S00967E · GMLW-004523

'Entry Point for the Fortunate,' being a Clarification of the True Thought of Two Works— ‘The Precious Lamp’ (an Analysis of the Perfection of Wisdom by the supreme Jamyang Lama); and the Annotated Commentary of the Lord, Dipam Tsenchen

JAM DBYANGS BLA MA MCHOG GI PHAR PHYIN MTHA' DPYOD RIN CHEN SGRON ME DANG RJE DI PAm MTSAN CAN GYI MCHAN 'GREL GNYIS KYI DGONGS DON GSAL BAR BYED BA SKAL BZANG 'JUG NGOGS

נושאיםTopics:Perfection of Wisdomthe Paths and Levelsthe Four Truthsthe sixteen aspects of the four truthsCyclic LifeDeep ConcentrationEnlightenmentFreedomGivingHeapsJoyous EffortKarmaLoveMeditationMoralityNirvanaPerfectionsQuietudeStudy of Accurate PerceptionSufferingVirtueVisualizationWisdoma Mental Afflictiona Spiritual Blockignorancethe Buddhathe Extraordinary Vision of Emptinessthe Ten Levelsthe True Naturethe Ultimate

מחברauthor

GUNGTANG LODRU GYATSOGUNG THANG BLO GROS RGYA MTSO1851-1930

נמצא בfound inPERFECTION OF WISDOM (PRAJNA PARAMITA) (MADHYAMIKA SVATANTRIKA SCHOOL)

מהדורהrecensionnot applicable - a collected works, not a canon edition

פוליוfolios1a–231a

צורהformprose

מצב תרגוםtranslationno English of the text

גשה מייקל לימד אותו בGeshe Michael taught it inDiamond Cutter Classics

כיסוי המילון לכותרתdictionary coverage of the title77%

ז'אנרgenreCommentaryit clarifies the intent of two other works, named in its own title

פירוש עלa commentary onJamyang Shepa's PHAR PHYIN MTHA' DPYOD RIN CHEN SGRON ME and the annotation-commentary of Je Dipamthe title names both, and the closing says it has clarified the intent of the Analysis and of its annotation-commentary together

הקלאסיקהthe classicAbhisamayalamkaraboth works it explains are on the Ornament, and the closing places the work at its first chapter

אסכולהlineageGelugGungtang Lodro Gyatso

אנשים ומקומותpeople and places namedGungtang Lodro Gyatso · Jamyang Shepa · Je Dipamthe author, and the two authors whose works he explains

רמת קושיleveladvanced scholastic

תלות קדםread firstthe Ornament of Realization and the Analysis commentary on itit is a commentary on commentaries and assumes both

הכותרת אומתה מול הטקסטtitle verified against the textyesthe cover line repeats the long title exactly

הקבציםThe files

S00967E_JAM DBYANGS BLA MA MCHOG GI PHAR PHYIN MTHA' DPYOD RIN CHEN SGRON ME DANG RJE DI PAm MTSAN CAN GYI MCHAN 'GREL GNYIS KYI DGONGS DON GSAL BAR BYED BA SKAL BZANG 'JUG NGOGS_'Entry Point for the Fortunate,' being a Clarification of the True Tho+.TXT/PHAR PHYIN_PERFECTION OF WISDOM (PRAJNA PARAMITA) (MADHYAMIKA SVATANTRIKA SCHOOL)/SPYI_GENERAL COMMENTARIES/GUNG THANG BLO GROS RGYA MTSO_GUNGTANG LODRU GYATSO (1851-1930)/MTHA' DPYOD_DIALECTIC ANALYSIS

הטקסטThe text

טיבטיתTibetanS00967E_JAM DBYANGS BLA MA MCHOG GI PHAR PHYIN MTHA' DPYOD RIN CHEN SGRON ME DANG RJE DI PAm MTSAN CAN GYI MCHAN 'GREL GNYIS KYI DGONGS DON GSAL BAR BYED BA SKAL BZANG 'JUG NGOGS_'Entry Point for the Fortunate,' being a Clarification of the True Tho+.TXT588,723 תוויםcharacters

*, ,'JAM DBYANGS BLA MA MCHOG GI PHAR PHYIN MTHA' DPYOD RIN CHEN SGRON ME DANG RJE DI PAm MTSAN CAN GYI MCHAN 'GREL GNYIS KYI DGONGS DON GSAL BAR BYED BA SKAL BZANG 'JUG NGOGS ZHES BYA BA BZHUGS SO, ,

001a

, ,'OD STONG BDAG PO THUB BSTAN SHAR RI'I RTZER, ,'PHAGS TE SRAS BZHI'I YUM DON MA LUS PA, ,CIG CAR GSAL MDZAD YONGS 'DZIN TSOGS RNAMS LA, ,SGO GSUM GUS PAS DUS KUN SNYING NAS 'DUD, ,ZLA BA'I TSES KHA PHRA BA'I DUS NAS KYANG, ,KU MUD TSOGS RNAMS CHES CHER BZHAD PA DANG, ,LHAN CIG CHU SKYE'I SNYING LA MUN PA NI, ,STER MDZAD STOBS BCU MNGA' BAS SHIS PA STZOL, ,MGON DE'I GSUNG MCHOG RGYAL YUM RNAM PA GSUM, ,MDZES BYED RGYAN SOGS LEGS PAR BSHAD PA'I SKYES, ,BSKUR TE ZHING 'DI'I 'GRO BA'I MIG 'BYED PA, ,RGYAL TSAB MI PHAM MGON PO'I ZHABS LA 'DUD, ,RGYAL BA KUN GYI YAB GCIG

002a

, ,'JAM DPAL DBYANGS, ,SMRA BA YONGS KYI SKYABS GCIG TSANGS SRAS MA, ,YAB YUM ZUNG GIS ZAB GSAL SNANG BA DANG, ,BKA' GNAD MDUD PA GROL BA'I NGAG KYANG STZOL, ,YUM DON GSAL MDZAD THOGS MED SKU MCHED DANG, ,'PHAGS SENG GNYIS SOGS 'PHAGS YUL 'GREL MDZAD KUN, ,GANGS LJONGS CHOS KYI SNANG BA RAB SPEL BA'I, ,'PHAGS BOD MKHAS DBANG MA LUS PHYAG GI YUL, ,RGYAL KUN MKHYEN RAB GCIG BSDUS 'JAM PA'I DBYANGS, ,RGYAL SRAS GZHON NU'I TSUL GYIS GANGS LJONGS 'DIR, ,RGYAL BA'I BSTAN PA NYI LTAR GSAL MDZAD PA, ,RGYAL BA BLO BZANG GRAGS

002b

PAR SNYING NAS 'DUD, ,MGON DE'I RGYAL TSAB DAR MA RIN CHEN DANG, ,DGA' LDAN BSTAN PA'I MNGA' BDAG MKHAS GRUB RJE, ,LA SOGS BLO BZANG RGYAL BSTAN GDUGS DKAR PO, ,RNAM DPYOD DPUNG BAS 'DEGS MKHAS RNAMS LA 'DUD, ,BLO BZANG RGYAL BA GNYIS PA'I DGONGS PA'I MTHIL, ,JI BZHIN 'CHAD LA DPE ZLA RANG NYID LAS, ,RNYED MIN KUN MKHYEN BZHAD PA'I RDO RJE DANG, ,D'I PAm BLA MA RNAM GNYIS DUS KUN MCHOD, ,BLA MA LHA LA YUN RING GSOL BTAB MTHUS, ,DE DAG GZHUNG GI GNAD DON SPRANG RTZI'I BCUD, ,CUNG ZAD RNYED 'DI THAR 'DOD BUNG BA'I TSOGS, ,CI DGAR ROL PA'I RTEN DU SPRO BAR BYA, ,DE YANG DANG POR SEMS BSKYED TSUL LA THEG DMAN LTAR NA, RGYAL PO RAB GSAL DU GYUR PA'I TSE SEMS BSKYED TSUL DPAG BSAM 'KHRI SHING SOGS LTAR LA, THEG CHEN LUGS LA THEG CHEN THUN MONG MA YIN PAS SNYING RJE PAD DKAR LTAR STON PA 'DI ZAM ZE RGYA MTSO'I RDUL DU GYUR PA'I TSE DE BZHIN GSHEGS PA RIN CHEN SNYING PO'I DRUNG DU SMON LAM LNGA BRGYA BTAB STE DANG POR SEMS BSKYED PAR 'DOD LA, THEG CHEN THUN MONG BAS DRIN LAN BSAB PA'I MDO LTAR MYAL BA'I SHING RTA 'DREN PA'I GYANG DU GYUR PA'I TSE GROGS LA DMIGS PA'I SNYING RJE'I RKYEN GYIS SMON SEMS BSKYED DE SHI 'POS NAS LHAR SKYES PAR 'DOD LA, BSKAL BZANG LAS, NGA NI SNGON TSE DMAN PAR GYUR PA'I TSE, ,ZHES SOGS DANG, LUNG SMAN GYI GZHI

003a

, ,LAS, NGA NI RDZA MKHAN GYUR PA NA, ,SANGS RGYAS SH'AKYA THUB MTHONG NAS, ,BYANG CHUB PHYIR NI THOG MAR NGAS, ,MAR DANG TIL MAR GYIS MCHOD DO, ,ZHES PA LTAR RDZA MKHAN GYI BA SNANG BYED DU GYUR PA'I TSE SANGS RGYAS SH'AKYA THUB PA CHEN PO LA CHU 'JAM POS KHRUS DANG MAR GYIS SKU MNYES SOGS DANG, DE BZHIN GSHEGS PA KHYED SKU CI 'DRA DANG, ,SOGS KYIS 'JUG SEMS BSKYED CING, THEG PA THUN MONG DU DE NAS GRANGS MED GSUM GYI TSOGS BSAGS PA'I 'GO BRTZAM ZHES 'GREL DGOS TE, MDZOD LAS, DANG PO SH'AKYA THUB PA YIN, ,ZHES DANG, LUNG LAS, SANGS RGYAS SH'AKYA THUB PA NAS, ,ZHES GSUNGS PA'I PHYIR, THEG CHEN DANG PAR PHYIN RANG LUGS MIN TE, BU STON CHOS 'BYUNG LAS, BYANG CHUB SEMS DPA'I SDE SNOD BZHIN DU BSHAD NA, ZHES PA NAS, GZHON NU BRTZON 'GRUS SPYOD CES BYA BAR GYUR PA'I TSED BZHIN GSHEGS PA PHUNG PO CHEN PO 'JIG RTEN DU BYON PA LA BSNYEN BKUR ZHING DGE PA'I RTZA BA BSKRUN PA NAS BRTZAMS NAS BSKAL PA GRANGS MED GCIG TU TSOGS BSAGS PAS SA DANG PO THOB PAR GYUR TO, ,ZHES GSUNGS SHING, PHAR PHYIN RANG LUGS LA THEG BSDUS LAS, BZANG DANG SMON PA'I STOBS CAN DANG, ,ZHES SOGS KYI KHYAD PAR BZHI LDAN GYI SKABS BZHI PA NAS BSHAD PA'I THAR CHA RGYUD LA SKYES PA NAS GRANGS MED GSUM GYI TSOGS KYI 'GO RTZOM DGOS PA'I PHYIR TE, BSTAN 'GYUR DKAR CHAG NOR BU'I PHRENG BA

003b

LAS, GSER LTA BU'I SEMS BSKYED RANG RGYUD LA NAM SKYES PA NAS GRANGS MED KYI 'GO RTZOM PAR RIGS PAR BYA'O, ,ZHES GSUNGS PA'I PHYIR DANG, DES LAM DU ZHUGS PA DANG SA GSER LTA BU'I SEMS BSKYED GNYIS GCIG CAR DU THOB PA'I PHYIR RO, ,DMYAL BA'I SHING RTA 'DREN PA'I GYAD DES RANG GCIG BUS 'DREN PAR BYED DO BYAS PAS 'JUG SEMS KYANG BSKYED DAM DPYAD, 'O NA 'DIR THEG PA THUN MONG BA LTAR NA ZHES PA CI ZHE NA, 'DUL BA'I MTHA' DPYOD LAS, DANG POR THEG PA GONG 'OG THUN MONG DU ZHES PA LTAR, 'OG MAS DMYAL BA'I RTEN LA SEMS BSKYED PA TZAM LAS SKYES PAR MI 'DOD LA, GONG MAS SKYES PAR 'DOD PA SOGS GONG 'OG GI KHYAD PAR MANG PO ZHIG 'PHANGS PA YIN NO, ,BU STON CHOS 'BYUNG DU KHYE'U SNANG BYED KYIS THUB PA CHEN PO LA 'CHIL LHAM SOGS PHUL BAR GSUNGS PA MCHIMS MDZOD DU MI 'THAD PA LTA BUR GSUNGS SHING, KUN MKHYEN GYIS KYANG MDZOD 'GREL GSUM DRANGS NAS CHU 'JAM PO DANG SKU MNYES LAS LHAM SOGS MA GSUNGS PAS DPYAD, GRANGS MED GSUM GYI TSOGS BSAGS TSUL NI, RGYAN SNANG LAS, BSKAL PA GRANGS MED PA DANG BOS TSOGS KYIS NAS BRTZAMS TE SA DANG PO'I BAR DU RDZOGS PAR 'GYUR RO, ,GNYIS PAS NI DRI MA MED PA'I SA NAS BZUNG STE SA BDUN PA'I BAR DU'O, ,YANG BSKAL PA GRANGS MED PA GSUM PAS NI SA MI GA-YO BA NAS BZUNG NAS SANGS RGYAS KYI

004a

, ,SA'I BAR DU'O, ,ZHES PA LTAR LA, SLOB DPON DBYIG GNYEN GYIS TSOGS KYIS KUN TU RDZOGS PAR BYED PA LA BSKAL PA GRANGS MED PA GCIG 'DA' PAR BYED DO, ,DE'I 'OG TU MOS PA SPYOD PA'I SA RDZOGS PAR BYED PA NA BSKAL PA GRANGS MED PA GNYIS 'DA' BAR BYED DO, ,DE'I 'OG TU SA RAB TU DGA' BA NAS BRTZAMS TE BYANG CHUB SEMS DPA'I SA CHOS KYI SPRIN GYI BAR LA SO SOR BSKAL PA GRANGS MED PA GSUM GSUM GYIS BYANG CHUB SEMS DPA'I SA RDZOGS PAR BYAS NAS ZHES GRANGS MED SO GSUM GSUNGS PA SNGA MA'I NANG DU 'DU STE, RGYA CHER 'OL PA LAS, BSKAL PA GRANGS MED PA BDUN DANG, DUL LHA'I SDE PA THA DAD KLAG PA'I 'KHOR LO LAS, GRANGS MED BCU GSUNGS PA THAMS CAD DER 'DU BA'I PHYIR TE, BYANG SA LAS, BSKAL PA GRANGS MED PA NI GNYIS SU RIG PAR BYA STE, BSKAL PA CHEN PO GANG YIN PA DE YANG NYIN MTSAN DANG ZLA BA DANG ZLA BA PHYED DU BGRANG PA'I TSUL GYIS DUS DPAG TU MED PA'I PHYIR GRANGS MED PA ZHES BYA'O, ,BSKAL PA CHEN PO DE DAG GIS BGRANG BA'I TSUL GYIS BGRANG PA THAMS CAD LAS 'DAS PA'I GRANGS GANG YIN PA DE YANG GRANGS MED PA ZHES BYA STE, DE LA BSKAL BA GRANGS MED PA SNGA MA SHOS KYIS NI BSKAL PA GRANGS MED PA MI NYUNG BA ZHIG GIS BYANG CHUB THOB PAR 'GYUR RO, ,BSKAL PA GRANGS MED PA PHYI MA SHOS KYIS NI GSUM KHO NAS 'THOB KYI LHAG PAS NI MA

004b

YIN TE, ZHES PA'I DON MCHIMS MDZOD LAS, DES NA MDO DAG LAS GRANGS MED MANG POS BYANG CHUB 'THOB PAR GSUNGS PA NI GRANGS MED SNGA MA'I DBANG DU MDZAD NAS GSUNGS PA YIN LA, GRANGS MED GSUM GYIS 'THOB PAR GSUNGS PA NI GRANGS MED PHYI MA'I DBANG DU MDZAD NAS GSUNGS PAR BZHED DO, ,ZHES GSUNGS PA'I PHYIR, SNGA MA LTAR NA BSKAL CHEN GCIG LA'ANG GRANGS MED KYI MING THOB LA PHYI MA NI GRANGS GNAS DRUG BCUR PHYIN PA'I GRANGS MED DO, ,DE LA KHO NA RE RANG LUGS LA STON PA DANG RGYUD GCIG PA'I TSOGS LAM THOB MA THAG PA DE DMYAL BA'I RTEN CAN MA YIN PAR THAL, DE LA BRAM ZE RGYA MTSO'I RDUL YOD PA'I PHYIR TE, MTHA' DPYOD LAS, LHAG BSAM SNYING STOBS MCHOG GI RGYAL SRAS THOG MA'I DUS NAM KYANG, ZHES SOGS GSUNGS PA'I PHYIR ZER NA, DE THEG CHEN THUN MONG MA YIN PA'I 'DOD PA LTAR GYI SEMS BSKYED MA THAG PA DANG RGYAL SRAS YIN KYANG THEG CHEN THUN MONG MA YIN PAS 'DOD PA'I SEMS BSKYED DANG TSOGS LAM MA THOB STE, DE'I 'DOD PA'I RGYAL SRAS YIN MIN KHO RANG GIS RGYAL SRAS SU 'DOD MI 'DOD DANG SEMS BSKYED THOB MA THOB KHO RANG GIS 'DOD PA'I SEMS BSKYED KHAS LEN LA SONG BAS MI 'DRA BA'I PHYIR TE, DE'I 'DOD PA'I LAM LAM MA YIN PA'I PHYIR, ZHES PA'AM, YANG NA, DANG POR DMYAL BA'I RTEN LA SMON SEMS DANG, ZHES SOGS THEG CHEN THUN MONG BA LTAR GSUNGS PA YIN GYI

005a

, ,GNAS TSOD LA SNGA MA LTAR BRAM ZE RGYA MTSO'I RDUL DU GYUR TSE LAM DU ZHUGS PA DANG, SMON 'JUG GI SEMS GCIG CHAR BSKYED PA RJE RIN PO CHES, SNYIGS MA LNGA YIS HA CANG SPAGS PA YI, ,ZHES SOGS KYI DON NO ZHES KYANG CHOG GAM SNYAM STE, LAM RIM SOGS KYI BSHAD PA'I SKABS DE GTZO BOR GSUNGS DGOS PAS SO, ,GANG BDE BA BZUNG BAR BYA'O, ,THEG CHEN THUN MONG YIN MIN GYI DON YANG SEMS BSKYED TSUL GYI DBANG DU BYAS NA SNYING RJE BA PAD DKAR NAS BSHAD PA'I SEMS BSKYED MA THAG BA DE LAM DU ZHUGS MA THAG PAR 'DOD PA THEG CHEN THUN MONG MA YIN PA DANG, DRIN LAN BSAB PA'I MDO NAS BSHAD PA'I DE LAM DU ZHUGS MA THAG PAR 'DOD PA THUN MONG BAR 'JOG PAS DE GNYIS KAR DBU SEMS GNYIS 'JOG LA, LTA BAS PHYE NA KHA RGYA'I DOGS SLONG LTAR THAR PA THOB PA LA CHOS KYI BDAG MED BSGOM DGOS MI DGOS KYIS 'JOG PAR RJE PRA DZNYA SA RAS GSUNGS PAR MKHAN CHEN NGAG GI DBANG POS GSUNGS SO, ,SNGA MA CHOS 'BYUNG SOGS MANG PO DANG MTHUN LA, PHYI MA TSIGS DBU MA GSAL LAS, LUGS 'DI THUN MONG MA YIN PAR GSUNGS PA'I DGONGS PA'O, ,DBU MA'I MTHA' DPYOD LAS, STON PA SNGON SANGS RGYAS KYANG SLAR YANG BSKAL BZANG LTAR SEMS BSKYED TSUL DANG BSKAL PA 'DIR SANGS RGYAS TSUL DANG DA DUNG MA 'ONGS PA NA DU MA STON PA MA YIN PAR THAL, ZHES SNGAR SEMS BSKYED KYANG SLAR YANG BSKAL

005b

BZANG LTAR SEMS BSKYED PA DANG, SNGAR SANGS RGYAS KYANG SLAR BSKAL PA 'DIR SANGS RGYAS TSUL STON NO, ,ZHES PA YIN GYI SNGAR SANGS RGYAS NAS SLAR SEMS BSKYED TSUL STON PA'I DON MIN TE, KHRI NGAG DBANG BKRA SHIS PA'I ZIN BRIS LAS, KHYE'U SNANG BYED KYI DUS SU 'JUG SEMS BSKYED NAS BSKAL PA MANG PO 'DAS PA'I RJES SU RGYAL BA DBANG PO'I TOG TU BYON PAR DRIN LAN BSAB PA'I MDO LAS GSUNGS PA'I PHYIR, ZHES GSUNGS PA'I PHYIR, DE NYID KYI ZIN BRIS LAS, DE'I SNGON DU BSOD NAMS RGYA CHEN PO BSAGS PA YIN NA YANG BAR SKABS SU LAS NYON GYI DBANG GIS DMYAL BA'I SHING RTA 'DREN PA'I GYAD DU 'KHRUNGS PA YIN ZHING NGE SEMS BSKYED MA SKYES GONG DU YANG BDE 'GRO BA YIN TE, RGYU 'BRAS MAN NGAG BDUN YID 'ONGS KYI BYAMS PA YAN CHAD SNGON BDE 'GRO'I RTEN LA SKYES PA GCIG YIN PA'I PHYIR, DE 'DRA'I GYAD DE'I RGYUD LA RGYU 'BRAS MAN NGAG BDUN PO GANG SKYES NA'ANG BDE 'GRO BA YIN PA'I PHYIR, NAS, RIGS DRUG LUS SEMS GNYIS KA'I SGO NAS 'JOG KYANG GTZO BO SEMS KYI SGO NAS 'JOG CES GSUNGS PAS THUN MONG MA YIN PA'I LUGS LA BYANG SEMS ZHIG GIS NGAN 'GRO'I LUS BLANGS PA DANG THUN MONG BA LTAR NA, YID 'ONGS KYI BYAMS PA SKYES PA ZHIG GIS NGAN 'GRO'I LUS BLANGS PA YIN PAS, NGAN 'GRO'I LUS RTEN CAN YIN KYANG NGAN 'GRO'I SDUG BSNGAL GYIS SEMS LA MI GNOD PAS NGAN

006a

, ,'GRO BA MIN NO, ,'O NA DE MTHA' DPYOD LAS, DANG POR NGAN 'GRO BA GANG ZHIG ,PHYIS BDE 'GRO BAR GYUR BA'I PHYIR, ZHES PA CI ZHE NA, DE NI NGAN 'GRO'I RTEN LA MAR SHES SOGS GSAR SKYES LA DGONGS SO, ,KHRI CHEN PA'I ZIN BRIS LAS, RAB DANG PHUL DANG GTZO BO DANG GYA NOM PA RNAMS DON GCIG CES GSUNGS PAS ZAB MO STONG PA NYID RIGS PA'I RNAM GRANGS MTHA' YAS PA'I SGO NAS BSTAN PAS MDO SDE KUN GYI GTZO BOR GSUNGS PA LTAR RO, ,BOD SNGA MAS SHING RTA'I SROL 'BYED BZHI LA GANG ZAG MI 'JOG PAR RTEN 'GREL RTZOM 'PHROR GSUNGS LA 'GA' ZHIG GANG ZAG KHO NA 'JOG PA LTA BUR GSUNGS KYANG, MTHA' DPYOD LAS, BSTAN BCOS DANG GANG ZAG GNYIS BZHAG PA GSER PHRENG LAS, 'DI'I DGONGS PA 'GREL BA'I BSTAN BCOS LA YANG DU MA ZHIG YOD KYANG GTZO BOR GYUR PA NI, ZHES DANG, DE YANG BDAG NYID CHEN PO KLU SGRUB KYIS ZHES SOGS KYI DGONGS PA'O, ,RANG GZHAN GYI SDE PA DNGOS SMRA PA RNAMS KYI BSGRUB BYAR BYAS PA'I BDEN DNGOS SPYIR 'GOG PA RTZA SHES DANG, BDEN MED RTOGS PA'I YE SHES GOMS PA LAS MYANG 'DAS THOB PAR SGRUB PA RIGS PA DRUG CU PA DANG, DE LAS RNAM MKHYEN THOB PAR SGRUB PA RIN CHEN 'PHRENG BA YIN PAS DE GNYIS LA RANG SDE'I BDEN DNGOS BYE BRAG TU 'GOG PA ZHES GSUNGS SO, ,BDEN DNGOS SGRUB BYED TSIG DON BCU DRUG NI GZHAN SDE DAG

006b

GIS DBU MA PA LA CHOS THAMS CAD BDEN PAR MED PA MI 'THAD DE, TSAD MA DANG GZHAL BYA GNYIS YOD PA'I PHYIR DANG, DE GNYIS LA THE TSOM ZA BA DANG, DGOS DON LA 'JUG PA DANG, DE LA 'JUG PA'I DPE RNAMS YOD PA DANG, DNGOS SMRA PA LA GRUB MTHA' MED PAR THAL BA DANG, SGRUB NGAG GI YAN LAG YOD PA DANG, DON LA DPYAD PA'I RTOG GE DANG DPYAD PA'I DON GTAN LA PHAB PA DANG, DE LA MI MTHUN PAR RTZOD PA DANG, DON DE BRJOD PA DANG, DE PHA ROL POS SUN 'BYIN PA DANG, GTAN TSIGS LTAR SNANG YOD PA DANG, KHYOD KYI BRJOD PA RNAMS TSIG DOR TE BSNYON PA DANG, LAN RNAMS LTAG CHOD DU 'GYUR BA DANG, KHYOD RGOL PAS TSAR GCOD PA'I GNAS SU 'GYUR BA'I PHYIR ZHES SGRUB PA LA PHAN TSUN BTAGS DON BTZAL NA MED PA SOGS KYIS 'GOG PA ZHIB MO RNAM 'THAG STE, 'GOG TSUL RGYAS PAR DE'I MCHAN 'GREL DU BSHAD ZIN TO, ,NYA BU SOGS KYIS THA SNYAD DU GRUB PA DRANGS KYANG ZLA BA'I TSIGS GSAL DU MING TZAM YANG MA SMOS PAS MA BGRANGS SO, ,GA LAS 'JIGS MED GCIG LA 'DREN PA SPYAN RAS GZIGS BRTUL ZHUGS YIN NO, ,BRGYAD STONG DON BSDUS SU BRGYAD STONG PA GSUNGS PA PO'I RTEN DE'I DBANG DU BYA BA 'KHOR STE 'DI GNYIS KYIS GLING GZHI'I DON BSDUS LA, 'KHOR DE'I LAS SU BYA BA SPYAD BYA'I DNGOS PO BSGOM PA BCU DANG, DE'I YUL GYI RAB DBYE STONG NYID BCU DRUG DANG DE LA SPYOD TSUL PHYIN CI LOG TU SONG MA SONG GI RTAGS DANG, LOG PAR SPYAD NA GANG

007a

, ,DU LTUNG BA DANG, LEGS PAR SPYAD PA'I PHAN YON STE, SO GNYIS SU BSDUS SHING, BSGOM PA NI RNAM GA-YENG GI RTOG PA BCU'I GNYEN PO BDAG MED GNYIS GANG RUNG RTOGS PA'I THEG CHEN SGRUB PA LA BYED SNYAM STE, DE'I YUL STONG NYID BCU DRUG GSUNGS PA DANG, KUN BTUS DAR tI GA LAS, RNAM RTOG BCU PO 'DI DAG GI GNYEN PO NI GANG ZAG GI BDAG DANG CHOS KYI BDAG 'GOG PA'I RIGS PA LAS SHES PAR BYA'O, ,ZHES GSUNGS PA'I PHYIR, DE BCU SA BCU'I BAR CHAD MED LAM BCU LA MI BYED DE, MDO DE DAG GIS BSTAN PA'I THEG CHEN SGRUB PA'I PHAN YON SKABS SEMS DANG PO BSKYED PA'I SHES RAB NYIN GCIG SGOM PA'I ZHES TSOGS LAM NAS YOD PAR GSUNGS PA DANG, SEMS BSKYED SKABS DE DANG DE 'DOD PAS YUM LA BSLAB PAR BYA ZHES PA'I YUM DANG DON GCIG DGOS PA'I PHYIR RO, ,DAG LDAN LAS, 'DI BCU'I GTZO BOS BCU'I MNYAM BZHAG LA SBYAR BA GSER PHRENG DU GSAL LO, ,RNAM GA-YENG GI RTOG PA BCU'I DANG PO NI, GANG ZAG GI BDAG MED KYI DBANG DU BYAS PA'I KUN BTAGS RANG MTSAN GYIS YOD PAR 'DZIN PA'AM RANG RKYA BA'I BDAG YOD PAR 'DZIN PA DANG, GNYIS PA NI, DE'I DBANG DU BYAS PA'I MTSAN NYID GZHAN GNYIS BDEN MED DU 'DZIN PA'AM RANG RKYA BA'I BDAG GIS STONG PA MED PAR 'DZIN PA DANG, 'DI GNYIS GANG ZAG GI

007b

BDAG LA BRTEN TSUL GANG ZAG GI BDAG GIS STONG PA YOD MED SOGS SU ZHEN PAS YIN TE, BLO BRTAN GYI MDO RGYAN 'GREL CHEN LAS, TSIG GNYIS KYIS GANG ZAG YOD PAR RTOG PA'I GNYEN POR GANG ZAG GI BDAG MED PAR BSTAN TO, ,ZHES DANG, KUN BTUS DAR t'I KA LAS, PHUNG PO MED PAR ZHEN PA DNGOS PO MED PA'I RNAM RTOG DANG RTAG GCIG RANG DBANG CAN GYI BDAG YOD PAR ZHEN PA DNGOS PO RNAM PAR RTOG PA STE, ZHES GSUNGS PA'I PHYIR, GSUM PA LA CHOS KYI BDAG MED KYI DBANG DU BYAS PA'I KUN BTAGS RANG MTSAN GYIS YOD PAR 'DZIN PA'AM GZUNG 'DZIN RDZAS THA DAD DU 'DZIN PA DANG, BZHI PA DE'I DBANG DU BYAS PA'I MTSAN NYID GZHAN GNYIS BDEN MED DU 'DZIN PA'AM GNYIS STONG GI RANG BZHIN MED PAR 'DZIN PA DANG, LNGA PA DE'I DBANG DU BYAS PA'I GZHAN DBANG YONGS GRUB GNYIS LDOG PA GCIG TU 'DZIN PA DANG, DRUG PA DE GNYIS NGO BO THA DAD DU 'DZIN PA DANG, CHOS RNAMS KYI NGO BO RANG 'DZIN RTOG PA'I ZHEN GZHIR RANG GI MTSAN NYID KYIS GRUB PAR 'DZIN PA DANG, KHYAD PAR DE LTAR 'DZIN PA DANG, MING DE DON LA DNGOS DBANG GIS 'JUG PAR 'DZIN PA DANG, DON DE MING GI 'JUG GZHIR RANG MTSAN GYIS GRUB PAR 'DZIN PA STE PHYI MA BZHI CHOS KYI BDAG 'DZIN YIN NO, ,DES NA PHYI MA BRGYAD CHOS KYI BDAG LA BRTEN TSUL YANG CHOS BDAG GI KHYAD PAR LA BRTEN PAS YIN GYI DMIGS YUL CHOS DANG GANG ZAG LA BRTEN PAS

008a

, ,BZHAG ZER BA KHUNGS MED DO, ,'DI'I STONG NYID BCU DRUG LA GANG ZAG GI BDAG MED DANG PHYI DON MED PA GNYIS BYAS PAS RANG LUGS LA BRGYAD STONG DON BSDUS NAS BSHAD PA'I THEG CHEN DANG, RANG RGYAL GYI BAR CHAD MED LAM PAR CHAD MED LAM MIN TE, RIM BZHIN DE DAG GI BAR CHAD MED LAM PA'I RGYUD KYI PHYI DON MED PA DANG GANG ZAG GI BDAG MED RTOGS PA'I RNAL 'BYOR MNGON SUM RE 'JOG DGOS PA'I PHYIR, DE NAS BSHAD PA'I SGRIB PA'I DNGOS GNYEN BAR CHAD MED LAM BAR CHAD MED LAM YIN TE, DE LA DE NAS BSHAD PA'I SGRIB PA KHAS LEN LA SONG BA'I PHYIR, DE NAS BSHAD PA'I SGRIB PA SPANGS MA THAG PA SANGS RGYAS YIN KYANG BDAG 'DZIN SPANGS MA THAG PA SANGS RGYAS MIN TE, SGRIB PA LA BAG CHAGS YOD PA'I PHYIR DANG, PHYI MA SPANGS PA'I RANG RGYAL YOD PA'I PHYIR RO, ,PHYI ROL NGON 'DZIN GYI RTOG PA SPANGS MA THAG PA DE NAS SANGS RGYAS SU BSHAD PAS DE NAS BSHAD PA'I SANGS RGYAS YIN MIN DANG, DE NAS BSHAD PA'I SANGS RGYAS RANG RGYAL GYI RGYUD NA YOD MED SOGS RIGS PA'I RNAM GRANGS MANG NGO, ,GZHAN YANG, BRGYAD STONG DON BSDUS KYIS STONG NYID BSTAN PAR THAL, DRANG NGES DKA' 'GREL LAS, BRGYAD STONG DON BSDUS KYIS STONG NYID BCU DRUG BSHAD PA'I PHYIR, ZHES DANG, DNGOS SMRA DANG DE'I GZHUNG LAS, MTSAN NYID GSUM DANG BDEN GNYIS BDEN BZHI'I KHYAD CHOS BCU DRUG CHOS KYI SDOM

008b

BZHI LAM LNGA SOGS GANG YANG MA BSHAD PAR THAL LO, ,ZHES DANG, DES MTHA' GNYIS DANG BRAL BA'I DBUS MA BSHAD NA SGRO BSKUR GYI MTHA' MA BKAG ZER DGOS PAS ZHIB CHA 'DON, ZHES GSUNGS PA'I PHYIR ZER NA, SNGA MA GNYIS GZHI 'GA' ZHIG LA STONG NYID SOGS KYI SGRAS BSTAN PA'AM RANG RANG GI LUGS KYI DE BSTAN PA'I DON DANG, PHYI MA YANG SEMS TZAM LUGS KYI SGRO BSKUR GYI MTHA' BKAG KYANG SPYIR SGRO BSKUR GYI MTHA' MA BKAG PA DNGOS SMRA PA RNAMS KYIS RANG RANG GI LUGS KYI RTAG CHAD KYI MTHA' GNYIS DANG BRAL BA'I DBUS KHAS LEN KYANG SPYIR MTHA' GNYIS DANG BRAL BA'I DBUS KHAS MI LEN PA BZHIN ZHES ZHIB CHA 'DON DGOS PA'I DON NO, ,'DI'I STONG NYID BCU DRUG BSHAD PA DBUS MTHAR BRTEN BAS GSER PHRENG LAS RTZA BA DANG 'GAL LO ZHES PA YANG RTZA BA'I KHUNGS DBUS MTHA' DANG 'GAL ZHES PA YIN GYI DON BSDUS MIN TE, GONG DU SNGA MA DANG MI MTHUN ZHING ZHES BA DON BSDUS YIN PA GONG DU DE'I LUGS BSHAD PAS SHES LA, DE LAS LOGS SU BKAR BA'I PHYIR, GSER PHRENG LAS, BYAMS CHOS LAS LOGS SU SROL BTONG BA MIN ZHING ZHES GSUNGS PA YANG, YIG CHAR, THOGS MED KYI RJES SU 'BRANG LA ZHES PA LTAR LA, THOGS MED KYIS BYAMS CHOS PHYI MA GSUM GYI DON BSHAD PA LAS LOGS SU SROL BTOD PA MIN ZHES PA YIN GYI, DBUS MTHA'I RJES SU 'GRANG BAS SROL 'BYED MIN ZER BA MIN TE, RNAM BSHAD LAS, BSTAN BCOS GSUM PO DE DAG GI RJES SU 'GRANG NAS

009a

, ,ZHES PA LTAR THOGS MED KYANG DE'I RJES SU 'BRANG BA'I PHYIR, MTSAN NYID GSUM DANG SGRUB PA LA GDAMS PA'I MDO 'GREL TSUL THEG BSDUS KYI RJES SU 'BRANG BAS YIN NO, ,DBANG DU BYA BA GSER PHRENG LAS, RANG RGYAL MA GSUNGS PA GLENG GZHI'I TSIG ZIN DANG, YIG CHAR GSUNGS PA SPYIR YIN TE, RTOG GE 'BAR BAR, GZHAN NI SANGS RGYAS 'BYUNG LA 'BRAS, ,SOGS DANG, BYANG SEMS MANG PO LEN PA MED PAR ZAG PA LAS SEMS RNAM PAR GROL BAR GSUNGS PAS KUN DGA' BO LAS GZHAN PA'I SLOB PA YOD PA'ANG 'GRUB PO, ,GLENG GZHI MTHUN SNANG GI DBANG DU BYAS SO, ,'DI'I GNOD 'JOMS LA, BU t'I KA LUNG SNYER DAmshtA SE NA'I 'BUM GYI t'I KKA STE, ZHES DANG, DE'I CHOS 'BYUNG LAS, SGO GSUM RNAM GRANGS BCU GCIG TU STON PA 'BUM t'I KA STE, NAS, 'DI DAmshtA SE NAS BYAS ZER KYANG DBYIG GNYEN GYI GZHUNG 'GREL DU RIGS SHING 'DI DANG BRGYAD STONG DON BSDUS GNYIS KYIS SEMS TZAM DU BSTAN TO, ,ZHES DE DBYIG GNYEN GYI YIN PAR GSUNGS LA, 'OG TU DKAR CHAG SKABS STONG PHRAG BRGYA PA'I 'GREL CHEN NAS DAmshtA SE NAS BYAS PA DE YIN NO, ,RGYAL BA'I YUM STONG PHRAG BRGYA BA DANG NYI KHRI LNGA STONG BA DANG, KHRI BRGYAD STONG PA RNAMS KYI GZHUNG 'GREL BAM PO NYI SHU RTZA BDUN PA BSGYUR 'PHRO 'DI DAmshtA SE NAS BYAS ZER BA MANG MOD KYI, 'DI NI DBYIG GNYEN GYI GZHUNG 'GREL YIN TE, THUB BA DGONGS RGYAN LA SOGS PAR NYI KHRI

009b

GZHUNG 'GREL LAS DRANGS PA'I TSIG DER JI LTA BA BZHIN DU SNANG BA'I PHYIR DANG, DPUR YANG, 'DI'I GZHUNG 'GREL GNOD 'JOMS BYA BAR 'DOD, CES 'BYUNG BA'I PHYIR RO, ,ZHES MI 'DRA BA GNYIS GSUNGS PAS, NYA t'I KA LAS, YUM GSUM GZHUNG 'GREL GNOD 'JOMS NAS, 'DI DBYIG GNYEN GYI GZHUNG 'GREL GNOD 'JOMS ZHES BCOM RAL DANG, CHOS RJE KUN MKHYEN PA GSUNGS SHING, BU STON RIN PO CHE'ANG PHUGS KYIS DER BZHED MOD KYI, 'ON KYANG 'BUM 'GREL GNOD 'JOMS DANG YUM GSUM GZHUNG 'GREL GNOD 'JOMS MA PHYED SNANG NGO, ,ZHES GSUNGS PAS, BU STON GYIS SHING RTA'I SROL 'BYED LA GNOD 'JOMS GNYIS GANG 'JOG SOGS DPYAD LA, DBYIG GNYEN 'JOG PA 'DRA'O, ,YUM GSUM GNOD 'JOMS STAG LOS, SLOB DPON DPA' BO DANG, GNAS DRUG PAS DAmshtA SE NAS MDZAD PAR 'DOD PAS DE GNYIS SHING RTA'I SROL 'BYED DU 'JOG GO ,DE LA KHO NA RE, DE DAG GI LUGS LA DON BSDUS DANG DE GNYIS KYIS 'GREL BYED GZHAN LA MA BRTEN PAR THAL, GSER PHRENG LAS, BZHI PO 'DIS DGONGS 'GREL GZHAN LA MA BRTEN PAR YUM GYI DGONGS PA RE 'GREL PAS SHING RTA'I SROL 'BYED DO ZHES 'CHAD DO, ,ZHES GSUNGS PA'I PHYIR NA MA KHYAB STE, DE GNYIS THOGS MED DANG KLU SGRUB KYI 'GREL BSHAD LA BRTEN KYANG DON SO GNYIS DANG SGO GSUM RNAM GRANGS BCU GCIG TU PHYE TSUL 'GREL BYED GZHAN LA MA BRTEN

010a

, ,BAS BZHAG GO ,SGO GSUM GYI CHED DU BYA BA'I GDUL BYA YIN KHYAB MNYAM YIN PAR RGYAN GYI SKABS BRGYAD BZHIN LA, DPA' PO'I RIM PAS DON RDZOGS PAR GO MTSAMS MI 'DRA BA GSUM BYUNG BA YIN NO, ,YUM GSUM GNOD 'JOMS DBYIG GNYEN GYI MIN PAR GSER PHRENG LAS, NYAN THOS KYI RNAM RTOG BRGYAD BTZUN PA'I NYI KHRI RNAM 'GREL DU KHA 'PHANGS PA DANG, LNGA BRGYA THA MA'I 'GREL BAR ZHI 'TSO'I BSHAD YA MAS MDZAD PA DANG, SGRUB PA LA GDAMS PA'I MDO RNAM G-YENG GI RTOG PA BCU'I GNYEN POR MI 'GREL ZHING, MDO RGYAN 'GREL PA DANG BSHAD TSUL MI MTHUN PA DANG, RGYAL SRAS ZHE BRGYAD KYI GRANGS LA MDO NA YOD PA'I DGE BCU'I LAM MI GTONG BA DOR NAS PHYOGS BCU SDOM PA GRANGS PA DANG, SKYE 'GOG SOGS MED PA'I SKABS RTZA SHES DRANGS NAS CHOS RNAMS RANG BZHIN MED PA ZLA GRAGS LTAR 'CHAD PAS SEMS TZAM DU BKRAL BA MIN PAR GSUNGS LA KUN MKHYEN BLA MA'I GRUB MTHA' CHEN MOS SOGS SU RTZA SHES KYI LUNG DRANGS NAS KLU SGRUB BZHIN 'CHAD BA DANG, RNAM 'GREL LA KHA 'PHANGS PA DANG, ZHI 'TSO'I BSHAD TSUL BKOD BA DANG, STONG NYID KYI STONG TSUL GRANGS CAN GYI GZHAN STONG LTAR BSHAD PA BZHI TZAM GSUNGS PA NI GZHAN RNAMS DPYAD GZHI CHUNG BAS YIN LA, DE BZHI'I DANG PO NI, GSER PHRENG GI KUN 'BYUNG LA GDAMS

010b

PA'I GDAMS NGAG GI SKABS SU GSAL LA, YIN LUGS DPYOD PA'I DPYAD GZOD DU MED TSUL TSOGS SGRUB SKABS SU GSAL LO, ,GNYIS PA NI, YUM GSUM GNOD 'JOMS LAS, SKYES BU CHEN PO'I RNAM PAR RTOG PA BRGYAD CES BYA BA LA NYAN THOS KYI RNAM PAR RTOG PA RNAMS NI JI SKAD DU RNAM 'GREL LAS BSHAD PA BZHIN NO, ,ZHES SKYES BU CHEN PO'I RNAM RTOG BRGYAD GSUNGS NAS NYAN THOS KYI RNAM RTOG BRGYAD KHA 'PHANGS LA, SEMS BSKYED GSUM PA'I MDOR SKYES BU CHEN PO'I RNAM RTOG BRGYAD DANG, ZHES PA'I NYI SNANG DANG RNAM 'GREL LAS, MO 'GAL GYI BU CHEN PO KHYOD KYIS SKYES BU CHEN PO'I RNAM PAR RTOG PA BRGYAD PO 'DI DAG YANG RNAM PAR RTOGS SHIG CES SKYES BU CHEN PO'I RNAM RTOG BRGYAD ZUR DU MA BGRANG PA LTAR GSER PHRENG DANG LEGS BSHAD SNYING POR NYAN THOS KYI SKYES BU CHEN PO'I RNAM RTOG BRGYAD CES PA SO SOR BGRANGS BA 'GOG CHED YIN NAM DPYAD LA, DE BRGYAD NI, 'DOD CHUNG DANG, CHOG SHES DANG, RAB TU DBEN PA DANG, BRTZON 'GRUS BRTZAMS PA DANG, DRAN PA NYE BAR BZHAG PA DANG, MNYAM PAR BZHAG PA DANG, SHES RAB DANG LDAN PA DANG, SPROS MED LA DGA' BA DANG BRGYAD NYI SNANG LTAR RNAM 'GREN DU YANG GSUNGS LA, BTZUN PA DBYIG GNYEN GYI RJES SU BYUNG BAS YIN NO, ,GSUM PA NI, MCHAN 'GREL LTAR YIN TE, GSER PHRENG LAS ZHES RANG LUGS DANG GZHAN LUGS GNYIS BYAS SO, ,ZHES PA'I RANG LUGS NI

011a

, ,GONG DU LNGA BRGYA THA MA ZHES PA NI BSTAN PA LNGA STONG GNAS PA LA ZHES SOGS DANG, GZHAN LUGS NI, KHA CIG NI MI RNAMS KYI TSE TSAD LO BRGYA ZHES PA NAS, GNYIS STONG LNGA BRGYA NI 'GRIB PA'I DUS YIN PAS DE GNAS DUS LA MI BGRANG NGO, ,DES NA LNGA BRGYA THA MA NI DE BCU YOD PA'I THA MA LA MI ZER GYI 'GRIB PA'I DUS TZAM LA'O, ,ZHES 'DOD LA, ZHES GNOD 'JOMS KYI BSHAD PA BKOD NAS, DE YANG ZHI 'TSO'I BZHED PA STE, NAS, SPYIR LO LNGA STONG DU MTHUN NO ZHES PAS ZHI 'TSOS KYANG LNGA STONG DU GNAS PAR BSHAD PAS DE'I DGONGS PA MA LON PAR GSUNGS SO, ,MCHAN LAS, KHA CIG ZHI 'TSOS LNGA BRGYA PA PHYI MA LNGA LNGA BRGYA THA MAR 'DOD LA, GNOD 'JOMS MKHAN POS RTAGS TZAM 'DZIN PA'I LE'U LA 'DOD PA KHYAD PAR YIN ZER BA MI 'THAD DE, ZHES PA GSER PHRENG LAS, ZHI 'TSO'I BSHAD YAMS MDZAD PA'I PHYIR, ZHES PA'I BSHAD YAMS LA 'JOG PA MI 'THAD CES PA YIN TE, GSER PHRENG LAS, BSTAN PA'I GNAS TSAD LA RANG NYID KYI 'DOD PA BKOD NAS ZHES GSUNGS KYI, LNGA BRGYA THA MA LA RANG NYID KYI 'DOD PA BKOD NAS ZHES MA GSUNGS PA'I PHYIR DANG, LNGA BRGYA PA PHYI MA LNGA LA LNGA BRGYA THA MAR BYAS PA 'DI NI BSHAD YAMS TZAM MIN PAR ZHI 'TSO'I DGONGS PA LTAR RTZA BA'I MDOS LNGA BRGYA THA MA'I TSE BSTAN PA BYANG NAS BYANG DU NGAR BAR GSUNGS PA GANG ZHIG ,DES NA KHYOD KYI LNGA BRGYA

011b

BCU PA RTAGS TZAM 'DI NYID LA LNGA BRGYA THA MA ZHES PA MI 'THAD DE, RTAGS TZAM 'DZIN PA'I TSE BSTAN PA DAR BAR TSAD LDAN SU YANG MI 'DOD PA'I PHYIR, ZHES PA YIN GYI GNOD 'JOMS MKHAN POS LNGA BRGYA THA MA RTAGS TZAM 'DZIN PA'I LE'U LA MI 'DOD GSUNGS PA MIN TE, MCHAN GYI DE GSER PHRENG SKABS BZHI PA'I 'GREL TSUL LTAR GSUNGS PA GANG ZHIG ,DES NA LNGA BRGYA THA MA NI DE BCU YOD PA'I THA MA LA MI ZER GYI 'GRIB PA'I DUS TZAM LA'O ZHES PA MA GZIGS PA GA LA YIN, MCHAN GYI TSAG SHIN TU BRLING PAS KHUNGS DANG GONG 'OG BSGRIG MA SHES NA 'GAL BA LTA BU MTHONG NGO, ,GSER DU GNOD 'JOMS CHE BAR NAS, LNGA STONG DU MTHUN NO ZHES PA COD PAR SOGS NA MED PAS GNOD 'JOMS KYI DON BSDUS NAS ZHI 'TSO DANG DE GNYIS LNGA STONG DU MTHUN PAR STON PA YIN TE, 'CHAD PA'I LUGS LA LA JI SKAD LA LAS JI SKAD DU 'CHAD DE ZHES PAS RANG LUGS GZHAN LUGS GNYIS BKOD TSUL GSUNGS NAS SPYIR DE GNYIS MTHUN PAR GSUNGS PA'I PHYIR TE, KUN MKHYEN GYI BSTAN RTZIS SU DE DE GNYIS KAS LNGA STONG DU GNAS BA 'DOD PA'I SGRUB BYED DU DRANGS PA'I PHYIR RO, ,GNOD 'JOMS CHE BAR, LNGA BRGYA THA MA'I TSE BSTAN PA LHO BYANG SOGS SU DAR BA'I 'GREL MED LA, CHUNG BA 'BUM t'I KA TU DE'I 'GREL GSER PHRENG LAS, 'DIR MDO LAS DE BZHIN GSHEGS PA ZHES

012a

, ,PA NAS, RDO RJE GDAN LA LTOS NAS 'JOG PAR 'DOD DO, ,ZHES PA DE YIN PAS GNYIS KAS LNGA BRGYA THA MA RTAGS TZAM 'DZIN PAR BZHAG PA DE DANG NANG 'GAL YANG YOD DO, ,DES NA ZHI 'TSO'I DGONGS PA MA LON PAS DBYIG GNYEN GYI MIN PAR BSGRUB KYI DE DUS ZHI 'TSO BSTAN BCOS RTZOM PA'I TSOD LA MA SLEB PAS MIN TE, ZHI 'TSO 'PHAGS GROL GYI BLA MAR GSUNGS SHING, 'PHAGS GROL DGUNG LO MANG PO MA BZHUGS PAR LAM RIM BLA BRGYUD KYI RNAM THAR LAS GSUNGS PA'I PHYIR SNYAM STE DPYAD, BZHI PA NI, DBU MA SNYING PO LAS, BDAG KYANG GZHAN LA RANG BZHIN GZHAN, ,DE LTAR DE NYID MTHONG BA YI, , ZHES GRANGS CAN GYIS RANG BZHIN DANG BDAG GNYIS GCIG GIS GCIG STONG PA'I GZHAN STONG SGOM STE, RNAM 'GYUR RNAMS KYI GNAS LUGS RANG BZHIN MNGON SUM DU MTHONG BA THAR LAM DU BZHAG PA LTAR, CHOS RNAMS RANG BZHIN GYIS GRUB PA'I STONG PA STONG TSUL LA MA BZHAG PAR DE STONG GZHIR BYAS SHING MNYAM BZHAG GI NGOR NGO BO NYID GZHAN GNYIS KYIS STONG PAS STONG NYID DU BSHAD PA NI LEGS BSHAD SNYING PO LAS, 'JIG RTEN NA 'DRE SHAR SGOR ZHES PA NAS, LEGS PAR MI SNANG NGO ZHES PA'I BAR GYIS STONG GZHI NGANG STONG TSUL BSHAD PA BKAG KYI NGE STONG NYID YIN PA MA BKAG PAS PHYOGS SNGA NGOS LAS, MNYAM BZHAG GI NGO NA YOD PA TZAM LA DON DAM PAR YOD PA LAS, MNYAM BZHAG GI NGO NA YOD PA TZAM LA DON DAM PAR YOD PA ZHES BSHAD KYANG, ZHES GSUNGS PAS, CHOS THAMS CAD BDEN PAR MED PA STONG NYID DANG, DE DON DAM DU YOD PAR 'DOD LA, KUN BTAGS DANG GZHAN DBANG LA SGRA DON GYI SNANG BA DANG GZUNG 'DZIN RDZAS THA DAD KYI SNANG BA LAS GZHAN MI 'JOG GAM DPYAD, PU STON CHOS 'BYUNG LAS, 'DI NI DBYIG GNYEN GYI GZHUNG 'GREL YIN TE, THUB PA DGONGS RGYAN LA SOGS PAR NYI KHRI GZHUNG 'GREL LAS DRANGS PA'I TSIG RNAMS DER JI LTA BA BZHIN DU SNANG BA'I PHYIR DANG, 'DI YI GZHUNG 'GREL GNOD 'JOMS BYA BAR 'DOD, ,CES 'BYUNG BA'I PHYIR RO, ,ZHES SGRUB BYED GNYIS BKOD PA'I LAN GSER PHRENG LAS, GNYIS PA GNOD 'JOMS GNYIS KHYAD MED PA DANG, DANG PO NI THUB DGONGS MA ZAD MAN NGAG RJES 'BRANG DU YANG NYI KHRI'I GZHUNG 'GREL DBYIG GNYEN GYI YIN ZHES GRAGS KYI YUM GSUM GZHUNG 'GREL ZHES PA MI SNANG BAS YUM GSUM GYI GZHUNG 'GREL YIN PA MA SHES SHING DER 'KHRUL BA'I PHYIR, ZHES PA'O, ,THUB DGONGS LAS, SLOB DPON DBYIG GNYEN GYIS KYANG GZHUNG 'GREL DU GO CHA CHEN PO BGOS PA ZHES BYA BA NI SEMS DANG PO BSKYED PA NAS BZUNG NAS BSAM PA RGYA CHE BAR BSTAN PA'O, ,ZHES SOGS YIN NAM

013a

, ,DPYAD, YUM RGYAS 'BRING BSDUS BSKOR DGU NI, RGYAL TSAB RIN PO CHE'I RGYAN GYI BSDUS DON LAS, RGYAS PA'I RGYAS PA BAM PO LNGA BRGYA PA GCIG YOD PA RGYA NAG TU 'GYUR BAR KHA CIG TU BSHAD CING, 'BRING PO BAM PO BZHI BRGYA PA GCIG LO CHEN SOGS BZHUGS PA'I TSE RGYA GAR NA BZHUGS PAR GRAGS KYANG BOD DU MA 'GYUR LA, RGYAS PA'I BSDUS PA GZHUNG 'BUM PA 'DI NYID YIN NO, ,YUM BAR MA GSUM NI NYI KHRI DANG KHRI BRGYAD STONG PA DANG SHES RAB KHRI PA'O, ,BSDUS PA GSUM NI, BRGYAD STONG PA DANG YUM CHEN PO BAM PO BCO BRGYAD PA DANG MDO SDUD PA RNAMS SO, ,ZHES PA LTAR LA, BAM PO BCO BRGYAD PA YANG BOD DU MA 'GYUR SNYAM, BSOD GRAGS PA DANG RJE BTZUN PAS SDUD PA KHRI BRGYAD STONG PA'I LE'U MIN NA DE LA SHO LO KA KHRI BRGYAD STONG MA TSANG BAR GSUNGS KYANG DE YAN LA TSANG NGAM SNYAM, DE DAG GSER PHRENG TSIG ZIN LTAR YIN LA, DE AAR BYANG CHUB YE SHES KYI BSHAD PA YIN PAR SKYABS MGON BAR PAS GSUNGS KYANG SPYI DON ROL MTSOR AAR CHEN POS SDUD PA BSDUS PA'I BSDUS PAR BZHED PAR GSUNGS PAS DPYAD, BU STON SOGS YUM SRAS BCU BDUN BYAS PA'I DON NOR TSUL BSOD GRAGS PA'I SPYI DON LAS, SHER PHYOGS KYI MDO LAS YUM GYI MDOS KHYAB KYANG ZHES PA LTAR YUM SHER PHYIN GTZO BOR STON PAS YIN LA, GRANGS NOR TSU LA GSER PHRENG LTAR RO, ,SDUD PA LA BSHAD TSUL GNYIS

013b

YOD PAS RGYAN DANG SBYAR BA'I 'GREL PA YOD PA'I RTZA BA'I MDO BZHI'AM LNGA GSUNGS LA, YIG CHAR SGOR DGU GA RTZA BA'I MDOR GSUNGS PA NI, 'GREL BAR, KUN GYI RGYAN DU 'GYUR BAR NI, ,ZHES DANG, GSER PHRENG LAS, RGYAN 'DIS BSTAN PA'I MNGON RTOGS KYI RIM PA RNAMS DANG SBYAR RUNG YOD PA'I MDO RNAMS NI 'DI'I RTZA BA'I MDO YIN LA, ZHES PA'I DGONGS PA'O, ,BSOD GRAGS PA'I MTHA' DPYOD DU, KHRI BRGYAD STONG PA DANG MDO SDUD PA SOGS RGYAN GYI BSHAD BYA'I MDO YIN KYANG BSHAD BYA RTZA BA'I MDO MIN PAR GSUNGS PA'ANG DES KHEGS SO, ,MDO RGYAN SBYAR BA'I 'GREL PA'I DON SDUD PA LTA BU'I DON TSAN 'DIS MNGON RTOGS 'DI BSTAN ZHES MNGON RTOGS PHAL CHER MDO DANG SBYAR BAS 'JOG GO ,GSER PHRENG DU DHARMA SHRIS MDZAD ZHES PA GNYIS LA LO TZTSA BA'AM BOD GZHAN ZHIG GIS BYAS SKAM, ZHES DANG, SMRi TI'I YIN MIN DPYAD, CES DANG, DON BSDUS LA JO BO'I SLOB MA GCIG GIS SAM GZHAN BOD GCIG GIS BYAS PAR SEMS ZHES GSUNGS PAS YIG CHAR GRAGS ZHES PA THE MTSO CAN NO ZHES GSUNGS SO, ,LE'U BRGYAD MA LA BSDUS DON ZER BA RTZA BA'I MDO RDZOGS PAR DRANGS NAS 'GREL BSDUS DON TZAM LAS MED PAS YIN NO, ,THUB DGONGS BSTAN BCOS RANG RKANG MA YIN PAS RGYAN GYI GZHAN 'GREL DU BRTZAMS PA MIN KYANG, DE'I GZHAN 'GREL YIN TE, DE'I RANG 'GREL MA YIN PA'I 'GREL PA YIN

014a

, ,PA'I PHYIR RO, ,MCHAN DU SHER 'BYUNG GI ZHES PA GZHAN ZHIG GIS BCUG PA 'DRA STE, GSER GLING PA'I ZHES 'BREL SGRA DGOS KYANG SHER 'BYUNG MTHA' DPYOD KYI TSIG LA THON PA'I PHYIR RO, ,BYAMS CHOS LNGA GZHUNG RIL PO GCIG YIN ZER MKHAN DANG, DE 'GOG PA'I MDO RGYAN t'IKA BYAS MKHAN SU YIN DPYAD LA, MNGON RTOGS RGYAN RGYA CHE BA'I LAM RIM GTZO BOR DNGOS SU STON PAS GDUL BA'I SDE SNOD YIN LA, YUM GYI MDO MIN BYAS CHOG SNYAM, SA BCU BDUN LAS GZHAN GSUM NI RTOG BCAS DPYOD BCAS DANG, RTOG MED DPYOD BCAS DANG, RTOG MED DPYOD MED KYI RNAM BZHAG STON PA'I SA GSUM DANG, TING 'DZIN DANG BCAS MA BCAS NI, MNYAM BZHAG GIS BSAM GTAN RNAM THAR SOGS DANG, MNYAM PAR MA BZHAG PA 'DOD PA'I KHYAD PAR STON PA DANG, PHUNG PO YOD MED LHAG BCAS LHAG MED STON PA'O, ,KHO NA RE, 'GREL BA NYER GCIG PO GANG RUNG YIN NA, RGYA 'GREL YIN PAS KHYAB PAR THAL, YIG CHAR 'PHAGS YUL GYI 'GREL PA NYER GCIG GI ZHES GSUNGS PA'I PHYIR NA MA KHYAB STE, SNGAR LTAR DER GRAGS PA'I DON YIN PA'I PHYIR TE, ROL MTSO LAS, 'BUM GYI 'GREL PA 'DI RGYA 'GREL MA YIN TE, ZHES PA LTAR GSER PHRENG DU BSTAN BCOS RIN CHEN SGRON ME'I LUNG DRANGS PA DANG, BAM GRANGS KYI BSHAD PA DANG, HVA SHANG DANG MTHUN PA'I BOD TSIG DU MA 'BYUNG BA GSUM GYIS

014b

MA YIN PAR SGRUB PA'I PHYIR, DES NA RJE RIN PO CHES MIN NAM GSUNGS PA RNAMS MIN PA DANG YIN NAM GSUNGS PA RNAMS YIN PA'I PHYOGS BYED DGOS TE, DPYAD PA MTHAR THUG PA'I PHYIR GSUNG, TSIG GSAL LTAR NA 'GREL BA'I DGOS SOGS BZHI LA SGRA'I BRJOD BYA RGYAN DANG, DON GYI BRJOD BYA YUM MKHYEN GSUM SOGS DANG, 'GREL PA LEGS PAR BRTZAMS PA DGOS PA DE SENG BZANG GI RGYUD LA BZHAG CING 'GREL PA LA BRTEN NAS DE'I GDUL BYAS RGYAN YUM GSUM GA'I RGYAN DU RTOGS PA NYID DGOS TE BZHIR 'DOD LA, 'GREL PA'I GDUL BYAS TE LTAR RTOGS TE, RGYAN LA GTZO BOR BRTEN PA NA 'GREL PA'I GDUL BYA MA YIN PAR GYUR PAS, DE YAN LA 'GREL PA'I NYID DGOS MI 'THAD CES SHER 'BYUNG BKAG PA LA GSER PHRENG DU 'GREL PA KHO NAS SGRUB MI NUS PAS DE'I NYING DGOS LA YANG MI GNAS PA'I MYANG 'DAS MED PAR THAL, SHER MDO LA MA BRTEN PAR RTZA BA KHO NAS DE THOB MI NUS PA'I PHYIR DANG, RTZA 'GREL NYID DGOS GCIG PA MI 'GAL ZHES PA GZHAN LUGS BKAG PA'I SKYON DANG, 'GREL PA BRTZAMS PA 'GREL PA BRTZAMS PA'I DGOS PAR MI 'THAD LA, YUM GYI RGYAN DU RTOGS PA CHOS BZHI'I DGOS PA MIN PAR NYING DGOS KHO NAR 'CHAD PA MI 'THAD CES PA RANG LUGS BZHAG PA'I SKYON YIN PAS, YIG CHAR SNGA MA LAS KYANG MI 'THAD PAR THAL, ZHES PA SNGA MA KHYOD KYI BKAG PA'I SHER 'BYUNG GI 'DOD PA

015a

, ,LAS KYANG KHYOD KYI RANG LUGS BZHAG PA DANG DGAG PA BYAS PA 'DI MI 'THAD PAR THAL, ZHES 'GREL NA MCHAN DANG MTHA' DPYOD KYI DGONGS PAR 'GRIG STE, GSER PHRENG GI LUNG KYANG SHER 'BYUNG LAS KYANG KHYOD KYIS DGAG BZHAG GNYIS BYAS PA MI 'THAD CES PA YIN PA'I PHYIR, MCHAN DU DHI TIS BSHAD CES PA SNA TSOGS LAB KYANG KHUNGS GSAL PO MA MTHONG LA, GZHUNG GONG MA DANG 'BREL ZHES PA'I GONG MA NI, 'GREL CHEN LAS, DE LTAR NA DANG PO THOS PA DANG, ZHES PA NAS, GTZO BO LAS DBANG DU BYAS PA'O, ,ZHES PAS BRGYAD STONG PAR SHES RAB KYI PHA ROL TU PHYIN PA LAS BRTZAM STE, ZHES PA'I BSTAN BYA'I GTZO BO'I SHER PHYIN LA THEG CHEN GYI GZHUNG LAM 'BRAS BU'I SHER PHYIN GSUM 'JOG PAR GSUNGS PAS DE YIN LA, GOMS ZHES PA GOO MI 'CHI MED YIN ZER BA YOD KYANG, DE'I YI GE MIN LA, GONG MA ZER BA LA 'OG MA ZHIG YOD DGOS PAS 'OG MAS ZHES PA'I 'CHAD DAM SNYAM STE, 'GREL CHEN GYI LUNG GI MJUG DE MA THAG TU ZHES LUNG GONG MA'I 'OG TU GSUNGS TSUL DRANGS NAS DE'I DON DNGOS BTAGS SAM DNGOS DANG GZUGS BRNYAN GYI SHER PHYIN 'DI LA MA BRTEN PAR BYANG CHUB GSUM GANG YANG 'BYUNG BA MED PAS MDO RGYAN GNYIS KAS MKHYEN GSUM LA SHER PHYIN GYI SGRAS

015b

BSTAN PAR GSUNGS LA, GZHUNG GONG MA'I DON GTZO BO'I DBANG DU MA BYAS NA 'BRAS BU'I SHER PHYIN SANGS RGYAS KHO NA DANG THEG CHEN GYI GZHUNG LAM 'BRAS BU GSUM 'BA' ZHIG STON PAR 'CHAD MI RIGS ZHES GONG MA'I DON GSUNGS PA'I PHYIR, GONG MAS 'BRAS BU SHER PHYIN GTZO BOR BSHAD PA'I RGYU MTSAN GDUL BYAS 'BRAS BU SHER PHYIN THOB PA LA GZHUNG LA THOS BSAM DANG, LAM LA NYAMS LEN 'TSANG RGYA KHA'I BAR DGOS PAR SHES BA DANG, DE'I PHYIR MAN GYIS DNGOS BTAGS KYI SHER PHYIN GSUM MDO'I BRJOD BYAR RTOGS PA DGOS PAR BSTAN LA, DE DPER BYAS NAS 'GREL BA'I MCHOD BRJOD KYIS DE GSUM LA BSTOD PA'I RGYU MTSAN DANG DGOS PAR SBYAR TE, YIG CHAR, 'DI DAG MDO LAS, SHES RAB KYI PHA ROL TU PHYIN PA LAS BRTZAM STE, ZHES PA'I DON YIN PA'I PHYIR, ZHES PA'I DAG SGRA'I DON YOD PA'I PHYIR, SANGS RGYAS SOGS DMIGS DAD PA DANG, ZHES PA'I SKABS SU DMIGS YUL DKON MCHOG GSUM SOGS BSTAN TSUL RNAM BSHAD NA GSAL LO, ,'GREL CHEN LAS BSHAD PA'I SEMS DRUG LAS, RTZA BA'I SEMS NI BDAG GI 'JUG BYA'I BSTAN BCOS NI, BRGYAD STONG PA'O SNYAM SGRA SPYI TZAM GYIS 'DZIN PA'I BLO STE BRGYAD STONG PAR THOS SOGS KYIS BZHUGS MA THAG PA NAS 'JOG LA, RJES SU DPYOD PA'I SEMS NI, BRGYAD STONG PA'I LE'U

016a

, ,DANG SHO LO KA'I GRANGS SOGS LA DMIGS PA'I THOS BSAM GNYIS YOD PAR DPAL MANG RIN BO CHE'I MDO RGYAN 'GREL PAR GSUNGS LA, YIG CHAR RJES SU DPYOD PA'I TSIG DANG, ZHES BSAM PA BYED TSUL LA SBYAR RO, ,RNAM PAR DPYOD PA'I SEMS LA DON DANG TSIG LA DPYOD PA GNYIS, DANG PO LA BZHI LAS, BGRANG BA'I SEMS NI DNGOS PO BRGYAD SOGS KYI GRANGS TZAM 'DZIN PA DANG, GZHAL BA NI DE DAG SO SO'I RANG BZHIN 'DZIN PA DANG, RTOGS PA NI DE DAG GI MTSAN NYID DANG NYAMS SU LEN TSUL SOGS LA SGRO SKUR SEL BA'I BLO STE, 'DI SKYES PA NA BRGYAD STONG PA'I DON LA BSAM BYUNG GIS BZHUGS PA YIN ZHE NA, MCHAN LAS, RGYAN LA BSAM BYUNG RNYED PA LA, ZHES PA NAS, NYAMS SU LEN TSUL SHES DGOS PAS, ZHES BA DANG 'GRIG GO ,NGES PAR RTOGS PA NI DE DAG NYAMS SU LEN TSUL SOGS YANG DANG YANG DU DRAN PA'I BLO STE BZHI DANG, YI GE LA DPYOD PA LA SO SO BA TSIG GAM LE'U RE RE TZAM LA YUM DON RDZOGS PAR STON PA'I DON MED PAR 'DZIN PA DANG, BSDUS TE LE'U SO GNYIS KYIS YUM DON RDZOGS PAR DNGOS SU STON PA'I DON DANG BCAS PAR 'DZIN PA GNYIS STE, 'DI NI TSIG GIS BRJOD BYA STON TSUL LA DPYOD PAS RJES SU DPYOD PA'I SEMS DANG MI 'DRA'O, ,NGES PAR 'DZIN PA'I SEMS NI DE DAG GI BRJOD

016b

DON LA SO SOR DPYAD DE RTZE GCIG TU GNAS PA'I BLO DANG, SDOM PA'I SEMS NI BDAG GI 'JUG BYA'I GZHUNG 'DI'I DON NYAMS SU LEN TSUL NI 'DI'O ZHES PHYOGS GCIG TU BSDUS NAS BSGOM PA'I BLO DANG, 'DUN PA DANG LHAN CIG PA RE BA'I SEMS NI SEMS DANG PO LNGA'I DGE RTZA RDZOGS BYANG DU BSNGO BA'I SEMS TE THA MA GSUM SGOM PA BYED TSUL LA SBYAR RO, ,SEMS DRUG GI SGO NAS RGYAN SOGS LA ZHUGS MA THAG PA'I SA BCU PA PA YANG 'JOG DGOS PAS DE DAG GI SA MTSAMS SA BCU PA'I BAR LA BZHAG DGOS SO, ,MDO RGYAN GYI DBYIG 'GREL 'DI DANG 'DRA LA, PHAR PHYIN LAM BSGRIG TU DON LA DPYOD PA'I SEMS BZHI RJES SU DPYOD PA'I SEMS KYI DBYE BAR BYAS PAS CUNG MI MTHUN PA DE'O, ,SANGS RGYAS NAS ZHI 'TSO'I BAR GYI DAM PA BAR MA CHAD PA LAS BYUNG BA'I SBAS DON GYI GDAMS PA RDZOGS PAR GSAN BA SLOB DPON SNGA MA'I MAN NGAG LDAN TSUL DANG, DE LA BRTEN NAS YUM DON RTOGS PA'I SHES RAB SKYES PA NANG GI DON RTOGS SHES RAB LDAN TSUL YIN NO, ,YIG CHA SOGS SU RAB 'BYOR GYI NGAG BYIN GYIS RLABS ZHES BAS BRJOD DON MA RTOGS PAR STAN PA YIN TE, DE LTAR STON BA DE GSUNG GI SPRUL PA YIN GYI THUGS KYI SPRUL PA MA YIN PA'I PHYIR TE, THUB DGONGS LAS, GSUNG GI SPRUL PA GZHAN GYI LUS DANG 'BREL BA NI, GANG GIS NYAN THOS LA SOGS PA CHOS MA RTOGS PA RNAMS

017a

, ,KYANG SANGS RGYAS KYI DBYANGS KYIS THEG PA CHEN PO'I CHOS STON PA STE, DPER NA 'PHAGS PA 'BA 'BYOR LA SOGS PA RNAMS BZHIN NO, ,NAS, THUGS KYI SPRUL PHA NI BDAG NYID KYI CHOS THAMS CAD THUGS SU CHUD PA'O, ,GZHAN GYI'ANG DE LTAR SEMS NGES PAR 'DZIN PA STE, GANG GIS SHES RAB DMAN PAS KYANG CHOS PHRA MO YANG SO SOR RTOGS PAR MDZAN PA DANG, DRAN PA NYAMS PA RNAMS KYANG DRAN PA THOB PO, ,ZHES PA LA SOGS PA'O, ,ZHES GSUNGS PA'I PHYIR, DES NA SANGS RGYAS KYI SKU GSUNG THUGS GSUM GYI SPRUL PA SEMS CAN GYI RGYUD NA YOD DO, ,DE BZHIN DU MDO LAS, RAB 'BYOR GANG DE BZHIN GSHEGS PAS SEMS CAN GYI SPYOD PA BRGYAD KHRI BZHI STONG ZHIG MKHYEN PA DE KHYOD KYIS SHES SAM, NAS, DE NI MA YIN NO, ,ZHES PA DANG, YIG CHAR, DE KUN SANGS RGYAS KYI BYIN RLABS KYIS RTOGS ZER DGOS PAR SNANG, ZHES PA CHOS PHUNG BRGYAD KHRI BZHI STONG KUN DGA' BOS RTOGS PA DANG, SNGA MA CHOS PHUNG GI TSAD DANG BRJOD DON MA RTOGS PAR BYA LA, GRUB MTHA' CHEN MOR NYAN THOS KYIS MING YANG BGRANG MI THUB PA'I TING NGE 'DZIN MTHA' YAS PA STON PA'I MDO SOGS GSUNGS BA'ANG DE'I BRJOD DON SO SOR BGRANG MI THUB KYANG NGAG BYIN GYIS RLABS PAS STON THUB PO, ,KHO NA RE, DE STON MI THUB

017b

PAR THAL, RNAM 'GREL LAS, RANG GIS NGES BZHIN GZHAN DAG LA, ,NGES PA SKYED PAR 'DOD PA YIN, ,ZHES GSUNGS PA'I PHYIR NA MA KHYAB STE, DE RANG GI BLO STOBS KYIS 'CHAD PA LA BYED PA'I PHYIR DANG, SNGA MA BKA' YIN TSUL YOD PA'I PHYIR, BRGYAD STONG PAR SMRA BA SOGS GSUM MING DANG BRJOD PA SOGS GSUM DON NAM RGYAS PA SHAD LA SBYAR NAS BYANG CHUB KYI SA BON SKYED PA'I DGOS PA SOGS DGOS PA GSUM GYI PHYIR SHES RAB GSUM SKYED PA LA SBYAR BA DANG, MDO RGYAN LAS SDE SNOD GSUM PO DE THOS BAS NI BYANG CHUB KYI BAG CHAGS 'JOG PA DANG, DON BSAM BAS DE'I DON TSUL BZHIN RTOGS NAS SMIN PA DANG, SGOM PAS ZHI GNAS KYIS CHAGS SOGS GNAS SKABS ZHI BA DANG, LHAG MTHONG GIS CHOS NYID RAB TU RTOGS NAS GTAN DU GROL BAR BYED, CES PA DANG GNAD GCIG GO ,RANG RGYAL GYI LAM SHES PA'I LAM SHES SKABS SU GZHAN GCIG KYANG BSHAD CES PA, RGYAN SNANG GI RANG RGYAL GYI LAM SHES PA'I LAM SHES SKABS SU, YANG NA GSOL BA BTAB NAS STON PA NI 'CHAD PA'O, ,DRIS NAS LAN DU SMRA PA NI RAB TU BRJOD PA'O, ,DE GNYIS KA GDUL BYA RMONGS PA RNAMS KYI DBANG DU BYAS NAS 'CHAD PA NI STON PA'O, ,BAG MED PA RNAMS KYI DBANG DU?, NAS SONG STE CHED DU BRJOD PA NI NYE BAR STON PA'O, ,ZHES PA DE YIN TE, 'DIR SGRA RGYAN SNANG LA BSNYEG DGOS PA'I

018a

, ,PHYIR, YIG CHAR, DES NA 'DIS NI KLU SGRUB DANG THOGS MED KYIS KYANG ZHES PA'I 'DI SGRA MDO DU MAS SANGS RGYAS KYI MTHUS ZHES SOGS LA BSNYEG DGOS ZHING, NYAN THOS RNAMS KYI RNAM GROL SGRA SPYIR 'GROD, ,ZHES PA NI NYAN THOS KYIS SHER MDO SOGS GZHAN LA BSGRAGS PA TZAM LAS RANG GIS NYAMS SU MI LEN PA DANG, DNGOS PO LDAN DANG MI LDAN DANG, ZHES PAS NYAN RANG LA STONG NYID RTOGS PA'I BLO RGYUN CHAGS SU MED PAR GSUNGS PAS, DNGOS SU RAB 'BYOR GYIS RANG DBANG DU BSHAD MI THUB PAR SGRUB CING, DE'I RGYU MTSAN CHOS NYID RANG DBANG DU STON MI NUS PA LA THUG PAS DE KLU SGRUB KYIS DBANG DU STON MI THUB PA'I SGRUB BYED YIN NO, ,DPA' PAR 'GRO BA'I TING DE 'DZIN MA THOB PAR DE MI THUB PA'I PHYIR, ZHES PAS DE MA THOB PAR SEMS CAN GYI SPYOD PA JI SNYED YOD PA DE DANG MTHUN PAR CHOS STON PA SOGS MTHU THOGS PA MED PAS SANGS RGYAS DANG CHA 'DRA BA'I MDZAD PA STON MI THUB PA'I PHYIR, ZHES PA YIN PA MCHAN GYIS SHES PAS, DE THOB NA RANG DBANG DU 'GREL THUB PAR BSTAN PA MIN LA RIGS PA DRUB CU PA'I 'GREL BAR ZLA BAS BSHAD CES PA YANG RTZA BA'I SGRUB BYED YIN GYI 'DI'I RTAGS SGRUB MIN ZHES BSHAD NA, ,BRGYA'I DOGS SLONG GI DOGS PA RANG GROL TU 'GRO'O, ,ZHA LU PA YE SHES RGYA

018b

MTSO'I BYAMS SMON t'I KKA DANG, KUN MKHYEN GYI THOS BSAM SGOM GSUM GYI YIG CHAR TING NGE 'DZIN 'DIS BRGYAD PA NAS THOB PAR GSUNGS PA NI DE'I RTZAL RDZOGS PA STE 'BAD RTZOL RAGS PA ZHI BA'I DON NO,SGO MANG YIG CHA GSAR RNYING GNYIS DANG, SIR RJE BTZUN PAS RJE BTZUN BYAMS PA SHING RTA'I SROL 'BYED DU GSER PHRENG LAS, RJE BTZUN DANG KLU SGRUB ZHABS GNYIS KYIS SHER PHYIN 'GREL TSUL GNYIS SU BYUNG NGO, , ZHES BYA BAR YANG GNAS SO, ,ZHES PAS SGRUB PA NI RJE'I DGONGS PAR SON NGES STE, SNGAR BOD SNGA MAS SHING RTA'I SROL 'BYED BZHI 'DOD PA LAS GNYIS BKAG NAS, DE PHYIR NAS, GNAS SO, ,ZHES PAS YUM GYI DNGOS BSTAN STONG NYID DANG, SHUGS BSTAN NAM MNGON RTOGS SKYES RIM GNYIS DGONGS 'GREL GZHAN LA MA BRTEN PAR 'GREL BAS SHING RTA'I SPOL 'BYED GNYIS SU GNAS ZHES SNGA MA 'THAD MI 'THAD KYI DON BSDUS PA YIN PA'I PHYIR, RNAM BSHAD LAS, BSTAN BCOS MNGON PAR RTOGS PA'I RGYAN NI NAS, SBAS DON KHONG NA GNAS PA GSAL BAR STON PAR BYED DO, ,ZHES DANG, RTOGS DKA'I SNANG BAR YANG, SNYING PO'I DON DANG MNGON PAR RTOGS PA'I RIM PA'O, ,ZHES SRAS KYI THU BO GNYIS KA SA BYAMS CHOS GZHAN BZHI'I BSTAN TSUL SHING RTA CHEN PO GNYIS DANG MTHUN PAR GSUNGS NAS RGYAN 'DI'I GSUNGS

019a

, ,TSUL ZUR DU BKOD PAS, SBAS DON NAM RGYA CHE BA'I LAM GYI RIM PA'I SHING RTA'I SROL 'BYED DU GSER PHRENG LTAR BSTAN PA'I PHYIR, GZHAN YANG, KLU SGRUB ZAB MO'I LAM GYI RIM PA'I SHING RTA'I SROL 'BYED MA YIN PAR THAL, RJE BTZUN BYAMS PA RGYA CHE PA'I LAM GYI RIM PA'I DE MA YIN PA'I PHYIR, MA KHYAB ZER NA 'DRA STE, KLU SGRUB KYI SNGON DU RJE BTZUN 'JAM DBYANGS SAM LHA'I BU BLO GROS RIN CHEN GYIS YUM GYI DNGOS BSTAN 'GREL PA'I DGONGS 'GREL MA BRTZAM PAS DE'I THOG MA'I SROL KLU SGRUB KYIS PHYE BA LTAR, BYAMS PAS SPAS DON RGYA CHE BA'I LAM RIM SANGS RGYAS LAS GSAN NAS DE'I DGONGS 'GREL RGYAN 'DI BRTZAM STE SROL PHYE ZHING GRAGS CHEN PO 'BYUNG BA'I PHYIR TE, THOGS MED RGYA CHE BA'I LAM GYI RIM PA'I SROL 'BYED MIN PA'I RGYU MTSAN YOD PA'I PHYIR, BSOD GRAGS DANG LCANG SGYA RIN PO CHES RJE BTZUN BYAMS PA DBU MA PA'I SHING RTA'I SROL 'BYED YIN NA, , SEMS TZAM PA'I SHING RTA'I SROL 'BYED DU THAL, MDO SDE RGYAN DANG 'BYED GNYIS SU SEMS TZAM PA'I LTA BA BSTAN PA'I PHYIR, ZHES BKAG KYANG MI 'DRA STE, PHYI MA GSUM GYI DGONGS PA THOGS MED KYIS MA GROL BAR DU SEMS TZAM GYI LTA BA GRAGS CHEN PO MA BYUNG BAS THOGS MED 'JOG LA, SBAS DON, RGYA CHE BA DE'I SNGON NAS GRAGS CHEN PO BYUNG BA RANG CAG RNAMS LA MTHUN GRUB YIN PA'I PHYIR, KHYAD PAR DU PHYI MA'I GRUB MTHAR MNGON

019b

RTOGS RGYAN DBU SEMS GNYIS KA'I LUGS SU BKAL RUNG BA DANG, 'JAM DBYANGS BZHAD PA'I DGONGS PA'NG SHING RTA'I SPOL 'BYED GNYIS KHO NAR NGES PAR 'GRUB MTHA' RTZA BAR, BYAMS MGON 'JAM DBYANGS DRIN GYI DGONGS 'GREL DANG ZHES SOGS KYIS SGRUB PA NI, ZHANG ZHUNG CHOS DBANG GRAGS PAS, DE LA MNGON PAR RTOGS PA'I RGYAN 'DIR NI RANG RGYUD PA'I LTA BAR GRAGS PA DE'I SNOD DU RUNG MANG BAS DE DAG CHED DU DE DAG GI LTA BA DANG, SGRIB PA'I RNAM BZHAG DANG, LAM DANG 'BRAS BU'I RNAM PAR BZHAG PA SPYIR BTANG DU RGYAS PAR GSUNGS PA, ZHES RANG RGYUD PA MAN CHAD DU 'GRAL TSUL MED PAR GSUNGS LA, RGYAN GYI CHED DU BYA BA'I GDUL BYA THAL 'GYUR RANG YIN GYI RANG RGYUD PAR 'JOG PA GNAS MED DO, ,ZHES GSUNGS PA'I PHYIR, SH'ANTI PA SOGS KYIS RGYAN GYI DON DNGOS PO BRGYAD SOGS SU PHYE STE BKRAL BA RGYAN GYI DGONGS PAR SONG KYANG, SEMS TZAM DU BKRAL BA DGONGS PAR MA SONG BA'I PHYIR TE, RTOGS RIGS GSUM DANG RIGS KYI RTZOD LAN SOGS DER BKRAL TSUL MED PA'I PHYIR DANG, YIG CHAR, RGYAL BA'I GSUNG RAB KYI DRANG NGES 'BYED PA'I MI'I RTEN CAN GYI SHING RTA'I SROL 'BYED LA GNYIS SU NGES STE, ZHES PA LTAR GRUB MTHA' RTZA BA'I DON YANG DE YIN PA, DGONGS 'GREL DANG, BLO GROS MI ZAD MDO BZHIN DBU SEMS SROL, ,ZHES PAS SHES LA, LCANG SKYA RIN PO CHES GNYIS KHO NAR NGES PAR GSUNGS PA YANG DE LA DGONGS PAS TSIG ZIN CHU MI THUB KYANG DGONGS PA MI 'GAL LO, ,DE BZHIN DU ZLA GRAGS THAL 'GYUR BA'I

020a

, ,SHING RTA'I SROL 'BYED YIN PA, GRUB MTHA' RTZA BAR, ZLA BAS LEGS BKAG THUN MONG MIN PAR SGRUB, CES PA DANG, LEGS BSHAD SNYING PO LAS, TSIG GSAL LA LAS SANGS RGYAS BSKYANGS NAS, SHING RTA'I SROL PHYE LA, ZHES PA'I DON YIN PAR GSUNGS PA NI, LEGS BSHAD SNYING PO LAS, DE YANG NGES DON GYI GSUNG RAB GYI DON GZHAN DU 'DREN PA LA GNOD BYED DANG, ZHES SOGS LTAR LUGS DE DANG DE'I SHING RTA'I SROL 'BYED LA LUGS DE 'THAD PA'I SGRUB BYED DANG DE LAS GZHAN DU DRANGS MI RUNG BAR GSAL BAR BSHAD PA GCIG DGOS SNYAM PA YIN LA, RANG LUGS LA MI'I SHA TSUGS CAN GYI 'GREL BSHAD GZHAN LA MA BRTEN PAR ZHES PAS THOGS MED KYIS BYAMS CHOS PHYI MA GSUM LA BRTEN KYANG, BYAMS PA MI'I SHA TSUGS CAN MIN PA DANG, RGYAL BA'I GSUNG RAB KYI DGONGS PA LEGS PAR 'GREL ZHES PAS DE LEGS PAR 'GREL BAS LUGS DE GRAGS CHEN PO BYUNG BAS CHOG GI ,GZHAN DU DRANGS MI RUNG BA'I SGRUB BYED SOGS DNGOS SU STON MI DGOS PA DANG, BYANG 'PHAGS KYI RNAM CAN ZHES PAS STON PAS MDO SDE DGONGS 'GREL SOGS SU GSUNG RAB KYI DGONGS PA 'GREL KYANG DE GCOD CHED YIN PAS, SNGA MA GSUNG RAB KYI DRANG NGES 'BYED PA'I GZHUNG NGAM DE 'BYED PA'I SHING RTA'I SROL 'BYED KYI DON DANG, PHYI MA SPYIR SHING RTA'I SROL 'BYED KYI DON DU BYAS NA DGONGS PA MI 'GAL ZHING GRUB MTHA' 'DIR RANG RE'I GRUB MTHA' RTZA 'GREL DANG TSIG ZIN MI

020b

MTHUN PA LTA BU MANG DU GSUNGS PA NI BDAG LTA BU'I BLO'I SHED MA BYED PA LA PHYOGS SNGA DANG DPYOD PA'I SGO BSTAN PA YIN BAS BKA' DRIN DU SHES PAR GYIS, LEGS BSHAD SNYING PO'I DON YANG GNOD BYED MANG DU BSTAN NAS SANGS RGYAS BSKYANGS KYIS SHING RTA'I SROL PHYE BAR BSHAD LA, ZHES 'GREL DGOS TE, SHER SGRON LEGS LDAN 'BYED KYIS SANGS RGYAS BSKYANGS LA RANG RGYUD MA BKOD PA SOGS KYI NYES PA BRJOD PA LA, ZLA BAS SKYON DE MI 'JUG STE, SANGS RGYAS BSKYANGS KYIS RTZA SHE'I DGONGS PA GTZO BO THAL 'GYUR GYI SGO NAS, 'BREL BA'I SROL PHYE BAS RANG RGYUD KHAS MI LEN ZHES BKAG PA'I PHYIR TE, LEGS BSHAD SNYING PO LAS, ZLA BA LAS 'ONGS LEGS BSHAD 'OD DKAR GYIS, ,BLO MIG KUN TA'I TSAL RAB PHYE BA'I TSE, , SANGS RGYAS BSKYANGS KYIS BSTAN PA'I LAM MTHONG NAS, ,KLU SGRUB LUGS BZANG GTZO BOR MI 'DZIN SU, ,ZHES ZLA BA'I GZHUNG LA BRTEN NAS SANGS RGYAS BSKYANGS KYIS BSTAN PA'I LAM SROL MTHONG BAR GSUNGS PA'I PHYIR DANG, LAM RIM CHE CHUNG GNYIS KAR SLOB DPON ZLA BAS NI NAS, SLOB DPON SANGS RGYAS BSKYANGS KYIS 'PHAGS PA'I DGONGS PA RDZOGS PAR BKRAL BAR GZIGS NAS LUGS DE GZHIR 'JOG CING ZHES ZLA BA SANGS RGYAS BSKYANGS KYI SROL 'DZIN DU GSUNGS PA'I PHYIR, DES NA SANGS RGYAS BSKYANGS DANG, LEGS LDAN DANG, ZHI 'TSO GSUM GYIS KLU SGRUB KYI 'GREL BYED LA BRTEN PAS SPYIR SHING RTA'I SROL 'BYED MIN LA, RTZA SHE'I DGONGS PA LUGS SO SOR BKRAL

021a

, ,BA LA BRTEN NAS LUGS DE GRAGS CHEN PO BYUNG BAS SO SO'I SHING RTA'I SROL 'BYED DU BZHAG GO ,SLOB DPON LEGS LDAN 'BYED KYIS SEMS TZAM PA'I MTSAN NYID GSUM LA BDEN PAR YOD MED CHA PHYE BA DANG PHYI DON MED PA SOGS GRUB MTHA' THUN MONG MA YIN PA PHAL CHER MDO DON MIN PA, DBU MA SNYING PO LAS, RANG GI LUGS KYI NGA RGYAL GYIS, ,MKHAS PAR RLOM GZHAN 'DI SKAD SMRA, ,ZHES DANG, RTOG GE 'BAR BA LAS, SA RAB TU BRNYES PA'I 'PHAGS PA KLU SGRUB KYI LUGS GZHAN DU 'DREN PAR BYED, CES PA DANG, BSTAN BCOS KYI DON MI SHES BZHIN DU SHES PAR RLOM PA ZHES SOGS GSUNGS PAS, LEGS BSHAD SNYING POR MDO'I DON MIN PAR SMRA BA'O, ,ZHES SOGS KYIS 'GRUB LA, BYAMS CHOS DANG DGONGS 'GREL GYI DON 'GO SKYABS 'GRO NAS BYANG CHUB KYI BAR LA 'KHRID TSUL DANG, 'KHOR 'DAS KYI RNAM BZHAG DANG SGRA JI BZHIN PA YIN MIN GYIS DGONGS GZHI GZHAN DU DRANGS DGOS MI DGOS DANG, TSIG GI CHA SDE SNOD GSUM DU BSDU TSUL SOGS SA SDE NAS BSHAD PA'I SHING RTA'I SROL LAM SEMS TZAM PA'I GRUB MTHA' THUN MONG BA RNAMS MDO'I DON YIN PA RTOG GE 'BAR BA LAS, SANGS RGYAS KYIS LUNG BSTAN CING, ZHES DANG, 'JAM DPAL RTZA RGYUD LAS, BSTAN BCOS DE NI DON LA MKHAS, ,MDO SDE NGES DON DRANG BA'I DON, ,RNAM PA MANG PO RAB TU 'BYED, ,CES PAS 'GRUB LA, KUN MKHYEN GYI DRANG NGES

021b

ZIN BRIS LAS, SEMS TZAM PAS MTSAN NYID GSUM 'JOG TSUL DGONGS 'GREL GYI DGONGS PA PHAL PA YIN PAR GSUNGS PA'ANG SGRUB BYED LA LTOS NA SEMS TZAM PA'I GRUB MTHA' MDO DON YIN PA'I DON NO, ,BSDU NA GRUB MTHA' RTZA BAR, PHAL CHER RGYA CHE'I LAM MTHUN ZHES PA LTAR, SEMS TZAM PAS RGYA CHE BA'I LAM GYI 'DOD TSUL MDO DON YIN KYANG ZAB MO'I LAM GYI RIM PA PHAL CHER MDO GANG YANG DON MIN PAR BZHED PAS SA SDE BSTAN BCOS RNAM DAG MIN PAR THAL BA MED DO, ,BDEN GNYIS LAS, THUGS RJE'I BDAG NYID DE NYID KYIS, ,RTOG PAS BCINGS PA GZIGS NAS NI, ,SEMS TZAM LA SOGS BYE BRAG GIS, ,BCINGS PA THAR BA BSTAN PAR MDZAD, ,CES DANG, DE'I DAR t'I KA LAS, DE LAS DBANG PO RAB MDO SDE DGONGS 'GREL LAS GSUNGS PA LTAR PHYI ROL GYI DON BKAG PA'I SEMS TZAM DANG, LA SOGS PAS DBANG PO SHIN TU RNO BA LA RTEN 'BYUNG SPROS PA'I MTHA' THAMS CAD DANG BRAL BA BSTAN NAS, ZHES TU GYUR PA LA GSUNGS PAS, RIN CHEN PHRENG BA LAS, KHA CIG LA NI GNYIS MIN BSTAN, ,ZHES PA'I DON CHA MED BSAGS PA'I GZUNG 'DZIN GNYIS MED DGONGS 'GREL GYI BSTAN DON PHAL PAR BZHED PA 'DRA'O, ,KHO NA RE, RIGS TSOGS DRUG GI SKABS SU SVOL DRUG PHYE BAR THAL, GCIG PHYE NA DE RTZA SHE'I SKABS SU PHYE ZIN PAS SLAR RIN CHEN PHRENG BA SOGS KYI SKABS SU PHYE RGYU MED

022a

, ,PA'I PHYIR ZER NA MA KHYAB STE, CHOS THAMS CAD BDEN MED DU BSHAD PA'I LAM SROL GCIG BU PHYE KYANG PHYE TSUL MI 'DRA BA DRUG YOD PA SNGAR BRJOD BYA STON TSUL BSHAD PAS SHES PA'I PHYIR DANG, ZHAL NAS GSUNGS DUS RIM CAN YIN KYANG DRUG PO GCIG CAR BRTZAM STE, 'PHROS DON DANG RGYA CHE BA KHA BSKANG BA SOGS THUGS LA BZHAG NAS DE RTZA SHER DNGOS SU MA GSUNGS PA'I PHYIR, 'O NA CHOS SGRA DANG PO BSGRAGS MA THAG PAS BRTZAM PAR THAL, 'DOD PA'I PHYIR NA MA KHYAB STE, BRTZOM PA'I THUGS DGONGS BTANG NAS THUGS RGYUD LA SHAR BA NA RTZOM PAS DE'I SNGON MED PA'I PHYIR, 'DIS SDE LA YANG 'DRA'O, ,KLU SGRUB THOGS MED GNYIS PO GANG RUNG YIN NA, SHING RTA'I SROL 'BYED KYI RGYUD KYIS BSDUS PAS KHYAB STE, PHAR PHYIN ZIN BRIS LAS, YANG KHA CIG ,KLU SGRUB THOGS MED GNYIS PO GANG RUNG YIN NA, SHING RTA'I SROL 'BYED YIN PAS KHYAB PAR THAL, DE GNYIS SHING RTA'I SROL 'BYED YIN PA'I PHYIR NA, RANG LUGS LA 'DOD PA KHO NA YIN TE, NAS, 'O NA, SHING RTA'I SROL MA PHYE BA'I SKABS KYI MGON PO KLU SGRUB CHOS CAN ZER NA, DUS SBYAR MA'I LAN 'DEBS, ZHES GSUNGS PA'I PHYIR, KHO NA RE, YIG CHAR, DE'I SNGON NAS DBU MA PA KHA CIG CES PA'I DBU MA PA GONG DU 'PHAGS GROL SOGS KYIS ZHES PA'I SOGS SGRAS DBU MA PA YIN GYI 'PHAGS GROL MIN TE, SHER SGRON LAS, DANG PO RNAM PAR RIG PA TZAM KHAS

022b

BLANGS, ZHES SOGS DANG, LEGS BSHAD SNYING PO LAS, DBU MA PA KHA CIG GDUL BYA LA RIM PA DE LTAR NGES PAR STON DGOS ZHES 'DOD PA ZHES PA LTAR, DE LA GDUL BYA LA DANG PO SEMS TZAM PA'I GRUB MTHA' BSTAN NAS ZHUGS PA'I RJES SU DBU MA PA'I GRUB MTHA' BSTAN NAS DER ZHUGS PA'I RIM PA NGES PAR DGOS PAR 'DOD PA DGOS PA'I PHYIR ZER NA, RTAGS MA GRUB STE, LUNG DE'I DON DANG PO PHYI DON MED PA BSTAN NAS PHYIS DE GTANG BA STE DE TZAM GYIS MI CHOG PAR BDEN MED RTOGS PAR 'KHRID DGOS PAR 'DOD PA'I DON YIN PA'I PHYIR, YANG 'GA' ZHIG NA RE, DE LA ZHI 'TSO 'JOG PAR THAL, RTOG GE 'BAR BAR, GZHAN DAG CES PA DANG, DBU MA RGYAN RANG 'GREL LAS, GZHAN DAG SEMS PA NI ZHES PA DANG, 'DI 'DRA BA GANG ZHIG DE DAG LA ZHI 'TSO 'JOG PA LEGS BSHAD SNYING PO LAS, GZHAN DAG SEMS PA ZHES PA NI RANG GI BZHED PA'O, ,ZHES DANG, GRUB MTHA' CHEN MO LAS, ZHI 'TSO DE'I MTSAN GZHI YIN PA RJE'I DGONGS PA YIN ZHING ZHES GSUNGS PA'I PHYIR NA MA KHYAB STE, DE NI PHYI DON 'DOD MI 'DOD GNYIS LAS MI 'DOD PA'I MTSAN GZHIR 'JOG PA'I DON YIN PA'I PHYIR, GZHAN YANG, DBU MA BA KHA CIG LA 'PHAGS GROL MI 'JOG NA, YIG CHAR, LEGS LDAN GYIS DE BKAG PA'I PHYIR, ZHES PA'I DE SGRA 'PHAGS GROL ZHES PA MI BSNYEG DGOS PAS GONG 'OG 'BREL MED DU 'GYUR LA, SOGS SGRAS BSDUS PA BTZUN PA GROL SDE

23a

, ,'JOG LAS, ZHI 'TSOS DE'I RJES SU BSHAD PAR LAM RIM BLA BRGYUD SOGS KYIS 'GRUB PA'I PHYIR RO, ,RNAM BDEN RDZUN GYI DON NI, GRUB MTHA' RTZA BAR, 'JUG PA'I SHES PAR RAGS SNANG RTZOD PA'I GZHI, , ZHES SOGS LTAR 'JUG SHES DRUG GAM DE LA RAGS PA DANG LUS CAN SOGS SU SNANG BA RTZOD GZHI DANG, RTZOD TSUL DE LA SNGO SOGS RAGS PAR SNANG BA LTAR BDEN MI BDEN DANG, DE LTAR DU YOD MED DANG DE LA MA RIG PAS BSLANG MA BSLAD RTZOD PAS, DE LA DE LTAR SNANG BA LTAR BDEN PA SOGS SU 'DOD PA RNAM PA DEN PA DANG, MI BDEN PA SOGS SU 'DOD PA RNAM RDZUN PA'I DON YIN PAR GRUB MTHA' CHEN MOR 'THAD LDAN DANG, BDE GSHEGS GZHUNG GI RANG 'GREL RNAMS KYIS BSGRUB PAS, DE NI MI TI PA'I DE NYID BCU PA DANG, RJE'I LEGS BSHAD SNYING PO SOGS DANG, SDE BDUN RGYAN LAS, SEMS TZAM PA LA YANG SHES PA'I GZUNG RNAM RDZAS GRUB TU 'DOD PA RNAM BDEN PA DANG, GZUNG RNAM SGRO BTAGS SU 'DON PA RNAM RDZUN PA GNYIS YOD CES PA RNAMS KYI DGONGS PA YANG YIN TE, DNGOS PO MED CES PA DANG, SGO BTAGS SU 'DOD CES PA'ANG DE LTAR SNANG BA DNGOS MED DANG SGRO BTAGS SU 'DOD PA'I DON YIN PA'I PHYIR TE, MTHA' DPYOD LAS, MYONG BYA'I CHA SNANG BA LTAR GRUB PA'I, ZHES DANG, MCHAN LAS, SNANG BA'I CHA

023b

GCIG SGRO BTAGS DANG MA 'DRES PA'I ZHES PA LTAR GZUNG RNAM GYI SNANG BA'I CHA GCIG RDZAS GRUB DANG DNGOS POR 'DOD PA RNAM BDEN PA DANG, DE'I SNANG BA'I CHA THAMS CAD SGRO BTAGS DANG DNGOS MED DU 'DOD PA RNAM RDZUN PA ZHES PA YIN PAS, 'DI LA RJE YAB SRAS GSUNGS ZIN MTHUN NO, ,DBANG SHES LA RAGS PAR SNANG BA GNYIS KAS DNGOS POR 'DOD KYANG RAGS PAR SNANG BA'I CHA LA MA RIG PAS BSLAD MA BSLAD MI 'DRA BAS DE DNGOS POR YOD MED MI 'DRA ZER DGOS PAS, RNAM NGES DAR t'I KA SOGS LA NANG 'GAL MED PA'ANG SHES SO, ,RNAM BDEN PA LNGA LAS SGONG NGA PHYED TSAL PA NI LCANG SKYA'I GRUB MTHAR GUNG RU RGYAN BZANG BA LTAR GSUNGS PA, GRUB MTHA' CHEN MOR CHOS MCHOG GI GZHUNG DRANGS PAR, SNGON PO RAGS PA GCIG BU'I RNAM PAR RTOGS LA, ZHES DANG, KHRI NGAG DBANG BKRA SHIS PA'I ZIN BRIS LAS, SHES PA LA YUL SNA TSOGS PA'I NANG NAS YUL RAGS PA'I RNAM PA TZAM ZHIG SNANG BAR 'DOD PAS SGONG NGA PHYED TSAL BA DANG, ZHES PA LTAR LA, GRUB MTHA' RIN CHEN PHRENG BAR, GRUB MTHA' CHEN MO LTAR NA SNGON PO DANG DE 'DZIN MIG SHES GNYIS GRUB DUS LA LTOS NAS SNGA PHYI BA YIN KYANG, DMIGS DUS LA LTOS NAS RDZAS GCIG TU KHAS LEN PAS SGONG NGA PHYED TSAL PA ZHES GSUNGS PA DPYAD DGOS TE, GRUB MTHA' CHEN MO LAS, RNAM NGES LTAR

024a

, ,DBU MA PAS, 'O NA, SNGON PO 'DI NGAS RIG GO SNYAM PA MI 'THAD PAR THAL, DE GNYIS TSAD MAS GRUB DUS THA DAD PA'I PHYIR, BYAS BA LA, 'DI PA NA RE, SKYON DE MED PAR THAL, GRUB DUS THA DAD KYANG DE GNYIS KAS NGAS RIG GO SNYAM PA'I DRAN PA SKYED BA MI 'GAL BA'I PHYIR, ZHES YUL YUL CAN GNYIS TSAD MAS GRUB DUS THA DAD KYANG TSAD MA GNYIS KAS DE 'DRA'I SHES SKYED PA MI 'GAL BAR GSUNGS LA, 'DI LA DBU MA PAS DE GNYIS DE LTAR THA DAD YIN NA, RGYUD GZHAN BZHIN DU PHAN TSUN LKOG TU 'GYUR RO ZHES PA RTZOD PAR, PHAN TSUN DMIGS NGES MIN PAR LKOG TU GYUR KYANG SKYON CI YOD CES SMOS TE, ZHES PHAN TSUN GCIG DMIGS TSE CIG SHOS DMIGS MI DGOS PAR LKOG TU GYUR BAS, LHAN CIG DMIGS NGES MIN PA DZI T'A RIS, RANG 'GREL LAS, PHAN TSUN TU LKOG TU GYUR PA YIN MOD SKYON CI YOD CES PA'I DON DU GSUNGS PA'I PHYIR, 'PHROG BYED ZLA BAS, BYE BRAG SMRA BA DANG CHOS MTHUN TE, ZHES SOGS KYIS GZUNG 'DZIN GNYIS 'DZIN PA'I SHES PA RIM CAN YIN PAS LHAN CIG DMIGS NGES MIN PA BYE SMRA DANG MTHUN TSUL YIN GYI YUL YUL CAN RDZAS THA DAD DANG RIM CAN DU MDO SDE PAS KYANG 'DOD PA'I PHYIR, BDE GSHEGS GZHUNG GI RANG 'GREL LAS, YANG KHA CIG NI NANG DU SNANG BA'I SHES PA 'DI DAG GZHAN YIN LA

024b

PHYI ROL TU SNANG BA'ANG GZHAN KHO NA'O, ,ZHES GNYIS KAR SNANG BA SBYAR LA, RNAM NGES RANG 'GREL LAS, YUL NI RNAM PAR SHES PA'I RGYUR GNAS PA'I PHYIR SNGAR DMIGS LA, RIG PA NI PHYIS YIN NO, ,ZHES PA'I t'I KA CHEN LAS, DE LAS SNGAR DMIGS LA SNGON PO RIG PA NI, PHYIS DMIGS PA YIN NO, ,ZHE NA, ZHES DMIGS DUS SNGA PHYI PAR GSUNGS PA'I PHYIR DANG, DMIGS DUS GCIG NA DES LHAN CIG DMIGS NGES KYI RTAGS KYI PHYOGS CHOS MA GRUB PAR BSGRUB TSUL MED PA'I PHYIR RO, ,DE LA KHO NA RE, GRUB MTHA' CHEN MOR, ,DE GNYIS DMIGS DUS GCIG TU GSUNGS PAR THAL, DE NYID LAS, RNAM NGES t'I KA CHEN LAS, 'DI MDO SDE PA'I 'DOD PA MIN TE, SNGON PO DANG SPON 'DZIN SNGA PHYI BA YIN KYANG, DMIGS BYED GNYIS GRUB PA DE RDZAS GCIG PAR 'DOD PAS, GRUB DUS MI GCIG KYANG DMIGS DUS GCIG TU 'DOD PA YIN LA, ZHES GSUNGS PA LTAR YIN PAS RGYAS PAR DER SHES DGOS LA, ZHES GSUNGS PA'I PHYIR NA MA KHYAB STE, DE NI DMIGS DUS SNGA PHYI BAR 'DOD PA 'DI NI MDO SDE BA'I 'DOD PA MIN TE, DES SNGON PO DANG SNGON 'DZIN GRUB DUS MI GCIG KYANG DMIGS DUS GCIG TU 'DOD PA YIN LA, 'OG NAS 'CHAD PA'I SGONG NGA PHYED TSAL PA 'GOG PA'I RIGS PAS DE YANG 'GOG KYANG, RNAM NGES KYI PHYOGS SNGA 'DI NI DE GNYIS GRUB DUS GCIG MI GCIG GANG YIN KYANG RUNG

025a

, ,DMIGS DUS MI GCIG PAR RANG RIG MI 'DOD PA YIN ZHES PA YIN TE, LUNG DE'I MJUG TU 'OG NAS 'CHAD PA'I RIGS PAS DE YANG 'GOG PA YIN NO, ,'DOD PA 'DI SNGON PO DANG SNGO 'DZIN BYE BRAG SMRA BA LTAR GRUB DUS GCIG PA DANG, MDO SDE PA LTAR GRUB DUS MI GCIG PAR 'DOD PA YIN KYANG RUNG DMIGS DUS MI GCIG PAR RANG RIG KHAS MI LEN PA'I 'DOD PA'O, ,ZHES GSUNGS PA'I PHYIR DANG, DE LTAR MIN NA 'DI MDO SDE PA'I 'DOD PA MIN TE, DE GNYIS GRUB DUS MI GCIG KYANG DMIGS DUS GCIG PAR 'DOD PA'I PHYIR, ZER DGOS PAS KHYAB PA MA GRUB CING, GZHUNG 'OG MA DANG MA 'BREL BAR 'GYUR RO, ,DES NA GRUB MTHA' CHEN MOR ZHES SOGS GSUNGS PA LTAR YIN PAS ZHES PA'I SOGS SGRA CHAD DAM SNYAM STE, RGYAS PAR DER SHES DGOS LA, ZHES PA 'OG TU LAN GYI SKABS SU t'I KA CHEN LAS, SNGON PO DMIGS PA'I TSE SNGON 'DZIN MA DMIGS SNGON 'DZIN DMIGS PA'I TSE SNGON PO MA DMIGS PA YIN NA, ZHES DANG, DMIGS DUS GCIG TU BSTAN PA DANG, RIG PA BLO PHYI MA GZHAN GYIS DMIGS PA DGAG PA'O, ,ZHES DANG, RANG RIG MNGON SUM MA GRUB KYANG DON BZHIN DU PHYIS 'BYUNG GI SHES PA GZHAN GYIS MNGON SUM DU GRUB CES PA'O, ,ZHES SOGS KYIS GSAL BAR GSUNGS PA DE YIN PA'I PHYIR, DE LA KHO NA RE, DES RANG RIG 'DOD PAR THAL, BDE

025b

GSHEGS GZHUNG GI RANG 'GREL LAS, GNYIS PO DE YANG GNYIS MED PA YIN TE, RANG RIG PA TZAM YIN PA'I PHYIR RO, ,ZHES DANG, GRUB MTHA' CHEN MO LAS, RANG RIG MYONG BAR BYA BA'I NGO BO TZAM YIN PA'I PHYIR, ZHES GSUNGS PA'I PHYIR NA MA KHYAB STE, 'JUG PA RANG 'GREL LAS, SHES PA YUL GZHAN YONGS SU MI GCOD PAR YANG 'GYUR TE, RNAM PAR SHES PA'I RGYUN LUGS MTHA' DAG SHES PA GZHAN GYIS YUL CAN YIN PA'I PHYIR, ZHES DANG, RNAM BSHAD LAS, SHES PA SNGA MA PHYI MAS GCOD NA NI ZHES PA'I DON DBU MA LUNG RIGS GTER MDZOD LAS, LA LAS SNGON 'DZIN MIG SHES GCIG BUS YUL SNGON PO DANG MIG SHES GNYIS KA 'DZIN ZER, ZHES PA LTAR SNGON PO DANG SNGON 'DZIN MIG SHES SKAD CIG DANG PO LTA BU MIG SHES RANG GI SKAD CIG GNYIS PAS RIG PA DANG YUL YUL CAN GNYIS KA BAG CHAGS GCIG GI STOBS LAS BYUNG BA'I DON YIN PA'I PHYIR, BRAM ZE BDE BYED DGA' BAS, GANG SNANG DE 'DIR RANG YIN TE, ,GZHAN GANG DE NI MI SNANG NYID, ,CES PA'ANG DE YIN PA 'DRA'O, ,'JUG 'GREL LTAR NA 'DI LA MIG SHES SKAD CIG GNYIS PA DANG DUS MNYAM DU MIG SHES SKAD CIG DANG PO GCIG BU 'DZIN PA'I MIG SHES GZHAN GCIG SKYE ZER BA'ANG YOD DAM DPYAD, DE LA KHO NA RE, DE GNYIS DMIGS DUS MI GCIG PA MI 'THAD PAR THAL, MIG SHES SKAD CIG GNYIS PA'I TSE DE GNYIS KA GCIG CAR DMIGS PA'I PHYIR NA MA KHYAB STE,

026a

, ,SNGON PO DMIGS BYED SNGO 'DZIN SKAD CIG DANG PO'I DUS DANG SNGO 'DZIN DMIGS BYED DE SKAD CIG GNYIS PA'I DUS SU GSAR DU GRUB PA'I PHYIR RO, ,DES NA RIN CHEN PHRENG BA'I DE YANG DUS GCIG TU DMIGS PA YOD PA'I DON YIN NAM DPYAD, GZUNG 'DZIN GRANGS MNYAM PA LA KHRA BO'I STENG GI SNGO SER SOGS KYI GRANGS DANG MNYAM PA'I RNAM SHES RIGS MTHUN RIM GYIS 'BYUNG BAR 'DOD PA DANG, GCIG CHAR 'BYUNG BAR 'DOD PA GNYIS YOD PAS PHYI MAS RIGS MTHUN DE RNAMS KYI BDAG RKYEN DBANG PO GCIG GAM DPYAD, SNA TSOGS GNYIS MED PA LA GSUM LAS, 'KHRUL BA SNA TSOGS SHES PA GCIG GI NGO BOR 'DOD PA NI, GZUNG 'DZIN RDZAS THA DAD DU SNANG BA SOGS SHES PA GCIG GI BDAG NYID DU 'DOD PA YIN LA, GRUB MTHA' CHEN MO LAS, LUGS 'GOD DUS DANG DGAG DUS GNYIS KAR THA DAD DU BYAS SNANG BA LTAR 'DIR LOGS SU BYAS SO, ,ZHES GSUNGS PA'I DON 'OG GI SNA TSOGS GNYIS MED PA DANG 'DRA SNYAM, GRUB MTHA' CHEN MOR, SHES BYED SOGS RNAM RDZUN GCIG SMRA DANG MTHUN LA, ZHES RNAM SHES GCIG SMRA PA LA RNAM BDEN RDZUN GNYIS GSUNGS PA LTAR GRANGS MNYAM PA SOGS LA YANG GNYIS YOD DAM DPYAD, RNAM 'GREL LAS, DE PHYIR GCIG DON DU MA CAN, ZHES PA LTAR KHRA BO'I STENG GI SNGO SER SOGS KHRA 'DZIN MIG SHES GCIG GIS RTOGS PAR

026b

'DOD PA SNA TSOGS GNYIS MED PA'I DON NO, ,RNAM RDZUN DRI BCAS DRI MED GNYIS KYI KHYAD PAR, RGYAL BA LA KUN RDZOB KYI SNANG BA YOD MED DANG, SNANG BA DE YOD PAR 'DRA YANG RANG GZHUNG NA DE YOD PAR BSGRUB PA MANG DU YOD MED DANG, SEMS KYI NGO BO LA DRI MAS BSLAD PA ZHUGS PAR 'DOD MI 'DOD GSUM LAS, LCANG SKYA'I GRUB MTHA' LUGS BAR PA LA CUNG ZAD BSHAD DU YOD MOD CES GSUNGS LA, GRUB MTHA' CHEN MO LAS, BZHAG TSUL GNYIS PA NI RNAM 'GREL NGES SOGS DU MA DANG MTHUN PAS 'THAD LDAN YIN TE, ZHES SNGA MA GNYIS GCIG TU BYAS NAS GSUM PA RANG LUGS BYAS TE, RTZA BAR, RGYAL LA ZHES PA DOR TE GNYIS SNANG DRI SOGS KYIS DE'I DON BSTAN PAR GSUNGS PAS, BDE GSHEGS GZHUNG GI RANG 'GREL LAS, BDE BA LA SOGS PA GANG YIN PA DE NYID NI DON DAM PA'I RNAM PAR SHES PA YIN LA, NAS, BLO YI NGO BO RNAM MED YIN, ,'KHRUL BA YIS NI RNAM PA RNAMS, , ZHES PA LTAR DRI BCAS BAS SEMS KYI KUN RDZOB PA'I NGO BO LA SEMS KHO RANG YANG BZHAG NAS DE LA MA RIG PAS BSLAD PA ZHUGS KYANG KUN RDZOB PA'I RANG BZHIN LA RANG RIG DANG SEMS KYI DVANGS CHA 'JOG LA, DON DAM PA'I RANG BZHIN LA SEMS KYI STENG GI CHOS NYID DAM BDAG MED GNYIS BZHAG NAS DE DAG LA BSLAD PA MA ZHUGS PAR 'DOD DO, ,DRI MED PAS, DZI T'A RIS, 'DI YI NGO BO RNAM MED CING, ,GOS MED DVANGS PA YIN PAR 'DOD, ,DE NI

027a

, ,MKHAS PA MA YIN PAS, ,NAM YANG SHES PAR NUS MA YIN, ,ZHES PA LTAR SEMS KYI NGO BO DANG RANG BZHIN GNYIS KA KHYAD MED PAS NGO BO LA DRI MAS GOS PA MED PA SHEL SGONG DAG PA LTA BU YIN PA MKHAS PA 'PHAGS PA KHO NAS MNGON SUM DU MKHYEN PAR SMRA LA, GRUB MTHA' CHEN MOR, SANGS RGYAS KHO NAS MKHYEN PAR SMRA ZHES PA 'OG TU DPHE KHA CIG LAS SO ZHES PA LTAR DPE KHA CIG DANG BSTUN TZAM LAS SNGAR LTAR YIN TE, DER SO SKYE KYIS RTOGS MI NUS PAR ZHES BZLOG PHYOGS SO SKYE KHO NAR SBYAR BA'I PHYIR RO, ,DE BZHIN NYID NI SHES 'DOD PAS, ,ZHES PA'I DE BZHIN NYID NI RANG DNGOS NAS GRUB PAS STONG PA DANG, DBU MA 'BRING NI BDEN MED TZAM LA BYED, ZHI 'TSO SOGS GSUM GYIS SNGO SOGS DBANG SHES LA SNANG BA'I CHA GCIG SGRO BTAGS DANG MA 'DRES PAR 'DOD PAS RNAM BDEN DANG MTHUN PAR BYAS LA, SENG BZANG GIS MA 'KHRUL BA'I CHA MED PAR GSUNGS PAS RNAM RDZUN PAR BSGRUB CING, GRUB MTHA' CHEN MOR, SLOB DPON 'DI'I SKABS 'GA' ZHIG LA DPAG NA ZHES BA NAS, DRI BCAS LTAR 'DOD PA'I DBU MA PAR BYAS, ZHES SKABS GANG YIN DPYAD, DZE T'A RI'I GZHUNG 'GREL LAS, RNAM 'GREL LAS, GAL TE THAMS CAD NUS MED NA, ,SOGS KYIS CHOS THAMS CAD KUN RDZOB TU YOD PAR BSTAN PA DANG, SNA TSOGS SNANG CAN DON RNAMS

027b

LA, ,SOGS DANG, GANG GIS DNGOS PO RNAM DPYAD NA, ,SOGS KYIS DBU MA PA'I GCIG TU BRAL GYI RIGS PA BSTAN SNYAM NAS, DE DAG GIS CHOS GRAGS DBU MA PAR BSGRUB CING DE RANG LUGS BYAS PAS BSGRUB LA, DZE T'A RI 'KHRUL TSUL LUNG DANG POS SA BON GYIS MYUG SOGS SKYED PA'I NUS PA KUN RDZOB TU 'DOD PA BGAG PA YIN LA, GNYIS PAS SNA TSOGS SU SNANG BA CAN GYI DON SNGO SER SOGS PHYI DON RAGS PA GCIG GI BDAG NYID DU MI RIGS NA KHRA 'DZIN MIG SHES GCIG BU DE LA SNGO SER SNA TSOGS JI LTAR SNANG BA STE, SNANG NA BLO DE DU MA'AM DON DU MA DE GCIG BU 'GYUR ZHES RIG PA CAN PAS BRTZAD PAR, RNAM RDZUN PAS DE LTAR SNANG BA MA RIG PAS BSLAD PAS SNANG BA LTAR MA GRUB CES PA DANG, GSUM PAS GZUNG 'DZIN RIGS GSUM THA DAD PA'I CHA BDEN PAR MED PAS BDEN PAS GCIG DANG DE'I DU MAR MED CES PA YIN PAS DBU MA PA'I LUGS MIN LA, DBU MA'I MTHA' DPYOD DU GSUNGS TSUL GNYIS LAS, ZHI 'TSO YAB SRAS DANG, DZE T'A RI CHEN PO DANG, RGYAN MKHAN PO SOGS NAS, STONG NYID LTA BAS GROL 'GYUR GYIS ZHES PA'I STONG PA BDEN GRUB KYIS STONG PAR 'DOD ZER NA ZHES PA DE'O,, ` ,,SKYES BU GSUM GYI RNAM BZHAG MCHOD BRJOD KYI 'PHROS DON YIN PAS YIG CHA GZHAN NA MED KYANG SGO MANG YIG CHAR BKOD PA NI, LAM RIM LTAR

028a

, ,GSUNG RAB THAMS CAD KYI GNAD DON RGYAN 'DIR TSANG BAR BSTAN PA SHES CHED YIN LA, 'PHROS TSUL MCHAN LAS, DE'I TSUL YANG ZHES SOGS LTAR RO, ,YIG CHAR, TZAM ZHES PAS SRID PA'I MDON MTHO LAS GZHAN GCOD CES PA GZHAN GTZO BOR DON DU GNYER BA GCOD ZER DGOS PAS, MTSAN NYID LA YANG GTZO BOR SBYAR DGOS TE, DE LA BLA MED BYANG CHUB DANG THAR PA DON DU GNYER BA YOD PA'I PHYIR TE, SEMS BSKYED BCOS MA SOGS YOD PA'I PHYIR, PHAL PA DANG KHYAD PAR CAN GYI DON YIG CHA RNYING PAR SKYES BU CHUNG DU GANG ZHIG TSE 'DI'I BDE BA TZAM DON DU GNYER BA'I GANG ZAG DE, DANG PO'I MTSAN NYID, CES TSE 'DI DANG PHYI MA'I 'KHOR BDE DON DU GNYER BAS BZHAG KYANG, PHAR PHYIN ZIN BRIS LAS, DE LA YANG CHOS KHO NAS PHYI MA'I 'KHOR BDE DON DU GNYER ZHES SMOS DGOS TE, PHYI ROL PA LA YANG PHYI MA'I 'KHOR BDE'I CHED DU PHYUGS KYI MCHOD SBYIN BTANG NAS DON DU GNYER BA LTA BU DE MA YIN PA'I PHYIR TE, ZHES DANG, YIG CHAR, CHOS KHO NAS ZHES DANG, BSDU BA LAS, GCIG TU CHOS KYIS BAB COL MIN PA KHO NAR ZHES GSUNGS PA'I PHYIR, BAB COL NI CHAL CHOL GYI DON NO, ,CHUNG DU'I 'BRING GI CHOS DANG CHOS MIN ZHES PA'I CHOS YANG ZIN BRIS DE NYID LAS, CHOS DANG CHOS MIN SMOS PA'I CHOS LA DA LTAR GSUNG RAB BRIS NAS BTZOD PA SOGS PHAL CHER DE YIN LA, CHOS MIN LA RI DVAGS BSHOR BA DAD SHAN PA BYAS NAS TSE 'DI'I BDE BA BSGRUB PA LTA BU YIN

028b

ZHES GSUNGS SO, ,YIG CHAR, SKYES BU GSUM GYI RNAM GRANGS SHIN TU MANG STE, ZHES PA GTAN LA BABS PA BSDU BAR RNAM GRANGS NYER GSUM GSUNGS PA'I DANG PO NI SGRUB PA BYED TSUL GYI SGO NAS BDAG GZHAN GNYIS GANG LA PHAN PHYIR MIN PA DANG, GANG RUNG RE RE TZAM DANG, GNYIS KA LA PHAN PHYIR NYAMS LEN LA ZHUGS PA GSUM RIM BZHIN SKYES BU CHUNG 'BRING CHE GSUM BYAS PA DANG, DE BZHIN DU GNYIS PA GANG ZAG GI SGO NAS, SDIG PA LAS PHYIR MA LOG PA SDIG PA BYED PA DANG, RANG BZHIN GYIS SDIG PA LA DGA' BA SDIG PA LA SRED PA, GNYIS KA'I SU BZHIS GNYIS KA YIN PA DANG, RE RE BA DANG, GNYIS MIN DANG, GSUM PA RGYAL PO'I SGO NAS 'DOD PA'I LONGS SPYOD DANG 1, BYA BA DANG 2, CHOS LHUR LEN PA 3 GSUM DANG, BZHI PA BYA BAS BYA BA MA YIN PA SDIG SPYOD SOGS KYIS RANG GI BYA BA BYED PA DANG 1, DGE BA'I SPYOD PAS RANG GI BYA BA BYED PA DANG 2, DES GZHAN GYI BYA BA BYED PA DANG 3, LNGA PA RGYAL PO'I PHUN TSOGS KYIS TSE RING BA SOGS RNAM SMIN PHUN TSOGS DANG, THAMS CAD MKHAS SOGS SKYES BU'I RTZAL PHUN TSOGS DANG, SBYIN GTONG SOGS BSOD NAMS PHUN TSOGS GSUM GA MED PA DANG 1, GNYIS TZAM DANG 2, GSUM GA TSANG BA DANG 3, DRUG PA RGYAL PO'I TSAL NI, GUS PA DANG NUS PA DANG SHES RAB GSUM GA'AM PHYI MA GNYIS DANG MI LDAN PA DANG, PHYI MA GCIG BU MI LDAN PA DANG 2, GSUM GA LDAN PA DANG 3, BDUN PA TSIG GI RNAM PA BZHIS TSIG SNYAN NI, 'PHROD MI 'PHROD DANG, SNYAN PAR GRAGS PA 'JAM PO DANG

029a

, ,MI SNYAN PAR GRAGS PA RTZUB PO YIN PAS, MI SNYAN LA SNYAN PAR GRAGS PA DANG, MI SNYAN PAR GRAGS PA GNYIS SMRA BA DANG 1, SNYAN LA MI SNYAN PAR GRAGS PA SMRA BA DANG 2, SNYAN LA SNYAN PAR GRAGS PA SMRA BA DANG 3, BRGYAD PA 'DOD PA LA LONGS SPYOD PAS NI, YIG CHA LTAR CHOS MIN GYIS TSE 'DI DANG 1, CHOS DANG CHOS MIN GYIS TSE 'DI DANG 2, CHOS KHO NAS PHYI MA'I 'KHOR BDE TZAM BSGRUB PA DANG 3, DGU PA NGES 'BYUNG GIS MCHAN LTAR ZAS SOGS 'KHOR BA'I PHUN TSOGS LA NYES DMIGS SU MI LTA, DE LA NGES PAR 'BYUNG 'DOD MED, DE LAS 'BYUNG PHYIR ZAS SOGS SPANGS PA DANG YONGS SU SHES PA DON DU MI GNYER BA DANG 1, NYES DMIGS SU LTA 'BYUNG 'DOD YOD KYANG DON GNYER MED PA DANG 2, GSUM YOD PA DANG 3, SBYIN PA LAS BYUNG BA'I DGE BAR BRTEN PA GSUM LAS, BCU PA SBYIN BYA'I DNGOS POS, DRI RO REG PHUN SUM TSOGS PA GSUM MAM GNYIS MI SBYIN PA DANG 1, GNYIS SBYIN PA DANG 2, GSUM GA SBYIN PA DANG 3, BCU GCIG PA SBYIN PA'I ZHING NGAM GNAS KYIS MCHAN LTAR RAM YANG NA SDUG PA 'AM PHAN 'DOGS PA DANG 1, SDUG BSNGAL BA DANG 2, YON TAN CAN LA SBYIN PA SBYAR RO, ,BCU GNYIS PA SBYIN PA'I BSAM PAS, SBYIN PA'I SNGA ROL DGA' LA SBYIN PA'I TSE MI DGA' ZHING BYIN NAS 'GYOD PA DANG, SNGON DANG SBYIN TSE DGA' LA BYIN NAS 'GYOD PA DANG 2, BYIN NAS KYANG MI 'GYOD PA 3

029b

DANG, TSUL KHRIMS LAS BYUNG BA BDUN LAS, BCU GSUM PA TSUL KHRIMS BLANGS PA LAS, MCHAN LTAR SPANG BYA PHYOGS GCIG TZAM SPANGS PA 1 DANG, MA LUS PA SPANGS KYANG GZHAN DE LA 'GOD PA SOGS MI BYED PA 2 DANG, 'GOD PA SOGS KYANG BYED PA 3 DANG, BCU PA BZHI PA TSUL KHRIMS LEN PA'I GZHIS, NYES PAR BSHAD PA'I 'DUL BA LA TSUL KHRIMS LEN PA 1 DANG, LEGS PAR GSUNGS 'DUL BA LA TSUL KHRIMS LEN CING DE NYAMS PA DANG SKYON CAN DU BYED PA 3 DANG, DE LA LEN CING NYAMS PA DANG SKYON CAN DU MI BYED PA 3 DANG, BCO LNGA PA TSUL KHRIMS LEN PA'I BSAM PAS, TSE 'DI'I 'TSO BA 1 DANG, MTHO RIS 2 DANG, MYANG 'DAS KYI BSAM PAS LEN PA 3 DANG BCU DRUG PA SDOM PA BLANGS NAS 'DUG PAS, BSNYEN GNAS 1 DANG, DGE BSNYEN 3 DANG, DGE SLONG GI SDOM PA BLANGS NAS 'DUG PA DANG 3, BCU BDUN PA SDOM PA BLANGS PA'I YAN LAG GIS, BSNYEN PAR RDZOGS PA'I LAN LAG LDAN LA, DE DANG MTHUN PA'I BSLAB PA'I GZHI BLANGS PA'I YAN LAG DANG, GZHAN GYI SEMS BSRUNG BA'I YAN LAG DANG, BSLAB PA'I GZHI BLANGS PA BSRUNG BA'I YAN LAG GSUM MI LDAN PA 1 DANG, THA MA GNYIS TZAM MI LDAN 2 PA DANG, YAN LAG BZHI GA LDAN PA 3 DANG, BCO BRGYAD PA SDOM PAS, SO THAR BSAM GTAN ZAG MED KYI SDOM PA GSUM LAS, DANG PO TZAM 1 DANG, DANG PO GNYIS 2 DANG, GSUM GA LDAN PA 3 DANG, BCU DGU PA TSUL KHRIMS KYIS, BAR MA'I 1 DANG,

030a

, ,NYAN THOS 2 DANG BYANG SEMS KYI TSUL KHRIMS 3 DANG LDAN PA DANG, 'DI GNYIS SO THAR DANG BYANG SDOM YIN SNYAM, BSGOM PA LAS BYUNG BA BZHI LAS, NYI SHU PA YID LA BYED PA'I SBYOR BA LAS, NAN GYIS 'JUG PA'I 1 DANG, RTZOL BCAS KYIS 'JUG PA'I 3 DANG, RANG GI NGANG GIS 'JUG PA'I YID LA BYED PA'I BSGOM 3 PA THOB PA GSUM DANG, NYER GCIG PA SGOM THOB TSUL GYIS, 'JOG SDOM THOB LA DPYAD SGOM MA THOB PA 1 DANG, DPYAD SGOM THOB LA 'JOG SGOM MTHOB PA 2 DANG, GNYIS KA THOB PA 3 DANG, NYER GNYIS PA TING NGE 'DZIN GSUM GYIS, RTOG BCAS DPYOD BCAS 1 DANG, RTOG MED DPYOD BCAS 2 DANG, RTOG MED DPYOD MED KYI TING NGE 'DZIN THOB 3 PA GSUM DANG, NYER GSUM PA SGOM PA'AM BSAM GTAN GYIS, SNYOMS 'JUG NYON MONGS CAN 1 DANG, DAG PA 2 DANG, ZAG MED LA GNAS PA GSUM RIM PA BZHIN CHUNG 'BRING CHE GSUM DU BZHAG PA'I BAR YIN LA, ZHIB BAR BSDU BA'I BAM PO BCU BDUN PAR GSAL LO, ,'BRING GI MTSAN NYID LA 'KHOR BA'I PHUN TSOGS LA BLO LOG CES PA NYER LEN PHUNG PO MI RTAG PAR RTOGS PAS 'BRAL NGES DANG, BTZON RVA LTA BU'AM KHYAB PA 'DU BYED KYI SDUG BSNGAL DU RTOGS PAS 'KHOR BA'I PHUN TSOGS LA RTZOL BCAS KYI ZHEN LOG SKYES PA LA BYED LA DE LA RTZOL MED KYI MYONG BA THON PA NA LAM DU ZHUGS PA YIN KYANG, DE GNYIS KA LA 'KHOR BA'I RTZA BA LAS NYON

030b

LA THUG TSUL SHES MI DGOS PAS, DOGS SMONG SOGS LTAR 'JIG LTA'I ZHEN YUL MED PA RTOGS MI DGOS LA, THAR PA DON GNYER GYI BLO MTSAN NYID TSANG BA SKYE BA LA 'KHOR BA'I RTZA BA MA RIG PA LA THUG PAR SHES NAS DE'I ZHEN YUL MED PA RTOGS DGOS PAS MI 'DRA STE, RGYAS PAR NYIN BYED SNANG BAR BSHAD ZIN TO, ,THEG CHEN RIGS NGES KYIS KYANG SDUG BDEN GYI KHYAD CHOS DANG PO GNYIS RTOGS RJES THAR PA DON GNYER GYI BLO SKYES KYANG RANG KHO NA'I DON DU MIN PAS DES MI RTAG PA RTOGS PA NAS SKYES BU CHEN POR GYUR KHA'I BAR SKYES BU PHUNG SUM PAR 'JOG LA, THAR PA GTZO BOR DON DU MI GNYER BAS DE LA RTZOL MED KYI MYONG BA THON PA THEG CHEN LAM DU ZHUGS PA NAS YIN TE, DES ZIN NA THAR LAM DU 'GYUR BA'I PHYIR TE, PHAR PHYIN ZIN BRIS LAS, 'KHOR BA'I SDUG BSNGAL MTHA' DAG DANG BRAL NA DANG, THAR PA THOB NA SNYAM PA'I BLO GNYIS LA RTZOL BCAS KYI MYONG BA THON PA DANG, NGES 'BYUNG DANG THAR PA DON GNYER GYI BLO SKYE BA DUS MNYAM YIN PA'I PHYIR, DE DUS LAM LA MA ZHUGS PA MA YIN TE, DE GNYIS LA RTZOL MED KYI MYONG BA THON PA DANG LAM LA ZHUGS PA DUS MNYAM YIN PA'I PHYIR, ZHES GSUNGS PA'I PHYIR, SKYES BU 'BRING LA SDIG PA MI DGE BA MI BYED SNYAM PA'I SDOM SEMS CAN YIN PA'I KHYAB KYANG, GROGS KYI DBANG GIS SDIG PA BYED PA RNAMS LAM SGRON DNGOS BSTAN GYI DE MIN PAS YIG CHAR MA KHYAB STE

031a

, ,GSUNGS SO, ,MI RTAG SOGS BCU DRUG RTOGS KYANG 'BRING GI LAM RGYUD LA MA SKYE PA YOD DE, YIG CHAR DE'I MA MTHA' NYAN RANG LAM DU 'JUG KHA MA NAS BZHAG PA GANG ZHIG ,MI RTAG SOGS BCU DRUG RTOGS PA'I NYAN THOS LAM DU ZHUGS MA THAG PA YOD PA'I PHYIR DANG, LAM RIM CHUNG NGU LAS, SDUG KUN GNYIS KYI SGO NAS 'KHOR BA'I MTSAN NYID ZHIB DU SHES PAR BYAS PA NA DE 'DOR 'DOD PA DANG, DE RNAMS NYE BAR ZHI BA LA THOB 'DOD BYUNG BA TZAM NAS NGES 'BYUNG GI BSAM PA YIN MOD KYIS DES MI CHOG PAS, ME 'BAR BA'I KHYIM DU TSUD PA DANG, BTZON RAR TSUD PA'I BTZON GNAS DE LA MI 'DOD PA'I BLO CI TZAM SKYE BA DE LTA BU'I TSOD TZAM DU BSKYED BAR BYA ZHING DE NAS KYANG JE 'PHEL DU BTANG DGOS SO, ,ZHES GSUNGS PA'I PHYIR, YIG CHAR DGRA BCOM DE GNYIS KYANG THEG CHEN GYI SNYING RJE CHEN PO LHAG BSAM SKYES KHA MA'I BAR DU YOD, CES PA SPYIR NYAN RANG GI BSAM PA LAS LHAG PA'I BYAMS DANG SNYING RJE LHAG BSAM GNYIS GCIG CHAR SKYE BAS DE YIN LA, DBU MAR SKYES BU CHEN PO'I SNYING RJE CHEN PO LHAG BSAM GYI SNGA ROL NAS YOD PAR GSUNGS PA DRUG PA LHAG BSAM SEMS CAN THAMS CAD SGRIB GNYIS SPANGS PA'I SANGS RGYAS KYI GO 'PHANG THOB PA ZHIG BDAG GIS BYA'O SNYAM PA LA BYAS NA, BDE LAM LAS, KHYAD PAR SEMS CAN THAMS CAD KYIS SGRIB GNYIS BAG CHAGS DANG

031b

BCAS PA SPANGS PA'I YANG DAG PAR RDZOGS PA'I SANGS RGYAS KYI GO 'PHANG THOB PA ZHIG BDAG GIS BYA'O, ,ZHES DANG, RJE BSTAN PA'I SGRON MES RIN BYIN PA LTA BU YIN, ZHES PA DANG 'GRIG GO ,YANG DAG SHES 'TSOL SNGON GTAD STE, ZHES PA SEMS BSKYED KYI SNGON DU YIN GYI SNYING RJE'I SNGON MIN PA THUB PA'I BRTUL ZHUGS YANG DAG BLANGS, ZHES PAS 'GRUB PAS ZHI BA CHA DE LTAR BYA'O, ,RGYAS PAR GZHAN DU BSHAD ZIN TO, ,GZUNG RGYAL GYI MDO LAS NOR BU BKRU BA'I DPE NI, DANG PO LAN TSVA'I KHU BAS SPANGS TE SKRA'I RES DANG, DE NAS NYA SHA'I KHU BAS SPANGS TE BAL GYI LVA BA DANG, DE'I 'OG DNGUL CHUS SPANGS NAS RAS SRAB MOS SBYONG BA GSUM SKYES BU GSUM DANG SBYAR ZHING, KUN NAS 'DOD KYI DON YANG YIN NO, ,SEMS KYI SGO NAS BZHAG PA RTA DBYANGS KYI KUN RDZOB BYANG CHUB SEMS SGOM LAS, MI 'TSE BA DANG BDEN PA DANG, BYIN NAS LEN DANG TSANGS PAR SPYOD, ,SBYIN PA THAMS CAD BTANG BA NI,, 'DI NI BDE 'GRO'I SPYOD PA YIN, ,'KHOR BA'I SDUG BSNGAL YONGS MTHONG NAS, ,SPANGS PHYIR BDEN PA'I LAM SGOM ZHING, ,KHA NA MA THO GNYIS SPONG BA, ,'DI NI ZHI BA'I SPYOD PA YIN, ,CHOS KUN STONG PA NYID RTOGS PAS, ,'GRO LA SNYING RJE'I CHU RGYUN 'BYUNG, ,THABS MKHAS SPYOD PA MTHA' YAS PA, ,NGES 'BYUNG MCHOG GI SPYOD PA YIN, ,ZHES PAS RIM BZHIN SKYES BU GSUM BSTAN TO, ,DBYIG GNYEN GYIS, CHUNG NGU LA SOGS YID JI BZHIN, ,ZHES PAS SDOM

032a

, ,PA LEN PA'I KUN SLONG CHUNG 'BRING CHE GSUM GYIS SDOM PA CHUNG 'BRING CHE GSUM 'JOG PAR GSUNGS PAS, LAM RIM LAS, LAM SGRON BZHIN DU MDZOD 'GREL LAS ZHES GSUNGS KYI 'JOG TSUL MI 'DRA BAS, YIG CHAR LAM SGRON GYI MTSAN NYID GSUM LTAR BYED NA MI RUNG GSUNGS SO, ,BSOD NAMS MYA NGAN 'DAS PA DANG, ,SOGS KYIS DGE RTZA GSUM BSTAN KYANG, ,PHAR PHYIN ZIN BRIS LAS, BSOD NAMS ZHES PAS PHYI MA'I MNGON MTHO DON DU GNYER BA'I CHUNG NGU BSTAN, MYA NGAN 'DAS PA DANG, NGES 'BYED CHA MTHUN GNYIS KYIS RIM PA BZHIN TSOGS LAM DANG SBYOR LAM BSHAD PAS, THEG DMAN GYI TSOGS SBYOR BSHAD PAS SKYES BU 'BRING DANG, THEG CHEN DE DAG BSHAD PAS SKYES BU CHEN PO BSTAN PAR 'GYUR BA DE YIN PA'I PHYIR, ZHES PA YIG CHAR DPER NA RIN CHEN PHRENG BA LAS, ZHES RES LEGS LA GNYIS BYAS PA DANG DPE'I DON 'GRIG GO ,MNGON MTHO'I CHES BCU DRUG NI, RIN CHEN PHRENG BA LAS, 'DI DAG LAS LAM DKAR BCU STE, ,BZLOG PA DAG NI NAG PO YIN, ,CHANG MI 'THUNG DANG 'TSO BA BZANG, ,RNAM MI 'TSE DANG GUS SBYIN DANG, ,MCHOD 'OS MCHOD DANG BYAMS PA STE, ,MDOR NA CHOS NI DE YIN NO, ,ZHES PA LTAR DGE BA BCU DANG CHANG MI 'THUNG BA SOGS DRUG GO ,SDUG BDEN GYI KHYAD CHOS BZHI RTOGS PA'I BLO LA CHUNG NGU

032b

DANG THUN MONG BA'I LAM GYI MTSAN NYID KYI ZUR GNYIS PA TSANG YANG DANG PO MA TSANG BAS CHUNG NGU DANG THUN MONG BA'I LAM MIN PAR GSUNGS PAS, MI RTAG PA DANG SDUG BSNGAL BA DANG ZHES PAR RAGS PA RGYUN GYI MI RTAG PA DANG NGAN 'GRO'I SDUG BSNGAL RTOGS PA LA BYA'O, ,DE LA KHO NA RE, 'BRING GI LAM RANG RGYUD LA SKYES PA LA DE BZHI RTOGS PAS KHYAB PAR THAL, DE LA DE BZHI RTOGS PA SNGON DU 'GRO DGOS PA'I PHYIR NA MA KHYAB STE, DE LA MI RTAG PA DANG SDUG BSNGAL BA GNYIS RTOGS PA SNGON DU SONG BAS KHYAB KYANG, PHYI MA GNYIS RTOGS PA'I MA KHYAB TSUL BSHAD ZIN PA'I PHYIR, DANG PO GRUB STE, RJE'I TSAD MA'I LAM BSGRIG LAS, DES NA PHUNG PO MI RTAG PAR RTOGS PA'I LAG RJES LA DE DANG 'BRAL DES DANG SDUG BSNGAL DU RTOGS PAS 'BRAL 'DOD SKYES KYANG, ZHES DANG, PHAR PHYIN ZIN BRIS LAS, SRID RTZE NAS MNAR MED KYI BAR GYI KHYAB PA 'DU BYED KYI SDUG BSNGAL MA RTOGS NA SKYES BU 'BRING GI BSAM PA THAR PA DON GNYER GYI BLO MI SKYE ZHES GSUNGS PA'I PHYIR, CHE 'BRING THUN MONG BA'I LAM GYI MTSAN NYID LA CHE 'BRING GNYIS TZAM GYI NYAMS SU BLANGS BYA YANG YIN ZHES SBYAR DGOS TE, MIN NA MI DGE BCU SPONG GI TSUL KHRIMS LTA BU DER 'GYUR BA'I PHYIR TE, DE CHE 'BRING GNYIS KA'I NYAMS SU BLANGS BYA YIN CHEN PO'I LAM SKYE BA LA THOG MAR BLO SBYONG DGOS PA YIN PA'I PHYIR RO,,

033a

, ,'GYUR BA'I RNAM PA SOGS BCU NI, BSAM GZUGS CHEN MO LAS, SDUG BDEN GYI KHYAD CHOS MI RTAG PA'I RNAM PA LA 'GYUR BA'I DANG, 'JIG PA'I DANG, BRAL BA'I DANG, CHOS NYID KYI DANG, NYE BA'I RNAM PA LNGA DANG, DE'I SDUG BSNGAL GYI DE LA KUN SBYOR DANG 'CHING BA'I DANG, MI SDUG PA'I DANG, GRUB PA DE MED PA'I RNAM PA GSUM DANG, DE'I STONG PA BDAG MED GNYIS LA RIM BZHIN DMIGS BYED DANG, RANG DBANG MED PA'I RNAM PA GNYIS TE BCU ZHES PA LTAR LA, SO SO'I DON RGYAS PAR NYAN SAR GSAL LO, ,RIGS PA GNYIS PAS RDZAS SPYI CHOD NA 'GOG BDEN LA BDAG MED PHRA MO GNYIS GANG RUNG GIS KHYAB PAS, DE GNYIS 'GOG BDEN GYI KHYAD CHOS BZHI'I RJES SU RTOGS PA BKAG LA, GZHAN GSUM GYIS KUN 'BYUNG GI KHYAD CHOS BZHI'I RJES SU RTOGS PA BKAG PAS, RIGS PA GSUM PAS DRI MA GLO BUR BAR RTOGS PA LA SEMS KYI RANG BZHIN 'OD GSAL BAR RTOGS PA SNGON DU 'GRO DGOS PA BZHIN DU GANG ZAG GI BDAG 'DZIN GLO BUR BAR RTOGS PA LA DE SEMS KYI RANG BZHIN LA MA ZHUGS PA 'AM LOG SHES SU RTOGS PA SNGON DU 'GRO DGOS ZHES PA'O, ,SKYES BU CHUNG NGU RTOGS PA'I RIGS PA'I BDAG MED NI, RTAG GCIG RANG DBANG CAN GYI BDAG MED LA BYA STE, RJE PRADZNYA'I ZHABS KYI LAM RIM ZIN BRIS LAS, SKYE

033b

BA LEN PA LAS LAS RANG DBANG MED PAR RTOGS PAS RTAG GCIG RANG DBANG CAN GYI ZUR RANG DBANG BA BCAD, RGYUN GYI MI RTAG PA RTOGS PAS RTAG PA BCAD, DE GNYIS KHEGS PAS GCIG BU KHEGS 'GRO BAS CHUNG NGUS RTAG GCIG RANG DBANG CAN GYI BDAG MED KYANG RTOGS RUNG NGAM, ZHES GSUNGS PA'I PHYIR, DE'I RTAG PA NI RGYUN GYI MI 'JIG PA'I RTAG PAR PHYI ROL PA DGA' 'DOD PA'I PHYIR TE, SKYE BA SNGA MA NAS PHYI MAR MI 'JIG PAR 'GRO BA SOGS LA BYED PA'I PHYIR, RNAM BSHAD DGONGS PA RAB GSAL LAS, SEMS CAN SKAD CIG GIS 'JIG PAR NGES PA NA RTAG GCIG RANG DBANG CAN GYI SEMS CAN YOD PA BLO NGOR KHEGS PAS PHUNG PO LAS NGO BO THA DAD PA'I SEMS CAN MED PAR NGES PAR NUS SO, ,ZHES PA DANG MI 'GAL TE, DE NA RGYANG BAN BAS BDAG SKYE BA SNGA MA NAS PHYI MAR MI 'JIG PAR 'GRO BA'I RTAG PAR MI 'DOD KYANG SKAD CIG GIS ? MI 'JIG PA'I RTAG GCIG RANG DBANG CAN DU 'DOD PA DE'I DBANG DU BYAS BAS, GSUM LDAN GYI BDAG GIS STONG TSUL GNYIS YOD PA 'DRA'O, ,DOGS SLONG DU PHAR PHYIN LAM SGRIG DRANGS NAS PHYI MAR GANG SKYE RANG DBANG BA'I BDAG MED PA LA BYAS PA'ANG 'JOG TSUL SNGA MA DE YIN TE, BDAG SKYE 'CHI DANG BCAS PAS RTAG PA DANG, LAS KYI GZHAN DBANG CAN YIN PAS RANG DBANG CAN BCAD PA'I PHYIR RO, ,KHO NA RE, CHUNG 'BRING THUN MONG GI LAM SANGS RGYAS KYI

034a

, ,RGYUD NA MED PAR THAL, SANGS 'PHAGS KYI RGYUD KYI LAM YIN NA DE MA YIN PAS KHYAB PA'I PHYIR TE, DE YIN NA CHUNG 'BRING GI NYAMS SU BLANGS BYA MA YIN PAS KHYAB PA'I PHYIR RO, ,DE LA MI DGE BCU SPONG GI BSAM PA LTA BU SPYI LDOG LAS CHUNG NGU'I RGYUD KYI DE YANG MI 'JOG LA, DE BZHIN DU THAR LAM RGYUD LA SKYE KYANG THAR LAM DU MA SLEB BA DANG, CHUNG NGU LA STONG BDAG MED RTOGS PA MED KYANG CHUNG NGUS DE DAG RTOGS PA YOD CES GNAS GZHI DANG BYED TSIG SOGS KHYAD PAR PHYE DGOS PA MANG NGO, ,MTSAN LAS, SKYON GTONG LUGS 'DI LA DPYOD CES PA, MA RIG BAG CHAGS KYIS DANG ZAG MED LAS KYIS SKYE BA BLANGS PA'I BYANG SEMS KYIS 'KHOR BA'I SKYE BA MA BLANGS PAR THAL, DE'I RGYUD NA 'KHOR BA'I SKYE BA MED PA'I PHYIR TE, LAS NYON GYI SKYE BA MED PA'I PHYIR, ZHE NA, LAN JI LTAR 'DEB DPYAD CES PA YIN LA, 'OG GI MYANG 'DAS KYI SKABS LTAR SDUG BDEN PHRA MOS BSDUS PA'I 'KHOR BA'I SKYE BA BLANGS PA'I DON NAM, YANG NA 'OG NAS 'KHOR BAR SKYE BA LEN TSUL BZHI GSUNGS PA LTAR, 'KHOR BA'I GNAS SU SKYE BA BLANGS PAS 'KHOR BA'I SKYE BA BLANGS KYANG 'KHOR BA'I SKYE BA RGYUD LA MED CES KYANG CHOG GAM DPYAD,, ` GNYIS PA BYAMS GZHUNG, 'GREL PA RTZOM RIGS PAR BSGRUB PA ZHES PA NAD GI DON RTOGS SHES RAB LDAN TSUL DANG, DES NA 'GREL PA RTZOM RIGS PA GNYIS GCIG TU BYAS PA'O,, ` GNYIS PA BSHAD PA NYID 'GOD PA LA GSUM LAS, DANG PO

034b

MCHOD BRJOD BSHAD THABS LNGAS BSHAD PA'I DANG PO MTSAMS SBYAR SKABS KYI RANG DON GYI DGOS PA LA, RGYAN GYI THOG MAR MCHOD BRJOD BYAS PAS RANG NYID SKYES BU DAM PA'I SPYOD PA DANG MTHUN PA DE 'JOG GI ,RJE BTZUN RANG NYID DAM PA'I SPYOD PA DANG MTHUN BRTZOM MI 'JOG STE, PHAR PHYIN ZIN BRIS LAS, DE YANG RGYAN GYI DGOS PA LA RGYAN GYI SNGA ROL TU GRUB PA GCIG MED PA'I GNAD KYIS SO, ,ZHES GSUNGS PA'I PHYIR, GZHAN DON GYI DGOS PA DE LA BRTEN NAS RGYAN GYI CHED DU BYA BA'I GDUL BYA MKHYEN GSUM LA MI LDOG PA'I DANG BA BSKYED PA DANG, DE'I DGOS PA DANG BA LAS 'DUN PA DE LAS THOS BSAM SGOM GSUM GYIS RIM GYIS ZHUGS TE LEGS PA'I MCHOG RNAM MKHYEN THOB BA'I BAR RJE BTZUN RANG GI MNYAM BZHAG GIS GZIGS NAS BSTOD PAS, RGYAN RTZOM PA PO SANGS RGYAS SU 'GRUB KYANG, BSOD GRAGS PA'I MTHA' DPYOD LAS, DE BYANG SEMS SA BCU PA YIN PA'I PHYIR TE, ZHES GLENG GZHI DANG SRID ZHI MNYAM NYID KYI MDO GNYIS DRANGS NAS SGRUB CING, 'GREL PAR SANGS RGYAS DBANG GIS ZHES SOGS RJE BTZUN LA SANGS RGYAS DANG, BCOM LDAN 'DAS KYI MING GIS BSNYAD PA'I PHYIR, ZHES DANG, RGYUD BLA RTZA BA'I DON SPRUL SKU SPYI'I DBANG DU BYAS PA DANG, DAR t'I KA GI DE THUN MONG MA YIN PA'I BSHAD PA SHOR BA YIN PA DANG, DAM PA TOG DKAR SANGS RGYAS YIN PA'I KHUNGS YOD KYANG, BYAMS PA 'OG MIN DU SANGS RGYAS NAS DGA' LDAN DU BYAMS PAR GYUR PA'I KHUNGS MED PAR GSUNGS LA, MA 'ONGS PA'I DUS KYI SANGS

035a

, ,RGYAS YOD PA'I PHYIR TE, DUS GSUM GYI SANGS RGYAS YOD PA'I PHYIR NA MA KHYAB, ZHES DANG, DA LTA BA'I BYE BRAG TU GYUR PA'I SANGS RGYAS 'PHAGS PA YIN PA'I PHYIR, ZHES KYANG GSUNGS SO, ,RJE BTZUN PA'I SPYI DON LAS, MGON PO BYAMS PA DE BYANG CHUB SEMS DPA'I TSUL BZUNG BA'I TSE BYANG CHUB SEMS DPA' BYAMS PA ZHES BYA YI RJE BTZUN BYAMS PA ZHES MI BYA LA, DE DGA' LDAN DU BZHUGS PA'I TSE RJE BTZUN BYAMS PA ZHES BYA YI SANGS RGYAS BYAMS PA ZHES MI BYA LA, DE MA 'ONGS PA NA MDZAD PA BCU GNYIS KYI TSUL BSTAN PA'I TSE SANGS RGYAS BYAMS PA ZHES BYA YI, RJE BTZUN BYAMS PA ZHES MI BYA BA YIN PA'I PHYIR, ZHES RJE BTZUN BYAMS PA SKYE BA SPRUL SKUR RGYUD BLA DANG t'I KA LAS, 'DOD PA KHAMS SU THOG MAR SKYE BA'I TSUL STON PA DGA' LDAN DU LHA'I BU DAM PA TOG DKAR PO LTA BUR MNGON PAR SKYE BA DANG, ZHES PAS SGRUB BO, ,YIG CHAR ZHES GSUNGS PAS GNYIS KA YANG TSUL BSTAN YIN PA'I PHYIR DANG, RANG NYID 'BA' ZHIG GI CHED DU BYED PA'I BYANG 'PHAGS MI YOD PA'I PHYIR, ZHES DANG, DAR t'I KA DANG, SNGAGS RIM DRANGS PA DANG, MCHOD BRJOD SKABS MKHYEN GSUM LA DANG BA'I DAD PA RNAM MKHYEN THOB PA'I RGYU'I GTZO BOR MNYAM BZHAG GIS GZIGS PAR 'GREL PA DANG RNAM BSHAD KYIS SGRUB PA RNAMS KYIS SNGA MA BKAG LA, DES RGYAN RTZOM PA PO DANG RGYUD GCIG PA'I SRID PA THA MA PA 'OG MIN RTEN CAN ZHIG 'JOG DGOS TE, DE'I SPYI DON GSAL BA'I SGRON ME LAS, RJE

035b

BTZUN BYANG CHUB SEMS DPA' YIN PA'I DBANG DU BYAS NA DOGS PA'I GNAS CUNG ZAD CIG 'DUG NA'ANG ZHES GSUNGS BAS, 'OG NAS 'BYUNG BA LTAR DGA' LDAN DU SPRUL PA'I LUS GCIG BZHAG 'OG MIN DU SANGS RGYAS NAS SLAR DE NYID LA ZHUGS BA'AM MA MA ZHUGS PAR 'DZAM GLING DU PHEBS PA GANG YIN DPYAD LA, 'OG MIN KYANG DKON BRTZEGS LTAR GZHI SNYING ME TOG GIS BRGYAN PAR YANG GSUNGS SO, ,DES NA SKYE BA MNGON PAR SKYE BA'I MDZAD PA LA GNAS PA'I SPRUL SKU LA GANG 'JOG SOGS DANG, MKHYEN GSUM LA DANG BA'I DAD PA DE LEGS PA THAMS CAD THOB PA'I RGYUR RJE BTZUN GYI MNYAM BZHAG GIS MA RTOGS PAR DE LAS LANGS PA'I RJES THOB KYIS NGES PAR THAL LO, ,'DOD NA, GSER PHRENG LAS, ZHES 'CHAD PA NI MA 'BREL TE, ZHES DANG, RNAM BSHAD LAS, TSAD MA GANG GIS 'GRUB NA ZHES SOGS DANG, RTOGS DKA'I SNANG BA LAS, JI LTAR 'GRUB CE NA, BYAMS PA'I MNYAM BZHAG SO SO RANG GI RIG PA'I YE SHES KYIS YONGS SU DPYAD NAS, ZHES MNYAM BZHAG GIS DE LA DPYAD PAR GSUNGS PA GANG ZHIG ,DPYAD NAS NGES PA MA RNYED PA MA YIN PA'I PHYIR, DES NA 'GREL BA'I ZIN BRIS LAS, YAB SRAS DGONGS PA GCIG TU BYAS PA SNGON MED LEGS BSHAD YIN NO, ,BYANG SEMS SU BYAS PA LEGS BSHAD SNYING PO'I MCHOD BRJOD SOGS GZHUNG MANG PO'I TSIG ZIN LA YOD KYANG, DE GDUL BYA THUN MONG BA'I DOR TSUL BSTAN BYAS NA GZHUNG THAMS CAD DANG 'GRIG 'ONG NGO, ,MA 'ONGS PA'I DUS KYI SANGS RGYAS MIN GSUNGS PA GO BA

036a

, ,LEN LUGS LEGS PA ZHIG YIN NO, ,'PHAGS PA BYAMS PA DANG RJE BTZUN BYAMS PA KHYAD MED BYAS NAS SANGS RGYAS BYANG SEMS GNYIS YOD PAR GSUNGS PA DANG, MDZAD PA BCU GNYIS STON PA'I MCHOG GI SPRUL SKU'I MDZAD PA LA GNAS PAR BSHAD PA'I PHYIR, ZHES PAS PHYI MA BKAG KYANG, PHYI MAR MA KHYAB STE, DRI ZA'I RGYAL PO RAB DGA' 'DUL PHYIR BI WANG MKHAN DU SPRUL BDE MCHOG GI SPRUL SKU'I MDZAD PA LA GNAS PA'I PHYIR TE, DE LTAR MDZAD PA DE SH'AKYA THUB BA'I MDZAD PA YIN PA'I PHYIR GSUNGS KYANG, DE PI WANG MKHAN DU SPRUL PA'I SKYE BA SPRUL SKU'I MDZAD PA MA YIN PAR THAL, DE MCHOG GI SPRUL SKU'I MDZAD PA YIN PA'I PHYIR, 'DOD NA, DE'I MDZAD PA MED PAR THAL BA DANG, MA KHYAB NA, SPRUL SKU GZHAN GNYIS PO GANG RUNG GI MDZAD PA YIN NA, MCHOG GI SPRUL SKU'I MDZAD PA YIN PAS KHYAB PAR THAL LO, ,DE SH'AKYA THUB PA'I SPRUL PA'I MDZAD PA YIN KYANG SH'AKYA THUB PA'I MDZAD PA MA YIN TE, MDZAD BA BCU GNYIS LONGS SKU'I SPRUL PA'I MCHOG SPRUL GYI MDZAD PA YIN KYANG, LONGS SKU'I MDZAD PA MIN PA BZHIN YIN PA'I PHYIR TE, KUN BTUS DAR t'IKA LAS, 'DI RNAMS GANG ZAG GANG YANG RUNG B'I DBANG DU BYAS PA MA YIN GYI MCHOG GI SPRUL SKU KHO NA'I DBANG DU BYAS PA'O, ,ZHES GSUNGS PA'I PHYIR DANG, MCHOG GI SPRUL SKU'I MDZAD PA MCHOG GI SPRUL SKU'I RGYUD KYIS BSDUS PA MA YIN PAR THAL BA DANG, SANGS RGYAS BYAMS PAR RJE BTZUN GYI DON MA

036b

TSANG BAR THAL BA DANG, SKYE BA MNGON PAR SKYE BA SOGS MDZAD PA BCU GNYIS KYI DANG PO LA GNAS PA'I MCHOG GI SPRUL SKU MED PAR THAL LO, ,'DIS RJE BTZUN BYAMS PA DGA' LDAN RTEN CAN YIN PA RGYAN RTZOM PA PO YIN PAS SGRUB CING, RANG LUGS LA DES RGYAN BRTZAM KYANG RTZOM PA BO MIN LA, RGYAN RTZOM PA PO MCHOG GI SPRUL SKU MIN PA MDZOD LAS, LHAN CIG GNYIS MIN SANGS RGYAS BZHIN, ,ZHES PAS SGRUB CING, DE GLING GCIG LA SANGS RGYAS PA'I MDZAD PA GCIG CHAR DU MTHUN SNANG DU MI STON PA'I DON DU GSUNGS SO, ,KHYUNG PHRUG PAS, DE DGE SLONG RNAM DAG YIN PAR THAL, MCHOG GI SPRUL SKU YIN PA'I PHYIR, 'DOD MI NUS STE, LHA'I RTEN CAN GYI GANG ZAG YIN PA'I PHYIR, ZHES MDO RTZA BAS SGRUB BA NYAN RANG GI RIGS CAN LA MI SKYE BAR BCAS TZAM YIN PAR GSUNGS SO, ,DE DAG LA BYAMS CHOS SDE LNGA SPRUL SKUS BRTZAM PA MA YIN PAR THAL BA DANG, DES BRTZAM PA'I BSTAN BCOS MED PAR THAL BA DANG, SH'AKYA THUB PA'I DRUNG DU MCHOG GI SPRUL SKU GZHAN MI PHEBS PAR THAL BA DANG, LONGS SKUS DGE SLONG GI SDOM PA MA THOB PAR THAL BA SOGS MTHA' YAS SO, ,GSER PHRENG LAS, 'PHAGS PA BYAMS PA ZHES SOGS RANG DON GYI DGOS PA DANG SBYAR BA LA, RONG t'IKA PAS, DE MI 'THAD DE, BYAMS PA'I RGYUD LA RANG DON DON GNYER GYI BLO MED PA'I PHYIR DANG, GZHAN BSTAN BCOS LA 'JUG CHED KHO NAR SNANG BAS SO ZER BAR, RNAM BSHAD LAS, RJE BTZUN LA RANG DON DON GNYER MED PAR 'DOD PA SOGS NI

037a

, ,ZHES SOGS KYIS BKAG TSUL RJE BTZUN LA RANG DON GYI DGOS PA MED PA'I SGRUB BYED DU RANG DON DON GNYER MED PA BKOD PA DANG, RNAM BSHAD KYIS SOGS NI ZHES PA'I SOGS SGRAS SANGS RGYAS DBANG GIS ZHES PA'I SANGS RGYAS BYAMS PAR BYAS PAS SANGS RGYAS SU 'DOD PA DANG, 'PHAGS PA BYAMS PA'I MNYAM BZHAG GIS YUM LA DANG BA'I DAD PA LEGS PA THAMS CAD THOB PA'I RGYUR GZIGS PA 'GOG PA SOGS NI GZHUNG LA NGAL TZAM BYAS KYANG ZHIB DPYOD MED PA'I SKYON YIN TE, RJE BTZUN SANGS RGYAS YIN ZHES THUN MONG BA SNANG TSOD DANG THUN MONG MA YIN PA DNGOS PO'I GNAS TSOD MA PHYED PAR BSHAD NA THUN MONG BA SNANG TSOD LA SKYE PA GCIG THOG PA'I TSUL BSTAN PAR GSUNGS PA'I DON MI GO BA'I SKYON YOD, SNANG TSOD LTAR BYANG SEMS SU KHAS LEN PA'I DBANG DU BYAS NA RANG DON DON GNYER MED PA DANG, MNYAM BZHAG GI YUL DANG SOGS KUN RDZOB PA 'GOG PA SOGS NANG 'GAL BAS MI 'THAD PA'I PHYIR TE, RANG DON MTHAR THUG CHOS SKU THOB DGOS PAR MA MTHONG NA RANG DON ZHI RKYANG GIS CHOG PAR 'DZIN PA MI LDOG PAS, SEMS BSKYED MTSAN NYID PA MI SKYE BA'I PHYIR DANG, 'TSANG RGYA KHA'I BAR DU RANG DON DANG GZHAN DON GYI SKU GNYIS DON GNYER NGES PAR DGOS PA'I PHYIR, ZHES PA YIN NO, ,BSOD GRAGS PA'I SPYI DON LAS, DANG PO LTAR NA THUN MONG BA PHAR PHYIN THEG PA DANG,

037b

THUN MONG MA YIN PA SNGAGS KYI THEG PA'I SKABS MA PHYE BAR 'GYUR TE, PHAR PHYIN THEG PA'I SKABS 'DIR RJE BTZUN SANGS RGYAS YIN PA'I PHYIR, RTAGS KHAS, ZHES GSUNGS LA, RJE BTZUN PA'I SPYI DON LAS, NGAL BA ZHIB TU MA BYAS PA YIN TE, MCHOD BRJOD KYIS GDUL BYA THUN MONG BA RJES SU GZUNG BA'I CHED DU GSUNGS PA GANG ZHIG GDUL BYA THUN MONG BA'I NGOR DE SANGS RGYAS MA YIN PA'I PHYIR, DE'I NGOR SANGS RGYAS YIN NA, GDUL BYA THUN MONG BA'I NGOR DE SANGS RGYAS MIN LA, DNGOS PO'I GNAS TSOD LA DE SANGS RGYAS YIN PA'I THUN MONG BA DANG THUN MONG MA YIN PA'I SKABS MA PHYED BA'I SKYON DU 'GYUR BA'I PHYIR, ZHES DANG, DE'I MTHA' DPYOD LAS, KHYOD KYI RGYUD LA RANG DON DON GNYER GYI BLO MED PAR THAL, KHYOD RANG DON MTHAR PHYIN PA'I GANG ZAG YIN PA'I PHYIR, ZHES PA'I THAL 'GYUR LA KHYAB PA YOD PAR THAL, 'DOD PA'I PHYIR, ZHES PA NAS, 'DOD MI NUS TE, KHYOD KYI RGYUD LA THEG CHEN SEMS BSKYED YOD PA'I PHYIR, ZHES DANG, 'DOD MI NUS TE, DE'I RGYUD LA MI DGE BCU SPONG 'DOD KYI BLO YOD PA'I PHYIR, ZHES SANGS RGYAS 'PHAGS PA'I RGYUD LA RANG DON DON GNYER YOD PAR GSUNGS SO, ,SNGA MAS THUN MONG BA PHAR PHYIN THEG PA SOGS LA BSHAD PA MI 'THAD TSUL YIG CHAR GSAL LA, RGYUD PHYI MA'I DON GSANG 'DUS KYI 'KHOR RGYAL SRAS BRGYAD RDO RJE 'CHANG DANG SPANGS RTOGS 'DRA BA'I SANGS RGYAS SU GSUNGS SO, ,KHYUNG PHRUG PA'I PHAR PHYIN MTHA' DPYOD LAS, SKABS

038a

, ,'DIR PHAR PHYIN THEG PA LAS MCHOG TU GYUR PA'I SNGAGS BLA MED KYI THEG PA GCIG YOD PAR THAL, DAM BCA' 'THAD PA'I PHYIR, ZHES PA LTAR SKABS 'DIR SNGAGS KYI THEG PA PHAR PHYIN THEG PA LAS MCHOG TU MI BZHED DAM DPYAD GZHI MANG NGO, ,PHYI MAS MCHOD BRJOD KYIS GDUL BYA THUN MONG BA'I NGOR SANGS RGYAS MA YIN PAR GTZO BOR GSUNGS PA MI 'THAD PAR THAL, DES DNGOS PO'I GNAS TSOD GTZO BOR GSUNGS PA'I PHYIR TE, MNYAM BZHAG GI YUL DANG SOGS KUN RDZOB PA GZIGS TSUL GSUNGS PA'I PHYIR TE, RNAM BSHAD LAS, DE DAG GIS NI LAM GYI RIM PA RJE BTZUN GYI THUGS RGYUD LA 'KHRUNGS PA'I RJES 'GRO DNGOS SU BSTAN NAS LDOG BA SHUGS LA 'PHEN PAR BYED PA YIN NO, ,ZHES PA LTAR RJE BTZUN RANG GI RGYUD LA YUM LA DANG PA NAS RNAM MKHYEN GYI BAR 'KHRUNGS TSUL DNGOS SU BSTAN PA'I PHYIR, 'DIS KYANG DE DAG MNYAM BZHAG LAS LANGS PA'I RJES THOB KYI NGES PAR BSTAN ZER RAM DPYAD, DE SKABS BSOD GRAGS PA'I MTHA' DPYOD LAS, DE'I RGYUD LA RANG DON CHOS SKU BON GNYER GYI BLO YOD PAR THAL, DE'I RGYUD LA RANG DON CHOS SKU LA DMIGS PA'I 'DUN PA YOD PA'I PHYIR NA MA KHYAB, NAS, DE'I RGYUD LA 'KHOR BA DON GNYER GYI BLO YOD PAR THAL, DE'I RGYUD LA 'KHOR BA LA DMIGS PA'I 'DUN PA YOD PA'I PHYIR, KHYAB PA KHAS, ZHES DANG, YIG CHA RNYING BAR, DE'I RGYUD LA CHOS SKU THOB 'DOD KYI

038b

BLO YOD PA'I PHYIR, DER THAL, DE'I RGYUD LA SEMS CAN GZHAN GYI CHOS SKU THOB 'DOD KYI BLO YOD PA'I PHYIR NA MA KHYAB, ZHES PA LTAR YIG CHAR, KHYOD RANG LA GANG ZAG GZHAN GYIS RNYED BKUR THOB PAR 'DOD PA'I GANG ZAG YIN NA, RNYED BKUR THOB PAR 'DOD PA'I GANG ZAG YIN PAS KHYAB PAR THAL, ZHES SOGS KYIS BKAG PAS, SNGA MAS 'DUN PA LA YUL DE DON GNYER GYIS KHYAB ZER RAM SNYAM MO, ,YIG CHA GSAR RNYING GNYIS KAR KHYOD DES SANGS RGYAS THOB PAR 'DOD PA'I GANG ZAG YIN PA'I PHYIR, DER THAL, KHYOD DES SANGS RGYAS THOB PAR KHAS LEN PA'I GANG ZAG YIN PA'I PHYIR NA MA KHYAB CES ZHIB CHA GNANG BAS, RJE BTZUN BYAMS PA SH'AKYA THUB PAS SANGS RGYAS THOB PAR 'DOD PA'I GRUB MTHA' SMRA BA DANG, DMYAL BA PA RNAMS SDUG BSNGAL GYIS MNAR BAR 'DOD PA'I NANG PA SANGS RGYAS PA YIN KYANG, DE LTAR 'DOD PA'I GANG ZAG MIN ZHES SKABS THOB KYI KHAS LEN SONG TSUL MI 'DRA BA'I ZHIB CHA BYA'O, ,RGYA CHER ROL PA LAS, SO SO SKYE BO YIN YANG NGA MI 'CHI, ZHES PA'I GZHUNG 'DI STON PAS BRTZAM PA MA YIN PAR THAL, DE'I SNGON DU DKA' BA SPYAD TSE GSUNGS PA'I PHYIR ZER NA, SGYU 'PHRUL MA'I SKYE BA LHA LA DE LTAR GSUNGS PA'I TSIG DE RGYA CHER ROL PA'I TSIG MIN KYANG, RGYA CHER ROL PAR DE GSUNGS TSUL BSHAD PA'I TSIG DE STON PAS BRTZAM PA YIN ZHES BSHAD DGOS SNYAM LA, RGYA CHER ROL PA LAS, SO SO SKYE BO YIN YANG NGA MI

039a

, ,'CHI, ,ZHES PA'I TSIG DE RGYA CHER ROL PA'I TSIG MA YIN PAR THAL, PHAR PHYIN MTHA' DPYOD KYI GZHUNG TSIG TU GYUR PA'I KHYOD YOD PA'I PHYIR ZER NA, RANG LDOG GTZO BAS MA KHYAB CES, KHYOD SGRA GONG 'OG SPO BAS ZHIB CHA DGOS SO, ,RANG DON GZHAN DON GYI SKU'I KHYAD PAR MCHAN LAS, GDUL BYA LA DNGOS SU SNANG MI SNANG GI SGO NAS BSHAD GSUNGS PA GDUL BYA'I DBANG SHES LA SNANG MI SNANG YIN TE, GZHAN DU NA RNAM MKHYEN BDEN MED SOGS GDUL BYA LA DNGOS SU SNANG BA'I PHYIR RO, ,MDZAD PA BCU GNYIS 'DREN TSUL RGYUD BLA DAR t'IKA LAS, DE NAS MDZAD PA BCU GNYIS KYI DANG PO DGA' LDAN GYI GNAS NAS NI 'DZAM BU'I GLING DU 'PHO BA DANG, GNYIS PA YUM GYI LHUMS SU 'JUG PA DANG, GSUM PA SKU BLTAMS PA DANG, ZHES DANG, DGA' LDAN DU SKYE BA DANG POR BYED NA LHUMS SU ZHUGS PA DANG BLTAMS PA GCIG TU BYA'O, ,ZHES TSUL GNYIS GSUNGS PA'I YIG CHAR PHYI MA LTAR DANG, RIN CHEN PHRENG BAR, GSHEGS DANG BLTAMS DANG ROL BA DANG, ,ZHES GSHEGS PA DANG POR BYAS NAS LHA BABS BGRANGS SO, ,BU STON CHOS 'BYUNG LAS, THABS LA MKHAS PA ZHES BYA BA LA SOGS PA'I MDO LAS, DAM PA'I CHOS NUB PA LA MKHAS PA ZHES CHOS NUB BA'ANG MDZAD PA GCIG TU GSUNGS TE, CHOS DON DU MI 'GYUR NA NUB PAR BSTAN NAS, SEMS CAN LA CHOS

039b

SPONG GI LAS MI 'BYUNG BAR BYA BA'I PHYIR YIN TE, ZHES GSUNGS PAS, MCHAN DU DAM PA'I CHOS SGRUB PA ZHES PA MA DAG GSUNG, GZHAN DGA' LDAN DU BZHUGS PA DANG, GNAS PA DANG POR BYAS PA SOGS SKABS BRGYAD PA'I MTHA' DPYOD DU GSAL LO, ,MTSAN GZHI DGA' LDAN DU DAM PA TOG DKAR DU SKYE BA SOGS RANG LDOG 'JOG PA LAS LAM SOGS MI 'JOG SNYAM LA, STON PA SH'AKYA THUB PA'I RGYUD NA MDZAD PA BCU GNYIS YOD DAM MED, YOD NA SKYE BA MNGON PAR SKYE BA'I MDZAD PA LHA'I RGYUD KYIS BSDUS PA MA YIN PAR THAL, 'DOD PA'I PHYIR, 'DOD NA, MCHOG GI SPRUL SKU YIN NA, MDZAD PA BCU GNYIS RGYUD LA YOD PAS KHYAB PA DANG, DAM PA TOG DKAR DANG STON PA'I MDZAD PA YIN KHYAB MNYAM DU THAL BAS, DGA' LDAN RTEN CAN GYI BYAMS PA SANGS RGYAS LNGA PA'I MDZAD PA STON DGOS MA YIN PAR THAL LO, ,MED NA MDZAD PA BCU GNYIS GCIG CAR DU STON PA'I STON PA SH'AKYA THUB PA MED PAR THAL, 'DOD PA'I PHYIR TE, YIG CHAR, DER THAL, DE LTAR THUN MONG MA YIN PA SO SO'I NGOR MDZAD PA BCU GNYIS GCIG CAR SO SOR BSTAN PA'I PHYIR NA MA KHYAB STE, ZHES GSUNGS PA'I PHYIR NA MA KHYAB STE, GDUL BYA SO SKYA GCIG GI NGOR GCIG CHAR MI STON PA'I DON YIN PA'I PHYIR TE, DE'I RJES SU MDO DRANGS PA LAS SKAD CIG BSKAL PAR RLABS NAS RIM CHAR DU MDZAD TSUL GSUNGS PA'I PHYIR,

040a

, ,RTZA BAR 'DOD MI NUS TE, SANGS RGYAS THAMS CAD KYI YON TAN DANG YE SHES KYI YUL LA 'JUG PA'I MDO LAS, DE BZHIN GSHEGS PA 'DI LA 'KHOR 'DI NYID KYI NANG NA KHA CIG GIS NI RAB TU BYUNG BAR MNGON PAR PHYOGS SHING KHYIM NAS MNGON PAR 'BYUNG BAR SHES SO, KHA CIG GIS NI RAB TU BYUNG ZHING DKA' BA SPYOD PAR SHES SO, ,ZHES DANG, MTHA' DPYOD LAS, THUN MONG MA YIN PA'I DBANG DU BYAS NA 'KHOR LO GSUM DANG MDZAD PA BCU GNYIS CIG CAR GANG ZHIG CES GSUNGS PA'I PHYIR, DER MA ZAD BYANG SEMS DGOS PA GCIG LA YANG GCIG CAR STON TE, MDO SDE RGYAN LAS, GSANG BA'I GNAS NI RNAM GSUM RTAG TU YANG DAG 'DZIN PA'I PHYIR, ZHES GSUNGS PA'I PHYIR, YIG CHAR, DAM PA TOG DKAR GYIS MDZAD PA BCU GNYIS RIM CAN DU BSTAN PAR THAL, MI YUL DU GDUL BYA THUN MONG BA LA RIM CAN DU BSTAN PA'I PHYIR, ZHES PA LTAR NA STON PA'I MDZAD PA BCU GNYIS PO DE DES MDZAD PA YIN PAS, DES MDZAD PA LA DE'I RGYUD KYIS BSDUS PA MI DGOS ZER RAM YANG NA DES MI YUL DU MDZAD PA BCU GNYIS MDZAD KYANG, BCU GNYIS PO DE'I MDZAD PA MIN ZER DGOS TE, PHAR PHYIN ZIN BRIS LAS, KHO NA RE, BDAG CAG GI STON PA CHOS CAN, KHYOD KYI MDZAD PA YIN NA SANGS RGYAS KYI MDZAD PA YIN PAS KHYAB PAR THAL, KHYOD SANGS RGYAS YIN PA'I

040b

PHYIR NA MA KHYAB, YANG 'DZIN TSUL GCIG LA DES MDZAD PA BCU GNYIS MDZAD KYANG DE BCU GNYIS PO DE'I MDZAD PA MIN ZHES BZUNG NA'ANG BZANG, ZHES THUN MONG BA'I LUGS LA DE LTAR GSUNGS PA'I PHYIR, GZHAN YANG, RJE BTZUN BYAMS PA DANG, BDAG CAG GI STON PA GNYIS KYI DKA' BA SPYOD PA'I MDZAD PA DANG, CHOS 'KHOR BSKOR BA'I MDZAD PA DANG, SKU TSE RING THUNG SOGS LA KHYAD PAR YOD PAR LO NI DRUG KHRI DAG TU YANG, {,ZHES SOGS KYIS SGRUB NA THUN MONG BA'I LUGS YIN ZER DGOS KYANG, STON BA DANG DAM PA TOG DKAR SOGS SRID PA JI SRID GNAS KYI BAR DU YOD MED DANG, STON PA'I BA SPU'I KHUNGS BUR STON PA'I SNGON GYI SKYES RABS RNAMS YOD MED SOGS DPYAD BYA MANG NGO, ,PHAR PHYIN ZIN BRIS LAS, BO NA BCOM LDAN 'DAS KYI DGUNG LO BCU PA'I TSAD DANG, BRGYAD PA'I TSAD KYI SKU GZUGS ZER BA CI YIN ZHE NA, 'OD 'DOMS GANG BA SOGS THUN MONG GI DBANG DU BYAS PA YIN GSUNGS, DE LTAR NA SKU GZUGS DANG GTZUG GTOR GNYIS LA CHE CHUNG MED DAM ZHE NA, MA YIN TE, DPER NA SHAR PHYOGS KYI NAM MKHA' DANG NAM MKHA' GNYIS LA TSAD MED PAR MTSUNGS YANG, RGYAR NAM MKHA' LA PHYOGS MTSAMS BRGYAD DU BGOS PA'I SHAR PHYOGS KYI NAM MKHA' NI DE'I PHYOGS GCIG YIN LA, LHAG MA LA PHYOGS MTSAMS BDUN YOD PAS RGYAR CHE CHUNG YOD DGOS PA BZHIN YIN GSUNGS, ZHES PA LTAR CHE CHUNG RING THUNGS SOGS

041a

, ,DE LTAR 'JOG GO ,PHAR PHYIN ZIN BRIS LAS, SEMS TZAM PA 'GA' ZHIG DANG BYE MDO GNYIS SOGS KYI LUGS LA 'TSANG RGYA BA LA RGYA GAR RDO RJE GDAN DU 'TSANG RGYA DGOS ZHES GSUNGS BAS, YIG CHAR, NYAN SA DANG KUN BTUS LTAR GSUNGS BDE LA DGONGS LA, 'OG TU THUN MONG BA NYAN THOS SDE GNYIS SU MI RUNG BA'I SKYON LA SEMS TZAM PA MA GSUNGS PA GTZO BO LA DGONGS SAM DPYAD, THUN MONG BA NYAN THOS SDE GNYIS KYI LUGS LA STON PAS 'DZAM GLING BYE BA PHRAG BRGYAR MDZAD PA BCU GNYIS MDZAD NA, DAM PA TOG DKAR DANG YUM GYI LHUMS SU ZHUGS MA THAG PA'ANG BYE BA PHRAG BRGYA 'JOG DGOS LA, DE BZHAG NA YAB YUM DANG SRAS DANG KUN DGA' BO SOGS KYANG DE SNYED 'JOG DGOS PAS, DE DAG RGYUD GCIG THA DAD DANG 'PHEN BYED LAS SOGS KYIS SGRUB NA DKA' LA, RANG RES SKABS BRGYAD PAR, 'DZAM GLING BYE BA PHRAG BRGYAR MDZAD PA BCU GNYIS GCIG CAR BSTAN PA'I SGRUB BYED DU RGYA ROL THUB DGONGS SOGS DRANGS LA NYAN THOS SDE BA'I GZHUNG MA DRANGS PAS, 'DZAM GLING BYE BA PHRAG BRGYAR MDZAD PA GZHAN MA BSTAN KYANG, CHOS 'KHOR BSKOR BA'I MDZAD PA BSTAN PA SKABS BRGYAD PAR, 'O NA NYAN THOS SDE PAS 'DZAM GLING BYE BA PHRAG BRGYAR SH'AKYA THUB PA BYE BA PHRAG BRGYAS MDZAD PA CIG CAR BSTAN PAR MI 'DOD PAR THAL, DES DE BYE BA PHRAG BRGYA

041b

PO RGYUD GCIG PAR MI 'DOD PA'I PHYIR, ZHES SOGS KYI DGONGS PA YIN ZHES NA CHOG GAM DPYAD, THEG CHEN THUN MONG BA LTAR NA 'DZAM GLING BYE BA PHRAG BRGYA DANG, THUN MONG MA YIN PA LTAR NA STONG CHEN MO BYE BA PHRAG BRGYA RGYUD DANG PO, DE BYE BA PHRAG BRGYA RGYUD GNYIS PA, DE BYE BA PHRAG BRGYA RGYUD GSUM PA, DE BYE BA PHRAG BRGYA ZHING RAB 'BYAMS RGYA MTSO STE, ZHING DE SNYED NA YAB YUM SOGS YOD PAS DE DAG LA SGRON GSAL LTAR SANGS RGYAS DANG SEMS CAN GNYIS 'JOG DGOS LA, 'DZIN DUS SANGS RGYAS SU GYUR BA'I DE RNAMS DE'I MING CAN YIN GYI ZAS GTZANG SOGS MIN ZER DGOS TE, YIN NA DE DAG SEMS CAN MA YIN PAR THAL LO, ,THEG CHEN THUN MONG BAR YO GA PA'I LUGS GSUM GYI DANG PO SH'AKYA BSHES GNYEN DANG, SANGS RGYAS GSANG BA GNYIS KYIS RGYAL PO GZHON NU DON GRUB KYIS CHU BO NE RANYDZA NA'I 'GRAM DU DKA' BA SPYOD TSE RNAM SMIN GYI LUS DER BZHAG NAS 'OG MIN DU SANGS RGYAS TE SLAR LUS DE NYID LA ZHUGS PAR 'DOD PAS, DKA' BA SPYOD PA YAN SA BCU PA BA'I MDZAD PAR 'DOD LA, KUN DGA' SNYING POS YONGS GRAGS LTAR 'OG MIN DU RNAM SNANG CHEN PO'I NGOR SANGS RGYAS TE, RI RAB KYI RTZER YO GA'I RGYUD GSUNGS, DE NAS MI YUL DU ZAS GTZANG GI SRAS SU 'KHRUNGS BAR GSUNGS PAS, YOG PA'I LUGS SNGA MA DE RGYA CHER ROL PA LAS, SO SO SKYE BO YIN YANG NGA MI 'CHI, ZHES PA DANG PHYOGS MTHUN LA, KHA CIG GIS DGA'

042a

, ,LDAN DU SPRUL PA'I LUS GCIG BZHAG ZER BA YOG PA'I LUGS GNYIS DANG MI MTHUN GSUNGS PA YIN PAS, HAL MCHAN DU KUN DGA' SNYING PO'I LUGS DE YO GA PA'I LUGS GZHAN GNYIS DANG MI MTHUN PA LA BSHAD PA 'BREL MED DO, ,DGA' LDAN GYI CHOS KYI SKU RDO RJE'I LUS DE LAS MA G-YOS BZHIN DU ZHES PA DAM PA TOG DKAR LTA BU 'DZAM GLING DU PHEBS TSE THUN MONG BA'I NGOR SKU'I BKOD PA BSDUS KYANG SPYIR MA BSDUS PAR THUN MONG MA YIN PA LA DE LTAR STON PAS DE LAS MA G-YOS ZHES PA YIN KYANG, GNAS NGES PA DGA' LDAN KHO NAR BZHUGS PA DANG, LHAN CIG GNYIS MIN SANGS RGYAS ZHES SOGS THUN SNANG DU MI STON PA'I DON YIN PAS SKYON MED LA, STON PA DANG DAM PA TOG DKAR RGYU 'BRAS YIN KYANG, DUS MNYAM DU YOD PA'I DE GNYIS RGYU 'BRAS MIN PA SOGS ZHIB CHA MANG NGO, ,DAM PA TOG DKAR GYI RDO RJE'I LUS DE DE NYID KYI SKU'I SKYE BA BZHES PA DANG MNYAM DU BLANGS KYANG DE DUS GSAR DU THOB PA MIN PA DE'I RGYUD KYI RNAM MKHYEN DANG 'DRA LA, SA BRGYAD PA'I RDO RJE'I LUS DE ZAG MED YE SHES KYI RNAM SMIN DANG, DE DANG NGO BO DBYER MED YIN PAS MA RIG BAG CHAGS KYIS DANG ZAG MED LAS KYIS BSKYED PA MIN LA, BRTAG GNYIS t'IKA CHEN LAS, MA RIG BAG CHAGS KYIS DANG ZAG MED LAS KYI RKYEN GYIS YID KYI RANG BZHIN GYI LUS MTSAN

042b

DPES BRGYAN PA, ZHES PA SRID PA THA MA PA SOGS KYI SUS RAGS PA YIN TE, DE NYID LAS, LUS DE YANG YID LTAR THOGS PA MED PA'I LUS YIN PAS YID KYI RANG BZHIN GYI LUS ZHES BYA YI YID SHES DANG NGO BO GCIG PA'I LUS YIN PAS DE LTAR BRJOD PA MA YIN NO, ,ZHES GSUNGS PA'I PHYIR, MA RIG BAG CHAGS KYI SAS BSKYED PA'I ZAG MED LAS NI, GSER PHRENG LAS, SNGAR BSTAN PA BRGYAD LTA BUR MNGON NO, ,ZHES PA BLO GROS RGYA MTSOS ZHUS PA'I MDO LAS GSUNGS PA'I RGYU BRGYAD PO DE'I DBANG GIS 'KHOR BA'I GNAS SU SKYE BA BLANGS PA LA YANG GROGS MA RIG BAG CHAGS KYIS BSKYED PA'I LAS ZHIG DGOS PAS DE 'JOG PA'I DON YIN GYI RGYU BRGYAD PO 'JOG PA'I DON MIN TE, DE DAG LAM YIN PA RNAM BSHAD SOGS LAS GSUNGS PA'I PHYIR, DER MA ZAD SNYING RJE DANG SMON LAM GYI DBANG GIS DAG ZHING SOGS SU SKYE BA LA YANG MA RIG BAG CHAGS KYIS BSKYED PA'I LAS ZHIG DGOS PA'I PHYIR TE, SANGS RGYAS LA SKYE BA LEN RGYU MED BA BAG CHAGS KYIS MTSAMS SBYOR BA SPANGS PAS YIN PA'I PHYIR DANG, RGYUD BLA DAR t'I KA LAS, YID KYI RANG BZHIN GYI LUS 'GRUB PA'I RGYU NI, SNGAR BSHAD PA LTAR MA RIG BAG CHAGS KYIS DANG, ZAG PA MED PA'I LAS YIN LA, LUS DE DAG KYANG SNYING RJE DANG SMON LAM GYI DBANG GIS YIN MOD KYI ZHES DANG, MTHA' DPYOD LAS, MA DAG SA BDUN GYI SNYING RJE DANG SMON LAM GYI YID LUS LEN TSUL ZHES DE

043a

, ,'KHOR BA PHRA MOR BZHAG PA'I PHYIR RO, ,MI RTOG YE SHES KYI RNAM SMIN LA LONGS SPRUL GYI 'KHOR DU SKYE BA 'JOG GI BYANG 'PHAGS DE'I SKYE BA DANG LUS 'KHOR BA PHRA MOS BSDUS PAS MI 'JOG GO ,SANGS RGYAS KYI PHYAG SOR DANG PHYAG GNYIS LA CHE CHUNG RING THUNG YOD KYANG NAM MKHA' LTAR TSAD MED PA NI, YE SHES JI SNYED KHYAB GYUR PA, ,ZHES PA LTAR PHYAG SOR SOGS CHA SHAS RE RES YANG ZHING KHAMS THAMS CAD KHYAD PAR BYED PAS YIN NO, , DAM PA'I CHOS KYI PHYOGS GCIG 'DZIN PA NAS STONG NYID LA MOS PA'I BSOD NAMS KYI BAR DAM CHOS 'DZIN PA'I BSOD NAMS YIN KYANG, 'DIR SEMS BSKYED KYI BSOD NAMS LAS RIS SU MA CHAD PA'I DAM CHOS 'DZIN PAR MOS NA DE BSOD NAMS CHE BA DANG, DE LA STONG NYID KYI LTA BA NI, BSTAN PA'I SNYING PO YIN PAS DE LAS MOS PA PHAN YON CHE BA YIN NO, ,PHAR PHYIN ZIN BRIS LAS, YIG CHA'I ZUR 'GA' ZHIG TU DE DE'I RGYU'I GTZO BOR BSHAD PA 'DRA BA GCIG BYUNG BA NI, DE'I DANG PO'I RGYUR BSHAD PA YIN GYI DE'I RGYU'I GTZO BOR BSHAD PA MA YIN PA'I PHYIR, ZHES GSUNGS LA, DRI BA LHAG BSAM RAB DKAR LAS, BYANG CHUB KYI SEMS GNYIS LAS SANGS RGYAS SGRUB PA'I RGYU THUN MONG MA YIN PA GANG YIN ZHES PAR, BLO BZANG BZHAD PA'I SGRA DBYANGS LAS, NGES DON BYANG CHUB SEMS GNYIS LAS, ,RDZOGS PA'I SANGS RGYAS 'GRUB PA YI, ,THUN MONG MA

043b

YIN NYER LEN DU, ,KUN RDZOB BYANG CHUB SEMS LAGS TE, ,ZHES DES ZIN NA SANGS RGYAS KYI RGYUR 'GRUB PAS KUN RDZOB BYANG CHUB KYI SEMS DE GTZO BOR GSUNGS PA BZHIN THOG MAR YUM LA 'JUG PA DE DAD PA LA RAG LAS PAS RGYU'I GTZO BOR BSHAD KYANG GTZO BO MIN ZHES KYANG CHOG GO ,DGA' LDAN RTEN CAN GYI RJE BTZUN BYAMS PA 'DOD LHA'I LUS RTEN CAN MIN KYANG 'DOD LHA'I RTEN CAN YIN ZHES PA YE SHES KYI RANG BZHIN CAN GYI LHA'I RTEN ZHIG BLANGS PAS YIN LA, RI BONG RNAM CAN GYI SPRUL SKUS RI BONG GI RNAM PAR SPRUL PA LAS RI BONG GI RTEN BLANGS PA MIN PAS 'DRA'O,, ` ,,MDO LAS, RAB 'BYOR THAMS CAD SHES PA NYID NI ZHES SOGS KYIS MKHYEN PA GSUM RTEN SO SO'I YUM YIN PAR GSUNGS PA LA, YUM DU 'GYUR TSUL RANG RANG GI BZHED DON SGRUB PAS YIN ZHES MCHOD BRJOD 'DIR GSUNGS PAS NYAN RANG LHAG MED PAS KUN 'BYUNG SPANGS PAR 'GRUB STE, RANG LAM DU BZHED DON 'GRUB PA'I PHYIR, 'ON KYANG SH'A RI'I BU LTA BU LHAG BCAS NAS THEG CHEN DU 'JUG NA MI DGOS SO, ,RANG RGYAL MTHONG LAM DANG RANG RGYAL SLOB PA RNAMS MCHOD BRJOD KYI SHUGS BSTAN YIN KYANG, 'GREL PA'I TSIG DON GYI DNGOS BSTAN YIN TE, 'GREL PAR, DE'I PHYOGS SU BSLAN PA ZHES SOGS DANG, YIG CHA RNYING PA LAS, DNGOS SHUGS GNYIS KA'I DON 'CHANG PA LA GZHI THAMS CAD SKYE BA MED PA YONGS SU SHES PA ZHES SOGS GSUNGS PA'I PHYIR,

044a

, ,ZHES GSUNGS PAS DE'I DNGOS BSTAN GYI SKYE MED LA YANG PHYI DON GYI SKYE MED 'JOG DGOS PA'I PHYIR RO, ,AAR DANG RONG t'IKA PAS, MCHOD BRJOD DANG GLING GZHI RTZA 'GREL SBYAR PA'I SGRUB BYED DU BSTAN BCOS RIN CHEN SGRON ME DRANGS PA DE SENG BZANG GI YIN PAR 'DOD DAM SNYAM STE, NYA t'I KA LAS, BSTAN BCOS RIN CHEN SGRON MER NAS, TSIG BCAD YIN ZHES SENG BZANG GIS BSHAD DO, ,ZHE NA, BSTAN BCOS 'DI NI BOD KHA CIG GIS BYAS KYI SENG BZANG GIS MDZAD PA MA YIN NO, ,NAS, GZHAN YANG RGYA GAR MAR MING BTAGS NAS BOD KYIS BYAS PA DON BSDUS SGRON ME DANG, SDUD PA'I LDE MIG DANG, DHARM'A SHR'I'I 'BUM t'I KA DANG NYI KHRI'I GZHUNG 'GREL CHUNG BA SOGS MANG PO SNANG NGO, ,ZHES DANG, GSER PHRENG DU BA RAG THOS PA DGAS BYAS PAR GSUNGS PA'I DON YOD PA'I PHYIR, GSER PHRENG DU DON BSDUS SOGS BOD MAR BYAS PA YANG 'DI'I RJES SU 'BRANG BAR MNGON NO, ,ROL MTSO LAS, MDO'I SKABS NAS DNGOS SU BSTAN PA'I GZHI SHES KYI RTEN GYI GANG ZAG YIN NA, MCHOD BRJOD KYI SKABS NAS DNGOS SU BSTAN PA'I GZHI SHES KYI RTEN GYI GANG ZAG YIN PAS MA KHYAB PA'I PHYIR TE, DANG PO LA DGRA BCOM PA DU MA YOD, GNYIS PA DE YIN NA THEG DMAN SLOB PA YIN DGOS PA'I PHYIR, ZHES PA LEGS TE, MDO LAS, THAMS CAD KYANG

044b

DGRA BCOM PA ZHES GSUNGS PA'I PHYIR, 'DI RTOGS SNANG GI DGAG TSUL YIN NO, ,RONG t'I KA PAS 'DI DANG NYAN THOS RIGS CAN THEG PA GSUM LA RIM GYIS 'JUG PA'I CHED GNYIS KA ZER LA, RED MDA' BAS GDUL BYA THEG PA GSUM LA RIM GYIS 'JUG CHED YIN ZER BA LTAR RTOGS SNANG DU GSUNGS KYANG RNAM BSHAD DU BKAG GO ,NYA DPON GYI MCHOD BRJOD KYI DE DMAN MCHOG GI RIM DANG, LUS KYI DE MCHOG DMAN GYI RIM PA YIN ZER BA, RED MDA' BAS, MI 'THAD DE, DE NYID LA RGYU MTSAN GZHAN DGOS PA'I PHYIR RO, ,ZHES BKAG PA LTAR RO, ,BU t'I KA LAS, YUM SRAS MTSAN NYID PA BDAG NYID MI GCIG PA 'DOD KYANG, ZHES YUM SRAS RGYU 'BRAS SU GSUNGS LA, NYA t'I KA LAS, SNGA PHYI BSKYED BYA SKYED BYED DANG DUS MNYAM GSO BA DANG BZHED PA SGRUB PA'I YUM YIN PA'I TSUL GYIS SO, ,ZHES GNYIS GSUNGS SO, ,RJE BTZUN PA DANG BSOD GRAGS PA SOGS KYIS KYANG, 'GREL PAR, SANGS RGYAS LA SOGS PA BSKRUN PAR MDZAD PA NI ZHES PA DANG, RNAM BSHAD LAS, MKHYEN PA SNGA MAS NI NAS, YUM DANG SRAS GNYIS BSKYED BYA SKYED BYANG DU SHES PAR BYA'O, ,ZHES PA'I DON DU BYAS NAS YUM SRAS LA RGYU 'BRAS KYIS KHYAB PA DANG, RJE BTZUN PA'I MTHA' DPYOD DU RANG SRAS 'PHAGS PA'I BZHED DON PHUN TSOGS SGRUB NUS KYI MKHYEN PA DE, RGYAN GYI MCHOD BRJOD KYI YUL DU GYUR PA'I YUL GYI MTSAN NYID, ZHES GSUNGS NAS RNAM RDZOGS SBYOR BA YIN NA DE YIN BAS

045a

, ,KHYAB PAR GSUNGS PA LTAR, BSOD GRAGS PA'I MTHA' DPYOD DU YANG GSUNGS SO, ,SGONG MANG YIG CHA GSAR RNYING GNYIS KAS SKYE 'PHAGS GNYIS KA'I YUM GYI YIN PA YOD PAR THAL BA DANG, RGYUN MTHA'I BAR CHAD MED LAM 'BRAS YUM DU THAL BA 'PHANGS KYANG, SNGA MA LA 'DOD DANG, PHYI MA LA SANGS RGYAS 'PHAGS PA'I YUM YIN PA'I PHYIR NA MA KHYAB ZER RO, ,GSER PHRENG DRANGS NA DE SH'ANTI PA'I 'DOD PA'AM, BZHED DON SGRUB BYED KYI YUM LA DGONGS ZER STE, BSOD GRAGS PA'I SPYI DON LAS, SNGON GYI BZHED PA MI 'DRA BA YOD DE, MKHAS GRUB SH'ANTI PAS NI, ZHES DANG, DE'I MTHA' DPYOD LAS, SANGS RGYAS 'PHAGS PA'I YUM YIN PAR THAL, DE'I GZHED DON SGRUB PAR BYED PA'I YUM YIN PA'I PHYIR NA MA KHYAB PAR BSHAD ZIN TO, ,ZHES GSUNGS PA'I PHYIR, RANG LUGS LA 'GREL PA'I DON RANG SRAS 'PHAGS BZHI'I GZHED DON MTHAR THUG NYER ZHI SOGS BSKRUN PAS YIN TE, DE YUM GYI NUS PA LA DANG BA SKYES TSUL YIN PA GANG ZHIG ,DE'I NUS PA SRAS BZHI'I GZHED DON SGRUB PA'I NUS PA 'JOG GI SRAS BSKYED PA'I NUS PA MI 'JOG PA'I PHYIR TE, RTEN THABS 'BRAS BU GSUM GYI 'BRAS BU BSKYED PA'I NUS PA YIN PA'I PHYIR TE, RTZA BAR, NYER ZHER KHRID MDZAD ZHES SOGS KYIS 'BRAS BU GSUM THABS GSUM GYIS SRAS GSUM GYI RGYUD LA BSKRUN PAR MDZAD PA NI ZHES BSHAD DGOS PA'I PHYIR, DES NA RNAM BSHAD

045b

KYI DON YANG MKHYEN PA SNGA MA NYAN THOS MTHONG LAM LTA BUS RANG RGYUD LDAN GYI SRAS DE'I RGYUD LA GNAS SKABS SU 'PHAGS PA PHYI MA'I RTOGS PA SGOM LAM SOGS BSKYED CING, MTHAR THUG GI GZHED DON MYANG 'DAS GNYIS SGRUB PAR BYED PAS YUM SRAS NI BSKYED BYA SKYED BYED KYI YUM SRAS SU SHES PAR BYA'O, ,ZHES DAG LDAN LAS, JI SKAD BSHAD PA'I DON CHEN PO GSUM THOB PA'I PHYIR TE, ZHES DANG, DON GYIS NA SKYED PA DANG GSO BA YIN PAR SHES PAR BYA'O, ,ZHES BA'I DON GSER PHRENG LAS, DE LA YUM DU 'JOG TSUL SNGA MAS NGON PO NI MTHAR THUG DANG, PHYI MAS NI GNAS SKABS KYI BZHED PA SGRUB PAS YUM DU BZHAG PAR SNANG ZHING, ZHES PA LTAR GSUNGS TE, RNAM BSHAD YAS, SRAS BZHI'I GZHED DON SGRUB PA'I 'BYUNG GNAS TE RGYU LA'O, ,ZHES SRAS BZHI'I GZHED SGRUB PA'I RGYUR GSUNGS PA'I PHYIR, MA NI SHES RAB BCES PA DANG, SANGS RGYAS CHOS SKYED MA DANG ZHES PA LANG THEG CHEN TSOGS LAM LTA BU'I RGYUD LA SANGS RGYAS KYI BYANG CHUB SKYED PAS DE'I MAR BZHAG PA YIN GYI 'BRAS BU SANGS RGYAS KYI MA TZAM DU BZHAG PA MA YIN PA'I PHYIR DANG, LAM RIM GYI DRIN DRAN SKABS SU GNAS SKABS KYI LUG GSO PA DANG MTHAR NOR RDZAS GTONG PA SOGS DANG MTHUN PAS NYAMS LEN GYI GNAD KYANG YOD PA'I PHYIR, 'O NA KHYOD LTAR NA MCHOD BRJOD KYIS YUM LA RTEN THABS 'BRAS BU GSUM GYI SGO NAS MA BSTOD PAR THAL BA DANG, RANG SRAS 'PHAGS PA'I YUM BYED TSUL DNGOS SUM BSTAN PAR THAL, SRAS DE THABS

046a

, ,DE'I RTEN MA YIN PA'I PHYIR TE, DE'I 'BRAS BU YIN PA'I PHYIR, RTAGS KHAS, GZHED DON SGRUB PA'I YUM BYED TSUL LAS BSKYED BYA SKYED BYED KYI YUM BYED TSUL DNGOS SU MA BSTAN PA GANG ZHIG SNGA MA SGRAS BRJOD TZAM YIN PA'I PHYIR, PHYI MA KHAS, DANG PO GRUB STE, GSER PHRENG LAS, RTZA 'GREL GNYIS LAS NI SNGA MA KHO NA SNANG NGO, ,ZHES DANG, RNAM BSHAD LAS, BZHED DON DE SGRUB PAR BYED PA NYID KYI YUM DE LA PHYAG 'TSAL LO, ,ZHES GSUNGS PA'I PHYIR, GZHAN YANG, SANGS RGYAS 'PHAGS PA'I YUM LA TSOGS LAM YOD NA, DE'I YUM LA THEG DMAN TSOGS LAM KYANG YOD PAR THAL, SKYES BU CHEN PO'I LAM DU ZHUGS MA THAG PA'I YUM LA THEG DMAN GYI LAM YOD PA'I PHYIR, 'DOD NA, DE RANG SRAS SANGS 'PHAGS KYI BZHED DON SGRUB BYED LEN PAR THAL LO, ,GANG ZAG DE'I YUM DANG MKHYEN PA DANG MNGON RTOGS RNAMS DON GCIG YIN TE, GSER PHRENG LAS, 'DIR MNGON RTOGS YUM DANG GANG ZAG SRAS SU 'JOG PA NI, MA BU LTAR NGO BO BSKYED BAS 'JOG PA MIN NO, ,ZHES DANG, RNAM BSHAD LAS, YUM GYI LDOG PA NGOS BZUNG BZHED NAS, SHES RAB KYI GTZO BO BDAG MED RTOGS PA'I YE SHES DE NYID BSTAN PA YIN GYI YUM DANG MKHYEN PA LA DES KHYAB PAR STON PA MIN NO, ,ZHES YUM DANG MKHYEN PA KHYAD MED BYAS PA'I PHYIR, 'DIS RJE BCUN PAS LAM MA ZHUGS KYI SNYING RJE YUM DU 'DOD PA'ANG KHEGS SO, ,YIG CHAR, DE'I SKYED BYED YIN PAR THAL, DE'I SKYED BYED KYI YUM YIN PA'I PHYIR NA 'GAL KHYAB BO, ,ZHES PA DE'I RGYUD KYI ZAG MED KYI PHUNG PO MA SKYES PA SKYED BYED YIN PAS

046b

SKYED BYED KYI YUM ZHES BYA YI, SRAS DE SKYED BYED YIN PAS MI 'JOG CES RJE YAB SRAS DGONGS PA GCIG TU 'GREL BYED YIN PA'I PHYIR, DE LA KHO NA RE, SANGS 'PHAGS KYI RGYUR GYUR PA'I RNAM MKHYEN CHOS CAN, SANGS 'PHAGS KYI SKYED BYED MA YIN PAR THAL, DE'I SKYED BYED KYI YUM YIN PA'I PHYIR, DER THAL, DE'I YUM YIN PA'I PHYIR, RTAGS KHYAB KHAS ZER NA, RTZA BAR MA KHYAB STE, RANG SRAS 'PHAGS PA'I YUM YIN NA, RANG SRAS 'PHAGS PA'I SKYED BYED MA YIN PAS KHYAB CES PA YIN LA, DE RANG SRAS SANGS 'PHAGS KYI YUM YIN PAS SANGS 'PHAGS KYI YUM DU BZHAG KYANG, SANGS 'PHAGS DE'I SRAS MA YIN PA'I PHYIR, YIG CHA RNYING PAR, KHO NA RE, GZHI SHES NYAN RANG 'PHAGS PA'I YUM YIN PAR THAL, DE NYAN RANG 'PHAGS PA NYER ZHI DER 'KHRID PAR BYED PA'I YUM YIN PA'I PHYIR NA MA KHYAB, RTAGS GRUB STE, NYAN THOS ZHI BA 'TSOL RNAMS ZHES SOGS GSUNGS PA'I PHYIR, ZHES MKHYEN PA GZHAN GNYIS LA YANG GSUNGS PA YIG CHAR, RTEN NYAN RANG NYEN ZHI 'DOD PA RNAMS 'BRAS BU SDUG BDEN RAGS PA NYER ZHIR 'KHRID PA'I SGOS BSTOD PA'I PHYIR, ZHES PA DANG 'GRIG PA LTAR SNANG YANG, DE LA GZHI SHES CHOS CAN, NYAN RANG 'PHAGS PA'I GZHED DON SGRUB BYED KYI YUM YIN PAR THAL, DE NYER ZHIR 'KHRID PA'I YUM YIN PA GANG ZHIG ,BZHED DON SGRUB TSUL DE YIN PA'I PHYIR, 'DOD NA, DE'I YUM YIN PAR THAL LO, ,RNAM BSHAD LAS, SGABS 'DIR GZHI SHES NYAN RANG GI MNGON RTOGS SU BSHAD PA JI LTAR ZHE NA, RNAM BZHAG GI RTEN THA DAD PA TZAM DU ZAD DE, NYAN RANG 'PHAGS PA RNAMS KYIS NYER ZHI TZAM SGRUB PA LA GZHI SHES DGOS SHING, GZHI SHES TZAM GYIS NUS PA'I PHYIR, ZHES PA LTAR RNAM BZHAG GI RTEN GYI DBANG DU BYAS PA'I NYAN RANG

047a

, ,GI YUM BYED TSUL GYIS SGOS BSTOD PA'I DON YIN TE, BSTOD YUL GTZO BO THEG CHEN GYI GZHI SHES YIN PA'I PHYIR, YIG CHA RNYING PAR, YUM SGYU MA LHA MDZES 'JIG RTEN GRAGS TSOD KYI STON PA'I YUM DANG, SGRA GCAN 'DZIN 'JIG RTEN GRAGS TSOD KYI SRAS SU GSUNGS PA LEGS SO, ,YIG CHAR, GONG NAS GONG DU SKYED PA'I YUM ZHES PA YON TAN SNGAR MA SKYE PA SKYED BYED DANG, GSER PHRENG DU RNAM MKHYEN MA SKYES PA BSKYED PA'I YUM DU MI GZUNG ZHES PA SNGAR MA THOB PA THOB BYED KYI YUM MIN PA LA DGONGS LA, DE YANG RANG SRAS SANGS 'PHAGS KYI RGYUD LA YON TAN PHYI MA MA SKYE PA SKYED BYED YIN PA'I PHYIR, DOGS SLONG GI DE MIN SNYAM, NYAN THOS TSOGS LAM DE GSO BYED KYI YUM DU 'JOG TSUL DOGS SLONG LTAR RAM, YANG NA ZAG MED PHUNG PO'I RGYUN GNAS BYED YIN PA'AM, YANG NA, ZAG MED SBYAR BA DNGOS BSTAN GTZO BO'I YUM LA YIN GYI, SPYIR RTOGS PA SKYES ZIN GNAS PAR BYED PA LA BYAS NA YIG CHA'I RANG LUGS SOGS SU ZAG MED MA SBYAR BA DANG 'GRIG GAM DPYAD, BU NYA GNYIS KYIS NYAN THOS ZHI BA TSOL RNAMS ZHES PA'I RNAMS MANG TSIG YIN PAS DBYE BA BSTAN PAR BYAS NAS, DE LA BSDU BA LAS, SPRUL PA'I MNGON PA'I NGA RGYAL CAN GYI BYANG CHUB TU YONGS SU 'GYUR BA'I, ZHI BA BGROD PA GCIG PA'I NYAN THOS SO, ,ZHES PA LTAR BZHI DANG, BYANG SEMS LA, MDO SDE RGYAN LAS, GCIG NI MOS PA DANG LDAN PA, ,LHAG PA'I BSAM PA DAG PA BZHIN, ,MTSAN MA DANG NI MTSAN MED DANG, ,MNGON PAR 'DU BYED MED SPYOD PA, ,ZHES PA LTAR LNGA BYAS PA SPYIR DBYE TSUL TZAM YIN NA RUNG

047b

YANG, RNAMS ZHES PAS BSTAN PAR BYAS NA MI 'THAD DE, NYAN THOS DANG PO GNYIS NYAN THOS BTAGS PA PA YIN PA'I PHYIR RO, ,MNGAL LTA BU'I LAM LA, MDO SDE RGYAN LAS, SEMS DANG SHES RAB DANG NI TSOGS DANG SNYING RJE 'DI'I, ,ZHIS TSOGS GNYIS BZHAG PA RANG LDOG TZAM MAM THAMS CAD 'JOG DPYAD,, ` ,,RGYAN GYI CHED DU BYA BA'I GDUL BYA DBANG RTUL RGYAN LA THOG MAR RTZA BA'I SEMS KYI SGO NAS ZHUGS PA NA MI LDOG PA'I DAD PAS ZHUGS TE, CHED DU BYA BA'I GDUL BYAR GYUR BA DUS MNYAM PA 'GREL BA SOGS KYIS 'GRUB LA, DER GYUR MA THAG PA'I SBYOR LAM PA YANG YOD DGOS TE, BDEN BZHI'I CHOS 'KHOR GYI CHED DU BYA BA'I GDUL BYA GYUR MA THAG PA'I SBYOR LAM PA YOD PA'I PHYIR DANG, RGYAN LA THOS SOGS KYIS ZHUGS MA THAG PA'I SA BCU PA PA YOD PA'I PHYIR, 'O NA DE 'DRA'I SBYOR LAM BA DES STONG NYID MA RTOGS PAR THAL, DE 'DRA'I DBANG RTUL TU GYUR MA THAG PA YIN PA'I PHYIR, KHYAB STE, YIG CHAR, DES DE LTAR MA RTOGS PA'I SOGS THOG MAR DANG BA SKYED PA'I PHYIR NA MA KHYAB, CES GSUNGS PA'I ZER NA, DE DBANG RTUL SPYI TZAM LA DGONGS KYI MA KHYAB CES CHOG GO ,GSER PHRENG LAS, GANG ZAG GTZO BOR BYAS NAS 'JUG PA'AM TSIG TZAM LAS YID CHES SKYE BA'I ZHES PA LTAR SBYOR LAM PA DES DON RTOGS KYANG DE TSE DE LA MI DPYOD PAR TSIG TZAM GYIS MI LDOG PA'I DANG BA SKYED PA'I PHYIR, DE BZHIN DU 'GREL PA'I ZIN BRIS SOGS LAS RGYAN GYI CHED DU BYA BA'I GDUL BYA DBANG RNON GYIS THOG MAR STONG NYID RTOGS PA DE'ANG BUM PA LTA BU'I STONG NAS GTAN LA 'BEBS PA YIN NAM ZHE NA MA YIN

048a

, ,TE, ZHES PA YANG, DES MI LDOG PA'I DANG BA SKYE BA'I SNGON DU STONG NYID RTOGS DGOS ZHES PA GZHI LAM RNAM GSUM GYI STENG GI STONG NYID RTOGS DGOS ZHES PA YIN TE, 'OG TU MYU GU BDEN MED RTOGS PAS MKHYEN GSUM GYI STENG GI DOGS PA DE SEL MI NUS PA'I PHYIR, ZHES GSUNGS PA'I PHYIR DANG, DBU MA RGYAN SOGS LAS, THEG CHEN RIGS DES DBANG RNON GYIS THOG MAR SEMS STENG GI STONG NYID RTOGS DGOS PAR GSUNGS PA YANG SEMS BSKYED PA'I SNGON DU YIN GYI RIGS NGES DBANG RNON STONG NYID RTOGS MA THAG PA YIN NA, SEMS STENG GI STONG NYID RTOGS PAS MA KHYAB PA'I PHYIR, KHA CIG ,RGYAN GYI CHED DU BYA BA'I GDUL BYA DBANG RNON RGYAN LA YID CHED KYI DAD PAS ZHUGS PA LA STONG NYID RTOGS DGOS ZER BA MI 'THAD DE, DES DGOS SOGS YOD SNYAM PA'I THE TSOM GYIS 'JUG TSE RTZA BA'I SEMS KYIS ZHUGS PA GANG ZHIG ,DE'I TSE MKHYEN GSUM GYI NGO BO DANG NUS PA'I YON TAN LA NGES PA MA RNYED PA'I PHYIR TE, DRANG NGES DKA' 'GREL LAS, DE DUS YID CHES RNYED KYANG SLAR DE'I DON LA TSAD MAS NGES PA RNYED DE SGRO 'DOGS LHAG MED DU CHOD PA NA YID CHES SHUGS DRAG TU SONG STE, MI LDOG PA'I DANG BA SKYE BA'I PHYIR TE, 'GREL CHUNG GI DON YANG DE YIN PA'I PHYIR, ZHES GSUNGS PA'I PHYIR, NYAN THOS KYI THEG PA'I KHYAD CHOS BDUN NI, RIGS NGES MA NGES RIGS KYI KHYAD PAR, RANG BZHIN GYIS DBANG RTUL DBANG PO'I KHYAD PAR, RANG GCIG BU THAR BAR SMON PA SMON LAM GYI KHYAD PAR, 'KHOR BAR YID 'BYUNG BA SOGS BSAM PA'I KHYAD PAR, NYAN THOS KYI

048b

SDE SNOD LA DMIGS PA'I DMIGS PA'I KHYAD PAR, THAR PA DANG MTHUN PA'I CHOS SGRUB PA SPYOD PA'I KHYAD PAR, THAR PA THOB PA'I 'BRAS BU'I KHYAD PAR RO, ,RANG RGYAL LA YANG RANG BZHIN GYIS DBANG 'BRING MA GTOGS PHAL CHER 'DRA LA, THEG CHEN LA YANG SNGA MAS DPAG STE SHES PAR BYA'O, ,RID MDA' BA'I NYI ZER LAS, YUM GYIS SRAS BZHI BSKRUN PA NI SHIN TU LKOG GYUR YIN PAS DNGOS STOBS KYI SGRUB BYED MI RNYED PA'I PHYIR, NAS, SGRUB MCHOD BRJOD KYI LUNG MTHONG BA'I PHYIR RO, ,ZHES PA RNAM BSHAD LAS, DBANG RNON DANG BA SKYE BA RGYU MTSAN LA LTOS PAS GNOD PA MA MTHONG BA NYID RGYU MTSAN YIN GYI, MCHOD BRJOD KYI LUNG RGYU MTSAN DU BYAR MI RUNG STE, ZHES SOGS KYIS 'GOG TSUL MCHOD BRJOD DON LA GNOD PA MA MTHONG PA NYID RGYU MTSAN YIN ZHES DNGOS STOBS KYI SGRUB BYED MED PA BKAG LA, LUNG RGYU MTSAN YIN NA, DBANG RNON LUNG DON MKHYEN GSUM GYI YON TAN LA DPYAD PA DANG PO GNYIS KYIS DAG NAS LUNG SGRUB BYED DU KHAS LEN PA YIN DGOS PA LA, DE 'DRA'I YON TAN YOD PAR SGRUB PA'I SKABS 'DIR DANG PO GNYIS KYIS MA DAG PAS GSUM PA'I DPYAD PA BYED PA DE MI 'THAD PA'I PHYIR, ZHES BKAG GO ,DES KHA CIG DANG BA SKYE BA'I RGYU MTSAN MA BSTAN ZER BA'ANG KHEGS SO, ,DPYAD PA GSUM PA DANG PO GNYIS KAR BSDUS NAS DANG PO GNYIS KYIS DAG PA'I RTAGS KYIS SGRUB TSUL, RNAM DES t'I KA CHEN LAS, YUL GNYIS RNAM PAR DAG NA DE'I TSE KHAS LEN PA'I DUS YIN NO, ,ZHES JI LTAR BRJOD CE NA, SKYON MED DE, NAS, SHIN TU LKOG GYUR STON PA'I NGAG LA SNGA PHYI BA RANG DNGOS SHUGS

049a

, ,'GAL BA MED PA NI DNGOS STOBS KYI TSAD MA'I GZHAL BYA YIN PAS, YUL GNYIS RNAM PAR DAG PA NA DPYAD PA GSUM KAS DAG PAR 'GYUR BA YIN NO, ,ZHES PA LTAR RANG TSIG 'GAL BAS GNOD PA MED PA DNGOS STOBS KYI YUL YIN PAS DE'I DPYAD PAR 'DU'O, ,RGYU BZHIS BSAM GYIS MI KHYAB PA'I KHYAD PAR BZHI NI, ,KUN BTUS DAR t'I KA LAS, 'BRAS BU MI 'DRA BA SNA TSOGS GRUB PA RNAMS 'GRUB PAR BYED PA'I RGYU'I LAS TSE SNGA MA LA GNAS GANG DU BYAS PA DANG, SEMS CAN DANG SEMS CAN MA YIN PA'I DNGOS PO GANG LA BRTEN NAS BYAS PA DANG, RGYU'I KHYAD PAR CI 'DRA BAS BYAS PA DANG, RNAM SMIN GANG LA BRTEN NAS BYAS PA SOGS RIGS PA TZAM GYIS BSAM PAR BYA BYA MA YIN TE, ZHES GSUNGS PAS, DE LAS PHRA BA'I KHYAD PAR TZAM LAS BSAM GYIS MI KHYAB PA THAMS CAD MI SBYAR TE, RDZAS DANG, SMAN DANG, SNGAGS DANG, MKHYUD SBYANG KYI NUS PA BSAM GYI MI KHYAB PA LA SBYAR DU MED PA'I PHYIR RO, , GZHAN LUNG RNAM DAG LA GNAS GSUM STON PA DANG, DPYAD PA GSUM GYIS DAG BAS KHYAB PA SOGS GNAS GSUM SKABS KYI MCHAN GYI DON RNAMS DBU TSAD KYI SKABS SU BSHAD ZIN TO, ,KHO NA RE, MNGON MTHO NGES LEGS GNYIS RTAGS KYIS SGRUB TSE THOG MAR NGES LEGS SGRUB PA MI 'THAD PAR THAL, SKYES BU CHUNG DUS 'KHOR BA'I MNGON MTHO RTOGS NAS DON DU GNYER ZHING LAS 'BRAS LA YID CHES SKYES PA'I PHYIR NA MA KHYAB STE, 'DI KHYAD PAR BZHI SOGS TSANG BA'I

049b

LAS KYIS MNGON MTHO SGRUB TSUL YIN PA'I PHYIR RO, ,RNAM BSHAD DU SKABS 'DIR DBANG RNON DANG BA SKYE BA'I RGYU MTSAN MA BSTAN PAR 'DOD PA BKAG PA DE RONG t'I KA PA YIN NAM SNYAM STE, BSOD GRAGS PA'I MTHA' DPYOD LAS, 'DI'I PHYOGS SNGA SMRA PA PO RONG t'I KA LA YIN CING, ZHES GSUNGS PA'I PHYIR, DE LA RNAM BSHAD LAS, DBANG RNON GYI SKABS 'DIR ZHES SOGS KYIS DBANG RNON GYIS MKHYEN GSUM GYI NGO BO DANG NUS PA'I YON TAN BSTAN PA RGYU MTSAN DU BYAS NAS DE MTHONG STE DANG BSHUGS DRAG SKYE NA NYES PA CI YOD DRIS PAR, DE LTAR NA 'GREL PAR BSHAD PA'I GO RIM DANG 'GAL LO ZHEN, 'O NA NGO BO DAD NAS P'A YON TAN RTOGS NA RGYAN GYI DON KUN SHES PA'I KHYAB PAR 'GYUR RO ZHES BKAG GO ,YIG CHAR, RNAM BSHAD LAS, 'DI DAG GIS NI NAS, ZHES PA'I NI MI DGOS TE, 'DI DAG GIS 'KHRUL GZHI BSKYED NAS ZHES GSUNGS PA'I PHYIR, 'DI SKABS RONG t'I KA BA DGAG TSUL YIG CHAR GSAL LO, ,DON DAM SEMS SGOM LAS, SGYU MA 'DRA SOGS DPE MTHA' YAS, ,THEG PA SNA TSOGS THABS TSUL GYIS, ,MI GNAS DBU MA NYE BAR MTSON, ,ZHES PAR BRTEN NAS LCANG SKYA'I GRUB MTHAR, SNGA RABS BAS SGYU MA RIGS GRUB PA SOGS KYI DON BSHAD PA RJE RIN PO CHES BKAG GI THA SNYAD TZAM MA BKAG CES MKHAS GRUB NOR BZANG BAS GSUNGS PA 'THAD PHYOGS SU MDZAD KYANG, GAL TE 'DOD NA, DON DAM PAR MI GNAS SHING THA SNYAD SGYU MA TZAM DU GRUB PAR 'DOD PA'I DBU MA PA SPYI LA SBYAR BA LAS THAL RANG SO SOR MI SBYOR RAM DPYAD SA SKYA PA SOGS SNGA MA MANG POS, RANG RGYUD PAS RANG

050a

, ,MTSAN MI 'DOD PAR, ,TSIG GSAL LA LAS, DBU MA PA YIN NA, RANG RGYUD KHAS LEN MI RIGS PAR GSUNGS PAS SGRUB KYANG, RANG LUGS LA DES RANG MTSAN BZHED PA SHES RAB SGRON ME LAS, KUN BTAGS MED PA MA YIN TE, ZHES SOGS KYIS THAG PA SPRUL LO SNYAM PA'I BZUNG DON MED KYANG SPRUL 'KHYIL BA LA SGRUL LO SNYAM PA'I BZUNG DON THA SNYAD DU YOD PA BZHIN DU GZUGS LA TSOR BA'O SNYAM PA'I 'DOGS BYED 'KHRUL PA'I GZUNG DON MED KYANG DE LA GZUGS SO SNYAM PA'I 'DOGS BYED MA 'KHRUL BA'I BZUNG YUL THA SNYAD DU RANG MTSAN GYIS YOD LA, GDAGS GZHI GZUGS SOGS NGO BO DANG KHYAD PAR DU BTAGS PA'I GZHIR RANG MTSAN GYIS MED NA GRAGS PAS GNOD CES BKAG PAS, LEGS BSHAD SNYING PO LAS, YOD MED NI ZHES SOGS PHYI MA GDAGS GZHI 'GOG PA'I SKABS YIN PAS, DES NGO BO DANG KHYAD PAR DU BTAGS PA'I GZHIR RANG MTSAN GYIS MED PAR 'DOD PA BKAG PAS DER GRUB PAR GSAL BAR BSTAN LA KHA CIG GIS DE MA 'THAD PAR SHER SGRON DANG LEGS BSHAD SNYING PO'I LUNG GIS SGRUB PA LA LUNG DE GNYIS GZHI DER DON DAM PAR GRUB PA 'GOG PA YIN PA MCHAN LTAR RO, ,DES KHA CIG GRUB MTHA' CHEN MO LAS, 'ON KYANG BRDAS BZHAG PA DNGOS PO'I SDOD LUGS YIN PA DANG MING BRDAS BZHAG PA'I YUL DON DAM PAR GRUB PA KHO LA MED PA LA DBU MA PA'I RIGS PA DES PAR DGOS PAS KHYAB BAM ZHE NA, DE GNYIS KA MIN TE, ZHES SOGS KYI TSIG RIS LA 'KHRUL NAS RANG 'DZIN RTOG PA'I ZHEN GZHIR

050b

RANG MTSAN GYIS MA GRUB ZER BA YANG SEL LO, ,RJE BTZUN PA'I SPYI DON DANG MTHA' DPYOD GNYIS KAR BUM PA'I DON SPYI RTOG PAS BTAGS TZAM DANG, SHES BYA RANG MTSAN MIN PAR GSUNGS LA, YIG CHA GSAR RNYING GNYIS KAR, RJES BYANG CHUB BLA MA'I DRIS LAN LAS, DE'I LUGS KYI SGYU MA LTA BUR SMRA BA'I DON DE LA KUN RDZOB TU RTOG PAS BZHAG TZAM DANG MIN PA'I DON TSANG NGO, ,ZHES SOGS KYIS BKAG KYANG, LEGS BSHAD SNYING PO LAS, KUN BTAGS NI NAS, SGRA RTOGS GIS BTAGS PA TZAM DU ZAD PA'I DON NO, ,ZHES PAS SKABS 'DI'I KUN BTAGS TSUL NI, SGRA RTOG GI GZHIR DON DAM PAR KUN BTAGS PA YIN LA, DGONGS 'GREL LAS, DE NYID MING BRDAS BZHAG PAR GSANGS PA NI DON DAM DER SGRA RTOG GIS BTAGS PA TZAM DU ZAD PA'I DON NO, ,ZHES DGONGS 'GREL LAS, MING BRDAS BZHAG TZAM DU GSUNGS PA SOR BZHAG MA MDZAD PAR DGONGS PA BLANGS PA'I PHYIR, GZHAN DU NA MI BRDAS BZHAG TZAM DU GSUNGS PA MING BRDAS BZHAG TZAM DU ZAD PA'I DON NO, ,ZHES PAR 'GYUR PA'I PHYIR RO, ,SGYU MA'I RTA 'JOG BYED KYI SHES PA RNAM BSHAD DGONGS PA RAB GSAL LAS, DE LTAR SGYU MA'I SNANG BA NI RNAL 'BYOR SPYOD PA'I DBU MA PA LTAR NA RANG RIG MNGON SUM DANG, PHYI ROL KHAS LEN PA'I RANG RGYUD PA LTAR NA SA PHYOGS SAM BAR SNANG LTA BU'I GZHI 'DZIN PA'I DBANG PO'I MNGON SUM GYIS 'GRUB LA, ZHES PA LTAR, MDO SEMS RANG RGYUD PA RANG RIG 'DOD PA RNAMS KYIS SGYU MA MKHAN PO'AM MIG BSLAD PA'I BLTAD MO BA SGYU MAR MTHONG THOS YOD PA RNAMS KYI RGYUD

051a

, ,KYIS SGYU MA'I RTA RTAR SNANG BA'I MIG SHES NYAMS MYONG GI RANG RIG GIS MIG SHES DNGOS SU MYONG BA'I SHUGS LA DE LA RTAR SNANG RGYU'I SGYU MA'I RTA DE GRUB PAR 'DOD PAS DE LDAN MIN DANG, PHYI DON 'DOD PA LEGS LDAN GYIS DE DAG GI RGYUD LA SKABS 'GAR SGYU MA'I RTA RTAR SNANG BA'I MIG SHES DANG SKABS 'GAR SA PHYOGS DANG BAR SNANG CI RIGS 'DZIN PA'I MIG SHES TSAD MA SKYE PAS DES GRUB PA'I GZUGS KYI SKYE MCHED YIN TE, DBU MA RGYAS PA LAS, MDO SDE SPYOD PA'I DBU MA PA LTAR NA, RTA GLANG PHYI DON DANG KUN BTAGS PA'I GZUGS KYI SKYE MCHED YIN PAS ZHES GSUNGS PA'I PHYIR, THAL 'GYUR BAS SGYU MA'I RTA RTAR SNANG BA'I MIG SHES RANG GI SNANG BA LA MNGON SUM GYI TSAD MA YIN PAS NGES BZHAG PA YIN LA, SNANG ZHEN GNYIS KA YOD PA'I BLTAD MO BA'I MIG SHES KYIS RANG GI SNANG BA RTOGS KYANG SGYU MA'I RTA MA RTOGS STE, DES SGYU MA'I RTA RTOGS NA DE SGYU MA'I RTAR RTOGS DGOS LA, DE RTOGS NA RTA MA YIN PAR RTOGS DGOS PA'I PHYIR, YANG DES SGYU MA'I RTA RTOGS PAR THAL, DE'I SNANG BA DE SGYU MA'I RTA YIN PA'I PHYIR NA MA KHYAB ZER DAM DPYAD BYA MANG NGO, ,KHA CIG GIS, SGYU MA'I RTA 'JOG BYED DE RTA MA YIN PAR RTOGS PA'I RTOG PA KHO NA 'JOG PAR DBU MA SNANG BA DANG LAM RIM GYIS DE RTA GANG DU SNANG BA LTAR MED PA YID SHES KYIS NGES PAR GSUNGS PAS SGRUB NAS, SNGAR GYI RNAM BSHAD KYI DE DE YOD PAR 'JOG BYED YIN GYI 'JOG BYED MIN PAR BSHAD NAS, SGYU MA'I RTA DANG

051b

RMIL LAM GYI RTA GNYIS 'PHRAL GYIS 'KHRUL RGYUS BSLAD PA'I SHES PA'I SNANG BA TZAM DU MTSUNGS LA, RMI LAM GYI RTA LDAN MIN MIN PAR RNAM 'GREL LAS, SHES KUN DON LDAN PHYIR ZHE NA, ,'THAD MIN RMI SOGS RNAM GZHAN DU, ,MTHONG PHYIR 'DU BYED LAS KYANG MIN, , ZHES PAS SGRUB CING, SGYU MA'I RTA KUN BTAGS YIN PA STONG THUN LAS, CI RTOG MED DBANG SHES LA RTOG PAS BTAGS TZAM GYI SNANG BA JI LTAR 'CHAR ZHEN, DE 'CHAR BA 'GAL NA NI, DBANG SHES LA SGYU MA'I RTA GLANG GI SNANG BA 'CHAR MI SRID PAR THAL, SGYU MA'I RTA GLANG RTOG PAS BTAGS TZAM YIN PA'I PHYIR, ZHES PAS SGRUB NAS DE GNYIS RTAG PA YIN PAR BSHAD PA TSIG LA 'GRIG PA LTAR SNANG YANG, DPYAD NA SNYING PO MED DE, SGYU MA MKHAN GYI RGYUD KYI SGYU MA'I RTA RTA MA YIN PAR RTOGS PA'I RTOG PA'I SNANG NGOR DE RTAR SNANG BA MED PAR MA ZAD, DE LA SGYU MA'I RTA YANG MI SNANG BA'I PHYIR, MA GRUB NA, SGRA RTAG STONG DU RTOGS PA'I RTOGS PA'I SNANG NGOR SGRA RTAG PAR SNANG BA YOD PA DANG, DES SGRA YANG RTOG PAR THAL, SGYU MA'I RTA RTA MA YIN PAR RTOGS PA'I RTOG PA DE LA SGYU MA'I RTA RTAR SNANG BA YOD LA, DE SGYU MA'I RTA 'JOG BYED KYANG YIN PA'I PHYIR, RTAGS KHAS, RNAM 'GREL GYI LUNG DE RMI LAM GYI SNGO SOGS SNANG BA'I SHES PA BYE SMRAS MING SPYI LDAN MIN GZUNG DON DU BYAS NAS SKYES PAR 'DOD PA 'GOG BYED YIN GYI RMI LAM LDAN MIN MIN PAR STON PA MIN TE, t'I KA CHEN LAS, DE'I TSE'ANG MING SOGS LDAN PA MIN PA'I 'DU GZUNG DON NO, ,ZHE NA, SNGO SOGS SU SNANG BA'I RMI LAM GYI SHES PA NI MING SOGS LDAN MIN 'DU BYED GZUNG DON DU BYAS PA LAS SKYE BA MIN TE, DE NI SNGON PO LA SOGS PA'I RNAM PAR SNANG GI MING SOGS KYI RNAM PAR MI SNANG

052a

, ,BA'I PHYIR RO, ,ZHES GSUNGS PA'I PHYIR DANG, RMI LAM GYI SNGO SOGS SNANG BA'I BLO LA RTOG PA RTOG MED GNYIS YOD PA'I SNGA MA'I SNANG BA RTAG PA DANG, PHYI MA'I SNANG BA LDAN MIN YIN PA'I PHYIR TE, RNAM 'GREL LAS, RKUN BO RMI SOGS KYIS BSLAD PAS,, ZHES SOGS KYIS GSAL SNANG CAN GSUNGS PA'I PHYIR, SGYU MA'I RTA RTAG PA MIN TE, MDO SDE RGYAN LAS, DE MED NA NI DE YI RGYU, ,GSAL BAR DMIGS PA JI LTA BAR, ,ZHES DANG, DBYIG 'GREL LAS, JI LTAR SGYU MA BYAS PA DE MED NA DE'I RGYU SHING LA SOGS PA'I DON LANG DAG PAR GSAL BAR DMIGS PA DE BZHIN DU ZHES DANG, LEGS BSHAD SNYING PO LAS, DES NA RGYU RKYEN LAS SKYE BAS GZHAN DBANG YANG DAG PAR YOD MI DGOS TE, GZHAN DU NA SGYU MA LA SOGS PA'I BRDZUN PA RNAMS KYANG BDEN PA'I DNGOS POR 'GYUR RO,, ZHES SGYU MA SOGS RGYU RKYEN LAS SKYES PAS BDAN PA'I DNGOS POR 'GYUR BAR THAL BA 'PHANGS LA, RANG GI GNYUG MA'I RGYU RKYEN LAS DER SNANG DU BSKYED PA MIN TE, ZHES SNGAGS RDZAS SOGS GLO BUR BA'I RGYU RKYEN LA MA LTOS BAR GNYUG MA STE DANG PO'I RGYU SPRUL GZHI TZAM LAS BSKYED PA MIN PAR GSUNGS LA, BSES BSDUS GRVA RTZOM 'PHRO LAS, SGYU MA'I RTA CHOS CAN, DNGOS PO MA YIN PAR THAL, CHOS KYI SKYE MCHED PA'I KUN BTAGS PA'I GZUGS YIN PA'I PHYIR, DER THAL, SGYU MA'I SNANG BA BDUN PO RE RE DE DE YIN PA'I PHYIR, RTZA BAR 'DOD NA, DE CHOS CAN, DNGOS PO YIN PAR THAL, RANG RGYUD SPRUL GZHI DANG SNGAGS RDZAS SOGS LAS SKYES PA'I PHYIR, ZHES GSUNGS PA'I PHYIR, STONG THUN GYI DON SGYU MA'I RTA RTA YIN PAR RTOG PAS BTAGS TZAM YIN PA'I DON YIN

052b

TE, GONG DU DBANG SHES LA SNANG TSUL LTAR ZHEN PA 'GOG PA GTZO BOR MDZAD DO, ,ZHES DBANG SHES LA MI BRDA'I GZHIR RANG MTSAN GYIS GRUB PAR SNANG YANG DE KUN BTAGS YIN PA'I DPE YIN PA'I PHYIR RO, ,LEGS LDAN GYI LUGS LA SGYU MA'I RTA GZUGS KYI SKYE MCHED YIN BYAS KYANG, RNAM BSHAD DGONGS PA RAB GSAL LAS, GZUGS BRNYAN YANG GZUGS KYI SKYE MCHED DU BZHED PA TE, NAS, TSUL DE DAG NI MIG LA RTA GLANG DU SNANG BA'I SGYU MA DANG BRAL CHA SOGS LA YANG SHES PAR BYA STE, LUGS DAM PA 'DI YI RNAM BZHAG THUN MONG MA YIN PA'O, ,ZHES PA DANG MI 'GAL TE, DE NI GONG DU GZUGS SGRA RANG MTSAN GYIS GRUB PAR SNANG BA'I DBANG SHES DANG, GZUGS BRNYAN BYAD BZHIN DU SNANG BA'I DBANG SHES GNYIS SNANG YUL LA 'KHRUL MA 'KHRUL 'DRA BA DANG, SGYU MA'I RTA RTAR MED KYANG RTAR SNANG BA'I SGYU MA'I RTA YOD PA BZHIN DU SNGO SOGS RANG MTSAN GYIS GRUB PA MED KYANG, DER SNANG BA'I SNGO SOGS THA SNYAD DU YOD PA DPE DON SBYOR BA THAL 'GYUR BA'I LUGS 'DI'I RNAM BZHAG THUN MONG MA YIN PA YIN GSUNGS PA YIN GYI GZUGS BRNYAN SOGS GZUGS KYI SKYE MCHED DU BYE SMRAS KYANG 'DOD PA'I PHYIR RO, ,DES NA BSDUS GRVA RTZOM 'PHRO LAS, DE LNGA'I NANG TSAN GYI KUN BTAGS PA DANG, DBANG 'BYOR BA'I GZUGS GNYIS RTAG PA YIN PA'I PHYIR, ZHES SOGS LTAR MDO SEMS RANG RGYUD PA GSUM GYI LUGS LA BSDUS PA LAS GYUR PA GZUGS DANG, YANG DAG PAR BLANGS PA LAS BYUNG BA LA SHES PA LDAN MIN GNYIS DANG, GZHAN GSUM GTZO BO RTOG PA'I SNANG BA TZAM LA 'JOG PAS RANG LDOG RTAG PA DANG, SGYU MA'I

053a

, ,RTA DANG GZUGS BRNYAN LTA BU RTOG MED SHES PAS BZHAG PA RNAMS LDAN MIN DU BYAS NA LEGS SNYAM STE DPYAD, THAL 'GYUR BA'I LUGS LA SGYU MA'I RTA RTAR SNANG BA'I SNANG BA SOGS GZUGS KYI SKYE MCHED MIN KYANG MIG MA BSLAD PA'I SO SKYE MIG SHES TSAD MA LA MI SNANG STE, RAB RIB MED PA'I MIG SHES LA SKRA SHAD MI SNANG BA'I PHYIR RO, ,SPRUL GZHI RTA GLANG DU SNANG MI SNANG SOGS GZHAN DU BSHAD ZIN TO, ,RNAM BSHAD DGONGS PA RAB GSAL LAS, DGAG BYA LA DON DAM GYI KHYAD PAR SBYAR BA'I DON DAM LA GNYIS SHES DGOS TE, ZHES PA'I DON DAM SNGA MAR GRUB TSUL, KHA CIG GIS RIGS SHES KYI DPYAD BZOD DU GRUB PA LA BYED PAR LAM RIM LAS, DE LA DON DAM PAR MED CES PA'I DON NI YIN TSUL LA JI LTAR YIN TSUL BZHIN DU DPYOD PA'I RIGS PAS RNAM PAR DPYAD NA DES YOD PAR MA GRUB PA LA BYED PA NI SLOB DPON 'DI THAMS CAD MTHUN PA YIN NO, ,ZHES PA DANG RNAM BSHAD DGONGS PA RAB GSAL LAS, DON DAM PAR YOD PA DANG SKYE BA NI DE KHO NA NYID LA 'JUG PA'I RIGS SHES KYIS SKYE BAR DANG YOD PAR GRUB PA LA BSHAD PA ZHES DANG, RIGS SHES KYI NGOR MED PA DE'I DON YIN NA STONG TSUL DES CHOS THAMS CAD LA MA KHYAB PAS NYE TSE BA'I STONG PAR 'GYUR BA SOGS KYIS, DBU MA RGYAS PA LAS, RIGS SHES LA DON DAM DU BYAS PA'I DON DAM DANG DE'I YUL DON DAM DER GRUB PA GNYIS KA YOD CES KHYAD 'BYED DGOS PA'I PHYIR, ZHES SOGS BKAGS NAS KHO BO LTAR DE

053b

DAG GI KHYAD PAR PHYE BA NYUNG BAR SNANG NGO, ,ZHES BSHAD PA BDEN PAR SNANG STE, RJE'I RJES 'JUG MKHAS PA RNAMS KYIS SNGA MA'I DON DAM LA RIGS SHES DANG DE'I NGES NGOR YOD PA LA DE'I DON DAM DU GRUB PAR BSHAD PA MA GTOGS KHYOD LTAR BSHAD PA GCIG KYANG MED PA'I PHYIR TE, RNAM BSHAD DGONGS PA RAB GSAL LAS, DANG PO'I DON DAM DANG DE'I NGOR GRUB PA YANG YOD LA, PHYI MA'I DON DAM DANG DER YOD PA GNYIS KA YANG MI SRID DO, ,ZHES DANG, STONG THUN LAS, DE KHO NA NYID LA DPYOD PA'I THOS BSAM SGOM GSUM GYI RIGS SHES LA DON DAM DU BYAS NAS DE'I NGOR MED PA LA DON DAM DU MED CES BZHAG PA ZHIG DANG, NAS, DE LA 'JOG MTSAMS DANG PO'I DBANG DU BYAS PA'I DON DAM YANG SRID LA, DE'I NGOR GRUB PA YANG SRID CING, PHYI MA'I DBANG DU BYAS PA'I DON DAM DANG, DON DAM DER GRUB PA GNYIS MI SRID DO, ,ZHES YAB SRAS GNYIS KAS SNGA MA'I DON DAM DER GRUB PA YOD CING PHYI MA'I DE MED PA'I KHYAD PAR PHYE BA LTAR SER 'BRAS KYI YIG CHA THAMS CAD DU GSUNGS PA'I PHYIR, KHYOD RANG LA GZHAN DBANG DON DAM DPYOD PA'I RIGS NGOR MED PA NYI TSE BA'I STONG PA YIN PAR THAL, STONG TSUL DES CHOS THAMS CAD LA MA KHYAB PA'I PHYIR, RTAGS KHYAB KHAS, LAM RIM GYI DE SPYIR DON DAM DU MED PA'I DON DAM DPYOD PA'I RIGS PAS DPYAD BZOD DU MA GRUB PA LA BYED CES PA YIN GYI 'JOG TSUL DANG PO'I MA YIN PA'I PHYIR, STONG THUN LAS, GNAS LUGS SU GRUB KYANG BDEN PAR GRUB MI DGOS PAS NAS, CHOS NYID RIGS SHES KYI NGOR YOD PAS GNAS LUGS SU GRUB

054a

, ,PAR SONG YANG, GNAS LUGS SU GRUB PA TZAM GYIS BDEN GRUB TU 'GRO MI DGOS PA'I PHYIR RO, ,ZHES PA LTAR STONG NYID GNAS LUGS MTHAR THUG TU GRUB PAS GSHIS LUGS SU YANG GRUB CING, RNAM BSHAD SOGS SU GSHIS LUGS LA MED CES PA STONG NYID KYANG KHO RANG GI GSHIS LUGS SU MA GRUB PA'I DON NO, ,RNAM BSHAD DGONGS PA RAB GSAL LAS, RANG RGYUD PA'I GZHUNG KHUNGS THUB GZHAN LAS DGAG BYA NGOS 'DZIN GSAL BO MI SNANG, ZHES PA DGAG MKHAN GZHAN PHYOGS PA YIN LA, RJE BTZUN PA YAB SRAS KYIS KYANG DE 'THAD PHYOGS SU BYAS NAS BDEN GNYIS LAS, BLO LA SNANG BA'I 'DI KHO NA, ZHES SOGS DANG, JI LTAR SNANG BZHIN SOGS KYIS BSTAN PAR BZHED KYANG RNAM BSHAD KYI DON JI LTAR 'GREL RJES 'JUG RNAMS LA ZHU DGOS, DGAG TSUL DBU MA RGYAS PAR GSAL LO, ,KUN RDZOB BDEN PA LA DON DAM GYI DPYAD PA MI 'JUG CES PA KUN RDZOB BDEN PA GZUGS SOGS DBANG SHES LA SNANG BA LTAR GRUB BAS DER MA GRUB CES DPYAD PA MI 'JUG CES PA'O, ,BDEN GNYIS DKA' 'GREL DU BSTAN BCOS RTZOM PA'I DGOS PA SBYOR DAN ZLOG PA TZAM DU BSHAD PA DANG, GZUNG 'DZIN SNANG BA LTAR GRUB PAR BSHAD PAS ZHI 'TSO'I MIN PAR LEGS BSHAD SNYING POR GSUNGS LA, 'DI ZHI 'TSO'I MDZAD PAR KHAS LEN NA, DES GZUNG 'DZIN SNANG BA LTAR MA GRUB PAR 'DOD CES MA SMRA ZHIG ,DES NA DBU MA RGYAS PAR, 'DI DAG GIS BYIS PA YAN CHAD LA GZUGS SOGS SNANG BA LTAR GRUB PAR

054b

'DOD LA, ZHES DANG, DER DRANGS PA'I DBU MA RANG 'GREL LAS, BYIS PA'I GNAS SKABS NAS BZUNG STE THAMS CAD MKHYEN PA'I YE SHES KYI BAR DU MYONG BA GANG NAS BKAG PA MED DE, ZHES PA MA 'KHRUL BA'I CHA GCIG 'DOD PA'I DON DANG, YUL GYI RANG MTSAN LA TSAD MAR 'GRO TSUL NI YUL RANG GI NGOS NAS TSAD MAR SONG BA LA ZER BAM, BUM 'DZIN MIG SHES KYIS BUM PA'I RANG MTSAN RTOGS KYANG BUM PA'I RANG MTSAN DE MA RTOGS ZER RAm DPYAD, YIG CHA GZHAN MANG POS, RJE TSAD MA'I LAM SGRIGS THAR LAM GSAL BYED KYI LUNG LA BRTEN NAS SGRA MI RTAG PAR SGRUB PA'I RJES KHYAB NGES PA'I TSAD MAS SGRA LA RTAG 'DZIN GYI SGRO 'DOGS BCAD ZIN PAS SGRA MI RTAG PAR RTOGS PA'I RJES DPAG GIS GSAR DU GCOD RGYU'I SGRO 'DOGS MED ZER BA KUN MKHYEN GYIS RNAM 'GREL DU RTZA SHES t'I KA CHEN DANG RNAM BSHAD SNYING PO RGYAN SOGS DRANGS NAS BKAG TSUL GZHAN DU BSHAD ZIN TO, ,DGAG BYA NGOS 'DZIN TSUL NI, GDAGS GZHI GDAGS CHOS 'O CHU 'DRES PA LTA BU'I NGOS NAS GDAGS GZHI LING DE YOD PA LTA BUR 'CHAR BA'I BLO'AM LAG PA NA BA NA NGA NA'O ZHES LAG PA'AM LUS KYI STENG NA NGA LING NGE BA YOD PAR 'DZIN PA NI BDEN 'DZIN LHAN SKYES YIN PAS DES SHUGS BSKYED DE BLO'I ZUR GCIG GIS BRTAGS PA NA DE'I BZUNG BA'I GZHI'AM NGA TSUBS SE BA'I DON SPYI SHAR NAS DE'I 'DZIN TSUL LAM 'GOG RGYU'I DGAG BYA NI 'DI'O SNYAM DU NGES PA'I BLO NI, DGAG BYA NGES PA'I GNAD YIN GYI, LEGS BSHAD SNYING POR, BRDA' 'JAG PA

055a

, ,TZAM LA BRTEN NAS ZHES PA LTAR 'DZIN TSUL GYI SGRA SPYI SHAR BAS GO MI CHOD PA, DPER NA RTA BOR BA BTZAL BA NA BOR BA'I RTA DE'I DON SPYI 'CHAR DGOS KYI 'DI 'DRA ZHES PA'I SGRA SPYI SHAR BAS MI CHOG PA BZHIN NO, ,THAL 'GYUR BA'I LUGS LA RANG RES TSO'I RGYUD KYI BDEN 'DZIN LHAN SKYES KYIS DGAG BYA'I DON SPYI RTOGS KYANG DGAG BYA DE 'GOG RGYU'I DGAG BYAR MA NGES SO, ,RGYAS PAR GZHAN DU BSHAD ZIN TO, ,THAL 'GYUR BA NANG PHAN TSUN CHOS CAN MTHUN SNANG BA YOD KYANG, SPYIR CHOS CAN MTHUN SNANG BA 'OG MA DANG MTHUN SNANG BA LA BYED PAS MED DO, ,DPE LA 'DRA BA MED PAR GSUNGS TSUL LEGS LDAN SOGS KYIS MTHUN SNANG BA YOD PA'I DPER PHYI NANG GNYIS KYI SGRA RTAG MI RTAG RTZOD PA NA 'BYUNG 'GYUR SOGS KYI KHYAD PAR DOR BA'I SPYI TZAM 'DZIN PA BKOD KYANG, ZLA BAS DE NGOR NAS 'DZIN LUGS YOD KYANG, RANG MTSAN LA TSAD MAR MA SONG BAR 'DZIN TSUL MED PAR KHYOD 'DOD PA'I PHYIR, ZHES PA DE YIN LA, PHAL CHER GYIS DON DAM DPYOD SKABS CHOS CAN MTHUN SNANG BA MED KYANG KUN RDZOB DPYOD SKABS YOD CES KHYAD 'BYED ZER BA NI, ZLA BAS BDAG SKYE 'GOG SKABS DON DAM MI SBYOR BA DANG MTHUN SNANG BA MED PAR BSHAD BAS NYAMS SO, ,THAL 'GYUR BA'I LUGS LA YUL GYI RANG MTSAN LA TSAD MAR SONG BA'I BLO MED PAS DES BZHAG TZAM MIN PAR GRUB BO SNYAM PA GRUB MTHAS BLO MA BSGYUR BA LA MI 'ONG BA'I GNAD KYIS RANG RGYUD PA'I 'DOD PA'I

055b

BDEN 'DZIN BDAG 'DZIN RAGS PA DANG BLO KUN BTAGS SU 'DOD LA, BUM PA BDEN PAR 'DZIN PA'I BLO RANG RGYUD PA'I 'DOD PA'I BDEN 'DZIN YIN MIN DANG, RNAM MKHYEN 'DI BA'I 'DOD PA'I BLO GNOD MED YIN MIN SOGS DPYAD GZHI CUNG ZAD YOD DO, ,'DUS BYAS THAMS CAD BSLU BA'I CHOS, ,ZHES PA'I BSLU BA'I DON RANG RGYUD PAS MI RTAG PA LA BSHAD PAS, MCHAN DU 'DUS BYAS LA SBYAR NA ZHES GSUNGS PA YIN SNYAM LA, DES NA MYANG 'DAS BDEN PAR GSUNGS PA RTAG PA YIN BAS YIN TE, KUN MKHYEN GYI LAM RIM MCHAN LAS, SPYIR BDEN PA DANG RTAG PA LA SKAD DOD THUN MONG BA YOD PAS LEGS LDAN MAN CHAD KYIS THEG DMAN GYI MDO LAS 'DUS BYAS THAMS CAD BSLU BA DANG RDZUN PAR GSUNGS PA MI RTAG PA'I DON DU 'CHAD KYANG, SLOB DPON SANGS RGYAS BSKYANGS KYIS BRDZUN PA STE BDEN PA MA YIN PAR BSHAD CING, ZHES GSUNGS PA'I PHYIR, THAL 'GYUR BAS 'DI'I DON SNANG TSUL DANG GNAS TSUL MI MTHUN PA LA BYED DE, TSIG GSAL LAS, 'DU BYED THAMS CAD RDZUN PA STE, BSLU BA'I CHOS CAN YIN PAS SMIG RGYU'I CHU BZHIN NO, ,GANG ZHIG BDEN PA DE NI BSLU BA'I CHOS CAN MA YIN TE, DPER NA MYA NGAN LAS 'DAS PA BZHIN NO, ,ZHES GSUNGS PA'I PHYIR, GONG DU RIGS PA LNGA ZHES PA NGO BO RGYU 'BRAS BU RGYU 'BRAS GNYIS KA CHOS THAMS CAD LA DPYOD PA LNGA DANG, 'DIR BDUN ZHES PA RNAM LNGA RNAM BDUN GCIG DU BRAL DU 'DU BAS DE GSUM GCIG DU BRAL ZHES GCIG TU BSDUS PA'O, ,MTHA' GNYIS GCIG

056a

, ,CAR SEL TSUL RTEN ZHES PAS RANG RANG GI CHA SHAS SOGS LA LTOS MED DU GRUB PA'I RTAG MTHA' DANG, 'BREL ZHES PAS CHA SHAS SOGS LA LTOS GRUB TZAM DU YANG MED PA'I TSAD MTHA' GNYIS KA GCIG CAR SEL BA DI RANG RGYUD PAS KYANG 'DOD CHOG STE, LCANG SKYA'I GRUB MTHA' LAS, 'PHRAD PA ZHES BYA BAS NI GTAN TSIGS KYI DON DNGOS PO RANG GI RGYUS BSKYED PA'I RTEN 'BREL 'DZIN PA YIN LA, 'DI NI GRUB PA'I MTHA' 'OG MA DANG YANG THUN MONG BA'O, ,NAS, 'BRAD PA NI RGYU DANG 'BRAS BU'I SKYE DGAG GI BYA BA 'PHRAD PA LA BYA YI RGYU 'BRAS GNYIS 'PHRAD PA NI MA YIN NO, ,LTOS PA ZHES BYA BAS NI 'DUS BYAS DANG, 'DU MA BYAS KYI CHOS RNAMS RANG RANG GI CHA SHAS LA LTOS NAS RANG GI BDAG NYID RNYED PA'I GTAN TSIGS BSTAN PA STE SA MU T'A DA GRUB PA LA 'CHAD PA'I DBANG DU BYAS PA'O, ,'DI NI SNGA MA LAS KHYAB CHE ZHING DNGOS BSTAN GYI DON TZAM DBU MA PA GZHAN DANG YANG THUN MONG BA'O, ,BRTEN PA ZHES BYA PAS NI CHOS THAMS CAD BRTEN NAS BTAGS PA'I GTAN TSIGS KYI DON BSTAN PA STE, RANG RANG GI DGAG GZHI LA BRTEN NAS BTAGS PA TZAM DU GRUB PA'O, ,'DI NI LUGS MCHOG TU GYUR PA 'DI KHO NA'I KHYAD CHOS YIN TE RANG RGYUD PA MAN CHAD DANG THUN MONG MA YIN PA'O, ,ZHES PAR PA RANG THUN MONG BAR GSUNGS PA'I PHYIR, MCHAN LAS, RTEN 'BYUNG DANG, LTOS GRUB DANG, RTEN 'BREL GSUM LA'ANG TSIG NUS PA CHE CHUNG GIS ZHES GSUNGS

056b

BAS GO RIM BZLOG NAS RTEN 'BREL 'PHRAD PA DANG, RTEN 'BYUNG BRTEN PA LA SBYAR NA, THAL 'GYUR BAS RTEN 'BYUNG GI MTSAN NYID RANG GI 'DOGS BYED LA BRTEN NAS GRUB PA DANG, RANG RGYUD BAS RANG GI CHA SHAS LA BRTEN NAS GRUB PA BZHAG PA DANG, LUNG RIGS BANG MDZOD LAS, RTRN 'BREL ZHES PA RTEN 'BYUNG ZHES PA'I ZUR GCIG YIN ZHES PA DANG YANG 'GRIG GO ,LAM RIM CHUNG DU LAS, GTAN TSIGS NGES PAS NI CHAD LTA DANG, ZHES PA YANG RTEN 'BREL GYI DON NGES PA'I YIN GYI KHO RANG RTOGS TZAM GYIS MIN NO, ,MCHAN LAS, BDAG PHUNG BDEN PAR GCIG PA LA SKYON BDUN DANG, ZHES SOGS LAM RIM LA BRTEN PAR SNANG LA, KUN MKHYEN GYI MCHAN LAS, DANG PO LA RTAGS ZUR BDUN GYIS ZHES PA LTAR LAM RIM CHEN MOR KHYAB PA BSGRUB PA GCIG DKAG PA'I SA BCAD DU BSDUS PAS DE DANG BDUN BYAS SAM, YANG NA LAM RIM LAS, DE LTA NA BDAG PHUNG PO DANG GCIG YIN NA, BDAG MANG POR GYUR PA DANG, BYA BA DANG BYED PA PO GCIG TU GYUR PA DANG, LAS BYAS PA CHUD ZOS PA DANG, MA BYAS PA DANG 'PHRAD PA DANG, SKYE BA DRAN PA'I TSIG GSUNGS PA MI 'THAD PA STE, DRAG YOD PAS ZHES GSUNGS PAS BDUN ZHES PA YI GE NOR RAM DPYAD, THA DAD PA LA SKYON GNYIS NI, BDAG PHUNG PO'I MTSAN NYID SKYE 'JIGS SOGS DANG MI LDAN PAR THAL BA DANG, PHUNG PO LA MA LTOS PAR BZUNG DU YOD PAR THAL BA GNYIS YIN TE, LAM RIM LAS, THA DAD PAR YOD NA NI PHUNG PO'I MTSAN NYID

057a

, ,SKYE 'JIGS NAS PA'I MI LDAN PAR 'GYUR TE, ZHES DANG, GZHAN YANG PHUNG PO'I MTSAN NYID GZUGS SU RUNG BA SOGS LAS RANG BZHIN THA DAD PAR YOD NA DE LTAR DU DMIGS DGOS TE, ZHES GSUNGS PA'I PHYIR, KHA CIG GIS SNGA MA DRUG GI STENG DU BDAG SKYE 'JIGS CAN DU THAL BA BZHAG NAS BDUN BYAS PA DANG, THA DAD PA LA BDAG TU 'DZIN PA'I YUL DU GYUR PA BSNAN NAS GSUM BYAS PA MI 'THAD DE, SKYE 'JIG CAN DU THAL BSKYON THA MA GSUM LAS ZUR PA MA YIN PA'I PHYIR TE, LAM RIM LAS, SKYE BA DANG 'JIG PA CAN DU 'GYUR BAR 'DOD NA SKYON CI YOD SAM NA, 'DI LA 'JUG PA RTZA 'GREL DU SKYON GSUM GSUNGS PA'I PHYIR, ZHES DANG, YANG DE NYID LAS, DE LTA YIN MOD SNYAM NA, 'ON, DE DAG TU THA SNYAD 'DOGS PA'I GZHI DANG BDAG TU 'DZIN PA'I YUL DU MED DE, 'DUS MA BYAS YIN PA'I PHYIR ZHES PA, DE PHUNG PO'I MTSAN NYID DANG MI LDAN PA'I SKYON YIN PA'I PHYIR, ZUR PA MIN NO, RNAM LNGA'I RTAGS ZUR DANG PO GNYIS LA BDEN PA'I SGRA MA SBYAR BA RNAM BDUN GYIS GO BAS YIN GYI SBYAR DGOS TE, GCIG TU BRAL DU 'DU BA'I PHYIR RO, ,RTAGS SO SO'I SGRUB TSUL RTZA SHES SOGS LAS GSUNGS TSUL DBU MAR BSHAD ZIN TO, ,LEGS LDAN GYIS RTZA SHE'I DNGOS BSTAN GYI BDAG SKYE 'GOG PA'I SBYOR BA, RTZA SHES MCHOD BRJOD KYIS MNYAM BZHAG GI NGO'I SKYE MED BSHAD PA LAS 'PHROS PAS DON DAM GYI KHYAD PAR SBYOR BAR GSUNGS PAS, DE'I LUGS LA DE BDAG SKYE 'GOG PA'I RIGS PA YIN MIN DANG, MNYAM BZHAG GI NGOR BDAG SKYE MED PA STONG NYID YIN

057b

MIN, RTZA SHES GZHUNG DES MTHA' BZHIR SKYE BA MED PA'I DAM BCA' DNGOS SU BSTAN MA BSTAN SOGS DPYAD DE, DE LA DON DAM MA SBYAR NA SKYON YOD PA'I PHYIR RO, ,STONG THUN LAS, SHES BYA DANG MED NGES RGYU LAS SKYE PAR KHAS LEN PA'I RGOL BA SU YANG MED DO, ,ZHES GSUNGS MED PA BDEN NA DUS THAMS CAD DU MED DGOS PAS DE RGYUS BSKYED MI NUS PA'I PHYIR, ZHES PA RTZA SHES DGONGS PA ZAB PA ZHIG YIN KYANG, DE LTAR BKOD NA SHES 'DOD MED PAR 'GYUR BAS, DON DE GO CHED YIG CHAR 'ANG SGRA SMOS PA YIN NO, ,MTHA' BZHI SKYE 'GOG DE DANG 'DRA LA, MU BZHI SKYE 'GOG LA, GRUB MTHA' CHEN MOR THAMS CAD LA RANG BZHIN SBYAR KYANG, 'DIR MA SBYAR BA STONG THUN DANG, BDEN GNYIS SOGS DANG MTHUN NO, ,THA MA LAM SBYAR KYANG CHOG GO ,BSOD GRAGS PA'I MTHA' DPYOD LAS, GZHI LAM RNAM GSUM CHOS CAN, BDAG GNYIS GANG RUNG DU GRUB PA'I SKYE BA MED DE, DER GRUB PA'I GCIG DANG DER GRUB PA'I THA DAD GANG RUNG DU MED PA'I PHYIR, KHA CIG ,DE CHOS CAN, BDEN PAR MED DE, BDEN PAR GRUB PA'I GCIG DANG, BDEN PAR GRUB PA'I DU MA GANG RUNG DU MED PA'I PHYIR, ZHES PA GZHUNG 'DI'I DNGOS BSTAN GYI SBYOR BAR 'GOD PA MI 'THAD DE, GZHI SKYE BA MED PAR YONGS SU SHES ZHES PA'I BZHI BDEN PA'I SKYE MED LA 'CHAD MI RIGS PA'I PHYIR, ZHES GSUNGS KYANG, GSER PHRENG LAS, RIGS PAS SKYE MED SGRUB PA DON DAM DU

058a

, ,YIN PA'I PHYIR RO, ,ZHES DANG, RNAM BSHAD LAS, RTAGS DE LA BRTEN PA'I TSANG MAS ZHES PA NAS, LAM SHES DANG RNAM MKHYEN THOB PAR 'GYUR BA YIN NO, ,ZHES GZHI SHES MA SMOS PA'I RGYU MTSAN YOD PA'I PHYIR, RANG 'GREL LAS, RGYU DANG KHYAB PAR BYED PA MA DMIGS PA NI GNYIS KA YANG GTAN TSIGS YIN NO, ,ZHES PA NI, SDE BDUN THUNG DU LAS, DON DANG THA SNYAD GRUB KYI DON GNYIS GSUNGS PA'I DANG PO DGAG BYA'I CHOS SU 'GRO RGYU DER TSAD MAS MA DMIGS PA DON DANG, DGAG BYA'I CHOS SU 'GRO RGYU DER MED PA BSGRUB BYA'I CHOS KYI THA SNYAD DU BZHAG NAS, RANG PHYOGS CHOS CAN DU SONG BA'I RGOL BAS CHOS CAN GYI STENG DU DE GNYIS KA MA GRUB NA GNYIS KA SGRUB PA DANG, SNGA MA GRUB ZIN NA THA SNYAD 'BA' ZHIG SGRUB TU GSUNGS PA LTAR GYI DE YIN LA, GCIG TU BRAL GYI GTAN TSIGS 'DI YANG DE'I DBANG DU BYAS PA'I DON SGRUB YIN TE, RANG PHYOGS CHOS SU SONG BA'I RGOL BAS CHOS CAN GYI STENG DU BDEN GRUB TU TSAD MAS MA DMIGS PA MA RTOGS PA'I PHYIR, SPYIR DON SGRUB 'JOG TSUL GNYIS PA LTAR PHYED DGOS PA SDE BDUN RGYAN DANG RNAM 'GREL LE'U DANG PO'I MTHA' DPYOD DU GSAL LO, ,DBU BRGYAN GYI ZIN BRIS DANG, STONG THUN LAS, RANG BZHIN MA DMIGS PA MIN ZHES PA'I DE'I PHYIR RGOL YANG DAG GIS CHOS CAN DE BDEN PAR MED PA'I RANG BZHIN NAM DON RTOGS KYANG, SGRA BLOS BDEN PAR MED PA ZHES BTAGS PA'I THA SNYAD TZAM NGES CHED YIN PA LA DGONGS SO, ,DBU BRGYAN RANG 'GREL LAS, GTAN TSIGS 'DI ZHES SOGS NI, KHA CIG GIS, GZHI DE BDEN GRUB KYI GCIG TU BRAL DU RTOGS

058b

NA, DE LA BDEN MED DU SGRUB MI DGOS LA, DE'I RTAGS KYIS SGRUB NA RTAGS CHOS THA MI DAD DANG, GRUB ZIN PA SGRUB PA'I MA GRUB PA'I GTAN TSIGS SU 'GYUR RO, ,ZHES PA'I RTZOD PA KHONGS NA GNAS BA KA SHIS DKA' 'GREL LAS, 'DIR NGAM BCA'I DON, ZHES SOGS KYIS GSUNGS LA, LAN DU GCIG DU BRAL DANG BDEN ME DON LA KHYAD PAR MED KYANG, BLO LA 'CHAR TSE MI 'DRA ZHING 'CHAR DKA' SLA'ANG YOD PAS DAM BCA'I PHYOGS GCIG BKOD PA'I RTAGS CHOS THA MI DAD DANG, GRUB ZIN PA SGRUB SKYON GANG YANG MED CES LAN BTAB PA YIN NO, ,'JAM DBYANGS DGA' BLOS RTZA SHES GZHUNG 'GREL DU STONG THUN GYIS THA SNYAD 'BA' ZHIG SGRUB TU GSUNGS TSUL BKOD NAS BKAB STE, MYU GU LTA BU RANG GI CHA SHAS RNAMS RANG BZHIN GYIS GRUB PA'I GCIG THA DAD SOGS SU MA GRUB DON DAM BDEN PA MA YIN PA NI SHIN TU RTOGS SLA'O, ,ZHES DE DAG RANG BZHIN GYIS SKYE BA MED PA SOGS BRGYAD PO STONG NYID MIN LA, DE DAG GI SKYE SOGS BRGYAD RANG BZHIN GYIS MED PA DON DAM BDEN PAR BSHAD DO, ,'DIS BUM PA DU BRAL DU RTOGS NAS BDEN GRUB KYI DU MA YIN MIN LA THE TSOM ZA BAR MED PAR 'DOD KYANG MI 'THAD DE, DE TZAM LA DGAG BYA BDEN GRUB KYI DU MAR GRUB TSUL GYI SPYI MI 'CHAR BA'I PHYIR, DES NA SEMS TZAM PA'I RGYUD NA BUM PA BDEN GRUB KYI DU MAR MTHA' GCIG 'DZIN GYI BLO YOD KYANG DE DU DNGOS SU KHAS MI LEN LA, DON GYIS KHAS BLANGS TE, RANG GI CHA SHAS DU MA DANG BDEN GRUB KYI NGO BO GCIG TU KHAS BLANGS PA'I PHYIR, DES DU MA LA

059a

, ,YANG SHES SO, ,BDEN GRUB KYI GCIG BRAL SGRUB PA NI, DBU MA BRGYAN LAS, 'BRAS BU RIM CAN NYER SBYOR BAS, ,ZHES PA NAS, DE YANG GZHAN GYI DBANG NYID DO, ,ZHES PAS KHYAB PA'I GCIG BDEN PHYI ROL BA'I 'DOD PA'I GTZO BO DANG, RANG SDE BYE SMRA'I BTAGS PA'I 'DUS MA BYAS GSUM STE RTAG DNGOS DANG, GNAS MA BUS BTAGS PA'I BRJOD MED KYI GANG ZAG GCIG BDEN DANG, MA KHYAB PA'I GCIG BDEN LA PHYI DON RAGS PA PHRA BA GNYIS DANG, SHES PA GCIG BDEN LA RANG SDE BYE SMRA DANG, MDO SDE BA LUGS GSUM DANG, PHYI ROL PA BYE RIG ZAD BYED PA, RGYANG PHAN PA, GRANGS CAN PA, GSANG BA PA LNGA DANG, SEMS TZAM RNAM BDAN PA GSUM DANG, RNAM RDZUN PA'I LUGS KYI SHES PA GCIG BDEN DGAG TSUL DE'I 'GREL PA RNAMS SU GSAL BAS NGES PAR SHES DGOS SO, ,DE SKABS 'GA' ZHIG YUL YUL CAN DANG DON SPYI SOGS RNAM PA DANG, KHA DOG DANG 'BRAS BU BSKYE DPA SOGS YON TAN GYI CHA DANG LDAN PAR SGRUB PAS, YIG CHAR, YON TAN GYI CHA STE GSUM GSUM BAR NGES LDAN YIN PA'I PHYIR, ZHES SOGS BSDUS DON LTA BU YIN LA, DE DAG THAMS CAD GCIG BRAL DANG, DON DAM DPYOD BYED KYI RIGS PA YIN MIN SOGS DPYAD GZHI MANG NGO, ,MCHAN DU, 'DI'I MDOR BSTAN DU ZHES PA PHYI ROL GCIG BDEN 'GOG PA'I GRUB DON GYI MDOR BSTAN YIN LA, RGYAS BSHAD KYI DE YI RANG BZHIN ZHES PAS, RANG SDE GZUGS CAN BCU

059b

RDUL CHA MED BSAGS PA'I RANG BZHIN DU 'DOD PA LA, RDUL CHA MED MED PAR SGRUB PA DES GZUGS CAN BCU RANG BZHIN MED PAR 'GRUB LA, DE GRUB PAS DBANG PO LNGA LA BRTEN PA DANG YUL NGA LA DMIGS PA'I RNAM SHES LNGA DANG, LNGA PO DES RKYEN BYAS PA'I YID DANG, DE DAG DANG MTSUNGS LDAN GYI TSOR 'DU SOGS DANG, DE DAG GIS LDAN MIN RNAMS KYANG BDEN PAR GRUB PA DANG, CHA MED KHEGS LA, 'DUS MA BYAS RNAMS SNGAR RTAG DNGOS GCIG BDEN DGAG SKABS BSAL ZIN PAS, KHAMS BCO BRGYAD BDEN MED DU GSAL BAS, YIG CHAR, CHOS THAMS CAD CHA MED PA GSAL ZHES PA BDEN GRUB KYI GCIG YIN NA CHA MED KYI GCIG DANG, BDEN GRUB KYI DU MA YIN NA 'BREL BA MED PAS CHA DANG CHA CAN DU MI RUNG BAS BDEN PAR GRUB NA DON GYIS CHA MED DU KHAS BLANGS SONG BAS YIN GYI DNGOS SU CHA MED DU KHAS LEN PA'I GRUB MTHA' SMRA BA MED DO, ,DES BRTZAMS DANG, ZHES SOGS KYIS RDUL DE RTZOM GZHI BYAS PA'I RDZAS DGU SOGS TSIG DON DRUG PO THAMS CAD KYANG DNGOS RGYU CI RIGS KYI RDUL DE LA RAG LAS PAS, DE DAG KYANG BDEN MED DU 'GRUB CES PA'O, ,'DIR CHA BCAS LA SBYAR BA DNGOS SU CHA BCAS SU SGRUB PA'I GRUB DON YIN PAS SO, ,BAB COL LO, ,ZHES PA, KHA CIG GIS, DBU MA RGYAN GYI LUNG 'DI YON TAN GYI CHA DBANG LDAN PA'I SGRUB BYED YIN ZER BA MI 'THAD CES PA'O, ,TSAD MA GNYIS NI RNAM BSHAD LTAR LA, RIGS PA GNYIS NI CHA BCAS SU SGRUB PA'I RIGS DANG, CHA BCAS CHA MED DNGOS 'GAL DU SGRUB PA'I

060a

, ,RIGS PA GNYIS SO, ,RJES KHYAB SGRUB PA LA TSAD MA GSUM SNGON DU 'GRO DOGS PA MA YIN GSUNGS PA, BSOD GRAGS PA DANG RJE BTZUN PA SOGS KYIS RTAGS DE DE SGRUB KYI MTHUN PHYOGS KHO NA LA YOD PAR NGES PA'I SNGON DU 'GRO DOGS PAR GSUNGS PA BKAG PA YIN GYI RJES KHYAB NGES PA'I SNGON DU 'GRO DGOS TE, DE'I SNGON MTHUN PHYOGS KHO NA LA YOD PAR NGES DGOS PA'I PHYIR, ,MCHAN DU SNGON DU RTOGS PA MI SRID SNYAM GSUNGS PA'ANG, BYAS NA MI RTAG PAS KHYAB PA LTA BU NGES KHYAB KYI SNGON DU YIN NO, ,BDEN GRUB KYI GCIG BRAL CHA BCAS KYIS SGRUB CING, DE'I PHYOGS CHOS RTZOD GZHI BUM PA LTA BU'I STENG DU KHA ZHABS SOGS KYI CHA DANG BCAS PAR MNGON SUM GYIS GRUB CING, GZHI LA RNAM GSUM LTA BU'I STENG DU SGRUB TSUL YIG CHAR GSAL LA, KHYAB PA SGRUB PA LA TSAD MA GSUM LAS, RTAGS DANG DGAG BYA'I CHOS KYI GZHI MTHUN 'GOG TSUL RNAM BSHAD KYI DON YIG CHAR GSUNGS TSUL NI, CHA DANG CHA CAN SNANG TSUL DANG GNAS TSUL MI MTHUN DGOS TE, GZHAN DU SNANG TSUL DANG GNAS TSUL GNYIS KA GCIG NA RTOG NGOR YANG THA DAD MED PAS CHA DANG CHA CAN DU MED DOGS, GNYIS KA THA DAD NA 'BREL MED YIN PAS CHA DANG CHA CAN DU MED DGOS PAS, SNANG TSUL DANG GNAS TSUL MI MTHUN BDEN RDZUN PA'I SDOD LUGS LA RUNG YANG, BDEN GRUB KYI SDOD LUGS LA 'GAL TE, CHA DANG CHA CAN SNANG TSE NGO BO THA DAD DU SNANG YANG SDOD LUGS BDEN PAR GRUB PA'I

060b

NGO BO GCIG TU GNAS NAS, DE GNYIS GCIG YIN DGOS PAS, DES NA DE GNYIS THA DAD DU MED PAR THAL, BDEN PAR GRUB PA'I THA DAD DU YOD NA, DER 'PHAGS PA'I MNYAM BZHAG GIS GZIGS DGOS PA LA, DER MA GZIGS PA'I PHYIR, THA DAD DU MED PAR 'DOD ZER NA, CHA CAN DE DU MAR THAL, YOD PA GANG ZHIG ,CHA DU MA DANG THA DAD DU MED PA'I PHYIR, DE BZHIN DU CHA DU MA GCIG TU THAL BA 'GANGS NAS, GNYIS KA RIM BZHIN GCIG DANG DU MAR 'JAL BA'I TSAD MAS GNOD PAS, RIGS PA DE DAG LA BRTEN NAS DE GNYIS THA DAD DU MED KYANG BDEN PAR GRUB PA'I GCIG TU YOD PA KHEGS LA, DE KHEGS PAS, THA DAD DU MED PAR THAL BA'I RTAGS THA DAD DU YOD NA BDEN PAR GRUB PA'I THA DAD YIN DGOS PAS DER 'PHAGS PA'I MNYAM BZHAG GIS GZIGS DGOS PA KHEGS SHING, DE LEGS PA YANG YA GYAL BDEN GRUB GYI GCIG DNGOS SU BKAG NA DES TSOGS PA DU MNGON GYIS KHEGS PA YIN PAS, ZUR PHYI MA DU MA'AM TSOGS PA DE GCIG BRAL DU SGRUB PAS DNGOS SU KHEGS PA MI 'THAD CING, SNGA MA BDEN GRUB KYI GCIG KHEGS PAS DON GYIS KHEGS PAR KHAS LEN DGOS LA, DE YANG SNGAR GYI THAL BA'I RTAGS DE KHEGS PAS CHA BCAS DANG BDEN GRUB KYI GCIG GI GZHI MTHUN KHEGS PAS YIN NO, ,DOGS SLONG DU YIG CHA DANG RNAM BSHAD KYI YA GYAL DANG TSOGS PA MI GCIG PAR GSUNGS KYANG, YIG CHAR RNAM BSHAD KYI DON RDZOGS PAR BKRAL NAS DES NA BDEN GRUB KYI GCIG DANG DU

061a

, ,MAR MED PA'I RTAGS GRUB STE, ZHES GCIG TU GSUNGS PA'I PHYIR DANG, RNAM BSHAD LAS, RTAGS ZUR PHYI MA KHEGS PA MI 'THAD CING, ZHES PA'I RTAGS SNGA PHYI GNYIS SO SOR NGOS 'DZIN RGYU YOD PA'I PHYIR SNYAM STE DPYAD, YIG CHAR, DU MAR MI SNANG BA'I GNYIS SNANG MI RUNG BA'I PHYIR, ZHES PAR MCHAN DU ZHIB CHA DGOS, ZHES PA GONG DU GSUNGS PA LTAR SKABS 'DI'I DU MAR STE GNYIS SNANG GI RNAM PAR MI SNANG BA'I GNYIS SNANG MI RUNG DGOS STE, BUM PA DE RANG SNANG BA'I DBANG SHES LA CHA BCAS SU SNANG BAS SKABS 'DI'I DU MAR SNANG YANG SPYIR DU MAR MI SNANG BA'I PHYIR RO, ,KHA CIG GIS, MDO SDE PA'I LUGS LA SNGON 'DZIN MIG SHES LA SNGON PO RAGS PA DANG CHA BCAS SU MI SNANG BAR, SDE BDUN RGYAN LAS, SNGON PO RAGS PA YIN PAR SNGON 'DZIN MIG SHES LA SNANG BA MA YIN PA'I PHYIR, DE'I RGYU MTSAN YANG, SNGON PO SNGON 'DZIN MIG SHES LA CHA BCAS SU SNANG NA NAS, DE LTAR NA SNGON PO DANG SNGON PO'I CHA SHAS RNAMS RDZAS THA DAD YIN PAR THAL BA'I PHYIR, ZHES PAS SGRUB KYANG, DE NI RAGS PA DANG CHA BCAS KYI RANG LDOG YIN TE, DE'I GONG DU DE NYID LAS, RAGS RGYUN SOGS KYI LDOG PA NI, SKAD CIG SNGA PHYI DANG DUS SNGA PHYI DANG YAN LAG DU MA CHA SHAS SU LDAN PA'I CHA BCAS LA 'JOG DGOS LA, BLO MA 'KHRUL BA LA CHA BCAS SU DNGOS SU SNANG MI SRID PA'I PHYIR, ZHES LDOG PA GSUNGS PA'I PHYIR DANG, RDUL DU MA

061b

'DUS PA'I GONG BU DANG MTHA' DBUS SOGS CHA DANG BCAS PA SNANG BA'I PHYIR, CHA BCAS KYI RTAGS KYIS DE BDEN GRUB KYI GCIG BRAL DU SGRUB PA'I PHYOGS CHOS DANG DE CHA BCAS YIN PA SHUGS LA RTOGS TE, DE CHA MED DU 'DZIN PA'I SGRO 'DOGS CHOD PA'I PHYIR, 'DI MDO SEMS SOGS 'DRA SNYAM STE DPYAD, BSOD GRAGS PA'I SPYI DON LAS, CHOS GCIG GI GNAS LUGS MTHAR THUG RTOGS NA SGRUB BYED KYI GTAN TSIGS ZUR PA BKOD MI DGOS PAR SNGA MA'I PHYOGS KHYAB DRAN PAR BYAS PA TZAM GYIS CHOS THAMS CAD KYI GNAS LUGS MTHAR THUG RTOGS NUS PA'I PHYIR, GANG GIS DNGOS GCIG DE BZHIN NYID MTHONG BA, ,ZHES SOGS DRANGS NAS, RTEN 'BREL GYI RTAGS KYIS MYU GU BDEN MED DU SGRUB PA'I PHYI RGOL YANG DAG GIS RTEN 'BREL DANG GZUGS BRNYAN BDEN MED DU MA RTOGS KYANG, GZUGS BRNYAN GYI STENG DU RTEN 'BREL LA BDEN MED KYIS KHYAB PA RTOGS ZER BA YIG CHAR BKAG KYANG, KHO RANG GIS RTEN 'BREL BDEN MED KHO NA LA YOD PAR RTOGS NA, DE BDEN MED DU RTOGS MI DGOS ZER BA 'DRA LA, CHOS GCIG BDEN MED DU RTOGS NA THAMS CAD BDEN MED DU RTOGS DGOS PAR MI 'DOD LA, DE LA CHOS GZHAN BDEN MED DU SGRUB PA'I SBYOR BA GZHAN GYIS BKOD PA MED NA, 'JUG PA RANG 'GREL LAS, RES 'GA' CUNG ZAD CIG NYE BAR BSTAN PA TZAM GYIS, ZHES PA DANG 'GAL ZHING, DBU MA PA'I RDZUN PA DPER 'GOD RGYU YOD MED DANG, PHYIR RGOL RGYUD SMIN PA'I DON GANG

062a

, ,YIN DANG, DE SGRUB KYI PHYI RGOL YANG DAG GIS BDEN MED RTOGS MA RTOGS SOGS KYIS GNOD SNYAM YANG, DE'I MTHA' DPYOD LAS, DE LA KHA CIG ,RTEN 'BREL GYI RTAGS KYIS MYU GU BDEN MED DU SGRUB PA'I PHYIR RGOL YANG DAG CHOS CAN, DBU MA PA YIN PAR THAL, RTEN 'BREL BDEN MED DU TSAD MAS GRUB PA'I GANG ZAG YIN PA'I PHYIR ZER NA, GNOD BYED YANG DAG KHO NAR MI 'GYUR TE, ZHES GSUNGS PAS, DE DBU MA PA YIN PAR MI 'DOD DAM DPYAD LA, DE LTAR NA SGRUB BYA'I CHOS RTOGS PA SGRUB BYA RTOGS PA DUS MNYAM DU YANG 'GYUR RO, ,RANG LUGS LA 'JUG 'GREL LTAR, CHOS GCIG GI STONG NYID RIGS PA YANG DAG GIS RTOGS NA, GZHAN RNAMS KYI DE PHAL CHER RANG DON SKABS KYI RTAGS DANG, 'GA' RES GZHAN DON SKABS KYI RTAGS LA BRTEN PA YOD LA, RTEN 'BREL GYI RTAGS KYIS MYU GU BDEN MED DU SGRUB PA'I PHYIR RGOL YANG DAG GIS RTEN 'BREL GYI DON DANG, RTAGS CHOS KYI 'BREL BA LA DPYAD STOBS KYIS RTEN 'BREL BDEN MED DU NGES PA YIN PAS NA, DE RTEN 'BREL GYI RTAGS SBYOR LA BRTEN PAS RTEN 'BREL BDEN MED DU SGRUB PA'I SBYOR BA GZHAN NGES PAR MI DGOS SO, ,SANGS RGYAS PA LA BZHI PA DANG, ,ZHES GSUNGS PAS SA RNYING BKA' BRGYUD PHYI MA RNAMS DANG, JO NANG PA RNAMS LA GRUB MTHA' SMRA BA MI 'JOG SNYAM LA, SA SKYA GONG MA DANG SLOB DPON PADMA MAR MI SOGS

062b

THAL 'GYUR BA'I LTA BA 'DZIN PAS SPYIR SA RNYING BKA' GSUM GYI LTA BA LA GANG 'JOG DPYAD, SKABS 'DIR RANG RGYAL RIGS NGES KYIS SNGON 'DZIN MIG SHES 'KHRUL SHES SU RTOGS TE, PHYI DON DU SNANG BA LA 'KHRUL BAR RTOGS PA'I PHYIR, SNGON PO DE LA SNANG BA LTAR MA GRUB PAR RTOGS KYANG, SNANG TSUL DANG GNAS TSUL MI MTHUN PAR MA RTOGS PAS SNGON PO SNANG BA LTAR MA GRUB PA MA RTOGS SO,, ` ,,MCHOD BRJOD KYIS MKHYEN GSUM LA BSTOD PA'I RGYU MTSAN, MNGON RTOGS BRGYAD PO GANG RUNG YIN NA, MKHYEN GSUM GANG RUNG NYAMS SU LEN PA'I SBYOR BA'I BSGOM BYA'I RNAM PA YIN PAS KHYAB PA 'JOG PA RNAM BSHAD DANG YIG CHA'I DON YIN LA, DE GRANGS NYUNG BA'I LAN DANG, MKHYEN GSUM DNGOS SU GSUNGS PA'I DGOS PA DANG, DON DU 'CHAD RGYU'I SRAS BZHI'I DON SGRUB TSUL SHES PHYIR YIN, ZHES PA RNAM MKHYEN GCIG BUS CHOG GAM SNYAM PA'I GRANGS MANG BA'I LAN NO, , ` ,, YIG CHAR, RIGS PA'I RJES 'BRANG GI MDO SDE PAS LHAG MED KYI TSE RIG PA 'DOD PAR TSAD MA RGYAN DANG, LHA DBANG BLO'I 'GREL BA DRANGS PA'I DON BKRAL TSUL MCHAN DU, GNYIS GSUNGS PA'I SNGA MA NI, YIG CHAR, DGRA BCOM THA MA'I SEMS MTSAMS SBYOR BA'I SGRUB BYED DU DRANGS PA DE DANG SBYAR NAS BSHAD SLA ZHING, DE SKABS SGO MANG CHOS GRVAR DGE BSHES RNAMS KYI GSUNG RGYUN BSDEBS TE BKOD PA TZAM YIN GYI GZHUNG RANG GI DON

063a

, ,MIN TE, RNAM 'GREL LAS, THA MA'I SEMS NI ZHES PA'I RKANG PA GNYIS THA MA'I SEMS MTSAMS MI SBYOR BA'I SGRUB BYED DRIS PA'I GZHUNG MA YIN PA GANG ZHIG ,DGRA BCOM SEMS GANG YIN TE YANG, ,ZHES SOGS DE'I LAN DGAG PA'I GZHUNG MA YIN PA'I PHYIR TE, RGYANG PHAN GYIS SO SKYE'I 'CHI SEMS THA MA CHOS CAN, RIGS PA PHYI MA MTSAMS MI SBYOR TE, 'CHI SEMS THA MA YIN PA'I PHYIR, DPER NA CHAGS BRAL 'CHI KHA'I RIG PA BZHIN ZHES PA DGAG PAR, THAR LAM GSAL BYED DANG t'I KA CHEN GNYIS KAR RTAGS MA NGES PA DANG, DPE MA GRUB PA GNYIS ZHES SNGA MA RTAGS MA NGES PA DANG, PHYI MA DPE MA GRUB PAR BSTAN PA'I GZHUNG DU SBYAR BA'I PHYIR DANG, RGYAN DANG LHA'I LUNG DE GNYIS SNGA MA'I 'GREL BA YIN PAS DE DAG GI THA MA'I SEMS DE RTAGS LA BYED DGOS PA'I PHYIR, SNGA MA DES DGRA BCOM THA MA'I SEMS DANG PHYI MA RTZOD GZHI LA BYAS PA DGONGS PA MIN PAS 'GAL BA'I DON KYANG MI 'THAD DO, ,RTZA BA'I LUNG GI DON YID BLO SNGA MA RIM CAN DANG TSOGS PA'I LUS LAS RIG PA PHYI MA RIM GYIS 'BYUNG BAR 'DOD NA, LUS SKAD CIG SNGA MA SNGA MA DE SEMS SKAD CIG PHYI MA RE RER SNGON MED GSAR DU SKYES PA'I RGYUR THAL, 'DOD NA, 'CHI KHA DANG SKYE MA THAG DUS THAMS CAD DU LUS SEMS PHAN TSUN RGYUR MTHONG BAR 'GYUR RO, ,ZHES THAL BA 'PHANG BA TZAM LAS RIG PA PHYI MA MTSAMS SBYOR BA'I SGRUB BYED

063b

MA YIN PA'I PHYIR TE, t'I KA CHEN LAS, DE BAS NA LUS KYIS YID BLO'I RTEN BYED PAR KHAS LEN NA, SKYE BA SNGA PHYI GDON MI ZA BAR KHAS LEN DGOS SO, ,ZHES BYA BA'I DON TO, ,ZHES GSUNGS PA'I PHYIR, THAR LAM GSAL BYED DU SNGA MA'I ZUR TZAM YOD PAS BRIS KYANG ZHES PA, DE NYID LAS, SLOB DPON RGYAN MKHAN POS, NGED KYI GRUB MTHA' LAS NI, DGRA BCOM THA MA'I SEMS 'BA' ZHIG MTSAMS SBYOR BA 'GAL BAR STON GYI 'CHI SEMS THAMS CAD MA YIN NO, ,ZHES BSHAD DO, ,ZHES PA DE YIN LA, DE GONG DU RGYU SRED PA YOD MED MI MTSUNGS PA'I PHYIR, ZHES PA LTAR 'KHOR BA'I SEMS MTSAMS MI SBYOR BA LA BYED KYANG, SNGAR GYI LUNG DE'I SKABS MIN PAS, RGYAN RANG LA BLTAS NA LHA'I 'GREL PA DANG MTHUN ZHES PA'O, ,GZHUNG GI DON NI ZHES PA LAN RANG LUGS YIN PAS, LUS GNYIS KA'I THA MA'I SEMS NI SGRUB BYED 'CHI BA'I SEMS YIN LA, DE'I RTAGS KYIS SO SKYE 'CHI SEMS SEMS GZHAN DANG MTSAMS SBYOR BA MED PAR SGRUB PA 'BREL MED DE, DE'I YUL LAM BSGRUB BYA MTSAMS SBYOR BA DANG 'GAL BA CI YANG MED PAS SO, ,ZHES PA'O, ,DE SBYOR BA DE'I DGAG BYA'I CHOS YIN KYANG, SPYIR RIG PA PHYI MA MTSAMS SBYOR BA SGRUB PA'I SKABS YIN PAS BSGRUB BYA ZHES BTAGS SO, ,DE DAG GIS RTAGS SAM KHYAB PA MA NGES PAR BSTAN NAS, ,DGRA BCOM SEMS GANG ZHES PA'I RKANG PA GNYIS KYIS DPE DE GANG LAS SHES ZHES PAR, KHYOD KYI GZHUNG LAS GRUB BO ZER BAR, TSAD MAS MA GRUB ZHES SOGS KYIS KHYOD SANGS RGYAS PA'I RJES SU 'BRANG NGAM DE SGRUB BYED DU MI RUNG BAR THAL, GRUB

064a

, ,MTHA' DE TSAD MAS MA GRUB PA'I DON CAN DU 'DOD PA'I PHYIR, ZHES PA'AM, YANG NA, NGED PHE MI RUNG BAR THAL, DGRA BCOM PA'I SEMS TSAD MAS MA GRUB PA'I PHYIR TE, DE MNGON SUM GYIS MA GRUB, RJES DPAG KHYOD KYIS MI 'DOD PA'I PHYIR, ZHES SBYAR RO, ,SHER MDO SOGS LAS, DGRA BCOM THA MA'I SEMS MTSAMS MI SBYOR BAR GSUNGS PA, RNAM 'GREL RANG LUGS LA NYI MA SPAS PA DANG RGYAL BCAN LTAR 'KHOR BA'I SEMS GZHAN MTSAMS MI SBYOR BAS THA MA ZER GYI, BRTZE BA'AM ZHES PA LTAR SNYING RJES MTSAMS SBYOR BAR 'DOD DE, RTAG NYID PHYIR RAM SOGS GSUNGS PA'I PHYIR, RNAM NGES LAS, SEMS CAN DU BGRANG BA'I SKAD CIG GZHAN NYE BAR LEN PA MED PA NI MTHA'I MTSAN NYID YIN NO, ,ZHES PA RANG LUGS KYI BKRAL TSUL SNGAR LTAR LA, MTHAR THUG THEG GSUM 'DOD PAS DE'I SGRAS ZIN LTAR SEMS CAN DU BGRANG BA'I SEMS SAM, ZAG BCAS KYI SEMS KYI NYER LEN MI BYED PA'I DON YIN ZHES BSHAD DE, t'I KA CHEN LAS, DES NA MTHAR THUG THEG PA GSUM DU BZHED PAR GSAL LO, ,ZHES DANG, RNAM BSHAD LAS, GZHUNG 'DI DAG GIS MTHAR THUG THEG PA GCIG TU NGES PAR BSTAN PAR 'DOD NA, GRUB MTHA'I RNAM BZHAG MA CHAGS PA'I GTAM MO, ,ZHES PAS DGRA BCOM SEMS GANG YIN DE YANG, ,SOGS THEG GCIG KHO NA'I LUGS SU MI BYED PAR GSUNGS PA'I PHYIR, THEG GSUM 'DOD PA'I LUGS LA RNAM NGES DANG, BSDU

064b

PA'I LUNG GIS THEG DMAN LHAG MED PA SEMS CAN MIN PAR 'GRUB STE, LE'U GNYIS PA'I MTHA' DPYOD LAS, SGRIB PA MED PA'I YE SHES TZAM DANG, DBYINGS SAM KHAMS TZAM GYIS SEMS CAN DANG 'GRO BA SOGS KYI THA SNYAD BYED NA SANGS 'PHAGS YANG SEMS CAN DU THAL BA BZLOG TU MED PA'I PHYIR, ZHES GSUNGS PA'I PHYIR, BSOD GRAGS PA DANG RJE BTZUN PAS RIGS PA DRUG CU PA'I 'GREL PAR, PHUNG PO'I LHAG MA MED PA NI PHUNG PO'I RGYUN CHAD PA'I MTSAN NYID YIN PAS ZHES PA DRANGS NAS NYAN THOS SDE GNYIS KYIS LHAG MED KYI TSE BEM RIG GAM PHUNG PO'I RGYUN CHAD 'DOD PAR GSUNGS KYANG, RANG LUGS LA, DE GNYIS LA DE'I TSE RIG PA 'DOD MKHAN YOD PAR SNGAR GYI RNAM 'GREL DANG MDZOD KYIS SGRUB PAS, MDZOD LAS, ZAG PA BCAS PA'I RNAM SHES NI, ,SOGS KYIS KHAMS DRUG GI RNAM SHES 'KHOR BAR SKYE BA'I RTEN NAM SA BON LTA BU YIN PAS ZAG BCAS DGOS, ZHES PA'I SHUGS KYIS 'KHOR BAR MI SKYE BA'I LHAG MED KYI TSE ZAG MED YOD PA DANG, THA MA MIN MTSUNGS ZHES PAS DGRA BCOM THA MA'I 'CHI SEMS DE RIGS 'DRA'I RKYEN MI BYED PAS DE MA THAG RKYEN MIN PAR BSHAD KYI ZAG MED KYI RKYEN BYED CES BYE SMRA KHA CIG 'DOD CES PA YIN NAM SNYAM STE, LE'U GNYIS PA'I MTHA' DPYOD DU YANG DE DANG 'GAL BAR GSUNGS SHING, GRUB MTHA' CHEN MOR, NYAN THOS SDE BA LA JO BO'I GSUNGS RGYUN LTAR, LHAG MED TSE RIG PA 'DOD MKHAN YANG YOD DE, SDE PA BCO BRGYAD DANG LUNG GIS SHES NUS SO, ,

065a

, ,ZHES GSUNGS PA'I PHYIR, 'DI'I JO BO'I GSUNG RGYUN DANG LUNG 'TSOL DGOS LA, BYE SMRA DES DE'I TSE LHAG MED PA MED KYANG 'GOG BDEN LTAR ZAG MED KYI RIG PA TZAM LTAS PAR 'DOD NA DE RTAG PAR 'GYUR BA'AM PHUNG PO YIN NA DE TSE PHUNG PO BZHI YOD PAS GANG ZAG GDAGS SU RUNG LA, DE TSE GANG ZAG YIN NA SROG DBANG YOD MED DANG SKYE BA BLANGS MA BLANGS SOGS DPYAD BYA MANG LA, DGONGS PA SHIN TU BRLING BA ZHIG YOD SNANG BAS BTZAL BAR ZHU, LUNG GI RJES 'BRANG GI SEMS TZAM PA'I LUGS LA THEG DMAN LHAG MED KYI TSE PHUNG PO'I RGYUN CHAD PA NYAN THOS SDE PA DANG 'DRA BAR BSOD GRAGS PA DANG RJE BTZUN PA GSUNGS KYANG, DGRA BCOM PA YANG PHUNG PO YIN PAS TSIG ZIN LTAR MI RUNG LA, DRANG NGES MTHA' DPYOD LAS, BEM RIG RGYUN CHAD 'DOD PA NAS, LUNG GI RJES 'BRANG GI SEMS TZAM PAS KYANG 'DOD GSUNGS PA, 'KHOR BA'I SEMS LA BYAS NA DE RIGS PA'I RJES 'BRANG GIS KYANG 'DOD PAS MI RUNG LA, ZAG BCAS KYI BEM RIG CHAD PA LA DGONGS KYI, DE RGYUN CHAD PA MIN TE, KUN GZHI'I RGYUN YOD PA'I PHYIR RO, ,DE'I BRGYAD PA RNAM SHES ZAG MED YIN KYANG SNANG BA LA MA NGES PA YIN TE, MNYAM BZHAG YE SHES YIN NA, BDAG MED MNGON SUM DU RTOGS PAS 'PHAGS PAR THAL LO, ,DE'I RGYUD LA SNYING RJE SOGS RTOG PA MED PA, BSDU PAR, SGRIB PA MED PA

065b

SANGS RGYAS DANG 'DRA BAR GSUNGS PA DANG, NYI MA SPAS PA'I 'GREL BAR, YONGS SU DAG PA'I SEMS YOD DO, ,ZHES SOGS KYI DGONGS PA'O, ,MCHAN DU SNGA MA YANG NAS, DPYAD GZHI YOD, CES PA SNGAR DRANGS PA LTAR RNAM BSHAD DANG t'I KA CHEN DU RNAM NGES KYI LUNG THEG GSUM KHO NA'I LUGS LTA BUR BYAS PAS YIN NO, ,KHO NA RE, SEMS CAN THAMS CAD SANGS RGYAS PA'I DUS SRID PAR THAL, LHAG MED MYANG 'DAS LA GNAS PA'I DGRA BCOM PA YOD PA'I PHYIR NA MA KHYAB, CES PA THEG GCIG 'DOD PA'I LHAGS YIN NA MI 'THAD DE, GZHI GRUB NA, DE 'DRA'I DUS SRID BAS KHYAB PA'I PHYIR, THEG GSUM 'DOD PA'I LUGS YIN NA, DE 'DRA'I SEMS TZAM PA'I LUGS LA YOD PA'I PHYIR, ZHES PA 'BREL MED DU 'GYUR BA'I PHYIR ZER NA, SNGA MA'I LUGS YIN KYANG, RTAGS DE PHYOGS SNGAS KYANG 'DOD PAS, DE'I RTAGS KYIS SGRUB PA 'BREL MED CES PA YIN GYI, NGES KHYAB MA GRUB CES PA MIN NO, ,MCHAN DU LUGS 'DIR DE LA KHYAB PA MED GSUNGS PA, THEG GSUM 'DOD PA'I LUGS YIN NO, ,GSER PHRENG LAS, SANGS RGYAS DANG BYANG SEMS KYI MYANG 'DAS SO, ,ZHES PA LTAR, YIG CHA RNYING PAR, MI GNAS PA'I MYANG 'DAS BYANG SEMS LA BZHAG PA SRID ZHI'I MTHA' LA MI GNAS PA'I GANG ZAG GI RGYUD KYI DE LA DGONGS LA, RANG LUGS RNAM BSHAD LTAR DE'I MYA NGAN LA SRID ZHI'I RGUD PA PA GNYIS BZHAG

066a

, ,NAS, DE LAS GROL BA LA BYAS SO, ,SDE BDUN RGYAN GYI DON SKYES BU YIN NA, PHUNG PO BZHI'AM LNGA'I TSOGS PA YIN PAS KHYAB PAR 'DOD PA'I NANG PA RANG NYID KYI SPYI GZHUNG DANG 'GAL ZHES PA YIN LA, THAL 'GYUR BA'I LUGS LA DES GANG ZAG PHUNG PO LA MA BRTEN PAR MED PAR BSTAN PAS STONG NYID BSTAN NO, ,SKABS 'DIR NYON MONGS MED KYANG SOGS BKRAL TSUL YOD PA MO'U 'GAL GYI BU'I GTAM RGYUD SOGS MDO LAS, DGRA BCOM PAS RANG RGYUD KYI LAS KYI RNAM SMIN MYONG PA YOD PAR GSUNGS PAS YIN PAS, RE ZHIG NYER LEN SRID PA NI, ,ZHES SOGS RTZOD LAN THAMS CAD RANG LUGS SU 'GREL Mi DGOS TE, DON SMRA DANG THAL 'GYUR BA'I RTZED TSUL DU 'DOD PA'I PHYIR, KHO NA RE, NYAN THOS LHAG MED PA'I RGYUD LA KUN 'BYUNG BDEN PA YOD PAR THAL, MTHA' DPYOD LAS, LHAG BCAS LHAG MED KYI NYAN THOS DGRA BCOM GNYIS KA'I RGYUD KYI 'PHEN BYED LAS YOD PA'I PHYIR, ZHES GSUNGS PA'I PHYIR NA MA KHYAB STE, PHAR PHYIN ZIN BRIS LAS, THAL RANG GI LUGS LA 'PHEN BYED KYI LAS LHAG MED PA'I RGYUD LA MED KYANG, RANG RE'I YIG CHA'I MYANG 'DAS KYI SKABS 'DIR YOD PAR BSHAD PA NI NYON SGRIB PHYOGS KYI YAN LAG BCU GNYIS KYI NANG TSAN DU GYUR PA'I DE LA MI BYED SHES SGRIB PHYOGS KYI YAN LAG BCU

066b

GNYIS KYI NANG TSAN DU GYUR PA'I 'PHEN BYED LAS DE LA BYED, CES GSUNGS PA'I PHYIR DANG, YIG CHAR YANG, 'KHOR BA PHRA RAGS KYI RGYA MTSO LAS MA RGAL BA'I PHYIR, ZHES RGYUD BLA RTZA 'GREL DRANGS NAS PHRA MO YOD PAR SGRUB KYI RAGS PA MA SGRUB PA'I PHYIR, DES NA SDUG KUN PHRA RAGS GNYIS GNYIS BZHAG CES PA YANG LHAG BCAS PA'I RGYUD LA RAGS PA GNYIS DANG, LHAG MED PA'I RGYUD LA PHRA MO GNYIS BZHAG PA'I DON NO, ,YANG KHO NA RE, MDZOD KYI BYE SMRA'I LUGS LA DGRA BCOB PA'I RGYUD LA 'PHEN BYED MI DGE BA'I LAS YOD PAR THAL, MDZOD 'GREL DON GSAL GYI LUNG DE'I PHYIR NA MA KHYAB STE, MNGON PA'I RJES 'BRANG GI LUGS LA YOD PA'I DON YIN NAM SNYAM STE, 'DUL BA'I MTHA' DPYOD DU DGRA BCOM PA LA LHUNG PA MI DGE BA YOD PAR GSUNGS PA'I PHYIR RO, ,KHO NA RE, LHAG BCAS PA'I GZUGS PHUNG CHOS CAN, 'KHOR BA SKYED BYED YIN PAR THAL, RANG 'BRAS 'KHOR BA SKYED BYED YIN PA'I PHYIR TE, RANG 'BRAS 'KHOR BA'I RGYU YIN PA'I PHYIR ZHE NA, BDUN LAS KYANG GSUM 'BYUNG ZHES PA LTAR GYI 'KHOR BSKYED BYED MIN PA'I DON YIN NAM DPYAD, BSOD GRAGS PA'I MTHA' DPYOD DU, 'KHOR BAR 'CHING BYED KYI PHUNG PO LA NYON SGRIB KYIS KHYAB PAR GSUNGS SO, ,MDZOD LUGS LA, GZHI GRUB NA, RDZAS GRUB YIN PAS KHYAB PAS, SPYI MTSAN SOGS RDZAS GRUB YIN KYANG

067a

, ,'DU MA BYAS RDZAS GRUB MIN PAS DE LA GSUM BYAS LA, DE'I RDZAS GRUB KYI DON MCHAN LTAR RO, ,NYI 'OG BAS, BZHI BYAS PA'I DE BZHIN NYID NI STONG BDAG MED LA BYA'O, ,SEMS TZAM PAS 'GOG BDEN CHOS DBYINGS SU 'DOD TSUL, GANG ZAG GANG GIS, SPANG BYA GANG SPONG BA'I GNYEN POR GTZO BOR BSGOM PA'I LAM DE'I 'DZIN STANGS KYI YUL GYI NGO BOR SPANG BYA DE ZANG DGOS PAS, THEG DMAN GYI 'GOG BDEN LA GANG ZAG GI BDAG MED PHRA MOS KHYAB KYANG, THEG CHEN GYI RNAM GROL LAM GYI STENG GI 'GOG BDEN LA CHOS KYI BDAG MED PHRA MOS KHYAB LA, MCHAN GYI DON THEG CHEN MTHONG LAM RNAM GROL LAM PA BA'I RGYUD KYI GANG ZAG GI BDAG MED PHRA MO LA'ANG 'GOG BDEN YOD PA YIN TE, DE'I STONG GZHI CHOS CAN LA GZHI SHES KYANG YOD PA'I PHYIR, ZHES BYANG CHUB YONGS 'GYUR BA LA SBYAR NA LEGS SO, ,ROL MTSO LAS, THEG DMAN GYI MYANG 'DAS GANG ZHIG SDUG BSNGAL GYI PHUNG PO'I LHAG MA DANG BCAS PA, LHAG BCAS MYANG 'DAS KYI MTSAN NYID, DPER NA, KHAMS GSUM GANG RUNG GI RTEN CAN GYI NYAN THOS DGRA BCOM PA'I RGYUD KYI 'GOG BDEN LTA BU, BZHI PA NI, DE GANG ZHIG ,DE DANG BRAL BA, LHAG MED MYANG 'DAS KYI MTSAN NYID, DPER NA, DAG ZHING GI RTEN CAN GYI NYAN THOS DGRA BCOM PA'I

067b

RGYUD KYI 'GOG BDEN LTA BU, ZHES DE GNYIS THEG DMAN KHO NA LA GZHAG PA NI, GSER PHRENG LAS, THEG DMAN GYI DBANG DU BYAS PA NI, ZHES DANG, RNAM BSHAD LAS, SLOB DPON RANG NYID KYI RIGS PA'I LAM NAS DRANGS PA'I DMAN PA'I MYANG 'DAS KYI RNAM BZHAG BYED PA SKABS SU BAB PA'I PHYIR RO, ,ZHES SOGS LA BRTEN PAR SNANG YANG, SNGA MA NI SNGA MA'I BSHAD TSUL YIN LA, PHYI MA NI SKABS 'DI'I 'BRAS BU MYANG 'DAS GNYIS PO THEG DMAN KHO NA LA 'JOG PA'I DON NO, ,LHAG BCAS LHAG MED KYI DON SNGA MA'I LAS NYON GYIS 'PHANGS PA'I SDUG BSNGAL GYI PHUNG PO SPANGS MA SPANGS KYIS 'JOG PA MDO BSTAN BCOS KYI DGONGS PA YIN PAS, RANG LUGS SANGS RGYAS LA BZHAG GO ,KHAMS GSUM GANG RUNG GI RTEN CAN GYI NYAN THOS DGRA BCOM PA'I RGYUD KYI 'GOG BDEN LHAG BCAS MYANG 'DAS YIN NA, KHAMS GSUM GANG RUNG GI RTEN CAN GYI LHAG MED PA MED PHAR THAL BA DANG, DAG ZHING RTEN CAN GYIS NYAN THOS DGRA BCOM THOB PA DANG DUS MNYAM DU SDUG KUN SPANGS NA DE SEMS TZAM PA'I LUGS LA'ANG LHAG MED PAR THAL BA DANG, THEG DMAN GYI LHAG MED MYANG 'DAS THOB PA LA LHAG BCAS MYANG 'DAS SNGON DU THOB MI DGOS PAR THAL BA DANG, SMON LAM GYI DBANG GIS SKYES PA BLANGS PA'I GLING GSUM GANG RUNG GI RTEN LA DGRA BCOM THOB MA THAG PAS KYANG LHAG MED MYANG

068a

, ,'DAS THOB PAR THAL LO, ,DES NA DE DAG GI RGYUD LA 'PHEN BYED KYI LAS YOD PA RNAM 'GREL SOGS KYI DGONGS PA YIN LA, DE MA SPANGS NA 'BRAS BU 'PHANGS 'BRAS YANG MI SPONG BAS, YIG CHAR, LHAG BCAS MYANG 'DAS KYI MTSAN NYID LA SKABS SGRA SBYAR RO, ,RJE BTZUN PA'I SPYI DON DU LHAG BCAS PA'I RGYUD LA KUN 'BYUNG MED PAR GSUNGS SHING, MTHA' DPYOD DU YOD PAR GSUNGS SO, ,YIG CHAR, 'DI LA NYAN RANG GI DE GNYIS YOD CES GSUNGS PAS, LHAG BCAS NAS THEG CHEN DU 'JOG PA MED ZER BA YOD CING SH'A RI'I BU TSE DE LA THEG CHEN DU ZHUGS PAR MDO LAS GSUNGS SHING, SEMS TZAM SKABS SU DE LTAR GSUNGS PAS, DE'I LUGS LA YANG MED PAR THAL LO, ,DE THEG CHEN DU ZHUGS NAS SLAR SKYE BA BLANGS DUS LHAG MED DU 'PHO BA YIN LA, SEMS TZAM PA'I LUGS LA GSER PHRENG LTAR SPRUL PA'I LUS KYIS GZHAN NGOR 'DA' TSUL STON DUS LHAG MED DU 'PHO BA YIN NA, SPYIR LHAG MED PA'I RGYUD LA RNAM SMIN GYI RNAM SHES BZHAG DGOS SO, ,MDO LAS, GANG SDUG BSNGAL 'DI ZHES SOGS SOGS KYI DON THAL 'GYUR BAS SPANGS PA LA MI BYED PAR, BDEN 'DZIN ZANG STOBS KYIS BLO MNGON GYUR PA'I NGO BOR DE DAG RANG NGOS NAS GRUB PAR SNANG BA'I LHAG MA MED PA LA BSHAD DO, ,GSER 'OD SOGS LAS SKU GSUM

068b

LA LHAG BCAS LHAG MED DU GSUNGS PA, GSER PHRENG LAS, THEG CHEN GYI DBANG DU BYAS ZHES PA, THEG CHEN GYI DE'I SGRAS BRJOD PA'I DON TE, SGRIB PA'I MYA NGAN DANG BRAL ZHING PHUNG PO YIN MIN GYIS SO, ,SDUG BSNGAL GYI PHUNG PO KHYAB PA 'DU BYED KYI SDUG BSNGAL LA BYED, SDUG BSNGAL LA YUL YID DU MI 'ONG BA YOD PAS SHES PA MI DGOS SO, ,BU DOL GNYIS KYIS MYANG 'DAS SANGS RGYAS KHO NAR BZHAG GO ,RTZA SHE'I t'I KA CHEN LAS, MAR ME SHI BA NI NYON MONGS ZAD PA'I DPE TZAM YIN LA, ZHES PA, MAR ME SHI BAR GYUR PA BZHIN, ,ZHES PA'I TSIG ,DE YI SEMS NI RNAM PAR GROL, ,ZHES PA DANG LHAN CIG SBYAR BA DE GSUNGS PA YIN LA, SGO BLO'I YIG CHAR, GANG LA LTAS ZHIG 'DU SHES 'GAG ,CES PA DANG SBYAR BA'I DE LHAG MED LA SBYAR BAS YIG NOR MIN NO, ,YIG CHAR, MNYAM BZHAG PA'I RGYUD KYI THAR PA YIN PA'I PHYIR, ZHES DANG, MDO SDE RGYAN LAS, BYANG CHUB SEMS DPA' MNYAM BZHAG PA'I, ,ZHES GSUNGS PAS, MNYAM BZHAG ZAG BCAS PA MNYAM BZHAG PA YIN MIN GYI KHAS LEN GNYIS BYUNG YANG DON 'DRA'O,, ` ,,TSIG RKANG GSUM PAR DGOS PA DANG BZHI BYAS PA NI, GSER PHRENG LAS, GANG GI DON DUN ZHES 'GREL PAR CHOS 'KHOR BSKOR BA'I DGOS PA GSUNGS PAS YIN LA, RNAM BSHAD SOGS LAS GSUM BYAS PA RTZA BA LTAR

069a

, ,YIN NO, ,RJE BTZUN PA'I MTHA' DPYOD LAS, KHA CIG ,'KHOR LO RIN PO CHE TSAD MAS MA DMIGS PA'I SA PHYOGS KYI SANGS RGYAS KYI BKA' CHOS CAN, 'KHOR LO RIN PO CHE DANG CHOS MTSUNGS PA'I DAM CHOS YIN PAR THAL, CHOS 'KHOR YIN PA'I PHYIR, KHYAB PA KHAS, 'DOD NA, DE CHOS CAN 'KHOR LO RIN PO CHE YOD PAR THAL, 'DOD PA'I PHYIR NA MA KHYAB STE, KHO RANG LA, ME TSAD MAS MA DMIGS PA'I SA PHYOGS KYI BYANG SEMS SBYOR LAM BA'I RGYUD KYI SEMS BSKYED CHOS CAN, ME YOD PAR THAL, ME LTA BU'I SEMS BSKYED YIN PA'I PHYIR, KHYAB PA KHAS, ZHES GSUNGS KYANG, RANG LUGS LA, CHOS CAN DE'I STENG DU SEMS BSKYED DE, CHOS CAN DE'I STENG DU ME LTA BU'I SEMS BSKYED YIN PAR RTAGS MA GRUB ZER DGOS TE, DE'I GSAL BA LA 'DOD LAN MI THEBS TSUL YOD PA'I PHYIR, DE CHOS CAN, ME LTA BU'I SEMS BSKYED YIN PAR THAL, BYANG SEMS SBYOR LAM PA'I RGYUD KYI SEMS BSKYED YIN PA'I PHYIR NA GZHI DER MA KHYAB ZER DGOS SO, ,DE BZHIN DU GZUGS SU GYUR PA'I ME LTA BU'I SEMS BSKYED YIN MIN SOGS LA RNAM 'GREL GYI RIGS PA PHRA ZHIB MA BYAS NA SNGO LO'I RGYAL MTSAN 'CHAR YONG NGO, ,RJE BTZUN PA DANG BSOD GRAGS PAS, BKA' DANG LAM ZHUGS KYI MNGON RTOGS GANG RUNG GIS BSDUS PA'I RNAM DKAR GYI YON TAN CHOS 'KHOR GYI MTSAN NYID DU BZHAG NAS RNAM DKAR GYI YON TAN LA DGE BA DGOS

069b

PAR GSUNGS PAS, LUNG GI CHOS 'KHOR DGE BA 'DOD DAM DPYAD LA, LUNG GI CHOS 'KHOR BSKOR BA PO SANGS RGYAS DGOS PAS DE LA BKA' DGOS PAR SGRUB PAS, BSKOR PA PO DANG RTZOM PA PO KHYAD MED DU 'DOD PA 'DRA LA, RTOGS PA'I CHOS 'KHOR LA LAM DGOS PA LUNG RIGS KYI SGRUB BYED GSAL PO MA GSUNGS SO, ,YIG CHAR, BLO GROS RAB GNON GYIS ZHUS PA DANG, MDZOD KYIS NI CHOS 'KHOR DANG SANGS RGYAS KYI BSTAN PA KHYAD PAR MED PAR SGRUB CING, GZHI BSDU BAS NI, CHOS 'KHOR GYI DON STENG NAS SGRUB STE, MI MTHUN PHYOGS GCOD PA'I CHED DU GDUL BYA GCIG NAS GCIG TU BRGYUD DE RIM GYIS 'PHO BAS 'KHOR LO ZER DGOS PA'I PHYIR DANG, GSER PHRENG LAS, LUNG DANG RTOGS PA'I CHOS THAMS CAD CHOS 'KHOR DU 'DOD PAR BYA'O, ,ZHES GSUNGS PA MDO DANG MDZOD KYI DGONGS PA LTAR YIN PAS, 'GOG BDEN KYANG CHOS 'KHOR DU 'GRUB BO, ,RNAM BSHAD LAS, MNGON PAR RTOGS PA'I ZHES GSUNGS PAS MNGON RTOGS DGOS ZER NA MIN TE, CHAGS SOGS LAS RGYAL BYED KYI LUNG RTOGS KYI CHOS LA BYED PA DPE DON SBYOR TSUL GYIS SHES PA'I PHYIR, BSKOR BA'I DON PHAR PHYIN ZIN BRIS LAS, BKA' DANG POR BDEN BZHI RE RE LA BZLAS PA GSUM GSUM RNAM PA BCU GNYIS SU BSKOR BA'I DUS SU MDO DON SHES PAR BYED PA DE BSKOR BA'I DON DU SLOB DPON DBYIG GNYEN SOGS KYIS GSUNGS PA'I PHYIR, NAS, SGRON GSAL LAS, CHOS NI 'DUS BYAS

070a

, ,DANG 'DUS MA BYAS PA STE, BDEN PA GNYIS KYI BDAG NYID CAN NO, ,'KHOR LO NI TSOGS TE, DE SEMS CAN GYI 'JIG RTEN DU RAB TU STON PAS NA CHOS KYI 'KHOR LO RAB TU BSKOR BA'O, ,ZHES BYUNG, RJE THAMS CAD MKHYEN PA'I MCHAN 'GREL LAS, DE'I DON SHES PAR BYED PA'O, ,ZHES GSUNGS SO, ,ZHES PA LTAR LUNG GI CHOS RNAMS RANG GI BRJOD DON SHES TE NYAMS SU LEN PA NAS DANG RTOGS PA'I CHOS RNAMS RANG NYAMS SU LEN TSUL SHES TE NYAMS SU LEN PA LTAR PA NAS YIN TE, RNAM MKHYEN GDUL BYA LA BSKOR TSUL YOD PA'I PHYIR, RJE BTZUN PA'I MTHA' DPYOD DU RNAM MKHYEN GDUL BYA'I RGYUD LA 'PHO BA MED PAR GSUNGS KYANG SPYI DON DU YOD PAR GSUNG PA LTAR YIN NO, , MDZOD 'GREL LAS, BZLAS PA 'DI NGAG GIS NI GRANGS BZHIN DU MTHONG BA DANG SGOM PA DANG MI SLOB PA'I LAM RNAMS BSTAN TO ZER RO, ,GAL TE DE LTAR NA 'O NA NI, MTHONG BA'I LAM KHO NA LAN GSUM BZLAS PA YANG MA YIN LA RNAM PA BCU GNYIS KYANG MA YIN NA, JI LTAR NA MTHONG BA'I LAM 'DI CHOS KYI 'KHOR LOR RNAM PAR BZHAG ,DE LTA BAS NA CHOS KYI RNAM GRANGS DE NYID CHOS KYI 'KHOR LO YANG YIN LAN GSUM DU BZLAS PA DANG RNAM PA BCU GNYIS KYANG YIN PAR RUNG NGO, ,ZHES BZLAS PA GSUM MTHONG SGOM MI SLOB LAM GSUM LA BZLAS ZER BA DANG, MTHONG LAM KHO NA RTOGS PA'I CHOS 'KHOR DANG, BZLAS PA GSUM LUNG GI CHOS 'KHOR DU 'DOD PA NANG

070b

'GAL ZHES PA MCHAN GYI DON NO, ,KHO NA RE, BYE SMRA'I LUGS LA MTHONG LAM YIN NA, CHOS 'KHOR YIN PAS KHYAB ZER NA, LNGA SDE DANG LHA BRGYAD KHRI LAS GZHAN PA'I RGYUD KYI MTHONG LAM CHOS CAN, KHYOD SKYE TSE CHOS 'KHOR BSKOR BAR LHAS BSGRAGS PAR THAL, CHOS 'KHOR YIN PA'I PHYIR, MA KHYAB NA, SGOM LAM SOGS CHOS 'KHOR DU THAL LO, ,DE LA SGRUB BYED GNYIS PA KHYAD PAR DRUG MA TSANG BA'I PHYIR ZER NA, GO'U DE N+YA'I RGYUD KYI CHOS BZOD KYANG DE MA YIN PAR THAL LO, ,KHYAD PAR DRUG TSANG BA'I SGOM LAM YOD MED SOGS 'PHEN LA, SGRUB BYED SNGA MA LTAR NA LNGA SDE GZHAN BZHI'I MTHONG LAM KYANG CHOS 'KHOR MIN TE, DE BZLAS PA GSUM PA'I RJES SU SLAR BDEN BZHI RGYAS PAR BSHAD SKABS SKYES PAR GSUNGS PA'I PHYIR, BYE SMRAS BSTAN PA 'DI'I DBANG DU BYAS PA'I LAM 'BRAS TZAM GSUNGS PAS DPYAD BYA MANG NGO, ,TSANGS SPYOD YON TAN BZHI'I THA MA GNYIS NI NGO BO ZAG PA DANG MA 'DRES PA DANG, GLO BUR GYI DRI MA DAG BYED YIN PA LA BYA'O, ,SPYIR BSTAN PA GNAS PA 'DUL BA'I LAG LEN DANG, BSTAN PA YANG SNYING GNAS PA GSANG 'DUS KYI BSHAD SGRUB YOD MED LA BYED PAR GSUNGS SO, ,RJES THAMS CAD KYI NANG NAS BA LANG GI RJES MCHOG YIN PA BA LANG GI RJES CHE BAS YIN GYI CANG SHES SOGS LA SBYAR BA MI 'THAD PAR LAM RIM MCHAN GCIG MAR GSUNGS PAS, 'DI YANG CANG SHES LA SBYAR BA MI 'THAD

071a

, ,SNYAM, BSOD GRAGS PA DANG RJE BTZUN PAS, DUS DANG POR GSUNGS PA'I MDO 'KHOR LO DANG PO'I MTSAN NYID DU 'JOG NA, CHOS 'KHOR BSKOR BA'I DUS CHA GSUM DU BGO DGOS PAS, SHER MDO DANG, DE BZHIN GSHEGS PA'I SNYING PO'I MDO 'KHOR LO DANG POR THAL, SNGA MA SANGS RGYAS PA'I PHYI LO DANG, PHYI MA SANGS RGYAS PA'I LO BCU PA LA GSUNGS PA SOGS KYIS BKAGS NAS, DGONGS 'GREL GYI 'KHOR LO GSUM LAS GZHAN PA'I 'KHOR LO GSUM MI 'JOG PAR GSUNGS LA, RGYAL BA DGE 'DUN RGYA MTSO'I DRANG NGES BKA' 'GREL DU BRJOD BYA PHYOGS MTHUN GYI 'KHOR LO GSUM GYI MTSAN NYID BZHAG NAS, 'DI DAG NI GO PA 'TSOL BA'I DBANG DU BYAS LA, SKYON BCAD DE ZHIB PAR SMRA NA ZHES DGONGS 'GREL GYI 'KHOR LO GSUM GSUNGS NAS, DES NA YAB SRAS GSUM GA RGYAL BA'I BKA' THAMS CAD 'KHOR LO GSUM DU MA 'DUS PAR BZHED DE, ZHES GSUNGS LA, DE DANG PHAL CHER MTHUN PAR LCANG SKYA RIN PO CHE'I GRUB MTHAR, BKA' THAMS CAD 'KHOR LO GSUM DU 'DU BA'I DBANG DU BYAS PA'I 'KHOR LO GSUM GYI RNAM BZHAG NI JI LTAR YIN ZHE NA, MKHAS GRUB THAMS CAD MKHYEN PA'I RGYUD SDE SPYI RNAM DU GSUNGS PA LTAR, ZHES DANG, 'JAM DBYANGS BZHAD PA'I RDO RJES KYANG, DRANG NGES RNAM 'BYED KYI MTHA' DPYOD DU MKHAS PA SNGA MA'I BZHED PA DGOD PA TZAM MDZAD KYANG, YANG

071b

NA ZHES, RGYUD SDE SPYI RNAM DANG MTHUN BA'I 'KHOR LO GSUM GYI MTSAN NYID 'JOG TSUL GNYIS PA ZHIG GSUNGS PA DE KHO NA RJE BTZUN DE NYID KYI BZHED PAR SNANG NGO, ,ZHES SPYIR 'KHOR LO GSUM BRJOD BYA PHYOGS MTHUN GYIS 'JOG PAR GSUNGS NAS, LEGS BSHAD SNYING PO LAS, DUS KYI RIM PA'I SGO NAS 'KHOR LO GSUM DANG SBYAR ZHES PA DRIS LAN GNYIS SU DRANG NGES SU 'GREL RGYU'I MDO TSAN GSUM PO'I MTSAN GZHI RNAMS DUS KYI RIM PA DANG SBYAR GSUNGS PA DANG, DUS DANG POR GSUNGS TSAD KYI GSUNGS RAB THAMS CAD LA MIN TE, ZHES PA BU DOL SOGS KYIS DGONGS 'GREL DU DUS DANG PO DANG BAR BAR GSUNGS PA'I MDO THAMS CAD DRANG DON DANG, THA MAR GSUNGS PA NGES DON DU GSUNGS PAR GSHAD PA 'GOG CHED YIN PAS, RJE BLA MAS, DUS DANG POR GSUNGS PA'I MDO YIN NA, 'KHOR LO DANG PO YIN PAS MA KHYAB PAR GSUNGS PA KHYAB PA'I SGRUB BYED DU MA 'DZIN CIG ,CES BKAG GO YIG CHAR, ,'KHOR LO GSUM BYED PA SKU TSE'I TSIGS DANG 'KHOR 'DU THEBS KYIS MI BYED DE, THUN MONG GI SNANG BA GTZO CHE BA SOGS SHES DGOS SO, ,ZHES PA LTAR, RANG LUGS LA 'GA' ZHIG GIS DANG PO LO BDUN ZHES PA LTAR RAM, SKU TSE'I CHA MNYAM GSUM DU BGO BA DANG, 'DUS PA DANG PO LA DGE SLONG BRGYA PHRAG PHYED DANG BCU GSUM ZHES PA SOGS LTAR 'KHOR 'DUS PA DANG PO SOGS KYIS MI 'JOG

072a

, ,PAR THUN MONG SNANG TSOD LTAR CHOS KYI 'KHOR LO BSKOR BAR MTHONG NGO, ,GNYIS PA BSKOR BAR MTHONG NGO, ,GSUM PA BSKOR TE ZHES PA DANG BSTUN NAS, SANGS RGYAS TSUL BSTAN PA NAS SHER MDO GSUNGS KHA'I BAR DU SA DANG PO DANG, DE NAS DGONGS 'GREL GSUNG KHA'I BAR DU SA BAR BA DANG, DE NAS 'DA' TSUL BAR DU SA THA MAR BZHAG STE, DUS 'DIR GSUNGS PA'I MDO RNAMS BZHAG PAS SHER MDO SOGS 'KHOR LO DANG POR THAL BA MED DO, ,DRANG NGES CHEN MOR, YANG NA ZHES BRJOD BYA PHYOGS MTHUN GYI DE BZHAG NAS, RGYUD SDE SPYI RNAM GYI LUGS SO, ,ZHES GSUNGS PAS, DE RANG LUGS SU MA BYAS PA'I PHYIR, GZHAN DU NA PHAR PHYIN MTHA' DPYOD SOGS KYIS RANG LUGS SKABS THAMS CAD DU SNGA MA'I BZHED PA TZAM BKOD PAR THAL LO, ,YIG CHAR, DE RJE YAB SRAS DANG STON PA'I DGONGS PA YIN PA'I PHYIR, ZHES PA LTAR, STON PAS, SHER MDO LAS, CHOS KYI 'KHOR LO GNYIS PA BSKOR BAR MTHONG NGO, ,ZHES PA DUS GNYIS PA LA DGONGS KYI BRJOD BYA GNYIS PA STONG NYID STON PAS YIN NA, ZAB ZHI SPROS BRAL ZHES SOGS KYI SKABS SU DE BRJOD DGOS PA'I PHYIR, KHYAD PAR DU DGONGS 'GREL DRI ZHUS KYI SKABS SU RNAM GRANGS DU MAR SOGS KYIS DUS DANG POR DANG, CHOS RNAMS KYI SOGS KYIS DUS BAR BAR BKA' STZAL TSUL RIM PAR ZHUS NAS 'KHOR LO

072b

DANG PO DANG GNYIS PA ZHES DNGOS SU MA GSUNGS PA GRUB DON DU BCOM LDAN 'DAS KYI DANG POR ZHES DANG, GNYIS PA BSKOR TE, GSUM PA BSKOR TE, ZHES SNGAR DI ZHUS KYI DE GNYIS DANG, LAN RNAMS LA DUS KYI RIM PA'I SGO NAS 'KHOR LO GSUM GYI THA SNYAD SBYAR BAS, DE DAG DGONGS 'GREL GYI 'KHOR LO GSUM DU 'JOG PA BRJOD BYAS YIN KYANG, SPYIR 'KHOR LO DANG PO GNYIS PA ZER BA DUS SNGA PHYI BAR GSUM DU GSUNGS PAS YIN LA, LEGS BSHAD SNYING PO LAS, SHUGS LA GNAS PA'I DON ZHES SOGS KYIS KYANG DE GSUNGS PAR KHYED CAG KYANG 'DOD PA'I PHYIR, RANG RANG GI GZHUNG NA GSAL LO, ,DES NA BDEN BZHI'I CHOS 'KHOR CHOS CAN, DRI ZHUS KYI 'KHOR LO DANG PO YIN TE, RANG GI MTSAN NYID YOD PA SOGS SU GSUNGS PA'I 'KHOR LO DANG PO YIN PA'I PHYIR, DE LA DRI ZHUS SU BKA' STZAL TSUL DANG POR BKOD PA DANG, GRUB DON DU DANG PO ZHES PA'I RGYU MTSAN YOD DE, DUS DANG POR GSUNGS PA'I RGYU MTSAN GYIS YIN PA'I PHYIR, ZHES SO SOR PHYE NA JO NANG BAS 'KHOR LO GSUM DUS KYI RIM PAS 'JOG PA RANG LUGS DANG MTHUN BZHIN DU 'KHOR LO GSUM DANG DGONGS 'GREL GYI 'KHOR LO GSUM DON GCIG BYAS NAS, DANG PO GNYIS GA'I RUNG LA DRANG DON DANG, THA MA LA NGES DON GYIS KHYAB PAR BSHAD PAS, DE DGAG CHED DU LEGS BSHAD SNYING PO LAS, DE'I PHYIR

073a

, ,DUS DANG POR BDEN PA BZHI LA BRTZAMS NAS ZHES SOGS GSUNGS TE, DES 'KHOR LO DANG PO LA DGONGS 'GREL GYI 'KHOR LO DANG PO MI DGOS TE, DE LA RANG GI MTSAN NYID YOD PA SOGS SU GSUNGS PA'I DRANG DON DGOS LA, DANG PO LA BSLAB BYA TZAM GSUNGS PA YOD PAS DE 'DIR DOGS PA GCOD MI DGOS PA'I PHYIR, ZHES BKAG PA'I PHYIR, LHUN PO'I MDZES RGYAN LTAR NA, BSLAB BYA TZAM GSUNGS PA'I DE CHOS CAN, 'KHOR LO DANG PO MA YIN PAR THAL, DUS DANG POR GSUNGS PA'I MDO YIN NA, DE YIN BAS MA KHYAB KYI SKYON YIN PA'I PHYIR, 'DOD NA, 'KHOR LO GSUM BRJOD BYA PHYOGS MTHUN GYIS BZHAG PA DANG 'GAL LO, ,DKA' 'GREL RTZOM 'PHRO LAS, KUN MKHYEN BLA MAS KYANG NAS, RGYUD SDE SPYI RNAM GYI LUGS YIN NO, ,ZHES GSUNGS PA'I TSIG GI NUS BA LA DPAG NA DE LTAR BSHAD LUGS BYAS CHOG KYANG, 'DIR BSHAD BYA RTZA BA'I GZHUNG GI NGOS ZIN DANG MTHUN TSAB CHE ZHING, SPYI KHYAB DU 'JOG BDE BA NI DUS KYI RIM PAS 'JOG TSUL 'DI YIN PAS DE GTZO BOR BYED DGOS ZHES PA'I DON YIN PA'I PHYIR, ZHES PA LTAR RGYUD SDE SPYI RNAM DU YANG DE LTAR 'JOG LUGS BYAS KYANG SPYIR 'KHOR LO GSUM GYI DON DUS KYI RIM PAS BZHAG STE, DE NYID LAS, BDEN PA BZHI'I CHOS KYI

073b

'KHOR LO BSKOR BA'I MDO NI 'KHOR LO DANG PO'I MDO DNGOS YIN ZHING, NAS, RTOGS BRJOD BRGYA PA LA SOGS PA'ANG 'KHOR LO DANG PO'I MDOR GTOGS SO, ,ZHES SOGS KYIS 'KHOR LO GSUM DNGOS RNAMS DUS KYI RIM PAS BZHAG NAS, GZHAN RNAMS DER GTOGS PAR GSUNGS PA'I PHYIR, DE LA DGONGS NAS MTHA' DPYOD DU DUS KYI RIM PAS 'JOG PA MKHAS GRUB RJE'I DGONGS PAR, DE NYID LAS, 'KHOR LO GSUM LAS DANG PO NI THEG DMAN GYI SDE SNOD DANG, ZHES SOGS 'DI'I DON BSDU DRANGS SO, ,RANG GI MTSAN NYID YOD PA SOGS SU GSUNGS PA'I 'KHOR LO DANG PO DRANG DON DU STON PA YIN GYI ZHES DE LTAR STON PA'I 'KHOR LO DANG PO DMIGS KYIS BKAR BAS, DE LTAR MI STON PA'I 'KHOR LO DANG PO ZHIG YOD PAR BSTAN CING, DGONGS 'GREL GYI 'KHOR LO DANG PO LA DRANG DON GYIS KHYAB PAR BSTAN PA'I PHYIR, DES NA BSOD GRAGS PA DANG RJE BTZUN PAS, BDEN BZHI DNGOS KYI BRJOD BYA'I GTZO BOR BYAS NAS STON PA'I THEG DMAN GYI MDO 'KHOR LO DANG PO'I MTSAN NYID DU BZHAG PA'ANG MI 'THAD DO, ,KHYAD PAR DU DE NYID LAS, 'KHOR LO GSUM PA NGES DON DU BSHAD PA YANG SNGAR BSHAD BA LTAR LEGS PAR PHYE BA RNAMS YIN GYI THAMS CAD MIN PA NI, ZHES PAS 'KHOR LO THA MA THAMS CAD 'DIR BSTAN 'KHOR LO THA MA MIN PAR GSAL BAR GSUNGS PA NI, DE DAG GIS 'KHOR LO GSUM PA LA DGONGS 'GREL

074a

, ,GYI DES KHYAB PAR 'DOD PA LA DNGOS SU GNOD DO, ,DES NA YIG CHAR, YANG KHA CIG NA RE, 'KHOR LO DANG PO YIN NA, DGONGS 'GREL NAS BSHAD PA'I 'KHOR LO DANG PO YIN PAS KHYAB, DE BZHIN DU BAR PA DANG THA MA LA'ANG KHYAB ZER NA, ZHES RGYAS PAR DGAG PA NI LEGS BSHAD SNYING PO'I LUNG DE DAG DRANGS NAS GTZO BO JO NANG PA DANG RJE BTZUN PA SOGS THUN MONG DU DGAG PA YIN NO, ,BDAG GZHUNG DON LA PHYOGS MTHONG TZAM YANG MED PAS SAR GNAS KYI SEMS DPA' CHEN PO RNAMS DGAG PAR MI RIGS MOD, KUN MKHYEN BLA MA YAB SRAS KYI GZHUNG LA BDAG 'DRA'I SKUR BA BZLOG PHYIR BYAS KYI, DE RNAMS KYANG GDUL BYA DRANGS BA'I THABS MCHOG TU BZUNG NAS MA DAD PA MI BYA'O, ,LEGS BSHAD SNYING PO LAS, SHUGS LA GNAS PA'I DON DE NYID CES PA'I SHUGS LA GNAS PA'I DON NI, LEGS BSHAD SNYING PO'I MTSAN LAS, 'DI DANG 'DI LTAR BKA' STZAL CES MDO SDE SO SOR NGOS BZUNG NAS DRANG NGES PHYE STE BSHAD PA'I SHUGS KYIS 'KHOR LO GSUM GYI MING SBYAR TE DRANG NGES SU 'JOG TSUL KYANG SHES MOD, ZHES DANG, DKA' 'GREL RTZOM 'PHRO LAS, MDO TSAN GSUM PO DE DUS SNGA PHYI BAR GSUM DU GSUNGS PA YIN PAS GO RIM DE'I SGO NAS 'KHOR LO GSUM ZHES PA'I THA SNYAD DANG MDO TSAN GSUM MING DON SBYOR DGOS NA'ANG ZHES

074b

BA LTAR DRI BA ZHU SA'I MDO GNYIS DANG LAN GYI MDO GSUM LAS DUS KYI RIM PAS GSUNGS PA'I GO RIM DE'I SGO NAS 'KHOR LO GSUM ZHES PA'I THA SNYAD DRANG NGES SU 'JOG TSUL MING DON SBYAR BA 'JOG STE, MTSAMS SBYAR GYI DON BSDU NA, GSUNG RAB LA NGO BO NYID YOD PA DANG, MED PAR STOD PA GNYIS DANG, YOD MED LEGS PAR PHYE BA DANG GSUM BYUNG, DE'I DANG PO GNYIS DRANG DON DANG PHYI MA NGES DON DU SNGAR DRI LAN GYI DNGOS SU BSHAD PA'I SHUGS KYIS DON GZHAN ZHIG SHES BAR 'GYUR RO, ,SHUGS LA SHES RGYU'I DON DE NYID GANG ZHE NA MDO TSAN GSUM PO DE LA DUS KYI RIM PA'I SGO NAS 'KHOR LO GSUM GYI THA SNYAD SBYAR TE DRANG NGES SU 'GYUR TSUL ZHES 'GREL DGOS PA'I PHYIR,, DE LTAR PHAL CHER GYIS MCHAN DU SHUGS KYIS GZHAN ZHIG SHES RGYU YOD PA'I PHYIR, ZHES PAR, DE LTAR NA SHUGS LA SHES RGYUD DNGOS SU MA BSTAN PAR SHUGS LA GNAS PA'I DON DE NYID CES PA 'BREL MED DU 'GYUR ZHES DANG, 'GA' ZHIG GIS DE DNGOS SUM SMOS PAS GZHI MED KYI BSHAD PAR 'GYUR ZHING 'KHOR LO GSUM GYI THA SNYAD DE 'KHOR LO GSUM DANG SBYAR ZHES PA NI, TSIG GI GCOD MTSAMS MA NGES BAS MNOD STE, DUS KYI RIM PA'I SGO NAS ZHES SOGS KYI SHUGS LA GNAS PA'I DON DNGOS SU BSTAN PA'I PHYIR DANG, DE SLAR SBYAR MI DGOS PA'I PHYIR RO, ,KHA CIG ,DRIS LAN GYIS DANG PO GNYIS DRANG DON DU DNGOS SU GSUNGS PA MI 'THAD PAR THAL, 'KHOR LO

075a

, ,GSUM GYI DRANG NGES KYI THA SNYAD DNGOS SUM GSUNGS PA'I PHYIR, RTAGS KHAS, ZHES BSHAD NAS DRIS LAN GYIS PAR BA'I DGONGS GZHI DNGOS SU BSTAN KYANG DE'I DGONGS GZHIR DNGOS SU MA BSTAN PA BZHIN DU DNGOS LA GNOD BYED LA YANG 'DRA ZHES DANG, LA LAS, DRIS LAN KYIS MDO SDE GNYIS DRANG DON DANG GCIG NGES DON DU DNGOS SU MA BSTAN TE, BAR BA'I DGONGS GZHI SOGS DNGOS SU GSUNGS KYANG, DRANG DON ZHES PA'I THA SNYAD DNGOS SU MA SBYAR LA, GZHAN GNYIS LA DNGOS BSHAD NA DANG PO LA DRIS LAN DNGOS SU MDZAD PAR THAL BA DANG, RANG NYID KYIS CHA PHYE NAS STON PA'I NGES DON GCIG YOD PAR DON GYIS GRUB PAR BSHAD PA DANG 'GAL BA'I PHYIR ZER BA MI 'THAD DE, DANG PO GNYIS DRANG DON DU DNGOS SU GSUNGS NA DRANG NGES KYI THA SNYAD TSIG LA SBYAR MI DGOS PA'I PHYIR, KHYOD LTAR NA DRIS LAN GYIS BAR BA YANG DRANG DON DU DNGOS SU MA 'GREL BAR THAL, DE DRANG DON ZHES PA'I THA SNYAD KYANG DNGOS SU MA GSUNGS NGO BO NYID MED PA GSUM DE'I DGONGS GZHIR DNGOS SU MA GSUNGS PA'I PHYIR, RTAGS KHAS, BAR PA'I DGONGS GZHIR DNGOS SU MA BSTAN ZER BA, MDO LAS, NGAS CHOS RNAMS KYI NAS, DGONGS NAS CHOS THAMS CAD NGO BO NYID MED PA'O, ,ZHES BSTAN TO, ZHES SOGS DANG, BSDU BA SUM CU PA SOGS DANG 'GAL LO, ,DRIS LAN GYIS DANG PO'I DRIS LAN DNGOS

075b

SU MA MDZAD KYANG, DNGOS LA GNOD BYED BSTAN NAS SGRAS ZIN LTAR MI RUNG BAR DNGOS SU GSUNGS PAS DRANG DON DU DNGOS SU 'GREL LA, NGAS CHOS RNAMS KYI ZHES SOGS KYIS NGAS SNGAR BSHAD PA RNAMS SGRA SOR BZHAG MI RUNG BAS DE'I DON NAM DGONGS PA DNGOS 'DI YIN ZHES GSUNGS PAS LAN GYI MDO DE NGES DON NAM SGRA SOR BZHAG RUNG BAR DNGOS SU GSUNGS LA, DES THA MA NGES DON DU DNGOS SU BSTAN PAR 'GRUB PO, ,GZHAN DU NA 'DIR BSTAN 'KHOR LO THA MAS 'KHOR LO GSUM GYI DRANG NGES MA PHYE BAR THAL LO, ,DKA' 'GREL DU CHA PHYE PA'I NGES DON GCIG YOD PAR SHUGS LA BSTAN ZHES PA CHA PHYE NAS STON PA NGES DON NAM GSUM PA ZHES PA'I THA SNYAD SHUGS LA BSTAN PA'I DON YIN PAS NANG 'GAL MED DE, 'OG TU DE'I THA SNYAD SNGAR MA BYUNG BA'I DBANG GIS YIN NO, ,ZHES GSUNGS PA'I PHYIR, KHO BO'I MCHAN 'GREL DU 'DI DANG MI 'DRA BA TZAM ZHIG BRIS ZHES PA, LEGS BSHAD SNYING PO'I MCHAN LAS, 'KHOR LO GSUM ZHES PA'I THA SNYAD GRUB DON YAN LA MA BYUNG BAS ZHES PA DE YIN PA 'DRA'O, ,'DI DA LTAR MON GYI RNGOR GCOD LTAR SONG BAS RGYAS PAR BRIS SO, ,'GA' ZHIG GIS, SDUG BSNGAL SHES PAR BYA STE SHES PAR BYAR MED, CES PA BZLAS PA GSUM PAR BYAS PA KHAS LEN GYI RGYUN TZAM DU BSHAD PA NI MDZOD RTZA BAR, YOD PA SHES BYAR MED CES LA SOGS, ZHES DANG, DE'I RANG

076a

, ,'GREL LAS, BSTAN BCOS LAS ZAD PA SHES PA GANG ZHE NA, BDAG GIS SDUG BSNGAL YONGS SU SHES SO, ZHES BYA BAR SHES PA DANG, NAS, MA SKYE BA SHES PA GANG ZHE NA, BDAG GIS SDUG BSNGAL YONGS SU SHES TE, YANG YONGS SU SHES PAR BYAR MED DO, ,ZHES BYA BA SHES PA ZHES PA'I RTZA BA'I MDO BZLAS PA GSUM PAR 'JOG DGOS PA'I PHYIR, MI 'THAD LA, MCHAN GYI DON YANG DE'O, ,YIG CHAR, PHYI DON YOD PAR STON PA'I 'DIR BSTAN 'KHOR LO DANG PO MED PAR GSUNGS PA YIG CHA RNYING PA'I TSIG ZIN LTAR BKOD PA YIN GYI, DKA' 'GREL RTZOM 'PHRO LAS, GNYI GA DNGOS BSTAN LA MA SBYAR NA MDO DE GNYIS DON GCIG PA'I PHYIR, ZHES PA LTAR YIN PAS, DGONGS PA PHYI DON YOD PAR DNGOS SU STON PA'I 'KHOR LO DANG PO YIN NA, DRIS ZHUS DNGOS BSTAN GYI 'KHOR LO DANG PO MA YIN PAS KHYAB PA'I DON YIN TE, DRANG NGES CHEN MO LAS, SGRA RTOG RANG YUL LA SEL 'JUG YIN PA'I PHYIR, ZHES RANG GI MTSAN NYID KYIS BKA' STZAL ZHES PAS PHYI DON DU BKA' STZAL TSUL DNGOS SU MI STON PAR GSUNGS PA'I PHYIR, DES NA DKA' 'GREL LAS, SKYE MCHED RNAMS KYI RANG GI MTSAN NYID KYANG BKA' STZAL CES PA'I BSHAD BYA'I MDO LAS, MIG DANG GZUGS LA BRTEN NAS MIG GI RNAM PAR SHES PA SKYE'O, ,ZHES PA LTA BU PHYI DON YONG PAR STON PA'I 'KHOR LO DANG POR MI 'JOG NA PHYI DON YOD PAR STON PA'I 'KHOR LO DANG PO'I MTSAN GZHI MI RNYED PA'I

076b

PHYIR, ZHES GSUNGS PA YANG, PHYI DON DNGOS SU STON PA'I 'DIR BSTAN 'KHOR LO DANG PO'I MTSAN GZHI MI RNYED CES PA DANG, DNGOS BSTAN GYI MA GSUNGS PAR BSHAD BYA'I MDO LAS ZHES GSUNGS PAS, DE 'DIR BSTAN 'KHOR LO DANG PO YIN KYANG, 'DIR DNGOS SU BSTAN PA'I 'KHOR LO DANG PO MIN TE, ZHES BSHAD NA 'KHOR LO GNYIS KA'I DGONGS PAR 'GRO'O, ,RANG LUGS SKABS MTSAN NYID BZHAG LA YANG, DGONGS 'GREL DNGOS BSTAN GYI 'KHOR LO DANG PO'I MTSAN NYID DU BYA'O, ,MCHAN DU SEMS KHAMS KYI ZHES PA MA DAG ,KHAMS KYI SEMS RIL 'DZIN ZER DGOS SO, ,MNGON PAR, PHUNG KHAMS BSHAD PA SEMS SEMS BYUNG RIL 'DZIN GYI NGA RGYAL BZLOG CHED YIN NO, ,YUM MDO LAS, LHA'I BU GANG DAG NAS, MTSAMS BCAD PA'I PHYIR RO, ,ZHES PA GSER PHRENG DANG YIG CHAR, YUL NGES KYI MDOR MDZAD PA NI MDO'I GO RIM LTAR YIN LA, RGYAN SNANG DANG RNAM BSHAD DU MDO GNYIS GO RIM BZLOG NAS SBYAR BA NI 'DIR MTHAR THUG THEG GSUM GSUNGS PA NYAN THOS MA NGES PA THEG CHEN DU GZHUG PA SOGS KYI CHED TZAM LAS SGRA JI BZHIN PA MIN PA GO CHED YIN TE, RNAM BSHAD LAS, 'DIR SMOS PA'I DGOS PA NI NYAN THOS MA NGES PA'I RIGS CAN THEG PA CHEN PO LA GZHUG PA DANG, ZHUGS ZIN PA RJES SU BZUNG BA'I DON DU'O, ,ZHES GSUNGS PA'I PHYIR, MDO GNYIS KAS LAM SHES SKYE BA'I RTEN DU NGES PA LA SEMS BSKYED DGOS PA DANG, SEMS MA BSKYED PA RNAMS KYANG SEMS BSKYED NAS

077a

, ,'TSANG RGYA BAR BSTAN PAS GNYIS KA GNYIS KAR BZHAG GO ,THEG GCIG LTAR NA KHYAB PA'I MDOR BYAS NAS MTHONG LAM THOB NAS MYANG 'DAS MA THOB BAR DU SEMS BSKYED PA'I MTHU MED, CES DES DON NAM SGRA JI BZHIN PAR 'JOG LUGS ZHIG YOD DAM DBYANG GZHI CHE LA, SNANG BA GNYIS KAR THEG GSUM STON PA'I MDOR BYAS PAS MIN PA 'DRA'O, ,RJE BTZUN PAS, DE BZHIN GSHEGS PA'I SNYING PO'I MDO 'DIR BSTAN 'KHOR LO BAR BAR BZHAG PA, DAR t'I KA LAS, 'KHOR LO GSUM PA, PA ZHES PA DANG DNGOS SU 'GAL KYANG, GZUNGS RGYAL GYI ZHUS PA'I RIM PA GSUM PA LA BYED ZER RAM DPYAD, RGYUD SDE SPYI RNAM DU DBYIG GNYEN GYI GSUNGS LA RAB TU BYED PA SDE BRGYAD DU MA NGES ZHES BKAG LA, BU STON CHOS 'BYUNG DU CHOS NYID 'GREL PA MA 'BRANG PAS RTEN 'BREL MDO 'GREL 'DREN PA YIN PA 'DRA'O, ,KHO NA RE, RGYAL PO CHEN PO GZUGS LA SKYE BA YANG YOD, 'JIG PA YANG YOD, DE'I SKYE BA DANG 'JIG PA YANG SHES PAR BYA'O, ,ZHES PA'I MDO CHOS CAN, PHUNG PO RNAMS KYI RANG GI MTSAN NYID KYANG BKA' STZAL CES DNGOS BSTAN GYI 'KHOR LO DANG PO MA YIN PAR THAL, SKYE BA'I MTSAN NYID DANG, 'JIG PA'I MTSAN NYID DANG, ZHES PA'I DNGOS BSTAN GYI 'KHOR LO DANG PO YIN PA'I PHYIR, 'DOD NA, YIN CHA DANG 'GAL LA, RTAGS GRUB STE, PHUNG PO SKYE BA DANG,

077b

'JIG PAR RANG 'DZIN RTOG PA'I ZHEN GZHIR RANG MTSAN GYIS GRUB PAR STON PA'I 'KHOR LO DANG PO YIN PA'I PHYIR, GONG DU MA KHYAB ZER NA, DE CHOS CAN, PHUNG PO'I NGO BO RANG 'DZIN RTOG PA'I ZHEN GZHIR RANG MTSAN GYIS GRUB PAR STON PA'I 'KHOR LO DANG PO YIN PAR THAL, 'DOD PA'I PHYIR, 'DOD MI NUS TE, KHYAD PAR LA BTAGS PA'I KUN BTAGS DNGOS SU STON PA'I DE YIN PA'I PHYIR, MA KHYAB NA, SKYE BA'I MTSAN NYID DANG, ZHES SOGS KYI DNGOS BSTAN GYI MDO YIN NA, SNGA MA'I DE YIN PAS KHYAB PAR 'GYUR BAS DPYAD, RNAM BSHAD LAS, GNYIS PA'I MTSAN GZHI SHER PHYIN GYI MDO RGYAS 'BRING BSDUS GSUM ZHES PAR BRTEN NAS BSOD GRAGS PA DANG RJE BTZUN PAS, RGYAS 'BRING BSDUS GSUM DGONGS 'GREL GYI 'KHOR LO BAR BAR BZHED KYANG, RANG LUGS LA, LEGS BSHAD SNYING PO LAS, BZHI PA NI DON 'DI LTAR YIN STON PAS GSAL BAR MA PHYE BAS DON LA MI MTHUN PAR RTZOD PA'O, ,ZHES PA LTAR SGRAS ZIN MI GSAL BA'I DBANG GIS RTZOD PA DANG BCAS PA MIN PA DANG, RNAM BSHAD LAS, 'DIR BSHAD PA'I 'KHOR LO GNYIS PA'I MTSAN GZHIR BZHED PA LA NI 'DRA'O, ,ZHES GSUNGS PAS, RANG RGYUD PA'I LUGS LA YANG DE DE YIN PAR THAL, 'DOD NA, DE'I LUGS LA DE SGRA JI BZHIN PA MA YIN PAR THAL, DGONGS 'GREL LAS, SKABS 'CHIS PA, DRANG BA'I DON ZHES GSUNGS PA'I PHYIR,

078a

, ,'DOD MI NUS TE, DGAG BYA LA DON DAM GYI KHYAD PAR DNGOS SU SBYAR BA'I MDO YIN PA'I PHYIR, ZHES BKAG PA YIN NO, ,MCHI MAS CHEN POS, 'KHOR LO DANG PO LO BDUN ZER BA SOGS LA KHUNGS MA MTHONG ZHES BU STON GSUNGS SO, ,DGAG TSUL LUNG SDE BZHIN BSNYON MED DU BSHAD CES PA DER 'DA' TSUL BAR DU BDEN BZHI'I BLANGS DOR RTAG TU GSUNGS PAS, BDEN BZHI'I CHOS 'KHOR GYIS 'DUL DGOS PA'I GDUL BU YOD PAR 'GRUB LA, SANGS RGYAS KYIS CHOS GSUNGS PA GDUL BYA'I DBANG GIS YIN PA'I PHYIR, ZHES PA'O, ,SHER MDO SOGS SANGS RGYAS PA'I PHYI LOR GSUNGS ZHES PA DANG, DUS 'KHOR 'GREL CHEN LAS, BCU GNYIS PA NAG PA'I NYA ZHES PA'I 'GAL SPONG DKA' 'GREL DU t'I KA CHEN LTAR NA SANGS RGYAS PA'I SA GA ZLA BA DE NAS RTZIS PA'I BCU GNYIS PA YIN LA, SPYIR LO 'GO NAG ZLA NAS 'DZIN PAS DUS 'KHOR LUGS KYI PHYI LO YIN NO, ,YANG NA HOR ZLA GSUM PA'I BCU GCIG LTA BU LA LO 'GO BZUNG NA DE'I RJES KYI NAG PA'I NYA DE DUS 'KHOR LUGS KYI LO DE'I BCU GNYIS PA YIN KYANG YONGS GRAGS KYI PHYI LO YIN ZHES KYANG CHOG LA, MCHAN DU GSUM PA'I BCU DRUG NAS LO 'GO BZUNG NA 'JUG GI NAG ZLA BCU GNYIS PA DE LA GSUNGS PAS, LO DE'I SA GA'I RJES KYI NAG ZLA YIN NA LO RJES MA'I YIN NA MA SNYAM PA 'GOG PHYIR, SA GA'I PHYI'I LO DE'I

078b

NAG ZLA LA GSUNGS ZHES PA SKABS DER RTZOD PA MA SONG BAS YIN ZHES PA'O, ,NAG PA'I NYA LA SANGS RGYAS YIN MIN LO GCIG LA NAG ZLA GNYIS YOD MED SOGS RTZOD TSUL MANG NGO, ,SH'A RI'I BU'I RGYUD GYI BRGYAD STONG P'I GLING GZHI GZHAN GYI RGYUD LA YOD MED SOGS DPYAD GZHI CUNG ZAD YOD DO, ,TSIG GSAL LAS, THUB PA CHEN POS NI DE LTAR RIM GYIS CHOS BSTAN PA MED DE, NAS, RGYA CHER NI 'PHAGS PA SUM CU RTZA GSUM PA'I MDO LAS SHES PAR BYA'O, ,ZHES DANG, SKAD CIG GCIG KHO NA LA BSKOR BA STE, DE LA GDUL BYA RNAMS KYIS DUS YUN RING THUNG DANG GSUNG THA DAD PAR THOS PA LA SOGS PAR ZAD DE, ZHES RIM CAR BSKOR BA BKAG CING, MKHAS GRUB RTOGS SNANG DU DE BKAG NAS, DE BAS NA SNGAR BSHAD PA LTAR RIM CAN DU GSUNGS, ZHES PA, YIG CHAR, BAR MTHA' GNYIS KYANG RANG RANG GSUNGS PA NAS ZHES PA LTAR DANG POR GSAR DU GSUNGS TSE RIM CAN KHO NA RA GSUNGS PA'I DON DU BYAS NA, MCHAN LAS, TSIG GI NUS PAS ZHI BA CHA YOD DAM ZHES PA'I ZHIB CHA DE YIN PAS, 'KHOR LO GSUM GCIG CAR BSKOR BA DUS GSUM PAR YIN BYAS NA, GSUM GA 'DA' TSUL BAR DU GSUNGS ZHES PA DANG 'GRIG GO ,KHO NA RE, DE MI 'THAD PAR THAL, BAR MTHA' GNYIS DUS BANG POR MA GSUNGS NA, MCHAN LAS, 'DI YAN LA MA GSUNGS 'DI PHYIN LA MA GSUNGS ZHES KHA TSON GCOD MI NUS KYANG, ZHES

079a

, ,PA DANG 'GAL BA'I PHYIR ZER NA, DE NI SKU TSE CHA BZHAG STE ZHES PA LTAR SKU TSE CHA MNYAM GSUM DU BYAS NAS 'DI YAN LA MA GSUNGS ZER MI RIGS PA'I DON NO, ,DANG PO NAS 'KHOR LO GSUM GCIG CAR DU GSUNGS NA DE GSUM LA DUS SNGA PHYI'I RIM PA MED PAR THAL BA DANG, DANG PO GNYIS DANG DE'I DRI ZHUS DUS MNYAM DANG, DRI ZHUS DANG LAN KYANG DUS MNYAM PAR THAL BA SOGS MTHA' YAS SO, ,YANG KHO NA RE, DE GSUM 'DA' TSUL GYI BAR GSUNGS ZHES PA MI 'THAD PAR THAL, 'DA' TSUL SANGS RGYAS TSUL BSTAN MA THAG NAS BSTAN PA'I PHYIR TE, DE DUS MDZAD PA BCU GNYIS BSTAN PA'I PHYIR NA MA KHYAB STE, DE DUS MYANG 'DAS KYI MDZAD PA DANG, THUN MONG MA YIN PA'I NGOR 'DA' TSUL BSTAN KYANG, SPYIR 'DA' TSUL MA BSTAN ZER DGOS TE, GZHAN DU NA SO LNGA DANG SO BDUN LA SANGS RGYAS TSUL BSTAN PA MI 'THAD PA MIN PAR THAL BA DANG, CHOS 'KHOR BSKOR BA'I YUN TSAD DANG, 'DA' TSUL BSTAN PA'I DUS CHEN SOGS NGES BZUNG MED PAR 'GYUR LA, MCHAN LAS, DNGOS SU GSUNGS PA RNAMS LA GSUNGS PA GTZO CHE BA'I PHYIR, ZHES PA DANG 'GAL LO, ,DES NA DUS DANG POR SHER MDO GSUNGS YUL GYI GDUL BYA YOD KYANG BRGYAD STONG PA SOGS GSUNGS YUL GYI GDUL BYA MED ZER DGOS TE, DE DUS STON PAS 'OD SRUNG GIS BRTZAMS PA'I SHER MDO GSUNGS YUL GYI GDUL BYA YOD

079b

BA'I PHYIR SOGS SPRO BYA MAD NGO, ,'DI NI ZHES PA'I NYE TSIG 'JUG PA BRJOD BYA RJOD BYED KYIS GNYIS BYAS PA MTSAN DU SNYING PO YOD MED DPYAD GSUNGS KYANG, DKA' 'GREL DU KUN MKHYEN GYIS DE LTAR BYAS PA LEGS BSHAD CHEN PO YIN, GSUNGS PA LTAR RO, ,MCHAN DU RANG RGYUD PA YANG TSIG ZIN LA DE LTAR BYE BAS 'JOG GI ZHES PA, PHAR PHYIN ZIN BRIS LAS, LEGS LDAN LUGS LA NAS, DES NI LEGS PHYI'I CHOS 'KHOR GYI DON GZHAN DBANG STONG GZHI DE'I STENG GI BDEN GRUB KUN BTAGS, DE'I STONG PAR YONGS GRUB TU BYED PAS NA MTSAN NYID GSUM BDEN PAR GRUB MA GRUB KYI KHYAD PAR PHYE BA LEGS PHYI'I DON SEMS TZAM PA LTAR MIN PAR 'DOD CES PA LTAR, NGO BO NYID MED PA GSUM BDEN PAR YOD MED TSIG ZIN LA PHYE BAS YIN GYI, BDEN MED DANG RANG MTSAN GYIS GRUB PA'I KHYAD PAR MDO'I TSIG ZIN LA PHYE BA MED PAS DES 'JOG PA MI 'THAD DO,, ` ,,RGYAN SNANG LAS, DUS GCIG GI TSE NA BYA RGOD PHUNG PO'I RI LA BZHUGS SO, ,ZHES TSIG 'OG MA DANG SBYAR BAR BYA STE, GZHAN GYI TSE NI GZHAN LA BZHUGS PA'I PHYIR RO, ,ZHES TSIG PHYI MA BYA RGOD PHUNG PO'I RI LA GZHUGS TE, ZHES PA DANG SBYAR NAS, DUS GCIG NA ZHES PA DE NA BZHUGS PA'I DUS GCIG NA 'DI THOS KYI GZHAN GSUNGS TSE GZHAN NA BZHUGS ZHES GNAS LA SBYAR BA LTAR GNYAL ZHIG 'JAM DPAL RDO RJES MDZAD PA'I RGYAN 'GREL SOGS LAS GSUNGS LA, SNGA MA THOS PA ZHES PA

080a

, ,DANG SBYAR TSUL, 'DI SKAD CES PAS NANG GI DON RTOGS SHES RAB STE TSIG CHAD LHAG MED PAR TSANG BAR RTOGS PA DANG, BDAG GIS ZHES PAS SANGS RGYAS LAS DNGOS SU THOS ZHES SLOB DPON SNGA MA'I MAN NGAG LDAN TSUL DANG, THOS PA ZHES PAS TSIG TZAM THOS PA LAS DON MA RTOGS ZHES KHENGS SKYUNG MDZAD LA, DUS GCIG NA ZHES PA DE DANG SBYAR TE, CHOS YUM MDO LTA BU DANG, GANG ZAG SDUD PA PO DANG, DES DE THOS PA BSAM GYIS MI KHYAB PA GSUM DANG SBYAR TSUL YIG CHAR GSAL LA, DE GSUM GYI DPE'I YID BZHIN NOR BU DKON PA DANG, SNYING RJE CAN GYI SMAN RGYAL GYIS NAD MANG PO GSO BA DANG, RMI LAM YUD TZAM LA LO BRGYA LON PAR DMIGS PA LA SBYAR BAS PHYI MA THOS PA BSAM GYIS MI KHYAB PA 'DIR GTZO CHE TSUL DE'I SGO NAS THOS PA 'DZIN PA'I MCHOG TU SGRUB CING, YUM RGYAS 'BRING BSDUS GSUM DANG 'KHOR LO GSUM SOGS THOS PA'I RNA SHES TSAD MA SKAD CIG MA GCIG LA SKYES SHING, SLAR BRJED PA YANG MED PAS TSAD MA'I SKYES BUR BSTEN PAR GSUNGS LA, BRGYAD STONG DON BSDUS LAS, STON PA DBANG PO 'KHOR DANG NI, ,YUL DANG DUS KYANG NGES BSTAN PA, ,DAD LDAN 'JUG PA'I YAN LAG TU, ,SDUD PA RANG NYID TSAD MAR NI, ,RANG SGRUB PHYIR YIN 'JIG RTEN NA, ,YUL DANG DUS SOGS KYI MTSON ZHING, ,DBANG POR BCAS TSIG SMRA PA YIS, ,SMRA PO TSAD MAR RAB TU RTOGS, ,ZHES 'JIG RTEN GYI BYA BAR YUL PHYOGS DUS SOGS GSAL POR

080b

SMRA PAS DBANG PO THUB PA DE TSAD MAR 'DZIN PA BZHIN DU YUM GYI MDO LTA BU STON PA PO DANG GSUNG YUL GYI 'KHOR DUS SOGS GSAL BAR BSTAN PAS, DAD LDAN RNAMS 'DI LA 'JUG PHYIR SDUD PA PO RANG NYID TSAD MAR SGRUB CES GLENG BZHI GSUNGS PA'I DGOS PA BSTAN TO, ,DES NA BYANG SEMS DGAS PA DANG KUN DGA' BOS MGO SMOS PA TZAM GYIS GDUL BYA MTHA' YAS PA LA SKABS 'DIR JI LTAR GSUNG RGYU YIN PA THUGS SU CHUD CING, DES RKYEN GYIS RNA SHES KYIS KYANG DE THAMS CAD GCIG CAR THOS, GDUL BYA GZHAN LA RIM CAN DANG SO SOR SNANG BAS 'KHOR LO GSUM SOGS RIM DANG GCIG CAR BSKOR TSUL DE YIN LA, DE BZHIN DU STON PA'I DAG TU 'GYUR BA'I BDEN BZHI'I CHOS 'KHOR GYIS STONG NYID MI STON LA, DE BSGOR BA'I GSUNG GCIG BU DES STONG NYID SOGS STON CING, BAR MTHA' GNYIS KYANG BSKOR LA DE'I CHED DU BYA BA'I GDUL BYA LA RIGS CAN GSUM G-YOD PAS GSUNG GCIG BU DE 'KHOR LO GSUM DANG THEG PA CHE CHUNG GI MDO GANG YANG MIN PA MDO SPYI LDOG DANG 'DRA, ZHES BSHAD NA, GSUNG GCIG NYID DU GSUNGS NA YANG, ZHES SOGS DANG 'GRIG GO ,CHOS YANG DAG PAR SDUD PA'I MDO LAS, DGE SLONG DAG 'DI SKAD BDAG GIS THOS PA ZHES GYIS LA DAM PA'I CHOS BSDU BAR BYA'O, ,ZHES PA LTAR 'DI DAG KUN DGA' BOS, YUM GYI MDO SOGS BSDU DUS GSUNGS PAS RJES SU GNANG BA'I BKA' DANG, KUN DGA' BO MDO SDE SDUD PA POR LUNG RIGS GNYIS KYIS SGRUB

081a

, ,LA, YIG CHAR, KUN DGA' BO MDO SDE SDUD PA BO MA YIN PAR THAL, PHYAG RDOR MDO SDE SDUD PA BO YIN PA'I PHYIR NA, RNAM PA GCIG TU MA KHYAB, CES PA, KUN MKHYEN DBYIG GNYEN SOGS KYIS KUN DGA' BO THEG DMAN GYI MDO SDE SDUD PA POR 'DOD PAS DE'I LUGS SAM, YANG NA SGRON GSAL LAS, KUN DGA' BO NI 'DIR BYANG CHUB SEMS DPA' KUN TU BZANG PO STE PHYAG NA RDO RJE YIN LA, ZHES PA LTAR SNGAGS LUGS LA DE GNYIS RGYUD GCIG PAS YIN NAM DPYAD LA, THAL 'GYUR BAS KYANG KUN DGA' BO SHER MDO SDUD PA POR 'DOD DGOS SO, ,'OG TU 'DIR MA KHYAB CES PA RANG LUGS YIN KYANG, PHYAG RDOR SNGAGS PHYOGS KYI MDO SDE SDUD PA BOR 'DOD DGOS TE, SNGAGS PHYOGS KYI MDO SDE SDUD PA PO RDO RJE 'CHANG DANG RGYUD GCIG PAR GSUNGS BA'I PHYIR RO, ,SNGON GYI SLOB DPON DE DAG GIS PHYAG RDOR SHER MDO SOGS SDUD BA POR GSANG BA BSAM GYIS MI KHYAB BA'I MDO DANG, PHYAG RDOR DBANG BSKUR BA'I RGYUD KYIS SGRUB TSUL MCHAN LTAR LA, KUN DGA' BO SOGS THEG CHEN GYI SDE SNOD SDUD PA BO MIN PAR SGRUB TSUL, RTOG GE 'BAR BA THEG CHEN GYI GSUNG RAB RNAMS DE DAG GI YUL MIN PAR GSUNGS PA'I DON GRUB MTHA' CHEN MOR CHOS PHUNG THAMS CAD 'DZIN MI THUB PAR SHING SHA BA'I TSAL GYI MDO DANG, PHAL CHEN SOGS GSUNGS PA'I 'KHOR NYAN THOS MED PA DANG, SKYABS GSUM BDUN CU BAR

081b

BYANG SEMS 1 RIG 2 'DZIN MDO 3 'DUL 4 MNGON 5 PA RGYAS BA 6 SKYES RABS 7 STE SDE SNOD BDUN BYANG SEMS KYI DBANG DU BYA BA DANG, NYAN THOS RNAMS KYIS MING YANG BGRANG MI NUS PA'I TING NGE 'DZIN MTHA' YAS PA STON PA'I MDO SDE SOGS YOD BAS SGRUB CING, DBU MA SNYING BOR, MDO SDE SOGS SU MA BSDUS PHYIR, ,ZHES SOGS KYI DON RTOG GE 'BAR BAR, NYAN THOS SDE BAS THEG CHEN KYI SDE SNOD SANGS RGYAS KYIS GSUNGS PA MIN PAR RTAGS ZUR BCU DGU 'AM NYER GSUM GYIS SRUB TSUL GRUB MTHA' CHEN MO LTAR LA, LAN DE NYID LAS, THEG CHEN SANGS RGYAS GSUNGS YIN TE, ,ZHES SOGS KYIS BDAG MED SOGS DANG DKON MCHOG GSUM SOGS STON PA'I PHYIR, ZHES SPYIR GSUNGS NAS, RANG 'GREL DU RTAGS DANG PO SDE SNOD GSUM DU MA BSDUS PAR MA GRUB STE, KUN DGA' BO SOGS KYI YUL MIN PAS MA BSDUS KYANG, KUN BZANG DANG 'JAM DBYANGS SOGS KYIS BSDUS PA'I PHYIR DANG, BLA MA KUN DGA' ZHES PA SA KUN DGA' BOS MDO SDE THAMS CAD MA BZUNG BAR SGRUB LA, BA TA LI, ,ZHES SOGS KYIS 'OD SRUNGS CHEN PO SOGS KYIS BSDUS KYANG DA LTA SDE BA THA DANG KYIS TSIG 'DON TSUL SOGS KYIS NYAMS PA BZHIN DU THEG CHEN GYI SDE SNOD YANG DENG DUS MED PA 'PHAGS PA KLU SGRUB KYIS SBYAN DRANGS BA'I PHYIR, GNYIS PA KHRUS DANG SNGAGS BZLAS PAS SDIG PA 'DAG PA SOGS LAM GZHAN STON PAR MA GRUB STE, GANG+GAL SOGS LA KHRUS DANG SMYUNG

082a

, ,GNAS SOGS KYIS SDIG PA 'DAG PAR GSUNGS PA KLU BYANG CHUB SEMS DPA'I SMON LAM DANG RIG SNGAGS SOGS TING DE 'DZIN GYIS LUS SBYANGS NAS GROL BAS RIG BYED PA LTAR GYI LAM GZHAN STON PA MA YIN PA'I PHYIR, GSUM PA RGYANG BAN BZHIN LAS 'BRAS SOGS MED PAR BSTAN PAR MA GRUB STE, LAS 'BRAS SOGS BDEN PAR MED PA LAS GTAN MED DU STON PA MIN PAS RGYANG BAN LTAR CHAD LTAR MI 'GYUR BA'I PHYIR, BZHI PA SDE BA BCO BRGYAD KYI GZHUNG NA MI SNANG BAR MA GRUB STE, THEG CHEN GYI SDE SNOD NI NYAN THOS KYI SDE SNOD LA MI SNANG YANG SDE PA BCO BRGYAD RANG RANG GI MDO SOGS SDE SNOD GSUM LA 'JUG PA'I PHYIR RO, ,LNGA PA BKA' BSDU DANG PO SOGS SU MA BSDUS KYANG, MA KHYAB STE, BKA' BSDU DANG PO SOGS SU DGRA BCOM PA RNAMS KYIS MA BSDUS PA LHA KLU SOGS KYI GNAS NA TSANG BAR ZHUGS BAS YIN BA'I PHYIR, DRUG PA PHYAG RGYA BZHI'AM GSUM DANG 'GAL BAR MA GRUB STE, LONGS SKU 'DA' TSUL MI STON PA DANG, BYANG SEMS SEMS BDE BA DANG, BDE GSHEGS SNYING PO SOGS BDAG TU MI 'DOD PA DANG, SANGS RGYAS SRID PA JI SRID GNAS PAS GTAN DU MYA NGAN LAS 'DA' BA MED KYANG RNAM RTOG SPANGS BA'I MYANG 'DAS THOB PA'I PHYIR, PHYAG RGYA GSUM MAM BZHI DANG MI 'GAL LO, ,BDUN PA NYAN THOS RNAMS LUNG BSTAN BAR MA KHYAB STE, SANGS

082b

KYI SBRUL PA'I NYAN THOS SAM SH'ARI'I BU SOGS LUNG BSTAN PA LTAR BYANG CHUB THOB PA'I PHYIR, BRGYAD PA DGRA BCOM LA SMOD PAR MA GRUB STE, NYAN THOS DANG BYANG SEMS KYI KHYAD PAR YUNGS KAR DANG RI RAB LTA BUR GSUNGS PA DON LA GNAS PAS DGRA BCOM LA SMAD BA MA YIN PA'I PHYIR, DGU PA KHYIM PAR PHYAG BYA BAR STON PAR MA GRUB STE, 'JIG RTEN DBANG PHYUG SOGS BYANG SEMS LA PHYAG BYA BA SDE PA BCO BRGYAD KYI GZHUNG NA YOD PA LTAR YIN GYI KHYIM PA TZAM LA MA YIN BA'I PHYIR, BCU PA SANGS RGYAS LAS BYANG SEMS BSNGAGS PAR MA GRUB STE, BYANG SEMS RNAMS RANG 'BRAS SANGS RGYAS KYI RGYU KHYAD PAR BA YIN PAS DE LA BSNGAGS PA'I PHYIR, BCU GCIG PA NAM MKHA' MDZOD KYI SMON LAM TSIG TZAM DU MA GRUB STE, NAM MKHA' MDZOD KYI SMON LAM GYIS NOR GYI CHAR PHAB KYANG, SEMS CAN 'GA' ZHIG LA MI 'BAB PHA LAS KYIS YIN PA'I PHYIR, TSIG TZAM MIN NO,, BCU GNYIS PA SH'A KYA THUB PA SPRUL PAR BSHAD KYANG MA KHYAB STE, SH'A KA THUB LONGS SKU'I SPRUL PA YIN PA'I PHYIR DANG, SKU BSNYUNG TSUL BSTAN PA SOGS KYANG SPRUL PA YIN NO, ,BCU GSUM PA SANGS RGYAS RTAG TU MNYAM PAR BZHAG KYANG MA KHYAB STE, RTAG TU MNYAM PAR BZHAG KYANG RJES THOB KYI BYA BA MDZAD PA'I PHYIR, BCU BZHI PA LAS 'BRAS MED PA'I BSNGAGS PA DANG, BCO LNGA PA SDIG CHEN PO RTZA BA NAS 'DAG KYANG MA KHYAB STE, GZUNGS

083a

, ,SNGAGS SOGS BSGOM PAS SDIG PA'I LAS KYI 'BRAS BU ZAD PA'I BSNGAGS PA DANG, STOBS BZHI TSANG NA SDIG PA CHEN PO RTZA BA NAS 'DAG PA MA SKYES DGRA SOGS LTAR YIN PA'I PHYIR, BCU DRUG PA SHIN TU RGYAS PA'I MDOR CHAD LTA STON PAR MA GRUB STE, SHIN TU RGYAS PAR NYAN THOS KYI THEG PA LAS GZHAN STON KYANG MTHA' GNYIS DANG BRAL BA'I LAM STON PA'I PHYIR, BCU BDUN PA KRI KR'I'I RMI LAM DU MA BSTAN KYANG MA KHYAB STE, THEG CHEN NI SANGS RGYAS THAMS CAD KYIS GSUNGS LA, SDE PA BCO BRGYAD NI SH'A KA THUB KYI BSTAN PA KHO NA LA YOD PAS KRI KR'I RMI LAM DU LUNG MA BSTAN PA'I PHYIR, BCVO BRGYAD PA MNGON SUM DANG 'JIG RTEN GRAGS PA DANG 'GAL BA SMOS PAR MA GRUB STE, CHOS THAMS CAD DON DAM PAR MED KYANG THA SNYAD DU BYA BYED RUNG BAR BSTAN PAS MNGON SUM SOGS DANG 'GAL BA MED PA'I PHYIR, BCU DGU BA MI RTAG SOGS DE NYID MIN NA DE NYID MED PA'AM NAM MKHA'I LHAS BSTAN PA DE NYID DU THAL BAR MA GRUB STE, MI RTAG SOGS BCU DRUG DE KHO NA NYID MIN KYANG, CHOS BDAG MED PA DE NYID YIN LA, TSANGS BAS SPHRUL BAR 'DOD PA'I NAM MKHA'I LHAS BSTAN PA PHYUGS KYI MCHOD SBYIN SOGS DE KHO NA NYID DU BSTAN PA MI 'DRA BA'I PHYIR, RTZOD LAN 'DI DAG DBU MA SNYING PO RTZA 'GREL NA GSAL LO, ,'DI'I PHYOGS

083b

SNGA'I LUGS LA THEG CHEN GYI SDE SNOD YUM MDO SOGS BDUD KYIS BRTZAM PA YIN MIN BYANG SEMS KYI SDE SNOD ZUR PA MED NA PHYIN DRUG DANG SEMS BSKYED SOGS GANG DU BSTAN PA DANG, LEGS LDAN SOGS KYI LUGS LA BTZUN PA BLA MA'I MDO LA THOS BSAM BYED PA GZHAN YOD MED DANG, KUN DGA' BOS DUG GSUM RE RE LA SPYOD PA'I GNYEN POR GSUNGS PA'I CHOS PHUNG NYI KHRI TSIG STONG TSANG BAR THOS MA THOS DANG DES MA BZUNG BA'I NYIS STONG GANG GI NANG NA YOD PA DANG, NYAN THOS KYIS MING YANG BGRANG MI THUB PA'I TING NGE 'DZIN DE DAG NYAN THOS KYI GZHAL BYA YIN MIN SPRO NA PHYOGS SNGAS DE RTZOM PA PO BDUD DU 'DOD KYANG DGE SLONG YIN MIN SOGS BRTZAD NA NANG 'GAL YIN BAS LAN GYIS BZLOG PAR MI NUS LA, MDO DE GSUNGS PA'I 'KHOR NA DE 'DZIN PA BTZUN PA BLA MA GCIG BU LAS MED PA'I DON DANG, KUN DGA' BOS GANG MA BZUNG BA SOGS THE TSOM LAS MED DO, ,NYAN THOS GCIG GIS LUNG THAMS CAD 'DZIN MI NUS PA DANG, TING NGE 'DZIN THAMS CAD KYI MING BGRANG MI NUS PA SOGS SU BYAS NA CHOG GAM DPYAD BYA MANG NGO, SNGAGS LTAR NA SDUD PA PO STON PA PO DANG RGYUD GCIG YIN BAS DE GSUNGS DUS BSDUS SO, ,LEGS LDAN SOGS KYIS SANGS RGYAS 'DA' TSUL BSTAN RJES SU PHYAG RDOR 'JAM DBYANGS BYAMS PA GSUM

084a

, ,GYIS MDO MNGON 'DUL BA GSUM BSDUS PAR 'DOD LA, SPYIR BKA' BSDU GSUM THEG DMAN GYI SDE SNOD GTZO 'AM DPYAD, RNAM BSHAD RIGS PAR BZHI BCU CHA BAS KYANG ZHES PA KHA CIG GIS STON PA SANGS RGYAS NAS LO BZHI BCU BZHUGS PA'I NYIS CHA LO NYI SHU LA BYAS PA YIG CHAR, BZHI BCU PHYED LA ZHES PA DANG 'GRIG PAS, DE LTAR 'DOD NA BRGYAD KHRI BZHI STONG BYAS PA GSANG BA BSAM GYIS MI KHYAB PA'I MDO LAS, SEMS CAN GYI SPYOD PA BRGYAD KHRI BZHI STONG ZHES 'BYUNG BA NI SEMS CAN DBANG PO MTHU CHUNG BA RNAMS BZUNG BA'I PHYIR BSTAN PA 'DI DE BZHIN GSHEGS PAS BSTAN GYI ZHES PA LTAR DBANG RTUL GYI DBANG DU BYAS KYI, ,BYE BRAG TU PHYE NA, 'GRO BA SPYOD PA'I SGO RNAMS JI SNYAD PA, ,ZHES PA LTAR GRANGS MED CES TSAD LA ZHIB CHA BYA LA, RANG LUGS LA LO BZHI BCU CHA GNYIS SU PHYE BA'I SNGA MA NYI SHU'I DUS DE SRID DU CHOS PHUNG BRGYAD KHRI BZHI STONG CHA BZHI BCUR PHYE BA'I CHA GCIG LAS NYUNG BA TZAM GSUNG MI RUNG ZHING, DE'I CHA GCIG LA YANG GNYIS STONG DANG BRGYA YOD PAR GANG ZHIG DGE SLONG GZHAN LAS THOS PA NYIS STONG LAS MED PAS LUNG KUN MA BZUNG BAR GRUB CES PA YIN TE, RNAM BSHAD RIGS PA LAS, DE'I PHYIR SNGAR BCOM LDAN 'DAS KYIS BSHAD PA GANG YIN PA DE NI DES MA BZUNG BAR SHES PAR BYA'O, ,DE NI DGE SLONG RNAMS LAS BZUNG BA

084b

GANG YIN PA DE KHO NAR ZAD DO, ,ZHES BYA BAR RIGS PA NI MA YIN TE, DUS DE SRID CES GSUNGS PA'I PHYIR, MCHAN DU GRUB MTHA' NYIS BRGYA RE GCIG PAR LTOS ZHES PA DE NYID LAS, MTHAR THUG THEG PA GSUM DU 'DOD PA LTAR NA ZHE SDANG SHAS CHER SPYOD PA'I GNYEN PO'I SGO BYAMS PA NAS DGRA BCOM BAR GYI LAM CHA TSANG BAS CHOG LA 'DI 'DRA'I CHOS PHUNG BRGYAD KHRI BZHI STONG NYAN THOS KYIS KYANG BZUNG NUS SRID TSUL BSHAD MA THAG PA YIN LA, THEG PA GCIG TU 'DOD PA LTAR NA ZHE SPANG GI GNYEN PO BYAMS PA'I SGO GTOD DE DGRA BCOM GYI BAR LA BKOD KYANG, DE TZAM GYIS DE'I 'DUL BA'I DRI MA MA RDZOGS PA ZHES SOGS YIN BAS THEG GSUM LTAR NA CHOS PHUNG GCIG GI TSAD RDZOGS BA NYAN THOS KYIS SHES PAS THEG DMAN GYI SDE SNOD LA YANG CHOS PHUNG BRGYAD KHRI BZHI STONG 'JOG DGOS LA, THEG GCIG LTAR NA MJUG BAG CHAGS DANG BCAS PA'I GNYEN PO CHA TSANG STON DGOS PAS THEG CHEN GYI SDE SNOD DGOS SO, ,CHOS PHUNG GCIG RTOGS NA CHOS PHUNG GCIG GI TSAD RTOGS DGOS MI DGOS DANG, BRGYAD STONG PA CHOS PHUNG GCIG YIN MIN SOGS SPRO BYA MANG NGO, ,'DIR BSTAN 'KHOR LO DANG PO'I DGONGS GZHI, LEGS BSHAD SNYING PO LAS, DE'I DGONGS GZHI NI THA SNYAD DU YOD PA TZAM MO, ,ZHES PA THAL RANG GNYIS KAS 'DOD LA, LEGS LDAN DANG ZHI 'TSOS 'DIR BSTAN 'KHOR LO BAR BA LA DRANG NGES GNYIS BZHED LA, LEGS

085a

, ,BSHAD SNYING PO LAS, 'KHOR LO GNYIS PA GSUNGS PA DE LA DGAG BYA LA DON DAM PA'I KHYAD PAR SBYAR BA DANG MA SBYAR BA GNYIS BYUNG BA'I PHYI MA'I MDO NAS 'BYUNG BA BZHIN SGRA JI BZHIN PAR MI GZUNG BAR SNGA MA NAS 'BYUNG BA BZHIN SKYE 'GAG LA SOGS PA DON DAM DU MED CING THA SNYAD DU YOD PAR SHES PAR GYIS SHIG CES DGONGS 'GREL GYIS 'GREL BAS, ZHES DBU MA SNANG BA'I GZHUNG GONG MA BCOM LDAN 'DAS KYIS SKYE BA MED PA LA SOGS PA BSTAN PA DON DAM PA'I DBANG DU MDZAD PA ZHES PA DANG, 'OG MA DE'I PHYIR DGONGS PA BSTAN PA YANG NGES PA'I DON NYID DU, ZHES SOGS KYIS DGAG BYA LA DON DAM GYI KHYAD BAR DON GYIS SBYAR BA'I DE NGES DON DU GSUNGS PAS MA SBYAR BA DRANG DON DU SHES LA, DES DE LA DRANG NGE SA GNYI YOD BAR 'GRUB BAS, YIG CHAR, LEGS BSHAD SNYING PO LAS, GZHUNG GONG 'OG BSGRIGS NA ZHES SOGS DRANGS SO, ,SHER SNYING LTA BU MDO DE'I NANG NA DON DAM SBYAR BA MED PAS DON DAM PAR MED PA DNGOS BSTAN GTZO BOR MA BSTAN PAR GSUNGS PAS LEGS LDAN GYIS KYANG DRANG DON DU BZHED PAR 'GRUB BO, ,PHAR PHYIN ZIN BRIS LAS, ZHI 'TSO'I LUGS LA 'DIR BSTAN 'KHOR LO THA MA LA DRANG NGES GNYIS YOD GSUNGS PA, DBU MA SNANG BA LAS, DGONGS 'GREL DANG LANG GSHEGS DANG RGYAN SDUG PO BKOD PA SOGS LAS PHYI ROL BKAG NAS SEMS TZAM GYI LUGS SU BSGRUB PA'I SKABS SU

085b

'GA' ZHIG TU SEMS LA RANG BZHIN MA BKAG PA NI CHOS THAMS CAD RANG BZHIN MED PA GCIG CHAR DU RTOGS MI NUS PA RIM GYIS BKRI DGOS PA RNAMS KYI BSAM PA DANG MTHUN PAR BSTAN PA YIN NO, ,ZHES PA'I DGONGS PAR BYAS NAS, LEGS BSHAD SNYING POR CHA PHYE NAS MDO'I DON DU 'JOG GO ,ZHES GSUNGS PA'I DGONGS PA YIN TE, DE LA GDUL BYA THOG MAR DBU MA'I LTA BAR KHRID RUNG DANG THOG MAR SEMS TZAM GYI LTA BAR 'KHRID RUNG GI CHED DU GSUNGS PA GNYIS YOD PA'I PHYIR TE, LEGS BSHAD SNYING PO LAS, MDO DE LAS GCIG CHAR DU CHOS THAMS CAD RANG BZHIN MED PAR RTOGS NUS PA'I GDUL BYA LA BSHAD PA DANG SNGA MA GNYIS KA YOD PAS, ZHES GSUNGS PA'I PHYIR, DES NA YIG CHA 'GA' ZHIG LAS YON TAN 'BYUNG GNAS KYI LE'U DRANG DON DU BZHAG PA LTAR DES SEMS TZAM PA'I MTSAN NYID GSUM GTZO BO DANG, DBU MA PA'I DE GSUM ZHAR BYUNG DU BSTAN CES NA, YIG CHAR, MDO GNYIS GNYIS ZHES PA DANG 'GRIG GAM SNYAM, RJE BTZUN PA DANG BSOD GRAGS PAS, DBU MA SNANG BA LAS, TSAD MA DANG BCAS PA DANG, DON DAM PA'I DBANG DU MDZAD NAS BSHAD PA GANG YIN PA STE, ZHES PAR BRTEN NAS NGES DON GYI MDO LA DON DAM BDEN PA GTZO BOR DNGOS SU STON CING SGRAS ZIN SGRA JI BZHIN PA DGOS PAR GSUNGS NAS BAR PA'I DGAG BYA LA DON DAM GYI KHYAD PAR DON GYIS SBYAR BA RNAMS SGRA JI BZHIN PAR 'DOD LA, SNGA MAS 'DIR BSTAN 'KHOR LO THA MA DRANG

086a

, ,DON DU 'DOD LA, DE DPAL LDAN CHOS RJES KYANG DE 'THAD PHYOGS SU BYAS KYANG, DE NI TSAD MAS GRUB PA'I DON DAM DNGOS SU BSTAN PA'I MDO CHOS CAN, NGES DON GYI MDO YIN TE, DRANG DON DU 'DREN TSUL GNYIS GANG GI SGO NAS KYANG DRANG BAR MI NUS PA'I PHYIR, ZHES 'DREN TSUL GNYIS GANG GIS DRANG BAR MI NUS PA'I MDO YIN NA, NGES DON GYI MDO YIN PAS KHYAB PAR GSUNGS KYI, NGES DON GYI MDO YIN NA DE YIN PAS KHYAB PAR MA GSUNGS PA'I PHYIR TE, LEGS BSHAD SNYING PO LAS, DE 'DRA'I MDO SDE RNAMS NGES PA'I DON TE, 'DREN TSUL GNYIS GANG GI SGO NAS KYANG GZHAN DU DRANG BAR MI NUS PA'I PHYIR RO, ,ZHES GSUNGS PA'I PHYIR DANG, 'DI'I 'OG TU 'DI'I DON ZHES PA NAS SKYE BA MED PA SOGS KHO NA DON DAM PA DANG DE STON PA RNAMS KHO NA NGES PA'I DON DU BZUNG NGO, ,ZHES 'DREN TSUL GNYIS KA BKOD NAS PHYI MA KHO NAS NGES DON GYI MDO 'JOG PAR GSUNGS PA'I PHYIR, DE LA DGONGS NAS YIG CHAR, TSAD MAS GRUB PA MA SBYAR BAR YANG NGES DON BSHAD PA'I PHYIR, NAS, DBU MA SNANG BA LAS DE LTA BAS NA DON DAM PA BRJOD PA KHO NA NGES PA'I DON YIN LA LDOG PA NI DRANG BA'I DON YIN NO, ,ZHES PA DRANGS SO, ,DBU MA SNANG BA'I ZUR GNYIS SMOS PA LA DGOS PA GNYIS MCHAN LTAR YIN TE, DBU MA SNANG BA LAS, CHOS THAMS CAD MI SKYE BA YANG TSAD MAS YANG DAG PAR GRUB STE, DE NYID KYI PHYIR DE NI RIGS PA DANG LDAN PA NYID KYIS DON DAM PA ZHES BYA'O, ,ZHES GSUNGS PA'I PHYIR, LAM RIM LAS KYANG, BOD SNGA

086b

MAS NGES DON GYI MDO RNAMS SGRA JI BZHIN PA YIN PAS SKYE BA SOGS YE MED YIN TE, MIN NA DE DAG DRANG DON DU THAL LO ZER BA LA, DE SKYE MED SOGS LA DON DAM GYI KHYAD PAR SBYAR DGOS PAS YE MED MIN LA, YUM GYI MDO LTA BU'I NANG NA DRANG DON YOD KYANG, SPYI LDOG NGES DON YIN PA MI 'JIG PA'AM, SGRAS ZIN SGRA JI BZHIN PAR BZUNG DU MI RUNG BAS NGES DON GYI MDO YIN PA MI 'JIG LA, SGRA JI BZHIN PA YIN PAS DRANG DON MA YIN PAR MI 'GYUR BAR GSUNGS PAS, NGES DON GYI MDO SDE RNAMS ZHES SOGS DON GYIS SBYAR BA'I MDO SGRA JI BZHIN PA MIN PA'I SGRUB BYED DU 'GRO STE, GONG DU NGES DON GYI SGRUB BYED DU DBU MA SNANG BA'I TSAD GRUB MA SBYAR BA DRANGS PA'I PHYIR DANG, TSAD MA DANG BCAS PA ZHES PA NGES DON DE KHO NA NYID DE GZHAN DU DRANG MI RUNG BAR SGRUB BYED TSAD MA DANG LDAN PA'I SGRUB BYED DU DRANGS PA'I PHYIR RO, ,NYAN RANG LA SNYING RJE MED SEMS BSKYED MED CES PA'I PHYI MA DANG MI 'DRA STE, DE NI SHES RAB SNYING PO LAS, DE BZHIN DU TSOR BA DANG ZHES SOGS LA RANG BZHIN DNGOS SU SBYOR DGOS PA LTA BU YIN LA, YUM BAR PA'I DE LA YANG DAG TSIG ZIN LA YOD PAS DE DON DE MA YIN NA DNGOS SU SBYAR BAR 'GYUR BA MCHAN LTAR LA, RANG BZHIN LA PHYED NA DES GZUGS SOGS RANG BZHIN GYIS SKYE BA MED PA DANG, DON DAM PAR MED PA GNYIS KA SGRAS ZIN LA BSTAN PAR THAL LO, ,LEGS BSHAD SNYING PO LAS, SGRA JI BZHIN PA MIN PA'I NGES PA'I DON MIN NO SNYAM DU ZHES PA NAS, DNGOS SU MA SMOS PA DE DAG KYANG SGRA JI BZHIN PA

087a

, ,YIN NO, ,ZHES PAS DON GYIS SBYAR BA'I MDO DE SGRAS ZIN SGRA JI BZHIN PA MIN PAS NGES DON MA YIN PAR MI 'GYUR TE, DE DAG DNGOS BSTAN SGRA JI BZHIN PA YIN PA'I PHYIR, ZHES PA 'CHAD PA LA MI MKHAS PAR MI 'GYUR RO, ,GZHAN YANG, DON GYIS SBYAR BA'I 'KHOR LO BAR BA CHOS CAN, DGONGS GZHI CAN GYI MDO MA YIN PAR THAL, SGRA JI BZHIN PA'I MDO YIN PA'I PHYIR, KHYAB STE, DBU MA SNANG BA LAS, NGAS MTSAN NYID NGO BO NYID MED PA NYID LA DGONGS NAS CHOS THAMS CAD MA SKYES PA'O, ,ZHES BSHAD DO, ,ZHES GSUNGS PA GANG YIN PA DER YANG SGRA JI BZHIN GYI DON DU YONGS SU RTOG PA SEL BAR YANG MDZAD LA, ZHES DANG, DE NI DON DAM PA LA DGONGS PAS BSTAN PA'I PHYIR MTHONG BA LA SOGS PA DANG 'GAL BA YANG MA YIN LA, SGRA JI BZHIN DU YONGS SU RTOG PA YANG MA YIN NO, ,DE'I DGONGS PA BSTAN PA YANG ZHES GSUNGS PA'I PHYIR, DE LA DGONGS NAS YIG CHAR, DE SGRAS ZIN SGRA JI BZHIN PA MIN KYANG DNGOS BSTAN SGRA JI BZHIN PA YIN PA'I GZHI MTHUN GYI MDO YIN PA'I PHYIR, NAS, DE NI RJE RANG GI BZHED TSUL MA NOR BA YIN PA'I PHYIR TE, ZHES RDO RJE TSIG 'DI GSUNGS PA'I PHYIR, MA KHYAB NA, YUM RGYAS 'BRING BSDUS GSUM YANG DGONGS GZHI CAN GYI 'KHOR LO BAR BAR THAL LO, ,YANG KHO NA RE, SGRA JI BZHIN BA MA YIN NA DRANG DON GYI MDO YIN PAS KHYAB PAR THAL, MTHA' DPYOD LAS, DE YIN NA DGONGS GZHI DGOS PA DNGOS LA GNOD BYED GSUM TSANGS PA'I DRANG DON

087b

DU BSHAD PAS KHYAB PA'I PHYIR, ZHES DANG, KUN MKHYEN GYI LAM RIM MTSAN LAS, SGRA JI BZHIN PA MA YIN PAR MA ZAD SGRA JI BZHIN PA YIN KYANG GNAS LUGS KYI DON GZHAN DU DRANGS DGOS PA DRANG DON YIN PA NI, ZHES GSUNGS PA'I PHYIR NA MA KHYAB STE, DE NI SGRAS ZIN GZHAN DU DRANG DGOS PA'I DRANG DON TZAM DU BSHAD PA LA DGONGS PA'I PHYIR, DES NA THAL RANG GNYIS KA'I LUGS LA DRANG NGES KYI MDO'I MTSAN NYID 'DRA BA LAM RIM SOGS SU BLO GROS MI ZAD PA'I MDO DANG, DBU MA SNANG BA SOGS BSRES NAS DRANGS PAS 'GRUB LA, DGAG BYA LA DON DAM GYI KHYAD PAR DON GYIS SBYOR TSUL RANG RGYUD PAS RANG LA MA SBYAR KYANG RANG DANG DKYUS GCIG PA'I MDO GZHAN LA SBYAR BA DANG, THAL 'GYUR BAS RANG LA DNGOS SU MA SBYAR YANG RANG DANG RIGS MTHUN PA'I MDO GZHAN LA SBYAR BAS CHOG STE, LEGS BSHAD SNYING PO LAS, SHES RAB SNYING PO LA SOGS PA DGAG BYA LA DON DAM GYI THA SNYAD DNGOS SU MA SBYAR BA LA YANG NAS, MDOR BSTAN DU RANG MTSAN GYIS STONG PAR GSUNGS PA RGYAS BSHAD KYI SKABS SU SBYAR DGOS PAS DON GYIS SBYAR ZIN LA, DE LTA BU MIN YANG YUM 'BUM PA LTA BUR DON DAM GYI KHYAD PAR SBYAR NA DE DANG RIGS MTHUN GYI MDO SDE THAMS CAD LA GO DGOS PAS DON GYIS SBYAR BA YIN TE, ZHES GSUNGS PA'I PHYIR, DES NA DON GYIS SBYAR BA'I MDO RNAMS KYANG SGRA JI BZHIN PA YIN TE, RANG BZHIN MED PA STONG NYID YIN PA'I PHYIR RO, ,BSOD GRAGS PA'I MTHA' DPYOD DU 'PHAGS SENG GIS DRANG NGES KYI

088a

, ,KYI KHYAD PAR ZHI 'TSO DANG MTHUN PAR LEGS BSHAD SNYING POR ZUR DU MA BKOD PAS BSGRUB KYANG, RANG LUGS LA DE DAG GI DRANG NGES THAL 'GYUR BA LTAR 'DOD GSUNGS BA, RNAM BSHAD LAS MTSAN NYID LA LDEM POR DGONGS PA NI, DGONGS 'GREL LAS NGO BO NYID GSUM LA BDEN PAR GRUB MA GRUB KYI KHYAD PAR GSUNGS PA LTA BU'O, ,ZHES PAS YIN TE, DE PHAR PHYIN RANG LUGS YIN PA'I PHYIR RO, ,'O NA, RANG RE MTHA' DPYOD DU PHAR PHYIN RANG LUGS KYI 'KHOR LO GSUM GYI DRANG NGES KYI KHYAD PAR DNGOS SU MA GSUNGS PAR THAL, ZHE NA, THAL 'GYUR BA'I SKABS SU DNGOS SU GSUNGS ZER RAM DPYAD, MCHAN DU YONGS GRUB BDEN GRUB LTA BU LA RANG BZHIN GYI SGRA DON MA TSANG BA'I SGRUB BYED DU, RTZA SHES LAS, RANG BZHIN DAG NI BCOS MIN DANG, ,ZHES PA DRANGS NAS DE'I RANG BZHIN DGAG BYA LA BYA TSUL DANG GNAS LUGS LA BYA TSUL GNYIS GSUNGS PA NI, RTZA SHES t'IKA CHEN LAS, DE 'DRA BA'I RANG BZHIN CHOS CAN THAMS CAD MA GRUB KYANG CHOS NYID RNAMS GRUB LA, RANG GI NGO BOS GRUB PA'I RANG BZHIN DU NI CHOS GANG YANG GRUB PA MED DO, ,ZHES DANG, LEGS BSHAD SNYING PO LAS, GZUGS NAS SANGS RGYAS KYI BAR LA NGO BO NYID BTAGS PA KUN BTAGS SU BSHAD PA'I NGO BO NYID NI GSHIS SAM RANG BZHIN LA BYA ZHING, ZHES PA NAS, YIN LUGS GCIG NYID GZHI SO SO LA LTOS NAS KUN BTAGS DANG YONGS GRUB GNYIS SU 'JOG

088b

PA'O, ,ZHES PA LTAR THAL RANG LUGS LA RANG BZHIN LA 'JOG TSUL GNYIS YOD KYANG DBU MA SNANG BA'I RANG BZHIN LAS PHYI ROL TU GYUR, ZHES PA'I DE GNAS LUGS LA BYED LA, PHA ROL PO DNGOS SMRAS GNAS LUGS DANG DON DAM LA DON DAM DU GRUB DGOS PAR GNAD KYIS GNYIS KAR SBYAR LA, RANG BZHIN DANG GNAS LUGS LA STONG NYID DGOS MI DGOS DANG, RANG BZHIN DANG GNAS LUGS SU GRUB PA DGAG BYA YIN MIN SOGS SPRO BYA MANG ZHES PA'O, , MCHAN DU KHA CIG SOGS SGRAS BSDUS PA 'DIR BSTAN 'KHOR LO BAR BAR BZHAG PA LA DGONGS ZER, ZHES PA RJE BTZUN PA DANG BSOD GRAGS PAS DON DAM GYI KHYAD PAR DON GYIS SBYAR BA'I MDO SGRA JI BZHIN PAR 'DOD PAS DE'I RJES 'BRANG KHA CIG DON GYIS SBYAR BA'I MDO'I YANG DAG DON DAM LA BYED LA, LEGS BSHAD SNYING POR SOGS PA SGRA JI BZHIN PA MIN PAS ZHES PA'I SGRA JI BZHIN PA MIN PA SOGS SGRAS BSDUS BA SHER SNYING LTA BU'I DRANG DON GYI BAR PA BZHAG NA MI 'THAD CES PA YIN NAM DPYAD, SHES RAB SNYING PO'I DNGOS BSTAN LA GDUL BYA THAL 'GYUR BA'I BSAM DO LA LTOS PA'I PHUNG SOGS RANG NGOS NAS MED PA BZHAG NA, MDO KUN BTUS LAS, DE BZHIN GSHEGS BAS GDUL BYA'I BSAM PA'I DBANG GIS THEG PA'I SGO SNA TSOGS NYE BAR STON PAS ZHES PA'I DGONGS PAR 'GRO LA, DES KUN GZHI STON PA SOGS DRANG DON GYI MDO GZHAN YANG SHES PAR BYA'O, ,THAL RANG GNYIS KA'I CHOS 'KHOR GYI RTZOD SPONG LHAN

089a

, ,CIG GSUNGS PAS DE YAN RANG RGYUD PA'I LUGS YIN NO, ,YIG CHAR, MDO SNGA MA'I SGRAS ZIN LTAR PHA MA BSAD BYA DE BRJOD BYA TZAM YANG MIN LA ZHES PAR, RIGS GRVA'I BLO BZANG PAS, SGRAS ZIN LA PHA MA BSAD BYAR BSTAN PAR THAL, DE DE'I SGRAS ZIN LA BRJOD PA'I PHYIR TE, DE SGRAS ZIN YIN PA'I PHYIR, ZHES SOGS SGRUB CING, BSTAN NA, STON PAS RGYAL PO MA SKYES DGRA LA PHA MA BSAD BYAR STON 'DOD YOD DGOS PA LA DE MED PA'I PHYIR, YOD NA BRJOD BYAR BYED DGOS PA'I PHYIR, ZHES SOGS GNYIS KA GSUNGS KYANG RANG LUGS LA PHA MA BSAD BYAR RUNG BA'AM DE BSAD NA THAR PA THOB PA DE'I SGRAS ZIN GYI BRJOD BYA YIN TE, DE'I SGRAS ZIN YIN PA'I PHYIR, DER THAL, DE SGRA JI BZHIN PA MIN TSUL YOD PA'I PHYIR, DES NA SGRAS ZIN BRJOD BYA'I DON MIN GSUNGS PA SGRAS ZIN STON YUL GYI GDUL BYAS 'DZIN DU GZHUG RGYU'I BRJOD BYA MIN ZHES PA YIN TE, YIG CHAR, SGRAS ZIN LTAR ZHES DANG, PHA MA ZHES PA'I MDO LTAR MA YIN PAR NAS, RE ZHIG 'DZIN DU GZHUG PA'I PHYIR, ZHES GSUNGS PA'I PHYIR, SEMS TZAM PA'I LUGS LA RANG RGYAL GYIS KUN GZHI MNGON SUM DU MA RTOGS KYANG, DE'I MNGON SUM DU RTOGS PA'I KUN GZHI YOD DE, SO SKYE'I RGYUD KYI GSUM PA RNAM SHES DE YIN PA'I PHYIR, YIG CHAR, DE BZHIN GSHEGS PA'I SNYING PO'I TSIG ZIN DANG DON GANG LA'ANG RTAG PA YIN PA'I PHYIR, ZHES PA KHO RANG 'DOD MKHAN GYIS RTAG PAR 'DOD PA'I

089b

DON YIN NO, ,PHA DANG MA NI ZHES SOGS SRID SRED SPANGS PA DNGOS BSTAN GTZO BO YIN PAS NGES DON GYI MDO MIN LA, 'DIR BSTAN 'KHOR LO DANG PO DANG THA MAS SGRAS ZIN LTAR RANG GI CHED DU BYA BA'I GDUL BYAS KHAS LEN KYANG DE'I CHED DU BYA BA'I GDUL BYA YIN NA SGRAS ZIN LTAR KHAS LEN PAS KHYAB NA, DE LA SBYOR LAM PA MED DGOS LA, DES NA DANG PO'I DE LA LNGA SDE MED DGOS PAS LNGA SDES BZLAS PA GSUM LA CHED DU BSTEN KYANG DE'I CHED DU BYA BA'I GDUL BYA MIN ZER DGOS PA DANG, YOD NA 'KHOR LO DANG PO'I CHED DU BYA BA'I GDUL BYA NYAN THOS SDE PA'I RIGS CAN YIN MIN, THA MA'I DE SEMS TZAM PA YIN MIN BZLAS PA GSUM GYI CHED DU BYA BA'I GDUL BYA 'GAL MI 'GAL SOGS DPYAD, MCHAN LAS, ZHES SOGS KYI DON NI ZHES PA, YIG CHAR, DON GYI GNAS GSUM LA GNAS BZHI DANG, ZHES SOGS KYI RGYUD BLAR DON GYI GNAS DANG PO GSUM STE DKON MCHOG GSUM LA PHYI MA BZHI RGYU DANG BYED PA CI RIGS KYIS BSDUS NAS DES MTSON PA'I CHOS THAMS CAD BDEN MED DU BSHAD PA LTAR DE'I BSHAD BYA'I MDO RNAMS SU'ANG BSHAD CES PA YIN TE, THOGS 'GREL LAS, GANG YOD NA 'JIG RTEN DANG 'JIG RTEN LAS 'DAS PA'I RNAM PAR DAG PA SKYE BA'I GNAS DKON MCHOG GSUM SKYE BAR 'GYUR BA DE'I DBANG DU BYAS NAS TSIGS SU BCAD PA, DRI BCAS DE BZHIN NYID DANG DRI MA MED, ,DRI MED SANGS RGYAS YON TAN RGYAL BA'I BDZAD, ,GANG LAS DKON MCHOG DGE BA GSUM 'BYUNG BA,,

090a

, ,ZHES DANG, RGYUD BLA MA LAS, DKON MCHOG GSUM PO 'DI YIN RIGS, ,THAMS CAD GZIGS PA RNAMS KYI YUL, ,DE YANG RNAM BZHI ZHES DANG, LE'U RNAMS KYI MJUG TU DKON MCHOG GI RIGS RNAM PAR DBYE BA ZHES RIGS KYI SKAD DOD DHA TU RGYU LA BYED DGOS PA'I PHYIR DANG, THOGS 'GREL LAS, DE LTAR GNAS BZHI PO 'DI'I DBANG DU BYAS TE RGYU DANG RKYEN GYI DNGOS POS DKON MCHOG GSUM GYI RIGS RNAM PAR BZHAG PAR BYA'O, ,ZHES DANG, DAR t'I KA LAS, 'BRAS BU DKON MCHOG GSUM BSHAD ZIN TO, ,GNYIS PA DE THOB BYED KYI RGYU RKYEN RNAM PAR BZHAG PA LA, ZHES GSUNGS PA'I PHYIR, DE LA DGONGS NAS, MCHAN LAS, THOB BYA DKON MCHOG GSUM DANG NAS, DANG PO GSUM LA PHYI MA BZHI RGYU DANG BYED PA CI RIGS KYIS BSDUS NAS, ZHES DANG, 'DI BZHIS BSDUS TSUL RGYUD BLAR, RTOGS BYA RTOGS PA DE YIS NI, ,ZHES SOGS DRANGS SO, ,DES NA LUNG 'DI MA RNYED CES PA YANG BSTAN SGRON PA LTAR, GONG DU DRANGS PA'I THOGS 'GREL LAS, DON GYI GNAS GSUM PO 'DI DAG KYANG ZHES PA'I GNAS GSUM DANG 'OG GI DON GYI GNAS GSUM LA ZHES PA'I GNAS GSUM 'DRA BAR 'DOD PA LA, 'OG MA SKYABS GSUM LA BYED PAS SKYABS GSUM BSHAD PA DE BZHIN GSHEGS PA'I SNYING PO'I MDO'I RJES SU 'BRANG ZHES PA'I LUNG ZHIG MA RNYED LA, DAR t'I KA

090b

SOGS SU DE 'DRA'I ZUR TZAM YANG MED LA, LHAG BSAM BSTAN PA'I LE'U'I RJES SU 'BRANG, ZHES PA LA YI GE NOR ZER NA, DE DKON BRTZEGS KYI LE'U YIN PAS DES DE BZHIN GSHEGS PA'I SNYING PO'I MDO NGES DON DU SGRUB MI NUS PA'I PHYIR, ZHES DE GNYIS GCIG TU 'DOD PA LA GNOD BYED BSTAN PAR SGRUB TSUL GYIS SHES PAS SPYIR THOGS 'GREL GYI LUNG DE 'DRA MA RNYED CES BA MIN PAS PHYOGS SNGA'I NAM LANGS DGOS SO, , BSTAN SGRON PA'I MCHAN DU, GONG 'OG GI GNAS GSUM GCIG TU BYAS NAS DE LA CHOS SKU DE BZHIN NYID RIGS GSUM 'JOG PAR GONG GI THOGS 'GREL SOGS KYIS SGRUB ZER BA MI 'THAD DE, 'OG TU DE GSUM NI RIGS LA MING THA DAD PA GSUM GYIS BSTAN PA TZAM YIN PAS, ZHES PA DANG GONG 'OG 'GAL LA, RGYUD BLA MAR, RANG BZHIN GSUM GYIS BSDUS PHYIR KHAMS, ,ZHES PA LTAR GONG GI GSUM LA YANG RIGS GSUM 'JOG GI CHOS SKU MI 'JOG PA'I PHYIR, DE GSUM RIGS YIN NA PHYI MA'I BSDU BYAR 'GYUR GYI SDU BYED DU MI RUNG NGO, ,DE GSUM GYI NANG GI DE BZHIN NYID DU SHES BYA THAMS CAD KYI GNAS LUGS BSDUS PA GSUM GYIS BZHI BSDU TSUL DU BSHAD PA YANG MI 'THAD DE, DE LTAR NA GNYIS SDU BYED DU MI 'ONGS PA'I PHYIR, 'DI DAG RGYAS PAR MKHAN CHEN DAG GI DBANG POS MDZAD PA'I KE TA KA'I 'BRAS BUR GSUNGS PAS DER LTOS, KHAMS BSTAN

091a

, ,PA'I DGOS PA STON PA'I RTZOD LAN NI, RGYUD BLA MA LAS, SPRIN DANG RMI LAM SGYU BZHIN DE DANG DER, ,SHES BYA THAMS CAD RNAM KUN STONG PA ZHES, ,GSUNGS NAS YANG 'DIR RGYAL RNAMS SEMS CAN LA,, SANGS RGYAS SNYING PO YOD CES CI STE GSUNGS, ,ZHES PAS 'KHOR LO BAR BAR CHOS THAMS CAD RANG BZHIN GYIS STONG PA'I GLO BUR BA LTA BUR GSUNGS NAS, YANG 'KHOR LO THA MA SNYING PO'I MDO SOGS 'DIR SEMS CAN THAMS CAD KYI SEMS KYI RANG BZHIN LA ZHUGS PA'I SANGS RGYAS KYI SNYING PO YOD CES CI STE GSUNGS TE, GLO BUR BA DANG RANG BZHIN LA ZHUGS PA, 'GAL BA'I PHYIR, ZHES 'GAL BA'I RTZOD PA DNGOS SU BKOD NAS THA MA 'DIR SEMS CAN THAMS CAD LA KHAMS RANG BZHIN GYIS DAG PA YOD PAR GSUNGS PA MED DE, BYIS PA RNAMS LA DE BSTAN YANG RTOGS MI NUS PA'I PHYIR DANG, SNGAR 'KHOR LO BAR PAR GSUNGS PA DANG ZLOS PA'I PHYIR, ZHES PA'I DGOS MED KYI RTZOD PA SHUGS LA BSTAN CING, SEMS ZHUM SEMS CAN DMAN LA BRNYAS PA DANG, YANG DAG MIN 'DZIN YANG DAG CHOS LA SKUR, ,BDAG CAG LHAG PA'I SKYON LNGA GANG DAG LA, ,YOD PA DE DAG DE SPONG DON DU GSUNGS, ,ZHES PAS THA MA 'DIR DE LTAR BSTAN PA NYES PA LNGA SPANGS PA'I PHYIR YIN PAS, BAR PA DANG MI ZLOS ZHES RTZOD PA GNYIS PA'I LAN

091b

DNGOS SU GSUNGS SHING, 'GAL BA'I LAN SHUGS LA BSTAN LA, RGYAS BSHAD KYI YANG DAG MTHA' NI 'DUS BYAS KYIS, ZHES SOGS KYIS THA MA 'DIR BSHAD PA'I SEMS RANG BZHIN GYIS DAG PA DE NYID 'KHOR LO BAR BAR SDUG KUN GYIS BSDUS PA'I 'DUS BYAS KYIS DPER PA, NYON MONGS RNAMS SPRIN DANG, LAS RMI LAM GYI LONGS SPYOD DANG, RNAM SMIN GYI PHUNG PO SGYU MA DANG SPRUL PA BZHIN DU SNANG YANG RANG BZHIN MED PAR GSUNGS PAS 'GAL BA MED PAR MA ZAD DON GCIG CES LAN DANG PO DNGOS SU DANG, SNGAR NI DE LTAR RNAM BZHAG NAS, ZHES SOGS KYIS 'KHOR LO BAR BAR CHOS THAMS CAD RANG BZHIN MED PAR BSTAN NAS SLAR YANG THA MA 'DIR KHAMS BZHIN GYIS DAG PA SEMS CAN THAMS CAD LA YOD PAR GSUNGS PA NYIS PA LNGA SPANGS NAS YON TAN LNGA BSKYED PA'I PHYIR YIN PA'I ZLOS SKYON MED CIS DGOS PA DE 'DRA YOD CES MDOR BSTAN NAS, 'DIR LTAR DE NI MA THOS PAS, ZHES SOGS KYIS SEMS BSKYED PA'I GEGS BDAG GIS BYANG CHUB THOB MI NUS SNYAM PA'I SEMS ZHUM PA DANG, SPYOD PA NYAMS LEN GYI GEGS BDAG NI SANGS RGYAS THOB NUS PAS MCHOG SNYAM PA'I RLOM PA DANG, GNAS LUGS RTOGS PA'I GEGS NYES PA RANG BZHIN GYIS GRUB PAR 'DZIN PA DANG, KHAMS RANG BZHIN GYIS DAG PA MED PAR 'DZIN PA DANG, BYAMS SNYING RJE'I GEGS BDAG LA LHAG PAR GCES PAR

092a

, ,'DZIN PA LNGA SPANGS PA DANG, 'DI LTAR DE NI THOS PA LAS, ,ZHES SOGS THA MA'I DON 'DI THOS PA LAS SANGS RGYAS THOB 'DOD KYI SPRO BA DANG, SEMS CAN GZHAN LA GUS PA DANG, RANG BZHIN MED RTOGS KYI SHES RAB DANG, SANGS RGYAS KYI CHOS THAMS CAD SKYE RUNG DU RTOGS PA'I YE SHES DANG, BYAMS PA CHEN PO STE YON TAN LNGA SKYE BAR 'GYUR, ZHES DGOS MED KYI LAN DNGOS SU GSUNGS SO, ,MDO LAS, BLO MIG DAG PA'I 'PHAGS PA RNAMS KYIS KYANG, THAMS CAD MTHONG BA LAGS, ,ZHES PAR BRTEN NAS, THOGS 'GREL LAS, GAL TE DE LTAR CHAGS PA MED PA'I MTHAR PHYIN PA'I SA LA GNAS PA'I 'PHAGS PA'I MCHOG RNAMS KYI YANG THAMS CAD YUL MA YIN NA, KHAMS DE LTA BAR DKA' BA DES NA BYIS PA SO SO SKYE BO LAS BRTZAMS TE, BSTAN PA DES NI CI ZHIG BYA ZHE NA, ZHES PA LTAR, DAR t'I KA LAS, KHAMS SHIN TU RTOGS DKA' BAS BYIS PA SO SO SKYE BO LA BSTAN PA LA DGOS PA MED PA'I RTZOD PA, ZHES DGOS MED KYI RTZOD PA DE TZAM LAS MED PAS DE LTAR NA, SNGAR NI DE LTAR RNAM BZHAG NAS, ZHES SOGS DE'I LAN DU SBYOR TSUL DKA' BA'I SNGAR LTAR ZLOS SPONG GI LAN DU SBYOR DGOS PA DANG, RTZOD LAN 'DI DAG JO NANG PA SOGS GSUM GYIS BKRAL TSUL MI 'THAD TSUL SOGS DAR t'I KA NA ZHIB CHA MANG NGO, ,RJE BTZUN PA SOGS KYIS THEG PA CHE CHUNG GNYIS KA'I MDO LA DGONGS 'GREL DANG LUNG SDE BZHI SOGS BZHAG PA YIG CHAR, SNGA MAS THEG DMAN GYIS DO'I DGONGS PA ZHAR BYUNG DU 'GREL BA DANG, THA MA THEG CHEN GYI 'DUL BA'I SDE

092b

SNOD LA PHAL CHEN SOGS 'JOG GI LUNG SDE BZHI MI 'JOG CES BKAG GO ,YIG CHA RNYING PAR, THEG PA THUN MONG GI MDO YOD PA'I PHYIR, DER THAL, THEG PA THUN MONG GI SDOM YOD PA'I PHYIR NA MA KHYAB CES GSUNGS SO,, ` ,,KHO NA RE, 'GREL BA 'DI'I RTZOD LAN MDO LA MIN PAR GSUNGS PA MI 'THAD PAR THAL, GSER PHRENG LAS, 'DIR LOG RTOG MDO LA BYUNG BA DANG, ZHES PA NAS, SHER PHYIN TE RGYAN ZHES RIG BYIN 'CHAD KYANG MDO LA BZANG NA YANG SKABS SU BAB STE NYI SNANG DANG RNAM 'GREL LAS KYANG MDO LAS ZHES PAS SO, ,ZHES GSUNGS PA'I PHYIR ZHE NA, YIG CHA'I DE YUM MDO TZAM MIN PA LA DGONGS SO, ,KHO NA RE, DE MDO TZAM LA YIN PAR THAL, DE LA MDO DANG BSTAN BCOS GNYIS SU PHYE BA'I BSTAN BCOS MED PA'I PHYIR NA MA KHYAB STE, 'DI'I MDO YUM GYI MDO LA BYED PA'I PHYIR, YANG NA DE YIN PAR THAL, MCHOG GI SPRUL SKUS BRTZAMS PA'I BKA' TZAM LA YIN PA'I PHYIR, SOGS SPRO SLA, KHO NA RE, 'DI'I RTZOD PA PO SLOB DPON SOGS YIN PAR THAL, DE 'GOD PA PO SLOB DPON SOGS YIN PA'I PHYIR NA MA KHYAB, RTAGS GRUB STE, 'PHAGS GROL SOGS DE YIN PA'I PHYIR TE, YIG CHAR, 'GREL PA BZHIS RIM BZHIN BKOD PA'I PHYIR, ZHES GSUNGS PA'I PHYIR, 'O NA, DE DAG GIS RANG LA BKOD NAS RANG GIS LAN BTAB PA YIN MIN, DE 'DRA'I RTZOD LAN LA THAL 'GYUR DANG SBYOR NGAG YANG DAG DANG LTAR SNANG GANG YOD SOGS SPRO BYA MANG NGO, ,YANG KHO NA RE, DE 'DRA'I RTZOD PA PO DNGOS SU BYUNG BAR THAL, DE'I PHYOGS SNGA DNGOS SU BYUNG

093a

, ,BA'I PHYIR, DER THAL, PHYOGS SNGAS BRTAG PA DNGOS SU BYUNG BA'I PHYIR TE, GZHUNG DE PHYOGS SNGA'I BRTAG PA SEL BYED YIN PA'I PHYIR DANG, PHYOGS SNGAS BRTAG PA KHAS BLANGS NA RANG LUGS LA SKYON 'BYUNG BA'I PHYIR ZER NA, RNAM BSHAD LAS, DE LTA BU 'DOD PA BYUNG NA 'DIR BRGAL BA'I SKABS SU BSTAN PA'I SUN 'BYIN 'DI DAG 'PHEN PA'I DON YIN LA ZHES GSUNGS LTAR, DE SKABS PHYOGS SNGAS DE LTAR BRTZAMS PA'I GZHUNG DANG SLOB DPON SOGS LA DE LTAR BRGAL BA'I PHYOGS SNGA MED PAS DOGS PA KHONG SLONG DU GSUNGS KYI SPYIR DE 'DRA'I RTZOD PA PO DANG DOGS PA DNGOS SUM BYUNG BA MIN TE, LAN GYI GZHUNG DE PHYIS 'BYUNG GI RTOG LDAN RTZOD PA PO LA LAN 'DEBS TSUL DANG, DE'I RTOG PA SEL BYED YIN PA'I PHYIR, DANG PO MA GRUB NA, 'GREL PA LAS, GZHAN DAG SEMS PAR 'GYUR BA MA YIN NAM ZHE NA, ZHES PA'I GZHAN DAG DANG, SKYE BO BLO GROS DMAN PA DAG ,CES PA'I BLO DMAN MED PAR THAL LO, ,DE DAG RTZOD PA PO MA YIN PA'I PHYIR, GONG GI RTAGS GNYIS PA MA GRUB NA, DE 'DRA'I DOGS PA MED PAR THAL, LAN DE SEL BYED MA YIN PA'I PHYIR, 'DOD NA, GSER PHRENG LAS, DOGS PA 'DI 'GOD PA ZHES DANG, RNAM BSHAD LAS, DGOS MED KYI DOGS BA SO SOR SPANGS NAS ZHES DANG, RTOGS DKA'I SNANG BA LAS, DOGS PA GCOD PA LA DOGS PA THA MA DGOS 'BREL GYIS GCOD CING DANG PO'I DOGS GCOD SLOB DPON GYI GYIS KHA BSKANGS PA YIN NO, ,ZHES DANG, YIG CHAR,

093b

DOGS PA RJE BTZUN GYIS RGYAN RTZOM DUS NA YOD PAS, ZHES GSUNGS PA'I PHYIR, GZHAN YANG, RTZOD PA PO YOD PAR THAL, DE'I 'KHRUL GZHI YOD PA'I PHYIR TE, GSER PHRENG LAS, DE DAG GI 'KHRUL GZHI NI MDO LAS, PHUNG KHAMS SKYE CHED DANG, ZHES PA NAS, 'GREL DUM ZHES GSUNGS PA LAGS SO, ,ZHES GSUNGS PA'I PHYIR, DES NA GSER PHRENG LAS, 'DIR GZHAN DAG CES PA DANG, PHYOGS GSUM RE RE BSDUS PAR 'DOD PA'I RGOL BA GNYIS MI GCIG STE, ZHES PAS PHYI MA PHYOGS RE RE TZAM BSDUS NA SKYON MED ZER BA PHYOGS DANG PO ZHES SOGS LTAR GYI PHYOGS SNGA DANG SNGA MA DE LA SKYON BRJOD NAS RANG LUGS LA RTZOD MKHAN YIN PA'I PHYIR, DOGS SLONG LTAR 'OG GI RTZOD PA PHAL CHER 'DI DANG 'DRA'O, ,'O NA, RTZOD PA DANG DOGS PA 'DI DAG LTA BA NI DUS NA MA BYUNG ZHE NA, SPYIR 'KHRUL BA'I MTHA' DGAG MI NUS PAS, YUM GYI MDO DANG RGYAN BRTZAMS PA DGOS MED KYI DOGS PA THOG MED NAS YOD KYANG SKABS 'DI'I DOGS PA SKYE BA'I GZHI RNAM BSHAD LTAR MCHOD BRJOD 'JOG PAS DE'I SNGON DU MED PA YIG CHAR, THOG MA'I DUS BZUNG BAS SHES SO, ,DE LA RANG SDE GONG 'OG GNYIS KA YOD CHOG LA, GZHAN SDE LA DE 'DRA'I DOGS PA YOD KYANG RTOG LDAN GYI DOGS PA MIN NAM DPYAD, KHO NA RE, RGYAL BA LA RTZOD PAR THAL, RGYAL BAS CHOS BSTAN TSUL LA RTZOD PA'I PHYIR NA MA KHYAB STE, RGYAL BA PHYOGS SNGAR BYAS NAS RTZOD PA MA YIN PA'I PHYIR, KHO NA RE, BSHAD BYA LA SBYAR NAS RTZOD PA BKOD NA LAN MI

094a

, ,THEBS PAR THAL, GSER PHRENG LAS, KHO NA'I SGRA TZAM LA RE BAS NI RTZOD LAN 'DI DAG BSKAL PA'I BAR DU YANG MI SHOD DO, ,ZHES DANG, MCHAN LAS, LAN JI LTAR BYAS KYANG MI 'GRIG STE, ZHES GSUNGS PA'I PHYIR, 'DOD NA, BSHAD BYA LA SBYAR NA SKYON YOD PAR THAL, DE LA LAN MI THEBS PA'I PHYIR, 'DOD NA, DE LA SKYON YOD PAR THAL LO, ,ZER NA, DE NI BOD SNGA MA'I BTAB PA'I LAN DE JI LTAR BYAS KYANG MI 'GRIG PA'I DON YIN PA 'OG TU SGRUB TSUL GYIS SHES PA'I PHYIR, SPYIR BRJOD BYA DE GSUM YANG YANG BSHAD NA ZLOS PA YIN KYANG ZLOS SKYON MED PA'I PHYIR RO, ,KHO NA RE, SKABS 'DI'I RTZOD TSUL GZHI GNYEN RNAM PA GSUM GANG RUNG RE RE KHO NA'AM GSUM KA STON NA ZLOS ZHES BRTZAD PAR THAL, YIG CHAR, DE LTAR GSUNGS PA'I PHYIR NA MA KHYAB STE, YIG CHAR DGOS MED DANG ZLOS PA'I RTZOD LAN GNYIS KA LHAN CIG GSUNGS PA YIN PA'I PHYIR TE, RNAM BSHAD LAS, DOGS PA GCOD PA'I GTZO BO NI MKHYEN PA GSUM KA BRJOD BYAR BYED NA MDO DANG ZLOS PAS MNGON RTOGS RGYAN BRTZAMS PA DGOS PA MED PAR THAL BA'I RTZOD PA DGOS 'BREL GYI MTSAMS SBYAR DU 'BYUNG BA DE NYID YIN LA, DE'I MTHA' GCOD PA LA YA GYAL RE RE BRJOD BYAR BYED PA LA RTZOD PA SPANGS PA 'DI NYID YIN PAS, ZHES DANG, RTOGS DKA'I SNANG BA LAS, GZHI GNYEN RNAM PA GANG RUNG RE RE KHO NA SDUD NA 'BAD PA DON MED PA SOGS KYI

094b

SKYON 'DI DAG YOD LA, GSUM GA SDUD NA YUM GYI MDO DANG ZLOS PAR 'GYUR ZHES PA'I DOGS PA GCOD PA LA DOGS PA THA MA DGOS 'BREL GYIS GCOD CING, DANG PO'I DOGS GCOD SLOB DPON GYIS KHA BSKANGS PA YIN NO, ,ZHES PA LTAR YIN PA'I PHYIR, DES NA YIG CHA'I DON MCHOD BRJOD LAS 'PHROS NAS RGYAN BRTZAM PA LA DGOS PA MED PAR THAL, CHOS RNAM 'BYED KYI SHES RAB BSKYED PA SOGS DGOS PA GSUM GYI PHYIR GZHI GNYEN RNAM GSUM GANG STON KYANG 'BAD PA DON MED PA SOGS KYI SKYON YOD PA'I PHYIR, ZHES PA SKABS 'DI'I RTZOD PA DANG, RGYAN BRTZAMS PA LA DGOS PA MED PAR THAL, MKHYEN GSUM GTAN LA 'BEBS PHYIR GZHI GNYEN RNAM PA GSUM STON NA SHER MDO DANG, ZLOS SKYON YOD PA'I PHYIR, ZHES SKYE BO BLO GROS DMAN PA DAG ,CES SOGS KYIS BRTZAD PA LA, DANG PO'I LAN DU RTZOD TSUL YUL CAN MKHYEN GSUM GYI YUL DU DANG, DGOS PA MKHYEN GSUM MTSON PHYIR GZHI GNYEN RNAM PA GSUM GA STON PAS GANG RUNG RE BSDUS PA'I SKYON MED CES DANG PO'I LAN DANG, YUM DON BDE BLAG TU RTOGS PA'I PHYIR YIN PA'I GSUM GA STON YANG YUM MDO DANG ZLOS SKYON MED CES GNYIS PA'I LAN MDZAD PA'I PHYIR, ZHES PA'O, , YIG CHAR RTZOM YANG ZHES PA MA DAG SNYAM, ,KHO NA RE, 'DI'I BZLOS ZHES PA MNGON PA DANG BZLOS PA YIN TE, SKABS 'DIR RE RE KHO NA'AM GSUM GA BSTAN NA MNGON PA DANG BZLOS ZHES PA YIN PA'I PHYIR ZER NA, MI 'THAD DE,,

095a

, ,GZHI TZAM BSTAN NA MNGON PA DANG ZLOS PA'I SKYON BRJOD NAS SLAR GSUM GA STON NA MNGON PA DANG ZLOS ZHES RTOGS LDAN GYIS MI RTZOD PA'I PHYIR, YANG KHO NA RE, RNAM BSHAD LAS, DOGS PA SKYE BA'I GZHI NI MCHOD BRJOD DO, ,ZHES PA MI 'THAD PAR THAL, YIG CHAR BKAG PA'I PHYIR ZER NA, RTAGS MA GRUB STE, MCHAN LTAR RANG KHUGS LA RTZOD PA SNGA PHYI GNYIS KA MCHOD BRJOD DU GZHI GNYEN RNAM GSUM BSHAD SNYAM DU DOGS PA SKYE BA'I GZHI BYAS TE LUS LA RTZOD PA YIN LA, KHA CIG DES RANG LUGS LA DOGS PA SKYE BA'I GZHI MCHOD BRJOD ZER BA MI 'THAD PAR THAL, KHYOD KYIS DOGS PA DANG RTZOD PA MCHOD BRJOD LA MIN PAR KHAS BLANGS PA'I PHYIR, KHYAB STE, DOGS PA SKYE BA'I GZHI DE LA RTZOD DGOS PA'I PHYIR, ZHES TSUR 'PHANGS PA YIN NO, ,KHO NA RE, MNGON PA NAS BSHAD PA'I GZHI GNYEN RNAM GSUM DANG YUM GYI MDO NAS BSHAD PA'I GZHI GNYEN RNAM GSUM 'DRA BAR THAL, DE MI 'DRA BA'I LAN MA BTAB PA'I PHYIR NA MA KHYAB STE, SKABS 'DI'I DE GZHI SHES PA YI BYE BRAG RNAMS, ,ZHES PA'I DE LA BYED DGOS LA, SNGA MA'I DE GZHI PHUNG KHAMS SKYE MCHED DANG, NYON MONGS KYI GNYEN PO TZAM DANG RDZAS BTAGS SOGS KYI RNAM PA LA BYED PAS MI 'DRA BA'I PHYIR, DANG PO GRUB STE, RNAM BSHAD LAS, KHYAD GZHI KHYAD CHOS BSDOMS NA GZHI BDEN BZHI'I STENG DU BDAG MED GNYIS 'KHOR DANG BCAS PA RTOGS PA'I YE SHES KYI BYE BRAG CES

095b

PAR 'GYUR LA, SO SO 'PHRAL NA GZHI GNYEN RNAM PA GSUM CES PAR 'GYUR RO, ,DE YANG 'OG GI GZHI SHES PA YI BYE BRAG RNAMS, ,ZHES SOGS NAS SHES PAR 'GYUR RO, ,ZHES GSUNGS PA'I PHYIR, GNYIS PA GRUB STE, GSER PHRENG LAS, GZHI PHUNG KHAMS SKYE MCHED KYI GRANGS NAS RDZAS BTAGS LA SOGS PA'I RNAM PA'I RAB DBYE ZHES DANG, RNAM PA GNYIS MING MTSUNGS KYANG DON MI 'DRA STE, ZHES GSUNGS P'I PHYIR, KHA CIG NA RE, 'DIR BSTAN BSKYED BYAR BYED PA'I LAM GSUM PO GANG RUNG YIN NA, THEG CHEN GANG ZAG GI RGYUD LA BSKYED BYA YIN PAS KHYAB PAR THAL, GSER PHRENG LAS, BSKYED BYAR BYED PA'I LAM 'OG MA GNYIS BTAGS PA PA DANG ZHES DANG, MCHAN LTAR GSER PHRENG LAS, RANG RGYUD LA BSKYED PA DANG, RGYAL TSAB DANG POR BSKYED PA DANG, MKHAS GRUB RJES SGOM BYUNG GIS BSKYED PA LA GSUNGS PA'I PHYIR ZER NA MA KHYAB STE, GSER PHRENG LAS, LAM GSUM GYI RTOGS RIGS DE DAG KYANG SKYED PA TZAM DU MA YIN PAR ZHES PA LTAR BSKYED BYA'I LAM DE DAG GI RTOGS RIGS BYANG SEMS RANG RGYUD LA SGOM BYUNG GIS BSKYED PA SOGS KYI DON YIN PA'I PHYIR DANG, GSER PHRENG GI LUNG SNGA MA'I MDO'I DNGOS BSTAN GTZO BO BYANG SEMS KYI RGYUD LA BSKYED PA'I DE YIN PA'I 'OG MA GNYIS NYAN RANG RANG RGYUD KYI LAM BTAGS PA BA DANG, SHES TSUL LAM DE DAG STON TSUL SHES PA DANG, BDEN MED DU MNGON SUM DU SHES PA

096a

, ,DANG, THOS BSAM GYIS SHES PA YIN PAS SHES BYA'I LAM LA THEG PA GSUM GA'I LAM MTSAN NYID PA YOD, CES PA'O, ,'DIR BSTAN SHES BSKYED BYA RGYU'I LAM GNYIS YIN KHYAB MNYAM YIN TE, 'GREL BA LAS, LAM THAMS CAD BSKYED PAR BYA ZHING LAM THAMS CAD SHES PAR BYA'O, ,ZHES DE GNYIS KHYAD MED BYAS PA'I PHYIR DANG, DE LA DGONGS NAS YIG CHAR, GANG ZAG GI BDAG MED RTOGS PA'I GZHI SHES DE MDO LAS NYAN THOS KYI LAM GANG YIN PA DANG ZHES PA'I DNGOS BSTAN GYI SHES BYA NYAN THOS KYI LAM DANG, ZHES PA LAS BSKYED BYA ZUR DU MA GSUNGS PA'I RGYU MTSAN YOD PA'I PHYIR, DES NA NYAN THOS KYI LAM LTA BU RANG GI RTOGS RIGS BYANG SEMS RANG RGYUD LA BSKYED PAS BSKYED BYAR BZHAG PA'I PHYIR, GZHAN DU NA BSKYED BYA'I LAM LA RNAM MKHYEN YANG MED PAR THAL LO, ,RJE BTZUN PAS, RNAM BZHAG GI RTEN GYI DBANG DU BYAS PA'I NYAN THOS KYI LAM YIN NA, NYAN THOS KYI LAM YIN PAS KHYAB PAR LUNG, 'GREL PAR LAM SHES PA NYID KYI SKABS SU LAM THAMS CAD RDZOGS PAR BYA DGOS PAS NYAN THOS KYI LAM, ZHES DANG, DE'I RNAM BSHAD SOGS DRANGS LA, PHAR PHYIN BCU SANGS RGYAS KYI LAM YIN PAR, 'GREL PAR, SANGS RGYAS NYID KYI LAM LA SBYIN PA LA SOGS PA'I ZHES PAS SGRUB CING, RIGS PA, NYAN THOS KYI LAM YIN NA, NYAN THOS RANG RGYUD KYIS BSDUS PA

096b

YIN PAS MA KHYAB, DGE BSNYEN GYI SDOM PA YIN NA DGE BSNYEN RANG RGYUD KYIS BSDUS PAS MA KHYAB PA DANG, BYANG SEMS KYI LAM SANGS RGYAS SA NA YOD PA BYANG SEMS KYI SDOM PA DE NA YOD PAS SGRUB CING, NYAN RANG GI RGYUD KYI THEG CHEN RTOGS RIGS RNAMS THEG CHEN GYI LAM MIN PA DGE SLONG GI SDOM PA DGE SLONG GI RGYUD KYIS BSDUS PAS KHYAB PA BKOD NAS, NYAN THOS DANG RGYUD THA DAD PA'I NYAN THOS KYI RGYUD KYI MKHYEN PA CHOS CAN, NYAN THOS RANG RGYUD KYIS BSDUS PA MA YIN PAR THAL, DE DANG RGYUD THA DAD PA'I RGYUD KYI MKHYEN PA YIN PA'I PHYIR, SOGS GSUNGS, DE LA SGO MANG YIG CHA GNYIS DANG BSOD GRAGS PA BSTAN DAR PA SOGS KYIS, NYAN THOS KYI LAM LA DE'I RGYUD KYIS BSDUS PAS KHYAB PA, RNAM BSHAD LAS, SKABS 'DIR GZHI SHES NYAN RANG GI MNGON RTOGS SU BSHAD PA JI LTAR ZHE NA, RNAM BZHAG GI RTEN THA DAD PA TZAM DU ZAD DE ZHES RNAM BZHAG GI RTEN SBYAR BA DANG, SKABS LNGA PAR, LDOG PA'I PHYOGS KYI ZHES NYAN THOS KYI LAM THEG CHEN GYI LDOG BYAR GSUNGS PA SOGS DANG, RIGS PA, MTHAR THUG GI GZHI SHES CHOS CAN, THEG DMAN GYI THEG PA YIN PAR THAL, THEG DMAN GYI LAM YIN PA'I PHYIR, SNGA MAS MA KHYAB ZER, YANG DE CHOS CAN, THEG DMAN GYI LAM MA YIN PAR THAL, THEG CHEN GYI LAM YIN PA'I PHYIR, YANG MA KHYAB ZER, THEG CHEN TSOGS LAM CHOS CAN, SANGS RGYAS 'PHAGS PA'I LAM YIN PAR THAL, SANGS RGYAS KYI LAM

097a

, ,YIN PA'I PHYIR NA MA KHYAB ZER, DE CHOS CAN, SANGS RGYAS KYI LAM MA YIN PAR THAL, BYANG SEMS KYI LAM YIN PA'I PHYIR NA MA KHYAB ZER BA SOGS SNGA MAS GZHUNG GI TSIG ZIN TZAM LA BRTEN CING, PHYI MAS NYAN THOS KYI LAM ZHES PA NYAN THOS KYI THAR PA BGROD PA'I GSHEGS BSHUL LA BYED DGOS PA DANG, THEG CHEN RIGS NGES KYI DMAN LAM THOB ZER DGOS PA DANG, NYAN RANG RGYUD KYI STONG NYID RTOGS PA'I MKHYEN PA SANGS RGYAS KYI LAM MIN KYANG, BYANG SEMS RGYUD KYI GANG ZAG GI BDAG MED RTOGS PA'I MKHYEN PA NYAN THOS KYI LAM YIN PAR NYAN THOS KYI LAM GANG YIN PA DANG, ZHES PAS SGRUB PA, GSER PHRENG LAS, BDAG MED GNYIS KA RTOGS PA SANGS RGYAS KYI LAM GANG YIN PA DANG ZHES DANG, RNAM BSHAD LAS, SANGS RGYAS KYI LAM GANG YIN PA CHOS THAMS CAD BDEN MED DU RTOGS PA'I ZHES PA DANG NANG 'GAL LA, SANGS RGYAS KYI LAM BYANG SEMS KYI RGYUD LA YOD KYANG NYAN RANG GI RGYUD LA MED PA'I RGYU MTSAN MED PA'I PHYIR, ZHES DGONGS PA BTZAL BA YIN NO, ,KHO NA RE, GANG ZAG GI BDAG MED RTOGS PA'I BYANG SEMS MTHONG LAM DE, MDO LAS, NYAN THOS KYI LAM GANG YIN PA DANG, ZHES PA'I DNGOS BSTAN GYI NYAN THOS KYI LAM YIN PAR THAL, DE'I DNGOS BSTAN GYI SHES BYA NYAN THOS KYI LAM YIN PA'I PHYIR NA MA

097b

KHYAB, 'DOD MI NUS TE, DE'I DNGOS BSTAN GYI THEG CHEN GYI LAM YIN PA'I PHYIR TE, DE'I DNGOS BSTAN GYI LAM SHES YIN PA'I PHYIR, ROL MTSO LAS, DE GNYIS DON GCIG STE, BYANG SEMS 'PHAGS PAS 'DIR BSTAN NYAN RANG GI LAM RGYUD LA BSKYED PA'I SGO NAS SHES PAR BYED PA YIN PA'I PHYIR, ZHES GSUNGS PAS, SHES BYA'I LAM LA BYANG 'PHAGS KYI RGYUD LA BSKYED BYAS KHYAB ZER RAM DPYAD, BSOD GRAGS PA'I SPYI DON LAS, NYAN RANG RANG RGYUD KYIS BSDUS PA'I LAM DANG, BYANG CHUB SEMS DPA' RANG RGYUD KYIS BSDUS PA'I LAM RNAMS 'DIR BSTAN SHES BSKYED KYI LAM DU MI BYA STE, ZHES SPYI LDOG LAS MI 'JOG PAR GSUNGS SO, ,BSTAN DAR BA'I SPYI DON LAS, TSOGS SBYOR GYI GNAS SKABS SU RANG RGYUD LA BSKYED PAR BYED, MTHONG LAM GYI GNAS SKABS SU MNGON SUM DU SHES PAR BYED, NAS, TSOGS SBYOR GYI GNAS SKABS SU STONG NYID MNGON SUM DU RTOGS PA'I YE SHES RANG RGYUD LA BSKYED KYANG, DER RANG RGYUD LA SKYES ZIN PA MI DGOS TE, BSKYED PA DANG SKYES ZIN LA KHYAD PAR SHIN TU CHE BA'I PHYIR, ZHES YUL GSUM MNGON SUM DU SHES PA DE BSKYED PA'AM LAM GSUM BDEN MED DU MNGON DU SHES PA BA DANG, DE BSKYED PA LA SBYAR BAS DNGOS BSTAN GYI LAM GSUM THAMS CAD BZHAG GO ,SANGS 'PHAGS KYI MKHYEN GSUM 'GAL BAR 'DOD PA SU YIN DPYAD LA, DE GNYIS KA LA ZHES PA SANGS 'PHAGS KYI GZHI SHES KYIS

098a

, ,GZHI KHO NA RTOGS NA THEG DMAN GYI GZHI SHES SU 'GYUR, ZHES PA YIN NO, ,MCHAN LAS, THEG GCIG SGRUB PA'I SKABS SU GSUNGS, ZHES PA, 'JUG PA LAS, NGAL BA NYER SEL GRONG KHYER YID 'ONG ZHES SOGS YIN NO, ,SKABS BZHI PA'I RIGS PAS NYAN RANG LA THABS SHES KHYAD PAR CAN YOD PA KHEGS TSUL, KHYAD MTSAN GYIS THEG CHEN SBYOR BA THABS SHES KHYAD PAR CAN DANG LDAN PAS KHYAD PAR 'PHAGS PA DANG, THA MA GSUM GYIS SMON LAM YONGS SU RDZOGS PA DANG, PHYI NANG GI YONGS 'DZIN DANG LDAN PA DANG, BDEN ZHEN DANG BRAL BA'I KHYAD PAR DANG, SRID ZHI MNYAM NYID KYI SBYOR BAS SRID ZHI'I MTHA' DANG BRAL BA DANG, ZAB PA BRGYAD KYI GSUM PA DE BZHIN NYID ZAB PAS DE BZHIN NYID GOMS KYANG MNGON DU MI BYED PA DANG, BRGYAD PA THABS MKHAS ZAB PAS TSOGS RDZOGS PA'I 'BRAS BU SANGS RGYAS NYID DE DUS MA YIN PAR MI THOB PA SOGS KYIS KHEGS TE, THABS SHES DE DAG YOD NA SRID ZHI'I MTHAR MI LTUNG BA'I PHYIR RO, ,MCHAN DU AAR DANG NYA DPON SOGS KHA CIG CES PA, SPANGS PA SA BRGYAD PAR RDZOGS PAR 'DOD MKHAN YIN GYI, RTOGS PA SA DANG POR RDZOGS PAR 'DOD MKHAN MIN TE, DES NYAN RANG GI RTOGS PA SA BRGYAD PA NAS RDZOGS PAR GNOD 'JOMS KYI LUNG GIS SGRUB PA'I PHYIR, BU STON SOGS SA DANG PO NAS NYAN RANG GI SPANGS RTOGS GNYIS KA RDZOGS PAR BSHAD PA NYI SNANG LA BRTEN CING, GA-YAG PA DANG RONG STEN SPANGS PA DER RDZOGS PAR BSHAD PA, RGYUD BLAR, 'PHAGS PAS 'CHI DANG NA BA DANG, ,ZHES SOGS

098b

DRANGS NAS KYANG RIN CHEN BANG MDZOD DU BSHAD DO, ,NGES NA BSOD GRAGS PA'I SPYI DON DU GA-YAG PAS SPANGS PAS BRGYAD PAR RDZOGS PAR 'DOD GSUNG PA MI 'THAD DO, ,YIG CHAR, RANG STON LA NYON MONGS KUN BTAGS SA GNYIS PA SOGS SU SPONG PA MI 'THAD CES PA RIGS PA'I 'PHUL YIN LA, BAG LA NYAL GYI NYON SGRIB THEG DMAN DGRA BCOM BAS MA SPANGS PA DANG, DE SHES SGRIB TU 'DOD DE, RIN CHEN BANG MDZOD LAS, KHA CIG NA RE, NYAN THOS DGRA BCOM PAS NYON SGRIB MA LUS BAR SPANGS SHING, NYON MONGS PA DANG NYON SGRIB LA KHYAD PAR MED ZER BA NI RNAM PAR 'KHYAMS TE, ZHES GSUNGS PA'I PHYIR, DES NA MDZOD DANG RNAM 'GREL GYI LUNG NYAN RANG DGRA BCOM GYIS NYON MONGS SPANGS PA'I DON YIN ZER RAM SNYAM LA, KUN BTUS LAS, NYON MONGS PA'I BAG LA NYAL MA SPANGS PAR GYUR PA DANG, ZHES PA DANG, THOG 'GREL LAS, DE DAG NI 'DOD CHAGS DANG, ZHE SDANG DANG, GTI MUG GI BAG LA NYAL GYI MTSAN NYID CES PAS DNGOS SU GNOD DO, , 'GREL CHEN GNYIS KAS DGE 'DUN NYI SHU MDZOD LTAR BSHAD CES PA, SPANGS BYA SPONG TSUL YIN GYI SLOB DPON GYIS DGE 'DUN NYI SHU'I 'DREN TSUL KUN BTUS LTAR YIN PA'I PHYIR RO, ,DBU MA SNYING PO RTZA 'GREL GYIS NI THEG DMAN GYI MDO RNAMS NYON MONGS SPONGS BYED YIN PAS SGRUB PO, NYAN RANG MTHONG LAM PAS NYON SGRIB KUN BTAGS MA SPANGS PAR DNGOS SU KHAS BLANGS SAM DPYAD LA, BLANGS NA MDO LAS, CHOS MTHONG BA THOB PA, RIG PA, NGES PA STE, BZOD SHES BZHI

099a

, ,SDOMS PA DANG, RANG GIS MTHONG LAM THOB PA LA SOM NYI DANG, GZHAN GYIS DE LA THE TSOM LAS BRGAL BA GNYIS BSDOM PA DANG, LAM SGOM TSUL GZHAN GYI RJES 'DE MI DGOS PAS GZHAN DRING MI 'JOG PA DANG, STON PA'I BSTAN PA LAS MU STEGS SOGS GZHAN GYIS DKRIR MI BTUB PA DANG, BDEN BZHI'I BLANG DOR MNGON SUM DU RTOGS PAS CHOS RNAMS DRIS LAN GYIS STON PA LA MI 'JIGS PA THOB PA LNGA'AM SNGA MA RNAMS SO SOR PHYE NA BRGYANG LDAN DU GSUNGS PA DANG 'GAL BAS DE DGE 'DUN DKON MCHOG MA YIN PAR THAL LO, ,SPYIR THE TSOM SOM NYI NEM NUR GSUM DON GCIG KYANG, SNGA MA GNYIS SU PHYE BA'I DE DMIGS YUL RANG GZHAN GYI CHOS LA SBYAR BA SNGAR LTAR LA, NEM NUR DANG, THE TSOM GNYIS SU PHYE BA'I NEM NUR NI DON MI 'GYUR BA DANG, THE TSOM CHA MNYAM PA LA BYED PAR KUN BTUS 'GREL PAR GSUNGS SO, ,DE LA KHO NA RE, NYAN THOS MTHONG LAM THOB MA THAG PA DE KUN BTUS PA'I LUGS LA 'PHAGS PA'I KHYAD PAR BRGYAD LDAN MA YIN PAR THAL, THE TSOM LAS BRGAL BA MA YIN PA'I PHYIR TE, DE'I RGYUD LA LAM MTHONG SPONG GI THE TSOM GYI SA BON YOD PA'I PHYIR, MA KHYAB NA, THE TSOM GANG YANG RUNG BA ZHIG LAS BRGAL NA THE TSOM LAS BRGAL BAS KHYAB PAR THAL LO, ,MA GRUB NA, LAM MTHONG SPONG GI THE TSOM GYI SA BON SKYE 'GYUR GYIS SPANG RGYU MA YIN PAR THAL BA DANG, BDEN BZHI'I MTHONG SPONG RIM CAR 'GAG RGYU MA YIN PAR

099b

THAL LO, ,SA BON YOD KYANG THE TSOM 'GAG PAS YIN ZER NA, 'DU SHES MED PA PA SOGS KYANG THE TSOM LAS BRGAL BAR THAL LO, ,MI 'DRA STE SNGA MAS BDEN BZHI MNGON SUM DU RTOGS PAS YIN ZER NA, DES LAM BDEN MNGON SUM DU RTOGS PAR THAL, BDEN BZHI MNGON SUM DU RTOGS PA'I PHYIR, 'DOD NA, DE LAM BDEN MNGON SUM DU MTHONG BA LA GEGS BYED KYI SGRIB PA DANG BRAL BAR THAL, DE MNGON SUM DU RTOGS PA'I PHYIR, 'DOD NA, LAM MTHONG SPHONG GI NYON MONGS KYI SA BON DANG BRAL BAR THAL LO, ,THAL RANG LUGS LA YANG DE KHYAD PAR BRGYAD DANG LDAN PAR THAL, DGE 'DUN DKON MCHOG YIN PA'I PHYIR, 'DOD NA, CHOS MTHONG BA SOGS BZHI DANG LDAN PAR THAL, DE BRGYAD DANG LDAN PA'I PHYIR, 'DOD NA, CHOS SHES RJES SHES GNYIS DANG LDAN PAR THAL, DE BZHI DANG LDAN PA'I PHYIR ZER NA, DE SBYAR TSUL TZAM LAS DE BZHI BLO MIG SHES RIG BZHI LA BYAS NAS CHOS BZOD GCIG BU'I NGO BOR GYUR PA'I DE BZHI YOD CES NA YIG CHA DANG MCHAN GYI DGONGS PAR 'GRO SNYAM, 'DIS BAG LA NYAL GYI NYON MONGS KYI SA BON SHES SGRIB TU 'DOD PAS, DBUS MTHA'I KHYAB P'I SGRIB PA SGRIB PA GNYIS KAR DBUS MTHA'I 'GREL PAS SGRUB PAS, KUN BTUS LAS, NYON MONGS DANG SHES SGRIB CIG CAR SPONG PAR GSUNGS PA DANG, DGONGS 'GREL LAS SA BCU GCIG PA LA NI NYON MONGS PA DANG SHES BYA'I SGRIB PA SHIN TU PHRA MO SPANGS PAS ZHES PA DANG, RGYAN SNANG LAS, SA DANG PO'I

100a

, ,SKAD CIG MA DANG PO NI MTHONG BA'I LAM YIN LA, DE LAS GZHAN SKAD CIG GNYIS PA LA SOGS PA NAS RDO RJE LTA BUR BRJOD PA'I BAR CHAD MED PA'I LAM GANG LA DE MA THAG TU SANGS RGYAS KYIS KUN TU 'OD THOB PAR 'GYUR BA'I BAR 'DI DAG THAMS CAD NI CHOS KYI DBYINGS MCHOG GI DON LA SOGS PA LA SO SOR RTOGS PA'I PHYIR, SGOM PA'I LAM YIN PAR BSHAD DO, ,DE YANG NYON MONGS PA DRUG CI RIGS SPANGS PAS 'DI LTA STE, 'DOD CHAGS DANG, ZHE SDANG DANG, NGA RGYAL DANG, MA RIG PA DANG, 'JIG TSOGS LA LTA BA DANG, MTHAR 'DZIN PAR LTA BA STE, 'DOD PA NA SPYOD PA'I RNAM PA DRUG GO ,DE DAG NYID LAS ZHE SDANG BTON TE, GZUGS DANG GZUGS MED PA NA SPYOD PA RNAM PA BCU'O, ,MTHONG BA DANG SGOM PA'I LAM LA YONGS SU SBYONGS PA'I CHOS KYI DBYE BAS RAB TU DGA' BA LA SOGS PA'I SA BCU RNAM PAR BZHAG GO ,ZHES PA RNAMS RONG t'I KA PAS NYON SGRIB SANGS RGYAS DUS SPANGS PA'I DON YIN GYI NYON MONGS SA DANG POR SPONG ZER BAS, MCHAN DU SGRIB GNYIS KYI BAG CHAGS GCIG CAR SPONG BA LA BSHAD CES PA DE YIN NO, ,'ON KYANG LUNG 'DI RNAMS SPANGS PA SA BRGYAD PA SOGS SU RDZOGS PAR 'DOD PA LA YANG GNOD BYED YIN NO, ,BU DANG GA-YAG GZHON SOGS NA RE, NYAN RANG GI RTOGS PA SA DANG POR RDZOGS TE, NYI SNANG LAS, RGYUN DU ZHUGS PA NAS RANG SANGS RGYAS KYI BAR GYI SHES PA

100b

DANG SPONG PA GANG YIN PA DE NI MI SKYE PA'I CHOS LA BZOD PA THOB PA'I BYANG CHUB SEMS DPA'I BZOD PA YIN NO, ,ZHES GSUNGS PA YIN NO, ,BZOD PA GANG YIN ZHE NA, SDUG BSNGAL LA CHOS SHES PA'I BZOD PA'O, ,ZHES GSUNGS PA'I PHYIR ZER BAR, 'DI NYID LAS, BYANG CHUB SEMS DPA'I BZOD PA'I BYED PAR GZHAN RNAMS KYI RTOGS PA'I BYED PA MA LUS PA 'DUS PAR 'GYUR BA'I PHYIR, DE DAG GI SHES PA DANG SPONG BA GANG YIN PA DE NI DE'I BZOD PA YIN GYI RTOGS PA'I TSAD 'DI TZAM NI MA YIN NO, ,ZHES MDO LAS, DER NYAN RANG GI SPANGS RTOGS KYI BYED PA 'DUS PAR BSTAN GYI DE TZAM GYIS RTOGS PA RDZOGS PA'I DON MA YIN PAR GSUNGS PA'I PHYIR, ZHES BKAG PAS SA BRGYAD PAR RTOGS RIGS RDZOGS ZER BA LA YANG GNOD DO, ,LO CHEN GYIS MA DAG SA BDUN SKABS SU MI RTAG SOGS MNGON SUM DU RTOGS NA 'BAD RTZOL DGOS PAS THEG DMAN DU LTUNG LA, SA BRGYAD PAR 'BAD MED DU MI RTAG SOGS MNGON SUM DU RTOGS PAS NYAN RANG GI SPANGS RTOGS KYI RIGS DER RDZOGS LA, GZHI SHES KYI GZUGS BRNYAN KYANG DE NAS THOB LA, NYI SNANG GI CHOS BZOD LAM SHES KYI YUL THEG DMAN MTHONG LAM YIN ZER TE, RNAM BSHAD LAS, BLA MA LO TZTSA BA CHEN PO NI GZHI SHES KYI GTZO BO NYAN RANG GI YIN YANG SHER PHYIN GYI GTZO BO BYANG CHUB SEMS DPA'I YIN PAS BYANG CHUB SEMS DPA'I RGYUD KYI GZUGS BRNYAN GYI GZHI SHES 'DIR BSHAD BYA'I GTZO BO YIN LA, DE YANG

101a

, ,SA BRGYAD PAR BSKYED CING, ZHES PA NAS, SNGAR MTHONG LAM GYI SKABS SU MI RTAG SOGS SHES PAR BSHAD PA NI, LAM SHES KYI YUL DU BSTAN PA YIN NO, ,ZHES GSUNGS SO, ,ZHES GSUNGS PA'I PHYIR, 'DIS KHA CIG GIS, DES RIGS NGES THEG CHEN MTHONG LAM DU MI RTAG SOGS MNGON SUM DU RTOGS PA'I LAM SHES YOD ZER BA MI 'THAD PA SHES SO, ,NYI SNANG LAS, BYANG CHUB SEMS DPA'I MTHONG BA'I LAM NYID DU NYAN THOS KYI RTOGS PA THAMS CAD YONGS SU RDZOGS PA YIN NO, ,ZHES BYA BA'I THA TSIG GO ,ZHES PA'I BYANG SEMS MTHONG LAM NAS NYAN RANG GI RTOGS PA'I NGO BO RDZOGS PAR GSUNGS PAS, MI RTAG SOGS MNGON SUM DU RTOGS DGOS ZHES BKAG LA, TSOGS SBYOR NAS BDUD RIS SOGS KYIS MI PHYED BA'I SBYOR BA'I YON TAN YOD PAR BSHAD PAS DE NAS PHYIR MI LDOG PA'I DGE 'DUN YOD PAR SHES SO, ,KHO NA RE, YIG CHAR, SLOB LAM NA NYAN RANG GI SPANGS RTOGS KYI RIGS RDZOGS PA'I DGRA BCOM GNYIS YOD KYANG, GANG ZAG GI BDAG MED DANG GZUNG 'DZIN RDZAS GZHAN GYIS STONG PAR RTOGS PA'I RTOGS RIGS GNYIS RDZOGS PA MED DE ZHES PA MI 'THAD PAR THAL, GONG DU KHA CIG NA RE, SA DANG POR NYAN RANG GI RTOGS RIGS RDZOGS ZER NA, 'O NA, DER GANG ZAG GI BDAG MED RTOGS PA MTHAR PHYIN PAR THAL, ZHES DE GNYIS RDZOGS PA KHYAD MED LTA BUR BYAS PA'I

101b

PHYIR NA MA KHYAB STE, DE NI RED MDA' BA'I NYI ZER LAS, DE LA NYAN RANG GI RTOGS BA SA DANG POR RDZOGS TE, 'DIR GANG ZAG GI BDAG MED KYI RTOGS PA MTHAR THUG PA'I PHYIR RO, ,ZHES PA DGAG CHED YIN PA'I PHYIR, YIG CHA RNYING PAR RANG RGYAL GYI RTOGS RIGS RDZOGS PA'I SEMS CAN YOD PA'I PHYIR TE, RANG RGYAL DGRA BCOM PA DE YIN PA'I PHYIR, MA GRUB NA, DE CHOS CAN, DER THAL, RANG RGYAL KYI SPANGS RTOGS RDZOGS PA'I PHYIR NA MA KHYAB, CES GSUNGS KYANG, RANG RE'I YIG CHA BSOD GRAGS PA DANG RJE BTZUN PA SOGS LTAR YIN TE, PHAR PHYIN ZIN BRIS LAS, SGO MANG GI KHAS LEN RNYING PA LA, NYAN RANG DGRA BCOM GNYIS KYIS RANG GI SPANGS RTOGS KYI RIGS MA RDZOGS PA YIN ZER NAS, RANG RE'I YIG CHA 'DIR NYAN RANG DGRA BCOM GNYIS KYIS RANG GI SPANGS RTOGS KYI RIGS RDZOGS PA YIN TE, DE'I RGYU MTSAN CI YIN ZHE NA, NYAN RANG GI SPANGS PA DANG RTOGS PA MTHAR THUG PA'I RGYU MTSAN GYIS YIN ZHES ZHIB CHA PHYE NAS LAN 'DEBS, ZHES GSUNGS PA'I PHYIR, YIG NOR MIN NO, ,'DI NI NYAN RANG GI SPANGS BYA GANG SPANGS PA DANG, RTOGS PA GANG SKYE BA DE'I RIGS RDZOGS BA LA BYED PA GO NA BDAG MED GNYIS RTOGS PA'I RIGS RDZOGS PA DANG MI 'DRA BA SHES SLA'O, ,SPYIR BTANG DMIGS BSAL GZHAN DU BSHAD ZIN, 'DI'I RGYU MTSAN DANG SOGS KYI DON NI, YANG DAG MTHA' 'AM DE BZHIN NYID MNGON DU BYAS TSUL SNGAGS LA RAG LAS TE,

102a

, ,DE NI 'DI LA MNYAM PAR BZHAG BZHIN DU GZUGS SKU'I BKOD PA SNA TSOGS STON BA DGOS SHING, GZUGS SKU DE'I RGYU DE DANG RNAM MTHUN GYI LAM SGOM PA SNGAGS LA RAG LAS PA'I PHYIR, DE SNGAGS LA RAG LAS TE, DE DANG RNAM MTHUN GYI SKU DE GRUB PA LA KUN RTOGS DGAG DGOS SHING, RTOG PA LDOG PA'I RGYU DE'I GZHON PA'I RLUNG DGAG PA LA LTOS LA, DE YANG GSANG 'DUS LAS GSUNGS PA'I SPRO BSDU KHYAD PAR BA LA RAG LAS BA'I PHYIR, ZHES SNGA MA'I RGYU MTSAN RTAGS DANG RTOG PA LDOG PA'I RGYU GSANG 'DUS LA THUG PA RTAGS SGRUB TU BYAS SO, ,DE GSANG 'DUS KHO NAS SHES PA MA YIN PAR THAL, DE NYID BSDUS PA LAS, MTSAN MA DE NI KHYAB BYA BA, ,ZHES SOGS SPRO BSDU GSUNGS PA'I PHYIR ZHE NA, DER SPRO BSDU TZAM GSUNGS KYANG, RTZA RLUNG THIG LE SBYOR BA'I GNAD PHRA MO MED PAS MI 'DRA ZHES PA'O, ,CHOS NYID LA MNYAM PAR BZHAG BZHIN DU GZHAN DON 'BAD MED LHUN GRUB TU NUS PA SMON LAM RDZOGS PA'I TSAD DU 'DOD PA RED MDA' BA YIN NAM SNYAM STE, DE NI NYI ZER LAS, CHOS KYI SKU LAS MA GA-YOS BZHIN DU SEMS CAN GYI DON BYED PAR GYUR CIG , CES PA'I SMON LAM YONGS SU RDZOGS PAR MA BYAS PAS ZHES GSUNGS PA'I PHYIR, BSOD GRAGS PAS, RANG GANG DU SANGS RGYAS 'GYUR GYI LONGS SPRUL GNYIS KYI ZHING KHYAD PAR CAN 'GRUB BA'I RGYU'I DGE BA'I

102b

RTZA BA'I NUS PA MTHU CAN DU SONG BA DE SANGS RGYAS KYI ZHING SBYANGS PA'I TSAD ZER BA MI 'THAD TSUL YIG CHA LTAR LA, RGYAL BA 'OD DPAG MED KYI NAS, SANGS RGYAS KYI ZHING SBYANGS PA'I TSAD YIN ZER NA, ZHES PA BSTAN DAR BA SOGS YIN TE, DE NYID KYI SPYI DON LAS, DE LA YANG SPRUL SKU'I ZHING KHYAD PAR CAN SBYANGS PA'I TSAD DANG, LONGS SKU'I ZHING KHYAD PAR CAN SBYANGS PA'I TSAD GNYIS LAS, DANG PO YOD DE, RANG NYID SPRUL SKUR 'TSANG RGYA TSUL STON PA'I BDE BA CAN LTA BUR 'KHOR MNGON SHES LNGA LDAN SHA STAG 'BYUNG BA'I RGYU DGE BA'I RTZA BA'I NUS PA RDZOGS PA DE LTA BU YIN PA'I PHYIR, ZHES GSUNGS PA'I PHYIR, DE SMON LAM RDZOGS PA'I TSAD LA YI GE NOR BA MIN TE, BU NYA RED MDA' PA SOGS KYIS, RANG SANGS RGYAS PA'I SNOD BCUD KYI ZHING MA SBYANGS PAR ZHES PA LTAR, 'DI NYID LAS, 'DI YANG BCUD KYI ZHING SBYANGS PA'I DBANG DU BYAS KYI SNOD KYI ZHING SBYANGS PA'I TSAD GNYIS BYAS PA'I PHYIR RO, ,DE 'DRA DE SPRUL SKU'I DBANG DU BYAS PA'I SMON LAM RDZOGS PA'I TSAD ZER BA DANG, DE SPRUL SKU 'OD DPAG MED KYI DBANG DU BYAS PA'I SMON LAM RDZOGS PA'I TSAD ZER BA GNYIS KA RJE BTZUN PA YIN SNYAM TE, SPYI DON ROL MTSO LAS, RANG GANG DU SANGS RGYAS PA'I NAS, YONGS SU RDZOGS PA DE RGYAL BA 'OD DPAG MED LTA BU SPRUL SKU'I DBANG DU BYAS PA'I SMON LAM YONGS SU RDZOGS PA'I TSAD DANG,

103a

, ,ZHES GSUNGS PAS, KHYOD KYI DE SPRUL SKU DANG SPRUL SKU 'OD DPAG MED GANG GI DBANG DU BYAS KYANG MI 'THAD CES PA'O, ,YIG CHAR, KHYOD MNGON DU BYAS PA'I GANG ZAG YIN NA, SPRUL SKU 'OD DPAG MED YIN DGOS PAR THAL, KHYOD DE'I DBANG DU BYAS PA'I SMON LAM YONGS SU RDZOGS PA'I TSAD YIN PA'I PHYIR, ZHES PA, DES RGYAL BA 'OD DPAG MED SPRUL SKU YIN PA LTA BUR BYAS YOD PAS YIN LA, DES NA DE LTAR SMON PA LTAR GYI DON MNGON DU BYAS PA'I GANG ZAG YIN NA, ZHES PA TSIG SDUD CES PA YIN TE, 'DOD NA, 'OD DPAG MED YIN NA, ZHES SOGS 'OG GI SGRUB TSUL GYIS SHES PA'I PHYIR, ROL MTSO LAS, BDE BA CAN GYI RTEN CAN GYI NYAN THOS SLOB PA MED PA'I PHYIR TE, DE 'DRA'I LHAG BCAS MYANG 'DAS PA MED PA'I PHYIR TE, BDE BA CAN DU SDUG BDEN MED PA'I PHYIR TE, KUN BTUS LAS, YONGS SU DAG PA'I 'JIG RTEN GYI KHAmS 'DI DAG NI SDUG BSNGAL GYI BDEN PAR MA YIN PAR YONGS SU BLTA BAR BYA'O, ,ZHES SOGS DRANGS NAS, BDE BA CAN GYI RTEN LA MNGON SHES DANG LDAN PAS KHYAB PAR GSUNGS SHING, ,YIG CHA RNYING PAR, DE'I SKU'I DNGOS KYI GDUL BYAR GYUR PA'I RGYUN ZHUGS DANG PHYIR 'ONG GNYIS YOD PA GANG ZHIG ,DE GNYIS GANG RUNG YIN NA, MNGON SHES DANG MI LDAN PAS KHYAB PA'I PHYIR, DANG PO GRUB STE, DER GYUR BA'I

103b

'BRAS GNAS BZHI YOD PA'I PHYIR, DER THAL, ZHING BKOD KYI MDO LAS, 'GRO BA GNYIS TE, LHA DANG MI'O, ,'BRAS BU NI BZHI STE, RGYUN DU ZHUGS PA'I 'BRAS BU DANG, LAN CIG PHYIR 'ONG BA'I 'BRAS BU DANG, PHYIR MI 'ONG BA DANG, DGRA BCOM PA'O, ,ZHES GSUNGS PA'I PHYIR, ZHES BKAG KYANG RGYUN ZHUGS LA MNGON SHES MED PAR GSUNGS PA YIG CHAR BKAG GO ,YIG CHAR, SKU DNGOS KYI GDUL BYA'I GTZO BO RNAMS ZHES GSUNGS BAS SKU DNGOS KYI GDUL BYA LA MNGON SHES DANG LDAN PAS MA KHYAB BO, ,SNGA MAS DAG ZHING RTEN CAN GYI RGYUD NA NYON SGRIB KYANG MED ZER RAM DPYAD, ZHING BYE BA NAS, 'PHAGS LAM LA 'GOD NUS PA ZER BA RJE BTZUN PA SOGS YIN TE, ROL MTSO LAS, DE 'DRA BYED BZHIN PA'I GANG ZAG YIN NA, MA RIG BAG CHAGS KYIS SPANGS PAS KHYAB PA DE DE'I DON NO, ,ZHES RNAM BSHAD KYI DON LTAR BYAS PA'I PHYIR, DPAL LDAN PA NA RE, YIG CHAR, SEMS CAN SMIN PA'I TSAD BSHAD PA'I TSIG ZIN LTAR KHAS LEN MI RUNG ZHING RNAM BSHAD KYI DGONGS PA GTAN NAS MIN ZER BA MI 'THAD DE, RNAM BSHAD LAS, DUS GCIG DU ZHING BYE BA PHRAG BRGYAR SKU'I BKOD PA GRANGS DE SNYED DANG, RE RE'I 'KHOR DU YANG SEMS CAN GRANGS MED PA 'PHAGS PA'I LAM LA 'GOD PA'I SEMS CAN JI SNYED PA DE SNYED RNAG SMIN PA BTOL PAS CHOG PA LTA BU ZHES PAS RANG SANGS RGYAS

104a

, ,BA'I 'KHOR GYI THOG MAR CHOS TSIG BCAD RE BSTAN NAS 'PHAGS LAM LA 'GOD RGYU'I SEMS CAN RNAMS LA CHOS TSIG BCAD RE BSTAN NAS RNAG SMIN PA BTOL RUNG LTAR SMIN LAM LA 'GOD PA'AM 'GOD NUS PA ZER DGOS PA'I PHYIR TE, DE NYID LAS, DE 'DRA'I GDUL BYA DE NYID SMIN GROL GNYIS KYI NANG NAS SMIN LAM LA BKOD ZER NA, ZHES YANG DAG MTHA' MNGON DU BYAS PA'I SNGON DU SMIN LAM LA BKOD PAS CHOG GI DE 'DRA'I GDUL BYA 'PHAGS LAM LA BKOD PA LA KUN SLONG GI RTOG PA LDOG PA SOGS DGOS ZHES KHYAD PAR PHYE BA'I PHYIR, KHO NA RE, DE LTA BU'I SEMS CAN GRANGS MED PA SMIN LAM LA BKOD KYANG DE LA CHOS TSIG BCAD RE BSTAN NAS SMIN LAM LA 'GOD MI NUS ZER NA, CHOS TSIG BCAD RE BSTAN NAS SEMS CAN BRGYA SMIN LAM LA 'GOD PA'I BYANG SEMS MED PAR THAL BA DANG, YIG CHA GSAR RNYING GNYIS KA'I YI GE NOR BAR THAL LO, ,DON LA YIG CHA NOR ZER BA 'DRA, RNAM BSHAD LAS, JI SRID KUN SLONG GI RTOG PA YOD PA DE SRID DU MI NUS BA'I ZHES PA SNGAR GYI GDUL BYA DE YIN GYI SPYIR DUS GCIG TU ZHING BYE BA PHRAG BRGYAR SKU'I BKOD PA DE SNYED DANG DE RE RE'I 'KHOR DE SNYED LA CHOS TSIG BCAD RE BSTAN NAS 'PHAGS LAM LA 'GOD NUS PA'I SEMS CAN MED GSUNGS PA MIN TE, SA BCU PA PAS DE LTAR MDZAD PA'I PHYIR, DER MA ZAD BA SPU'I KHUNG BU RE RER DE LTAR STON TE, 'JUG PA LAS, BA SPU'I

104b

KHUNG BUR BYANG CHUB SEMS RNAMS DANG, ,LHAN CIG RDZOGS SANGS RGYAS SKU BGRANG 'DAS DANG, ,ZHES DANG, DE'I SBYOR t'I KA LAS, BA SPU'I KHUNG BU RE RER SANGS RGYAS KYI SKU GRANGS MED PA RE RE, ZHING YANG 'KHOR BYANG CHUB SEMS DPA' BGRANG PA LAS 'DAS PAS BSKOR BA DANG, 'GRO BA LNGA'I 'KHOR RNAMS KYANG MA 'DRES PAR SKAD CIG RE RE LA STON NUS PA'I PHYIR, ZHES GSUNGS PA'I PHYIR, DE LA DGONGS NAS YIG CHAR, BYANG SEMS SA BRGYAD PA PA CHOS CAN NAS, RANG GI GDUL BYA SMIN PAR BYAS PA'I GANG ZAG YIN PA'I PHYIR, DER THAL, RANG GI GDUL BYA SMIN PAR BYED PA'I GANG ZAG YIN PA'I PHYIR NA MA KHYAB, CES DANG, MCHAN LAS, 'DI LA 'O NA, SA DGU PA DES SKAD CIG MA GCIG LA SKU'I BKOD PA STONG GSUM BYE BA 'BUM GYI RDUL SNYED STON PA DANG, GDUL BYA DE SNYED SMIN PAR BYED KYANG SMIN PAR MA BYAS PA'I ZHIB CHA 'THAD PAR THAL LO, ,ZER BA'I ZHIB CHA MI 'THAD CES MA GSUNGS PA'I PHYIR, DES NA GDUL BYA SMIN PAR BYAS PA DANG, SEMS CAN SMIN PAR BYAS PA'I GANG ZAG YIN MIN SNGAR GYI GDUL BYA LNGA SDE LTA BU LA BYED KYI SPYIR RANG GIS SMIN PAR BYAS PA'I GDUL BYA YOD PAS MIN TE, SA BRGYAD PA PA RANG GI GDUL BYA SMIN PAR BYAS PA'I GANG ZAG MIN LA, RGYUN MTHA' BA SEMS CAN SMIN PAR BYAS PA'I GANG ZAG YIN PA'I RGYU MTSAN YOD PA'I PHYIR, SPRUL PA SNA TSOGS SPRUL TSE DE DAG SPRUL SNYAM PA'I KUN SLONG GI RTOG PA GCIG SKYES PAS RTOG

105a

, ,PA GNYIS GCIG CAR SKYE BAR THAL BA MED DO, ,SPYIR SMIN PA LA THOG MAR RANG RGYUD SMIN DGOS PAS, DE NI MDO SDE RGYAN LAS, DGA' DANG DAD DANG RAB ZHI SNYING BRTZE DANG, ,BZOD DANG YID GZHUNG MTHU CAN NYID DANG NI, ,MI 'PHROG PA DANG YIG LAG LDAN PA RAB, ,DE NI RGYAL SRAS YONGS SU SMIN PA'I MTSAN, ,ZHES PA'I DGA' BA NI THEG CHEN GYI CHOS LA DGA' BA DANG 1, DE STON PA'I BSHES GNYEN LA DANG PA 2 DANG, NYON MONGS 3 ZHI BA STE CHUNG BA DANG, SEMS CAN LA SNYING BRTZE BA 4 DANG, DKA' SPYAD BZOD PA 5 DANG, TSIG DON MI BRJED PAR KHONG DU CHUNG PA YID GZHUNGS PA 6 DANG, STONG NYID RTOGS PA'I MTHUS MI MTHUN PHYOGS GNOD PA 7 DANG, BDUD DANG PHAS RGOL GYIS MI 'PHROG PA DANG, DAD PA DANG, GA-YO SGYU MED PA DANG, NAD MED PA DANG, SHES RAB STE SPONG PA'I YAN LAG 9 LNGA DANG DGU LDAN PA STE DGU RGYU DANG RANG BZHIN BYED LAS GSUM GSUM GYIS RGYAS PAR BSHAD NAS, JI LTAR RMA DANG SOGS KYIS GZHAN SMIN TSUL BSTAN NAS, LUS CAN BRAL BAR SMIN BYED DE BZHIN DU, ,YONGS SMIN RAB SMIN MTHUN PAR SMIN BYED GZHAN, ,LEGS PAR SMIN BYED RTOGS PAR SMIN BYED DANG, ,RTAG SMIN GONG DU SMIN BYED BSHAD PAR 'DOD, , CES BA'I GZHAN RGYUD SMIN PA BRGYAD NI MCHAN DANG 'GREL PA'I ZIN BRIS SU GSAL LA, MCHAN LAS, ZAS KYIS LTOR ZHES PA ZAS KYI CHED DU LTO SLONG ZHES PA LTA BU ZER BA YIN LA, ZHIB CHA DGOS ZHES BRTAG PA DANG, BDAG

105b

STON YUL MIN PA LA DE MI STON PA ZER DGOS ZHES PA'O, ,JI LTAR RGYAL SRAS ZHES SOGS TSIG BCAD GNYIS KYIS BYANG SEMS DE'I BSAM PA STON LA, DE NAS TSIG BCAD DRUG GIS SBYOR BA PHYIN DRUG GIS SMIN PAR BYED TSUL DANG, DE LTAR ZHES SOGS, MJUG SDUD KYIS RTEN SUS SMIN PA DANG, BSAM PA GANG GIS DANG, YUL GANG DANG, GANG DU DANG, RNAM PA CHUNG 'BRING CHE GSUM DANG, DUS JI SRID DU SMIN PA BSTAN TO, ,GONG DU SMIN TSUL BRGYAD KYI MA MTHA' LA BYED PAR THAL, ZHES PA YANG DANG PO LUS CAN BRAL BAR SMIN PA YIN NO, ,RJE BTZUN PA DANG BSOD GRAGS PAS, 'DIR BSTAN YANG DAG MTHA' LA KHYAD CHOS GSUM LDAN GYI YANG DAG MTHA' YIN PAS KHYAD PAR, RNAM BSHAD KYIS SGRUB CING, YIG CHAR RNAM BSHAD KYI DE GSUM LDAN DE MIN PA'I DON YIN GYI, GSER PHRENG LAS, MTSAN MA MED PA'I DBYINGS DE NYID MNGON DU BYED PA'I DUS KYI MI GNAS PA DANG CHAD PA'I MYANG 'DAS GNYIS SU GYUR PA'I TSUL 'DI NI KHO BOS LEGS PAR BRTAGS PA'O, ZHES PA LTAR SNGA MA RDZOGS SMIN SBYANGS GSUM BYAS RJES SU MNGON DU BYED PA DANG, PHYI MA MNGON DU BYED PA BKAG PA KHO NAS GDAMS PAR GSUNGS SO, , RJE BTZUN PA NA RE, SANGS RGYAS 'PHAGS PA'I RGYUD LA GSUM LDAN GYI YANG DAG MTHA' YOD KYANG, DE'I RGYUD KYI DE MED ZER, DE LA SANGS 'PHAGS CHOS CAN, GSUM LDAN GYI DE MA THOB PAR THAL, RANG RGYUD KYI DE MA THOB PA GANG ZHIG ,

106a

, ,GZHAN RGYUD KYI DE THOB TSUL MED PA'I PHYIR, YANG DE CHOS CAN, THEG CHEN GANG ZAG GI RGYUD KYI DE MNGON DU BYAS PA'I GANG ZAG YIN PAR THAL, THEG CHEN GYI DBANG DU BYAS PA'I DE MNGON DU BYAS PA'I GANG ZAG YIN PA'I PHYIR, BSOD GRAGS PAS, SANGS RGYAS 'PHAGS PA'I RGYUD KYI DE YOD KYANG DE'I RGYUD KYI DE KHYOD KHYOD RANG MIN ZER, DE LA NGO BO NYID SKU YOD PAR THAL, SANGS RGYAS 'PHAGS PA'I RGYUD KYI MYANG 'DAS YOD PA'I PHYIR, MA GRUB NA, DER THAL, SANGS RGYAS 'PHAGS PA'I RGYUD KYI DE YOD PA'I PHYIR, SOGS SPRO BYA MANG NGO, ,PHAR PHYIN ZIN BRIS LAS, SGO MANG BA'I YIG CHA RNYING PA LA LHAG MED MYANG 'DAS DANG 'DIR BSTAN YANG DAG MTHA' GNYIS DON GCIG ZER BA YIN LA, RANG RE'I YIG CHA 'DIR MYANG 'DAS DANG 'DIR BSTAN YANG DAG MTHA' DON GCIG ,THEG DMAN GANG ZAG GI RGYUD KYI NYON SGRIB SPANGS PA'I SPANGS PA DANG, THEG CHEN GANG ZAG GI RGYUD KYI NYON SGRIB SPANGS PA'I SPANGS LA GNYIS KHYAD CHOS GSUM LDAN GYI 'DIR BSTAN YANG DAG MTHA' MIN GSUNGS, DPAL PHRENG GI MDO LAS, 'DI DAG NI 'PHAGS PA'I BDEN PA RNAM PA BRGYAD DU 'GYUR RO, ,ZHES PA NI RAGS PA'I BDEN BZHI NYAN RANG GIS THABS KHYAD PAR CAN DANG BRAL ZHING MTSAN 'DZIN GYI SPROS PA DANG BCAS TE 'JUG LDOG BYED THUB PAS BGYI BA MCHIS PA'I DE BZHI DANG, PHRA MO BZHI THEG CHEN

106b

GANG ZAG GIS THABS SHES KHYAD PAR CAN GYIS ZIN PA'I SGO NAS SHES SPANG MNGON SGOM BYED CING, GOMS PA MTHAR THUG PAS MTSAN 'DZIN GYI BGYI BA MA MCHIS PA ZER BA YIN TE, 'GOS LO GZHON NU DPAL GYI RGYUD BLA MA'I t'I KKA LAS, DE LTAR NA NYAN THOS DANG RANG SANGS RGYAS KYI DGRA BCOM PAS GANG SPANGS PA DANG RTOGS PA DE THAMS CAD THEG CHEN GYIS SA DANG PO THOB PA'I TSE SPANGS SHING, RTOGS ZIN PAS DE MAN CHAD DU BZHAG PA'I BDEN PA BZHI NI RNAM PAR BZHAG PA GCIG GO ,SA DANG PO YAN CHAD DU MA RIG BAG CHAGS KYIS DANG ZAG PA MED PA'I LAS DANG YID KYI RANG BZHIN GYI LUS DANG, BSAM GYIS MI KHYAB PAR BSGYUR BA'I 'CHI 'PHO RNAMS KUN 'BYUNG DANG SDUG BSNGAL DU RNAM PAR BZHAG CIG DE DAG RIM GYIS SPONG PA'I GNYEN PO'I PHYOGS KYI LAM DANG, 'GOG PA YANG YOD PAS DE DAG GI DBANG DU BYAS PA'I BDEN PA BZHI'I RNAM PAR BZHAG PA NI GNYIS PA STE, DON 'DI LAS NI DPAL PHRENG GI MDO LA 'PHAGS PA'I BDEN PA BRGYAD BSTAN PA ZHES BYA BA'I MING DU YANG BYAS SO, ,ZHES GSUNGS PA'I PHYIR, MDO DE LAS, 'KHOR BA LA YANG 'DUS BYAS DANG 'DUS MA BYAS PA MCHIS SO, , MYA NGAN LAS 'DAS PA LA YANG 'DUS BYAS DANG 'DUS MA BYAS PA MCHIS SO, ,ZHES PAS 'KHOR 'DAS GNYIS LA MA RIGS BA CHAGS KYIS SA BRGYAD PA'I YID LUS DE, ZAG MED LAS KYIS 'DUS BYAS PAS 'DUS

107a

, ,BYAS 'KHOR BA DANG, LAS NYON GYIS MA BYAS PAS 'DUS MA BYAS 'KHOR BA DANG, LAS NYON GYI MYA NGAN LAS 'DAS SHING ZAG MED LAS KYIS 'DUS BYAS PAS 'DUS BYAS MYANG 'DAS DANG, MYA NGAN DE LAS 'DAS SHING, LAS NYON GYI 'DUS MA BYAS PAS 'DUS MA BYAS MYANG 'DAS ZER BA YIN TE, RGYUD BLA MA LAS, SKYE SOGS RNAMS LAS 'DAS GYUR KYANG, ,ZHES PAS MYANG 'DAS DANG, SNYING RJE'I BDAG NYID SKYE BA DANG, 'CHI DANG RGA DANG NA BAR STON, , ZHES PAS DE'I 'KHOR BA BSTAN PA'I PHYIR DANG, THOGS 'GREL LAS, 'KHOR BA NI 'DIR ZAG PA MED PA'I DBYINGS NA KHAMS GSUM PA'I GZUGS BRNYAN YID KYI RANG BZHIN GYI LUS GSUM YIN PAR 'DOD DO, ,DE NI ZAG PA MED PA'I DGE BA'I RTZA BAS MNGON PAR 'DU BYAS PA'I PHYIR 'KHOR BA YIN LA, ZAG PA DANG BCAS PA'I LAS DANG NYON MONGS PAS MNGON PAR 'DU MA BYAS PA'I PHYIR MYA NGAN LAS 'DAS PA YANG DE NYID DE, GANG GI DBANG DU BYAS NAS BCOM LDAN 'DAS DE'I SLAD DU 'DUS BYAS DANG 'DUS MA BYAS PA'I 'KHOR BA YANG MCHIS LA, 'DUS BYAS DANG 'DUS MA BYAS PA'I MYA NGAN LAS 'DAS PA YANG MCHIS SO, ZHES GSUNGS PA YIN NO, ,ZHES DANG, DAR t'I KA LAS, LAS NYON GYI MYA NGAN LAS 'DAS PA YIN LA SHES SGRIB KYI PHYOGS KYIS BSDUS PA'I DBANG GIS 'KHOR BAR 'KHOR BA'O, ,ZHES 'KHOR BA GNYIS DANG, MYANG 'DAS GNYIS SO SOR MA GSUNGS PA'I PHYIR DANG, 'GOS LO'I RGYUD t'I KA LAS,

107b

YID KYI RANG BZHIN GYI LUS DE NI ZAG PA MED PA'I DGE BA'I RTZA BAS MNGON PAR 'DU BYAS PA'I PHYIR 'KHOR BA ZHES BRJOD PA YIN LA, ZAG PA DANG BCAS PA'I LAS DANG, NYON MONGS PAS MNGON PAR 'DUS BYAS PA'I DGRA BCOM PA THA MA'I LUS KYANG MA YIN ZHING DE LAS 'DAS PA'I PHYIR LHAG MA MED PA'I GNAS SKABS KYI SO SOR BTAGS PA'I 'GOG PA DANG LHAN CIG TU MYA NGAN LAS 'DAS PAR BRJOD PA YANG YID KYI RANG BZHIN GYI LUS DE NYID DO, ,DE LTA NA MA DAG PA'I 'KHOR BA LAS 'DAS BA'I PHYIR, MYA NGAN LAS 'DAS PA'I BRJOD PA GCIG NYID KYIS CHOG MOD, 'KHOR BA'I MING GIS BTAGS PAS CI ZHIG BYA ZHE NA, SANGS RGYAS BCOM LDAN 'DAS RNAMS KYI CHOS KYI SKU NI GNAS SKABS DE LTA BU LAS KYANG 'DAS TE, DE BAS NA LTOS PA'I DBANG GIS 'KHOR BA'I SGRAS KYANG BRJOD PA YIN NO, ,DE'I SHES PAR BYED PA NI YID KYI LUS LA 'KHOR 'DAS GNYIS KAR RNAM PAR BZHAG PA GANG GI DBANG DU BYAS NAS, BCOM LDAN 'DAS DE'I SLAD DU 'DUS BYAS PA DANG 'DUS MA BYAS PA'I 'KHOR BA YANG MCHIS LA, 'DUS BYAS PA DANG 'DUS MA BYAS PA'I MYA NGAN LAS 'DAS PA YANG MCHIS SO, ,ZHES GSUNGS PA YIN NO, ,ZHES PA NAS, 'KHOR BA'I LAS DANG NYON MONGS PAS MA BYAS PA'I PHYIR 'DUS MA BYAS SU BRJOD PA NI GSUM PA STE, DE ZAG PA MED PA'I LAS KYIS BYAS PA LAS NI 'DUS BYAS ZHES KYANG BRJOD DE, DON DE DAG NYID KYIS 'KHOR BA DANG MYA NGAN LAS 'DAS PAR YANG BRJOD DO, ,ZHES DANG,

108a

, ,GRUB MTHA' CHEN MO LAS, DGRA BCOM PA GNYIS DANG BYAS SEMS RGYUD KYI YID LUS DE LA 'KHOR BA DANG, MYANG 'DAS ZER YANG, 'KHOR BA DANG, MYANG 'DAS SU MI RUNG LA SGRA BSHAD TZAM YIN TE, ZHES GSUNGS PA'I PHYIR, PHAR PHYIN ZIN BRIS LAS, THEG CHEN TSOGS LAM CHUNG NGU'I SKABS SU DMYAL BA YI DVAGS DUD 'GRO SOGS SU LAS NYON GYI DBANG GIS SKYE BA BLANGS PA YOD, TSOGS LAM 'BRING THOB NAS CHOS MCHOG BAR DU BDE 'GRO SOGS SU LAS NYON GYI DBANG GIS SKYE BA BLANGS PA YOD KYANG, NGAN SONG LA DE'I DBANG GIS SKYE BA BLANGS PA MED, BYANG 'PHAGS RNAMS KYIS SMON LAM DBANG GIS 'KHOR BA SKYE BA BLANGS NA, 'KHOR BAR SKYE BA BLANGS PA MA YIN PAS KHYAB, DPER NA, YID DPYOD KYIS RTOGS NA RTOGS PAS MA KHYAB PA BZHIN NO, ,ZHES DANG, THEG CHEN SBYOR LAM PA DE LAS NYON GYI DBANG GIS SKYE BA BLANGS NAS LUS RTEN DE MA DOR BAR MTHONG LAM SKYES KYANG, DE RJES SU MTHONG LAM PA DE 'CHI DUS NA LAS NYON GYI DBANG GIS 'CHI DGOS PA MA YIN PA'I PHYIR, ZHES PA RGYUD BLA MA LTAR LAS NYON GYI DBANG GIS 'CHI BA'I SDUG BSNGAL MED PA'AM, LAS NYON GYIS DBANG DU 'CHI BA MED PA'I DON YIN GYI, LAS NYON GYI DBANG GIS 'CHI BA YOD DE, DE'I RGYUD LA SHI BA'I RTEN 'BREL YOD PA'I PHYIR, BYANG 'PHAGS SMON LAM GYI DBANG GIS DUD 'GROR SKYE BA'I RGYUD NA DUD 'GRO'I SKYE BA DANG DUS

108b

RTEN GANG YANG MED ZER DGOS SO, ,KHO NA RE, DE 'DRA'I BYANG SEMS DE CHOS CAN, 'KHOR BAR SKYE BA BLANGS PAR THAL, 'KHOR BAR SKYE TSUL BZHI PO GANG RUNG GIS 'KHOR BAR SKYE BA'I PHYIR NA MA KHYAB, KHO NA RE, MA DGAS PA'I BYANG SEMS MA RIG BAG CHAGS KYIS DANG ZAG MED LAS DGANG GIS SKYE BA LEN PA MED PAR THAL, DE'I RGYUD LA NYON MONGS PA'I ZAG PA MNGON GYUR BA YOD PA'I PHYIR NA MA KHYAB STE, DAM NGAM SHUGS KYIS SKYE BA LEN PA MED PA'I DON YIN PA'I PHYIR TE, RNAM BSHAD LAS, SA BDUN PA MAN CHAD PAS KYANG 'BAD PAS BSGRUBS NA MA RIG BAG CHAGS GYI SA DANG ZAG PA MED PA'I LAS LA BRTEN NAS YID KYI RANG BZHIN GYI LUS LEN NUS MOD KYI, DANG DAM SHUGS KYIS GRUB PA NI NYAN RANG DGRA BCOM PA DANG DBANG THOB PA'I BYANG CHUB SEMS DPA' RNAMS LA YIN PAR SHES PAR BYA'O, ,ZHES GSUNGS PA'I PHYIR DANG, SNGAR DRANGS PA'I RGYUD BLA RTZA 'GREL GYIS 'GRUB PHO, ,KHO NA RE, STON PA DANG RGYUD GCIG PA'I RGYUN MTHA' PA DE RANG DANG RGYUD GCIG PA'I LONGS SKU'I ZHING DU SKYE BA BLANGS PA'I GANG ZAG MIN ZER NA, DE RANG DANG RGYUD GCIG PA'I LONGS SKU'I ZHING GI RTEN CAN MA YIN PAR THAL BA DANG, DE GNYIS ZHING GCIG GI RTEN CAN MA YIN PAR THAL BA DANG, DE GNYIS ZHING GCIG NA MED PAR THAL LO, ,YIN ZER NA DE 'DRA'I RGYUN MTHA' PA'I DUS SU DE DANG RGYUD GCIG PA'I LONGS SKU'I ZHING 'GRUB PAR THAL, DES DER SKYE BA

109a

, ,BLANGS PA'I PHYIR, 'DOD NA, DE'I RGYUD NA ZHING DE 'GRUB BYED KYI RGYU DGE BA'I RTZA BA MED PAR THAL, ZHING DE GRUB ZIN PA'I PHYIR, DE BZHIN DU DAM BCA' BA SKYE BA LEN PA'I ZHING 'DZAM GLING NA MA GRUB PA DANG, BSKAL BZANG SANGS RGYAS STONG SANGS RGYAS TSUL STON PA'I 'DZAM GLING NANG PHAN TSUN MU BZHI YOD MED SOGS DPYAD, MYANG 'DAS BRGYAD KYI DANG PO LA RTZE MO THOB PA'I STOBS KYIS GNAS SKABS KYI DGE RTZA CHAD PA 'GOG PA'I CHA 'JOG PAS, RTZE MO PA MA YIN PA'I RGYUD LA MED DAM SNYAM STE, RTZE MO THOB PA RNAMS KYI ZHES GSUNGS PA'I PHYIR, YAN LAG YONGS SU MYA NGAN LAS 'DAS PA DANG PO'I DNGOS GZHI KHYAD PAR CAN THOB PA YAN CHAD THAMS CAD KYI RGYUD LA YOD DE, GSUM PA'I DNGOS GZHI DGA' BA'I YAN LAG DANG BRAL BA'I CHA LTA BU 'JOG PA'I PHYIR, MCHAN DU BDE BA ZHES PA MA DAG ,DGONGS PA CAN GYI MYANG 'DAS LAS BRGYAD PA PA LA BRTAGS PA MTHA' BZUNG GIS SANGS RGYAS KYIS MA BSKUL NA GZHAN DON RE ZHIG RGYUN CHAD PA'I CHA 'JOG PAS SA BRGYAD PA PA'I RGYUD LA 'JOG 'GOS SO, ,BSOD GRAGS PA'I SPYI DON LAS, LUGS DE LA 'DIR BSTAN YANG DAG MTHA' DANG, DGONGS PA CAN GYI MYANG 'DAS DANG, RGYAL BA RNAMS KYIS 'GOG LAS SLONG BAR MDZAD, CES PA'I 'GOG PA RNAMS

109b

GNAD GCIG PA YIN ZHING, NYER ZHI DE 'GOG LAS SLONG BAR MDZAD CES DGOG PA DANG, DGONGS PA CAN GYI MYANG 'DAS SU MI RUNG BA'I PHYIR, DES NA LUGS 'DI LA DE BZHIN NYID 'DIR BSTAN YANG DAG MTHAR BYED CING, DE BZHIN NYID DANG 'GOG BDEN RNAM PA THAMS CAD DU 'GAL BAS 'GOG BDEN DON DAM BDEN PAR BZHED PA'I ZHES THAL 'GYUR BA'I LUGS LA 'GOG BDEN DON DAM BDEN PA YIN KYANG DE BZHIN NYID MIN PA DANG, DE BZHIN NYID DGONGS PA CAN GYI MYANG 'DAS SOGS SU BZHAG GO ,MCHAN LAS, MDO SNGA PHYI 'DI DAG CES PA'I MDO SNGA MA NI, NYI SNANG LAS, PADMA DKAR PO'I MDO TSAD MAR BYAS ZHES PA, MDO DE LAS, SH'A RI'I BU KHYOD BYANG CHUB SEMS DPA'I BYIN GYIS BRLABS KYI SNGON GYI SPYOD PA DANG SMON LAM DANG, BYANG CHUB SEMS DPA'I MAN NGAG DANG, BYANG CHUB SEMS DPA'I GSANG CHEN MI DRAN PA BDAG MYA NGAN LAS 'DAS SO SNYAM DU SEMS ZHES SOGS DANG, PHYI MA SH'A RI'I BU KHYOD MA 'ONGS DUS SU NI SOGS YIN LA, RNAM BSHAD SNYING PO LAS, ZHES BA GSER PHRENG LAS ZHES PA BRIS NOR RAM DPYAD, THAL 'GYUR BA DANG LEGS LDAN LUGS LA SA BRGYAD PA RNAM GROL LAM GYI TSE GSUM LDAN GYI YANG DAG MTHA' THOB KYANG MNGON DU MI BYED DE DE LA ZHI BA DES THUGS 'PHROG NAS RANG GI BSAM NGOR SLAR MI LDANG BA'I TSUL GYIS SNYOMS PAR ZHUGS PA MED

110a

, ,PA'I PHYIR, MCHAN DU DOGS PA BKOD TZAM LAS KHYAD CHOS GSUM GZHAN LUGS LTAR 'DREN NO, ,DE'I TSE RTEN 'BREL YAN LAG BCU GNYIS GCIG CAR SPANGS PAS LEGS LDAN LUGS LA LHAG MED MYANG 'DAS THOB LA, NYAN RANG GI SPANGS RTOGS KYI RIGS KYANG RDZOGS SO, ,MDO LAS, RGYUN ZHUGS NAS RANG SANGS RGYAS KYI SHES PA DANG SPANGS PA GANG YIN PA ZHES GSUNGS PAS, 'BRAS GNAS BZHI DANG RANG RGYAL RNAMS KYI NANG PHAN TSUN SPANGS RTOGS KYI RIGS RDZOGS MA RDZOGS MU DU YOD SOGS DPYAD BYA MANG NGO,, ` ,,RJE BTZUN PAS, DON LA THE TSOM NAS, YAN LAG CES PA DGOS DON DANG, RANG GI BSTAN BCOS KYI NAS, GSUNGS TE, ZHES PA BSDUS DON DANG, DE LTAR PHYAG 'TSAL BA DANG NAS, BSTAN PA YIN NO, ,ZHES PA BRGAL LAN DU GSUNGS PAS, SKYE BO BLO GROS NAS, DOGS BA BSAL BAR PHYIR, ZHES PA MTSAMS SBYAR DANG, PHYI 'GREL TSIG DON DU BYAS NAS DGOS 'BREL NGAG BSHAD THABS YAN LAG LNGAS BSHAD PAR BYAS NA LEGS SO, ,KHO NA RE, RNAM BSHAD LAS, DE NAS GCIG GIS KHYAD PAR DANG ZHES PA MI 'THAD PAR THAL, GSER PHRENG LAS, RKANG PA'I GCOD MTSAMS CUNG MIN NO, ,ZHES DANG, 'GREL

110b

PAR RKANG PA GSUM PA'I 'GREL 'BREL PA'I 'OG TU GSUNGS PA'I PHYIR NA MA KHYAB STE, DON CHEN PO CAN YIN PAS BRJOD BYA DANG NYID DGOS GNYIS KAR SBYAR CHOG PA'I PHYIR, SKABS GZHAN DU 'DI 'DRA MANG NGO, ,KHO NA RE, RGYAN GYI CHED DU BYA BA'I GDUL BYAS THOB BYA'I 'GOG LAM RGYAN DANG 'BREL PA CHOS CAN, 'BREL PA YIN PAR THAL, RGYAN GYI 'BREL BA YIN PA'I PHYIR, 'DOD NA, THA DAD YIN PAR THAL, 'BREL BA YIN PA'I PHYIR, KHYAB STE, BSDUS GZHUNG LAS, 'BREL BA YIN NA THA DAD YIN DGOS PA'I PHYIR, ZHES GSUNGS PA'I PHYIR, GZHAN YANG, DE CHOS CAN, BDAG GCIG 'BREL YIN PAR THAL, 'BREL BA GANG ZHIG ,DE BRTEN BYUNG 'BREL MA YIN PA'I PHYIR, 'DOD NA, DES THOB BYA'I 'GOG LAM GNYIS RGYAN DANG BDAG NYID GCIG YIN PAR THAL LO, ,DE GNYIS RGYAN LA RAGS LAS PA'I PHYIR, ZHES GSUNGS PAS, DE GNYIS RGYAN DANG RTEN BRTEN BA'I 'BREL BA 'GRUB PA'I DON NO, ,DE NI RGYAN GYI 'BREL BA ZHES BSHAD NA DE'I DGOS SOGS BZHI'I NANG GI 'BREL BA ZHES BSHAD BAS MA KHYAB CES PA YIN TE, SNGA MA LA RTEN BRTEN PA DANG BDAG NYID GCIG PA'I 'BREL BA YIN PAS 'BREL BA ZHES BSHAD PA YOD LA, DGOS SOGS KYI DE RTEN BYUNG 'BREL YIN PAS DER BSHAD PA DGOS PA'I PHYIR ZHES PA YIN PA'I PHYIR TE, 'OG TU RGYAN GYI CHED DU BYA BA'I GDUL BYAS YUM DON RTOGS PA'I

111a

, ,THOS BSAM LAS BYUNG BA'I RNAM MKHYEN DE THOS BSAM DE DANG 'BREL BA CHOS CAN, DER THAL, DE'I PHYIR, 'DOD MI NUS STE, DE BYUNG 'BREL YIN PA'I PHYIR, ZHES PA YANG, DE DANG 'BREL BA DE LA DE BYUNG 'BREL ZHES BSHAD PA YIN PA'I PHYIR, ZHES PA YIN GYI, DE DANG 'BREL BA DE DE BYUNG 'BREL MA YIN PA'I PHYIR, DE'I RGYU MTSAN YIG CHA RNAMS SU DE GSUM PHYI MA SNGA MA DANG 'BREL BA DE 'BREL BA YIN ZHES 'BREL BA'I RANG LDOG YIN PA LTA BUR GSUNGS PAS YIN LA, DE YANG TSIG ZIN LTAR MI RUNG BA'I PHYIR, 'BREL BAR GANG 'JOG CE NA, RGYAN DANG DE'I GDUL BYA LA BRJOD BYA DE BRJOD PA GNYIS LTA BU 'JOG STE, GSER PHRENG LAS, GANG 'BREL PAR MDZAD NA BRJOD BYED RGYAN DANG, BRJOD BYA LAM DANG, 'BRAS BU MA LUS PA GNYIS SO, ,ZHES GSUNGS PA'I PHYIR, KHO NA RE, RGYAN GYI BRJOD BYA RGYAN GYI 'BRAS BU YIN PAR THAL, 'GREL PA LAS, BRJOD PAR BYED PA DANG, BRJOD PAR BYA BA DAG NAS, 'BREL BAR MDZAD PA'I ZHES GSUNGS PA'I PHYIR NA MA KHYAB STE, DGOS SOGS BZHI'I NANG GI NYID DGOS DGOS PA DANG, DE BSTAN BCOS KYIS BRJOD BYA DE BRJOD PA DANG, DE BSTAN BCOS DANG 'BREL BA'I DON YIN PA'I PHYIR TE, GSER PHRENG LAS, DNGOS PO BRGYAD SHES BYA'I THABS DANG RGYAN SHES BYED KYI THABS KYIS TE, ZHES DANG, YANG

111b

DE NYID LAS, BSTAN BCOS DANG DGOS PA'AM ZHES PA LTAR YIG CHAR YANG BSTAN BCOS DANG DGOS PA'I SHES RAB GSUM DANG ZHES BRJOD BYA MA GSUNGS PA'I PHYIR, RJE BTZUN PA DANG BSOD GRAGS PAS, DGOS PA BRJOD BYA DANG 'BREL BA ZER LA, BSTAN DAR PAS, 'DUS BYAS SU GYUR BA'I BRJOD BYA DANG 'BREL BA ZER BA MI 'THAD DE, RGYAN GYI DGOS PA DANG NYID DGOS KYI DUS SU RGYAN GYI BRJOD BYA MED PAR THAL LO, ,DGOS SOGS BZHI NI, DNGOS PO BRGYAD DANG DON BDUN CU BRJOD BYA DANG, RGYAN LA BRTEN NAS DE DAG BDE BLAG TU RTOGS PA DGOS PA DANG, DE LA BRTEN NAS THOB PA'I SA BCU DANG RNAM MKHYEN NYID DGOS LA 'JOG GI ,DE'I NYID DGOS SU GYUR PA'I 'GOG BDEN SOGS DGOS SOGS BZHI'I NANG GI NYID DGOS MIN TE, DE LA 'DUS BYAS DGOS PA'I PHYIR, KHO NA RE, RGYAN GYI DGOS BA RGYAN GYI 'BRAS BU MA YIN PAR THAL, DE'I DUS SU RGYAN YOD PA'I PHYIR, DER THAL, DE'I DUS SU YOD BA'I RGYAN YOD PA'I PHYIR NA MA KHYAB, DE DUS SU RGYAN RGYUD LDAN GYI GANG ZAG YOD MED DE GNYIS GANG ZAG GCIG GI RGYUD LA YOD MED SOGS SPRO BYA CUNG ZAD YOD KYANG, DGOS PA DE RANG DANG DUS MNYAM PA'I RGYAN GYI DGOS PA MED PAS SKYON MED DO, ,DA LTA'I GDUL BYA'I RGYUD KYI RGYAN GYI DGOS PA DE KHO RANG GI SNGON DU GRUB BA'I RGYAN THAMS CAD KYI DGOS PA YIN TE, DE MIN NA RJE BTZUN GYI THUGS RGYUD LA SHAR MA THAG PA DANG, PHYI ROL PA'I

112a

, ,RGYUD KYI RGYAN GYI DGOS PA DANG, DE LA THOS SOGS KYIS ZHUGS PA MED PAR THAL LO, ,DGOS 'BREL GYI DGOS PA RGYUD LA SKYE BA'I RJES SU RGYAN LA ZHUGS PAS DE GNYIS KYI GDUL BYAR YANG RIM CHAR GYUR TE, ZHUGS PA RIM CAR YIN PA'I PHYIR, PHAR PHYIN ZIN BRIS LAS, KHAS LEN 'GA' ZHIG LA, SHES RAB PHA ROL PHYIN PA NI, ,DNGOS PO BRGYAD KYI YANG DAG BSHAD, ,CES PA'I TSIG 'DI LA THOS SOGS KYIS ZHUGS PA DANG, DE'I GDUL BYAR GYUR PA DUS MNYAM YANG ZER, GONG GIS MCHOD BRJOD DANG DGOS 'BREL NGAG LA ZHUGS TZAM GYIS DE'I GDUL BYAR MI 'GYUR ZER, YANG MANG MANG GI KHAS LEN GCIG LA MCHOD BRJOD DANG DGOS 'BREL NGAG LA THOS SOGS KYIS ZHUGS PA NA DE'I GDUL BYAR GYUR THUB ZER, ZHES GSUNGS PAS DPYAD, SPYIR RGYAN GYI DGOS PA DANG NYID DGOS GNYIS YIN KHYAB MNYAM YIN TE, RGYAN LA BRTEN NAS MDO DON BDE BLAG TU RTOGS PA RGYAN GYI NYID DGOS YIN PA'I PHYIR TE, LUNG GI BSTAN PA'I NYID DGOS YIN TSUL YOD PA'I PHYIR, DGOS SOGS BZHI'I NANG GI NYID DGOS SA DANG PO NAS BZHAG PA GTZO BO YIN GYI DGOS PA SKAD CIG GNYIS PA NAS BZHAG CHOG GO, ` ,,BKA' BSTAN BCOS SKYE MCHED BCU'I GZUGS YIN ZER BA

112b

DANG, GZUGS MIN GZUGS PHUNG YIN ZER MKHAN SU YIN DPYAD LA, KHYAD PAR DE LTAR MIN NA ZHES PA SKYE MCHED BCU'I GZUGS MIN ZHES KHYAD PAR DE LTAR SBYAR NA LEGS LA, DE LTAR MIN NA SPYIR GZUGS DANG GZUGS PHUNG YIN KHYAB MNYAM YIN PA'I PHYIR, ZHES PA'O, KHO NA RE, BYE SMRAS MING TSIG YI GE GSUM LDAN MIN DU MI 'DOD PAR THAL, MDZOD MTHA' DPYOD LAS, DE CHOS CAN, NGO BO YOD DE, DON GYI NGO BO TZAM STON PA'I SGRA DE YIN PA'I PHYIR, ZHES DANG, TSIG CHOS CAN, NGO BO YOD DE, DON GYI KHYAD PAR DANG 'BREL BAR STON PA'I RJOD BYED KYI NGAG DE DE YIN PA'I PHYIR, YI GE CHOS CAN, NGO BO YOD DE, MING TSIG GI DOD GO BA'I GZHI BYED PA'I SGRA TZAM DE YIN PA'I PHYIR, ZHES GSUNGS PA'I PHYIR NA MA KHYAB STE, DE MDZOD RANG LUGS YIN LA, DES BYE SMRAS LDAN MIN DU 'DOD PA BKAG PA'I PHYIR TE, RANG 'GREL LAS, DE DAG NI NGAG GI RANG BZHIN MA YIN TE, NAS, NGAG NI MING LA 'JUG LA MING GIS DON GO BAR BYED DO, ,ZHES NGAG GIS BUM PA ZHES BRJOD PA NA DON BUM PA YID LA GSAL BA'I CHA MING DU BZHAG NAS DES DON GO BAR BYED KYI NGAG TZAM GYIS DON GO MI THUB STE, BA LANG GI NGAG BZHIN ZER BA'I PHYIR TE, MCHIMS MDZOD MCHAN LAS, SGRA TZAM GYIS DON MI GO BA'I PHYIR, MING TSIG

113a

, ,YI GE GSUM NI SGRA MIN, DES NA NGAG NI MING GSAL BA'AM BSKYED PAS MING LA 'JUG LA, MING GIS DON BRJOD DE, RTOGS PAR BYED DO, ,ZHES BYE BRAG TU SMRA BA ZER RO, ,ZHES DANG, YI GE NI YID KHO NA LA GSAL BA'I KA SOGS YIN LA ZHES DANG, MCHAN LAS, BYE SMRAS BUM PA ZHES PA'I TSIG BUM PA LA BTAGS PA'I CHA DE YANG RJOD BYED DU 'DOD CING MING YANG DE YIN TE, ZHES GSUNGS PA'I PHYIR, DES MING SOGS GSUM DANG TSOGS PA GNYIS KA LDAN MIN DU 'DOD KYANG, NGAG SGRAS BTAGS PA'I CHA LA BZHAG PAS BEM PO'I NGO BOR 'DOD DO, ,MDZOD RANG LUGS NI RANG 'GREL LAS, MING BYED PA NI MING STE, DPER NA, GZUGS SGRA ZHES BYA BA ZHES MING BYED PA SMRA BA 'DI'I MING 'DI'O SNYAM PA'I SEMS BYUNG DANG, DE LTAR BTAGS PA'I CHA LDAN MIN SOGS MING YIN PA GCOD PA'I CHED DU YIN PA'I PHYIR TE, GANG SPEL LAS, MING BYED PA STE MING GI BYED PA'O, ,MTSAN ZHES BYA BA NI RNAM RNAM GRANGS SO, ,JI LTAR 'JIG RTEN NA SMRA PA BO DAG LHAS SBYIN ZHES BYA BA 'DI'I MING BYED PA PO ZER BA YIN NO, ,ZHES DANG, RGYAL SRAS MA LAS, MING BYED PA ZHES BYANG 'DI NI 'JIG RTEN GYI SKAD YIN NO, ,ZHES DANG, YANG DE NYID LAS, MING BYED PA STE, GANG GIS NA SEMS LAS BYUNG BA'I CHOS 'DU SHES PAR BYED CING SKYED PA'O, ,YANG NA MING NYID BYED PAS

113b

NA MING BYED PA STE, MING SMOS PA NI GZHAN BYED PA BZLOG PA'I PHYIR RO, ,BYED PA SMOS PA NI SEMS LAS BYUNG BA LAS KHYAD PAR DU BYA BA'I PHYIR TE, ZHES MING GANG GIS DON 'DI NI GZUGS SO SNYAM PA'I SEMS BYUNG SKYED PAR BYED PAS BYED MA ZHES PA DANG, YANG NA MNOG SOGS 'DUS PA'I GONG BU LA GOO ZHES SMOS PA NA, PHYOGS SOGS DON GZHAN LA 'JUG PA BZLOG PA DANG, 'DI LA BYED PA 'AM BTAGS ZHES SMOS PAS 'DI NI GZUGS SO SNYAM PA'I SEMS BYUNG LAS KHYAD PAR DU BYAS TE, DE LTAR BTAGS PA'I SGRA LA GO CHED YIN PAR GSUNGS SO, ,KHO NA RE, DE MI 'THAD PAR THAL, RANG 'GREL LAS, MING BYED PA NI MING STE, ZHES SOGS MING LDAN MIN YIN PA'I SGRUB BYED YIN PA'I PHYIR TE, YIG CHAR, DANG PO GRUB STE, RANG 'GREL LAS, ZHES SOGS GSUNGS PA'I PHYIR NA MA KHYAB STE, BYE SMRAS GZUGS ZHES SOGS CHOS DE DANG DE LA MING BYAS PA'I CHA'AM BTAGS PA'I CHA LDAN MIN LA MING DU 'DOD PA 'GOG CHED DU RANG 'GREL LAS, MING BYED PA ZHES SOGS DANG, DE 'DRA'I BTAGS CHA DU MA 'DUS PA MING GI TSOGS BAR 'DOD PA 'GOG CHED DU, DE LA MING GI TSOGS NI DPER NA, GZUGS SGRA DRI RO REG BYA DAG CES BYA STE, ZHES GSUNGS PA'I PHYIR, ZHES PA YIN TE, MDZOD MTHA' DPYOD LAS, MING BYED PA ZHES PA'I RGYU MTSAN

114a

, ,YOD DE, MING BYED PA DANG MING BTAGS PA DON GCIG PAS 'DIR 'DOGS RGYU'I MING GCIG DGOS KYI GZUGS CAN MA YIN PA'I MING YIN PA BCAD PA'I CHED YIN PA'I PHYIR, ZHES GSUNGS PA'I PHYIR, MDZOD RANG LUGS MDO SDE PA LTAR YIN PAS MING TSIG YI GE GSUM SGRA DANG, TSOGS GSUM DE DANG MI 'DRA BAR GZHI LDOG GZUGS SGRA DRI RO REG BYA DAG CES PA LTA BU DANG, BSTAN BCOS SOGS SGRA DANG, RANG LDOG TSOGS PA LDAN MIN DU 'DOD PA RTZA BA LTAR YIN TE, MDZOD MTHA' DPYOD LAS, 'DI SNGAR LTAR MI 'DRA BAS BYE BRAG BSHAD MDZOD LTAR GYI ZHIB CHA GYIS, ZHES BYE BRAG BSHAD PAR GZUGS PHUNG GI GZHI LDOG RDZAS YOD DANG RANG LDOG BTAGS YOD DU BSHAD PA LTAR TSOGS GSUM LA YANG ZHIB CHA DGOS PAR GSUNGS PA'I PHYIR RO, ,KHO NA RE, BSTAN BCOS LDAN MIN DU 'DOD PA BYE SMRA SPYI MA YIN PAR THAL, RGYAL SRAS MA LAS, SDE PA GZHAN DAG CES GSUNGS PA'I PHYIR NA MA KHYAB STE, MDZOD RANG LUGS LAS GZHAN PA'I DON YIN BYA'O, ,'DO NA, NA, BYE SMRAS 'DU BYED DANG BEM PO'I GZHI MTHUN 'DOD PAR THAL, LDAN MIN DU 'DOD PAS DE LTAR 'DOD PAR GRUB MTHA' CHEN MOR GSUNGS PA'I PHYIR NA MA KHYAB STE, DE NYID LAS, BEM PO DANG LDAN MIN 'DU

114b

BYED DU GTOGS BAS ZHES GSUNGS PAS, BEM PO'I NGO BO DANG LDAN MIN DU GTOGS NA GNYIS KA'I GZHI MTHUN DU THAL, ZHES RIGS PA'I 'PHUL YIN PA'I PHYIR, BSTAN BCOS RNA BAS THOS SHING BRJOD BYA YOD LA RNA SHES KYI NYAN BYA MIN ZER DGOS TE, PHAR PHYIN ZIN BRIS LAS, KHYOD KYI DNGOS BSTAN MED PAR THAL, KHYOD LDAN MIN 'DU BYED YIN PA'I PHYIR NA MA KHYAB, SANGS RGYAS 'PHAGS PA'I DMIGS YUL DANG, DNGOS BSTAN DANG BRJOD BYA YONG PA'I PHYIR, ZHES DANG, MCHAN LAS, DNGOS KYI RJOD BYED MING DANG DE SGRA SPYI DANG LDAN MIN DU 'DOD LA, BSTAN BCOS SOGS KYANG DER 'DOD CING ZHES GSUNGS PA'I PHYIR, 'DI'I GZHUNG MNGON SPYI'I BSHAD PA MED LA, SHES PA RNAMS YUL GYI RNAM PAR SKYE RGYU MED PAS 'DRA RNAM KYANG MED LA, SKAL MNYAM NI BLO MTHUN PAR 'JUG BYED YIN PAS SEL 'JUG GAM YUL LA CHA SHAS SU 'JUG PA MI 'DOR KYANG RTZA BAR, RNAM PA SHES RAB CES RNAM PA YUL LA LTA BA'I BLO LA 'DOD CING DBANG SHES LA LTA BA MED PAS RNAM MED DU RIGS SO, ,BSDU BA LAS, GZHAN YANG, TSIG NI MING LA 'JUG LA, ZHES SOGS NI BRJOD PAR BYA PA'I DNGOS PO LA RGYU LNGA'I ZHES PA'I RGYU MTSAN BZHI PA'I SKABS YIN LA, TSIG NI MING LA 'JUG PA STE, MING DU MA 'DUS PA YIN LA, MING NI DON LA 'JUG PA STE, DON STON PAR BYED LA, ZHES PA YIN LA, MDZOD 'GREL

115a

, ,DANG TSIG 'DRA BAS DPYAD GZHIR BKOD PA TZAM MO, ,RGYAL SRAS MA LTAR SANGS RGYAS KYI YE SHES KHO NAS SPYOD YUL DU GTOGS PA'I CHOS ZAB PA RNAMS SGRA JI BZHIN BRJOD MI NUS PAS DE JI BZHIN BRJOD PA'I MING LDAN MIN DANG, RDZAS SAM DNGOS POR YOD PA DGOS ZHES PA RANG 'GREL LAS, CHOS THAMS CAD RTOG GE'I SOGS KYI DON NO, ,YIG CHAR, BKA' DE GSUM YIN PAR THAL, SOGS NI BKA' DE MING TSIG YI GE GSUM DU PHYE BA'I DE GSUM YIN PAR THAL, GSUM DU PHYE BA'I DE GSUM GYI BDAG NYID YIN PA'I PHYIR NA MA KHYAB CES PA YIN PA BUM PA DPER BKOD PAS SHES SO, , 'DI DAG RGYAS PAR PHAR PHYIN DANG MDZOD KYI MTHA' DPYOD GONG BSGRIG NAS SHES DGOS SO, ,DPYOD PA PAS, BSTAN BCOS RTOG PA LA SNANG BA'I DON SPYIR 'DOD PAS DNGOS MED DU DON GYIS KHAS BLANGS SO, , KHO NA RE, GSER PHRENG LAS, NYAN PA PO'I RGYUD DANG 'BREL GYI ZHES SOGS RANG LUGS MA YIN PAR THAL, YIG CHAR BOD SNGA MAS DE LTAR BSHAD PA BKAG PA'I PHYIR NA MA KHYAB STE, GSER PHRENG LAS, GZHAN DU NA SANGS RGYAS LA NANG GI SHES PA PHYI ROL GYI SGRAR ZHEN PA'I ZHES PHYI DON GYI SNANG BA LA SBYAR BA'I PHYIR, KHO NA RE, GSER 'OD RNGA SGRA'I MDO TSIG YIN NA, NGAG MA YIN PAS KHYAB PAR THAL, DE DAG

115b

MA YIN PA'I PHYIR NA MA KHYAB STE, MDZES PA'I TOG GIS STON PA LA ZHU BZHIN PA DE DAG YIN PA'I PHYIR, DES NA CHOS CAN DE DANG GCIG YIN PA'I PHYIR GSUNGS SO, ,RNGA LAS BYUNG MA THAG PA MDZES PA'I TOG GI RGYUD LA YOD DE, DE LAS BYUNG BA DES BLOR BZUNG BA DUS MNYAM PA'I PHYIR, DES NA GDUGS DKAR SOGS KYANG SHES PAR BYA, RTZOM PA PO YANG GANG GIS BYIN GYIS RLOB PA PO 'JOG GO ,RJE BTZUN YAB SRAS KYIS, BKA' BSTAN BCOS RNAMS RANG RTZOM PA PO'I RGYUD KYIS BSDUS PAR 'DOD PAS, RNGA SGRA LAS BYUNG BA'I MDO SOGS RTZOM PA PO SOGS GANG 'JOG DPYAD DE, ROL MTSO LAS, RGYAN SNANG LAS, RJES SU GNANG BA NYID KYI BKA' SDUD PA PO RNAMS KYIS YANG DAG PAR BYAS PA'I PHYIR, ZHES BA DRANGS NAS, SH'A RI'I BU SOGS BKA' RTZOM PA POR GSUNGS LA, MNGON RTOGS RGYAN YIN NA RJE BTZUN BYAMS MGON RANG RGYUD KYIS BSDUS PAS KHYAB PA'I PHYIR, ZHES DANG, MTHA' DPYOD LAS, RJE BTZUN BYAMS PA'I RGYUD KYIS BSDUS PAR THAL, KHYOD DES BRTZAMS PA'I BSTAN BCOS YIN PHYIR, ZHES DANG, KHYOD BKA' SDUD PA PO'I RGYUD KYIS BSDUS PAR THAL, KHYOD BKA' SDUD PA POS BRTZAMS PA'I NGAG YIN PA'I PHYIR, ZHES GSUNGS PA'I PHYIR, SEMS BSKYED PA NI GZHAN DON PHYIR, ,ZHES PA'I MDUN GYI SKYES

116a

, ,BU LAN 'DEBS PA PO'I NGAG RGYAN GYI TSIG MIN KYANG, BYAMS PA'I RGYUD KYIS BSDUS PA'I SEMS BSKYED PA NI GZHAN DON PHYIR, ZHES PA'I MDUN GYI SKYES BU LAN 'DEBS PA PO'I NGAG RGYAN GYI TSIG YIN PAS, BYAMS PA'I RGYUD KYIS BSDUS KYI, LAN 'DEBS PA PO'I NGAG MIN ZER BA 'DRA STE, DE'I MTHA' DPYOD LAS, MDUN GYI SKYES BU LAN 'DEBS PA POS RJE BTZUN BYAMS MGON GYI RGYUD KYIS BSDUS PA'I SEMS BSKYED PA NI GZHAN DON PHYIR, ,ZHES PA'I NGAG SMRA SHES PA'I PHYIR, ZHES GSUNGS PA'I PHYIR, 'OG TU BKA' BRGYAD STONG PA YIN NA, SANGS RGYAS KYI GSUNG YIN PAS KHYAB PAR THAL, ZHES SOGS 'DIS YANG DGAG PA YIN NO, ,YIG CHAR, SANGS RGYAS 'DA' TSUL BSTAN RJES KYI BKA' YIN PA'I PHYIR, ZHES PAR STON PA 'DA' TSUL BSTAN RJES SU STON PA'I GSUNG YOD MED DANG, BKA' SDUD PA PO'I BSDUS PA'I BKA' SDUD PA PO LAS GZHAN PA'I RGYUD NA YOD NA SANGS RGYAS KYI GSUNG YANG BZHAG CHOG LA, MED NA DE LAS GZHAN PA'I RGYUD KYI BKA' RNAMS SDUD PA PO MED PAR GYUR PAS DPYAD, BSTAN DAR BA'I SPYI DON LAS, RANG RTZOM PA PO SANGS RGYAS 'PHAGS PAS GDUL BYA'I RGYUD KYI MI MTHUN PHYOGS SPONG PHYIR DU GSUNGS PA'I NGAG

116b

DE'I MTSAN NYID, CES DANG, RANG RTZOM PA PO SEMS CAN GYI RNYED BKUR SOGS KYIS KUN NAS MA BSLANGS PAR BKA'I DGONGS 'GREL DU BRTZAMS PA'I NGAG ,BSTAN BCOS RNAM DAG GI MTSAN NYID, CES DANG, BSOD GRAGS PA'I SPYI DON LAS, RANG LUGS NI, TSIG GSAL LAS, NGES PA'I TSIG GI TSUL GYIS NA BSTAN BCOS TE, DE YANG KHYAD PAR CAN RGYAL BA'I YUM RNAMS SO, ,ZHES DANG, RNAM BSHAD LAS, SGRA BSHAD DU YOD PAS BSTAN BCOS CHEN PO MDO'I ZHES GSUNGS PA'I NUS PAS 'GAL BA KHO NAR 'DOD PA'I PHYIR RO, ,ZHES YUM MDO LA BSTAN BCOS KYI SGRA BSHAD TZAM YOD GSUNGS PAS BKA' DANG BSTAN BCOS 'GAL BAR 'DOD DO, ,DES LUNG DANG RNAM BSHAD RIGS PA SOGS KYI DON SGRA BSHAD DU YOD PA'I DON YIN ZER RAM DPYAD, YIG CHAR, RANG GI BSHAD BYA'I BKA' THAMS CAD KYI DGONGS 'GREL YIN PA'I PHYIR, ZHES PA GONG DU THEG PA CHE CHUNG GNYIS KA'I MDO'I DGONGS 'GREL MIN PAR GSUNGS PAS BSHAD BYA'I BKA' THAMS CAD KYI DGONGS PA 'GREL PA'I DON YIN GYI, THAMS CAD KYI DGONGS 'GREL MIN TE, 'KHOR LO DANG PO'I DGONGS 'GREL MA YIN PA'I PHYIR, MA KHYAB ZER NA, DE THEG PA CHE CHUNG GNYIS KA'I MDO'I DGONGS 'GREL YIN PAR THAL LO, ,THA MA'I DGONGS PA YANG 'GREL

117a

, ,BA'I PHYIR, RTZA BA'I SKYON DU 'GYUR TSUL BAR BA'I DGONGS 'GREL DU BRTZAMS PAS SO, ,RAGS PA'I MI RTAG PA SOGS 'KHOR BA LA YID 'BYUNG BA'I THABS TZAM STON PA RNAMS RIM PA DANG PO DANG, GROL BYED KYI LAM RNAM THAR SGO GSUM STON BA SHER MDO SOGS GNYIS PA DANG, PHYIR MI LDOG PA'I 'KHOR LO'I GTAMS PHYIN DRUG SOGS RGYAL SRAS KYI SPYOD PA DNGOS SU STON PA RNAMS RIM PA GSUM PAR BSDUS NAS STON PAS, GZUNGS RGYAL GYI MDO BKA' SPYI'I DGONGS 'GREL DU BZHAG NA SKYON BRJOD TSUL DANG 'BREL LO, ,STON PA'I BKA' LA DE GSUM GANG RUNG GIS KHYAB STE, YIG CHAR, GDUL BYA GROL BYED KYI CHOS DER MA 'DUS PA'I 'GA' MED PA'I PHYIR, ZHES GSUNGS PA'I PHYIR, DGE 'DUN RGYA MTSO'I DKA' 'GREL LAS, SHER MDO GSUM PAR BZHAG PA MCHAN DU MI 'THAD PA'I PHYOGS BYAS SO, ,YIG CHAR, BDEN 'DZIN STONG NYID LA RNAM GA-YENG YIN PA'I PHYIR, ZHES SOGS KYI DON MCHAN DU GSAL LA, DBYONG BA'I SGO BLA NA MED PA YIN ZHES PA, DA LTA TSIG DON PHYIN CI LOG TU 'DZIN BZHIN DU CHAGS SDANG DANG PHYOGS 'DZIN GYIS GZHUNG RTZOM PA RNAMS KYIS NYES DMIGS SOGS LA DPYOD PA'I SGO BLA NA MED PA YIN ZHES PA'O, ,RGYAN RTZOM DUS KYI

117b

RJE BTZUN GYI THUGS RGYUD LA LDAN PA'I RGYAN DE, PHAR PHYIN ZIN BRIS LAS, NGAG YANG YIN ZHES GSUNGS KYANG, GSER PHRENG LAS, NGAG TU MA THON NA BSTAN BCOS MA BRTZAMS PA DANG, ZHES GSUNGS PAS, NGAG MIN NAM, YANG NA GONG DU BRGYA STONG BA'I TSIG BLO LA LEN CING NGAG NAS SMRA BA MED PAR THAL, ZHES PA LTAR BLOR BZUNG NAS 'DON BZHIN PA MA YIN PA'I RGYAN DE DAG YIN ZER DGOS PAS NGAG YIN KYANG NGAG TU MA THON BYAS NA CHOG GAM DPYAD, GNYID LOG PA SOGS KYI RGYUD LA RGYAN 'JOG DGOS PAS DE THOS PA'I SO SKYE'I RNA SHES DANG RNA DBANG SU'I RGYUD LA YOD PA DANG, RJE BTZUN PA SOGS LTAR NA, MDUN GYI SKYES BU LAN 'DEBS PA POS RGYAN GYI TSIG THOS NA BYAMS PA'I GSUNGS YANG THOS PAR THAL BA SOGS SPRO BYA MANG NGO, ,MA GSUNGS KYANG RJOD BYED THAMS CAD THUGS LA YOD PA'I PHYIR, ZHES PA RTZOM BA'I THUGS DGONGS BTANGS NAS THUGS RGYUD LA GRUB PA LA BYED KYI THUGS LA SHAR BA TZAM LA MI 'JOG PAS, GLENG GZHI DANG YONGS GTAD SOGS DANG PO NAS YOD PAR THAL BA'I SKYON MED DO, ,RJE BTZUN PAS, DOGS PA SHIN TU CHE BAR SNANG BAS, ZHES GSUNGS PAS, MKHAS PA RNAMS KYI DOGS PAR SNANG BAS BSHAD CES PA DE YIN 'DRA'O, ,MDO LAS, CHOS DANG LDAN PA, ZHES PA, TSIG

118a

, ,CHOS DANG LDAN PA'I 'BREL CHAGS PA DANG, MYANG 'DAS KYI PHAN YON STON PA DGOS KYI MYANG 'DAS STON PA MI DGOS TE, THAL 'GYUR BA'I LUGS LA DE STON NA STONG NYID STON DGOS PA'I PHYIR RO, , DBYIG 'GREL LAS, BSDUS PA'I PHYIR TE, SHES BYA'I DON THAMS CAD BSDUS PA'I PHYIR RO, ,ZHES PA LTAR, DON THAMS CAD BRJOD BYAR BSDUS PA'I SNOD LTA BU YIN PAS SDE SNOD DANG, THE TSOM GYI GNYEN POR MDO SDE DANG, MTHA' GNYIS KYI GNYEN POR 'DUL BA DANG, RANG LTA MCHOG 'DZIN GYI GNYEN POR MNGON PA STE BYED LAS SAM GNYEN PO'I SGO NAS DANG, MDO SDES BSLAB GSUM BSHAD PAS KHONG DU CHUD PAR BYED, 'DUL BAS TSUL KHRIMS DNGOS SU SGRUB CING, DRAN SHES KYIS ZHI GNAS BRGYUD NAS SGRUB, MNGON PAS LHAG MTHONG SGRUB PAS BSLAB BYA'AM RANG GI NGO BO'I DANG, MDO SDES TSIG DON GNYIS KA RTOGS PAR BYED, 'DUL BAS TSIG DON GNYIS KA SGRUB PA'I CHED DU NYON MONGS 'DUL BA LA BRTZON PAR BYED, MNGON PAS, TSIG DON 'BEL GTAM GYIS GTAN LA 'BEB PA STE, SHES BYA'AM BRJOD BYA'I DBANG GIS GSUM STE RGYU MTSAN DGUS GSUM DU BZHAG LA, DE NI BAG CHAGS RTOG DANG ZHI BA DANG, ,ZHES SOGS DANG, DBUS MTHA' LAS, KHAMS BRTAS BYED DANG 'JUG BYED DANG, ,DE NI DON RNAMS 'GRUB

118b

PAR 'GYUR, ,ZHES PA DE DAG LA THOS BSAM SGOM GSUM BYAS PA'I 'BRAS BU BSTAN TSUL 'DRA'O, ,MDO RGYAN LAS, MDO DANG CHOS MNGON 'DUL BA DAG ,MDOR NA DON NI RNAM BZHIR 'DOD, ,CES PA LTAR, DE NYID LAS, GNAS RNAMS DANG NI MTSAN NYID DANG, ,CHOS DON SMOS PHYIR MDO YIN NO, ,ZHES MDO SDE GSUNGS PA'I GNAS SOGS DANG, BRJOD BYA'I MTSAN NYID DANG, BRTZAM GZHI'I CHOS DANG, DON DGONGS LDEM SOGS GANG YIN PA STE MDO SDE DON NAM KHYAD PAR BZHI DANG, MNGON DU'I PHYIR DANG YANG YANG DANG, ,ZIL GNON RTOGS PHYIR MNGON PA'I CHOS, ,ZHES PA LTAR, THAR BA SOGS MNGON DU BYA BA'I PHYIR DANG, DON GCIG RNAM GRANGS MANG POS YANG YANG STON PA DANG, 'BEL GTAM GYIS PHAS RGOL ZIL GYIS GNON PA DANG, MDO SDE'I DON RTOGS PAR BYED PA STE, MNGON PA'I KHYAD PAR ZHI DANG, LTUNG DANG 'BYUNG DANG LDANG BA DANG, ,DES BAR, 'BYUNG DANG GANG ZAG DANG, ,BCAS PA DANG NI RAB DBYE DANG, ,RNAM PAR NGES PHYIR 'DUL BA NYID, ,CES PA LTAR, LTUNG BA'I NGO BO RIS LNGA SOGS DANG, LHUNG BA 'BYUNG BA'I RGYU MI SHES PA SOGS DANG, LTUNG BA LAS LDANG BA BSAM PA SOGS DANG, DES PAR 'BYUNG BA BSHAGS PA SOGS TE BZHI'AM, YANG NA GANG ZAG GANG LA BCAS PA DANG, BSLAB PA GANG BCAS PA DANG, BCAS PA'I RAB DBYE DANG, LTUNG

119a

, ,BA YOD MED RNAM PAR DES PA STE 'DUL BA'I KHYAD PAR BZHI GSUNGS LA, DE DAG LA KHYAD PAR BZHI LDAN DGOS MI DGOS SOGS SPRO SLA'O, ,SDE SNOD GSUM GYI MTSAN NYID KYANG SNGAGS BYANG SDOM SO THAR SOGS KYI TSUL KHRIMS LA BSLAB TSUL DANG, SEMS RTZE GCIG PA'I ZHI GNAS SGRUB TSUL DANG, SO SOR RTOG PA'I SHES RAB KYIS LHAG MTHONG SGRUB TSUL GTZO BOR STON PAS 'JOG GI ,RANG GI BSTAN BYA'I GTZO BOR GYUR PA'I LHAG PA'I TSUL KHRIMS KYI BSLAB PA YOD PAS MI 'JOG STE, MDZOD RTZA SOGS KYI BSTAN BYA'I GTZO BO BYANG PHYOGS SO BDUN YOD PA'I PHYIR RO, ,DES NA DE RANG GI BSTAN BYA'I LHAG PA TSUL KHRIMS KYI BSLAB PA GTZO BOR STON PA'I LEGS BSHAD YIN KYANG LHAG PA TSUL KHRIMS KYI BSLAB PA GTZO BOR STON PA'I DE MIN ZER DGOS SAM DPYAD, YIG CHAR, MDO MNGON GNYIS MI 'GAL BAR BSHAD DE, DE DGONGS 'GREL SOGS LAS KYANG NGO, ,ZHES PA DE GNYIS KYI DGONGS 'GREL GYI YIN PA YOD PA'I PHYIR, ZHES PA YIN SNYAM LA, DE LTAR NA LAM RIM CHE CHUNG SDE SNOD GSUM GA YIN ZHES BSHAD CHOG GAM, 'ON KYANG RANG RE'I DON BDUN CU SHER MDO'I DGONGS 'GREL YIN KYANG MNGON PA'I SDE SNOD MIN TE, DNGOS PO BRGYAD SOGS KYI NGO BO DBYE BA SA MTSAMS TZAM BSTAN PA'I PHYIR, RGYAN YIN TE, BSHAD THABS YAN LAG LNGAS RGYAS PAR BSHAD PA'I PHYIR BYAS NA AE 'GRIG

119b

DPYAD, NYAN SAS THEG DMAN GYI MDO LA BRTEN PAS THEG DMAN GYI 'DUL BA DANG, MNGON PA'I SDE SNOD MA YIN PA RNAMS MDO SDER GSUNGS LA, GZHI BSDU BA DANG, BYANG SAR YANG PHAL CHER NYAN THOS KYI SDE SNOD DU GSUNGS PAS DMAN MDOR RTEN NAM DPYAD, KUN BTUS LAS, YANG DRANG BA'I DON GYI MDO SDE RTOGS PAR PHYED PA DBYANGS KYIS BSNYAD PA'I SDE'O, ,ZHES DANG, YANG NGES PA'I DON GYI MDO SDE NI LUNG BSTAN PA'I SDE'O, ,ZHES DE GNYIS LA 'JOG TSUL GNYIS GSUNGS PAS, BRJOD BYA'I DBANG DU BYAS NA RANG GI DGONGS PA TSIG ZIN LA MI GSAL BA DBYANGS BSNYAD DANG, GSAL BAR STON PA LUNG BSTAN DU BZHAG LA, STON TSUL GYI DBANG DU BYAS PA MCHAN LTAR RO, ,YIG CHAR, MDZOD SOGS LTAR NA MNGON PA DE DAG GI NANG NA YOD PAR BSHAD PA'I PHYIR TE, ZHES PA LTAR, MNGON PA MDO 'DUL LAS LOGS SU MED NA 'OD SRUNG CHEN POS BSDUS PA'I MNGON PAR GANG 'JOG SOGS DPYAD GZHI CUNG ZAD YOD DO, ,BSDU BA LTAR NA DE DUS NAS MTSANG BAR MNGON NO, ,ZHES PAS, GZHI BSDU BAR MDOR BSTAN DU SDE SNOD GSUM BSDU BAR GSUNGS NAS MA MO BSDU BA'I RGYAS BSHAD MED PA DANG PO NAS MA TSANG BA YIN GYI BAR SKABS SU NYAMS PA MIN ZHES SA SDE SA SDE SNOD GSUM BSDU TSUL LA DPYAD PA 'JUG CHED YIN PAS BSDU TSUL 'CHAD PA'I SKABS DANG MA 'BREL BA YANG MED PAS, BSTAN SGRON PA'I DGAG PA PHYOGS SUM SONG NGO, ,YIG CHAR, DE LA

120a

, ,RGYAL BA'I LUNG RTOGS KYI BSTAN PA GANG RUNG GCIG 'CHAD PA'I DBANG DU BYAS PA DGOS KYANG, ZHES GANG RUNG SMOS PAS SGRA DANG MNGON BRJOD SNYAN NGAG SDE BA SBYOR GYI BSTAN BCOS RNAMS LUNG GI BSTAN BA TZAM 'CHAD PA YIN TE, ROL MTSO LAS, RJOD BYED RNAM PAR DAG BYED DANG, BRJOD BYA RNAM PAR DAG BYED KYI BSTAN BCOS GNYIS LAS, DANG PO NI, SGRA'I BSTAN BCOS MING GI MNGON BRJOD SNYAN NGAG DANG SDEB SBYOR GYI BSTAN BCOS LTA BU, ZHES DANG, RIGS GNAS SMOS PA'I DGOS PA YOD DE, SGRA'I BSTAN BCOS KA L'A B'A DE NANG PA SANGS RGYAS PA'I BSTAN BCOS RNAM DAG TU BSDU BAR BYA BA'I CHED YIN PA'I PHYIR, ZHES DANG, DE'I MTHA' DPYOD LAS, GZHON NU KA RTI KA DE PHYI ROL PA YIN PA'I PHYIR TE, PHYI ROL PA'I MTSAN GZHI ZHIG YOD PA'I PHYIR, 'DOD NA, RIGS GNAS THUN MONG BA'I BSTAN BCOS GZHI MA GRUB PAR THAL, 'DOD PA'I PHYIR, ZHES GSUNGS PA'I PHYIR, RTOGS PA'I BSTAN PA MI 'CHAD NA THAR LAM STON DGOS PAS DPYAD, 'GREL PA GCIG MI DGOS ZHES PA GZHAN THAMS CAD BKA'I DGONGS 'GREL DU BRTZAMS SHING, ZHES PA 'GOG PHYIR YIN NO, ,PHYI BA SOGS KYI DE DE MA YIN PA'I PHYIR TE, ZHES SOGS NI BSTAN DAR BA'I SPYI DON LAS, RANG RTZOM PA PO'I SEMS CAN GYIS RANG GI GRUB MTHA' STON PA'I PHYIR DU BRTZAMS

120b

PA'I NGAG BSTAN BCOS KYI MTSAN NYID, CES GSUNGS NAS, BSTAN BCOS RNAM DAG GI SGRUB BYED DU, RNAM BSHAD RIGS PA'I NYON MONGS DGRA RNAMS SOGS DANG, RGYUD BLA MA'I GANG ZHIG RGYAL BA'I SOGS DRANGS PAS DE YIN NO, ,PHAR PHYIN ZIN BRIS LAS, SANGS RGYAS 'PHAGS PA'I PHYI ROL PA'I BSTAN BCOS KYI TSIG TZAM GSUNG SRID NA YANG, SANGS RGYAS KYI BYIN RLABS KYIS SANGS RGYAS KYI GSUNG YIN GYI PHYI ROL PA'I BSTAN BCOS MIN, DE BZHIN DU RJE RIN PO CHE LA YANG SBYAR, NAS, SO SKYE RANG 'GA' BA'I RGYUD KYI PHYI ROL BA'I BSTAN BCOS KYI TSIG YOD PA DE PHYI ROL BA'I TSIG YIN, DE LA DE 'DRA'I TSIG NGAN PA BSTAN BCOS SU BYIN GYIS BRLABS PA'I NUS PA MED PA'I PHYIR, ZHES GSUNGS SO,, ` ,,DON BSDUS SGRON MER, THOGS MED KYIS SBYOR BZHI MKHYEN PA GSUM DANG CHOS SKU MNGON DU BYED PA'I THABS YIN PAS MNGON RTOGS SU BZHAG STE, DE NYID LAS, MKHYEN PA GSUM DANG CHOS SKU LA, ,MNGON SUM RTOGS PAS MNGON RTOGS TE, ,ZHES DANG, DGAG TSE SBYOR BZHI 'PHAGS RGYAD LA YOD PAS BKAG PA'I PHYIR, GSER GRENG DU MNGON RTOGS BDUN LAS CHOS SKU MNGON RTOGS MIN PA DGAG PA MNGON RTOGS KYI 'BRAS BU YIN PAS DE MIN PAR BSHAD PA LA NANG 'GAL BSTAN PA YIN LA, BRGYAD KA

121a

, ,MNGON RTOGS SU 'DOD CES PAR DGAG PA MA BYAS PA BRGYAD KA LA MNGON RTOGS YOD PAS YIN NO, ,RNAM BSHAD DU GZHAN LUGS DRUG BKOD PA'I DANG PO LNGA MTHA' DPYOD DU BKOD NAS DANG PO GNYIS DGAG PA SGRAS ZIN LA, DA LTA'I GANG ZAG KHO NA LA SKYOR BZHI DANG, MKHYEN GSUM LA SA MTSAMS MED CES PA DGAG PA YIN GYI, DGONGS PA RANG LUGS DANG MTHUN TE, MCHAN LTAR SKABS DANG PO GSUM DU GTZO BOR BSTAN PA'I MKHYEN GSUM NI DUS GSUM GYI 'PHAGS PA SU'I RGYUD LA SKYED CHOG PAS RAL GRI THANG LA BZHAG PA DANG 'DRA LA, SKABS PHYI MA LNGAR GTZO BOR BSTAN PA'I SBYOR BZHI DANG CHOS SKU NI DA LTAR TE RGYAN GYI CHED DU BYA BA'I GDUL BYA'I RGYUD LA SKYE 'GYUR BYE BRAG TU BSHAD PAS RAL GRI LAG TU BLANGS PA DANG 'DRA ZHES PA YIN PA'I PHYIR TE, RNAM BSHAD LAS, SNGA MA LAS KHYAD PAR CHER MED LA, ZHES GSUNGS PA'I PHYIR, LHAG MA NI 'OG TU 'CHAD PA DAG GIS KHEGS PA'I PHYIR, ZHES PA SKABS BZHI PAR THOS BSAM DANG NYAMS LEN GYI GZHUNG SO SOR SBYAR BA MI 'THAD PAR GSUNGS PA DANG, LTA BA GZHUNG THAMS CAD DU BDAG MED PA'I LTA BA LA BYAS KYI SGOM BYA TZAM LA MA BYAS PA SOGS 'OG GI LTA SGOM SOGS STON PA THAMS CAD DANG, LNGA PA BZHI PAR MNGON RTOGS KYI GO RIM LA LOG RTOG SPONG

121b

PAS KHEGS ZHES PA'O, ,RNAM BSHAD KYI GZHAN LUGS DRUG PA CHOS BSHES KYIS RGYAN GYI SKABS GNYIS PA DANG GSUM PAS THEG DMAN GYI LAM BSKYED NAS DGRA BCOM PA'I 'BRAS BU THOB STE, SKABS DANG PO'I SEMS BSKYED DANG PO GNYIS DANG BZHI PA'I MTHAR CHA BSKYEN PA'I THEG CHEN DU 'JUG RIM GTZO BO STON ZER BA, RGYAN GYI CHED DU BYA BA'I GDUL BYA LA DE 'DRA MI SRID PAS BKAG LA, RNAM BSHAD LAS, YANG KHA CIG ,SKABS DANG PO GSUM DU THEG PA CHEN PO'I GANG ZAG GI 'JUG YUL STON PA YIN LA, NAS, GZHI SHES NYAN RANG KHO NA DANG, LAM SHES SANGS RGYAS LA MED PAR 'DOD PA YANG BSAM PAR BYA BA KHO NA'O, ,ZHES GSER PHRENG DU BU NYA SOGS LTAR GSUNGS PA'ANG BKAG GO ,MCHAN LAS, RTEN DANG BCAS PA'I RNAM PA DANG, ,ZHES PA MA DAG RTEN DANG BCAS PA'I SBYOR BA DANG, ZHES PA YIN NO, ,RGYAN SNANG DU DE BZHIN GSHEGS PA DANG 'BREL BA'I YONGS GTANG CHUNG DU NI, KUN DGA' BO DE LTA BAS NA ZHES SOGS DANG, 'BRING NI KUN DGA' BO SHES RAB KYI PHA ROL TU PHYIN PA 'DI BZUNG BAR BYA'O, ,SOGS DANG, CHEN PO NI KUN DGA' BO DE LTAR BZHUGS TE, 'TSO BA SOGS DANG, BYANG SEMS DANG 'BREL BA'I YONGS GTAD CHUNG DU NI, KUN DGA' BO GANG DAG 'DAS PA'I DUS SU BYUNG BAR GYUR BA'I SOGS DANG, 'BRING NI KUN DGA' BO BYANG CHUB SEMS DPA' GANG DAG SOGS DANG, CHEN PO NI KUN

122a

, ,DGA' BO 'DI LTA STE, SHES RAB KYI PHA ROL TU PHYIN PA 'DI NI SOGS YIN LA, DANG PO GSUM LA RIM BZHIN SHER PHYIN DE DE BZHIN GSHEGS PA'I YUM YIN PA DANG, DE BZHIN GSHEGS PA'I CHOS KYI SKU YIN PA DANG, SANGS RGYAS RNAMS KYI BYANG CHUB DE LAS SKYES PA RGYU MTSAN DU BKOD PAS DANG, PHYI MA GSUM LA SHER PHYIN DE BYANG SEMS RNAMS KYI YUM YIN PA DANG, BYANG SEMS KYI PHYIN DRUG DE LAS SKYES PA DANG, DE MA ZAD PA'I CHOS KYI MDZOD YIN PA BKOD PAS 'JOG GAM DPYAD, PHYI MA MDO LAS DE DPER BKOD CES PA, RTAG DUS DKA' BAS BTZAL BA DPER BKOD PAS LNGA PA'I BSHAD BYA MIN ZHES PA'O, ,YIG CHAR, YUM GSUM GNOD 'JOMS NA RE, ZHES PA DE'I RJES 'BRANG BOD 'GA' ZHIG NA RE ZER BA YIN TE, GSER PHRENG LAS, 'DIR SNGA MA RNAMS KYIS RDO RJE LTA BU'I TING NGE 'DZIN LA 'KHRUL NAS SHER PHYIN DNGOS RGYUN MTHA'I YE SHES LA BZHED PAR 'CHAD PA NI ZHES PA DE YIN PA'I PHYIR TE, MCHAN DU YANG DE BKOD PA'I PHYIR RO, ,RJE BTZUN PA'I MTHA' DPYOD LAS, KHA CIG SLOB LAM NA PHAR PHYIN DRUG YOD PAR THAL, SLOB LAM NA PHAR PHYIN DRUG GI GO SGRUB YOD PA'I PHYIR ZER NA MA KHYAB STE, ZHES DANG, KHA CIG, SANGS RGYAS 'PHAGS PA'I MIG SHES DE SHER PHYIN MIN ZER, DE CHOS CAN, SHER PHYIN YIN

122b

YIN PAR THAL, SANGS RGYAS KYI GNYIS SU MED PA'I YE SHES YIN PA'I PHYIR, ZHES RGYAN SNANG LAS, YID KYI BLO DANG 'DRA BAR DBANG PO'I BLOS YUL YONGS SU GCOD PA GANG GI PHYIR, BCOM LDAN 'DAS RNAMS KYI RNAM PAR SHES PA THAMS CAD YUL THAMS CAD PA YIN PAR 'DOD DE, ZHES PAS SGRUB LA, BSOD GRAGS PA'I MTHA' DPYOD LAS, 'ON KYANG SANGS RGYAS 'PHAGS PA'I THUGS RGYUD KYI SHES PA YIN NA, RNAM MKHYEN YIN PAS MA KHYAB STE, DE'I RGYUD KYI RANG RIG DANG DBANG SHES SOGS RNAM MKHYEN MA YIN PA'I PHYIR, ZHES BKAG LA, KHO NA RE, SLOB LAM NA SHER PHYIN YOD PAR THAL, SLOB LAM NA PHAR PHYIN BCU YOD PA'I PHYIR, DER THAL, DE LTAR 'JUG PA LAS GSUNGS PA'I PHYIR NA MA KHYAB STE, DE NA DE'I NYAMS LEN YOD PA LA DGONGS PA'I PHYIR, ZHES DANG, KHYUNG PHRUG PA'I MTHA' DPYOD LAS, BYAS PA LA KHO NA RE, PHAR PHYIN DRUG MI 'GAL BAR THAL, DE DRUG PO GANG RUNG YIN NA RNAM MKHYEN YIN DGOS PA'I PHYIR NA MA KHYAB STE, 'DOD NA, SBYIN PHA DANG TSUL KHRIMS GNYIS MI 'GAL BAR THAL, 'DOD PA'I PHYIR, 'DOD NA, GTONG SEMS DANG SPONG SEMS MI 'GAL BAR THAL, ZHES PA LTAR RJE BTZUN PA'ANG 'DOD LA, GUNG RUS, SHER PHYIN SANGS RGYAS KHO NAR BZHAG NAS, KHA CIG ,SLOB LAM NA PHAR PHYIN MED ZER NA, 'O NA 'JUG PA LAS, SHES RAB GNAS PAS 'GOG PA

123a

, ,THOB PAR 'GYUR, ,ZHES PA'I LUNG DON MA GRUB PAR THAL, ZHES SHER PHYIN DANG SHES RAB KYI PHAR PHYIN KHYAD PHYE LA, SER SMAD BSTAN DAR BA'I SPYI DON LAS, DE RNAMS BKAG NAS RANG LUGS LA THEG CHEN SEMS BSKYED KYIS ZIN PA'I STONG NYID RTOGS PA'I THEG CHEN GYI MKHYEN PA, SHER PHYIN GYI MTSAN NYID CES GSUNGS SO, ,YIG CHAR, DE DAG DGAG PAR 'BRAS BU SHER PHYIN LA LTOS NAS BTAGS PA PA YIN PAS SHER PHYIN BTAGS PA PA YIN MI DGOS PA, DPER NA, ME TOG GI SHING ZHES PA BZHIN DU NYER LEN GYI PHUNG PO DE NYER LEN NYON MONGS RNAMS RANG LAS 'BYUNG BAS NYER LE ZHES BSHAD KYANG, NYER LEN NYON MONGS DNGOS MIN PA LTAR PHYOGS GLANG SOGS KYIS 'BRAS BU SHER PHYIN BTAGS PA PA DANG, SPYIR SHER PHYIN PHAL BAR GSUNGS PA DANG, PHA ROL GYI SKAD DOD PAR RJE BTZUN DANG DBYIG GNYEN SOGS KYIS DAM PAR BYAS LA, BAR MA'I AA PRI shOD RAS CI MDZES KYIS PHYIS TE PHYIN PA'I SKAD DOD AI TA DANG SBYAR BAS PHYIN PA PHYIN BYED LA YANG 'JUG STE, YUM LAS, BYANG CHUB ROG PAR NUS MA YIN, ,ZHES DANG, 'JUG PAR, YON TAN BLANGS TE RGYAL NYID 'GRO, ,ZHES SOGS DANG GZHAN YANG, DGONGS 'GREL DBUS MTHA' SOGS DRANGS NAS SLOB LAM NA PHAR PHYIN YOD PAR SGRUB CING, RANG LUGS SKABS, GSUM PA LA, MTSAN NYID, DBYE BA,

123b

SGRA BSHAD GSUM, DANG PO NI, DAM PA BCU DANG LDAN PA'I LAM PHAR PHYIN GYI MTSAN NYID YIN TE, ZHES SHER PHYIN DANG PHAR PHYIN KHYAD MED BYAS PAS, THEG CHEN GYI LAM YIN NA, PHAR PHYIN BCUG YIN PAS KHYAB PHO, ,THEG CHEN GYI LAM 'BRAS BU DANG BCAS PA STON PA'I GSUNG RAB GZHUNG SHER PHYIN GYI MTSAN NYID, CES 'BYUNG BA LTAR YIN GYI, RANG RE'I DBANG DU STON PA'I STON PA'I ZHES PA MA DAG STE, MCHAN DU RTOGS DKA'I SNANG BA'I BSHAD PA BKOD NAS, DE'I CHA NAS 'JOG KYANG SGRA SOR BZHAG MI RUNG ZHES GSUNGS PA'I PHYIR, DAM PA BCU GNYIS NI, BYANG CHUB MCHOG GI DON DU YIN PAS RGYA CHE BA DANG, BSKAL BA GRANGS MED GSUM DU RGYUN BSGOM PAS YUN RING BA DANG, CHED DU BYA BA SEMS CAN THAMS CAD KYI CHED DANG, MI ZAD PA BYANG CHUB TU BSNGO BAS ZIN PA DANG, SEMS CAN THAMS CAD LA PHAR PHYIN RNAMS RDZOGS PAR BYED PAS RGYUN MI 'CHAD PA DANG, TSEGS MED PA DGE RTZA THAMS CAD LA RJES SU YI RANG BA DANG, PHYIN DRUG MTHA' DAG SPYOD PA LA DBANG 'BYOR BA DANG, YONGS SU BZUNG BA MI RTOG YE SHES KYIS ZIN PA DANG, RTZOM PA MOS SPYOD LA SBYAR YAB SEMS CAN GYI DON BYED PA LA BZOD PA CHE BA DANG, THOB PA SA DANG POR SBYAR YANG BDAG GZHAN GYI DON BYED PA MNYAM PA NYID THOB PA DANG, RGYU MTHUN SA BAR PA BRGYAD LA SBYAR YANG SNGA MA'I RGYU MTHUN

124a

, ,BDAG GZHAN LA NYE RING MED PA DANG, 'GRUB PA SA BCU PA DANG SBYAR YANG SANGS RGYAS 'GRUB PA'I THABS SU GYUR PA LA BYA'O, ,DBUS MTHA' LAS, DE PHYIR DAM PA'I DON GYIS NI, ,ZHES GSUNGS PAS, PHAR PHYIN YIN NA, DAM PA BCU GNYIS DANG LDAN PAS KHYAB BO, ,THEG BSDUS KYI DAM PA DRUG DGONGS 'GREL LAS GSUNGS TSUL MCHAN DU GSAL LA, DBUS MTHA'I DAM PA BCU GNYIS KYI DANG PO GNYIS GNAS DAM PA DANG, LNGA PA DRUG PA BDUN PA GSUM DNGOS PO DAM PA DANG, THA MA BZHI RNAM PAR DAG PA DAM PAR BYAS NAS DAM PA DRUG TU BSDUS NA LEGS SO, ,DE LA KHO NA RE, SHER PHYIN DANG PHAR PHYIN DON GCIG MA YIN PAR THAL, THEG BSDUS LAS, SHES RAB KYI PHA ROL TU PHYIN PA DANG RNAM PAR MI RTOG PA'I YE SHES NI KHYAD PAR MED DE, ZHES PA LTAR YUM LAS GSUNGS LA, GSER PHRENG LAS, SHER PHYIN MTSAN NYID PA'I DON RANG BZHIN MED RTOGS KYI BLO DAM PA YIN, ZHES DANG, YIG CHAR, PHA ROL PHYIN BYED KYI GTZO BO STONG NYID RTOGS PA'I SHES RAB LA BYED DGOS PAR STON PA'I GSUNGS BZHIN DBU SEMS MTHUN PA'I PHYIR, ZHES GSUNGS PA'I PHYIR NA MA KHYAB STE, DE DAG SHER PHYIN GTZO BO LA DGONGS PA'I PHYIR TE, TSIG GSAL LAS, DE DAG LAS KYANG MI RTOG YE SHES NI SHER PHYIN GTZO

124b

BO STE ZHES PA LTAR YIG CHAR, GTZO BO SBYAR BA'I PHYIR, KHO NA RE, DE MI 'THAD PAR THAL, SHER PHYIN GTZO BO LA 'BRAS BU SHER PHYIN DGOS PAR GONG DU BRGYAD STONG DON BSDUS KYI 'GREL PA DANG, GSER PHRENG DRANGS PA DE'I PHYIR NA MA KHYAB STE, DE GZHUNG LAM 'BRAS BU SHER PHYIN GSUM GYI GTZO BO LA DGONGS PA, RNAM BSHAD DU BTAGS PA'I CHOS GSUM GSUNGS PAS SHES PA'I PHYIR, KHO NA RE, PHAR PHYIN BCU YIN KHYAB MNYAM MA YIN PAR THAL, SBYIN PHAR LA GTONG SEMS DANG, TSUL KHRIMS LA BSRUNG SEMS SOGS DGOS PA MDO RGYAN DU MI MTHUN PHYOGS DANG NGES TSIG SOGS BSHAD PAS SHES PA'I PHYIR ZER NA, DE SBYIN SOGS KYI MI MTHUN PHYOGS SOGS DANG SBYAR BA TZAM YIN TE, THEG BSDUS LAS, SBYIN PA YIN LA, PHA ROL TU PHYIN PA MA YIN PA YANG YOD CES BYA BA MU BZHI'O, ,SBYIN PA LA JI LTA BA DE BZHIN DU PHA ROL TU PHYIN PA LHAG MA RNAMS LA YANG MU BZHI CI RIGS SU BLTA BAR BYA'O, ,ZHES DANG, BCOM LDAN 'DAS KYIS LA LAR NI PHA ROL TU PHYIN PA THAMS CAD SBYIN PA'I SGRAR BSTAN LA, LA LA RA NI TSUL KHRIMS KYI SGRA BSTAN ZHES SOGS GSUNGS PA LTAR, RANG RE'I YIG CHAR GSUNGS PA'I PHYIR, SANGS 'PHAGS KYI MIG SHES DANG RANG RIG'I SHER PHYIN MIN PAR YID SHOS DANG GZHAN RIG GI SHES PA MA YIN PAS SGRUB CING KHUNGS MA DRANGS

125a

, ,KYANG SHES PAR GYUR PA'I DGE BA LA NGO BO NYID KYI DGE BA DANG, 'BREL BA'I DGE BA GANG RUNG DGOS LA, DE LA DGE BA BCU GCIG GANG RUNG DANG MTSUNGS LDAN DGOS PAS YIN NO, ,YIG CHAR NYAN RANG DAM PA BDUN PO GCIG KYANG MED, CES PA'I DAM PA BDUN LA, BYANG SA LAS, DAM PA BDUN GANG ZHE NA, SKU DAM PA DANG, SGRUB PA DAM PA DANG, PHUN SUM TSOGS PA DAM PA DANG, YE SHES DAM PA DANG, MTHU DAM PA DANG, SPANGS PA DAM PA DANG, GNAS DAM PA'O, ,ZHES PA'I DAM PA BDUN LA BYAS NA KHUNGS DANG 'BREL ZHES BSOD GRAGS PA'I PHAR PHYIN SPYI DON GYI MCHAN DU BSHAD PA NI, 'OG TU BYANG SA LTAR SANGS RGYAS KHO NAR SBYAR BA DANG NANG 'GAL LA, BYANG SEMS LA YANG SBYOR DU RUNG STE, MDOR BSTAN DU BYANG CHUB SEMS DPA' DAM PA NI DAM PA BDUN DANG LDAN PAR GSUNGS PA'I PHYIR, ZHES PA YI GE MA DAG PA MA MKHYEN PA YIN TE, BYANG SA LAS, DE LA BYANG CHUB DAM PA 'DI NI DAM PA BDUN DANG LDAN PA YIN TE, ZHES PA'I DE SGRA GONG DU BYANG CHUB GANG ZHE NA, ZHES PA DE LA BSNYEG DGOS PAS SEMS DPA' YONG SA MED PA'I PHYIR DANG, 'OG TU YANG DE BDUN SANGS RGYAS KYIS KHO NAR GSUNGS PA'I PHYIR DANG, MDOR BSDU NA BYANG CHUB KYI LE'UR BSHAD PA'I BYANG CHUB DE BLA NA MED PA

125b

DAM PAR BSHAD PAS DE BDUN MED PAS PHYIN DRUG GI MING MI THOB PA DANG, BYANG SEMS LA JI LTAR SBYAR SKABS DON LAM DPYAD PA'I SKYON NO, ,DES NA MCHAN LTAR THEG BSDUS KYI DAM PA DRUG PO GCIG KYANG MED PAS PHYIN DRUG GI MID MI THOB CES BDUN ZHES PA MA DAG PAR BYAS NA LEGS SO, ,KHO NA RE, 'GREL CHUNG GI 'GO MCHOD BRJOD KYI MTSAMS SBYAR NAS 'DZIN PAR THAL, DE YAN CHAD RGYAN GYI 'GREL PA MA YIN PA'I PHYIR NA MA KHYAB, RTAGS GRUB STE, GSER PHRENG LAS, 'GREL PA 'DI YI SHES RAB PHA ROL PHYIN PA LA, ZHES SOGS RGYAN GYI 'GREL PA MIN PA BZHIN NO, ,ZHES GSUNGS PA'I PHYIR, RTZA BAR 'DOD NA, 'GREL PA'I DBU NA MCHOD BRJOD MED PAR THAL LO, ,'O NA, SHES RAB PHA ROL PHYIN PA LA, ,ZHES SOGS RGYAN GYI 'GREL PA YIN PAR THAL, DE'I TSIG YIN PA'I PHYIR NA MA KHYAB, YANG NA, 'GREL PA'I DBU DE NAS 'DZIN PAR THAL, 'DOD PA'I PHYIR, 'DOD NA, DE'I DBU NA RGYA GAR SKAD DU SOGS MED PAR THAL LO, ,YOD NA 'GREL PA'I DBU SLOB DPON GYIS BRTZAMS PA MA YIN PA DANG, RGYA DPE LA 'GREL PA'I DBU MED PAR THAL LO ZER, DE BZHIN DU RGYAN GYI MCHOD BRJOD DANG DGOS 'BREL GNYIS MDO'I BSHAD PA YIN PAR THAL, MDO'I DON MKHYEN GSUM SOGS BSHAD PA'I PHYIR NA MA KHYAB STE, MDO'I BRJOD BYA DE DBU DAG BSHAD PAR DAM BCA'

126a

, ,BA DANG BSHAD PA'I DGOS PA STON GYI BRJOD DON 'GREL PA MA YIN PA'I PHYIR TE, GSER PHRENG LAS, MCHOD BRJOD DANG DGOS 'BREL NI RGYAN GYIS MDO BSHAD PA'I SNGON 'GRO YIN GYI MDO'I BSHAD PA DNGOS MIN TE, ZHES GSUNGS PA'I PHYIR, SKABS DANG PO'I 'GO YANG RTZA BA'I SEMS BSKYED PA NI GZHAN DON PHYIR, ,ZHES PA NAS DANG, 'GREL PA'I DE LTAR BSDUS PA'I DON KUN BSTAN NAS, ZHES PA NAS 'DZIN TE, GSER PHRENG LAS, DE NAS SKABS BRGYAD RIM PAR BSTAN PA RNAMS DANG, ZHES DANG, DE LA SKABS KYI DANG POR BSTAN PA BRGYAD NI SKABS KYI GO RIM NGES PAR BYED PA'I MTSAMS SBYOR YIN LA, ZHES GSUNGS PA'I PHYIR RO,, ` ,,MDO LAS, 'DI LA ZHES PA, GSER PHRENG LAS, 'DI LA NI THEG CHEN NAM SHER PHYIN BSTAN PA DANG, ZHES PA LTAR, THEG CHEN BSTAN PA'AM NYAMS SU LEN PA 'DI LA ZHES PA'O, ,CHOS THAMS CAD MNGON PAR RDZOGS PAR BYANG CHUB PA NI, CHOS THAMS CAD BDEN STONG DU MNYAM PA NYID DU KHONG DU CHUD PA DANG, RNAM PA THAMS CAD NI SNGA MAR MA ZAD BUM PA LTA BU GCIG GI YANG CHOS NYID GZIGS DUS CHOS CAN DANG, DE GZIGS DUS CHOS NYID GZIGS PA LA BYED PAS CHOS RE RE STENG GI RNAM PA THAMS CAD LA BYA STE, SANGS RGYAS NI GANG LA'ANG DNGOS POR 'DZIN PA'I DRI MA THAMS CAD DANG PHRAL BAS RGYUD MI 'KHRUL PA'I PHYIR RO, ,KHO NA RE, YIG CHAR, SEMS BSKYED MDOR BSTAN DANG RGYAS BSHAD KYI

126b

MDO GNYIS KYI DON STON PAR, ZHES PA'I SEMS BSKYED MDOR BSTAN GYI MDO LA BYANG CHUB DANG, GZHAN DON MDOR BSTAN GYI MDO GNYIS KA 'JOG ZER NA, DE MI 'THAD PAR THAL, DE LA BYANG CHUB MDOR BSTAN GYI MDO GCIG BU 'JOG PA'I PHYIR TE, DES SEMS BSKYED KYI DMIGS RNAM MDOR BSTAN NAS, LHAG MAS RGYAS PAR BSHAD PA LA GZHAN DE NA MDOR BSTAN DE'I SEMS BSKYED BCU DRUG PA MDZOD LTA BU'I MDOR YOD PA'I PHYIR, DANG PO GRUB STE, YUM BAR PA LAS, BCOM LDAN 'DAS BYANG CHUB SEMS DPA' SEMS DPA' CHEN PO CHOS THAMS CAD RNAM PA THAMS CAD DU MNGON PAR RDZOGS PAR 'TSANG RGYA BAR 'TSAL BAS JI LTAR SHES RAB KYI PHA ROL TU PHYIN PA LA BRTZON PAR BGYI, ZHES SH'A RI'I BUS DRIS PA'I LAN DU SEMS BSKYED GNYIS PA NAS NYER GNYIS PA'I BAR GYI MNGOS DMIGS RNAM RGYAS PAR GSUNGS PA'I PHYIR, MDOR GSAL LO, ,GNYIS PA GRUB STE, NYA t'I KA LAS, BYANG CHEN SHAR PHYOGS KYI NAS, DE BZHIN DU PHYOGS DGU LA SBYAR RO, ,ZHES PAS GZHAN DON MDOR BSTAN NO, ,ZHES DANG, 'OG TU DE'I MCHAN LAS, 'DI BZHIN MDOR BSTAN DU DRANGS ZHES DANG, GSER PHRENG LAS, PHYOGS BCU'I NAS, PHUNG PO MA LUS PA'I MYANG 'DAS KYI BAR LA 'GOD PAR 'DOD PAS, ZHES GSUNGS PA'I PHYIR, DE BZHIN DU BCU GSUM PA NYI MA LTA BU'I SEMS BSKYED KYI MDOR GZHAN DON RGYAS BSHAD GSUNGS TE, GSER PHRENG LAS, SKABS 'DIR

127a

, ,GZHAN DON RGYAS BSHAD KYI PHYIN DRUG LA 'GOD PA YANG GSUNGS SO, ,ZHES GSUNGS PA'I PHYIR, BSTAN BSHAD GO RIM LOG PA SNGA MAS GZHAN DON GTZO BO MYANG 'DAS LA 'GOD PA DANG, PHYI MAS DE'I THABS PHYIN DRUG SOGS MANG PO GSUNGS PAS YIN GYI SPYIR KYI BSTAN BSHAD LTAR MIN ZER RAM DPYAD, KHO NA RE, RTZA BAR, BSDUS DANG RGYAS PA'I SGO NAS BRJOD, ,CES PA BAR MA'I MDO BZHIN DU YUM RGYAS BSDUS GNYIS KYIS KYANG BRJOD ZER BA MI 'THAD PAR THAL, GSER PHRENG LAS, YUM GYI MDO BZHIN DU STE DE DANG MTHUN PAR BYAS KYI RANG DGAR NI MIN NO, ,ZHES YUM GYI MDO BZHIN DU BSTAN BCOS KYIS BRJOD BAR GSUNGS PA'I PHYIR NA MA KHYAB STE, GNYIS KA LTAR RUNG BA'I PHYIR TE, BRGYAD STONG PA DANG SDUD PAR TSIG SO SOR MED KYANG MDOR RGYAS KYI DON TSANG BAR BSTAN PA'I PHYIR TE, PHYOGS GLANG GIS, BRGYAD STONG 'DIR DON MA TSANG BA MED CES DANG, RNAM BSHAD LAS, GZHAN GNYIS LAS KYANG DON TSANG BAR BSTAN PA'I PHYIR, ZHES GSUNGS PA'I PHYIR, KHO NA RE, 'GRO BA RIGS DRUG GI RTEN LA SEMS BSKYED SKYE BA YOD PAR THAL, SER RA STOD SMAD DANG BLO GLING BA'I YIG CHAR DE LTAR GSUNGS PA'I PHYIR NA MA KHYAB STE, RIGS DRUG GA'I SKYE BA 'PHEN BYED KYI LAS DBANG GIS SKYE BA BLANGS PA'I GANG ZAG GIS SEMS BSKYED PA LA DGONGS PA'I PHYIR, RTZA BAR 'DOD NA, SEMS BSKYED MA THAG PA'I DMYAL BA'I SHING RTA

127b

'DREN PA'I GYANG CHOS CAN, DMYAL BA PA YIN PAR THAL, DE'I RTEN CAN YIN PA'I PHYIR, 'DOD NA, DE CHOS CAN, SEMS DGA' BA DES BRGYAN PA'I GANG ZAG MA YIN PAR THAL, DMYAL BA PA YIN PA'I PHYIR, RTAGS GRUB STE DE'I SKAD DOD NAR GA ZHES PA'I RA GA DGA' BA DANG, DE NAS BKAG BKAG PAS DGA' MED ZER BA'I PHYIR, DE BZHIN DU GZHAN GNYIS KYANG ZAS KYIS YID GDUNG BA DANG, SEMS BLUN PAS NGAN 'GRO BAR BZHAG PA'I PHYIR, YIG CHAR, BDE NAS BDE BAR 'GRO BA LA, ,SOGS DRANGS PA DES YIN NO, ,GZHAN YANG, DE CHOS CAN, KHYOD NGAN 'GRO BA'I SEMS RTEN CAN YIN PAR THAL, DE'I RTEN CAN YIN PA'I PHYIR, KHYAB STE, DE'I RTEN GTZO BO SEMS SOGS PHUNG PO PHYI MA BZHI LA BYED PA'I PHYIR, DPER NA, GZUGS MED RTEN CAN BZHIN NO, ,DE LA DGONGS NAS YIG CHA RING PAR, 'GRO BA RIGS DRUG GA'I LUS RTEN LA THEG CHEN SEMS BSKYED GSAR DU SKYE BA YOD CING, NGAN SONG GSUM GYI RTEN LA THEG CHEN SEMS BSKYED GSAR DU SKYE BA NI MED DE, DE RNAMS KYI SEMS RTEN LA DE LTAR SKYE BA MED PA'I PHYIR, ZHES DANG, YIG CHAR, NGAN 'GRO BA'I SEMS RTEN CAN GYI BYANG SEMS YOD PAR THAL, BYANG SEMS LAS DBANG GIS DAN 'GROR SKYE PA YOD PA'I PHYIR, NAS, BRTZE BA'I BDAG NYID CAN YANG DUD 'GROR SKYES, ZHES GSUNGS PA'I PHYIR NA MA KHYAB STE, LAS DBANG GIS NGAN 'GRO BA'I LUS LANGS PA'I DON YIN GYI NGAN 'GROL GYUR PA MA

128a

, ,YIN PA'I PHYIR, ZHES GSUNGS SO, ,DES NA SEMS BSKYED MA NYAMS PAR LAS DBANG GIS NGAN 'GRO'I LUS BLANGS NA LUS KYIS SDUG BSNGAL MYONG YANG 'JUG PA LTAR SEMS KYI DGA' BDE LA MI GNOD BAR GROGS SU 'GRO BAS NGAN 'GRO BA DANG DER SKYES PA MIN LA, SEMS BSKYED SOGS NYAMS NAS LAS DBANG GIS DE'I LUS BLANGS TSE NGAN 'GRO BA SOGS YIN KYANG SLAR TSE DER MAR SHES SOGS SKYES TSE BDE 'GRO BAR GYUR PA, YIG CHAR, DANG POR NGAN 'GRO BA GANG ZHIG PHYIS BDE 'GRO BAR GYUR PA'I PHYIR NA MA KHYAB, CES PA'I DGONGS PA'O, ,YANG KHO NA RE, LAS NYON GYIS NGAN 'GRO'I LUS BLANGS PA'I BYANG SEMS SKYE BA 'PHEN BYED LAS CHOS CAN, BDE 'GRO BA'I SKYE BA 'PHAN BYED KYI LAS YIN PAR THAL, DE 'DRA'I BDE 'GRO BA DE'I SKYE BA 'PHEN BYED KYI LAS YIN PA'I PHYIR NA MA KHYAB, 'DOD NA, DGE SLONG SGRUL DU GYUR MA THAG PA'I SKYE BA 'PHEN BYED KYI LAS CHOS CAN, NGAN 'GRO BA'I SKYE BA 'PHEN BYED KYI LAS YIN PAR THAL, DE 'DRA'I SPRUL DE'I SKYE BA 'PHEN BYED KYI LAS YIN PA'I PHYIR, 'DOD NA, DGE SLONG DANG DE GNYIS TSE GCIG GIS BSDUS PA MA YIN PAR THAL LO, ,BYANG SAR, GZHI DANG RTAGS DANG PHYOGS RNAMS DANG, ,ZHES SOGS NI, MDO SDE RGYAN DANG BYANG SA'I BRJOD BYA RNAMS DON TSAN BCUR BSDUS PA'I SDOM YIN LA, BSDU TSUL MDO

128b

RGYAN GYI LE'U NYI SHU PA YAN GYIS RGYAL SRAS KYI SPYOD PA NYAMS SU LEN PA'I GZHI BSTAN CING, LE'U NYER GCIG PAS LHAG MA DGU BSTAN LA, BYANG SAR LE'U BCO BRGYAD KYIS RNAL 'BYOR GYI GNAS DANG PO GZHI'I RNAL 'BYOR GYI GNAS DANG, BYANG SEMS YIN PA'I RTAGS DANG, DE LA RAB BYUNG KHYIM PA'I PHYOGS KYI DBYE BA DANG, DES SEMS CAN LA LHAG BSAM 'JUG TSUL DANG, BYANG SEMS RIGS LA GNAS PA SOGS GNAS BCU GSUM STON PA'I LE'U BZHI'I RNAL 'BYOR GYI GNAS GNYIS PA DANG, SEMS CAN GYI DON DU SKYE BA LEN TSUL DANG, SEMS CAN RNAMS YONGS SU 'DZIN TSUL DANG, GNAS PA BCU GSUM DANG LDAN PA'I RIGS KYIS NAS MTHAR THUG TU 'GRO BA'I SA'I BAR BDUN DANG, PHA ROL TU PHYIN P'Am SPYOD PA SOGS SPYOD PA BZHI'I BAR STON PA'I LE'U BZHI DANG, THA MAR BA GNAS SANGS RGYAS KYI CHOS MA 'DRES PA BRGYA BZHI BCU STON PA MTSAN DPE'I LE'U, LHAG MA YONGS SU DAG PA BZHI SOGS STON PA'I LE'U STE LE'U DRUG GIS RNAL 'BYOR GYI GNAS THA MA BSTAN LA, DE NAS SA'I GO RIM GYI LE'U BCAS GSUNGS SO, ,MDO RGYAN DU DON TSAN PHYI MA DGU'I GO RIM BYANG SA DANG MI 'DRA'O, ,'JUG SDOM GSAR DU SKYE BA'I RTEN KHYAD PAR CAN LA SO THAR GYI SDOM LDAN DGOS KYANG, 'JUG SDOM GYI RTEN KHYAD PAR CAN LA MI DGOS TE, MCHAN LAS, RNAL 'BYOR BA CHEN PO'I ZHAL NAS, RGAN PO LONG BA'I RTEN DBYUG PAS BYED CING, PHYI NAS DBYUG PA MI 'GYEL BA RGAN POS 'GO NAS BZUNG BAS BYED PA LTAR, DANG POR

129a

, ,SKYE BA'I RTEN SO THAR GYIS BYED LA, DE NAS GZHAN GNOD GZHIR BCAS LAS LOG PA DE BYANG CHUB SNYING PO'I BAR MI 'CHOR BAR BYANG SDOM GYIS BYED CES GSUNGS TE, NAS, SNGA MA'I SA BON MA NYAMS SHING GZHAN GNOD GZHIR BCAS SPONG BA'I RIGS MA LOG PAS KHYAD PAR CAN DU 'GYUR RO, ,ZHES TSE 'PHOS KYANG SO THAR GYI SA BON MA NYAMS SHING GZHAN GNOD GZHIR BCAS SPONG BA'I RIGS MA LOG NA KHYAD PAR CAN YIN PAR GSUNGS PA'I PHYIR, DUS 'KHOR RGYUD LAS, GSUM LAS DGE SLONG MCHOG YIN 'BRING, ,DGE TSUL KHYIM PA THA MA YIN, ,ZHES DANG, ZLA BA SGRON ME'I'AM TING NGE 'DZIN RGYAL PO LTAR NA, RTEN KHYAD PAR CAN LA YANG MCHOG 'BRING DMAN GSUM 'BYED DGOS SO, ,BU STON SOGS SNGA MA MANG POS, BYAMS PA NAS THOGS MED JO 'O RJE SOGS LA BRGYUD PA SEMS TZAM LUGS KYI BYANG SDOM LEN TSUL DANG, DE LA RTEN SO THAR GYI SDOM LDAN DANG, LEN PA'I CHO GA SMON 'JUG RIM CHAR LEN PA DANG, RTZA LTUNG BYANG SA'I BZHI TZAM DANG, 'JAM DBYANGS NAS KLU SGRUB DANG ZHI BA LHA LA BRGYUD PA DBU MA PA'I LUGS, DE LA RTEN 'DOD LHA SOGS DANG, CHO GA SMON 'JUG GCIG CAR LEN PA DANG, RTZA LTUNG NAM SNYING GI MDO LTAR, BCU BZHI BYAS NAS LUGS THA DAD PAR BYAS PA NYA t'I KA TU LAM SGRON RANG 'GREL DANG, MDO BTUS 'GREL PA SOGS DRANGS NAS BKAG PA LTAR, BYANG CHUB GZHUNG LAM LAS, 'PHAGS PA KLU SGRUB DANG

129b

'PHAGS PA THOGS MED GNYIS CHO GA'I KHYAD PAR 'GA' ZHIG MI 'DRA BA MA GTOGS PA SDOM PA 'THOB PA'I CHO GA LA DON LA KHYAD PAR MED DO, ,DES NA LUGS DE GNYIS LA DBU MA PA'I LUGS DANG SEMS TZAM PA'I LUGS KYI THA SNYAD BYAS NAS BLANG BA'I YUL DANG LEN PA'I CHO GA DANG RTZA LTUNG MI MTHUN PAR SMRA BA NI MA BRTAGS PA CHEN PO'O, ,ZHES GSUNGS SO, ,GZHUNG LAM LAS, DON 'DI LA SNGON GYI DUS SU LUGS GNYIS BYANG STE, 'DI LTAR BYANG SEMS KYI SDOM PA SKYE BA DANG GNAS PA LA SO THAR RTEN DU DGOS PAR 'DOD PA RTEN CAN PA DANG, SO THAR GANG YIN NYAN THOS KYI YIN PAR BZUNG NAS BYANG SEMS KYI SDOM PA'I GEGS SU 'DOD PA'I RTEN MED PA'O, ,ZHES PA'I SNGA MA DE LA LHA SOGS MED PAR THAL BAS BKAG LA, DE NYID LAS, DES NA BYANG SAR SDOM PA'I TSUL KHRIMS NGOS BZUNG BA'I SKABS SU SO THAR RIS BDUN LA GSUNGS PA NI, SO THAR RIS BDUN DNGOS DANG DE DAG DANG BYANG SEMS KYI SDOM PA GNYIS THUN MONG BA'I RANG BZHIN GYI KHA NA MA THO BA SPONG BA GNYIS CHAR LA GO BAR BYA YI RIS MTHUN 'BA' ZHIG LA MI BZUNG NGO, ,ZHES DANG, YIG CHAR, SO THAR GYI SDOM PA DANG MI LDAN PA'I LHA'I 'GRO BA RGYUD LA'ANG MI DGE BCU SPONG GI NYES SPYOD SDOM PA'I DE 'JOG PA'I PHYIR TE, NAS, RNAM BSHAD KYI KHYAD CAN LA YANG DE YIN NO, ,ZHES GSUNGS PAS BYANG SA DANG, LAM SGRON

130a

, ,GYIS SO THAR RIS BDUN DGOS PAR GSUNGS PAS BYANG SDOM LDAN PA LA MA MTHA' MI DGE BCU SOGS SO THAR DANG THUN MONG BA'I RANG BZHIN GYI KHA NA MA THO BA SPONG DGOS PAR BSTAN TO, ,RTEN MED PAS NI, DE NYID LAS, RANG DON GYI BSAM PA MA LOG NA BYANG SEMS KYI SDOM PA MI SKYE BA'I PHYIR SKYE BA'I GEGS YIN LA, ZHES PA LTAR SO THAR BYANG SDOM SKYE BA'I GEGS SU 'DOD PAS DE'I LUGS LA BDAG CAG GI STON PA DGE SLONG YIN MIN SOGS DPYAD, BYANG SEMS SDOM LDAN LA SROG GCOD SOGS BDUN GNANG YUL, BYANG CHUB GZHUNG LAM LAS, SEMS CAN GYI DON LHAG PO MTHONG TSE BSLAB PA PHUL NAS BYED PAS KHYIM PA LA GNANG BA YIN GYI RAB BYUNG LA GNANG BA MA YIN NO, ,ZHES DANG, BSLAB BTUS SU SA MA THOB PA PHA ROL TU PHYIN PA SPYOD PA LA 'DI BSAM PAR BYA YI GZHAN LA NI MA YIN NO, ,ZHES PA LTAR BYANG SEMS KHYIM PAS MA THOB PA BSKAL PA DU MAR PHYIN DRUG SPYOD PA LA GNANG LA, DE LA DE BDUN DGE BA DANG MI DGE BA GANG GNANG ZHE NA, SNYING BRTZER BCAS PA MI DGE MED, ,CES PA LTAR MI DGE BA GNANG BA MIN KYANG MI DGE BA DE DAG GI GZHI LA ZHUGS PA GNANG BA YIN NO, ,GZHUNG LAM LAS, DE LTAR SROG DANG PHRAL NA NYES PA MED LA BSOD NAMS KYANG MANG DU 'PHEL LO, ,ZHES PA LTAR DE'I GZHI LA ZHUGS NA SROG GCOD KYI LAS DGE BA SOGS BSOD NAMS 'PHEL

130b

KYANG DGE BA GNANG ZHES MI BYA'O, ,DE DAG RTEN GYI GANG ZAG TSE 'PHOS PA'I TSE SROG GCOD SOGS LAS LAM MA YIN PAR 'GYUR MI 'GYUR DANG, LAS SEMS PAR 'DOD PA'I LUGS LA DE DAG GI DMIGS RNAM DANG 'DZIN TSUL CAN YOD MED DANG, SPYIR LUS NGAG GI LAS BDUN GYI DMIGS RNAM GANG YIN SOGS DPYAD GZHI MANG NGO, RTZA BAR SEMS BSKYED KYI NGO BO DANG, DMIGS YUL DANG DPE SA SOGS NYER GNYIS DANG DBYE BA NYER GNYIS DNGOS SU BSTAN CING, GROGS 'DUN SOGS NYER GNYIS DANG DPE DANG CHOS MTHUN SBYOR TSUL SHUGS LA BSTAN NO, ,MDO SDE RGYAN LAS, SPRO BA CHE DANG SOGS KYIS SKYES BU BYED PA DANG, DON BYED PA DANG 'BRAS BU YONGS SU 'DZIN PA'I YON TAN GSUM LA DMIGS PA'I SEMS BSKYED KYI NGO BO DANG BSKYED TSUL BSTAN LA, SEMS BSKYED DE NI SOGS KYIS SA MTSAMS KYIS DBYE BA DANG, DE YI RTZA BA SNYING RJER 'DOD, ,SOGS KYIS RGYU SNYING RJE DANG, BSAM PA SEMS CAN LA PHAN PA DANG, THEG CHEN LA MOS PA DANG, DE'I 'TSOL BAR DMIGS PA DANG, SA GONG DU 'DUN PAS 'GRO BA DANG, BYANG SDOM LA BRTEN PA DANG, DMAN PA'I YID BYED SOGS NYES DMIGS 'GOG PA DANG, PHAN YON TSOGS GNYIS 'PHEL BA DANG, PHAR RNAMS GOMS PAS SER SNA SOGS LAS NGES PAR 'BYUNG BA DANG, SA SO SO'I YONGS SBYONGS KYIS DE'I

131a

, ,PHAR PHYIN LA SBYOR BA MTHAR THUG PA STE, KHYAD PAR BCUS GTAN LA PHABS PA DBYIG 'GREL LTAR LA, ROL MTSOR NYES DMIGS DANG, MI MTHUN PHYOGS KYI KHYAD PAR GNYIS BYAS NAS DANG PO THEG CHEN GYI LAM 'GOG PA DANG, GNYIS PA THEG DMAN DU LTUNG BAR BYAS TE, KHYAD PAR BCU GCIG GSUNGS PA, DBYIG 'GREL LAS, LAM GCOD PA NI NYES DMIGS TE, LAM GCOD PA DE YANG GANG ZHE NA, MI MTHUN PA'I PHYOGS THEG PA GZHAN GYI SEMS SLONG ZHING DANG DU LEN PA'O, ,ZHES PHYI MA SNGA MA'I DON DU GSUNGS PA RTZA BA LTAR YIN PAS MI 'THAD DO, ,MDO RGYAN 'GREL PA THUB BSTAN RGYAS PA'I ME TOG TU 'OG GI BSKYED TSUL DANG, BCU GCIG DANG, PHAN YON GYI RKANG PA DANG PO RANG BZHIN GYI KHYAD PAR ZHES SBYAR BA 'GREL BSHAD DANG MTHUN GSUNGS KYANG, 'GREL PA DANG GSER PHRENG SOGS LAS SKYES TSUL GYI DE DBYE BAR SBYAR BA DANG, PHYI MA NI, 'GREL PA LAS, BSOD NAMS DANG YE SHES KYI RANG BZHIN DANG DGE BA'I RTZA BA'I 'PHEL BA NI PHAN YON NO, ,ZHES DGE BA'I RANG BZHIN LA SBYAR BA MIN NAM SNYAM STE, DER SKYES TSUL GYIS LNGA'I SNGA MA BZHI MI BRTAN LA PHYI MA BRTAN PAR BSHAD PA YANG 'GREL PA DANG GSER PHRENG SOGS DANG 'GAL BA'I PHYIR RO, ,GROGS STOBS SOGS KYIS SKYES TSUL GYIS BRNGA LAS BYUNG BA'I SEMS BSKYED LNGA DANG, DON DAM SEMS BSKYED LA, RDZOGS PA'I SANGS RGYAS RAB BSNYEN BYAS, ,SOGS RKANG PA BZHIS DAM PA GSUM TSANG BA'I DON DAM

131b

SEMS BSKYED KYI NGO BO DANG, CHOS DANG SEMS CAN SOGS MNYAM PA NYID BZHIS SA'I KHYAD PAR DANG, SKYE BA RGYA CHEN SOGS BZHIS GANG LAS SKYES PA'I RGYU'I KHYAD PAR BZHI DANG, THABS RGYA CHE BA SMON LAM BCU 'DEBS PA DANG, GZHAN DON LA SPRO BA DKA' SPYAD LA MI SKYO BA DANG, BSAM PA YANG DAG PAR BYANG CHUB PA THAG NYE BAR SHES SHING DE'I THABS SHES PA RNYED PA DANG, SA LHAG MA LA MKHAS PA GONG MA SGRUB PA DANG, SA GONG MAR NGES PAR 'BYUNG BA STE KHYAD PAR MDOR BSTAN NAS, TSIGS BCAD BZHIS RGYAS PAR BSHAD DO, ,BSKYED PAS DANG MTSUNGS PA STE, TSIGS BCAD DRUG GIS DPE'I SGO NAS DBYE BA NYER GNYIS BSTAN PA, 'GREL PAR BLO GROS MI ZAD PA'I MDO DRANGS NAS MI ZAD PA BRGYAD BCU DANG SBYAR BAS SBYOR BA DANG LHAG BSAM ZHES GO BZLOG PA DANG, PHAR PHYIN PHYI MA BZHI LAM SBYAR BAR BSHES GNYEN LTA BU NAS TSAD MED BZHI DANG, MNGON SHES LNGA DANG, BSDU DNGOS BZHI DANG, SO RIG BZHI DANG, RTON PA BZHI'I BAR LA LNGA SBYAR LA, THA MA LA THABS MKHAS DANG LDAN BZER BA MA GTOGS 'DUN SOGS NYER GNYIS DANG SBYAR TSUL 'DRA'O, ,DES NA MCHAN LAS, 'DIR 'DUN SOGS NYER GNYIS SO SOR PHYE BA'I MI ZAD PA BRGYAD CU NI ZHES PA DON THOB BAM BYANG PHYOGS SO SOR PHYE BA'I DON YIN GYI TSAD MED BSDU BZHI SO RIG RTON BZHI RNAMS DE LAS PHYE BA MIN NO, ,'DIR MNGON SHES LNGA DANG NYER GNYIS DRUG GRANGS PA BRTEN GZHI'I MDO'I DBANG GIS YIN NO, ,CHOS KYI SDOM BZHI LA CHOS KYI MDO BZHI ZHES PA'I RGYU MTSAN, BYANGS LAS, SANGS RGYAS

132a

, ,DANG BYANG CHUB SEMS DPA' RNAMS NI SEMS CAN RNAMS LA DE DAG DANG LDAN PA'I DON GYI CHOS PHAL CHER STON TE, DE'I PHYIR DE DAG NI CHOS KYI MDO ZHES BYA'O, ,DUS RTAG TU 'BYUNG ZHING 'BYUNG BA'I PHYIR YANG THUB PA THUGS ZHI BA SNGA MA RNAMS KYIS RTAG TU BRJOD CING BRJOD PA'I PHYIR YANG MDO ZHES BYA'O, ,'DI NI RNAL 'BYOR PA CHEN POR 'GYUR BA DANG, SRID PA'I RTZE MO'I GONG DU 'GRO BA'I LAM YIN TE, DE'I PHYIR MDO ZHES BYA'O, ,ZHES GSUM GSUNGS SO, ,CHER 'OS SEMS BSKYED SPANGS PA'I SKYE BO DAG ,SOGS TSIGS BCAD GCIG GIS SEMS BSKYED MA BSKYED PA'I NYES DMIGS GZHAN DON SEMS PA DANG, DE'I THABS RNYED PA DANG, DGONGS CAN GYI DON RTOGS PA DANG, CHOS KYI BDAG MED RTOGS PA'I MTHAR LTUNG BA DANG, BLO LDAN SEMS MCHOG SOGS BZHIS SEMS BSKYED MA THAG NAS NYES PA LAS SEMS BSRUNG ZHING GZHAN DON DU BDE SDUG GANG MYONG YANG DGA' BA DANG, GANG TSE GZHAN GYI SOGS BZHIS NGAN LAS KYIS GZHAN DON LAS MI BYED PA DANG, DE YI CHOS KUN SOGS RKANG PA BRGYAD KYIS NYON MONGS KYIS 'JIGS PA MED PA DANG, GZHAN DON BRTZON LDAN SOGS BZHIS MNAR MED SOGS KYI SDUG BSNGAL GYIS 'JIGS PA MED PA STE, PHAN YON BZHI DANG, SLOB DPON BRTZE CHEN SOGS BZHIS SEMS CAN YAL BAR DOR BA DGAG PA DANG, MGO LA SEMS CAN SOGS BZHIS LE

132b

LOS LA MDAL GYIS 'GRO BA BKAG STE, 'DI GNYIS KYIS NYES DMIGS DANG PHAN YON DE LTAR YIN PAS BSLAB BYA LA BRTZON PA BYA DGOS PAR BSTAN TO, ` ,KHA CIG NA RE, SEMS BSKYED KYI NGO BO THOGS MED SKU MCHED KYIS SEMS BYUNG DU BZHED PAR THAL, ZER BA NYA DPON DANG RED MDA' BA SOGS YIN LA, RTOGS SNANG DU YANG DE DAG DANG MTHUN PAR GSUNGS SO, ,DE LA YIG CHAR SEMS PA ZHES PA BYED TSIG YIN NO, ,ZHES PA GONG DU DON GNYER GYIS SEMS PAR BYED PA SEMS BSKYED KYI BSKYED PA'I DON DU BSHAD PA'I PHYIR, ZHES PA LTAR SEMS PAR BYED CES PA 'AM SMON PAR BYED CES PA YIN GYI NGO BO SEMS PA SOGS MIN ZHES PA'O, ,SHANTI PAS KYANG, MDO RGYAN RTZA 'GREL GYIS SEMS BYUNG DANG, RGYAN RTZA 'GREL GYIS SEMS SU BSHAD PAR 'DUG SNYAM NAS SEMS SEMS BYUNG GNYIS KA YOD PAR GSUNGS LA, BUDDHA SHRIS, DON DU GNYER BA NYID RNAM PAR RIG PA'I BDAG NYID YIN PA'I PHYIR, ZHES 'PHAGS SENG GI LUGS BKAG NAS DON GNYER GYI 'DUN PA SEMS SEMS BYUNG GNYIS KA YIN PAR BSHAD DO, ,RGYAN SNANG LAS, DON GNYIS LDAN PA'I SEMS 'BYUNG BA, ,ZHES BSHAD PAS SEMS PA DANG MTSUNGS PAR LDAN PA'I SEMS YUL KHYAD PAR CAN DU SNANG BA SKYE BA, ZHES SEMS SU GSUNGS PA RGYAN GNYIS DANG, THOGS MED SKU MCHED KYI DGONGS PAR GSER PHRENG DANG YIG CHAR GSUNGS NAS SNGA MA DE DAG BKAG

133a

, ,GO ,KHO NA RE, DE THOGS MED SKU MCHED KYI DGONGS PA MA YIN PAR THAL, GSER PHRENG LAS, SLOB DPON GZHAN DANG NAS, GROGS 'DUN PA DANG BCAS PA'I SEMS PA LA SMON LAM DU GSUNGS PAS SKU MCHED DGONGS PA GCIG TU 'DUG SNYAM, ZHES GSUNGS PA'I PHYIR NA MA KHYAB STE, SNGAR LTAR NYA DPON SOGS KYI BSHAD PA BKOD PA YIN PA'I PHYIR, GZHAN DUN GSER PHRENG LAS MDO RGYAN DANG BYANG SA SOGS DGONGS PA MI GCIG PAR BSTAN PA'AM, YANG NA RGYAN GNYIS DGONGS PA MI MTHUN PAR GSUNGS PAR THAL TE, DE NYID LAS, GNYIS PA NI GZHAN DON DU RDZOGS PA'I BYANG CHUB 'DOD PA DANG MTSUNGS LDAN DU 'BYUNG BA'I SEMS SO,, ZHES GSUNGS PA'I PHYIR, MCHAN LAS, RDZAS GCIG KYANG RDZAS MTSUNGS MI NYAMS TSUL ZHES PA, MDZOD MTHA' DPYOD LAS, SEMS SEMS BYUNG NGO BO DANG RDZAS MI GCIG ZER NA, NAS, MTSUNGS LDAN GYI SEMS SEMS BYUNG GI RDZAS DANG BYED LA LA KHYAD PAR MED PAR THAL, DE RNAMS RTEN DMIGS PA RNAM PA DUS RDZAS LNGA MTSUNGS PA'I PHYIR NA MA KHYAB STE, RDZAS MTSUNGS PA RDZAS RE RER 'DRA BA'I DON YIN PA'I PHYIR, ZHES PA DE YIN LA, RTOG GE 'BAR BA'I SEMS TZAM 'GOG PA'I SKABS DPYAD PA SNA TSOGS SHIG MDZAD SNANG, ZHES PA, DBU MA SNYING PO LAS, PHRA RAB GZUGS NI DU MA STE, ,SEMS KYI SPYOD YUL YIN MI 'DOD, ,

133b

RDZAS SU YOD PA MA YIN PHYIR, ,DPER NA ZLA BA GNYIS SNANG BZHIN, ,ZHES SEMS TZAM PAS 'OG MAR RDUL PHRA RAB RDZAS SU YOD NA YANG DE 'DUS PA RDZAS SU MED PAR BSHAD PA LA, DE NI DMIGS PA YIN 'DOD DE, ,ZHES PA LTAR BSAGS PA DE DMIGS PA YIN PA, DE'I RANG 'GREL LAS, BSAGS PA DANG 'DUS PA ZHES PA GNYIS LA KHYAD PAR CI YOD CE NA, RDUL PHRA RAB RIGS MTHUN PA GZHI GCIG LA BRTEN PA NI TSOGS PA ZHES BYA'O, ,GLANG PO DANG RTA LA SOGS PA DANG, SKYER PA DANG SENG LDING LA SOGS PA'I RIGS MI MTHUN PA GZHI THA DAD PA 'DUS BA LA DMAG DANG NAGS TSAL LA SOGS PAR GDAGS PA NI 'DUS PA ZHES BYA'O, ,ZHES BSAGS PA RDZAS YOD DU GSUNGS NAS, YANG NA SEMS TZAM BSGRUB PA'I PHYIR, ,SEMS LAS BYUNG RNAMS SEMS LAS NI, ,THA DAD MED PAR KHAS BLANG BYA, ,YANG NA RNAM RIG TZAM MI 'GRUB, ,CES SEMS BYUNG RNAMS DON DAM PAR SEMS KYI BDAG NYID TZAM DU GRUB NA, DE DAG SEMS DANG THA DAD MED PAR KHAS BLANG LA, YANG NA DE DAG DON DAM PAR SEMS DANG THA DAD YIN NA SEMS KYI BDAG NYID DU MI 'GRUB CES DANG, YANG NA TSOR SOGS 'DUS PA LA, SEMS SU GDAGS PAR SHES PAR GYIS, ,ZHES PAR, RANG 'GREL LAS, 'DI LA TSOR BA LA SOGS PA 'DUS PA NYID LA SEMS SU BTAGS NA SEMS RDZAS SU YOD PA NYID MA YIN PAR 'GYUR ZHING, DES NA KUN NAS NYON MONGS

134a

, ,DANG, RNAM PAR BYANG PA DAG GI GZHI CI YANG MED PAR 'GYUR BAS ZHES SOGS DNGOS SMRA PA'I 'DOD PA'I RDZAS GCIG DANG RDZAS BKAG PA DE YIN NO, ,SEMS BSKYED KYI DMIGS PAR 'GYUR BA'I RANG DON BYANG CHUB LA SPYIR BLA MED BYANG CHUB THAMS CAD 'JOG KYANG, DMIGS YUL GZHAN DON LA DKAR CHOS THAMS CAD 'JOG STE, NYI SNANG LAS, DKAR PO'I CHOS THAMS CAD LA DMIGS PA NI DE LA SRID PA'I PHYIR RO, ,ZHES DANG, LAM SGRIGS LAS, SEMS BSKYED KYI CHED DU BYA BA NI, 'PHRIN LAS KYI SKABS NAS BSTAN PA LTAR SHES PAR BYA'O, ,ZHES DANG, SEMS BSKYED NYER GCIG PA'I MDOR LONG BAS MIG THOB PA NAS BLA MED BYANG CHUB KYI BAR GSUNGS PA'I PHYIR, SEMS CAN NYON SGRIB SPANGS PA'I THAR PA LA 'GOD PA LTA BU RE RE BA LA DMIGS MI DGOS LA, DE LA 'GOD PA'I PHYIR SANGS RGYAS THOB PAR BYA'O SNYAM PAS KYANG MI CHOG STE, PHAR PHYIN LAM SGRIGS LAS, THEG CHEN SEMS BSKYED KYI DMIGS PA YONGS SU RDZOGS PA NI RANG GI THOB BYA RDZOGS PA'I BYANG CHUB DANG, GZHAN RGYUD KYI SDUG BSNGAL MTHA' DAG DANG BRAL BA, BDE BA MTHA' DAG DANG LDAN PA GNYIS KA YIN PAR SHES PAR BYA'O, ,ZHES PA LTAR RIS SU MA CHAD PA DGOS KYI SO SOR PHYI NAS DMIGS MI DGOS PA'I PHYIR, DPER NA, LONG BAS MIG THOB PAS MTSON

134b

PA'I SEMS CAN RNAMS SDUG BSNGAL MTHA' DAG DANG BRAL BA DANG, BDE BA MTHA' DAG LA 'GOD PAR BYA'O SNYAM PA'I SEMS BSKYED KYIS LONG BAS MIG THOB PA LA DMIGS PA SOGS GZHAN LA SHES PAR BYA'O, ,SEMS BSKYED KYI DMIGS YUL LA SEMS CAN KYANG 'JOG DGOS TE, SEMS CAN THAMS CAD LHAG MED DU 'DA' BAR 'DOD PA'I 'DUN PA'I DMIGS PA LA YOD PA'I PHYIR TE, SEMS CAN THAMS CAD BDE BA LA 'GOD 'DOD KYI BYAMS PA'I DMIGS PA LA YOD PA'I PHYIR, MCHAN LAS, GNAS SKABS KYI DMIGS PAR CI RIGS YOD PAR RJE BTZUN BLA MA RNAMS GSUNGS SO, ,ZHES GSUNGS PAS MIG DANG ZAS SOGS KYANG DMIGS PAR 'JOG GAM SNYAM STE, GZHAN RGYUD KYI MYANG 'DAS DE'I DMIGS PAR BZHAG PA'I PHYIR, BSOD GRAGS PA SOGS NA RE, RNAM BSHAD LTAR NA SMON SEMS TSOGS LAM NAS SA BDUN PA'I BAR DANG, 'JUG SEMS TSOGS LAM NAS SANGS RGYAS KYI SA'I BAR NA YOD LA, LAM RIM CHE CHUNG DANG, GSER PHRENG LTAR NA SMON SEMS TSOGS LAM KHO NA DANG, 'JUG SEMS 'JUG SDOM THOB PA'I TSOGS LAM NAS SANGS RGYAS KYI SA'I BAR DU YOD PAS LAM RIM SOGS DANG RNAM BSHAD MI MTHUN ZER, BSTAN DAR PA DANG GNYIS KAS SLOB PA MNYAM BZHAG PA'I RGYUD LA MNYAM BZHAG YE SHES LAS GZHAN PA'I LAM MED LA, BDEN 'DZIN MNGON DU GYUR PA'I BYANG 'PHAGS KYIS STONG NYID MNGON SUM DU MA

135a

, ,RTOGS KYANG DE'I RGYUD LA RNAM MKHYEN DON GNYER GYI DRAN 'DUN DU RE BA DANG, SEMS BSKYED MNGON GYUR DU YOD PAS 'JUG SEMS YOD ZER, BSTAN DAR PAS SMON SEMS SA BDUN PA'I BAR ZER, RJE BTZUN PAS DE BKAG NAS SMON SEMS TSOGS LAM NAS RGYUN MTHA'I BAR DU YOD PAR DE'I RGYUD NA RNAM MKHYEN DON GNYER GYI DRAN 'DUN DU RE BA DNGOS SU'AM MNGON GYUR DU MED PA BKOD DE, DE'I MTHA' DPYOD LAS, DE'I RGYUD KYI KUN RDZOB SEMS BSKYED DE SPYOD PA NYAMS LEN GYI BYA BA MNGON GYUR PAS ZIN KYANG, DES MNGON GYUR DU MA ZIN ZHES SMRA'O, ,ZHES ZER BA, YANG BSOD GRAGS PA'I SPYI DON LAS, TSIGS GSAL LAS, ZHES PA NAS, 'JUG SDOM MA THOB PA'I SEMS BSKYED DE SMON SEMS DANG, 'JUG SDOM THOB PA'I SEMS BSKYED 'JUG SEMS SU BSHAD LA, DE LA RJE BTZUN TZONG KHA PA CHEN POS BYANG CHUB LAM GYI RIM PA CHE CHUNG GNYIS DANG LEGS PAR BSHAD PA GSER GYI PHRENG BAR TSIG GSAL DANG SGOM RIM JI LTA BA BZHIN GSUNGS SHING, ZHES SMON 'JUG GI DON DE'I MTHA' DPYOD LAS, PHYOGS GNYIS THUN MONG DU 'JUG SDOM GYI BSLAB BYAS BSDUS PA'I SBYIN SOGS PAR PHYIN DRUG PO GANG RUNG GI NYAMS LEN GYI BYA BAS DNGOS SU ZIN PA'I SEMS BSKYED DE, 'JUG SEMS KYI MTSAN NYID DANG, DES DNGOS SU MA ZIN PA'I SEMS BSKYED DE, SMON SEMS KYI MTSAN NYID DU SMRA'O, ,ZHES SOGS NI, YIG CHAR, RTZA LTUNG BYUNG BA'I GANG ZAG GI RGYUD KYI PHYIN DRUG GI BYA BAS DNGOS SU ZIN PA'I SEMS BSKYED DE 'JUG

135b

SEMS YIN PAR BSLAB BTUS SGOM RIM LAM RIM RNAMS KYIS SGRUB STE, 'JUG SDOM GYI BSLAB BYAS BSDUS PA'I PHYIN DRUG GI BYA BAS DNGOS SU ZIN PA'I PHYIR, ZHES NANG 'GAL BSTAN LA, LUNG PHYI MA GNYIS KYIS SDOM PA BZUNG ZHES PA YANG 'JUG SDOM DNGOS BZUNG BA LA MI BYED PAR DE'I SPANG BYA RNAMS BSRUNG BA'I SEMS PA'I RIGS DANG LDAN PA LA BYED PA'I PHYIR TE, MCHAN LAS, 'JUG SDOM GYI SPANG BYA RNAMS BSRUNG BA'I SEMS PA'I RIGS DANG MI LDAN NA SPYOD PA LA SLOB KYANG SMON SEMS SU 'GYUR ZHES PA'I TSIG GI NUS BAS DE 'DRA'I BSRUNG SEMS THOB PA'I STENG NAS SPYOD PA LA SLOB PA'I SEMS BSKYED 'JUG SEMS DGOS PAR BSTAN PA YIN GYI, SDOM PA BZUNG PHYIN CHAD KYI SEMS BSKYED THAMS CAD DER STON PA MIN PA LA DGONGS NAS 'DIR YANG LAM RIM GYI LUNG 'DI DRANGS PAR SNANG BAS, ZHES GSUNGS PA'I PHYIR DANG, KHO RANG GIS PHYOGS GNYIS THUN MONG DU ZHES DGONGS PA GCIG TU GSUNGS PAS, SPYI DON DU LAM RIM DANG, RNAM BSHAD MI MTHUN ZER BA BRTAG DGOS PAR YANG GSUNGS SO, ,YIG CHAR, 'JUG SDOM GYI SNGON DU 'JUG SEMS THOB PA, LAM RIM CHUNG DU LAS, DES NA BSLAB BYA RNAMS SHES PAR BYAS TE, ZHES SOGS KYIS SGRUB CING, DBU MA RGYAS PA LAS, BSLAB BTUS SU SPYOD PA DANG BRAL BA'I SEMS BSKYED LA DRANGS LA DE SMON SEMS GTZO ZHING, RDO RJE RIN PO CHE CHAGS ZHES PA LTAR NA, 'JUG SDOM SHOR NAS 'JUG SEMS LA GNAS PA LA YANG SBYAR RUNG BA'I PHYIR TE, RNAM BSHAD LAS,

136a

, ,MDO 'DI BSLAB BTUS LAS BYANG SEMS KYI SPYOD PA DANG BRAL BA LA YANG BRNYES PAR MI BYA BA'I SHES BYED DU DRANGS PA'I PHYIR DANG, SA THOB LA SEMS BSKYED SPYOD PA DANG BRAL BA MI SRID PA'I PHYIR, ZHES GSUNGS PA'I PHYIR, ZHES PA YIG CHAR, GZHAN DU BSHAD ZIN TO, ,ZHES PA DE YIN PA'I PHYIR, SLOB PA MNYAM BZHAG PA'I RGYUD LA SEMS BSKYED YOD PAR, YIG CHA RNYING PAR, RNAM 'GREL LAS, THAMS CAD LAS NI SEMS BSDUS NAS, ,NANG GI BDAG NYID GA-YO MED PAR, ,GNAS NA'ANG MIG GIS GZUGS DAG NI, ,MTHONG BA'I BLO DE DBANG SKYES YIN, ,ZHES SEMS RTZE GCIG TU GNAS PA'I GANG ZAG GI RGYUD LA MIG SHES YOD PA DANG, RTZE GCIG GSAL BAS SGRIB NA YANG, ,SEMS KYI KHYAD PAR RGYUN NGAG LA, ,ZHES TSOR BA BDE BA MNGON DU GYUR PA'I RGYUD LA TSOR BA SDUG BSNGAL YOD PAR GSUNGS PA DANG, RNAM BSHAD LAS, STONG PA NYID LA MNYAM PAR BZHAG BZHIN PA'I DUS NA GANG ZAG DE'I RGYUD LA THEG CHEN SEMS BSKYED YOD MOD KYI, ZHES SOGS DANG, LAM RIM LAS, DES NA THEG CHEN PA NI SEMS DE YOD MED KYI RJES SU 'GRO LDOG BYED DO, ,ZHES SOGS KYIS BKAG GO ,BDEN 'DZIN MNGON DU GYUR BA'I BYANG 'PHAGS RGYUD KYI SEMS BSKYED DE SMON SEMS YIN TE, PHYIN DRUG GI BYA BAS DNGOS SU MA ZIN PA'I PHYIR TE, SMON SEMS DANG MTSUNGS LDAN GYI SEMS BYUNG RNAMS PHYIN DRUG GI BYA BA YIN KYANG DES ZIN PAS SNGA MA'I GO MI CHOD PA'I PHYIR,

136b

DER THAL, DE LA THABS SHES GNYIS TSOGS SHUGS MA NYAMS PAS DNGOS SU ZIN PA DGOS PA'I PHYIR TE, YIG CHAR, SEMS BSKYED KYI TSOGS PA DE TZAM MA YIN PAR NAS, THABS SHES GNYIS DNGOS SU TSAR BA GCIG DGOS PA'I PHYIR, ZHES DANG, SMON SEMS MNGON GYUR DANG 'JUG SEMS MED PAR SBYIN SOGS SPYAD KYANG 'DI'I SPYOD PAS ZIN GO MI CHOD PAR THAL, 'DI LA SEMS CAN GZHAN DON DU CHAS PA'AM SPYOD PAR CHO GAS ZHUGS PA GANG RUNG ZHIG DGOS PA'I PHYIR, ZHES GSUNGS PA'I PHYIR, DE LA KHO NA RE, BSAM GYIS MI KHYAB PA'I 'CHI 'PHO LA GNAS PA'I DAGS PA'I RGYUD KYI SEMS BSKYED CHOS CAN, SMON SEMS YIN PAR THAL, ZIN BYA ZIN BYED GANG YANG MNGON GYUR DU MED PA'I DUS KYI SEMS BSKYED YIN PA'I PHYIR NA MA KHYAB STE, YIG CHA'I DE NI 'OG TU PHYIN DRUG GI BYA BA DANG SEMS BSKYED KYI SHUGS DNGOS SU CIG CAR 'JUG PA DE DE YIN PA'I PHYIR, ZHES PA LTAR ZIN BYA ZIN BYED KYI SHUGS DNGOS SU MI 'JUG PA'I DUS KYI DE LA DGONGS SO, ,'DI DANG LAM RIM CHUNG NGU LAS, STONG NYID RTOGS PA'I SHES RAB SHUGS DRAG NA SOGS KYIS, RJE BTZUN PAS, RGYUN MTHA' PA'I SEMS BSKYED MNGON GYUR PA MIN PAS SPYOD PA NYAMS LEN GYI BYA BAS DNGOS SU MA ZIN PAR RNAM BSHAD KYI DRAN 'DUN DU RE BA DNGOS SU YOD PA NI, ZHES PAS SGRUB BA BKAG STE, DE DNGOS SU YOD NA MNGON GYUR DU YOD MI DGOS PA'I PHYIR, YIG CHA RNYING PAR, GTONG BA'I SEMS PA SPEL BA'I RNAM PAR SHAR BA'I DUS NYID NA, ZHES PAS GROGS PHYIN DRUG GI NYAMS LEN DE BSTAN, RNAM MKHYEN DON GNYER GYI

137a

, ,DRAN 'DUD DU RE ZHES BAS ZIN BYA SEMS BSKYED BSTAN PA'I PHYIR, ZHES PA LTAR DNGOS SU YOD NA MNGON GYUR DU YOD MI DGOS PA'I PHYIR, YIG CHAR, NYAMS LEN MA SMOS PAR DE LTAR BYA BA LA SBYAR NA SANGS RGYAS KYI BAR LA KHYAB PA'I PHYIR, ZHES PAS SNGA MA RNAMS BKAG PAS DE DAG GIS NYAMS LEN GYIS DNGOS SU ZIN PA'I RNAM MKHYEN BZHAG PA 'DRA LA, RANG LUGS LA MI SLOB LAM STOBS CHE BAS RGYUN MTHA'I LAM GYIS SHUGS MI 'JUG GAM DPYAD, MCHAN DU PHYOGS GLANG GI BYUNG PA SOGS LA BRTAG NA ZHES TSAD MA MDO BRTZOM DUS MCHOD BRJOD BZHUGS GNAS KYI BRAG NGOS LA RDO THAL GYIS BRIS PA NAS GA-YO BA DANG, MU STEGS CAN RNAMS RENGS PA SOGS KYI LTAS BYUNG BAN MU STEGS STON PA NAG PO THUB RGYAL GYIS SHES NAS LAN GNYIS BSUB, GSUM PA BRIS TE GYAL GA SOGS KYIS YIN NA DGOS PA CHE, RTZOD 'DOD PA YIN NA LUS SNANG BAR GYIS SHIG ,CES BRIS PAS, BSOD SNYOMS LAS 'ONG BA NA KHO RANG BYUNG 'DUG PAR BSTAN PA DPANGS SU BTZUGS TE BRTZAD PAS LAN GSUM PHAM PAS BSTAN PAR ZHUGS ZHES PAS KHO KHROS PA'I KHA NAS ME 'BAR TE, SLOB DPON GYI CHAS KA RNAMS TSIGS PA NA, SEMS CAN GCIG GI DON YANG MI NUS NA RDO THAL NAM MKHA' 'PHANGS NAS 'DIS LA BABS PA NA SEMS BSKYED 'DOR SNYAM PA NA RJE BTZUN 'JAM DBYANGS BYON NAS KHYOD SANGS RGYAS KYI BAR DU BDAG GIS MGON BYA'O, ,'DI MA 'ONGS PA NA 'GRO BA KUN GYI MIG TU 'GYUR RO, ,ZHES GSUNGS PA DE YIN NO, ,KUN

137b

DKRIS CHEN PO'I YAN LAG BZHI'I DANG PO NI, SLAR YANG DE LA SPYOD 'DOD YOD PA DANG, GNYIS PA NI, RANG GI CHA MIN SNYAM NAS 'DZEM BA NGO TSA SHES PA DANG, GZHAN LA 'JIGS NAS 'DZEM PA KHREL YOD PA CHUNG NGU TZAM YANG MI SKYED PA DANG, GSUM PA NI, NYES SPYOD DE LA MGU BA DANG, DE'I SBYOR BA LA DGA' BA'O, ,BZHI PA NI, NYES SPYOD DE LA YON TAN DU LTA BA'O, ,LOG LTA NGANG SEMS 'DOR MA GTOGS PA GZHAN BCU DRUG LA BZHI KA TSANG NA KUN DKRIS CHEN PO STE RTZA LTUNG DANG NYES DMIGS SU LTA BA MED NA GZHAN MED KYANG 'BRING DANG, DO YOD NA CHUNG NGU'O, ,BYANG CHUB BZANG POS NAM SNYING GI MDO'I RTZA LTUNG BCU BZHI RTZA LTUNG MIN PAR GSUNGS TSUL DANG, AA BHYAS DE BCU BZHI BYANG SA'I BZHIS BSDUS PAR 'DOD TSUL SOGS BYANG CHUB GZHUNG LAM LAS SHES PAR BYA'O, ,RJE BTZUN PA'I MTHA' DPYOD LAS, BYANG SEMS KYI SDOM PA RGYUD LA LDAN PA'I LAM MA ZHUGS KYI GANG ZAG DES SEMS CAN THAMS CAD KYI DON DU SANGS RGYAS THOB PAR BYA'O SNYAM PA'I SEMS BTANG BA'I TSE SMON PA BYANG CHUB KYI SEMS 'DOR BA'I RTZA LTUNG 'BYUNG BAR 'JOG PA'I PHYIR, ZHES GSUNGS PAS, SEMS 'DOR GYI RTZA LTUNG BYUNG KHA'I LAM MA ZHUGS YOD DAM DPYAD, DPA' BAR 'GRO BA'I MDO LAS, BDUD KYIS GA-YO BYAS NAS SEMS BSKYED PA DANG, BSKAL BZANG DU THAG BAS RAS KYI KHA TSAR PHUL NAS SIMS BSKYED PA DANG, RGYAL PO LA GDAMS PA'I MDO LAS, RJES SU YI RANG NAS SANGS RGYAS DANG BYANG CHUB SEMS DPA' DANG, 'PHAGS PA NYAN THOS DANG RANG SANGS RGYAS THAMS CAD LA MCHOD PA BYA

138a

, ,BAR PHUL CIG PHUL NAS SEMS CAN THAMS CAD DANG THUN MONG DU GYIS SHIG CES PA LTAR, GSAL RGYAL GYIS GANG ZAG LNGA'I DGE RTZA LA YI RANG BYAS TE SANGS RGYAS SOGS LA PHUL BDE SANGS RGYAS THOB PA'I RGYUR BSNGO BA LA GSUNGS PAS, HA LA MCHAN DU, DBUL PO NGES PA LA SBYAR BA 'PHREL MED DO, ,SMON SEMS LAM SBYONGS PAR CHO GAS BSKYED PA YOD PAS, SMON SEMS BSKYED KYANG MA SKYES PA MANG NGO BSLAB BTUS ZIN DRIS NA DPYAD RGYU ZHIG YOD CES PA, DE NYID LAS, SMON PA'I SEMS NI 'BRAS BU LA DAM BCA' BA TZAM YIN NA, NAS, DE TZAM LA BSOD NAMS CHEN PO 'BYUNG NA BSLAB BYA LA BSLAB PAR DAM 'CHA' BA'I 'JUG PA'I SEMS LA BSOD NAMS CHEN PO 'BYUNG MOD, CES PA DE YIN LA, NGES SNGA MA 'BRAS BU BYANG CHUB LA SMON PA TZAM DANG, PHYI MAS DE'I STENG DU BSLAB BYA LA BSLAB PAR DAM 'CHA' BAR GSUNGS KYI 'BRAS BU DANG RGYU LA DAM BCA' BA'I SEMS BSKYED CES THA SNYAD MA BTAGS SO, ,KHA CIG ,'JUG SDOM DANG 'JUG SEMS CIG CAR KHO NAR SKYE BAR RNAM BSHAD LAS, 'JUG SDOM DANG 'JUG SEMS GNYIS 'GAL YANG DE BSKYED PA NI SDOM PA BZUNG BA'I DBANG KHO NA LAS SHES PAR BYA'O, ,ZHES PA'I DON YIN ZER, LA LAS, DE RNAM BSHAD KYI DON DU BYAS NAS, LAM RIM LAS, SPYIR SNGAR BSHAD PA LTA BU'I MYONG BA MA SKYES KYANG THEG PA CHEN PO'I BSLAB BYA RNAMS SHES SHING THEG CHEN LA MOS PA BRTAN NA SNGON LA SEMS BSKYED PA DANG SDOM PA BZUNG NAS DE NAS BYANG CHUB KYI SEMS SBYONG BA'ANG YOD

138b

DE, ZHES PA DANG MI MTHUN ZER, MCHAN DU BSOD GRAGS SOGS GSUNGS PA DE'I SPYI DON SOGS SU MI GSAL YANG DE GNYIS CIG CAR KHO NAR THOB PAR 'DOD PAS YIN NAM SNYAM LA, LAM RIM DANG LAM RIM CHUNG DU LAS, DES NA BSLAB BYA RNAMS NAS, SDOM PA BLANGS NA SHIN TU BRTAN PAS ZHES PA'I 'GREL TSUL DANG, LAM MA ZHUGS NA DBANG THOB PA MED PAR 'DOD DAM DPYAD, RKYEN BZHI'I SGO NAS BSKYED PA'I DE LA SEMS BSKYED MI DGOS TE, LAM RIM LAS, SEMS BSKYED PA 'DI BYANG CHUB LA THOB 'DOD SKYES PA'I SGO NAS BZHAG GI CHED DU BYA BA'I SGO NAS MA BZHAG PAR SNANG NGO, ,ZHES GSUNGS PA'I PHYIR, SEMS BSKYED PA RTAN MI BRTAN NI LAM RIM LAS, DE YANG RGYU RKYEN BRGYAD SO SO BA'AM, TSOGS PA LA BRTEN NAS RANG DANG RGYU'I STOBS LAS SKYES NA BRTAN LA, RGYU RKYEN DE DAG LA BRTEN NAS GZHAN DANG SBYOR BA'I STOBS LAS SKYES NA MI BRTAN PAR BYANG SA LAS GSUNGS SO, ,ZHES PA LTAR RO, ,RGYU BZHI DANG STOBS BZHI GANG RUNG GIS SEMS BSKYED PA SEMS BSKYED DNGOS DGOS SAM DPYAD, YIG CHAR RNYING PAR, SANGS RGYAS 'PHAGS PA'I RGYUD KYI KUN RDZOB SEMS BSKYED CHOS CAN, DON DAM SEMS BSKYED YIN PAR THAL, DE'I MTSAN NYID DE'I PHYIR, 'DOD NA, DE CHOS CAN, THEG CHEN GYI SHES RAB KYI RTOGS RIGS SU GNAS PAR THAL, 'DOD PA'I PHYIR NA MA KHYAB, CES DANG, KHO NA RE, DON DAM SEMS BSKYED YIN NA, SA DANG PO YAN CHAD NA YOD PAS KHYAB PAR THAL, ZHES SDE RGYAN DANG 'JUG PA DRANGS

139a

, ,NAS MA KHYAB STE, DMAN LAM SNGON DU MA SONG BA'I DBANG DU BYAS NA DON DAM SEMS BSKYED SA DANG PO NAS THOB PA DE DE GNYIS KYI DON YIN PA'I PHYIR, ZHES PA'I PHYI MA RGYU TSOGS GNYIS BSKAL CHEN GRANGS MED GCIG LA BSAGS PA DGOS PAS KHEGS LA, SNGA MA NI MCHAN LAS, GZHUNG GI THOB TSOD NI DON DAM SEMS BSKYED KUN RDZOB SEMS BSKYED YIN PA'I DBANG DU BYAS SNANG YANG, ZHES PA LTAR YIN TE, YIG CHAR, THABS KHYAD PAR CAN DU BYAS NA SLOB LAM NA RUNG YANG SEMS BSKYED GNYIS KYI GZHI MTHUN 'DOD NA MI RUNG BA'I ZHES SLOB LAM NA GZHI MTHUN MED PA DANG, GZHI MTHUN DE THABS KHYAD PAR CAN MIN PA DANG, KHYAD PAR CAN SNGAR SA BON SOGS LA BSHAD PA LEGS PAR GSUNGS PA'I PHYIR, LAM DUS NA BDEN MED RTOGS PA'I STOBS KYIS SEMS CAN GYI DON SGRUB NUS SU MTHONG NAS SEMS BSKYED LA SPRO SHUGS CHER 'GRO BAS DE SGOM PA'I GROGS BYED TSUL KHYAD PAR BDE 'DRA MI RTAG SOGS RTOGS PA LA MED LA, DE'I RGYU MTSAN GYIS YE SHES DE RANG STOBS KYIS ZHI MTHA' 'GOG BYED KYANG YIN LA, NYAN THOS 'JIG SRED KYI SGRIB PA SOGS SEMS BSKYED KYI MI MTHUN PHYOGS RANG STOBS KYIS 'GOG PAS, BYED LAS 'DRA LA, SANGS RGYAS SAN SEMS BSKYED SPON GYI BYED LAS MA GTOGS DMIGS YUL GYI SGO NAS BZHAG TU MED PAS DE SEMS BSKYED DU BZHAG PA YIN NO, ,YIG CHAR, ZIN BYA ZIN BYED GNYIS GANG RUNG ZHIG DNGOS SU MED KYANG DNGOS SU ZIN PA YOD DE,

139b

ZHES PAS, ROL MTSO LAS, BDEN 'DZIN MNGON GYUR BRGYUD LDAN GYI BYANG SEMS KYI RGYUD LA BDEN 'DZIN DU GYUR PA'I YID KYI RNAM PAR SHES PA DANG, THEG CHEN SEMS BSKYED GNYIS KA CIG CAR DU MNGON GYUR DU YOD PA'I PHYIR DANG, GTONG SEMS SPEL BZHIN PA'I BYANG SEMS KYI RGYUD LA GTONG SEMS KYI NGO BOR GYUR PA'I YID KYI RNAM SHES GCIG DANG, THEG CHEN SEMS BSKYED KYI NGO BOR GYUR PA'I YID KYI RNAM SHES GNYIS CIG CAR DU MNGON GYUR DU YOD PA GANG ZHIG , DE GNYIS RIGS MTHUN YIN PA'I PHYIR, ZHES PA 'GOG PA YIN NO, ,'DIS YID KYI RNAM RIG SMON PAS SANGS RGYAS KYI MIG SHES GCOD CES KYANG GSUNGS SO, ,RJE BTZUN PA SOGS KYIS TSOGS LAM CHUNG NGU BA'I SEMS BSKYED DE BDUN PA DANG MTSUNGS LDAN GYI SEMS BSKYED MA YIN PAR 'DOD PA LA, YIG CHAR, RNAM MKHYEN DON GNYER GYI 'DUN PA DANG DE BYA BA MTSUNGS PAR 'JUG PA DANG LDAN PAS TSIG BSDUS NAS MTSUNGS LDAN ZHES BSHAD CES PA NI, 'GREL PAR, LDAN PA RNAMS NI ZHES DANG, GSER PHRENG RNAM BSHAD GNYIS KAR 'DUN PA DANG MTSUNGS LDAN LDAN PA'I SEMS BSKYED PA NI, ZHES PA'I DGONGS PA'O, ,DE LAm KHO NA RE, DE CHOS CAN, 'DUN PA DANG MTSUNGS LDAN GYI SEMS BSKYED YIN PA'I PHYIR NA MA KHYAB, ` DES GZHAN KUN KYANG SHES PAR BYA, ZHES GSUNGS PAS, RGYAL PO LTA BU'I SEMS BSKYED CHOS CAN, MNGON SHES DANG PO DANG RTON BZHI'I DANG PO DANG

140a

, ,MTSUNGS LDAN GYI SEMS BSKYED YIN PAR THAL, RTON PA BZHI DANG, MNGON SHES DANG MTSUNGS LDAN GYI SEMS BSKYED YIN PA'I PHYIR NA MA KHYAB STE, RE RE DANG BYA BA MTSUNGS PA MA YIN PA'I PHYIR TE, RE RE TZAM GYIS GDUL BYA'I DON RDZOGS PAR SGRUB MI NUS PA'I PHYIR, DE MNGON SHES DANG BYA BA MTSUNGS PA'I LAM YIN KYANG DE DANG MTSUNGS LDAN GYI LAM MIN ZER BA SOGS ZHIB CHA DGOS SO, ,YIG CHAR, TSOGS LAM NA SBYOR BA DANG MTSUNGS LDAN GYI DE YOD PA'I PHYIR, DER THAL, DE NA RANG GROGS SBYOR BA DANG MTSUNGS LDAN GYI SEMS BSKYED YOD PA'I PHYIR NA MA KHYAB, CES SBYOR BA DANG LDAN PA'I SEMS BSKYED DE NA MED PAR GSUNGS PA DANG, GSER PHRENG LAS, RGYAN LAS, SBYOR BA DANG LDAN PA ZLA BA DANG, LHAG BSAM DANG LDAN PA ME LTA BUR GO BZLOG STE BSHAD PA NI, GNYIS KA YANG TSOGS SBYOR GNYIS KAR 'BYUNG BA SHES PAR BYED PA'O, ,ZHES PA DANG 'GAL ZHE NA, DE NI MI ZAD PA BRGYAD CU'I NANG GI DE TSOGS SBYOR GNYIS KAR YOD PA'I DON NO, ,'O NA, DE'I SBYOR BA LA STONG NYID RTOGS PAS KHYAB PAR THAL, 'DOD PA'I PHYIR, 'DOD NA, YIG CHAR, DE'I SBYOR BA LA RGYAS SRAS KYI SBYOR BA'I RIGS THAMS CAD YOD PA'I PHYIR, ZHES GSUNGS PA'I PHYIR NA MA KHYAB STE, DE MI ZAD PA BRGYAD CU'I DE YIN PA SGRUB BYED KYIS SHES PA'I PHYIR DANG, BLO GROS MI ZAD PAR SBYOR BA MI ZAD PA BZHI, TSUL KHRIMS MI ZAD PA BCU DRUG

140b

SOGS MI ZAD PA RE RE LA DBYE BA MANG DU BYAS KYANG DE THAMS CAD SKABS 'DI'I SEMS BSKYED DANG BYA BA MTSUNGS MI DGOS PA'I PHYIR RO, ,CHA BA'I PHAR PHYIN LAS, DES NA SLOB DPON DBYIG GNYEN DANG 'PHAGS PA LTAR SBYAR BAR BYA'O, ,ZHES PA NI MDO RGYAN 'GREL BA DANG NYI SNANG GNYIS KAR BGROD PA GCIG PA NYID NI SA DER GTOGS PA'I BYANG CHUB SEMS DPA' RNAMS, ZHES DANG, RGYAN SNANG LAS, GZHAN DAG NI RGYAL PO CHEN PO DANG 'DRA BA LA SOGS PA SEMS BSKYED PA BRGYAD PO NYID BYANG CHUB SEMS DPA'I SA LAS KHYAD PAR GYI LAM GYIS BSDUS PA NYID YIN NO, ,ZHES ZER RO, ,ZHES 'PHAGS PA PHYOGS SNGAR BLANGS KYANG DE LTAR 'THAD CES PA YAL GA LTA BU'I NYI SNANG LA BRTEN NAS KHO RANG GI 'GREL RGYU'I RTZA BA 'GREL CHUNG BKAG CES PA'O, ,RGYAS PAR MCHAN 'GREL DU BSHAD ZIN TO, ,'GREL PAR SA MTSAMS GSUNGS PA GZHUNG GI DNGOS BSTAN GYI SEMS BSKYED RNAMS GSAR THOB GYIS MTSAMS YIN PAS, GZHUNG GI DNGOS BSTAN GYI GSER LTA BU'I SEMS BSKYED TSOGS LAM CHUNG NGU NA MED KYANG SPYIR GSER LTA BU'I SEMS BSKYED DER YOD CES NA DGONGS PAR 'GRO'O, ,BSDU BA LAM GSUNGS PA'I SEMS BSKYED BCU'I MA NGES PA DANG NGES PA NI, DE NYID LAS, DE'I RIGS CAN SEMS BSKYED PA LAS PHYIR LDOG PA'I CHOS CAN RNAMS KYI GANG YIN PA'O, ,SEMS BSKYED PA NGES PA NI DE LAS LDOG PA LAS RIG PAR GYA'O, ,ZHES RDZOGS BYANG LAS SLAR LDOG MI LDOG DANG, STOBS CHUNG BA

141a

, ,DANG STOBS DANG LDAN PA NI, KUN DKRIS KYIS NYAMS MI NYAMS LA BYAS PAS PHAL CHER 'DRA LA, YONGS SU DAG PA NI, DE NYID LAS, LA LA GZHAN GYI RJES SU ZHUGS PA'AM RGYAL POS 'JIGS PA'AM, NAS, DE LTA BU DANG MTHUN PAR SEMS BSKYED PAR BYED PA GANG YIN PA ZHES GSUNGS PAS, SEMS BSKYED MIN LA, GZHAN RNAMS YIN PA 'DRA'O, ,ROL MTSO LAS, GROGS STOBS KYIS BSKYED PA SOGS RAGS PA BRNGA LAS BYUNG BAR GSUNGS KYANG, RANG LUGS LA MDO LAS, JI LTAR SHUN PA DE BZHIN SMRA BA STE, ,ZHES PA LTAR RAGS PA BRDA LAS BYUNG BA TSIG RJES 'BRANG TZAM YIN PAS SEMS BSKYED MIN LA, BSDU BA'I DE MOS PA YID BYED TZAM LAS BYUNG BAS DANG, MDO RGYAN GYI DE CHO GAS SAM CHOS BSTAN PA LAS BYUNG BAS BRDA BYUNG DU GSUNGS PAS MI 'DRA'O, ,RAGS PA BRDA LAS BYUNG BA BYANG SEMS KYI RGYUD LA YOD MED SOGS DPYAD, CHED DU BYA BA SEMS CAN THAMS CAD KYI DON DU RANG DON BLA MED BYANG CHUB THOB PAR BYA'O SNYAM DU DAM BCA' BA'I DON LA BSAM BYUNG GIS NGES PA RNYED PA NA SEMS BSKYED DNGOS SU GYUR PA YIN NO,, ` ,,RJE BTZUN PA DANG BSOD GRAGS PA SOGS NA RE, SANGS RGYAS KYI BKA' YIN NA, THEG CHEN GYI BKA' YIN DGOS PAR THAL, SANGS RGYAS KYI NGAG YIN NA THEG CHEN GYI NGAG YIN DGOS PA'I PHYIR NA RTAGS MA GRUB STE, GDAMS NGAG GI SKAD DOD AU BA DE SHA NYE BAR STON PA ZHES PA LAS NGAG GI SKAD DOD MED PA'I PHYIR DANG, DE'I TSIG ZUR GYI NGAG DE MING

141b

TSIG NGAG GSUM GYI NGAG TSIG GI TSOGS PA LA BYED PA'I PHYIR TE, TZANDRA PA'I 'GREL PA LAS, TSIG TSOGS PA NI NGAG GO ,ZHES GSUNGS PA'I PHYIR, DER YANG MA NGES TE, BDAG MED CES PA'I MDO DE'I NGAG KYANG MA YIN PA'I PHYIR RO, , SPYIR NGAG LA SKYES BU'I LCE RKAN LAS BYUNG BA DGOS TE, LCE MED NA NGAG LKUGS PAR 'GYUR BA'I PHYIR, 'DIR BSTAN GDAMS NGAG BCU PO NGAG YIN PA'I PHYIR NA MA KHYAB, CES PAR RANG LDOG YIN GYI MA KHYAB STE, DE LA ZHAL NAS MA GSUNGS PAR THUGS RGYUD LA LDAN PA YOD PA'I PHYIR RO, ,RJE BTZUN PA'I ROL MTSOR, GZHAN DBANG YONGS GRUB BDEN GRUB TU STON PA'I MDO SEMS BSKYED KYI CHED DU GNYER BYA'I THABS MA NOR BAR STON PA'I NGAG YIN PAR GSUNGS KYANG, MTHA' DPYOD DU MIN PAR GSUNGS LA, DE RJOD BYED RNAM DAG YIN KYANG NGAG RNAM DAG MIN ZER, DES THAR LAM STON TSUL NOR BAR THAL BA DANG, SANGS RGYAS LA YANG DAG RNAM DAG MA YIN PAR YOD PAR THAL LO, ,KHO NA RE, SANGS RGYAS THEG CHEN GDAMS NGAG DNGOS SU NYAN PA LA TSOGS LAM CHEN PO THOB DGOS TE, GSER PHRENG LAS, DE YANG SANGS RGYAS DNGOS LA NYAN NA TSOGS LAM CHEN POR SON PA GCIG DGOS TE, ZHES GSUNGS PA'I PHYIR NA MA KHYAB STE, MDO SDE RGYAN LTAR CHOS RGYUN GYI TING NGE 'DZIN GYIS NYAN PA LA DGONGS PA'I PHYIR TE, GSER PHRENG LAS, RGYAN SNANG LAS, TSOGS KYIS 'DI NYID DU ZHES PA NAS, TING NGE 'DZIN THOB LA, ZHES PA LTAR BZUNG NGO, ,ZHES GSUNGS PA'I PHYIR, MCHAN LAS, RTOGS

142a

, ,DKA'I SNANG BAR NAS, LUS KYIS CHOS STON PA'ANG BKAG STE, RANG RGYAL RANG GI THUGS LA SHAR BA NA SMON LAM GYI MTHUS GDUL BYA LA GO BA BSKYED PAR GSUNGS TE, SGRA MED KYANG DE DE LTAR SNANG, ZHES PA'I TSIG GI NUS PA 'DON LUGS 'DI LEGS SAM DPYAD CES PA LTAR SGRA MED LUS KYI RNAM 'GYUR GYIS STON PA'I DON LUS KYI RIG BYED MED PAR GDUL BYA LA DON 'DI STON DGOS SNYAM PA NA, SMON LAM GYI DBANG GIS NYAN PA PO GO BA BSKYED PA LA BYED PAS RTOGS PA'I BSTAN PAR 'JOG STE, SNGON GYI SMON LAM DANG THOS BSAM GYI 'BRAS BU YIN PA'I PHYIR RO,, ` ,,BU NYA GNYIS KYIS MDO LAS, BYANG CHEN YUM RDZOGS BYANG DE GSUM GYI MING YUM LA SPYOD MI SPYOD DE GNYIS KA GNYIS MIN DU THA SNYAD DU YOD BZHIN DU DON DAM PAR MED PAR GSUNGS PAR BSHAD PA LTAR GSER PHRENG DU YANG GSUNGS PAS, MING BYANG SEMS KYI MING BZHI'I PHUNG PO LA KHA CIG 'DOD PA MI 'THAD PA MCHAN LTAR LA, YIG CHAR GZHAN GNYIS KYI MING DANG SPYOD PA LA GSUNGS PA'I RGYU MTSAN 'TSOL, YIG CHAR, DE GNYIS GANG RUNG YIN NA ZHES PA'I DE BDEN GNYIS DANG, DE GNYIS CHOS CAN ZHES PA SGYU MA DANG RAB RIB GYI SNANG BA GNYIS LA BYA STE, SGRO BTAGS KYI CHOS YIN PA'I PHYIR, ZHES GSUNGS PA'I PHYIR, MA BRTAGS MA DPYAD PA'I SHES BYA DBYE GZHIR DGAG PA RIGS PA'I 'PHUL YIN PA MCHAN LTAR LA, DBYE GZHI GZHAN RNAMS 'DOD TSUL DANG GCIG PA BKAG PA'I THA DAD SOGS DBU MAR BSHAD ZIN TO, ,BSOD GRAGS

142b

PA'I MTHA' DPYOD LAS, RTAG PA YIN NA, RANG DANG NGO BO THA DAD MED DGOS PA'I PHYIR, ZHES GSUNGS PA'I RTAG PA THAMS CAD NGO BO GCIG TU 'DOD DAM DPYAD, BDEN GNYIS LA 'JUG PA'I MDO SOGS KYI DON NI, DON DAM BDEN PA NI RANG MNGON SUM DU RTOGS PA'I RNAM MKHYEN GYI YUL GYI BAR THA SNYAD THAMS CAD LAS 'DAS PA YIN TE, JI LTAR 'DAB NA DE DAG GIS DE GZIGS NGOR DON DAM BDEN PA'O, ,ZHES YID DANG NGAG GI RJOD BYED DANG BRJOD PA THA SNYAD PA RNAMS MI SNANG BA'I PHYIR, ZHES PA'O, ,'DI DAG SPYOD 'JUG GI BDEN GNYIS KYI MTSAN NYID KYI KHUNGS YANG YIN NO, ,DBU MA RGYAN RANG 'GREL LAS, DPER NA YID KYIS BRGYA BYIN LA CHOS MNGON PA BSHAD PA DANG, YID KYIS TSIGS SU BCAD PA'I LAN BTAB PAR DE DANG DE DAG GNAS 'BYUNG PA LTA BU'O, ,DE BAS NAS BSTAN TO, ,ZHES PAS YID KYIS BRGYA BYIN LA CHOS BSHAD SNYAM PA LTA BU SEMS KYI RGYU BA MED CES PA'I RGYU BA'AM RNAM RTOG GI MTSAN GZHIR GSUNGS KYI KHA CIG SPROS PA DE MED PA'I DPER 'DOD PA MI RUNG NGO, ,BLO GROS MI ZAD PA'I MDOR, 'JIG RTEN GYI THA SNYAD JI SNYED PA DANG, ZHES SOGS KYIS MYONG BYA MYONG BYED THA SNYAD PA THAMS CAD DANG, YI GE STE YID KYI BRJOD 'DOD DANG NGAG GI BRJOD PA GNYIS DANG, BRDA DE PHYIS 'JAG PA'I GNAS SKABS KYI SKAD DANG, DANG POR BTAGS PA'I BRDA DE BRJOD BYED DANG BRJOD PA THA SNYAD PA RNAMS KUN RDZOB BDEN PAR GSUNGS LA, HA LA MCHAN DU YI GE DANG, TSIG GAM SKAD RIGS DANG, MING GIS BRDA STON PA ZHES BRTZOD SPONG GI DE

143a

, ,'CHAD 'DOD KYANG DER TSIG DANG MING MA SBYAR BAR SNGAR LTAR MING DON GYI BRDA ZHES DANG POR BTAGS PA LA GSUNGS PA'I PHYIR, RJE BTZUN PA'I ROL MTSOR SPYOD 'JUG LTAR GYI BDEN GNYIS KYI MTSAN NYID 'JOG TSUL RANG RE'I YIG CHA DANG MTHUN LA, BSOD GRAGS PA'I SPYI DON DU RNAM BSHAD LAS, SNGA MA LA SGRUB PA'I RNAM PAR RTOGS BYA MIN PA DANG, PHYI MA LA RIGS GNAS SMOS PA, KHA CIG SNGO SNANG DBANG SHES SNGA MAS BCOD CING PHYI MAS BSDU ZER BA DANG, KHA CIG DE ZHU DAG PAS BKOD PA'I YI GE MA DAG PA YIN TE, BRIS MA DAG PA KHA CIG TU MED LA, SPYOD 'JUG DAR t'I KA TU MED PA'I PHYIR ZER BA BKOD NAS, DE NYID LAS, SGRUB PA'I RNAM PAR RTOGS BYA MA YIN PA ZHES PA DPE DAG PA'I DBANG DU BYAS NA'ANG DGAG SGRUB GNYIS SU PHYE BA'I SGRUB PA LA MI BYED PAR KUN RDZOB PA'I SNANG BA'AM GNYIS SNANG LA BYED DGOS PA SPYOD 'JUG RNAM BSHAD KYI DGONGS PA YIN PA'I PHYIR, ZHIB TU LTOS SHIG ,CES DANG, DE'I MTHA' DPYOD LAS, SPYOD 'JUG RNAM BSHAD LAS, RANG MNGON SUM DU RTOGS PA'I MNGON SUM MTSAN MAS GNYIS SNANG DANG BCAS PA'I TSUL GYIS RTOGS PAR BYA BA MA YIN PAR DES RTOGS PAR BYA BA, DON BDEN PA'I MTSAN NYID DU GSUNGS PA DANG GNAD GCIG PA'I PHYIR, ZHES PA NAS, PHYI MA YANG DAG PAR BYAS PA LA 'GAL BA MED DE, RNAM MKHYEN DE RNAM MKHYEN GYIS GNYIS SNANG DANG BCAS PA'I TSUL GYIS RTOGS PAR BYA BA MA YIN KYANG, DE DE'I RIGS GNAS SU GO BA'I CHED DU SMOS PA'I PHYIR TE, JI LTA BA RTOGS PA'I RNAM MKHYEN GYIS GNYIS SNANG DANG BCAS PA'I TSUL GYIS

143b

RTOGS PAR BYA BA MA YIN PAR DES GNYIS SNANG NUB PA'I TSUL GYIS RTOGS PAR BYA BA DON DAM BDEN PA'I MTSAN NYID DANG, JI SNYED PA RTOGS PA'I RNAM MKHYEN GYIS GNYIS SNANG DANG BCAS PA'I TSUL GYIS RTOGS PAR BYA BA'I RIGS SU GNAS PA KUN RDZOB BDEN PA'I MTSAN NYID DU BZHED PA'I PHYIR, RNAM MKHYEN DES RNAM MKHYEN GNYIS SNANG DANG BCAS PA'I TSUL GYIS MA RTOGS TE, DES DE THA DAD PA'I TSUL GYIS MA RTOGS PA'I PHYIR TE, DE DANG THA DAD MA YIN PA'I PHYIR ZHES BDEN GNYIS KYI MTSAN NYID DANG RNAM BSHAD KYI DON DE LTAR BYAS NAS, RNAM MKHYEN LA RNAM MKHYEN MI SNANG BA'I PHYIR TE, NAS, DE MIG GI RNAM PAR SHES PA DANG THA DAD GANG ZHIG ,DE 'DRA'I TSOR BA LA SNANG NA DE'I MIG GI RNAM SHES LA SNANG BAS KHYAB PA DE GNYIS KYI RNAM PA MTSUNGS PA'I DON YIN PA'I PHYIR, ZHES GSUNGS KYANG, DE LTAR NA RNAM MKHYEN RNAM MKHYEN GYI YUL LAS 'DAS PA'AM, YANG NA JI LTA BA RTOGS PA'I RNAM MKHYEN DON DAM BDEN PAR THAL BA SOGS YOD PAS, RANG LUGS LA DE'I RIGS SU GNAS ZHES PA DE YIN PA DANG, SGRUB PA'I RNAM PAR RTOGS BYA MIN PA DE MED DGAG KHO NAR GO CHED DU GSUNGS BAS JO NANG PA SOGS BKAG LA, SNGA MA YANG RUNG NGAM DPYAD, YANG DE NYID LAS, MTSAN NYID DE SGRUB PA YIN PA'I PHYIR, NAS, DES DE MNGON SUM DU RTOGS PA SGRUB PA YIN PA'I PHYIR, ZHES PA YIG CHAR, RTAGS RIM BZHIN MA GRUB STE, DE MNGON SUM DU RTOGS PA MED DGAG YIN PA'I PHYIR RO, ZHES BKAG STE, RIGS SHES DES CHOS NYID DE'I DGAG BYA BTZAL MTHAR MA MTHONG BA LA DE RTOGS ZHES BSHAD

144a

, ,BA'I PHYIR TE, MDO LAS, MA MTHONG BA NI MTHONG BA DAM PA'O, ,ZHES SOGS GSUNGS PA'I PHYIR, DES NA DON DAM DPYOD PA'I RIGS SHES KYIS BUM PA'I CHOS NYID MNGON SUM DU RTOGS PA BUM PA'I STENG GI STONG NYID YIN TE, DES BUM PA'I STENG GI DGAG BYA DE BTZAL MTHAR MA RNYED PA BUM PA STONG NYID YIN PA'I PHYIR, DE LA KHO NA RE, DE LTAR MA YIN PAR THAL, DES DE RTOGS PA BYA BA YIN PAS LAS DANG BYED PA GNYIS TSOGS KYI STENG NAS 'JOG DGOS PA'I PHYIR DANG, DE YUL DE'I RNAM PAR SKYES PA SGRUB PA YIN PA'I PHYIR TE, DE YUL GYI 'DRA RNAM DANG SHES PAR 'JOG PA'I PHYIR NA MA KHYAB STE, DE GNYIS TSOGS KYI STENG NAS 'JOG KYANG GNYIS TSOGS KYI STENG GI STONG NYID MIN LA, RNAM PAR SKYES BA SGRUB PHYOGS NAS DE YUL DE DANG 'DRA BAR SKYED PA LA BYED PAS DE RTOGS PA DANG, MI 'DRA BA'I PHYIR SGRUB PAR BZHED PA'I THUGS RTZE GTAD SA'ANG DER SNANG NGO, ,DE LA SPRO BYA MANG BO, ,RJE BTZUN PA DANG BSOD GRAGS PA SOGS KYIS MIG SHES LTA BU RANG MYONG RANG RIG GIS GNYIS SNANG NUB PA'I TSUL GYIS MNGON SUM DU RTOGS PA'I PHYIR NA MA KHYAB ZER BA, YIG CHAR, DE LA YUL DANG YUL CAN GYI GNYIS SNANG NUB KYANG KUN RDZOB KYI GNYIS SNANG YOD PA'I PHYIR, ZHES BKAG GO ,MCHAN LAS, 'DI'I MJUG THOGS SU SHEL DANG DPE DON SBYAR TE RANG RIG SGRUB TSUL DANG ZHES SOGS KYI DON NI, DBU MA SNYING PO LAS, YUL DU SNANG BA MA GTOGS PAR, ,SEMS KYI BDAG NYID GZHAN CI YOD, ,CES SEMS TZAM PAS, SEMS GCIG GI STENG NA BZUNG

144b

RNAM 'DZIN RNAM GNYIS YOD ZER BAR, LEGS LDAN GYIS, DE'I STENG NA YUL GYI RNAM PA SNANG BA LAS GZHAN RANG NYID SNANG BA'I BLO MED PA'I PHYIR, ZHES BKAG PAR, SEMS TZAM BAS DE YOD DE, DPER NA SHEL GONG RAS SNGON PO'I STENG DU BZHAG PA NA RANG GI NGO BO GSAL BA DANG SNGON PO'I RNAM PA CAN GNYIS YOD PA BZHIN YIN PA'I PHYIR ZER BAR, DE NYID LAS, GZHAN LTAR SKYES PHYIR DE GNYIS SNANG, ,SHEL DANG 'DRA BAR MI 'DOD DE, ,ZHES SOGS KYIS KHYOD LTAR 'DRA BA MIN TE, SHEL SNGON PO DANG NYE BA'I TSE SNGON POS MA BSGRIB PA'I CHA MED PA'I PHYIR, GZHAN YANG SHEL GONG SNGON PO DANG NYE BA NA SNGON PO'I RNAM PAR SNANG YANG SHEL NYID SNGON PO DANG SNGON PO SHEL GYI NGO BOR GYUR BA MIN PA BZHIN DU RNAM SHES SNGON PO DANG SNGO SOGS RNAM SHES KYI NGO BOR 'GYUR MI RUNG ZHES BKAG PA DE'O, ,KUN RDZOB KYI SNANG BA LA GNYIS SNANG DU, SHER MDO LAS, JI TZAM DU GNYIS PA DE TZAM DU DMIGS PA'O, ,MI GNYIS PA NI MI DMIGS PA'O,, ZHES SOGS LTAR LA, RIN CHEN PHRENG BAR, BDAG DANG BDAG MED LTA BA DANG, ,CES PA YIG CHAR, DGAG BYA'I BDAG DANG BDAG MED RAGS PA GNYIS LA SBYAR KYANG, DAR t'I KA TU BDAG MED TZAM DANG, STONG THUN DU BDAG BDEN GRUB SPYI DANG DE KHEGS PAS DE'I KHYAB BYA BDAG MED PHRA MO BDEN GRUB 'GOG PA LA SBYAR BA GSUM GA DE'I DGONGS PAR RUNG NGO, ,DES DON DAM GNYIS KYANG RIGS 'DRA ZHES BA, HA LA MCHAN DU KUN RDZOB DANG DE'I SGRA BSHAD DU YOD PA GNYIS MI 'DRA BA DES YUL

145a

, ,YUL CAN GYI DON DAM GNYIS KYANG RIGS 'DRA STE, DE GNYIS RJES SU MTHUN PA GNYIS DE GNYIS KYI SGRA BSHAD DU YOD CING DE GNYIS DNGOS MA YIN PA BZHIN NO, ,ZHES PA MI 'THAD DE, 'DIR KUN RDZOB BDEN PA'I SGRA BSHAD TSANG NA DE YIN PAS MA KHYAB PA DANG, KUN RDZOB BDEN PA YIN NA, GANG GI NGOR BDEN PA'I KUN RDZOB KYI SGRA BSHAD DU YOD PAS MA KHYAB PAR GSUNGS KYI, KUN RDZOB DANG DE'I SGRA BSHAD DU YOD BA MI 'DRA BAR MA GSUNGS PA'I PHYIR TE, KUN RDZOB GYI SGRA BSHAD RNAM BSHAD LAS, GNAS TSOD LA RDZUN PAS KUN RDZOB ZHES GSUNGS PA'I PHYIR, MCHAN LTAR RTOG GE 'BAR BAR SHES PAR BYA BAS DON DANG, MCHOG YIN PAS DAM PA ZHES DON DANG DAM PA GNYIS KA YUL DANG, YE SHES DAM PA'I DON YIN PAS DON DAM ZHES DON DANG DAM PA SO SOR BYAS PA DANG, DBU MA SNANG BA LTAR PHYIN CI MA LOG PA'I YUL CAN DON DAM YUL DU BYED PAS DON DAM ZHES YUL CAN LA SBYAR BA GSUM YOD PAS DON DAM GYI SGRA BSHAD TSANG NA DON DAM YIN PAS MA KHYAB PA YUL CAN DON DAM DANG, DON DAM BDEN PA YIN NA GANG GI NGOR BDEN PA'I DON DAM MA MA YUL CAN DON DAM GYI SGRA BSHAD TSANG BAS KHYAB PA CHOS NYID LTA BU 'JOG PA SNGA MA DANG 'DRA, ZHES PA YIN NO, ,KHO NA RE, DE MI 'THAD PAR THAL, 'PHAGS PA'I DON DAM MNYAM BZHAG YE SHES DE DON DAM YIN PA'I PHYIR TE, RNAM GRANGS MA YIN PA'I DON DAM YIN PA'I PHYIR NA MA KHYAB STE, YIG CHAR, YUL CAN RIGS SHES RJES DPAG DANG MNYAM

145b

BZHAG MI RTOG PA GNYIS YOD LA, DON DAM BTAGS PA PA DANG, YANG DAG KUN RDZOB YIN PA'I PHYIR, ZHES GSUNGS PA'I PHYIR, DBUS MTHAS KUN RDZOB GSUM BSHAD PAS SHER MDO'I DGONGS PA 'GREL TSUL MTSAN NYID GSUM KUN RDZOB TU YOD PAR GSUNGS PA RIM BZHIN KUN BTAGS PHAL CHER LOG PAR BTAGS PA'I KUN RDZOB DANG, GZHAN DBANG GTZO BO PHYI DON DU SHES PA STE ZHEN PA'I KUN RDZOB DANG, YONGS GRUB DE BZHIN NYID LA SOGS PA'I RNAM GRANGS KYIS BRJOD PA'I KUN RDZOB TU YOD PA LA DGONGS ZHES 'GREL PA LEGS BSHAD SNYING PO'I DON NO, ,RANG RGYUD PA DAG GI DNGOS SMRA PA LA MNYAM BZHAG GI NGOR GZUGS YANG DAG PAR SKYE BA SOGS LOG PA'I KUN RDZOB YIN TE, KHYED CAG GI GRUB MTHAS SGRO BTAGS TZAM YIN GYI NGED GNYIS LA THUN SNANG DU GRUB PA'I MIG SHES TSAD MA SOGS KYI MA GRUB PA'I PHYIR, ZHES PAR, DNGOS SMRAS MA KHYAB STE, MIG SHES SOGS KYIS MA GRUB TU CUG KYANG, KHO RANG GI DON DAM DPYOD PA'I NGOR YOD PA'I PHYIR ZER BA LA, DE'I NGOR YOD PAS MI CHOG STE, KHYOD RANG DE LTAR SKYE BAR 'DZIN PA'I BLO KUN BTAGS DE NI RAB CAG GNYIS KYI SNANG BA LTAR YOD MED DPYOD PA'I GZHI YIN PA'I PHYIR, ZHES PAR, PHYOGS SNGAS DE'I NGOR YANG DAG PAR SKYE BA LOG PA'I KUN RDZOB YIN PA LTAR DE BKAG PA'I MA YIN DGAG GI STONG PA DE'I NGOR YANG DAG PAR SKYE BAS STONG PA'I GZUGS SOGS KYANG LOG PA'I KUN RDZOB TU BYED DGOS ZHES MGO MTSUNGS BRTZAD PAR, RANG RGYUD PA GNYIS KAS DES STONG PA'I

146a

, ,GZUGS SOGS DBANG SHES LA SNANG BAS MI MTSUNGS PAR 'DOD DE, YIG CHAR, DE LTAR BSHAD PA ZHI 'TSO'I DGONGS PA YIN PA'I PHYIR TE, ZHES DANG, DBU MA RGYAS PAR, DGAG BYA BDEN PA DBANG SHES LA MI SNANG BA 'DIR YANG 'DRA BA'I PHYIR, ZHES DANG, PHAR PHYIN ZIN BRIS LAS, LOG PA'I KUN RDZOB TU 'GYUR ZHES PAS BDEN GRUB DBANG SHES LA MI SNANG BAR BSHAD PA DANG, DGAG BYA NGOS 'DZIN GYI SKABS SU BDEN GRUB DBANG SHES LA SNANG BAR BSHAD PA GNYIS MI 'GAL LAm ZHE NA, MI 'GAL TE, DGAG BYA NGOS 'DZIN GYI DE'I DON GZUGS SOGS BLO GNOD MED LA SNANG BA'I DBANG GIS BZHAG TZAM MIN PAR YUL RANG GI SDOD LUGS KYI NGOS NAS GRUB PA DBANG SHES LA SNANG LA, 'DIR NI MTHAR THUG PA'I RIG SHES KYI NGOR GZUGS YANG DAG PAR SKYE BA DANG DE BDEN PA'I GRUB PA SOGS DBANG SHES LA MI SNANG BAR BSHAD PA YIN NO GSUNGS, ZHES GSUNGS PA'I PHYIR, YIG CHAR, DBANG SHES LA GSAL BAR SNANG LA MED NA LOG PA'I KUN RDZOB YIN PAR DBU SEMS MTHUN PA'I PHYIR, ZHES RIG NGOR YANG DAG PAR SKYE BA DBANG SHES LA SNANG BAR 'DOD PA MNGON SUM GYI SNANG YUL LA DNGOS PO DGOS PAR 'DOD PA'I DNGOS SMRA PA YIN TE, DES GZUGS SOGS RIG NGOR YOD PAR 'DOD PA'I PHYIR, RANG RGYUD PAS DE RANG 'DZIN RTOG MED LA GSAL BAR SNANG BA DANG, RDZUN PAR GRAGS PA GNYIS LDAN YIN TSUL RANG 'DZIN RTOG PA GOMS PAS GSAL SNANG 'BYUNG BAS SO, ,MDO SDE SPYOD PA'I

146b

RANG RGYUD PA'I LUGS 'DIR DBANG SHES MA 'KHRUL BAR 'DOD PAS BDEN GRUB DBANG SHES LA SNANG NA DE NYID LOG PA'I KUN RDZOB TU 'GYUR ZHES BRTZAD PAS, YE SHES SNYING POS DBANG SHES LA BDEN SNANG MI BZHED PAR GSAL LO, DPE DRUG GIS THEG CHEN SGRUB PA'I KHYAD PAR GSUNGS PA NI SEMS BSKYED KYIS ZIN PAS YIN PAS, LAM RIM LAS, SEMS BSKYED KYIS ZIN PA'I DGE BA NI ZOR BA BRDAR BAS RTZA RNGA BA DANG 'DRA BAR GSUNGS BA SOGS KYIS CHOS BZOD KYI BYED PAR NYAN RANG GI SPANGS RTOGS KYI BYED PA 'DUL BA LA YANG NGES PA STER RO, ,DPE DRUG GIS MTSON TSUL DANG BYANG SEMS PHYI MA GSUM LA MI BYED TSUL MCHAN 'GREL DU BSHAD ZIN TO, ,BDEN GNYIS NGO BO THA DAD YIN NA, GZUGS BDEN MED GZUGS KYI CHOS NYID MIN PA DANG, DE RTOGS PA'I BLOS BDEN 'DZIN LA MI GNOD PA DANG, DE RTOGS PA'I LAM BSGOM PA DON MED PA DANG, DES 'CHING BA MA LUS PA MI SPONG PAR THAL BA BZHI DANG, LDOG PA GCIG YIN NA SGRIB PA SPONG BA LTAR CHOS NYID SPONG BA DANG, STONG GZHI MI 'DRA BA LTAR CHOS NYID LA MI 'DRA BA DU MA YOD PA DANG, SO SKYES CHOS NYID MNGON SUM DU RTOGS PA DANG, SO SKYE SKABS SU SANGS RGYAS PAR THAL BA BZHI DGONGS 'GREL SOGS LAS GSUNGS LA, RJE BTZUN PA DANG BSOD GRAGS PAS, NGO BO THA DAD NA BUM PA BUM PA BDEN GRUB KYI DGAG GZHI MIN PAR THAL BA DANG, LDOG PA GCIG NA CHOS NYID LA DMIGS PA'I CHAGS SOGS NYON MONGS SKYE BA YOD PAR THAL BA ZHES GSUNGS PA DPYAD, STONG NYID CES BRJOD

147a

, ,PA'I SGRA YONGS GRUB BRJOD PA'I SGRA YIN KYANG, YONGS GRUB CES BRJOD PA'I SGRA MIN PAS YONGS GRUB KYI MING MIN LA, DE GNYIS DNGOS MED THA DAD KYIS GO BYA YIN PA'ANG LOG SA 'AM DGAG BYA GZHAN SEL TSUL THA DAD PAS YIN NO, ,SNGO SER DANG SPHYI GSAL GNYIS SOGS NGO BO STE LDOG PA'AM RNAM PA THA DAD DU BLO MA 'KHRUL BA LA GANG LAS SNANG STE MI SNANG BAR THAL, DE DAG DNGOS PO'I NGO BO STE RANG BZHIN CHA MED GCIG YIN PA'I PHYIR, ZHES RANG BZHIN CHA MED DGAG LA, SHES PA LA SNANG BA'I DON SPYI DE DPER NA BA LANG NAG SKUR LTA BU RIGS MTHUN DKAR BRAL DANG RIGS MI MTHUN RTA LAS LOG PA SOGS LDOG PA SNA TSOGS PA'I NGO BO CAN YIN ZHES LDOG PA'I DON BSHAD LA, GRANGS CAN PAS, SHING 'DZIN RTOGS PA MA 'PHRUL BA DANG SHING GSAL GYI SPYI RTAG DNGOS SU 'DOD PA LA, SHING 'DZIN RTOG PA DES KUN BTAGS PA DON SPYI DE NI DON DAM DU MED DE, RTOG PA DE LA SPYI GSAL RNAMS 'DRAS PAR SNANG LA GSAL BA SHA SHUGS RNAMS PHAN TSUN RJES SU MI 'GRO BAS RANG BZHIN CHA MED GCIG KYANG MIN LA, DE DAG RJES SU 'GRO BA'I SPYI RDZAS GZHAN YANG MED PA'I PHYIR, DE BZHIN DU KUN GZHI DANG DE'I STENG GI BAG CHAGS GNYIS KYANG 'BREL BA RDZAS GRUB KYI GCIG YIN NA GCIG DANG, THA DAD YIN NA RTEN BRTEN PA MA YIN PAR THAL BA 'DI DANG 'DRA BAS, KUN GZHI'I DKA' 'GREL DU, SHING MIN LAS LDOG NGO BO DE, ,ZHES SOGS DRANGS SO, ,SGRA RNAMS KYIS DANG POR DKAR BRAL LTA BU LA BA LANG GI BRDA' SBYOR TSE BTAGS PA'I DON SPYI TZAM GO BAR BYED LA, BA LANG ZHES PA'I SGRA DE NI PHYIS NAG RGUNG SOGS LA THA SNYAD DE 'JUG PA'I CHED DU BYAS KYANG,

147b

DE LA 'JUG TSE DANG PO'I BRDA' DUS KYI DON RANG MTSAN PA DKAR ZAL DE 'GAG NAS MED PA'I PHYIR, DES NA DKAR ZAL LA BRDA' DE DON DAM PAR 'JUG PA MIN NO, ,RNAM 'GREL GYI LUNG 'DI RNAMS KYIS SGRA RTOG SEL BA'I 'JUG TSUL DANG SEL NGOR THA DAD PA'I TSUL GSUNGS SO, ,MCHAN LAS, t'I KA CHEN SHOG GU GO BDUN PAR YOD KYANG ZHES PA, KHA CIG GIS, SHING MA YIN PA LAS LOG PAR SNANG BA SHING GSAL THAMS CAD LA RJES SU 'GRO NA, SHING GCIG GI STENG GI DE BRJOD DGOS ZHES BRTZAD PAR, t'I KA CHEN LAS, DE'I LAN NI, NAS, SGRA MI RTAG PAR BRJOD PA'I SGRA'AM DE SGRUB PA'I RTAGS NI SGRA MI RTAG PA GO BA GCIG BU YI BYA BA BYED KYI, DE DAG GI GZUGS LA SOGS PA GZHAN MI RTAG PAR GO PA'I BYA BA BYED MI NUS PA'I PHYIR, ZHES SOGS YIN LA, NGA LNGA PAR GSAL POR 'DUG CES PA, DE NYID LAS, DE LTAR NA DNGOS PO YIN NA RTOG PA LA DNGOS SU SNANG BA DANG SGRAS DNGOS SU BRJOD PA YIN PAR MI 'GAL TE, GZHAN DU NA RJES DPAG TSAD MAS RANG GI GZHAL BYA DNGOS SU RTOGS PA DANG, BUM PA ZHES PA'I SGRA LAS BUM PA DNGOS SU GO BA SOGS KYI RNAM BZHAG PHAL CHE BA NYAMS PAR 'GYUR RO, ,DES NA BUM PA RTOG PA LA DNGOS SU SNANG ZHING, RTOG PA LA BUM PAR SNANG BA BUM PA MA YIN PA DANG, RTOG PA LA BUM PAR SNANG BA RTOG PA'I SNANG YUL YIN CING DNGOS PO MA YIN KYANG, RTOG PA LA BUM PAR SNANG BA YIN NA RTOG PA'I SNANG YUL YIN MI DGOS SHING NAS, RANG SNANG YUL DU BYED PA'I SHES PAS SGRUB PA RANG DBANG BA'I TSUL DU GZHAN GSAL BA LA MA LTOS PAR YUL DU BYED PA MA YIN GYI, GZHAN BSAL BA'AM DE MIN RNAm

148a

, ,PAR BCAD PA'I SGO NAS DNGOS YUL DU BYED DGOS PA'I PHYIR, GZHAN SEL BA ZHES BYA'O, ,ZHES PA DE YIN NO, ,RJE BTZUN PA DANG BSOD GRAGS PAS, GZHI GRUB NA, MTHAR THUG DPYOD PA'I RIGS SHES DANG, THA SNYAD DPYOD PA'I RIGS SHES KYI RNYED DON YIN PAS KHYAB PAR DE 'PHRI RNAM MKHYEN GNYIS KYI RNYED DON YIN PAS SGRUB KYANG, YIG CHAR, DE BDEN GNYIS SO SO'I MTSAN NYID DU 'JUG PAS SGRUBS NAS, DE 'DRA'I RNAM MKHYEN GYI RNYED DON YIN PA'I PHYIR NA MA KHYAB GSUNGS SO,, RJE BTZUN PAS, YANG LOG GANG RUNG GANG ZHIG ,RANG SNANG YUL DU BYED PA'I BLO LA SNANG BA LTAR MA GRUB PAR 'JIG RTEN RANG DGA' BAS RTOGS MI NUS PA YANG DAG KUN RDZOB DANG, DE LTAR RTOGS NUS PA DANG, RANG THA SNYAD DU YOD PA LA TSAD MAS GNOD PA DBAB PA GANG RUNG LOG PA'I KUN RDZOB KYI MTSAN NYID ZER BA, BSOD GRAGS PA'I SPYI DON DU, NUS PA'I PHYIR DANG MI NUS PHYIR, ,YANG DAG YANG DAG MA YIN PA'I, ,ZHES PA GO RIM BZHIN DU DON BYED NUS PA DANG YANG DAG CES PA SBYOR ZHING, DON BYED MI NUS PA YANG DAG MA YIN PA SBYOR RGYU LA KHYED KYI GO LDOG PAR SMRAS PA'I PHYIR DANG, ME LONG NANG GI BYAD BZHIN GYI GZUGS BRNYAN RANG SNANG YUL DU BYED PA'I BLO LA SNANG BA LTAR MA GRUB PA 'JIG RTEN RANG DGA' BAS RTOGS MI NUS PHYIR, DES NA BDEN GNYIS KYI LUGS LA PHYI DON ZHAL GYIS BZHES PAS SKABS 'DIR JI LTA BA BZHIN MI 'GRIG KYANG, ZHES DANG, DE'I MTHA' DPYOD DU, MDO SDE SPYOD PA'I LUGS LA GZUGS BRNYAN SOGS DE DAG LA SNANG BA LTAR GRUB PA DANG, SED BZANG RNAM

148b

BDEN DANG MTHUN PA'I DBU MA PAR BYAS NAS DE DAG PHYI DON DU SNANG BA LTAR MA GRUB PAR RTOGS DUS DE DAG RTOGS PAR GSUNGS NAS BKAG STE, KUN RDZOB BDEN PA GANG ZHIG ,RANG SNANG YUL DU BYED PA'I BLO LA JI LTAR SNANG BA SNANG BA LTAR GRUB PA'I RIGS SU GNAS PA DANG, DE LTAR MA GRUB PA'I RIGS SU GNAS PA YANG DAG DANG LOG PA'I KUN RDZOB BDEN PA'I MTSAN NYID, CES GSUNGS NAS, LOG PA'I KUN RDZOB TZAM LA GANG ZAG GI BDAG SOGS KYANG BZHAG GO ,YIG CHA RNYING PAR, 'JIG RTEN THA SNYAD LA BDEN PA DANG, MI BDEN PAR GRAGS PA'I CHA NAS BZHAG PA'I KUN RDZOB PA'I CHOS YANG DAG KUN RDZOB BDEN PA SOGS KYI MTSAN NYID DU BZHAG GO ,YIG CHAR, RANG MNGON SUM DU SNANG BA'I BLO LA SNANG BA LTAR GYI DON 'JIG RTEN NA YANG DAG PAR GRAGS PA'I CHOS YANG DAG KUN RDZOB DANG, DE LTAR 'JIG RTEN NA RDZUN PAR GRAGS PA'I CHOS KYI CHA NAS BZHAG PA'I DON DE, LOG PA'I KUN RDZOB KYI MTSAN NYID DU GSUNGS PAS, PHYI MA GNYIS KYIS BDEN PA SBYAR BA BKAG LA, RTZOD SPONG DU RI BONG RA LOG BA'I KUN RDZOB TU 'DOD PA BKAG PA ROL MTSOL YIN NO, ,YIG CHAR, RANG RIG 'DOD PA'I RANG RGYUD PAS ZHES ZUR DU BKAR BA DES SHES PA RNAMS RANG RIG LA DANG, MDO SDE SPYOD PAS RANG GSAL BAR SNANG BA'I RTOG MED SHES PA TZAM LA SNANG TSUL GYIS 'JOG PAS YIN TE, BDEN GNYIS RANG 'GREL LAS, SHES PA GSAL BA'I RNAM PA SNANG BA CAN DU 'DRA YANG ZHES DANG, BDEN GNYIS LAS, BTAGS PA'I DON GYI DBEN GYUR PA, ,ZHES SOGS KYIS RANG GSAL BAR SNANG BA'I BLO LA SNANG

149a

, ,BA LTAR GRUB PA LA BYAS PA'I PHYIR, YUL YANG LOG 'JUG PA DANG 'DRA LA, ZHES SOGS NI, RANG SHES PA LA SNANG TSUL GYIS BZHAG PAR 'DRA BA'I DON YIN GYI, 'JUG PAR RANG LA SNANG BA LTAR MA GRUB PA'AM RANG SNANG BA LTAR MA GRUB PA DE KHO NA NYID LA BLO KHA MA PHYOGS PA'I 'JIG RTEN RANG DGA' BAS RTOGS MI NUS PA DANG, NUS PAS BZHAG PA'I PHYIR, 'DI LA CHOS RJE DPAL LDAN PAS STONG THUN DANG DBU MA LUNG RIGS GTER MDZOD SOGS KYI DE MNYAM PAR MA BZHAG PA'I TSIG YIN, ZHES SOGS DGAG PA BYAS PA LA 'DI LTAR BRJOD PAR BYA STE, KHYOD KYIS THA SNYAD PA'I TSAD MA LA LTOS TE YANG DAG 'JOG PA'I SGRUB BYED DU, LAM RIM LAS, DE RNAMS 'KHRUL PAR 'JOG PA'I RGYU MTSAN SNANG BA LTAR GYI RANG GI MTSAN NYID KYIS GRUB PA'I DON MED PA NI RANG BZHIN YOD MED DPYOD PA'I RIGS PAS SHES PAS 'GRUB PA YIN GYI THA SNYAD PA'I TSAD MAS GTAN MI 'GRUB PAS THA SNYAD PA'I SHES PA LA LTOS TE 'KHRUL BA MA YIN NO, ,ZHES PAS THA SNYAD PA'I SHES PA NI DE KHO NA NYID LA BLO KHA MA PHYOGS PA'I 'JIG RTEN RANG DGA' BA'I SHES PA YIN GYI THA SNYAD PA'I TSAD MA MIN TE, DE NYID LAS, RANG GI NGO BOS GRUB PA'I RANG BZHIN RIGS PAS 'GOG PA NI DON DAM DU MI RUNG BAS THA SNYAD DU BYA DGOS LA, DE 'DRA BA'I THA SNYAD PA'I SHES NGO DER NI DBANG PO'I SHES PA RNAMS 'KHRUL BA YIN LA, DE LAS GZHAN PA'I THA SNYAD PA'I SHES PA DANG DGA' BA RNAMS KYI NGOR NI 'KHRUL BA MA YIN PAS MI 'GAL TE, DPER

149b

NA, 'JIG RTEN THA SNYAD LA MI LA LA YOD MI LA LA MED CES PA BZHIN TE, ZHES GSUNGS PA'I PHYIR, LAM RIM CHUNG BA LAS, DE YANG 'JIG RTEN PA'AM THA SNYAD TSAD MA NYID LA LTOS NAS YANG DAG DANG LOG PA'I KUN RDZOB TU 'JOG GI ZHES PA SKABS 'DI'I YANG LOG GNYIS GRUB MTHAS BLO MA BSGYUR BA'I 'JIG RTEN RANG DGA' BA'I BLO LA LTOS TE 'JOG PA'AM LOG PA'I KUN RDZOB GTZO BO DANG BDAG RTAG PA SOGS GRUB MTHAS BLO BSGYUR BA'I 'JIG RTEN PA'I THA SNYAD PA'I TSAD MA LA LTOS NAS LOG PAR 'JOG CES PA YIN GYI THA SNYAD PA'I TSAD MA YANG DAG LA MI SBYOR BA'I PHYIR TE, RNAM BSHAD LAS GRUB MTHA' NGAN PAS BTAGS PA NI GRUB MTHAS BLO BSGYUR BA KHO NAS BTAGS PA'I GTZO BO SOGS YIN LA, DE DAG PHYIN CI LOG TU 'JIG RTEN PA'I BLO RANG DGA' BAS MI RTOGS KYANG, DE KHO NA NYID LA MNGON DU MA PHYOGS PA'I THA SNYAD PA'I TSAD MAS LOG PAR RTOGS NA 'JIG RTEN PA'I SHES BA'I LOG PAR RTOGS PA MIN NO, ,ZHES PA LTAR YIN PAS, YIG CHAR, DE RNAM BSHAD KYI DGONGS PA YIN PA'I PHYIR, ZHES GSUNGS PA'I PHYIR, KHYOD KYIS GZUGS 'DZIN DBANG MNGON RIGS SHES LA LTOS TE 'KHRUL SHES DANG THA SNYAD PA'I SHES PA LA LTOS TE 'KHRUL SHES MA YIN PA'I KHYAD PAR 'THAD PA'I PHYIR TE, ZHES PA MI 'THAD DE, DE DES NGES NGO SNANG NGO GANG LA LTOS TE 'KHRUL SHES MA YIN PA'I PHYIR TE, DE DAG GANG LA LTOS TE YOD PA MA YIN PA'I PHYIR, MA KHYAB NA, DE KUN RDZOB BDEN PA DANG LOG PA'I KUN RDZOB TU 'JOG BYED KYI TSAD MA DE BDEN STONG SGYU MA LTA BUR MA RTOGS PA'I

150a

, ,RGYUD NA YOD PAR THAL LO, ,THA SNYAD PA'I SHES PA LA LTOS NAS 'KHRUL SHES YIN TE, DE RANG GI SNANG BA LA 'KHRUL PAR RTOGS PA'I TSAD MA LA LTOS TE 'KHRUL SHES DANG LOG PA'I KUN RDZOB YIN PA'I PHYIR TE, LAM RIM LAS, DE 'DRA'I THA SNYAD PA'I SHES NGO DER NI DBANG PO'I SHES PA RNAMS 'KHRUL SHES YIN LA, ZHES DANG, 'JUG 'GREL LAS, 'DU BYED GZUGS BRNYAN LA SOGS PA'I YOD PA NYID DANG 'DRA BAR GZIGS PA RNAMS LA NI BCOS MA'I RANG BZHIN YIN GYI BDEN PA MA YIN TE, BDEN PAR MNGON PAR RLOM PA MED PA'I PHYIR, ZHES DANG, RNAM BSHAD LAS, DE GSUM GYI NGOR MI BDEN PA'O, ,ZHES DGRA BCOM GNYIS DANG DAG SA'I BYANG SEMS KYI BLO NGOR MI BDEN PAR GSUNGS PA'I PHYIR, KHYOD LTAR NA DE GSUM GYI SHES PA'I NGOR YANG DAG YIN PAR THAL, DE DAG GIS DE LA SNANG BA DANG RJES SU MTHUN PA'I DON YOD PAR RTOGS PA'I PHYIR, RTAGS KHAS, GZHUNG RNAMS SU 'JIG RTEN RANG DGA' BA'I SHES NGO LA LTOS TE ZHES PA DANG DE'I NGO NA ZHES PA KHYAD MED DU GSUNGS TE, LAM RIM LAS, 'JIG RTEN PA'I NGOR SNANG BA DANG RJES SU MTHUN PA'I DON YOD PA DANG MED PA'I SGO NAS ZHES GSUNGS PA'I PHYIR, NGO NA ZHES PA'I ZUR MED PA MIN NO, ,DBU MA RGYAS PA LAS, DE YANG 'JIG RTEN PA'I SHES PA GANG GI DON YANG DAG BA DANG SNANG TSUL DANG GNAS TSUL MTHUN PA DANG GZUGS 'DZIN DBANG MNGON SOGS MA 'KHRUL BA YIN PA RNAMS 'JOG PA'I SHES PA LA TSAD MIN GCIG DGOS

150b

BA YIN GYI, SHES PA GANG GI NGOR GZHI BDEN ZHES PA'I THA SNYAD DANG, MA 'KHRUL ZHES PA'I THA SNYAD 'JOG ,PA LA TSAD MIN GYI MA KHYAB PAR THAL, ZHES PAS SNGA MA NI GANG GI NGOR YANG DAG PA DANG, LOG PA YIN MIN GYI YANG LOG 'JOG TSUL 'JUG PA DANG, RTZA 'JUG GI RNAM BSHAD GNYIS LAS, DE DAG JI LTAR SNANG BA LTAR GYI DON DU YOD PA LA 'JIG RTEN PA'I SHES PAS GNOD PA MED PA DANG YOD PA'I PHYIR, ZHES PA DANG, SNGAR DRANGS PA'I LAM RIM DANG 'JUG 'GREL GYI DON DANG, PHYI MA SHES NGO DER SNANG BA DANG MTHUN PA'I DON NAM SNANG GZHI'I DON DE BDEN PA'I THA SNYAD THOB MI THOB KYI YANG LOG TU BZHAG PA BUDDHA B'A LI TA DANG ZLA BA'I RIGS PA DRUG CUS PA'I 'GREL PA DANG, SPYOD 'JUG DANG, LAM RIM LAS, 'JIG RTEN PA'I NGOR SNANG BA DANG RJES SU MTHUN PA'I ZHES SOGS LTAR YIN TE, DBU MA RGYAS PA LAS, GZHAN YANG SKABS 'DI'I 'JIG RTEN SHES NGO LA YANG DAG DANG LOG PAR 'JOG PA'I DON KUN LA SNANG TSUL DANG GNAS TSUL MTHUN PA DANG BDEN GRUB KYI CHA NAS BSHAD MI DGOS PAR THAL, NAS, 'JIG RTEN PA'I SHES NGO NA SNANG BA DANG RJES SU MTHUN PA'I DON YOD MED GNYIS KYI SGO NAS RIM PA BZHIN GZUGS DANG GZUGS BRNYAN DANG DE 'DZIN GYI DBANG SHES GNYIS DAG LA YUL YANG LOG DANG YUL CAN YANG LOG TU BZHAG DGOS PA'I PHYIR, DER THAL, DE LTAR SKABS 'DI'I SHES NGOR 'JOG PA RJE RIN PO CHES BZHED PA GANG ZHIG ZLA GRAGS KYANG BZHED, ZHI BA LHA YANG BZHED LA, SANGS

151a

, ,RGYAS BSKYANGS KYIS BZHED PAR BSHAD ZIN PA'I PHYIR, ZHES DANG, GRUB MTHA' CHEN MO LAS, DES NA GZUGS SOGS 'JIG RTEN PA'I SHES NGOR YANG DAG TU 'JOG TSUL SHES NGO LTAR SNANG TSUL GNAS TSUL MTHUN PAS BZHAG PA GCIG DANG, SHES NGO DER SNANG BA DANG MTHUN PAR YOD PA'AM SNANG GZHI'I DON YOD PA LA YANG DAG PA'AM BDEN PA ZHES BZHAG PA GCIG DBU MA PA YANG 'DOD TSUL ZHES GSUNGS PA'I PHYIR, DE NA SHES PA GNOD MED DE RNAMS GANG GI NGOR BDEN ZHES THA SNYAD 'JOG PA'I SHES PA YIN GYI, GANG GI NGOR YANG DAG PA DANG BDEN PA 'JOG PA'I SHES PA MIN TE, DE'I NGOR YANG DAG DANG BDEN PA YIN NA BDEN PA YIN DGOS PA'I PHYIR, 'ON KYANG DE DAG 'JIG RTEN SHES NGO'I YANG DAG TU 'JOG PA'I SHES PA TSAD MA YIN TE, DE DER RTOGS PA'I TSAD MAS 'JOG PA'I PHYIR, KHYOD KYIS GZUGS SOGS 'JIG RTEN SHES NGO LA LTOS TE YANG DAG TU 'JOG PA'I SHES PA DANG, GANG GI NGOR YANG DAG TU 'JOG PA'I SHES PA KHYAD MED BYAS PA DANG, GZUGS BRNYAN 'DZIN PA'I MIG SHES 'JIG RTEN SHES NGO LA LTOS TE YUL CAN LOG PAR BZHAG PA SOGS LOG PAR BSHAD PA MANG YANG MA BRIS LA SNGA MAR RI BONG CAL RGYUG BYED PA MANG BAS BRIS SO, ,MKHAS GRUB RIN PO CHER DE LTAR DGAG PA NI DGE LDAN BSTAN PA'I MIG 'BYIN PAR 'DOD PA YIN NO, ,BDAG 'DZIG LHAN SKYES GNYIS YUL DANG BCAS PA SKABS 'DI'I YANG DAG TU RNAM BSHAD LAS GSUNGS PAS, DE 'JIG RTEN PA'I DOR SNANG BA DANG MTHUN PA'I DON YOD PA'I THA SNYAD THOB KYANG, SPYIR SNANG BA DANG MTHUN PA'I

151b

DON YOD PA MIN ZER RAM, 'JOG TSUL PHYI MA LTAR GYI YANG DAG MIN ZER DPYAD, THAL RANG GNYIS KA'I LUGS LA RDZUN TSIG YUL CAN YIN KYANG YUL CAN LOG PA MIN PA MCHAN GYI DON NO, ,ROL MTSO LAS, BLO KUN RDZOB PA DBANG SHES KYI NGOR BDEN GYI DON LA RDZUN PAS, DE LTAR BRJOD PA'I PHYIR, NAS, DE KHO NA NYID MTHONG BA LA SGRIB PAR BYED PA'I BLO YIN PAS DE LTAR BRJOD PA'I PHYIR, ZHES PA LTAR NA BDEN SNANG CAN GYI BLO THAMS CAD DE KHO NA NYID MTHONG BA LA SGRIB BYED DU 'GYUR BAR THAL LO, ,DE NI RNAM BSHAD LAS, YANG BLO KUN RDZOB PA DE KHO NA NYID DNGOS SU MTHONG BA LA SGRIB PA 'DI DBANG SHES LA SOGS PA'I NGOR GNAS PAS KYANG BLO KUN RDZOB PA DANG, DE'I NGOR BDEN PA'I SGRA BSHAD PA'O, ,ZHES PAR BRTEN KYANG DE NI BDEN 'DZIN LA SNANG BA LTAR DBANG SHES SOGS KYI SNANG NGOR YOD KYANG SPYIR MED PAS, BDEN 'DZIN LA BLO KUN RDZOB PA DANG DE'I NGOR BDEN PAS BZHAG CES PA YIN TE, GONG DU YUL CAN PHYIN CI LOG BLO THA SNYAD PA'I BSAM PA'I NGOR BDEN GYI ZHES GSUNGS PA'I PHYIR, BSOD GRAGS PA'I MTHA' DPYOD DU GZHI GRUB NA RANG 'DZIN RTOG PA LA SNANG TSUL DANG GNAS TSUL MI MTHUN DGOS PAS, GZHI GRUB NA SNANG TSUL DANG GNAS TSUL MI MTHUN PA DANG, SNANG BA LTAR MA GRUB PA DANG, KUN RDZOB BDEN PAR GRUB PAS KHYAB PAR BSHAD LA, RJE BTZUN PAS, GZUGS SNANG BA LTAR MA GRUB PAR RANG RGYAL GYIS RTOGS PAR, DES TSUR MTHONG GIS GZUGS 'DZIN DBANG SHES LA 'KHRUL SHES SU RTOGS PAS SGRUB BO, ,KHO NA RE, SPROS BRAL YOD PAR THAL, SPROS BRAL MNGON SUM DU RTOGS PA'I YE SHES YOD

152a

, ,PA'I PHYIR NA MA KHYAB STE, DE DON DAM MNYAM BZHAG ZAG MED KYI NGOR SPROS BRAL MNGON SUM DU RTOGS PA LA BYED PA'I PHYIR, SPROS BRAL CHOS CAN, YOD PAR THAL, KHYOD MNGON SUM DU RTOGS PA'I TSAD MA YOD PA'I PHYIR ZER NA, DE SGRA SBYAR TE RTAGS MA GRUB ZER DGOS TE, LAM RIM LAS, DON DAM BDEN PA YIN NA, GNYIS SNANG GI SPROS PA BRAL DGOS PA GZHUNG GI DON MIN NO, ,ZHES GSUNGS PA'I PHYIR, MTHA' DPYOD LTAR RO,, ` MDO LAS, GZUGS STONG PA NYID LA BRTZON NA ZHES PAS SDUG BDEN GYIS BSDUS PA'I GZUGS BDEN PAR MED PAR BSGOM NA SHER PHYIN LA BRTZON ZHES DE BDEN PAR MED PAR DNGOS SU BSTAN NAS THA SNYAD DU NAD LTAR SHES BYAR SBAS DON NAM SHUGS LA BSTAN PAS SDUG BDEN LA GDAMS ZHES PA YIN LA, DES 'OG MA RNAMS KYANG SHES PAR BYA'O, ,'DEN PA BZHI PO THAMS CAD SHES BYA YIN KYANG SDUG BDEN KHO NAR SHES BYA GSUNGS PA BSDU BAR SDUG BDEN LA RANG GI MTSAN NYID DAM RANG YIN PA MI RTAG SDUG BSNGAL GNYIS DANG, RANG MIN PA SPYI'I MTSAN NYID STONG BDAG MED GNYIS TE, MTSAN NYID GNYIS DANG PHYI MA GSUM KHYAD CHOS BZHI RANG YIN PA KHO NAS SHES PAS YIN PAR GSUNGS LA, MCHAN LAS, GZHAN YANG GSUNGS MOD KYANG, ZHES PA GZHI BSDU BA LAS, DE LA THOG MA NYID DU NYES DMIGS DANG, YANG DAG PA'I DON 'DU SHES PA LA LEGS PAR 'DRES PAR BYAS BAS NA PHYIS MI MTHUN PA'I 'DU SHES YANG DAG PAR GNAS PAR 'GYUR TE, 'BRAS BU SNGAR BSTAN TO RGYU NI PHYIS BSTAN TE, ,ZHES

152b

'KHOR 'DAS KYI BLANG DOR TSUL BZHIN BYED PA LA THOG MAR KHYAD PAR 'GRO BA'I 'DU SHES GSUM LAS 'DU BYED KYI SDUG BSNGAL LA MI RTAG PA'AM SDUG BSNGAL BAR BLTAS TE NYES DMIGS KYI 'DU SHES DANG, STONG PA'AM BDAG MED PAR BLTAS TE GNAS TSUL YANG DAG PA'I DON DU 'DU SHES PA LA 'DRES PAR BYAS NAS, DE LA NAD DANG 'BRAS SOGS MI MTHUN PA'I 'DU SHES DGOS PAS SDUG BDEN DANG PO DANG, SHES BYAR BSTAN PA DANG, RNAM PAR GTAN LA DBAB PAR BSDU BAR, SDUG BSNGAL GYI BDEN PA NI PHYIN CI LOG BZHI'I GNAS YIN PAS, PHYIN CI LOG BSAL BA'I PHYIR YONGS SU SHES PAR BYA'O ZHES RTAG PA DER 'DZIN PA SOGS PHYIN LOG BZHI BSAL PHYIR SHES DGOS PA'I SHES BYAR GSUNGS PA YANG YIN TE, GA-YAGS PA'I RIN CHEN BANG MDZOD LAS, DE YANG BSDU BA LAS SO, ,ZHES GSUNGS PA'I PHYIR, BYE SMRAS ZAG BCAS THAMS CAD SDUG KUN GNYIS KAR BZHAG NAS, DE GNYIS DON GCIG ZER BA 'PHAGS PA DANG MI MTHUN PAR NGA SDUG BSNGAL SGO SNA TSOGS NAS BSKYED PAS YIN PAR GSUNGS LA, MDO SDE BAS KUN 'BYUNG SRED PA KHO NAR 'DOD PA MDO LAS DE GTZO BOR GSUNGS PA MA DGONGS LA 'DI MDO SDE PA SPYI YIN MIN DPYAD, 'DI GNYIS KYIS BDEN BZHI LA PHRA RAGS MI 'DOD LA DBU SEMS GNYIS KYIS KUN 'BYUNG LA SDUG BDEN GYIS KHYAB KYANG SDUG BDEN LA DES MA KHYAB PA KUN 'BYUNG LAS NYON GANG RUNG DANG MTSUNGS LDAN CI RIGS DGOS PAS YIN NO, ,BSDU BA LAS, ZAG PA DANG BCAS PA'I GNAS NGAN LEN DE NAS, DE BZHIN GSHEGS PA NYAG GCIG GIS

153a

, ,SPANGS PA YIN TE, ZHES SOGS LTAR RANG RGYUD PA MAN GYIS SDUG KUN DNGOS GNYIS THEG DMAN GYI SPANGS THUB PAS RAGS PA DANG, SHES SGRIB PHYOGS KYIS BSDUS PA'I DE GNYIS PHRA MO DANG BTAGS PA PAR 'DOD LA, THEG DMAN GYI 'GOG LAM GNYIS RAGS PA DANG, THEG CHEN DE GNYIS PHRA MOR 'DOD KYANG, MI RTAG SOGS BCU DRUG LA PHRA RAGS MI 'DOD DO, ,THAL 'GYUR BA'I 'DOD TSUL DBU MAR BSHAD ZIN TO, ,KHYAB PA 'DU BYED KYI SDUG BSNGAL GYI DON SDUG BSNGAL SNGA MA GNYIS KYI KHYAB BYED DANG 'DU BYED TSUL DE LAS DE GNYIS LDANG RUNG DU YOD PAS YIN LA, DE YANG BDE LAM LAS, GSOD PA'I KHRIMS LAS MA GROL BA DANG, LAM RIM LAS, KHUR CHEN PO 'KHYER DGOS PA'I MI DANG SBYAR BAS, MDO LAS, PHUNG PO LNGA KHUR DU GSUNGS PA YANG NYER LEN GYI PHUNG PO LNGA'I KHUR 'KHYER DGOS PA SRID DU SDUG BSNGAL LDANG RUNG YOD PAS DE LA SKYO SHAS SKYE CHED MIN PAR BDEN BZHI'I RNAM BZHAG TU GSUNGS SO, MI RTAG SOGS BCU DRUG LOG 'DZIN BCU DRUG GI LDOG ZLAR SBYOR TSUL NI, SDUG BDEN MI RTAG PA DE RTAG PAR 'DZIN PA DANG, SDUG BSNGAL BA GTZANG BA DER 'DZIN PA GNYIS DANG SBYAR BA GTAN LA DBAB PA BSDU BA LTAR LA, ,GSER PHRENG LAS, BDAG GI BA DANG, BSOD GRAGS PAS, STONG PA YIN TE GTZANG BA'I BDAG DON GZHAN GYIS STONG PA'I PHYIR, ZHES PA BDEN BZHI'I RNAM BZHAG LAS, LUNG MA BSTAN YIN NA LEGS KYI, GTZANG BAR 'DZIN PA DANG, STONG PA'I RNAM PA GNYIS SBYOR DGOS PAR 'DOD NA MI

153b

RIGS TE, ZHES PA LTAR PHUNG SOGS DANG NGO BO THA DAD PA'I GTZANG BA'I BDAG TU 'DZIN PA'I LUNG MA BSTAN PA DE STONG PA DANG SBYAR GYI SPYIR GTZANG 'DZIN MI SBYAR RO, ,DES NA 'DI 'DREN TSUL GNYIS YOD DE, RNAM 'GREL LAS, BDEN PA BZHI LA BRTEN PA DANG BDE DANG NGA DANG NGA'I ZHES SOGS, ZHES GSUNGS PA'I PHYIR, BYED PO GZHAN GYI BDAG GIS STONG PA DANG, RANG GI NGO BO BDAG MED PA GNYIS KA BDAG 'DZIN DANG SBYAR BA BSDU BA LTAR RO, ,YANG SRID 'GRUB PA'I RTZA BA YIN PAS RGYU NI RGYANG BAN GYIS SDUG BSNGAL RGYU MED DU 'DZIN PA DANG, SDUG BSNGAL YANG YANG BSKYED PAS KUN 'BYUNG NI SRID BYED PAS DUS RTAG PA LTA BU RGYU GCIG BUR 'DZIN PA DANG, SDUG BSNGAL DAG TU BSKYOD PAS RAB SKYE NI RIG BYED PAS SGRA'I TSANGS PA DANG, GRANGS CAN GYIS GTZO BO SOGS RANG BZHIN RTAG LA GNAS SKABS 'GYUR BAS BCAS PAR 'DZIN PA DANG, SDUG BSNGAL GYI LHAN CIG BYED RKYEN BYED PAS RKYEN NI PHYI RIG PA LTAR DBANG PHYUG GIS BLO GA-YO BA LAS BYUNG BAR 'DZIN PA BZHI DANG SBYAR LA, SPANG BYA SDUG BSNGAL DANG BRAL BAS 'GOG PA NI RGYANG BAN GYIS THAR PA YE MED DU 'DZIN PA DANG, NYON MONGS DANG BRAL BAS ZHI BA NI ZAD BYED PA LTAR ZAG BCAS KYI KHYAD PAR 'GA' ZHIG THAR PA 'DZIN PA DANG, 'PHRAL PHUGS KUN TU DGE BAS GYA NOM PA NI, GRANGS CAN GYIS GROL BA'I BDAG LTA BU GYA NOM PA'I THAR PAR 'DZIN PA DANG, SLAR MI LDOG PAS NGES 'BYUNG NI, DPYOD PA PA SOGS MI LDOG PA'I THAR PA MED PAR 'DZIN PA DER SBYAR, THAR BAR BGROD BYED YIN PAS LAM NI RGYANG BAN LTAR THAR LAM GTAN MED DU

154a

, ,'DZIN PA DANG, NYON MONGS KYI DNGOS GNYEN BYED PAS RIGS PA NI, BDAG MED GOMS PA LAM DU MI RIGS PAR 'DZIN PA DANG, SEMS 'PHREG BKAG NAS GNAS LUGS KYI STENG DU SGRUB PAS SGRUB PA NI, GCER BU BAS ME LNGA BSTEN PA SOGS ZAG BCAS 'GA' ZHIG THAR LAM DU 'DZIN PA DANG, MI LDOG PA'I THAR PA'I GNAS SU PHYIN BYED KYIS NGES 'BYIN NI SDUG BSNGAL GTAN ZAD BYED PA'I LAM MED PAR 'DZIN PA DANG SBYAR RO, ,BDEN BZHI'I RNAM BZHAG LAS, PHYI MA BCU GNYIS LA KUN BTAGS LAS 'OS MED CING, DANG PO BZHI YANG MTHA' GCIG TU KUN BTAGS YIN NA, PHAL CHER ZHES SMOS DON MED PA'I PHYIR, ZHES DANG PO BZHI LA LHAN SKYES YOD PA, TSAD MA'I BRJED BYANG LAS, PHAL CHER KUN BTAGS KYIS BSDUS PA YIN NO, ,ZHES PA PHAL CHER SMOS PA'I DON DU GSUNGS SO, ,DE LA KHO NA RE, MI RTAG SOGS BCU DRUG RTOGS PA'I YE SHES BCU DRUG PO DE RIM BZHIN LOG 'DZIN BCU DRUG DANG DMIGS PA GCIG LA DMIGS NAS 'DZIN STANGS DNGOS 'GAL DU ZHUGS PA'I YE SHES SU 'JOG PAR THAL, RNAM 'GREL LAS, BDEN PA BZHI LA BRTEN PA DANG, ,NAS, DE NYID LA NI DE 'GAL DON, ,DE NYID RNAM BRJES RTOGS CAN, ,ZHES DANG, YIG CHAR, DPER NA MI RTAG SOGS RTOGS PA'I YE SHES BCU DRUG DANG LOG 'DZIN BCU DRUG BZHIN YIN PA'I PHYIR TE, ZHES GSUNGS PA'I PHYIR ZER NA, SDUG BSNGAL RGYU MED DU 'DZIN PA'I BLO CHOS CAN, KUN 'BYUNG LA DMIGS PAR THAL, DE'I KHYAD CHOS DANG PO RTOGS PA'I BLO DANG DMIGS PA GCIG LA DMIGS PA'I PHYIR, 'DOD MI NUS TE, DES SDUG BSNGAL LA DMIGS PA'I PHYIR, GZHAN YANG, DUS RTAG PA LTA BU RGYU GCIG KHO NAR 'DZIN PA DANG, RGYAL DPOG PAS 'JIG

154b

RTEN GYI KHAMS 'DUS PA LTA BU THAR BAR 'DZIN PA'I DMIGS YUL LA BDEN BZHI GANG RUNG YOD PAR THAL LO, ,DE DAG GI DMIGS YUL LA GANG 'JOG DPYAD LA, t'IKA CHEN DANG, THAR LAM GSAL BYED DU 'GAL ZLA LA SBYAR GYI DMIGS PA GCIG PA'I ZUR TZAM YANG MED PAS, YIG CHA'I DE LOG 'DZIN DANG PO BZHI LA DGONGS SO, ,KHO NA RE, 'GOG BDEN GYI KHYAD CHOS 'GOG PA RTOGS PA'I YE SHES CHOS CAN, THAR PA GTAN MED DU 'DZIN PA'I BLO'I ZHEN YUL MED PA RTOGS PA'I YE SHES YIN PAR THAL, DRANG NGES DKA' 'GREL LAS, THAR PA GTAN MED DU 'DZIN PA BLO KUN BTAGS YIN PAS 'KHOR RTZAR MI 'THAD KYANG, DE'I ZHEN YUL MED PA RTOGS PA'I YE SHES SOGS ZHI SGOR 'JOG PA GONG DU BDEN BZHI'I KHYAD CHOS DANG SBYAR BAS 'GRUB LA, ZHES GSUNGS PA'I PHYIR NA MA KHYAB STE, DE DANG 'DZIN STANGS DNGOS 'GAL DANG ZHEN YUL GYI ZLOG ZLA 'GOG PA RTOGS PA'I DON YIN GYI, DE'I YUL MED PA 'GOG BDEN MA YIN PA'I PHYIR, LOG 'DZIN BCU DRUG GI ZHEN YUL 'GOG BYED DAM MI RTAG SOGS SGRUB BYED KYI RIGS PA GZHAN BCU GNYIS PHAL CHER 'DRA LA, KUN 'BYUNG GI BZHI PO, RNAM BSHAD LAS, LAS DANG SRED BA RTZOD GZHIR BZUNG ZHING, KUN BTUS DAR t'IKA TU, DANG PO LA RTAG PAR SRED PA DANG, KUN 'BYUNG RAB SKYE GNYIS LA BDE BA DANG GTZANG BAR SRED PA DANG, THA MAR BDAG TU SRED PA BZHAG PA NI, GTAN LA DBAB PA BSDUB LAS, CI'I PHYIR KUN 'BYUNG BDEN PA LA RNAM PA BZHIS BLTA BAR BYA ZHE NA, SMRAS PA, SRED PA RNAM PA BZHI'I PHYIR TE, DE YANG RTAG PA DANG, BDE PA DANG, GTZANG BA DANG, BDAG TU SRED PA'I BYE BRAG LAS BLTA BAR BYA'O, ,ZHES PA LTAR KHYAD CHOS

155a

, ,BZHI'I NGO BO BSGRUB LA, RNAM 'GREL LAS, RES 'GA' BA NYID YIN PAS NA, ,SDUG BSNGAL 'DI RGYU BCAS NYID 'GRUB, ,CES SOGS KYIS NYER LEN GYI PHUNG PO RGYU DANG BCAS PA DANG, RTAG PA GCIG BU'I RGYU LAS BYUNG BA MA YIN PAR BSGRUB PA NI, LOG 'DZIN GYI ZHEN YUL GTZO BOR 'GOG PA'I DBANG DU BYAS PAS MI 'GAL LO, ,DE LA NYER LEN GYI PHUNG PO RANG RGYU DANG BCAS PAR RTOGS NA KUN 'BYUNG BDEN PAR RTOGS DGOS PAR THAL, DE 'DRA'I SBYOR BA DE KHYAD CHOS DANG PO SGRUB BYED KYI SBYOR BA YIN PA'I PHYIR, 'DOD NA, DE RGYU LAS SKYES PA DANG BYAS PAR RTOGS NA DE LTAR DGOS PAR THAL, 'DOD PA'I PHYIR, DE MI RTAG PAR RTOGS NA KUN 'BYUNG RTOGS DGOS PAR THAL LO, ,DE BZHIN DU LAS DANG SRED PA RANG 'BRAS SDUG BDEN GYI RGYUR RTOGS NA KUN 'BYUNG RTOGS DGOS MI DGOS SOGS DPYAD BYA MANG NGO, ,RNAM 'GREL LAS, DE PHYIR MI RTAG LAS SDUG BSNGAL, ,ZHES SOGS LTAR SDUG BDEN GYI KHYAD CHOS BZHI RIM CAN KHO NAR RTOGS DGOS LA BDEN BZHI'I RNAM BZHAG LAS, DE LAS GZHAN PA DAG NI RANG GI MTSAN NYID KHO NAS TE, ZHES GSUNGS TE, 'GOG LAM DANG KUN 'BYUNG GSUM NI RANG GI MTSAN NYID KHO NA DANG SBYAR BAS, KHYAD CHOS BZHI TSAN RNAMS DNGOS SHUGS CI RIGS PA'I SGO NAS CIG CHAR RTOGS PAR 'GYUR LA, ZHES PA LTAR BDEN PA PHYI MA GSUM GYI KHYAD CHOS BZHI TSAN CIG CHAR RTOGS DGOS NA RGOL BA BYE BRAG PA GCIG LA KUN 'BYUNG LTA BU'I KHYAD CHOS DANG PO SGRUB BYED KYI SBYOR BA DKOD

155b

NA GZHAN RNAMS SGRUB BYED KYI SBYOR BA 'GOD MI DGOS PAR THAL, DANG PO RTOGS NA PHYI MA GSUM RTOGS DGOS PA'I PHYIR, KHO NA RE, KUN 'BYUNG BDEN PA RTOGS NA DE DANG RANG 'BRAS SDUG BDEN GYI RGYUR RTOGS DGOS PAR THAL, DE RTOGS NA DE KUN 'BYUNG DU RTOGS DGOS PA'I PHYIR, 'DOD NA, DE RANG 'BRAS SDUG BDEN SKYED BYED DU RTOGS NA RANG 'BRAS SDUG BDEN GYI RGYUR RTOGS DGOS PAR THAL, 'DOD NA, SKYE BYED RGYU'I MTSAN NYID MA YIN PAR THAL LO ZER BA DANG, SDUG BDEN MI RTAG PAR SGRUB PA'I PHYI RGOL YANG DAG GI RGYUD KYI SDUG BDEN RTOGS PA'I BLO BDEN PA'I RNAM CAN YIN MIN DANG, SDUG BDEN GYI RNAM PA BZHI LA RANG LDOG TZAM BZHAG NAS 'GAL BA YIN ZER LA, PHYI MA GSUM LA RNAM BSHAD SOGS LAS RGYU'I RNAM PA YIN TE, ZHES SOGS RANG RANG GI RNAM PA BZHI YIN KHYAB MNYAM YIN NAM DPYAD, GRVA CHUN GYON TAN RGYA MTSO SOGS KYIS MI RTAG SDUG BSNGAL STONG BDAG MED BZHI'I TSOGS DON SDUG BDEN GYI MTSAN NYID DU BZHAG PAR, YIG CHAR, GANG ZAG KYANG 'PHEN MOD CES PA BSOD GRAGS PA'I MTHA' DPYOD LAS, DE DE BZHI DANG LDAN PA'I SKYES BU YIN PA'I PHYIR, ZHES RGYUD LDAN GYI GANG ZAG DE BZHI'I TSOGS DON DU BZHAG NAS, RJE BTZUN PA SOGS KYIS DE BZHI'I GZHI MTHUN YIN PA TSOGS DON DU BZHAG PAS SGRA DE SGRA DANG MI RTAG PA'I TSOGS DON MA YIN PA'I PHYIR, ZHES BTAG PAS YIN LA, RANG LUGS LA GANG ZAG PHUNG PO BZHI'AM LNGA'I TSOGS PA LA BZHAG PA BZHIN DU BYANG 'PHAGS DANG SANGS 'PHAGS LAM BDEN DANG 'GOG BDEN GYI KHYAD CHOS

156a

, ,GDAGS GZHIR BYAS PA'I BTAGS PA'I DON YIN PAS BZHAG GO ,KHO NA RE, GANG ZAG GI GDAGS GZHI LA 'GOG BDEN YOD PAR THAL, SANGS 'PHAGS KYI GDAGS GZHI LA DE YOD PA'I PHYIR NA RTAGS MA GRUB STE, DE SANGS RGYAS SU GDAGS PA'I GZHI YIN GYI DE GANG ZAG TU 'JOG PA'I GZHI MIN PAS DE'I GDAGS GZHIR MI RUNG BA'I PHYIR TE, MDO LAS, DE BZHIN PHUNG PO RNAMS BRTEN NAS, ZHES GSUNGS PA'I PHYIR DANG, DE'I GDAGS GZHI SKYE 'JIG MI BYED PAR THAL LO, ,YIG CHAR, SDUG BDEN RTOGS NA DE'I KHYAD CHOS BZHI RTOGS PAS MA KHYAB PAR BSGRUB PA SNGON MED LEGS BSHAD YIN LA, DE YANG BDEN BZHI'I RNAM BZHAG LAS, MTSAN NYID SNGON DU NGES PA'I DBANG GIS 'DZIN PA RANG LA NYE BA'I RNAM PA DANG, SNGON NAS GNAS PA LTAR SNANG BAS RDZAS YOD DANG DON DU BSHAD CING, MTSON BYA NGES RJES SU RTOGS PA'I DBANG GIS PHYIS GSAR SGRUB DANG SNGA MA LA LTOS TE BLO LA RING BA BZUNG BA'I PHYOGS SU CHAD PA LTAR SNANG BAS BTAGS YOD DANG THA SNYAD DU BSHAD LA, ZHES RNAM 'GREL LAS, BZUNG DANG 'DZIN PA'I RNAM PA LAS, ,MTSAN NYID GZHAN NI YOD MA YIN, ,ZHES PA'I DON DU GSUNGS PA'I PHYIR, ,CHOS DE'I MTSAN NYID YIN NA KHYOD RTOGS NAS CHOS DE MA RTOGS PA'I GANG ZAG YOD PAS KHYAB DGOS LA, DE 'DRA'I GANG ZAG GI YIN PA YOD MI DGOS SO, ,RJE BTZUN PA BSOD GRAGS PA GUNG RU SOGS KYIS 'PHEN BYED DGE BA'I LAS SPANG BYA MIN PAR DGE BA'I RTAGS KYIS BSGRUB PA YIG CHAR BZHI BRGYA PA RTZA 'GREL DANG,

156b

RDOR GCOD SOGS KYIS BKAG LA, BZHI BRGYA PAR 'PHANGS 'BRAS KYI BDE BA CHUNG 'BRING CHE GSUM SDUG BSNGAL CHUNG 'BRING CHE GSUM 'GOG PA'I CHA LA BTAGS PA TZAM LAS BDE BA RANG MTSAN PA MIN PAR SLAR SDUG BSNGAL DU 'GYUR BA SOGS KYIS SGRUB PAR, DNGOS SMRAS RANG MTSAN GYIS MED NA MED PAR GO NAS KHYOD KYIS BDE BA SDUG BSNGAL DU BSHAD PAS BDE BA LA SKUR BA BTAB CES BRTZAD DE, BDE BA RANG MTSAN PA 'DOD PAS DON DAM DANG THA SNYAD BTAGS TZAM MI 'DOD PAS KUN RDZOB LAS NYAMS ZHES BRGYA PA'I 'GREL PAR 'JUG PA TSUL DRANGS NAS BKAG GO ,MDZOD 'GREL GYIS DE SDUG BSNGAL LA BDE BAR BTAGS PAR GO NAS SDUG BSNGAL CHUNG NGU LA BDE BAR BZHAG MI RUNG BAR THAL, BSAM GTAN GSUM PA NA BDE BA YOD PA'I PHYIR SOGS RTZOD TSUL MANG LA, LAM RIM LAS, ZAG BCAS KYI BDE BA NGO BO NYID KYI BDE BA MIN ZHES PA DANG, SDUG BSNGAL RNAMS NGO BO NYID KYI SDUG BSNGAL LAM SDUG BSNGAL RANG MTSAN PA YIN ZHES PA, BZHI BRGYA PA'I DAR t'I KA LAS, DPER NA NYI MAS GDUNG NAS GRIB MA LA 'DUG PA'I TSE TSIG BA'I SDUG BSNGAL CUNG ZAD SHUGS CHUNG BA'I SKABS KYI TSOR BA SIM PA LA SDUG BSNGAL PHYIR BCOS KYI BDE BA ZHES BYA LA, TSA BAS NYEN PA'I SDUG BSNGAL GYI SHUGS YAL MA THAG GRANG BA'I SDUG BSNGAL 'GO 'DZUGS PAS SDUG BSNGAL YE MED PA'I TSOR BA MI SRID LA, 'JIG RTEN PA'I TSOR BA MI SRID LA, 'JIG RTEN PA'I TSOR BA SDUG BSNGAL LA NI DE'I GZHIR TSOR BA BDE BA SHUGS TSUNG DU TZAM YANG

157a

, ,DGOS PA MIN NO, ,DES NA 'JIG RTEN PA RNAMS LA SDUG BSNGAL RANG MTSAN PA YOD LA, BDE BA RANG MTSAN PA MED CES BYA'O, ,ZHES PA LTAR BDE BA DE DAG MI GSOD PA'I KHRIMS MGROL BA LTA BU SDUG BSNGAL GYI SHUGS DANG LDAN PA'AM DER 'GYUR RUNG DU YOD PAS YIN NO, ,DE 'DRA'I BDE BA RANG MTSAN PA MIN PAR DNGOS SMRAS KYANG 'DOD PAS, MCHAN LAS, 'JOG MTSAN PHRA MO MI SHES GSUNGS SO, ,MCHAN LAS 'DI'I CHOS GSUNGS PA RAB DANG ZHES PA, CHOS KYI RNAM GRANGS ZHES PA'I CHOS DANG, ZHEN PA SPONG PA ZHES PA GZINGS DANG 'DRA BAR SPONG TSUL SGRA JI BZHIN PAR BZUNG NAS CHED DU MI BRTEN PA DANG, MDO SNGA MAS CHOS KYANG LOG PAR BZUNG BAR MI BYA SOGS KYI DON LOGS PAR MI 'DZIN PA BDEN ZHEN SPONG PA YIN TE, 'OG GI CHOS RNAMS NYID SPANGS PAR BYA BA YIN NA ZHES PA GNYIS 'DRA LA, DE 'DIR BSTAN 'KHOR LO BAR BA YIN PA'I PHYIR, SKABS 'DI'I SGRUB BYED DU 'GRO TSUL LAS DGE MI DGE GNYIS DON DAM PAR SPANGS BYAR ZHEN PA BKAG PAS THA SNYAD DU SPANGS BYAR BSTAN NA MA BRTAG ,KUN BTUS LAS, SEMS CAN SKYE BA DANG SKYE BA'I GNAS KYIS KYANG RIG PAR BYA'O, ,ZHES PAR BRTEN NAS RJE BTZUN PA DANG BSOD GRAGS PA SOGS KYIS LAS NYON GYIS SKYES PA'I GANG ZAG SDUG BDEN DU BZHAG KYANG, YIG CHAR, SEMS CAN ZHES MA GSUNGS PAS DE LAS NYON GYIS SKYES PA 'JOG PA BCU GCIG PA SKYES BAS KYANG SHES LA, SDUG KUN GANG RUNG LA SPANG BYA MI DGOS NA

157b

RGYUD BLA SOGS LAS SDUG BDEN NAD DANG SBYAR BA DANG, RNAM 'GREL LAS, BLANGS DANG DOR BYA'I DE NYID NI, ,ZHES BLANG DOR GYI RGYU 'BRAS SU GSUNGS PA SOGS DANG 'GAL BAS BZHAG GO ,AA BHYA KA RA'I THUB DGONGS LAS, DE NYID KYI PHYIR SA BCU PAR GSUNGS PA LA NYAN THOS DANG RANG SANGS RGYAS RNAMS LA'ANG CHOS THAMS CAD RANG BZHIN MED PA NYID DU SHES PA YOD CES GSAL BAR NGES PAR BYA'O, ,ZHES NYAN RANG LA CHOS KYI BDAG MED RTOGS PAR YOD PAR 'JUG 'GREL LTAR GSUNGS LA, DE NYID LAS, GZHAN RNAMS NA RE, NYAN THOS DANG RANG SANGS RGYAS DAG LA GANG ZAG GI BDAG MED PA SHES PA KHO NA YOD KYI ZHES SA BCU PA DANG RIN CHEN PHRENG BA SOGS KYI DON RANG RGYUD PA SOGS KYIS BKRAL SKABS TSIG KHA CIG GAM 'GA' ZHIG GI DON SKAD CIG MA'I BDAG MED DAM RANG RKYA PA'I BDAG MED DANG, 'GA' ZHIG GI DON CHOS KYI BDAG MED LA SBYAR BAS, JI SRID PHUNG PO 'DZIN YOD PA, ,ZHES SOGS SKAD CIG MA'I BDAG MED LA SBYOR NA PHUNG PO RANG RKYA PAR ZHEN PA LAS SANG RANG RKYA PAR ZHEN PA 'BYUNG ZHES SBYOR BA MCHAN GYI DON YIN NAM DPYAD, YIG CHAR, KHA CIG ,SDUG BDEN PHRA MO MED PAR THAL, ZHES PA BSOD GRAGS PAS BDEN BZHI LA PHRA RAGS MED PA THEG PA GNYIS KYI 'GOG LAM PHRA RAGS MED PA DANG, MA RIG BAG CHAGS KYIS SOGS SDUG BDEN MIN PAS BSGRUB PAS YIN LA, THUN MONG GI DBANG DU BYAS NA MA KHYAB CES RANG RGYUD PA MAN GYI LUGS LA SDUG BDEN PHRA MO YOD PA 'KHOR BA PHRA MO YOD PAS BSGRUB CING, RGYUD BLA MA LAS, ME GSUM 'CHI DANG

158a

, ,NA BA DANG, ,ZHES SOGS LTAR LAS NYON GYI SKYE 'CHI SOGS NGOS ZIN SLA BAS RAGS PA DANG, MA DAG SA BDUN GYI YID LUS LAS NYON GYI SKYE 'CHIS DAG CING SNYING RJE DANG SMON LAM GYIS SKYE 'CHIS MA DAG PA DANG NYON MONGS MNGON GYUR DANG 'DRES PAS PHRA BA DANG, DAG SA GSUM DANG DGRA BCOM PA'I YID LUS NI NYON MONGS MNGON GYUR DANG MA 'DRES BAS SHIN TU PHRA BA ZHES BYA LA, DE DAG LA 'KHOR BA'I MING THOB PA DANG, MDO LAS, 'DU BYAS PA DANG MA BYAS PA'I 'KHOR BA YANG MCHIS LA, ZHES SOGS KYIS BSGRUB PO, ,DES NA SDUG KUN PHRA RAGS YOD PAS DE DAG SPONG BYED KYI LAM DANG SPANGS PA'I 'GOG BDEN LA PHRA RAGS 'JOG PA DON GYIS 'PHANGS SO, ,LAS GRUB PA LAS, YANG NA LUS GA-YO BA LAS KYI LAM STE, SEMS PA ZHES BYA BA'I LAS RNAM PA GSUM PO DE LA BRTEN NAS 'JUG PA'I PHYIR, ZHES PA LUS LAS SEMS PA GSUM PO DES LUS GA-YO BAR BYED PAS LUS KYI LAS LAM DU 'JOG CES PA YIN TE, DE NYID LAS, LUS GA-YO BAR BYED PA DE NI LUS KYI LAS TE, ZHES GSUNGS PA'I PHYIR, THEG DMAN DANG THUN MONG BA'I RNAM SMIN GYI RGYU LA DGE BA ZAG BCAS DANG MI DGE BA GANG RUNG DGOS KYANG, THEG CHEN THUN MONG MA YIN PA'I DBANG DU BYAS NA DGE BA LA RNAM SMIN RGYUS KHYAB SNYAM LA, MI RTOG YE SHES KYIS MTHAR THUG DAG PA'I SKU GSUM THOB CES PA YIG CHA LTAR MTHAR THUG GI SKU GSUM LA BYAS NA THEG BSDUS RANG GI GSUNGS RIM GYI SKABS DANG 'BREL

158b

LA, DBYIG 'GREL LAS, DE'I DANG POS DANG PO NYID DU THOB PAR 'GYUR LA, BCU PA LA NI SHIN TU RNAM PAR DAG PAR 'GYUR RO, ,ZHES PA, MDO RGYAN LAS, SKU MED PA DANG SKU BCAS SKU THOB DANG, SKU YONGS RDZOGS DANG ZHES PA LTAR, 'GOG BDEN LA CHOS SKU'I THA SNYAD BYAS NAS DE THOB PA DANG RDZOGS PA'I DON YIN ZHES BSHAD NA, DBU MA RGYAS PAR, 'GOG BDEN DE MTHONG BA DANG THOB PA LAS CHOS SKU THOB PA'I THA SNYAD BYAS PA YANG DBU SEMS 'DOD DE, ZHES PA DANG 'GRIG GAM DPYAD, MCHAN LAS, SDUG BSNGAL DRUG NI RIGS DRUG SO SO'I SDUG BSNGAL LO, ,ZHES PA, LAM RIM LAS, SO SO'I SDUG BSNGAL BSAM PA LA DRUG CES PA DE YIN NAM DPYAD DE, GZHAN DU NA LAM RIM DANG MI MTHUN TSUL MED PA'I PHYIR, KHA CIG ,BYANG SA'I SDUG BSNGAL BRGYA RTZA BRGYAD KYI DRUG TSAN LA BYED ZER BA MI 'THAD DE, BYANG SA LAS, SDUG BSNGAL RNAM PA DRUG NI NGAN SONG GI RGYUS RTEN BA'I PHYIR RGYU'I SDUG BSNGAL DANG, ZHES GSUNGS PA'I PHYIR, BSHES SBRING GI NGES MED DRUG NI, LAM RIM LAS, BSHES SBRING GI 'GREL BAR BDUN GSUNGS PA'I THA MA NI SO SO'I NYES DMIGS YIN PAS 'DIR DRUG BSAM PAR BYA'O, ,ZHES PA LTAR, NGES PA MED PA, NGOMS MI SHES PA, LUS YANG YANG 'DOR BA, YANG YANG NYID MTSAMS SBYOR BA, YANG YANG MTHO DMAN DU 'GYUR BA, GROGS MED PA'I NYES PA DRUG YIN LA, BYANG SA'I NYES MED DRUG NI, BYANG SAR, SDUG BSNGAL BRGYA RTZA BCU'I SNGA MA PA LNGA GCIG NAS BCU TSAN GYI BAR BYAS LA, PHYI MAR LNGA RNAM PA DGUR BYAS PA'I LNGA PA 'JUG PA'I SDUG BSNGAL LA,

159a

, ,BYANG SA LAS, 'JUG PA'I SDUG BSNGAL NI MA NGES PA RNAM PA DRUG LAS BYUNG BA STE, 'KHOR BAR 'KHOR BA NA LUS MA NGES PA'I RGYAL POR GYUR PA LAS MI DBUL BAR GYUR PA DANG, PHA MA MA NGES PA DANG, BU DANG CHUNG MA MA NGES PA DANG, BRAN DANG BRAN MO DANG LAS BYED PA DANG ZHO SHAS 'TSO BA MA NGES PA DANG, MDZA' BSHES DANG GROS GROGS DANG NYE DU SNAG GI GNYEN MTSAMS MA NGES PA LAS BYUNG ZHES PA NAS, GSOD PA DANG PHYIR RGOL BA DANG DGRA BOR GYUR PA DANG, 'KHOR BAR 'KHOR BA NA LONGS SPYOD MA NGES PAS, LONGS SPYOD CHEN POR GYUR PA LAS PHYIS DUS GZHAN MCHOG TU DBUL BAR 'GYUR RO, ,ZHES PA LTAR DRUG GO, ` ,,YIG CHAR MDO DRANGS PA NI NYI SNANG DANG LE'U BRGYAD MA LTAR YIN LA, DA LTA'I LE MANG DU, GZUGS THAMS CAD MKHYEN PA NYID DU MI SBYOR MI 'BYED DO, ,ZHES PAS GZUGS RNAM MKHYEN GNYIS PHAN TSUN YUL DANG YUL CAN DU DON DAM PAR MI SBYOR BA DANG, DE LTAR DON DAM PAR MI SBYOR BA DE YANG DON DAM PAR MED PA MI 'BYED PA'I DON YIN TE, MDO LAS, MI BRTZON ZHES PA DANG, MI SBYOR ZHES PA DANG, MI 'BYED CES PA DANG, 'GREL PAR, MI LDAN ZHES PA DON 'DRA BA'I PHYIR, MDO LAS, DMIGS BYA DMIGS BYED SOGS BDEN STONG DU MNYAM PAR RTOGS PA'I RNAM MKHYEN SANGS RGYAS SU BYED PA'I CHOS DANG, GZHI GNYEN RNAM GSUM BDEN MED DU RTOGS PA'I MKHYEN GSUM CHOS DANG, SKYES BU CHEN PO BDUN SOGS DON DAM PAR MED KYANG THA SNYAD DU GRAGS PA LTAR DGE 'DUN DU BSTAN PAS, DKON MCHOG GSUM LA GDAMS PAR BZHAG GO ,KHO NA RE, BYE SMRA SNGA MA'I LUGS

159b

LA BDAG CAG GI STON PA SANGS RGYAS MA YIN PAR THAL, DE SDUG BDEN YIN PA'I PHYIR, KHYAB STE, RANG 'GREL LAS, SNGA MA DANG PHYI MA GNYIS LA KHYAD PAR MED PA'I PHYIR, ZHES DANG, GSER PHRENG LAS, BYE SMRA'I LUGS KYIS NI SANGS RGYAS DANG DGE 'DUN GNYIS KA'I RTEN LUS NI SDUG BDEN YIN PAS SANGS RGYAS DANG DGE 'DUN MIN LA, ZHES GSUNGS PA'I PHYIR, RTZA BAR 'DOD MI NUS TE, GDAGS PA LAS, MI SLOB PA SANGS RGYAS SU BYED PA'I CHOS ZHES DE'I RGYUD KYI MI SLOB LAM DE SANGS RGYAS SU BYED PA'I CHOS SU GSUNGS PA'I PHYIR, KHO NA RE, RANG 'GREL GYI DE SANGS RGYAS DKON MCHOG MIN PA'I DON YIN ZER NA, RANG 'GREL LAS, RTEN SANGS RGYAS NYID DU MA BKAG PAS ZHES BKAG PA MI RIGS PAR THAL DE SANGS RGYAS DKON MCHOG MIN PAR PHYI MAS KYANG 'DOD PA'I PHYIR TE, MDZOD LAS, GANG ZHIG GSUM LA SKYABS 'GRO BA, ,SANGS RGYAS DGE 'DUN BYED PA'I CHOS, ,MI SLOB PA DANG ZHES GSUNGS PA'I PHYIR DANG, ,'DUL BA RGYA CHER 'GREL LAS, DE NI DKON MCHOG GZHAN YIN PAS, DGE 'DUN GYI LAS MI MTHUN PAR BYED PA NYID MA YIN NO, ,ZHES PA 'JIG RTEN GRAGS TSOD DANG BSTUN PA'I SANGS RGYAS DKON MCHOG DANG, DGE SLONG BZHI SDE LA DGE 'DUN GYI THA SNYAD MDZAD PAR MCHAN LAS GSUNGS PA'I PHYIR, SKU TSE THUNG BA DANG, SKYO BA'I GSUNG BYON PA SOGS KYIS SGRUB BYED LA BRTAGS NA STON PA SANGS RGYAS MIN PAR 'DOD DAM YANG NA NANG 'GAL LO, ,'DI DAG GIS SKYABS 'GRO SHES PAR 'DOD KYANG SDOM PA LEN PA'I CHO GA'I

160a

, ,SKYABS 'GRO GONG 'OG THAMS CAD KYIS TSIG LA BZHAG GO ,SANGS RGYAS DKON MCHOG GI MTSAN NYID LA, 'DUS MA BYAS SOGS YON TAN BRGYAD PO GANG RUNG DANG LDAN PA SBYOR MKHAN GANG YIN DPYAD LA, BSOD GRAGS PA'I MTHA' DPYOD LAS, 'DUS MA BYAS LA SOGS PA'I YON TAN BRGYAD RANG GI YON TAN DU LDAN PA'I SKYABS GNAS SANGS RGYAS DKON MCHOG GI MTSAN NYID DU BZHAG PAR THEG CHEN 'PHAGS PA MTSON BYA DE MA YIN PA GANG ZHIG MTSAN NYID DE YIN PA'I PHYIR ZER BA MI 'THAD DE, YON TAN BRGYAD PO DE THEG CHEN 'PHAGS PA'I YON TAN YIN KYANG DE YON TAN BRGYAD DANG LDAN PA'I GANG ZAG MA YIN PA'I PHYIR, MA GRUB NA, DE RNAM MKHYEN DANG SHES SGRIB GNYIS KA RGYUD LDAN GYI GANG ZAG YIN PAR THAL LO, ,YON TAN BRGYAD KYI GSUM PA LA, ROL MTSO LAS, RANG SNANG YUL DU BYED PA'I BLO LA SNANG BA LTAR RJOD BYED KYI SGRA DANG RNAM PAR RTOGS PAS JI LTA BA BZHIN DU RTOGS MI NUS PA'I YON TAN ZHES DANG, BSOD GRAGS PA'I SPYI DON LAS, YON TAN DE GNYIS SGRA RTOG GIS RTOGS TSUL RTOGS PA'I TSUL GYIS RTOGS MI NUS PA'I YON TAN ZHES YON TAN SNGA MA GNYIS GRA RTOG GIS JI LTA BA BZHIN DU RTOGS MI NUS PA DANG, BZHI PA LA GNYIS KAS JI LTA JI SNYED MKHYEN PA'I YON TAN ZHES 'DREN PA NI, DAR t'I KA LAS, RANG BZHIN DANG, SPANG PA DANG, JI LTA BA RIG PA DANG, JI SNYED PA RIG PA DANG, BRTZE BA DANG, NUS PA DRUG PO ZHES PA DANG DNGOS SU 'GAL BAS

160b

GSUM PA RANG GIS JI LTA BA GZIGS PA LTAR SANGS RGYAS LAS GZHAN GYIS MI RTOGS PA DANG, BZHI PA RANG DON GYI YON TAN GSUM PO DE 'GRO BA RNAMS KYIS THOB BYAR MKHYEN PA LA BYAS NA GZHAN DON GYI YON TAN DU BYAS PA DANG 'GRIG GO ,KHO NA RE, NUS PA'I YON TAN SEMS CAN GYI RGYUD NA YOD PAR THAL, GSER PHRENG LAS, CHOS BSTAN PAS GDUL BYA'I 'BRAS BU'I SDUG BSNGAL DANG RGYU NYON MONGS SPONG BA'O, ,ZHES GSUNGS PA'I PHYIR ZER NA MA KHYAB STE, DE DAG SPONG PHYIR CHOS STON PA DANG, SANGS RGYAS KYIS DE SPONG NUS SU BYED PA'I, NUS PA 'JOG PA'I DON YIN PA'I PHYIR, 'DI LA GZUGS SHES LDAN MIN 'DU BYED GSUM YOD DAM DPYAD, YON TAN BRGYAD KYI DANG PO GNYIS DBYINGS DANG, GSUM PA RIG PA'I YON TAN RANG GI THOB BYA'I GTZO BO YIN PAS RANG DON CHOS SKU DANG, PHYI MA GSUM GYI DANG POS GDUL BYA'I NGANG TSUL GZIGS NAS BRTZE BAS GZUGS SKU SPRUL TE, NUS PAS CHOS STON PAS GZHAN DON GYI YON TAN DU BZHAG GI ,PHYI MA GSUM YANG RANG DON GYI SKU YIN NO, ,RJE BTZUN PA DANG BSOD GRAGS PAS, THEG CHEN GYI CHOS DANG DGE 'DUN DKON MCHOG GI MTSAN NYID LA YON TAN BRGYAD PO GANG RUNG SBYAR DGOS TE, RIGS NGES THEG CHEN MTHONG LAM BAR CHAD MED LAM PA LA 'GOG BDEN DANG GROL BA'I YON TAN MI LDAN PA'I PHYIR ZER BAR, YIG CHAR, RTAGS GRUB STE, 'GOG PA TZAM 'THOB PA'I PHYIR, DER THAL, BAR CHAD MED LAM GYI DUS NA RANG GI SPANG BYA'I BRTAGS MIN THOB PAS KHYAB

161a

, ,PA'I PHYIR, ZHES PA, THOGS 'GREL LAS, GNYIS SU MED PA NYID DANG, RNAM PAR RTOG PA MED PA NYID DANG, ZHES DANG, DAR t'IKA LAS, RTZA BA LAS DANG NYON MONGS PA GNYIS CI RIGS PA MED PA DANG, GZHI BDEN 'DZIN GYI RTOG PA MED PA DANG, CHAGS THOGS DANG DMAN PA'I SGRIB PA MED PA'I BLO MNGA' BA'O, ,ZHES DE DAG CI RIGS RGYUD LA MED PA TZAM LAS SPANGS PA MA GSUNGS PA'I DGONGS PA'O, ,GZHAN YANG DE'I RGYUD LA LAS NYON CI RIGS MED PA'I YON TAN DANG, SGRIB GNYIS CI RIGS LAS GROL BA'I YON TAN MED PAR THAL, 'DOD NA, DE'I RGYUD GYI BRTAGS MIN GYI 'GOG PA DE 'DRA'I YON TAN MA YIN PAR THAL BA DANG, BAR CHAD MED LAM DE THE TSOM LAS BRGAL BA MIN PA DANG, DE'I RGYUD NA GROL LAM MED PAR THAL LO, RTOG MED KYI RTOG PA DAR t'I KA TU BDEN 'DZIN LA BYAS PA GTZO BO 'AM THAL 'GYUR BA'I LUGS YIN LA, GSER PHRENG LAS, GTZANG BA DE SOGS SU 'DZIN PA GSUNGS PAS, YIG CHAR, BDEN 'DZIN NAM TSUL MIN YID BYED CES PA THEG DMAN LA YANG 'GRIG GO ,RGYUD BLAR 'BRAS BU'I SKYABS SGRUB PA'I DBANG DU BYAS NAS DNGOS BSTAN GTZO BOR THEG CHEN GYI DKON MCHOG GSUM TZAM BSTAN LA, DNGOS BSTAN PHAL BAR THUN MONG GI MDO DON THEG PA GSUM GA'I DKON MCHOG GSUM BSTAN TO, ,THEG DMAN GYI CHOS DKON MCHOG MYANG 'DAS RANG RGYAL LA SBYAR BA YANG DE'I 'BRAS SKYABS DANG GTZO BO'I DBANG DU BYAS PA YANG

161b

DES RIGS PA SGRES PAR YIG CHA LTAR RO, ,KHO NA RE, RIGS GROL GYI YON TAN BRGYAD LDAN DU BYAS PA MI 'THAD PAR THAL, GSER PHRENG LAS, DGE 'DUN YON TAN BRGYAD LDAN DU 'CHAD PA NI NAS, BDAG GIS DOR RO, ,ZHES GSUNGS PA'I PHYIR ZER NA MA KHYAB STE, RGYUD BLA RTZA 'GREL DU RIG PA'I YON TAN GSUM DANG, GZIGS PA DAG PA'I YON TAN TE BZHI LAS MI GSAL BAS YIN GYI GTAN MI RUNG BA MA YIN PA'I PHYIR, DANG PO GRUB STE, DE NYID LAS, 'O LA SPYI TZAM RUNG YANG 'PHREL BAS MA BSHAD CING RTZA BA LA YANG SNGA MA LTA BUR MI GSAL BAS ZHES GSUNGS PA'I PHYIR, GNYIS PA GRUB STE, DAR t'I KA LAS, DON BRGYAD DE JI LTA BA RIG PA DANG, NAS, SPYI GNYIS BGRANGS PAS RIG PA DANG, RNAM PAR GROL BA'O, ,ZHES GSUNGS PA'I PHYIR, NANG RIG PA RJE BTZUN PAS GSAL BAR MA BSHAD LA, BSOD GRAGS PA'I SPYI DON LAS, SEMS CAN GYI RGYUD LA BDE GSHEGS SNYING PO YOD PAR MNGON SUM DU GZIGS PA DAG PA'I YON TAN ZHES PA NI, GZIGS PA DAG PA'I STENG NAS BSHAD TSUL ZHIG MED NA GNYIS PAR 'GYUR RO, ,MCHAN LAS, RTZA BAR YANG 'DI'I MJUG TU GROL BA'I YON TAN BSHAD PA 'GREL PAS KYANG KHA MA BRAL BAR BSHAD DE, DE LTA BU'I 'DREL BA MGO BAR YON TAN BRGYAD SO SOR BGRANG NA GNAD MI GO BAS, ZHES PA LTAR, RTZA BAR, NANG GI NI, YE SHES GZIGS PA DAG PA'I PHYIR, ,ZHES PA THOGS 'GREL LAS, 'JIG RTEN LAS 'DAS PA'I YE SHES KYIS GZIGS PA RNAM PAR DAG PA'I PHYIR, ZHES KHA MA BRAL BAR GZIGS PA DAG PA YE SHES

162a

, ,KYI NGO BOR SBYAR LA, 'OG TU DMAN SGRIB LAS GROL BA'I YON TAN STON SKABS, YE SHES GZIGS PA DAG PAS NA, ,SANGS RGYAS YE SHES BLA MED PHYIR, ,'PHAGS PA PHYIR MI LDOG PA NI, ,LUS CAN KUN GYI SKYABS YIN NO, ,ZHES GSUNGS PAS THAL 'GYUR BA'I LUGS LA THOGS SGRIB SOGS CI RIGS SPONGS PA'I 'GOG PA RANG STENG DU MTHONG BAS RANG RIG PA DANG, RANG RGYUD PA LTAR NA SGRIB PA GSUM KHA BRI BA'I SGO NAS JI LTA JI SNYED GZIGS PA'I YE SHES LA BYAS NA SPYI'I RIG PA DANG MI ZLOS PAS GSER PHRENG GIS DE GO CHED KYANG YIN TE, DE NYID LAS, YE SHES DE GNYIS RANG RIG PA'I TSUL GYIS RTOGS PA'O, ,ZHES PA YANG, DE GNYIS KYIS GZIGS PA DAG PA'I TSUL GYIS RTOGS PA'O, ,PHAL CHER GYIS YE SHES GSUM PHYIN CI LOG TU BSHAD CES PA BSOD GRAGS PA SOGS YIN NO, ,GSER PHRENG LAS, CHAGS PA NYON SGRIB DANG, ZHES PA THAL 'GYUR BA LTAR YIN NO, ,KHO NA RE, BYANG SEMS MTHONG LAM PA CHOS CAN, THOGS SGRIB CI RIGS LAS GROL BA'I YON TAN MI LDAN PAR THAL, THOGS SGRIB CI RIGS LAS MA GROL BA'I PHYIR NA MA KHYAB, RTAGS GRUB STE, THOGS SGRIB CI RIGS RGYUD LA YOD PA'I PHYIR, 'DOD MI NUS TE, THOGS SLIB CI RIGS LAS GROL BA'I PHYIR TE, MTHONG SPONG GI DE LAS GROL BA'I PHYIR, MA KHYAB ZER NA, DE CI RIGS LAS GROL NA THAMS CAD LAS GROL DGOS PAR THAL LO, ,DE CHOS CAN, ZAG BCAS KYI LAS NYON CI RIGS DANG BRAL,

162b

NAS MED PA DANG, DE CI RIGS RGYUD LA YOD PA GNYIS KA YIN PAR THAL, DE GNYIS CI RIGS RGYUD LA YOD PA GANG ZHIG ,DE CI RIGS RGYUD LA MED PA'I PHYIR NA SDOM RTAGS MA GRUB STE, YOD PA DANG MED PA'I CI RIGS MI GCIG PA'I PHYIR, SGRIB GNYIS GANG RUNG SOGS LA SBYAR RO, ,YANG NA, ROL MTSO LAS, RANG GI NGOS SKAL GYI CHAGS THOGS DMAN GSUM CI RIGS PAS DAG PA'I YON TAN ZHES PA LTAR BYA LA, 'ON KYANG SNGAR GYI RIGS PA YOD DO, ,RJE BTZUN PAS, SPANG PHYIR, ZHES PA'I RTAGS RONG t'I KA PA LTAR BKOD PA DANG, BSOD GRAGS PAS, SPANG PHYIR LA 'GREL MED PAR LUNG GI CHOS MA RIG BAG CHAGS KYI SA LA BRTEN DGOS PAS BSLU BA'I CHOS CAN YIN PA'I PHYIR, ZHES PA RNAMS MI 'THAD TSUL SLA LA, DAR t'I KA LAS, GZINGS LTAR RANG NYID KYI 'BRAS BU THOB PA'I THABS SU MI DGOS PAS SPANGS SHING DOR BAR BYA BA'I PHYIR, ZHES GSUNGS PAS, YIG CHAR, MTHAR THUG PA'I TSE DE LA BRTEN MI DGOS PAS GZINGS LTA BU YIN PA'I PHYIR, ZHES GSUNGS SO, ,DAR t'I KA LAS, 'DI DAG KYANG DON DAM DANG KUN RDZOB PA GNYIS GNYIS KYIS RIG PAR BYA STE, ZHES DON GYI GNAS BDUN RE RE LA SBYAR BA'I SANGS RGYAS LA DON DAM PA SPANGS RTOGS CHOS SKU DANG KUN RDZOB PA GZUGS SKU DANG, CHOS LA THEG CHEN LA SBYAR BA DNGOS BSTAN YIN PAS, SPYIR DON DAM PA DGOG PA DANG LAM BDEN GNYIS DANG, KUN RDZOB PA GSUNG RAB DANG, DGE 'DUN LA DON DAM PA 'PHAGS PA'I RIG

163a

, ,GROL GNYIS DANG, KUN RDZOB PA 'PHAGS PA RNAMS DANG, KHAMS LA DON DAM PA RANG BZHIN GNAS RIGS DANG, KUN RDZOB PA RGYAS RIGS DANG, BYANG CHUB LA DON DAM PA CHOS SKU DANG, KUN RDZOB PA GZUGS SKU DANG, YON TAN LA DON DAM PA BRAL BA'I YON TAN STOBS SOGS DANG, KUN RDZOB PA RNAM SMIN GYI YON TAN MTSAN SO GNYIS DANG, 'PHRIN LAS LA DON DAM PA BYA SGRUB YE SHES DANG, KUN RDZOB PA GSUNG RAB BZHAG PA, YIG CHAR, DE 'DRA'I DON DAM BDEN TZAM DANG KUN RDZOB THA SNYAD LA BYED DGOS PA'I PHYIR, ZHES PA LTAR SANGS RGYAS SOGS SU 'JOG BYED DNGOS LA DON DAM DANG DE LA BRTEN NAS SANGS RGYAS SOGS KYI THA SNYAD BYED PA KUN RDZOB PAR BZHAG PA YIN LA, THUB DGONGS LAS, 'DIR SANGS RGYAS NI GNYIS TE, DON DAM PA NI SKU GSUM GYIS YANG DAG PAR BSDUS PA'O, ,THA SNYAD PA NI SKU GDUNG GI MCHOD RTEN DANG SKU GZUGS DANG MCHOD RTEN DANG BYANG CHUB SEMS DPA'I SKU GZUGS TE, ZHES PA, YIG CHAR DE LA SANGS RGYAS ZHES PA DON LA DNGOS MING DU 'JUG PAS MI BSLU LA, SKU 'DRA DANG SKU GDUNG DE MIN KYANG MCHOD SOGS SANGS RGYAS DANG MNYAM PAS SANGS RGYAS KYI THA SNYAD BYAS PA'I PHYIR, ZHES PA LTAR, DON LA SANGS RGYAS DNGOS YIN PAS DON DAM PA DANG, SANGS RGYAS DNGOS MIN KYANG MCHOD PA DANG PHYAG SOGS KYI PHAN YON SANGS RGYAS DANG MNYAM PAS KUN RDZOB PA'I SANGS RGYAS SU BZHAG PA YIN

163b

NO, ,MCHAN DU DE'I KHUNGS SU MYANG 'DAS ? BAR RI'I SDE BA'I LUNG DRANGS PA NI, THUB DGONGS LAS, SANGS RGYAS KYI MYU GU THA SNYAD PA'I SANGS RGYAS DE ZHES PA LTAR, BYANG SEMS RNAMS SANGS RGYAS KYI RGYU LJON SHING GI MYU GU LTA BU YIN PAS KYANG BZHAG GO ,'DI DAG NI SGO MANG YIG CHA GSAR PA KHO NA'I LEGS BSHAD DO, ,DES NA DON DAM PA DANG KUN RDZOB PA'I SANGS RGYAS YIN MIN GYI MU BZHI YOD LA MCHAN LAS, RNAM SHES BDAG GI MTSAN GZHIR 'DOD PAS KUN RDZOB PA'I SKYABS GSUM GZHI GZHI MTHUN 'DOD DGOS PAR SNANG LA, ZHES SEMS TZAM PA DANG MDO SDE SPYOD PA'I LUGS LA, SPRUL SKU'I MTSAN GZHI'I RNAM SHES SPRUL SKU YIN PAS KUN RDZOB PA'I SANGS RGYAS DANG DGE 'DUN DU BZHAG LA, THUB DGONGS LAS, CHOS KYANG GNYIS TE, DON DAM NI MYA NGAN LAS 'DAS PA'O, ,THA SNYAD PA NI LAM DANG SANGS RGYAS KYI GSUNG RAB GLEGS BAM RNAMS ZHES CHOS GYI MCHOG MYANG 'DAS LA DON DAM DANG, LAM THA SNYAD PAR GSUNGS PAS, KUN RDZOB PA'I CHOS DKON MCHOG TU BZHAG LA, DES NA KUN RDZOB DANG DON DAM PA'I CHOS GNYIS LA 'ANG MU BZHI 'JOG LA, DGE 'DUN LA YANG MU BZHI 'JOG DGOS TE, DE DON DAM DANG KUN RDZOB PA'I DGE 'DUN GNYIS KA YIN PA'I PHYIR, RJE BTZUN PA SOGS KYIS DE SKYABS GSUM GYI GZHI MTHUN DU BZHAG PA BZHIN YIN PA'I PHYIR, RNAL 'BYOR SPYOD PA'I DBU MA PA SOGS KYI LUGS LA YANG DGE 'DUN LA MU BZHI BZHAG CHOG STE, THUB DGONGS LAS, DGE 'DUN YANG RNAM PA

164a

, ,GNYIS TE, DON DAM PA NI BYANG CHUB SEMS DPA' SA LA RAB TU ZHUGS PA RNAMS DANG, GANG ZAG BRGYAD RNAMS SO, ,THA SNYAD PA NI SO SO SKYE BO RNAMS KYANG STE SDE PA BZHI LA SOGS PA DANG, DGE SLONG DANG DGE SLONG MA RNAMS SO, ,ZHES BYANG 'PHAGS DANG ZHUGS GNAS BRGYAD DON DAM PA'I DGE 'DUN DU YANG GSUNGS PA'I PHYIR DANG, YIG CHAR, DES CHOS DGE 'DUN GNYIS GNYIS KYANG SHIS SO, ,ZHES DON DAM PA DE GNYIS DNGOS YIN PA DANG, KUN RDZOB PA DNGOS MIN KYANG, MCHOD SOGS MNYAM PAS BZHAG PA'I PHYIR, RJE BTZUN PAS BYANG 'PHAGS RNAMS DON DAM PA'I BYANG SEMS YIN PAS DON DAM PA'I DGE 'DUN DU BZHAG PA BSOD GRAGS PAS BKAG PA LTAR SGRUB BYED DES MI 'GRUB BO, ,SPYIR KUN RDZOB DANG DON DAM PA'I SKYABS NI, RGYUD BLA MA LAS, SPANGS PHYIR BSLU BA'I CHOS CAN PHYIR, ,MED PHYIR 'JIGS DANG BCAS PA'I PHYIR, ,CHOS RNAM GNYIS DANG 'PHAGS PA'I TSOGS, ,GTAN GYI SKYABS MCHOG MA YIN NO, ,ZHES PA LTAR, YIG CHAR, LAM GYI BGROD PA MTHAR THUG PAR MA RDZOGS KYANG RDZOGS PA LTAR SNANG BA'I CHA NAS BZHAG PA'I SKYABS DE KUN RDZOB PA'I SKYABS KYI MTSAN NYID, CES CHA BZHAG SBYAR BA SNGAR BSHAD PA'I SKU GZUGS DANG TSOGS SBYOR BA DANG, DGE SLONG PHA MA SOGS LA RGYUD BLA'I DNGOS BSTAN GYI LAM BGROD PA RDZOGS PAR SNANG BA MA TSANG BAS YIN GYI, SPYIR DE DAG KYANG LAM GYI BGROD PAR RDZOGS PA

164b

LTAR SNANG STE, DE DAG LA SKYABS DE DNGOS KYI 'DU SHES BZHAG STE MCHOD PA DANG PHYAG BSKOR SOGS KYIS SKYABS DE DNGOS DANG MNYAM PA'I PHAN YON DANG BYIN RLABS 'BYUNG BA'I PHYIR, DES NA YIG CHAR, SNANG TSUL DANG GNAS TSOD KYI SGO NAS KUN RDZOB PA'I SKYABS DANG MTHAR THUG TU MA PHYIN PA'I SKYABS YIN PAS GNAS SKABS DANG, 'JIGS BCAS KYI SKYABS ZHES BYA BA DON GCIG CES KUN RDZOB PA'I SKYABS SNANG TSUL DANG GNAS TSOD DANG, 'JIGS BCAS SGRIB BA MA SPANGS PA'I SGO NAS BZHAG PA'I PHYIR, 'DI SKYABS 'GRO BYED PA LA'ANG NGES PAR SHES DGOS SO, ,RGYUD BLA LTAR GYI LAM BGROD PA RDZOGS PAR SNANG TSUL NI, SLOB PA'I LUNG GI CHOS RNAMS THOS BSAM GYIS CHED DU RTEN BYA DANG, THEG CHEN GYI BAR CHAD MED LAM GYI GZIGS NGOR DRI MA MED PA DANG, DMAN PA'I LHAG MED MYANG 'DAS SDUG KUN SPANGS PA DANG, SLOB PA 'PHAGS PA RNAMS SPANG BYA CI RIGS DANG BRAL BAR SNANG BAS YIN GYI, 'PHAGS PA KHO RANG DANG DE'I LAM BDEN LA SNANG BA LA BYED PAS ZER BA MI 'THAD DE, LUNG GI CHOS DANG MYANG 'DAS LA SBYAR DU MED PA'I PHYIR, KHYAB STE, YIG CHAR, 'DIS SLOB PA'I RGYUD KYI LUNG DANG SPANGS RTOGS KYI CHOS DANG THEG PA GSUM GYI 'PHAGS PA SLOB PA RNAMS SKABS DANG, KUN RDZOB PA'I SKYABS YIN TSUL SO SOR BSHAD KYANG SPYIR BSHAD NA MTSAN NYID DE THOB PA'I PHYIR, ZHES GSUNGS PA'I PHYIR, DE BZHIN DU SA MTSAMS SLOB PA 'PHAGS PA'I GNAS

165a

, ,SKABS KHO NAR YOD GSUNGS PA YANG RGYUD BLA'I DNGOS BSTAN LA DGONGS SO, ,DON DAM PA'I SKYABS NI, RGYUD BLA MA LAS, DAM PA'I DON DU 'GRO BA YI, ,SKYABS NI SANGS RGYAS NYAG GCIG YIN, ,THUB PA CHOS KYI SKU CAN PHYIR, TSOGS KYANG DE YI MTHAR THUG PHYIR, ,ZHES PA LTAR, YIG CHAR LAM MAM DGOS DON MTHAR THUG PAR RDZOGS PAR SNANG ZHING, DON LA'ANG DGOS DON MTHAR THUG PAR RDZOGS PA'I CHA NAS BZHAG PA'I SKYABS DE DON DAM PA'I SKYABS KYI MTSAN NYID, CES PA'I CHA BZHAG GIS RI BONG RNAM CAN SOGS THA MAL BAR SNANG BAS YIN NAM SNYAM MO, ,RNAM BSHAD LAS, LAM GYI BGROD PA MTHAR MTHUG PA'I SKYABS DE, KUN RDZOB PA'I SKYABS DANG NAS, DON LA YANG MTHAR THUG PA DON DAM PA'I SKYABS KYI DON YIN GYI, ZHES PA LTAR, SANGS RGYAS DANG DON DAM PA'I SKYABS DON GCIG ,SANGS RGYAS MA YIN PA'I SKYABS DANG KUN RDZOB PA'I SKYABS GNYIS DON GCIG YIN NO, ,DAR t'I KA LAS, NYE RGYU NGAG PA'I GSUM LA DKON MCHOG GSUM RIM GYIS 'GRUB PA'I TSUL DANG, ZHES PAS MTHAR THUG GI DKON MCHOG GSUM GYI RING RGYU DANG NYE RGYU GNYIS LAS, SNGA MAS BDUN PA MAN DANG NYE RGYU DAG SA GSUM GYI SKABS 'GRUB TSUL GSUNGS LA, DE YANG MCHAN DU KHA CIG GIS, SA BRGYAD PAR RDO RJE'I LUS RJES MTHUN PA THOB PA DANG, DGU PAR SO RIG RJES MTHUN PA THOB PA DANG, BCU PAR LONGS SKU'I 'KHOR GYI GTZO BOR GYUR PA ZER BA'I DANG PO, DBU MA'I MTHA' DPYOD DU, DE RDO RJE'I LUS MTSAN

165b

NYID PAR GSUNGS PA DANG, PHYI MA GNYIS GZUNGS RGYAL GYI MDO LAS, CHOS KYI 'KHOR LO LEGS PAR BSKOR BA ZHES LUNG GI CHOS 'KHOR BSKOR BA DANG, SLOB MA'I TSOGS SHIN TU DUL BA MTHA' YAS PA MNGA' BA ZHES RANG LA 'KHOR MNGA' BAR GSUNGS PAS BKAG NAS, SA BRGYAD PAR 'BAD RTZOL RAGS PA MED PAR GANG SNANG BDEN STONG DU GZIGS PAS SANGS RGYAS DKON MCHOG BTAGS PAR RANG NYID BZHAG NA, YIG CHAR, BYANG SEMS THA SNYAD PA'I SANGS RGYAS SU SGRUB BYED DU DRANGS PA DANG 'BREL LA, DGU PAR SO RIG RJES MTHUN PA BZHI'I SGO NAS SO SO'I SKAD RIGS DANG MTHUN PAR CHOS BTAGS PA PA LUNG GI CHOS STON PA SANGS RGYAS SA NA CHOS 'KHOR BSKOR BA'I NYE RGYU DANG, BCU PAR RANG LA SLOB MA DGE 'DUN MTHA' YAS PA MNGA' BAS 'BRAS DUS SU MTHAR THUG GI DGE 'DUN SPRUL SKU'I 'KHOR MANG PO MNGA' BAS NYE RGYU 'GRUB CES PHYI MA GNYIS LA LUNG GI CHOS DANG 'KHOR GYI DGE 'DUN BZHAG GO ,DPAL PHRENG GI MDO LAS, SEMS DANG YID DANG RNAM SHES MI 'JUG GO ,ZHES PA'I SEMS SOGS KYI DON SEMS TZAM LUGS LA, RGYAN STUGS, PO BKOD PA LAS, SEMS NI KUN GZHI'I RNAM SHES TE, DE LA NGAR 'DZIN YID YIN NO, ,RNAM SHES SO SOR RNAM RIG PA, ,DE NI 'JUG PA'I RNAM SHES 'DOD, ,CES PA LTAR SKAD DOD KYI STENG NAS SO SOR BZHAG LA, PHUNG PO'I NANG DU RNAM SHES, KHAMS KYI NANG DU SEMS KYI KHAMS BDUN DANG, SKYE MCHED LA YID

166a

, ,KYI SKYE MCHED CES PA DANG, 'DAS PA RTEN DU GYUR PAS YID, MA 'ONGS PA BRTEN PA 'BRAS BUR GYUR PAS RNAM SHES, DA LTAR BA DGE MI DGE'I BAG CHAGS BSAGS PAS SEMS, ZHES SBYAR KYANG SPYIR DON GCIG GO ,RGYU 'BRAS KYI SKYABS GNYIS LAS 'BRAS SKYABS NI GANG ZAG RANG RANG GI THOB BYA'I SKYABS RNAMS 'JOG LA, RNAM BSHAD LAS, RANG RGYUD LA THOB BYAR DON DU MI GNYER YANG, GANG LA SKYABS SU SONG BA'I CHOS DANG DGE 'DUN DKON MCHOG KYANG DE LA LTOS PA'I RGYU'I SKYABS SU BYA'O, ,ZHES DANG, DAR t'I KA LAS, GZHAN RGYUD LA GRUB ZIN 'JIGS PA LAS SGROL BA'I DPUNG GNYEN DU 'DZIN PA RGYU'I SKYABS 'GRO'O, ,ZHES PA LTAR RANG RGYUD LA THOB BYAR MI 'DZIN PAR DPUNG GNYEN ZHU SA'I SKYABS RNAMS GANG ZAG DE'I RGYU SKYABS LA 'JOG GO ,DES NA SKU 'DRA DANG GLEGS BAM LTA BU RGYU SKYABS KHO NA DANG, RGYUD KYIS BSDUS PA'I SKYABS RNAMS GNYIS KA YIN NO, ,KHO NA RE, THEG DMAN GANG ZAG GI 'BRAS SKYABS LA SANGS RGYAS MED PAR THAL, RNAM BSHAD LAS, RIGS CAN GZHAN GNYIS KYI YANG RGYU'I SKYABS GSUM DANG, 'BRAS BU'I SKYABS GNYIS KYANG GO BAR 'GYUR MOD KYI, ZHES GSUNGS PA'I PHYIR NA MA KHYAB STE, RGYUD BLA MA LAS, THEG PA GSUM DANG BYED GSUM LA, ,ZHES PA LTAR RANG LAM DU GTZO BOR DON DU GNYER RGYU'I DBANG DU BYAS PA'I PHYIR, RJE BTZUN PA DANG

166b

BSOD GRAGS PAS, SEMS CAN YIN NA, SANGS RGYAS 'PHAGS PA DANG RGYUD GCIG YIN PAS KHYAB ZER LA, SNGA MAS STON PA SH'AKA THUB, RGYAL PO NGA LAS NU'I DUS SU NGA LAS NUR GYUR KYANG, DE DUS SU NGA LAS NU MIN ZER, PHYI MAS STON PA DE DUS SU NGA LAS NU YIN KYANG, NGA LAS NU'I DUS SU STON PA NGA LAS NU MIN ZER BA LEGS, GTAN LA DBAB PA BSDU BA LAS, RGYU BZHIS NA SKYABS SU SONG BA YIN TE, YON TAN SHES PA DANG, KHYAD PAR SHES PA DANG, KHAS BLANGS PA DANG GZHAN MI SMRA PAS SO, ,ZHES PA LTAR KHYAD PAR BZHIS BSDUS PA'I SHES RAB GTZO 'KHOR CI RIGS SKYABS 'GRO'I MTSAN NYID DU YIG CHAR GSUNGS PA'I YON TAN SHES PA NI, SANGS RGYAS KYI SKU'I YON TAN MTSAN DPES BRGYAN PA DANG, GSUNG GI YON TAN GSUNG GCIG KYANG SEMS CAN RANG RANG GI SKAL BA BZHIN GO BA DANG, THUGS KYI YON TAN MKHYEN PA THOGS PA MED PA DANG, BRTZE BA RGYUN CHAD MED PA DANG, 'PHRIN LAS KYI YON TAN LHUN GYIS GRUB PA DANG, RGYUN MI 'CHAD PAS THAMS CAD LA PHAN 'DOGS PAR MDZAD PA RNAMS DANG, CHOS KYI YON TAN NI, SANGS RGYAS YON TAN MTHA' YAS PA CAN DE, LUNG GI CHOS LA THOS BSAM DANG, RTOGS PA'I CHOS 'GOG LAM SOGS BSGOM PA KHO NAS SKYES PA DANG, THOB PA SOGS DANG, DGE 'DUN GYI YON TAN NI, 'PHAGS PA'I GANG ZAG RNAMS NI, LUG RTOGS KYI CHOS YON TAN CAN TE, SMRA PA DANG 'DZIN PA SOGS KYI SGO NAS TSUL BZHIN DU BSGRUB PA'O, ZHES CHOS DANG DGE 'DUN GYI YON TAN

167a

, ,CHOS YANG DAG PAR SDUD PA'I MDO LAS GSUNGS PA LTAR SNYING THAG PA NAS NGES SHES SKYED PA LAM RIM LTAR DANG, KHYAD PAR SHES PA NI, BSDU BA LAS, SANGS RGYAS DANG CHOS DANG DGE 'DUN DKON MCHOG RNAMS KYI KHYAD PAR NI RNAM PA DRUG GIS RIG PAR BYA STE, MTSAN NYID DANG, 'PHRIN LAS DANG, MOS PA DANG, SGRUB PA DANG, RJES SU DRAN PA DANG, BSOD NAMS 'PHEL BAS SO, ,DE LA MTSAN NYID LAS GYUR PA'I KHYAD PAR NI, SANGS RGYAS DKON MCHOG NI RANG MNGON PAR RDZOGS PAR BYANG CHUB PA'I MTSAN NYID DO, ,CHOS DKON MCHOG NI MNGON PAR RDZOGS PAR BYANG CHUB PA'I 'BRAS BU'I MTSAN NYID DO, ,DGE 'DUN DKON MCHOG NI GZHAN GYI MAN NGAG GIS YANG DAG PAR BSGRUB PA'I MTSAN NYID DO, ,ZHES PA LTAR SANGS RGYAS NI SPANG BYA BYANG BA DANG, CHOS THAMS CAD KHONG DU CHUB PA STE SPANGS RTOGS RDZOGS PAR BYANG CHUB PA'I RGYU DAG CAN DANG, CHOS NI BYANG CHUB PA'I 'BRAS BU CHOS 'KHOR BSKOR BA'I RGYU DAG CAN DANG, DGE 'DUN NI GZHAN GYI MAN NGAG GAM GDAMS NGAG LA BRTEN NAS BYANG CHUB DE BSGRUB PA'I RGYU DAG CAN YIN NO, ,MTSAN NYID NI RANG BZHIN NAM RGYU DAG YIN GSUNG, 'PHRIN LAS KYI KHYAD PAR, SANGS RGYAS NI CHOS STON PA DANG, CHOS NI SPANG BYA SPONG PA DANG, DGE 'DUN NI GZHAN GYI GROGS SU MTHONG NAS SPRO BAS RJES SU 'JUG PAR BYED PA'I 'PHRIN LAS CAN NO, ,MOS PA'I

167b

KHYAD PAR NI KUN SLONG YIN PAS SANGS RGYAS LA BSNYEN BKUR BYA 'DOD DANG, CHOS LA THOB 'DOD DANG, DGE 'DUN LA CHOS DANG MTHUN PAR LHAN CIG 'GROGS 'DOD PA'O, ,SGRUB PA'I KHYAD PAR NI, LAG LEN BYED TSUL YIN PAS, SANGS RGYAS LA MCHOD PA DANG, RIM GRO BYA BA DANG, CHOS BSGOM PA DANG, DGE 'DUN CHOS DANG ZANG ZING THUN MONG DU SPYAD DE GROGS BYA BA'O, ,RJES DRAN GYI KHYAD PAR NI, RGYAS PAR DKON MCHOG RJES DRAN GYI MDO LTAR DRAN PA DANG, MDOR BSDU NA SANGS RGYAS SKYABS STON PA PO DANG, CHOS SKYABS DNGOS DANG, DGE 'DUN SKYABS BSGRUB PA'I GROGS SU DRAN PA'O, ,BSOD NAMS 'PHEL BA'I KHYAD PAR NI, SANGS RGYAS GANG ZAG GCIG DANG, DGE 'DUN TSOGS PAR GSUNGS PAS, GANG ZAG MANG PO LA BRTEN PA STE, DE GNYIS GANG ZAG GI DBANG DU BYAS PA'I BSOD NAMS 'PHEL BA DANG, CHOS KYI DBANG DU BYAS NAS BSOD NAMS 'PHEL BA GNYIS TE, DE LTAR SKYABS GSUM GYI KHYAD PAR SHES PAS RE RE TZAM GYIS MI CHOG PAR GSUM GA TSANG DGOS TSUL LA NGES PA 'DREN NO, ,KHAS BLANGS PA NI, SANGS RGYAS SKYABS STON PA DANG, CHOS LA SKYABS DNGOS DANG, DGE 'DUN LA SKYABS BSGRUB PA'I GROGS SU YID DAM BCA' BA DANG, GZHAN DU MI SMRA BA NI, NANG PA BA DANG PHYI PA'I STON PA DANG BSTAN PA DANG, DE LA SPOB PA RNAMS KYI MCHOG DMAN SHES NAS, DKON MCHOG GSUM KHO NA SKYABS SU 'DZIN GYI, PHYI BA'I STON PA SOGS LA GTAN SKYABS SU MI 'DZIN

168a

, ,PHA'O, ,RANG RGYUD LDAN GYI GANG ZAG GIS KHYAD PAR DE BZHIS BRTAG NAS DKON MCHOG GSUM KHO NA RANG GZHAN 'JIGS PA LAS SGROL BA'I DBUNG GNYEN DU 'DZIN PA'I SHES RAB GTZO BO DANG, RANG GZHAN GYIS SANGS RGYAS KYI YON TAN RNAMS THOB 'DOD DANG, THOB PHYIR BRTZON PA'I LAM RNAMS DANG, CHOS BYANG PHYOGS SGOM PA'I BLO DANG, DGE 'DUN RNAMS GROGS SU 'TSOL BA'I BLA DANG, DE DAG DANG MTHUN PAR LAM LA SLOB PA'I BLO SOGS KYANG SKYABS 'GROR 'JOG PAS GTZO 'KHOR CI RIGS GSUNGS TE, 'OG TU PHAR PHYIN BSDUS PA LAS, SEMS CAN RNAMS LA SNYING BRTZE ZHING, ,SOGS KYIS RANG NYID SANGS RGYAS SU SGRUB 'DOD DANG, CHOS RANG GIS NYAMS SU LEN PA DANG, DGE 'DUN RANG GIS CHOS SGRUB PA'I GROGS SU 'TSOL BA LA MCHAN LAS GSUNGS PA'I PHYIR DANG, DAR tI KA TU DRAG SHUL CAN GYIS ZHUS PA'I MDO DRANGS PAR, SKYES BU CHEN PO'I MTSAN SUM CU RTZA GNYIS YANG DAG PAR BSGRUB PAR 'GYUR BA'I DGE BA'I RTZA BA DE DAG YANG DAG PAR SGRUB PAS BRTZON 'GRUS RTZON PA LTA BU NI, KHYIM BDAG BYANG CHUB SEMS DPA' SANGS RGYAS LA SKYABS SU SONG BA YIN NO, ,ZHES PA NAS, YANG SANGS RGYAS DANG 'GROGS PAR SMON PAS SANGS RGYAS LA SBYIN PA SBYIN PA DANG, CHOS BSRUNG BA'I PHYIR CHOS LA SBYIN PA SBYIN PA DANG, SBYIN PA DE BLA NA MED PA YANG DAG PAR RDZOGS PA'I BYANG CHUB TU

168b

YONGS SU BSNGO BA RNAMS RIM PA BZHIN DKON MCHOG GSUM LA SKYABS SU YOD PAR GSUNGS SO, ,ZHES GSUNGS PA'I PHYIR, DES NA YIG CHAR, THUN MONG BA DANG PHAL PA GO BAR ZAD, DES NA SKYABS 'GRO'I KHUNGS SU MA 'DUS PA'I THEG PA GSUM GYI LAM MED PAR SHES DGOS TE, ZHES PA LTAR NANG PA'I BSTAN PAS BSDUS PA'I DGE RTZA RNAMS SKYABS 'GROR 'JOG STE, SO SKYE PHAL PA'I RGYUD KYI DE 'DRA'I DGE RTZA RNAMS KYANG KHAMS GSUM GYI NYON MONGS SPANGS PA RDZOGS BYED YIN PAS, DE STON PA'I STON PA SOGS LA DPUNG GNYEN DU BYAS NAS BSGRUB PA'I PHYIR, 'O NA LAM RIM SOGS LAS DE NYAMS LEN GYI SNGON 'GROR GSUNGS PA CI YIN ZHE NA, DE NI MCHOG GSUM LA DAD PA DANG, DE DPUNG GNYEN DU 'DZIN PA'I SHES RAB KYIS ZIN NA THAR PA'I RGYU DANG, SEMS BSKYED KYIS ZIN NA THEG CHEN GYI CHOS SU 'GYUR BAS YIN GYI, SNGON 'GRO TZAM DU BZUNG NA DAR tI KA SOGS DANG 'GAL LO, ,ROL MTSO LAS, NGO BO'I SGO NAS LUS NGAG YID GSUM GYI SKYABS 'GRO GSUM YOD, MTSAN GZHI NI LUS KYI PHYAG SOGS SO, ,ZHES GSUNGS PAS, LUS DBYIBS DANG DAG SOGS 'JOG GAM, DE'I SGO NAS 'DUD PA 'JOG DPYAD, DE LTAR SKYABS SU SONG NAS DE DAG GIS SKYOB MI SKYOB BSLAB BYA BSRUNG BA LA RAG LAS PAS, BSDU BA LAS GSUNGS PA'I BSLAB BYA BRGYAD NI, SKYES BU DAM PA LA BRTEN PA DANG, DAM PA'I CHOS NYAN PA DANG, TSUL BZHIN YID LA BYED PA DANG, CHOS KYI RJES

169a

, ,SU MTHUN PA'I CHOS SGRUB PA BZHI DANG, DBANG PO MI RGOD PA DANG, BSLAB GZHI CI NUS SU LEN PA DANG, SEMS CAN LA SNYING RJE BYA BA DANG, DUS DUS SU DKON MCHOG MCHOD PAR BRTZON PA BZHI STE BRGYAD LAS, DANG PO SANGS RGYAS DANG, DE NAS GNYIS CHOS KYI DANG, BZHI PA DGE 'DUN DKON MCHOG GI BSLAB BYA DANG, PHYI MA BZHI THUN MONG GI YIN NO, ,MAN NGAG NAS 'BYUNG BA DGAG PA'I BSLAB BYA NI, LHA GZHAN LA SKYABS SU MI 'GRO BA DANG, SEMS CAN LA GNOD 'TSE SPONG BA DANG, MU STEGS CAN DANG MI 'GROGS PA GSUM DANG, SGRUB PA'I BSLAB BYA NI, SANGS RGYAS KYI SKU GZUGS LEGS NYES CI 'DRA YANG BRNYAS THABS SPANGS NAS STON PA LTAR BKUR BA DANG, CHOS TSIG BZHI PA YAN LA MA GUS PA SPANG ZHING CHOS DKON MCHOG LTAR GUS PA DANG, RAB BYUNG GI RTAGS TZAM 'DZIN PA YAN LA MI BRNYAS SHING DGE 'DUN DKON MCHOG LTAR GUS PA GSUM DANG, THUN MONG GI BSLAB BYA DRUG NI, MCHOG GSUM GYI KHYAD PAR DANG YON TAN DRAN NAS YANG YANG SKYABS SU 'GRO BA DANG, BKA' DRIN DRAN NAS DUS RTAG TU MCHOD PA LA BRTZON ZHING CI BZA' CI 'THUNG GI PHUD KYIS MCHOD PA DANG, SNYING RJES 'GRO BA GZHAN SKYABS 'GRO LA DGOD PA DANG, BYA BA CI LA THUG KYANG DKON MCHOG LA GSOL BA 'DEBS SHING, 'JIG RTEN PA'I THABS GZHAN SPONG BA DANG, PHAN YON BRGYAD PO DRAN NAS NYIN LAN GSUM MTSAN LAN GSUM DU SKYABS 'GRO

169b

BYA BA DANG, DKON MCHOG GSUM THA NA BZHAD GAD DAM SROG GI PHYIR YANG MI BTANG BA'O, ,SNYING NAS CHOS RNAM DAG GCIG BYED 'DOD NA BSLAB BYA 'DI DAG LAS MI 'DA' BAR BYA'O, ,RGYUD BLAR THEG CHEN GYI SKYABS 'GRO'I YUL GTZO BOR BSHAD CING, MDO RGYAN DU SKYABS SU 'GRO TSUL GTZO BOR BSHAD PAS, KUN TU 'GRO DANG SOGS KYIS KHYAD PAR BZHIS THEG CHEN GYI SKYABS 'GRO MCHOG TU MDOR BSTAN, GANG PHYIR DANG POR SOGS KYIS THEG CHEN GYI SKYABS 'GRO 'JUG MI NUS TE, BYA DKA' BA'I PHYIR, ZHES PA'I RTZOD SPONG DU DANG POR NGES PAR SEMS BSKYED PA DANG, BAR DU TSOGS GNYIS SGRUB DKA' YANG, THA MAR 'BRAS BU GRUB NA SEMS CAN GYI DON RGYA CHER BYED PA'I PHYIR, ZHES PA'O, ,GANG ZHIG SEMS CAN SOGS KYIS SEMS CAN KUN BSGRAL PHYIR ZHUGS PA SEMS CAN KUN 'GRO, THEG GSUM GYI LUNG RTOGS LA MKHAS PA THEG PA KUN 'GRO, BDAG MED GNYIS LA MKHAS PA YE SHES KUN 'GRO, 'KHOR 'DAS BDAG MED DU RO GCIG PAR RTOGS PAS SRID ZHIR MI GNAS BA MYANG 'DAS KUN 'GRO BZHIS KUN 'GRO RGYAS PAR BSHAD, GANG ZHIG DGA' BA SOGS KYIS SMON LAM GYI KHYAD PAR SEMS BSKYED DANG, SGRUB PA'I KHYAD PAR DKA' SPYAD LA MI SKYO BAR GZHAN DON SGRUB PA DANG, 'BRAS BU'I KHYAD PAR SANGS RGYAS NAS SANGS RGYAS KUN DANG SPANGS RTOGS MNYAM PAR 'GYUR BA GSUM GYIS SKYABS SU KHAS 'CHE BA'O, ,SANGS RGYAS SRAS KYI SOGS KYIS DE LTAR KHAS LEN PA DE RGYAL PO'I SRAS

170a

, ,DANG MTSUNGS TSUL GSUM LAS RIGS KYI KHYAD PAR BA'I SA BON LTA BU'I SEMS BSKYED MA LTA BU'I BDAG MED RTOGS PA'I SHES RAB, MNGAL LTA BU'I TSOGS GNYIS, MA MA LTA BU'I SNYING RJE LAS SKYES PA DANG, SNA TSOGS MTSAN RNAMS SOGS KYIS GZUGS BZANG PA'I KHYAD PAR MTSAN RNAMS KYIS BRGYAN PA DANG, STOBS KYI KHYAD PAR SEMS CAN SMIN PA'I STOBS MNGA' BA DANG, BDE BA'I KHYAD PAR SANGS RGYAS KYI SPANGS RTOGS KYI BDE BA RNYED PA DANG, YE SHES KYI KHYAD PAR SEMS CAN KUN SKYABS PA'I THABS TSOGS GNYIS BSHAM PA STE, SGRUB PA BZHIS STOBS DANG, SANGS RGYAS KUN GYIS SOGS KYIS SA BCU PAR 'OD ZER CHEN PO'I DBANG BSKUR BA DANG, LUNG RTOGS KYI CHOS LA DBANG BA DANG, SANGS RGYAS KYI 'KHOR DU DRIS LAN SOGS KYIS THABS LA MKHAS PA DANG, BSLAB GZHI BCA' BA SOGS KYIS TSAR GCOD PHAN 'DOGS BYED PA STE GDUNG RGYUN MI GCOD PAR MTSUNGS PA'I KHYAD PAR RO, ,BLON PO CHEN PO SOGS KYIS PHYIN DRUG LA 'JUG PAR SANGS RGYAS KYI THUGS BRTAN PA DANG, BYANG PHYOGS KYI LAM MDO SDE SOGS SU THA MAR BAD LA BA MI BRJED PA'I SPYAN BYED PA DANG, SKU GSUNG THUGS KYIS GSANG BA GSUM 'DZIN PA DANG, SEMS CAN MANG PO'I DON BYED PA BZHIS BLON PO DANG MTSUNGS PAR BSTAN PAS DPE GNYIS KYIS KHAS LEN PA'I PHAN YON GSUNGS SO, ,BSOD NAMS PHUNG CHEN SOGS KYIS THEG CHEN LAM MA ZHUGS THEG CHEN LA MOS PA'I DUS NA BSOD NAMS CHEN PO 'THOB PA DANG, SEMS BSKYED PA'I DUS NA SRID GSUM GYI BLA MAR GYUR PA 'THOB PA DANG, MOS SPYOD DU LAS KYI SKYE

170b

BA 'DZIN DUS SRID PA'I DE BA 'THOB PA DANG, 'PHAGS LAM 'THOB PA NA BDAG GZHAN MNYAM BRJE'I SEMS KYIS SKYE RGA SOGS KYI SDUG BSNGAL CHEN PO ZHI BA 'THOB PA DANG, SA BRGYAD PA NAS 'BAD RTZOL RAGS PA ZHI BAS BLO MCHOG TU BDE BA 'THOB PA LNGA RGYU DUS KYI YON TAN DANG, 'BRAS BU BYANG CHUB THOB PA'I DUS NA CHOS SKU CHOS PHUNG PO STE CHOS KYI 'BYUNG GNAS MCHOG ZAD PA MED PAS RTAG PA, STOBS SOGS DGE BA'I TSOGS DPAG TU MED PAS BRGYAN PA 'THOB PA DANG, SGRIB GNYIS KYI BAG CHAGS LAS BZLOG PA 'THOB PA DANG, SRID ZHI'I MTHA' LAS GROL BA 'THOB PA STE 'BRAS BU'I YON TAN GSUM STE SKYABS SU SONG BAS YON TAN BRGYAD RTOGS PA STE THOB PA DANG, BLO LDAN NYAN THOS SOGS KYIS BYANG SEMS KYIS DGE BA RGYA CHE BA DANG TSAD MED PA DANG ZAD MI SHES PA BZHIS NYAN RANG ZIL GYIS GNOD PAR MDOR BSTAN, DGE BA DE YANG SOGS KYIS 'JIG RTEN SO SKYE'I DUS SU SEMS BSKYED RGYA CHEN POS SEMS CAN SMIN PAR BYED, 'JIG RTEN MA YIN PA MA DAG SA BDUN DU GDUL BYA SMIN GROL GYI DON RGYA CHEN PO BYED, DAG SA GSUM DU RANG GZHAN GYI DON MTHA' YAS PA BYED, LHAG MED KYI TSE ZAG BCAS KYI PHUNG PO KU NA ZHI BAS DON GNYIS RGYUN MI 'CHAD PA'O, ,'DIR NI DE DNGOS SOGS KYIS NGO BO SANGS RGYAS KYI DNGOS PO DE 'DOD PAS SKYABS SU KHAS LEN PA DANG, RGYU SNYING RJE LAS BYUNG BA DANG, 'BRAS BU RNAM MKHYEN THOB PA DANG, BYED LAS GZHAN PHAN BDER 'GOD PA'I DKA' SBYANG LA MI SKYO BA DANG LDAN PA'I YON TAN NI SPANG BYA KUN LAS NGES PAR 'BYUNG ZHING THEG PA KUN

171a

, ,GYI YID RTON PA, 'JUG PA'I RAB DBYE'I MKHAN SLOB SOGS LAS BLANGS PA BRDA LAS BYUNG BA DANG, CHOS NYID MNGON SUM DU RTOGS PA'I STOBS KYIS THOB PA DRA BA'O, ,SKYABS SU 'GRO BA 'DIR SONG SOGS KYIS RANG DON SGRUB PA RTOG GE STE RIGS PA DANG GRANGS DANG DUS KYIS DPAG TU MED PA'I YON TAN 'PHEL BA DANG, GZHAN DON SGRUB PA BSAM PA SNYING RJES KHYAB PA DANG, SBYOR BA 'PHAGS PA'I CHOS CHEN PO PHYOGS KUN TU RGYAS PAR BYED PA STE 'DIS SKYABS 'GRO'I PHAN YON NAM CHE BA BRJOD DE MJUG BSDU BA'O, ,MCHAN LAS, LAS KYI KUN NYON NAM NYON MONGS LAS ZHES PA MA DAG STE LAS KYI KUN NYON NAM LAS KYI LAM LAS SKYOB TSUL ZHES PA YIN NO, ,MDO RGYAN LAS, 'TSE BA DAG NI SOGS KYIS CHUNG NGU PHAL BA TSE 'DI'I BDE BA TZAM DON DU GNYER BA GNOD 'TSE SOGS DANG, KHYAD PAR CAN PHYI MAR NGAN SONG DANG, DE'I THABS MIN MI DGE BA DANG, 'BRING 'KHOR BA'I RGYU 'JIG LTA DANG 'BRAS BU SDUG BDEN DANG, CHEN PO THEG DMAN GYI ZHI BA'I 'JIGS PA LAS SKYABS TSUL BSTAN TO,, ` ,,ROL MTSO LAS, SPYAN DANG PO GNYIS KYI MTSAN NYID LA RANG GI THUN MONG MA YIN PA'I BDAG RKYEN ZHES SBYAR BAS, YIG CHA'I KHA CIG DE YIN LA, DE NYID KYIS MTHA' DPYOD DU BKAG GO , KHO NA RE, SANGS RGYAS 'PHAGS PA'I RGYUD LA SHA KHRAG DANG 'DRES PA'I DBANG PO YOD PAR THAL, SHA'I MIG DBANG YOD PA'I PHYIR NA YIG CHAR MA KHYAB GSUNGS PAS, BDAG CAG GI STON PA LTA BU'I RGYUD KYI SHA KHRAG DANG 'DRES PA LTA BU'I

171b

MIG DE SHA'I MIG YIN ZER DGOS SO, ,LHA'I RGYUD NA SHA'I MIG YOD PAR THAL, SHA'I SPYAN YOD PA'I PHYIR ZER NA MA KHYAB STE, LHAR SKYES MA THAG PA'I RGYUD KYI SHA'I SPYAN GYI BDAG RKYEN SHA'I MIG SKYE BA SNGA MA'I RGYUD LA 'JOG DGOS PA'I PHYIR DANG, SANGS RGYAS KYI SA'I SPYAN DANG PO GNYIS BDAG RKYEN GYIS LAM LA MING CHAGS TSUL YANG, THUB DGONGS LAS, DBANG PO'I BLOR SDOM GYI RJES SU 'BRANGS PAS RNAM PAR BZHAG GO ,ZHES PA LTAR RANG GI RDZAS RGYUN DU GYUR PA'I SLOB PA'I SPYAN GNYIS KYI BDAG RKYEN GYI SGO NAS MING 'DOGS PAS, DE DAG BDAG RKYEN DU YANG BZHAG CHOG PA'I PHYIR, RNAM MKHYEN GYI BDAG RKYEN TSOGS GNYIS DANG ZHI LHAG ZUNG 'BREL TSOGS SBYOR NAS 'JOG PA LTAR 'DI GNYIS KYI BDAG RKYEN MIG DBANG DE DANG 'DRA'AM MA DPYAD, 'O NA SHA'I SPYAN THOB MA THAG PA LA 'DOD PA PAS KHYAB PAR THAL, LHA LA SHA'I MIG MED PA'I PHYIR NA MA KHYAB STE, GZUGS KYI RTEN CAN GYI TSOGS LAM PAS 'DOD PA'I SHA'I MIG SPRUL NAS DES RKYEN BYAS TE SHA'I SPYAN GSAR DU THOB PA'I PHYIR TE, DES 'DOD PA'I LUS SPRUL NAS 'DOD PAR CHOS NYAN PA DANG SEMS BSKYED PA YOD PA'I PHYIR RO, ,RJE BTZUN PA DANG BSOD GRAGS PAS, MDZOD LAS, GANG PHYIR BAR DU CHOD PA YI, ,GZUGS NI MTHONG BA MIN PHYIR LO, ,ZHES MDO SDE PA SOGS KYIS MA RANGS PA BYAS PAS YIN GYI LUGS LA MIG DBANG GIS GZUGS MI MTHONG BAS BEM PO LA YUL CAN MA YIN PAS KHYAB PAR BSHAD PA, YIG CHAR, BZHI BRGYA PA RTZA 'GREL DANG, DBU MA SNYING PO RTZA 'GREL DANG, MDZOD RANG 'GREL

172a

, ,SOGS DRANGS NAS BKAG GO ,YIG CHAR, 'DIS 'DOD PA'I MIR GYUR PA'I BYANG 'PHAGS KYI SHA'I MIG RAB KYI RTOGS TSAD BSTAN PA YIN PAS, ZHES GSUNGS PAS GONG MA'I RTEN CAN GYI BYANG 'PHAGS KYI SHA'I SPYAN GYI YUL LA STONG GSUM PHAN CHAD KYI GZUGS YOD DO, ,MIR GYUR PA'I BYANG 'PHAGS 'OG MIN DU SONG NA DE'I GNAS MTHONG LA, GLING 'DIR BZHUGS KYANG 'KHOR GYI GNAS GTZANG GI LHA MTHONG BAS, 'DIR BZHUGS BZHIN DU CHAGS 'JIG MI GCIG PA'I 'JIG RTEN NA YOD PA'I GZUGS MI MTHONG BA YIN GYI DE DAG GI SAS BSDUS KYI GZUGS MI MTHONG BA MIN NO, ,KHO NA RE, SHA'I MIG DBANG GI YUL LA GZUGS SOGS YUL LNGA YOD PAR THAL, SHA'I SPYAN GYI YUL LA YOD PA'I PHYIR NA MA KHYAB STE, SHA'I SPYAN GYI YUL YIN NA DE'I BDAG RKYEN MIG DBANG GI YUL YIN BAS MA KHYAB PA'I PHYIR, MA GRUB NA, SKYE 'CHI DANG SNYOMS 'JUG SOGS LHA'I SPYAN GYI BDAG RKYEN LHA'I MIG GI YUL DANG GZUGS MI RTAG PA MIG DBANG GI YUL YIN PAR THAL LO, ,MA KHYAB MTSAMS KYI RTAGS GRUB STE, GNOD 'JOMS LAS, GZUGS THAMS CAD LA 'JUG PA NI ZHES PA LTAR YIG CHA RNAMS SU GZUGS CHE CHUNG GSUNGS KYI GZUGS KYI SKYE MCHED MA SBYAR BA'I PHYIR, SPYAN YID SHES YIN PAS BDAG RKYEN MIG GIS SEMS CAN DE'I KHA DOG SOGS MTHONG BA LA BRTEN NAS SEMS CAN DE'I SKYE

172b

'CHI SGRA DRI SOGS MTHONG BA YIN PA'I PHYIR, DPER NA SEMS SHES KYI SBYOR BA BZHIN, ` SHA'I SPYAN GYI MTSAN NYID RANG YUL DPAG TSAD BRGYA SOGS KYI ZHES RANG YUL SBYAR BA GONG DU 'DIS DU MA LA ZHIB CHA SHES SO, ,ZHES PA LTAR DPAG TSAD BRGYA'I NANG NA DE LA MI SNANG BA'I GZUGS YOD PAS YIN LA, CHA BZHAG GIS SHA'I MIG GIS BDAG RKYEN MA BYAS PAR DE 'DRA'I LHA'I MIG GIS BDAG RKYEN BYAS PA'I LHA'I SPYAN DE GCOD CES SAM DPYAD, LHA'I SPYAN GYI MTSAN NYID LA CHA BZHAG SBYAR BA, GONG DU MA MTHA' DANG YA MTHA' BZUNG BA TZAM YIN PA'I PHYIR ZHES PA LTAR, MNAR MED NAS 'OG MIN GYI BAR TZAM GYI SEMS CAN GYI SKYE 'CHI MNGON SUM DU RTOGS PA'I DE BSDUS TE DES GZUGS MED PA'I SKYE 'CHI MI SHES PA'I PHYIR, SNYOMS 'JUG MTHONG BA'I DES SKYE 'CHI MTHONG CHOG GO ,KHO NA RE, BYANG SEMS KYI MNGON SUM LA MI SNANG BA'I SEMS CAN PHRA MO CHOS CAN, KHYOD MNGON SUM DU MTHONG BA'I SEMS CAN YOD PAR THAL, KHYOD KYI KHA DOG MNGON SUM DU MTHONG BA'I SEMS CAN YOD PA'I PHYIR, DER THAL, DE GZUGS KYI SKYE MCHED YIN PA'I PHYIR, GZHAN YANG, DE LA BYANG SEMS KYI GDUL BYA MED PAR THAL BA DANG, DE LA BYANG SEMS MED PAR THAL BA SOGS YOD PAS, THAMS CAD BYANG SEMS BYE BRAG PA GCIG GI MNGON SUM LA MI SNANG BA'I DON YIN NAM DPYAD, SANGS RGYAS KYI SA'I SPYAN LNGA'I 'JOG TSUL 'DI

173a

, ,LEGS SO, ,ZHES PA LTAR, SANGS RGYAS SA'I SPYAN LNGA DANG, MNGON SHES DRUG ZAD PAR ZIL GNON SOGS DBANG SHES LTAR SNGON GYI RDZAS RGYUN GYIS 'JOG PA YIN NO, ` ,SHES RAB KYI SPYAN GYI MTSAN NYID LA BDAG MED RTOGS PA DANG, CHOS KYI SPYAN GYI MTSAN NYID LA DBANG PO'I RIM PA RTOGS PA SBYAR BA YUM MDO DANG 'GREL PA'I DNGOS BSTAN GTZO BO'I DBANG DU BYAS PAR, BSDU PA LAS, 'PHAGS PA'I SHES RAB KYI MIG NI GZUGS RNAM PA THAMS CAD SPYOD YUL DU 'GYUR RO, ,ZHES PA DANG, SHES RAB KYI SPYAN YIN NA, CHOS KYI SPYAN YIN PAS KHYAB PA, NYI SNANG LAS, CHOS KYI SPYAN GYI YUL NI 'PHAGS PA'I GANG ZAG THAMS CAD KYIS RTOGS PA YIN PA'I PHYIR, ZHES PA DRANGS NAS SGRUB CING, RNAM BSHAD LAS, GSUM PA GDUL BYA 'DUL BA'I THABS MNGON SUM DU SHES PA LA GSUNGS PAS, DE RNAMS GONG BSGRIGS NA SHES RAB KYI SPYAN DANG CHOS KYI SPYAN DON GCIG TU 'GYUR RAM SNYAM LA, NYI SNANG GI LUNG DE 'GREL PA SOGS DANG BSTUN NA, DE'I YUL LA 'PHAGS PA THAMS CAD KYI DBANG PO RNO RTUL GYI RTOGS PA'I RIM PA 'JOG CES PA YIN PA 'DRA LA, YIG CHA'I DRANGS MTSAMS LTAR NA 'PHAGS PA THAMS CAD KYI MNGON SUM DU RTOGS PA THAMS CAD CHOS KYI SPYAN GYIS RTOGS ZHES PAR BYAS PA 'DI'I MDOR 'PHAGS PA THAMS CAD KYIS SPANG BYA SPONG TSUL LAM BSGOM TSUL GDUL BYA'I DON BYED TSUL DE DAG THAMS CAD SHES PA BYANG CHEN PO'I CHOS KYI MIG TU GSUNGS LA, NYI SNANG GI

173b

DE MDO'I DON BSDU YIN PAS SNGON MED LEGS BSHAD DU SHES DGOS SO, ,KHO NA RE, BYANG SEMS KYI CHOS KYI SPYAN LA GNAS DANG GNAS MIN MKHYEN PA'I SHES PA YOD PAR THAL, NYI SNANG GI LUNG DE'I PHYIR NA MA KHYAB STE, LAS 'BRAS KYI 'BREL BA SHIN TU PHRA MO MNGON SUM DU RTOGS PA'I BYANG 'PHAGS MED PA'I PHYIR, KHYAB STE, MTSAN GYI DON YANG DE YIN GYI DBANG PO'I RIM PA RTOGS TSE SNGON GYI LAS 'DI'I 'BRAS BUR DBANG PO RNON POR GYUR ZHES PA LTA BU'I LAS 'BRAS KYI 'BREL BA RAGS PA DE'I YUL DU YOD PA'I PHYIR RO, ,RJE BTZUN PA DANG BSOD GRAGS PAS, SPYAN DANG PO GNYIS KYI PHYI ROL PA DANG, SHES RAB DANG CHOS KYI SPYAN THEG DMAN 'PHAGS PAR BZHAG PA, AA BHYAS, DANG PO'I BAG TZAM SROG CHAGS PHAL CHER LA, ,GSUM PA'I BAG TZAM RGYUN ZHUGS 'BRAS ZHUGS LA, ,ZHES BAG TZAM GSUNGS PAS BKAG GO ,MDO SDE RGYAN LAS, DBANG PO LNGA RNAMS GZHAN GYUR NA, ,DON KUN 'JUG DANG THAMS CAD KYIS, ,YON TAN BRGYA PHRAG BCU GNYIS 'BYUNG, ,ZHES PA'I YON TAN BRGYA PHRAG BCU GNYIS NI, 'JAM DBYANGS DGA' BLO'I MDO RGYAN GYI 'GREL PA LAS, 'GREL BSHAD BYED PA DAG SPYIR PHYOGS BZHI STENG 'OG DANG DRUG LA, SHAR PHYOGS LTA BU RE RE LA'ANG PHYOGS BCUR PHYE STE, DE NYID YUL LNGA LA SBYAR NA SHAR GYI PHYOGS BCU'I GZUGS BCU NAS REG BYA BCU'I BAR DANG, YANG LHO DANG NUB DANG BYANG DANG STENG 'OG GI PHYOGS BCU BCUS BSDUS PA'I GZUGS NAS REG BYA'I BAR DANG, DE BZHIN DU MIG SOGS DBANG PO LNGA LA'ANG YUL JI LTAR RIGS PAR SBYAR

174a

, ,NAS MIG DBANG DRUG CUR PHYE BA'I GCIG GIS KYANG RANG YUL GZUGS KYI SKOR RNAMS MA GTOGS SGRA DRUG CU, DRI DANG RO DANG REG BYA DRUG CU RE STE, NYIS BRGYA BZHI BCU YUL DU BYED PA DANG, RNA BA'I DBANG PO GCIG GIS KYANG RANG YUL SGRA'I SKOR MA GTOGS YUL GZHAN NYIS BRGYA BZHI BCU YUL DU BYES PAS, YON TAN BRGYA PHRAG BCU GNYIS DANG, ZHES PA LTAR, ROL MTSOR DBANG SHES LNGA LA SBYAR BA MA GTOGS, 'DRA BAS, DE LTAR NA DBANG PO LNGA BSDOMS PA'I BRGYA PHRAG BCU GNYIS SU 'GYUR LA, DE PAD DKAR LAS, MIG SOGS RE RE BRGYAD BRGYA DAD STONG NYIS BRGYA THOB PAR GSUNGS PA DANG 'GAL LA, YIG CHAR, MIG RE RE LA YON TAN STONG NYIS BRGYA 'AM, BRGYA PHRAG BCU GNYIS MNGA' 'BYOR BA THOB PA'I PHYIR, ZHES GSUNGS PAS, DBANG PO RE RE YUL BRGYA PHRAG BCU GNYIS PO DE MTHONG BA'I YON TAN STONG NYIS BRGYA 'AM, YANG NA CHOS SKU LA GZUGS SKU'I YON TAN LDAN PA LTAR, MIG LA RNA BA'I YON TAN LDAN PAS, RE RE STONG NYIS BRGYA LDAN, ZHES KYANG CHOG GAM SNYAM LA, MIG SNA LUS GSUM LA BRGYAD BRGYA GSUNGS PA DPYAD, ` ,,MTHA' DPYOD LAS, SANGS RGYAS DPAL CHEN PO ZHES BYA BAR LUNG BSTAN PA'I BAR GYI ZHES DE NAS MNGON SHES KYI MDO'I PHYI MTHA' BZUNG BA NI, MNGON SHES DRUG GI PHAN YON THOS PA'I STOBS KYIS, SEMS BSKYED PA DANG, LUNG BSTAN PA'I MTSAMS YIN GYI, NYI SNANG DANG, LE BRGYAD MAR, DE NAS 'KHOR MANG POS, SHER PHYIN GYI CHE BA BRJOD PA NAS

174b

SROG CHAGS BYE BA KHRAG KHRIG BRGYA PHRAG STONG BSKAL BA ME TOG GIS 'BYUNG GNAS ZHES BYA BAR, SANGS RGYAS BYANG CHUB KYI YAN LAG ME TOG CES BYA BAR LUNG BSTAN PA'I BAR MNGON SHES KYI MDOR SBYAR RO, ,YIG CHA GZHAN THAMS CAD KYIS, SEMS RTEN KUN BTUS KYI TSIG ZIN LTAR 'DOD KYANG, YIG CHAR, MDZOD DRANGS NAS, KHYAB STE, SKYE DKA' LA MYUR BA DANG, PHUL BA GNYIS BSHAD PA'I PHYIR, ZHES PA, MDO LAS, DGE SLONG DAG ,LAM NI RNAM PA BZHI STE, MNGON PAR SHES PA PHUL LA DKA' BA'I LAM DANG, MNGON PAR SHES PA MYUR LA DKA' BA'I LAM DANG, MNGON PAR SHES PA BUL LA SLA BA'I LAM DANG, MNGON PAR SHES PA MYUR LA SLA BA'I LAM MO, ,ZHES LAM DKA' BA LA BRTEN PAR BSHAD PA DANG, GONG DU BDE BA CAN DU 'OD DPAG MED KYI SKU DNGOS KYI GDUL BYA RGYUN ZHUGS YOD PAR GSUNGS PAS SGRUB BO, ,GSER PHRENG DANG RNAM BSHAD SOGS SU TING NGE 'DZIN DANG, SHES RAB MTSUNGS PAR LDAN PA, ZHES PA, YIG CHAR, ZHI LHAG ZUNG 'BREL LAM TING NGE 'DZIN SHES RAB ZUNG 'BREL, ZHES GSUNGS SO, ,GNOD 'JOMS LAS, BYANG SEMS KYI MNGON SHES KYIS SANGS RGYAS SOGS GONG MA RNAMS KYI MTHU SOGS THOGS MED DU SHES PAR GSUNGS PA, NYAN RANG GI MNGON SHES MDZOD LAS, RANG DANG 'OG SA'I YUL CAN YIN, ,ZHES GSUNGS LTAR YIN LA, BYANG SEMS SA MTHON PO PA'I MNGON SHES KYIS RANG LAS RTOGS PA MTHO BA DANG, SA GONG MAS BSDUS PA SHES PAR BSHAD PA LAS, DE'I SEMS SHES KYIS SANGS RGYAS KYI THUGS SHES

175a

, ,PAR BSHAD PA MIN ZHES NA CHOG STE, 'GREL PA'I ZIN BRIS LAS, RNAM MKHYEN ZHIG SHES PA MI 'THAD PAR GSUNGS PA'I PHYIR, SANGS RGYAS MTHU THOGS MED DU SHES PA RDZU 'KHRUL GYI MNGON SHES SOGS LA SBYAR TE, BYANGS LAS, SANGS RGYAS KYI ZHING GANGG'A' KLUNG GI BYE MA SNYED DAG KYANG 'DA', SANGS RGYAS KYI ZHING JI SKAD GRAGS PA DANG, NAS, DE BZHIN GSHEGS PA'I MTSAN DE YANG STON PA DANG, ZHES PA LTAR SANGS RGYAS KYI SPRUL PA DE SNYED KYI DRUNG DU 'GRO BA DANG, GSUNG GCIG NYID DU GSUNGS NA YANG, ZHES SOGS LTAR LHA'I RNA BAS SANGS RGYAS KYI TSIG GCIG GIS SO SO'I BSAM PA LTAR GSUNGS PA CIG CAR 'DZIN PA SOGS LA SBYAR NA LEGS SAM DPYAD, 'DIR GZUNGS RGYAL GYI MDO DANG 'JUG 'GREL DRANGS NAS ZAG MED LA KHAMS GSUM GYI SAS BSDUS MED PAR BSHAD KYANG, SKABS BRGYAD PAR, 'KHOR BAS BSDUS PA'I KHAMS GSUM LAS 'DAS PAR BSHAD CING, NAS, DE KHAMS GSUM GANG RUNG YIN KYANG 'KHOR BAS BSDUS PA'I KHAMS GSUM GANG RUNG MA YIN PA'I KHYAD PAR 'THAD PA'I PHYIR, ZHES SAS BSDUS LA ZAG BCAS MI DGOS PAR GSUNGS PAS DE'I SRED PAS BDAG GIR BYAS PA DE'I DON DU BZHAG PA DANG, DE LA DMIGS PA'I SRED PAS GANG GIS BSDUS PA SOGS LA 'GRIG KYANG, 'DUS MA BYAS LA DPYAD, GZUGS MED BZHI LA DE MI RUNG BA'I PHYIR, ZHES PA GZUGS MED ZHI GNAS SHAS CHE BAS YIN NO, ,MNGON SHES MNGON SUM BZHI LAS YID MNGON YIN PA'I PHYIR, ZHES PA RANG LDOG YIN TE SLOB BA'I RGYUD NA YANG SEMS SHES DANG ZAG ZAD LA RNAL 'BYOR MNGON SUM

175b

YOD PA'I PHYIR, DANG PO'I MTSAN NYID KYI CHA BZHAG GIS DE 'DRA'I SPRUL SGYUR DU MA BYED PA'I RDZU 'KHRUL GYI RKANG PA GCOD LA, NAM MKHA' LA SPYOD PA'I BZHI NI MDO LAS, NAM MKHA' LA YANG SKYIL MO KRUNG GIS 'GRO STE, ZHES PA LTAR NAM MKHA' LA 'GRO 'CHAGS NYAL 'DUG BZHI BYED PA DANG, YANG RDZU 'PHRUL YA MA ZUNG BRGYAD KYI MNGON SHES YOD DE, ZHES PA BYANGS LAS, DE LA YONGS SU BSGYUR BA'I RDZU 'PHRUL GYI RNAM PA'I RAB TU DBYE BA GANG ZHE NA 'DI DAG STE, GA-YO BAR BYED PA DANG, 'BAR BAR BYED PA DANG, RNAM PAR STON PA DANG, GZHAN DU 'GYUR BAR BYED PA DANG, 'GRO BA DANG 'ONG BA DANG, SDUD PA DANG RGYAS PAR BYED PA DANG, GZUGS THAMS CAD LUS SU 'JUG PAR BYED PA DANG, SKAL BA MNYAM PA'I GAN DU 'GRO BA DANG, SNANG BAR BYED CING MI SNANG BAR YANG BYED PA DANG, DBANG BAR BYED PA DANG, GZHAN GYI RDZU 'PHRUL ZIL GYIS GNON PA DANG, SPOBS PA SBYIN PA DANG, DRAN PA SBYIN PA DANG, BDE BA SBYIN PA DANG, 'OD ZER 'BYIN PA DANG, DE LTA BU DANG MTHUN PA'I RDZU 'PHRUL NI YONGS SU BSGYUR BA ZHES BYA'O, ,ZHES RDZU 'PHRUL YA BCU DRUG DANG ZUNG DU SDEB NA BRGYAD YOD PAS DE YIN SNYAM STE, STOD NAS CHU SMAD NAS ME SOGS ZHES GSUNGS PA GANG ZHIG ,DE BYANG SA LAS, DE LA 'BAR BAR BYED PA NI RO STOD NAS ME 'BAR BAR BYED LA RO SMAD NAS CHU GRANG MO'I RGYUN 'BYIN PA DANG, ZHES GSUNGS PA'I PHYIR, 'O NA GA-YO BYED DANG PO YIN PAS DE LA SOGS SBYAR DGOS ZER NA, YUM MDO DANG 'GREL BAR SA GA-YO BA GSUNGS PAS, DE SNGAR BGRANGS ZIN KYANG, 'BAR BYED RANG LDOG MA GSUNGS PAR MTSAN BGRANGS PA DE DAG MTSAN GZHI DANG BCAS PA BYANG

176a

, ,SAR RGYAS PAR BZHUGS PA SHES TSED DU MI 'PHYUG PA'I GZER BTAB PA YIN NO, ,GZHAN DAG GIS YUM MDO LAS SA GA-YO BA NAS LUS KYIS DBANG BSGYUR TE ZHES PAR SBYAR BA MI 'THAD DE, DER STOD NAS CHU SMAD NAS ME SOGS MED PA'I PHYIR, LHA'I RNA BA'I CHA BZHAG NI, SO SKYE'I RGYUD KYI DE'I YUL GYI SGRA LA MI RTAG PA PHRA MO YOD PAS DE MNGON SUM DU MA RTOGS PA BSDUS KYANG CHOG LA, 'DI RNAMS KYI SEMS RTEN BSAM GTAN GYI SNYOMS 'JUG CES PA DNGOS GZHI SNYOMS 'JUG LA BYAS NA DES KYANG YIN NO, ,GSUM PA DANG BZHI PA'I CHA BZHAG GIS SEMS BYUNG DANG RANG GI TSE RABS SNGA MA TZAM SHES PA'I DE BSDUS SO, ,ZAG ZAD KYI MNGON SHES LA RANG RGYUD LDAN GYI NYON MONGS ZAD PA MNGON SUM DU RTOGS PA MI DGOS TE, 'OG TU 'DIR NI SGRIB GNYIS MNGON GYUR PA ZAD PA NI BYANG SEMS RIGS NGES LA YOD DE, ZHES GSUNGS PA GANG ZHIG ,NYON MONGS MNGON GYUR PA ZAD PA NYON MONGS ZAD PA MA YIN PA'I PHYIR, BYANG SA LAS, BDAG GZHAN DAG GI ZAG PA ZAD PA 'THOB PA'I THABS KYANG YANG DAG PA JI LTA BA BZHIN DU RAB TU MKHYEN TO, ,THABS JI LTA BA BZHIN DU THABS MA YIN PA YANG YANG DAG PA JI LTA BA BZHIN DU RAB TU MKHYEN TO, ,ZHES DANG, RNAM BSHAD LAS, NYON MONGS PA DANG SHES BYA'I SGRIB PA SPONG PAR BYED PA'I THABS DANG, SPANGS PA'I BRAL BA MNGON SUM DU SHES PA'I CHOS GNYIS DANG MTSUNGS PAR LDAN PA YIN PA'I PHYIR, ZHES PA LTAR, KUN BTUS DAR t'I KA TU GSUNGS PA'I PHYIR, DES NA NGE SBONG BYED KYI THABS

176b

DANG, THABS MA YIN PA MNGON SUM DU RTOGS PA YOD PAS CHA BZHAG GIS DE BSDUS SO, ,ROL MTSO DANG BSOD GRAGS PA'I MTHA' DPYOD LAS, DE GANG ZHIG ,NYON SGRIB ZAD PAR SPANGS PA DE, ZAG ZAD MNGON SHES KYI MTSAN NYID CES DGRA BCOM PA'I RGYUD KYI MNGON SHES RNAMS BZHAG LA, BSOD GRAGS PA'I SPYI DON LAS, MTHONG SPONG KUN SBYOR GSUM SOGS RANG RGYUD KYI ZAG PA CI RIGS PA ZAG PA ZAD PA LTAR MNGON SUM DU RTOGS PAS, ZHES MTHONG LAM NAS BZHAG GO , DE LA KHO NA RE, SA BRGYAD PA NA SANGS RGYAS KYI SPYAN YOD PAR THAL, DAG LDAN LAS, BYANG CHUB SEMS DPA'I SA BRGYAD PA LA NI DE GNYIS KA THOB PA YIN LA, ZHES GSUNGS PA'I PHYIR NA MA KHYAB STE, ZAG ZAD MNGON SHES BYANG SA SOGS LAS DE NA YOD PAR GSUNGS PAS MI 'DRA BA'I PHYIR RO, ,'DIR MDO SDE RGYAN GYI MTHU'I LE'U LAS, NGO BO RGYU 'BRAS LAS LDAN 'JUG PA'I RAB DBYE DRUG GIS BSHAD PA'I DANG PO NI, SKYE DANG NGAG SEMS SOGS KYIS LHA'I MIG GIS SKYE 'CHI DANG, RNA BAS NGAG SMRA BRJOD DANG, SEMS SHES KYIS SEMS DANG, RJES DRAN GYIS SNGON DGE MI DGE GANG BSKYED DANG, RDZU 'PHRUL GYIS GDUL BYA 'DUL BA'I GNAS SOGS DANG, ZAG ZAD KYIS SPANG BYA LAS NGES PAR 'BYUNG BA DANG, DE'I THABS SHES PA LA THOGS PA MED PA'I MTHU'I NGO BO DANG, BSAM GTAN BZHI PA ZHES SOGS KYIS RGYU'I KHYAD PAR BSAM GTAN BZHI PA THOB PA, MI RTOG YE SHES KYIS ZIN PA, SGRUB PA'I THABS SAM RNAM GNAS, GSER PHRENG

177a

, ,LTAR MCHAN 'GREL DU YANG BSHAD ZIN PAS KHYAD PAR DE GSUM LA BRTEN NAS DANG, GANG GI PHAGS DANG ZHES SOGS KYIS 'PHAGS PA'I GNAS PA RNAM THAR SGO GSUM SOGS DANG, LHA'I GNAS PA BSAM GZUGS BRGYAD DANG, TSANGS PA'I GNAS PA TSAD MED BZHI SOGS DPE MED PAR RTAG TU GNAS SHING, PHYOGS SU SONG NAS SANGS RGYAS MCHOD PA DANG, SEMS CAN LA LAM RNAM DAG BSKYED PA'I 'BRAS CAN DANG, BZHI PA LAS LA DRUG LAS, CHAGS DANG 'JIG BCAS SOGS KYIS 'JIG RTEN KUN SGYU MA LTA BUR MTHONG BA'I LAS DANG, DBANG LDAN SOGS KYIS 'JIG RTEN KUN GA-YO BA SOGS KYIS DBANG DANG LDAN PAR STON PA'I LAS DANG, 'OD ZER BTANG PA SOGS KYIS 'OD ZER BTANG BAS NGAN SONG BA'I SDUG BSNGAL ZHI BA DANG, BDUD RNAMS SKRAG PA 'OD ZER BTANG BA'I LAS DANG, DE NI MCHOG TSOGS SOGS KYIS SANGS RGYAS BYANG SEMS TSOGS PA'I NANG DU TING NGE 'DZIN DPAG MED LA ROL BA RNAM PAR ROL PA'I LAS DANG, BZO DANG SKYE DANG SOGS KYIS BZO DANG SKYE BA DANG MCHOG GI SPRUL PAS SEMS CAN GYI DON BYED PA SPRUL PA'I LAS DANG, YE SHES DAG LA SOGS KYIS SNOD KYI ZHING DAG PA DANG, BCUD KYI SEMS CAN LA SANGS RGYAS KYI MTSAN BSGRAGS PAS DAG ZHING DU 'GYED PA ZHING DAG PA'I LAS SO, ,'DAB GSHOG SOGS KYIS, SEMS CAN SMIN PAR BYED PA DANG, SANGS RGYAS SOGS KYIS BSNGAGS PA THOB PA DANG, GDUL BYA DAD PAS RANG GI

177b

TSIG MI GCOG PA'I YON TAN GSUM DANG LDAN PAR BSTAN TO, ,MNGON PAR SHES PA SOGS KYIS MNGON SHES DRUG SOGS MTHU'I 'JUG PA'I RAB DBYE BSTAN TO, ,DE NI DBANG MCHOG SOGS KYIS, 'GRO BA RNAMS GNYEN POS DBANG YOD PAR 'GOD PA DBANG GI CHE BA DANG, GZHAN PHAN LA DGA' BA DGA' BA'I CHE BA DANG, SRID PA'I SKYON GYIS MI 'JIGS PA SRID NA MI 'JIGS PA'I CHE BA STE MTHU'I CHE BA GSUM BSTAN TO, ,MNGON SHES DRUG GI BYED LAS NI, KUN BTUS LAS, KUN TU 'GRO BA DANG, RJES SU THOS PA DANG, SPYOD PA LA 'JUG PA DANG, 'ONG BA DANG, 'GRO BA DANG, NGES PAR 'BYUNG BA'I PHYIR YANG NGO, ,ZHES PA LTAR, DANG POS LUS DAG PAS GDUL BYA'I GNAS SU 'GRO BA DANG, GNYIS PAS NGAG DAG PAS THOS PA'I DON GZHAN LA STON PA DANG, GSUM PAS YID DAG PAS GZHAN DGE BA'I SPYOD PA LA 'JUG PAR BYED PAS BSOD NAMS KYI TSOGS DANG, BZHI PAS SKYE BA BRGYUD DE 'ONG BA SHES PA RTAG LTA'I DANG, LNGA PAS PHYI MAR 'GRO BA SHES PA CHAD LTA'I DANG, DRUG PAS NGES 'BYUNG SHES PA MTHAR 'DZIN GYI GNYEN PO STE YE SHES KYI TSOGS MYUR DU RDZOGS PAR BYED DO, ,MNGON SHES KYI RGYU NI RIM BZHIN GZHAN LA LHAM SOGS SBYIN PA BLA MA LA BKUR BA SOGS DANG, MCHOD RTEN LA ROL MO SOGS PHUL BA DANG, GZHAN GYI SKYON MI GLENG ZHING SEMS BSRUNG BA DANG, GZHUNG DON MI BRJOD PAR GZHAN LA SBYIN PA DANG, MCHOD RTEN LA MAR ME SOGS PHUL BA DANG, CHOS RNAMS DON DAM PAR MED PAR SHES

178a

, ,PA RNAMS RIN CHEN PHRENG BAR GSUNGS SO,, ` ,,RJE BTZUN PA DANG BSOD GRAGS PAS, RNAM BSHAD LAS, CHOS MCHOG DNGOS SU SKYES PA'I RTEN MIN YANG, DROD DANG RTZE MO GZUGS KHAMS PA 'GA' LA YANG SKYE BA MNGON ZHES PAR BRTEN NAS CHOS MCHOG GONG MA'I RTEN LA MI SKYE ZER MKHAN DE YIN LA, BZOD PA'ANG MI SKYE ZER RAM, LHA'I BU BLO GROS RAB GNOD GYIS ZHUS PA'I MDO DANG, LAM SHES KYI YAN LAG GI MDO'I DON CI LTAR ZER DPYAD, DE LA KHO NA RE, GZUGS MED KYI RTEN LA SBYOR LAM SKYE RUNG STE, DE SKYE BA'I 'GAL RKYEN BRAL ZHING MTHUN RKYEN TSANG BA'I DE LTA BU YOD PA'I PHYIR ZER NA, 'GAL RKYEN SGRIB PA GSUM DANG BRAL KYANG MTHUN RKYEN BSHES GNYEN LA CHOS NYAN PA DANG, SEMS CAN LA CHOS STON PA SOGS TSANG BA MED PA'I PHYIR, 'GAL RKYEN NGAN SONG GSUM SGRA MI SNYAN PA'I 'PHANGS 'BRAS KYI PHUNG PO NI RNAM SMIN GYI SGRIB PA DANG, ZA MA MA NING GI RGYUD KYI NYON MONGS STOBS CHEN PO 'DI'I NYON MONGS PA'I SGRIB PA DANG, LAS SGRIB NI MTSAMS MED KYI LAS CHOS SPONG GI LAS SOGS 'JOG PA YIN NO, ,RJE BTZUN PA DANG BSOD GRAGS PAS, THEG CHEN SBYOR LAM DNGOS SU GSAR SKYE BA'I SEMS RTEN LA BSAM GTAN GYI DNGOS GZHIS KHYAB STE, LAM SLA BAR YOD BZHIN DU DKA' BA NYER BSDOGS LA BRTEN PA DGOS PA MED ZER YANG, RANG LUGS LA RTZAL SBYANGS PHYIR DKA' BA NAN GYIS BSKYED PA YOD GSUNGS, SNGA MAS DNGOS SU ZHES PA MNGON GYUR PA LA BSAM ZHING, RJE

178b

BTZUN PAS, TSOGS LAM CHEN PO PA'I RGYUD LA BSAM GTAN GYI NYER BSDOGS MED PAR YANG GSUNGS SO, ,KHO NA RE, THEG CHEN SBYOR LAM YIN NA, BSAM GTAN SA DRUG DANG 'DOD SEMS GANG RUNG YIN PAS KHYAB PAR THAL, YIG CHAR, SGOM BYUNG GI SBYOR LAM RNAMS BSAM GTAN SA DRUG GANG RUNG LA BRTEN, THOS BSAM GYIS BSDUS PA RNAMS 'DOD SEMS LA BRTEN PA YIN PA'I PHYIR, ZHES GSUNGS PA'I PHYIR NA MA KHYAB STE, DE'I RGYUD LA GZUGS MED KYI RNAM THAR DANG ZAD PAR SOGS YOD PA'I PHYIR, GSER BYED LAS, BYANG SEMS KYI SBYOR LAM NI ZHES PA NAS, KHYAD PAR DU GZUGS MED KYI RNAM THAR ZAD PAR 'GOG SNYOMS KYANG DE LTAR 'GYUR BAS GTZO BOR BSAM GTAN SA DRUG GANG RUNG LA BRTEN NO, ,ZHES PA LTAR GTZO BO LA DGONGS KYI, GZUGS MED DNGOS GZHI DANG, GONG MA'I SAS BSDUS KYI THOS BSAM YANG YOD PA'I PHYIR STE, GZUGS MED DNGOS GZHIS SEMS RTEN BYAS PA'I NYAN THOS KYI BAR CHAD MED LAM GYI RGYUN DU GYUR BA'I THEG CHEN SBYOR LAM YOD PA'I PHYIR, KHA CIG ,RIGS NGES DBANG DU BYAS NA THEG PA GSUM GANG RUNG GI SBYOR LAM DNGOS SU GSAR DU SKYE PA'I SEMS RTEN LA NYER BSDOGS KYIS KHYAB ZER BA'ANG MI 'THAD DE, MDZOD LAS, BSAM GTAN MTHA' RTEN ZHES PA LTAR, GTZO BO DE LA BRTEN DGOS KYANG MA KHYAB ZER DGOS KYI, DROD THOB MA THAG PA DE LA BRTEN MI RUNG ZHES BSHAD MI RUNG BA'I PHYIR DANG, BDEN PA'I RNAM CAN GYI BSAM GTAN SA DRUG RIM CAN KHO NAR BSHAD PA'I GZHUNG RNAM DAG MED PA'I PHYIR, SBYOR LAM THOB

179a

, ,MTHAG CIG CAR THOB KYANG CHOG LA, BDEN PA'I RNAM CAN GYI BZHI PA'I DNGOS GZHI THOB KYANG GZHAN BZHI MA THOB PA YANG YOD PA, MTHONG LAM ZAG MED KYIS SHES PA'I PHYIR SNYAM STE DPYAD, THEG CHEN SBYOR LAM DE THEG DMAN SBYOR LAM LAS KHYAD CHOS DRUG GIS 'PHAGS TSUL NI, THEG DMAN SBYOR LAM GYI DMIGS PA BDEN BZHI'I KHYAD CHOS BCU DRUG SOGS SU RIGS PAS PHYE NAS MI DMIGS PAR BDEN BZHI'I MTSAN GZHI'I PHUNG PO LNGA DANG KHAMS SOGS SU BSDUS NAS DMIGS LA, THEG CHEN SBYOR LAM GYIS RIGS PA'I RNAM GRANGS MTHA' YAS PAS BDEN BZHI'I RNAM PA BCU DRUG SOGS SU PHYE NAS DMIGS PAS DMIGS PAS 'PHAGS ZHES PA YIN PAS, KHYAD CHOS DANG PO LA DMIGS PA MI RTAG SOGS MI 'JOG PAR, SBYOR LAM DES DE LTAR DMIGS PA DANG, DE LTAR DMIGS PA'I SBYOR LAM BZHAG NA, 'GREL PAR, BDEN PA BZHI'I DNGOS PO LA DMIGS PA DANG, ZHES PA DANG 'GRIG LA, MI RTAG SOGS NI DE'I SGRO 'DOGS GCOD PAR BYA BA'I DMIGS PA YIN KYANG, DE'I KHYAD CHOS MA YIN TE, DE GNYIS KHYAD GZHI KHYAD CHOS SU RUNG BA'I PHYIR, 'DIS 'OG MA RNAMS KYANG SHES PAR BYA'O, ,RNAM PA'I KHYAD CHOS NI, DMIGS PA MI RTAG SOGS LA BDEN ZHEN BKAG PA'I SBYOR LAM SOGS 'JOG PA GSER PHRENG RNAM BSHAD GNYIS KA NA GSAL LO, ,THEG DMAN GYI SBYOR LAM LA DE 'DRA'I YE SHES YOD KYANG, BDEN 'DZIN GTZO BOR SPONG PHYIR MIN BAS SKYON MED DO, ,ROL MTSO LAS,

179b

THEG CHEN GYI SBYOR LAS DE RIGS PA'I RNAM GRANGS MTHA' YAS PA'I SGO NAS BDEN BZHI LA SGRO 'DOGS GCOD PA'I RNAM PA CAN YIN, CIG SHOS DE LTAR MA YIN PA'I PHYIR, ZHES PA LTAR BYAS KYANG CHOG GO ,RGYU BYED TSUL GYI KHYAD PAR NI, BSOD GRAGS PA'I SPYI DON LAS, DES THEG CHEN SBYOR LAM GYI RTOGS RIGS GSUM TSANG BA'I THEG CHEN GYI MTHONG LAM GYI RGYUR BSTAN PA GANG ZHIG ,THEG DMAN LA DE MED PA'I PHYIR, ZHES DANG, ROL MTSO LAS, THEG CHEN GYI SBYOR LAM DES RTOGS RIGS GSUM TSANG BA'I THEG CHEN GYI MTHONG LAM GYI NYE RGYU BYED, CIG SHOS KYIS DE LTAR MI BYED PA'I PHYIR, ZHES GSUNGS PAS, YIG CHA'I PHYOGS SNGA DE DAG YIN LA, DE YANG RNAM BSHAD DU MTHONG LAM LA SBYAR BAS YIN LA, DE BU NYA SOGS LTAR RTOGS RIGS TSANG BA'I MTSAN GZHI TZAM GSUNGS LA, DE DANG RTOGS SNANG DU BDAG MED RTOGS PA'I MTHONG LAM GYI RGYU BYED PAS 'PHAGS PAR BSHAD PA RGYU BYED SA'I MTSAN GZHI TZAM YIN GYI, DE KHO NAR BYAS NA BLUN GTAM YIN TE, MDO DANG RTZA 'GREL DU SBYOR LAM BZHI KA RGYUS 'PHAGS TSUL PHYOGS GCIG TU BSHAD PA GANG ZHIG ,DROD RTZE MTHONG LAM GYI NYE RGYUR MI RIGS LA, MDO LAS, RTAG TU RGYUN MI 'CHAD PAR BSLAB PAR BYA BA'I THEG PA GSUM RGYA CHER BSTAN TO, ,ZHES GSUNGS PAS, GSER PHRENG LAS, 'BRAS BU'I THEG PA GSUM KA'I RTOGS RIGS THAMS CAD TSANG BAR SKYED PA DANG, ZHES PA LTAR SKABS BZHI BAR BSHAD PA'I MKHYEN GSUM GYI RNAM PA MA LUS PA THOS BSAM DANG SGOM PA'I RGYU BYED

180a

, ,CES NA THEG PA GSUM RGYA CHER ZHES SOGS DANG 'GRIG PA'I PHYIR, ZHES BKAG PAS RGYU BYED TSUL DE 'DRA'I RNAM PA MA LUS PA LA THOS BSAM SGOM PA RDZOGS PA'I RGYU BYED PA 'JOG GO ,YONGS 'DZIN GYI KHYAD PAR NI, RJE BTZUN PAS RNAM BSHAD KYI TSIG ZIN TZAM LA BRTEN NAS PHYI'I YONGS 'DZIN MCHOG SPRUL YOD MED KYIS YIN ZER, BSOD GRAGS PAS, RGYAN SNANG LAS, DGE BA'I BSHES GNYEN GYI RANG BZHIN YONGS SU 'DZIN PA, ZHES PAR BRTEN NAS, SLOB DPON GYIS, SEMS MI 'GONG PA NYID LA SOGS, ,ZHES SOGS KYI SHO LO KA GCIG GIS PHYI'I YONGS 'DZIN TZAM BSTAN PAR 'CHAD CING, 'PHAGS PAS, RKANG PA DANG PO'I MTHAR THA MA GNYIS SBYAR BAS NANG GI YONGS 'DZIN DANG, RKANG PA GNYIS PA'I MTHAR THA MA GNYIS SBYAR BAS PHYI'I YONGS 'DZIN BSTAN PAR BYAS NAS, 'PHAGS SENG GNYIS KA'I LUGS THA DAD PA YIN ZER BA, YIG CHAR, YUM BAR PAR PHYI NANG GI YONGS 'DZIN GNYIS LA MDO SO SOR YOD PA LTAR LE BRGYAD MAR SO SOR SBYAR BAS, 'GREL CHUNG LAS, YONGS SU 'DZIN PA DANG BRAL BA DANG, ZHES PAS KYANG YONGS 'DZIN GNYIS KA DANG BRAL BAR BSTAN PA'I PHYIR, DE GNYIS MTHUN ZHES BKAG PAS RANG NYID RGYUD LDAN GYI GANG ZAG SRID ZHI'I MTHAR LTUNG BA 'GOG PA'I PHYI NANG GI YONGS 'DZIN GNYIS DANG LDAN PA DE'I KHYAD CHOS YIN NO, ,SPANG BYA RNAM RTOG LDAN TSUL GYI KHYAD PAR NI, RTOG PA BZHI DANG SBYOR LAM BZHI RIM MTSUNGS LDAN DANG NGO BO GCIG TU 'DOD PA BU NYA SOGS YIN TE, DE GNYIS KAS, MTSUNGS LDAN RTOG PA ZHES DANG, BU tI KA LAS, DA LTA

180b

SBYOR LAM GYI NGO BOR GNAS PA MA 'ONGS PA NA RANG GI MTHONG SGOM GYI SPANG BYAR GYUR PAS KHYAD PAR 'PHAGS TE, ZHES GSUNGS PA'I PHYIR, RTOGS SNANG DU DE DAG BKAG NAS, DES NA 'DI LTAR SHES PAR BYA STE, ZHES SOGS KYIS THEG CHEN SBYOR LAM GYIS CHOS NYID DNGOS SU RTOGS KYANG, DE NYID BDEN GRUB TU SNANG BA RANG RGYUD KYI GZUNG 'DZIN GYI RTOG PA'I DBANG GIS YIN PAS, DE LTAR SNANG BYED KYI RANG RGYUD KYI RTOG PA KHYAD CHOS YIN LA, DE'I SGO NAS NYAN RANG GI SBYOR LAM LAS 'PHAGS TE, NYAN RANG GI SBYOR LAM LA BDEN SNANG YOD KYANG CHOS NYID ZHEN YUL DU BYAS PA MED PA'I PHYIR, ZHES SNANG TSUL GYI NGOS NAS 'PHAGS PAR GSUNGS TE, DE NYID LAS, DES NA THEG CHEN SBYOR LAM DE YANG CHOS NYID ZHEN YUL DU BYAS PA'I SGO NAS DE NYID BDEN PAR GRUB PA LTA BUR SNANG BA'I RTOG PA YIN PA'I PHYIR, 'DIR BSTAN DGA' RTOG SHES SGRIB KYI ZAG BCAS YIN ZHING, DE'I SGO NAS NYAN RANG GI SBYOR LAM LAS KHYAD PAR DU 'PHAGS PA YIN TE, NYAN RANG GI SBYOR LAM YIN NA, CHOS NYID ZHEN YUL DU BYED PA'I RTOGS PA YIN PAR 'GAL BA'I PHYIR RO, ,ZHES DANG, RTOG PA BZHI PO 'DI THEG CHEN SBYOR LAM GYIS KHYAD CHOS YIN GYI, ZHES GSUNGS PA'I PHYIR, MCHAN LAS, RANG YIN GYI TSUL DU GSUNGS SHING, MTHONG SPANG SOGS SU GSUNGS PA DE'I ZAG PA DANG BCAS PA BKRAL LO, ,ZHES PA RANG YIN GYI TSUL DU 'DOD PA BKAG NAS GSUNGS SHING, MTHONG SPANG RTOG PA SOGS LDAN PAR GSUNGS PA DE'I ZAG PA DANG BCAS PA LA BKRAL LO ZER BA YIN KYANG YIG SKYON ZHUGS SAM SNYAM, MCHAN 'DI LA YIG SKYON MANG DU,

181a

, ,SNANG NGO, ,RANG LUGS RNAM BSHAD LTAR SBYOR LAM BZHI DANG MTHONG SPANG GZUNG 'DZIN GYI RTOG PA MNGON GYUR BZHI RIM BZHIN NYAMS SMOD BYED KYI SPONG GNYEN DU LDAN PA DE KHYAD CHOS SU 'JOG LA RIM BZHIN NYAMS SMAD TSUL, SNGON THOG MED NAS KUN NYON PHYOGS LA GOMS CHE BAS KHO NGOS ZIN SLA BA BZHIN DU KHO RANG BDEN PAR 'DZIN PA YANG NGOS ZIN SLA LA, DMIGS YUL RNAM BYANG NGOS ZIN DKA' BA LTAR DE LA DMIGS PA'I BDEN 'DZIN YANG NGOS ZIN DKA' BAS DROD KYI TSE SNGA MA LTA BUR NYAMS SMAD MI THUB LA, GZUNG 'DZIN GNYIS LAS 'DZIN PA NGOS ZIN DKA' BAS RTZE MOS RNAM BYANG BDEN 'DZIN LTA BUR 'DZIN RTOG SMAD MI NUS LA, DMIGS YUL RDZAS 'DZIN LA SNGON GOMS PA LTA BU BTAGS 'DZIN LAM GOMS PAS BZOD PAS RDZAS 'DZIN RTOG PA NYAMS SMAD PA LTA BU BTAGS 'DZIN RTOG PAR MI NUS TE, RNAM BSHAD LAS, CHOS THAMS CAD BDEN STONG DU RTOGS PAR KHYAD PAR MED KYANG, GOMS PA YUN RING THUNG GI DBANG DANG, YON TAN GONG DU 'PHEL BA'I GNAS SKABS DE BZHIR RNAM PAR RTOG PA MNGON GYUR BZHI RIM GYIS SHAS CHUNG DU 'GYUR BAS MNGON GYUR SPANG BYAR TSUL DES LDAN PA YIN NO, ,ZHES GSUNGS PA'I PHYIR, SPYI DANG 'DIR BSTAN SBYOR LAM LA SBYAR NA DE LTAR YIN KYANG BYE BRAG MI RTAG PA RTOGS PA'I THEG CHEN SBYOR LAM SOGS LA SBYAR NA, GSER PHRENG LAS, RANG 'BRAS MTHONG SGOM GYI LAM RNAMS RANG RGYUD KYI SHES SGRIB GZUNG 'DZIN GYI RTOG PA THAMS CAD ZAD BYED DU

181b

SKYED PA'O, ,ZHES PA LTAR RANG 'BRAS MTHONG SGOM GYI LAM RNAMS RTOG PA DE DAG SPONG BYED DU SKYED PA DE'I KHYAD CHOS YIN NO, ,CHUNG 'BRING CHE GSUM GYI DBYE BA'I KHYAD CHOS NI, RJE BTZUN PA DANG BSOD GRAGS PAS, THEG CHEN GYI SBYOR LAM BZHI KAR CHUNG 'BRING CHE GSUM GYI DBYE BA YOD LA, THEG DMAN GYI CHOS MCHOG LA CHUNG 'BRING CHEN PO'I DBYE BA MED PAS 'PHAGS ZER BA CHOS MCHOG KHO NA'I KHYAD CHOS SU 'GYUR BAS YIG CHAR BKAG LA, RNAM BSHAD LAS CHUNG 'BRING KHYAD CHOS SU 'GYUR BA'I RGYU MTSAN NI, THEG PA CHEN PO'I LAM GYI LUS YONGS SU RDZOGS PA GONG NAS GONG DU 'PHEL ZHING GOMS PAR BYED PA NI, KHYAD CHOS BLA NA MED PA'O, ,ZHES PA LTAR NYAN RANG RANG DON LHUR LEN PAS SBYOR LAM DROD STAN GCIG PA YANG YOD LA, THEG CHEN PA NI, MDO SDE RGYAN LAS, MGO LA SEMS CAN KHUR CHEN 'KHYER BA YI, ,SEMS CAN MCHOG NI DAL GYIS 'GRO MI MDZES, ,ZHES PA LTAR RANG DON DOR GZHAN NGON LHUR LEN PAS DROD SOGS RE RE'I YUN LA'ANG BSKAL CHEN DU MA YOD PAS, DROD CHUNG LTA BU LA YANG NANG GSES KYIS CHUNG 'BRING CHEN PO'I DBYE BA BGRANG LAS 'DAS PA YOD PA DE KHYAD CHOS MCHOG YIN NO, ,LHAG BSAM BRTAN PAS MI GTZANG PA'I DONG DPER BYAS NAS BSHAD DO, ,ZHES PA LAM RIM LAS, KHAMS GSUM PO NI MI GTZANG BA'I DONG DANG BU GCIG BU NI SEMS CAN RNAMS DANG, MA DANG GNYEN NI SEMS CAN 'KHOR BAR LHUNG BA MTHONG NAS MYA NGAN DANG SME SNGAGS 'DON GYI GDON PAR NUS PA MED PA NYAN RANG DANG, TSONG DPON DANG KHYIM BDAG NI BYANG CHUB SEMS DPA' DANG

182a

, ,DPE DON DU SBYAR GSUNGS TE, ZHES GSUNGS PAS, HAL MCHAN DU MA'I BRTZE BA BYANG SEMS LA SBYAR BA MI 'THAD DO, ,DE LA KHO NA RE, BYANG SEMS KYI MI RTAG SOGS RTOGS PA'I SBYOR LAM DMIGS RNAM GYIS KHYAD PAR DU 'PHAGS TSUL MED PAR THAL, DE THEG DMAN GYI SBYOR LAM DANG DMIGS RNAM 'DRA BA'I PHYIR NA MA KHYAB STE, SNGAR ROL MTSO DRANGS PA LTAR GZHAN DON DU SHES SGRIB SPANG PA'I PHYIR DU RIGS PA'I RNAM GRANGS MTHA' YAS PA'I SGO NAS DMIGS SHING RNAM PA YID LA BYED PAS 'PHAGS PA'I PHYIR TE, MDO LAS DMIGS RNAM PHAL CHER LA GZUGS NAS MA 'DRES PA'I BAR SBYAR ZHING, 'PHAGS SENG GNYIS KAS CHOS SU LTA BA'I GNYEN PO RGYU MTSAN DU SBYAR BA'I PHYIR, DE LA DGONGS NAS YIG CHAR, NYON MONGS TZAM SPONG NA BCU DRUG TZAM GYIS CHOG KYANG, ZHES GSUNGS PA'I PHYIR, DES NA MCHAN LAS, THAL 'GYUR PA RNAM RTOG BZHI DANG LDAN TSUL GYI KHYAD DKA' STE ZHES PA YANG, GONG DU DMIGS PA SO SO BA DANG BSDUS NAS DANG, RNAM PA RIGS PA'I RNAM GRANGS MANG NYUNG YOD KYANG ZHES PA LTAR, THEG PA GSUM GA'I SBYOR LAM GYIS MTHONG SPANG GI RNAM BZHI NYAMS SMAD PAR 'DRA YANG, DMIGS PA BDEN PA'I RNAM PA SO SOR PHYE STE DMIGS PA DANG RNAM PA DANG RNAM PA RIGS PA'I RNAM GRANGS MTHA' YAS PAS YID LA BYED PAS NYAMS SMAD PAS 'PHAGS ZHES BSHAD DGOS PA'I DON NO, ,THEG DMAN SBYOR LAM PA CHAGS BRAL SNGON SONG DU MI 'GYUR TSUL NYAMS SMOD BYED 'JIG RTEN PA'I SGOM LAM ZHI RAGS CI RIGS KYI

182b

RNAM PA CAN MIN PAS YIN NO, ,RJE BTZUN PA DANG BSOD GRAGS PAS, RONG t'I KA BA LTAR STONG NYID RTOGS PA'I THEG CHEN SBYOR LAM BZHI CHOS NYID LA GSAL SNANG CAN GYI BLO YIN PA MDO RGYAN DANG RGYAN SNANG SOGS KYI DON DU BYAS NAS, RNAM 'GREL LAS, GSAL BAR SNANG BA CAN BLO DANG, ,DE NI DE LA RTOG MED 'DOD, ,CES PA DON SPYI DANG MA 'DRES PAR RANG YUL GSAL BAR SNANG BA LA DGONGS GSUNGS LA, RANG RES YIG CHA GSAR RNYING GNYIS KAR DON SPYIS SGRIB NAS SNANG BAS GSAL SNANG MTSAN NYID PA MIN LA, TSOGS LAM MAN CHAD DU YUL YUL CAN RGYANG CHAD RAGS PAR SNANG BA CHUNG NGUR SONG NAS CHOS NYID KYI DON SPYI SNGAR LAS JE GSAL DU SONG BA LA DON SPYI'I GSAL SNANG ZHES BSHAD GSUNGS LA, RGYAN SNANG DU SNANG BA GSAL ZHES PA LAS CHOS NYID GSAL BAR SNANG BA'I ZUR TZAM YANG MED LA, RNAM BSHAD LAS, TSUL DE LTA BUR STONG PA NYID KYI DON SPYI SHAR BA LA, CHOS NYID GSAL BAR SNANG ZHES BYA'I, ZHES DON SPYI'I SNANG BAR SBYAR BAS KYANG GSAL SNANG DNGOS MIN BAR SHES SO, ,GSER PHRENG LAS, MTHONG SPANG SGOM SPANG GI BDAG LTA CUNG ZAD KYANG KHA MA BRI BAR BDAG MED MNGON SUM GYIS RTOGS PAR 'DOD PA'I PHYIR RO, ,ZHES PA 'DIS YIG CHA GZHAN GYIS NYAN RANG 'PHAGS PA LA STONG NYID MNGON SUM DU RTOGS PA YOD PAR 'DOD PA LA GNOD KYANG DPYAD, 'DIR BSTAN SBYOR LAM BCU GNYIS KYI DMIGS RNAM SOGS RTZA BA'I MCHAN 'GREL DU BSHAD ZIN TO, ,KHO NA RE, THEG DMAN GANG ZAG GI RGYUD NA STONG NYID LA DMIGS PA'I SGOM BYUNG GI SHES RAB YOD PAR THAL, CHOS

183a

, ,THAMS CAD LA DMIGS PA'I SGOM BYUNG GI SHES RAB YOD PA'I PHYIR NA MA KHYAB, RTAGS GRUB STE, CHOS THAMS CAD LA DMIGS PA'I RNAL 'BYOR MNGON SUM YOD PA'I PHYIR, RTZA BAR 'DOD MI NUS TE, RNAM BSHAD LAS, STONG NYID LA DMIGS PA'I SGOM BYUNG GI SHES RAB NI MED DE, DE THOG MAR NAM SKYES PA NA SBYOR LAM DU 'PHOS PA'I PHYIR, ZHES GSUNGS PA'I PHYIR, YANG NA STONG NYID RTOGS PA'I DE MED PA'I DON YIN TE, YIG CHAR, DE'I SGRUB BYED DU DRANGS PA'I PHYIR RO, , 'PHOS TSAD CHOS NYID LA DON SPYI'I GSAL SNANG BZHI'I DANG PO THOB DUS DROD DANG, DE LA DON SPYI'I SNANG BA MCHED PA STE CHER 'PHEL DUS RTZE MO DANG, DE LA DON SPYI'I SNANG BA RAB THOB PAS RANG GI RGYUD KYI MNYAM BZHAG GI NGOR GZUNG BA BDEN SNANG YOD PA MYONG STOBS KYI NGES MI NUS SHING 'DZIN PA'I PHYOGS GCIG BU DE LTAR MYONG STOBS KYIS NGES NUS TSE BZOD PA DANG, DON SPYI'I GSAL SNANG RDZOGS PAS 'DZIN PA BDEN SNANG YANG MYONG STOBS KYIS NGES MI NUS PAR CHU LA CHU BZHAG PA LTAR SNANG DUS CHOS MCHOG TU 'PHOS PA YIN PAS, DROD SOGS BZHI'I MTSAN NYID KYANG DE DUS KYI THEG CHEN GYI DON MNGON RTOGS 'JOG PAS, YIG CHAR CHA NAS BZHAG PA'I CES PA YANG DE DUS KYI SGO NAS BZHAG CES PA YIN NO, ,BYAS PA BYAS ZHES BRJOD PA'I SGRA BSDUS CHEN DU GZHI GCIG LA LTOS PA'I CHOS DANG CHOS CAN BRJOD PA'I SGRA GNYIS KA YIN PAR GSUNGS PA RAGS BSHAD DANG, 'DIR MIN PAR GSUNGS PA ZHIB BSHAD YIN TE, SNGA MA LA BDAG

183b

SGRA YOD LA PHYI MAR MED PAS BRJOD PA THA DAD PA'I PHYIR RO, ,BYAS PA BYAS PA YIN ZHES BRJOD PA'I SGRA GZHI GCIG LA LTOS TE GNYIS KA BRJOD SGRA YIN LA, DE CHOS CAN BYAS PA LA LTOS TE KHYAD PAR GZHAN SPONG GI SGRA DANG KHYAD PAR GZHAN MI SPONG GI SGRA GNYIS KA YIN PAR THAL, DE LA LTOS TE CHOS BRJOD KYI SGRA DANG CHOS CAN BRJOD PA'I SGRA GNYIS KA YIN PA'I PHYIR NA BSOD GRAGS PAS MA KHYAB ZER BA'I SGRUB BYED DU BYAS PA LA LTOS TE KHYAD PAR GZHAN SPONG GI SGRA MA YIN TE, BYAS PA DE KHYAD PAR GZHAN GYI KHYAD GZHI LTA BUR BLO YUL DU SPONG PA MA YIN PA'I PHYIR TE, DE KHYAD CHOS GZHAN GYI KHYAD GZHIR BLO YUL DU MI SPONG ZHING DER STON PA'I PHYIR, DER THAL, KHYAD PAR GZHAN MI SPONG BA'I SGRA YIN PA'I PHYIR, DE DAG LA KHYAB PA YOD DE, RNAM 'GREL t'IKA CHEN LAS, DE NYID KHYAD PAR GZHAN GYI RTEN BYED PA'I CHOS CAN NAM, KHYAD GZHI LTA BUR BLO YUL DU MI STON PA NI SPONG PA STE, ZHES DANG, DE NYID KHYAD CHOS GZHAN GYI RTEN BYED PA'I CHOS CAN NAM, KHYAD GZHI LTA BUR BLO YUL DU MI SPONG ZHING ZHES GSUNGS PA'I PHYIR ZER NA, RANG LUGS LA BYAS PA SPYI LDOG DE KHYAD GZHI LTA BUR BLO YUL DU MI STON PA MIN KYANG BYAS PA PHYI MA BRJOD PA'I SGRA DES BYAS PA KHYAD GZHIR MI STON PAS KHYAD PAR GZHAN SPONG DU BZHAG GO, 'O NA BYAS PA BYAS PA'I KHYAD CHOS YIN PAR THAL, BYAS PA BYAS PA'I KHYAD CHOS LTA BUR BRJOD PA'I PHYIR NA MA KHYAB STE, LTA BU SMOS PA'I DGOS PA YOD PA'I PHYIR DANG, SGRA BYAS PA ZHES BRJOD PA'I TSE BYAS PA SGRA'I KHYAD CHOS MA YIN

184a

, ,PA'I PHYIR, DE'I TSE KHYAD GZHI SGRA DE BYAS PA'I KHYAD PAR DU BYAS NAS STON PA BZHIN DU BYAS PA SNGA MA DE BYAS PA PHYI MA'I KHYAD PAR DU BYAS NAS STON PAS YIN NO, ,YIG CHAR, MA YIN PAR THAL, KHYAD PAR GZHAN MI SPONG BA'I SGRA YIN PA'I PHYIR, DER THAL, SGRA LA LTOS TE KHYAD PAR GZHAN MI SPONG BA'I SGRA YIN PA'I PHYIR, DER THAL, SGRA GCIG BU BRJOD TSE DE YIN PA'I PHYIR NA MA KHYAB, CES PA BSDU CHE BAS DKROL NA, BYAS PA LA LTOS TE KHYAD PAR GZHAN SPONG MA YIN PAR THAL, DE LA LTOS TE KHYAD PAR GZHAN MI SPONG BA'I SGRA YIN PA'I PHYIR, BYAS PA LA LTOS TE KHYAD PAR GZHAN MI SPONG BA'I SGRA YIN PAR THAL, SGRA LA LTOS TE DE YIN PA'I PHYIR NA RANG LUGS LA MA KHYAB ZER DGOS LA, BYAS PA LA LTOS TE KHYAD PAR GZHAN MI SPONG BA'I SGRA YIN PAR THAL, SGRA GCIG BU DMIGS KYIS BKAR NAS DE'I BYAS PA TZAM SHES PAR 'DOD PA'I TSE SGRA BYAS PA ZHES BRJOD PA'I SGRA DE BYAS PA LA LTOS TE, KHYAD PAR GZHAN MI SPONG BA'I SGRA YIN PA'I PHYIR NA MA KHYAB, CES PA YIN PA, MCHAN LAS, SPYIR SGRA BYAS PA YIN ZHES BRJOD PA'I TSE KA BUM SOGS KYI BYAS PA YIN PA GCOD PAS KHYAD PAR GZHAN SPONG YIN KYANG, SGRA GCIG BU DMIGS KYIS BKAR TE BYAS SAM MA BYAS DRIS PA LA BYAS PA YIN ZHES BRJOD PA'I TSE BRJOD 'DOD KYI DBANG GIS KVA BUM SOGS KYI BYAS PA GCOD DON MED PAS KHYAD PAR GZHAN MI SPONG YIN TE, ZHES PAS SHES LA, SGRA GCIG BU ZHES PAS, GSER PHRENG LAS, GONG BU 'DI LA RTA MIN PA NYID YOD DO, ,ZHES BRJOD PA'I SGRA BA LANG LA LTOS TE CHOS BRJOD DANG KHYAD PAR GZHAN SPONG GI

184b

SGRA YIN ZHES PA GO CHED KYANG YIN TE, DE NYAN PA POS GONG BU'I STENG DU RTA BCAD TZAM SHES PAR 'DOD PA BZHIN DU 'DIR SGRA GCIG BU'I BYAS PA TZAM SHES PAR 'DOD PA'I TSE SGRA BYAS PA NYID YIN ZHES BRJOD PA'I SGRAS SGRA KHYAD CHOS DANG BYAS PA KHYAD GZHI LTA BUR 'PHANGS PA'I PHYIR TE, BYAS PA DE SGRA'I STENG DU YOD MED DRIS BA'I PHYIR RO,, ` ,,BU STON SOGS KYIS SKABS 'DI'I RTOG PA RTOG PA GSUM GYI SNGA MA GNYIS MIN PHYI MA YIN ZER BA MI 'THAD CES PA 'DI'I RTOG PA'I BRDA SGRA DON SNANG BA'I RTOG PA LA BYED KYI, GSUM PA NI, GNYIS SNANG CAN GYI 'KHRUL SHES LA BYED PAS DE LA DBANG SHES KYANG YOD PA'I PHYIR, ZHES PA YIN GYI, 'DI'I RTOG PA LA SPYIR RTOG PA GSUM YOD DE, RTOG DPYOD KYI RTOG PA YANG YOD, RTOG PA GNYIS PA LA GSUM PAS KHYAB PA'I PHYIR, BU t'I KA NA SNGA MA GNYIS MIN ZHES MED KYANG DON THOB YIN NO, ,BU NYA GNYIS KYIS RTOG PA BZHI BDEN MED RTOG PA'I SBYOR LAM BZHI LA BZHAG PAS DGAG RTOG KHO NA YIN ZER, LA LAS, SGRUB PHYOGS NAS BDEN PAR 'DZIN PAS SGRUB RTOG KHO NA ZER GA RNAM BSHAD LAS, GZUNG 'DZIN BDEN STONG BDEN PAR ZHEN PA YANG DGAG RTOG TU BYAS DGOS ZHES SOGS KYIS RTOG PA LOG SHES RNAMS DMIGS YUL GYIS 'JOG DGOS PAS BKAG LA, KHO NA RE, RANG GI DMIGS YUL DGAG PA LA DMIGS BA'I RTOG PA LOG SHES YIN NA, DGAG RTOG YIN PAS KHYAB PAR THAL, YIG CHAR, RANG GI DMIGS YUL GYI RNAM PA 'CHAR BA DGAG BYA GZHAN BKAG PA LA MI LTOS PAR THAL, SGRUB RTOG YIN PA'I PHYIR, ZHES GSUNGS PA'I PHYIR NA MA KHYAB STE,

185a

, ,DGAG BYA GZHAN BKAG TZAM LA MI LTOS PAR THAL, ZHES PA YIN PA SGRUB TSUL GYIS SHES PA'I PHYIR, 'O NA, DGAG SGRUB KYI RTOG PA GNYIS DMIGS YUL GYIS 'JOG PAR THAL, LUNG DE'I PHYIR NA MA KHYAB STE, BUM PA BDEN STONG DU 'DZIN PA'I RTOG PA DGAG RTOG YIN PA'I PHYIR, DE NI RTOG PA LOG SHES DANG 'DZIN TSUL MED PA'I RTOG PA RNAMS KYIS DGAG SGRUB KYI RTOG PA'I 'JOG TSUL YIN GYI 'DZIN TSUL CAN GYI RTOG PA DON MTHUN RNAMS RANG YUL MED DGAG 'DZIN MI 'DZIN GYIS 'JOG STE, MED DGAG RNAMS 'DZIN PA'I RTOG PA DGAG RTOG YIN PA'I PHYIR RO, ,YIG CHAR, 'DOD MI NUS TE, MU BZHI YOD PA'I PHYIR, ZHES GZUNG RTOG 'DZIN RTOG GNYIS KYI GZHI MTHUN YOD PAR GSUNGS KYANG, RJE BTZUN PA DANG BSOD GRAGS PA GUNG RU SOGS KYIS, RNAM BSHAD LAS, DES NA LONGS SPYOD BYAR BDEN PAR ZHEN PA DANG, LONGS SPYOD BYED DU BDEN PAR ZHEN PA NI, GZUNG BAR RTOG PA DANG 'DZIN PAR RTOG PA'I DON NO, ,ZHES PA LTAR LONGS SPYOD BYA DANG SPYOD BYED DU ZHEN PA DGOS PAS 'GAL ZER ZHING, RNAM BSHAD LAS, SPANG BYA RTOG PA THAMS CAD 'DZIN STANGS DE DANG 'DRA BAR ZAD PA MA YIN TE, NYAN THOS KYI LAM 'BRAS LDOG BYAR BDEN PAR ZHEN PA YANG 'DIR BSTAN SPANG BYA RTOG PA YIN PA'I PHYIR RO, ,ZHES PA RJE BTZUN PA'I MTHA' DPYOD LAS, SPANG BYA RTOG PA THAMS CAD GZUNG BA TZAM DU BDEN PAR ZHEN PA DANG, 'DZIN PA TZAM DU BDEN PAR ZHEN PAR ZAD PA MA YIN NO, ,NYAN THOS KYI LAM 'BRAS LA DMIGS

185b

NAS LDOG BYAR BDEN PAR ZHEN PA YANG SHES SGRIB GZUNG RTOG YIN KYANG, DE GZUNG BA TZAM DU BDEN PAR ZHEN PA MA YIN PA'I PHYIR, ZHES DE LTAR BKRAL NAS LDOG PA GZUNG RTOG GI LDOG BYA'I YUL DU BDEN PAR 'DZIN PAS LONGS SPYOD BYAR 'DZIN PA YIN PAR BSHAD, BSOD GRAGS PA'I MTHA' DPYOD LAS, RNAM BSHAD KYI DON 'CHAD TSUL NI, 'DIR BSTAN SHES SGRIB RTOG PA YIN NA, SHES SGRIB GZUNG RTOG DANG SHES SGRIB 'DZIN RTOG GANG RUNG YIN PAS MA KHYAB STE, NYAN RANG GI LAM 'BRAS LA DMIGS NAS BYANG SEMS LAM GYI LDOG BYAR BDEN PAR ZHEN PA'I ZHEN RIG DE, 'DIR BSTAN SHIS SGRIB RTOG PA YIN PA'I PHYIR, ZHES PA LUNG DANG PO'I DON ZHES DANG, BYANG SEMS LAM GYI LDOG BYAR GYUR PA'I NYAN RANG GI LAM 'BRAS LA DMIGS NAS LONGS SPYOD BYAR BDEN PAR ZHEN PA'I ZHEN RIG DE, SHES SGRIB RTOG PA GZUNG RTOG GI MTSAN GZHI YIN PA'I PHYIR, GSUNGS PA RNAMS YIG CHAR, SNANG BA GNYIS KAR MU BZHI BSHAD PA DANG, RNAM BSHAD LAS, GZUNG BAR RTOG PA DANG, 'DZIN PAR RTOG PA ZHES BSHAD PA NI PHYOGS TZAM MTSON PAR BYED PA YIN GYI SPANG BYA RTOG PA THAMS CAD 'DZIN STANGS DE DANG 'DRA BAR ZAD PA MA YIN TE, ZHES DANG, PHUNG PO BDEN PAR 'DZIN PA DANG, DE'I ZHEN YUL BKAG PA'I DGAG PA BDEN PAR 'DZIN PA GNYIS KA SPANG BYA RNAM TRTOG TU SHES PAR BYA'O, ,ZHES PA RNAMS KYIS BKAG NAS LUNG DE DAG LTAR DMIGS YUL GYI SGO NAS 'JOG TSUL GCIG DANG, RTZA 'GREL GYI TSIG ZIN LTAR GZUNG TSUL GYI

186a

, ,SGO NAS BZHAG PA GNYIS YOD PAR GSUNGS NAS, MTSAN NYID KYI SKABS YUL CAN GYI YUL DANG GZUNG BA DANG LONGS SPYOD BYA 'DRA BAS RIGS GNAS SMOS PAS LDOG 'DZIN SDUD CING, ZHES LDOG 'DZIN GYIS LONGS SPYAD BYAR MI 'DZIN KYANG LDOG BYA'I YUL LAM, LDOG BYAR 'DZIN PAS DE ZHEN TSUL GYIS GZUNG RTOG TU SDUD CING, CHA BZHAG GIS PHYI ROL DON 'DZIN GYI RTOG PAR MA ZAD PHUNG PO BDEN 'DZIN LTA BU DMIGS YUL GYIS BZHAG PA'I DE YANG BSDUS TE, SNGA MA RANG YUL GZUNG BA PHYI DON DU 'DZIN PAS BSDUS SHING 'DI'I RANG YUL GZUNG BA PHYI DON DU 'DZIN GYI LONGS SPYOD PA PO SOGS SU MI 'DZIN PA'I PHYIR DANG, 'DZIN RTOG GI CHA BZHAG GIS RGYUN LDAN GYI SHES PA BDEN PAR 'DZIN PA LTA BU LONGS SPYOD PA POR MI 'DZIN PA'I 'DZIN RTOG RNAMS SDUD PA BZHIN YIN PA'I PHYIR, GSER PHRENG LAS, GZUNG BA LA RTOG NA GZUNG RTOG DANG 'DZIN PA LA RTOG NA 'DZIN RTOG TU BYAS NAS LA RTOG TU BYED PA BYUNG MOD DE DAG GIS LEGS PAR MA RTOGS TE, NAS, RTOG PA BZHI PA'I YUL DU GZUGS CAN BSHAD PA RNAMS DOR DGOS PAR 'GYUR RO, ,ZHES MDO DANG 'GREL PAR BTAGS 'DZIN RTOG PA'I DMIGS YUL LA GZUGS SOGS PHUNG PO DANG MIG SOGS SKYE MCHED BSHAD PA DOR DGOS PAR GSUNGS PAS, PHUNG PO'I TSOGS PA LA SKYES BUR BTAGS TZAM GYI LONGS SPYOD PA POR 'DZIN PA LTA BU DMIGS YUL 'DZIN PA LA MA DMIGS KYANG ZHEN TSUL GYIS 'DZIN RTOG TU BZHAG PA

186b

RNAMS BSDUS SAM DPYAD, RJE BTZUN PAS MU BZHI BYAS PA NYI SNANG GI BZHED PA YIN KYANG KHAS LEN MI RIGS PAR BSHAD LA BSOD GRAGS PAS, SO SKYE'I MNGON SUM GYI GZHAL BYAR GYUR PA'I GZUNG BA DANG 'DZIN PA LA MU BZHI BRTZI TSUL YIN ZER PHUNG PO BDEN PAR 'DZIN PA'I BDEN 'DZIN GZUNG BA LA DMIGS PA'I BDEN 'DZIN MIN PAR, RNAM 'GREL LAS, DE PHYIR KHYAD PAR GANG GI CHOS, ,GANG GIS GO BAR GYUR PA DE, ,DE LAS GZHAN GYIS NUS MA YIN, ,DES NA THA DAD RNAM PAR GNAS, ,ZHES PA LTAR DNGOS MING THA DAD KYIS SO SOR GO BYA YIN PAS SGRUB KYANG, DE LA KHO NA RE, PHUNG PO LONGS SPYAD BYAR BDEN PAR 'DZIN PA'I BLO CHOS CAN, RANG GI DMIGS YUL GZUNG BA LA DMIGS NAS BDEN PAR 'DZIN PA'I BLO MA YIN PAR THAL, PHUNG PO DANG RANG GI DMIGS YUL GZUNG BA GNYIS DNGOS MING THA DAD KYIS GO BYA YIN PA'I PHYIR, RTAGS KHYAB KHAS, 'DOD NA, MTSAN NYID DANG 'GAL LA, 'DIR BSTAN GZUNG 'DZIN GYI RTOG PA SO DRUG GANG RUNG YIN NA, RANG GI DMIGS YUL GZUNG 'DZIN GANG RUNG LA MA DMIGS PAS KHYAB PAR THAL LO, ,DE BZHIN DU 'JIG LTA YIN NA, RANG RGYUD LDAN GYI GANG ZAG DANG RGYUD GCIG PA'I NGA LA DMIGS PAS MA KHYAB PAR THAL BA SOGS KHAS LEN SONG TSUL MI 'DRA YANG LAN GDAB DKA'O, ,KHO NA RE, 'DZIN RTOG GNYIS 'GAL ZER NA, RNAM MKHYEN LONGS SPYOD PA POR BDEN PAR 'DZIN PA'I RTOG PA CHOS CAN, DE GNYIS KA YIN PAR THAL, RNAM MKHYEN DE DMIGS YUL RDZAS 'DZIN DANG,

187a

, ,BTAGS 'DZIN GNYIS KA YIN PA'I PHYIR TE, PHUNG PO SOGS DON BYED NUS PAR 'DZIN PA DANG, SGYU MA LTA BUR 'DZIN PA'I BLO GNYIS KA YIN PA'I PHYIR, KHYAB STE, PHAR PHYIN ZIN BRIS LAS, RDZAS 'DZIN DANG BTAGS 'DZIN GYI KHYAD PAR NI, RDZAS 'DZIN GYI DMIGS PA NI SKYES BU DANG, DBANG PO DANG, RANG RKYA THUB PA'I RDZAS YOD DU GRUB PA RNAMS DER 'JOG LA, DE 'DZIN PA'I BLO DANG GANG ZAG RNAMS RDZAS 'DZIN YIN NAS, BTAGS 'DZIN GYI DMIGS PA NI, BDAG MED GSUM GANG RUNG RTOGS PA'I GANG ZAG DANG, DE GSUM GANG RUNG RTOGS PA'I BLO DANG, DE GSUM GYI RJES THOB SGYU MA LTA BU'I GANG ZAG GAM SKYES BU DANG, DE DAG GIS KHYAD PAR DU BYAS PA'I GANG ZAG DANG, DE DAG 'DZIN PA'I RTOG PA DANG, MNGON SUM RNAMS DE YIN, DE DAG 'DZIN PA'I BLO DANG, GANG ZAG RNAMS BTAGS 'DZIN YIN LA, ZHES DANG, RNAM MKHYEN DE RDZAS 'DZIN DANG, BTAGS 'DZIN GNYIS KA YIN, ZHES GSUNGS PA'I PHYIR, 'DI'I BTAGS 'DZIN GYI DMIGS PA ZHES PA BTAGS 'DZIN RTOG PA'I DMIGS PA YIN PA MTHA' DPYOD DU GSAL BAS BTAGS 'DZIN GYI DMIGS PAR BDAG MED GSUM DANG BDEN STONG SGYU MA LTA BU DANG, PHUNG PO'I TSOGS PAR SKYES BUR BTAGS PA SOGS DANG, RDZAS 'DZIN GYI DMIGS BAR, DON BYED NUS PA DANG, RANG RGYA THUB PA'I RDZAS YOD DANG, BDEN GRUB SOGS 'JOG PA RNAM BSHAD DANG YIG CHAR GSAL LA, YIG CHAR, SKYES BU DANG, DBANG PO DMIGS YUL RDZAS 'DZIN LA BZHAG PAS, ZIN BRIS KYI DE

187b

YANG YIN NAM SNYAM, DES NA 'DZIN PA LA LONGS SPYOD PA PO YUL CAN THAMS CAD BZHAG PAS SGRA YANG YOD DGOS TE, DBANG PO YOD PA'I PHYIR RO, ,MCHAN LAS, BDAG NI BZUNG BA DANG, BDAG GI BA NI 'DZIN PA'O, ,ZHES PA MA DAG STE, BDAG NI 'DZIN PA DANG, BDAG GI BA NI GZUNG BA'O, ,ZER DGOS SO, ,NYI SNANG GI RTZOD PA, KHA CIG ,RDZAS 'DZIN SO SKYE'I RTEN CAN DU BSHAD PA MI 'THAD PAR THAL, SO SKYE LA CHOS THAMS CAD BDAG MED DU RTOGS PA YOD PA'I PHYIR ZER BA, SO SKYE DE DAG GIS MOS PA YID BYED KYIS RTOGS KYI, 'DIR NI 'PHAGS PA LTAR DE KHO NA NYID YIN BYED KYIS RTOGS PA MED PAS RANG RGYA BAR 'CHAR BAS SHUGS CHE BAS DE'I RTEN CAN DU BSHAD PA'I PHYIR, RTZOD PA SNYING PO MED CES DANG, BTAGS 'DZIN 'PHAGS PA'I RTEN CAN DU BSHAD PA MI 'THAD PAR THAL, 'PHAGS PA NGAS CE SPYAD SKAD THOS SO ZHES PA LTA BU NGAR ZHEN NAS BRJOD PA YOD PA'I PHYIR ZER BAR, TSIG DE NI SGYU MA LTA BU'I THA SNYAD PA YIN GYI DON DAM PAR ZHEN PA MIN LA, 'PHAGS PA LA SGYU MA LTA BUR SNANG BA SHUGS CHE BAS RTZOD PA SNYING PO MED CES PA'O, ,NYI SNANG LAS, GZUNG BA'I RNAM PAR RTOG PA DANG PO GANG YIN BA DE NI GNYIS PA LANG YIN NO, ,ZHES PA'I DON ROL MTSO LAS, KUN NAS NYON MONGS PA DANG RNAM BYANG GI GZUNG BA GNYIS KA LA DMIGS NAS GZUNG BYAR BDEN PAR ZHEN PA'I BLO YIN NA, SHES SGRIB RNAMS BYANG GZUNG RTOG YIN DGOS PA'I DON YIN GYI, GZUNG RTOG DANG PO LA GNYIS PAS KHYAB PA'I DON MA YIN PA'I PHYIR, ZHES PA, BSOD GRAGS PAS, 'PHAGS PA'I LUGS LA

188a

, ,GZUNG RTOG DANG PO YIN NA, RANG GI DMIGS YUL LA KUN BYANG GI PHYOGS GNYIS KA YOD PAS KHYAB, GNYIS PA YIN NA, RANG GI DMIGS YUL LA RNAM BYANG PHYOGS KHO NA YOD PAS KHYAB PAS DE GNYIS 'GAL BA'I PHYIR ZHES BKAG NAS, DE NYID KYI SPYI DON LAS, DE LTAR BYAS NA SHES SGRIB GZUNG RTOG DANG PO'I DMIGS YUL KUN NAS NYON MONGS PHYOGS KYI BDEN PA DANG, RNAM BYANG PHYOGS KYI BDEN PA GNYIS YOD PA LAS, DMIGS YUL RNAM BYANG PHYOGS KYI BDEN PA LA DMIGS NAS LONGS SPYOD BYAR BDEN PAR ZHEN PA'I BDEN 'DZIN YIN NA SHES SGRIB GZUNG RTOG GNYIS PA YIN PAS KHYAB PAR BZHED PA YIN TE, ZHES LUNG DON DE LTAR BSHAD PA GNYIS KA LA KUN BYANG GNYIS KA LONGS SPYOD BYAR BDEN PAR 'DZIN PA'I BLO CHOS CAN, RANG GI DMIGS YUL LA RNAM BYANG GI CHOS YOD PAR THAL, LUNG DON DE'I PHYIR, 'DOD NA, RANG GI DMIGS YUL RNAM BYANG GI CHOS LA DMIGS NAS LONGS SPYOD BYAR BDEN PAR 'DZIN PA'I BLO YIN PAR THAL, 'DOD NA, RNAM BYANG GZUNG RTOG TU THAL BA GNYIS KAR KHAS, 'DOD NA, KUN NYON GZUNG RTOG KYANG YIN PAR THAL, 'DOD NA, RGYAN SNANG LAS, 'DI GNYIS NI THA DAD PA KHO NA'O, ,ZHES PA DANG 'GAL LO, ,GZHAN YANG, RTAG DNGOS GNYIS BDEN PAR 'DZIN PA'I BLO DNGOS PO BDEN PAR 'DZIN PA'I BLO YIN PAR THAL BA DANG, DE'I ZHEN YUL MED PA 'DUS BYAS STONG NYID DU THAL BA SOGS SO, ,DES NA YIG CHAR, MDO LAS, GZUNG RTOG SPYIR BSTAN PA'I RTOG PA YIN NA, RNAM BYANG GZUNG RTOG YIN DGOS PA'I PHYIR, ZHES PA, NYI SNANG LAS,

188b

RNAM PAR RTOG PA'I MTSAN NYID KYI DBANG DU MDZAD NAS GSUNGS PA NI, RAB 'BYOR JI LTAR, ZHES PA NAS, DE LA DANG PO GZUNG PA'I RNAM PA'I RNAM PAR RTOG PA'I RNAM PA DGUR 'GYUR BA LAS ZHES GZUNG RTOG SPYIR BSTAN GYI MDO DE RTOG PA DANG PO KUN BYANG SPYI'I MTSAN NYID DAM DNGOS PO TZAM LA BRTEN PA'I RTOG PA SPYIR BSTAN GYI MDOR BYAS NAS DE LA DGUR DBYE BAR GSUNGS PAS, 'PHAGS PA'I LUGS LA GZUNG RTOG DANG PO LA KUN BYANG GI GZUNG RTOG GNYIS YOD LA, NYI SNANG LAS, DANG PO GANG YIN GNYIS PA YANG YIN, GSUNGS PA DANG PO LA GNYIS PAS KHYAB PAR GSUNGS PA MIN GYI DE'I NANG GI SPYIR BSTAN GYI MDO'I DNGOS BSTAN GYI RTOG PA DANG PO LA RNAM BYANG GZUNG RTOG GIS KHYAB CES PA YIN TE, NYI SNANG LAS RE ZHIG DANG PO NI, GNYIS PA YANG YIN PA NI, DPER NA, GZUNG PA'I RNAM PAR RTOG PA DANG POR GYUR PA DNGOS PO THAMS CAD PA BZHIN NO, ,ZHES DANG PO'I NANG NAS SPYIR BSTAN GYI RTOG PA TE DMIGS KYIS BKAR BA'I PHYIR, DES NA GSER PHRENG LAS, DANG PO LA GNYIS PA YIN PA DANG, GNYIS PA LA DANG PO MIN PAS KHYAB PA MDZAD KYANG, ZHES PA YANG DANG PO'I SPYIR BSTAN GYI DES GNYIS PA'I DMIGS PAR YANG DMIGS PA YIN PA DANG, GNYIS PA LA DANG PO'I DMIGS PA SPYI'AM DE'I CHA KUN NYON PHYOGS LA MA DMIGS PAS KHYAB PAR GSUNGS PA MCHAN DU GSAL LO, ,DE LA KHO NA RE, 'PHAGS PA'I LUGS LA, GZUNG RTOG DANG PO DGU PO RE RE LA KUN BYANG GNYIS KA LA DMIGS PA YOD PAR THAL, DE THAMS CAD DNGOS PO TZAM LA DMIGS PA'I DBYE BA YIN PA'I

189a

, ,PHYIR, RTAGS GRUB STE, RTZA BAR, DE NI SO SOR RNAM PA DGU, ,ZHES PA'I DE SGRA DE LA BSNYEG PAR NYI SNANG GI LUNG DE DANG RTZA BA'I 'GREL GYIS 'GRUB PA'I PHYIR, KHYAB PA YOD DE, DNGOS PO TZAM ZHES PA'I TZAM SGRAS KUN BYANG PHYOGS RE LA DMIGS PA GCOD PA'I PHYIR TE, NYI SNANG LAS, TZAM SMOS PA NI KHYAD PAR GSAL BA'I DON DU YIN NO, ,ZHES GSUNGS PA'I PHYIR, RTZA BAR 'DOD NA, DANG PO RANG YUL MA RIG PA LA DMIGS PA'I KUN NYON GZUNG RTOG MA YIN PAR THAL LO, ,'DOD NA, NYI SNANG LAS, MA RIG PA'I RNAM PAR RTOG PA NI ZHES PA NAS, DE'I PHYIR MA RIG PA ZHES BYA'O, ,ZHES GANG GSUNGS PA YIN NO, ,ZHES GSUNGS PA'I PHYIR, DES NA GSER PHRENG LAS, SNGA MAS GZUNG RTOG GNYIS YUL GYI SGO NAS KHYAD PAR BZHAG PA BKAG NAS RANG LUGS BZHAG PA 'DI BZHIN DU 'THAD DE, GZHI DANG DE YI GNYEN PO YIS, ,ZHES SPANG BYA'I PHYOGS SU BSTAN PA DANG, SNGA MA LTAR NA MA RIG PA'I RTOG PA SOGS RE RER YANG KUN BYANG MA LUS PA LA DMIGS PAR THAL BA'I PHYIR RO, ,ZHES RGYAN SNANG DU NYI SNANG BKAG PA 'THAD PA'I RGYU MTSAN LUNG 'GAL DANG NANG 'GAL GNYIS BSTAN PA'I PHYIR, 'DI NI MCHAN LAS, GSER PHRENG STENG NAS DPYAD RGYU DU MA YOD CES PA'I DGONGS PA'O, ,AE MA GZHUNG ZAG DGONGS DON WA RA'I KHA, ,'JAM DBYANGS BLA MA YAB SRAS 'GRAM CHANG LAS, ,GZHAN PAS PHYE MIN TSUL 'DI LEGS BSAM NAS, ,SLAR YANG SNYING NAS DAD PAS PHYAG

189b

BGYID DO, ` ,JO BO'I BLA MA SH'I LA RAKshI TA PHAL CHEN SDE BA YIN ZER BA RJE BTZUN PA YIN LA, RANG LUGS LA PHAL CHEN SDE BA'I SDOM RGYUN 'DZIN PA ZHIG YIN NO, ,THEG CHEN SBYOR LAM YIN NA, SBYOR LAM PA'I NANG GI YONGS 'DZIN YIN PAS KHYAB, DE LA THEG CHEN GYI CHOS STON PA'I BSHES GNYEN YIN NA, DE'I PHYI'I YONGS 'DZIN YIN PAS KHYAB PA YIG CHA LTAR RO,, ` ,,RTZA BA'I DNGOS BSTAN GYI THEG CHEN SGRUB PA'I RTEN RANG BZHIN GNAS RIGS SBYOR LAM NAS BZHAG PA RNAM BSHAD DU RIGS KYI NYES DMIGS BZHI DANG BRAL BA DANG, RANG BZHIN GNAS RIGS LA DMIGS PA'I SGOM BYUNG GI SHES RAB THOB PAS YIN GSUNGS LA, ,MDO LAS, BYANG CHUB SEMS DPA'I TSIG GI DON ZHES PA'I BYANG SEMS LA, GSER PHRENG LAS, SEMS SKYED KYI LE'U NAS BZUNG STE NAS, YANG YANG GSUNGS PA'I TSIG GI DON ZHUS PA'I ZHES GSUNGS PAS, DE LA TSOGS LAM PA YANG YOD DGOS PA'I PHYIR, MDO'I MDOR BSTAN GYI DE LA YOD DAM DPYAD, KHO NA RE, 'DIR GNYEN PO DANG SPYONG BA'I SGRUB PA GCIG TU BYAS PA MI 'THAD PAR THAL, GSER PHRENG LAS, GNYEN PO BAR CHAD MED LAM NI, NAS, SPONG BA RNAM GROL LAM NI, ZHES PA LTAR RANG RES DON BDUN CUR YANG SO SOR GRANGS PA'I PHYIR ZER NA MA KHYAB STE, GSER PHRENG LAS DE LTAR GSUNGS PA MDZOD LTAR 'GAG 'GYUR GYIS SPONG BA'I DBANG DU BYAS PA'I PHYIR TE, MDZOD 'GREL LAS, GNYIS KYIS RKUN PO 'BYIN PA DANG SGO GCOD PA BZHIN NO, ,ZHES BAR

190a

, ,CHAD MED LAM DANG RNAM GROL LAM GYIS SPANG BYA SPONG TSUL BSHAD PA LTAR DU SLOB DPON 'DIS KYANG MDZAD PAS SO, ,ZHES DANG, DUS MNYAM NA LAM GNYIS SU MI RUNG ZHE NA, GNYEN PO SKYE BA DANG SPANG BYA 'GAG PA LA MNGON DU PHYOGS PA DUS MNYAM PAR STON GYI ZHES BAR CHAD MED LAM GYI DUS SU SPANG BYA YOD PAR GSUNGS PA'I PHYIR, DE LO CHEN GYI tIKA CHUNG LTAR GSUNGS PA TZAM LAS RANG LUGS MIN TE, SLOB DPON KUN BTUS LTAR SKYE 'GYUR GYIS SPANG BA GZHED PA'I RNAM BSHAD LTAR RO, ,'ON KYANG, 'DREN TSUL GNYIS YOD DE, RTZA BAR, GNYEN PO DANG NI, ZHES DANG SGRA SBYAR BA MDO LAS DPE SO SOR GSUNGS PA DANG, NYI SNANG LAS, GNYEN PO DANG SPONG BA GNYIS KYI RTEN GANG YIN ZHE NA, ZHES DANG, SHES RAB SNYING BRTZE GNYIS MDOR DPE'I LHAN CIG BSTAN CING, RTZA BAR DANG SGRA MED PAS GCIG TU BYAS LA, SGRUB PA RANG GI NGO BO'I DBANG DU BYAS NA SPANG GNYEN GYI SGRUB PA GNYIS LDOG CHA MA GTOGS DON GCIG PAS GCIG TU BYAS LA, SHES RAB SNYING BRTZE GNYIS MDO LAS, NYI MA DANG ZLA BA'I 'OD KYI DPE GSUNGS PA LTAR, SHES RANG KYI NYI 'OD 'BAR BAS SRID PA'I BUD SHING BSREG CING, SNYING RJES SEMS CAN GYI DON 'DOD PA'I BSIL ZER GYIS ZHI BA'I GDUNG BA SEL BAS THABS SHES NGO BO THA DAD PAS SO SOR BGRANGS PAS 'DI GTZO CHE'O, ,KHO NA RE, CHOS GOS SOGS BDAG GI BA YIN PAR THAL, MDZOD LAS, BDAG DANG BDAG GIR DNGOS 'DOD PA, ,

190b

ZHES DANG, SNGAR 'DZIN PA LA BDAG DANG, GZUNG BA LA BDAG GI BAR BSHAD LA, RTZA 'JUG GI RNAM BSHAD GNYIS SU MIG RNA SOGS BDAG GI BAR BSHAD PA'I PHYIR, BDAG GI BA LA BDAG GIR BYED PA PO DANG, BDAG GIR BYA BA'I YUL LA SBYAR BA GNYIS YOD ZER NA, BDAG GI BA GANG ZAG MA YIN PAR THAL, BDAG GIR BYA BA'I YUL THAMS CAD DER 'JOG PA'I PHYIR, 'DOD NA, THAL 'GYUR BA'I LUGS LANG YI BA RANG BZHIN GYIS GRUB PAR 'DZIN PA'I BLO GANG ZAG GI BDAG 'DZIN MA YIN PAR THAL BA DANG, RNAM BSHAD SOGS SU GANG ZAG GI BDAG DGAG PA LA BDAG RANG BZHIN GYIS GRUB PA DGAG PA DANG, BDAG GI BA RANG BZHIN GYIS GRUB PA DGAG PA ZHES GZHUNG THAMS CAD DU GSUNGS PA DANG 'GAL BA'I PHYIR, DE 'DRA LA BSAM NAS MIG RNA SOGS RANG MTSAN GYIS GRUB PA'I NGA YI BAR 'DZIN PA'I 'JIG LTA DE NGE LA DMIGS PA'I BLO YIN PA'I PHYIR TE, MIG RNA SOGS NGA YI BAR 'DZIN PA'I TSAD MA DE NGA LA DMIGS PA'I BLO YIN PA'I PHYIR TE, TSAD MA DE NGA LA DMIGS NAS MIG RNA SOGS NGA DE'I YIN PAR 'DZIN PA'I BLO YIN PA'I PHYIR RO, ,ZHES PA MIG BDEN GRUB KYI NGA YI BAS STONG PA NGA YI BA'I STENG GI CHOS NYID DU THAL BA DANG BONG BU'I MIG BONG BU'I YIN PAR 'DZIN PA'I TSAD MAS BONG BU LA DMIGS PAR THAL BA SOGS RIGS SMRA GSAR BU BAS KYANG BZHAD GANG KYI GNAS SO, ,KHO NA RE, RNAM BSHAD KYIS GZUNG BA RANG BZHIN MED PA'I DON DRAG SHI SOGS THOG MA'I MA

191a

, ,RIG PAS 'KHRUL SNANG TZAM LAS DON GZHAN GYIS STONG PA LA BYED PA MI 'THAD PAR THAL, DE NYAN THOS KYI SGOM BYA'I GTZO BO YIN PA'I PHYIR NA MA KHYAB STE, YIG CHAR, MNGON RTOGS BDUN RGYUD LA SKYED TSUL MI 'DRA YANG MNGON RTOGS BDUN NYAN THOS DANG 'DRA BA'I PHYIR, ZHES PA LTAR, DMIGS PA RTEN 'BREL YAN LAG BCU GNYIS SOGS SU PHYE STE RIGS PA 'BRING GIS DPYAD NAS SKYED PA'I PHYIR, DKON MCHOG GSUM LA SHES NAS DAD PA ZAG MED DKON MCHOG MNGON RTOGS DANG, ZAG MED KYI SDOM PA KUN TU MI 'BYUNG BA'I MNGON RTOGS LA 'JOG PA MDZOD LTAR RO, ,DBU MA PA'I LUGS LA RGYUD BLA MA DANG BSTOD TSOGS SOGS LA BRTEN NAS RANG BZHIN GNAS RIGS LA, ROD t'IKA PAS DRI BCAS KYI SEMS GSAL RIGS DANG, JO NANG PAS GZHAN STONG ZAG MED YE SHES BDEN GRUB BZHAG PA RGYUD BLA RTZA 'GREL GYI DON BSHAD NA ZHAR LA KHEGS PAS, DE YANG YIG CHAR, DE BZHIN GSHEGS PA'I SNYING PO DE BZHIN GSHEGS PA'I SKU DANG, SBRANG RTZI SOGS BCUS BSHAD PA GANG ZHIG ,CES PA BSTOD TSOGS LAS, SANGS RGYAS KYI SKU DANG, RGYUD BLAR SBRANG RTZI LTA BUR BSHAD PA'I RIGS DE RNAM BZHAG RNAM PA BCUS BSHAD PA GANG ZHIG CES 'GREL DGOS PA GONG 'OG BSGRIG NA SHES SO, ,DE'I MCHAN LAS, SHOG CHUNG DE'I 'DAB DU MA SHONG GSUNGS PA CUNG ZAD BKROL NA, RGYUD BLA'I LE'U DANG POR KHAMS BDE BAR GSHEGS PA'I SNYING PO RGYAS PAR BSHAD PA

191b

LA, RDZOGS SANGS SKU NI 'PHRO PHYIR DANG, ,ZHES SOGS TSIG BCAD GCIG GIS DON GYI GNAS GSUM DU BSDUS TE SEMS CAN THAMS CAD DE BZHIN GSHEGS PA'I SNYING PO CAN DU MDOR BSTAN TE, MDO RGYAN SOGS LAS RIGS CHAD BSHAD PA DRANG DON DU 'GREL SGRUB BYED RGYAS PAR BSHAD PA LA KHAMS RANG BZHIN GYIS RNAM PAR DAG PA RNAM BZHAG RNAM PA BCUS BSGRUB PA NI, NGO BO RGYU 'BRAS LAS LNGAR 'JUG PA DANG, ,ZHES SOGS TSIG BCAD GCIG GIS SDOM GYIS MDOR BSTAN, RIN CHEN NAM MKHA' CHU DAG BZHIN, ,SOGS KYIS NGO BO DANG RGYU'I DON GNYIS MDOR BSTAN, MTHU DANG GZHAN DU MI 'GYUR DANG, ,SOGS KYIS GANG GI MING BTAGS PA'I CHOS SKU DE BZHIN NYID RGYAS RIGS GSUM NOR BU NAM MKHA' CHU DAG PA GSUM DANG DPE DON SBYAR TE NGO BO RGYAS PAR BSHAD, CHOS LA KHONG KHRO BDAG LTA DANG, ,SOGS RKANG BA BDUN GYIS KHAMS KYI DRI MA DAG BYED KYI RGYU BZHI'I MI MTHUN PHYOGS SGRIB PA BZHI GANG ZAG BZHI LA LDAN TSUL GYIS PHYE BA DANG, THEG MCHOG LA MOS SA BON SHES RAB NI, ,SOGS BZHIS SGRIB BZHI'I GNYEN PO MOS PA SOGS RGYU BZHI PO DE DPE'I SA BON SOGS BZHI DANG SBYAR NAS DE RGYUD LDAN RGYAL SRAS SU BSTAN NAS RGYU'I DON RGYAS PAR BSHAD, GTZANG BDAG BDE DANG RTAG NYID KYI, ,SOGS BZHIS 'BRAS BU DANG LAS KYI DON MDOR BSTAN, 'DI DAG 'BRAS NI MDOR BSDU NA, ,SOGS BZHIS GNYEN PO BZHIS PHYE BA'I 'BRAS BU BZHI KUN RDZOB SDUG BDEN GYI LOG 'DZIN

192a

, ,BZHI DANG, DON DAM MI RTAG SOGS BZHI BDEN PAR 'DZIN PA'I PHYIN CI LOG BZHI LAS LOG PA DANG, DE NI RANG BZHIN DAG PHYIR DANG, ,SOGS BRGYAD KYIS 'BRAS BU BZHI RGYU MTSAN GNYIS GNYIS KYIS BSGRUB LA, BDAG SRED MA LUS SHES RAB KYIS BCAD DE, ,SOGS BZHIS RGYU THABS SHES BZHI STOBS KYIS BYANG SEMS RNAMS SEMS CAN LA NYE RING MED PAR BSTAN PAS 'BRAS BU GTZANG BDE BDAG RTAG GI PHAR PHYIN BZHI RGYAS PAR BSHAD, GAL TE SANGS RGYAS KHAMS MED NA, ,SOGS BRGYAD KYIS RIGS KYI BYED LAS SGRUB BYED 'PHEN PA'I THAL 'GYUR GNYIS DANG RIGS YOD MED RJES SU 'GRO LDOG GIS RGYAS PAR BSHAD, RGYA MTSO CHE BZHIN DPAG MED PA'I, SOGS BZHIS LDAN PA'I DON MDOR BSTAN, CHOS SKU RGYAL BA'I YE SHES DANG, ,SOGS BZHIS THEG CHEN LA MOS PA SNOD DANG, SHES RAB DANG TING NGE 'DZIN GNYIS RIN PO CHE DANG, SNYING RJE NI CHU LTA BU YIN PA RGYU'I YON TAN GSUM MAM BZHI DANG LDAN PA'I RIGS RGYA MTSO DANG SBYAR ZHING, DRI MED GNAS LA MNGON SHES DANG, ,SOGS BZHIS 'BRAS BU'I YON TAN MNGON SHES LNGA SNANG BA DANG, ZAG MED YE SHES DRO BA DANG, ZAG ZAD KYI SPANGS PA MDOG DANG MTSUNGS PAS DE BDUN 'BRAS BUR LDAN PA'I KHAMS MAR ME DANG SBYAR BAS LDAN PA RGYAS BSHAD, ,SO SO'I SKYE 'PHAGS RDZOGS SANGS RGYAS, ,SOGS BZHIS 'JUG PA MDOR BSTAN, SO SO'I SKYE BO PHYIN CI LOG, ,SOGS BZHIS SO SKYE'I RGYUD KYI KHAMS DRI MA

192b

CUNG ZAD KYANG MA ZAD PAS PHYIN CI LOG DANG BCAS PA DANG, 'PHAGS PA SLOB PA'I KHAMS DRI MA CI RIGS LDOG PAS PHYIN CI MA LOG PA DANG, SANGS RGYAS CHOS NYID PHYIN CI MA LOG PA SPROS PA MED PA ZHES 'JUG PA RGYAS PAR BSHAD, PHYIN CI LOG BZHI 'JUG PA'I RAB DBYE'AM YAN LAG YIN PAS, KHAMS NGO BO THA DAD PA'I DBYE BA MED KYANG, GNAS SKABS THA DAD PA'I DBYE BA NI, MA DAG MA DAG DAG PA DANG, ,SOGS BZHIS MDOR BSTAN, NGO BO NYID LA SOGS PA'I DON, ,SOGS BZHIS MA DAG PA SO SKYE DANG, MA DAG DAG PA BYANG 'PHAGS DANG, SHIN TU DAG PA SANGS RGYAS KYI GNAS SKABS GSUM LA SEMS CAN GYI KHAMS DANG, BYANG 'PHAGS KYI RIGS DANG DE BZHIN GSHEGS PA'I MING GIS BSTAN, ZHES RGYAS PAR BSHAD, JI LTAR RTOG MED BDAG NYID CAN, ,SOGS BZHIS KUN 'GRO MDOR BSTAN, DE SPYI'I MTSAN NYID NYES PA DANG, ,SOGS BZHIS NAM MKHA' SNOD RAB 'BRING THA GSUM LA KHYAB PA LTAR CHOS NYID GNAS SKABS GSUM DU 'GRO BAS KUN 'GRO RGYAS PAR BSHAD, NYES PA GLO BUR DANG LDAN DANG, ,SOGS BZHIS NYES PA GLO BUR BA DANG, YON TAN SKYE BA'I DMIGS PA RANG BZHIN DU LDAN PAS 'GYUR BA MED CES SPYIR BSTAN, JI LTAR NAM MKHA' KUN SONG BA, ,SOGS BRGYAD KYIS MA DAG PA'I GNAS SKABS NA LAS NYON SOGS KYIS MI 'GYUR BA MDOR BSTAN, JI LTAR NAM MKHA'I ME RNAMS KYIS, ,SOGS BZHIS 'JIG PAS MA GOS PA DANG, SA NI CHU LA CHU RLUNG LA, ,

193a

, ,SOGS BZHIS DPE DANG, DE BZHIN PHUNG PO KHAMS DBANG RNAMS, ,SOGS BRGYAD KYIS DON DANG, SA DANG 'DRA BA PHUNG PO DANG, ,SOGS BRGYAD KYIS DPE DON SBYAR, TSUL BZHIN MA YIN YID BYED NI, ,SOGS BCU GNYIS KYIS TSUL MIN YID BYED DANG, LAS NYON DANG DE DAG GI RTEN CHOS NYID KYI KHYAD PAR BSTAN NAS SKYE BAS MA GOS PA RGYAS PAR BSHAD, SEMS KYI RANG BZHIN 'OD GSAL GANG YIN PA, ,SOGS BRGYAD KYIS KUN NYON DANG DE'I SKYE 'JIG GIS MA GOS PA'I DON BSDUS, DUS MTHA' DMYAL BA THA MAL PA'I, ,SOGS BZHIS PHUNG SOGS 'JIG BYED RGA BA SOGS KYIS MI 'GYUR PA STE TSIGS BCAD BCU BZHIS MA DAG PA'I SKABS SU 'GYUR BA MED PAR BSHAD, SKYE 'CHI NA DANG RGA BA LAS GROL BA, ,SOGS BZHIS BYANG 'PHAGS SKABS SU LAS NYON GYIS SKYE SOGS LAS DAG PA DANG, SNYING RJES SKYE SOGS KYIS MA DAG PA MDOR BSTAN, 'PHAGS PAS 'CHI DANG NA BA DANG, ,SOGS BZHIS DAG PA'I KHYAD PAR DANG, JI BZHIN YANG DAG MTHONG BA'I PHYIR, ,SOGS BZHIS MA DAG PA'I KHYAD PAR DANG, RGYAL SRAS 'GYUR MED CHOS NYID 'DI, ,SOGS BZHIS RANG DON DANG, 'PHAGS PA'I SPYOD YUL THOB PA GANG, ,SOGS BZHIS GZHAN DON GYI YON TAN TE, DON DAM PA'I SEMS DANG PO BSKYED PA'I YON TAN BSTAN, DE NI 'JIG RTEN THAMS CAD LAS, ,SOGS BRGYAD KYIS SA GNYIS PA NAS BDUN PA'I BAR GYI SPYOD PA LA ZHUGS PA SNYING RJES

193b

'KHOR BAR GNAS KYANG DES MA GOS PA'I YON TAN BSTAN, BYA BA SGRUB LA RTAG TU BLO, ,SOGS BZHIS DAG SA PA PHYIR MI LDOG PA'I YON TAN BSTAN, SNGON GYI 'PHEN PA'I DBANG DANG NI, ,SOGS BCU GNYIS KYIS SA BCU'I SKYE BA GCIG THOGS PAS KUN SLONG GI RTZOL BA RAGS PA ZHI BA DANG, GDUL BYA 'DUL BA'I THABS SNA TSOGS MKHYEN PA'I STOBS KYIS 'PHRIN LAS 'BAD MED DU 'JUG PA'I YON TAN BSTAN, BYANG CHUB SEMS DPA'I TSUL 'DI NI, ,SOGS BRGYAD KYIS SRID PA THA MA'I BYANG SEMS KYIS RJES THOB TU SEMS CAN GYI DON BYED PAS GRANGS SOGS SANGS RGYAS DANG MNYAM PAS DAG PA DANG, MDZAD PA MDZAD TSUL SA CHEN PO DANG RDUL PHRAN LTAR MI MNYAM PA'I KHYAD PAR BSTAN TE, TSIGS BCAD BCU GSUM GYIS MA DAG NGAG PA'I GNAS SKABS SU 'GYUR PA MED PA BSTAN TO, ,GZHAN 'GYUR MIN BDAG MI ZAD CHOS LDAN PHYIR, ,SOGS BZHIS SHIN TU RNAM DAG GI GNAS SKABS SU 'GYUR BA MED PA MDOR BSTAN, SKYE BA MED CING 'CHI BA MED, ,SOGS BCU GNYIS KYIS RNAM BCAD DANG YONGS GCOD BZHI BSGRUB BYA SGRUB BYED DU BYAS TE KUN NYON PHYOGS SU MA ZAD SHES SGRIB PHYOGS KYIS KYANG SKYE BA DANG, 'CHI BA DANG, GNOD PA DANG, RGA BA MED PA RTAG TU GNAS PA DANG, BSTAN PA DANG, ZHI BA DANG, GA-YUNG DRUNG GIS SGRUB LA RGYAS PAR BSHAD, DE LA TSIG GNYIS DE BZHIN GNYIS, ,SOGS BCU GNYIS KYIS MDO LTAR MDOR BSTAN GYI TSIG GNYIS GNYIS KYIS RTAG PA SOGS BZHI BSHAD CES BSTAN BSHAD SBYAR TE,

194a

, ,TSIG BCAD BDUN GYIS SHIN TU RNAM DAG GI GNAS SKABS SU 'GYUR BA MED PAR BSTAN TO, ,GANG PHYIR DE NI CHOS SKU DE NI DE BZHIN GSHEGS, ,SOGS BZHIS SHIN TU RNAM DAG GI GNAS SKABS SU YON TAN DBYER MED PA YON TAN BZHIS BSGRUB TE SPYIR MDOR BSTAN, MDOR NA ZAG MED DBYINGS LA NI, ,SOGS BZHIS GTAN TSIGS KYI DON MDOR BSTAN, SANGS RGYAS CHOS DBYER MED PA DANG, ,SOGS BZHIS RANG BZHIN RNAM DAG CHOS SKU DANG, DE RTOGS PA'I YE SHES DANG, GLO BUR DRI BRAL GYI 'GOG BDEN, DE GNYEN POS THOB PA BZHI RGYAS PAR BSHAD, RNAM KUN MNGON PAR BYANG CHUB DANG, ,SOGS BZHIS GRUB DON SPANGS RTOGS DBYER MED BSTAN, RNAM PA THAMS CAD GRANGS MED PA, SOGS NYER BZHIS YON TAN MA TSANG BA MED PA RGYA CHE BA ZAB PA DRI MA MED PA'I YON TAN BZHI DANG LDAN PA'I MTHAR THUG GI RNAM KUN MCHOG LDAN GYI STONG NYID SPANGS RTOGS GNYIS DBYER MED PA DE LAM DUS KYI RNAM KUN MCHOG LDAN GYI STONG NYID PHYIN DRUG RDZOGS PA'I STONG NYID MNGON SUM DU RTOGS PA'I YE SHES KYIS SGRUB DGOS PAR RI MO MKHAN GYI DPES BSHAD DO, ,SHES RAB YE SHES RNAM GROL RNAMS, ,SOGS BRGYAD KYIS JI LTA JI SNYED RTOGS PA'I YE SHES MTHAR THUG DANG, DRI MA MA LUS PA ZAD PA'I RNAM GROL GSUM DBYER MED PA'I MYANG 'DAS, NYAN RANG LA MED PA NYI MA'I DKYIL 'KHOR GYI DPES BSHAD DO, ,DE LTAR RGYAL BA'I SNYING PO NI, ,SOGS BZHIS LNGA MA'I DON BSDU

194b

DANG DPE DGU'I MTSAMS SBYAR GNYIS KA YIN NO, ,KHAMS GLO BUR GYI DRI MAS SGRIB PA DPE DGU TSAN GNYIS KYIS BSTAN PA NI, SANGS RGYAS PAD NGAN SBRANG RTZI SBRANG MA LA, ,SOGS BRGYAD KYIS SGRIB BYA SGRIB BYED LDAN PA'I DPE DANG, DRI MA PAD MA SOGS BZHIS SGRIB BYA SGRIB BYED SO SO'I DPE MDOR BSTAN, JI LTAR MDOG NGAN PADMA'I KHONG GNAS PA, ,SOGS BZHIS 'DOD CHAGS KYI BAG LA NYAL GLO BUR BAR BSGRUB PA'I DPE DANG, DE BZHIN BDE GSHEGS SOGS GNYIS KYIS DES SGRIB PA'I DON KHAMS DANG, SGRIB MED PHYI MA'I SOGS GNYIS KYIS KHAMS KYI DRI MA SBYONG BYED MDOR BSTAN, JI LTAR MI SDUG SOGS BZHIS RGYAS PAR BSHAD, DE BZHIN DU DRI MA LHAG MA BRGYAD KYANG GLO BUR BAR TSIGS BCAD GSUM GSUM GYIS MDOR RGYAS GNYIS KYIS RGYAS PAR BSHAD, PADMA SROG CHAGS BUNG BA DANG, ,SOGS BCU GNYIS KYIS SGRIB BYED KYI DPE DGUS SGRIB BYA'I DPE DGU SGRIB PA BZHIN DU KHAMS RANG BZHIN GYIS DAG PA GLO BUR GYI DRI MAS SGRIB PA THOG MED NAS YOD CES DON BSDUS SO, ,CHAGS DANG SDANG DANG RMONGS DANG DE'I, ,SOGS BRGYAD KYIS DPES MTSON DON DRI MA DGU'I DBYE BA DANG, DPES BSTAN GSAL BA'I DBYE BA MTHA' YAS PA YOD CES RGYAS PAR BSHAD, CHAGS SOGS DRI MAS SOGS BZHIS DON SDUS, DRI 'DI DAG GIS SOGS BZHIS DRI MA RNAMS KYIS GANG ZAG GANG LA SGRIB PA DANG, JI LTAR PADMA 'DAM SKYES DE, ,SOGS TSIGS BCAD DGUS DRI MA DGU'I DPE DON CHOS MTHUN SBYAR, DE LTAR CHAGS SOGS SOGS GNYIS KYIS DON BSDUS,

195a

, ,RANG BZHIN GSUM GYIS BSDUS PHYIR KHAMS, ,SOGS GNYIS DAR t'I KA DU SGRIB BYA DON DGU'I DPE DON CHOS MTHUN BSTAN PAR BYAS KYANG, THOGS 'GREL LTAR NA SNGA MA GNYIS DANG BZHI BO MTSAMS SBYAR BYAS SAM SNYAM, 'DI YI RANG BZHIN CHOS SKU DANG, ,SOGS BZHIS SGRIB BYA DON DGU'I DPE DON SPYIR SBYAR, CHOS SKU RNAM GNYIS SHES BYA STE, ,SOGS BZHIS RTOGS PA YE SHES KYI SKU DANG, BSTAN PA CHOS SKU DRANG NGES KYI MDO GNYIS TE CHOS SKU GSUM GYI 'PHRIN LAS 'JUG RUNG GI RIGS GSUM GYIS DBYE BA DANG, 'JIG RTEN 'DAS PHYIR 'JIG RTEN NA, ,SOGS BRGYAD KYIS KHAMS DE GSUM PAD NGAN NANG GI SANGS RGYAS DANG, DES DON GYI MDO'I DON SBRANG RTZI MNGAR BOR RO GCIG PA DANG DRANG DON GYI MDO'I DGONGS DON SHUN PA'I NANG GI SNYING PO LTA BUR CHOS MTHUN PA DANG, RANG BZHIN 'GYUR BA MED PA DANG, ,SOGS BZHIS DE BZHIN NYID KYI RANG BZHIN KHAMS DE MI GTZANG NANG GI GSER DANG SBYAR, GTER DANG 'BRAS BU'I SHING BZHIN DU, ,SOGS TSIGS BCAD BZHIS RIGS KYIS PHYE BA LNGA'I RANG BZHIN GNAS RIGS DBUL PO'I KHYIM GYIS 'OG GI GTER DANG, RGYAS RIGS KYI RTEN KHAMS LJON SHING GI 'BRAS SHUN NANG GI 'BRAS BU DANG, RGYAS RIGS KYI NUS PA'I RANG BZHIN NAM RTEN LA GSUM LAS, CHOS SKU 'GYUR RUNG GI NUS PA'I RANG BZHIN NI GOS HRUL NANG GI RIN CHEN SKU DANG, LONGS SKUR 'GYUR RUNG GI NUS PA'I RTEN NI BUD MED KYI 'KHOR BSGYUR 'GYUR RUNG

195b

GI BU CHUNG DANG, SPRUL SKUR 'GYUR RUNG GI NUS PA'I RTEN NI, SA'I SBUB KYI GSER GZUGS DANG DPE DON CHOS MTHUN SBYAR TE, SGRIB BYA KHAMS DGU'I CHOS MTHUN RGYAS PAR BSHAD DO, ,DAR t'I KA GI SPYI DON SKABS SU RTOGS PA CHOS SKU DRANG NGES KYI GSUNG RAB GNYIS DE BZHIN NYID, RANG BZHIN DANG RGYAS RIGS GNYIS CHOS LONGS SPRUL PA'I SKU GSUM STE DGU DPE DGU DANG SBYAR KYANG RTZA BA'I DNGOS BSTAN KHAMS LA SBYAR BA SNGAR LTAR RO, ,DRI MA DGU YANG DAR t'I KA LAS, DE DAG NI SPANG BYA'I RTEN DANG NGO BO DANG GNYEN PO GSUM GSUM GYIS BSHAD DO, ,ZHES PA LTAR, THOGS 'GREL LAS, DANG PO GSUM 'DOD PA LA CHAGS BRAL BYAS PA'I BYIS PA'I RGYUD KYI GONG MA'I DUG GSUM DANG, BZHI PA CHAGS BCAS PA'I RGYUD KYI 'DOD PA'I DUG GSUM STE BZHI KA LAM MA ZHUGS DANG, LNGA PA DMAN PA'I DGRA BCOM PA'I RGYUD KYI ZAG MED KYI LAS SLONG BYED DANG, DRUG PA LAM ZHUGS SO SKYE'I RGYUD KYI MTHONG SPANG DANG, BDUN PA THEG DMAN SLOB PA 'PHAGS PA'I RGYUD KYI SGOM SPANG DANG, BRGYAD PA MA DAG SA BDUN GYI 'PHAGS PA'I RGYUD LA YOD PA'I SGOM SPANG DANG, DGU PA DAG SA PA'I RGYUD KYI SGOM SPANG BZHAG PA RTZA BA DANG MTHUN LA, DAR t'IKA LA, DUG GSUM GYI SA BON GSUM DANG, DE GSUM GYI MNGON GYUR DRAG PO GCIG TU BYAS PA DANG, YANG NA ZHES SNGA MA LTAR GSUNGS SO, ,'O NA DRI MA DGU GANG ZAG BZHI'I RGYUD LA SO SOR 'JOG NA BSGRIB BYA KHAMS DGU YANG RGYUD SO SOR NGES SAM ZHE NA, MI DGOS TE, DAR t'I KA LAS,

196a

, ,DPE LA BSGRIB BYA SGRIB BYED SO SOR NGES PA LTAR DON LA BSGRIB BYA SGRIB BYED SO SOR NGES PA YOD PAR MI 'DOD PAS 'GAL BA MED LA ZHES GSUNGS PA'I PHYIR, RANG BYUNG RNAMS KYI DON DAM DE, ,SOGS BZHIS 'JIG LTAR ZHEN PA'I SO SKYE DANG, ME RTAG SOGS BDEN PAR ZHEN PA'I NYAN RANG GNYIS DANG, THEG CHEN LA GSAR DU ZHUGS PA DNGOS SMRA'I BYANG SEMS DE BZHIS KHAMS DE DAD PA TZAM LAS RANG DBANG DU RTOGS MI NUS PA NYI MA'I DKYIL 'KHOR MIG MED PAS MI MTHONG BA BZHIN ZHES KHAMS RTOGS BYED KYI YUL CAN BSTAN TO, ,'DI LA BSAL BYA CI YANG MED, ,SOGS KHAMS RNAM PAR DAG PA 'DI LA GSAR DU BSAL BYA BDAG GNYIS DANG RANG BZHIN GYIS GRUB PA'I NYON MONGS CI YANG MED DE, DE DAG GIS DANG PO NAS STONG PA'I PHYIR DANG, BDAG MED GNYIS GSAR DU BZHAG PAR BYA BA CUNG ZAD KYANG MED DE, BLA MED CHOS 'BYUNG RUNG GI DMIGS PA DANG PO NAS YOD PA'I PHYIR, ZHES KHAMS KYI GNAS TSUL DANG, DE RTOGS PA'I LTA BA DANG, DE'I 'BRAS BU SANGS RGYAS TE KHAMS KYI RANG BZHIN NGOS BZUNG NGO, ,SEMS CAN LA KHAMS YOD PAR BSHAD PA'I DGOS PA BSTAN PA SNGAR BRIS ZIN TO, ,SKABS 'DIR RGYUD BLAR NGES PAR BLTA DGOS PAS LE'U DANG PO'I BSDUS DON TZAM BKOD DO, ,NYI SNANG DU MDO LAS CHOS DBYINGS 'PHAGS PA'I CHOS KYI RGYU'AM RTEN DU YOD PAS RANG BZHIN GNAS RIGS SU BSTAN

196b

PA LA, DE LTAR NA DA DUNG RIGS DANG LDAN PA'I SROG CHAGS RNAMS CI'I PHYIR MA GROL ZHE NA, MDO RGYAN NAS BSHAD PA'I NYES DMIGS BZHI DANG LDAN PAS YIN ZHES GSUNGS SHING, SEMS TZAM PA'I RIGS KYI 'DOD TSUL BKOD NAS DE LA RANG BZHIN GYI DON MED CES PAR, THOG MED NAS 'ONGS PA'I RGYU'I RNAM GRANGS YIN, ZHES PAR, RGYAS RIGS YANG DE YIN PAS KHYAD PAR MED PAR THAL, ZHES BKAG PAS, BSOD GRAGS PAS, SEMS TZAM PA'I LUGS LA RIGS GNYIS 'GAL ZER, RJE BTZUN PAS MI 'GAL KYANG RGYAS RIGS LA SNGA MAS MA KHYAB GSUNGS PA GNYIS KA GSER PHRENG DANG 'GAL LO, ,YIG CHAR, SKABS 'DI'I SGRUB PA'I RTEN NI DE'I 'DZIN STANGS KYI YUL DU BYAS NAS DMIGS BYA LA BYED PA'I PHYIR, ZHES PA THAL 'GYUR BA'I LUGS YIN TE, KHRI CHEN PA'I DBU MA'I ZIN BRIS LAS, DE'I RTEN ZHES PA 'DZIN STANGS KYI YUL LA BYED DGOS PAR THAL 'GYUR BAS 'DOD LA, RANG RGYUD PAS MI 'DOD DO, ,ZHES GSUNGS PA'I PHYIR, RNAM BSHAD DANG DON BDUN CUR CHOS DBYINGS GANG THEG CHEN SGRUB PA'I RTEN GZHI BYED PA, THEG CHEN SGRUB PA'I RTEN RANG BZHIN GNAS RIGS KYI MTSAN NYID DU BZHAG PA, RANG RGYUD PA'I LUGS YIN TE, 'GREL PA'I ZIN BRIS LAS, RANG RGYUD PA'I LUGS LA SEMS BDEN STONG DE SKYON SPONG BA DANG YON TAN 'BYUNG BA'I GZHIR YOD PA'I STOBS KYIS DE'I GZHI'AM RTEN DU BYAS NAS, ZHES GSUNGS PA'I PHYIR, KHYAB STE,

197a

, ,THEG CHEN SGRUB PAS SKYON SPONG BA DANG YON TAN BSKYED PA DE'I RANG BZHIN BDEN PAS STONG PA'I RGYU MTSAN GYIS YIN PA'I PHYIR, KHO NA RE, RGYUN MTHA' BA'I CHOS NYID GNAS 'GYUR MTHAR THUG GI TSE NGO BO NYID SKUR GYUR ZIN PA MA YIN PAR THAL, DE'I TSE RGYUN MTHA' BA'I RGYUD KYI CHOS NYID YIN PA'I PHYIR, DE'I TSE RGYUN MTHA' PA'I RGYUD KYI CHOS NYID YOD PA'I PHYIR, GZHAN YANG, RGYUN MTHA' BA'I CHOS NYID GNAS 'GYUR MTHAR THUG GI TSE NGO BO NYID SKU MA YIN THAL, NGO BO NYID SKU MA YIN PA'I PHYIR, MA KHYAB ZER NA, GZHI GRUB NA, DE'I TSE NGO BO NYID SKU YIN PAS KHYAB PAR THAL LO, SOGS TSIG GI 'KHRID TSUL MANG NGO, ,BYE SMRAS, DBANG PO RNO RTUL GYI KHYAD PAR RIGS SU 'JOG PAS RIGS TZAM GANG ZAG THAMS CAD LA YOD DE MI GA-YO BA'I RIGS SANGS RGYAS LA YANG YOD PA'I PHYIR, 'PHAGS PA'I RIGS MA CHAGS PA LA BZHAG KYANG NANG PA'I BSTAN PAS BSDUS PA DGOS TE, MDZOD 'GREL LAS, 'DI DAG LAS 'PHAGS PA RNAMS SKYE BAS NA 'PHAGS PA'I RIGS BZHI STE, ZHES GSUNGS PA'I PHYIR, MDO SDE PAS ZAG MED SEMS KYI SA BON LA RIGS SU 'DOD, DE YANG DANG MOS LAS SKYES PA'I NYAMS PA'I CHOS CAN LNGA DANG, ME GA-YO BA LA DBANG PO SBYANGS PAS DER GYUR PA DANG, DANG PO NAS MI GA-YO BA'I RIGS CAN TE NYAN THOS DGRA BCOM BDUN DANG, RANG RGYAL DGRA BCOM DANG, SANGS 'PHAGS TE DGRA BCOM DGU'I ZAG MED SEMS 'BYUNG

197b

RUNG GI NUS PA'AM SA BON DGU LA RIGS SU 'DOD PAS DGRA BCOM PA'I RGYUD LA MED DO, ,SEMS TZAM PA KUN GZHI MI 'DOD PAS THOG MED NAS BRGYUD DE 'ONGS PA'I NANG GI SKYE MCHED DRUG GI STENG GI ZAG MED YE SHES SKYE RUNG DRI MA BRAL RUNG GI SA BON THOS SOGS KYIS GSOS MA BTAB PA RANG BZHIN GNAS RIGS KHO NA DANG, THEG GSUM GANG RUNG GI LAM 'BYUNG NGES SU BYAS PA'I THOS SOGS KYIS GSOS BTAB PA NA THEG GSUM GANG RUNG GI RIGS SAD PAS RGYAS RIGS DANG GNYIS KAR 'GYUR TE, GSER PHRENG LAS, LAM DU ZHUGS NAS GNYIS KA YIN TE, ZHES GSUNGS PA'I PHYIR, 'TSANG RGYA RUNG GI SKYE MCHED BCU GNYIS THOG MED NAS YOD MED SOGS DPYAD BYA MANG YANG MA SPROS SO, ,KUN GZHI 'DOD PAS RNAm SMIN GYI RNAM SHES KHO NA'I STENG DU 'JOG PAS GDAGS GZHI'I KHYAD PAR MCHAN LTAR SKYE MCHED DRUG LA BTAGS PA'I GANG ZAG GI GDAGS GZHI'I STENG DU 'JOG PA'AM SKYE MCHED DRUG GNAS 'GYUR RUNG GI NUS PA YIN PAS BZHAG GO ,YIG CHAR, KUN GZHI GNAS GYUR CHOS SKU, NYON YID GNAS GYUR LONGS SKU DANG, SGO LNGA'I RNAM SHES GNAS GYUR SPRUL SKUR BTZUN PAS BZHED CES PA 'OG GI BTZUN PA ZLA BA'I LUNG LA BLTOS NA KUN GZHI GNAS GYUR ME LONG YE SHES DANG, CHOS DBYINGS YE SHES CHOS SKU DANG, NYON YID GNAS GYUR MNYAM NYID DANG, SOR RTOGS YE SHES LONGS SKU'I RTEN DANG, SGO LNGA'I RNAM SHES GNAS 'GYUR STOBS KYIS THOB PA'I BYA GRUB YE SHES SPRUL SKU SPRUL BYED DU

198a

, ,BYAS NA, GSER 'OD LAS, 'JUG PA'I RNAM PAR SHES PA SBYANGS NA SPRUL PA'I SKU MNGON DU 'GYUR RO, ,KUN GZHI LA GNAS PA'I YID SBYANGS PAS LONGS SPYOD RDZOGS PA'I SKU STON TO, ,KUN GZHI RNAM PAR SHES PA SBYANGS PAS NI CHOS KYI SKU 'THOB STE, ZHES PA DANG, MDO RGYAN LAS, LONGS SPYOD RDZOGS PA'I SANGS RGYAS NYID, ,YE SHES GZUGS BRNYAN 'BYUNG PHYIR RO, ,ZHES DANG, DPAG MED DANG BSAM YAS SPRUL PA YIS, ,SEMS CAN DON KUN SGRUB BYED PA'O ZHES PA DANG MTHUN LA, DE GSER PHRENG LAS, DE LONGS SKUR BSHAD PA NI DE'I RGYU YIN PA LA NGO BO NYID MED PAS BSHAD DO, ,ZHES DANG, GO MIS DE'I DON YANG DE LTAR GSUNGS KYANG, 'DIR NI YE SHES BZHI YE SHES KYI SKUR BYAS NAS GZUGS SKU GNYIS DE'I BDAG RKYEN LAS BYUNG BA'I SKUR BYA'O, ,YANG NA NYE BAR BTAGS PAS DE BZHIN GZHAN, ZHES GSUNGS PAS, GZUGS SKU GNYIS YE SHES BTAGS PA PAR BSHAD DO, ,ZHES GSUNGS PA'I PHYIR, DES NA YIG CHAR MDO SDE RGYAN GYI DE YANG CI RIGS YOD DE, GSER PHRENG DANG LE BRGYAD MAR BSHAD DE, ,ZHES GSUNGS LA, LE BRGYAD MA ZHES PA DGONGS RGYAN YIN NAM DPYAD, RNAM RIG PA'I RIGS NI, MDO RGYAN LAS YOD DANG MCHOG DANG SOGS BZHIS RIGS KYI KHYAD PAR BRGYAD RNAM PA BZHI BZHIS BSHAD PAR MDOR BSTAN, KHAMS RNAMS DANG NI SOGS KYIS MTHAR THUG THEG PA GSUM GYI RIGS SO SOR YOD DE, SEMS CAN LA NI, KHAMS DANG MOS

198b

PA DANG LAM SGRUB PA DANG 'BRAS BU BYANG CHUB BZHI LA CHUNG 'BRING CHE GSUM YOD PA'I PHYIR, ZHES PA DANG, DE DGE SOGS KYIS, DGE BA KHYAD 'PHAGS KYI RGYU DANG, YON TAN RDZOGS PA'I RTEN DANG, DON GNYIS 'BYUNG BA DANG, LHAG MED KYI TSE MI ZAD PA BZHI'I PHYIR, THEG CHEN GYI RIGS MCHOG DANG, RANG BZHIN DANG NI SOGS KYI DON 'JAM DBYANGS DGA' BLO'I 'GREL PAR, RANG BZHIN RTEN DANG, RGYAS 'GYUR BRTEN PA DANG, DE GNYIS KA RGYUS DUS SU YOD PA 'BRAS BU SANGS RGYAS KYI SAR MED PA STE RGYU MTSAN BZHI DANG, ZHES PA DBYIG 'GREL DANG MTHUN LA, GSER PHRENG LAS, RIGS GNYIS RIM PA LTAR RGYUR YOD 'BRAS BUR MED PA DANG, 'BRAS BUR YOD PAR BSHAD PAS ZHES PA BU NYAS BSHAD PA LTAR YIN NAM DPYAD, SBYOR BA'I SNGON DU SOGS KYIS SEMS CAN LA SNYING RJE DANG, THEG CHEN LA MOS PA DANG, DKA' SPYAD LA BZOD PA DANG, PHYIN DRUG LA SPYOD PA STE RIGS SAD PA'I RTAGS BZHI DANG, RIGS NI NGES DANG SOGS KYIS RIGS NGES MA NGES GNYIS DANG, DE GNYIS RKYEN GYIS BSGYUR MI NUS PA DANG NUS PA GNYIS TE DBYE BA BZHI DANG, NYON MONGS GOMS DANG SOGS KYIS NYON MONGS MANG BA, GROGS NGAN GYIS ZIN PA, YO BYAD KYIS PHONGS BA, BLANG DOR LA RANG DBANG MED PA STE RIGS MI SAD PA'I NYES DMIGS BZHI DANG, RING MO ZHIG NAS SOGS KYIS BYANG SEMS LA KHRO BA SOGS MI DGE BA CHEN POS KYANG DUS YUN RING MO ZHIG NANG NA SONG DU SKYE SRID TZAM LAS

199a

, ,MYUR DU MI 'GRO BA DANG, SONG YANG MYUR DU THAR BA DANG, DER SDUG BSNGAL CHUNG BA DANG, DE'I RKYEN GYIS GZHAN GYI SDUG BSNGAL LA SKYO STE SEMS CAN SMIN PAR BYED PA BZHI RIGS SAD PA'I PHAN YON DANG, GSER GYI RIGS SOGS KYIS GSER GYI RIGS CHEN PO NI MANG BA 'OD GSAL DRI MED LAS RUNG GI GNAS YIN PA BZHIN BYANG SEMS KYI RIGS NI DGE BA MANG BA, YE SHES LNGA, NYON MONGS KYIS DRI MA MED PA, MNGON SHES SOGS GZHAN RGYUD LAS RUNG DU BYED PA'I MTHU STE BZHI'I GNAS YIN PAS GSER DANG 'DRA BA DANG, RIN CHEN MCHOG SOGS KYIS, RIN PO CHE'I RIGS NI, RIGS KHA DOG DBYIBS TSAD PHUN SUM TSOGS PA BZHI'I GNAS YIN PA LTAR, BYANG SEMS KYI RIGS NI BYANG CHUB CHEN PO DANG, ZAG MED YE SHES TING 'DZIN KHYAD 'PHAGS SEMS CAN MANG PO'I DON GYI 'BYUNG GNAS YIN PAS DE DANG 'DRA BAR BSTAN LA, RJE BTZUN PAS, SNGA MA RANG BZHIN GNAS RIGS DANG PHYI MA RGYAS 'GYUR GYI DPER BYAS NAS DON TSAN DGUR GSUNGS SO, ,RTAGS DANG PHAN YON NYES DMIGS GSUM DBU MA BAS KYANG DE LTAR 'DOD DO, ,LA LA GCIG TU SOGS KYIS TSE DER MI DGE BA 'BA' ZHIG SPYOD PA DANG, LOG LTA LTA BUS DGE RTZA BCOM PA DANG, THAR CHA DANG MTHUN PA'I DGE BA BCOM PA DANG, THAR PA'I RGYUR GYUR PA'I DGE BA CUNG ZAD YOD KYANG DER MI BRTZON PA STE GNAS SKABS RIGS CHAD

199b

BZHI DANG, THAR PA'I RGYU'I DGE RTZA GTAN MED PA'I GTAN NAS RIGS CHAD DE LNGA BSTAN TO, ,RJE BTZUN PAS, THA MA GNYIS GCIG TU BYAS NAS BZHIR BSHAD PA DBYIG 'GREL DANG 'GAL LO, ,ZAB CING RGYA CHER SOGS KYIS ZAB RGYAS KYI SDE SNOD THOS PA NA DANG POR DON MI SHES KYANG GZHAN LA PHAN PHYIR DE LA MOS PA RGYA CHEN PO 'BYUNG BA DANG, BAR DU DON DE SGRUB PA'I DKA' SPYAD LA BZOD, THA MAR 'JIG RTEN PA'I LHA DANG NYAN RANG LAS MCHOG TU GYUR PA'I BYANG CHUB CHEN PO THOB PA BYANG SEMS KYI RIGS KYI YON TAN DANG, YON TAN SHIN TU RGYA CHE SOGS KYIS, THEG CHEN GYI RIGS DE LAS BYANG CHUB CHEN PO'I SHING BSKYED BDE 'GRO'I ME TOG NGAN 'GRO ZHI BA'I LO MA RANG GZHAN LA PHAN PA'I 'BRAS BU DANG LDAN PAS RTZA BA BZANG PO LTA BU YIN ZHES 'BRAS BU'I YON TAN BSTAN TO, ,DBU MA PA'I LUGS LA RANG BZHIN GNAS RIGS LA STONG NYID DGOS KYANG RIGS LA MI DGOS TE, RNAM BSHAD LAS, ZAG MED KYI SA BON 'DUS BYAS KYIS BSDUS PA DE LA RANG BZHIN DU GNAS PA'I RIGS KYI DNGOS MING GI THA SNYAD MED CING, 'DIR RIGS SU KHAS LEN NA YANG DAG PAR BLANGS PA LAS BYUNG BA'I RIGS YIN PAS, ZHES DANG, PHAR PHYIN ZIN BRIS LAS, RGYAS 'GYUR GYI RIGS DE RIGS YIN PAR 'THAD PA'I PHYIR TE, ZHES DANG, DON BDUN BCUR, RIGS LA SGRAS BRJOD KYI SGO NAS, ZHES PA RANG BZHIN GNAS RIGS KYI SGRAS BSNYAD NAS RGYAS RIGS BZHAG PA'I DON YIN

200a

, ,PAR GSUNGS PA'I PHYIR, RGYAS RIGS KYI MTSAN NYID LA THOS SOGS KYIS GSOS BTAB PA'I ZHES PA THOS SOGS KYIS GSOS BTAB NAS 'TSANG RGYA PA'I DON YIN GYI GSOS BTAB PA MI DGOS SO,, PHAR PHYIN ZIN BRIS LAS, THOG MA MED PA NAS THEG CHEN DU RIGS NGES PA'I DON NI THOG MA MED PA NAS THEG CHEN GYI ZAG MED SEMS KYI SA BON TE, NUS PA SEMS STENG NA YOD PA DE RGYAS 'GYUR GYI RIGS YIN PAS THEG CHEN GYI CHOS LA THOS SOGS BYAS TE GSOS NAS THEG CHEN GYI RIGS SU 'GYUR PA MA GTOGS MED DMAN GYI CHOS LA THOS BSAM SGOM GSUM BYAS TE RIGS KYI NUS PA DE GSOS NAS THEG DMAN GYI RIGS SU BSGYUR MI THUB PA DE YIN LA NYAN RANG GI DANG PO NYID NAS RIGS NGES PA'I DON YANG NYAN RANG LAS THOS SOGS KYIS GZHAN DU BSGYUR MI THUB PA DE YIN NO, ,THOG MA MED PA NAS YOD PA'I ZAG MED SEMS KYI SA BON DE THEG PA GSUM PO GANG RUNG GI CHOS LA THOS SOGS BYAS PAS GSOS NAS THEG PA GSUM PO GANG RUNG GI RIGS SU 'GYUR BA'I RIGS SAD PA'I RIGS DE MA NGES PA'I RIGS YIN NO, ,CHOS SPONG GI LAS BSAGS PA'I LOG SRED CAN DE BSKAL BA DPAG TU MED PA MANG PO'I BAR DU THAMS CAD RGYUD LA SKYE MI THUB PAS GNAS SKABS LA RIGS CHAD PA YIN ZHES PA LTAR DE DAG RGYAS RIGS KYIS 'JOG LA, YANG DE NYID LAS, THEG CHEN RIGS NGES

200b

YIN NA THEG CHEN GYI RIGS CAN YIN PAS MA KHYAB, THEG CHEN RIGS CAN LA THEG CHEN GYI RIGS SAD PA GCIG DGOS GSUNGS ZHES KYANG GSUNGS SO, ,YIG CHAR, KHA CIG KU LA 'DIR BSHAD PA NOR RO, ,ZHES PA NYA t'I KA LAS, YANG NA KU LA STE, KURBA NI NGAN PA LA YA THIM PA STE NGAN THIM ZHES PA LTAR CHOS BSHES DANG BUS KYANG BSHAD PAS DE'O,, ` ,,RED MNGA' BA DANG RONG t'I KA PAS, KUN BTUS LAS, 'DAS PA NI 'GAG PA'I PHYIR MA YIN NO, ,MA 'ONGS PA NI MA BYUNG PA'I PHYIR MA YIN NO, ,DA LTAR BYUNG BA NI LAM DANG MNYAM DU MI 'JUG PA'I PHYIR MA YIN NO, ,'ON KYANG NYON MONGS PA'I GNAS NGAN LEN GANG LA YOD PA DE LAS SPONG NGO, ,ZHES PAR BRTEN NAS THEG CHEN MTHONG LAM BAR CHAD MED LAM DE MTHONG SPANG RTOG PA MNGON GYUR PA'I GNYEN PO MI BYED KYI DE'I SA BON RANG DUS SU YOD PA SPONG ZER BA, YIG CHAR, MTHONG SPANG RTOG PA SPONG BYED MED PAR THAL PA SOGS KYIS BKAG NAS, LUNG DON SPYIR SPANG BYAS 'DAS MA 'ONGS RTAG PA YIN PAS, BAR CHAD MED LAM RANG GI NGOS SKAL GYI DUS GSUM GYI SGRIB PA 'JOG TSUL, RANG GI NGOS SKAL GYI SPANG BYA RANG DUS SU 'DAS NAS YUN RING SONG BA DANG, MA SPANGS NA MI 'ONGS PA NA SKYA RUNG BA DANG, DA LTAR BA RANG GI SNGA LOG DE MA THAG 'GAG PA LA BYA LA, ,DE SPONG TSUL DANG PO BUM PA THO BAS BCOM PA LTAR MI BYED KYANG, KHO RANG RIGS 'DRA'I SA BON SPONG BA DANG, GNYIS PA MDUN NAS 'PHUL BA LTAR PHRAD NAS MI SPONG YANG SLAR SKYE

201a

, ,RUNG GIS BON SPONG BA DANG, GSUM PA DUS MNYAM DU 'GOG PAS MI SPONG YANG RANG SKYE BA DANG SPANG BYA DE 'GAG PA DUS MNYAM PA'I TSUL GYIS SPONG ZHES, MDOR BSDUS NA BAR CHAD MED LAM RNAMS KYIS RANG SKYE BA DANG, RANG GI NGOS SKAL GYI SPANG BYA DE'I SA BON GYI RIGS 'DRA THA MA'AM RDZAS RGYUN THA MA 'GAG PA DUS MNYAM PA'I SGO NAS SKYER MI RUNG BAR BYAS PA DE DAG SPONG BA'I DON YIN TE, KUN BTUS LAS, GNYEN PO'I RNAM PA DE 'BYUNG BA DANG, GNAS NGAN LEN GYI RNAM PA DE 'GOG PA NI MNYAM PAS MNYAM STE, SNANG BA DANG MUN PA 'BYUNG BA DANG 'GAG PA BZHIN NO, ,ZHES DANG, YIG CHAR, RANG RGYUD KYI DE THOB PA CHAD PA'I TSUL GYIS DANG, ZHES PA YANG DE YIN PA'I PHYIR, GZHAN RGYUD KYI DE DMIGS PA'I SGO NAS SPONG ZHES PA, DPER NA, 'DOD NYON DANG PO LTA BU DE LA DMIGS PA'I 'DOD NYON DANG PO SPONG BAS 'JOG PA SOGS RANG DANG PHRA RAGS MTSUNGS PA'I DE SPONG BAS DANG, MDZOD 'GREL LAS, GZUGS THAMS CAD DANG NYON MONGS PA CAN MA YIN PA'I CHOS NI ZHES SOGS BYE SMRA LAS GONG MAS MI 'DOD DE, 'PHANGS 'BRAS SOGS LHAG MED KYI TSE SPANGS PA'I PHYIR, BYE SMRAS BAR CHAD MED LAM DANG, DE'I NGOS SKAL GYI SPANGS BYA GNYIS 'GAG PA DUS MNYAM PA'I TSUL GYIS SPONG BAS 'GAG 'GYUR GYIS SPONG BA DANG, GONG MAS BAR CHAD MED LAM SKYE BA DANG DE'I NGOS SKAL GYI SPANG BYA 'GAG PA DUS MNYAM PA'I TSUL GYIS SPONG BA SKYE 'GYUR GYIS SPONG BA'I DON YIN NO, ,

201b

YIG CHA GZHAN RNAMS KYIS RANG GI NGOS SKAL GYI SGRIB PA'I GNYEN PO BYED PA'I CHA NAS GNYEN PO DANG, DE SPONG BA'I CHA NAS SPONG BA'I SGRUB PAR BZHAG KYANG, YIG CHAR, THEG CHEN GYI MTHONG LAM BAR CHAD MED LAM LTA BU DE'I GNYEN PO TZAM BYED PA DANG SPONG BA'I GNYEN PO BYED TSUL LA KHYAD CHEN PO YOD PA'I PHYIR, ZHES DES SGOM SPANG BDEN 'DZIN GYI GNYEN PO TZAM BYED PA NYI 'OD KYIS MUN PA SEL BA DANG, NGOS SKAL GYI SGRIB PA'I SPONG GNYEN BYED TSUL BSKAL BA'I MES BSREG BYA LHAG MED DU BSREG PA DANG SBYAR BA NI, GSER PHRENG LAS, GNYEN SPONG NI, GNYEN PO SKYED PA DANG SPANG BYA 'GOG PA YIN LA, DE DAG GTUGS PA NI SPANG GNYEN GYI BYED PA DE GNYIS RDZOGS PA'O, ,ZHES PA DANG, NYI SNANG LAS, MI MTHUN PHYOGS SPONG BA'I RTEN NI NAS, BAG CHAGS KYI MTSAMS SBYOR BA SPONG BA'I DON GYIS GSUNGS PA YIN NO, ,ZHES PA RNAMS DANG, MDO DANG RTZA BA'I SPONG ZHES PA'I DGONGS PA MTHAR THUG YIN PAS, YIG CHAR, 'DI RNAM BSHAD DANG GSER PHRENG GI DGONGS PA DKA' SA YIN PAS ZHES DANG, GSER PHRENG DU SNGAR LO CHEN SOGS LTAR BKOD NAS, RTZA BA RANG GI DON NI ZHES SOGS DANG, RNAM BSHAD KYIS GNYEN SPONG GI KHYAD PAR 'DI LTAR GSUNGS PA YIG CHA 'DI'I KHYAD CHOS SO, , GSER PHRENG LAS, GNYIS PA LA, SHES RAB SNYING BRTZE GNYIS KHYAD PAR DU BYED PA'I RGYU YIN LA, ZHES DE GNYIS SO SOR YANG BGRANGS SO, ,KHO NA RE, DNGOS PO YIN NA, KHYOD KYI SA BON KHYOD DU 'GYUR NGES YIN PAS MA KHYAB PAR THAL, RJE BTZUN PA'I

202a

, ,MTHA' DPYOD LAS, GZHAN YANG, MTHONG SPANG RTOG PA'I SA BON MTHONG SPANG RTOG PA'I RGYU YIN ZHES THAMS CAD ZHAL 'CHAM PAR SMRA BA MI 'THAD DE, DE DE'I RGYU MA YIN PAR THAL, MTHONG SPANG RTOG PA'I SA BON 'GAG PA'I SNGA ROL TU MTHONG SPANG RTOG PA 'GAG PA'I PHYIR, DER THAL, THEG CHEN GYI SBYOR LAM CHOS MCHOG SKAD CIG THA MA'I DUS SU MTHONG SPANG RTOG PA 'GAG ZIN PA GANG ZHIG ,MTHONG SPANG RTOG PA'I SA BON 'GAG PA DANG, THEG CHEN GYI MTHONG LAM BAR CHAD MED LAM SKYE BA DUS MNYAM PA'I PHYIR, NAS, NAS MYUG GI SA BON DE NAS MYUG GI RGYU YIN PA'I PHYIR ZER NA MA KHYAB, CES GSUNGS PA'I PHYIR ZER NA, PHYI MA YANG MI 'THAD PAR THAL, NAS MYUG RGYAS NAS DE'I STENG DU NAS KYI SA BON CHAGS DGOS PA MNGON SUM GYIS MTHONG BA'I PHYIR, DE NAS MYUG PHYI MA'I SA BON YIN GYI SNGAR GYI DE'I SA BON MA YIN PA'I PHYIR ZHE NA, SNGA MA LA YANG 'DRA STE, CHOS MCHOG THA MA BA'I RGYUD KYI MTHONG SPANG RTOG PA'I SA BON DE CHOS MCHOG 'BRING PO BA'I RGYUD KYI MTHONG SPANG RTOG PA DE'I SA BON GYI RIGS 'DRA THA MA YIN GYI, DE'I SA BON MA YIN PA'I PHYIR TE, RNAM BSHAD LAS, SPANG BYA'I SA BON GYI RIGS 'DRA THA MA 'GAG PA LA MNGON DU PHYOGS PA DUS MNYAM ZHING, ZHES RIGS 'DRA THA MA SMOS PA'I DGOS PA YOD PA'I PHYIR, GZHAN YANG, NYON MONGS KYI SA BON NYON MONGS SKYES PA'I RGYU MA YIN PAR THAL BA SOGS LUNG RIGS MTHA' YAS SO, ,GZHAN YANG, THEG

202b

CHEN GYI CHOS MCHOG THA MA PA'I RGYUD LA MTHONG SPANG BDEN 'DZIN LKOG GYUR BA YOD PA'I PHYIR DANG, CHOS MCHOG THA MA'I DUS SU MTHONG SPANG RTOG PA MED NA RNAM MKHYEN GYI DUS SU SLOB MA DANG SEMS CAN SOGS MED PAR THAL LO,, ` ,,YIG CHAR, YI GE NOR RTAGS SO ZHES PA, GSOD GRAGS PA'I SPYI DON LAS, DGONGS GZHI GTZO BOR STON PA'I DGONGS PA CAN GYI MDO DANG, DGONGS PA GTZO BOR STON PA'I LDEM DGONGS KYI MDO GNYIS YOD CES PHYI MAR DGONGS PA ZER BA YIG NOR YIN TE, DE SHANTI BAS BSTAN PA'I SGRA'I DGOS PA BSHAD PA NI, ZHES PAR BRTEN PAS DGOS PA ZER DGOS PA'I PHYIR, BU NYAS DGOS PA GTZO BOR STON PA, ZER BA GSER PHRENG DU BKAG GO ,RJE BTZUN PAS, DGONGS PA GTZO BOR GYUR BA'I SGRA JI BZHIN DU KHAS BLANGS DU MI RUNG BA'I MDO LDEM DGONGS KYI MDO'I MTSAN NYID DU BZHAG PA'ANG BKAG SNYAM STE 'OG TU DGONGS GZHI DE LTAR YOD KYANG DGOS DBANG GIS SGRAS ZIN SGRA JI BZHIN PA MA YIN PA DE LTAR STON PA'I MDO DE'I MTSAN NYID DU BZHAG NAS GSER PHRENG DANG BSHAD SBYAR DRANGS PA'I PHYIR, DGONGS PA DANG DGOS PA GTZO BOR GYUR BA'I MDO DE GNYIS KYI MTSAN NYID DU BZHAG PA NYA t'I KA TU 'OD ZER MGON PO SOGS ZHES GSUNGS SO, ,DES KYANG NYA DPON SOGS LTAR SGRA JI BZHIN PA'ANG BZHAG PAS, YIG CHAR, BSHAD SBYAR LAS, PHA ROL LA LTOS PAR NI KHAS MI LEN ZHES PAS SGRAS ZIN

203a

, ,LTAR KHAS MI LEN PA DANG LDEM PO'I DON SGRAS ZIN 'KHYOGS PA'I DON DANG, KUN BTUS LAS, DE NA GZHAN DU BRJOD LA DON GZHAN DU YONGS SU BSGYUR ZHES SOGS DRANGS NAS RNAM BSHAD LTAR SGRA JI BZHIN PA MA YIN PA DGOS PAR BSGRUB KYANG, RANG RGYUD PA'I LUGS LA DRANG DON GYI BSTAN BCOS MI DGOS TE NGES DON GYI 'DIR BSTAN 'KHOR LO BAR BA DGONGS PA CAN GYI MDO YIN PA'I PHYIR TE, DGONGS GZHI GTZO BOR YOD KYANG TSIG ZIN LA SGRAS ZIN PA MA YIN PAR STON PA'I MDO YIN PA'I PHYIR, KHYAB STE, DE DE'I MTSAN NYID YIN PA'I PHYIR DANG, YIG CHAR, RTZA RTAGS GNYIS PA GRUB STE, SGRA JI BZHIN PA MA YIN PA'I MDO YIN PA'I PHYIR, KHYAB STE, ZHES DE YIN NA, DON LDEM DANG BSGYUR LDEM GNYIS KA YIN PAS KHYAB PAR GSUNGS PA'I PHYIR, KHO NA RE, DE LA DRANG DON GYI MDOS KHYAB PAR THAL, YIG CHAR, DE YIN NA, DGONGS GZHI DGOS PA DNGOS ZIN LA GNOD BYED GSUM TSANG BA'I SGO NAS DRANG DON DU BSHAD PAS KHYAB PA'I PHYIR TE, ZHES GSUNGS PA'I PHYIR NA MA KHYAB STE, 'OG TU DGONGS GZHI YOD PA'I MDO YIN NA SGRA JI BZHIN PA MA YIN PA'I DRANG DON GYI MDO YIN DGOS PA'I PHYIR, ZHES PA LTAR SGRAS ZIN GZHAN DU DRANG DGOS PA'I MDO YIN PAS KHYAB PA'I DON YIN PA'I PHYIR, DES NA DBU SEMS SU'I LUGS LA YANG DGONGS GZHI CAN GYI MDO YIN NA LDEM DGONGS KYI MDO YIN PAS KHYAB PA'I PHYIR, DBU MA SNYING PO'I LUNG GSUM GYIS SEMS TZAM PA SOGS KYIS

203b

DNGOS PO BDEN PAR 'DOD PA LA, SHER MDO LAS, CHOS RNAMS DON DAM PAR GZUNG DU MED PA SOGS SU GSUNGS PAS GNOD PAS, LUNG DANG MI 'GAL BAR RJES DPAG STE RIGS PA'I RJES SU 'BRANGS NAS GZHUNG DON DE NYID BSGOM PA NI MKHAS PA'I LUGS YIN PAS PHYOGS LHUNG DOR NAS GZHUNG DE'I DON GYI SNYING PO GANG YIN DPYAD PAR GYIS ZHES DRANG NGES 'BYED TSUL GSUNGS PAS DRANGS SO, ,SANGS RGYAS LA BRNYAS PA'I GNYEN POR MNYAM PA NYID LA DGONGS PA DANG, SANGS RGYAS KYI CHOS NI RIGS NGAN GDOL BA SOGS KYIS SPYOD RUNG BAS SLA ZHING DON CHUNG ZHES BRNYAS PA'I GNYEN POR SANGS RGYAS GAm G'A'I KLUNG GI BYE MA RNYED LA BRTEN NA GDOD RTOGS PA SKYE'O ZHES PA'I DGOS PA NYES PA DE SPANG PHYIR DANG, SANGS RGYAS DE SNYED LA MA BRTEN PAR THEG CHEN GYI RTOGS PA CUNG ZAD KYANG MI SKYE BA SGRAS ZIN DANG, THEG CHEN GYI RTOGS PA SKYE DKA' BA DGONGS GZHI YIN NO, ,LE LO'I GNYEN POR DUS GZHAN LA DGONGS PA DGOS PA 'DRA LA, BDER GSHEGS ZLA 'OD KYI MTSAN SMOS PA TZAM GYIS BYANG CHUB THOB PA SGRAS ZIN DANG, DE SMOS PAS DUS GZHAN ZHIG NA BYANG CHUB THOB PA DGONGS GZHI'O, ,DE BZHIN DU CUNG ZAD MCHOG 'DZIN GYI GNYEN POR GANG ZAG GI BSAM PA LA DGONGS PA SBYIN PAS BYANG CHUB MI 'THOB BA'AM DE'I RGYUR MI 'GYUR BA SGRAS ZIN DANG, DE LA GROGS TSUL KHRIMS SOGS GZHAN DGOS PA DGONGS GZHI, 'DI YIG CHAR DUS GZHAN LA DGONGS PA ZHES PA MA DAG GO ,'GA' ZHIG ZHING DE'I STON

204a

, ,PA'I PHUN TSOGS KYIS NGA RGYAL BA DANG, 'DI'I STON PA'I ZHING LA CHAGS PA'I GNYEN POR RIM BZHIN STON PA 'DI DANG SANGS RGYAS GZHAN GYI PHUN TSOGS DANG, ZHING LA MCHOG DMAN YOD PA SGRAS ZIN DANG SANGS RGYAS GZHAN LA YANG PHUN TSOGS DANG ZHING KHYAD PAR BA YOD PA DGONGS GZHI DANG, SDIG PA CHEN PO BYAS PA LA 'GYOD PAS YID CHAD PA'I GNYEN POR SANGS RGYAS BYANG SEMS LA GNOD PA BYAS PAS MTHO RIS SU 'GRO BA SGRAS ZIN DANG, DES KYANG BSHAGS BSDAMS BYAS NA MTHO RIS SU 'GRO BA DGONGS GZHI YIN NO, ,MDO LAS, PHA DANG MA NI BSAD BYAS SHING, ,RGYAL PO GTZANG SBRA CAN GNYIS DANG, YUL 'KHOR 'KHOR DANG BCAS BCOM NA, MI DE DAG PA NYID DU 'GYUR, ZHES PA'I DON GA-YAGS PA'I RIN CHEN BANG MDZOD LAS, MNGON PAR 'GRUB PA'I RGYU SRED PA NI MA DANG 'DRA STE, SRED PA'I RLAN 'DZIN PAS SO, ,SKYE BA'I RGYU LAS KYI SRID PA NI PHA DANG 'DRA STE, BSGOS PA'I BAG CHAGS BSKYED PA'I PHYIR RO, ,LEN PA'I RNAM PAR SHES PA NI RGYAL PO DANG 'DRA STE, SA BON THAMS CAD KYI RTEN BYED PAS SO, ,MCHOG 'DZIN GNYIS NI DGE SBYONG DANG BRAM ZE GTZANG SBRA CAN DANG 'DRA STE, LTA BA NGAN PA LA MCHOG DANG, LTA NGAN DANG 'BREL BA'I SPYOD NGAN LA DAG GROL NGES 'BYIN GYI LAM DU MNGON PAR ZHEN PAS SO, ,RNAM PAR SHES PA DE'I DMIGS PA'I DNGOS PO SKYE MCHED DRUG YUL DANG BCAS PA

204b

NI 'KHOR BA GLING SOGS DANG 'DRA STE, RNAM PAR SHES PA'I LONGS SPYOD BYA YIN PAS SO, ,ZHES PA LTAR PHA MA SOGS BSAD NA DAG PAR 'GYUR BA SGRAS ZIN DANG, SRED PA SOGS SPANGS NA DAG PAR 'GYUR BA DGONGS GZHI YIN LA, GDAN GZHI'I 'GREL PAR PHA MA SOGS RDZOGS RIM LA SBYAR NAS KYANG GSUNGS SO, ,YIG CHA RNYING PAR, DE'I NANG TSAN DU GYUR PA'I MA RIG PA SPANG BYAR BYED PA LA RGYAL PO BSAD PA'I MING ZHES GSUNGS SO, ,MA NGES PA THEG CHEN LAS LDOG PA'I GNYEN POR SEMS TZAM PA LTAR NA MTHAR THUG THEG GCIG BSTAN PA DANG, DBU MA BA LTAR NA, BSOD GRAGS PA'I SPYI DON LAS, RIGS MA NGES PA LDOG PA'I NYES PA'I GNYEN POR GSUNGS PA NI MTHAR THUG THEG PA GSUM DU STON PA'I MDO LTA BU ZHES PA LEGS SO, ,MTSAN NYID LDEM DGONGS LA MTSAN NYID GSUM LA DGONGS PA DGOS LA, GRUB MTHA' SO SO'I 'JOG TSUL MCHAN 'GREL DU BSHAD ZIN TO, ,DGONGS GZHI CAN GYI MDO YIN NA, DE DANG MNYAM PA NYID DANG DUS GZHAN LA DGONGS PA GSUM LAS GZHAN LNGA GA YIN PAS KHYAB STE, YIG CHAR, DE YIN NA, GNYEN LDEM YIN PAS KHYAB PA RNAM BSHAD KYIS BSGRUB CING, DON GZHAN LA DGONGS PA DANG BSGYUR LDEM GNYIS KYIS KHYAB PA GSER PHRENG GIS BSGRUB PA'I PHYIR, GZHUG PA LDEM DGONGS KYIS KHYAB STE, YIG CHAR, GANG ZAG 'GA' ZHIG GIS RJOD BYED KHO NAR CHAGS

205a

, ,PA BZLOG NAS BSTAN PA LA GZHUG PA'I CHED DU LDEM PO YIN PAS GZHUG PA DANG, ZHES DANG, MDO RGYAN 'GREL PA LAS, BSTAN PA LA 'JUG PAR BYA BA'I DON DU MI SKRAG PAR BYA BA'I PHYIR, ZHES SGRAS ZIN LTAR ZHEN PA BZLOG NAS DGONGS PA'I DON DE LA GZHUG PA'I PHYIR GSUNGS PAS BZHAG PA'I PHYIR, RED MDA' BA'I KUN BTUS 'GREL PA LAS, GANG ZAG GI BSAM PA LA DGONGS PA NI, GDUL BYA NYE BA'I BLO LA LTOS NAS 'DI LTAR BSTAN NA 'PHRAL DANG YUN DU PHAN PA DANG BDE BAR 'GYUR RO SNYAM DU DGONGS NAS GSUNGS PA STE ZHES PA LTAR SGRA JI BZHIN PA MA YIN PAR STON PA'I MDO THAMS CAD GDUL BYA'I BSAM PA'I DBANG GIS STON PA SHA STAG YIN PA'I PHYIR RO,, ` ,,GONG MA'I LUGS LA 'JIG LTA LA LUNG MA BSTAN GYIS MA KHYAB STE, RTEN 'BREL LUNG RIGS GTER MDZOD LAS, SKABS 'DIR 'JIG LTA LA MI DGE BA YOD DE, DE LA ZHE SDANG DANG MTSUNGS LDAN YOD PA'I PHYIR, ZHES GSUNGS PA'I PHYIR, RANG 'BRAS YID 'ONG 'BYIN PA'I CHA NAS LUNG DU BSTAN PAR BZHAG PA DGE BA'I MTSAN NYID, CES PA NI, MDZOD LAS, LAS BDE MI BDE DANG GZHAN NI, ,ZHES PA LTAR YIN LA, RJE BTZUN PA DANG BSOD GRAGS PAS, RNAM SMIN BDE SDUG 'BYIN PA'I CHA NAS BZHAG PA LTAR 'DIR YANG LUNG MA BSTAN LA RNAM SMIN SBYAR RO, ,NGO BO NYID KYI DGE BAR DGE BA BCU GCIG DANG, MI DGE BAR, MI DGE

205b

BA'I DUG GSUM DANG, LUNG MA BSTAN LA KUN BTUS SU RNAM SMIN GYI GZUGS CAN BRGYAD BZHAG PA, MDZOD LAS, LUNG MA BSTAN BRGYAD CES PA LTAR RO, ,MDZOD LAS, DGE BA BZHI SOGS LA RJES 'BREL MA BGRANG BAR DON DAM PA BGRANG LA, SEMS TZAM PAS KYANG DON DAM PA DANG RJES 'BREL GYI DGE BA DGE BAR MI 'DOD DO, ,KHO NA RE, SO SKYE'I RGYUD KYI PHUNG PO YIN NA, DMIGS PA BCU GCIG GI BZHI BA YIN PAS KHYAB PAR THAL, ,DON BDUN CUR, 'JIG RTEN SO SKYE'I PHUNG PO DANG, ZHES DANG, 'GREL PAR DE LTAR GSUNGS PA'I PHYIR, 'DOD NA, DE LA DGE MI DGE LUNG MA BSTAN GSUM YOD PAR THAL, 'DOD PA'I PHYIR, 'DOD MI NUS TE, RGYAN SNANG LAS, 'JIG RTEN PA'I LAM GYIS BSDUS PA NYE BAR LEN PA'I PHUNG PO LNGA LA SOGS PA NI 'JIG RTEN PA DANG, ZHES DANG GSER PHRENG LAS DE DAG KYANG 'JIG RTEN PA'I LAM GYIS BSDUS PA'I CHA LA BSHAD DO, ,ZHES DANG, RTZA BAR, 'JIG RTEN PA YI RTOGS PA DANG, ,ZHES GSUNGS PA'I PHYIR, LE MANG DU PHUNG PO DANG SKYE MCHED DANG ZHES PA LAS LNGA SOGS MED LA, LE BRGYAD MAR, RAB 'BYOR PHUNG PO LNGA DANG SKYE MCHED BCU GNYIS DANG KHAMS BCO BRGYAD DANG, ZHES PA LTAR SNANG BA GNYIS KAR PHUNG PO LNGA GSUNGS PA, GSER PHRENG DU, DE DAG NI BYIS PA SO SO'I SKYE BO RNAMS DANG THUN MONG GI CHOS ZHES BYA'O, ZHES PA, RTZA BAR, SLOB MTHUN MONG GSUNGS PAS DE ZHAR BYUNG TZAM DU MNGON ZHES PA LTAR, 'DIR YANG ZHAR LA LNGA SOGS GSUNGS SAM, YANG NA RGYAN SNANG LTAR

206a

, ,RNAM BSHAD DU 'DUS BYAS MA BYAS GNYIS BDEN PA PHYI MA GNYIS LA BYAS PA GTZO BO YIN PA LTAR 'JIG RTEN PA'I DGE BAR BSHAD PA GTZO BO LA DGONGS SAM DPYAD, ,LO CHEN GYIS DMIGS PA BCU GCIG GI DANG PO GSUM DANG, DE NAS BZHI DANG, DE NAS GNYIS DANG, THA MA GNYIS TE TSAN PA BZHIS BYIS PA'I GTZANG BDE SOGS SU 'DZIN PA'I PHYIN LOG BZHI DANG, DE'I GNYEN PO NYAN THOS KYI CHOS KYI SDOM BZHI RTOGS PA BZHI DANG, DE BRGYAD KYI GNYEN PO BYANG SEMS KYI MTHA' LAS 'DAS PA BZHI RTOGS PA STE, BCU GNYIS PO'I YUL YONGS SU RDZOGS PAS, DMIGS PA BCU DRUG TU NGES PAR BSHAD PA RNAM BSHAD LAS, BLA MA LO TZTSA PA CHEN POS RIM CAN DU DMIGS PA'I TSUL MA MDZAD PAR GZHAN DU BSHAD DO, ,ZHES PA DE YIN PAS MI 'THAD DO, ,DMIGS TSUL LA LOG RTOG BSAL BA SNANG BA GNYIS KAR BKOD PA'I DON BU STON SOGS SNGA MA MANG POS, SEMS TZAM PAS MNYAM BZHAG ZAG MED KYIS GZUNG 'DZIN GNYIS MED KYI YE SHES KHO NA MNGON SUM DU RTOGS PAR 'DOD PA DBU MA PAS 'GOG CES PAR, GNYIS MED YE SHES MTHONG LAM ZAG MED YE SHES LA MI SNANG BAR NYAN SA KUN BTUS, DBU MTHA' RTZA 'GREL RNAMS KYIS BSGRUB CING, DES GZHAN DBANG LA MI DMIGS PAR 'DOD PA, RNAM 'GREL LAS, BDEN PA BZHI LA BRTEN PA DANG, ,ZHES SOGS KYIS SPANG GNYEN GNYIS KA DMIGS PA GCIG LA DMIGS DGOS PAR GSUNGS PAS

206b

BSGRUB NAS, MNYAM BZHAG GIS GNYIS MED YE SHES KHO NA MTHONG BA DANG DMIGS PA BKAG LA, SEMS TZAM PAS KHYOD LA MTSUNGS ZHES RTZAD PAR, ZHI BA LHA DANG AA BHA SOGS MNYAM BZHAG LA KUN RDZOB SNANG BAR MI 'DOD KYANG, 'PHAGS SENG SOGS RANG RGYUD PAS MNYAM BZHAG SNANG BCAS YIN PAS STONG GZHI DANG STONG PA GNYIS KA SNANG ZHES LAN BTAB PAR 'DOD PA, MDO MANG POS CHOS CAN KUN RDZOB PA SNANG BA SHER PHYIN LTAR SNANG DU GSUNGS PAS BKAG GO ,RANG LUGS LA, DE'I RTZOD TSUL RNAM RIG PAS, SO SKYE'I GNYIS SNANG GI SHES PA GZHAN DBANG BDEN GRUB LA DMIGS NAS DE LA SNANG BA LTAR GRUB PA'I STONG PA BDEN GRUB GNYIS MED YE SHES LA SNANG BA YIN ZER BA LA, DBU MA PAS, SA BCU'I SKABS SU DRI MA JI CHUNG DU SONG BAS DAG PA GONG 'PHEL DU 'GRO RGYU MED PAR THAL, DRI MA GZHAN DBANG GI RANG BZHIN DU BDEN PAR GRUB CING, GNYEN PO RANG BZHIN RNAM DAG TU BDEN PAR GRUB PA'I PHYIR, ZHES PAR, SEMS TZAM PAS DE DAG GI TSUL CHU RANG BZHIN GYIS DVANGS PA RDUL GYIS SGRIB PA BZHIN ZER BAR, SPANG GNYEN GNYIS KA BDEN PAR GRUB NA PHAN TSUN GNOD MI NUS PAS, GNYEN PO RANG BZHIN GYIS DAG PA PHYOGS GCIG PAR 'GYUR BAS RNAM DAG SHIN TU PA MED PAR 'GYUR RO, ,ZHES BKAG GO ,DE LA RNAM RIG PAS, MDO LAS, RNAM MKHYEN GYI DMIGS PA DNGOS PO MED PA'O, ,ZHES GSUNGS PAS, MYU GU BDEN STONG CHOS CAN, BDEN PAR YOD PAR THAL, MTHAR THUG

207a

, ,DPYOD PA'I RIGS SHES KYI NGOR YOD PA'I PHYIR ZER BAR, DBU MA PAS MA KHYAB STE, DE RIGS SHES KYI NGOR YOD KYANG, DE'I DPYAD BZOD DU MED PAR KUN RDZOB TU YOD PA'I PHYIR, THA SNYAD DU RNAM PAR DAG PA 'THAD PA YIN NO, ,SEMS CAN GYI SEMS BDEN STONG DE RANG BZHIN GNAS RIGS MA YIN PAR THAL, KUN RDZOB BDEN PA YIN PA'I PHYIR TE, THEG CHEN SGRUB PA'I DMIGS PA YIN PA'I PHYIR NA MA KHYAB STE, RIGS TE RANG BZHIN NAM DON DAM BDEN PA GTZO LA, DMIGS PA'AM RNAM 'GYUR TE KUN RDZOB BDEN PA GTZO CHE YANG MI 'GAL, ZHES YIG CHA RNYING BAR GSUNGS LA, SEMS TZAM PAS RIGS LAS KHYAD PAR DU 'BYED BYED YIN PAR YIG CHAR GSUNGS SO,, ` ,,BYANG SEMS GANG GIS GANG GI CHED DU SGRUB PA LA 'JUG NA CHEN PO GSUM GYI CHED DU SGRUB PA NYAMS SU LEN PAS NA SEMS DPA' CHEN PO ZHES GSUNGS SO, ,ROL MTSO LAS, THEG CHEN SGRUB PA'I CHED DU BYA BA LA SKABS 'DIR BSTAN GYI DES MA KHYAB STE, GZHAN DON DE DE'I CHED DU BYA BA YIN PA'I PHYIR, ZHES PA MI 'THAD DE, DE'I MTHA' DPYOD LAS, GANG GI CHED DU SGRUB PA LA 'JUG PA'I 'BRAS BU MTHAR THUG DE THEG CHEN SGRUB PA'I CHED DU BYA BA'I MTSAN NYID, CES GSUNGS PA GANG ZHIG ,ROL MTSOR DE SKABS 'DIR BSTAN GYI DE'I MTSAN NYID DU BZHAG PA'I PHYIR DANG, GZHAN DON DE SANGS RGYAS KYI SA KHO NAR 'JOG

207b

PA MA YIN PA'I PHYIR, SA MTSAMS DANG 'GAL LO, ,BSOD GRAGS PA'I MTHA' DPYOD LAS, CHEN PO GSUM 'GAL BA YIN TE, SEMS CHEN PO YIN NA THABS KYI RTOGS RIGS SU GNAS PAS KHYAB, SPONG BA CHEN PO YIN NA GLO BUR RNAM DAG GI CHAR GYUR PA'I NGO BO NYID SKU YIN PAS KHYAB, RTOGS PA CHEN PO YIN NA, SHES RAB KYI RTOGS RIGS SU GNAS PAS KHYAB PA'I PHYIR, ZHES PA LTAR CHED DU BYA BA LA CHEN PO GSUM GANG RUNG YIN PAS MA KHYAB PA'I DON YIN ZER NA, GSER PHRENG LAS, MCHOG NYID CHEN PO NI SEMS CAN KUN GYI MCHOG SANGS RGYAS TE SPYI'O, ,SPONG BA CHEN PO DANG RTOGS PA CHEN PO NI RIM PA LTAR SGRIB GNYIS MA LUS PAR SPANGS PA DANG, JI LTA JI SNYED THAMS CAD RTOGS PAS YUL GANG LA YANG CHAGS PA DANG BRAL BA STE KHYAD PAR RO, ,ZHES DANG PO SPYI DANG PHYI MA GNYIS DE'I BYE BRAG TU GSUNGS PA DANG, NYI SNANG LAS, DE LTAR SPANGS PA DANG RTOGS PA'I KHYAD PAR CAN SEMS CAN GYI TSOGS CHEN PO DANG, SEMS CAN GYI SDE CHEN PO'I MCHOG TU BYED PA'I MTSAN NYID NI MA RGYAL BA LAS RGYAL BA'I CHED DU BYA BA DANG, ZHES MCHOG NYID DANG MA RGYAL BA LAS RGYAL BA LA SPANGS RTOGS GNYIS BZHAG PA'I PHYIR DANG, RNAM BSHAD LAS, RTOGS PA MTHAR THUG RTOGS PA CHEN PO NYID DO, ,ZHES RTOGS PA MTHAR THUG THAMS CAD BZHAG PA'I PHYIR, DES NA SGO MANG YIG CHA GSAR RNYING GNYIS KAR, DANG PO LA JI LTA JI SNYED RTOGS PA'I RNAM MKHYEN DANG, GSUM PA LA SANGS RGYAS SA'I SEMS BSKYED DANG

208a

, ,SNYING RJE SOGS THABS KYI CHA BZHAG PA DE DAG DGAG CHED YIN NO, ,SNGA MA GNYIS KYIS BYANG SEMS DANG RGYUD THA DAD PA'I SANGS 'PHAGS MED ZER BAR, BYANG SEMS KYI RGYUR GYUR PA'I SANGS 'PHAGS BYANG SEMS KYI SKYE BA PHYI MAR THAL BA SOGS 'PHEN NO,, ` ,,RONG t'IKA PAS, SKABS DANG PO GSUM GYIS THOS BSAM TZAM DANG, SBYOR BZHI'I SKABS PHYIN DRUG GI NYAMS LEN GTZO BOR STON ZHES PAR, DANG PO GSUM DU SEMS BSKYED NYER GNYIS SOGS BSHAD PAS SPYOD PA NYAMS LEN GTZO BOR BSHAD PAR SGRUB LA, PHYIN DRUG GI NYAMS LEN GYIS MA ZIN PA'I THEG CHEN SGRUB PA YOD NA DE NYON SGRIB NYI TSE BA'I GNYEN POR GYUR ZHES RTZA BAS BKAG GO ,GSER PHRENG LAS, 'DI BYANG YE'I BZHED PAR BSHAD DO, ,ZHES PA, PHA ROL TU PHYIN PA PA CHEN PO BYANG YE 'CHAD DE ZHES PA DE YIN PAS, MCHAN LAS, GSER PHRENG NA BDAG NYID CHEN PO ZHES 'DUG PAS BLO LDAN SHES RAB YIN NAM DPYOD CES PA, GSER PHRENG LAS, DE YANG t'IKA CHUNG LAS, ZHES DANG, TSUL 'DI LA NI BDAG NYID CHEN PO'I BSHAD PA NYID TSAD MA'O, ,ZHES 'DUG PAS LO CHEN DE LTAR 'DOD DAM DPYOD CES PA YIN NO, , YIG CHAR, DE CHOS CAN, MKHYEN GSUM YUL YIN PAR THAL, MKHYEN PA YUL GYI SGRUB PA YIN PA'I PHYIR NA KHA CIG MA KHYAB ZER BA 'KHRUL, ZHES PA, BSOD GRAGS PA YIN TE, DE'I MTHA' DPYOD LAS, KHA CIG ,ZIN BYED

208b

LA MI SBYOR BAR MKHYEN GSUM GANG RUNG GI RNAM PA YUL DU BYED PA'I SEMS DPA'I RNAL 'BYOR ZHES SBYOR BA MI 'THAD DE, THEG PA CHEN PO'I MTHONG LAM BAR CHAD MED LAM GYIS MA NGES PA'I PHYIR, ZHES GSUNGS PA'I PHYIR, SLOB DPON CHOS BSHES NA RE, SGRUB PA GNYIS 'GAL BAR THAL, GOMS PA'I MTHU MA THOB PA DANG THOB PAS BZHAG PA'I PHYIR, 'DOD MI NUS TE, GSER PHRENG LAS, DES NA GO SGRUB NI DANG PO GSUM DANG LHAG MA BZHI'I DBANG DU BYAS PA'I SGRUB PA GNYIS KAR 'GYUR LA, ZHES GSUNGS PA'I PHYIR ZHE NA, DE LA GNYIS KA YOD PA'I DON ZER NA, PHYI MA GSUM LA GNYIS KA MED PAR THAL, 'JUG SGRUB SOGS GSUM NI DANG PO KHO NA'O, ,ZHES GSUNGS PA'I PHYIR, 'DOD NA, DE GSUM RGYUN MTHA' NA MED PAR THAL, 'DOD PA'I PHYIR, 'DOD NA, TSIGS GSAL LAS, BZHIR BSTAN PA NI RE ZHIG SHAS CHES PA'I DBANG DU BYAS KYI DE DAG RE RE ZHING YANG THAMS CAD DU MI 'GRO BA NI MA YIN PAS, ZHES GSUNGS PA'I PHYIR, RGYUN MTHA' BA'I LAM LA SGRUB PA PHYI MA YIN PAS MA KHYAB ZER RAM DPYAD,, ` ,,'GREL BAR, BRTZON 'GRUS KYI NGO BO NYID KYIS DANG PO GO CHA'I SGRUB PA ZHES PAS GO SGRUB DANG POR GSUNGS PA SEMS BSKYED NAS SGRUB PA NAN TAN MA BYAS NA BSAM PA BZANG BA TZAM LAS BLA MED BYANG CHUB THOB MI NUS PAS GO CHA'I BRTZON 'GRUS SOGS NGES PAR DGOS ZHES MKHAS BLUN GYI NYAMS LEN LA MANG NYUNG MED SNYAM PA SOGS BSAL LO, ,NYI ZER

209a

, ,LAS, DON NI SBYIN PA'I SBYIN PA NAS SHES RAB KYI SBYIN PA'I BAR DRUG RDZAS THA DAD KYANG SBYIN PAR CHOS MTHUN PAS SBYIN PA'I PHAR PHYIN DU BZHAG LA, NAS, SBYIN PAS BSDUS PA'I PHAR PHYIN DRUG SBYIN PAR MTHUN CES 'CHAD PA NI MA YIN TE, DE LTAR NA PHAR PHYIN RE RE LA DRUG DRUG MA TSANG BAR THAL BA'I PHYIR, ZHES SBYIN PHAR DANG SBYIN PA'I GO SGRUB LA SBYIN PA DGOS PAR BSHAD PA, YIG CHAR, NYI SNANG LAS, JI LTAR NA DRUG TSAN DRUG YIN ZHE NA, NAS, SHES RAB KYI PHA ROL TU PHYIN PA NYID KYI GO CHA GSUNGS PA YIN TE, 'DI DAG NI GO CHA'I SGRUB PA LAS SBYIN PA'I GO CHA STE DRUG TSAN DANG PO'O, ,ZHES PA DANG 'GAL BA DANG, DE 'DRA'I SBYIN PA LA PHAR PHYIN DRUG DANG DAM PA DRUG MA TSANG BAR THAL BAS BKAG GO ,RANG LUGS LA, SBYIN PA'I SBYIN PA NAS SBYIN PA'I SHES RAB KYI BAR DRUG SBYIN PA'I GO SGRUB TU BSDU BA SOGS MDO DANG NYI SNANG SOGS SU GSAL BAS, YIG CHAR, BYANG SEMS MTHONG LAM PA'I RGYUD KYI SBYIN PA'I 'KHOR GSUM BDEN MED DU MI DMIGS PAR RTOGS PA'I SHES RAB CHOS CAN, SBYIN PA'I GO SGRUB MA YIN PAR THAL, SHES RAB KYI GO SGRUB YIN PA'I PHYIR, DER THAL, SHES RAB DANG GO SGRUB KYI GZHI MTHUN YIN PA'I PHYIR NA MA KHYAB, NAS, KHYAB PAR THAL, SBYIN PA'I SHES RAB KYI GO SGRUB YIN PA'I PHYIR NA MA KHYAB, CES GSUNGS TE, SBYIN PA'I GO CHA DRUG SBYIN PA'I GO SGRUB TU 'DU YI, TSUL KHRIMS KYI GO SGRUB SOGS PHYI MA LNGAR MI

209b

'DU BA'I PHYIR TE, GSER PHRENG LAS, SDUD BYED SBYIN PA DANG SOGS PAS SHES RAB KYI BAR RNAM PA DRUG LA STE DRUG TU SDUD BYA SBYIN SOGS DE DAG SDUD TSUL SO SOR TE RE RER DRUG BSDUS PA YIS SO, ,ZHES GSUNGS PA'I PHYIR, DE BZHIN DU SKYE BO GZHAN SHES RAB LA 'GOD PA'I SBYIN PA DANG, SHES RAB SGOM PA LA MI SNYAN PAR SMRA BA BZOD PA DANG, SHES RAB KYI DGE RTZA BYANG CHUB TU BSNGO BA DANG, DE'I 'KHOR GSUM MI DMIGS PAR RTOGS PA'I SHES RAB SOGS SHES RANG KYI GO SGRUB YIN GYI SBYIN PA'I GO SGRUB SOGS SNGA MA LNGA GANG RUNG MIN PA SHES PAR BYA'O, ,THEG CHEN MTHONG LAM PA'I RGYUD KYI BDEN MED MNGON SUM DU RTOGS PA'I SHES RAB SBYIN PA'I SHES RAB KYI GO SGRUB NAS SHES RAB KYI SHES RAB KYI GO SGRUB KYI BAR DRUG PO YIN 'DRA PAS, GO SGRUB YIN NA, GO SGRUB DRUG PO GANG RUNG YIN PAS KHYAB MA KHYAB DANG, GO SGRUB SO DRUG RE RE LA SEMS SEMS BYUNG GNYIS YOD MED DANG, DRUG TSAN DANG PO SEMS GCIG GI 'KHOR NA YOD MED SOGS DPYAD BYA MANG NGO, ,YIG CHA RNYING PAR, RTZE GCIG PA'I SEMS PA BSAM GTAN GYI MTSAN NYID, CES SNGA MA LNGA LA SEMS PA SNGAR NAS DMAN LAM SNGON DU MA SONG BA'I BYANG SEMS KYI RGYUD KYI GTONG BA'I SEMS PA CHOS BZHI LDAN DE'I RGYUD KYI SBYIN PA'I MTSAN NYID CES SOGS DMAN LAM SNGON DU MA SONG BA'I BYANG SEMS KYI RGYUD KYI SBYIN SOGS DRUG CHOS BZHI LDAN DU BYAS TE, MI RTOG YE SHES LA BDAG MED GNYIS PHRA RAGS BZHI RTOGS PA'I YE SHES BZHAG LA, ROL MTSO LAS, SBYIN SOGS

210a

, ,DANG PO BZHI LA SEMS PA SBYAR BA LA, YIG CHAR, 'DOD MI NUS TE, BRTZON 'GRUS DANG TING NGE 'DZIN GNYIS SEMS BYUNG NGA GCIG LAS SNGA MA DGE BA DANG PHYI MA MDZOD SOGS KYI SA MANG DANG, MNGON PA GONG MA'I YUL NGES YIN PA'I PHYIR, ZHES SNGA MA DGE BA'I SA MANG DANG, PHYI MA SEMS KYI SA MANG BCU BA DANG, PHYI MA YUL NGES YIN PAS BKAG NAS, MI 'KHRUG PA'I DGE BA'I RTZA BA DE BZOD PA'I MTSAN NYID DANG, DGE RTZA YANG SEMS BYUNG YIN ZHES ZHE SDANG MED PA'I DGE RTZAR BYAS LA, DGE LA SPRO BA BRTZON 'GRUS KYI MTSAN NYID, DGE BA'I SEMS RTZE GCIG PA DE BSAM GTAN GYI MTSAN NYID, DE DAG LA GANG ZAG DANG SEMS RE RE NAS SKYON DU 'PHEN NO, ZHES PA, DE 'DRA'I CHOS BZHI LDAN PA'I GANG ZAG CHOS CAN NAM GANG ZAG SPYI LDOG GZUNG KYANG 'PHEN CHOG GO CES PA'O, ,CHOS BZHI LDAN GYI GTONG BA'I SEMS PA'I CHA NAS BZHAG PA'I YE SHES DE SBYIN PA'I PHAR PHYIN GYI MTSAN NYID, CHOS BZHI NI, CHAGS PA BDUN PO GANG RUNG DANG, SER SNA CI RIGS NYAMS PA DANG, STONG NYID RTOGS PA DANG, GZHAN GYI RE BA RDZOGS PA DANG, SBYIN PAS BSDUS NAS THEG PA GSUM DU SMIN PA GANG RUNG BYED PA BZHI YIN LA, CHA BZHAG GIS SANGS 'PHAGS KYI DE DANG STONG NYID MA RTOGS PA'I DE SDUD PA'I PHYIR, ZHES SANGS 'PHAGS KYI DE MI MTHUN PHYOGS MED PAS DANG, MI RTOG YE SHES LA STONG NYID RTOGS PA DGOS PAR GSUNGS SO, ,RJE BTZUN PA'I MTHA' DPYOD LAS, SHES PHYIN NYAMS

210b

LEN GYI BYA BAS ZIN PAR THAL, 'DOD PA'I PHYIR, 'DOD NA, DE CHOS CAN, STONG NYID RTOGS PA'I SHES RAB KYIS ZIN PAR THAL, 'DOD PA'I PHYIR, ZHES DANG, PHYIN DRUG RE RE'I NANG DU DRUG DRUG TSANG BAR BSDUS NAS NYAMS SU LEN PA'I SEMS DPA'I RNAL 'BYOR DE, GO SGRUB KYI MTSAN NYID ZER NA, THEG CHEN GYI MTHONG LAM SDUG BSNGAL CHOS BZOD CHOS CAN, NAS, PHYIN DRUG DNGOS YUL DU BYED PA'I SEMS DPA'I RNAL 'BYOR YIN PAR THAL, 'DOD PA'I PHYIR, ZHES DE LA PHYIN DRUG DNGOS YUL DU BYED PA DGOS PAR BSHAD PA'I PHYIR, BSOD GRAGS PAS KYANG DE LTAR GSUNGS PAS DE DAG GIS PHYIN DRUG NYAMS SU LEN PA'I SEMS DPA'I RNAL 'BYOR LA GANG 'JOG DPYAD, RANG LUGS LA, PHYIN DRUG GANG RUNG GI NYAMS LEN YIN NA, DRUG PO NYAMS SU LEN PAS KHYAB PO, ,MDO SDE RGYAN LAS, GRANGS DANG DE YI MTSAN NYID CES SOGS TSIGS BCAD GCIG GIS MDAR BSTAN, LONGS SPYOD DANG LUS SOGS RGYAS BSHAD KYIS GRANGS NGES MTSAN NYID GO RIM NGES TSIG BZHI MCHAN 'GREL DU BSHAD ZIN LA, YIG CHAR, SLOB DPON THOGS MED RGYU 'BRAS GNYIS GNYIS KYI SGO NAS ZHES PA, THEG BSDUS SU, SER SNA DANG DBUL BA 'JOMS PA DANG, LONGS SPYOD CHEN PO DANG, BSOD NAMS KYI TSOGS THOB PA SBYIN PA DANG, TSUL 'CHAL DANG NGAN 'GRO ZHI BA DANG, BDE 'GRO DANG, TING NGE 'DZIN THOB PA TSUL KHRIMS DANG, KHRO BA DANG,

211a

, ,'KHON ZAD PA DANG, BDAG GZHAN BDE BAR BYED PA BZOD PA DANG, LE LO DANG MI DGE BA'I CHOS DANG BRAL BAR BYED PA DANG, DGE BA 'PHEL BAR BYED PA BRTZON 'GRUS DANG, RNAM G-YENG SEL BA DANG, SEMS GNAS PA SGRUB PA BSAM GTAN DANG, SHES 'CHAL SEL BA DANG, CHOS RNAMS RAB TU SHES PAS SHES RAB CES NGES TSIG SBYAR BA MDO RGYAN DANG MI 'GAL LA, DE NYID LAS, 'JIG RTEN PA DANG NYAN THOS DANG RANG SANGS RGYAS KYI SBYIN PA LA SOGS PA'I DGE BA THAMS CAD LAS PHUL DU BYUNG BAR PHA ROL TU 'GRO BA'I PHYIR PHA ROL TU PHYIN PA RNAMS SO, ,ZHES PHAR PHYIN GYI NGES TSIG GSUNGS PAS SLOB LAM NA PHAR PHYIN YOD PAR BSTAN TO, LNGA PA SGOM TSUL, THAMS CAD SGOM PA DNGOS PO DANG, ,ZHES SOGS KYIS SGOM PA LNGA LAS, DANG PO DNGOS PO LA 'GREL BAR, RGYU RNAM SMIN SMON LAM SO SOR RTOG PA LA BRTEN BA BZHI GSUNGS PA'I DANG PO NI, THEG CHEN GYI RIGS SAM DGE BA GOMS STOBS KYIS PHYIN DRUG SGRUB PA DANG, GNYIS PA NI, DE SPYAD 'OS KYI LUS PHUN TSOGS KYIS DANG, GSUM PA NI, SNGON GYI SMON LAM GYI STOBS KYIS DANG, BZHI BA NI, PHYIN DRUG GI PHAN YON DANG MI MTHUN PHYOGS NYES DMIGS LA DPYAD NAS SGOM PA'O, ,GNYIS PA YID BYED LA, MOS PA RO MYANG YI RANGS MNGON PAR DGA' BA'I YID BYED BZHI'I DANG PO NI, PHYIN DRUG STON PA'I MDO SDE LA MOS PAS GOMS PA DANG, GNYIS PA NI, PHYIN DRUG THOB PA LA DGA' BA'I

211b

RO MYANG BAR BYED PA DANG, GSUM PA NI, SEMS CAN THAMS CAD KYI SBYIN SOGS LA RJES SU YI RANGS PA DANG, BZHI PA NI, RANG GZHAN THAMS CAD KYIS MA 'ONGS PA NA PHYIN DRUG SPYOD PAR DGA' ZHING SMON PA BZHI'O, ,GSUM PA BSAM PA LA, NGOMS MI SHES PA RGYA CHEN PO DGA' BA PHAN PA MA GOS PA DGE BA'I BSAM PA DRUG LAS DANG PO NI, SEMS CAN RE RE LA DUS SKAD CIG RE RER 'JIG RTEN GYI LONGS SPYOD MA LUS PA SBYIN PA DANG, DUS GNG+GA'I BYE SNYED DU YO BYAD KYIS PHONGS SHING ME MAR MUR GYIS GANG BAR SPYOD BZHIN DU PHAR PHYIN PHYI MA LNGA SGOM YANG MI NGOMS PA DANG, GNYIS PA NI, DE LTA BU'I TSUL BYANG CHUB MA THOB PAR DU RGYUN MI 'CHAD PA DANG, GSUM PA NI, DE LTAR BYED PA LA RJES SU BZUNG BA'I SEMS CAN LAS RANG CHES DGA' BAR BYED PA DANG, BZHI PA NI, RJES SU BZUNG BYA'I SEMS CAN DES RANG LA CHES PHAN BTAGS PAR BSAM PA DANG, LNGA PA NI, DE LTAR BYED PA LAN DANG RNAM SMIN LA RE BAS MA GOS PA DANG, DRUG PA NI, DE LTAR SGOM PA'I BSOD NAMS DE SEMS CAN RNAMS DANG THUN MONG DU BYAS NAS RDZOGS BYANG DU BSNGO BA'O, ,BZHI PA THABS MKHAS GSUM NI, PHYIN DRUG RE RE 'KHOR GSUM MI DMIGS PAR RTOGS PA GSUM MO, ,LNGA PA DBANG 'BYOR LA BRTEN PA LA, SKU DANG SPYOD PA DANG STON PA LA DBANG BA SGOM PA GSUM LAS, DANG PO NI, NGO BO NYID SKU DANG LONGS SKU GRUB PA DANG, GNYIS PA NI, SPRUL SKUS SEMS CAN GYI CHOS MTHUN GYI SPYOD PA SNA TSOGS STON PA DANG, GSUM PA NI, PHYIN DRUG GI RNAM PA THAMS CAD THOGS MED DU STON

212a

, ,PA LA DBANG 'BYOR BA STE DE DAG GIS PHYIN DRUG SGOM PA'O, ,'DIS DBANG 'BYOR BDAG SAR 'JOG GO ,DRUG PA RAB DBYE NI, PHYIN DRUG RE RE LA NGO BO NYID DANG RGYU DANG 'BRAS BU DANG LAS DANG LDAN PA DANG 'JUG PA'I RAB DBYE DRUG DANG LDAN PAR SHES NAS BYANG SEMS RNAMS KYIS DE SGRUB PAR BYED DO, ,DE YANG SBYIN PA LA RIM BZHIN DON RNAMS GTONG BA DANG, RTZA BA MA CHAGS PA DANG MTSUNGS LDAN GYI SEMS PA DANG, GNAS LNGA'I MDO LAS, TSE DANG KHA DOG STOBS DANG BDE, ,SPOBS PA PHUN SUM TSOGS DANG LNGA, ,ZHES PA LTAR, LUS TSE PHUN TSOGS SOGS DANG, RANG GZHAN RJES SU 'DZIN PA TSOGS PA DANG, SER SNA MED PA DANG, CHOS ZANG ZING MI 'JIGS PA'I DBYE BA'O, ,TSUL KHRIMS LA, TSUL KHRIMS DANG LDAN PA, SO THAR SDOM PAS BSDAMS PA, CHO GA PHUN TSOGS SPYOD LAM DAG PA, SPYOD YUL PHUN TSOGS GSOD PA'I GNAS SOGS LNGAR MI 'GRO BA, LTUNG BA PHRA MO LA YANG 'JIGS PA, BSLAB PA BLANGS PA LA SLOB PA STE YAN LAG DRUG GIS ZIN PA'I SPONG SEMS DANG, MYANG 'DAS KYI BSAM PA DANG, BDE 'GRO DANG SEMS GNAS PA THOB PA DANG, YON TAN THAMS CAD KYI RTEN DANG, NYON MONGS SOGS KYI GDUNG BZHI BA, SROG GCOD SOGS 'JIGS PA MED PA DANG, BSOD NAMS KYI TSOGS DANG LDAN PA DANG, BRDAR BTAGS SO THAR CHOS NYID THOB BSAM GTAN ZAG MED SDOM PA'I DBYE BA DE THOB PA LA YOD PA RTEN GYI 'JUG PA'O, ,BZOD PAR, GNOD BYED LA MI 'JIGS, SDUG BSNGAL LA CI MI SNYAM

212b

PA, CHOS LA NGES SEMS GSUM DANG, SNYING RJE TSUL KHRIMS THOS PA GSUM DANG, MDO LAS, MKHON NYUNG BA YIN, DBYEN NYUNG BA YIN, BDE BA DANG YID BDE BA MANG BA YIN, 'GYOD PA MED PAR 'CHI BA'I DUS BYED PA YIN, LUS ZHIG NAS KYANG BDE 'GRO MTHO RIS KYI 'JIG RTEN DU SKYE BAR 'GYUR RO, ,ZHES PA LNGA DANG, RANG GZHAN GYI DON BYED PA DANG, DKA' THUB MCHOG LDAN PA DANG, SNGAR GYI DBYE BA GSUM MO, ,BRTZON 'GRUS LA, DGE BA LA SPRO BA DANG, DAD 'DUN DANG, DRAN TING 'PHEL BA DANG, MI DGE BA'I GNYEN PO BYED PA DANG, BDE BA LA MA CHAGS PA DANG LDAN PA DANG, BU t'I KA LAS, BSLAB PA GSUM LA LUS DANG SEMS KYI BRTZON 'GRUS RTZON PA DRUG THUN MONG DU GUS SBYOR RTAG SBYOR TE BDUN ZHES DANG, 'JAM DBYANGS DGA' BLOS, DBANG PO LNGA'I SGO SDOM PA'I LUS KYI BRTZON 'GRUS LNGA DANG, BSLAB PA PHYI MA GNYIS LA BRTZON PA SEMS KYI BRTZON 'GRUS GNYIS TE BDUN BYAS, DPAL MANG RIN PO CHES, BSLAB GSUM LA BRTZON PA GSUM, LUS SEMS KYI GUS SBYOR RTAG SBYOR BZHI BYAS SO, ,BSAM GTAN LA, SEMS NANG DU GNAS PA DANG, DRAN BRTZON GNYIS DANG, SHIN SBYANGS KYI BDE BA BSKYED PA DANG, MNGON SHES DANG TSANGS GNAS SOGS LA DBANG BA DANG, CHOS KUN GYI GTZO BO TING NGE 'DZIN DANG LDAN PA DANG, RTOG BCAS DBYOD BCAS SOGS GSUM GYIS DBYE BA'O, ,SHES RAB LA, CHOS RAB TU RNAM 'BYED DANG, TING NGE 'DZIN DANG, NYON MONGS LAS GROL BA DANG, DGA' BDES

213a

, ,'TSO ZHING CHOS LEGS PAR BSHAD PA DANG, CHOS KYI MCHOG SHES RAB DANG LDAN PA DANG, SO SKYE THEG PA CHE CHUNG GI SHES RAB GSUM DU DBYE BA'O, ,'DI DAG DON RNAMS GTONG PAR BYED PA DANG, ,ZHES SOGS TSIGS BCAD BCU GNYIS KYIS BSTAN TO, ,YIG CHAR BSDU BA GONG DU MA BGRANG BA BSHAD GZHI NYUNG BAS YIN NAM DPYAD, BDUN PA BSDU BA NI, DKAR PO'I CHOS KUN ZHES SOGS KYI DANG PO GNYIS KYIS MNYAM PAR MA BZHAG PA STE RJES THOB KYI DANG, THA MA GNYIS KYIS MNYAM BZHAG DANG, BAR BA GNYIS KYIS GNYIS KA'I LAM BSDUS SO, ,BRGYAD PA MI MTHUN PHYOGS NI, BYANG CHUB SEMS DPA'I SBYIN PA NI, ,ZHES SOGS KYIS LONGS SPYOD DANG, TSUL 'CHAL NAS SHES 'CHAL GYI BAR MNGON GYUR DRUG LA CHAGS PA DANG, PHYIN DRUG SGOM PAR PHYI BSHOL LA CHAGS PA DANG, RE RE TZAM GYIS CHOG 'DZIN LA CHAGS PA DANG, LAN LA RE BA DANG, RNAM SMIN LA RE BA DANG, MI MTHUN PHYOGS DRUG GI BAG LA NYAL DANG, RNAM G-YENG LA CHAGS PA STE BDUN PO CI RIGS NYAMS PAR BYAS PA'O, ,RGYAN 'GREL THUB BSTAN RGYAS PA'I ME TOG TU, DRUG PA LA, MI MTHUN PHYOGS RANG DON YID BYED LA MI CHAGS ZHES 'JAM DBYANGS DGA' BLO LTAR BSHAD KYANG, DBYIG 'GREL LAS, DE'I MI MTHUN PA'I PHYOGS LA CHAGS PA'I BAG LA NYAL YANG DAG PAR MA BCOM PA'I PHYIR MI MTHUN PHYOGS LA CHAGS PA DANG, RNAM PAR G-YENG BA LA CHAGS PA'O, ,RNAM PAR G-YENG BA DE YANG RNAM PA GNYIS

213b

TE YID LA BYED PA'I RNAM PAR G-YENG BA NI, THEG PA DMAN PA LA DGA' BA'I PHYIR RO, ,RNAM PAR RTOG PA'I RNAM PAR G-YENG BA NI, SBYIN PA PO DANG, LEN PA PO DANG, SBYIN PAR RNAM PAR RTOG PA'I PHYIR RO, ,ZHES PA DANG 'GAL TE, DER DRUG PAR BAG LA NYAL DANG, RANG DON YID BYED BDUN PAR SBYAR BA'I PHYIR, DGU BA YON TAN LA, PHYIN DRUG GI YON TAN SPYIR BSTAN PA, SBYIN BRTZON GYI YON TAN BYE BRAG TU BSHAD PA GNYIS, DANG PO LA GSUM, DANG PO RGYA CHE BA SOGS BZHI BSTAN PA LA RGYAS BSHAD DANG, DON BSDU GNYIS, DANG PO NI, SANGS RGYAS SRAS RNAMS SLONG DANG PHRAD NA ZHES SOGS KYIS SLONG BA DANG PHRAD NA RANG SROG KYANG GTONG BA DANG, SDOM DANG BRTZON PA'I TSUL KHRIMS GSUM RTAG TU BLANGS PA DANG, MI'I GNOD PA KUN BZOD PA DANG, BRTZON 'GRUS DPE MED BYAS PA DANG, BSAM GTAN THAMS CAD BSGRUB PA DANG, BDEN GNYIS KYI RNAM PA KUN SHES PA RNAMS RIM BZHIN PHYIN DRUG GI RGYA CHE BA DANG, SNYING RJES LAN DANG RNAM SMIN LA MI RE BA DANG, 'BRAS BU MTHO RIS SOGS MI 'DOD CING, DE THOB KYANG MA CHAGS PA DANG, MTHO RIS DON GNYER NAS PHAN LAN LA LTA BA BZHI'I PHYIR MIN PA DANG, DON GNYIS SGRUB PA DANG, BYANG CHUB THOB PHYIR DANG, BSAM GTAN THOB KYANG SNYING RJES DMAN PAR SKYE BA DANG, SRID ZHI GANG LA'ANG MA CHAGS PA RIM BZHIN ZANG ZING MED PA DANG, SKYE BO THAMS CAD BYANG CHUB GSUM LA 'GROD PA DON CHE BA DRUG GAR 'DRA'O, ,DANG PO LNGA MI RTOG YE SHES KYIS ZIN

214a

, ,PA DANG, THA MA SNYING RJES ZIN PAS MI ZAD PA'I YON TAN BZHI BZHI DANG LDAN NO, ,GNYIS PA NI, RGYA CHE BA DANG ZHES SOGS KYIS SBYIN SOGS RE RE TSIGS BCAD BZHI DANG YON TAN SBYAR RO, ,GNYIS PA RNAM PAR DAG PA'I YON TAN NI, SLONG BA SOGS KYIS, SLONG MO PAS SBYIN BDAG MTHONG BA DANG, RANG GI 'DOD PA RDZOGS PAS DGA' BA GNYIS DANG, DE GNYIS MA GRUB NA MI DGA' BA DANG, DE GNYIS GRUB PAR SMON PA GNYIS TE BZHI LAS LHAG PA'I DGA' BA GNYIS DANG, MI DGA' BA DANG SMON PA'I YON TAN BZHI DANG LDAN PA'I SBYIN PA DANG, BRTZE BAS SEMS CAN SOGS TSIGS BCAD BZHIS, BRTZE BAS SEMS CAN LA SROG DANG LONGS SPYOD CHUNG MA GSUM RTAG TU GTONG BAS LUS KYI LAS GSUM DANG, LUS SROG LA MI LTA, SEMS CAN LA SEMS SNYOMS, RGYAL PO'I CHAD PA, TSE LONGS SPYOD 'KHOR GRAGS PA NYAMS PA BZHI STE 'JIGS PA LNGA DANG BRAL, KUN GTONG BAS RDZUN DANG, SEMS SNYOMS SHING BRTZE BAS PHRA MA DANG, GZHAN GYI SDUG BSNGAL LA 'JIGS PAS TSIG RTZUB DANG, SEMS CAN 'DUL BA LA BRTZON PAS NGAG KYAL DANG, BDOG PA THAMS CAD GTONG BA DANG, SNYING RJE LDAN PA DANG, RTEN 'BYUNG GI CHOS LA MKHAS PAS RIM BZHIN BRNAB SEMS GNOD SEMS LOG LTA GSUM TE LAS LAM BCU DAG PAS TSUL KHRIMS DANG, GNOD BYED LA PHAN PA DANG DKA' SPYAD KYI SDUG BSNGAL LA DGA' BA'I 'DU SHES RNYED PAS BZOD PA DANG, BDAG GZHAN BRJES PA'I LHAG BSAM DANG, DKA' SPYAD KYI SDUG BSNGAL LA BZOD PA'I BRTZE

214b

LDAN LA MI DKA' LA THA MAL BA LA DKA' BA'I BRTZON 'GRUS DANG, 'JIG RTEN PA'I BSAM GTAN NI, BDE BA CHUNG BA BDAG TU ZHEN PAS NYAMS PAR 'GYUR PA DANG, NYAN RANG GI BSAM GTAN RANG NYID BDE BA MYANG 'DAS LA ZHEN PA LHAG MED DU ZAD PAR 'GYUR BA DANG, DANG PO NYON MONGS CAN DANG PHYI MA GNYIS NYON MONGS CAN MIN PA'I RMONGS PA DANG BCAS LA, 'DIR DE GSUM LAS BZLOG PA'I BSAM GTAN DANG, 'JIG RTEN PA SO SKYE'I SHES RAB NI MTSAN MO LAG NOM BYED PA DANG, NYAN RANG GI SHES RAB BAG CHAGS KYIS MUN PAS KHEBS PA'I NANG DU SGRON MER BRTEN PA DANG MTSUNGS, THEG CHEN GYI NI NYI MA'I ZER BZHIN SHES BYA KUN LA MTSUNGS PA MED PAR 'JUG PAS SHES RAB STE PHYIN DRUG RNAM PAR DAG TSUL LO, ,GSUM PA MCHOG TU GYUR PA'I YON TAN LA, PHYIN DRUG GI RTEN GANG NA, BYANG SEMS, GZHI GANG ZHIG NI SBYIN PA GSUM LA RANG LUS DANG, NGAN SONG DANG 'KHOR BAS 'JIGS PA DANG, THEG CHEN GYI CHOS SBYIN PA MCHOG GO ,TSUL KHRIMS KYI GZHI BYANG SDOM BSRUNG BA MCHOG ,BZOD PA'I NI DMAN PA STOBS CHUNG DUS RANG GSOD PA SOGS DANG, BRTZON 'GRUS KYI NI PHAR PHYIN BSGOM PA DANG, DE'I MI MTHUN PHYOGS SPONG BA DANG, BSAM GTAN GYI NI BYANG SEMS KYI TING NGE 'DZIN DANG, SHES RAB KYI NI DE BZHIN NYID BSGOM PA MCHOG GO ,THAMS CAD KYI RGYU MTSAN NAM GANG GI DBANG GIS NA SNYING RJE CHEN PO'O, ,GANG GI PHYIR YONGS SU BSNGO NA RDZOGS BYANG LA'O, ,RGYU GANG LAS NA SNGON PHYIN DRUG RANG RANG LA GOMS PA'I BAG CHAGS KYIS SO, ,GANG GIS YONGS

215a

, ,SU ZIN PA NI 'KHOR GSUM MI DMIGS PAR RTOGS PA'I YE SHES KYIS SO, ,ZHING GANG LA SBYIN PA NI SLONG MO PA DANG, SDUG BSNGAL BA DANG, RTEN MED PA DANG, NYER SPYAD SPYOD PA DANG, YON TAN DANG LDAN PA LNGA LA'O, ,TSUL KHRIMS SOGS LHAG MA LNGA'I ZHING NI THEG CHEN NO, GANG LA GNAS NA SNGAR SGOM TSUL SKABS KYI YID BYED DANG, BSAM PA DANG DBANG 'BYOR BA LA GNAS PA STE YON TAN BRGYAD DANG LDAN PA MCHOG GO ,GNYIS PA SBYIN BRTZON GYI YON TAN BYE BRAG TU BSHAD PA LA GNYIS, DANG PO SBYIN PA'I YON TAN LA DRUG LAS, DANG PO BRTZE BA'I KHYAD PAR NI, BYANG CHUB ZHES SOGS KYIS, SEMS CAN GCIG GI PHYIR BSKAL BAR RANG LA GNOD PAR BRTZE BAS DGA' NA SEMS CAN MANG PO DANG RANG LA BSKAL MANG PHAN PA LTA CI SMOS PAR BSTAN TO, ,GNYIS PA MA CHAGS PA'I KHYAD PAR NI, LUS CAN RNAMS NI ZHES SOGS TE, SKYE BO LUS SROG 'TSO PHYIR NOR 'DOD PA LA LUS SROG BRGYA PHRAG GTONG BAS DE LA MA CHAGS PA'O, ,GSUM PA GONG MAR GYUR PA'I KHYAD PAR NI, GANG TSE ZHES TE, LUS GTONG BA NA YID LA SDUG BSNGAL MED PA NI 'JIG RTEN PA'I GONG MA DE LAS 'DAS PA YIN LA, DE'I TSE DGA' BAR GYUR BA NI SNGA MA DE'I YANG GONG MA'O, ,BZHI BA DGA' PA'I KHYAD PAR NI, JI LTAR BLO LDAN ZHES TE, BDOG PA KUN BTANG STE SLONG PA PO TSIM PAS RANG DGA' BA LTAR SLONG MO BA CI 'DOD THOB PA DGA' BAR MI 'GYUR LA, BLO CAN KUN BTANG BAS NOR MED PA RANG SBYIN PA'I NOR DANG LDAN PAR SEMS PA LTAR SLONG MO PA LONGS

215b

SPYOD KUN THOB PAS RANG NOR DANG LDAN PAR MI SEMS SO, ,LNGA PA 'BRAS BU CHER 'DZIN PA'I KHYAD PAR NI, JI LTAR BLO LDAN ZHES TE, SBYIN PA POS SLONG MO PA LA DRIN DU RTZI BA LTAR SLONG MO PAS SBYIN BDAG LA DRIN DU MI RTZI BAR BSTAN, DRUG PA DPE'I KHYAD PAR NI, LAM KA'I 'BRAS MCHOG ZHES TE, DPER NA LAM GA'I SHING 'BRAS LTAR GANG GI NOR RDZAS BLANGS NAS BDAG LA MI DBANG SNYAM PA'I DOGS PA DANG BRAL BAR RANG GI LTAR SPYOD PA LA BTANG BAR DGA' PA'I LONGS SPYOD YOD PA CAN NI BYANG SEMS KHO NA'O, ,ZHES BSTAN TO, ,GNYIS PA BRTZON 'GRUS KYI YON TAN LA BSTAN BSHAD GNYIS, DANG PO NI, GTZO DANG ZHES SOGS DANG, GNYIS PA RGYAS BSHAD LA DRUG LAS, DANG PO GTZO BO'I DBYE BA NI, DGE BA'I ZHES TE, BRTZON 'GRUS DGE CHOS RNAMS KYI GTZO BOR BSTAN TO, GNYIS PA RGYU'I DBYE BA NI, 'DI LTAR ZHES TE, DGE CHOS RNAMS DE LA BRTEN NAS THOB PAS RGYUR BSTAN TO, ,GSUM PA LAS KYI DBYE BA NI, BRTZON 'GRUS KYIS NI MOD LA ZHES SOGS TSIGS BCAD PHYED DANG GNYIS KYIS BYED LAS MTHONG CHOS BDER GNAS DANG, 'JIG RTEN DANG DE LAS 'DAS PA'I DNGOS GRUB SPYI DANG, DE'I BYE BRAG SRID PA SPYOD PA'I 'DOD PA RNAMS DANG, SGRIB GNYIS KYIS DAG PA DANG, 'JIG LTA'I GNAS 'KHOR BA LAS SGROL BA DANG, RDZOGS BYANG RNAMS THOB PAR 'GYUR RO, ,BZHI PA RNAM PA'I DBYE BA NI, GZHAN YANG NYAMS DANG ZHES SOGS TSIGS BCAD GNYIS KYIS, YANG DAG SPONG BA GNYIS KYI ME DGE BA NYAMS PA DANG,

216a

, ,GNYIS KYI DGE BA 'PHEL PA DANG, THAR BAR DBANG BA DBANG PO DANG, MI MTHUN PHYOGS NYAMS PA STOBS DANG, DE KHO NAR ZHUGS PA BYANG LAG DANG, LAM GONG MAR SGYUR BYED 'PHAGS LAM YAN LAG DANG, RANG GZHAN GYI DON CHEN SGRUB BYED, PHAR PHYIN GYI BRTZON 'GRUS RNAMS DANG, THOG MA'I BSAM PA MTHU LDAN, GO CHA'I BRTZON 'GRUS DANG, SBYOR BA LAG LEN GYI DANG, THEG PA CHEN PO'I CHOS MTHA' DAG LA MI ZHUM PA'I DANG, TSA GRANG SOGS MI MTHUN PHYOGS KYIS MI 'KHRUGS PA'I DANG, RTOGS PA CUNG ZAD TZAM GYIS CHOG MI SHES PA'I BRTZON 'GRUS TE, SNGA MA DRUG LAS KYI DBYE BAR 'GREL PA PHAL CHER GSUNGS KYANG, DBYIG 'GREL LAS, 'DI NI RNAM PA'I DBYE BA STE, ZHES DANG, BRTZON 'GRUS KYIS NI MOD LA NAS, ZHES BYA BA NI LAS BSTAN PA STE, ZHES PA LTAR BYAS SO, ,LNGA BA RTEN GYI DBYE BA NI, THEG PA GSUM ZHES TE, THEG PA GSUM LA BRTZON PA'I BRTZON 'GRUS CHUNG 'BRING CHE GSUM TE BSAM PA ZHAN PA DANG RGYA CHE BA'I PHYIR, DRUG PA BAR CHAD RNAM BZHI'I GNYEN PO'I DBYE BA NI, BRTZON 'GRUS LDAN PA ZHES TE, BRTZON 'GRUS DANG LDAN PA TSE 'DI'I LONGS SPYOD LA CHAGS PA DANG, SPANGS BYA NYON MONGS DANG, GZHAN DON LA SKYO BA DANG, THOB BYA CUNG ZAD TZAM GYIS CHOG PAR 'DZIN PAS PHAM PA MED LA, DE DAG GI GNYEN PO BYED PA'I PHYIR RO, ,YIG CHAR, SO SO'I YON TAN TSIGS BCAD NYER GNYIS KYIS BSHAD CES PA, PHYIN DRUG

216b

GI YON TAN SPYIR BSTAN PA DANG, MCHAN 'GREL LAS, RTZA BAR TSIGS BCAD SO DRUG 'DUG ,CES PA DE'I STENG SBYIN BRTZON GYI YON TAN BYE BRAG TU BSHAD PAR TSIGS BCAD BCU BZHI YOD PA BZHAG PAS SO DRUG YIN LA, DBYIG 'GREL LAS, NYI SHU RTZA GSUM STE, ZHES PA YI GE MA DAG STE, NYER GNYIS LAS MED PA'I PHYIR RO, ,BCU BA PHAN TSUN RNAM DES NI, PHAN TSUN BSDUS PHYIR ZHES SOGS KYIS PHYIN DRUG GCIG GI NANG DU THAMS CAD BSDUS PA RNAM NGES HE DRUG KA DON GCIG PA DANG, RE RE LA DRUG DRUG TU DBYE BA DANG, PHYIN DRUG BRJOD DON DANG DE STON PA'I RJOD BYED DU CHOS NYID KYI DANG, SBYIN PAS LONGS SPYOD SOGS LA MA CHAGS NA TSUL KHRIMS SOGS LA 'JUG LA, DGE SLONG GI SDOM PA BLANGS NA SBYIN SOGS LA 'JUG PA SOGS PHAN TSUN RGYU MTSAN GYI RNAM NGES BZHI STE LE'U BCU BDUN PAS DON TSAN BCUS PHYIN DRUG RGYAS PAR GSUNGS SO,, ` ,,'JUG SGRUB TU GYUR PA'I BSAM GTAN GZUGS MED KYI SNYOMS 'JUG GANG RUNG LA, 'JUG SGRUB DANG POS KHYAB STE, MDO DANG GSER PHRENG SOGS LAS DNGOS GZHI DGOS PAR MA GSUNGS PA'I PHYIR, YIG CHAR, BSAM GZUGS BRGYAD KYI 'JUG PA DANG, ZHES PA YANG DE LA BYA'O, ,SBYIN SOGS PHYIN DRUG GI MTHONG LAM DU 'JUG PA DANG, 'PHAGS PA'I LAM GYI 'JUG PA DANG, ZHES PA LTAR, BYANG SEMS 'PHAGS LAM DANG DE GNYIS DON

217a

, ,GCIG KYANG YON TAN THOB PA DANG SGRIB PA SPONG BA'I BYED LAS KYIS SO SOR BZHAG GO ,GSER PHRENG LAS, RANG GIS CHOS NYID MTHONG BA GZHAN GYI DON BYED PAR SPRO BA'I PHYIR TSAD MED BZHI LA 'JUG PA'O, ,ZHES PA LTAR, CHOS NYID MNGON SUM DU MTHONG STOBS KYIS GZHAN DON LA SPRO BA'I TSAD MED BZHI LA 'JUG PA DANG, CHOS THAMS CAD MI DMIGS PAR MNGON SUM DU RTOGS PA'I 'JUG PA GNYIS KYANG BYANG 'PHAGS LA 'JOG GO ,GSER PHRENG LAS, DE GNYIS THEG CHEN MA YIN PA LAS KHYAD PAR DU BYED PA'I LAM MO, ,ZHES PA LTAR RNAM BSHAD LAS KYANG GSUNGS PAS PHYI MA BZHI SKYE 'PHAGS GNYIS KAR YOD DGOS SO, , RNAM RTAGS MTSAN MA GSUM MTSAN 'GREL DU BSHAD ZIN TO, ,MDO RGYAN LAS, DMIGS PA CHE BA NYID DANG NI, ,ZHES SOGS KYI DMIGS PA CHE BA THEG CHEN GYI SDE SNOD LA DMIGS PA DANG, SGRUB PA CHE BA RANG GZHAN GYI DON GNYIS SGRUB PA DANG, BDAG MED GNYIS KA RTOGS PA'I YE SHES CHE BA DANG, BSKAL PA GRANGS MED GSUM DU BRTZON 'GRUS RTZOM PA DANG, BRTZE BAS 'KHOR BA MI GTONG BA THABS MKHAS CHEN PO DANG, STOBS SOGS YANG DAG PAR 'GRUB PA CHEN PO DANG, YANG YANG MNGON PAR BYANG CHUB PA DANG MYA NGAN LAS 'DAS PA STON PA NI 'PHRIN LAS CHEN PO STE CHEN PO BDUN DANG LDAN PAS THEG CHEN DANG, SGOM BYUNG GTZO BOR GYUR PA'I GNAS SKABS KYI

217b

THEG CHEN LA GONG NAS GONG DU 'JUG PA'I YE SHES DE 'JUG SGRUB KYI MTSAN NYID DU GSUNGS PAS, 'GREL BAR, RNAM PA THAMS CAD MKHYEN PA NYID DAG LA YANG DAG PAR GNAS PA'I MTSAN NYID, CES 'JUG YUL THEG CHEN DGU LA 'JUG PA'I SGRUB PA DANG POR THOB PA 'JUG PA'I DON DANG, RNAM PAR GNON PA'I NGO BO NYID YIN PAS, ZHES 'OG MA NAS GONG MAR BGROD PA DANG, KHYAD PAR DU 'GRO BA 'DZEG PA'I DON DU GSUNGS KYANG, NYI SNANG LAS, DE'ANG DON GCIG PA NYID KYIS 'JUG PA NI 'DZEG PA YIN LA 'DZEG PA'ANG 'JUG PA YIN NO, ,ZHES PA LTAR DON GCIG LA, SANGS RGYAS SAR KHYAD PAR DU 'GROR MED PAS MTSAN NYID LA SEMS DPA'I YE SHES SBYOR MI DGOS SO, ,'GREL BA CHE CHUNG GNYIS SU 'JUG 'DZEG GI DON SO SOR GSUNGS PA NI, MDOR CI TZAM GYIS 'JUG 'DZEG GAM ZHUGS PA DANG GNAS PA DRIS PA'I LAN DU DANG PO LNGA 'JUG PA DANG PHYI MA BZHI 'DZEG PA'I SGRAS GSUNGS PAS YIN NO, ,DE LA KHO NA RE, 'JUG SGRUB DGU YIN KHYAB MNYAM YIN PAR THAL, DE YIN NA, 'JUG YUL DANG PO BRGYAD KHYAD PAR DU 'GRO BYED DANG, THA MA THOB BYED KYI 'JUG SGRUB YIN PAS KHYAB PA'I PHYIR, KHYAB STE, RTZA BA'I TSIG RKANG DANG PO DRUG GIS 'JUG YUL DNGOS SU BSTAN NAS 'JUG SGRUB SHUGS LA BSTAN, THA MA GNYIS KYIS 'JUG SGRUB DNGOS SU BSTAN NAS 'JUG YUL SHUGS LA BSTAN

218a

, ,TSUL YOD PA'I PHYIR DANG, RNAM BSHAD LAS, RGYU LA ZHUGS PA DE NYID 'BRAS BU LA 'JUG PA YIN MOD KYI ZHES THAMS CAD RNAM MKHYEN LA 'JUG PAR 'JOG TSUL YOD PA'I PHYIR NA MA KHYAB STE, RNGOG t'I KA LAS, RNAM PA THAMS CAD MKHYEN PA LA 'JUG PA NI 'THOB PA'I GNAS SKABS NA DE THOB PAR BYED PA'I BYA BA YIN GYI DE THOB ZIN NAS NI SGRUB PA RGYUN CHAD PAS 'JUG PA'I BYA BA MED PA NYID DO, ,GZHAN LA NI MI NYAMS PA DANG KHYAD PAR DU 'GRO BA'I DON DU ZHUGS NAS KYANG BYA BA YOD PA NYID DO, ,ZHES PA LTAR, DANG PO BRGYAD LA 'JUG YUL DE DAG NGO BOR BSKYED NAS DANG POR THOB PA DANG, MI NYAMS PA DANG 'PHEL PHYIR NYAMS SU LEN PA LA BYED PAS MI 'DRA'O, ,KHO NA RE, YUL THA MA GSUM 'BRAS BU'I THEG CHEN YIN PAR THAL, RTOGS SNANG DU DE LTAR GSUNGS PA'I PHYIR NA MA KHYAB STE, DE AAR DANG RED MDA' BA'I BSHAD PA BKOD PA YIN PA'I PHYIR DANG, CHED DU BYA BA GSUM THEG CHEN MA YIN PA'I PHYIR TE, BSAM GZUGS 'BRING LAS, DE GSUM THEG CHEN MA YIN PA'I PHYIR, NAS, CHED DU BYA BA CHEN PO GSUM RTAG PA YIN PA'I PHYIR, ZHES GSUNGS PA'I PHYIR, YIG CHAR SA MTSAMS SBYOR LAM RTZE MO YAN NAS BZHAG PA, RTZA BAR, 'DZEG PA YIN PAR SHES PAR BYA, ,ZHES PA'I DNGOS BSTAN GTZO BO GONG NAS GONG DU 'DZEG PA DE NAS 'JOG PA'I DON DU PHAR PHYIN ZIN BRIS NA ZUR TZAM GSAL LO,, ,,

218b

` 'DIR PHAN YON NYI SHU BO 'DI DAG CES PA GZUNGS KYI PHAN YON YIN PAS SA DANG GNYEN TSOGS KYI MDO SOGS SGRAS BSDUS SO, ,YIG CHAR, THEG CHEN GYI SBYOR LAM CHOS MA CHOG CHOS CAN, TSOGS SGRUB YIN PAR THAL, RANG 'BRAS GNAS SKABS KYI BYANG CHEN MTHONG LAM DNGOS SU 'BYIN BYED YIN PA'I PHYIR, ZHES PA, RJE BTZUN PA DANG BSOD GRAGS PAS, THEG CHEN MTHONG LAM BYANG CHEN MIN PAR BSHAD PAS 'GOG CHED YIN GYI DE RANG 'BRAS BYANG CHEN DNGOS SU 'BYIN BYED YIN KYANG DE DNGOS SU 'BYIN PA'I SEMS DPA'I YE SHES MIN TE, DE LA DE YIN MIN GNYIS YOD PA'I PHYIR, DES NA MTSAN NYID KYI CHA BZHAG DE'I SGO NAS 'JOG PA'I DON NO, ,THEG CHEN MTHONG LAM BYANG CHUB CHEN PO YIN PAR THAL, TSOGS SGRUB KYI DON RANG 'BRAS BYANG CHEN DNGOS SU 'BYIN PAS BZHAG PA'I PHYIR TE, RNAM BSHAD LAS, BCU BDUN PO 'DI DAG GIS MYUR DU YANG DAG PAR 'GRUB PA'I NGO BOS BYANG CHUB CHEN PO 'BRAS BUR 'DZIN PAR BYED PA'I PHYIR, ZHES MYUR BA SBYAR BA'I DGOS PA YOD PA'I PHYIR DANG, TSOGS SGRUB CHOS MCHOG CHEN PO NAS BZHAG PA'I RGYU MTSAN YOD PA'I PHYIR, KHO NA RE, ZHI LHAG DANG ZUNG 'BREL GYI TSOGS GSUM LA MNYAM BZHAG GIS KHYAB PAR THAL, GSER PHRENG RNAM BSHAD GNYIS KAR MNYAM BZHAG LA SBYAR BA'I PHYIR NA MA KHYAB STE, DE'I ZUNG 'BREL GYI TSOGS LA TSOGS

219a

, ,SGRUB THAMS CAD 'JOG PA'I PHYIR TE, DE'I SHES RAB STONG NYID RTOGS PA'I LTA BA DANG THABS SNYING RJE ZUNG 'BREL GYIS ZIN PA LA BYED PA'I PHYIR TE, NYI SNANG LAS, DE LA YONGS SU 'DZIN PA SHES RAB DANG, SNYING RJE DAG GIS GO RIM BZHIN DU BYANG CHUB SEMS DPA' RNAMS MA BCINGS MA GROL BAR ZHES GSUNGS PA'I PHYIR DANG, DE'I ZUNG 'BREL KYANG ZHI LHAG ZUNG 'BREL DANG THABS SHES ZUNG 'BREL LA BYED TSUL GNYIS YOD PA'I PHYIR, BSDU BA LTAR TSOGS SGRUB DANG PO BCO LNGA CHOS MCHOG CHEN PO NA YOD CES PAS PHYIN DRUG ZUNG 'BREL THABS MKHAS LAM GYI TSOGS RNAMS DON GCIG PA 'DRA'O, ,YIG CHAR, LAS NYON GYIS NGAN SONG DU SKYE BA BKAG PA'I SO SOR BRTAGS MIN GYI 'GOG PA THOB MYONG GI DRAN PA DANG SHES RAB GANG RUNG GIS BSDUS PA'I SEMS BYUNG GZUNGS SPYI DANG GZUNGS BZHI'I MTSAN NYID LA SBYAR BA 'GOG PA BSOD GRAGS PA YIN TE, DE'I SPYI DON LAS, NGO BO DE LTAR BZHAG NAS, SA MTSAMS YOD DE, GZUNGS BZHI GA SBYOR LAM BZOD PA NAS 'JOG PAR RNAM BSHAD LAS GSUNGS PA'I PHYIR, ZHES GSUNGS PA'I PHYIR, DE'I MTHA' DPYOD LAS, SKABS 'DIR BSTAN BYA'I GTZO BOR GYUR PA'I GZUNGS YIN NA, DE YIN PAS MA KHYAB STE, DER GYUR PA'I SBYOR LAM BZOD PAS BSDUS PA YOD PA'I PHYIR, GZUNGS YIN NA, SKABS 'DIR BSTAN BYA'I GTZO BOR GYUR PA'I GZUNGS YIN PAS

219b

MA KHYAB STE, RNAM SMIN GYI GZUNGS LA SOGS PA LAM MA ZHUGS NA YOD PA'I PHYIR TE, ZHES ZHIB CHA BYAS PAS DES KYANG SPYI DON LTAR MI 'DOD SNYAM MO, ,DE DGAG TSUL, RJE BTZUN GYIS, RNAM SMIN THOS LA GOMS PA DANG, ,ZHES SOGS KYIS, RNAM SMIN DANG THOS PA GOMS PA GNYIS LAM MA ZHUGS NAS BZHAG PA DANG, THOGS MED KYIS, BYANG SAR, CHOS KYI GZUNGS GANG ZHE NA, 'DI BYANG CHUB SEMS DPA' NI GANG GIS THOS PA TZAM KHO NAS MA GOMS SHING KHA TON BYANG PAR MA BYAS PA'I MING DANG TSIG DANG YI GER GTOGS PA RIM BZHIN DU BSDEBS SHING RIM BZHIN DU SBYAR BA'I YI GE TSAD MED PA DAG DUS TSAD MED PAR DE LTA BU'I ZHES DANG, CHOS DE DAG NYID KYI DON TSAD MED PA DAG LA GOMS SHING YID KYIS BYANG BAR MA BYAS PAR DUS TSAD MED BDAG TU 'DZIN PA'O, ,DE TSUN CHAD NI SMON LAM GYI DBANG NGAM BSAM GTAN LA BRTEN NAS THOB PAR 'GYUR TE NAS, GSANG SNGAGS KYI GZUNGS KYANG DE DANG 'DRA BAR RIG PAR BYA'O, ,ZHES DANG, RGYAN GYI DBYIG 'GREL LAS, DE LA GZUNGS NI SNGON GYI LAS KYI ZHES SOGS DANG, GSER PHRENG LAS, TSE 'DIR CHED DU MA BTZAL KYANG ZHES SOGS DRANGS NAS, SMON LAM GYI RNAM SMIN LAS SKYES PA'I CHOS DON SNGAGS KYI GZUNGS GSUM LAM MA ZHUGS NA'ANG YOD PA DANG, BZOD PA'I GZUNGS KYANG SBYOR LAM BZOD PA'I SNGON NAS YOD PAR GNOD

220a

, ,'JOMS GNYIS DANG, GSER PHRENG GIS SGRUB NAS, RNAM BSHAD LAS, BZOD PA THOB PA YAN CHAD CES PA SGOM BYUNG GIS THOB PA'I GZUNGS BZHI TZAM LA BYED PAR GSUNGS NAS, LAM MA ZHUGS NA YOD PAR, SANGS RGYAS BSTEN DANG KU 'DRI DANG, ,ZHES SOGS LEN 'DZIN GYI SNOD KYIS KYANG BSGRUBS SO, ,YIG CHAR, GZUNGS SPYI'I MTSAN NYID LA SHES PA ZHES PA DANG, BYANG SEMS KYI TING NGE 'DZIN GYI GZUNGS BZHI'I MTSAN NYID LA SEMS DPA'I YE SHES SBYAR BAS, YIG CHA GZHAN RNAMS KYIS RGYAN SNANG SOGS KYI TSIG ZIN LA BRTEN NAS, DRAN PA DANG SHES RAB GANG RUNG DGOS ZER BA BKAG GO , YIG CHA RNYING PAR DRAN SHES GANG RUNG MI DGOS PAR, KUN BTUS LAS, DRAN PA DANG TING NGE 'DZIN GYI KHYAD PAR RO, ,ZHES PAS BKAG KYANG, DE BZHI'I MA MTHA' THEG CHEN GYI SBYOR LAM BZOD PA NAS 'JOG , CES DANG, DE GSUM NI GZUNGS KYI SGRAS BRJOD RIGS KYI DBYE BA YIN PA'I PHYIR, ZHES MDO RGYAN GYIS RNAM SMIN GYI GZUNGS SOGS GSUM GZUNGS MIN PAR SHAD DO, ,GSER PHRENG LAS, MANTRA'I MAN NI SHES PA DANG TRA SKYONG BA STE YE SHES DANG SNYING RJE NI DE NYID SHES PA DANG 'GRO BA SKYONG BAS GSANG SNGAGS SO, ,ZHES DANG, RNAM BSHAD LAS, DE LA MI SKRAG PA'I TING NGE 'DZIN DANG SHES RAB SKYES PA NI BZOD PA'I

220b

GZUNGS TE ZHES DANG, THUB DGONGS LAS, MA NA SHES PA LA'O, ,TREE NYA SKYOB PA LA'O, ,ZHES PA YE SHES DANG SNYING RJE NI SNGAGS KYI SGRAS BRJOD PAR BYA LA, ZHES SOGS KYIS DRAN SHES GANG RUNG MI DGOS PAR GSAL BA'I PHYIR, TSIG DON BSKAL BA'I BAR DU SKYE BA BLANGS KYANG MI BRJED PAR RGYUN CHAGS PA, RTZA BAR, DE NI RGYUN CHAGS YIN PA'I PHYIR, ,ZHES THEG CHEN 'PHAGS LAM NAS 'BYUNG BAR BSHAD PA DANG 'GAL LA, BZOD PA NAS TSE RABS DRAN PA'I MNGON SHES KYANG DE LTAR SKYE DGOS NA, SNGAR DE BZHIN DU ZLA BA LO BSKAL BA GCIG NAS BRGYA DRAN PA SOGS YOD PAR MDO DANG GSER PHRENG LAS SO, ,ZHES PA BSKAL BA'I BAR DRAN PAS MA KHYAB PAR BSHAD ZIN PA'I PHYIR, ZHES BKAG NAS, RANG LUGS LA, GZUNGS SPYI'I MTSAN NYID DANG, BYANG SEMS KYI TING NGE 'DZIN LAS BYUNG BA'I GZUNGS BZHI'I MTSAN NYID BZHAG SKABS, 'DI'I SNGAGS LA GSUM YOD DE, GZUNGS SNGAGS DANG, GSANG SNGAGS DANG, RIG SNGAGS GSUM YOD PA'I PHYIR, DER THAL, DE LA THABS SHES KYIS YID SKYOB PAS NGAN 'GRO SOGS LAS 'DZIN PAS GZUNGS DANG, MA RIG PA SPONG ZHING RIG PA BSKYED PAS RIG SNGAGS DANG, DE BZHIN GSHEGS PA'I YE SHES KYI GSANG BA STON PAR BYED PA GSANG SNGAGS ZHES BSHAD PA'I PHYIR, DANG PO GRUB STE, ZHES DE LA RTAGS ZUR LNGA BYAS PA'I DANG PO

221a

, ,THABS KYIS YID SKYOB TSUL DANG, GNYIS PA SHES RAB KYIS YID SKYOB TSUL DANG, GSUM PA NGAN 'GRO SOGS KYI 'DZIN TSUL LA SBYAR NAS DE GSUM GZUNGS SNGAGS KYI SGRUB BYED DU BYAS NA SGRUB BYED KYI LUNG RNAMS DANG 'GRIG GO ,DES NA SHES RAB KYIS DE NYID SHES PA DANG, THABS KYIS NGAN 'GRO LAS 'DZIN PA 'GRO BA SKYONG BAS SNGAGS KYI GZUNGS SAM GZUNGS SNGAGS DANG, MA RIG PA SPONG ZHING RIG PA BSKYED PAS RIG SNGAGS DANG, GSER PHRENG LAS, RNAM MKHYEN GYI GZHIR GYUR PAS GSANG SNGAGS KYI GZHI ZHES KYANG BYA'O, ,ZHES PA LTAR DE BZHIN GSHEGS PA'I YE SHES KYI GSANG BA RTOGS PAR BYED PAS GSANG SNGAGS RNAMS NI PHAR PHYIN ZIN BRIS LAS, BYANG SEMS KYI LAM YIN NA, GZUNGS SNGAGS GSANG SNGAGS RIG SNGAGS GSUM GA YIN PAS KHYAB KYANG, ZHES DANG, SNGAGS KYI YI GE LA AA RA PA TZA LTA BU RGYA SKAD KYI SNGAGS YIG MI DGOS LA, BOD SKAD KYI SHES RAB SNYING PO LTA BU DANG DMIGS BRTZE MA LTA BU YANG SNGAGS KYI YI GE YIN LA, SNGAGS KYI GZUNGS BTAGS PA PA YIN, SNGAGS KYI GZUNGS DNGOS NI DE DAG BYIN GYIS RLOB PA'I THEG CHEN GYI THABS SHES RNAMS YIN NO, ,ZHES DANG, SNGAGS AA RA PA TZA NA BTON NA SHES RAB 'PHEL BA 'JAM DBYANGS MNYES PAR BYIN GYIS BRLABS PA DANG, YIG BRGYA BTON NA SDIG PA 'DAG STOBS

221b

CHE BA BSOD NAMS 'PHEL BAR BYIN GYIS BRLABS LA, DE DAG KYANG SNGAGS KYI GZUNGS BTAGS PA PA YIN, DPER NA, GNOD SBYIN DANG LHA KLU SOGS RANG RANG GIS SNGAGS SMRAS PA SOGS SANGS RGYAS KYI THUGS RJES NUS PA KHYAD PAR CAN DU BYIN GYIS BRLABS PA DANG 'DRA, SNGAGS KYI GZUNGS 'DI'I RIGS PAS BLA MA DANG RTEN KHAMS CAN LA MJAL BA'I RGYU MTSAN YANG SHES TE, NAS, MJAL BA'I TSE NA NGA DE LA MJAL BA'I MTHUS RANG RGYUD LAS LAM GYI RTOGS PA MYUR DU SKYE BA DANG, SDIG PA LA SOGS PA'I PHYIN CI LOG GI BLO SNA MTHA' DAG MYUR BAR 'GAG PA DANG, TSE RABS GZHAN DU RJES SU 'DZIN PA'I RGYUR DMIGS NAS MJAL NA DGOS PA CHEN PO YIN GSUNGS, ZHES PA LTAR, DE DAG BYIN GYIS RLOB BYED DAM DE DAG RTZOM BYED KYI SHES RAB SOGS GZUNGS MTSAN NYID PA DANG, YI GE DE DAG BTAGS PA BAR 'JOG GO ,SHER SNYING GI DON YANG DE LTAR DGOS KYANG BOD t'I KA DAG GIS MA THON ZHES PA'ANG DE YIN NO, ,GZUNGS 'THOB PA'I RGYU BZHI NI, BYANG SA LAS, BZHI GANG ZHE NA, 'DOD PA RNAMS LA LHAG PAR ZHEN PA MED PA DANG, GZHAN MA THOS PA DAG LA PHRAG DOG MI SKYED DE RE BA MED PA DANG, BSLANGS PA THAMS CAD RAB TU SBYIN ZHING 'GYOD PA MED PAR SBYIN PA DANG, BYANG CHUB SEMS DPA'I SDE SNOD DAM SDE SNOD KYI MA MO LAS BRTZAMS TE CHOS LA KUN TU DGA' ZHING CHOS LA KUN TU DGA' BA YIN NO, ,ZHES PA BZHI GZUNGS MTSAN NYID PA LA NGES

222a

, ,PAR TSANG DGOS GSUNGS SO, ,BYED LAS NI, MDO RGYAN LAS, BYANG CHUB SEMS DPA' YANG DANG YANG, ,DE LA YANG DAG BRTEN NAS NI, ,RTAG TU DAM PA'I CHOS DAG KYANG, ,RAB TU STON CING 'DZIN PAR BYED, , CES PA LTAR GZHAN LA STON PA DANG, RANG GIS MI BRJED PAR 'DZIN PA'O, ,SPYIR GZUNGS BZHI'I MTSAN NYID LA RNAM SMIN DANG THOS SGOM CI RIGS KYI STOBS KYIS SANGS RGYAS BYANG SEMS SOGS LAS CHOS KYI TSIG TSAD MED PA THOS TZAM GYI 'DZIN PA'I DRAN SHES KYI CHA NAS BZHAG PA'I SHES PA DANG, RNAM SMIN DANG THOS SGOM CI RIGS KYI STOBS KYIS SANGS RGYAS BYANG SEMS SOGS KYIS BSHAD PA'I CHOS DE DAG GI DON TSAD MED PA DUS TSAD MED PAR 'DZIN PA'I DRAN SHES KYI CHA NAS BZHAG PA'I SHES PA DANG, SEMS CAN GYI YAMS DANG NYER 'TSE SDIG PA SOGS ZAD PA'I PHYIR DU TSIG GI KHYAD PAR 'DI LTA BUS DON DE 'GRUB PAR GYUR CIG ,CES DE LTAR BYIN GYIS RLOB BYED KYI TING NGE 'DZIN DANG SMON LAM CI RIGS KYI CHA NAS BZHAG PA'I SHES PA DANG, AA RA PA TZA NA SOGS YI GE ZHE GNYIS RE RE'I DON YANG DON DAM PAR SKYE BA MED PA SOGS YI GE'I GNAS LUGS STONG NYID KYI DON BSGOMS PAS DE LA MI SKRAG PA'I BZOD PA'AM DE'I DNGOS RGYU CI RIGS KYIS BSDUS PA'I THEG CHEN GYI YE SHES RNAMS RIM BZHIN BZHAG NA, BYANG SA LAS, GZUNGS GANG ZHE NA, ZHES PA NAS, DE LA CHOS KYI GZUNGS DANG, DON GYI GZUNGS NI BYANG CHUB

222b

SEMS DPA' BSKAL BA GRANGS MED DANG PO 'DAS NAS LHAG PA'I BSAM PA DAG PA'I SA LA ZHUGS PA'I TSE THOB PAR 'GYUR TE, NGES PA DANG, BRTAN PA DANG, RGYA CHE BA YIN NO, ,DE TSUN CHAD NI SMON LAM GYI DBANG NGAM BSAM GTAN LA BRTEN NAS THOB PAR 'GYUR TE, NGES PA YANG MA YIN, BRTAN PA YANG MA YIN, RGYA CHE BA YANG MA YIN NO, ,CHOS DANG DON GYI GZUNGS JI LTA BA BZHIN DU GSANG SNGAGS KYI GZUNGS KYANG DE DANG 'DRA BAR RIG PAR BYA'O, ,BYANG CHUB SEMS DPA'I BZOD PA THOB PAR BYED PA'I GZUNGS NI, 'DI SKAD BRJOD PA DE KHO NA BZHIN DU THOB PAR 'GYUR RO, ,ZHES PA'I DGONGS PAR 'GRO STE, SGOM BYUNG GI GZUNGS DANG PO GSUM NI SA THOB NAS NGES PAR THOB PAS KHYAB PA, NGES PA DANG, BRTAN PA DANG, ZHES NYAMS RGYU MED PA SOGS KYIS SHES LA, MOS SPYOD SKABS THOB PA YOD KYANG NYAMS PA SOGS YOD PA, BSAM GTAN LA BRTEN NAS THOB PAR 'GYUR TE, NGES PA YANG MA YIN ZHES SOGS KYIS SHES SHING, RNAM SMIN DANG THOS BSAM GYIS THOB PA LAM MA ZHUGS NA YOD PA, GANG GIS THOS PA TZAM KHO NAS MA GOMS SHING KHA TON BYANG BAR MA BYAS PA'I ZHES SOGS KYIS 'GRUB LA, BZOD PA'I GZUNGS BZOD PA THOB KHA YAN LA 'JOG PA, DE KHO NA BZHIN DU ZHES SOGS KYIS 'GRUB PO, ,DE LA DGONGS NAS GSER PHRENG LAS, ZHES GSUNGS PA NI TING NGE 'DZIN GYIS THOB PA'I GZUNGS KYI DBANG DU BYAS LA, MOS SPYOD NI TSOGS SBYOR GNYIS KA LA BYAS NAS SNGA MA LA

223a

, ,BZOD PA'I RGYU NYID DANG, PHYI MA LA DE DANG DE'I RGYU'I GZUNGS GNYIS KA BZHAG GO ,RNAM SMIN DANG THOS LA GOMS PA NI LAM DU MA ZHUGS PA LA YANG YOD DO, ,ZHES GSUNGS PAS, BZOD PA'I RGYU'I GZUNGS LA BZOD PA'I GZUNGS YIN MI DGOS TE, PHAR PHYIN ZIN BRIS LAS, BZOD PA'I GZUNGS NI BZOD PA THOB KHA MA YAN CHAD NAS 'JOG GSUNGS, ZHES GSUNGS PA'I PHYIR, NYAN THOS SDE BAS RTZOD TSUL DANG LAN SOGS RTOG GE 'BAR BAR BLTA DGOS ZHES PA NI, RTOG GE 'BAR BA LAS, THEG PA CHEN PO LAS YI GE DANG DON SHES PAR MI RUNG BA'I GZUNGS SNGAGS DANG, GSANG SNGAGS DANG, RIG SNGAGS LA SOGS PA PHAN YON MANG PO CAN BYIS BA'I SKYE BO SLU BAR BYED PA BSTAN PA DE RNAMS NI GZHAN GYI RIG BYED DANG 'DRA'O, ,BSGOM PA MED PA NI SKYON PHRA RAB TZAM YANG ZAD PAR BYED NUS PA MA YIN TE, NYON MONGS PA BSAGS PA DANG DE'I RTZA BA YOD NA SDIG PA ZAD PAR GA LA 'GYUR, GZUNGS SNGAGS KYIS KYANG SDIG PA ZHI BAR BYED PA MA YIN TE, DE'I RGYU DANG MI 'GAL BA NYID KYI PHYIR, 'TSE BA LA SOGS PA BZHIN NO, ,DE BZHIN DU GSANG SNGAGS KYIS KYANG SDIG PA ZAD PAR BYED PA MA YIN TE, SKAD GZHAN GYIS BRJOD PA'I PHYIR, KLA KLO LA SOGS PA'I SKAD BZHIN NO, ,ZHES BRTZAD PA'I LAN DU, DE NYID LAS, GZUNGS SNGAGS NI BSGOM PA'I RNAM PA NYID YIN TE, NAS, BSGOM PA'I RTZA BA

223b

NI SHES RAB YIN LA, SHES RAB YOD PA'I PHYIR, GTI MUG MED PAR 'GYUR RO, ,RTZA BA MED NA 'DOD CHAGS DANG ZHE SDANG 'BYUNG BAR MI 'GYUR TE, RTZA BA DANG 'GAL BA YOD PA'I PHYIR RO, ,DES NA RTZA BA DANG 'GAL BA MED PA'I PHYIR, ZHES BYA BA'I DON MA GRUB PA YIN NO, ,ZHES SGO MTHA' YAS PA'I GZUNGS DANG, KLU'I RGYAL PO RGYA MTSOS ZHUS PA DRANGS NAS DE LA BSGOM PA DANG RGYU DANG 'GAL BA YOD PAR SGRUB NAS SDIG PA ZHI BAR 'GYUR BA NYID YIN TE, BSGOM PA'I RNAM PA YOD PA NYID KYI PHYIR DE'I RTZA BA DANG 'GAL BAR GYUR PA NYID KYI MI SDUG PA LA SOGS PA BSGOM PA BZHIN NO, ,DE BZHIN DU GSANG SNGAGS KYANG DE BZHIN GSHEGS PA'I NAS, DPAG BSAM GYI SHING BZHIN NO, ,ZHES GSANG SNGAGS RNAMS 'DOD DON SGRUB NUS PA YIN TE, MTHU CHEN PO'I BDAG NYID CAN YIN PA'I PHYIR, DPAG BSAM SHING GIS 'DOD DON SGRUB PA BZHIN, ZHES PA DANG, RIGS SNGAGS KYANG PHA ROL TU PHYIN PA NAS, BDAG MA RIG PA DANG BRAL BAR GYUR PAS GZHAN DAG GI RIG PA YANG BSKYED PAR NUS PA YIN NA, DE BSTEN PAR GYUR NA CI'I PHYIR SDIG PA GZHI DANG BCAS PA ZHI BAR MI 'GYUR TE, DE'I NUS PA DANG LDAN PA'I PHYIR, BYAMS PA LA SOGS PA BZHIN NO, ,ZHES RIGS SNGAGS T'A RE TU TTA RE TU RE LTA BUS MA RIG PA DANG BRAL ZHING RIG PA BSKYED PAR NUS PAS SDIG PA ZHI NUS PA BYAMS PAS ZHE SDANG ZHI NUS PA BZHIN, ZHES DANG, RIG PA'I TSIG GANG DAG GI DON RTOGS PAR MA GYUR PA NI DE DAG 'JIG RTEN LAS 'DAS PA'I SKAD

224a

, ,KYIS BSTAN PA'I PHYIR DANG, LHA DANG KLU DANG GNOD SBYIN LA SOGS PA'I SKAD KYIS BSTAN PA'I PHYIR RO, ,CHOS NYID STON PAR MI BYED PA YANG MA YIN PAS NAS, LAM DANG RJES SU MTHUN PA'I PHYIR MDO SDE LA SOGS PA'I GSUNG RAB BZHIN NO, ,ZHES GZUNGS SNGAGS KYIS CHOS NYID SOGS LAM BSGOM PA DANG MTHUN PA'I DON STON PAS RIG BYED DANG KLA KLO'I SKAD DANG DPE'I MI MTHUN PA GSUNG RAB BZHIN, ZHES LAN BTAB PA RNAMS YIN NO,, ` ,,KHO NA RE, SKABS 'DIR BSTAN PA'I YE SHES NYI SHU PO TSOGS SGRUB YIN PAR THAL, 'GREL BA LAS, DE LA YE SHES KYI TSOGS NI ZHES GSUNGS PA'I PHYIR NA MA KHYAB STE, GSER PHRENG LAS, YE SHES SKABS SU BSHAD TSAD TSOGS SGRUB TU MI 'DOD DE, LAM GYI TSOGS BZHIN NO, ,ZHES LAM TSOGS KYI SKABS SU THEG CHEN BCU BDUN BSHAD PA BZHIN YIN PAR GSUNGS PA'I PHYIR, DES NA 'DI'I DNGOS BSTAN GYI YE SHES NYI SHU'I DANG PO TSOGS LAM KHO NAR 'JOG PA SOGS YIN NO, ,SPYIR SA LA SRA BA DGOS KYANG SGRAS BRJOD KYIS SA SDE LNGA LTA BU RANG RIS KYI SDES BSDUS PAS DANG, KHAMS GSUM SA DGU LTA BU SPANG BYA'I SKABS 'BYED PAS DANG, SPANGS RTOGS YON TAN GYI RTEN BYED PAS SA ZHES PA RNAMS LAS 'DI THA MA YIN PAR BU NYA SOGS GSUNGS PAS, YON TAN DU MA'I RTEN BYED PA'I LAM ZHUGS KYI MNGON RTOGS SA LAM GNYIS SU PHYE BA'I SA'I MTSAN NYID

224b

DANG, NGES 'BYUNG GI BSAM PA BCOS MA MA YIN PAS ZIN PA'I MNGON RTOGS, SA LAM GNYIS SU PHYE BA'I LAM GYI MTSAN NYID DU BZHAG STE, THEG PA GSUM GYI SA LAM DANG SKYE 'PHAGS KYI SA LAM GYI MTSAN NYID KYANG DES SHES PAR BYA'O, ,YIG CHAR, NGO BO SOGS LNGA'I KHYAD CHOS ZHES PA, RNAM BSHAD DU NGO BO DANG SPANG BYA'I KHYAD PAR GNYIS BYAS PA LA, GSER PHRENG SOGS NAS KHYAD CHOS GZHAN KHA BSKANG CHED YIN LA, NGO BO'I YON TAN BCU GNYIS LAS BYA RDZOGS KYI SKAD CIG MA GCIG LA BSKAL BA BRGYAR GNAS PA NI THA MAL BAS BSKAL BA BRGYAR BSGRUB RGYU'I BYA BA SKAD CIG GCIG LA BYED PA'AM, SKAD CIG BSKAL BA BRGYAR BYIN GYIS RLOB NUS PA'I DON YIN KYANG BSTAN DAR BA'I SPYI DON LAS, DUS SKAD CIG MA GCIG LA BSKAL BA BRGYA'I YUN TSAD DNGOS SU BYAS NA NGAN SONG BA'I SDUG BSNGAL MYONG BA'I YUN TSAD KYANG RING DU SONG BAS NGAN SONG BA RNAMS SKAD CIG YUD GCIG LA SDUG BSNGAL LAS THAR BAR 'DOD PA DANG 'GAL ZHING, PHYI NANG GI RTEN 'BREL GYI SHUGS DGAG MI NUS PA'I PHYIR, DA DUNG DPYOD MDZOD CES PA DOGS PA LEGS KYANG, DE'I THUGS NGOR BSKAL PA BRGYA 'JOG KYANG SPYIR MI 'JOG PAS SKYON MED DO, ,DER RNAM SMIN GYI SKYE BA 'DZIN PA YANG DNGOS MA YIN PAR GSUNGS KYANG SA RANG RANG GI RNAM SMIN YIN TE, RIN CHEN PHRENG BA LAS, DE YI RNAM PAR SMIN PAS NA, ,'DZAM GLING DBANG PHYUG CHEN POR 'GYUR, ,

225a

, ,ZHES GSUNGS PA'I PHYIR, GSER PHRENG DU BSLAB PA GSUM LA SLOB TSUL DANG, ZAG MED KYI PHUNG PO LNGA SBYONG TSUL DANG, DBANG GI SKYE BA 'DZIN TSUL DANG, 'BRAS BU'I KHYAD PAR SOGS GSUNGS PA BU NYA'I GZHUNG LTAR YIN LA, RNAM BSHAD DANG RTOGS SNANG DU DOR BA RE MDA' PA LTAR YIN LA, DE DAG MDO RGYAN SOGS SU SA SO SO'I KHYAD CHOS SU MA SBYAR BAS KYANG YIN NO, ,YIG CHAR PHAR PHYIN LHAG PA'I KHYAD PAR ZUR DU MA GSUNGS PA YON TAN DE DAG THAMS CAD PHAR PHYIN LHAG TSUL GYIS 'JOG PAS YIN NAM DPYAD, SPYIR SA LA ZHUGS PA'I RTAGS, MDO RGYAN LAS, SNANG DANG BCAS DANG MOS PA DANG, ,MA ZHUM PA DANG MI DMAN NYID, , GZHAN DRING MI 'JOG BDAG NYID DANG, ,THAMS CAD RAB TU RTOGS PA DANG, ,KUN LA SEMS NI MNYAM PA DANG, ,BKRI DANG RJES SU CHAGS MED DANG, ,THABS SHES 'KHOR DU SKYE BA NI, ,KUN LA RTAGS SU 'DOD PA YIN, , ZHES SA GANG LA ZHUGS PA DE'I SPANGS RTOGS KYI YON TAN SNANG BA STE, MNGON DU GYUR CING SA PHYI MA MA ZHUGS PA LA MOS PA DANG, ZAB RGYAS KYI CHOS SGRUB PA LA SEMS MI ZHUM PA DANG, GZHAN DON GYI DKA' SPYAD LA MI SKYO BA DANG, RANG LAM SGOM PA LA GZHAN DRING MI 'JOG PA DANG, SA THAMS CAD KYI SGRUB PA'I THABS RAB TU RTOGS PA DANG, BDAG GZHAN KUN LA SEMS MNYAM PA DANG, SNYAN MI SNYAN SOGS BDUD LAS KYIS BKRI MI NUS PA DANG,

225b

'KHOR BSGYUR SOGS KYI PHUN TSOGS LA'ANG CHAGS PA MED PA DANG, SANGS RGYAS SGRUB PA'I THABS SHES PA DANG, RTAG TU SANGS RGYAS KYI 'KHOR DU SKYE BA DANG BCU'O, ,ROL MTSOR THA MA GNYIS GCIG TU BYAS NAS SNANG BCAS DANG MOS PA SO SOR BYAS PA, DBYIG 'GREL LAS, SA GANG LA ZHUGS PA DE LA SNANG BA DANG, GANG LA MA ZHUGS PA DE LA MOS PA ZHES BYA BA 'DI NI RTAGS GCIG GO ,ZHES PA DANG 'GAL LO, ,PHAR PHYIN BCU THOB PA'I RTAGS BCU DRUG NI, DE NYID LAS, 'DUN PA MED PA MA YIN CHAGS DANG 'KHU BA'I SNYING MED KHRO MED LO LO MED, ,BYAMS DANG SNYING RJE MIN PA'I BSAM MED BLO GROS NGAN RTOG RNAM RTOG 'PHROG PA MED, ,BLO GROS RNAM PAR GA-YENGS MIN BDE BAS MI 'PHROG SDUG BSNGAL DAG GIS GNOD PA MED, ,DGE BA'I BSHES LA NYE BAR BSTEN CING THOS PA LHUR LEN STON PA MCHOD LA BRTZON, ,THABS MCHOG SHES PA GANG ZHIG BSOD NAMS YANG DAG BSDUS PA SHIN TU RGYA CHEN KUN, ,GZHAN DANG THUN MONG BYAS NAS NYIN GCIG BZHIN DU RDZOGS PA'I BYANG CHUB YONGS BSNGO ZHING, ,BZANG PO'I GNAS SU SKYE BA RTAG TU DGE BYED MNGON SHES YON TAN RNAMS KYIS RTZEN, ,ZHES PHAR PHYIN BCU SGRUB PA'I 'DUN PA MED PA MIN PA DANG, PHYIN DRUG GI MI MTHUN PHYOGS DANG BRAL PA RIM BZHIN LONGS SPYOD LA CHAGS PA MED PA DAR, MI DGE BA ZHEN CING 'KHU BA'I SNYING STE SEMS MED PA DANG, KHOR BA MED PA DANG, LE LO MED PA DANG, BYAMS SNYING RJE MIN PA'I BSAM PA

226a

, ,MED PA DANG, BLO GROS NGAN PA'I RNAM RTOG GIS 'PHROG PA MED PA DANG, THABS MKHAS KYI PHAR PHYIN GYI RTAGS THEG DMAN YID BYED KYIS RNAM PAR GA-YENG BA MIN PA DANG, PHUN TSOGS KYI BDE BAS MI 'PHROG PA STE, MI CHAGS PA DANG, DKA' SBYANG KYI SDUG BSNGAL GYIS GZHAN DON LAS MI LDOG PA DANG, DGE BA'I BSHES GNYEN BSTEN CING THOS PA LHUR LEN PA DANG, STON PA MCHOD PA LA BRTZON PA DANG, DGE BA THAMS CAD BLA MED BYANG CHUB TU BSNGO BA DANG DRUG ,SMON LAM GYI PHAR PHYIN GYI RTAGS, SANGS RGYAS BYANG SEMS GNAS PA'I ZHING BZANG POR SKYE BA DANG, STOBS KYI PHAR PHYIN GYI RTAGS, RANG GI MI MTHUN PHYOGS DANG BRAL BAS RTAG TU DGE BA BYED PA DANG YE SHES KYI PHAR PHYIN GYI RTAGS, MNGON SHES YON TAN RNAMS KYIS RTZEN CING ROL PA STE DANG PO SPYI DANG LHAG MA SO SOR SBYAR BA'I BCU DRUG GO ,'JAM DBYANGS DGA' BLO DANG DPAL MANG RIN PO CHE'I 'GREL BAR BYANG CHUB TU BSNGO BA DANG BZANG PO'I GNAS SU SKYE BA GCIG TU BYAS NAS SMON LAM GYI PHAR PHYIN LA SBYAR BA, DBYIG 'GREL LAS, DGE BA THAMS CAD BLA NA MED PA'I BYANG CHUB TU BSNGO BA DANG, SMON LAM GYI PHA ROL TU PHYIN PA SANGS RGYAS DANG BYANG CHUB SEMS DPA'I GNAS SU SKYE BA'I PHYIR, GNAS BZANG POR SKYE BA DANG, ZHES SO SOR BYAS TE, SNGA MA THABS MKHAS DANG, PHYI MA SMON PHAR LA SBYAR BA DANG, 'GAL BA'I PHYIR DANG, THABS MKHAS BZHI BYAS PAS

226b

GRANGS KYANG MI TSANG BA'I PHYIR RO, ,ZHI LHAG MTHAR PHYIN PA'I RTAGS SAM PHAN YON NI, DE NYID LAS, SA RNAMS KUN LA RNAM KUN TU, ,BLO LDAN RNAMS KYI PHAN YON NI, ,ZHI GNAS LHAG MTHONG GNYIS KA LA, ,LNGA PO'I BDAG NYID DAG TU 'DOD, ,CES SKAD CIG RE RE LA LUS SEMS KYI GNAS NGAN LEN ZAD PA DANG, SNA TSOGS PA'I 'DU SHES DANG BRAL NAS CHOS KYI DGA' BA THOB PA ZHI GNAS KYI DANG, SA THAMS CAD DU CHOS KYI SNANG BA TSAD MED PA SHES PA DANG, YANG DAG PA'I RGYU MTSAN RNAMS RTAGS MIN PA SPYOD PA LHAG MTHONG GI DANG, CHOS KYI SKU RDZOGS PAR 'GRUB PA'I RGYU PHUN SUM TSOGS PA GONG NAS GONG DU 'DZIN PA NI GNYIS KA'I PHAN YON TE LNGA'O, ,RMI LAM GYI RTAGS RNAMS YIG CHAR GSAL LO, ,RTOGS TSUL GYI KHYAD PAR MCHAN 'GREL DU BSHAD ZIN TO, ,LNGA PA TING NGE 'DZIN DANG GZUNGS KYI KHYAD PAR GSER 'OD LTAR SA DANG POR RIN CHEN LANG DAG PAR 'PHAGS PA'I TING NGE 'DZIN DANG, KHYAD PAR GYI BYIN GYIS BRLAB PA'I GZUNGS DANG, GNYIS PAR GNAS PA MED PA'I TING NGE 'DZIN DANG, GZHAN GYIS MI THUB PA'I GZUNGS DANG, GSUM PAR RAB TU MI GA-YO BA'I TING NGE 'DZIN DANG RAB TU GNAS PA'I GZUNGS DANG, BZHI PAR PHYIR MI LDOG PA'I TING NGE 'DZIN DANG, GDUL DKA' BA'I GZUNGS DANG, LNGA PAR RIN CHEN ME TOG GI TING NGE 'DZIN DANG, YON TAN SNA TSOGS KYIS BKOD PA'I GZUNGS DANG,

227a

, ,DRUG PAR NYI MA'I 'OD KYI GZI BRJID KYI TING NGE 'DZIN DANG, YE SHES KYI DKYIL 'KHOR SGRON ME'I GZUNGS DANG, BDUN PAR DON THAMS CAD 'GRUB PA'I TING NGE 'DZIN DANG, KHYAD PAR DU 'PHAGS PA'I GZUNGS DANG, BRGYAD PAR, DA LTAR GYI SANGS RGYAS MNGON SUM DU BZHUGS PA'I TING NGE 'DZIN DANG, RNYOG PA MED PA'I RTOG PA'I GZUNGS DANG, DGU PAR, YE SHES SGRON ME'I TING NGE 'DZIN DANG, SGO MTHA' YAS PA'I RGYUN GYI GZUNGS DANG, BCU BAR DPA' BAR 'GRO BA'I TING NGE 'DZIN DANG, ZAD MI SHES PA'I ZA MA TOG GI GZUNGS THOB PA YIN NO, ,'DI ROL MTSOR YOD KYANG MA DAG PA MANG NGO, ,SPANG BYA SPONG TSUL GYI KHYAD PAR NI, THEG CHEN MTHONG LAM GYI SKABS SU KHAMS GSUM GYI MTHONG SPANG NYON SGRIB DANG SHES SGRIB KUN BTAGS CIG CHAR SPONG LA, SGOM SPANG NYON SGRIB LHAN SKYES BCU DRUG DANG, SHES SGRIB LHAN SKYES BRGYA RTZA BRGYAD SNGON GOMS STOBS KYIS SEMS LA SGRIB TSUL PHRA RAGS MANG BAS SA BCU'I SGOM LAM BCU GCIG GIS RIM GYIS SPONG DGOS SO, ,SO SO'I SPANG BYA THUN MONG MA YIN PA KUN RMONGS NYER GNYIS DANG, GNAS NGAN LEN BCU GCIG GIS SA SO SO LA SGRIB TSUL NI, CHOS DANG GANG ZAG LA MNGON PAR ZHEN PA'I RMONGS PAS BDAG MED GNYIS MNGON SUM DU MTHONG BA DANG, 'KHOR BA DANG NGAN SONG GI NYON MONGS PAS 'JIGS PAS

227b

RMONGS PAS, 'KHOR BA'I GNAS SU LUS LONGS SPYOD GTONG BA LA SGRIB PAS SBYIN PA'I PHAR PHYIN LHAG PA LA GEGS BYED, LTUNG BA PHRA MO'I 'KHRUL BA STE BCAS PA LA RMONGS PA DANG, LAS DANG SPYOD PA SNA TSOGS RTAG TU TSUL BZHIN SKYED PA LA RMONGS PA GNYIS KYIS TSUL PHAR LHAG PA LA DANG, MA THOB PA THOB PAR RLOM PA'I RMONGS PA DANG, GZUNGS MCHOG THOB PA LA RMONGS PA GNYIS KYIS THOS PAS MI NGOMS PAR DKA' SPYAD BZOD PA'I DANG, SNYOMS 'JUG GI BDE BA LA SRED PA'I RMONGS PA DANG, CHOS RNAM DAG LA SRED PA'I RMONGS PA GNYIS KYIS BSLAB PA BLANGS PA SROG GI PHYIR YANG MI GTONG BAR BDOG PA KUN GTONG BA LA BRTZON PA'I DANG, 'KHOR BA LA SHIN TU SKYO BA'I RMONGS PA DANG, MYANG 'DAS LA MNGON PAR PHYOGS PA'I RMONGS PA GNYIS KYIS RNYED PA'I DON DU KHYIM PA DANG 'GROG 'DRIS BYED PA SOGS BCU SPANGS TE GZHAN DON LA RTZE GCIG TU GNAS PA'I DANG, 'DU SHES KYI RGYU MNGON DU GYUR PA'I RMONGS PA DANG, MTSAN MA MANG PO MNGON DU GYUR PA'I RMONGS PA GNYIS NI NYAN RANG GI SA LA DGA' BA DANG, STONG NYID LA SKRAG PA'I MTSAN MA SOGS SPONG PA'I DANG, MTSAN MA PHRA MO 'BYUNG BA LA RMONGS PA DANG, MTSAN MED YID LA BYED PA'I THABS LA RMONGS PA GNYIS NI MTSAN MED RTZOL BCAS KYIS GZHAN DON SGRUB PA'I THABS MKHAS KYI DANG, MTSAN MED LA RTZOL BA'I RMONGS PA DANG, MTSAN 'DZIN 'JOMS PA LA DBANG BAR RMONGS PA GNYIS NI 'BAD RTZOL

228a

, ,RAGS PA MED PAR SEMS CAN GYI DON SGRUB PA LA DBANG BA'I DANG, CHOS STON PA DANG CHOS DANG YI GE TSAD MED PA LA MKHAS PA LA RMONGS PA DANG, SPOBS PA'I DBANG LA RMONGS PA GNYIS NI SO RIG RJES MTHUN PAS SEMS CAN GYI DON SGRUB PA'I DANG, MNGON SHES CHEN PO LA DBANG BSGYUR MA THOB PA'I RMONGS PA DANG, GSANG BA PHRA MO LA MKHAS PAR MA GYUR PA'I RMONGS PA GNYIS NI YE SHES KYI PHAR PHYIN LHAG PAS SANGS RGYAS DANG CHA 'DRA BA'I MDZAD PA SGRUB PA'I DANG, SPYOD YUL SHIN TU PHRA BA THAMS CAD LA SHES SGRIB KYI RMONGS PA DANG, NYON MONGS PA SHIN TU PHRA BA'I GNAS NGAN LEN GYI RMONGS PA GNYIS NI SHES BYA THAMS CAD CHAGS THOGS MED PAR MKHYEN PA'I SANGS RGYAS KYIS THOB PA'I GEGS SAM DE LA SGRIB PA'I MA RIG PA DANG MTSUNGS LDAN GTZO CHE LA, DE GNYIS RE'I SA BON LA GNAS NGAN LEN ZER RO, ,DANG PO GNYIS LA MTHONG SPANG SGOM SPANG GNYIS YOD PAS SGOM SPANG GNYIS KYIS SA DANG PO'I SGOM LAM LA GEGS BYED KYANG SA DANG PO LA MIN ZER RAM DPYAD, ,'PHO TSUL NI, RGYAN SNANG LAS, SA GANG GI YONGS SU SBYONG BAR GYUR PA'I CHOS GANG YIN PA RNAMS JI SRID MA RDZOGS PA DE SRID DU NI SA DE YIN LA, YONGS SU RDZOGS NAS NI SA GZHAN YIN PAR SHES PAR BYA'O, ,ZHES SA DE'I YONGS SBYONG GI CHOS RDZOGS NAS SA GZHAN DU 'PHO BAR GSUNGS SO, ,BSOD GRAGS PA'I MTHA' DPYOD LAS, SA DANG PO'I YONGS SBYONG RDZOGS PA DANG SA GNYIS PAR

228b

'PHOS PA DUS MNYAM ZER BA NI NAS, SA DANG PO'I YON TAN RANG RGYUD LA RDZOGS PAR SKYES PA'I SA DANG PO PA CHOS CAN, ZHES DANG, RGYAN SNANG GI LUNG DON 'DI'I RDZOGS MA RDZOGS ZHES PA MTHAR PHYIN MA PHYIN DANG 'GAGS MA 'GAG LA BSHAD DU YOD PA'I PHYIR, ZHES GSUNGS KYANG, RANG LUGS LA, SA GNYIS PA THOB KHA MAS SA DANG PO'I YONGS SBYONG RDZOGS PAR THOB KYANG SA DANG PO'I YONGS SBYONG MA RDZOGS ZER RAM DPYAD, DE NYID LAS, RANG LUGS LA, SA DANG PO'I SKYON DANG BRAL ZHING, SA DANG PO'I YON TAN RDZOGS PA'I SA DANG PO'I YON TAN DE SA DANG PO'I YONGS SBYONG GI MTSAN NYID, CES YON TAN RDZOGS PA ZHES PA YON TAN YIN PA LA BYAS SAM DPYAD, ROL MTSO LAS, SA'I SKYON SEL BAR BYED CING YON TAN RDZOGS PAR BYED PA'I SA DANG PO'I YE SHES SA DANG PO'I YONGS SBYONG GI MTSAN NYID, DES GZHAN RNAMS LA RIGS 'DRA, ZHES PA, BSOD GRAGS PAS, SA DANG PO'I YE SHES SKAD CIG THA MA DE MTSAN NYID DE MA YIN PA'I PHYIR TE, DE DE'I SKYON ZAD CING YON TAN RDZOGS PA'I MKHYEN PA YIN PA'I PHYIR, ZHES PA KHO RANG LA NANG 'GAL YIN NO, ,ROL MTSO'I DE, GSER PHRENG LAS, YON TAN SBYONG BA'I DON NI KHANG BZANG SBYONG BA LHAR RDZOGS PAR BYED PA YIN LA, SKYON SBYONG BA'I DON NI RIN PO CHE'I GA-YA' SBYONG BA LTAR SEL BA'O, ,ZHES PA LTAR YIN PAS LEGS SO, ,RGYAN SNANG GI LUNG DE DANG, GSER PHRENG LAS, SA SNGA MA NA YOD PA'I SPANG BYA RNAMS SA

229a

, ,PHYI MA RNAMS MA SKYES NA RGYUN LDAN DU 'JUG PAS SA PHYI MA SKYES STOBS KYIS SA PHYI MA'I SKABS DER SKYE BA'I GO MA RNYED PA LAS PHYI MAS SPONG BAR BZHAG GI ,ZHES PAR BRTEN NAS, ROL MTSO LAS, SA DANG PO'I SKAD CIG THA MA'I SGOM LAM BAR CHAD MED LAM DANG SA GNYIS PA'I SGOM LAM RNAM GROL LAM RNAMS MNYAM BZHAG THUN GCIG LA SKYES PA SOGS PHYI MA RNAMS LA RIGS 'DRA, ZHES SA DE'I SPANG BYA SPANGS PA DANG YON TAN RDZOGS PA NAS GONG MAR 'PHO BAR GSUNGS SO, ,RANG LUGS LA SGOM SPANG CHEN PO'I CHEN PO LTA BU SA GNYIS PA MA THOB BAR DU RGYUN LDAN DU 'JUG LA, SA GNYIS PAR GNYEN PO'I STOBS KYIS DE SKYE BA'I GO BKAG PAS SNGA MA'I SKYON DANG BRAL BA'I YON TAN THOB PAS SA GNYIS PA SOGS SU 'JOG LA, GNYEN PO'I RJES SU SPANG BYA YOD PA SPONG BA NI MA YIN NO, ,ZHES SNGA PHYI GNYIS KAR SPONG BA GSUNGS KYI SPANGS PA MA GSUNGS PA'I PHYIR DANG, SA DE'I SGRIB GA-YOGS DANG BRAL BA NAS DE THOB PAS DANG PO BZHIN YIN PA'I PHYIR, DER MA ZAD SNGAR BSHAD PA LTAR SA GNYIS PA LA SGRIB PA'I KUN RMONGS GNYIS DANG BRAL BA'I BRTAGS MIN GYI 'GOG PA SA GNYIS PA'I BRAL BA'I YON TAN YIN PA'I PHYIR, 'DI GZHUNG LA THOS BSAM DANG LAM SGOM STOBS KYIS THOB PAS RTOGS PA'I BSTAN PAR BZHAG DGOS SAM RNAM GROL LAM GYI TSE 'GOG BDEN DU 'GYUR RAM DPYAD, ,'O NA RGYUN MTHA'I TSE SANGS RGYAS PAR

229b

THAL, KUN RMONGS THA MA GNYIS DANG BRAL BA'I BRTAGS MIN THOB PA'I PHYIR NA MA KHYAB STE, DE DANG BRAL KYANG DA DUNG CHOS THAMS CAD MNGON SUM DU MTHONG BA LA GEGS BYED PA'I PHYIR, GSER PHRENG LAS, SA KHA CIG LA SPANG BYA SPONG BA DANG GNYEN PO BSKYED PA GNYIS KYI SGO NAS GSUNGS PA NI MA GSUNGS PA RNAMS LA YANG MTSON PA YIN PAR SEMS SO, ,ZHES PA LTAR SA DANG PO LTA BU LA DGE BA SGRUB PA LA RANG DON YID BYED KYI BSAM PA DANG, RANG GZHAN LA PHAN PA'I DON DU RNAM MKHYEN DON DU MI GNYER BA SPONG BA SOGS YONGS SBYONG BCU RANG RANG GI MI MTHUN PHYOGS SPONG PA DANG, SA LNGA PA LA SANGS RGYAS KYI ZHING DU BRGYUD MAR SKYES TE RAB TU BYUNG 'DOD PA DANG, RANG LA DANG PA'I KHYIM DU DGE SBYONG SPYAN 'DREN PA SOGS SPANG BYA DE DAG SPONG BA'I YE SHES ZHES SPYI TZAM DANG GNYEN PO'I YE SHES GNYIS SBYAR TE, SA DRUG PA BDUN PA GNYIS LA SPANG GNYEN GNYIS KA DANG, LNGA PA LA SPANG BYA DANG, GZHAN DRUG LA GNYEN PO DNGOS SU BSTAN PA'I PHYIR RO, , KHO NA RE, YONGS SBYONG LA LAM GYIS MA KHYAB PAR THAL, SA DGU BA'I DE LA MNGAL GTZANG MAR 'JUG PA DANG, RGYAL RIGS SU SKYES PA SOGS YOD PA'I PHYIR ZER NA, RTAGS MA GRUB STE, 'GREL BA'I ZIN BRIS LAS, SA DGU BA PA DE DAG 'GRUB BYED KYI THUN MONG MA YIN PA'I RGYU THOB PAR BYAS NA LEGS, ZHES PA LTAR, DE 'GRUB BYED KYI DGU BA'I YE SHES 'JOG PA'I PHYIR, DES GZHAN LA RIGS 'DRA, YONGS SBYONG GO LNGA NYI KHRI NA GSAL BAS NGES PAR BLTA DGOS

230a

, ,SO, ,SA'I SGRA BSHAD BHU MI LA YI GE BSNAN PA'I NGES TSIG GIS BSHAD PA YIG CHAR GSAL LA, SA SO SO'I NGES TSIG MDO RGYAN LAS GSUNGS TSUL MCHAN 'GREL DU BSHAD ZIN LA, RIN CHEN 'PHRENG BAR GSUNGS TSUL 'JUG PA LTAR RO, ,DMAN PA SA BRGYAD RIN CHEN PHRENG BA'I DAR t'I KA LAS, 'DILTAR RIGS KYI SA DANG POR BYAS LA, GZHAN LAS DKAR PO RNAM MTHONG GRANGS NAS, NYAN THOS KYI SA DOR RO, ,DE LTAR NA THEG DMAN GYI LAM RNAMS BRGYAD DU MA 'DUS SAM DPYAD,, ` ,,GNYEN PO'I TSOGS LA SER RA STOD SMAD DANG BSOD GRAGS PA'I YIG CHAR, 'DIR DNGOS SU BSTAN PA'I GNYEN PO'I TSOGS SGRUB LA, BAR CHAD MED LAM GYIS KHYAB PAR GSUNGS KYANG, YIG CHAR GUNG RU LTAR, TSIGS GSAL DU GNYEN PO'I TSOGS KYI LAM GNYIS MNYAM BZHAG DANG, SGOM LAM SGRUB PA SGOM LAM DU BSHAD PA, GSER PHRENG LAS, MNYAM BZHAG DGOS PA'I ZHIB CHA RUNG YANG LAM SHES SU RNAM DAG SGOM LAM KHAMS GSUM GYI RNAM RTOG DGU 'JOMS BYED DU GSUNGS PA'I PHYIR, SGRUB PA SGOM LAM KHO NAR 'DOD PA MI 'THAD DO, ,ZHES SNGA MA BKAG NAS RNAM DAG SGOM LAM DER BZHAG PAS RNAM GROL LAM RNAMS DE YIN PAR GSUNGS SO, ,SPYIR THEG CHEN GYI MTHONG SGOM GANG RUNG YIN NA, GNYEN PO'I TSOGS SGRUB YIN PAS KHYAB PO,, ` ,,NGES 'BYUNG SGRUB PA'I SA MTSAMS KA SHI SOGS LTAR

230b

GSER PHRENG DU RDO RJE LTA BU'I TING NGE 'DZIN LA BZHAG PA NGES 'BYUNG SGRUB PA MTHAR THUG GI SA MTSAMS YIN PAR GSUNGS SO, ,RANG LUGS RNAM BSHAD LTAR SA BRGYAD PA NAS BZHAG PA, THOGS MED KYIS SGOM LAM DANG, SLOB DPON GYIS KHYAD PAR GYI LAM DU BSHAD PAS YIN LA, GTZO BO 'BAD RTZOL RAGS PA MED PAR RNAM MKHYEN DU NGES PAR 'BYUNG BAS YIN NO, ,NGES 'BYUNG SGRUB PA YIN NA, DE BRGYAD KA YIN PAS KHYAB STE, DE YIN NA, GZHI BRGYAD KAR NGES PAR 'BYUNG BAS KHYAB PA'I PHYIR, THUB DGONGS SU MTHONG SGOM GNYIS GSUNGS PA NGES 'BYIN GYI DBANG DU BYAS PAR GSUNGS SO, ,'BYUNG SA BRGYAD KYI THA MA RTOGS PA CHEN PO'I RGYU YIN PAS DE'I DBANG DU BYAS PAR GSUNGS PA LTAR, MTHA' 'DAS DANG THOB PA'I MTSAN NYID GNYIS LA SPONG BA CHEN PO MI DGOS SAM DPYAD DE, MTHA' 'DAS RTOGS SNANG DU JI LTA BA RTOGS PA DANG SBYAR BA'I PHYIR DANG, THOB PA'I MTSAN NYID LA, GSER PHRENG LAS, THEG PA GSUM GYI THOB BYA'I DON SPANG RTOGS KYI RIGS THAMS CAD 'THOB PA DANG, ZHES DANG, RNAM BSHAD LAS, THEG PA GSUM GYI RTOGS BYA'I DON THAMS CAD 'THOB PA, ZHES GSUNGS PA'I PHYIR, YANG NA RTOGS SNANG GI DE KHO RANG RTOGS PA'I YUL CAN DANG, RNAM BSHAD LAS, SPANG BYA ZAD PAS ZHES RGYU MTSAN DU BYAS PAS, KHO RANG GI STOBS KYIS RTOGS BYA KUN THOB CES SGRA BSHAD PA GANG 'THAD DPYOD

231a

, ,MDZOD, NGES PAR 'BYUNG BA'I GZHI BRGYAD PO 'DIR NGES PAR 'BYUNG BA'I GZHI MTHA' DAG LHAG LUS MED PAR 'DU BA YIN NO, ,SMRAS PA, THUB BSTAN BDAG PO'I MDUN SAR THUGS BSKYED MTHUS, ,THUB BSTAN SPEL SLAD LNGA BRGYA'I DUS KYI MTHAR, ,THUB BSTAN RTZA LAG HA SA BADZRA GYIS, ,THUB BSTAN GYI DOR BYED PA'I LEGS BSHAD BSKRUN, ,DE YI BRJOD DON ZAB CING 'DU CHE BAS, ,GSAL BYED DI BAm BLA MA'I MCHAN 'GREL GYI, , LEGS BSHAD NYIN MO'I MGON PO MKHAR 'PHAGS PAS, ,BLO GSAL YID KYI PAD TSAL LHAG PAR BZHAD, ,DE YANG RING NAS GOMS PA'I MTHU LDAN 'GAR, ,TSA ZER 'OD KYIS REG PAS BSIL BA THOB, ,DE YI SNANG TSUL BRJOD PA'I CHAR SPRIN GYIS, ,NYIN BYED SNANG BA SGRIB LA BRTEN PA'ANG MANG, ,DE'I PHYIR BLA MA LHA LA GUS BSTEN NAS, ,LUNG RIGS MGYOGS 'GRO'I SHUGS KYIS SGRIB G-YOGS KUN, ,BSAL TE NYIN MA'I RANG MDANGS GSAL BYAS PA, , GZUR GNAS BLO LDAN MCHOD PA'I RTEN DU 'BUL, ,DE MTHUS 'JAM DBYANGS BLA MA YAB SRAS KYI, ,DGONGS DON TSUL BZHIN DPYOD PA'I RIGS SMRA DANG, ,ZAB DON NYAMS SU LEN PA'I RNAL 'BYOR GYIS, ,NYAMS LDAN MKHAS GRUB MANG POS SA KHYAB SHOG ,CES MNGON RTOGS RGYAN GYI SKABS DANG PO'I MTHA' DPYOD RIN CHEN SGRON ME DANG, DE'I MCHAN 'GREL RTZOM 'PHRO RNAM GNYIS KYI DGONGS DON MDO TZAM GSAL BAR BYAS ZIN TO,,