`MGON PO GRIB SEL LA BRTEN PA'I BLA MA'I RNAL 'BYOR DAM TSIG RDO RJE'I BDUD RTZI ZHES BYA BA BZHUGS SO,,) ,,*, ,BLA MA MGON PO DBYED MED THUGS RJE'I MTHUS, ,SDIG LTUNG BAG CHAGS BCAS PA GUN SBYONG ZHING, ,MCHOG THUN DNGOS GRUB MA LUS SGRUB PA YI, ,RNAL 'BYOR ZAB MO'I GDAMS PA 'DIR ZHUGS SHIG (,DE'ANG GRIB SEL GYI GDAMS BA GRUB CHEN GYI GZHUNG LAS,)
, (,BSHAGS PA BYA ZHING DAM TSIG BSKANG, ,DAM TSIG BSKANG NA DNGOS GRUB 'BYUNG, ,ZHES PA LTAR, MCHOG THUN MONG GI DNGOS GRUB GANG ZHIG SGRUB PAR BYED BA LA'ANG DAM TSIG DANG SDOM PA RNAM PAR DAG PAS RGYUD GTZANG BA ZHIG GAL CHE LA, DAM TSIG NYAMS CHAG SKONG BAR BYED PA'I THABS KYI RIM PA MANG NA'ANG, SNYIGS MA'I DUS 'DIR BLA MA YI DAM CHOS SKYONG THAMS CAD LA BRTEN PA'I NYAMS CHAG THAMS CAD SBYONG BYED DU BLA MA MGON PO DBYER MI PHYED PA'I SGO NAS GRIB SEL GYI RNAL 'BYOR SKYONG BA 'DI LAS ZAB PA MED PAS, DE'I TSUL 'GOD PA LA, MGON PO'I SKU BRIS 'BUR CHI RIGS KYI RTEN DGRAM STE MCHOD PA LEGS BAR BSHAMS, SKYABS SEMS SNGON TU BTANG, KHYAD PAR BYAMS SNYING RJE'I DMIGS RNAM DANG, BLA MA MGON PO DBYER MI PHYED PA'I MOS GUS SHUGS DRAG PO'I SGO NAS, 'DI LTAR GDON PAR BYA'O,,) RANG GI SPYI BOR H'Um YIG 'PHRO 'DU LAS, ,YE SHES MGON PO ZHAL GCIG PHYAG DRUG PA, SPYAN GSUM BGRANG CING RNO BA'I MCHE BA GTZIGS, ,DBU SKRA SMIN MA SMA RA ME LTAR 'BAR, ,GRI THOD MGO PHRENG RTZE GSUM d'A MA RU, ,ZHAGS PA 'DZIN CING STAG LPAGS SHAM THABS GSOL, ,SPRUL DANG RUS PA'I RGYAN SGRAS GA-YER KHA 'KHVOL, ,GA-YON BRKYANG STABS KYIS ME DPUNG 'BAR BA'I DBUS, ,PAD NYI TSOGS KYI BDAG PO'I GDAN LA BZHUGS, ,MA CIG LAS MKHAN BZHI SOGS 'KHOR GYIS BSKOR, ,DE YI SPYI BOR BKA' DRIN GSUM LDAN GYI, ,RTZA BA'I BLA MA SKU MDOG DUNG LTAR DKAR, ,GA-YAS PA SHEL GYI RDO RJE THUGS KAR 'DZIN, ,GA-YON PA GSER GYI DRIL BU DKUR BRTEN PA'I, ,GNAS GSUM SA BON YIG BRGYA'I SNGAGS KYI PHRENG, ,DKAR DMAR MTHING GAS BSKOR BA'I H'Um YIG GIS, ,DNGOS BRGYUD BLA MA YI
DAM LHA TSOGS KUN, ,SPYAN DRANGS RTZA BA'I BLA MAR DBYER MED BSTIMS, ,RDO RJE GSUM GYI LHA YANG SPYAN DRANGS TE, ,'BRU GSUM YIG BRGYA BCAS LA THIM PAR GYUR, ,BLO BZANG RGYAL KUN THUGS RJE'I NGO BO NYID, ,DKON MCHOG GSUM DNGOS BLA MA RIN PO CHER, ,GSOL BA 'DEBS SO SDIG SGRIB NYES LTUNG KUN, ,LHAG MED BYANG ZHING DAG PAR BYIN GYIS RLOBS, ,DE LTAR GSOL BA BTABS PAS GNAS GSUM GYI, ,SNGAGS PHRENG LAS BABS BDUD RTZIS SKU LUS GANG, ,BLA MA YI DAM LHA TSOGS LA BRTEN PA'I, ,DAM TSIG NYAMS CHAG MTHA' DAG BYANG BAR GYUR, ,GDUL BYA'I DON SLAD ZHI KHRO'I SKUR BSTAN YANG, ,NGES DON BLA MA MGON PO DBYER MED PAR, ,GSOL BA 'DEBS SO SDIG SGRIB NYES LTUNG KUN, ,LHAG MED BYANG ZHING DAG PAR BYIN GYIS RLOBS, ,DE NAS BLA MGON SKU YI 'OD 'DRES SHING, ,BLA MA'I SNGAGS PHRENG GSUM LAS BDUD RTZI'I RGYUN, ,BABS TE MGON PO 'KHOR BCAS GNAS GSUM GANG, ,DE LA BRTEN PA'I NYES KUN DAG PAR BYAS SLAR YANG BLA MGON GNYIS KA'I GNAS GSUM GYI, ,SA BON YIG BRGYAR BCAS PA'I BDUD RTZI'I CHUS, ,BDAG SOGS 'GRO BA KUN GYI LUS GANG STE, ,SGO GSUM SDIG LTUNG MA LUS DAG PAR GYUR, (,CES DMIGS PA DANG BCAS TE YIG BRGYA BZLA, 'BREL NAS 'CHAR DKA' NA GONG GI BYANG BAR GYUR ZHES DANG, DAG PAR BYAS ZHES PA'I MTSAMS GNYIS SU YIG BRGYA CI 'GRUB RE BZLAS TE BLA MA DANG MGON PO LA BRTEN PA'I DAM TSIG TAMS CHAG SBYONG BA'I DMIGS PA SO SOR YUN DU BSKYANGS, DE LTAR YIG BRGYA NYER GCIG GAM BRGYA RTZA SOGS BZLAS TE, SLAR YANG,) BLO
, ,BZANG RGYAL KUN THUGS RJE'I NGO BO NYID, ,DKON MCHOG GSUM DNGOS BLA MA RIN PO CHER, ,GSOL BA 'DEBS SO MDO SNGAGS LAM BZANG KUN, ,MYUR DU RGYUD LA SKYE BAR BYIN GYIS RLOBS, ,GDUL BYA'I DON SLAD ZHI KHRO'I SKUR BSTAN YANG, ,NGES DON BLA MA MGON PO DBYER MED PAR, ,GSOL BA 'DEBS SO MDO SNGAGS LAM BZANG KUN, ,MYUR DU RGYUD LA SKYE BAR BYIN GYIS RLOBS, (,ZHES SHO LO KA GNYIS CI MANG BZLAS,) SRID LAS NGES 'BYUNG BLO KHA CHOS LA PHYOGS, ,CHOS KUN BLA MED BYANG CHUB LAM DU 'GRO ,BDEN ZHEN GDON DANG PHYI ROL NYER 'TSE SOGS, ,LAM GYI BAR CHAD ZHI BAR BYIN GYIS RLOBS, ,'JIG RTEN PHYI MA'I GNAS SU 'GRO BA NA, ,GNAD GCOD BAR DO'I 'JIGS SKRAG MI 'BYUNG ZHING, ,'DZUM PA'I ZHAL BSTAN GSUNG GIS DBUGS PHYUNGS TE, ,BDE BA CAN GYI GNAS DER DRANG DU GSOL, ,MDOR NA 'DI PHYI BAR DO GANG DU YANG, ,MGON DANG DPUNG GNYEN KHYOD MIN GZHAN MED PAS, ,NAM YENG 'BRAL BA MED PAR RJES GZUNG STE, ,SRID ZHI'I 'JIGS PA KUN LAS BSKYAB TU GSOL, ,BLA MA MGON PO DBYER MED THUGS RJE'I GTER, ,BDAG GI SNYING GAR PADMA'I GDAN BZHUGS LA, ,BKA' DRIN CHEN PO'I SGO NAS RJES GZUNG STE, ,SKU GSUNG THUGS KYI DNGOS GRUB STZAL DU GSOL, ,DE LTAR GSOL BA BTAB PAS BLA MA DANG, ,MGON PO DBYER MED 'DRES TE RANG LA THIM, ,GNYUG SEMS BLA MA MGON PO'I SKUR BZHENGS TE, ,'DU 'BRAL MED PAR SNYING DBUS RTZEN GYUR CIG ,
CES SNYING GAR GSEL BTAB NAS SNYING PADMA'I RNAM PAR GNAS PA'I 'DAB MA RNAMS ZUM PA'I PHYI ROL TU SNGAGS PHRENG GIS BSDAM PA BRTAN PAR BYAS PAR BSAM LA,) DGE BA 'DI YIS TSE RABS KUN TU BDAG (,CES SOGS DANG,) SKYE BA KUN TU YANG DAG BLA MA DANG, (,ZHES SOGS BSNGO KHAS MTSAMS SBYAR BAR BYA'O, , ZHES DES DON GYI BSHES GNYEN DAM PA BLO BZANG DKON MCHOG PAS MTSON RANG GI RTZA BA'I BLA MA DANG MGON PO DBYER MI PHYED PA'I SGO NAS GRIB SEL GYI DMIGS PA GTZO BOR BTON PA'I BLA MA'I RNAL 'BYOR DAM TSIG RDO RJE'I BDUD RTZI ZHES BYA BA 'DI NI DAD BRTZON LDAN PA DKON MCHOG DGE LEGS KYIS BSKUL BAR, 7 BTZUN PA DKON MCHOG BSTAN BA'I SGRON MES BRIS BA'O,,) BKRA SHIS,, ,,