB KYI GZHAN MA YIN PAR 'GYUR ZHING LTOS PA'I 'BREL BA 'GOG BUS

,PAS 'BREL MED DON GZHAN DU SONG LA, 'BRAS BU GCIG 'BREL MED DON GZHAN PA'I RGYU GCIG LAS SKYE NA RGYU MIN PA THAMS CAD LAS SKYE BAR MTSUNGS PA DANG, RGYU GCIG GIS 'BREL MED DON GZHAN PA'I 'BRAS B U GCIG SKYED NA 'BRAS BU MIN PA THAMS CAD SKYED PAR MTSUNGS PA'I PHYIR, ZHES PA'O,, GZHAN SKYE 'DOD MKHAN RE, THAL BA DE'I SKYON MI YOD STE, RGYU 'BRAS GNYIS RANG GI NGO BOS GRUB PA'I GZHAN YIN KYANG, 'BRAS BU GANG RGYU GANG GIS BSKYED PAR BYA BAR BUS PA DE NI DE'I 'BRAS BU YIN ZHING, RGYU GANG BRA BU DE SKYED PAR NSU PA DE NI DE'I RGYU YIN LA, GZHAN YANG SA LU'I MYU GU NI RANG DANG RGYUD MI GCIG PA NAS KYI SA BON SOGS DANG SKYED BYED MIN PA SKAD CIG MA PHYI MA LAS MI SKYE'O, RGYU GCIG TU GTOGS PAS LU'I SA BON DANG SKYED BYED YIN PA KAD CIG MA SNGA MA LAS SKYE BA DE'I PHYIR, THAMS CAD LAS THAMS CAD MI SKYE'O ZHE NA, DE DGAG PA NI, DPER NA NAS DANG DPAR NA NAS DANG PADMA'I GE SAR DANG KENG SHU KA'I ME TOG LA SOGS PA DE SA LU'I MYU GU'I SKYED BYED MIN PA DANG DE SKYED PA'I BUS LDAN MIN PA DANG RGYU GCIG TU GTOGS PA MIN PA DANG RIGS 'DRA'I SNGA MA MIN PA BZHIN DU SA LU'I SA BON YANG SA LU'I MYU GU DE LAS LTOS PA'I KHYAD PAR BZHI DANG LDAN PA MA YIN PAR THAL, SA MYUG GNYIS RANG GI NGO BOS GRUB PA'I GZHAN YIN PA'I PHYIR, KHYAB STE, 'BRAL MED DON GZHAN DU MTSUNGS PA LA KHYAD PAR BZHI YOD MED KYANG GZHAG PAR MI NUS PA'I PHYIR; ZHES PA'O,, //TSA// RGYU 'BRAS SNGA PHYI BA LA GZHAN SKYE DGAG PA NI, SA BON CHOS CAN, MYUG GU LAS RANG GI NGO BOS GRUB PA'I GZHAN PA MA YIN TE, SA BON LA MYU GU LAS RANG GI NGO BOS GRUB PA'I GZHAN NYID MED PA'I PHYIR,

, ,KHYAB STE, SA BON MYU GU LAS RANG GI NGO BOS GRUB PA'I GZHAN PA YIN NA LTOS GRUB MING RTZAM GYI GZHAN PAR MI RUNG BAS NA BYE BRAG PAS SGRO BTAGS PA LTAR GYI GZHAN NYID CES BYA PA'I RDZAS LOGS SU YOD DGOS PA'I PHYIR, SA MYUG GNYIS RANG BZHIN GYIS GRUB PA'I GZHAN MIN TE, MYU GU SA BON NA DANG DUS MNYAM DU MED PA'I PHYIR, KHYAB STE, RANG BZHIN GYIS GRUB PA YIN NA DUS NAM YANG LDOG PA MED PAS, MYU GU DE SA BON GYI DUS SU 'ANG YOD DGOS PA'I PHYIR, MA KHYAB MTSAMS KYI RTAGS GRUB STE, SA BON RNAM PAR MA 'GYUR BAR MYU GU SKYE BA MED PA'I PHYIR, SA MYUG RANG BZHIN GYIS GRUB PA'I GZHAN MIN PA DE'I PHYIR MYU GU SA BON LAS SKYES PA NGO BO NYID KYIS 'GRUB PAR 'GYUR BA MIN PAS NA DNGOS PO RNAMS GZHAN LAS SKYE BA YIN ZHES PA'I DAM BCA' 'DI GTANG BAR BYOS SHIG, CES PA'O,, DNGOS PO RNAMS KYI RANG BZHIN NI, ZHES SOGS KYI DON NI RTZA SHE'I RNAM BSHAD LAS, SKYE BA BKAG PA'I SGO NAS GZHAN SKYE 'GOG PA BSHAD PAR BYA BA LA, YOD MA YIN ZHES PA BSHAD GZHIR DRANG NGO,, GANG NA MYU GU LA SOGS PA 'BRAS BU'I DNGOS PO RNAMS KYI RANG BZHIN TE NGO BO NI'O, ,GANG LA NAS BON LA SOGS PA'I RKYEN TSOGS PA LA DANG YA GYAL RE RE BA DANG DE GNYIS KA LA DANG SOGS KYI SGRAS BSDUS PA DE DAG LAS GZHAN LA YANG NGO,, ZHES PA NAS, DUS NAM GYI TSE NA RANG SKYES PA'I SNGA ROL DU'O,, ZHES DANG, YUL DUS DE DAG NA YOD NA NI DMIGS DGOS PA LAS MA DMIGS PA DANG SLAR SKYE BA DON MED PA LAS SKYE DGOS PA'I PHYIR NA MED DO,, DE LTAR SKYE RGYU'I 'BRAS BU DE YI BDAG PA'I

DNGOS PO SKYES PA'I SNGA ROL DU YOD PA MIN NA DNGOS PO NI 'DIR 'BYUNG BA STE SKYE BA YIN PAS GZHAN LAS SKYE BA RANG GI NGO BOS YOD PA MA YIN NO,, 'O NA GZHAN SKYE RANG GI NGO BOS YOD NA 'BRAS BU DE RANG SKYES PA'I SNGA ROL DU YOD DGOS PAR CIS 'GRUB CE NA, NAS, DE LA SKYE BA 'DOD PHYIN CHAD RGYU 'GAG PA DANG 'BRAS BU SKYE BA LA MNGON DU PHYOGS PA GNYIS DUS MNYAM PA GCIG DGOS SO, ,DE NI SKYE BA TZAM DANG THA SNYAD DU SKYE BA KHAS LEN PA LA MI RIGS PA MED KYANG DON DAM PA DANG RANG GI MTSAN NYID KYIS SKYE BA LA 'GAL BA YIN TE SNGA MA LA NI RGYU 'BRAS KYI SKYE 'GAG GI BYA BA GNYIS DUS MNYAM YANG RGYU 'BRAS GNYIS DUS MNYAM MI DGOS LA PHYI MA LA NI BYA BA DUS MNYAM NA RGYU 'BRAS KYANG DUS MNYAM DGOS PA'I PHYIR RO,, ZHES GSUNGS PA LTAR RO,, DE DUS MNYAM DGOS PA'I RGYU MTSAN RANG RGYUD PA'I SKABS SU BSHAD ZIN, //DZA// DE LTAR BKAG PA LA RTZOD PA SPANG BA NI, DPER NA SRANG MDA'I MGO MJUG GNYIS GCIG MTHO BA DANG GCIG SHOS DMA' BA DUS MNYAM PAR MTHONG BA BZHIN DU BSKYED BYA MYU GU DANG SKYED BYED SA BON GNYIS RIM BZHIN SKYE BA LA MNGON DU PHYOGS PA'I BYA BA DANG 'GAG PA LA MNGON DU PHYOGS PA'I BYA BA DUS MNYAM YIN PAS SA MYUG GNYIS KYANG DUS MNYAM PAR 'GYUR RO,, DE'I PHYIR GZHAN NYID YOD PAS NYES PA MED CE NA, DPE SRANG MDA'I MGO MJUG DUS GCIG PAS MTHONG MAN GYI BYA BA DUS GCIG YIN NA YANG DON SA MYUG GNYIS DUS GCIG TU MED PAS DE GNYIS KYI SKYE DGAG RANG BZHIN GYIS GRUB PA DUS MNYAM DU YOD PA MIN NO,, MYU GU SKYE BZHIN PA DE MYU GU SKYE BA LA MNGON DU PHYOGS PA YIN PAS DER DUS SU MYU GU YOD PA MIN ZHING, SA BON

, ,'GAG BZHIN PA NI SA BON YOD KYANG 'GAG PA LA MNGON DU PHYOGS PA YIN PAS DUS GNYIS PAR MED PA'I PHYIR SA MYUG GNYIS SRANG MDA'I MGO MJUG DANG MTSUNGS PAR MI 'GYUR RO,, MYU GU SKYE BZHIN PA'I BYA BA DANG SA BON 'GAG BZHIN PA'I BYA BA GNYIS MING RKYANG BTAGS YOD KYI DBANG DU BYAS NA DUS MNYAM DU YOD PA LA MI RIGS PA MED KYANG RANG BZHIN GYIS GRUB NA DUS MNYAM DU YOD PAR MI RIGS TE, BRTEN PA MYU GU SKYE BA'I BYA BA NI RTEN BYED PA PO MYU GU MED PAR 'BYUNG MI RIGS PA'I PHYIR, RTEN DANG BRTEN PA RANG BZHIN GYIS GRUB NA RANG BZHIN GZHAN DU 'GYUR BA MI 'THAD PAS DUS THAMS CAD DU RTEN DANG BRTEN PAR GRUB DGOS PA'I PHYIR, ZHES PA'O,, 'DIR SKABS 'DI'I PHYOGS SNGA SMRA BA DBU MA RANG RGYUD PAR BSHAD PA DPYAD BYA'O,, //WA// RGYU 'BRAS DUS MNYAM PA LA GZHAN SKYE DGAG PA NI, MIG GI RNAM SHES RANG GI SKYED BYED RANG DANG DUS GCIG PA'I MIG SOGS DANG LHAN CIG 'BYUNG BA'I 'DU SHES SOGS LAS SKYE ZER NA, DE'I TSE 'DU SHES SOGS LA BLTOS NAS GZHAN NYID YOD DU CHUG KYANG RGYU DUS NAS YOD PA LA SLAR YANG 'BYUNG BA'I DGOS PA CUNG ZAD KYANG MED DO,, GAL TE RGYU DUS SU 'BRAS BU MED CE NA, SNGA PHYI BA LA NGO BOS GRUB PA'I GZHAN MED PAR SNGAR BSHAD ZIN TO,, ZHES PA'O,, DE DAG SHES BYED 'JUG PA'I LUNG DANG SBYOR TSUL GO SLA BAS MA BRIS SO,, SPYIR GZHAN SKYE 'GOG TSUL LA GSUM YOD DE RANG GI NGO BOS GRUB PA'I GZHAN DANG SKYE BA GNYIS TSOGS 'GOG PA DANG, RANG GI NGO BOS GRUB PA'I SKYE BA BKAG PA'I SGO NAS GZHAN SKYE 'GOG PA DANG, RANG GI NGO BOS GRUB PA'I GZHAN BKAG

PA'I SGO NAS GZHAN SKYE 'GAG PA DANG GSUM YOD PA'I PHYIR, DANG BO NI THAMS CAD LAS THAMS CAD SKYE BAR THAL BA SOGS YIN LA, GNYIS PA NI, DNGOS PO RNAMS KYI RANG BZHIN NI, ,RKYEN LA SOGS LA YOD MA YIN, ,ZHES SOGS KYI DON SNGAR BSHAD PA DE YIN ZHING, GSUM PA NI, YANG LUNG DE'I DON LA BSHAD TSUL GZHAN ZHIG BYAS BA DE YIN TE, RTZA SHE'I RNAM BSHAD LAS, RANG GI NGO BOS GRUB PA'I GZHAN BKAG PA'I SGO NAS GZHAN SKYE 'GOG PA LA BSHAD NA GANG YOD PA MA YIN BA SDAR DANG 'DRA LA, DUS NAM GYI TSE ZHE NA SA BON LA SOGS PA'I RKYEN RNAM PAR 'GYUR BA MED PA RNAMS YOD PA'I DUS NA'O,, ZHES DANG, RGYU RKYEN RNAM PAR MA 'GYUR BA'I DUS NA 'BRAS BU YOD NA RGYU MED DU 'GYUR BAS DE'I TSE MED DO,, DE LTAR RGYU DUS NA 'BRAS BU'I BDAG GI DNGOS PO YOD PA MIN NA RKYEN LA SOGS BA RNAMS CI LA LTOS NAS GZHAN DU 'GYUR BA'I LTOS SA MED PAS, SA BON LA SOGS BA RNAMS LA GZHAN GYI DNGOS PO STE GZHAN NYID YOD PA MA YIN PAS GZHAN SKYE MED DO,, ZHES GSUNGS PA'I PHYIR, //ZHA// 'JUG PA'I RNAM BSHAD NAS, 'DIR GZHAN SKYE KHAS LEN PA LA HA CANG THAL BA'I SKYON

, ,GYIS MA SKYES TE, RTEN 'BYUNG YIN PA'I PHYIR ZHES BA'I RTAGS SBYOR GYI KHYAB PA 'GAL BAR MTHONG BA'I RANG SDE'I DNGOS SMRA BA DANG, RTAGS MA GRUB PAR MTHONG BA'I MU STEGS PA RNAMS KYIS STON PA SANGS RGYAS KHYOD KYI LUGS KYI RANG BZHIN MED PA'I STONG NYID JI LTAR KHONG DU CHUD PAR NUS TE MI NUS ZHES PA'O, , //CHA// 'DI LTAR SMRAS PA'I LAN DU, MA RIG PA'I RAB RIB KYIS BLO GROS KYI MIG NYAMS PA RNAMS KYI RTEN CING 'BREL BAR 'BYUNG BA'I SGRA THOS PA TZAM GYIS RANG BZHIN GYIS SKYE BAR MNGON PAR ZHEN PA'I DBANG GIS STONG PA NYID DU SMRA BA LA PHYIR RGOL BAR BYED KYI, TSE RABS SNGA MAR STONG PA NYID LA GOMS PAS STONG PA NYID RTOGS PA'I SA BON BZHAG PA RNAMS KYIS 'PHAGS PA SH'A RI'I BU LTAR RTEN CING 'BREL BAR 'BYUNG BA'I TSIG THOS PA TZAM GYIS RANG BZHIN GYIS MA SKYES PA'I DE KHO NA NYID RTOGS SHING KHONG DU CHUD PAR BYED DO, ,ZHES BSHAD DO, , //JA// SGRA SGRUB LUGS 'DI LA YANG SGRA'I GZHUNG SO SO'I LUGS DANG LO CHEN SO SO'I BSHAD SROL 'DRA MI 'DRA'I KHYAD PAR SOGS LA DPYAD PAR BYA BA MANG PO YOD MOD KYANG, TSIG GI KHUR HA CANG CHE BAR 'GYUR BAS 'DIR MA BRIS SO, ,//NYA// PRA TA'I TYA SA MUD B'A DA: ZHES PA'I PRA TI NI PHRAD PA'I DON DANG, AIn 'GRO BA'I BYINGS YIN KYANG, NYER BSGYUR GYI DBANG GIS, LUGS KYI MTHA' CAN PRA TI'A TYA ZHES BSGRUBS PA NA, SKAD KYI BYINGS KYI DON SNGA MAS ZIL GYIS GNON PA'I PHYIR, DON LOGS SU BSHAD RGYU MED PAR PHRAD PA DANG LTOS PA'I DON CAN DU 'GYUR TE, SGRA PA DAG GIS, SKAD KYI BYINGS NI STOBS LDAN YANG, ,NYE BAR

BSGYUR BAS ZIL GNON 'GYUR, ,GANG GA'I CHU NI MNGAR MOD KYI, ,RGYA MTSO'I CHU YIS JI BZHIN NO, ,ZHES BSHAD PA LTAR RO, ,B'A DA ZHES PA YOD PA DANG GRUB PA LA'ANG 'JUG MOD KYANG, SA MUD GONG NA YOD PA'I B'A DE STE SA MUD B'A DA ZHES PA'I SGRA NI 'BYUNG BA LA 'JUG CES PA'O, ,//TA// SO SOR 'GRO ZHING 'JIG PA DANG LDAN PA RNAMS KYI 'BYUNG BA NI RTEN 'BYUNG ZHES PA'I SGRA'I DON YIN ZER BA MI 'THAD DE, SUS RTEN CING 'BREL BAR 'BYUNG BA MTHONG BA DES CHOS MTHONG NGO, ,ZHES PA LTA BU RTEN 'BYUNG SBYIR BSTAN PA'I TSIG LA BRA TA'I DYA'I SGRA'I DON DE PHRAD PA DANG LTOS PA DANG BRTEN NAS ZHES PA'I DON DU DNGOS SU MA BSHAD PAS NA BRTAG PA MTHA' BZUNG GI DBANG DU BYAS NAS BRA TI NI SO SO DANG AI TYA NI 'GRO BA'I DON DU BSHAD DU RUNG LA, SA MUD B'A DA'I MTHAR MING MANG PO SBYOR BA'I TSIG SDUD KYI RNAM DBYE SI BYIN TE AI PHYIS NAS SA RNAM BCAD DU BYAS PA'I TSIG SDUD YOD PAS NA, PRA TI TYA'I MTHAR TSIG BSDUD KYI RNAM DBYE YOD PA PHYIS PA YIN ZER BA 'THAD PA YIN KYANG, MIG DANG GZUGS LA BRTEN NAS MIG GI RNAM PAR SHES PA 'BYUNG NGO ZHES RTEN 'BYUNG BYE BRAG TU BSHAD PA'I TSIG GIS PRA TRA'I TYA'I DON PHRAD PA DANG LTOS PA DANG BRTEN NAS ZHES PA'I DON DU DNGOS SU BSHAD PAS NA, PRA TI SO SO DANG AI TYA 'GRO BA'I DON YIN ZHES SO SOR 'PHRAL NAS BSHAD DU MI RUNG LA, DER MA ZAD MIG DANG GZUGS LA BRTEN NAS ZHES SOGS KYI SNYAD DOD PRA TA'I TYA DANG TZAKshU ZHES PA'I BAR DU DBYE RGYU'I TSIG SDUD YOD PA MI 'THAD PA'I PHYIR TE, TSIG SDUD ZHES PA NI MING MANG PO RE RE LA RNAMS DBYE RE RE 'THOB PA LA MING GNYIS SAM MANG PO'I THA MA LA

, ,RNAM DBYE GCIG BYIN PA'I DON YIN PA GANG ZHIG, MDO PHYI MA'I SKAD DOD KYI TSIG ZUR DU GYUR BA'I PRA TA'I TYA NI MING MANG PO BSDUS PA MA YIN PA NI SNGAR BSHAD PA LTAR YIN PA'I PHYIR DANG, DE NI MING LAS RANG DANG 'BREL BA'I MING GZHAN BSGRUB PAR BYED PA LA STER BA'I DE KHO NA GYI MTHA' CAN MA YIN PA'I PHYIR DANG, LUGS KYI MTHA' CAN GRANGS MED PA'AM MI ZAD PA KHO NAR 'THAD PA'I PHYIR RO, ,ZLOS SGRA MI RUNG BA'I DON 'DI GSAL BAR BSHAD PA MI SNANG BAS NA BLO GSAR BA RNAMS 'THAD MI 'THAD KYI DPYAD PA 'JUG CHED DU KHO BOS 'DI DANG GONG MAR BSHAD PA MI 'DRA BA GNYIS BYAS PA YIN NO, ,//THA// RNAM SHES GZUGS CAN MA YIN PAS MIG DANG PHRAD PA MED DE, ,PHRAD PA NI GZUGS CAN KHO NA LA YOD PA'I PHYIR ZHE NA YANG, DE MI 'THAD DE, MDO LAS, DGE SLONG 'DI NI 'BRAS BU THOB PA YIN NO, ,ZHES DGE SLONG DANG DGE SBYONG TSUL GYI 'BRAS BU PHRAD PA KHAS BLANGS PA'I PHYIR ZHES PA YIN PAS, 'DIR KHAS MI BLANG ZHES PA YI GE NOR RO, ,RIGS PA DRUG CU PA LAS, DE DANG DE BRTEN GANG 'BYUNG DE, ,RANG GI NGO BOR SKYES MA YIN, ,ZHES PA'I DON NI DAR t'IKA KA LAS, RGYU DANG RKYEN DE DANG DE LA BRTEN NAS GANG 'BYUNG BA DE NI RANG GI NGO BOR RANG BZHIN GYIS SKYES PA MA YIN NO, ,CI'I PHYIR ZHE NA, RGYU'I SNGAR YOD NA RGYU LA MI STOS LA, SKYE BA'I SNGAR MED NA SKYES PA'I DUS NA YANG GZUGS BRNYAN BZHIN DU BCOS MAR 'GYUR GYI, RANG GI MTSAN NYID DU GRUB PAR GA LA 'GYUR, RANG GI NGO BOR RANG BZHIN GYIS MA SKYES KYANG SKYE BA TZAM NI YOD DE, GZUGS SKYES SO ZHES PA'I THA SNYAD MTHONG BA'I PHYIR,

ZHES PA LTAR RO,, //DA// GAL TE DGON PA'I THIG LE DANG SKAM LAS KYANG SKYES PA'I PADMA LA MTSO SKYES DANG LANGS PA'I MA HE LA SAR NYAL ZHES PA BZHIN DU, RTEN 'BYANG GI SGRA 'JUG PA LA SGRA BSHAD DU YOD MI DGOS ZER NA YANG MI 'THAD DE, 'PHAGS PA KLU SGRUB KYIS, DE DANG DE BRTEN GANG 'BYUNG BA, ZHES SOGS KYIS RTEN 'BYUNG GI DON SO SOR PHYE NAS GSUNGS PA'I PHYIR, GAL TE RIN PHRENG LAS, 'DI YOD NA NI 'DI 'BYUNG STE, , THUNG NGU YOD NA RING PO BZHIN, ,ZHES PA LTAR 'CHAD PAR 'DOD NA YANG PHRAD PA DANG LTOS PA DANG BRTEN NAS ZHES PA'I DON DU BSHAD DGOS TE, THUNG DU DANG PHRAD CING THUNG DU LA BRTEN TE THUNG DU LA LTOS NAS RING POR 'GYUR RO ZHES BSHAD DGOS PA'I PHYIR, DE'I PHYIR SLOB DPON LEGS LDAN GYIS MIG DANG GZUGS LA BRTEN NAS MIG GI RNAM PAR SHES PA 'BYUNG NGO ZHES GSUNGS PA LA DON GNYIS KA MED PA'I PHYIR ZHES GZHAN LUGS SUN PHYIN PA MI RIGS SO, ,ZHES PA'O, ,DE'I DON GNYIS KA ZHES PA PHRAD PA'I DON DANG ZLOS PA'I DON GNYIS LA BYED DAM DPYAD DGOS SO, , //NA// GZHI GRUB NA PHRAD NAS GRUB PA DANG LTOS NAS GRUB PA DANG RTEN NAS 'BYUNG BA GSUM KA YIN PAS KHYAB STE, RTZA SHE'I RNAM BSHAD LAS, DE LA PHRAD LTOS RTEN GSUM RNAM GRANGS PAR GSUNGS PAS RTEN PA'I SGRA DON NI SHES BYA THAmS CAD LA YOD LA 'BYUNG BA LA GNYIS YOD PA'I SKYE BA NI 'DUS BYAS MIN PA LA MED KYANG DE LA BRTEN NAS 'GRUB PA YANG 'BYUNG BA'I DON DU GSUNGS PA YOD DE, BYED PO LAS LA BRTEN BYAS SHING, ,LAS KYANG BYED PO DE NYID LA, ,BRTEN NAS 'BYUNG BA MA GTOGS PA, ,'GRUB PA'I RGYU NI MA MTHONG NGO, ,ZHES

, ,LAS LA BRTEN NAS BYED PA PO 'BYUNG BAR GSUNGS KYANG LAS BYED PA BO'I SKYED BYED MIN PA DANG, RIGS PA DE CHOS GZHAN LA YANG SBYAR BAR GSUNGS PA'I SKABS SU TSAD MA DANG GZHAL BYA DANG BSGRUB BYA DANG SGRUB BYED PHAN TSUN LA BRTEN NAS 'BYUNG BAR GSUNGS KYANG PHAN TSUN SKYED BYED DU MI RUNG NGO, ,RIN CHEN PHRENG BA LAS KYANG, 'DI YOD NA NI 'DI 'BYUNG STE, ,THUNG DU YOD NA RING PO BZHIN, ,ZHES GSUNGS KYANG THUNG DU RING PO'I SKYED BYED MIN PA BZHIN NO, ,DE YANG RANG RANG GI RGYU RKYEN LA BRTEN NAS 'BYUNG NA BRAL 'BRAS MA GTOGS PA RNAMS DNGOS PO LA BYA DGOS LA DE MIN PA'I RTEN 'BYUNG RNAMS NI CHOS GZHAN LA BRTEN NAS 'BYUNG BA YIN YANG LTOS SA DE DE'I RGYU RKYEN MIN NO, ,ZHES GSUNGS PA'I PHYIR, LHAN GCIG TU GNAS PA'I RTA DANG BA GLANG NI LTOS NAS GRUB PA YIN KYANG PHAN TSUN LTOS NAS GRUB PA MIN PA DANG, SNANG MUN GNYIS PHRAD NAS GRUB PA YIN KYANG PHRAD PA MA YIN PAR KHAS LEN CHOG PA'I PHYIR, GZHAN DU NA DE DAG RTEN NAS 'BYUNG BA YANG MA YIN PAR THAL PA'I PHYIR, ZHES KHA CIG 'DOD DE, 'THAD MI 'THAD DPYAD PAR BYA'O, ,//PA// 'DI LTAR LTOS PA GANG LA BRTEN NAS 'BYUNG ZHING YOD PA RNYED PA DE NI RANG DBANG DU YOD PA RNYED PAR MI 'GYUR RO, ,CHOS 'DI KUN RANG DBANG PA'I SDOD LUGS SU MED PA STE, DES NA GANG ZAG DANG CHOS KYI BDAG NI YOD PA MA YIN NO, ,ZHES BZHI BRGYA BA'I DAR t'IKA LAS BSHAD PA LTAR RO, , //PHA// DE NYID LAS, GAL TE KHO BO CAG DNGOS POR LTA BA PHYIN CI LOG YIN NA, KHYOD DNGOS PO KHAS MI LEN

PAS DNGOS PO MED BAR LTA BAR 'GYUR LA, DE MI RIGS TE, MTHONG BA DANG MA MTHONG BA DANG 'GAL BA'I PHYIR RO ZHE NA, KHO BO CAG DNGOS PO MED PAR SMRA BA MIN TE, RTEN 'BREL SMRA BA YIN PA'I PHYIR RO, ,DNGOS PO BDEN PAR SMRA BA ZHIG GAM ZHE NA MIN TE, RTEN 'BREL SMRA BA YIN PA'I PHYIR RO, ,DE'I DON CI ZHE NA, SGYU MA DANG SMIG RGYU SOGS BZHIN DU RANG BZHIN GYIS GRUB PAS STONG BZHIN DU 'BRAS BU BSKYED NUS PA'I DON TO, ,ZHES PA LTAR RO, , SBYIR 'PHRAD LTOS RTEN GSUM RNAM GRANGS PAR YANG GSUNGS MOD KYANG GO BA CHAGS SLA BA'I PHYIR PHRAL NAS BRJOD NA, 'PHRAD DPA ZHES BYA BAS NI GTAN TSIGS KYI DON DNGOS PO RANG GI RGYUS BSKYED PA'I RTEN 'BREL 'DZIN PA YIN LA, 'DI NI GRUB PA'I MTHA' 'OG MA DANG YANG THUN MONGS PA'O, ,LTOS PA ZHES BYA BAS NI 'DU BYAS DANG 'DU MA BYAS KYI CHOS RNAMS RANG RANG GI CHA SHAS LA LTOS NAS RANG GI BDAG NYID RNYED PA'I GTAN TSIGS BSTAN PA STE SA MUDP'A DA GRUB PA LA 'CHAD PA'I DBANG DU BYAS PA'O, ,'DI NI SNGA MA LAS KHYAB CHE ZHING DNGOS BSTAN GYI DON TZAM DBUM PA GZHAN DANG YANG THUN MONGS PA'O, ,BRTEN PA ZHES BYA BAS NI CHOS THAMS CAD BRTEN NAS BTAGS PA'I GTAN TSIGS KYI DON BSTAN PA STE, RANG RANG GI GDAGS GZHI LA BRTEN NAS BTAGS PA TZAM DU GRUB PA'O, ,'DI NI LUGS MCHOG TU GYUR PA 'DI KHO NA'I KHYAD CHOS YIN TE, RANG RGYUD PA MAN CHAD DANG THUN MONGS MA YIN PA'O; ;DE LTAR NA TSIG GSAL GYI LUNG DE'I DNGOS PO 'BYUNG BA ZHES PA'I 'BYUNG BA'I DON SKYE BA TZAM LA BYAS NA GTAN TSIGS SNGA MA DANG, GRUB PA DANG YOD PA LA BYAS NA GTAN TSIGS PHYI MA GNYIS KYANG STON NO, ,RGYU DANG RKYEN

, ,LA ZHES BYA BA NI MYA GU'I NYE BAR LEN PA'I RGYU SA BON DANG RKYEN CHU LUNG SOGS TZAM LA BYAS NA GTAN TSIGS SNGA MA DANG, BDAG NYID KYI NGO BO GRUB PA'I RGYU GDAGS GZHI 'AM CHA SHAS LA BYAS NA GTAN TSIGS BAR BA DANG, RANG RANG 'DOGS BYED KYI RTOG PA LA BYAS NA GTAN TSIGS PHYI MA STON NO, ,DE DAG KYANG RJE BDAG NYID CHEN POS BYANG CHUB LAM RIM CHUNG DU LAS, DES NA MYU GU LA SOGS PA PHYI DANG 'DU BYED LA SOGS PA NANG GI DNGOS PO RNAMS RIM PA BZHIN DU SA BON LA SOGS PA DANG MA RIG PA LA SOGS PA LA BRTEN NAS 'BYUNG LA ZHES GSUNGS PAS GTAN TSIGS DANG PO BSTAN PA DANG, YANG DE NYID LAS, RANG LA RANG DBANG BA'I TSUGS THUB KYI RANG BZHIN GRUB DGOS PAS RGYU RKYEN LA RAG LAS PA 'GAL BA'I PHYIR TE, ZHES PAS GTAN TSIGS BAR BA BSTAN PA DANG, YANG DE NYID LAS, 'DIS NI GANG ZAG DANG BUM PA SOGS KYANG RANG GI TSOGS PA LA BRTEN NAS BTAGS PA YIN PAS RANG BZHIN GYIS GRUB PA MED PAR SHES PAR BYA STE ZHES PAS GTAN TSIGS GSUM PAS BSTAN PA YIN KYANG THUN MONGS DANG THUN MONGS MA YIN PA GNYIS SU BSDUS NAS DE NYID LAS, RTEN 'BYUNG GI GTAN TSIGS KYI RNAM BZHAG GNYIS SO, ,ZHES GSUNGS SO, ,DER MA ZAD DBUM LA 'JUG PA'I RNAM BSHAD CHEN MO LAS KYANG, JI SKAD DU BCOM LDAN 'DAS KYIS, DE LA CHOS KYI BRNGA NI 'DI YIN TE, 'DI LTA STE, 'DI YOD NA 'DI 'BYUNG, 'DI SKYES PA 'DI SKYE STE GTANG 'DI MA RIG PA'I RKYEN GYIS 'DU BYED RNAMS ZHES BYA BA LA SOGS PA GSUNGS PA DANG, RING CHEN 'PHRENG BA LAS, 'DI YOD PAS NA 'DI 'BYUNG

DPER; ;RING PO YOD NA THUNG DU BZHIN, ,'DI SKYES BAS NA 'DI SKYE STE, ,MAR ME 'BYUNG BAS 'OD BZHIN NO, ,ZHES DANG, RTZA SHES LAS KYANG, BYED PO LAS LA BRTEN BYAS SHING, ,LAS KYANG BYED PO DE NYID LA, ,BRTEN NAS 'BYUNG BA MA GTOGS PAR, ,GRUB PA'I RGYU NI MA MTHONG NGO, ,ZHES PA'I LUNG TSAN GSUM RIM PA BZHIN DU DRANGS PA'I RE RES KYANG RNAM BZHAG GSUM GA LTON PAR RUNG MOD KYANG GTZO CHE CHUNG DANG GO RIMS KYI DBANG GIS GTAN TSIGS KYI RNAM BZHAG MI 'DRA BA GSUM 'CHAD PA YIN NO, ,ZHES LCANG SKYA GRUB MTHAR BSHAD DO, DE LTAR NANG PA'I GRUB MTHA' SMRA BA RNAMS KYIS RTEN 'BYUNG GI DON 'DOD TSUL LA PHRA RAGS MI 'DRA BA'I RIM PA GSUM YOD PA NI SHIN TU 'THAD PA ZHIG YIN MOD KYANG, SNGAR GYI LUNG GSUM TSAN GNYIS KYIS DE GSUM RIM BZHIN BSTAN PA DANG, KHYAD PAR DU LAM RIM CHUNG DU'I LUNG BAR BAS GTAN TSIGS BAR BA BSTAN PA NI RMONGS BRTUL BDAG GI BLOR MA SHAR BAS NA ZUR GNAS RNAMS KYIS DA DUNG DPYAD PAR MDZAD NA LEGS SO, ,'DI LA BRTEN NAS MTHA' GNYIS SEL TSUL LAM RIM CHUNG NGU LAS, 'DIR LTA BA RNAMS DAG GI GEGS GOL SA'I GTZO BO NI GNYIS TE; GCIG NI CHOS RNAMS LA BDEN PAR 'DZIN PA'I BDEN 'DZIN GYI DMIGS GTAD CAN GYI RTAG LHA DANG SGRO 'DOGS KYI LTA BA'O, ,GNYIS PA NI DGAG BYA'I TSAD MA ZIN PAR THAL DRAGS NAS, RGYU 'BRAS RTEN 'BYUNG GI NGES PA RANG LUGS LA DRANG DU MED PAR SONG NAS, 'DI YIN DANG 'DI MA YIN GYI NGOS GZUNG BYA SA MED PA TSAD LTA DANG SKUR 'DEBS KYI LTA BA'O, ,DE GNYIS NI RGYU RKYEN 'DI LAS 'BRAS BU 'DI 'BYUNG LA NGES PA DRANGS PA'I GTAN TSIGS

, ,LA BRTEN NAS RANG BZHIN GYIS GRUB PA BKAG PA NA MA LUS PAR SPONG BA YIN TE, GTAN TSIGS KYI DON NGES PAS NI CHAD LTA DANG, DAM BCAS PA'I DON DES PAS NI RTAG LTA RTZA BA NAS SUN 'BYIN PA'I PHYIR RO, ,ZHES GSUNGS PA LTAR RO,, //BA// RTEN 'BYUNG GSUNGS PA DE RGYAL BA'I GSUNG GI MDZOD KYI GCES NOR YIN TE, DE'I RGYU MTSAN YANG LEGS BSHAD SNYING PO CHUNG DU LAS, 'JIG RTEN RGUD PA JI SNYED PA, ,DE YI RTZA BA MA RIG STE, ,GANG ZHIG MTHONG BAS DE LDOG PA'I, ,RTEN 'BYUNG 'BREL BAR 'BYUNG BAR GSUNGS, ,DE TSE BLO DANG LDAN PA YIS, ,RTEN CING 'BREL BAR 'BYUNG BA'I LAM, ,KHYOD KYI BSTAN PA'I GNAD NYID DU, ,JI LTAR KHONG DU CHUD MI 'GYUR, ,ZHES GSUNGS PA LTAR YIN NO, ,RTOGS PAR DKA' BAS NA ZAB MO ZHES BYA STE, RTZA SHES LAS, DE PHYIR ZHEN PAS CHOS 'DI NI, ,GTING RTOGS DKA' BAR MKHYEN GYUR NAS, ,THUB PA'I THUGS NI CHOS BSTAN LAS, ,RAB TU LOG PAR GYUR BA YIN, ,ZHES GSUNGS PAS SO, ,GANG ZAG GANG GIS RTEN 'BYUNG STONG PA'I DON DU MTHONG BA DES SANGS RGYAS KYI BSTAN PA'I DE NYID DAM SNYING PO MTHONG BA YIN TE, RJE BDAG NYID CHEN POS, GANG GANG RKYEN LA RAG LAS PA, ,DE DE RANG BZHIN GYIS STONG ZHES, ,GSUNG PA 'DI LAS YA MTSAN PA'I LEGS 'DOMS TSUL NI CI ZHIG YOD, ,CES DANG, PHAN MDZAD KHYOD KYIS 'GRO BA LA, ,SMAN PA'I SLAD DU BKA' STZAL BA, ,BSTAN PA'I SNYING PO STONG PA NYID, ,DES PA'I RGYU MTSAN ZLA MED PA, ,ZHES DANG, MDO LAS KYANG, SUS RTEN CING 'BREL BAR 'BYUNG BA MTHONG BA DES CHOS

MTHONG NGO, ,ZHES GSUNGS PA'I PHYIR RO, ,//MA// NGA YI BA'I MTSAN GZHI LA BSHAD TSUL GNYIS BYUNG STE, RANG RE'I MKHAS PA KHA CIG, RANG RGYUD KYIS BSDUS PA'I MIG RNA SOGS NI NGA YI BA'I MTSAN GZHI YIN KYANG NGA YIR 'DZIN PA'I 'JIG LTA LHAN SKYES KYI DMIGS PA MA YIN PA NI RJE YAB SRAS KYI DGONGS PAR 'CHAD PA DANG, KUN MKHYEN 'JAM DBYANGS BSHAD PA'I RDO RJES, MIG RNA SOGS NGA YI BA'I GDAGS GZHI YIN GYI NGA YI BA'I MTSAN GZHI MIN TE, GDAGS GZHI BTAGS CHOS SU MI 'THAD PA'I PHYIR, STONG THUN CHEN MO LAS MIG RNA SOGS NGA YI BA'I MTSAN GZHIR BSHAD PA NI NGA YI BAR BYED RGYU'I MTSAN GZHIR BSTAN PA TZAM YIN GYI NGA YI BA RANG NYID YIN PAR BSTAN PA MA YIN ZHING 'CHAD TSUL 'DI RTZA SHES tIKA CHEN GYI DGONGS PA YIN TE, DE NYID LAS, DA'O SNYAM PA SKYE BA'I GZHI NGA LA DMIGS NAS RNAM PA RANG GI MTSAN NYID KYIS GRUB PAR 'DZIN PA NI NGAR 'DZIN GYI 'JIG LTA LHAN SKYES DANG GANG ZAG GI BDAG TU RMONGS PA GNYIS KA'O, ,NGA YI BA LA DMIGS NAS RNAM PA RANG GI MTSAN NYID KYIS GRUB PAR 'DZIN PA NI NGA YIR 'DZIN PA'I 'JIG LTA LHAN SKYES DANG GANG ZAG GI BDAG PA LA RMONGS PA'I MA RIG PA GNYIS KA'O, ,NGA YI BA'I GZHI MIG RNA SOGS LA DMIGS NAS DE LTAR 'DZIN PA NI CHOS KYI BDAG 'DZIN YIN PAS NGA YI BA LA DMIGS ZHES PA NI DE DAG LA DMIGS PA MA YIN NO, ,ZHES GSUNGS PA'I PHYIR; ZHES BZHED DO, ,DE LA NGA YI BA MTHA' GCIG TU GANG ZAG YIN PAR BSHAD PA NI DPYAD GZHI SHIN TU CHE STE, MIG RNA SOGS NGA YI BA YIN PAR RJE BDAG NYID CHEN POS YANG DANG YANG DU GSUNGS PA'I PHYIR TE

, ,BDAG DANG BDAG GI ZHI BA'I PHYIR, ZHES PA'I t'IK CHEN RIGS PA'I RGYU MTSO LAS, DE LTAR DANG NGA YIB RANG GI NGO BOS MGRUB PAR GTAN LA PHAB PA'I LTA BRNYED PA DE NYID RGYUN LDAN DU BSGOMS PA LA BRTEN NAS, BDAG STE NGAR 'DZIN PA'I YUL GANG ZAG DANG BDAG GI BA STENG NGA YIR 'DZIN PA'I YUL PHUNG PO RNAMS KYI MTSAN MA ZHI BA STE CI YANG MI DMIGS PAR YUL YUL CAN RO MNYAM PAR GYUR BA'I PHYIR, ZHES DANG, TSIG GSAL LAS KYANG, BDAG STENG NGAR 'DZIN PA'I YUL DANG NGA YIR 'DZIN PA'I YUL BDAG GI PA PHUNG PO LA SOGS PA'I DNGOS PO ZHI BA STE, ZHES DANG, GANG GI TSE BDAG GI BDAG MED PAR RTOGS PA DE NYID KYI TSE PHUNG PO'I DNGOS PO BDAG GI BA YANG BDAG MED PAR DES PAR RTOGS PAR 'GYUR RO, ,ZHES PHUNG SOGS BDAG GI BA YIN PAR YANG YANG GSUNGS PA'I PHYIR DANG, LHAG MTHONG CHEN MO LAS KYANG, BDAG LA RANG BZHIN MED PAR RTOGS PA'I TSE BDAG GI BA PHUNG PO LA'ANG BDAG STE RANG BZHIN MED PAR RTOGS PAR GSUNGS SO, ,ZHES DANG, GNYIS PA DES BDAG GI BA YANG KHEGS PAR BSTEN PA NI, DE LTAR BDAG DE RANG BZHIN YOD MED TSOL BA'I RIGS PAS BTZAL BA NA, BDUN PO DE GANG DU YANG MA RNYED PAS, ,BDAG LA RANG BZHIN KHEGS PA DE'I TSE RIGS PAS DI NI BDAG DE'I MIG LA SOGS PA'O ZHES JI LTAR RNYED PAR 'GYUR, DE LTAR NA BDAG GI BA LA YANG RANG BZHIN MED DE, ,RNAL 'BYOR BAS BDAG DANG BDAG GI BA'I RANG BZHIN 'GA' YANG MA DMIGS PA NA 'KHOR BA LAS RNAM PAR GROL BAR 'GYUR TE, ZHES DANG, LAM RIM CHUNG DU

LAS KYANG, DE LTAR BDAG LA RANG BZHIN GYIS GRUB PA YOD MED RIGS PAS BTZAL BA NA, GCIG DANG DU MA GANG DU YAR MA RNYED PAS BDAG LA RANG BZHIN KHEGS PA DE'I TSE DE KHO NA NYID LA DPYOD PA'I RIGS PAS BDAG GI BA RANG BZHIN GYIS GRUB PA RNYED PAR MI 'GYUR TE, MO GSHAM GYI BU MA DMIGS NA DE'I BDAG GI BA MIG SOGS MI DMIGS PA BZHIN NO, ,ZHES DANG, DANG BO RANG ZHES BDAG LA ZHEN GYUR ZHING, ,BDAG GI 'DI ZHES DNGOS LA CHAGS BSKYED PA, ,ZHES PA'I RNAM BSHAD LAS KYANG, NGAR 'DZIN GYI 'JIG LTAS NGA YIR 'DZIN PA'I 'JIG LTA SKYED PAS, SEMS CAN 'DI RNAMS NI BOR TE BDAG GI BAR MNGON PAR ZHEN PA'I 'JIG LTA'I SNGA ROL TU; NGAR 'DZIN PA'I 'JIG LTAS RANG BZHIN GYIS YOD PA MIN PA'I BDAG RANG BZHIN GYIS YOD DO SNYAM NAS, NGA ZHES PA'I DON 'DI NYID DU STE LA BDEN PAR MNGON PAR ZHEN BAR BYED DO, ,DE'I 'OG TU NGA YIR 'DZIN PA'I 'JIG LTAS, NGAR 'DZIN GYI DMIGS YUL LAS GZHAN PA STE DE MIN PA'I GZUGS DANG MIG LA SOGS PA'I DNGOS PO LA, 'DI NI BDAG GI'O ZHES BDAG GI BA LA BDEN PAR CHAGS PA BSKYED PAS, ZHES DANG, BDAG 'DI GDAGS PA'I RTEN MIG LA SOGS PA NANG GI BDAG NYID CAN DANG PHYI ROL GANG YIN PA BDAG DE'I BDAG GI BA GANG YIN PA DER YI BAR 'DZIN PA'I BLO 'BYUNG BA'I BDAG DE NI, ZHES DANG, GANG LA RTAG TU 'GRO RNAMS DAR 'DZIN BLO, ,RAB TU 'BYUNG ZHING DE YI GANG YIN DER, ,NGA YIR 'DZIN BLO 'BYUNG BA'I BDAG DE NI, MA BRTAGS GRAGS PAR GTI MUG LAS YIN NO, ,ZHES PA'I 'JUG 'GREL LAS

, ,KYANG DE BZHIN DU GSUNGS PA'I PHYIR DANG, GANG PHYIR BYED PO MED CAN LAS MED PA, ,DE PHYIR BDAG GI BDAG MED PAR YOD MIN, ,ZHES PA'I 'JUG 'GREL LAS KYANG, JI LTAR RDZA MKHAN MED PAR BUM PA MI SRID PA DE BZHIN DU BDAG MED PAR BDAG GI BA YANG YOD PA MA YIN NO, ,ZHES BDAG NI RDZA MKHAN LTA BU DANG BDAG GI BA NI RDZA BUM LTA BUR GSUNGS PA BZHIN DU RNAM BSHAD LAS KYANG GSUNGS PA'I PHYIR DANG, RTZA SHES LAS, NANG DANG PHYI ROL NYID DAG LA, ,BDAG DANG BDAG GI SNYAM ZAD NA, ,ZHES PA'I RNAM BSHAD LAS, DE LTAR BDAG DANG BDAG GI BA MA DMIGS PAS NANG BDAG DANG PHYI ROL BDAG GI BA NYID DAG LA BDAG DANG BDAG GI SNYAM PA'I 'JIG LTA GNYIS ZAD NA NYE BAR LEN PA BZHI 'GAG PAR 'GYUR TE, ZHES BDAG GI BA LA PHYI ROL GYI SGRA SBYAR BA'I RGYU MTSAN YOD PA'I PHYIR RO,, DES NA MIG RNA SOGS PA ;YI BA YIN PAR MANG DU BSHAD PA DANG, 'JUG PA'I RNAM BSHAD LAS, BDAG GIR 'DZIN PA'I 'JUG LTA LHAN SKYES KYI DMIGS PA NI, NGA YI BA NYID YIN GYI, RANG GI MIG SOGS DMIGS PAR MI BZUNG NGO, ,RNAM PA NI DMIGS PA DE LA DMIGS NAS NGA YI BA RANG GI MTSAN NYID KYIS GRUB PAR 'DZIN PA'O, ,'ON BDAG GI 'DI ZHES PA'I RANG 'GREL LAS, 'DI NI BDAG GI'O SNYAM DU NGAR 'DZIN PA'I YUL LAS GZHAN PA'I DNGOS PO'I RNAM PA MA LUS PA LA MNGON PAR ZHEN PA YIN NO,, ZHES MIG LA SOGS PA'I GZHI LA DMIGS NAS 'DI NI BDAG MIG YON NO SNYAM DU ZHEN PA BDAG GIR 'DZIN PAR BSHAD PA JI LTAR YIN SNYAM NA, DE NI MIG SOGS

RNAMS BDAG GI BAR MTHONG NAS BDAG GI BA LA BDEN PAR MNGON PAR ZHEN PA'I DON YIN GYI, BDAG GI BA'I MTSAN GZHI MIG SOGS DMIGS PAR STON PA MIN NO,, ZHES MIG SOGS PA YI BA'I MTSAN GZHIR BSHAD PA DANG, SNGAR DANGS PA LTAR RDZA SHE'I t'IK CHEN LAS NGA YI BA LA DMIGS ZHES PA NI MIG RNA SOGS LA DMIGS PA MA YIN PAR BSHAD PA DANG, LEGS BSHAD SNYING PO LAS KYANG, MIG GIS GZUGS MTHONG BA LA BRTEN NAS MCHOD SBYIN GYIS GZUGS MTHONG BA DANG MCHOD SBYIN GYIS GZUGS BLTAS PA LA BRTEN NAS DE'I MIG GIS GZUGS MTHONG BAR LEGS PAR 'JOG NUS LA, 'ON KYANG GZUNGS MTHONG BA'I MIG MCHOD SBYIN MIN ZHING GZUGS LTA MKHAN GYI MCHOD SBYIN YANG MIG MIN PA 'GAL LO, ,DE BZHIN DU MIG NA BA DANG BSOS PA NANG NA BA DANG BSOS SO ZHES THA SNYAD 'DOGS PA BZHIN DU 'JOG NUS SHING NGA'I MIG NA ZHING BSOS SO ZHES THA SNYAD 'DOGS PA LTAR YANG 'JOG NUS MOD KYANG, MIG DE NYID BDAG DANG BDAG GI BA GNYIS KAR 'JIG RTEN GYI THA SNYAD KYIS 'JOG PA MIN NO, ,ZHES GSUNGS PA RNAMS MI 'GAL TSUL JI LTAR YIN ZHES NA, DE LA KUN MKHYEN 'JAM DBYANGS BZHAD PA'I DGONGS PA NI SNGAR BSHAD PA LTAR YIN ZHING, RGYAS BAR DBU MA'I MTHA' DPYOD LAS SHES PAR BYA'O,, DE LAS GZHAN DPYOD LDAN DAG NA RE, DE DAG MI 'GAL TSUL YOD DE, MIG RNA SOGS PA YI BA YIN KYANG NGA YIR 'DZIN PA'I 'JIG LTA'I DMIGS YUL DU GYUR BA'I NGA YI BA MA YIN PA'I PHYIR TE, NGA YI BA LA NGA'I GZUGS DANG NGA'I TSOR BA ZHES SOGS DANG, NGA'I MIG DANG NGA'I RNA BA

, ,ZHES SOGS DANG, NGA'I ZA SOGS DANG NGA'I KHANG KHYIM ZHES SOGS PHYI NANG GI CHOS SNA TSOGS DANG, NGA'I PHA DANG MA DANG NGA'I BU DANG CHUNG MA ZHES SOGS DANG, NGA'I RTA DANG BA GLANG DANG NGA'I BZHON BA DANG, MKHAL MA ZHES SOGS DANG, NGA'I DGRA DANG GNYEN DANG NGA'I SLOB DPON DANG MKHAN PO ZHES SOGS RGYUD THA DAD PA'I GANG ZAG MCHOG DMAN SNA TSOGS DANG, NGA'I TSE RABS SNGA MA DANG NGA'I TSE RABS PHYI MA ZHES SOGS DANG, NGA'I NYER LEN DANG NGA'I NYER 'BRAS ZHES SOGS DANG, NGA'I SKAD CIG DANG PO DANG NGA'I SKAD CIG GNYIS PA ZHES SOGS DANG, NGA'I THOB BYA 'BRAS GNAS BZHI DANG NGA'I THOB BYA LA LONGS SPRUL GNYIS ZHES SOGS RGYUD GCIG PA'I GANG ZAG MCHOG DMAN SNA TSOGS KYANG YOD PA'I PHYIR TE, DE LTAR 'DZIN PA'I 'JIG RTEN PA'I BLO LHAN SKYES DE TSAD MA YIN PA'I PHYIR, DE LTAR NGA YI BA MANG PO YOD PA'I NANG NAS NGA YIR 'DZIN PA'I 'JIG LTA'I DMIGS YUL DU GYUR BA'I NGA YI BA NI RANG DANG RGYUD GCIG PA'I NGA YI BA RNAMS YIN GYI, ,RANG DANG RGYUD THA DAD PA'I GANG ZAG GZHAN DANG GANG ZAG MA YIN PA'I CHOS RNAMS MA YIN PA'I PHYIR TE, DE 'DRA'I KHYAD PAR 'BYED PA'I DON DU RTZA SHE'I RNAM BSHAD LAS, NGA YI BA'I GZHI MIG RNA SOGS LA DMIGS NAS DE LTAR 'DZIN PA NI CHOS KYI BDAG 'DZIN YIN PAS NGA YI BA LA DMIGS ZHES PA NI DE DAG LA DMIGS PA MA YIN NO, ,ZHES GSUNGS PA'I PHYIR, ,GZHAN DU NA, NGA YI BA LA DMIGS ZHES PA NI MIG RNA SOGS LA DMIGS PA MA YIN TE, MIG RNA SOGS NGA YI BA MA MIN PA'I PHYIR TE, NGA YI

PA 'JOG LUGS LA RANG RGYUD PA MAN CHAD DANG MI 'DRA BA'I KHYAD PAR YOD PA'I PHYIR ZHES PA LTA BU'I DOGS GCOD MDZAD DGOS PA LA DE LTAR MA GSUNGS PA'I PHYIR, ZHES ZER RO,, //TZA// GANG ZAG GI MTSAN GZHI LA 'DOD TSUL MI 'DRA BA'I KHYAD PAR SOGS RANG RGYUD PA'I SKABS SU RGYAS PAR BSHAD ZIN TO,, //TSA// 'DIR 'PHAGS PA KUN DGA' BO'I RGYUD KYI BDAG DANG DGE SLONG DANG MI DANG RGYUN ZHUGS DANG SH'KYA BA RNAMS DON GCIG MA YIN PA RAB SHAD PA LTAR DBU MA'I MTHA' DPYOD LAS KYANG DA LTA'I RGYAL PO SLAR BCAS LDAN DGE SLONG BYAS PA GCIG GI RGYUD KYI TSE 'DI'I BDAG DANG MI DANG RGYAL PO DANG DGE SLONG RNAMS YIN KHYAB MNYAM MA YIN PAR BSHAD PA NI SGRA JI BZHIN PAR KHAS LEN MI RUNG STE, 'PHAGS PA KUN DGA' BO'I BDAG DANG DGE SLONG DANG MI DANG SH'AKYA PA RNAMS DON GCIG PA'I PHYIR TE, 'PHAGS PA KUN DGA' BO'I RGYUD KYI BDAG DANG DE'I RGYUD KYI DGE SLONG GNYIS DON GCIG YIN PA'I PHYIR TE, 'PHAGS PA KUN DGA' BO'I RGYUD KYI BDAG DE DGE SLONG MA YIN NA 'PHAGS PA KUN DGA' BO DGE SLONG MA YIN PAR 'GYUR BA'I PHYIR DANG, 'PHAGS PA KUN DGA' BO'I RGYUD KYI BDAG DE DGE SLONG DANG MI DANG SH'AKYA PA GSUM KA YIN PA'I PHYIR TE, GZHAN DU NA, 'PHAGS PA KUN DGA' BO'I RGYUD KYI BDAG LA 'GRO BA RIGS DRUG KA YOD PAR THAL BA DANG, DE'I RGYUD KYI DGE SPONG LA SKYE 'PHAGS GNYIS KA YOD PAR THAL BA DANG, DE'I RGYUD KYI MI LA KHYIM PA DANG RAB BYUNG GNYIS KA YOD PAR THAL BA SOGS 'BYUNG BA'I PHYIR, DES NA 'DI DANG DBU MA'I YIG CHA GNYIS KAR SNGAR LTAR

, ,GSUNGS PA NI 'PHAGS PA KUN DGA' BOS GANG ZAG GANG LA DMIGS NAS NGA'O SNYAM PA SKYE BA'I DMIGS PAR GYUR BA'I BDAG DANG DES DGE SLONG GANG LA DMIGS NAS NGA'O SNYAM PA SKYE BA'I DMIGS PAR GYUR BA'I DGE SLONG DANG DES MI GANG LA DMIGS NAS NGA'O SNYAM PA SKYE BA'I DMIGS PAR GYUR BA'I MI DANG, DES RGYUN ZHUGS GANG LA DMIGS NAS NGA'O SNYAM PA SKYE BA'I DMIGS PAR GYUR BA'I RGYUN ZHUGS DANG DES SH'AKYA PA GANG LA DMIGS NAS NGA'O SNYAM PA SKYES BA'I DMIGS PAR GYUR BA'I SH'AKYA BA RNAMS YIN KHYAB MNYAM MA YIN PA LA DGONGS NAS DE LTAR GSUNGS PA YIN TE, DGOS PA NI 'PHAGS PA KUN DGA' BO'I RGYUD KYI NGA'O SNYAM PA'I BLO LHAN SKYES TSAD MA YIN PAS BLO DE'I DMIGS YUL DU GYU RA BA'I 'GRO BA RIGS DRUG SOGS MED DO SNYAM PA'I LOG RTOG SEL BA'I CHED DU DE LTAR LTAR GSUNGS PA'I PHYIR RO; ;DON DE DAG LA KHA CIG NA RE, LHAS BYIN GYIS GANG LA DMIGS NAS NGA'O SNYAM PA SKYE BA'I DMIGS PAR GYUR BA'I BDAG DE RANG GI TSE RABS SNGA MA'I DUS SU YOD PAR THAL, RTZA SHE'I t'IK CHEN LAS, TSE 'DI'I LHAS BYIN GYIS GANG LA DMIGS NAS NGA'O SNYAM PA SKYE BA'I DMIGS PAR GYUR BA'I BDAG NI TSE RABS SNGA MA RNAMS SU YANG YOD PAS DE LTAR DRAN PA MI 'GAL LA, TSE 'DI'I LHAS BYIN TSE SNGA MAR YOD NA RTAG PAR 'GYUR BA DANG YANG MI 'DRA'O,, ZHES GSUNGS PA'I PHYIR NAM KHYAB STE, DE 'DRA BA'I BDAG DE LHAS BYIN GYI TSE RABS SNGA MA'I DUS SU YOD PAR GSUNGS KYI, BDAG DE RANG GI TSE RABS SNGA MA'I DUS SU YOD PAR

MA GSUNGS PA'I PHYIR, YANG KHA CIG NA RE, TSE 'DI'I DUS KYI GANG ZAG DE SKYE BA PHYIR MAR MI 'GRO BAR THAL, DE NYID LAS, DE BZHIN DU MA 'ONGS PA'I SKYE BA LA YANG TSE 'DI'I DUS KYI GANG ZAG DE NYID SKYE BA PHYI MAR MI 'GRO YANG NGA'O SNYAM PA'I DMIGS PA NGA TZAM ZHIG DER YANG RJES SU 'GRO BAS, RANG NYID SKYED BA PHYI MAR SDUG BSNGAL GYIS DOGS NAS DE'I RGYU MI DGE BA 'DI SPONG BA DANG BAR BYA BA'I PHYIR DU 'DIR DGE BA LA BRTZON PA YANG 'THAD DE, DPER NA DE RING DUS KYI MI 'DI SANG GI DUS NA MED KYANG SANG BKRES SKOM GYI SDUG BSNGAL BYUNG GIS DOGS NAS DE RING NAS BZA' BTUNG GSOG PA DANG, RGAS PA'I TSE SDUG BSNGAL GYIS DOGS NAS GZHON DUS NOR GSOG PA BZHIN NO, ,'DI THAMS CAD KYANG YUL DUS 'DI'I BDAG CES SO SOR MI 'BYED PAR SBYIR BDAG PA DE BA THOB PA DANG SDUG BSNGAL DANG BRAL BAR 'DOD NAS BYED LA, BDAG TZAM YANG DUS DE DAG TU RJES SU 'GRO BAS NGES YUL LA 'KHRUL BA YANG MIN NO, ,ZHES GSUNGS PA'I PHYIR NA MA KHYAB STE, TSE 'DI'I DUS KYI GANG ZAG DE SKYE BA PHYI MA'I GANG ZAG LA RJES SU 'GRO BAR GSUNGS PA YIN PA'I PHYIR DANG, DE NI LHAS BYIN DE LHAS BYIN GYI SKYE BA SNGA PHYI BAR GSUM GA'I NGA LA THUN MONG DU RJES SU MI 'GRO YANG LHAS BYIN GYIS GANG LA DMIGS NAS NGA'O SNYAM PA SKYE BA'I DMIGS PAR GYUR BA'I BDAG DE LHAS BYIN GYI SKYE BA SNGA PHYI BAR GSUM GA'I NGA LA THUN MONG DU RJES SU 'GRO BA'I BDAG YIN PAR GSUNGS PA YIN PA'I PHYIR, DPER NA GSER BUM DE ZANGS GSER GYI BUM PA GNYIS LA THUN MONG DU RJES SU 'GRO BA'I SPYI MIN YANG BUM PA DE ZANGS GSER GYI BUM PA

, ,GNYIS LA THUN MONG DU RJES SU 'GRO BA'I SPYI YIN PA BZHIN YIN PA'I PHYIR, YANG KHA CIG GIS, LHAS BYIN GYIS GANG LA DMIGS NAS NGA'O SNYAM PA SKYE BA'I DMIGS PAR GYUR BA'I BDAG YIN NA LHAS BYIN GYI SKYE BA SNGA PHYI BAR GSUM GA'I NGA LA THUN MONG DU RJES SU 'GRO BA'I BDAG YIN PAS KHYAB PAR THAL, ,LHAS BYIN GYIS GANG LA DMIGS NAS NGA'O SNYAM PA SKYE BA'I DMIGS PAR GYUR BA'I BDAG DE LHAS BYIN GYI SKYE BA SNGA PHYI BAR GSUM GA'I NGA LA THUN MONG DU RJES SU 'GRO BA'I BDAG YIN PA'I PHYIR NA MA KYE BA STE, LHAS BYIN GYIS GANG LA DMIGS NAS NGA'O SNYAM PA SKYE BA'I DMIGS PAR GYUR BA'I MI DANG DGE SLONG DANG SH'AKYA PA DANG, LHAS BYIN SOGS THAMS CAD BDAG SNGA MA DE'I BYE BRAG YIN PA'I PHYIR TE, DE NYID LAS, LHAS BYIN GYIS DUS SNGA PHYI'I BDAG SO SOR MA PHYE BAR NGA'O SNYAM DU 'DZIN PA'I DMIGS PA'I GZHIR GYUR BA'I BDAG NI MA MED PA NAS ZHUGS PA'I NGA TZAM YIN PAS, LHA LA SOGS PA'I LUS BLANGS DUS KYI 'GRO BA SO SO BA'I BDAG RNAMS NI SNGA MA'I BYE BRAG RE'O,, LHAS BYIN GYIS SKYE BA SO SOR PHYE BA'I BDAG LA NGA'O SNYAM DU BZUNG BA'I BDAG NI TSE RE RE'I BDAG PHYOGS RE BA YIN NO,, YUL GYI BDAG BZHIN DU YUL CAN GYI NGAR 'DZIN YANG SO SOR PHYE BA DANG MA PHYE BA'I 'DZIN LTANGS CAN DU SHES PAR BYA'O, ,ZHES DANG, DES NA NGA'O SNYAM DU THA SNYAD 'DOGS MKHAN GYI MI DANG THA SNYAD BTAGS PA'I GZHI BDAG GNYIS KHYAB MNYAM DU MI GZUNG BAR MI DE BDAG DE'I CHA GCIG YIN PA SHES PAR BYOS SHIG, CES GSUNGS PA'I PHYIR,

GZHAN YANG, DE NYID LAS, TSE 'DI'I LHAS BYIN DANG DE'I BDAG GNYIS NGO BO NYID KYIS GRUB PA'I PHYOGS LA SO SO BA MI 'DOD PAS NGO BO GCIG TU 'DOD LA, ZHES GSUNGS PA'I DON LA SNA TSOGS SMRA STE, KHA CIG NA RE,, LHAS BYIN DANG LHAS BYIN GYI GANG LA DMIGS NAS NGA'O SNYAM PA SKYE BA'I DMIGS PAR GYUR PA'I BDAG GNYIS NGO BO GCIG TU RANG RGYUD PA SOGS KYIS 'DOD KYANG THAL 'GYUR BAS MI 'DOD PA'I KHYAD PAR BSTAN PA YIN ZER, GZHAN DAG NA RE, LHAS BYIN DANG LHAS BYIN GYI BDAG GNYIS NGO BO GCIG TU RANG RGYUD PA SOGS KYIS 'DOD KYANG THAL 'GYUR BAS MI 'DOD PA'I KHYAD PAR BSTAN ZER, RJE GUNG THANG PAS, LUNG DE'I DON LHAS BYIN GYI GDAGS GZHIR GYUR PA'I NGA DE THOG MED NAS YOD PAR THAL 'GYUR BAS 'DOD KYANG GZHAN GYIS MI 'DOD PA'I DON YIN ZHES BZHED DO, ,LA LA NA RE, LHAS BYIN DANG LHAS BYIN GYIS GANG LA DMIGS NA SA NGA'O SNYAM DU THA SNYAD BTAGS PA'I GZHIR GYUR BA'I BDAG GNYIS RANG RGYUD PA MAN CHAD KYIS NGO BO GCIG TU 'DOD LA THAL 'GYUR BAS MI 'DOD PA'I KHYAD PAR BSTAN PA YIN ZER RO,, DE DAG THAMS CAD KYIS KHAS BYIN DANG LHAS BYIN GYIS SKYE BA SNGA PHYI BAR GSUM GA'I LA THUN MONG DU RJES SU 'GRO BA'I BDAG GZHI LDOG GNYIS NGO BO THA DAD PAR THAL 'GYUR BAS KHAS BLANGS PAR 'DOD PA NI MTHUN PAR SNANG NGO,, KHYAD PAR DU RJES GUNG THANG PAS, SKYE BA SNGA PHYI GNYIS KA LANG ZHES PA'I THA SNYAD THUN MONG DU 'JUG CING THAL 'GYUR BA'I LUGS LA THA SNYAD DE TZAM GYIS NGA 'JOG NUS PAS GNYIS KA'I GDAGS GZHIR GYUR BA'I NGA THUN

, ,MONG BA MING GIS BTAGS PA CAM ZHIG YOD KYANG SNGA MA'I GDAGS GZHI'I NGA DE PHYI MA'I GDAGS GZHI'I NGA YIN MI DGOS TE, DPER NA, GSER BUM ZANGS BUM GNYIS BUM PA'I BYE BRAG YIN PAS DE GNYIS KYI SPYIR GYUR BA'I BUM PA ZHIG YOD DGOS KYANG GSER BUM GYI SPYI DE ZANGS BUM GYI SPYI YANG MIN LA DE GNYIS KYI SPYIR GYUR BA'I BUM PA DE DE GNYIS LAS GOS LOGS NA YANG BSTAN RGYU MED PAR BUM PA ZHES PA'I MING TZAM GYI STENG NAS 'JOG DGOS PA BZHIN NO, DNGOS SMRA RNAMS LHAS SBYIN GYI BTAGS DON BTZAL TE GDAGS GZHI YANG DE'I TSOGS PA NAS RNYED DGOS PAR 'DOD PAS SKYE BA GZHAN GYI TSOGS PAR RJES SU 'GRO TSUL MED CING DE'I GNAD KYIS GDAGS GZHI THUN MONG BA YANG MI SRID DO,, 'DI NI SHIN TU DKA' BA'I RIGS PA'I GSANG TSIG ZHIG TU SNANG BAS LEGS PAR BSHAD YOD DO,, ZHES NAN CHER GSUNGS SO,, GANG LTAR YANG, THAL RANG SOGS KYIS NGO BO GCIG TU 'DOD MI 'DOD RTZOD PA'I GZHIR GYUR BA'I BDAG GNYIS PO DE DON GCIG GAM SPYI DANG BYE BRAG TU KHAS LEN DGOS PAS NA, THAL 'GYUR BAS DE GNYIS NGO BO GCIG TU BZHED DGOS TE, SPYI GSAL RDZAS THA DAD TU 'DOD PA NI MU STEGS PA'I LUGS YIN PA'I PHYIR DANG, DON GCIG YIN KYANG NGO BO THA DAD YIN ZER NA DE BAS KYANG MI RIGS PAR 'GYUR BA'I PHYIR RO,, GZHAN YANG, RJE GUNG THANG PA'I BZHED TSUL LTAR NA, LHAS BYIN GYIS GDAGS GZHI 'GRO BA RIGS DRUG KA'I RGYUD LA YOD PA DANG, GDAGS GZHI LHA'I RGYUD LA YOD LA

GDAGS CHOS MI'I RGYUD LA YOD PA DANG, GDAGS GZHI SANGS RGYAS 'PHAGS PA'I RGYUD LA YOD LA GDAGS CHOS SEMS CAN GYI RGYUD LA YOD PA DANG, GDAGS GZHI GDAGS CHOS NGO BO THA DAD SOGS SU 'GYUR BAS DPYAD GZHI SHIN TU CHE BAR SNANG NGO,, TSE 'DI'I LHAS BYIN DANG DE'I BDAG GNYIS ZHES SOGS KYI LUNG DES NI LHAS BYIN DANG DE'I BDAG GNYIS NGO BO GCIG DANG THA DAD LA THAL RANG SOGS KYIS 'DOD TSUL MI 'DRA BA'I KHYAD PAR PHYE BA MA YIN GYI, DE GNYIS RANG BZHIN GYIS GRUB PA'I NGO BO GCIG YIN NA LNGOG PA GCIG YIN DGOS ZHES BSHAD PA YIN PA'I PHYIR TE, LUNG DE NI RTZA SHES LAS, GAL TE SKYE BA SNGAR GYUR LA, ,RGA SHI 'PHYI MA YIN NA NI, ,SKYE BA RGA SHI MED PA DANG, ,MA SHI BAR YANG SKYE BAR 'GYUR, ,ZHES GSUNGS PA'I RIGS PA LA MA NGES PA SPONG PHYIR DU GSUNGS LA, DE SPONG TSUL YANG LHAS BYIN DANG DE'I NGA'O SNYAM PA'I BLO LHAN SKYES KYI DMIGS PAR GYUR BA'I BDAG GNYIS NGO BO NYID KYIS GRUB PA'I PHYOGS LA NGO BO THA DAD DU MI 'DOD PAS NGO BO NYID KYIS GRUB PA'I NGO BO GCIG TU 'DOD LA, DE LTA NA LNGOG PA GCIG TU 'GYUR BAS NA, LHAS BYIN GYI SKYE SHI DANG DE DANG RGYUD GCIG PA'I GANG ZAG GI SKYE SHI GNYIS LA SNGA PHYI YIN MIN DBYE BAR MI RUNG BAS KHYAB PA GRUB BO ZHES 'CHAD PAR, TSE 'DI'I LHAS BYIN DANG DE'I BDAG GNYIS NGO BO NYID KYIS GRUB PA'I PHYOGS LA SO SO BA MI 'DOD PAS NGO BO GCIG TU 'DOD LA, DE LTA NA GCIG TU 'GYUR BAS TSE 'DI'I LHAS BYIN GYI SKYE SHI DANG DE DANG RGYUD GCIG PA'I SKYE BA DANG RGA SHI GNYIS LA SNGA PHYI YIN MIN DBYE BAR MI NUS SO, ,ZHES GSUNGS

, ,PA'I PHYIR, CHOS GNYIS NGO BO GCIG LA LDOG PA THA DAD DU 'JOG PA NI MING BRNGAS BZHAG TZAM GYI DON LA 'THAD PA MA GTOGS BTAGS DON BTZAL NAS RNYED PA'I DON LA MI 'THAD PA'I PHYIR TE, BRTAG PA MTHA' BZUNG BTAGS DON BTZAL NAS RNYED PA'I DBANG DU BYED NA, NGO BO GCIG YIN NA LDOG PA GCIG YIN DGOS SHING, LDOG PA THA DAD YIN NA NGO BO THA DAD DANG 'BREL MED DON GZHAN YIN DGOS PA'I PHYIR TE, DPER NA DNGOS PO DANG DON BYED NUS PA THA DAD DU 'JOG PA NI DNGOS PO DANG DON BYED NUS PA ZHES PA'I MING THA DAD TZAM GYIS THA DAD DU 'JOG PA MA GTOGS DON THA DAD DU 'JOG LUGS MED PA BZHIN YIN PA'I PHYIR, //DZA// DE PHYIR PHUNG PO LAS GZHAN BDAG MED DE, ,PHUNG PO MA GTOGS DE 'DZIN MA GRUB PHYIR, ,ZHES PA NI, PHUNG PO LAS NGO BO GZHAN PA'I BDAG MED DE, PHUNG PO GZUNG BA MA GTOGS PAR BDAG DE YANG GAR DU 'DZIN PA'I BLO LHAN SKYES MA GRUB PA'I PHYIR ZHES PA'O, ,BLO LHAN SKYES LA BDAG PHUNG RJE KHOL LTAR SNANG BAS GCIG TU SNANG BA MA YIN ZHING RDZAS THA DAD DU SNANG BA'ANG MA YIN TE; DE DAG RGYAS PAR RANG RGYUD PA'I SKABS SU BSHAD ZIN TO,, //WA// RANG STE PHRA BA'I 'JIG LTA'I BDAG TU LTA BA DANG 'BREL BA STE DE SNGON DU 'GRO MA'I BDAG DANG, SEMS CAN SOGS RANG RGYA BA'I RDZAS YOD DU 'DZIN PA RAGS PA'I GANG ZAG GI BDAG DANG BDAG GI BAR 'DZIN PA DANG, PHUNG KHAMS SKYE MCHED LA BDEN PAR ZHEN PA'I CHOS KYI BDAG 'DZIN RNAMS YONGS SU ZAD PAR 'GYUR RO,, ZHES 'JUG t'IKA LAS

GSUNGS SO,, //ZHA// SEMS CAN GANG DAG DUD 'GROR BSKAL BA MANG POR TSE BRKYAL BAR GYUR BA DES KYANG, MU STEGS PAS BTAGS PA'I MA SKYES PA DANG RTAG PA'I BDAG DE MA MTHONG BA DE DAG LA YANG NGAR 'DZIN 'JUG PAR MTHONG STE, DES NA PHUNG PO LAS NGO BO GZHAN PA'I BDAG 'GA' YANG MED DO,, ZHES PA'O,, //ZA// GAL TE BDAG PHUNG PO LAS RDZAS GZHAN YIN NA PHUNG PO'I MTSAN NYID DANG MI LDAN PAR 'GYUR ZHES PA STE; PHUNG PO'I MTSAN NYID DANG MI LDAN ZHES PA'I DON NI BDAG PHUNG PO DANG MTSAN NYID MI MTHUN PAR 'DZIN TSUL RANG RGYUD PA'I SKABS SU BSHAD PA DANG 'DRA'O,, //'A// LUS NA BA DANG BSOS PA NA BDAG NA BA DANG BSOS PAR 'JOG PA LTA BU'I TSE BDAG LUS KYI STENG NA YOD PA 'DRA BA DANG, SEMS KYIS LUS 'DOR LEN BYED PA NA BDAG GIS LUS MDOR LEN BYED PAR 'JOG PA LTA BU'I TSE BDAG SEMS KYI STENG NA YOD PA 'DRA BA SOGS 'CHAR TSUL SNA TSOGS ZHIG 'BYUNG BAR BSHAD DO,, MKHAS GRUB RJE'I DBU MA'I LTA KHRID LAS, DE NAS NGA'O SNYAM PA'I BLO SKYES MA BYUNG NA'ANG CHED DU NYER NAS NGA'O SNYAM PA'I BLO BCOS NAS KHO THOL TE SKYES MA THAG TU DE'I SNANG TSUL BRTAGS PAS YUL GZHAN DANG MA 'DRES PAR KHO RANG GI SNANG TSUL JI LTAR YOD PA SHES PAR 'GYUR RO,, DE YANG SNANG TSUL BRTAGS PA'I BLO NI KHO DANG DUS MNYAM LA, SNANG TSUL NGES PA'I BLO NI KHO'I SKAD CIG GNYIS PAR 'ONG BA YIN NO,, SPYIR NGAR 'DZIN LDAN SKYES KYI BLO LA PHUNG PO'I SNANG BA MI 'CHAR ZHING KHYAD PAR NGA'O SNYAM PA'I BLO DANG DUS MNYAM DU'ANG MI 'CHAR RO,, 'O NA PHUNG PO'I SNANG BA

, ,KHO LA 'CHAR BA 'DRA BA ZHIG 'ONG GI 'DUG PA SNYAM NA, DE KHO'I SNGA LOGS SU BYUNG BA YIN GYI KHO LA SNANG BA MA YIN NO,, DA LTA NGA SNYAM PA'I BLO DE MA SHOR BA'I NGANG NAS DAL BUS ZUR NAS BLTAS PA NA NGA SNYAM PA'I BLO DE LA PHUNG SOGS GANG YANG MIN PA'I SNANG TSUL ZUR PA 'DI LTA BU YOD DE, NGA SNYAM PA'I BLO LA DA DE MING TZAM DU MI SNANG BAR TSUGS THUB LTA BU ZHIG SNANG BA DE'I SNANG TSUL LTAR DU GRUB PAR BZUNG BAS 'KHOR BAR BCINGS PA YIN NO,, ZHES DANG, RGYAL TSAB RJE'I LTA KHRID LAS KYANG, NGA'O SNYAM PA'I BLO LHAN SKYES LA NI NGA'I KHYAD CHOS GANG YANG MI SNANG LA, GDAGS GZHI DANG GCIG DANG THA DAD GANG GI YANG RNAM PA MI 'CHAR BAR, KHYAD GZHI NGA DE SGRA SPYI TZAM MA YIN PAR DA DON STENG NAS GRUB PA LTA BU ZHIG SNANG DGOS, BLO DE LA NGA DE LTAR SNANG BA LA NGA RANG BZHIN GYIS GRUB PAR SNANG BA, ZHES SOGS GSUNGS SO,, //YA// 'JUG PA'I RNAM BSHAD CHEN MO LAS, GAL TE BDAG GZUGS PHUNG DANG NGO BO THA DAD PAR LTA BA BSNAN NAS PHUNG PO RE RE LA RNAM PAR DSPYAD PA LNGA LNGA SKBAS SU BAB LA, RTZA SHE LAS KYANG; PHUNG MIN PHUNG PO LAS GZHAN MIN, ,DE LA PHUD MED DER DE MED, ,DE BZHIN GSHEGS PA PHUNG LDAN MIN, ,DE BZHIN GSHEGS PA GANG ZHIG YIN, ,ZHES GSUNGS PA MA YIN NAM, DE'I PHYIR CHA NYER LNGAR 'GYUR DGOS PA LA CHA NYI SHUR JI SKAD BRJOD CE NA, 'JIG LTA'I CHA NYI SHU PO DE DAG NI MDO LAS RNAM PAR BZHAG LA, DE LTAR 'JOG PA'I RGYU MTSAN NI SNGON DU PHUNG PO RNAMS MA BZUNG BAR 'JIG LTAS

BDAG TU MNGON PAR ZHEN PAR MI NUS PAS, RNAM PA BZHI BZHI'I SGO NAS PHUNG PO RNAMS LA DMIGS SHING BA BDAG LA 'JUG GO, DE'I PHYIR PHUNG PO RNAMS MA GTOGS PAR GZHAN DU BDAG TU ZHEN PA'I GZHI LNGA BA MU STEGS MA GTOGS PA LA MI 'BYUNG BAS, CHA LNGA PA MA GSUNGS SO,, RTZA SHE LAS PHYOGS GZHAN LNGA PA GSUNGS PA NI MU STEGS PA'I LUGS DGAG PA'I PHYIR RO,, ZHES BYA BAR SHES PAR BYA'O,, ZHES GSUNGS PA LTAR RO;; 'JIG LTA NYI SHU YANG DE NYID LAS, GZUGS NI BDAG MA YIN PA LA BDAG TU LTA BA DANG, BDAG NI GZUGS DANG NGO BO NYID KYIS LDAN PA MIN PA LA DER LTA BA DANG, GZUGS LA BDAG DANG BDAG LA GZUGS RANG BZHIN GYIS YOD PA MIN PA LA DER LTA BA BZHI STE, GZUGS PHUNG LA BSHAD PA DE LTAR 'JIG LTAS LTA BA'I TSUL RNAM PA BZHIR TSOR BA LA SOGS PA'I PHUNG PO BZHI PO KUN LA BZHI BZHIR LTA BA SHES PAR BYA STE, DE DAG NI BDAG TU LTA BA 'JIG TSOGS LA LTA BA'I CHA NYI SHUR 'DOD PA YIN NO,, ZHES GSUNGS PA LTAR YIN NO,, CHOS RNAMS KYI GZHAN LA RAG MA LAS PA'I NGO BO LA BDAG CES BYA BA DANG, NGA'O SNYAM PA'I DMIGS PA LA BDAG TU 'JOG PA'I TSUL GNYIS YOD PA LAS, SKABS 'DI'I BDAG CES BYA BA NI NGA'O SNYAM PA'I DMIGS PA LA BYA STE, RTZA SHES LAS DE BZHIN GSHEGS PA DANG SBYAR BA'I PHYIR RO,, 'DI'I LTA PA DANG PO NI GDAGS GZHI GZUGS PHUNG GANG ZAG TU LTA BA LA BYED NA BDAG 'DZIN PHRA RAGS GANG YANG MIN LA, GZUGS SU PHUNG RANG BZHIN GYIS GRUB PA'I GANG ZAG TU LTA BA LA BYED NA CHOS KYI BDAG 'DZIN PHRA MOR

, ,'DOD DGOS SO,, 'DI'I LTA BA GNYIS PA NI GANG ZAG GZUGS PHUNG DANG NGO BO NYID KYIS LDAN PAR LTA BA LA BYED DGOS PAS GANG ZAG GI BDAG 'DZIN PHRA MO YIN NO,, LTA BA GSUM PA NI GZUGS PHUNG LA GANG ZAG NGO BO NYID KYIS YOD PAR LTA BA DANG, LTA BA BZHI PA NI GANG ZAG LA GZUGS PHUNG NGO BO NYID KYIS YOD PAR LTA BA LA BYED DGOS SHING, SNGA MA CHOS KYI BDAG 'DZIN DANG PHYI MA GANG ZAG GI BDAG 'DZIN PHRA MOR 'DOD DAM DPYAD BYA'O,, 'O NA CHOS KYI BDAG 'DZIN YIN NA 'JIG LTA'I MING GIS BSTAN PA MI 'THAD PAR 'GYUR RO ZHE NA SKYON MED DE, DE DAG 'JIG LTA'I DMIGS YUL DANG DE DANG 'BREL BA'I CHOS GANG RUNG LA LOG PAR ZHUGS PA'I LTA BA YIN PAS 'JIG LTA'I MING GIS BSTAN PA'I PHYIR RO,, 'DI NYID LAS KYANG, CHOS KYI BDAG MED LA MTHA' BKAG PA RTAGS SU BYAS PA STE, ZHES RNAM BDUN GYI RTAGS ZUR LA CHOS KYI BDAG MED PHRA MO YOD PAR BSHAD PA'I PHYIR RO,, KHA CIG NA RE, 'JIG LTA NYI SHU'I DON SNGAR LTAR BSHAD MI RUNG STE, DE DAG 'JIG LTA RAGS PA YIN PA'I PHYIR TE, DE DAG 'JIG LTA KUN BRTAGS YIN PA'I PHYIR NA MA KHYAB STE, LEGS BSHAD SNYING PO LAS, GAL TE NGAR 'DZIN GYI DMIGS PAR PHUNG PO MI 'THAD NA, MDO LAS, GZUGS LA SOGS PA BDAG MA YIN, ZHES 'GOG PA MI 'THAD DE, DE DAG BDAG TU 'DZIN PA'I 'JIG LTA LHAN SKYES KYI YUL LAM GZHIR MI RUNG BA'I PHYIR RO ZHE NA, PHUNG PO DANG BDAG

GCIG DANG DON GZHAN DU 'DZIN PA GNYIS KA KUN BRTAGS KYI 'DZIN PA YIN GYI LHAN SKYES MIN PAS SKYON MED LA, 'ON KYANG LHAN SKYES KYI 'JIG LTAS BZUNG BA LTAR YOD NA GCIG DANG DON GZHAN LAS MI 'DA' BAS DE LTAR BRTAGS NAS 'GOG PA YANG 'THAD DO,, ZHES GSUNGS PA'I PHYIR, //RA// DE DANG NGO BO THA DAD DU GNAS PA YANG MA YIN ZHES PA DANG, NGO BO NYID KYIS DE LTAR PHAR BRTEN PA YANG MA YIN ZHES 'DON DGOS SO,, //LA// DE BZHIN GSHEGS PA NI RANG GI PHUNG PO LNGA DANG RANG BZHIN GYIS GCIG MIN ZHING, RANG GI PHUNG PO LNGA LAS RANG BZHIN GYIS GZHAN PA MIN LA, DE LA PHUNG PO BRTEN PA DANG PHUNG PO DER DE BRTEN PAR NGO BO NYID KYIS MED CING, LHAS BYI NA GANG DANG LDAN PA DANG GZUGS DANG LDAN PA LTAR DE BZHIN GSHEGS PA PHUNG PO LDAN PA DANG LDAN PA YANG NGO BO NYID KYIS YOD PA MIN NO,, DE LTAR PHYOGS LNGA RANG BZHIN GYIS MED PAS DE BZHIN GSHEGS PA RANG GI MTSAN NYID KYIS GRUB PA GANG ZHIG YOD PA YIN TE 'GA' YANG MED PAS SRID PA'I RGYUN KYANG RANG BZHIN GYIS MED DO,, ZHES PA'O,, //SHA// PHUNG PO DANG BDAG NI RANG BZHIN GYIS GCIG MA YIN, BDAG DER PHUNG PO DE NGO BO NYID KYIS BRTEN PA MIN, PHUNG PO DE LA BDAG DE NGO BO NYID KYIS BRTEN PA MIN, PHUNG PO MED PAR BDAG YAN GAR BAR DMIGS PA YANG MIN, BDAG DANG PHUNG PO ME SHING LTAR 'DRES TE DE NYID DANG GZHAN NYID DU BRJOD DU MED PA YANG MIN NO,, DE'I PHYIR BDAG NI JI LTAR RANG BZHIN GYIS YOD DE MED PA YIN NO,, ZHES PA'O,, //SA// GAL TE BDAG PHUNG RTANG BZHIN

, ,GYIS GCIG TU GRUB PO SNYAM NA, 'DI LA SLOB DPON SANGS RGYAS BSKYANGS KYIS BNOD BYED GSUM GSUNGS TE, BDAG TU SMRA BA DON MED PA DANG BDAG MANG POR 'GYUR BA DANG SKYE 'JIG CAN DU 'GYUR BA'O,, DE LA DANG PO NI BDAG DANG PHUNG PO GNYIS RANG BZHIN GCIG TU 'DOD NA BDAG KHAS BLANGS PA'I DON MED DE, PHUNG PO'I RNAM GRANGS TZAM DU 'GYUR BA'I PHYIR TE, DPER NA ZLA BA DANG RI BONG CAN BZHIN NO,, 'DI NI RTZA SHING YANG GSUNGS TE, RAB BYED NYER BDUN PA LAS, NYE BAR LEN PA MA GTOGS PA'I, ,BDAG YOD MA YIN BYAS PA'I TSE, ,NYE BAR LEN NYID BDAG YIN NA, , KHYOD KYI BDAG NI MED PA YIN, ,ZHES SO,, ZHES SO,, GNYIS PA NI, BDAG PHUNG PO RNAMS DANG RANG BZHIN GCIG TU GRUB NA GANG ZAG GCIG LA YANG PHUNG PO DU MA YOD PA BZHIN DU BDAG KYANG MANG PO YOD PAR 'GYUR LA, BDAG GCIG LAS MED PA BZHIN DU PHUNG PO RNAMS KYANG GCIG TU 'GYUR BA'I SKYON YOD DE, 'JUG PA LAS KYANG, ,GAL TE PHUNG PO BDAG NA DE PHYIR DE, ,MANG BAS BDAG DE DAG KYANG MANG POR 'GYUR, , ZHES GSUNGS SO,, GSUM PA NI, RAB BYED BCO BRGYAD PA LAS, GAL TE PHUNG PO BDAG YIN NA, ,SKYE DANG 'JIG PA CAN DU 'GYUR, ,ZHES DANG, RAB BYED NYER BDUN PA LAS, NYE BAR LEN NYID BDAG MA YIN, ,DE 'BYUNG BA DANG 'JIG PA YIN, ,ZHES GSUNGS TE, NYE BAR LEN PA NI 'DIR PHUNG PO LA GO BAR BYA'O,, DE LTAR BDAG SKAD GCIG GIS SKYE BA DANG 'JIG PA CAN DU 'GYUR BA 'DOD NA

SKYON CI YOD SNYAM NA, 'DI LA 'JUG PA RTZA 'GREL DU SKYON GSUM GSUNGS TE, SKYE BA DRAN PA MI 'THAD PA DANG LAS BYAS PA CHUD ZOS PA DANG LAS MA BYAS PA DANG PHRAD PA'I SKYON NO,, DANG PO NI, BDAG SKAD CIG GIS SKYE BA DANG 'JIG NA BDAG RANG GI NGO BOS GRUB PA'I SKYE 'JIG YIN PAS BDAG SNGA PHYI RNAMS RANG GI MTSAN NYID KYIS SO SO BAR 'GYUR RO,, DE LTAN DE'I TSE DE'I DUS NANG RGYAL PO NGA LAS NU ZHES BYA BAR 'GYUR TO,, ZHES MIG GSUNGS PAR 'GYUR TE, NGA LAS NU'I BDAG DANG STON PA'I BDAG GNYIS RANG GI MTSAN NYID KYIS GRUB PA'I SO SO BA YIN PA'I PHYIR TE, DPER NA LHAS BYIN GYIS SKYE BA DRAN PA NA NGA MCHOD SBYIN DU GYUR TO SNYAM DU MI DRAN PA BZHIN NO,, DE LTA MA YIN PAR RANG GI MTSAN NYID KYIS GZHAN DU GRUB KYANG SNGAR MYONG BA'I DON DE PHYI MAS DRAN PA MI 'GAL NA LHAS BYIN GYIS MYONG BA MCHOD SBYON GYIS DRAN PA MI SRID PA LA MI 'DRA BA'I RGYU MTSAN BSTAN DGOS NA DE YANG RNYED PA MA YIN NO,, 'DI NI SA MYUD GNYIS RANG GI NGO BO NYID KYIS GRUB PA'I RANG BZHIN DU YANG 'DOD LA, RGYU 'BRAS SU YANG GZHAN DAG 'DOD PA LA DE 'DRA BA LA RGYU 'BRAS RUNG NA ME LCE LAS KYANG MUN PA SKYE BAR 'GYUR BA'I GZHAN SKYE 'GOG PA'I RIGS PA DANG 'DRA STE, THA DAD PA TZAM ZHIG TU 'DOD PA LA DE LTAR MGO SNYOMS BYED PA MIN NO,, LAS BYAS PA CHUD ZA BA'I NYES PA NI, BDAG SKAD CIG RE RE RANG GI MTSAN NYID KYIS GRUB PA'I SKYE 'JIG BYED NA, BDAG SNGA MAS BYAS PA'I LAS KYI 'BRAS BU BDAG PHYI MAS LONGS SPYOD PAR 'DOD NA NI 'OG TU 'GOG PAS 'DIR NI LAS SNGAR BSAGS PA'I 'BRAS

, ,BU MYONG BA MED PAR 'GYUR TE, LAS BYED PA PO'I BDAG 'BRAS BU MA MYONG BA'I GONG DU ZHIG PA'I PHYIR DANG BDAG GZHAN YANG MED PA'I PHYIR RO,, DE YANG SNGA PHYI'I DNGOS PO LA RANG GI NGO BOS GZHAN DU GRUB PA MED PAS SNGA MA LAS NGO BO THA DAD PA'I PHYI MA'I BDAG MED LA, SNGA MAS KYANG 'BRAS BU MA MYONG NA 'BRAS BU MYONG BA MED DGOS PA YIN NO, LAS MA BYAS PA DANG PHRAD PA'I NYES PA NI, GAL SNGA MA'I BDAG ZHIG KYANG BDAG PHYI MAS 'BRAS BU LA LONGS SPYOD PAS BYAS PA CHUD ZOS PA'I SKYON MED DO SNYAM NA, DE LTA NA LAS DE'I 'BRAS BU MYONG BA'I RGYUR GYUR BA'I LAS CUNG ZAD KYANG MA BSAGS PA'I GANG ZAG GZHAN GYIS, GANG ZAG GZHAN GYIS BSAGS PA'I LAS KYI 'BRAS BU LA LONGS SPYOD PAR 'GYUR TE, RANG GI NGO BOR GRUB PA'I GANG ZAG GZHAN GYIS BSAGS PA'I 'BRAS BU LA DE DANG RANG GI NGO BOS THA DAD PA'I GANG ZAG GZHAN GYIS LONGS SPYOD PA'I PHYIR RO,, DE LTAR YANG 'JUG PA LAS, MYA NGAN 'DAS SNGON SKAD CIG NYID LA NI, ,SKYE 'JIG BYED PO MED PAS DE 'BRAS MED, ,GZHAN GYIS BSAGS LA GZHAN GYIS ZA BAR 'GYUR, ,ZHES GSUNGS SO,, DE LTAR BDAG PHUNG PO DANG GCIG TU 'DOD PA LA RAB BYED NYER BDUN PA LAS, NYE BAR BLANG BA JI LTA BUR, ,NYE BAR LEN PO YIN PAR 'GYUR, ,ZHES GSUNGS PA 'DI NI GNOD BYED CHEN PO YIN NO,, DE LA GANG ZAG 'DIS LUS 'DI BLANGS SO ZHES THA SNYAD BYED PAS NA PHUNG PO NI NYE BAR BLANG BAR BYA BA YIN LA, BDAG NI DE LEN PA

BO'O;; DE GNYIS GCIG TU 'DOD NA BYA BA'I LAS DANG BYED PA PO RNAMS GCIG TU 'GYUR BAS GCOD PA PO DANG GCAD BYA DANG BUM PA DANG RDZA MKHAN DANG MED DANG BUD SHING LA SOGS PA RNAMS KYANG GCIG TU 'GYUR TE, RAB BYED BCU PA LAS KYANG, BUD SHING GANG DE ME YIN NA, ,BYED PA PO DANG LAS GCIG 'GYUR, ,ME DANG SHING GIS BDAG DANG NI, ,NYE BAR BLANG BA'I RIM PA KUN, ,BUM SNAM MA SOGS DANG LHAN CIG TU, ,MA LUS PAR NI RNAM PAR BSHAD, ,CES DANG, 'JUG PA LAS KYANG, LEN PO RANG NYER LEN GCIG RIGS DNGOS MIN, ,DE LTA NA LAS BYED PO GCIG NYID 'GYUR, ,ZHES SO,, DE LTA BDAG PHUNG GCIG TU 'DOD NA SKYON DRUG GAM BDUN 'BYUNG BAR LHAG MTHONG CHEN MO LAS GSUNGS PA LTAR BKOD PA YIN NO,, LAM RIM CHUNG DU DANG RTZA SHE'I tA'I CHEN LAS KYANG PHAL CHER 'DI DANG 'DRA BAR GSUNGS SO,, //HA// CI DE BDAG DANG PHUNG PO GNYIS RANG BZHIN GCIG MA YIN MOD, RANG BZHIN THA DAD PAR 'DOD NA SKYON CI YOD SNYAM NA, 'DI LA RAB BYED BCO BRGYAD PA LAS, GAL TE PHUNG PO RNAMS LAS GZHAN, ,PHUNG PO'I MTSAN NYID MED PAR 'GYUR, ,ZHES PA'I SKYON GSUNGS SO,, DE LA BDAG PHUNG PO LAS NGO BOS GRUB PA'I THA DAD PAR YOD NA NI, PHUNG PO'I MTSAN NYID SKYE 'JIG GNAS PA DANG MI LDAN PAR 'GYUR TE, DPER NA RTA BA LANG LAS GZHAN DU GRUB PA BA LANG GI MTSAN NYID DANG LDAN PA MIN PA BZHIN NO,, DE LTA YIN MDO SNYAM NA, 'O NA DE BDAG TU THA SNYAD 'DOGS PA'I GZHI DANG BDAG TU 'DZIN PA'I YUL DU MED DE,

, ,'DUS MA BYAS YIN PA'I PHYIR, DPER NA NAM MKHA'I ME TOG GAM MYA NGAN LAS 'DAS PA BZHIN ZHES GZHAN GRAGS KYI SBYOR BA BYA STE, TSIG GSAL LAS GSUNGS SO,, BDAG SKYE 'JIG GI MTSAN NYID DANG MI LDAN NA RTAG PAR 'GYUR LA, DE'I TSE RTAG PA 'GYUR BA MED PA LA CI YANG BYAR MED PAS BDAG TU BTAGS PA DON MED PAR 'GYUR TE, 'JUG LDOG GANG YANG MI RUNG BA'I PHYIR, ZHES SLON DPON SANGS RGYAS BSKYANGS GSUNG NGO,, GZHAN YANG PHUD PO'I MTSAN NYID GZUGS SU RUNG BA SOGS LAS RANG BZHIN THA DAD PAR YOD NA DE LTAR DU DMIGS DGOS TE, DPER NA GZUGS DANG SEMS THA DAD DU DMIGS PA BZHIN NO,, DE LTAR 'DZIN PA YANG MED PAS BDAG DON GZHAN DU MED DE, RAB BYED NYER BDUN PA LAS, BDAG NI NYE BAR LEN PA LAS, ,GZHAN DU 'THAD PA NYID MA YIN,, GAL TE GZHAN NA LEN MED PAR, ,BZUNG YOD RIGS NA BZUNG DU MED, ,CES DANG, 'JUG PA LAS KYANG, DE PHYIR PHUNG PO LAS GZHAN BDAG MED DE, ,PHUD PO MA GTOGS DE 'DZIN MA GRUB PHYIR, ,ZHES GSUNGS SO,, DES NA MU STEGS PA RNAMS PHUNG PO LAS DON GZHAN PA'I BDAG SGRO 'DOGS PA NI BDAG MING TZAM DU MA RTOGS SHING, PHUNG PO DANG GCIG YIN PA YANG MI 'THAD PAR MTHONG NAS GRUB MTHA'I DBANG GIS SGRO 'DOGS PA YIN GYI, DE DAG GI RGYUD KYI THA SNYAD PA'I SHES PA RANG DGA' BAS DE LTAR MTHONG BA MEN NO,, ZHES LHAG

MTHONG CHEN MOR GSUNGS SO,, DE LTAR BDAG PHUNG PO NGO BO THA DAD NA BDAG DE PHUNG PO'I MTSAN NYID SKYE 'JIG GNAS GSUM DANG MI LDAN PA DANG, BDAG TU THA SNYAD 'DOGS PA'I GZHI DANG BDAG TU 'DZIN PA'I YUL DU MI RUNG BA DANG, BDAG TU BTAGS PA DON MED PAR 'GYUR BA DANG, GDAGS GZHI PHUD PO LAS ZUR DU BZANG DU YOD PAR 'GYUR BA'I SKYON BZHI 'BYUNG BAR BSHAD PA YIN NO,, //AA// RE LDE LA LHAS BYIN GNAS PA LTAR PHUNG PO LA BDAG BRTEN PA DANG 'KHAR GZHONG LA ZHO GNAS PA LTAR BDAG LA PHUNG PO BRTEN PA RANG BZHIN GYIS MED DE, BDAG PHUNG RANG BZHIN GYIS THA DAD DU MA GRUB PA'I PHYIR TE, 'JUG PA LAS, PHUNG POR BDAG YOD MA YIN BDAG LA YANG, ,PHUNG PO DE RNAMS YOD MIN GANG PHYIR 'DIR, ,GZHAN NYID YOD NA RTOG PA 'DIR 'GYUR NA, ,GZHAN NYID DE MED DE PHYIR 'DI RTOG PA'O,, ZHES GSUNGS PAS SO,, //KA// LHAS BYIN GANG DANG LDAN PA LTAR BDAG DE RANG DANG NGO BO THA DAD PA'I PHUNG PO DANG LDAN PA DANG LHAS BYIN GZUGS DANG LDAN PA LTAR BDAG DE RANG DANG NGO BO GCIG PA'I PHUNG PO DANG LDAN PA RANG BZHIN GYIS MED DE, RTAGS RIM BZHIN BDAG PHUNG RANG BZHIN GYIS THA DAD MIN PA'I PHYIR DANG, DE GNYIS RANG BZHIN GYIS GCIG MIN PA'I PHYIR TE, 'JUG PA LAS, BDAG NI GZUGS LDAN MIN 'DOD GANG PHYIR BDAG, ,YOD MIN DE PHYIR LDAN DON SBYOR BA MED, ,GZHAN NA GNAG LDAN GZHAN MIN GZUGS LDAN NA, ,BDAG NI GZUGS LAS DE NYID GZHAN NYID MED,,

, ,CES GSUNGS PAS SO,, //KHA// SKYES BU KHAMS DRUG 'DUS PA'I PHYIR, ZHES SOGS KYI TSIG DON NI SNGAR BSHAD ZIN TO,, 'BYUNG GSUM SA MIN 'DI LA MIN, ZHES SOGS KYI DON NI, 'BYUNG BA GSUM SA DANG GCIG MIN TE, SA LA GSUM GYI MTSAN NYID TSANG BAR THAL BA DANG, MTSAN NYID 'TSOL BAR THAL BA'I PHYIR RO,, SA 'DI LA 'BYUNG BA GSUM BRTEN PA MIN ZHING GSUM PO DE LA 'DI BRTEN PA MIN LA; GSUM PO DE MED PAR SA GNAS PA YANG MIN NO,, 'BYUNG BA RNAMS KYANG CHOS CAN, BDAG BZHIN RDZUN PAR THAL, CHU LA SOGS PA RE RE'ANG DE BZHIN DU RNAM PA BZHIN DPYAD NA MI RNYED PA DE'I PHYIR, ZHES PA'O,, RE RE DE BZHIN DE YI PHYIR, ZHES PA NI YI GE MA NOR BA'O,, //GA// PHUNG PO'I TSOGS PA DANG BKOD PA GANG ZAG TU 'DOD PA 'GOG TSUL NI, LHAG MTHONG CHEN MO LAS, 'O NA PHUNG PO 'DUS PA TZAM BDAG YIN NAM SNYAM NA, DE YANG MI RIGS TE, PHUNG PO LNGA LA BRTEN NAS BDAG TU 'DOGS PAR GSUNGS PAS NA, GDAGS GZHI BTAGS CHOS SU MI 'THAD PA'I PHYIR RO,, DE YANG 'JUG PA LAS MDO LAS PHUNG PO RTEN NAS YIN GSUNGS PA, ,DE PHYIR PHUNG PO 'DUS TZAM BDAG MA YIN, ,ZHES SO,, GZHAN YANG PHUNG PO TSOGS TZAM BDAG YIN NA LAS DANG BYED PA PO GCIG TU 'GYUR BA'I SKYON 'JUG PA RTZA 'GREL DU GSUNGS TE, PHUNG PO RE RE NAS BDAG GI NYE BAR BLAD BYAR 'DOD PAS NI PHUNG PO LNGA GA NYE BAR BLANG BAR BYA BAR 'DOD DGOS LA, DE LTA NA PHUNG PO RNAMS KYI TSOGS PA YANG NYE BAR BLANG BYAR

'GYUR DGOS PA'I PHYIR RO,, TSOGS PA BDAG GI GDAGS GZHI YIN GYI, BDAG MA YIN PAR GSUNGS PA 'DIS PHUNG PO'I RGYUN LA YANG DE LTAR 'DOD DGOS PAR GSAL LO,, GAL TE DE DAG BDAG MA YIN KYANG DPER NA SHING RTA'I 'PHANG LO DANG SROG SHING LA SOGS PA RNAMS BSGRIGS PA'I TSE DBYIBS KHYAD PAR BRNYED PA NA SHING RTAR 'JOG PA BZHIN DU GZUGS LA SOGS PA TSOGS PA'I DBYIBS KHYAD PAR BA LA BDAG TU 'JOG GO SNYAM NA, 'O NA DBYIBS NI GZUGS CAN KHO NA LA YOD PAS NA, SEMS LA SOGS PA LA BDAG GZHAG TU MED PAR 'GYUR TE, 'JUG PA LAS, DBYI BAS ZHEN DE GZUGS CAN LA YOD PHYIR, , KHYOD LA DE DAG NYID BDAG CES 'GYUR GYI, ,SEMS SOGS TSOGS NI BDAG NYID 'GYUR MIN TE, ,GANG PHYIR DE DAG LA DBYIBS YOD MA YIN, ,ZHES SO,, ZHES GSUNGS PA LTAR RO,, //DA// SHING RTA RANG GI YAN LAG LAS DON GZHAN MIN LA GCIG TU GRUB PA YANG MIN PA DANG, YAN LAG DE DANG LDAN PA DANG YAN LAG LA PHAR BRTEN PA DANG YAN LAG DAG SHING RTA DER BRTEN PA RANG BZHIN GYIS YOD PA MIN PA DANG, YAN LAG 'DUS BA TZAM DANG YAN LAG GI DBYIBS SHING RTA MIN PA BZHIN TU, BDAG DANG PHUNG PO GNYIS KYANG DE BZHIN DU SHES PAR BYA'O,, ZHES PA'O,, LHAG MTHONG CHEN MO LAS KYANG, NGES NA SHING RTA RANG BZHIN RNAMS PA BDUN PO DE GANG DU YANG MED PA DANG, DE LTA NA 'ANG RANG GI YAN LAG LA BRTEN NAS 'DOGS PA LTAR BDAG KYANG YUNG PO DANG GCIG DANG THA DAD LA SOGS PA'I RANG BZHIN BDUN PO GANG DU YANG MED PA DANG,

, ,'ON KYANG PHUNG PO LA BRTEN NAS 'DOGS PA GNYIS 'DRA BA'I PHYIR, DE GNYIS DPE DON DU MDZAD NAS MDOR GSUNGS PA GRUB PA YIN NO,, ZHES GSUNGS SO,, BDAG DANG SHING RTA'I DPYAD PA DNGOS PO GZHAN LA YANG BA SGRE BAR BSTAN PA LA, RE ZHIG BUM SNAM SOGS KYI DNGOS PO LA BSGRE BA NI, GANG DAG BUM PA DANG SNAM BU DANG RE LDE DANG DMAG DANG NAGS TSAL DANG, 'PHRENG BA DANG LJONG SHING DANG KHANG KHYIM DANG SHING RTA PHRAN DANG, 'GRON GNAS LA SOGS PA'I DNGOS PO DE RNAMS SHING RTA'I RNAM PAR DPYAD PAS, RANG RANG GI BTAGS DON RNAM PA BDUN DU BTZAL BA NA YOD PA MA YIN ZHING, MANG DPYAD PAR 'JIG RTEN NA GRAGS PA'I SGO NAS YOD PA YIN NO,, DE BZHIN TE DE LTA BU'I RIGS CAN GYI DNGOS PO GZHAN GANG DAG GI SGO NAS SKYE PO 'DIS THA SNYAD BTAGS PA DE RNAMS KYANG, MA BRTAGS PA'I GRAGS PA KHO NAR YOD PAR RTOGS PAR BYA STE; GANG GI PHYIR NA THUB PA'I DBANG PO DE NI 'JIG RTEN DANG LHAN CIG 'JIG RTEN LA MI MTHUN PA'I RTZOD PA MI MDZAD PAR GSUNGS PA'I PHYIR RO,, GANG YANG 'JIG RTEN PA RNAMS DNGOS PO GANG DAG GIS JI LTAR THA SNYAD 'DOGS SHE NA, JI LTAR BUM PA YAN LAG CAN DANG GYO MI LA SOGS PA DE'I YAN LAG DANG, BUM PA YON TAN CAN DANG ME RIS SNGO BSANGS LA SOGS PA DE'I YON TAN DANG, 'DOD CHAGS KYI RTEN NI CHAGS PA DANG YUL YID DU 'ONG BA LA SRED PA NI 'DOD CHAGS DANG, BUM PA NI MTSAN GZHI DANG LTO BA LDIR BA LA SOGS PA NI DE'I MTSAN NYID DANG, ME NI SREG BYED DANG BUD SHING NI BSREG BYA LA SOGS PA RNAMS,,

YAN LAG LA BRTEN NAS YAN LAG CAN DANG YAN LAG CAN LA BRTEN NAS YAN LAG TU THA SNYAD 'DOGS PA NAS MED DANG BUD SHING GI BAR DU PHAN TSUN BRTEN NAS 'DOGS PA YIN NO,, ZHES 'CHAD PAR, BUM PA SNAM BU RE LDE DMAG DANG NAGS TSAL PHRENG BA LJON SHING DANG, ,KHANG KHYIM SHING RTA PHRAN DANG 'GRON GNAS KHA SOGS DNGOS RNAMS GANG DAG DANG, ,DE BZHIN GANG DAG SGO NAS SKYE 'DIS BSNYAD PA DE RNAMS RTOGS BYA STE,, GANG PHYIR THUB DBANG DE NI 'JIG RTEN LHAN CIG RTZOD MI MDZAD PHYIR RO, ,YAN LAG YON TAN 'DOD CHAGS MTSAN NYID DANG NI BUD SHING LA SOGS DANG, ,YON TAN CAN YAN LAG CAN CHAGS DANG MTSAN GZHI ME LA SOGS DON DAG ,DE RNAMS SHING RTA'I RNAM DSPYAD BYAS PAS RNAM BDUN YOD PA MA YIN ZHING, ,DE LAS GZHAN DU GYUR BAR 'JIG RTEN GRAGS PA'I SGO NAS YOD PA YIN, ,ZHES GSUNGS SO,, RGYU DANG 'BRAS BU'I DNGOS PO LA BSGRE BA NI, GAL TE RGYUS BSKYED BYA 'BRAS BU SKYED NA SKYED BYED DE RGYU YIN ZHING, GAL TE 'BRAS BU MI SKYED NA SKYED PA DE MED PAS 'BRAS BU DE RGYU MED PA CAN DU 'GYUR RO,, 'BRAS BU YANG RGYU YOD NA DE LAS SKYE BAR 'GYUR BA'I PHYIR, RGYU 'BRAS GNYIS KYANG PHAN TSUN LTOS NAS YOD PA YIN GYI, RANG BZHIN GYIS YOD PA MIN NO,, GAL TE RGYU 'BRAS RANG GI NGO BOS GRUB PAR SEMS NA, KYE RGYU 'AM 'BRAS BU GANG LA BRTEN NAS DE GNYIS GANG ZHIG TU 'GYUR BA, DE GNYIS GANG ZHIG LAS SNGAR RGYU 'AM 'BRAS BU GANG ZHIG 'GYUR BA DE SMROS SHIG, RANG BZHIN GYIS GRUB PA LA RGYU SNGA BA MI RIGS TE, RGYU'I DUS SU RGYU'I LTOS SA

, ,'BRAS BU DE GRUB DGOS PAS SO,, GAL TE KHYOD KYI LTAR RGYUS 'BRAS BU RANG BZHIN GYIS SKYED PAR BYED PA YIN NA, RGYU 'BRAS BU DANG PHRAD NAS SKYED NA RGYU 'BRAS DE DAG NUS PA GCIG TU 'GYUR BAS, SKYED BYED DANG 'BRAS BU THA DAD MED PAR 'GYUR ZHING, SO SOR TE MA PHRAD PAR SKYED NA RGYU 'DI DE'I RGYU MIN PA RNAMS DANG KHYAD PAR MED PAR 'GYUR TE, RANG BZHIN GYIS GRUB PA'I SO SO BA RNAMS 'BREL MED DON GZHAN DU 'GYUR BA'I PHYIR RO,, PHRAD MA PHRAD KYI RTOGS PA GNYIS PA MA GTOGS PA'I RTOG PA GSUM PA YOD PA MIN PAS, RANG BZHIN GYIS GRUB PA'I RGYUS 'BRAS BU MI SKYED PA KHO NA'O,, KHYOD KYI LTAR RANG BZHIN GYIS GRUB PA'I RGYUS 'BRAS BU SKYED PAR MI BYED PA DE'I PHYIR, 'BRAS BU ZHES BYA BA RANG BZHIN GYIS YOD PA MIN LA, 'BRAS BU DANG BRAL BA'I RGYU NI RGYUR 'JOG PA'I RGYU MTSAN MED PA CAN DU 'GYUR NA 'DI NI YOD PA'ANG MIN TE, DE'I PHYIR RGYU 'BRAS GNYIS KA RANG BZHIN GYIS YOD PA MIN NO,, GANG GI PHYIR RGYU 'BRAS GNYIS CHAR SGYU MA DANG 'DRA BAR RANG BZHIN GYIS MA SKYES SHING, THA SNYAD PA'I RNAM PAR RTOG PA TZAM GYIS 'JOGS PA DE'I PHYIR, BDAG LA JI SKAD BSHAD PA'I PHRAD MA PHRAD KYI SKYON DU MI 'GYUR ZHING, 'JIG RTEN LA GLAGS PA'I DNGOS PO MA BRTAGS PAR GRUB PA RGYU 'BRAS DANG SHING RTA LA SOGS PA RNAMS KYANG YOD PAS THAMS CAD 'GRUB BO,, ZHES 'CHAD PAR, GAL TE RGYU YIS BSKYED PAR BYA

SKYED DE LTA NA DE RGYU YIN ZHING, ,GAL TE 'BRAS BU MI SKYED NA NI DE MED RGYU MED CAN DU 'GYUR, ,'BRAS BU YANG NI RGYU YOD RGYUR NA SKYE BAR 'GYUR BA DE YI PHYIR, ,GANG LAS GANG ZHIG 'GYUR BA GANG ZHIG LAS SNGAR GANG ZHIG 'GYUR BA SMOS, ,GAL TE KHYOD KYI RGYU YIS PHRAD NAS 'BRAS SKYED BYED NA DE YI TSE, ,DE DAG NUS PA GCIG PAS SKYED BYED 'BRAS BU THA DAD MI 'GYUR ZHING, ,SO SOR NA NI RGYU 'DI RGYU MIN RNAMS DANG KHYAD PAR MED 'GYUR LA, ,GNYIS PO 'DI DAG SPANGS NAS RTOG PA GZHAN YANG YOD PAR 'GYUR MA YIN, ,CI STE KHYOD KYI RGYU YIS 'BRAS BU SKYED PAR MI BYED DE PHYIR 'BRAS, ,ZHES BYA YOD MIN 'BRAS BRAL RGYU NI RGYU MED CAN 'GYUR YOD PA'ANG MIN, ,GANG PHYIR 'DI DAG GNYIS CHAR YANG NI SGYU MA DANG 'DRA DE YI PHYIR, ,BDAG LA SKYON DU MI 'GYUR 'JIG RTEN PA YI DNGOS PO RNAMS KYANG YOD,, CES GSUNGS,, //CA// 'JUG PA'I RNAM BSHAD LAS, RIGS PA NI GZHI GANG ZHIG BRDZUN PA BSLU BA'I DON DU YONGS SU BCAD NA, MI SLU BA'I DE KHO NA NYID YIN PA RNAM PAR GCAD DGOS PASZ, SLU MI SLU NI PHAN TSUN SPANGS TE GNAS PA'I DNGOS 'GAL LO,,DE YIN NI SHES BYA THAMS CAD LA KHYAB PAR BYED PAS GNYIS DANG GNYIS MA YIN GYI PHUNG GSUM SEL BA YIN TE, ZHES DANG, PHUNG GSUM SEL BA'I DNGOS 'GAL GCIG STON RGYU MED NA NI, YOD MED DAM GCIG DANG DU MA SOGS GANG 'DOD CES MTHA' GNYIS SU KHA TSON BCAD PA'I BRTAG PA BYAS NAS 'GOG PA MED LA, YOD NA DNGOS 'GAL GCIG 'GOG PA NI CIG SHOS

, ,SGRUB PA MED NA MED PA YIN PAS, DBU MA MTHAL 'GYUR BA LA DNGOS 'GAL LA MED ZER BA NI, DGAG GZHAG GI RNAM GZHAG MA CHAGS PA'O,, DNGOS 'GAL GCIG RNAM PAR BCAD NA CIG SHOS YONGS SU GCOD PA DANG, GCIG 'GOG NA CIG SHOS SGRUB DGOS PA LA DBU MA THAL RANG LA KHYAD PAR YOD PA MA YIN NO,, ZHES GSUNGS PA LTAR YIN NO,, //CHA// GANG ZHIG YONGS SU GCOD PA GANG RNAM PAR BCAD PA MED NA MED PA DE GNYIS NI, ZHES 'DON DGOS SO,, //JA// LAM RIM CHUNG DU LAS, GNYIS SU PHYE BA GNYIS NI THA DAD PA DGOS PAS THA DAD TSUL JI LTAR YIN SNYAM NA, 'DI LA SNGA RABS PA MANG PO BUM PA DANG SNAM BU LTA BU NGO BO THA DAD PA DANG, BYAS PA DANG MI RTAG PA LTA BU NGO BO GCIG LA LDOG PA THA DAD PA GNYIS NI, THA DAD RGYU GNYIS KA DNGOS PO YIN LA, GANG RUNG GCIG DNGOS POR MED PA'I THA DAD NI GCIG PA BKAG PA'I THA DAD DE THA DAD GSUM YOD PAS, BDEN GNYIS NI GCIG PA BKAG PA'I THA DAD DU SMRA LA, KHA CIG NI DE GNYIS NGO BO GCIG LA LDOG PA THA DAD DU 'DOD DO, DBU MA SNANG BA LAS; BDAG GCIG PA'I 'BREL BA NI, DNGOS POR MED PA LA'ANG MI 'GAL BAR GSUNGS PA LTAR LEGS PAS THA DAD RGYU GNYIS KA DNGOS POR MED PA DANG, GANG RUNG GI GCIG DNGOS POR MED PA GNYID CAR LA'ANG NGO BO GCIG LA LDOG PA THA DAD MI 'GAL LO, ,ZHES GSUNGS PA LTAR RO,, //NYA// BDEN GNYIS NGO BO THA DAD NA BDEN MED RTOGS PA'I BLOS BDEN 'DZIN ZIL GYIS GNON PAR THA BA A DANG, GZUGS

BDEN MED GZUGS KYI GNAS LUGS MA YIN PAR THAL BA DANG, GZUGS LA BDEN GRUB RNAM PAR BCAD TZAM GYI MED DGAG DE GZUGS KYI CHOS NYID MA YIN PAR THAL BA DANG, SANGS 'PHAGS KYIS GZUGS BDEN GRUB DU GZIGS SHING BDEN STONG LOGS SU GZIGS PAR THAL BA DANG, BDEN GNYIS LDOG PA GCIG YIN NA SO SO SKYE BOS KYANG GNAS LUGS MNGON SUM DU RTOGS PAR THAL BA DANG, CHOS NYID LA DMIGS NAS KYANG CHAGS SOGS NYON MONGS SKYE BAR THAL BA DANG, GZUGS LA YANG RNAM PA MI 'DRA BA'I DBYE BA MED PAR THAL BA DANG, GZUGS KYIS GNAS LUGS 'BAD PAS BTZAL MI DGOS PAR THAL BA STE SKYON BZHI BZHI 'BYUNG BAR DGONGS 'GREL LAS GSUNGS PA NI 'DIR YANG DGAG BYA'I KHYAD PAR MA GTOGS 'DRA'O, ,DBU MA'I MAN NGAN GI 'GREL BA SHES RAB THAR BAS MDZAD PA LAS, GCIG NA NI KUN RDZO SPONG BA BZHIN DU DON DAM PA YANG SPONG BA NYID DU'I 'GYUR LA, KUN RDZOB THA DAD PA BZHIN DU DON DAM PA YANG THA DAD PAR 'GYUR RO,, KUN RDZOB DRI MED DANG BCAS PA BZHIN DU DON DAM PA YANG DRI MA DANG BCAS PAR 'GYUR RO,, THA DAD NA NI CHOS CAN DANG CHOS NYID DU YANG MI 'GYUR LA, 'DUS BYAS KYI MTSAN MA ZIL GYIS GNON PAR YANG MI 'GYUR TE, LAM SGOM PA YANG DON MED PAR 'GYUR RO, ,DE BAS NA DE NYID DANG BZHAN DU BRJOD DU MED DO,, ZHES SKYON GSUM GSUM GSUNGS SHING, DGONGS 'GREL DANG CUNG MI 'DRANGS BAR SNANG YANG 'DI DANG DBU PHAR GYI MTHA' DPYOD GSUM GAR GNYIS KA BSRES NAS BSHAD PA DANG, NGO BO THA DAD 'GOG PA'I SKABS SU LAM SGOM

, ,PA DON MED DU THAL BAR GSUNGS PA DANG, GCIG 'GOG PA'I SKABS SU NYON MONGS SPONG BA LTAR CHOS NYID SPONG BAR THAL BA SOGS DBU MA'I MAN NGAG GI 'GREL BA LTAR GSUNGS PA NI DGONGS 'GREL GYI TSIG ZIN DANG BDEN GNYIS DAR t'IKA SOGS LAS BSHAD PA DANG MI 'DRA BAR SNANG BAS SPYAD DGOS SHING, BDEN MED RTOGS PA'I BLOS BDEN 'DZIN ZIL GYIS MIG GNON PAR THAL BA DANG, SANGS RGYAS KYIS MTSAN MA'I 'CHING BA DANG GNAS NGAN GYI LEN GYI 'CHING BA MA SPANGS PAR THAL BA GNYIS SKYON SO SOR GRANGS BA'ANG DPYAD DGOS TE, SANGS RGYAS KYIS 'CHING BA GNYIS MA SPANGS PAR THAL BA NI THAL BA SNGA MA'I DAM BCA' LAG GNOD BYED DU GSUNGS PA YIN GYI SKYON LOGS SU GSUNGS PA MA YIN PA'I PHYIR, DE DAG RGYAS PAR KHO BOS BDEN GNYIS KYI RNAM BSHAD DU BSHAD ZIN PAS 'DIR MA SPROS SO,, //TA// 'JUG t'IDA CHEN MO LAS, RKANG PA DANG PO BZHI'I DON NI KUN RDZOB LAS NGO BO THA DAD PAR DE KHO NA NYID YOD PA MIN TE, KUN RDZOB PA RNAMS BDEN PAS STONG PA YIN PA'I PHYIR DANG, BDEN STONG NYID KYANG GZHI KUN RDZOB LA 'JOG PA'I PHYIR ZHES PA'O, ,DE NAS GNYIS KYIS NI DE LTAR YIN DANG MED NA MA'I 'BYUNG BA'I 'BREL BA NGES LA, DE YANG BDAG GCIG PO'I 'BREL BA YIN PAS BYAS MI RTAG BZHIN DU NGO BO GCIG PAR BSTAN TO, ,ZHES GSUNGS SO,, //THA// DUB MA 'JUG PA LAS, YANG DAG MTHONG YUL GANG DE DE NYID DE, ,MTHONG BA RDZUN PAS KUN RDZOB BDEN PAR GSUNGS, ,ZHES YANG DAG PA'I DON MTHONG

BA'I RIGS SHES KYI RNYED DRON DON DAM DANG, RDZUN PA BSLU BA'I DON MTHONG BA'I THA SNYAD PA'I TSAD MA'I RNYED DON KUN RDZOB BDEN PAR GSUNGS PA'I PHYIR, MTSAN NYID 'DI GNYIS NI SA BCU PA MAN CHAD MNYAM RJES NGO BO GCIG TU MA SONG BA'I DBANG DU BYAS PAS SPYIR BTANG GYU YIN LA, DMIGS BAS LA MNYAM RJES NGO BO GCIG TU SONG BA'I SANGS 'PHAGS KYI YE SHES GCIG GIS BDEN GNYIS SO SOR MKHYEN TSUL BSDUS PA'I DBANG DU BYED NA, YANG DAG PA'I DON MTHONG BA'I RIGS SHES KYIS RANG NYID LA RIGS SHES SU SONG BA'I RNYED DON DE, DON DAM BDEN PA'I MTSAN NYID DANG, THA SNYAD PA'I TSAD MAS RANG NYID LA THA SNYAD PA'I TSAD MAR SONG BA'I RNYED DON DE, KUN RDZOB BDEN PA'I MTSAN NYID DU BZHAG DGOS SO,, RNAM BSHAD DGONGS PA RAB GSAL LAS, BDEN GNYIS KYI MTSAN NYID SNGAR BSHAD PA NI SPYIR BTANG LA DGONGS LA, SANGS RGYAS KYI YE SHES KYIS MKHYEN TSUL NI SA BCU PA MAN CHAD DANG THUN MONG MA YIN PA DMIGS BSAL GYI DBANG DU BYAS PA YIN PA'I PHYIR RO,, DE'I PHYIR SANGS RGYAS KYI MKHYEN TSUL YANG BA BSDUS PA'I DBANG DU BYED NA NI YANG DAG PA MTHONG BA'I RIGS SHES TSAD MAS RNYED PA DANG YUL DE LA RIGS SHES TSAD MA YIN PA NI, DON DAM BDEN PA'I MTSAN NYID YIN LA, DES KUN RDZOB BDEN PA'I MTSAN NYID KYANG SHES PAR BYA'O, ,ZHES DANG, STONG THUN LAS KYANG, DON DAM BDEN PA'I MTSAN NYID, KHYOD GANG GIS RNYED PA'I TSAD MA DE KHYOD LA DON DAM DPYOD BYED DU SONG BA, KUN RDZOB PA BDEN PA'I MTSAN NYID, KHYOD GANG GIS RNYED PA'I TSAD MA DE

, ,KHYOD LA THA SNYAD DPYOD BYED DU SONG BA, ,ZHES PA THAL RANG GNYIS KA'I LUGS KYI MTSAN NYID SKYON MED PA YIN NO, ,ZHES GSUNGS PA'I PHYIR, //DA// YANG NA, RANG MNGON SUM DU RTOGS PA'I TSAD MAS GNYIS SNANG NUB PA'I TSUL GYIS RTOGS PAR BYA BA'I CHOS DE, DON DAM BDEN PA'I MTSAN NYID DANG, RANG MNGON SUM DU RTOGS PA'I TSAD MAS GNYIS SNANG DANG BCAS PA'I TSUL GYIS RTOGS PAR BYA BA'I CHOS DE, KUN RDZOB BDEN PA'I MTSAN NYID YIN TE, SPYOD 'JUG LAS, KUN RDZOB DANG NI DON DAM DE, ,'DI NI BDEN PA GNYIS SU 'DOD, ,DON DAM BLO YI SPYOD YUL MIN; ,BLO NI KUN RDZOB YIN PAR 'DOD, ,CES DON DAM BDEN PA BLO GNYIS SNANG DANG BCAS PA'I MNGON SUM GYI SPYOD YUL MA YIN PA'I CHOS DANG, BLO GNYIS SNANG DANG BCAS PA'I MNGON SUM GYI SPYOD YUL DU GYUR BA'I CHOS NI KUN RDZOB BDEN PAR GSUNGS PA'I PHYIR, BDEN PA GNYIS KA'I MTSAN NYID 'JUG PAR GSUNGS PA DE RIGS SHES DANG THA SNYAD PA'I SHES PA RTOG BCAS RTOG MED GNYIS KA'I RTOGS TSUL THUN MONG GI DBANG DU BYAS SHING, SPYOD 'JUG TU GSUNGS PA DE RTOGS MED KYI SHES PA THUN MONG MA YIN PA'I SNAN TSUL GYI SGO NAS BZHAG PA YIN PAR SHES PAR BYA'O,, //NA// 'JUG PA'I RNAM BSHAD LAS, MDO SNGA MA'I DON NI, DON DAM PA GZIGS PA'I NGOR DON DAM BDEN PA DE, PHUD SOGS KUN RDZOB PA MA MTHONG BA'I TSUL GYIS GZIGS PA MIN PAR, PHUNG SOGS

LUS KYI DANG DAG GI SPYOD YUL DANG, YID KYI YUL DU 'GYUR BA LTAR YUL DU 'GYUR NA NI, DE KHO NA NYID MNGON SUM DU GZIGS PA'I DOR SPROS PA DANG MA BRAL BAS, DON DAM BDEN PAR MI 'GYUR GYI KUN RDZOB KYI SPROS PAR 'GYUR RO ZHES PA STE, DE LTAR BYAS NAM GZIGS PA'I TSUL GYIS GZIGS PA'I SHES BYED DU 'GRO'O, ,ZHES GSUNGS PA LTAR RO,, //PA// DE NYID LAS, MDO GNYIS PA'I DON NI DON DAM PA MNGON SUM DU GZIGS PA'I DOR NI, DON DAM BDEN PA BYE BRAG MED PA NI KHYAD PAR MI 'DRA BA MANG PO MED PA'O,, GZHAN GSUM NI GRO SLA'O, ,GZIGS DO DER SMRA BA'I BYA BYED DANG BRAL BA NI SLA'O, ,DE KHO NA NYID MNGON SUM DU GZIGS PA'I YE SHES DE DON DAM SHES PA DANG, DON DAM BDEN PA DE'I SHES BYAR 'JOG THUB KYANG, YE SHES DE'I DOR BYA BYED DE GNYIS DANG BRAL BA MI 'GAL BA NI, , BYA BYED GNYIS NI THA SNYAD PA'I BLO KHO NA'I NGOR 'JOG PA'I BYA BYED GNYIS NI THA SNYAD PA'I BLO KHO NA'I NGOR 'JOG PA'I BDEN PA YUL DU 'JOG NUS KYANG, YUL DANG YUL CAN GYI BYA BYED GNYIS RIGS NGOR MI 'JOG PA BZHIN NO, ,ZHES DANG, DE NAS LHA'I BU DON DAM PA'I BDEN PA NI RNAM PA THAMS CAD KYI MCHOG DANG LDAN PA THAMS CAD MKHYEN PA'I YE SHES KYI YUL GYI BAR LAS 'DAS PA YIN TE, JI LTAR DON DAM PA'I BDEN PA'O ZHES BRJOD PA LTAR NI MA YIN NO,, CHOS THAMS CAD NI BRDZUN TE SLU BA'I CHOS SO,, ZHES DRANGS PA'I DON NI, YIN TE'I BAR GYIS DON DAM BDEN PA THAMS CAD MKHYEN PA'I YE SHES

, ,KYI YUL LAS 'DAS PAR BSTAN PA'I DE'I YUL LAS 'DAS TSUL, ,JI LTAR NAS MA YIN NA'I BAR GYIS STON TE, JI LTAR 'DI DON DAM PA'I BDEN PA'O ZHES BRJOD PA NA SGRA DE'I RJES SU 'BRANG GI RTOG PA LA; YUL YUL CAN SO SO BO GNYIS SU CHAD PAR SNANG BA LTAR THAMS CAD MKHYEN PA'I JI LTAR BA MKHYEN PA DE LA DE LTAR SNANG BA'I TSUL GYIS DE'I YUL LAS 'DAS PA STE, GNYIS SNANG GI CHOS THAMS CAD NI BRDZUN PA BSLU BA'I CHOS YIN PAS, DE KHO NA NYID KYI MI BSLU BA 'BA' ZHIG GZIGS PA'I NGOR DE MED CES PA'O, ,ZHES GSUNGS PA LTAR RO,, //PHA// RAB RIB CAN LA RAB RIB MED PAS SKRA SHAD MED DO ZHES BSTAN KYANG, RAB RIB MED PAS MTHONG BA 'DRA BA'I SKRA SHAD MED PA MI RTOGS PAR GSUNGS PAS, NYAN PA POS DE LTAR MA RTOGS KYANG SKRA SHAD MED PA MI RTOGS PA MIN NO,, DE DPER BYAS NAS DE KHO NA NYID BSTAN PA NAM RIG PA'I RAB RIB KYI BSLAD PA DANG BRAL BAS MTHONG BA 'DRA BA CIG MI RTOGS KYANG, SPYIR DE KHO NA NYID MI RTOGS PA MIN PAR BZHAD PAS NA, DON DAM BDEN PA NI ZAB MO'I DON CAN GYIS NGES DON GYI LUD DANG, DE LTAR STON PA'I NGAG GIS BRJOD MI NUS PA DANG, DE'I RJES SU 'BRANG BA'I BLOS KYANG RTOGS MI NUS PA MIN TE, DE KHO NA NYID KYI DON SHES BRJOD KYI YUL MIN PAR GSUNGS PA THAMS CAD LA YANG DE BZHIN DU SHES PAR BYA'O, ,ZHES GSUNGS SO,, //BA// DE RNAMS THAMS CAD DE KHO NA NYID MNGON SUM DU GZIGS PA'I NGOR PHUNG SOGS KUN RDZOB PA MI SNANG BA'I KHUNGS SO,, DE'I PHYIR

DE KHO NA NYID MNGON SUM DU GZIGS PA'I NGOR, DNGOS PO DANG DNGOS PO MED PA LA SOGS PA'I GNYIS CHOS KYI SPROS PA THAMS CAD SRID PA MA YIN TE, SPROS PA DE DAG GI RANG GI NGO BO DER MA DMIGS PA'I PHYIR RO,, ZHES GSUNGS PA LTAR YIN NO,, //MA// SNYAD TSUL DANG GNAS TSUL MTHUN PA'I DON NI LAM RIM CHUNG DU LAS, DON DAM MA BDEN PA'I BDEN TSUL NI MI BSLU BA YIN LA, DE YANG GNAS TSUL GZHAN DU GNAS SHID SNANG TSUL GZHAN DU SNANG NAS 'JIG RTEN LA MI SLU BA'I PHYIR, ZHES GSUNGS PA LTAR YIN TE, DON DAM BDEN PA YIN NA RANG GSAL BAR SNANG BA'I BLO LA SNYAD PA LTAR DU GRUB PAS KHYAB PA'I PHYIR, DE LTA NA KUN RDZOB BDEN PA YIN NA BRDZUN PA YIN PAS KHYAB CING, BRDZUN PA'I DON NI BSLU BA DANG BSLU BA'I DON NI SNANG TSUL DANG GNAS TSUL MI MTHUNG PA DANG, DE YANG RANG GSAL BAR SNANG BA'I BLO LA BDEN GRUB TU SNANG YANG BDEN MED DU GNAS PA LA BYED DGOS SO,, 'DI LA KHA CIG NA RE, RNAM MKHYEN GYIS MA NGES TE, RNAM MKHYEN GSAL PAR SNYAD BA'I BLO LA BDEN SNANG CAN MED PA'I PHYIR TE, RNAM MKHYEN GSAL BAR RTOGS PA'I BLO LA BDEN SNAD CAN MED PA'I PHYIR NA MA KHYAB STE, SLOB PA'I RGYUD KYI RNAM MKHYEN RTAG PA GSAL BAR RTOGS PA'I RNAM 'BYOR MNGON GSUM DE BDEN SNANG BCANG YIN PA GANG ZHIG, DES RNAM MKHYEN GSAL BAR SNANG BA'I PHYIR, DANG PO SLA, GNYIS PA GRUB STE, DES RNAM MKHYEN MI RTAG PA GSAL BAR SNANG BA'I PHYIR, KHYAB STE, RNAM MKHYEN DANG RNAM MKHYEN MI RTAG PA GRUB PA DE DBYER MED RDZAS GCIG YIN PA'I PHYIR,

, ,DE DAG RGYAS PAR BDEN GNYIS KYI RNAM BSHAD DU BSHAD ZIN PAS 'DIR MA SPROS SO,, //TZA// PHYI NANG GI DNGOS PO BDEN GRUB TU SNANG BA'I GANG ZAG NI GTZO CHER SO SKYE DANG KUN RDZOB GANG GI NGOR BDEN PA'I BLO KUN RDZOB NI SHAS CHER SO SKYE'I RGYUD LA YOD PA YIN PAS DE LA DGONGS NAS KUN RDZOB RNYED MKHAS SO SKYE RANG DGA' BAR GSUNGS SO,, //TSA// SPYIN PA'I 'KHOR GSUM BDEN PAR MI DMIGS PAR RTOGS PA'I ZAG MED KYI SHES RAB KYIS MA ZIN PA DANG ZIN PA'I KHYAD PAR GYIS 'JIG RTEN PA DANG 'JIG RTEN LAS 'DAS PA'I SBYIN PA'I PHAR PHYIN DU 'JUG PA'I RNAM BSHAD LAS GSUNGS SO,, 'DIR SHER MDO LAS ZHES PA DPE MA DAG STE, DMIGS PA NI THA SNYAD KYI BDEN PAS BSDUS PA ZHES SOGS DE 'JUG PA RANG 'GREL GYI RANG GZHUNG YIN PA'I PHYIR, //DZA// LAM RIM CHUNG DU LAS, TSIG GSAL LAS, KUN RDZOB LA DE KHO NA NYID LA SGRIB PA DANG, PHAN TSUL BRTEN PA'I DON DANG, 'JIG RTEN GYI THA SNYAD GSUM BSHAD CING, PHYI MA NI BRJOD BYA DANG RJOD BYED DANG, SHES PA DANG SHES BYA LA SOGS PA'I MTSAN NYID CAN DU BSHAD PAS, YUL CAN GYI THA SNYAD SHES BRJOD TZAM MIN LA, SHES BYA DANG BRJOD BYA GANG YIN THAMS CAD KYANG KUN RDZOB BDEN PAR MI GZUNG NGO,, ZHES GSUNGS 'DUG PAS NA, MDO 'DI'I DON YANG DE LTAR BSHAD DGOS SO,, DE LTAR NA 'DI'I 'JIG RTEN GYI THA SNYAD CES PA NI 'JIG RTEN GYI KUN RDZOB CES PA DANG DON GCIG PAS DMING GI THA SNYAD CES PA DAD MI 'DRA'O,, 'JIG RTEN GYI THA SNYAD CES PA NI 'JIG RTEN NA

GRANGS PA'I DON MA RIGS SHES KYIS MA BRTAGS PA'I DON DANG RIGS SHES LA LTOS TE BRDZUN PA'AM LOG PA'I DON DU BSHAD DU RUNG BAR SNANG STE, SHES BYED SOGS MANGS SU DGOS NAS MA BRIS SO,, //THA// 'JUG PA RNAM BSHAD LAS, 'DIS SEMS CAN RNAMS DNGOS PO JI LTAR GNAS PA'I RANG BZHIN LTA BA LA SGRIB PA STE RMONGS PAR BYED PA'I PHYIR NA GTI MUG STE, MA RIG PA DNGOS PO'I NGO BO RANG BZHIN GYIS YOD PA MA YIN PA LA, RANG BZHIN GYIS YOD PAR SGRO 'DOGS PAR BYED PA YIN LUGS KYI RANG BZHIN MTHONG BA LA SGRIB PA'I BDAG NYID CAN NI KUN RDZOB PO,, 'DI NI KUN RDZOB BDEN PA ZHES PA'I BDEN PA, KUN RDZOB PA GANG GI NGOR 'JOG PA'I KUN RDZOB NGOS 'DZIN PA YIN GYI, KUN RDZOB PA SPYI NGOS 'DZIN PA MIN NO, ,ZHES DANG, KUN RDZOB BDEN 'DZIN DE'I MTHUS SNGON PO LA SOGS PA GANG ZHIG, RANG BZHIN GYIS GRUB PA MED BZHIN DU DER SNANG BAR BCOS PA'I BCOS MA SEMS CAN RNAMS LA BDEN PAR SNANG BA DE NI, SNGAR BSHAD PA'I 'JIG RTEN GYI PHYIN CI LOG GI KUN RDZOB PA DE'I NGOR BDEN PAS 'JIG RTEN GYI KUN RDZOB KYI BDEN PA ZHES THUB PA NGES PA DES GSUNGS TE; ZHES GSUNGS PA BZHIN NO,, //ZHA// RTZA SHE'I t'IKA CHEN LAS, KUN RDZOB NI MI SHES PA'AM MA RIG PA STE DNGOS PO'I DE KHO NA NYID 'GEBS SHING SGRIB PAR BYED PA'I PHYIR RO,, 'DI NI KUN RDZOB KYI SKAD DOD SGRIB PA LA'ANG 'JUG PAS DE'I CHA NAS BSHAD PA YIN GYI KUN RDZOB THAMS CAD SGRIB BYED DU 'CHAD PA MIN NO,, YANG NA KUN RDZOB NI PHAN TSUN BRTEN PA'I DON NO, ,'DI NI PHAN TSUN BRTEN DGOS PAS NA

, ,RANG LA TSUGS THUB KYI RANG BZHIN YOD PA MI BDEN PA'I DON NO,, TSUL DE'I SGRA BSHAD PA'I RGYU MTSAN DON DAM BDEN BA LA YANG YOD MOD KYANG KUN RDZOB PA'I SGRA 'JUG PA NI MIN TE, DPER NA MTSO SKYES KYI SGRA BSHAD PA'I RGYU MTSAN SPAL BA LA YOD KYANG MI 'JUG PA BZHIN NO,, YANG NA KUN RDZOB BRNGA STE 'JIG RTEN GYI THA SNYAD DO, ,DE YANG BRJOD BYA DANG RJOD BYED DANG SHES PA DANG SHES BYA LA SOGS PA'I MTSAN NYID CAN DU BSHAD PAS YUL CAN GYI THA SNYAD SHES BRJOD RTZAM LA MI BZUNG NGO,, ZHES GSUNGS PA LTAR RO,, //ZA// RIGS SHES LAM BRTEN PAR 'JIG RTEN PA'I SHES PA KHO NA'I STOBS KYIS GZUGS SOGS SNANG TSUL DANG GNAS TSUL MI MTHUN PAR RTOGS MI NUS PAS NA 'JIG RTEN GYI THA SNYAD LA BDEN PA YIN PA'I PHYIR KUN RDZOB KYI BDEN PA ZHES BYA'O,, //'A// RTZA SHE'I RNAM BSHAD LAS, CI 'JIG RTEN KUN RDZOB CES 'JIG RTEN SMOS PA'I DGOS PA 'JIG RTEN GYI MIN PA'I KUN RDZOB KYANG YOD DAM SNYAM NA, 'JIG RTEN GYI MIN PA'I KUN RDZOB YOD PA BCAD PA'I PHYIR DU 'JIG RTEN ZHES SMOS PA MIN GYI DNGOS PO JI LTAR GNAS PA BRJOD PA'O,, RNAM PA GCIG TU NA RAB RIB DANG LING TOG SNGON PO DANG MIG SER LA SOGS PAS DBANG PO NYAMS PAS MTHONG BA PHYIN CI LOG LA GNAS PA DE DAG NI YUL DE DAG LA LTOS NAS GANG GI DOR BDEN PA 'JOG PA'I 'JIG RTEN MIN NO,, DE'I PHYIR DE DAG GI KUN RDZOB RAB RIB LA SOGS PAS DBANG PO BSLAD PA'I YUL DE DAG NI 'JIG RTEN LA LTOS TE SNANG BA LTAR MI BDEN PAS,

DE LAS DBYE BA'I PHYIR 'JIG RTEN KUN RDZOB BDEN PA ZHES BDEN PA'I KHYAD PAR SMOS SO, ,ZHES GSUNGS PA LTAR RO, ,DE YANG RIGS SHES KYI NGOR YONG PA MIN GYI 'JIG RTEN BA'I SHES PA THA SNYAD PA'I NGOR YOD DO ZHES KUN RDZOB BDEN PA'I DNGOS PO'I GNAS TSOD BRJOD PA'I DON DU 'JIG RTEN ZHES SMOS PA YIN LA, RNAM PA GCIG TU NA MIG SER CAN LA SNANG BA'I DUNG SER PO DANG RAB RIB CAN LA SNANG BA'I NAM MKHA'I SKRA SHAD SOGS THA SNYAD PA'I SHES PA SKYON MED KYI NGOR MED PA RNAMS KUN RDZOB BDEN PA MIN PAR STON PA'I DON DU 'JIG RTEN KUN RDZOB BDEN PA ZHES BSTAN PA YIN NO,, //YA// TSOGS SGRUB BCU BDUN GYI MDOR THEG CHEN NYER GCIG GSUNGS TE, PHYIN DRUG DANG, YE SHES KYI TSOGS NYI SHU DANG, TING NGE 'DZIN BRGYA RTZA GCIG GIS BSDUS PA'I BSOD NAMS KYI TSOGS DANG, DRAN NYE DANG, YAN DAG PAR SBONG BA DANG, RDZU 'PHRUL GYI RKANG PA DANG, DBANG PO LNGA DANG, STOBS LNGA DANG, BYANG CHUB YAN LAG BDUN DANG, 'PHAGS LAM YAN LAG BRGYAD DANG, RNAM THAR SGO GSUM DANG, SHES PA BCU GCIG DANG, DBANG PO GSUM DANG, TING NGE 'DZIN GSUM DANG, RJES DRAN BCU DANG, SNYOMS 'JUG LNGA DANG, STOBS BCU DANG, MI 'JIGS PA BZHI DANG, SO RIGS BZHI DANG, SANGS RGYAS KYI CHOS MA 'DRES PA BCO BRGYAD DANG, GZUNGS KYI THEG CHEN DANG NYER GCIG GSUNGS PA'I PHYIR, DE'I YE SHES KYI THEG CHEN STON PA'I MDOR STONG NYID NYI SHU DNGOS SU BSHAD NAS YUL CAN YE SHES DON GYIS 'PHANGS SO, ,DE'I PHYIR DBU MA LA 'JUG PAR, SPROS DANG BCAS PAR STONG PA NYID, ,

, ,BCU DRUG BSHAD NAS MDOR BSDUS TE, ,SLAR YANG BZHIR BSHAD DE DAG NI, ,THEG CHEN DU YANG BZHED PA YIN, ,ZHES GSUNGS SO, ,DE DAG YUM GYI MDO DANG GSER PHRENG SOGS LAS SHES DGOS SO,, //RA// STONG NYID NYI SHU'I STONG GZHI CHOS CAN NI RIM PA BZHIN DU, MIG SOGS DBANG PO DRUG DANG, GZUGS SOGS YUL DRUG DANG, SHES RGYUD KYIS BSDUS SHING DBANG POS MA BSDUS PA'I DBANG RTEN KHOG PA DANG, CHOS RNAMS KYI RANG BZHIN STONG PA NYID DANG, PHYOGS BCU DANG, MYANG 'DAS DANG, 'DUS BYAS DANG, 'DUS MA BYAS DANG, RTAG CHAD KYI MTHA' DANG BRAL BA DANG, 'KHOR BA DANG, DOR DU MI RUNG BA'I THEG CHEN DANG, CHOS RNAMS KYI RANG BZHIN STONG PA NYID DANG, KHAMS BCO BRGYAD SOGS CHOS THAMS CAD DANG, GZUGS NAS RNAMS MKHYEN GYI BAR GYI CHOS RNAMS KYI RANG MTSON BYED KYI MTSAN NYID DANG, ZHIG RGYU'I DNGOS PO SOGS ZHIG PA DANG MA SKYES PA DANG RANG GRUB PA'I 'OG TU MI DMIGS PA DUS GSUM DANG, BDEN GRUB KYI DNGOS PO MED PA'I 'DU BYAS TE BCU DRUG DANG, PHUNG PO LNGA'I DNGOS PO DANG, NAM MKHA' SOGS DNGOS MED DE BCO BRGYAD DANG, CHOS RNAMS KYI RANG BZHIN STONG NYID DANG, DNGOS PO KUN GYI RANG BZHIN STONG PA NYID DE NYI SHU'O, ,STONG NYID BCU DRUG GI NANG TSAN GYI STONG PA NYID STONG PA NYID DANG RANG BZHIN STONG PA NYID GSUNGS PA LA BLOS SKYON MED TSUL NI, 'JUG t'IK CHEN MO LAS, SKABS SNGA MAR NI PHYI NANG GI CHOS RNAMS KYI STONG NYID DE DE KHO NA NYID 'JAL BA'I RIGS

SHES KYIS GRUB PAS BDEN PAR GRUB BAM SNYAM BA BSAL BA'I PHYIR YIN LA, 'DIR NI SUS KYANG MA BYAS PAR GSHIS SU GRUB BA'I RANG BZHIN YIN NA BDEN PAR GRUB BAM SNYAM PA BSAL BA'I PHYIR GSUNGS PAS MI ZLOS SO, ,ZHES GSUNGS PA LTAR YIN NO,, STONG NYID BZHI'I NANG TSAN GYI RANG BZHIN STONG PA NYID DANG GZHAN GYI NGO BO STONG PA NYID GNYIS GSUNGS PA DE SNGA MA GNYIS DANG ZLOS SKYON MED TSUL NI, DE NYID LAS, RANG BZHIN STONG PA NYID LA SOGS PA BSNGAR BSHAD KYANG 'DIR BSHAD PA MI ZLOS PA NI 'DIR DBYE SGO 'BRING PO'I DBANG DU MDZAD PA'O, ,ZHES GSUNGS PA LTAR RO,, //LA// GZHUNG 'DI DAG GI DON NI LAM RIM CHUNG DU KHO NA LA BRTEN NAS SHES DGOS PA YIN TE, DE YANG DE NYID LAS, DON DAM GNYIS BSHAD PA NI YUL CAN LA MI BYED PAR YUL GYI DON DAM KHO NA LA BYED PA NI GZHUNG GI DON MI NO, ,DE LA DANG PO NI DE KHO NA NYID LA 'JUG PA NI, BDEN PA DANG GNYIS SNANG GI SPROS PA CIG CAR RANG GI YUL DU GCOD NUS PAS DON DAM PA DNGOS YIN TE, SPROS PA THAMS CAD LAS 'DAS ZHES PA'I DON YANG DE'O,, GNYIS PAS NI RANG GI YUL DU BDEN PA'I SPROS PA 'GOG NUS KYANG GNYIS SNANG GI SBROS PA GCOD MI NUS PAS, 'JIG RTEN LAS 'DAS PA'I DON DAM DANG RNAM PA RJES SU MTHUN PAS MTHUN PA'I DON DAM MO, ,GZUGS SOGS LA DON DAM PAR SKYE SOGS BKAG PA'I YUL GYI DON DAM LA YANG TSUL GNYIS BSHAD DGOS LA, DE LA NI YUL GYI STONG NYID DE RIGS SHES RTOG MED KYI DOR NI SPROS PA GNYIS CAR DANG BRAL BA'I DON DAM DNGOS

, ,YIN LA, RIGS SHES RTOG BCAS KYI DOR NI SPROS PA PHYOGS GCIG TZAM DANG BRAL BAS, SPROS PA GNYIS CAR DANG BRAL BA'I DON DAM DNGOS MIN GYI, SPYIR DON DAM BDEN PA DNGOS MIN ZER BA MIN NO, ,DES NA BLO 'GA' ZHIG GI DOR GNYIS SNANG GI SPROS PA THAMS CAD DANG BRAL BAM GTOGS PA, BDEN STONG DE SNANG BA'I SPROS PA THAMS CAD DANG BRAL BA MI SRID PAS, DON DAM BDEN PA YIN NA GNYIS SNANG GI SPROS PA THAMS CAD DANG BRAL DGOS PA NI GZHUNG GI DON MIN NO, ,ZHES GSUNGS PA LTAR YIN LA, DE YANG 'PHAGS PA'I ZAG MED KYI YE SHES DE YUL CAN DON DAM PA DNGOS YIN ZHES PA YIN GYI DE DON DAM BDEN PA DNGOS YIN ZHES PA MIN ZHING, SPYIR DON DAM BDEN PA NI RIGS SHES RTOG MED KYI DOR SPROS PA GNYIS CAR DANG BRAL BA'I DON DAM DNGOS DANG RIGS SHES RTOG BCAS KYI DOR SPROS PA PHYOGS GCIG TZAM DANG BRAL BA'I DON DAM YIN ZHES PA YIN GYI, RIGS SHES RTOG MED KYI GZHAL BYAR GYUR BA'I STONG NYID DE SPROS PA GNYIS CAR DANG BRAL BA'I DON DAM DANG, RIGS SHES RTOG BCAS KYI GZHAL BYAR GYUR BA'I STONG NYID DE SPROS PA PHYOGS GCIG TZAM DANG BRAL BA'I DON DAM YIN ZHES PA GTAN MA YIN TE, SPROS PA GNYIS CAR DANG BRAL BA'I DON DAM DANG SPROS PA PHYOGS GCIG TZAM DANG BRAL BA'I DON DAM GNYIS KA MI SRID PA'I PHYIR TE, DON DAM BDEN PA YIN NA SPROS BCAS YIN PAS KHYAB PA'I PHYIR RO,, DE DAG RGYAS PAR KHO BOS BRIS PA'I BDEN GNYIS KYI RNAM BSHAD DU BSHAD ZIN TO,, DE LA KHA CIG NA RE, GZHI GRUB NA

SPROS BCAS YIN PAS KHYAB PAR THAL, DON DAM BDEN PA SPROS BRAL MA YIN PA'I PHYIR, 'DOD MI NUS TE, GNYIS SNANG GI SPROS BRAL YOD PA'I PHYIR TE, GNYIS SNANG NUS PA YOD PA'I PHYIR TE, LEGS BSHAD SNYING PO LAS; DE LTA MA YIN NA GNYIS SNANG NUS PA RNAM RTOG LA 'CHAR MI SRID PAR KHAS BLANG DGOS NA DE YANG MI RIGS TE GNYIS SNANG NUB PA MI SRID PAR 'GYUR BA'I PHYIR RO,, ZHES GSUNGS PA'I PHYIR ZER NA BLO ZHI BA MOS DPYAD NAS ZHIB CHA 'DON PAR BYA'O,, SKYE BA LA SOGS BKAG PA YANG, ZHES SOGS KYI TSIG DON NI, RIGS PAS RNAM PAR DPYAD NAS DON DAM PA'I SKYE BA DANG DGAG PA LA SOGS PA BKAG PA'I RIGS SHES RTOG BCAD DE YANG YANG DAG PA'I YUL CAN RNAM PAR MI RTOG PA'I YE SHES DANG RJES SU MTHUN PA'I PHYIR YUL CAN DON DAM PA YIN PAR KHO BOS 'DOD DO,, RJES SU MTHUN TSUL NI, YANG DAG PAR SKYE BA LA SOGS PAR RTOG PA'I DNGOS PO STE BDEN 'DZIN GYI SPROS PA BKAG PA'I GTAN TSIGS DE RGYU MTSAN GYIS RNAM PAR MI RTOG PA'I YE SHES DANG MTHUN PA YIN NO,, ZHES PA'O,, DBUM SNANG BA'I LUNG 'DI'I TSIG DON NI, DON DAM PAR SKYE BA MED CES PA'I DON DAM 'DI YANG YUL CAN DON DAM DNGOS DANG BDEN 'DZIN GYI SPROS PA CHOS PA NI MTHUN PA'I PHYIR YUL CAN DON DAM ZHES BYA'I, YUL CAN DON DAM DNGOS NI MA YIN TE, YUL CAN DON DAM DNGOS NI GNYIS SNANG GI SPROS PA THAMS CAD LAS 'DAS PA'I BLO ZHIG DGOS PA'I PHYIR RO,, ZHES PA STE, DBUM RGYAN GYI LUNG 'DI'I TSIG DON YANG 'DRA'O,, LUNG DE DAG GI DON YUL STONG NYID LA SBYAR BA'I BSHAD TSUL NI ,BDEN

, ,GRUB KYI SKYE BA MED PA 'DI YANG RIGS SHES RTOG BCAS KYI DOR SPROS PA PHYOGS GCIG TZAM DANG BRAL BA'I DON DAM DANG MTHUN PA'I DON DAM ZHES BYA STE, DE'I NGOR BDEN 'DZIN GYI SPROS PA DANG, BRAL BA NI ZAG MED KYI SHES PA'I NGOR GNYIS SNANG GI SPROS PA DANG BRAL BA DANG PHYOGS GCIG TZAM MTHUN PA'I PHYIR, DE RIGS SHES RTOGS BCAS KYI NGOR SPROS PA GNYIS CAR DANG BRAL BA'I DON DAM DNGOS MA YIN TE, DON DAM BDEN PA DE RIGS SHES GANG GI NGOR SPROS PA GNYIS CAR DANG BRAL BA'I DON DAM DNGOS YIN NA RIGS SHES DE'I DOR SPROS PA THAMS CAD LAS 'DAS PA ZHIG DGOS PA'I PHYIR RO, ZHES PA'O,, //SHA// RNAM GRANGS MA YIN PA'I DON DAM NI BLO GANG GIS KYANG YUL DU BYA MI NUS PAS SHES BYA MA YIN PAR 'DOD DO,, ZHES 'DON NA YI GE DAG PAR 'GYUR RO, //SA// GNAS LUGS DON DAM PAR SKYE BA MED PA RANG GI NGOR SPROS PA MED KYANG ZHES SOGS LA YANG YIG NOR MANG PO YOD PA NI GO SLA BAS MA BRIS SO,, //HA// SGYU MA RIGS SGRUB DANG RAB TU MI GNAS PA'I DON DANG THA SNYAD GNYIS KA LA DOGS PA GCOD TSUL SNGAR BSHAD ZIN CING, RANG RGYUD PA SGYU MA RIGS SGRUB MA YIN ZHING THAL 'GYUR BA RAB TU MIG NAS PA MA YIN PA NI RJE YAB SRAS KYI DGONGS PA YIN PAR SNANG ZHING DA DUNG YANG BRJOD PAR BYA BA MANG PO YOD KYANG MDANGS SU DOGS NAS MA BRIS SO,, //AA// DBU MA RGYAN DANG BDEN GNYIS RANG 'GREL LAS DON DAM PAR SKYE SOGS BKAG PA KUN RDZOB PAR BSHAD PA'I DAD PO'I DON

NI; LAM RIM CHUD DU LAS, YANG DAG PAR SKYE SOGS BKAG PA LA YANG, 'DIS BKAG PA'I RIGS SHES DANG DE'I GZHAL BYA GNYIS YOD PAS, YANG DAG PA'I KUN RDZOB TU GTOGS TSUL YANG DE'I STENG NAS SHES PAR BYA'O,, ZHES GSUNGS PA'I DON 'DIR BSHAD PA LTAR RO,, GNYIS PA'I DON NI, DE NYID LAS, SKYE SOGS BKAG PA MTHUN PA'I DON DAM DU BSHAD PA'I 'PHRO LA, BDEN GNYIS RANG 'GREL LAS, GZHAN DAG NI YANG DAG PA KHO NAR 'DZIN PAS, YANG ZHES BYA BA BSDUS PA'I DON NO, ,DE YANG RIGS PAS DPYAD NA KUN RDZOB KHO NA STE, CI'I PHYIR ZHE NA, DAGGA BYA YONG PA MA YIN PAS, YANG DAG TU NA BKAG MED GSAL, ,ZHES GZHAN DAG SEMS TZAM PA DAGGA BZHI LA CHOS BDAG BKAG PA'I DGAG PA'I STONG NYID YANG DAG TU GRUB PAR 'DOD PA DANG, RANG LUGS KYIS DGAG BYA CHOS BDAG MED PAS DE BKAG PA'I DGAG PA YANG DAG PAR MA GRUB, CES GSUNGS PAS, DON DAM PAR SKYE SOGS BKAG PA KUN RDZOB PAR BSHAD PA NI KUN RDZOB TU YOD PA'I DON YIN GYI KUN RDZOB YIN PAR STON PA MIN NO, ,ZHES GSUNGS PA LTAR YIN NO,, //KA// RIGS SHES KYI DES NGOR YANG DAG KUN RDZOB MED PAS DBU MA PA'I RANG LUGS LA YANG DAG KUN RDZOB MED CES PA MIN TE, GZHAN DU NA, RIGS SHES KYI DES DOR KUN RDZOB BDEN PA MED PA YIN PAS DBU MA PA'I RANG LUGS LA KUN RDZOB PA BDEN PA MED PAR 'GYUR BA'I PHYIR, DES NA 'JIG RTEN PA'I TSAD MA'AM THA SNYAD PA'I TSAD MA LA LTOS TE YANG DAG KUN RDZOB YOD PA YIN GYI, RIGS SHES LA LTOS TE YANG DAG KUN RDZOB MED CES

, ,PA YIN TE, RIGS SHES KYIS DPYAD TSUL LA LTOS TE YANG DAG KUN RDZOB MED PA'I PHYIR TE, DE LA LTOS TE YANG DAG PAR GRUB PA MED PA'I PHYIR TE, RIGS SHES KYIS DPYAD TSUL LTAR NA CHOS THAMS CAD RDZUN PAR 'GRUB DGOS KYI BDEN GRUB MED PA'I PHYIR RO,, //KHA// MTHONG BA RDZUN PA'ANG RNAM PA GNYIS 'DOD DE, ,DBANG PO GSAL DANG DBANG PO SKYON LDAN NO, SKYON LDAN DBANG CAN RNAMS KYI SHES PA NI, ,DBANG PO LEGS GYUR SHES LTOS PAR 'DOD, ,GNOD PA MED PA'I DBANG PO DRUG RNAMS KYIS, ,GZUNG BA GANG ZHIG 'JIG RTEN GYIS RTOGS TE, 'JIG RTEN NYID LAS BDEN YIN LHAG MA NI; ;'JIG RTEN NYID LAS LOG PAR RNAM PAR BZHAG, ,CES PA'I TSIG DON NI, BRDZUN PA MTHONG BA'I YUL CAN LA YANG THA SNYAD PA'I TSAD MA LA LTOS TE YUL CAN YANG DAG DANG YUL CAN LA SOGS PA RNAM PA GNYIS YOD DE, 'PHRAL GYI 'KHRUL RGYUS MA BSLAD PA'I DBANG PO DRUG DANG DE LA BRTEN PA'I SHES PA DRUG DANG, 'PHRAL GYI 'KHRUL RGYUS BSLAD PA'I DBANG PO DRUG DANG DE LA BRTEN PA'I SHES PA DRUG DANG GNYIS SO,, 'PHRAL GYI 'KHRUL RGYUS BSLAD PA'I SHES PA DRUG NI 'PHRAL GYI 'KHRUL RGYUS MA BSLAD PA'I SHES PA DRUG LA LTOS NAS YUL CAN LOG PA DANG, SNGA MA DRUG NI DE LA LTOS NAS YUL CAN YANG DAG PAR 'DOD DO; ;YUL KUN RDZOB LA YANG THA SNYAD PA'I TSAD MA LA LTOS TE YANG DAG DANG LOG PA GNYIS YOD DE, 'PHRAL GYI 'KHRUL RGYU'I GNOD PA MED PA'I SHES PA DRUG GI YUL NI THA SNYAD PA'I TSAD MA LA LTOS TE YUL YANG DAG

DANG, 'PHRAL GYI 'KHRUL RGYUS BSLAD PA'I SHES PA DRUG GI YUL NI THA SNYAD PA'I TSAD MA LA LTOS TE YUL LOG PA YIN NO,, ZHES PA'O,, //GA// LUGS 'DIR KUN RDZOB PA'I CHOS RNAMS SNANG PA LTAR DU MA GRUB PA DANG THA SNYAD PA'I SHES PA RNAMS 'KHRUL SHES YIN PAS KUN RDZOB PA'I YUL DANG YUL CAN GNYIS KA'I YANG LOG GNYIS KYI DBYE BA MI BZHED CING, SO SKYE'I RGYUD KYI RTOG MED KYI SHES PA DRUG LA MA 'KHRUL BA MED KYANG DE DAG GIS GZUGS SOGS CHOS RNAMS YOD PAR 'JOG THUB PA'I TSAD MA YIN PA MI 'GAL TE, YUL BDEN PA 'JOG PA LA YUL CAN MA 'KHRUL BA DGOS KYANG YUL BRDZUN PA 'JOG PA LA YUL CAN 'KHRUL PA NYID GROGS SU 'GRO BA YIN NO,, DBU MA PA GZHAN DAG GIS KUN RDZOB LA YANG LOG GNYIS SU PHYE BA NI RANG GI MTSAN NYID KYIS GRUB PA KHAS LEN PA LA THUG CING, 'DIR KUN RDZOB LA YANG LOG GNYIS SU DBYE BA THA SNYAD DU YANG MI BYED PA NI RANG MTSAN KHAS MI LEN PA LA THUG PAR BSHAD DO,, GZUGS SOGS YANG DAG PAR 'JOG NA DE DAG GI STONG NYID RTOGS PA'I RIGS SHES KYIS GNOD PAS KUN RDZOB LA YANG LOG GNYIS SU MI 'BYED KYANG, RIGS SHES LA MA LTOS PAR THA SNYAD PA'I SHES PA'I NGO TZAM LA LTOS TE YANG LOG GNYIS KYI DBYE BA BYED DU RUNG STE, SGYU MA'I RTA DANG RTA MTSAN NYID PA GNYIS LA RIGS SHES LA LTOS TE BDEN RDZUN GYI DPYE BA MI 'THAD KYANG, THA SNYAD PA'I SHES PA LA LTOS TE BDEN RDZUN GYI THA SNYAD THOB TU RUNG BA'I PHYIR, DPER NA GRONG GI MI GNYIS KYIS LHA KHANG GI RTZIGS PA LA BRIS PA'I

, ,RI MO LA BLTA BA'I TSE GCIG GIS LAG NA RTZE GSUM THOGS PA 'DI NI SRID MED KYI BU'O, ,LAG NA 'KHOR LO THOGS PA 'DRI NI DBANG PHYUG CHEN PO'O ZHES ZER BA LA, GCIG SHOS KYIS DE LAS BZLOG STE SMRAS PA'I DBANG GIS DE GNYIS RTZOD PAR GYUR TE, NYE 'KHOR NA GNAS PA'I KUN TU RGYU ZHIG LA DRIS PA NA, KUN TU RGYU DES SRED MED KYI BU DANG DBANG PHYUG RTOGS PA'I TSAD MA LA LTOS TE DE GNYIS LA BDEN RDZUN GYI KHYAD PAR MED PAR SHES MOD KYANG, DRIS BA BO'I BSAM PA LA LTOS TE 'DI NI BDEN NO 'DI NI MI BDEN NO SMRAS PAS GRONG GI MI GNYIS KYI 'DOD PA 'GRUB CING KUN TU RGYU DES BRDZUN SMRAS PA'I SKYON DU YANG MI 'GYUR BA BZHIN YIN PA'I PHYIR, DE LTAR NA THA SNYAD PA'I TSAD MA LA LTOS TE YANG LOG GNYIS SU 'BYED KYANG THA SNYAD PA'I TSAD MA'I DOR YANG LOG GNYIS SU MI 'BYED LA; KUN RDZOB PA'I CHOS RNAMS RIGS SHES LA LTOS TE LOG PAR 'JOG KYANG RIGS SHES KYI NGOR LOG PAR 'JOG PA MIN PA'ANG SHES PAR BYA'O,, DE LTAR SHES NA 'JIG RTEN PA'AM THA SNYAD PA'I TSAD MA NYID LA LTOS NAS YANG DAG PA DANG LOG PA'I KUN RDZOB TU 'JOG PAR LAM RIG CHUNG NGUR GSUNGS PA DANG STONG THUN LAS, 'JIG RTEN PA'I THA SNYAD PA'I 'TSAD MAS YANG LOG GNYIS SU DBYE BA BYED PA GTAN MA YIN TE, TSAD MAS GRUB PA'I DON DU KHAS BLANGS NAS RANG LUGS LAS KHAMS MI LEN NO ZHES SMRAS BA NI RIGS PA SMRA BA'I TSUL LAS 'DAS PA GO BAR BYED PA'I PHYIR, ZHES GSUNGS PA GNYIS

KYANG MI 'GAL BAR SHES PAR 'GYUR RO,, DES NA DBU MA RANG LUGS LA YANG DAG KUN RDZOB KHAS MA BLANGS ZHES PA'I YANG DAG DANG, 'JIG RTEN GYI SHES NGO LA LTOS TE YANG LOG GI KHYAD PAR KHAS LEN ZHES PA'I SKABS KYI YANG DAG SNGA PHYI MING MTSUNGS KYANG, DON GTAN NAS MI MTSUNGS TE, YANG DAG SNGA MA NI RANG GI MTSAN NYID KYIS GRUB PA LA BYED CING, PHYI MA NI 'JIG RTEN PA'I BSAM PA RANG 'GA' BA LA LTOS TE BDEN PA'I THA SNYAD THOB RUNG GI DON LA BYED PA'I PHYIR, DPER NA MI 'GA' ZHIG 'ONG LA MI 'GA' ZHIG MI 'OD ZHES PA'I 'ONG RGYU'I 'GA' ZHIG DANG MI 'ONG RGYU'I 'GA' ZHIG GNYIS GZHI GCIG LA MI BYED PA BZHIN NO,, YANG DAG SNGA MA RANG MTSAN LA BYED DGOS PA'I RGYU MTSAN GYIS SKABS 'DIR YANG DAG KUN RDZOB KHAS MA BLANGS ZHING, RANG RGYUD PAS DE KHAS LEN PA'I KHYAD PAR BYUNG STE, 'PHAGS PA'I GZIGS PA LA LTOS NAS ZHES PA DANG, RIGS SHES LA LTOS NAS ZHES PA DANG, SKABS 'DI'I DBU MAR RANG LUGS ZHES PA RNAMS DON 'DRA BAR RJE BDAG NYING CHEN POS BZHED CING, THAL RANG GNYIS KYI LUGS LA RANG GI MTSAN NYID KYIS GRUB PA LA RIGS SHES KYIS NGOD PAR 'DOD MI 'DOD KYI KHYAD PAR YOD PA'I PHYIR RO,, YANG DAG PHYI MA'I DON YANG SNGAR LTAR BYED DGOS KYI RANG GI MTSAN NYID KYIS GRUB PA LA MI BYED DE, LAM RIM CHUNG NGUR THA SNYAD PA'I TSAD MA LA LTOS NAS YANG LOG TU 'JOG PAR GSUNGS PA DANG, LAM RIN CHEN MOR GZUGS SOGS SNANG BA'I DBANG SHES DANG GZUGS BRNYAN SOGS SNANG BA'I DBANG SHES RNAMS SNANG YUL LA

, ,'KHRUL BAR 'DRA YANG 'JIG RTEN PA'I NGOR SNANG BA DANG RJES SU MTHUN PA'I DON YOD MED KYI SGO NAS YANG DAG PAR LOG PA'I KUN RDZOB TU GSUNGS SHING, RTZA SHE'I RNAM BSHAD CHEN MOR YANG JI LTAR SNANG BA LTAR GYI DON DU YOD PA LA 'JIG RTEN BA'I SHES PA'I NGOD PA MED PA DANG YOD PA'I SGO NAS YANG LOG TU 'JOG PAR GSUNGS PA'I PHYIR DANG, RTAG SOGS BZHIR 'DZIN PA LOG PA DANG MI RTAGS SOGS BZHIR 'DZIN PA YANG DAG PAR RIGS PA DRUG CU PA'I 'GREL BAR BSHAD PA'I PHYIR DANG, SANGS RGYAS BSKYANGS KYI 'GREL BAR LHA SKU BDEN GYI RTZOD LAN GSUNGS PA KYANG SHES PA'I PHYIR, SKABS 'DI'I BDEN PA NI RIGS SHES LA MA LTOS PAR THA SNYAD PA'I SHES NGO TZAM LA LTOS NAS BDEN ZHES PA'I THA SNYAD THOB RUNG GI DON LA BYED PA YIN GYI BDEN GRUB LA MI BYED PAS, 'JIG RTEN SNGA MA'I DNGOS BSTAN GYI SHES PA'ANG THA SNYAD PA'I TSAD MA LA BYED KYI BDEN 'DZIN LA MI BYED DE, GZHAN DU NA 'PHRAL GYI 'KHRUL RGYUS MI GNOD PA'I 'JUG SHES DRUG GI GZUNG DON DMIGS KYIS DKAR BA'I DGOS PA MED PAR 'GYUR TE, 'PHRAL GYI 'KHRUL RGYUS BSLAD PA'I DBANG SHES KYIS YUL DU SNANG BA'I GZUGS BRNYAN LA SOGS PA YANG RANG BDEN PAR 'DZIN PA'I SHES PA'I NGOR BDEN PA'I PHYIR TE, KUN RDZOB BDEN PA YIN PA'I PHYIR RO,, 'JIG RTEN NYID LAS BDEN YIN ZHES PA NI GZUGS SOGS 'JIG RTEN PA'I SHES PA LA LTOS NAS BDEN PA'I THA SNYAD THOB CES PA'I DON YIN GYI, GZUGS SOGS

'JIG RTEN PA'I SHES NGOR BDEN PA YIN ZHES PA GTAN MIN PAS, 'JIG RTEN SNGA MA'I DNGOS BSTAN GYI 'JIG RTEN PA'I SHES PA LA BDEN 'DZIN BZHAG MI DGOS SHING, GZUGS SOGS GANG GI NGOR YANG DAG PAR 'JOG PA'I SHES PA LA BDEN 'DZIN GYIS KHYAB KYANG, GZUGS SOGS GANG LA LTOS TE BDE ZHES PA'I THA SNYAD THOB RUNG GI SHES PA LA THA SNYAD PA'I TSAD MA 'JOGS PA NI 'GAL BA CUNG ZAD KYANG MED PAR SHES PAR BYA'O,, 'DI LA KHA CIG NA RE, 'JIG RTEN NYID LAS BDEN YIN ZHES PA'I DNGOS BSTAN GYI 'JIG RTEN PA'I SHES PA LA THA SNYAD PA'I TSAD MA BZHAG PA MI 'THAD PAR THAL, 'PHRAL GYI 'KHRUL RGYUS MA BSLAD PA'I 'JUG SHES DRUG PO 'JIG RTEN SNGA MA'I DNGOS BSTAN GYI SHES PA MIN PAR YIG CHAR GSUNGS PA'I PHYIR DANG, BDAG MED RAGS PA RTOGS PA'I RJES DPAG DANG BDAG 'DZIN RAGS PA 'KHRUL SHES SU RTOGS PA'I RJES DPAG GNYIS 'JIG RTEN SNGA MA'I DNGOS BSTAN GYI SHES PA MIN PAR GSUNGS PA'I PHYIR DANG, 'JIG RTEN SNGA MA'I DNGOS BSTAN GYI SHES PA YIN NA 'JIG RTEN PA'I SHES PA RANG DGA' BA YIN PAS KHYAB PAR GSUNGS PA'I PHYIR ZER NA, 'O NA, GZUGS SOGS DON LNGA CHOS CAN, 'JIG RTEN PA'I SHES NGO LA LTOS PA'I YANG DAG MA YIN PAR THAL, YIG CHAR, ,GZUGS SOGS LNGA 'JIG RTEN SHES NGO LA LTOS TE YANG DAG PA YIN PAR THAL, DE LNGA 'JIG RTEN NYID LAS ZHES PA'I DNGOS BSTAN GYI 'JIG RTEN SHES NGO LA LTOS TE YANG DAG YIN PA'I PHYIR NA SHIN TU MA KHYAB, CES GSUNGS PA'I

, ,PHYIR; KHYAB PA KHAS, 'DOD NA, 'JIG RTEN SHES NGO LA LTOS PA'I YANG DAG MED PAR THAL, 'DOD PA'I PHYIR, 'DOD NA, KUN RDZOB BDEN PA YIN NA 'JIG RTEN SHES NGO LA LTOS PA'I LOG PA'I KUN RDZOB YIN PAS KHYAB PAR THAL, 'DOD PA'I PHYIR, 'DOD NA, 'JUG PA RTZA 'GREL DANG RTZA 'JUG GI RNAMS BSHAD CHEN MO GNYIS DANG LHAG MTHONG CHE CHUNG SOGS SU 'JIG RTEN SHES NGO LA LTOS PA'I YANG LOG GNYIS BSHAD PA RNAMS MI 'THAD PAR THAL LO,, GZHAN YANG, RTA MTSAN NYID PA DANG SGYU MA'I RTA GNYIS LA 'JIG RTEN SHES NGO LA LTOS TE BDEN BRDZUN GYI KHYAD PAR MED PAR THAL BA DANG, CHU LA CHUR 'DZIN PA'I SHES PA DANG SMIG SGYU LA CHUR 'DZIN PA'I SHES PA GNYIS LA 'JIG RTEN SHES NGO LA LTOS TE PHYIN CI LOG MA LOG GI KHYAD PAR MED PAR THAL, ,'JIG RTEN SHES NGO LA LTOS PA'I YANG DAG MED PA'I PHYIR, RTAGS KHAS, DES NA YIG CHAR GNOD MED KYI DBANG PO DRUG GI SHES PA 'JIG RTEN SNGA MA'I DNGOS BSTAN GYI SHES PA MIN GSUNGS PA SOGS DANG, 'JIG RTEN SNGA MA'I DNGOS BSTAN GYI SHES PA LA 'JIG RTEN PA'I SHES PA RANG 'GA' BAS KHYAB GSUNGS PAN I GZUGS SOGS 'JIG RTEN PA'I SHES PA GANG GI NGOR YANG DAG PAR 'JOG PA'I SHES PA LA BDEN 'DZIN ZHES DGOS PAS DE LA DGONGS PA'I PHYIR TE, YIG CHAR, SKABS 'DI'I 'JIG RTEN PA'I SHES PA GANG GI NGOR GZUGS SOGS YANG DAG TU 'JOG PA'I SHES PA LA 'JIG PA'I RANG 'GA' BA'I SHES PA

TSAD MIN CIG DGOS PAR LAM RIM RNAM BSHAD KUN LAS GSUNGS SHING GRUB LA, 'JIG RTEN PA'I SHES PA GANG GI NGOR SGYU MA SOGS LOG PAR 'JOG PA'I SHES PA LA TSAD MAS KHYAB TSAD MA DE LA LHAN SKYES KYI BLO RANG 'GA' BA DANG DE MA YIN PA'I THA SNYAD PA'I RJES DPAG TSAD MA GNYIS YOD PA'I PHYIR, ZHES GSUNGS PA'I PHYIR DANG, 'JIG RTEN SHES NGOR YANG DAG 'JOG PA'I SHES PA BDEN 'DZIN YIN PAR GSUNGS PA DE'I PHYIR, GZHAN YANG, 'JIG RTEN NYID LAS BDEN YIN ZHES PA'I DON RANG BDEN PAR 'DZIN PA'I SHES PA'I NGOR BDEN PA LA BYED PA MI 'THAD PAR THAL, 'PHRAL GYI 'KHRUL RGYUS MA BSLAD PA'I 'JUG SHES DRUG GI GZUNG DON RNAMS 'JIG RTEN SHES NGO LA LTOS TE BDEN ZHES PA'I DON YIN PA'I PHYIR, DER THAL, DE RNAMS 'JIG RTEN PA'AM THA SNYAD PA'I TSAD MA LA LTOS TE BDEN PA DANG RIGS SHES LA LTOS TE MI BDEN PA GNYIS KA YIN BA'I PHYIR TE, 'JUG 'GREL LAS, DE LTAR 'JIG RTEN GYIS DBANG PO LA GNOD PA'I RKYEN JI SKAD DU BSHAD PA MED PAR DBANG PO DRUG CHAR GYIS GZUNG BAR BYA BA'I DON RTOGS PA DE NI 'JIG RTEN NYID LAS BDEN PA YIN GYI 'PHAGS PA LA LTOS NAS NI MA YIN NO, ,ZHES GSUNGS PA'I PHYIR DANG, 'PHAGS PA ZHES PA RIGS SHES LA BYED PAR RNAM BSHAD LAS GSUNGS PA'I PHYIR, JI SKAD DU, LAM RIM CHUNG NGU LAS, THAL 'GYUR BA'I LUGS KYIS NI 'PHRAL GYI 'KHRUL RGYUS MA BSLAD PA'I SHES PA DRUG DANG, TE LAS BZLOG PA'I SHES PA DRUG DANG, SHES PA SNGA MA DRUG GIS BZUNG BA'I YUL DRUG DANG, PHYI MA DRUG GIS GZUNG

, ,BA'I YUL DRUG STE, LOG PA'I YUL YUL CAN DRUG LOG PA'I KUN RDZOB DANG, MA LOG PA'I YUL YUL CAN DRUG YANG DAG KUN RDZOB TU 'JOG LA, DE YANG 'JIG RTEN PA'AM THA SNYAD PA'I TSAD MA NYID LA LTOS NAS YANG DAG DANG LOG PA'I KUN RDZOB TU 'JOG GI, 'PHAGS PA'I GZIGS PA'I RJES SU 'BRANG BA'I RIGS SHES LA LTOS NAS MIN PAS, ZHES GSUNGS PA'I PHYIR, KHYAB STE, YANG LOG NYIS KA 'JIG RTEN PA'AM THA SNYAD PA'I TSAD MA LA LTOS NAS 'JOG PAR GSUNGS PA YIN GYI YANG DAG BDEN 'DZIN DANG LOG PA THA SNYAD PA'I TSAD MAS 'JOG CES MA GSUNGS PA'I PHYIR RO,, GZHAN YANG, SKABS 'DIR GZUGS SOGS YANG DAG DANG GZUGS BRNYAN SOGS LOG PA NI 'JIG RTEN PA'I SHES PA KHO NA LA LTOS NAS 'JOG PA YIN GYI RIGS SHES LA LTOS NAS 'JOG PA MIN ZHING BDEN 'DZIN LA LTOS NAS 'JOG BA MIN TE, DE GNYIS 'JIG RTEN PA'I SHES PA KHO NA LA LTOS NAS 'JOG PA GANG ZHIG, RIGS SHES DANG BDEN 'DZIN LA LTOS NAS 'JOG PA MA YIN P'I PHYIR; DANG PO GRUB STE, 'JUG PA'I RNAM BSHAD LAS, DE LTA BU'I GNOD PA MED PA'I SHES PA DRUG GIS GZUNG BA'I KUN RDZIB PA'I DON DANG, DE LAS BZLOG PA'I DON LA YANG DAG DANG LOG PAR 'JOG PA NI 'JIG RTEN PA'I SHES PA KHO NA LTOS NAS YIN TE, DE DAG JI LTAR SNANG BA LTAR GYI DON DU YOD PA LA 'JIG RTEN PA'I SHES PAS GNOD PA MED PA DANG YOD PA'I PHYIR RO, ,ZHES GSUNGS PA'I PHYIR

DANG; RTZA SHE'I RNAM BSHAD DU YANG 'DI JI LTA BA BZHIN DU GSUNG BA'I PHYIR DANG, 'JIG RTEN SHES NGO LA LTOS NAS YANG LOG GNYIS SU PHYE BA MA GTOGS 'JIG RTEN SHES NGOR YANG LOG GNYIS SU PHYE BA NI RJE BDAG NYID CHEN PO'I GZHUNG DU TSIG 'BRU GCIG TZAM YANG MA BYUNG BA'I PHYIR TE, STONG THUN DU 'JIG RTEN SHES NGOR YANG LOG GNYIS KYI DBYE BA YOD PAR GSUNGS KYANG, DE NI MTHA' GCOD PA'I YANG LAG TU 'JIG RTEN SHES NGOR YANG LOG 'JOG NA 'DI LTAR 'JOG CES BSHAD PA YIN GYI SKABS 'DI'I 'JIG RTEN SHES GNO LA LTOS PA'I YANG LOG GNYIS KYI DON DE LTAR MA YIN PA NI RTZA 'JUG GI RNAM BSHAD GNYIS DANG LAM RIM CHE CHUNG SOGS LA BLTAS NAS SHIN TU GSAL BA'I PHYIR RO,, RTZA BA'I RTAGS GNYIS PA GRUB STE, SKABS 'DI'I YANG LOG GNYIS RIGS SHES LA LTOS NAS 'JOG PA MA YIN PA GANG ZHIG, BDEN 'DZIN LA LTOS NAS 'JOG PA MA YIN PA'I PHYIR, DANG PO GRUB STE, RTZA 'JUG GI RNAM BSHAD GNYIS KA LAS, 'PHAGS PA LA LTOS NAS NI YANG LOG GNYIS SU MED DE, JI LTAR GZUGS BRNYAN LA SOGS PA SNANG BA LTAR GYI DON DU MED PA BZHIN DU, MA RIG PA DANG LDAN PA RNAMS LA SNGON PO LA SOGS PAR RANG GI MTSAN NYID KYIS GRUB PAR SNANG BA YANG SNANG BA LTAR GYI DON DU MED PA'I PHYIR RO,, DE'I PHYIR SHES PA DE GNYIS LA 'KHRUL MA 'KHRUL YANG DBYER MED DO,, ZHES GSUNGS PA'I PHYIR, GNYIS PA GRUB STE, SKABS 'DI'I YANG LOG GI GNYIS BDEN 'DZIN PA LTOS NAS 'JOG NA LAM RIM

, ,CHUNG NGUR THA SNYAD PA'I TSAD MA LA LTOS NAS 'JOG PAR GSUNGS PA MI 'THAD PAR 'GYUR BA'I PHYIR DANG, BDEN 'DZIN GYI NGO LA LTOS TE THAMS CAD YANG DAG YIN GYI LOG PA MI SRID PA'I PHYIR RO,, YANG KHA CIG NA RE, 'JIG RTEN SHES NGO BLA LTOS TE YANG DAG KUN RDZOB MED PAR THAL, STONG THUN LAS, 'JIG RTEN SHES GNON YANG DAG DANG LOG PA GNYIS SU DBYE BA YOD DO ZHES GSUNGS KYI, 'JIG RTEN SHES DON YANG DAG KUN RDZOB DANG LOG PA'I KUN RDZOB GNYIS KYI DBYE BA YOD DO ZHES DPAL LDAN ZLA BAS GANG DU YANG MA GSUNGS LA, BDAG GI BLA MA YANG MI BZHED CING, GTAN NAS KHAMS BLANG DU MI RUNG STE, 'JIG RTEN PA'I BLO RANG DGA' BA'I DON KU BUM SOGS KUN RDZOB MA YIN PA'I PHYIR DANG, BLO GANG GI NGO LA LTOS NAS BDEN PAR 'JOG PA'I BLO DE'I NGO LA LTOS NAS BRDZUN PAR 'JOG PA HA CANG THAL BA'I PHYIR RO, ,ZHES GSUNGS PA'I PHYIR NA MA KHYAB STE, DE NI BDEN 'DZIN GYI NGO YANG DAG KUN RDZOB MED PA'I DON YIN PA'I PHYIR, DER THAL, STONG THUN GYI 'JIG RTEN SHES NGO'I YANG DAG GI DON BDEN 'DZIN GYI NGOR YANG DAG PA LA BYED PA'I PHYIR DANG, DE NI SKABS 'DI'I 'JIG RTEN SHES NGO'I YANG DAG GI DON MIN PAR BSHAD ZIN PA'I PHYIRO,, GAL TE STONG THUN GYI LUNG DE DAG GIS SKABS 'DI'I 'JIG RTEN SHES NGO'I YANG DAG BSHAD PA YIN NA 'JIG RTEN SHES NGO'I YANG DAG KUN RDZOB DE RJE BLA MAS MI BZHED PAR MKHAS GRUB THAMS CAD

MKHYEN PAS GSUNGS PA MI RIGS PAR 'GYUR BA'I PHYIR DANG, MKHAS GRUB RJES LAM RIM CHE CHUNG MA GZIGS PAR THAL BAR 'GYUR BA'I PHYIR RO,, GZHAN YANG, SKABS 'DI'I YANG LOG GNYIS 'JIG PA'I BLO RANG DGA' BAS 'JOG PAR 'DOD PA'ANG MI 'THAD DE, 'JUG PA'I RNAM BSHAD LAS, YID LA GRUB MTHA' NGAN PA'I GNOD PA YOD PAS LOG PAR GZUNG BA'I DON RNAMS 'JIG RTEN PA'I BLO RANG DGA' BAS PHYIN CI LOG TU RTOGS PAS, 'JIG RTEN NYID LAS LOG PAR JI JI LTAR BZHAG CE NA, 'DIR GNOD PA YOD MED DPYOD PA'I GNOD PA NI LHAN SKYES KYIS PHYIN CI LOG TU 'DZIN PA'I GNOD PA LA MI BYED PAS GRUB MTHA' NGAN PAS BTAGS BA NI GRUB MTHAS BLO BSGYUR BA KHO NAS LOG PAR BTAGS PA'I GTZO BO SOGS YIN LA, DE DAG PHYIN CI LOG TU 'JIG RTEN PA'I BLO RANG DGA' BAS MI RTOGS KYANG, DE KHO NA NYID LA MNGON DU MA PHYOGS PA'I THA SNYAD PA'I TSAD MAS LOG PAR RTOGS NA 'JIG RTEN PA'I SHES PAS LOG PAR RTOGS PA YIN NO,, ZHES GSUNGS PA'I PHYIR, GZHAN YANG, GZUGS 'DZIN MIG SHES DE THA SNYAD PA'I SHES PA'I NGOR 'KHRUL BA YIN KYANG THA SNYAD PA'I SHES PA LA LTOS TE 'KHRUL BA MA YIN PA DANG, DE RIGS SHES LA LTOS TE 'KHRUL BA YIN YANG RIGS SHES KYI NGOR 'KHRUL BA MA YIN PA'I KHYAD PAR RNAMS SHES DGOS PA YIN TE, LAM RIM LAS, DBANG PO'I SHES PA LA GZUGS SGRA SOGS RANG GI MTSAN NYID KYIS GRUB PAR SNANG LA SNANG BA LTAR GYI RANG GI MTSAN NYID THA SNYAD DU YANG MED PAS NA SLOB DPON

, ,THA SNYAD DU YANG 'DI DAG 'KHRUL BAR BZHED PA YIN NO,, DE LTA NA'ANG DBANG PO'I SHES PA RNAMS THA SNYAD DU GZUGS SGRA LA SOGS PA'I YUL RNAMS RNAM PAR 'JOG PA'I TSAD MAR MI 'THAD BA MED DE, DE RNAMS 'KHRUL BAR 'JOG PA'I RGYU MTSAN SNANG BA LTAR GYI RANG GI MTSAN NYID KYIS GRUB PA'I DON MED PA NI RANG BZHIN YOD MED DPYOD PA'I RIGS PA'I SHES PAS 'GRUB PA YIN GYI THA SNYAD PA'I TSAD MAD GTAN MI 'GRUB PAS THA SNYAD PA'I SHES PA LA BLTOS TE 'KHRUL BA MA YIN NO,, ZLA BA GNYIS SNANG DANG GZUGS BRNYAN LA SOGS PA SNANG BA'I SHES PA NI SNANG BA LTAR GYI DON ZLA PA GNYIS DANG BYAD BZHIN LA SOGS PA MED PAR THA SNYAD PA'I TSAD MA NYID KYIS RIGS PA'I SHES PA LA BLTOS MED DU 'GRUB PAS NA DE DAG DANG SNGA MA RNAMS LA YANG DAG DANG LOG PA'I KUN RDZOB KYI RNAM DBYE YANG 'THAD PA YIN NO,, ZHES GSUNGS PA'I PHYIR RO,, 'DI LA KHA CIG NA RE, DE CHOS CAN, THA SNYAD PA'I SHES PA'I NGOR 'KHRUL BA MA YIN PAR THAL, THA SNYAD PA'I SHES PA'I DOR SKABS 'DI'I YUL CAN YANG DAG YIN PA'I PHYIR NA MA KHYAB STE, GZUGS 'DZIN MIG SHES BLO GANG GI NGOR 'KHRUL BAR 'JOG PA'I THA SNYAD PA'I SHES PA DANG, DE NYID BLO GANG GI NGOR SKABS 'DI'I YUL CAN MA 'KHRUL BAR 'JOG PA'I THA SNYAD BA'I SHES PA GNYIS DON SO SO BA YIN PAS SKYON MED PA'I PHYIR, DER THLA MIG SHES DE 'KHRUL BAR RTOGS PA'I THA SNYAD PA'I TSAD MA DANG, DE NYID 'JIG RTEN SHES NGO LA

LTOS TE YUL CAN YANG DAG TU RTOGS PA'I THA SNYAD PA'I TSAD MA GNYIS DON MI GCIG CING, GCIG GIS SGRUB PA'I CHA GCIG SHOS KYIS 'GOG PA'ANG MA YIN PA'I PHYIR, DPER NA, MI LA LA YOD MI LA LA MED CES PA LA YOD RGYU'I LA LA DANG MED RGYU'I LA LA GNYIS GZHI GCIG LA MI 'JOG PAS GCIG GIS BRJOD PA'I CHA LA GCIG SHOS KYIS MI GNOD PA BZHIN NO,, JI SKAD DU, LAM RIM LAS, GAL TE THA SNYAD PA'I SHES PA LA LTOS TE PHYIN CI MA LOG PA YIN NA THA SNYAD DU 'KHRUL PA DANG 'GAL LO SNYAM NA, THA SNYAM DU 'KHRUL SA'I THA SNYAD DANG SHES PA GANG LA LTOS NAS PHYIN CI MA LOG PAR BZHAG PA'I THA SNYAD PA'I SHES PA GNYIS GCIG YIN LA 'GAL BA YIN KYANG THA SNYAD DE GNYIS SO SO BA YIN PAS CI ZHIG 'GAL, 'DI LTAR GZUGS SOGS LA RANG GI NGO BOS GRUB PA'I RANG BZHIN RIGS PAS 'GOG PA NI DON DAM DU MI RUNG BAS THA SNYAD DU BYA DGOS LA, DE 'DRA BA'I THA SNYAD PA'I SHES NGO DER NI DBANG PO'I SHES PA RNAMS 'KHRUL BA YIN DE LAS GZHAN PA'I THA SNYAD PA'I SHES PA RANG DGA' BA RNAMS KYI NGOR NI 'KHRUL BA MA YIN PAS MI 'GAL TE, DPER NA 'JIG RTEN PA'I THA SNYAD LA MI LA LA YOD MI LA LA MED CES PA BZHIN TE LA LA ZHES PA'I TSIG GCIG YIN KYANG YOD PA'I LA LA DANG MED PA'I LA LA GNYIS DON GCIG LA MI 'JOG PA BZHIN NO,, ZHES GSUNGS PA'I PHYIR, KHA CIG NA RE, GZUGS SOGS DON LNGA DANG DBANG SHES LNGA CHOS CAN, LOG PA'I KUN RDZOB YIN PAR THAL, YANG DAG KUN RDZOB MI 'DOD PA'I RGYU MTSAN

, ,YOD PA'I PHYIR DANG, DE DAG RIGS SHES LA LTOS NAS LOG PA'I KUN RDZOB TU 'JOG DGOS PA'I PHYIR NA MA KHYAB, 'DOD MI NUS TE, RNAM BSHAD LAS, GAL TE YANG DAG PA'I KUN RDZOB MI 'DOD PAS YANG LOG GNYIS SU MI BYED KYANG MA RIG PAS BSLAD PA'I YUL DANG YUL CAN RNAMS LOG PA'I KUN RDZOB TU CI'I PHYIR MI 'JOG CE NA, KUN RDZOB NI THA SNYAD BA'I TSAD MAS 'JOG DGOS PA'I PHYIR LOG PA'I KUN RDZOB 'JOG NA YANG DE LA LTOS NAS 'JOG DGOS NA, MA RIG PA'I BAG CHAGS KYIS BSLAD PA NI 'KHRUL PAR THA SNYAD PA'I TSAD MAS MI 'GRUB PA'I PHYIR RO,, ZHES GSUNGS PA'I PHYIR, //NGA// BLO NGOR MA GRUB PA'I BAR DU DE'I GNAS LUGS BSTAN DU MED DE ZHES 'DON DGOS SO,, //CA// BRJOD BYA DANG RJOD BYED DANG SHES PA DANG SHES BYA BA LA SOGS PA'I 'JIG RTEN PA'I DON DAM PA 'PHAGS PA LA LTOS BA'I THA SNYAD KUN RDZOB PA'I BDEN PA LAS BLANGS PA LA MA BRTEN PAR, DAM PA'I DON NI BSTAN PAR MI NUS LA DE MA BSTAN PAR YANG RTOGS PAR MI NUS SHING, DAM PA'I DON NI MA RTOGS PAR MYA NGAN LAS 'DAS PA THOB PAR MI 'GYUR RO,, DE'I PHYIR THAR THOB PA'I THABS YIN PA'I PHYIR CHU 'DOD PAS SNOD LTAR THOB MAR GDON MI ZA BAR KUN RDZOB JI LTAR GNAS PA KHAS BLANG BAR BYA'O,, ZHES RTZA SHE'I RNAM BSHAD LAS GSUNGS SO,, //CHA// DE NYID 'TSOL LA THOG MAR NI, ZHES SOGS KYI TSIG DON NI SEMS TZAM PA'I SKABS SU BSHAD ZIN TO,, //JA// DE LTAR SKYE BA SHES PAS

'JIG PA YANG SHES PAR 'GYUR TE, 'JIG PA NI SKYE BA'I RTZA BA CAN YIN PA'I PHYIR, 'JIG PA SHES PAR DE DON GCIG PA'I MI RTAG PA SHES PAR 'GYUR LA, KHAMS GSUM MI RTAG PA'I ME RAB TU 'BAR BA'I NANG DU 'DUG BAR SHES PAS DE LAS 'DA' BAR 'DOD CING, DE KHO NA NYID LA 'JUG PA SHES PAS DAM PA'I CHOS MYA NGAN LAS 'DAS PA DANG THA MI DAD PA'I SPROS BRAL STONG PA NYID GSUNGS PA RTOGS SHING KHONG DU CHUD PAR 'GYUR RO, ,ZHES RIGS PA DRUG CU PA'I DANG t'IKA LAS BSHAD DO,, //NYA// BUD MED KYIS NANG DU BDAG NI BUD MED DO ZHES BRTAGS NAS PHYI ROL TU SKYES PA LA SKYES PA'O ZHES RTOG GO, SKYES PAS NANG DU BDAG NI SKYES PA'O ZHES BRTAGS NAS PHYI ROL TU BUD MED LA BUD MED DO ZHES RTOG GO, DE NAS PHAN TSUN CHAGS PAR GYUR TE PHRAD PAR 'DOD PA SOGS SU BSHAD YOD PAS, 'DIR CHAGS SDANG DANG ZHES PA DPE MA DAG GO, MDO 'DI RGYAS PAR BSLAB BTUS LAS SHES PAR BYA'O,, //TA// LAS 'GAGS PA LAS 'BRAS BU 'BYUNG BA'I DPE BSTAN PA 'DI NI, RMI LAM DMIGS PA'I YUL DAG MTHONG NAS NI, ZHES PA'I SKABS KYI RNAM BSHAD DU GSAL ZHING RGYAS PAR GSUNGS 'DUG PAS DER BA LTA BAR BYA STE, 'DIR DRANGS NA TSIG GI KHUR TSE BAR 'GYUR BAS MA BYAS SO,, //THA// GANG GI PHYIR RANG BZHIN GYIS MA 'GAGS PA LAS KYANG 'BRAS BU 'BYUNG BA MI 'GAL BA DE'I PHYIR, KUN GZHI SOGS KHAS MA BLANGS KYANG LAS LAS 'BRAS BU 'BYUNG BAR NUS PA'I PHYIR, SEMS CAN GYI SHES RGYUD LA LAR DGE MI DGE'I LAS

, ,GNYIS BYAS PA 'GAGS NAS YUN RING PO BSKAL BA MANG PO LON PA LAS KYANG, 'BRAS BU MA 'KHRUL BAR 'BYUNG BAR RIG GYIS PAR GYIS SHIG, CES PA'O,, //DA// DE YANG SPYIR STONG PAS YOD MTHA' DANG SNANG BAS MED MTHA' SEL BA 'DI RGYANG PHAN GYI BAR LA THUN MONG BA YIN PAS THAL 'GYUR BA'I KHYAD CHOS LA SNANG BAS YOD MTHA' DANG STONG BAS MED MTHA' SEL ZHING, STONG NYID RGYU 'BRAS BU 'GRO TSUL SHES DGOS LA, 'KHOR 'DAS KYI CHOS RNAMS RGYU LA BRTEN NAS 'BRAS BU 'BYUNG ZHING MI BSLU BA'I TSUL RANG LUGS SU KHAS LEN LA, DE NYID KYIS MTHA' THAMS CAD SPONG BA'I STONG BA NYID DI 'GYUR TSUL SOGS DPAG TU MED PA YOD LA, DE YANG GZHAN NGOR RGYU 'BRAS MI SLU ZHING, RANG LUGS LA SLU MI SLU'I RNAM BZHAG GANG YANG KHAS MI LEN ZER BA YANG MIN, MA DPYAD NA RGYU 'BRAS MI SLU BAR MTHONG ZHING DPYAD NA 'DI YIN MA RNYED NAS, DAG ZOD RGYU 'BRAS MTHONG TZA NA DE GNYIS GZHI GCIG GI STONG DU SBYOR BA LA BSAMS NAS, RTEN 'BREL DANG STONG PA DBYER MED DU BYED PA YANG MIN PAR RGYU LA BRTEN NAS 'BRAS BU 'BYUNG BA MI SLU BAR MTHONG BA'I BLO DE NYID KYIS BLO GZHAN LA LTOS MED DU DMIGS GTAD ZHIG PA'I STONG PA YANG 'ONG BA'I TSUL DANG, RGYU 'BRAS MI SLU BA'I GTAN TSIGS DE NYID KYIS RTAGS GZHAN LA LTOS MED DU YOD MTHA' SOGS DANG THAL BA'I STONG PAR 'GRUB PA'I TSUL LAS RGYU 'BRAS MI SLU BA LA GTING NAS NGES SHES 'DRONGS SHING, DE KA

NAS DMIGS GTAD THAMS CAD ZHIG PA'I ZHE NA MED KYANG 'ONG BA YIN, ZHES RJE BDAG NYID CHEN PO SA RED MDA' BA'I GSUNG LAN DU PHUL BA LTAR RO,, //NA// JI LTAR ME LONG LA MA BRTEN PAR DE'I NANG DU RANG GI BZHIN GYI GZUGS BRNYAN MI SNANG BA LTAR PHUNG PO RNAMS LA MA BRTEN PAR DAR 'DZIN PA YANG DE DANG 'DRA BAS PHUNG PO RANG BZHIN MED PAR RTOGS PA LA BRTEN NAS BDAG DANG BDAG GIR 'DZIN PA LDOG PAR SHES PAR BYA'O, ,'PHAGS PA KUN DGA' BO YIS NI SNGAR BSHAD PA DE LTA BU'I DON STONG BA NYID MNGO SUM DU RTOGS PA'I MTHONG LAM THOB NAS CHOS RNAMS LA CHOS KYI MIG RDUL MED CING DRI MA DANG BRAL BA GZHAN GYI DRING LA MI 'JOG STON PA'I BSTAN PA LAS GZHAN GYIS MI BKRI BA, THE TSOM LAS BRGAL BA, SO MA NYI LAS BRGAL BA THOB NAS BDAG NYID KYIS DGE SLONG RNAMS LA YANG DANG YANG DU BZLAS TE SMRAS PAS, DGE SLONG GZHAN GYIS KYANG THAR BA THOB PAR LUNG LAS GSUNGS PAS STONG NYID RTOGS PA'I SHES RAB NI THAR BA'I THABS BLA NA MED PA'O,, ZHES BSHAD DO,, JO BO RJES, YANG DAG KUN RDZOB KHAD BSAD NAS, ,STONG PA NYID LA GOMS BYED NA, ,KUN RDZOB RGYU B'RAS DGE SDIG SOGS, ,'JIG RTEN PHA ROL BSLUS PAR 'GYUR, ,CUNG ZAD THOS PA LA BRTEN TE, ,RNAM PAR BDEN DON ME SHES SHING, , MI GANG BSOD NAMS NI BYED PA, ,SKYES BU THA SHAL DE DAG BRLAG, ,CES SOGS DANG, DES NA RGYU RKYEN SNA TSOGS KYIS, ,BSKYED PAS SNANG BA THAMS CAD GRUB, ,RKYEN RNAMS RGYUN NI CHAD GYUR NA, ,KUN RDZOB TU

, ,YANG MI BYUNG NGO, ,DE LTAR LTA BAS MA RMONGS SHING, ,SPYOD PA SHIN TU DAG GYUR NA, ,GOL BA'I LAM DU MI GRO ZHING, ,'OG MIN GNAS SU 'GRO BAR 'GYUR, ,TSE NI YUN THUNG SHES BYA'I RNAM PA MANG, ,TSE YI TSAD KYANG JI TZAM MI SHES PAS, ,DANG BAS CHU LA 'O MA LEN PA LTAR, ,RANG GI 'DOD PA DANG LA BLANG BAR GYIS, ,ZHES GSUNGS SO,, //PA// GANG GI PHYIR SKYE BA LDOG PA'I RIM PA SNGAR BSHAD PA LTAR YIN PA DE'I PHYIR LAS DANG NYON MONGS PA ZAD PAS THOB PAR 'GYUR RO ZHES BYA BAR GNAS TE, LEN PA ZAD NA DE'I RKYEN CAN SRID PA MI 'BYUNG LA LAS NYON GNYIS PO DE ZAD NA SKYE BA DANG RGA SHI LDOG PAR 'GYUR BA'I PHYIR RO, ,'O NA GANG ZAD PAS LAS NYON ZAD PAR 'GYUR SNYAM NA, 'KHOR BAR SKYE BA'I LAS NI NYON MONGS LAS SKYE LA NYON MONGS KYANG SDUG MI SDUG DANG PHYIN CI LOG GI TSUL MIN YID BYED KYI RNAM RTOG LAS 'BYUNG GI NGO BO NYID KYIS YOD OA MIN NO,, TSUL MIN YID BYED KYI RNAM RTOG DE DAG NI SHES PA DANG SHES BYA DANG BRJOD BYED DANG BRJOD BYED DANG BUM SNAM DANG SKYES PA DANG BUD MED DANG, RNYED MA RNYED LA SOGS PA LA BDEN PAR ZHEN PA'I SPROS PA SNA TSOGS PA THOG MED NAS GOMS PA LAS SKYE'O, ,BDEN 'DZIN GYI SPROS PA NI YUL DE RNAMS STONG PA NYID DU LTA BA GOMS PAS 'GAG PAR 'GYUR RO,, ZHES RTZA SHE'I t'IKA CHEN LAS GSUNGS SO,, //PHA// GZHAN LAS SHES MIN ZHI BA DANG, ZHES SOGS KYIS BSHAD PA'I MTSAN NYID LNGA NI RANG RGYUD

PA'I SKABS SU BSHAD ZIN TO,, //BA// DON GSUM GYI THA MA STONG BA NYID KYI SGRA'I DON MI SHES PA NI, RTZA SHE'I RNAM BSHAD LAS, 'OG NAS RTEN CING 'BREL BAR 'BYUNG BA GANG, ZHES SOGS DANG, MDO SDE LAS; GANG ZHIG RKYEN LAS SKYES PA DE MA SKYES, ZHES SOGS KYIS RKYEN LA RAG LAS PA'I DON GANG YIN PA DE NYID, RANG LA TSUGS THUB KYI RANG BZHIN MED PA STONG PA'I DON DU BSHAD PA'I PHYI MA RTEN CING 'BREL BAR 'BYUNG BA'I SGRA'I DON GANG YIN PA DE NYID RANG BZHIN GYIS STOD PA'I SGRA'I DON YIN GYI, DON BYED NUS PA'I DNGOS PO MED PA'I DON NI STONG PA NYID KYI SGRA'I DON MIN NO,, KHYOD NI RANG BZHIN GYIS YOD PAS STONG NA BYA BA BYED NUS PA'I DNGOS PO MED PAR 'GYUR SNYAM DU BSAM NAS, DNGOS PO MED PA RANG BZHIN GYIS STONG PA'I SGRA'I DON DU SGRO BTAGS NAS KLAN KA SMRA BAS STONG PA NYID KYI SGRA'I DON YANG MI SHES SO,, ZHES GSUNGS PA LTAR RO,, //MA// STONG PA NYID LA LTA NYES NA SKYON RNAM PA GNYIS 'BYUNG BAR GSUNGS TE, CHAD MTHAR LTUNG BA'I SKYON DANG STONG NYID SPONG BA'I SKYON GNYIS 'BYUNG BAR GSUNGS PA'I PHYIR, DE'I DANG PO NI, DE NYID LAS, PHUNG TSUL NI GAL TE RANG BZHIN MED PAR MTHONG BA NA BYA BYED BZHAG SA MED PAS THAMS CAD YOD PA MA YIN NO ZHES RTOG NA NI SKUR 'DEBS KYI LOG LTAR 'GYUR TE, ZHES GSUNGS SHING, DE'I SHES BYED DU RIN CHEN PHRENG BA LAS, CHOS 'DI LOG PAR BZUNG GYUR NA, ZHES SOGS DRANGS SO,, DE'I DON NI DAR t'IK LAS, MI MKHAS PA PHUNG TSUL NI STONG PA NYID

, ,BSTAN PA NA CI YANG MED PA'I DON DU BZUNG STE, CHOS 'DI LOG PAR SHES SHING GO BAR 'GYUR NA MI MKHAS PA RNAMS NI DAL 'BYOR DANG THAR PA GNYI GA LAS NYAMS PAS CHUD KYANG ZA STE, 'DI LTAR MED PAR LTA BA YI DBANG GIS MI TZANG BA NGAN 'GRO DER NI BYING BAR 'GYUR BAS GNAS 'DI LA GZAB PAR BYA'O,, ZHES PA LTAR RO, ,GNYIS PA NI, RTZA SHE'I RNAM BSHAD LAS, CI STE YANG THAMS CAD LAS SKUR BA MI 'DEBS NA NI DE'I TSE DNGOS PO 'DI DAG DMIGS BZHIN DU JI LTAR NA RANG BZHIN GYIS YOD PAS STONG PAR 'GYUR, DE'I PHYIR RANG BZHIN MED PA'I DON NI STONG PA NYID KYI DON MA YIN NO ZHES NGES PAR STONG PA NYID SPONG PAR 'GYUR RO,, DE SPANGS NA CHOS KYIS PHONGS PAR 'GYUR BA'I LAS KYIS NGAN 'GROR 'GRO BAR 'GYUR TE, ZHES GSUNGS SHING, DE'I SHES BYED DU RIN CHEN PHRENG BA LAS, GZHAN YANG 'DI NI LOG BZUNG NA, ,BLUN PO MKHAS PA'I NGA RGYAL CAN, ,SPONG BAS MA RUNG BDAG NYID CAN, ,MNAR MED PAR NI SPYI'U TSUGS 'GRO, ,ZHES PA DRANGS SO, ,DE'I DON NI DAR t'IK LAS, MKHAS PAR RLOM PA PHUNG BA'I TSUL NI, GZHAN YANG CI YANG MED PA'I DON DU 'DZIN PA'AM RANG BZHIN GYIS STONG PA BSTAN PA NA, ,DE 'DRA BA STONG NYID RNAL MA MIN GYI, LAS 'BRAS LA SKUR BA 'DEBS PA'I LTA BA YIN ZHES STONG PA NYID KYI DON DE NI LOG PAR BA ZUNG BA DRAD DON LA NGES DON DU 'DZIN PA'I BLUN PO MKHAS PA'I DA RGYAL CAN YANG STONG PA NYID SPONG BAS SEMS RUNG BA'I BDAG NYID CAN GANG LA YOD PA DE NI MNAR MED PAR

NI SPYI'U TSUGS SU 'GRO BA'O,, DES NA STONG PA NYID KYI MOS PA SKYE BA DKA' NA YANG, BTANG SNYOMS SU BZHAG PAR BYA'I SKUR BA GDAB PAR MI BYA'O,, ZHES PA LTAR RO,, //CA// DE KHO NA NYID MA RTOGS PA RNAMS KYIS DANG POR RNAM PAR DBEN PA STONG PA NYID KYI DON MI SHES LA, BAR DU STOD PA NYID KYI SGRA THOS PA TZAM GYIS STONG PA NYID LA JI LTAR BA BZHIN DU 'JUG PA BYED CING GANG DAG STONG PA'O ZHES LAS 'BRAS YAL BAR DOR NAS BSOD NAMS DGE BA'I LAS MI BYED PA'I SKYES BU THA SHAL DE DAG BRLAG PAR 'GYUR TE, ZHES BSHAD DO,, //TSA// MDO BSDUD PA LAS, BYA ZHIG LUS CHE DPAG TSAD BRGYA RTZA LNGA BCU BAR, ,GYUR LA 'DAB GSHOG ZAD DE NYAMS RTZAL YOD MIN NA, ,DE YIS SUM CU RTZA GSUM GNAS NAS 'DZAM GLING 'DIR, ,BDAG NYID 'CHONGS NA DER NI NYAMS NYES 'GYUR BA YIN, ,RGYAL BA RNAMS KYI PHA ROL PHYIN PA LNGA 'DI YANG; ;BSKAL BA BYE BA KHRAG KHRIG MANG POR BSGRUBS BYAS SHING, ,SMON LAM MTHA' YAS RGYA CHEN 'JIG RTEN RTAG BSTEN KYANG, ,THABS MED SHES RAB BRAL BA NYAN THOS NYID DU LTUNG, ,ZHES GSUNGS PA DE YIN NO,, SKYON DE DAG SPANGS TE, 'JUG PA LAS, SO SO SKYE BO'I DUS NA'ANG STONG PA NYID THOS NAS, ,NANG DU RAB TU DGA' BA YANG DANG YANG DU 'BYUNG, ,RAB TU DGA' BA LAS BYUNG 'CHI MAS MIG BRLAN ZHING, ,LUS KYI BA SPU LDANG BAR 'GYUR BA GANG YIN PA, ,DE LA RDZOGS PA'I SANGS RGYAS BLO YI SA BO NA YOD, ,DE NYID NYE BAR BSTAN PA'I SNOD NI DE YIN TE, ,DE LA DAM PA'I DON GYIS BDEN PA BSTAN

, ,PAR BYA, ,DE LA DE YI RJES SU 'GRO BA'I YON TAN 'BYUNG, ,ZHES SOGS LTAR MDZAD 'TSAL, ZHES PA LTA BU DGOS PA LA YI GE CHAD PAR MNGON NO,, //DZA// DE'I DAR t'IK LAS, RE ZHIG DE NYID BSTAN PA'I SNOD DU MI RUNG BA LA BSTAN NA, BYA BYED MTHA' DAG LA SKUR BA BTAG NAS DGE SDIG LA KHYAD PAR MED PAR SHES TE, SDIG PA BYAS NAS NGAN 'GROR 'GRO BAS, THOG MAR DGE MI DGE'I LAS RGYU DANG 'BRAS BUR BCAS PA BSTAN NA RTOGS SLABS, BSOD NAMS MIN PA SDIG PA LA 'JUG PA DANG POR LDOG PAR BYA BA YIN TE, DE NYID SKABS SU BAB PA'I PHYIR RO,, BAR DU PHUNG PO DANG RNAM PA LNGAR DSPAD PA'I SGO NAS 'JIG TSOGS LA LTA BA NYI SHU'I ZHEN YUL BKAG NAS RAGS PA'I BDAG NI LDOG PA DANG PHYIS NAS RGYUD SNONG RUNG DU SONG BA LA GANG ZAG GI BDAG MED BSTAN, BDAG MED KYANG BDEN PAR MED PAR BSTAN NAS MTHAR 'DZIN GYI LTA BA KUN LNGAR PA STON PA GANG GIS SHES PA DE GDUL BYA BKRI BA'I RIM PA DE LA MKHAS PA YIN NO,, DPER NA SMAN PA MKHAS PAS NAD PA LA SKYA BCOS DANG SNUM BCOS NAS TSOGS BYED PA BZHIN NO,, ZHES PA LTAR RO,, //WA// RTZA SHE'I RAB BYED BCO BRGYAD PA LAS, BDAG GO ZHES KYANG BTAGS GYUR CING, ,BDAG MED CES KYANG BSTAN PAR GYUR, ,SANGS RGYAS RNAMS KYIS BDAG DANG NI, ,BDAG MED 'GA' MED CES KYANG BSTAN, ,ZHES PA'I RKANG PA DANG PO'I DON 'CHAD PAR, DE'I RNAM BSHAD LAS, 'JIG RTEN SNGA MA NAS

'DIR 'OD BA DANG 'DI NI 'JIG RTEN PHA ROL TU 'GRO BA'I SEMS CAN DANG BDAG DANG, 'DIR SPYAD PA'I DKAR GNAG GI LAS LAS PHA ROL TU BDE SDUG 'BYUNG BA LA SKUR BA 'DEBS PA'I GDUL BYA DMAN PA SDIG PA LA 'DZEM MED DU 'JUG PA RNAMS MI DGE BA LAS BZLOG PA'I PHYIR, SANGS RGYAS RNAMS KYIS MDO SDE 'GA' ZHIG TU BDAG GO ZHES KYANG BTAGS PAR GYUR PA STE BDAG YOD PAR BZHAG GO, ,ZHES GSUNGS SO,, //ZHA// BZHI BRGYA PA'I DAR dA'IK LAS, BLO MA SBYANGS PA'I DAM PA MIN PA LA BDAG 'DZIN DANG MTHUN PAR BDAG PA BSTAN PA MCHOG YIN TE, BDAG LA CHAGS PAS NYES SPYOD LAS LOG NAS BDE 'GRO RNYED SLA BA'I PHYIR, BDAG MED STON PA NI MCHOG MA YIN TE, SPONG BA DANG PHYIN CI LOG TU GO NAS SGO GSUM 'JOMS PAR 'GYUR PA'I PHYIR RO,, ZHES DAD, DE'I PHYIR SNYING RJE CAN SEMS CAN RJES SU 'DZIN PA'I BSOD NAMS 'DOD PAS STONG PA NYID SNOD MA BRTAGS PAR DUS KUN GYI TSE BRJOD PAR BYA BA MIN TE, GNAS MA YIN PAR SBYAR BA'I SMAN CHEN PO RO ZHIM PA YIN YANG BTANG NA DUG TU 'GYUR BA MIN NAM YIN PA BZHIN NO; ;DPER NA DU GZHI BAR BYED PA'I SMAN DUG MED PA ZHIG LA BTANG BAS DE BSAD PA LTAR RO,, //ZA// GONG GI LUNG DE'I RKANG PA GNYIS PA'I DON NI, DE'I RNAM BSHAD LAS, GANG DAG DGE BA BYED CING MI DGE BA LAS LOG PA BDAG TU LTA BA DAM POS BCINGS PA BYA SRAG BU SHIN TU RING BAS BRTOD PA LTAR, SHIN TU RING BAR PHYIN KYANG KHAMS GSUM LAS 'DAS NAS THAR BA'I GRONG KHYER DU 'GRO MI NUS PA'I GDUL BYA

, ,BAR MA DE DAG, 'JIG LHA LHOD PAR BYA BA'I PHYIR DANG MYANG 'DAS LA 'DUN PA BSKYED PA'I PHYIR DU MDO KHA CIG TU BDAG MED DO ZHES KYANG BSTAN PAR GYUR TO, ZHES GSUNGS SO,, //'A// GONG GI LUNG DE'I RKANG PA THA MA GNYIS KYI DON NI, DE NYID LAS, GANG DAG SNGON GOMS PA'I KHYAD PAR GYIS CHOS ZAB MO LA LHAG PAR MOS PA'I SA BON SMIN PA GSUNG RAB KYI DON SHIN TU ZAB PA'I GTING DPOG NUS PA'I GDUL BYA MCHOG LA NI, BDAG 'GA' DANG PA BDAG MED PA 'GA' YANG NGO BO NYID KYIS GRUB PA MED DO ZHES KYANG BSTAN NO,, ZHES GSUNGS SO,, //YA// DE LTAR BDAG DANG BDAG MED PA, ,YANG DAG JI BZHIN DMIGS SU MED, ,BDAG DANG BDAG MED LTA BA NI, ,DE PHYIR THUB PA CHEN POS BZLOG, ,MTHONG DANG THOS SOGS THUB PA YIS, ,BDEN MIN RGYUN PA MIN PAR GSUNGS, ,PHYOGS LAS MI MTHUN PHYOGS 'GYUR BAS, ,DE DAG GNYIS KA DON DU MIN, ,ZHES THA SNYAD DU BDAG DANG BDAG MED GNYIS KA YOD MOD KYANG DON DAM PAR MED PAS YANG DAG PAR DMIGS SU MED PA DANG MTHONG BA DANG THOS PA LA SOGS PA'I YUL DRUG BDEN PAR GRUB PA MIN PA DANG RDZUN PA YE MED MIN LA, MTHUN PHYOGS BDAG MED DANG MI MTHUN PHYOGS BDAG GNYIS KA DON DU STE YANG DAG PAR GRUB PA MIN PAR GSUNGS SO,, //RA// RTZA SHE'I RNAM BSHAD LAS, DE NI SANGS RGYAS RNAMS KYIS ZHES PA'I BYED PA PO'I TSIG THOG MAR BTON NAS BDAG

GI ZHES KYANG BTAGS ZHES SOGS KYI BYA BA'I TSIG GSUM DANG SBREL BA'I BSHAD PA YIN LA, DA NI RTZA BAR SANGS RGYAS RNAMS KYIS ZHES PA'I BYED PA PO'I TSIG BYA BA'I TSIG GSUM PA NYID DANG SBYAR BA'I SGRAS ZIN LTAR BSHAD NA, 'DUS BYAS SKAD CIG RE RE LA 'JIG PA RNAMS LA LAS 'BRAS KYI 'BREL BA MI 'THAD PAR MTHONG NAS DE'I DE'I RTEN DU GRANGS CAN LA SOGS PAS BDAG RTAG PA YOD CES BTAGS SO,, RGYU MTSAN LTAR SNANG GI 'THAD PAS SNGA MA NAS 'DI DANG 'DI NAS PHYI MAR 'KHOR BA'I GANG ZAG MED PAR MTHONG NAS RGYANG PHAN PAS DE 'DRA BA'I BDAG MED DO ZHES KYANG BSTAN NO,, SANGS RGYAS BCOM LDAN 'DAS RNAMS KYIS NI BDAG DANG BDAG MED PA 'GA' YANG RANG BZHIN GYIS GRUB PA MED DO ZHES KYANG BSTAN NO,, ZHES GSUNGS PA LTAR RO,, //LA// STONG PA NYID LA SKUR BA 'DEBS PA RANG GZHAN LA GNOD PA SHIN TU CHE BAS TSUL KHRIMS LAS NI NYAMS PA SLA YI STONG PA NYID KYI LTA BA LAS CIS KYANG NYAMS PAR BYA BA MA YIN TE, TSUL KHRIMS KYIS NI 'BRAS BU MTHO RIS SU 'GRO LA DE KHO NA NYING RTOGS PA'I LTA BAS THAR PA DANG THAMS CAD MKHYEN PA'I GO 'PHANG MCHOG TU 'GRO BAR 'GYUR RO,, MDO LAS, TSUL KHRIMS NYAMS PA NI SLA'O, LTA BA NYAMS PA NI MA YIN NO,, ZHES GSUNGS SO,, BSTAN PA 'DI LA RAB TU BYUNG STE TSUL KHRIMS DANG CHO GA DANG 'TSO BA YONGS SU DAG PA RDZOGS PAR MA BYAS PAR CHA 'GA' RE NYAMS PAR BYA PA RNAMS KYANG LAS 'BRAS LA YID CHES PA'I 'JIG RTEN PA'I YANG DAG PA'I LTA BA MA NYAMS NA

, ,DMAL BAR MI SKYA BAR KLUR SKYE BA DANG, KLU NAS SHI 'PHOS TE LHA DANG MIR SKYE ZHING, BSKAL BA BZAD PO 'DI LA THEG CHEN ZHUGS PA MA GTOGS PA THAMS CAD KYANG MYANG 'DAS THOB PAR MDO LAS GSUNGS PA'I DON LAM RIM PA CHEN MOR BKOD 'DUG PAS NA, SNGAR DRANGS PA'I MDO'I DON 'JIG RTEN PA'I YANG DAG PA'I LTA BA LA DANG SBYAR NAS BSHAD TSUL YANG YOD DAM SNYAM MO,, //SHA// BZHI BRGYA BA'I DAR d'IK LAS, DES NA BSOD NAMS CHUNG NGU RTEN 'BYUNG RANG BZHIN GYIS GRUB PAS STOD BZHIN DU BYA BYED THAMS CAD 'THAD PA'I BDEN PA GNYIS KYI TSOS SLOB DPON KLU SGRUB KYI BZHED PA DI LA DE LTA YIN NA 'ON TE MIN SNYAM DU THE TSOM ZA BAR YAD MI 'GYUR BAS NYON MONGS SPANGS PA'I THAR PA GA LA THOB, STONG PA NYID BSTAN PA NA CI 'DI LTAR YIN NO SNYAM DU THE TSOM ZA BA TZAM ZHIG GIS SRID PA HRUL POR BYAS PAR 'GYUR TE, GNAS LUGS KYI DON YID KYI YUL DU CUNG ZAD BYAS PA'I PHYIR RO,, THE TSOM ZA BA PO DES PA DON DU GNYER ZHING YANG DAG PA'I LTA BA LUNG RIGS KYIS NGES PAR BYAS PA LAS NYON MONGS ZAD NAS THAR PA THOB PAR 'GYUR RO,, DPER NA DED DPON SRIN MOS BA DES LHO PHYOGS SU MA BLTA ZHIG CES SMRAS PA DANG THE TSOM ZA NAS DER PHYIN PAS RTA'I RGYAL PO BHA LA HA KA DANG PHRAD NAS, SRIN MO LAS THAR ZHING RGYA MTSO'I PHA MTHAR PHYIN PA BZHIN NO,, ZHES PA LTAR RO,, //SA// RJE BDAG NYID CHEN POS, 'DI YI PHYIR DU KHYOD KYIS NI, ,LA LAR

SKU DANG GZHAN DU SROG, SDUG PA'I GNYEN DANG LONGS SPYOD TSOGS, ,GRANGS MED BSKAL BAR YANG YANG BTANG, ,GANG GI YON TAN MTHONG BA YIS, ,LCAGS KYUS NYAL JI BZHIN DU, ,NYID KYI THUGS DRANGS CHOS NI KHYOD LAS MA THOS SKAL BA ZHAN, ,ZHES RGYAL SRAS RNAMS KYI THUGS RANG DBANG MED PAR 'PHROG PAR BYED PA'I CHOS NI RTEN 'BYUNG STONG PA'I DON DU GSUNGS PA DE YIN PAR GSUNGS SO,, //HA// GSER PHRENG LAS, GZHAN YANG MDO LAS, SHA' RI'I BUS DE BZHIN GSHEGS PA LA BYANG PHYOGS SU YUM LA SPYOD PA TZI TZAM 'BYUNG DRIS PA'I LAN DU, DER BYANG SEMS MANG DU 'BYUNG MOD KYI YUM ZAB MO 'DI 'DZIN PA NAS SGOM PA'I BAR NI NYUNG NGO,, ZHES GSUNGS PA'I DON YUM 'DRI BA SOGS MANG YANG DER BSHAD PA'I SKYE 'GOG MED PA LA SOGS PA'I SPROS BRAL LA MOS PA NYUNG BAR 'CHAD PA NI SHIN TU MED PAR SNANG NGO, ,ZHES GSUNGS SO,, //AA// MKHAS GRUB CHEN PO LCANG SKYA ROL BA'I RDO RJES, RJE THAMS CAD MKHYEN PA'I GSUNG RAB LHAG MTHONG CHE CHUNG DANG RTZA SHES TA'IK CHEN LAS THON PA LTA BU PHYI RABS KYI MKHAS PA BDAG GIS BRTZAMS PA'I SHIN TU GSAL BAR GRAGS PA'I LTA KHRID KYI YI GE DANG GZHUNG GI SPYI DON DANG MTHA' DPYOD SOGS GANG DU YAD MI 'BYUNG BAS RJE BLA MA'I GSUNG RAB DE DAG SHES PA ZHIG GIS BSHAD, MNYAN SHES PA ZHIG GIS MNYAN NA DGA' BA SKYED PA'I GNAS BUM ZHIG YOD PAR MNGON NO,, ZHES GSUNGS 'DUG PAS, DENG SANG DBU MA'I LTA BA LA BAG CHAGS 'JOG PAR 'DOD PA'I BLO LDAN RNAMS KYIS RTZA 'JUG GI RNAM BSHAD CHEN MO

, ,GNYIS DANG LEGS BSHAD SNYING PO DANG LHAG MTHONG CHE CHUNG RNAMS LA MNYAN BSHAD YUN RING DU BYED PA ZHIG MED DU MI RUNG BA'I TSUL DE SHES DGOS PA YOD DO,, //KA// LUGS 'DI'I BDEN GRUB 'GOG PA'I RIGS PA'I GTZO BO NI, LEGS BSHAD SNYING PO LAS, DE LTAR NA BRTEN NAS SKYE BA DANG BRTEN NAS BTAGS PA'I GTAN TSIGS KYIS RANG LAS SKYE BA LA SOGS PA BZHI DANG RANG BZHIN GCIG THA DAD LA SOGS PA BDUN CHOS DANG GANG ZAG LA 'GOG PA DE NYID RIGS PA RNAMS KYI DON BOR ZUNGS SHIG, CES GSUNGS PA LTAR RTEN 'BREL DANG MTHA' BZHI SKYE 'GOG DANG RNAM BDUN GYI RIGS PA GSUM GTZO BO YIN LA, 'DI NYID DU DE 'GOG BYED SPYIR MAD YANG GTAN TSIGS SOGS LNGA LAS ZHES PAS GTAN TSIGS LNGA BSTAN PA YIN NA, SNGAR BSHAD PA'I GTAN TSIGS GSUM GYI STENG DU GCIG TU BRAL DANG MU BZHI SKYE 'GOG GNYIS TE LNGA YIN NAM DPYAD DO,, //KHA// NGES DOR DGAG BYA'I NGA RNAM PAR BCAD PA TZAM MA GTOGS SGRUB PA'I YONGS GCOD MED CES 'DON DGOS SAM SNYAM MO,, //GA// LAM RIM CHEN MO LAS, DE LTAR SEMS BYING RGOD KYIS MI NYAM PA MED PA'I ZHI GNAS KYI MA NYAM GZHAG DANG LDAN PAI' SHES RAB KYIS BGRTAGS NA YANG DAG PA'I DON SHES PAR 'GYUR BA LA DGONG SA NAS; CHOS YANG DAG PAR SDUD PA LAS, SEMS MNYAM PAR BZHAG NA YANG DAG PA JI LTA BA BZHIN SHES PAR 'GYUR RO ZHES GSUNGS TE, ZHES BSHAD DO,, //DA// PHAR PHYIN GYI RNAM BSHAD LAS,

DE LTA BU'I STONG NYID RTOGS PA'I ZHI LHAG ZUNG 'BREL THOG MAR SKYES PA NA SBYOR LAM DROD SKYE BA ZHES BYA LA, DE'I TSE MNYAM PAR BZHAG BZHIN PA'I DUS NYID NA YANG GNYIS SNAD YOD PA MYONG STOBS KYIS NGES NUS KYANG SBYOR LAM BZOD PA THOB PA SOGS KYI TSE, DE LTAR NGES MI NUS PAS NYAN THOS KYI SA LAS GNYIS SNANG NUB PA LTAR SNANG GI GNYIS SNANG NUB PA NI MA YIN NO,, ZHES DANG, DES NA SBYOR LAM DANG PO GNYIS KYI SKABS SU GZUNG BA BDEN 'DZIN SPONG BA'I NUS PA GONG NAS GONG DU KHYAD PAR DU GYUR NAS SBYOR LAM BZOD PA SKYES PA'I TSE GZUNG BA BDEN 'DZIN LHAN SKYES MNGON GYUR GYI YANG NUS PAR RAGS PA NYAMS PAR BYAS PAS MNYAM GZHAG LAS LANGS PA'I TSE GZUGS LA SOGS PA'I GZUNG BYA'I CHOS RNAMS ME LONG NANG GI GZUGS BRNYAN LTAR SNANG BA'I SPYI LEGS PAR SHAR BA DANG, CHOS MCHOG SKYES PA'I TSE 'DZIN PA LA YANG SGOM PA'I STOBS KYIS DE LTAR SNANG BA YIN LA, RIM PA DE LTAR 'ONG BA YANG GZUNG BYA DANG 'DZIN PA LA BDEN ZHEN SPANG DKA' SLA'I DBANG LAS YIN NO,, MDO SDE RGYAN LAS, DE TSE DE YI GZUNG BA YI, ,RNAM PAR GA-YENG BA DE SPONG 'GYUR, ,ZHES DAD, 'DI LTAR DE YI MJUG THOGS SU, ,'DZIN PA'I NAM PAR GA-YENG BA SPONG, ,ZHES SPANGS PA'I NGOS NAS BZHAG PA LTAR RO,, ZHES GSUNGS SO,, BSHAD TSUL 'DI LTAR NA, SBYOR LAM DROD THOB PA'I TSE THOS BSAM GYI SKABS LTA BU'I GNYIS SNAD RAGS PA LOGS KYANG STONG PA NYID LA SNAD YOD PA MNYAM PAR BZHAG PA BZHIN PA'I DUS NA YAD MYONG STOBS

, ,KYIS DES NUS LA, BZOD PA THOB PA'I TSE DE LTAR NGES NI NUS PA DANG, GZHAN YANG, DROD RTZE GNYIS KYI SKABS SU GZUNG RTOG LHAN SKYES MNGON DU GYUR BA'I NUS PA RAGS PA NYAMS PAR BYAS PAS NA, SBYOR LAM BZOD PA THOB PA'I TSE GZUNG RTOG LHAN SKYES SHAS CHER MNGON DU MI GYUR YANG 'DZIN RTOG LA DE LTAR MIN PA'I KHYAD PAR YOD PA'I PHYIR DE KHO NA NYID KYI PHYOGS GCIG LA ZHUGS PA ZHES BYA BA YIN NO,, GRUB MTHA' CHEN MO'I BSHAD TSUL LTAR NA, DROD RTZE'I SKABS SU YUL YUL CAN GYI GNYIS SNANG YOD DE MNYAM BZHAG GI DUS NA MYONG STOBS KYIS DES NUS LA; BZOD PA THOB PA'I TSE YUL GYI SNANG BA YOD PA DE LTAR NGES MI NUS KYANG YUL CAN GYI SNANG BA YOD PA DE LTAR DES NUS PA'I KHYAD PAR YOD PA'I PHYIR DE KHO NA NYID KYI PHYOGS GCIG LA ZHUGS PA ZHES BYA BA YIN ZHING, CHOS MCHOG GI TSE YUL YUL CAN GYI SNANG BA GNYIS KA DE LTAR NGES MI NUS PA DANG, MTHONG LAM SOGS KYI TSE YUL YUL CAN GYI SNAD CHA DANG GZHAL BYA 'JAL BYED KYI SPROS PA THAMS CAD NUB PAR BSHAD PAR YIN NO,, 'ON KYANG 'DI LA ZHIB CHA CUNG ZHIG DGOS PAR SNANG NGO,, //CA// LAM RIM CHUNG NGU LAS, 'O NA DE 'DRA BA'I ZHI LHAG RIM CAN DU SKYED TSUL DE, THEG PA CHE CHUNG DANG MDO SNGAGS GANG GI DBANG DU BYAS PA YIN ZHE NA, 'DI NI NYAN RANG DANG PHA ROL TU PHYIN PA'I THEG CHEN PA GNYIS DANG, DE YANG GRUB MTHA' BZHI'I MTHUN MONG PA YIN LA, SNGAGS KYI RGYUD SDE

GSUM LA'ANG 'DRA BAR RGYUD SO SO DANG DE DAG GI 'GREL MDZAD CHEN PO'I BZHED PAR SNGAGS KYI LAM GYI RIM PAR BSHAD ZIN TO,, ZHES PA NAS, RANG GI LUGS NI RNAL 'BYOR BLA MED KYI SKABS SU YANG LTA BA'I GO BSKYED LUGS DBU MA'I GZHUNG NAS 'BYUNG BA LTAR BYA DGOS LA, SKYOD LUGS LA BSKYED RIM DANG RDZOGS RIM GYI RJES THOB KYI SKABS 'GA' ZHIG TU NYID LA DSPYAD NAS YID LA BYED PA YOD KYANG, LUS LA GNAD DU BSNUN PA'I NUS PA THOB PA'I RDZOGS RIM PAS MNYAM GZHAG TU DE KHO NA NYID SKYONG BA NA LTA THOG TU BZHAG NAS SGOMA PS NGES PAR DGOS KYANG, LHAG MTHONG GI DSPYAD SGOM GZHUNG GZHAN NAS 'BYUNG BAS LTAR MI BYED DO,, ZHES GSUNGS SO,, //CHA// DE NYID LAS, DE DAG NI BSDUD PA LAS, PHUD 'DI STONG ZHES RTOGS NA'ANG BYANG CHUB SEMS DPA' NI, ,MTSAN MA LA SPYOD SKYE MED GNAS LA DAD MA YIN, , ZHES GSUNGS PA DANG, YUM CHEN MO LAS GZUGS STONG PA DANG BDAG MED CES BYA BAR SPYOD NA MTSAN MA LA SBYOD KYI, SHES RAB KYI PHA ROL TU PHYIN PA LA MI SPYOD DO,, ZHES GSUNGS PA RNAMS KYI DON YANG STONG NYID SOGS BDEN PAR BZUNG BA LA BYA STE, DE LTA MA YIN NA, SKYE MED GNAS LA DAD MA YIN, ZHES PA'ANG MI RIGS TE, DE LA DAD PA YANG MTSAN MA LA SPYOD PAR 'GYUR BA'I PHYIR DANG, MDO DE NYID LAS CHOS RNAMS RANG BZHIN MED PAR YONGS SU SHES GYUR PA, ,'DI NI SHES RAB PHA ROL PHYIN MCHOG SPYOD PA YIN, ,ZHES DANG, GANG TSE 'DUS BYAS BYAS 'DUS MA BYAS DANG DKAR NAG CHOS, ,SHES RAB RNAM

, ,PAR BSHIG NAS RDUL TZAM MA DMIGS TSE, ,'JIG RTEN DAG NA SHES RAB PHA ROL PHYIN GRANGS 'GRO, ,ZHES DANG, TING 'DZIN RGYAL PO LAS KYANG, ,GAL TE CHOS LA BDAG MED SO SOR RTOG ,SO SOR BRTAGS NAS GANG ZHIG DE SGOM PA, ,'BRAS BU MYA NGAN 'DAS 'THOB RGYU DE YIN, ,RGYU GZHAN GANG YIN DES NI ZHIR MI 'GYUR, ,ZHES GSUNGS PA DANG, SHES RAB KYI PHA ROL TU PHYIN PA'I SNYING PO LAS KYANG, SH'A RI'I BUS, BYANG SEMS SHER PHYIN ZAB MO LA SPYOD PAR 'DOS PAS, JI LTAR BSLAB PAR BYA ZHES DRIS PA'I LAN DU SPYAN RAS GZIGS KYIS, PHUNG PO LNGA PO DE DAG KYANG RANG BZHIN GYIS STONG PAR RNAM PAR YANG DAG PAR RJES SU BLTA'O, ,ZHES SOGS MANG DU GSUNGS PA DANG 'GAL BAR 'GYUR RO,, ZHES GSUNGS PA LTAR RO,, //JA// SMYU MA'I BUD MED LA BUD MED DNGOS SU BZUNG NAS, DE LA MI RTAG SOGS SU YID LA BYED PA DANG, PHUNG PO BDEN PAR BZUNG NAS PHUNG PO LA MI RTAG PA LA SOGS PA LNGAR YID LA BYED PA GNYIS DPE DON DU SBYAR BA LA, BDEN PA'I PHUNG PO DMIGS PAR BYAS NAS MI RTAG SOGS SU YID LA BYED PA GCIG KYANG YOD LA, DE NI ZHEN YUL LA 'KHRUL BA'I LO GSHEGS RKYANG PA YIN PAS, TSAD MAS GRUB PA MIN KYANG BDEN 'DZIN GYI YUL SUN PHYUNG BA'I LTA BA MA RNYED PA'I RGYUD LAS, BDEN BRGYUD GANG GIS KYANG KHYAD PAR DU MA BYAS PA'I PHUNG PO LA DMIGS NAS, DE GNYIS GANG GI KYANG KHYAD PAR DU MA BYAS PA'I MI RTAG

PA SOGS SU THA SNYAD PA'I TSAD MAS GRUB PA DU MA ZHIG 'ONG LA, SGOM PA'I TSE YANG DON DE BSGOMS PAS SNGAR SHAD PA BZHIN GYIS LAM RGYUD LA SKYE'O, ,ZHES 'JUG t'IKA CHEN MOR GSUNGS PA BZHIN NO,, //NYA// RTZA SHE'I t'IKA CHEN LAS, DE LTA STONG PA NYID LA LTA NYES NA 'DZIN PA PO PHUNG PAR BYED LA, SHES RAB ZHAN PA RNAMS KYIS KYANG DE KHO NA NYID KYI DON YANG DAG PAR 'DZIN MI NUS PA DE'I PHYIR, STON PA SANGS RGYAS NAS SEMS CAN GYI KHAMS DANG CHOS SHIN TU ZAB PA LA GZIGS TE, SHES RAB ZHAN PA DAG GIS RTEN 'BYUNG ZAB MO'I CHOS 'DI YI GTING RTOGS DKA' BAR MKHYEN PAR GYUR NAS, THUG PA BTZOMS LDAN 'DAS KYI THUGS CHOS BSTAN PA LAS RAB TU LOG PAR GYUR PA YIN NO,, DE LTAR YANG MDO LAS, BCOM LDAN 'DAS MNGON PAR RDZOGS PAR SANGS RGYAS NAS RING PO MA LON PAR 'DI SNYAM DU DGONGS TE, NGAS CHOS ZAB MO ZAB BAR SNANG BA BRTAG PAR BYA BA MA YIN ZHING RTOG GE'I SPYOD YUL MA YIN PA ZHIB MO MKHAS SHING MDZANGS PAS RIG PAR BYA BA THUGS SU CHUD DE, DE GAL TE NGAS GZHAN DAG BLA STAN NA GZHAN GYIS NGA'I DE RTOGS PAR MI 'GYUR TE DES NGA LA GNOD PAR 'GYUR ZHING ZHUM PAR 'GYUR, THUGS MI SPRO PAR 'GYUR PAS GANG BDAG NYID GCIG BU DGON PA RAB TU DBEN PAR MTHONG BA'I CHOS LA BDE BA LA REG PAR GNAS PA THOB PAS GNAS PAR BYA'O,, ZHES RGYAS PAR GSUNGS SO,, ZHES GSUNGS PA LTAR YIN NO,, //TA// ZHI SGO GNYIS PA MED PA DANG, ,LTA BA DA DAN RNAMS 'JIG BYED CING, ,SANGS RGYAS

, ,KUN GYI YUL GYUR BA, ,BDAG MED CES NI BYA BAR BRJOD, ,CHOS 'DI YIN MING LAS KYANG, ,DAM PA MIN LA 'JIG PA SKYE, ,ZHAN LA 'JIGS PA MI BSKYED PA'I, ,STOBS LDAN ZHES BYA GANG ZHIG MTHONG, ,CHOS 'DI DE BZHIN GSHEGS RNAMS KYIS, ,RTZOD PA'I CHED DU MA GSUNGS TE, ,DE LTA'ANG 'DIS NI GZHAN SMRA RNAMS, ,BSREGS TE ME YIS BUD SHING BZHIN, ,CHOS 'DI GANG GIS SHES GYUR BA, ,DE NI GZHAN LA MI DGA' STE, ,DES NA BDAG LA CHOS 'DI NI, ,'JIGS PA'I SGO DANG 'DRA BAR SNANG, ,ZHES GSUNGS TE, SANGS RGYAS KUN ZHES PA NI THEG PA GSUM GYI 'PHAGS PA THAMS CAD DANG, ZHAL LA 'JIGS PA ZHES SOGS RKANG PA GNYIS KYI DON NI, STOBS ZHAN PA LA 'JIGS PA MI SKYED PA'I STOBS LDAN ZHES BYA BA GANG ZHIG MTHONG STE, DPER NA STAGS DANG SENGE LA SOGS PA MTHONG BA TZAM GYIS RI DVAGS PHRA MO 'JIGS PA BSKYED PA BZHIN NO,, ZHES PA DANG, TSIGS BCAD THA MA'I DON NI, RANG BZHIN STONG PA NYID KYI CHOS 'DI'I BDUD RTZI'I RO GANG GIS THOS BSAM SGOM GSUM GYIS SHES PAR GYUR PA DE NI DNGOS PO LA BDEN PAR ZHEN PA'I LTA BA GZHAN LA MI DGA' STE, DES NA SLOB DPON BDAG LA STONG PA NYID KYI CHOS 'DI'I NI LTA BA NGAN PA THAMS CAD 'JIGS PA'I SGO THABS DANG 'DRA BA SNANG NGO,, YANG NA, GSUNG RAB KYI CHOS LA DGONGS NAS 'JIGS PA'I SGO DANG 'DRA BAR SNANG ZHES BSHAD DO,, ZHES DAR t'IKA LAS GSUNGS SHING, GZHAN RNAMS GO SLA

BAS MA BRIS SO,, //THA// RJE BDAG NYID CHEN POS, 'DI KUN NGO BOS STONG PA DANG, 'DI LAS 'DI 'BRAS 'BYUNG BA YI, ,NGES PA GNYIS PO PHAN TSUN DU, ,GEGS MED PAR NI GROGS BYED PA, 'DI LAS NGO MTSAR GYUR PA DANG, 'DI LAS RMAD DU 'BYUNG BA GANG, ,ZHES DANG, DE LTAR SHES RAB MED PA LA 'GAL BA SHES RAB CAN LA MI 'GAL BA MTHA' YAS KYANG, BDEN GNYIS KYI RNAM GZHAG DANG GSUNGS RAB PHAN TSUN LA GNANG BKAG MANG DU YOD KYANG, DGONGS PA MI 'GAL BAR SHES RAB KYIS 'BYED PA 'DI NI SHES RAB KYI BSNGAGS PA BLA NA MED PA YIN NO,, ZHES GSUNGS PA LTAR, RANG BZHIN GYIS STONG PA DANG RTEN NAS 'BYUNG BA GNYIS GZHI GCIG GI STENG DU GZHI MTHUN DU RUNG BAR RTOGS PA NI NGO MTSAR RMAD DU BYUNG BA ZHIG YIN MOD KYANG, DE TZAM ZHIG NI NYAN RANG LA YANG YOD PA'I PHYIR BYANG CHUB SEMS DPAS SLONG BA PO LA RANG GI LUS BYIN PA LAS LHAG PAR JI LTAR 'GYUR ZHE NA, BYANG CHUB SEMS DPAS RANG LUS SBYIN PAR BTANG BA LAS BYANG CHUB SEMS PAS STONG PA DANG RTEN 'BYUNG MI 'GAL BAR RTOGS PA NI NGO MTSAR CHE ZHES GNYIS KA BYANG SEMS DANG SBYAR BA YIN PAS SKYON MED DO, ,DPER NA, BYANG CHUB KYI SEMS KYI BSOD NAMS LAS DAM CHOS 'DZIN PA'I BSOD NAMS CHED BAR GSUNGS PA BZHI NO,, GZHAN YANG, SLOB DPON DPA' BOS, ,SHES RAB MIG GSAL RNAM PAR BY GYUR NA, ,BYANG CHUB SEMS DPAS RANG GI SHA BYIN KYANG, ,SMAN GYI SHING LTAR RNAM PAR MI RTOG PAR, ,MTHO 'AM DMA' BAR

, ,'GYUR BA DE LA MED, ,CES DANG, RJE BDAG NYID CHEN POS, BYANG CHUB SEMS PAS BLONG PA PO LA SHA BYIN KYANG SMAN GYI STONG PO LAS BLANGS PA LTAR NGA RGYAL DANG ZHUM PA LA SOGS PA'I RNAM RTOG GIS MI 'GYUR BA NI, SHES RAB KYIS DE KHO NA NYID MNGON DU GYUR BA LAS YIN LA, ZHES BYANG SEMS KYIS RANG SHA BYIN KYANG RNAM RTOG GIS MI 'GYUR BA NI STONG PA DANG RTEN 'BYUNG MI 'GAL BAR RTOGS PA'I MTHU YIN PAR GSUNGS PAS KYANG SNGAR GYI SKYON DE MED DO,, //DA// STONG PA RTEN 'BYUNG MI 'GAL BAR RTOGS PA'I MKHAS PA LAS STENG GI CHOS THAMS CAD GANG MTHONG YANG MIG 'PHRUL LTAR NGO MTSAR BA BSKYED CES PA'I DON TE, BRGYAD PA'I 'GREL PA LAS, 'DIR SMRAS PA, CI NAS KYANG DBANG PO RNAMS YUL 'DZIN PA MI SRID LA, MIG DANG GZUGS LA BRTEN NAS MIG GI RNAMS PAR SHES PA YANG SKYE'O ZHES BYA BA 'DI NI NGO MTSAR BA ZHIG GO, BRJOD PAR BYA STE, CI 'DI KHO NA NGO MI MTSAR GYI, GANG 'GAGS PA DANG 'GAG BZHIN PA'I SA BON LAS MYU GU 'BYUNG BA MI RIGS LA; SA BON LA BRTEN NAS MYU GU SKYE BA YANG YIN PA DANG, DE BZHIN DU BYAS SHING BSAGS PA'I LAS 'GAGS NAS YUN SHIN TU RING POR LON PA LA 'GAR YANG GNAS PA MED MDO KYI, 'ON KYANG 'GAGS NAS BSKAL PA DU MAS CHOD PA'I LAS KYANG 'BRAS BU DNGOS SU 'BYUNG BA DANG, BUM PA LA SOGS PA RNAMS RANG GI RGYU LAS DE NYID DANG GZHAN DU RNAM PA LNGAR DPYAD PA NA YOD PA MA YIN MOD,

DE LTAR NA YANG BRTEN NAS BTAGS PAS SBRANG RTZI DANG CHU DANG 'O MA 'DZIN PA DANG 'CHU BA LA SOGS PA'I BYA BA LA RUNG BAR 'GYUR BA 'DI CI NGO MI MTSAR BA ZHIG GAM, DE'I PHYIR DE LTAR NA, GANG TSE MKHAS LA SA STENG NA,, NGO MTSAR CAN MIN CING MED PA, ,DE TSE DBANG RTOGS DE 'DRA LA, ,YA MTSAN ZHES BYA CI ZHIG YOD, ,'BRAS BU NI RANG GI RGYU'I RJES SU BYED PAR MTHONG STE, DPER NA BA LANG LAS BA LANG DANG, RTA LAS RTA DANG, S'A LAS LAS S'A LU ZHES BYA BA LA SOGS PA LTA BU YIN NA, 'BYUNG BA RNAMS DANG GZUGS DANG SGRA LA SOGS PA RNAMS LA NI TSUL 'DI MI RIGS SO,, 'DI LTAR 'BYUNG BA CHEN PO DAG NI LUS KYI DBANG POS BZUNG PAR BYA BA YIN ZHING MNYAM PAR BYA BA MA YIN LA, DE DAG LAS GZUGS MIG GI GZUNG BAR BYA BA DANG, MNYAN PAR BYA BA SGRA 'BYUNG BA ZHES BYA BA 'DI NI MCHOG TU NGO MTSAR BA ZHIG GO, ZHES GSUNGS PAS SO,, DE'I DAR t'IKA LAS, CI NAS KYANG DBANG PO RNAMS YUL LA 'DZIN PA MI SRID LA, MIG DANG GZUGS LA BRTEN NAS MIG GI RNAM PAR SHES PA SKYE'O ZHES BYA BA 'DI NI NGO MTSAR BA ZHIG GO ZHE NA, DE KHO NA NGO MTSAN GYI RGYU MA YIN TE, RIGS PAS DPYAD PA'I TSE SA BON 'GAGS PA DANG MA 'GAGS PA LAS MYU GU 'BYUNG BA SOGS GANG GI TE MKHAS PA LAS STENGS NA, MIG 'KHRUL LTA BU'I NGO MTSAR CAN MIN PA CANG MED PA DE'I TSE DBANG SHES RAB MED KYIS DON RTOGS PA DE'I DRA LA SOGS SU YA MTSAN ZHES BYA BA ZHIG YOD KUN GYI SPYI MTHUN YIN PA'I PHYIR RO,, ZHES GSUNGS SO, //NA// STONG PA NYID LA LTA

, ,NYES NAS LTA BA PO PHUNG BAR 'GYUR BA'I TSUL 'DI DAG SNGAR BSHAD ZIN TO,, //PA// 'JUG PA'I RNAM BSHAD LAS, JI LTAR DBU MA'I GZHUNG LUGS 'DI LAS MA GTOGS PAR BSTAN BCOS GZHAN NA STONG PA NYID CES BYA BA'I CHOS 'DI NI, PHYIN CI MA LOG PAR BRJOD PA MED PA DE BZHIN DU, KHO BO CAG GIS 'DIR LUGS GANG ZHIG BRGAL LAN DANG BCAS PAR SNYAD PA 'DIR 'BYUNG BA'I LUGS KYANG, STONG PA NYID KYI CHOS LTAR BSTAN PA BCOS GZHAN NI MED DO ZHES KHAS PA RNAMS KYI KHA NGES PAR MDZAD DU GSOL LO,, DE'I PHYIR DBU MA KHA CIG GIS MDO SDE PA RNAMS DANG, BYE BRAG TU SMRA BA RNAMS KYIS GANG DON DAM PAR SMRAS PA DE NYID, DBU MA PA RNAMS KYIS KUN RDZOB TU 'DOD DO ZHES SMRAS PA DE NI, DBU MA'I BSTAN BCOS KYI DE KHO NA NYID MA SHES PAS SMRAS PA YIN TE, 'JIG RTEN LAS 'DAS PA'I CHOS NI 'JIG RTEN PA'I CHOS DANG MTSUNGS PAR MI RIGS PA'I PHYIR RO,, ZHES RANG 'GREL LAS GSUNGS SO,, 'DIS NI RANG GIS THA SNYAD DU RNAM PAR BZHAG PA KHAS BLANGS PA THAMS CAD RANG MTSAN GYIS GRUB PA MED PA NYID LA 'JOG PAS, RANG GI MTSAN NYID KYIS 'GYUR PA KHO NA STENG NAS RNAM GZHAG BYAS PA'I DON SMRA GNYIS LA SOGS PA'I GRUB MTHA' RNAMS RANG LUGS KYI DON DAM DU MA ZAD THA SNYAD DU YANG GRUB PA MED PAR 'DOD PA'I LUGS SO,, DES NA RNAG GI LUGS 'DI SEMS TZAM PA DANG YANG THUN MONG MA YIN PAR MA ZAD, MGON PO KLU SGRUB DANG

'PHAGS PA LTA'I DGONGS PA 'GREL BA'I DUB MA BZHAN GYI LUGS DANG YANG THUN MONG MA YIN PAR SHES PAR GYIS SHIG CES 'DOMS PA'O, ,ZHES GSUNGS PA LTAR YIN LA, SDE PA GNYIS YIS DON DAM DU 'DOD PA RNAMS DBU MA PAS KUN RDZOB TU KHAS MI LEN PA NI CHA MED LA SOGS PA'I DNGOS PO LA BYA YI DE GNYIS KYIS BDEN PAR GANG 'DOD DBU MA PAS KUN RDZOB TU KHAS MI BLANG BAR STON PA MIN TE GZUGS SGRA LA SOGS PA DE DAG GIS BDEN PAR 'DOD KYANG DBU MA PAS KUN RDZOB TU 'DOD PA BZHIN NO, ZHES LHAG MTHONG CHEN MOR GSUNGS KYANG, LEGS SHAD SNYING PO LAS, RANG GI LUGS DBU MA PA GZHAN DANG THUN MONG MA YIN PA 'I GTAN TSIG KYIS DON SMRA GNYIS KYI DON DAM PAR SMRAS PA RNAMS DBU MA PA'I KUN RDZOB TU 'DOD PAS DBU MA'I DE KHO NA NYID MI SHES PAR 'JOG PA'I RGYU MTSAN NI,, RANG GI LUGS LA THA SNYAD DU YANG RANG GI MTSAN NYID KYIS GRUB PA'I CHOS MI 'DOD LA DE DAG NI DE'I STENG NAS 'JOG PA SHA STAG YIN PA'I PHYIR RO,, BDEN PA GNYIS GANG RUNG GCIG LAS NYAMS NA CIG, SHOS LAS KYANG NYAMS PAR 'GYUR BAS BDEN GNYIS KYI TSUL LAS MA NYAMS PA'I 'JIGS RTEN LAS 'DAS PA'I CHOS NI BDEN GNYIS LAS NYAMS PA'I 'JIG RTEN PA'I CHOS DANG BDEN GNYIS GANG DU YANG MTSUNGS PAR MI RIGS PAS 'PHAGS PA'I LUGS 'DI NI DON DAM DU MA ZAD KUN RDZOB TU YANG DNGOS POR SMRA BA'I GRUB MTHA' DANG THUN MONG PA MA YIN NO,, ZHES GSUNGS SO, //PHA// BYANG CHUB SEMS

, ,'GREL LAS, SHES PAS SHES BYA RTOGS PA STE, ,SHES BYA MED PAR SHES PA MED, ,DE LTA NA NI RIG BYA DANG, ,RIG BYED MED CES CIS MI 'DOD,,CES SOGS KYIS DON SHES YOD KYIS DON SHES YOD MED MTSUNGS PAR GSUNGS SHING, 'JUG PA LAS, GZUGS MED NA NI SEMS YOD MA 'DZIN CIG, SEMS YOD NYID NA'ANG GZUGS MED MA 'DZIN CIG, DE DAG SHES RAB TSUL MDOR SANGS RGYAS KYIS; ,MTSUNGS PAR SPANGS SHING MNGON PA'I CHOS LA GSUNGS, ,ZHES PAS PHYI ROL GYI GZUGS MED PAR 'DOD NI SEMS YOD PAR MA 'DZIN CIG, NANG GI SEMS YOD PAR 'DOD NA YANG PHYI ROL GYI GZUGS MED PAR MA 'DZIN CIG, PHUNG PO LNGAN PO DE DAG NI SHER PHYIN GYI MDOR SANGS RGYAS KYI LNGAR CHAR YANG MTSUNGS PAR RANG BZHIN GYIS GRUB PA BDKAG CING, CHOS MNGON PA LAS NI WA CHAR YANG RANG DANG SPYI'I MTSAN NYID LA SOGS PA'I SGO NAS MTSUNGS PAR GSUNGS SO,, ZHES BSHAD DO,, THAL 'GYUR BAS PHYI DON THA SNYAD DU YOD PAR KHAS LEN PA'I RGYU MTSAN MTHAR THUG NI 'DI LTAR YIN TE, GZUGS SGRA SOGS PHYI ROL GYI DON YIN PA DE, DON DAM DPYOD BYED KYI TSANG MA LA MA LTOS PAR THA SNYAD DPYOD BYED KYI TSAD MAS KHAGS PA MA YIN TE, PHYI DON 'GOG BYED KYI THA SNYAD DPYOD BYED KYI TSAD MA MI SRID PA'I PHYIR DANG, DON DAM DPYOD BYED KYI TSAD MAS DPYAD NA SHES PA'ANG MA GRUB PA'I PHYIR RO,, THA SNYAD DPYOD PA'I TSAD MAS KHEGS PAR NI SEMS TZA MA PA RANG YANG MI

SMRA STE, PHYI DON 'GOG PA LHAN CIG DMIGS NGES KYI RTAGS LA SOGS PA'I SEMS TZAM PA RANG LUGS KYI DON DAM DPYOD BYED KYI TSAD MA LA LTOS DGOS PAR 'DOD PA'I PHYIR DANG, PHYI ROL DU SNANG BA LTAR GRUB PAS STONG PA SEMS TZAM PAR RANG LUGS KYI DON DAM BDEN PA DANG DE BZHIN NYID YIN PA'I PHYIR RO,, GZHAN YANG, THAL 'GYUR BA'I LUGS LA, PHYI DON THA SNYAD DU MED NA GZUGS SOGS THA SNYAD DU SHES PA'I DNGOS PAR KHAS LEN DGOS LA, DE LTA NA DE NYID RIGS PAS MA RTAGS MA DPYAD PAR 'JUG PA'I THA SNYAD PA'I SHES PA RANG DGA' BAS 'GRUB SA MED PAS GZUGS SOGS BEM PO'I RANG BZHIN DU GRUB PA YIN NAM SHES PA'I RANG BZHIN DU GRUB PA YIN DPYOD PA'I RIGS PAS DPYAD PA NA SHES BA'I RANG BZHIN DU RNYED PAR 'GYUR DGOS LA, DE LTA NA GZUGS SOGS RANG GI MTSAN NYID KYIS GRUB PAR 'GYUR DGOS PAS, THAL 'GYUR BA'I LUGS YIN PA LEGS PAR NYAMS PAR 'GYUR RO,, DE LA KHA CIG GIS, DE LTAN SEMS TZAM PA MDO SDE PA LAS DMAN PAR THAL, SHES PA BDEN GRUB KHAS LEN PAR MTSUNGS, PHYI DON MED PAR SMRA BA LAS YOD PAR SMRA BA LAS YOD PAR SMRA BA BZANG BA'I PHYIR, ZHES LOG PAR RTOG PA NI GRUB MTHA' GONG 'GOG GANG YANG MI SHES PA GSAL BAR BYED PA ,STE, MDO SDE BAS RDUL CHA MED DANG DES BRTZAMS PA'I RAGS RIGS PAS DPYAD NAS KHAS LEN PAR BYED LA, SEMS TZAM PAS DE 'DRA'I PHYI DON RIGS PAS LEGS PAR 'GOG NUS PA'I PHYIR RO,, 'ON

, ,KYANG SEMS TZAM PA THA SNYAD TZAM DU RIGS PAS MA BRTAGS MA DBYAD PAR GRUB PA'I PHYIR DON 'JOG MA'I NUS PA DANG, THAL 'GYUR PAS DE LTAR 'JOG NAS PA'I KHYAD PAR YOD PA'I PHYIR PHYI DON 'DOD MI 'DOD KYI KHYAD PAR BYUNG BA YIN NO,, DE'I PHYIR THAL 'GYUR BAS PHYI DON KHAS LEN PA NI MING RGYANG BTAGS YOD KHAMS BLANGS PA LA THUG PAS NA, LEGS BSHAD SNYING PO LAS, PHYI DON 'JOG CING KUN GZHI DANG RANG RIG KHAS MI LEN PA'I THUN MONG MIN PA'I KHYAD PAR DANG, ZHES DANG, LUGS 'DI KYANG PHYI ROL RANG GI MTSAN NYID KYIS GRUB PA MI SRID PAR BZHED MOD KYANG DE LA PHYI ROL MED DGOS MI DOGS KYI SGO NAS MI MTHUN PA YIN NO, ,DE'I PHYIR SPYIR CHOS GANG RUNG GI MTSAN NYID KYIS MED KYANG YOD BAR 'JOG SHES NA DON SHES YOD MED 'BYED MI NUS PA'I RIGS PA LEGS POR GO NUS LA DE MED NA MI NUS SO, ,ZHES GSUNGS SO, ,DES NA SEMS CAN TZAM PAS PHYI DON MED CING SEMS BDEN GRUB TU 'DOD BA NI BDEN PA GNYIS KA'I RNAM BZHAG BSHIG CING BDEN PA GNYIS CAR LAS NYAMS PA YIN TE, DE LTAR 'DOD PA LA THA SNYAD PA'I TSAD MA DANG DON DAM DPYOD BYED KYI TSAD MAS RIM BZHIN GNOD PA'I PHYIR TE, 'JUG PA LAS, BDEN GNYIS RIM PA 'DI DAG BSHIG NAS KYANG, ,KHYOD KYI RDZAS NI BKAG PAS 'GRU BA MI 'GYUR, ,ZHES DANG, LEGS BSHAD SNYING PO LAS, DES NA DE 'DRA BA DE LA YOD MED KYI KHYAD PAR 'BYED PA NI 'JIG RTEN PA'I THA SNYAD

LAS KYANG RGAL LA DON DAM PA'I RNAM GZHAG LAS KYANG RGAL BAS BDEN PA GNYIS CAR LAS NYAMS PA YIN TE, BRGYA BA LAS, GCIG YOD GCIG MED CES BYA BA, ,DE NYID MIN ZHING 'JIG RTEN PA'ANG MIN,, DES NA 'DI YOD 'DI MED CES, ,BRJOD PA NYID DU NUS MA YIN, ,ZHES SO,, ZHES GSUNGS PA'I PHYIR, ,THAL 'GYUR BAS TSOGS DRUG LAS NGO BO THA DAD PA'I KUN GZHI RNAM SHES MI BZHED PA'I RGYU MTSAN YANG RANG BZHIN GYIS 'GRUB PA BDEN PA GNYIS KAR ZHAL GYIS MI BZHES PA DE LA THUG PA YIN TE, TSOGS DRUG LAS NGO BO THA DAD PA'I KUN GZHI RNAM SHES 'DOD NA NI, MDO SDE DGONGS 'GREL DANG THEG BSDUS DANG GTAN LA DBAB PA'I BSNGU BA DANG DBUS MTHA' RTZA 'GREL SOGS NAS BSHAD PA LTAR 'DOD DOGS LA, DE LTAR 'DOD NA MA BRTAGS MA DPYAD PA'I THA SNYAD PA'I SHES PA GNOD MED KYIS 'GRUB SA MED PAS KUN GZHI ZHES PA'I MING GIS BRTAGS PA'I DON JI 'DRA ZHIG TU 'GRUB BTZAL NA NI RIGS PAS RNYED DGOS LA DE LTAR NA RANG BZHIN GYIS GRUB PA'I DON MI 'DOD BZHIN DU 'ANG KHAS LEN DGOS BAR 'GYUR BA'I PHYIR RO, ,GZHAN YANG, TSOGS DRUG LAS NGO BO THA DAD PA'I KUN GZHI RNAM SHES 'DOD NA NI DE NYID NYON YID DANG MTSUNGS LDAN GYI NGAR 'DZIN PA'I 'JIG LTA LHAN SKYES KYI DMIGS PA YIN PAR BSHAD PA LTAR 'DOD DGOS PAS KUN GZHI DE GANG ZAG GI MTSAN GZHI DANG GANG ZAG DE BTAGS DON BTZAL NA RNYED RGYU YOD PAR KHAS LEN DGOS PAR 'GYUR RO, ,GZHAN YANG, THAL 'GYUR BAS PHYI

, ,DON KHAS LEN PA'I RGYU MTSAN GYIS KYANG KUN GZHI MI BZHED PAR GRUB STE, LEGS BSHAD SNYING PO LAS, PHYI ROL KHAS LEN PA'I GNAD KYIS KYANG KUN GZHI MI 'JOG PA YIN TE, DE KHAS LEN NA DBUS MTHA' LAS, DON DANG SEMS CAN BDAG RNAM RIG, ,SNANG BA'I RNAM PAR SHES PA NI, ,RAB TU SKYE'O DE DON MED, ,DE MED PAS NA DE YANG MED, ,CES GSUNGS PA LTAR 'DOD DOGS PA'I PHYIR RO, ,ZHES GSUNGS PAS SO, ,GZHAN YANG 'JUG PA LAS, KUN GZHI YOD CING GANG ZAG NYID YOD LA, ,PHUNG PO 'DI DAG 'BA' ZHIG NYID YOD CES, ,BSTAN PA 'DI NI DE LTAR CHES ZAB DON,, RIG PAR MI 'GYUR GANG YIN DE LA'O, ,ZHES PA LTAR, KUN GZHI RNAM SHES YOD CING GANG ZAG RDZAS SU YOD LA PHUNG PO DE TZAM RDZAS SU YOD CES MDO 'GA' ZHIG LAS BSTAN PA DE NI SNGAR BSHAD PA'I ZANG DON RTOGS MI NUS PA'I GDUL BYA LA DGONGS TE GSUNGS SO ZHES KUN GZHI DANG GANG ZAG DANG PHUNG PO GSUM GA RDZAS SU YOD PAR GSUNGS PA KHYAD PAR MED PAR DRANG DON DU GSUNGS KYANG, GANG ZAG DANG PHUNG PO RDZAS YOD DU GSUNGS PA'I DGONGS GZHI NI GANG ZAG DANG PHUNG PO THA SNYAD DU YOD PA LA DGONGS NAS GSUNGS PA YIN PAS DGONGS GZHI LOGS SU MA GSUNGS SHING, KUN GZHI RDZAS YOD DU GSUNGS PA NI STONG PA NI STONG NYID LA DGONGS NAS GSUNGS ZHES 'JUG 'GREL DU GSUNGS PA LTAR DGONGS GZHI LOGS SU BSHAD PA DES KYANG THAL 'GYUR BAS KUN GZHI THA SNYAD DU

YOD PAR MI BZHED PAR GO NUS SO,, //BA// SPYOD 'JUG DAR t'IK LAS, NYAN RANG DGRA BCOM PA'I 'BRAS BU THOB PA LA YANG STONG NYID RTOGS PA NGES BAR DGOS PAR THAL, RGYU MTSAN GANG GI PHYIR NA SHES RAB KYI PHA ROL TU PHYIN PA'I MDO SDE'I LUNG LAS STONG NYID RTOGS PA'I LAM 'DI NI GOMS PA MED PAR BYANG CHUB GSUM GA THOB PA MED PAR GSUNGS PA PHYIR RO, ,SPYOD 'JUG 'GREL CHEN LAS YUM GYI MGO LAS DNGOS PO'I 'DU SHES CAN LA THAR BA MED PA DANG, DUS GSUM GA'I YANG DAG PAR RDZOGS PA'I SANGS RGYAS DANG RGYUN ZHUGS NAS RANG RGYAL GYI BAR RNAMS SHER PHYIN 'DI NYID LA BRTEN NAS THOB PAR GSUNGS PA DRANGS PA LTAR YIN GYI BLA NA MED PA'I BYANG CHUB RKYANG PA LA BYED PA GZUNG GI DON MIN NO, ,ZHES PA LTAR YIN LA, DNGOS PO'I 'DU SHES CAN ZHES PA NI BDEN GRUB KYI 'DU SHES CAN ZHES PA DANG 'DRA STE, BDEN GRUB DANG DNGOS PO GNYIS LA SKAD DOD THUN MONG LA YOD PAR GSUNGS PA'I PHYIR RO,, //MA// 'JUG PA'I RNAM BSHAD LAS, CHOS RNAMS RANG BZHIN GYIS GRUB PA MED PA'I BDAG MED 'DI NI, BCOM LDAN 'DAS KYIS GANG ZAG GI BDAG MED PA DANG, CHOS YI BDAG MED PA'I DBYE BA RNAM PA GNYIS SU GSUNGS SO, ,DE GNYIS SU 'BYED TSUL DE YANG GZHI GANG ZAG DANG CHOS KYI STENG DU, MED RGYU'I BDAG MI 'DRA BA GNYIS KYI SGO NAS PHYE BA MIN TE, MED RGYU'I BDAG NI RANG BZHIN GYIS GRUB PA YIN PAS SO, ,DE'I PHYIR GZHI CHOS CAN PHUNG SOGS KYI CHOS DANG GANG ZAG GI DBYE BAS PHYE BA'O,,

, ,DGOS PA CI'I PHYIR DE GNYIS BSTAN ZHEN, GANG ZAG GI BDAG MED NI NYAN RANG GI 'GRO BA RNAMS 'KHOR BA LAS RNAM PAR GROL BAR BYA BA'I PHYIR BSTAN LA, BYANG SEMS KYI 'GRO BA RNAMS THAMS CAD MKHYEN PA THOB PAS RNAM PAR GROL BAR BYA BA'I PHYIR BDAG MED GNYIS KA BSTAN NO,, ZHES GSUNGS SO,, LUS LA LUS DBANG ZHES SOGS KYI DON YANG DE'I DAR t'IK LAS, LUS LA LUS KYI DBANG PO MIG LA SOGS PA'I DBANG PO GZHAN RNAMS LA KHYAB CING, DE DAG GI RTEN DU GNAS LA DE MED NA DBANG PO GZHAN RNAMS KYANG MI GNAS PA JI LTA BA BZHIN DU RTEN CING 'BREL BAR 'BYUNG BA RANG BZHIN GYIS GRUB PAS STONG PA LA BDEN PAR ZHEN PA'I GTI MUG NYON MONGS CAN GYI MA RIG PA NI, CHAGS SDANG LA SOGS PA'I NYON MONGS KUN LA KHYAB CING GNAS PAR 'GYUR TE, GTI MUG GIS BTAGS PA'I DNGOS PO RANG BZHIN GYI GRUB PA'I YID DU 'ONG BA DANG, MI 'ONG BAR ZHEN NAS 'DOD PA DANG, RGYAB KYIS PHYOGS PA SOGS SU ZHEN PA'I PHYIR RO, ,DES NA CHAGS SDANG GNYIS KA'I 'DZIN STANGS LA, BDEN 'DZIN GYI 'DZIN STANGS DANG 'DRES PA'I TSUL SHES PAR BYA'O, ,ZHES PA LTAR TE, RGYAS PAR 'JUG t'IK CHEN MO DANG LEGS BSHAD SNYING PO GNYIS LAS SHES PAR BYA'O,, //TZA// KHYOD DGRA BCOM PAR 'DOD PA'I GANG ZAG DE'I RGYUD KYI SRED PA 'DI MNGON PA NAS BSHAD PA LTAR GYI NYON MONGS CAN MIN YANG, MNGON PAR NAS KUN RMONGS MA RIG PA LA NYON MONGS CAN YIN MIN

GNYIS SU 'DOD PA BZHIN DU SRED PA LA YANG MNGON PA NAS BSHAD PA LTAR GYI NYON MONGS CAN YIN PA GCIG DANG MIN PA GCIG KYANG CI STE MED DE 'DOD DGOS SO, ,ZHES PA'O,, //CHA// SHES BYA PHYIN CI LOG RDZUN PA DANG SHES BYA PHYIN CI MA LOG PA BDEN PA DAG NI THA DAD PA STE DNGOS 'GAL YIN NO,, SHES BYA PHYIN CI LOG DANG RDZUN PA DANG SHES PA 'KHRUL BAS RNYED PA'I DON DANG KUN RDZOB BDEN PA RNAMS DON GCIG YIN PAS NA, KUN RDZOB BDEN PA NI, RAB RIB CAN GYIS SKRA SHAD LA SOGS PA YOD PA MA YIN PA LA YOD PAR SNANG BA LTAR DON DAM PAR YOD PA MA YIN PA LA YOD PAR SNANG BA'I SHES PA 'KHRUL BAS RNYED PA'I DON YIN ZHES PA'O; ;RAB RIB MTHU YIS ZHES SOGS KYI DON NI, RAB RIB CAN GYIS SKRA SHAD LA SOGS PA MTHONG BA NA, SKRA SHAD LA SOGS PA GZHI GANG DU MTHONG BA DER RAB RIB MED PA'I GANG ZAG GIS MIG GTAD KYANG SKRA SHAD LA SOGS PA MA DMIGS SHING MED PAR MTHONG NGO, ,DE LA YIN TSUL NI RAG RIB MED PAS MTHONG BA DE YIN GYI, RAB RIB CAN GYIS MTHONG BA DE MIN PA BZHIN DU, MA RIG PAS BSLAD PA'I GANG ZAG GIS BDEN PAR GRUB PAR SNANG BA'I GZHI PHUNG KHAMS SKYE MCHED SOGS LA MA RIG PA'I BAG CHAGS SPANGS PA'I SANGS RGYAS KYIS THUGS GTANG KYANG GZHI DER BDEN PAR GRUB BA RDUL TZAM YANG MA DMIGS SHING MED PAR GZIGS PA'I YUL DE NI DON DAM BDEN PA YIN PAR SHES PAR GYIS SHIG, CES PA'O,, //DZA// DE YANG DANG PO GRUB MIN LA, ZHES SOGS KYI DON NI RANG RGYUD PA'I SKABS SU BSHAD ZIN TO,, //WA// SO SKYE'I BLO

, ,THAMS CAD 'KHRUL SHES DANG BCAD SHES TSAD MA YIN PAR 'DOD PA GNYIS KA RANG MTSAN KHAS MI LEN PA LA THUG PA YIN TE, SO SKYE'I BLO YIN NA RANG MTSAN GYIS GRUB PAR SNANG BAS KHYAB PA GANG ZHIG, GSAR DU MI BSLU BA'I SHES PA YIN NA RIGS SHES KYIS DPYAD NAS RNYED PA'I DON YIN DGOS PA'I PHYIR, DANG PO SLA, GNYIS PA GRUG STE, STONG THUN BSKAL BZANG MIG 'BYED LAS, RANG GI 'DZIN STANGS KYI YUL DU GYUR BA'I GZHAL BYA LA MI SLU BA TZAM GYIS TSANG MAR 'JOG MI NUS PA'I GSAR DU MI SLU BA DGOS PAR 'DOD PA NI MI 'THAD DE, TSAD MA GSAR DU MI SLU BA DGOS PAR THA SNYAD PA'I TSAD MA TZAM GYIS MI 'GRUB CING DON DAM DPYOD BYED KYI TSAD MAS TSAD MA CUNG ZAD KYANG MI RNYED PA'I PHYIR RO, ,SNGA MA DER THAL, GLO BUR GYI 'KHRUL RGYUS GNOD PA MED CING MA BRTAGS MA DPYAD PAR 'JUG PA'I 'JIG RTEN PA'I BLO LHAN SKYES RANG DGA' BAS RANG GIS GZHAL BA'I DON LA MI SLU BA TZAM LA TSAD MAR THA SNYAD BYED KYI GSAR DU MI SLU BA'I SGO NAS THA SNYAD BYED BA CUNG ZAD KYANG MED PA'I PHYIR DANG, RTOG GE PA DAG GIS TSAD MA'I MTSAN NYID KYI ZUR DU GSAR DU CES PA'I TSIG SMOS DGOS PA'I SGRUB BYED BA BKOD PA THAMS CAD TSAD MAR SONG TSUL RIGS PAS DPYAD NAS RNYED PA'I DON LA TSAD MAR 'JOG PA'I DBANG DU BYAS PA YIN PA'I PHYIR RO,, ZHES GSUNGS PAS SO,, //ZHA// MNGON SUM GYI TSAD MA YIN NA RTOG MED KYI SHES PA YIN PAS MA KHYAB STE, TSAD MA BA LA GRAGS PA'I

'DIR BSTAN YID MNGON DE SKABS 'DIR DRAN SHES SU 'DOD PA'I PHYIR DANG, YID SHES KYI TSOR BA YID MA NGON TSAR MAR 'DOD PA'I PHYIR, DANG PO GRUB STE, RNAM BSHAD LAS, YID KYI MNGON SUM YANG TSAD MA NAS BSHAD PA LTAR MI BZHED DE, BZHI BRGYA BA'I 'GREL PA LAS, CHOS MNGON PA NAS GZUGS SOGS LNGA RE RE ZHING DBAN PO DANG YID SHES KYIS SHES PAR BYA BAR GSUNGS PA'I DON 'CHAD PA NI, RNAM PAR SHES PA GNYIS KYIS DON GCIG RNAM PAR SHES PA MA YIN TE, GCIG NI YUL GYI RNAM PA DNGOS SU GCOD PAR BYED PA STE GANG DANG POR SKYE BA'O,, GNYIS PA NI, DNGOS SU BYED PA NYID DU RNAM PAR SHES PA MA YIN TE, DBANG PO'I RNAM PAR SHES PA'I STOBS KYIS DE LTAR RTOG CING SKYED BA NA, DES KYANG DON DE RNAM PAR SHES SO ZHES NYE BAR 'DOGS SO, ,ZHES DANG PO DBANG ZHES KYIS GZUGS SOGS KYI DON DE DNGOS SU RIG LA, YID SHES KYIS DBANG SHES KYI STOBS KYIS RIG GI DBANG SHES BZHIN DU DNGOS SU MI RIG PAR GSUNGS SHING DRAN PAR YANG GSUNGS SO, ,ZHES DANG, STONG THUN LAS KYANG, DBANG SHES KYIS GZUGS SOGS KYI DON DE DNGOS SU GSAL BAR RIG LA, YID SHES KYIS DBANG SHES KYI STOBS KYIS RIG GI, DBANG SHES BZHIN DU DNGOS SU GSAL BAR MI RIG PAR GSUNGS SHING, DBANG SHES KYI STOBS KYIS YUL RIG PA'I YID SHES RNAMS DRAN PA YIN PAR GSUNGS PA'I PHYIR RO,, ZHES GSUNGS SO, ,GNYIS PA YANG GRUB STE, RNAM BSHAD LAS, YANG BZHI BRGYA BA'I 'GREL BA LAS, TSOR BA LA SOGS LTAR NYAMS

, ,SU MYONG BA'I RNAM PA YANG MA YIN LA, GZUGS DANG SGRA LA SOGS PA BZHIN DBANG PO'I SGO NAS YONGS SU BCAD PAR BYA BA YANG MA YIN NO, ,ZHES GSUGNS PAS MNGON GYUR DU 'JAL BA LA DBANG SHES KYIS GZUGS SOGS GCOD PA LTA BU DANG, TSOR BA BDE SDUG LA SOGS PA LTAR NANG DU NYAM MYONG GIS YONGS SU GCOD PA GNYIS GSUNGS SO, ,DE GNYIS KYI PHYI MA NI GZHI DUS NAS KYANG KHAS BLANG DGOS LA, ZHES PA NAS, DE LTAR NA TSOR BA ZHES PA NI BYED PA PO DANG BYED PA DANG LAS DANG 'BREL BA'I TSIG YIN PAS GANG ZAG 'DIS TSOR BA DANG, BYED PA 'DIS TSOR BA DANG, 'DI 'DRA BA ZHIG TSOR BA ZHES PA GSUM DU 'GYUR RO, ,DE'I GNYIS PA NI TSAD MA STE SEMS BYUNG TSOR BA'O, ,GSUM PA NI GZHAL BYA STE BDE BA DANG SDUG BSNGAL DANG BTANG SNYOMS SO, ,'DI YANG YID SHES KYI DBANG DU BYAS KYI DBANG SHES KYI TSOR BA GSUM GYIS GZUGS SGRA SOGS YONGS SU GCOD DE, ZHES DANG, 'ON YID SHES KYI TSOR BAS BDE SDUG SOGS MNGON GRUR DU GCOD NA RANG RIG TU MI 'GYUR RAM SNYAM NA, SKYON MED DE BKAG PA'I RANG RIG NI SHES PA THAMS CAD KHA NANG LTA LA RIG BYA DANG RIG BYED THA DAD PAR SNANG BA, NUS PA'I 'DZIN RNAM YAN GAR PA YIN ZHING, 'DIR NI NYAMS SU MYONG BA KHYAD PAR CAN TSOR BA'I MTSAN NYID DU MDO SDER GSUNGS LA, 'JIG RTEN GYI THA SNYAD LAS KYANG BDE BA DANG SDUG BSNGAL NYAMS SU MYONG NGO ZHES BRJOD BA'I PHYIR, MYONG BYA DANG MYONG BYED THA DAD PA NYID DU SNANG BA'I PHYIR NA PHYOGS SNGA MA'I

RANG RIG DAM MI GCIG GO, ,ZHES GSUNGS PA'I PHYIR RO,, //ZA// KHYED RANG GIS DGRA BCOM PAR 'DOD PA'I GANG ZAG GI RGYUD LA RE ZHIG MNGON PA NAS BSHAD PA'I NYON MONGS MNGON GYUR DU RGYU BA MED KYANG LAS KYI DBANG GIS YANG SRID PHYI MA 'PHEN PA'I NUS PA MTHONG BA YIN ZHES PA'O, ,//'A// YANG 'PHAGS PA BSAM GTAN PA'I DPE MA KHYAD KYI MDO TSIG GSAL DU DRANGS PA LAS, 'JAM DPAL 'PHAGS PA'I BDEN PA RNAMS YANG DAG PA JI LTA BA BZHIN DU MA MTHONG BAS, SEMS CAN PHYIN CI LOG BZHIS SEMS PHYIN CI LOG TU GYUR PA RNAMS 'KHOR BA YANG DAG PA MA YIN PA 'DI LAS 'DA' BAR MI 'GYUR RO, ,ZHES GSUNGS PA LA 'JAM DPAL GYIS, BCOM LDAN 'DAS GANG LA NYE BAR DMIGS PAS SEMS CAN RNAMS 'KHOR BA LAS 'DA' BAR MI 'GYUR BA BSTAN DU GSOL, ,ZHES STON PAS BDEN BZHI YANG DAG PA JI LTA BA BZHIN DU MA SHES PAS 'KHOR BA LAS MI GROL BAR GSUNGS PA LA, RJE BTZUN GYIS YUL GANG LA JI 'DRA BA ZHIG TU DMIGS PAS 'KHOR BA LAS MA THAR BA BSHAD PA ZHUS PA'I LAN DU, BDAG NI 'KHOR BA LAS 'DA' BA DANG, MYANG 'DAS 'THOB PAR 'GYUR RO SNYAM DU BDEN PAR ZHEN PA'I TSUL GYIS RTOG PAR BYED PAS, MI RTAG PA LA SOGS PA BSGOMS PA NA, BDAG GIS SDUG BSNGAL SHE SO, KUN 'BYUNG SPANG SO, ,'GOG PA MNGON DU BYAS SO,, LAM BSGOMS SO SNYAM NAS BDAG NI DGRA BCOM PAR GYUR TO SKAM PA 'BYUNG BAR GSUNGS TE, SNGAR BSHAD PA LTAR GYI NYON MONGS MNGON GYUR RE ZHIG SPANGS PA NA, ZAG PA THAMS CAD DO SNYAM PA SKYES PA'O,

, ,DE 'CHI BA'I DUS KYI TSE RANG SKYE BA LEN PAR MTHONG BA NA, SANGS RGYAS LA THE TSOM ZOS PA'I NYES PAS, DMYAL BA CHEN POR LHUNG BAR GSUNGS SO,, DE NI LAM DE LTA BU LA GNAS PA 'GA' ZHIG LA YIN GYI, THAMS CAD LA NI MA YIN NO, ,ZHES RNAM BSHAD LAS GSUNGS SO, ,BDAG NI DGRA BCOM PAR GYUR TO, ,ZHES BYA BAR BDAG GIS SHES SO, ,ZHES 'DON PAR BYA'O,, //YA// GRUB MTHA' SMRA BA GZHAN GYI LUGS LA, ZHIG 'JIG 'GAL BA YIN PAS, BUM PA'I 'JIG PA DANG BUM PA'I ZHIG PA GNYIS 'GAL BA YIN LA, BUM PA RANG DUS GNYIS PAR MI SDOD PA NI BUM PA 'JIG PA'I DON DANG, BUM PA RANG DUS GNYIS PAR MA BSDAD PA NI BUM PA ZHIG PA'I DON YIN ZHING, DANG PO 'DU BYED KYI PHUNG PO DANG GNYIS PA 'DUS MA BYAS SU 'DOD DO, ,THAL 'GYUR BA'I LUGS LA, ZHIG 'JIG MI 'GAL BAS, BUM PA ZHIG PA YANG BUM PA'I 'JIG PA YIN NO, ,GZHAN YANG, BUM PA'I 'JIG PA ZHES PA NI BUM PA 'JIG PA'I BYA BA LA 'DOD PA NI MDO SDE BA YAN CHAD 'DOD PA MTHUN PA YIN KYANG THAL 'GYUR BAS, BUM PA RANG DUS GNYIS PAR MI SDOD PA DANG MA BSDAD PA GNYIS KA BUM PA'I 'JIG PA'I BYA BA YIN PAR 'DOD PA'I PHYIR BUM PA ZHIG PA LA MNGON DU PHYOGS PA DANG BUM PA ZHIG PA GNYIS KA BUM PA'I 'JIG P'I BYA BA YIN PAR 'DOD DE, DPER NA MHU GU SKYE BA LA MNGON DU PHYOGS PA DANG MYU GU SKYE BA GNYIS KA MYU GU SKYE BA'I BYA BA YIN PA BZHIN NO ZHES BZHED LA, MDO SEMS RANG RGYUD PA GSUM GYIS MYU GU SKYE BA LA

MNGON DU PHYOGS PA DANG MYU GU SKYE BA GNYIS KA MYU GU SKYE BA'I BYA BA YIN KYANG, MYU GU ZHIG PA LA MNGON DU PHYOGS PA DANG MYU GU ZHIG PA GNYIS KA MYU GU 'JIG PA'I BYA BA MIN TE, MYU GU ZHIG PA DE MYU GU'I 'JIG PA'I BYA BA MA YIN PA'I PHYIR TE, DE DNGOS PO MA YIN PA'I PHYIR ZHES 'DOD DO, ,THAL 'GYUR BA'I LUGS LA, ZHIG PA DNGOS POR SGRUB PA LA LUNG RIGS GNYIS TSIG GSAL LAS GSUNGS PA'I DANG PO NI, SA BCU PA LAS, SKYE BA'I RKYEN KYIS RGA SHI ZHES GSUNGS TE, SHI BA NI GANG SHI BA'I SEMS CAN DE ZHIG PA YIN LA, DE SKYE BA'I RKYEN GYIS SKYED PAR GSUNGS PA DANG, YANG DE NYID LAS 'CHI BA YANG BYA BA GNYIS SU NYE BAR GNAS PA YIN TE 'DU BYED 'JIG PAR YANG BYED PA DANG, YONGS SU MI SHES PA RGYUN MI 'CHAD PA'I RGYU YANG 'BYIN PA'O, ,ZHES 'CHI BAS BYA BA GNYIS BYED PAR GSUNGS TE, SHI BA RGYUS BYED PA DANG, SHI BAS MA RIG PA SKYED PAR YANG GSUNGS PAS, ZHIG PA LA SKYED PA'I RGYU YOD PA DANG, ZHIG PAS 'BRAS BU SKYED NUS PA YIN TE, 'DI NI RGYUN GYI ZHIG PA YIN YANG SKAD CIG MA DANG PO DUS GNYIS PAR ZHIG PA LA YANG 'DRA LA; SKAD CIG MA DANG PO DUS GNYIS PAR ZHIG PA'I RGYUR YANG BSTAN NO, ,DES NA SEMS CAN SKYES PA DANG SHI BA GNYIS DANG SKAD CIG MA GNYIS PAR MI SDOD PA DANG, SKAD CIG MA GNYIS PAR MA BSDAD PA RNAMS LA DNGOS POR 'JOG MI 'JOG DANG, RGYUS SKYED MI SKYED KUN NAS MTSUNGS SO, ,ZHES RNAM BSHAD LAS GSUNGS SO,, //RA// DNGOS PO DANG DNGOS PO ZHIG NAS MED PA GNYIS KA 'DUS BYAS YIN ZHES

, ,PA STE, DE YANG RANG MTSAN KHAS MI LEN PA LA THUG PA'I PHYIR TE, 'JUG PA'I RNAM BSHAD LAS, DE YANG DNGOS PO RANG BZHIN GYIS GRUB PAR 'DOD PA'I PHYOGS THAMS CAD LA, ZHIG PA DNGOS POR MI RUNG LA RANG BZHIN GYIS MA GRUB PAR 'DOD PA'I DBU MA'I PHYOGS LA ZHIG PA DNGOS POR GRUB PA'I GNAD DO,, LUGS DANG PO LA NI, MYU GU LTA BU'I DNGOS PO CIG ZHIG PA NA, MYU GU'I CHA SHAS KYI DNGOS PO THAMS CAD NI LOG LA, MYU GU LAS GZHAN PA BUM PA LA SOGS PA'I DNGOS PO GZHAN GANG YANG MA THOB PAS, ZHIG PA DE DNGOS PO GTAN MIN PAR 'DOD DE, SNGON PO LA SOGS PA SKYE MCHED RE RE BA'I DNGOS PO DANG, BUM PA LA SOGS PA RANG GI CHA SHAS KYI DNGOS PO TSOGS PA GANG YANG ZHIG PA DE'I MTSAN GZHIR MI RUNG BA'I PHYIR DNGOS PO MIN NO SNYAM PA'O, ,LUGS PHYI MA LA NI, DPER NA NYER SBAS KYI PHUNG PO LNGA RE RE BA DANG TSOGS PA GNYIS KA DANG, DE GNYIS LAS NGO BO THA DAD PA GCIG NYER SBAS KYI MTSAN GZHIR 'JOG RGYU MED CING, NYER SBAS KYANG DE GSUM GYI MTSAN GZHIR MI RUNG LA, RANG GI PHUNG PO LA BRTEN NAS NYER SBAS SU BTAGS PA DNGOS PO YIN PAR MI 'GAL BA BZHIN DU, ZHIG PA YANG ZHIG RGYU'I DNGOS PO DANG, DE DANG RIGS MTHUN PA'I DNGOS PO GANG YANG MTSAN GZHIR MED KYANG, ZHIG RGYU'I DNGOS PO LA BRTEN NAS SKYES PA'I PHYIR DNGOS PO'O, ,ZHES GSUNGS PAS SO,, //LA// DNGOS PO RNAMS GNAS PA NI GNAS BYED KYI RKYEN LA RAG LAS TE GNAS PA'I RKYEN MED NA 'JIG ,

PAR 'GYUR BA'I PHYIR, DES NA GNAS BYED KYI RGYU RAS SNUM SOGS ZAD CING 'GAGS PA NYID LAS BYUNG BA'I MAR ME'I 'OD ZAD CING 'GAGS PA'I ZHI BA NI ZAD PA DANG 'GAGS PA ZHES BYA BAR DMIGS PA STE, ZHES PA'O, ,BRGYA PA LAS KYANG, 'BRAS BU YIS NI RGYU BSHIG PA, ,DES NA MED PA SKYE MI 'GYUR, ,ZHES RGYU 'GAGS PA 'BRAS BU SKYE BZHIN PAS BYAS PAR BSHAD PAS 'PHAGS PA YAB SRAS KYI BZHED PA'O; ;MYU GU ZHIG PA'I 'DAS PA DNGOS POR BZHED PA'I GNAD KYIS MYU GU'I MA 'ONGS PA YANG DE DANG 'DRA STE, DES NA MED PA SKYE MI 'GYUR GYI YANG DON NO, ,ZHES RTZA SHE'I RNAM BSHAD LAS GSUNGS SO,, //SHA// THAL BA DANG PO'I DON NI, RANG SDE ZHIG 'JIG 'GAL BAR 'DOD PA RNAMS KYIS, DNGOS PO RNAMS RANG GRUB DUS LAS DUS GNYIS BAR MI SDOD PA'I 'JIG PA NI DNGOS PO DE DANG DE'I RGYU NYID LAS SKYE BAS RANG RGYU LAS GZHAN PA'I PHYIS 'BYUNG GI RGYU LA MI LTOS PAR 'DOD LA, SKAD CIG GNYIS PAR ZHIG PA NI DNGOS MED YIN PAS RGYU GTAN MED DU 'DOD DO, ,DE LA 'DIR ZHIG NA ZHIG GNYIS RGYUS SKYED MI SKYED MGO MTSUNGS BYAS NAS GNOD PA STON PA YIN TE 'DI LTAR DUS GNYIS PAR MA BSDAD PA LA RGYU MED NA DUS GNYIS PAR MI SDOD PA LA YANG RGYU MED DGOS PAS SKAD CIG MA MED PAR 'GYUR LA, DE LTAR NA 'DUS BYAS SU YANG MI 'GRUB CING 'DUS BYAS SKAD CIG MAR SMRA BA YANG MI 'THAD DO ZHES BYA BA'I DON TO, MDOR NA MYU GU RGYU LA MA LTOS PAR ZHIG PA YOD DAM MED, YOD NA MYU GU RGYU LA MA LTOS PAR 'JIG PA

, ,MED PA 'GAL ZHING, MED NA MYU GU'I ZHIG PA RGYU LA MI LTOS PA 'GAL LA, 'JIG PA CES PA NI ZHIG PA LA MNGON DU PHYOGS PA LA BRJOD PA YIN PAS ZHIG PA LA MNGON DU PHYOGS PA RGYU LA RAG LAS NA ZHIG PA RGYU LA RAG MA LAS PA SHIN TU 'GAL TE, GZHAN DU NA SKYE PA LA MNGON DU PHYOGS PA RGYUS BYAS KYANG SKYES PA RGYUS MA BYAS PAR THAL BA MTSUNGS SO, ,ZHES STOD THUN LAS GSUNGS PA LTAR RO, ,'DI NYID LAS, 'DUS BYAS KYI MTSAN NYID DU DE BSHAD PA MI 'THAD PAR THAL BA DANG, ZHES PA DPE DAG MA DAG DPYAD PAR BYA STE, DE'I SHES BYED DU DRANGS PA'I TSIG GSAL GYI LUNG DON STONG THUN DU BSHAD PA NI DRANGS MA THAG PA DE YIN PA'I PHYIR DANG, RTZA SHE'I t'IKA CHEN LAS KYANG SNGAR LTAR GSUNGS PA'I RJES SU, DE NI RIGS PAS 'GOG PA YIN LA LUNG GIS 'GOG PA NI, ZHES SOGS KYIS SNGAR GYI SGRUB BYED DE NI RIGS PAS 'GOG PA DANG, 'DUS BYAS KYI MTSAN NYID RNAMS 'DU BYED KYI PHUNG PO'I NANG DU 'DU BAR GSUNGS PA DE LUNG GIS 'GOG PA YIN (PAR) GSUNGS PA'I PHYIR RO, ,DES NA 'DUS BYAS SKAD CIG MAR SMRA BA MI 'THAD PAR THAL PA DANG, ZHES 'DON NA 'GRIG PAR 'GYUR RO, ,//SA// THAL BA GNYIS PA'I DON NI, GAL TE MYU GU ZHIG PA NI DNGOS MED YIN LA DE LA RGYUS CI ZHIG BYED DES NA DE LA RGYU MED DO SNYAM NA, 'O NA MYU GU YANG YOD PA YIN LA DE LA NI RGYUS DGOS PA CI ZHIG YOD DE SKYES ZIN PA SLAR YANG BSKYED DU MED DO, ,'DI NI MYU GU ZHIG PA LA RGYUS CI YANG BYED MI NUS NA MA ZHIG PA RGYUS BYED MI

DGOS ZHES MGO MTSUNGS BYAS PA'O, ,'DI LA MA ZHIG PA GRUB ZIN PAS DA GZOD RGYUS BYA MI DGOS KYANG GRUB PA DE NYID RGYUS BYAS PA YIN PAS RGYU YOD DO, ,ZHE NA, KHO BO CAG KYANG MYU GU ZHIG ZIN PA DA GZOD RGYUS BYED PAR MI 'DOD KYI MYU GU ZHIG PA DE NYID RGYUS BYED PA YIN ZHES PA'O,, //HA// THAL BA GSUM PA'I DON NI, SNGAR SA BON GYI DUS NA MED LA PHYIS YOD PAS MYU GU'I SKYE BA RGYU DANG BCAS PA YIN PA DE BZHIN DU MYU GU'I ZHIG PA YANG SNGAR MYU GU'I DUS NA MED LA PHYIS YOD PA'I PHYIR RGYU YOD DE ZHES PA'O,, //AA// RIGS PA BZHI PA'I DON NI RTZA SHE'I RNAM BSHAD LAS, DES NA SA MYUG LA SOGS PA'I RGYU 'BRAS 'DI DAG NI 'JIG RTEN PAS MTHONG BA LTAR GZHAG DGOS LA 'JIG RTEN NA NI CHU MED PAS NGA YI 'BRAS NYES SO, ,ZAS MED PAS NGA YI BU SHI'O ZHES SNGA MA MED PAS PHYI MA BRLAG PA BYAS PAR SMRA'O, ,DE YANG ZAS DANG CHU MA ZAD PA BU 'TSO BA DANG 'BRAS LEGS PA'I RGYUR BYED PA BZHIN DU DE DAG ZAD PA YANG DE RNAMS ZAD PA'I RGYUR 'JOG PA'I PHYIR, ZAD PA MIN PA'I DE DAG MED BA DANG MI 'DRA STE NGES 'BRAS BU'I PHYOGS KYANG SHES PAR BYA'O, ,ZHES GSUNGS PA LTAR RO, ,DES NI RGYUN GYI ZHIG PA DNGOS POR BSHAD CING, DE DAG LA GTAN ZAD DANG GTAN BRLAG KYANG YOD PAR SNANG BAS NA, DBU MA'I YIG CHAR SHES SGRIB ZHIG PA SANGS RGYAS 'PHAGS PA'I RGYUD LA MED PAR GSUNGS PA DANG, 'DAS MA 'ONGS SU 'JOG PA LA GTAN ZAD DANG GTAN BRLAG MA YIN PA GCIG DGOS PAR GSUNGS PA DAG DPYAD GZHI CHE BAR SNANG YANG MANGS SU DOGS NAS

, ,MA BRIS SO,, //KA// LUGS 'DIS RANG RIG 'GOG PA YANG RANG MTSAN KHAS MI LEN PA LA THUG PA YIN PAR 'JUG PA'I RNAM BSHAD LAS GSUNGS SO, DE'I RGYU MTSAN YANG, GAL TE RANG RIG 'DOD NA BTAGS DON BTZAL BA'I RIGS PA'I DPYAD BZOD KHAS LEN DGOS PA'I RGYU MTSAN GYIS YIN TE, RANG GIS MYONG BA'AM GZHAN GYIS MYONG BA YIN ZHES SHES PA'I 'JOG BYED 'TSOL BA NI MYU GU BDAG LAS SKYES SAM GZHAN LAS SKYES ZHES BTZAL BA LAS KYANG CHES LHAG PA'I BTAGS DON 'TSOL LUGS YIN PA'I PHYIR RO,, //KHA// MNGON SUM DANG, RJES DPAG DANG, DPES 'JAL BA DANG, LUNG GI TSAD MA STE BZHI PO RNAMS KYI, MNGON SUM NI MNGON SUM RANG NYID KYIS 'GRUB PA MIN PA NAS LUNG GI TSAD MA NI LUNG GI TSAD MA RANG NYID KYIS 'GRUB PA MIN NO ZHES 'CHAD PAR, TSAD MA RNAMS NI RANG NYID KYIS, 'GRUB MIN ZHES GSUNGS SHING, MNGON SUM NI RANG MA GTOGS PA'I TSAD MA GSUM GYIS 'GRUB PA MIN PA NAS LUNG GI TSAD MA NI RANG MA GTOGS PA'I TSAD MA GSUM GYIS 'GRUB PA MIN NO ZHES 'CHAD PAR, PHAN TSUN GYIS MIN PA'AM, ZHES GSUNGS LA, MNGON SUM NI MNGON SUM GZHAN GYIS 'GRUB PA MIN PA NAS LUNG GI TSAD MA NI LUNG GI TSAD MA GZHAN GYIS 'GRUB PA MIN NO ZHES 'CHAD PAR, TSAD MA GZHAN GYIS MA YIN LA, ZHES GSUNGS PA DANG, GZHAL BYA RANG DANG GZHAN GYI YUL GYIS BSDUS PA MTHA' DAG DANG RE RES KYANG 'GRUB PA MIN LA RGYU MED PAR YANG 'GRUB PA MIN NO ZHES

'CHAD PAR, GZHAL BYAS MA YIN RGYU MED MIN, ZHES GSUNGS SO,, //GA// 'JUG PA'I RNAM BSHAD LAS, DE LA SHES PA DE NYID KYIS SHES PA DE NYID 'DZIN PAR NI MI 'THAD DE, RANG LA RANG GI BYED PA 'JUG PA 'GAL BA'I PHYIR RO, ,'DI LTAR RAL GRI'I SO DE NYID KYIS DE NYID MI GCOD LA, SOR MO'I RTZE MO DE NYID KYIS DE NYID LA MI REG CING, LEGS PAR BSLABS PA'I GA-YER ZHING YANG ZOR CAN GYIS KYANG RANG GI PHRAG PA LA ZHON PAR MI NUS SHING, MES RANG GI BDAG NYID MI SREG LA, MIG GIS RANG GI BDAG NYID LA LTA BA MA YIN NO, ,ZHES GSUNGS SO,, //NGA// ME YIS RANG BDAG GSAL BYED NA, ZHES SOGS NI RANG RGYUD PA'I SKABS SU BSHAD ZIN, SKABS 'DIR DRANGS PA 'DI LA YI GE CHAD PA DANG NOR BA YOD PA YANG DE LAS SHES PAR BYA'O,, //CA// 'JUG PA'I RNAM BSHAD LAS, MAR MES RANG GIS RANG GSAL BAR MI BYED KYANG, DE LA GSAL BA MI LDOG PA BZHIN DU, SHES PAS PHYOGS SNGA MAS 'DOD PA LTAR DU RANG GIS RANG MYONG BAR MI BYED KYANG DE LA MYONG BA TZAM MI LDOG PA'I PHYIR RO, ,GAL TE MAR MES RANG GIS RANG GSAL BAR BYED DO ZHE NA, DE LTA NA MUN PAS RANG GIS RANG SGRIB PAR 'GYUR LA, DE 'DOD NA MUN KHUNG DU BUM PA MI MTHONG BA BZHIN DU MUN PA YANG MI MTHONG BAR 'GYUR RO, ,ZHES GSUNGS PA LTAR RO, , ZHIB MO RNAM 'THAG LAS, MAR ME NI PHRAD PA 'AM MA PHRAD PA'I MUN PA BSAL BAR BYED PA MA YIN NO, ,GZA'I GNOD PA BZHIN DU 'DIR YANG 'GYUR RO ZHE NA, MA YIN TE, DPE DANG 'GAL BA'I PHYIR RO, ,

, ,ZHES PA'I DON YOD DE, MAR MES RANG DANG PHRAD PA'AM MA PHRAD PA'I MUN PA SEL BA RANG GI MTSAN NYID KYIS YOD PA MA YIN NO ZHES GSUNGS PA LA, PHYOGS SNGA SMRA BAS, LHAS BYIN LA SOGS PA LA GZAS BYAS PA'I SKYON PHRAD NAS GNOD PA BYED PA BZHIN DU MAR MES KYANG MUN PA DANG PHRAD NAS GNOD PA BYED DO ZHE NA, THAL 'GYUR BAS, DE NI 'THAD PA MA YIN TE, DPE DON MI MTHUN PA'I PHYIR TE, LHAS BYIN DANG GZAS BYAS PA'I SKYON PHRAD PA YOD KYANG MUN PA DANG MAR ME PHRAD PA MI SRID PA'I PHYIR TE, SNANG MUN GNYIS LHAN CIG MI GNAS 'GAL YIN PA'I PHYIR ZHES PA'O, ,DE NI RTZA SHES LAS, GANG TSE MAR ME SKYE BZHIN PA, ,MUN PA DANG NI PHRAD MED NA, ,JI LTAR MAR ME SKYE BZHIN PAS, ,MUN PA SEL BAR BYED PA YIN, ,MAR ME PHRAD PA MED PAR YANG, ,GAL TE MUN PA SEL BYED NA, ,'JIG RTEN KUN LA GNAS PA'I MUN, ,'DI NA 'DUG PA NGES BSAL GYUR, ,ZHES GSUNGS PA'I RIGS PA STE, RTZA SHE'I t'IKA CHEN LAS, THA SNYAD DU MAR MES MUN PA SEL BAR 'DOD PA LA YANG MAR ME SKYE BZHIN PA DANG MUN PA GNYIS PHRAD PA DGOS MOD KYANG, MAR ME SKYE BZHIN PA'I DUS NA MAR ME MED PAS MUN PA DANG PHRAD MI DGOS SO, MAR MES MUN PA SEL BA RANG GI MTSAN NYID KYIS GRUB PAR 'DOD PA LTAR NA MAR ME SKYE BZHIN PA DANG MUN PA PHRAD NA DE'I DUS SU MAR ME YOD DGOS PAS DE MED PA'I PHYIR, MAR ME SKYE BZHIN PA DANG YANG MI PHRAD PAS MAR MES MUN PA SEL BA MI 'THAD PAR STON PA'I RIGS PA'O, ,ZHES GSUNGS PA'I PHYIR, RGYAS PAR DE NYID LAS

SHES DGOS SO, ,'DIR RANG RIG 'DOD TSUL DANG DE 'GOG TSUL 'JUG PA RTZA 'GREL NAS GSUNGS PA LTAR MDOR BSDUS TE 'GOD NA, PHYOGS SNGA SMRA BAS, MIG GIS SNGON PO MTHONG BZHIN PA'I SO SO SKYE BO'I RGYUD LA YUL SNGON PO MYONG BA DANG YUL CAN SNGON 'DZIN MYONG BA GNYIS KA YOD DE, DUS PHYIS DRAN PA NA SNGAR SNGON PO 'DI MTHONG NGO ZHES YUL DRAN PA DANG NGAS MTHONG NGO ZHES YUL CAN DRAN PA GNYIS KA YOD PA'I PHYIR, 'DOD NA, SNGAR GYI YUL CAN MYONG BA DE CHOS CAN, RANG MYONG YIN PAR THAL, RANG MYONG GZHAN MYONG GANG RUNG GANG ZHIG ,GZHAN GYIS MYONG NA NI MYONG BA THUG MED DU THAL BA DANG, SHES PA PHYI MAS YUL GZHAN MI GCOD PAR THAL BAS GNOD PA'I PHYIR, ZHES ZER RO, ,RTAGS PHYI MA GNYIS SGRUB TSUL 'JUG PA'I RNAM BSHAD DU RGYAS PAR GSUNGS PA LAS SHES PAR GYIS, THAL 'GYUR BAS DE 'GOG TSUL NI, DRAN PA'I RTAGS KYIS SGRUB PA MI 'THAD DE, RANG RIG YOD DE, RANG BZHIN GYIS GRUB PA'I DRAN PA YOD PA'I PHYIR ZHES BKOD NA NI, RTAGS BSGRUB BYA DANG MTSUNGS PAR MA GRUB PA'I PHYIR DANG, RANG RIG YOD DE DRAN PA YOD PA'I PHYIR ZHES DGOD PA YIN NA, RANG RIG DANG DRAN PA GNYIS MED NA MI 'BYUNG BA'I 'BREL BA MED PAS KHYAB PA MA NGES SHING, CHU DANG ME YOD PAS CHU SHEL DANG ME SHEL YOD PAR SGRUB PA DANG 'DRA BAR 'GYUR BA'I PHYIR, ZHES BKAG PA YIN TE, LEGS BSHAD SNYING PO LAS, 'DIR RDZAS GRUB SGRUB PA'I DBANG DU BYED NA DE 'DRA'I DRAN PA MED PAS BSGRUB BYA DANG MTSUNGS LA, THA SNYAD KYI DBANG DU YIN NA RANG RIG PHYIR RGOL LA MA GRUB

, ,PAS DE DANG DRAN PA RGYU 'BRAS SU MI 'GRUB PA DANG CHU DANG ME YOD PAS CHU SHEL DANG ME SHEL YOD PAR SGRUB PA DANG DRAN PA YOD PAS RANG RIG YOD BAR SGRUB PA GNYIS 'DRA BAR BSHAD DO,, 'DI 'BRAS RTAGS YIN ZHING BSGRUB BYA'I CHOS SU RANG RIG BZUNG BA'I DBANG DU MDZAD DO, ,ZHES GSUNGS PAS SO,, 'DI LA BSGRUB BYA'I CHOS SU RANG RIG BZUNG NA NI MTHUN DPE MED PAS DE LTAR MI 'GOD KYI; SNGON 'DZIN MIG SHES CHOS CAN, MIG GIS SNGON PO MTHONG BZHIN PA'I SO SO SKYE BO'I RGYUD LA KHYOD MYONG BYED YOD DE, DE 'DRA BA'I SO SO SKYE BOS DUS PHYIS KHYOD DRAN PA YOD PA'I PHYIR, DPER NA SNGON PO BZHIN NO,, ZHES 'GOD PA YIN NO ZHE NA, 'DI NI DPE LA RTAGS CHOS RJES SU 'GRO BA TZAM YOD KYANG KHYAB PA SGRUB MI NUS PAS SNGA MA DANG 'DRA BAR 'GYUR TE, DE NYID LAS, DE LTAR BYED NA DPE MI RNYED PAS SNGO 'DZIN NI MYONG BYED YOD DE DUS PHYIS DRAN PA YOD PA'I PHYID DPER NA SNGON PO BZHIN ZHES 'GOD NA'ANG DPE LA RTAGS CHOS RJES SU 'GRO BA TZAM ZHIG YOD MOD KYANG, KHYAB PA SGRUB MI NUS PAS RANG RIG BSGRUB BYA'I CHOS SU BZUNG BA DANG 'DRA BAS DNGOS SU MA SMOS TE, ZHES GSUNGS PA'I PHYIR DANG, SPYOD 'JUG LAS KYANG, GZHAN MYONG BA DANG 'BREL BA LAS, ,DRAN 'GYUR BYI BA'I DUG BZHIN NO, ,ZHES YUL CAN MA MYONG BAR DRAN PA SKYE BA YOD PAR GSUNGS PA'I PHYIR RO,, GAL TE MYONG BA TZAM YOD DE DRAN PA YOD PA'I PHYIR ZHES 'GOD NA NI GRUB ZIN SGRUB PAR 'GYUR BAS DGOS PA MED

PA'I PHYIR TE, LEGS BSHAD SNYING PO LAS, MYONG BA TZAM SGRUB NA'ANG GRUB ZIN PAS DE DANG 'DRA BAR MA SMOS SO, ,ZHES GSUNGS PA'I PHYIR RO, ,RANG RIG MED KYANG DRAN PA SKYE BA'I TSUL LA GNYIS LAS, 'JUG PA NAS BSHAD PA'I LUGS NI, GANG PHYIR GANG GIS YUL MYONG GYUR DE LAS, ,DRAN PA 'DI GZHAN NGA LA YOD MIN PA, ,DE PHYIR NGA YIS MTHONG SNYAM DRAN 'GYUR TE, ,'DI YANG 'JIG RTEN THA SNYAD TSUL LUGS YIN ZHES PAS STON NO, ,'DI'I DON NI, GANG GI PHYIR SNGAR GYI MYONG BA DANG PHYIS KYI DRAN PA GNYIS RANG GI MTSAN NYID KYIS GRUB PA'I GZHAN MIN PA DANG, SA MYUG LTA BU'I NYER LEN GYI RGYU 'BRAS LA RANG MTSAN GYIS GRUB PA'I GZHAN DU 'DZIN PA NI 'JIG RTEN PA'I BLO RANG DGA' BA LA MED PAR BSHAD ZIN PA LTAR, SNGAR GYI MYONG BA DANG PHYIS KYI DRAN PA GNYIS KYANG 'JIG RTEN PA'I BLO LHAN SKYES LA RANG GI MTSAN NYID KYIS GRUB PA'I GZHAN DU 'DZIN PA MED PAR MA ZAD, SNGAR SNGON 'DZIN GYIS MTHONG BA'I YUL PHYIS DRAN BA NA 'DI NGAS SNGAR YANG MTHONG NGO ZHES THA SNYAD BYED DO,, DE LTA MOD KYANG DRAN DUS KYI BDAG DE MYONG DUS KYI BDAG YIN NO SNYAM DU MI 'DZIN PA DANG, DE SKAD SMRA DUS KYI DUS DANG DE'I DUS SU GANG NA GNAS PA'I YUL GYIS KHYAD PAR DU BYAS PA'I SNGON PO SNGAR MTHONG NGO ZHES THA SNYAD BYED PA MIN PAS THA SNYAD DON MI MTHUN DU MI 'GYUR TE, DPER NA 'JIG RTEN NA LAG PA NA BA LA BDAG NA'O ZHES THA SNYAD BYED KYANG LAG PA 'DI NGA'O SNYAM PA SOGS MED PAS THA SNYAD DON MI MTHUN DU MI 'GYUR BA BZHIN NO,, DE LTAR

, ,MYONG DRAN DANG DE'I DUS KYI YUL GNYIS RANG MTSAN GYIS GRUB PA'I GZHAN DU 'DZIN PA NI 'JIG RTEN RANG DGA' BA LA MED PA DE'I PHYIR, SNGAR YUL NYAMS MYONG GI SHES PAS MYONG BA DANG BCAD PA DE, PHYIS DE DRAN PA'I SHES PAS MA MYONG BA DANG MA BCAD PA MIN PAS, 'DI SNGAR YANG NGA YIS MTHONG SNYAM DU DRAN PA SKYE BAR 'GYUR TE, 'DI YANG 'JIG RTEN PHYI THA SNYAD KYI TSUL GYI LUGS YIN GYI, BTAGS DON 'TSOL PA'I TSUL GYIS DPYAD NAS 'JOG PAR MI BYA STE, BTAGS DON BTZAL NA MI RNYED PA'I RDZUN PA'I DON CAN GYI 'JIG RTEN GYI THA SNYAD YIN PA'I PHYIR RO,, ZHES PA'O,, RANG RIG 'DOD MKHAN GYIS, RANG RIG MED NA YUL CAN DRAN PA SKYE BA 'GAL PA YIN TE, SNGAR MA MYONG BAR DRAN PA SKYE BA MED PA'I PHYIR ZHES PA'I RGYU MTSAN DE, GANG PHYIR GANG GIS YUL MYONG GYUR DE LAS, ZHES SOGS KYI LUNG 'DIS SEL BA MA YIN TE, GZHAN DU NA, SNGAR SNGON 'DZIN MA MYONG YANG PHYIS SNGON 'DZIN DRAN PA SKYE BA MI 'GAL TE, 'JIG RTEN PA'I BLO LHAN SKYES KYI NGOR SNGAR GYI SNGON 'DZIN DANG PHYIS KYI DRAN PA GNYIS RANG GI MTSAN NYID KYIS GRUB PA'I GZHAN MIN PA DANG, SNGAR GYI SNGON 'DZIN DANG PHYIS KYI DRAN PA GNYIS YUL GCIG PA'I PHYIR, ZHES 'GOD DGOS PAS 'BREL MED DU 'GYUR BA'I PHYIRO,, DES NA SNGAR MA MYONG BAR DRAN PA SKYE BA MED SNYAM PA'I LOG RTOG LUNG 'DIS SEL PA MIN GYI, SNGAR GYI SNGON 'DZIN MIG SHES DE RANG GIS RANG MA MYONG BA YIN NA NI PHYIS SNGON PO MTHONG BA DRAN PA NA NGAS

MTHONG NGO ZHES SNGAR MTHONG BA DE NYID RANG GIS MTHONG BAR DRAN PA 'GAL LO SNYAM PA'I LOG RTOG SNGAR GYI 'JUG PA'I LUNG GIS SEL BA YIN PA'I PHYIR TE, LEGS BSHAD SNYING PO LAS, RANG RIG MED NA DRAN PA SKYE BA 'GAL LO SNYAM DU 'DZIN PA'I RGYU MTSAN SNGAR BSHAD PA DE 'DIS SEL BA MIN TE, 'DI NI DRAN PA SKYE BA'I DRAN TSUL KHYAD PAR PA LA BRTEN NAS SNGA MA RANG RIG TU 'DZIN PA ZHIG GO, DE YANG SNGAR SNGON PO MTHONG BA PHYIS DRAN PA NA NGAS SNGAR MTHONG NGO ZHES SNGAR MTHONG BA DE NYID RANG GIS MTHONG BAR DRAN PAS, DRAN TSUL DE NI SNGAR GYI SNGO 'DZIN RANG GIS RANG MA MYONG NA SKYE BAR 'GAL BAS SNGA MA RANG RIG GO SNYAM PA'O; ;'DI NI RANG RIG GI DBANG GIS MA BYUNG YANG SNGAR GYI YUL SNGON PO MYONG BA DANG PHYIS KYI DRAN SHES GNYIS YUL GCIG LA 'JUG PA'I DBANG GIS SNGAR NGAS MTHONG SNYAM DU DRAN PA SKYE'O ZHES SGRUB PO,, ZHES SOGS GSUNGS PA'I PHYIR, RGYAS PAR DE NYID LAS SHES PAR BYA'O,, RANG RIG MED KYANG DRAN PA SKYE BA MI 'GAL TSUL SPYOD 'JUG LAS BSHAD PA NI, GAL TE RANG RIG YOD MIN NA, ,RNAM SHES DRAN PAR JI LTAR 'GYUR, ,GZHAN MYONG BA DANG 'BREL BA LAS, ,DRAN 'GYUR BYI BA'I DUG BZHIN NO, ,ZHES PAS STON NO,, RGYAS PAR 'JUG PA'I RNAM BSHAD DANG DBU MA'I MTHA' DPYOD LAS SHES PAR BYA STE, GRAGS CHE ZHING GO SLA BAS 'DIR MA BRIS SO,, //CHA// 'DI DANG STONG THUN GNYIS KAR SPYIR MNGON SUM TSAD MA MNGON SUM YIN GSUNGS PA LTA BUR SNANG YANG, MNGON SUM DANG DBANG PO'I YUL DANG MNGON

, ,GYUR RNAMS DON GCIG TU BSHAD PA'ANG YOD PAS DPYOD DGOS SO,, GZHI GRUB NA RANG GSAL BAR RTOGS PA'I BLO LA LTOS NAS MNGON SUM DNGOS YIN PAS KHYAB PA DANG, SHES PA GANG YUL GANG LA MNGON SUM TSAD MA YIN NA SHES PA DE YUL DE LA LTOS NAS MNGON SUM BTAGS PA BA YIN PAS KHYAB PA YOD DO,, //JA// DE'I DAR t'IKA LAS, DNGOS PO LA MA BRTEN PAR DNGOS PO MED PAR MI 'GYUR TE, DNGOS PO GZHAN DU GYUR BA'I BZHIG PA LA DNGOS MED DU 'DOD PA'I PHYIR, DNGOS MED LA MA BRTEN PAR DNGOS PO MI 'GRUB STE, DNGOS MIN MA BKAG PAR DNGOS PO MI 'GRUB PA'I PHYIR, DES NA DNGOS PO DANG DNGOS PO MED PA GNYIS PHAN TSUN BLTOS PAS RANG BZHIN STONG PA NYID DU MNGON SUm YONGS SU SHES PAS DMIGS PA MED PA'I YE SHES KYI RTEN YIN PAS NA BDAG NYID CHEN PO 'PHAGS PA RNAMS RNAM PAR GROL BAR 'GYUR RO,, ZHES BSHAD DO,, //NGA// MDO 'DI'I DON NI DGONGS PA RAB GSAL LAS, DE'I 'GREL PA NA SDUG BSNGAL 'DI ZHES PA'I NYE BA'I TSIG GIS GSUNGS PA'I PHYIR, DA LTAR GYI RANG RGYUD KYI SDUG BSNGAL LAM PHUNG PO KHO NA'I DBANG DU MDZAD NAS, MA LUS PAR SPANGS PA NAS NUB PA'I BAR DANG, MA 'ONGS PA'I SDUG BSNGAL GYI DBANG DU MDZAD NAS, SDUG BSNGAL GZHAN MTSAMS MI SBYOR BA NAS, MYA NGAN LAS 'DAS PA'O ZHES PA'I BAR DU GSUNGS SO,, SDUG BSNGAL LAM PHUNG PO 'DI ZHES PA DE GNYIS KYI BYE BRAG NYON MONGS LA 'JUG

PA'I SPYI SGRA BYE BRAG LA 'JUG PA'O SNYAM NA, DE YANG MI RUNG STE SPYI SGRA NI SPYI'I DON LA BSHAD DU MI RUNG NA BYE BRAG LA BSHAD DGOS MOD KYANG, 'DIR NI SPYI'I SGRA'I STENG NAS BSHAD DU YOD PA'I PHYIR RO,, ZHES GSUNGS PA LTAR RO,, MDO 'DI'I DON DNGOS SMRA BA'I LUGS LTAR BSHAD NA MYANG 'DAS MNGON DU BYED PA MED PAR 'GYUR TSUL YANG DE NYID LAS, DE LTAR BYAS NA DNGOS POR SMRA BA RNAMS LTAR NA, RGYUD BLA MA LAS NYON MONGS GDOD NAS ZAD PHYIR RO,, ZHES GSUNGS PA LTAR PHUNG PO GDOD MA NAS RANG BZHIN GYIS SKYE BA MED PAS, GDOD MA NAS ZAD PA LA BSHAD DU MI RUNG BA'I PHYIR, LAM GYIS MA LUS PAR SPANGS PA NA BSHAD DGOS NA, DE'I TSE MNGON DU BYA RGYU'I MYANG 'DAS YOD PA NA MNGON DU BYED MKHAN MED PA DANG, BYED MKHAN YOD PA NA PHUNG PO MA ZAD PAS MNGON DU BYA RGYU'I MYANG 'DAS MED PAR 'GYUR BAS MDO DE BSHAD MI NUS PAR 'GYUR RO,, KHO BCOS LTAR NA, 'DI'I ZAD PA NI, ZAD PA GNYEN POS ZAD PA MA YIN TE, ,DE NI GDOD NAS ZAD PAS ZAD CES BYA, ,ZHES GSUNGS PA LTAR BSHAD PAS CHOG PAS MDO'I DON LEGS PAR BSHAD PAR NUS SO,, ZHES GSUNGS PA LTAR YIN NO,, //TA// RIGS PA DRUG CU PA'I 'GREL BAR, PHUNG PO DANG BCAS PA'I MYA NGAN LAS 'DAS PA LA 'DOD CHAGS LA SOGS PA'I BCING BA SPANGS KYANG MYA NGAN LAS 'DAS PAR MI 'DOD DO SNYAM DU SEMS NA NI, 'O NA MDO SDE LAS, RJES BZLAS ZHES BYA'I MDO 'DI NI, ,SH'A RI'I BU YIS MYA NGAN 'DAS, ,MNGON SUM

, ,BYAS NAS BSHAD PA YIN, ,ZHES 'BYUNG BA JI LTAR BSHAD, CES GSUNGS PA LTAR, PHUNG PO'I RGYUN MA CHAD KYI BAR DU MYANG 'DAS MTSAN NYID PA MED ZER NA, SH'A RI'I BUS MYANG 'DAS MNGON DU BYAS NAS GROGS PO GZHAN LA, BDAG GI SKYE BA ZAD DO ZHES SOGS RJES SU BZLAS PAR BSHAD PA DANG 'GAL ZHES PA YIN GYI, DNGOS SMRA BAS, DANG POR LHAG BCAS MYANG 'DAS MNGON DU BYED PA DANG DE'I RJES SU LHAG MED MYANG 'DAS MNGON DU BYED DGOS PAR 'DOD PA 'GOG PA MA YIN NO,, RJES SU BZLAS PA'I MDO YANG SNGAR BSHAD PA LTAR YIN GYI, 'PHAGS PA RTA THUL GYIS SMRAS PA'I TSIGS BCAD DE MIN PAR RIGS PA DRUG CU PA'I DAR t'IKA LAS BSHAD DO,, //THA// LCANG SKYA GRUB MTHAR, SKYABS 'GRO BDUN CU PA LAS, MI SHES NYON MONGS MIN SPRANGS PHYIR, ZHES DANG, MA RIG NYON MONGS MED YOD PAS, ZHES DANG, 'JUG 'GREL LAS, NYON MONGS PA CAN MA YIN PA'I MA RIG PA ZHES GSUNGS PA LA BRTEN NAS SHES PAR GYUR BA'I SHES SGRIB YOD PA 'THAD PHYOGS SU PAn CHEN BSOD NAMS RGYAL MTSAN DANG MKHAS GRUB CHEN PO 'JAM DBYANGS BZHAD PA'I RDO RJES GSUNGS SO,, DE LTA NA YANG SHES SGRIB KYI MA RIG PA'I 'BRU GNON RJE THAMS CAD MKHYEN PAS MDZAD PA RNAMS SU GNYIS SNANG 'KHRUL BA'I BAG CHAGS LA 'BRU GNON MDZAD PA MA GTOGS SHES PAR GYUR BA'I MA RIG PA LA 'BRU GNON MDZAD PA MI SNANG NGO, ,MKHAS GRUB THAMS CAD

MKHYEN PA DANG, RIGS PA'I DBANG PHYUG SER RJE BTZUN CHOS KYI RGYAL MTSAN PA YAB SRAS, MKHYEN RAB GTER CHEN 'JAM DBYANGS DGA' BA'I BLO GROS, RJE THAMS CAD MKHYEN PA DGE 'DUN RGYA MTSO, PAn CHEN BSOD NAMS GRAGS PA SOGS MKHAS GRUB PA LA MO CHES SHES PAR GYUR BA'I SHES SGRIB MED PAR BZHED CING, RJE BLA MA'I BSHAD RGYUD DANG SGRUB RGYUD GNYIS KA'I BSTAN PA'I BDAG POR GYUR BA PAn CHEN THAMS CAD MKHYEN PA BLO BZANG CHOS KYI RGYAL MTSAN GYIS KYANG, SHES PA GCIG GIS BDEN GNYIS GCIG CAR RU, ,MNGON SUM GZIGS PA'I SGRIB BYED PHRA BA LA, ,MA RIG CES BTAGS SHES PA DNGOS MIN PAS, ,DE LA 'GAL BA CHA TZAM YOD MA YIN, ,ZHES RGYU MTSAN DANG BCAS TE GSUNGS PA RNAMS RJE'I GSUNG PHAL MO CHE DANG MTHUN TSA BA CHE BAR 'DUG PAS DA DUNG BLO GROS DANG LDAN PA RNAmS KYIS ZHIB TU DPYAD PAR BYA'O, ,ZHES KYANG GSUNGS PA YOD DO,, //DA// CHAGS SGRIB THOGS SGRIB SHES SGRIB GSUM RNAM GRANGS SU BSHAD PA'ANG YOD KYANG, DRI MED DBYINGS LA CHAGS MED DANG; ZHES PA'I DAR t'IKA LAS, RANG BZHIN GYIS DRI MA MED PA'I DBYINGS LA BDEN PAR ZHEN PA'I CHAGS PA MED PA DANG SHES BYA THAMS CAD LA THOGS PA MED PA'I PHYIR TE, CHAGS THOGS KYI SGRIB PA DAG PA YIN NO,, ZHES DANG, DE YANG MDOR BSDU NA RGYU GNYIS KYIS NI CIG SHOS STONG NYID MA RTOGS PA DANG, SHES BYA THAMS CAD LA MI 'JUG PA'I NYI TSE BA'I YE SHES KYI ZHES SO,, DE LA JI LTA BA BZHIN

, ,YOD PA GZIGS PA NYID KYIS SEMS CAN GYI KHAMS RANG BZHIN GYIS RNAM PAR DAG PA'I YUL CAN GYI PHYIR NI BDEN 'DZIN GYI CHAGS PA MED PA YIN LA JI SNYED YOD PA GZIGS PA NYID KYIS SHES BYA'I DNGOS PO MTHA' MED PA'I YUL CAN GYI PHYIR NA THOGS PA MED PA YIN NO,, ZHES GSUNGS SHING, GSER PHRENG LAS KYANG, CHAGS PA NYON SGRIB DANG THOGS PA SHES SGRIB TU BSHAD DO,, //NA// NAM ZHIG RES 'JOG MED PAR GCIG CHAR DU, ,RTEN 'BREL MI BSLUR MTHONG BA TZAM NYID NAS, ,NGES SHES YUL GYI 'DZIN STANGS KUN 'JIG NA, ,DE TSE LTA BA'I DPYAD PA RDZOGS PA LAGS, , ZHES GSUNGS PA LTAR GYI LTA BA'I DPYAD PA RDZOGS PA'I GANG ZAG GIS MING DANG BRDAS BZHAG TZAM GYI RTEN 'BYUNG GI DON JI TZAM YID LA BYED PA DE TZAM DU RANG BZHIN GYIS YOD PAR 'DZIN PA'I BLO'I SHUGS CHUNG NGUR 'GRO BA NI, SNANG BAS YOD MTHA' SEL TSUL DANG, DE 'DRA BA'I GANG ZAG GIS RANG BZHIN GYIS STONG PA JI TZAM YID LA BYED PA DE TZAM DU LAS RGYU 'BRAS LA YID MI CHES SHING MED PAR 'DZIN PA'I BLO'I SHUGS CHUNG NGUR 'GRO BA NI, STONG PAS MED MTHA' SEL TSUL YIN TE, MDO LAS, GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN, ,RKYEN LA RAG LAS GANG DE STONG PAR BSHAD, ,GANG ZHIG STONG NYID SHES DE BAG YOD YIN, ,ZHES DANG, BZHI BRGYA PA LAS, SANGS RGYAS KYIS GSUNGS LKOG GYUR LA, ,GANG

ZHIG THE TSOM SKYE 'GYUR BA, ,DE YIS STONG PA NYID BSTEN TE, ,'DI NYID KHO NAR YID CHES BYA, ,ZHES DANG, RJE BDAG NYID CHEN POS KYANG, KHYOD KYIS JI LTAR BSTAN PA LA, ,RGOL BA 'GAS KYANG CHOS MTHUN DU, ,GLAGS MI RNYED PAR GSUNGS PA YANG, ,'DI NYID KYI, ,GO SKABS DANG MA MTHONG DNGOS PO LA, ,SGRO 'DOGS PA DANG SKUR 'DEBS KYI, ,GO SKABS RING DU MDZAD PHYIR RO, ,ZHES GSUNGS SO,, SNANG BAS YOD MTHA' DANG STONG PAS MED MTHA' SEL BAR KHAS LEN PA TZAM THUN MONG MA YIN PA MIN GYI SEL TSUL THUN MONG MA YIN PA YIN ZHES DENG SANG GRAGS CHE YANG, RANG RGYUD PA MAN CHAD KYI GZHUNG DU DE LTAR BSHAD PA'I KHUNGS YOD MED 'TSOL DGOS SAM SNYAM MO,, //PA// TSIG GSAL LAS, 'DRA BA LAS NYAMS SU MYONG BA'I DON RTOGS PA NI NYER 'JAL BA STE; DPER NA, BA MIN NI BA GLANG DANG 'DRA'O SNYAM PA LTA BU'O,, ZHES GSUNGS PA LA, DBU MA'I MTHA' DPYOD LAS, MTSAN GZHI NI BA MIN NI BA GLANG 'DRA'O SNYAM PA'I RJES DPAG DANG, MYU GU NI MI BDEN PA ME LONG GI GZUGS BRNYAN LTA BU'O, ,ZHES RTOGS PA'I RJES DPAG DANG, TSOGS GNYIS RDZOGS PA LAS RNAM MKHYEN 'THOB PAR GSUNGS PAS MI BSLU BA NI STONG NYID STON PA'I MDO LTA BU'O ZHES RTOGS PA'I RJES DPAG RNAMS YIN TE, ZHES DON DPE DANG 'DRA BAR RTOGS PA'I RJES DPAG THAMS CAD DPE NYER 'JAL GYI RJES DPAG YIN PAR BSHAD LA, TSAD TSAN LAS, GANG ZHIG BA LANG

, ,'DRA BAR NI, ,THOS PA'I YUL GYI BA MIN TE, ,BRDA 'DZIN PA YI GNAS SKABS KYI, ,BA MIN BLO GNAS LTA BU'O, ,ZHES SOGS RTZA 'GREL LTAR NA, DPES 'JAL BA'I RJES DPAG GI RTEN DU GYUR BA'I RTAGS SBYOR NI, BA MIN NI BA LANG DANG 'DRA'O ZHES THOS PA'I GANG ZAG GIS PHYIS BA MIN MTHONG BA'I TSE NA, MTHONG BZHIN PA'I GONG BU 'DI CHOS CAN, BA MIN ZHES BRJOD PA'I SGRA'I SPYOD YUL YIN TE, BA LANG DANG DBYIBS GZUGS PHAL CHER 'DRA BA'I PHYIR, DPER NA BRDA DUS KYI BLO LA SHAR BA'I BA MIN BZHIN, ZHES PA LTA BU LA BSHAD DO, ,BSHAD TSUL DE LTAR NA, DPE DON 'DRA BA'I RGYU MTSAN LA BRTEN NAS DON GZHAN RTOGS PA LA BYED DAM DPYAD DO,, //PHA// GANG GI TSE DE LTAR GZHAL BYA GNYIS GNAS PA MED PA DE'I TSE LUNG LA SOGS PA RANG DANG SPYI'I MTSAN NYID KYI YUL CAN MA YIN PA NYID KYI SGO NAS TSAD MA GZHAN NYID MA YIN PA MA YIN NO,, ZHES GSUNGS SO,, //BA// DGONGS 'GREL LAS, DE LA YONGS SU DAG PA'I MTSAN NYID LNGA PO DAG GANG ZHE NA, DE MNGON SUM DU DMIGS PA'I MTSAN NYID DANG, DE LA GNAS PA MNGON SUM DU DMIGS PA'I MTSAN NYID DANG, RANG GI RIGS KYI DPE NYE BAR SBYAR BA'I MTSAN NYID DANG, YONGS SU GRUB PA'I MTSAN NYID DANG, LUNG SHIN TU RNAM PAR DAG PA GTAN LA PHAB PAR BSTAN PA'I MTSAN NYID DO,, ZHES MTSAN NYID LNGA MDOR BSTAN PA'I RJES SU DE DAG RE RE LA GSAL BA'I

DBYE BA MANG PO BSHAD PA'I MDO RNAMS 'DIR DRANGS NA TSIG GI KHUR HA CANG CHE BAR 'GYUR BAS MA BRIS SO,, //MA// DBANG PO LNGA PO CI RIGS KYI GZUNG BYA ZHES PA YIN PAS, DRUG PO ZHES PA DPE MA DAG GO , //TZA// YOD MED GANG RUNG YIN NA GNYIS SNANG CAN GYI SHES PA LA KHYOD SNANG BA DE SHES PA DE'I GZHAL BYA MNGON SUM PA YIN PAS KHYAB CES PA'O,, 'JIG RTEN NA YOD NA NI ZHES PA'I DON NI, GNYIS SNANG CAN GYI SHES PA'I DOR KHYOD SNANG BA YOD NA NI ZHES PA YIN NO,, //TSA// MI SHES GNYID KYIS ZHES SOGS NI, MU STEGS PAS SGRO BRTAGS PA'I YON TAN GSUM LA SOGS PA DANG SGYU MA RTA GLANG YIN PA DANG SMIG RGYU CHU YIN PA SOGS THA SNYAD DU YANG MED DO,, ZHES PA'O,, //DZA// RANG RGYUD PA MAN CHAD KYI LUGS LA, MNGON RJES KYI KHYAD PAR NI RANG GI GZHAL BYA MNGON SUM DU RTOGS PA'I TSAD MA DANG DON SPYI'I TSUL DU RTOGS PA'I TSAD MA GNYIS KYIS 'BYED MOD KYANG, LUGS 'DIR RANG GI 'DZIN STANGS KYI YUL GYI GZHAL BYA DE TSAD MA RANG LA MNGON GYUR YIN MIN GYIS MNGON RJES GNYIS SU BZHAGO , DE LA MNGON GYUR GYI DON YANG, SHES PA DES YUL DE RTAGS LA MA LTOS PAR GZHAL PA NI SHES PA DE LA YUL DE MNGON GYUR GYI DON YIN GYI, GRUB MTHA' SMRA BA GZHAN LTAR GSAL BAR SNANG BA ZHIG DGOS PAR MI BZHED DE, RTZA SHE'I RNAM BSHAD LAS, 'DIR TSAD MA'I MTSAN NYID MI SLU BA NI 'JIG RTEN NA JI LTAR 'JOG PA BZHIN DU BZHED LA 'JIG RTEN NA GSAR DU SLU MI SLU'I KHYAD MA PHYE BAR

, ,SPYIR MI SLU BA LA TSAD MAR 'JOG PAS, MNGON SUM TSAD MA RTOG MED KYIS DRANGS PA'I BCAD SHES RNAMS KYANG TSAD MAR BZHED PAR MNGON NO,, DE'I PHYIR RTOG PA'I TSAD MA LA YANG MNGON SUM GYI TSAD MA YOD DE BCAD SHES KYI YUL MNGON GYUR DU 'JOG PAS MNGON GYUR LA MI SLU BA'I PHYIR RO, ,RANG BZHIN MED PA KHYAD GZHIR GRUB NAS YOD MED KYI DON DANG THA SNYAD GANG LA YANG DPYOD PA MED PAS RTAGS KYIS 'GRUB PA MIN ZHING, RTAGS LA MI LTOS PAR RANG BZHIN MED PA MED PAR 'DZIN PA'I SGRO 'DOGS GCOD PAR YANG NUS PAS RANG BZHIN MED PA YOD PA NI MNGON GYUR RO, ,DE YANG YOD PA MNGON GYUR YIN PAS RANG BZHIN MED PA LKOG GYUR YIN KYANG DE TSAD MAS GRUB PA LA RANG BZHIN MED PA YOD PA MNGON GYUR YIN TE, DPER NA SKAD CIG MA LKOG GYUR YIN PAS SGRA DANG SNGON PO MNGON GYUR YIN KYANG DE GNYIS SKAD CIG MA LKOG GYUR YIN PA BZHIN NO, ,DES NA YOD PAR NGES PA'I THA SNYAD PA'I BLO YANG MNGON GYUR LA MI SLU BAS MNGON SUM GYI TSAD MA'O, ,ZHES GSUNGS SO,, DES NA LUGS 'DIR BCAD SHES YIN NA RANG 'DREN BYED KYI TSAD MA SNGA MA'I RTOGS ZIN PA'I DON RTOGS PAS MA KHYAB STE, RIGS SHES KYIS DRANGS PA'I RANG BZHIN MED PA YOD PAR RTOGS PA'I BCAD SHES DE YIN PA'I PHYIR, BCAD SHES YIN NA RANG 'DREN BYED KYI TSAD MA YOD PAS MA KHYAB STE, SKRA SHAD 'DZAG SNANG GI DBANG SHES KYIS DRANGS PA'I DRAN SHES DE 'DREN

BYED KYI TSAD MA MED PA'I PHYIR, GZHI GRUB NA KHYOD RTOGS PA'I RJES DPAG YOD PAS KHYAB MA KHYAB DPYAD BYA STE, RANG BZHIN MED PA YOD PAR RTOGS PA'I RJES DPAG 'JOG DKA' BA'I PHYIR, TSAD MA PA LTAR DBANG MNGON SKAD CIG GNYIS PA DANG RJES DPAG SKAD CIG GNYIS PA SOGS BCAD SHES SU BZHED MI BZHED KYANG DPYAD DGOS TE, GSAR DU MI SLU BA'I SHES PA BKAG PA'I RGYU MTSAN YOD PA'I PHYIR RO,, //WA// DPYAD GSUM DAG PA'I RIN CHEN PHRENG BA LA BRTEN NAS ZHES PA NI, DE NYID LAS, RGYAL PO CHEN PO SKYES CHEN GYIS, ,MTSAN NI SUM CU RTZA GNYIS KYIS, ,JI LTAR KHYOD SKU RGYAN GYUR BA, ,DE LTA BU DAG GSAN PAR MDZOD, ,CES SOGS KYIS MTSAN BZANG GI RGYU BSHAD PA DE YIN NO,, //ZHA// LONGS SPYOD DANG LUS PHUN SUM TSOGS PA DANG, ,'KHOR RTZOM PHUN SUM TSOGS PA MNGON MTHO DANG, ,RTAG TU NYON MONGS DBANG NYID MI 'GRO DANG, ,BYA BA RNAMS LA PHYIN CI MA LOG PA'O, ,ZHES MNGON MTHO LA LTOS PA'I PHYIN DRUG GI GRANGS NGES BSHAD PA'I DON LAM RIM CHEN MO SOGS LAS SHES DGOS SO,, DAD CAN NYID PHYIR CHOS LA BRTEN, ,SHES RAB LDAN PHYIR YANG DAG RIG ,CES SOGS TSIGS BCAD NYI SHUS MNGON MTHO RGYU DANG BCAS PA BSHAD PA'I DON NI DE'I DAR t'IKA LAS SHES PAR BYA'O,, //ZA// DAD PA GSUM SO SO'I NGOS 'DZIN DANG, DE DAG GIS LAM SOGS YON TAN THAMS CAD SKYE GNAS GONG 'PHEL DU BYED TSUL DANG, DGE MI DGE SOGS SPANG GNYEN GYI BLANG 'DOR LA 'GOD TSUL SOGS BSLAB BTUS

, ,DANG DE'I MCHAN SOGS LAS SHES DGOS SO ZHES PA'O,, //'A// SHES RAB KYI NGO BO DANG DBYE BA DANG RGYU DANG PHAN YON SOGS LAM RIM CHEN MO'I SHES RAB KYI PHAR PHYIN GYI SKABS LAS SHES DGOS PAR SNANG NGO,, //YA// PHYUGS KYI SHING RTA DANG, GLANG PO CHE'I SHING RTA DANG, NYI ZLA'I BGROD PA DANG, NYAN THOS KYI RDZU 'PHRUL DANG, SANGS RGYAS KYI RDZU 'PHRUL LTA BUS BGROD PA'I BYANG SEMS LNGA YOD PAR BSHAD DO,, //RA// MI MTHUN PHYOGS RANG DON YID BYED SOGS KYIS ZIL GYIS MI GNON PA'I DGE BA'I RTZA BA'I STOBS CAN DANG, RTAG TU THEG CHEN DGE BA'I BSHES GNYEN DANG PHRAD PA'I SMON LAM GYI STOBS CAN DANG, BYANG CHUB KYI SEMS YONGS SU MI GTONG BA'I SEMS BRTAN PA DANG, YON TAN CUNG ZAD TZAM GYIS CHOG PAR MI 'DZIN PAS GONG NAS GONG DU KHYAD PAR DU 'GRO BA STE CHOS BZHI DANG LDAN PA NAS GRANGS MED GSUM DU TSOGS GSOG PA'I MGO RTZOM PAR GSUNGS SO,, //LA// SEMS BSKYED DANG, BSAM PA DANG, SBYOR BA DANG, LHAG BSAM DANG, PHAR PHYIN DRUG DANG, TSAD MED BZHI DANG, MNGON SHES LNGA DANG, BSDU BA'I DNGOS PO BZHI DANG, SO SOR YANG DAG PAR RIG PA BZHI DANG, RTON PA BZHI DANG, BSOD NAMS DANG YE SHES KYI TSOGS GNYIS DANG, BYANG PHYOGS SO BDUN DANG; ZHI GNAS DANG LHAG MTHONG GNYIS DANG, GZUNGS DANG SPOBS PA GNYIS DANG, CHOS KYI SDOM BZHI DANG, BGROD PA GCIG PA'I LAM DANG, THABS LA MKHAS PA STE MI ZAD PA BRGYAD CU'O,,

//SHA// CHAGS LAM CHUNG 'BRING CHE GSUM NA BYANG PHYOGS SDE TSAN DANG PO GSUM DANG, DROD RTZE GNYIS LA DBANG PO LNGA DANG, BZOD MCHOG GNYIS LA STOBS LNGA SBYAR BAR DBUS MTHA' SOGS ? GSUNGS SHING; SBYOR BA'I SNGON DU SNYING RJE DANG, ZHES SOGS MDO SDE RGYAN NAS BSHAD PA'I RIGS KYI RTAGS BZHI NI SHAS CHER TSOGS LAM DANG SBYOR DGOS SHING, GZUGS LA SOGS LAS LDOG PA DANG, ZHES SOGS KYIS BSHAD PA'I SBYOR LAM PHYIR MI LDOG PA'I RTAGS NYI SHU NI DROD SOGS BZHI LA GO RIM BZHIN DU BCU GCIG DANG DRUG DANG GNYIS DANG GCIG SBYAR TE GSUNGS SO,, //SA// BAR SNANG GI NAM MKHA' LA BYAS BGROD KYANG, BYA'I RJES 'JIG RTEN GYI MKHAS PA RNAMS KYIS NGAG GIS BRJOD PA DANG, BLOS MTHONG BA MIN PA BZHIN DU BYA LTA BU'I DON DAM PA'I SA RNAMS KYIS, NAM MKHA' LTA BU'I CHOS NYID LA BGROD KYANG, DE'I BGROD TSUL 'PHAGS PAS NYAMS SU MYONG BA JI BZHIN PA NI, 'CHAD PA PO 'PHAGS PAS KYANG BRJOD PAR MI NUS NA, NYAN PA PO RNAMS KYIS GZIGS PA JI BZHIN PA MNYAN PAR MI NUS PAR GSUNGS SO,, ZHES 'JUG PA'I RNAM BSHAD LAS GSUNGS SO,, //HA// SA DANG PO LA RAB TU DGA' BA MANG PO YOD PA'I PHYIR RAB DGA' ZHES BYA LA, RAB TU DGA' BA'I RGYU MTSAN NI MDO DANG DGONGS 'GREL DAG LAS SO SOR BSHAD PAS MANG PO YOD KYANG, GTZO BO NI, BYANG CHUB LA NI NYE BA DANG, ,SEMS CAN DON SGRUB MTHONG BA LA, ,RAB TU DGA' BA SKYE 'GYUR TE, ,DE PHYIR RAB

, ,DGA' ZHES BRJOD DO, ,ZHES PA LTAR RO,, 'CHAL TSUL RTZOL BA'I DRI BRAL PHYIR, ,DRI MA MED PA'I SA ZHES BYA, ,ZHES TSUL 'CHAL DANG RTZOL BA STE THEG PA GZHAN YID LA BYED PA'I DRI MA DANG BRAL BA'I PHYIR SA GNYIS PA LA DRI MA MED PA ZHES BYA'O, ,SA GSUM PA LA 'OD BYED PA ZHES BYA STE, MNYAM GZHAG TU SHES SGRIB KYI BUD SHING SREG PAR BYED PA'I YE SHES KYI ME GNYIS SNANG GI SBROS PA ZHI BA'I 'OD 'BYUNG BA'I STOBS KYIS RJOS THEB TU YANG 'OD DMAR PO'AM DMAR SER GYIS KUN TU KHYAB PA'I SNANG BA 'BYUNG BA'I PHYIR DANG, CHOS KYI SNANG BA CHEN PO NI, ,BYED PA'I PHYIR NA 'OD BYED PA, ,ZHES TING NGE 'DZIN GYI STOBS KYIS CHOS TSAD MED PA TSOL BA'I PHYIR GZHAN DAG LA CHOS KYI SNANG BA CHEN PO BYED PAR GSUNGS PA'I PHYIR RO,, SA BZHI PA LA 'OD 'PHRO BA CAN ZHES BYA BA NI RNAM BSHAD LAS, BYANG CHUB KYI PHYOGS KYI CHOS SO BDUN, SNGAR LAS LHAG PAR BSGOMS BA LAS SKYES PA'I YE SHES KYI SNANG BA, SA GSUM PAR BSHAD PA'I ZANGS KYI 'OD DANG 'DRA BA LAS LHAG PA 'BYUNG STE, DE'I PHYIR YANG DAG PA'I YE SHES KYI ME'I 'OD LHAG PA 'BYUNG BAS, BYANG SEMS KYI SA DE LA 'OD 'PHRO BA ZHES BYA STE, ZHES PA LTAR RO,, BDUD THAMS CAD KYIS THUB PAR DKA' BA'I PHYIR SA LNGA PA LA SPYAD DKA' BA ZHES BYA LA, SEMS CAN RNAMS YONGS SMIN BYED CING, ,RANG GI SEMS KYANG SRUNG BA'I PHYIR, ,BLO LDAN RNAMS KYIS SPYAD DKA' BA, ,DE PHYIR SPYAD DKA' ZHES BYA'O, ZHES

SEMS CAN SMIN PA LA BRTZON PA DANG DE'I LOG SGRUB KYIS RANG GI SEMS NYON MONGS PAR MI 'GYUR BA STE BYA BA GNYIS BYED PAR GSUNGS PAS SO, ,ZHES KYANG GSER PHRENG LAS GSUNGS SO, ,SA DRUG PA LA MNGON DU GYUR BA ZHES BYA STE, RTEN 'BREL LUGS 'BYUNG LDOG DANG BDEN PA PHRA RAGS LA MKHAS PA'I SHES RAB KYI BSLAB PA GNYIS RDZOGS PA'I SGO NAS BDEN PA DANG RTEN 'BREL MNGON DU GYUR BA'I PHYIR DANG, SHES RAB PHA ROL PHYIN RTEN NAS, ,'KHOR BA DANG NI MYA NGAN 'DAS, ,GNYIS 'DIR MNGON DU GYUR BA'I PHYIR, ,MNGON DU GYUR BA'I SA ZHES BSHAD, ,CES YUM LA BRTEN NAS SRID ZHI'I MTHAR MI GNAS PA'I 'KHOR 'DAS MNYAM PA NYID MNGON DU GYUR BAR GSUNGS PAS SO, ,ZHES GSER PHRENG LAS GSUNGS SO,, SA BDUN PA NI RING DU SONG BA YIN TE, DUS BSKAL PA GRANGS MED GNYIS DANG, SA 'OG MA RNAMS LAS YON TAN GYI GRANGS RING DU SONG BA'I PHYIR DANG, BGROD GCIG LAM DANG 'BREL BA'I PHYIR, ,RING DU SONG BA'I SAR 'DOD DE, ,ZHES BGROD PA GCIG PA'I LAM SA BRGYAD PA LA BAR MA CHAD DU 'BREL BAS 'CHAD RTZOL GYIS 'DU BYED PA'I SKYONG BA'I MTHAR PHYIN PA'I PHYIR RO,, ZHES PAS SO, ,ZHES GSER PHRENG LAS GSUNGS SO,, SA BRGYAD PA LA MI GA-YO BA ZHES BYA STE, MTSAN 'DZIN NAM BDEN 'DZIN GYIS MI GA-YO BA'I PHYIR DANG, 'DU SHES GNYIS KYIS MI GA-YO'I PHYIR, ,MI GA-YO BA ZHES NGES PAR BRJOD, ,CES MTSAN MA DANG MTSAN MED GNYIS LA RTZOL BA'I 'DU SHES KYIS MI GA-YO BAR GSUNGS PAS SO,, ZHES

, ,GSER PHRENG LAS SO,, SA DGU PA LA LEGS PA'I BLO GROS ZHES BYA STE, SO SO YANG DAG RIG BLO BZANG, ,SA DE LEGS PA'I BLO GROS YIN, ,ZHES SO SO YANG DAG PAR RIG PA BZHI'I BLO GROS BZANG PA'I PHYIR ZHES GSUNGS PAS SO,, BCU PA LA NI CHOS KYI SPRIN ZHES BYA STE CHAR SPRIN LAS CHAR CHEN PO 'BYUNG BA LTAR 'JIG RTEN GYI DGE BA'I LO TOG SPEL BA'I CHED DU DAM PA'I CHOS KYI CHAR 'BEBS PA'I PHYIR, SPRIN BZHIN GNYIS KYIS NAM MKHA'I CHOS, ,KHYAB PA'I PHYIR NA CHOS KYI SPRIN, ,ZHES TING NGE 'DZIN DANG GZUNGS KYI SPRIN GYIS THOB PA'I RTEN NAM MKHA' LTA BU LA KHYAB PAS CHOS KYI SPRIN NO, ,ZHES GSER PHRENG LAS BSHAD DO,, //AA// MDO SDE RGYAN LAS, CHOS NYID RAB TU RTOGS NAS 'DIR, ,LHAG PA'I TSUL KHRIMS LHAG SEMS DANG, ,LHAG PA'I SHES RAB LA RJES SLOB; ;SHES RAB SPYOD YUL GNYIS YIN TE, ,CHOS KYI DE NYID DANG DE NI, ,MI SHES SHES SOGS 'JUG PA NYID, ,CES PAS NI SA DANG PO DRUG TU SLOB TSUL BSTAN TE, 'DI LTAR SA DANG POR CHOS NYID RTOGS NAS GNYIS PAR TSUL KHRIMS DANG, GSUM PAR TING NGE 'DZIN DANG DE NAS SA GSUM DU SHES RAB LA SLOB STE, DE YANG BZHI PAR PHYOGS MTHUN LA MKHAS PA'I SHES RAB DANG, LNGA PA DRUG PAR NI SHES RAB KYI YUL GNYIS TE, CHOS KYI DE NYID BDEN BZHI DANG, DE MI SHES SHES SOGS NI RIM PA BZHIN MA RIG PA DANG RIG PA LA SOGS PA STE RTEN 'BREL LUGS MTHUN DANG LUGS MI MTHUNO,,

DE BAS NAS GNYIS LA YANG SHES RAB BZHAG GO, SA LHAG MA BZHIR DE GSUM LA BSLABS PA'I 'BRAS BU 'GRUB TSUL YANG, DE NYID LAS, MTSAN MED 'DU BYED DANG BCAS PAR, ,GNAS PA 'BRAS BU DANG PO YIN, ,DE NYID MNGON 'DU BYED MED DANG, ,ZHING NI RNAM PAR DAG PA DAG ,'BRAS BU GNYIS BAR 'DOD PA YIN, ,SEMS CAN SMIN PA 'GRUB NYID DANG, ,TING NGE 'DZIN DANG GZUNGS RNAMS NI, ,'GRUB PA 'BRAS BU DAM PA YIN, ,'BRAS BU RNAM PA 'DI BZHI NI, ,SA BZHI PO LA YANG DAG BRTEN, ,ZHES PA NI BSLAB PA LA SLOB TSUL LO, ,ZHES GSER PHRENG LAS GSUNGS PA LTAR RO,, //KA// GZHAN YANG DE NYID LAS, CHOS NYID RAB TU RTOGS NAS 'DIR, ,TSUL KHRIMS KYI NI PHUNG PO SBYONG, ,DE YI 'OG TU TING 'DZIN DANG, ,SHES RAB PHUNG PO RNAM PAR SBYONG, ,DE LAS GZHAN PA DAG LA NI, ,SGRIB RNAM BZHI DANG THOGS PA YI, ,SGRIB PA LAS NI RNAM GROL DANG, ,GROL BA'I YE SHES RNAM PAR SBYONG, ,ZHES SA DANG POR PHUNG PO'I RTEN CHOS NYID RTOGS NAS GNYIS PAR TSUL KHRIMS, GSUM PAR TING NGE 'DZIN BZHI PA LNGA PA DRUG PA RNAMS SU SHES RAB KYI PHUNG PO SBYONG LA, SA LHAG MA BZHIR 'BRAS BU BZHI'I GEGS BZHI DANG, SANGS RGYAS KYI SA LA THOGS SGRIB SBYONG BAS RIM PA LTAR RNAM PAR GROL BA DANG, GROL BA'I YE SHES GNYIS SBYONG BAR GSUNGS PA NI ZAG MED KYI PHUNG PO LNGA SBYONG TSUL LO,, ZHES PA'ANG GSER PHRENG LAS SO,, //KHA// DE LA GA-YO BAS NI GDUL BYA 'DUN PAR BYED LA, 'GRO BA DANG

, ,SNANG BAS NI GDUL BYA'I GNAS SU SONG STE MTHONG NAS SMIN PAR BYED DO,, SNGON DANG PHYI MTHA' LA 'JUG PAS NI SEMS CAN GYI SDIG PA BRAL BA'I CHED DU LAS KYIS 'KHOR BAR 'GRO BA'I TSUL STON NO,, CHOS SGO BRGYA 'BYED PAS NI RANG GI BLO GROS SMIN PA'I CHED DU CHOS KYI RNAM GRANGS RNAMS KYI DON SEMS PA'O ZHES THUB DGONGS DANG 'JUG PA'I 'GREL BSHAD DU'O,, ZHES GSER PHRENG LAS GSUNGS SO,, //GA// GZUGS SOGS 'DU SHES LDOG PA DANG, ZHES SOGS KYIS BSHAD PA'I MTHONG LAM PHYIR MI LDOG PA'I RTAGS BCU DRUG NI GSER PHRENG SOGS LAS SHES DGOS SO,, RMI LTAS KYI RTAGS BCU NI GSER PHRENG LAS, SA DANG PO LA STONG GSUM GYI STONG CHEN PO'I 'JIG RTEN 'DI GTER BYE BA KHRAG KHRIG BRGYA STONG GIS YONGS SU GANG BA DANG, GNYIS PA LA 'JIG RTEN DE LAG MTHIL LTA BUR GYUR BA LA RIN PO CHE BYE BA KHRAG KHRIS BRGYA STONG DU MAS LEGS PAR BRGYAN PA DANG, GSUM PA LA BDAG NYID DPA' ZHING LAG CHA DANG GO CHA SRAB THOGS NAS PHAS KYI RGOL BA THAMS CAD 'DUL BA DANG, BZHI PA LA PHYOGS BZHI NAS RLUNG GI DKYIL 'KHOR BZHIS THAMS CAD DANG LDAN PA'I SA CHEN PO LA ME TOG SNA TSOGS KYIS MNGON PAR 'THOR BA DANG, LNGA PA LA RGYAN THAMS CAD KYIS BRGYAN PA'I BUD MED KYIS MGO LA ME TOG TZAM PA KA'I PHRENG BA 'DOGS PA DANG, DRUG PA LA THEM SKAS BZHI DAD LDAN PA'I RDZING GSER GYI BYE MA BDAL BA DRANG ZHING RNYOG MA MED

LA CHU YAN LAG BRGYAD DANG LDAN PAS YONGS SU GANG BA ME TOG AUTPAL DANG KU MU TA DANG PADMA DKAR POS BRGYAN PA'I CHU MTHONG NAS DE LA BDAG NYID RTZE DGA' BAS LONGS SPYOD PAR MTHONG NGO, ,BDUN PA LA NGOS GA-YAS GA-YON GNYIS NA SEMS CAN DMYAL BA'I GA-YANG SA MTHONG STE DE LA BDAG NYID MA SMAS MA NYAMS PAR SLAR LDOG PA DANG, BRGYAD PA LA PHRAG PA GNYIS NA RI DVAGS KYI RGYAL PO SENG GE RAL PA CAN COD PAN THOGS PA GCAN GZAN PHRA MO THAMS CAD SKRAG PAR BYED CING GNAS PA DANG, DGU PA LA 'KHRO LOS BSGYUR BA'I RGYAL PO MTHONG STE SKYE BO BYE BA KHRAG KHRIG BRGYA STONG DU MAS YONGS SU BSKOR ZHING MDUN GYIS BLTAS TE MGO BO'I STENG NA RIN PO CHE RNAM PAR SNA TSOGS PAS SPRAS PA'I GDUGS DKAR PO 'DZIN PA DANG, BCU PA LA NI DE BZHIN GSHEGS PA'I SKU MTHONG STE MDOG GSER LTA BU 'OD 'DOM GANG BA TSANGS PA KHRAG KHRIG BRGYA STONG DU MAS YONGS SU BSKOR ZHING MDUN GYIS BLTAS NAS CHOS STON PAR RMI LAM NA MTHONG NGO,, ZHES DANG, SA DRUG PA'I LTAS LA, RDZING SANGS RGYAS KYI BSTAN PA; THEM SKAS BZHI NI DE LA 'JUG PA'I SGO GRUB MTHA' BZHI, GSER GYI BYE MA BDAL BA GZHI RIGS DRANG ZHING RNYOG PA MED PA RANG BZHIN DANG GLO BUR RNAM DAG ,JI SKAD DU, BSIL DANG ZHIM DANG YANG DANG 'JAM; ;DRANG ZHING DRI NGA MED PA DANG, ,'THUNGS NA LTO LA MI GNOD DANG, ,MGRIN PA LA NI MI GNOD PA'O, ,ZHES PA'I YAN LAG BRGYAD KYI CHUS GANG BA NI 'PHAGS LAM YAN LAG BRGYAD DO, ,ME TOG RIGS

, ,GSUM GYIS GANG ZAG GSUM MTSON TE, AUTPA LA NI NYI MAS KYANG 'BYED LA GZHAN GYI TSE YANG 'BYED SRID PAS NYAN THOS DANG, KU MU TA NYI MAS ZUM PA DANG ZLA BAS 'BYED PAR BYED PAS NYI MA LTA BU'I SANGS RGYAS MA BYON PA'I TSE 'BYUNG BAS DES RANG RGYAL DANG, PADMA DKAR PO LTA BU'I BYANG SEMS NI BYANG SEMS MCHOG YIN NO ZHES 'CHAD DO, ,ZHES GSUNGS SO,, //NGA// MDZAD NAS BSHAD PA'I MTHONG SPANG NYON MONGS GYA BRGYAD NI, 'DOD PA NA SDUG BSNGAL LA BCU DANG, KUN 'BYUNG DANG 'GOG PA GNYIS LA LTA BA DANG PO GNYIS DANG MCHOG 'DZIN THA MA STE GSUM DANG, LAM LA LTA BA DANG PO GNYIS KHO NA DOR BAS BDEN BZHI LA RIM PA LTAR BCU DANG BDUN BDUN BRGYAD YIN LA, GONG MAR KHONG KHRO YANG DOR BAS BDEN BZHI LA RIM PA LTAR DGU DANG DRUG DRUG BDUN LOG PAR 'JUG PAS SPYIR NA RGYA BRGYAD DO,, BSDU BA NAS BSHAD PA'I MTHONG SPANG NYON MONGS GO BZHI NI, SNGAR GYI GYA BRGYAD KYI STENG DU, KUN 'BYUNG DANG 'GOG PA MTHONG SPANG GI TSUL KHRIMS BRTUL ZHUGS MCHOG 'DZIN LA KHAMS GSUM GYIS PHYE BA'I DRUG BSNAN PAS GO BZHI'O,, KUN BTUS NAS BSHAD PA'I MTHOD SPANG NYON MONGS BRGYA RTZA BCU GNYIS NI, 'DOD PA NA BDEN PA BZHI RE RE LA LTA BA LNGA LTA MIN LNGA STE BCU BCU YOD PAS BZHI BCU DANG, GZUGS GZUGS MED NA KHONG KHRO BZHI BZHI DOR BA'I SO DRUG SO DRUG YOD PAS BRGYA RTZA BCU GNYIS SO,, DE DAG BDEN BZHI

LA LOG PAR 'JUG TSUL NI, GSER PHRENG LAS, BDEN PA BZHI'I THUN MONG GI MTSAN NYID GANG ZAG GI BDAG GIS STONG PA DE JI SRID MNGON SUM DU MA BYAS PA DE SRID DU BCU PO 'DIS ZAG BCAS KYI LAS DNGOS SU SKYED CING RANG GI RIGS 'DRA SNGA MAS PHYI MA RNAMS SKYED PA DANG PHYI MA'I RNAM SMIN 'PHEN PA DANG 'GRUB BAR BYED PAS SDUG BSNGAL 'PHEN PAR BYED PA'I PHYIR, SDUG KUN GNYIS KYI RGYU DANG, DE GNYIS LA DMIGS NAS KYANG 'DI DAG 'PHEL BAR 'GYUR BA'I PHYIR DE GNYIS KYIS KYANG BCU PO 'DI'I RGYU DANG GZHI BYED LA GANG GI TSE BDEN PA BZHI GANG ZAG GIS STONG PAR MNGON DU BYAS PA DE'I TSE DE DAG GIS PHAN TSUN DU 'PHEL BAR BYED PA LDOG PA'I PHYIR BCU PO 'DI SDUG KUN LA LOG PAR ZHUGS PA YIN TE, DE GNYIS KYI RANG BZHIN MTHONG BAS SPONG BA'I PHYIR RO,, DE BZHIN DU BDEN BZHI BDAG MED PAR MA MTHONG NA 'KHOR BA LA MNGON PAR DGA' BA'I DBANG GIS THAR BAR RGYU 'BRAS LA GA-YANG SAR 'DU SHES NAS SKRAG PAR 'GYUR LA, MTHONG BA NA SKRAG PA DE YANG NYON MONGS BCU SPONG BA'I SGO NAS LDOG PA'I PHYIR 'GOG LAM SKRAG PA'I GNAS MA YIN PA LA SKRAG STE SPONG BA'I NYON MONGS BCU DE GNYIS LA LOG PAR ZHUGS PA'O, ,ZHES PA LTAR RO, ,LOG ZHUGS PA GSUM GYI NGOS 'DZIN YANG DE NYID LAS, DE YANG DNGOS SU DANG, BRGYUD NAS SAM LOG PA LA DANG, DBANG GI LOG ZHUGS DANG GSUM GYIS RIG PAR BYA'O,, DE LA DANG PO NI LTA BA DANG PO GNYIS DANG LTA BA THA MA STE GSUM DANG, MA RIG PA DANG THE TSOM STE LTA MIN GYI GNYIS DANG

, ,LNGA NI BDEN PA LA DNGOS SU LOG ZHUGS TE, RIM PA LTAR BDEN PA LA BDAG DANG BDAG GI BAR 'DZIN PA DANG, DE NYID LA RTAG PA DANG CHAD PAR 'DZIN PA DANG, BDEN PA'I RNAM PA DE DANG DE DAG MED DO ZHES SKUR BA'AM DE DAG JI LTAR GSUNGS PA LAS GZHAN PA'I RNAM PAR SGRO 'DOGS PA DANG, BDEN PA'I RANG BZHIN LA RMONGS PA DANG, DE DAG DE LAS BSTAN PA LTAR YIN MIN YID GNYIS ZA BAS BDEN PA LA NYON MONGS PA GZHAN GYIS BAR MCHOD PAR PHYIN CI LOG TU 'DZIN PA'I PHYIR RO,, ZHES DANG, GNYIS PA NI LTA BA LA MCHOG 'DZIN GNYIS DANG, LTA MIN LA NGA RGYAL DANG 'DOD CHAGS GNYIS TE BZHI NI BRGYUD NAS LOG ZHUGS YIN TE, RIM PA LTAR DNGOS SU LOG ZHUGS KYI LTA BA LA MCHOG TU SGRO 'DOGS PA DANG, LTA NGAN DANG 'BREL BA'I SPYOD NGAN LA DAG GROL NGES 'BYIN DU LTA BA DANG, LTA NGAN GYIS SEMS KHENGS PA DANG LTA NGAN LA SRED PAR BYED PAS BDEN PA DANG BAR DU DMIGS TSUL GZHAN GYIS CHOD PA'I NYON MONGS LA PHYIN CI LOG TU DMIGS PA'I PHYIRO,, ZHES GSUNGS SO,, 'DOD CHAGS DANG NGA RGYAL GNYIS TE ZHES BKRIS LHUN DPAR MA LAS BYUNG BA NI YI GE'I GO RIM NA RO BA YIN TE, RIM PA LTAR BKOD PA'I SGRUB BYED DANG MA 'GRIG PA'I PHYIR RO,, GSUM PA NI, KHONG KHRO RNAMS NI DBANG GI LOG ZHUGS YIN TE, RANG GI LTA BA DANG MI MTHUN PA'I LTA BA LA KUN NAS MNAR BA SEMS PA'I DBANG GIS LOG PAR ZHUGS PA'I PHYIR RO,, ZHES DE NYID

LAS GSUNGS SO,, MDZOD NAS BSHAD PA'I SGOM SPANG NYON MONGS BZHI LA KHAMS DANG SA DANG CHE 'BRING GI RNAM PAS PHYE NA NYIS BRGYA NGA GNYIS DANG, KUN BTUS NAS BSHAD PA'I SGOM SPANG NYON MONGS DRUG LA SNGAR LTAR PHYE NA BZHI BRGYA BCU BZHI YOD PAR BSHAD CING, 'DI LA BSDU BA'I BSHAD TSUL LOGS SU MED DO,, CI'I PHYIR MTHONG SPANG RNAMS BDEN PA LA LOG ZHUGS DANG SGONG SPANG RNAMS SA'I SGO NAS 'BYED CE NA; MTHONG SPANG NI GRUB MTHA' DAN PAS YID BSLAD PAS SKYED PA'I RAGS PA'I CHA YIN PAS BDEN PA MNGON SUM DU MTHONG BA TZAM GYIS SPONG BA'I PHYIR BDEN PA'I RNAM PA LA LOG ZHUGS KYI SGO NAS BSHAD LA, SGOM SPANG NI GRUB MTHA' NGAN PAS KUN BTAGS PA LAS MA BYUNG YANG THOG MA MED PA NAS RJES SU ZHUGS PA LHAN SKYES KYI CHA PHRA BA YIN PAS BDEN PA MTHONG BA GOMS PAS CHE 'BRING NAS SPANG DGOS KYI MTHONG TZAM NAS SPANG MI NUS PA'I PHYIR SA'I SGO NAS CHE 'BRING DU BZHAG GO ZHES GSER PHRENG LAS GSUNGS SO,, //CA// SA SO SO'I YONGS SBYONG NI RGYAN 'GREL CHEN MO RNAMS DANG KHYAD PAR DU GSER PHRENG LAS GSAL ZHING RGYAS PAR BSHAD YOD PAS DER ZHIB TU BLTAS NAS SHES PAR GYIS SHIG, //CHA// RGYUD BLA DAR t'IK LAS, DE LA SANGS RGYAS KYI KHAMS YONGS SU DAG PAR BYED PA'I YON TAN YONGS SU SBYONG BA RNAM PA DRUG CU PO DE DAG GANG ZHE NA, 'DI LTA STE, BYANG CHUB SEMS DPA'I SPYAD PA SPYOD PA NA MDZES PAR BYED PA, TSUL KHRIMS DANG, TING NGE 'DZIN DANG,

, ,SHES RAB KYI BSLAB PA GSUM DANG GZUNGS TE BYANG CHUB SEMS DPA'I RGYAN RNAM PA BZHI DANG, DAM PA'I CHOS KYI SNANG BA THOB CING GTI MUG GI MUN PA DANG BRAL BAS CHOS KYI SGO SHIN TU GSAL BAR BYED PA, DRAN PA DANG, BLO GROS DANG, RTOGS PA DANG, CHOS DANG, SHES PA DANG, BDEN PA DANG, MNGON PAR SHES PA DANG, SGRUB PA'I SNANG BA STE BYANG CHUB SEMS DPA'I SNANG BA RNAM PA BRGYAD DANG, LTA BA SNA TSOGS PA DANG, PHYIN CI LOG BZHI DANG, NGA DANG NGA YIR 'DZIN PA DANG, SGRIB PA LNGA DANG, SKYE MCHED DRUG GI YUL LA CHAGS PA DANG, NGA RGYAL BDUN DANG, 'PHAGS PA'I LAM LAS NYAMS PA DANG, RANG DBANG MED PA DANG, KHONG KHRO BA DANG, SDIG PA'I LAS DANG, 'PHAGS PA'I SHES RAB MED PA DANG, RTEN 'BREL ZAB MO MA RTOGS PA DANG, LTA BA'I BAG CHAGS MA SPANGS PA DANG, SDUG BSNGAL GYI KHUR DANG MA BRAL BA DANG, GA-YO DANG NGA RGYAL SPYOD PA DANG, MTHO RIS DANG THAR PA LAS NYAMS PA'I SEMS CAN LA DMIGS NAS SDUG BSNGAL DANG BRAL BAR 'DOD PA'I RNAM PA CAN GYI BYANG CHUB SEMS DPA'I SNYING RJE CHEN PO RNAM PA BCU DRUG DANG, GTI MUG GI GNYID SAD PAR BYED PA DANG, MOS PA DMAN PA RGYA CHEN PO LA SBYOR BA DANG, CHOS MA YIN PA 'DOD PA CHOS 'DOD PA LA SBYOR BA DANG, 'TSO BA MA DAG PA DE DAG PA LA 'GOD PA DANG, LTA BA NGAN PA YANG DAG PA'I LTA BA LA 'GOD PA DANG, TSUL BZHIN MA YIN PA YID LA BYED PA TSUL BZHIN YID LA BYED PA LA 'GOD PA DANG, LOG PA'I CHOS LA

GNAS PA YANG DAG PA'I CHOS LA 'GOD PA DANG, PHA ROL TU PHYIN PA DRUG GI MI MTHUN PA'I PHYOGS DANG LDAN PA DE DRUG LA SBYOR BA RNAM PA DRUG DANG, THABS MI MKHAS PA THABS MKHAS PA LA SBYOR BA DANG, NYON MONGS PA CAN NYON MONGS PA MED PA LA SBYOR BA DANG, DMIGS PA CAN DMIGS PA MED PA LA SBYOR BA DANG, MA DUL BA DUL BA LA SBYOR BA DANG, BYAS PA MI GZO BA BYAS PA GZO BA LA SBYOR BA DANG, CHU BO BZHIR LHUNG BA DE LAS THAR PA LA SBYOR BA DANG, BKA' BLO MI BDE BA BKA' BLO BDE BA LA SBYOR BA DANG, ZHEN PA MANG BA ZHEN PA MED PA LA SBYOR BA DANG, 'PHAGS PA'I NOR MED PA NOR LA SBYOR BA DANG, NAD PA NAD MED PA LA SBYOR BA DANG, SHES PA'I SNANG BA DANG BRAL BA SNANG BA LA SBYOR BA DANG, KHAMS GSUM MI SHES PA SHES PA LA SBYOR BA DANG, GA-YON PHYOGS KYI LAM LA ZHUGS PA LAM GA-YAS PA LA SBYOR BA DANG, LUS DANG SROG LA CHAGS PA DE LA MA CHAGS PA LA SBYOR BA DANG, DKON MCHOG DANG BRAL BA DKON MCHOG GI RIGS MI GCOD PA LA SBYOR BA DANG, CHOS LAS NYAMS PA CHOS 'DZIN PA LA SBYOR BA DANG, RJES SU DRAN PA DRUG DANG BRAL BA DE DRUG LA SBYOR BA DANG, NYON MONGS PAS SGRIB PA NYON MONGS PA MED PA LA SBYOR BA DANG, MI DGE BA'I CHOS DANG LDAN PA DGE BA'I CHOS LA SBYOR BA'I BYANG CHUB SEMS DPA'I LAS RNAM PA SUM CU RTZA GNYIS SO,, ZHES BSHAD DE,, YONGS SBYONG GI CHOS KYIS KHAMS BSTAN PAR SA BCU BA'I MDO LAS KYANG GSUNGS TE, MDO DE LAS, SEMS CAN GYI

, ,SEMS DANG DE'I GNAS LUGS DRI MA DANG BCAS PA'I DE BZHIN NYID SNGAR DRI MAS MA DAG PA GNYEN PO SGOM PA'I STOBS KYIS DRI MA RIM GYIS SBYONG BAR BYED PA'I DON GYI DBANG 'DI NYE BAR BZUNG NAS BYANG CHUB SEMS DPA'I SA BCU PO DAG LA YANG MTHONG SPANGS DANG SGOM SPANGS RIM GYIS SBYONG BA'I TSUL GSER SA LE SBRAM GYIS YONGS SU SBYONG BA DPER BRJOD PA MDZAD PA'O,, ZHES DAR t'IK LAS GSUNGS PA'I PHYIR RO,, //JA// RDO RJE'I GNAS BDUN GYI YON TAN LA DRUG CU RTZA BZHI YOD PA'I RNAM SMIN GYI YON TAN SO GNYIS NI MTSAN BZANG SO GNYIS DANG, 'BRAL BA'I YON TAN SO GNYIS NI, STOBS BCU DANG MI 'JIGS PA BZHI DANG SANGS RGYAS KYI CHOS MA 'DRIS PA BCO BRGYAD DE SO GNYIS SO, ,RGYUD BLA MA'I LE'U GSUM PA'I DAR t'IK SOGS LAS SHES DGOS SO,, 'PHRIN LAS SO GNYIS NI SEMS TZAM PA'I SKABS SU MDOR BSDUS BRJOD ZIN TE, RGYAS PAR NI RGYUD BLA MA'I LE'U BZHI PA RTZA 'GREL DAG LAS SHES PAR BYA'O,, //NYA// BA SBU'I KHUNG BUR BYANG CHUB SEMS DPA' DANG, ,LHAN CIG RDZOGS SANGS RGYAS SKU BGRANG 'DAS DANG, DE BZHIN LHA DANG LHA MIN MI DAG KYANG, ,SKAD CIG SKAD CIG LA NI STON PAR NUS, ,ZHES KYANG GSUNGS NA MNGON SHES LA MNYAM PAR BZHAG PA'I NGANG NAS SMRA BRJOD SOGS NUS PA LTA CI SMOS ZHES PA YIN NAM SNYAM MO,, //TA// SANGS RGYAS GANG ZHIG GSUM NA ZLA MED PA'I

GCIG BU GAN GYIN PA DE LA 'DUD DO,, YON TAN GYI KHYAD PAR JI LTA BU DANG LDAN NA, RANG BZHIN RNAM DAG NI THOG MA DANG DPUS DANG MTHA' GSUM RANG BZHIN GYIS GRUB PA MED CING SPROS PA'I MTHA' THAMS CAD DANG BRAL BA'I DON DAM PA'I BDEN PA DANG, GLO BUR RNAM DAG NI, GNYEN POS GLO BUR GYI DRI MA MTHA' DAG ZHI BA STE, DE LA BRTEN NAS 'PHRIN LAS 'JUG PA LA RTZOL PA NYE BAR ZHI BA THOB BA'O,, 'DUS BYAS KYIS BSDUS PA'I YON TAN JI LTA BA RTOGS PA'I YE SHES NI, SANGS RGYAS NYID RANG RNAM PAR SANGS RGYAS PA BDEN PA'I SPROS PA YOD NA DMIGS SU RUNG BA LAS BDEN PA'I SPROS PA 'GA' YANG MA MTHONG ZHING; DON DAM BDEN PA LA LTOS NAS GNYIS SU SNANG BA NUB PA'I CHU LA CHU BZHAG GI TSUL DU THUGS SU CHUD PA'O,, JI SNYED PA MKHYEN PA'I YE SHES NI, DE LTAR RNAM PA GSUM PO MNGON SUM DU GZIGS PA'I TSUL GYIS SANGS RGYAS PA'O,, SANGS RGYAS NAS NI CI ZHIG BYED CE NA, BRTZE BA'I THUGS RJE CAN, SHES BYA JI LTA BA DANG JI SNYED PA MA RTOGS PA'I SEMS CAN RNAMS KYIS RTOGS PAR BYA BA'I PHYIR GDUL BYA RNAMS LA LAM STON PAR MDZAD PA'O,, LAM GYI KHYAD PAR NI, 'JIG RTEN LAS 'DAS PA'I DON GYIS NA 'JIGS PA MED PA DANG PHYIR MI LDOG PAS RTAG PA'I LAM STON PA'O, ,SLAR MI LDOG PA RTAG PA'I DON YIN GYI, RTAG DNGOS SU 'DOD PA BA BCOL LO,, NUS PA'I KHYAD PAR NI, MKHYEN BRTZE'I RAL GRI MCHOG BSNAMS PAS RTEN 'BREL YAN LAG BCU GNYIS KYI MING GZUGS

, ,KYIS BSDUS PA'I SDUG BSNGAL GYI MYU GU GCOD PAR MDZAD PA DANG, MKHYEN BRTZE'I RDO RJE MCHOG BSNAMS PAS SNA TSOGS PA'I LTA PA'I NAGS 'THIBS POS BSKOR BA'I NYON MONGS CAN GYI THE TSOM GYI RTZIG PA 'JIG PAR MDZAD PA'I NUS PA MNGA' BA'O, ,ZHES DAR t'AKI LAS SO,, //THA// 'DI'I DON NI RNAM BSHAD LAS, DE LTAR NA SANGS RGYAS KYI SAR YE SHES KYI YUL DE KHO NA NYID KYI DON LA, RNAM PA THAMS CAD DU DE'I YUL CAN GYI SEMS DANG SEMS LAS BYUNG BA'I RNAM RTOG 'GAGS SHING MI 'JUG PAS, RNAM PAR MI RTOG PA'I YE SHES DANG DE KHO NA NYID GNYIS CHU LA CHU BZHAG PA BZHIN DU DBYER MED PAR ZHUGS SO, ,DE'I PHYIR GO 'PHANG DE NI DANG POR LONGS SPYOD RDZOGS PA'I SKU YIS MNGON SUM DU MDZAD PA STE BRNYES PAR KUN RDZOB TU RNAM PAR BZHAG GO, ,ZHES PA LTAR RO,, //DA// MTSAN NYID LNGA LDAN DU BSTAN PA NI, DAR t'IKA LAS, THOG MA DANG, DBUS DANG, MTHA' SKYE BA DANG GNAS PA DANG 'JIG PA MED CING 'DUS MA BYAS DANG, CHOS DBYINGS LAS NGO BO THA DAD PA'I TSUL DU RNAM PAR DBYER MED PAS THA MI DAD PA DANG, SGRO 'DOGS DANG SKUR 'DEBS KYI MTHA' GNYIS SU LHUNG BA MED PAS PHYIN CI MA LOG PA DANG, NYON MONGS DANG SHES BYA'I SGRIB PA DANG SNYOMS 'JUG GI SGRIB PA GSUM DANG BRAL BAS RNAM PAR DAG PA'I KHYAD PAR DANG, DRI MA RANG BZHIN GYIS MED PA DANG, RNAM PAR RTOG PAS RTOGS TSUL RDZOGS

PA'I TSUL GYIS RTOGS PA MED PA DANG, CHOS DBYINGS RANG BZHIN GANG YIN PA DE RTOGS PA MNYAM PAR BZHAG PA'I RNAL 'BYOR PA YIS SO SO RANG GI RIG PA'I TSUL GYIS MTHONG BAR BYA BAS NI 'OD GSAL BA'I KHYAD PAR BSTAN TO, RANG BZHIN RNAM DAG DAD SPANGS PA'I RNAM DAG GNYIS YUL CAN GYI KHYAD PAR DU BYAS NAS BSTAN TO, ,DRI MED RNAM PAR RTOG MED MAN CHAD LNGA BAR SBYOR, ZHES PA LTAR RO, ,YON TAN LNGA LDAN YANG DE NYID LAS, NGO BO NYID KYI SKU DE BZHIN GSHEGS PA'I DRI MA MED PA'I DBYINGS DE NI TSAD 'DI TZAM DU ZAD DO ZHES GZHAL DU MED PAS RGYA CHE BA DANG, GANG+G'A'I KLUNG GI BYE MA LAS 'DAS PA GRANGS MTHA' YAS PA DANG, MU BZHIR RTOG GES BSAM DU MED PA DANG, GZHAN DANG MNYAM PA MED PA DANG, NYON MONGS PA BAG CHAGS DANG BCAS PA'I NYES PA RNAM PAR SPANGS PA'I YON TAN RNAMS DANG LDAN PAR SHES PAR BYA'O, ,ZHES BSHAD DO,, //NA// THUGS RJE RNAM PA BCU DRUG GANG ZHE NA, RTZA BA MED PA DANG GNAS MED PA DANG, ZHI BA DANG NYE BAR ZHI BA DANG, RANG BZHIN GYIS 'OD GSAL BA DANG, BLANG BA DANG DOR BA MED PA DANG, MTSAN MA MED PA DANG, DMIGS PA MED PA DANG, DUS GSUM MNYAM PA NYID DANG, LUS MED PA DANG 'DUS MA BYAS PA DANG, DBYER MED PA DANG GNAS MED PA DANG, LUS DANG SEMS KYI YUL MA YIN PA DANG, GZUNG DU MED PA DANG GZHI MED PA DANG, STONG PA NYID DANG, NAM MKHA' DANG MNYAM PA DANG, JI LTA BA BZHIN GYI GNAS DANG, RNAM PA LA 'JUG PAS RNAM PA MED PA LA 'JUG PA DANG,

, ,ZAG PA MED PA DANG NYE BAR LEN PA MED PA DANG, DAG PA DANG DRI MA MED PA DANG NYON MONGS PA MED PA STE, BYANG CHUB CHEN PO'I CHOS RNAM PA BCU DRUG THOB NAS DE MA THOB PA DANG, BYANG CHUB CHEN PO'I GNAS LUGS KYI DON MA RTOGS PA'I SEMS CAN LA DMIGS NAS, RGYAL BA'I THUGS RJE CHEN PO BCU DRUG 'JUG PA'O, ,ZHES DAR t'IKA LAS BSHAD DO, 'DIR DRANGS PA'I GZHUNG LHAG MA'I TSIG DON RNAMS MANGS SU DOGS NAS 'DIR MA BRIS TE, RANG RANG GI 'GREL BA SOGS LAS SHES PAR GYIS SHIG, DA NI RANG RGYUD MI BZHED PHYIR RGOL KHAS BLANGS LA ZHES SOGS KYI RTZA TSIG GI TSIG DON BSHAD PAR BYA STE, RANG RGYUD KYI SBYOR BA MI BZHED PAR GZHAN LA DBU MA'I LTA BA SKYED PA'I DON DU PHYIR RGOL GYI KHAS BLANGS LA 'GAL BA BRJOD PA'I THAL 'GYUR GTZO CHER 'GOD PAR BZHED PA'I PHYIR DBU MA THAL 'GYUR BA ZHES BYA BA DE'I MING GI RNAM GRANGS NI, THAL 'GYUR BA DANG BTAGS DON MA BRT6ZAL BAR RANG RANG GI BLO LA SNANG TZAM GYI SGO NAS CHOS RNAMS THA SNYAD DU YOD PAR 'JOG NUS PAS SNANG TZAM GYI DBU MA DANG RTAG CHAD KYI MTHA' PHRA RAGS THAMS CAD LA MI GNAS PAS RAB TU MI GNAS PA'I DBU MA PA RNAMS SO, ,'DI LA RTOG DPYOD SNGAR BYAS ZIN TO,, DBYE BA NI 'PHAGS PA YAB SRAS GZHUNG PHYI MA'I DBU MA PA DANG, SANGS RGYAS BSKYANGS ZLA GRAGS ZHI BA LHA LTA BU PHYOGS 'DZIN PA'I DBU MA THAL 'GYUR BA DANG KLU BYANG SH'AKYA BSHES GNYEN LTA BU PHYOGS

MI 'DZIN PA'I DBU MA THAL 'GYUR BA STE GSUM YOD DO, ,GZHUNG NI SHER PHYIN ZAB MO'I MDO DANG RIGS TSOGS DRUG DANG BZHI BRGYA PA DANG SPYOD 'JUG DANG MDO KUN BTUS BSLAB BTUS GNYIS DANG BYANG CHUB LAM SGRON LA SOGS PA'O, ,KUN RDZOB BDEN PA DANG DON DAM BDEN PA GNYIS DNGOS SU BSTAN BYA'I GTZO BOR BYAS NAS STON PA'I MDO GNYIS NI RIM BZHIN DRANG DON DANG NGES DON GYI MDO YIN TE, RIM BZHIN DNGOS BSTAN GYI DON DE LAS CHOS DE'I GNAS LUGS GZHAN DU DRANG DGOS PA DANG CHOS DE'I GNAS TSUL DNGOS BSTAN GYI DON DER NGES PA YIN PA'I PHYIR RO, ,SGRAS ZIN LTAR KHAS BLANG DU MI RUNG PAS GZHAN DU DRANG DGOS PA DANG SGRAS ZIN GYI DON TSAD MAS GRUB KYANG DE NYID GNAS LUGS MTHAR THUG MIN PAS GZHAN DU DRANG TSUL GNYIS YOD DO, ,DGONGS 'GREL NAS BSHAD PA'I 'KHOR LO THOG MA DANG MTHA' MA NI SGRA JI BZHIN PA MIN PA'I DRANG DON GYI MDO DANG DER BSHAD PA'I 'KHOR LO BA RAB NI SGRA JI BZHIN PA'I NGES DON GYI MDO YIN PAS NA, SKABS 'DIR DGONGS 'GREL GYIS DRANG NGES PHYE BA LTAR KHAS BLANG DU MI RUNG NGO, ,LANG GSHEGS DANG DGONGS 'GREL DANG RGYAN STUG PO BKOD PA LA SOGS PA'I GZHUNG TSIG TU GYUR BA'I MDO TSAN PA LNGAS, SEMS MA GTOGS PA'I BYED PA PO GZHAN MED PA DANG GZUGS SOGS RANG BZHIN GYIS MA GRUB PAR RNAM SHES KYI TSANGS PAS BZHAG PA TZAM DANG STONG PA NYID DANG GZHAN DBANG YONGS GRUB GNYIS THA SNYAD DU RNAL 'BYOR SPYOD PA PAS 'DOD PA

, ,LTAR GYI MING DANG BRDAS MA BZHAG PA'I YOD PA DANG GNAS SKABS SU RIGS SO SOR NGES PA SOGS LA DGONGS NAS, KHAMS GSUM PO 'DI NI SEMS TZAM MO ZHES GSUNGS PA DANG, PHYI DON MED PAR SEMS TZAM DU GSUNGS PA DANG, DE BZHIN GSHEGS PA'I SNYING PO RTAG BRTAN DANG KUN GZHI RNAM SHES YOD PAR GSUNGS PA GNYIS DANG, GZHAN DBANG YONGS GRUB BDEN GRUB TU STON PA DANG, MTHAR THUG THEG PA GSUM DU STON PA STE MDO TSAN PA LNGA SGRA JI BZHIN PA MA YIN PA'I DRANG DON DU BSGRUB PA YIN NO, ,'ON KYANG RTZA TSIG 'DIR MDO DRUG GRANGS NAS MDO LNGA DRANG DON DU BSGRUB PAR BSHAD PA NI BYED PA PO GZHAN 'GOG PHYIR DU SEMS TZAM DU BSTAN PA DE SGRA JI BZHIN PA YIN PAS DRANG DON 'GREL RGYU'I MDO LNGAR GSUNGS PA YIN NO, ,'O NA BYED PA PO GZHAN MED PA DGONGS GZHIR BSHAD PA MI 'THAD PAR 'GYUR RO ZHE NA, BYED PA PO GZHAN MED PAR SHES CHED DU SEMS TZAM DU GSUNGS ZHES PA YIN GYI BYED PA PO GZHAN MED PA LA DGONGS NAS SEMS TZAM DU GSUNGS ZHES PA MA YIN PAS SKYON MED CES BSHAD DGOS SAM SNYAM MO, ,'ON KYANG SKABS 'DI'I RTZA 'GREL GNYIS KA'I BSHAD TSUL 'DI NI STONG THUN CHEN MO'I RJES 'BRANG YIN KYANG RNAM BSHAD DANG LEGS BSHAD SNYING PO'I BSHAD TSUL DANG 'GRIG DKA' BA'I TSUL SNGAR BSHAD ZIN PA LTAR RO, ,'KHOR BA KUN NYON PHYOGS DANG MYANG 'DAS RNAM BYANG PHYOGS KYI GZUGS SOGS KYI CHOS BLO LA SNANG ZHING GRAGS PA STE

RNAM PA SHAR BA'I JI LTA BA DANG JI SNYED PAS BSDUS PA KUN, MA BRTAGS MA DPYAD PA'I BLO LHAN SKYES KYIS 'JIG RTEN GYI THA SNYAD DU YOD PAR 'JOG DGOS PA'I PHYIR SGRA DANG RTOG PAS PHAR BTAGS PA TZAM MIN PAR YUL GYI STENG NAS GRUB PA DANG RDZAS YOD DANG RANG MTSAN DANG RANG SNGOS NAS GRUB PA DANG BDEN PAR GRUB PA DANG NGO BO NYID KYIS GRUB PA LA SOGS PA RNAMS DGAG BYA'I BDAG YIN PAR DON GCIG YIN NO, , CHOS THAMS CAD RANG NGOS NAS MED PA DANG MING DANG RTOG PAS PHAR BTAGS PA 'DIR 'KHOR 'DAS KYI BYA BYED KUN GRA MA NYAMS SHING ZUR MA CHAGS PAR 'JOG SHES PA'I MKHAS PA NI DBU MA PA STE, 'JOG TSUL 'DI LAS RAGS PA RANG NGOS NAS GRUB PA SOGS DANG PHRA BA MING DANG RTOG PAS BTAGS PA TZAM DU YANG MED PA SOGS GANG 'DOD PAR BYAS KYANG RTAG PA DANG CHAD PA'I MTHAR LHUNG NGO, ,GANG ZAG DANG CHOS KYI STENG DU BDAG STE RANG GI NGO BO NYID KYIS GRUB PA GNYIS NI RIM BZHIN GANG ZAG GI BDAG DANG CHOS KYI BDAG GNYIS YIN PAS, DER MED PA GNYIS NI RIM BZHIN GANG ZAG GI BDAG MED DANG CHOS KYI BDAG MED GNYIS YIN PAR BZHED DO, ,DE LA CHOS KYI BDAG NI, RDO RJE YI GZIGS MA DANG LA SOGS PA'I SGRAS BSDUS PA YOD MED SOGS MTHA' BZHI SKYE 'GOG DANG MU BZHI SKYE 'GOG DANG RTEN, 'BREL GYI GTAN TSIGS TE BZHIS 'GOG PA DANG, GANG ZAG GI BDAG NI RNA MA LNGA DANG RNAM BDUN GYI GTAN TSIGS GNYIS KYIS 'GOG LA, BDAG DE GNYIS KA'ANG RTEN 'BREL GYI GTAN TSIGS NYID

, ,KYIS 'GOG PA YIN NO, ,BDAG DANG GZHAN DANG GNYIS KA DANG RGYU MED LAS SKYE BA MIN PA'I PHYIR MIG SOGS RANG BZHIN GYIS SKYE BA MED DO, ,BDAG LAS SKYE NA SKYE BA DON MED PA DANG SKYE BA THUG PA MED PAR 'GYUR BA DANG, GANG NA GANG YOD PA DE NI DE LAS SKYE BA MIN TE, 'KHAR GZHONG LA ZHO YOD PA BZHIN NO ZHES PA DANG, SA MYUG GNYIS RANG BZHIN GCIG YIN NA RGYU SA BON DANG 'BRAS BU MYU GU DUS RTAG TU MTHONG BAR 'GYUR BA DANG, RGYU SA BON SKYA BO ZHIG NAS MED KYANG 'BRAS BU MYU GU SNGON PO SKYES PA MTHONG BA'I PHYIR SA MYUG RANG BZHIN GCIG NA 'JIG RTEN GYI MTHONG BA DANG 'GAL BA DANG, RGYU 'BRAS KYI BYA BYED KUN GCIG TU 'GYUR BA LA SOGS PA'O, ,GZHAN LAS SKYE NA ME LCE LAS MUN PA 'THUG PO 'BYUNG BAR THAL BA DANG, RGYU DANG RGYU MIN PA KUN LAS 'BRAS BU YIN MIN KUN MTSUNGS PAR 'BYUNG BAR 'GYUR BA DANG, RANG GI MTSAN NYID KYIS GRUB PA'I GZHAN YIN PA'I PHYIR SA MYUG GNYIS RGYUD GCIG TU MI RUNG BAR 'GYUR TE, DPER NA GRO DANG NAS BZHIN NO ZHES PA DANG, RANG GI MTSAN NYID KYIS GRUB NA DUS NAM YANG LDOG PA MED PAS SA MYUG GNYIS KYANG DUS MNYAM DU YOD PAR 'GYUR DGOS PA LA, DUS MNYAM DUS MYUG DE GNYIS MED PA'I PHYIR RANG GI MTSAN NYID KYIS GRUB PA'I RGYU GZHAN LAS 'BRAS BU GZHAN SKYE BA CI ZHIG YOD DE MED DO, ,ZHES PA'O, ,BOD KHA CIG, RGYU 'BRAS LA SNGA PHYI BAS KHYAB

CING, GZHAN LA DUS MNYAM DGOS PA'I PHYIR SNGA PHYI BA'I GZHAN 'GOG PA YIN ZER BA DANG, YANG BOD MANG POS, LDOG PA GCIG PA'I DPUNG 'PHUL 'DOD PA SOGS 'KHRUL BAR SHES PAR BYA'O, MTHA' BZHI'I SKYE BA MI 'DOD CING GZHAN SKYE 'JIG RTEN GYI THA SNYAD DU'ANG MED PAR BSHAD PA'I PHYIR STAG TSANG BAS SKABS 'DIR GZHAN SKYE YOD PAR 'DOD PA NI SMYON PA'I ZLOS GAR DANG 'DRA BA YIN NO, ,BDAG DANG GZHAN RE RE'I SKYE BA YOD PA MIN PA'I PHYIR GNYIS KA LAS SKYE BA'ANG KHEGS PA YIN NO, ,RGYU MED PAR SKYE NA 'BRAS BU 'BYUNG BA'I CHED DU SA BON 'DEBS PA DANG NYO TSONG BYED PA SOGS DON MED PAR 'GYUR CING, 'JIG RTEN GYI MTHONG BA DANG 'GAL BA DANG, DNGOS PO KUN LAS 'BRAS BU KUN SKYE BA'ANG YOD PAR 'GYUR RO, ,'BRAS BU LA MU BZHIR DPYAD NAS GZHAN SKYE DGAG PA NI, GZHAN LAS SKYE NA RGYU DES 'BRAS BU RANG BZHIN GYIS YOD PA DANG, GTAN NAS MED PA DANG, YOD MED GNYIS KA MIN PA LA SKYED BYED KYI RKYEN DES CI ZHIG BYA STE DGOS PA MED GANG SKYED GRANG STE BRTAG GO, ,DE LA 'BRAS BU RANG BZHIN GYIS YOD PA LA SKYED BYED KYI RKYEN CI ZHIG DGOS, GTAN NAS MED PA LA BSKYED BYA SKYED BYED KYI BYA BYED DANG BRAL LA, GNYIS KA YIN PA SNGAR GYI RIGS PA DES BSAL ZHING, GNYIS KA DANG BRAL BA STE GANG YANG MIN PA LA SKYED BYED KYI RKYEN DES CI ZHIG BYA STE DGOS PA MED DO, ,DNGOS PO RNAMS BDEN PAR RGYU YIS BSKYED PA MIN TE, DON DAM PAR

, ,RGYU GCIG GIS 'BRAS BU GCIG BSKYED PA MIN ZHING, DON DAM PAR RGYU DU MAS 'BRAS BU GCIG MI SKYED LA, DON DAM PAR RGYU GCIG GIS 'BRAS BU DU MA SKYED PA MIN ZHING, DON DAM PAR RGYU DU MAS 'BRAS BU DU MA'ANG BSKYED PA MIN PA'I PHYIR RO, ,RGYU GCIG GIS 'BRAS BU GCIG SKYED PA YOD PAR BSGRUB PA'I PHYIR DANG, RGYU DU MAS 'BRAS BU GCIG SKYED PA SOGS GZHAN RNAMS KYANG RUNG BA STE YOD PA'I PHYIR RTAGS ZUR BZHI PO 'DIR DON DAM PA SOGS DGAG BYA'I KHYAD PAR MI SBYOR BA NI 'KHRUL BAR SHES PAR BYA'O, ,RTEN 'BYUNG MIN PA'I CHOS NI LUGS 'DIR MED LA, RTEN 'BYUNG NI PHRAD NAS GRUB PA DANG LTOS NAS GRUB PA DANG BRTEN NAS GRUB PA TZAM YIN PA'I PHYIR GZUGS SOGS PHYI NANG GI CHOS KUN TSUGS THUB DANG RANG NGOS NAS GRUB PA RNAMS MIN NO ZHES PA NI, BSGRUB BYA'I CHOS KYI DON YID LA BYED PA DER ZAB PO'I NYAMS LEN DANG GTAN TSIG KYI DON YID LA BYED PA DER RGYA CHE BA'I NYAMS LEN TSANG ZHING, RIM BZHIN RTAG PA DANG CHAD PA'I MTHA' GNYIS SEL BA'I PHYIR 'DI NI RIGS PA'I RGYAL PO YIN NO, ,DE'I PHYIR STAG TSANG BAS DON DAM DANG TSAD GRUB DANG TSUGS THUB DON GCIG TU 'DOD PA NI NAM MKHA' ZA BAR 'DOD PA DANG 'DRA STE, GRUB MTHA' PA SUS KYANG TSAD GRUB DANG TSUGS THUB DON GCIG MA BYAS PA'I PHYIR RO, ,GDAGS GZHI PHUNG PO LA BTAGS PA TZAM MA GTOGS PA RANG

DBANG BA'I BDAG NI MED PA YIN TE, GDAGS GZHI PHUNG PO RNAMS GANG ZAG MIN ZHING, GANG ZAG DE GDAGS GZHI PHUNG PO LAS NGO BO GZHAN PA MIN LA, GANG ZAG DE GDAGS GZHI PHUNG PO'I RTEN MIN ZHING, GANG ZAG DE DON DAM PAR GDAGS GZHI PHUNG POR BRTEN PA'ANG MIN LA, GANG ZAG DE DON DAM PAR PHUNG PO DANG MI LDAN PA DANG, GDAGS GZHI PHUNG PO'I DBYINGS GANG ZAG MIN ZHING, GDAGS GZHI PHUNG PO'I TSOGS PA GANG ZAG MIN PA'I PHYIR, DPER NA SHING RNA SNGAR LTAR BTZAL NA RANG DBANG BA'I SHING RTA RNYED RGYU MED PA BZHIN YIN TE, RNAM BDUN GYI DPYAD PA 'DI BUM PA DANG SNAM BU DANG RE LDE DANG DMAG DANG NAGS TSAL LA SOGS PA'I CHOS RNAMS KUN BDEN MED DU GTAN LA 'BEBS PA LA SBYAR BAR 'JUG PA RTZA 'GREL NAS GSUNGS SO, ,THAL 'GYUR PA NANG PHAN TSUN ZAB RGYAS KYI DON 'GA' ZHIG LA BRGAL BRTAGS BYED PA'I SKABS 'GAR RGOL BA GNYIS KA LA TSUL GSUM MTHUN SNANG BAR TSAD MAS GRUB PA DANG RTAGS MTHUN SNANG BA TZAM YOD PAR BZHED KYANG, RANG DBANG BA'I TSAD MAS GRUB PAR 'DOD PA MIN PA'I PHYIR RANG RGYUD KYI SBYOR BA MI 'DOD PAS NA, STAG LOS LUGS 'DIR RANG RGYUD THA SNYAD DU YOD PAR 'DOD PA NI 'KHRUL LO, ,DBYE GZHI SHES BYA DER DBYE NGO KUN RDZOB DANG DON DAM PA'I BDEN PA GNYIS YOD CING, DE LAS MANG PO DGOS PA MIN LA NYUNG NA MI 'DU BAS BDEN PA GNYIS PO DER GRANGS NGES PA YIN NO, ,BDEN PA GNYIS NGO BO THA DAD YIN NA,

, ,GZUGS BDEN MED DE GZUGS KYI GNAS LUGS SU MI RUNG BA SOGS DANG, BDEN PA GNYIS LDOG PA GCIG YIN NA, DON DAM BDEN PA DE SO SO'I SKYE BO KUN GYI MNGON SUM GYI SPYOD YUL DU 'GYUR BA SOGS KYI SKYON YOD PA'I PHYIR, BDEN PA GNYIS NGO BO DBYER MED LA LDOG PA'I SGO NAS THA DAD DU 'BYED PA YIN NO, ,BDEN GNYIS KYI MTSAN NYID NI, RIGS SHES DANG THA SNYAD PA'I BLO YUL GANG LA DON DAM DANG THA SNYAD DPYOD PA'I TSAD MAR SONG BA DANG TSAD MA DES RNYED PA'I DON NI, RIM PA BZHIN DU DON DAM DANG KUN RDZOB BDEN PA'I DON YIN NO, ,SGRA BSHAD NI, SHES PAR BYA BA'I DON YIN PA DANG DON GYI MCHOG GAM DAM PA'ANG YIN PA DANG SNANG TSUL DANG GNAS TSUL MTHUN PA'I MI BSLU BA'AM BDEN PA YIN PA'I PHYIR DON DAM BDEN PA DANG, BDEN 'DZIN GYI MA RIG BA NI GNAS LUGS MTHONG BA LA SGRIB PA'I PHYIR KUN RDZOB CES BYA LA, BLO KUN RDZOB PA DE'I NGOR BDEN PAS NA KUN RDZOB BDEN PA ZHES BYA'O, ,DON DAM BDEN PA'I DBYE BA NI, GANG ZAG GI BDAG MED DANG CHOS KYI BDAG MED GNYIS DANG, DNGOS PO STONG PA NYID DANG, DNGOS PO MED PA STONG PA NYID DANG, RANG BZHIN STONG PA NYID DANG, GZHAN GYI DNGOS PO STONG PA NYID DE BZHI DANG, NANG STONG PA NYID DANG, PHYI STONG PA NYID DANG, PHYI NANG GNYIS KA STONG PA NYID LA SOGS PA BCU DRUG DANG, SOGS SGRAS BSDUS PA STONG NYID BCO BRGYAD DANG STONG NYID NYI SHU'O, ,SGRAS BRJOD KYIS DBYE NA, SO SKYE'I STONG NYID DON

SPYI'I TSUL DU RTOGS PA'I BLO DANG 'PHAGS PA'I STONG NYID MNGON SUM DU RTOGS PA'I BLO GNYIS YUL DANG BCAS PA RIM BZHIN RNAM GRANGS BA'I DON DAM DANG GZHAN TE RNAM GRANGS MA YIN PA'I DON DAM YIN NO, ,DBU MTHAL 'GYUR BA'I RANG LUGS LA KUN RDZOB BDEN PA LA YANG DAG KUN RDZOB DANG LOG PA'I KUN RDZOB GNYIS KYI DBYE BA YOD PA MIN YANG, 'JIG RTEN PA'I SHES NGOR MI'I BYAD BZHIN DANG BYAD BZHIN GYI GZUGS BRNYAN SOGS LA BDEN ZHES PA DAD MI BDEN ZHES PA'I THA SNYAD THOB TU RUNG BA'I PHYIR RIM BZHIN YANG DAG KUN RDZOB DANG LOG PA'I KUN RDZOB TZAM YIN NO, ,THA SNYAD PA'I SHES PA NI RIGS SHES KYI SNGON DU 'GRO BA DANG GROGS SU GYUR BA STE, THA SNYAD PA'I SHES PA NI THABS DANG RIGS SHES NI THABS LAS BYUNG BA YIN PA'I PHYIR RO, ,STONG PA NYID BSTAN PA'I DGOS PA NI RTAG CHAD KYI LTA NGAN SOGS BZLOG PA DANG BDEN 'DZIN DANG BDEN MED RTOGS PA'I BLO LA SPANG BLANG BYA BA'I PHYIR YIN PAS NA, STAG LOS GNAS SKABS TE RIM PA GSUM PAR STONG NYID MIN PA'I SPROS BRAL SGOM PAR 'DOD PA 'KHRUL LO, ,STON PA SANGS RGYAS KYIS GDUL BYA BKRI BA'I RIM PA NI, DANG POR LAS GSOGS PA DANG 'BRAS BU MYONG BA'I RDZAS YOD KYI BDAG BSTAN PA SOGS KYI SGO NAS BSOD NAMS MIN PA NGAN 'GRO'I RGYU BZLOG PA DANG, BAR DU MI RTAG SOGS BCU DRUG GI STONG PA DANG BDAG MED BSTAN PA SOGS KYI SGO NAS RTAG GCIG RANG DBANG CAN DANG RDZAS YOD KYI BDAG GNYIS BZLOG STE LAM GYI SNOD RUNG DU BYAS PA DANG, THA MAR SHIN TU PHRA BA'I

, ,DE BZHIN NYID RTOGS PA DANG MNGON DU GYUR PA'I SGOM TSUL BSTAN PA LA SOGS PA'I RIM GYIS RTAG CHAD KYI LTA BA PHRA RAGS KUN DANG CHAGS SOGS NYON MONGS KYI DRI MA BAG CHAGS DANG BCAS PA 'JOMS PAR MDO DANG SNGAGS KYI RGYUD SDE BZHI LAS GSUNGS SHING DE DAG GI DGONGS 'GREL MKHAN PO RNAMS KYIS BZHED PA YIN NO, ,ZAB MO'I DON SGOM PA'I RIM PA LA, LAS DANG PO PAS STONG PA NYID LA MYONG BA 'DON TSUL DANG, ZHI GNAS RJES MTHUN PA LA BRTEN NAS LHAG MTHONG RJES MTHUN PA SGOM TSUL DANG, ZHI GNAS DNGOS LA BRTEN NAS LHAG MTHONG DNGOS SGOM TSUL DANG, STONG PA NYID MNGON SUM DU RTOGS NAS SGOM TSUL DANG, SNGAGS BLA MED KYI BDE CHEN GYIS STONG PA NYID SGOM TSUL TE LNGA YOD PA RNAMS RJE BDAG NYID CHEN PO LA SOGS PA'I MKHAS PA'I DBANG PO RNAMS KYI GSUNG RAB LA ZHIB TU LTOS SHIG ,RANG NGOS NAS MA GRUB PA'I STONG PA NYID JI LTAR RTOGS DKA' BA BZHIN DU MING TZAM LA BYA BYED THAMS CAD 'THAD PA'I THA SNYAD KYI 'JOG 'TSAMS SHIN TU DKA' ZHING, KUN RDZOB DANG DON DAM BDEN PA GANG LAS NYAMS NA YANG PHUNG BAR 'DRA ZHING MTHAR LHUNG BAR 'DRA BA'I PHYIR KUN RDZOB TU YOD PA DANG DON DAM PAR MED PA 'DI GNYIS LA NYE RING BYA MI RIGS PAS DE GNYIS KA ZUNG DU 'BREL BAR SHES SHING SGOM PA NI SHIN TU GCES SO, ,MTSAN NYID GSUM GYI 'JOG LUGS RANG RGYUD PA'I SKABS SU BSHAD PA DANG MTSUNGS SHING,

SBRUL DE THAG PA LA MED PAS KUN BRTAGS DANG SBRUL DNGOS LA KUN BRTAGS PA MA YIN PAR YONGS SU GRUB PA DANG 'DRA BAR, GSHIS SAM RANG BZHIN NI GZHAN DBANG GI RTEN 'BREL BYAS PA CAN LA NI KUN BRTAGS DANG CHOS NYID LA YONGS SU GRUB PA DANG, YANG GSHIS SAM RANG BZHIN NI BYIS PAR TE SO SKYE'I RTOG MED KYI SHES PA'I YUL NA DE YOD PA KUN BRTAGS DANG RGYAL BA'I JI LTA BA MKHYEN PA'I YE SHES KYI YUL LA STE YUL DU GYUR BA'I DE YONGS SU GRUB PAR BZHED DO, ,RANG GI MTSAN NYID KYIS GRUB PA THA SNYAD DU YANG MI BZHED PA'I PHYIR KHAS BLANGS KYI KHYAD PAR THUN MONG MIN PA BRGYAD LA SOGS PA MANG PO YOD DO,, DE YANG THA SNYAD DPYAD PA'I BLOS RIM BZHIN MI KHEGS PA DANG MI GRUB PA'I PHYIR PHYI ROL GYI DON YOD PA DANG KUN GZHI RNAM SHES MED PAR BZHED PA DANG, BDEN GRUB KYI DNGOS PO YOD PAR 'DZIN PA'I BLO YOD BZHIN DU THAR BA THOB PA YOD PA MIN PAR GSUNGS PAS BDEN 'DZIN DE NYON SGRIB YIN PA DANG, GANG ZAG GI BDAG MED DANG CHOS KYI BDAG MED NI STONG GZHI'I SGO NAS 'JOG PAS NA PHRA RAGS MTSUNGS PA DANG, SEMS CAN GYI RGYUD KYI MNYAM BZHAG RNAM PAR MI RTOG PA'I YE SHES MA GTOGS PA'I SHES PA LA BDEN 'DZIN GYI BAG CHAGS KYIS MA BSLAD PA MED PA DANG TSAD MAS RTOGS TSUL LA GSAR RTOGS KYI DPYAD PA MI RUNG BA'I PHYIR BYIS SHES TE SO SKYE'I SHES PA KUN 'KHRUL SHES YIN PA DANG BCAD SHES TSAD MAR GRUB PA DANG, KUN RDZOB RNAM CAN GYI YID KYI TSOR

, ,BA RNAMS YID MNGON YIN PA DANG MNGON PA GONG 'OG NAS BSHAD PA'I DGRA BCOM PA 'GA' ZHIG BDEN RNAM BCU DRUG MNGON DU GYUR KYANG 'PHAGS PA MIN PA'I PHYIR RTOG PAR GYUR PA'I YID MNGON YOD PA DANG BDEN BZHI'I RNAM PA MI RTAG SOGS BCU DRUG MNGON DU GYUR BA'I SO SO SKYE BO YOD PAR BZHED PA DANG, STONG NYID LA DMIGS PA'I LHAG MTHONG THOB PA DANG SBYOR LAM THOB PA DUS MNYAM YIN PA DANG ZHIG PA DNGOS PO YIN PA'I PHYIR BDEN RNAM BCU DRUG MNGON SUM DU RTOGS PA TZAM GYIS SBYOR LAM TZAM LA'ANG MI SLEB PA DANG DUS GSUM DNGOS POR BZHED PA DANG, SKYE BA'I RKYEN GYIS RGA SHI BSKYED PA'I PHYIR ZHIG PA DNGOS PO YIN LA, DE'I PHYIR DGE MI DGE'I LAS 'GAGS NAS BSKAL PA MANG PO SONG YANG, THOB PA DANG RGYUN DANG CHUD MI ZA BA MED NA'ANG 'BRAS BU 'BYIN PA 'THAD PA YIN NO,, ZHIG PA DNGOS POR SMRAS PA TZAM NI BTAGS DON LA DPYAD NAS SMRAS PA MIN TE, DPER NA BUM PA DNGOS POR SMRAS PA BZHIN NO,, DUS YUN RING POR SONG BA'I NGAG RTZUB PO SMRAS PA'I LAS BYAS PA MA ZHIG PAR DA LTA BLO LHAN SKYES LA SNANG BAR 'DOD NA SNGON BYAS PA'I LUS NGAG YID GSUM GYI LAS MTHA' DAG DA LTA MI DRAN PA'I RGYU MTSAN CI ZHIG YOD, BTAGS DON LA MA DPYAD PAR 'JOG NUS PA MIN PA'I PHYIR RANG RGYUD DANG RANG RIG YOD PA MIN PA DANG, YUL YUL CAN PHAN TSUN LTOS TSE MNGON SUM MTSAN NYID PA NI YUL YIN GYI YUL CAN NI MIN PA DANG, 'GOG

BDEN CHOS DBYINGS DANG 'PHAGS PA RNAMS KYIS BDEN MED MNGON SUM DU GZIGS PA DANG, LHAG MED KYI TSE PHUNG PO ZAD PAR MI RUNG ZHING, TSOR BA DANG 'DU SHES 'JIG PAR BSHAD PA'I PHYIR LHAG BCAS LHAG MED KYI MYANG 'DAS KYI KHYAD PAR NI RANG NGOS NAS GRUB PAR SNANG BA'I 'KHRUL SNANG ZAD MA ZAD KYI GO RIM BZLOG PAS 'JOG DGOS SO,, NYON MONGS KYI SA BON MA YIN PA'I BAG CHAGS NI SHES SGRIB YIN LA, NYON MONGS CAN MIN PA'I MA RIG PA'ANG YOD PAR BZHED DO,, NYON MONGS MA ZAD PAR SHES SGRIB SPONG BA'I MGO MI RTZOM ZHING, SNANG BAS YOD MTHA' DANG STONG BAS MED MTHA' SEL TSUL DE RNAMS DANG, SOGS SGRAS BSDUS PA 'GOG SNYOMS KYI KHYAD PAR DANG ZAB MO'I LTA BA SKYED TSUL DANG, BAG CHAGS BSGO GZHI DANG, GANG ZAG GI MTSAN GZHI 'JOG TSUL SOGS THUN MONG MA NI PA'I KHYAD PAR MANG PO YOD PA RNAMS 'PHAGS PA YAB SRAS KYI DBU MA'I GZHUNG DANG RJE YAB SRAS KYI LEGS BSHAD RNAMS LA ZHIB TU LTOS SHIG ,TSAD MA LA MNGON SUM DANG DNGOS STOBS KYI RJES DPAG DANG DPE NYER 'JAL GYI RJES DPAG DANG LUNG GI TSAD MA STE BZHIR BSHAD KYANG, GZHAL BYA MNGON LKOG GNYIS SU NGES PA'I DBANG GIS MNGON SUM DANG RJES DPAG GNYIS SU NGES PA YIN NO,, RTAGS LA LTOS PA MIN PAR RANG GI 'DZIN STANGS KYI YUL GYI GZHAL BYA MNGON SUM PAR BSLU BA MED PA'I SHES PA NI MNGON SUM GYI TSAD MA'I DON YIN PAR BZHED CING, DBYE NGO NI DBANG MNGON DANG YID MNGON DANG RNAL

, ,'BYOR MNGON SUM STE GSUM YOD DO,, RTAGS SAM RGYU MTSAN LA BRTEN NAS LKOG YUL TE RANG GI 'DZIN STANGS KYI YUL GYI GZHAL BYA LKOG GYUR BA LA BSLU BA MED PA'I SHES PA NI RJES SU DPAG PA'I TSAD MA STE, DBYE NA CUNG ZAD LKOG GYUR DANG DPE DANG 'DRA BA'I LKOG GYUR DANG SHIN TU LKOG GYUR TE GSUM 'JAL BA'I DNGOS STOBS KYI RJES DPAG DANG DPES NYER 'JAL GYI RJES DPAG DANG LUNG GI TSAD MA'AM YID CHES KYI RJES DPAG STE GSUM YOD PAR BZHED DO,, RANG GI 'DZIN STANGS KYI YUL LA NGES PA 'DREN NUS SHING 'DZIN STANGS KYI YUL DER TSAD MA GZHAN GYIS GNOD PA DANG BRAL BA NI YUL DE LA MI BSLU BA'I DON YIN PA'I PHYIR YUL DE LA 'KHRUL YANG TSAD MAR SONG BA MI 'GAL TE, MI BSLU BA'I DON NI SKABS STOBS KYIS MANG PO BSHAD DO,, DE'I PHYIR RDZAS KYI SGRA BZHIN DU MI BSLU BA'I SGRA YANG DON GCIG KHO NA LA 'JUG PA MIN NO,, MNGON MTHO DANG NGES LEGS SGRUB BYED NI KYI RIM BZHIN LAS 'BRAS LA YID CHES PA'I DAD PA DANG BDAG MED RTOGS PA'I SHES RAB GNYIS YIN LA, BDAG MED RTOGS PA'I SHES RAB KYI SNGON 'GRO'I TSES NI DKAR CHOS THAMS CAD RTZA BAR GYUR PA'I DAD PAS CHOS KYI SNOD RUNG DU BYED PA DE YIN NO,, BDAG MED RTOGS PA'I SHES RAB NI 'KHOR BA LAS GROL BA'I RGYU DANG RNAM PAR MI RTOG PA'I DON SGRUB BYED YIN NO,, DMAN PA DANG 'BRING DANG MCHOG GI SKYES

BU'I LAM GYI RIM PA GSUM DU RGYAL BAS GSUNGS PA'I CHOS TSUL KUN 'DUS TE, SANGS RGYAS KYIS DANG POR THUGS BSKYED PA DANG BAR DU TSOGS BSAGS PA DANG MTHAR SANGS RGYAS PA THAMS CAD GDUL BYA RNAMS KYI GNAS SKABS DANG MTHAR THUG GI DON GNYIS SGRUB PA LAS BRTZAM PA SHA STAG YIN PA'I PHYIR RO,, SKYES BU 'BRING LAS NYAN RANG GNYIS DANG 'BRING GI LAM LAS DE DAG GI LAM DBYE ZHING; SKYES BU CHEN POR THEG CHEN 'DUS PA'I PHYIR THEG PA GSUM KA SKYES BU GSUM GYI LAM DU 'DUS PA YIN LA RGYAL PA 'DI'I BSTAN PA LA THEG PA BZHI PA YOD PA MIN NO,, LUGS 'DIR NYAN RANG GI RTOGS RIGS MTHUN ZHING, RIGS KYI SA DANG, BRGYAD PA'I SA DANG, MTHONG BA'I SA DANG, BSRABS PA'I SA DANG, 'DOD CHAGS BRAL BA'I SA DANG, BYAS PA RTOGS PA'I SA DANG, NYAN THOS KYI SA DANG, RANG SANGS RGYAS KYI SA STE DMAN PA SA BRGYAD KYANG BZHED PA DANG, GZHUNG 'GA' ZHIG NAS NYAN THOS KYI SA DOR NAS DKAR PO RNAM PAR MTHONG BA'I SA BGRANGS NAS BRGYAD DU BYED PA'ANG YOD DO,, RTOGS RIGS 'DRA YANG TSE GSUM DANG BSKAL CHEN BRGYA LA SOGS PA'I DUS KYI SGO NAS NYAN RANG GI 'BRAS BU'I KHYAD PAR DBYE'O,, RTZA BA BRTAN PA THEG CHEN SEMS BSKYED LA BRTEN NAS PHA ROL TU PHYIN PA DRUG DANG BSDU BA'I DNGOS PO BZHI'I YAL GA DANG, RDZOGS SMIN SBYANGS GSUM GYI LO 'DAB 'BRAS SNYING YONGS SU RDZOGS PA'I SKU BZHI'I YONGS 'DU'I DBANG PO BSGRUB PAR BYA DGOS SO,, DE YANG TSOGS LAM DANG SBYOR LAM GYI KHYAD PAR NI BYANG

, ,PHYOGS DANG PO GSUM DANG DBANG STOBS SO SOR SBYOR BA LTA BU YON TAN DANG, RIGS DANG PHYIR MI LDOG PA'I RTAGS SO SOR SBYOR BA DANG, MNGON RTOGS RGYAN NAS BSHAD PA LTAR SGOM TSUL SO SOR YOD PA DANG, THOS BSAM DANG SGOM BYUNG GTZO CHE BA'I NGO BO'I KHYAD PAR RNAMS KYIS 'BYED DO,, SA BCU'I MNYAM BZHAG RNAM PAR MI RTOG PA'I YE SHES KYIS CHOS NYID MNGON SUM DU RTOGS TSUL LA MI 'DRA BA'I KHYAD PAR DBYER MED KYANG GDUL BYA'I DON NAM PHAR PHYIN SOGS LA SBYONG BA'I SBYOR BA DANG RJES THOB KYI YON TAN SANGS RGYAS BRGYA MTHONG BAR MDZAD PA LA SOGS PA SDE TSAN BCU GNYIS KYI GRANGS GONG NAS GONG DU 'PHEL BA DANG, SA SO SO'I SKABS KYI DRI MA SBYONG BA DANG LAM BGROD PA'I STOBS GONG NAS GONG DU 'PHEL BA DANG, PHAR PHYIN LHAG PA'I KHYAD PAR DANG, RNAM SMIN GYI SKYE BA GONG NAS GONG DU 'PHEL BA'I KHYAD PAR TE BZHIS SA BCU SO SOR 'JOG GO, SA RE RE LA'ANG RAB TU DGA' PA LA SOGS PA'I NGES TSIG DANG, SNGAR BSHAD PA LTAR BSLAB PA GSUM LA SLOB TSUL DANG ZAG MED KYI PHUNG PO LNGA SPYOD TSUL GYI DBYE BA DANG, YON TAN SDE TSAN BCU GNYIS KYI KHYAD PAR DANG, BRTEN PA PHAR PHYIN LHAG PA'I KHYAD PAR DANG, 'DZAM GLING LA DBANG PA'I 'KHOR BSGYUR DU SKYE BA SOGS RNAM SMIN GYI SKYE BA 'DZIN PA'I KHYAD PAR DANG, PHYIR MI LDOG PA'I RTAGS DANG SA SO SO'I RMI LTAS GNYIS DANG, SA SO SO'I SPANG BYA'I KHYAD PAR DANG, GNYEN PO YONGS SBYONG GI

KHYAD PAR TE BRGYAD KYIS RNAM PAR BSHAD PA STE, RGYAS PAR GSER PHRENG LAS SHES DGOS SO,, 'BRAS BU SANGS RGYAS KYI SA NA MNYAM BZHAG DANG RJES THOB YE SHES NI RES 'JOG MIN PAR NGO BO GCIG TU SONG ZHING, SEMS KYI RGYU BA RNAM RTOG KUN NYE BAR ZHI PAS NA TING NGE 'DZIN GYI GNAS PA BRTAN PO MTHAR PHYIN CING SRID PA JI SRID PAR MNYAM BZHAG LAS BZHENGS PA YOD PA MIN NA YANG GDUL BYA'I SKAL PA JI LTA BA BZHIN DU CHOS SNA TSOGS STON PA LA SOGS PA'I RJES THOB KYI BYA BA'ANG MDZAD DO,, RNAM MKHYEN GYIS CHOS DBYINGS GZIGS NGOR GNYIS SNANG GI SPROS PA KUN LOG NAS MED KYANG BTAGS DON LA MA BRTAGS MA DPYAD PAR JI SNYED PAS BSDUS PA'I CHOS THAMS CAD PHYAG MTHIL DU SKYU RU RA BZHAG PA BZHIN DU MKHYEN PAR MDZAD DO,, 'BRAS BU CHOS SKU GCIG DANG CHOS GZUGS KYI SKU GNYIS DANG CHOS LONGS SBRUL BA'I SKU GSUM DANG, NGO BO NYID SKU YE SHES CHOS SKU LONGS SKU SPRUL SKU BZHI DANG, NGO BO NYID SKU YE SHES CHOS SKU LONGS SKU DNGOS DANG BTAGS PA PA DANG SPRUL SKU STE LNGA YOD PAR BZHED CING, THUB PA'I DBANG PO LA RGYA CHE BA'I GZUGS SKU MI MNGA' BAR GZHAN NGOR SKYE LA DGOS PA NI 'KHRUL BAR SHES PAR GYIS SHIG, GLO BUR DANG RANG BZHIN RNAM DAG GI NGO BO NYID SKU DANG, YE SHES CHOS SKU NI SANGS RGYAS KYI SA'I ZAG PA MED PA'I YE SHES SDE TSAN NYER GCIG LA SOGS PA DANG, 'KHOR DANG ZHING DANG SKU DANG CHOS DANG MDZAD PA'I KHYAD KPAR LNGA DANG LDAN ZHING 'KHOR BA MA STONGS KYI BAR DU SKU'I SNANG BA MI SDUD PA'I

, ,LONGS SPYOD RDZOGS PA'I SKU DANG, BZO BA SPRUL SKU DANG SKYE BA SPRUL SKU DANG MDZAD PA BCU GNYIS STON PA'I BYANG CHUB CHEN PO'I SPRUL SKU STE GSUM MO,, DE RNAMS KYIS SNYAN CING 'JEBS PA'I GSUNG YAN LAG DRUG CU RTZA BZHI'I TSANGS DBYANGS KYIS NAM MKHA'I KHYON KUN 'GENGS PAR MDZAD DO,, SKU GSUNG THUGS GSUM GYI GSANG BA BSAM GYIS MI KHYAB PA'I ROL PAS BRTAN GA-YO KUN LA KHYAB BA RNAMS SKAL BA DANG LDAN PA RNAMS KYIS MTHONG BA YIN NO,, SKAD CIG BSKAL BAR DANG BZLOG PA STE BSKAL BA SKAD CIG TU BYIN GYIS BRLABS PA DANG, BA SBU'I KHUNG BU RE RER BRTAN GA-YO THAMS CAD BKOD KYANG NAM MKHA'I BZHIN DU DOG PA MIN PA DANG BA SBU'I KHUNG BU CHE BA DANG BRTAN GA-YO MTHA' DAG CHUNG NGUR SONG BA YANG MIN NO,, GNAS DANG GNAS MIN MKHYEN PA LA SOGS PA'I STOBS BCU DANG, SANGS RGYAS KYI CHOS GZHAN DANG MA 'DRES PA BCO BRGYAD LA SOGS PA RMAD DU BYUNG BA'I YON TAN RNAMS NI MA LUS RGYAL RNAMS TE RGYAL PA THAMS CAD KYIS BRJOD PA LA ZHUGS KYANG MI RDZOGS PA NI NAM MKHA'I MTHA' JI LTA BA BZHIN YIN NO,, 'GRO BA RNAMS KYI SDUG BSNGAL ZHI BAR MDZAD PA LA SOGS PA GANG LA GANG 'DUL GYI MDZAD PA LHUN GYIS GRUB CING BSAM GYIS MI KHYAB PA'I 'PHRIN LAS 'KHOR BA'I PHYI MTHA'I BAR DU RGYUN MI CHAD PAR RTAG TU STEN PAR MDZAD PA YIN NO,, ZHES PA'O,, 'DIR SMRAS PA, 'PHAGS PA'I SKYES BU

GRANGS MED GSHEGS PA'I SHUL, ,'PHAGS YUL GRUB MTHA' KUN GYI YANG RTZE 'DI, ,'PHAGS MCHOG KLU SGRUB ZHABS DANG SRAS RNAMS KYIS, ,'PHAGS PA BLO GROS MI ZAD MDO BZHIN PHYE, ,ZAB MA LTA BA'I GSER LDAN MA 'DI YANG, ,LTA BA SNYIGS MA'I RGYA MTSOR BYING BA'I TSE, ,BLO GTER 'JUG PA BCU PAS MI BZOD PAR, ,BLO BZANG GRAGS PA'I RUS SPAL GZUGS KYIS BTEGS, ,DON 'GYUR THE TSOM ZA BA'I DROD TZAM GYIS, ,SRID PA'I SDUG BSNGAL GRANG REG MTHAR BYED PA'I, ,ZAB LAM ME CHEN 'BAR BA'I RGYU TSOGS LA, ,BLO DANG BRTZON PA'I RTZAL GYIS 'BAD PAR RIGS, ,ZHES GRUB MTHA' CHEN MO'I MCHAN 'GREL DKA' GNAD MDUD GROL BLO GSAL GCES NOR ZHES BYA BA LAS DBU MA THAL 'GYUR BA'I SKABS BYAS ZIN TO,, BLA MA BLO BZANG THUB DBANG RDO RJE 'CHANG CHEN PO KLU SGRUB YAB SRAS SLOB BRGYUD DANG BCAS PA LA PHYAG 'TSAL LO,, MCHOG DANG THUN MONG GI DNGOS GRUB MYUR DU BSTZAL DU GSOL, 'DIR MDO SNGAGS KYI KHYAD PAR PHYE NAS GSANG LAM MCHOG TU GRUB PA'I SKABS KYI MTSAN 'GOD PA LA,, //KA// LUGS 'DIR SHES SGRIB SKOR DGU'I DBYE BA 'JOG DKA' BAS NA, 'DIR SHES SGRIB SKOR DGU BSTAN GSUNGS PA DPYAD DGOS TE, MKHAS GRUB RJES SHES SGRIB SKOR DGU'I THA SNYAD TZAM GSUNGS KYANG, RJES 'JUG GI MKHAS PA GZHAN DAG GIS GSUNG DE SGRA JI BZHIN PAR MI BZHED PAR SNANG BA'I PHYIR RO,, GZHAN YANG, NYON MONGS LHAN SKYES NI

, ,THEG DMAN LAM GYI DBANG DU BYAS NA DNGOS GNYEN DGU DANG, PHAR PHYIN THEG PA'I BYANG SEMS KYI LAM GYI DBANG DU BYAS NA DNGOS GNYEN BDUN DANG, SNGAGS BLA MED KYI LAM GYI DBANG DU BYAS NA NYON SGRIB KUN BRTAGS DANG LHAN SKYES THAMS CAD DNGOS GNYEN GCIG GIS SPONG BAR BSHAD LA, RIM PA DE LTAR 'ONG BA YANG LAM GYI NUS MTHU CHE CHUNG MI 'DRA BA'I DBANG GIS YIN PAR GSUNGS SO,, DE LTAR NA SHES SGRIB NI PHAR PHYIN THEG PA'I LAM GYI DBANG DU BYAS NA DNGOS GNYEN BZHIS SPONG BAR BSHAD PAS NA, SNGAGS BLA MED KYANG DE DANG 'DRA BA'AM, YANG NA MKHAS PA 'GA' ZHIG GIS BSHAD PA LTAR DNGOS GNYEN GCIG GIS SPONG BAR 'DOD DGOS KYI, PHAR PHYIN THEG PA'I LAM GYIS BZHIR PHYE NAS SPONG NUS PA'I SHES SGRIB DE SNGAGS BLA MED KYI LAM GYIS SKOR DGUR PHYE NAS SPONG DGOS PAR 'DOD NA, SNGAGS BLA MED DANG PHAR PHYIN THEG PA'I LAM GYI NUS MTHU CHE CHUNG GO BZLOG PAR 'GYUR RO,, //KHA// BDE BA'I DE NYID DANG NI BRAL GYUR ZHING, ZHES SOGS KYI DON NI RANG RGYUD PA'I SKABS SU BSHAD ZIN TO,, //GA// MA LUS SPYOR RGYUD LAS GSUNGS PA'I, ZHES SOGS KYI DON NI, BDE STONG SBYOR RGYU'I BDE BA DANG STONG PA GANG YANG MI SHES NA 'KHOR BA LAS GROL MI NUS PAR BSHAD PA YIN NAM SNYAM TE, SKABS 'DI'I BDE STONG SBYOR TSUL MI SHES NA 'KHOR BA LAS MI GROL BAR BSHAD DU MI RUNG BA'I PHYIR DANG, SA RA HA SA

KYANG; SNYING RJE DANG BRAL STONG PA NYID ZHUGS PAS,, DES NI LAM MCHOG RNYED PA MA YIN NO, ,'ON TE SNYING RJE 'BA' ZHIG BSGOMS NA YANG, ,'KHOR BA 'DIR GNAS THAR PA THAB MI 'GYUR, ,GANG YANG GNYIS PO SBYOR BAR NUS PA DE, ,'KHOR BAR MI GNAS MYA NGAN 'DAS MI GNAS, ,ZHES DANG, RIM LNGA'I GSAL SGRON LAS, BDAG MED PA'I STONG NYID PHU THAG CHOD BA MA NGES NA 'KHOR BA LAS MI GROL LA, NGES BYED LHAN CIG SKYES PA'I BDE BA MA SKYES NA SNGAGS KYI LAM MCHOG GI GNAD MED PAS RE RES MI CHOG GI GNYIS KA DGOS PAR GSUNGS TE, ZHES PA NAS, DHO HA LAS NI LHAN CIG SKYES PA'I YE SHES NYID LAM GYI SNYING POR 'CHAD PAS, 'DI'I SNYING RJE YANG LHAN SKYES KYI BDE BA YIN NO,, SNGAR BSHAD PA LTAR GYI LHAN SKYES KYI BDE BA SKYES PA NA RNAM RTOG RAGS PA RNAMS LOG NAS SEMS GA-YO MED DU GNAS PA DANG GIS 'BYUNG BAS, BDE BA NYID YUL GANG LA YANG MI 'PHRO BAR MI RTOG PA SGOM PA TZAM STONG BA SGOM PA'I DON YIN NA, BDE BA 'BA' ZHIG BSGOMS NA 'KHOR BA LAS MI GROL BAR 'CHAD PA MI RIGS PAS, BDAG MED PA'I DON LEGS PAR GTAN LA PHAB PA'I NGES SHES SKYONG DGOS SO,, ZHES GSUNGS PAS SO,, //NGA// DON GCIG NA YANG MA RMONGS DANG, ,THABS MANG DKA' BA MED PA DANG, , DBANG PO RNON PO 'I DBANG BYAS NAS, ,SNGAGS KYI BSTAN BCOS KHYAD PAR 'PHAGS, ,ZHES PA DE BKOD NAS DGAG BZHAG RGYAS SHING GSAL BAR SNGAGS RIM CHEN MOR GSUNGS 'DUG PAS DER BLTA BAR BYA'O,,

, ,MDO SNGAGS KYI LAM GYI MYUR BUL GYI KHYAD PAR LA RANG LUGS KYI BZHED PA NI, DE NYID LAS, RGYUD SDE 'OG MA GSUM DANG PHAR PHYIN GYI THEG PA'I MYUR KHYANG NI, LHA'I RNAL 'BYOR DANG BZLAS PA'I MTHU LA BRTEN NAS THUN MONG GI DNGOS GRUB MANG PO DANG SANGS RGYAS DANG BYANG CHUB SEMS DPA' CHEN PO RNAMS KYIS DNGOS SU RJES SU BZUNGS NAS BYIN GYIS RLOB PA LA SOGS PA'I THABS MKHAS MANG POS BYANG CHUB KYI SPYOD PA RDZOGS PAR BYED PA YIN LA, BLA MED KYI MYUR KHYAD NI, BSKYED RIM LA YANG RGYUD SDE 'OG MA LA MED PA'I ZAB GNAS MANG LA, RDZOGS RIM LA NI MCHOG TU GYUR PA'I ZAB GNAS DAG YOD DE 'CHAD PAR 'GYUR RO,, BSKAL BA GRANGS MED 'DA' BA LA MA BLTOS PAR 'TSANG RGYA BA'I MYUR KHYAD NI BLA MED KYI KHYAD CHOS YIN PAS, RGYUD SDE 'OG MA'I GDUL BYAS DE LTAR 'THOB PA YANG BLA MED KYI RIM GNYIS LA ZHUGS PA LA BLTOS KYI RANG GI LAM TZAM GYIS MI CHOG GO, DE'I PHYIR SNGAGS KYI MYUR KHYAD THAMS CAD RTZONG DU SA KYI TSE GCIG LA 'TSANG RGYA BA'AM BSKAL BA GRANGS MED LA MA BLTOS PAR 'TSANG RGYA BA KHO NAR MI GZUNG NGO,, ZHES GSUNGS PA DANG, RIM LNGA'I GSAL SGRON LAS, NYON SGRIB ZAD PA TZAM NI NYAN THOS KHA CIG GIS KYANG TSE GSUM LA NUS SHING, DE KHO NA NYID KYI DON MNGON SUM DU RTOGS PA YANG THEG PA GNYIS THUN MONG BA YIN PAS, STONG PA NYID MNGOS SUM DU RTOGS PA MYUR BA'I SGO NAS 'KHOR BA

LAS GROL BA MYUR BA TZAM NI 'DIR MYUR KHYAD MIN NO,, DE'I PHYIR SHES SGRIB ZAD PA SHIN TU MYUR BA CIG LAM 'DI LA DGOS SO,, DE LA PHAR PHYIN GYI THEG PA LTAR NA TSOGS MTHA' YAS PA'I GSAL BA'I DBYE BA MI 'DRA BA MTHA' YAS PA LA SLOB PA'I THABS KYI CHA MED NA, STONG NYID KYI LTA BA PHU DAG PAR RTOGS NAS JI TZAM GOMS KYANG 'KHOR BA LAS GROL BA MA GTOGS PA, SHES SGRIB ZAD PAR MI NUS PAS, THEG PA CHEN PO BA RNAMS KYIS, DE 'DRA BA'I TSOGS MTHA' YAS PA LA DUS RING POR SLOB PA NI, STONG NYID RTOGS PA'I RTOGS PA DE SHES SGRIB ZAD BYED DU SKYED PA'I CHED YIN NO,, BLA MED KYI LAM DU PHA ROL TU PHYIN PA BA BZHIN DU TSOGS KYI GSAL BA'I DBYE BA MI 'DRA BA MTHA' YAS PA LA MI SLOB KYANG, LHAN SKYES KYI BDE BAS STONG NYID PHU THAG CHOD PA'I DON BSGOMS NA SHIN TU MYUR BAR GSUNGS PA NA,, YUL CAN KHYAD PAR CAN BDE BA CHEN PO'I GNAD KYIS STONG NYID KYI RTOGS PA GNYIS SNANG 'KHRUL PA'I BAG CHAGS KYI SHES SGRIB SBYONG BA LA CHES SHIN TU MYUR BAR GO NUS SO,, ZHES PA NAS, BDE STONG SBYOR BA'I LAM MYUR KHYAD MCHOG TU 'GRUB PA NI, DE'I STENG NAS BSOD NAMS KYI TSOGS KYI GSAL BA'I DBYE BA MI 'DRA BA MTHA' YAS PA'I DOD THUB NGO SHES PA'I SANGS RGYAS KYI GZUGS SKU SGRUB PA'I RGYU THUN MONG MA YIN PA CIG SGRUB SHES PA LA RAG LAS LA, DE YANG SGYU MA'I SKU LAS GZHAN DU MED PAS, STONG PHYOGS BDE BA CHEN PO'I RDZOGS RIM DANG, SNANG PHYOGS SGYU MA'I SKU'I RZOGS

, ,RIM GNYIS LA MI MKHAS KYI BAR DU RGYUD GNYIS KYI GNAD RDZOGS PAR MI RNYED DO,, ZHES GSUNGS PA LTAR YIN NO,, //CA// DE PHYIR DE RGYAS CI ZHIG BYA, ZHES SOGS DANG, GANG ZHIG RTOG PA KUN SPANGS PA'I, ZHES SOGS KYI DON NI SNGAR BSHAD PA DES GO BAR ZAD DO,, //CHA// LUS KYI DNGOS PO'I GNAS TSUL LA PHRA RAGS GSUM LAS, RAGS PA SHA RUS GDOS BCAS KYI RNAM SMIN GYI PHUNG PO, PHRA BA RTZA RLUNG THIG LE, SHIN TU PHRA BA GNYUG MA'I RLUNG STE GSUM MO,, SEMS KYI DNGOS PO'I GNAS TSUL LA YANG PHRA RAGS GSUM LAS, RAGS PA DBANG PO'I RNAM SHES LNGA, PHRA PA RANG BZHIN GYI RTOG PA BRGYAD CU DANG RTZA NYON DRUG NYE NYON NYI SHU DANG MTSUNGS LDAN GYI SEMS LTA BU, SHIN TU PHRAB GNYUG MA'I SEMS TE GSUM MO,, 'ON KYANG DBANG SHES DANG RANG BZHIN GYI RTOG PA MI 'GAL BAR BSHAD DO,, 'DIR DAG LA YANG PHRA RAGS GSUM YOD PAR BSHAD PAS, DE GSUM NI, NGAG SGRA DANG RTZA NANG GI LAS RLUNG DANG GNYUG MA'I RLUNG GSUM LA BYED DAM DPYAD PAR BYA'O,, //JA// GZHI DUS NA YOD PA'I LUS NGAG YID GSUM SHIN TU PHRA BAS NYER LEN GYI RGYU BYAS NAS RGYAL PA'I SKU GSUNG THUGS GSUM NGO BO DBYER MED PA SGRUB PAR BYED PA NI LUS NGAG YID GSUM SDOM PA'I DON YIN PAR BSHAD DO,, //NYA// MA BSHAD PAR SPAS PA DANG BSTAN KYANG MI MNGON PAR SPAS PA GNYIS LAS, RGYUD SDE 'OG MA GSUM DU BLA MED KYI LUGS KYI MCHOG TU GSANG BA

RNAMS MA BSHAD PAR SPAS PA YIN TE, RIM LNGA'I GSAL SGRON LAS, RGYUD RDO RJE PHRENG BA LAS, SNGAGS KYI DE NYID RAB GSAL BA, DE NYID MCHOG TU GSANG BA NI, ,GANG DU'ANG NGA YIS MA BSHAD PA, ,ZHES PA NAS, DE NI NGA YIS BSHAD KYI NYON, ZHES RGYUD SDE 'OG MA GANG DU YANG RDOR BZLAS MA BSHAD PAR SPAS PAR GSUNGS PA LTA BU NI, RGYUD DER MA BSTAN PA'I SBAS PA YIN PAS, DE 'DRA BA LA NI DE'I MAN NGAG DE LAS MI RNYED PAS GZHAN DU BTZAL DGOS PAS SPAS TSUL GNYIS GSUNGS PA'I KHYAD PAR SHES DGOS SO,, DE LTA NA RDO RJE PHRENG BA LAS, MI SHES PA YI MI 'GA' ZHIG, ZHES PA NAS, MAN NGAG DAG NI BSLAB PAR BYA, ZHES RTZA BSHAD KYI RGYUD LA MKHAS KYANG BLA MA'I MAN NGAG DANG BRAL BA'I NYES DMIGS GSUNGS PAS, RTZA BSHAD KYI RGYUD MAN NGAG GI GZHUNG MTHAR THUG TU 'DOD PA MI 'THAD DO SNYAM NA, DER GSUNGS PA'I MKHAS PA NI RIG GNAS GZHAN LA MKHAS KYANG BLA MA'I MAN NGAG MED PA YIN GYI, RTZA BSHAD KYI RGYUD LA MKHAS PA MIN TE, DE'I MAN NGAG MED NA RGYUD GNYIS LA MKHAS PA 'GAL BA'I PHYIR DANG, DE LTAR GSUNGS PA NA PHYAG NA RDO RJES DE'I MAN NGAG GANG YIN ZHES ZHUS PA'I LAN DU, SKABS DER RGYUD LAS MAN NGAG GSAL BAR GSUNGS PA'I PHYIR DANG, RTZA BSHAD SBYAR NAS 'CHAD PA'I BLA MA'I MAN NGAG DGOS PA DANG, RTZA BSHAD KYI RGYUD MAN NGAG GI MCHOG YIN PA LA 'GAL BA CUNG ZAD KYANG MED PA'I PHYIR RO,, RGYUD KYI GZHUNG DE DAG GIS NI LAS DANG PO PA'I SA NAS SANGS

, ,RGYAS KYI SA'I BAR GANG DU BGROD PAR BYA BA'I LAM RNAMS THOG MAR LEGS PAR SHES PA'I GO BA BTZAL NAS, DE'I 'OG TU GDAMS NGAG NYAMS SU LEN PA MI BYED PAR THOM RGYAG TU ZHUGS NAS LAM BGROD PA NI, RGYA MTSO'I PHA MTHA' LA 'GRO 'DOD PAS SNGON DU RGYUS CAN LA LAM RGYUS RTZAD MI GCOD PAR THOM 'GROS BYED PA DANG 'DRA BAR STON PAS, MAN NGAG NYAMS SU LEN PA'I SNGON DU DE'I GO BA LEGS PAR 'CHAGS DGOS PA'I KHUNGS SU SHES PAR GYIS SHIG, SNGAR BSHAD PA LTAR GYI BLA MAS RTZA BSHAD SBYAR NAS 'CHAD SHES PA PHYI DUS SU RNYED DKA' ZHING, DE 'DRA'I BLA MAS RTZA BSHAD KYI RGYUD SBYAR BA LAS RNYED PA'I MAN NGAG YI GER BRIS PA NI DUS RING PO'I BAR DU YANG GNAS PAR GZIGS NAS, 'PHAGS PA YAB SRAS RNAMS KYIS RIM LNGA DANG SPYOD BSDUS LA SOGS PA'I RIM GNYIS KYI MAN NGAG GI GZHUNG MANG DU MDZAD DE, DE DAG NI RGYUD DON RNYED PA BLA MA'I ZHAL LAS SHES DGOS PA'I MAN NGAG GI GNANG MTHAR THUG PA RNAMS SO,, DE RNAMS DNGOS PO LA MAN NGAG MTHAR THUG YIN KYANG, PHYI DUS KYI GANG ZAG LA DER 'CHAR MA THUB PA NI, SNGON GYI DUS LAS PHYI DUS SU BLO'I MTHU RNAMS RIM GYIS BRI BA'I GNAD KYIS YIN GYI, MAN NGAG GI GNAD MTHAR THUG PA RNAMS DER MI GSAL BA MIN NO,, GZHUNG DE DAG TU RTZA RGYUD LTAR DON MI MNGON PAR SPAS PA MA YIN PA TZAM DU MA ZAD, SBAS

DON GSAL BAR BSHAD KYANG, DUS KYI SHUGS KYIS GANG ZAG GI BLO MI GSAL BAR SONG BA'I RGYU MTSAN GYIS GZHUNG YANG MI GSAL DU SONG NA, DE RTOGS PA'I THABS SU DE DAG LA YANG TSIG DON SHIN TU GSAL BAR BYED PA'I 'GREL PA DANG, DNGOS SU DE LTAR MI BYED KYANG DE'I DON RTOGS PA'I THABS SU MAN NGAG GI YI GE ZUR BA RNAMS KYANG MDZAD PA YIN NO,, ZHES GSUNGS PA LTAR YIN NO,, DE LTA NA RIM LNGA'I MAN NGAG RNAMS 'DUS PA'I RTZA RGYUD DU BSTAN KYANG MI MNGON PAR SPAS PA YIN PAS RTZA BSHAD SBYOR SHES PA'I BLA MA'I MAN NGAG LA BRTEN NAS SPAS PA'I DON DE NYID RTOGS DGOS ZHES PA YIN GYI, RTZA BSHAD KYI RGYUD RNAMS SU RIM LNGA'I MAN DAG MA BSTAN PAS BLA MA RNAMS KYI ZHAL NAS ZHAL DU BRGYUD PA LAS SHES PAR BYA'O ZHES PA GTAN MIN PA'I TSUL RJE BDAG NYID CHEN POS NAN TAN CHE BAR GSUNGS PA LTAR GO DGOS TE, GZHAN DU NA RTZA BSHAD KYI RGYUD RNAMS LA GUS PA CHEN PO SKYE BA'I GEGS SU 'GYUR BA DANG, RGYUD DANG DGONGS 'GREL CHEN MO RNAMS KYI 'CHAD NYAN NYAMS DMA' BAR 'GYUR BAS, RDO RJE THEG PA'I BSTAN PA NUB PA'I RKYEN CHEN POR 'GYUR BA'I PHYIR TE, RIM LNGA'I GSAL SGRON LAS, RIM LNGA'I MAN NGAG YOD SA MTHAR THUG PA NI 'DUS PA'I RTZA RGYUD YIN PAS, DE MAN NGAG DE'I GZHUNG MTHAR THUG GO, 'ON KYANG RGYUD DER RIM LNGA'I RDZOGS RIM RNAMS RGYAS BTAB STE MI MNGON PAR SPAS LA, RGYA DE BKROL NAS GAB PA DE MNGON DU

, ,'BYIN PA LA BSHAD RGYUD RNAMS GSUNGS SO,, DE LTA NA'ANG RTZA BSHAD SBYAR NAS RGYUD DON RDZOGS PAR 'CHAD SHES PA'I BLA MA MTSAN NYID DANG LDAN PA'I ZHAL NAS MA BSHAD NA, RIN PO CHE LTA BU'I GANG ZAG GIS KYANG RGYUD DON RDZOGS PAR MI SHES PAR GSUNGS PAS, BLA MA'I MAN NGAG LA LTOS DGOS TE, RIM LNGA LAS, DPAL LDAN 'DUS PA'I RGYUD DU NI, ,DE NYID 'DI DAG RGYAS BTAB GNAS, ,BSHAD PA'I RGYUD KYI RJES 'BRANGS NAS, ,BLA MA'I KHA LAS RTOGS PAR BYA, ,ZHES GSUNGS SO,, DES NA RTZA RGYUD DU RGYAS BTAB STE SBAS PA'I DON BLA MA'I ZHAL LAS SHES PAR BYA BAR GSUNGS PA'I DON DE LTAR DU YIN GYI, RGYUD DU BRI BAR PHANGS NAS MA BKOD PA BLA MA RNAMS KYI NGAG BRGYUD DU BYAS PA'I DON DU MI GZUNG STE, DE LTAR BZUNG NA RTZA BSHAD KYI RGYUD RNAMS LA GUS PA BLA NA MED PA SKYE BA'I GEGS SU 'GYUR BAS TSE 'DIR RGYUD DON MI RNYED CING, SKYE BA GZHAN DU YANG DE'I RGYU MTHUN RJES SU 'JUG PA'I PHYIR RO, ,DE 'DRA BA'I SBAS PA NI GANG DU SBAS PA'I RGYUD DER BSTAN KYANG MI MNGON PAR BYAS PA'I SBAS PA YIN LA, ZHES GSUNGS PA'I PHYIR RO,, //TA// YANG DE NYID LAS, GSANG BA GRUB PA LAS, DE YANG DE NYID RGYUD GNAS PAR; ZHES PA NAS, SANGS RGYAS MGON POS RNAM PAR BZHAG ,CES LHAN CIG SKYES DGA'I DE NYID DE RGYUD SDE 'OG MA DANG MDO SDE RNAMS SU MA BSTAN PAR SPAS BAR GSUNGS SO,,

DES NA MCHOG TU DGA' BA GCIG PU NYID DE RNAMS SU RNAM PA DU MAR GNAS PAR GSUNGS PA NI, MCHOG TU DGA' BA DE NYID LA RIM GYIS BKRI BAR BZHED NAS RNAM PA MI 'DRA PA DU MAR GSUNGS ZHES PA'I DON YIN GYI DE NYID DE RNAMS SU STON PA MIN TE, GZHAN DU NA DE RNAMS SU DBANG GONG MA RNAMS KYANG GSUNG DGOS TE, GSANG BA LA SOGS PA'I DBANG MA BSKUR BA LA BDE BA CHEN PO'I DE NYID STON PA BKAG PA'I PHYIR RO,, ZHES GSUNGS PA LTAR RO,, //THA// RIM LNGA'I GSAL SGRON DU, DANG POR THOB PA'I ZUNG 'JUG GI SKU DE LUS SNGA MA LA ZHUGS PA'I SPRUL SKU 'DZIN PA'I SHES BYED DU, SGRON GSAL LAS, YONGS SU DAG PA'I LHA'I SKU PHUNG PO'I ZAM TOG GI NANG NA GNAS PAR GSUNGS PA DANG, YANG DAG MGON POS DE NYID NI, ZHES SOGS KYI GZHUNG 'DI DRANGS PAS DON YANG DES GO BAR ZAD DO,, //DA// THUB PA CHEN POS, 'DOD CHAGS LA SPYOD PA LA SOGS PA'I GNYEN POR, CHOS KYI PHUNG PO BRGYAD KHRI BZHI STONG GSUNGS PA'I SNOD RIN PO CHE 'JUG PA'I ZA MA TOG LTA BU NI DPAL LDAN 'DUS PA 'DI YIN TE, RGYUD RDO RJE PHRENG BA LAS, DPAL LDAN 'DUS PAR BRDA TZAM GANG, ,RNAL 'BYOR BLA NA MED RGYUD DU, ,THUB PA CHEN POS CHOS PHUNG PO, ,BRGYAD KHRI DANG NI BZHI STONG NGO, , ZHES GSUNGS PA LTAR RO, ,ZHES BSHAD DO, ,DA NI MDO SNGAGS GNYIS KAS ZHES SOGS KYI TSIG DON BSHAD PAR BYA STE, MDO SNGAGS GNYIS KAS TE MDO NAS BSHAD PA'I THEG PA GSUM DANG SNGAGS

, ,KYI RGYUD SDE BZHI KA'I LAM GYIS NYON SGRIB SA BON DANG BCAS PA KUN ZAD PAR SPONG NUS PA YIN MOD KYANG, MDO DANG RGYUD SDE 'OG MAR YUL GYI MCHOG RANG BZHIN GYIS STONG PA BSTAN KYANG YUL CAN GYI MCHOG LHAN SKYES KYI BDE CHEN SBAS PA BZHIN DU, DRI MA'I GTZO BO SHES SGRIB CHUNG NGU'I PHRA BA BSTAN KYANG GNYEN PO'I MCHOG SLOB PA MTHA'I DON GYI 'OD GSAL SBAS PA YIN PA'I PHYIR SHES SGRIB CHUNG NGU'I PHRA BA NI SNGAGS BLA MED KYI LAM GYIS SPONG BA LAS MDO DANG RGYUD SDE 'OG MA'I LAM TZAM GYIS SPONG MI NUS SO,, DE'I PHYIR KHA CIG GIS SPANG GNYEN SBAS PA MGO MTSUNGS SU 'DOD PA 'KHRUL PAR SHES DGOS SO,, PHAR PHYIN THEG PA NAS BSHAD PA'I BYAMS SNYING RJE BYANG CHUB KYI SEMS PHYIN DRUG BSDU BZHI LA SOGS PA TSANG BAR YOD PA'I STENG DU SNGAGS KYI RGYUD SDE BZHI NAS BSHAD PA'I THABS ZAB MO DAM TSIG DANG SDOM PA'I KHYAD PAR DANG, 'BRAS BU'I GNAS LUS LONGS SPYOD MDZAD PA BZHI KA DANG RNAM PA MTHUN PAR DANG PO NAS SGOM PAS TSOGS MTHA' YAS PA BDE BLAG MYUR DU RDZOGS PA'I KHYAD PAR LHAG PA MANG PO YOD PA'I PHYIR SNGAGS DANG PHAR PHYIN THEG PA'I LAM LA'ANG MYUR BUL GYI KHYAD PAR CHE'O,, LUS NGAG YID GSUM RE RE LA RAGS PA DANG PHRA BA DANG SHIN TU PHRA BA GSUM GSUM YOD PA RNAMS SBYANGS PA'I PHYIR NYAN RANG BYANG SEMS KYI THEG PA DANG MDO DANG RGYUD SDE BZHI GONG NAS GONG DU KHYAD PAR DU 'PHAGS PA'I RIM PA MANG DU

GSUNGS SHING, MDO DANG RGYUD SDE 'OG MAR LUS NGAG YID GSUM GZHAN TE RAGS PA DANG PHRA BA GNYIS BSHAD KYANG GSUM PA STE SHIN TU PHRA BA NI RNAL 'BYOR RGYUD MAN CHAD KYI DGONGS GZHIR RUNG YANG MDO DANG RGYUD SDE 'OG MAR DNGOS SHUGS GANG LA YANG GSUNGS PA MIN NO,, DE 'DRA BA'I GSANG BA GSUM GYI KHYAD PAR RNAMS NI RNAL 'BYOR BLA NA MED PA'I RGYUD SPYI DANG KHYAD PAR DU RGYUD THAMS CAD KYI RGYAL PO DPAL GSANG BA 'DUS PA'I RTZA BSHAD KYI RGYUD DAG NA GSAL BAR GSUNGS SO,, SKAL BA MCHOG DANG LDAN PA'I GRUB PA'I DBANG PHYUG BYE BAS SPANGS RTOGS KYI RTZE MOR GSHEGS PA'I SHUL, DUS GSUM GYI RGYAL BA THAMS CAD GSHEGS SHING GSHEGS LA GSHEGS PAR 'GYUR BA'I GSANG BA BLA NA MED PA'I LAM NI MDO SNGAGS KYI LAM MTHA' DAG GI NANG NAS MCHOG TU GRUB PA YIN NO,, ZHES PA'O, ,'DIR SMRAS PA, GRANGS MED BSKAL PAR SGRUBS DGOS SANGS RGYAS KYI, ,GO 'PHANG MCHOG KYANG SNYIGS DUS TSE THUNG LA, ,SGRUB BYED BLA MED LAM GYI KHYAD PAR RNAMS, ,MKHAS PA SU ZHIG RAB TU 'TSOL MI BYED, ,CES GRUB MTHA' CHEN MO'I MCHAN 'GREL DKA' GNAD MDUD GROL BLO GSAL GCES NOR ZHES BYA BA LAS MDO SNGAGS KYI KHYAD PAR PHYE NAS GSANG CHEN MCHOG TU SGRUB PA'I SKABS KYI MCHAN 'GREL BYAS ZIN TO, ,'JAM MGON MKHYEN GZI LAS 'ONGS 'KHRUL MUN BRAL, ZHES SOGS KYI TSIG DON NI, RJE BTZUN 'JAM MGON GYI MKHYEN PA'I GZI 'OD LAS 'ONGS PA LTAR 'KHRUL PA'I MUN PA DANG

, ,BRAL ZHING, DBYANGS CAN LHA MOS SMRAS PA BZHIN DU RJOD BYED KYI TSIG RNA BAR SNYAN CING 'JEBS LA LEGS PAR 'GRIGS PA DANG, THUB PA'I DBANG PO'I GSUNG BZHIN DU THOG MTHA' BAR GSUM DU'ANG DGE BA DANG, 'DZAM GLING RGYAN DRUG SOGS MKHAS GRUB MCHOG RNAMS KYI LUGS KUN 'DUS PA BZHIN DU BRJOD BYA'I DON ZAB CING BRLING PA NI BSTAN BCOS 'DI'I CHE BA'I KHYAD PAR YIN NO,, DENG SANG GANG ZAG 'GA' ZHIG GZHUNG LUGS LA MA BSLAB STE MA SBYANGS PAR SHES RAB KYI MIG LONG BAS SPANGS RTOGS KYI BAS MTHAR BGROD PAR 'DOD PA DANG, LA LA SKYES SBYANGS KYI BLO GROS DMAN PA'I BYI BAS BSTAN BCOS RTZOM PA'I GLANG CHEN GYI KHUR LEN PA DANG PHAL CHER PHYOGS RES LA SBYANGS TZAM GYI RI PHRAN BTEGS PAS RLOM ZHING SNYEMS PA MA GTOGS PA; THUB PA'I DBANG PO'I LUNG RTOGS KYI BSTAN PA'I NOR 'DZIN TE SA GZHI KUN 'DEGS PAR NUS PA'I KU RMA STE RUS SBAL SU ZHIG YOD DE MED DO,, MKHAS PA LAS KYANG CHES CHER MKHAS PA'I 'PHAGS YUL DANG POD GANGS CAN GYI BSTAN 'DZIN MANG POS KYANG THUGS NGOR ZAB PA DANG RGYA CHE BA'I CHOS RNAMS THAG MKHAN GYI RKANG PA GNYIS DUS GCIG TU SA LA MI 'JOG PA BZHIN DU RES KYIS SPYOD PAS MI BDE ZHING, SNANG BRTEN 'BYUNG DANG RANG BZHIN GYIS STONG PA ZUNG 'BREL DU SHAR BA'I LAM MA RNYED PAR LUNG RIGS SNA TSOGS KYI MKHAR BAS DON CI YIN SNYAM DU YANG YANG BTZAL BA YIN NO,,

RANG GZHAN GYI SDE BA MKHAS PA MANG PO'I KLU'I DBANG PO BRGYA STONG GIS RNAM PAR ROL BA'I GNAS, PHUGS SU PHAN PA DANG 'PHRAL DU BDE BA'I RIN CHEN SNA TSOGS KYI 'PHYUR BUS GANG ZHING, GZHAN LUGS DGAG PA DANG RANG LUGS SGRUB PA'I RBA RLABS RAB TU 'KHRUG PA'I GRUB MTHA'I RGYA MTSO CHEN POR BGROD PA'I SLAD DU DED DPON MKHAS PA RNAMS 'BAD RTZOL GYI GRU RDZINGS CI YANG 'DZUG PA YIN NO, ,DUS DANG PHYOGS KYI CHAR PHYE BA'I RIGS PA'I GRU RDZINGS LA BLO DMAN RNAMS 'KHRUL NAS GTAN MED KYI DANG PO'I RGYUD BRDUNGS PAS THA SNYAD DU YOD PA'I TSUL ZHIG PA 'GA' ZHIG GIS KYANG RANG GZHAN GYI GRUB MTHA'I RGYA MTSO CHEN PO'I PHA MTHAR PHYIN SNYAM DU SEMS KHENGS SHING SNYAMS PA'I DREGS PA SKYUNGS PA DANG RANG NYID PHYI NANG GI LUGS GNYIS KYI 'DOD TSUL PHRA RAGS KUN MTHONG BA'I PHYIR DU GRUB MTHA' RAB 'BYAMS RGYA MTSO'I PHA ROL TU 'JAM DBYANGS BZHAD PA KHO BOS PHYIN PA YIN NO, ,BLO BZANG RGYAL PA'I MES BYIN RING LUGS LHA MI SA 'OG GI LAM GSUM 'BABS PA STE CHU BO GANG G'A RNAM PAR DPYOD PA'I LHA CHEN DBANG PHYUG GI RAL PA'I NANG NAS 'ONGS TE RTOG GE STE GRUB MTHA' NGAN PA DE YIS BSHUNG BA DANG BSLAD PA'I SEMS KYI NOR LHA'I BU STE KHYAB 'JUG GI RKANG PA'I DRI MA BKRUS PA'I CHAB KYIS LHAN SKYES KYI MA RIG PA'I DBANG GIS CHOS RNAMS KYI YIN LUGS LA RMONGS SHING 'KHRUL BA'I GANG ZAG RGYAL PO DUG CAN BA'I BU DRUG KHRI'I RGYUD TSOGS DAG PAR GYUR CIG ,RIN CHEN RNAM BZHI'I KHUR

, ,LCI ZHING ROL BA'I MTSO CHEN GYI SKA RAGS GA-YO LA, NYI ZLA'I SGRON ME 'DEGS PA'I LHUN PO JI SRID GNAS PA DE SRID DU BSTAN BCOS 'DIS KYANG GSAR BSHAD KYI KHUR LCI ZHING GRAGS SNYAN GYI BA DAN GA-YO LA LEGS BSHAD KYI SGRON ME'I 'OD KYIS SA GSUM SNANG BAR BYED PAR SHOG ,CHOS KYI DBYINGS GDOD MA NAS RNAM PAR DAG PA'I GSHIS DANG DKON MCHOG GSUM GYI BYIN RLABS MI BSLU BA'I MTHUS 'GRO BA MTHA' YAS PA RNAMS SANGS RGYAS KYI RDZU 'PHRUL BZHIN DU SA BCU LAM LNGA RIM BZHIN MYUR DU BGROD CING, NYA RGYAS TE YAR TSES BCO LNGA'I ZLA BA LTAR SPANGS RTOGS KYI YON TAN KUN YONGS SU RDZOGS NAS NYI MA BRGYA LAS KYANG CHES CHER GSAL BA'I KUN MKHYEN YE SHES MYUR DU THOB PAR SHOG CIG ,CES PA'O, ,'DIR SMRAS PA, YANG DAG LTAR SNANG 'DOD TSUL MI 'DRA SNA TSOGS RBA RLABS GYA GYUR GA-YO, ,GNAS TSUL GTING ZAB DAM GNAG 'THUG POS BLO DMAN SNYING LA 'JIGS PA SKYED, ,RJOD BYED PHA MTHA' MTHONG BAR DKA' BA'I PHYI NANG GZHUNG LUGS BA TSVA'I MTSOR, ,YUN RING DUS NAS GAB PAR GYUR BA GRUB MTHA'I KHYAD PAR YID BZHIN NOR, ,GZHUNG LUGS TI MI'I GRONG DU GNAS BCAS SHING, ,ZAD MED LEGS BSHAD NOR LA DBANG 'BYOR BA, , 'JAM DBYANGS DGYES BZHAD LAG 'GRO'I DBANG PO DE, ,MKHYEN RAB BRTZON PA'I STOBS KYIS LEGS PAR RNYED, ,GUS DANG RTAG SBYOR BRTZON 'GRUS RLUNG GIS BSKYOD, ,RNAM DPYOD MI DMAN RTA LJANG

SHING RTAS DRANGS, ,GRUB MTHA' RTZA 'GREL RI GLING KUN GSAL BA'I, ,ZUR MCHAN NYIN BYED DBANG PO DENG 'DIR SHAR, ,PHYOGS LHUNG TSA BAS GDUNG BA RNAMS LA LEGS BSHAD GANGS KYANG CHAR 'GYUR LA, ,PHRAG DOG LHAG PAS BTAB PA RNAMS LA PHAN 'DOGS ME YANG GRANG BYED MOD, ,MKHYEN RAB GSHOG ZUNG RGYAS PA'I MKHAS MCHOG ZUR GNAS DANG PA'I RGYAL PO NYID, ,YANG DAG LTAR SNANG 'O CHU 'DRES PA RNAM DPYOD MCHU YIS 'BYED PAR MDZOD, ,'DIR 'BAD LEGS BYAS RAB DKAR KOO MU R'IS, ,'GRO BA KUN GYI MTHAR 'DZIN MUN PA DANG, ,SRID PA'I TSA GDUNG MA LUS BSAL BYAS TE, ,NGES LEGS KUN DA'I DGA' TSAL RGYAS GYUR CIG ,RGYAL BSTAN SNYING PO ZHVA SER 'CHANG BA'I BSTAN, ,YUL PHYOGS GNAS SKABS KUN TU RAB RGYAS SHING, ,DE 'DZIN MKHAS MANG DGE 'DUN SDE DANG BCAS, ,KHRIMS GTZANG THUGS MTHUN BSHAD SGRUB 'PHEL GYUR CIG ,BDAG KYANG MA 'ONGS TSE RABS THAMS CAD DU, ,MTHO RIS YON TAN BDUN GYIS RAB MDZES SHING, ,THEG MCHOG DGE BA'I BSHES KYIS ZIN PA'I MTHUS, ,MA NOR LAM BZANG MYUR DU MTHAR PHYIN SHOG ,GSER GYI RI BO'I BRTZEGS PA RIM PA BDUN GYIS KUN NAS YONGS SU BSKOR, ,BSIL DANG 'JAM DANG DRI MAS DBEN PA'I ROL MTSO'I SMAD GA-YOG MDZES PAR GSOL, ,RIN CHEN RNAM BZHI'I RDUL BRTZEGS LHUN PO JI SRID GNAS PA DE SRID DU, ,MCHAN 'GREL 'DIS KYANG GNAS SHING 'GRO LA LEGS BSHAD DGA' STON 'GYED GYUR CIG ,CES GRUB MTHA' CHEN MO'I MCHAN 'GREL DKA' GNAD

, ,MDUD GROL BLO GSAL GCES NOR ZHES BYA BA 'DI NI, KHAL KHA KHU RE CHEN MO'I BKRA SHIS CHOS 'PHEL GRVA TSANG GI DKA' RAM PA'I 'DZIN GRVA NAS DAD BRTZON RNAM DPYOD DANG LDAN PA DGE SLONG SBYIN PA LEGS BSHAD KYIS GRUB MTHA' CHEN MO LA MCHAN 'GREL GCIG DGOS ZHES DNGUL GYI MAndAL KHA BTAGS RNAM DBANG GOS CHEN SER PO YUG CHEN GYI RTEN DANG BCAS NAN TAN GYIS BSKUL BA'I DON DU, YUL PHYOGS NGES MED MYUL BA'I ` SBRANG BTZUN NGAG DBANG DPAL LDAN GYIS, RAB BYUNG BCU BZHI PA'I BGRANG BYA BZHI BCU PA ZIL GNON ME RTA LA KHUR CHEN MOR DBU BRTZAMS TE, MDO SDE PHAL MO CHE NAS 'PHAGS PA 'JAM DPAL GYI SPRUL BA'I GNAS SU GSAL BAR LUNG BSTAN PA'I RI BO RTZE LNGA'I DBEN GNAS 'JAM DBYANGS CHOS 'KHOR GLING DU PHAL CHER GRUB PAR BYAS SHING, BKA' DANG BSTAN BCOS 'GYUR RO 'TSAL BZHUGS PA'I GTZUG LAG KHANG CHEN PO DAM CHOS 'GYUR MED GLING DU LO MTSAMS BCAD SKABS MJUG YONGS SU RDZOGS PAR SBYAR BA 'DIS KYANG BSTAN 'GRO LA PHAN PA RGYA CHEN PO THOGS ` AOm SVA STI, RLABS CHEN THUGS BSKYED ZLA BA'I MA MA LAS, ,GZHAN PHAN 'PHRIN LAS 'OD SNANG 'GYED BZHIN PAR, ,LUS CAN 'DAB BRGYA'I GNYEN DU LEGS SHAR BA'I, ,THUB DBANG

NYI MA'I ZHABS RDUL SPYI BOS MCHOD, ,RGYAL BA'I SRAS MCHOG MI PHAM 'JAM DPAL DBYANGS, ,KLU SGRUB YAB SRAS THOGS MED SKU MCHED ZHABS, ,PHYOGS GLANG CHOS GRAGS LA SOGS 'PHAGS YUL GYI, ,MKHAS MANG SKAR TSOGS THUB BSTAN NAM MKHA'I RGYAN, ,BYANG PHYOGS PHAN BDE'I LO TOG SPEL BA'I SLAD, ,RGYAL BSTAN CHU KLUNG LHAG BSAM YUR CHEN GYIS, ,PHYOGS 'DIR 'DREN MDZAD LO PAn RGYAL BLON GYI, ,BKA' DRIN DRAN TSE BLO DMAN BDAG KYANG GUS, ,PHUL BYUNG MKHYEN RAB BYAMS BRTZE'I GSER 'KHOR GYIS, ,THUB BSTAN GRUB MTHA'I GLING BZHIR DBANG BSGYUR BA'I, , CHOS KYI 'KHOR BSGYUR KUN MKHYEN TZONG KHA PAS, ,TSE RABS KUN TU BDAG GI BSHES MDZOD CIG ,BDAG NYID CHEN PO'I LEGS BSHAD GANG GA'I RGYUN, ,SKAL LDAN THIG LE DRUG PA'I ZHABS BSIL DU, ,RNAM PAR BSGRENGS MDZAD DGE LDAN MKHAS RNAMS KYANG, ,SA SKYONG SKAL LDAN SHING RTA'I DPE ZLAR 'OS, ,NGAG LA DBANG GYUR MKHYEN RAB GSER SBYANGS MCHOG ,RLABS CHEN BRTZON 'GRUS ME LCES BZHU BA LAS, ,LEGS BSHAD RNA RGYAN MCHOG TU GRUB MDZAD PA'I, ,'JAM DBYANGS DGYES BZHAD RDO RJER SUS MI GUS, ,DES GSUNGS GRUB MTHA' RTZA 'GREL YID BZHIN NOR, ,ZUR MCHAN RGYAL MTSAN RTZE MOR BKOD BYAS TE, ,'CHAD NYAN DRI ZHIM SPOS KYIS LEGS MCHOD NA, ,LEGS BSHAD 'DOD DGU'I GRU CHAR CIS MI 'BAB, ,RANG SDE'I GZHUNG BZANG CHU KLUNG BZHI 'DRES PA'I, ,LEGS BSHAD

, ,'O MTSO'I DPAL LA DGAR DRAG NAS, ,RGYAL DANG RGYAL SRAS DANG BA'I KHYU CHEN PO, ,DAG ZHING RI LSA 'PHUR NAS 'DIR 'BAB SNYAM, ,DE PHYIR CHOS SBYIN MI ZAD SPEL BA'I SLAD, ,THOS DANG GTONG BA'I NOR GYIS RAB PHYUG PA'I, ,DPYOD LDAN DGE SLONG SBYIN PA LEGS BSHAD KYIS, ,RGYU RKYEN SBYAR TE BAR DU BKOD PAR BYAS, ,'DIR 'BAD RNAM DKAR LEGS BYAS RLUNG SHUGS KYIS, ,SRID PAR 'KHYAMS PA'I MA RGAN ZLA TSES PA, ,SA LAM NAM MKHA'I 'GROD PA MTHAR PHYIN TE, ,SPANGS RTOGS BCU DRUG CHA SHAS RDZOGS PAR SHOG ,PAR YIG 'DRI DANG PHAR SHING RKO BA DANG, ,RGYU RKYEN SBYAR SOGS 'DIR BRTZON LUS CAN RNAMS, ,GNAS SKABS MI 'DOD MTHA' DAG ZHI BA DANG, ,MTHAR THUG SKU BZHI'I DPAL LA MYUR SPYOD SHOG ,BLA MA DKON MCHOG GSUM GYI BYIN RLABS DANG, ,BSTAN BSRUNG DAM CAN RGYA MTSO'I MTHU STOBS DANG, ,LAS 'BRAS BSLU BA MED PA'I BDEN STOBS KYIS, ,BSAM DON YID BZHIN 'GRUB PA'I BKRA SHIS SHOG, CES GRUB MTHA' CHEN MO'I MCHAN 'GREL 'DI NYID, GTONG BA DANG THOS PA'I NOR GYIS SDUG PA'I DGE SLONG SBYIN PA LEGS BSHAD KYIS RGYU RKYEN SBYAR ZHING, LUNG RIG SMRA BA'I DBANG PO NO MA CHI NOM MON CHANG GIS ZHUS DAG SOGS DO DAM GNANG STE; KHAL KHA KHU RE CHEN MOR PAR DU BSKRUN PAR BYAS SO,, ,,