` BLA MGON DBYER MED KYI RNAL 'BYOR BZHUGS SO,) ,*, ,NA MO GU RU N'A TH'A YA, ('DIR BLA MGON DBYER PA'I PHYED PA'I RNAL 'BYOR NYAMS SU LEN PA LA, SKYABS SEMS SNGON DU BTANG STE, DGE BA'I 'DUN PA SHUGS DRAG PO'I SGO NAS,,) SPYI BOR PAD NYI TSOGS KYI BDAG PO'I STENG, ,H'Um YIG MTHING NAG 'OD KYI 'PHRO 'DU LAS, ,MYUR MDZAD YE SHES MGON PO PHYAG DRUG PA, ,SKU MDOG MTHING NAG SRIN PO KHROS PA'I TSUL, ,PHYAG GA-YAS GRI GUG THOD 'PHRENG dA MA RU, ,GA-YON NA THOD KHRAG RTZE GSUM ZHEGS PA 'DZIN, ,SBRUL GYI RGYAN SPRAS STAG LPAGS SHAM THABS CA NA, ,ME DPUNG 'BAR BA'I DBUS NA BZHUGS PA YI, ,SPYI BOR SKYABS GSUM KUN 'DUS NGO BO NYID, ,BKA' DRIN GSUM LDAN BLA MA THUGS RJE'I GTER, ,CHOS 'CHAD MNYAM GZHAG PHYAG RGYAS GLEGS BAM BSNAMS, ,DGYES BZHIN BZHUGS PA GNYIS GA'I GNAS GSUM DU, ,YI GE GSUM MTSAN H'Um YIG 'OD ZER GYIS, ,CHOS KYI DBYINGS NAS RANG 'DRA'I YE SHES PA, ,SRAS BCAS RGYAL BAS BSKOR BA SPYAN DRANGS TE, ,THIM PAS SKYABS GNAS KUN 'DUS NGO BOR GYUR, ,KHYAD PAR LHAN SKYES DGA' BA'I ROL PA YI, ,'OD KYI DRA BAS 'BREL BA'I SNANG STONG GZUGS, ,GCIG DRANG DU MAR SNANG YANG MI PHYED PA'I, ,BDAG NYID GCIG TU DGYES BZHIN BZHUGS BAR GYUR, ,THOG MED DUS NAS DUG GSUM DBANG GYUR TE, ,MI BZAD SDIG LTUNG JI SNYED BGYIS PA KUN, ,RTZE GCIG GDUNG BA'I YID KYIS MTHOL BSHAGS NA, ,BLA MGON DBYER MED THUGS RJES BYANG GYUR CIG ,MCHOG GSUM MTHU DANG CHOS
, ,DBYINGS BDEN PA'I STOBS, ,SNGAGS DANG TING 'DZIN PHYAG RGYAS SPRUL PA LAS, ,BSHAMS DANG YID KYIS MOS BZHIN MCHOD PA'I SPRIN, ,MTSANG MED PAS SA GSUM KHYAB PA 'DIS, ,BLA MA MGON PO DBYER MED THUGS DAM BSKANG, ,MTHA' YAS SKYABS GSUM 'DUS PA'I THUGS DAM BSKANG, ,DAM PA'I CHOS KYI BAR CHAD KUN ZHI ZHING, ,YANG DAG LAM BZANG 'GRUB PAR BYIN GYIS RLOBS, ,SKYES BU GSUM GYI LAM GYI RIM PA YIS, , RGYAL BA'I DGONGS PA MTHA' DAG SGRUB BYED CING, ,PHYIN CI LOG GI BLO SNA KUN 'GAG STE, ,RANG RGYUD SMIN CING GROL BAR BYIN GYIS RLOBS, ,MDOR NA DENG NAS BYANG CHUB BAR, ,KHYOD MIN RE SA GZHAN MED PAS, ,SRID ZHI'I 'JIGS PA KUN SEL ZHING, ,DNGOS GRUB MA LUS STZAL TU GSOL, ,BLA MA MGON PO DBYER MED LA, ,BDAG NI GUS PAS SKYABS SU MCHI, ,BDAG GIS SEMS CAN THAMS CAD KYI, ,NYON MONGS MA LUS SEL BAR SHOG ,MGON PO BLA MA DBYER MED LA, , BDAG NI GUS PAS SKYABS SU MCHI, ,BDAG GIS SEMS CAN THAMS CAD KYI, ,BAR GCOD MA LUS SEL BAR SHOG (,CES BDUN NAM, NYER GCIG GAM, BRGYA STONG SOGS 'DON, MJUG TU,) DGE BA 'DI YIS TSE RABS KUN TU BDAG ,RGYAL BA'I DAM CHOS MA LUS 'DZIN PA DANG, ,DE YI 'GAL RKYEN SEL ZHING MTHUN RKYEN KUN, ,MYUR MDZAD MGON POS GA-YEL MED 'GRUB GYUR CIG ,KHYAD PAR DU YANG SKYE BA'I PHRENG BA RU, ,BLA MA MCHOG GIS 'BRAL MED RJES 'DZIN ZHING, ,NGES 'BYUNG BYANG
SEMS YANG DAG LTA BA SOGS, ,RNAM DGE LAM BZANG MNGON DU 'GYUR BAR SHOG ,'DI SNANG 'GAG TSE BLA MA MGON PO YIS, ,'JIGS RUNG BAR DO'I GA-YANG SA LAS BSGRAL TE, ,ZHING MCHOG BDE BA CAN DANG PO TA LAR, ,SKYES NAS SKU GSUM GO 'PHANG MYUR THOB SHOG (,CES SOGS BSNGO SMON BYA ZHING, BLA MA MGON PO'I SPYI BO NAS MAR PHEBS TE DE'I THUGS KAR BZHUGS, MGON PO YANG RANG GI SPYI BO NAS DBYA MA'I LAM BRGYUD DE SNYING GAR BYON NAS BZHUGS PAR BSAMS LA RGYUN DU BLA MA LHA'I SNANG BA DANG MA BRAL BA'I SGO NAS GSOL BA 'DEBS PA DANG, CI ZA CI 'THUNG GI PUD KYIS MCHOD BA, BYA BYED KUN LA DE NYID DPANG POR BZHUGS TE RLANG? DOR TSUL BZHIN BYED PA SOGS TSOGS GSAG SGRIB SBYONG LA 'BAD PAR BYA'O, ,ZHES BLA MGON DBYER MED KYI RNAL 'BYOR RGYUN 'KHYER DU BYA BA 'DI NI DAD BRTZON BLO GROS MCHOG DANG LDAN PA KHYOM TZA RAB 'BYAMS PA 'JIGS MED TSUL KHRIMS KYIS BSKUL BA'I NGOR 7 BTZUN PA DKON MCHOG BSTAN PA'I SGRON MES DU TSANG LHUN GRUB GLING DU BRIS PA'O, ,`BLA MGON DBYER MED KYI RNAL 'BYOR NYAMS SU LEN TSUL BZHUGS SO, ,*, ,'DIR BLA MGON DBYER YED KYI RNAL 'BYOR NYAMS SU LEN PAR 'DOD PAS SKYABS SEMS SNGON DU BTANG LA,) RANG GI SPYI BOR PAD NYI TSOGS BDAG STENG; ;MYUR MDZAD SPYAN RAS GZIGS DBANG THUGS RJE'I GTER, ,SKU MDOG MTHING NAG SRIN PO KHROS PA'I GZUGS, ,ZHAL GCIG PHYAG DRUG SPYAN BGRAD MCHE BA GTZIGS, ,GA-YAS NA GRI GUG THOD PHRENG d'A MA RU, ,GA-YON GYIS THOD KHRAG RTZE GSUM ZHAGS PA 'DZIN, ,THOD SKAM DBU RGYAN MGO RLON PHRENG BA 'PHYANG, ,SBRUL GYI RGYAN SPRAS STAG LPAGS SHAM THABS GSOL, ,BRKYANG BSKUM GAR GYIS 'GYING BA'I SPYI BO RU, ,SKYABS GSUM KUN 'DUS BLA MA RDO RJE
, ,'CHANG, ,GSER MDOG PHYAG GNYIS RIN CHEN DRIL BU BSNAMS, ,NOR BU'I RGYAN SPRAS SKYIL KRUNG TSUL GYIS BZHUGS, ,GNYIS KA'I GNAS GSUM YI GE GSUM MTSAN PA'I, ,H'Um YIG 'OD KYIS DNGOS BRGYUD BLA MA DANG, ,PHYOGS BCUR BZHUGS PA'I SKYABS GNAS MA LUS PA, ,BSDUS TE DRIN CAN RTZA BA'I BLA MAR THIM, ,BLA MA'I THUGS KA'I 'OD ZER SER PO DANG, ,MGON PO'I THUGS KA'I 'OD ZER SNGON PO'I TSOGS, , PHAN TSUN 'DRES BA 'OD DANG BDE BA'I DANG, THUGS RJE MTHU STOBS DBYER MED BDAG NYID GYUR, ,NA MO BUD DH'A YA, NA MO GU RU HE, BADZRA B'I RA B'I RE nA SHRI YE, d'A KA d'A KI NI, DZO KA DZO KI NI, SARBA BUD DH'A YA, BO DHI SATVA SH'A RA nAm GATZTSA MI KYEE, (ZHES LAN GSUM,) BLA MA YI DAM DKON MCHOG RIN CHEN GSUM, ,MKHA' 'GRO BSTAN SRUNG THAMS CAD 'DUS BA'I DNGOS, ,'DI PHYI'I RGUD PA'I MUN SEL SGRON ME MCHOG ,BSLU MED SKYABS KYI DAM PAR GSOL BA 'DEBS, ,DUS 'DI NAS BZUNG BYANG CHUB SNYING PO'I BAR, ,'DI PHYI BAR DO'I GNAS SKABS GANG DU YANG, ,KHYOD MIN RE BA'I SKYABS GZHAN MA MCHIS PAS, ,'BRAL MED THUGS RJE'I PHYAG GIS BZUNG DU GSOL, ,PHYI ROL GDON BGEGS NYER 'TSE BSAL DU GSOL, ,NYON MONGS KUN RTOG RGYU BA BCAD DU GSOL, ,SKYE SHI BAR DO'I 'PHRANG LAS BSGRAL DU GSOL, ,MI KHO MA NGAN SONG SKYE BA'I SGO BKAG STE, ,ZHING MCHOG BDE BA CAN DER DRANG DU GSOL, ,SHUGS DRAG SNYING RJE CHEN PO'I
DBANG GYUR TE, ,NAM MKHA'I MTHAS GTUGS MA RGAN 'GRO BA RNAMS, ,SGROL BA'I MTHU DANG LDAN PAR BYIN GYIS RLOBS, (,ZHES BRJOD CING DE DAG GI DON DRAN BZHIN PA'I SGO NAS,) BLA MA MGON PO DBYER MED LA, ,BDAG NI GUS PAS SKYABS SU MCHI, , BDAG GIS SEMS CAN THAMS CAD KYI, ,NYON MONGS MA LUS SEL BAR SHOG ,MGON PO BLA MA DBYER MED LA, ,BDAG NI GUS PAS SKYABS SU MCHI, ,BDAG GIS SEMS CAN THAMS CAD KYI, ,BAR CHAD MA LUS SEL BAR SHOG (,CES BA'I GSOL 'DEBS LAN BRGYA RTZA SOGS BYA, ,DE NAS,) SPYI BO'I MGON PO DBU MA'I LAM BRGYUD DE, ,SNYING GAR BZHUGS SHING DE YI 'DAB MA RNAMS, ,ZUM PA'I RTZE MOR RTZA BRGYUD BLA MA'I DNGOS, ,'OD 'BAR GSER GYI RDO RJES MTSAN PAR GYUR, ,DGE BA 'DI YIS TSE RABS KUN TU BDAG ,RGYAL BA'I DAM CHOS MA LUS 'DZIN PA DANG, ,DE YI 'GAL RKYEN SEL ZHING MTHUN RKYEN KUN, ,MYUR MDZAD MGON POS GA-YEL MED BSGRUB GYUR CIG (,CES SOGS BSNGO SMON GYIS MTSAMS SBYAR BAR BYA'O,, ZHES PA 'DI YANG DAD BRTZON BLO DANG LDAN PA DGE SLONG BLO BZANG DAR RGYAS KYIS BSKUL NGOR, 7 BTZUN PA DKON MCHOG BSTAN PA'I SGRON MES BRIS PA'O, ,